Ngb-pt-0731-vol-08-text

Body

ང་ལ་དོན་མེད་ཡིན། །གདབ་བའི་དུས་སུ་བླ་མ་ཡིན། །ཆ་གོས་ནག་པོ་ལྔ་གོན་ལ། །རྡོ་རྗེ་གཞོན་ནུའི་དགོངས་པར་འཇུག །གསལ་བ་རྣམ་གསུམ་དྲན་བྱས་ལ། །དཔའ་བོ་རྩ་བའི་དཀྱིལ་འཁོར་གསལ། །སྲས་མཆོག་ཁྲོ་བཅུས་བྱིན་བརློབ་གསལ། །གཟས་པ་བྱད་བཞིན་ངོ་མདོག་གསལ། །དེ་ལྟར་གསལ་བྱས་དགོངས་པས་བརྡེག །གསལ་བས་བསད་པ་ཤེས་བྱའོ། །གདོངས་པས་བསད་པའི་ཇི་ལྟར་གསལ། །དཔལ་ཆེན་དཔའ་བོས་བཤད་དུ་གསོལ། །དགོངས་པས་བསད་པའི་དོན་བསྟན་པས། །བདག་ཉིད་རྡོ་རྗེ་གཞོན་ནུར་བསྒོམ། །སྲས་མཚོག་བཛྲ་ཀི་ལ་ཡི། །སྐུ་གསུང་ཐུགས་སུ་བྱིན་གྱིས་བརློབ། །སྤྱི་བོར་ཨོ་ལ་མགུལ་དུ་ཨ༷། །ཐུགས་ཀར་ཧུ༷་ནི་བསྒོམ་པར་བྱ། །རྒྱ་མདུད་གོང་འོག་ཡབ་ཡུམ་བཅུ། །ཟུར་གསུམ་ཕཊ་གསུམ་རྩེ་མོ་ཕཊ། །སྒོ་བ་བཞི་རུ་ཤེས་པར་བྱ། །ཐེལ་གསུམ་ཧུ༷་གསུམ་སྲུངས་མ་གསུམ། །དེ་ལྟར་བྱིན་རླབས་གུ་གུལ་སྦྱར། །ཉུངས་ཀར་རྒྱལ་པོས་གཟི་བྱིན་ཏེ། །བདག་ཉིད་སོར་མོའི་བྲེ་ག་ལ། །ཟླ་དལ་ལྔ་ལ་འབྲུ་ལྔ་དགོད། །གཡས་གཡོན་ཐབས་དང་ཤེས་རབ་བསྒོམ། །བར་དུཕུར་པ་བཅུ་གནས་དྲིལ། །གསང་སྔགས་དམ་པ་འདི་བཟླས་སོ། །ཨོ་ལ༷་ཧུ༷་ལ༷་སྟ༷་པ་ན༷། བྷ་ག་བན། ཐྲི་ཀྲི་བི་ཀྲི། བཛྲ་ཀི་ལི་ཀི་ལ་ཡ། སརྦ་བིག་ནན་བ༷་ཧུ༷་ཕཊ། བཛྲ་ཧུ༷་ཀ་ར་ཧུ༷་ཨ། དེ་སྐད་ལན་སྟོང་བཟླས་བྱས་པས། །ཕུར་པ་སྔགས་ལ་འོད་བྱུང་བས། །འཇིག་རྟེན་ཁམས་ནི་ཐམས་ཅད་ཁྱབ། །བདེ་གཤེགས་ཐུགས་དམ་རྒྱུད་བསྐུལ་ནས། །རྣལ་འབྱོར་དམ་ཚིག་ཆག་ཉམས་བསྐངས། །སེམས་ཅན་དོན་བྱས་ཉོན་མོངས་སྦྱངས། །འོད་ཕུང་སླར་འདུས་ཕུར་ལ་ཐིམ། །ཕུར་པ་བཀྲག་དང་གཟི་མདངས་བསྐྱེད། །སྐུ་སྟོད་ཁྲོ་བོ་ཆེན་པོ་ལ། །སྐུ་སྨད་ཟུར་གསུམ་དཔལ་དང་ཆས། །ཡེ་ཤེས་སྤྲུལ་པའི་ཕུར་པ་སྟེ། །ཀླད་ལ་བསྐོར་དལ་དྲིལ་བ་ཡིས། །རི་རབ་གླིང་བཞི་གཟའ་སྐར་རྒྱན། །གྱུར་ན་གཟས་པའི་དཀར་ན་མཚམས། །བཏབ་པས་གྲོག་ཚང་བཤིག་པ་བཞིན། །གུལ་གུལ་ཤིག་ཤིག་གྱུར་པ་ཡིས། །གཟས་པ་པོ་ཡང་གུལ་གུལ་ཤིག །གྱུར་པས་དགོངས་པ་དཀར་ནག་དཀྱིལ། །རྒྱབ་པས་གཟས་པའི་ལུས་པོ་སྟེ། །ཙ་སྒོ་འདྲ་བར་ཕུག་བསྲེགས་ནས། །ཙིཏི་རིན་ཆེན་གུར་ཕུག་འདྲ། །གུར་རྡིབས་བཞིན་དུ་འུབས་ཀྱིས་འདུས། །ཀུན་གཞི་དར་དཀར་འདྲ་བ་དེ། །གཏར་ཚན་སྦུར་བཞིན་བཏུལ་གྱིས་བསྲེགས། །དྲི་ཚེ་བ་རྒྱ་ཕཊ་དྲལ་ནས། །ཁྲག་ཙལ་པ་སྲན་མ་ཙམ། །གཏར་ཚན་ཆུ་བཞིན་ཏོག་གིས་བླངས། །དྲི་ཚེ་ལྗང་ཁུ་ལ་བརྒྱབ་པས། །ལྗོན་ཤིང་རྩད་ནས་བཅད་པ་བཞིན། །གཟས་པ་སྔོ་འདྲད་སོང་བར་བསམ། །ཕུར་པ་བཏོན་པས་ཞོ་འབྲུ་ནས། །གཟར་བ་བཏོན བཞིན སྔརཙམ གྱིས། །བཏོན་ནས་བདག་ལ་བསྟིམ་པ་ཡིས། །གཟབ་པའི་ཚེ་ཕྲོགས་བདག་ལ་བསྟིམ། །ཡེ་ཤེས་འབྲུ་གསུམ་གྱུར་ནས་ན། །ལུས་ངག་ཡིད་གསུམ་གཟི་མདངས་བསྐྱེད། །བདག་དང་གཟས་པ་གཉིས་ཀ་ཡི། །ཚེ་ལུང་ཁྲུས་ལུང་དོན་གྱིས་སྦྱར། །དེ་ནས་གདབ་པའི་འཕྲིན་ལས་བྱའོ། །དབང་བསྐུར་བྱིན་བརླབས་གཟི་བྱིན་སྐྱེད། །གོང་ལྟར་ཚེ་ཁྲུས་བཞིན་དུ་སྦྱར། །རྡོ་རྗེ་གཤོན་ནུ་སྐུ་གསལ་བཏབ། །མན་ངག་འདི་བརྗོད་ཕུར་བསྐོར་བྱ། །ཨོ་བཛྲ་ཀྱི་ལི་ཀི་ལ་ཡ། ཆེ་གེ་མོ་ཨ་པ་ར་ཙི་ཏ། ཨ་ན་ཙི་ཏི། ཛ་ཡ་ཐི་ཡེ། །ཀ་ཏང་ཀ་ཏེ། ཧུ༷་པ་རི་བད་ཏན།སྨིནྟྲ་སྤྱིནྟྲ། ཆེ་གེ་མོ་མྱ་ར་ཡ། མ་ར་ས་ན་པྲ་མརྟ་ན་ཡེ་ཧུ༷་ཕཊ། དྲི་དྲི། དེ་ལ་སོགས་པའི་མན་ངག་ཀུན། །རྩ་བ་རུ་ནི་ཤེས་པར་བྱ། །སྔགས་དྲུག་དག་ཀྱང་གཞུག་ལ་གདགས། །ཨོ༷་བཛྲ་ཀི་ལི་ཀི་ལ་ཡ། ཆེ་གེ་མོ་ཧ་ས་ཡ། ར་ཡ་ནི་ཧད་ན་ཧུ༷་ཕཊ། ཨ་བེ་ཤ་ཡ་ཨ་བེ་ཤ་ཡ་ཧུ༷་ཕཊ། ཤི་ཀྲིན་ཨ་ན་ཡ་ཧུ༷་ཕཊ། ཛ་ལ་པ་ཡ་ཛ་ལ་ཡ་ཧུ༷་ཕཊ། ཏ་ཐ་ཡ་ཏ་ཐ་ཡ་ཧུ༷་ཕཊ །བི་ཏ་ཡ་བི་ཏ་ཡ་ཧྭ༷་ཕཊ། སྔགས་དྲུག་མན་ངག་དམ་པ་ནི། །སྐང་ཐོན་ཁོང་སྐས་བཟླས་པ་དང་། །མན་ངག་ནུ་ལུགས་བཟླས་པའོ། །གཞུག་ལ་ཟང་ཐལ་བཟླས་པའོ། །ལས་ཀྱི་སྦྱོར་བ་ནུབ་ཐ་ཡ་ལ། །འདེབས་པའི་དུས་སུ་ལུགས་འདིས་གདབ། །ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་ཙིཉི་ཙིཀྟ་བཛྲ་ཧུ༷་ཧུ༷་ཕཊ། མ་ར་ཡ། ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་མ་ར་ཡ་ཕཊ། ཀི་ལ་ཡ་ཡིས་མགོ་མནན་པ། །ཐམས་ཅད་ཀུན་ལ་ཤེས་པར་བྱ། །ཧ་ན་ཧ་ན་ཧུ༷་ཕཊ། བིན་དྷ་བིན་དྷ་ཁ་ཏ་ཁ་ཏ་ཧུ༷་ཕཊ། སྟུ་ཡ་ད་ཧ་ཧུ༷་ཕཊ། ལྷུ་ཡ་ད་ཧ་ཧུ༷་ཕཊ། ཧ་ན་ཧ་ན་ཧུ༷་ཕཊ། གྲི་ཏྣ་གྲི་ཏྣ་ཧུ༷་ཕཊ། མ་ཐ་མ་ཐ་ཧུ༷་ཕཊ། ད་ཧ་ད་ཧ་ཧུ༷་ཕཊ། འབུར་སྟ་འབུར་སྟ་ཧུ༷་ཕཊ། ཙི་ཏ་ཧ་ན་ཧཱུཾ་ཕཊ། ཧུར་བུ་ཧུར་བུ་ཧྲུ༷་ཕཊ། ཀ་ཏ་ཀ་ཏ་ཧུ༷་ཕཊ། ད་ཧ་ད་ཧ་ཧུ༷་ཕཊ། ཧ་ར་ཏ་ཧ་ར་ཏ་ཧུ༷་ཕཊ། ཙི་ཏ་བར་ཏ་ཧུ༷་ཕཊ། ད་ཧ་ད་ཧ་ཧུ༷་ཕཊ། དྲི་ཏྲི་དྲི་ཏྲི་ཧུ༷་ཕཊ། པ་ཙ་པ་ཙ་ཧུ༷་ཕཊ། ཏད་ཡ་ཐ་ཏད་ཡ་ཐ་ཧུ༷་ཕཊ། སརྦ་ཨ་ན་ཡ་ཧུ༷་ཕཊ། ལས་ཀྱི་གཞུག་ལ་གདགས་པའོ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། གསལ་དགོངས་པས་བསད་པའི་ལེའུ་སྟེ་དྲུག་པའོ།། །།དེ་ནས་ཐུན་ཟོར་ལས་ཀྱི་བསད་དེ། དང་ལ་ཐུན་གྱིས་གསད་པ་ནི། །བརྣག་པ་ཐུན་ནག་གི་ལེའུ་འདིས། ཐུན་གྱི་མན་ངག་རྫོགས་པར་བྱ། །བླ་མས་ནག་པོའི་རྒྱན་ཆས་ལྔ་གོན་ལ། །དཀྱིལ་འཁོར་ཁྲུ་གང་ཚད་དུ་བྱ། །གྲུ་གསུམ་སུམ་བརྩེགས་ཁ་ཁྱེར་ལ། །ཟ་བྱེད་ཞལ་དང་མདའ་གཞུར་བཅས། །མཚོན་ཆ་ལྔ་དང་རྩང་གིས་བསྐོར། །དཀྱིལ་འཁོར་ཆེན་པོ་ལྷོ་ནུབ་བཅའ། །དེ་དབུས་མོན་པའི་ཐོད་ནང་དུ། །ཁྲག་ཆེན་ལ་སོགས་ཁྲག་སྣ་ཚོགས། །བྷན་དྷའི་ནང་དུ་བླུགས་ལ་བཞག །རབས་ཆད་མཛེ་པོའི་ཐོད་ནང་དུ། །དུག་ཆེན་ལ་སོགས་དུག་སྣ་ཚོགས། །བླུགས་ལ་གྲུ་གསུམ་ནུབ་ཏུ་བཞག །སྣོལ་དྲི་མོ་ཡི་ཐོད་པ་མྲ །ཉུངས་ཀར་རྒྱལ་པོ་བདུན་ལ་སོགས། །ཉུངས་ཀར་སྣ་ཚོགས་བླུགས་ལ་བཞག །བྱང་ཤར་དག་ཏུ་བཞག་པར་བྱ། །ས་བདག་རྒྱལ་པོའི་ཐོད་པ་རུ། །ཕུར་པ་ཁབ་ཙམ་བདུན་བླུགས་ལ། །གྲུ་གསུམ་ཤར་ལྷོའི་རྩེ་ལ་བཞག །དེ་ནས་ཐུན་སྔགས་དམ་པ་བཟླས། །ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་སུ་ཀྲི་བ་ཡ་བ་ར་ཙ་ཀ །ཡོ་གི་ཤྭ་ར་ས་མ་ཡ་ཙིསྟ་ཧུ༷་ཕཊ། མེ་རི་ཀུན་ད་ལི། ཐབས་ཐུབ་རྦད་ཁྲག་སྟི་རྨ་ར་རྦད། མ་ར་ཡ་དྲི་ཙིརྟི་རྦད་ཐུམས། དང་ལ་གྲངས་མེད་རྟགས་དང་མཚན་མ་གྲུབ་ནས་གྲངས་ཀྱིས་གྲུབ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། བརྣག་པ་ཐུན་ནག་གི་ལེའུ་སྟེ་བདུན་པའོ།། །།དེ་ནས་དམོད་པ་ཐུན་ནག་དང་། མན་ངག་ཐུན་ནི་བརྡེག་པར་བྱ། །ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་མ་ར་ཡ། དུ་རུ་ཀན། ཕི་ར་ཤ་ཧོ། མ་ར་ཡ་དུ་རུ། སྨ་ཤ་ནི་མ་ར་ཡ། མ་ཁ་ནི་མ་ཆུ་མ། ཧབ་མ་ཧུབ་མ། མུ་ར་ཡ་ཐུ༷་ཐུ༷་དྲི་དྲི་སྤྱོ་སྦྱོ། ཨོ་བཛྲ་ཀི་ལི་ཀི་ལི་ཡ། ཆེ་གེ་མོ་ཧ་ས་ཡ་ར་ན་ཧ་ད་ན། དི་བ་པྲ་བེ་ཤ་ཡ་ཧུ༷་ཕཊ། ཨ་བེ་ཤ་ཡ། ཨ་བེ་ཤ་ཡ་ཧུ༷་ཕཊ། ཤི་ཀྲིན་ཨ་ན་ཡ་ཧུ༷་ཕཊ། ཛ་ལ་པ་ཡ་ཛ་ལ་པ་ཡ་ཧུ༷་ཕཊ། ཏད་ཐ་ཡ་ཏད་ཐ་ཡ་ཧུ༷་ཕཊ། བིད་ཏ་ཡ་བིད་ཏ་ཡ་ཧུ༷་ཕཊ། ཆེ་གེ་མོ་མྱ་ར་ཡ་དྲི་དྲི་རྙོ། ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་མར་ཡ་ཧུ༷་མ་མ་པ་ཤི་ཀུ་རུ་མ་ཏ༷་ཉ་ཀ་ར། ཨིན་ནན་དྷི་ཏིཀི། མ་ཀརྨ་ཤི་ཀྲང་ཀརྨ་ཉེ་ཡ་མུ་ར་ཡ་དྲི་ཛུ། རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། དམོད་པ་ཐུན་ནག་དང་མན་ངག་གི་ཐུན་གྱི་ལེའུ་སྟེ་བརྒྱད་པའོ།། །།དེ་ནས་ཟོར་གྱིས་བསད་པ་ལ། །ཁྲག་ཟོར་ཉུངས་ཟོར་ཕུར་ཟོར་གསུམ། །མདའ་ཟོར་ནང་དུ་བླུགས་ཏེ་འཕང་། །ཐོད་ཟོར་ནང་དུ་བླུགས་ཏེ་འཕང་། །རྭ་ཟོར་ནང་དུ་བླུགས་ཏེ་འཕང་། །ལག་ཟོར་ནང་དུ་བླུགས་ཏེ་འཕང་། །མདའ་མོ་སྨྱུག་མ་ཚིགས་བདུན་དང་། །ལྔ་པས་སྨྱུག་རྒོད་མདའ་སྨྱུག་བྱ། །ཕོ་རོག་སྒྱུང་ཁ་ཁ་དྲིན་བྱ། །སྨྱུག་ཚིགས་དགུ་པ་སྒྲོན་པར་བྱ། །འུག་པ་ཁ་སྒྲིན་པུ་ཤུད་ཀྱིས། །སྨྱུག་ཚིགས་བདུན་པ་སྒྲོན་པར་བྱ། །ཁུ་བྱུག་འུག་པ་ཕོ་རོག་ཁྲ །ལྔ་པ་དག་ལ་སྒྲོན་པར་བྱ། །དགུ་པར་ཁྲག་ཆེན་རྟ་ཁྲག་དང་། །བ་ཁྲག་གཡག་ཁྲག་བཞི་བླུགས་སོ། །བདུན་པར་ཁྲག་ཆེན་རྟ་མགོ་རོག ཁྱི་ཁྲག་སྤྲེ་ཁྲག་བཞི་བླུགས་སོ། །ལྔ་པར་ཁྲག་ཆེན་ཐུག་རི་ཁྲག །གཙོ་བོར་ར་ཐུག་ཁྲག་བླུགས་སོ། །དགུ་བར་ཉུངས་ཀར་ཉེར་གཅིག་བླུགས། །བདུན་པར་སྐེ་ཚེ་ཉེར་གཅིག་བླུགས། །དགུ་པར་སྐྱེར་ཕུར་ཁབ་ཙམ་བདུན། །བདུན་པར་མཛོ་མོའི་ཕུར་པ་བདུན། །ལྔ་པར་གླང་ཕུར་བདུན་བླུགས་སོ། །སྐྱེར་པ་མཛོ་མོ་གླང་མ་གསུམ། །མགོ་མཇུག་མ་ནོར་མདེའུ་བྱའོ། །དགུ་པ་སྔོ་ལ་བདུན་པ་དམར། །ལྔ་པ་སེར་པོ་སྒྲོ་རྩར་དབྱུག །གོང་གི་ཁྲག་ཉུངས་ཕུར་ལ་སོགས། །བླུག་ལ་སྔགས་ནི་བྲི་བར་བྱའོ། །བདུན་པ་དགུ་པ་ལྔ་པ་ལ། །སྔགས་ནི་རིམ་པར་བྲི་བར་བྱའོ། །ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་ཙ་པ་ལ་ཨ་ཤུག་མེ། བཛྲ་ར་ཏི་ཕཊ། བཛྲ་གརྫ་ཏི་ཕཊ། ཨོ༷་ཀི་ལི་ཀི་ལ་ཡ། ཆེ་གེ་མོ་ཏྲག་རག་ཤ་མ་ནི་དུན་སྨྱོ།མ་མ་ཡག་ཤ་ཏིག་སྣ་ནག་དུག་སྨྱོ། །ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་སུ་ཏྲི་བཛྲ་ཙིལྟི་ར་ཡ། ཡོ་གི་ཤྭ་ར་ཡ། ས་མ་ཡ་ཙིསྟ་ཡ་སྨྱོ། ཐུན་ཟོར་བསྙེན་བསྒྲུབ་བཞི་ལ་ནི། །བཟླས་པའི་སྔགས་ནི་མདའ་ཡིས་བྱ། །བསྙེན་པ་གོང་གི་བྲི་སྔགས་སོ། །ཉེ་བསྙེན་ཡ་ནི་བཟླས་པའི་གུས། །ཨོ༷་བཛྲ་ཀི་ལི་ཀི་ལ། ཀྲོ་ དྷ་ཀྲོ་དྷ་ཧ་ཧེ་ཕཊ་སྨྱོ། ཆེ་གེ་མོ་ཙ་པ་ལ་ཨ་ཤུག་མེ། བཛྲ་ར་ཏི་ཕཊ། བཛྲ་གརྫ་ཏི་ཕཊ་སྨྱོ། ཨོ་སུ་ཀྲི་བ་ཡ། བཛྲ་ཙ་ཀ་ཡོ་ཤྭ་ར། ས་མ་ཡ་ཙིསྟ་ཧུ༷་ཕཊ། མེ་རེ་ཀུན་ད་ལི། ཐབས་ཐུབས་རྦད། ཁྲག་ཏི་རྦ་ར་རྦད། རྦད་རྦད་སྨྱོ་མྱ་ར་ཡ་ཕཊ། ཨོ་བཛྲ་ཀི་ལི་ཀི་ལ་ཡ། ཀྲོདྷ་ཀྲོདྷ་ཧ་ཧེ་ཕཊ་སྨྱོ། ཆེ་གེ་མོ་སྒག་རག་ཤ་མའི་དུན་སྨྱོ། མཧྭ་ཡག་ཤ་ཏིག་རྣ་ན་མོའོ། །ཨོ་སུ་ཀྲི་བ་ཀྲི་བ་ཡ་བ། རྭ་ཛ་ཀ་ཡོ་གི་ཤྭ་ར། ས་མ་ཡ་ཙ་ཧུ༷་ཕཊ། མེ་རེ་དུན་ད་ལི། ཐམས་ཐུམས་རྦད། ཁྲག་ཏི་རྨ་ར་རྦད། ཕཊ་རྦད། མྱ་ར་ཡ་སྨྱོ། སྒྲུབ་ཆེན་ལ་ནི་ངན་སྔགས་འདི། །ཨོ༷་བཛྲ་ཀི་ལི་ཀི་ལི་ཡ།ཀྲོ་དྷ་ཀྲོ་དྷི་ཧ་ཧེ་ཕཊ་སྨྱོ། ཆེ་གེ་མོ་སུ་ཏྲི་བཛྲ་ཡ། བཛྲ་ཙ་ཏ་ཡ། ཡོ་གི་ཤྭ་ར་ཡ། ཡ་མ་ཙིསྟེ། ཨོ༷་སུ་ཀྲི་མ་ཡ་བ། ར་ཤ་ཡོ་གི་ཤྭ་ར། ས་མ་ཡ་ཙིརྟི་ཏཱ༷་ཕཊ། མོ་རི་ཀུན་ད་ལི། ཐམས་ཐུམས། ཁྲག་ཏི་རྨད་རྦད། མ་ར་ཡ་སྨྱོ། བསྒྲུབ་ཆེན་ནུབ་ནི་ཐ་མ་ལ། །ཨོ༷་བཛྲ་ཀི་ལི་ཀི་ལ་ཡ། ཀྲོདྷ་ཀྲོ་དྷིཧ་ཧེ་ཕཊ་སྨྱོ། ཆེ་གེ་མོ་ལ་སྨྱོ་སྨྱོ་སྨྱོ། དེ་ནས་ཐུན་ལྷག་ཁྲག་དང་ནི། །བདུད་རྩི་ཆང་ཕུད་ཐོད་ནང་ཁྱེར། །རི་རྩེ་དུར་ཁྲོད་མཆོད་ཁང་ངམ། །རི་བི་སྦྲུལ་དཀྱུས་ལུང་པ་ནག །རྐང་གཅིག་འཆད་ཁང་དམར་ནག །གསེར་སྐྱེམས་བཟང་ལ་ཟོར་འདི་འཕང་། །དང་པོར་ཟོར་ལམ་བསམ་བྱ་བ། །མཐོ་མཐོ་ནི་ཞབས་སྡོགས་ཤིག །ལྷ་གཉན་ནི་ཞབས་སྡོགས་ཤིག །དམའ་དམའ་དབུ་ཆུམ་ཞིག །ཀླུ་གཉན་ནི་དབུ་ཆུམ་ཞིག །བར་བར་ནི་སྐུ་ཟུར་ཅིག །ཡུལ་ལྷ་དགྲ་ལྷ་སྐུ་ཟུར་ཅིག །ལྷ་སྲིན་སྡེ་བརྒྱད་སྐུ་ཟུར་ཅིག །ས་བདག་གཉན་རྣམས་སྐུ་ཟུར་ཅིག །གསེར་སྐྱེམས་གསོལ་ལོ། །ཟོར་གྱི་ལམ་འདི་ཕྱེ། ཁྲག་ཕུར་ཟོར་འཕྲོས་པས། །སྐུ་ལ་ནི་ཕོག་ག་རེ། །མདའ་ཉུངས་ཀྱི་ཟོར་འཕྲོས་པས། །སྐུ་ལ་ནི་ཕོག་ག་རེ། །ཟོར་གྱི་ནི་ལམ་འདི་ཕྱེ། །སྣུམ་ཆེན་གྱི་དུད་པས་གཏང་། །དུང་དངནི་རྔ་རོལ་བསྒྲགས། །སྨྱོ་མ་ཡེལ་མ་ཡེལ་གལ་ག་ཅན། །ཐུན་ཟོར་བརྡེག་པའི་དུས་ལ་བབ། ཁྲག་ཟོར་འཕང་བའི་དུས་ལ་བབ། །དམར་ལམ་བསྟན་པའི་དུས་ལ་བབ། ཁྲག་ཉུངས་འཕང་བའི་དུས་ལ་བབ། །ར་ཕུར་འཕང་བའི་དུས་ལ་བབ། །ལག་ཟོར་འཕང་བའི་དུས་ལ་བབ། །ཕུར་བུ་མདའ་འཕེན་ཤ་ར་ར། །ཉུངས་ཀར་སྦབ་རིལ་སིལ་ལི་ལི། །དམར་མོ་ཁྲག་མདའ་ཅི་ལི་ལི། །མ་མོ་ཟོར་འཕེན་སི་ལི་ལི། །དོ་ནུབ་ཟོར་གྱི་ལས་མཛད་མ། །བཅོམ་ལྡན་དཔལ་ཆེན་ཡབ་ཡུམ་དང་། ཁྲོ་བོ་ཕ་བཅུ་མ་བཅུ་དང་། །ཟ་བྱེད་ཕ་བཅུ་མ་བཅུ་དང་། །སྲས་མཆོག་ཉི་ཤུ་རྩ་གཅིག་དང་། །སྲུངས་མ་རྣམ་གསུམ་སྒོ་བའི་ཚོགས། །ཟོར་གྱི་ལས་འདི་མྱུར་དུ་མཛོད། །ཟོར་འཕངས་སླར་་ལ་མ་ལྡོག་ཅིག །གཟས་པའི་སྙིང་ལ་ཟོར་འདི་རྒྱོབ། །ཡན་ལག་ལྔ་ལ་ཟོར་འདི་རྒྱོབ། །དམ་ཚིག་སྤྲུལ་པའི་དུས་ལ་བབ། །ཕྱག་བརྙན་སྒོ་སྲུངས་མ་ཡི་ཚོགས། །ཟོར་ལས་དམ་པ་མྱུར་དུ་མཛོད། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། ཕུར་ཟོར་གྱི་ལེའུ་སྟེ་དགུ་པའོ།། །།དེ་ནས་ལས་ཀྱིས་བསད་པ་བསྟན། །རྡོ་རྗེ་དཔའ་བོས་བསྟན་དུ་གསོལ། །ཁྲག་འཐུང་ཆེན་པོ་ང་ཡིས་ཞུས། །ཁྲག་འཐུང་ཆེན་པོ་ལ་བཤད་ཀྱིས། །སྣོད་ངན་དམ་མེད་གར་དགའ་ལ། །བཤད་ན་རྡོ་རྗེ་དམྱལ་བར་སྐྱེ། །དེ་བས་དམ་ལ་མ་འདའ་ཞིག །དམ་གནས་དད་ཅན་ཚུན་གཤིས་དང་། །གུས་ཤིས་གཡོ་སྒྱུ་མེད་པ་ལ། །གཞུང་བཞིན་སྤྱོད་ལ་གཏད་པར་བྱའོ། །ནག་པོ་བསད་པའི་ཐུན་ལམ་གསུམ། །གནས་ལམ་བར་ལམ་བསད་ལམ་གསུམ། །ལམ་གསུམ་མ་ནོར་རབ་ཏུ་གཅེས། །དང་པོ་གནས་ལམ་བཤད་པ་ཡིས། །གྲོལ་ལམ་དབུས་སུ་ཐོད་པ་གཞུག །གཡས་སུ་ཕུར་པ་གཡོན་དུ་ཁྲག །བཅུག་ལ་ཐུན་ནི་རྟག་ཏུ་བརྡེག །གཙོ་འཁོར་སྲུངས་མ་སྒོ་བའི་ཚོགས། །བར་བར་བསྐུལ་ལ་དྲག་ཏུ་བྱའོ། །བར་ལམ་དམ་པ་བསྟན་པ་ལ། །རི་གསུམ་རྩེའམ་ལུང་གསུམ་མདོ། །དུར་ཁྲོད་ཁང་ངམ་སེའུའི་མཚན། །རྐང་པ་གཅིག་པའམ་གོང་གསུམ་ལས། །གང་རུང་བར་ལམ་གཞུག་པར་བྱ། །གཡས་སུ་ཕུར་པ་གཡོན་དུ་ཁྲག །དབུས་སུ་ཐོད་པ་གཞུག་པར་བྱ། །བར་ལམ་བསད་པའི་དམ་པ་འདི། །ལམ་འབྱེད་པ་ཡི་ལས་རབ་ཡིན། །གསུམ་པ་བསད་ལམ་བསྟན་པ་ནི། །གཟས་པའི་ཁང་པ་གནས་དང་རྟེན། །ཞིང་ཚིགས་ཡུལ་ཚིགས་གང་རུང་ལ། །གཡས་སུ་ཐོད་པ་གཡོན་དུ་ཁྲག །དབུས་སུ་ཐོད་པ་གཞུག་པར་བྱ། །བཅུག་ལ་གསད་པའི་ལམ་འདི་བརྩམ། །གསང་ལམ་གསུམ་པོ་མ་ཤེས་ན། །ལས་བུ་ལ་གཞན་དུ་འབོ་བར་འགྱུར། །དེ་བས་འདི་ལ་ནན་ཏན་བྱ། །ཐོད་པ་གསུམ་པོ་བསྟན་པ་ལ། །ཐོད་ཆེན་སྲེ་མོ་བྱི་བ་གསུམ། །དང་པོ་ཐོད་ཆེན་བར་དུ་ཟི། །ཐ་མར་བྱི་བའི་ཐོད་པ་གཞུག །ཕུར་པ་གསུམ་པོ་བསྟན་པ་ལ། །མཆོག་ཕུར་སྐྱེར་ཕུར་ཤེར་ཤིང་ཕུར། །མ་རྙེད་ན་ཐ་མ་དུག་ཆུས་བསྐུ། །ཁྲག་ཆེན་བ་དང་ཁྲག་ཆེན་དང་། །རྟ་ཁྲག་ཁྱི་ཁྲག་གསུམ་གྱིས་བྱ། །ལམ་གསུམ་བསྟན་ན་དོན་གསུམ་འགྲུབ། །དང་པོ་ལྟ་རྟེན་བར་པས་འབྱེད། །ཐ་མས་གསད་པའི་དོན་འགྲུབ་བོ། །དང་པོ་རྦད་སྔགས་བར་དུ་དབྱེ། །ཐ་མས་བསད་སྔགས་བསྟན་པའོ། །ཨོ་བཛྲ་ཀི་ལི་ཀི་ལ་ཡ། ཀྲོདྷ་ཀྲོདྷ་ཧ་ཧེ་ཕཊ་སྨྱོ། དྲིརྟ། རྦ་ན་ཡ་རྦ་ན་ཡ། ཙིསྟ་ཆུམ། མུར་ཡ་ཕཊ། ཨོ་བཛྲ་ཀི་ལི་ཀི་ལ་ཡ། ཀྲོ་དྷ་ཀྲོ་དྷི་ཧ་ཧེ་ཕཊ་སྨྱོ། ཧ་ས་ཡ་ར་ན་ཧ་ད་ན་དེ་བ་བྲ་བེ་ཤ་ཡ། ཏྲག་ཤག་ཤཱ་ར་ཡ་ཕཊ། ཨོ་བཛྲ་ཀི་ལི་ཀི་ལི་ཡ། དྲི་ཏྲི། ཀྲོ་དྷ་ཀྲོ་དྷི་ཧ་ཧེ་ཕཊ་སྨྱོ། ཙིསྟ་རྦད་ཐུམས་བཱ་ར་ཡ། སུབས་ཙིསྟ་རྦད། མྱོགས་ཐུམས་མའ་ར་ཡ་ཕཊ། རྟག་ཏུ་ཐུན་བརྡེག་བར་བར་དུ། །ཟོར་བརྡེག་ལམ་གསུམ་མ་ནོར་བར། །མཆོད་བསྟེན་བསྐུལ་ཞིང་ཐུན་ཟོར་བརྡེག །མ་ནོར་དོན་ལ་ཡིད་ཆེས་བྱའོ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། ཟོར་ལམ་བསྟན་པའི་ལེའུ་སྟེ་བཅུ་པའོ།། །།དེ་ནས་དཔལ་ཆེན་ཧེ་རུ་ཀས། །མནན་གཏད་རྫས་ཀྱིས་བསད་པ་ལ། །དང་ལ་མནན་པས་བསད་འདོད་ན། །གནས་དང་རྫས་དང་སྔགས་དང་གསུམ། །གནས་ནི་གང་དང་གང་དུ་མནན། །དལ་འོག་མལ་འོག་ཐེམ་འོག་གམ། །རྒྱ་གྲམ་ལུང་གསུམ་ཆུ་གསུམ་མམ། ་ལྐོང་གཅིག་དུར་ཁྲོད་ལྷ་རྟེན་ནམ། །ལྷ་ཁང་མཆོད་རྟེན་གནས་ཁང་རྙིང་། །གྲོག་པོ་ཕུ་རྡུག་ལུ་མའི་དཀྱིལ། །དེ་ལྟར་བཅུ་བཞི་དག་ཏུ་མནན། །འདམ་པར་དཀྱིལ་འཁོར་འོག་དང་། །ཐེམ་འོག་དག་ཏུ་མནན་པར་བྱ། །དེ་ལ་རྟག་ཏུ་དམོད་པ་དང་། །བརྣག་པ་ཐུན་ནག་ངན་སྔགས་དང་། ཐུན་ནི་རྒྱུན་དུ་བརྡེག་པར་བྱ། །མནན་པའི་རྫས་སུ་བསྟན་པ་ལ། །གངས་ཀྱི་དུམ་བུ་ཇུ་ཚེ་ཕུབ་མ་དང་། །སྲུབ་མའི་ལོ་མ་དུར་ཁྲོད་རི་ཕུང་ས། །འཁོར་བའི་སོ་ས་དུ་མཁར་ཆེན་ཕུང་བའི་ས། །གྲོག་མཁར་ས་དང་གྲ་ཞིང་མུ་མའི་ས། །བདུད་རྩི་ལྔ་དང་ཤ་ཁྲག་སྣ་ཚོགས་དང་། །ཕོ་རོག་འུག་པར་ཤ་ཁྲག་སྣ་ཚོགས་དང་། །སྲིན་བྱ་སྦལ་པའི་ཤ་རུས་ཁྲག །དམིགས་པ་སྡིག་པའི་ཤ་རུས་ཁྲག །དགྲ་ཁྱིམ་དཀྱིལ་འཁོར་ས་དང་མཛེ་གནས་ས། །དེ་རྣམས་བསྲེས་ལ་ལིང་ཁ་བྱ་བ་ནི། །གཙང་པོ་ཕ་ཀ་ཚུ་ཀའི་འདག་པ་སྦྱིན་པོས་བྱུག །ཐལ་ཆེན་ཁྲག་ཆེན་དུག་ཆུས་ཐལ་ཀར་བྱ། །དཔྲལ་བར་མིང་ལ་སྙིང་ཁར་རུས། །འདོམས་སུ་མྱ་ར་ཡ་བྲིས། །ཀི་ལ་ཡ་ཡིས་གཡས་བསྐོར་བྱ། །སྔགས་དྲུག་གཡོན་བསྐོར་བྲི་བར་བྱ། །དེ་ལྟར་བྱས་ལ་འབྲུབ་ཁུང་དུ། །རྐང་པ་བྱང་ཤར་མགོ་ལྷོ་ནུབ། །ཡུགས་ས་མོ་ཡི་མཁར་ནག་སྐུད། །སྐྱེ་ནས་བཏགས་ལ་ཕུར་ལ་གཏོད། །གན་རྐྱན་བཞག་ལ་གསལ་གསུམ་ལྡན། །བྱས་ལ་མནན་སྔགས་ཤོག་བུ་ལ། །བྱིས་ལ་མདུན་དུ་གླན་ལ་བཞག །གཤེད་ཆེན་ལ་བརྒྱལ་འཕང་དུ་གཏད། །དཀར་ནག་མཚམས་སུ་སྐྱེར་ཕུར་ཅིག །བསྔགས་སྔགས་པ་ཅིག་རྒྱབ་ལ་བཞག །ཐལ་ཕྱུང་གཤེད་ཆེན་ལས་རྒྱལ་ལ། །སླེབ་མ་སློབ་ཙམ་གནན་ལ་བཞག །དུར་ཁྲོད་རས་མས་ཕུར་ནས་ནི། །ཡུགས་ས་མོ་ཡི་སྐྲ་བཤད་ཀྱིས། །ཕྱིན་ཀ་ལོག་གིས་བཀྱིགས་ལ་བཞག །དུར་ཁྲོདགཡམ་པ་སྔོན་པོ་ལ། །དབང་ཆེན་རྡོ་རྗེ་རྒྱ་གྲམ་བྲི། །སྟེང་ནས་བཀབ་ལ་མནན་ལ་བཞག །སྔགས་ཀྱིས་མནན་པ་འདི་ལྟར་བྱ། །དང་པོ་དཔལ་དང་མ་མོ་དང་། །ཆོས་སྐྱོང་སྲུངས་མ་འཁོར་དང་བཅས། །ལྷ་མ་སྲིན་ནི་སྡེ་བརྒྱད་དང་། །གནས་དེའི་བདག་པོ་འཁོར་དང་བཅས། །དམ་བདར་དཔང་གཟུགས་ལེགས་པར་བྱ། །དེ་ནས་དཔའ་བོ་རྡོ་རྗེ་ཡིས། །རྡོ་རྗེ་རྒྱ་གྲམ་འགྲོས་ཀྱིས་ནི། །མནན་ཅིང་སྔགས་འདི་བཟླས་པར་བྱ། །ཨོ་བཛྲ་ཀི་ལི་ཀི་ལ་ཡ། ཀྲོདྷ་ཀྲོ་དྷི་ཧ་ཧེ་ཕཊ་སྨྱོ། དྲི་ཏྲི།ཏ་ས་ཡ་ར་ན། དེ་བ་པྲ་བེ་ཤ་ཡ་ཕཊ། དྲི་ཏྲི། གམ་ཏྲི་ནན། དྲན་པ་མྱོགས་ཏྲི་ནན། །ཙག་ཏྲི་ནན། གསེར་ཏྲི་ནན། ནས་ཏྲི་ནན། ཁམ་ཏ་ནན། ཙིརྟི་ནན། གུ་ཡ་གསང་ཏ་ནན། དྲི་ཏྲི་ཛ་ཛ། རྦད་ཐུམས་ས་མ་ཡ་སྟུ༷། མ་ར་ཡ་ཕཊ། དེ་ནས་ལིང་ག་གསུམ་བྱས་ལ། །གཅིག་མནན་གཅིག་ནི་རྒྱ་མཚོར་སྒྱུར། །གཅིག་ནི་ཁྱི་ཡི་ཐོད་པར་གཞུག །དང་པོ་མནན་ལ་ཐུན་བརྟག་བརྡེག །གཉིས་པ་མཚོ་སྨན་ལ་གཏེར་གཏད། །གསུམ་པ་ཕ་མེད་དུར་དུ་གཞུག །དེ་ལྟར་བྱས་ལ་དུས་རྟག་ཏུ། །བརྣག་པ་ཐུན་བརྣག་ངན་སྔགས་ཀྱིས། །བརྗེད་པ་མེད་པར་རྟག་པ་རུ། །ཐུན་ནི་རྒྱུན་མི་བཅད་པར་བརྡེག །བར་པ་བསྐུལ་ལ་ཟོར་ཡང་འཕང་། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། །གསང་བ་མན་ངག་གི་ལེའུ་ལ་མནན་པའི་ལེའུ་སྟེ་བཅུ་གཅིག་པའོ།། །།དེ་ནས་དཔའ་བོ་འཇིགས་བྱེད་ཀྱིས། །དཀོན་མཆོག་བསྟན་པ་བསྲུང་བ་དང་། །སྐུ་དམ་དགྲ་དང་སྒོས་དགྲ་དང་། །འོ།ག་བྱེད་གནོད་པ་མཐའ་དག་ལ། །བརྙས་བྱེད་དགེ་ལ་བར་དུ་གཅོད། །དོན་དུ་གཏད་ཁྲམ་གསང་བ་འདི་བསྟན་པ་བྱ་ཡིས་དམ་པར་ཟུང་། །གསང་བའི་ལྷག་དོན་འདི་ལས་མེད། །དམ་བཅའ་དོན་དུ་ཕྱིན་པ་དང་། །དད་ལྡན་བརྩོན་འགྲུས་ཆེ་བ་དང་། །ལུང་དང་མན་ངག་ལྡན་པ་དང་། །ཡང་དག་དོན་དང་ལྡན་པ་གཏད། །དེ་དང་མི་ལྡན་མི་ཕྱིན་ཅི་འོ།ག །དུས་སུ་མ་ཕྱིན་དམ་ཚིག་མེད། །གཡོ་སྒྱུ་ཆ་ཞིང་དང་བརྩོན་མེད། །གཞན་དུ་ཁུངས་འབྱིན་སེར་སྣ་ཆེ། །དེ་དང་ལྡན་པའི་གང་ཟག་ལ། །བསྟན་ན་རྡོ་རྗེ་དམྱལ་བར་སྐྱེ། །དེ་བས་འདི་ལ་ནན་ཏན་བྱ། །དེ་བས་ཡང་དག་དམ་པར་བྱ། །གཏད་ཁྲམ་དགུ་པ་གསང་བ་འདི། །ཡང་དག་དོན་དང་ལྡན་པ་ལ། །བསྟན་པ་བསྲུང་བའི་དོན་དུ་གཏད། །ཆོས་སྐྱོང་སྲུངས་མ་བདུད་དང་རྒྱལ་པོ་དང། །བཙན་དང་དགྲ་བླ་ཀླུ་དངམཚོ་སྨན་དང་། །ལྷ་སྲིན་སྡེ་བརྒྱད་ཡུལ་ལྷ་གཉན་ལ་གཏད། །རྒྱས་པར་ཆོས་སྐྱོང་སྲུངས་ལ་གཏད། །རབས་ཆད་ནག་པོའི་ཐོད་པར་མ་མོའི་གཟུགས་བྱས་གཞུག །གཟས་པའི་མིང་བྲིས་ཤིང་ཤུན་དྲིལ། །ལ་ཆའི་ཨོ།ག་ཕོར་བཅུག་ལ་མ་མོའི་གཡོན་དུ་བསྐུར། །གཟས་པའི་ཁྲམ་བྱང་བྲིས་ལ་གཡས་སུ་བསྐུར། །མནན་པའི་གནས་ནི་འདབ་པར་བྱ། །མཆོད་རྟེན་ནག་པོའི་འོག་གམ་གཙུག་ལག་མགོན་ནག་འོག །གནས་ཁང་འདྲེ་ཅན་སྟོང་བར་གྲུ་གསུམ་སོལ་ཁུང་བྱུག །རྡོ་རྗེ་རྒྱ་གྲམ་་ཁ་བཅད་ལས་རྒྱལ་འཕང་དུ་གཏད། །ཆོས་སྐྱོང་སྲུངས་ལ་བདེན་བདར་དཔང་ཡང་གཟུགས། །གསང་སྔགས་པ་ཡིས་མནན་པར་བྱ། །ཨོ་བཛྲ་ཀི་ལི་ཀི་ལ་ཡ། ནི་ཏྲི་གམ་ཏྲི་ནན། ནི་ཏྲི་ནན། དྲན་པ་མྱོགས་ཏྲི་ནན།ཙག་ཏྲི་ནན། གསེར་ཏྲི་ནན། ས་ན་ས་ཏྲི་ནན། ཁ་མ་ཏ་ནན། ཙིསྟ་ནན། གུ་ཡ་གསང་ཏ་ནན། དྲི་ཏྲི་མྱ་ར་ཡ་ཕཊ་རྦད། ཐུམས་ནི་མྱ་ར་ཡ་ཛ་ཛ། ཏྲག་རག་ཤ་ལ་སྙིང་རྩ་ལ་ཡ། དུན་དུན་མ་ར་ཡ་ཕཊ། བདུད་ལ་གཏད་པ་མོན་ཐོད་དུ། བདུད་ལ་གཟུགས་བྱས་ལག་གཡོན་དུ། ལིང་ག་ཤིང་ཤུན་དྲིལ་ལ་བསྐུར། །གཡས་སུ་ཁྲམ་བྱང་མནན་ལ་ནི། །ནུབ་ཕྱོགས་བྲག་ནག་སྟེང་དཀར་པོ། །མོན་པ་ཁོརས་པ་འདྲ་བའི་རྩ་ར། །གྲུ་གསུམ་ལ་སོགས་གོངམཐུན། །བདུད་ལ་བདེན་པ་དར་དབང་ཡང་གཟུགས། །མགོ་མནོན་མནན་སྔགས་གོང་དང་མཐུན། །ཏྲི་ནི་བདུད་འོ་ང་དུང་དུང་སོད་མྱ་ར་ཡ། །དེ་ནས་རྒྱལ་པོ་ལ་གཏད་ན། །རྒྱལ་པོའམ་ཁྱི་དཀར་ཐོད་པ་རུ། །རྒྱལ་གཟུགས་བྱས་ལ་ལག་གཡོན་བསྐུར། ཁྱི་དཀར་ལྤགས་པས་ལིང་ག་དྲིལ་ལ་བསྐུར། །གཡས་སུ་ཁྲམ་བསྐུར་མནན་པ་ནི། ་།ར་ཕྱོགས་རིན་ཆེན་ཁ་འམ་བྲག་དཀར་ཟང་ངེ་རྩེ། །སྤྲེའུ་ལྡེམ་བྱ་ཤར་ཟུར་ལ་མནན། །གྲུ་གསུམ་ལ་སོགས་གོང་དང་མཐུན། །མགོ་མནོན་མནན་སྔགས་ཏིང་ལ་བཟླས་པ་ནི། །ཧཱུཾ༷་ར་ཙ་ཀ་ཀརྨ་དུང་ངེ་སོ་ཙིཏི་ལ་ཡང་རྦད་ཐུམས་མྱ་ར་ཡ། དེ་ནས་བཙན་ལ་གཏད་པ་ནི། །བཙན་གཟུགས་ལ་བུད་མེད་ཡུག་སའི་ཐོད་པ་རུ། །ར་དམར་ཐོད་པར་བཙན་གཟུགས་གཞུག །ལིང་གར་དམར་ལྤགས་པས་དྲིལ། །ལིང་ག་གཡོན་བསྐུར་ཁྲམ་བྱང་གཡས་སུ་བསྐུར། །མནན་ས་བྱང་ཤར་བྲག་དམར་འཆོ་ལ་ཟངས་འདྲ་བའམ། །གྲོག་པོ་དམར་པོ་ངམས་ཅན་ཕུགས་རྡུག་མནན། །གྲུ་གསུམ་ལ་སོགས་དཀྱིལ་འཁོང་དང་མཐུན། །བཙན་ལ་བདེན་བདར་དབང་ཡང་གཟུགས། །མགོ་མནན་མནན་སྔགས་གཞུག་ལ་བཙན་སྔགས་གདགས། །བཙན་འགོང་དམར་པོ་སྲོག་ལ་བྲེང་ཐུན་ཐུན་ཙིསྟ་རྦད། དེ་ནས་དགྲ་ལ་ལ་གཏད་པ། དགྲ་ལྷའི་གཟུགས་བྱས་སྣེ་དྲི་མོའི་ཐོད་པར་གཞུག །རའམ་བུང་པའི་པགས་པས་དྲིལ། །ལག་པ་གཡོན་དུ་ལིང་ག་བསྐུར། །གཡས་སུ་ཁྲམ་བྱང་གཏད་ལ་མནན་པ་ནི། །གཟས་པའི་ལྷ་འདྲེ་སྟེང་འོག་གམ་ར་ཐོའི་འོག་ཏུ་མནན། །ཧུ༷་ར་ཙ་སྭཏི་ཙིཉི་རྦད་ཐུམས་མ་ར་ཡ་ཕཊ། །དེ་ནས་ཀླུ་ལ་གཏད་པ་ནི། །སྦལ་གཟུགས་བྱས་ལ་མཛེ་བོའི་ཐོད་པར་གཞུག །ཉ་ལྕིབས་དྲིལ་ལ་ལག་པ་གཡོན་དུ་བསྐུར། །གཡས་སུ་ཁྲམ་བྱང་བསྐུར་ལ་མནན་པ་ནི། །ཆུ་མིག་ནག་པོའི་ས་བདག་གཉན་ཆེར་མནན། །གྲུ་གསུམ་ལ་སོགས་གོང་དང་མཐུན། །ཀླུ་ལ་དམ་བདར་དཔང་ཡང་གཟུགས། །མགོ་གནོན་མནན་སྔགས་ཏིང་ལ་བཟླས་པ་ནི། །ནཱ་ག་རྭ་ཛ་ཛ་ལ། ཙི་ཙི་མུགས། མྱ་ར་ཡ་ཕཊ། དེ་ནས་མཚོ་སྨན་ལ་གཏད་པ། །མཚོ་སྨན་གཟུགས་བྱས་ཆུ་སྲིན་ཐོད་པའམ། །མེ་རེག་དོ། ཧུ༷་ལ་གཏུམས་ལ་ལག་གཡོན་བསྐུར། །གཡས་སུ་ཁྲམ་བྱང་བསྐུར་ལ་མནན་པ་ནི། །གཏིང་རྡོ་དང་སྦྲགས་མཚོ་སྨན་ཡོད་པར་བསྒྱུར། །མཚོ་སྨན་དབང་གཟུགས་དམ་ཡང་བདར། །མགོ་མནན་སྔགས་གཏིང་ལ་བཟླས་པ་ནི། །ཧུ༷་མུ་ལེ་མུགས་སུབས་ཏི་སྟ་མྱོགས་ལ་རྦད་ཏི་སྟ་མྱོགས་ལ་རྦད། དེ་ནས་ལྷ་སྲིན་སྡེ་བརྒྱད་ལ་གཏད་པ། །མོན་ཐོད་རྒྱལ་ཐོད་གང་རྙེད་དུ། །ལྷ་སྲིན་གཟུགས་བྱས་སྦྲུལ་གྱི་པགས་པས་གཏུམས་ལ་གཞུག །གཡོན་དུ་ལིང་ག་བསྐུར་ཞིང་གཡས་སུ་ཁྲམ་བྱང་བསྐུར་ལ་མནན། །ལུང་གསུམ་ཆུ་གསུམ་བྲག་དང་ཆུ་འཐབ་པར། །མཁར་ཕུག་དུར་ཁྲོད་རོ་ལངས་ལྷ་འདྲེ་འདུ་བའི་གནས། །རྐང་གཅིག་རྩའམ་རྒྱ་གྲམ་ལྷ་ཁང་ངམ། །མཆོད་རྟེན་འོག་གམ་ཆུ་མིག་ལྐུགས་པར་མནན། །གྲུ་གསུམ་དཀྱིལ་འཁོར་གོང་དང་མཐུན། །བདེན་བདར་དཔང་གཟུགས་དང་མཐུན། །མགོ་མནོན་མནན་སྔགས་གཞུག་ལ་བཟླས། །ཧུ༷་ར་ཙ་བྲེང་བྲེང་དུང་དུང་གཙོ་གཏོར་པ་མ་་རྦད། དེ་ནས་ཡུལ་ལྷ་གཉན་པོ་ལ་གཏད། །ཡུལ་ལྷ་གཟུགས་བྱས་ཁྲག་གིས་བྱུགས། །མི་རྟ་ར་ཁྱི་ཁྲག་གིས་བྱུག ་གོང་ཤུན་རོ་གོས་ལིང་ག་གཡོན་བསྐུར་ཁྲ༷་ཁ་གཡས། །མནན་ས་ལྷ་འདྲེ་རྟེན་རྨང་དུ་མནན། །གྲུ་གསུམ་ལ་སོགས་གོང་དང་མཐུན། །དམ་བདར་དཔང་གཟུགས་མནན་སྔགས་བཟླས། །མགོ་གནན་མནན་སྔགས་གཞུག་ཏུ་བཟླས། །ཧུ༷་ཙི་ལོང་ཙི་ལོང་ཁྲམ་རྩེ་དམར་ཐུམ། ཙིསྟ་ལ་ཡ་རྦད་མུ་ར་ཡ་ཕཊ། གཏད་ཁྲམ་རྒྱུ་བ་མ་ནོར་བ་ཙིསྟའི་ཡང་སྦ་བར་བྱའོ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། གཏད་ཁྲམ་བསད་པའི་ལེའུ་སྟེ་བཅུ་གཉིས་པའོ།། །།དེ་ནས་རྫས་ཀྱིས་བསད་པ་ནི། །གསང་སྔགས་དམ་པ་འདི་བཟླས་ན། །རྫས་ཀྱིས་བསད་པ་གདོན་མི་ཟའོ། །ཨོ་བཛྲ་ཀི་ལི་ཀི་ལ་ཡ། ཀྲོདྷ་ཀྲོདྷ་ཙིསྟ་རྦད། ཐུམས་ལྭ་ར་ཡ། དེ་སྐད་བཟླས་ལ་རྫས་ཀྱིས་བསད། །རྫས་ཀྱིས་བསད་པ་གང་དང་གང་། །སྙིང་ཆེན་ཤ་ཆེན་ཁྲག་ཆེན་དང་། །ཚིལ་ཆེན་ཞུན་ཆེན་ཀླད་ཆེན་དང་། །དྲི་ཆེན་དུག་ཆེན་ཆང་གིས་བསྲིང་། །ཐོད་ཆེན་ནང་དུ་བླུག་ས་ལ། །ཕག་པའི་ཚུལ་བུས་ཐོད་ཆེན་བྱུག །དུག་ཆུས་བསྐུས་ལ་གཟས་པ་ཡི། ཁྱི་ལ་བྱིན་ལ་འདྲད་དུ་གཞུག །དེ་ལྟར་བྱས་ན་གཟས་པ་འཆི། །དེས་ཀྱང་ཚུགས་པར་མ་གྱུར་ན། །གཟས་པའི་ཁྱི་མགོ་དེ་བཅད་ལ། ཁམ་ཚུལ་ཁྲག་ཆེན་དུག་གིས་བྱུག ཁ་རུ་གཟས་པའི་ལིང་ག་གཞུག །གཟས་པའི་མུ་མའི་དཀྱིལ་དུ་སྦ། །དེ་ལྟ་བྱས་ན་ཐེ་ཚོམ་མེད། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། རྫས་ཀྱིས་བསད་པའི་ལེའུ་སྟེ་བཅུ་གསུམ་པའོ།། །།དེ་ནས་གསང་སྔགས་བྱ་བ། །བསྙེན་པ་དང་ནི་ཉེ་བསྙེན་དང་། །བསྒྲུབ་པ་དང་ནི་བསྒྲུབ་ཆེན་པོ། །དུས་སུ་སྔགས་ནི་བཟླས་བྱ་བ། །བསྙེན་པ་ལ་ནི་བཟླ་བའི་སྔགས། །ཨོ་བཛྲ་ཀི་ལི་ཀི་ལི་ཡ། ཏིབ་ཏ་ཙཀྲ། ཀྲོ་དྷ་ཀྲོ་དྷི་ཧ་ཧི་ཕཊ་སྨྱོ། ས་མ་ཡ་ཛ། ཉེ་བསྙེན་དུས་སུ་བཟླས་པའི་སྔགས། །ཨོ་བཛྲ་ཀི་ལི་ཀི་ལ་ཡ། སརྦ་བིག་ནན་བ༷་ཧུ༷་ཕཊ། ཏིབ་ཏ་ཙཀྲ། ཧ་ན་ཧ་ན། ཨོ་བཛྲ་ཀི་ལི་ཀི་ལ་ཡ། ཀྲོ་དྷ་ཀྲོ་དྷ་ཧ་ཧི་ཕཊ་སྨྱོ། །ཆེ་གེ་མོ་ག་ཛ་ཧུལུ། ཧནཏིསྒ དཧསྦྱིནྟྲ། པཙབིནདྷ། ཕོཊ་ཧུ༷་ཕཊ། ཆེ་གེ་མོ་མུ་ར་ཡ། དུར་རུ་ཀན། ཕྱི་ར་ཤ་ཡ་ཧོ། མ་ར་ཡ་དུ་ཧུ། སྨ་ཤ་ནི་མ་ར་ཡ། མ་ཁ་ནི་མ་ཆུ་མ། ཧབ་མ་ཧུབ་མ། མ་ར་ཡ་ནཐུ༷ཐུ༷་དྲི་དྲི་སྨྱོ། སྒྲུབ་པའི་དུས་སུ་རྦད་སྔགས་བཟླས། །ཨོ༷་བཛྲ་ཀི་ལི་ཀི་ལ་ཡ། ཨོ་ཀི་ལི་ཀི་ལ་ཡ། ཀྲ་་དྷ་ཀྲོ་དྷི་ཧ་ཧེ་ཕཊ་སྨྱོ། དྲི་ཏྲི་རྦ་ན་ཡ་རྦ་ན་ཡ། ཙིསྟ་ཆུ༷་མུར་ཡ་ཕཊ། དྲི་ཏྲི་ཧ་ས་ཡ་ར་ན་ཡ། ཧད་ན་དེ་བ། པྲ་བེ་ཤ་ཡ་ཧུ༷་ཕཊ། ཨ་བེ་ཤ་ཡ་ཧུ༷་ཕཊ། ཨ་བེ་ཤ་ཡ་ཧུ༷་ཕཊ། ཤི་ཀྲིན་ཨ་ན་ཡ་ཧུ༷་ཕཊ། ཛ་ལ་པ་ཡ་ཛ་ལ་པ་ཡ་ཧུ༷་ཕཊ། ཏ་ཐ་ཡ་ཏ་ཐ་ཡ་ཧྭ༷་ཕཊ། བིད་དྷ་ཡ་བིད་དྷ་ཡ་ཧུ༷་ཕཊ། མྱ་ར་ཡ་ཕཊ། སྒྲུབ་ཆེན་དུས་སུ་གསང་སྔགས་བཟླས། །ཨོ་བཛྲ་ཀི་ལི་ཀྱི་ལ་ཡ། དྲི་ཏྲི་ཀྲོ་དྷ་ཀྲོ་དྷི། ཙིསྟ་རྦད་ཐུམས་མུ་ར་ལ། སུབས་ཙིརྟི་རྦད། མྱོགས་ཐུམས་བཱ་ར་ཡ་ཕཊ། དྲིནི་ ་ཨོ་སུ་ཏྲི་བ་ཡ་བཱ་བཱ། རྭ་ཛ་ཀ་ཡོ་གི་ཤྭ་རི། ས་མ་མ་ཙིསྟ་ཧུ༷་ཕཊ། མེ་རེ་ཀུན་ད་ལི། ཐུམས་ཐུམས་རྦད། ཁྲག་ཏི་དམར་རྦད། ཕཊ་རྦད། མ་ར་ཡ་ཕཊ་སྨྱོ། རྡོ་རྗེ་ཕུར་པ་གདབ་པའི་སྔགས། །ཨོ་བཛྲ་ཀི་ལི་ཀི་ལ་ཡ། ཏིབ་ཏ་ཙག་ཙིཀྲ་ཀྲ་རྦ་ན་བིག་ཏྲི་བཱ་ར་ཡ་ཕཊ། ཉུངས་ཀར་རྒྱལ་པོའི་ཐུན་བརྡེག་ན། །ཨོ༷་བཛྲ་ཀི་ལི་ཀི་ལ་ཡ། དྲི་ཏྲི། བཛྲ་བེ་ཏ་ལ། ཙིསྟ་ལ་རྦད་ན་ཏྲག་མུ་ར་ཡ་ཕཊ། གུ་གུལ་སྦྱར་བའི་ཐུན་བརྡེག་ན། །ཨོ་བཛྲ་ཀི་ལི་ཀི་ལ་ཡ། དྲི་ཏྲི། བཛྲ་མ་གུ་ཏ་ལ། པྲ་ཏ་ལ་ཙིརྟི་ཙ་ན་སུབས་ཙིསྟ་མྱ་ར་ཡ་ཕཊདུག་ཐུན་སྣ་ཚོགས་བརྡེག་འགྱུར་ན། །ཨོ་བཛྲ་ཀི་ལི་ཀི་ལ་ཡ། དྲི་ཏྲི་བཛྲ་མུགས་ཙིསྟ་ཙན། མུ་ར་ཡ་ཕཊ། ཁྲག་ཆེན་ལ་སོགས་ཐུན་བརྡེག་ན། །ཨོ་བཛྲ་ཀི་ལི་ཀི་ལ་ཡ། དྲི་ཏྲི། བཛྲ་མྱ་ཧྭ་རག་ཏ། རག་མོ་སྙིང་ཟ་པ་ལ་ཙིཉི་ལ་རྦད་ན་ནཱ་ར་ཡ་ཕཊ། རྡོ་ཐུན་ཟངས་ཕྱེ་མ་ཡི་ཐུན། །ཨོ་བཛྲ་ཀི་ལི་ཀི་ལ་ཡ། དྲི་ཏྲི། འུར་བ་འུར་ཙིརྟི་རྦ་ན་མ་ར་ཡ་ཕཊ །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། མན་ངག་སྔགས་ཀྱི་ལེའུ་སྟེ་བཅུ་བཞི་པའོ།། །།རྟོགས་པ་འཇིགས་བྱེད་ཆེན་པོ་ཡིས། །དབབ་པའི་ལས་ནི་བསྟན་དུ་གསོལ། ཁྲག་འཐུང་བཛྲ་ཧེ་རུ་ཀས། །དབབ་པའི་ལས་ནི་གསུམ་ཡོད་དེ། །སྔགས་དང་རྟ་མ་བཙན་ཐབས་གསུམ། །དབབ་པའི་ཐབས་ནི་གསུམ་ཡིན་ནོ། །ངང་ལ་སྔགས་ཀྱི་དབབ་པ་བསྟན། །བསྙེན་པའི་དུས་སུ་བོད་བསྙེན་བཟླས། །སྔགས། ཨོ་བཛྲ་ཀི་ལི་ཀི་ལ་ཡ། ཀྲོ་དྷ་ཀྲོ་དྷ་ཧ་ཧེ་ཕཊ་སྨྱོ། རྙོ་བཛྲ་ཀི་ལི་ཀྲོདྷ་ཐིབས་སུ་རུ་ས་མ་ཡ་ཛ། བསྒྲུབ་བའི་དུས་སུ་རྦད་སྔགས་བཟླས། །ཨོ་བཛྲ་ཀི་ལི་ཀི་ལ་ཡ། ས་མ་ཡ་ཏྲག་ཆུམ་ཆུམ་ཧྲིལ་ཏ་ཀ་ཡ་ས་མ་ཡ་སྨྱོ། ཐ་མ་ལས་ཀྱི་སྦྱོར་ཀ་ལ། །ཐུན་བརྡེག་དབབ་པའི་ལས་ཀྱིས་བྱ། །ཨོ༷་བཛྲ་ཀི་ལི་ཀི་ལ་ཡ། ཐུན་ཐུན་ས་མ་ཡ་ཏྲག་རག་ཤར་ཤར། ཏྲག་ཐུམས་རྩེ་ཤར། ཐུམས་རྩེ་ཁྲད་མ་མ་ལོ་སེར་ཤར་ཤར། པ་མ་མ་ཡ་སྨྱོ་ཕོབ་ཕོབ་ཡ། དེ་ལྟར་ཐུན་ནི་དབབ་སྔགས་ཀྱིས། །རྒྱབ་ལ་སེར་བ་དབབ་པར་བྱའོ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། མན་ངག་སྔགས་ཀྱིས་དབབ་པའི་ལེའུ་སྟེ་བཅོ་ལྔ་པའོ།། །།དེ་ནས་ཕེབས་པར་མ་གྱུར་ན། །གཟེར་གསུམ་བཏབ་ལ་རྟ་མས་དབབ། །གནམ་གཟེར་ས་གཟེར་བར་གཟེར་གསུམ། །དག་ལ་གནན་གཟེར་སྟེན། ཁྱབ་འཇུག་རྒྱུ་བ་གནམ་གཟེར་ཡིན། །རྟ་མ་འཛུད་པ་ས་གཟེར་ཡིན། །ཐུན་ཟོར་བརྡེག་པ་བར་གཟེར་ཡིན། །གཟེར་གསུམ་ཆུད་ན་གདོན་མི་ཟ། །འཐེབ་་༑ལ་མེད་པར་ཐེབ་པར་འགྱུར། །གནམ་གཟེར་ཐེབས་བཟློག་བཟའ་རྩིས་ཤེས། །བར་གཟེར་རྒྱུ་བའི་ཕྱི་ནས་བརྡེག །གདོང་ཚུགས་རྒྱོབ་ན་ཕུང་བར་འགྱུར། །ས་གཟེར་རྟ་མ་འཛུད་པ་ནི། །མུ་མའི་དཀྱིལ་དང་ལྷ་ཐོའི་འོག །གཉན་ས་གང་ཆེར་གཞུག་པར་བྱ། །དམ་བདར་དཔང་གཟུགས་དབང་སྔགས་བཟླས། །བསྟན་པ་གཉིས་པོ་བསྲུང་པའི་ཕྱིར། །རྟ་ཐོག་གསེར་བ་སྒོང་ལྟར་ཕོབ། །ས་མ་ཡ་ཞེས་ངུ་ཞིང་འབོད། །ཐོད་པ་ནག་པོ་མཚན་ངན་དུ། །ཉུངས་ཀར་ཐལ་ཆེན་དུག་དང་བསྲེས། །ཐེབས་པའི་དུས་སུ་ཐུན་ཟོར་བརྡེག །སྔགས་ནི་གོང་གི་དབབ་སྔགས་བཟླས། །གཞུང་བཞིན་བསྒྲུབ་པ་བྱས་ནས་ནི། །རྟགས་བསྣམས་སངས་རྒྱས་བསྟན་པ་འདི་ཡིས་བསྲུང་། །ཟོར་ལམ་དབྱེ་ལས་གཞུང་བཞིན་བྱ། །བྱས་ནས་ཟོར་ནི་རྟ་ཕོག་འཕང་། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། མན་ངག་རྟ་ཟོར་རྦུད་དེ་དབབ་པའི་ལེའུ་སྟེ་བཅུ་དྲུག་པའོ།། །།དེ་ནས་བཙན་ཐབས་དབབ་པ་ནི། །རི་གསུམ་རྩེ་འམ་གཉན་སའི་རྨིགས། །ལུང་སྟོང་བྲག་ཕུག་འདྲེ་ཅན་ནམ། །མཆོད་ཁང་ལྷ་རྟེན་ཡོད་པའི་སར། །ཕྱི་ནལ་ཞིང་ལྤགས་ཕྱིང་དཀར་གོན། །གདོང་བ་ཁྲག་ཆེན་དག་གིས་བྱུག །ཐལ་ཆེན་གཡང་བྱུག་པོལ་ཁུ་གཡོན། །སྤྱི་བླུགས་ཞྭ་གོན་གཅེར་བུ་སྲ །ཐུད་ཆེན་ཕུག་པ་རྐང་ཆེན་སྒེད། །བྱས་ལ་སྔོ་སྐམ་དུག་ཤིང་གིས། །མེ་གཏང་དཀར་ཐབ་དམར་ཐབ་སྦྱར། །ར་ཁྱི་རྟ་ཡི་འོ་མ་ཡིས། །དཀར་ཐབ་གཡས་སུ་སྦྱར་བར་བྱ། ཁྲག་ཆེན་ར་ཁྱི་རྟ་ཡི་ཁྲག །ཡུགས་སའི་མངལ་ཁྲག་གཡོན་ཐབ་སྦྱར། །མོན་པའི་ལག་པ་གཡས་པ་དང་། སྣེལ་དྲི་མོ་ཡི་ལག་གཡོན་གྱིས། །དཀར་དམར་ཐོར་ཞིང་དགྲ་ཕྱོགས་རྒྱུག །འོ་འདོད་འབོད་ཅིང་ཆོ་ངེས་འདེབས། །རྐང་གི་གླིང་བུ་བུད་པར་བྱོད་ཆེན་རྔ་ཡང་བརྡུང་བར་བྱ། །མེ་རེག་མ་ཡི་ཞབས་མས་བརྡག །དབབ་སྔགས་བཟླས་ཤིང་ཉུངས་ཀར་གཏོར། ཁྲག་ཆེན་ཐལ་ཐལ་ལ་གཏོར། །དེ་ནས་ཟོར་ཐུན་ལས་ཀྱང་བྱ། །མ་དུད་རྨེ་དུད་འབོད་དུད་དང་། །ཚིལ་ཆེན་གུ་གུལ་ནག་པོ་ཡི། །དུད་པ་གཏང་ལ་ཡུལ་ལྷ་བསྐྲོག །མ་དག་མ་ཕྱོགས་བཞིར་གཏོར་བར་བྱ། །གཉན་ས་ལྷ་རྟེན་ཡོད་སར་གཏོར། །དབབ་སྔགས་འདི་ཡང་བཟླས་པར་བྱ། །ཨོ་བཛྲ་ཀི་ལི་ཀི་ལ་ཡ། ཐུན་ཐུན་ས་མ་ཡ། སྒག་རག་ཤ་ཤར་ཏྲག་ཞུཁོ་རྩེ་ཤར། ཐུམ་ཙེ་ཁྲད་མ་ལོ་སྲེད་ཤར་ཤརསྨྱོ་སྨྱོ། ཕོབ་ཕོབ། བཙན་ཐབས་དབབ་པའི་མན་ངག་གོ །མན་ངང་ཡིན་ཏེ་ཐེ་ཚོམ་མེད། །སྨྱོན་པའི་བརྟུལ་ཞུགས་བྱས་ཏེ་བསྒྲུབ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། བཙན་ཐབས་ཀྱིས་དབབ་པའི་ལེའུ་སྟེ་བཅུ་བདུན་པའོ།། །།དེ་ནས་དཔའ་བོ་འཇིགས་བྱེད་ཀྱིས། །དཀོན་མཆོག་བསྟན་པ་བསྲུང་བ་དང་། །སྐུ་དགྲ་དམ་དགྲ་སྒོས་དགྲ་དང་། །ལོག་ལྟའི་གནོད་པ་མཐའ་དག་ལ། །བརྙས་བྱེད་དགེ་ལ་བར་དུ་གཅོད། །དོན་དུ་སྦམས་པ་གསང་བ་ཡིས། །བསྟན་པར་བྱ་ཡིས་དམ་པར་ཟུང་། །གསང་བའི་ལྷག་དོན་འདི་ལས་མེད། །དམ་བཅས་དུས་སུ་ཕྱིན་པ་དང་། །དད་ལྡན་བརྩོན་འགྲུས་ཆེ་བ་དང་། །ལུང་དང་མན་ངག་ལྡན་པ་དང་། །ཡང་དག་དོན་དང་ལྡན་ལ་གནོད། །དེ་དང་མི་ལྡན་ཕྱིན་ཅི་ལོག །དུས་གསུམ་མ་ཕྱིན་ཕྱིན་ཅི་ལོག །གཡོ་སྒྱུ་ཆེ་ཞིང་དད་བརྩོན་མེད། །གཞན་དུ་ཁུངས་འབྱིན་སེར་སྣ་ཚེ། །དེ་དང་ལྡན་པའི་གང་ཟག་ལ། །གཏད་ན་རྡོ་རྗེ་དམྱལ་བར་སྐྱེ། །དེ་བས་འདི་ལ་ནན་ཏན་བྱ། །དེ་བས་ཡང་དག་ལྡན་པས་གཏད། །སྦམས་པའི་མན་ངག་དམ་པ་ནི། །ཡང་དག་དོན་དངལྡན་ལ་གཏད། །བསྟན་པ་བསྲུང་བའི་དོན་དུ་གཏོད། །དེ་བས་སྦམས་པ་བཤད་བྱ་བ། །རྫས་ཀྱིས་སྦམས་དང་གཏད་པས་སྦམས། །འཁོར་ལོས་སྦམས་པ་གསུམ་བསྟན་པའོ། །དང་པོ་རྫས་ཀྱིས་སྦམས་པ་ནི། །མཛེ་པོ་རབས་ཆད་ནག་པོའི་ཐོད། །ནང་དུ་རྫས་རྣམས་འཚོགས་པར་གསལ། །མཛེ་པོའི་ཁྲག་དང་གཟས་པའི་ཁྲག །མཛེ་པོའི་ལུད་སྣབས་གཟས་པའི་སྣབས། །མཛེ་པོའི་མགོ་སྙིང་གཟས་པའི་མགོ་སྙིང་། །མཛེ་པོའི་ཤང་གཅིག་ཟས་པའི་བཤང་། །མཛེ་པོའི་དུད་པ་གཟས་པའི་དུད། །དེ་རྣམས་ཉ་ཅིབས་དྲིལ་ནས་ནི། །ལ་ཆའི་ཨོག་ཕོར་གཞུག་པར་བྱ། །ཕག་པའི་སྙིང་དང་རྟོལ་པོའི་སྙིང་། །སྲེ་མའི་སྙིང་དང་སྦལ་པའི་སྙིང་། །སྡིག་པའི་སྙིང་དང་རྨིགས་པའི་སྙིང་། །ཉ་ཡི་སྙིང་དང་སྦྲུལ་གྱི་སྙིང་། །བྱི་བའི་སྙིང་དང་དོན་གྱི་སྙིང་། །གཟས་པའི་ཕ་མེས་ཐོད་ནང་དུ། །བཅུག་ལ་ཐལ་ནུའི་དུག་ཆུས་བསྐུ། །བོང་བུའི་སྙིང་ལྤགས་ཀྱིས་དྲིལ་ལ། །དེ་རྣམས་ཐོད་པ་རངས་པ་ནི། །རོངས་པས་སྦལ་པ་སྦྲུལ་དང་སྡིག །དེ་གསུམ་ཁྲག་གིས་བྱུགས་ལ་ནི། །ན་རའི་ལག་པས་བགྱིགས་ལ་བཞག །གོང་མའི་དེ་ཚོ་རངས་པ་ལ། ཁྲག་ཆེན་ཐལ་ཆེན་སོལ་ཆེན་གྱིས། །བྱུགས་ལ་སྔོ་ཀྱི་བ་མོ་ཁར། །བྱས་ལ་གཟས་པའི་ལྷ་རྟེན་གྱི། །འོག་ཏུ་བཅུག་ན་ཐེ་ཚོམ་མེད། །ནད་ངན་ལོ་དུས་འོང་བར་ངེས། །ངན་སྔགས་འདི་ནི་རྒྱུན་བཟླས་ལ། །གཟས་པའི་ལྷ་རྟེན་ཁང་པ་ལ། །རྟག་ཏུ་བརྒྱབ་ན་ཕུང་བར་འགྱུར། །ཨོ༷་བཛྲ་ཀི་ལི་ཀི་ལ་ཡ། ཆེ་གེ་མོ་ཟི་ཙི་ཟི་ཙི། ཙི་ཙི་ཁྲད། །ཙི་རི་ནག །ནཱ་ག་ཟ་ཙ། ཙ་སྒྲུ༷་ཚུ། བྲི་ཏ་བྲི་ཏ། འབྲུལ་ཏ་ཙིར། ཙིར་ས་ཏ། ཞེས་པས་གཟས་པ་ཕུང་བར་འགྱུར། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། རྫས་ཀྱིས་སྦམས་པའི་མན་ངག་གི་ལེའུ་སྟེ་བཅོ་བརྒྱད་པའོ།། །།དེ་ནས་གཏད་པའི་སྦམ་བསྟན་པ། །མཛེ་ཕོ་རབས་ཆད་ནག་པོའི་ཐོད་ནང་དུ། །གཟས་པའི་མིང་ཡང་ཡུགས་ས་མོ། །མངལ་ཁྲག་གིས་བྲིས་ཐོད་པར་གཞུག །གཡས་སུ་རྩ་སྔགས་མངལ་ཁྲག་བྲི། །གཡོན་དུ་ལས་སྔགས་བྲི་བར་བྱ། །དཔྲལ་བར་སྦལ་གཟུགས་ལས་སྔགས་བསྐོར། །ལྟེ་བར་སྡིག་གཟུགས་ལས་སྔགས་བསྐོར། །རྒྱབ་ཏུ་སྡོམ་གཟུགས་ལས་སྔགས་བསྐོར། །གཡས་སུ་རྩ་སྔགས་གཡོན་དུ་ལས་སྔགས་སོ། །དཔྲལ་བར་མིང་ལ་སྙིང་ཁར་རུས། །འདོམས་སུ་མ་ར་ཡ་བྲི། །རྩ་སྔགས་ལས་སྔགས་སྦམས་པ་འདི། །མ་ནོར་བཟླས་ན་གཏད་ཀྲམ་བྱ། །ཨོ་བཛྲ་ཀི་ལི་ཀི་ལ་ཡ། ཀྲོ་དྷ་ཀྲོ་དྷི་ཧ་ཧེ་ཕཊ་སྨྱོ། མྱ་ར་ཡ་ཕཊ། ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་ཟིང་ཙི་ཟིང་ཙི། ཙི་ཙི་ཁྲད། ཙི་ཙི་ནག །ནཱ་ག་ཟ་ཚ། ཙི་སྲུ༷། ཆུམ་ཆུམ། བྲ༷་ཏ་བྲ༷་ཏ།འབུར་ཏ་ཙིར་ཙིར། གསང་སྔགས་བཟླས་ནས་གཏད་པའི་གནས། །ཆུ་མིག་ནག་པོ་ནུབ་ཏུ་བལྟ། །ཀླུ་ནག་ཡོད་པར་རྟག་པར་བྱ། །ས་བདག་གཉན་ནི་གར་ཆེ་སར། །སྦྲུལ་ལྤགས་མིང་བྱང་དྲིལ་ལ་གཞུག །དཔྲལ་བ་སྙིང་ཁ་སྐོག་མ་རུ། །སྦྲུལ་གཟུགས་རེ་ཡང་བྲིས་ལ་གཞུག །གོང་ལ་སྦལ་པའི་པགས་པས་དྲིལ། །དཔྲལ་བ་ལྐོག་མ་སྙིང་ཁ་རུ། །སྦལ་གཟུགས་རེ་ཡང་བྲིས་ལ་བཞག །སྦལ་པ་དཀར་ནག་གཉིས་བར། །མིང་བྱང་བཅུག་ལ་ཁྲོ་བོས་མནན། །སྟེང་ནས་ཁྲོ་བོ་འོག་ཏུ་སེར། །དམར་པོས་བཀང་ནས་ཐེན་དུ་གཞུག །སྦྲུལ་ཀྱང་དེ་ལྟར་ཤེས་པར་བྱ། །དབང་གཟུགས་དམ་བདར་བྱས་ལ་གཏད། །ལས་སྔགས་གོང་མ་བརྒྱ་རྩ་བརྒྱད། །རྟགས་བྱུང་གྲུབ་པའི་རྟིང་ལ་བཟླས། །ལས་སྔགས་བཟླས་སྔགས་གདོན་མི་ཟ། །སྦམ་པའི་ལས་ལ་འཐེབ་ཤོམ་མེད། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། གཏད་པའི་སྦམ་པའི་ལེའུ་སྟེ་བཅུ་དགུ་པའོ།། །།དེ་ནས་འཁོར་ལོས་སྦམ་པ་སྟོན། །ལས་ཀྱི་འཁོར་ལོ་བཅའ་བ་དང་། །གནན་པའི་འཁོར་ལོ་བཅའ་བ་དང་། །གཏད་པའི་འཁོར་ལོ་བཅའ་བ་དང་། །གཟིར་བའི་འཁོར་ལོ་བཅའ་བ་དང་། །སྦམ་པའི་འཁོར་ལོ་བཅའ་བ་དང་། །གནན་པའི་འཁོར་ལོ་བཅའ་ཐབས་བསྟན། །ཕྱི་མའི་འཁོར་ལོ་རྩིབས་བརྒྱད་པའི། །ནང་དུ་སྦམས་པའི་གཟུགས་བྲིས་ལ། །ལག་པ་གཡས་སུ་སྦྲུལ་ནག་ཞགས་པ་བསྐུར། །གཡོན་དུ་གཟས་པའི་ལིང་ག་བསྐུར། །སྙིང་ཁར་གྲུ་གསུམ་བྲི་བར་བྱ། །གྲུ་གསུམ་ཁྲག་ཆེན་བྱུག་ལ་བཞག །སྐེ་ཡང་སྦྲུལ་གྱིས་དཀྲིས་ལ་བཞག །གཟས་པི་ཁ་བྲུམ་གནན་ལ་བཞག །སྔགས་ནི་གོང་གི་ལས་སྔགས་ཀྱིས། །མགོ་མནོན་གནན་པའི་ལས་ཀྱིས་བྱ། །ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་ག་ཏྲི་ནན། ནི་ཏྲི་ནན། དྲན་པ་མྱོགས་ཏྲི་ནན། ཙག་ཏྲི་ནན། གསེར་ཏྲི་ནན་ནས་པ་ཏི་ནན། ཁ༷་ཏ་ནན། ཙིཉི་ནན། གུ་ཡ་གསང་ཏ་ནན། ཆེ་གེ་མོ་ཟིང་རྩི་ཟིང་རྩི། ཙི་ཙི་ཁྲིད། ཙི་ཙི་ནག །ན་ག་ཟ་ཙ། ཙི་འབྲུ༷་ཆུ༷་ཆུ༷། བྲ༷་ཏ་བྲ༷་ཏ། འབུར་ཏ་ཙིར་ཙིར་གྲྭཧྭ། དེ་སྐད་མང་དུ་བཟླས་ནས་ནི། །ལས་མང་གྲུབ་པའི་བར་དུ་ནི། །མ་ཏང་ཞེས་པར་ལས་གཉེར་གཏད། །གཏད་པའི་འཁོར་ལོ་བཅའ་བ་ནི། །འཁོར་ལོ་པདྨ་འདབ་བརྒྱད་བྲི། །དབུས་སུ་སྦལ་པ་དམར་པོ་བྲི། །ལག་གཡོན་ལིང་ག་གཡས་སུ་ནི། །སྦྲུལ་ནི་དམར་ཁྲའི་ཞགས་པ་བསྐུར། །སྙིང་ཁར་གྲུ་གསུམ་དམར་ནག་བྱུག །རྐེད་དང་ཡན་ལག་ནག་བི་དམར། །དཀྲིས་ལ་དམར་ནག་ཆུ་མིག་ནན། །སྔགས་ནི་གོང་དང་མཐུན་པར་བྱ། །ལས་གཉེར་ཚུལ་བཞིན་གཏད་ལ་བཞག །གཟེར་བའི་འཁོར་ལོ་བཅའ་བ་ནི། །འཁོར་ལོ་བཅས་ལ་རིན་ཆེན་ཟུར་བརྒྱད་བྲི། །དབུས་སུ་སྦལ་པ་སེར་པོ་བྲི། །སྙིང་ཁར་གྲུ་གསུམ་སེར་ནག་བྲི། །གཡོན་དུ་ལིང་ཁ་གཡས་སུ་སྦྲུལ། །གསེར་ཁྲའི་ཞགས་པས་རྐང་ལག་བསྐོར། །བཀྲི་ལ་ལྷོ་ཕྱོགས་ས་སེར་གྱི། །ཆུ་མིག་གནན་ལ་གོང་སྔགས་བཟླས། །ལས་གཉེར་དཔང་གཟུགས་ཚུལ་བཞིན་བྱ། །སྦམ་པའི་འཁོར་ལོ་བཅའ་བ་ནི། །གྲུ་གསུམ་བཅུ་གཅིག་འཁོར་ལོ་ཡི། །དབུས་སུ་སྦལ་ནག་བྲི་བར་བྱ། །སྙིང་ཁར་གྲུ་གསུམ་ལྗང་ནག་བྲི་བར་བྱ། །གཡོན་དུ་ལིང་ག་གཡས་སུ་སྦྲུལ། །ན་བཀྲའི་ཞགས་པས་རྐང་གཉིས་བཅིང་། །ནུབ་ཕྱོགས་རི་ནག་ཆུ་མིག་གམ། ཁྲར་ནས་ནུབ་ལྟར་ཆུ་མིག་ཏུ། །ལྐུག་པ་ནག་པོ་ཡོད་པའི་སར། །གནན་ལ་གོང་མའི་སྔགས་བཟླས་ལ། །ལས་གཉེར་དཔང་གཟུགས་གོང་དང་མཐུན། །གཞུག་ལ་སྦམ་སྔགས་དམ་པ་འདི། །བཟླས་པ་ལ་སྦམ་པའི་ལས་བྱའོ། །ཙི་ཙི་ཙིར་ཙིར་ཡ་ཁྲད། བྲུ་ཁྲད་ཡ་ལོ་ཙི། ཙིར་ཡ་བྲ༷། ཙིར་ཐུག་ཐུག །ཙ་ལ་ཡ་ཡ། རྩ་སྔགས་གཡས་ལ་ལས་སྔགས་གཡོན། །མགོ་གནོན་གནན་སྔགས་བྲིས་ལ་བཞག །བསྐང་ནས་སྦམ་སྔགས་བྲི་བར་བྱ། །དེ་ལྟར་འཁོར་ལོ་རིམ་བཅས་ནས། །སྦམ་པའི་ལས་ལ་གདོན་མི་ཟ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། འཁོར་ལོ་སྦམ་པའི་ལེའུ་སྟེ་ཉི་ཤུ་པའོ།། །།དེ་ནས་སྤྱིན་སྲེག་གཏད་པ་བཤད། །དཀྱིལ་འཁོར་ཆེན་པོའི་ཤར་ལྷོ་སྲ །དལ་ནི་གྲུ་གསུམ་ཁྲུ་ཁང་ཚད་དུ་བྱ། །གྲུ་གསུམ་སུམ་བརྩེགས་ཁ་ཁྱེར་ལ། །ཟ་བྱེད་ཞལ་དང་མདའ་གཞུར་བཅས། །མཚོན་ཆ་ལྔ་ཡིས་ཁྲོས་མས་བསྐོར། །ཐབ་ཁུང་དཀྱིལ་འཁོར་བཅའ་བའོ། །དུག་ཤིང་ཚེར་ཅན་སྲེགས་ཤིང་ལ། །མི་ཚིལ་དུག་ཆུས་བྱུགས་ལ་བརྩིག །ཡ༷་ཤིང་ནག་པོ་མེ་འབར་ལ། །བསྲེག་རྫས་ནག་པོ་འཚོགས་ཚད་ཀྱིས། །མཆོད་པ་དབུལ་ཞིང་མ་ར་ཡས། །སྣ་དྲངས་སྔགས་ཀྱིས་དབུལ་བར་བྱའོ། །མེ་རེག་ཁྱིམ་ནས་མེ་བླངས་ལ། །བསྲེག་རྫས་ནག་པོ་སྣ་ཚོགས་དབུལ། །རབས་ཆད་ནག་པོའི་ལག་པ་གཡས་གཡོན་གྱིས། །དགང་གཟར་བྱས་ལ་དབུལ། །བསྟབ་གཟིར་ལིང་ཁ་ལ་སོགས་པའི། །ཐུན་ལྷག་གཏོར་ལྷག་བསྲེག་པར་བྱ། །ཚེ་དང་ལྷག་མ་བསྟན་མ་ཡང་། །གཞུང་བཞིན་བྱས་ན་ནུས་མཐུ་ཆེ། །དེ་ནས་གནན་དུར་གཏད་པ་ནི། །སྡུད་པ་པོ་ལ་གཏད་པ་དང་། །བུད་མེད་སྣ་ཚོགས་ལ་གཏད་པའོ། །སྡུད་པ་ཁྲག་འཐུང་ཧེ་རུ་ལ། །རྟོག་པ་སྤང་པོ་རྡོ་རྗེ་ཡིས། །གདམ་ནས་ཟུང་ལ་སྤྱོས་ཞིག་པར། གཏད་ནས་ཕྱི་རབས་རྣལ་འབྱོར་པའི། །བསྟན་པ་སྲུང་བར་གཏད་པའོ། །དེ་ནི་སྡུད་པ་པོ་ལ་གཏད་པའོ། །བུད་མེད་ཚོགས་ལ་གཏད་པ་ནི། །སྲུང་མའི་ཚོགས་ལ་གཏད་པའོ། །རྒྱུད་འདི་བར་ཆོད་བྱེད་པ་དང་། །ཐོ་ཆོ་རས་ཆོད་བྱེད་པ་དང་། །གཡོ་རྒྱུ་གཟོ་ལུང་བྱེད་པ་དང་། །བཀའ་རྐུ་བསླུད་མ་བྱེད་པ་དང་། །ཙིརྟི་ཁོས་ལ་སྲོག་རྩ་ཆོད། །གཟུངས་ལ་སྲུངས་ཤིག་གཏད་པའོ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། སྤྱིན་སྲེག་དང་གཏད་པའི་ལེའུ་སྟེ་ཉི་ཤུ་རྩ་གཅིག་པའོ།། །།རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་བསྟན་པ་བསྲུང་བའི་ལས་བསྟན་པ་རྫོགས་སོ།། །། རྒྱ་གར་སྐད་དུ། བཛྲ་ཀི་ལི་ཀི་ལ་ཡ། པ་ཏི་ཏ་མ་ཧྭ་རྭ་ཛ་པྲ་ཧ་ཏནྟྲ། བོད་སྐད་དུ། རྡོ་རྗེ་ཕུར་པ་ཤན་པ་སྤུ་གྲིའི་རྒྱུད་ཀྱི་རྒྱལ་པོ་ཆེན་པོ། བཅོམ་ལྡན་འདས་དཔལ་རྡོ་རྗེ་གཞོན་ནུ་མཁའ་འགྲོ་ཤན་པ་སྐྲུ་གྲིའི་རྒྱུད་སྟོན་པར་བྱེད་པ་ལ་ཕྱག་འཚལ་ལོ། །དཔལ་ཀུན་ཏུ་བཟང་པོས་དོན་གྱི་ཆོས་ཀྱི་སྐུ་ལས་ལོངས་སྤྱོད་རྫོགས་པའི་སྐུར་སྤྲུལ།ལོངས་སྤྱོད་རྫོགས་པའི་སྐུ་ལས་སྤྲུལ་པའི་སྐུར་སྤྲུལ། །སྤྲུལ་པའི་སྐུ་གྲངས་མེད་པར་བྱུང་ནས། འཇིག་རྟེན་ཁམས་གསུམ་མངའ་མཛད་རིམ་པར་བྱུང་ནས། བསྟན་པ་བསྲུང་བའི་བར་དུ་ཡང་དག་པའི་རྡོ་རྗེ་ལས་འདུལ་བའི་རྡོ་རྗེ་འབྱུང་། །མཚོན་པའི་རྡོ་རྗེ། རྟགས་ཀྱི་རྡོ་རྗེ། དོན་གྱི་རྡོ་རྗེ། གཞི་པའི་རྡོ་རྗེ་བཞིའོ། །གཞིའི་རྡོ་རྗེ་ནི། ཆོས་ཀྱི་སྐུའི་རྡོ་རྗེ། རྟགས་ཀྱི་རྡོ་རྗེ་ནི། ལོངས་སྤྱོད་རྫོགས་པའི་རྡོ་རྗེའོ། །མཚོན་པའི་རྡོ་རྗེ་ནི། སྤྲུལ་པའི་རྡོ་རྗེའོ། །མཚོན་པའི་རྡོ་རྗེ་ལ་ཡང་གཉིས་ཏེ། རྡོ་རྗེ་རྩེ་དགུ་པ་དང་། རྩེ་ལྔ་པ་གཉིས་སོ། །དེ་ནི་མཚོན་པའི་རྡོ་རྗེའོ། །གཞིའི་རྡོ་རྗེ་ལ་ནི་བཞི་སྟེ། གཞིའི་གནས་པའི་རྡོ་རྗེ་དང་། རིག་པའི་རྡོ་རྗེ་དང་། རྟོགས་པའི་རྡོ་རྗེ་དང་། རང་གྲོལ་དུ་མ་འགགས་པའི་རྡོ་རྗེ་དང་ངོ་། །ད་ནི་རྡོ་རྗེ་ལས་ཡང་དག་པ་ཆོས་ཉིད་ཀྱི་རྡོ་རྗེ་ལས། ཅིས་ཀྱང་མི་ཤིགས་པ། གང་གིས་ཀྱང་མི་བསྐྱོད། གང་ལ་ཡང་རག་མ་ལུས། རྡོ་རྗེའི་མཚན་ཉིད་རང་དུ་ཡང་མ་གྲུབ། རྡོ་རྗེ་སྟོང་པར་ཡང་མ་གྲུབ། མི་སྟོང་པར་ཡང་མ་གྲུབ་སྟེ། རྟགས་ཀྱི་རྡོ་རྗེ་དེས་ཤུལ་མཚོན་ནས་དོན་གྱི་རྡོ་རྗེ་སྟོན་ཏེ། ཕྱིའི་རྟགས་དེ་མ་རྟོགས་པར། ནང་གི་རྟགས་དེ་འཆར་བ་དཀའ། །ཕྱིའི་རྟགས་རྟོགས་པ་ནི། ཡུལ་སེམས་ལ་རིས་སུ་མི་འཛིན། །ང་བདག་གི་རིས་མེད། སེར་སྣའི་རྒྱུན་ཆོད། ལུས་སེམས་ལ་ཉམ་ང་མེད། འགྲོ་བ་རིགས་དྲུག་གི་རྗེས་སུ་མི་འབྲེང་། འཁོར་བའི་རྒྱུ་མེད།སངས་རྒྱས་ལ་བསྒྲུབ་པ་མི་རེ། ཐོབ་བྱེད་གནས་མེད། ལམ་ལ་བགྲོད་དུ་མེད། བགྲོད་བྱ་རུ་གདགས་སུ་མེད། ས་ལམ་སྦྱང་དུ་མེད། སྦྱང་བའི་ངེས་ཚིག་མེད། དེ་ལྟ་བུའི་རྡོ་རྗེ་ལས་སྣང་སྟོང་གི་རིས་མེད་པས། ལྟ་བ་གཏིང་གསལ་ཆེན་པོ་ཡིན། །ཉམས་མྱོང་གིས་གཞག་ས་མེད་པས། བསྒོམ་པའི་དོན་ཡིན། དུག་ལྔ་དུག་གསུམ་ལ་སྤྱད་དུ་མེད་པས་སྤྱོད་པ་ཆེན་པོ་ཡིན། དེ་ལྟ་བུའི་རྡོ་རྗེ་ལས་འབྲས་བུ་ཡང་དག་པ་ཉིད་དོ། །དེ་ལྟ་བུ་མ་རྟོགས་ཏེ་རྡོ་རྗེ་ལ་རིས་སུ་བཟུང་། ལྷ་ལ་མིང་བཏགས་སོ་སོར་བཟུང་། །ང་མེད་པ་ལ་ང་རུ་བཟུང་། ཕྱོགས་མེད་པ་ལ་ཕྱོགས་སུ་བཟུང་། རིས་མེད་པ་ལ་རིས་སུ་གཟུང་། །རང་ལ་རང་གིས་མཚོན་འཛུགས་ཏེ་རང་གིས་མ་ཚོར་རོ། །རང་གིས་སྲེག་སྟེ་མ་ཚོར་རོ། །རང་གིས་རང་ལ་རྨེ་བྱེད་དེ་རང་གིས་མ་ཚོར་རོ། །ཤིང་རྟའི་འཁོར་ལོ་དང་འདྲའོ། །ཡང་དག་པའི་རྡོ་རྗེ་ནི་ཟེར་ཙམ་ཅིག་ཀྱང་མ་བྱུང་སྟེ། མ་རིག་པའི་བདག་ནི་ཁྱབ་པར་བརྡལ། འཁོར་བའི་འདམ་རྫབ་ནས་ཐོན་མི་སྲིད་དོ། །མུན་པའི་གཡུང་དྲུང་ནས་འབྱུང་མི་སྲིད་དོ། །ང་རྒྱལ་གྱི་བྲག་འཇིག་མི་སྲིད་དོ། །ཞེས་གསུངས་སོ། །ཡང་དག་པའི་རྡོ་རྗེ་དེ་ལྟར་གནས་ཀྱང་ན་འགྲིབ་བ་མི་མངའ་བའོ། །མུ་འཁོར་བའི་འདབ་རྫབ་ན་ཡོད་ཙམ་ན་ངན་པ་མེད་ལ། ཡང་དག་པའི་རྡོ་རྗེ་དེ་རྟོགས་ཙམ་ན་བཟང་མིན་ནོ། །མུན་པའི་གཡུང་དྲུང་ན་ཡོད་ཙམ་ན་ཚུབ་བ་མེད་ལ། རིག་པའི་ཡེ་ཤེས་ཤར་ཙམ་ན་གསལ་བ་མེད་དོ། །ཞེས་གསུངས་སོ། །རྡོ་རྗེ་ཕུར་པ་ཤན་པ་སྤུ་གྲིའི་རྒྱུད་ལས། གླེང་གཞི་བསྟན་པའི་ལེའུ་སྟེ་དང་པོའོ།། །།དེ་ནས་ཀུན་ཏུ་བཟང་པོ་གདུག་པ་འདུལ་བའི་ཏིང་འཛིན་ལ་སྙོམས་པར་ཞུགས་སོ། །མུ་སྟེགས་ཀྱི་ལྟ་བ་དར་བ་དང་། གཤིན་རྗེ་ཁྲམ་ཐོགས་ཀྱི་ལྟ་བ་དར་བ་དང་། བདུད་ཀྱི་ལྟ་བ་དར་བ་སྟེ། ང་རྒྱལ་གྱིས་དབང་བྱས་ཏེ། ཞེ་སྡང་མེ་ལྟར་འབར་བ་མ་ཐུལ་བ་ལ་ནི། གཤིན་རྗེ་མ་ཧྭ་དེ་བ་དེ ང་རྒྱལ་དང་ཆས་ནས་འདུག །ཆེ་བའི་ང་རྒྱལ་དང་ཆས་ནས་འདུག་སྟེ། བདེ་བར་གཤེགས་པའི་ཐུགས་རྗེས་དགོངས་ནས། ཐུགས་རྡོ་རྗེ་རིགས་ཀྱི་སྤྲུལ་པ་དཔལ་རྡོ་རྗེ་གཤོན་ནུ་རུ་སྤྲུལ་ནས། གཤིན་རྗེའི་རྒྱལ་པོ་དེཆམ་ལ་ཕབ་ནས། རྒྱལ་ཁམས་ཀྱི་གནོད་སྤྱིན་ཕོ་མོ་ཡང་བཏུལ་ལོ། །དེ་ཇི་ལྟར་བཏུལ་ན་ཁོལ་འཁོར་ཕྱོགས་སྐྱོང་བཅུ་བྱུང་བས་ཁྲོ་བོ་བཅུ་ཐུགས་ལས་བྱུང་ནས་བ་། ཡུམ་རྣམས་བྱུང་བས་ཁྲོ་མོ་བཅུཐུགས་ལས་ཕྱུང་ནས་བཏུལ། སྤྲུལ་པ་གྲངས་མེད་པ་བྱུང་བ་ཡང་སྤྲུལ་དང་སུམ་སྤྲུལ་དུ་བཅས་ནས་བཏུལ། འཁོར་འཇིག་རྟེན་དུ་དྲེགས་པ་ཅན་དྲུག་བྱུང་བས། ཡེ་ཤེས་ཀྱི་ལྷ་དྲུག་སྲས་སུ་བསྐྱེད་ནས་བཏུལ། །དེ་ལྟར་གནོད་སྤྱིན་ཕོ་མོ་ཐབས་ཅད་བཏུལ་ཏེ། སེམས་ཅན་ཐམས་ཅད་བདེ་བ་ལ་བཀོད་དོ། །ཆོས་བྱར་ཡོད་པའི་སྐལ་བ་དང་ལྡན་ནོ། །རྣམ་པར་འཚེ་བ་བྱ་བ་མིང་ཡང་མེད་དོ། །གལ་ཏེ་རྣལ་འབྱོར་པ་ལ་རྣམ་པར་འཚེ་བའི་ལོག་པའི་སེམས་ཅན་བྱུང་ན། དྲག་པོའི་རྒྱུད་འདི་འབྱུང་བར་བསྟན། །གསོད་ཅིང་བཅད་ལ་ཐོགས་པ་མེད། །མཁའ་ལ་འབྱོ་དང་ཆུ་ལ་འཛུལ། །གང་ལྟར་བསྒྲུབས་ཀྱང་ཐོགས་པ་མེད། །མ་རིག་ཉམས་པར་བྱེད་པ་ལ། །དྲག་པོ་འགྲུབ་པའི་ལས་བྱས་པས། །སྐྲུ་གྲི་ཀླད་ལ་བསྐོར་བ་འདྲ། །གང་ལ་བརྒྱབ་པ་ཐོགས་པ་མེད། །བསྟན་པ་བསྲུང་ཕྱིར་རྒྱུད་འདི་གསུངས། །ཞེས་བྱའོ། །རྡོ་རྗེ་ཕུར་པ་ཆེན་པོ་ཤན་པ་སྐྲུ་གྲིའི་རྒྱུད་ལས། གཤིན་རྗེའི་འཁོར་ཚོགས་བཏུལ་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་དྲག་པོ་སྲོག་གི་སྙིང་པོ་བསྟན་པའི་ཏིང་ངེ་འཛིན་ལ་སྙོམས་པར་ཞུགས་སོ། །དྲག་པོའི་ལྷ་ཐམས་ཅད་དང་། མཁའ་འགྲོ་སྲུངས་མ་ཐམས་ཅད་དང་། མ་མོ་མཁའ་འགྲོ་སྐྱེས་བུ་གིང་ལ་སོགས་པ་རྣམས། སྲོག་སྙིང་དྲག་སྔགས་བསྟན་དུ་གསོལ། ཞེས་གསུངས་སོ། །ད་ནི་སྔགས་ཀྱི་བསྒྱུར་ལུགས་བསྟན་ཏེ། སྔགས་ཀྱི་སྒྲས་བསྡེབས་པ་དང་གཅིག །སྔགས་ཀྱི་ཚིག་གིས་བསྡེབས་པ་དང་གཉིས། སྙིང་པོས་བསྡེབས་པ་དང་གསུམ་མོ། །དེ་ལ་སྔགས་ཀྱི་དྲག་སྔགས་ཀྱི་བསྡེབ་ལུགས་ནི། སྲོག་སྙིང་གིས་བསྡེབ་པ་ཡིན་ནོ། །དམ་ཅན་བཅུ་གཉིས་ལ་ཡང་སྲོག་བཞི་སྟེ། སྔགས་ཀྱི་མཚན་ཉིད་ཀྱིས་ཤེས་པར་བྱའོ། །དེ་ལ་སྤྱིར་སྔགས་ཀྱི་བསྡེབས་ལུགས་ནི། མགོ་ཅན་མགོ་བོ་གཅད་པ་དང་། མགོ་མེད་མགོ་བོ་གདགས་པ་དང་། འདུག་ས་གོང་འོག་བསྒྱུར་བ་དང་། སྔགས་མཐའ་ཡིས་བསྒྱུར་བ་དང་བཞིའོ། །ད་ནི་མགོ་ཅན་མགོ་བོ་བཅད་པ་ནི། དྲག་སྔགས་སུ་ཟློས་པའི་དུས་ཡིན་ཏེ། ཀི་ལི་ཀི་ལི་ཡ་ལ། ཨོ་བཅད་ན་ཀི་ལ་ཡ་ངན་སྔགས་སུ་འགྲོ་བའི་ཕྱིར་རོ། །གསོད་བྱེད་འབར་བའི་རྒྱུད་དུ་ཡང་། སྔགས་མཐའ་དག་དྲག་སྔགས་སུ་གཏོང་བས་གདབ་ན་ངན་སྔགས་སུ་བྱེད་པ་ཡིན་ཏེ། ཨོ་ཞེས་བྱ་བའི་མིང་མི་གྲག་གོ །དེ་ནི་མགོ་ཅན་མགོ་བོ་གཅོད་པའོ། །མགོ་མེད་མགོ་བོ་གདགས་པ་ནི། །རྒྱུད་བྱིན་པོ་རྣམས་སམ། དགོངས་འགྲེལ་ཀུན་ནམ། སྔགས་ཀྱི་འཕྲེང་བཀུན་ལ། ཨོ་བཛྲ་ཀི་ལི་ཀི་ལ་ཡས་མགོ་མནན་པས། མགོ་མེད་མགོ་བོ་གདགས་པའོ། །དབུ་ནོན་མཇུག་སྡུད་བྱ་བ་ནི། །ཨོ་གྱིས་མགོ་མནན། བིག་གིས་མཇུག་སྡུད་པ་ནི། དབུ་ནོན་མཇུག་སྡུད་ཅེས་གསུངས་སོ། །ད་ནི་འདུག་ས་གོང་འོག་བསྒྱུར་བ་ནི། རྩ་བའི་སྔགས་ལ་ཚིག་སྡེ་ཚན་ལོངས་པར་ཡང་གོང་འོག་ནོར་ནས་འགྲོ །ནི་ཡས་ཀྱང་ནུར་ནས་འགྲོ །དྲག་སྔགས་བྱེད་དམ་བསྒྲུ་སྔགས་བྱེད། །དེ་ཡང་གོང་འོག་བསྒྱུར་ཞིང་བྱ། །མཁའ་འགྲོའི་སྔགས་དང་སྒྲོལ་བྱེད་གིང་གི་སྔགས། །དེ་ཡང་འདུག་ས་གོང་འོག་བསྒྱུར་གྱིན་བྱ། །དེ་ལྟར་བློ་ལ་རིག་པར་གྱིས། །ཞེས་གསུངས་སོ། །སྔགས་ཀྱི་མཐའ་ཡིས་བསྒྱུར་བ་ནི། །མ་ཡིས་བསྒྱུར་མ་མོ་རུ་འགྱུར། །ཡ་ཡིས་བསྒྱུར་ན་ཕོ་རུ་འགྱུར། །ཕཊ་ཀྱིས་བསྒྱུར་ན་སྒྲོལ་བར་འགྱུར། །ནི་ཡིས་བསྒྱུར་ན་གསོད་པར་འགྱུར། །ཧུ༷་གིས་བསྒྱུར་ན་སྡུད་པར་འགྱུར། །སྨྱོ་ཡིས་བསྒྱུར་ན་ཟོར་དུ་འགྱུར། དེ་ནི་སྔགས་ཀྱི་མཐའ་བསྒྱུར་ཡིན། །ཞེས་གསུངས་སོ། །ད་རྣི་བསྲུངས་མ་བཅུ་གཉིས་ལ་སྲོག་བཞི་བཞི་ཡོད་དེ། ནག་པོ་བཞི་ལས་ཀྱང་དབང་དུ་བསྡུ་བའི་སྲོག་དང་གཅིག །དབང་བསྐུལ་བའི་སྲོག་དང་གཉིས། །བྲན་གྱིས་ཚུལ་དུ་ཁས་བླངས་པའི་སྲོག་དང་གསུམ། དམ་ཚིག་ལས་མི་འདའ་བའི་སྲོག་དང་བཞིའོ། །དེ་ལས་སྲུངས་མ་གཉིས་པོ་ཡང་དེས་འདྲེའོ། །དེ་སྲོག་རང་ལས་ཀྱང་སྔ་སྐྱོར་གྱི་སྲོག་གཉིས། ཕྱི་སྐྱོར་གྱི་སྲོག་གཉིས་ཡོད་པའོ། །ཀ་དང་ཞེས་པས་བདག་ཉིད་ཆེན་མོ་རེ་མ་ཏི། རེ་མ་ཏྲེ། ཀ་ཏེ་ཞེས་པས། རེ་མ་ཛ། རེ་མ་ཛུ་གཉིས་ཀྱི་སྲོག་གོ་ཞེས་གསུངས་སོ། །ཡང་ན་བསེ་མོ་མཆེད་བཞིའི་སྲོག་ནི་ཨ་ཙིད་ཏེ་ཞེས་པས། རྡོ་རྗེ་ཡ་བྱིན། རྡོ་རྗེ་དེ་བྱིན་གཉིས་ཀྱི་སྲོག་གོ །ཨ་པ་ར་ཙི་ཏེ་ཞེས་གསུངས་པས། རྡོ་རྗེ་བསེ་བྱིན། རྡོ་རྗེ་ཕག་བྱིན་གཉིས་ཀྱི་སྲོག་གོ །ཡང་ན་ཨ་ཨ་ར་ཙིད་ཏ་ན། བསེའི་སྐྱེས་བུ་བཞིའི་སྲོག་ཡིན་པར་ཡང་གསུངས་སོ། །ད་ནི་ཤྭ་ན་མ་མཆེད་བཞིའི་སྲོག་སྟོན་ཏེ། ཛ་ཡི་ཞེས་པས། ལྕགས་ཀྱི་སྤྱང་མོ་མགོ་དགུ་མ་དང་། ལྕགས་ཀྱི་ཁྱི་མོ་་རྐང་གསུམ་གྱི་སྲོག་གོ །བི་ཛ་ཡ་ཞེས་པས། ཟངས་ཀྱི་ཝ་མོ་རྐང་གསུམ་དང་། གསེར་གྱི་ཕར་བ་ལྕེ་བརྒྱད་ཀྱི་སྲོག་གོ །ཞེས་གསུངས་སོ། །སྲོག་དྲུག་གི་མཁའ་འགྲོ་བཅུ་གཉིས་སྲོག་ཏུ་འདུས་པ་ཅི་སྟེ། དེ་ནི་འདི་ལྟ་སྟེ།ཀ་ཞེས་བྱ་བ་ན། རེ་མ་ཏིའི་སྲོག །ཀ་ཞེས་བྱ་བ་ན། རེ་མ་ཛའི་སྲོག །ཏེ་ཞེས་བྱ་བ་ན། རེ་མ་རྡོཁྲི་སྲོག་གོ །ཨ་ཞེས་བྱ་བ་ན། རྡོ་རྗེ་ཡ་བྱིན་གྱི་སྲོག །ཙི་ཞེས་བྱ་བ་ན། རྡོ་རྗེ་དེ་བྱིན་གྱི་སྲོག །ཏེ་ཞེས་བྱ་བ་ན། བསེ་བྱིན་གྱི་སྲོག །ཨ་ཞེས་བྱ་བ་ན། རྡོ་རྗེ་ཕག་བྱིན་གྱི་སྲོག །དེ་ནི་བསེ་མོ་མཆེད་བཞིའི་སྲོག་ཏུ་གསུངས། །པ་ཞེས་བྱ་བ་ན། མོན་པ་ནག་པོའི་སྲོག །ར་ཞེས་བྱ་བ་ནི། འབྱུང་པོ་སེར་པོའི་སྲོག །ཅི་ཞེས་བྱ་བ་ན། སྐུ་མདོག་དམར་པོའི་སྲོག །ཏ་ཞེས་བྱ་བ་ན། བདུད་ཀྱི་རྒྱལ་པོའི་སྲོག །གྱད་ཆེན་པོ་བཞིའི་སྲོག་གོཤྭ་ན་མའི་སྲོག་ནི། ཛ་ཞེས་བྱ་བ་ན། ལྕགས་ཀྱི་སྤྱང་མོ་མགོ་དགུའི་སྲོག །ཡེ་ཞེས་བྱ་བ་ན། ལྕགས་ཀྱི་ཁྱི་མོ་རྐང་གསུམ་གྱི་སྲོག །བི་ཞེས་བྱ་བ་ན། ཟངས་ཀྱི་ཝ་མོ་རྐང་གསུམ་སྲོག །ཛ་ཡེ་བྱ་བ་ན། གསེར་གྱི་ཕར་བ་ལྕེ་བརྒྱད་ཀྱི་སྲོག་གོ །དེ་ལྟར་སྲུངས་མ་བཅུ་དྲུག་གི་སྲོག་སྙིང་དུ་ཡང་འགྱུར་རོ། །སྲོག་དེ་རྣམས་སློབ་དཔོན་ལ་སྔ་སྐྱོར་དུ་ཕུལ་བའོ། །སྲོག་དེ་རྣམས་དྲིལ་བས་སྲོག་གཞི་ལས་ཀྱང་། །དབང་དུ་སྡུད་པའི་སྲོག་དང་། དབང་བསྐུར་བའི་སྲོག་གཉིས་ཡིན་ནོ། །ཕྱི་སྐྱོར་དུ་ཕུལ་པའི་སྲོག་གཉིས་འདི་ལྟ་སྟེ། མ་ཏ་མ་ཉ་ཀ་ར་ཨིན་ན་མ་མ་པ་ཤི་ཀུ་སྲ ད་ཏི་མ་མ་ཀརྨ་ཞེས་ཕུལ་ལོ། །སྲོག་གཉིས་ལས་ཀྱང་། བཀའ་ཉན་པའི་སྲོག་དང་། དམ་ཚིག་བསྲུང་བའི་སྲོག་གཉིས་སོ། །བཀའ་ལས་མི་འདའ་བའི་སྲོག་ནི། ནག་མོའི་མ་ཏང་ཉ་ཞེས་གསུངས་སོ། །དམ་ཚིག་བསྲུང་བའི་སྔགས་ནི། ཀ་ར་ཨི་ནན་ཅེས་གསུངས་སོ། །བསེ་མོའི་སྲོག་སྔགས་ནི། བཀའ་ཉན་པའི་སྲོག་ནི། མ་མ་ཞེས་གསུངས་སོ། །དམ་ཚིག་ལས་མི་འདའ་བའི་སྲོག་ནི། པ་ཤི་ཀུ་རུ་ཞེས་གསུངས་སོ། །པ་ཤི་ཀུ་རུ་ནི་གྱད་ཆེན་པོ་བཞིའི་སྲོག་སྙིང་ཡང་ཡིན་པར་གསུངས་སོ། ཁྲ་ན་མའི་སྲོག་ནི། ད་ཏི་མ་མ་བྲན་གྱི་ཚུལ་དུ་ཁས་བླངས་པའི་སྲོག་གོ །མ་མ་ཀརྨ་དམ་ཚིག་ལས་མི་འདའ་བའི་སྲོག་གོ །དེ་རྣི་ཕྱིར་སྐྱོར་གྱི་སྲོག་དྲུག་གོ །སྲོག་རྐྱང་པ་ནི་འདི་ལྟ་སྟེ། མ་ཏམ་ན་ལྕགས་ཀྱི་སྤྱང་མོ་མགོ་དགུའི་སྲོག །ཉ་ན་ལྕགས་ཀྱི་ཁྱི་མོ་རྐང་གསུམ་གྱི་སྲོག །ཀར་ཞེས་པས་ཟངས་ཀྱི་ཝ་མོ་རྐང་གསུམ་གྱི་སྲོག །སྨྲོ་རྣེན་ནེཇོ་པས་གསེར་གྱི་ཕར་བ་ལྕེ་བརྒྱད་ཀྱི་སྲོག །ཅེས་གསུངས་སོ། །མ་ཞེས་བྱ་བ་རྡོ་རྗེ་ཡ་བྱིན་གྱི་སྲོག་གོ །མ་ཞེས་བྱ་བ་རྡོ་རྗེ་དེ་བྱིན་གྱི་སྲོག་གོ །པ་ཞེས་བྱ་བ་རྡོ་རྗེ་བསེ་བྱིན་གྱི་སྲོག །ཤི་ཞེས་བྱ་བ་རྡོ་རྗེ་ཕག་བྱིན་གྱི་སྲོག་གོ །ཀུ་རུ་གྱད་ཆེན་པོ་བཞིའི་སྲོག་གོ །ཞེས་གསུངས་སོ། །སྒྲོལ་བྱེད་གིང་དང་། བདུད་དང་། བཙན། དགེ་བསྙེན། གཟའ་དང་། ཐང་ལྷ། ཨ༷་བོ། ཡ༷་ཤུད། སྐྱེས་བུ་ཕོ་རིགས་རྣམས་ལ་ནི། སྲོག་གཉིས་གཉིས་ལས་མེད་དོ། །དཀྱུས་སུ་ཤེས་པར་བྱ། དམ་ཅན་གསུམ་གྱི་སྐུ་གསུང་ཐུགས་ཀྱི་སྔགས་ནི། བཤད་པའི་རྒྱུད་ཀྱི་མཐུས་ཡིག་ནས་བསྟན་ནོ། །སྲོག་གི་སྙིང་པོ་འདི་རྣམས་ཡང་། །དཔའ་བོ་ཁྱོད་ལ་དབུལ་བར་བྱ། །དམ་པས་དགོངས་ལ་བཞེས་སུ་གསོལ། །འབངས་སུ་མཆི་འབངས་སུ་མཆི། །འབངས་ལ་ནན་ཏན་མ་ཆུང་ཞིག །སྙིང་རྣམས་བཏོན་ནས་དཔལ་ལ་ཕུལ། །ཕུལ་ཏེ་བྲན་གྱི་ཚུལ་དུ་ཁས་བླངས་སོ། །སྔ་སྐྱོར་ཕྱི་སྐྱོར་སྲོག་གི་སྙིང་པོ་མ་ལུས་ཀྱིས། །དཔའ་བོ་ཉིད་ཀྱིས་བཞེས་སུ་གསོལ། །ཞེས་གསུངས་སོ། །ད་ནི་སྲོག་སྙིང་ནས་བོད་པ་དང་། སྲོག་སྙིང་ནས་དབང་བསྐུར་བ་དང་། སྲོག་སྙིང་གི་བྲན་གྱི་ཚུལ་དུ་ཁས་བླངས་པ་དང་། སྲོག་སྙིང་གི་དམ་ཚིག་ལས་མི་འདའ་བར་བྱ་བ་དང་བཞིའོ། །བོད་ན་དབང་དུ་བསྡུ་བའི་སྲོག་སྙིང་ནས་བོད། ལས་ལ་འགྱེད་ན་བྲན་དུ་ཁས་བླངས་པའི་སྲོག་སྙིང་ནས་རྦད། བྲན་མོའི་ལས་ལ་དབང་བསྐུར་ན། དབང་བསྐུར་བའི་སྲོག་སྙིང་གིས་བྱ། །བྲན་མོ་ལས་མི་བྱེད་ན། དམ་ཚིག་གི་སྲོག་སྙིང་གིས་གནད་ལ་བོར་རོ། །ཞེས་གསུངས་སོ། །དེ་ལས་ཀྱང་མཁའ་འ་གྲོ་སྲོག་གི་འཁོར་ལོ་བསྐོར་ན། སྲོག་གི་འཁོར་ལོའི་བྱ་ཐབས་ནི། །གཏོར་མའི་རྒྱུད་ནས་སྟོན། དབང་དུ་སྡུད་པའི་སྲོག་གི་འཁོར་ལོ་ནི། དབང་དུ་སྡུད་པའི་སྲོག་སྔགས་གཅིག་པུ་གཞུག །སྔགས་གཞན་མི་དགོས། ལས་ལ་མི་མགྲོན་བྲན་དུ་ཁས་བླངས་པའི་སྲོག་སྙིང་གཞུག །འཁུ་ལྡོག་བྱེད་ན། དབངབསྐུར་བའི་སྲོག་སྙིང་དང་། དམ་ཚིག་གི་སྲོག་སྙིང་གཉིས་གཞུག་གོ །དེས་སྲོག་འཁོར་ལོ་ཀུན་འདྲེའོ། །ལྷ་འདྲེ་ཕོ་རིགས་མོ་རིགས་གང་གི་སྲོག་གི་འཁོར་ལོ་བསྐོར་ཀྱང་དེ་བཞིན་དུ་བྱའོ། །ཞེས་གསུངས་སོ། །རྡོ་རྗེ་ཕུར་པ་་ཆེན་པོ་ཤན་པ་སྐྲུ་གྲིའི་རྒྱུད་ལས། སྲོག་གི་གནས་ལུགས་བསྟན་པའི་ལེའུ་སྟེ་གསུམ་པའོ།། །།ད་ནི་མཁའ་འགྲོ་བསྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་སོ། །མཁའ་འགྲོ་བསྒྲུབ་པའི་གནས་བཙལ་བ་དང་རྫས་བསག་པའོ། །བདག་ཉིད་མའི་མཐུན་རྫས་ནི། བསེ་མོའི་མཐུན་རྫས་དང་། ཁྲན་མའི་མཐུན་རྫས་དང་། ཕུར་པ་བཅུ་བདུན་དང་། མངར་གསུམ་དང་། དཀར་གསུམ་དང་། མཚོ་ཆེན་པོ་བཞི་དང་། ཁྲམ་བམ་དང་། རྫས་ཚོགས་ཚད་དུ་བསག་གོ །རྫས་ཚོགས་པ་དང་ཕྱི་མཆོད་བྱ། འབུམ་ལྔ་འདོ་ན། གཟུངས་གྲ་བཞི་གདོན། ཕྱི་མཆོད་རྒྱས་པར་བྱའོ། །ཞེས་གསུངས་སོ། །ད་ནི་མཎྜལ་བྱ་བར་བསྟན་ཏེ། མཎྜལ་མདའ་གང་གྲུ་བཞི་ལ་ཁྲག་སྣ་ཚོགས་ཀྱི་ཆག་ཆག་གདབ། །དུག་སྣ་ཚོགས་ཀྱི་ཆག་ཆག་དང་། ཐལ་ཆེན་གྱི་ཆག་ཆག་གདབ་བོ། །དཀྱིལ་འཁོར་བྲི་སྟེ། དང་པོ་གྲུ་གསུམ་ལས་འཁོར་ལོ་རྩིབས་བཞི་བཅད། །དེའི་ཕྱི་རིམ་དུ་འཁོར་ལོ་རྩིབས་བརྒྱད་བཅད། །སྒོ་དང་རྟ་བབས་བཅས་པ་བྲི། ཞེས་གསུངས་སོ། །དེ་ནས་མཚམས་བཅད་དེ། །དང་པོ་སྟོང་པ་ཉིད་དུ་བསམ། །དེ་ལས་ཧཱུཾ༷་དུ་གྱུར། དེ་ལས་སྤར་ན་ཕཊ། སྤྲོས་པས་རྡོ་རྗེར་གྱུར། །ཡང་སྤྲོས་པས་འོད་དུ་ཞུ། ཨོ༷་བཛྲ་ཀི་ལི་ཀི་ལ་ཡ། སརྦ་བིབྷ་ནན་བ༷་ཧཱུཾ༷་ཕཊ། རྡོ་རྗེ་གཞོན་ནུར་གྱུར། བདག་གི་ཐུགས་ཀ་ནས་ཉི་མའི་དཀྱིལ་འཁོར་རེ་སྐྱེད། །ཧཱུཾ༷་བཅུ་བསམ། ཨོ༷་བཛྲ་ཀྲོ་དྷ་ཧཱུཾ༷་ཀ་ར་ཧཱུཾ༷། ཁྲོ་བོ་བཅུ་བསྐྱེད་དེས་འདྲེས། །དངོས་གྲུབ་བར་ཆོད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འབའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། ཨོ་བཛྲ་ཀྲོ་དྷ་ཧཱུཾ༷་ཀ་ར་ཧཱུཾ༷་གརྫ་གརྫ་ཧཱུཾ༷་ཕཊ། ཁྲོ་བོ་བཅུ་དེས་འདྲེའོ། །བགེགས་དང་ལོག་འདྲེན་ཐམས་ཅད་སོག་སྦུར་རླུད་གིས་དེད་པ་བཞིན་བསམ། དེས་ཀྱང་མི་འགྲོ་བ་ཅིག་ཡོད་ན། །ཨོ་བཛྲ་ཀི་ལི་ཀི་ལ་ཡ། །ཨ༷་ཀུ་ཤ་ཛ་ཞེས་བརྗོད་ལ། ཧཱུཾ༷་གདུག་ཅིང་སྡང་སེམས་ལྡན་པ་རྣམས། །ལྷའམ་འོན་ཏེ་བདུད་ཀྱང་རུང་། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །ཨོ་བཛྲ་ཀི་ལི་ཀི་ལ་ཡ། ཏ་ཐ་ཡ་ཏ་ཐ་ཡ་ཧྭ༷་ཕཊ། རྡོ་རྗེ་ཐོ་བས་རྫ་བྱེའུ་ཚོགས་བརྡུངས་ལེགས་པ་བཞིན་བསམ། བགེགས་བྱ་བ་མིང་མེད་དོ་ཞེས་གསུངས་སོ། །ད་ནི་ཕུར་པ་དགོད་པ་བསྟན་ཏེ། ཕུར་པའི་མཚན་ཉིད་ནི་ཟངས་སམ། ལྗོམ་དམར་རམ། དྲག་པོའི་ཤིང་ལ་བྱའོ། །དཔལ་གྱི་ཕུར་པ་ལ་བྱིན་བརླབས་དབང་བསྐུར་བ་ནི། དགོངས་འགྲེལ་དང་རྒྱུད་བྱིང་པོ་དང་མཐུན་ནོ། །ཕུར་པ་བཅུ་དྲུག་ལ་བྱིན་བརླབས་མི་དགོས་སོ། །དཔལ་གྱི་ཕུར་པ་དབུས་སུ་དགོད། ཁྲ་ན་མ་མཆེད་བཞིའི་ཕུར་པ་འཁོར་ལོ་རྩིབས་བཞི་ལ་དགོད། འཁོར་ལོ་རྩིབས་བརྒྱད་ལ། མཚམས་བཞིའི་འཁོར་ལོ་ལ་བསེ་མོའི་ཕུར་པ་དགོད། ཕྱོགས་བཞིའི་འཁོར་ལོ་ལ་བདག་ཉིད་མའི་ཕུར་པ་དགོད། སྒོ་བཞི་ལ་བསེའི་སྐྱེས་བུ་བཞིའི་ཕུར་པ་དགོད། གྲྭ་བཞིར་བསེ་མདུང་བཞི་ཡང་གཟུགས། མཚོ་བཞི་ཡང་བཞག །ཁྲམ་བམ་ཡང་མཁར་ཐུན་ལ་བཞག །སྨན་དང་། གཏོར་མ་དང་། རག་ཏ་དང་། ཐུན་རྫས་དང་། རྫས་ཡོད་ཚད་དཀྱིལ་འཁོར་ལ་དགྲམ་མོ། །ཞེས་གསུངས་སོ། །དེ་ནི་གཙོ་བོ་བསྐྱེད་ཅིང་འཁོར་སྤྱན་དྲངས་པ་བསྟན་ཏེ། གཙོ་བའི་ཕུར་པ་ལ་གཙོ་བོར་བྱིན་གྱིས་བརླབས་པ་ཀུན་མཐུན་པར་བྱས་ལ། གཙོ་བོ་ཉིད་དབུས་སུ་བསྐྱེད་ལ་བཞག །དེ་ནས་མཁའ་འགྲོ་མ་སྤྱན་དྲངས་ཏེ། །ཧུ༷། སྲིད་པའི་ཕུར་བུ་བསྒྲུབ་པ་དང། །དབང་དང་དངོས་གྲུབ་བླང་བྱའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཨ་ཛི་ཏེ་ཨ་པ་རྭ་ཛི་ཏེ། ཛ་ཡེ་བི་ཛ་ཡེ། ཀ་ཏང་ཀ་ཏེ་ཡེ། ཞེས་སྤྱན་དྲང་ངོ་། །བཞུགས་སུ་གསོལ་བ་ནི། །ཧུ༷། སྲིད་པ་རྡོ་རྗེ་གྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །ཅེས་མི་རོ་རློན་པའི་སྟེང་དུ་བཞུགས་པར་བསམ་མོ། །དམ་ཚིག་བསྟན་པ་ནི།སྔོན་ཆད་ཇི་ལྟར་དམ་བཅས་པ། །མངོན་སྤྱོད་འཕྲིན་ལས་མྱུར་དུ་མཛོད། །ཅེས་དམ་བཅའ་བོ། །སྨན་མཆོད་བྱ་སྟེ། སྔགས་མཆོད་ཀྱང་གལ་མེད། སྨན་ཆེ་བར་བཏང་ཡང་གལ་མེད། །ཧོ། བཅོམ་ལྡན་དཔལ་ཆེན་རྡོ་རྗེ་གཞོན་ནུ་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །ཨོ༷་བཛྲ་ཀི་ལི་ཀི་ལ་ཡ། མ་ཧྭ་པརྩི་ཨ་མྲི་ཏ་ཁུ་ཧི། འཇིག་རྟེན་ཁམས་རྣམས་བསྲུང་བར་ཞལ་འཆེས་པ། །དམ་ཅན་ཤྭ་ན་མུ་ཁ་མཆེད་བཞི་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཛ་ཡེ་བི་ཛ་ཡེ་ཁ་རམ་ཁ་ཧི། དམ་ཅན་ཁས་བླངས་བདག་ཉིད་ཆེན་མོ་མཆེད་བཞི་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེའི་བརྩེར་དགོངས་དབང་དང་དངོས་གྲུབ་སྩོལ། ཀ་ཏང་ཀ་ཏེ་ཡེ་ཁ་ར༷་ཁ་ཧི། མཁའ་འགྲོ་འཇིག་རྟེན་དབང་སྡུད་བསེ་མོ་མཆེད་བཞི་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེ་བརྩེ་དགོངས་དབང་དང་དངོས་གྲུབ་རྩོལ། །ཨ་ཛི་ཏེ་ཨ་པ་ར་ཛི་སྟེ། མ་ཧ་པ྅་ཨ་མྲི་ཏ་ལ་ཁ་ར༷་ཁ་ཧི། དམ་ཅན་བསེ་ཡི་གྱད་ཆེན་རྣམ་བཞི་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེས་བརྩེ་དགོངས་དབང་དང་དངོས་གྲུབ་རྩོལ། །ཞེས་དེ་ནས་དམ་ཅན་རིགས་འཛིན་ཕོ་མོ་རྣམས་དང་དྲེགས་པ་ཅན་མཐའ་དག་ལ་མཆོད་དོ། །ཨོ་ཨུ༷༷ཧུ༷་གསུམ་གྱིས་བདུད་རྩི་བྱིན་གྱིས་བརླབས་ལ། སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་སྐྱེད་ཅིག །གསུང་གི་དབྱིག་ཏུ་བདག་སྐྱེད་ཅིག །ཐུགས་ཀྱི་དབྱིག་ཏུ་དག་སྐྱེད་ཅིག །ཀྭ་ཡ་སིརྙི་ཨོ། བཱཀ་སིདྷ་ཨུ། ངཙཏཱ༡་སིརྙི་ཧུ༷། ཨོ་བཛྲ་ཀི་ལི་ཀི་ལ་ཡ། སརྦ་བིལྷུ་ནན་བ༷་ཧུ༷་ཕཊ། སྐུ་གསུང་ཐུགས་ཀྱི་དངོས་གྲུབ་ཐོབ་པར་བསམ་མོ། །ཧུ༷། ཐབས་ཀྱིས་སྤྱོད་པའི་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་འཕྲིན་ལས་རྫོགས་མཛད་ནས། དབང་དང་བྱིན་རླབས་བདག་ལ་སྩོལ། །མ་ཧྭ་བ་ལིང་ཏ་ལ་ཁ་ཧི། མ་ཧྭ་རག་ཏ་ལ་ཁ་ཧི། ཞེས་མཆོད་པ་དབུལ་ལོ། །དེ་ནས་བྲན་མོ་ལས་ལ་དབང་བསྐུར་ཏེ། བདག་རྡོ་རྗེ་གཞོན་ནུར་གསལ་བར་བྱས་ལ། བྲན་མོ་རྣམས་དཀྱིལ་འཁོར་ལ་གནས་པ་རྣམས་ལ། ཉོན་ཅིག་པའི་ཏིང་ངེ་འཛིན་དང་ཆས་ལ། གོང་དུ་སྲོག་སྙིང་ཕྱེ་བའི་དུས་ཀྱི་དབང་བསྐུར་བའི་སྲོག་སྙིང་རྣམས་འདིར་བཟླས་ལ། བྲན་དང་ཕོ་ཉ་བཀའ་ཉན་ཚོགས། །སྔོན་ཆད་ཇི་ལྟར་དམ་བཅས་བཞིན། །མངོན་སྤྱོད་འཕྲིན་ལས་མྱུར་དུ་མཛོད། །ཅེས་བྲན་མོ་ལས་ལ་དབང་བསྐུར་ཏེ། བཀའ་ཉན་ཏེ་ལས་བྱེད་དོ། །ད་ནི་འཛབ་བྱ་སྟེ། ཨོ༷་བཛྲ་ཀི་ལི་ཀི་ལ་ཡ། ཨ་ཛི་ཏེ་ཨ་པ་རྭ་ཛི་ཏེ། མ་མ་པ་ཤི་ཀུ་མྲ ཀ་ཏང་ཀ་ཏེ་ཡ། མ་ཏམ་ཉ་ཀ་ར་ཨི་ནན། ཛ་ཡ་བི་ཛ་ཡེ། ད་ཏི་མ་མ་ཀརྨ། མ་ར་ས་ནི་སྤྲ་མ་རྟ་ནེ་ཡེ་ཧུ༷་ཕཊ། སརྦ་བིལྷུ་ནན་བ༷་ཧུ༷་ཕཊ། ཅེས་སྔགས་བཟླས་པས། བདག་རྡོ་རྗེ་གཞོན་ནུའི་་སྦུགས་ཁོང་དུ་བརྡུབས་པས། ཐུགས་ཀའི་རྟ་མགྲིན་དང་ཡེ་ཤེས་སེམས་དཔས་བཟླས། ཐུགས་ལ་ནས་འོད་ཟེར་འཕྲོས་པས། དཀྱིལ་འཁོར་གྱི་མཁའ་འགྲོ་རྣམས་ཀྱིས་བཟླས། དེ་ལས་འོད་འཕྲོས་པས། འཇིག་རྟེན་གྱི་ཁམས་འདི་དག་བུད་མེད་ནག་མོ་དང་དམར་མོས་ཁེངས་ནས། ཕྱག་ན་ཕུར་པ་འདྲིལ་ཞིང་གང་ན་གནས་ཀྱང་སྒྲོལ་བར་བྱེད་པ། གྲོག་ཚང་བཤིག་པའམ། བུད་ཚང་བཤིག་པ་བཞིན་དུ་ཕར་འགྲོ་ཚུར་འདུ་བ། མེར་མེར་པོ་ཤིག་ཤིག་པར་ཡོད་པར་བསམ། སྔགས་ནི་ཉིན་ཁྲི་མཚན་ཁྲི་གདོན་ནོ། །འཛབ་བསྐུལ་བ་ནི།བཤད་པའི་རྒྱུད་ནས་ཤན་པའི་བསྐུལ་སྟོན། དེའི་རྟིང་ལ་མཁའ་འགྲོའི་ཐུན་བྱའོ། །ཞེས་གསུངས་སོ། །ད་ནི་ཚོགས་བྱ་སྟེ། སྤྱི་དང་མཐུན་པར་བྱའོ། །གྲུབ་པའི་རྟགས་ནི་རབ་འབྲིང་ཐ་མ་གསུམ་སྟེ། རབ་ནི་མཁའ་འགྲོ་མས་ལུང་སྟོན་པ་དང་། འབྲིང་ནི་རྨི་ལམ་དུ་འོང་བ་དང། །ཐ་མ་ནི་མེ་དང་འོད་འོང་བ་དང་། དེ་ལྟར་བྱུང་ཙམ་ན། གདབ་པའི་ལས་བྱ་སྟེ། སྤྲོ་བ་དང་། དགུག་པ་དང། བསྟིམ་པ་དང་བཞི་བྱས་ལ། ལིང་གལ་རྣམས་ཤེས་བསྟིམ་ལ། གཙོ་བོ་ཕུར་པ་ལ་བྱིན་བརླབས་དབང་བསྐུར་མཆོད་པ་ཚུལ་བཞིན་བྱས་ལ། ཕུར་པ་དྲིལ་ཞིང་། ཛ། རྡོ་རྗེ་བསད་པའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། ཨོ༷་བཛྲ་ཀི་ལི་ཀི་ལ་ཡ། ཆེ་གེ་མོ་པ་ར་བིད་ཏ་ན་ཧུ༷་ཕཊ། ནན་ནི་ཛ། མ་ར་ས་ནི་པྲ་མརྟ་ནི་ཡེ་ཧུ༷་ཕཊ། ཨོ༷་ལ༷་དང་བདེན་པ་དང་ཐུན་གསུམ་འདྲེའོ། ཁྲ་ན་མ་མཆེད་བཞིའི་ཕུར་པ་བླངས་ལ་དྲིལ་ཞིང་། ཛ། བྲན་དང་ཕོ་ཉ་བཀའ་ཉན་ཚོགས། །སྔོན་ཆད་ཇི་ལྟར་དམ་བཅས་བཞིན། །མངོན་སྤྱོད་འཕྲིན་ལས་མྱུར་དུ་མཛོད། །གདུག་ཅིང་སྡང་སེམས་ལྡན་པ་ཡི། །ལྷའམ་འོན་ཏེ་བདུད་ཀྱང་རུང་། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པ་བྱོས། །ཨོ་བཛྲ་ཀི་ལི་ཀྭ་ལ་ཡ། ཆེ་གེ་མོ་ཀ་ཏང་ཀ་ཏེ་ཡེ། མ་ཏ་མ་ཉ་ཀ་ར་ཨིན་ན། མ་ར་ས་ནི་པྲ་མརྟ་ནི་ཡེ་ཧཱུཾ་ཕཊ། ནན་ནི་ཛ། སུ་རུ་སུ་རུས་ཐུན་བྲབ་བོ། །ནག་མོ་གསུམ་ཡང་དེ་བཞིན་དུ་བྱས་ལ་གདབ་བོ། །བསེ་མོ་མཆེད་བཞིའི་ཕུར་པ་བླངས་ལ། །ཛ། བྲན་དང་ཕོ་ཉ་བཀའ་ཉན་ཚོགས། །སྔོན་ཆད་ཇི་ལྟར་དམ་བཅས་བཞིན། །མངོན་སྤྱོད་འཕྲིན་ལས་མྱུར་དུ་མཛོད། །གདུག་ཅིང་སྡང་སེམས་ལྡན་པ་ཡི། །ལྷའམ་འོན་ཏེ་བདུད་ཀྱང་རུང་། །ངལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་བྱོས། །ཨོ་བཛྲ་ཀྱི་ལི་ཀི་ལ་ཡ་ཆེ་གེ་མོ་ཨ་ཛི་ཏེ། ཨ་པ་རྭ་ཛི་ཏེ། མ་མ་པ་ཤི་ཀུ་རུ་མར་ས་ནི་པྲ་མརྟ་ནི་ཡེ་ཧུ༷་ཕཊ། ནཎ་ནི་ཛ། སུ་རུ་སུ་རུས་ཐུན་བྲབ། བསེ་མོ་མཆེད་གསུམ་ཡང་དེས་གདབ་བོ། །མཁའ་འགྲོ་མའི་ཕྱག་ཆ་ཀུན་གྱིས་ཀྱང་གདབ་བོ། །མིང་བྱང་ལྷག་ལྷོག་རྣམས་བསྲེག་པ་དང་གཏོར་མར་གཏང་ངོ་། །མཁའ་འགྲོ་རྣམ་གསུམ་བསྒྲུབ་པ་ནི། གྲོང་ཡུལ་ཐག་ཉེ་བར་མི་བྱའོ། །ཞེས་གསུངས་སོ། །རྡོ་རྗེ་ཕུར་པ་ཆེན་པོ་ཤན་པ་སྐྲུ་གྲིའི་རྒྱུད་ལས། མཁའ་འགྲོ་བསྒྲུབ་པའི་ལེའུ་སྟེ་བཞི་པའོ།། །།ད་ནི་བཅོམ་ལྡན་འདས་དཔལ་ཀུན་ཏུ་བཟང་པོས་བསེ་མིང་སྲིང་བསྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་སོ། །དང་པོར་མཚམས་བཅད་ནས་བསྒྲུབ་པ་དང་། རྒྱུན་དུ་བསྒྲུབ་པ་གཉིས་སོ། །དེ་ལ་མཚམས་གཅོད་ན། མཎྜལ་གྱི་དཀྱིལ་དུ་དོང་གྲུ་གསུམ་དུ་བྲུས་ལ། དེའི་ནང་དུ་སྙིང་སྣ་ཚོགས་ལ་བྱས་པའི་གཏོར་མ་གཞག་གོ །གྲུ་བཞི་རུ་བསེ་མདུང་བཞི་གཟུགས་སོ། །མིང་བྱང་གཏོར་མའི་ཁ་ལ་བཞག་གོ །རྒྱུན་དུ་བྱེད་ན་སྔས་འོག་ཏུ་དོང་གྲུ་གསུམ་བྲུས་ལ། གཏོར་མ་དེ་རུ་བཅུག་ལ། མིང་བྱང་གཏོར་མའི་ཁ་ལ་གཞག་ལ་བསྒྲུབ་བོ། །ཚེ་དང། ཡུངས་ནག་དང་། དུག་སྣ་ཚོགས་དང་། ཟངས་ཕྱེ་དང་། ལྕགས་ཕྱེ་དང་། བསེ་མོའི་འཁར་བ་དང་། བསེ་ཕོའི་རྡོ་ཐུན་རྣམས་བཤམ་མོ། །དོང་དེ་མིས་མི་མཐོང་བར་ཁ་བཅད། དེ་ནས་བདག་ཉིད་སྟོང་པ་ཉིད་དུ་བསམ། དེ་ལས་ཧུ༷་ཞེས་པས་ཧུ༷་མཐིང་ནག་གཅིག་ཏུ་བསམ། དེ་ལས་སྔགས་ཀྱིས་གཙོ་བོ་རུ་བསྐྱེད་དོ། །ཨོ༷་བཛྲ་ཀི་ལི་ཀི་ལ་ཡ། སརྦ་བིསྒྱུན་བ༷ཧུ༷་ཕཊ། ཅེས་བརྗོད་པས། རྡོ་རྗེ་གཞོན་ནུར་གསལ་བར་བསྒོམ་མོ། །སྔགས་དེས་གནས་ལྔར་བསྲུང་ངོ་། །དེ་ནས་འཛབ་བྱ་སྟེ། ཨོ༷་བཛྲ་ཀི་ལི་ཀི་ལ་ཡ་སརྦ་བིསྒྱུན་བ༷་ཧཱུཾ་ཕཊ། ཅེས་མི་མང་རིན་ཙམ་དུ་བཟླས་སོ། །དེ་ནས་སྔགས་ལ་འཇུག་པར་བྱ་སྟེ། མ་ར་ས་ན་པྲ་མརྟ་ནི་ཡེ་ཧཱུཾ་ཕཊ། ཐྲི་ཀྲང་ཀར་ཉེ་ཡེ་ཧུ༷་ཕཊ། ཅེས་མང་དུ་བཟླས་པས།མིང་སྲིང་རྣམས་རང་དབང་མེད་པར་འདུས་ནས་བཀའ་ཉན་ཅིང་གསུང་བསྒྲུབ་པར་བསམ་མོ། །དམ་ཉམས་པའི་དགྲ་བོ་ལ་བདུད་ཀྱི་སྨྱོ་འབོག་ལ་སོགས་བ་བཞི་ནི་འགུག་པའི་ལས་བྱེད། ལྕགས་ཀྱུ་དང་ཞགས་པ་ལྕགས་སྒྲོག་དྲིལ་བུ་བཞི་བསྣམས་པས། དེ་གང་ན་འདུག་ཀྱང་འགུགས་པར་བྱེད་པ། བསེ་ཡི་མིང་པོ་གདུག་པ་ཅན་བཞི་ཡིས་ཉམས་པ་སྒྲོལ་ཞིང་སྙིང་ཁྲག་ཁ་རུ་འཐུང་བར་བསམ་མོ། །དེ་ལྟར་བཟླས་པས་གཏོར་མ་མེ་རུ་འབར་བ་འབྱུང་། །ལིང་ག་འགུལ་བ་འབྱུང་། གོང་གི་ཐུན་ཐམས་ཅད་བྲབ་བོ། །ཏིང་ངེ་འཛིན་གྱིས་ཀྱང་དགྲ་པོ་ལ་བརྒྱབ་པས། ནག་མྱོགས་མྱོགས་འདུག་པར་བསམ་མོ། །དེ་ནས་མིང་བྱང་བསྲེགས་ལ་གཏོར་མར་དབུལ། གཏོར་མ་ལ་གོང་གི་སྔགས་བཟླས་ལ་དགྲའི་ཕྱོགས་སུ་འཕང་། མེ་རུ་འབར་རམ་མེར་ལམ་གྱིས་འབྱུང་ངོ་། །དེ་ནི་རབ་ཡིན། མེ་སྟག་ཙམ་བྱུང་ཡང་དོན་གྲུབ་འོང་ངོ་། །དེ་བཞིན་དུ་བྱས་ན་རྟགས་རྣམས་མྱུར་བར་འོང་ངོ་། །དེ་བཞིན་དུ་བྱས་ན་རྟགས་རྣམས་མྱུར་བ་འོང་སྟེ་ལས་བསྟུན་ལ་བྱའོ། །བསེ་མོའི་ངན་སྔགས་དྲག་པོ་འདི། །གསང་བའི་ལས་སུ་བྱས་པ་ཡིན། །མི་གསང་བསྒྲགས་ན་དམ་ཚིག་ཉམས། །ལས་རྣམས་ཐམས་ཅད་མྱུར་བར་ནུས། །ཞེས་གསུངས་སོ། །རྡོ་རྗེ་ཕུར་པ་ཆེན་པོ་ཤན་པ་སྐྲུ་གྲིའི་རྒྱུད་ལས། བསེ་མོ་བསྒྲུབ་པའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་ཀྱིས་འཇིག་རྟེན་པ་དྲུག་ངན་སྔགས་སུ་བསྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་སོ། །ད་ནི་ངན་སྔགས་བསྒྲུབ་པ་ལ་ཡིད་དམ་གྱི་ལྷ་མི་དགོས། འཕྲིན་ལསད་ཀྱི་གཞུང་མི་དགོས། དེ་ལྟར་འདུག་ན་ངན་སྔགས་མིན། །ངན་སྔགས་འདི་ལྟ་སྟེ། ཤ་རྐྱང་གི་སྙིང་ལ་རྩེ་མོ་སུམ་ཤགས་སུ་བྱས་ཏེ། དེ་རུ་མིང་བྱང་བཅུག་ལ། ཚེ་ལག་ཏུ་ཐོགས་ལ། དབུ་ལ་མཐིང་བེར་གྱི་ལེ་བརྒན་བཅིངས་ལ། སྐུ་ལ་དར་དམར་པོའི་བེར་གསོལ་ལ། བདག་ཉིད་ཡམ་ཤུད་དམར་པོའི་ཆས་སུ་ཞུགས་ལ། ལག་པ་གཡོན་པ་རུ་སྙིང་ཐོགས་ལ། གཡས་སུ་མཚེ་ཐོགས་ལ། ངན་སྔགས་བཟླས་ཏེ། ཆེ་གེ་མོ་ཛ་ལ་པ་ཡ་ཛ་ལ་པ་ཡ་ཧུ༷་ཕཊ། ཅེས་སྙིང་གི་ལིང་ག་ལ་མཚེ་བརྒྱབ་ལ། །མགོ་ནས་རྐང་པར་འདོན། རྐང་པ་ནས་མགོར་འདོན། དཔག་ཆེན་གྱི་མདའ་ལྷར་བསམ་ལ་ང་རོ་དང་བཅས་པར་བསྐྱེད། དེ་ལ་གུས་པར་བྱས་པ་ན། ལས་རྣམས་མི་འགྲུབ་མི་སྲིད་དོ། །ཞེས་གསུངས་སོ། །ད་ནི་རྒྱལ་པོ་སྲོག་བདག་གི་ངན་སྔགས་བསྟན་ཏེ། རྟ་ཐོད་དཀར་མོ་ལ་མཁར་བརྩིགས། གྲོ་ག་སེར་པོ་ལ་ལིང་ག་བྲིས། རྒྱལ་པོའི་སྐུ་རྟེན་དང་ཡུངས་ཀར་རྒྱལ་པོ་ཚགས་བྱས་ལ། བདག་ཉིད་དར་དཀར་པོའི་ཐོད་བ་ཅིང་། བྱད་དཀར་པོར་བྱ། དར་གྱི་གོས་གྱོན་ལ་སྔགས་བཟླས་ཏེ། ཤི་ཀྲིན་ཨ་ན་ཡ་ཧུ༷་ཕཊ། ཡུངས་ཀར་གྱིས་རྟ་ཐོད་ལིང་ག་ལ་བརྡེག །རྟ་ཐོད་དེ་ལ་འོད་འབར་བ་དང་མེ་འབར་བ་བྱུང་ན། རྟ་ཐོད་དགྲའི་ཁང་པའི་འགྲམ་འོག་ཏུ་སྦའོ། །སྲོག་བདག་རྒྱལ་པོའི་ངན་སྔགས་སོ། །ཞེས་གསུངས་སོ། །ད་ནི་བདུད་ཀྱི་ངན་སྔགས་ནི། མི་ནག་པོའི་སྙིང་ལ། སྙིང་ཤུན་ལ་མིང་བྱང་བྲིས་ལ། ཕྱི་རུ་བཟློག་ལ་ནང་དུ་བརྟག །ཐོད་པའི་ནང་དུ་སྙིང་གི་རྩེ་མོ་ཁ་ནང་དུ་བསྟན་ལ་བཞག་གོ །ཐལ་ཆེན་དང་། ཐུན་ཡུངས་ཀར་དང་། ཁྲག་དང་གསུམ་གྱིས་ཐུན་བྱ། བདག་ཉིད་བདུད་ནག་པོ་འཛུམ་མེད་ཀྱི་ཆས་སུ་ཞུགས་ལ། དར་ནག་པོའི་དབུ་ཐོད་བཅིངས་ལསྐུ་ལ་དར་ནག་གི་གོས་གྱོན་ལ། བྱད་ནག་པོར་བསྐུས་ལ། རྐང་པ་ལ་རེ་བའི་འབོབ་བུ་གྱོན་ལ། སྙིང་གི་ནང་ན་དགྲ་བོའི་སྲོག་དབུགས་ཡོད་པར་བསམས་ལ། མིག་འབྲུ་ཚུགས་སུ་་བལྟས་ལ། ངན་སྔགས་བཟླས་ལ་ཐུན་བརྡེག་གོ །ཆེ་གེ་མོ་ཏ་ཐ་ཡ་ཏ་ཐ་ཡ་ཧུ༷་ཕཊ། ཅེས་ཐུན་མང་དུ་བྲབ་བོ། །བདུད་ཀྱི་རྟགས་རྣམས་འབྱུང་ངོ་། །རྟགས་བྱུང་བ་དང་སྙིང་དང་མིང་བྱང་བཅས་པ་བདུད་ལ་སྤྱིན། མཆོད་པ་འབུལ་ལོ་ཞེས་གསུངས་སོ། །ད་ནི་དགེ་བསྙེན་གྱི་ངན་སྔགས་བསྟན་ཏེ། མདའ་བྱ་རྒོད་མ་ལ་དར་སྣའི་བརྒྱན་བཏགས་ལ། མདའི་སྒྲོ་མཚམས་སུ་དགེ་བསྙེན་གྱི་སྔགས་རྣམས་བྲིས་ལ་བཞག །ར་ཁམ་པ་དག་སྣའི་ཐོད་པ་དང་སྙིང་ལ། ཐོད་པའི་ནང་དུ་སྙིང་གཞུག །སྙིང་ལ་ཐུན་རྫས་བྱ། ཁྲག་དང་དུག་དང་། ཏིལ་གསུམ་གྱི་ཐུན་བྱ། ངན་སྔགས་བཟླས་པ་ནི། ཆེ་གེ་མོ་ཧ་ས་ར་ན་ཧ་ཏ་ན་ཧུ༷་ཕཊ། ར་ཐོད་དུ་ཐུན་བྱ། རྟགས་བྱུང་བ་དང་སྙིང་དགེ་བསྙེན་ལ་མཆོད། ར་ཐོད་མནན་པ་བྱའོ། །ཞེས་གསུངས་སོ། །ད་ནི་བཙན་གྱི་ངན་སྔགས་བསྒྲུབ་པ་ནི། སྙིང་སྣ་གསུམ་ལ་གཏོར་མ་བྱ། །རྟ་དམར་པོ། ལུག་སེ་པོ། བྱ་དམར་པོ་གསུམ་གྱི་སྙིང་སྣ་ལ་གཏོར་མ་བྱ། ཤིང་བྱང་ལ་མིང་བྱང་བྲི། བདག་ཉིད་བཙན་གྱི་ཆས་སུ་ཞུགས་ཏེ། དར་དམར་པོའི་ཐོད་བྱས་ལ། བེར་དམར་པོ་གྱོན་ལ། ངན་སྔགས་བཟླས་ཏེ། ཆེ་གེ་མོ་བི་ཏ་ཡ་བི་ཏ་ཡ་ཧུ༷་ཕཊ། ཅེས་མང་དུ་བཟླས། རྟགས་བྱུང་བ་དང་ཤིང་བྱང་མེ་ལ་བསྲེག །ཐལ་བ་བྲག་དམར་པོ་བཙན་གནས་སར་གནན་ནོ། །ཞེས་གསུངས་སོ། །ད་ནི་སྒྲོལ་བྱེད་གྱིང་གི་བསྒྲུབ་པ་བསྟན་ཏེ། གནས་ཁང་ཤིན་ཏུ་དབེན་པར་སྟེགས་བུ་མདའ་གང་བ་བརྩིགས་ཏེ། དེར་ཁྲག་གི་ཆག་ཆག་བཏབ་ལ། སྐྱེས་པ་གྲིར་ཤི་བའི་སྙིང་ནང་དུ་ལིང་ག་བཅུག་ལ། བདག་ཉིད་དཔལ་གྱི་ཆས་སུ་ཞུགས་ལ། ཡུངས་ཀར་དང་ཡུངས་ནག་ལ་ཐུན་བསྔགས་ལ་སྙིང་ལ་བྲབ་བོ། །སྔགས་བཟླས་བར་བྱ་སྟེ། ཆེ་གེ་མོ་ཨུ་བེ་ཤ་ཡ་ཨུ་བེ་ཤ་ཡ་ཧུ༷་ཕཊ། ཅེས་བཟླས་པས། སྙིང་འགུལ་བ་དང་འཕར་བ་འབྱུང་ངོ་། །དེ་བྱུང་བ་དང་ལིང་ག་དམེ་ལ་བསྲེགས་ལ་ཐོད་ནང་དུ་བཅུག་ལ་ལྷ་ཁང་དུ་མནན་པ་བྱ། སྙིང་དེ་གཏོར་མར་འབུལ་ལོ། །ཞེས་གསུངས་སོ། །རྡོ་རྗེ་ཕུར་པ་ཆེན་པོ་ཤན་པ་སྤུ་གྲིའི་རྒྱུད་ལས། འཇིག་རྟེན་པ་དྲུག་བསྒྲུབ་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་དྲག་པོ་འབར་བའི་རྒྱལ་པོ་ཆེན་པོ་དེ།དྲག་པོ་དུག་ཐུན་བསྒྲུབ་པའི་ཏིང་ངེ་འཛིན་ལ་ཞུགས་ནས་འདི་གསུངས་སོ། །དྲག་པོའི་དུག་ཏུ་བསྒྲུབ་པ་ནི། དུར་ཁྲོད་དམ་མི་ཕུང་བའི་རེ་ཤུལ་འདྲེ་ཡོད་པའི་གནས་སུ་བསྒྲུབ་་པར་བྱའོ། །རབས་ཆད་ནག་པོའི་ཐོད་པར་བཙན་དུག་དང་། ར་དུག་དང་། བོང་དུག་ལ་སོགས་པ་དུག་སྣ་ཚོགས་བསགས་པ་དམེ་ཁྲག་གིས་སྦྲུས་ལ་ཐོད་པར་བླུག་སྟེ། སྟེགས་བུའི་ཁར་བཞག་ལ་དྲག་པོའི་བསྒྲུབ་པ་ལ་འཇུག་པ་བྱའོ། །ཡང་དགྲ་བོའི་ཟག་པའི་རྫས་ལ་ལིང་ག་བྱས་ལ་ཐོད་ནང་དུ་བཅུག་ལ་ཐུན་གྱིས་བྲབ་པར་བྱེད། །བཛྲ་ཀི་ལི་ཀི་ལི་ཡ། ཆེ་གེ་མོ་ཧ་ས་ཡ་ར་ན་ཧ་ཏ་ན་ཧུ༷་ཕཊ། ཤི་ཀྲིན་ཨུ་ན་ཡ་ཧུ༷་ཕཊ། ཛ་ལ་པ་ཡ་ཛ་ལ་པ་ཡ་ཧུ༷་ཕཊ། ཨུ་བེ་ཤ་ཡ་ཨུ་བེ་ཤ་ཡ་ཧུ༷་ཕཊ། བི་ཏ་ཡ་བི་ཏ་ཡ་ཧུ༷་ཕཊ། ཏ་ཐུ་ཡ་ཏ་ཐུ་ཡ་ཧུ༷་ཕཊ། མ་ར་ས་ནི་པྲ་མརྟ་ནི་ཡེ་ཧུ༷། ཆེ་གེ་མོ་མར་ཡ་རྦད་ཧུ༷་སརྦ་བིསྒྱུ་ན་བ༷་ཧུ༷་ཕཊ། ཅེས་བཟླས་ནས་ཐོད་པའི་དུག་ཐུན་ལ་བསྔགས་པས། རྟགས་སུ་ཐུན་དེ་ཉིད་ཁོལ་བ་དང་མེ་འབར་བར་འགྱུར་ཏེ། དེ་ནས་ལིང་ག་ལ་བྲབ་པས། དགྲ་བོ་དེ་ཉིད་དུག་ཁྲག་གིས་མྱོས་ནས་བརྒྱལ་ཞིང་མྱུར་དུ་སྒྲོལ་བར་འགྱུར་རོ། །ཞེས་གསུངས་སོ། །དྲག་པོའི་ཁྲོ་བོས་དུག་གིས་ལྷ་རྣམས་འབྱེད། །དུག་ཏུ་བསྒྲུབ་པས་ཤིན་ཏུ་ཟབ་པར་བསྟན། །རྫས་ཀྱི་འབྲེལ་བས་ནུས་མཐུ་ཡོད་པར་བྱེད། །ཐབས་ཀྱི་སྒོ་ནས་ཕ་རོལ་ཕྱིན་པར་བྱེད། །མང་པོ་ཚོགས་པའི་ནུས་མཐུས་ལས་རྣམས་འགྲུབ་པར་བྱེད། །ཅེས་གསུངས་སོ། །རྡོ་རྗེ་ཕུར་པ་ཆེན་པོ་ཤན་པ་སྐྲུ་གྲིའི་རྒྱུད་ལས། ངན་སྔགས་ཀྱི་སྔགས་དྲུག་དང་དྲག་པོ་དུག་བསྒྲུབ་བསྟན་པའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་རྒྱུན་གྱི་ཚོགས་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ། ཚོགས་རྒྱས་འབྲིང་རྣམ་པ་གསུམ། ཚོགས་རྒྱས་པ་ནི། ཚོགས་རྒྱུད་ནས་བསྟན། འབྲིང་པོ་ནི་དགོངས་འབྲེལ་ནས་བསྟན། འདི་ཚོགས་ལས་ཐ་ཆུངས་སོ། །ཞེས་གསུངས་སོ། །རྣལ་འབྱོར་པ་ཚོགས་ལམ་པ་རྣམས་ལ། ལྟ་བའི་སྒོ་ནས་ཚོགས་བསྟན་པ་དང་། སྒོམ་པའི་སྒོ་ནས་ཚོགས་བསྟན་པ་དང་། འཕྲིན་ལས་ཀྱི་སྒོ་ནས་ཚོགས་བསྟན་པ་དང་གསུམ་མོ། །འཕྲིན་ལས་ཀྱི་སྒོ་ནས་ཚོགས་བསྟན་པ་ནི་རྒྱུད་གཞན་ནས་བསྟན་ནོ། །ལྟ་བའི་སྒོ་ནས་ཚོགས་བསྟན་པ་ནི་རྣལ་འབྱོར་བ་ལྟ་བ་དང་ལྡན་པ། བདག་ཉིད་རང་བཞིན་ལྷུན་གྱིས་གྲུབ་པའི་དཀྱིལ་འཁོར་དུ་འདུག་པ། དཀྱིལ་འཁོར་ཉིད་ངོ་གྲོལ་བ།ལྷ་ཉིད་མ་འདྲེས་ལ་ཡོངས་སུ་རྫོགས་པར་འདུག་པ། དེ་ནི་རང་གི་ཀུན་གཞི་བྱང་ཆུབ་ཀྱི་སེམས་ལས་བྱུང་སྟེ། ཚོགས་ལ་དབུལ་བྱ་དབུལ་བྱེད་གཉིས་མེད་དེ། ཚོགས་ལ་བསགས་པའི་ཡུལ་མེད། དབུལ་བའི་གནས་མེད། ཚོགས་སོག་པ་ཡང་རང་གི་རིག་པ་བྱང་ཆུབ་ཀྱི་སེམས། དབུལ་བ་ཡང་རང་གི་རིག་པ་བྱང་ཆུབ་ཀྱི་སེམས། དབུལ་ས་ཡང་རང་གི་རིག་པ་བྱང་ཆུབ་ཀྱི་སེམས། དབུལ་བྱ་དབུལ་བྱེད་རྣམ་པ་གཉིས་མེད་པའི་ཕྱིར་རོ། །དེའི་ཕྱིར། བདག་གིས་བདག་མཆོད་ཀུན་མཉེས་ཕྱིར། །ཞེས་བྱའོ། །དེ་ནི་ཁྱད་པར་གྱི་ཚོགས་ལམ་མོ། །རྣལ་འབྱོར་ལྟ་བ་རབ་ཀྱིས་རྟོགས། །ཞེས་གསུངས་སོ། །ཚོགས་ལམ་འབྲིང་པོ་ནི། རྣལ་འབྱོར་པ་འབྲིང་གི་ཆ་རྐྱེན་ཏེ། བཟའ་བ་དང་བཏུང་བའི་ཆ་རྐྱེན་མདུན་དུ་དྲངས་ལ། རྣལ་འབྱོར་པ་ཏིང་ངེ་འཛིན་ལ་ཞུགས་ལ། རྩ་དང་ཐིག་ལེ་ལས་ལྷ་ཚོགས་བསྐྱེད་ལ། སྔགས་ཀྱིས་གསལ་བཏབ་ལ། ལྷ་ཚོགས་ལུས་ལ་ཚང་བར་བྱ་སྟེ། སྔགས་ཀྱིས་ཚོགས་ཀྱི་ཉམས་པ་བསངས་ལ། ཚོགས་བྱིན་གྱིས་བརླབས་ལ། བྱིན་གྱིས་བརླབ་པ་ཀུན་དང་མཐུན། ཟད་པ་མེད་པའི་ཚོགས་སུ་གྱུར་ནས་ལྷའི་ཞལ་ཟས་སུ་འདུག་པ་ལ། བདག་ཉིད་ཀྱིས་ཚོགས་གསོལ་བས། ལྷ་ཐམས་ཅད་ཀྱིས་གསོལ་ཏེ། ལྷ་རྣམས་དགྱེས་ཤིང་ཚིམ་པར་བསམ། དེ་ལྟ་བུའི་ཚོགས་ལས་བྱས་པས། དམ་ཚིག་ཉམས་པ་ཡང་སྐོངས། དངོས་གྲུབ་ཀྱང་མྱུར། སྒྲིབ་པ་ཡང་བྱང་། ཡང་དག་པའི་ས་ཡང་ཐོབ། རྒྱུ་རྐྱེན་དེ་ལ་བརྟེན་བསྒྲུབ། ཉམས་ཆགས་བསྐང་བ་བྱ་ཕྱིར་བསྒྲུབ། །ཅེས་གསུངས་སོ། །ཟས་ཟ་བའི་དུས་སུ་ཟས་བྱིན་གྱིས་བརླབ་ཅིང་དེ་ལྟར་བྱས་ན། ཉམས་ཆག་ཐམས་ཅད་སྐོངས།འཇིག་རྟེན་འདི་རུ་ཚེ་རིང་ལོངས་སྤྱོད་འཕེལ། ཚེ་ཕྱི་མ་ལ་ཡང་དག་པའི་ས་ནོན་ནོ། །ཞེས་གསུངས་སོ། །རྡོ་རྗེ་ཕུར་པ་ཆེན་པོ་ཤན་པ་སྤུ་གྲིའི་རྒྱུད་ལས། རྒྱུན་གྱི་ཚོགས་ལམ་པའི་ལེའུ་སྟེ་བརྒྱད་པའོ།། །།ད་ནི་རྒྱུད་འབྱུང་བ་བསྟན་ཏེ། ཡང་དག་པའི་ཆོས་ཉིད་ལས་རྒྱུད་འབྱུང་། སྐྱེ་བ་མེད་པའི་རྒྱུད། ཡང་དག་པའི་ཆོས་ཉིད་ལས་རྒྱུད་འབྱུང་། སྣང་སྟོང་དབྱེར་མེད་ཀྱི་རྒྱུད། ཡང་དག་པའི་ཆོས་ཉིད་ལས་རྒྱུད་འབྱུང་།འགག་པ་མེད་པའི་རྒྱུད། འགག་པ་མེད་པ་ལས་རྒྱུད་འབྱུང་། སྣང་བ་དང་སྟོང་པར་གྲོལ་བའི་རྒྱུད། སྣང་སྟོང་རང་གྲོལ་བ་ལས་རྒྱུད་འབྱུང་། མཐའ་དང་དབུས་མེད་པའི་རྒྱུད། མཐའ་དང་དབུས་མེད་པ་ལས་རྒྱུད་འབྱུང་། ཆད་པ་དང་ལྟུང་བ་མེད་བའི་རྒྱུད། ཆད་པ་དང་ལྟུང་བ་མེད་པ་ལས་རྒྱུད་འབྱུང་། ཡི་གེ་དང་ཚིག་ལས་འདས་པའི་རྒྱུད། ཡི་གེ་དང་ཚིག་ལས་འདས་པ་ལས་རྒྱུད་འབྱུང་། གང་ཡང་མེད་པའི་རྒྱུད། གང་ཡང་མེད་པ་ལས་རྒྱུད་འབྱུང་། གཞི་དོན་གྱི་ཀུན་གཞིའི་རྒྱུད། གཞི་དོན་གྱི་ཀུན་གཞི་ལས་ཀྱང་རྒྱུད་འབྱུང་། འགྲིབ་པ་མེད་པའི་རྒྱུད། འགྲིབ་པ་མེད་པ་ལས་ཀྱང་རྒྱུད་འབྱུང་། གསལ་བ་མེད་པའི་རྒྱུད། གང་དུ་ཡང་སྨྲར་མི་བཏུབ་པའི་རྒྱུད། སྨྲ་བརྗོད་དང་བྲལ་བའི་རྒྱུད། ཐིག་ལེའི་རྒྱུད། འཕྲ་བའི་རྒྱུད། ཡངས་པའི་རྒྱུད། ངོ་བོ་ཅིར་ཡང་མ་གྲུབ་པའི་རྒྱུད། ནོར་བུ་རིན་པོ་ཆེའི་རྒྱུད། སྨན་གྱི་རྒྱལ་པོ་ག་བུར་གྱི་རྒྱུད། དུག་གི་རྒྱལ་པོ་བཙན་དུག་གི་རྒྱུད། རྨ་བྱ་མ་དོངས་ཀྱི་རྒྱུད། རྒྱ་མཚོ་ཆེན་པོའི་རྒྱུད། རིན་ཆེན་གསེར་གྱི་རྒྱུད། འབྱུང་བ་སའི་རྒྱུད། འབྱུང་བ་མེའི་རྒྱུད། འབྱུང་བ་ཆུའི་རྒྱུད། འབྱུང་བ་རླུད་གི་རྒྱུད།དུག་ལྔའི་རྒྱུད། འགྲོ་བ་རིགས་དྲུག་གི་རྒྱུད། ཁྲོ་བོའི་རྒྱུད་སངས་རྒྱས་ཀྱི་རྒྱུད། རྒྱུད་ཅེས་འབྱུང་སྟེ། དེ་ལྟར་འབྱུང་ཡང་ཀུན་གཞི་བྱང་ཆུབ་ཀྱི་སེམས་ལས་འབྱུང་སྟེ། འདུས་ཀྱང་དེར་འདུས། ཡང་དག་པའི་ཀུན་གཞི་ལ། ཀུན་གཞི་བྱ་བ་རང་དུ་ཡང་གདགས་སུ་མེད་དོ། །ཀུན་གཞི་དོན་དམ་པའི་མཚན་ཉིད་གང་ཡང་མེད་པ་ལ་གང་ཡང་ཡིན་པའོ། །དེ་ལྷ་བུ་ལས་ཐབས་ལམ་དུ་འཇུག་པའི་རྒྱུད་བྱ་བ་འབྱུང་ངོ་། །རྡོ་རྗེ་ཕུར་པ་ཆེན་པོ་ཤན་པ་སྐྲུ་གྲིའི་རྒྱུད་ལས། རྒྱུད་འབྱུང་བའི་ལེའུ་སྟེ་དགུ་པའོ།། །།དེ་ནི་རྒྱུད་གཏད་པ་བསྟན་ཏེ། རྣལ་འབྱོར་ཚུལ་དང་ལྡན་པ་ལ། །བརྡ་ཡིས་བསྟན་པས་གོ་བ་དང་། ཟུར་ཙམ་བསྟན་པས་རིག་པ་དང་། ཡང་དག་པའི་འབྲས་བུ་རྟོགས་པ། དམ་པའི་ཆོས་བསྒྲུབ་པ་ལ་བརྩོན་པ་དང་། རང་གི་རིག་པ་ལ་འགྲིབ་པ་མེད་པ། ཕ་རོལ་གྱི་ཕྲ་མའི་རྗེས་སུ་མི་འབྲང་བ། སློབ་དཔོན་ལ་བརྩེ་གདུང་ཆེ་བ། ཡུམ་གྱི་དབང་མོ་མ་ལྟར་འཁུར་བ། སྨྲས་པའི་ཚིག་ལ་ངག་མི་གཅོག་པ། ཚེ་རབས་སྔ་མ་རུ་སྦྱངས་པ། དམ་ཚིག་ཚུལ་བཞིན་དུ་བསྲུང་བ། གླིང་གཅིག་ཏུ་སྐྱེས་པ། གནས་གཅིག་ཏུ་དུས་མཚུངས་པ། ཡི་དམ་གྱི་ལྷ་དང་མི་འབྲལ་བ། མཁའ་འགྲོ་མ་སྐོང་བ་ལ་རིམ་པ། སྙིང་པོ་བཟླས་པ་ལ་སྐྱོངས་མེད་པ། རིགས་དང་མཐུན་པའི་རྣལ་འབྱོར་པ་རྗེའུ་རིགས་སུ་འདུག་པ་དེ་ལྟ་བུ་ལ་རྒྱུད་འདི་གཏད་པར་བྱ་སྟེ། རྡོ་རྗེ་ཕུར་པ་ཆེན་པོ་རང་བཞིན་གྱི་རྒྱུད་གཏད་པར་བྱའོ། །རྡོ་རྗེ་ཕུར་པ་ཆེན་པོའི་རྒྱུད་གཏད་པར་བྱའོ། །རྡོ་རྗེ་ཕུར་པ་ཆེན་པོ་ཤན་པ་སྐྲུ་གྲིའི་རྒྱུད་ལས། རྒྱུད་གཏད་པའི་ལེའུ་སྟེ་བཅུ་པའོ།། །།ཤན་པ་སྐྲུ་གྲིའི་རྒྱུད་འདི་ནི། དགེ་བའི་བཤེས་གཉེན་གྱི་སྐུ་ལ་སྡོ་བ་དང་། དཀོན་མཆོག་གཉན་པར་མི་བྱེད་པ་རྣམས་ལ་བྱའོ། །གཞན་དང་གཞན་གྱི་ཐུན་མོང་མ་ཡིན་ཏེ། །བསྟན་པ་བསྲུང་ཕྱིར་རྒྱུད་འདི་གསུངས། །ཐམས་ཅད་ཀུན་ལ་སྤེལ་ན་རྒྱལ་ཁམས་མེ་ཡིས་གཏང་། །དེ་ལྟར་གཏང་ན་སློབ་དཔོན་ཉིད་ཀྱང་འཚིག་བར་འགྱུར། །སྣོད་ལྡན་གཅིག་ལ་གཏད་པར་གསུངས། །རྡོ་རྗེ་ཕུར་པ་ཆེན་པོ་ཤན་པ་སྐྲུ་གྲིའི་རྒྱུད་དྲག་སྔགས་སྐྲུ་གྲི་དང་འདྲ་བ། བཟླས་པ་ཙམ་གྱིས་སྒྲོལ་བར་བྱེད་པ། རྒྱུད་ཕྱི་མའི་ཕྱི་མ་རྫོགས་སོ།། །།ཨོརུན་གྱི་མཁན་པོ་ཆེན་པོ་པདྨ་འབྱུང་གནས་ཀྱིས་སྒྲ་རང་འགྱུར་དུ་བསྒྱུར་ཏེ། བསྟན་པའི་བཙས་སུ་བཞག་པའོ། །གསང་ངོ་།། །། རྒྱ་གར་སྐད་དུ། བོདྷི་ཙིསྟ་ཀི་ལ་ཡ་ཨུ་ཏི་ཡོ་ག་བི་ཏོ་ཏ་མ་ལ་མ་ཧྭ་རྭ་ཛ་ཏན་ཏྲ། བོད་སྐད་དུ། བྱང་ཆུབ་སེམས་ཀྱི་ཕུར་པ་རྫོགས་པ་ཆེན་པོ་ཐེག་པའི་ཡང་ཞུན་རྒྱུད་ཀྱི་རྒྱལ་པོ་ཆེན་པོ། བཅོམ་ལྡན་འདས་བྱང་ཆུབ་སེམས་ཀྱི་ཕུར་པ་ལ་ཕྱག་འཚལ་ལོ། །འདི་སྐད་བདག་གི་ཐོས་པའི་དུས་གཅིག་ན། ཆོས་ཉིད་སྤྲོས་པ་མེད་པ་དང་ཀུན་འབྱུང་ཡེ་ཤེས་ཆེན་པོ་སྟེ། གཉིས་མེད་གསང་བའི་འོག་མིན་གནས་མཆོག་དམ་པ་ན། བཅོམ་ལྡན་འདས་ཚིག་དང་། དོན་དང་། ལས་དང་། འབྲས་བུ་ཡང་དག་པར་སྟོན་པའི་མཆོག །བརྗོད་མེད་མི་གནས་སྐུ་མི་མངའ། །སྒྲ་ལས་འདས་པ་དོན་གྱི་གསུང་། །བསམ་བྲལ་ཡེ་ཤེས་ཐུགས་ཀྱི་ངང་། །ཐུགས་རྗེ་ཡོན་ཏན་རྒྱ་མཚོ་ཀུན་ལ་ཁྱབ། །མ་འདྲེས་ཡོངས་རྫོགས་འཕྲིན་ལས་མཆོག །ཕྱོགས་རིས་དབྱིབས་གནས་ཞིང་ཁམས་ཏེ། །བཞུགས་པ་མེད་པའི་ཚུལ་གྱིས་བཞུགས་པའོ། །བཏགས་པའི་མིང་དང་ཡེ་ཤེས་རོལ་པ་དང་། །བྱིན་བརླབས་སྤྲུལ་པའི་འཁོར་དང་ལྡན། །བསྐོར་བ་མེད་པའི་ཚུལ་གྱིས་བསྐོར། །ཚིག་དོན་བརྗོད་རྟོགས་པ་སྐད་ཅིག་མ་ལས་དངོས་པོར་འབྱུང་བར་བ་་བམ་ཞེ་ན། བཀའ་སྩལ་པ། སེམས་ལས་འདོད་ཆགས་ཞེ་སྡང་དང་། །ང་རྒྱལ་ཕྲག་དོག་སྡུག་བསྔལ་འབྱུང་། །གཏི་མུག་དག་ཀྱང་དེ་བཞིན་ཏེ། །འདི་ལས་ཁམས་གསུམ་ཐམས་ཅད་དང་། །སྐྱེས་པ་བུད་མེད་མ་ནིང་འབྱུང་། །འདི་ལས་འདོད་དང་གཟིར་བ་འབྱུང་། །ཉོན་མོངས་གདུང་འདོད་ཆགས་པ་འབྱུང་། །རི་དང་སྐྱེ་བོ་དེ་བཞིན་དུ། །ནམ་མཁའ་དང་ནི་རླུད་དང་དང་། །སྲེག་པ་མེ་ནི་རབ་ཏུ་འབྱུང་། །འདི་ལས་ས་དང་ཆུ་དག་ནི། །རྡོ་དང་ས་བོན་མྱུ་གུ་འབྱུང་། །དེ་བཞིན་གློག་དང་སྐར་མ་དང་། །ཉི་མ་ཟླ་བ་སྤྲིན་རྣམས་འབྱུང་། །དེ་བཞིན་སྤྱོད་དང་མི་སྤྱོད་ཀུན། །ཐམས་ཅད་ཐམས་ཅད་འབྱུང་བར་འགྱུར། །ཞེས་པ་དང་། གསོལ་པ།བྱང་ཆུབ་སེམས་ཀྱི་ཕུར་པ་ལས་འབྱུང་བའི་ཆོས་འདི་དག་ཐམས་ཅད་ཅི་ཞིག་ལགས་ཞེ་ན། བཀའ་སྩལ་པ། ཆོས་རྣམས་ཐམས་ཅད་སེམས་ལས་འབྱུང་། །སེམས་ཀྱིས་བསྟན་པའི་ལུས་ལ་ཉོན། །ཕྱོགས་བཅུའི་སངས་རྒྱས་ང་ཡི་སེམས། །ཕྱི་ནང་སྣོད་བཅུད་ང་ཡི་སེམས། །ཕྱོགས་སུ་སྣང་བ་ང་ཡི་སེམས མཐོ་རིས་ངན་སོང་ང་ཡི་སེམས། །སེམས་ཀྱི་སངས་རྒྱས་ཕུར་པ་ལ། །སྤྲུལ་པ་ཕྱོགས་བཅུ་སངས་རྒྱས་ཉན། །ཞེས་པའོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་འཁྲུལ་པའི་དངོས་པོ་སྣ་ཚོགས་པ་འདི་གང་སྤྱོད་ཡུལ་ལགས་ཤེ་ན། བཀའ་སྩལ་པ། འབྱུང་བ་ལྔ་དང་ཡུམ་ལྔ་དབང་པོར་བཅས། །སྐྱེ་རྒས་ན་འཆི་ལ་སོགས་སྡུག་བསྔལ་ཚོགས། །དབྱིབས་དང་ཁ་དོག་མཚན་མ་ཇི་སྙེད་པ། །འདི་དག་འཁྲུལ་བའི་སེམས་ཅན་ཡུལ་ཡིན་ཏེ། །བདེན་པ་མཐོང་བའི་ངོ་ལ་འདི་མི་སྣང་། །སྣང་བ་འདི་ཀུན་གྱིས་ནི་ཚད་མ་མཐོང་བ་མ་ཡིན་ཏེ། །སྣང་བ་མེད་བཞིན་ཐོག་མ་མེད་པའི་དུས་ནས་རྟོགས་པས་བརྟགས་པ་ཡི། །གཟུང་འཛིན་བག་ཆགས་རྟས་པའི་དབང་ཡིན་ཏེ། འཁྲུལ་ཏེ་འདི་ལ་གདགས་སུ་ཟད་ཀྱི་ཡང་། །སེམས་ཉིད་མ་འཁྲུལ་བར་ཡང་བདེན་པའི་ཕྱིར། །སྐད་ཅིག་གཅིག་ལ་སྣང་མྱོང་ངོ་། །གསོལ་པ། བྱང་ཆུབ་སེམས་ཀྱི་ཕུར་པ་དེ་འཁྲུལ་བའི་ཡུལ་དུ་སྣང་བའི་དངོས་པོ་འདི་དག་ཅི་ལ་གནས་པ་ལགས་ཤེ་ན། བཀའ་སྩལ་པ། བདག་དང་བདག་གཞན་རྣམས་དང་ནི། །ལོག་པར་རྟོགས་པ་ཙམ་ཉིད་ལས། །ཕྲ་ཞིང་ཟག་པ་ཡ་ད་མ་ཡིན། །ལོག་རྟོག་ཉིད་ལ་ཉིད་སྤྱོད་དེ། །གཞན་དུ་གསོལ་བ་ཅི་ཡང་མེད། །ཅེས་པའོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་ཚུལ་ཇི་ལྟར་གནས་ཤེ་ན། བཀའ་སྩལ་པ། དེ་ཕྱིར་སེམས་ཀྱི་སྐད་ཅིག་དང་པོ་དེ་ལ་ལུས་དང་ཆོས་ཀུན་གནས། །དེ་བས་ཞེན་ཕྱིར་ཕྱི་མ་ཡང་དེས་དེ་ལ་སྣང་། །རང་སེམས་རྒྱུན་ལས་འཕགས་པ་སྐྱེ་བའི་ཆོས་ནི་གཞན་ན་ཡོད་མ་ཡིན། །རྒྱུ་དྲུག་རིགས་ལས་དེ་ལ་སྣ་ཚོགས་དེ་དག་རང་གི་ཏིང་ངེ་འཛིན་ཏེ། །གསོལ་པ། བྱང་ཆུབ་སེམས་ཀྱི་ཕུར་པ་དེ་དངོས་པོ་སྣ་ཚོགས་པར་སྣང་བ་འདི་དག་ཚད་མ་ལགས་སམ་མ་ལགས་ཤེ་ན།བཀའ་སྩལ་པ། སྐྱེ་བོ་ཀུན་གྱི་སེམས་དང་དངོས་སྣང་ཕྱི་ནང་གྲགས་པའི་ཆོས་འདི་ནི། །འཛིན་པ་དྲུག་གིས་ཇི་ལྟར་མཐོང་ཞིང་བརྟགས་པས་དེ་ལྟ་མ་ཡིན་འཁྲུལ། །རང་གི་རྟོགས་པས་མྱོས་པ་དེ་ཉིད་གཟུང་བ་བདེན་གྱུར་ན། །དེ་དག་དངོས་པོ་མེད་རྟོགས་དགྲ་བཅོམ་འདྲ་བར་གྲོལ་བར་འགྱུར་བར་རིགས། གཞན་དུ་སྐྱེ་མཆེད་བསྒོམས་ནས་རིག་པ་དེ་དག་ཚད་མར་འགྱུར་ན་ནི། དེ་ཉིད་ཚད་མར་གྱུར་པས་འཕགས་པའི་ལམ་དེ་སུ་ལ་རྒས་མི་འགྱུར། །ལམ་དེ་རྣམ་གྲོལ་ལམ་དེ་བསྟན་ཅིང་དབང་པོའི་ཤེས་པས་མི་ཐར་ཏེ། །སྡུག་བསྔལ་འགའ་ཡང་མི་འཇིལ་རྣམ་རིག་ཅེས་ཏེ་ཉོན་མོངས་འབྱུང་བའི་གནས། །དེ་ཕྱིར་སྐྱེ་བས་མཐོང་བ་དེ་དག་འཁྲུལ་པ་ཡིན་པར་མངོན་ཞིང་རྒྱལ་བས་གསུངས་པའོ། །གསོལ་བ། བྱང་ཆུབ་སེམས་ཀྱི་ཕུར་པ་དེས་འཁོར་བའི་སྡུག་བསྔལ་བཟློག་པར་འདོད་པའི་ཕྱིར་རྣལ་འབྱོར་ལས་གང་ལ་བརྟེན་པར་བྱ་ཞེ་ན། བཀའ་སྩལ་