Ngb-pt-0770-vol-08-text

Body

པའི་རྒྱུད་འདུས་པའི་རྒྱུད་ཅེས་བྱ་བ་རྫོགས་སྟེ། །གུ་རུ་བ་སུ་དྷ་རས་རྡོ་རྗེ་ཡང་དབང་གཏེར་ལ་གནང་བའོ། །ས་ཐ༷་རྒྱ་རྒྱ་རྒྱ། ྅།། རྒྱ་གར་སྐད་དུ། ཨེ་ཀ་ཛ་ཏི་ཨེ་མན་ཏྲས་ཆེན་ཏ་ཏན་ཏྲ། བོད་སྐད་དུ། རལ་གཅིག་མའི་དྲག་སྔགས་འདུས་པའི་རྒྱུད་ཅེས་བྱ་བ། དཔལ་ཆེན་པོ་ལ་ཕྱག་འཚལ་ལོ། །འདི་སྐད་བསྟན་པའི་དུས་ན། དཔལ་རང་འབྱུང་རྒྱལ་མོས། དཔལ་ཆེན་ཧེ་རུ་ཀའི་གཟུངས་མ་མཛད་དེ། འཁོར་རྣམས་དང་ཐམས་ཅད་ཏུ་བཞུགས་སོ། གླེང་གཞིའི་ལེའུ་སྟེ་དང་པོའོ།། །།དེ་ནས་རང་བྱུང་རྒྱལ་མོ། །ལྷ་མོ་བདེ་བྱེད་མ་ལ་བཀའ་སྩལ་བ། ང་ནི་འཕྲིན་ལས་བདག་མོ་སྟེ། །ཞི་རྒྱས་གཉིས་ཀྱི་གསོ་བར་བྱ། །དབང་དྲག་གཉིས་ཀྱིས་གསང་པའོ། །གཞན་ཡང་འཕྲིན་ལས་བསམ་མི་ཁྱབ། །ང་ཡིས་བཤད་ཀྱིས་ཡིད་ལ་ཟུང་། །ཞི་བའི་ལས་ནི་བྱེད་འདོད་ན། །བཀྲ་ཤིས་ཡིད་འོང་གནས་ཉིད་དུ། །སའི་དཀྱིལ་འཁོར་ཟླ་བ་ཉའི་དབྱིབས། །ཁ་དོག་དཀར་ལ་ཟླུམ་པའོ། །དབུས་སུ་ཟླུམ་པོ་ཆག་གང་བྲུ། །བྱང་ཆུབ་སེམས་ཀྱིས་ཆག་ཆག་གདབ། །དཀར་ནི་ཀ་ཡི་ཁུ་བ་ཡིས། །དཀར་ལ་འཚེར་བའི་་ག་གཅིག་བྲི། །དཀར་དམར་ཁུ་བས་གཏོར་བྱ་ཞིང་། །སྒག་ཅེས་ཞི་བའི་ངག་གིས་བརྗོད་པས ། །བུད་མེད་དཀར་མོ་གཡུའི་རལ་པས་ས་གཞི་ཁྱབ་པ་ཅིག། ཁེན་ཏུ་འཛུམ་པའི་ཆ་བྱད་ཅན་ཅིག། །ལངས་ནས་འོང་སྟེ། །མི་གཏང་ཞིང་མ་ཡེངས་པ་བྱའོ། །དེ་མངོན་དུ་གྱུར་པ་དང་། ཞི་བའི་རྫས་ཀྱིས་མཆོད་ཅིང་སྔགས་འདི་རྒྱུན་དུ་བཟླས་སོ། །སྒག་རག་ཤ་ཁ་མུན་ཏྲ་ཨེ་ཀ་ཛ་ཏི། སྙིང་ཁ་རག་མོ་སྨྱོ་སརྦ་ཤིན་ཏིང་ཀུ་རུ་སྲུ་ཧྭ། མངོན་དུ་གྱུར་བ་དང་། ཇི་ལྟར་བསམས་པའི་ལས་གྲུབ་པར་འགྱུར་རོ་ཞེས་གསུངས་སོ། །ཞི་བའི་འཕྲིན་ལས་ཀྱི་ལེའི་སྟེ་གཉིས་པའོ།། །།དེ་ནས་རྒྱས་པའི་ལས་ཉིད་ལ། །རི་བོ་རྩེ་ཤིང་ནགས་ཚལ་རྒྱས་པ་འམ། །གྲུ་བཞི་ལམ་པའི་གནས་ཉིད་དུ། །ས་ཡི་མསྒྱེལ་གྲུ་བཞི་བརྩིག། ཡང་བའང་ལྡོང་རོས་ཆག་ཆག་གདབ། །དབུས་སུ་གྲུ་བཞི་ཆག་གང་ཐུར་དུ་བྲུ། །ཁ་ཁྱེར་ཐོད་པ་སེར་པོས་བསྐོར། །དབུས་སུ་རིན་ཆེན་གསེར་གྱི་ཏྲག་གཅིག་བྲི། །ཏྲག་རག་ཤ་ཁ་མུན་ཏྲ་ཨེ་ཀ་ཛ་སྙིང་ཁ་རག་མ་སྨྱོ། ས་རྦ་པུ་ཉི་ཀུ་རུ་གྲྭ་ཧྭ། ཞེས་ཆང་ཕུད་དང་ཨ་མྲི་ཏ་སྦྱར་ལ་གཏོར་ཞིང་། གོང་བཞིན་གསལ་པར་གྱུར་པ་དང་། །ཐམས་ཅད་རྒྱས་པའི་ལས་བྱའོ། །ཞེས་གསུངས་སོ། །རྒྱས་པའི་ལེའུ་སྟེ་གསུམ་པའོ།། །།དེ་ནས་དབང་གི་ལས་ཉིད་ནི ། །བྲག་དམར་ཆོས་བཟང་འདྲ་བ་སྲ །དབང་གི་མགིལ་ཟླ་གམ་བརྩིག། །དབུས་སུ་ཟླ་གམ་ཆག་གང་ཐུར་དུ་བྲུ། ་ས་རབ་རཀྟས་ཆག་ཆག་གདབ། །ཟངས་ཀྱི་ཁུ་བའི་སྙིང་ཁྲག་གིས། །རག་མ་སྨྱོ།སརྦ་བ་ཤ༷་ཀུ་རུ་ཧཱུཾ༷། ཞེས་དེ་སྔོན་དུ་གྱུར་པ་དང་། དབང་གི་ལས་ཇི་ལྟ་བ་བཞིན་ནོ། ཞེས་གསུངས་སོ། དབང་གི་ལེའུ་སྟེ་བཞི་པའོ།། །།དེ་ནས་དྲག་པོའི་ལས་བྱེད་ན། །དུར་ཁྲོད་དམ་ནི་ཕུང་ཤུལ་གྱི་གནས་སུ། །ས་ཡི་དཀྱིལ་འཁོར་གྲུ་གསུམ་མཐིང་ནག་བྱ། །དུག་དང་རོ་བསྲེགས་ཐལ་བས་ཏྲག་བྲིའོ། ། གྲུ་གསུམ་ཁ་ཁྱེར་ཐོད་པས་བསྐོར། །སྙིང་ཁྲག་ཆང་ཕུང་ཨ་མྲི་ཏས། །གཏོར་ཞིང་སྔགས་བཟླས་སྔོན་གྱི། །ཐུགས་དམ་རྗེས་སུ་དྲན་པར་བྱ། །སྒག་རག་ཤ་ཁ་མུན་ཏྲ། །ཨེ་ཀ་ཛུ་ཏི་སྙིང་ཁ་རག་མ་ས་མ་ཡ་སྨྱོ། སརྦ་མྱ་ར་ཡ་སྨྱོ། སརྦ་མུ་ར་ཡ་ཕཊ། སཝ་ལས་མངོན་དུ་གྱུར་པ་དང་། ལས་ཐ་དད་པ་དེ་བཞིན་ནོ། །ཞེས་གསུངས་སོ། དྲག་པོའི་ལེའུ་སྟེ་ལྔ་པ་འོ། །དེ་ནས་བཟློག་པའི་འཕྲིན་ལས་ནི། །སེ་གོལ་བརྡབ་ཅིང་སྔགས་འདི་བཟླས། ཏྲག་རག་ཤ་ཁ་མུན་ཏྲ་ཨེ་ཀ་ཛུ་ཏི་སྙིང་ཁ་རག་མ་སྨྱོ། ཨོ་རྒ་གི་ཤ། །ཁིར་ཚིན་དྷ། རྐ་རྒ་ཁ་རྒ་རྒ་ཨུ༷་པ་གྲྭ་ཧྭ། ཞེས་སྔགས་དེ་ལན་བརྒྱ་རྩ་བརྒྱད་ཟླས་ཏེ། །སེ་གོལ་བརྡབས་ན་བྱད་དང་། མི་ཁ་དང་། ངན་དགུ་ཤོམས་པ་དང་། རྨི་ལམ་ངན་པ་དང་། ངན་སྔགས་ཐམས་ཅད་ཟློག་པར་འགྱུར་རོ། །ཞེས་གསུངས་སོ། །བྱང་མི་ཁ་ཟློག་པའི་ལེའུ་སྙེ་དྲུག་པའོ།། །།དེ་ནས་ཡང་གསོ་བའི་ལས་བྱེད་ན། །བུད་མེད་བུ་ཚ་མི་སོས་པ། །སོས་པར་བྱ་བའི་ལས་ཉིན་ནི། །བུད་མེད་གོས་ལ་སྔགས་པ་འམ་ཏྲག་རག་ར་ཁ་མུན་ཏྲ། ཨེ་ཀ་ཛ་ཏི་སྙིང་ཁ་རག་མ་སྨྱོ། །ཨོ་མ་ནི་དེ་ར་ནི་མ་ཧྭ་པྲ་ཏི་སྭ་རེ་ཡེ་གྲྭ་ཧྭ། ཞེས་སྔགས་མདུད་ལ་སྟོང་ངམ་འབུམ་ཟླས་ནས་བུད་མེད་ལ་གདགས་སོ། །དེ་ནས་བུ་བཙས་པ་དང་བུ་ལ་གདགས་སོ། །མོ་ལས་ཕོར་འགྱུར་ཏེ་སོས་པར་ངོས་སོ། །ཞེས་གསུངས་སོ། །སྲིའུ་གསོ་བའི་ལེའུ་སྟེ་བདུན་པའོ། །དེ་ནས་ཡང་དག་བཤད་པ་ནི། །གང་ཡང་ཐུབ་པའི་གསང་སྔགས་ནི། །བདག་གི་ཐུགས་ཀར་ཧཱུཾ༷་ལས་ནི། །འོད་བྱུང་ལྕགས་ཀྱི་རྡོ་རྗེར་གྱུར། །དེ་ལས་འོད་ཟེར་ཕར་འཕྲོས་པས། །བདག་ལ་སྦྱོར་གཏོད་ལྟས་ངན་དང་། །ནད་ལ་སོགས་པ་འཇོམས་པར་བསམ། །ཏྲག་རག་ཤ་ཁ་མུན་ཏྲེ་ཨེ་ཀ་ཛ་ཏི་སྙིང་ཁ་རག་མོ་སྨྱོ། །སོད་ཀུ་རུ་ནན། །ཏིང་ཤི་ཀུ་རུ་ན་ན། པྲ་མ་ཤི་ཀུ་རུ་ནན། །ཞི་ཞི་ཀུ་རུ་ནན། རུ་རུ་ཀུ་རུ་ནན། ཞེ་བཟླས་ན་ཅི་ཡང་ཐུབ་པར་འགྱུར་རོ། ཞེས་གསུངས་སོ། །གང་ཡང་ཐུབ་པའི་ལེའུ་སྟེ་བརྒྱད་པའོ། །དེ་ནས་ཡང་བཅིངས་པའི་ལེའུ་བྱེད་ན། མི་གོད་བྱད་དུ་གཞུག་པའི་ལས། །ཏིང་འཛིན་གྱི་ལྷ་བསྙེན་རྒྱུན་དུ་བྱ། ་ཀུ་རག་ཤ་ཁ་མུན་ཏྲ་ཨེ་ཀ་ཛ་ཏི་སྙིང་ཁ་རག་མ་སྨྱོ། དྷི་ཏྲ་མི་ཏྲ་སྟ་བན་ཏ། སི་ཏ་ཀ་ར་ཀ་རྭ།མ་ཧྭ་པ་ལ་ཐ། ཞེས་བཟླས། འདི་བསྙེན་པ་ནི་ཟླ་བ་ཉི་ཤུར་དུས་དྲུག་ལ་བར་མ་ཆད་པར་བཟླས ། དེ་ནས་བདག་ཉིད་ཏིང་ངེ་འཛིན་གྱི་ཆས་སུ་ཞུགས་ལ། །སྡིགས་འདི་བཟློས་སོ། །མི་རྒོད་མ་བྱུང་གི་བར་དུ་ལག་པ་གཡས་པ་ལ་ལན་ཉི་ཤུ་རྩ་གཅིག་བཟླས་ལ་གདབ་པོ། མི་རྒོད་བྱུང་ཙ་ན་ཕྱག་རྒྱ་བཅས་ཏེ་མཐེ་བོང་སོར་མོ་གཞན་གྱིས་མནན་ན། བདག་གིས་མ་གཏང་གི་བར་ལ་འགྲོ་མི་ཤེས་སོ། །ཞེས་གསུངས་སོ། །མི་རྒོད་༄༅ བ ང་བའ་ལེའུ་སྟེ་དགུ་པའོ།། །།དེ་ནས་ཡང་འ ་གསུངས་སོ། ། ་ལས་བྱ་ན། བཀྲ་ཤས་པ་མཚན་དང་ལྡན་པའི་ཐོད་པ་ལ་ཚེའི་གའུ་བྱས་ལ། སྨན་དང་། སྤོས་དང་། དྲི་བཟང་པོས་བྱུགས་ལ།རྫས་དང་དགོངས་པ་སྤྱི་དང་མཐུན། སྔགས་ནི་ཏྲག་རག་ཤ་ཁ་མུན་ཏྲ་ཨེ་ཀ་ཛ་ཏི་སྙིང་ཁ་རག་མ་སྨྱོ། ཨུ་ཡུ་ཙྭ་ན་ཡུ་ཚེ་ཨ་པ་ན་ཡ་བྲུ༷་གྲྭ་ཧྭ། ཞེས་བཟླས་ན་ཇི་ལྟ་བའི་དངོས་གྲུབ་ཐོབ་པར་འགྱུར་རོ། །ཞེས་གསུངས་སོ། ཚེའི་ལེའུ་སྟེ་བཅུ་པའོ།། །།དེ་ནས་ཡང་བགེགས་བསྐྲད་པའི་ལས་ནི། ཉུངས་ཀར་རྒྱལ་པོ་ལ་བསྔགས་ནས་བགེགས་གང་དུ་གནོད་པ་ལ་བཏབ་ན་འབྲོས་པར་འགྱུར་རོ། །ཏྲག་རག་ཤ་ཁ་མུན་ཏྲ་ཨེ་ཀ་ཛ་ཏི་སྙིང་ཁར་རག་མ་སྨྱོ། ར་ཙ་བི་ར། །ཙ་ཀྲ་ཨ་པ་ན་ཨ་གྲྭ་ཧྭ། ཞེས་གསུངས་སོ། བགེགས་བསྐྲད་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་མེད་དགྲ་བཟློག་ན་སྔགས་སེང་ལྡེང་མཆོག་ཕུར་ལ་རྒྱུན་དུ་བཟླས་ཏེ་དགོངས་པ་དང་མི་འབྲལ་བར་བྱའོ། །ཏྲག་རག་ཤ་ཁ་མུན་ཏྲ་ཨེ་ཀ་ཛ་ཏི་སྙིང་ཁ་རག་མ་སྦྱོ། ཨག་ནེ་མ་ར་ཡ་བོད། པ་ནི་མུ་ར་ཡ་རྦད། ཅེས་བཏབ་ན་མེ་དགྲ་དང་ཆུ་དགྲ་བཟློག་པར་འགྱུར་རོ།ཞེས་གསུངས་སོ། །མེ་དགྲ་དང་ཆུ་དགྲ་བཟློག་པའི་ལེའུ་སྟེ་བཅུ་གཉིས་པའོ། དེ་ནས་གཞན་ཡང་བཤད་བྱ་ནི། །བགེགས་ཀྱི་འགྲུལ་ཐག་གཅད་པའི་ལས་བྱ་ན། མཆོག་གམ། སེང་ལྡེང་ངམ། དྲག་པོའི་ཤིག་ལ་ཕུར་བ་སོར་བརྒྱད་པ་བྱས་ལ། བྱིན་གྱིས་བརླབས་གུ་གུལ་དུད་པས་བདུད། ཏྲག་རག་ཤ་ཁ་མུན་ཏྲ་ཨེ་ཀ་ཛ་ཏི་སྙིང་ཁ་རག་མ་སྨྱོ། ལྷ་བྱིན་མ་ར་ཡ་རྦད། ཅེས་འགྲུལ་ཐག་འཆད་པར་འགྱུར་རོ། །ཞེས་གསུངས་སོ། །བགེགས་ཀྱི་འགྲུལ་ཐག་གཅད་པའི་ལེའུ་སྟེ་བཅུ་གསུམ་པའོ། དེ་ནས་དམ་སྲིད་གདུལ་ན་གོང་ལྟར་ཕུར་བུ་བྱས་ལ། ཞིང་ཆེན་ལ་དམ་སྲིའི་གཟུགས་བྱས་ལ། དེ་ལ་དགུག་གཞུག་དྲག་ཏུ་བྱས་ལ། ཏྲག་རག་ཤ་ཁ་མུན་ཏྲ་ཨེ་ཀ་ཛ་ཏི་སྙིང་ཁ་རག་མ་སྨྱོ། དམ་སྲི་ཏྲི་མ་ར་ཡ་རྦད། ཅེས་བསྟན་ནས་བརླག་པར་འགྱུར་རོ། །དེ་ནས་འཇུག་ཐོད་པར་བཅུག་ལ་ལམ་རྒྱ་གྲམ་དུ་མནན་ནོ། །ཨོ་ཧན་ཟི་སྦོ་ཏ་ཡ་ནན། ཞེས་བཟླས་སོ།ཞེས་གསུངས་སོ། །དམ་སྲི་གདུལ་བའི་ལེའུ་སྟེ་བཅུ་བཞི་པའོ།། །།དེ་ནས་ཡང་དག་བཤད་ཀྱི་ཉོན། ལས་དེ་དག་བྱ་བ་ཡང་། གོང་དུ་སྐུ་གསུང་ཐུགས་ཀྱི་བསྙེན་པ་འམ། །སུམ་ཅུ་རྩ་གཉིས་པའམ། །ཡང་ན་ཡི་གེ་བཅུ་བདུན་པས། །མ་མོ་མངོན་དུ་བསྒྲུབས་བྱས་ལ། །དེ་ནས་ལས་རྣམས་གང་བྱས་ཀྱང་། འགྲུབ་པར་འགྱུར་ཏེ་ཐེ་ཚོམ་མེད། །མ་མོ་བསྙེན་པ་མ་རྫོགས་ན། །ལས་རྣམས་འགྲུབ་པར་མི་འགྱུར་རོ། །དེ་བས་བསྙེན་བསྒྲུབ་དང་དུ་བླང་། །ཞེས་གསུངས་སོ། །མན་ངག་དམ་པའི་ལེའུ་སྟེ་བཅོ་ལྔ་པའོ། །དེ་ནས་ཡང་འདི་གསུངས་སོ། སྙིང་པོ་དྲག་ཞན་བཤད་པ་ནི། །ཕོ་དང་མོ་དག་མ་ནིང་དང་། རིང་པོ་དང་ནི་ཐུང་དུ་དང་། །དྲག་པ་དང་ནི་དལ་བ་ལས། དྲག་པོ་དང་ནི་དྲག་ཏུ་དྲག །དེ་རི་རིམ་པ་བཤད་པ་ནི། །མ་ནིང་བས་ནི་མོ་ཡིག་དྲག །མོ་བས་ཕོ་ཡིག་རབ་ཏུ་དྲག །རིང་བ་བས་ཀྱང་ཐུང་དུ་དྲག བསད་པའི་དྲག་སྔགས་དལ་བ་ལས། དམོད་པའི་དྲག་སྔགས་རབ་ཏུ་དྲག །རིང་པོ་ཐམས་ཅད་དལ་བ་ལས། །བསྙེན་པ་ཉེ་བསྙེན་དུས་སུ་བཤད། །ཐུང་དུ་ཐམས་ཅད་དྲག་པ་ལས། །སྒྲུབ་དང་ལས་ལ་སྦྱོར་ཁར་བཤད། །རབ་ཏུ་དྲག་པོ་སྨོད་པའི་སྔགས། །རྦད་དང་བསང་ཀྱིས་མཆོད་ན་ཟབ། །ཧྲི་དང་ཕཊ་་ཀྱིས་མཆོད་ན་ཟབ། །བརྡོལ་པའི་སྔགས་ལ་གཅེར་བུར་བྱུང་། མྱ་ར་ཡ་དང་ཛ་ཡིས་ཆོད། །ཐུམ་དང་སྤུད་ཀྱིས་ཆོད་ན་ཟབ། རག་དང་ཀ༷་གྱིས་ཆོད་ནས་ཟབ། །བ༷་དང་རིལ་དང་ཧ་ར་ཟབ། དེ་བཞིན་རབ་ཏུ་དྲག་པ་རྣམས། །སྨོད་པའི་སྔགས་ཏེ་རབ་ཏུ་ཟབ། །ཅེས་གསུངས་སོ། ། ཡི་གེའི་གནད་ཀྱི་ལེའུ་སྟེ་བཅུ་དྲུག་པའོ།། །།དེ་ནས་ཡང་འདི་གསུངས་སོ། །འཕྲིན་ལས་བྱ་བའི་རིམ་པ་ནི། །ཐོག་མར་རྡོ་ལས་ལྕགས་སུ་བཞུ། །ལྕགས་ལས་གོ་དང་མཚོན་དུ་བརྡུངས། །གོ་མཚོན་ཞུ་ཐར་ཐོ་བར་བྱས། །མཚོན་ལས་ཏི་ལ་མར་ངར་གྱིས་བཏགས། མཚོན་ཆ་དཔལ་ཆེན་ལག་ཏུ་གཏད། །དཔའ་པོས་ཕ་རོལ་གཡུལ་ངོ་བཟློག དེ་ཡི་དོན་རྣམས་བཤད་པ་ནི། །རྡོ་ལས་ལྕགས་སུ་བཞུ་བ་ལྟར། སྔོན་དུ་འགྲོ་བའི་བསྙེན་པ་བྱ། །ལྕགས་ལས་གོ་མཚོན་བརྡུངས་པ་ལྟར། །མ་མོ་ཉེ་བའི་བསྙེན་པ་བྱ། །གོ་མཚོན་ཞུན་ཐར་ཐོ་བ་ལྟར། མ་མོ་དེ་ཉིད་བསྒྲུབ་པར་བྱ། །དེ་ལ་ཏིལ་མར་ངར་ཟླུད་ལྟར། དེ་ཉིད་མངོན་དུ་བསྒྲུབ་པར་བྱ། །དཔའ་བོའི་ལག་ཏུ་བསྐུར་བ་ལྟར། བསྙེན་པ་རྫོགས་པའི་རྣལ་འབྱོར་པས། །དཔའ་བོས་གཡུལ་ངོ་བཟློག་པ་ལྟར། །འཕྲིན་ལས་སྦྱོར་བ་སོ་སོར་བྱ། །དེ་བཞིན་རིམས་ཀྱིས་བཤད་པ་ནི། །མ་མོ་རིམས་ཀྱིས་བསྒྲུབས་པའི་ཐབས རིམ་པའི་ལས་རྣམས་རྫོགས་པ་ནི། །མ་མོའི་དངོས་གྲུབ་ཐོབ་པར་བཤད། །ཅེས་གསུངས་སོ། །རིམས་ཀྱི་བསྒྲུབས་པའི་ལེའུ་སྟེ་བཅུ་བདུན་པའོ། དེ་ནས་ལྷ་མོ་བདེ་བྱེད་མས། །རང་བྱུང་རྒྱལ་མོ་ལ་འདི་སྐད་ཅེས་གསོལ་ཏོ། །བདག་གིས་རྒྱུད་འདི་ཇི་ལྟ་བུ་ལ་བསྟན་ཅིང་གཟུང་བར་བགྱི་ཞེས་གསོལ་བ་དང་། རང་འབྱུང་རྒྱལ་མོས་བཀའ་སྩལ་པ། རྒྱུད་ནི་ཨེ་ཀ་ཛ་ཏི་ལས་ཐམས་ཅད་པའི་རྒྱུད་ཅེས་བྱ་བར་ཟུང་ཞིག །མ་འོངས་པའི་དུས་སུ་རྣལ་འབྱོར་པ་དམ་ཚིག་དང་ལྡན་པ། གཞན་གྱི་བསྐུར་བའི་གནས་སུ་མི་འགྱུར་བར་ཉམས་སུ་ལེན་པ་རྣམས་ལ་བསྟན་པར་བྱའོ། །ཞེས་བཀའ་སྩལ་པ་དང་། འཁོར་རྣམས་རྗེས་སུ་ཡི་རངས་པར་གྱུར་ཏོ། ཁུད་ཡོངས་སུ་བཟུང་བའི་ལེའུ་སྟེ་བཅོ་བརྒྱད་པའོ།། །།ཨེ་ཀ་ཛ་ཏི་དྲག་སྔགས་འདུས་པའི་རྒྱུད་ཅེས་བྱ་བ། ཤིན་ཏུ་གསང་བ་མན་ངག་གི་རྒྱུད་ཅེས་བྱ་བ། རོམ་བུ་གུ་ཡས་དེ་བ་ཙན་དྲ་ལ་ཞུས་ཏེ་གནང་བའོ། །རྫོགས་སོ།། །།སམཐ།ས༷ཐནརུགཐམས༷༷ སྙིཐི། རྒྱ་རྒྱ་རྒྱ།། །།སློབ་དཔོན་ཆེན་པོ་རུམ་བུ་གུ་ཡ་དེ་བ་ཙན་ཏྲའི། ཐུགས་ཀྱི་ངན་སྔགས་ཀྱི་བསྒྲུབ་པ་མང་པོའི་སྙིང་ཐུན། །དུར་ཁྲོད་དམ། བྲག་དམར་ཟངས་ཀྱི་ཁ་འདྲ་འམ། ཡང་ན་ཉམས་དགའ་བ་འམ་ཡིད་དུ་འོང་བའི་གནས་སུ། ཕྱི་ནང་བཤགས་བྱ་ཞིང་མཚམས་གཅད་དཀྱིལ་འཁོར་མདའ་གང་པའི་གྲུ་བཞི་ལ། མཐིང་ནག་གྲུ་གསུམ་གཅིག་བྲིས་ཏེ། མཁའ་རྐོངས་གསུམ་གྱི་སྒྱེད་བུའི་ཁ་ལ། རྣོལ་གྲི་མོའི་ཐོད་པའི་ནང་དུ་པདྨའི་རག་ཏ་དང་། ཁྱི་རྒྱ་བོའོ་སྙིང་ཁྲག་དང་། བལ་གྱི་སྙིང་ཁྲག་དང་། ཁྲག་སྣ་འབྱོར་ཚད་བླུགས་ལ། ཁ་དར་ལེ་བརྒན་གྱིས་གཅད། ཚོན་སྐུད་ཀྱིས་བཅིངས་ཏེ་མི་འགྱུར་པའི་གཡུང་དྲུང་གིས་རྒྱས་གཏབ། གཟུངས་ཐག་འུང་ནས་སྣོད་མེད་གཏེར་དུ་སྦས། ཆོས་ལྡན་ཁ་སྨན་ཅིག་དང་འཕྲད་པར་ཤོག། །།རྒྱ་གར་སྐད་དུ། སམྲཐཁགརྐསམཐ། བོད་སྐད་དུ། སྲོག་ཐིག་ནག་པོའི་རྒྱུད་ཅེས་བྱ་བ། རྡོ་རྗེ་ཧེ་རུ་ཀ་ལ་ཕྱག་འཚལ་ལོ། །འདི་སྐབས་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཧེ་རུ་ཀ་ཆོས་