Ngb-pt-0657-vol-07-text

Body

རྒྱ་གར་སྐད་དུ། བ་ཡ༷་བེ་ཀ་ལོ་གོ་པ་ཡ་ས་ཏྲན་ཏྲ། བོད་སྐད་དུ། རླུད་ནག་འཁྲུགས་པའི་རྒྱུད། སྟོན་པ་བཅོམ་ལྡན་འདས་ལ་ཕྱག་འཚལ་ལོ། །དེ་ནས་ཡང་དག་དོན་ནི་བཀའ་སྩལ་པ། །ཆོས་ཀུན་ཐམས་ཅད་དོན་ནི་གཅིག་པ་ལ། །ཡེ་ཤེས་དང་ནི་མི་རིག་རྒྱུ་གཉིས་བྱུང་། །ཡེ་ཤེས་སངས་རྒྱས་མ་རིག་སེམས་ཅན་འཁྲུལ། །སྲིད་པ་ལས་ཀྱི་གཤིན་རྗེའི་ལྟོ་བ་ན། །སྲིད་གསུམ་སེམས་ཅན་ལས་ལ་འཁྲུལ། །ལས་ཀྱི་དབང་གིས་བདག་གཞན་དགྲ་ཟིན་བྱུང་། །དཀོན་མཆོག་གསུམ་གྱི་བསྟན་པ་གཉན་ལ་གདོས། །དེས་ན་བསྟན་པ་བསྲུང་བའི་ཙཀྲ་འདི། །ལྔ་བརྒྱའི་དུས་སུ་གཅེས་པས་ཉམས་སུ་བླང་། །འབྱུང་བཞིའི་འཁྲུལ་འཁོར་ལས་ཀྱི་གསད་ཐབས་འདི། །དྲག་པོ་གཅིག་ཐུབ་བཙན་དུག་ངར་མའམ། །རལ་གྲི་སོ་མངས་ལྟ་བུར་ཤེས་པར་བྱ། །རླུད་ནག་འཁྲུགས་པའི་རྒྱུད་ལས། དགོས་པ་བསྟན་པའི་ལེའུ་སྟེ་དང་པའོ།། །།འདི་ལ་འཁོར་ལོའི་རྒྱུ་དང་ངོ་བོ་དབྱིབས། །ཚད་དང་བྲི་ཐབས་མི་མཐུན་གཤེད་ཀྱི་རྫས། །རྒྱུ་ནི་རོ་རས་དག་གམ་ཤོག་ཤོག་ལ། །ཚད་ནི་བཅུ་གཉིས་བརྒྱད་དང་བཞི་རུ་གསུངས། །བྲི་ཐབས་ལྟེ་བ་སོར་དྲུག་བླུམ་པོར་བསྐོར། །གླིང་བཞི་གླིང་གསུམ་དག་ལ་ལྷ་ཡི་གཟུགས། །གླིང་གཅིག་བསྒྲུབ་བྱའི་གཟུགས་སུ་ཤེས་པར་བྱ། །དེ་ཡི་ཕྱི་རིམ་འཁོར་ལོ་རྩིབས་ལྔ་ལ། །རླུད་གི་ལྷ་ལྔའི་སྲོག་སྙིང་སྨོད་མོ་བྲི། །དེ་ཡི་ཕྱི་རིམ་བཅུ་གཉིས་རྩིབས་མཆན་ལ། །ལོ་གཉན་བཅུ་གཉིས་སྔགས་དང་སྨོད་བཅས་བྲི། །དེ་ཡི་ཕྱི་རིམ་ཉེར་གཅིག་རྩིབས་སུ་བྱ། །ལྷ་འདྲེ་རྩ་གཅིག་སྨོད་པ་བཅས་པ་བྲི། །དེ་ཡི་ཕྱི་རིམ་ཉི་ཤུ་རྩ་བརྒྱད་དམ། །ཡང་ན་རྩིབས་ནི་སུམ་ཅུ་དྲུག་པ་ལ། །གཟའ་དང་རྒྱུ་སྐར་དག་གི་སྙིང་པོ་བྲི། །དེ་ཡི་ཕྱི་རིམ་ལྷ་འདྲེ་སྟོང་རྩ་གཉིས། །དག་གི་སྙིང་པོ་གྲིལ་ལ་བྲི། །ཐེ་སེ་རྒྱལ་པོ་རྗེ་བློན་སྤེལ་བ་དང་། །ལྷ་འདྲེ་ལ་གཏད་སྨོད་པ་བཅས་པ་བྲི། །དེ་ཡི་ཕྱི་རིམ་འཁོར་ཡུག་ཟླུམ་པོ་ལ། །རྒྱུད་ལུང་མན་ངག་ལྷ་འདྲེའི་སྲོག་སྙིང་བྲི། །དེ་ཡི་ཕྱི་རིམ་དུ་ཡང་ཟླུམ་པོ་ལ། །ལྷ་འདྲེ་ཆེ་དགུ་རྣམས་ཀྱི་མིང་བྲིའོ། །རྩིབས་མཆན་རྣམས་སུ་དགྲ་ལ་སྨོད་མོ་བྲི། །དེ་ནི་སོར་མོ་བཅུ་གཉིས་པ་ལའོ། །སོར་མོ་བརྒྱད་པའི་བྲི་ཐབས་བསྟན་པ་ནི། །ལྟེ་བ་ཟླུམ་པོ་དག་ལ་སོར་གསུམ་མོ། །གླིང་གསུམ་དག་ལ་སོགས་སྔགས་གསུམ་པོ་དགོད། །དེ་ཡི་ཕྱི་རིམ་འཁོར་ཡུག་ཟླུམ་པོ་ལ། །ལྷ་འདྲེ་གདུག་པ་ཉེར་གཅིག་གི །སྲོག་སྔགས་མིང་དང་སྨོད་མོ་བཅས་པ་བྲི། །སོར་བཞི་པ་ཡི་བྲི་ཐབས་བསྟན་པ་ནི། །འཁོར་ལོ་གཉིས་ལ་དགྲ་ཟིན་རྣམ་པ་གཉིས། །རྐང་པ་བསྣོལ་བའི་ཚུལ་དུ་བྲི་བར་བྱ། །དབྱེ་བའི་སྔགས་རྣམས་ལུས་ལ་བྲི་བྱ་ཞིང་། །བསད་པའི་སྔགས་ཀྱིས་མཐའ་མ་བསྐོར། །དེ་ཡི་ཕྱི་རིམ་སྨོད་སྔགས་སྲིད་ཚད་བྲི། །རླུད་ནག་འཁྲུགས་པའི་རྒྱུད་ལས། འཁོར་ལོ་བྲི་བའི་ལེའུ་སྟེ་གཉིས་པའོ།། །།མི་མཐུན་གཤེད་ཀྱི་རྫས་ནི་འདི་ཡིན་ཏེ། །གདགས་སྲིབས་ཆུ་ཡིས་ཆོད་པའི་ཤིང་གཉིས་ལ། །ཞལ་སྟོད་ཁ་མིག་བྲིས་ལ་སྔགས་དང་ནི། །སྨོད་པ་ཀུན་ཀྱང་དེ་ལ་ཤོང་ཚད་བྲི། །ཨོ་རོག་དང་འུག་པའི་དང་སྒྲོ་དེ་ལ་གཟུགས། །དེ་ཡང་གཡས་དང་གཡོན་དུ་ཤེས་པར་བྱ། །མི་དང་ལྷ་ཡི་སྲོག་དང་ཕྱེ་ཞིག་ཟི། །སྟེང་འོག་གཉིས་སུ་བྱ་མགོ་བྱེ་མགོ་བཞག །མཚམས་བཞིར་དགྲ་བོའི་མིང་དང་མཚན་མ་བྲི། །སོར་མོ་བཅུ་གཉིས་པ་ཡི་འཁོར་ལོ་ལ། །སྲོག་ཤིང་ཁྲུ་གང་ཚུགས་ཤིང་ཁྲུ་གསུམ་བྱ། །བརྒྱད་པ་ལ་ནི་སྲོག་ཤིང་ལྕགས་ཁྲུ་གང་། །ཚུགས་ཤིང་ཁྲུ་དོ་བར་ནི་ཤེས་པར་བྱ། །སོར་བཞི་པ་ལ་སྲོག་ཤིང་ལ། །ཚུགས་ཤིང་ཁྲུ་གང་ཚད་དུ་བྱ། །ཉེ་བར་སྦྱར་རམ་ཡང་ན་རིག་པ་བློ་དང་སྦྱར་བྱས་ཏེ། །ཆུང་ན་འདོད་ཅིང་ཆེ་ན་ཡངས་པར་བྱ། །རླུད་ནག་འཁྲུགས་པའི་རྒྱུད་ལས། བཅའ་བཞི་ལེའུ་སྟེ་གསུམ་པའོ།། །།དེ་ནས་ལོག་ནོན་བསྟན་པ་འདི་ལྟར་ཏེ། ཁེང་ངམ་ཡང་ན་རྡོ་ལེབ་དག་ལ་ནི། །སྟོང་ཉིད་མཚོན་ཆའི་གཟུགས་དང་སྔགས་བྲིས་ལ། །ཚུགས་ཤིང་རྒྱབ་ཏུ་གཟུགས་ཤིང་མཆོད་པར་བྱ། །རླུད་ནག་འཁྲུགས་པའི་རྒྱུད་ལས། །ལོག་ནོན་གྱི་ལེའུ་སྟེ་བཞི་པའོ།། །།རླུད་འཁོར་ཆེན་པོའི་སྔགས། ཏྲ་ག་ཛ་ལི་དུང་ས་ལི། སི་ཛི་མ་སད་ཏྲ་ཧཱུཾ༷། ཏྲི་ག༷་ཕྲི་སད་ཏྲི་ད༷་ཧཱུཾ༷་ཛ། ཏྲེ་ལ་བྷ་ན་སད་ཛ། ཏྲི་ནི་སུ་ཏྲི་ཀ་ར་པྲ་དུ་ཧཱུཾ༷། རླུད་གི་ལྷ་ལྔའི་སྙིང་པའོ། །ཡ་ག་ཤ༷་ཕཊ། དུར་ཤ༷་ཕཊ།སེ་ཤ༷་ཕཊ། ཤག །ཤ༷་ཕཊ། ཕེ་སེ་ན་ཤ༷་ཕཊ། བར་ཤ༷་ཕཊ། ཤར་ཤམ་ཕཊ། ཏྲ་ཙ་ཤ༷་ཕཊ། གཟའ་བརྒྱད་ཀྱི་སྙིང་པོའོ། །ཐེ་ཁྲི་ཧ༷་ཡ་ཕཊ་ཕཊ། སྨི་ཏི་པ་ཏི། གྲི་ཊ་ཕཊ་ཕཊ། བ་ཏ་མ་ལེ་བྲི་ཏི་ཕཊ། ཧ་ལ་དེ་མང་སྙི་ཏི་ཕཊ། སྨི་ཏི་བྷ་ཏེ་ལེ། ཕྲི་དུ་ཕཊ། བྲ་མ་ཧ་ཕཊ། བྷ་ར་ཏ་མ་ལེ་ཕཊ། སྒུ་ཏ་ས་ཧ་ཕཊ། སྨྱུ་བ་ཕཊ་ཕཊ། སུ་ཏྲི་གོ་ཏྲ་ཕཊ་ཕཊ། སྨ་ར་སྙོ་ཏེ་ཕཊ། མ་ཏིབ་ཏ་ཕཊ། དེ་ནི་ལོ་བཅུ་གཉིས་ཀྱི་སྔགས་སོ། ལི། ཁན། དྭ།ཁེན། ཁ༷། གྱིན། ཟིན། ཟོན། དེ་ནི་སྤར་ཁ་བརྒྱད་དོ། །ཨ་མར། མེར། ཐབ། ཐིབ། མན། ཡན། ཡིན། ཐུབ། ཏྲི་ཡ་གྲྭཧྭ། སྨེ་བ་དགུའི་སྙིང་པོའོ། །ཀ་རི་ནི་གྲྭཧྭ། རུ་ཧུ་ནི་གྲྭཧྭ། མོ་ཏྲ་ཤི་སྲུཧྭ། ཨ་ཏ་ཤི་གྲྭཧྭ། པུ་ན་སུ་གྲྭཧྭ། མ་དུ་གྲྭཧྭ། ཨ་པུ་ལེ་སྣཧྭ། མ་ཁ་གྲྭཧྭ། ཕུར་ན་ར་གྲྭཧྭ། མུ་ད་ར་ཕུ་ཀྲུ་ཀྲུ་གྲྭཧྭ། ཏི་ཏ་གྲྭཧྭ། ཚི་ཏ་གྲྭཧྭ། ས་ཏི་གྲྭཧྭ། བེ་ཏ་གྲྭཧྭ། གྲྭཧྭ། ཙསྟི་སྲུཧྭ། ཨུ་ཤ་ར་ཏ་སྲུཧྭ། ཨོ་བ་ཏི་གྲྭཧྭ། ཤ་ཏ་བ་ཏི་ནི་སྲུཧྭ། ཡ་ས་ནི་གྲྭཧྭ། ས་ནི་ས་ཏ་གྲྭཧྭ། ཕུར་བ་མ་ཏི་གྲྭཧྭ། ཨུ་བ་ད་ར་གྲྭཧྭ། པ་ར་དེ་གྲྭཧྭ། ཨ་ཤུ་ནི་གྲྭཧྭ། ཨ་པ་ཏ་གྲྭཧྭ། བ་ཧ་ཏི་གྲྭཧྭ། ཨ་ཡུ་ཉི་གྲྭཧྭ། བེ་ར་ཉི་གྲྭཧྭ། རྒྱུ་སྐར་ཉི་ཤུ་རྩ་བརྒྱད་ཀྱི་སྙིང་པོའོ། །བཛྲ་པྲ་མོ་ཧྭ་ར་མ་ར་ཧྭ་ཧྭ་མ་ཨུ་ཀཁོ་ཡ་ཕཊ། སརྦ་དུཛི་ན་པྲ་མོ་ཧྭ་ཧཱུཾ༷་ཕཊ། བཛྲ་སན་ཏྲི་ཡ། བཛྲ་ཏིང་ཏིང་ཡ། མ་ཧྲིང་ཧྲི་ཡ། བཛྲ་ཁ་ཏ་ཁ་ཏ་ཡ། བཛྲ་ཙཀ་ཀུ་སྲ བཛྲ་ཡ་དུ་མ་ཡང་། བཛྲ་བོང་བོང་ཡ བཛྲ་ར་ཏྲི་ཡ། བཛྲ་ཀུ་རུ་ཀུ་རུ་ཡ།བཛྲ་ཞུང་ཞུང་ཡ། བཛྲ་ཁ་མེ་མེ་ཁ་ཡ། བཛྲ་མ་ཞུ་མ་ཞུ་མ་ཁ་ཡ། བཛྲ་མ་ར་ཏྲི་ལྭ། བཛྲ་མ་ཡབ་ཡ། བཛྲ་ཙུ་ཏྲ་ནི་ཏྲ་ཛ་ཡེ། བཛྲ་ཏྲི་ལ༷་དུ་ཡ། བཛྲ་ཏྲི་ལ༷་ཏྲི་ཡི། བཛྲ་ཏྲི་ནན་ཏྲི་ནན། ཏྲི་ཡ། བཛྲ་ནན་ཏྲི་ཡ།མ་ར་ཧྲི་ནན་ཏྲི་ཧྲི། ཨ་བཛྲ་ནན་ཏྲ་ཡ། གྲི་ན་བཛྲ་ཀ་ཤ་ཏྲི་ཡ། བཛྲ་ཀ་ཤང་དེ་ཡ། བཛྲ་ཀྲི་ལི་དུ་ཡ། བཛྲ་ཀ་པ་ཧ་ཡ། བཛྲ་ན་ཤེ་བ་ཡ། བཛྲ་ཏྲི་མྱ་ར་ཡ། མ་ར་ན་ཧྲི་ཡ། བཛྲ་ག༷་དུ་བ་དུ་ཡ་ཡ། ལྷ་འདྲེ་སུམ་ཅུ་སོ་གཅིག་གི་སྙིང་པོའོ། །བཛྲ་ཀ་ལི་ཀ་ལི་པ་ཏྲི་ཐར་ལང་དུ། ཀ༷་ཀ༷་ཡ༷་མ་ཡ༷། ཆེ་གེ་མོ་སོད་ཅིག །ལྟ་འདྲེ་སྤྱིར་དྲིལ་བའི་སྙིང་པོའོ། །དེ་ནི་རླུ་་འཁོར་ཆེན་པོ་སྟེ། རླུ་་འཁོར་འབྲིང་པོའི་སྔགས་ནི་འདིའོ། །བཛྲ་ཤ་ཏ་ཧ།གྲ་མ་ཧི། ཏྲ་བི་དེ། མ་ཛ་ཙ། ཨེ་མ་ཤ །མ་ཧྭ་མྱ། ཏྲ་ཤ་ཧ༷། མང་དུ། ཨ་མ་ལ། ད་དྷ་མ། ཙ་ལ་དུ། ཧྲིལ་ག །ན་ནི་ཏི། ཏ་ལ་ནི། ཨ་ཤ་ནི། ཨ་ཧོ་ཕཊ། ཀྲ་མ་ཧ། ཏྲི་པ་དེ། ཏྲ་ཏྲི་ཏྲ༷། ཧ༷་ཤ༷་ཏི། སྟ་སྟི། སླ་ཧོ། ཡ༷་ཏི། ཡ་ཏེ། ཕ་བ༷་ཧོ། སུ་ཧོ་བ༷། ཡ་ཤ་ཤོ །པྲ་ཏི་ཡ༷། ནཱ་ག་པྲེ། ནི་ནི། ཕ་མ་ཕཊ། བི་ཤ་ཟར། ཏྲི་པ་ལ་དུ། སུ་པ་ནི། བ་ར་པྲ་ཏ། ཨ༷་ཕབ་བྱི་ནི་ན། ཕབ་བྱི་ལ་ཡ་ཀ །ཏྲི་པ་ལ་ན་ནན་ཡ་ཀ །བྱི་ན་ཡ་ཀ །སོ་སོ་སྲོག་གི་སྙིང་པོ་ཡིན། །དེ་ནི་འཁོར་ལོ་བར་པས་སོ། །རླུད་འཁོར་ཆུང་ངུའི་སྔགས་ནི་འདིའོ། །མ་མ་ཏྲག་རུ་་་མུ་ར་ཡ་ཕཊ། རླུང་འཁོར་ཆེན་པོའི་ཕྱི་མཐའ་སྲ །ལྷ་འདྲེའི་མིང་གི་ནང་གོང་དུ། །སྲོག་གི་སྙིང་པོ་བྲི་བ་ནི། །འཇིག་རྟེན་ཁམས་རྣམས་ཐམས་ཅད་ན། །འཇིག་རྟེན་གསུམ་གྱི་རྣམ་ཤེས་ནི། །ཨ་ལྷ། དྲི་མི། སུ་ལྷ་མ་ཡིན། བྱོལ་སོང་པྲི། ཡི་དྭགས་ཏྲི། དུ་ལ་དམྱལ་བ། མ་མ་མོ། ཡ་གཤིན་རྗེ། དུ་ནི་བདུད། ཀྟ་ནི་གནོད་སྦྱིན། སྨུ་ནི་ཡ། རྡོ་རྗེ་ལེགས་པ་ཙ་ཡིན་ཏེ། ནཱ་ག་ཀླུ། ར་ནི་སྲིན་པོ་སྟེ། །གཉན་ག་ས་བདག་ས་ཡིན་ཏེ། །དམ་སྲི་སྲིལ་ཛ་ལ་མ། །ནུ་ནེ་ཐེ་བྲང་ཀ་རུ་ཤེས། །མི་ཡི་རིགས་འཛིན་དྲི་ཡིན་ཏེ། །རྣམ་ཤེས་སྲོག་གི་སྙིང་པོ་ཡིན། །རླུ་་ནག་འཁྲུགས་པའི་རྒྱུད་ལས། སྔགས་ཀྱི་ལེའུ་སྟེ་ལྔ་པའོ།། །།དེ་ནས་དགྲ་ཡི་བླ་ཚེ་ནི། །སྔགས་པའི་ལག་ཏུ་བཞག་པའི་ཕྱིར། །རྐང་རྗེས་མཆིལ་སྣབས་གོས་དང་སྐྲ། །སེན་མོ་དྲི་མ་རྣམ་ལྔ་སྟེ། །ལིང་ག་དགྲ་ལ་ཐེབས་པར་གདབ། །རང་གི་དྲི་མ་མི་བཏང་ངོ་། །དེ་ནི་མཆོག་ཏུ་གཅེས་པ་སྟེ། །བླ་སྲོག་གཟུང་བའི་མན་ངག་གོ །འབྲུབ་ཁུང་རྒྱུ་ནི་འདི་ལྟ་སྟེ། །དམ་ཉམས་ཡུལ་མཁར་ས་དང་ནི། །བུང་བུའི་བདུད་རྩི་མི་བསད་ས། །མི་ཕུང་ས་དང་རོ་སྲེགས་ས། །ཆུ་ཆེན་ཕར་འགྲམ་ཚུར་འགྲམ་ས། །འགྱོགས་ཕོགས་དང་དུར་ཁྲོད་ས་གཡོས་ས། །ས་སྦྱིན་དག་དང་བསྲེས་བྱས་ལ། །རྨེ་ཁྲག་བོང་བུའི་ཆུ་ཡིས་སྦྲུ། གྲུ་གསུམ་སུམ་རྩེག་བརྩིགས་བྱས་ཏེ། །རྩང་དམར་སྲིན་མོའི་འགྲོས་སུ་གཟུགས། །ནད་སྣ་མང་པོའི་ཁྲག་དང་ནི། །རོ་སོལ་པྱེ་མ་བསྲེས་བྱས་ཏེ། །གྲུ་གསུམ་ནག་པོར་བྱུང་པར་བྱ། །འཁོར་ལོ་རྫས་ཀྱི་དུད་པས་བདུག །འཕྲ་མ་དག་ནི་གཞུག་བྱས་ཏེ། །བྱ་རོག་འུག་པས་ལྷ་དང་དབྱེ། །ལིང་ག་དགོངས་ཁའི་ཟེར་ལ་བྲི། །དེ་དུས་བླ་ཚེ་དགུག་བྱ་སྟེ། །མེ་ཆེན་བཏང་ལ་རྔ་ཆེན་བརྡུང་། །དེ་ཡི་བླ་ཚེ་ཁུགས་པ་ཡིན། །འཁོར་ལོ་བསྐྱོན་ལ་བསྐོར་བར་བྱ། །དེ་ལྟར་བྱས་ན་ངེས་པར་འགྲུབ། །རླུད་ནག་འཁྲུགས་པའི་རྒྱུད་ལས། །བླ་ཚེ་དགུག་པའི་ལེའུ་སྟེ་དྲུག་པའོ།། །།ཡང་ནི་འཇིགས་བྱེད་ཆེན་པོ་དེས། །དགྲ་བོ་ལྷ་དང་དབྱེ་བ་བཤད། །ཡ་མ་དུ་ནི་གཉའ་རག་ཤ་དུ་ནེ། ནཱ་ག་དུ་ནེ། དུ་ཤ་ཨ་ཨ་ཀེ་ལ་ཏི་ཙ་པ་ལ། ཡཀྟ་དུ་ནེ་དུ་ཤེ་ཡུ། ནཱ་ག་བེ་ནེ་ཤེ་སྨྱུ་ར་ཡ་རྦད། ཡ་མ་དུ་ནི་དུ་ཤེ །དགྲ་བོ་རཀ་ཤ་དུ་ནེ། དགྲ་བོ་ནཱ་ག་དུ་ནེ། དུ་ཤི་དགྲ་བོ་ཀ་ལ་ཏི་ལ་ཙ་པ་ཡ། ཡཀ་ཤ་དུ་ནེ་དུ་ཤེ །དགྲ་བོ་ནཱ་ག་བེ་ཤ་དགྲ་བོ་མ་ར་ཡ་རྦད། རྩིབས་ལྔ་པ་ཡི་འཁོར་ལོ་ནི། །གཉིས་ལ་དགྲ་བོའི་མིང་དག་དང་། །ལྷ་ཡི་དབྱེ་སྔགས་བཅས་པ་བྲི། །རྩིབས་མཆན་སྨོད་པར་དགང་བར་བྱ། །འདྲེ་སྲིན་སྔགས་ཀྱི་བསྐོར་ལ་གཞག ཁ་ཁ་ཧུ་ལུའི་ལྟོ་བར་གཞུག །ལས་ཀྱི་རླུད་གིས་བསྐོར་ཞིང་བརྡེག །ཚ་གྲང་དབྱེ་བའི་རྫས་ཀྱིས་བྱུག །མངན་ལྕུགས་སྨོད་པའི་ཚོགས་ཀྱིས་བསྐོར། །ལྷ་ལྔའི་མིང་དང་སྤེལ་བ་ནི། །མཁས་པས་བསྒྲིམས་ཏེ་བྲིས་ལ་བཞག །གནས་དང་ཚུགས་ཤིང་ལ་སོགས་འདྲ། །དུར་ཁྲོད་གནས་སུ་ལྷ་དང་མི། །སྤེལ་ཏེ་གནས་སུ་འདྲེ་གཟུགས་དང་། །ལྕུགས་དང་དབྱེ་བའི་ངན་སྔགས་དགོད། །དེ་ཡང་ལག་ལེན་འདི་ལྟ་སྟེ། །ལྷ་ཡི་གཟུགས་ཀྱི་ལྟོ་བར་ནི། །ཡ་མ་དུ་ནི་ལྷ་དང་ཕྱེ། ཡ་མ་དུ་ནེ་ལྷ་ལྔ་དང་ཕྲོལ་ཅིག །ཕྱེ་ཞིག་ཅེས་འདྲེ། ཞེས་པ་ལ་སོགས་ལྕུགས་དང་བཅས། །བྲི་ཏེ་གཞུག་པར་ཤེས་པར་བྱ། །མི་ཡི་གཟུགས་ཀྱི་ལྟོ་བར་ནི། །མིང་རུས་དག་དང་ཡ་མ་དུ། །ཞེས་པ་བྲིས་ལ་གཞུག་པར་བྱ། །འདྲེ་ཡི་ལྟོ་བར་ལྷ་འདྲེའི་ཚོགས། །ཉེར་གཅིག་མིང་ནི་བྲིས་བྱས་ཏེ། །ལྷ་དང་ཕྱེ་ཞིག་བྱ་བ་གཞུག །ཕོ་རོག་ཐོད་པ་ལྷ་ཡི་ནི། །ཡ་མ་དུ་ནི་ལྷ་དང་ཕྱེ་ཞིག །ཅེས་པ་དེ་ཡིས་འདྲེ་བ་ཡིན། །སྲོག་དང་མིང་ཡང་བྲིས་ལ་གཞུག །འུག་པའི་ཐོད་པར་དགྲ་བོ་ཡི། །མིང་རུས་བྲིས་ལ་གཞུག་བྱ་སྟེ། །སྟག་པའི་ཚེ་ལ་ཕོ་རོག་གཟུགས། །གླང་མའི་རྩེ་ལ་འུག་པ་གཟུགས། །དེ་གཉིས་ཐབས་པས་སོ་སོར་འགྲོ། །མི་གཉིས་འབྱེད་ན་སོ་སོར་བྱ། །རླུད་ནག་ཞབྲུགས་པའི་རྒྱུད་ལས། དགྲ་བོ་ལྷ་དང་དབྱེ་བའི་ལེའུ་སྟེ་བདུན་པའོ།། །།སྐྱིན་ཐང་རླུད་གི་འཁོར་ལོ་ཡིས ཕོ་མོ་དབྱེ་བའི་ཐབས་བཤད་པ། །འཁོར་ལོ་གཉིས་ལ་ཕོ་མོ་མཚན། །དབྱེ་བའི་སྔགས་ཀྱིས་བསྐོར་ཅིང་བྲི། །ཚ་གྲང་འཇིགས་པའི་རྫས་དག་ནི། །བཙན་དུག་དག་དང་ཚ་བ་གསུམ། །ག་པུར་དང་ནི་གསིལ་གསུམ་དང་། །མི་དང་བྱ་རོག་འུག་པའི་ཁྲག །དེ་དག་གིས་ནི་བྱུག་པར་བྱ། །འཇིག་རྟེན་ལྷ་འདྲེའི་སྔགས་ཀྱིས་བསྐོར། །ཕྱེ་ཞིག་ཅེས་པའི་སྨོད་མོ་བྲི། །གཡས་བསྐོར་གཡོན་བསྐོར་འཁོར་ལོ་བསྐོར། །མི་སྲིང་སྔགས་ཀྱང་སོ་སོར་བྲི། །མིང་སྲིང་གཉིས་ཀྱི་ལྟོ་བར་གཞུག །འཇིག་རྟེན་ལས་ཀྱི་རླུད་གིས་བརྟེན། །གནས་དང་ཚུགས་ཤིང་སྔར་དང་འདྲ། །འཇིག་ཅིང་དབྱེ་བའི་རྫས་བསྟན་པ། །ཆུ་ཆེན་ཕར་འགྲམ་ཚུར་འགྲམ་ས། །འགྱོགས་བརྒྱབ་དུར་ཁྲོད་ས་གཡོས་པ། །རྨེ་ཁྲག་སྐད་ཆེན་ཆུ་ཡིས་སྤྲུ། །ས་སྤྱིན་དག་དང་བསྲེས་པ་ལ། །གྲུ་གསུམ་ནག་པོ་མཐོ་གང་ནང་། །འབྲུ་སྣ་ལྔ་ཡི་པྱེ་དག་ལ། །ལྷ་འདྲེ་མི་ཡི་གཟུགས་བྱས་ལ། །ཕོ་ཡི་སྙིང་ཁར་མོ་ཡི་མཚན། །མོ་ཡི་སྙིང་ཁར་ཕོ་ཡི་མཚན། །སྔན་དང་དབྱེ་བའི་སྔགས་འདི་གཞུག ཁ་ཁ་འུར་འུར་ཤག་ཤག་ཕྱེ། ཁ་འུར་ཁ་འུར་པའི་ཤག་ཕྱེ། རག་ཤ་སི་ལི་ལི་དགྲ་བོ་ཤག་ཕྱེ། ཆེ་གེ་མོའི་ཅིསྟི་དཀྲུགས་དཀྲུགས་ཕྱེ། ར་ཕོའི་གཟུགས་སུ་མོ་གཟུགས་གཞུག །ར་མོའི་གཟུགས་སུ་ཕོ་གཟུགས་གཞུག །བར་དུ་མཛོ་རུར་མ་ནིང་གཟུགས། །བཅུག་ལ་སྔོ་དམར་སྐུད་པས་དཀྲི། །བྱ་རོག་སྒྱུང་ཁ་པོ་ཡི་གཡས། །འུག་པ་ཧོར་པ་མོ་ཡི་གཡོན། །འབྲུ་ནས་འཁོར་ལོའི་ཐད་དུ་གཞུག །མ་ནིང་ཐོག་ཏུ་འཁོར་ལོ་འོ། །བཟའ་མི་ཇི་ལྟར་མཛའ་བ་ཡང་ འཐབ་ཅིང་སོ་སོར་ཤག་གིས་འགྲོ། །སྐྲུན་ཟླ་དབྱེ་བ་འདི་ལྟ་སྟེ། །ལིང་ག་བྲིས་ལ་གཟུགས་སུ་གཞུག །ནུ་བོ་བུད་མེད་ལྟ་བུར་བྱ། །ཡ་མ་དུ་ནི་མིང་དང་སྤེལ། །འཁོར་ལོ་དང་ནི་ལིང་ག་ལ། །གུ་གུལ་ནག་པོས་བདུག་པར་བྱ། །གཞན་རྣམས་གོང་གིས་འདྲེ་བའོ། །སྤུན་ཟླ་ཇི་ལྟར་མཛའ་བ་ཡང་ འཐབ་ཅིང་སོ་སོར་ཤག་གིས་འགྲོ། །རླུང་ནག་འཁྲུགས་པའི་རྒྱུད་ལས། མཛའ་བ་དབྱེ་བའི་ལེའུ་སྟེ་བརྒྱད་པའོ།། །།ཡབ་ནི་རླུང་ལྷ་རྫུན་པོ་ཆེ། །ཡུམ་ནི་སྲིན་མོ་སྨྲ་འདོད་མ། །བུ་ནི་བཟོང་པོ་མཆུ་ཡིན་པས། །ཕྲ་མ་གཞན་པས་མཁས་པ་ཡིན། །བུ་མོ་ཁྲག་སྲིན་ལྕུགས་མཁན་མ། །ལྕུགས་ལ་ཤིན་ཏུ་དགའ་བས་ན། །དབྱེ་བ་མི་འགྲུབ་མི་སྲིད་དོ། །ཡ༷་ཡ༷་ཡ་ཏྲི་ཕྱེ། མ༷་མ༷་མ་ཏྲི་ཕྱེ། ར་ཙ་སུ་རུ་ཕྱེ། ཏྲེཇུ་ཏྲེཇུ་ཕྱེ། ཤག་པྱེ་ཤག །ཁ་འུར་ཁ་འུར་ཤག་ཕྱེ། དགྲ་བོ་འདི་རྣམས་དཀྲུགས་དཀྲུགས་ཕྱེ་ཤག །ཏྲིལ་ཤ་ནི་ས་མ་ཡ་དགྲ་བོ་ཕྱེ་ཤག །གཅིག་ལ་བྱ་རོག་ཁྲག་གིས་བྱུག །གཅིག་ལ་འུག་པའི་ཁྲག་གིས་བྱུག །གཅིག་ལ་ཆ་བའི་རྫས་ཀྱིས་བྱུག །གཅིག་ལ་གྲང་བའི་རྫས་ཀྱིས་བྱུག །མཚོན་ཆ་ཁ་ཐལ་འབྱུང་སྲིད་པས། །ལས་གྲུབ་ཚེ་ན་འཁོར་ལོ་བཤིག །མ་བཤིག་ན་ནི་རང་ལ་འཁོར། །རླུད་གིས་ལས་ཀུན་བྱེད་པ་སྟེ། །འབྱུང་བ་ཁོར་ཕོར་འཁོལ་བ་ཡིན། །མ་ནི་མ་མོ་ཙ་ནི་བ་ཙན། །དུ་ནི་བདུད་ལ་ཨ་ནི་ལྷ། །ཡ་ནི་གཤིན་རྗེ་སྲིན་པོ་ཤ །ནི་ནི་རླུད་ལྷ་གནོད་སྦྱིན་ཀྟ། །སྡེ་བརྒྱད་ཡིག་འབྲུ་འཁོར་ལོ་ལྟོར། །དགྲ་བོ་ཕྱེ་དང་བཅས་པ་བྲི། །རྩུབ་པའི་ལྟས་སྟོན་མྱུར་བ་འབྱུང་། །རླུང་ནག་འཁྲུགས་པའི་རྒྱུད་ལས། དབྱེ་བ་ལས་ཀྱི་ཐུས་ཀའི་ལེའུ་སྟེ་དགུ་པའོ།། །།སྙིགས་མའི་དུས་སུ་སོང་བའི་ཚེ། །རྣལ་འབྱོར་དམ་ཚིག་མི་སྲུང་བའི། །འབྱུང་བའི་ནང་འགྲས་གྱུར་ན། །ཕ་རོལ་ཟིལ་གྱིས་གནོན་པ་ནི། ཁོ༑ག་གུའམ་ནི་དུར་ཤུན་ལ། །གསེར་རམ་ཡུངས་པ་བ་གླང་ཡིས། །རི་རབ་གླིང་དང་བཅས་པ་བྲི། །ལ༷་ནན། ཡ༷་ནན། སྟ༷་པ་ནན། པ་ཡ་བེ་ནན། སྟ༷་པ་ནན། ཨུར་ན་མ་ནི་སྟ༷་པ་ལ༷་ནན། ཅེས་པ་བྲིས་པའི་ཙཀྲ་ནི། །བཞིའམ་ཡང་ན་གཅིག་ཀྱང་རུང་། །སྟོབས་ཆེན་ཕྱོགས་སུ་ཁ་བལྟས་བྲི། །དུག་རས་དུག་གིས་བྱུག་བྱས་ལ། །རབས་ཆད་ས་གསུམ་བྱུགས་ལ་བརྒྱང་། །གྲི་ཁྲག་དུག་དང་རབས་ཆད་ཁྲག །སྦྱར་ཏེ་ཤ་ཞོན་བ་དན་ཅན། །གཞི་མ་ཅིག་ནི་བྲིས་ནས་སུ། །ཉམས་པའི་གནས་ཀྱི་ཕྱོགས་བཞིའམ། །འཁོར་འོའི་གྲིབ་མ་སོང་བ་སྲ །ཡ་མའི་ཁ་ལ་བྲུ་བའམ། །ཡ་མའི་གནས་སུ་སྨེ་སོལ་བྱུག །དགྲ་དང་རླུད་ལྷའི་གཟུགས་ཀྱང་བཞུག །གང་གི་རི་རབ་དེ་ཡི་གནན། །སྔགས་ཀྱང་གོང་མ་བརྗོད་པར་བྱ། །དེ་སྟེང་དུ་མཆད་རྩེ་གསུམ་དང་། །ལྷ་ཁང་ས་དང་ཟམ་རོ་དང་། །རོ་བསྲེགས་རྡོ་དང་ལ་བཙས་རྡོས། །མནན་ལ་ལུས་ངག་མནན་སྔགས་བཟླས། །དེ་ནས་དེ་ཡི་ནུབ་བྱང་དུ། །གྲུ་གསུམ་ནང་དུ་མཎྜལ་ནི། །དྲི་ཡི་ཐིག་ལེ་བདུན་བཏབ་སྟེ། །རླུད་ལྷ་བསྐྱེད་ཅིང་དགུག་བསྟིམ་བྱ། །མ་སྤྱད་རིན་ཆེན་རྫ་ཡི་གདན། །ལུས་ངག་ཡིད་གསུམ་གནན་སྔགས་བརྗོད། །རང་གི་གནས་ཀྱི་ནུབ་བྱང་དུ། །རླུད་ལྷ་མཆོད་ཅིང་དཔང་གཟུགས་སྨོད། །སྨོད་སྔགས་བཟླས་ཤིང་རང་གི་འཁོར་ལོ་དྲི་ཡིས་བདུག །འགྲུབ་ཅིང་ཆུད་མི་གསོན་པ་ཡི། །སྔགས་ནི་དུས་གསུམ་དག་ཏུ་བརྗོད། །རང་གིས་སྲུང་བའི་འཁོར་ལོ་ལ། །བུ་ཙ་ཕུལ་ལ་ཏྲི་ཡིས་བསང་། །ཡི་དམ་ལྷ་དང་ཆོས་སྐྱོང་ལ། །ཚོགས་གཏོར་བཏང་ཞིང་གསོལ་བ་གདབ། །དེ་ལྟར་བྱས་ན་སྙམ་གཉིས་ལས། །རྣལ་འབྱོར་སྐལ་ལྡན་རྩེ་ལ་སྣོད། །བྱས་པས་བྱས་པ་བཤིག་པ་དང་། །འབྱུང་བས་འབྱུང་བ་བཤིག་པ་དང་། །སྒྱུ་མས་སྒྱུ་མ་བཤིག་པ་དེ། །བསྟན་པའི་བདུད་རྣམས་འདུལ་བའོ། །རླུད་ནག་འཁྲུགས་པའི་རྒྱུད་ལས། ནང་འདྲས་བཟློག་པའི་ལེའུ་སྟེ་བཅུ་པའོ།། །།གལ་ཏེ་ལས་རྣམས་མ་གྲུབ་ན། །སྲིད་པའི་གཤིན་རྗེ་ལྟོ་དཀྲུགས་ཀྱི། །འཁོར་ལོ་བཅས་ལ་བསྟན་པ་བསྲུང་། །གནས་དང་ཚུགས་ཤིང་ལ་སོགས་འདྲ། །ཟླ་བ་མར་གྱི་ཚེ་ངན་ནས། །ཡང་ན་དགུའམ་ནག་པོ་ལ། །གཟའ་རྒོད་སྒྲ་གཅན་འཛིན་ལ་སྟོད། །བསྒྲུབ་པ་ཤེས་ལྡན་རིམ་རྫོགས་པས། །ཞིང་ཆེན་གོས་ལ་རེ་བའི་བསྟན། །ཐོར་ཅོག་སྤྱི་བོར་བཅིང་བྱ་སྟེ། །གཤིན་རྗེའི་ཕྱོགས་སུ་ཁ་བལྟས་ནས། །ཁྲོས་པའི་སེམས་ཀྱི་བྲིས་པར་བྱ། །ངུས་ནི་སྒྲའི་འབྲུག་གམ་ས་གཡོས་པའོ། །དུར་ཁྲོད་རས་ལ་སྐྱང་འདུལ་བྱ། །ཙཀྲ་གཉིས་ལ་དགྲ་ནི་གཉིས། །རྐང་པ་བསྣོལ་ཏེ་བྲི་བར་བྱ། །དབྱེ་བའི་སྔགས་ནི་ལུས་ལ་བྲི། །གསང་པའི་སྔགས་ནི་ལུས་ལ་བསྐོར། །ཁྲུ་གང་གྲུ་བཞིར་བརྒྱངས་པ་ལས། །ནང་དུ་ཙཀྲ་རྩིབས་ལྔ་པ། །རྐང་པའི་རྩིབས་གཉིས་བསྣོལ་ཏེ་བྲི། །དམིགས་པའི་ལིང་ག་རྩིབས་ལ་བརྒྱང་། །ལྷ་ཡི་སྲོག་དང་ཡིག་འབྲུ་བཞི། །ར་ཛ་སུ་རུ་རྫོགས་པ་དང་། །དམིགས་པའི་མིང་རུས་ཚང་བར་བྲི། །བྱ་རོག་ཁྲག་དང་ཚ་བའི་རྫས། །ཡ་མའི་མགོ་ངོས་གཟུགས་ལ་བྱུག །ཁོང་ངོས་ལིང་གའི་འཁོར་ལོ་ལ། །མ་ཡི་སྲོག་དང་ཡིག་འབྲུ་བཞི། །དགྲ་བོའི་མིང་རུས་ཕྱེ་བྲིས་ལ། །གྲང་བའི་རྫས་དང་འུག་ཁྲག་བྱུག །གསད་པའི་སྔགས་ཀྱིས་མཐའ་མ་བསྐོར། །གཤིན་རྗེའི་གཡས་སུ་བཟོང་བུའི་མཆུ། །རལ་གྲི་གཡས་པ་ལྕགས་ཀྱུ་གཡོན། །ལྷོ་བར་སུ་རུ་ཚང་བ་དང་། །སྨོད་མོ་བཅོལ་གཏད་ཚང་བར་བྲིས། །དེ་ཡི་མདུན་དུ་སྲིན་མོའི་གཟུགས། །བུད་མེད་ཕྱག་མཚན་མིང་པོ་འདྲ། །ལུས་ལ་འབྲུ་བཅུ་སྨོད་མོས་བཅའ། །མཁས་པ་ཤིན་ཏུ་བསྒྲིམས་ཏེ་བྲི། །མུ་ཁྱུད་གཉིས་བརྩེགས་ནང་མ་ཚེ། །དེ་ལ་ལྷ་འདྲེའི་སྙིང་པོ་བྲི། །སྨོད་མོ་མིང་དང་བཅས་པ་དགོད། །ཕྱི་མའི་མུ་ཁྱུད་ཟླུམ་སྐོར་ལ། །འདི་སྐད་གཤིན་རྗེ་ཁྱོད་ཉིད་ཀྱི། །ལྷོ་ན་སྲིད་པ་གསུམ་གནས་པས། །ང་རྒྱལ་བདག་ལ་ཁྱོད་ཉིད་ཀྱིས། །མི་འདུས་གཅིག་ཀྱང་མ་མཆིས་པས། །དམ་ཉམས་བསྒྲལ་བའི་ཞིང་འདི་ཉིད་དེ། །དཀོན་མཆོག་སྡང་སྨོད་བསྟན་པ་འཇིག །རུ་དྲ་འདི་རྣམས་སྒྲོལ་ཅིག་ལྟའོ། །ཞེས་པ་ལ་སོགས་པ་སྨོད་མོ་བྲིའོ། །འཁོར་ལོ་འདྲ་འདྲ་གཉིས་བྱས་ལ། །གཅིག་ལ་ཕོ་འཁོར་དོན་པོ་གདན། །གཅིག་ལ་མོ་འཁོར་དམིགས་པ་གཞུག །འཁོར་ཕྱོགས་བློ་ཡིས་སྦྱར་ལ་བྱ། །ཚུགས་ཤིངམདུནདུགཤིནརྗེའིཁྱིམ། །དུར་ཁྲོད་ས་ལ་སུམ་བརྩེགས་བརྩིག །ཁྲུ་གང་ས་ལ་མཐོ་གང་སྤངས། །རོ་སོལ་སྨེ་ཁྲག་སྦྱར་ལ་བྱུག །ལིང་ག་ཆེན་པོ་གཅིག་བྲིས་ཏེ། །འཁོར་ལོའི་མཚན་མ་ཚང་བར་བྲི། །གུ་གུལ་རམས་ཕྱེ་མུ་ཟི་བྱུག ཁུ་གསུམ་ནང་དུ་གན་རྒྱལ་བཞག །སྙིང་ཁར་འཁོར་ལོ་འོང་བར་བྱ། །འབྲིལ་ཤིང་སྐྱེ་ལ་བྱ་མགོ་གདགས། །བྱེ་མགོ་འབྲུབ་ཁུང་ནང་དུ་གཞུག །དེ་ལྟར་སྤོགས་པའི་འཁོར་ལོ་བསྐོར། །ལས་རྣམས་གྲུབ་པར་གདོན་མི་ཟ། །དེ་ལྟར་ཙཀྲ་བསྐོར་བྱས་པས། །ལས་ཀྱི་རླུད་ཡང་འཁྲུག་ཅིང་ལྡོག །དེ་ཡིས་འཆི་བདག་གཤིན་རྗེ་ནི། །ཡེ་ནས་སྲིད་གསུམ་བདག་པོ་འཁྲུག །དེ་རྣམས་མཐོང་རྟོག་བཟློག་ཅིང་འཁྲུག །མཚན་མ་འདི་ཡིས་ལན་སེམས་ནས། །དམིགས་པ་རྩད་ནས་གཅོད་པར་བྱེད། །རླུད་ལ་མི་སྲིད་བྱེད་ཅིང་འཁྲུག །དེ་ཡང་མཚན་མ་འཁྲུགས་གསོད་བྱེད། ཁམས་གསུམ་སེམས་ཅན་ཀུན་ལ་ཡང་། །ཞབྲུག་ཅིང་རྣམ་པ་འཚེ་བ་ཡིན། །རྣམ་སྨིན་བསམ་གྱིས་མི་ཁྱབ་པས། །འགའ་ལ་བྱ་ཡི་ཀུན་ལ་མེན། །སྔགས་པ་རང་ཉིད་ལ་ཡང་གནོད། །ཐེ་ཚོམ་ཡིད་གཉིས་སྤངས་ལ་བསྐོར། །རླུད་ནག་འཁྲུགས་པའི་རྒྱུད་ལས། སྤོགས་པའི་ལེའུ་སྟེ་བཅུ་གཅིག་པའོ།། །ཁེན་ཏུ་ཁུ་ལྡོག་ཆེ་བ་ན། །རླུ་་ལྷ་ལས་ལ་གཟུད་ཅིང་བཙུན། །དེ་ཡི་བྱ་བའི་རིམ་པ་ཡང་། ཁྲ་ཞོན་རླུད་གི་སྣམ་བུ་ཐོགས། །ས་སྤྱིན་དག་ལ་གཟུགས་བྱས་པའི། །སྙིང་ཀར་འབྲས་བུ་གནས་ལིང་གཞུག །གུ་གུལ་ནག་པོའི་དུད་པས་བདུག །འབྲུབ་ཁུང་འཁོར་ལོའི་ཐད་ཀར་གཞུག །ཞག་གྲངས་བདུན་ཚན་གསུམ་ལས་མིན། །བྱིའུ་ལིང་གའི་མགོ་ཐོག་མནན། །ལས་གྲུབ་གསོ་བའི་ཆོ་ག་བྱ། །རྣམ་འཇོམས་གྲངས་ལས་འདས་པ་བསྒྲག །ཚ་ཚ་ཉེ་འདོན་བཀའ་དག་བསྒྲག །ཆོས་སྐྱོང་རྣམས་ལ་གསོལ་བ་གདབ། །ཚངས་པའི་ཚེ་དང་ལྡན་པ་ཡང་། །ལོ་མི་ཐོགས་པར་འཆི་བར་འགྱུར། །དེ་བས་ཀྱང་ནི་འཁུ་ས་ཆེན། །སྐུ་གསུང་ཐུགས་ཀྱི་ཁྲོ་བོ་གསུམ། །ཚུགས་ཤིང་གསུམ་ལ་རིམ་པར་བྲི། །དེ་ཡིས་ཐུབ་པར་གདོན་མི་ཟ། །རླུད་ནག་འཁྲུགས་པའི་རྒྱུད་ལས། ་བུ་ལྡོག་བསྲུང་བའི་ལེའུ་སྟེ་བཅུ་གཉིས་པའོ།། །།ལས་འདི་བྱ་བའི་རིམ་པ་ནི། །ཆོས་སྐོར་ཁང་དབེན་འདྲེ་ཅན་ནམ། །རྩི་ཤིང་མི་སྐྱེ་ཡ་ངའི་གནས། །དུར་ཁྲོད་འབྱུང་པོ་གནས་པའི་ས། །བྲག་ཆེན་བཙན་བདུད་གནས་པའི་སར། །གསེར་སྐྱེམས་མཆོད་གཏོར་རྒྱ་ཆེར་གཏང་། །མ་ཉེས་ཤགས་གདབ་དབང་ཡང་གཟུགས། །ཆོ་ངེས་གདབ་ཅིང་བྲང་ཡང་བརྡུང་། །ཆོས་སྐྱོང་མཁའ་འགྲོ་འཁོར་བཅས་ལ། །གསོལ་བ་བཏབ་ལ་གྲོགས་སུ་བསྐོར། །བདུད་པུང་འཇོམས་པའི་ཉི་མ་ལ། །རོ་རས་དུག་ཤུན་ཁྲུ་གང་ལ། །ཁྲོས་པའི་སེམས་ཀྱིས་བྲི་བར་བྱ། །དབུས་ཀྱི་ལྟེ་བ་ཟླུམ་པོ་ལ། །བརྒྱད་འགབས་ཚུལ་འདྲ་གླིང་བཞིར་བྱ། །དེ་ཡི་གནས་སུ་རླུད་ལྷའི་བུ། །མི་ལུས་བྱ་ཡི་མཆུ་ཅན་ལ། །ནང་མི་རང་གི་སྲོག་སྙིང་དང་། །སྨོད་མོ་མིང་དང་བཅས་པ་བྲ། །མགོ་བོའི་ ང་ལ་ཕ་མ་གཉིས། །བསྣོལ་བ་དག་ཏུ་བྲི་བར་བྱ། །གཡོན་དུ་བུ་མོའི་ལྟོ་བ་སྲ །སྲོག་སྔགས་ལ་སོགས་སྨོད་མོ་བྲི། །ཕ་མ་གཉིས་ལ་གསང་སྔགས་བྲི། །འཕོངས་ཀྱི་གླིང་ལ་ཨ་མུ་ཀའི་གཟུགས། །དུ་ཡོད་མིང་རུས་བྲི་བར་བྱ། །དེ་ཡི་ཕྱི་རིམ་ཟླུམ་བསྐོར་ལ། །སྲོག་གི་སྔགས་རྣམས་ཚང་བར་བྲི། །ཕོ་ལ་རྩིབས་ཀྱང་བདུན་ཚོ་གསུམ། །ལྷ་འདྲེ་ཉེར་གཅིག་སྲོག་སྔགས་མིང་། །རྟེན་དང་བཅས་པ་བྲི་བར་བྱ། །རྩིབས་མཆན་དམིགས་པ་འཐབ་པ་དང་། །སོད་དཀྲུགས་ཕྱེ་ཞིག་སྨོད་མོ་བྲི། །རླུད་ལྷ་ཡབ་ཡུམ་ལྟོ་བར་བཞུག །ལས་ཀྱི་རླུད་གིས་བཏེག་ལ་བཞག །མོ་འཁོར་རྩིབས་ནི་བརྒྱད་ཚན་གཉིས། །རྩིབས་ལ་སྲོག་སྔགས་མིང་དང་བཅས། །རྟེན་དང་བཅས་པ་བྲི་བར་བྱ། །དབུས་དང་རྩིབས་མཆན་ཡབ་ཡུམ་འདྲ། །ལྕམ་དྲལ་གཉིས་ཀྱང་འདྲ་བ་ལ། །ཡབ་ཡུམ་གཉིས་པོ་སྦྱར་བར་བྱའོ། །བྱ་རོག་འུག་པའི་རཀྟས་བྱུག །དེ་ཡིས་མི་མཐུན་རྫས་བསྟན་པ། །གདགས་སྲིབས་ཆུ་ཡི་ཆོད་པ་ཡིས། །ས་བདག་ཀླུ་གཉན་གནས་པའི་ས། །དེར་སྐྱེས་གླང་མ་སྟག་པ་གཉིས། །ཞལ་དང་ཁ་མིག་ཚང་བར་བྱ། །སྟག་པའི་རྩེ་ལ་ཨོག་སྒྲོ་གཟུགས། །མོ་ཤིང་འུག་པའི་སྒྲོ་གཟུགས་སོ། །ཙཀྲ་འབྲིང་པོའི་སྔགས་དག་གམ། །དབྱེ་བ་ཕོ་མོའི་སྔགས་པྱེ་ལ། །ཚུགས་ཤིང་གཉིས་ལ་བྲིས་ལ་བཞག །སྒོ་རེབ་ལྟ་བུའི་དབྱིབས་ཅན་ལ། །མ་ཐེམ་ཆུ་ལ་ཡ་ཐེམ་མེ། །གཡས་པ་རླུད་ལ་གཡོན་པ་ས། །མིང་གཟུགས་ལེགས་པར་བཀོད་ལ་བཞག །དབུས་ཀྱི་ཀ་བ་མཐོ་གང་འོག །ཙཀྲ་སྐྱོན་ལ་བསྐོར་བར་བྱ། །ལས་རྣམས་གྲུབ་པར་གདོན་མི་ཟ། །དེ་ཡི་རྒྱབ་ཏུ་བདག་བསྲུང་བའི། །སྟོང་ཉིད་ཆེན་པོ་སྲ་བའི་གོ །ཅིས་ཀྱང་མི་ཚུགས་པའི། །ཙཀྲ་ལེགས་པར་བྲིས་ལ་བཞག །རླུད་ནག་འཁྲུགས་པའི་རྒྱུད་ལས། སྤྲ་ཁྲིད་ཀྱི་ལེའུ་སྟེ་བཅུ་གསུམ་པའོ།། །།འབྱུང་བ་རླུད་ལ་མ་རྟེན་གང་ཡང་མེད། །སྲིད་པ་ཕྱི་ནང་གཉིས་ཀ་རླུ་་ལ་རྟེན། །སྣོད་ཀྱི་ལོ་ཀ་འཕོ་འཇུག་དང་། །བབ་ཀྱི་སེམས་ཅན་འགྲོ་འདུག་ཉལ་འགྲེང་དང་། །སྐེད་འདོན་སྨྲ་ཞིང་ཟློས་པ་རླུད་ཡིན་ནོ། །དེ་ཕྱིར་རླུད་གི་འཁོར་ལོས་ལས་ཀུན་བྱེད། །རླུ་་གི་འཁོར་ལོ་མི་ཤེས་སྔགས་པ་ཀུན། །རི་མོ་སྣ་ཚོགས་འཁོར་ལོ་ཡིན་ནོ་ཞེས། །བསྐོར་བའི་ཐབས་མེད་རང་གི་ཡིད་སྨོན་ཡིན། །དེ་ལ་བཟློས་བསྐོར་བྱེད་པ་ཚི་ཆད་དོ། །སྐལ་མེད་སྔགས་པ་མཚམས་གཅོད་བསྒྲུབ་མཐུ་བྱེད། །བརྒྱགས་ཆད་སོ་ནམ་དགེ་སྦྱོར་འཆག་ཅིང་རང་སེམས་སྡུག །བསམ་ངན་ཞེ་སྡང་སྐྱེས་པས་ངན་སོང་ལྟུང་། །རླུད་འཁོར་འདི་ཡིས་དགྲ་འདུས་སྔགས་པ་ཀུན། །ཆོས་སྤྱོད་བྱ་བ་བྱེད་ཅིང་བསྡད་བས་ཆོག །ལས་ཀ་འབྱུང་བས་བྱེད་པས་རང་སེམས་དལ། ཁོང་དུ་སྦྲུལ་ཞུགས་ལུས་ལ་མེ་འབར་ཀྱང་། །ཡིད་ལ་གཅང་ཞིང་ཁ་རུ་གདོན་མི་བྱ། །ངན་སོང་གསུམ་གྱི་སྡུག་བསྔལ་ཨེ་རེ་འཇིགས། །སྙིང་གི་དཀྱིལ་དུ་སྦོས་ཤིག་ས་མ་ཡ། །ལྔ་བརྒྱའི་སྙིགས་མར་སོང་བའི་ཚེ། །སྒྲུབ་མཐུ་ལོང་མེད་ནུས་པ་ཆུང་། །རྒྱལ་པོ་ཁྲིམས་ཉམས་སྤྱོད་ངན་དར། །དམ་ཆོས་སྤྱད་དབང་མེད་པ་དང་། །ཆོས་སྐོར་འཇོམས་ཤིང་དགེ་འདུན་འཚེ། །བཙུན་པ་ཁྲིམས་ཉམས་སྡེ་འཁྲུག་བྱེད། །སྔགས་པ་དམ་ཚིག་མི་བསྲུང་བར། །ནང་རྨེ་བྱེད་ཅིང་ནོར་ཕྱིར་འབྲང་། །སྐྱེ་བོ་བསྲུངས་པས་རློམ་པ་ཚེ། །ཅིས་ཀྱང་མི་ཐུབ་མི་བཟློག་པའི། །འབྱུང་བ་རླུད་གི་འཁོར་ལོ་འདིས། །དེ་ཆེ་འབྱུང་བས་འབྱུང་བ་བཤིག །དཔེར་ན་ཆུ་ཆེན་འབྲུབ་པ་འདྲ། །བསྐལ་པ་མེ་ཆེན་འབར་བ་འདྲ། །ལས་ཀྱི་རླུད་ནག་འཁྲུག་པ་འདྲ། །ཁོང་དུ་གདུག་པའི་སྦྲུལ་ཞུགས་ཀྱང་། །སྤེལ་ན་མནར་མེད་དམྱལ་བར་སྐྱེ། །བསྟན་པའི་དོན་ལ་དགོངས་པ་ཡི། །སྐལ་ལྡན་རེ་རེ་ཙམ་ལ་ནི། །རྒྱུད་འདི་གཏད་ལ་བཀའ་རྒྱས་གདབ། །རླུ་་ནག་འཁྲུགས་པའི་རྒྱུད་ལས། རྒྱུད་ཀྱི་ཆེ་བ་བསྟན་པའི་ལེའུ་སྟེ་བཅུ་བཞི་པའོ།། །།ཆོས་འཁོར་བསྟན་པ་འཇིག་པ་དང་། །བླ་མ་བརྙས་ཤིང་རྣལ་འབྱོར་འཚེ། །ཅིས་ཀྱང་བདག་ལ་སྙད་འཛུགས་ན། །དེ་ཚེ་འདི་ཡི་ལས་བྱའོ། །རླུད་ནི་ལས་ཀུན་བྱེད་པས་ཏེ། །འབྱུང་བ་ཁོལ་པོར་འཁོར་བ་ཡིན། །བསྒྲུབ་མཐུའི་ནུས་པ་རྡུགས་པ་དང་། །རྒྱལ་པོས་རྒྱལ་ཁྲིམས་མི་ཐུབ་ཅིང་། །དམ་ཆོས་སྤྱད་ལ་སྐུར་པ་འདེབས། །མི་ནག་བཟློག་པ་བྱེད་པ་མང་། །སྙིགས་དུས་སེམས་ཅན་ང་དེཚེང་་་་པེ་གྲིངཆེཞི་དེམིཐེམིསྲིང༄༅ ལས་ཀྱས་འཁལ། ། ་ ་ལས་འད་དགངས་པས་ཏ། །ནམ་དགས་དུས་སུ་སྒྱུད་པས་ཆག །ད ར་ན་གཡུལ་ངར་རལ་ ་འདྲ། །འད་ལ་གནད་ ན་བ ་ཡད་ ། ། ་ བས་ ་ ད་པ་ཡ་གནད། །ལས་བྱེད་རྡོ་རྗེའི་མིག་ནས་འབྱུང་། །འཇམ་པོ་རྩུབ་མོར་བསྒྱུར་བའི་གནད། །རྩུབ་པའ་རྫས་ཀྱི་ཙཀྲ་དབྱུང་། །རང་ལ་མི་ལྡོག་པ་ཡི་གནད། །ཙཀྲ་ཀླད་ལ་བླ་ལ་ཟེར་ལན་གསུམ་བསྐོར། །སྣ་འདྲེན་མྱུར་ཞིང་ངངདྲེངེངསྙི་ཆེ་དིངདེ་ང་མགྱགས་པའ་གནད། །ཡུལ་གྱ་ལྷ་འ ་ལས་ལ་གཟུད་། །ཟབ་པར་ ས་ཀྱས་ ང་ལ་ཆངས། །བསྟན་བསྲུངས་རྒྱུད་ ན་རྒྱལ་པ་འ ། །བསྟན་པ་བསྲུང་བའ་ག ང་དུ་ཞག །རླུད་ནག་འཁྲུགས་པའ་རྒྱུད་ལས།གནད་ཆེན་བཞིའི་ལེའུ་སྟེ་བཅོ་ལྔ་པའོ།། །།རླུད་ནག་འཁྲུགས་པའི་བསྐལ་པ་དུམ་བུར་ཕྱུང་བ་དགོས་པའི་ལག་ཆ་ཚང་བ་རྫོགས་སོ།། །།