BASIC METADATA
Title of Text
Title on Cover
Cover Title San
Cover Title San in Tib
Cover Title San in Lanydza
Title on Spine
Margin Title
Author of Text
Name of Collection (if applicable)
PUBLISHING
Publisher Name
Publisher Place
Publisher Date
IDs
ISBN (if applicable)
Library Call-number (if applicable)
Other ID number (if applicable)
Volume Letter (if applicable)
Volume Number (if applicable)
Pagination of Text
Pages Represented in this file
CREATION
Name of Agent Creating Etext
Date Process Begun
Date Process Finished
Place of Process
Method of Process (OCR, input)
PROOFING
Name of Proofreader
Date Proof Began
Date Proof Finished
Place of Proof
MARKUP
Name of Markup-er
Date Markup Began
Date Markup Finished
Place of Markup
CONVERSION
Name of Converter
Date Conversion Began
Date Conversion Finished
Place of Conversion
PROBLEMS

Front

Body

[358][358.3]པའོ། །པརྙི་ཏ་ཤིསིདྷ་དང་། ལོ་སྟོ་བ་བི་རོ་ཙ་ནས་གཏན་ལ་ཕབ་པའོ། །རིན་པོ་ཆེ་འཕགས་ལམ་བཀོད་པའི་རྒྱུད་རྫོགས་སོ།། །། རྒྱ་གར་སྐད་དུ། བཛྲ་ས་ཏྭ་ཨུ་གྭ་ཤཱརྙ་ས་མ་མ་ཧྭ་[358.4]ཏནྟྲ། བོད་སྐད་དུ། རྡོ་རྗེ་སེམས་དཔའ་ནམ་མཁའི་མཐའ་དང་མཉམ་པའི་རྒྱུད་ཆེན་པོ། དཔལ་རྡོ་རྗེ་སྙིང་པོ་ཡེ་ཤེས་གསང་བ་ལ་ཕྱག་འཚལ་ལོ། །འདི་སྐད་བཤད་པའི་དུས་གཅིག་ན། དེ་བཞིན་གཤེགས་པ་ཡང་[358.5]དག་པར་རྫོགས་པའི་སངས་རྒྱས་ལོངས་སྤྱོད་ཆེན་པོ་ནམ་མཁའི་མཐའ་ལྟར་རྟག་པར་བཞུགས་ཤིང་། སྐུ་དང་གསུང་དང་ཐུགས་རྡོ་རྗེ་ལྟ་བུར་གྱུར་པ། རྡོ་རྗེ་སེམས་དཔའ་ཀུན་དང་དབྱེར་མེད་པ། ལྷུན་གྱིས་གྲུབ་[358.6]པའི་དབང་ཕྱུག །ཉི་མ་སྟོང་ལྟར་བརྡལ་ཞིང་ལྷག་པའི་ཆེ་བ་དང་ལྡན་པ། ཐམས་ཅད་གཅིག་གི་ངོ་བོར་གྱུར་པ། གང་དང་ཡང་ཐ་མི་དད་པ་ཆེན་པོ་དུས་གསུམ་གྱི་སངས་རྒྱས་ཐམས་ཅད་འདུས་པའི་དཔལ་རྡོ་རྗེ་[359][359.1]སེམས་དཔའ། འོག་མིན་གྱི་གནས་ཆོས་ཀྱི་དབྱིངས་སྒྲོ་སྐུར་དང་བྲལ་བ། རིག་པའི་ཡེ་ཤེས་འབར་བའི་གཞལ་ཡས་ཁང་། མཐའ་དང་དབུས་མེད་པར་ནམ་མཁའི་དབྱིངས་དང་མཉམ་པ། ཡེ་ཤེས་[359.2]གསང་བའི་ཡང་གསང་བ། ཀུན་ཏུ་ཁྱབ་གདལ་ཆེན་པོ། ཚད་དང་རྒྱ་དཔག་ཏུ་མེད་པ། ཟབ་ཅིང་ཕྲ་ལ་རྟོགས་པར་དཀའ་བའི་རང་བཞིན་ཐུག་པ་མེད་ཅིང་། ཟད་འཕེལ་མེད་པ་ནམ་མཁའི་མཐའ་དང་མཉམ་པའི་[359.3]རྒྱན་རབ་འབྱམས་དཔག་ཏུ་མེད་པས་བརྒྱན་པ་ན། རྫོགས་པ་ཆེན་པོ་བཅོམ་ལྡན་འདས་བཞུགས་ཏེ། རང་བཞིན་ངོ་བོའི་འཁོར་དང་། རང་བཞིན་ལ་རྗེས་སུ་ལྟ་བའི་འཁོར་དང་། རང་བཞིན་མངོན་དུ་ཐོབ་པའི་[359.4]འཁོར་ལ་འདི་ལྟ་སྟེ། ས་དང་། ཆུ་དང་། མེ་དང་། རླུ་་དང་། ནམ་མཁའ་དང་། འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ལ་སྩོགས་པ་དང་། ཡོངས་སུ་རྣལ་འབྱོར་དང་། རྣལ་[359.5]འབྱོར་ཆེན་པོ་དང་། རྗེས་སུ་རྣལ་འབྱོར་དང་། ཤིན་ཏུ་རྣལ་འབྱོར་ལ་སྩོགས་པ་ཐམས་ཅད་དང་། ཕྱོགས་བཅུའི་འདས་པ་དང་། མ་བྱོན་པ་དང་། ད་ལྟར་བཞུགས་པའི་སངས་རྒྱས་ཆོས་ཀྱི་སྐུ་དང་། ལོངས་སྤྱོད་[359.6]རྫོགས་པའི་སྐུ་དང་། སྤྲུལ་པའི་སྐུ་མཐའ་ཡས་པ་དང་། ཐབས་ཅིག་ཏུ་བཞུགས་སོ། དེ་ནས་ལྷའི་དབང་པོས། ཕྱོགས་བཅུའི་རྒྱལ་བ་ཐམས་ཅད་ལ་འདི་སྐད་ཅེས་གསོལ་ཏོ། །ཀྱེ་དུས་གསུམ་གཤེགས་པའི་རྒྱལ་བ་[360][360.1]ཡིས། ཀུན་གྱི་འདོད་པ་བསྐང་ཞེས་པ། །རྩོལ་བྱས་ཐེག་པ་མཐར་སྟོན་ནས། །རྩོལ་མེད་འདུལ་བའི་རྣལ་འབྱོར་ལ། །ཅིག་ཆར་ཐེག་པ་གསུང་དུ་གསོལ། །ཞེས་གསོལ་པས། །ཕྱོགས་བརྩི་སངས་རྒྱས་ཐམས་ཅད་[360.2]ཀྱིས་སེམས་དཔའ་ཆེན་པོ་རྡོ་རྗེ་ལ་འདི་སྐད་ཅེས་གསུངས་སོ། །ཀྱེ་མ་རྡོ་རྗེ་སེམས་དཔའ་ཆེ། །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་རྡོ་རྗེ་ཅན། །ཁྱོད་ནི་རྒྱལ་བ་ཀུན་གྱི་རྗེ། །རང་བཞིན་མ་[360.3]བཅོས་ཐུགས་རྗེ་ཡིས། །བྱ་བྲལ་རྫོགས་ལུང་བཤད་དུ་གསོལ། །ཞེས་གསུངས་པ་དང་། དེ་ནས་དཔལ་རྡོ་རྗེ་སེམས་དཔའི་ཆོས་ཀྱི་དབྱིངས་ལས་ཡེ་ཤེས་སྤྲུལ་པའི་རྡོ་རྗེ་སེམས་དཔའ་གཅིག་བྱུང་སྟེ། རྡོ་རྗེ་རྩེ་ལྔ་པ་[360.4]ཡིས་དབང་བསྐུར་ཏེ། །འདི་སྐད་ཅེས་གསུངས་སོ། །དུས་གསུམ་སངས་རྒྱས་ཐམས་ཅད་ཀྱི། །གསང་བའི་འཁོར་ལོའི་གཏེར་འཛིན་ཅིང་། །སྐུ་གསུང་ཐུགས་ཀྱི་གསང་བ་འཆང་། ཁྱོད་ནི་སྨྲ་བའི་སེང་གེ་སྟེ། །རྩོལ་[360.5]མེད་འདུལ་བའི་གང་ཟག་ལ། །ལྷུན་གྲུབ་ཐེག་པ་གསུང་དུ་གསོལ། །ཞེས་གསོལ་པ་དང་། དེ་ནས་སེམས་དཔའ་རྡོ་རྗེས་འདི་སྐད་ཅེས་གསུངས་སོ། །གསང་སྔགས་རྡོ་རྗེ་ནམ་མཁའ་ཆེ། །ཚིག་གི་སྤྱོད་ཡུལ་མ་ཡིན་[360.6]པས། །བརྗོད་པས་རྟོགས་པར་མི་ནུས་ཏེ། །འདི་ཞེས་འགྲོ་བར་རབ་ཏུ་དཀའ། །འོན་ཀྱང་དམ་བཅས་བསྐོར་བ་དང་། །སངས་རྒྱས་ཐུགས་རྗེའི་བྱིན་རླབས་ཀྱིས། །བརྡ་དོན་སྤྲད་ལ་རྟོགས་བྱའི་ཕྱིར། །ཚིག་གི་སྒོ་[361][361.1]ནས་དགྲོལ་བར་བྱ། །ཞེས་གསུངས་སོ། །དེ་ནས་རྡོ་རྗེ་སེམས་དཔའ་ཤར་ཕྱོགས་ཀྱི་འཇིག་རྟེན་གྱི་ཁམས་མངོན་པར་དགའ་བ་ཞེས་བྱ་བ་ན་དེ་བཞིན་གཤེགས་པ་མི་བསྐྱོད་པ་ཞེས་བྱ་བ་རང་གི་[361.2]འཁོར་ལ་རྩོལ་མེད་སེམས་ཀྱི་དོན་རྒྱ་ཆེར་གསུངས་པ་ལ་འདི་སྐད་ཅེས་ཞུས་སོ། །སེམས་ཉིད་རང་བྱུང་རྡོ་རྗེ་ལ། །སྐྱེ་ཤི་འདུ་འབྲལ་ཇི་ལྟར་བྱུང་། །ཞེས་གསོལ་པ་དང་། །དེ་བཞིན་གཤེགས་པ་མི་བསྐྱོད་པས་འདི་[361.3]སྐད་ཅེས་གསུངས་སོ། །སེམས་ཉིད་རང་བྱུང་རྡོ་རྗེ་ལ། །མ་སྐྱེས་པས་ན་འཇིག་པ་མེད། །འདུ་འབྲལ་མཁའ་ལྟར་དག་པ་ཡི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་སེམས་དཔའ་རྡོ་རྗེས་[361.4]དཔལ་དང་ལྡན་པ་ཞེས་བྱ་བ་ལྷོ་ཕྱོགས་ཀྱི་འཇིག་རྟེན་ན། །དེ་བཞིན་གཤེགས་པ་རིན་པོ་ཆེ་མངོན་པར་མཐོ་བ་ལ་འདི་སྐད་ཅེས་གསོལ་ཏོ། །རྒྱལ་བ་རང་བྱུང་དངོས་མེད་ཀྱིས། །དཔག་མེད་བསམ་པ་ཇི་ལྟར་[361.5]བསྐང་། །ཞེས་གསོལ་པ་ལས། །དེ་བཞིན་གཤེགས་པ་མངོན་པར་མཐོ་བས་འདི་སྐད་ཅེས་གསུངས་སོ། །ཇི་ལྟར་ཉི་ཟེར་ནོར་བུ་ལྟར། །མ་བསགས་གདོད་ནས་ལྷུན་གྱིས་རྫོགས། །འགྲོ་འོང་མེད་པར་ཀུན་ཁྱབ་[361.6]པས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་སེམས་དཔའ་རྡོ་རྗེ་དེས་ནུབ་ཕྱོགས་ཀྱི་འཇིག་རྟེན་པདྨའི་ཕུང་པོ་ཞེས་བྱ་བ་ན། །སངས་རྒྱས་པདྨ་ཆགས་པ་མེད་པ་ལ་འདི་སྐད་ཅེས་གསོལ་[362][362.1]ཏོ། །རང་བྱུང་དག་པའི་སྙིང་པོ་ལ། །ལས་དང་བག་ཆགས་གོས་མི་གོས། །ཞེས་གསོལ་པ་དང་། །དེ་བཞིན་གཤེགས་པས་འདི་སྐད་ཅེས་གསུངས་སོ། །རང་བྱུང་ཡེ་ཤེས་ཀ་དག་པས། །པདྨ་ལ་ནི་འདམ་བཞིན་[362.2]དུ། །མཚམས་མེད་ལྔ་ཡི་བག་ཆགས་དག །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་སེམས་དཔའ་རྡོ་རྗེས་བྱང་ཕྱོགས་ཐམས་ཅད་གྲུབ་པ་ཞེས་བྱ་བའི་འཇིག་རྟེན་ན། །དེ་བཞིན་གཤེགས་[362.3]པ་ཐམས་ཅད་གྲུབ་པ་ལ་འདི་སྐད་ཅེས་གསོལ་ཏོ། །བྱར་མེད་ལྷུན་རྫོགས་ཕྲིན་ལས་ལ། །འགྲོ་དོན་ཕྲིན་ལས་ཇི་ལྟར་མཛད། །ཅེས་གསོལ་པས། །དེ་བཞིན་གཤེགས་པ་དེས་འདི་སྐད་ཅེས་གསུངས་སོ། །རྩོལ་མེད་[362.4]ལྷུན་གྲུབ་བྱིན་རླབས་ལས། །མཛད་པའི་བྱིན་རླབས་ཕྱོགས་བཅུར་བརྡལ། །ཕྱོགས་རིས་མི་མངའ་ཡོངས་ཀྱི་གཏེར། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་སེམས་དཔའ་རྡོ་རྗེས་དེ་བཞིན་[362.5]གཤེགས་པ་རྣམ་པར་སྣང་མཛད་ལ་འདི་སྐད་ཅེས་གསོལ་ཏོ། །སེམས་ཉིད་རིན་ཆེན་འཕྲུལ་གྱི་སྒོ། །རྟོགས་པར་འདོད་ན་ཇི་ལྟར་བལྟ། །ཞེས་གསོལ་པས། །དེ་བཞིན་གཤེགས་པ་རྣམ་པར་སྣང་མཛད་ཀྱིས་འདི་[362.6]སྐད་ཅེས་གསུངས་སོ། །འཕྲུལ་གྱི་སྐྱེས་བུའིཚུལབཞིནདུ། །གཅིགརྟོགསཀུན་ཀྱང་དེ་འདྲ་བ། །མ་བཅོས་བྱང་ཆུབ་སྙིང་པོ་ལ། །ཕྱོགས་སུ་བལྟས་པས་མཐོང་མི་འགྱུར། །ཞེས་གསུངས་སོ། །དེ་ནས་འདོད་[363][363.1]ཁམས་ཐ་མ་མྲ །མིང་གསུམ་ལྡན་པའི་སྐྱེས་བུ་ལ། །ལྟས་གསུམ་ལྡན་ཕྱིར་བསྐུལ་པའི་མཐུས། །ཐུགས་རྗེ་སེམས་དཔའི་བྱིན་བརླབས་ཀྱིས། །འོད་ལྔ་ལྡན་པའི་སྐུ་བསྟན་ཏེ། །ཆོས་ཀྱི་འཁོར་ལོའ་[363.2]གདན་སྟེངས་སུ། །རིན་ཆེན་འབར་བའི་བསིལ་བཀབ་ནས། །རྡོ་རྗེ་སེམས་དཔས་མ་བརྗོད་གསུངས། །དེ་ནས་སྐྱེས་བུ་རྒྱལ་སྲས་དེས། །རིག་པ་གདེང་གི་དོན་རྟོགས་ནས། །དེ་ཚེ་དེ་ཡི་དུས་ཉིད་དུ། །དུས་མཐའི་[363.3]སྐད་ཅིག་ཉིད་ལ་ནི། །ཀློང་དགུ་བམ་པོ་ཉི་ཁྲི་ཉིད། །སྐལ་ལྡན་ལྷ་གནས་གྲགས་པར་གྱུར། །དེ་ནས་ཐུགས་རྗེའི་བྱིན་བརླབས་ཀྱིས། །དྷ་ན་ཀོ་ཤ་གླིང་གི་ཕུག །ལྷ་མོ་སེམས་དགའ་རྡོ་རྗེ་ཅན། །སྤྲུལ་པའི་འདབ་[363.4]ཆགས་ཕྲ་མེན་ལུས། །བྱིན་བརླབས་ཡེ་ཤེས་ཐུགས་མཚན་ལས། །ཡ་མཚན་སྤྲུལ་པའི་ཆ་འཛིན་ཅིང་། །སྟོང་ཉིད་རྩོལ་མེད་སྒྲོགས་གྱུར་པས། །ཡང་སྤྲུལ་སྐལ་ལྡན་སྲས་བདུན་ལ། །རྒྱལ་ཐབས་སྤྱི་བླུགས་དབང་[363.5]བསྐུར་ནས། །ཐོབ་མེད་བྱང་ཆུབ་སེམས་དང་ཕྲད། །གསང་བའི་འཁོར་ལོ་རིག་པའི་གཏེར། །བརྡ་སྤྲད་ཚོགས་མེད་དོན་པོ་ཆེ། །མ་བཙལ་རང་བཞིན་བཞག་པས་འགྲུབ། །དཔག་ཏུ་མེད་པའི་རྒྱལ་པོ་ཡིས། །ཕུན་[363.6]སུམ་ཚོགས་པ་ཀུན་བསྡུས་ནས། །བསྟན་པ་བསམ་ཡས་གསུངས་པ་ཡང་། །ཀློང་དགུའི་ནང་དུ་མ་འདུས་མེད། །སྐལ་ལྡན་ཐུགས་རྗེ་སེམས་དཔའཡིས། །དུསགཅིགཉིདལརྟོགས་པའི་ལུང་། །རྡོ་རྗེ་ནམ་མཁའ་[364][364.1]དཀྱིལ་བོ་ཆེ། །མཐའ་དབུས་སྤྲོས་པ་རྣམ་པར་བཅད། །སྒྲོན་མེ་ཡེ་ཤེས་འཁོར་ལོ་ཅན། །སྐུར་མེད་རང་གསལ་བརྗོད་དང་བྲལ། །དགོངས་པ་ནམ་མཁའི་མཐའ་མཉམ་པ། །མཚན་མའི་སྤྲོས་དང་གདོད་ནས་[364.2]དག །རིག་པ་རང་སྣང་འཁོར་ལོ་ལ། །བསམ་བརྗོད་དཔྱད་པའི་མཐའ་ལས་འདས། །མཉམ་ཉིད་རིག་པའི་འཁོར་ལོ་ལ། །མཚན་མའི་སྒྲ་ཡིས་གཏན་ལ་ཕབ། །ཡེ་ཤེས་རང་བྱུང་འཁོར་ལོ་ལས། །ཆོ་འཕྲུལ་ཐུགས་[364.3]རྗེའི་རང་བཞིན་འཆར། །རྡོ་རྗེ་སེམས་དཔའ་དེ་བཞིན་གཤེགས། །རང་བྱུང་གསང་བའི་འཁོར་ལོ་ལས། །ཀློང་དགུའི་བསྟན་པ་ཆར་བཞིན་འབྱུང་། །རང་བྱུང་རང་གསལ་གཏན་ལ་ཕེབས། །རང་ལ་འཆད་ཅིང་རང་[364.4]གིས་སྟོན། །རང་གིས་བསྡུས་ནས་རང་དུ་བསྡུ། །མ་བཅོས་ཐིག་ལེ་གཅིག་ཏུ་གནས། །རང་གསལ་བརྗོད་འདས་རིག་པའི་གསུང་། །བྱ་བྲལ་རྫོགས་པའི་རྒྱུད་དུ་གྲགས། །ཞེས་གསུངས་སོ། །ནམ་མཁའི་མཐའ་དང་[364.5]མཉམ་པའི་རྒྱུད་ཆེན་པོ་ལས། གླེང་གཞིའི་ལེའུ་སྟེ་དང་་པོའོ།། །།དེ་ནས་སེམས་དཔའ་རྡོ་རྗེ་དམ་པ་དེས་བཅོམ་ལྡན་འདས་རྡོ་རྗེ་སེམས་དཔའ་ལ་འདི་སྐད་ཅེས་གསོལ་བ་བཏབ་བོ། །རྒྱལ་བ་ཀུན་གྱི་[364.6]གསང་བའི་ཐུགས། །ཐུགས་ཀྱི་ཐུགས་ཏེ་ཐུགས་ཀྱི་མཆོག །རིག་པའི་བསྟན་པ་སྒྲོགས་པའི་བདག །རྫོགས་ཆེན་གསུམ་གྱི་ངོ་བོ་ལ། །བརྡ་དོན་སྤྲད་པའི་གཏན་ཚིགས་ཀྱིས། །བཤད་པ་གསུམ་ལ་ངེས་དགོངས་[365][365.1]ནས། །གཞི་ལམ་འབྲས་བུ་གསུང་དུ་གསོལ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ། །ཀྱེ་སེམས་དཔའ་ཆེན་པོ་ལེགས་པར་ཉོན་ཅིག །ནམ་[365.2]མཁའི་མཐའ་དང་མཉམ་པའི་རྒྱུད། །རྒྱལ་བ་ཀུན་གྱི་དགོངས་དོན་འདི། །དཔག་མེད་རྒྱལ་བ་བསྐྲུན་པ་ཉིད། །སྟོང་ཉིད་སྨྲ་བ་མ་ཡིན་ཀྱང་། །ཚིག་དོན་སྤྲད་པ་རབ་ཏུ་གཅེས། །རང་བཞིན་ཐབས་དང་འབྲས་བུ་[365.3]ཉིད། །རྫོགས་ཆེན་མ་བཅོས་དགོངས་པ་ལ། །མི་འགལ་བརྗོད་པའི་སྒྲ་ཡིས་མཚོན། །དངོས་པོའི་དོན་ཉིད་གཏན་ལ་ཕབ། །འགྱུར་མེད་སྙིང་པོ་རྩོལ་མེད་ལམ། །མ་བསྒྲུབས་རང་བྱུང་འབྲས་བུ་གསུམ། །མ་འདྲེས་[365.4]གཅིག་ཏུ་ངེས་པར་མཉམ། །བཤད་ཚུལ་གསུམ་དུ་ཤེས་པར་བྱ། །གཞི་དང་ལམ་དང་འབྲས་བུ་ནི། །ཡེ་ཤེས་རང་གནས་བདེ་མཆོག་དང་། །བསྒྲུབ་པ་བདེ་བ་གསལ་བྱེད་དང་། །རྟོག་པ་རབ་འབྱམས་ཉིད་དུ་[365.5]འཆར། །ངོ་བོ་རྒྱུ་རྐྱེན་ངེས་པའི་དཔེ། །མཚན་ཉིད་ཁྱབ་ཚད་ལུང་གི་དོན། །ཡེ་ཤེས་རང་གསལ་ཀུན་གསལ་ཏེ། །མ་བཅོས་མ་བསྐྱེད་ཡེ་ནས་བྱུང་། །འདུ་འབྲལ་མེད་པར་རང་ལ་རྫོགས། །གསལ་བ་མི་གཡོ་[365.6]རང་བྱུང་དབྱིངས། །སྣང་ལ་མི་རྟོག་མཉམ་པའི་ངང་། །རང་གསལ་མ་བསྒྲིབས་རང་རིག་དང་། །མཁྱེན་པའི་ཡེ་ཤེས་ཉིད་དུ་འཆར། །རང་གསལ་མ་དམིགས་ཡུལ་དང་བྲལ། །རྫོགས་ཆེན་ཡེ་ཤེས་གསལ་བའི་[366][366.1]ངང་། །ཚིག་བྲལ་མཉམ་ཉིད་དོན་དུ་རྫོགས། །རང་ལ་མི་རྟོག་གཞན་མི་རྟོག །གཉི་གར་མི་རྟོག་མཐའ་དང་བྲལ། །བསྐྱེད་བྱ་སྐྱེད་བྱེད་རྒྱུ་མེད་པས། །མ་སྐྱེས་སྙིང་པོ་བྱང་ཆུབ་པ། །སྐྱེ་འགག་བརྟག་པའི་ཐ་སྙད་[366.2]བྲལ། །ཡེ་ཤེས་རྫོགས་པར་གསལ་བའི་ངང་། ཁུ་དང་མི་རྒྱུ་དབྱིངས་སུ་གཅིག །མ་སྐྱེས་འབྲས་བུ་ཡེ་ནས་བྱུང་། །རང་བྱུང་འཁོར་ལོ་ཡེ་ནས་གསལ། ཁུ་ཉིད་འབྲས་བུར་ཡེ་ནས་བྱུང་། །ཐམས་ཅད་ཡེ་ཤེས་སྙིང་[366.3]པོར་རྫོགས། །མ་ལུས་གཅིག་སྟེ་ཐ་དད་མེད། །མ་བཅོས་བྱང་ཆུབ་སྙིང་པོ་ལ། །མ་བཙལ་རང་རིག་གསལ་བར་རྫོགས། །སྒྲོན་མེས་མུན་པའི་རྫས་འཚོལ་ལྟར། །བརྡ་དོན་སྤྲད་པའི་འཕྲུལ་ཚིག་གིས། །འཁོར་བ་ཡེ་[366.4]ཤེས་སྙིང་པོར་གསལ། །བསྐྱེད་པ་མེད་པས་རྒྱུ་འབྲས་བྲལ། །རྐྱེན་ཉིད་མ་སྐྱེས་བྱང་ཆུབ་སྟེ། །རྡོ་རྗེ་སྙིང་པོར་དུས་གཅིག་རྫོགས། །བར་མཚམས་སྦྱར་མེད་གཅིག་ཏུ་གནས། །གསལ་བ་རང་སྣང་དཀྱིལ་འཁོར་[366.5]ལ། །རྐྱེན་ལ་མི་རག་གདོད་ནས་དག །རྒྱུ་མེད་ཡེ་ཤེས་མཆོག་ཏུ་གསལ། །བདག་མེད་རང་རིག་སྟོང་ཉིད་ལུང་། །མཚུངས་མེད་སྐད་ཅིག་རྒྱུན་དང་བྲལ། །ཡུལ་མེད་དམིགས་བྲལ་ཆོས་ཀྱི་དབྱིངས། །མ་བཅོས་རང་[366.6]བྱུང་རྐྱེན་དང་བྲལ། །གནས་དང་འབྱུང་སྡུད་དེ་ཕྱིར་དང་། །ཀུན་དངོས་ཕྱོགས་སུ་མ་ལྷུང་དང་། ཁྲེས་དང་བསྒྲུབ་དང་ཤེས་བྱའི་ཕྱིར། །མིང་དུ་བཏགསདངམཚོནདངབྲལ། །དངོས་ཉིད་བཏགས་པའི་མཐའ་བྲལ་[367][367.1]ལ། །ངེས་དང་མ་ངེས་ཚུལ་མི་འཇུག །བཏགས་མེད་ངེས་པའི་ཚིག་དང་བྲལ། །ཡི་གེ་བརྡ་བྲལ་མཉམ་ཉིད་ལ། །དེ་ལྟར་རྟོག་པ་ནོར་བའི་ལམ། །ད་ངོས་ལ་ངེས་དང་མ་ངེས་ཀྱང་། །གཅིག་པས་ཐ་[367.2]དད་མི་གནས་ཀྱང་། །དོན་གྱི་ཕྱོགས་ལ་གཙོར་བཟུང་ནས། །དེ་རྟོགས་བྱ་ཕྱིར་ངེས་པར་བཤད། །ངེས་པ་མི་བསླུའི་སྒྲ་ཡི་ཚིག །རྗེས་སུ་འགྲོ་བ་དོན་བྱེད་ནུས། །ཡེ་ནས་རིག་པའི་འཁོར་ལོར་སྦྱོར། །རིག་པའི་[367.3]གསུང་གི་དོན་ལ་སྦྱོར། །རང་བཞིན་རིན་ཆེན་ཕུང་པོ་ལ། །གཏེར་ཁྱིམ་ཕུང་པོ་དེ་མཐོང་ནས། །བཙལ་བ་མེད་པ་འབྲས་བུར་གསལ། །མཐའ་གསུམ་གསལ་བའི་དཔེ་ཉིད་ནི། །ཞེན་པའི་སྣང་བ་མི་མཐོང་[367.4]བས། །སྨག་གི་མུན་རུམ་ལྟ་བུར་བཤད། །རོལ་པས་ཆད་པ་གསལ་བའི་ཕྱིར། །ཆུ་ཡི་གཉེར་མ་ལྟ་བུར་བཤད། །གསལ་སྙོམས་མ་འདྲེས་བཏང་སྙོམས་བྲལ། །ཉི་མ་ཤར་བ་ལྟ་བུར་བཤད། །སྐུ་གསུམ་རོལ་པའི་[367.5]དཔེ་ཉིད་ནི། །ཁྱབ་གདལ་ངོ་བོ་འཛིན་བྲལ་བས། །ཆོས་སྐུ་ནམ་མཁའ་ཀློང་དུ་བཤད། །རྫོགས་སྐུ་མཛེས་གསལ་ཀུན་ཁྱབ་པས། །ཉི་མ་འབུམ་གདལ་ལྟ་བུར་བཤད། །འབྱུང་འཇུག་མི་མངའ་ཀུན་གནས་[367.6]པས། །སྤྲུལ་སྐུ་ཉི་མའི་ཟེར་ལྟར་བཤད། །ཡེ་ནས་ལྷུན་གྲུབ་སྙིང་པོ་ལ། །རྣམ་རྟོག་བློ་ཡིས་བཅད་པས་ན། །སྤྲིན་དང་ཁུག་སྣ་ལྟ་བུར་བཤད། །ཀུན་ཀྱང་ཡེ་ཤེས་རོ་གཅིག་པས། །ལན་ཚྭ་ལྡན་པའི་རྒྱ་མཚོར་[368][368.1]བཤད། །དེ་ལྟར་གཉིས་མེད་རྟོགས་བྱའི་ཕྱིར། །རྫོགས་ཆེན་གཞུང་ལ་ངེས་ཐོས་པས། །ཐོས་པ་ཟླ་བ་ལྟ་བུར་བཤད། །དོན་ལ་སྤྱོད་པས་ངེས་མ་ངེས། །སྤང་ལེན་བསམ་པ་སྐར་མ་ལྟར། །ངེས་པར་གསལ་སྙོམས་[368.2]འདུ་ཤེས་བྲལ། །བསྒོམ་པ་ཉི་མ་ལྟ་བུ་བཤད། །མཚན་ཉིད་གང་ཡང་མ་སྲངས་པས། །རང་གསལ་ཡེ་ཤེས་སྙིང་པོར་རྫོགས། །གདོད་ནས་སྟོང་པའི་རང་བཞིན་ནི། །འདུ་ཤེས་བྲལ་བའི་དབྱིངས་སུ་རྫོགས། །ཅི་ཡང་[368.3]ཡིན་ནོ་གང་ཡང་རུང་། །མ་བཀག་སེམས་ཀྱི་ཁྱད་པར་ལས། །བཀག་པ་མེད་དེ་རང་གསལ་དབྱིངས། །གཅིག་ཀྱང་མ་འདྲེས་ཐ་དད་གསལ། སྣང་ཡང་ཞེན་པ་རྣམ་པར་བཅད། །དམིགས་ཀྱང་བཙལ་བའི་ཡུལ་དང་[368.4]བྲལ། །ཡེ་ཤེས་སྙིང་པོའི་ཉི་མ་འཆར། །རིན་ཆེན་ནོར་བུའི་ཁང་པ་བཞིན། །ཅི་ཡང་གསལ་ལ་ཅི་ཡང་མིན། །ཕྱོགས་སུ་མི་སྣང་མཉམ་ཉིད་པས། །གང་ལྟར་བལྟས་པ་དེ་ལྟར་སྣང་། །ནམ་མཁའི་མཐའ་ལྟར་མཉམ་[368.5]སྦྱོར་བས། །ཚད་དང་ཟླ་དང་དཔེ་ལས་འདས། །ཉི་མའི་སྙིང་པོ་འབར་བ་བཞིན། །མཐའ་ཡི་སྒྲིབ་པ་བྲལ་བའི་ཚད། །ཡེ་ཤེས་གསལ་ལ་མི་འགག་པས། །ཕྱོགས་ཀྱི་ངེས་པ་མི་གནས་པར། །ཅིར་ཡང་ངེས་པར་[368.6]འཆར་བའི་ཕྱིར། །འཕྲུལ་གྱི་མེ་ལོང་གསལ་བའི་ཚད། །སེམས་ཉིད་རིན་ཆེན་ཀ་དག་ལ། །ཞེན་སྣང་བཏགས་པ་ཀུན་བྲལ་པས། །ཉི་མ་འབུམ་གྱི་འོདཟེརབཞིན། །རངལས་བྱུང་བ་རོལ་བའི་ཚད། །ནམ་མཁའི་[369][369.1]མཐའ་དང་མཉམ་སྦྱོར་བས། །ཆེ་ཆུང་ཚད་ལས་འདས་པ་ལ། །འཛིན་པ་ནམ་མཁའི་མཐའ་ཚོལ་འདྲ། །ཕྲ་བའི་ཕྲ་བ་ཉུང་འབྲུ་ཡི། །འབྲུ་ཡིས་མི་བསྐྲུན་ཕྲ་བའི་ཚད། །མཁྱེན་ལྡན་ཡེ་ཤེས་སྙིང་པོ་[369.2]ཡིས། །གང་ཡང་མི་མཁྱེན་རང་གསལ་མཁྱེན། །མཐའ་དང་དབུས སུ་མི་དམིགས་པས། །ནམ་མཁའི་མཐའ་དང་མཉམ་པར་མཁྱེན། །ཡེ་ཤེས་རང་གསལ་རྫོགས་ཚུལ་ལ། །མཐའ་ཡི་སྒྲིབ་པ་རང་གསལ་[369.3]བས། །རང་བྱུང་ཉི་མའི་དཀྱིལ་འཁོར་གསལ། །བྱ་བྲལ་རྫོགས་པའི་ལུང་དུ་བཤད། །རང་རིག་ཡེ་ཤེས་མཁྱེན་ལྡན་པས། །གཉིས་མེད་སྙིང་པོར་རྫོགས་པ་རྟོགས། །རང་གསལ་ཡེ་ཤེས་རྫོགས་པར་ལྡན། །རིག་པ་[369.4]རང་སྣང་ཉམས་སུ་ཤར། །རང་བྱུང་འོད་ཀྱི་དཀྱིལ་འཁོར་ལ། །འཕྲུལ་ཡིག་རིག་པའི་བརྡ་སྤྲད་པས། །སྐྱེ་མེད་དབྱིངས་ཀྱི་བརྡ་དོན་མཇལ། །བཙལ་མེད་ཚོགས་ཆུང་དོན་པོ་ཆེ། །རང་བྱུང་ཡེ་ཤེས་རིན་ཆེན་[369.5]གཏེར། །སྒོ་མང་འཇུག་ཐབས་བསམ་མི་ཁྱབ། །རྟོགས་ན་གཅིག་ཏུ་གནས་པའི་དོན། །རྟོགས་པ་ཐབས་ཆེན་བརྒྱུད་པའི་ལུང་། །རང་གསལ་ཉི་མའི་འོད་ལྟར་འཆར། །མཁའ་ཁྱབ་རིག་པའི་ཀློང་དུ་སོན། །རང་བྱུང་[369.6]རིག་པ་རང་གསལ་འདི། །མཁའ་ཁྱབ་བྱང་ཆུབ་སེམས་ཀྱི་ལུང་། །རྡོ་རྗེ་སེམས་དཔའི་ཐུགས་དཀྱིལ་ནས། །རིག་པའི་ཁུ་བྱུག་དགུ་སྒྲོགས་པ། །སེམས་ཉིད་རང་གསལ་མཐོང་བྱའི་ཕྱིར། །ཀློང་དགུ་བམ་པོ་ཉི་ཁྲིར་[370][370.1]གསལ། །དེ་ཉིད་དགུ་ལྡན་སེམས་ཀྱི་གཞི། །རིན་ཆེན་ཕུང་པོ་འཕྲུལ་གྱི་སྒོ། །རིན་ཆེན་ཕུང་པོ་གཏེར་ཁྱིམ་ན། །ཉི་མའི་འོད་ལྟར་ཡེ་ནས་གནས། །ཞེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ལས།[370.2]ཡེ་ཤེས་རང་འཆར་གྱི་ལེའུ་སྟེ་གཉིས་པའོ།། །།དེ་ནས་སེམས་དཔའ་རྡོ་རྗེ་དམ་པ་དེས་རྡོ་རྗེ་སེམས་དཔའ་ཆེན་པོ་ལ་འདི་སྐད་ཅེས་གསོལ་བ་བཏབ་བོ། །རྒྱལ་བའི་རྒྱལ་བ་ཀུན་གྱི་མེས། །གསང་བའི་ཡང་[370.3]གསང་བྱང་ཆུབ་སེམས། །རིན་ཆེན་ཁང་ལ་སྒོ་མང་དག །རང་གསལ་སྒོ་ནས་རྟོགས་བྱའི་ཕྱིར། །བདེ་ཆེན་རྩོལ་བྲལ་སྙིང་པོ་ལ། །བཤད་ཐབས་བཤད་བྱ་འབྲས་བུའི་དོན། །རང་གསལ་རིག་པའི་དོན་དུ་[370.4]རྫོགས། །ཁྱབ་བདག་འཆང་ཆེན་བཤད་དུ་གསོལ། །ཞེས་གསོལ་ཏོ། །དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་བཀའ་སྩལ་ཏོ། །ཀྱེ་སེམས་དཔའ་ཆེན་པོ། །ཡི་གེ་མེད་པ་མཆོག་གི་[370.5]རྒྱུད། །བྲིར་མེད་ཁ་དོག་དབྱིབས་དང་བྲལ། །ནམ་མཁའི་མཐའ་དང་མཉམ་པའི་རྒྱུད། །གསང་བ་ཀུན་འདུས་གཏེར་འདི་ཉིད། །བཤད་ཐབས་གསུམ་སྟེ་རྫོགས་ཆེན་གསུམ། །གཞི་ལམ་འབྲས་བུའི་ཚུལ་དུ་[370.6]གནས། །དགོངས་པ་ཀུན་གྱི་ཞེ་ཕུགས་པས། །དགོངས་པ་ཀློང་རྡོལ་ཚུལ་དུ་བཤད། །མན་ངག་རྩ་བ་འདིར་འདུས་པས། །མན་ངག་ཞལ་ཆེམས་སྤྲུགས་ལྟར་བཤད། །ཀློང་དགུའི་རྩ་བ་སེམས་ཉིད་ཀློང་། །སེལ་མེད་[371][371.1]རྒྱ་མཚོའི་ཀློང་དུ་བཤད། །ཀུན་བཟང་སེམས་ཉིད་སྟོང་གསལ་ལས། །རང་བྱུང་རོལ་པ་མི་འགག་པས། །མཁའ་ལ་གཟའ་སྐར་བཀྲམ་ལྟར་བཤད། །མཁའ་ཁྱབ་སེམས་ལུང་ཀུན་གྱི་མཆོག །ཡིན་[371.2]ཕྱིར་སྤྱི་དོན་ལྔ་ཡིས་བཤད། ཁུད་ཀུན་འདུས་པའི་མཆོག་ཡིན་པས། །ཕུན་སུམ་ཚོགས་པ་ལྔ་ཡིས་བཤད། །ཐ་མ་ཤེས་བྱའི་ངོ་བོ་ལ། །ཐུན་མོང་ཐུན་མོང་མིན་པ་སྟེ། །ཐུན་མོང་ཁྱད་པར་གྲགས་ཚུལ་ཉིད། །གྲགས་[371.3]པ་གོལ་ཞིང་བསྒྲིབས་་པ་སྟེ། །ལྷ་སྤྱོད་ཏིང་འཛིན་དམ་ཚིག་དང་། །བསྒྲུབ་དང་ཕྲིན་ལས་དབང་མཆོད་དང་། །དཀྱིལ་འཁོར་ས་ལམ་འབྲས་བུ་བཅུ། །མ་ཤེས་བདག་འཛིན་གཟུང་འཛིན་དང་། །ཡང་དག་བདེན་ལ་[371.4]རིས་འབྱེད་དང་། །ངག་དང་གཉིས་སྤྱོད་གཙང་སྨེ་དང་། །བླང་དོར་སྒྲིབ་པས་བཅིངས་པ་ཀུན། །ལམ་གོལ་ལམ་སྒྲིབ་གོལ་སྒྲིབ་བྱུང་། །ཡེ་ནས་རང་གསལ་གསང་རྫོགས་ལ། །མཐོང་དང་མ་མཐོང་གཉིས་སུ་[371.5]ཕྱེ། །ཡེ་ནས་དམིགས་མེད་རང་གསལ་ལ། །བདག་དང་གཞན་དུ་བཟུང་བས་བཅིངས། །སྐྱེ་འཇིག་བྲལ་བའི་རྡོ་རྗེ་ལ། །རྒྱུ་འབྲས་འབྲེལ་བར་བཟུང་བས་ནོར། །དངོས་པོ་གཉིས་མེད་རྫོགས་ཆེན་ལ། །ཐ་དད་[371.6]བརྟགས་པ་ལོག་པའི་ལམ། །གཉིས་མེད་རང་རིག་གཏེར་འདི་ལ། །བདེན་གཉིས་ཕྱེ་བས་གཅིག་དང་འགལ། །རང་གསལ་དམིགས་མེད་སྟོང་ཉིད་ལ། །ཡང་དག་བསྒྲུབས་པས་དམིགས་མེད་འགལ། །འཆིང་བྲལ་[372][372.1]ལྟ་བ་གཟའ་གཏད་མེད། །གཟའ་གཏད་བྲལ་འཛིན་ཡང་རྩེ་འཁྲུལ། །མ་བཅོས་ཡེ་ཤེས་རང་གསལ་ལ། །དབྱིངས་དང་ཡེ་ཤེས་འཁྲུལ་པའི་ཆོས། །ཡེ་ནས་རིན་ཆེན་དག་པ་ལ། །དག་པ་གསུམ་གྱི་རྩོལ་བྱེད་[372.2]ནོར། །བསྐྱེད་བྲལ་ཡེ་ཤེས་དཀྱིལ་འཁོར་ལ། །བསྐྱེད་དང་རིམ་རྩལ་རྣལ་འབྱོར་ཆེ། །བཙལ་བས་རང་བྱུང་གཏེར་དང་བྲལ། །ཡེ་ཤེས་རིན་ཆེན་ཕུང་པོ་ལ། །བྱིན་རླབས་སྣང་འདོད་རེ་དོགས་ཅན། །རང་སྣང་འཁོར་[372.3]ལོའི་དོན་དང་འགལ། །རིན་ཆེན་འཁོར་ལོ་ཀུན་བཟང་འདི། །འགྲོ་དྲུག་རང་གསལ་ཐུགས་ལ་གནས། །གསལ་རིག་འཛིན་བྲལ་དབྱིངས་ལ་སོན། །ཐིམ་གྱུར་གསལ་ནས་མི་མངོན་པའོ། །རང་གསལ་ཉི་མའི་བྱིན་[372.4]བརླབས་ནི། །བཙལ་མེད་འོད་ཀྱིས་ཕྱོགས་བཅུར་བརྡལ། ཁྱད་པར་བཅུ་བཞིའི་བཤད་པ་དང་། །ཆོས་རྣམས་སེམས་ཀྱི་ངོ་བོ་ལ། །མཐའ་དང་ལོག་ལྟས་མི་འགྱུར་བས། །རྫོགས་ཆེན་མ་ལུས་ཐམས་ཅད་[372.5]ཀུན། །གསལ་བརྟན་རི་བོ་ལྟ་བུར་བཤད། །རྟག་ཆད་མཚན་མ་ཅིར་སྣང་ཡང་། །སེམས་ལ་ཡངས་དོག་ཆོས་མེད་པས། །ནམ་མཁའི་ཀློང་དང་འདྲ་བར་བཤད། །ཆོས་ཀུན་གསལ་སྙོམས་བཙལ་མེད་འཆར། །རང་[372.6]གསལ་རིག་པའི་རྩལ་རྫོགས་པས། །མཁའ་ལ་ཉི་ཤར་འདྲ་བར་བཤད། །སེམས་ཅན་སངས་རྒྱས་ལ་སོགས་པ། །བདེ་སྡུག་མ་འདྲེས་རྫོགསཆེནཔས། །གསེར་གྱི་ངོ་བོ་ལྟ་བུར་བཤད། །རང་གསལ་མཐའ་བྲལ་རྒྱ་[373][373.1]མཚོ་ལ། །རྩོལ་བས་མིང་དཔོགས་བརྟགས་དཀའ་བས། །ཟབ་པ་མཚོ་གཏིང་ལྟ་བུར་བཤད། །ལྷུན་གྲུབ་རིན་ཆེན་ཕུང་པོ་ཡིས། །རྩོལ་མེད་བྱིན་བརླབས་རང་འཆར་བས། །ནོར་བུ་རིན་ཆེན་ལྟ་བུར་[373.2]བཤད། །ཉི་མ་མུན་སྣང་གཅིག་པའམ། །ཉོན་མོངས་ཡེ་ཤེས་གསལ་རྫོགས་པས། །དུག་ཉིད་སྨན་དུ་གནས་ལྟར་བཤད། །རང་རིག་ཐམས་ཅད་གསལ་རྫོགས་པས། །ལྷུན་གྲུབ་བདེ་ཆེན་རོལ་སྣང་བས། །རྒྱ་མཚོ་[373.3]ཆེན་པོའི་རླབས་ལྟར་བཤད། །མཚན་མའི་བྱེ་བྲག་ཅིར་སྣང་ཡང་། །མི་འགྱུར་ཆོས་སྐུར་གནས་བསླད་མེད། །ཁ་དོག་ནག་པོ་ལྟ་བུར་བཤད། །རང་བྱུང་མ་བསྒྲུབས་རང་འཆར་ལ། །ཅིར་སྣང་རང་ལས་སྨིན་པའི་[373.4]ཕྱིར། ཁེང་ཏོག་ཨ་མྲ་ལྟ་བུར་བཤད། །རང་བྱུང་ཐེག་པའི་རྒྱལ་པོ་ལ། །ཟིལ་གནོན་མ་བགྲོད་ཀུན་སོན་པས། །མཁའ་ལ་ཁྱུང་འཕུར་ལྟ་བུར་བཤད། །མཐའ་བྲལ་རང་བྱུང་རྫོགས་ལུང་ལ། །མཐའ་ཡི་ཞེན་པ་ཟིལ་[373.5]གནོན་པས། །སེང་གེའི་སྒྲ་སྒྲོགས་ཅི་ལྟར་བཤད། །ཀུན་བཟང་འཁོར་ལོའི་རིམ་པ་ལ། །གནང་བཀག་ཡོད་མེད་ཀུན་བྲལ་བས། །ཀུན་བཟང་སྤང་ལེན་མེད་ལྟར་བཤད། །ཆོས་ཀུན་རང་རིག་སེམས་ཉིད་[373.6]ལ། །སེམས་ཉིད་གདོད་ནས་ཀ་དག་པས། །རིན་ཆེན་གསེར་གླིང་ལྟ་བུར་བཤད། །ཐུན་མོང་མིན་པའིརྫོགསཆེན གསུམ། །བཙལ་མེད་ལམ་མེད་སྤྱི་གཞུང་ཉིད། །གབ་པ་མངོན་ཕྱུང་མན་ངག་གོ །ལྟ་བ་རང་[374][374.1]གསལ་གཟའ་གཏད་བྲལ། །མཐོང་མེད་རང་གསལ་ཡེ་ཤེས་སྤྱན། །གསལ་ལ་མཁྱེན་བསྒྲིབས་མཐའ་དང་བྲལ། །རང་གསལ་རིག་པའི་དབྱིངས་སུ་རྫོགས། །སྤྱོད་བྲལ་ཀུན་བཟང་རོལ་པ་འདི། །རོལ་པ་འགག་[374.2]མེད་རང་འཆར་རྫོགས། །མ་བཅོས་སྙིང་པོར་སྤྱོད་པས་ན། །མཐའ་དབུས་མེད་པའི་ཀློང་དུ་རོལ། །རྒྱལ་ཐབས་སྤྱི་བླུགས་དབང་གི་མཆོག །མ་བསྐུར་རང་རྫོགས་ཀུན་ལ་གསལ། །དུས་གཅིག་ཡེ་ཤེས་རིག་པ་[374.3]འཆར། །དུས་ཚོད་བླ་མའི་ངག་ལས་བརྟགས། །ཐིག་ལེ་ཆེན་པོའི་དམ་ཚིག་འདི། །རིན་ཆེན་ཀུན་བཟང་སེམས་ལ་གནས། །བསྲུང་དུ་མེད་པའི་དམ་ཚིག་ལ། །མི་བསྲུང་ཕྱོགས་དང་བྲལ་བར་གནས། །ཡེ་ནས་ལྷུན་[374.4]གྲུབ་རང་བྱུང་གིས། །ཕྱོགས་རིས་མེད་པར་གདལ་ཟིན་པས། །ཕྲིན་ལས་བྱར་མེད་མཐའ་བྲལ་ལ། །བྱར་མེད་རྫོགས་པའི་ཡེ་ཤེས་གསལ། །ཏ་ཀྟ་ཀ་ཡི་ནོར་བུའམ། །འཇིག་རྟེན་འོད་ཀྱི་རྒྱལ་པོ་ལྟར། །བྱིན་[374.5]རླབས་ཐུགས་རྗེ་རང་ཤར་ལ། །བརྩོན་པས་བསྒྲུབ་ཅིང་བཙལ་དུ་མེད། །ཡེ་ཤེས་རང་གསལ་ཏིང་འཛིན་འདི། །མ་ཡེངས་རང་གསལ་ལྷུན་གྲུབ་ལ། །བཙལ་ཞིང་ཡེངས་པ་རྣམ་པར་གཅད། །ཡེ་ཤེས་སྙིང་པོ་རང་[374.6]གསལ་ལུང་། །མཐའ་དབུས་མེད་པའི་དཀྱིལ་འཁོར་ལ། །སྐུ་གསུམ་རང་ཤར་བསམ་མི་ཁྱབ། །མཐའ་བྲལ་ནམ་མཁའི་སྙིང་པོ་ལྟར། །ཐིག་ལེ་རང་གསལ་རྫོགས་པར་གསལ། །རང་བྱུང་རང་ཤར་རང་ལ་[375][375.1]རྫོགས། །ཉི་མའི་འོད་དང་སྙིང་པོ་ལྟར། །འཁོར་བ་ཡེ་ཤེས་རྫོགས་པ་ལ། །འབྲས་བུ་གྲངས་འདས་མཁའ་ལྟར་སྨིན། །རང་བྱུང་ཡོ་བྱད་མཆོད་པ་ཡིས། །ལྷུན་གྲུབ་རང་གསལ་དབྱིངས་[375.2]སུ་ཐིམ། །ཕྱོགས་བྲལ་ལྷུན་གྲུབ་མཆོད་པ་འདིས། །ཀུན་མཁྱེན་རང་གསལ་ཉིད་དུ་མཉེས། །གབ་པ་མངོན་ཕྱུང་དོན་འདི་ལ། །སོང་ཚུལ་རིམ་པར་ངོས་བཟུང་ནས། །རྒྱལ་ཐབས་སྤྱི་བླུགས་དབང་བསྐུར་[375.3]ནས། །སེམས་ཉིད་རིན་ཆེན་རྟོགས་བྱའི་ཕྱིར། །དེ་ཉིད་བལྟ་བས་ཐག་བཅད་བཤད། །དེ་ཉིད་མ་ཡེངས་གོམས་བྱའི་ཕྱིར། །བརྡའ་དོན་ཕྲལ་བའི་མན་ངག་བཤད། །ཅི་སྤྱད་སྟོངས་འགྱུར་འཆིང་མེད་པས། །གླང་ཆེན་[375.4]ཆུར་ཞུགས་མན་ངག་བཤད། །ཀློང་དགུ་འདུས་པའི་ཚིག་དོན་སྤྱི། ཁུད་ཀུན་གཏན་ལ་དབབ་པའི་ཚིག །འདིས་ནི་བཤད་པར་བྱ་བ་ཡིན། །ཀློང་དགུ་ལྡེ་མིག་ཕྱེ་བ་ཡིས། །ཉིད་ལ་འཆད་ཅིང་ཉིད་ཀྱིས་[375.5]འགྲོལ། །རྩོལ་མེད་ཐེག་ཆེན་གང་ཟག་ལ། །ཚིག་བྲལ་རིག་པའི་འཁོར་ལོ་བསྐོར། །ཞེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། བཤད་པའི་ལྡེ་མིག་གིས་ཀློང་དགུ་དབྱེ་བའི་ལེའུ་སྟེ་[375.6]གསུམ་པའོ།། །།དེ་ནས་སེམས་དཔའ་རྡོ་རྗེ་དེས། །རྡོ་རྗེ་སེམསདཔའཆེནཔོལའདིསྐད་ཅེས་གསོལ་བ་བཏབ་བོ། །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་གཏེར་འཆང་བ། །ཡེ་[376][376.1]ཤེས་མཇོད་ལྡན་གཉིས་མེད་རྫོགས། །རང་གསལ་ཐམས་ཅད་མཁྱེན་ཉིད་ངང་། །མགོན་པོ་ཁྱོད་ལ་གསོལ་བ་ནི། །ངོ་བོ་ཐབས་ཀྱི་མཚན་ཉིད་དེ། །རྣམ་གྲོལ་རིག་པའི་གཏེར་ཁ་དག །མགོན་པོས་བདག་ལ་བཤད་[376.2]དུ་གསོལ། །ཞེས་གསོལ་ཏོ། །དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་བཀའ་སྩལ་ཏོ། །ཀྱེ་སེམས་དཔའ་ཆེན་པོ། །མཁའ་མཉམ་བྱང་ཆུབ་སེམས་ཀྱི་ལུང་། །ནམ་མཁའི་མཐའ་དང་མཉམ་[376.3]པའི་རྒྱུད། །རིན་ཆེན་དབྱིག་དང་ཕྲད་པའི་ཐབས། །ཡེ་ཤེས་གསང་རྫོགས་ཆོས་དབྱིངས་ཉིད། །ངོ་བོ་གཅིག་ལ་བརྟག་པ་གསུམ། །དངོས་དང་བསམ་པ་ཕྱེ་བའི་ཚུལ། །ངོ་བོ་མཁྱེན་ཐབས་ངོ་བོའི་དཔེས། །བཅིང་[376.4]གྲོལ་ཚུལ་གྱིས་ཕྱེ་བ་ཡིན། །ཀུན་འདུས་ནམ་མཁའི་མཐའ་མཉམ་ལ། །ཀུན་ཏུ་རང་གསལ་དབྱིངས་ལ་རྫོགས། །མི་གནས་མི་བསམ་ཅིར་མི་དགོངས། །སྤྲོས་བྲལ་རིག་པའི་འཁོར་ལོ་གཏེར། །སངས་རྒྱས་མ་ཡིན་[376.5]སེམས་ཅན་མིན། །གཉི་ག་མ་ཡིན་རང་གསལ་ལུང་། །སྒྲོ་དང་སྐུར་པ་རྣམ་པར་བཅད། །མཐའ་དབུས་བྲལ་བའི་སྙིང་པོ་ནི། །ཕྱོགས་བྲལ་མཉམ་ཉིད་རིག་པའི་གཏེར། །རིན་ཆེན་ནོར་བུའི་ཕུང་པོ་བཞིན། །ཀུན་ལ་[376.6]ཕྱོགས་རིས་མེད་པར་གསལ། །ནམ་མཁའི་མཐའ་མཉམ་གཏེར་གྱི་དབྱིག །དཔག་བསམ་འཁོར་ལོ་རང་འཆར་དང་། །ཀུན་སྣང་གསལ་བའི་སྒོ་མོ་ལ། །གང་ཕྱེ་རིན་ཆེན་དབྱིགདང་ཕྲད། །ཀུན་གྱི་ངོ་བོ་ཡེ་ཤེས་[377][377.1]ལུས། །མཐའ་མེད་དབུས་བྲལ་སྙིང་པོར་གསལ། །གསལ་བ་རང་རིག་ཆོས་དབྱིངས་བསུ་་། །མ་གསུངས་རང་མཇལ་རིག་པའི་སྒྲ། །བསམ་མེད་རང་བྱུང་རང་གསལ་ལ། །གསལ་བ་ལོག་རྟོག་[377.2]མདུད་པས་བཅིངས། །དེ་ཉིད་དབྱིངས་སུ་མི་གསལ་ན། །བཀྲོལ་ཡང་ཐར་བར་མི་འགྱུར་རོ། །ནམ་མཁའ་ཉིད་ལ་མི་གནས་ལྟར། །རང་གསལ་མི་རྟོག་ལ་མི་གནས། །རང་བྱུང་རང་གསལ་དབྱིངས་སུ་[377.3]རྫོགས། །བརྗོད་མེད་རིག་པའི་ཀློང་དུ་བརྡལ། །ངོ་བོ་འདི་ཞེས་བརྟག་དཀའ་བ། །བསམ་གྱིས་མི་ཁྱབ་ཆོས་ཀྱི་དབྱིངས། །བརྡ་དོན་སྤྲོད་དང་ཕྲལ་བ་དང་། །ཡང་དག་ངེས་དང་རྒྱལ་ཚབ་རྒྱུད། །ཐུགས་རྗེ་རྐྱེན་ལྡན་[377.4]ཟབ་པ་དང་། །ཁེ་དང་གྲགས་ཕྱིར་མ་ཡིན་ཞིང་། །རྒྱལ་ཐབས་སྤྱི་བླུགས་དབང་ཐོབ་ནས། །ཐེག་པའི་བྱེ་བྲག་འབྱེད་ལ་བརྩོན། །རྗོད་མཁས་ཚིག་དོན་འབྲེལ་བར་སྟོན། །བརྡ་དོན་སྤྲོད་པའི་སློབ་དཔོན་[377.5]ཡིན། །མཚན་མ་མི་བསམ་དབྱིངས་གནས་པས། །དགོངས་པ་ཀློང་ལྟར་བརྡལ་བ་དང་། །མཐའ་དབུས་བྲལ་བའི་དོན་ལ་མཁས། །ཚིག་མིན་དགོངས་པའི་ལུང་ལྡན་པས། །ཕྲལ་བ་ཡིན་པར་ངེས་པར་[377.6]གསུངས། །རང་རིག་གསལ་བས་རང་ལ་སྟོན། །རང་གསལ་ལུང་ལ་རངགིསམཚོན། །རངརིག་གཟེར་ཆེན་རང་ལ་འདེབས། །སློབ་དཔོན་ཀུན་གྱི་མཆོག་ཏུ་གསུངས། །ངེས་པའི་སེང་གེའི་རྗེས་བྱུང་བ། །བཙལ་[378][378.1]མེད་སེང་གེའི་སྒྲ་སྒྲོག་པ། །དཔལ་ལྡན་ཀུན་མཁྱེན་རྣམ་གྲོལ་ཐུགས། །འཇིག་རྟེན་གསལ་བའི་ཉི་མ་ཡིན། །རང་བྱུང་ཤེས་རབ་འོད་པོ་ཆེ། །རང་གསལ་རིག་པ་རང་ལས་འཆར ཐོས་བསམ་བསྒོམ་པ་གསལ་བྱེད་[378.2]ལུང་། །ངེས་པར་རྟོག་པའི་རྐྱེན་དུ་བཤད། །རིན་ཆེན་འཕྲུལ་གྱི་ཁང་པ་དག །ཀུན་གྱི་ཟད་མེད་གཏེར་འཆང་བ། །ཐེག་སྒོ་ལྡེ་མིག་རིག་པའི་ཚུལ། །གང་ཕྱེའང་ནམ་ཞིག་ཐོབ་པར་འགྱུར། །ཐེག་པའི་བྱེ་བྲག་ཅི་[378.3]བསྟན་པ། །ཀློང་དགུའི་དོན་ལ་ངེས་པར་འདུས། །ནམ་མཁའ་མཐའ་མཉམ་ཀློང་དགུའི་རྒྱུད། །རྟོགས་པས་རིན་ཆེན་དབྱིག་དང་ཕྲད། །རྣམ་གྲོལ་རིག་པའི་ཕུང་པོ་ལ། །བཙལ་མེད་ལུང་གསུམ་རིག་པ་ཡིས། །རྟོག་[378.4]དཔྱོད་འཇུག་པའི་ཡུལ་མེད་ཀྱང་། །དེ་ཉིད་ཙམ་གྱིས་རྫོགས་སངས་རྒྱས། །རྒྱལ་ཐབས་སྤྱི་བླུགས་དབང་ཐོབ་ནས། །ཡེ་ཤེས་རང་གསལ་དོན་དང་སྤྲད། ཁྲེས་པ་རྒྱུ་བ་བཞི་ཆའི་དུས། །གསུམ་ནི་རྣམ་པར་རྟོག་པ་[378.5]སྟེ། །གཅིག་པོ་ཡེ་ཤེས་གསང་བ་ཡིན། །དུས་ཚོད་བླ་མའི་ཐུགས་ལ་བརྟགས། །བརྒྱུད་པ་ཐབས་ཀྱི་མེ་ལོང་གིས། །མངོན་དུ་གསལ་བ་ཡེ་ཤེས་ལ། །གང་ལྟར་འཚམས་པ་དེ་དག་ཡིན། །རྨོངས་པ་བཀྲི་པའི་ཐབས་[378.6]སུ་བསྟན། །བྱས་དང་མ་བྱས་གཉིས་ཀྱི་བར། །འཛིན་བྲལ་དབུ་མའི་ཤེས་པ་གནས། ཡེ་ཤེས་འཛིན་པའི་མན་ངག་སྟེ། །འཕྲུལ་གྱི་སྐྱེས་བུའི་བློ་དང་མཅོས། །གསལ་བ་དཛ་པོ་མ་སྐྱེས་མཐའ། །སྐྱེ་ན་མ་སྐྱེས་དོན་[379][379.1]དང་བྲལ། །མཐའ་དབུས་བྲལ་བའི་སྙིང་པོ་ནི། །རྫོགས་པ་ཐུག་ཕྲད་ཡིན་པར་གསུངས། །ཅི་ལ་གང་སྣང་དུས་དེ་ན། །མ་བཙལ་རིག་སྣང་མི་རྟོག་ལུང་། །ཉམས་བརྗོད་ཀུན་བྲལ་ཡེ་ཤེས་ཏེ། །བུ་མོ་[379.2]དགའ་བའི་རོ་བཞིན་ནོ། །ཡེ་ཤེས་མཉམ་རྫོགས་ཆ་གཅིག་ལ། །སྐུ་གསུང་ཐུག་ཕྲད་མན་ངག་གསལ། །ཀུན་ཀྱང་ཡེ་ཤེས་རང་གསལ་ཏེ། །དུས་ཚོད་བླ་མའི་ཞལ་ལས་ཤེས། །ཐབས་སྦྱོར་མན་ངག་བཅུ་གསུམ་[379.3]པོ། །གང་ལ་འདུལ་བའི་ཐབས་སུ་བསྟན། །སོ་སོ་རང་རིག་ངོས་བསྟན་པ། །མཁྱེན་ལྡན་བླ་མའི་ཞལ་ལས་ཤེས། །ཐབས་ཀྱི་རིམ་པ་གང་དང་གང་། །ཇི་ལྟར་ཡིན་པ་དེ་ལྟར་འཇུག །འདོད་འབྱུང་རིན་ཆེན་འཕྲུལ་གྱི་[379.4]དབྱིག །རྩོལ་མེད་གནས་པས་ཐོབ་པར་འགྱུར། །ངོ་བོ་རང་གསལ་དམིགས་མེད་དེ། །རང་གསལ་ཆོས་དབྱིངས་བརྗོད་བྲལ་དང་། །ཡུལ་མེད་མཐའ་བྲལ་རང་བྱུང་ཀློང་། །གཉིས་མེད་རིག་པ་གཅིག་ལ་[379.5]རྫོགས། །རིག་པའི་འཁོར་ལོ་གསལ་བའི་གཏེར། །འདུ་ཤེས་བྲལ་བས་དབྱིངས་སུ་རྫོགས། །ཏིང་འཛིན་ཡེངས་མེད་ཆིག་རྫོགས་ལ། །གཉིས་དང་གཅིག་གི་འཛིན་མི་འཇུག །མ་བཅོས་སྤྲོས་བྲལ་མཉམ་ཉིད་[379.6]ལ། །ཕྱོགས་རིས་འཛིན་རྟོག་གདོད་ནས་སྟོང་། །མཐའ་བྲལ་རང་གསལ་སྙིང་པོ་ལ། །བསྒོམ་དང་མི་བསྒོམ་འདུ་ཤེས་བྲལ། །རང་རིག་རང་གསལ་རྫོགས་ལུང་ལ། །གཉིས་པའི་འདུ་ཤེས་རྣམ་པར་བཅད། །བརྗོད་[380][380.1]བྲལ་རང་གསལ་རིག་གསུངས་ལ། །བརྗོད་དང་མི་བརྗོད་འདུ་ཤེས་སྤངས། །ཕྱོགས་མེད་རང་གསལ་ཡེ་ཤེས་ལ། །འདུ་ཤེས་མི་མངའ་གཅིག་གི་གཏེར། །རང་གསལ་འབྲས་རྫོགས་སྙིང་པོ་ལ། །དངོས་གྲུབ་ཉི་མའི་[380.2]འོད་ལྟར་འཆར། །མཁྱེན་བྲལ་གཟིགས་མེད་ཡེ་ཤེས་སྤྱན། །དགོངས་མེད་སྙིང་པོའི་དོན་ལ་གཟིགས། །མ་འདྲེས་མཁྱེན་པའི་སྙིང་པོ་ལས། །འདོད་དགུའི་བྱིན་རླབས་ཆར་དུ་འབབས། །ནམ་མཁའི་ཀློང་ཡངས་ཇི་[380.3]བཞིན་དུ། །བརྗོད་མེད་ཀློང་ལ་ཐམས་ཅད་རྫོགས། །གསལ་བ་ཉི་མའི་སྙིང་པོ་ལྟར། །རང་གསལ་བྱིན་རླབས་དབྱིངས་སུ་རྫོགས། །འདོད་འབྱུང་རིན་ཆེན་ཕུང་པོ་ལྟར། །ཕྱོགས་རིས་མི་མངའ་ཡོངས[380.4]ཀྱི་གཏེར། །རྩལ་ཆེན་རྫོགས་པའི་སེང་གེ་ལྟར། །རྩོལ་བསྒྲུབ་ཟིལ་གནོན་གཅིག་ཏུ་རྫོགས། །འཕུར་སྐྱེན་མཁའ་ལ་འགྲོ་བ་ལྟར། །བགྲོད་མེད་ས་རྣམས་ཅིག་ཆར་ནོན། །གཟའ་བྲལ་རིག་པའི་དབྱིངས་སུ་[380.5]རྫོགས། །ཐམས་ཅད་གསལ་སྣང་རིག་པར་རྫོགས། །མཁའ་ལ་གཟའ་སྐར་བཀྲམ་པ་ལྟར། །མ་འདྲེས་རང་གསལ་དབྱིངས་སུ་རྫོགས། །རྡོ་རྗེ་སེམས་དཔའ་དེ་བཞིན་གཤེགས། །མ་བཅོས་ཇི་བཞིན་རིག་པའི་[380.6]ཀློང་། །ཤེས་པར་གྱིས་ལ་རང་དགར་ཞོག །སྤྲོས་མེད་རྒྱུ་རྐྱེན་རྟེན་བྲལ་བ། །ནམ་མཁའ་རང་བྱུང་སྟོབས་པོ་ཆེ། །རང་བྱུང་གཞན་མེད་རང་གི་དབྱིངས། །གང་ལྟར་བཞག་པ་དེ་ལྟར་ཡིན། །རང་གསལ་ཉི་མ་ཀུན་ལ་[381][381.1]སྙོམས། །མཐའ་བྲལ་ནམ་མཁའི་སྙིང་པོ་ལྷར། །གསལ་ལ་བརྟགས་ན་དམིགས་དང་བྲལ། །མི་གཡོ་འཛིན་བྲལ་མཉམ་ཉིད་གཏེར། །རང་བྱུང་བསྟན་པ་རང་ལས་འཆར། །རང་གསལ་འཁོར་ལོ་རང་[381.2]ལ་བསྐོར། །རང་གསལ་ཉི་མ་ཀུན་གྱི་གཏེར། །ཀུན་ལ་གནས་སོ་བརྟག་བྲལ་དབྱིངས། །ཞེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། རིན་ཆེན་ཤེས་བྱ་གཏེར་གྱི་ལེའུ་སྟེ་བཞི་[381.3]པའོ།། །།དེ་ནས་སེམས་དཔའ་རྡོ་རྗེས་རྡོ་རྗེ་སེམས་དཔའ་ཆེན་པོ་ལ་འདི་སྐད་ཅེས་གསོལ་བ་བཏབ་བོ། །རང་གསལ་ཉི་མ་འོད་ཀྱི་མཆོག །མཛོད་དགུ་རིག་པའི་གཏེར་དང་ལྡན། །ལྷུན་གྲུབ་བྱ་བྲལ་རྫོགས་[381.4]ལུང་ལས། །མཛོད་དགུས་འདོད་པ་ཆར་ཕོབ་ལ། །ཉོན་མོངས་ཡེ་ཤེས་གཅིག་ཏུ་སྣང་། །གཅིག་ལ་དགུར་ཕྱེ་བཤད་དུ་གསོལ། །དེ་ནས་རྡོ་རྗེ་སེམས་དཔའ་ཆེན་པོས་འདི་སྐད་ཅེས་བཀའ་སྩལ་ཏོ། །ཀྱེ་སེམས་དཔའ་[381.5]ཆེན་པོ། །ཐིག་ལེ་གཅིག་ལ་གཉིས་སུ་ཕྱེ། །དབེན་པ་གཅིག་ལ་སྒྲོ་སྐུར་བྱུང་། །འགྲོ་དྲུག་གཅིག་ལ་སོ་སོར་བལྟས། །མཛོད་དགུ་རིག་པའི་གཏེར་ལ་བསྒྲིབས། །ཐིག་ལེ་ཡོངས་ཀྱིས་ཟླུམ་པོ་ལ། །འཁོར་དང་མྱང་[381.6]འདས་ཡེ་ནས་མེད། །འཁོར་བ་བྱང་ཆུབ་སྙིང་པོ་ལ། །སྡུག་བསྔལ་ཀུན་བཟང་རོལ་པར་ཤར། །དེ་ཉིད་སྤྲོས་མེད་ཐིག་ལེར་གསལ། །གསལ་ཡང་མི་མངོན་དབྱིངས་སུ་ཐིམ། །ཆགས་སྡང་གཏི་མུག་ང་རྒྱལ་[382][382.1]དང་། །གང་ཕྱིར་ཕྲག་དོག་ཆེན་པོ་ནི། །བཙལ་མེད་ཡེ་ཤེས་ལྔར་གསལ་བས། །ཡེ་ཤེས་ཉི་ལྟར་ཀུན་ལ་བརྡལ། །འདོད་ལྔ་ཡུལ་ལྔ་ཀུན་གྱི་གསོས། །རང་བྱུང་ཐུགས་རྗེ་ཡོངས་ཀྱི་གསོས། །རང་གི་རོལ་པ་རང་ལ་[382.2]སྣང་། །རང་གི་ལོངས་སྤྱོད་རང་ལ་མཛད། །མ་རིག་འཐིབས་པའི་འགྲོ་བ་ལ། །སྣང་གསལ་སྒྲོན་མ་རང་བཞིན་འཆར། །འཁོར་བ་ཉིད་ན་ཡེ་སངས་རྒྱས། །སྡུག་བསྔལ་ལོངས་སྤྱོད་བདེ་བའི་རྒྱན། །གདོད་ནས་ཡེ་[382.3]ཤེས་རང་གསལ་ལ། །གཉིས་སུ་བཏགས་པ་འཁྲུལ་པའི་ལམ། །སྐུ་དང་གསུང་ཐུགས་ཕྲིན་ལས་ཀུན། །རིག་པ་གསལ་བའི་དབྱིངས་ལ་གསལ། །མཁའ་ལ་བྱ་ལམ་འདྲ་བ་ཡི། །ནམ་མཁའི་དབྱིངས་ཐིམ་གསལ་མི་[382.4]འགྱུར། །ཞིང་ཁམས་དབང་ཐོབ་རྫུ་འཕྲུལ་ཡང་། །མཉམ་ཉིད་རིག་པའི་གཏེར་ལ་རྫོགས། །མཛད་སྤྱོད་དགོངས་པ་མཐའ་ཡས་ཀྱང་། །རང་གསལ་ཡེ་ཤེས་ངང་ལ་གནས། །རང་བཞིན་གཉིས་མེད་མཁའ་ལྟར[382.5]བརྡལ། །མཛད་པའི་བྱིན་རླབས་སྐར་ལྟར་བཀྲམ། །ཐུགས་རྗེའི་བྱིན་རླབས་འོད་ལྟར་བརྡལ། །རང་གསལ་ངང་ལ་འདུ་འབྲལ་མེད། །རིག་པའི་ཡེ་ཤེས་ཉག་གཅིག་ལ། །བྱིན་རླབས་ཡིད་བཞིན་ནོར་བུ་ལྟར། །འགྲོ་[382.6]དྲུག་རང་སྣང་འཁོར་ཚོགས་ལ། །འབྲས་བུ་ནམ་མཁའིཆརབཞིནའབབ། །གཉིས་མེད་གཅིག་གིརངབཞིནལ། །ཇིལྟར་བརྟགས་བསམ་འབྱུང་བས་ན། །རང་གསལ་མེ་ལོང་འོད་པོ་ཆེ། །ཡུལ་མེད་གསལ་བའི་[383][383.1]དབྱིངས་སུ་རྫོགས། །ཡེ་ནས་བྱང་ཆུབ་སྙིང་པོ་ལ། །ཡིན་མིན་གཉིས་ལས་སྒྲོ་སྐུར་བྱུང་། །དེ་དག་མི་གནས་མཐའ་བྲལ་བས། །དངོས་ལ་དེ་དག་ཀུན་དང་བྲལ། །དཔེར་ན་མཁའ་ལས་ཁབ་ལྷུང་[383.2]བ། །འཁྲུལ་པའི་ངོ་ལ་སྣང་བ་ལས། །རྟོག་ལ་དེ་དག་གཉིས་ཀ་མེད། །སྒྲོ་འདོགས་གློ་བུར་འདོགས་པའི་ཆོས། །སྐུར་འདེབས་སྟོང་མཐའ་མེད་པའི་མཐའ། །འདི་ཀུན་ལོག་པའི་གྲོང་ཁྱེར་བ། །རྡོ་ལ་གསེར་དུ་ཞེན་[383.3]པ་ལྟར། །རང་རང་བརྟགས་སྣང་ལ་ཞེན་པས། །ཕྱོགས་མེད་རང་སྣང་འབྲས་འདོད་པ། །རང་གསལ་འབྲས་བུ་རྙེད་རེ་སྐན། །དེ་བས་རང་གསལ་མཉམ་པ་ལ། །རིམ་པ་མེད་པའི་སེམས་ཀྱིས་འཇུག །སྒྲོ་བྲལ་རིག་[383.4]པའི་འཁོར་ལོ་གསལ། །སྐུར་བྲལ་རིག་པ་རང་གསལ་ལུང་། །ཕྱོགས་བྲལ་མཉམ་ཉིད་རིག་པའི་གཏེར། འཇུག་མེད་བསླད་མེད་ཇི་བཞིན་གནས། །མཉམ་ཉིད་ནམ་མཁའི་མཐའ་མཉམ་རྒྱུད། །ཐིག་ལེ་གཅིག་ཏུ་[383.5]གནས་པ་ལ། །མ་རྟོག་དབང་གིས་དྲུག་ཏུ་སྣང་། །ཀུན་ཀྱང་ཐིག་ལེ་ཆོས་ཉིད་གསལ། །ཞེ་སྡང་མ་བཅོས་དབྱིངས་གསལ་ན། །དམྱལ་བའི་མེ་ལྕེ་འོད་འབར་ཡང་། །སྡུག་བསྔལ་དངོས་ལ་མ་གྲུབ་པས། །མ་བཅོས་[383.6]དབྱིངས་ལས་གཞན་མ་ཡིན། །ང་རྒྱལ་མངོན་མཐོ་ལྷར་གསལ་ནས། །ལོངས་སྤྱོད་བདེ་སྡུག་སོ་སོ་ཡང་ མ་བཅོས་ངང་ལ་གཉིས་མེད་པས། །གཉིས་མེད་ངང་ལ་ལྷུན་གྱིས་རྫོགས། །འདོད་ཆགས་ཞེན་འཇུག་[384][384.1]བརྟགས་པ་ཡིས། །གླིང་བཞི་མི་ཡི་ལོངས་སྤྱོད་དང་། །བདེ་སྡུག་འཁོར་བའི་སྡུག་བསྔལ་ཡང་། །རང་བྱུང་ངང་ལ་གཉིས་མེད་པས། །རང་གསལ་ཡེ་ཤེས་སྙིང་པོར་རྫོགས། །གཏི་མུག་འཐིབས་ཤིང་བསྒྲིབས་དབང་[384.2]གིས། །བྱོལ་སོང་གནས་སུ་ལྷུང་གྱུར་ཀྱང་། །སྡུག་བསྔལ་དངོས་ལ་མི་གནས་པས། །དེ་དག་རིག་པའི་འཁོར་ལོར་རྫོགས། །སེར་སྣ་ཆགས་བཅིངས་འབྲས་བུ་ཡིས། །ཟས་དང་ལོངས་སྤྱོད་ཕོངས་པ་དང་། །འདོད་པ་[384.3]ཡིད་དུ་མི་འོང་བ། །དངོས་ལ་དེ་ལྟར་གནས་མ་ཡིན། །ཕྲག་དོག་གདུག་རྩུབ་དབང་གིས་ནི། །འཐབ་རྩོད་འཁྲུག་པའི་སྡུག་བསྔལ་དེ། །རང་བྱུང་དངོས་ལ་མི་གནས་པས། །རང་གསལ་རིག་པའི་འཁོར་ལོར[384.4]རྫོགས། །ཀུན་གཞི་མ་སྐྱེས་ཆོས་དབྱིངས་ལ། །རིག་པ་རང་གསལ་མཛོད་དགུར་འབྲེལ། །རིན་ཆེན་ཀློང་དགུ་ཐུགས་ལ་གསལ། །རང་གནས་རིག་པའི་གཏེར་ལ་རྫོགས། །མ་བཅོས་སྤྲོས་བྲལ་ཆོས་ཀྱི་[384.5]གཏེར། །ཀུན་འབྱུང་རིན་ཆེན་ཕུང་པོ་ལ། །འཕེལ་འགྲིབ་མེད་པ་ནམ་མཁའི་ངང་། །ཀུན་གཞི་ཆོས་ཀྱི་མཛོད་དུ་གསུངས། །འབྱུང་ལྔ་ངོ་བོ་མ་སྐྱེས་པ། །དེ་ཉིད་ངང་ལ་རང་བྱུང་ཞིང་། །ཀུན་ཁྱབ་ཀུན་སྤྱོད་ཀུན་[384.6]གནས་པས། །ནམ་མཁའ་འབྱུང་ལྔ་སྐྱེ་འགྲོའི་མཛོད། །ཆོས་སྐུ་མཁའ་ལྟར་དག་པ་ལས། །བྱིན་རླབསསྣཚོགསརྒྱུནམིའཆད། །རང་གསལ་ངང་དུ་ཀུན་འདུས་པས། །ཆོས་སྐུ་བྱིན་གྱི་རླབས་ཀྱི་མཛོད། །བལྟ་མེད་[385][385.1]རང་གསལ་གཟའ་གཏད་མེད། །ལྟ་བ་ཀུན་གཞིའི་རྩ་ཡིན་པས། །བལྟར་མེད་ཀུན་བྲལ་་་་གཅིག་པོ། །ལྟ་བ་ཀློང་ཡངས་མཉམ་པའི་མཛོད། །ཟིན་ཆགས་བྲལ་བའི་བདུད་རྩི་ལ། །གླང་ཆེན་ཆུར་[385.2]ཞུགས་ལྟ་བུ་ཡི། །བབ་ཅོལ་རེ་དོགས་བྲལ་བ་ལ། །སྤང་ལེན་བྲལ་བ་སྤྱོད་པའི་མཛོད། །བསྐུར་མེད་རང་ཐོབ་དབང་གི་མཆོག །ལམ་དང་ས་ལ་མི་བགྲོད་དེ། །ཁྱུང་ཕྲུག་སྒོང་སྐྱེས་ཇི་བཞིན་པ། །རྒྱལ་ཐབས་སྤྱི་[385.3]བླུགས་དབང་གི་མཛོད། །བྱར་མེད་གདོད་ནས་བྱས་ཟིན་ལ། །བྱ་མེད་རང་གསལ་ཕྲིན་ལས་འདི། །ཀུན་ཏུ་མ་ཡེངས་རང་གནས་པ། །ཕྲིན་ལས་ལྷུན་གྱིས་གྲུབ་པའི་མཛོད། །རང་གསལ་མ་བཅོས་དཀྱིལ་འཁོར་[385.4]ལ། །མ་བསྐྱེད་གདོད་ནས་སྐུ་གསུང་ཐུགས། །རང་གསལ་མི་རྟོག་ཏིང་འཛིན་དང་། །བསྐྱེད་མེད་དཀྱིལ་འཁོར་ཆེན་པོའི་མཛོད། །མཁྱེན་པའི་ཡེ་ཤེས་རང་འཆར་ལ། ཁོས་རབ་གསུམ་གྱི་ཚུལ་གྱིས་འཇུག །ཡེ་[385.5]ཤེས་གསང་བའི་གཏེར་འཛིན་པས། །མ་བཅོས་རང་གསལ་ཡེ་ཤེས་མཛོད། །དགུར་སྣང་ཆིག་རྫོགས་ཁྱད་པར་ཆེ། །རིན་ཆེན་ཕུང་པོ་མཉམ་པའི་དབྱིངས། །རིན་ཆེན་མཛོད་སྒོ་ཀུན་ཕྱེ་བས། །རིན་ཆེན་དབྱིག་གི་[385.6]གཏེར་དང་ཕྲད། །ཁྱབ་གདལ་ནམ་མཁའི་བྱིན་རླབས་ལས། །ཉི་མའི་འོད་ཀྱི་དཀྱིལ་འཁོར་ཤར། །རིག་པ་རངབྱུངཉག གཅིགལས། །གདུལ་དབང་བསམ་པའི་ཁྱད་པརགྱིས། །མེ གཅིགསྐརཁུང་དུ་མ་[386][386.1]བཞིན། །གཅིག་ལ་དགུ་ཡི་ཚུལ་དུ་སྣང་། །རིག་པ་ཀློང་གི་དོན་ལ་འདུས། །དཔག་མེད་དུས་གསུམ་རྒྱལ་བ་རྣམས། །མ་རྟོགས་དོན་ལ་དགོངས་པའི་ཕྱིར། །རྫོགས་ཆེན་གླེགས་བམ་ཚུལ་བཟུང་སྟེ། །གདུལ་བྱ་ཀུན་[386.2]གྱི་མདུན་ན་གནས། །ཇི་ལྟར་འོད་དང་འོད་ཅན་ལྟར། །ཐུགས་རྗེ་ནམ་མཁའི་མཐའ་ལྟར་གདལ། །གཉིས་མེད་ཡེ་ཤེས་གཅིག་ལ་རྫོགས། །རེ་སྐོང་ཡིད་བཞིན་ནོར་བུའི་ཚུལ། །མཛོད་དགུ་རིག་པའི་གཏེར་ཆེན་[386.3]ལ། །རིག་ཅན་དབང་ཐོབ་གང་ཟག་གིས། །བརྡ་དོན་འབྱེད་བཀྲོལ་རིམ་པ་འདིས། །དུས་གཅིག་འདོད་སྤྱོད་དགྱེས་པར་གྱུར། །ཇི་སྲིད་གང་དང་གང་སྣང་བ། །དེ་སྲིད་སེམས་ཀྱི་རྣམ་གྲངས་ཏེ། །གཅིག་གིས་ཀུན་[386.4]གྲོལ་ཐོབ་པ་ནི། །འཕྲུལ་གྱི་སྐྱེས་བུའི་དཔེ་དང་མཚུངས། །འདོད་འབྱུང་རིན་ཆེན་ཕུང་པོ་ལྟར། །ཀུན་ལ་ཕྱོགས་རིས་མེད་པར་གསལ། །རིན་ཆེན་ཁང་པ་སྒོ་མང་བཞིན། །དོན་གཅིག་འཇུག་སྒོ་བསམ་མི་[386.5]ཁྱབ། །ཅེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། མཛོད་དགུ་རིན་ཆེན་གཏེར་གྱི་ལེའུ་སྟེ་ལྔ་པའོ།། །།དེ་ནས་སེམས་དཔའ་རྡོ་རྗེས་རྡོ་རྗེ་སེམས་དཔའ་ཆེན་པོ་ལ་འདི་སྐད་[386.6]ཅེས་གསོལ་ཏོ། །དུས་གསུམ་སངས་རྒྱས་ཐམས་ཅད་ཀྱི། །འདོད་འབྱུང་ནམ་མཁའ་མཛོད་ཀྱི་བདག །སྐུ་གསུང་ཐུགས་ཀྱི་དབྱིངས་ལ་རོལ། །འགྱུར་མེད་ངང་ལ་རྟག་ཏུ་བཞུགས། །མགོན་པོ་ཁྱོད་ལ་གསོལ་བ་[387][387.1]ནི། །རིན་ཆེན་དབྱིག་དང་འཕྲད་བྱའི་ཕྱིར། །རིན་ཆེན་ཕུང་པོ་རང་གསལ་དོན། །གང་གིས་གསལ་བ་བཤད་དུ་གསོལ། །ཞེས་གསོལ་ཏོ། །རྡོ་རྗེ་སེམ་དཔའ་ཆེན་པོས་འདི་སྐད་ཅེས་གསུངས་སོ། །ཀྱེ་[387.2]སེམས་དཔའ་ཆེན་པོ། །ནམ་མཁའི་མཐའ་དང་མཉམ་སྦྱོར་བའི། །ནམ་མཁའ་རྒྱས་པའི་མཐའ་བཞིན་དུ། །མཐའ་དབུས་མེད་པའི་སྙིང་པོ་ལ། །ཇི་ལྟར་བསམ་པ་དེ་ལྟར་འབྱུང་། །གསང་བའི་རྒྱ་མཚོ་རིན་ཆེན་[387.3]དབྱིག །ཐབས་སྦྱོར་རང་གསལ་བསམ་མི་ཁྱབ། །རང་གསལ་འོད་ལ་རྟག་ཏུ་བཞུགས། །རིན་ཆེན་འཕྲུལ་གྱི་དབྱིག་ལ་བརྟག །རྡོ་རྗེའི་ལུང་དང་མི་ལྡན་པར། །གསུང་གི་ཉིང་ཁུ་བྲལ་བ་ཡིས། །རང་གསལ་རིག་[387.4]པའི་འཁོར་ལོ་ལ། །བསྐལ་པར་བརྟགས་ཀྱང་དོན་མི་རྙེད། །རྣ་བརྒྱུད་ཐུགས་ཀྱི་རིན་ཆེན་ལ། །རིག་སྦྱོར་ཐུགས་ཀྱི་རྣལ་འབྱོར་པས། །བླ་མ་རྡོ་རྗེ་སྲོག་ཏུ་འཛིན། །ཡོ་བྱད་སྙིང་པོས་མཉེས་བྱས་ཏེ། །སྒོ་གསུམ་བྲན་[387.5]དུ་ཁས་བླངས་ན། །རིན་ཆེན་དབྱིག་དང་ཕྲད་བྱས་ནས། །བརྡ་དོན་དགྲོལ་བའི་རིམ་པ་ཡིས། །རྒྱལ་ཐབས་རིག་པ་ཚངས་དབང་གིས། །སྐད་ཅིག་སངས་རྒྱས་ས་དང་འཕྲད། །བདེ་བ་ཕྲག་བརྒྱའི་དོན་ཐོབ་[387.6]ནས། །དུས་མཐའི་སྐད་ཅིག་ཉིད་ལ་ནི། །ཕྱོགས་བཅུའི་ཞིང་ཁམས་ཁྱབ་པར་གསལ། །རང་གསལ་རིག་པའི་སྒྲོ་སྐུར་བཅད། །འདུ་ཤེས་བྲལ་བའི་དབྱིངས་ལ་རྫོགས། །སྤྲོས་བྲལ་མཚན་མའི་འདུ་ཤེས་[388][388.1]བཅད། །རྣམ་དག་གསལ་བའི་ཡེ་ཤེས་ལ། །མཐའ་ཡི་མུན་པ་མ་བསལ་དག །བརྡ་དོན་སྤྲད་པ་མ་གཏོགས་པ། །མཚན་མ་སྒྲ་ཡི་རྗེས་མི་འཇུག །རང་གསལ་ཉི་མའི་སྙིང་པོ་ལྟར། །གསལ་ཡང་འདུ་ཤེས་མེད་པར་[388.2]གནས། །ནམ་མཁའ་མི་འགྱུར་རྟག་པ་ལྟར། །ཀུན་འབྱུང་རྟག་ཆེན་འགྱུར་མེད་ཀློང་། །རྡོ་རྗེ་སེམ་དཔའ་ལྷ་བཞིན་དུ། །བསྒོམ་དང་བྲལ་བའི་དབྱིངས་སུ་རྫོགས། །འཕྲུལ་དགའི་ལོངས་སྤྱོད་ཚུལ་དེ་བཞིན། །རང་[388.3]ལས་འཕྲུལ་ཞིང་འདོད་དགུར་བསྒྱུར། །རྒྱ་མཚོའི་གཟིངས་ཀྱི་བྱ་རོག་ལྟར། །བསྐོར་ཞིང་རང་གི་དབྱིངས་ལ་ཐུག །ཐུབ་དབང་ནོར་བུ་དེ་ཇི་ལྟར། །གང་ལྟར་བསྟན་པ་དེ་ལྟར་རོ། །སྤྱི་གཙུག་ནོར་བུ་ཇི་བཞིན་དུ། །མ་[388.4]བཙལ་རང་གསལ་དབྱིངས་ལ་གནས། །བཅུད་འཛིན་རིན་ཆེན་གཏེར་བཞིན་དུ། །སྤྲོ་བསྡུ་གཡོ་མེད་ཇི་བཞིན་གསལ། །དབྱིངས་ལ་གསལ་བའི་འོད་བཞིན་དུ། །མ་འདྲེས་རང་གསལ་འདུ་ཤེས་བཅད། །རྒྱལ་བའི་[388.5]གཙུག་ཏོར་ཇི་བཞིན་དུ། །བལྟས་པས་ཐུག་མེད་ནམ་མཁའི་དབྱིངས། །སྣང་སྲིད་གསལ་བའི་མེ་ལོང་ལྟར། །ཐ་དད་གསལ་ཡང་དབྱིངས་ལ་རྫོགས། །ཀ་ལ་པིང་ཀའི་ལམ་གནས་བཞིན། །གང་ལྟར་བགྲོད་ཀྱང་[388.6]བསམ་བྲལ་དབྱིངས། །བུ་མོ་དགའ་བའིརོབཞིནདུ། ཁྱབ པར་གསལ་ཡང་ཉམས་མྱོང་མེད། །རིན་ཆེན་ཤེལ་གྱི་ས་གཞི་ལྟར། །ཅིར་གསལ་མི་གཡོ་རྫས་བྲལ་དབྱིངས། །རྒྱ་མཚོ་འདུ་བའི་ཡང་ལྦུ་བའི་སྙིང་པོ་[389][389.1]ལྟར། །སྣ་ཚོགས་སྒོ་ནི་གཅིག་ཏུ་མཉམ། །ཉི་ཟླ་འབར་བའི་འོད་བཞིན་དུ། །ཕྱོགས་རིས་མེད་དེ་རང་གསལ་ངང་། །ནམ་མཁའི་ངོ་བོ་ཇི་བཞིན་དུ། །བརྟག་ཅིང་གཟུང་བའི་མཐའ་དང་བྲལ། །རང་[389.2]གསལ་སྤྲོས་པ་རྣམ་པར་བཅད། །དམིགས་བྲལ་ཀུན་སྣང་རྣམ་ཀུན་བཅས། །རྒྱ་མཚོའི་འཕྲོ་འདུ་བྱིན་རླབས་ལྷར། །རང་ལས་བྱུང་ཞིང་རང་ལ་འདུས། །ཕྱོགས་རིས་མི་མངའ་ཡོངས་ཀྱི་གཏེར། །གསལ་བའི་བྱིན་[389.3]རླབས་བསམ་མི་ཁྱབ། །མཐའ་གསུམ་གསལ་པས་དབྱིངས་ལ་ཐུག །དཔེར་ན་རིན་ཆེན་གསེར་གླིང་ལྟར། །ཀུན་ཏུ་སྣང་ཡང་གཅིག་ལ་རྫོགས། །རང་གསལ་རིག་པ་ཅིར་མི་དགོངས། །རིན་ཆེན་ཁང་པའི་སྒོ་མོ་[389.4]ལ། །ཀུན་ནས་ཀུན་ཏུ་མཉམ་སྦྱོར་བས། །གང་ལྟར་ཕྱིན་ཀྱང་རིན་ཆེན་གཅིག །དེ་ཡིས་དབྱིག་དེ་ཐོབ་པར་འགྱུར། །རྒྱལ་སྲས་ནུས་པའི་སྐལ་ལྡན་གྱིས། །རང་གསལ་ཀུན་གྱི་འོད་ལ་བཞུགས། །ཞེ་སྡང་ཀུན་[389.5]འཇོམས་ཏིང་ངེ་འཛིན། །གཏི་མུག་ཆེན་པོ་དེ་བཞིན་ཏེ། །འདོད་ཆགས་ཀུན་སྦྱོར་དེ་ཉིད་དང་། །ང་རྒྱལ་གདེང་གསུམ་ལྡན་པ་དང་། །ཕྲག་དོག་མི་ཆུང་དོན་ལྔ་ཡང་། །རང་གསལ་འོད་ལ་འདུས་ཏེ་[389.6]བཞུགས། །གཅིག་གི་དོན་ལ་ལྔར་སྣང་བ། །དགའ་བའི་རོ་ཡིས་ཁྱབ་དང་འདྲ། །རྟོག་དཔྱོད་བྲལ་བའི་ཆོས་དབྱིངས་ལ། །འོད་གསལ་རིག་པའི་གདེང་གིས་གནས། །བསམ་བྲལ་ནམ་མཁའི་སྙིང་པོ་ལ། །རྩོལ་བྲལ་[390][390.1]མཉམ་པའི་ཡིད་ཀྱིས་འཇུག །མཐོང་མེད་རིག་པའི་ཁ་ལོ་བསྒྱུར། །ཡི་གེ་མཐོང་བའི་དོན་དུ་མཐོང་། །མཚན་མའི་སྒྲ་ཡི་རྗེས་འབྲངས་ནས། །སྤྲོས་བྲལ་རིག་པའི་དོན་དང་འགལ། །མ་བཙལ་རང་བྱུང་འོད་གསལ་[390.2]བས། །མཐའ་དབུས་མེད་པའི་དབྱིངས་ལ་ཐིམ། །གསང་དང་གསང་ཆེན་རབ་གསང་བ། །རང་གསལ་སྤྲོས་བྲལ་གཅིག་ལ་འདུས། །ཡེ་ཤེས་རང་གསལ་རིག་པའི་འོད། །ཕྱོགས་རིས་མི་མངའ་ཡོངས་ལ་[390.3]སྙོམས། །མཉམ་ཉིད་རིག་པའི་ངོ་བོ་ནི། །གང་ཡང་ཡིན་ནོ་རྣམ་ཀུན་བཅས། །རང་རིག་འཕོ་འགྱུར་མེད་པ་ལ། །ཇི་ལྟར་གསལ་ཡང་འདི་ཞེས་མེད། །ཀུན་གསལ་མེ་ལོང་འོད་པོ་ཆེ། །ཡེ་ཤེས་རྫོགས་པའི་ངོ་བོ་[390.4]ལ། །ཡེ་ནས་ཐིག་ལེ་ཆེན་པོར་གསལ། །བདག་གཞན་ཡེ་ཤེས་དབྱིངས་སུ་རྫོགས། །རྒྱལ་པོ་ཀུན་གྱི་དབང་པོ་ལྷར། །བླ་མ་དམ་པ་རྡོ་རྗེ་འཛིན། །རྡོ་རྗེ་སེམས་དཔའ་མངོན་བྱུང་བ། །འཕྲུལ་ཚིག་རིག་པའི་སྒྲོན་མ་[390.5]ཡིས། །གཏེར་ཁྱིམ་དཔལ་བེའུའི་སྒོ་ཕྱེ་ནས། །སྐྱེ་བ་མེད་པའི་བརྡ་དོན་སྤྲད། །བགྲོད་པ་མེད་པའི་ས་ལ་བཞག །འཆི་བ་མེད་པའི་ཆོས་སྐུར་སྟོན། །རྟོག་པའི་ཤེས་རབ་གློ་སྐར་དུ། །རང་གསལ་ཉི་མས་ཁྱབ་པར་[390.6]གདལ། །རིན་ཆེན་པར་བུ་སྒོ་ཕྱེ་ལ། །རྡོ་རྗེ་སེམས་དཔའི་ཐུགས་བཅུད་བསྒོམས། །ཐབས་སྦྱོར་རིག་པའི་སྒོ་བཀྲོལ་ཏེ། །ཡེ་ཤེས་གསང་བའི་མན་ངག་བསྟན། །སྒྲ་ཚིག་མེད་པའི་རིག་པ་ཡིས། །རང་གསལ་རིག་པའི་[391][391.1]འོད་ལ་བཞག །རྩོལ་བསྒྲུབ་བྲལ་བའི་འབྲས་བུ་སྤྲད། །འདི་ལྟར་སྟོན་པའི་སློབ་དཔོན་ནི། །ལུས་སྲོག་དབང་པོ་ཤ་རུས་ཁྲག །བསྐལ་པར་བཏང་ཡང་མི་ཕངས་ན། །བུ་དང་ཆུང་མ་ནོར་གྱི་[391.2]དབྱིག །བྲན་ཕོ་བྲན་མོ་སྨོས་ཅི་དགོས། །དམ་པ་རྒྱལ་བར་མི་འཛིན་ན། །དཔག་མེད་རྒྱུད་ལ་མཁས་གྱུར་ཀྱང་། །དེ་ཉིད་གཤེད་གྱུར་སྙིང་དྲལ་ནས། །ངེས་པར་རྡོ་རྗེའི་ཁབ་ཏུ་ལྷུང་། །མགྱོགས་འགྲོ་སོ་མཚམས་[391.3]འདས་དང་འདྲ། །འཁོར་བའི་གཏིང་དུ་ལྟུང་གྱུར་ནས། །དམ་པ་དེ་ལ་མ་བརྟེན་པར། །ཐར་པའི་སྐབས་ནི་མི་སྲིད་དོ། །རྫོགས་ཆེན་རྣ་བརྒྱུད་མན་ངག་ལ། །བླ་མའི་མན་ངག་མི་ལྡན་པས། །ལོག་རྟོག་ཤེས་པས་[391.4]དཔྱད་པ་ནི། །ངེས་པར་ལྟུང་འགྱུར་ཐེ་ཚོམ་མེད། །རང་བཞིན་ངན་པའི་མི་རྣམས་དང་། །ཐོས་ཆུང་སྒྲ་ལ་གོམས་མེད་དང་། །ཐེག་པ་དམན་པའི་སྐྱེ་བོ་དང་། །རྡོ་རྗེ་སློབ་དཔོན་སྨོད་པ་དང་། །རྡོ་རྗེ་སྤུན་ལ་འཁུ་བ་[391.5]དང་། །རང་གསལ་དོན་ལ་སྐུར་པ་དང་། །ཁེ་གྲགས་ཆེ་བའི་རྒྱུ་བསྒྲུབ་དང་། །ཆོས་ལ་དགག་སྒྲུབ་བྱེད་པ་དང་། །དོན་མེད་སྒྲ་ལ་གཉེར་བ་དང་། །དོན་མེད་སློབ་དཔོན་དབང་འདོད་ལ། །ནམ་མཁའི་མཐའ་དང་[391.6]མཉམ་པའི་རྒྱུད། །ཡང་གསང་ཐུགས་ཀྱི་མན་ངག་འདི། །བཤད་ཅིང་ངེས་པར་བསྟན་བྱས་ན། །དམ་ཤོད་གླིང་གི་དུར་ཁྲོད་དུ། །ཌའ་མ་རུ་ལ་འདུ་བ་ལྟར། །མཁའ་འགྲོ་རྣ་ཉན་འདུས་པ་ཡིས། །འཆི་བའི་དུས་མིན་[392][392.1]སྔོན་རོལ་དུ། ཁྲ་ཁྲག་མངོན་དུ་བཟའ་བ་དང་། །མི་བཟད་དྲག་པོའི་སྡུག་བསྔལ་གྱིས། །འཆི་དང་ངེས་པར་སྲོག་བཅད་ནས། །རྡོ་རྗེའི་ཁབ་ཏུ་ངེས་པར་འགྲོ །བྱང་ཆུབ་སེམས་དང་མ་ལྡན་པར། །ཐར་བར་མི་[392.2]འགྱུར་སྐྱབས་དང་བྲལ། །དེ་ཕྱིར་ངེས་པར་དབང་ཐོབ་པའི། །རྒྱལ་སྲས་ངེས་པ་གཅིག་ལ་གཏད། །ཅེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། རིག་པ་གསལ་བྱེད་དཔེའི་ལེའུ་སྟེ་དྲུག་[392.3]པའོ།། །།དེ་ནས་སེམས་དཔའ་རྡོ་རྗེ་དེས་རྡོ་རྗེ་སེམས་དཔའ་ཆེན་པོ་ལ་འདི་སྐད་ཅེས་གསོལ་བ་བཏབ་བོ། །དུས་གསུམ་སངས་རྒྱས་ཐམས་ཅད་ཀྱི། །ཡེ་ཤེས་ཆེན་པོ་རང་གསལ་བདག །འཕྲུལ་ཚིག་བརྡ་[392.4]ཡིས་མཚོན་པའི་ཕྱིར། །བརྗོད་བྲལ་རིག་པའི་ངོ་བོ་ལ། །༣ངོན་བྱས་གདམས་ངག་རིམ་པ་ཡིས། །གསལ་བར་ངེས་པར་གསུང་དུ་གསོལ། །ཞེས་གསོལ་ཏོ། །དེ་ནས་རྡོ་རྗེ་སེམས་དཔའ་ཆེན་པོས་འདི་སྐད་[392.5]ཅེས་གསུངས་སོ། །ཀྱེ་སེམས་དཔའ་ཆེན་པོ། །ནམ་མཁའི་མཐའ་དང་མཉམ་པའི་རྒྱུད། །རྫོགས་ཆེན་ཐུགས་ཀྱི་ཀློང་གི་མཆོག །དམིགས་དང་ཐབས་གསོལ་གནས་པ་ནི། །སྐྱོན་ཡོན་རིམ་པ་བརྟག་པ་གཅེས། །ནམ་[392.6]མཁའི་དབྱིག་གི་གཏེར་འཆང་ཞིང་། །རང་རིག་རང་གསལ་མི་གཡོ་ཐུགས། །མ་བཅོས་འོད་གསལ་འོད་ལ་བཞུགས། །མི་གནས་རྟོག་བྲལ་ཅིར་མི་དགོངས། །བསམ་བྲལ་དཔྱད་མེད་དོན་མངའ་ཞིང་། །རིག་པ་མ་[393][393.1]བཅོས་དབྱིངས་ལ་འཇུག །བསམ་མེད་རིག་པའི་གདེང་གིས་གནས། །བསམ་མེད་དཔྱང་མེ་།་ས་ལེ་བ། །དམིགས་མེད་དོན་ལ་རྟག་ཏུ་བཞུགས། །རྒྱལ་ཐབས་ཚངས་པའི་མན་ངག་གིས། །འཁོར་བ་[393.2]མ་བཅོས་གནས་སུ་སྤར། །གཏད་འཛིན་བྲལ་བའི་བློ་ཡིས་ནི། །རྣམ་རྟོག་ཡེ་ཤེས་སྙིང་པོ་མཁྱེན། །སྒྲིབ་མེད་གསལ་བའི་ཡེ་ཤེས་ལ། །བཅོས་མེད་རིག་པའི་བློ་ཡིས་འཇུག །སྙིང་རྗེ་ཐབས་མཁས་སྤྱོད་པ་ཡིས། །མ་[393.3]ལུས་མ་བཅོས་རིག་པར་གསལ། །གང་དང་གང་གི་ཐབས་ཉིད་ཀྱིས། །བསམ་པ་དེ་དེ་རིམ་སྦྱར་ནས། །མོས་འཇུག་ཐ་དད་དབང་གིས་ན། །དུས་གཅིག་འགྲོ་ལྔ་བྱང་ཆུབ་ལམ། །སྤྲོས་བྲལ་རིག་པའི་དཀྱིལ་འཁོར་[393.4]ལ བཅོས་མེད་རིག་པའི་སེམས་ཀྱིས་གནས། །བྱར་མེད་ལྷུན་གྲུབ་ཕྲིན་ལས་ལ། །བྱ་བཙལ་མེད་པར་རང་བཞིན་གནས། །དེ་བཞིན་ཉིད་ཀྱི་དབྱིངས་ཉིད་ལ། །མ་བགྲོད་ལམ་ཀུན་རྫོགས་པར་གསལ། །འཕྲུལ[393.5]ཚིག་རིག་པའི་སྒྲོན་མ་ཡིས། །བསམ་པ་བྱེ་བྲག་ཇི་བཞིན་གསལ། །དབང་དང་བྱིན་ལྡན་ཐབས་མཁས་པ། །རྡོ་རྗེ་མཆོག་གི་རྣལ་འབྱོར་རོ། །ཡོན་ཏན་བཅུད་འཛིན་རྡོ་རྗེ་ལ། །དམ་པར་གནས་པའི་གང་ཟག་[393.6]གིས། །གཡོ་སྒྱུ་མ་དད་སེམས་བྲལ་ཞིང་། །འབབ་ཆུ་དགེ་སློང་ཚུལ་འཛིན་པས། །སྒོ་གསུམ་དྲན་པའི་སྒོ་ཉིད་ནས། །ལུས་དང་ངག་སེམས་ཡོ་བྱད་དང་། །ཞིང་དང་བྲན་ཕོ་བྲན་མོ་དང་། །ཆུང་མ་གསེར་དངུལ་རིན་[394][394.1]ཆེན་ལྔ། །བུ་དང་བུ་མོ་རྐང་འགྲོས་འབྲུ། །ཕངས་མེད་བསམ་པས་གཏང་བར་བྱ། །དེ་ནས་སྤྱོད་དང་བསྟུན་པ་དང་། །བ་སྤུ་ལྡང་དང་ཉམས་བསྐྱེད་དང་། །ཡུན་རིང་དམ་ལ་མི་གདགས་དང་། །དྲེགས་པ་བསལ་དང་[394.2]སྨྱུང་བར་བཞག །གང་ཞིག་དེ་ལ་དབབ་པ་དང་། །ཁས་ལེན་བསྐྲད་དང་གཞུ་བ་དང་། །བཀྲུ་དང་བྱུགས་བདུག་མཚང་འབྲུ་དང་། །དབྲོག་དང་ཁྱད་གསོད་མནའ་དོར་དང་། །ཐམས་ཅད་བཀའ་མི་གཅོག་པ་[394.3]ཡི། །དམ་བཅས་བཅོ་བརྒྱད་སྦྱང་བྱས་ལ། །མགོན་པོ་རང་གསལ་ཐུགས་མངའ་ཞིང་། །རང་གསལ་འོད་ལ་མཉམ་དུ་གནས། །སྤྲོས་མེད་བློ་ཡིས་གཅིག་ཏུ་གོ །རྫོགས་ཆེན་རང་རིག་གསལ་ལ་བདུད། ཁྱོད་ཀྱི་ཡེ་[394.4]ཤེས་སྙིང་པོ་ལ། །རང་རིག་རང་གིས་མཚོན་པའི་ཕྱིར། །མ་བརྗོད་རིག་པའི་གསུང་གིས་ནི། །བདག་ལ་རིག་པའི་དོན་གསལ་མཛོད། །རང་ལ་རང་གསལ་ངེས་རྟོགས་པའི། །མ་བཅོས་རིག་པའི་བུ་ཁྱོད་ལ། །རྩོལ་[394.5]མེད་རིག་པ་ངོ་བསྟན་གྱིས། །བློ་ཡི་གཏིང་དུ་གོ་བར་བྱོས། །གལ་ཏེ་དམ་ཚིག་འདས་པ་ལ། །གསང་བའི་ཡེ་ཤེས་ངེས་བཤད་དམ། །རྫོགས་ཆེན་རྣ་བརྒྱུད་ངེས་བསྟན་ན། །བསྦ་ར་ཡི་འབྲུ་བཞིན་འགྱུར། །དེ་མ་ཐག་[394.6]ཏུ་བརླག་པ་དང་། །མཁའ་འགྲོ་དམ་ཅན་འདུས་གྱུར་ནས། །དུར་ཁྲོད་འབར་བའི་རོ་གླིང་དུ། །གཅན་གཟན་འདུས་ནསརོལབཞིནའགྱུར། །རྡོ་རྗེ་བླ་མ་སྤངས་པ་ཉིད། །ངེས་པར་ཡ་ངའི་གནས་སུ་འགྲོ། །དེ་ལ་[395][395.1]བརྟེན་ཅིང་ལམ་ལྟོས་པ། །སྨོས་ཅི་དགོས་ཏེ་རིགས་དང་བྲལ། །ངེས་ལྡན་དེ་ཡིས་སྔོན་འགྲོས་སྦྱངས། །ཡོན་ཏན་ཀུན་ཚང་བུ་མཆོག་ལ། །དབང་བསྐུར་བྱིན་བརླབས་ཉམས་བྱིན་ན། །ཉི་མ་སྟོང་གི་[395.2]འོད་ལྟར་འགྱུར། །ཀུན་གྱི་དབང་བསྐུར་གནང་ཐོབ་ནས། །ཡེ་ཤེས་རང་གསལ་འོད་ལ་བཞུགས། །བདེ་བ་ཕྲག་བརྒྱའི་རོ་མྱོང་ནས། །དེ་ཉིད་ཙམ་གྱིས་རྫོགས་སངས་རྒྱས། །རྩོལ་མེད་གནས་པའི་རྣལ་འཔྱོར་[395.3]ལ། །ཀླུང་དུ་ཞུགས་པའི་རིག་པ་ཡིས། །བཅོས་མེད་འོད་གསལ་ཉིད་དུ་གནས། །ནམ་མཁའི་མཐའ་དང་མཉམ་སྦྱོར་བས། །ཡོན་ཏན་གྲངས་མེད་སྙིང་པོར་རྫོགས། །དེ་ལྟར་བླ་མ་མཉེས་བྱས་ནས། །རིན་ཆེན་[395.4]དཔལ་བེའུའི་སྒོ་ཕྱེ་སྟེ། །གང་ལྟར་ཡིན་པའི་ཐབས་ཉིད་ཀྱིས། །རིན་ཆེན་ངོ་བསྟན་དྲོད་ཚད་བཤད། །བརྒྱུད་པ་ཐབས་ཀྱི་མེ་ལོང་གིས། །མངོན་གསལ་རིན་ཆེན་འབར་བ་ལ། །མཚོན་ཞིང་བརྟགས་པ་མ་ཡིན་[395.5]ཡང་། །འདུལ་དབང་ངོ་ལ་དེ་ལྟར་གསལ། །ཐིག་ལེ་འོད་གསལ་ཏིང་འཛིན་གྱིས། །ཐ་དད་དམིགས་གསལ་གཅིག་ལ་གནས། །གནས་མེད་རང་གསལ་ཡེ་ཤེས་པས། །འབབ་ཆུ་འདྲ་བའི་མན་ངག་སྦྱིན། །མི་གནས་[395.6]དྲག་པོའི་བློ་ཉིད་ལ། །གླང་ཆེན་རྟོད་པའི་མན་ངག་སྤྱིན། །དེར་ཡང་མི་གནས་འགྲོ་བ་ལ། །གླང་ཆེན་ཕྱལ་བ་སྦྱིན་པར་བྱ། །འཛིན་མེད་ཡལ་བའི་གང་ཟག་ལ། །གཟུངས་ལྡན་རིག་པའི་མན་ངག་སྦྱིན། །ཐབས་དང་[396][396.1]ཤེས་རབ་རྟག་འཆར་བར། །ཁ་སྦྱོར་བར་བུའི་གདམས་ངག་སྦྱིན། །སྐལ་མེད་དབང་པོ་དམན་པ་ལ། ཁེན་ཏུ་གདམས་པའི་མན་ངག་སྤྱིན། །ཕྱི་ནང་གཡེང་བའི་གང་ཟག་ལ། །བགྲང་དང་བཟུང་དང་བརྟག་པ་[396.2]དང་། །ཐུན་མོང་རླུད་གི་མན་ངག་སྤྱིན། །བློ་ལྡན་རྟོགས་པའི་གང་ཟག་ལ། །འཕྲུལ་གྱི་མེ་ལོང་མན་ངག་སྦྱིན། །ཆགས་ཞེན་འདོད་པའི་རིགས་ཅན་ལ། །རིན་ཆེན་བདེ་བསྐྱིལ་མན་ངག་སྤྱིན། །རྟག་འཛིན་དེ་ཉིད་[396.3]རིགས་ཅན་ལ། །ངོ་བོ་བརྟགས་པའི་མན་ངག་སྤྱིན། ཤེས་ལྡན་དབང་པོ་དུལ་བ་ལ། །བརྡ་ལྡན་རིག་པའི་མན་ངག་སྦྱིན། །ཡུལ་ལ་ཞེན་པའི་གང་ཟག་ལ། །དབང་པོ་རྟུལ་པོའི་ཐབས་ཀྱིས་བསྟན། །ཚིག་ལ་དགའ་[396.4]བའི་གང་ཟག་ལ། །སྒྲ་ལ་བརྟག་པའི་མན་ངག་བསྟན། ཁུན་དུ་མཉམ་འཇོག་འདྲིས་པ་ལ། །སྤྱོད་ལམ་རྒྱུན་གྱི་གདམས་ངག་ཕོག །བློ་ལྡན་སྐལ་ཅན་ཡང་རབ་ལ། །ཆུ་སྲེད་ལྟ་བུའི་མན་ངག་སྦྱིན། །འཛིན་རྩོལ་[396.5]བྲལ་བའི་རིག་པ་ལ། །འཇུག་མེད་རིག་པས་དེ་ལྟར་བལྟ། །འོད་གསལ་མ་བཅོས་ངང་དུ་བཞག །རྗེས་མི་འབྲང་ཞིང་ཡུལ་མི་འཚོལ། །རང་གསལ་རྐྱེན་བྲལ་ཅིས་མི་འཁྲུགས། །རང་ལ་མི་བསམ་དབྱིངས་མི་[396.6]ཚོལ། །འདུ་ཤེས་ཀུན་བྲལ་གསལ་བའི་འོད། །ཕྱོགས་བྲལ་ཀུན་ཁྱབ་དམིགས་སུ་མེད། །རེ་དོགས་བསམ་སྦྱངས་མཐའ་ལས་གྲོལ། །ཕྱོགས་བྲལ་ཉི་འོད་འབར་བ་ལྟར། །བྱིན་རླབས་ཡོངས་སུ་ཁྱབ་པར་[397][398][398.1]བྲལ། །རང་གསལ་ཐབས་ཀྱི་མེ་ལོང་ལ། །འགག་མེད་ཀུན་གོ་གཟུགས་བརྙན་འཆར། །དེ་ཉིད་མ་བཅོས་རང་གསལ་ལུང་། །སྒྲོ་བྲལ་རིག་པའི་གདེང་ལ་གནས། །མ་བཅོས་རང་གསལ་མཁའ་ལྟར་དག །མི་གནས་[398.2]ནམ་མཁའ་ལྟ་བུའི་ཚུལ། །གདོད་ནས་དག་པ་ཆོས་ཀྱི་དབྱིངས། །རང་རིག་རང་གསལ་དབྱིངས་ལ་བཞུགས། །མཐའ་དང་དབུས་བྲལ་གཉིས་མེད་ལམ། །མ་ཆགས་དག་པ་རིག་པའི་གནས། །འོད་གསལ་ཀུན་གྱི་[398.3]གཞལ་ཡས་ལ། །ཚད་དང་དཔག་པའི་ཡུལ་ལས་འདས། །མི་བསམ་མི་དཔྱད་རང་གསལ་མཆོག །རིག་པ་འགྱུར་མེད་དག་པའི་སྐུ། །བརྗོད་མེད་རང་གསལ་ཁྱབ་གསལ་གསུང་། །ཡོན་ཏན་ཕྲིན་ལས་བཙལ་དུ་[398.4]མེད། །བྱ་བྲལ་བརྗོད་མེད་ཆོས་ཀྱི་དབྱིངས། །ཀུན་ལ་གསལ་ཏེ་འདུ་ཤེས་མེད། །རིག་པ་མ་བཅོས་འཛིན་རྩལ་སྤངས། །ཇི་བཞིན་མཉམ་ཉིད་རིག་པའི་ཀློང་། །གསལ་བ་རང་རིག་དཀྱིལ་འཁོར་ལ། །འགྱུར་ལ་ག[398.5]ཀྱངམེད་རིག་པས་ཅིག་ཆར་གསལ། །གསལ་དང་མི་གསལ་འཛིན་མི་འཛིན། །ཐ་སྙད་བཅད་པའི་ཤེས་པའོ། །རྟེན་དང་བྲལ་བའི་རང་བཞིན་གྱིས། །ཅིར་ཡང་གསལ་ལ་དམིགས་སུ་མེད། །རང་གསལ་རིག་པའི་[398.6]བདེ་བ་ནི། །མཚན་མའི་སྒྲ་ཡིསམིམཚོནཏེ། །ཉམས་མྱོང་གསལ་བ་བསྟན་མེད་ལུང་། །དགའ་བའི་རོ་དང་མཚུངས་པར་གནས། །རིག་པའི་གཞལ་ཡས་རྒྱ་བྲལ་ན། །མཚན་མེད་འོད་གསལ་རྟག་ཏུ་བཞུགས། །ཇི་[399][399.1]བཞིན་ཀླུང་ལ་ཇི་བཞིན་འཇུག །མཉམ་པ་མེད་པའི་སེམས་ཀྱི་གནས། །གང་དུའང་མི་གསལ་གཅིག་ཏུ་གསལ། །གཅིག་པོ་ཡེ་ཤེས་རང་གསལ་དང་། རིག་པ་སྤྱི་བླུགས་རང་འཆར་བས། །ཡུལ་དང་[399.2]ཡུལ་ཅན་ཚུལ་མི་གནས། །རང་ལ་མི་གསལ་གཞན་མི་གསལ། །གཉིས་ཀ་མ་ཡིན་མཐའ་བྲལ་ལུང་། །སྒྲོ་སྐུར་གཉིས་བྲལ་དག་པ་ལ། །བསླད་མེད་རང་བྱུང་ངང་ལ་འཇུག །རིག་པ་རང་གསལ་ཉམས་ལྡན་[399.3]ན། །མཚན་མ་དག་ལ་དགའ་བྲོད་མེད། །འཇིགས་དང་མི་འཇིགས་ཆོས་མེད་དེ། །ཅི་ལའང་འཇུག་པའི་ཡིད་མི་འབྱུང་། །གཉེར་མེད་ཆུ་རླུད་རང་གསལ་ལ། །གཡོ་མེད་སྤྱོད་ལམ་རྟག་ཏུ་གནས། །དམྱལ་བའི་འཁོར་[399.4]ལོ་མི་བཟད་པ། །རང་གསལ་ཡེ་ཤེས་ངང་དུ་མཁྱེན། །རིག་པ་སྤྲོས་བྲལ་ཆོས་དབྱིངས་ལ། །སྡུག་བསྔལ་དྲག་པོ་མི་བཟད་དང་། །བདེ་བའི་ལོངས་སྤྱོད་ཅིར་བྱུང་བ། །ཡེ་ཤེས་རོལ་པ་ཉིད་ཡིན་པས། །རང་གསལ་[399.5]གཉིས་མེད་ངང་དུ་གསལ། །རང་བྱུང་མ་བཅོས་ཤེས་རབ་ཀྱིས། །རིག་པ་རང་དབང་རྒྱལ་པོ་དེས། །མཉན་བསམ་མེད་པར་ཕུལ་དུ་ཕྱུང་། །གཞན་གྱི་ཤེས་རྒྱུད་གྲོལ་བར་ནུས། །གཉིས་མེད་ཡེ་ཤེས་ཆེན་པོ་[399.6]ལ། །གཉིས་འཛིན་རིག་པ་རྗེས་མི་འཇུག །འོད་གསལ་བདེ་མཆོག་མ་ཡིན་པ། །རྣམ་རྟོག་མཚན་མའི་ཆོས་མི་གནས། །མྱ་ངན་འདས་ལ་མི་ཕྱོགས་ཤིང་། །འཁོར་བར་སྐྱོ་བའི་སེམས་མི་གནས། །བར་མཚམས་མེད་[400][400.1]པའི་ཏིང་འཛིན་ལ། །འཛིན་མེད་བློ་ཡིས་གསལ་བར་གནས། །ཡེངས་མེད་འདུ་འབྲལ་མི་གནས་པས། །བཅོས་མེད་སྙིང་པོ་ལྷུན་གྱིས་གྲུབ། །ནུས་པའི་བྱེ་བྲག་མཐའ་ཡས་ཏེ། །རྡོ་རྗེ་རིན་ཆེན་འབར་བ་ལྟར། །མ་[400.2]ལུས་ཟིལ་གནོན་གཅིག་ཏུ་རྫོགས། །ཉི་མའི་སྙིང་པོའི་འོད་བཞིན་དུ། །འཁོར་བའི་ཡེ་ཤེས་རང་གསལ་ངང་། །གསེར་རྫས་ཁ་དོག་དབྱིབས་བཞིན་དུ། །དགེ་སྡིག་ལས་ཀྱིས་བཅོས་མེད་དོ། །འདབ་ཆགས་ནམ་[400.3]མཁར་གནས་པ་ལྟར། །འཁོར་བའི་གཅོང་རོང་ལམ་དུ་བདེ། །སྒྱུ་མའི་ཆོ་འཕྲུལ་ཇི་བཞིན་དུ། །རང་གི་ངང་ལས་གཡོས་མེད་གནས། །འགྲོ་ཀུན་འདྲེན་པའི་མཐུ་ཡིས་ནི། །ངན་པར་མི་ལྟུང་བྱིན་གྱིས་བརླབས། །རང་[400.4]གསལ་ནུས་མཐུ་བསམ་མི་ཁྱབ། །ཡེ་ཤེས་རང་གསལ་འགྲོ་འོང་མེད། །ཐུགས་རྗེ་རང་གསལ་ཕྱོགས་རིས་མེད། །ཏིང་འཛིན་རང་གསལ་དམིགས་དང་བྲལ། །རང་གསལ་ཉིད་ལ་ཉིད་མི་འཇུག །འཆིང་གྲོལ་མེད་[400.5]པའི་རང་གསལ་བ། །རྣམ་རྟོག་བསྐྱོད་པའི་རླུ་་མི་གནས། །གསལ་ལ་མར་མེའི་ཚུལ་ཉིད་ལ། །འདུ་ཤེས་མེད་པའི་སེམས་ཉིད་འཇུག །ཅིར་ཡང་མི་བསམ་ཅིར་མི་དགོངས། །གང་ཡང་མ་ཡིན་དེ་ལྟར་[400.6]ཡིན། །མཐའ་བྲལ་ནམ་མཁའི་རྡོ་རྗེ་ལ། །དམིགས་གཏད་འཇོག་པ་ནོར་བའི་ལམ། །ཡེ་ཤེས་སྙིང་པོ་ཉི་མ་ཤར། །རང་སྣང་རིག་པགཏེར་ལ་རྫོགས། །མཐའ་དང་དབུས་དང་ཕྱོགས་བྲལ་ལ། །དེ་དག་མཉམ་པའི་[401][401.1]༄༅ སེམས་མི་འཇུག །འཇུག་ཏུ་མེད་པའི་འོད་གསལ་ལ། །གཉིས་མེད་རིག་པ་གཅིག་གིས་འ་་ག །ཇི་ལྟར་ཆུ་ལ་ཆུ་བཞག་ལྟར། །གཉིས་མེད་གནས་ཚུལ་དེ་ལྟར་བཞག །འཁོར་བ་ཡེ་ཤེས་སྙིང་པོར་[401.2]གསལ། །འཁོར་བ་སེལ་བའི་ཉི་མ་ལ། །མཐའ་ཡི་མུན་པ་གདོད་ནས་སྟོངས། །ཡེ་ཤེས་གསལ་བའ་ཉི་མ་ནི། །ཀུན་ཏུ་གདལ་ལ་དམིགས་དང་བྲལ། །ཅི་ཡང་མ་ཡིན་ཐམས་ཅད་ཡིན། །ཕྱོགས་རིས་མེད་པའི་ཐུགས་[401.3]རྗེ་ནི། །ནམ་མཁའི་མཐའ་ལྟར་ཀུན་ཏུ་གདལ། །ཡེ་ཤེས་རྒྱ་མཚོ་མུ་མཐའ་མེད། །གྲོལ་བའི་དཀྱིལ་འཁོར་ཡོངས་རྫོགས་ལྡན། །རང་བཞིན་བཅོས་མེད་སྙིང་པོའི་སྐུ། །མ་འཕྲོས་ཉི་ཟླའི་དཀྱིལ་འཁོར་ནི། །བཙལ་[401.4]མེད་ནམ་མཁའི་ངང་ན་གསལ། །ཇི་བཞིན་རང་གསལ་དཀྱིལ་འཁོར་ནི། །བཅོས་མེད་དབྱིངས་ན་རང་བཞིན་གསལ། །མངོན་པར་མཐོ་བའི་སྤྱི་གཙུག་ལ། །མཐའ་ཡི་བལྟ་བས་རེག་ཏུ་མེད། །བཅོས་དང་མ་བཅོས་[401.5]དེ་ཉིད་མཐའ། །དབུས་མཐའ་མེད་པ་དེ་བཞིན་ཉིད། །གང་ལའང་མི་གནས་དབྱིངས་ན་གནས། །དབྱིངས་དེ་མ་བཅོས་ཞི་བའི་ས། །གདོད་ནས་སྟོང་པའི་རང་བཞིན་ལ། །སྟོང་དང་མི་སྟོང་འདུ་ཤེས་བྲལ། །མ་[401.6]བསམས་པ་ཉིད་བསམས་པའི་མཐའ། །མཐའ་དབུས་བྲལ་བའི་ཡེ་ཤེས་ལ། །མཐའ་དབུས་ཡོད་མེད་བསྙད་མི་གདགས། །བསྐྱོད་མེད་ཡེ་ཤེས་འོད་པོ་ཆེ། །འཁོར་བ་རང་གསལ་ཉིད་དུ་འབར། །ཀུན་འབྱུང་ནམ་[402][402.1]མཁའ་ལྟ་བུའི་ངང་། །སྣང་སྲིད་ཡེ་ཤེས་གསལ་བར་གནས། །གང་དག་ཅིར་གསལ་ཡེ་ཤེས་ཉིད། །ཡེ་ཤེས་གསལ་བའི་འཁོར་ལོ་ལ། །མ་རིག་སྒྲིབ་པ་ཡེ་ནས་མེད། །ཀུན་བཟང་རིག་པའི་འཁོར་ལོ་ནི། །ཅི་ཡང་[402.2]ཡིན་ནོ་འགག་པ་མེད། །བསམ་དང་བྲལ་བའི་ཆོས་ཉིད་ལ། །བསམ་ཞིང་དཔྱད་པས་ཡུལ་མི་བསྐྱོད། །རང་བཞག་ལྷུག་པའི་ཏིང་འཛིན་ལ། །སེམས་ཀྱི་འཕྲོ་འདུའི་ལས་མི་བྱེད། །རང་གསལ་ཀློང་ལ་ཡེ་གནས་[402.3]པ། །བཅོས་མེད་བྱང་ཆུབ་མཆོག་གི་ལམ། །གང་ལྟར་འགྱུར་བའི་རིན་ཆེན་ནི། །རྗེས་སུ་མེད་དེ་དེ་ལྟར་སྣང་། །རང་སྣང་སེམས་ཀྱི་དཀྱིལ་འཁོར་ལས། །ཐར་པའི་དཀྱིལ་འཁོར་འབུམ་ཕྲག་ཡས། །མ་བགྲོད་ཡེ་[402.4]ཤེས་དབྱིངས་ལ་གནས། །མི་བསྒོམ་རིག་པ་ཅིག་ཆར་འཇུག །རང་སེམས་གསལ་བ་མ་ཡིན་པ། །གཉིས་མེད་བྲལ་བའི་ཆོས་མི་གནས། །རོལ་པ་འགག་མེད་ཅིར་ཡང་འབྱུང་། །རིག་པ་སྤྲོས་བྲལ་དབྱིངས་ལ་[402.5]འདུས། །བརྗོད་པ་སྒྲ་ཡི་འཁོར་ལོ་ཅན། །སྒྲ་ཡིས་དོན་ཉིད་དབྱིངས་ལ་འབེབས། །ཀུན་འདུས་སེམས་ཀྱི་མེ་ལོང་ལ། །འཛིན་བྲལ་རིག་པ་ཅིར་མི་དགོངས། །རང་གསང་ཐབས་ཀྱིས་ཆོད་པ་ལ། །ཡེ་ཤེས་གསལ་[402.6]བའི་དོན་མི་སྣང་། །ཞེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུདཆེནཔོལས། །རིག་པ་རང་གསལ་གྱི་ལེའུ་སྟེ་བརྒྱད་པའོ།། །།དེ་ནས་སེམས་དཔའ་རྡོ་རྗེ་དམ་པ་དེས། །དེབཞིནགཤེགསཔ[403][403.1]རྡོ་རྗེ་སེམས་དཔའ་ལ་འདི་སྐད་ཅེས་གསོལ་ཏོ། །ཀྱེ་མ་འོ་སངས་རྒྱས་ཐམས་ཅད་ཀྱི། །རིག་པའི་ཡེ་ཤེས་གསལ་བ་ལ། །་ཉིས་མེད་དག་པའི་དོན་མི་སྣང་། །གང་ཕྱིར་སྒྲིབ་པ་བཤད་དུ་[403.2]གསོལ། །ཞེས་གསོལ་པ་ལས། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ། །ཡེ་ཤེས་གསང་བའི་རང་བཞིན་ལ། །རྣམ་རྟོག་དྲ་བས་སོ་སོར་བཅིངས། །ད་ཉིད་རང་གསལ་མ་རྟོགས་[403.3]པས། །ལོག་པའི་གྲོང་ཁྱེར་ཉིད་དུ་ལྟུང་། །ཞེས་གསུངས་སོ། །ཀྱེ་སེམས་དཔའ་ཆེན་པོ། །སངས་རྒྱས་ཀུན་གྱི་ངོ་བོ་ཉིད། །གཉིས་མེད་ཡེ་ཤེས་གསང་བའི་དོན། །ནམ་མཁའི་མཐའ་དང་མཉམ་སྦྱོར་བ། །ཡེ་ཤེས་[403.4]ཀུན་སྣང་མེ་ལོང་ནི། །འཁོར་མིན་མྱ་ངན་འདས་པ་མིན། །ཡེ་ཤེས་འོད་གསལ་རིག་པའི་མཁའ། །སངས་རྒྱས་སེམས་ཅན་ཐམས་ཅད་ལ། །རང་གསལ་རིག་པ་ཡེ་ཤེས་ནི། །ཀུན་ལ་ཁྱབ་པར་ཡེ་ནས་བྱུང་། །གང་[403.5]ཡང་མ་ཡིན་དེ་གཞིན་ཉིད། །ཆོས་ཉིད་སྤྲོས་བྲལ་འགྱུར་དང་བྲལ། །རྟོག་བྲལ་ཡེ་ཤེས་སྙིང་པོར་གསལ། །དཔེར་ན་ཆུ་རུ་གཅིག་པ་ལ། །རྐྱེན་དང་ཕྲད་དང་མ་ཕྲད་ཀྱིས། །ནུས་པ་སོ་སོར་སྣང་བ་ལྟར། །རྒྱལ་བའི་ཡེ་[403.6]ཤེས་རང་གསལ་ལ། །རྟོགས་དང་མ་རྟོགས་ཁྱད་པར་དེ། །དངོས་ལ་དེ་དག་མི་གནས་ཀྱང་། །བསམ་པས་འདུལ་བའི་ངོ་ལ་གྲགས། །རང་གསལ་རིག་པའི་མཐུ་མེད་པས། །འཇིག་རྟེན་འདས་དང་འཇིག་རྟེན་[404][404.1]པའི། །ལྷ་བའི་ཁྱད་པར་བསམ་མི་ཁྱབ། །དངོས་ལ་འོད་གསལ་རིག་པར་འདུས། །ཇི་བཞིན་རིག་པའི་མཐུ་མེད་པས། །བདག་དང་བྱེད་པོ་དབང་ཕྱུག་དང་། །རང་གཞན་དུས་དང་གློ་བུར་ཚུལ། །ཡོད་མེད་རྟོག་པ་[404.2]ལོག་པའི་ཆོས། །དོན་ལ་དེ་དག་ཀུན་དང་བྲལ། །དགེ་དང་སྡིག་པ་རྣམ་ཕྱེ་ནས། །བླང་དོར་བྱས་པས་མངོན་པར་འཐོམས། །གོང་འོག་ཚུལ་གྱི་རིམ་པ་ཅན། །ཐོབ་འདོད་བྱས་པ་ངལ་བའི་རྒྱུ། །བདེན་བཞི་བཅུ་དྲུག་[404.3]ལམ་བརྟེན་ནས། །ཉོན་མོངས་རྣམ་པར་སྤངས་བྱས་ཏེ། ་སྨྱུན་ཞུགས་ལ་སོགས་རིམ་ཐོབ་པ། །བྱིས་པ་ངལ་བ་དོན་མེད་ཡིན། །རྟེན་འབྲེལ་དག་པའི་རྒྱུར་བྱས་ནས། །གཉིས་མེད་ཆོས་ལ་གཉིས་བཟུང་ནས། །སྲིད་[404.4]པའི་འཁོར་ལོ་དགག་ཅེས་པ། །དགག་བསྒྲུབ་བྱེད་པའི་དོན་དང་འགལ། །གཉིས་མེད་དོན་ལ་གཉིས་བཟུང་ནས། །བསྐལ་པ་གྲངས་མེད་གསུམ་ཉིད་དུ། །ས་བཅུ་ལམ་ལྔ་ཕ་རོལ་ཕྱིན། །སྦྱོང་བཞི་གཉིས་རྟོག་སྤང་[404.5]ལེན་ཅན། །རང་ས་ཐོབ་ཀྱང་མཐར་མ་ཕྱིན། །གཉིས་མེད་རང་གསལ་དོན་ལས་ཉམས། །ཆོས་དབྱིངས་ཡེ་ནས་གཅིག་པ་ལ། །དག་པ་ཉིད་དང་མ་དག་པ། །སྤང་ལེན་ཡེ་ཤེས་གཟུང་འཛིན་གྱིས། །རྡོ་རྗེ་འཛིན་ཐོབ་[404.6]འབྲས་མཐར་ཕྱིན། །འོད་གསལ་ཀུན་མཁྱེན་དོན་མ་རིག །ཡེ་ཤེས་གསང་བའི་དོན་མ་རྟོགས། །རྒྱལ་ཐབས་རིག་པའི་དབང་མ་ཐོབ། །གཉིས་མེད་རང་གསལ་ཉག་གཅིག་ལ། །ངེས་མེད་གཉིས་ཀྱི་ཆ་འཛིན་[405][405.1]ཅིང་། །དོན་ལ་ངེས་པའི་འབྲས་བུ་གཅིག །འདོད་པ་འཁྲུག་པའི་རིགས་ཅན་དེ། །གཉིས་ཀྱིས་གཉིས་མེད་ཇི་ལྟར་རྙེད། །མཆིང་བུ་གསེར་དུ་མི་གཅིག་དང་། །ངེས་པ་མེད་པས་ཆེ་བེལ་འདྲ། །ཡེ་ཤེས་[405.2]གསལ་བའི་དོན་ལ་བསྒྲིབ། །བྱིན་རླབས་སྣང་བ་ཆོ་ག་དགུ །དཀྱིལ་འཁོར་བསྐྱེད་དང་བཟླས་པ་དང་། །ཏིང་འཛིན་གསལ་བའི་རིམ་པ་ཡིས། །སྟུག་པོ་བཀོད་པའི་སར་འདོད་པ། །རང་གསལ་དོན་ལ་རྟོག་པས་[405.3]བསྒྲིབ། །རང་བྱུང་ཉིད་ལ་རྒྱུ་ཡིས་བསྐྱེད། །ཡེ་ཤེས་སྐྱེ་འགག་ཚུལ་དུ་བརྟགས། །ཡེ་ཤེས་རང་སྣང་དོན་དང་འགལ། །བསྐྱེད་པ་རྣལ་འབྱོར་ཆེན་པོ་ཡིས། །བསྐྱེད་རྫོགས་གསུམ་གྱིས་མཉམ་སྦྱོར་ནས། །རིག་པ་[405.4]འཛིན་པའི་ལམ་ལ་གནས། །དབང་བསྐུར་ཡེ་ཤེས་དཀྱིལ་འཁོར་གསལ། །སྐུ་གསུང་ཐུགས་དང་གཞལ་ཡས་དང་། །སྤྱན་དྲངས་བཟླས་བརྗོད་མཆོད་པ་ཡིས། །རིམ་པས་རྣམ་རྟོག་ཀུན་སྦྱངས་ནས། །འབྲས་བུ་[405.5]འདོད་པས་དོན་མི་རྙེད། །རིག་པའི་ཡེ་ཤེས་གཅིག་པོ་ལ། །ཏིང་འཛིན་གསུམ་དུ་འདོད་པས་བཅིངས། །མཚན་ཉིད་རང་གསལ་དཀྱིལ་འཁོར་ལ། །ཞི་དང་ཁྲོ་བོར་སུ་ཡིས་ཕྱེ། །ཡེ་ཤེས་ཀུན་ཁྱབ་བརྡལ་པ་ལ། །བྱོན་[405.6]དང་མི་བྱོན་འཁྲུལ་པའི་ཆོས། །ཁམས་གསུམ་ཡེ་ཤེས་རང་གསལ་ལ། །འཕྲོ་འདུས་སྒྲིབ་པ་སྦྱང་མི་དགོས། །མ་སྐྱེས་སྙིང་པོ་བྱང་ཆུབ་ལ། །སྐྱེ་བ་བཞི་ཡིས་ལྷར་སྐྱེ་འཁྲུལ། །དུས་གཅིག་ཡེ་ཤེས་རང་གསལ་[406][406.1]ལ། །རིམ་སྐྱེ་བདེ་བས་མཚོན་དུ་མེད། །རླུ་་བཟུང་དགག་དང་བགྲང་བ་དང་། །ཐུན་མོང་ཉིད་ཀྱིས་སེམས་སྦྱངས་ནས། །རྫོགས་པའི་སེམས་ལ་མཉམ་སྦྱོར་བས། །ཡེ་ཤེས་རང་གསལ་དོན་མི་རྙེད། །ཡེ་ཤེས་འདུས་[406.2]པའི་ཀ་བ་གསུམ། །མེ་ལོང་བཞི་བརྩེགས་འབྲེལ་བ་ལས། །འབྱེད་འཛུམ་དྲག་ཏུ་བསྐུལ་བ་ཡིས། །ནམ་མཁའི་དཀྱིལ་འཁོར་འབེན་ལ་ཕོག །ཡེ་ཤེས་འབར་བའི་འོད་ཉིད་ཀྱིས། །མཐར་ཐུག་མེད་པ་ཀུན་བཀུག་[406.3]ནས། །ཡེ་ཤེས་ཐིག་ལེ་གཅིག་ཏུ་འདུས། །རིན་ཆེན་འཕྲུལ་གྱི་ལུ་གུ་རྒྱུད། ཁེས་ལྟར་དག་པའི་ཐིག་ལེ་ཅན། ཁམས་གསུམ་འོད་ཀྱིས་ཁྱབ་གདལ་ནས། །སླར་ཡང་ཡེ་ཤེས་སྙིང་པོར་ཐིམ། །བདུད་རྩིས་ནམ་མཁའི་[406.4]ཁམས་བཀང་ནས། །བདེ་བ་ཕྲག་བརྒྱའི་རོ་མྱངས་ནས། །ནམ་མཁའི་བདུད་རྩི་འབྱོངས་པ་ཡིས། །སྟོང་ཆེན་འོད་བརྡལ་ཉིད་གསལ་ཡང་། །འདི་ཡང་བཅོས་མ་ལོག་པའི་ལམ། །གཡོ་བྱེད་དབང་དབྱིབས་དཀྱིལ་[406.5]འཁོར་ཏེ། །གྲུ་གསུམ་ཨེ་ཡི་དབྱིབས་ལྡན་གནས། །དེ་སྟེང་རིན་ཆེན་འཁོར་ལོ་ནི། །མེ་ལོང་བརྩེགས་པའི་ཚུལ་དུ་གནས། །སུམ་ཅུ་གཉིས་གཉིས་ལྡན་པ་ཡི། །དབུས་སུ་བསིལ་བའི་ས་བོན་ཅན། །ཞི་བའི་འཁོར་ལོ་[406.6]རྣམ་པར་བསྐོར། །གཉིས་པ་འདབ་བརྒྱད་དངས་མར་ལྡན། །ཆོས་ཉིད་ཡེ་ཤེས་རང་བྱུང་རྒྱུད། །ཡོན་ཏན་གསུམ་གསུམ་རེ་རེའོ། །འོད་ཟེར་ཟླུམ་དང་སུ་ཏྲི་ཨོ། །ཟ་འོག་གུར་ཕུབ་ཚུལ་དུའོ། །མཐིང་ག་ཤེལ་སྒོང་[407][407.1]བརྒྱུས་ཚུལ་ལ། །སྦྲུལ་མིག་ལྟ་བུ་ཨ་ཐྲོ་ཧཱུཾ། །དམར་ནག་ཟླ་གམ་གཞུ་ཡི་དབྱིབས། །པྲེ་དུ་ཨ་རུ་ཤེས་པར་བྱ། །མ་རྟོགས་འགྲོ་དྲུག་ས་བོན་ལ། །རྟོགས་པས་སྐུ་གསུང་ཐུགས་ཉིད་དུ། །གཉིས་མེད་[407.2]བསྲེས་པས་ཡེ་ཤེས་ཡིན། །རྣམ་བཞི་ཤེས་པ་བརྒྱད་ཀྱི་རྟེན། ཁུ་བའི་ཚུལ་གྱིས་ཤེས་པར་བྱ། །སྙིང་པོ་ས་བོན་འོད་འབར་ནས། །མི་ཤིགས་ཐིག་ལེའི་སྙིང་པོར་གནས། །དབུགས་རྩོལ་རང་བྲལ་གྱུར་པ་ཡིས། །ཡེ་[407.3]ཤེས་བརྡལ་ཁྱབ་ས་ལ་གནས། །བཅུ་གསུམ་གཉིས་ཀྱི་དཀྱིལ་འཁོར་ནས། །ཡེ་ཤེས་གསལ་བའི་དཀྱིལ་འཁོར་སྤྲོ། །བཅུ་དྲུག་འཁོར་ལོས་མཚམས་སྦྱར་ནས། །ཐུར་དུ་འཕྲོ་ཞིང་གྱེན་དུ་འཁྱིལ། །བཅུ་དང་གསུམ་[407.4]བཞིའི་ཆོས་ཀུན་ནི། །སྔར་གསལ་ཡེ་ཤེས་རོ་ཉིད་དོ། །གཟུངས་ལྡན་ཆོས་ཀྱི་ཕྱག་རྒྱ་ལ། །བྱིན་བརླབས་དབང་བསྐུར་ཆ་རྫོགས་ལ། །འཁྱུད་སྦྱོར་རིག་པའི་བདེ་བའི་རོ། །འབྱུང་དང་འཇུག་པ་གཉིས་ཀྱི་ཆ། །བརྒྱད་[407.5]གཉིས་བཞི་གཉིས་བཅུ་དྲུག་གཉིས། །རང་གསལ་ལྷན་ཅིག་སྐྱེས་པ་དེ། །འདོད་ཆགས་ཏིང་འཛིན་བདེ་བ་དེས། །ཡེ་ཤེས་རང་གསལ་རྐྱེན་བྲལ་ལུང་། ཁུ་རྐྱེན་བྲལ་བའི་དོན་མི་རྙེད། །རྒྱན་དང་ཆ་ཡི་ཚུལ་བཞིན་[407.6]འཕགས། །རྗེས་སུ་རྣལ་འབྱོར་ཚུལ་གྱིས་ནི། །དབྱིངས་དང་ཡེ་ཤེསརངབཞིནགྱིས། ཁུའབྲས་དག་པའི་ཚུལ་དུ་བལྟ། །འོད་ཀྱི་ཏིང་འཛིན་སྟོབས་ཀྱིས་ནི། །རྡོ་རྗེ་སེམས་དཔའི་ས་ལ་འགྲོ། །རང་ས་འབྲས་བུ་[408][408.1]མངོན་ཐོབ་ཀྱང་། །མཐར་ཐུག་འབྲས་བུ་དེ་ལ་མེད། །འདི་ཀུན་འཇིག་རྟེན་ལམ་ཡིན་ཏེ། །རྩོལ་བས་རང་གསལ་དོན་མི་རྙེད། །གཉིས་མེད་ངང་ལ་གཉིས་པར་བཟུང་། །རང་གསལ་ངང་ལས་མུན་པར་[408.2]འ་ས། ཁུ་རྐྱེན་བྲལ་བར་རྒྱུ་འབྲས་བལྟས། །མ་བཅོས་ངང་ལ་འཛིན་པས་བཅིངས། །བགྲོད་མེད་ངང་ལ་ལམ་གྱིས་བགྲོད། །གཅིག་ལ་བདག་གཞན་གཉིས་སུ་བཟུང་། །འདི་ཀུན་ཡེ་ཤེས་དོན་ལ་སྒྲིབ། ཁམས་[408.3]གསུམ་འཁོར་བར་དེ་ཡིས་ལྷུང་། །ཀུན་འདུས་རང་གསལ་ཉག་གཅིག་ལས། །ཅིར་བལྟས་རང་གསལ་དབྱིངས་ལ་ཐུགས། །གཟའ་གཏད་འཛིན་བྲལ་ཆོས་ཀྱི་དབྱིངས། །རང་ལ་མི་རྟོག་དེ་མི་རྟོག །འཇུག་མེད་རིག་[408.4]པ་ཅིག་ཅར་སྐྱེས། །ཀུན་གསལ་མཚན་མ་རིག་པར་རྫོགས། །གང་དུའང་མི་གནས་ཀུན་ལ་སོན། །ཞེན་པ་མ་བཅོས་དབྱིངས་གསལ་བས། །འཁོར་བ་ཡེ་སངས་རྒྱས་པར་མཁྱེན། །སྙིང་རྗེ་འདུ་ཤེས་ཡུལ་མེད་[408.5]ལ། །གདུང་མེད་རང་བཞིན་ཁྱབ་པར་གདལ། །ཡུལ་དང་ཤེས་པ་འབྱུང་འཇུག་མེད། །རང་གསལ་ཡེ་ཤེས་མེ་ལོང་ལ། །དམིགས་འཛིན་བྲལ་བའི་ཡེ་ཤེས་ཀྱིས། །དུས་གཅིག་ཐུག་ཕྲད་ཉིད་དུ་འཇུག །གང་ལའང་[408.6]མི་གནས་རང་ལ་གནས། །རང་ཡང་དམིགས་ཡུལ་རྣམ་བཅད་ནས། །རིག་པ་སྒྲ་ལ་རྟེན་མི་འཆའ། །དབང་པོ་ཡུལ་གྱི་རྗེས་མི་འབྲང་། །འདི་ལྟར་གསལ་བར་མ་རྟོགས་ན། །གང་ལྟར་བརྟགས་པ་དེ་ལྟར་[409][409.1]མིན། །ཞེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། གང་གིས་་ང་ལ་བསྒྲིབས་པའི་ལེའུ་སྟེ་དགུ་པའོ།། །།དེ་ནས་ཡང་སེམས་དཔའ་རྡོ་རྗེ་དམ་པ་དེས་འདི་སྐད་[409.2]ཅེས་གསོལ་ཏོ། །རྩོལ་བྲལ་ཡེ་ཤེས་སྙིང་པོ་ལས། །ཕུན་སུམ་ཚོགས་པར་གསལ་བ་དེ། །ཁྱད་པར་མ་འདྲེས་གསལ་བ་མྲ །མགོན་པོས་བདག་ལ་བཤད་དུ་གསོལ། །ཞེས་ཞུས་སོ། །དེ་ནས་དེ་བཞིན་གཤེགས་པ་རྡོ་[409.3]རྗེ་སེམས་དཔས་འདི་སྐད་ཅེས་གསུངས་སོ། །ཀྱེ་སེམས་དཔའ་ཆེན་པོ། །ཆོས་ཉིད་རང་བྱུང་བྱང་ཆུབ་སེམས། །རང་བྱུང་རང་རིག་དཀྱིལ་འཁོར་ལ། །གཉིས་མེད་ཡེ་ཤེས་ཆེན་པོ་ལ། །རྣམ་དབྱེ་བསྡུ་བ་མི་གནས་[409.4]ན། །རིག་པར་དོན་ལ་འཇུག་པའི་ཕྱིར། །དངོས་དང་བསམ་པར་ཕྱེ་བ་ཡི། །གང་ལྟར་འཚམས་པ་དེ་ལྟར་བསྟན། །ངོ་བོ་མཐོང་ཚུལ་གཉིས་ཀྱིས་སོ། །རང་རིག་ཡེ་ཤེས་མ་ཡིན་པ། །རྣམ་པར་བཅད་པའི་ཆོས་མི་[409.5]གནས། །སྐུ་གསུམ་རིག་པའི་ཀློང་དུ་རྫོགས། །གནས་ནི་སྤྲོས་བྲལ་རིག་པ་སྟེ། །བསྟན་པ་རང་གསལ་མེ་ལོང་ཡིན། །འཁོར་ནི་རིག་པའི་ཆོ་འཕྲུལ་ཏེ། །དུས་ནི་བསམ་གྱིས་མི་ཁྱབ་པ། །སྡུད་པ་ཀུན་འདུས་རིག་[409.6]པའི་གཏེར། །རང་གསལ་རང་ལ་མ་ཡིན་པ། །ཕུནསུམཚོགསཔམིགནས་ཏེ། །རིག་པ་འཕོ་འགྱུར་མེད་པའི་གཏེར། །བསམ་གྱིས་མི་ཁྱབ་དུས་ན་ཤེས། །ཀྱེ་སེམས་དཔའ་ཆེན་པོ། །སྟོན་པ་ཆོས་སྐུའི་ཞིང་ཁམས་[410][410.1]ནི། །ནམ་མཁས་གར་ཁྱབ་ཆོས་ཉིད་གཏེར། །ཆོས་ཉིད་སེམས་ཉིད་དབྱེར་མེད་པ། །ཆོས་སྐུའི་ཞིང་ཁམས་ཉིད་དུ་བཤད། །གནས་ནི་རིག་པའི་འོག་མིན་ཏེ། །སྤྲོས་བྲལ་འབར་བའི་གཞལ་ཡས་ཁང་། །མཐའ་དང་[410.2]དབུས་མེད་ཡེ་ཤེས་གསལ། །སེམས་ཅན་སངས་རྒྱས་ཀུན་གྱི་གནས། །སྟོན་པ་རང་བྱུང་འོད་གསལ་བ། །རྡོ་རྗེ་སེམས་དཔའ་ཆོས་ཀྱི་རྗེ། །བརྗོད་མེད་རིག་པའི་ངོ་བོ་ཡིས། །འགྲོ་འོང་མེད་པའི་ཆོས་ཀྱང་[410.3]སྟོན། །སྤྲོས་མེད་བྱིན་རླབས་ཕྱོགས་བཅུར་བརྡལ། །རིག་པ་རང་གསལ་ངོ་བོར་ནི། །མ་གསུངས་བྱིན་གྱིས་རླབས་ཀྱིས་བཤད། །རང་གསལ་ཆེན་པོའི་ཡེ་ཤེས་སུ། །རང་གི་རིག་པ་ཤུགས་ཀྱིས་གོ །འཁོར་ནི་སངས་[410.4]རྒྱས་ཉིད་ཡིན་པས། །གཞན་ནམ་གཉིས་པའི་ཆོས་མི་གནས། །འོད་གསལ་རིག་པའི་གདེངས་ཀྱི་འཁོར། །བཀོད་པ་མེད་པར་འདུས་ཏེ་གནས། །ཐམས་ཅད་ཡེ་ཤེས་སྙིང་པོ་བས། །ཉིད་ལ་འཆད་ཅིང་ཉིད་ཀྱིས་[410.5]འགྲེལ། །ཡེ་ཤེས་སྙིང་པོར་ཀུན་འདུས་པས། །དེ་ཉིད་བྱང་ཆུབ་སེམས་ཀྱི་འཁོར། །སྡུད་པ་རང་གསལ་དབྱིངས་ཀྱི་ཀློང་། །ཀུན་ཀྱང་རིག་པའི་འོད་ལ་འདུས། །གཉིས་ཀ་གསལ་བའི་རང་བཞིན་ལ། །མ་འདུས་པ་[410.6]ཡི་ཆོས་མི་གནས། །དུས་ནི་ཐམས་ཅད་མཉམ་པའི་དུས། །རང་གསལ་ངོ་བོ་ཐོག་མཐའ་མེད། །རང་བྱུང་བྱང་ཆུབ་སེམས་ཉིད་ལ། །དུས་གསུམཁྱདཔརགཅིགཏུའདུས། །བསྟན་པ་ཆོས་ཀུན་རང་གསལ་ལ། །མ་[411][411.1]༄༅ བཅོས་མ་བསླད་འགྱུར་མེད་ལུང་། །གཉིས་མེད་རིག་པའི་ཡེ་ཤེས་ཉིད། །རང་སྣང་ཚུལ་གྱིས་གཏན་ལ་འབེབས། །མ་བཅོས་རང་བཞིན་བཞག་པས་གོ །སྣང་བ་གསུམ་གྱིས་བསྟན་པ་[411.2]སྒྲོགས། །ཅིག་ཆར་འཇུག་པའི་ཚུལ་གྱིས་རྟོགས། །གང་ཡང་མི་མཁྱེན་གསལ་མཁྱེན་པས། །ཡེ་ཤེས་རང་སྣང་གསལ་བར་མཁྱེན། །སྟོན་པ་ལོངས་སྤྱོད་རྫོགས་པ་ནི། །ལོངས་སྤྱོད་ནམ་མཁའི་མཐའ་མཉམ་སྟེ། །སྐུ་[411.3]གསུང་ཐུགས་ཀྱང་མུ་མཐའ་མེད། །ཞིང་ཁམས་དེ་ལྟ་ཁྱབ་པའོ། །གནས་ནི་འོག་མིན་ཆེན་པོ་སྟེ། །སྤྲོས་བྲལ་རིག་པའི་བྱིན་རླབས་ལས། །ཡེ་ཤེས་རྒྱན་གྱིས་གཞལ་ཡས་ཁང་། །ཕྱི་དང་ནང་མེད་ཡེ་ཤེས་[411.4]གསལ། །སྟོན་པ་ལོངས་སྤྱོད་རྫོགས་པ་ཡི། །རང་བྱུང་མཚན་དཔེ་རང་ལ་ཆགས། །བདེ་བ་ཀུན་ལ་མངའ་མཛད་ཅིང་། །ཡེ་ཤེས་དམིགས་པའི་ངང་ཚུལ་ཅན། །འཁོར་ནི་རང་རིག་ཉིད་འཇོག་པ། །ས་བཆི་དབང་[411.5]ཕྱུག་འཁོར་ཉིད་ལ། །ཀུན་ཀྱང་མཚན་མེད་མཉམ་པའི་ཚུལ། །རང་གསལ་དོན་ལ་འཇོག་པའོ། །སྡུད་པ་གསང་བདག་རྡོ་རྗེ་འཆང་། །རྒྱལ་བ་ཀུན་གྱིས་དབང་བསྐུར་བ། །རིག་པའི་ཡེ་ཤེས་དཀྱིལ་འཁོར་དུ། །སྒྲ་[411.6]བྲལ་བསྟན་པ་རྒྱ་མཚོ་སྡུད། །དུས་ནི་མཉམ་གཞག་རིག་པའི་དུས། །རང་གསལ་ངང་ལས་མ་གཡོས་པར། །མཉམ་ཉིད་རང་གསལ་རིག་པའི་དུས། །འདི་ཞེས་ངེས་པར་བསྟན་དུ་མེད། །བསྟན་པ་ཕྱི་ཡི་གསང་[412][412.1]སྔགས་གསུམ། །དགོངས་པས་བྱིན་བརླབས་བརྒྱུད་པས་བཤད། །ཏིང་འཛིན་གསལ་བས་མཉམ་ཉིད་གོ །རང་གི་ངོ་བོས་བསྟན་པར་བཤད། །ལོངས་སྤྱོད་རྫོགས་པའི་བསྟན་པར་བཤད། །ཐུགས་རྗེའི་རང་བཞིན་[412.2]སྤྲུལ་པར་གསལ། །ཞིང་ཁམས་སྤྲུལ་པ་ནམ་མཁའི་ཁམས། །ཡང་ན་སྟོང་གསུམ་འཇིག་རྟེན་ཏེ། །འདུལ་བའི་ངོ་ལ་དེ་ལྟར་གྲགས། །གནས་ནི་ངེས་མེད་མཐའ་ཡས་ཏེ། །རིགས་དྲུག་རང་ཐད་དེ་ཉིད་ལ། །རྡོ་རྗེ་གད[412.3]ན་སྩོགས་མཐའ་ཡས་པར། །གྲངས་མེད་པ་གནས་དེ་ཉིད་དོ། །ཐུབ་པའི་དབང་པོ་གྲངས་ལས་འདས། །མདོར་བསྡུས་དྲུག་སྣང་ཡེ་ཤེས་དྲུག །འདུལ་དབང་ལོངས་སྤྱོད་སྤངས་ཚུལ་གྱིས། །འགྲོ་བ་འདྲེན་མཛད་སྒྲོན་[412.4]མ་ཡིས། །འཁོར་ནི་ལམ་གཉིས་ཐོབ་པ་དང་། །འགྲོ་དྲུག་སེམས་ཅན་དེ་དག་ཀྱང་། །དགེ་སློང་ལ་སྩོགས་སྣ་ཚོགས་གཟུགས། །སྣ་ཚོགས་འདུས་པའི་འཁོར་ཚོགས་སོ། །སྡེ་སྣོད་གསུམ་གྱི་ཚུལ་བཟུང་ནས། །མོས་[412.5]པ་ཐ་དད་དབང་གིས་ནི། །ཐེག་པ་ཆུང་ངུའི་རིམ་པ་ཡིས། །གང་ལྟར་འཆམས་པ་དེ་ལྟར་བསྟན། །ཀུན་ཀྱང་བྱང་ཆུབ་སེམས་ལ་འདུས། །བཅོས་མེད་རང་བྱུང་འོད་ལ་འདུས། །ཡེ་ཤེས་གསང་བའི་ངོ་བོ་ལ། །ཇི་ལྟར་[412.6]གསལ་བ་དེ་ལྟར་ཡིན། །གསང་བའི་མེ་ལོང་གསལ་བའི་མཛོད། །ཉི་མའི་སྙིང་པོའིའོདབཞིནདུ། །གསལལོ་ཡུལ་དང་རྣམ་པར་བྲལ། །ཐམས་ཅད་ང་ལས་གཞན་མ་ཡིན། །རང་ཉིད་བསམ་བརྗོད་ཡུལ་ལས[413][413.1]འདས། །མི་རྟོག་ཐུགས་རྗེ་མཁའ་ལྟར་བརྡལ། །ནམ་མཁར་འཛིན་པའི་འདུ་ཤེས་མེད། །སྟོན་པ་ང་ལ་བསྟན་པ་ང་། །ཉན་པའི་ཚོགས་ང་སྡུད་པ་ང་། །རང་གསལ་ཉིད་ལ་རང་ཉིད་གནས། །གང་ཡང་[413.2]མ་ཡིན་འོད་གསལ་ཡིན། །ཞེས་གསུངས་སོ། ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། ཕུན་སུམ་ཚོགས་པ་བསྟན་པའི་ལེའུ་སྟེ་བཅུ་པའོ།། །།དེ་ནས་སེམས་དཔའ་རྡོ་རྗེ་དམ་པ་དེས་འདི་སྐད་[413.3]ཅེས་གསོལ་ཏོ། །བདག་ཅག་འདུས་པ་་རིག་པའི་ཚོགས། །ཡེ་ཤེས་གསལ་བ་ཇི་ལྟར་བརྟག །རང་བྱུང་རིག་པའི་འཁོར་ལོ་ལས། །རྨད་བྱུང་རིག་པ་ཇི་ལྟར་འཆར། །ཡེ་ཤེས་ཉི་མ་བཅོམ་ལྡན་འདས། །རང་བྱུང་དོན་[413.4]ལ་བཤད་དུ་གསོལ། །ཞེས་ཞུས་སོ། །དེ་ནས་བཅོམ་ལྡན་འདས་རྡོ་རྗེ་སེམས་དཔའ་དེ་བཞིན་གཤེགས་པས་འདི་སྐད་ཅེས་གསུངས་སོ། །ཀྱེ་སེམས་དཔའ་ཆེན་པོ། །རང་བྱུང་ཡེ་ཤེས་རྒྱུ་རྐྱེན་བྲལ། །གདོད་ནས་རང་[413.5]སྣང་འོད་ཀྱི་མཆོག །གང་ཡང་མ་ཡིན་ཀུན་ལ་གསལ། །ཕྱོགས་མེད་ཐུགས་རྗེ་ཀུན་འཇུག་ལ། །ཕྱོགས་འཛིན་མི་མངའ་རྟོག་མི་མངའ། །མཁའ་གསལ་ཉི་མའི་དཀྱིལ་འཁོར་བཞིན། །ཐ་དད་བསམ་ཡས་[413.6]འདུལ་ཐབས་ཀུན། །རང་བྱུང་རིག་པའི་སེམས་ལ་བཞུགས། །ཆོས་དབྱིངས་བྱ་བྲལ་རྫོགས་པའི་ལུང་། །གསང་མཛོད་རིག་པ་ཐུགས་ཀྱི་གཏེར། །སྐུ་གསུང་ཐུགས་ཀྱི་བདེ་བའི་མཆོག །ཀུན་བརྡལ་རིག་པའི་ཀློང་དུ་[414][414.1]སོན། །བལྟ་མེད་ཡེ་ཤེས་རང་གསལ་ནི། །ཡུལ་མེད་སྤྲོས་བྲལ་ཇི་བཞིན་ཉིད། །རང་སྣང་རིག་པའི་འཁོར་ལོ་ལ། །ཡུལ་མེད་རང་གསལ་རིག་པས་མཐོང་། །བསམ་བྲལ་རིག་པ་ཅིར་མི་དགོངས། །གཟའ་བྲལ་དབུ་[414.2]མའི་ལམ་པོ་ཆེ། །ཇི་ལྟར་མ་ཡིན་དེ་བཞིན་ཉིད། །དེ་ལྟར་རིག་པ་ཉིད་ཀྱིས་གསལ། །ཅིས་ཀྱང་མ་བཅོས་དེ་བཞིན་ཉིད། །ཕྲ་རགས་འཛིན་པའི་རྣམ་རྟོག་ལ། །མཚན་མའི་རྣམ་གྲངས་ཅི་སྐྱེས་ཀྱང་། །དེ་ཉིད་འོད་[414.3]གསལ་དག་པའི་མཁའ། །གཉིས་མེད་རང་གསལ་གཅིག་ལ་སོན། །མཐོང་བའི་སྐབས་ན་དོན་མི་མཐོང་ མི་མཐོང་བས་ན་དོན་མཐོང་སྟེ། །གཉི་ག་མ་བཅོས་རང་རིག་ལ། །མཐོང་དང་མ་མཐོང་རྗེས་མི་[414.4]འཇུག །ཐམས་ཅད་བྱང་ཆུབ་སེམས་ཉིད་ལ། །ལོག་རྟོག་རྩོལ་བའི་ཆོས་མི་གནས། །རང་བྱུང་མཚན་མར་མི་འཇུག་པས། །གང་ལྟར་གསལ་ཡང་དམིགས་དང་བྲལ། །འབྱུང་འཇུག་མེད་པའི་རྣལ་འབྱོར་གྱིས། །ཇི་[414.5]བཞིན་ཉིད་ཀྱི་དོན་ལ་རྟོགས། །ལྟ་བྲལ་གཟིགས་མེད་ཡེ་ཤེས་སྤྱན། །ཆོས་རྣམས་བྱང་ཆུབ་སེམས་སུ་གསལ། །བྱང་ཆུབ་སེམས་ཉིད་འོད་བརྡལ་བས། །མཐའ་དབུས་མེད་པས་གཅིག་ཏུ་གནས། །འདོད་ལྔ་ཡུལ་ལྔ[414.6]ཆགས་སྡང་ལྔ། །ཅིར་ཡང་སེམས་ལས་གཞན་མེད་པས། །དེ་ཉིད་མ་ཡིན་གཞན་མ་ཡིན། །འཁོར་བ་ཡེ་ཤེས་འོད་དུ་འབར། །རང་གསལ་འཇུག་མེད་རིག་པ་ཡིས། །མཐོང་འཇུག་མེད་པའི་ངོ་བོར་བརྟག །ཕྱོགས་[415][415.1]མེད་གསལ་བའི་ཡེ་ཤེས་ཀྱིས། །ཕྱོགས་སུ་བལྟ་བ་ཟིལ་གྱིས་མནན། །དང་པོ་སེམས་ལ་རྒྱུ་མེད་པས། །ཐ་མར་སྐྱེ་འཇིག་མཐའ་ལས་འདས། །རང་བྱུང་རྡོ་རྗེ་སྐྱེ་འགག་མེད། །དུས་གཅིག་རྫོགས་པས་[415.2]རིམ་སྐྱེ་མེད། །སྐད་ཅིག་མེད་དེ་རྒྱུན་དང་བྲལ། །རིག་པ་རང་གསལ་མངོན་སུམ་ལ། །རྗེས་དཔག་རིག་པའི་རྫུན་གྱིས་བསླུས། །དེ་ཁོ་ན་ཉིད་རང་གསལ་ལུང་། །རྒྱུ་རྐྱེན་བྱང་ཆུབ་སེམས་རིག་པས། །ཡེ་ཤེས་འཁྱིལ[415.3]པའི་འཁོར་ལོ་ཅན། །ཅིར་ཡང་འཕྲུལ་ལོ་ཐམས་ཅད་རིག །ནམ་མཁའ་རང་གསལ་དབྱིངས་ལ་གནས། །སྣང་སྲིད་བདེ་སྡུག་འཁྲུལ་འཁོར་ཡང་། །རིག་པ་ཡེ་ཤེས་འཁོར་ལོར་ཞུགས། །རང་བྱུང་ངང་ལས་གཞན་པ་[415.4]མེད། །འདུ་འབྲལ་མེད་པར་རང་ལ་ཐུག །ཁྱབ་གདལ་རིག་པ་ཀུན་ཏུ་བཟང་། །གང་ལྟར་གསལ་བ་དེ་ལྟར་ཡིན། །ཀློང་ཡངས་ཆུ་བོ་འདུ་འཕྲོ་བཞིན། །མ་འདྲེས་ཡོངས་རྫོགས་གཅིག་ཏུ་གསལ། །ནམ་མཁའ་[415.5]གསལ་བའི་གཞལ་ཡས་སུ། །རིག་པ་མཆོག་གི་འོད་བརྡལ་ནས། །རིག་པ་རང་གསལ་མཆོག་ཏུ་བརྟག །བརྡ་དོན་ཕྲད་ནས་གསལ་བར་བཤད། །མཆོག་ཏུ་གསང་བའི་ཆོས་འདི་ནི། །སྣང་མེད་རིག་པ་མཆོག་གི་[415.6]ངང་། །རྟོག་ཅིང་དབྱོད་པའི་ཡུལ་ལས་འདས། །སྤྲོས་བྲལ་མཚན་མ་ཅིར་མི་རྟོག །སྣང་དང་སྲིད་པའི་ཆོས་ཀུན་ནི། །དང་པོ་སྐྱེ་མེད་ངང་ཡིན་ལ། །བར་དུ་རྟོག་ཅིང་དཔྱད་ལས་འདས། །ཐ་མ་རང་གི་མཚན་མ་[416][416.1]མེད། །གསུམ་ཀ་མ་སྐྱེས་ཆོས་སྐུའི་ངང་། །ཡུལ་དང་དབང་པོ་སྤྱོད་པ་དང་། །མྱོང་ཚོར་སོ་སོར་མ་འདྲེས་གསལ། །རང་བྱུང་རང་ལ་ཅིར་ཡང་བྱུང་། །རྫོགས་ལོངས་སྤྱོད་པ་རང་བཞིན་གསལ། །ཀུན་ལ་ཁྱབ་ཅིང་དོན་[416.2]བྱེད་ནས། །དཔག་མེད་རིག་པ་སྣ་ཚོགས་འཆར། །རང་ལས་སྤྲུལ་ཞིང་རང་ལས་མཛད། །རང་བྱུང་རིག་པ་སྤྲུལ་པའི་སྐུ། །སྐྱེ་འགྲོ་ཕྱི་ནང་མ་ལུས་པའི། །གཟུགས་སྣང་ཕྲ་རགས་གང་ཡང་རུང་། །རྨད་བྱུང་སྐུ་ཡི་རོལ་[416.3]པར་ཤར། །ཡེ་ཤེས་འོད་གསལ་མཆོག་གི་སྐུ། །སྒྲ་སྐད་རབ་འབྲིང་མ་ལུས་པ། །གསལ་སྟོང་རིག་པ་ཉིད་ཀྱི་གསུང་། །གང་བརྗོད་ཚིག་འདས་གང་ཡང་བྲལ། །བརྗོད་བྲལ་མི་གཡོ་བརྗོད་པ་ཉིད། །དམིགས་བྲལ་[416.4]མཚན་མའི་རྟོག་མི་འཇུག །ཆོས་སྐུ་སྙིང་པོ་མཆོག་གི་གསུང་། །བརྡ་མཇལ་ཉམས་མྱོང་གསལ་རིག་ཅིང་། །ངེས་སྐྱེས་ཐེ་ཚོམ་རྣམ་པར་བཅད། །བརྡ་ཡི་དོན་གོ་གཉིས་མེད་པ། །རྫོགས་ལོངས་སྤྱོད་པའི་གསུང་དུ་[416.5]གསལ། །ཐ་སྙད་མ་འདྲེས་དོན་བྱེད་ནུས། །དོན་དང་འབྲེལ་ཞིང་ཁྱབ་པར་གསལ། །ཀུན་དང་མཐུན་པར་རང་བརྡ་འཕྲད། །སྤྲུལ་པའི་གསུང་དུ་རང་བཞིན་བརྡལ། །བརྗོད་བྲལ་ཚིག་གི་རང་བཞིན་གྱིས། །རང་བྱུང་[416.6]ཀུན་ལ་ཁྱབ་པར་གསལ། །རྨད་བྱུང་རང་གསལ་གོ་བའི་སྒྲ། །ཡེ་ཤེས་རོལ་པའི་གསུང་དུ་ཤར། །དྲན་རྟོག་རིག་པ་ཅིར་མི་བལྟ། །རྣམ་གྲོལ་རང་གསལ་ཅིར་མི་དགོངས། །མཚན་མ་རྣམ་པ་རྟོག་དང་བྲལ། །གཉིས་[417][417.1]མེད་རིག་པ་མཆོག་གི་ཐུགས། །སྣ་ཚོགས་རང་གསལ་བདེ་འགྱུར་ཞིང་། །ཅི་ཡང་མ་ཡིན་བར་ཡང་གསལ། །འོད་གསལ་བདེ་བའི་དོན་ལ་བཞུགས། །བདེ་ཆེན་ཐུགས་ཏེ་ཁྱབ་པར་བརྡལ། །སྣ་ཚོགས་[417.2]འབྲེལ་བ་གང་ཡང་མིན། །གཅིག་ཏུ་མི་གནས་ཁྱབ་པར་གསལ། །ཀུན་དང་མཐུན་པའི་དགོངས་པ་ཅན། །རང་ལས་རང་འཕྲུལ་སྤྲུལ་པའི་ཐུགས། །མི་གཡོ་མི་གནས་གང་དུའང་མིན། །རྡོ་རྗེ་སེམས་དཔའ་ནམ་[417.3]མཁའ་ཆེ། །རྨད་བྱུང་རང་གསལ་ཐུགས་ཀྱི་མཆོག །རྨད་བྱུང་ཐུགས་ཀྱི་རོལ་པར་ཤར། །ཉི་མའི་འོད་བཞིན་འབར་བ་ལྟར། །རྩོལ་བྲལ་རང་བྱུང་རིག་པ་ལས། །རྩོལ་མེད་ཐུགས་རྗེས་ཁྱབ་པར་གསལ། །ཀུན་ལ་[417.4]གནས་སོ་དམིགས་དང་བྲལ། །དཔལ་ལྡན་ནམ་མཁའ་ཁྱབ་པའི་འོད། །འགྲོ་བ་ཀུན་ལ་རང་བཞིན་འཆར། །འོད་གསལ་ནམ་མཁའ་རྒྱས་པའི་མཐའ། །འཇིག་རྟེན་གསལ་བར་དུས་གཅིག་ཤར། །འཁོར་བ་རང་[417.5]རིག་རང་བསལ་ཡང་། །ཡེ་ཤེས་རིག་པར་མི་གསལ་བས། །ཡེ་ཤེས་ཉི་མའི་འོད་ཀྱང་ནུབ། །རང་གསལ་རིག་པའི་དོན་དང་འགལ། །རང་བྱུང་སྒྲ་ཡི་རྗེས་འབྲེངས་ཀྱང་། །དེ་ཡི་ངོ་བོར་མ་གྱུར་ན། །གསལ་བའི་ཡེ་[417.6]ཤེས་ཉིད་དང་བྲལ། །བཅིངས་པའི་མདུད་པ་ལྕགས་དང་འདྲ། །རང་ལ་རང་གིསགཟེརཆེནའདེབས། །མི་རྟོག་གསལ་བའི་གདེང་དུ་གྱུར། །ཀློང་ཞུགས་རང་གསལམཆོགགིསགཏེར། །རྣམ་རྟོག་མཚན་མས་[418][418.1]བཅོས་སུ་མེད། །འགྱུར་མེད་རྡོརྗེའི་ཀློང་དུ་སོན། །བརྗོད་བྲལ་སེམས་ཀྱི་དཀྱིལ་འཁོར་ལ། །པྲ་ཁྲིད་དོན་གྱིས་མ་མཚོནི་ན། །རིག་པ་རང་གསལ་དོན་མི་མཐོང་། །གཏེར་ཁྱིམ་གསང་དང་གསལ་བྱེད་ལྟར། །ངེས[418.2]པརྙེད་ནས་ཚིག་མིདགོས། །རང་བྱུངགསང་བའི་འཁོར་ལོ་ལ། །ཡེཤེས་རིག་པས་མཉམ་སྦྱར་ནས། །རིན་ཆེན་འབར་བའི་གླིང་བཞིན་དུ། །ཡེ་ཤེ་དཀྱིལ་འཁོར་ཉིདདུ་འབར། །ཐམས་ཅད་ཡེ་ཤེས་དཀྱིལ་[418.3]འཁོར་གསལ། །མབསྒྲིབསརང་བྱུང་སྒོ་མོ་ལ། །རྩོལ བྲལ་རིག་པའི་ཐབས་ཀྱིས་འཇུག །མཐོང་མེད་མིདམིགས་དཀྱིལ་འཁོར་ལ། །ཡེངས་པ་མེད་པའི་སེམས་ཀྱིས་གནས། །ཅིར་སྣངརིག་པ་རངགསལ་[418.4]བས། །སྒྲིབ་པའིམུནཔ་རྣམ་པར་བཅད། །ཡེ་སངས་རྒྱསཔའིཐངས་ཆེན་ལས། ཁུ་རྐྱེན་རྩོལབས་ཅི་ཞིག་བྱ། །ཡེ་ཤེས་སྙིང་པོའིམཚན་ཉིད་ནི། །ཁྱབ་པར་གསལལ་རང་བཞིནམེད། །སྣང་སྲིད་གསལ་བའི་མེ་[418.5]ལོངལ། །གསལ་ཡང་རིགཔའི་མཚན་མ་མེད། །མི་འཇུག་མི་བལྟ་ཅིར་མི་རྩོལ། ཁྲེས་ནས་མ་བཅོས་རངདགརགནས། །བསམ་བྲལ་དམིགས་པའི་བྱུང་ཆོར་མེད། །ཅེས་གསུངས་སོ། །ནམམཁའི་མཐའ་དང་[418.6]མཉམ་པའི་རྒྱུད་ཆེནཔོ་ལས། ཡེཤེས་རང་གསལ་མཐོང་བའི་ལེའུ་སྟེ་བཅུ་གཅིག་པའོ།། །།དེནས་སེམས་དཔའ་རྡོ་རྗེ་དེ་ཉིད་ཀྱིས་འདི་སྐད་ཅེས་གསོལ་ཏོ། ། དུས་གསུམ་སངས་རྒྱས་ཐམས་ཅདཀྱི། །སྐུ་[419][419.1]གསུང་ཐུགས་ཀྱི་གསང་བ་འཆང་། །སྤྲོས་བྲལ་མཉམ་ཉིད་རིག་པའི་གཏེར། །གཉིས་མེད་རང་གསལ་བཅོམ་ལྡན་འདས། །མགོན་པོ་ཁྱོད་ལ་གསོལ་བ་ནི། །རྣལ་འབྱོར་བྱ་བྲལ་རྫོགས་ལུང་[419.2]ལ། །གཉིས་པའི་འདུ་ཤེས་མེད་མོད་ཀྱང་། །སྦྱོད་པའི་ཁྱད་པར་གསུང་དུ་གསོལ། །ཞེས་གསོལ་ཏོ། །དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ། །ཀྱེ་སེམས་དཔའ་ཆེན་[419.3]པོ། །གཉིས་མེད་རང་བྱུང་ཡེ་ཤེས་ལ། །གཉིས་ཀྱི་འདུ་ཤེས་མི་འཇུག་ཀྱང་། །འཇུག་པ་ཐབས་ཀྱི་སྒོ་མཚོན་ཕྱིར། །སྤྱོད་པ་རྣམ་པར་བཤད་པར་བྱ། །ནམ་མཁའི་དབྱིངས་ཀྱི་རྗེས་འགྲོ་ཞིང་། །ཐབས་ལྡན་མི་འགག་[419.4]དེ་ཉིད་དེ། །ཐུགས་རྗེ་མཛད་པའི་བྱིན་བརླབས་བརྡལ། །ཡོན་ཏན་ནམ་མཁའི་མཐའ་དང་མཉམ། །ཐམས་ཅད་རང་གསལ་མ་བཅོས་ལ། །རྣམ་རྟོག་འཛིན་པའི་དྲི་མ་མེད། །མི་འབྱུང་མི་འཇུག་ཡུལ་དང་[419.5]བྲལ། །གསལ་ལ་མི་རྟོག་འཛིན་པ་མེད། །ནམ་མཁའི་རྡོ་རྗེའི་སྦྱོད་པ་ལ། །རྣམ་རྟོག་མི་མངའ་ཅིར་མི་དགོངས། །མ་བཙལ་རང་བཞག་དགོངས་པ་ལ། །འཛིན་པའི་དྲི་མ་གདོད་ནས་དབེན། །རྣམ་དག་གསལ་བའི་[419.6]ཡེ་ཤེས་ལ། །གང་དུའང་མ་ཡིན་ཁྱབ་པར་གསལ། །རང་བཞིན་འོད་གསལ་བདེ་བའི་དབྱིངས། །འཛིན་པ་མི་འཇུག་དབྱིངས་མི་འཚོལ། །རང་གསལ་རིག་པ་རང་ལ་འདེབས། །མི་བསྒུལ་མི་རྟོག་ཅིར་མི་[420][420.1]གནས། །མ་བཀག་ཐབས་ཀྱི་མེ་ལོང་ལ། །ཕྱོགས་རིས་མེད་པས་ཅིར་བལྟས་གསལ། །ནམ་མཁའ་མི་བཟུང་བསམ་དང་བྲལ། །དམིགས་མེད་གཏད་མེད་ཡིད་མི་འཇུག །ཡུལ་ལ་མི་གནས་ཤེས་པ་མིན། །གཉིས་[420.2]ཀ་མ་ཡིན་སྤྲོས་དང་བྲལ། །འཛིན་པ་མི་འཇུག་གཉིས་འཛིན་མེད། །ཡེ་ཤེས་གསང་བའི་ངོ་བོ་ལ། །མཚན་མ་མེད་དོ་རང་གསལ་དབྱིངས། །སྣང་བ་ཡེ་ཤེས་རང་གསལ་ལ། །དགག་བསྒྲུབ་མེད་པ་རང་གི་[420.3]དབྱིངས། །རང་གསལ་འོད་ལ་མི་གནས་ན། །མཚན་མའི་སྤྱོད་པ་ཅི་སྤྱད་ཀྱང་། །རང་ས་ལྷོས་པའི་འབྲས་བུ་ལ། །མ་བཙལ་རང་གསལ་བདེ་ཆེན་བྲལ། །བཅིངས་མེད་ཡོངས་རྫོགས་རིག་པའི་ལམ། །བགྲོད་དུ་མེད་[420.4]དོ་ཡེ་སངས་རྒྱས། །ཕྱོགས་རིས་མེད་པའི་ཡེ་ཤེས་ལ། །གཉིས་མེད་གཅིག་པའི་མཐའ་དང་བྲལ། །ཟུང་འཇུག་འོད་གསལ་བདེ་ཆེན་ལ། །གཉིས་དང་གཅིག་པའི་འཛིན་པ་མེད། །མཐའ་བྲལ་ནམ་མཁའི་རྡོ་རྗེ་[420.5]ལ། །འགྱུར་མེད་ཡེ་ཤེས་རང་བཞིན་གསལ། །ཇི་བཞིན་རིག་པའི་རྣལ་འབྱོར་ལ། །རྩོལ་དང་བཅས་པའི་རྣལ་འབྱོར་མེད། །རིག་པ་ཀླུང་ཞུགས་བདེ་བའི་ངང་། །ཅིར་གསལ་མི་རྩོལ་རིག་པའི་མཆོག །འབྱུང་འཇུག་[420.6]མེད་དེ་དབྱིངས་ལ་གསལ། །བརྒྱུད་པ་ཐབས་ཀྱི་མེ་ལོང་གིས། །རང་གསལ་དོན་ལ་མཚོན་བྱས་ནས། །གཉིས་མེད་ཡེ་ཤེས་ཞེས་བརྗོད་པ། །རང་གསལ་མ་ཡིན་གཞན་གསལ་མིན། །མངོན་སུམ་རང་གསལ་ཡེ་[421][421.1]༄༅། ཁྲེས་ལ། །བརྙན་མའི་རྟག་ལ་རྟེན་འདོད་པ། །གླང་པོ་རྙེད་ནས་རྗེས་འཚོལ་འདྲ། །གཉིས་མེད་ངང་ལ་གཉིས་སུ་འདོད། །རང་གསལ་ངང་ལ་གཞན་གྱིས་བསླད། །རང་རིག་གཉིས་ཀྱི་མཚན་བྲལ་[421.2]ལ། །ཞེན་པས་དེ་ཉིད་མ་རྟོགས་པས། །ཁམས་གསུམ་རྒྱུད་དྲུག་གནས་སུ་འཁོར། །མངོན་སུམ་རིག་པས་ཉམས་མྱོང་བ། །ལུང་དང་རིགས་པ་རྗེས་དཔག་གིས། །མི་རྟོག་རང་གསལ་དོན་ལ་བསྒྲིབས། །དེ་ཡིས་དེ་[421.3]ལ་རྟོག་པའི་རྒྱུན། །ཡེ་ཤེས་གསལ་བའི་ངང་ཉིད་ལས། །ཐུགས་རྗེ་ནམ་མཁའི་མཐའ་ལྟར་བརྡལ། །ཐུགས་རྗེ་ཆེན་པོ་ཉི་འོད་ལྷར། །འགྲོ་འོང་མེད་པར་རང་བཞིན་འཆར། །ཇི་ལྟར་གང་འདུལ་དེ་དག་ལ། །སྟོན་པ་[421.4]ཡིད་བཞིན་ནོར་བུ་ལྟར། །ཀུན་ལ་མཐུན་པར་མི་སྣང་ན། །སྐྱོབ་པའི་ཐུགས་རྗེ་ཡལ་ལམ་ཅི། །གང་ཕྱིར་དེ་ལྟར་མི་འབྱུང་ན། །རྣམ་པ་ཀུན་མཁྱེན་མིན་པ་དང་། །ཕན་འདོགས་ནུས་པ་མེད་པ་དང་། །ཐུགས་རྗེའི་[421.5]མཛད་པ་རྒྱུན་ཆད་དང་། །ཞི་བ་ཕྱོགས་ཐིམ་སྐྱོན་དུ་འགྱུར། །འགག་མེད་ཐུགས་རྗེའི་མཛད་པ་ལ། །འབྱུང་དང་མི་འབྱུང་གང་རྟོག་པ། །རིན་ཆེན་འབར་བའི་འོད་ཀྱང་ནུབ། །འཁོར་བའི་ལྕགས་ལས་ཐར་བ་[421.6]མེད། །རྣམ་རྟོག་མཚན་མའི་འདམ་དུ་ཟིན། །རྡོ་རྗེའི་ཁབ་ནས་ཐར་པ་མེད། །གཉིས་མེད་ཡེ་ཤེས་གསལ་བ་ལ། །མཚན་མའི་འཛིན་པ་མི་གནས་ན། །གཞི་དང་ཀུན་བརྟགས་གཉིས་འདོད་པ། །ལོག་པའི་ལམ་པ་[422][422.1]འཁོར་བར་ལྟུང་། །དངོས་ལ་གཉིས་པ་མི་གནས་ན། །བསམ་པའི་འདུ་ཤེས་ཅི་ལ་འཇུག །དེ་དག་མཐའ་ལ་རྩོད་པ་ཡིན། །དངོས་ལ་རྩོད་པ་ཀུན་དང་བྲལ། །རྗེས་འཇུག་རིག་པའི་རྣལ་འབྱོར་གྱིས། །རང་གསལ་[422.2]རིག་པའི་དོན་ལ་ཞུགས། །ཐུགས་རྗེའི་མཛད་པ་ཀུན་ལ་བརྡལ། །འདོད་དོན་རིན་ཆེན་ལྟ་བུར་འབྱིན། །མཛད་པའི་བྱིན་རླབས་བསམ་མི་ཁྱབ། །མཁྱེན་པ་ཡེ་ཤེས་ཉིད་དུ་འཆར། །འགྲོ་ལ་ཕན་འདོགས་ཀུན་ལ་[422.3]སྙོམས། །ཀུན་ཀྱང་འོད་གསལ་བདེ་བར་གཟིགས། །གཡོ་མེད་རིག་པའི་བྱིན་རླབས་ནི། །འབྱུང་འཇུག་མེད་པའི་ཡོངས་ལ་བརྡལ། །རྒྱ་མཚོ་རྐྱེན་གྱིས་བསྐུལ་བ་ལྟར། །ཀུན་ཏུ་སྣང་ཞིང་ཉིད་དུ་འདུས། ཁྲེས་རིག་[422.4]ཀུན་ལྡན་མཁྱེན་པའི་ངང་། །ཐུགས་རྗེའི་ངང་ལས་མི་འདའ་བས། །ཇི་ལྟར་འཚམས་པ་དེ་ལྟར་བསྟན། །མེ་དང་ཚ་བ་ཇི་བཞིན་ནོ། །ཐུགས་རྗེ་མེད་པའི་རྒྱལ་བ་དང་། །གསལ་རིག་མེད་པའི་ཡེ་ཤེས་ནི། །བེམ་པོ་[422.5]དོན་མེད་འབྲས་བུ་ལས། །རྙེད་ཀྱང་ངལ་བ་དོན་མེད་ཡིན། །ཐམས་ཅད་རང་གསལ་ཡེ་ཤེས་ལ། །གཉིས་མེད་འདུ་ཤེས་མི་མངའ་ཡང་། །བྱིན་རླབས་ཉི་མའི་འོད་བཞིན་དུ། །འགྲོ་འོང་མེད་པར་ཁྱབ་པར་[422.6]གདལ། །དེ་ཉིད་ཐུགས་རྗེ་མ་ཡིན་པའི། །ཆོས་ནི་གནས་པར་མི་སྲིད་དོ། །ནམ་མཁའ་ས་ཆུ་མེ་དང་རླུདྨ་། །འདོད་ལྔ་བདེ་དང་འདོད་ཡོན་ཀུན། །ཐུགས་རྗེའི་བྱིན་རླབས་བསམ་མི་ཁྱབ། །གངཞིགཕནའདོགས་[423][423.1]དོན་བྱེད་ནུས། །ཀུན་ཀྱང་ཐུགས་རྗེ་ཆེན་པོ་ཡིན། །དམྱལ་བའི་སྡུག་བསྔལ་འབར་བ་ཡང་། །རྒྱལ་བའི་མཛད་པའི་ཐུགས་རྗེ་ཡིན། །གཞན་དག་བདེ་སྡུག་བཏང་སྙོམས་ཀུན། །སྨོས་ཅི་དགོས་ཏེ་དེ་[423.2]ཉིད་ཡིན། །འོད་གསལ་རིག་པའི་ཐབས་ལྡན་ན། །རང་གསལ་མིན་པའི་ཆོས་མི་གནས། །གང་ལྟར་སྤྱོད་པ་དེ་དག་ཀུན། །ཐབས་ཆེན་འོད་གསལ་སྤྱོད་པ་ཡིན། །ཐབས་ལྡན་རིག་པའི་སྐྱེས་བུ་ཡིས། །དུག་ཆེན་སྨན་[423.3]དུ་མཛད་པ་ལྟར། །འོད་གསལ་རིག་པའི་རྣལ་འབྱོར་གྱིས། །འཁོར་བ་ཡེ་ཤེས་སྙིང་པོར་གསལ། །མ་བཅོས་ཐབས་ཀྱི་རྣལ་འབྱོར་པས། །གང་ལྟར་སྤྱོད་པ་དེ་ལྟར་བདེ། །ཐབས་ལྡན་རིག་པ་འབྲུལ་གྱི་སྒོ །ཀུན་[423.4]འབྱུང་རིན་ཆེན་ཕུང་པོ་ཅན། །རང་གསལ་རིག་པའི་ལྡེ་མིག་གིས། །རྨད་བྱུང་རིག་པའི་སྒོ་ཕྱེ་ལ། །རིན་ཆེན་གསེར་གྱི་ས་གཞི་ལ། །རིན་ཆེན་རིག་པ་བཅུད་ཀྱི་སྒོ །འགྱུར་མེད་རང་གསལ་ཕུར་བུས་གདབ། །གསལ་[423.5]བྱེད་རིན་ཆེན་འབར་བ་བསྟན། །ཕྱིར་མི་འབྱུང་བར་ནན་ཆགས་བྱ། །ཚིག་དོན་སྤྲད་པས་བརྡ་སྤྲད་ལ། །ཡེ་ཤེས་གསལ་བས་ཕྱོགས་བཅུར་བརྡལ། །འབྱུང་བའི་དུས་སུ་བརྡ་སྤྲད་ལ། །འཇུག་པའི་དུས་སུ་ཕྲལ་བར་[423.6]བྱ། །དངོས་མེད་རིག་པའི་ཁྱད་པར་ལ། །སྤྲད་དང་བྲལ་བར་མི་གནསཀྱང། །ཞེན་པས་དངོས་པོ་མཐོང་བྱའི་ཕྱིར། །བརྡ་དོན་གཉིས་ཀྱི་མན་ངག་བསྟན། །ཚིག་གི་ལམ་དང་དོན་གྱི་ལམ། །དོན་ཉིད་རང་གསལ་[424][424.1]འོད་བཞིན་གནས། །འཇུག་པ་ཚིག་གི་ཁྱད་པར་གྱིས། །གཉིས་མེད་དོན་གཅིག་བསྟན་པར་ཟད། །རང་སྣང་རིག་པ་འཕྲུལ་གྱི་དམིག །ཕྲད་པ་མེད་པར་རང་བཞིན་འཆར། །བཅོས་མེད་དེ་ལྟར་རང་བཞག་[424.2]ན། །རྟོགས་པ་རབ་འབྱམས་ཉིད་དུ་འཆར། །རང་རིག་ཡེ་ཤེས་ཐབས་མེད་པར། །ཞེན་པའི་ཆགས་སྡང་ཀུན་སྦྱོད་པས། །རྡོ་རྗེའི་ཁབ་ཏུ་ལྟུང་གྱུར་ནས། །བྱང་ཆུབ་སེམས་ཀྱི་རིགས་དང་བྲལ། །དངོས་པོ་ཀུན་བྲལ་[424.3]ཡེ་ཤེས་ལ། །ཕྱོགས་དང་རིས་སུ་མི་གནས་ཏེ། །ཆགས་སྡང་བྲལ་བའང་མི་སྤྱོད་ན། །ཆགས་སྡང་སྤྱོད་པ་སྨོས་ཅི་དགོས། །ངེས་པར་ལྟུང་བར་གྱུར་ནས་ནི། །ཐེག་ཆེན་རིགས་དང་རྟེན་བྲལ་ནས། །ཐར་པའི་རིས་སུ་[424.4]འགྱུར་མི་སྲིད། །ཡེ་ཤེས་གསལ་བའི་སྤྱོད་པ་ཡིས། །ཅི་སྤྱད་བྱང་ཆུབ་སེམས་སུ་གསལ། །འོད་གསལ་ཆོས་སྐུ་རིག་པའི་ངང་། །བཙལ་མེད་དེ་དག་ཐོབ་པར་འགྱུར། །ཡེ་ཤེས་རང་གསལ་དོན་དང་ཕྲད། །འཁོར་བ་[424.5]སངས་རྒྱས་ལམ་དུ་མཁྱེན། །རང་བྱུང་ཡེ་ཤེས་འོད་དུ་འབར། །རྩོལ་མེད་བྱིན་རླབས་ངང་གིས་འཆར། །ནམ་མཁའ་དབྱིངས་ཀྱི་གཏེར་འཛིན་ཅིང། །རང་གསལ་རིག་པའི་འོད་ལ་བཞུགས། །ཕྱོགས་མེད་རིག་[424.6]པའི་ཐུགས་རྗེ་ཡིས། །མཁའ་ལྟར་དག་ཅིང་ཀུན་ལ་འཆར། །བཅོས་མེད་རང་བཞག་དོན་ཐོབ་ནས། །ཡེ་ཤེས་བླ་མའི་ས་གནོན་ཏེ། །ཆེ་བའི་ཡེ་ཤེས་ཀུན་རྫོགས་པས། །མ་བགྲོད་ས་རྣམསདུསགཅིགནོན། །རྣལ་[425][425.1]འབྱོར་རིག་པའི་ཁྱད་པར་ལ། །ས་དང་ལམ་ཞེས་བརྗོད་པ་ལས། །དངོས་པོ་ཡེ་ཤེས་རང་སྣང་ལ། །ས་དང་ལམ་ལ་བགྲོད་པ་མེད། །བསམ་པའི་ཁྱད་པར་ཅི་ཙམ་པ། །དེ་དང་དེ་ཡི་ཚུལ་བཟུང་[425.2]ནས། །འགྲོ་བ་འདྲེན་པའི་ཐབས་བསྟན་ཏེ། །དངོས་ལ་འོད་གསལ་རིག་པའི་མཁའ། །རང་རིག་འདྲེན་པ་མཆོག་གི་སྐུ། །ཀུན་འདུས་གསང་བ་དབྱིངས་ཉིད་ལུང་། །མ་བསལ་བཅོས་མེད་སྙིང་པོ་ལ། །གདོད་ནས་[425.3]དག་པས་གཉེན་པོ་མེད། །ཅེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། སྤྱོད་པ་རིག་པའི་ཁྱད་པར་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་སེམས་དཔའ་རྡོ་རྗེས་འདི་[425.4]སྐད་ཅེས་གསོལ་ཏོ། །དུས་གསུམ་སངས་རྒྱས་ཐམས་ཅད་ཀྱི། རང་གསལ་ཡེ་ཤེས་མེ་ལོང་ཁྱོད། །གདོད་ནས་བྱང་ཆུབ་སྙིང་པོར་བཞུགས། །བཅོས་མེད་རིག་པའི་ངང་ལ་གནས། །མགོན་པོ་ཁྱོད་ལ་གསོལ་པ་[425.5]ནི། །སྤྲོས་མེད་རིག་པའི་རང་བཞིན་ལ། །དཀྱིལ་དང་འཁོར་དུ་དབྱེར་མེད་ཀྱང་། །དེ་ཡི་ཚུལ་འདི་བཤད་དུ་གསོལ། །ཞེས་ཞུས་སོ། །དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་[425.6]སོ། །ཀྱེ་སེམས་དཔའ་ཆེན་པོ། །ནམ་མཁའི་མཐའ་དང་མཉམ་པའི་རྒྱུད། །ཀུན་འདུས་རིག་པ་སེམས་ཀྱི་ལུང་། །བཅོས་མེད་རིག་པ་དོན་གྱི་གཏེར། །འཕོ་འགྱུར་མེད་པའི་དབྱིངས་ཉིད་དང་། །རིགཔམཆོགགི[426][426.1]དཀྱིལ་འཁོར་ལ། །བསྐྱེད་པ་མེད་པའི་རང་བཞིན་གསལ། །གསལ་བ་འོད་འབར་དཀྱིལ་འཁོར་ནི། །ནམ་མཁའི་མཐའ་བཞིན་ཁྱབ་པར་གནས། །འོད་གསལ་རིག་པའི་བདེ་བ་ལ། །ཐ་དད་རིག་པ་མི་གནས་[426.2]ན། །ཆོས་ཚུལ་མཐོང་རྟོགས་ཁྱད་པར་གྱིས། །དཀྱིལ་འཁོར་གསུམ་གྱི་རང་བཞིན་གསལ། །དབྱིངས་ཉིད་གཅིག་གི་རང་བཞིན་ལ། །རང་བཞིན་ཏིང་འཛིན་གཟུགས་བརྙན་ནི། །བྱང་ཆུབ་སེམས་སུ་མངོན་པར་[426.3]གསལ། །སྤྲོས་བྲལ་མཉམ་ཉིད་རིག་པའི་གཏེར། །ཡེ་ནས་བྱང་ཆུབ་སྙིང་པོ་ལ། །ཅིར་བལྟས་རང་གསལ་བཅོས་པ་མེད། །སྐུ་ཡི་སྐུ་སྟེ་སྐུ་ལ་རོལ། །རང་གསལ་རིག་པ་མཆོག་གི་སྐུ། །ནམ་མཁའ་ཁྱབ་པའི་སྐུ་[426.4]མངའ་ཞིང་། །བཙལ་མེད་ཉི་མའི་འོད་ལ་བཞུགས། །ཀུན་ལ་ཁྱབ་པོ་བསམ་དང་བྲལ། །གཞི་རྩ་མེད་པ་སེམས་ཀྱི་ལུང་། །ཀུན་གསལ་རང་ལ་བསམ་དུ་མེད། །རྨད་བྱུང་རོལ་པའི་སྐུ་རུ་ཤར། །རང་གསལ་སྒྲ་དྲལ་[426.5]རིག་པའི་གསུང་། །བརྗོད་མེད་རིག་པའི་འཁོར་ལོར་སྒྲོགས། །གཉིས་མེད་འོད་གསལ་གཅིག་ཏུ་གོ །བསམ་སྤྱོད་མེད་པའི་ངང་དུ་གནས། །ཐོས་མེད་རིག་པའི་ངོ་བོ་ལ། །ཐོས་ཀྱང་རང་གསལ་མཆོག་གི་[426.6]དང་། །འདི་ཀུན་རང་རིག་ཡེ་ཤེས་ཏེ། །བརྗོད་མེད་རིག་པའི་བསྟན་པས་བཤད། །རྨད་བྱུང་རོལ་པའི་གསུང་དུ་ཤར། །རིག་པ་མི་གནས་ཅིར་མི་དགོངས། །རང་ལ་མི་རྟོག་གཞན་མི་རྟོག །གསལ་ལ་མི་མངོན་[427][427.1]དབྱིངས་སུ་སྦས། །མཁྱེན་རིག་ཡེ་ཤེས་དུས་གཅིག་འཆར། །བསམ་གཏན་རང་བྱུང་རང་གསལ་བདག །ཡེ་ནས་རང་གསལ་གཅིག་ལ་ཚོགས། །འཛིན་མེད་ནམ་མཁའི་འོད་ལྟར་བརྡལ། །རྨད་བྱུང་[427.2]རོལ་བའི་ཐུགས་སུ་ཤར། །བཅོས་མེད་རང་གསལ་དཀྱིལ་འཁོར་གསུམ། །མ་བཅོས་རང་གསལ་བདེ་བའི་ངང་། །རིག་པའི་ལུས་ཏེ་གཟུགས་དང་བྲལ། །གསལ་ལ་མི་གཡོ་འབྱུང་འཇུག་མེད། །བཏང་སྙོམས་གང་[427.3]དུའང་མི་གནས་ཏེ། །ནམ་མཁའ་ཁྱབ་པར་མི་རྟོག་གསལ། །འཛིན་པ་མེད་པའི་ཡེ་ཤེས་ནི། །ཕྱོགས་མེད་ཁྱབ་པར་རང་བཞིན་གསལ། །མི་གཡོ་ཏིང་འཛིན་མཆོག་གི་སྐུ། །རང་རིག་བྱང་ཆུབ་ལུང་ཐོབ་[427.4]པས། །འབྱུང་འཇུག་མེད་པར་ཀླུང་དུ་ཞུགས། །གསལ་བ་ཉི་མའི་སྙིང་པོ་ལྟར། །བརྗོད་མེད་དོན་གྱིས་གཏན་ལ་ཕབ། །རང་གིས་མཚོན་པས་རང་གིས་གོ །བརྗོད་བྲལ་རིག་པ་དང་ཚེ་སྒྲ། །རྣ་བས་མི་ཐོས་སེམས་[427.5]ཀྱིས་ཐོས། །ཆུ་ལ་ཆུ་ལྟར་རིག་པའི་དོན། །མ་བཙལ་མཉམ་གཞག་ཉིད་ཀྱིས་གོ །རྣམ་རྟོག་མི་བསམ་ཡུལ་ལས་འདས། ཁུ་རུ་སྦས་པའི་དོན་དེ་ཉིད། །རང་བྱུང་རང་གསལ་ཐབས་ཉིད་ཀྱིས། །ཡུལ་མེད་ཡེ་ཤེས་[427.6]ཉིད་ཀྱིས་གསལ། །རང་བཞག་རིག་པའི་དོན་ལ་དགོངས། །སྣང་བར་མི་རྟོག་སྙིང་པོར་གསལ། །དྲན་རིག་མེད་པའི་ཚུལ་ཉིད་ཀྱིས། །འཇུག་མེད་རིག་པའི་ཚུལ་གྱིས་གསལ། །རང་གསལ་ཐབས་ཀྱི་མེ་ལོང་[428][428.1]ལ། །མཚན་མའི་རྣམ་གྲངས་གང་བྱུང་བ། །ཡེ་ཤེས་གསལ་བའི་ངང་དུ་བལྟ། །གསལ་ལ་ཡེངས་མེད་དགོངས་པར་ག་ས། །མ་བཅོས་སེམས་ཀྱི་ཁྱད་པར་ལས། །ཇི་ལྷར་སྣང་བ་དེ་ལྟར་གསལ། །སྣང་བ་མཐའ་[428.2]དག་མ་ལུས་པ། །དེ་དག་ཅིར་སྣང་རང་གྲོལ་བས། །རང་རིག་གཉིས་མེད་བདེ་བའི་སྐུ། །སྐུ་མཆོག་འོད་འབར་མཛེས་པའི་ངང་། །སྐུ་མཆོག་འོད་གསལ་ལྷུན་གྲུབ་ལ། །བཙལ་མེད་ཡེ་ཤེས་འཁོར་ལོ་[428.3]མཛེས། །མི་གཡོ་རིག་པ་མཆོག་གི་གཏེར། །སྨོན་དུ་མེད་དེ་རང་ལ་རྫོགས། །ཀུན་བཟང་རིག་པ་མཆོག་གི་སྐུ། །ཉི་མ་བྱེ་བའི་འོད་དང་མཅོས། །སྤྲོ་བ་མེད་ཅིང་བསྡུ་བ་མེད། །བྱང་ཆུབ་སྙིང་པོར་དེ་མ་ཐག །རིག་[428.4]པ་སྤྲོས་བྲལ་ཉིད་དབྱིངས་དཀྱིལ། །ཆོ་འཕྲུལ་རིག་པའི་འཁོར་དང་ལྡན། །གྲགས་པ་སྒྲ་ཡི་རྣམ་པ་ཀུན། །ཡེ་ཤེས་རང་བཞིན་གསལ་བའི་སྒྲ། །རང་གསལ་རིག་པའི་སྒྲ་ལ་འདུས། །འོད་དང་འོད་ཅན་ཇི་བཞིན་[428.5]ནོ། །བརྗོད་བྲལ་རང་བཞིན་གསལ་བ་ལས། །འོད་གསལ་སྒྲ་ཡི་རང་བཞིན་གསལ། །སྐྱེ་འགྲོ་སྒྲ་ཡི་རང་བཞིན་ནི། །མ་བསྒྲགས་གསུང་དུ་རྣམ་པར་གསལ། །བརྗོད་བྲལ་རིག་པའི་དཀྱིལ་འཁོར་ནི། །རིག་[428.6]པའི་དཀྱིལ་འཁོར་རྒྱན་དུ་ཆེ། །རང་བྱུང་དག་གསལ་མཆོག་གི་གསུང་། །བརྗོད་མེད་རང་བྱུང་བྱིན་རླབས་ཀྱིས། །གསུང་གིརངབཞིནཕྱོགསབཅུར་བརྡལ། །རིག་པ་གསུང་གི་གཟུགས་བརྙན་ཡིན། །དྲན་རྟོག་མི་[429][429.1]གཡོ་མཆོག་གི་ཐུགས། །རང་བྱུང་རིག་པ་མཆོག་ཏུ་གསལ། །སྤྲོས་མེད་ཉི་མའི་འོད་བརྡལ་བས། །ཡེ་ཤེས་སྣང་བས་ཕྱོགས་བཅུར་གསལ། །ཅིར་ཡང་འཛིན་པ་མི་མངའ་བས། །མཐའ་ཡི་སྤྲོས་པ་རྣམ་[429.2]པར་བཅད། །རྣམ་རྟོག་ཕྲ་རགས་གང་སྐྱེས་ཀྱང་། །མ་སྐྱེས་སེམས་ཀྱི་ཁྱད་པར་ལས། །ཇི་ལྟར་གསལ་ཡང་ངོས་བཟུང་མེད། །དེ་ལྟར་རང་སྣང་ཉིད་ཁོ་ནའོ། །འདུ་ཤེས་མི་འཇུག་ཡུལ་མི་ཚོལ། །གང་ལྟར་གནས་པ་[429.3]དེ་ལྟར་བདེ། །རྟེན་མི་བཅའ་ཞིང་རོ་མི་མྱང་། །འོད་གསལ་བདེ་བའི་རོ་ལ་བཞུགས། །ནམ་མཁའ་བདུད་རྩི་མཆོག་གི་རོ། །གསལ་བར་གནས་པའི་འོད་ཀྱིས་འཐུངས། །གཏད་འཛིན་བྲལ་བའི་སེམས་ཀྱིས་[429.4]འཇུག །ཡེ་ཤེས་རླུད་གི་དོན་ལ་རྟོག །ཅེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། རང་གསལ་དགོད་པ་དང་བྲལ་བའི་ལེའུ་སྟེ་བཅུ་གསུམ་པའོ།། །།དེ་ནས་སེམས་དཔའ་རྡོ་རྗེ་[429.5]སྙིང་པོ་དེས་འདི་སྐད་ཅེས་གསོལ་ཏོ། །ཀྱེ་མ་དུས་གསུམ་རྒྱལ་བ་ཡིས། །རིག་པ་འགྱུར་མེད་ཐུགས་ཀྱི་གཏེར། །རང་བྱུང་རིག་པའི་རྩལ་རྫོགས་པས། །མ་བསྐུར་རང་གསལ་དབང་ལ་བཞུགས། །མགོན་པོ་ཁྱོད་ལ་[429.6]གསོལ་བ་ནི། །ནམ་མཁའི་རོ་ཡི་ཆུ་འཐུངས་ཤིང་། །རྒྱལ་ཐབས་སྤྱི་བླུགས་ཚངས་པའི་དབང་། །བདག་ཅག་རྣམས་ལ་བཤད་དུ་གསོལ། །ཞེས་ཞུས་སོ། །དེ་ནསདེབཞིནགཤེགསཔརྡོརྗེ་སེམདཔའ་ཆེན་པོས་[430][430.1]དབང་གི་རྒྱལ་པོ་སྤྱི་བླུགས་ཚངས་པའི་དབང་འདི་གསུངས་སོ། །ཀྱེ་སེམས་དཔའ་ཆེན་པོ། །ནམ་མཁའི་མཐའ་དང་མཉམ་པའི་རྒྱུད། །རང་གསལ་རིག་པ་མཆོག་གི་རྒྱན། །ཡེ་ཤེས་གསང་བ་མཆོག་གི་ལུང་། །རྣ་[430.2]བརྒྱུད་ཐུགས་ཀྱི་མེ་ལོང་གི །དབང་མཆོག་ཐོབ་མེད་ངོ་སྤྲོད་ཐབས། །བསྐུར་ཐོབ་མེད་པར་རྫོགས་པར་གསལ། །རང་གསལ་ཡེ་ཤེས་སྒྲོན་མ་འདི། །རྒྱལ་ཐབས་སྤྱི་བླུགས་རྫོགས་པའི་དབང་། །རང་གསལ་རིག་པ་[430.3]རྫོགས་ལུང་ནི། །རང་བཞིན་ཞུ་ཐབས་དུས་སྣོད་དང་། །སྐྱོན་ཡོན་རང་གསལ་རིག་པར་རྫོགས། །རང་བྱུང་རིག་པའི་རྒྱལ་པོ་འདི། །སྐྱེ་འགྲོ་ཕྱི་ནང་ཀུན་ལ་ཁྱབ། །ཐམས་ཅད་ནམ་མཁའི་ངང་གནས་[430.4]བཞིན། །རྒྱལ་ཐབས་རང་བྱུང་མཆོག་གི་ངང་། །རང་གནས་རིག་པའི་གཏེར་ལ་རྫོགས། །ཡེ་ཤེས་གསལ་བ་ཀུན་དབང་བསྒྱུར། །ཕྱོགས་མེད་ཡེ་ཤེས་རྩོལ་བྲལ་གཏེར། །ཏིལ་འབྲུ་བཞིན་དུ་ཁྱབ་པར་[430.5]བཞུགས། །རྒྱལ་ཐབས་རིག་པར་མི་ལྡན་ན། །རྩོལ་བའི་ཁྱད་པར་གང་གང་གིས། །ཇི་ལྟར་དེ་ལྟར་དབང་བསྐུར་ཡང་། །འཁོར་བའི་ལྕགས་ལས་ཐར་བ་མེད། །དད་དང་དམ་ཚིག་ལྡན་པ་དང་། །འདི་རྣམས་ལྡན་[430.6]པའི་སློབ་མ་ནི། །སྟོང་གསུམ་ན་ཡང་འབྱུང་བ་མེད། །ཆགས་ཆེ་ངང་ཐུང་དད་པ་མེད། །ཐོས་མེད་རང་ཆེ་དམ་ཚིག་བྲལ། །སེར་སྣ་སྙིང་རྗེ་མེད་དང་ཡོད། །མན་ངག་སྤེལ་ཞིང་བསླུ་བ་ལ། །དེ་འདྲ་དབང་གི་གནས་མ་[431][431.1]ཡིན། །མཐོང་བའི་ཆོས་ལ་སྡུག་བསྔལ་ཞིང་། །དུས་མིན་པར་ནི་ཚེ་ཟད་ནས། །བདག་གཞན་གཉིས་ཀའི་རྒྱུད་བརླག་ནས། །རྡོ་རྗེའི་ཁབ་ཏུ་ངེས་པར་ལྟུང་། །རྒྱལ་ཐབ་སྤྱི་བླུགས་དབང་བསྐུར་[431.2]ན། །སྙིང་རྗེ་ཐོས་ལྡན་ཁེངས་སེམས་བྲལ། །ལུས་དང་སྲོག་ལ་མི་བལྟ་ཞིང་། །འཇིག་རྟེན་གྲགས་པ་རྣམས་སྤངས་ནས། །སྙིང་པོ་བྱང་ཆུབ་མཆོག་ལ་བརྩོན། །མང་ཡང་གཉིས་ལས་མི་བསྟན་ཏེ། །ཐེ་ཚོམ་བཅད་ལ་[431.3]ངེས་བརྟགས་པས། །མི་ནུབ་ངེས་པར་གཟུང་བའི་ཕྱིར། །རྒྱལ་ཚབ་ངེས་པ་གཅིག་ལ་གཏད། །ངེས་པའི་རྒྱལ་སྲས་གསང་བ་ལ། །བྱང་ཆུབ་སེམས་ཀྱིས་དབང་བསྐུར་ན། །བཙལ་མེད་འབྲས་བུ་རང་གསལ་[431.4]ནས། །དེ་མ་ཐག་ཏུ་རིག་པ་འཆར། །རྡོ་རྗེའི་རྒྱུད་ལ་མཁས་པ་དང་། །རྒྱལ་ཐབས་དབང་གི་རིག་པ་འལོ་། །རང་གསལ་རིག་པའི་དོན་ལ་གོམས། །ཐབས་མཁས་སྙིང་རྗེ་ལྡན་པ་ཡིས། །སྣོད་ལྡན་ངང་གསལ་རིག་[431.5]པ་ལ། །སྐྱེ་མེད་རིག་པའི་དོན་བསྟན་ནས། །རྒྱལ་ཐབས་སྤྱི་བླུགས་དབང་བསྐུར་ནས། །ངེས་པར་གསང་བའི་ནན་ཏན་བྱ། །འཇིག་རྟེན་གྲགས་པ་གཙོར་བཞག་ནས། །ལུང་དང་མན་ངག་མི་ལྡན་པར། །ང་རྒྱལ་[431.6]ཆགས་པའི་བླ་མ་ནི། །རྡོ་རྗེ་འབར་བའི་ཁབ་ཏུ་ལྟུང་། །རྣ་བརྒྱུད་མན་ངག་མི་ལྡན་པར། །གསང་བའི་མན་ངག་ལོག་བསྟན་པས། །མྱུར་དུ་ཚེ་ཡི་དུས་བྱས་ནས། །རྡོ་རྗེ་དམྱལ་བར་སྨོས་ཅི་དགོས། །ལེགས་པར་[432][432.1]བརྟགས་པའི་བུ་ཉིད་ཀྱིས། །གསོལ་གདབས་ཉེས་བྱས་བརྟགས་པ་ལ། །གནང་སྤྱིན་ཉེས་དམིགས་བསྟན་བྱས་ལ། །ཡེ་ཤེས་གསང་བའི་དོན་ལ་བཅུག །སེམས་ཉིད་རིན་ཆེན་གཉིས་མེད་ལ། །བསྐུར་བའི་ཆ་གཉིས་[432.2]མི་རྟོག་ཀྱང་། །རྒྱལ་ཐབས་སྤྱི་བླུགས་དབང་བསྐུར་ནས། །རིག་པ་རང་གསལ་དོན་དང་སྤྲད། །གསལ་བྱེད་རིན་ཆེན་འབར་བ་བསྟན། །སྒྲ་ཡི་མཚན་ཉིད་བཤད་པ་ཡིས། །ཡེ་ཤེས་ངོ་འཛིན་མན་ངག་སྤྱིན། །རང་[432.3]གསལ་རིག་པའི་མེ་ལོང་ལ ཡེངས་པ་མེད་པའི་མན་ངག་སྤྱིན། །མ་ལུས་འགག་མེད་ངོས་བསྟན་ནས། །རིག་པ་ཁུ་ཆས་གདམས་ངག་དབོག །ཡུལ་སེམས་རང་གསལ་དོན་བཤད་ན། །མི་འབྲལ་གཟུངས་ཀྱི་མན་[432.4]ངག་སྦྱིན། །རང་བྱུང་རིག་པ་གཡོ་མེད་པས། །ལྟེང་ཆུ་ལྟ་བུའི་མན་ངག་སྦྱིན། །ཅི་སྤྱད་གང་ཡིན་དོན་རྟོགས་ལ། །འདམ་སྐྱེས་ལྟ་བུའི་མན་ངག་སྤྱིན། །རང་གསལ་རིག་པའི་ཡེ་ཤེས་ལ། །མཚན་མའི་རྟོག་པས་མི་[432.5]འགྱུར་བས། །གནས་སྐབས་ཆུ་ལྟར་གནས་པ་སྦྱིན། །དྲན་རྟོག་རྗེས་འབྲང་རིག་པ་ལ། །ཡུལ་ཤེས་བྲལ་བའི་མན་ངག་སྤྱིན། །འགྲོ་དོན་ལྷུན་གྲུབ་རྩོལ་མེད་ལ། །བརྡ་དོན་སྤྲད་པ་སྦྱིན་པར་བྱ། །རྩོལ་མེད་རིག་པར་[432.6]གནས་པ་ལ། །བརྡ་དོན་ཕྲད་པའི་དོན་ལ་སྦྱར། །རང་བྱུང་སྐུ་གསུམ་ལྷུན་གྲུབ་ལ། །ཐུག་ཕྲད་བླ་མའི་ཞལ་ལས་བརྟགས། །བསྐུར་ཐོབ་མེད་པར་རང་གསལ་ལུང་། །མ་འཕྲོས་ཆུ་ལ་ཆུ་བཞག་ལྟར། །རྡོ་རྗེ་བླ་མའི་[433][433.1]དགོངས་པའི་ལུང་། །བརྗོད་མེད་རྣལ་དུ་བཞག་པས་གོ །བུམ་པར་བུམ་པའི་བཅུད་བམི་།ས་བཞིན། །དགོངས་དོན་སློབ་མའི་བློ་ལ་བཞག །དམ་མེད་སློབ་མ་མི་བསྟེན་ཞིང་། །གསང་བར་ཉེས་[433.2]དམིགས་བསྟན་པར་བྱ། །སྣོད་མེད་གསང་བའི་དམ་སྲི་ལ། །ཉེས་དམིགས་མེད་པའི་བླ་མ་ཡི་ས། །རྒྱལ་ཐབས་སྤྱི་བླུགས་དབང་བསྐུར་ཞིང་། །བྱང་ཆུབ་སེམས་ཀྱི་དོན་བསྟན་ན། །སྣོད་ངན་བཙལ་འཆང་ཞོ་བླུགས་[433.3]ན། །གཉིས་ཀ་མ་རུངས་བྱེད་པ་ལྟར། །དེ་མ་ཐག་ཏུ་འཇིག་པ་དང་། །འཇིག་རྟེན་དཔྱས་ཀ་ཆེན་པོར་འགྱུར། །དེ་ཕྱིར་སྣོད་ངན་སློབ་མ་ནི། །རྨི་ལམ་དུའང་མི་བསམ་ན། །མན་ངག་འཛིན་པའི་སློབ་མ་ཡི། །དམ་[433.4]པར་བརྟེན་པ་སྨོས་ཅི་དགོས། །དུས་གསུམ་སངས་རྒྱས་ཐམས་ཅད་དང་། །རྡོ་རྗེ་སེམས་དཔའ་ཆེན་པོ་ཡིས། །མ་བརྗོད་དགོངས་པ་གོ་བའི་ལུང་། །རྒྱལ་ཐབས་སྤྱི་བླུགས་རིག་པའི་དབང་། །རྩོལ་མེད་བྱང་ཆུབ་[433.5]སེམས་ཀྱིས་བསྐུར། །དུས་མཐའི་ཆ་ལ་མངོན་པར་གཤེགས། །ལུང་ལྡན་རྡོ་རྗེ་བླ་མ་ཡིས། །སྣོད་ལྡན་གུས་པའི་སློབ་མ་ལ། །རྒྱལ་ཐབས་སྤྱི་བླུགས་དབང་བསྐུར་ནས། །དུས་མཐའི་ཤེས་པ་སྐད་ཅིག་ལ། །རང་[433.6]གསལ་ཆོས་སྐུ་རང་གནས་བསྟན། །འབབ་ཆུ་གནས་པའི་ཏིང་འཛིན་གྱིས། །བཙལ་མེད་འོད་གསལ་བདེ་བ་ཆེ། །རང་བཞག་གནས་པ་འགྲུབ་པར་འགྱུར། །དེ་ལྟར་དབང་ཐོབ་གང་ཟག་ནི། །རྩོལ་བའི་ཆུ་ལས་རབ་[434][434.1]ཏུ་ཐར། །རང་གསལ་རིག་པའི་འོད་དུ་འབར། །རིག་པ་རང་དབང་རྒྱལ་པོར་ཐོབ། །རྡོ་རྗེ་སེམས་དང་སྐལ་བ་མཉམ། །ལ་དང་ལས་ཀྱི་བག་ཆགས་ཀྱིས། །གོས་པར་མི་འགྱུར་པདྨ་ལྟར། །ནམ་མཁའ་དག་པའི་[434.2]ཀློང་བཞིན་དུ། །འཛིན་མེད་ཡེ་ཤེས་ཆེན་པོར་ངེས། །རང་གསལ་རིག་པའི་ཀླུངཞུགས་ནས། །འོད་ཟེརཉི་བཞིན་བདག་ལ་འཆར། །ཞེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུདཆེན་པོལས།[434.3]རྒྱལ་ཐབས་སྤྱི་བླུགས་ཡེ་ཤེས་ངོ་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་སེམས་དཔའ་རྡོ་རྗེ་དམ་པ་དེས་འདི་སྐད་ཅེས་གསོལ་ཏོ། །དུས་གསུམ་རྒྱལ་བའི་སྐུ་གསུང་ཐུགས། །ཡེ་ནས་རང་གསལ་[434.4]འདའ་མེད་ལ། །བསྲུངམེདཡེ་ཤེས་རིག་པ་ཡིས། །མཉམ་དུ་འཇོག་ཅིངཡེ་ཤེས་གསལ། །མགོན་པོ་ཁྱོད་ལ་གསོལ་བ་ནི། །བགྲུང་དུ་མེད་པའི་དམ་ཚིག་ལ། །གང་ལྟར་བསྲུངས་ཀྱང་མི་འགལ་དོན། །མགོན་པོས་[434.5]བདག་ལ་བཤད་དུ་གསོལ། །ཞེས་གསོལ་ཏོ། །དེ་ནས་བཅོམ་ལྡན་འདས་དེ་བཞིན་གཤེག་པ་རྡོ་རྗེ་སེམས་དཔའ་ཆེན་པོ་དེས་འདི་སྐད་ཅེས་གསུངས་སོ། །ཀྱེ་སེམས་དཔའ་ཆེན་པོ། །བགྲུང་བྲལ་རིག་པའི་དམ་[434.6]ཚིག་ལ། །བསྲུངས་ཤིང་བཙལ་བས་ལོག་པའི་ལམ། །བགྲུང་མེད་རྟོགས་པའིདམ ཚིག གཞི། །ཡེཤེསགསངབ མཆོག ལརྫོགས། །གཉིས་མེད་རིག་པ་རྩོལ་བྲལ་ལུང་། །བཅོས་མེད་རིག་པ་མཆོག་གི་[435][435.1]མཁའ། །འདུ་འབྲལ་མི་མངའ་རིག་པའི་གཏེར། །རང་གསལ་འོད་ལས་འདའ་བ་མེད། །གཅིག་སྟེ་འོད་གསལ་ཁྱབ་པ་ཆེ། །ཡོངས་ལ་གདལ་བས་ཕྱོགས་རིས་མེད། །གང་ཡང་མ་ཡིན་ཁྱབ་པའི་[435.2]དབྱིངས། །ཡེ་ནས་རིག་པ་མཆོག་ལ་སྦྱོར། །གཉིས་བྲལ་རིག་པའི་དམ་ཚིག་ལ། །འདོད་པའི་བསམ་པས་བསྲུང་དུ་མེད། །ཕྱོགས་བྲལ་མཉམ་པའི་དམ་ཚིག་ལ། །ཕྱོགས་ཀྱི་བསམ་པ་ཅིར་མི་འཇུག །བསམ་བྲལ་[435.3]གཉིས་མེད་རིག་པ་ལ། །བསམ་ཞིང་དཔྱོད་པའི་ཡུལ་མི་གནས། །རང་དགའ་ལྷུན་རྫོགས་དམ་ཚིག་ལ། །བཙལ་ཞིང་བསྒྲུབ་པའི་མིང་མི་གནས། །ཅི་ཡང་མ་ཡིན་འོད་གསལ་ཡིན། །རང་གསལ་རྡོ་རྗེ་ཐབས་ཀྱི་[435.4]ལུང་། །བརྗོད་བྲལ་རིག་པའི་ངོ་བོར་སྨིན། །རིག་པ་རང་གསལ་ཡེ་ཤེས་ལ། །བགྲུང་དང་མི་བསྲུང་ཕྱོགས་རིས་མེད། །མཉམ་ཉིད་རིག་པའི་གཏེར་ལ་རྫོགས། །བཅོས་མེད་རིག་པའི་དབྱིངས་ལ་གསལ། །ཕྱོགས་[435.5]བྲལ་མཉམ་པའི་སེམས་ཀྱིས་འཇུག །ཡེ་ཤེས་གསང་བའི་དམ་ཚིག་ནི། །མི་བསྐྱོད་རྡོ་རྗེ་སེམས་དཔའི་ལུང་། །བརྗོད་བྲལ་སྒྲ་ཡི་དམ་ཚིག་ལ། །མ་ཡེངས་རིག་པ་མཆོག་གི་འོད། །ཡི་གེ་མེད་པར་གསལ་བའི་[435.6]རྒྱུད། །མཉན་བསམ་མེད་པརརངབཞིནགསལ། །དགོངས་པ་མ་བཅོས་རྣལ་དུ་ཕེབ། །ཇིབཞིནརིགཔབསམ་བྲལ་ལུང་། །གསང་བ་རྐྱེན་བྲལ་ཅིར་མི་གསལ། །རང་གསལ་རིག་པ་མཆོག་ལ་གནས། །ནམ་[436][436.1]མཁའ་རང་བྱུང་ཁྱབ་པའི་ངང་། །མཚན་མར་མ་ཡིན་མཚན་མེད་མིན། །རྡོ་རྗེ་གསང་བའི་ཐབས་ལུང་ནི། །གཉིས་མེད་རང་གསལ་མཉམ་རྫོགས་སོ། །མ་བཅོས་གསང་བའི་དམ་ཚིག་ལ། །བཅོས་པས་མཁའ་ལ་[436.2]མདུད་འདྲའི་ཚུལ། །གཉིས་མེད་རིག་པའི་མཆོག་ཉིད་ལ། །ཡུལ་དང་ཡུལ་ཅན་བསྲུང་བས་ལོག །གྲངས་འདས་ཚད་མེད་རང་གསལ་ལ། །གྲངས་ཚད་མཁའ་ཡི་མཐའ་འཚོལ་འདྲ། །བསྲུང་མེད་ཡེ་ནས་ཐུག་ཟིན་[436.3]ལ། །ད་གདོད་བསྲུང་བས་ཐུག་པ་མེད། །བགྲུང་དང་མི་བསྲུང་ཚིག་གི་མཐའ། །ཡེ་ཤེས་རིག་པའི་ཚིག་མཐའ་བྲལ། །ཕྱོགས་བྲལ་འོད་གསལ་ཚིག་ལས་འདས། །ཕྱོགས་ཀྱི་བསྲུང་བ་ལོག་པའི་ལམ། །རྩོལ་བྲལ་[436.4]ལྷུན་རྫོགས་དམ་ཚིག་ལ། །བཙལ་བས་མི་རྙེད་ངལ་དོན་མེད། །བྱ་བྲལ་རྫོགས་ལུང་དམ་པ་ལ། །འཇུག་ལྟའི་ཚིག་གིས་གང་རྩོལ་བ། །མཚན་མ་རྟོག་པའི་རྒྱུན་གྱིས་ཁྲིད། །མཚན་མའི་རྩོལ་བ་ལོག་པའི་ཆོས། །ཡེ་[436.5]ཤེས་རང་གསལ་ཉི་མ་ལ། །མཐའ་ཡི་ཞེན་པའི་མུན་པས་བསྒྲིབས། །མ་རིག་མུན་པས་ཐིབས་ཀྱིས་འགགས། །སྣང་གསལ་རིག་པའི་འོད་དང་བྲལ། །རང་གསལ་ཡེ་ཤེས་མེ་ལོང་ལ། །རང་བྱུང་རིག་པའི་རྩལ་[436.6]འགག་ནས། །ཅི་ཡང་མི་མཐོང་ཆད་བལྟ་བ། །མནར་མེད་རྡོ་རྗེའི་ཁབ་ཏུ་ལྟུང་། །བརྟགས་བྲལ་གཉིས་མེད་ཡེ་ཤེས་ལ། །ཕྱོགས་རིས་མེད་པར་ཀུན་གསལ་བས། །ཅི་ཡང་ཡིན་ནོ་གང་ཡང་རུང་། །ཀུན་བརྟགས་[437][437.1]ཡོད་མེད་མཐའ་དང་བྲལ། །ཡོད་དང་མེད་པ་ཀུན་བརྟགས་ཏེ། །མཐའ་བྲལ་ཡེ་ཤེས་ཉིད་དུ་བརྟགས། །རང་གསལ་ལུང་ལ་ཀུན་གནས་པས། །ཀུན་བརྟགས་ཡེ་ཤེས་གཉིས་ཀར་གསལ། །ཕྱོགས་[437.2]མེད་རིག་པ་ཅི་ཡང་མིན། །ཕྱོགས་འཛིན་ལོག་བའི་གྲོང་ཁྱེར་ལ། །མཐའ་བྲལ་མཉམ་པ་ཉིད་ལ་གནས། །མེད་དང་ཕྱལ་པ་གཅིག་པུ་དང་། །ལྷུན་རྫོགས་རང་རིག་ཆེན་པོ་ལ། །ངོ་བོ་མ་བཅོས་ཆོས་གཅིག་[437.3]ལ བསམ་པའི་འདུ་ཤེས་ཚུལ་ནས་ཕྱེ། །ཕྱོགས་མེད་རིས་མེད་འོད་གསལ་མཁའ། །རྟོག་མེད་རང་གསལ་ཡེ་སངས་རྒྱས། །ཅི་ཡང་མེད་པས་ཅིར་ཡང་གསལ། །རིག་པ་རང་གསལ་དབྱིངས་ན་བཞུགས། །ཡེ་ཤེས་[437.4]རིག་པ་མཆོག་གི་སྐུ། །ཅི་ཡང་མེད་དོ་ཁྱབ་པར་གདལ། །རྐྱེན་བྲལ་མི་བསམ་ཅིར་མི་དགོངས། །གཉིས་མེད་བདེ་ཆེན་ཕྱོགས་བཅུར་བརྡལ། །རྟོགས་མེད་རང་གསལ་བདེ་བའི་ལུང་། །བདག་མེད་རིག་པའི་ཆོས་[437.5]ཉིད་ལས། །འདི་ཞེས་རིག་པའི་སེམས་མི་འཇུག །གཉེན་པོ་མེད་པས་འཇིག་དང་བྲལ། །རིག་པའི་འོད་གསལ་ཕྱོགས་ལ་བཞུགས། །རང་ལས་གཞན་པའི་ཆོས་མེད་པས། །མེད་པའི་དམ་ཚིག་འདའ་བ་[437.6]མེད། །ཕྱོགས་བྲལ་རིག་པའི་ཡེ་ཤེས་ལ། །འདི་དང་འདི་ཞེས་བསྲུང་དུ་མེད། །ཕྱོགས་བྲལ་ཆེན་པོའི་སྐྱེས་བུ་དེས། །ཕྱོགསགཅིགབྲལབས་ཕྱོགས་ཀུན་བྲལ། །རང་རིག་ནམ་མཁའི་མཐར་ལྟར་གསལ། །ཕྱོགས་[438][438.1]བྲལ་ཡེ་ཤེས་ཆེན་པོ་ཀླུང་། །རང་རིག་འོད་གསལ་ནམ་མཁའ་ཆེ། །ཕྱོགས་སུ་བལྟས་པས་དེ་མི་མཐོང་། །ཆོས་ཉིད་ཕྱོགས་མེད་རང་གསལ་ལ། །ཕྱོགས་མེད་རིག་པའི་ཡེ་ཤེས་འཇུག །རྩོལ་བྲལ་ཡེ་ཤེས་མཉམ་པ་[438.2]ལ། །རྩོལ་མེད་ཇི་བཞིན་ཉིད་ཀྱི་གནས། །ནམ་མཁའི་མཐའ་བཞིན་ཀུན་ཁྱབ་ཀྱང་། །རིག་པ་རང་གསལ་གཅིག་གི་ངང་། །བསམ་བྲལ་ཡེ་ཤེས་ཉིད་ལ་རྫོགས། །ཕྱལ་པ་ཆེན་པོ་བླ་མེད་པའོ། །ཅིར་སྣང་ཅིར་སྲིད་[438.3]མ་ལུས་ཀྱང་། །ཡེ་ཤེས་རིག་པ་གཅིག་ལ་གསལ། །གཅིག་པོ་རྟོག་དབྱོད་ཡུལ་ལས་འདས། །གཅིག་དང་དུ་མར་ཡོངས་ཀྱིས་མེད། །རིག་པའི་ཡེ་ཤེས་ཉག་གཅིག་ལ། །མཐའ་དབུས་མེད་པའི་ཆོས་སུ་གསལ། །ཡེ་[438.4]ཤེས་གཅིག་གི་དོད་ལ་བཞུགས། །ཡེ་ཤེས་རྒྱ་མཚོ་མུ་མཐའ་མེད། །བདག་གསལ་གཞན་གསལ་ཐམས་ཅད་གསལ། །ཀུན་གསལ་རིག་པ་འཁོར་མཐའ་མེད། །ཀུན་བཟང་མཆོག་གི་འཁོར་ལོ་ལ། །གཅིག་དང་[438.5]གཉིས་ཞེས་བགྲང་དུ་མེད། །ཡེ་ནས་རིག་པ་ཇི་བཞིན་གནས། །ཚིག་ཚོགས་རྒྱ་མཚོ་ལྟ་བུའི་ཀླུང་། །གང་ལྟར་ཕྱེ་ཡང་གཅིག་ལས་མེད། །ཐིག་ལེ་གཅིག་ལས་དམ་ཚིག་གྲངས། །དེ་ལྟ་ཉིད་དུ་སོ་སོར་[438.6]གྲགས། །འདུལ་པའི་ཐབས་ལྡན་རང་རིག་ལུང་། །རིག་པ་མཆོག་གི་འཁོར་ལོ་བསྐོར། །རང་གསལ་བརྗོད་མེད་དོན་ལ་ཉན། །ཡེངས་པ་མེད་པའི་དོན་གྱིས་གོ །དེ་ཉིད་དགུ་ལྡན་སེམས་ཉིད་གཞི །རིན་ཆེན་འབར་[439][439.1]བ་འོད་ཀྱི་ལུང་། །རྩོལ་མེད་བདེ་བས་ཉམས་སུ་བླང་། །རང་གསལ་གཅིག་པུའི་དམ་ཚིག་ཐོབ། །རང་བྱུང་ལྷུན་གྲུབ་དམ་ཚིག་ལ། །བསམ་ཡས་འབྲས་བུའི་གཏེར་རྫོགས་པས། །རྩོལ་མེད་ལྷུན་གྲུབ་[439.2]ཡེ་སངས་རྒྱས། །རིན་ཆེན་འབར་བའི་ས་གཞི་ལྟར། །འཁོར་བ་ཡེ་ཤེས་སྙིང་པོར་གསལ། །བརྒྱ་བྱིན་སྤྱི་གཙུག་ནོར་བུ་ལྟར། །བསམ་མེད་གདོད་ནས་ལྟུན་གྱིས་རྫོགས། །ཉི་མའི་སྙིང་པོའི་འོད་བཞིན་དུ། །རིམ་པ་[439.3]མེད་པར་དུས་གཅིག་གསལ། །ལྷུན་རྫོགས་བསྟན་པའི་མེ་ལོང་ལ། །མཚན་མའི་རིག་པ་ཅིར་སྣང་ཡང་། །ཕྱོགས་རིས་མེད་པའི་ཡེ་ཤེས་ཀྱིས། །ལྷུན་གྲུབ་རང་གསལ་ཡེ་ཤེས་ཉིད། །ཅིར་སྣང་ཡེ་ཤེས་ལྷུན་[439.4]གྲུབ་ལ། །སྤང་བར་བྱ་བ་ག་ལ་ཡོད། །ལྷུན་གྲུབ་རང་གསལ་ཡེ་ཤེས་ལ། །ཀུན་མཁྱེན་རིག་པ་མི་འཆར་ན། །སེམས་ཅན་སངས་རྒྱས་ཁྱད་པར་གྱི། །ཁྱད་མེད་ཐོས་བསམ་བསྒོམ་ཅི་ཕན། །གང་ཡང་མི་མཐོང་གང་[439.5]ཟེར་བ། །ཡེ་ཤེས་མ་ཡིན་མི་ཤེས་ཡིན། །ཡེ་ཤེས་མུན་པའི་ཁམས་ཀྱིས་བསྒྲིབས། །སངས་རྒྱས་སེམས་ཅན་ཁམས་སུ་ལྷུང་། །ཡེ་ཤེས་གསལ་བའི་སྣང་བ་ལ། །གློ་བུར་མུན་པས་བསྒྲིབས་པ་ནི། །སངས་རྒྱས་འཁོར་[439.6]བར་ལྟུང་གྱུར་ནས། །གྲོལ་ཐར་མེད་པའི་སྐྱོན་དུ་འགྱུར། །ཡེ་ཤེས་གསལ་བའི་སྣང་བ་ལ། །ཡེ་ནས་མུན་པར་ལྡན་གྱུར་ན། །རྟག་དང་སངས་པར་མི་འགྱུར་དང་། །རྟོག་མེད་མུན་པའི་ཁམས་སུ་འགྱུར། །དེ་ཕྱིར་[440][440.1]ཕྱོགས་ཀྱི་ཤེས་པ་འདིས། །ཕྱོགས་བྲལ་དོན་ལ་མི་རྟོགས་ཏེ། །མཁས་པ་དོན་ལྡན་མ་ཡིན་པས། །རིན་ཆེན་གཏེར་དང་ཕྲད་མི་འགྱུར། །ཞེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས།[440.2]བགྲུང་མེད་རིག་པ་བདེར་བཞག་གི་ལེའུ་སྟེ་བཅོ་ལྔ་པའོ།། །།དེ་ནས་སེམས་དཔའ་རྡོ་རྗེ་དམ་པ་དེས་འདི་སྐར་ཅེས་གསོལ་ཏོ། །དུས་གསུམ་སངས་རྒྱས་ཐམས་ཅད་ཀྱི། །རྩོལ་མེད་འདོད་འབྱུང་འཕྲུལ་གྱི་[440.3]དབྱིག །རང་གསལ་མེ་ལོང་འོད་པོ་ཆེ། །རྡོ་རྗེ་གསང་བ་ཐུགས་ཀྱི་མཛོད། །མགོན་པོ་ཁྱོད་ལ་གསོལ་བ་ནི། །ནམ་མཁའ་མཐའ་མཉམ་རིན་ཆེན་དབྱིག །རྩོལ་བསྒྲུབ་བྲལ་བའི་ཐབས་ཆེན་པོས། །གང་ལྟར་བསྒྲུབ་[440.4]པ་བཤད་དུ་གསོལ། །ཞེས་གསོལ་ཏོ། །དེ་ནས་རྡོ་རྗེ་སེམས་དཔའ་ཆེན་པོས་འདི་སྐད་ཅེས་གསུངས་སོ། །ཀྱེ་སེམས་དཔའ་ཆེན་པོ། །ཡེ་ཤེས་སྙིང་པོ་བསྒྲུབ་པའི་གཞཀི །དེ་རྟོགས་བྱེད་པའི་ལམ་དང་ནི། །མངོན་[440.5]བྱས་འབྲས་བུ་ཁྱད་པར་གྱིས། །བསྒྲུབ་པའི་རིམ་པ་གསལ་བར་ཤེས། །སྒྲུབ་བྱེད་རྩོལ་བྲལ་ཆོས་ཀྱི་གཞི །ཡེ་ཤེས་གསལ་བ་ཐོགས་མེད་ལུང་། །སེམས་ཅན་སངས་རྒྱས་གཉིས་སུ་མེད། །ཡེ་ཤེས་སྙིང་པོའི་ཉི་མ་[440.6]ལ། །སྒྲུབ་མེད་རྩོལ་བྲལ་འོད་འབར་བ། །ཀུན་་་་ལ་ཡེ་ཤེས་སྙིང་པོར་གསལ། །རིག་པའི་ཡེ་ཤེས་འོད་དུ་འབར། །རང་གསལ་འདོད་འབྱུང་ཕུང་པོ་ནི། །གདོད་ནས་རང་བྱུང་བྱིན་རླབས་ནི། །འགྲོ་འོང་མེད་པར་[441][441.1]ཕྱོགས་བཅུར་བརྡལ། །རིག་པའི་སྙིང་པོ་ཀུན་ལ་སྙོམས། །ནམ་མཁའ་རྒྱས་པའི་མཐའ་བའིན་དུ། །ཁྱད་པར་གསལ་ལ་དངོས་པོ་མེད། །ཀུན་བྲལ་མཐའ་ཡངས་ཡེ་ཤེས་ལ། །གང་ཡིན་རྟོག་དཔྱོད་[441.2]ཡུལ་ལས་འདས། །མཚན་མ་མེད་པའི་མཚན་ཉིད་ནི། །ཡེ་ཤེས་ནམ་མཁའ་ལྟ་བུར་བརྡལ། །རྟོག་འཇུག་དམིགས་བྲལ་ནམ་མཁའི་འོད། །འབྱུང་འཇུག་མཐའ་ཡི་སྤྲོས་པ་ཅན། །མཁྱེན་ལྡན་གསལ་བས་རང་གསལ་[441.3]ལུང་། །ཅིས་ཀྱང་མཚོན་མེད་ཚད་མ་མེད། །ཨེ་མ་གསལ་བའི་མེ་ལོང་ཉིད། །ཨེ་མའོ་ཚིག་གི་ཐ་སྙད་བྲལ། །མ་བཅོས་མི་གནས་རྟེན་དང་བྲལ། །བཙལ་མེད་ཉི་མའི་འོད་ལྷར་གསལ། །བསྒྲུབ་མེད་ལམ་ལ་གང་[441.4]མཁས་པ། །ཐམས་ཅད་མཁྱེན་པའི་ལམ་ལ་མཁས། །འཁོར་ལོ་རང་གསལ་རིག་པ་ལ། །འདོད་འཇུག་བྲལ་བའི་རིག་པས་འཇུག །འོད་གསལ་མ་བཅོས་གཉིས་མེད་ལ། །རྟོགས་ལྡན་གཉིས་མེད་ཚུལ་གྱིས་[441.5]བསྒྲུབ། །གང་ཡང་མི་བྱེད་ཅིར་མི་བསམ མཐའ་ལ་མི་འཛིན་དབུས་དང་བྲལ། །རིག་པ་མཐའ་བྲལ་དཀྱིལ་འཁོར་ལ། །འཛིན་མེད་བློ་ཡི་འཁོར་ལོ་ཡིས། །མཚན་འཛིན་རྟོག་པ་རྣམ་པར་བཅད། །གཉིས་མེད་[441.6]རིག་པའི་ཁ་ལོ་བསྒྱུར། །ཡི་གེ་མེད་པའི་རྒྱུད་ལ་བལྟ། །རང་གསལ་རིག་པའི་སྒྲ་ལ་ཉན། །རང་གསལ་ཀུནལཇིབཞིནགནས། །བརྗོད་མེད་རིག་པའི་དོན་ཡིནཡང། །མཚོནཔའིསྒྲཡིའཁོར་ལོ་ཡིས། །ཡེ་ཤེས་[442][442.1]མཉམ་པའི་དོན་ལ་སྦྱོར། །རྩོལ་བྲལ་མེད་པའི་བྱང་ཆུབ་སེམས། །བྱམས་མགོན་ཉི་མའི་འོད་བཞིན་གནས། །རིག་པའི་འོག་མིན་ཆོས་ཀྱི་གཞི། །རང་བྱུང་རིག་པའི་ཐབས་ཀྱིས་གསལ། །ཡེ་གསལ་རྫོགས་[442.2]པའི་འཁོར་ལོ་ལ། །འབྱུང་འཇུག་བསླད་པའི་སེམས་ཀྱིས་འཇུག །རིག་པ་རང་གསལ་ཆོས་ཀྱི་དབྱིངས། །ཡངས་དོག་མེད་པས་ཀུན་གྱི་གནས། །བཙལ་མེད་གནས་པའི་རྣལ་འབྱོར་པས། །ཡེངས་མེད་གྱིན་དར་[442.3]བཞག་པས་འགྲུབ། །ཇི་བཞིན་གསལ་བའི་རྣལ་འབྱོར་པས། །ཆོས་ཀྱིས་མཐོ་བའི་གཞལ་ཡས་སུ། །རིག་པ་འཕྲུལ་གྱི་སྒོ་ཕྱེ་ནས། །འོད་གསལ་མཆོག་གི་དཀྱིལ་འཁོར་ན། །རིན་ཆེན་ཕུང་པོ་བླ་མེད་བཞུགས། །དེ་[442.4]ལྟར་ཐབས་ཀྱི་རིམ་པ་ནི། །གང་དང་གང་གི་རིམ་པ་ཡིས། །དེ་ཉིད་སྒོ་ལ་གང་འཇུག་པས། །བསྒྲུབ་མེད་དོན་ལ་རྫོགས་པར་གསལ། །དཔེར་ན་བརྒྱ་བྱིན་དབང་པོ་ཡི། །གཙུག་ན་རིན་ཆེན་ཕུང་པོ་ཡོད། །མཉེས་[442.5]པའི་རིག་པ་གང་བྱས་པས། །ཡོན་ཏན་ཆ་དེ་ཐོབ་པར་འགྱུར། །དེ་ཉིད་རང་ལ་དབང་ཐོབ་པས། །ཇི་ལྟར་འདོད་པ་ཇི་བཞིན་དུ། །བཙལ་བསྒྲུབ་མེད་པར་ཡོན་ཏན་ནི། །ཇི་ལྟར་རིགས་པ་དེ་ལྟར་ཐོབ། །ཐབས་ཀྱི་[442.6]རིམ་པ་གང་གང་གིས། །དངོས་པོ་རང་གསལ་མཚོན་བྱས་ན། །ཕྱོགས་རིས་ལྡན་པའི་ཤེས་པ་ཡིས། །ཡོན་ཏན་ཆ་རེ་དེ་བཞིན་ཐོབ། །བཙལ་མེད་ཇི་བཞིན་བཞུགས་པ་ཡིས། །རིག་པ་རང་དབང་ཐོབ་པའི་ཕྱིར། །མ་[443][443.1]བཙལ་ཉི་མའི་འོད་ཟེར་ལྟར། །བདེ་མཆོག་རིག་པ་མཆོག་ལ་བཞུགས། །ཕྱོགས་མེད་རིག་པ་རང་བྱུང་ལ། །འཇུག་པའི་མཚན་ཉིད་མཉམ་སྦྱོར་བས། །ནམ་མཁའི་མཐའ་མཉམ་འབྲས་བུ་ཉིད། །རིག་[443.2]པ་རང་གསལ་ཉིད་ཀྱིས་ཐོབ། །ཕྱོགས་མེད་རིག་པས་ཁྱབ་གདལ་ཡང་། །ཡེ་ཤེས་གསལ་བྱེད་རྒྱུ་མེད་ན། །བསྐལ་པ་གྲངས་མེད་བགྲོད་བཙལ་ཡང་། །རིན་ཆེན་གསལ་བའི་འོད་མི་མཐོང་། །གཏེར་ཁྱིམ་ཕུང་པོ་[443.3]གསལ་བྱེད་ལྟར། །རང་གསལ་རིག་པ་ནང་ནས་འཆར། །སྟོབས་ཆེན་ནོར་བུ་གསལ་ཕྱེད་ལྟར། །རང་གི་དེ་ཉིད་མཐོང་བར་ཟད། །རྒྱ་མཚོ་རླབས་སུ་སྣང་ཚུལ་དུ། །རང་གསལ་འབྲས་བུ་ཉིད་དུ་འཆར། །ཕྱོགས་[443.4]རིས་མེད་པའི་ཐུགས་རྗེ་ནི། །མཐར་ཐུག་མེད་པའི་འགྲོ་བ་ལ། །གདུང་མེད་ཉི་མའི་འོད་བཞིན་དུ། །འགྲོ་བ་ཀུན་གྱི་དཔལ་དུ་ཤར། །འགྲོ་དོན་མེད་པའི་རྒྱལ་བ་ནི། །མ་བྱུང་འབྱུང་བར་མི་སྲིད་དོ། ཁུན་ལྡན་ཡེ་་[443.5]ཤེས་སྐྱེ་འགག་ཅན། །རྒྱུ་དང་རྐྱེན་ལྡན་ཕྱོགས་རིས་ཅན། །འདི་ལ་རང་གསལ་འབྲས་བུ་མེད། །རང་ས་ཐོབ་ཀྱང་མཐར་མ་ཕྱིན། །རྒྱལ་ཐབས་མཐར་ཕྱིན་དབང་མེད་པར། །ཏིང་འཛིན་རྫས་ཀྱི་དབང་བསྐུར་[443.6]ཏེ། །སངས་རྒྱས་ས་ལ་མངོན་བཞག་ཀྱང་། །རྡོ་ལ་གསེར་དུ་བསྒྱུར་དང་མཅོ་། །རྒྱལ་ཐབས་རིག་པའི་དབང་ཐོབ་ན། །རིན་ཆེན་འབར་བ་གསལ་བྱས་ལྟར། །རིག་པ་རང་གསལ་དབང་ཐོབ་ནས། །བརྡ་དོན་སྤྲད་[444][444.1]ནས་རྒྱལ་སར་བཞག །མཁྱེན་པའི་ཡེ་ཤེས་གཅིག་ཏུ་འཁྱིལ། །རོལ་བའི་ཕྱག་རྒྱ་མ་འདྲེས་གསལ། །བཙལ་མེད་རིག་པའི་ཁྱད་པར་ལས། །ལྷུན་གྲུབ་རིན་ཆེན་འོད་ལྟར་འབྱུང་། །ཞེས་གསུངས་སོ། །ནམ་མཁའི་[444.2]མཐའ་དང་མཉམ་པའི་རྒྱུད་ཆེན་པོ་ལས། བཙལ་མེད་བསྒྲུབ་པའི་ལེའུ་སྟེ་བཅུ་དྲུག་པའོ།། །།དེ་ནས་སེམས་དཔའ་རྡོ་རྗེ་དམ་པ་དེས་དེ་བཞིན་གཤེགས་པ་རྡོ་རྗེ་སེམས་དཔའ་ལ་འདི་སྐད་ཅེས་གསོལ་[444.3]ཏོ། །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུམ་རྨད་བྱུང་རོལ་པར་ཤར། །རྩོལ་བྲལ་ལྷུན་གྲུབ་ཕྲིན་ལས་བདག །ཕྱོགས་མེད་རང་གསལ་ཀུན་གྱི་དངོས། །མགོན་པོ་ཁྱོད་ལ་གསོལ་བ་ནི། །རྩོལ་བྲལ་རིག་[444.4]པའི་ཕྲིན་ལས་ལ། །འཇུག་པའི་མཚན་ཉིད་མཉམ་སྦྱོར་བས། །དེ་བཞིན་ཉིད་དུ་མཛད་དུ་གསོལ། །ཞེས་གསོལ་ཏོ། །དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ། །ཀྱེ་སེམས་དཔའ་[444.5]ཆེན་པོ། །རྩོལ་བྲལ་རིག་པ་ལྷུན་གྲུབ་བདག །ཕྱོགས་མེད་རང་བྱུང་གཉིས་མེད་ལ། །གཉིས་ཀྱི་འདུ་ཤེས་འབྱུང་འཇུག་མེད། །ལྷུན་གྱིས་གྲུབ་པའི་ཕྲིན་ལས་སོ། །རིག་པའི་བྱིན་རླབས་མཁའ་ལྟར་བརྡལ། །མཛད་[444.6]པའི་བྱེ་བྲག་བསམ་མི་ཁྱབ། །གསལ་བའི་མེ་ལོང་ཡིད་ཀྱིས་འཇུག །བྱ་བྲལ་ལྷུན་རྫོགས་ཕྲིན་ལས་ནི། །བདེ་བའི་ཐིག་ལེ་ཡེ་ཤེས་འོད། །ཇི་ལྟར་གསལ་བ་དེ་ལྟར་གསལ། །གང་རུང་རིག་པ་གཅིག་ལ་[445][445.1]རྫོགས། །རིན་ཆེན་ཕུང་པོའི་འོད་ཟེར་ལྟར། །དབྱིངས་སུ་འཁྱིལ་ཞིང་སླར་ཡང་འཕྲོ། །གང་ཡང་མི་མཛད་ཐབས་ཅད་ཀུན། །ཀུན་མཛད་རིག་པའི་ཕྲིན་ལས་ཅན། །བཙལ་བྲལ་ཡེ་ཤེས་གསལ་བའི་[445.2]འོད། །ཀུན་ལ་སྙོམས་ཤིང་ཡོངས་ལ་བརྡལ། །བྱ་བྲལ་རིག་པའི་ཕྲིན་ལས་ནི། །མཛད་པ་ཕྱོགས་བྲལ་འོད་ལྟར་བརྡལ། །ཡེ་ནས་བྱས་ཟིན་བྱ་མེད་པ། །རྡོ་རྗེ་ནམ་མཁའ་མཆོག་གི་ལས། །ཡེ་ཤེས་གསང་བའི་ཕྲིན་[445.3]ལས་ནི། །རིག་པ་བདེ་བའི་འབེན་ལ་ཕོག །ཡེ་ཤེས་མེ་ལོང་ཐབས་ཀྱི་སྒོ །རང་སྣང་རིག་པའི་ཚུལ་གྱིས་ཕྱེ། །གཉིས་མེད་རང་གསལ་གཅིག་གི་རོ། །ཉམས་མྱོང་ཡེ་ཤེས་མཐའ་དབུས་མེད། །བརྗོད་བྲལ་རིག་པའི་[445.4]མེ་ལོང་གཏེར། །ཇི་ལྟར་བལྟས་པ་དེ་ལྟར་གསལ། །གང་ཞིག་རིག་པའི་དོང་ཚེའི་ཚེ་ཡང་སྒོ །འཕྲུལ་གྱི་ལྡེ་མིག་ཉིད་ཀྱིས་ཕྱེ། །རིན་ཆེན་ཕུང་པོ་འབར་བ་བསྟན། །ནམ་མཁའ་མཛོད་ཀྱི་གཏེར་ལ་སྤྱོད། །ཐེག་[445.5]སྒོ་ཐབས་ཀྱི་ཕྲིན་ལས་ནི། །གང་འདོད་ཐེག་པ་སོ་སོའི་སྒོ །མོས་པའི་འདུལ་ཚད་བསམ་མི་ཁྱབ། དེ་སྟེ་རིག་པ་བསམ་མི་ཁྱབ། །ཐབས་ཀྱི་ཕྲིན་ལས་གང་བསྟན་ཀྱང་། །རང་བྱུང་རིག་པའི་སྒོ་ནས་གསལ། །བྱ་བ་[445.6]བྱས་པའི་རྗེས་འཇུག་ལྟར། །གང་ཞུགས་རང་གསལ་རིག་པ་ལ། །ཕྲིན་ལས་མ་ལུས་དུས་གཅིག་རྫོགས། །རང་གསལ་རིག་པའི་དོན་ལ་བཞུགས། །བཙལ་བ་རིམ་པ་གང་སྒོ་ནས། །དེ་དང་དེ་ཡི་རྗེས་ཞུགས་[446][446.1]པས། །རྟོག་པ་ལམ་གྱི་རྗེས་སུ་ཞུགས། །མཚན་མ་ཆགས་ལམ་དབང་གིས་ཁྲིད། །རྣམ་རྟོག་མཚན་མའི་རྗེས་འབྲངས་ནས། །རིག་པ་རང་གསལ་དོན་དང་བྲལ། །བརྡ་ཚིག་སྒྲ་ཡི་ཚུལ་ནས་ཞུགས། །འཁོར་བའི་[446.2]གནས་རབས་དགུ་རུ་བརྒྱུད། །གང་དང་གང་གི་རྗེས་འཇུག་པ། །འཁོར་བ་མཚན་མའི་ལམ་དུ་ཞུགས། །ཆགས་པ་གཡས་གཡོན་ཀུན་གྱི་ཁྲིད། །བདེ་མཆོག་དོན་ལས་ཕྱིན་ཅི་ལོག །ཡེ་ཤེས་གསལ་བའི་འོད་དང་[446.3]བྲལ། །གང་འཐིབས་ལོག་པས་ཤིན་ཏུ་བསྒྲིབས། །ལོང་བས་ལོང་བའི་ལམ་མཚོན་ལྟར། །བདེ་་་བ་བོར་ནས་སྡུག་བསྔལ་རྙེད། །རང་གསལ་ཡེ་ཤེས་དོན་བོར་ནས། །ཡེ་ཤེས་བཙལ་བས་གྲུབ་པར་འདོད། །གཉིས་[446.4]མེད་དོན་ལ་གཉིས་ཀྱིས་ཆགས། །དམིགས་མེད་དོན་ལ་དམིགས་པས་བཟུང་། །ཕྱོགས་མེད་རིག་པའི་ཡེ་ཤེས་ལ། །རང་འདོད་བལྟ་བས་ཕྱིན་ཅི་ལོག །རྩོལ་བྲལ་རིག་པའི་ཕྲིན་ལས་ལ། །བཙལ་བས་མི་འགྲུབ་[446.5]དོན་དང་འགལ། །འཇུག་བྲལ་མཉམ་ཉིད་འོད་གསལ་ལ། །རྗེས་འཇུག་རྟོག་པ་ཕྱིན་ཅི་ལོག །ཐོགས་མེད་གསལ་བའི་མར་མེ་ལ། །བར་ཆོད་བསྒྲིབས་པས་གསལ་མི་འགྱུར། །གྲངས་མེད་བསམ་ཡས་ཕྲིན་ལས་[446.6]ལ། །གྲངས་དང་འདུ་ཤེས་ལོག་པའི་ལས། །ཅི་ཡང་ཡིད་ལ་མ་བྱས་པས། །ཡིད་ལ་བྱེད་པའི་འདུ་ཤེས་འཁྲུལ། །ཀུན་སྤྱོད་རིག་པའི་ཕྲིན་ལས་ལ། །ཆ་མཉམ་ཡེ་ནས་རིག་པ་ལ། །གསལ་བྱེད་འོད་ཀྱིསམམཚོན་[447][447.1]པར། །རང་གསལ་ཕྲིན་ལས་དོན་མ་རྟོགས། །རང་གསལ་འོད་ལ་ཀུན་གནས་པས། །དེ་ཉིད་མ་ཡེངས་རང་གསལ་ལུང་། །དེ་ལྟར་དེ་ཉིད་དེ་བཞིན་གནས། །བྱ་བ་མེད་པར་ལྷུན་གྱིས་གྲུབ། །མ་བྱས་[447.2]མ་བཙལ་རང་བཞག་ལུང་། །དམིགས་པ་ཡུལ་གྱི་རྗེས་མི་འཇུག །རང་གསལ་མཉམ་པའི་ཐབས་ཀྱིས་བལྟ། །རྡོ་རྗེ་རང་གསལ་ཐབས་ཀྱི་ལུང་། །བྱས་པ་མེད་པར་དུས་གཅིག་རྫོགས། །རང་གསལ་རིག་པ་ཕྱོགས་[447.3]མེད་ལ། །ཆུ་ལྟར་བཞག་པའི་མན་ངག་གིས། །སྦས་པའི་ཐུགས་ཀྱི་ཀློང་བརྟོལ་ནས། །བརྡ་དོན་སྤྲད་པའི་མན་ངག་སྦྱིན། །བུམ་ཆུ་ལྟ་བུའི་མན་ངག་གིས། །མི་གཡོ་རྣལ་འབྱོར་མཆོག་གི་ལམ། །བསླད་མེད་རིག་པ་[447.4]རང་བཞིན་གསལ། །འཛིན་བྲལ་རང་བཞིན་དམིགས་སུ་མེད། །རང་གསལ་རིན་ཆེན་ཕུང་པོ་དེ། །དགུ་རུམ་སྦས་པའི་དོན་ཡིན་ཡང་། །གསལ་བྱེད་སྒྲོན་མ་དེ་ཡིས་མཐོང་། །ཅོག་བཞག་རིག་པ་རང་གསལ་[447.5]ལ བཅོས་མེད་བག་ཡངས་བློ་ཡིས་འཇུག །འབྱུང་འཇུག་མེད་པའི་སེམས་ཉིད་ཀྱིས། །རིག་པའི་ཕོ་བྲང་ཆོས་ཀྱི་དབྱིངས། །སྦས་པ་ཐུགས་ཀྱི་ངེས་བསྟན་ནས། །རྡོ་རྗེ་བླ་མའི་དགོངས་ལུང་བསྟན། །འདོད་སྦྱོར་བློ་[447.6]ཡི་འཇུག་ཚུལ་ནི། །བླ་མའི་ཞལ་ལས་ཤེས་པར་བྱ། །རྡོ་རྗེ་བླ་མ་གཉེས་བྱས་ལ། །རིག་པ་ཁུ་ཆོསཐབསཆེནབསྟན། །སྤྱོད་ལམ་མ་བཅོས་མན་ངག་ནི། །མན་ངག་ཞལ་དུ་བལྟ་ཤེས་བྱ། །འདོད་པའི་དངོས་པོ་གང་[448][448.1]སྒོ་ནས། །རིག་སྐྱེས་མན་ངག་རང་ཤར་བ། །རྡོ་རྗེ་སློབ་དཔོན་ཞལ་དུ་ལྷོས། །རིག་པ་རང་འཆར་མན་ངག་ནི། །འདུ་འཛི་མཚན་མའི་ནང་དུ་སྐྱེ། །ངེས་པར་དུས་ཚོད་གང་ཡིན་པ། །རྡོ་རྗེ་བླ་མའི་ལུང་ལས་[448.2]ཤེས། །གཏད་བྲལ་རིག་པ་ཕྱོགས་གཅིག་པ། །ནམ་མཁའ་སྒོམ་པའི་རྣལ་འབྱོར་ཏེ། །ངེས་པར་བསྒོམ་ལུང་ཚུལ་བསྟན་པ། །སློབ་དཔོན་འཕྲུལ་ཚིག་བརྡའ་ལས་ཤེས། །གླང་ཆེན་བསྐྱོད་ཐབས་རིག་པའི་[448.3]གཏེར། །དེ་ཡི་སྤྱོད་ལམ་བསླབ་པ་དེས། །ཇི་བཞིན་རིག་པ་ཉམས་སུ་མྱོང་། །ངེས་ཚད་བླ་མའི་ཞལ་ལས་ཤེས། །དྲོད་ལྡན་རྡོ་རྗེ་བླ་མ་ཡིས། །རྒྱལ་ཐབས་དབང་བསྐུར་བརྗོད་མེད་པར། །རྒྱས་བཏབ་བློ་ལ་གཡོ་[448.4]མེད་ལུང་། །བྱིན་རླབས་རིག་པའི་མན་ངག་ཡིན། །འདི་ནི་རང་གསལ་འཁོར་ལོ་ལ། །འཇུག་པའི་ཐབས་ཀྱི་ཕྲིན་ལས་ཏེ། །རྣ་བརྒྱུད་མན་ངག་མི་ལྡན་ན། །རང་བརྟགས་བློ་ཡིས་ཅི་བརྟགས་ཀྱང་། །ལུང་འདི་རྟོགས་[448.5]པར་མི་འགྱུར་རོ། །ངེས་ལུང་གདམས་ངག་མེད་པ་ཡི། །རྣ་བརྒྱུད་མེད་པའི་སློབ་དཔོན་གྱིས། །རང་ལ་ངེས་པའི་དོན་མེད་པས། །གཞན་བསྒྲལ་གཉིས་ཀ་ལྟུང་བའི་རྒྱུ། །རྡོ་རྗེ་བླ་མ་མི་བསྐུར་ཞིང་། །མན་ངག་གུས་[448.6]པས་མི་ལེན་ན། །གསང་བདག་རྡོ་རྗེའང་རླག་འགྱུར་ན། །དམ་མེད་སློབ་མ་སྨོས་ཅི་དགོས། །ཞེས་གསུངས་སོ། །ནམ་མཁའི་མཐའ་དང་མཉམ་པའིརྒྱུདཆེནཔོལས། བྱབྲལ་ཕྲིན་ལས་བསྟན་པའི་ལེའུ་སྟེ་བཅུ་[449][449.1]བདུན་པའོ།། །།དེ་ནས་སེམས་དཔའ་རྡོ་རྗེ་དམ་པ་དེས་འདི་སྐད་ཅེས་གསོལ་བ་བརྟབ་བོ། །དུས་གསུམ་རྒྱལ་བ་ཐམས་ཅད་ཀྱི། །བགྲོད་བྲལ་ལམ་གྱི་རང་བཞིན་ལ། །བགྲོད་པས་ཕྱིན་པར་ག་[449.2]ལ་འགྱུར། །ཡེ་ནས་རིག་པ་མཆོག་གི་ས །མགོན་པོ་ཁྱོད་ལ་གསོལ་བ་ནི། །འཇུག་དང་བགྲོདཔའ་ཡུལ་བྲལ་བའི། །ས་དང་ལམ་གྱི་རང་བཞིན་དག །བདག་ལ་ངེས་པར་བཤད་དུ་གསོལ། །ཞེས་གསོལ་ཏོ། །དེ་[449.3]ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ། །ཀྱེ་སེམས་དཔའ་ཆེན་པོ། །ནམ་མཁའི་མཐའ་དང་མཉམ་པའི་རྒྱུད། །བགྲོད་བྲལ་ལམ་གྱི་རང་བཞིན་ལ། །བགྲོད་པས་ཕྱིན་པར་མི་[449.4]འགྱུར་ཏེ། །རང་གསལ་རིག་པ་མངོན་འཆར་བས། །ཕྱིན་པ་མེད་པར་དུས་གཅིག་མནན། །ཕྱིན་པ་ལམ་གྱི་ཡུལ་བྲལ་ལ། །བགྲོད་པས་ཕྱིན་མེད་ལམ་མཐའ་རིང་། །རང་བྱུང་རིག་པ་གཅིག་ལ་སོན། །རང་གསལ་[449.5]འོད་ལ་འཕྲོ་ཞིང་འདུ། །རང་བྱུང་སྙིང་པོ་ཡེ་སངས་རྒྱས། །འཁོར་བ་ལམ་གྱི་རྒྱུ་དང་བྲལ། །མྱ་ངན་མི་འདའ་འཁོར་བའི་རྒྱུན། །གཉི་ག་རང་གསལ་འོད་ལ་ཐིམ། །དབྱེར་མེད་རིག་པ་མཆོག་གི་སྐུ། །བགྲོད་མེད་རིག་[449.6]པ་རང་གསལ་ལུང་། །བགྲོད་ཅིང་ཕྱིན་པས་མཐའ་ལ་ཐུག །རང་གསལ་མ་ཡིན་ཆོས་མེད་པས། །ཡེ་ཤེས་འོད་གསལ་དབུས་མཐའ་མེད། །འཛིན་པ་ཀུན་བྲལ་ཅིར་མི་དམིགས། །འོད་འབྱུང་བདེ་ཆེན་ཁྱབ་གསལ་[450][450.1]ལུང་། །གཉིས་མེད་མཐའ་བྲལ་ཆོས་ཀྱི་དབྱིངས། །མྱ་ངན་འདས་མིན་འཁོར་བའང་མིན། །དབུ་མའམ་གཉི་གའང་མ་ཡིན་ཏེ། །མ་བཅོས་ཞི་བའི་སྙིང་པོ་ལ། །བཙལ་ཞིང་བགྲོད་པ་བཅོས་མའི་ལམ། །མཐར་ཐུག་[450.2]མེད་པའི་སངས་རྒྱས་སྲས། །ཕྱོགས་བཅུ་མཐའ་ཡས་ཀུན་བགྲོད་པས། །རིག་པ་རང་གསལ་དབྱིངས་ལས་མེད། །དེ་ཉིད་ཉམས་མྱོང་ཀུན་དང་བྲལ། །འོད་གསལ་ཡེ་ཤེས་བདེ་བའི་ཀློང་། །རྡོ་རྗེ་སེམས་དཔའ་[450.3]དགྱེས་ཆེན་མཆོག །ཡེངས་མེད་མཚན་མའི་རྒྱུད་དང་བྲལ། །འདི་ནི་རང་བྱུང་རྨད་གྲགས་ལུང་། །འོད་གསལ་རིག་པའི་བརྡའ་མངལ་ན། ཁེ་ལེ་ན་ལེ་དྲ་ཡི་ཚུལ།ཤི་ན་ལེནྟྲ་དང་མཅོས་ཀྱང་། །ལྐུགས་པས་དགའ་[450.4]བའི་རོ་མྱོང་བས། །ཚིག་མཚོན་པ་ཡི་ཐབས་དང་བྲལ། །བདེ་ཆེན་རོ་ཡིས་ཁྱབ་པ་ཀུན། །མི་མཉམ་ཚད་འདི་མཐའ་དང་བྲལ། །ཕྱིན་མེད་ལམ་ལ་བགྲོད་དུ་མེད། །ས་བཅུ་ལམ་ལྔ་རྣམ་རྟོག་ཡིན། །མཐའ་ཡས་ཆོས་[450.5]དབྱིངས་རང་གསལ་ལ། །གང་ལྷར་ཕྱིན་པ་དེ་ཉིད་ངང་། །རང་གསལ་ནམ་མཁའི་གཞལ་ཡས་ལ། །བྱིན་པས་ཟད་པ་ག་ལ་ཡོད། །རང་གསལ་འོད་ལ་རྟག་ཏུ་གནས། །དེ་བཞིན་ཉིད་དེ་རིག་པར་གསལ། །གང་[450.6]ལྟར་སྣང་བ་དེ་བཞིན་ཉིད། །ཇི་ལྟར་བལྟས་པས་ཆོས་ཀྱི་དབྱིངས། །ཇི་ལྟར་རང་གསལ་རང་ལ་ཕྱིན། །བགྲོད་དུ་མེད་པའི་སངས་རྒྱས་ས། །བཙལ་མེད་རང་གསལ་ལམ་གྱི་ཕུགས། །ཡེ་ཤེས་རིག་པའི་འཁོར་ལོ་[451][451.1]ཅན། །རང་ལ་འཁོར་ཞིང་ཉིད་དུ་འདུས། །སྒྲ་བྲལ་བརྗོད་པའི་ཡུ་བ་ཅན། །དེ་ཁོ་ན་ཉིད་སེམས་ཀྱི་ལུང་། ཁྱབ་གདལ་རིག་པ་ཕྱོགས་རིས་མེད། །མངོན་དུ་མི་སྣང་ཁྱབ་པར་གདལ། །གསལ་བ་ཡེ་[451.2]ཤེས་སྙིང་པོ་ཅན། །རིག་པ་རང་གསལ་དབྱིངས་ལ་རྫོགས། །རང་བཞག་ཡེ་ཤེས་དབྱིངས་ཉིད་ལ། །གསལ་འབར་རིག་པས་གསོར་ཞིང་འབིགས། །རིག་པ་རང་གསལ་ཡེ་ཤེས་ཉིད། །མེད་ན་མི་འབྱུང་དེ་ཕྱིར་[451.3]ལམ། །རང་བྱུང་རིག་པའི་འཁོར་ཚོགས་ལ། །སྒྲ་བྲལ་རིག་པའི་བསྟན་པ་སྒྲོགས། །རིག་པ་ནམ་མཁའ་རྒྱས་པའི་མཐའ། །སྤྲོ་བསྡུ་མེད་པའི་དབྱིངས་ལ་གཏུགས། །རང་བྱུང་རིག་པའི་ཡུ་བ་ལ། །གཉིས་མེད་རིག་པ་[451.4]མཆོག་གིས་འཛིན། །རང་གསལ་མཐའ་བྲལ་རྒྱས་བཏབ་ནས། །འདའ་བ་མེད་པའི་ཚུལ་དུ་གནས། །ཞེན་པའི་རྣམ་རྟོག་ཁྲི་ཕྲག་ཀྱང་། །འོད་གསལ་དབྱིངས་ལ་སྤྲོ་ཞིང་འདུ། །རྣམ་རྟོག་ཡེ་ཤེས་དབྱིངས་ཀྱི་[451.5]ལུང་། །གཅིག་ཏུ་གསལ་བ་ཅིར་ཡང་འབྱུང་། །དེ་ཉིད་རང་ཤར་ཅིར་མི་བལྟ། །རང་ལ་རང་བལྟ་ཅིར་མི་མཐོང་། །རྫས་ཀྱི་ཁྱད་པར་ཅི་བགྲོད་ཀྱང་། །གསེར་ལ་གཉིས་པ་ཡེ་ནས་མེད། །ས་དང་ལམ་ལ་ཅི་བགྲོད་[451.6]ཀྱང་། །རང་གསལ་རིག་པ་བགྲོད་དང་བྲལ། །རིག་པའི་འོག་མིན་ཆོས་ཀྱི་དབྱིངས། །རིག་པ་རང་གསལ་འབར་བའི་གནས། །རྒྱལ་བ་ཀུན་གྱི་གསང་བའི་གནས། །གཞན་མེད་ཡེ་ནས་རང་གསལ་ལུང་། །འཁོར་བ་[452][452.1]རྨད་བྱུང་ཡེ་སངས་རྒྱས། །སྒོ་ངའི་ཁྱུང་ཕྲུག་ཉིད་དང་མཚུངས། །རྒྱ་མཚོ་ཆེན་པོའི་ཚུལ་བཞིན་དུ། །སྤྲོ་ཞིང་བསྡུས་པས་རང་ལ་ཐུག །སྙིང་པོ་རང་གསལ་ཡེ་ཤེས་ལ། །མཐའ་ཡི་སྒྲིབ་པ་ཀུན་དང་བྲལ། །རང་གསལ་[452.2]རིག་པའི་དཀྱིལ་འཁོར་ནི། །གདོད་ནས་ཉི་མའི་སྙིང་པོ་འདྲ། །དེ་ལྟར་མ་རྟོགས་འགྲོ་བ་ལ། །འཁྲུལ་གཞི་ཡེ་ཤེས་སྙིང་པོས་བྱས། །དེ་ཉིད་རང་གསལ་ཐབས་ལྡན་པས། །དེ་ཉིད་ཤེས་པས་སངས་ཚུལ་ལ། །གློ་བུར་[452.3]ཙམ་དུ་རྒྱལ་བས་གསུངས། །གཞི་ལྡན་གློ་བུར་གཉི་ག་ཡང་། །འཁྲུལ་པའི་ལམ་ཡིན་ལོག་པའི་ཆོས། །འཁྲུལ་དང་ལོག་པའི་ཐ་སྙད་ཀྱང་། །དངོས་དང་སེམས་ལ་མི་གནས་ཏེ། །མ་བཅོས་བྱང་ཆུབ་སྙིང་པོ་ལ། །དེ་[452.4]དག་ཀུན་གྱི་ཐ་སྙད་བཅད། །མཐའ་མེད་དབུས་ལ་མཐའ་མི་དམིགས། །དབུས་མེད་མཐའ་ཡང་དེ་བཞིན་ཏེ། །དེ་དག་གང་ལའང་མི་དམིགས་པས། །རང་གསལ་རིག་པ་ཉིད་དུ་མཁྱེན། །དགེ་དང་སྡིག་པའི་ཚུལ་ཕྱེ་[452.5]ནས། །གཅིག་དང་གཉིས་ཀྱི་སྤང་ལེན་པ། །འདོད་ཁམས་གོང་འོག་གནས་སྐྱེས་པ། །ཐར་པ་མི་ཐོབ་འཆིང་བའི་རྒྱུ། །སྤང་ཞིང་དང་བླངས་སྤྱད་པ་ཡིས། །གཞི་ཐོབ་རིམ་པར་བགྲོད་པ་དེས། །འགྲོ་དོན་མེད་པའི་[452.6]གཞིར་གནས་ཏེ། ཁེ་དང་མཚུངས་པའི་འབྲས་བུ་ཡིན། །བདག་མེད་ཕྱེད་དང་གཉིས་རྟོགས་ཏེ། །རྟེན་འབྲེལ་འབྱུང་བཟློག་ཚུལ་བསྒོམས་པས། །གཞན་དོན་འགའ་ཙམ་སྤྱོད་མོད་ཀྱང་། །བྱིས་པའི་འབྲས་བུ་མེད་[453][453.1]དང་འདྲ། །བདེན་གཉིས་སྒྱུ་མའི་ཚུལ་བཟུང་ན། །བསྐལ་པ་གྲངས་མེད་གསུམ་གྱི་ཆས། །ལམ་ལྔས་བཅུ་མཐར་ཕྱིན་པ། །སྲེད་པ་ལོག་པའི་སྤང་ལེན་ཅན། །གཅིག་ལ་མཐོ་དམན་ཚུལ་བཟུང་[453.2]ནས། །དག་པ་གསུམ་གྱི་ཚུལ་བལྟས་ནས། །བཅུ་གཅིག་རྟོགས་པས་རྡོ་རྗེ་འཛིན། །འདོད་པའི་སྨིག་རྒྱུ་བསྙེག་དང་འདྲ། །གཉིས་ཞུགས་ངེས་མེད་ཚུལ་བཟུང་ནས། །རིགས་བཞི་ཆོ་འཕྲུལ་སྒོ་ནས་ནི། །རྡོ་རྗེ་འཆང་[453.3]འདོད་ཕྲ་མེན་གྱིས། །ངེས་པའི་འབྲས་བུ་ཅི་སྟེ་མཐོང་། །ཏིང་འཛིན་རིག་པའི་ཚུལ་བཟུང་ནས། །ཆོ་གའི་ཡན་ལག་ལྔ་བཞིའི་སྒོས། །སྟུག་པོ་བཀོད་པའི་ས་བགྲོད་པ། །རང་རྟོག་ཞེན་པས་རྟག་ཏུ་བསྒྲིབས། །སྣང་[453.4]སྟོང་ཐབས་དང་ཤེས་རབ་ཀྱིས། །ཏིང་འཛིན་གསུམ་གྱི་དཀྱིལ་འཁོར་བསྒྱུར། །བསྐྱེད་རྫོགས་བཞི་ཡིས་ལམ་སྦྱངས་ཏེ། །བཅུ་གཉིས་བཅུ་བཞི་བཅུ་དྲུག་གིས། །མཐོང་བ་ཟག་མེད་ཉིད་ལ་སྐྱོར། །དེ་ནས་བརྒྱ་ཕྲག་[453.5]བཅུ་དྲུག་གིས། །ཡི་གེ་འཁོར་ལོ་ཚོགས་ཆེན་ས། །རང་འདོད་ཐོབ་ཀྱང་འོད་གསལ་མེད། །དབྱིངས་དང་ཡེ་ཤེས་རྒྱུ་འབྲས་ཀྱིས། །ཡེ་ཤེས་ཀྱང་ཡི་གེ་དག་པའི་ཚུལ་བལྟས་ནས། །འོད་ཀྱི་ཏིང་འཛིན་རིག་པའི་[453.6]མཐུས། །གྲངས་མེད་ལྷ་ཡི་ངང་དུ་གསལ། །དེ་ཉིད་གཉིས་མེད་རིག་པ་ཡིས། །རྡོ་རྗེ་སེམས་དཔའ་མཆོག་གི་ས། །རང་ལ་ཐོབ་ཀྱང་མཐར་ཐུག་བྲལ། །རྐྱེན་བྲལ་རིག་པའི་དོན་དང་འགལ། །འདི་ཀུན་ཞེན་པས་རྟག་[454][454.1]ཏུ་བཅིངས། །རང་བྱུང་འོད་གསལ་དབྱིངས་དང་བྲལ། །རང་གསལ་ཡེ་ཤེས་ཉི་མ་ནུབ། །རང་གསལ་ཡེ་ཤེས་འོད་གསལ་ལ། །འཇུག་པའི་ཐབས་ཀྱིས་མངོན་སྦྱར་ནས། །ཐོས་བསམ་བསྒོམ་པ་རབ་སྦྱངས་[454.2]ནས། །རང་གསལ་ཡེ་ཤེས་འོད་དུ་འབར། །རིག་པ་རང་གསལ་དབྱིངས་ལ་གནས། །འོད་འབར་ཐིག་ལེ་གཅིག་ཏུ་གནས། །གང་ལ་ཆགས་དང་ཐུགས་འཐད་དང་། །རང་ལ་གང་གཅེས་ཕུན་སུམ་ཚོགས། །སེར་སྣ་[454.3]སྤངས་པའི་དད་པ་ཡིས། །རྡོ་རྗེ་རྒྱལ་པོ་མཉེས་པར་བྱ། །རང་གསལ་རིག་པའི་བྱིན་རླབས་དང་། །དད་དང་དག་པའི་ནུས་པ་ཡིས། །མཁའ་དང་ཆུ་ལ་ཟླ་བ་ནི། །དག་དང་དག་པའི་ཚུལ་གྱིས་སྣང་། །གང་གཅིག་[454.4]མེད་པའི་ཚུལ་གྱིས་ནི། །གསལ་བའི་སྟོབས་དེ་མི་སྣང་ངོ་། །རང་གསལ་རིག་པ་གདེང་ལྡན་ཀྱང་། །མ་རབས་བྱིས་པ་བཀྲི་བའི་ཕྱིར། །ལྷག་པའི་སྦྱོང་བ་རླབས་ཆེན་པོ། །རང་གསལ་རིག་པའི་གདེང་གིས་[454.5]བྱ། །མཁས་ཤིང་རིག་པའི་གདེང་དུ་བྱུང་། །རྒྱལ་བའི་དགོངས་པའི་ལུང་དང་ལྡན། །རྣ་བརྒྱུད་ཞལ་གྱི་ཆུ་ཡིས་བརླན། །རིག་པ་གསང་བའི་གཏོར་སྒོ་བྱེད། །དབང་ཐོབ་བརྡ་དོན་སྤྲོད་ལ་མཁས། །ཕྲ་བའི་དོན་ལའང་[454.6]དེབཞིནནོ། །བཅོས་མ་མ་ཡིན་རང་བཞག་བློས། །ཐུགས་རྗེ་འཁོར་བ་དག་པར་སྟོན། །འཇིག་རྟེན་གྲགས་པ་རྣམ་སྤངས་ནས། །བརྟན་ལྡན་དད་དང་བརྩོན་འགྲུས་དང་། །མགོ་ལུས་ལོངས་སྤྱོད་མི་ཆགས་པ། །ཡེ་[455][455.1]ཤེས་གསང་བའི་གཏེར་སྒོ་དབྱེ། །དེ་ནས་ཙིསྟའི་སྒོཕྱེ་ནས། །དབང་པོའི་བྱེ་བྲག་ཐ་དད་པ། །འཕྲུལ་ཚིག་སྒྲ་ཡི་ཚུལ་ནས་བརྟག །ཐབས་སྦྱོར་བཅོས་མའི་ཐབས་གོམས་ནས། །རང་གསལ་རིག་པའི་[455.2]དོན་ལ་བཞག །མོས་དང་ཐོས་པ་ཆུང་བ་དང་། །རང་གསལ་རྟོགས་པའི་མཐུ་མེད་ལ། །དེ་ནས་གོམས་པའི་མཐུ་རྙེད་ནས། །རང་གསལ་ལེགས་པའི་དོན་ལ་བཞག །སེམས་ཀྱི་དཀྱིལ་འཁོར་ལེགས་བརྟགས་[455.3]ལ། །མཁའ་འགྲོ་དཔང་བཙུག་ནན་ཏན་བྱ། །གལ་ཏེ་སྐྱོན་ལྡན་སློབ་མ་ལ། །གསང་བའི་ཉེས་དམིགས་མི་ཤེས་པས། །རྣ་བརྒྱུད་མན་ངག་བསྟན་བྱས་ན། །སྡུག་བསྔལ་དྲག་པོས་སྲོག་བཅད་དེ། །མགྱོགས་འགྲོ་དེ་[455.4]ཡི་མྱུར་བ་ལྟར། །བར་མཚམས་མེད་པའི་ཚུལ་གྱིས་ནི། །རྡོ་རྗེའི་གནས་སུ་ལྟུང་གྱུར་ནས། །བྱང་ཆུབ་སེམས་ཀྱི་རིགས་དང་བྲལ། །གོམས་བློས་རིག་པ་ཅིར་མི་འཇུག །དྲན་རྟོག་བློ་ཡི་རྗེས་མི་འབྲང་། །ཇི་བཞིན་[455.5]རང་གསལ་མེ་ལོང་ལ། །བཅོས་མེད་རིག་པའི་ཚུལ་གྱིས་བལྟ། །སྣང་ཙམ་ཉིད་ན་ངོ་བོས་སྟོང་། །སྟོང་ཙམ་ཉིད་ན་འོད་དུ་གསལ། །ཡེངས་མེད་འཛིན་བྲལ་ཆོས་དབྱིངས་ལ། །གཉིས་མེད་ཐུག་ཕྲད་ཚུལ་གྱིས་[455.6]གསལ། །མར་མེ་མུན་པའི་ཚུལ་བཞིན་དུ། །གཉིས་མེད་རིག་པའི་ཚུལ་དུ་གཅིག །འདུ་ཤེས་གང་དུའང་མི་འཇུག་པའོ། །དྲོད་ཚད་གར་ཡང་མ་འཕྲོས་པའོ། །དྲན་མེད་གང་བཞག་རང་གསལ་བའོ། །བཅོས་མེད་[456][456.1]རང་བཞག་གྱིན་དར་གནས། །དྲག་དལ་ཆུ་བོ་ལྟ་བུའི་དཔེ། །ངེས་པར་རང་གསལ་ཉམས་བླངས་པས། །ཇི་བཞིན་རིག་པའི་ཀླུང་དུ་འཇུག །རྒྱལ་ཚབ་ངེས་པའི་སློབ་མ་ལ། །ལུང་ལྡན་བླ་མས་དོན་བསྟན་[456.2]ན། །འཁོར་བ་བྱང་ཆུབ་ལམ་དུ་གསལ། །གཅོང་རོང་ཡེ་ཤེས་གནས་སུ་བོར། །བགྲོད་མེད་བླ་མའི་ས་ལ་འཇུག །ས་གཅིག་མནན་པས་ས་ཀུན་མནན། །རྡོ་རྗེ་སེམས་དཔའ་མཆོག་གི་ས། །ཐམས་ཅད་མཁྱེན་པའི་ཡེ་[456.3]ཤེས་ཀྱིས། །མ་འདྲེས་ཡོངས་སུ་རྫོགས་པར་གསལ། །ཞེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། བགྲོད་ཅིང་སྤྱད་དུ་མེད་པའི་ལེའུ་སྟེ་བཅོ་བརྒྱད་པའོ།། །།དེ་ནས་སེམས་[456.4]དཔའ་རྡོ་རྗེ་དམ་པས་འདི་སྐད་ཅེས་གསོལ་ཏོ། །རང་གསལ་རིག་པ་མཆོག་གི་ངང་། །ཐམས་ཅད་ཡེ་ཤེས་ཆེན་པོར་མཁྱེན། །དུས་གསུམ་ཆོས་རྣམས་ཐམས་ཅད་ཀུན། །དུས་མཐའ་གཅིག་ལ་གསལ་བར་[456.5]རྟོགས། །མགོན་པོ་ཁྱོད་ཀྱི་ཡེ་ཤེས་ནི། །བདག་ལ་གསལ་བར་བཤད་དུ་གསོལ། །ཞེས་གསོལ་ཏོ། །དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ། །ཀྱེ་སེམས་དཔའ་ཆེན་པོ། །ནམ་[456.6]མཁའི་མཐའ་དང་མཉམ་པའི་རྒྱུད། །ཡེ་ཤེས་ངོ་བོ་རྣམ་གྲངས་ནི། །མཚན་ཉིད་སྣང་ཚུལ་རིམ་པ་ནི། །ཡེ་ཤེས་གསལ་བའི་སྒོ་འབྱེད་པའོ། །རང་སྣང་གྲངས་མེད་ཡེ་ཤེས་ནི། །སེམས་དང་ཆོས་དབྱིངས་ནམ་མཁའི་[457][457.1]མཐའ། །ཕྱོགས་རིས་བགྲང་བར་མི་ནུས་པས། །རྣམ་གྲངས་དེ་ཡི་ཚུལ་སྦྱར་ནས། །ཇི་ལ༡ར་འཚམས་པའི་ཚུལ་དུ་སྣང་། །རང་གསལ་ཡེ་ཤེས་དབུས་མཐའ་མེད། །སྟོང་ཉིད་རིག་པ་ཅིར་མི་[457.2]གཟིགས། །འོད་གསལ་རིག་པ་ཐམས་ཅད་མཁྱེན། །དུས་གཅིག་ཀུན་མཁྱེན་རིག་པའི་ལུང་། །སྒྲེབ་དང་སྒྲོ་སྐུར་རྣམ་པར་བཅད། །ཐམས་ཅད་མཁྱེན་པའི་ཡེ་ཤེས་ཡིན། །མ་བཅོས་རིག་པའི་མེ་ལོང་ལ ཐམས་[457.3]ཅད་རང་གསལ་གཟུགས་བརྙན་འཆར། །ཅི་ཡང་འགག་མེད་རྣམ་མི་རྟོག །གཉིས་མེད་རིག་པ་གཅིག་ལ་གསལ། །ཕྱོགས་རིས་མི་མངའ་འོད་གསལ་བ། །ཡུལ་ཤེས་མེད་དེ་གཅིག་ལ་འདུས། །རྡོ་རྗེ་ནམ་མཁའ་[457.4]འོད་གསལ་བས། །ཐམས་ཅད་མི་རྟོག་གསལ་བར་མཁྱེན། །རང་རིག་ཡེ་ཤེས་མཉམ་པའི་ཚུལ། །ཆེ་ཆུང་མཐའ་དབུས་མེད་པ་ལ། །རང་གསལ་སྙོམས་པས་ཉི་མའི་འོད། །ཐམས་ཅད་རང་གསལ་འོད་དུ་[457.5]འབར། །ནམ་མཁའི་མཐའ་དང་མཉམ་སྦྱོར་བས། །དབྱེ་བསྲེས་ཡངས་དོག་མི་མངའ་བས། །མཉམ་ཉིད་རིག་པའི་ངང་དུ་གསལ། །མ་བཅོས་ངང་ལ་གཉིས་མེད་ཀྱང་། ་རྐོས་རབ་འོད་གསལ་ཆེན་པོ་ཡིས། །མཁའ་[457.6]ལ་གཟའ་སྐར་བཀྲམ་པའམ། །མེ་ཏོག་མཛེས་པའི་ཕུང་པོ་ལྟར། །སོ་སོར་རང་གསལ་གཅིག་ཏུ་འདུས། །མ་འདྲེས་ཡོངས་རྫོགས་གསལ་བ་ནི། །ཕྱོགས་མེད་རང་གསལ་ཡེ་ཤེས་སུ། །དུས་མཐའི་ཚད་ལ་གསལ་[458][458.1]བར་མཁྱེན། །རང་གསལ་རིག་པ་གཉིས་མེད་ལ། །ཐམས་ཅད་མ་ལུས་ཡོངས་རྫོགས་པ། །ཡེ་ཤེས་རྒྱ་མཚོ་མུ་མཐའ་མེད། །ཡེ་ནས་གྲུབ་པས་བྱ་བཙལ་བྲལ། །མ་བསྒྲིབས་གསལ་བའི་རིག་པ་ལ། །ཐམས་ཅད་མ་[458.2]ལུས་རྫོགས་པར་ལྡན། །མ་བཅོས་རང་བྱུང་གསལ་བ་ནི། །རྣམ་དག་དབྱིངས་ཉིད་དཀྱིལ་འཁོར་ལ། །གསལ་བའི་འོད་ཀྱིས་མངོན་པར་མཐོང་། །བྱས་པ་མེད་པར་དོན་གྲུབ་པའོ། །ཐམས་ཅད་འབྱུང་བའི་དཀྱིལ་[458.3]འཁོར་ནི། །ནམ་མཁའ་ཀུན་འབྱུང་རིག་པའི་སྒོ། །འབྱུང་འཇུག་རིག་པའི་ཐིག་ལེ་ཅན། །བསྐྱེད་པའི་དཀྱིལ་འཁོར་ཡོངས་ཀྱི་སྒོ། །ཀུན་འབྱུང་རིག་པའི་འཁོར་ལོ་བསྒྱུར། །རྣམ་དག་པདྨ་ལྟ་བུ་ཡིས། །རང་གསལ་[458.4]རིག་པའི་དཀྱིལ་འཁོར་དེ། །མ་བསྒྲིབས་གསལ་བའི་ཡེ་ཤེས་སོ། །རང་གསལ་སྒྲིབ་མེད་རིག་པའི་ཉམས། །འཛིན་མེད་རིག་པའི་བློ་ཡིས་གདལ། །གསལ་ཡང་དམིགས་ཡུལ་ཀུན་དང་བྲལ། །ཅིར་ཡང་མི་དམིགས་[458.5]ཅིས་མ་བསླད། །རྡོ་རྗེ་ནམ་མཁའ་ཁྱབ་པའི་འོད། །བཙལ་བྲལ་རིགས་པ་ཡེ་ནས་གསལ། །མ་སྐྱེས་ཡེ་ནས་གདོད་ནས་བྱུང་། །རང་ལས་བྱུང་བས་གཞན་བྱུང་མིན། །ལྷུན་གྱིས་གྲུབ་པས་ཕྱོགས་རིས་མེད། །རང་[458.6]གསལ་རིག་པའི་ཡེ་ཤེས་ལ། །གཞན་གྱིས་རིག་པ་གདོད་ནས་སྟོང་། །ལྷུན་གྲུབ་ཉིད་ལ་ཕྱོགས་མེད་པས། །གསལ་དང་མི་གསལ་ཕྱོགས་དང་བྲལ། །རང་བྱུང་ཉིད་ལ་རྒྱུ་མེད་པས། །བསྐྱེད་བྱ་སྐྱེད་བྱེད་གདོད་ནས་[459][459.1]མེད། །རྩོལ་བྲལ་ཡེ་ཤེས་ཆེན་པོ་ལ། །རྩོལ་བའི་ཆུ་བོ་ཀུན་ལས་འདས། །བདག་གཞན་མ་གསལ་ནམ་མཁའི་ངང་། །ཡུལ་དང་ཡུལ་ཅན་དམིགས་ཡུལ་བྲལ། །གང་ཡང་མ་ཡིན་གདོད་ནས་[459.2]སྟོང་། །སྒྲིབ་པ་མེད་པའི་ངོ་བོ་ནི། །བལྟས་པ་མེད་པར་ཀུན་ལ་གསལ། །ཉམས་མྱོང་བདེ་བའི་འདུ་ཤེས་ཡལ། །འདུ་ཤེས་མེད་པའི་འདུ་ཤེས་ཅན། །འབྱུང་འཇུག་སྤངས་པའི་ཐབས་ཀྱིས་ཤེས། །ཀུན་ལ་གསལ་[459.3]བའི་ངོ་བོ་ཡང་། །འདི་ཞེས་ཚིག་ཏུ་བསྟན་པ་མེད། །སྟོན་པ་རྡོ་རྗེ་སེམས་དཔའ་ཡིས། །རིག་པའི་འོག་མིན་ཆེན་པོ་སྲ །རིག་པའི་ཡེ་ཤེས་འཁོར་ཚོགས་ལ། །ཡེ་ཤེས་ངོ་བོ་བསྟན་པ་ཡང་། །རང་གསལ་རིག་པའི་ངོ་[459.4]བོ་དེ། །མ་བཅོས་རིག་པའི་ཀླུང་ཞུགས་ནས། །དགོངས་པས་གཏན་ལ་ཕབ་པ་ལས། །ཚིག་དང་ཡི་གེར་བསྟན་པ་མེད། །དེ་ཕྱིར་ཡེ་ཤེས་ཆེན་པོ་ནི། ཁྱབ་པ་གསལ་ལ་དངོས་པོ་མེད། །ཡེ་ཤེས་རིག་པའི་ཕོ་བྲང་[459.5]དུ། །རང་སྣང་རིག་པའི་འོད་གདལ་བས། །ཅིར་ལྟར་བལྷས་པ་དེ་ལྟར་གསལ། །མཐའ་བྲལ་ཡེ་ཤེས་རྡོ་རྗེར་རིག །མ་བཅོས་ཡེ་ནས་རང་གསལ་ལུང་། །ཡེ་ནས་ཤེས་པས་ཡེ་ཤེས་ཡིན། །ཡེ་ནས་རིག་པ་ཆེན་པོ་[459.6]བས། །རིག་པ་ཡེ་ཤེས་ཆེན་པོ་ཡིན། །མ་བཅོསཇིབཞིནརིགཔའིདོན། །གཏན་ལ་ཕེབ་པས་ཡེ་ཤེས་ཡིན། །དགོངས་ལུང་རང་གསལ་རིག་པ་ལ། །གཉིས་མེད་ཡེ་ནས་རིག་པའི་ཕྱིར། །ཡེ་ཤེསརིགཔཆེན་པོ་[460][460.1]ཡིན། །དགོངས་པ་རིག་པས་མཉམ་དུ་ཤེས། །མ་བལྟས་གསལ་བ་ཡེ་ཤེས་ཡིན། །རང་བྱུང་ཡེ་ཤེས་ཉིད་ཡིན་པས། །བཙལ་བའི་བསམ་པ་གདོད་ནས་དག །ཡིན་ནི་ཅི་ཡང་མ་ཡིན་ལ། །གསལ་ནི་ཀུན་ལ་མཐུན་[460.2]པར་གསལ། །འབྱུང་འཇུག་མེད་པར་རིག་པའི་མཐའ། །མཚན་ཉིད་ངེས་པར་གཟུང་དཀའ་བས། །གང་ཡང་མ་ཡིན་ཕྱོགས་བྲལ་ཡིན། །བྱམས་མགོན་ཕྱོགས་རིས་མེད་པའི་གཏེར། །རང་གསལ་རིག་པའི་མཚན་[460.3]ཉིད་ཅན། །མཚན་གཞི་བརྟགས་པའི་ཡུལ་ལས་འདས། །རང་བྱུང་རྟག་པ་མཆོག་གི་སྐུ། །སྤྲོས་བྲལ་བརྗོད་མེད་རིག་པའི་གསུང་། །མཚན་འཛིན་དྲན་རྟོག་མེད་པའི་ཐུགས། །འཕེལ་འགྲིབ་མེད་པའི་ཡོན་ཏན་[460.4]གཏེར། །བྱ་བཙལ་བྲལ་བའི་ལམ་ཆེན་པོ། །ཀུན་ལ་ཁྱབ་ཅིང་རང་ལ་གདལ། །དམིགས་སུ་མེད་ཅིང་བསྟན་དུ་མེད། །རང་གསལ་མེ་ལོང་འོད་པོ་ཆེ། །མ་བཅོས་རིག་པའི་ཁྱད་པར་ལས། །ཅི་ལྟར་བལྟས་པ་དེ་ལྟར་[460.5]སྣང་། །ཐམས་ཅད་རང་གསལ་རིག་པ་ཡང་། །འཁྲུལ་པའི་ཤེས་པ་ཅིར་མི་འདོད། །སྤྲོས་བྲལ་རིག་པའི་འཁོར་ལོ་ལས། །མཐོ་དམན་སྣང་ཚུལ་ཅིར་མ་བརྟགས། །ཐག་པའི་རངབཞིན་སྦྲུལ་མིན་ཡང་། །འཁྲུལ་[460.6]པས་སྦྲུལ་གྱི་ངོ་བོར་སྣང་། །དངོས་ལ་སྦྲུལ་དུ་མི་གནས་ཀྱང་། །འཁྲུལ་པའི་ངོ་ལ་སྣང་གཞི་ཡོད། །རང་གསལ་མ་བཅོསཇིབཞིན ལ། །རྟོགདངམི་རྟོག་མི་གནས་ཀྱང་། །འཁྲུལ་པས་གཉིས་སུ་རྟོག་པས་[461][461.1]བཟུང་། །དངོས་ལ་དེ་ལྟར་མི་གནས་ཀྱང་། །རང་རང་ཞེན་པའི་དབང་གིས་ན། །དེ་ལྷར་སྣང་བའི་འཁྲུལ་གཞིར་གནས། །དག་པའི་ཞིང་ཁམས་གཞལ་ཡས་ཁང་། །མཚན་དང་དཔེ་བྱད་འོད་འབར་[461.2]བ། །ཡེ་ཤེས་གསལ་བའི་ངོ་བོར་སྣང་། །དངོས་ལ་དེ་ལྟར་གནས་པ་མེད། །ཅེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། ཡེ་ཤེས་བསྟན་པའི་ལེའུ་སྟེ་བཅུ་དགུ་པའོ།། །།དེ་ནས་[461.3]སེམས་དཔའ་རྡོ་རྗེ་དམ་པ་དེས་འདི་སྐད་ཅེས་གསོལ་ཏོ། །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་རོལ་པ་རྨད་བྱུང་བ། །རང་གསལ་ཡེ་ཤེས་སྙོམས་པའི་མགོན། །འགྲོ་དྲུག་ཡེ་ཤེས་གསལ་བར་[461.4]རྟོགས། །མགོན་པོ་ཁྱོད་ལ་གསོལ་བ་ནི། །གསང་བ་རྨད་བྱུང་ཐེག་པ་འདི། །མ་འོངས་དུས་ན་ཇི་ལྟར་འགྱུར། །མགོན་པོས་བདག་ལ་བཤད་དུ་གསོལ། །ཞེས་གསུངས་སོ། །དེ་ནས་དེ་བཞེན་གཤེགས་པ་རྡོ་རྗེ་[461.5]སེམས་དཔས་འདི་སྐད་ཅེས་གསུངས་སོ། །ཀྱེ་སེམས་དཔའ་ཆེན་པོ། །ནམ་མཁའི་མཐའ་དང་མཉམ་སྦྱོར་པའི། །རྫོགས་ཆེན་བྱང་ཆུབ་སེམས་ཀྱི་རྒྱུད། །ང་ཡི་དགོངས་པ་གསང་བའི་དོན། །ཡང་གསང་ཐུགས་ཀྱི་རྣ་[461.6]བརྒྱུད་འདི། །དགོངས་པ་རྣམས་ཀྱིས་ངེས་བརྒྱུད་ནས། །ལྷ་གནས་གསུམ་དུ་གྲགས་པར་འགྱུར། །དེ་ནས་ཐུགས་རྗེའི་སྤྲུལ་པ་ཡིས། །ཨོ་རྒྱན་གླིང་གི་དུར་ཁྲོད་དུ། །ཡང་གསང་ཕུག་ན་གནས་བཅས་ནས། །ཡ་[462][462.1]མཚན་སྤྲུལ་པའི་ཆ་འཛིན་པས། །ཡང་སྤྲུལ་ཐུགས་ཀྱི་སྲས་བདུན་ལ། །རིགས་པའི་དཀྱིལ་འཁོར་སྒོ་ཕྱེ་ནས། །རྒྱལ་ཐབས་སྤྱི་བླུགས་དབང་བསྐུར་ནས། །གསང་བའི་ལུང་འདི་སྟོན་པར་འགྱུར། །དེ་ནས་ཡང་[462.2]སྤྲུལ་སྐལ་ལྡན་གྱིས། །འཛམ་གླིང་དབུས་སུ་རྒྱས་པར་འགྱུར། །ནོར་བུ་རིན་ཆེན་ལྟར་གྲགས་པས། །ཀུན་གྱི་འདོད་པ་བསྐངས་ཟིན་ནས། །སྐལ་ལྡན་རིག་ལྡན་རྟོགས་པ་ཅན། །སངས་རྒྱས་ས་ལ་གནས་པར་[462.3]འགྱུར། །གང་ཞིག་རང་འདོད་རྟོག་པ་དང་། །མཚན་མའི་སྒྲ་ལ་ཞུགས་པ་དང་། །སྐལ་བ་མེད་པའི་མི་རྣམས་ནི། །ངན་འགྲོར་འ་ས་པ་ཉིད་འགྱུར་ན། །སྐལ་ལྡན་སྤྲུལ་པའི་སྲས་འདུས་ནས། །མི་མངོན་དབྱིངས་[462.4]སུ་སྦེད་པར་འགྱུར། །དེ་ནས་ཐུགས་རྗེ་བྱིན་རླབས་དང་། །དད་པ་ལས་འཕྲོ་ལྡན་པ་ནི། །གཉིས་སུ་མེད་པར་མཐུན་པ་ཡིས། །མཐའ་འཁོབ་ཡུལ་དུ་སྣང་འགྱུར་ནས། །སྐལ་ལྡན་རིགས་བརྒྱུད་འཛིན་པ་[462.5]རྣམས། །རང་གསལ་རིག་པའི་དོན་གོ་ནས། །སངས་རྒྱས་ས་ལ་འགྲོ་བར་འགྱུར། །འདི་རྣམས་སྐལ་ལྡན་རྒྱལ་སྲས་ཏེ། །རིགས་སུ་ངེས་པ་ཉིད་དུ་འགྱུར། །རང་གསལ་རིག་པའི་གླེགས་བམ་འདི། །སྐལ་ལྡན་རིམ་[462.6]པར་བརྒྱུད་བྱས་ནས། །གསང་བ་རིག་པའི་རྒྱས་བཏབ་ནས། །འཕེལ་དང་ནུབ་པར་མི་འགྱུར་རོ། །དེ་ནས་གསང་བ་འཆོལ་བ་ཡིས། །སྐལ་བར་ལྡན་དང་མི་ལྡན་པའི། །འདུས་པའི་ཚོགས་ལ་བཤད་པ་[463][463.1]ཡིས། །མཐའ་འཁོབ་ཡུལ་དུ་དར་བར་འགྱུར། །དེ་ཚེ་རིགས་ཅན་དམ་པའི་སྲས། །རྒྱལ་བའི་ས་ལ་གནས་པར་འགྱུར། །སྐལ་མེད་སྒྲ་བཞིན་སྤྱོད་པ་དག །ངན་འགྲོ་ལོག་པའི་གནས་སུ་འགྱུར། །རང་[463.2]གི་རྣམ་རྟོག་མི་མཐུན་པས། །རང་གསལ་གཉིས་མེད་ཡེ་ཤེས་ལ། །ཡིན་དང་མ་ཡིན་ཆ་འཛིན་ཅིང་། །རྩོད་པ་འཕེལ་བ་ཉིད་དུ་འགྱུར། །དེ་ཚེ་དམ་པའི་རིགས་ཅན་ཡང་། །ཐེ་ཚོམ་ཟ་བས་མི་འགྲུབ་ཅིང་། །ཀུན་ལ་[463.3]རྒྱས་པར་བསྒྲགས་པའི་མཐུས། །ཐུན་མོང་ཐེག་པས་སྐུར་བ་དང་། །ཆོས་ལ་བྱིན་རླབས་ཆུང་བ་དང་། །དེ་ཚེ་དུར་རྐུན་སེམས་འཛིན་པས། །དམིགས་པ་རྩེ་གཅིག་མེད་པ་ཡིས། །གྲུབ་མཐའ་རིང་བས་སྐུར་བ་[463.4]དང་། །ཀུན་གྱིས་སྐུར་བའི་གནས་སུ་འགྱུར། །བདག་བསྟོད་གཞན་སྨོད་བྱེད་པ་དང་། །ཉོན་མོངས་རྩོད་པ་འཕེལ་གྱུར་ནས། །ཕྱོགས་རིས་ཞེན་པའི་ནུས་མཐུ་ཡིས། །རང་གསལ་འོད་ཀྱང་གསལ་མི་འགྱུར། །དེ་[463.5]ནས་ཐུགས་རྗེ་སྐལ་མེད་པས། །གསང་བའི་ལུང་འདི་ནུབ་པར་འགྱུར། །གཞན་གྱིས་ནུབ་པར་མི་འགྱུར་ཏེ། །སེང་གེའི་ཁོག་པ་རང་འཇིག་ལྟར། །ང་ཡི་སྲས་སུ་ཁས་བླངས་པས། །གསང་བའི་ལུང་འདི་ནུབ་པར་[463.6]བྱེད། །དེ་ཡང་ཇི་ལྟར་འགྱུར་ཞེ་ན། །ཆོས་ལ་ཕྱོགས་རིས་བཟུང་བ་ཡིས། །རྩོད་པའི་ལས་སུ་འགྱུར་བ་དང་། །རང་གསལ་ཉམས་དང་མི་ལྡན་པར། །རྣམ་པར་དཀར་བའི་ལས་བོར་ནས། །ཉོན་མོངས་ཞེན་པའི་ལས་[464][464.1]བྱེད་དང་། །རྣ་བརྒྱུད་གདམས་ངག་མི་ལྡན་པར། །རང་བརྟགས་ཞེན་པས་འཆད་པ་དང་། །ལྷག་པའི་ཆེ་བ་འདོད་པ་དང་། ཁེ་དང་གྲགས་པ་གཙོར་བཞག་ནས། །ངེས་དང་མ་ངེས་ཀུན་བསྡུས་ནས། །འདུས་པའི་[464.2]ཚོགས་ལ་འཆད་པ་དང་། །ལྟ་བ་ཡས་བབས་བཙན་ཐབས་དང་། །བརླང་པོའི་ངག་དང་སྤྱོད་པ་དང་། །རྣམ་པར་དཀར་བའི་ལས་བོར་ཏེ། །སྤང་བའི་ལས་དག་སྤྱད་པ་ཡིས། །འཇིག་རྟེན་དཔྱས་ཀ་སྒྲོགས་པ་[464.3]དང་། །སྐྱེ་བོ་ཀུན་གྱིས་སྨོད་པ་དང་། །ཐུན་མོང་ཐེག་པ་སྤངས་པའི་མཐུས། །གསང་བ་དམ་པ་ནུབ་གྱུར་ནས། །དེ་ཚེ་སྐྱེ་བོ་དེ་དག་ཀུན། །རྡོ་རྗེའི་ཁབ་ཏུ་ལྟུང་གྱུར་ནས། །ཐེག་ཆེན་བྱང་ཆུབ་སེམས་དང་བྲལ། །དེ་[464.4]བས་དགོངས་ལུང་དམ་པ་དེ། །གང་ཟག་ངན་པས་བསྣུབ་པར་འགྱུར། །དེ་ནས་ཡང་གསང་ཐེག་པ་འདི། །འཛམ་གླིང་དབུས་སུ་རྒྱས་འགྱུར་ནས། །སྐལ་ལྡན་རྩོལ་མེད་ཐེག་པ་ཡིས། །སངས་རྒྱས་ས་ལ་འགྲོ་བར་[464.5]འགྱུར། །དེ་ནས་ལྷོ་ཕྱོགས་རྒྱུད་དུ་ནི། །གསང་བ་དམ་པ་རྒྱས་གྱུར་ནས། །གང་ཟག་དམ་པ་ཀུན་གྱིས་ནི། །རྩོལ་མེད་འབྲས་བུ་ཐོབ་པར་འགྱུར། །དེ་ནས་གསང་བ་འཕེལ་བའི་མཐུས། །རྣམ་པར་རྩོད་པའི་གཞིར་[464.6]གྱུར་ནས། །ཐེ་ཚོམ་མི་མཐུན་གཞུང་མང་བས། །སྐལ་ལྡན་འབྲལ་བའང་འབྱུང་བར་འགྱུར། །དེ་ཡི་དུས་ན་གང་ཟག་ནི། ཁུ་དེས་འཚོ་བ་མཁས་པ་དང་། །རང་གསལ་དོན་ལ་བསྒོམ་པ་དང་། །ངེས་པའི་གཞུང་[465][465.1]ལུགས་འཛིན་པ་དང་། །རྣ་བརྒྱུད་གདམས་ངག་འཛིན་པ་དང་། །གསང་བ་མི་འཕེལ་སྡོམ་པ་དང་། །དགོན་པར་གནས་ཤིང་དོན་མཁས་དང་། །མི་སྨྲ་སེམས་ལ་ཟུངས་སུ་འཛིན། །བདུད་གྱིས་བསྟན་[465.2]པ་འཕེལ་བར་འགྱུར། །དེ་ནས་ལྔ་བརྒྱ་ཐ་མ་ལ། །ཉོན་མོངས་རང་དགར་ཞེན་པ་དང་། །དོན་ལ་ཞེན་པའི་མཐུ་མེད་ཅིང་། །སྣོད་ལྡན་གང་ཟག་མེད་པ་དང་། །མ་ནོར་ངེས་པའི་བླ་མ་རྣམས། །གདུང་བརྒྱུད་ཆད་པར་[465.3]གྱུར་པའི་མཐུས། །རྣ་བརྒྱུད་ཐུགས་ཀྱི་བཅུད་བྲལ་ནས། །ལས་དང་སྐལ་བར་མི་ལྡན་པའི། །གང་ཟག་མང་དུ་འདུས་པའི་མཐུས། །ལས་དང་ཐུགས་རྗེ་སྐལ་མེད་པས། །ཡང་གསང་རྨད་བྱུང་ཐེག་པ་འདི། །འཛམ་[465.4]གླིང་དབུས་སུ་ནུབ་པར་འགྱུར། །སྤྲུལ་པའི་བསྟན་པ་ཐ་མའི་ཚེ། །མ་འོངས་དུས་ན་འཇིག་རྟེན་འདིར། །འདི་ལྟར་ངེས་པར་འབྱུང་བར་འགྱུར། །ཞེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་[465.5]ལས། ལུང་བསྟན་པའི་ལེའུ་སྟེ་ཉི་ཤུ་པའོ།། །།དེ་ནས་སེམས་དཔའ་རྡོ་རྗེ་དམ་པ་དེས་འདི་སྐད་ཅེས་གསོལ་ཏོ། །དུས་གསུམ་སངས་རྒྱས་ཐམས་ཅད་ཀྱི། །ཡང་གསང་རྨད་བྱུང་རོལ་པའི་མཆོག །ལུང་[465.6]བསྟན་སྐལ་ལྡན་གང་ཟག་ལ། །ཀློང་དགུའི་བསྟན་པ་ཇི་ལྟར་འཆར། །ཞེས་ཞུས་སོ། །དེ་ནསདེབཞིནགཤེགསཔརྡོརྗེ་སེམས་དཔས་འདི་སྐད་ཅེས་གསུངས་སོ། །ཀྱེ་སེམས་དཔའ་ཆེན་པོ། །དེབཞིནགཤེགསཔ[466][466.1]ཀུན་གྱི་གསང་། །སེམས་ཅན་སངས་རྒྱས་གཉིས་སུ་མེད། །བཅོས་མེད་རྣམ་གྲོལ་རིག་པའི་ཐུགས། །བྱ་བཙལ་ཀུན་བྲལ་ཡེ་སངས་རྒྱས། །དེ་ཉིད་དགུ་ལྡན་སེམས་ཀྱི་གཞི། །རིན་ཆེན་ལམ་གྱིས་གོམས་པར་[466.2]བླང་། །རང་བྱུང་རིག་པའི་ཡེ་ཤེས་ནི། །རྩོལ་མེད་རང་ཤར་ཐོབ་པར་འགྱུར། །རིག་པ་མཆོག་གི་དཀྱིལ་འཁོར་ནས། །ཡེ་ཤེས་རིག་པའི་འོད་ཀྱིས་གདལ། །བརྗོད་མེད་རིག་པའི་བསྟན་པ་ལ། །ཡེ་ཤེས་གསལ་བའི་[466.3]གསུང་མཆོག་གིས། །མ་བརྗོད་པས་ནི་གཏན་ལ་ཕབ། །འོད་གསལ་ཡེ་ཤེས་རིག་པ་ལས། །ཀློང་དགུ་བསྟན་པ་དུས་གཅིག་འཆར། །རིན་ཆེན་འོད་གསལ་ཐིག་ལེ་ནི། །གསལ་བའི་མཚན་མ་མཐོང་བྱའི་[466.4]ཕྱིར། །ཀློང་དགུ་བམ་པོ་ཉི་ཁྲི་ཉིད། །རིན་ཆེན་གསལ་བྱའི་ཆེད་དུ་གསུངས། །རིན་ཆེན་འོད་འབར་སེམས་ཀྱི་མཐའ། །ཐེག་པའི་རྩ་བ་ཅིར་བསྟན་པ། །རྫོགས་ཆེན་བྱང་ཆུབ་ཐེག་པ་འདི། །ཀློང་དགུར་མ་འདུས་[466.5]བསྟན་པ་མེད། །རང་གསལ་རིག་པ་མཐའ་དབུས་མེད། །ཅིར་སྣང་ཅིར་ལྟ་ཅིར་མི་དམིགས། །ཡུལ་བྲལ་རིག་པ་བསམ་ཡུལ་འདས། །ལྟ་བ་གཟའ་བྲལ་སེམས་ཀྱི་ཀློང་། །འོད་གསལ་ཡེ་ཤེས་སྤྱོད་པ་ལ། །ནམ་[466.6]མཁའ་མཚན་འཛིན་མི་གནསབཞིན། །བླངདོར་སྤང་འཛིན་མི་གནས་པར། །སྤྱོད་པ་བག་ཡངས་བདེ་བའི་ཀློང་། །བསྐྱེད་བྲལ་རིག་པའི་དཀྱིལ་འཁོར་ལ། །མཐའཡིཞེན་པའི་ཆོས་བྲལ་ཞིང་། །བྱང་ཆུབ་སེམས་[467][467.1]སུ་རང་གསལ་བས། །བསྐྱེད་བྲལ་རང་གསལ་དཀྱིལ་འཁོར་ཀློང་། ཁམས་གསུམ་རིན་ཆེན་འོད་གདལ་ཏེ། །གཉིས་མེད་རྟོགས་པས་དབང་བསྒྱུར་ཞིང་། །རིག་པ་ཀུན་ཁྱབ་བརྡལ་བ་[467.2]ནི། །རྒྱལ་ཐབས་སྤྱི་བླུགས་དབང་གི་ཀློང་། །བསྲུང་མེད་སེམས་ཀྱི་རང་བཞིན་ནི། །ལྷག་པའི་དམ་ཚིག་བཞི་ལ་གནས། །ཐིག་ལེ་ཉིད་ལ་ས་མི་འདའ་བས། །བསྲུང་བྲལ་དམ་ཚིག་འདའ་མེད་ཀློང་། །བྱ་བྲལ་འོད་[467.3]གསལ་ཆོས་དབྱིངས་ལ། །ཕྲིན་ལས་རྩོལ་མེད་ལྷུན་གྲུབ་པས། །འོད་གསལ་ཡེ་ཤེས་ཕྱོགས་རིས་མེད། །རྩོལ་མེད་ཕྲིན་ལས་མཆོག་གི་ཀློང་། །བསམ་མེད་དམིགས་བྲལ་ཆོས་དབྱིངས་ལ། །ཡེ་ཤེས་རང་གསལ་[467.4]རིག་པའི་ཀློང་། །ཡེངས་མེད་འོད་གསལ་རིག་པས་བཞག །བཅོས་མེད་དགོངས་པ་ཉིད་ཀྱི་ཀློང་། །འཁོར་བ་ཡེ་ནས་སངས་རྒྱས་ལ། །གཞན་དུ་བགྲོད་པའི་ཡུལ་བྲལ་ནས། །ལམ་དང་ས་ལ་བགྲོད་མེད་[467.5]དེ། །སེམས་ཉིད་མཐར་ཕྱིན་ལམ་གྱི་ཀློང་། །རིན་ཆེན་ཕུང་པོ་གསལ་བྱེད་ལྟར། །རིག་པ་རང་གསལ་ལྷུན་གྲུབ་ལ། ཁུ་དང་རྐྱེན་ལས་མ་སྐྱེས་པ། །རང་བྱུང་འབྲས་བུ་ཡེ་ཤེས་ཀློང་། །ཀློང་དགུ་རིན་ཆེན་འཁོར་ལོ་[467.6]ནི། །རང་གསལ་རིག་པའི་འོད་ལས་འཆར། །འཁོར་བ་མ་བཅོས་འོད་གསལ་ལ། །གདོད་ནས་ཉེས་པའི་དྲི་མ་མེད། །སྤྲོས་བྲལ་ཡེ་ཤེས་གསལ་བ་ལ། །གཉིས་མེད་རིག་པའི་སྟོབས་ཀྱིས་འཇུག །མན་ངག་གསང་[468][468.1]བའི་འཁོར་ལོ་ནི། །ཀུན་ལ་བསྐོར་ཞིང་དབྱིངས་སུ་འདུས། །བརྗོད་བྲལ་ཆོས་ཀྱི་རང་བཞིན་ནི། །བརྗོད་བྱ་ཀུན་གྱི་སྙིང་པོར་གསལ། །སྒྲ་བྲལ་རིག་པའི་བསྟན་པ་ནི། །ཇི་ལྟར་འདོད་པ་བཞིན་དུ་གསལ། །ཀློང་དགུ་[468.2]བསྟན་པ་ཀུན་གྱི་སྤྱི། །རང་གསལ་མེ་ལོང་རྫོགས་པའི་ལུང་། །ཐམས་ཅད་ཡེ་ཤེས་རང་གསལ་བས། །སྒྲིབ་པའི་ཆོས་དང་གདོད་ནས་བྲལ། །སྤྲོས་བྲལ་ནམ་མཁའི་རང་བཞིན་ལ། །དྲན་དང་རྟོག་པ་གང་ཡང་[468.3]མེད། །མ་བཅོས་ཆོས་ཉིད་འོད་གསལ་ལ། །བཅོས་པའི་སྤྱོད་པ་ཕྱིན་ཅི་ལོག །རིན་ཆེན་ཀློང་གི་དོན་རྟོགས་ན། །ཐམས་ཅད་གསང་བའི་ལམ་དུ་གསལ། །ཡེ་ནས་ཕྱག་རྒྱའི་ངོ་བོ་ལས། །ལུས་ཀྱིས་རྩོལ་བའི་ལས་མི་[468.4]བྱེད། །རྩོལ་བྲལ་རིག་པའི་གསུང་གོ་བས། །བཟླས་དང་འཕྲོ་འདུའི་ལས་མི་བྱེད། །རང་གསལ་རིག་པའི་ཀླུང་ཞུགས་པས། །རྡོ་རྗེ་བཅོས་བྲལ་འོད་གསལ་སེམས། །དོན་གཅིག་དེ་ཉིད་གཞི་དགུ་ལ། །ཇི་ལྟར་འདོད་[468.5]པའི་དོན་ལ་སྦྱར། །རང་གསལ་རིག་པའི་དོན་དང་འཕྲད། །གདོད་ནས་ཞི་བའི་རང་བཞིན་ལ། །མཚན་མའི་སྒྲོ་སྐུར་ཆོས་མི་འཇུག །སངས་རྒྱས་སེམས་ཅན་མ་ལུས་ལ། །རྐྱེན་བྲལ་རང་གསལ་བསྒྲིབ་མེད་[468.6]གཅིག །དམིགས་བྲལ་རིག་པའི་ཚུལ་གྱིས་ནི། །ཡེ་ནས་ཁྱབ་ཅིང་བརྡལ་བར་གནས། །ཡེ་ནས་མ་བཙལ་སངས་རྒྱས་ལ། །བསྒྲུབ་དང་མི་བསྒྲུབ་ཆོས་མི་གནས། །རིན་ཆེན་འོད་འབར་གསལ་བ་ལ། །གོལ་དང་སྒྲིབ་[469][469.1]༄༅ པའི་ཆོས་མི་གནས། །ཕྱོགས་མེད་རང་གསལ་ཡེ་ཤེས་ལ། །ཕྱོགས་མཚམས་གཟུང་འཛིན་ཡེ་ནས་དབེན། །རྩོལ་བྲལ་རིན་ཆེན་ཕུང་པོ་ལ། །མ་རྫོགས་པ་ཡི་ཆོས་མི་གནས། །མཐའ་དབུས་མེད་པའི་[469.2]གཞལ་ཡས་ལ། །ཚད་དང་དམིགས་པ་ག་ལ་ཡོད། །རྡོ་རྗེ་སེམས་དཔའ་གསང་བའི་ལུང་། །ཀློང་དགུ་བསྟན་པ་ཀུན་གྱི་བཅུད། །རིག་པ་རང་གསལ་མེ་ལོང་ནི། །ཐམས་ཅད་ཀུན་གྱི་རང་བཞིན་གནས། །ཞེས་[469.3]གསུངས་སོ། །ནམ་མཁའི་མཐའ་དང་མཉམ་པར་སྦྱོར་བའི་རྒྱུད་ཆེན་པོ་ལས། ཀློང་དགུ་ཕྱེ་བའི་ལེའུ་སྟེ་ཉི་ཤུ་གཅིག་པའོ།། །།དེ་ན་སེམས་དཔའ་རྡོ་རྗེ་དམ་པས་འདི་སྐད་ཅེས་གསོལ་ཏོ། །རྒྱལ་བ་ཀུན་[469.4]གྱི་དགོངས་པའི་ཐུགས། །ཀློང་དགུའི་རིན་ཆེན་གསལ་བྱེད་ལུང་། །བསྡུས་པས་ངེས་པ་ཇི་ལྟར་གསལ། །བཅོམ་ལྡན་སྙིང་པོས་བཤད་དུ་གསོལ། །ཞེས་ཞུས་སོ། །དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་[469.5]འདི་སྐད་ཅེས་གསུངས་སོ། །ཀྱེ་སེམས་དཔའ་ཆེན་པོ། །ཀློང་དགུའི་རྩ་བ་གཅིག་ལ་འདུས། །དཔེ་ནི་གསེར་དང་མཚུངས་པ་ལ། །དོན་ནི་རྩ་བ་བྱང་ཆུབ་སེམས། །རྟོགས་ཚུལ་གཉིས་མེད་ཡེ་ཤེས་ཏེ། །སྙིང་པོ་བྱང་[469.6]ཆུབ་སེམས་ཀྱི་ལུང་། །སེམས་ཉིད་བཅོས་མེད་རང་གསལ་ལ། །གཉིས་བྲལ་རིག་པ་ཅིར་མི་འཇུག །མཐའ་དང་དབུས་བྲལ་འོད་གསལ་ལ། །གཉིས་ཀྱི་འདུ་ཤེས་སྨོས་ཅི་དགོས། །བདེ་སྡུག་འགྲོ་འོང་མཐའ་ཡས་[470][470.1]ཀྱང་། །རང་གསལ་གཉིས་མེད་རང་རིག་གོ །བདག་མེད་གཞན་བྲལ་ཆོས་ཀྱི་དབྱིངས། །སྐྱོན་བྲལ་རིག་པ་ཅིར་མི་དགོངས། །མཐའ་དབུས་བྲལ་བའི་དེ་བཞིན་ཉིད། །རྡོ་རྗེ་ནམ་མཁའ་མཆོག་གི་ལུང་། །བསམ་པ་[470.2]མ་ཡིན་མི་བསམ་མིན། །འདུ་ཤེས་བྲལ་བའི་དབྱིངས་ལ་རྫོགས། །རང་གསལ་རིག་པ་གཉིས་མེད་ལ། །གཉིས་ཀྱི་འདུ་ཤེས་གང་རྩོལ་བ། ཁམས་གསུམ་འཁོར་བའི་གནས་སུ་ལྟུང་། །རྡོ་རྗེ་གསང་བའི་ལུང་དང་[470.3]བྲལ། །གསལ་བའི་རིག་པ་མཁྱེན་པའི་ལུང་། །ཐུགས་ཀྱི་ཡེ་ཤེས་གཅིག་ཡིན་ཡང་། །དུ་མར་སྣང་བའི་ཆ་མི་འགག །གཉིས་མེད་རིག་པ་གཅིག་ལ་འདུས། །གཉིས་མེད་ངང་ལ་གཉིས་མི་བསམ། །ནམ་མཁའ་[470.4]བསམ་མེད་བརྗོད་དུ་མེད། །བློ་དང་རང་གསལ་འཕྲད་པ་ནི། །གཅིག་ལས་མི་གཡོ་མཉམ་དུ་གནས། །རྩ་བ་མི་འབྱེད་རྩོལ་དང་བྲལ། །ཡེ་ཤེས་འབྱུང་འཇུག་ཡོངས་ཀྱིས་མེད། །གསལ་བ་རིག་པའི་འོག་མིན་[470.5]ལ། །གཉིས་མེད་རིག་པའི་མཉམ་པར་སྦྱོར། །རིག་པའི་འཁོར་ལོ་ཀུན་གྱི་གཏེར། །ཡེ་ཤེས་རྒྱ་མཚོ་མུ་མཐའ་མེད། །མ་བཅོས་རིག་པ་ཐབས་ཀྱི་སྒོ། །གྲོལ་བའི་དཀྱིལ་འཁོར་རྒྱ་དང་བྲལ། །ཡེ་ཤེས་རྫོགས་པའི་[470.6]མཆོག་ལ་གནས། །འདི་ནི་བསམ་བརྗོད་ཀུན་དང་བྲལ། །རྡོ་རྗེ་གསང་བའི་ངེས་ལུང་གི །མན་ངག་ལུང་གིས་གཏན་ལ་དབབ། །ངེས་པའི་ཤེས་པ་མ་སྐྱེས་པར། །རྟོག་དབྱོད་བསམ་པས་གང་བཤད་ཀྱང་། །ངེས་[471][471.1]པའི་མན་ངག་ཐུགས་ཀྱི་ལུང་། །ངེས་པར་གཏན་ལ་ཕེབས་པ་མེད། །ཡེ་ཤེས་གསལ་བའི་ངོ་བོ་ལ། །ཡེ་ནས་རིག་པ་མཆོག་ཏུ་གསལ། །སངས་རྒྱས་ཀུན་གྱི་དགོངས་པའི་ལུང་། །ཡེ་ཤེས་འོད་གསལ་[471.2]མཆོག་གི་ལུང་། །སངས་རྒྱས་ཀུན་ཀྱང་འདི་ལ་གནས། །སྒྲིབ་བྲལ་ཕྱོགས་མེད་ཅི་ཡང་གསལ། །ཆོས་ཀུན་རྩ་བ་སེམས་ཀྱི་ལུང་། །འདི་ནི་རང་བྱུང་ལྷ་ཡི་ལྷ། །ཀུན་འདུས་མེ་ལོང་ཐབས་ཆེན་པོ། །སྙིང་པོའི་མདོ་[471.3]ཉིད་ཡིན་པར་བཤད། །ཐེག་པ་ཀུན་གྱི་རྩ་བ་ནི། །རྫོགས་ཆེན་བརྡལ་བ་ཉིད་ཡིན་ལ། །དེ་ཉིད་ཀློང་དགུར་འདུས་པ་ཡང་། །རྩ་བ་བྱང་ཆུབ་སེམས་སུ་འདུས། །ཀུན་གྱི་རྩ་བ་སེམས་འདི་ནི། །རང་གསལ་ངེས་པ་[471.4]གཅིག་གི་ངང་། །འདི་མེད་རྒྱལ་བ་མི་སྲིད་ལ། །ཐེག་པ་འབྱུང་བར་མི་སྲིད་དོ། །ཆོས་ཀུན་རང་གསལ་འདིར་འདུས་ལ། །སུ་ཞིག་མན་ངག་ངེས་པ་ཡིས། །དོན་འདི་གཏན་ལ་ཕེབས་པ་ཡིས། །ཆོས་ཀུན་གཏན་ལ་[471.5]ཕེབས་པ་ཡིན། །སངས་རྒྱས་ཀུན་གྱི་རྩ་བ་ནི། །རྡོ་རྗེ་སེམས་དཔའ་ཉིད་ཡིན་ནོ། །ས་དང་ལམ་གྱི་རྩ་བ་ནི། །འོད་གསལ་རིག་པ་མཆོག་གི་ས། །དོན་འདི་རྟོགས་པས་བགྲོད་མི་དགོས། །ས་འདི་ཐོབ་པས་སྦྱང་མི་[471.6]དགོས། །སངས་རྒྱས་ཀུན་དང་དེ་ཡི་སྲས། །ཀུན་ཀྱང་རྩ་བ་བྱང་ཆུབ་སེམས། །བཅོས་མེད་རིག་པའི་དོན་རྟོགས་ནས། །རང་གསལ་ཡེ་ཤེས་འོད་ལ་བཞུགས། །འགྲོ་ལྔ་ཁམས་གསུམ་རིས་དྲུག་དང་། །ཉོན་མོངས་[472][472.1]ལྔ་པོར་སྣང་བ་ཡང་། །རྩ་བ་རང་གསལ་བྱང་ཆུབ་སེམས། །རིག་པ་རང་གསལ་དོན་ལ་གནས། །མི་གཡོ་མི་རྟོག་ཅིར་མི་དགོངས། །འཇིག་རྟེན་འོད་ཀྱི་རྒྱལ་པོ་ལྟར། །ཀུན་གསལ་སྙིང་པོ་གཅིག་ལ་འདུས། །འོད་[472.2]གསལ་བདེ་བ་རྣམ་རྟོག་ལམ། །གསལ་དང་མི་གསལ་ཆོས་མི་གནས། །ཐ་སྙད་བྲལ་བའི་རིག་པར་གསལ། །རིན་ཆེན་འབར་བའི་གསེར་གླིང་ལྟར། །དེ་ལས་གཞན་པའི་ཆོས་མེད་ལ། །མིང་དང་དབྱིབས་དང་ཆེ་[472.3]ཆུང་དང་། །ལས་དང་བརྟགས་པ་ཐ་དད་དེ། །ངོ་བོ་གཅིག་ལ་གནས་པ་མེད། །གསེར་ལ་གསེར་དུ་མཐོང་བ་བཞིན། །རང་གསལ་རིག་པ་དེ་ལྟར་བལྟ། །གསེར་ལ་གཉིས་པ་མི་གནས་ལྟར། །རང་གསལ་དོན་ལ་[472.4]གཉིས་པ་མེད། །གསེར་གྱི་རང་བཞིན་མི་འགྱུར་ལྟར། །རང་གསལ་རྐྱེན་གྱིས་འགྱུར་བ་མིན། །རང་ལ་མི་བསམ་གསལ་བ་ལྟར། །མི་འཛིན་རང་གསལ་བསམ་བྲལ་ལུང་། །གདོད་ནས་མ་བཅོས་དག་པ་[472.5]ལྟར། །འོད་གསལ་རང་བཞིན་ཡེ་ནས་དག །ཅིར་ཡང་འགྱུར་ཞིང་སྣང་བ་ལྟར། །འོད་གསལ་རིག་པའི་ཁྱད་པར་ལ། །དབང་པོ་མོས་པའི་ཁྱད་པར་གྱིས། །ཇི་ལྟར་བལྟས་པ་དེ་ལྟར་སྣང་། །ཅི་ཡང་མ་ཡིན་སྙིང་པོ་[472.6]ནི། །རང་བྱུང་རིག་པའི་འཁོར་ལོ་ཅན། །སྒྲོ་སྐུར་ཐེ་ཚོམ་རྣམ་པར་གཅོད། །རིག་པ་ཡེ་ཤེས་རྐྱེན་དང་བྲལ། །རང་ལ་རང་གིས་གསལ་བར་སེམས། །ཀུན་གྱི་དགོངས་པའི་དོན་རྣམས་ཀུན། །རྩ་བ་བྱང་ཆུབ་སེམས་ལ་[473][473.1]འདུས། །ཞེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། ཀློང་དགུ་རྩ་བ་གཅིག་ཏུ་འདུས་པར་བསྟན་པའི་ལེའུ་སྟེ་ཉི་ཤུ་གཉིས་པའོ།། །།དེ་ནས་སེམས་དཔའ་རྡོ་[473.2]རྗེ་དམ་པ་དེས་འདི་སྐད་ཅེས་གསོལ་ཏོ། །དུས་གསུམ་རྒྱལ་བ་ཐམས་ཅད་ཀྱི། །ནམ་མཁའ་མཐའི་མཉམ་གསང་བའི་རྒྱུད། །རྡོ་རྗེ་སྙིང་པོའི་དོན་འདི་གང་། །གཏན་ལ་ཕབ་པ་བཤད་དུ་གསོལ། །ཞེས་གསོལ་[473.3]ཏོ། །དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ། །ཀྱེ་སེམས་དཔའ་ཆེན་པོ། །དུས་གསུམ་རྒྱལ་བའི་དགོངས་པའི་དོན། །ནམ་མཁའི་མཐའ་དང་མཉམ་པའི་རྒྱུད། །རྡོ་རྗེ་སྙིང་པོ་བླ་[473.4]ན་མེད། །མ་ནོར་ངེས་པར་གཏན་ལ་ཕབ། །རང་བཞིན་དགོངས་པའི་ཆོས་སྐུ་ཡང་། །མ་ནོར་གཏན་ལ་ཕབ་པའོ། །རང་བཞིན་ཕྱི་ནང་ཆོས་ཀྱི་དབྱིངས། །རྣམ་དག་འོད་གསལ་དཀྱིལ་འཁོར་ལ། །མ་བཅོས་རང་[473.5]གསལ་དགོངས་པ་མྲ །རང་གི་ངང་གིས་གཏན་ལ་དབབ། །བྱ་བྲལ་རྫོགས་ལུང་བསྟན་པ་ནི། །གཉིས་མེད་ཡེ་ཤེས་རྡོ་རྗེའི་ལུང་། །རང་གསལ་རིག་པའི་སྙིང་པོ་ནི། །རང་གིས་རང་ལ་གཏན་ལ་ཕབ། །ཆོས་[473.6]དབྱིངས་རིག་པའི་འོག་མིན་ཏེ། །རིག་པ་མཆོག་གི་གཞལ་ཡས་སུ། །སྟོན་པ་རྡོ་རྗེ་སེམས་དཔའ་ཡིས། །རང་གསལ་རིག་པའི་འཁོར་རྣམས་ལ། །རྡོ་རྗེ་འོད་གསལ་བདེ་བའི་ལུང་། །སྙིང་པོར་རང་གསལ་བ་་ཀྱི་[474][474.1]དོན། །སྒྲ་ཚིག་བྲལ་བའི་དགོངས་པ་ཡིས། །མ་ནོར་ངེས་པར་གཏན་ལ་ཕབ། །ཆོས་ཉིད་རྡོ་རྗེ་མཆོག་གི་སྒྲ། །མ་བརྗོད་རང་གསལ་རིག་པས་ཐོས། །བརྗོད་བྲལ་གསང་བའི་ངེས་དོན་འདི། །བརྗོད་པས་གཏན་ལ་[474.2]ཕེབས་མི་འགྱུར། །ཉི་མ་རང་གསལ་ཇི་བཞིན་དུ། །རང་ལ་དེ་བཞིན་ཉིད་དུ་སྟོན། །ཆོས་ཉིད་རྡོ་རྗེ་འཇིག་མཐའ་མེད། །མ་སྐྱེས་གདོད་ནས་དག་ཕྱིར་རོ། །སྙིང་པོ་དགོངས་པ་ཀུན་འདུས་པ། །རང་གསལ་ཉིད་དུ་[474.3]གཏན་ལ་ཕབ། །མ་བཅོས་དག་པའི་ཆོས་སྐུ་ནི། །རྡོ་རྗེ་ནམ་མཁའི་སྤྱོད་ཡུལ་ལ། །མ་ཡེངས་རྐྱེན་བྲལ་སྙིང་པོ་ཡིས། གསེར་ལ་གསེར་བཞིན་གཏན་ལ་ཕབ། །ཅིར་ཡང་མི་དགོངས་དེ་བཞིན་ཉིད། །གསལ་ལ་[474.4]དམིགས་བྲལ་དེ་ཁོ་ན། །ཆུ་ལ་ཆུ་ལྟར་དེ་བཞིན་ཉིད། །རིག་པ་རང་གནས་མཆོག་ཏུ་གནས། །རྣ་བརྒྱུད་རིག་པའི་པྲ་ཁྲིད་ཀྱིས། །རང་གསལ་ཡེ་ཤེས་གཏན་ལ་འབེབས། །བརྗོད་མེད་དོན་ལ་དེ་ཉིད་ཀྱི། །ལུང་དང་[474.5]མན་ངག་མཚོན་པའི་སྒོས། །ཡེ་ཤེས་གསང་བ་གཏན་ལ་ཕབ། །མ་ནོར་ངེས་པའི་དགོངས་པར་ག་ས། །ཇི་བཞིན་རིག་པའི་དཀྱིལ་འཁོར་ལ། །དེ་བཞིན་གསལ་བའི་བློ་ཡིས་འཇུག །འོད་གསལ་ཉམས་ཀྱི་སྙིང་[474.6]པོ་ནི། །བདེ་ལ་མི་རྟོག་གསལ་བའི་ངང་། །ཕྱོགས་བྲལ་ལྟ་བ་གཟའ་གཏད་མེད། །འཛིན་བྲལ་ཏིང་འཛིན་ཅིར་མི་དགོངས། །བསམ་དང་བྲལ་ལོ་འདུ་ཤེས་སྤངས། །གཅིགཏུགནས་ཀྱང་ཁྱབ་པར་གསལ། །རྣམ་[475][475.1]པར་མི་རྟོག་ས་ལེ་བ ས་ལེ་བར་ཡང་བསམ་དུ་མེད། །བདག་གཞན་མཚན་མས་མ་བཟུང་ཞིང་། །རྣམ་རྟོག་བྲལ་བའི་དབྱིངས་ལ་རྫོགས། །མ་བགྲོད་ས་ལ་དུས་གཅིག་གནས། །ཉི་མའི་སྙིང་པོ་[475.2]བཞིན་དུ་གནས། །མ་བཙལ་མ་བསྒྲུབས་ཇི་བཞིན་ཉིད། །རང་སེམས་རྒྱུན་བྲལ་རིག་པའི་མཆོག །དུས་མཐའ་ཤེས་རབ་ཅིག་ཆར་ལ། །ཆོས་ཀུན་གསལ་བར་རྟོགས་པའོ། །སྙིང་རྗེ་ཉི་མའི་འོད་དེ་ལྟར། །འགྲོ་བ་[475.3]ཀུན་ལ་སྙོམས་པའི་བདག །ནམ་མཁའི་མཐའ་ལ་ལོངས་སྤྱོད་པ། །ཐམས་ཅད་མཁྱེན་པའི་ཡེ་ཤེས་མཚོ། །གསང་བའི་རྒྱ་མཚོ་མཆོག་གི་གཏེར། །དམན་པའི་སྤྱོད་ཡུལ་མ་ཡིན་པའོ། །ཡེ་ཤེས་རྒྱ་མཚོའི་བློ་མངའ་[475.4]ཞིང་། །རྟོག་འཇོམས་ཡེ་ཤེས་རྡོ་རྗེའི་དབྱིངས། ཁུ་འབྲས་རང་གསལ་སྙིང་པོའི་མཆོག ཁེས་རབ་མཆོག་གི་སྤྱོད་ཡུལ་གྱིས། །ཡེ་ཤེས་རྫོགས་པའི་སྒོ་ཕྱེ་ནས། །དུས་གཅིག་ཡེ་ཤེས་འོད་དུ་འབར། །ཀུན་མཁྱེན་ཡེ་[475.5]ཤེས་སྙིང་པོ་ལ། །བལྟ་བའི་སྒྲིབ་པ་རྣམ་བསལ་ཞིང་། །འོད་འབར་ཐིག་ལ་མཆོག་གི་རྒྱན། །གདུལ་བའི་བསམ་པ་ཇི་བཞིན་དུ། །ཐུགས་རྗེ་ཆེན་པོའི་བྱིན་རླབས་ཀྱིས། །ཐབས་མཁས་སྤྱོད་པ་བསམ་མི་ཁྱབ། །དུས་[475.6]གཅིག་ཉིད་ལ་གསལ་བར་འཆར། །བྱ་བྲལ་རྫོགས་པའི་ལུང་ཉིད་དང་། །རང་གསལ་རིག་པ་མཆོག་གི་ཉམས། །རྣ་བརྒྱུད་སེམས་ཀྱི་མན་ངག་གིས། །མ་ནོར་ངེས་པར་གཏན་ལ་ཕབ། །རང་གསལ་ངང་དུ་གཏན་ལ་[476][476.1]ཕབ། །བདག་གཞན་མེད་པར་གཏན་ལ་ཕབ། །འགྱུར་མེད་ཀློང་དུ་གཏན་ལ་ཕབ། །ངེས་པ་མེད་པའི་ཐེག་པ་བརྒྱད། །འགྲོ་བ་དྲང་བའི་ཆེད་དུ་གསུངས། །དེ་ཡི་བསམ་པ་འདྲེན་པའི་ཕྱིར། །དྲང་བའི་ལུང་ཞེས་[476.2]བཤད་པ་ཡིན། །བསམ་དང་མོས་པའི་ཁྱད་པར་གྱིས། །ཐེག་པའི་ཁྱད་པར་དེ་ལྟར་བསྟན། །འགྲོ་བའི་འདུལ་ཆད་མ་གཏོགས་པ། །ངེས་པར་དགོངས་པ་གཅིག་ལས་མེད། །རང་དབང་སེམས་ལ་མི་གནས་[476.3]ན། །སྤྱོད་དང་རྩོལ་བའི་ཁྱད་པར་གྱིས། །རང་རིག་དོན་ལ་ཅིར་བཙལ་ཡང་། །ཡེ་ཤེས་མཆོག་གི་དོན་དང་འགལ། །ངེས་པའི་ཤེས་པ་མ་སྐྱེས་ན། །དྲན་དང་རྟོག་པ་ཅིར་བསྒོམ་པ། །གང་བསྒོམ་དེ་ཉིད་རྟོག་འགྱུར་[476.4]ཞིང་། །མ་བསྒོམས་པས་ཀྱང་འགྲུབ་མི་འགྱུར། །འདི་ཀུན་ལོང་བའི་སྤྱོད་ཡུལ་ཏེ། །འཇིག་རྟེན་ལོག་པའི་ཤེས་པ་ཡིས། །འོད་གསལ་རིག་པ་ཉིད་བསྒོམས་ཀྱང་། །འགྲུབ་པར་མི་འགྱུར་ཚི་ཆད་འགྱུར། །རྒྱལ་བའི་[476.5]དགོངས་པ་ཇི་བཞིན་པ། །དེ་ཉིད་མ་བཅོས་ཆོས་དབྱིངས་དོན། །ངེས་པར་རྣལ་དུ་གང་སྟོན་པ། །ངེས་པའི་དོན་དུ་གསུངས་པ་ཡིན། །སངས་རྒྱས་རྣམས་ལ་བཅོས་མེད་དེ། །གང་ཞིག་བཅོས་མ་དྲང་བའི་[476.6]ལུང་། །བཅོས་མེད་ཡེ་ཤེས་སྙིང་པོ་ནི། །ངེས་པ་མཆོག་གི་ལུང་དུ་འདོད། །གངཞིགརྩོལབའིཆོས་རྣམས་ནི། །འགྲོ་བའི་སྤྱོད་པ་དྲང་བའི་ལུང་། །རྩོལ་མེད་ངེས་པར་སྟོན་པ་ནི། །རྒྱལ་བའི་དགོངས་པའི་ངེས་ལུང་[477][477.1]པས། །ཇི་བཞིན་མ་བཅོས་དགོངས་པའི་ཚིག །ངེས་པས་ངེས་པ་ཞེས་སུ་བཤད། །ཅེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། ཆོས་ཐམས་ཅད་རྡོ་རྗེ་སྙིང་པོ་མཆོག་ཏུ་[477.2]གཏན་ལ་ཕབ་པའི་ལེའུ་སྟེ་ཉི་ཤུ་གསུམ་པའོ།། །།དེ་ནས་སེམས་དཔའ་རྡོ་རྗེ་དམ་པ་དེས་འདི་སྐད་ཅེས་གསོལ་ཏོ། །དུས་གསུམ་སངས་རྒྱས་ཀུན་གྱི་ཐུགས། །གསང་བ་ཡང་གསང་རྨད་དུ་བྱུང་། །ནམ་[477.3]མཁའི་མཐའ་དང་མཉམ་སྦྱོར་བའི། །མཚན་གྱི་རྣམ་གྲངས་བཤད་དུ་གསོལ། །ཞེས་གསོལ་ཏོ། །དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ། །ཀྱེ་སེམས་དཔའ་ཆེན་པོ། །སངས་[477.4]རྒྱས་ཀུན་དང་མཉམ་སྦྱོར་བའི། །གསང་བའི་ཡང་གསང་བྱང་ཆུབ་སེམས། །ཇི་བཞིན་རིག་པ་མཆོག་གི་གཏེར། །མ་བཅོས་བྱང་ཆུབ་སེམས་ཀྱི་ལུང་། །སྤྲོས་བྲལ་རིག་པ་མཆོག་གི་གསུང་། །སྐྱེ་དང་འགག་མེད་ཡེ་[477.5]ཤེས་ཀློང་། །སྤྲོས་མེད་བྱིན་རླབས་ཕྱོགས་བཅུར་བརྡལ། །རང་གསལ་ཆོས་ཉིད་དག་པའི་མཁའ། །གཉིས་མེད་ཀློང་དུ་ཡེ་སངས་རྒྱས། །ཆོས་སྐུ་ཡེ་ཤེས་འོད་དཔག་མེད། །ཐིག་ལེ་འོད་འབར་རིག་པའི་[477.6]ཀློང་། །བསྟན་པའི་རྩ་བ་སེམས་ཉིད་དང་། །བསྟན་པའི་ཡང་རྩེ་དོན་གྱི་མཆོག །ནམ་མཁའི་མཐའ་དང་མཉམ་པའི་རྒྱུད། །གསང་བ་ཀུན་འདུས་རིག་པའི་གཏེར། །ཡི་གེ་མེད་པ་མཆོག་གི་ལུང་། །ཀུན་འདུས་རིག་[478][478.1]པ་མཆོག་གི་རྒྱུད། ཁུ་བྱུག་ཀློང་དགུ་བསྟན་པའི་མཆོག །ཡེ་ཤེས་གསང་རྫོགས་མཉམ་པའི་གཏེར། །ཐེག་པའི་རྣམ་གྲངས་ཇི་སྙེད་པ། །རྫོགས་ཆེན་ཐེག་པ་འདིར་འདུས་ཏེ། །རྩ་བ་བྱང་ཆུབ་སེམས་ཡིན་པས། །ཆོས་[478.2]ཀུན་རྩ་བ་ཞེས་སུ་བརྗོད། །ཟིལ་གནོན་ལྷག་པར་འཕགས་པ་དང་། །འདིར་འདུས་ཀུན་གྱི་ཏོག་ཡིན་པས། །མ་བཅོས་བྱང་ཆུབ་སེམས་ཉིད་ནི། །བསྟན་པའི་ཡང་རྩེ་ཡིན་པར་བཤད། །འདས་དང་མ་བྱོན་དུས་[478.3]གསུམ་གྱིས། །རྒྱལ་བའི་དཀྱིལ་འཁོར་མ་ལུས་པ། །དགོངས་པ་རང་གསལ་འདི་ཡིན་པས། །དོན་གྱི་མཆོག་ཅེས་ངེས་པར་བཤད། །འདི་ལ་མཐའ་དང་དབུས་མེད་ཅིང་། །སྒྲོ་སྐུར་བརྗོད་བསམ་དག་པ་[478.4]དང་། །བསམ་གྱིས་མི་ཁྱབ་པ་ཡི་ཕྱིར། །ནམ་མཁའི་མཐའ་དང་མཉམ་པའི་རྒྱུད། །ཆོས་ཀུན་བྱང་ཆུབ་སེམས་ཉིད་ལས། །སངས་རྒྱས་སེམས་ཅན་ཀུན་གྱི་གསང་། །རིག་པ་སེམས་ལ་ཀུན་འདུས་ཕྱིར། །གསང་བ་[478.5]ཀུན་འདུས་རིག་པའི་གཏེར། །འདི་ལ་ཚིག་དང་ཡི་གེ་དང་། །བརྡ་དང་མཚན་མ་ཐ་སྙད་ཀྱིས། །རང་གསལ་མཚོན་དུ་མེད་པའི་རྒྱུད། །ཡི་གེ་མེད་པའི་རྒྱུད་ཅེས་བྱ། །ཐམས་ཅད་ཡེ་ནས་ཆོས་དབྱིངས་ལ། །ཆེ་ཆུང་[478.6]བཟང་ངན་བླང་དོར་དག །ཡེ་ནས་གཉིས་མེད་གཅིག་པས་ན། །ཀུན་བཟང་རིགཔམཆོགགིརྒྱུད། །ཆོས་ཀུན་རྩ་བ་ཀློང་དགུར་འདུས། །ཀློང་དགུ་རྩ་བསེམསསུགཅིག །འབྱུང་དང་རྟོགས་པར་དཀའ་པའི་ཕྱིར།[479][479.1]ཁུ་བྱུག་ཀུན་བཟང་ཀློང་དགུའི་རྒྱུད། །ཡེ་ནས་ཡེ་ཤེས་རང་གསལ་ཡང་། །རྣམ་རྟོག་ཕྲ་རགས་བསམ་ཡས་པས། །བསྒྲིབས་པས་གསལ་བར་མ་མཐོང་བས། །ཡེ་ཤེས་གསང་བ་མཆོག་གི་རྒྱུད། །ཕྱི་[479.2]ནང་སངས་རྒྱས་སེམས་ཅན་དང་། །བདག་གཞན་བདེ་སྡུག་ཟད་པར་ནི། །ཡེ་ཤེས་རང་གསལ་ལ་རྫོགས་པས། །ཡེ་ཤེས་རྫོགས་པའི་རྒྱུད་ཅེས་བྱ། །དུས་གསུམ་རྒྱལ་བའི་དགོངས་པ་ནི། །རྡོ་རྗེ་སྙིང་པོ་འོད་གསལ་[479.3]ཏེ། །མ་ནོར་གཏན་ལ་ཕབ་པས་ན། །རྡོ་རྗེ་སྙིང་པོ་གསང་བའི་རྒྱུད། །འདི་ནི་གསང་བ་རྨད་བྱུང་བའི། །འདི་ནི་གསང་བ་རབ་གསང་བ། །དོན་དང་འབྲེལ་པའི་མཚན་དུ་བཤད། །ཅེས་གསུངས་སོ། །ནམ་མཁའི་[479.4]མཐའ་དང་མཉམ་པའི་རྒྱུད་ཆེན་པོ་ལས། མཚན་གྱི་རྣམ་གྲངས་བསྟན་པའི་ལེའུ་སྟེ་ཉི་ཤུ་བཞི་པའོ།། །།དེ་ནས་སེམས་དཔའ་རྡོ་རྗེ་དམ་པས་འདི་སྐད་ཅེས་གསོལ་ཏོ། །ཡེ་ཤེས་རང་གསལ་ངོ་བོ་[479.5]ལ། །གཉིས་པའི་ཆོས་དང་རྣམ་བྲལ་ཡང་། །རྟོགས་དང་མ་རྟོགས་ཁྱད་པར་གྱིས། །འཇུག་ཚུལ་རིམ་པར་བཤད་དུ་གསོལ། །ཞེས་གསུངས་སོ། །དེ་ནས་ཡང་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་[479.6]གསུངས་སོ། །ཀྱེ་སེམས་དཔའ་ཆེན་པོ། །རང་སྣང་ཡེ་ཤེས་གསལ་བ་ལ། །རྣམ་རྟོག་སྒྲིབ་པའི་ཆོས་མི་གནས། །གདོད་ནས་དག་པའི་ཡེ་ཤེས་ནི། །ནམ་མཁའ་གསལ་བའི་འོད་དང་མཚུངས། །འདོད་པ་ཀུན་འབྱུང་[480][480.1]རིན་པོ་ཆེ། །ཆགས་མེད་པདྨ་ལྟ་བུའི་ངང་། །རང་བྱུང་རང་གསལ་རང་ལ་རྫོགས། །རྡོ་རྗེ་སེམས་དཔའ་གསང་བའི་མཆོག །ཀུན་འབྱུང་ཆགས་པ་ཆེན་པོའི་མཆོག །ཟབ་མོ་བརྟག་དཀའ་རྒྱ་ཆེན་ཉིད། །དམིགས་བྲལ་[480.2]མཁའ་མཉམ་རྒྱས་པའི་མཆོག །འོད་གསལ་བདེ་མཆོག་རང་གསལ་ལུང་། །འདི་ནི་ནམ་མཁའི་མཐའ་མཉམ་ལུང་། །རང་གསལ་རིག་པ་མངོན་རྟོགས་པས། །བཅོས་བྲལ་རིག་པ་གསལ་བའི་ངང་། །ཆོས་སྐུ་འོད་[480.3]འབར་དུས་གཅིག་གསལ། །བདེ་མཆོག་རོ་ལ་དུས་གཅིག་བཞུགས། །འོད་གསལ་རིག་པའི་གདེང་ལྡན་ན། །རང་གསལ་མ་ཡིན་ཆོས་མི་གནས། །རང་བྱུང་འོད་ལྔ་རྟག་ཏུ་འབར། །ཡེ་ཤེས་འབར་བ་མཆོག་གི་[480.4]གནས། །དུས་གཅིག་རིག་པ་རང་གསལ་ན། །རིམ་སྐྱེའི་ཤེས་པ་ནོར་བའི་ལམ། །གསལ་ལ་མི་མངོན་ཆོས་དབྱིངས་ནི། །ཐམས་ཅད་ཀུན་ལ་ཁྱབ་པར་གནས། །རྟོག་པས་མ་བཅོས་བླ་མའི་ས། །འཁོར་བ་ཉིད་ན་ཡེ་[480.5]སངས་རྒྱས། །མ་བཅོས་ས་ལ་དུས་གཅིག་ཕྱིན། །འོད་གསལ་ཀླུང་ལ་རྟག་བཞུགས་ཀྱང་། །འགྲོ་བའི་དོན་ལ་ཕྱོག་རིས་མེད། ཁམས་གསུམ་འཁོར་བའི་བཙོན་ར་ཡང་། །རིག་པ་རང་གསལ་ཆེན་པོར་བལྟ། །དུག་[480.6]ལྔ་བརྩེགས་པའི་རི་བོ་ཡང་། །རང་གསལ་ཡེ་ཤེས་ལྔ་རུ་འབར། །ཐམས་ཅད་ཡེ་ཤེས་གསལ་བ་ལ། །གཉིས་པའི་རྟོག་པ་གདོད་ནས་སྟོང་། །གང་ཞིག་འོད་གསལ་ཆེན་པོ་ལ། །རིག་པ་སེམས་དང་མི་ལྡན་ན། །[481][481.1]༄༅ བཙལ་བའི་རྣམ་གྲངས་ཅི་སྤྱད་ཀྱང་། །བྱས་ན་འཆིང་བ་ཆེན་པོར་འགྱུར། །དམ་ཚིག་མི་བསྲུང་ཐ་མལ་སེམས། །འཇིག་རྟེན་གྲགས་པ་གཙོར་ལེན་པས། །རང་བྱུང་རིག་པའི་སེམས་དང་བྲལ། །མུན་[481.2]གྱུར་བདེན་པའི་དོན་ལས་ཉམས། །ཇི་ལྟར་བཙལ་བ་དེ་ཉིད་འཁྲུལ། །གང་ལྟར་བལྟས་པ་དེ་ཉད་ནོར། །ལྟ་ལོག་སྤྱོད་རྩིར་མུ་སྟེགས་པ། །ཤི་ནས་དམྱལ་བ་ཆེན་པོར་འགྲོ །ཐར་པའི་སྐབས་དང་བྲལ་ནས་[481.3]ཀྱང་། །ཐེག་ཆེན་གསང་བའི་རིགས་དང་བྲལ། །ཡང་དག་གསང་བའི་དོན་རྟོགས་ན། །ཅི་སྤྱད་ཡེ་ཤེས་འོད་དུ་འབར། །ཐམས་ཅད་གསལ་བའི་མེ་ལོང་པས། །ཡེ་ཤེས་རང་གསལ་འོད་དུ་འབར། །ཞེས་གསུངས་[481.4]སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། །གདམས་ངག་ཕོག་པའི་ལེའུ་སྟེ་ཉི་ཤུ་རྩ་ལྔ་པའོ།། །།དེ་ནས་ཡང་སེམས་དཔའ་རྡོ་རྗེ་དམ་པས་འདི་སྐད་ཅེས་གསོལ་ཏོ། །སངས་རྒྱས་ཀུན་གྱི་[481.5]གསང་བའི་གཏེར། །དུས་གསུམ་རྒྱལ་བའི་དགོངས་པའི་ལུང་། །གང་ཟག་དམ་པ་གང་ལྟར་བརྟགས། །མགོན་པོ་ཆེན་པོས་བཤད་དུ་གསོལ། །ཞེས་གསོལ་ཏོ། །དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་[481.6]འདི་སྐད་ཅེས་གསུངས་སོ། །ཀྱེ་སེམས་དཔའ་ཆེན་པོ། །རྡོ་རྗེ་ཐེག་པ་བཤད་དང་ཉན། །སྐྱོན་དང་ཡོན་ཏན་རིམ་པ་ནི། །རྡོ་རྗེ་བླ་མ་མན་ངག་ཅན། །རིག་པ་གསང་བའི་མཛོད་འཛིན་ཅིང་། །རང་གསལ་ལུང་གི་དོན་[482][482.1]མས། ཁྲེས་རིག་ཡེ་ཤེས་ཉིད་དུ་གསལ། །རྣ་བརྒྱུད་མན་ངག་ལྡན་པ་དང་། །རིག་པ་མཛོད་ཀྱི་ཉམས་དང་ལྡན། །ཡེ་ཤེས་འཁོར་ལོ་བསྐོར་ཞིང་འབེབས། །རྒྱལ་ཐབས་དབང་ཐོབ་མན་ངག་ལྡན། །སྤྱོད་པ་མ་[482.2]་་ཀླུང་དུ་ཞུགས། །ཐུགས་རྗེས་འགྲོ་བ་སྒྲོལ་ལ་བརྩོན། །ཆོས་ལ་ཕྱོགས་རིས་མི་མངའ་ཞིང་། །གསང་བའི་མན་ངག་འཚོ་མཁས་ཏེ། །ཐེག་པའི་བྱེ་བྲག་མ་རྨོངས་པས། །ལྟ་བའི་ཆེ་བ་རྟོགས་པར་ལྡན། །ཚིག་[482.3]ཀུ་དོན་ཀུན་རྟོགས་པའི་བློ། ་ས་རབ་ཆེན་པོ་འོད་འབར་བས། །བག་ཆགས་ཕུང་པོ་སྲེག་བྱེད་པ། །རྡོ་རྗེ་བླ་མར་ཡིན་པར་བརྟག །དྲེགས་དང་སྙིང་རྗེ་ཆུང་བ་དང་། །རྣ་བརྒྱུད་གདམས་ངག་མི་ལྡན་[482.4]།ཐོས་ཆུང་ཁེ་གྲགས་བཅུད་འཛག་ཅིང་། །དབང་ལུང་མན་ངག་མི་ལྡན་པ། །ཕོངས་པས་ཕོངས་པར་གྱུར་ནས་ནི། །མན་ངག་དམ་པས་ཕོངས་པར་འགྱུར། །དད་པས་ལུས་སྲོག་མི་བལྟ་ཞིང་། །རྡོ་རྗེ་བླ་མ་གུས་[482.5]ཁུར། །མན་ངག་གསང་བ་གཞུང་ལྡན་པས། །གསང་བ་སྤེལ་བར་མི་བྱེད་ཅིང་། །རང་གསལ་རིག་པའི་དོན་ལ་དགའ། །བསྐལ་པར་མི་འགྱུར་སྤུན་ལ་སེམས། །སྙིང་རྗེ་དམ་ཚིག་ལྡན་པ་དང་། །བརྩོན་འགྲུས་[482.6]རབ་ལྡན་པ་ཡིས། །རྒྱལ་ཚབ་ངེས་པ་གཅིག་ལ་གཏད། །བླ་མ་གཞུང་ལྡན་མཁས་པ་ཡིས། །སྣོད་ལྡན་རྒྱལ་སྲས་དེ་དག་ལ། །རང་གསལ་ཡེ་ཤེས་དོན་བཤད་ན། །སྐད་ཅིག་ཉིད་ལ་རྫོགས་སངས་རྒྱས། །དད་[483][483.1]མེད་ཆགས་པ་ཆེ་བ་དང་། །སེར་སྣ་རང་ཆེ་ཕྱོགས་བལྟ་ཞིང་། །འཇིག་རྟེན་གྲགས་པ་གཉེར་བ་དང་། །དམ་མེད་བརྩོན་འགྲུས་ཆུང་བ་དང་། །ཡེ་ནས་བློ་འཕང་དམའ་བ་དང་། །འཇིག་རྟེན་བྱ་བའི་[483.2]རྒྱུར་སྒྲུབ་དང་། །ཐེག་པ་དམན་པར་ཞུགས་པ་དང་། །ཆོས་ལ་ཕྱོགས་རིས་ངོམས་སྐྱེན་དང་། །རྡོ་རྗེ་བླ་མ་བསླུ་བ་དང་། །ངེས་པའི་དོན་ལ་སྐུར་འདེབས་པ། །འདི་ལ་གསང་བའི་སྒོ་ཕྱེ་ནས། །ནོར་བུ་རིན་ཆེན་གང་[483.3]གཏོད་པ། །རྡོ་རྗེ་དམྱལ་བར་སྐྱེ་བར་ངེས། །གལ་ཏེ་ཐར་ཞིང་སེམས་སྐྱེས་ན། །གསང་བའི་དོན་དང་ཕྲད་མི་འགྱུར། །རྡོ་རྗེ་བླ་མ་སྨོད་པ་ནི། །དུས་གསུམ་རྒྱལ་བ་སྨད་པའི་མཐུས། །བདུན་རྒྱུད་ཚུན་ཆད་བརླག་[483.4]འགྱུར་ནས། །རྡོ་རྗེ་འབར་བའི་ནང་དུ་སྐྱེ། །གལ་ཏེ་དམ་པར་འཇུག་འདོན་ན། །སྐྱབས་ཀྱི་དམ་པ་རྙེད་མི་འགྱུར། །གང་ཞིག་གསང་བའི་གསུང་མཆོག་ལ། །གང་ཞིག་སྤངས་ཤིང་སྐུར་བཏབ་པས། །རྒྱལ་བའི་[483.5]གསུང་མཆོག་སྤངས་པ་ཡིན། །ཐར་པའི་སེམས་དང་གཏན་དུ་བྲལ། །ཞེས་གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། གང་ཟག་བརྟག་པའི་ལེའུ་སྟེ་ཉི་ཤུ་དྲུག་པའོ།། །།དེ་ནས་[483.6]སེམས་དཔའ་རྡོ་རྗེ་དམ་པ་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དུས་གསུམ་རྒྱལ་བའི་སྐུ་གསུང་ཐུགས། །གསང་མཛོད་ཐུགས་ཀྱི་མེ་ལོང་འདི། །བསྟན་དང་བཤད་དང་བཀླག་པ་ཡི། །ཡོན་ཏན་རྒྱ་[484][484.1]ཆེར་བཤད་དུ་གསོལ། །ཞེས་ཞུས་སོ། །དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ། །ཀྱེ་སེམས་དཔའ་ཆེན་པོ། །དུས་གསུམ་རྒྱལ་བའི་གཏེར་གྱི་དབྱིག །ནམ་མཁའི་མཐའ་དང་[484.2]མཉམ་པའི་རྒྱུད། །གསང་བའི་ཡང་སྙིང་བསྟན་པའི་བཅུད། །སངས་རྒྱས་ཀུན་གྱི་དགོངས་པའི་ལུང་། །ངེས་པར་གཅིག་ཏུ་བསྟན་པའི་རྒྱུད། །སྐུ་གསུང་ནམ་མཁའི་མཐའ་མཉམ་པ། །སྤྲོས་བྲལ་བསྟན་པ་ཅིར་མི་[484.3]དགོངས། །ཐེག་པའི་ཡང་རྩེ་ཀུན་གྱི་འགྲེལ། །ལུང་གསུམ་མན་ངག་ཀུན་གྱི་བཅུད། །རིན་ཆེན་ཕུང་པོ་ཟད་མི་ཤེས། །ཟག་མེད་ཡེ་ཤེས་བདེ་ཆེན་ཀློང་། །རྟག་པ་ཡེ་ཤེས་འཁོར་ལོ་ཅན། །རབ་ཏུ་གསང་བ་རྟོགས་[484.4]དཀའ་ཞིང་། །དམན་པའི་སྤྱོད་ཡུལ་མ་ཡིན་པ། །རང་གསལ་རང་གི་ཡེ་ཤེས་མཛོད། །རང་བྱུང་རིག་པའི་འོད་ལ་ཞུགས། །བདེ་ཆེན་ཁྱབ་པའི་ངོ་བོ་ནི། །ནམ་མཁར་འཛིན་པའི་སེམས་དང་བྲལ། །འདི་ལ་མོས་པའི་[484.5]གང་ཟག་ནི། །སངས་རྒྱས་ས་ལ་སྐལ་པ་མཉམ། །རྡོ་རྗེ་སེམས་དཔའ་བཅོམ་ལྡན་འདས། །རང་གསལ་ཁྱབ་པའི་འོད་མངའ་ཞིང་། །རིག་པ་གསལ་བའི་དབྱིངས་ལ་གནས། །འཁོར་བ་སངས་རྒྱས་དུས་གཅིག་[484.6]གསལ། །རིག་པ་ཡེ་ཤེས་གསང་བར་སྣང་། །འགྲོ་དྲུག་ཡེ་ཤེས་སྙིང་པོར་གསལ། །དངོས་པོ་ཐམས་ཅད་གསལ་བར་རྟོགས། །བསྟན་པའི་སྙིང་པོ་གང་འཆར་བ། །རྒྱལ་བའི་སྐུ་གསུང་ཐུགས་འཆང་བ། །དེ་བཞིན་[485][485.1]མ་ནོར་རིག་པས་འཛིན། །ཡེ་ཤེས་ཉི་མའི་འོད་ལྟར་སྙོམས། །ཐུགས་རྗེས་འགྲོ་བའི་དཔལ་དུ་ཤར། །བདུད་དང་བགེགས་ཀྱིས་མི་ཚུགས་ཤིང་། །རིག་པའི་དཀྱིལ་འཁོར་ཉིད་དུ་འཆར། །ཀློག་དང་[485.2]འབྲི་དང་འཛིན་པ་ལ། །ཀུན་ཀྱང་བུ་བཞིན་སྐྱོང་བར་བྱེད། །དེ་ཕྱིར་བསྟན་པའི་ཡང་སྙིང་འདི། །རིགས་ངེས་རྒྱལ་ཚབ་གཅིག་ལ་གཏད། །བྲག་དང་ཆུ་གཏིང་སྦ་བྱ་སྟེ། །སྲོག་དང་བྲལ་བའི་ཁ་བཞིན་བསྡམ། །ཞེས་[485.3]གསུངས་སོ། །ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། རྒྱུད་གཟུང་བའི་ལེའུ་སྟེ་ཉི་ཤུ་རྩ་བདུན་པའོ།། །།རྒྱུད་ཀྱི་རྒྱལ་པོ་ཆེན་པོ་རྡོ་རྗེ་སེམས་དཔའ་ནམ་མཁའི་མཐའ་དང་མཉམ་པར་སྦྱོར་བ་[485.4]ཞེས་བྱ་བ་བྱང་ཆུབ་ཀྱི་སེམས་རྫོགས་པ་ཆེན་པོའི་རྒྱུད་རྫོགས་སོ།། །།རྒྱ་གར་གྱི་མཁན་པོ་ཤི་སིདྷ་དང་། བོད་ཀྱི་ལོསྣོ་བ་དགེ་སློང་བི་རོ་ཙ་ནས་དྷ་ཧེ་ནའི་འདུ་ཁང་དུ་བསྒྱུར་བའོ།། བརའདིན་སྙིངཔོབདེབགོཔོ[485.5]སྤུགྲིཔདྨརལགྲི་བོརལོའིརྒྱུདལཛུད།།

Ngb-pt-0097-vol-01-text

Front

Body

Navigation menu

Ngb-pt-0097-vol-01-text

Front

Body

Navigation menu

Search