Ngb-pt-0038-vol-01-text

BASIC METADATA
Title of Text
Title on Cover
Cover Title San
Cover Title San in Tib
Cover Title San in Lanydza
Title on Spine
Margin Title
Author of Text
Name of Collection (if applicable)
PUBLISHING
Publisher Name
Publisher Place
Publisher Date
IDs
ISBN (if applicable)
Library Call-number (if applicable)
Other ID number (if applicable)
Volume Letter (if applicable)
Volume Number (if applicable)
Pagination of Text
Pages Represented in this file
CREATION
Name of Agent Creating Etext
Date Process Begun
Date Process Finished
Place of Process
Method of Process (OCR, input)
PROOFING
Name of Proofreader
Date Proof Began
Date Proof Finished
Place of Proof
MARKUP
Name of Markup-er
Date Markup Began
Date Markup Finished
Place of Markup
CONVERSION
Name of Converter
Date Conversion Began
Date Conversion Finished
Place of Conversion
PROBLEMS

Body

[376][376.4]རྒྱ་གར་སྐད་དུ། རཏྣ་ཨ་མྲི་ཏ་ར་ས་བིནུ་ཏནྟྲ་ནཱ་མ། བོད་སྐད་དུ། རིན་པོ་ཆེ་བདུད་རྩི་བབ་ཐིགས་ཀྱི་རྒྱུད་ཅེས་བྱ་བ་བཅོམ་ལྡན་འདས་གསང་བདག་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་[376.5]རྟོགས་པའི་དུས་གཅིག་ན། འོག་མིན་གྱི་གནས་སེམས་ཉིད་གདལ་བ་ཆེན་པོ། མ་བྲིས་པའི་དཀྱིལ་འཁོར་འོད་ཁ་དོག་སྣ་ཚོགས་འབར་བར་རང་བྱུང་བ། མ་བརྩིགས་པའི་གཞལ་ཡས་ཁང་ཡེ་ཤེས་ཀྱི་འོད་ཟེར་རྣམ་[376.6]ལྔ་འཕྲོ་བ། ཆོས་དབྱིངས་གཡོ་མེད་མཁའ་གསལ་དངས་པའི་གཞལ་ཡས་ཁང་དེ་ན། སྟོན་པའི་རྒྱལ་པོ་རང་བྱུང་གི་ཡེ་ཤེས་གསང་བདག་ཆེན་པོ་བཞུགས་སོ། །འཁོར་གྱི་ཚོགས་ནི་འདི་ལྟ་སྟེ། འབྱུང་བ་ལྔ་དང་།[377][377.1]འདོད་ཡོན་ལྔ་དང་། ཕུང་པོ་ལྔ་དང་། ཡེ་ཤེས་ལྔ་དང་། དུག་ལྔ་དང་། སྐུ་ལྔ་དང་བཅས་ཏེ་འདུ་འབྲལ་མེད་པར་འཁོད་དོ། །དུས་ནི་འདི་ལྟ་སྟེ། འདས་མ་འོངས་ད་ལྟ་དུས་གསུམ་དུ་དབྱེར་མེད་པའི་ཚེ།[377.2]བསྟན་པའི་རྒྱལ་པོ་སེམས་ཉིད་རྣལ་མ་སྐྱེ་མེད་ཀ་དག་བདུད་རྩི་བཅུད་ཐིགས་འདི་སྐད་དོ། །རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། གླེང་གཞི་ཡོངས་སུ་[377.3]བཀོད་པའི་ལེའུ་སྟེ་དང་པོའོ།། །།དེ་ནས་འཁོར་གྱི་ནང་ནས་ཀུན་རིག་ཁྱེའུ་ཆུང་རང་བྱུང་གི་རྩལ་དུ་ལངས་ཏེ་སྟོན་པ་གསང་བདག་ཆེན་པོ་ལ་ཞུས་པ། ཨེ་མ་སྟོན་པ་གསང་བའི་བདག །དགུ་རྩེ་སེམས་ཉིད་སྤྱི་[377.4]ཏི་འདིར། །ཀ་དག་ཕྱོགས་བྲལ་ཆེན་པོ་ལ། །མཚོན་བྱ་མཚོན་བྱེད་མ་གྲུབ་ན། །ཕྱི་རབས་བསྟན་པའི་ཐ་མ་ལ། །བློ་འདས་མཚོན་པར་བྱེད་པ་ཡི། །བརྡའ་དོན་སྟོན་བྱེད་དགོས་མི་དགོས། །དགོས་ན་བླ་མའི་མཚན་[377.5]ཉིད་གང་། །དེ་མེད་ཇི་ལྟར་རྟོགས་པར་འགྱུར། །ཞེས་ཞུས་པ་དང་། དེ་ནས་སྟོན་པ་གསང་བའི་བདག་པོ་དེ་ཕྱོགས་མེད་ཡོངས་རྫོགས་ཀྱི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་བཀའ་སྩལ་[377.6]པ། །ང་ཡི་བླ་མེད་སྤྱི་ཏི་ལ། །མཚོན་བྱ་མཚོན་བྱེད་ཀ་དག་ཀྱང་། །མ་མཚོན་གོ་བར་མི་འགྱུར་བས། །མཚོན་བྱེད་ཕྱི་ཡི་བླ་མ་དགོས། །དེ་ཡི་མཚན་ཉིད་ངས་བཤད་ཀྱིས། །ཀུན་རིག་ཁྱེའུ་ཆུང་གུས་པས་ཉོན། །ཕྱི་[378][378.1]རབས་བསྟན་པའི་ཐ་མ་ལ། །འབྲས་བུའི་བསྟན་པ་དར་བའི་ཚེ། །སེམས་ཉིད་དགུ་རྩེ་སྤྱི་ཏི་འབྱུང་། །དེ་འཛིན་བླ་མའི་མཚན་ཉིད་ནི། །མི་མཇེད་འཛམ་གླེང་ས་ཕྱོགས་སུ། །རྣལ་འབྱོར་གཙང་མའི་ལུས་བླངས་[378.2]ལ། །རིགས་བཟང་རྒྱུད་དུལ་དད་རྩོན་ལྡན། ཁྲེས་རབ་སྙིང་རྗེས་འགྲོ་དོན་བྱེད། ཁུ་འབྲས་ཐེག་པའི་ཐོས་བསམ་རྫོགས། །སྤྱོད་པ་དབང་དང་བལྟ་བར་ལྡན། ཁུད་ལུང་མན་ངག་ཀུན་ལ་མཁས། །བློ་ལྡན་ངེས་[378.3]དོན་ཐུགས་སུ་ཆུད། །ཐབས་མཁས་རིན་ཆེན་ལྟ་བུ་ཡིས། །བླ་མས་དགུ་རྩེ་སྟོན་པར་འགྱུར། །དེ་ལ་ཕྱི་རབས་སྐལ་ལྡན་གྱིས། །དད་བརྩོན་གུས་པས་བསྟན་པར་གྱིས། །དེ་ལྟར་མི་ལྡན་སློབ་དཔོན་ནི། ཁུད་ངན་མ་[378.4]སྦྱངས་མུ་ཅོར་སྨྲ། །བློ་དམན་དམ་མེད་དོན་མ་རྟོགས། །དུག་ལྔ་ཤས་ཆེ་འཇིག་རྟེན་སྒྲུབ། །སྙིང་རྗེ་ཤེས་རབ་ཐབས་དང་བྲལ། །ཚད་མར་མ་གྱུར་སྤྲེའུ་འདྲ། །མ་རིག་ལོང་བ་ལྟ་བུ་ལ། །བསྟན་པའི་ལམ་ནོར་ལོག་[378.5]པར་འཁྲིད། །རྟོག་ཆོས་ཞེན་པའི་དུག་གིས་འཛིན། །འཁོར་བའི་རྒྱ་མཚོར་བསྐྱུར་བ་ཡི། །བདུད་དེ་ལེགས་པར་བརྟགས་ཏེ་སྤངས། །ཞེས་གསུངས་སོ། །རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་[378.6]དགོངས་པ་འདུས་པའི་རྒྱུད་ལས། བཅུད་ཀྱི་མཚན་ཉིད་བསྟན་པའི་ལེའུ་སྟེ་གཉིས་པའོ།། །།དེ་ནས་ཀུན་རིག་ཁྱེའུ་ཆུང་གིས། །གསང་བདག་སྟོན་པ་ལ་ཞུས་པ། །དགུ་རྩེ་ངེས་དོན་སྤྱི་ཏི་འདི། །ནམ་ཞིག་དར་[379][379.1]བའི་དུས་ཀྱི་ཚེ། །དམན་པའི་རིགས་ཅན་བྱིས་པ་ཡིས། །སྤྱོད་ཡུལ་ཡིན་པར་མ་གསུངསཔས། །ཕྱི་རབས་སྣོད་ལྡན་མཚན་ཉིད་གང་། །སྤང་བར་བྱ་བ་ཇི་ལྟ་བུ། །ཞེས་ཞུས་པས། གསང་བདག་སྟོན་[379.2]པས་བཀའ་སྩལ་པ། །ངེས་དོན་འདིར་འཇུག་སློབ་མ་ནི། །རིགས་བཟང་རྒྱུད་དུལ་སྙིང་རྗེ་ཅན། །འཁོར་བ་མངོན་བྱུང་བྱང་ཆུབ་འདོད། །དད་དང་བརྩོན་འགྲུས་ཤེས་རབ་ཆེ། ཁུད་སྦྱངས་དབང་ཐོབ་དམ་ཚིག་[379.3]གཙང་། །གཏོང་ཕོད་ཁེངས་མེད་རྨོངས་པ་སངས། །དྲང་བརྟན་དྲི་མེད་ཐེ་ཚོམ་བྲལ། །ལུས་སྲོག་མི་ལྟོས་ངེས་དོན་ཚོལ། །བསྒྲུབ་རྩོལ་ཐོད་རྒལ་བློ་ལྡན་ནི། །ང་ཡི་བླ་མེད་སྤྱི་ཏིའི་སྣོད། །མཚོན་བྱེད་སློབ་མ་དེ་ལ་[379.4]བསྟན། །བསྟན་པའི་སྙིང་པོ་འཛིན་པར་འགྱུར། །དེ་དང་མི་ལྡན་སློབ་མ་ནི། །ཁ་འཇམ་ཁོང་གྱོང་གཡོ་སྒྱུ་ཅན། །རང་བཟོ་བཀའ་རྐུ་ཐབས་ཀྱི་འདོད། །བདག་བསྟོད་མཁས་སྨོད་ང་རྒྱལ་ཆེ། །ཐོས་ཆུང་བློ་དམན་ལོག་[379.5]ལྟ་ཅན། །དད་བརྩོན་ཤེས་མེད་གཞན་ལ་སྐུར། །སྙིང་བརྩེ་སྡོམ་པར་དམ་ཚིག་བྲལ། །འཁྲུལ་པའི་ལས་བརྩོན་བསྒྲུབ་ལ་གཡེལ། །བླ་མར་གུས་བྲལ་ཐེ་ཚོམ་ཅན། །འཕྱར་སྲབ་ཁ་གསག་ཚིག་ལ་ཞེན། །གཞུང་ཐོག་[379.6]བཀའ་སྨོད་སྐུར་པ་འདེབས། །དུག་སྦྲུལ་ལྟ་བུའི་སྐལ་མེད་ལ། །སྲིད་པ་ཞབྲུགས་ཀྱང་བསྟན་མི་བྱ། །དོན་འདིར་སྐྱོན་ཡོད་མ་ཡིན་ཏེ། །བློ་དམན་ལོག་རྟོག་སྒྲོ་སྐུར་འདོགས། །ཡང་དག་དོན་ལ་མ་མོས་[380][380.1]པས། །འཁྲུལ་སྣང་དམྱལ་བར་འཕེན་པས་གསང་། །ཞེས་གསུངས་སོ། །རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། སྣོད་ཀྱི་མཚན་ཉིད་བསྟན་པའི་ལེའུ་སྟེ་[380.2]གསུམ་པའོ།། །།དེ་ནས་ཀུན་རིག་ཁྱེའུ་ཆུང་གིས། །གསང་བདག་སྟོན་པ་ལ་ཞུས་པ། །ཕྱི་རབས་སྐལ་ལྡན་དགུ་རྩེ་འདིར་དད་ནས། །འཇུག་སྒོ་གཡོ་བ་མེད་པར་བསྟན་པ་ལ། །རིམ་དང་ཅིག་ཅར་ཇི་ལྟར་[380.3]འཇུག་པར་བྱ། །ཞེས་ཞུས་པས། གསང་བདག་སྟོན་པས་འཁོར་ལ་བཀའ་སྩལ་པ། །ང་ཡི་སྐྱེ་མེད་ཀ་དག་ཕྱོགས་བྲལ་ལ། །དེ་ལས་མ་གཡོས་འཇུག་པས་རྩོལ་བ་མེད། །གར་ཡང་མ་ཞུགས་འཇུག་པས་མཆོག་ཡིན་[380.4]པས། །དེ་ཉིད་མ་མཚོནི་ཡོད་མེད་མི་རྟོགས་པས། རྩོལ་མེད་འཇུག་པས་གདམས་ངག་བསྟན་གྱི་ཉོན། །ཕྱི་རབས་འདིར་འཇུག་རིགས་གཉིས་ཏེ། །བློ་ལྡན་ཐེག་པར་སྦྱངས་མ་སྦྱངས། །ཐེག་པར་སྦྱངས་པ་རྣམ་[380.5]གཉིས་ཏེ། །རྒྱུ་དང་འབྲས་བུའི་ཐེག་པའོ། །རྒྱུ་ཡི་ཐེག་པར་སྦྱངས་པ་ལ། །འབྲས་བུའི་ཐེག་པ་ཀུན་བསྟན་ལ། །དེ་ནས་ཅིག་ཅར་དོན་དེར་འཇུག ཁུ་འབྲས་གཉིས་ཀར་སྦྱངས་པ་ལ། །ཅིག་ཆར་ཆོས་འདས་སྤྱི་ཏི་[380.6]བསྟན། །བློ་ལྡན་གང་ཡང་མ་སྦྱངས་ན། །སྣོད་ངན་སྐྱོན་བཅོས་སྤྲོས་པ་བཅད། །དེ་ནས་བླ་མེད་དོན་ལ་སྦྱར། །སྣོད་ངན་ཐ་མལ་ལོག་ལྟ་དང་། །ཐེག་དམན་གྲུབ་མཐའི་དྲི་མ་གསལ། །ཐ་མལ་གནས་ལུགས་མ་ཤེས་[381][381.1]པས། །འཁྲུལ་སྣང་རང་རྒྱུད་གཟུང་འཛིན་སྤྱོད། །དེ་ལས་ལྡོག་པ་ཐར་ལམ་དགོད། །ལོག་ལྟ་མུ་སྟེགས་རྟག་ཆད་དང་། །ཐུན་མོང་ཐེག་པའི་ལམ་ལ་ཞུགས། །དམན་པ་ཉན་ཐོས་རང་རྒྱལ་ཏེ། །རྒྱུ་[381.2]ཡི་ཐེག་ཆེན་ལམ་ལ་ཞུགས། །སྤྲོས་པའི་འཆིང་བ་རྣམ་གསུམ་སྟེ། །སྤྱི་དང་བྱེ་བྲག་ཁྱད་པར་རོ། །སྤྱི་ནི་ཐེག་པ་གྲུབ་མཐའ་སྟེ། །བློས་བཏགས་གཟུང་ཞེན་སྤྲོས་པ་ཆོད། །བྱེ་བྲག་འབྲས་བུའི་ཐེག་པ་སྟེ། །རྩོལ་[381.3]བསྒྲུབ་ཡིད་སྨོན་སྤྲོས་པ་ཆོད། །ཁྱད་པར་ཐེག་པའི་རྩེ་མོ་སྟེ། །ཨ་ཏི་སྡེ་གསུམ་སྤྲོས་པ་བཅད། །འདི་ནི་རིམ་འཇུག་མ་ཡིན་ཏེ། །དེ་ལྟར་མ་སྦྱངས་མ་བསྟན་ན། །ཆོས་འདས་ཀློང་ལས་མི་གྲོལ་བས། །ངེས་ཤེས་[381.4]བསྟན་ཕྱིར་དེ་བསྟན་གཅེས། །དེ་ནས་བླ་མེད་དོན་ལ་སྦྱར། །བསྐུར་ཐོབ་མཐའ་སྟོང་དབང་ལྡན་ཏེ། །སྐྱེ་མེད་ཆོས་འདས་རང་ངོ་སྤྲོད། །མ་བཙལ་རྫོགས་པར་མཐའ་ལས་འདས། །དེ་ནས་བྱ་བ་ཀུན་བཏང་[381.5]ལ། །ཡོངས་རྫོགས་མཐའ་རླག་ཆོས་འདས་པའི། །གནས་ལུགས་སྤྱི་ཡི་རང་སར་ཞོག །རིམ་འཇུག་རྩོལ་བསྒྲུབ་ཀ་ནས་དག །ཅེས་གསུངས་སོ། །རིན་པོ་ཆེ་བདུད་རྩི་བཅ་ཐིགས་སངས་རྒྱས་ཐམས་ཅད་ཀྱི་[381.6]དགོངས་པ་འདུས་པའི་རྒྱུད་ལས། རྒྱ་ཆད་མེད་པའི་འཇུག་ཚུལ་བསྟན་པའི་ལེའུ་སྟེ་བཞི་པའོ།། །།དེ་ནས་ཀུན་རིག་ཁྱེའུ་ཆུང་གིས། །གསང་བདག་སྟོན་པ་ལ་ཞུས་པ། །ཡང་དག་ཆོས་འདས་སྤྱི་ཏི་[382][382.1]ཡི། །གནས་ལུགས་བསྟན་དུ་ཡོད་དང་མེད། །ཡོད་ན་བློ་ཡི་ཡུལ་དུ་གྱུར། །མེད་ན་ཇི་ལྟར་རྟོགས་པར་བྱེད། །ཅེས་ཞུསླ་པས། གསང་བདག་སྟོན་པས་བཀའ་སྩལ་པ། །གནས་ལུགས་ཆོས་འདས་མཚོན་མེད་[382.2]ལ། །བསྟན་བྱ་སྟོན་བྱེད་མཐའ་ལས་གྲོལ། །འདི་ཞེས་གཅིག་ཏུ་མཚོན་དུ་མེད། །བསམ་འདས་བརྗོད་མེད་ཚུལ་དུ་མཚོན། །ཀ་དག་ང་ཡི་གནས་ལུགས་ནི། ཁུ་རྐྱེན་མེད་པར་ཀུན་འཆར་བས། །རྒྱ་ཆད་ཕྱོགས་ལྷུང་[382.3]གྲོལ་བར་གནས། །རྟོགས་ཐབས་མཚན་མ་མིང་མེད་པས། །མི་རེ་དོགས་པའི་གཞི་དང་བྲལ། །ཕྱི་ནང་བར་གསུམ་རང་བརླག་པར། །གསལ་དག་ཡེ་ཤེས་འཆར་ནུབ་མེད། །ཅིར་སྣང་ཆོས་ཉིད་ཟང་ཀ་ལ། །གཉིས་[382.4]འཛིན་རྟོགས་པའི་སེལ་མ་ཞུགས། ཁྲེས་པ་འཛིན་མེད་རྒྱ་ཡན་ལ། །ཏིང་འཛིན་བསམ་བཞག་གནས་པ་མེད། །སྲིད་གསུམ་རྒྱལ་བའི་ཞིང་ཁམས་ལ། །འཁོར་བའི་སྣོད་བཅུད་གདོད་ནས་དག །མཐོང་མེད་ཡེ་ཤེས་[382.5]ཟང་ཐལ་ལ། །གསལ་འགྲིབ་གཉིས་འཛིན་མཐའ་ལས་གྲོལ། །མིང་མེད་ཆོས་དབྱིངས་ངང་གསལ་ལ། །འབྱུང་འཇུག་མེད་པར་ཡེ་ནས་གནས། །ས་ལམ་རྣམ་གྲོལ་གཅིག་རྫོགས་ལ། །འགྲོ་འཇུག་ལམ་ལ་བགྲོད་[382.6]དང་བྲལ། །གྲུབ་མཐའ་འཛིན་མེད་དགོངས་པ་ལ། །ལྟ་བའི་འདོད་པ་ཉིད་མཐའ་སྟོང་། །བསྒོམ་མཁན་རིག་པ་རང་བཅུད་པས། །མཐོང་བྲལ་དངོས་མེད་ཟང་ཀར་དངས། །འགག་མེད་སྣང་ཚུལ་མ་ངེས་པས རང་[383][383.1]རྒྱུད་རྟག་ཞེན་མཐའ་དང་བྲལ། །ཀ་དག་རིག་པ་གཞིར་སྨིན་པས། །རྩོལ་བསྒྲུབ་ཡིད་སྨོན་རེ་འདོད་ཆད། །ཆོས་རྣམས་རིག་པས་ཕར་བཏགས་པས། །ཝལ་པོ་འགག་མེད་ཚིག་ལས་འདས། །ཅིར་[383.2]སྣང་སེམས་ཉིད་རང་སྣང་བས། །གཉིས་འཛིན་གོལ་ས་གདོད་ནས་དག །རང་བྱུང་རང་ཤར་རང་གསལ་བས། །གཉེན་པོས་བཅོས་མེད་རང་སར་སངས། །གནས་ལུགས་དོན་རྟོགས་སངས་རྒྱས་པས། །རྟོགས་པའི་[383.3]ངང་ལ་བོགས་འདོན་མེད། །མ་བཅོས་ལྷུག་པར་ཡེ་གྲོལ་བས། །ཉམས་ལེན་གོམས་འདྲིས་ཀ་ནས་དག །རྟོགས་ཐོབ་དུས་གཅིག་གཅིག་ཏུ་རྫོགས། །བསགས་སྦྱངས་དགེ་ལ་རེ་ལྟོས་མེད། །འཁོར་འདས་རྒྱབ་ཤ་[383.4]ཆོད་པ་ཡིས། །སྤྲོས་མཐའ་མ་བཅད་རང་སར་ཆོད། །ཕྱོགས་བྲལ་ཡེ་ཤེས་རང་ཤེས་པས། །བསྒོམ་བྱ་སྒོམ་བྱེད་རྩོལ་དང་བྲལ། །ཡེ་ནས་གདོད་དག་སྐྱོན་བྲལ་བས། །མཚན་མའི་བསྲུང་མཚམས་ཕྱོགས་རིས་[383.5]མེད། །སེམས་ཉིད་ངོས་ཟུང་ཡུལ་མེད་པས། །དམིགས་པའི་གཟའ་གཏད་བསམ་དང་བྲལ། །གཟུང་ཡུལ་ཡེ་གྲོལ་ཆེན་པོ་བས། །སྣང་བའི་མཚན་མ་དགག་བྱ་སྟོང་། །སྣང་སྟོང་གཉིས་མེད་མཁའ་གསལ་[383.6]བས། །ཤེས་རིག་ཡོངས་གྲོལ་ཀློང་དུ་གཏོར། །རང་འཛིན་རང་སར་རང་འགག་པས། །འབྲས་བུའི་སྒྲུབ་བྱེད་རེ་སྨོན་མེད། །མཐའ་མེད་ཕྱོགས་བྲལ་མཉམ་ཉིད་པས། །ཤེས་བརྗོད་མཚོན་པའི་ཚིག་དང་བྲལ། །ཡང་[384][384.1]དག་དོན་གྱི་གནད་ལུགས་སོ། །ཞེས་གསུངས་སོ། །རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། སེམས་ཉིད་ཡང་དག་དོན་གྱི་གནས་ལུགས་ཀྱིས་ཆོས་ཐམས་ཅད་[384.2]ལ་བཟླ་བའི་ལེའུ་སྟེ་ལྔ་པའོ།། །།དེ་ནས་ཀུན་རིག་ཁྱེའུ་ཆུང་གིས། །གསང་བདག་སྟོན་པ་ལ་ཞུས་པ། །གནས་ལུགས་མཉམ་ཉིད་སྤྱི་ས་ན། །སངས་རྒྱས་སེམས་ཅན་གཞི་གཅིག་ལས། །འཁོར་[384.3]འདས་གཉིས་སུ་སྣང་བ་ཅི། །ཞེས་ཞུས་པས། སྟོན་པས་འཁོར་ལ་བཀའ་སྩལ་པ། །སྤྱི་གཞི་གནས་ལུགས་ག་བུར་འདྲ། །སྨན་དུག་གར་ཡང་རྒྱ་མ་ཆད། །གཉིས་ཀ་ག་བུར་སྤྱི་སར་གཅིག །རྐྱེན་དང་གང་ཕྲད་གཉིས་[384.4]སུ་སྣང་། །སྤྱི་གཞིའི་མིང་མེད་སྤྱི་ས་ན། །འཁོར་འདས་གང་དུ་རྒྱ་མ་ཆད། །སངས་རྒྱས་སེམས་ཅན་སྤྱི་སར་གཅིག །རྐྱེན་གྱི་འཆར་སྒོ་ཞབྲུལ་སྒོ་སྣང་། །སྤྱི་གཞི་ནམ་མཁའ་ལྟ་བུ་ལས། །རྩལ་སྣང་སྐར་སྐྱེའི་ཚུལ་དུ་[384.5]བྱུང་། །རླུད་གཡོས་ནམ་མཁའ་སྒོ་ཕྱེ་ནས། །རིག་ཡིད་བསྐྱོད་པའི་རྩལ་གཉིས་བྱུང་། །ཡེ་ཤེས་འཇམ་རླུད་རང་གྲོལ་གྱི། །རིག་པ་རང་ཤར་འཛིན་མེད་དུ། །རང་ངོ་ཤེས་པས་ཡེ་ཤེས་ཤར། །རང་ནི་རླུད་གིས་འགྱུ་མ་[384.6]ནུས། །ཁུ་རླངས་ནམ་མཁར་ཡལ་བ་འདྲ། །ཡིད་གཉིས་རྟོགས་པར་འཕྱོ་མ་ནུས། །སེར་བུ་བར་སྣང་དངས་པ་འདྲ། །སེམས་ཀྱིས་ཡུལ་ལ་འཛིན་མ་ནུས། །འཇའ་ཚོན་མཁའ་ལ་དག་པ་འདྲ། །རྩལ་སྣང་གར་ཡང་[385][385.1]འགྲོ་བ་མེད། །རྦ་རླབས་རྒྱ་མཚོར་ཐིམ་པ་འདྲ། །ངོ་བོ་ཡེ་ནས་ཀ་དག་གི། །རང་ས་ཟིན་པ་ཆོས་ཀྱི་སྐུ། །རང་བཞིན་ལྷུན་གྲུབ་ཆེན་པོ་ཡི། །རང་ས་ཟིན་པ་ལོངས་སྤྱོད་སྐུ། །ཐུགས་རྗེ་ཀུན་ཁྱབ་ཕྱོགས་[385.2]བྲལ་གྱི། །རང་ས་ཟིན་པ་སྤྲུལ་པའི་སྐུ། །གསུམ་དུ་དབྱེར་མེད་མཐའ་སྟོང་པའི། །རང་ས་ཟིན་པ་ངོ་བོའི་སྐུ། །ཆོས་འདས་ཐོག་མའི་གནས་ལུགས་ཀྱིས། །རང་ས་གཟུང་འཛིན་མིང་མེད་པ། །བདེ་ཆེན་མངོན་པར་[385.3]བྱང་ཆུབ་སྐུ། །སྔོན་ཐོག་ཡེ་ཤེས་སངས་རྒྱས་ཡིན། །སྲིད་པ་ལས་ཀྱི་རྩུབ་རླུད་གིས། །རྣམ་པར་མ་གྱུར་རང་བཅས་ཉིད་མ་རིག །གནས་ལུགས་རང་ངོ་མ་ཤེས་པས། །མ་རིག་ཞེས་བྱའི་ཞབྲུལ་འཁོར་བྱུང་། །ང་ཡིས་[385.4]གནས་ལུགས་རིག་སྙམ་པའི། ཤེས་པ་དེ་ཉིད་འཁྲུལ་པར་སོང་། །མིང་མེད་མིང་དུ་སོང་བ་འདྲ། །རིག་པས་ཡུལ་བཅད་གཉིས་འཛིན་ཞུགས། །རང་གཅིག་བྱུང་ན་གཞན་ཡོད་འདྲ། །གཞི་ལས་མ་གྲུབ་གློ་བུར་[385.5]འཁྲུལ། །ནམ་མཁའ་སྤྲིན་གྱིས་འཁྲུག་པ་འདྲ། །རིག་པ་རང་ས་མ་ཟིན་འབྱོས། །ཡུལ་བྲལ་འ་་པའི་དབུལ་པོ་འདྲ། །ཡིད་ཀྱིས་རང་ས་མ་ཟིན་འགྱུས། །སྤྲིན་པ་རླུད་གིས་བསྐྱོད་པ་འདྲ། །སེམས་ཀྱིས་རང་ས་མ་[385.6]ཟིན་རྟགས། །བྲ་བྱི་ཁུང་སྟོར་ཚོལ་བ་འདྲ། །དེ་ཡིས་འཁོར་བའི་འཁྲུལ་པར་སྣང་། །སྨིག་རྒྱུ་ཆུ་རུ་འཁྲུལ་པ་འདྲ། །བདག་འཛིན་དབང་གིས་དུག་ལྔར་སྤྱོད། །རང་སྲོག་རང་གིས་གཅོད་པ་འདྲ། །རིགས་དྲུག་གནས་[386][386.1]སུ་སྡུག་བསྔལ་མྱོང་། །རི་དྭགས་རྒྱ་ལ་ཆུད་པ་འདྲ། །ཅི་བྱས་མར་འགྲོའི་གནས་སུ་སོང་། །གླང་ཆེན་འདམ་དུ་བྱིང་བ་འདྲ། །དེས་ན་ངར་འཛིན་རྩད་ཆོད་ལ། །ཡང་དག་ཆོས་འདས་ཀློང་དུ་སྡོད། །ཅེས་གསུངས་[386.2]སོ། །རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། གནས་ས་སྤྱི་ནས་འཁོར་འདས་སུ་སྣང་ཚུལ་གཏན་ལ་ཕབ་པའི་མཚན་མའི་ལེའུ་སྟེ་དྲུག་པའོ།། །།དེ་ནས་[386.3]ཀུན་རིག་ཁྱེའུ་ཆུང་གིས། གསང་བདག་སྟོན་པ་ལ་ཞུས་པ། །འཁྲུལ་པའི་ངོ་བོ་ངར་འཛིན་དེ། །དེ་མ་ཡིན་ལ་དེར་འཛིན་པས། །དེ་ཉིད་རྩད་ནས་གཅོད་པ་ལ། །ཀུན་བརྟགས་ཐེག་པ་ཇི་ལྟར་སྤྱོད། །ཅེས་ཞུས་[386.4]པས། །གསང་བདག་སྟོན་པས་བཀའ་སྩལ་པ། །ངང་འཛིན་རྩད་ནས་གཅོད་པ་ལ། །ཕྱི་ནང་ཐེག་པའི་ཆོས་སྒོ་ལ། །གཅོད་ཚུལ་བསམ་གྱིས་མི་ཁྱབ་སྟེ། །ཕྱི་པ་བསྡུས་པས་རྟག་ཆད་གཉིས། །ནང་པ་བསྡུས་པས་རིམ་[386.5]པ་དགུ། །རང་རང་འདོད་པ་རྣམ་མང་སྟེ། །སྤྱི་ཏི་མ་རྟོགས་གོལ་བར་ཆད། །དེ་ཡང་མུ་སྟེགས་རྟག་པ་ནི། །གཞི་ཡི་ངོ་བོ་འགྱུར་མེད་ལ། །བརྟགས་པས་ཁ་དོག་དབྱིབས་སུ་མཐོང་། །སྒྲོ་འདོགས་ལོག་པའི་ལམ་[386.6]ལ་སྤྱོད། །ཆད་པར་ལྟ་བའི་མུ་སྟེགས་ལ། །རངབཞིནཁདོགདབྱིབས་མེད་ལ། ཁུ་འབྲས་རྟེན་མེད་སྟོང་པར་མཐོང་། །སྐུར་འདེབས་འཁྲུལ་པའི་ལས་ལ་སྤྱོད། །ནང་པ་ཐེག་པ་ཆུང་ངུ་ཡི། །ཉན་ཐོས་སྣང་བ་ཕྲ་[387][387.1]རགས་ཡུལ། །གང་ཟག་བདག་མེད་པར་རྟོགས་ཀྱང་། །ཆོས་ཀྱི་བདག་མེད་མ་རྟོགས་འཁྲུལ། །དམན་པའི་དཀའ་ཐུབ་མཚན་མར་སྤྱོད། །རང་རྒྱལ་ཅང་མེད་ཅིར་སྣང་ལ། །མ་རིག་འཁོར་བའི་གཞིར་[387.2]མཐོང་བས། །རྟེན་འབྲེལ་འབྱུང་ལྡོག་ངན་རྟོག་སྤོང་། །སེམས་ཙམ་འགག་མེད་རང་གསལ་ལ། །སྣང་བ་སེམས་སུ་མཐོང་བ་ཡིས། །རང་རིག་རང་གསལ་འདོད་པ་གོལ། །དབུས་མ་སེམས་ཉིད་དངོས་མེད་[387.3]ལ། །གཏན་ཚིགས་ཀྱིས་དཔྱད་སྟོང་པར་མཐོང་ ཅིར་ཡང་མེད་པའི་སྐྱེ་མཆེད་གོལ། །ཀྲི་ཡ་ཡི་དྭགས་ཆོས་ཉིད་ལ། །འཁོར་འདས་གཞི་མེད་མ་ཤེས་པས། །གཙང་སྦྲས་དངོས་གྲུབ་འདོད་པ་གོལ། །ཨུ་པ་རང་[387.4]བཞིན་གནས་ལུགས་ལ། །འཁོར་འདས་གཉིས་མེད་ཡིན་པ་ལ། །མར་སྤྱོད་ཡར་ལ་བལྟ་བ་འཁྲུལ། །ཡོ་ག་གནས་ལུགས་ཡུལ་བྲལ་ལ། །སྐྱེ་འགག་གཉིས་སུ་མེད་བཟུང་ནས། །བྱང་ཆུབ་རྣམ་ལྔ་འདོད་པ་[387.5]འཁྲུལ། །མ་ཧྭ་སྣང་སྟོང་དབྱེར་མེད་ལ། །རྟོག་ཚོགས་ལྷ་རུ་བསྒོམ་པས་གོལ། །ཨ་ནུ་ཀུན་གཞི་མཁའ་ཀློང་ལ། །དབྱིངས་དང་ཡེ་ཤེས་དབྱེར་མེད་མཐོང་། །བལྟ་སྤྱོད་རྩེ་གཉིས་རབ་ཏུ་གོལ། །ཨ་ཏི་ཕྱོགས་མེད་[387.6]མཐའ་གྲོལ་ལ། །ལྷུན་གྲུབ་ཀ་དག་ངེས་མེད་མཐོང་། །བློས་བཏགས་ཁ་འཇམ་ཚིག་ཏུ་གོལ། །དེ་ལྷར་ཐེག་པའི་རིམ་པ་རྣམས། །ང་ལས་བྱུང་བས་སྐུ་གསུམ་གྱིས། །རང་སྣང་འཁོར་གྱི་ངོ་བོ་ལ། །གང་འཐད་རིམ་[388][388.1]པར་སྦྱར་ནས་བསྟན། །སྤྱི་ཏིའི་གནས་ལུགས་མ་རྟོགས་ན། །མཐོ་དམན་གྲུབ་མཐའ་གང་འདོད་ཀྱང་། །རྟག་ཆད་གཉིས་ལས་མ་འཕགས་པས། །ངར་འཛིན་སྤྱད་པས་སླར་ལ་འཛིན། །ང་ཡི་བླ་མེད་ཨ་ཏི་[388.2]འདིར། །སྣ་ཚོགས་ཅིར་ཡང་སྣང་དུས་ན། །གང་ཡང་མ་བཀག་མ་ཞེན་པར། །རང་སྣང་རང་དག་ཆེན་པོར་གྲོལ། །གྲོལ་དང་མ་གྲོལ་མུ་མཐའ་སྟོངས། །ཞེས་གསུངས་སོ། །རིན་པོ་ཆེ་བདུད་རྩི་བཅུད་ཐིགས་སངས་[388.3]རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། ཐེག་པའི་གྲུབ་མཐའ་བཟུང་བས་གོལ་བར་བསྟན་པའི་ལེའུ་སྟེ་བདུན་པའོ།། །།དེ་ནས་ཀུན་རིག་ཁྱེའུ་ཆུང་གིས། །གསང་བདག་སྟོན་པ་ལ་ཞུས་[388.4]པ། །བློས་བཏགས་ཐེག་པ་ཀུན་གོལ་ན། །བཅུ་རྩིའི་ཞབྲུལ་པ་ཇི་ལྟར་བཅད། །ཅེས་ཞུས་པ་དང་། གསང་བདག་སྟོན་པས་བཀའ་སྩལ་པ། །ང་ཡི་སེམས་ཉིད་སྤྱི་ཏི་འདིར། །གཅད་བྱ་གཅོད་བྱེད་མཐའ་སྟོངས་[388.5]ཀྱང་། །དེ་ལྟར་མ་རྟོགས་བློ་ཅན་ལ། །རང་རིག་ཉིད་ཀྱི་རང་ངོ་དེ། །སྐྱེ་མེད་ཀ་དག་མཐོང་སྟོངས་སུ། །མ་ཤེས་ཤེས་པར་བྱ་བའོ། །མ་གོ་གོ་བར་བྱ་བ་ཙམ། །མ་རྟོགས་རྟོགས་པར་བྱ་བ་ཙམ། །མ་གྲོལ་གྲོལ་བར་བྱ་[388.6]བ་ཙམ མ་མཐོང་མཐོང་བར་མཚོན་ཙམ་ལས། །བཙལ་བྱ་བསྒྲུབ་བྱ་ཐོབ་བྱའི་ཆོས། །རྡུལ་ཆ་ཙམ་ཡང་གུད་ན་མེད། །རྟོགས་བྱེད་ཐབས་སུ་ངས་མཚོན་གྱིས། །རང་དངས་རང་རིག་ངང་དུ་ལྟོས། །འཁྲུལ་པའི་གཞི་[389][389.1]༄༅ མ་ངར་འཛིན་འདི། །ཀ་དག་སྐྱེ་མེད་ཟང་ཀ་ཡིན། །ཡེ་ཤེས་ཆེན་པོ་རང་བྱུང་བས། །བསམ་བརྗོད་ཀུན་བྲལ་ཐོགས་རྡུགས་མེད། །རིན་ཆེན་གསེར་གྱི་ཐོག་མཐོངས་འདྲ། །ཞབྲུལ་རྐྱེན་ཡུལ་གྱི་སྣང་བ་[389.2]འདི། །ཡུལ་མེད་ཆོས་སྐུ་རང་དངས་པས། །སངས་རྒྱས་དགོངས་པ་རྒྱུན་ཆད་མེད། །ཆུ་བོ་ཆེན་པོའི་རྒྱུན་དང་འདྲ། །ལོག་པར་རྟོག་པའི་དྲི་མ་འདི། །གནས་ལུགས་ཀློང་དུ་རང་དག་པས། །ཀ་དག་ཡེ་ཤེས་ཟང་ཀའི་[389.3]ངང་། །རིན་ཆེན་མན་ཤེལ་དངས་པ་འདྲ། །རྣམ་རྟོག་སྣང་སྲིད་འཁོར་འདས་འདི། །སྐུ་ལྔའི་ཞིང་དུ་རང་གྲུབ་པས། །བླང་དོར་དབྱེ་གསལ་སེལ་དང་བྲལ། །རིན་ཆེན་གསེར་གླིང་ཕྱིན་པ་འདྲ། །ཕྱི་ནང་གཉིས་སུ་སྣང་[389.4]བ་འདི། །སེམས་ཉིད་ཡེ་ཤེས་རང་དངས་པས། །སྣང་སྟོང་གསལ་འགྲིབ་ཟང་ཐལ་འདི། །འཕྲུལ་གྱི་མེ་ལོང་བརྩེགས་པ་འདྲ། །བསྐལ་པར་བསགས་པའི་མུན་པ་འདིར། །ཤེས་རབ་སྒྲོན་མ་རང་ཤར་བས། །མ་རིག་[389.5]མུན་པ་མ་བསལ་སངས། །གསལ་བའི་སྒྲོན་མེ་བཏེགས་པ་འདྲ། །མ་ངེས་སྣང་བ་དཀར་དམར་འདི། །མཁའ་གསལ་ཡེ་ཤེས་རང་གསལ་བས། །ཉིན་མཚན་མེད་པར་གསལ་འགྲིབ་མེད། །མཁའ་ལ་ཉི་མ་ཤར་[389.6]བ་འདྲ། །མཚན་མའི་དངོས་པོ་སྣ་ཚོགས་འདི། །ཆོས་ཉིད་སྐྱེ་མེད་རང་སྣང་བས། །མཐོང་ཡུལ་དམིགས་པའི་ངོས་གཟུང་མེད། །བར་སྣང་དག་པའི་སེར་བུ་འདྲ། །གཉིས་སྣང་མེད་པའི་ཆོས་ཉིད་འདི། །བཙལ་མེད་[390][390.1]ངང་བཞག་རང་བསོ་བས། །བྱ་བཙལ་སྤྲོས་པའི་སྣང་བ་མེད། །འབྱེད་མེད་མུན་པའི་སྨག་དང་འདྲ། །སེམས་ཉིད་རྣམ་དག་ཡེ་ཤེས་འདི། །མ་བཅོས་སོར་བཞག་རང་སྟོང་པས། །བརྟགས་ཞེན་མཚན་མའི་ཡུལ་ལས[390.2]འདས། །མཐའ་མེད་ནམ་མཁའ་ཆེན་པོ་འདྲ། །སངས་རྒྱས་སེམས་ཅན་གཉིས་འཛིན་འདི། །ལམ་གྱིས་བཅོས་མེད་རང་རིག་པས། །ཆེ་བའི་རེ་སྨོན་བསྒྲུབ་རྩོལ་མེད། །འཁོར་ལོས་སྒྱུར་བའི་རྒྱལ་པོ་འདྲ། །སྐྱེ་མེད་[390.3]རང་བྱུང་ཡེ་ཤེས་འདི། །མ་བཙལ་མ་བསྒྲུབས་རང་ཉིད་ལས། །འགག་མེད་གྲོལ་ནས་གྲོལ་ལམ་སྟོན། །བར་སྣང་འཁྲུལ་པའི་གློག་དང་འདྲ། །མ་བྱུང་མ་སྐྱེས་སྙིང་པོ་འདི། །མིང་དུ་བསྟན་མེད་རང་སར་[390.4]སངས། །གཞན་ལ་བསྟན་ཅིང་སྨྲ་རུ་མེད། །གཤོན་ནུ་མ་ཡི་བདེ་བ་འདྲ། །ཀ་དག་ཆོས་སྐུ་བུན་ཁྱབ་འདི། །རྒྱ་ཆད་མེད་པར་རང་དངས་པས། །ཡོན་ཏན་ཀུན་རྫོགས་འཕེལ་འགྲིབ་མེད། །དགོས་འདོད་ཀུན་འབྱུང་[390.5]ནོར་བུ་འདྲ། །བློ་འདས་མུ་མེད་ཆོས་འདས་འདི། །སློབ་དཔོན་མེད་པར་རང་གྲོལ་བས། །བཙལ་མེད་བདེ་ཆེན་རང་ལས་རྙེད། །རྟ་རྔ་སྦྲུལ་གྱི་མདུད་པ་འདྲ། །མ་རྟོགས་དམན་པའི་གོལ་སྒྲིབ་འདི། །ཐིག་ལེའི་ཀློང་[390.6]དུ་རང་ཞི་བས། །བསྒྲིབ་བྱ་སྒྲིབ་བྱེད་ཀ་ནས་དག །ནམ་འཁར་ནམ་མཁའ་ཐིམ་པ་འདྲ། །གཉིས་འཛིན་གཟུང་ཡིད་ཞགས་པ་འདི། །དབྱེ་བསལ་མེད་པར་རང་ཆད་པས། །སྲིད་པའི་འཆིང་བ་མ་ལུས་གྲོལ། །མདུད་[391][391.1]རྒྱའི་སྤྱི་མདུད་བཅད་པ་འདྲ། །ཉོན་མོངས་བརྒྱད་ཁྲིའི་དམག་དཔུང་འདི། །རྟེན་པ་མེད་པར་རང་བརླགས་པས། །འཁོར་བའི་གཡུལ་ངོ་མ་ལུས་བཟློག །རྡོ་ཚན་ཁ་བ་བབས་པ་འདྲ། །སྣང་བརྟགས་[391.2]གཟུང་ཞེན་སྤྲོས་པ་འདི། །མཐའ་གསལ་བར་སྣང་རང་བཅད་དེ། །བདག་གཞན་ཕྱོགས་བྲལ་མིང་མེད་པ། །མཚོན་ཆའི་འཁོར་ལོ་བསྐོར་བ་འདྲ། །དྲང་དོན་ཐེག་པའི་བྱ་བཙལ་འདི། །བླང་དོར་མེད་པར་རང་བཞག་[391.3]པས། །དགེ་སྡིག་ལས་ཀྱི་མཐའ་ལས་གྲོལ། །མཁའ་ལ་མདུད་པ་བོར་བ་འདྲ། །བཙལ་མེད་ཤུགས་འབྱུང་ཐུགས་རྗེ་འདི། །འགག་པ་མེད་པར་རང་འཆར་བས། །རྩོལ་བའི་ཕྲིན་ལས་སྤྱད་དུ་མེད། །ནམ་མཁའི་ངང་[391.4]ནས་ཆོ་འཕྲུལ་འདྲ། །ཡང་དག་ངེས་དོན་གནས་ལུགས་ལ། །འདྲ་བཞི་ཕྱོགས་མཐུན་དང་པོ་ཡི། །རང་ངོར་དཔེ་ཡིས་མཚོན་ཚུལ་འདས། །ང་ཡི་དགུ་རྩེའི་སྤྱི་ཏི་འདིར། །སྤྲོས་པ་རང་གི་ཐོག་ཏུ་བཅད། །རང་ངོ་རང་[391.5]གིས་རང་ལ་སྤྲད། །རང་གདང་རང་གྲོལ་ཐོག་ཏུ་བཅའ། །ཆོས་འདས་རང་ལ་རང་གིས་བཟླའོ། །ཞེས་གསུངས་སོ། །རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས།[391.6]འཁྲུལ་པའི་རྩ་བ་སྤྲོས་པ་རང་ཐོག་ཏུ་བཅད་པའི་ལེའུ་སྟེ་བརྒྱད་པའོ།། །།དེ་ནས་ཀུན་རིག་ཁྱེའུ་ཆུང་གིས། །གསང་བདག་སྟོན་པ་ལ་ཞུས་པ། །དོན་ལ་འཁྲུལ་རྩད་མ་ཆོད་ན། །ཚིག་ཏུ་འབྱམས་པའི་ཉེས་པ་[392][392.1]གང་། །ངོ་སྤྲོད་གནད་ཀྱི་ཇི་ལྟར་སྤྲད། །དོན་གྱི་ཀློང་དུ་བཞག་ཐབས་གང་། །ཞེས་ཞུསླ་པས། སྟོན་པས་འཁོར་ལ་བཀའ་སྩལ་པ། །ཁྱོད་ཀྱིས་དེ་ལྟར་ཞུས་པ་ལེགས། །ཚིག་ཏུ་མཚོན་གྱིས་ལེགས་པར་ཉོན། །མ་[392.2]རྟོགས་ཚིག་ལ་འབྱམས་པ་འདིས། །སྤྱི་ཏི་མི་མཐོང་འཁོར་བར་འ་ས། །འཁོར་བའི་མཚན་ཉིད་མ་ཤེས་ན། །འཁྲུལ་སྣང་འདི་ལ་བློ་མི་བཟློག །འཇིག་རྟེན་བྱ་བ་མ་བཏང་ན། །བདེ་ཆེན་རྣམ་གྲོལ་ལམ་མི་[392.3]རྙེད། །དུག་ལྔ་རང་སར་མ་ཟད་ན། །རིག་པ་འཆིང་བ་ལས་མི་གྲོལ། །དྲན་རིག་དབྱིངས་སུ་མ་ཐིམ་ན། །ཆེ་བའི་ཡེ་ཤེས་དོན་མི་རྙེད། །རང་སྣང་རང་སར་མ་གྲོལ་ན། །སྐྱེ་མེད་ཆོས་སྐུའི་ངོ་མི་མཐོང་། །འཁོར་འདས་[392.4]ཀློང་དུ་མ་གྲོལ་ན། །སྣང་སྲིད་གཉིས་འཛིན་འཕྲང་དུ་ཆུད། །གནས་ལུགས་རང་ངོ་མ་ཤེས་ན། །བསྐལ་པར་བཙལ་ཡང་རང་ཚི་ཆད། །རང་བྱུང་རྟེན་དང་མ་བྲལ་ན། །ཕུག་པས་རི་རྡིབ་བརྟེན་རྗེ་ཕུང་། །འདུ་འབྲལ་[392.5]མེད་པར་མ་རྟོགས་ན། །གཞན་ནས་ཐོབ་བྱེད་ནོར་བའི་ལམ། །ཀུན་བཟང་ཆོས་འདས་མ་ཤེས་ན། །བཟང་བརྩོན་སངས་རྒྱས་འཕྲང་དུ་ཆུད། ཁྲེས་རིག་སྟོང་སངས་མ་གྲོལ་ན། །འཁོར་བ་དོང་ནས་སྤྲུག་མི་[392.6]ནུས། །རྒྱལ་སྲས་རང་རིག་མ་ཤེས་ན། །སྲིད་པའི་མཚོ་ལས་སྒྲོལ་མི་ནུས། །དོན་མེད་བསྒོམ་མེད་གཞིར་འཇོག་པ། །རང་རྒྱུད་ཐ་མལ་ལས་མི་འཕགས། །ཏིང་འཛིན་བསམ་གཏན་ལམ་འཛིན་པ། །འགྲོ་འདོད་ཆོས་[393][393.1]ཀྱིས་རང་ཉིད་འཆིངས། །ཐོག་མཐའི་རྩིས་གདབ་མ་གྲོལ་ན། །ཆོས་ཉིད་འགྱུར་བའི་སྐྱོན་དུ་གོལ། །འཁོར་འདས་ཀ་ནས་མ་དག་ན། །སྣང་བ་ངེས་པ་མེད་པར་འགྱུར། །གདེང་དུ་མ་གྱུར་ཐེ་ཚོམ་[393.2]ན། །གོལ་སྒྲིབ་ཞབྲུལ་པའི་འཔྲང་མི་ཆོད། །རེ་དོགས་སྤང་བླང་མ་ཆོད་ན། །རྒྱུ་འབྲས་དམན་པའི་ལམ་དུ་གོལ། །གཡོ་མེད་ཕྱོགས་འཛིན་མ་སྟོངས་ན། །ཇི་ལྟར་འབད་ཀྱང་རྟག་ཆད་ཉིད། །མིང་མེད་མཐའ་སྟོངས་[393.3]མ་རྟོགས་པར། །རྒྱུ་འབྲས་རིམ་དགུར་སྤྱོད་པ་སྡུག །རང་དངས་འབྲལ་མེད་མི་ཤེས་པར། །མཉམ་བཞག་རྗེས་ཐོབ་སྙིང་རྗེའི་ཡུལ། །སྐྱེ་ཤིའི་གཞི་རྩ་མ་ཆོད་ན། །ཚོགས་གཉིས་བསགས་སྦྱངས་བདག་འཛིན་[393.4]གྲོགས། །བླ་མེད་སྤྱི་ཏི་མ་རྟོགས་ན། །སྣང་བརྟགས་ཞེན་གསུམ་ལས་མི་གྲོལ། །དེ་ན་ཀུན་རིག་ཁྱེའུ་ཆུང་ཁྱོད། །ཟང་ཐལ་འཛིན་མེད་ཆོས་འདས་སུ། །ཕྱོགས་འཛིན་སྤྲོས་ཐག་ཆོད་པར་གྱིས། །གཞི་ཡི་ཆོས་རྣམས་[393.5]རླུད་ལ་བསྐུར། །ལམ་ཀྱི་ཆོས་རྣམས་ཕྱགས་མས་ཐོབ། །འབྲས་བུའི་ཆོས་རྣམས་ཆུ་ལ་འཕོས། །གྲུབ་མཐའ་སྤྱི་མེས་དུར་དུ་སྐྱོལ། །ཞེས་གསུངས་སོ། །རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་[393.6]དགོངས་པ་འདུས་པའི་རྒྱུད་ལས། སྤྱི་ཏི་མ་རྟོགས་པའི་སྐྱོན་ངོས་བཟུང་ཞིང་ལ་བཟླ་བའི་ལེའུ་སྟེ་དགུ་པའོ།། །།དེ་ནས་གསང་བདག་སྟོན་པ་ཡིས། །འདུས་པའི་འཁོར་ལ་བཀའ་སྩལ་པ། །ང་ཡི་བླ་མེད་སྤྱི་ཏི་[394][394.1]འདིར། །ཡེ་གྲོལ་ཕྱོགས་མེད་ཀ་ནས་དག །ཡེ་གྲོལ་ཀུན་རྫོབ་རང་བཞིན་ལ། །བསྟན་བྱ་སྟོན་བྱེད་གཉིས་མེད་ཀྱང་། །སྐལ་ལྡན་མ་རྟོགས་དོན་མཚོན་ཕྱིར། །ངོ་སྤྲོད་གདམས་པ་བསྟན་གྱིས་ཉོན། །སེམས་ཉིད་[394.2]གདོད་ནས་ཆོས་སྐུ་འདི། །དང་པོའི་བྱུང་ས་མ་ཤེས་ན། །མ་བུ་རང་ངོ་མི་འཕྲོད་དེ། །དམུས་ལོང་སྣང་མེད་འ་ས་པ་འདྲ། །ད་ལྟ་གནས་ས་མ་ཤེས་ན། །སྙིང་པོའི་ཁྱེར་ལུགས་མི་ཤེས་པས། །བྲ་བྱི་འཚང་སྒོ་སྟོང་པ་[394.3]འདྲ། །ཐ་མ་ཐིམ་ས་མ་ཤེས་ན། །དོན་ལ་ངེས་ཤེས་མི་ཐོབ་སྟེ། །ཁ་དྲག་ལམ་དུ་ཕྱིན་པ་འདྲ། །དེས་ན་དང་པོ་བྱུང་ས་ནི། །ཆོས་དབྱིངས་བརྡལ་བ་ཆེན་པོ་ཡི། །རིན་ཆེན་འོད་འབར་གཞལ་ཡས་ཁང་། །སྐྱེ་མེད་ཀ་[394.4]དག་ཉིད་དུ་བྱུང་། །བར་དུ་གནས་ས་བསྟན་པ་ནི། །ཙིསྟ་རིན་ཆེན་གཞལ་ཡས་ཁང་། །རྩ་བརྒྱད་དངས་མ་ལྔ་ཡི་དབུས། །ཀུན་གཞི་འོད་ཀྱི་གཞལ་ཡས་ཁང་། །ཆོས་དབྱིངས་གཏིང་གསལ་གཡོ་མེད་ན། །ཕྱི་ནང་[394.5]གསང་བའི་འཁོར་ཚོགས་དང་། །འདུ་འབྲལ་མིང་འདོགས་མི་བྱེད་པར། །དུས་གསུམ་དུས་མེད་རྒྱུན་གནས་སུ། །དོན་གྱི་སྟོན་པ་སྐུ་གསུམ་ནི། །གཡོ་མེད་རྩིས་གདབ་མེད་པར་བཞུགས། །དེ་ཉིད་རང་ངོ་སྤྲོད་[394.6]པའི་ཐབས། །སྣོད་བཅུད་ལྡན་པའི་དཔོན་སློབ་གྱིས། །རྐྱེན་མེད་དབེན་པའི་གནས་སུ་འགྲོ། །ལུས་ངག་ཡིད་གསུམ་བྱ་བ་བཏང་། །སྣང་ཚུལ་རོལ་པའི་སྐུར་གནས་མཆོད། །ལུས་ངག་ཡིད་གསུམ་རང་རིག་[395][395.1]བཅའ། །སྒོ་ལྔ་གཡོ་མེད་ཧར་པོར་བཞག །ལྟ་སྟེངས་མཁའ་གསལ་དག་པ་ལ། །དྲན་རིག་ནམ་མཁར་འཕང་སྟེ་བོར། །ཡིད་ཀྱི་འགྱུ་བ་རོལ་ཏུ་བསད། །སེམས་ཉིད་གཏིང་གསལ་དངས་པར་[395.2]བཞག །ཐོག་མའི་སངས་རྒྱས་ངོ་སྤྲད་པ། །བསམ་གྱིས་མི་ཁྱབ་ལྷ་ཁང་ན། །ཀུན་ཁྱབ་དངོས་མེད་ཆོས་ཀྱི་སྐུ། །ཡང་དག་སངས་རྒྱས་རང་གནས་འབར། །དེ་ཉིད་རང་ངོ་སྤྲོད་པའི་ཐབས། །གཉིས་འཛིན་ཐམས་ཅད་[395.3]སྤྲོས་བཅད་ལ། །བསམ་ཡས་ངང་དངས་རིན་ཆེན་སྐུ། །ཐིག་ལེ་ཁོང་ཤར་རང་ངོ་སྤྲད། །གསལ་དག་ལོངས་སྐུ་ངོ་སྤྲད་པ། །རང་དག་ཟང་ཐལ་གཞལ་ཡས་ན། །སྙིང་པོ་དྲི་མེད་ཀ་དག་བཞུགས། །དེ་དང་རང་ངོ་སྤྲད་[395.4]པའི་ཐབས། །མ་རིག་མུན་པ་གཉིས་མེད་གསལ། །ཆོས་ཉིད་རིན་ཆེན་ཀ་དག་ལྷ། །རྣལ་མ་ཟང་ཀ་རང་ངོ་སྤྲད། །དེ་འདོད་ལོངས་སྤྱོད་རྫོགས་སྐུ་སྤྲད། །ཐ་མའི་སངས་རྒྱས་ངོ་སྤྲད་པ། །ཆོས་དབྱིངས་སྣང་གསལ་[395.5]དཀྱིལ་འཁོར་ན། །གཉིས་མེད་སོར་བཞག་སྤྲུལ་སྐུ་བཞུགས། །དེ་དང་རང་ངོ་སྤྲད་པའི་ཐབས། །ཞེ་འདོད་ཐམས་ཅད་སྤྲོས་བཅད་ལ། །རང་དག་རང་གྲོལ་དབྱེ་བསལ་མེད། །གང་སྣང་ཆགས་འཛིན་དགག་བསྒྲུབ་[395.6]བྲལ། །གཉིས་མེད་སྤྲུལ་པའི་སྐུ་དང་ཕྲད། །རེ་མེད་རང་གནས་དོན་མཐོང་ནས། །བྱ་རྩོལ་རེ་དོགས་མཐའ་ལས་གྲོལ། །ཐ་མ་ཐིམ་ས་བསྟན་པ་ནི། །ཆོས་འདས་དངོས་མེད་ཟང་ཀའི་ངང་། །ཡུལ་མེད་མཁའ་གསལ་[396][396.1]ཆེན་པོའི་ཀློང་། །གཞི་འདས་སྐྱེ་མེད་ཀུན་མཁྱེན་ཐུགས། །མཚོན་འདས་བསམ་རྡུགས་ཕྱོགས་བྲལ་དོན། །སྐུ་འདས་མིང་མེད་མཐའ་སྟོངས་སུ། །ཆོས་སྐུ་རྒྱ་ཆད་མེད་པར་ཐིམ། །རྩིས་གདབ་དབྱེ་བསལ་ཡུལ་ལས་[396.2]འདས། །ཞེས་གསུངས་སོ། །རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། ཆོས་འདས་དོན་གྱི་སྐུ་གསུམ་རང་ངོ་སྤྲད་པའི་ལེའུ་སྟེ་བཅུ་པའོ།། །།དེ་ནས་གསང་[396.3]བདག་སྟོན་པ་ཡིས། །འདུས་པའི་འཁོར་ལ་བཀའ་སྩལ་པ། །སྤྱི་ཏིའི་དོན་ལ་གཞག་པ་ནི། །གཞག་བྱ་འཇོག་བྱེད་ཀ་དག་ཀྱང་། །རེ་ཞིག་མ་རྟོགས་བློ་ཅན་ལ། །ཆོས་འདས་དོན་ལ་བཞག་ཐབས་བསྟན། །མཁའ་[396.4]གསལ་དཔེ་ནི་ནམ་མཁའ་ལ། །འཆར་སྒོ་གསལ་བྱེད་མི་བསྐྱོད་བགྲད། །ཀ་དག་དོན་གྱི་ཆོས་ཉིད་ལ། །སེམས་ཀྱིས་འཛིན་པ་མེད་པར་བཞག །ཆོས་དབྱིངས་གསལ་ཁྱབ་དངས་པ་ལ། །རིག་པ་གཏིང་གསལ་ཆེན་[396.5]པོར་བཞག །མ་བཅོས་སྤྲོས་བྲལ་ཀློང་ཡངས་སུ། །འགྱུར་བ་དངས་སངས་ཆེན་པོར་བཞག །འགག་མེད་རྩལ་གྱི་རང་འོད་རྣམས། །ཚོར་བ་རྗེས་མེད་རང་སར་བཞག །ངང་དངས་ཀུན་ཁྱབ་ཟང་ཐལ་ལ ཆོས་སྐུ་[396.6]གཅེར་བུ་ཀློང་དུ་བཞག །ཆོས་དབྱིངས་སྣང་གསལ་དཀྱིལ་འཁོར་དུ། །བསམ་བྲལ་སྟོང་པ་ཧལ་པོར་བཞག །གཉིས་མེད་ཐིག་ལེ་ཉག་གཅིག་ལ། །ཤེས་རབ་རང་བརྡོལ་ཆེན་པོར་བཞག །ཅང་མེད་ཅིར་སྣང་རོལ་པ་[397][397.1]རྣམས། །ཡུལ་མེད་སྣང་གྲོལ་རང་སར་བཞག །དབྱིངས་ལས་ཤར་བའི་རིག་པ་འདི། །མ་བུ་དབྱེར་མེད་རང་སོར་བཞག །སྒོ་ལྔའི་རྣམ་ཤེས་རང་བྱུང་འདི། །འཇའ་ལྷར་མཁའ་ལ་རང་ཡལ་[397.2]བཞག །དགོངས་པ་ཕྱོགས་མེད་མཐའ་གྲོལ་ལ། །ཡངས་དོག་རྒྱ་ཆད་མེད་པར་བཞག །ཀུན་གཞི་མཁའ་ལྟར་དག་པ་ལ། །ཡིད་གཉིས་འགྱུ་སྟོང་རྗེས་མེད་བཞག །སྣང་ཡུལ་མེ་ལོང་ལྟར་གསལ་ལ། །སྐྱེན་སྣང་སྐྱེ་[397.3]མེད་རང་གྲོལ་བཞག །གནས་ལུགས་འདུ་འབྲལ་གནས་མེད་པས། །གང་ནས་བཙལ་མེད་ངང་དུ་བཞག །སྒྲིབ་གཉིས་ཡེ་ནས་རང་དག་པས། །བླང་དོར་དབྱེ་བསལ་མེད་པར་བཞག །རང་བྱུང་ཡེ་ཤེས་རང་ཤར[397.4]བས བཙལ་སེམས་སྒྲིབ་པ་མེད་པར་བཞག །འཁོར་འདས་ཆོས་ཀུན་ཡེ་གྲོལ་ལ། །གྲོལ་འདོད་འཆང་པ་མེད་རང་བཞག །གདོད་དག་སྐྱོན་བྲལ་མཐོང་མེད་ལ། །འདོད་རློམས་རྩིས་གདབ་མེད་པར་བཞག །སྐུ་[397.5]གསུམ་རེ་མེད་རང་གནས་ལ། །བསྒྲུབ་འདོད་རེ་སྨོན་མེད་པར་བཞག །ས་ལམ་བགྲོད་མེད་གཅིག་རྫོགས་ལ། །བགྲོད་མེད་རང་བརླག་ཆེན་པོར་བཞག །སེམས་ཉིད་མཚོན་འདས་བླ་མེད་ལ། །དཔེ་དོན་མཚོན་[397.6]བརྗོད་མེད་པར་བཞག །ཆོས་དབྱིངས་གཏིང་ཡངས་མཐའ་གྲོལ་ལ། །མཐའ་ཐུག་རྩལ་དང་བྲལ་བར་བཞག །དམ་ཚིག་བསྲུང་མཚམས་ཕྱོགས་མེད་ལ། །གཉིས་འཛིན་སྒྲིབ་པ་མེད་པར་བཞག །སྣོད་བཅུད་རྒྱལ་[398][398.1]བའི་ཞིང་ཁམས་ལ། །འཁོར་འདས་གཉིས་འཛིན་རང་སངས་བཞག །ཅིར་སྣང་སྐྱེ་མེད་ཆོས་སྐུ་ལ། །སྐྱེ་འཆི་འཕོ་འགྱུར་མེད་པར་བཞག །མཁའ་གསལ་རང་དངས་ཡེ་ཡིན་ལ། །དབང་བཞི་བསྐུར་ཐོབ་མིན་པར་[398.2]བཞག །ཅིར་སྣང་གསལ་སྟོང་དུས་མཉམ་ལ། །སྐྱོན་ཡོན་སྤང་བླང་མེད་པར་བཞག །སྙིང་པོ་མཐོང་རྟོགས་དུས་མཉམ་ལས། །ཞེ་འདོད་ལྟོས་པ་མེད་པར་བཞག །འགག་མེད་ཐོལ་བྱུང་ཀློང་ཐིམ་ལ། །གོལ་སྒྲིབ་[398.3]བྱིང་རྒོད་གསལ་བ་མེད། །གཞན་སྐྱོན་སེལ་མེད་ཀ་དག་ལ། །ངན་རྟོག་དགག་ཏུ་མེད་པར་བཞག །ངང་དངས་ཡེ་ཤེས་རྒྱུ་མ་ལ། །མཉམ་རྗེས་ཐུན་མཚམས་མེད་པར་བཞག །དམིགས་འཛིན་གཟའ་གཏད་བསམ་[398.4]བྲལ་ལ། །བསྒོམ་བྱ་སྒོམ་བྱེད་མེད་པར་བཞག །ཕྱོགས་མེད་རང་ཤར་མཐའ་སྟོངས་ལ། །གཞན་དུ་བཀོལ་བ་མེད་པར་བཞག །ཡེ་ནས་གཏད་མེད་ཟང་ཐལ་ལ། །གོམ་འདྲིས་ཀ་དག་རྣམ་པར་བཞག ཁུ་རྐྱེན་[398.5]འཕེལ་འགྲིབ་མིང་མེད་ལ། །དགེ་སྡིག་བློ་ལས་གྲོལ་བར་བཞག །གཞག་བྱ་འཇོག་བྱ་མཚོན་པ་ཉིད། །མིང་འདོགས་མཐའ་ལས་འདས་པ་སྟེ། །མཐའ་ལྔའི་རྒྱ་ལས་གྲོལ་བའོ། །ཞེས་གསུངས་སོ། །རིན་པོ་ཆེ་བདུད་[398.6]རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། བཞག་ཏུ་མེད་པའི་བཞག་ཐབས་མཚོན་པའི་ལེའུ་སྟེ་བཅུ་གཅིག་པའོ།། །།དེ་ནས་ཀུན་རིག་ཁྱེའུ་ཆུང་གིས། །གསང་བདག་སྟོན་[399][399.1]པ་ལ་ཞུས་པ། །གེགས་སེལ་ཤན་འབྱེད་ལ་བཟླ་བ། །དགུ་རྩེ་སྤྱི་ཡི་མན་ངག་གང་། །ཞེས་ཞུས་པས། སྟོན་པས་འཁོར་ལ་བཀའ་སྩལ་པ། །སྤྱི་ཡི་ཞུས་དོན་བཤད་ཀྱིས་ཉོན། །གནས་ལུགས་གཏན་་ ་[399.2]མ་ཕེབས་ན། །བྱ་སྒྲོ་རླུད་གིས་ཁྱེར་བ་འདྲ། །ཀུན་གཞི་ཆོས་སྐུ་མ་ཕྱེད་ན། །ཆུ་དང་འོ་མ་འདྲེས་པ་འདྲ། འཁྲུལ་པ་རྩད་ནས་མ་ཆོད་ན། །ལྗོན་ཤིང་ཡལ་ག་བྲེགས་པ་འདྲ། །སེམས་དང་སེམས་ཉིད་མ་ཕྱེད་ན། །བུ་[399.3]རམ་སྦྲང་རྩི་འདྲེས་པ་འདྲ། །མ་རིག་ཡེ་ཤེས་མ་ཕྱེད་ན། །གསེར་དང་གཡའ་རུ་འདྲེས་པ་འདྲ། །སེམས་དང་བག་ཆགས་མ་ཕྱེད་ན། །དུག་དང་སྨན་དུ་འདྲེས་པ་འདྲ། །འཁོར་འདས་བྱེ་བྲག་མ་ཕྱེད་ན། །མཁའ་ལ་[399.4]བགྲོད་པར་འདོད་པ་འདྲ། །བལྟ་མཁན་རང་ངོས་མ་ཟིན་ན། །དམུས་ལོང་ཐང་སྟོང་བོར་བ་འདྲ། །སྒོམ་མཁན་རང་ངོས་མ་ཟིན་ན། །རི་དྭགས་སྨིག་རྒྱུ་བསྙེགས་པ་འདྲ། །སྤྱོད་མཁན་རང་ངོ་མ་ཤེས་ན། །རི་དྭགས་[399.5]རྒྱ་ལ་ཚུད་པ་འདྲ། །སྒྲུབ་མཁན་རང་ངོ་མ་ཟིན་ན། །ཁྱུང་ཆེན་ནམ་མཁའི་མཐའ་ཚོལ་འདྲ། །འབྲས་བུ་རང་ངོས་མ་ཟིན་ན། །རྒྱལ་བུ་གང་འ་ས་སྤྱོད་པ་འདྲ། །གནས་ལུགས་ཕྱོགས་བྲལ་ཀུན་རྫོགས་[399.6]ཀྱང་། །རྒྱ་ཆད་མེད་པས་ནོར་བུ་འདྲ། །དབྱིངས་ཀྱི་ཀློང་ལས་འདས་པ་མེད། །མཁའ་ལ་བྱ་ཡིས་ཕུར་པ་འདྲ། །ཀུན་གཞི་འཁོར་འདས་འབྱུང་གཞིར་ཡོད། །ཀུན་འབྱུང་རྒྱལ་པོའི་བང་མཇོད་འདྲ། །ཆོས་སྐུ་སྐྱེ་མེད་མུ་[400][400.1]མཐའ་སྟོངས། །ལྡོག་མེད་བསེ་ཞིང་འབྲས་བུ་འདྲ། །འཁྲུལ་རྩ་རང་འཛིན་རྩད་ནས་བཅད། །སྡོང་པོ་རྩད་ནས་བཅད་པ་འདྲ། །སེམས་ནི་རྣམ་ཤེས་ཚོགས་བརྒྱད་དེ། །འགག་མེད་ནམ་མཁའི་ཆོ་འཕྲུལ་[400.2]འདྲ། །སེམས་ཉིད་སྨྲ་བསམ་ཡུལ་འདས་ཏེ། །སྐྱོན་བྲལ་ནམ་མཁའ་དག་པ་འདྲ། །མ་རིག་འཛིན་བྱེད་ཤེས་པ་སྟེ། །མཐོང་མེད་འཛིན་ཡོད་ལོང་བ་འདྲ། །ཡེ་ཤེས་གསལ་དག་ཟང་ག་སྟེ། །མཁའ་ལ་ཉི་མ་ཤར་བ་[400.3]འདྲ། །སེམས་ནི་འཁོར་འདས་གཉིས་ཀར་འཀྱུར། །རས་དཀར་དྲི་མ་མེད་པ་འདྲ། །བག་ཆགས་འཁོར་བའི་ས་བོན་ཏེ། །མཐོང་མེད་གནོད་པ་འདྲེ་རྐུན་འདྲ། །གཉིས་འཛིན་རྟོག་པ་འཁོར་བ་སྟེ། །ཐོ་ཡོར་མི་རུ་[400.4]འཁྲུལ་པ་འདྲ། །དེ་ཉིད་གྲོལ་བ་མྱང་འདས་ཏེ། །འཁྱག་རོམ་ཆུ་རུ་ཞུ་བ་དང་། །བལྟ་མཁན་ངོས་ཟིན་གྲུབ་མཐའ་སྟོར། །གཞི་མེད་བར་སྣང་ནམ་མཁའ་འདྲ། །སྒོམ་མཁན་ངོས་ཟིན་རང་སར་གྲོལ། །ཆུ་བུར་ཆུ་[400.5]ལ་ཐིམ་པ་འདྲ། །སྤྱོད་མཁན་ངོས་ཟིན་མཚན་མ་སངས། །རང་གི་རོལ་པ་གར་མཁན་འདྲ། །སྒྲུབ་མཁན་ངོས་ཟིན་འདུ་འབྲལ་མེད། །མོ་གཤམ་བུ་ཡི་ཆུང་མ་འདྲ། །འབྲས་བུ་ངོས་ཟིན་རེ་དོགས་ཆད། །རྒྱལ་[400.6]སྲིད་ཐོབ་པའི་རྒྱལ་པོ་འདྲ། །དེ་ལྟར་བསྟན་པ་ཐམས་ཅད་ཀྱང་། །ཅང་མེད་ཅིར་སྣང་རང་སར་གྲོལ། །དབྱིངས་ལས་མ་རྟོགས་ཡུལ་མེད་པས། །དངོས་པོའི་མཚན་མ་ཀ་ནས་དག །ཆོས་ཀུན་བཏགས་ཆགས་མིང་[401][401.1]ཡིན་པས། །བདེན་རྫུན་ཆགས་སྡང་ཀ་ནས་དག །རང་ངོ་མཐོང་ལས་བལྟ་བ་མེད། །གོལ་སྒྲིབ་འཁྲུལ་པ་ཀ་ནས་དག །སེམས་ཉིད་མཐོང་ལས་བསྒོམ་པ་མེད། །བྱིང་རྒོད་བག་ཆགས་ཀ་ནས་[401.2]དག །རང་སྣང་གྲོལ་ལས་སྤྱོད་པ་མེད། །བྱ་བཙལ་གཉིས་འཛིན་ཀ་ནས་དག །སྐྱེ་མེད་རྟོགས་པས་དབང་བསྐུར་མེད། །བསྐུར་ཐོབ་རིམ་པ་ཀ་ནས་དག །གཡོ་རྩོལ་བྲལ་ལ་ས་ལམ་མེད། །ལམ་ལྔ་ས་བཅུ་ཀ་ནས་[401.3]དག །སྙིང་པོར་གནས་ལ་དམ་ཚིག་མེད། །བསྲུང་ཉམས་མཚན་མ་ཀ་ནས་དག །སྐུ་གསུམ་གཞིར་སྨན་འབྲས་བུ་མེད། །རེ་དོགས་སྨོན་ཐོབ་ཀ་ནས་དག །རང་ངོ་སྤྲད་པས་སངས་རྒྱས་མེད། །སྐྱེ་ཤི་ཐ་སྙད་ཀ་ནས་[401.4]དག །སྤྱི་ཏི་རྟོགས་ལ་ཐམས་ཅད་མེད། །མེད་པ་མ་ཡིན་ཐམས་ཅད་རྫོགས། །ཡོད་མེད་གཉིས་མིན་གཅིག་མེད་ཡིན། །མཐའ་བཞིའི་རྒྱལ་ས་རྣམ་པར་གྲོལ། །ཞེས་གསུངས་སོ། །རིན་པོ་ཆེ་བདུད་རྩི་བཅུད་ཐིགས་[401.5]སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། སྤྱིའི་གེགས་བསལ་ཞིང་ཤན་དབྱེ་ལ་བཟླ་བའི་ལེའུ་སྟེ་བཅུ་ གཉིས་པའོ།། །།དེ་ནས་ཀུན་རིག་ཁྱེའུ་ཆུང་གིས། །གསང་བདག་སྟོན་པ་ལ་ཞུས་[401.6]པ། །སེམས་ཉིད་བླ་མེད་སྤྱི་ཏི་འདིར། །ཆོས་རྣམས་དགོངས་པ་ཇི་ལྟར་འདུས། །ཞེས་ཞུས་པས། གསང་བདག་སྟོན་པས་བཀའ་སྩལ་པ། །ང་ཡི་བླ་མེད་སྤྱི་ཏི་འདིར། །ཆོས་རྣམས་འདུས་ལུགས་བསྟན་གྱིས་[402][402.1]ཉོན། །སྣང་སྲིད་འཁོར་འདས་ཆོས་རྣམས་ཀུན། །བྱང་ཆུབ་སེམས་ཀྱི་ངང་དུ་འདུས། །འཁྲུལ་སྣང་འཁོར་བའི་སྡུག་བསྔལ་ཀུན། །མ་རིག་གཟུང་འཛིན་གཉིས་ལ་འདུས། །ལོག་པར་ལྟ་བ་མ་ལུས་པ། །རྟག་ཆད་[402.2]གཉིས་ཀྱི་ནང་དུ་འདུས། །ཉན་ཐོས་རང་རྒྱལ་དགོངས་པ་ནི། །གཅིག་ཏུ་ཐར་པ་བསྒྲུབ་པར་འདུས། །རྒྱུ་ཡི་ཐེག་ཆེན་དགོངས་པ་ནི། །གཞན་དོན་གཉིས་མེད་སྤྱོད་པར་འདུས། །ཐེག་ཆེན་སྤྱི་ཡི་དགོངས་པ་[402.3]ནི། ཁྲེས་རབ་སྙིང་རྗེ་ཆེ་ལ་འདུས། །བྱང་ཆུབ་སེམས་དཔའི་ཏིང་འཛིན་རྣམས། །སྣང་ལ་རང་བཞིན་མེད་པར་འདུས། །སྤྲུལ་སྐུ་སངས་རྒྱས་དགོངས་པ་ནི། །མེད་ལས་འདོད་དགུ་འབྱུང་བར་འདུས། །བཀའ་ལུང་[402.4]ཀུན་གྱི་ཕྱི་མོ་ནི། །རང་རིག་ཡེ་ཤེས་འདི་ལ་འདུས། ་ཕྱི་་ཡི་ཡུལ་རྣམས་མ་ལུས་པ། །མ་བཅོས་ཆོས་ཀྱི་དབྱིངས་ལ་འདུས། །ཕྱི་ནང་སྣོད་བཅུད་མ་ལུས་པ། །སྙིང་པོ་ཀུན་ཁྱབ་ཀློང་དུ་འདུས། །གསང་སྔགས་ཕྱི་ནང་[402.5]དགོངས་པ་ཀུན། །སྣོད་བཅུད་ཞེན་པ་གྲོལ་ལ་འདུས། །ཁྱད་པར་སྣང་བའི་དགོངས་པ་ཀུན། །བླང་དོར་གཉིས་འཛིན་གྲོལ་ལ་འདུས། །སྐུ་དང་ཡེ་ཤེས་མ་ལུས་པ། །རང་རིག་གསལ་དག་འདི་ལ་འདུས། །ཆོས་[402.6]རྣམས་སྤྱི་ཡི་རང་བཞིན་ནི། །སྟོང་ཞིང་བདག་དང་བྲལ་ལ་འདུས། །ཡང་དག་ངེས་དོན་གདམས་ངག་ཀུན། །གསལ་དང་ཡེངས་མེད་ངང་ལ་འདུས། །ཉོན་མོངས་བརྒྱད་ཁྲི་བཞི་སྟོང་རྣམས། །རྩ་བ་ངར་འཛིན་གཅིག་[403][403.1]པུར་འདུས། །འདུལ་བྱེད་ཆོས་སྒོ་དཔག་མེད་རྣམས། །བདག་འཛིན་རྩད་ནས་གཅོད་པར་འདུས། །གཅོད་ཚུལ་བསམ་གྱིས་མི་ཁྱབ་ཀྱང་། །བསྡུས་ན་ཐེག་པ་རིམ་དགུར་འདུས། །རིམ་དགུའི་འདོད་[403.2]པ་རྣམ་མང་ཡང་། །ཡང་རྩེ་རྫོགས་པ་ཆེན་པོར་འདུས། །ཆོས་སྐུའི་བསྟན་པ་རྫོགས་ཆེན་རྣམས། །སྡེ་གསུམ་ནང་དུ་འདུས་པར་བསྟན། །སེམས་སྡེ་ཀློང་སྡེ་མན་ངག་སྡེ། །དེ་ཡང་རྫོགས་ཆེན་སེམས་སྡེ་ནི། །གཞི་ཉིད་[403.3]མདུང་སྒྱུར་ཆེན་པོར་བསྟན། །ཀློང་སྡེའི་རྫོགས་པ་ཆེན་པོ་ནི། །འབྲས་བུ་ཡེ་གྲོལ་ཆེན་པོར་བསྟན། །མན་ངག་སྡེ་ཡི་རྫོགས་ཆེན་ནི། །ལམ་གསུམ་ཐ་དད་ཉིད་དུ་བསྟན། །དེ་དག་ཀུན་གྱི་སྤྱི་ཕུད་ནི། །བཅུ་རྩི་སྤྱི་ཏི་[403.4]འདིར་འདུས་ཏེ། །ཐེག་པའི་ཆོས་ཀུན་ལ་བཟླར་བཤད། །ལ་བཟླའི་ཕྱོགས་སུ་རྒྱ་མ་ཆད། །གཉིས་ཀའི་ཕྱོགས་སུ་རྒྱ་མ་ཆད། །གཉིས་མེད་དུ་ཡང་རྒྱ་མ་ཆད། །སྐྱེ་མེད་ཀ་དག་མཐའ་ལས་གྲོལ། །ཞེས་གསུངས་[403.5]སོ། །རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་ལས། ཆོས་ཐམས་ཅད་ཀྱི་དགོངས་པ་འདུས་པའི་ལ་བཟླ་བའི་ལེའུ་སྟེ་བཅུ་གསུམ་པའོ།། །།དེ་ནས་ཀུན་རིག་[403.6]ཁྱེའུ་ཆུང་གིས། །གསང་བདག་སྟོན་པ་ལ་ཞུས་པ། །རྒྱུད་འདིའི་མཚན་དོན་ཇི་ལྟར་གཟུང་། །གཏད་པའི་གནད་ནི་གང་ལ་གཏད། །ཅེས་ཞུས་པས། གསང་བདག་སྟོན་པས་བཀའ་སྩལ་པ། །དགོས་འདོད་ཀུན་འབྱུང་[404][404.1]རྒྱ་ཆད་མེད། །ཀུན་བྱུང་རིན་ཆེན་རྒྱུད་ཅེས་བྱ། །བཏགས་ཆགས་བཟུང་ཞེན་ཀུན་བདུད་ལ། །ཀ་དག་ཕྱོགས་བྲལ་རྩིས་འདེབས་པས། བླ་མེད་བདུད་རྩིའི་རྒྱུད་ཅེས་བྱ། །གསང་བདག་ང་ཡི་ཐུགས་ཀྱི་བཅུད། །ཀུན་[404.2]རིག་འཁོར་ལ་འདིར་ཐིགས་པས། །སྙིང་པོ་བཅུད་ཐིགས་རྒྱུད་ཅེས་བྱ། །འབྲེལ་དང་མ་ཚང་མེད་རྫོགས་པས། །རྒྱ་མ་ཆད་པས་རྒྱུད་ཅེས་བྱ། །ང་ཡི་སྐུ་གསུང་སངས་རྒྱས་ཀྱི། །དགོངས་པ་ཐམས་ཅད་འདིར་འདུས་[404.3]པས། །དགོངས་འདུས་ཆེན་པོའི་རྒྱུད་ཅེས་བྱ། །ཐེག་དགུའི་འདོད་པ་ལ་ཟློས་པས། །བཅུ་རྩེ་སྤྱི་ཏིའི་རྒྱུད་ཅེས་བྱ། །ཕྱི་རབས་རྒྱུད་དག་སྐལ་བར་ལྡན། །ཐོད་རྒལ་བློ་ལྡན་རྣམས་ལ་གཏོད། །ཅེས་གསུངས་[404.4]སོ། །རྒྱུད་ཐམས་ཅད་ཀྱིས་རྒྱལ་པོ་རིན་པོ་ཆེ་བདུད་རྩི་བཅུད་ཐིགས་ཀྱི་རྒྱུད་ལས། མཚན་དང་གཏད་རྒྱ་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་ཀུན་རིག་ཁྱེའུ་ཆུང་གིས། །གསང་བདག་སྟོན་པ་ལ་[404.5]ཞུས་པ། །སེམས་ཉིད་སྤྱི་ཏིའི་རྒྱུད་ཆེན་རྣམས། །སྟོན་པའི་ཐུགས་ལས་བཅུད་ཕྱུང་ནས། །འདུས་པའི་འཁོར་ཚོགས་རྣམས་ལ་གཏད། །མ་འོངས་ཐ་མའི་དུས་ཀྱི་ཚེ། །མི་མཇེད་སྐལ་ལྡན་སྐྱེས་བུ་ཡིས། །ཚིག་རྒྱུད་[404.6]འཛིན་པའི་ཕན་ཡོན་གང་། །ཞེས་ཞུས་པས་། སྟོན་པས་འཁོར་ལ་བཀའ་སྩལ་པ། །འདི་ཡི་ཕན་ཡོན་བསམ་ཡས་ཏེ། །རེ་ཞིག་མཚོན་པ་ཙམ་བསྟན་པ། །གནས་སུ་བཅང་བས་བར་ཆད་བསྲུངས། །ལུས་ལ་བཅང་[405][405.1]བས་སྒྲིབ་གཉིས་སེལ། །བཀླག་པ་ཙམ་གྱིས་ཚོགས་གཉིས་རྫོགས། །མཐོང་བ་ཙམ་གྱིས་དོན་དང་འཕྲད། །ཐོས་པ་ཙམ་གྱིས་སྤྲོས་ཐག་ཆོད། །བཟུང་བས་ཆོས་ཀུན་བཟུང་དང་མཚུངས། །བསྐལ་པར་[405.2]བསགས་པའི་སྒྲིབ་པ་ཡང་། །འདི་ནི་རྣ་བར་ཐོས་པས་སེལ། །མོས་པ་བྱས་པ་ཙམ་ལ་ཡང་། །ས་བཅུའི་སྲས་དང་ཡོན་ཏན་མཉམ། །དོན་རྟོགས་གདེང་དུ་འདི་འཆང་ན། །ཡོན་ཏན་བསམ་དང་བརྗོད་ལས་[405.3]ངང་ངཆེཞེ་ང་ཆེངངང་ངངངང་ངལེ[405.4]འདས། །ཡད་བཞན་ནར་བུ་རན་ ན་འདྲ། ། ས་གསུངས་ས། །རན་པ་ ་བདུད་རྩ་བཅུད་ཐགས་སངས་རྒྱས་ཐམས་ཅད་ཀྱ་དགངས་པ་འདུས་པའ་རྒྱུད་ལས། ཕྱ་རབས་ཀྱས་བཟུང་བའ་ཕན་ཡན་བསྟན་པའ་ འུ་[405.5]སྟེ་བཅོ་ལྔ་པའོ།། །།རྒྱུད་ཐམས་ཅད་ཀྱི་རྒྱལ་པོ་རིན་པོ་ཆེ་བདུད་རྩི་བཅུད་ཐིགས་སངས་རྒྱས་ཐམས་ཅད་ཀྱི་དགོངས་པ་འདུས་པའི་རྒྱུད་རྫོགས་སོ།། །།ཨུ་རྒྱན་གྱི་མཁས་པ་པདྨ་འབྱུང་གནས་དང་།[405.6]བོད་ཀྱི་ལོ་སྣྲོ་བ་སྐ་བ་དཔལ་བརྩེགས་ཀྱིས་བསྒྱུར་ཅིང་གཏན་ལ་ཕབ་པ། རྒྱལ་པོ་ཁྲི་སྲོང་ལྡེའུ་བཙན་ལ་གདམས་པ། ད་ལྟ་སྤེལ་བའི་གནས་མེད་པའི་གཏེར་དུ་སྦས། གཏེར་རྒྱ། སྦས་རྒྱ། གཏད་རྒྱ།། །།