Ngb-pt-0076-vol-01-text

BASIC METADATA
Title of Text
Title on Cover
Cover Title San
Cover Title San in Tib
Cover Title San in Lanydza
Title on Spine
Margin Title
Author of Text
Name of Collection (if applicable)
PUBLISHING
Publisher Name
Publisher Place
Publisher Date
IDs
ISBN (if applicable)
Library Call-number (if applicable)
Other ID number (if applicable)
Volume Letter (if applicable)
Volume Number (if applicable)
Pagination of Text
Pages Represented in this file
CREATION
Name of Agent Creating Etext
Date Process Begun
Date Process Finished
Place of Process
Method of Process (OCR, input)
PROOFING
Name of Proofreader
Date Proof Began
Date Proof Finished
Place of Proof
MARKUP
Name of Markup-er
Date Markup Began
Date Markup Finished
Place of Markup
CONVERSION
Name of Converter
Date Conversion Began
Date Conversion Finished
Place of Conversion
PROBLEMS

Body

[441][441.2]བོ།། །། རྒྱ་གར་སྐད་དུ། མ་ཧྭ་སརྙི་ཏི་ལ་ག་གུ་རྒྱ་ཏི་ཏྭ་ནི་ཡ་མ་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་ཐིག་ལེ་གསང་བ་དེ་ཁོ་ན་ཉིད་ངེས་པའི་རྒྱུད་ཅེས་བྱ་བ། བཅོམ་ལྡན་འདས་[441.3]དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། དབྱིངས་རྣམ་པར་དག་པའི་ཐིག་ལེའི་ཀློང་། རང་བཞིན་རྣམ་པར་དག་པའི་ཕོ་བྲང་ན། བཅོམ་ལྡན་འདས་རྡོ་རྗེ་སེམས་[441.4]དཔའ་ཉིད། ཡེ་ཇི་བཞིན་པ་ཡི་རྡོ་རྗེ་འཆང་ཆེན་པོ་དང་། རྒྱུད་དག་པའི་རྡོ་རྗེ་འཆང་ཆེན་པོར་རྫོགས་པས། ནོར་བུ་རིན་པོ་ཆེ་ཉི་མའི་སྙིང་པོར་གྱུར་པའོ། །དེ་ཉིད་ལས་མི་གཞན་པའི་དབང་གི་ཆུ་བོ་དང་། ཐུགས་རྗེ་[441.5]རང་བྱུང་དབང་གི་ཆུ་བོ་དང་། ཡེ་ཤེས་རྣམ་ལྔ་དབང་གི་ཆུ་བོ་དང་། དཔའ་བོ་འབྲུ་ལྔ་དབང་གི་ཆུ་བོ་བཞིས། རིག་པའི་རྩལ་དབང་རྫོགས་པའི་རང་སྣང་གི་འཁོར་དམ་པའི་དཔལ་བཞི་དང་། མཁའ་འགྲོ་མ་ལྔ་བྱང་[441.6]ཆུབ་སེམས་དཔའ་གསུམ་དང་། སྤྲུལ་པ་བདུན་དང་། དེའི་ཚེ་ཐབས་ཅིག་ཏུ་བཞུགས་སོ། །དེ་ནས་ལག་ན་རྡོ་རྗེ་གདན་ལས་བཞེངས་ཏེ་འདི་སྐད་གསོལ་པ། ཐིག་ལེ་ཉག་གཅིགམཚོནཔཡི། །གཞིལམ་འབྲས་བུ་[442][442.1]དྲེ་མེད་པ། །སྐུ་གསུམ་ཡེ་ཤེས་ལྔ་ལྡན་ཏེ། །རྣམ་གྲངས་རིམ་པ་གསུང་དུ་གསོལ། །ཞེས་ཞུཁུ་སོ། །དེ་ནས་བཅོམ་ལྡན་འདས་ཀྱིས། སྤྱི་དོན་ཡོངས་སུ་སྡུད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་[442.2]གསུངས་སོ། །རིག་པ་འཛིན་པ་ཀུན་ཉོན་ཅིག །ཐིག་ལེ་གསང་བའི་ལམ་མཆོག་ནི། །བགྲོད་མེད་རྟོགས་པ་རྡོ་རྗེའི་ལམ། །ཡེ་ཤེས་སྟོང་ཉིད་རང་སྣང་འདི། །ཡེ་ནས་གནས་པའི་གནས་ཚུལ་དང་། །མ་རྟོགས་འཁྲུལ་[442.3]པའི་ཞབྲུལ་ཚུལ་དང་། །འཁྲུལ་པ་ལོག་པའི་གྲོལ་ཚུལ་གྱིས། །རྣལ་འབྱོར་དབང་ཕྱུག་ཆེན་པོར་འགྱུར། །བསྐལ་པ་དང་པོ་ཐོག་མ་ན། །སངས་རྒྱས་འོད་དུ་མི་འགྱུར་བཞུགས། །ངོ་བོ་ཉིད་ཀྱི་སྣང་བ་ལ། །ངོ་བོ་ཉིད་[442.4]ཀྱི་སྐུ་ཤར་བ། །ནམ་མཁའ་དང་ནི་ཉི་མ་བཞིན། །ས་བོན་གཞི་ལ་རྫོགས་པའི་དུས། །མ་ཆད་པ་ཡི་ཡུལ་ཅན་ན། །སྙིང་པོ་བཅུད་དུ་དྲིལ་བར་གནས། །མ་བྱོན་སྔོན་རོལ་འདས་པའི་དུས། །གཞི་སྣང་ཆེན་པོའི་གནས་[442.5]ལུགས་ཡིན། །ཆོས་ཉིད་ཡུལ་གྱི་ཞབྲུལ་གཞི་དང་། །འོད་ལྔ་ལུས་ཀྱི་ཞབྲུལ་གཞི་དང་། །རིག་པ་སེམས་ཀྱི་འཁྲུལ་གཞི་དང་། །གནས་དང་དབུས་ལ་རྟོག་བྱས་ནས། །མ་རིག་ལྷན་ཅིག་སྐྱེས་པས་བསྒྲིབས། །ཀུན་[442.6]བརྟགས་མ་རིག་པ་ཡིས་བསླད། ཁུ་ཡི་རྐྱེན་དང་བདག་པོའི་རྐྱེན། །དམིགས་པའི་རྐྱེན་དང་མཚུངས་པའི་རྐྱེན། །དྲན་བྱེད་ཀུན་ཏུ་ཚོལ་བའི་ཡིད། །ངེས་པར་འཇོག་དང་གཏན་ལ་འབེབས། །ཆོས་ཉིད་འབྱུང་བ་[443][443.1]དངས་སྙིགས་འབྱེད། །སྙིགས་མ་ལྔ་ལས་སྣོད་དུ་ཆགས། །དངས་མ་ཤེས་པས་མ་བཟུང་བབ། །མཆོག་ཏུ་སྲིད་པའི་སྒོ་ང་གཉིས། །མེ་ཏོག་ཨུ་དུམ་ཝ་རར་འཁྲུངས། །སེམས་ཅན་སངས་རྒྱས་སྐྱེ་བའི་[443.2]རྟེན། །བར་གྱི་བསྐལ་པར་བྱུང་བ་ལ། །ཡེ་ཤེས་སྣང་བ་ནང་དུ་ནུབ། །འཁྲུལ་པའི་སྣང་བ་མ་ཤར་ཏེ། །རང་སོར་གནས་པས་ཡིད་བསྐྱོད་པ། །གཞི་འཕགས་འབྲས་བུ་མ་སྨིན་དུས། །སངས་རྒྱས་ཡེ་ཤེས་སྙིང་པོ་[443.3]ཅན། །རྒྱུ་ལས་མྱུ་གུ་ཤར་བ་ནི། །མི་གསལ་གསལ་བའི་བདག་ཉིད་ཅན། །འཁོར་འདས་སྤྱི་མདུད་མ་ཁྲོལ་བས། །ཐབས་དང་ཤེས་རབ་སྦྱོར་བ་གསུམ། །སྦྱན་གྱིས་གཟིགས་ནས་ཐུགས་ཀྱིས་མཁྱེན། །ཞལ་གྱི་མེ་[443.4]སྟག་དཀར་དམར་སྤྲོ། །དཀར་པོའི་གཟུགས་ནི་ས་ལས་གྲུབ། །ཚོར་བ་སེར་པོ་ས་ཆུས་བརླན། །འདུ་ཤེས་དམར་པོ་མེ་ཡིས་སྨིན། །འདུ་བྱེད་ལྗང་གུ་རླུད་གིས་གཡོས། །རྣམ་ཤེས་མཐིང་ག་ནམ་མཁའི་མི། །ནོར་[443.5]བུ་དྲི་མ་མེད་པ་དང་། །ཉི་མ་རབ་ཏུ་སྣང་བར་སྨིན། །འཇའ་སྣང་ཡུལ་སྣང་ཁང་པ་དང་། །རྟ་དང་རྫིང་བུ་འདོད་འཇོའི་བ། ཁེང་ཐོག་རས་བལ་ཤིང་ཤུན་དང་། །རང་སྣང་བསོད་ནམས་དག་པ་ཡི། །འདོད་ཆགས་[443.6]ཆོས་ཀྱི་དགའ་སེམས་ལས། །འཇིག་རྟེན་སྐྱེ་བོ་མིང་སྲིང་སོགས། །རིམ་པར་ཆགས་པས་ཉོན་མོངས་དྲུག །ངོ་བོ་དྲུག་དང་འབྲས་བུ་དྲུག ཁམས་གསུམ་འཁོར་བའི་འཁྲུལ་པ་སྲིད། །སྤྲུལ་པའི་སངས་རྒྱས་འོད་སྲུངས་[444][444.1]བྱོན། །བསྐལ་པ་ཐ་མར་གནས་པའོ། །ཡུལ་ལ་ཐིག་ལེ་འོད་ལྔ་དང་། །སྐུ་དང་ཡེ་ཤེས་རྣམ་པ་ལས། །ཤེས་པ་ཡེ་ཤེས་ལྔ་རུ་ཤེས། །གྲུབ་པ་རྒྱལ་བ་ཉིད་དུ་གྲུབ། །གྲོལ་བ་ཡེ་ཤེས་ཆེན་པོར་གྲོལ། །ལེན་མ་མྱོང་བའི་[444.2]ལུས་བླངས་པས། །ཡེ་ཤེས་རང་ས་ཟིན་པ་ཡིན། །མཐོང་མ་མྱོང་བའི་ཡུལ་མཐོང་བས། །ཆོས་ཉིད་མ་དང་འཕྲད་པ་ཡིན། ཁྲེས་མ་མྱོང་བའི་གཏམ་ཤེས་པས། །རང་བྱུང་མངོན་དུ་གྱུར་པའོ། །ཉིད་ལ་ཉིད་གླེང་འདི་[444.3]སྐད་གསོལ། །མཉམ་པའི་རྒྱལ་པོ་ཀུན་རིག་ཆོས་ཀྱི་རྗེ། །འོག་མིན་རྡོ་རྗེ་དབྱིངས་ཀྱི་དཀྱིལ་འཁོར་དུ། །རྡོ་རྗེ་སེམས་དཔའ་རང་སེམས་རྟོགས་བྱའི་ཕྱིར། །བླ་མེད་ངོ་མཚར་ཆེ་བའི་སངས་རྒྱས་འདི། །རྩ་བ་བཅད་[444.4]པས་སངས་རྒྱས་སེམས་ལས་བྱུང་། །སེམས་ཀྱི་བསམ་པ་བདག་ལ་བསྟན་དུ་གསོལ། །རིགས་ལྔ་བདེ་བར་གཤེགས་པས་བཀའ་སྩལ་པ། སེམས་ལས་སངས་རྒྱས་འོང་བར་ནི། །མ་གསུངས་མི་གསུང་གསུང་མི་[444.5]འགྱུར། །མ་གསུངས་པ་ཉིད་རྒྱ་ཆེར་བཤད། །མི་བསྐྱོད་པ་ཉིད་ཇི་བཞིན་གཞི། །ཐུགས་ལ་ཉི་མ་བཞི་ཤར་བ། །སྐུ་གསུམ་ཡེ་ཤེས་ལྔ་ལྡན་པས། །དོན་གྱི་ངོ་སྤྲོད་གདམས་པར་བཞག །རིན་འབྱུང་དོན་ནི་ཇི་བཞིན་[444.6]མ། །ཐུགས་ལ་འོད་ལྔའི་སྤྲོ་བ་བྱུང་། །སྤྱན་ལ་ཐིམ་པས་རྟགས་སུ་བཞག །སྣང་མཐའི་དཔྱདནིཇིབཞིནམ། །དངོས་སུ་ཤེལགྱིམཆོདརྟེནབབས། །རྡོ་རྗེ་སེམས་དཔའི་མེ་ལོང་སྟེ། །དཔེ་ཡི་ཡེ་ཤེས་ཡོངས་སུ་[445][445.1]སྤྲོས། །དོན་གྲུབ་སྒྲ་ནི་ཇི་བཞིན་མ། །ཕྱག་རྒྱ་ལྔ་ཡི་འཁོར་ལོ་ལས། །དངས་སྙིགས་འབྱེད་དང་སྲོག་འཛིན་པ། །སྙིང་རྗེ་མེད་པའི་ལས་རླུད་བསྐྱོད། །སེམས་དང་ཡེ་ཤེས་རྒྱབ་གྱེས་པས། །སེམས་ནི་[445.2]ནམ་མཁར་དངས་ཤེས་བྱ། །ཡེ་ཤེས་འོད་དུ་འཆར་ཞེས་བྱ། །སྣང་བ་ལྔ་དང་ལམ་ལྔ་དང་། །ངོ་བོ་ཐུགས་རྗེས་རྒྱུན་ཐོགས་པ། །ཉི་ཤར་སྒྲོན་མེ་ཐོགས་པ་བཞིན། །ཆོས་ཉིད་བར་དོའི་སྣང་བ་འཆར། །ཡེ་ཤེས་ངོས་[445.3]གཟུང་གདམས་ངག་བྱ། །དབང་པོ་རབ་ལ་བར་དོ་མེད། །འཇུག་དང་སྣང་དང་ཤེས་ལས་གྲོལ། །མཐར་ཕྱིན་པ་རྣམས་དུས་མཚུངས་གཅིག །དབང་པོ་རབ་འོག་སྐད་ཅིག་དྲུག །དང་པོ་འཁོར་བ་དོང་ནས་[445.4]སྤྲུག །གཉིསཔ་བདེ་མཐོང་གསུམ་པ་བསྟན། །བཞི་ལྔར་མངོན་ཤེས་ཐུགས་རྗེ་འཆར། །དྲུག་པ་མྱ་ངན་འདས་པ་ཡིན། །འབྲིང་ནི་མ་ཡེངས་ཅིག་ཆར་འཆར། །སྐྱེ་བ་རིམ་སྐྱེ་ཐད་ཀར་ཆོད། །དབང་པོ་ཐ་མའི་ཐ་མ་[445.5]གཅིག །འཁོར་བའི་རྟོད་ཕུར་མ་ཕྱིན་པས། །བག་ཆགས་ལུས་ལེན་འཁོར་བར་འདུས། །སྲིད་པའི་བར་དོར་ལས་འཕྲོ་མཐུད། །འོད་གསལ་ཡེ་ཤེས་སྒྱུ་མའི་དབུགས། །དབུགས་ཆད་ཡེ་ཤེས་འཆར་དུས་ན། །ལྔ་ལྡན་[445.6]བདེགཤེགསསྣངབ་འཆར། །རྡོ་རྗེ་དབྱིངས་ཀྱི་དཀྱིལ་འཁོར་ནི། །རིགས་ལྔའི་འོད་གསལ་ཚོམ་བུ་ལྔ། །རྣམ་སྣང་ཡབ་ཡུམ་དབུས་ན་གནས། །རིགས་བཞི་ཡབ་ཡུམ་ཕྱོགས་བཞིར་བྱུང་། །ཚོམ་བུའི་དཀྱིལ་འཁོར་[446][446.1]དང་པོ་ལ། །རྡོ་རྗེ་སེམས་དཔའ་སངས་རྒྱས་སྤྱན། །ས་སྙིང་སྒེག་མོ་བྱམས་པ་དང་། །མེ་ཏོག་བཞིས་བསྐོར་ཚོམ་བུ་གཉིས། །མྱ་མ་ཀི་དང་རིན་འབྱུང་ལ། །ནམ་སྙིང་ཕྲེང་བ་ཀུན་བཟང་དང་། །སྤོས་མ་བཞིས་བསྐོར་[446.2]ཚོམ་བུ་གསུམ། །སྣང་བ་མཐའ་ཡས་གོས་དཀར་མ། །སྤྱན་རས་གླུ་མ་འཇམ་དཔལ་དང་། །མར་མེ་བཞིས་བསྐོར་ཚོམ་བུ་བཞི། །དོན་ཡོད་དམ་ཚིག་སྒྲོལ་མ་ལ། །ཕྱག་རྡོར་གར་མ་སྒྲིབ་སེལ་དང་། །དྲི་ཆབ་བཞིས་[446.3]བསྐོར་ཚོམ་བུ་ལྔ། །འགྲོ་དྲུག་འདུལ་བའི་ཐུབ་པ་དྲུག །ཚད་མེད་བཞིས་འདུལ་སྒོ་བ་བཞི། །མཐའ་བཞི་ལས་གྲོལ་སྒོ་མ་བཞི །དབྱིངས་དང་ཡེ་ཤེས་མི་འབྲལ་བས། །ཀུན་བཟང་ཡབ་དང་ཡུམ་དུ་གནས། །དཀར་[446.4]དང་དམར་མཐིང་སེར་དང་ལྗང་། །འཁོར་ལོ་རྡོ་རྗེ་རིན་ཆེན་པད། །རྒྱ་གྲམ་ཐུགས་ཀྱི་དགོངས་ན་གསལ། །མཚན་དཔེ་ཚུལ་དགུ་བཞུགས་གདན་བཅས། །སྣང་མེད་མཁའ་ལ་འཇའ་ཚོན་དགུ། །བརྗོད་མེད་སྤྲོས་[446.5]བྲལ་ཀློང་དུ་ཤར། །ཡོན་ཏན་སྐུར་གྲུབ་རྟོག་ཚོགས་གྲོལ། །དག་པ་འཇིག་རྟེན་སྣང་བ་ཡིན། །རྟོག་མེད་རྣམ་མཁྱེན་ཆོས་ཀྱི་སྤྱན། །མཁའ་ལ་ཉི་མ་ཤར་བ་བཞིན། །མེ་ལོང་བཞིན་དུ་གཟིགས་པར་གྱུར། །རྣམ་རྟོག་[446.6]མི་མངའ་ས་ལེ་མཁྱེན། །ཟག་མེད་ཡེ་ཤེས་ཕྱིར་གསལ་དུས། །མངོན་པར་ཤེས་པ་དྲུག་དང་ལྡན། །རྫོགས་ལྡན་དགོངས་པ་སྦྱོར་བ་གསུམ། །སྤྱན་གྱིས་ཡར་གཟིགས་མར་ལ་སྣང་། །ཐད་ཀ་རང་ལ་གསལ་བ་[447][447.1]དང་། །ཐུགས་ཀྱི་གང་འདུལ་ལས་མཁྱེན་གཟིགས། །རྒྱ་གྲམ་པདྨའི་ཁ་སྦྱོར་གྱིས། །ཆོས་ཉིད་འ་དང་ཆོས་ཀུན་ཨ། །ཡེ་ཤེས་ཧ་དང་ཤེས་རབ་ཤ །ངོ་བོ་མི་འགྱུར་ས་དང་ནི། །མཉམ་པ་ཉིད་ཀྱི་ཡི་གེ་[447.2]མ། །ཞལ་སྦྱར་ཡིག་དྲུག་རྡོ་རྗེའི་སྒྲ། །དཀར་དམར་སྲད་བུ་འོད་དུ་འཕྲོ། །ལས་དག་གང་ཟག་སྤྱན་ལ་འཇུག །ཐིག་ལེ་གསུམ་དུ་འདུ་འབྲལ་མེད། །འབྲེལ་བ་དྲུག་ནི་ཡེ་ཤེས་རླུ་་། །རིག་པ་བྱང་སེམས་རྒྱུ་བ་[447.3]གསུམ། །ཀུན་རྫོབ་བྱང་སེམས་གནས་པ་གསུམ། །རྒྱུ་དང་འབྲས་བུ་བསྒོམ་པ་གསུམ། །འདུག་ཚུལ་སྣང་ཚུལ་གནས་པ་གཅིག །འཆི་ཀ་གསུམ་དུ་འཇུག་པ་གཅེས། ཁུད་ལུང་མན་ངག་འཁོར་ལོ་བསྐོར། །རྟོགས་[447.4]པས་བདག་སྒྲོལ་སྲིད་པ་ཤར། །རྗེ་བློན་དམངས་ཀྱི་དཔེ་རུ་བཞག །དམ་པའི་ལྷ་གནས་རྣམ་གསུམ་དུ། །བརྡའ་སྒྲ་ངེས་པའི་འཁོར་ལོ་བསྐོར། །རིན་ཆེན་དབུས་སུ་མྱ་ངན་འདས། །དགོངས་བརྡའ་དག་གི་བརྒྱུད་[447.5]པར་གྱུར། །རྣམ་རྟོག་མཐུས་བརྟས་བག་ཆགས་སྦུབས། །རིན་ཆེན་སྨུག་པོའི་གཞལ་ཡས་ནི། །རིག་པ་རྟོག་མེད་ཆོས་ཀྱི་སྐུ། །དག་པའི་རྩལ་ཤར་འོད་ལྔའི་ཀློང་། །རིགས་ལྔའི་སྐུར་བཞུགས་ལོངས་སྤྱོ་[447.6]རྫོགས། །ཐུགས་རྗེ་འོད་གསལ་རང་བཞིན་ཏེ། །རང་གི་ལུས་ལ་ཁྱབ་པར་གནས། །དེ་ནི་སྤྲུལ་པའི་སྐུ་ཞེས་བྱ། །ངོ་བོ་སྟོང་པའི་ངང་གནས་པ། །ཆོས་ཀྱི་དབྱིངས་ཀྱི་ཡེ་ཤེས་ཡིན། །འགགས་པ་མེད་པར་འོད་གསལ་[448][448.1]བ། །མེ་ལོང་ལྟ་བུའི་ཡེ་ཤེས་ཡིན། །དེ་དང་མ་བྲལ་མཉམ་པ་ཉིད། །ཤེས་རབ་མ་འགག་ཆོས་རྣམས་མཁྱེན། །སོ་སོར་རྟོགས་པའི་ཡེ་ཤེས་ཡིན། ཚིགགཅིགཆད། །བྱ་བ་གྲུབ་པའི་ཡེ་ཤེས་ཡིན། །མངོན་དུ་མ་གྱུར་ཆ་ལྔ་[448.2]ཡིན། །ཟུར་གསུམ་སྐུ་གསུམ་རྟགས་ཡིན་ཏེ། །དཀར་སྨུག་རྟག་པ་འོད་ཀྱི་རྟགས། །རྩ་བཞི་ཡེ་ཤེས་བཞི་རུ་བསྟན། །མ་འཁྲུལ་པ་ཡི་སངས་རྒྱས་ཏེ། །དོན་གྱི་ངོ་སྤྲོད་ཐག་ཆོད་ཡིན། །འདུག་ཚུལ་འོད་དུ་འདུག་པ་[448.3]ལ། །སྣང་ཚུལ་ཕྱི་ནང་མེད་པར་སྣང་། །རྒྱང་ཞགས་ཆུ་ལ་འོད་གསལ་བ། །རྟགས་ཀྱི་ཡེ་ཤེས་ཚོན་གང་བ། །མི་འགྱུར་བ་ཡི་བལྟ་བ་ཡིན། །རྟགས་ཀྱི་ངོ་སྤྲོད་ཡིད་ཆེས་འགྱུར། །རྡོ་རྗེ་སེམས་དཔའི་མེ་ལོང་ནི། །མ་[448.4]བྱས་པ་ཡི་ཆོས་ཡིན་ཏེ། །དཔེ་དང་ཡེ་ཤེས་དམ་པ་ཡིན། །ཆོས་ཀྱི་སྐུ་ཡི་ངོ་སྤྲོད་ཀྱིས། །ཆོས་སྐུ་རང་གནས་དོན་རྟོགས་ཤིང་། །རྫོགས་པ་ཆེན་པོའི་དགོངས་པ་ཆོད། །སེམས་དང་ཡེ་ཤེས་རྣམ་པ་གཉིས། །སེམས་ཀྱི་[448.5]ངོ་བོ་དབུགས་ཡིན་ཏེ། །བཞུགས་པའི་གནས་ནི་གློ་བ་ལ། ཁུ་བའི་གནས་ནི་མགྲིན་པ་ལ། །སྒོ་ནི་ཁ་དང་སྣ་བུག་གཉིས། །སྐྱོན་ནི་འཁོར་བའི་ཆོས་སུ་སྣང་། །དེ་ཡི་ཡུལ་ནི་འཁྲུལ་པ་སྟེ། །མ་དག་འཁྲུལ་པའི་སྣང་[448.6]བ་ཡིན། །གཟིགས་པའི་སྤྱན་ནི་ཤེས་རབ་བོ། །རྟོག་བཅས་དོན་དཔྱོད་ཤེས་རབ་ཅན། །ཡེ་ཤེས་ངོ་བོ་གསུམ་བརྩེགས་ཡིན། །ཡེ་ཤེས་བཞུགས་གནས་ཙིཏི་ཡིན། །ལམ་ནི་དར་དཀར་སྐུད་པ་སྟེ། །དེ་ཡི་སྒོ་ནི་སྤྱན་[449][449.1]་་། །ལམ་འཆར། །ཡོན་ཏན་སྐུ་དང་ཡེ་ཤེས་སོ། །ལོངས་སྤྱོད་རྫོགས་པའི་ངོ་སྤྲོད་ནི། །འདྲ་འབག་མཆེད་སྐུ་གཉིས་ལ་སྤྲད། །ལོངས་སྐུ་ལྔ་ལྡན་ངོ་སྤྲོད་ཀྱིས། །ལོངས་སྐུ་རང་གནས་དོན་རྟོགས་ཤིང་། །མ་[449.2]ཧྭ་ཡོ་གའི་དགོངས་པ་ཆོད། །སྤྲུལ་སྐུ་འོད་འཁྱིལ་ངོ་སྤྲོད་ཀྱིས། །སྤྲུལ་སྐུ་རང་གནས་དོན་རྟོགས་ཤིང་། །ཨ་ནུ་ཡོ་གའི་དགོངས་པ་ཆོད། །སྐུ་གསུམ་འདུ་འབྲལ་མེད་པ་ནི། །ཉི་མའི་སྙིང་པོ་གཉིས་ལ་སྤྲད། །འདུ་[449.3]འབྲལ་མེད་པའི་ངོ་སྤྲོད་ཀྱིས། །དབྱེར་མེད་རང་གིས་རང་རྟོགས་ཤིང་། །རྫོགས་ལྡན་ཆེན་པོའི་དགོངས་པ་ཆོད། །རང་བཞིན་གནས་པའི་བར་དོ་ལ། །རང་རིག་ལྟ་བས་ཐག་བཅད་དེ། །དེ་ལྟར་ཤེས་ན་ཐེ་ཚོམ་[449.4]ཚོད། །བློ་ཡིས་ཐེ་ཚོམ་བཅད་པ་མིན། །གྲོལ་བའི་དགོངས་པ་དམ་པ་ཡིན། །ཐེ་ཚོམ་ཆོད་པས་བློ་ལས་གྲོལ། །བལྟར་མེད་བལྟ་བའི་གདེང་ལ་གནས། །བགྲོད་མེད་ལུས་ངག་བྱ་བ་གློད། །རྩ་དང་རླུད་གི་ངག་སྒོ་[449.5]བསྡམས། །རྒྱལ་པོ་གདན་ལ་བཞག་པར་བྱ། །བློན་པོ་བཙོན་དུ་གཟུང་བར་བྱ། །དམངས་རྣམས་ཆམ་ལ་དབབ་པ་དང་། །སྲོད་ལ་དབང་པོ་གནད་དུ་བསྡུ། །ནམ་ཕྱེད་ཤེས་པ་བུམ་པར་གཞུག །ཐོ་རངས་དབང་པོ་[449.6]རང་གྲོལ་ལ། །ཉིན་མོ་སྣང་བ་རང་ཤར་བཤད། །བཤད་པ་རྣམ་དག་བདེ་བ་ཆེ། །ཏིང་འཛིན་བར་དོར་གསལ་གདབ་ཅིང་། །དབུགས་འཕོས་དུས་ན་སེམས་སྒོ་བཅད། །ལམ་གྱི་མཐའ་ནི་ཟད་པའི་དུས། །སྣང་བ་[450][450.1]སེམས་ཀྱི་དབང་དུ་འདུས། །སེམས་ནི་མ་ཡེངས་དབང་དུ་འདུས། །མ་ཡེངས་ཚོན་གྱི་གྲུབ་འདུས་ལྟར། །འདེགས་བྱེད་ཁྱབ་བྱེད་མེ་མཉམ་རླུད་། །མ་དེ་བུ་དང་འབྲེལ་གྱུར་ན། །མ་ཡི་བཅུད་ཀྱིས་བུ་གསོ་[450.2]ལྷར། །བདུན་ཕྲག་གྲངས་རྣམས་མ་རྫོགས་པར། །རླུ་་གིས་ལས་རྣམས་རིམ་པར་བྱེད། །གསང་བར་ཟླ་དགུ་ངོ་བཅུ་བཞུགས། །རིགས་དྲུག་གནས་གཤེགས་མཛད་པ་རྫོགས། །བཅུ་གཉིས་མཐར་ཕྱིན་[450.3]ཆོས་སྐུར་ཐིམ། །འཁོར་བ་རང་གྲོལ་སྐྱེ་ཤི་མེད། །དབྱེར་མེད་དོན་ནི་ཤེས་པས་ཤེས། ཁེས་རབ་འགགས་མེད་རྣམ་པར་གྲོལ། །མི་འགྱུར་ཀུན་འབྱུང་རིན་ཆེན་སྦུབས། །རྫོགས་ལྡན་ཆེན་པོའི་དགོངས་པ་ནི། ཁོས་[450.4]རབ་མཁའ་ལ་དངས་པ་ཡིན། །སྟོབས་ལྡན་ཤུགས་ཀྱིས་སྐྱོད་པར་བྱེད། །སྦྱོར་སྐྱེལ་སྐུར་གནས་མི་རྟོག་གསལ། །འབྱུང་བ་མ་ལ་ཞ་བ་ཡིས། །ས་ཆུ་མེ་རླུ་་ནམ་མཁའ་ལྔ། །མཚན་མ་རང་སར་གྲོལ་བར་བྱེད། །སྲ་[450.5]གཤེར་ཚ་དང་གཡོ་མཚན་མེད། །ཡེ་ཤེས་དབྱིངས་སུ་ཐིམ་པའི་མཁའ། །ཆོས་དབྱིངས་ངང་ནས་ཡེ་ཤེས་གསལ། །རྩལ་སྟོབས་བཞི་ལ་འདུ་བར་བྱེད། །གཙོ་འཁོར་མི་གཅོད་མི་གཟིགས་གསལ། ཁྲེས་རབ་མཁའ་[450.6]ལ་གསལ་བ་ཡིས། །ཐིམ་གསལ་བདག་མེད་མི་འབྱེད་གསལ། །སྐུ་གསུམ་ཡེ་ཤེས་ནང་གསལ་སྟོན། །སྐུ་གསུམ་ཡེ་ཤེས་དབྱིངས་ན་གསལ། །རིག་པ་རང་ས་ཟིན་པ་ཡིས། །སྐུ་འདུས་དགོངས་པ་ལྡན་པ་དང་། །[451][451.1]དགོངས་པ་འཕོ་འགྱུར་མེད་པར་བྱེད། །འགྱུར་མེད་འགག་མེད་འདུ་འབྲལ་མེད། །སྐུ་གསུམ་ཇ་ལོག་དགོངས་པ་ནི། །གསལ་བ་གསུམ་ལྡན་རྡོ་རྗེ་ལ། །དབྱེར་མེད་རྩེ་གཅིག་ཡེ་ཤེས་སྤྱན། །མི་བརྗེད་[451.2]གཟུངས་བསྙེམས་ཆོས་ལས་གྲོལ། །དུས་དིར་ཡུལ་གསུམ་གཅིག་ཏུ་འདུས། །རང་བཞིན་རྣམ་དག་སྣང་བ་ཡིན། །ལུས་གསུམ་གཅིག་ལ་རྫོགས་པ་ནི། །འགྱུར་བ་མེད་པའི་རིན་ཆེན་སྦུབས། །སྤྱན་གསུམ་གཅིག་ཏུ་[451.3]འཁྱིལ་བ་ནི། །ཡེ་ཤེས་མིག་གཅིག་དྲི་མ་མེད། །གྲོལ་བའི་དགོངས་པ་མཐར་ཕྱིན་པའོ། །ཆོས་ཀྱི་མཐའ་ལས་གྲོལ་བའོ། །སངས་རྒྱས་ལ་ནི་ཡུལ་མེད་དོ། །ཡེ་ཤེས་ལ་ནི་ཆོས་མེད་དོ། །འབྲས་བུ་དེ་ལ་བདག་མེད་[451.4]དོ། །དགོངས་པ་དེ་ལ་ཐུན་མེད་དོ། །ཡང་དག་མཐའ་ལས་གྲོལ་བ་ཡི། །མི་བསྐྱོད་སྟོབས་ཀྱིས་གཅོད་བྱེད་པས། །མྱ་ངན་འདས་ལ་གོམ་པ་གཅིག །གསུམ་རྫོགས་མཐར་ཕྱིན་ལྔ་ཉིད་དག །མཐར་རྫོགས་གཅིག་པུ་[451.5]ལྷུན་གྱིས་གྲུབ། །རང་བཞིན་མ་བཅོས་ཇི་བཞིན་གནས། །རྡོ་རྗེའི་གདན་ལ་གྲུབ་མཐར་ཕྱིན། །ཞེས་གསུངས་སོ། །དེ་ནས་ལག་ན་རྡོ་རྗེ་དང་། སྤྱན་རས་གཟིགས་དང་། འཇམ་དཔལ་དང་། མཁའ་འགྲོ་མ་ཟ་བྱེད་[451.6]ཤཱན་ཏིང་ཐོད་པའི་ཕྲེང་བ་ཅན་དང་། རྡོ་རྗེ་ཁྲོ་གདོང་མ་དང་། ནམ་མཁའི་བུ་མོ་རྡོརྗེརླུདགིགཤོགཔཅནདང་། གཙུག་གི་རྒྱན་གཅིག་མ་དང་། པུར་ཎ་ཉེ་བར་ཞི་བ་དང་། རིག་པ་འཛིན་པ་རྣམས་དགྱེས་ཏེ།[452][452.1]བཅོམ་ལྡན་འདས་ལ་བསྟོད་པ། གཞི་སྣང་ཆེན་པོའི་གནས་ལུགས་ཀྱིས། ཡང་དག་ལྟ་བ་གཏན་ལ་ཕེབས། །མ་རིག་འཁྲུལ་པའི་བྱུང་ཚུལ་གྱིས། །སེམས་ཅན་སངས་རྒྱས་ངང་དུ་ཤར། །༣བྲུལ་པ་ལོག་པའི་གྲོལ་[452.2]ཚུམ་གྱིས། །གདོས་བཅས་ཡུལ་ལས་གྲོལ་བ་ནི། །རང་དངས་དག་པ་ཆེན་པོར་གསལ། ་་ཁྲག་ལུས་ལས་གྲོལ་བ་ནི། །རིན་ཆེན་གསང་བའི་སྐྲུབས་སུ་གསལ། །དྲན་རྟོག་སེམས་ལས་གྲོལ་བ་ནི། །རིག་པ་རང་[452.3]ཆེན་ཐིལེངངཞིངཕྱེདེཞིགཤེང་ང་དེཞིནགཤེསེང་[452.4]དངས་ ་པར་གསལ། ། ག་ ་རང་དངས་བཅུ་གཉས་ཀྱས། །དུས་བ ་སྣང་བས་རམ་པར་ ། ། ་བ ན་ གས་པའ་ཆས་ལྔ་ཡས། །མ་བསྐྱད་མཁའ་ལ་ ་བ ་ གས། །བྱང་ཆུབ་ མས་དཔའ་ཆས་[452.5]དྲུག་གིས། །ཡུལ་སེམས་ལུས་དག་བྱང་ཆུབ་སྐུ། །ངེས་པའི་དོན་ལ་བདག་ཅག་འདུད། །ཅེས་བསྟོད་ནས་བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ། །རྫོགས་པ་ཆེན་པོ་ཐིག་ལེ་གསང་བའི་ངེས་རྒྱུད་[452.6]རྫོགས་སོ།། །།