Ngb-pt-0287-vol-03-text

Body

རྒྱ་གར་སྐད་དུ། ཤི་པདྨ་མ་ཧྭ་བ་ཤ་དུཛི་བི་གྲ་ཧ་ཏནྟྲ་ནཱ་མ། བོད་སྐད་དུ། དཔལ་པདྨ་དབང་ཆེན་དྲེགས་པ་ཚར་གཅོད་ཀྱི་རྒྱུད་ཅེས་བྱ་བ། བཅོམ་ལྡན་འདས་དཔལ་པདྨ་དབང་ཆེན་ཧེ་རུ་ཀ་ལ་ཕྱག་འཚལ་ལོ། །འདི་སྐད་བཤད་པའི་དུས་གཅིག་ན། འོས་མིན་གྱི་གནས་ཡུམ་གྱི་མཁའ་ཆོས་ཀྱི་དབྱིངས་རྣམ་པར་དག་པ་ན། བཅོམ་ལྡན་འདས་དཔལ་རྡོ་རྗེ་སེམས་དཔའ་མཉམ་པ་ཉིད་ཀྱི་ངང་ལས་མནལ་སད་དེ།ཆོས་ཐམས་ཅད་སྤྱན་གྱི་ར་བར་བཅུག་ནས། ཐིག་ལེ་གཅིག་གི་ངང་དུ་ཡེ་རྒྱས་ཐེབས་པར་གཟིགས་ཏེ། རང་བཞིན་ལྷུན་གྱིས་གྲུབ་པའི་དཀྱིལ་འཁོར་ནས། རྡོ་རྗེ་སེམས་དཔའ་ཡོངས་ལ་ཁྱབ་ཅིང་བརྡལ་བའི་སྐུའི་ཆེ་བའི་ཡོན་ཏན་ཐམས་ཅད་རང་ལ་རྫོགས་པར་བསྟན་ཏེ། སླར་ཡང་སྐུ་གསུང་ཐུགས་ཀྱི་དཀྱིལ་འཁོར་བསྡུས་པ་ལས། །མ་བྱས་རང་བྱུང་ཡེ་ཤེས་པཟློར་འཁྱིལ་ཏེ། ཐིག་ལེ་ཆེན་པོ་གཅིག་ཏུ་མཉམ་པ་ལས། དེ་ལྟར་ལ་གཟིགས་ཤིང་སོ་སོར་བརྟགས་ནས། །ཆེ་བས་མྱོས་པ་དང་། དྲེགས་པས་བརྒྱལ་བ་རྣམས་ཚར་གཅོད་པའི་ཐབས་སུ། སྤྱན་རས་གཟིགས་སུ་སྐུ་སྤྲུལ་ཞིང་། །རྡོ་རྗེ་སེམས་དཔའ་ཐུགས་ཁྲོས་པ་ལས། དཔལ་པདྨ་དབང་ཆེན་དབུ་ལྔ་ཕྱག་བཅུ་དྲུག་པར་གྱུར་ཏེ། སྦས་པའི་དཀྱིལ་འཁོར་དགུ་ཡི་ཡེ་ཤེས་རང་ལ་རྫོགས་པར་བསྟན་ནས། ཁམས་གསུམ་དབང་དུ་བསྡུས་ཤིང་སྲིད་གསུམ་ཟིལ་གྱིས་མནན་ཏེ། འཁོར་བའི་སྐྱམ་ལིངས་བཏབ་ནས། ཐུགས་རྗེས་རང་སར་བསྐྱལ་ལོ། །དྲེགས་པ་ཚར་གཅོད་ཀྱི་རྒྱུད་ལས། གཉེན་པོ་སྔོན་བྱུང་གི་ལེའུ་སྟེ་དང་པོའོ།། །།དེ་ནས་ཡང་དཔལ་པདྨ་དབང་ཆེན་གྱིས། སྦས་པའི་དཀྱིལ་འཁོར་དགུས་འདུལ་བའི་ཐབས་ཕྱུང་སྟེ། ཀླད་པ་དུང་ཁང་གི་གཞལ་ཡས་ཁང་དུ་རྡོ་རྗེ་དབྱིངས་ཀྱི་དཀྱིལ་འཁོར་གདུལ་བྱའི་ཐབས་སུ་ཕྱུང་བ་དང་། ལྟག་པའི་རྒྱས་སུ་རྟ་མགྲིན་དབང་གི་དཀྱིལ་འཁོར་འདུལ་བའི་ཐབས་སུ་ཕྱུང་བ་དང་། །ཐུགས་ཀར་ཡེ་ཤེས་སེམས་དཔའི་དཀྱིལ་འཁོར་གདུལ་བྱའི་ཐབས་སུ་ཕྱུང་བ་དང་། ཕྱག་རྒྱའི་གནས་སུ་འགྲོ་བ་འདུལ་བའི་དཀྱིལ་འཁོར་གདུལ་བྱའི་ཐབས་སུ་ཕྱུང་བ་དང་། སྐུའི་གནས་སུ་ངན་སོང་སྐྱོང་བའི་དཀྱིལ་འཁོར་གདུལ་བྱའི་ཐབས་སུ་ཕྱུང་བ་དང་། རིན་པོ་ཆེའི་གཤོག་པ་ལས་ཁམས་གསུམ་རྣམ་པར་རྒྱལ་བའི་དཀྱིལ་འཁོར་གདུལ་བྱའི་ཐབས་སུ་ཕྱུང་བ་དང་། ཞབས་ལས་ཧཱུཾ༷་མཛད་ཆེན་པོའི་དཀྱིལ་འཁོར་གདུལ་བྱའི་ཐབས་སུ་ཕྱུང་བ་དང་། བྷ་གའི་གནས་སུ་ལིསྐོ་ཆེན་པོའི་དཀྱིལ་འཁོར་གདུལ་བྱའི་ཐབས་སུ་ཕྱུང་བ་དང་། གཞལ་ཡས་ཁང་གི་གནས་སུ་ལྷུན་གྱིས་གྲུབ་པའི་དཀྱིལ་འཁོར་གདུལ་བྱའི་ཐབས་སུ་ཕྱུང་བ་དང་དགུའོ། །དེ་ནས་དཀྱིལ་འཁོར་ཆེན་པོ་དགུས་གདུལ་བྱ་ཟིལ་གྱིས་མནན། ཐེག་པ་རིམ་དགུའི་ཀློང་བརྟོལ་ནས་ས་དགུར་མཉམ་པར་སྦྱར། དྲེགས་པ་ཚར་བཅད་ནས་སྐུ་གསུང་ཐུགས་སུ་འཁོར་བ་བཙན་ཐབས་སུ་བཟློག་པས། མི་གནས་པའི་ཡེ་ཤེས་སུ་སྦྱར་རོ། །དྲེགས་པ་ཚར་གཅོད་པའི་རྒྱུད་ལས། གདུལ་བྱ་བཙན་ཐབས་ཀྱི་ལེའུ་སྟེ་གཉིས་པའོ།། །།དེ་ནས་ཡང་དྲེགས་པའི་མཆོག་ལྷ་སྲིན་སྡེ་བརྒྱད་ཀྱིས་འཇིག་རྟེན་གྱི་ཁམས་ཐམས་ཅད་དབང་བྱས་ཏེ། འཇིག་རྟེན་སྟོངས་པར་བྱེད་པ་ལས། དཔལ་པདྨ་ཧེ་རུ་ཀས་ཐུགས་རྗེའི་རོལ་པས་གདུལ་བྱ་ཐབས་ཀྱིས་བ་་ཏེ། སྐུ་མཆོག་འབར་བའི་རྔམ་སྟབས་ཀྱིས། ཚམ་རྔམས་དྲག་པོས་གཟིར་བ་དང་། །དཔལ་གྱི་རྟ་སྐད་ཐེངས་གསུམ་གྱིས། །བྲེད་ཅིང་རབ་ཏུ་སྔངས་པར་བྱས། །ཐུགས་རྗེ་རོལ་པའི་བརྟུལ་ཞུགས་ཀྱིས། །བཀའ་དང་དམ་ལ་བཏགས་པས། ལྷ་མ་སྲིན་སྡེ་བརྒྱད་ཀྱིས་རང་རང་གི་སྡེ་དང་དཔོན་དུ་བཅས་པ་མངགས་པ་དང་བཅས་ཏེ། མགྲིན་གཅིག་ཏུ་རང་རང་གི་བརྡའ་སྐད་ཀྱིས་དམོད་མོ་དང་མཚང་ཚིག་མདོངས་གསོལ་དུ་ཕུལ་བ་འདི་ལྟ་སྟེ། ཨ་ཡ་དུ་རུ་ཙ་ཤ་ན་ལ།ལྷ་མ་སྲིན་སྡེ་བརྒྱད་དཔུང་དང་བཅས་པས་ཕུལ་ཏེ། དཔལ་ཆེན་པོ་པདྨ་ཧེ་རུ་ཀས། ལྷ་མ་སྲིན་གྱི་བརྡའ་སྒྲ་དགུ་མི་བརྗེད་པའི་གཟུངས་སུ་གཏད། དབང་ཆེན་གྱི་ཕོ་ཉ་གཏད་ནས། གཟུངས་སུ་བཞག་གོ །ལྷ་མ་སྲིན་གྱི་བརྡའ་སྒྲ་སྐད་གྲགས་པའི་དུས་སུ། སྙན་པའི་མདའ་བྱ་བར་ཁས་འཆེས་སོ། །དེ་ནས་ཡང་ཨ་ནི་མ་བྱུང་མ་སྐྱེས་པའི་ཀློང་ནས། དཔལ་ཆེན་པོའི་སྐུར་བྱུང་སྟེ། དཔལ་པདྨ་དབང་ཆེན་ལ། ཡ་ནི་གཤིན་རྗེ་དགུ་དཔུང་དང་བཅས་པས་ཕུལ་ལོ། །མ་ནི་མ་མོ་དགུ་དཔུང་དང་བཅས་པས་ཕུལ་ལོ། །དུ་ནི་གཟའ་དགུ་དཔུང་དང་བཅས་པས་ཕུལ་ལོ། །རུ་ནི་སྲིན་པོ་སྡེ་ཚན་དང་བཅས་པས་ཕུལ་ལོ། །ཙ་ནི་བདུད་སྡེ་ཚན་དང་བཅས་པས་ཕུལ་ལོ། ཁྲ་ནི་གནོད་སྦྱིན་སྡེ་ཚན་དང་བཅས་པས་ཕུལ་ལོ། །ན་ནི་ཀླུ་དགུ་དཔུང་དང་བཅས་པས་ཕུལ་ལོ། །ལ་ནི་ལྷའི་སྡེ་ཚན་དང་བཅས་པས་ཕུལ་ལོ། །དྲེགས་པ་ཚར་གཅོད་པའི་རྒྱུད་ལས་ལྷ་མ་སྲིན་སྡེ་བརྒྱད་ཀྱིས་དམོད་བཙུགས་པའི་ལེའུ་སྟེ་གསུམ་པའོ།། །།དེ་ནས་དཔལ་པདྨ་དབང་ཕྱུག་གིས་ཐབས་དང་ཤེས་རབ་གཉིས་སུ་མེད་པར་བསྟན་པའི་ཕྱིར། ཡུམ་ཁྲོ་མོ་གཟི་ལྡན་མ་ཉིདཀྱི་ཐུགས་ལས་ཕྱུང་སྟེ། གཉིས་སུ་མེད་པར་འཁྲིལ་ཏེ་དེའི་ཚེ་དེའི་དུས་ན་ཡབ་ཡུམ་གཉིས་སུ་མེད་པའི་སྤྲུལ་པ་ལས། བཀའ་སྡོད་ཀྱི་ཕོ་ཉ་བ་རིག་པའི་ཁྲོ་བོ་ཁྲོ་མོ་དང་། ལོང་བ་རྒྱབ་འབྲེལ་དང་། དམུས་ལོང་འཁོར་བ་དང་། མེ་འབྲུག་དང་། རླུ་་འབྲུག་དང་། ཟ་བྱེད་ཀྱི་ཁྱི་སྤྱང་དང་། དཔལ་གྱི་ཁྱི་བརྒྱད་དང་། ཕོ་ཉ་སྤྲུལ་པའི་ཚོག་དང་། སྤྱང་མོ་རོ་ཤལ་དང་། སྲིན་མོ་མགོ་འཕྱངས་མ་དང་། རག་ཏ་ཙ་མུན་ཏི་དང་།ཁྲག་གི་ལྷ་མོ་དང་། ཕུང་བྱེད་སྦས་པའི་མ་བཞི་ལ་སོགས་པ། ཆོས་ཉིད་དབྱིངས་ཀྱི་ཕོ་ཉ་དང་། ཡབ་ཀྱི་བཀའ་སྡོད་ཕོ་ཉ་དང་། ཡུམ་གྱི་བཀའ་སྡོད་ཕོ་ཉ་དང་། དྲག་ཤུལ་བཙན་ཐབས་ཀྱི་ཕོ་དང་། རང་དབང་མེད་པར་འདུས་པའི་ཕོ་ཉ་ལ་སོགས་པའི་འཁོར་རྣམས་ལ་རང་བཞིན་བལྟ་བའི་དོན་གྱི་བཀའ་སྩལ་ཏོ། །ཁམས་གསུམ་སྲིད་གསུམ་དག་པའི་ཞིང་དུ་བལྟ། །རང་ལས་བྱུང་བའི་ཉག་གཅིག་དགོངས་པའི་གདེང་། སྐྱོན་གྱི་མ་གོས་འདམ་གྱི་པདྨ་འདྲ། །ཕྱི་ནང་སྣོད་བཅུད་ཐམས་ཅད་ཀུན་ལ་དབང་། །ཡོན་ཏན་ཐམས་ཅད་རང་ལ་རྫོགས་པས་ཆེ། །གང་ལ་སྤྱད་ཀྱང་དབང་ཕྱུག་རོལ་པའི་རྒྱན། །ཇི་ལྟར་མཐོང་བའི་དྲི་མེད་པདྨའི་སྐུ། །གཉིས་སུ་མེད་པར་བརྡལ་བ་ཅིག་གིས་དང་། །རྣམ་པ་ཅིང་ཡང་སྟོན་པ་ལོངས་སྤྱོད་རྫོགས་པའི་སྐུ། །གདུལ་བྱ་རྣམས་ལ་ཅིང་ཡང་སྤྲུལ་པའི་སྐུ། །གཅིག་ལས་མ་གཡོས་ངོ་བོ་ཐ་དད་མེད། །ཅི་ལྟར་སྣང་བ་པདྨ་དབང་ཆེན་ཀློང་། །པདྨའི་ཀློང་ན་དབང་ཕྱུག་རོལ་པ་ཆེ། །འདི་ཡི་གོང་ན་དབང་ཆེན་གཞན་མེད་པས། །བདེ་གཤེགས་ཐམས་ཅད་དབང་ཆེན་པ་ཡི་རྒྱན། །ང་ཡི་རང་བཞིན་འདི་འདྲ་བསྟན་མེད་པས། །དབང་ཕྱུག་རོལ་པའི་ཆོ་འཕྲུལ་ཅིར་ཡང་སྣང་། །སྣང་སྲིད་ཐམས་ཅད་ང་ལས་རོལ་པའི་རྒྱན། །པདྨ་དབང་ཆེན་མཐོང་བ་གཞན་མེད་དེ། །ཆེ་བའི་ཡེ་ཤེས་བལྟ་ན་དབང་ཆེན་ང་ལ་ལྟོས། །དབང་ཆེན་ང་མཐོང་ཐམས་ཅད་ང་དབང་བྱེད། །ང་ལས་མ་གཡོས་ང་ཉིད་ཅིར་ཡང་སྣང་། །སྣང་ཞིང་སྲིད་པ་དབང་ཆེན་ང་རུ་འདུས། །དྲེགས་པ་ཚར་གཅོད་པའི་རྒྱུད་ལས། རངབཞིནལྟབའིལེའུསྟེ་བཞི་པའོ།། །།དེ་ནས་ཡང་བཅོམ་ལྡན་འདས་པདྨ་དབང་ཆེན་གྱིས། །ཐུན་མོང་བལྟ་བའི་དོན་འདི་བཀའ་སྩལ་ཏོ། དྲི་མེད་པདྨ་འདམ་གྱི་མེ་ཏོག་ལྟར། །མ་བྱས་རང་བྱུང་ཐམས་ཅད་ང་ཡི་དབང་། །ཡོན་ཏན་ཐམས་ཅད་རང་ལ་རྫོགས་པས་ཆེ། །གཅིག་ལས་མ་་གཡོས་ཐམས་ཅད་ཅིར་ཡང་སྣང་། །དམྱལ་བ་མེ་ཆུ་ཚ་གྲང་སྡུག་བསྔལ་སྣང་། །ང་ལས་མ་གཡོས་དམྱལ་བ་ང་ཡི་དབང་། །ཡི་དྭགས་རྣག་ཁྲག་རོ་མྱགས་འདམ་སྣང་བ། །ང་ལས་མ་གཡོས་ཡི་དྭགས་ང་ཡི་དབང་། །བྱོལ་སོང་རྟེན་གནས་བཟའ་བ་་བཀོལ་སྤྱོད་སྣང་། །ལས་ཀྱི་སྐལ་བས་བྱོལ་སོང་དེར་གནས་པ། །ང་ལས་མ་གཡོས་བྱོལ་་སོང་ང་ཡི་དབང་། །མི་ལས་བདག་གཞན་སྣོང་བ་་དངོས་པོར་སྣང་། །རྐྱེན་གྱིས་འཁྲུལ་པའི་རྣམ་པ་དེར་སྣང་བས། །ང་ལས་མ་གཡོས་མི་རྣམས་ང་ཡི་དབང་། །ལྷ་མིན་འཐབ་རྩོད་གོ་མཚོན་གཡུལ་འགྱེད་སྣང་། །རྐྱེན་གྱི༷ ་ལོ་ག་ཚུལ་ལྷ་མིན་དང་སྣང་བ། །ང་ལས་མ་གཡོས་ལྷ་མིན་ང་ཡི་དབང་། །ལྷ་རྣམས་རོལ་མོ་ལོངས་སྤྱོད་རིན་ཆེན་ཀློང་། །ལས་ཀྱི་སྐལ་བས་ལྷ་རྣམས་དེར་སྣང་བ། །ང་ལས་མ་གཡོས་ལྷ་རྣམས་ང་ཡི་དབང་། །ལ་ ས་ཀྱིས་སྐལ་བས་འགྲོ་དྲུག་དེར་སྣང་བ། །པདྨ་དབང་ཆེན་ཡོན་ཏན་ཕྱོགས་གཅིག་ལ། །རང་སེམས་ཕྱོགས་འཐེན་ནན་ཏན་དེ་ལྟར་སྣང་། །ང་ལས་མ་གཡོས་འགྲོ་དྲུག་ང་ཡི་དབང་། །ཆེ་བའི་ཡོན་ཏན་ལོངས་སྤྱོད་རོལ་པའི་རྒྱན། །མུ་སྟེགས་ཆད་ལྟའི་ཕྱིར་ན་གློ་བུར་སྣང་། །སྤང་ལ་ཤ་མོ་རྡོལ་བ་ལྟ་བུའོ། །ཚེ་ལ་སྔ་ཕྱི་གཉིས་སུ་མེད་པར་བལྟ། །རྐྱེན་གྱི་ལོག་ཚུལ་མུ་སྟེགས་དེར་སྣང་བ། །ང་ལས་མ་གཡོས་མུ་སྟེགས་ང་ཡི་དབང་། །མུ་སྟེགས་རྟག་ལྟ་བདག་ཅེས་རྟོག །སྙིང་དཀྱིལ་རྟག་པ་ཡུངས་འབྲུ་ཙམ། །དཀར་ལ་དག་པའི་བདག་ཉིད་དེ། །མ་བྱས་ངོ་བོ་ཉིད་ཀྱིས་བྱུང་། །དངོས་པོ་འདི་ལྟར་སྣང་བ་ཡང་། །མ་བྱས་རང་བྱུང་རྟག་པར་བལྟ། །རྐྱེན་གྱིས་ལོག་ཚུལ་རྟག་ལྟ་བ། །ང་ལས་མ་གཡོས་ང་ཡི་དབང་། །ཆེ་བའི་ཡོན་་ཏན་ལོངས་སྤྱོད་རྫོགས་པའི་རྒྱན། །ཆོས་ཅན་ལྟ་བའི་ཉན་ཐོས་པ། །མདོ་སྡེ་པ་དང་བྱེ་བྲག་གཉིས། །ཕྱི་རོལ་ཡུལ་སྤྱོད་བྱེད་པ་དང་། ཁྲེས་པ་སྐད་ཅིག་མཐུན་པར་སྣང་། །ཐེག་པས་བསྐལ་ནས་དེར་སྣང་བ། །ང་ལས་མ་གཡོས་ང་ཡི་དབང་། །རང་རྒྱལ་ཕྱི་ནང་རྟེན་འབྲེལ་ནི། །བཅུ་གཉིས་དག་ལས་གྲུབ་པར་ལྟ། ཁོརྐོས་པ་སྐད་ཅིག་རྗེས་སུ་མཐུན། །ཐེག་པས་བསྐལ་ནས་དེར་གནས་པ། །ང་ལས་མ་གཡོས་ང་ཡི་དབང་། །མཚན་ཉིད་ཐེག་པ་རྣམ་པ་གསུམ། །རྣམ་རིག་པ་དང་རྣལ་འབྱོར་པ། །དེ་བཞིན་མདོ་སྡེ་དབུ་མ་པའོ། །རྣམ་རིག་ཕྱི་རོལ་མཐོ་ཡོར་མི བསམ་ངོར་བདག་ལྟ་མེད་བཞིན་དུ། །རང་རིག་ཤེས་པ་ཞབྲུལ་སྣང་འདོད། །དོན་དམ་ཡེ་ཤེས་སྐད་ཅིག་འདོད། །ཐེག་པས་བསྐལ་ནས་དེར་གནས་པ། །ང་ལས་མ་གཡོས་ང་ཡི་དབང་། །ང་ཡི་རོལ་པ་དེར་ཡང་གནས། །རྣལ་འབྱོར་དབུ་མ་ཀུན་རྫོབ་མཐུན། །ཐེག་པས་བསྐལ་ནས་དེར་འདོད་པ། །དྲི་མེད་པདྨ་ང་ཡི་དབང་། །ང་ཡི་རོལ་པ་དེར་ཡང་གནས། །མདོ་སྡེ་ཀུན་རྫོབ་སྒྱུ་མ་ཙམ། །ཡུལ་རྣམས་ལོགས་ནས་སྣང་བར་ལྟ། །དོན་དམ་སྤྲོས་དང་བྲལ་བར་ལྟ། །ཐེག་པས་བསྐལ་ནས་དེར་གནས་པ། །དྲི་མེད་པདྨ་ང་ཡི་དབང་། །ཆེ་བའི་ཡོན་ཏན་དེ་ལྟར་གནས། །ཀྲི་ཡ་དོན་དམ་ཆོས་ཉིད་ལྟ། །ཀུན་རྫོབ་རང་རིག་ཡོན་ཏན་བལྟ། །རིགས་གསུམ་དག་པའི་དཀྱིལ་འཁོར་དུ། །ཐེག་པས་བསྐལ་ནས་དེར་གནས་པ། །དྲི་མེད་པདྨ་ང་ཡི་དབང་། །ཆེ་བའི་ཡོན་ཏན་དེར་ཡང་རྫོགས། །གཉིས་ཀའི་རྒྱུད་འཛིན་ཐེག་པ་ནི། །ལྟ་བ་ཡོ་ག་ལྟར་སྤྱོད་དེ། །སྤྱོད་པ་ཀྲི་ཡའི་གཙང་སྦྲ་བྱེད། །དེར་འདོད་ལྟ་བའི་གནས་ཡིན་ཏེ། །དྲི་མེད་པདྨ་ང་ཡི་དབང་། །ཆེ་བའི་ཡོན་ཏན་དེར་ཡང་རྫོགས། །ཡོ་ག་དོན་དམ་རྣམ་དག་པའི། །ཆོས་ཀྱི་དབྱིངས་ཀྱི་ཡེ་ཤེས་སུ། །རྟོགས་པའི་བྱིན་རླབས་ལྟར་སྣང་བ། །ཡེ་ཤེས་ལྔ་ལས་རིགས་ལྔ་སྟེ། །རྡོ་རྗེ་དབྱིངས་ཀྱི་དཀྱིལ་འཁོར་དུ། །ཐེག་པས་བསྐལ་ནས་དེར་གནས་པ། །དེར་འཛིན་དེ་ཡི་གནད་ཡིན་ཏེ། །དེར་ཡང་དྲི་མེད་པདྨའི་དབང་། །ཆེ་བའི་ཡེ་ཤེས་དེར་ཡང་ཤར། །མ་ཧྭ་ཡོ་ག་དོན་དམ་དུ། །རང་རིག་གཉིས་མེདདེབཞིནཉིད། །རྟོགས་པའི་ཆོ་འཕྲུལ་བསྒྲུབ་རྩོལ་བའི། །ལྷར་སྣང་བ་ལ་འཁོར་བ་མེད། །ཐེག་པས་བསྐལ་ནས་དེར་གནས་པ། །དེ་ཡང་དྲི་མེད་པདྨའི་དབང་། །ཆེ་བའི་ཡོན་ཏན་ཕྱོགས་གཅིག་སྟེ། །དེར་འཛིན་རྟོགས་པ་དེ་ཡི་གནད། །དྲི་མ་མེད་པར་གདོད་ནས་དག །ཕྱོགས་རིས་མེད་པར་དེ་ཡི་སྒོ། །ཨ་ནུ་ཡོ་ག་དོན་དམ་དུ། །བདེ་བ་སྟོང་པ་རིག་པའི་རྩལ། །ཀུན་རྫོབ་ལྷ་ཡི་དཀྱིལ་འཁོར་སྣང་། །ཐེག་པས་བསྐལ་ནས་དེར་གནས་པ། །དེར་རྟོགས་དེར་འཛིན་གནད་ཡིན་ཏེ། །དྲི་མེད་པད་མ་ང་ཡི་དབང་། ཨཏིམབྱུང། ཆེ་བའི་ཡོན་ཏན་ཐེག་པ་དགུ། །དབང་ཆེན་རྨད་བྱུང་སྤྱོད་པ་ཏེ། །ཐུན་མོང་ཐབས་ཀྱི་ཁྱད་པར་ཡིན། །གདུལ་བྱ་རྣམས་ལ་སྣང་བས་ཏེ། །རང་ལས་བྱུང་བས་དབང་ཕྱུག་ཆེ། །ཞེས་བཀའ་སྩལ་ཏོ། །དྲེགས་པ་ཚར་གཅོད་པའི་རྒྱུད་ལས། །ཐུན་མོང་ལྟ་བའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས། །བསྒྲུབ་པ་ཟབ་མོའི་དོན་འདི་བཀའ་སྩལ་ཏོ། །མཆོག་དང་ཐུན་མོང་དངོས་གྲུབ་ནི། །ཐུན་མོང་ཁྱད་པར་ཐབས་ཀྱིས་འགྲུབ། །ཐབ་ཀྱི་ཁྱད་པར་འདི་ཆེ་བས། །ཐབས་ནི་ཁྱད་པར་མཆོག་ཏུ་བསྔགས། །དྲེགས་པ་འདུལ་བའི་ས་ཕྱོགས་ནི། །རི་བྲག་ཟླ་གམ་གྲུ་གསུམ་གནས། །གནམ་ས་པདྨ་འཁོར་ལོའི་རྩིབས། །འབར་བ་མེ་རིས་མཚན་པ་མྲ །བདག་གཞན་དབང་རྫོགས་དམ་ཚིག་ལྡན། །གསང་ཐུབ་ཡིད་བརྟན་གཡེང་བ་ཆུང་། །ཚིག་ཕྱིར་མི་འབྲང་དོན་རྟོན་པས། །དམ་བཅས་དངོས་གྲུབ་མ་ཐོབ་པར། །ཁྱད་པར་ཐུན་མོང་རྫས་ཁྱེར་ལ། །གྲུབ་པའི་ཉི་མ་ཤིས་ལ་འཇུག །བདེ་གཤེགས་ཕོ་བྲང་དཀྱིལ་འཁོར་ཡང་། །མཁས་པས་དཀྱིལ་འཁོར་འདིར་ཤེས་བྱ། །དཀྱིལ་འཁོར་ངོ་བོ་དབང་ཆེན་ཐུགས། །ངེས་ཚིག་ཐུགས་ནི་ཡང་དག་པའི། །ཡེ་ཤེས་རྡོ་རྗེའི་སྙིང་པོ་ལ། །རིག་པའི་ཆོ་འཕྲུལ་བསྐོར་བས་ན། །ཐུགས་ཀྱི་དཀྱིལ་འཁོར་མཆོག་ཏུ་བཤད། །དཀྱིལ་ནི་ཆོས་ཀྱི་དབྱིངས་ཉིད་ལ། །འཁོར་ནི་རིག་པའི་ཡེ་ཤེས་བསྐོར། །དབང་ཆེན་ཐུགས་ཀྱི་དཀྱིལ་འཁོར་ལ། །དེ་ལ་དབྱེ་བ་རྣམ་པ་གསུམ། །རང་བཞིན་ཏིང་འཛིན་རྣམ་པ་གཉིས། །རྡུལ་ཚོན་དག་གི་དཀྱིལ་འཁོར་རོ། །རང་བཞིན་དཀྱིལ་འཁོར་རྣམ་པ་གཉིས། །དོན་དམ་རང་བཞིན་དཀྱིལ་འཁོར་དང་། །ཀུན་རྫོབ་རང་བཞིན་དཀྱིལ་འཁོར་རོ། །ཀུན་རྫོབ་རང་བཞིན་དཀྱིལ་འཁོར་ནི། །རྣམ་པ་གཉིས་སུ་ཤེས་བྱ་སྟེ། །མཁའ་དང་གནས་ཀྱི་འོག་མིན་ནོ། །མཁའ་ཡི་འོག་མིན་ཡུམ་གྱི་མཁའ། །ཐམས་ཅད་འབྱུང་ཞིང་སྐྱེད་པར་བྱེད། །གནས་ཀྱི་འོག་མིན་དབང་ཆེན་ནི། །ལོངས་སྦྱོད་རྫོགས་པའི་ཞིང་ཁམས་སུ། །ཏིང་འཛིན་དཀྱིལ་འཁོར་རྣམ་པ་གསུམ། །བསྒོམ་དང་བསྐྱེད་པ་ལྷག་པའོ། །བསྒོམ་པའི་ཏིང་འཛིན་དཀྱིལ་འཁོར་ནི། །དབང་ཆེན་ཡབ་ཡུམ་སྐུར་བསྒོམ་པའོ། །ལྷག་པ་ལྷ་ཡི་དཀྱིལ་འཁོར་ནི། །བསྒོམ་དང་བསྐྱེད་པའི་དཀྱིལ་འཁོར་དེ། །ཆོས་ཀྱི་དབྱིངས་ན་གསལ་བ་དང་། །ཡུམ་གྱི་མཁའ་ལ་གསལ་བ་སྟེ། ཀྲི་ཡོག་རྣམ་པ་གསུམ་པས་ལྷག །དེས་ན་ལྷག་པའི་དཀྱིལ་འཁོར་ཏེ། །རྡུལ་ཚོན་དཀྱིལ་འཁོར་རྣམ་པ་དྲུག །དབང་ཆེན་གཙོ་འཁོར་བཅས་པ་སྟེ། །གསེར་དངུལ་ལུགས་སུ་བླུགས་པ་དང་། །ཟངས་ལྕགས་མགར་དུ་བརྡུང་བ་དང་། རྭ་འམ་བ་སོའི་འབུར་བརྐོས་དང་། །རས་བལ་ཐགས་སུ་བཏགས་པ་དང་། །ས་ལ་རྡུལ་ཚོན་བྲིས་པ་དང་། །གྱང་ལོགས་འབུར་དུ་བཏོད་པ་རྣམས། །དཀྱིལ་འཁོར་རིམ་པ་དེར་གནས་ནས། །མཁས་པས་ཁྱད་པར་དངོས་གྲུབ་རྟེན། །དམིགས་པའི་ཡུལ་དུ་བཞག་ནས་ཀྱང་། །རང་དང་གཉིས་སུ་མེད་པར་བྱ། །སྐུ་ཡི་དཀྱིལ་འཁོར་དབུ་ལྔ་སྟེ། །བཅུ་དྲུག་ཕྱག་དང་ལྡན་པ་དང་། །གདུལ་བྱའི་དཀྱིལ་འཁོར་ལྡན་པ་ལ། །ཡབ་ཡུམ་འཁོར་དང་བཅས་པ་ཡི། །བདག་ཉིད་དེར་གནས་ཉམས་སུ་བླངས། །བདག་ཉིད་དེ་ཡི་སྐུར་གསལ་ནས། །སྐུ་ཡི་དཀྱིལ་འཁོར་དངོས་གྲུབ་དེ། །ལོངས་སྤྱོད་རྫོགས་པའི་སྐུ་དང་མཉམ། །གསུང་གི་དཀྱིལ་འཁོར་སྙིང་པོ་སྟེ། །འདི་དག་རྒྱུན་ཏུ་བཟླས་པར་བྱའོ། །ཨོ་ཤི་པདྷརྙ་ཀྲི་ཏ་ཧཱུཾ༷། བཛྲ་མ་ཧྭ་ཀྲོ་དྷ་ཕཊ། བ༷་ཧཱུཾ༷་ཨེ་ཨུ་ར་ལི་ཧི་ཛི། མ་ཧྭ་སྲོག་ཤན་ཐུན་སྨྱོ། དྲི་མེད་རྩ་བརྒྱད་གསང་སྔགས་འབྲུ། །གྲངས་རྫོགས་བསྙེན་པ་ཚད་བསྐྱལ་བྱ། །ལོངས་སྤྱོད་རྫོགས་པའི་གསུང་དང་མཉམ། །འདི་དོན་རྣལ་འབྱོར་མ་ཐོབ་པར། །གསང་སྔགས་འཕྲོ་འདུས་གདུལ་བྱ་སྦྱང་། །མགལ་མེ་ཀླད་ལ་བསྐོར་བ་ཡིས། །ཡེ་ཤེས་དམ་ཚིག་སེམས་དཔའ་སྦྱང་། །གསེར་གྱི་བ་ཐག་གཟེངས་པ་ཡིས། །དཔྱང་ཐག་ཆད་པ་ཐུགས་རྗེས་དྲངས། །མགར་གྱི་ཚ་ཚ་བརྡབ་པ་ཡིས། །ཁམས་དང་སྲིད་པ་གསུམ་པོ་སྦྱང་། །གནམ་ལྕགས་ཐོག་ཆེན་བརྒྱབ་པ་ཡིས། །དྲེགས་པས་མྱོཔ་དབང་དུ་སྡུད། །སྒྲ་དང་སིལ་བུ་ཤུབ་བུར་བཟླ། །ཁྱད་པར་དངོས་གྲུབ་རྫས་མཆོག་དང་། །ཐུན་མོང་མཆོད་པའི་རྫས་རྣམས་དང་། །འཁོར་གྱི་མཐུན་རྫས་རིམ་པས་དབུལ། །གཞན་ཡང་འདོད་པའི་ལོངས་སྤྱོཚོགས། །རྣལ་འབྱོར་དབང་ཕྱུག་ཚོགས་ཆེན་བསག །ཅེས་བཀའ་སྩལ་ཏོ། །དྲེགས་པ་ཚར་གཅོད་པའི་རྒྱུད་ལས། སྒྲུབ་པ་ཟབ་མོའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་དཔལ་པདྨ་དབང་གྱིས། །ཕྲིན་ལས་ཟབ་མོའི་དོན་འདི་བཀའ་སྩལ་ཏོ། །གྲུབ་པའི་ཉི་མ་གང་ཡིན་ལ། །ཁྱད་པར་གནས་མཆོག་དམ་པ་དེར། །རང་བཞིན་དཀྱིལ་འཁོར་དམིགས་པའི་རྟེན། །རྡུལ་ཚོན་དཀྱིལ་འཁོར་བཞེངས་ནཀྱང་། །ཉམས་སུ་ཏིང་འཛིན་དཀྱིལ་འཁོར་བླང་། །བདག་ཉིད་ལུས་ངག་ཡིད་གསུམ་ཡང་། །སྐུ་གསུང་ཐུགས་སུ་སྦྱང་བར་བྱ། །རང་བཞིན་དཀྱིལ་འཁོར་སྤྱན་དྲངས་ལ། །ཏིང་འཛིན་དཀྱིལ་འཁོར་དག་བསྟིམ། །བསྟིམས་ནས་བརྟན་པར་བཞུགས་སུ་གསོལ། །དགྱེས་པས་ཕྱག་འཚལ་ཕྱི་ནང་གི། །མཆོད་པས་ཀྱང་ནི་མཉེས་པར་བྱ། །སྔགས་བཟླས་བསྟོད་བཤགས་བསྐང་བ་བྱ། །བཀྲ་ཤིས་གསོལ་དང་གཟི་བྱིའབེབས། །ཏ་ན་ག་ཎ་རྨད་བྱུང་སྤྱོད་པས་མཆོད། །བཀའ་བཞིན་སྤྱད་ནས་སྦྱོར་བ་ཡིན། །རྣལ་འབྱོར་དབང་ཕྱུག་ཆེན་པོ་སྟེ། །སྦྱོད་ལམ་རྣམ་པ་ཐམས་ཅད་དུ། །ལྷ་དབང་སྐུ་གསུང་ཐུགས་སུ་བརྟག །ཐ་མལ་དམན་པར་བརྟག་མི་བྱ། །ཡེངས་ཤིང་ཉམས་ན་འདས་པ་སྟེ། །ཁམས་གསུམ་འཁོར་བར་རང་བཞིན་ལྟུང་། །སྐུ་གསུང་ཐུགས་ཀྱེ་མཛད་སྤྱོད་ཀྱང་། །དལ་གྱིས་སྤྱད་ན་ཞི་བའི་ལས། །མང་དུ་སྤྱད་ན་རྒྱས་པའི་ལས། །མྱུར་དུ་སྤྱད་ན་དབང་གི་ལས། །དཔའ་བར་སྤྱད་ན་དྲག་པོའི་ལས། །གང་གི་ཕྲིན་ལས་མཛད་སྤྱོད་ཀྱང་། །ཨོ་ཧུ་ལུ་ཧུ་ལུ་ཧུ༷་ཕཊ། ཨེ་ཨུ་ར་ལི་ཧུ༷་སྙི༷༷ཛ། ཤཱརྙི་ཀུ་རུ་གྲྭ་ཧྭ། བཅུ་གསུམ་རྩ་བའི་གསང་སྔགས་ལ། ཁྲསྟི་འབྲུ་དྲུག་བརྡའ་བསྐྱོན་ན། །དབང་ཆེན་ཞི་བའི་ཕྲིན་ལས་སོ། །བཅུ་གསུམ་རྩ་བའི་གསང་སྔགས་ལ། །ཚུསྤྱོ་ཀུ་རུའི་བརྡའ་བསྐྱོན་ན། །དབང་ཆེན་རྒྱས་པའི་ཕྲིན་ལས་སོ། །བཅུ་གསུམ་རྩ་བའི་གསང་སྔགས་ལ། །པ་ཤ༷་ཀུ་རུའི་བརྡའ་བསྐྱོན་ན། །དབང་ཆེན་དབང་གི་ཕྲིན་ལས་སོ། །བཅུ་གསུམ་རྩ་བའི་གསང་སྔགས་ལ། །བཱ་ར་ཡ་ཡི་བརྡའ་བསྐྱོན་ན། །དབང་ཆེན་དྲག་པོའི་ཕྲིན་ལས་སོ། །ཐུགས་ཀྱི་ཕྲིན་ལས་མཛད་སྤྱོད་ཀྱང་། །རྩེ་གཅིག་སྙིང་རྗེས་དགོངས་པ་ཡིས། །དབང་ཆེན་ཞི་བའི་ཕྲིན་ལས་སོ། །ཐུགས་རྗེའི་སྤྲུལ་པའི་དགོངས་པ་ཡིས། །དབང་ཆེན་རྒྱས་པའི་ལས་སུ་འགྱུར། །ཐམས་ཅད་གཅིག་ཏུ་བསྡུས་པ་ཡིས། །ཁམས་གསུམ་དབང་སྡུད་དགོངས་པར་འགྱུར། །ཞེ་སྡང་དྲག་པོ་འཁྲུགས་པ་ཡིས། །རྗེས་ཤུལ་སྤྱོད་པའི་དགོངས་པར་འགྱུར། །དབང་གི་ཕྲིན་ལས་རྒྱ་མཚོ་ལ། །གང་ལྟར་སྤྱད་ཀྱང་ཕྲིན་ལས་བཞི། །ཞི་རྒྱས་གཉིས་ཀྱི་དགོངས་པས་གསོ། །དབང་དྲག་གཉིས་ཀྱི་དགོངས་པས་བསྒྲལ། །གང་ལྟར་སྤྱད་ཀྱང་དབང་གི་ལས། །མཉམ་པའི་ངང་དུ་རོ་མཉམ་ཞིང་། །ཐུགས་རྗེས་ཞིང་ཁམས་མི་གཏོང་ན། །དབང་གི་ཕྲིན་ལས་མཛད་སྤྱོད་ཡིན། །སྐྱེ་མེད་ངང་དུ་རོ་གཅིག་ཀྱང་། །དགག་སྒྲུབ་མེད་པར་ཀུན་སྦྱོད་ན། །དབང་གི་ཕྲིན་ལས་མཛད་སྤྱོད་ཡིན། །ཆོས་ཉིད་ངང་ལས་མ་གཡོས་ཀྱང་། །དཔའ་བརྟུལ་དྲག་པོའི་སྟོབས་འཆང་ན། །དབང་གི་ཕྲིན་ལས་མཛད་སྦྱོད་ཡིན། །ཞེས་བཀའ་སྩལ་ཏོ། །དྲེགས་པ་ཚར་གཅོད་ཀྱི་རྒྱུད་ལས། །ཕྲིན་ལས་ཟབ་མོའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས། །བརྟུལ་ཞུགས་དྲག་པོའི་ལེའུ་འདི་བཀའ་སྩལ་ཏོ། །བདག་ཉིད་དབང་ཆེན་རྣལ་འབྱོར་པས། །གཉིས་སུ་མེད་པར་སྦྱར་བ་དང་། །སྐྱེ་ཤི་མེད་པར་བསྒྲལ་བའི་ཕྱིར། །ཏ་ན་ག་ཎ་རོལ་པའི་རྒྱན། །རྣལ་འབྱོར་དབང་ཕྱུག་ཆེན་པོས་སྤྱད། །དོན་གྱི་སྦྱོར་བ་ཆེན་པོ་དང་། །རྟགས་ཀྱི་སྦྱོར་བ་ཆེན་པོ་སྟེ། །དོན་གྱི་སྦྱོར་བ་ཆེན་པོ་ནི། །མཛད་སྤྱོད་གང་ཡང་མ་སྤངས་པར། །ཆོས་ཉིད་ངང་དུ་མཉམ་སྦྱོར་ན། །དོན་གྱི་སྦྱོར་བ་ཆེན་པོའོ། །རྟགས་ཀྱི་སྒྲོར་བ་རྣམ་པ་གཉིས། །དགའ་བས་དོན་ལ་སྦྱོར་བ་དང་། །དགོས་པས་དོན་ལ་སྦྱོར་བའོ། །དགའ་བས་དོན་ལ་སྦྱོར་བ་ནི། །ལྷ་མོ་ཀླུ་མོ་གནོད་སྦྱིན་མོ། །འགྲོ་བ་བཟང་མོ་རྣམས་ལ་སྦྱར། །དང་པོ་ལོ་བརྒྱད་བཅུ་གཉིས་ནས། །ལྔ་བཅུ་ཡན་ལག་མཚན་ཉིད་བརྟག །རིགས་ཀྱི་ཁྱད་པར་སོ་སོར་དབྱེ། །གཟི་ལྡན་ཡུམ་དུ་རྣམ་པར་བརྟག །གཉིས་སུ་མེད་ཕྱིར་དགའ་བ་སྤྱད། །ཆགས་པ་བསྐྱེད་ཅིང་བརྡའ་སྦྱར་ཏེ། །རྡོ་རྗེ་པདྨ་མཉམ་སྦྱོར་ནས། །རྩ་གཉིས་རང་བྱུང་གྱུར་པ་དང་། །ཐིག་ལེ་དཀྱིལ་འཁོར་བཞིར་ཕབ་ལ། །དང་པོ་གསང་བའི་གནས་སུ་བསྐྱིལ། །རྡོ་རྗེའི་སྦུ་གུར་མ་ཉམས་སེམས། །ཁད་ཀྱིས་རྣམ་པར་སྦྱང་བར་བྱ། །རྩ་ཉིད་བྲལ་ནས་ཉམས་པ་སྟེ། །ཐིག་ལེ་མ་ཤོར་ལུས་ཁྱབ་གནས། །བྱང་ཆུབ་སེམས་ཀྱིས་གང་བར་གྱུར། །སྐྱེ་རྒ་ན་འཆིའི་སྡུག་བསྔལ་བྲལ། །བྱང་ཆུབ་སེམས་ཀྱི་འཕྲོ་འདུ་ཡི། །བདེ་གཤེགས་དཀྱིལ་འཁོར་རྒྱུན་མི་འཆད། །བྱང་ཆུབ་སེམས་སུ་གཉིས་མེད་བདེ། །བདེ་དང་སྡུག་བསྔལ་ངོ་བོ་ཉིད། །བདེ་ཆེན་གསང་བའི་མཆོད་པ་སྟེ། །གཉིས་སུ་མེད་པར་སྐྱེས་པའི་མཆོག །དགོས་པའི་དོན་ལ་སྒྲོར་བ་ནི། །འདོད་སྤྱོད་ཡོན་ཏན་རྣམ་པ་ལྔ། །མིག་གི་འདོད་པས་གཟུགས་ལ་སྦྱོར། །གཉིས་སུ་མེད་པས་སྦྱོར་བའི་མཆོག །རྣ་བའི་འདོད་པའི་སྒྲ་ལ་སྦྱོར། །གཉིས་སུ་མེད་པས་སྦྱོར་བའི་མཆོག །སྣ་ཡི་འདོད་པས་དྲི་ལ་སྦྱོར། །གཉིས་སུ་མེད་པས་སྦྱོར་བའི་མཆོག །ལྕེ་ཡི་འདོད་པས་རོ་ལ་སྦྱོར། །གཉིས་སུ་མེད་པས་སྦྱོར་བའི་མཆོག །ལུས་ཀྱི་འདོད་པས་ཆགས་པར་སྦྱོར། །གཉིས་སུ་མེད་པས་སྦྱོར་བའི་མཆོག །འདོད་ལ་སྤྱོད་པ་རྣམ་པ་ལྔ། །བྱང་ཆུབ་སེམས་ཀྱི་ངོ་བོ་གནས། །དྲི་མེད་པདྨའི་སྙིང་པོར་གནས། །གཉིས་མེད་དོན་ལ་སྦྱོར་བའོ། །སྐྱེ་ཤི་མེད་པར་བསྒྲལ་བའི་ཕྱིར། །ག་ཎ་རོལ་པ་བསྒྲལ་བའི་ལུང་། །དོན་གྱི་སྒྲོལ་བ་ཆེན་པོ་དང་། །རྟགས་ཀྱི་སྒྲོལ་བ་ཆེན་པོ་གཉིས། །དོན་གྱི་སྒྲོལ་བ་ཆེན་པོ་ནི། །ཁམས་གསུམ་སྲིད་གསུམ་འཁོར་བ་ཡང་། །ཆོས་ཉིད་མཉམ་པའི་ངང་དུ་བསྒྲལ། །སྣང་ཞིང་སྲིད་པའི་ཆོས་རྣམས་ཀུན། །རྣམ་དག་བྱང་ཆུབ་སེམས་སུ་བསྒྲལ། །སེམས་ཉིད་མ་སྐྱེས་དག་པར་བསྒྲལ། །དོན་གྱི་སྒྲོལ་བ་ཆེན་པོའོ། །རྟགས་ཀྱི་སྒྲོལ་བ་ཆེན་པོ་ནི། །བདག་ཏུ་འཛིན་པས་གཟུང་བ་དང་། །ཕྱིན་ཅི་ལོག་ལ་འཆེལ་བ་རྣམས། །ངོ་འཐོན་ཁྱད་པར་ཐབས་ཀྱིས་སྒྲོལ། །དེ་ཡི་ལུས་ངག་ཡིད་གསུམ་ཡང་། །དབང་ཆེན་སྐུ་གསུམ་ཐུགས་སུ་བསྒྲལ། །དེ་ཡི་ཕུང་པོ་སྐྱེ་མཆེད་ལ། །རྟ་མཆོག་རོལ་པའི་བྲོས་སྦྱངས་ལ། །ལྔ་ཕུང་རྩད་ནས་གཅད་པར་བྱ། །ལུས་ངག་ཡིད་གསུམ་སྐུ་གསུང་ཐུགས། །གཉིས་སུ་མེད་པར་མཉམ་སྦྱར་ནས། །སེམས་ཉིད་དག་པར་སྣང་བས་ན། །ཁམས་གསུམ་ཡོངས་བསྒྲལ་བདེ་བའི་ཞིང་། །ཞེས་གསུངས་སོ། །དྲེགས་པ་ཚར་གཅོད་པའི་རྒྱུད་ལས། ཏ་ན་དང་ག་ཎའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས། །རྟ་སྐད་ཐེངས་གསུམ་གྱི་ལེའུ་འདི་བཀའ་སྩལ་ཏོ། །བདེ་ཆེན་དོན་དང་ལྡན་པ་ཡི། །རྣལ་འབྱོར་དབང་ཕྱུག་ཆེན་པོ་ཡིས། །དབང་ཆེན་སྐུ་དང་གཉིས་མེད་རྟགས། །དངོས་སུ་རྟོགས་པར་སྣང་མཛད་དེ། །སྤྱོད་པ་ཤོར་བའི་གནས་དག་ཏུ། །རྟ་སྐད་ཐེངས་གཅིག་ཐོས་པ་ཡིས། །ལས་ཀྱིས་བསྐལ་བའི་དྲེགས་པ་ཅན། །འབྲི་རྒོད་དྲེགས་པ་བཞིན་དུ་ནི། །རང་དབང་མེད་པར་ཡིད་ཀྱིས་སྔགས། །རྟ་སྐད་ཐེངས་གཉིས་ཐོས་པ་ཡིས། །ལས་ཀྱིས་བསྐལ་བའི་མི་མ་ཡིན། ཁྲ་རུལ་དོང་དུ་བཅུག་པ་ལ། ཁྲ་སྦྲང་མཁའ་ལ་འདུ་བ་བཞིན། །རང་དབང་མེད་པར་དབང་དུ་འདུས། རྟ་སྐད་ཐེངས་གསུམ་ཐོས་པ་ཡིས། །ལས་ཀྱིས་བསྐལ་བའི་མི་མ་ཡིན། །བཀའ་ཁྲིམས་དམ་པའི་བཀའ་འོག་བཞིན། །རང་དབང་མེད་པར་འདུར་གྱིས་བཏང་། །དེ་ནི་སྤྱོད་པའི་བརྟུལ་ཞུགས་ཏེ། །དགོངས་པའི་གདེང་ཅན་དེ་གསུམ་གྱིས། །དྲེགས་པ་ཕོ་མོ་ལས་གཟུང་པ། །ལྷའི་གདེང་གསུམ་རྟ་སྐད་ལམ། །རྟ་སྐད་ཐེངས་གསུམ་དགོངས་པའི་ལམ། །བསྐྱེད་རྫོགས་རྣམ་གསུམ་ས་ལམ་སྦྱོར། །རྟ་སྐད་ཐེངས་གཅིག་བསྐྱེད་པའི་ལམ། །ཐབས་དང་ཤེས་རབ་གདན་སར་སྦྱོར། །གཉིས་ཀྱིས་ཅིག་ཆར་རྫོགས་པའི་ལམ། །དབྱིངས་དང་ཡེ་ཤེས་གདན་སར་སྦྱོར། །གསུམ་གྱིས་ཡེ་ཉིད་ཡིན་པའི་ལམ། །མཉམ་པ་ཉིད་ཀྱི་གདན་སར་སྦྱོར། །མ་ཧྭ་བསྐྱེད་པའི་རིམ་པ་ཡང་། །སྐུ་གསུང་ཐུགས་ཀྱི་འཕྲུལ་གསུམ་ལས། །རིམ་པས་བསྐྱེད་ནས་རྫོགས་པར་འདོད། །ལྷ་ཡི་དཀྱིལ་འཁོར་ཐབས་ཀྱི་མཆོག །མ་སྐྱེས་སྤྲོས་བྲལ་ཤེས་རབ་ལས། །གཉིས་སུ་མེད་པར་རང་སར་སྦྱོར། །ཨ་ནུ་རྫོགས་པའི་རིམ་པ་ཡང་། །ལྷ་ཡི་དཀྱིལ་འཁོར་སྐད་ཅིག་གིས། །ཆུ་ལས་ཆུ་བུར་རྡོལ་བའི་ཚུལ། །གཙོ་འཁོར་དྲན་རིག་རྫོགས་པར་འདོད། །མ་སྐྱེས་སྤྲོས་བྲལ་ཆོས་ཀྱི་དབྱིངས། །རིག་པའི་ཡེ་ཤེས་གཉིས་མེད་པས། །མཉམ་པ་ཉིད་ཀྱི་རང་སར་སྦྱོར། །ཨ་ཏི་ཡེ་ནས་ཡིན་པ་ལ། །དྲི་མེད་སྙིང་པོ་བྱང་ཆུབ་སེམས། །གདོད་ནས་མ་སྐྱེས་རང་བྱུང་བས། །རང་གི་ངོ་བོ་བརྗོད་དུ་མེད། །བརྗོད་མེད་ཇི་ལྟར་བཏགས་པར་སྣང་། །ཅར་བཏགས་དེར་སྣང་དྲི་མེད་པས། །སྙིང་པོ་བྱང་ཆུབ་ཡེ་ནས་ཡིན། །གཅིག་དང་དུ་མར་རོ་གཅིག་པས། །དེ་ནས་གཉིས་མེད་གདན་སར་སྦྱོར། །རྣལ་འབྱོར་དབང་ཕྱུག་ཆེན་པོ་ཡང་། །རྟ་སྐད་ཐེངས་གསུམ་ཐོས་པ་ཡིས། །བལྟ་བས་ས་གསུམ་མཉམ་སྦྱར་ནས། །སྤྱོད་པས་དྲེགས་པ་ཚར་གཅོད་ན། །རྟ་སྐད་ཐེངས་གསུམ་ཐབས་ཀྱི་མཆོག །ཅེས་བཀའ་སྩལ་ཏོ། །དྲེགས་པ་ཚར་གཅོད་པའི་རྒྱུད་ལས། རྟ་སྐད་ཐེངས་གསུམ་གྱི་ལེའུ་སྟེ་དགུ་པའོ།། །།དེ་ནས་ཡང་བཅོམ་ལྡན་འདས་དཔལ་པདྨ་དབང་ཆེན་གྱིས། །བརྟུལ་ཞུགས་ཆེན་པོ་བཞིའི་ལེའུ་འདི་བཀའ་སྩལ་ཏོ། །བདག་ཉིད་པདྨ་དབང་ཆེན་གྱིས། །སྐུ་གསུང་ཐུགས་ཀྱི་རྣལ་འབྱོར་བས། །རྟ་ཡི་བརྟུལ་ཞུགས་ཆེན་པོ་ཡིས། །ཁམས་གསུམ་འཁོར་བ་སྐྱམ་ལིངས་འདེབས། །རྟ་སྐད་ཐེངས་གསུམ་བསྒོམ་པས་ནི། །ཁམས་གསུམ་ཡོངས་བསྒྲལ་ས་གསུམ་བསྒྲལ། །བདེ་གཤེགས་མི་འགྱུར་གདན་གསུམ་སྟེ། །བསྐྱེད་རྫོགས་རྣམ་གསུམ་ཀློང་གསུམ་རྡོལ། ཁུགས་ཆེན་རྟ་ཡི་ར་མདའ་ཡིས། །འཁོར་བའི་སྐྱམ་ལིངས་དབྱིངས་སུ་གདབ། །རྟ་སྐད་ཐེངས་གཅིག་རིག་པའི་ལམ། །ཀུན་བཟང་མཁའ་དབྱིངས་ཀློང་རྡོལ་ནས། །མཉམ་པ་ཉིད་ཀྱི་རང་སར་སྦྱར། །གཉིས་ནི་ཐབས་དང་ཤེས་རབ་སྟེ། །གསུམ་ནི་སྐུགསུང་ཐུགས་སུ་སྦྱར། །རྟ་སྐད་བཞི་ནི་ཕྲིན་ལས་བཞི། །ལྔ་ནི་ཡེ་ཤེས་རྣམ་པ་ལྔ། །དྲུག་ནི་འགྲོ་དྲུག་གནས་སུ་སྦྱོང་། །བདུན་ནི་ཕྲིན་ལས་དྲག་ཤུལ་བདུན། །བརྒྱད་ནི་སྡེབརྒྱད་དབང་དུ་སྡུད། །དགུ་ནི་ཐེག་པའི་ས་དགུ་བརྟོལ། །བ་་ནི་ ས་བཅུ་ཟིལ་གྱིས་གནོན། །དབང་ཕྱུག་རོལ་པའི་ཕྲིན་ལས་དེ། །བྱེད་སྤྱོད་རྟ་ཡི་སྐད་ཀྱིས་སྦྱོང་། །གང་ལྟར་སྤྱད་ཀྱང་ཆོས་ཀྱི་དབྱིངས། །བྱ་ཡི་བརྟུལ་ཞུགས་ཆེན་པོ་ཡིས། །བྱ་བའི་ལས་རྣམས་བརྩོན་པར་མཛད། །ཁམས་གསུམ་འཁོར་བ་ཐུགས་རྗེའི་གཟན། །དབང་གི་།ཕྲིན་ལས་ཁྱུར་མིང་མཛད། །དྲེགས་པའི་ངན་སེམས་ངན་པ་རྣམས། །ཕ་ཉ་བྱ་ཡི་བཙན་ཐབས་ཀྱིས། །གཟན་མར་བྱས་ཏེ་རོལ་པར་བྱ །ཆོས་ཉིད་དབྱིངས་ཀྱི་ངང་དུ་བསྐྱལ། །བྱ་ཡི་བརྟུལ་ཞུགས་འབྱོན་ཚུལ་གྱིས། །གཡས་སུ་འཇོལ་ཞིང་གཡོན་དུ་བལྟ། །ཕྱིར་ལ་ནུར་ཞིང་སྔོན་དུ་རྒྱུག །གང་ལ་དམིགས་པར་གཟན་དམར་བཟའ། །རོལ་པའི་ཚུལ་གྱིས་ཟ་བར་བྱ། །ཁྱི་ཡི་བརྟུལ་ཞུགས་ཆེན་པོ་ཡིས། །ཐུགས་རྗེས་མེལ་ཚེས་འཁོར་བ་བསྲུང་། །རིག་པ་སེམས་ཀྱི་དབང་པོ་ཡིས། །ཕྱི་ནང་ཡུལ་ལ་ཐོགས་པ་མེད། །ཁམས་གསུམ་འཁོར་བ་ཐུགས་རྗེའི་ཞིང། །ཆོས་ཉིད་མཉམ་པའི་ངང་དུ་སྦྱར། །གང་ལ་དམིགས་པའི་དྲེགས་པ་ཅན། །དཔལ་གྱི་ཁྱི་བརྒྱད་བརྟུལ་ཞུགས་ཀྱིས། །ཕྱོགས་མཚམས་རྔམ་པའི་རྒྱུག་ཚུལ་བྱ། །ཉེ་རིང་མེད་པའི་བརྟུལ་ཞུགས་སྤྱད། །དབང་པོ་ཡེ་ཤེས་ཐོགས་མེད་པས། །གང་དམིགས་ཡུལ་ལ་རོལ་པར་བྱ། །ཕག་གི་བརྟུལ་ཞུགས་ཆེན་པོ་ཡིས། །ཁམས་གསུམ་འཁོར་བའི་ཁྲོན་པ་ལ། །ཐུགས་རྗེའི་རོལ་པའི་ཟས་བཙལ་ལ། བླང་དོར་མེད་པའི་སྤྱོད་པ་དང་། །གཙང་སྨེ་མེད་པར་ཟ་བར་བྱ། །གང་ལ་དམིགས་པའི་ཁྲོན་པ་སྲ །ཕག་གི་བརྟུལ་ཞུགས་སྟོབས་འཆང་བས། །ཐོག་མེད་མྱུར་བའི་བཙན་ཐབས་ཀྱིས། །དྲེགས་པ་ཐམས་ཅད་གཟིར་བར་བྱའོ། །གང་གིས་བརྟུལ་ཞུགས་འདི་སྤྱོད་ཚེ། །ཆགས་མེད་དོན་གྱི་ངོ་ཚ་ཡང་། །མ་སྤངས་བླང་དོར་མེད་པར་སྤྱད། །རྣམ་དག་དོན་གྱི་གཙང་སྦྲ་ཡང་། །མི་སྤང་བླང་དོར་མེད་པར་སྤྱད། །མཚན་མ་གཞོམ་ཕྱིར་དགེ་སྡིག་མཉམ། །བླང་དོར་མེད་པའི་བརྟུལ་ཞུགས་ཀྱིས། །གར་གྱི་དབང་ཕྱུག་རོལ་པ་བྱ། །ཆོས་ཀྱི་དབྱིངས་སུ་རོ་མཉམ་སྟེ། །གང་སྤྱད་མཉམ་པ་རོ་གཅིག་ན། །རྣལ་འབྱོར་གར་གྱི་དབང་ཕྱུག་ཡིན། །ཞེས་བཀའ་སྩལ་ཏོ། །དྲེགས་པ་ཚར་གཅོད་པའི་རྒྱུད་ལས། བརྟུལ་ཞུགས་ཆེན་པོ་བཞིའི་ལེའུ་སྟེ་བཅུ་པའོ།། །།དེ་ནས་ཡང་བཅོམ་ལྡན་འདས་པདྨ་དབང་ཆེན་གྱིས་སྐུ་ཆེ་བ་ལ་བསྟོད་པ་དང་། རྣལ་འབྱོར་དབང་ཕྱུག་ཆེན་པོའི་ཏིང་ངེ་འཛིན་གསལ་གདབ་པ་འདི་བཀའ་སྩལ་ཏོ། །ཆོས་སྐུ་དག་པས་མཚན་མ་ཀུན་སྤངས་ཀྱང་། །ཐུགས་རྗེའི་དབང་གིས་གདུག་པ་འདུལ་བའི་ཕྱིར། ཁྲེན་ཏུ་མི་བཟད་ཁྲོ་བོའི་ཚུལ་སྟོན་པ། །ཡིད་བཞིན་སྐུ་མཆོག་རྣམ་པ་ཅིར་ཡང་སྟོན། །དུས་གསུམ་རྒྱལ་བ་ཀུན་གྱི་དཔལ་གྱི་སྐུ། །རེ་བ་ཀུན་སྐོང་དཔག་བསམ་ལྗོན་པའི་ཤིང་། །བསམ་འདས་བརྗོད་མེད་རྣམ་རྟོག་སྤྲོས་བྲལ་བས། །མཉམ་ཉིད་ནམ་མཁའ་མཉམ་ལ་ཕྱག་འཚལ་བསྟོད། །མཁའ་ལྟར་དག་པས་གཉིས་མེད་ཆོས་ཀྱི་དབྱིངས། །འགྲོ་བའི་དཔལ་རྟེན་འཕགས་ལམ་འདྲེན་པའི་གཙོ། །རྨད་བྱུང་ཕྲིན་ལས་མ་ལུས་ཀུན་མཁྱེན་པ། །འཁོར་བའི་སྡུག་བསྔལ་སེལ་ལ་ཕྱག་འཚལ་བསྟོད། །ཧཱུཾ༷། ཁྲོ་བོའི་རྒྱལ་པོ་འཇིགས་བྱེད་ཧཱུཾ༷་སྒྲ་ཅན། །ཧཱུཾ༷་གི་ཁམས་གསུམ་མ་ལུས་དབང་དུ་སྡུད། །ཧཱུཾ༷་གིས་དུས་གསུམ་མ་ལུས་ཐམས་ཅད་བསྐྱེད། །ཧཱུཾ༷་གིས་བླ་མེད་བྱང་ཆུབ་གནས་སུ་བགྲོད། །ཧཱུཾ༷་གིས་བདུད་རྣམས་མ་ལུས་ཐམས་ཅད་འཇོམ་ ས། །ཧཱུཾ༷་གིས་ངན་སོང་གནས་རྣམས་སྟོངས་པར་མཛད། །ཧཱུཾ༷་གིས་མ་རིག་མུན་ཁ༷ང་ཐམས་ཅད་འཇོམས་། །ཧཱུཾ༷་མཛད་ཧཱུཾ༷་གི་སྐུ་ལ་ཕྱག་འཚལ་བསྟོད། །ཧཱུཾ༷། །རིགས་ལྔ་ཚུལ་གཅིག་རིགས་དང་དབྱེར་མེད་ཀྱང་། །གདུལ་བྱའི་དབང་གི་རིགས་ལྔར་སྟོན་མཛད་ཅིང་། །ཐམས་ཅད་མཁྱེན་པའི་སྐུ་དེ་ཐ་དད་མེད། །དབྱེར་མེད་ཡེ་ཤེས་སྐུ་ལ་ ་ཕྱག་འཚལ་བསྟོད། །སྐུ་གསུང་ཐུགས་ཀྱི་རང་བཞིན་དཔལ་གྱི་དཔལ། །ཀུན་ལ་དབང་མཛད་དབང་མཆོག་ཧེ་རུ་ཀ །ཁྲོ་བོ་རྒྱལ་པོ་རྟ་མགྲིན་རྟ་སྐད་ཅན། །པདྨ་ཧེ་ ་རུ་ཀ་ལ་ཕྱག་འཚལ་བསྟོད། །ཆོས་དབྱིངས་ཡོན་ཏན་འབྱུང་གནས་གཞལ་ཡས་ཁང་། །རྒྱལ་བ་འཁོར་བཅས་དབུ་རྒྱན་ཅོད་པཎ་ཅན། །རལ་པ་དམར་པོ་འབར་བའི་མེ་སྟག་ཅན། །ཁྲོ་བོའི་ཞལ་ནི་འབར་བས་ཕྱོགས་གཞིར་གཟིགས། །ཁྲོས་པས་སྤྱན་བགྲད་ཁྲོ་གཉེར་སྤྲུ༷ ལ་ ་པ་ལས། །གློག་སྟོང་མང་པོ་འོད་ཟེར་་གྱུ་ཞིང་འཁྲུགས། །སྲིད་གསུམ་འཁོར་བ་བཤིག་པར་དམ་བཅས་པ། །རྣོ་དབལ་ཏིང་འཛིན་མཆེ་བ་དཀར་པོ་གཙིགས། །སྐུ་མདོག་པདྨ་རྭ༷་གའི་མདོག་ལྟར་གསལ། །ཞིང་ལྤགས་རློན་པའི་གཡང་གཞིའི་ཤམ་ཐབས་ཅན། །སྦྲུལ་ནག་སྟོང་གིས་གདེངས་པའི་རྔམ་བརྗིད་ཅན། །ཐོད་རློན་འཕྲེང་བ་མང་པོས་རྒྱན་དུ་བྱས། །བསྐལ་བའི་མེ་དཔུང་འབར་བའི་ཀློང་ན་བཞུགས༷།་་ །ལྗགས་འདྲིལ་རྐན་སྒྲས་བདུད་འདུལ་དཔའ་སྐད་སྒྲོགས། །ཚམ་རྔམས་དྲག་ཤུལ་རྣམ་པ་ཅིར་ཡང་སྟོན། །སྤྲུལ་པའི་ཁྲོ་བོ་མང་པོ་ཕྱོགས་བཅུར་འགྱེད། །ཕྱག་འཚལ་དཔལ་ཆེན་རྡོ་རྗེ་ཧེ་རུ་ཀ །མཚུངས་མེད་ཆེ་བའི་ང་རྒྱལ་ཀུན་སྟོན་ཅིང་། །ང་རྒྱལ་མཐུས་སྙེམས་བདུད་དཔུང་འདུལ་མཛད་ཅིང་། །ཧཱུཾ༷་དང་ཕཊ་ཀྱིས་སྲིད་གསུམ་འཁོར་བ་འཇིག །རྡོ་རྗེ་ཁྲག་འཐུང་ཁྲག་གི་རྒྱ་མཚོ་སྐེམས། །རྡོ་རྗེ་མཚོན་ཆས་གནམ་ལྕགས་ཐུ་ལུམ་འདྲིལ། །གསང་སྔགས་ལོག་པའི་འཇིག་རྟེན་རབ་ཏུ་འཇོམས། །འཇིག་རྟེན་འདི་དང་ཕ་རོལ་གཞན་ན་མེད །སྡིག་པ་སེལ་བའི་ཉེས་འཇོམས་གཞན་ན་མེད། །དུས་གསུམ་རྒྱལ་བ་མ་ལུས་བསྐྱེད་པའི་ཕྱིར། །ཧཱུཾ༷་མཛད་ཁྲོ་བོ་བརྒྱད་ཀྱང་ཞབས་ཀྱིས་གནོན། །སྙིང་གར་མཁྲིག་མ་ནུབ་ཅིང་སྐལ་ཚིགས་འཇོམས། །སྡུག་བསྔལ་མཉམ་ཐག་འབོད་སྒྲོགས་སྒྲ་ཆེན་འབྱིན། །ཧཱུཾ༷་མཛད་ཁྲོ་བརྒྱད་སྙིང་ཡང་ཆངས་བར་བཅུག །བྱམས་དང་སྙིང་རྗེ་ལྡན་པའི་སྐུ་མངའ་ཞིང་། །རྡོ་རྗེ་ལྕགས་ཀྱུ་སྦྲུལ་གྱི་ཞགས་པ་དང་། །སྡིགས་མཛུབ་རྩེ་ལ་བསྐལ་བའི་མེ་ཆེན་འབར། །མ་རིག་ལྡོངས་པའི་མུན་ནག་འཐིབས་པོ་སེལ། །མི་རྟོག་པ་ལ་འགྲོ་བ་འདྲེན་པའི་རྟགས། །ཐབས་ཀྱི་ཞགས་པ་རྡོ་རྗེ་ལུ་གུ་རྒྱུད། །རྡོརྗེརིནཆེནལསབྱུངགཤོགཔལ། །ཉི་མ་སྟོང་གིས་བརྒྱན་པའི་འོད་ཟེར་ཅན། །ཞི་རྒྱས་དབང་དང་མངོན་སྤྱོད་ཕྲིན་ལས་ཀྱིས། །ཐམས་ཅད་བླ་མེད་བྱང་ཆུབ་གནས་སུ་བཀོད། །རྡོ་རྗེ་གཞལ་ཡས་ནམ་མཁའི་ཚད་དང་མཉམ། །ཀ་བ་ཡིད་བཞིན་རིན་ཆེན་མཆོག་ལས་གྲུབ། །སྤྲིན་མེད་ཉི་མ་བདུན་བརྩེགས་གསལ་བར་བརྒྱན། །འགྱུར་མེད་འཇིགས་སྤངས་སེང་གེའི་ཁྲི་ལ་བཞུགས། །མགོན་པོ་དཔའ་བོ་སངས་རྒྱས་ཆོས་ཀྱི་སྐུ། །མི་གཡོ་བརྡལ་བ་རྡོ་རྗེ་ལྷུན་པོ་འདྲ། །གཟི་བརྗིད་ཉི་མ་བྱེ་བ་སྟོང་བས་ལྷག །ཡོན་ཏན་བསམ་ཡས་བསྐལ་པར་བརྗོད་མི་ལང་། །མཁའ་འགྲོ་འབར་བའི་ཚོགས་ཆེན་མང་པོས་བསྐོར། །མཐུ་ཆེན་མཛེས་པས་མ་མོ་བརྒྱད་དང་རོལ། །ཁྲོ་རྒྱལ་ཁྲོ་ཆེན་མེ་ཡི་ཞགས་པ་བསྣམས། །ཡེ་ཤེས་ཉི་མ་གསལ་བའི་གདན་ལ་བཞུགས། །ཞལ་གདངས་གསལ་བས་ཉི་མ་ཟླ་བའི་འོད། །བཞད་པའི་གད་རྒྱངས་འབྲུག་སྟོང་ལྡིར་བ་ཡིས། །ནམ་མཁའ་ཁྱབ་པར་བཤུག་པར་རབ་གསུངས་པས། །རབ་ཏུ་འཇིགས་པ་གསུང་གི་བྱིན་གྱིས་འདུལ། །མཁའ་ལྟར་དག་ཅིང་མཚོ་ལྟར་གཏིང་དཔག་དཀའ། །དུས་གསུམ་རྒྱལ་བ་མ་ལུས་བསྐྱེད་པའི་ཡབ། །ཕྱག་འཚལ་ཁྲག་འཐུང་རྡོ་རྗེ་སྐུ་ཁྱོད་ལའོ། །ཕྱི་ཡི་ཕྱག་བརྙན་མང་པོའི་ཚོགས་རྣམས་ཀྱིས། །དྲག་པོའི་ཕྲིན་ལས་མ་ལུས་རྫོགས་པར་མཛད། །དཔལ་ཆེན་ཕྱག་བརྙེན་རྡོ་རྗེ་ལྷ་མོའི་ཚོགས། །དམ་ལས་མ་འདའ་ཕྲིན་ལས་རྫོགས་པར་མཛོད། །ནོངས་དྲན་རྗེས་སུ་འགྱོད་པས་བཟོད་པར་གསོལ། །བདག་གིས་དམ་ཉམས་བསྐང་ནས་བཟོད་པར་གསོལ། །བཅོམ་ལྡན་དཔལ་ཆེན་ཁྱོད་ཀྱི་ཐུགས་དམ་ནི། །བོ་དྷི་བདག་འདྲས་བསྐུལ་བར་མི་དམིགས་ཀྱང་། །སྐུ་གསུངས་ཐུགས་ཀྱི་དངོས་གྲུབ་སྩལ་དུ་གསོལ། །ཞེས་བཀའ་བསྩལ་ཏོ། །དྲེགས་པ་ཚར་གཅོད་པའི་རྒྱུད་ལས། རང་གི་ཆེ་བ་ལ་བསྟོད་པ་དང་།འཁོར་དྲེགས་པ་ཅན་ཟིལ་གྱིས་མནན་པ་དང་། །རྣལ་འབྱོར་གྱི་ཏིང་ངེ་འཛིན་གསལ་བཏབ་པའི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས། །ཡབ་ཀྱི་བཀའ་སྡོད་ཕོ་ཉ་ཁྲོ་བོའི་གཟེར་དང་། ཡུམ་གྱི་དཀའ་སྡོད་ཕོ་ཉ་ཁྲོ་མོའི་གཟེར་དང་། ཆོས་ཀྱི་དབྱིངས་ཀྱི་ཕོ་ཉའི་གཟེར་དང་། དྲག་ཤུལ་བཙན་ཐབས་འཇིག་རྟེན་ཕོ་ཉའི་གཟེར་དང་། ཁྲོ་བོ་དང་ཁྲོ་མོ་ནི་ཡང་དང་ཡུམ་ལ་འདུས།ཡེ་ཤེས་ཕོ་ཉའི་གཟེར་ལས་ཁམ་རྒྱ་མའི་གཟེར་འདི་བཀའ་སྩལ་ཏོ། །དུར་ཁྲོད་ཐོད་པ་མཚན་ངན་དུ། །གང་དམིགས་གཟུགས་དང་མིང་བྲིས་ལ། །སྔོན་དམར་དྲ་བས་ཐོད་པ་གྲིལ། །དཀྱིལ་འཁོར་གྲུ་གསུམ་ཕྱོགས་མཚམས་སུ། །སྤྲུལ་པའི་ཕོ་ཉ་ཁམ་རྒྱ་བྲི། །བཤམ་བྱ་གཅན་གཟན་གདུག་པའི་མཆུ་སྡེར་གྱིས། །གྲུ་གསུམ་ཐ་མ་བསྐོར་ཏེ་བཞག །བདག་ཉིད་དབང་ཆེན་སྐུར་བསྒོམ་སྟེ། །སྐུ་གསུང་ཐུགས་ལས་ཁམ་རྒྱ་སྤྲོས། །གང་དམིགས་བཀུག་པ་དེ་ལ་བསྟིམ། །ང་རྒྱལ་དྲག་པོའི་སྟོབས་ཀྱིས་བསྐུལ། །སྙི༷༷ཁམས་གསུམ་དབང་དུ་སྡུད་པའི་ལྷ། །གར་གྱི་དབང་ཕྱུག་ཡབ་ཡུམ་གྱི། །ཐུགས་ལས་སྤྲུལ་པའི་ཁམ་རྒྱ་མོ། །ཟངས་ཀྱི་འཕར་བ་མགོ་བརྒྱད་ལ། །ཟངས་ཀྱི་མི་མོ་མགོ་བརྒྱད་ཤོན། །རྡོ་རྗེ་རྩེ་ལྔའི་འོད་ཟེར་འཕྲོ། །ཞེ་སྡང་ཅན་གྱི་སྙིང་ནས་འདྲེན། །ཡོན་ཏན་སྤྲུལ་པའི་ཁམ་རྒྱ་མོ། །གཡུ་ཡི་སྤྱང་མོ་རྐང་གསུམ་ལ། །གཡུ་ཡི་ཡན་ལག་སྟོང་གིས་བརྒྱན། །རིན་ཆེན་འབར་བའི་འོད་ཟེར་འཕྲོ། །ང་རྒྱལ་ཅན་རྣམས་དབང་དུ་སྡུད། །གསུང་ལས་སྤྲུལ་པའི་ཁམ་རྒྱ་མོ། །ལྕགས་ཀྱི་སྤྱང་མོ་མགོ་དགུ་ལ། །པདྨ་འབར་བའི་འོད་ཟེར་འཕྲོ། །འདོད་ཆགས་ཅན་རྣམས་དབང་དུ་སྡུད། །ཕྲིན་ལས་སྤྲུལ་པའི་ཁམ་རྒྱ་མོ། །གསེར་གྱི་སེང་གེ་རྔམ་ཁྲི་ལ། །གསེར་གྱི་མི་མོ་ཆེན་མོ་ཞོན། །ལྕགས་ཀྱི་ཅོད་པཎ་སི་ལི་ལི། །རྡོ་རྗེ་རྒྱ་གྲམ་འོད་ཟེར་འཕྲོ། །ཕྲག་དོག་ཅན་རྣམས་དབང་དུ་སྡུད། །སྐུ་ལས་སྤྲུལ་པའི་ཁམ་རྒྱ་མོ། །བདུད་ཀྱི་དྲེད་མོ་རྐང་གསུམ་པ། །འཁོར་ལོ་འབར་བའི་འོད་ཟེར་འཕྲོ། །གཏི་མུག་ཅན་རྣམས་དབང་དུ་སྡུད། །ཁྱབ་པའི་ཡེ་ཤེས་ཁམ་རྒྱ་མོ། །གཉིས་མེད་ཐབས་ཀྱི་སྤྲུལ་པ་སྟེ། །རྐང་ལག་མེད་དེ་ཉུང་འབྲུ་འདྲ། །ལྕགས་ཀྱི་ཚྭ་ཚྭ་མང་པོ་འཁྲུགས། །གང་ལ་བྱ་བ་རྡུལ་ཕྲན་བཞིན། །ཀུན་ལ་ཐོགས་པ་མེད་པར་རྒྱུག །ཨོ་ཤི་པདྨརྙ་ཀྲིཏ་ཧཱུཾ༷། བཛྲ་མ་ཧྭ་ཀྲོ་དྷ་ཕཊ། བ༷་ཧཱུཾ༷། ཨེ་ཨུ་ར་ལི་ཧྲི་ཛ། མ་ཧྭ་སྲོག་ཤ་ཆེ་གེ་མོ་ལ་ཐུན་སྦྱོ། བྷན་དྷ་བྷན་དྷ། ཏི་ཀྟ་ཎ། ཏི་ཀྟ་ཎ། ཧ་ལ་ཧ་ལ། ཙ་ཏི་ཙ་ཏི། ཙ་ཏྲ་ཙ་ཏྲ་ཧཱུཾ༷་ཕཊ། ཉུང་དཀར་ཐུན་གྱིསབྲབ། །མཛོནཆསྣཚོགསཀྱིས་བརྡུང་ལ། །གཟིར་མནན་གྱི་བྲོས་སྦྱངས་ན། །སྲིད་པ་གསུམ་ཡང་རྡུལ་དུ་རློག་གོ །དྲེགས་པ་ཚར་གཅོད་པའི་རྒྱུད་ལས། ཕོ་ཉ་ཁམ་རྒྱ་མའི་ལེའུ་སྟེ་བཅུ་གཉིས་པའོ།། །།དེ་ནས་བཅོམ་ལྡན་འདས་པདྨ་དབང་ཆེན་གྱིས། །སྦྲལ་པའི་ཕོ་ཉ་ལོང་བ་རྒྱབ་འབྲེལ་ལེའུ་འདི་བཀའ་སྩལ་ཏོ། །དཀྱིལ་འཁོར་མཐིང་ནག་གྲུ་གསུམ་དུ། །ཞིང་རས་གང་དམིགས་མིང་གཟུགས་བྲི། །སྙི༷༷དང་ཛ་ཡིས་མཐའ་མ་བསྐོར། ཁུ།་གསུམ་ཁ་ཁྱེར་ལོང་བ་བྲི༄། །མཚོན་ཆ་སྣ་ཚོགས་མ༷ཐའ་བསྐོར་ལ༷། །གར་གྱི་དབང་ཕྱག་ཡ༷བ་ཡུམ་གྱི། །སྐུ་གསུང་ཐུགས་ལས་ལོང་བ་སྤྲོ། །གང་དམིགས་བཀུག་ལ་རྟེན་ལ་བསྟིམ། །ཡབ་ཡུམ་སྙིང་པོ་རྒྱུན་དུ་བཟླས། །ཨོ་ཧི༷༷པདྨརྙ་ཀྲིཏ། བཛྲ་མ་ཧྭ་ཀྲོ་དྷ་ཧ་ཇོ་རྒི་བ་ཧཱུཾ། ཧུ་ལུ་ཧུ་ལུ་ཧཱུཾ། ཨེ་ཀ་ཛ་ཏི་ཨུ་ར་ལི་ཧཱུཾ་ཛ། ཁྲོས་པའི་སེམས་ཀྱིས་སྤྲོ་དགུག་བསྟིམ། །གཟིར་ཅིང་མནན་པའི་ལས་བྱས་ན། །སྲིད་པ་གསུམ་ཡང་ཐལ་བར་རློག །ཧཱུཾ༷། སྲིད་གསུམ་དབང་དུ་སྡུད་པའི་ལྷ། །གར་གྱི་དབང་ཕྱུག་ཡབ་ཡུམ་གྱི། །སྐུ་གསུང་ཐུགས་ལས་སྤྲུལ་པ་སྟེ། ཁྲར་ཕྱོགས་ལོང་བ་རྒྱབ་འབྲེལ་ནི། །འབྲུག་ཆེན་སྔོན་པོ་ཆིབས་སུ་ཆིབས། །ན་བཟའ་ལེ་བརྒན་དཔུང་བཀླུབས་གསོལ། །དབུ་ཡི་རལ་པ་ཚར་རེ་ལ། །གཟའ་རྒོད་མིག་དམར་ཆར་དུ་འབེབས། །ལྷོ་ཕྱོགས་ལོང་བ་རྒྱབ་འབྲེལ་ནི། །ལྕགས་ཀྱི་དྭ༷་སྙི་ཆིབས་སུ་ཆིབས། །ཕྱག་ན་ལྕགས་ཀྱི་ཁྱུང་སྡེར་བསྣམས། །ན་བཟའ་གསེར་གྱི་རལ་ག་གསོལ། །དབུ་ཡི་རལ་པ་ཚར་རེ་ལ། །ཉི་མ་འབུམ་གྱི་འོད་ཟེར་ཅན། །ནུབ་ཕྱོགས་ལོང་བ་རྒྱབ་འབྲེལ་ནི། །བ་གྭང་དཀར་པོ་ཆིབས་སུ་ཆིབས། །ན་བཟའ་ཀླུ་སྦྲུལ་པགས་པ་གསོལ། །ཕྱག་ན་སྦྲུལ་གྱི་ཞགས་པ་བསྣམས། །དབུ་ཡི་རལ་པ་ཚར་རེ་ལ། །དུག་དང་མེ་ཡི་ཆར་པ་འབེབས། །བྱང་ཕྱོགས་ལོང་བ་རྒྱབ་འབྲེལ་ནི། །ཞིང་ཆེན་གཤིབས་པའི་གདན་སྟེང་ན། །རྐང་པ་བརྐྱང་བསྐུམ་ཚུལ་དུ་བཞུགས། །དབུ་ཡི་རལ་པ་ཚར་རེ་ལ། །ལོང་བའི་སྤྲུལ་པ་འབུམ་འབུམ་འཕྲོ། །ཕྱོགས་བཞི་ནས་ནི་གཤེགས་སུ་གསོལ། །ཨོ་ཤི་བཛྲ་པདྨརྙ་ཀྲིཏ་ཧཱུཾ༷། བཛྲ་མ་ཧྭ་ཀྲོ་དྷ་ཕཊ། བ༷་ཧཱུཾ༷་ཨེ་ཨུ་ར་ལི་སྒྲུ་ཛ། མ་ཧྭ་སྲོག་ཤ་ཐུན་སྨྱོ། མ་རང་ཤ་ཁུ་ཧི། ཙ་ཏི་ཙ་ཏི།ཙ་ཏྲ་ཙ་ཏྲ་ཧཱུཾ༷་ཕཊ། ཅེས་གསུངས་སོ། །གཟིར་ཅིང་མནན་པའི་བྲོ་བརྡུང་ངོ་། །དྲེགས་པ་ཚར་གཅོད་པའི་རྒྱུད་ལས། སྤྲུལ་པའི་ལོང་བ་རྒྱབ་འབྲེལ་གྱི་ལེའུ་སྟེ་བཅུ་གསུམ་པའོ།། །།དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས། སྤྲུལ་པའི་དམུས་ལོང་འཁོར་བ་ཅན་གྱི་ལེའུ་འདི་བཀའ་སྩལ་ཏོ། །དཀྱིལ་འཁོར་མཐིང་ནག་གྲུ་གསུམ་དུ། །གང་ལ་དམིགས་པའི་གཟུགས་བྱས་ལ། །སྔོན་དམར་བཅིངས་ལ་གུ་གུལ་བདུག །ལྕགས་ཀྱུ་ཞགས་པ་མཚོན་ཆ་ཡིས། ཁུ་གསུམ་ཁ་ཁྱེར་མཐའ་ལ་བསྐོར། །གར་གྱི་དབང་ཕྱུག་ཡབ་ཡུམ་གྱི། །སྐུ་གསུང་ཐུགས་ལས་དམུས་ལོང་སྤྲོ། །གང་ལ་དམིགས་པ་དགུག་ཅིང་བསྟིམ། །ཚམ་རྔམས་དྲག་པོས་རྡུལ་དུ་རློག །སྣྲི༷༷ཡབ་ཡུམ་གཉིས་སུ་མེད་པ་ལས། །སྐུ་གསུང་ཐུགས་ལས་སྤྲུལ་པ་ནི། ་ར་ཕྱོགས་དམུས་ལོང་འཁོར་བ་ནི། །ལུས་ནི་མི་མངོན་དབྱིངས་ན་བཞུགས། །ཡན་ལག་མེད་དེ་ཉུང་འབྲུ་འདྲ། །འོད་ཟེར་ཆེན་པོ་ཕྱོགས་བཅུ་འགྱེད། །གཡོ་བ་མེད་པར་དབང་དུ་སྡུད། །ལྷོ་ཕྱོགས་དམུས་ལོང་འཁོར་བ་ནི། །མིག་ནི་ཡེ་ནས་མེད་པར་ནི། །ཕྱག་ནི་མེ་རི་སྔོན་དམར་ཅན། །ཞབས་ཀྱང་མེད་དེ་ཉུང་དཀར་འདྲ། །ཁྱོད་ནི་གདུང་བརྒྱུད་རྒྱལ་པོ་སྟེ། །ལན་འགའ་དྲག་ཏུ་མངགས་པའི་ཚེ། །ཅི་བགྱིས་ཞེས་དང་ཆས་ཏེ་བྱོན། །ནུབ་ཕྱོགས་དམུས་ལོང་འཁོར་བ་ནི། །མགོ་ཡང་མེད་ལ་ཡན་༷ལག་མེད། །སྐད་ཀྱི་སྒྲ་ཡིས་སྟོང་གསུམ་གང་། །དུང་གི་ཚུལ་དུ་གནས་པའོ། །བྱང་ཕྱོགས་དམུས་ལོང་འཁོར་བ་ནི། །ཁྲག་གི་མི་ལ་ཁྲག་ཤ་ཟ། །མིག་དང་སྣ་དང་རྣ་བ་མེད། །འོ་དོད་དྲག་པོས་ཕྱོགས་བཅུར་སྒྲོག །ཨཱོཾ་ཤི་པསྙིརྙ་ཀྲིཏ་ཧཱུཾ༷། བཛྲ་མ་ཧྭ་ཀྲོ་ཏ་ཕཊ། བ༷་ཧཱུཾ༷་ཨེ་ཨུ་ར་ལི་ཧྲི་ཛ། མ་ཧྭ་སྲོག་ཤ་ཐུན་སྨྱོ། ཀ་ཏུག་ཤ་ཀ་ཏུག་ཤ་བྷན་དྷ་བྷན་དྷ་ཧཱུཾ་ཕཊ། གཟིར་ཅིང་མནན་པའི་བྲོ་བརྡུང་ན། །སྲིད་གསུམ་ཐམས་ཅད་རློག་པར་ངེས། །དྲེགས་པ་ཚར་གཅོད་པའི་རྒྱུད་ལས། ཕོ་ཉ་དམུས་ལོང་འཁོར་བ་ཅན་གྱི་ལེའུ་སྟེ་བཅུ་བཞི་པའོ།། །།དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས། ཕོ་ཉ་དྲག་པོའི་ལེའུ་འདི་བཀའ་སྩལ་ཏོ། །དཀྱིལ་འཁོར་མཐིང་ནག་གྲུ་གསུམ་ལ། །ཟླ་གམ་དམར་པོ་གསུམ་གྱིས་བསྐོར། །ཛ་དང་ཕཊ་དང་སྦྱོ་ཡིས་བསྐོར། །མཚོན་ཆ་འབར་བས་ཕྱོགས་མཚམས་གཏམས། །གང་ལ་དམིགས་པ་ཞིང་རས་ལ། །མིང་གཟུགས་རུས་དང་བཅས་པ་བྲི། །དཀར་ནག་སྔོན་དམར་ཐག་པས་བསྡམ། །དམེ་དུག་རྫས་སྦྱོར་དུད་པས་བདུག །དཔལ་གྱི་སྙིང་པོས་དབང་དུ་བསྡུ། །ཨོ་ཧུ་ལུ་ཧུ་ལུ་ཧཱུཾ༷་ཕཊ། ཨེ་ཨ་ར་ཡི་སྙི༷༷ཛ། གར་གྱི་དབང་ཕྱུག་ཡབ་ཡུམ་གྱི །སྐུ་གསུང་ཐུགས་ལས་ཕོ་ཉ་སྤྲོ། །གང་དམིགས་རྟེན་ལ་དགུག་ཅིང་བསྟིམ། །ཚམ་རྔམས་དྲག་པོས་གཟིར་མནན་བྱ། །ཁམས་གསུམ་སྲིད་གསུམ་བསྒྲལ་བའི་ཞིང་། །དྲག་པོའི་ཕོ་ཉ་འདིས་བྱའོ། །རྒི༷༷ཡབ་ཡུམ་གཉིས་སུ་མེད་པ་ཡི། །སྐུ་གསུང་ཐུགས་ལས་སྤྲུལ་པ་ནི། །མགོ་དགུ་པོ་ལ་རྐང་གཅིག་པོ། །ལུས་ནག་པོ་ལ་འོད་ཕུང་ནག །རལ་པ་ནག་ཅིང་མཆེ་བ་ནག །མིག་ཀྱང་ནག་ཅིང་ལག་པ་ནག །མགྱོགས་པ་རླུ་་གིས་བསྐྱད་དུ་མེད། །འདི་དག་ཕོ་ཉའི་མཆོག་ཡིན་ཏེ། །ཞུམ་པ་མེད་ཅིང་སྟོབས་ཆེན་འཇོམས། །ཕ་རོལ་དཔུང་རྣམས་རབ་ཏུ་འཇོམས། །འདི་དག་ཡང་དག་རབ་བསྒོམས་ན། །འདི་ནི་དཔལ་གྱི་ཕོ་ཉ་སྟེ། །གཡོན་པ་གསུམ་ནི་ལྕགས་ཀྱུ་འཛིན། །གཡས་པ་གསུམ་ནི་སྟ་རེ་འཕྱར། །ཡན་ལག་སྦྲུལ་ནག་སྟོང་གིས་བརྒྱན། །གཡོན་གྱི་ལྕགས་ཀྱུས་སྙིང་ནས་འདྲེན། །གཡས་ཀྱི་སྟུ་རེས་ངེས་པར་འཇོམས། །འདི་ནི་སྒོ་སྲུང་མཆོག་ཡིན་ཏེ། །ཕོ་ཉར་རྒྱུན་དུ་མངག་པར་བྱ། །དགྲ་རྣམས་ངེས་པར་འཇོམས་པར་བྱེད། །རྐང་གཅིག་དེ་ཡི་ཕོ་ཉ་ནི། །ཁ་དོག་ངེས་པར་ཅི་འདྲ་ན། །གཅིག་ལ་གཅིག་ནི་རབ་ཏུ་འཁྲིལ། །ཡང་ན་ལག་པ་སྦྲེལ་ཏེ་འགྲོ། །མིག་ཀྱང་མེད་ཅིང་ཅང་མི་སྨྲ། །ལོང་བ་ཀུན་གྱི་མཆོག་ཡིན་ཏེ། །རྟ་བབས་ཀུན་གྱི་སྒོར་བསྒོམས་ཤིང་། །ལན་འགའ་དྲག་ཏུ་མངགས་པའི་ཚེ། །གཉིས་ཀ་སོང་སྟེ་དེར་ཕྱིན་ནས། །གང་ལ་དམིགས་པ་ལེན་པར་བྱེད། །མགོ་བརྒྱད་པོ་ལ་ལག་བརྒྱད་པོ། །རྐང་པ་བརྒྱད་ལ་མིག་ཀྱང་བརྒྱད། །ལག་བརྒྱད་རྡོ་རྗེ་ཕུར་པ་འདྲིལ། །གཤིན་རྗེའི་གནས་རྣམས་ངེས་པར་འཇོམས། །རྐང་དྲུག་མགོ་དྲུག་མིག་ཀྱང་དྲུག །ལག་པ་དྲུག་གིས་རྒྱུད་དྲུག་འཇོམས། །གཡོན་པ་གསུམ་ནི་གཏོར་མ་གཏོང་། །གཡས་པ་གསུམ་ནི་ཕུར་པ་འདྲིལ། །མགྱོགས་པ་རླུད་གི་ཤུགས་དང་འདྲ། །འདི་རྣམས་ཁྲོ་བོའི་ཕོ་ཉ་ཡིན། །ཧ་ལ་རུ་ལུའི་སྒྲ་སྒྲོག་ཅིང་། །རང་གི་རླུ་་ཕྱོགས་སོང་བའི་ཚེ། །ཁྲོ་བོ་ཀུན་ཀྱང་ངེས་པར་འཆི། །གང་ནས་གང་དུ་འགྲོ་བའི་ཚེ། །རང་གི་རྐང་པ་ཕུར་པ་ཡིན། །ལྕགས་ཀྱི་ཕུར་པ་རབ་ཏུ་དྲག །འོད་ཟེར་དུད་ཁ་རེག་པས་ནི། །ཚངས་པའི་གནས་ཀྱང་རབ་ཏུ་འཇིག །ལག་པ་གཡོན་པ་བརྐྱང་པས་ནི། །ཕྲ་མེན་རྣམས་ནི་འཁོར་དང་བཅས། །ཀུན་ཀྱང་རལ་པ་དམར་པོ་ལ། །ལྕགས་ཀྱི་དགྲ་སྟ་རབ་ཐོགས་ཏེ། །ཞིང་ཆེན་ཡན་ལག་འཛིན་པའོ། །འདི་རྣམས་དཔལ་གྱི་ཕོ་ཉ་སྟེ། །ཕྱོགས་བཅུའི་ཞིང་ཁམས་ཀུན་ལ་དབང་། །བར་སྣང་ཁམས་ན་རྒྱུ་བའོ། །འོད་ཟེར་དུད་ཁས་རེག་པས་ནི། །ཧཱུཾ༷་དང་ཕཊ་ཀྱི་སྒྲ་སྒྲོག་ཅིང་། །བསྐལ་བའི་འབྲུག་སྒྲ་ཆེན་པོ་བཞིན། །ཀུན་ཀྱང་མགྱོགས་པ་རླུད་དང་མཚུངས། །མིག་གསུམ་པོ་ལ་ལྕགས་སྡེར་ཅན། །མགོ་གསུམ་པོ་ལ་རྐང་གསུམ་པོ། །ལག་པ་གསུམ་ན་འཁོར་ལོ་བསྐོར། །དབུ་སྐྲ་ཁམ་ནག་དཀྱིལ་འཁོར་ནས། །ཕྲ་མེན་འབུམ་གྱི་རྔམ་སྟབས་ཅན། །རྐང་པ་གསུམ་ནི་སྟབས་ཀྱང་བྱེད། །མི་ཤ་ཟ་ཞིང་བདུད་དཔུང་འཇོམས། །བལྟས་པས་བདུད་རྣམས་འཆི་བར་བྱེད། །ཀླུ་ཡི་གནས་རྣམས་ངེས་པར་འཇོམས། ཨོ་རུ་ལུ་རུ་ལུ་ཧཱུཾ༷་ཕཊ། ཧ་ན་ཧ་ན་ཧཱུཾ༷་ཕཊ། ད་ཧ་ད་ཧ་ཧཱུཾ༷་ཕཊ།པ་ཙ་པ་ཙ་ཧཱུཾ༷་ཕཊ། བྷན་དྷ་བྷན་དྷ་ཧཱུཾ༷་ཕཊ། ཨེ་ཨུ་ར་ལི་ཧྲི་ཛ། ཚམ་རྔམས་དྲག་པོའི་སྟངས་སྟབས་ཀྱིས། །རྟ་བྲོ་བརྡུང་ཞིང་ཐལ་བར་རློག །ཅེས་བཀའ་སྩལ་ཏོ། །དྲེག་པ་ཚར་གཅོད་པའི་རྒྱུད་ལས། ཕོ་ཉ་དྲག་པོའི་ལེའུ་སྟེ་བཅོ་ལྔ་པའོ།། །།དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས་སྤྱང་མོ་རོ་ཤལ་གྱི་ལེའུ་འདི་བཀའ་སྩལ་ཏོ། །གཅན་སྤྱང་གདུག་པའི་ཐོད་པ་ལ། །ནག་དང་དམར་གྱི་ཚོན་རྩིས་བྱུག །མཆེ་བ་བཞི་ལ་སྔགས་བྲིས་ལ། །ཁ་གདངས་ནང་ལ་དམིགས་པ་གཞུག །སྔོན་དམར་ཚོན་གྱིས་ཁ་བསྔམས་ལ། །དཀྱིལ་འཁོར་གྲུ་གསུམ་ནང་དུ་གཞུག །སྤྱང་ཐོད་ཁ་དོག་སོ་སོ་ལ། །རིགས་ཀྱི་ཁྱད་པར་ཕྱེ་བ་ལ། །ཕོ་ཉའི་སྔགས་དང་སྙིང་པོ་བྲི། །དཀྱིལ་འཁོར་ཕྱོགས་མཚམས་སོ་སོ་སྲ །གྲུ་གསུམ་དཀྱིལ་འཁོར་ཁ་བསྟན་གཞག །རྣོ་མཚོན་གདུག་པའི་དབལ་མཚོན་གྱིས། །གྲུ་གསུམ་ཐ་མ་བསྐོར་བར་བྱ། །བདག་ཉིད་གར་དབང་ཡབ་ཡུམ་གྱི། །སྐུ་གསུང་ཐུགས་ལས་སྤྱང་མོ་སྤྲོ། །གང་ལ་དམིགས་ལ་བཀུག་ཅིང་བསྟིམ། །གཅེར་བུར་ཕྱུང་ལ་སྤྱང་དུ་བྱ། །ཚམ་རྔམས་དྲག་པོའི་རྔམ་སྟབས་ཅན། །སྐབས་སུ་བྲོ་བརྡུང་རྡུལ་དུ་རླག །སྤྱང་མོའི་ཕོ་ཉ་འདི་ལྟ་སྟེ། །ཧི༷༷ཡབ་ཡུམ་གཉིས་སུ་མེད་པ་ལས། །སྐུ་གསུང་ཐུགས་ལས་སྤྲུལ་པ་ནི། ཁྲར་ཕྱོགས་ཞབས་ཀྱི་སྤྲུལ་པ་ནི། །དུང་གི་སྤྱང་མོ་མགོ་གསུམ་མ། །དུང་གི་མི་མོ་མགོ་བརྒྱད་ཤོན། །སྐུ་དང་ཕྱག་དང་འོད་ཟེར་དཀར། །རལ་པ་དཀར་པོའི་སྐྲ་གསེབ་ནས། །དུང་གི་སྤྱང་མོ་འབུམ་འབུམ་འཕྲོ། །གཡབ་མོ་འདོར་ཞིང་འོ་དོད་འབོད། །སྙིང་ཁྲག་དྲོན་མོ་ཁ་རུ་འཐུང་། །ལྷོ་ཕྱོགས་ཞབས་ཀྱི་སྤྲུལ་པ་སྟེ། །ལྕགས་ཀྱི་སྤྱང་མོ་མགོ་གསུམ་མར། །ལྕགས་ཀྱི་མི་མོ་ཆེན་མོ་ཞོན། །སྐུ་སྔོ་ཕྱག་སྔོ་ཞབས་ཀྱང་སྔོ། །རལ་པ་སྔོན་པོའི་སྐྲ་གསེབ་ནས། །ལྕགས་ཀྱི་སྤྱང་མོ་འབུམ་འབུམ་འཕྲོ། །སྙིང་དང་རྒྱུ་མ་རྐང་གསུམ་ཟ། །ནུབ་ཕྱོགས་ཞབས་ཀྱི་སྤྲུལ་པ་སྟེ། །ཟངས་ཀྱི་སྤྱང་མོ་མགོ་དགུ་མར། །ཟངས་ཀྱི་མི་མོ་ཆེན་མོ་ཞོན། །སྐུ་དམར་ཕྱག་དམར་ཞབས་ཀྱང་དམར། །རལ་པ་དམར་པོའི་སྐྲ་གསེབ་ནས། །ཟངས་ཀྱི་སྤྱང་མོ་འབུམ་འབུམ་འཕྲོ། །ཡསྒ་ཆེན་མོ་དབང་དུ་སྡུད། །ཟས་སུ་སྲིན་ཆེན་རིལ་མེད་མཛད། །བྱང་ཕྱོགས་ཞབས་ཀྱི་སྤྲུལ་པ་སྟེ། །གཡུ་ཡི་སྤྱང་མོ་མགོ་གསུམ་མར། །གཡུ་ཡི་མི་མོ་ཆེན་མོ་ཤོན། །སྐུ་ལྗང་ཕྱག་ལྗང་ཞབས་ཀྱང་ལྗང་། །རལ་པ་ལྗང་གུའི་སྒྲ་གསེབ་ནས། །གཡུ་ཡི་སྤྱང་མོ་འབུམ་འབུམ་འཕྲོ། །སྙིང་ཁྲག་འཐུང་ཞིང་དམ་ལ་ནོད། །བྱང་ཤར་མཚམས་ཀྱི་སྤྱང་མོ་ནི། །གཟི་ལྡན་ཆེན་མོ་ཤུགས་སུ་སྒྲོལ། །ལུས་ནི་ལྕགས་ཀྱི་སྤྱང་མོ་ལ། །དབུ་ལ་དར་གྱི་ཅོད་པཎ་ཅན། །མཆེ་བ་རྡོ་རྗེ་རྩེ་གསུམ་ལ། །མི་ཟེར་འབུམ་འབུམ་འཕྲོ་བའི་ཚུལ། ཁྲར་ལྷོ་མཚམས་ཀྱི་སྤྱང་མོ་ནི། །རྡོ་རྗེ་མེ་ཁྲག་སྤྱང་མོ་ལ། །མེ་དགུའི་ཕྲེང་བས་རྒྱན་དུ་བཀླུབས། །ཁ་ནས་མེ་ཡི་སྒྱུགས་པ་འབྱིན། །རྐང་ལག་མེ་ཡི་ཁ་ཊ༷་ག །ལུ་གུ་རྒྱུད་ལས་སྒྲོལ་བར་བྱེད། །ལྷོ་ནུབ་མཚམས་ཀྱི་སྤྱང་མོ་ནི། །འབར་བའི་ཐོད་རུས་མང་པོས་བརྒྱན། །ཁྲག་དང་ཞག་གི་ཚོམ་བུར་བརྒྱན། །ཏི་ ར་ཆེན་པོ་ཁ་ན་ཐོགས། །ནུབ་བྱང་མཚམས་ཀྱི་སྤྱང་མོ་ནི། །གཡུ་ཡི་སྦྱང་མོ་མགོ་གསུམ་ལ། །གཅན་གཟན་གཟིག་གི་པགས་གྱོན་པ། །ཁ་ནས་རུ་ལུའི་སྒྲ་སྒྲོག་མ། །ཨོ་རུ་ལུ་རུ་ལུ་ཧཱུཾ༷་ཕཊ། །ཚིཇི་ཚིཇི་ཧཱུཾ༷་ཕཊ། ཀྲོ་དྷ་ཀྲོ་དྷ་ཧཱུཾ༷་ཕཊ། ཧ་ལ་ཧ་ལ་བ༷།རཀྟ་རཀྟ་ཧཱུཾ༷་ཕཊ། ཨེ་ཨ་ར་ལི་ཧྲི་ཛ་ཧཱུཾ༷་ཕཊ། གཟིར་མནན་དྲག་པོའི་རྔམ་སྟབས་ཀྱིས། །ཞིང་ལྤགས་དང་སླེའུ་ནག་གིས་སྤྱང་ཐོད་བསྡམས་ལ། སྤྱང་ཐོད་ཁྱེར་ཏེ་གང་ལ་དམིགས་པའི་ཕྱོགས་བཞི་མཚམས་བརྒྱད་དུ་མནན་ཅིང་སྦས་ན་རྡུལ་དུ་འགྲོ། །དྲེགས་པ་ཚར་གཅོད་པའི་རྒྱུད་ལས། སྤྱང་མོ་རོ་ཤལ་གྱི་ལེའུ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས། ཟ་བྱེད་ཁྱི་བརྒྱད་ཀྱི་ལེའུ་འདི་བཀའ་སྩལ་ཏོ། །དཀྱིལ་འཁོར་མཐིང་ནག་གྲུ་གསུམ་ལ། །ལྕགས་ཀྱུ་ཞགས་པ་དམར་ནག་བྲི། །དུར་ཁྲོད་ཐོད་པ་མཚན་ངན་དུ། །གང་ལ་དམིགས་པའི་གཟུགས་དང་མིང་། །ཞིང་རས་ལ་ནི་བྲི་བར་བྱ། །སྔོ་དམར་མཁར་ནག་དྲིལ་བྱས་ལ། །ཁྱི་བརྒྱད་ཐོད་པ་གྲུ་གསུམ་བསྐོར། །སྔོན་དམར་སྣ་བརྒྱད་ཁྱི་ཐོད་གདགས། །ཞིང་ལ་བརྟོད་པའི་ཚུལ་དུ་བྱ། །གདུག་པ་སྦྱར་བའི་དུད་པས་བདུག །ཞིང་ཆེན་ལྤགས་པས་གཡབ་ཅིང་རྡུལ། །བདག་ཉིད་པདྨ་ཧེ་རུ་ཀའི། །སྐུ་གསུང་ཐུགས་ལས་ཁྱི་བརྒྱད་སྤྲོས། །གང་ལ་དམིགས་པ་བཀུག་ཅིང་བསྟིམ། །གཟིར་མནན་དྲག་པོས་རྡུལ་དུ་རློག །རྙི༷༷། ཡབ་ཡུམ་གཉིས་སུ་མེད་པ་ལས། །སྐུ་གསུང་ཐུགས་ལས་སྤྲུལ་པ་ནི། ཁྲར་གྱི་ཕྱོགས་ནས་འགྱེད་པའི་ཁྱི། །ལྕགས་ཀྱི་ཁྱི་སྟེ་མགོ་བརྒྱད་ལ། གསེར་དང་མུ་ཏིག་རལ་པ་ཅན། །རྡོ་རྗེའི་མཆེ་བ་རྩེ་གསུམ་ལས། །གདུག་པའི་མེ་ཟེར་འབུམ་འབུམ་འཕྲོས། །རྐང་ལག་བཞི་ནི་ལྕགས་ཕུར་བཞི། །ཞེ་སྡང་ཅན་གྱི་སྙིང་ལ་འདེབས། །གཡུ་མདོག་ལྕགས་ཀྱི་ཨ༷་ཀུ་ཤ །ཐོག་དང་གློག་གི་གཤོག་པ་ཅན། །རེས་འགའ་དྲག་ཏུ་མངགས་པའི་ཚེ། །ཅི་འགྱིས་ཞེས་ནི་ཆས་ཏེ་སྤྱོན། །ལྷོ་ཡི་ཕྱོགས་ནས་འགྱེད་པའི་ཁྱི། །ལྕགས་ཀྱི་ཁྱི་མོས་མགོ་བརྒྱད་ལ། །སྤྱན་མིག་ཉི་ཟླའི་ཚུལ་དུ་གནས། ་ངས་ཀྱི་རྡོ་རྗེ་རླུད་སྒྲོམ་ནས། །རྡོ་རྗེ་རྩེ་གཅིག་སེར་ཆེན་འཕྲོ། །མཆེ་བ་རྡོ་རྗེ་རྩེ་གསུམ་ལས། །ཐོག་གི་བུ་ཡུག་ཆར་ལྟར་འབབས། །རྐང་ལག་རྡོ་རྗེ་བཱ་ཤ་ཧཱུཾ༷། ཁུལ་བུམ་རྣམས་ཀྱི་སྙིང་བྲག་འཐུང་། །ནུབ་ཀྱི་ཕྱོགས་ནས་འགྱེད་པའི་ཁྱི། །ལྕགས་ཀྱི་ཁྱི་མོ་མགོ་བརྒྱད་ལ། །གསེར་གྱི་རལ་པ་ཅོད་པཎ་ཅན། །དེ་ཡི་གསེབ་ནས་ཐོག་ཐོག་འཕྲོ། །སྤྱན་མིག་གྲུ་གསུམ་འབར་བ་ལས། །ཁྲོ་ཆུ་ཁོལ་མའི་སྐྱི་འདང་འབེབས། །དེ་ཡི་ཆ་ལ་ཀླུ་དབང་གཡེང་། ཁྲངས་ཀྱི་རླུ་་སྒྲོམ་འབར་བ་ལས། །རྡོ་རྗེ་འཁོར་ལོའི་སེར་ཆེན་འབེབས། །མཆེ་བ་རྡོ་རྗེ་རྩེ་གསུམ་ལས། །ཡེ་ཤེས་བསྐལ་བའི་མེ་ཡང་འབར། །རྐང་ལག་རྡོ་རྗེ་རྩེ་དགུ་ནས། །ཉན་ཐོས་ཀྲི་ཡ་རང་སངས་རྒྱས། །རྡོ་རྗེ་དེ་ལ་བསྒོམ་པའི་ཚུལ། །གཡུ་མདོག་རྡོ་རྗེ་སྤྲོ་ཊ་བ༷། །བྱང་གི་ཕྱོགས་ནས་འགྱེད་པའི་ཁྱི། །ལྕགས་ཀྱི་ཁྱི་མོ་མགོ་བརྒྱད་ལ། །ལྕགས་ཀྱི་རལ་པ་ཅོད་པན་ཅན། ཁྲངས་ནས་རྡོ་རྗེའི་འ་ས་མ་འཕྲོ། །ཁ་ན་ཏི་རའི་དབྱུག་པ་ཐོགས། །རྐང་ལག་རྡོ་རྗེ་རྩེ་གསུམ་ལ། །གཡུ་མདོག་རྡོ་རྗེ་བྷཎྜ་ཧོ། །བྱང་ཤར་མཚམས་ནས་འགྱེད་པའི་ཁྱི། །ལྕགས་ཀྱི་ཁྱི་མོ་རྐང་བརྒྱད་ལ། །གཡུ་ཡི་རལ་པ་སི་ལི་ལི། །རྐང་ལག་དབང་ལྡན་རྒྱལ་པོ་གནོན། །ཁ་མིག་རྣ་བའི་བུ་ག་ནས། །ཕྲ་མེན་ཐོད་རུས་ཕོ་ཉར་འགྱེད། །སྐྲུ་ནི་ལྕགས་ཀྱུ་གཟིངས་པ་འདྲ། །གཤོག་པ་རྡོ་རྗེ་གཏམས་པ་གདེངས། ཁྲར་ལྷོ་མཚམས་ནས་འགྱེད་པའི་ཁྱི། །ལྕགས་ཀྱི་ཁྱི་མོ་མགོ་བརྒྱད་ལ། །མེ་རི་འབར་བའི་རལ་པ་ཅན། །ཁ་ནས་མེ་དང་དུག་ཏུ་སྐྱུགས། །སྤྱན་ནས་རྡོ་རྗེའི་སེར་ཆེན་འབེབས། །རྐང་ལག་དྲང་སྲོང་རྒྱལ་པོ་གནོན། །ལྷོ་ནུབ་མཚམས་ནས་འགྱེད་པའི་ཁྱི། །ལྕགས་ཀྱི་ཁྱི་མོ་མགོ་བརྒྱད་ལ། །རྡོ་རྗེ་རྩེ་དགུའི་རལ་པ་ཅན། །ཁ་མིག་རྣ་བའི་བུ་ག་ནས། །སྲེ་མོང་བྱི་ལ་འུག་པའི་མགོ །དོམ་དྲེད་སྟག་གི་མཆེ་བ་ཅན། །ཀང་ཀ་དུར་བྱ་པུ་ཤུད་མགོ །སྲིན་མོ་བྱི་བ་སྨིག་བུའི་མགོ །སྟག་གཡག་ཤ་བ་གཟིག་གི་མགོ །རྟ་དང་སེང་གེ་ཕྲ་མེན་མ། །རྐང་ལག་རྡོ་རྗེ་རྩེ་གསུམ་པོས། ཁྲ་ཁྲག་ཟ་བའི་སྲིན་མོ་གནོན། །ནུབ་བྱང་མཚམས་ནས་འགྱེད་པའི་ཁྱི། །ལྕགས་ཀྱི་ཁྱི་མོ་མགོ་བརྒྱད་ལ། །གཡུ་ཡི་རལ་པ་སི་ལི་ལི། ཁྲངས་ནས་རྡོ་རྗེའི་འཐོར་རླུད་འཕྲོ། །སྤྱན་ནས་ཡེ་ཤེས་མེ་ཡང་འབར མཆེ་བ་ཟང་ཡག་གཏམས་པ་ལ། །སྦྲུལ་ནག་སྟོང་གི་གདེངས་ཀས་དཀྲིས། །སྦྲུལ་གྱི་ཁ་ནས་ཆར་ཆེན་འབེབས། །དུག་དང་མེ་ཡི་སྒྱུགས་པ་འདོར། །རྐང་ལག་རྡོ་རྗེ་རྩེ་གསུམ་པོས། །རླུད་ལྷའི་རྒྱལ་པོ་གནོན་པའི་ཚུལ། །ཨོ་ཧུ་ལུ་ཧུ་ལུ་ཧཱུཾ༷་ཕཊ། སརྦ་དུཛི་ན་ཧཱུཾ༷་ཕཊ། ཧ་ན་ཧ་ན་ཧཱུཾ༷་ཕཊ། པ་ཙ་པ་ཙ་ཧཱུཾ༷་ཕཊ། ཨེ་་ར་ལི་ཧྲི་ཛ་ཧཱུཾ༷་ཕཊ། ཚམས་རྔམས་བྲོ་དང་བཅས་པས་ཏེ། །གཟིར་གནོན་དྲག་པོས་བརྡུང་བྱའོ། །དྲེགས་པ་ཚར་གཅོད་པའི་རྒྱུད་ལས། ཟ་བྱེད་ཁྱི་བརྒྱད་ཀྱི་ལེའུ་སྟེ་བཅུ་བདུན་པའོ།། །།དེ་ནས་ཡང་བཅོམ་ལྡན་འདས་དཔལ་པདྨ་དབང་ཆེན་གྱིས། །དྲེགས་པ་ཅན་ལྷ་མ་སྲིན་སྡེ་བརྒྱད་ཀྱི་ལེའུ་འདི་བཀའ་སྩལ་ཏོ། །རི་བོ་འདུས་པའི་རྩེ་ཕྱོགས་སམ། །རྒྱ་མཚོ་ཆེན་པོའི་འགོ་ཕུག་ཏུ། །མཎྜལ་བྱི་དོར་བྱས་པ་ལ། །སྙིང་ཁྲག་བདུད་རྩིས་ཆག་ཆག་གདབ། །དུར་ཁྲོད་རོ་རས་ཁྲུ་གང་ལ། །རྩིབས་བརྒྱད་ཡི་གེ་འབྲུ་བརྒྱད་དགོད། ཁྲ་ཁྲག་སྙིང་སྣ་ཚོགས་པ་ཡི། །གཏོར་མ་ཨ་མྲི་ཏ་སྦྱར་ལ། །ཁྲག་དང་ཆང་སྦྱར་རྒྱུན་དུ་སྦྲེང་། །བདག་ཉིད་དབང་ཆེན་གསལ་གྱུར་ལ། །འབྲུ་བརྒྱད་སྔགས་ཀྱི་འཁོར་ལོ་བསྐེ་ར། །གང་དམིགས་གཟུགས་ལ་གཟིར་མནན་བྱ། །མ་གྲུབ་འབྲུ་བརྒྱད་གོ་བཟློག་ལ། །གནད་ལ་དབབ་པའི་འཁོར་ལོ་བསྐོར། །ཆས་རབ་ཕྱུང་ལ་དགྲ་དགུག་འབོད། །ཙ་མ་ར་ཡིས་གཡབ་ཅིང་གདུལ། ཁུབ་ན་སྣ་ཚོགས་གཟུགས་སུ་སྟོན། །འཁོར་ལོ་དྲིལ་ལ་ཕུང་ཤུལ་མནན། །ཨོ་ཤི་པདྷརྙ་ཀྲིཏ་ཧཱུཾ༷། བཛྲ་མ་ཧྭ་ཀྲོ་ཏ་ཕཊ། ཨ་ཡ་མ་དུ་རུ་ཙ་ཤ་ན་ལ། བ༷་ཧཱུཾ༷་ཨེ་ཨུ་ར་ལི་ཧྲི་ཛ། མ་ཧྭ་སྲོག་ཤ་ཐུན་སྦྱོ། །སྐུ་བསྐྱེད་དྲེགས་པ་དབང་དུ་སྡུད། །ཐ་མ་ལས་གཟུང་གཟིར་ཅིང་མནན། །གྱད་ཀྱི་རྔམ་སྟབས་བྲོ་བརྡུང་ན། །སྲིད་གསུམ་མཐུ་ཆེན་ཐལ་བར་རློག །ཅེས་གསུངས་སོ། །དྲེགས་པ་ཚར་གཅོད་པའི་རྒྱུད་ལས། ལྷ་མ་སྲིན་སྡེ་བརྒྱད་སྤྱིར་བསྒྲུབ་པའི་ལེའུ་སྟེ་བཅོ་བརྒྱད་པའོ།། །།དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས། གཤིན་རྗེ་སྡེ་ཚན་བསྒྲུབ་པ་འདི་བཀའ་སྩལ་ཏོ། །དུར་ཁྲོད་མ་ལ་ཡར་སོང་ལ། །མཎྜལ་བྱི་དོར་བྱས་པ་ལ། །བདུད་རྩི་རྣམ་ལྔས་ཆག་ཆག་གདབ། །དུར་ཁྲོད་རས་ལ་མིང་བྲིས་ལ། །ཐ་མ་གཤིན་རྗེ་སྔགས་ཀྱིས་བསྐོར། །དུར་ཁྲོད་ཐོད་གཤག་ནང་དུ་བཅུག །ཐོད་པ་ཁར་ལ་ཞབས་མས་བཅད། །སྔོན་དམར་བྱད་ཐག་རྒྱ་གྲམ་བསྔམ། །ཨག་ཆོ་བ་ནས་སྔགས་ཐུན་བརྡེག །བདག་ཉིད་དབང་ཆེན་སྐུར་བསྒོམས་ལ། །དབང་དུ་བསྡུ་ཞིང་ལས་ལ་གཟུད། །ཨོ་ཤི་པདྷརྙ་ཀྲིཏ་ཧཱུཾ༷། བཛྲ་མ་ཧྭ་ཀྲོ་དྷ་ཕཊ། ཡ་མ་རྭ་ཛ་ས་དོ་མེ་ཡ་བ༷་ཧཱུཾ༷། ཨེ་ཨུ་ར་ལི་ཧྲི་ཛ། མ་ཧྭ་སྲོག་ཤ་ཐུན་སྨྱོ། །ཐ་ཆུང་བཞི་ཡི་མར་ངོ་ལ ཙ་མ་ར་ཡིས་གཡབ་ཅིང་རྡུལ། །ལྷོ་ཕྱོགས་སྙིང་ཆེན་གསུང་བས་བདུག །མཚན་མ་ཆུང་ཞིང་རྟགས་འགོར་ན། །གཤིན་རྗེའི་གསང་སྔགས་གོ་བཟློག་ལ། །དུར་ཁྲོད་རས་ཀྱིས་ཐོད་པ་གྲིལ། སྟོང་ལམ་ཧོམ་ཁུང་རྙིང་པར་མནན། །ཚམ་རྔམས་དྲག་ཤུལ་བྲོ་ཡང་བརྡུང་། །ཁམས་གསུམ་སྲིད་གསུམ་ཐལ་བར་རློག །ཅེས་གསུངས་སོ། །དྲེགས་པ་ཚར་གཅོད་པའི་རྒྱུད་ལས། གཤིན་རྗེ་སྒྲུབ་པའི་ལེའུ་སྟེ་བཅུ་དགུ་པའོ།། །།དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས། མ་མོའི་སྡེ་ཚན་སྒྲུབ་པའི་ལེའུ་འདི་བཀའ་སྩལ་ཏོ། །དུར་ཁྲོད་མཁའ་འགྲོ་འདུས་པའི་སར། །གྲི་མོ་ཤི་བའི་ཐོད་པ་སྲ །ཙིསྟ་རཀྟ་བཙན་ཤུག་བྲུག །མཐིང་ནག་དར་གྱིས་ཁ་བཅད་ལ། །གྲུ་གསུམ་དྲག་པོའི་གནས་སུ་གཞག ་་་དཀར་ཉུང་ནག་དྲག་པོ་ལ། །བདུན་འབུམ་དྲག་པོའི་སྟོབས་ཀྱིས་བརྡེག ཁྲ་ཁྲག་དམར་དང་སྙིང་སྣ་ཚོགས། །གདུང་བའི་སེམས་ཀྱི་མ་ཚོགས་བསྟེན། །བཤུགས་པས་འབོད་ཅིང་ཞིང་གིས་གཡབ། །བདག་ཉིད་དབང་ཆེན་སྐུར་བསྒོམས་ལ། །མ་ཚོགས་དབང་སྡུད་ལས་ལ་གཟུད། །གསུང་ཆེན་དུད་པ་རྒྱུན་མི་གཅད། །ཨོ་ཤི་བཛྲ་པསྙིརྙ་ཀྲོཏ་ཧཱུཾ༷། བཛྲ་མ་ཧྭ་ཀྲོ་དྷ་ཕཊ། མ་རཀློ་རསྒ་མ་སྙིང་ཁ་རག་ཛ་ཛ༷༷། ཆེ་གེ་མོ་མུ་ར་ཡ། སྲོག་རྩ་སྙིང་རྩ་རྦད། །བ༷་ཧཱུཾ༷། ཨེ་ཨུ་ར་ལི་ཧྲི་ཛ། མ་ཧྭ་སྲོག་ཤ་ཐུན་སྨྱོ། བདག་ཉིད་དྲག་པོའི་ཆ་ལུགས་ཀྱིས། །ཉི་ཤུ་དགུ་པར་ཉི་ཤར་ནས །གང་ལ་དམིགས་པའི་གནས་སུ་བརྡེག །འོར་ཅིག་མ་གྲུབ་གསུམ་དུ་སྦོགས། །དེས་ཀྱང་འགྲུབ་པར་མ་གྱུར་ན། །གསང་སྔགས་བཟླས་པ་གོང་བཞིན་བྱ། །མ་རག་མོ་སྙིང་ཁ་རག་མ། རག་མོ་སྙིང་རྩ་ལ་ཐུན་ཐུན། སྲོག་རྩ་སྙིང་རྩ་རྦད། །སྨྲ་བཅད་ཉི་ཤུ་རྩ་གཅིག་གི །བར་དུ་ནན་ཏན་ཁྲོས་ལ་བཟླས། བུད་མེད་ནག་མོ་མེ་རེག་མས། །འཇིག་རྟེན་ཁམས་ཤིང་ཞབྲུགས་ནི་བཟང་། །ཐོད་ཁྲག་གར་དམིགས་པར་བརྒྱབ་ནས། །ལོ་ཀ་འབར་བའི་བྲོས་སྦྱངས་ན། །སྲིད་པ་བསྲུབ་པའི་ལས་སུ་འགྱུར། །ཞེས་གསུངས་སོ། །དྲེགས་པ་ཚར་གཅོད་པའི་རྒྱུད་ལས། མ་མོ་སྡེ་ཚན་དང་བཅས་པའི་བསྒྲལ་བའི་ལེའུ་སྟེ་ཉི་ཤུ་པའོ།། །།དེ་ནས་ཡང་བཅོམ་ལྡན་འདས་དཔལ་པདྨ་དབང་ཆེན་གྱིས། གཟའ་སྡེ་ཚན་བསྒྲུབ་པའི་ལེའུ་འདི་བཀའ་སྩལ་ཏོ། །རི་བོ་ཆེན་པོའི་ཁར་སོང་ལ། །དྲག་པོའི་རང་བཞིན་གྲུ་གསུམ་དུ། །གདུག་པའི་ཤིང་ལས་ཧོམ་བྱས་ལ། །ཕྱོགས་མཚམས་བརྒྱད་དུ་དམིགས་ལ་གདབ། །ཉིན་བཞིན་དཀར་གསུམ་སྦྱིན་སྲེག་བྱ། །མཚན་བཞིན་དམར་དང་གསུར་ཆེན་བསྲེག །གང་དམིགས་ལིསྐོ་དེ་དང་བཅས། །དུས་ཆར་ཁྱད་པར་ཤེས་ལ་བྱ། །དྲག་ཤུལ་རྔམ་སྟབས་རྟ་བྲོ་བྱས། །གཅེར་བུ་ཤུན་བརྡབ་འོ་དོད་འབོད། །བདག་ཉིད་དབང་ཆེན་སྐུར་ཁྲོས་ནས། །གཟའ་དགུའི་དཔུང་དང་བཅས་པ་གཟིར། །དབང་བསྡུས་ལས་ལ་གཟུད་པར་བྱ། །ཨོ་ཤི་བཛྲ་པསྙིརྙ་ཀྲིཏ་ཧཱུཾ༷། བཛྲ་མ་ཧྭ་ཀྲོ་དྷ་ཕཊ། པ་ཤ་མི་ཀི་རྭ་ཧུ་ལ། ཧུར་ཐུམས་ནཱ་ར་ཡ་ཛ་ཛ། བ༷་ཧཱུཾ༷་ཨེ་ཨུ་ར་ལི་ཧྲི་ཛ། མ་ཧྭ་སྲོག་ཤ་ཐུན་སྨྱོ། །ཞེས་ནི་གཟིར་ཞིང་མནན་བྱས་ན། །འཁོར་བ་བསྒྲལ་བའི་ལས་སུ་འགྱུར། །དྲེགས་པ་ཚར་གཅོད་པའི་རྒྱུད་ལས། གཟའ་སྡེ་ཚན་དང་བཅས་པ་བསྒྲུབ་པའི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་ཡང་བཅོམ་ལྡན་འདས་དཔལ་པདྨ་དབང་ཆེན་གྱིས།སྲིན་པོ་སྡེ་ཚན་བསྒྲུབ་པའི་ལེའུ་འདི་བཀའ་སྩལ་ཏོ། །ལྷོ་ནུབ་ཁ་བལྟས་རི་བྲག་ཏུ། །མི་རོ་བརྩེགས་པའི་ཁྲི་ལ་བཞུགས། །བམཆེནསྙིངདགཁདྲག་ནས། །གང་དམིགས་སྲིན་པོའི་སྔགས་དང་སྦེལ། །སྙིང་གར་བཅུག་ལ་ཚོན་སྐུད་བསྡམ། །རྣལ་འབྱོར་སྲིན་ལག་གཡོན་པར་གདགས། །བམ་ཆེན་བླངས་ལ་ལྷོ་ནུབ་བསྟན། །བདག་ཉིད་བྱང་ཤར་ཁ་བལྟས་ལ། །སྲིན་པོ་གདུག་པའི་སྔགས་ཀྱིས་བརྡེག །སྐབས་སུ་བམ་ཆེན་བསྐོར་ཞིང་གཞག །ལྷོ་ནུབ་ཁ་བལྟས་ལང་ཀ་བོད། །མི་རྐང་གླིང་བུའི་བརྡའ་བཏང་ལ། །མི་ཤ་མི་ཁྲག་ཚིལ་བུས་མཆོད། །སྲིན་པོ་དབང་སྡུད་ལས་ལ་གཟུད། །ཨོ་ཤི་བཛྲ་པདྷརྙ་ཀྲིཏ་ཧཱུཾ༷། བཛྲ་མ་ཧྭ་ཀྲོ་དྷ་ཕཊ། རཀྟ་ཛ། ཧྲི་ཏ་ཛ། དུར་ཏི། ར་ཤ་ན་ཛ། རཀྟ་རྦད་ནི་ཆོམ། དགྲ་ལ་སྤོ་ཛ། བ༷་ཧཱུཾ༷། ཨ་ཨུ་ར་ལི་ཧྲི་ཛ། མ་ཧྭ་སྲོག་ཐུན་སྨྱོ། ་་་དཀར་སྔགས་བཟླས་སྲིན་པོའི་མདས། །ལྷོ་ནུབ་མཚམས་ནས་བྲབ་བྱས་ན། །ཅོག་པུར་འགྱེལ་དང་རེངས་ནས་འཆི། །བམ་ཆེན་གཟིར་མནན་བྲོ་བརྡུངས་ན། །འཁོར་བ་བསྒྲལ་བའི་ཐབས་སུ་བསྒྱུར། །དྲེགས་པ་ཚར་གཅོད་པའི་རྒྱུད་ལས། སྲིན་པོ་བསྒྲུབ་པའི་ལེའུ་སྟེ་ཉི་ཤུ་རྩ་གཉིས་པའོ།། །།དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས། བདུད་ཀྱི་སྡེ་ཚན་སྒྲུབ་པའི་ལེའུ་འདི་བཀའ་སྩལ་ཏོ། །བྲག་ནག་བདུད་ཀྱི་རྟེན་གནས་པར། །དྲག་པོའི་རང་བཞིན་གྲུ་གསུམ་དུ། །བམ་ཆེན་སྙིང་ཤུན་དམིགས་དང་བཅས། །ཚོན་སྐུད་བདུད་ཀྱི་ཞགས་པས་བཅིངས། །དམུ་ལུག་ནག་པོའི་ཐོད་པར་སྩལ། །བྱ་ནག་མཚལ་བུ་གཟན་དུ་བོར། ཁྲ་ཁྲག་སྙིང་སྣ་ཚོགས་ཀྱིས་མཆོད། །ཁྱི་ནག་བརྡུང་ཞིང་དརནགགཡབ། །དྲག་སྔགས་བཟླས་ལ་ཉུང་དཀར་བརྡེག །བདག་ཉིད་དབང་ཆེན་སྐུར་བསྒོམས་ལ། །དབང་དུ་བསྡུ་ཞིང་ལས་ལ་གཟུད། །ཨོ་ཤི་བཛྲ་པདྷརྙ་ཀྲིཏ་ཧཱུཾ༷། བཛྲ་མ་ཧྭ་ཀྲོ་དྷ་ཕཊ། ཙ་ཐང་ལེ་བྲེ་བ་བཱ་ར་ཡ་དྲི་ཛ། བ༷་ཧཱུཾ༷། ཨེ་ཨུ་ར་ལི་ཧྲི་ཛ། མ་ཧྭ་སྲོག་ཤ་ཐུན་སྨྱོ། །ཁྱི་ནག་བརྡུང་ཞིང་སྔགས་འདི་བཟླས། ནག་པོ་ཁ་མུན་དྲེད་ཆོད། དགྲ་ལ་སྨྱོ། །ནག་པོ་བདུད་མེད་ཡ་ཤ་ཁྱེད། ཆེ་གེ་མོ་འདི་ཟླུམ་ཁྱིམ་བ༷་བ༷་རོ་ལ་འདུས། ཟ་སྤུགས་རོ་སྐྲུགས། བདུད་རྩིས་འབྱུང་མོས་རོལ། བདུད་མོས་བཏང་བམ་ཁྱིམས་སྲུ་ཧྭ། །བཟླས་བརྗོད་གནམ་ལྕགས་ལྟ་བུ་སྟེ། །གདུག་པ་སྦྲུལ་གྱི་སེམས་འཆང་བས། །ལུག་ནག་ཐོད་པར་གཟིར་ཞིང་མནན། །ཡས་སྟགས་ཟན་བརྫིས་ཁྱི་ལ་བྱིན། །ཁྱིས་མ་འདོད་ན་བསྒྲུབ་པ་བསྐྱར། །དྲེགས་པ་ཚར་གཅོད་པའི་རྒྱུད་ལས། བདུད་ཀྱི་སྡེ་ཚན་སྒྲུབ་པའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་ཡང་བཅོམ་ལྡན་འདས་དཔལ་པདྨ་དབང་ཆེན་གྱིས། གནོད་སྦྱིན་སྡེ་ཚན་སྒྲུབ་པའི་ལེའུ་འདི་བཀའ་སྩལ་ཏོ། །བྱང་དུ་ཁ་བལྟས་དབེན་པ་མྲ །ཉ་ཤ་སྒོག་བཙོང་ལ་ཕུག་དང་། །འབྱུང་པོའི་ཁ་ཟས་འཁར་གཞོང་བསག །རིན་ཆེན་སྣ་ཚོགས་བརྡར་བྱས་ལ། །གནོད་པ་སྦྱིན་པའི་ཚོགས་ལ་སྦྱིན། །འབྲུ་ཡི་ཆང་ངམ་ཆུ་གཙང་གིས། །རྟག་ཏུ་དེ་ལ་མཆོད་པ་བྱ། །དྲེའུའམ་ནི་མཇོ་ཡི་ཐོད་པ་སྲ །གང་ལ་དམིགས་པའི་མིང་རུས་གཞུག །གུ་གུལ་བདུག་ཅིང་དམེ་གོས་བརྡབ། །དབང་ཆེན་སྐུར་བསྒོམ་དབང་དུ་བསྡུས། །ཨོ་ཤི་བཛྲ་པསྙིརྙ་ཀྲིཏ་ཧཱུཾ༷། བཛྲ་མ་ཧྭ་ཀྲོ་་་ཕཊ། ཤ་ཨི་སེན་ཏི་ཡམ་དུ་ཡསྒ་ཕོར་པ་དུ་ཧབ། བ༷་ཧཱུཾ༷་ཨེ་ཨུ་ར་ལི་ཧྲི་ཛ། མ་ཧྭ་སྲོག་ཤ་ཐུན་སྦྱོ། །སྔགས་བཟླས་སྐྱི་བ་རམ་བུས་བྲབ། །དེ་ནས་མཛོའམ་དྲེའུ་ཐོད་ལ། །གཟིར་ཞིང་མནན་པའི་རྟ་བྲོས་མནན། །གནོད་པ་སྤྱིན་པའི་ལག་ཏུ་གཏད། །སྔགས་འདི་བརྒྱའམ་སྟོང་དུ་བཟླས། །ཧབ་ཤ་མ་ཡ་ཏྲི་ནིར་ཟུང་ཆུམ་ཤིག །མངོན་སྤྱོད་དྲག་ཤུལ་འདི་སྤྱད་ན། །འཇིག་རྟེན་སྤོང་བའི་ལས་སུ་འགྱུར། །དྲེགས་པ་ཚར་གཅོད་པའི་རྒྱུད་ལས། གནོད་སྤྱིན་སྡེ་ཚན་སྒྲུབ་པའི་ལེའུ་སྟེ་ཉི་ཤུ་རྩ་བཞི་པའོ།། །།དེ་ནས་བཅོམ་ལྡན་འདས་དཔལ་པདྨ་དབང་ཆེན་གྱིས། ཀླུ་སྡེ་ཚན་དང་བཅས་པ་སྒྲུབ་པའི་ལེའུ་འདི་བཀའ་སྩལ་ཏོ། །བྱོལ་སོང་གདུག་པ་གནས་པའི་སར། །རིན་ཆེན་བུམ་པར་སྨན་དང་རྩི། །དཀར་གསུམ་སྦྱར་བའི་གཏོར་མས་མཆོད། །མཛེ་ཕོའི་ཐོད་པ་གསར་བ་སྲ ཁེལ་དང་ཕུག་མ་སྣ་བདུན་གྱིས། །ཟག་པའི་རྫས་ལ་གཟུགས་མིང་བྱ། །གུ་གུལ་བདུག་དང་ཚོན་གྱིས་བཅིང། །སྐྱེ་ཚེ་ཉུང་གསུམ་སྔགས་བཟླས་བྲབ། །དབང་ཆེན་སྐུར་བསྒོམས་དབང་དུ་བསྡུ། །གདུག་པ་གནས་པའི་ཁྱིམ་དག་གཞུག །ཀླུ་ནད་ཐེ་ཚོམ་མེད་པར་འདེབས། །ཨོ་ཤི་བཛྲ་པདྷརྙ་ཀྲིཏ་ཧཱུཾ༷། བཛྲ་མ་ཧྭ་ཀྲོ་དྷ་ཕཊ། ཨོ་ཏ་ནན་རཏྣ་ནཱ་ག་པུ་ནཱ་གཡུ་ཧཱུཾ༷་ཛ་ཧཱུཾ༷་ཛ་ཛ། བ༷་ཧཱུཾ༷་ཨེ་ཨ་ར་ལི་སྒྲོ་ཛ། མ་ཧྭ་སྲོག་ཤ་ཐུན་སྨྱོ། །སྔགས་འདི་སྦྱོར་བའི་ལས་བྱས་ན། །རྭ་ཏྲ་ཕུང་བའི་ལས་སུ་འགྱུར། །དེས་ཀྱང་སྦྱོར་བ་མ་ཐེབས་ན། །མཛེ་ཕོའི་ཐོད་པ་དམེ་ཁྲག་བཅས། །བྲ་མའི་ཤིང་ལ་མེ་བཏང་སྟེ། །བྱོལ་སོང་གདུག་པའི་རྟེན་པར་སྲེག །སྔགས་འདི་བཟླས་ཤིང་ཁྲག་བསྐོལ་ལ། །མཛེ་ཐོད་རྦབ་ཏུ་སྒྲིལ་བྱས་ན། །མཛེ་རིམས་ཐེ་ཚོམ་མེད་པར་ཡང་། །ནཱ་ག་གུར་ལིང་སྙིང་ཁྲག་མ་མོ་རུལ། །ཞེས་པ་སྲེག་གོ །དྲེགས་པ་ཚར་གཅོད་པའི་རྒྱུད་ལས། ཀླུ་སྒྲུབ་པའི་ལེའུ་སྟེ་ཉི་ཤུ་རྩ་ལྔ་པའོ།། །།དེ་ནས་ཡང་བཅོམ་ལྡན་འདས་དཔལ་པདྨ་དབང་ཆེན་གྱིས། ལྷའི་སྡེ་ཚན་སྒྲུབ་པ་འདི་བཀའ་སྩལ་ཏོ། །དྲི་སྨན་མེ་ཏོག་ཆགས་པའི་ཟར། །མཎྜལ་བཟང་དྲུག་བྱི་དོར་བྱ། །ཏྭ་ལའི་ཤིང་ལ་མིང་བྱང་བྲི། །རྨ་བྱའི་རྒྱལ་མཚན་གྲ་ཕྱིར་རྟེན། །ཏིལ་གྱི་གཅལ་བཀྲམ་སྟེང་དུ་གཞག །ཙསྡེན་སྨུག་པོའི་དུད་པ་བཏང་། །སྤྱན་གཟིགས་དཀོར་ཆའི་གཏོར་མས་མཆོད། །གྲིལྕགསའདྲཡིནནམ །ལྕགས་ལས་བྱས་པ་མདེའུ་རྩེ་གསུམ། །མདའ་ལྔ་མི་རྩིབ་གཞུ་དང་བཅས། །སྔགས་བཟླས་དབང་པོ་རྣམ་ལྔར་བརྡེག །སྤྲུལ་གྱི་རྒྱལ་མཚན་དག་གིས་གཡབ། །སྔགས་བཟླས་ཏིལ་གྱིས་བྲབ་པར་བྱ། །དབང་ཆེན་སྐུར་བསྒོམ་དབང་དུ་བསྡུ། །ཨོ་བཛྲ་པདྨརྙ་ཀྲིཏ་ཧཱུཾ༷། བཛྲ་མ་ཧྭ་ཀྲོ་དྷ་ཕཊ། ལ་དྲིལ་ར་ཁ་དྷི་བ་ཨ་ར་པ་གི་ཤ་ཀ །མ་རུ་པ་ལ། ཧྲི་ཨ་སྙི་བ༷་ཧཱུཾ༷་ཨེ་ཨུ་ར་ལི་ཧྲི་ཛ། མ་ཧྭ་སྲོག་ཤ་ཐུན་སྨྱོ། །ཙསྡོན་༄༅། ཁོང་ལ་མེ་བཏང་ལ། །ཚ་བའི་རྫས་དང་ལིདྨ་བསྲེག །སྙི་ལ་དེ་བ་ཨ་ར་པ་མི་བི་ཀ་པ་མ་ར་ཁུ་ཧི། བསྲེག་ཅིང་གཟིར་བའི་ལས་བྱས་ལ། །ཐལ་བ་ལིསྐོ་མནན་པའི་བྲོ། །དྲག་ཤུལ་རྔམ་པའི་སྤྱོད་པ་ཡིས། །ཁམས་གསུམ་རྡུལ་དུ་རློག་པར་བྱེད། །དྲེགས་པ་ཚར་གཅོད་པའི་རྒྱུད་ལས། ལྷ་སྒྲུབ་ལེའུ་སྟེ་ཉི་ཤུ་རྩ་དྲུག་པའོ།། །།དེ་ནས་ཡང་བཅོམ་ལྡན་འདས་དཔལ་པདྨ་དབང་ཆེན་གྱིས། རཀྟ་ཁྲག་གི་ལྷ་མོ་ཙ་མུསྐོ་བསྒྲུབ་པ་འདི་བཀའ་སྩལ་ཏོ། །དུར་ཁྲོད་གསར་རྙིང་སར་སོང་ལ། དཀྱིལ་འཁོར་ཁྲག་གིས་ཆག་ཆག་གདབ། །མཚན་ལྡན་བམ་ཆེན་ཆས་སུ་གཞུག །མོན་ཐོད་ལྷ་ཡི་གཟུགས་བྱས་ལ། །རཀྟ་ཁྲག་གིས་རྒྱུན་དུ་མཆོད། །རྒྱན་བྱས་ཕྱག་བྱས་དཔེ་བྱད་ཅན། །མཁས་པས་བམ་ལ་ནན་ཏན་བྱ། །བམ་མ་རྙིང་ན་ཐོད་པར་བརྟེན། །གཏད་ན་ཀླུ་སྦལ་ལིདྷར་བཅས། །བ་དམར་གླང་མཆོག་རྭར་བཅུག་ལ། །གདུག་པ་གནས་པའི་ས་རུགཏད། །སྲོག་རྦད་བསད་པའི་སྙིང་པོ་ནི། །ཨོ་རུཏི་ཛ་རི་ཏི་ཛ་ཛ། ཙ་ཙ་ཙི་ཙི། ཏྲག་རསྒ་ཁ་མུན་ཏྲི་སྙིང་ཁ་རག་མ་མ་དུ་སྨྱོ། །རག་མོ་ཁ་རག་ཙིསྟ་ཁ་རག་ཧཱུཾ༷་ཕཊ། དྲིལ་བ་འདི་ལ་རྟགས་བྱུང་ན། །དགུ་གསོགས་གཏད་དང་མནན་བསྲེག་བྱ། །ཨོརྣ་ཁྲག་ཚལ་པ་བཛྲ་གུ་ཡ་ཙི་ར་མ་སྙིང་ལ་ཙ་ཛ་ཛ། ཨོ་ཐོད་པ་ཡ་ནི་མུ་ར་ཡ་རྟོག་པ་སྲོག་ཡ་མི་ཏ་ཧཱུཾ༷་ཕཊ། ཨོ་སོས་པ་ཤིག་མི་སྙིང་ལ་ཁང་དུ་ཡ་ནི་རོ་ཤན་གུམ་ཡ་ཛ། རོ་ཤན་མི་སྙིང་ལ་དྲི་ཛ། གནད་ནས་མིང་ཉིད་འདི་སྐད་བསྐུལ། །གནོད་སྤྱིན་སྲིན་མོའི་གཟུགས་ཀྱི་མཐུ་ཡིས་འཁོར་སྡུད་མ། །ཞིང་གསོད་ཁྲག་འཐུང་དམར་མོ་མཁའ་འགྲོ་བྱེ་བ་འཁོར། །མཐིང་གི་རྟ་ཞོན་འབྲུག་གི་གཙོ་མོ་མཛད་ཅིང་དགྲ་འདུལ་མ། །ས་བདག་ནད་ཀྱིས་བརླག་མཛད་ཁ་ཊ༷་ར་ཏྲ་སྒྲོལ། །ཕུང་བྱེད་སྟོབས་ཀྱིས་ཤ་རུས་མ་ལུས་གསོལ། །རླུད་ལ་བཅིབས་ཤིང་དཔག་ཚད་བརྒྱད་ཁྲིར་འགྲོ། །རྣལ་འབྱོར་ལས་མཁན་མཁའ་འགྲོ་དཔལ་གྱི་བཀའ་ཉན་ཐ་ཚིག་ཅན། །བདག་གི་དགྲ་ནི་མྱུར་དུ་བརླག་པར་མཛད་དུ་གསོལ། །ཞེས་གསོལ་ཏོ། །དྲེགས་པ་ཚར་གཅོད་པའི་རྒྱུད་ལས། རཀྟ་ཙ་མུཁྲེ་ལེའུ་སྟེ་ཉི་ཤུ་རྩ་བདུན་པའོ།། །།དེ་ནས་ཡང་བཅོམ་ལྡན་འདས་དཔལ་པདྨ་དབང་ཆེན་གྱིས། སྲིན་མོ་མགོ་འཕྱངས་མ་སྒྲུབ་པ་འདི་བཀའ་སྩལ་ཏོ། །གནོད་སྤྱིན་མ་ཚོགས་གནས་པའི་སར། །དཀྱིལ་འཁོར་ཁྲུ་ནི་ཉིས་བརྩེགས་ལ། །མགོ་འཕྱངས་མཐུན་པའི་རྫས་སུ་བཅས། །གང་དམིགས་གྲོ་ཤོག་བྲིས་པ་ལ། །ན་ཆུང་ལག་པས་གཡས་ཅིང་བརྡབ། །ཐོད་པ་མཚན་ངན་ཁར་བཅུག་ལ། །སྔོན་དམར་ཚོན་གྱིས་རྒྱ་གྲམ་བསྡམ། །གདུག་པ་གནས་པའི་ས་ཕྱོགས་མནན། །དུར་ཁྲོད་ཐོད་པ་མཚན་ངན་དུ། །སྣ་ཚོགས་དུག་དང་ཁྲག་བླུགས་ལ། །སྒྲོལ་སྔགས་ཐོད་མདའ་གནས་སུ་བརྡེག །ཁམས་གསུམ་སྒྲོལ་བའི་ལས་སུ་གྱུར། །སྲོག་གི་སྙིང་པོ་འདི་ནས་བོད། །མ་མ་ཏྲག་རསྒ་ཁ་མུན་ཏྲ་སྙིང་ཁ་རག་མོ་ཐུན་སྨྱོ་ཛ་ཛ། བདག་ཉིད་དཔལ་ཆེན་སྐུར་སྒོམས་ལ། །དབང་སྡུད་སྙིང་པོ་འདི་ཡིས་རྦད། །མ་མ་ནག་མོ་དུ་ན། མ་མོ་ཧ་ར་ཧུ་ར་མུ་ཧ་ལ་ཆོ་ཆོ། ས་མ་ཡ་ཛ་ཛ ལས་ལ་གཟུད་པ་འདི་ཡིས་བསད། མ་མ་རྭ་ཏྲ་ཧེ་རྦད་ན་ལིང་། སྙིང་ལག་གཟེར། །ཁ་ཕུར་ཁ་ཕུར་མ་ཧྭ་ཕར་སྨྱོ། །རུ་ལུ་མྱ་ར་ཡ་སོད། ཉུང་དཀར་ཐུན་ལ་སྒྲོལ་སྔགས་འདིའོ། །མ་ཏྲི་རག་ཤ་མ་ཐུན་ཏྲག་ཧལ། མ་ཧྭ་སྲོག་ཤ་སྙིང་ཟ་མ་ཐུན་སྨྱོ། །འབུར་མ་གར་གྱི་བཀའ་སྡོད་མ། །མགོ་འཕྱངས་ཅི་བཞིན་མདུན་དུ་དམིགས། །དྲག་པོའི་སྟོབས་ཀྱི་བསྒྲལ་བར་བྱ། །འབར་མ་ཁྲག་འཐུང་བྲོ་བརྡུང་ཞིང་། །རྔམ་པའི་རྟ་སྐད་ཟིལ་གྱིས་མནན། །མོ་ཉིད་གནད་ནས་འདི་སྐད་བསྐུལ། །ཧུ༷། བསྐལ་བ་སྟོང་གི་ཕ་རོལ་ནས། །ཁྲག་འཐུང་འབར་བའི་ཕོ་ཉ་མོ། །སྲིན་མོ་འབུམ་གྱི་གཙོ་མོ་སྟེ། །སྲིན་མོ་ཆེན་མོ་གོ་འཕྱངས་མ། །དཔག་ཚད་ཀྱིས་ཀྱང་སྐུ་མ་སླེབ། །ཁྲག་གི་རལ་པ་དམར་པོ་ལས། །ལྕགས་ཀྱི་སེར་བ་འབེབས་པ་མོ། །སྤྱན་ནི་ཉི་ཟླའི་དཀྱིལ་འཁོར་འདྲ། །ཁྱོད་ཀྱི་དཔྲལ་བའི་དབྱེས་ཉིད་ལས། །སྨེ་བ་སྨིནདྲུག་འདྲ་བ་ཡོད། །ཞལ་ནས་ཁྲག་དང་ཞག་འཛག་མ། །སྲིན་མོའི་ཕྲག་པ་གཡས་པ་ན། །སྲིན་མོ་རྣམས་ཀྱི་རྒྱལ་མཚན་ཅན། །སྲིན་མོའི་ཕྲག་པ་གཡོན་པ་ན། །ཐོད་པ་གསར་རྙིང་ཕྲེང་བ་ཅན། །ཕྱག་ནི་གཡས་པའི་སོར་མོ་ལས། ལྕགས་ཀྱུ་མང་པོའི་འཕྲོ་འདུ་འགྱེད། །དགྲ་བོ་རྣམས་ཀྱི་སྙིང་ནས་འདྲེན། །གཡོན་པ་གནོད་སྦྱིན་ཕྱག་རྒྱ་ཡིས། །དགྲ་བོ་ཐམས་ཅད་རྡུལ་དུ་རློག །སྦྲུལ་ནག་གདུག་པས་སྐུ་ལ་བརྒྱན། །མི་ལྤགས་རློན་པའི་ཤམ་ཐབས་ཅན། །ཞབས་གཡས་མི་ཐོད་ཁྲི་ལ་བཞུགས། །གཡོན་པ་ཀེང་རུས་ཁྲི་ལ་བཞུགས། །ནག་མོ་ཁྱོད་ཀྱི་ཟས་སྐལ་ནི། །ནང་མ་གཅིག་ལ་མི་འབུམ་གྱི། །ཙིསྟ་ཕྱུང་ནས་ཟ་བྱེད་མ། །ནུབ་མོ་གཅིག་ལ་མི་འབུམ་གྱི། །སྙིང་ཁྲག་ཕྱུང་ནས་འཐུང་བྱེད་མ། །དམ་ཉམས་འདི་ཡི་ཙིསྟ་ཕྱུང་། །དམ་ཉམས་འདི་ཡི་སྙིང་ཁྲག་འཐུང་། །ལྕགས་ཀྱུས་འདི་ཡི་སྙིང་ནས་དྲོངས། །གནོད་སྦྱིན་ཕྱག་རྒྱས་སྡེམ་ལ་་།ག །བསྒྲལ་བའི་ཕྲིན་ལས་དུས་ལ་བབ། །སྲིན་མོ་ཁྱོད་ཀྱིས་མ་བཏང་ཞིག །དུས་ལ་བབ་པོ་་།ར་ར་རེ། །ཞེས་དྲག་བརྡའ་ཆེར་བྱས་ལ། །ཁྲོས་པས་བསྒྲལ་བའི་ལས་བྱའོ། །ཞེས་གསུངས་སོ། །དྲེགས་པ་ཚར་གཅོད་པའི་རྒྱུད་ལས། ནག་མོ་མགོ་འཕྱངས་མ་བསྒྲུབ་པའི་ལེའུ་སྟེ་ཉི་ཤུ་རྩ་བརྒྱད་པའོ།། །།དེ་ནས་ཡང་བཅོམ་ལྡན་འདས་དཔལ་པདྨ་དབང་ཆེན་གྱིས། དགྱེས་པའི་བརྡའ་སྐད་ཕྱོགས་བཞིར་བསྒྲགས་ནས། ཧ་ཧ་དང་རུ་ལུ་དང་། ཕཊ་ཕཊ་ཀྱི་སྒྲ་འབྲུག་སྟོང་དུས་གཅིག་ཏུ་ལྡིར་བ་བསྒྲགས་པས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་དུས་གཅིག་ལ་གཡོས་པར་འགྱུར་རོ། །དྲེགས་པ་ཅན་གྱི་ཚོགས་ཐམས་ཅད་ཀྱང་རབ་ཏུ་མྱོས་ཤིང་བརྒྱལ་བར་གྱུར་ཏོ། །འབར་བ་ཆེན་པོ་མི་གནས་པའི་ཆོས་ཀྱི་དབྱིངས་སུ་སླར་མནལ་བ་ལས། དྲེགས་པ་ཅན་ཐམས་ཅད་བརྒྱལ་སངས་ནས། །སྔོན་གྱི་དམ་ལས་མི་འདའ་ཞིང་བདེན་པའི་བཀའ་ལ་གནས་པར་གྱུར་ཏོ། །དྲེགས་པ་ཅན་ཚར་གཅོད་པའི་རྒྱུད་ལས། གདུག་པ་སྤ་བཀོང་བའི་ལེའུ་སྟེ་ཉི་ཤུ་རྩ་དགུ་པའོ།། །།རྒྱུད་འདི་ནིཨུ་རྒྱན་གྱི་སློབ་དཔོན་པདྨས་བསྒྱུར་ནས། །རྒྱལ་པོ་བྱང་ཆུབ་སེམས་དཔའ་ལ་གཏད་ནས་སྦས་པའི་མན་ངག་འདི། ཕྱི་རབས་ཀྱི་རྣལ་འབྱོར་པ་ལས་འཕྲོ་ཅན་དང་འཕྲད་པར་ཤོག པདྨ་དབང་ཆེན་གྱི་དྲེགས་པ་ཅན་ཚར་གཅོད་པའི་རྒྱུད་རྫོགས་སོ།། །།ས་མ་ཡ། རྒྱ་རྒྱ་རྒྱ།། །། རྒྱ་གར་སྐད་དུ། །པཏྲེ་ཤུ་ར་མ་ཧྭ་གུ་རྒྱ་ཀྲོ་ཏ་ཏན་ཏྲ་ནཱ་མ། བོད་སྐད་དུ། པདྨ་དབང་ཆེན་ཡང་གསང་ཁྲོས་པའི་རྒྱུད་ཅེས་བྱ་བ། དཔལ་ཧ་ཡ་རྒི་ཝ་ལ་ཕྱག་འཚལ་ལོ། འདི་