Ngb-pt-0510-vol-06-text

Body

མིན། །གཞན་དུ་བསྟན་ན་སྨིན་པར་འཀྱུར། །རྫོགས་སོ།། །། རྒྱ་གར་སྐད་དུ། །སན་དྷི་མ་ཧྭ་ཙིཀྟ་ས་མྱ་དྷི་ཨུ་པ་དེ་ཤ་ཏན་ཏྲ། བོད་སྐད་དུ། རྫོགས་པ་ཆེན་པོ་སྙིང་ཁྲིད་མན་ངག་གི་རྒྱུད། །མེད་བཅོམ་སྟོང་ལྡན་ཡོད་འདས་འགྱུར་བ་མེད་པའི་ངང་ལ་ཕྱག་འཚལ་ལོ། །འདི་སྐད་བ་དག་གིས་ཐོས་པའི་དུས་གཅིག་ན། །ཆོས་ཀྱི་དབྱིངས་ཀྱི་ཕོ་བྲང་། །མཐའ་དང་དབུས་མེད་པའི་གཞལ་ཡས་ཁང་ན། །སྟོང་པ་ཀུན་ཏུ་བཟང་པོ་ལ། དཔལ་རྡོ་རྗེ་སེམས་དཔའ་ཞུས་པ། ཀྱེ་སྟོན་པའི་སྟོན་པ་ཀུན་ཏུ་བཟང་པོ་ལགས། །རང་བཞིན་གནས་ལུགས་ཇི་ལྟར་ལགས། །ཞེས་ཞུས་པས། སྟོན་པ་ཀུན་ཏུ་བཟང་པོས་བཀའ་སྩལ་པ། །གཞི་ནས་མ་བཅོས་མ་བསླད་པ། །ངེས་ཕྱིར་ངེས་པར་ཕྱག་བཙལ་ནས། །འཁོར་བ་འཇུག་ལྡོག་གདམས་ངག་བཤད་པར་བྱ། །གཞི་ནས་མ་བཅོས་མ་བཅིངས་པར་གྲོལ། །གཞི་གནས་གྲོལ་དང་འཁྲུལ་ཚུལ་དང་། །དེ་ཡི་གདམས་ངག་བདག་གིས་དགྲོལ། །རང་བཞིན་དག་པས་རྒྱ་མ་ཆད། །བག་ཆགས་མ་བསགས་ལུས་མ་བླངས། །རྟོགས་ལྡན་མཁས་པས་མ་བཞག་སྟེ། །གཡོ་བ་མེད་པའིརངབཞིན་གྱིས། །གཞི་ནས་འདུལ་ཚུལ་གཉིས་ཡིན་ཏེ། །གཞན་དགག་རང་གཞུང་སྒྲུབ་ཚུལ་གཉིས། །གཞི་མ་གྲུབ་དང་མ་གྲུབ་དང་། །ངོ་བོ་གཅིག་ལ་ཚུལ་གྱི་ཐ་དད་དམ། །གཉིས་ཀའི་རང་བཞིན་དོར་བ་ཉིད་དུ་བསྟན། །རང་གཞུང་གྲུབ་པའི་གཞི་དག་ནི། །རྒྱ་ཞེས་མནན་དང་བྲེ་ཁ་བཅད། །དཔེ་ཡིས་ངེས་པར་མཚོན་པ་ཡིན། །རང་བཞིན་འོད་ཀྱི་འདུག་ཚུལ་ནི། །རྒྱ་མ་ཆད་དེ་ཕྱོགས་མ་ལྷུང་། །མཐར་མ་རེད་དེ་འགྱུར་བ་མེད། །རང་བཞིན་ནམ་མཁའ་དག་པ་ལྟར། །སངས་རྒྱས་སེམས་ཅན་མཉམ་པར་གནས། །ཞེས་གསུངས་སོ། །ཡང་རྡོ་རྗེ་སེམས་དཔས་ཞུས་པ། །འཁྲུལ་པའི་འཁྲུལ་ཚུལ་ཇི་ལྟར་ལགས། །ཀུན་ཏུ་བཟང་པོས་བཀའ་སྩལ་པ། །ལྷན་ཅིག་སྐྱེས་དང་ཀུན་ཏུ་བཏགས། །འགྱུར་བ་མེད་ལས་ཡིད་ཙམ་འགྱུས། །གཡོ་བ་མེད་ལས་ཡིད་ཙམ་གཡོས། །འགྲོ་བ་རིགས་དྲུག་རྟག་ཏུ་འཁོར། །འཁོར་བར་འཇུག་པ་ལྔ་འཁྲུལ་ལས། །སྣང་བཞི་འོད་དང་འདེགས་པའི་ལུས། །གཅོད་པའི་ལུས་དང་དངོས་པའི་ལུས། ཁྲ་ཁྲག་འཁྲུལ་པའི་ལུས་སུ་བྱུང་། །འཁོར་བར་འཇུག་པའི་འཁྲུལ་འཁོར་ཡིན། །འདེགས་པ་ཡིད་ཀྱི་རླུད་དག་ནི། །གཡོ་བ་མེད་ལས་ཡིད་ཙམ་གཡོས། །འགྱུ་བ་མེད་ལས་ཡིད་ཙམ་འགྱུས། །གཅོད་པ་ཡིད་ཀྱི་ལུས་དག་ནི། །ཀུན་ཏུ་ཚོལ་བའི་ཡིད་དག་དང་། །གཏན་ལ་ཕེབས་པའི་ཡིད་དག་ནི། །ངེས་པར་འཇོག་པའི་ཡིད་དང་གསུམ། །གསུམ་གྱིས་འཁྲུལ་པ་ཕྲ་རགས་བསྐྱེད། །ཡུལ་ནི་ཅི་ཡིན་དག་ཏུ་འདུག ཁེས་པ་ཅི་ཡིན་དག་ཏུ་སྐྱེས། ཁྲེས་པ་ཅི་ཡིན་དེ་དག་ལ། །ཡུལ་ནི་ཅི་ཡིན་དག་གི་བསྒྲིབས། །ཕྲ་བ་དག་གི་འཛིན་པ་སྐྱེས། །ཀུན་ཏུ་ཚོལ་བའི་ཡིད་ཅེས་བྱ། །ཡུལ་ནི་ཡིད་མེད་དག་ཏུ་འདུག །ཤེས་པ་ཡིན་མིན་དག་ཏུ་སྐྱེས། །ཡུལ་ནི་ཡིན་མིན་གཉིས་ཀྱིས་བསྒྲིབས། །གཏན་ལ་འབེབས་པའི་ཡིད་ཅེས་བྱ། །ཡུལ་ནི་ཡིན་ངེས་དག་ཏུ་འདུག །ཤེས་པ་ཡིན་ངེས་དེ་དག་ལ། །ཡུལ་ནི་ཡིན་ངས་དག་གིས་སྒྲིབས། །ངེས་པ་འཇོག་པའི་ཡིད་ཅེས་བྱ། །འཁྲུལ་པ་ཤིན་ཏུ་རགས་པར་བསྐྱེད། །འཁྲུལ་པ་བག་ཆགས་ལུས་དག་སྟེ། །དེ་དག་ཡེ་གྲོལ་ཡིན་མོད་ཀྱང་། །གཞི་ལ་ཞེན་པར་བྱས་ཏེ་བཞག །དེ་ལས་འཁྲུལ་པ་ཤ་ཁྲག་ལུས། །འགྲོ་བ་རིག་དྲུག་རྟག་ཏུ་འཁོར། །ལྷ་དང་དམྱལ་བ་ཡི་དྭགས་དང་། །བྱོལ་སོང་མི་དང་ལྷ་མིན་དྲུག །རྟག་ཏུ་འཁོར་བར་གནས་པ་ཡིན། །སོ་སོ་སྐྱེ་བོ་མི་ཤེས་པ། །ཐོས་པ་གསུམ་པོ་སྤངས་པའི་ཕྱིར། །སྐུ་གསུམ་ལས་ནི་རང་དུ་འགྱུར། །སྐྱེ་བོ་ཞེན་རྟོག་ཐུག་མེད་རྩོལ། །གང་འཐད་ཞེན་མེད་གདམས་ངག་བསྟན། །མུ་སྟེགས་མཐའ་འཛིན་བཅིངས་པ་ལ མཐའ་མེད་པའི་གདམས་ངག་བསྟན། །ཉན་ཐོས་གཟུང་འཛིན་དག་གིས་བཅིངས། །གཉིས་མེད་པ་ཡི་གདམས་ངག་བསྟན། །ང་རྒྱལ་རྟེན་འབྲེལ་འཛིན་པས་བཅིངས། །འཛིན་པ་གཅོད་པའི་གདམས་ངག་བསྟན། །སེམས་ཙམ་དངོས་པོའི་འཛིན་པས་བཅིངས། །དབྱིངས་སུ་བབ་པའི་གདམས་ངག་བསྟན། །དབུ་མ་བདེན་པ་རེ་འཇོག་པས། །དབྱེར་མེད་ཟུང་འཇུག་གདམས་ངག་བསྟན། །ཀྲི་ཡ་དག་པའི་ཆོས་ཉིད་ཀྱས། །རང་ཉད་བ ངས་ནས་གནས་པ་ལ། །གཞི་ཅིག་པ་ཡིས་གདམས་ངག་བསྟན། །ཨུ་པ་ཡ་ནི་ཐ་དད་པ། །ལྟ་སྤྱོད་ཡ་གལ་བདུད་ཀྱིས་བཅིངས། །ལྟ་སྤྱོད་ཟུང་འབྲེལ་གདམས་ངག་བསྟན། །ཡོ་ག་བྱིན་བརླབས་ཆོ་འཕྲུལ་གྱིས། །རང་ཉིད་བཅིངས་ནས་གནས་པ་ལ། །རང་ཉིད་བྱིན་བརླབས་ངོ་བོ་ལ། །རང་ལ་ཡོད་པའི་དངོས་གྲུབ་བསྟན། །མ་ཧྭ་ཏིང་འཛིན་རིམ་པས་འཇུག །གོང་འོག་རྩོལ་བས་བཅིངས་པ་ལ། །བཟང་ངན་མེད་པའི་གདམས་ངག་བསྟན། །ཨ་ནུ་སྐད་ཅིག་ལྷར་གསལ་རྩོལ། །རིག་པ་རྟེན་མེད་ཡུལ་མེད་བསྟན། །གནས་སྐབས་གདམས་ངག་གྲང་ཐད་ལ། །གཟེར་ལྔ་ལྔ་ཡི་གདམས་ངག་བསྟན། །རྒྱ་ཞོ་མནན་དང་བྲེ་ཁ་བཅད། །རྒྱ་མ་ཆད་དེ་ཕྱོགས་མ་ལྷུང་། །འགྲོ་དྲུག་སྣང་བ་རང་གི་སེམས། །རང་སེམས་སངས་རྒྱས་ཡིན་པར་བཤད། །གྲོལ་མཐར་འཁོར་ལྡོག་བསྟན་པ་ལ། །རང་བཞིན་གནས་དང་ཏིང་འཛིན་དང་། །རྨི་ལམ་སྐྱེ་ཤིའི་བར་དོ་དང་། །སྲིད་པ་བར་དོ་ཐོག་མཐའ་བཅད། །གནས་པའི་བར་དོའི་མཚན་ཉིད་ནི། །ངོ་བོ་འགྱུར་མེད་སྟོང་པ་སྟེ། །རང་རྒྱུད་འཛིན་པའི་ཞེན་པ་གྲོལ། །རྒྱུ་དང་རྐྱེན་གྱིས་མ་བསྐྱེད་པ། །རང་བྱུང་བས་ན་རག་མ་ལུས། །ཕྱའམ་དབང་ཕྱུག་བྱེད་པ་མེད། །གཞན་ལ་སྐྱེས་ནས་རྟེན་ཡོད་མིན། །རང་སྣང་རིས་མེད་ཡེ་ཤེས་ཀྱིས། །སྟོང་པ་སྐུར་འདེབས་ཞེན་ལས་གྲོལ། །ཕྱི་རོལ་ཡུལ་གྱི་སྣང་བ་དང་། །རྣམ་རྟོག་བློ་ཡི་སྣང་བ་དང་། །ཡེ་ཤེས་རང་སྣང་འཛིན་མེད་གསུམ། །དབྱེར་མེད་བདེ་ཆེན་ཟུང་འཇུག་གོ །བདེན་བརྫུན་རེས་འཇོག་ཞེན་པ་གྲོལ། །དུས་ལ་སྔ་ཕྱི་མེད་པ་དང་། །འདུག་ས་ཐ་དད་མེད་པ་དང་། །ངོ་བོ་བཟང་ངན་མེད་པ་ཡིས། །གཉིས་མེད་དག་ཏུ་ངོ་སྤྲོད་དོ། །དེ་ལྟར་འདུག་ཚུལ་གོལ་བ་ནི། །ཡོན་་ན་རྣམ་གཞི་རང་ལ་འབྱུང་། །འབྱུང་རྒྱུ་མེད་པའི་འབྱུང་བའོ། །ཏིང་འཛིན་བར་དོ་ལྔ་ཞེན་བཅད། །ཕྱིན་ཅི་མ་ལོག་པར་མ་ཆད། །ཡུན་རིངས་དག་ཏུ་གནས་པ་ནི། །སྔར་ཞེན་བག་ཆགས་བཅད་པ་དེ། །གདམས་ངག་དག་གིས་གཟེར་ཆེན་ཡིན། །རྒོད་པ་མ་ཡིན་བྱིང་བ་མེད། །རེ་ཕ་མ་ཡིན་དོགས་མ་ཡིན། །རྟག་པ་མ་ཡིན་ཆད་པ་མིན། །འཇམས་པ་མ་ཡིན་ཐེ་ཚོམ་མེད། །ལྷོ་འཁོར་མ་ཡིན་ཉིང་འབྲུར་མེད། །ཤེས་པ་རེ་མཚོར་ཤོར་བ་དང་། །ཤེས་པ་ཉིད་འབྲུར་ཤོར་བ་དང་། །སྔར་ཞེན་མ་ཡིན་འཁྲུལ་རྟོག་མེད། །བྱུང་ཚོར་མ་ཡིན་བྱིང་རྨུག་མེད། །རིག་པ་ཡུལ་དུ་མི་བྱེད་ཅིང་། །ཏིང་འཛིན་རོ་ལ་མི་ཆབས་ན། །མི་རྟོག་རང་ངོ་ཡིན་པར་བཤད། །བར་མ་ཆད་དུ་ཡུན་རིངས་སུ། །རྟག་ཏུ་རྟེན་མེད་གནས་པར་བྱ། །བྱུང་ན་རིག་པ་རྗེས་མེད་གང་། །མི་འགེགས་མི་སྒྲུབ་རྩ་ལ་བ་མེད། །གནད་ཀྱི་གདམས་ངག་ཡིན་པར་བཤད། །རྨི་ལམ་བར་དོ་གཅིག་ཏུ་བསྲེ། །གདམས་ངག་གིས་ནི་བསྲེ་བ་དང་། །སྤྱོད་ལམ་ཁམས་ཀྱི་ཚོད་དང་སྦྱར། །འདྲེ་ན་བག་ཆགས་འདྲ་འདྲེ་དང་། །གཉན་པ་སྟབས་སུ་འགྱུར་བ་དང་། །བག་ཆགས་དག་ལ་མི་གནས་ན། །གཉིད་ཀྱི་གདམས་ངག་འབྱོངས་པ་ཡིན། །ཡེ་ཤེས་གཅིག་ཏུ་འདྲེས་པ་སྟེ། །དེ་ལ་བདུད་ཀྱི་ཚུགས་མ་ཡིན། །གཉིད་ཀྱི་གདམས་ངག་འབྱོངས་བའོ། །གོམས་པར་གྱུར་པ་དག་ཡིན་ན། །རྐྱེན་གཞན་དག་ཀྱང་དགོས་མི་སྲིད། །མ་སྒོམས་བརྟན་པར་མ་གྱུར་ན། །འགུ་རུ་དག་དང་འབྲེལ་བ་ཡིན། །གསལ་བཏང་རྐྱེན་གྱིས་སྔར་སོར་ཚུད། །རིག་པ་ཟང་ཐལ་སྐྱོན་མ་གོས། །སྔར་ཞེན་བག་ཆགས་ཆོད་པ་དང་། །བློ་བུར་འཁྲུལ་རྟོག་ཆོད་པ་ཡི། །ཡེ་ཤེས་སྐྱོན་མེད་རང་གྲོལ་ལོ། །ཕུང་པོ་ཤེས་པ་དག་དང་བྲལ། །དཔེར་ན་མུན་ཁུང་སྒྲོན་མེད་ལྟར། །ཡེ་ཤེས་ཕྱོགས་འཛིན་རྟོག་པ་བྲལ། །ཐམས་ཅད་མཁྱེན་པའི་སངས་རྒྱས་ནི། །རང་དུ་མི་རྟོག་གཞན་མི་རྟོག །མི་རྟོག་ཆོས་སྐུར་གནས་པའོ། །སྐུ་གསུམ་སྟོན་པའི་སངས་རྒྱས་ཀྱང་། །བྱིན་བརླབས་ངོ་བོ་ཚིག་བསྡེབས་ནས། །གང་དང་གང་གིས་འདུལ་བ་ལ། །གང་དང་གང་འཐད་་ན་པ་ནི། །གཞན་དོན་ལོངས་ ་ ལ་ ་ཡིན། ས་པས་བ བས་པ་གཅོད་པ་དང་། །རྣམ་པར་ ང་མཛད་ལོང་སྐུ་ཡིས། །སྒྲ་དང་ཚིག་ཏུ་མ་བསྡེབས་ཏེ། །རང་གི་ངོ་བོས་བསྟན་པའོ། །འགྲོ་བ་དྲུག་དང་ཆ་བསྟུན་པར། །གང་ལ་གང་འཐད་གདམས་ངག་སྟོན། །ལྷ་སྐད་ཀླུ་སྐད་གནོད་སྦྱིན་སྐད། །གྲུལ་བུམ་སྐད་དང་མི་ཡི་སྐད་རྣམས་དང་། །འགྲོ་བ་ཀུན་གྱི་སྐད་རྣམས་ཇི་ཙམ་པར ཐམས་