Ngb-pt-0771-vol-08-text
Front
Body
རྒྱ་གར་སྐད་དུ། སམྲཐཁགརྐསམཐ། བོད་སྐད་དུ། སྲོག་ཐིག་ནག་པོའི་རྒྱུད་ཅེས་བྱ་བ། རྡོ་རྗེ་ཧེ་རུ་ཀ་ལ་ཕྱག་འཚལ་ལོ། །འདི་སྐབས་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཧེ་རུ་ཀ་ཆོས་ཀྱི་དབྱིངས་ཀྱི་རང་བཞིན་ལ་བཞེངས་ཏེ། ལོག་འདྲེན་ཅན་འདུལ་བའི་ཕྱིར། བྱིན་གྱི་རླབས་ཀྱི་སྔགས་འདི་གསུངས་སོ། ཧཱུཾ༷་ཀྟན་ཏྲག་རག་ཤ་ཁ་མུན་ཏྲ་བཛྲ་རུ་ནི་སྨྱོ། ཞེས་གསུངས་པས། འཇིག་རྟེན་པའི་དྲེགས་པ་ཅན་ཐམས་ཅད་ཤིང་རྩ་བ་ནས་བཅད་པ་བཞིན་དུ་བརྒྱལ་ལོ། །དེའི་ཚེ་དེའི་དུས་རི་རབ་ཀྱི་བྱང་ཤར་ན་གནས་པའི་སྲོག་གིབདུད་མོ་ཨེ་ཀ་ཛ་ཏི་མ་ཞེས་བྱ་བ་བཅོམ་ལྡན་འདས་ཀྱི་སྤྱན་སྔར་ག་ལ་བ་དེར་འོངས་ཏེམོས་པའི་ཚུལ་དུ་གནས་སོ། །དེའི་མིང་པོ་སྲོག་བདག་རྒྱལ་བ་སྦྱན་གཅིག་པ་ཞེས་བྱ་བ་ཡང་། མོས་ཤིང་སྤྲིང་དེ་གནས་སོ། །སྲོག་ཐིག་ནག་པོའི་རྒྱུད་ལས་གླེང་གཞི་གླེང་བསླང་པའི་ལེའུ་སྟེ་དང་པོའོ། །དེ་ཕྱིར་བརྒྱལ་བ་སངས་ཏེ། འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གི་རིག་པ་འདི་བཞེས་སུ་གསོལ། སྒག་རག་ཤ་ཁ་མུན་ཏྲ། མུ་རུ་ལུ་རུ་ལུ་ཧཱུཾ༷་སྨྱོ་ཧཱུཾ༷། རག་མོ་ཏེ་ཀེ་མ་མ་ཛ་ཁ་ལ་མ་ཧི་སྨྱོ། རུ་ལུ་རུ་ལུ་མ་ཧྲེང་སྨྱོ། ཨོ་བཛྲ་གིང་རྩ་ར་ཡ་མང་་་་སྨྱོ། ཞེས་རང་རྟགས་སྲོག་གི་སྙིང་པོ་མདོང་གསོལ་དུ་ཕུལ་ནས། སྔགས་ཀྱི་བསྲུང་མར་དབང་བསྐུར་རོ། །སྲོག་སྙིང་ཕུལ་པའི་ལེསླུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ཁྱེད་མིང་སྲིང་གི་གནས་ནི་གང་ཡིན། མིང་ནི་ཇི་སྐད་ཡིན། དམ་རྫས་ཅི་ལ་བརྟེན་ཞེས་གསུངས་པས། འདི་སྐད་ཅེས་གསོལ་ཏོ། །བདག་ཅག་གི་གནས་ནི་མི་མཐུན་ཏེ།མིང་པོའི་གནས་ནི་རི་རབ་ཀྱི་རྩ་་། དཔག་བསམ་གྱི་ཤིང་གི་སྐེད་པ་ན། དུང་ཁང་གསེར་གྱི་ཁ་བད་ཅན་ན་གནས་སོ། །སྲིང་མོ་ནི་རི་རབ་ཀྱི་བྱང་ཤར་ན་གནས་སོ། །སྲིང་མོའི་མིང་ནི་ཨ་ཀ་ཛ་ཏི་མ་ཞེས་བྱའོ། །མིང་པོའི་མིང་ནི་སྲིད་པ་སྲོག་གི་བདག་པོ་ཞེས་བྱའོ། སྲིང་མོ་རྟེན་པའི་རྫས་ནི་ཁྱད་པར་གྱི་གཏོར་མ། བྱ་ལུག་སྨུག་ནག་ཛ་གད་དང་བདུད་རྩིའོ། མིང་པོའི་དམ་རྫས་ནི་བྱང་དཀར་མོའི་སྙིང་དང་སྨྱུག་མ་ཚིགས་ལྔ་པ་ལ་དར་གྱི་རྒྱལ་མཚན་ལྔ་གདགས། རྩེ་ལ་ནམ་མཁའ་དཀར་པོ་ལ་བྱ་རྒོད་ཀྱི་སྐྲུས་བརྒྱན། རྩེ་ལ་སྲོག་སྙིང་བཏགས་ཏེ་བཞག །དེའི་དྲུང་དུ་གསང་བའི་ལིང་ག་བཞག དྲིས་དང་ལན་གྱི་ལེའུ་གསུམ་པའོ།། །།ཡང་བཀའ་སྩལ་བ། ཁྱོད་ཀྱི་དཀྱིལ་འཁོར་ཇི་ལྟར་ཡིན་ཞེས་པས། ཡང་འདི་སྐད་ཅེས་གསོལ་ཏོ། །དབུས་སུ་གྲུ་གསུམ་མཐིང་ནག་གྲུབ་གསུམ་དབྱིབས། སུམ་བརྩེགས་དག་ཏུ་བྲི་བར་བྱ། །ཟླ་གམ་གསུམནི་དམར་པོ་བྱ། །ཐོད་འཕྲེང་གནག་ལ་གྲུ་ཆད་ལྗང་། །སྒོ་བཞི་སྒོ་ཁྱམས་གནག་ལ་མི་སྲིད་རྫས། །ཞེས་གསུངས་སོ། དཀྱིལ་འཁོར་ལེའུ་བཞི་པའོ།། །།དེ་ནས་ཡང་དག་བཤད་བྱ་བ། །དྲག་པོའི་རྫས་སུ་བྱ་བ་ནི། །བྱང་ཕྱོགས་གྲུབ་གསུམ་ཟླ་གམ་ལ། །དམ་ཉམས་དགྲ་བོའི་བླ་རྡོ་ནི། །འཁར་རྐོངས་སྲིན་ཅན་གསུམ་གཞག་ལ། །སྟེང་དུ་མོའི་བླ་རྡོ་ནི། །རྣོལ་གྲི་མོ་ཡི་ཐོད་པ་གཞག །དེ་ནང་ཁྲགས་སྣ་རྣམས་ཀྱིས་དགང་། །ལེ་བརྒན་རྒྱས་བཅིང་དར་ལམ་སྐར་ཁུང་བཏོད། །ཐུན་གྱི་དྲག་སྔགས་དེ་ལ་བསྟིམ། །བྱ་ཕོ་དཀར་པོའི་ཐོད་པ་སྲ བརྣག་པའི་མིང་རུས་སྲོག་སྔགས་བྲབ། །སྐྱེར་པའི་འགོ་ལིང་མཁར་པ་སྟེ། །ལིང་ག་བཏགས་ལ་དབུས་སུ་གཟུགས། །ཡུངས་ཀར་ཡུངས་ནག་སྐེ་ཚེ་ལ། །སྔགས་ཅིང་ལིང་ག་དག་ལ་བྲབ། །ཅེས་གསུངས་སོ། །དྲག་པོ་རྫས་ཀྱི་ལེའུ་སྟེ་ལྔ་པའོ།། །།དེ་ནས་ཡང་དག་བཤད་བྱ་བ། །ཡི་གེ་བཅུ་གསུམ་གནད་ཀྱི་ཙཀྲ་སྟེ། །ཕྱི་ནག་གསང་བ་གསུམ་དུའོ། ཧཱུཾ༷་སྒན་རག་ཤ་མུ་ཁ་མུན་ཏྲ་བཛྲ་རུ་ནི་སྨྱོ། ཕྱི་ལྟར་གནད་ལ་དབབ་པ་ནི། །མ་མོའི་གཟུགས་ལ་ཡི་གེ་བཅུ་གསུམ་འཁོར་ལོའི་བསྐོར། །ནང་ལྟར་གནད་ལ་དབབ་པ་ནི། །ཐོད་པའི་ནང་དུ་ཡི་གེ་བཅུ་གསུམ་བྲི། །གསང་བའི་གནད་ལ་དབབ་པ་ནི། །བདག་ཉིད་དཔལ་གྱི་ཐུགས་ཡི་གེ་བཅུ་གསུམ་པོ། །མ་མོའི་ཁོང་པ་འཁྲུག་པའོ། དེ་ནས་དོན་ཡོད་བྱ་བ་འདི་གསུངས་སོ། །ཏྲག་རག་ཤ་ཁ་མུན་ཏྲ། སྙིང་ཁ་རག་སྲོག་རྩ་རྦད་ཙསྟི་ལོང་། རག་ཏ་ཐུན་སྨྱོ་ཆུམ་ཐུམ་རི་ལི་ལི་རྦད། ཏྲག་རག་ཤ་བཛྲ་ཁ་ཆུང་ཐུམ་རི་ལི་ལི་རྦད་སྨྱོ། པྲ་ཏི་ས་མན་ཏ། སྨུག་པྲ་ཏི་ས་མན་ཙེ་ནི་ཁམ་མྱག་ཁུམ་ཁུམ་མྱག་མྱག་ཆོད་ཆོད། །གསང་པར་བྱ་བའི་འདི་གསུངས་སོ། །ཏྲག་རག་ཤ་མུ་ཏྲ་ཨེ་ཀ་ཛ་ཏི་ཡང་ཁ་ཏེ་ཁུམ་མར་ཡ་སད་ནི་སོད་ནི་ཤི་བཱ་ར་ཡ་རྦད། ཐུན་སྔགས་འདི་གསུངས་སོ། །མ་མ་སྙིང་ཁ་རག་མ་མ་སྙིང་ཁ་རག།མ་མ་རག་ཤ་མ་མ་རག་ཤ། །རག་མོ་སྙིང་ཁྲག་ལ་མ་དུན་དུན། །ཏྲག་རག་ས་ཡ་སྙིང་ལ་ཧེ་སྐ། མ་མ་རུ་ལུ་རུ་ལུ་སྨྱོ། ཁོག་སྦུབས་རོལ་ཅིང་། སྙིང་ཁྲག་ལ་ས་མ་ཡ་ད༷་ཛ་ཛ། སྙིང་རྩ་ཕྱུང་ཤིག །མ་མ་སྙིང་ཙིསྟ་་ལ་ཐུན། ཤི་ཏི་སྦ་སྙིང་ལ་ཡ་མ་སྨྱོ། མ་མ་ཤ་ཤ་མ་མ་ཧྲིང་ཧྲིང་མ་ས་མ་ཡ། དགྲ་བོ་མ་དེ་ར་ཡ་སོད། མ་རྩི་ཏ་ཛ་ལ་ར༷། སྙིང་རྩ་ལ་རོལ་ཅིག །ཧཱུཾ་རི་ལི་ལི་མ་ལས་མྱུར་དུ་མཛོད་ཅིག། སྙིང་གོང་གཅད་པའི།ཨོ་བཛྲ་དར་ལིག །ཨོ་བཛྲ་སྙིང་གོང་ཆོད་ཅིག །ཁ་ལ་ཛ་མུན་ད་ལོ་དུན་ཏིང་ད་ཡ་རྦད །ཁྲག་ཏིག་སྣར་མ་རྦད། བཛྲཙ་དུ་ཀྲི་ར་ཏི། ཏ་ཡ་བཛྲ་ཧཱུཾ། རྦད་དུ་རྦད་དུ། རྦད་བུ་རྦད་བུ། ད་ར་ཀ་ཡ་བསྟིམས། པི་སྟང་་མ་ཡ། ཞེས་གསུངས་སོ། །རང་ལ་མི་ཟློག་པའི་སྔགས། ར་ཙ་ཐུམས་ཡ་ཏི་རྦད། ནོར་ཕྱུགས་བུ་སྨད་བསྲུངས་པ་ནི། ཁྲཀྱ་ཐུབ་ཁང་ཀྲི་ནན།སློབ་དཔོན་ཉེ་འཁོར་བསྲུངས་པ་ནི། །ར་ཙ་ཏ་ཏི་ཕྲ་ཏི་ཏི་མན་སད་གཟས་པའི་བླ་སེམས་དགུག་པ་ནི། །ཨོ་བ༷་མྲ་ཏ་ཧ་དགྲ་བོ་ཕུར་བར་བྱ་བ་ནི། །པ་སུམ་ཏྲི་ཧ། ཧཱུཾ༷་བཛྲ་ཧ་ན་ཧ་ན་ཏི་ཏ་ཙ་ཀྲ་མ་ར་པྲ་ཧཱུཾ༷་ཕཊ། ཏི་ཡ་ར་ཧཱུཾ༷་ཕཊ། ལུ་སྲོག་དབྱེ་བ། ཨོ་བ༷་ཤེ་ཀ་བེ་ཤ༷། རུ་པ་ཤ་ག་ཐུ༷ མ་སྨྱོ། སྨྱོ་ཕྲོ༷་ན་སོད།བཛྲ་ཧ་ན་ཧ་ཏིབ་ཏ་ཙ་ཀྲ་མྱ་ར་ཡ་ཧཱུཾ༷་ཕཊ། དྲག་པོ་སྔགས་ཀྱི་ལེའུ་སྟེ་དྲུག་པའོ།། །།དེ་ནས་ཡང་དག་བཤད་བྱ་བ། །སྤྱིན་སྲེག་བྱ་བའི་ལ་དག་ནི། །དུག་ཤིང་དག་དང་གདུག་པའི་ཤིང་། །ཧོ་ཁུང་ཟུར་གསུམ་ནང་དུ་བསྲེག །ལིང་ག་ག་ས་པའི་དུམ་བུ་དང་། །མ་ས་རཀྟ་བཅས་པ་དབུལ། །ཧཱུཾ༷།རབ་ཏུ་མི་སྒྲུངས་ཤིན་ཏུ་ག་་པའི་སྐུ། །ཞལ་ནས་གདུག་པའི་མེ་བྱུང་སྲིད་གསུམ་སྲེག །རྐན་སྒྲ་བརྡབས་པས་བདུད་བཞི་བརྒྱལ་བར་མཛད། །དམ་ཉམས་ཤ་རུ་བཅས་པ་རོལ་ཅིག་ཁ་རམ་ཁུ་ཧི། །སྒག་རག་ཤ་ཁ་མུན་ཏྲ་མུ་རམ་སུ་ཡམ་པི་རི་ཤག་བྲ་བེ་ཤ་ཕཊ། །སྒག་རག་ཤ་ས་མ་ཡ་དུན་སྨྱོ། །སྙིང་སྙིང་ཁྲག་ཁྲག་ཤ་ལ་དུན་སྨྱོ། །མ་ཏ་ཏི་སྟ་ཛུ་ལ་རམ། །མ་མ་་ཨེ་ཀ་ཛ་ཏིའི་ཞལ་དུ་ཁུ་ཧི་ཁུ་ཧི། སྤྱིན་སྲེག་གི་ལེའུ་སྟེ་བདུན་པའོ། །དེ་ནས་བསྐུལ་ཏེ། །ཧཱུཾ༷། མི་མངོན་མཁའ་དབྱངས་ཕོ་བྲང་ནས། །སྔགས་ཀྱི་སྲུངས་མ་མཐུ་མོ་ཆེ། ཨེ་ཀ་ཛ་ཏི་གསང་བའི་ཡུམ་ཅིག་མ། །སྐུ་མདོག་མཐིང་ནག་འབར་པ་ལ། །གཡུ་ཡི་རལ་པ་ཐོར་ཚུགས་གཅིག་ཏུ་བཅིངས། །མཛེས་པ་གཡུ་ཡི་སྨིན་མ་ཁྱུག་སེ་ཁྱུགས། །ཁྲག་གི་མཆི་མ་ཤ་ར་ར། བསེ་ཡི་སེན་མོ་ཟངས་སེ་ཟངས། །དུང་གི་མཆེ་བ་ཐམས་སེ་ཐམས། །གཡས་ཀྱི་ཕྱག་ན་ཞེ་སྡང་ཙིསྟ་དགུ་བརྒྱ་བསྣམས། །གཡོན་གྱི་ཕྱག་ན་གཡུའི་སྤྱང་མོ་དགུ་འབུམ་བསྣམས། །བ་སྤུ་ལྕགས་ཀྱུ་རྩེ་དགུ་ཡིས། །དགྲ་བོ་འཛིན་ཤེས་གཏོང་མི་ཤེས། །བཅོལ་པའི་འཕྲིན་ལས་དུས་ལ་དབབ། །ཅེས་གསུངས་སོ། །ཕོ་གནད་ལ་དབབ་པ་འདི་གསུངས་སོ། །སྟེ་ཕྱོགས་རྣམ་དག་འཕྲུལ་གྱི་གཞལ་ཡས་ནས། །འགྲོ་བའི་དོན་ཕྱིར་རྒྱུད་དྲུག་གནས་སུ་གཤེགས། །གདུལ་པ་འདུལ་མཛད་འཕྲོས་པའི་ཚུལ་སྟོན་ཅིང་། །ཐུགས་རྗེའི་ངང་ཉིད་སྣང་སྲིད་མཐའ་ལ་གཟིགས། །ཀུན་རྫོབ་དོན་དུ་ཞིང་ལྤགས་གཡང་གཞི་གསོལ། །ཞེ་སྡང་སྦྲུལ་གྱི་ཆུན་པོ་དབུ་ལ་བཅིངས་། རུ་དཔོན་ཚུལ་དུ་སྟག་གི་རྒྱལ་མཚན་བསྣམས། །འཇིགས་པའི་ཚུལ་དུ་བེར་སྨུག་དགུ་བརྩེགས་གསོལ། །རྔམ་པའི་ཚུལ་དུ་ཞལ་གདངས་ཧ་ཧར་བཞད། །ཁྲོས་པའི་ཚུལ་སྟོན་སྡང་མིག་ཕྱོགས་བཅུར་བགྲད། །ཟ་བྱེད་རྔམ་པའི་རྟགས་སུ་སྟག་གི་རྒྱལ་མཚན་བསྣམས། །ཞི་བའི་ངང་ལས་མི་བཟད་ཁྲོ་ཚུལ་ཅན། །ཨག་ཚོམ་ཁམ་ནག་བསྐལ་བའི་མི་ལྟར་འབར། །དབུ་སྐྲ་ཁམ་ནག་གྱེན་དུ་འཁྱིལ་བ་ཡི། །ཉི་ཟླ་ཐོད་འཕྲེང་ཅན་ཡང་དབང་དུ་སྡུད། །ཞབས་གཉིས་བརྐྱང་བསྐུམ་ཚུལ་དུ་བཞུགས་པ་ནི། །ཀླུ་ཡི་རྒྱལ་པོའི་ཁམས་ཀུན་དབང་དུ་སྡུད། ཕྱག་མཚན་ཞིང་གི་དབྱུག་ཏོ་འཕྱར་བ་ཡིས། །ལོག་པར་ལྟ་བའི་དགྲ་བགེགས་རྡུལ་དུ་རློག །ཅེས་གསུངས་སོ། །འཕྲིན་ལས་བསྐུལ་བའི་ལེའུ་སྟེ་བརྒྱད་པའོ།། །།དེ་ནས་དམ་ཚིག་ཆེད་དུ་བརྗོད་པ་འདི་གསུངས་སོ། །ཁྱི་དང་བུད་མེད་བརྟེན་མི་བྱ། །མཆོག་ཏུ་སྲོག་གི་དམ་ཚིག་གཅེས། །ཁྱད་པར་དོར་ན་མཆོག་ཏུ་ཉམ། །འདོད་ཆགས་བྱ་ལ་རྫས་མི་བསྟན། །རྫས་ཀྱིས་དུས་དང་རྟག་ཏུ་མཆོད། །སྲོག་གི་སྙིང་པོ་རྒྱུན་ཏུ་གྲངས། །ལས་ལ་སྦྱོར་ན་མི་དང་འཕྲད་པ་སྤང་། །མཆོག་ཏུ་སྤྱི་ཡི་དམ་ཚིག་གཅེས། །ཞེས་གསུངས་སོ། །སྲོག་ཐིག་ནག་པོའི་རྒྱུད་ལས། །བསྲུངས་པ་དམ་ཚིག་གི་ལེའུ་སྟེ་དགུ་པ་ནས་གཏད་པ་ཡོངས་སུ་མི་ནུབ་པ་འདི་གསུངས་སོ། །ཡག་ཤ་དམ་ཅན་ཁོང་སྙིང་དྲན་པ་འདི། །མ་འོངས་སྔགས་པ་དམ་མེད་ལ། །གསང་ཞིང་མཆོག་ཏུ་སྦ་བར་བྱ། །གལ་ཏེ་འདི་དག་བསྒྲགས་པ་ན། །ཉིད་ཀྱི་མཚང་ཚིག་བསྒྲགས་ཟེར་ནས། །ཆད་པ་སྔོན་དུ་གཅོད་པར་བྱེད། །དེ་ཕྱིར་མི་བསྟན་སྦ་བར་བྱ། ཞེས་གསུངས་སོ། །སྲོག་ཐིག་ནག་པོའི་རྒྱུད་ལས། །ཡོངས་སུ་གཏད་པའི་ལེའུ་སྟེ་བཅུ་པའོ།། །།སྲོག་ཐིག་ནག་པོའི་རྒྱུད། །གསང་པའི་དྲག་སྔགས་སྲུངས་ལྕམ་དྲལ་གྱི་མཚང་ཚིག །གདུག་པའི་མཚོན་ཆ་རྫོགས་སོ།྅།། །།དེ་ནས་ཡང་གསུངས་པ་གལ་ཏེ་རང་ངམ་འཁོར་ལ་གནོད་ཅིང་འཁུ་ལྡོག་བྱེད་པ་དང་། །རྟགས་བྱུང་ནས་ལས་བྱེད་དུ་མ་འདོད་ན། །གཅུན་སྔགས་བསྟན་ཏེ། མ་མ་ཨ་ཀ་ཛ་ཏི་ཡ། སྒག་རག་ཤ་ས་མ་ཡ། །སྲོག་འདུས་མ་མ་དགྲ་བོའི་སྙིང་རྦུད། སྲོག་དྲོལ་ད་ར་ཁུག་ལ་ཡ་ཕུབ་ཙིསྟ་་རྦད། །སྲོག་ཐུམ་རི་ལི་ལི་མ་སྦྱོ་ཛ། །འདི་མེད་ན་མོ་དབང་དུ་མི་འདུས་པས། །དེས་ན་ཐུགས་ལ་བརྣག་པར་བྱའོ། །ཞེས་གསུངས་སོ། །བསྐལ་པ་དུམ་བུར་ཕྱུང་པའི་ལེའུ་རྫོགས་སོ། ་ཁེརྒྱ་རྒྱ།། །།མ་མོའི་རྟགས་ནི་བུད་བཙས་བཟང་མོ་ཕྱག་འཚལ་བ་བཟང་ངོ། །བཙན་མོའི་རྫས་མོ་འམ་ཕར་ལ་ཕྱག་འཚལ་བ་བྱུང་ན་སྲོག་ཐིག་ནས་བྱུང་བའི་གཅུན་སྔགས་བཟླས། །མོན་མོར་བྱུང་ན་མ་ཉིད་དངོས། །སྐྱེས་པར་བྱུང་ན་དགྲ་ལ་མྱུར། །གསད་པའི་དུས་ན་རི་དགས་གསད་ཅིང་རྨི་ན་བཟང་། །ཐུན་ཁྲག་ཁོལ་བ་དང་། །དགྲའི་ཙིཉི་དངོས་སུ་འོང་། །ཙིསྟ་བྱུང་ན་ཞལ་དུ་རྔུབ་