Ngb-pt-0009-vol-01-text
Front
Body
བསྒོམ་པ་ན། ་།ན་དབྱེ་ལ་བཟླར་འདོད་པ་སྟེ། ་།ན་ཏུ་འད་རྣམས་སྐུར་བར་བྱ། །རག་པ་གསལ་བའ་ཉམས་ཀྱ་ཕ་རྒྱུད་དུ། །བདེ་བའ་ཉམས་ན་མ་རྒྱུད་དུ། །སྟོང་པ་ཉམས་ན་དབུས་མ་མྲ །འོད་གསལ་ཉམས་ཀྱི་ལོངས་སྐུ་མྲ །གོལ་བ་ཡིན་ཕྱིར་ཡང་ཏི་བསྟན། །ད་ནི་ལ་བཟླ་བསྟན་པ་ནི་། །ཡུལ་དང་ཡུལ་ཅན་དུ་མི་བསྒོམ། །བསྒོམ་པ་ཕར་ལ་མི་བསྒོམ་རང་ཤར་ཤེས། །བདེ་བ་མི་བདེ་ཡིད་བདེར་ཤེས། །རིག་པའི་སྐུ་ལ་ཕྱི་ནང་མེད། །མཁའ་ཁྱབ་ཡུལ་ལ་སྣང་བ་མེད། །ཡེ་ཤེས་ལུས་ལ་ཕྱི་ནང་མེད། །སྤྲུལ་པའི་སྐུ་ལ་སྐུ་གསུམ་མེད། །ཕྱི་རུ་སྣང་བ་ལོངས་སྐུར་བསྒོམ། །ནང་ནས་ཤར་བ་སྤྲུལ་སྐུར་བསྒོམ། །ཐིག་ལེ་ཉག་གཅིག་ཆོས་སྐུ་ལ། །ཆོས་སྐུའི་བསྒོམ་པ་རྫོགས་པའོ། །ཕྱི་རུ་བསྒོམ་པས་ལོངས་སྐུར་གོལ། །ནང་དུ་བསྒོམ་པས་སྤྲུལ་སྐུར་གོལ། །གཉིས་མེད་བསྒོམ་པས་དབུ་མར་གོལ། །ཆོས་ཀྱི་སྒོ་མོ་བརྒྱད་ཁྲི་བཞི་སྟོང་ཡང་། །དང་པོ་ཐིག་ལེའི་ངང་ལས་བྱུང་། །བར་དུ་ཐིག་ལེའི་ངང་ལ་གནས། །ཐ་མར་ཐིག་ལེའི་ངང་དུ་རྫོགས། །བསྒོམས་ཉམས་ཇི་སྙེད་བྱུང་བ་ཡང་། །དང་པོ་བཀའ་ཡི་རྒྱུད་ལས་བྱུང་། །ད་ནི་ཉམས་ལ་མི་བརྟེན་ཏེ། །ཡང་ཏི་ནག་པོའི་བསྒོམ་པའོ། །བསྒོམ་པ་སྲོག་གི་སྤུ་གྲིའོ། །སྲོག་གི་འཁོར་ལོའ་རྒྱུད་རྫོགས་སོ།། །།བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། །ཆོས་ཀྱི་དབྱིངས་ཀྱི་ཕོ་བྲང་དུ། །སྟོན་པ་ཀུན་ཏུ་བཟང་པོ་ཡིས། །ཐུགས་ཀྱི་སྤྲུལ་པ་ཆེན་པོ་ལ། །དུས་གསུམ་ཁྱད་པར་མེད་པའི་ཕྱིར། །ཉིད་ལས་མི་གཞན་འཁོར་རྣམས་ལ། །རྫོགས་པ་ཆེན་པོའི་བསྟན་པ་ཤར། །ཞེས་གསུངས་སོ། །ལྟ་བ་ལ་ཐལ་ཆེན་པོའི་རྒྱུད་ཉིད་ཀྱི་ཞལ་ནས་བྱིན་རླབས་སུ། རང་བཞིན་དག་པ་རྣམས་ལ་བབས། །ཆོས་སྐུ་ཐིག་ལེ་ཉག་གཅིག་ལ། །འཁྲུལ་པ་མེད་པས་སེམས་ཅན་མེད། །སངས་རྒྱས་སེམས་ཅན་གཉིས་སུ་མེད། །བློ་དང་དངོས་པོ་གཉིས་སུ་མེད། །ཆོས་ཅན་ཆོས་ཉིད་གཉིས་སུ་མེད། །འཁོར་བ་མྱང་འདས་གཉིས་སུ་མེད། །དབྱིངས་དང་ཡེ་ཤེས་གཉིས་སུ་མེད། །རྣམ་རྟོག་ཡེ་ཤེས་གཉིས་སུ་མེད། །སངས་རྒྱས་སེམས་ཅན་གཉིས་མེད་དེ། །ལམ་གྱིས་བཅོས་སུ་ག་ལ་ཡོད། །ཡེ་ནས་གྲོལ་བའི་ཆོས་སྐུ་ལ། །ལྟ་སྒོམ་སྤྱོད་པ་འཆིང་བའི་རྒྱུ། །ཡེ་གྲོལ་ཆེན་པོ་ཕྱོགས་མེད་ལ། །ཕྱོགས་སུ་འཛིན་པ་འཁྲུལ་པའི་ལམ། །ལྟ་སྒོམ་སྤྱོད་པ་ནོར་བའི་ལམ། །འབྲས་བུ་ཐོབ་འདོད་ལྟོས་པའི་ཆོས། །ཡེ་གྲོལ་ཆེན་པོར་ཤར་བ་ལ། །རྩོལ་བསྒྲུབ་བྱེད་པ་འཁྲུལ་པའི་ལམ། །ཐམས་ཅད་རང་སྣང་ཆེན་པོ་ལ། །བསྒོམ་དུ་མེད་པར་བསྒོམ་པ་ནི། །དེ་ནི་ནམ་མཁར་སྙེགས་པ་འདྲ། །ཡེ་ནས་ཆོས་སྐུར་གཅིག་པ་ལ། །བར་དོར་ཆོས་ཉིད་སྐྱེ་འདོད་པ། །དེ་ནི་ལམ་གྱི་གོལ་ས་ཡིན། །ཐམས་ཅད་ཡེ་ནས་ལྷུན་གྲུབ་ལ། །བར་དོར་འབྲས་བུ་འདོད་པ་ནི། །དེ་ནི་ས་ཡི་གོལ་ས་ཡིན། །རིག་པ་རང་བྱུང་ཡེ་ཤེས་ལ། །རྒན་པོ་མཁར་ཐོགས་བསྒོམ་པ་དང་། །རྒན་མོ་མཛུབ་ཚུགས་བསྒོམ་པ་དང་། །གཤོན་པ་བདེ་བ་བསྒོམ་པ་ནི། །ཉམས་མྱོང་རེ་