Ngb-pt-0057-vol-01-text

BASIC METADATA
Title of Text
Title on Cover
Cover Title San
Cover Title San in Tib
Cover Title San in Lanydza
Title on Spine
Margin Title
Author of Text
Name of Collection (if applicable)
PUBLISHING
Publisher Name
Publisher Place
Publisher Date
IDs
ISBN (if applicable)
Library Call-number (if applicable)
Other ID number (if applicable)
Volume Letter (if applicable)
Volume Number (if applicable)
Pagination of Text
Pages Represented in this file
CREATION
Name of Agent Creating Etext
Date Process Begun
Date Process Finished
Place of Process
Method of Process (OCR, input)
PROOFING
Name of Proofreader
Date Proof Began
Date Proof Finished
Place of Proof
MARKUP
Name of Markup-er
Date Markup Began
Date Markup Finished
Place of Markup
CONVERSION
Name of Converter
Date Conversion Began
Date Conversion Finished
Place of Conversion
PROBLEMS

Body

[188][188.1]རྒྱ་གར་སྐད་དུ། མ་ཧྭ་གོ་པོ་མདྷ་ལ་བཀྲ་ཤིསརུ་ཙི་ར་མཛེསལྡནབཱརྙནྟྲ་རྒྱུད་ཤབྱ་དཔལ་ག་ག་ན་ ནམ་མཁའམེད་པམ་ཧྭ་གོཔོཏནྟྲ་རྒྱུདནཱ་མ་ཅེསབྱ་བ། བོད་སྐད་དུ། བཀྲ་ཤིས་མཛེས་ལྡན་ མགོདོན། ཆེན་པོའི་རྒྱུད།[188.2]དཔལ་ནམ་མཁའ་མེད་པ་ཆེན་པོའི་རྒྱུད་ཅེས་བྱ་བ དོན་བསྒྱུར། ཨོ་བཅོམ་ལྡན་འདས་རིག་པ་རང་སྣང་ཉིད་དང་། ཐོག་མའི་མགོན་པོ་འོད་དཔག་མེད་ལ་ཕྱག་འཚལ་ལོ། །ལུབྱུལཔ་དངོསཀླད་ཀྱིསབཀའ་ཆོ་སསུབསྟན་པ།[188.3]སརྦ་དྷར་རྒྱ་ཨ། འདི་སྐད་བདག་གིས་བསྟན་པའི་དུས་གཅིག་ན། བསྟན་པརིནཔོཆེ་བྱུང་ཚུམ་བསྟནཔ། རིག་པ་ཡེ་ཤེས་ཀྱི་སྣང་བ་ གནས་ཕུན་སུམ་ཚོགསཔ། ཆེན་པོར་རང་སྣང་བའི་དུས་ན། སྣང་བ་ཆེན་པོའི་ངོ་བོ་སྐུ་དང་[188.4]བཅས་པ། སྣང་བའི་རང་བཞིན་མ་འགགས་པ་ནས།་རིག་པའི་སྐུ་རྣམ་པར་དག་པ། སྟོན་པཕུན་སུམཚོགསཔ། ཆེན་པོ་ཉིད་དོ། །ཨེ་མ་ཧོ། །རིག་པའི་ཡེ་ཤེས་ཆེན་པོ་ཡུལ་མེད་པ་སྣང་བའི་ཀློང་ནས། ངོ་བོ་རིག་པ་ངའི་[188.5]ཡེ་ཤེས་སོ། །ངས་རིག་པ་ཉིད་ཀྱི་དོན་བསྟན་ཏོ། །བསྟནཔཕུནསུམཚོགས་པ། ཡངས་པ་ཀུན་གྱི་བདག་ཉིད། སྣང་བ་ཆེན་པོའི་ལུབོརཀུན། སྣང་ཐབས་ནི། རང་གིལནུགཚུལ། རང་སྤངས་པའོ། །གཉིས་སུམེདཔའི། དེས་སྨྲས་ཤིང་[188.6]རང་སྣང་གི་གཞལ་ཡས་ཁང་དང་བཅས་པའོ། །རང་གི་འོད་ཀྱི་ཡུལ་དང་བཅས་པའོ། །ཐོག་མ་མེད་པའི་ཐུགས་རྗེ་དང་བཅས་པའོ། །འདི་སྐད་བདག་གིས་ཐོས་པའི་དུས་གཅིག་ན། རྟོགས་པའི་སངས་རྒྱས་མ་བྱུང་།[189][189.1]མ་རྟོགས་པའི་སེམས་ཅན་མ་བྱུང་པའི་སྔོན་རོལ་ན། རིག་པ་རང་བྱུང་གི་ཡེ་ཤེས་ཉིད་གཞི་ལས་མ་གཡོས་ཏེ། རྐྱེན་མེད་པའི་སྣང་བ་གསུམ་དང་ཐབས་ཅིག་ཏུ་བཞུགས་སོ། །གཞིཉིད་བསྟན།དེ་ནས་ཡང་[189.2]རིག་པའི་ཡེ་ཤེས་མ་ཉིད་ཀྱིས། རང་རང་གི་འདུག་ཚུལ་གྱི་གནས་ལུགས་འདི་གསུངས་སོ། །ཀྱེ་སྣང་བ་ཆེན་པོ་ཡངས་པའི་ཀློང་དེ་ནི། མ་གཡོས་པ་ཆོས་ཀྱི་སྐུ་ཆེན་པོ་ལས། མ་འཁྲུལ་པའི་སངས་རྒྱས་ཆེན་པོར་[189.3]བཞུགས་སོ། །ངོ་བོའི་སྐུ་མ་འགགས་པར་གནས་ཏེ། །དེཉིདངོ་ ་བོ་མི་འཀྱུར། ཐབས་མ་ཤེས་མ་རྟོགས་གསང་བ། དངོ་པོ་ལས། མ་གཡོས་མི་གཡོ། རིགཔཉིད། མ་བསྐྱོད་པ། །སྣང་བ་ཐམས་ཅད་དུས་གཅིག་ལ་རྫོགས་[189.4]པ། ཡེ་ཤེས་ཐམས་ཅད་སྐད་ཅིག་ལ་རྫོགས་པ། སྐུ་ཐམས་ཅད་སྨིན་པར་གནས་པ། འོད་ཀྱི་སྣང་བ་ཐམས་ཅད་མ་བསྒྲིབས་པར་གསལ་བ། གནས་ལུགས་ཀྱི་སྣང་བ་ལ། སྣང་བ་ཐབས་ཀྱིས་མ་བསྒྲིབས་པ། ངོ་བོ་[189.5]ཀ་དག་རང་བཞིན་ལྷུན་གྲུབ ཐུགས་རྗེ་ཀུན་ཁྱབགསུམ། རྒྱ་མ་ཆད་པར་ལྷུན་གྲུབཀྱིངོསནས། ཡོངས་སུ་རྫོགས་པ་ཆེན་པོ། བདེགཤེགསསྙིངཔོ། ཀ་དག་གི་ངོས་ནས་ངོ་བོའི་གནས་ལུགས་ཆེན་པོ་ རིག་པ དེ་ཡང་། སྐུ་ལྟར་གནས་[189.6]པ་ མཁྱེན་པའི་ཆ་ནསསེམསཅནལ་སྣངབ། ལ་ཁ་མིག་རྣ་བར་དོད་པ་ནི། སྟོངཔའིཆ་ནསཅི་ཡང་མི་བཞུགས། སྟོང་པ་ལྟར་གནས་པ་ལ། རིགཔའི་ངོ་བོ། བེམ་སྟོང་རིགམེད་ནམམཁའལྟར་ཅང་མི་བཞུགས། རིག་པའི་ངོབོ།འོད་ལྔ་[190][190.1]ལྟར་ གསལ་བའི་ཆ་ནས། སྣང་བ་ཆེན་པོ་ལ། ཁ་དོག་ཏུ་པྱེ་བ་ནི་ཅང་མི་བཞུགས། རྒྱ་མ་ཆད་པ་ལྷར་ དཀར་པོ་ལ་སོགས་ཁ་དོགཏུ་ཡོད་པ།སྣང་བ་ལ། བརྟེནཔ་མེད་པར་ནབོར་བ་དང་། འབྲེལ་བ་ལྟར་ཅང་མི་བཞུགས། ཡོན་་ མཐའ་[190.2]དབུས་མེད་པ་ལྟར་སྣང་བ། ཕྱོགས་སུ་དམིགས་པ་ནི་ཅང་མི་བཞུགས། རིག་པའི་ཤེས་རབ། ཆ་བགོས་པ་ལྟར་སྣང་བ་ལ། རིས་སུ་ཕྱེ་བ་ནི་ཅང་མི་བཞུཁུས། རྒྱར་མ་འགགས་པ་ལྟར། ཅོ་་ནག་སུ་རིག་པ།སྣང་ཆིཁུ་[190.3]དཔངས་མཐོ་བ་ལ། ངོ་བོདེ་ལ་སྟེང་འོག་ཏུ་སྣང་བ་ནི་གང་ཡང་མེད་དོ། །རང་བཞིན་གྱིས་ ངོ་བོ་སྟོང་པ་རིག་པ་ཡིན་པས། སྣང་བ་ནི་ཡངས་པ་ལྟར་སྣང་བ་ལ་ཕྱོགས་ལྷུང་མེད་པ། གསལ་བ་ལྟར་སྣང་བ་ལ་དངོས་པོ་མེད་པ།[190.4]མཐིང་ག་ལྟར་སྣང་བ་ལ་ཆ་མ་ཕྱེ་བ། དཀར་བ་ལྟར་སྣང་བ་ལ་རིགས་མི་འཛིན་པ། སེར་པོ་ལྟར་སྣང་བ་ལ་ཡོན་ཏན་རྫོགས་པ། དམར་བ་ལྟར་སྣང་བ་ལ་གོ་མ་འགགས་པ། ལྗང་གུ་ལྟར་སྣང་བ་ལ་མ་བཙལ་བར་[190.5]གྲུབ་པ། སྣང་བ་ལྔ་ཉིད་དུ་གནས་པ་ལ་ཁ་དོག་མི་འཛིན་པ་ཆེན་པོ། །ཟླུམ་པ་ལ་དབྱིབས་མེད་པ། །མ་འགགས་པ་ལ་རྐྱེན་མེད་པ། ཁྱབ་པ་མེད་པ་ལ་རང་གདངས་ཆེན་པོ། རང་གསལ་བ་ལ་ཕྱི་ནང་དང་བཅས་པ[190.6]མ་དགཔགོབོརབའི་སྒོ་ལྷར་ཤར་བ། རྩོལ་བསྒྲུབ་མེད་པ་ལ་བབ་ཀྱིས་བསྒྲུབ་པའོ། འདི་ཉིད་ཉམས་སུ་བླངས་ན་ཆོསཉིད་ཀྱི་བར་དོ་ལ་ངོས་ཟིནཏེ་དག་པཡེ་ཤེས་ཀྱི་སྒོ་ལྟར་ཤར་བའོ། །ཐུགས་རྗེའི་སྣང་བ་དེར་ཡེ་ཤེས་མ་ཟིན་ན་ཞོབོར་བའི་སའོ། ནི་སྟོང་[191][191.1]པ་ལྟར་ཡེ་ཤེས་དེ་སྣང་བ་ལ། གསལ་བ་ལ་མ་འགགས་པ། སྤྲོས་པ་མེད་པ་ལ་སྤྲོས་པ་ཆེན་པོ། རང་བཞིན་མ་འགགས་པ་ལ་སྣ་ཚོགས་མ་ངེས་པ་ཆེན་པོ། གསལ་བ་ལ་མུན་པ་མེད་པ། མ་འགགས་[191.2]པས་མེད་པ་ཆེན་པོ། བབ་ཀྱིས་སྟོང་པ་ལ་ཀུན་དུ་འཆར་བ་ཆེན་པོ། མ་འདྲེས་པ་ལ་ཡོངས་སུ་སྣང་བ་ཆེན་པོ། ཀུན་ལ་ཁྱབ་པ་ལ་གཅིག་ཏུ་འདུས་པ་ཆེན་པོ། དག་པ་ལ་འཁྲུལ་པ་མ་འགགས་པ་ཆེན་པོ། རྫོགས་པ་[191.3]ལ་གཅིག་ཏུ་སྣང་བ་ཆེན་པོ། ཐུགས་རྗེ་གོ་མ་འགགས་པར་བཞུགས་སོ། །ཆོས་ཀྱི་སྐུའི་གསུམ་གྱིལུང་བསྟནཔ། སྣང་བ་མི་འགྱུར་བ་ལ། འཁྲུལ་པའི་སྣང་བ་ཡུལ་ལྟར་སྣང་བའི་དུས་ཡོངས་སུ་མ་ངེས་ཏེ། གཞི་ལས་[191.4]འཁྲུལ་པའི་གོ་བྱུང་སྟེ། ངོ་བོ་མི་འགྱུར་བ་ལས། རང་བཞིན་མ་འགགས་པར་གསལ་བ་སྟེ། ཐུགས་རྗེ་མ་ངེས་པ་ལས། མ་རིག་པ་ལྟར་སྣང་བ་བྱུང་སྟེ། དེ་ལྟར་འཁྲུལ་པའི་ཡུལ་ཙམ་མོ། གསང་བའི་སྔགས་ལ་ཡེ་[191.5]ནས་གནས་པའི་མཚན་གཞི་མཚོན་པའོ། །ཞེས་བཀྲ་ཤིས་མཛེས་ལྡན་ཆེན་པོའི་རྒྱུད་ལས། གཞི་གནས་ལུགས་ཀྱི་ལེའུ་སྟེ་དང་པོའོ།། །།དེ་ནས་ཡང་རིག་པའི་སྣང་བ་ཉིད་ཀྱིས། ལྷུནགྲུབལས་མརིགཔའིབྱུང་[191.6]ཚུལབསྟན། རང་གིས་འཁྲུལ་ཚུལ་སྣང་བ་འདི་གསུངས་སོ། །གཉིསཔགཞིལསཝལ་བསྟནཔ། ཀྱེ་མ་ང་ལ ཀདགཔ། འཁྲུལ་པ་མེད་ཀྱང་། ངའི་རྩལ་ལས་ ལྷུནགྲུབཙམདུའཁྲུལ་པ་བྱུང་སྟེ། གཞི་ཀདགམི་འགྱུར་བ་ལས།[192][192.1]རང་བཞིན་མ་འགགས་པར་ཤར་ནས། ཐུགས་རྗེ་མ་ངེས་པ་ལས་མ་རིག་པ་རང་བྱུང་སྟེ། དཔེར་ན་ནམ་མཁའ་ལ་སྤྱིན་ཡང་དག་པར་ཡོད་པ་མ་ཡིན་ཏེ། གློ་བུར་དུ་སྤྱིན་བྱུང་བ་དང་འདྲ་བར། གཞི་ལ་མ་རིག་པ་ཡོད་[192.2]པ་ཅང་མ་ཡིན་ཏེ། ཐུགས་རྗེ་ལྟར་ཤར་བ་ལས་མ་རིག་པ་བྱུང་སྟེ། གཞི་ལ་ལྷུན་གྲུབ་ཀྱི་གནས་ལུགས་ཞེས་བྱ་བ་ཆགས་སོ། །དེ་ཡང་མ་ངེས་པའི་སྣང་བ་ཆེན་པོ་ཞིག་ཏུ་གནས་སོ། །དེ་ཡང་འཆར་ལུགས་རྣམ་[192.3]པ་ཐུགསརྗེ་དང་འོད་དང་སྐུ་དང་ ཡེ་ཤེསདང་གཉིས་མེདདངམཐའ་གྲོལ་དང་དག་པ་དང་མ་དག་པ། བརྒྱད་དང་ལྡན་པ་རིན་པོ་ཆེ་གའུའི་གནས་ལུགས་ཞེས་བྱ་སྟེ། འདོད་ཡོན་གྱི་གོ་མ་འགགས་པའོ། །མ་གྲུབ་པའི་གྲུབ་པ་ཆེན་པོར་[192.4]གནས་པ། ཐུགས་རྗེ་ལྟར་འཆར་བའི་གོ་མ་འགགས་པ། འོད་ལྟར་འཆར་བའི་སྣང་བ་མ་འགགས་པ། ཡེ་ཤེས་ལྟར་འཆར་བའི་ལོངས་སྤྱོད་མ་འགགས་པ། སྐུ་ལྟར་འཆར་བའི་ངོ་བོ་མ་འགགས་པ། གཉིས་མེད་ལྟར་[192.5]འཆར་བའི་ལྟ་བ་མ་ངེས་པ། མཐའ་གྲོལ་ལྟར་འཆར་བའི་ཐབས་མ་འགགས་པའོ། །དག་པ་ཡེ་ཤེས་ཀྱི་འཇུག་སྒོ་མཐར་ཕྱིན་པ། མ་དག་པ་ལྟར་འཆར་བའི་སྒོ་ཐུགས་རྗེ་མ་འགགས་པ། འདོད་དོན་གྱི་ནོར་བུ་རིན་[192.6]པོ་ཆེ་ལྟ་བུ་སྟེ། དེ་ལྟ་བུའི་སྣང་བ་པའི་སྐུ་མ་ ཟེར་ལས། ཆགས་ཏེ། ནངགཤོནནུབུམཔསྐུཞེས་བྱ་བ་རྒྱ་རལ་ཏེ། ཕྱི་ལྷུན་གྲུབ་ཀྱི་གནས་ལུགས་སུ་གནས་སོ། །དུས་དེ་ཙམ་ན་ངའི་སྣང་བ་ཕྱིར་རལ་ཏེ། སང་མ་སེང་[193][193.1]༄༅ མ། ༣བྱུལ་པ་དེརངཡིནཏེ།ཤག་མ་ཤིག་མ། ཁྲལ་མ་ཁྲོལ་མ། ཡང་མ་ཡེང་མ། འགུལ་བ་འཕྲིག་པ། སྣ་ཚོགས་སུ་འཕྲོ་བ་བྱུང་ངོ། །དེ་ནས་ལྷུན་གྲུབ་ཀྱི་གནས་ལུགས་ཆེན་པོ་ཆགས་སོ། །དེའི་ཡེ་ཤེས་ཀྱི་[193.2]གོ་མ་འགགས་པ་ལས་ལོངས་སྤྱོད་རྫོགས་པའི་སྐུའི་སྣང་ལུགས་ཆགས་སོ། །ཡོན་ཏན་གྱི་གོ་མ་འགགས་པ་ལས་རང་བཞིན་སྤྲུལ་སྐུའི་སྣང་ལུགས་སྲིད་དོ། །དེའི་ཐུགས་རྗེ་གོ་མ་འགགས་པ་ལས་མ་དག་པའི་སྣང་[193.3]ལུགས་བྱུང་ངོ་། །དེ་ལས་སྣང་བའི་འཁྲུལ་ཚུལ་དུ་མར་ཆགས་ཏེ།འཁོར་བ་གྲུབ་བོ། །དེ་ཡང་གནས་ལུགས་ཆེན་པོ་གཅིག་ལ། གསངསྔགསགཞིའིལུསྤུལལུགསབསྟན། སྣང་ལུགས་བཞི་ལྟར་སྣང་སྟེ། སྐུའི་རོལ་པ་དངསཔའིཡེ[193.4]ཤེསདངའོདལྔ། སྣ་ཚོགས་སུ་ཤར་ནས། སེམས་ཅན་ཐུན་མོང་གི་ལས་ལྟར་སྣང་བའོ། །དེ་ཡང་རྐྱེན་བཞིའི་འཁྲུལ་ཏེ། ཐ་མ་ཡང་རྐྱེན་བཞི་ལ་ཐུག་གོ །རྒྱུ་དམིགས་པ་ཅན་དུ་འཛིན་པའི་རྐྱེན་ལས། འབྲས་བུ་སྣ་ཚོགས་[193.5]ཀྱི་རྒྱུར་འཁྲུལ། བདག་པོ་ཡུལ་ཅན་དུ་འཛིན་པའི་རྐྱེན་ལས། མིང་སྣ་ཚིགས་སུ་འཁྲུལ། དམིགས་པ་བློ་ཅན་དུ་འཛིན་པའི་རྐྱེན་ལས། འབྲས་བུ་ཐུག་པ་མེད་པར་འཁྲུལ་ལོ། །དེ་མ་ཐག་པ་འཛིན་པ་ཅན་གྱི་རྐྱེན་[193.6]ལས། སྣང་བ་སྣ་ཚོགས་སུ་འཁྲུལ་ལོ། །དེ་ནི་གསང་སྔགས་གཞིའི་འཁྲུལ་ལུགས་ཆེན་པོའོ། །དེ་ཡང་སྣང་ཐབས་ལ་མ་རིག་པའི་རྐྱེན། སྣངབའིརྐྱེནདུམབསྟནཔའོ། རང་ཀ་མ་དང་བཅས་ཏེ་སྣང་ངོ་། །མ་རིག་པ་དེ་ཡང་[194][194.1]རྩ་བའི་ཉོན་མོངས་པ་ལྔ་དང་བཅས་ཏེ། རྟོག་ཚོགས་དུ་མ་སྡུད་པའོ། །རྐྱེན་སྟོང་ཕྲག་དུ་མ་དང་བཅས་པ་སྣང་ཚུལ་དུ་མ་དང་བཅས་པ་སྣང་ཚུལ་གྱིས་འབྱམས་པའོ། །དེ་ཡང་ལྷུན་གྲུབ་རིན་པོ་ཆེའི་གའུའི་གནས་[194.2]ལུགས་ལས། སྣང་བ་མ་འགགས་པ་ལས། གཞི་མ་འགྱུར་བར་སྣང་བ་འགྱུར་ཏེ། ཡུལ་དུ་མའི་རྗེས་སུ་འབྲངས་ཏེ་ཐམས་ཅད་ལ་རྟོག་པའོ། །ཆོས་ཀྱི་སྐུའི་སྣང་བ་མ་འགྱུར་ཀྱང་། འཁྲུལ་པའི་སྣང་བ་ལ་[194.3]འགྱུར་འགྱུར་ལྟར་བྱུང་ངོ་། །རྡོ་རྗེ་སེམས་དཔའ་འཁྲུལ་པ་མི་མངའ་ཡང་། སེམས་ཅན་ལ་འཁྲུལ་པའི་ཚུལ་བསྟན་པའོ། །ཐ་མ་རང་གི་སྣང་བ་རང་རྐྱེན་གྱིས་གཞི་ལས་ལྡོག་པའོ། །གཉིས་སུ་མེད་པའི་སྣང་བ་རང་[194.4]ཤར་བར་མ་ཤེས་ཏེ། འཁྲུལ་པ་ལ་བདག་པོར་བཟུང་བས་བདག་པོའི་རྐྱེན། རང་རིག་པའི་འབྲས་བུ་རང་ཤར་བར་མ་ཤེས་རྒྱུ་ཉིད་ལྟོས་པ་ཅན་བཟུང་བ་རྒྱུའི་རྐྱེན་ནོ། །ཡུལ་དང་ཤེས་པ་སྟོང་པར་ནི་མ་ཤེས།[194.5]དམིགས་པ་ལ་ཡུལ་དུ་བཟུང་བས། དམིགས་པ་རང་ངོའི་རྐྱེན། དུས་ལ་ལྟོས་ནས་འོད་རང་བྱུང་བར་མ་ཤེས། དེ་མ་ཡིན་པ་ལ་དེར་འཛིན་པའི་ཤེས་པ་བྱུང་བས་མཚུངས་པ་དེ་མ་ཐག་པའི་རྐྱེན་ནོ། རྒྱུའིརྐྱེནབདགཕོ[194.6]རྐྱེནདམིགསཔའིརྐྱེན མ་སཔདེམཐགཔའིརྐྱེནརིགཔརྟོགམེདདེམརིག་པས། ཞེས་བཀྲ་ཤིས་མཛེས་ལྡན་ཆེན་པོའི་རྒྱུད་ལས། གཞི་ལ་འཁྲུལ་པ་བྱུང་ཚུལ་བསྟན་པའི་ལེའུ་སྟེ་གཉིས་པའོ།། །།དེ་ནས་ཡང་སྣང་བ་[195][195.1]དམ་པའི་འཁོར་ལ། དང་ཕོ་རིག་པའི་དབྱིངས་བསྟན་ཏོ། རིག་པ་ཆོས་འབྱུང་སྐུས་བཀའ་སྩལ་པ། ཀྱེ་སྣང་བ་དམ་པའི་རིག་པ་ཡོངས་སུ་སྣང་བའི་འཁོར་རྣམས་ཉོན་ཅིག །གཉི་པསྣང་ལུག་བསྟན་པ། གཞི་སྣང་[195.2]བ་ཆེན་པོའི་རིག་པ་འདི་དག་རྣམ་ནི་སྒྲོན་མ་ཁོང་གསལ་བར་བལྟའོ། ཆོས་ཀྱི་སྐུའི་སྣང་བ་ནི། གནས་ལུགས་ཆེན་པོ་དང་འབྲེལ་པ་སྟེ། དེ་ཡང་གནས་ལུགས་ཆེན་པོ་གཅིག་ལ། སྣང་ལུགས་བཞིར་འཆར་བ་འདི་ལྟ་སྟེ། རིག་[195.3]པ་དང་ཆོས་ཉིད་ཀྱི་གནས་ལུགས་ནི། མེ་ལོང་གི་དཀྱིལ་འཁོར་ལྟར་གསལ་བ་ལ་་ད་མེད་དུ་གནས་པས། མ་རིག་པའི་རྒྱུ་བདག་ཉིད་་ག་པ་དང་ལྷན་ཅིགསྐྱེས་པ་དང་ཀུན་བརྟགས་པའི། རྐྱེན་གྱིས་མ་བསྒྲིབས་པ། ཀ་དག་ཆེན་པོ།[195.4]རིག་པ་རྟོག་མེད། ཞེས་བྱ་སྟེ། ཡང་དག་པའི་སངས་རྒྱས་མ་བྱུང་། ཞོབོར་འདས་གྱི་ཕྱོག་སུ་མ་ལྷུང་པའོ། མ་དག་པའི་སེམས་ཅན་མ་བྱུང་པའི་གནས། རིག་པ་མ་གཡོས་པའི་ཡེ་གདངས་ཆེན་པོ་ཞེས་བྱའོ། །དེ་ལ་བརྗོད་དུ་མེད་[195.5]དོ། ཡེ་ནསསྟོངཔས། །དཔག་ཏུ་མེད་དོ། གཟུང་བྱདངབྲལ་བས། །དམིགས་སུ་མེད་དོ། ལྟ་བར་བྱ་བ་དངབྲལ་བས། གཞལ་དུ་མེད་དོ། དམིགསཔ་དང་བྲལ་བས། །བརྩིར་མེད་དོ། ཐསྙད་དང་བྲལབས། །གང་གིས་ཀྱང་གཏན་ལ་མི་[195.6]ཕེབས་སོ། རྟོགས་པར་དཀའ་བས། སྒྲན་ལ་སོགས་པའིཚིག་གིས། མཚོན་དུ་མེད་དོ། །རིགཔལ་ཆོས་མེད་པས ཤེས་པའི་ཡུལ་དུ་བྱར་མེད་དོ། །དེས་ནི་འཁོར་བ་མི་མཐོང་། གཟུང་འཛིན་དང་བྲལ་བས། འཁོར་བས་དེ་ཉིད་མི་མཐོང་ངོ་[196][196.1]རྟོག་པ་མེད་པས། དེས་ནི་ཆོས་མི་སྤྱོད་དོ། སང་རྒྱས་ལ་ཆོས་སྤྱོད་མེད་པས། ཆོས་ཀྱིས་དེའི་དོན་མི་རྟོགས་སོ། གོ་མིན་པས། དེ་ནི་འཁོར་བ་མིན་ནོ། །ལྟུང་བ་མེད་པས། མྱ་ངན་ལས་འདས་པ་མིན་ནོ། དང་པོ་ཞོབོར་བར་ལྷུང་པས། གཞི་[196.2]མིན་ནོ། རྟག་པ་མ་ཡིན་པས། །སྣང་བ་མིན་ནོ། །མངོན་སུམ་དུ། མུན་པ་མིན་ནོ། རང་སྣང་བ་ཡིན། །ལམ་མ་ཡིན་ནོ། བྱ་བྱེད་མེད་པས། །བགྲོད་པ་མེད་དོ། གོ་ལ་བརྟེན་མི་དགོས། །མི་བགྲོད་པ་མེད་དོ། སྣང་བ་ལམ་དུ་སློང་བའི་[196.3]ཕྱིར། །འབྲས་བུ་མ་ཡིན་ནོ། སྨིན་ཟིན་པས། །སྤངས་པ་མ་ཡིན་ནོ། རང་ལ་གནས་པས། །ཐོབ་པ་མ་ཡིན་ནོ། །གཝ་མིན་པས། །དེ་ནི་རིག་པའི་དབྱིངས་ཆེན་པོ་ཞེས་བྱའོ། །དེ་ལས་ལྷུན་གྲུབ་རིན་པོ་ཆེའི་སྣང་ལུགས་བྱུང་སྟེ། དེ་[196.4]ནི་སངས་རྒྱས་པས་ཆོས་ཐམས་ཅད་འབྱུང་བའི་གཞི་ཞེས་བྱའོ། །དེ་ལས་ནི་ཞསྦུལ་པ་ཡེ་ཤེས་སུ་སད་ནས། སངས་རྒྱས་བྱུང་ངོ་། སེམས་ཅན་བྱུང་ངོ་། མ་རིག་པ། ཡེ་ཤེས་བྱུང་ངོ་། རང་སྣང་བས། འོད་བྱུང་ངོ་། ཡེ་ནས་ཡོད་པས།[196.5]རིག་པ་བྱུང་ངོ་། རང་ལ་ཆས་པས་མ་རིག་པ་བྱུང་ངོ་། ལྷུན་གྱིས་གྲུབ་པ། ལས་ཐམས་ཅད་བྱུང་ངོ་། ཐུག་པ་མེད་པས། །ཐུགས་རྗེ་བྱུང་ངོ་། སེམས་ཅན་ལ་སྣང་ནུས་པས། །ཡོད་པ་ལྟར་སྣང་བ་བྱུང་ངོ་། རང་བཞིན། །དེ་ལ་ནི་ངོ་བོ་ཡོད་དོ།[196.6]ཀ་དག་གིས། རངབཞིན ལྟརསྣངབ ཡོད་དོ། གང་ལ་བྱ་བྱེད་ཡོད་པས། །ཐུགས་རྗེ་ལྟར་སྣང་བ་ཡོད་དོ། མཛད་པ་ཅན་དུ་ཡོད། །རྩལ་ཡོད་དོ། །སྣ་ཚོགས་སུ། །སྣང་བ་ཡོད་དོ། འོད་དུ། སེམས་ཡོད་དོ། སྡུད་པར་བྱེད་པའི་དང་མ། །ཡིད་[197][197.1]ཡོད་དོ། །སྡུདཔརབྱེདཔའིརྟགས། འཁྲུལ་པ་ཡོད་དོ། གོབོརབཉིད། མ་འཁྲུལ་པ་ཡོད་དོ། རིགཔའིངོབོ། །ཐམས་ཅད་འབྱུང་བ་ཆེན་པོའོ། །དེ་ནི་སངས་རྒྱས་དང་། སེམས་ཅན་གྱི་དབྱིངས་ཆེན་པོ་ཞེས་[197.2]བྱའོ། །དེ་ལས་ལོངས་སྐུའི་སྣང་ལུགས་བྱུང་སྟེ། དེ་ནི་ལམ་མངོན་པར་སྣང་བའི་གཞི་ཞེས་བྱའོ། །དེ་ཡང་གསལ་བ། དྲོ་བ། བསིལ་བ། ཡངས་པ། གཡོ་བའི་བདག་ཉིད་འཛིན་པ། སྐུ་ལྔ་དང་ལྡན་པ། ཡེ་ཤེས་ལྔ[197.3]དང་ལྡན་པ། རིགས་ལྔ་དང་ལྡན་པ། ཁ་དོག་ལྔ་དང་ལྡན་པ། འོད་ལྔ་དང་། ཡབ་ལྔ་དང་། ཡུམ་ལྔ་དང་། གཟུགས་ལྔ་དང་། སྒྲ་ལྔ་དང་། དྲི་ལྔ་དང་། རོ་ལྔ་དང་། རིག་བྱ་ལྔ་དང་། ཆོས་ལྔ་དང་། སྣང་བ་ལྔ་དང་།[197.4]གཙོ་བོ་ལྔ་དང་། འཁོར་ལྔ་དང་ལྡན་པའོ། །དེ་ཡང་མཚན་བཟང་པོ་སུམ་ཅུ་རྩ་གཉིས་དང་ལྡན་པ། དཔེ་བྱད་བཟང་པོ་བརྒྱད་ཅུ་དང་ལྡན་པ། ཡངསཔའིཡངབྱུངསྤངས་པའི་ཆོས་དྲུག་དང་ལྡན་པའོ། །དེ་ནི་ལོངས་སྐུའི་[197.5]སྣང་ལུགས་དེ་དང་དེ་ལས་བྱུང་བའི་འབྲེལ་པའོ། །དེའི་སྣང་བ་ལས་རང་བཞིན་སྤྲུལ་པ་སྐུའི་སྣང་བ་དང་། འགྲོ་བ་འདུལ་བ་སྤྲུལ་པ་སྐུའི་སྣང་ལུགས་དང་། མ་དག་པ་སྤྲུལ་པ་སྐུའི་སྣང་ལུགས་ཆགས་སོ། དེ་ཡང་[197.6]རང་བཞིན་སྤྲུལ་པའི་སྐུ་ནི། ངོ་བོ་ལྷུན་གྲུབ་ལས་ཤར་བའོ། །རང་བཞིན་སྤྲུལ་པའི་སྐུ་དེའི་སྣང་ལུགས་ནི། ལོངས་སྤྱོད་མི་ཟད་པ། འཁོར་མི་ཟད་པ། ཡོན་ཏན་ཟད་མི་ཤེས་པ། སྟོབས་ཟད་མི་ཤེས་པ། རྩལ་ཟད་མི་[198][198.1]ཤེས་པ། ཆོ་འཕྲུལ་ཟད་མི་ཤེས་པ། ཚེའི་ཚད་གྲངས་མེད་པ། ནད་ཀྱི་སྡུག་བསྔལ་ཐམས་ཅད་དང་བྲལ་བ། གཞལ་ཡས་ཁང་བསམ་གྱིས་མི་ཁྱབ་པ། ཆོས་བསམ་གྱིས་མི་ཁྱབ་པ་སྒྲོགས་པའོ། །དེ་ནི་རང་བཞིན་[198.2]སྤྲུལ་པ་སྐུའི་སྣང་ལུགས་ཞེས་བྱའོ། །དེ་ལས་འགྲོ་བ་འདུལ་བའི་སྤྲུལ་པའི་སྐུ་བྱུང་ངོ་། དེ་ཡང་སྣ་ཚོགས་སྣང་བ་ལ་སྣ་ཚོགས་ཀྱི་དོན་ཤེས་པའོ། །སྣང་ཡང་རྗེས་སུ་མ་ཆད་པའོ། །སྣང་ཡང་རྗེས་སུ་མི་ཞེན་པ། མིག་[198.3]རྣམ་པར་དག་པ་མངའ་བ། སྙན་རྣམ་པར་དག་པ་མངའ་བ། ཤངས་རྣམ་པར་དག་པ་མངའ་བ། ལྗགས་རྣམ་པར་དག་པ་མངའ་བ། སྐུ་རྣམ་པར་དག་པ་མངའ་བ། གསུང་རྣམ་པར་དག་པ་མངའ་བ། ཐུགས་རྣམ་པར་[198.4]དག་པ་མངའ་བ། ཐུགས་རྗེའི་མཛད་པ་སྣ་ཚོགས་སྟོན་པ། ཡེ་ཤེས་ཁྱད་པར་ཅན་མངའ་བ། མཁྱེན་པ་མ་འགགས་པ་ཀུན་ཏུ་སྣང་བའོ། །དེ་ནི་འགྲོ་བ་འདུལ་བའི་སྤྲུལ་པའི་སྐུའོ། །དེ་ལས་མ་དག་པའི་འཇིགརྟེནབས[198.5]ལུགསབསྟནཔ། འཇིག་རྟེན་གྱི་ཁམས་ཆགས་སོ། །དེ་ཡང་འདི་ལྷར་སྣང་བ་ཆེན་པོ་སྟེ། ཕྱི་སྣོད་འབྱུང་བ་ལྔའི་དཀྱིལ་འཁོར་ཆགས་པ་ལས། ས་དང་། ཆུ་དང་། མེ་དང་། རླུད་དང་། འབྱུང་བ་ཆེན་པོ་ནམ་མཁའ་སྲིད་[198.6]དོ། །དེ་ལ་འཛིན་པའི་བསམ་པ་བརྗོད་ཀྱིས་མི་ལངས་པ་དང་། འདོད་ཆགས་དང་། ཞེ་སྡང་དང་། གཏི་མུག་དང་། ང་རྒྱལ་དང་། ཕྲག་དོག་དང་། ཁོང་ཁྲོ་དང་དྲུག་གོ །དེ་ལ་འགྲོ་བ་རིགས་དྲུག་སྐྱེ་བ་བྱུང་ངོ་། །ཕྲག་[199][199.1]དོག་ལས་མི་རུ་ཆགས་སོ། །ཁོང་ཁྲོ་ལས་ལྷ་རུ་ཆགས་སོ། །ང་རྒྱལ་ལས་ལྷ་མ་ཡིན་ཆགས་སོ། །འདོད་ཆགས་ལས་ཡི་དྭགས་སུ་ཆགས་སོ། །གཏི་མུག་ལས་བྱོལ་སོང་དུ་ཆགས་སོ། །ཞེ་སྡང་ལས་[199.2]དམྱལ་བར་ཆགས་སོ། །དེ་བཞིན་དུ་རིགས་དྲུག་གིས་སྣང་བ་ཆགས་སོ། །དེ་ནི་འཁོར་བའི་གནས་སོ། །དེ་ཡང་གནས་ལུགས་ཆེན་པོ་གཅིག་ལ། སྣངལུགསལ་སྣངཐབསབསྟནཔ། སྣང་ལུགས་ཆེན་པོ་བཞི་ལྟར་བྱུང་[199.3]ངོ་། །གནས་ལུགས་བཞི་ལས་སྣང་ཐབས་བཞི་ལྟར་ཤར་རོ། །དེ་ནས་མ་བྱས་པའི་སྣང་བའི་འཁོར་གྱིས། མ་བསྐྱོད་པའི་རིག་པ་ལ་ཞུས་པ། ཀྱེ་སྣང་བའི་ཐབས་རྣམས་གསུང་དུ་གསོལ། ཞེས་ཞུས་སོ། །བཀའ་སྩལ་[199.4]པ། སྣང་ཐབས་ཆེན་པོ་བཞི་ནི། ལྷུན་གྲུབ་ལས་སྣ་ཚོགས་སུ་སྣང་བའོ། །ལོངས་སྐུ་ལ་ཁ་མིག་རྣ་བ་ཅན་འོད་ཀྱི་རང་བཞིན་སྒྱུ་མའི་སྐུར་གནས་པའོ། །སྤྲུལ་སྐུ་ལ་གཟུགས་ལྟར་སྣང་བའོ། །སེམས་ཅན་ལ་སྣང་བ་ཐ་[199.5]དད་དུ་སྣང་བའོ། །དེ་ཡང་སེམས་ཅན་ལ་སྣང་བ་སྣང་ཐབས་ཀྱིས་བསྒྲིབས་པའོ། །ཞེས་བཀྲ་ཤིས་མཛེས་ལྡན་དཔལ་ནམ་མཁའ་མེད་པའི་རྒྱུད་ལས། གནས་ལུགས་དང་སྣང་ལུགས་བསྟན་པའི་ལེའུ་སྟེ་གསུམ་[199.6]པའོ།། །།དེ་ནས་ཡང་བཅོམ་ལྡན་འདས་རིག་པཆོསསྐུཆེནཔོལ། སྣངབཡུམ་གྱི་སྐུས་འདི་སྐད་ཅེས་གསོལ་ཏོ། །ཀྱེ་མ་རིག་པའི་ཡེ་ཤེས་སྐུ། །མཐར་ཐུག་ལྟ་བ་གསུང་དུ་གསོལ། །ཞེས་ཞུས་སོ། །ཡང་[200][200.1]རིག་པ་ཆོས་འབྱུང་ཤེས་རབ་གྱིས་བཀའ་སྩལ་པ། ཀྱེ་མ་ཉོན་ཅིག་ཡང་དག་གསང་བའི་ཡུམ། དོན་གྱི་ཐུག་ས་ཆེན་པོ་རྣམས། ཡང་དག་སངས་རྒྱས་མཐར་ཐུག་དང་། དགོངས་པའི་དོན་ལ་མཐར་ཐུག་དང་། ཡང་[200.2]དག་ལྟ་བའི་མཐར་ཐུག་དང་། མཚན་མ་ཚིག་གི་མཐར་ཐུག་གོ །ཨེ་མ་ཧོ། ཡང་དག་མཐར་ཐུག་ངས་བཤད་ཀྱིས། །སྣང་བ་དམ་པའི་འཁོར་རྣམས་ཉོན། །སངས་རྒྱས་དགོངས་པ་མཐར་ཐུག་ནི། །རིག་པའི་[200.3]བཞག་ཐབས་ཉིད་ལ་ཐུག །དགོངས་པའི་དོན་ལ་མཐར་ཐུག་ནི། དབྱིངས་ཀྱི་སྒྲོན་མ་ཉིད་ལ་ཐུག །ཡང་དག་ལྟ་བའི་མཐར་ཐུག་ནི། །ལུ་གུ་རྒྱུད་ཀྱི་སྐུ་ལ་ཐུག །མཚན་མ་ཚིག་གི་མཐར་ཐུག་ནི། །རང་ཤར་ཆེན་པོའི་[200.4]རྒྱུད་ལ་ཐུག །རྒྱུད་རྣམས་ཀུན་གྱི་མཐར་ཐུག་ནི། །སེང་གེ་རྩལ་རྫོགས་ཆེན་པོ་དང་། །ཡི་གེ་མེད་པའི་རྒྱུད་ལ་ཐུག །ལུང་རྣམས་ཀུན་གྱི་མཐར་ཐུག་ནི། །བདུད་རྩི་ཐལ་སྦྱོར་ལུང་ཆེན་དང་། །གསང་བ་དབང་རྫོགས་[200.5]ལུང་ལ་ཐུག །ཡང་གསང་ཐུགས་ཀྱི་དཀྱིལ་འཁོར་ནས། །ནོར་བུ་དྲི་མ་མེད་པའི་སྐུ། །ཡང་དག་མཐར་ཐུག་རྫོགས་པའོ། །ཀྱེ་མ་སྣང་མཛད་ཡུལ་གྱི་རྟོག་མེད་ནས། །གསང་སྔགས་བདག་པོ་ཨུ་ལི་ཀྭ། །ཆོས་ཀྱི་སྒྲ་ནི་[200.6]གཉིས་མེད་པས། །སེམས་ཅན་བློ་ལ་བསམ་མི་ཁྱབ། །གསང་སྔགས་ངེས་དོན་བསྡུས་པ་ནི། །གསང་བ་བཅུ་བདུན་ཉིད་དུ་བསྟན། །ལྟ་བ་གསང་རྫོགས་ཆེན་པོ་ལས། གཉིས་མེད་དག་པའི་མཁའ་ཀློང་ལ། །ཡང་[201][201.1]དག་གཏེར་ཆེན་འདི་གསུངས་པས། །ཆོས་ཀྱི་སྐུ་དང་མཉམ་པར་སྦྱོར། །གསང་བ་རིག་པའི་སྐུར་བསྟན་པས། །ཀ་དག་ཉིད་དང་ལྷན་ཅིག་སྦྱོར། །སངས་རྒྱས་ཉིད་ཀྱི་ལྟ་སྟངས་ནི། །ཅོག་བཞག་བཞི་[201.2]དང་ལྷན་ཅིག་སྦྱོར། །ཡང་གསང་ཐུགས་ཀྱི་མེ་ལོང་ནི། །སྒྲོན་མ་ཉིད་དང་ལྷན་ཅིག་སྦྱོར། །སངས་རྒྱས་སྐུ་ཡི་རྒྱན་ཉིད་དང་། །ཆེན་པོ་ལྔ་དང་ལྷན་ཅིག་སྦྱོར། །རང་བཞིན་ཉིད་ཀྱི་དབྱིངས་ཉིད་ལ། །རྟོག་པའི་རྒྱལ་པོ་[201.3]བསམ་མི་ཁྱབ། །སྐུ་གསུམ་གསང་སྔགས་ཨ་ཉིད་ལས། །ཆོས་སྐུའི་ཐིག་ལེ་ཉག་གཅིག་ལ། །བྱ་བྱེད་མེད་པའི་སྐུ་ཉིད་ལས། །མཛས་པའི་དཀྱིལ་འཁོར་བསམ་མི་ཁྱབ། །སངས་རྒྱས་ཀུན་གྱི་མེས་ཆེན་པོ། །སྐུ་དང་[201.4]ཡེ་ཤེས་འགག་མེད་པས། །མཚོན་པའི་ཡི་གེ་ཚིག་ལས་འདས། །རིག་པའི་སྐུ་ལ་གཉིས་མེད་དོ། །སེམས་ཅན་བློ་ལ་བསམ་ཡས་ཤིང་། །དགོངས་པ་ཉག་གཅིག་རང་སངས་པས བསམ་པའི་ཡུལ་ལ་ལྟར་སྣང་[201.5]ཞིང་། །ཐོག་མའི་མགོན་པོ་འོད་དཔག་མེད། །ཞིང་ཁམས་དག་པས་སྐུ་གསུམ་གསལ། །མགོན་པོ་དྲི་མེད་དག་པ་ལས། །འོད་སྣང་དག་པའི་ཁ་དོག་གསལ། །སྐུ་ཡི་སྣང་བ་ཆེན་པོ་ནི། །རང་བཞིན་སྣང་བ་མ་[201.6]འགགས་པའོ། །གསང་སྔགས་བྱུང་ཚོར་མ་འགགས་པས། །མགོན་པོ་རྡོ་རྗེ་འོད་དཔག་མེད། །ཐོག་མའི་ལུས་ཀྱི་སྣང་བ་ལས། །འཁྲུལ་པའི་སྣང་བ་བསམ་ལས་འདས། །དཀྱིལ་འཁོར་ཆོས་ཉིད་བསམ་ཡས་[202][202.1]ལས། །འདུ་འཕྲ་འི་སྤྱོད་པ་བསམ་ཡས་སོ། །དེ་ནས་ཡང་སྣང་བའི་འཁོར་འབྱུང་བའི་ཡུམ་དང་བཅས་པས། །འདི་སྐད་ཅེས་གསོལ་ཏོ། །ཀྱེ་མ་གསང་བ་རིག་པའི་མངའ་བདག་ཆེན་པོ། བདག་ཅག་སྣང་བ་དམ་པའི་[202.2]རིགས་རྣམས་ལ། ཡང་དག་པའི་ཡེ་ཤེས་གསང་བ་དམ་པ་རྣམས་གསུངས་ཤིག །ཡང་བཀའ་བསྩལ་པ། །རིག་པའི་སྣང་བ་ཆེན་པོ་འདི་ལ། །རེ་དོགས་བཅས་ན་མི་མཐོང་ངོ་། །སྤང་ཐོབ་བཅས་ན་མི་མཐོང་[202.3]ངོ་། །ཡིད་དུ་བཟུང་ན་མི་མཐོང་ངོ། །དེའི་ཕྱིར་ན་ཡང་དག་པའི་ཆོས་ཉིད་ལ། རྩོལ་བསྒྲུབ་ཀྱིས་མཐའ་དང་བྲལ་བར་བསྟན་པའོ། །ཞེས་བཀྲ་ཤིས་མཛེས་ལྡན་ཆེན་པོ། དཔལ་ནམ་མཁའ་མེད་པའི་རྒྱུད་ཆེན་པོ་[202.4]ལས། མཐའ་གསང་བའི་ལེའུ་སྟེ་བཞི་པའོ།། །།དེ་ནས་ཡང་རིག་པའི་སྣང་བ་དམ་པ་ཉིད་། མ་བཞུགས་པའི་གདན་ལས་བཞེངས་ནས། རང་གི་སྣང་བ་ཆེན་པོ་འདི་སྨྲས་སོ། །ཀྱེ་སྣང་བ་ཆེན་པོ་འདུས་པའི་[202.5]མཁོར་རྣམས་ཉོན་ཅིག །ཡང་དག་རྫོགས་པའི་སངས་རྒྱས་ཀྱི་ཡེ་ཤེས་ལ། གསལ་འགྲིབ་མེད་པར་ཟུང་ཞིག །སངས་རྒྱས་ཀྱི་སྐུ་ལ་ཆེ་ཆུང་མེད་པར་ཟུང་ཞིག །སངས་རྒྱས་ཀྱི་གསུང་ལ་བདེན་རྫུན་མེད་པར་ཟུང་[202.6]ཞིག །སངས་རྒྱས་ཀྱི་ཐུགས་ལ་རྟོག་པ་མེད་ཅིང་དྲན་བྱེད་མེད་པར་ཟུང་ཞིག །ཀྱེརངབཞིནགྱི སྣངབབསམ་གྱིས་མི་ཁྱབ་སྟེ། །ཆོས་ཀྱི་སྐུའི་སྣང་བ་ལ་བསྒྲུབ་ཏུ་མེད་དོ། །ལོངས་སྐུའི་ཡེ་ཤེས་ལ་དཔག་ཏུ་མེད་[203][203.1]༄༅་་། །དོ། །སྤྲུལ་སྐུའི་ཤེས་རབ་ལ་བརྗོད་དུ་མེད་དོ། །དེའི་ཕྱིར་སྐུ་གསུམ་ངང་ལ་རྫོགས་པའི་འབྲས་བུ་ཞེས་བྱའོ། །ཨེ་མ་ཧོ། རྡོ་རྗེ་སེམས་དཔའ་ཉིད་ལ་གསལ་འགྲིབ་མེད་ཀྱང་། སེམས་ཅན་ལ་འཁྲུལ་[203.2]ལུགས་བསམ་གྱིས་མི་ཁྱབ་སྟེ། རིག་པ་ཉིད་ལ་འཁྲུལ་པ་ངང་གིས་ཡོད་པ་མ་ཡིན་ནོ། །འཁྲུལ་པ་མེད་ཀྱང་འཁྲུལ་བྱེད་མ་འགགས་པས། འཁྲུལ་པ་ལྟར་སྣང་བའོ། །གསང་བའི་དོན་ལ་ཆོས་མེད་ཀྱང་། སེམས་ཅན་[203.3]གྱི་བློ་ལ་ཆོས་ལྟར་སྣང་བའོ། །རིག་པའི་ཡེ་ཤེས་ཉིད་ལ་འཁྲུལ་རྟོག་དུ་མར་སྣང་བས་ཆོས་ལ་སྤྱོད་ཅིང་ཆོས་ལྟར་སྣང་བའོ། །ཡང་དག་པའི་ཆོས་ཀྱི་སྐུའི་སྣང་བ་ཉིད་ལས་མ་གཡོས་བཞིན་དུ། ཆོས་ཀྱི་སྐུའི་ཡེ་ཤེས[203.4]ཀྱི་སྣང་བ་རྣམས། མཐའ་མ་འགགས་པའི་སྤྱོད་ཡུལ་དུ་མར་སྣང་བའོ། །ཡང་དག་པའི་ཆོས་ཀྱི་སྐུ་བསམ་པ་ལས་འདས་ཀྱང་། སེམས་ཅན་བློའི་དྲི་མ་བསམ་པ་དང་བཅས་པས བསམ་པ་རང་ཀ་མར་སྤྱོད་ཅིང་།[203.5]བསམ་པའི་རྗེས་སུ་འབྲང་བའོ། །ཡང་དག་པའི་སྐུ་བསམ་པའི་དངོས་པོས་སྟོང་སྟེ། བྱ་བྱེད་ཀྱི་འཁྲུལ་པ་རང་དག་པའོ། །རིག་པའི་སྐུ་ཉིད་སེམས་ཅན་ལ་རང་ཆས་ཏེ། འབྱུང་བཞི་ཀུན་ལ་གནས་པས་ཀུན་[203.6]ཏུ་སྤྱོདདོ། །ཀུན་ཏུ་སྣང་ཞིང་ཀུན་ལ་གསལ་ཆ་མ་འགགས་པའོ། །ཀུན་ལ་མང་པོར་འཆར་ཞིང་། ད་ལྟར་དུ་འདུ་འབྲལ་མེད་པའོ། །འོད་ཁྱིམ་ཀྱི་ཚུལ་དུ་འཆར་ཞིང་སྣང་བ་མ་འགགས་པའོ། །ཀྱེ་མ་གསང་སྔགས་ཀྱི་[204][204.1]མཐའ་རང་གི་རིག་པའི་སྐུ་རྣམ་པར་དག་པའོ། །ཆོས་ཐམས་ཅད་ཀྱི་མཐའ་ནི་མི་སྤྱོད་པའི་སྤྱོད་པ་ཆེན་པོ་ལ་ཐུག་གོ །བལྟ་བ་ཐམས་ཅད་ཀྱི་མཐའ་ནི། ལྷ་རུ་མེད་པའི་ སྣང་བ་རྒྱས་འདེབས་ཆེན་པོ་ལ་ཐུག་[204.2]གོ །དགོངས་པ་ཐམས་ཅད་ཀྱི་མཐའ་ནི། བསྒོམ་དུ་མེད་པའི་རང་སྣང་ཆེན་པོ་ལ་ཐུག་གོ །སྤྱོད་པ་ཐམས་ཅད་ཀྱི་མཐའ་ནི། མ་བཅོས་ཤིང་བྱ་བྱེད་དང་བྲལ་བ་ལ་ཐུག་གོ །སྐུ་ཐམས་ཅད་ཀྱི་མཐའ་ནི། ལུ་གུ་རྒྱུད་[204.3]ལ་ཐུག་གོ །སྣང་བ་ཐམས་ཅད་ཀྱི་མཐའ་ནི། ཡུལ་མེད་པའི་གདངས་ཆེན་པོ་ལ་ཐུག་གོ །དམ་ཚིག་ཐམས་ཅད་ཀྱི་མཐའ་ནི། བསྲུང་དུ་མེད་པའི་བསྲུང་མཚམས་ཆེན་པོ་ལ་ཐུག་གོ །ཕྲིན་ལས་ཐམས་ཅད་ཀྱི་མཐའ་[204.4]ནི། བསྒྲུབ་ཏུ་མེད་པའི་གྲུབ་པ་ཆེན་པོ་ལ་ཐུག་གོ །ཕྱག་རྒྱ་ཐམས་ཅད་ཀྱི་མཐའ་ནི་མ་བསྒྱུར་བར་ཡེ་ནས་རྫོགས་པ་ལ་ཐུག་གོ །དཀྱིལ་འཁོར་ཐམས་ཅད་ཀྱི་མཐའ་ནི་རྩ་བ་དབྱིངས་ཀྱི་སྒྲོན་མ་ལ་ཐུག་གོ །ཡིག་[204.5]འབྲུ་ཐམས་ཅད་ཀྱི་མཐའ་ནི། མ་བསྐྱེད་པའི་རང་བྱུང་ཆེན་པོ་ ལ་ཐུག་གོ །ལྷའི་སྐུ་ཐམས་ཅད་ཀྱི་མཐའ་ནི། ཡངས་པ་ཉིད་ལ་རང་བྱུང་བ་ལ་ཐུག་གོ །ཆོས་སྐུའི་མཐའ་ནི་བསམ་པ་མེད་ཅིང་རང་རྫོགས་པ་ལ་ཐུག་[204.6]གོ །ལོངས་སྐུའི་མཐའ་ནི། རང་གི་སྣང་བའི་ཕྱོགས་སད་པ་ལ་ཐུག་གོ །སྤྲུལ་སྐུའི་མཐའ་ནི་ཐུགས་རྗེའི་གོ་མ་འགགས་པ་ལ་ཐུག་གོ །ཀྱེ་མ་སྐྱེ་ཤི་མེད་པར་སྲོག་འཛིན་པར་འདོད་ན། མི་འགྱུར་བ་རྡོ་རྗེའི་སྐུ་ལོངས་[205][205.1]༄༅། ་རྐོག །འགག་པ་མེད་པར་རང་གྲོལ་བར་འདོད་ན། རང་སྣང་ཆོས་ཉིད་ཀྱི་ཡུལ་ལ་ལྟོས་ཤིག །སྐྱེ་འགྲིབ་མེད་པའི་དགོངས་པ་ལ་གནས་པར་འདོད་ན། དབྱིངས་རྣམ་པར་དག་པའི་སྒྲོན་མ་ལ་ལྷོས་[205.2]ཤིག །རྡོ་རྗེ་སེམས་དཔའི་སྐུ་ལ་བལྟ་བར་འདོད་ན། རིག་པ་ལུ་གུ་རྒྱུད་ཀྱི་སྐུ་ཟུང་ཞིག །ཡངས་པ་སྣང་བ་ཀུན་ཏུ་འཆར་ཞིང་ཀུན་ལ་སྣང་བའོ། །གསང་བའི་ཡེ་ཤེས་ཀུན་ཏུ་སྣང་བ་ལ་མཁས་པ། ཆོས་ཀྱི་སྐུའི་ངོ་[205.3]བོ་ཟང་ཐལ། ལོངས་སྐུའི་ངོ་བོ་གསལ་དངས། སྤྲུལ་སྐུའི་ངོ་བོ་མངོན་པར་སྣང་བ། ངོ་བོ་ཉིད་ཀྱི་སྐུ་རང་བྱུང་བ། སངས་རྒྱས་ཀུན་གྱི་རྡོ་རྗེ་དྲིལ་བུ་སྐུའི་ངོ་བོ་དང་བཅས་པ་རང་གིས་སྣང་བ། གླུའི་ཚིག་དང་བཅས་པ་[205.4]འདི་གསུངས་སོ། །དེ་ཡང་ཐབས་ཀྱི་སྣང་བ་དུས་གཅིག་ལ་རྫོགས་པས། ཡང་དག་པར་རྫོགས་པའི་སངས་རྒྱས་རྫོགས་པ་ཆེན་པོ་འདིར། རིག་པ་མངོན་སུམ་ལ་གཟིགས་པའོ། །ཐིག་ལེ་ཉག་གཅིག་ཆོས་ཀྱི་སྐུའི་[205.5]ངང་ལས་མ་གཡོས་ཤིང་། དེའི་སྣང་བ་ལས་ཀུན་གསལ་ལོ། ཐུགས་རྗེས་ཐམས་ཅད་འཛིན་ཅིང་། དབྱིངས་སུ་འཛིན་པར་བྱེད་པའོ། །སངས་རྒྱས་ཀྱི་འོད་ཟེར་གྱིས་འགྲོ་བ་ཕལ་པ་བརྒྱལ་ཏེ། སྣང་མི་ནུས་[205.6]པའོ། །ཨེ་མ་ཧོ། སྔོན་བྱུང་གི་དུས་ན་སངས་རྒྱས་འོད་སྲུངས་ཆེན་པོ་ཞེས་བྱ་བ་ཞིག་ལ་སྣང་བ་ཆེན་པོ་བརྒྱ་སྟོང་དང་ལྡན་པའི་མཆོད་རྟེན། ཤིན་ཏུ་བརྩེགས་ལེགས་པ་གསལ་བ། མཐོ་བ་ལ་སྲིད་པའི་རྩེ་མོར་སླེབ་པ་