Ngb-pt-0592-vol-06-text

Body

ཐིག་མེ་མཉམ་རྫོགས་ངང་དུ་ཕྱག་འཚལ་ལོ། །ཨུ་རྒྱན་ཡུལ་འཁྲུངས་བད་ལའོ། །ལས་སྨོན་དག་པས་སིང་ཧ་མཇལ། །ཐུགས་རྗེའི་སྟོབས་ཀྱི་བསྟན་པ་ཨ་ཏི་བབ། །གདུལ་བྱའི་སྟོབས་ཀྱིས་བོད་དུ་འོང་། ཁ་བ་ཅན་རྣམས་བདེ་ལ་བཀོད། ཁྲི་སྲོང་ལྡེ་བཙན་བསམ་པ་བསྒྲུབས། །ས་འོག་ས་བླ་གཏེར་གྱིས་བཀང་། །བརྒྱ་དང་བཅུ་གཅིག་བོད་ཡུལ་བསྡད། །ང་ནི་སྲིན་པོའི་ཡུལ་དུ་འགྲོ །བི་རོ་ཉིད་ལ་གདམས་པ་གཏད། །ཆོས་རྣམས་ཐམས་ཅད་གཅིག་ཏུ་དྲིལ། །མྱོང་བའི་སྟེང་དུ་རྡོ་རུས་ག་ །ཞལ་ཐེམས་དུས་སུ་ཞུན་ཐག་ཆོད། །ཡིད་ཀྱིས་སྣང་བའི་ཡུལ་ལ་བསླད། །གཟུགས་ཀྱིས་རིག་པའི་མདངས་མ་ཤིགས། །རྟོགས་པས་རྟོགས་པའི་དྲི་མ་ཁྲུས། །སྟོང་པ་སྐྱེ་མེད་ཅིག་ཆོད་སོ། །བདག་འཛིན་བྲལ་བའི་ལུང་སྟེང་ན། །ཞེན་འཛིན་བྲལ་བའི་ལུས་བོར་ལ། །བརྟག་སྤྱད་བྲལ་བར་ལམ་མེར་ཞོག །རང་མདངས་ནམ་མཁའི་དབྱིངས་སུ་ཤར། །མུ་ཏི་རྨ་བྱ་དྲ་བ་རིས། །ཉི་ཟླ་གཟའ་སྐར་འཇའ་ཚོན་རིས། །རིག་པའི་རང་སྐུ་བརྗོད་ལས་འདས། །ཡོ་ག་བདུན་གྱི་ལུས་སྤུར་ལ། །སྣང་བ་བཞི་ཡི་ཟག་བཅས་ཡལ། །འདི་ལས་མེད་དོ་ཙིསྟ་ཐིམ། །ཞེས་གསུངས་སོ། །སློབ་དཔོན་སྲིན་ཡུལ་བཞུད། །ཤོ་ལོ་ཀ་ནི་བཞི་པ་འདི། །ཨུ་རྒྱན་དགོངས་པའི་ཞལ་ཆེམས་སོ། །རྟགས་ཀྱི་རྟགས་ཀྱིས་ངོ་བོ་འཕྲོད། །སྒོམ་གྱིས་བསྒོམ་གྱིས་དོན་ཁྲོལ་ལོ། །གཟའ་བདུད་ཀྱི་རྒྱལ་པོས་