Ngb-pt-0199-vol-02-text

Body

རྒྱ་གར་སྐད་དུ། སརྦ་ཀལྦ་ས་མུསྣྲོ་ཡ་ནཱ་མ་སརྦ་བུརྙ་ས་མ་ཡོ་ག་ཌའ་ཀི་ནི་ཛུ་ལ་ས་བཱ་ར་ཨུཀྟ་ར་ཏནྟྲ། བོད་སྐད་དུ། རྟོག་པ་ཐམས་ཅད་འདུས་པ་ཞེས་བྱ་བ་སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་གི་རྒྱུད་ཕྱི་མའི་ཕྱི་མ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །སངས་རྒྱས་ཐམས་ཅད་ཕྱག་འཚལ་ཏེ། །མ་ལུས་ལུས་པ་མེད་པར་གྲུབ། །རྣམ་རྟོག་མེད་པའི་སེམས་ལ་ནི། །དེ་ཁོ་ན་ཉིད་ངེས་པར་གནས། །སེམས་དཔའ་སངས་རྒྱས་ཀུན་གྱི་དངོས། །རྡོ་རྗེ་སེམས་དཔའ་བདེ་བའི་མཆོག །གསང་བ་མཆོག་གི་དགྱེས་པ་ན། །ཐམས་ཅད་བདག་ཉིད་རྟག་ཏུ་བཞུགས། །འདོད་ཆགས་ཆེན་པོ་བདེ་ཆེན་པོ། །བདེ་ཆེན་རྡོ་རྗེ་ཆེན་པོ་བས། །རྡོ་རྗེ་འཛིན་དང་ལྷན་ཅིག་པའི། །བདེ་གཤེགས་མགོ་ཁྱོད་རྣམས་ཀྱིས་བཞུགས། །ཐམས་ཅད་མཆོག་གྱུར་འདོད་ཆེན་གྱིས། །དངོས་གྲུབ་དབང་ཕྱུག་རབ་གྲུབ་ཕྱིར། །སངས་རྒྱས་ཐམས་ཅད་མཉམ་སྦྱོར་ལས། །རྟོག་པ་འདུས་པ་བཀའ་སྩལ་འཚལ། །རྣམ་པར་མི་རྟོག་ཆོས་དག་ལས། །རྟོག་པའི་དོན་འདི་གང་ལ་གསུངས། །ཅི་ཡི་སླད་དུའང་རྒྱུད་ཕྱི་མ། །དང་པོའི་ས་ཆོག་ཇི་ལྟར་ལགས། །གདོད་མ་ཐ་མ་མེད་ཉིད་ཡང་། །རྡོ་རྗེ་སེམས་དཔའདེབཞིནཏེ། །ཡིགའབྲུ་ཇི་ལྟར་གསུངས་པ་ལགས། །སྔགས་ཕྱུང་བ་ཡང་ཅི་འདྲ་སྟེ། ཁེན་ཏུ་དགའ་དང་བཟང་ཉིད་དེ། །རྡོ་རྗེ་སྙིང་པོ་གཙོ་བོ་ཆེ། །སེམས་དང་སེམས་དཔའི་ཏིང་འཛིན་ཡང་། །དེ་བཞིན་རྡོ་རྗེ་རྡོ་རྗེ་འཛིན། །རྡོ་རྗེ་འཛིན་ཉིད་ཆེན་པོ་ཡང་། །བྱང་ཆུབ་སྤྱོད་པ་རྣམས་ཅི་ལྟར། །བདུད་དང་བདུད་ལས་རྒྱལ་བ་ཡང་། །སངས་རྒྱས་བྱང་ཆུབ་ཇི་ལྟར་ལགས། །རྡོ་རྗེ་གཏུམ་པོ་མཐར་བྱེད་དང་། །ཕྱག་ན་རྡོ་རྗེ་ཡང་ཇི་ལྟར། །དང་པོ་རིགས་བསྐྱེད་ཇི་ལྟར་ལགས། །འདོད་པའི་ཐར་པ་རྣམ་པ་ཅི། །མགོན་པོ་རྣམ་གསུམ་ཇི་ལྟར་འཚལ། །ཐམས་ཅད་ཡང་ཉིད་ཇི་ལྟར་ལགས། །ཇི་ལྟར་དང་པོ་སྙིང་པོ་འབྱུང་། །ཉེ་བའི་སྙིང་པོ་དེ་ཇི་ལྟར། །བདེ་བ་ཆེན་པོ་རྡོ་རྗེ་ཆེ། །དོན་ཡོད་དམ་ཚིག་ཇི་ལྟར་ལགས། །དཀྱིལ་འཁོར་ཇི་ལྟར་གསུངས་པར་གྱུར། །དེ་ཡི་རྣམ་སྨིན་ཅི་འདྲ་སྟེ། །ཐིག་གདབ་དེ་བཞིན་རྟོག་པ་ཡི། །དངོས་གྲུབ་ཇི་ལྟར་བཤད་པ་ལགས། །གསང་བ་ལྔ་དང་དེ་ཉིད་ཆེ། །གང་ལགས་ཅི་འདྲ་དེ་བཞིན་ཏེ། །དཀྱིལ་འཁོར་གཙོ་བོ་རྣམས་དང་ནི། །རིགས་་རྣམས་ཀྱང་ནི་ཇི་ལྟར་ལགས། །ཐམས་ཅད་དབང་བསྐུར་དེ་ཉིད་དང་། །དེ་ཉིད་ཚོགས་ཀྱི་ཕྱག་མཚན་ཡང་། །ཐམས་ཅད་དགུག་དང་མཆོད་ཆེན་དང་། །རང་གི་བྱིན་རླབས་སོགས་སྒྲུབ་པ། །དེ་རྣམས་དེ་ཉིད་གསང་ཆེན་དང་། །དམ་པ་དང་ནི་དོན་དམ་པ། །དམ་པའི་ཡི་གེ་གྲུབ་དོན་དུ། །ཐམས་ཅད་མི་གསུང་འོས་མ་ལགས། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་ལས་དེ་ཁོ་ཉིད་ཐམས་ཅད་ངེས་ཚིག་གི་རྟོག་པ་སྟེ་བཅྭ་བརྒྱད་པའོ།། །།དེ་ནས་སྟོན་པ་རྡོ་རྗེ་འཛིན། །རྟོག་པ་ཀུན་གྱི་གཙོ་ཆེན་པོས། །ཐེ་ཚོམ་དག་གི་ཚོགས་གསན་ནས། །དོན་དམ་འཛིན་པས་བཀའ་སྩལ་པ། །དེ་ལ་ཇི་ལྟར་རྟོག་པའི་དོན་རྒྱུད་ཡིན་ཞེ་ན། རྣམ་པར་མི་རྟོག་ཆོས་དག་ལས། །སེམས་ཅན་དོན་དུ་ཡོངས་སུ་རྟོག །དེ་ཕྱིར་རྟོག་པར་ཡང་དག་བཤད། །རྟོག་པ་ཡོངས་སུ་དག་ཕྱིར་རོ། །འདི་ལ་ཇི་ལྟར་རྒྱུད་ཕྱི་མ་ཡིན་ཞེ་ན། །རྒྱུད་ནི་རབ་ཏུ་འབྲེལ་བར་བཤད། །ཕྱི་མ་གོང་དུ་ཕྱུང་བ་ཡིན། །དེ་ཉིད་གསང་བ་གསང་ཆེན་རྣམས། །དེ་ཡང་རྒྱུད་ནི་ཕྱི་མར་འདོད། །དེ་ལ་ཇི་ལྟར་དང་པོའི་སའི་དེ་བཞིན་ཉིད་ཀྱི་ཡེ་ཤེས་ཡིན་ཞེ་ན། །ནམ་མཁའ་ཀུན་ཏུ་རབ་གནས་པ། །རྡོ་རྗེ་ཀུན་གྱི་དངོས་པོ་མཆོག །བདེ་ཆེན་བགྱེས་པ་ཆེན་པོ་དེ། །དམ་པའི་ཡི་གེ་གཞལ་ཡས་ཁང་། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དེ་ལ་ཇི་ལྟར་གདོད་མ་དང་ཐ་མ་མེད་པའི་རྡོ་རྗེ་སེམས་དཔའ་ཡིན་ཞེ་ན། ཡི་གེ་ཀ་སོགས་དྷ་ཡིག་མཐའ། །ང་ཉ་སྤངས་ནས་འཇུག་པར་བྱ། །ཡི་གེ་ད་སོགས་ཀྟ་ཡི་མཐའ། །ཕྲེང་བ་གཉིས་པོ་ཡང་དག་བྲི། །དབུས་གནས་པར་ནི་ཨ་ཡིག་ཕྲེང་། །ཟླ་བའི་དཀྱིལ་འཁོར་ལ་བཀོད་དེ། །ཐིག་ལེ་ཟླ་ཚེས་དང་ལྡན་པར། ཚེག་དྲག་ཟླ་བ་གཉིས་ཡིན་ཏེ། །ཨ་ཡིག་མི་འགྱུར་བསྒོམ་པར་བྱ། །དབུས་སུ་རྡོ་རྗེའི་ངོ་བོར་གནས། །དེའི་དབུས་རྟག་ཏུ་བསྒོམ་པ་ནི། །འདོད་ཆགས་ཆེན་པོ་བདེ་བ་ཆེ། །འདི་དེ་སངས་རྒྱས་ཐམས་ཅད་ཀྱི། །སངས་རྒྱས་རི་མོར་གྲགས་པ་ཡིན། །དེ་ལས་འགྲོ་བ་གཡོ་མི་གཡོ། །ཐམས་ཅད་ཡང་དག་འབྱུང་བས་ནི། །ནམ་མཁའ་ལས་བྱུང་མཚན་ཉིད་ཕྱིར། །གདོད་མ་ཐ་མ་མེད་མཆོག་ཡིན། །རྡོ་རྗེ་ཆེན་པོ་དངོས་སེམས་ནི། །རྡོ་རྗེ་སེམས་དཔའ་ཞེས་འདོད་དོ། །དེ་ལ་བཅོམ་ལྡན་འདས་དེ་གང་ཞེ་ན། །དངོས་གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེན་པོ་རིག་པའི་ལྷ། །རྒྱལ་པོ་ཆེན་པོ་རྡོ་རྗེ་འཛིན། །དགའ་བ་དམ་པ་ཟད་མེད་ཡིན། །དེ་ལ་ཇི་ལྟར་ཡི་གེ་རྟོག་པ་ཡིན་ཞེ་ན། །ཡི་གེ་ཨ་སོགས་ཀྟ་མཐའ་ནི། །ཡི་གེར་ཡང་དག་བཤད་པ་སྟེ། །མི་ཟད་དགའ་བའི་རྡོ་རྗེ་ཅན། །དེ་ཉིད་ཀུན་དོན་མཚན་ཉིད་ཕྱིར། །དེ་ལ་ཇི་ལྟར་སྔགས་འབྱུང་བ་ཡིན་ཞེ་ན། །རྡོ་རྗེ་སེམས་སོགས་འཁོར་ལོ་ལ། །གང་རྣམས་སྔགས་སུ་ཆེར་བཤད་པ། །དེ་རྣམས་འབྱུང་བའི་དོན་དུ་ནི། །རྡོ་རྗེ་ཅན་གྱིས་ཡང་བཀའ་སྩལ། །གུར་གུམ་ལ་སོགས་བྱུགས་པ་ལ། །བྲིས་སྐུ་ལ་སོགས་རྣམས་བརྒྱན་ནས། །བླ་རེ་ལ་སོགས་བྲེས་ནས་སུ། །རྟག་ཏུ་རེའུ་མིག་བཞི་བརྩམས་ནས། །གྲུ་བཞི་གཞལ་ཡས་ཁང་བྱས་ཏེ། །རེའུ་མིག་ཕྱོགས་བཞིར་འབར་བར་བྱས། །རེའུ་མིག་སུམ་ཅུ་ཐམ་པ་ལ། །བཅུ་དགུ་དང་ནི་ལྡན་པར་བྱ། །བརྒྱ་ཕྱེད་སྟན་ལ་གནས་པ་ལ། །སྡེ་པ་ལྔ་མཐའ་ཐིག་ལེ་ཡིས། །སྤྱི་བོ་གཙུག་ལ་རྟག་པ་ཡི། །ཡི་གེ་ཀྭ་ཞེས་བྱ་བ་ནི། །དབུས་ཀྱི་རེའུ་མིག་ལ་བྲིའོ། །དེ་ཡི་ཕྱི་རོལ་གནས་བརྒྱད་དག །མཚམས་དང་ཕྱོགས་ཀྱི་རེའུ་མིག་ལ། །དབང་ལྡན་ལ་སོགས་རིམ་པ་མྲ །ཡ་དང་ཤ་ཡི་སྡེ་བཀོད་དེ། །མེ་མཚམས་ལ་སོགས་རེའུ་མིག་ལ། །མ་ཡི་ཡིག་འབྲུ་བཞི་པོ་དང། །ཨ་ཡིག་ས་བོན་ལ་བརྟེན་ནས། །ས་བོན་བཅུ་གཉིས་དགོད་པར་བྱ། །དབང་ལྡན་ལ་སོགས་རེའུ་མིག་ལ། །ཀ་ཡིག་ལ་སོགས་རིམ་པར་དགོད། །དེ་ལྟར་བཞི་ལ་རིམ་པར་ནི། །ཐམས་ཅད་རྣམ་པར་གནས་བྱས་ཏེ། །ཀ་སོགས་རེའུ་མིག་བཟུང་ནས་སུ། །ཡིག་འབྲུ་དམ་པ་ཕྱུང་བར་བྱ། ་རྐོན་ཏུ་དགའ་ཆེན་རྒྱལ་པོ་ནི། །སྦྱོར་བ་ཐམས་ཅད་དབང་ཕྱུག་གཙོ། །རེའུ་མིག་གཉིས་ཤུ་རྩ་བཞི་ལ། །གནས་པ་ཟླ་ཕྱེད་གཙུག་ཕུད་ཞལ། །དེ་འོག་སུམ་ཅུ་རྩ་གཉིས་ནི། །དགའ་བ་རྡོ་རྗེ་ཅན་གྱིས་ཕྱུང། །རེའུ་མིག་བཅུ་བཞི་ཞེས་པ་ལས། །གནས་པ་ཚེག་དྲག་དང་ལྡན་པ། །རེའུ་མིག་ཉི་ཤུ་རྩ་བཞིར་གནས། །སུམ་ཅུ་རྩ་བཞི་ཟླ་དང་ལྡན། །རེའུ་མིག་སུམ་ཅུ་རྩ་གཅིག་ལ། །གནས་པ་ང་རོ་ཐིག་ལེ་ལྡན། །རེའུ་མིག་ཉི་ཤུ་རྩ་བཞི་ལ། །གནས་པ་ཚེག་དྲག་སྦྱོར་བ་བྱ། །སུམ་ཅུ་རྩ་བརྒྱད་སྦྱོར་བ་ཡིས། །དེ་ནི་བཞི་པར་རྣམས་པར་བཤད། །བདེ་བ་ཆེན་པོ་རྒྱལ་ཆེན་པོ། །ལྷ་མོ་དམ་པ་བརྟག་པའོ། །རེའུ་མིག་བཅུ་གཅིག་ལ་གནས་པ། །ཐིག་ལེ་ང་རོར་ཡང་དག་ལྡན། །རེའུ་མིག་བརྒྱད་པ་ལ་གནས་པ། །བཅུ་དགུ་དག་ནི་ལྡན་པ་སྟེ། །དེ་འོག་སུམ་ཅུ་རྩ་བཞི་དང་། །ཐིག་ལེ་ང་རོས་བརྒྱན་པའོ། །རེའུ་མིག་ཉི་ཤུ་རྩ་བཞི་ལ། །གནས་པ་ཚེག་དྲག་སྦྱོར་བའོ། །རེའུ་མིག་གཉིས་པ་ལ་བཀོད་པའི། །ཐིག་ལེ་ང་རོ་ལྡན་པའོ། །གླིང་བུ་མ་ལ་སོགས་བཏུས་པའི། །སྔགས་ཕྱུང་བ་ནི་མཆོག་ཡིན་ཏེ། །རེའུ་མིག་སུམ་ཅུ་རྩ་བརྒྱད་ལ། །གནས་པའི་ཐིག་ལེ་ང་རོ་ལྡན། །དབུས་ན་ཉི་ཤུ་རྩ་གཅིག་ལ། །དབུས་ནས་བཅྭ་ལྔ་ཟླ་བ་ཅན། །རེའུ་མིག་སུམ་ཅུ་རྩ་གཅིག་གནས། །དབུས་ནས་བཅྭ་ལྔ་ཟླ་བ་ཅན། །རེའུ་མིག་ཉི་ཤུ་རྩ་གཅིག་གནས། །བཅུ་གཅིག་ཟླ་བ་དང་ལྡན་ཏེ། །ལྷ་མོ་གླིང་བུ་མ་སོགས་ཀྱི། །སྔགས་ཕྱུང་རྨད་དུ་བྱུང་བའོ། །རེའུ་མིག་བཅུ་པ་ལ་གནས་དང་། །བཅུ་གཅིག་པ་ཡང་དེ་བཞིན་ཏེ། །རེའུ་མིག་སུམ་ཅུ་རྩ་གསུམ་གནས། །བཅུ་དྲུག་པ་ཡང་དེ་བཞིན་ཏེ། །མེ་ཏོག་ལ་སོགས་བསྡུས་པ་ཡི། །འདི་ནི་སྔགས་ཕྱུང་མཆོག་ཡིན་ནོ། །རྟ་མགྲིན་འཕང་མཐོ་ལྕགས་ཀྱུ་སོགས། །དང་པོ་ཕྱུང་བའི་ས་བོན་ཉིད། །རྡོ་རྗེ་སེམས་དཔའི་དཀྱིལ་འཁོར་གྱི། །སྒོ་ལ་ནན་ཏན་གྱིས་སྦྱོར་རོ། །ཞེས་དཔལ་རྡོ་རྗེ་སེམས་པས་གསུངས་ཏེ། དཔལ་རྡོ་རྗེ་སེམས་དཔའི་དཀྱིལ་འཁོར་གྱི་ཆོས་ཀྱི་ཡི་གེ་འབྱུང་བའི་ཕྱག་རྒྱ་ཤེས་པའོ། །རེའུ་མིག་གཉིས་པ་ཅན་ཁོ་ན། །ཟླ་ཚེས་གཙུག་དང་ལྡན་པའི་ཞལ། །རྣམ་པར་སྣང་མཛད་རྒྱལ་ཆེན་པོ། །ཀུན་མཆོག་ས་ཡི་དབང་ཕྱུག་ཡིན། །རེའུ་མིག་བཅྭ་ལྔ་གནས་པ་ལ། །ཐིག་ལེ་ང་རོ་ལྡན་པའོ། །རེའུ་མིག་བཅུ་དགུ་ལ་གནས་པ། །ཐིག་ལེ་ང་རོས་བརྒྱན་པའོ། །རེའུ་མིག་ཉི་ཤུ་རྩ་ལྔར་ལྡན། །ཐིག་ལེ་ང་རོས་བརྒྱན་པའོ། །དབུས་ནས་ཉི་ཤུ་པ་ཉིད་ལ། །ཐིག་ལེ་ང་རོས་བརྒྱན་པའོ། །ཆོས་གོས་མ་ཚོགས་བཞི་དག་གིས། །ས་བོན་འབྱུང་བ་མཆོག་འདི་ཡིན། །རེའུ་མིག་ཉི་ཤུ་རྩ་བཞིར་གནས། །ཐིག་ལེ་ང་རོས་བརྒྱན་པའོ། །རེའུ་མིག་བདུན་པ་དེ་བཞིན་ཡང་། །དབུས་ནས་བཅྭ་ལྔ་པ་དང་ལྡན། །ཐིག་ལེ་ང་རོ་ལྡན་པ་ནི། །བྱང་དུ་སིལ་སྙན་ཆ་ལང་ངོ་། །དབུས་ནས་ཉི་ཤུ་རྩ་གཅིག་ལ། །གནས་པ་བཅུ་དགུ་དང་ལྡན་པ། །ཐིག་ལེ་ང་རོ་ལྡན་པ་ནི། །རྡོ་རྗེ་རིན་ཆེན་ཆེར་བརྗོད་དོ། །དབུས་ནས་བཅོ་བརྒྱད་པ་དག་ཉིད། །ཐིག་ལེ་ང་རོས་བརྒྱན་པ་སྟེ། །སངས་རྒྱས་ཀུན་གྱི་དཀྱིལ་འཁོར་ལ། །ཆོས་ཀྱི་དུང་གི་ཕྱག་རྒྱ་ཆེ། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་པ་རྣམ་པར་སྣང་མཛད་ཀྱི་ཆོས་ཀྱི་ཡི་གེ་འབྱུང་བའི་ཕྱག་རྒྱ་ཤེས་པའོ། །ཉི་ཤུ་རྩ་བཞི་རེའུ་མིག་ལ། །གནས་པ་ཉི་ཤུ་པ་ལྡན་ནི། །ཁྲག་འཐུང་ཞེས་པའི་རྒྱལ་པོ་ཆེ། །ཚེག་དྲག་ལྟག་ཆད་གྱུར་པའོ། །རེའུ་མིག་ཉི་ཤུ་རྩ་བཞི་ལ། །གནས་པ་འོག་ན་བཅུ་དགུར་ལྡན། །རེའུ་མིག་ཉི་ཤུ་གནས་པ་དང་། །སྦྱོར་བ་ཚེག་དྲག་ལྡན་པའོ། །ཚེག་དྲག་དང་ནི་རྩ་བཞི་ལ། །གནས་པ་དབུས་ནས་བཅུ་གཅིག་ལྡན། །རེའུ་མིག་བཅུ་གཉིས་པ་སྦྱོར་བའི། །ཚེག་དྲག་ལྡན་པར་འདོད་པའོ། །རེའུ་མིག་བཅུ་བཞི་ལ་གནས་པ། །འོག་གི་འདྲེནཔཉིཤུགཅིག །བཅུགཉིས་པ་དང་ཚེག་དྲག་ཅན། །གསུམ་པ་ཅན་དེ་བཤད་པའོ། །རེའུ་མིག་བཅུ་བཞི་ལ་གནས་པ། །བཅུ་གཉིས་པ་དང་ལྡན་པ་ལ། །ཚེག་དྲག་དང་ནི་མཉམ་སྦྱོར་བ། །ལྷ་མོ་སྣོད་ཆེན་མ་ཡི་འདོད། །རེའུ་མིག་ཉི་ཤུ་རྩ་བཞི་ལ། །གནས་པ་དབུས་ནས་གཉིས་པ་ཅན། །དེ་བཞིན་ཐིག་ལེ་ང་རོར་ལྡན། །ཐིག་ལེ་འབྱུང་གནས་གསུམ་པ་སྟེ། །དབུས་ནས་བཅུ་པ་གང་ཡིན་པ། །རྟག་ཏུ་ཚེག་དྲག་ལྡན་པ་ནི། །དམར་ཆེན་སོགས་པའི་ལྷ་མོ་ཡི། །བཞི་པ་དག་ནི་ཕྱུང་བའོ། །རེའུ་མིག་ཉི་ཤུ་རྩ་ལྔ་པ། །གནས་པའི་ཐིག་ལེ་བཅས་པའོ། །དབུས་ལས་དྲུག་པ་གང་ཡིན་པ། །ཐིག་ལེ་ང་རོ་ལྡན་པའོ། །རེའུ་མིག་དེ་བཞིན་བཅུ་བདུན་པ། །ཐིག་ལེ་ང་རོས་བརྒྱན་པའོ། །རེའུ་མིག་བཅུ་དགུ་ལ་གནས་པ། །ཐིག་ལེ་ང་རོས་བརྒྱན་པའོ། །ལྷ་མོ་མདའ་རྣོན་འཛིན་སོགས་ཀྱི། །ས་བོན་བྱུང་བ་དེ་ངོ་མཚར། །ལྷ་མོ་མེ་ཏོག་མ་སོགས་ཀྱི། །ས་བོན་བྱུང་བ་སྔོན་བསྟན་ཡིན། །གང་དག་སྒོ་སྲུང་བསྟན་པ་ཡང་། །གཟུགས་མི་མཐུན་པ་ཁོ་ནའོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་དེ་སྐད་ཅེས་གསུངས་སོ། །མཁའ་འགྲོ་སྒྱུ་མའི་དཀྱིལ་འཁོར་གྱི་ཆོས་ཀྱི་ཡི་གེ་འབྱུང་བའི་ཕྱག་རྒྱ་ཤེས་པའོ། །རེའུ་མིག་ཉི་ཤུ་རྩ་བཞི་ལ། །གནས་པ་བཅུ་དགུའི་གདན་ལ་གནས། །ཉི་ཤུ་ཚེག་དྲག་སྦྱོར་བ་ནི། །པདྨ་གར་གྱི་དབང་ཕྱུག་ཡིན། །རེའུ་མིག་བཅུ་བཞི་ལ་གནས་པའི། །ཚེག་གཉིས་སྦྱོར་བ་དེ་བཞིན་ནོ། །རེའུ་མིག་ཉི་ཤུ་རྩ་བཞི་ལ། །གནས་ནས་དབུས་ནས་དགུ་པ་ལྡན། །རྟག་པར་ཐིག་ལེ་དང་ལྡན་ནི། །གཉིས་པ་ཡི་ནི་ཡོངས་གྲགས་པ། །རེའུ་མིག་སུམ་ཅུ་རྩ་གཅིག་ལ། །གནས་པར་ང་རོ་ཐིག་ལེས་བརྒྱན། །རེའུ་མིག་ཉི་ཤུ་རྩ་བཞི་ལ། །གནས་པ་དབུས་ནས་བཅུ་གསུམ་ལྡན། །ཚེག་དྲག་ཅན་ནི་བཞི་པ་ཡི། ཁྲོ་གཉེར་མ་ཡི་རྒྱུད་ལས་གྲགས། །རེའུ་མིག་ཉི་ཤུ་རྩ་བཞིར་ལྡན། །དབུས་ནས་དགུ་པའི་ཐིག་ལེར་བཅས། །རེའུ་མིག་ཉི་ཤུ་རྩ་བཞིར་གནས། །དབུས་ནས་བཅྭ་ལྔ་དང་ལྡན་ནོ། །རེའུ་མིག་བཅུ་གཅིག་ལ་གནས་པ། །ཚེག་དྲག་གིས་ནི་སྦྱོར་བའོ། །རེའུ་མིག་ཉི་ཤུ་རྩ་བཞིར་གནས། །སུམ་ཅུ་རྩ་བརྒྱད་པ་དང་ལྡན། །ཚེག་དྲག་མཉམ་པོར་སྦྱོར་བ་ནི། །པདྨ་གར་དབང་མཆོག་ཡིན་ནོ། །ལྷ་མོ་གླིང་བུ་མ་སོགས་ཉིད། །དེ་བཞིན་ལྷ་མོ་མེ་ཏོག་སོགས། །ལྷ་མོ་ལྕགས་ཀྱུ་མ་སོགས་ཀྱང་། །རྡོ་རྗེ་སེམས་དཔའ་ལ་སོགས་པའི། །དཀྱིལ་འཁོར་ལ་ནི་བསྐྱེད་པ་ཡིན། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་ཏེ། །པདྨ་གར་གྱི་དབང་ཕྱུག་གི་དཀྱིལ་འཁོར་གྱི་ཆོས་ཀྱི་ཡི་གེ་འབྱུང་བའི་ཕྱག་རྒྱ་ཤེས་པའོ། །དབུས་ནས་ཉི་ཤུ་རྩ་གཅིག་པ། །བཅུ་གཅིག་པ་དང་ལྡན་པ་སྟེ། །བཅུ་དགུ་ཟླ་བ་གཙུག་ལྔ་ནི། །རྡོ་རྗེ་ཉི་མ་འབྱུང་བ་ཡིན། །དབུས་ནས་བཅུ་གསུམ་གང་ཡིན་པ། །ཟླ་ཚེས་ཐིག་ལེ་གཙུག་གི་ཞལ། །རེའུ་མིག་ཉི་ཤུ་རྩ་བཞི་ལ། །གནས་པ་བཅུ་དགུ་དང་ལྡན་པ། །རེའུ་མིག་ཉི་ཤུ་གནས་དང་སྦྱོར། །ཚེག་དྲག་ལྡན་པས་གཉིས་པའོ། །རེའུ་མིག་ཉི་ཤུ་རྩ་བཞིར་གནས། །དབུས་ནས་བཅུ་གསུམ་པ་དང་ལྡན། །ཚེག་དྲག་ལྷན་ཅིག་ཅན་དང་ནི། །གསུམ་པ་ཡི་ནི་གྲགས་པ་ཡིན། །རེའུ་མིག་ཉི་ཤུ་རྩ་བཞིར་གནས། །བཅུ་གཅིག་དང་ནི་ཐིག་ལེ་ལྡན། །རེའུ་མིག་བཅུ་བཞི་ལ་གནས་པ། །ཚེག་དྲག་ལྡན་པ་འདོད་པའོ། །རེའུ་མིག་ཉི་ཤུ་རྩ་བཞིར་གནས། །དབུས་གནས་དགུ་དང་ཟླ་བའོ། །རེའུ་མིག་སུམ་ཅུ་རྩ་གཅིག་གནས། །ཐིག་ལེ་ང་རོས་བརྒྱན་པའོ། །རེའུ་མིག་ཉི་ཤུ་རྩ་བཞིར་གནས། །དབུས་ནས་བཅུ་གསུམ་པ་དང་ལྡན། །ཚེག་དྲག་མཉམ་པར་ལྡན་པ་ནི། །རྡོ་རྗེ་ཉི་མ་ལྷ་དག་ཡིན། །ལྷ་མོ་གླིང་བུ་མ་སོགས་ཀུན། །རྩ་བའི་དཀྱིལ་འཁོར་སྦྱོར་སྐྱེས་ཡིན། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་ཏེ། རྡོ་རྗེ་ཉི་མའི་དཀྱིལ་འཁོར་གྱི་ཆོས་ཀྱི་ཡི་གེ་འབྱུང་བའི་ཕྱག་རྒྱ་ཤེས་པའོ། །རེའུ་མིག་ཉི་ཤུ་རྩ་བཞིར་གནས། །ཉི་ཤུ་རྩ་བདུན་ཞེས་སྦྱོར་བ་སྟེ། །ཟླ་ཚེས་ཐིག་ལེ་གཙུག་ཅན་ནི། །ཡུལ་འཁོར་ཐམས་ཅད་འདུལ་བའོ། །རེའུ་མིག་བཅུ་བཞི་ལ་གནས་པ། །བཅུ་དགུ་པ་དང་ལྡན་པ་སྟེ། །ཉི་ཤུ་ཚེག་དྲག་སྦྱོར་བ་སྟེ། །སྣ་ཚོགས་པ་ཡི་བརྗོད་པ་ཡིན། །རེའུ་མིག་ཉི་ཤུ་རྩ་བཞིར་གནས། །གནས་པ་ཚེག་དྲག་ལྡན་པ་འདོད། །རྟ་ཡི་རྒྱལ་པོའི་དཀྱིལ་འཁོར་ལ། །རྡོ་རྗེ་རྒྱ་གྲམ་ཞེས་ནི། །དབུས་ལས་དབུ་མ་དེ་བཞིན་ནོ། །ལྷོ་ནས་དེ་བཞིན་དབུ་མ་ལ། །མེ་མཚམས་འདབ་མ་དེ་བཞིན་ནོ། །བདེན་བྲལ་ཕྱི་རོལ་གནས་པ་གང་། །དེ་ནས་བྱང་གི་དང་པོའོ། །དབུས་ནས་དབུ་མའི་སྦྱིན་གནས་སུ། །དེ་ཚེ་འོད་ཀྱི་གོང་བུར་འགྱུར། །ཨོ་ཡིག་ཚེག་དྲག་དང་ལྡན་པ། །དེ་ཡི་མཐའ་རུ་དེ་ཚེར་འཀྱུར། །ལྷོ་ནས་དབུས་མ་གང་ཡིན་པ། །ཚེག་དྲག་དང་ནི་ལྡན་པའོ། །རླུད་མཚམས་ཕྱི་རོལ་གང་ཡིན་པ། །ཨུ་ཡིག་ཐིག་ལེ་སྦྱོར་བར་བྱ། །དབུས་ཀྱི་དབུ་མ་གང་ཡིན་པ། །ཐིག་ལེས་མགོ་ནས་མནན་པ་དང་། །རླུད་མཚམས་ཕྱི་རོལ་གང་ཡིན་པ། །ཨོཡིག་ཚེག་དྲག་སྦྱོར་བར་བྱ། །བདེན་བྲལ་མཚམས་ཀྱི་ཕྱི་རོལ་ཏུ། །སྒྲ་ཡིག་ཨུ་ནི་སྦྱོར་བ་སྟེ། །མེ་མཚམས་འདབ་མར་གང་ཡིན་པ། །བྱང་གི་དང་པོར་དེ་བཞིན་ཡང་། །བདེན་བྲལ་ཕྱི་རོལ་པ་བཟུང་ནས། །བྱང་གི་དང་པོ་པ་ཡང་ཡིན། །དབུས་ནས་དབུས་མ་བཟུང་ནས་སུ། །འོད་ཀྱི་གོང་བུ་མཐའ་རུ་འགྱུར། །དེ་ནས་ཐིག་ལེ་སྦིན་བྱས་ནས། །རྡོ་རྗེ་སེམས་དཔའ་འགྲུབ་པར་འགྱུར། །ཞེས་བཅོམ་ལྡན་འདས་ཆགས་པ་ཆེན་པོ་རྡོ་རྗེ་སེམས་དཔས་གསུངས་སོ། །ལྷོ་ནས་དབུ་མ་གང་ཡིན་པ། །ཚེག་དྲག་དང་ནི་ལྡན་པར་བྱ། །དབུས་ནས་དབུ་མདབཞིན་དུ། །ལྷོ་ནས་དབུ་མ་ཡང་ཡིན་ནོ། །མེ་མཚམས་འདབ་མ་དང་ལྡན་པ། །རྟག་ཏུ་བརྗོད་པར་འགྱུར་བ་ཡིན། །བྱང་ནས་དབུ་མ་བཟུང་ནས་སུ། །མེ་མཚམས་དང་ནི་ཤིན་ཏུ་སྦྱོར། །སྒྲ་ཡིག་ཨ་དང་སྦྱར་ནས་སུ། །རྟག་པར་ཞི་བར་འགྱུར་བ་ཡིན། །མེ་མཚམས་ཕྱི་རོལ་བཟུང་ནས་སུ། །ནུབ་ཀྱི་དང་པོ་ལྡན་པར་བྱ། །སྒྲ་ཡིག་ཨི་དང་སྦྱར་ནས་སུ། །འོད་ཀྱི་གོང་བུ་ལྔ་པ་ཡིན། །བདེན་བྲལ་ཕྱི་རོལ་གནས་པ་ལ། །སྒྲ་ཡིག་ཨ་དང་ལྡན་པར་བྱ། །དེ་བཞིན་དབང་ལྡན་འདབ་མ་དང་། །སྒྲ་ཡིག་ཨི་ནི་སྦྱོར་བའོ། ཁྲར་གྱི་དང་པོ་པ་དང་ནི། །དེ་ནས་དབུ་མའི་ཐ་མ་དང་། །ནུབ་ཀྱི་དང་པོ་པ་བཟུང་ནས། །ཨ་མེད་རྟག་ཏུ་འགྱུར་བར་བྱ། །དེ་དག་བཟླས་པ་བྱས་པ་ཡིས། །མདའ་རུ་རབ་ཏུ་གྲུབ་པ་ཡིན། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུད་མཚམས་ཕྱི་རོལ་པ་བཟུང་ནས། །སྒྲ་ཡིག་ཨུ་ནི་སྦྱོར་བར་བྱ། །ཐིག་ལེ་ང་རོ་གནོན་ནས་སུ། །དེ་ནས་དབུས་ནས་དབུ་མའོ། །ལྷོ་ནས་དབུ་མ་བཟུང་ནས་སུ། །མེ་མཚམས་པ་དང་སྦྱོར་བར་བྱ། ཁྲར་ནས་དང་པོ་བཟུང་ནས་སུ། །སྒྲ་ཡིག་ཨེ་དང་ལྡན་པར་བྱ། །བདེན་བྲལ་འདབ་མར་གནས་པ་གང་། །སྒྲ་ཡིག་ཨེ་ནི་སྦྱོར་བར་བྱ། ་།ར་གྱི་དང་པོ་བཟུང་ནས་སུ། །སྒྲ་ཡིག་ཨེ་ནི་སྦྱོར་བའོ། །བདེན་བྲལ་འདབ་མར་གནས་པ་ལ། །སྒྲ་ཡིག་ཨེ་ནི་སྦྱོར་བའོ། །རླུང་མཚམས་ཕྱིར་རོལ་པ་བཟུང་ནས། །སྒྲ་ཡིག་ཨུ་ནི་སྦྱོར་བར་བྱ། །ཐིག་ལེ་ང་རོས་མཉམ་སྦྱོར་ན། །སྐལ་བཟང་སྐལ་བཟང་འགྱུར་བ་ཡིན། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དབུས་ནས་དབུ་མ་བཟུང་ནས་སུ། །ཐིག་ལེ་ཡིས་ནི་བརྒྱན་པར་བྱ། །དེ་བཞིན་དབུས་ནས་དབུ་མ་ཡང་། །ལྷོ་ནས་དབུ་མ་དེ་བཞིན་ཏེ། །མེ་ཡི་མཚམས་དང་མཉམ་པར་ལྡན། །ཡི་གེ་ཨ་ཡིས་བསྡུ་བར་བྱ། །ནུབ་ནས་ཐ་མ་བཟུང་ནས་སུ། །སྒྲ་ཡིག་ཨོ་ནི་སྦྱོར་བར་བྱ། །བདེན་བྲལ་ཕྱི་རོལ་པ་བཟུང་ནས། །དབུ་མའི་ཐ་མ་དང་ལྡན་པར། །མ་མཚམས་ལན་གཉིས་བརྗོད་ནས་སུ། །ནུབ་ནས་དང་པོར་ལྡན་འགྱུར་བྱ། །རྟག་ཏུ་ཨ་མེད་བརྒྱད་པ་ནི། །རྡོ་རྗེ་ཁ་ཊ༷་འཛིན་མ་ཡིན། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུད་མཚམས་ཕྱི་རོལ་པ་བཟུང་ནས། །ཚེག་དྲག་ཨོ་ནི་སྦྱོར་བར་བྱ། །དབུས་ནས་དབུ་མ་དེ་བཞིན་དུ། །མེ་མཚམས་པས་ནི་ལྡན་པ་ཡིན། །ལྷོ་ནས་དབུ་མར་འགྱུར་བའོ། ཁྲར་ནས་དང་པོ་བཟུང་ནས་སུ། །སྒྲ་ཡིག་ཨ་ནི་སྦྱོར་བར་བྱ། །དབུས་ནས་ཐ་མར་བཟུང་ནས་སུ། །སྒྲ་ཡིག་ཨེ་ནི་སྦྱོར་བར་བྱ། །དབང་ལྡན་ཕྱི་རོལ་བ་བཟུང་ནས། །དབུས་ལས་དབུ་མ་གཟུང་བར་བྱ། །མེ་མཚམས་འདབ་མ་ལ་གནས་པ། །སྒྲ་ཡིག་ཨི་ནི་སྦྱོར་བར་བྱ། །བྱང་ནས་དང་པོ་བཟུང་ནས་སུ། །ཡི་གེ་ཨ་དང་ལྡན་པར་བྱ། །མེ་མཚམས་འདབ་མ་སྦྱོར་ནས་སུ། །ཐིག་ལེ་ང་རོས་བསྡུ་བར་བྱ། །སྣ་ཚོགས་པདྨ་ལྷ་མོ་ཆེ། །རྡོ་རྗེ་སེམས་སོགས་ལྷ་ཡི་ཡིན། །ཞེས་བཅོམ་ལྡན་འདས་དཔལ་བདེ་བ་ཆེནཔོརྡོརྗེསེམས་དཔས་གསུངས་སོ། །རྡོརྗེམཚོནཆདང། རྡོརྗེ་རོལ་མ་དང་། རྡོ་རྗེ་དྲན་མ་དང་། རྡོ་རྗེ་སྙིང་པོ་མ་དག་རྡོ་རྗེ་སེམས་དཔའ་ལ་སོགས་པའི་ལྷ་མོ་བཞི་ཡིན་ནོ། །ཨོ་ཡིག་ཐིག་ལེ་དང་ལྡན་པར། །ཨེ་ཡིག་ཐིག་ལེ་ཡང་དག་ལྡན། །དབུས་ལ་ཐ་མ་བཟུང་བ་དང་། །ཡི་གེ་ཨུ་དང་ལྡན་པར་བྱ། །བྱང་ནས་དེ་བཞིན་བཞི་པའོ། །དབུས་ནས་དབུ་མ་བཟུང་ནས་སུ། །ལྷོ་ནས་དབུ་མ་དེ་བཞིན་དུ། །མེ་མཚམས་འདབ་མ་དང་སྦྱར་ནས། །སྒྲ་ཡིག་ཨི་དང་ཨ་བསྡུ་བྱའོ། ཁྲར་ནས་བཞི་པ་གང་ཡིན་པ། །ཐིག་ལེ་ཨུ་དང་ལྡན་བྱ་སྟེ། །ནན་ཏན་དུ་ནི་ལན་གཉིས་བཟླ། །རྟག་ཏུ་དང་པོའི་འགྱུར་བ་ཡིན། །ཨོ་ཡིག་ཐིག་ལེ་དང་ལྡན་པ། །དབུ་མ་ལས་ནི་དབུ་མ་ཡང་། །མེ་མཚམས་འདབ་མ་དང་ལྡན་པའི། །ལྷོ་ནས་དབུ་མར་འགྱུར་བར་བྱ། །དབུས་ནས་ཐ་མ་བཟུང་བྱས་ཏེ། །སྒྲ་ཡིག་ཨེ་དང་སྦྱོར་བར་བྱ། །ཤར་ལས་བཞི་པ་གང་ཡིན་པ། །སྒྲ་ཡིག་ཨེ་དང་སྦྱར་བའོ། །ཤར་ནས་གསུམ་པ་གང་ཡིན་པ། །སྒྲ་ཡིག་ཨུ་དང་སྦྱོར་བའོ། །བདེན་བྲལ་འདབ་མ་ལ་གནས་པ། །སྒྲ་ཡིག་ཨུ་དང་སྦྱོར་བ་སྟེ། །ནན་ཏན་ལན་གཉིས་བཟླས་པའོ། །དབུས་ལས་བཞི་པ་གང་ཡིན་པ། །ཨུ་ཡིག་མེ་མཚམས་པ་དང་ལྡན། །ཐིག་ལེ་ང་རོ་གཉིས་པའོ། །ཨོ་ཡིག་ཐིག་ལེ་དང་ལྡན་པ། །རླུད་མཚམས་ཕྱི་རོལ་ལ་གནས་པ། །ཚེག་དྲག་དང་ནི་མཉམ་པོར་ལྡན། །དབང་ལྡན་ཕྱི་རོལ་ལགནས་དང་། །མེ་མཚམས་འདབ་མ་ཅནདེབཞིན། །བྱངནསགསུམ་པ་གང་ཡིན་པ། །དབུས་ལས་དབུ་མར་གྱུར་པར་བྱ། །ལྷོ་ནས་དབུ་མ་པ་ལ་ཡང་ མེ་མཚམས་འདབ་མ་ཅན་དང་ལྡན། །སྒྲ་ཡིག་ཨི་དང་ལྡན་སྦྱོར་བ། །ཨེ་ཡིག་ཐིག་ལེ་དང་ལྡན་པ། །ལན་གཉིས་གསུམ་ནི་བརྗོད་བྱས་ཏེ། །ལྷ་མོ་གསུམ་པོའི་ཁོ་ནའོ། །སྔགས་འབྱུང་བར་ནི་གྲགས་པ་ཡིན། །ཨོ་ཡིག་ཐིག་ལེ་དང་ལྡན་པར། ཁྲར་ནས་གཉིས་པ་གང་ཡིན་པ། །ཟླ་ཚེས་ཐིག་ལེ་གཙུག་གི་ཞལ། །དབུས་ནས་དབུ་མ་དེ་བཞིན་དུ། །ལྷོ་ནས་དབུ་མ་པ་ལ་ཡང་། །མེ་མཚམས་འདབ་མ་ཅན་སྦྱོར་དང་། །དུས་རྣམས་ཐམས་ཅད་སྦྱོར་བར་བྱ། །དབང་ལྡན་ཕྱི་རོལ་པ་དེ་བཞིན། །སྒྲ་ཡིག་ཨེ་ནི་སྦྱོར་བར་བྱ། །དེ་ཉིད་ཕྱི་རོལ་པ་བཟུང་ནས། །སྒྲ་ཡིག་ཨི་དང་ལྡན་བྱས་ཏེ། །མེ་མཚམས་འདབ་མ་གནས་པ་ཡི། །སྒྲ་ཡིས་ཨི་ཡིག་བརྒྱན་པར་བྱ། །རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་སྦྱོར་བྱས་ཏེ། །ལན་གཉིས་སུ་ནི་བརྗོད་པའོ། །དེ་ནི་དཔག་བསམ་ཤིང་སོགས་ལྷ། །རྡོ་རྗེ་སྙིང་པོ་མ་དང་། རྡོ་རྗེ་སྲེད་མེད་ཀྱི་བུ་མོ་དང་། རྡོ་རྗེ་གར་གྱི་དབང་ཕྱུག་མ་དང་། འདོད་པའི་དབང་མོ་རྣམས་ཤེས་པ་ལྷ་མོ་བཞི་ཡིན་ནོ། །ཨོ་ཡིག་ཐིག་ལེ་དང་ལྡན་པ། །ཡི་གེ་ཨེ་ཡིས་སྦྱོར་བར་བྱ། །རླུད་མཚམས་ཕྱི་རོལ་ལ་གནས་པ། །མེ་མཚམས་འདབ་མ་ཅན་དེ་བཞིན། །ཡི་གེ་ཨེ་ཡིས་མཉམ་ལྡན་པའི། །བྱང་ནས་དང་པོར་འགྱུར་བྱས་ཏེ། །དབུས་ལས་དབུམདེབཞིནདུ།འགྱུར་བྱས་ཏེ། །རླུ་་མཚམས་ཕྱི་རོལ་ལ་གནས་པ། །སྒྲ་ཡིག་ཨ་ནི་སྦྱོར་བར་བྱ། །དེ་བཞིན་བདེན་བྲལ་ཕྱི་རོལ་པ། །སྒྲ་ཡིག་ཨེ་ནི་སྦྱོར་བའི་ཕྱིར། །རླུད་མཚམས་ཕྱི་རོལ་པ་ཉིད་ནི། །ལན་གཉིས་ཆེད་དུ་བརྗོད་པར་བྱ། །དབུས་ནས་དབུ་མ་བཟུང་ནས་སུ། །ཐིག་ལེ་ཨེ་ཡིག་སྦྱོར་བར་བྱ། །མཁའ་འགྲོ་སྒྱུ་མ་བདེ་མཆོག་ལ། །རྔ་ཆེན་ལྷ་མོར་གྲགས་པ་ཡིན། །རླུད་མཚམས་ཕྱི་རོལ་པ་བཟུང་ནས། །སྒྲ་ཡིག་ཨི་ནི་སྦྱོར་བར་བྱ། །མེ་མཚམས་འདབ་མ་གནས་པ་ཡང་། །བྱང་ནས་དང་པོ་པ་བཟུང་སྟེ། །སྒྲ་ཡིག་ཨེ་ནི་ལྡན་པར་བྱ། །དབུས་ལས་དབུ་མ་དེ་བཞིན་དུ། །མེ་མཚམས་འདབ་མ་དང་སྦྱོར་བའི། །ལྷོ་ནས་དབུ་མ་པ་དང་ཡང་། །བྱང་ནས་མཐའ་མ་བཟུང་བྱས་ཏེ། །མེ་མཚམས་འདབ་མ་ལྡན་བྱས་ནས། །སྒྲ་ཡིག་ཨི་ནི་སྦྱོར་བར་བྱ། །བྱང་ནས་དང་པོ་བཟུང་བྱས་ཏེ། །དབང་ལྡན་འདབ་མ་ཅན་སྦྱོར་ནས། །དེ་ཚེ་དེ་ནི་ཡང་བརྗོད་དེ། །དེ་བཞིན་དབུས་ལས་དབུ་མ་ཡང་། །སྒྲ་ཡིག་ཨེ་ནི་སྦྱོར་བར་བྱ། །དབུས་ལས་དང་པོ་དེ་བཞིན་དུ། །དེ་ནི་ལན་གཉིས་བརྗོད་པར་བྱ། །ལྷོ་ནས་བཞི་པ་བཟུང་ནས་སུ། །ང་རོ་ཨ་ཡིག་ལྡན་པར་བྱ། །རྡོ་རྗེ་སེམས་དཔའི་དཀྱིལ་འཁོར་ལ། །རྫ་རྔ་མ་ཞེས་གྲགས་པ་ཡིན། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །གླིང་བུ་མ་དང་པི་ཝང་ཀུན། །རྔ་ཆེནདེབཞིནརྫརྔཀུན། །རྡོ་རྗེ་སེམས་དཔའི་དཀྱིལ་འཁོར་ལ། །གྲྭ་ཡི་ལྷ་མོས་མཆོད་བསྒྲུབ་པའོ། །ཨ་ཡིག་དང་པོ་བྱས་ནས་སུ། །དབུས་ནས་དབུ་མ་པ་ལ་ཡང་ མེ་མཚམས་འདབ་མ་ཅན་ལྡན་པར། །ལྷོ་ནས་དབུ་མ་འགྱུར་བར་བྱ། །དབུས་ལས་དང་པོ་དེ་བཞིན་དུ། །སྒྲ་ཡིག་ཨུ་ནི་སྦྱོར་བར་བྱ། །མེ་མཚམས་ཕྱི་རོལ་པ་བཟུང་ནས། །དབུས་ལས་དང་པོ་ཡང་ཡིན་ཏེ། །ཨེ་ཡིག་དང་ནི་མཉམ་པོར་ལྡན། །དབུས་ནས་མེ་ཏོག་མ་ཕྱུང་ངོ་། །ཨ་ཡིག་དང་པོར་བྱས་ནས་སུ། །དབུས་ལས་དབུ་མ་ས་ཡང་སྟེ། །མེ་མཚམས་འདབ་མ་དང་ལྡན་པའི། །ལྷོ་ནས་དབུ་མ་ཡང་ཡིན་ཏེ། །བྱང་ལས་བཞི་པ་གང་ཡིན་པ། །སྒྲ་ཡིག་ཨུ་དང་སྦྱར་བར་བྱ། །དབུས་ལས་དང་པོ་བཟུང་ནས་སུ། །རྡོ་རྗེ་སྤོས་མེ་རྣམ་གྲགས་སོ། །ཨ་ཡིག་དང་པོ་བྱས་ནས་སུ། །དབུས་ལས་དབུ་མ་པ་ཡང་སྟེ། །མེ་མཚམས་འདབ་མ་ཅན་ལྡན་པའི། །ལྷོ་ལས་དབུ་མར་འགྱུར་བར་བྱ། །ཡི་གེ་ཨ་ལས་མཉམ་ལྡན་ཏེ། །བདེན་བྲལ་འདབ་མ་གནས་པ་ལ། །སྒྲ་ཡིག་ཅོ།་ནི་སྦྱོར་བར་བྱ། །ཤར་གྱི་དང་པོ་དེ་བཞིན་དུ། །ཨེ་ཡིག་ལྡན་པར་གསུངས་པའོ། །ཨ་ཡིག་དང་པོ་བྱང་ནས་སུ། །དབུས་ལས་དབུ་མ་དེ་བཞིན་ཡང་། །མེ་མཚམས་འདབ་མ་དང་ལྡན་པར། །ལྷོ་ལས་དབུ་མ་འགྱུར་བྱས་ཏེ། །ཤར་གྱི་གསུམ་པ་དེ་ལ་ཡང་། །ཐིག་ལེ་དང་ནི་སྦྱོར་བར་བྱ། །བྱང་ནས་བཞི་པ་གང་ཡིན་པ། །ཡི་གེ་ཨེ་ཡིག་ལྷན་ཅིག་འགྱུར། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་རྡོ་རྗེ་མེ་ཏོག་མ་དང་། རྡོ་རྗེ་འདུག་སྤོས་མ་དང་། རྡོ་རྗེ་མར་མེ་མ་དང་། རྡོ་རྗེ་དྲི་ཆབ་མ་ཞེས་བྱ་བ་ཕྱིའི་ལྷ་མོ་བཞི་གསུངས་སོ། །ཨོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་པ་ཡང་སྟེ། །མེ་མཚམས་འདབ་མ་དང་ལྷན་ཅིག །ལྷོ་ལས་དབུ་མ་འགྱུར་བ་སྟེ། །ཨ་ཡིག་ཐིག་ལེ་མཉམ་གནོན་པར། །རྟག་པར་བརྗོད་པར་བྱ་བ་སྟེ། ཁྲར་ལས་དང་པོ་བཟུང་ནས་སུ། །སྒྲ་ཡིག་ཨུ་ནི་སྦྱོར་བར་བྱ། །དབང་ལྡན་ཕྱི་རོལ་པ་བཟུང་ནས། །སྒྲ་ཡིག་ཨི་ནི་སྦྱོར་བར་བྱ། །ཚེག་དྲག་མཉམ་པོར་ལྡན་པ་ནི། །ལྷོ་ལས་དབུ་མར་འགྱུར་བའོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ཨོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་འགྱུར་བྱས་ཏེ། །མེ་མཚམས་པ་དང་མཉམ་ལྡན་པའི། །ལྷོ་ལས་དབུ་མ་པ་ཡང་སྟེ། །དབུས་ལས་དང་པོ་བཟུང་ནས་སུ། །སྒྲ་ཡིག་ཨ་ནི་སྦྱོར་བར་བྱ། །དབང་ལྡན་ཕྱི་རོལ་པ་བཟུང་ནས། །སྒྲ་ཡིག་ཨ་ནི་སྦྱོར་བར་བྱ། །རླུང་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་སྦྱོར་བའོ། །ཞེས་བཅོམ་ལྡན་འདས་དཔལ་དོན་ཡོད་ཤིན་ཏུ་དགའ་བའི་སེམས་དཔས་གསུངས་སོ། །ཨོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་འགྱུར་བར་བྱས། །མེ་མཚམས་འདབ་མ་ཅན་ལྡན་ཞིང་། །ལྷོ་ལས་དབུ་མ་འགྱུར་བར་བྱ། །དབང་ལྡན་ཕྱིར་རོལ་པ་བཟུང་ནས། །ཐིག་ལེ་ང་རོས་བརྒྱན་བྱས་ཏེ། ཁྲར་གྱི་དབང་པོ་བཟུང་ནས་སུ། །སྒྲ་ཡིག་ཨེ་དང་མཉམ་ལྡན་ཞིང་། །བདེན་བྲལ་འདབ་མ་ཅན་དུ་འགྱུར། །དཔྲལ་བར་ཐིག་ལེས་བརྒྱན་པའོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ཨོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་པ་ཡིན་ཏེ། །མེ་མཚམས་འདབ་མ་ཅན་ལྷན་ཅིག །ལྷོ་ནས་དབུ་མ་འགྱུར་བར་བྱ། ཁྲར་ལས་བཞི་པ་གང་ཡིན་པ། །ཐིག་ལེ་ང་རོས་རྣམ་པར་བརྒྱན། །ནུབ་ལས་དང་པོ་བཟུང་ནས་སུ། །སྒྲ་ཡིག་ཨེ་ནི་སྦྱོར་བར་བྱ། །རླུད་མཚམས་ཕྱི་རོལ་པ་བཟུང་ནས། །ཚེག་དྲག་དང་ནི་མཉམ་ལྡན་ཞིང་། །ཨོ་ཡིག་ལྷན་ཅིག་འགྱུར་བའོ། །ཞེས་བཅོམ་ལྡན་འདས་འདེ་བ་ཆེན་པོ་དཔལ་རྡོ་རྗེ་སེམས་དཔས་གསུངས་སོ། །རྟ་མགྲིན་འཕང་མཐོའི་ལྕགས་ཀྱུ་མ་དང་། ཕག་མགོ་མཆེ་ཞགས་མ་དང་། ཉི་ཟླ་ལྕགས་སྒྲོག་མ་དང་། ཤི་བ་གསོ་བའི་དྲིལ་བུ་མ་ཞེས་བྱ་བ་སྒོ་སྲུང་མ་བཞི་གསུངས་པ་སྟེ། དཔལ་རྡོ་རྗེ་སེམས་དཔའི་དཀྱིལ་འཁོར་ལ་སྔགས་ཀྱི་ཚོགས་ཀྱི་ཕྱག་རྒྱ་ཤེས་པའོ། །ཨོ་ཡིག་ཐིག་ལེ་དང་ལྡན་པར། །དབུས་ལས་བཞི་པ་གང་ཡིན་པ། །ཚེག་དྲག་ཨུ་ཡིག་ལྡན་པ་སྟེ། ཁྲར་ལས་གཉིས་པ་ཅན་ལ་ཡང་། །ཐིག་ལེ་ང་རོ་གནོན་པ་ནི། །ཐུབ་ཆེན་རྣམ་སྣང་མཛད་ཀྱིའོ། །ཨོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་ཡང་ཡིན་ཏེ། །མེ་མཚམས་འདབ་མ་དང་ལྡན་པའི། །ལྷོ་ལས་དབུ་མ་འགྱུར་བྱས་ཏེ། །བདེན་བྲལ་ཕྱི་རོལ་པ་བཟུང་ནས། །བྱང་ནས་དང་པོ་པ་ཡང་སྟེ། །དབུས་ནས་དབུ་མ་པ་ལྡན་པ། །དབང་ལྡན་ཕྱི་རོལ་ལ་གནས་པ། །ཐིག་ལེ་དང་ནི་ལྡན་པའོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ཨོ་ཡིག་ཐིག་ལེ་དང་ལྡན་པར། ། དབུས་ལས་དབུ་མ་ཡང་ཡིན་ཏེ། །མེ་མཚམས་འདབ་མ་དང་ལྷན་ཅིག །ལྷོ་ལས་དབུ་མ་འགྱུར་བྱས་ཏེ། །མེ་མཚམས་འདབ་མ་ཅན་དེ་བཞིན། །བྱང་ལས་དང་པོར་འགྱུར་བྱས་ཏེ། །བྱང་ལས་ཐ་མ་དང་ལྡན་པ། །མཇུག་ཏུ་མེ་མཚམས་འདབ་མ་ཅན། །ཟླ་ཚེས་ཐིག་ལེ་གཙུག་གི་ཞལ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ཨོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་པར་འགྱུར་ཏེ། །མེ་མཚམས་འདབ་མ་ཅན་ལྷན་ཅིག །ལྷོ་ལས་དབུ་མ་ཡང་ཡིན་ཏེ། །བྱང་ནས་བཞི་པ་གང་ཡིན་པ། །དབུས་ལས་དབུ་མ་པ་ཡང་སྟེ། །མེ་མཚམས་པ་ཡི་མགོ་གནོན་བྱ། །དབུས་ལས་ཐ་མ་གང་ཡིན་པ། །ཟླ་ཚེས་ཐིག་ལེ་གཙུག་གི་ཞལ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ཨོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་འགྱུར་བྱས་ཏེ། །མེ་མཚམས་འདབ་མ་དང་ལྡན་པའི། །ལྷོ་ལས་དབུ་མ་འགྱུར་བྱས་ཏེ། ཁྲར་ལས་དང་པོ་བཟུང་ནས་སུ། །མེ་མཚམས་ཅན་གྱིས་གནོན་པ་ཡི། །དབུས་ལས་དབུ་མ་པ་ཡང་འདོད། །བྱང་ལས་གཉིས་པ་གང་ཡིན་པ། །ཟླ་ཚེས་ཐིག་ལེ་གཙུག་གི་ཞལ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུད་མཚམས་ཕྱི་རོལ་པ་བཟུང་སྟེ། །ཐིག་ལེ་ང་རོ་ལྡན་པར་བྱའོ། །བདེན་བྲལ་ཕྱི་རོལ་པ་བཟུང་སྟེ། །དབུས་ལས་དབུ་མ་དང་ལྡན་པའི། །བྱང་ལས་དང་པོ་འགྱུར་བར་བྱ། ། ལས་དབུ་མ་དེ་བཞིན་དུ། །ཨི་ཡིག་མེ་མཚམས་ལྡན་པ་སྟེ། །ལྷོ་ལས་དབུ་མ་འགྱུར་བར་བྱའོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ལྷོ་ལས་གཉིས་པ་གང་ཡིན་པ། །ཐིག་ལེ་ཨེ་ཐིག་སྦྱོར་བར་བྱ། །དབུ་ལས་དབུ་མ་དེ་བཞིན་དུ། །མེ་མཚམས་འདབ་མ་ལྡན་པ་ཡི། །ལྷོ་ལས་དབུ་མ་འགྱུར་བྱས་ཤིང་། །མེ་མཚམས་འདབ་མར་གནས་པ་ཉིད། །བྱང་ལས་དང་པོ་དེ་བཞིན་དུ། །བྱང་ལས་ཐ་མ་དང་འབྱོར་པ། །སྒྲ་ཡིག་ཨེ་དང་སྦྱོར་བའོ། །ཞེས་བཅོམ་ལྡན་འདས་དཔལ་དོན་ཡོན་ཤིན་ཏུ་དགའ་བའི་རྡོ་རྗེ་སེམས་དཔས་གསུངས་སོ། །བྱང་ནས་དང་པོ་བཟུང་ནས་སུ། །ཐིག་ལེ་མེ་མཚམས་ཡང་དག་ལྡན། །དབུས་ལས་དབུ་མ་དེ་བཞིན་དུ། །མེ་མཚམས་པ་དང་ལྡན་པ་ལ། །ལྷོ་ལས་དབུ་མ་འགྱུར་བར་བྱ། །དབུས་ལས་དང་པོ་བཟུང་ནས་སུ། །བྱང་ལས་དབུ་མ་ཡང་ཡིན་ཏེ། །དབུས་ལས་ཐ་མ་དང་ལྡན་ལ། །ཡི་གེ་ལྷན་ཅིག་འགྱུར་བའོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །བྱང་ལས་བཞི་པ་གང་ཡིན་པ། །ཐིག་ལེ་ང་རོ་ལྡན་པར་བྱ། །དབུས་ལས་དབུ་མ་དེ་བཞིན་དུ། །སྒྲ་ཡིག་ཨི་ནི་སྦྱར་བྱས་ཏེ། །དབང་ལྡན་ཕྱི་རོལ་པ་བཟུང་ནས། །དབུས་ལས་དབུ་མ་པ་དང་ལྡན། །དེ་བཞིན་དབུས་ལས་དབུ་མ་ཡང་། །ཨི་ཡིག་མེ་མཚམས་དང་ལྡན་པའི། །ལྷོ་ལས་དབུ་མ་པ་འགྱུར་རོ། །ཞེས་བཅོམ་ལྡན་འདས་བདེ་བ་ཆེན་པོ་རྡོ་རྗེ་སེམས་དཔས་གསུངས་སོ། །དང་པོ་སངས་རྒྱས་དབྱངས་མ་དང་། །དེ་བཞིན་གཉིས་པ་དཔའ་བོ་མ། །ཀུན་ཏུ་བཟང་མོ་གསུམ་པ་སྟེ། །བཞི་པ་ཟད་མེད་སྣོན་མའོ། །དཔའ་མོ་སངས་རྒྱས་སྐུ་ལྡན་མ། །དེ་བཞིན་གཟུངས་མ་ཞལ་མཛེས་མ། །སྤྲིན་ཆེན་མ་ནི་བདུན་པ་སྟེ། །བརྒྱད་པ་ནམ་མཁའི་སྤྱན་མའོ། །གླིང་བུ་ལ་སོགས་བསྡུས་པ་དང་། །སྒོ་སྲུང་མ་སོགས་ཡང་བསྡུས་ཏེ། །མེ་ཏོག་མ་སོགས་བསྡུས་པ་ནི། །དང་པོའི་དཀྱིལ་འཁོར་ལ་བསྐྱེད་འདོད། །ཅེས་བཅོམ་ལྡན་འདས་འདོད་ཆགས་ཆེན་པོ་དཔལ་རྡོ་རྗེ་སེམས་དཔས་གསུངས་ཏེ། དེ་བཞིན་གཤེགས་པས་དཀྱིལ་འཁོར་ལ་སྔགས་འབྱུང་བའི་ཚོགས་ཀྱི་ཕྱག་རྒྱ་ཤེས་པའོ། །ཨོ་ཡིག་ཐིག་ལེ་དང་ལྡན་པ། །ཡི་གེ་ཨེ་ཡིས་ལྡན་པ་ཡི། །རླུད་མཚམས་ཕྱི་རོལ་གནས་པ་དང་། །མེ་མཚམས་འདབ་མ་གནས་པ་ཉིད། །སྒྲ་ཡིག་ཨུ་དང་སྦྱོར་བར་བྱ། ཁྲར་ལས་དང་པོ་དེ་བཞིན་དུ། །དབུས་ལས་དབུ་མ་ཡང་ཡིན་ཏེ། །མེ་མཚམས་འདབ་མ་དང་ལྡན་པའི། །ལྷོ་ལས་དབུ་མ་འགྱུར་བྱས་ཏེ། །བདེན་བྲལ་ཕྱི་རོལ་པ་བཟུང་ནས། །དབུས་ལས་ཐ་མ་པ་ཡང་བཟུང་། །དབང་ལྡན་འདབ་མར་གནས་པ་ཉིད། །ཡི་གེ་ཨེ་དང་མཉམ་ལྡན་པའི། །རླུད་མཚམས་ཕྱི་རོལ་གནས་པ་ལ། །ཚེག་དྲག་གིས་ནི་མཉམ་པར་ལྡན། །དེ་ནི་བཅུ་པར་ཡོངས་གྲགས་ཏེ། །བདེན་བྲལ་ཕྱི་རོལ་གནས་པ་ལ། །མེ་མཚམས་འདབ་མ་ཅན་དང་ལྡན། །དབུས་ལས་དབུ་མ་འགྱུར་ནས་སུ། །བྱང་ལས་དབུ་མ་དེ་བཞིན་ཏེ། །སྒྲ་ཡིག་ཨུ་ནི་སྦྱོར་བར་བྱ། །མེ་མཚམས་ཕྱི་རོལ་པ་དེ་བཞིན། །ནུབ་ལས་དང་པོ་པ་དང་ལྡན། །བདེན་བྲལ་ཕྱི་རོལ་པ་ལ་ཡང་། །དབུ་མའི་མཐའ་ཡང་དེ་ཡིན་ཏེ། །དབང་ལྡན་འདབ་མར་གནས་པ་ཉིད། །ཡི་གེ་ཨུ་དང་མཉམ་ལྡན་པའི། །དབུས་ལས་ཐ་མ་པ་འགྱུར་ནས། །མེ་མཚམས་འདབ་མ་དང་ལྡན་པ། །བྱང་ལས་དབུ་མ་འགྱུར་བྱས་ཏེ། །འདྲེན་པ་ཨ་ཡིག་དང་ལྷན་ཅིག །དབུས་ལས་དང་པོ་བཟུང་ནས་སུ། །མེ་མཚམས་སྟན་དང་ལྡན་པར་བྱ། །དབུས་ལས་བཞི་པ་གང་ཡིན་པ། །ཐིག་ལེ་དང་ནི་ཡང་དག་ལྡན། །ལྷོ་ལས་དབུ་མ་དེ་བཞིན་དུ། ཁྲར་ལས་དང་པོ་པ་ཡང་ཡིན། །རླུད་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་ལྡན་པར་བྱ། །དབུས་ལས་གཉིས་པ་གང་ཡིན་པ། །ནུབ་ཀྱི་དང་པོ་ཨ་མེད་པར། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུད་མཚམས་ཕྱི་རོལ་བཟུང་ནས་སུ། །ཐིག་ལེ་ཨུ་ཡིག་དང་ལྡན་ཏེ། །དབུས་ལས་དབུམདེབཞིནདུ། །མེམཚམས་སྟན་དང་ལྡན་པ་ཡི། །ལྷོ་ལས་དབུ་མ་པ་འགྱུར་ཏེ། ཁྲར་ལས་གསུམ་པ་གང་ཡིན་པ། །སྒྲ་ཡིག་ཨུ་དང་ལྡན་པར་བྱ། །རླུད་མཚམས་ཕྱི་རོལ་གནས་པ་ལ། །སྒྲ་ཡིག་ཨེ་ཡིས་བརྒྱན་པ་སྟེ། །དབང་ལྡན་འདབ་མའི་གདན་ཅན་ནི། །ལྔ་པར་ཡོངས་སུ་གྲགས་པ་སྟེ། །བདེན་བྲལ་ཕྱི་རོལ་གནས་པ་ལ། །སྒྲ་ཡིག་ཨི་དང་སྦྱོར་བར་བྱ། །བྱང་ལས་བཞི་པ་གང་ཡིན་པ། །སྒྲ་ཡིག་ཨི་དང་སྦྱོར་བར་བྱ། །དབུས་ལས་དང་པོ་བཟུང་ནས་སུ། །མེ་མཚམས་འདབ་མ་ཅན་དང་འདྲ། །དབུས་ལས་ཐ་མ་ཡང་ཡིན་ཏེ། །དབང་ལྡན་འདབ་མར་གནས་པ་ལ། །སྒྲ་ཡིག་ཨོ་ནི་སྦྱོར་བར་བྱ། ཁྲར་ལས་གསུམ་པ་གང་ཡིན་པ། །སྒྲ་ཡིག་ཨོ་ནི་སྦྱོར་བར་བྱ། །དབང་ལྡན་ཕྱི་རོལ་གནས་པ་ཡང་། །དབུས་ལས་དབུ་མ་དང་ལྡན་ཏེ། །མེ་མཚམས་འདབ་མར་གནས་པ་ལ། །སྒྲ་ཡིག་ཨི་ནི་སྦྱོར་བར་བྱ། །རླུད་མཚམས་ཕྱི་རོལ་གནས་པ་ནི། །མེ་མཚམས་གདན་དང་ལྡན་པ་སྟེ། །ཚེག་དྲག་ཡི་གེ་ཨི་ལྡན་པ། །དང་པོ་ཡོངས་སུ་གྲགས་པའོ། །རླུད་མཚམས་ཕྱི་རོལ་གནས་པ་ལ། །ཐིག་ལེ་ཡི་གེ་ཨུ་སྦྱོར་ཏེ། །མཁས་པས་ལན་གཉིས་བརྗོད་པར་བྱ། །དབུས་ལས་མ་ཡང་བཟུང་སྟེ། །ལྷོ་ལས་དབུམདེབཞིནལ། །མེམཚམས་འདབ་མ་ཅན་དང་ལྡན། །ལྷོ་ལས་དང་པོ་བཟུང་ནས་སུ། །ཐིག་ལེ་དང་ནི་མཉམ་པོར་ལྡན། །ནུབ་ནས་དབུ་མ་བཟུང་ནས་སུ། །ཡི་གེ་ཨེ་དང་མཉམ་ལྡན་བྱ། །དབང་ལྡན་ཕྱི་རོལ་གང་ཡིན་པ། །དབུས་ལས་དབུ་མ་དང་ལྡན་ཏེ། །མེ་མཚམས་འདབ་མར་གནས་པ་ལ། །སྒྲ་ཡིག་ཨི་ནི་སྦྱོར་བར་བྱ། །ཤར་ལས་གཉིས་པ་གང་ཡིན་པ། །ནུབ་ལས་དང་པོ་བཟུང་ནས་སུ། །དབུས་ནས་དབུ་མ་ལྡན་པ་སྟེ། །ཐིག་ལེ་ཨ་ཡིག་ལྡན་པ་བྱ། །བཅུ་པར་ཡོངས་སུ་གྲགས་པ་སྟེ། ཁྲར་ལས་གསུམ་པ་གང་ཡིན་པ། །སྒྲ་ཡིག་ཨི་དང་སྦྱོར་བར་བྱ། །དབུས་ལས་ཐ་མར་བཟུང་ནས་སུ། །རླུད་མཚམས་ཕྱི་རོལ་པ་ལ་ཡང་། །ཡི་གེ་ཨ་དང་ལྡན་པར་བྱ། །དབུས་ནས་དབུ་མ་བཟུང་ནས་སུ། །ལྷོ་ལས་གསུམ་པར་འགྱུར་བྱས་ཏེ། །མེ་མཚམས་གདན་ནི་སྦྱོར་བྱས་ནས། ཁྲར་ནས་དང་པོ་བཟུང་ནས་སུ། །ཡི་གེ་ཨ་ཡིག་ལྡན་པ་ཡི། །དབུས་ལས་དང་པོ་འགྱུར་བྱས་ཏེ། །བདེན་བྲལ་འདབ་མར་གནས་པ་ལ། །སྒྲ་ཡིག་ཨེ་དང་སྦྱོར་བ་ཡི། །དབུས་ལས་ཐ་མ་ཡང་ཡིན་ཏེ། །ཤར་ནས་དང་པོ་བཟུང་ནས་སུ། །སྒྲ་ཡིག་ཨུ་ཡིས་སྦྱོར་བར་བྱ། །ནུབ་ཀྱི་དང་པོ་བཟུང་ནས་སུ། །དབྱངས་ཡིག་ཨེ་དང་སྦྱོར་བར་བྱ། །མེ་མཚམས་འདབ་མར་གནས་པ་ལ། །སྒྲ་ཡིག་ཨུ་དང་སྦྱོར་བ་སྟེ། །བདེན་བྲལ་འདབ་མར་གནས་པ་ལ། །སྒྲ་ཡིག་ཨུ་ཡིས་བརྒྱན་བྱས་ཏེ། །མེ་མཚམས་འདབ་མར་གནས་པ་ཡང། །སྒྲ་ཡིག་ཨུ་དང་སྦྱོར་བར་བྱ། །བདེན་བྲལ་འདབ་མར་གནས་པ་ལ། །སྒྲ་ཡིག་ཨུ་ཡིས་བརྒྱན་པ་སྟེ། །བདེན་བྲལ་འདབ་མར་གནས་པ་ནི། །གཉིས་བརྩེགས་ཡི་གེ་ཨུ་དང་ལྡན། །རླུང་མཚམས་ཕྱི་རོལ་གནས་པ་ལ། །བྱང་ལས་ཐ་མ་ལྡན་བྱས་ཏེ། ཚེག་དྲག་མཉམ་པོར་ལྡན་པ་ལ། །སྒྲ་ཡིག་ཨི་དང་སྦྱོར་བར་བྱ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུད་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིས་སྦྱོར་བར་བྱ། །དབུས་ལས་དབུ་མ་བཟུང་བ་དང། །མེ་མཚམས་སྟན་དང་ལྡན་པ་ཡི། །ལྷོ་ནས་དབུ་མར་འགྱུར་བར་བྱ། །བྱང་ལས་ཐ་མབཟུང་ནས་སུ། །སྒྲ་ཡིག་ཨ་ནི་སྦྱོར་བར་བྱ། །མེ་མཚམས་འདབ་མར་གནས་པ་ལ་། །སྒྲ་ཡིག་ཨ་ཡིས་བརྒྱན་པར་བྱ། །དབང་ལྡན་འདབ་མར་གནས་པ་ལ། །སྒྲ་ཡིག་ཨི་དང་ལྡན་པ་ཡི། །ནུབ་ཀྱི་ཐ་མར་འགྱུར་བར་བྱ། །ལྷོ་ཡི་དབུ་མར་དེ་བཞིན་དུ། །ལྷོ་ལས་བཞི་པ་གང་ཡིན་འབྱོར་། །ཚེག་དྲག་ཡི་གེ་ཨི་ལྡན་པ། །འདུས་པ་གསུངས་པ་ཡིན་པའོ། །རླུད་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིས་སྦྱོར་བར་བྱ། །དབུས་ལས་དབུ་མ་དེ་བཞིན་ཡང། །མེ་མཚམས་སྟན་དང་ལྡན་པ་ཡི། །ལྷོ་ཡི་དབུ་མ་འགྱུར་བར་བྱ།། དབུས་ལས་དང་པོ་བཟུང་ནས་སུ། །སྒྲ་ཡིག་གཉིས་པ་ལྡན་པ་ཡི། །བྱང་གི་དང་པོ་ཡང་ཡིན་ཏེ། ཁྲར་ལས་དང་པོ་བཟུང་བ་ལ། །སྒྲ་ཡིགཨེ་ནི་སྦྱོར་བར་བྱ། །ལྷོ་ལས་དབུམདེབཞིནདུ། །ཚེགདྲགཡི་གེར་ལྡན་པའོ། །ཞེས་རྡོ་རྗེ་རྣལ་འབྱོར་མ་རྣམས་ཀྱིའོ། །རླུ་་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་ཡིས་བརྒྱན་པ་སྟེ། །དབང་ལྡན་ཕྱི་རོལ་གང་ཡིན་པ། །སྒྲ་ཡིག་ཨེ་ནི་སྦྱོར་བར་བྱ། །ལྷོ་ལས་དང་པོ་གང་ཡིན་པ། །གཉིས་པ་རུ་ནི་སྦྱོར་བྱས་ལ། །ཐིག་ལེ་ཨི་ཡིག་ལྡན་པ་ར་བྱ། །དེ་ཡང་དྲུག་པར་འགྱུར་བ་སྟེ། །བྱང་ལས་དབུ་མ་དེ་བཞིན་དུ། །དབུ་མའི་ཐ་མ་ཡང་ཡིན་ཏེ་། །ནུབ་ལས་དང་པོ་རྟག་ཏུ་ནི། །ཨ་ཡིག་མེད་པར་འགྱུར་བའོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུད་མཚམས་ཕྱི་རོལ་པ་བཟུང་ནས། །ཐིག་ལེ་ཨེ་ཡིག་ལྡན་པར་བྱ། །དབུས་ལས་དབུ་མ་བཟུང་བ་དང། །མེ་མཚམས་སྟན་དང་ལྡན་པ་ཡི། །ལྷོ་ལས་དབུ་མ་འགྱུར་བྱས་ཏེ། །ཡི་གེ་ཨ་དང་ལྡན་པར་བྱ། །དབུས་ལས་ཐ་མ་བཟུང་ནས་སུ། བདེན་བྲལ་འདབ་མར་གནས་པ་ཡང། །དབུས་ལས་དང་པོ་བཟུང་ནས་སུ། །སྒྲ་ཡིག་ཨ་ནི་སྦྱོར་བར་བྱ། །དབང་ལྡན་ཕྱི་རོལ་པ་ཉིད་ལ། །སྒྲ་ཡིག་ཨེ་དང་སྦྱོར་བར་བྱ། །དབུས་ལས་ཐ་མ་བཟུང་ནས་སུ། །ནུབ་ལས་དང་པོ་ཡང་བཟུང་སྟེ། །ཨ་ཡིག་མེད་པར་བྱས་པ་ནི། །མཁའ་འགྲོ་མ་རུ་གྲགས་པའོ། །གོ་རྡི་ཙོ་རྡི་པྲ་མོ་ཧ། །བི་ཏྭ་སྙི་ཞེས་བྱ་བ་བཞི། །རྡོ་རྗེ་རྣལ་འབྱོར་མ་དག་ཡིན། །པུསྐ་སྙི་དང་ཙཎྜསྙི། །ཀྟསྨ་ཁྲག་འཐུང་འདྲ་བ་བཞི། །རྡོ་རྗེ་མཁའ་འགྲོ་མ་དག་ཡིན། །རླུད་མཚམས་ཕྱི་རོལ་པ་བཟུང་ནས། །སྒྲ་ཡིག་ཨེ་དང་ལྡན་པར་བྱ། །དབུས་ལས་དབུམདེབཞིན ཏེ། །མེམཚམས་འདབ་མ་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །མེ་མཚམས་འདབ་མར་གནས་པ་ཉིད། །སྒྲ་ཡིག་ཨི་དང་ལྡན་པ་ཡི། །བྱང་ལས་དང་པོ་འགྱུར་བར་བྱ། །དབུས་ལས་དང་པོ་དེ་བཞིན་དུ། །ཐིག་ལེ་ཡང་དག་ལྡན་པའོ། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་གསུངས་སོ། །དབུས་ལས་དབུ་མ་དེ་བཞིན་དུ། །ཐིག་ལེ་ང་རོ་ཡང་དག་ལྡན། །དབུས་ལས་ཐ་མ་བཟུང་བ་དང། །ཡི་གེ་ཨ་དང་ལྡན་པ་ཡི། །རླུད་མཚམས་ཕྱི་རོལ་གནས་པར་འགྱུར། །མེ་མཚམས་འདབ་མར་གནས་པ་ཉིད། །བྱང་ལས་དང་པོ་ཡང་ཡིན་ཏེ། །དབུས་ལས་དབུ་མ་པ་ཡང་བཟུང། །ཨེ་ཡིག་མེ་མཚམས་དང་ལྡན་པའི། །ལྷོ་ནས་དབུ་མ་འགྱུར་བར་བྱ། །རླུ་་མཚམས་ཕྱི་རོལ་པ་བཟུང་ནས། །ཚེག་དྲག་ཨོ་ཡིག་སྦྱོར་བས་སོ། །ཞེས་བཅོམ་ལྡན་འདས་དཔལ་བདེ་བ་ཆེན་པོ་རྡོ་རྗེ་སེམས་དཔས་གསུངས་སོ། །ཨོ་ཡིག་ཐིག་ལེ་དང་ལྡན་པའི་། །དབུས་ལས་དབུ་མ་ཡང་ཡིན་ཏེ། །མེ་མཚམས་འདབ་མ་ཅན་ལྡན་པའི་། །དབུས་ལས་དབུ་མ་འགྱུར་བའོ། །ཨོ་ཡིག་དང་ནི་ལྡན་པ་ཡི། །བདེན་བྲལ་འདབ་མར་གནས་དེ་བཞིན། །ལྷོ་ལས་དང་པོ་དེ་བཞིན་དུ། །ཡི་གེ་ཨི་ཡིག་ལྡན་པ་ཡི། །བྱང་ལས་ཐ་མ་ཡང་ཡིན་ཏེ། །དབང་ལྡན་འདབ་མར་གནས་པ་ལ། །ཟླ་ཚེས་ཐིག་ལེ་གཙུག་གི་ཞལ། །ཞེས་བཅོམ་ལྡན་འདས་དཔལ་ཐོགས་པ་མེད་པའི་ཤིན་ཏུ་དགའ་བའི་རྡོ་རྗེ་སེམས་དཔས་གསུངས་སོ། །མེ་མཚམས་འདབ་མར་གནས་པ་ལ། །ཟླ་ཚེས་ཐིག་ལེ་གཙུག་གི་ཞལ། །དབུས་ལས་ཐ་མ་ཡང་དེ་བཞིན། །སྒྲ་ཡིག་ཨ་དང་སྦྱོར་བ་ཡི། །རླུད་མཚམས་ཕྱི་རོལ་པར་འགྱུར་ཏེ། །དབང་ལྡན་ཕྱི་རོལ་གནས་ཉིད་ལ། །མེ་མཚམས་སྟན་དང་ལྡན་པ་སྟེ། །སྒྲ་ཡིག་ཨོ་དང་སྦྱོར་བར་བྱ། །བཞི་པར་ཡོངས་སུ་གྲགས་པ་ཡིན། །དབུས་ལས་དབུ་མ་པ་ཉིད་དང། །མེ་མཚམས་སྟན་དང་ལྡན་པ་ཡི། །སྒྲ་ཡིག་ཨེ་དང་སྦྱོར་ནས་སུ། །ལྷོ་ལས་དབུ་མ་འགྱུར་བར་བྱ། །རླུད་མཚམས་ཕྱི་རོལ་གནས་པ་ཡང། །སྒྲ་ཡིག་ཨི་དང་སྦྱོར་བྱས་ཏེ། །ཚེག་དྲག་ལྷན་ཅིག་འདོད་པའོ། །དེ་དག་༼འདིའི་བར་མ་དཔེ་ལ་དོགས་པ་ཡོདསྐམདའ་རྣོན་འཛིན་མ་ལ་སོགས་པ་གྲྭའི་ལྷ་མོ་ལ་སོགས་བཞི་རྣམས་ཀྱའོ། །མེ་ཏོག་མ་སོགས་འདུས་པ་དང་། །སྒོ་སྲུང་མ་སོགས་འདུས་པ་སྟེ། །རྩ་བའི་དཀྱིལ་འཁོར་ཚུལ་གྱིས་ནི། །ཇི་བཞིན་ཡང་དག་འབྱུང་བའོ། །ཞེས་བཅོམ་ལྡན་འདས་དཔལ་ཐོགས་པ་མེད་པའི་ཤིན་ཏུ་དགའ་བའི་རྒྱལ་པོ་རྡོ་རྗེ་སེམས་དཔས་གསུངས་ཏེ། རྡོ་རྗེ་མཁའ་འགྲོ་མ་ཡི་དཀྱིལ་འཁོར་ལ། སྔགས་འབྱུང་བའི་ཚོགས་ཀྱི་ཕྱག་རྒྱ་ཤེས་པའོ། །ཨོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་བཟུང་བྱས་ཏེ། །བདེན་བྲལ་ཕྱི་རོལ་པ་ལ་སོགས། །དབུས་ལས་བཞི་པ་གང་ཡིན་པ། །སྒྲ་ཡིག་ཨ་དང་སྦྱོར་བར་བྱ། །དབུས་ལས་དབུ་མ་བཟུང་བ་དང། །དབང་ལྡན་ཕྱི་རོལ་གནས་པ་ལ། །སྒྲ་ཡིག་ཨུ་དང་སྦྱོར་བར་བྱ། །བྱང་ལས་བཞི་པ་གང་ཡིན་པ། །རྩེགས་མར་དེ་བཞིན་ལྕི་བར་འདོད། །དབུས་ལས་དང་པོ་བཟུང་བ་དང་། །བྱང་ནས་དབུ་མ་ཡང་ཡིན་ཏེ། །དབུས་ལས་ཐ་མ་དང་སྦྱོར་བ། །བརྒྱད་པར་ཡོངས་སུ་གྲགས་པ་ཡིན། །བྱང་ནས་ཐ་མར་དེ་བཞིན་དུ། །ཨོ་ཡིག་མེ་མཚམས་དང་ལྡན་པ། །བྱང་ནས་དང་པོ་ཡང་ཡིན་ཏེ། །དབུས་ལས་དབུ་མ་དང་སྦྱོར་ཏེ། །དབང་ལྡན་ཕྱི་རོལ་གནས་པ་ཡང་། །མེ་མཚམས་འདབ་མ་བཟུང་ནས་སུ། །རླུད་མཚམས་ཕྱི་རོལ་གནས་པ་ལ། །མེ་མཚམས་པ་སྟན་ལྡན་བྱས་ཏེ། །ཚེག་དྲག་ཨི་ཡིས་སྦྱོར་བས་སོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ཨོ་ཡིག་ཐིག་ལེ་དང་ལྡན་པར། །བདེན་བྲལ་ཕྱི་རོལ་གནས་པ་ཡང་། །མེ་མཚམས་པ་ཡི་གནོན་པ་ཡི། །དབུས་ལས་དབུ་མ་འགྱུར་བར་བྱ། །བྱང་ལས་དང་པོ་བཟུང་ནས་སུ། །སྒྲ་ཡིག་ཨ་དང་ལྡན་པ་ཡིས། །བྱང་ནས་གཉིས་པ་གང་ཡིན་པ། ཁྲར་ལས་གསུམ་པ་གང་ཡིན་དང་། །བྱང་ནས་དང་པོ་ཡང་ཡིན་ཏེ། །དབུས་ལས་དང་པོ་བཟུང་ནས་སུ། །བྱང་ནས་དབུ་མ་པ་་ཐ་ཡང་། །དབུས་ལས་ཐ་མ་དང་སྦྱོར་ཏེ། ། ཡི་གེ་ཨི་དང་གཅིག་པར་འདོད། །ལྷོ་ནས་དབུ་མ་བཟུང་ནས་སུ། །ཚེག་དྲག་ལྕི་བ་ཁོ་ནའོ། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་གསུངས་སོ། །རླུད་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་སྦྱོར་བར་བྱ། །དབུས་ལས་དབུ་མ་པ་བཟུང་བ། །མེ་མཚམས་པ་སྟན་ལྡན་པ་ཡི། །ལྷོ་ལས་དབུ་མ་འགྱུར་བར་བྱ། །དབུས་ལས་དང་པོ་བཟུང་ནས་སུ། །བྱང་ནས་དབུ་མ་པ་ལ་ཡང་། །དབུས་ལས་ཐ་མ་དང་སྦྱོར་ལ། །སྒྲ་ཡིག་ཨི་དང་ལྡན་པར་བྱའོ། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་གསུངས་སོ། །རླུང་མཚམས་ཕྱི་རོལ་པ་བཟུང་ནས། །སྒྲ་ཡིག་ཨེ་དང་སྦྱོར་བར་བྱ། །དབུས་ལས་དང་པོ་བཟུང་བ་དང་། །བྱང་ནས་དབུ་མ་པ་ལ་ཡང་། །དབུས་ལས་ཐ་མ་པ་སྦྱོར་ལ། །སྒྲ་ཡི་ཨི་དང་ལྡན་པར་བྱ། །དེ་ནི་ལན་གཉིས་བརྗོད་བྱས་ཏེ། །དབུས་ལས་དབུ་མ་འགྱུར་བ་ལ། །ཐིག་ལེ་ང་རོ་ལྡན་བྱས་ལ། །དེ་ནི་དྲུག་པོར་ཡོངས་གྲགས་སོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུད་མཚམས་ཕྱི་རོལ་པ་བཟུང་ནས། །ཚེག་དྲག་ཨོ་ཡིག་སྦྱོར་བར་བྱ། །དབུས་ལས་དང་པོ་བཟུང་ནས་ནི། །བྱང་ལས་དབུ་མ་དང་ལྡན་པའི། །དབུས་ཀྱི་ཐ་མ་བཟུང་བ་དང་། །ནུབ་ལས་ཐ་མ་བཟུང་བ་ལ། །སྒྲ་ཡིག་ཨེ་ནི་སྦྱོར་བར་བྱ། །མེ་ཡི་འདབ་མར་གནས་པ་ལ། །སྒྲ་ཡིག་ཨ་དང་སྦྱོར་བར་བྱ། །ལྷོ་ལས་དབུ་མ་བཟུང་ནས་སུ། །ཐིག་ལེ་ང་རོ་ལྡན་པར་བྱ། །ཞེས་བཅོམ་ལྡན་འདས་ཤིན་ཏུ་དགའ་བའི་རྡོ་རྗེ་སེམས་དཔས་རྣམ་པར་གཟིགས་མ་དང་། །སྒྲོལ་མ་དང་ས་འཛིན་མ་དང་ཁྲོ་གཉེར་མ་ཞེས་པའི་པདྨའི་གཙོ་མོའི་ལྷ་མོ་བཞི་གསུངས་པའོ། །རླུད་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་སྦྱོར་བར་བྱ། །དབུས་ལས་དང་པོ་བཟུང་བ་དང་། །བྱང་ནས་དབུ་མ་གང་ཡིན་པ། །དབུས་ལས་ཐ་མ་དང་སྦྱོར་ཏེ། །དེ་ནི་རྟག་པར་ལྕི་བར་འགྱུར། །ལྷོ་ལས་དང་པོ་བཟུང་ནས་སུ། །ཐིག་ལེ་དང་ནི་མཉམ་པོར་ལྡན། །ནུབ་ནས་དབུ་མ་པ་ཉིད་ལ། །ཨི་ཡིག་དང་ནི་ལྡན་པར་བྱ། །དབང་ལྡན་ཕྱི་རོལ་པ་བཟུང་ནས། །དབུས་ལས་དབུ་མ་དང་སྩོར་བྱ། །མེ་མཚམས་འདབ་མར་གནས་པ་ཉིད། །སྒྲ་ཡིག་ཨུ་ཡིས་རྣམ་པར་བརྒྱན། །རླུད་མཚམས་ཕྱི་རོལ་པ་ལ་ཡང་། །ཡི་གེ་ཨུ་དང་མཉམ་ལྡན་ལ། །ཐིག་ལེ་ང་རོ་ཡང་དག་ལྡན། །དབུས་ལས་གཉིས་པ་གང་ཡིན་པ། །ཨ་མེད་ནུབ་ཀྱི་དང་པོའོ། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་གསུངས་སོ། །རླུང་མཚམས་ཕྱི་རོལ་པ་བཟུང་ནས། །སྒྲ་ཡིག་ཨེ་ནི་སྦྱོར་བར་བྱ། །དབུས་ལས་ཐ་མ་བཟུང་བ་དང་། །སྒྲ་ཡིག་ཨེ་དང་ལྡན་པ་ཡི། །རླུང་མཚམས་ཕྱི་རོལ་པ་འཀྱུར་ཏེ། །དབུས་ལས་དབུ་མ་པ་ཉིད་ལ། །སྒྲ་ཡིག་ཨི་ནི་སྦྱོར་བར་བྱ། །དབང་ལྡན་ཕྱི་རོལ་པ་ལ་ཡང་། །དབུས་ལས་དབུ་མ་དང་ལྡན་བྱ། །དབུས་ལས་དང་པོ་བཟུང་བ་དང་། །བྱང་ནས་དབུ་མ་པ་ལ་ཡང་། །དབུས་ལས་ཐ་མ་དང་སྦྱར་ཏེ། །དེ་ནི་རྟག་ཏུ་ལྕི་བར་འགྱུར། །དེ་བཞིན་དབུས་ལས་ཐ་མ་ཡང་། །སྒྲ་ཡིག་ཨུ་དང་སྦྱོར་བར་བྱ། །ཨེ་ཡིག་མེ་མཚམས་ཅན་ལྡན་པའི། །བྱང་ལས་དང་པོ་འགྱུར་བར་བྱ། །བདེན་བྲལ་ཕྱི་རོལ་པ་བཟུང་ལ། །སྒྲ་ཡིག་ཨི་ནི་སྦྱོར་བར་བྱ། །བྱང་ལས་བཞི་པ་གང་ཡིན་པ། །དབང་ལྡན་འདབ་མ་ཅན་གྱི་སྟན། །རླུད་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་སྦྱོར་བར་བྱ། །དབུ་མའི་གཉིས་པ་གང་ཡིན་པ། །ནུབ་ཀྱི་དང་པོ་འགྱུར་བར་བྱ། །དེ་ལ་ཨ་ཡིག་མེད་ཅེས་པ། །བདག་གིས་ཐམས་ཅད་དུ་ནི་བཤད། །ཅེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུད་མཚམས་ཕྱི་རོལ་པ་བཟུང་ནས། །མེ་མཚམས་པ་ཡི་སྟན་དང་ལྡན། །ཚེག་དྲག་ཨི་ཡིག་ལྡན་པ་ནི། །སྤྲས་པ་དག་གི་ཡི་གེ་སྟེ། །དང་པོ་པར་ནི་ཡོངས་སུ་གྲགས། །དབུས་ལས་དང་པོ་བཟུང་བ་དང་། །བྱང་ནས་དབུ་མ་ཡང་ཡིན་ལ། །དབུས་ལས་ཐ་མ་དང་སྦྱོར་ཏེ། སྒྲ་ཡིག་ཨི་དང་སྦྱོར་བ་ཡི། །མཁས་པས་ལན་གཉིས་བརྗོད་པར་བྱ། །རླུད་མཚམས་ཕྱི་རོལ་པ་ལ་ཡང་། །ཐིག་ལེ་ཨུ་ཡིག་གིས་བརྒྱན་ཏེ། །ཐ་མར་ཡི་གེ་ཨ་ལ་ཡང་། །ཐིག་ལེ་དང་ནི་ལྡན་པར་བྱ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །རླུད་མཚམས་ཕྱི་རོལ་པ་བཟུང་ནས། །ཚེག་དྲག་ཨོ་ཡིག་སྦྱོར་བར་བྱ། །དབུས་ལས་དང་པོ་བཟུང་བ་དང་། །བྱང་ལས་དབུ་མ་པ་ལ་ཡང་། །དབུས་ལས་ཐ་མ་དང་སྦྱར་ཏེ། །སྒྲ་ཡིག་ཨ་ཡིས་བརྒྱན་པར་བྱ། །དབུས་ལས་དབུ་མ་པ་ཉིད་ལ། །སྒྲ་ཡིག་ཨི་དང་སྦྱོར་བར་བྱ། །དབུས་ལས་དབུ་མ་ཉིད་ལ་ཡང་། །དབང་ལྡན་ཕྱི་རོལ་པ་བཟུང་ནས། །དབུས་ལས་དབུ་མ་དང་སྦྱར་ཏེ། །སྒྲ་ཡིག་ཨེ་དང་ལྡན་པ་ནི། །རྟག་པར་ལྕི་བར་གྱུར་པ་ཡིན། ཁྲར་ལས་དང་པོ་བཟུང་ནས་ནི། །མེ་མཚམས་པ་ཡི་གདན་དང་ལྡན། །དབུས་ལས་ཐ་མ་བཟུང་བ་ལ སྒྲ་ཡིག་ཨ་དང་སྦྱོར་བར་བྱ། ཁྲར་ལས་དང་པོ་བཟུང་ནས་སུ། །མེ་མཚམས་པ་ཡི་གདན་དང་ལྡན། །དབུས་ལས་ཐ་མ་པ་ཡང་ཡིན། །རླུད་མཚམས་ཕྱི་རོལ་པ་བཟུང་ལ། །ཐིག་ལེ་ཨུ་ཡིག་སྦྱོར་བར་བྱ། །ལྷོ་ནས་དབུ་མ་དེ་བཞིན་དུ། ཚེག་དྲག་ལྕི་བ་ཅན་ལྡན་ནོ། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་པདྨའི་ན་བཟའ་དང། སྣངའགྲོམབྱུང། །རྡོ་རྗེ་པདྨའི་དབང་ཕྱུག་མ་དང་། པདྨ་གར་གྱི་དབང་ཕྱུག་མ་དང་། སྣ་ཚོགས་པདྨ་ཞེས་བྱ་བ་པདྨ་རིགས་ཀྱི་ལྷ་མོ་བཞི་གསུངས་སོ། །གླིང་བུ་མ་ཚོགས་འདུས་པ་དང་། སྒོ་སྲུང་མ་ཚོགས་འདུས་པ་སྟེ། །མེ་ཏོག་མ་ཚོགས་འདུས་པ་ཡང་། །པདྨས་མཚན་མ་འཛིན་པར་ཟད། །དང་པོའི་དཀྱིལ་འཁོར་ཚུལ་གྱིས་ནི། །ཇི་བཞིན་ཡང་དག་འབྱུང་བའོ། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་གསུངས་ཏེ། དཔལ་པདྨ་གར་གྱི་དབང་ཕྱུག་གི་དཀྱིལ་འཁོར་ལ་སྔགས་བྱུང་བའི་ཚོགས་ཀྱི་ཕྱག་རྒྱ་ཤེས་པའོ། །ཨོ་ཡིག་ཐིག་ལེ་དང་ལྡན་པར། །སྒྲ་ཡིག་ཨི་དང་ལྡན་པའོ། །བདེན་བྲལ་ཕྱི་རོལ་པ་ལ་ཡང་། །བྱང་ལས་བཞི་པ་གང་ཡིན་པ། །དབང་ལྡན་འདབ་མ་ཅན་དང་ལྡན། །དབུས་ལས་བཞི་པ་གང་ཡིན་པ། །ཚེག་དྲག་ཨུ་ཡིག་སྦྱོར་བར་བྱ། །བདེན་བྲལ་ཕྱི་རོལ་པ་བཟུང་ནས། །སྒྲ་ཡིག་ཨི་ཡིས་བརྒྱན་པ་སྟེ། །བྱང་ལས་བཞི་པ་གང་ཡིན་པ། །དབང་ལྡན་འདབ་མ་ཅན་དང་ལྡན། །དབུས་ལས་བཞི་པ་གང་ཡིན་པ། །སྒྲ་ཡིག་ཨུ་དང་སྦྱོར་བར་བྱ། །དེ་བཞེན་དབུས་ལས་དབུ་མ་ལ། །ཚེག་དྲག་དང་ནི་མཉམ་པོར་ལྡན། །བདེན་བྲལ་ཕྱི་རོལ་པ་བཟུང་ནས། སྒྲ་ཡིག་ཨི་དང་སྦྱོར་བར་བྱ། །བྱང་ལས་བཞི་པ་གང་ཡིན་པ། །དབང་ལྡན་འདབ་མ་ཅན་དང་ལྡན། །བདེན་བྲལ་ཕྱི་རོལ་པ་བཟུང་ནས། །ཚེག་དྲག་མཉམ་པོར་ལྡན་པ་ཡི། །དབུས་ལས་ཐ་མ་པ་དང་ལྡན། །དེ་བཞིན་བདེན་བྲལ་ཕྱི་རོལ་པ། །སྒྲ་ཡིག་ཨི་དང་སྦྱོར་བར་བྱ། །བྱང་ལས་བཞི་པ་གང་ཡིན་པ། །དབང་ལྡན་འདབ་མ་ཅན་དང་ལྡན། །དབུས་ལས་བཞི་པ་གང་ཡིན་པ། །ཡི་གེ་ཨ་དང་མཉམ་ལྡན་པའི། །རླུད་མཚམས་ཕྱི་རོལ་པ་འགྱུར་བྱ། དེ་བཞིན་དབུ་ལས་དབུ་མ་ཡང་། །མེ་མཚམས་པ་ཡི་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །མེ་མཚམས་འདབ་མ་དེ་བཞིན་དང་། །བྱང་ལས་དང་པོ་སྦྱོར་བ་ཡིས། །བྱང་ལས་ཐ་མ་འགྱུར་བར་བྱ། །དབུས་ལས་དབུ་མ་དེ་བཞིན་དུ། །ལན་གཉིས་པར་ནི་བརྗོད་པར་བྱ། །དེབཞིནནུབཀྱིདངཔོ་ཡང་། །ལན་གཉིས་པར་ནི་བརྗོད་པར་བྱ། །མེ་མཚམས་པ་ཡི་སྟན་ལྡན་པ། །བྱང་ལས་དང་པོ་འགྱུར་བར་བྱ། །ཐིག་ལེ་ཨ་ཡིག་ལྡན་པ་ཡི། །ནོརཆེནརྡོརྗེཉིམ་ཡིན། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་གསུངས་སོ། །དབུས་ལས་དབུ་མ་བཟུང་ནས་སུ། །མེ་མཚམས་འདབ་མའི་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །བདེན་བྲལ་ཕྱི་རོལ་གནས་པ་དང་། །བྱང་ལས་དང་པོ་གང་ཡིན་དང་། །དབུས་ལས་དབུ་མ་སྦྱོར་བ་དང་། །ཚེག་དྲག་མཉམ་པོར་ལྡན་པ་ཡི། །ལྷོ་ལས་དབུ་མ་འགྱུར་བར་བྱ། །མེ་མཚམས་འདབ་མ་ཅན་དེ་བཞིན། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དབུས་ལས་དབུ་མ་དེ་བཞིན་དུ། །མེ་མཚམས་པ་ཡི་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །མེ་མཚམས་འདབ་མ་ཅན་དེ་བཞིན། །བྱང་ལས་དང་པོ་སྦྱོར་བ་ཡི། །བྱང་ལས་ཐ་མ་འགྱུར་བར་བྱ། །རླུང་མཚམས་ཕྱི་རོལ་པ་བཟུང་ལ། །ཐིག་ལེ་ཨུ་ཡིག་སྦྱོར་བའོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དབུས་ལས་དབུ་མ་བཟུང་བ་དང་། །མེ་མཚམས་པ་ཡི་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །བྱང་ལས་བཞི་པ་གང་ཡིན་དང་། །མེ་མཚམས་འོག་ཏུ་ལྡན་པ་ཡི། །དབུས་ལས་ཐ་མ་འབྱུང་བར་བྱ། །དབུས་ལས་དབུ་མ་དེ་བཞིན་དུ། །ཐིག་ལེ་དང་ནི་མཉམ་ལྡན་ནོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དབུས་ལས་དབུམདེབཞིནདུ། །མེམཚམས་པ་ཡི་གདན་སྦྱོར་བའི། །ལྷོ་ལས་དབུ་མ་འགྱུར་བར་བྱ། ཁྲར་ལས་དང་པོ་བཟུང་བ་དང་། །མེ་༄༅ མཚམས་པ་ཡི་མགོར་སྦྱོར་བའི། །དབུས་ལས་ཐ་མ་འགྱུར་བར་བྱ། །རླུད་མཚམས་ཕྱི་རོལ་པ་བཟུང་ནས། །ཚེག་དྲག་ཨེ་ཡིག་སྦྱོར་བའོ། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་དབང་བསྐུར་མ་དང་། མཇོད་གཏེར་མ་དང་། རྒྱལ་མཚན་མཆོག་མ་དང་། མཆོད་ཆེན་མོ་ཞེས་བྱ་བ་ལྷ་མོ་བཞི་གསུངས་སོ། །ཨོ་ཡིག་ཐིག་ལེ་དང་ལྡན་པ། །ཨི་ཡིག་མེ་མཚམས་ཅན་ལྡན་པའི། །དབུས་ལས་དང་པོ་འགྱུར་བར་བྱ། །ཡི་གེ་ཨེ་དང་མཉམ་ལྡན་པའི། །བྱང་ལས་དང་པོ་ཡང་ཡིན་ཏེ། །དབུས་ལས་དབུ་མ་དེ་བཞིན་དང་། །ཨེ་ཡིག་མེ་མཚམས་ཅན་ལྡན་པའི། །ལྷོ་ལས་དབུ་མ་འགྱུར་བར་བྱ། །ནུབ་ནས་ཐ་མ་བཟུང་ནས་སུ། །དབུས་ལས་དབུ་མ་ཡང་ཡིན་ཏེ། །སྒྲ་ཡིག་ཨི་དང་སྦྱོར་བར་བྱ། །དབུས་ལས་ཐ་མ་བཟུང་ནས་སུ། །ནུབ་ཀྱི་དང་པོ་དེ་བཞིན་ཏེ། །རྟག་པར་ཨ་མེད་འགྱུར་བའོ། །ཞེས་བཅོམ་ལྡན་འདས་དཔལ་རྡོ་རྗེ་འཛིན་པས་གསུངས་སོ། །ཨོ་ཡིག་ཐིག་ལེ་དང་ལྡན་པར། །དབུས་ལས་དབུ་མ་ཡང་ཡིན་ཏེ། །མེ་མཚམས་པ་ཡི་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །ཨི་ཡིག་མེ་མཚམས་པ་ལྡན་པའི། །དབུས་ལས་དང་པོ་འགྱུར་བར་བྱ། །ཡི་གེ་ཨེ་དང་མཉམ་ལྡན་པའི། །བྱང་ལས་དང་པོ་ཡང་ཡིན་ཏེ། །མེ་མཚམས་པ་ཡི་སྟན་ལྡན་པའི། །རླུད་མཚམས་ཕྱི་རོལ་ལ་གནས་པ། །ཚེག་དྲག་ཡི་གེ་ཨི་དང་སྦྱར། །དེ་ནི་འགྱུར་བར་ཐེ་ཚོམ་མེད། །ཅེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ཨོ་ཡིག་ཐིག་ལེ་དང་ལྡན་དང་། །ཐིག་ལེ་ཨེ་ཡིག་ལྡན་པ་ཡི། །ལྷོ་ལས་དང་པོ་འགྱུར་བར་བྱ། །ཡི་གེ་ཨ་དང་མཉམ་ལྡན་པའི། །དེ་ནས་བྱང་གི་དང་པོ་སྟེ། །དབུས་ལས་ཐ་མ་དེ་བཞིན་དུ། །ཨི་ཡིག་དང་ནི་སྦྱོར་བ་ཡི། །ནུབ་ཀྱི་ཐ་མ་འགྱུར་བར་བྱ། །ཚེག་དྲག་ཨོ་ཡིག་དང་ལྡན་པའི། །རླུང་མཚམས་ཕྱི་རོལ་པར་གྱུར་པའོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ཨོ་ཡིག་ཐིག་ལེ་དང་ལྡན་པ། །དབུས་ལས་དབུ་མ་ཡང་ཡིན་ཏེ། །མེ་མཚམས་པ་ཡི་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །དབུས་ལས་ཐ་མ་དེ་བཞིན་དུ། །ཡི་གེ་ཨེ་དང་མཉམ་སྦྱོར་བའི། །མེ་མཚམས་ཕྱི་རོལ་པར་འགྱུར་ཏེ། །དེ་བཞིན་དབུས་ནས་ཐ་མ་དང་། །ཡི་གེ་ཨ་དང་མཉམ་ལྡན་པའི། །རླུད་མཚམས་ཕྱི་རོལ་འགྱུར་བར་བྱ། །ཐིག་ལེ་ཨུ་ཡིག་དང་ལྡན་པའི། །མེ་མཚམས་ཕྱི་རོལ་པར་འགྱུར་རོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་མདའ་གཞུ་འཛིན་མ་དང་། རྡོ་རྗེ་ཁ་ཊ༷་མ་དང་། རྡོ་རྗེ་ཉི་མ་མོ་དང་། རྡོ་རྗེ་བསྲེག་བྱ་ཟ་བ་མོ་ཞེས་བྱ་བའི་རྡོ་རྗེ་ཉི་མའི་ལྷ་མོ་བཞི་གསུངས་སོ། །གླིང་བུ་མ་སོགས་འདུས་པ་དང་། །སྒོ་སྲུང་མ་སོགས་འདུ་བ་སྟེ། །མེ་ཏོག་མ་སོགས་འདུས་ནས་ཀྱང་། །རྩ་བའི་དཀྱིལ་འཁོར་ལ་བསྐྱེད་འདོད། །ཅེས་བཅོམ་ལྡན་འདས་དཔལ་བདེ་བ་ཆེན་པོ་རྡོ་རྗེ་སེམས་དཔས་གསུངས་སོ། །རྡོ་རྗེ་ཉི་མའི་དཀྱིལ་འཁོར་ལས། །སྔགས་འབྱུང་བའི་ཚོགས་ཀྱི་ཕྱག་རྒྱ་ཤེས་པའོ། །ཨོ་ཡིག་ཐིག་ལེ་དང་ལྡན་པ། །དེ་བཞིན་བདེན་བྲལ་ཕྱི་རོལ་པ། །ཐིག་ལེ་ཨུ་ཡིག་སྦྱོར་བར་བྱ། །དབུས་ལས་བཞི་པ་གང་ཡིན་དང་། །ཡི་གེ་ཨི་དང་མཉམ་ལྡན་པའི། །བྱང་གི་ཐ་མར་འགྱུར་བར་བྱ། །ཡི་གེ་ཨུ་ཡིག་དང་ལྡན་པའི། །བདེན་བྲལ་ཕྱི་རོལ་པ་ཡིན་ཏེ། །དབུས་ལས་བཞི་པ་གང་ཡིན་དང་། །ཐིག་ལེ་ཨུ་ཡིག་དང་ལྡན་པའི། །རླུད་མཚམས་ཕྱི་རོལ་པ་འགྱུར་ཏེ། །རྟ་མཆོག་རྒྱལ་པོའི་གསང་སྔགས་ཏེ། །ཐམས་ཅད་དུས་སུ་བཟླ་བར་བྱ། །ལས་རྣམས་ཐམས་ཅད་འགྲུབ་པ་ནི། །འཇོམས་པ་ལས་གྲུབ་དྲན་ལས་དགའ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ཨོ་ཡིག་ཐིག་ལེ་དང་ལྡན་པར། །དེ་བཞིན་དབུས་ལས་དབུ་མ་པ། །སྒྲ་ཡིག་ཨི་དང་སྦྱོར་བར་བྱ། །དབང་ལྡན་ཕྱི་རོལ་དེ་བཞིན་ཏེ། །དབུས་ལས་དབུ་མ་དང་ལྡན་བྱ། །དབུས་ལས་དབུ་མ་དེ་བཞིན་ཏེ། །མེ་མཚམས་པ་ཡི་སྟན་ལྡན་པའི། །ལྷོ་ལས་དབུ་མ་ཡང་ཡིན་ཏེ། །བྱང་ལས་བཞི་པ་གང་ཡིན་དང་། །མེ་མཚམས་པ་ཡི་མཉམ་གནོན་པའི། །དབུས་ལས་ཐ་མ་འགྱུར་ལྡན་བྱ། །ལྷོ་ལས་དབུ་མ་ཡང་ཡིན་ཏེ་། །ཚེག་དྲག་ཨི་ཡིག་ལྡན་པ་ནི། །སྣ་ཚོགས་པཟློ་ཞེས་སུ་གྲགས། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །ཨོ་ཡིག་ཐིག་ལེ་དང་ལྡན་པར། །ཨི་ཡིག་དང་ནི་མཉམ་ལྡན་པའི། །དབུས་ལས་དབུ་མ་ཡང་ཡིན་ཏེ། །དབང་ལྡན་ཕྱི་རོལ་པ་བཟུང་ནས། །དབུས་ལས་དབུ་མ་ལྡན་པར་བྱ། །དབུས་ལས་དབུ་མ་དེ་བཞིན་ཏེ། །མེ་མཚམས་པ་ཡི་སྟན་ལྡན་པའི། །ལྷོ་ལས་དབུ་མ་འགྱུར་བར་བྱ། །བདེན་བྲལ་ཕྱི་རོལ་བཟུང་བ་དང་། །དབུས་ལས་དབུ་མ་ལྡན་པ་ཡི། །བྱང་ལས་དང་པོ་འགྱུར་བར་བྱ། །ཚེག་དྲག་དང་ནི་མཉམ་ལྡན་པའི། །རླུད་མཚམས་ཕྱི་རོལ་པ་ཡང་ཡིན། །རྟ་ཡི་རྒྱལ་པོའི་དཀྱིལ་འཁོར་ལ། །སྣ་ཚོགས་རྡོ་རྗེ་ཞེས་གྲགས་སོ། །གང་དང་གང་གི་དབུས་ལ་ནི། །རྟ་མཆོག་འདི་ནི་གཞག་བྱས་ན། །དེ་ཉིད་དེ་ཡི་དཀྱིལ་འཁོར་ཡིན། །ཡུལ་འཁོར་ཐམས་ཅད་འདུལ་བའོ། །ཞེས་བཅོམ་ལྡན་འདས་ཐོགས་མེད་ཤིན་ཏུ་དགའ་བ་དཔལ་རྡོ་རྗེ་སེམས་དཔས་གསུངས་ཏེ། །རྟ་མཆོག་གི་དཀྱིལ་འཁོར་ལ་སྔགས་འབྱུང་བའི་ཚོགས་ཀྱི་ཕྱག་རྒྱ་ཤེས་པའོ། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་ལས་སྔགས་ཐམས་ཅད་འབྱུང་བའི་རྟོག་པ་སྟེ་ཉི་ཤུ་པའོ།། །།དེ་ལ་ཇི་ལྟར་ཤིན་ཏུ་དགའ་བ་ཉིད་ཡིན་ཞེ་ན། སྐྱོན་མེད་རྟག་པ་གཏན་དུ་ནི། །འདོད་ཆགས་ཐམས་ཅད་རྗེས་ཆགས་ཕྱིར། །དེ་ཉིད་གསང་བ་བཅོམ་ལྡན་འདས། །འདོད་ཆགས་ཆེན་པོ་དགའ་བ་ཆེ་ཞེས་སོ། །ཇི་ལྟར་བཅོམ་ལྡན་འདས་ཀུན་ཏུ་བཟང་པོ་ཡིན་ཞེ་ན། གཏན་དུ་དགའ་བ་ཀུན་གྱི་མཆོག །གདོད་ནས་གྲོལ་བ་དེ་བཞིན་གཤེགས། །ཀུན་ཏུ་བཟང་པོ་ཀུན་གྱི་བདག །བྱང་ཆུབ་སེམས་མཆོག་ཆོ་གའོ། །དེ་ཇི་ལྟར་བཅོམ་ལྡན་འདས་དཔལ་རྡོ་རྗེ་སྙིང་པོ་ཡིན་ཞེ་ན། །དངོས་གྲུབ་ཆེན་པོ་ཀུན་གྱི་མཆོག །དབང་ཕྱུག་ཆེ་མཆོག་ཕྱག་རྒྱ་ཡིན། །རྡ་་རྗེ་དབང་ཆེན་ཐུགས་ཡརའདྲེནཔསཀྱངཀར་བསྒྱུར། །རྡོ་རྗེ་སྙིང་པོ་གཙོ་བོའི་གཙོ། །དམ་པ་དང་པོའི་སྐྱེས་བུའོ། །དེ་ལ་ཇི་ལྟར་བཅོམ་ལྡན་འདས་ཐམས་ཅད་ཀྱི་སེམས་ཉིད་ཡིན་ཞེ་ན། །བསམ་མེད་རྒྱ་ཆེན་ཟབ་པ་ནི། །དངོས་གྲུབ་ཐམས་ཅད་ཟད་མེད་བདེ། །ཀུན་གྱི་དྲི་མ་མེད་པ་ནི། །བྱང་ཆུབ་སེམས་བདག་བརྟན་པ་ཡིན། །དེ་ནས་དེའི་ཡོངས་སུ་ལས་ཀྱི་ཁྱད་པར་ནི། །སེམས་བརྟན་ཉིད་ཀྱིས་སེམས་དཔའ་སྟེ། །ཏིང་འཛིན་སེམས་དཔའ་བསྒོམ་པའོ། །རྣམ་པར་ཤེས་པ་སེམས་དཔའ་སྟེ། །རྡོ་རྗེ་ཉིད་ཡིན་རྡོ་རྗེ་ལས། །རྡོ་རྗེ་འཛིན་པ་འབྱུང་བའོ། །རྡོ་རྗེ་རྡོ་རྗེ་ཞེས་གསུངས་ནི། །ཉོན་ཅིག་རྡོ་རྗེ་གང་གསུངས་པ། །ཟླ་བ་འདྲ་བར་ཡང་དག་བློ། །རྡོ་རྗེ་ཞེས་སུ་རྣམ་པར་བཤད། །དེ་ལ་ཇི་ལྟར་བཅོམ་ལྡན་འདས་རྡོ་རྗེ་འཛིན་པ་ཆེན་པོ་ཡིན་ཞེ་ན། ཏིང་འཛིན་ལ་སོགས་རྣམ་བཞི་ཡིས། །གང་གི་བསྐྱེད་པ་ཡོད་པ་ནི། །བསྒོམས་ན་ཐམས་ཅད་བདག་ཉིད་དུ། །ཚེ་འདི་ཉིད་ལ་འགྲུབ་པར་འཀྱུར། །སེམས་དཔའི་བྱིན་གྱིས་བརླབས་ཕྱིར་ཡང་། །རང་བྱིན་བརླབས་འདི་སྒྲུབ་མཆོག་སྟེ། །དེ་ཉིད་ཉིན་རེ་གྲུབ་པ་ནི། །རྡོ་རྗེ་སེམས་དཔའ་ཉིད་ཐོབ་བོ། །དེ་ལ་ཇི་ལྟར་བཅོམ་ལྡན་འདས་ཀུན་ཏུ་བཟང་པོའི་སྤྱོད་པ་ཡིན་ཞེ་ན། གསུངས་པ། སྙིང་སྟོབས་རྡུལ་དང་མུན་པ་ཡང་། །ཅི་ཕྱིར་སེམས་ཅན་དོན་དུ་འགྱུར། །དེ་ཕྱིར་ཀུན་ཏུ་བཟང་པོ་ཡི། །ཅི་བཞིན་བྱང་སེམས་སྤྱོད་རྗེས་འགྲོ། །དེ་ལ་ཅི་ལྟར་བཅོམ་ལྡན་འདས་བདུད་དང་བདུད་ལས་རྒྱལ་བ་ཡིན་ཞེ་ན། སེམས་དེ་ཁོ་ན་བདུད་ཡིན་ཏེ། །སེམས་དེ་ཁོ་ན་དེ་བཞིན་གཤེགས། །རང་སེམས་འདུལ་བའི་དོན་དུ་ནི། །བདག་ནི་བདུད་ཉིད་ཉེ་བར་འགྲོ །དེ་ལ་ཇི་ལྟར་བཅོམ་ལྡན་འདས། །མངོན་པར་བྱང་ཆུབ་པ་དང་སངས་རྒྱས་ཡིན་ཞེ་ན། །རང་སེམས་སོ་སོར་རིག་པ་ནི། །བྱང་ཆུབ་སེམས་མཆོག་རྡོ་རྗེ་ཉིད། །དེ་ཉིད་དེ་ལས་དེ་སངས་རྒྱས། །རང་བྱིན་བརླབས་མཆོག་འགྲུབ་ཕྱིར་རོ། །དེ་ལ་ཇི་ལྟར་བཅོམ་ལྡན་འདས་རྡོ་རྗེ་ག་་པོ་མཐར་བྱེད་དང་། ཕྱག་ན་རྡོ་རྗེ་ཡིན་ཞེ་ན། །དབྱེར་མེད་སོ་སོར་རྟོགས་པ་ནི། །སྡང་བ་ཐམས་ཅད་ངེས་པར་གནོན། །སངས་རྒྱས་ཀུན་དངོས་རྡོ་རྗེ་ནི། །བྱང་ཆུབ་སེམས་བདག་བརྟན་པ་ཡིན། །བརྟན་པ་ཐམས་ཅད་འགྲུབ་དོན་དུ། །རྒྱལ་བ་བདག་གིས་ཀུན་བཟང་གི། །ཕྱག་ལ་ཕྱག་མཚན་དེ་བྱིན་ཏེ། །དེས་དེ་ཕྱག་ན་རྡོ་རྗེ་ཡིན། །དེ་ལ་ཇི་ལྟར་དང་པོའི་རིགས་འབྱུང་བ་ཡིན་ཞེ་ན། མ་ནི་ཤེས་རབ་ཕ་རོལ་ཕྱིན། །ཕ་ནི་ཐབས་ལ་མཁས་པ་སྟེ། །འདུལ་ཕྱིར་རྡོ་རྗེ་སེམས་དཔའ་ནི། །སྐྱེ་བ་དག་ནི་རིགས་ཡིན་ནོ། །དེ་ལ་ཇི་ལྟར་བཅོམ་ལྡན་འདས་འདོད་པའི་ཐར་པ་ཡིན་ཞེ་ན། དངོས་གྲུབ་ཐམས་ཅད་རྗེས་ཆགས་ཕྱིར། །འདོད་ཆགས་ཆེན་པོ་བཅོམ་ལྡན་འདས། །ཀུན་གྲུབ་ཟད་མེད་བདེ་བ་ཡིན། །བདེ་བ་ཆེན་པོ་ཞེས་འདོད་དོ། །གསང་བ་ཁྲག་འཐུང་ཞེས་བྱ་སྟེ། །ཕྱག་རྒྱ་ཆེན་པོ་འགྲུབ་པའི་ཕྱིར། །མཆོག་ནི་པདྨ་འཛིན་རྒྱལ་པོ། །དམ་ཚིག་དམ་པ་ཤེས་ལྡན་ཕྱིར། །དགྱེས་པ་དམ་པ་ཉི་མ་སྟེ། །སྤྱིན་པ་ལ་སོགས་མཆོག་སྒྲུབ་ཕྱིར། །ཐམས་ཅད་བདག་ཉིད་རྟག་ཏུ་བཞུགས། །རྡོ་རྗེ་རྟ་མཆོག་ལས་ཉིད་ཕྱིར། །སངས་རྒྱས་ཀུན་དངོས་སེམས་དཔའ་སྟེ། །རྫོགས་སངས་རྒྱས་ཕྱིར་རྣམ་སྣང་མཛད། །རྡོ་རྗེ་སེམས་དཔའ་རྒྱལ་ཆེན་པོ། །ཡེ་ཤེས་རྡོ་རྗེ་འཛིན་མཆོག་ཕྱིར། །དེ་ལ་ཇི་ལྟར་བཅོམ་ལྡན་འདས་རྣམ་པ་གསུམ་ཉིད་ཡིན་ཞེ་ན། འཇིག་རྟེན་གསུམ་དག་མཐའ་ཡས་ཕྱིར། །འདུལ་ཕྱིར་སྲིད་གསུམ་མཆོག་གསུམ་བདག །ཐམས་ཅད་ཉིད་ཕྱིར་དཀོན་མཆོག་གསུམ། །འཇིག་རྟེན་གསུམ་བདག་ཁམས་གསུམ་ཡིན། །དེ་ལ་ཇི་ལྟར་བཅོམ་ལྡན་འདས་ཐམས་ཅད་ཉིད་ཡིན་ཞེ་ན། སེམས་ཅན་བསོད་ནམས་ཆེར་འཕགས་ཕྱིར། །མི་གཡོ་ཐམས་ཅད་ཁོ་ན་བདག །སེམས་འདུ་བྱེད་ཕྱིར་གཡོ་བ་སྟེ། །ཀུན་བྱེད་ཐམས་ཅད་ཁོ་ནའི་ཕྱིར། །མཁའ་འགྲོ་མ་དག་ལྷ་མོར་གསུངས། །ཐམས་ཅད་མཛད་པས་སྐལ་བ་བཟང་། །རྣམ་པར་རྟོག་པ་སྐལ་ངན་པར། །བརྡ་ཡིས་མཚན་མར་གསུངས་པའོ། །དེ་ལ་ཇི་ལྟར་བཅོམ་ལྡན་འདས་དང་པོའི་སྙིང་པོ་དབྱངས་འབྱུང་བའི་ཡེ་ཤེས་ཀྱི་རྒྱུ་ཡིན་ཞེ་ན། གཏན་དུ་སྲིད་པ་ཡང་དག་འགྲུབ། །དབང་ཕྱུག་ཆེན་པོ་འགྲུབ་དོན་དུ། །དཔའ་བོའི་དངོས་གྲུབ་ཀུན་དོན་དུ། །བསྐལ་པའི་དང་པོ་བཅོམ་ལྡན་གསུངས། །འདོད་ཆགས་ཆེན་པོའི་ཕྱིར་བཅོམ་ལྡན། །དམ་པ་ཟད་མེད་ཤིན་ཏུ་དགའ། །གསང་ཉིད་ཕྱིར་ན་སྙིང་པོའི་དབྱངས། །ཧཱུཾ༷་ཡིག་དམ་པ་ཟད་མེད་པའོ། །དེ་ལ་ཇི་ལྟར་ཉེ་བའི་སྙིང་པོ་དེ་ཉིད་ཀྱི་ཡེ་ཤེས་ཡིན་ཞེ་ན། དཀྱིལ་འཁོར་དག་ནི་དམན་པ་དང་། དམ་ཚིག་དག་ནི་སྤངས་པ་དང་། །དེ་ཉིད་གསང་བ་མི་ཤེས་ན། །རྡོ་རྗེ་སེམས་དཔའ་འགྲུབ་པ་མིན། །འདོད་པ་བཅོམ་ལྡན་སེམས་དཔའ་སྟེ། །དེ་ཁོ་ན་ནི་འདོད་ཆགས་ཡང་། །རྡོ་རྗེ་ཕྱག་ན་རྡོ་རྗེ་ནི། །འདོད་ཆགས་དེ་དང་མི་འབྲལ་འགྱུར། །ལིང་ག་འགྲེང་བར་རང་འབྱུང་སྟེ། །བརླ་ཡི་སྟེང་དུ་བཞུགས་བྱས་ནས། །ལིང་ག་མཆོད་རྟེན་བྱིན་བརླབས་ཏེ། །རྡོ་རྗེ་དབྱིངས་ནི་རང་བདག་འགྱུར། །ལིང་ག་འགྲེང་བར་རང་བྱུང་སྟེ། །བརླ་ཡི་སྟེང་དུ་བཞུགས་ནས་སུ། །ལིང་ག་རྡོ་རྗེར་བྱིན་བརླབས་ཏེ། །རྡོ་རྗེ་སེམས་དཔའ་གནོད་མེད་སྐྱེ། །ལིང་ག་འགྲེང་བ་རང་བྱུང་སྟེ། །བརླ་ཡི་སྟེང་དུ་བཞུགས་ནས་སུ། །ལིང་ག་རྡོ་རྗེར་བྱིན་བརླབས་ཏེ། །ཁྲག་འཐུང་ཞེས་བདག་སྔོན་སྐྱེའོ། །ལིང་ག་འགྲེང་བར་རང་བྱུང་སྟེ། །བརླ་ཡི་སྟེང་དུ་བཞུགས་ནས་སུ། །ལིང་ག་པདྨར་བྱིན་བརླབས་ཏེ། །དག་པའི་ཆོས་བདག་སྔོན་སྐྱེའོ། །ལིང་ག་འགྲེང་བར་རང་བྱུང་སྟེ། །བརླ་ཡི་སྟེང་དུ་བཞུགས་ནས་སུ། །ལིང་ག་རིན་ཆེན་བྱིན་བརླབས་ཏེ། །རྡོ་རྗེ་ཉི་མར་བདག་སྔོན་བསྐྱེད། །ལིང་ག་འགྲེང་བར་རང་བྱུང་སྟེ། །བརླ་ཡི་སྟེང་དུ་བཞུགས་ནས་སུ། །ལིང་ག་སྣ་ཚོགས་བྱིན་བརླབས་ཏེ། །རྟ་མཆོག་དག་ནི་སྔོན་སྐྱེའོ། །བྷ་གར་ལིང་ག་བཅུག་བྱས་ཏེ། །དེར་ནི་ཁ༷་ཡིག་བསྒོམ་པར་བྱ། །རྣམ་པར་སྣང་མཛད་གཟུགས་དག་འོད། །སྐུ་གཉིས་ལྡན་པ་སྤྲོ་བར་བྱ། །བྷ་གར་ལིང་ག་བཅུག་ནས་སུ། །དེ་ལ་ཧཱུཾ༷་ཡིག་བསྒོམ་པར་བྱ། ཁེན་ཏུ་དགའ་འདྲའི་གཟུགས་དག་ནི། །སྐུ་གཉིས་ལྡན་པའི་སྤྲོ་བྱའོ། །བྷ་གར་ལིང་ག་བཅུག་ནས་སུ། །དེ་ལ་སྙི་ཡིག་བསྒོམ་པར་བྱ། །ཁྲག་འཐུང་འདྲ་བའི་གཟུགས་དག་ནི། །སྐུ་གཉིས་ལྡན་པར་སྤྲོ་བྱའོ། །བྷ་གར་ལིང་ག་བཅུག་ནས་སུ། །དེ་ལ་བྷ་ཡིག་བསྒོམ་པར་བྱ། །པདྨ་འཛིན་འདྲའི་གཟུགས་དག་ནི། །སྐུ་གཉིས་ལྡན་པ་སྤྲོ་བྱའོ། །བྷ་གར་ལིང་ག་བཅུག་ནས་སུ། །དེ་ལ་ཏྲ༷་ཡིག་བསྒོམ་པར་བྱ། །ཉི་མ་འདྲ་བའི་གཟུགས་དག་ཡོད། །སྐུ་གཉིས་ལྡན་པ་སྤྲོ་བྱའོ། །བྷ་གར་ལིང་ག་བཅུག་ནས་སུ། །དེ་ལ་ཧཱུཾ༷་ཡིག་བསྒོམ་པར་བྱ། །ཧཱུཾ༷་མཛད་འདྲ་བའི་གཟུགས་དག་ནི། །སྐུ་གཉིས་ལྡན་པར་སྤྲོ་བར་བྱའོ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དེ་ཉིད་གསང་བགསངཆེནཡང། །སྙིང་པོ་ཡོངས་སུ་གྲགས་པ་ཡིན། །སྙིང་པོས་རྗེས་སུ་འགྲུབ་པ་ནི། །ཉེ་བའི་སྙིང་པོར་ཡོངས་གྲགས་སོ། །སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་ལས་གསང་བ་བསྒྲུབ་པའི་རྟོག་པ་སྟེ་ཉི་ཤུ་རྩ་གཅིག་པའོ།། །།དེ་ལ་ཇི་ལྟར་བཅོམ་ལྡན་འདས་བདེ་བ་ཆེན་པོ་དང་། རྡོ་རྗེ་དོན་ཡོད་པའི་དམ་ཚིག་གི་རྒྱུད་ཡིན་ཞེ་ན། ཀུན་འགྲུབ་ཟད་མེད་བདེ་བ་ནི། །བདེ་བ་ཆེན་པོ་ཞེས་སུ་གྲགས། །དེ་ནི་རྡོ་རྗེ་འགྲུབ་པ་སྟེ། །དོན་ཡོད་དམ་ཚིག་འདའ་དཀའ་ཡིན། །དེ་ལ་ཇི་ལྷར་བཅོམ་ལྡན་འདས་དཀྱིལ་འཁོར་གྱི་དོན་ཡིན་ཞེ་ན། ཇི་ལྟར་གནས་སུ་ཁ༷་འཁོར་ལོ། །དེ་ལྟར་སྡེ་དང་འགྲོ་བ་བཞིན། །འཁོར་དང་ཡང་དག་འཇུག་འགྱུར་བ། །དེ་འདྲའི་དཀྱིལ་འཁོར་སྐྱེད་མཆོག་ཡིན། །དེ་ལ་ཇི་ལྟར་བཅོམ་ལྡན་འདས་རྣམ་སྨིན་གྱི་རྒྱུ་ཡིན་ཞེ་ན། རྡོ་རྗེ་སེམས་དཔའ་སོགས་ལྷ་ཡི། །དཀྱིལ་འཁོར་མངོན་སུམ་མཐོང་བ་ལས། །བསོད་ནམས་བརྟག་པ་ཅི་འདྲ་བ། །ཕྱིས་བྱས་པ་ཡང་དེ་བཞིན་ནོ། །དེ་ལ་ཇི་ལྟར་བཅོམ་ལྡན་འདས་ཐིག་གདབ་པའི་ཆོ་ག་ཤེས་པ་ཡིན་ཞེ་ན། མཁས་པས་དཀྱིལ་འཁོར་བྲི་བྱ་ན། །མཚམས་ཀུན་མཉམ་པོར་འདྲེན་པར་བྱ། །ཤར་དང་ནུབ་དང་བྱང་སོགས་ཕྱོགས། །ཐིག་སྐུད་བཞི་པ་རེའུ་མིག་བརྒྱད། །དཀྱིལ་འཁོར་ཟླུམ་པོ་སངས་རྒྱས་ཀྱི། །རྡོ་རྗེ་ཅན་གྱི་ཟླ་གམ་བཞིན། །པདྨ་པདྨའི་ཚུལ་ཡིན་ཏེ། །རིན་ཆེན་ཚུལ་ནི་རིན་ཆེན་གྱི། །སྣ་ཚོགས་ཀྱི་ནི་ཟླུམ་པོར་གསུངས། །ཅི་ལྟར་འདོད་པ་ཅི་བདེ་བས། །ནང་གི་དཀྱིལ་འཁོར་དང་ལྡན་པ། །རེའུ་མིག་བརྒྱད་པར་འདོད་པའོ། །ཕྱི་ཡི་དཀྱིལ་འཁོར་དབུས་གནས་པར། །ནང་གི་དཀྱིལ་འཁོར་དུ་ནི་འདོད། །རེའུ་མིག་བརྒྱད་ཀྱི་དབུས་གནས་པས། །གཙོ་བོ་དཀྱིལ་འཁོར་འདོད་པ་ཡིན། །ཞེས་དཔལ་རྡོ་རྗེ་སེམས་དཔས་གསུངས་སོ། །དེ་ལ་ཇི་ལྟར་བཅོམ་ལྡན་འདས་རྟོག་པའི་དངོས་གྲུབ་དམ་པ་ཡིན་ཞེ་ན། །ཇི་ལྟར་བདེན་པར་དཀྱིལ་འཁོར་དག །གང་གིས་རྟོགས་པར་ནུས་པ་ནི། །གང་གིས་ཡི་དམ་ལྷར་སྦྱོར་བས། །གྲུབ་པའི་དཀྱིལ་འཁོར་བརྟག་པ་ཡིན། །འདིར་སྐུ་བྲིས་པའི་སྦྱོར་བ་ཡིས། །རང་སེམས་བྲིས་པར་སྦྱོར་བ་ཡིན། །ལྷག་ཆད་ཆོ་གར་གྱུར་ན་ཡང་། །བསྒྲུབས་ཏེ་སྐྱོན་དུ་མི་འགྱུར་རོ། །དེ་ལ་ཇི་ལྟར་བཅོམ་ལྡན་འདས་གསང་བ་ལྔའི་དེ་ཉིད་ཡིན་ཞེ་ན། །སེམས་དཔའ་གདོད་མ་ཐ་མ་མེད། །རྡོ་རྗེ་སེམས་དཔའ་དགའ་བ་ཆེ། །ཀུན་ཏུ་བཟང་པོ་ཀུན་གྱི་བདག །རྡོ་རྗེ་སྙིང་པོ་གཙོ་བོའི་གཙོ། །གདོད་མ་ཐ་མ་མེད་ཕྱིར་ཡང་། །དམ་པའི་དང་པོ་ཞེས་འདོད་དོ། །འཁོར་ལོ་ཀུན་གྱི་གཙོ་ཕྱིར་ནི། །དམ་པ་དམ་པའི་དབང་ཕྱུག་ཡིན། །དེ་ལ་ཇི་ལྟར་བཅོམ་ལྡན་འདས་གང་ལགས་ཅི་འདྲ་བ་ཡིན་ཞེ་ན། འདོད་པ་ཆེན་པོ་ཀུན་གྱི་མཆོག །ཡིད་བདེ་བས་ནི་འཛུམ་པ་ཆེ། །རྟག་པར་འཛུམ་པའི་བདེ་བ་དེས། །དམ་པ་བཅོམ་ལྡན་་འགྱུར་བ་ཡིན། །དེ་ནས་དེ་ཡི་ཟླ་མདོག་ནི། །དམ་པ་ཡིག་འབྲུ་གྲུབ་ཉིད་ཕྱིར། །ཆོས་རྣམས་ཐམས་ཅད་དག་ཕྱིར་དང་། །གསང་བ་དེ་ཉིད་རྣམ་དག་ཕྱིར། རྡོ་རྗེ་འཛིན་དེ་ཟླ་བའི་མདོག །དེ་ནས་སྣ་ཚོགས་འོད་འབར་ནི། །ཅི་ཕྱིར་བཅོམ་ལྡན་འདོད་ཆགས་ཆེ། །འདོད་ཆགས་ཀུན་ལ་རྗེས་ཆགས་ཕྱིར། །རྡོ་རྗེ་སེམས་དཔའ་དེ་ཉིད་ཀྱང་། །སྣ་ཚོགས་དམར་པོ་འབར་བའི་འོད། །དེ་ལ་ཇི་ལྟར་དབང་བསྐུར་བའི་ཤེས་པ་ཡིན་ཞེ་ན། ཐོད་ཕྲེང་དབུ་རྒྱན་ལས་གཞན་ནི། །ཁམས་གསུམ་ལ་ནི་དབུ་རྒྱན་མེད། །ཐོད་པའི་ཕྲེང་བའི་དབུ་རྒྱན་ནི། །རྡོ་རྗེ་སེམས་དཔའ་བདག་མངོན་བསྐྱེད། །ཁམས་གསུམ་ལས་ནི་རིན་ཆེན་གཞན། །སངས་རྒྱས་རིན་ཆེན་འདྲ་བ་མེད། །སངས་རྒྱས་ཐམས་ཅད་རིན་ཆེན་ཅེས། །དབུ་རྒྱན་དེ་ཡིས་རྡོ་རྗེ་འཛིན། །དེ་ནས་ཇི་ལྟར་སེམས་དཔའི་སྐྱིལ་མོ་ཀྲུང་ཡིན་ཞེ་ན། ཡན་ལག་གཡས་པས་མཉམ་གནན་པས། །གཡོན་པའི་ཡན་ལག་གཟིར་ནས་སུ། །དེ་ཡི་སེམས་དཔའི་སྐྱིལ་ཀྲུང་ཅན། །རྡོ་རྗེ་སྙིང་པོ་གཙོ་བོའི་གཙོ། །དེ་ནས་ཇི་ལྟར་རྡོ་རྗེ་སེམས་དཔའི་ལྷ་མོ་ལ་སོགས་པའི་དེ་བཞིན་ཉིད་ཀྱི་ཤེས་པ་ཡིན་ཞེ་ན། ཀུན་མཆོག་ཤིན་ཏུ་འབིགས་པས་ན། །དངོས་གྲུབ་ཐམས་ཅད་བདེ་བའི་མཆོག །ཀུན་མཆོག་རྣམ་རྒྱལ་བཀྲ་ཤིས་པས། །ཐམས་ཅད་དབང་ཕྱུག་ཆེ་རུ་འཕགས། །གྲུབ་རྣམས་དེ་བཞིན་ཕུན་སུམ་ཚོགས། །དགའ་བ་དེ་བཞིན་གཙོ་མོ་བདག །རྡོ་རྗེ་ལྷ་མོ་ཚོགས་ཕྱག་རྒྱ། །རྡོ་རྗེ་སེམས་དཔའ་མཆོག་གཟུགས་ཡིན། །དེ་ནས་ཇི་ལྟར་དེ་བཞིན་གཤེགས་པ་ཐམས་ཅད་ཀྱི་གསང་བ་ཆེན་པོའེ་དེ་ཉིད་ལྔ་ཡིན་ཞེ་ན། མེ་ལོང་ཁྲག་འཐུང་ཞེས་བྱ་རྣམས། །མཉམ་པ་ཉིད་ལ་གར་དབང་མཆོག །སོ་སོར་རྟོག་ལ་ཉི་མ་སྟེ། །བྱ་བ་ལ་ནི་རྟ་མཆོག་དང་། །ཆོས་ཀྱི་དབྱིངས་ལ་སངས་རྒྱས་ནི། །ཐུབ་ཆེན་རྣམ་པར་སྣང་མཛད་དོ། །ཡེ་ཤེས་ལྔ་ཡི་བདག་ཉིད་ནི། །འདོད་ཆགས་ཆེན་པོ་བདེ་བ་ཆེ། །གཟུགས་དང་སྒྲ་དང་དེ་བཞིན་དྲི། །རོ་དང་རེག་བྱ་དེ་བཞིན་ཡང་། །རྡོ་རྗེ་སེམས་དཔའ་འདྲ་བར་ནི། །དེ་རྣམས་དེ་བཞིན་ཉིད་ཀྱིས་བསྙེན། །ཆོས་ཀྱི་དབྱིངས་ལ་འབྱུང་བ་ཡིས། །རྒྱ་ཆེར་དངོས་གྲུབ་སྟེར་བར་འགྱུར། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དེ་ནས་ཇི་ལྟར་ཕྱག་རྒྱ་དང་ཕྱག་རྒྱའི་ཡན་ལག་གི་ཤེས་པ་ཡིན་ཞེ་ན། འཕྲོག་བྱེད་མ་དང་འཛིན་བྱེད་མ། །གཐུང་ཐར་མ་དང་ཚེ་སྤྱིན་མ། །ནམ་མཁར་འགྲོ་དང་ལྷ་མོ་དག །མཁའ་འགྲོ་མ་དྲུག་རབ་ཏུ་གྲགས། །གང་གིས་སྐྲ་ནི་བསྟན་གྱུར་ན། །དེ་ལ་དཔྲལ་བ་བསྟན་པར་བྱ། །མིག་ལ་སྟོན་པ་གང་ཡིན་པ། །དེ་ལ་ལྟེ་བ་བསྟན་པར་བྱ། །གང་གིས་ལྟེ་བ་བསྟན་པ་ན། །དེ་ལ་མཆུ་ནི་རབ་ཏུ་བསྟན། །གང་གིས་མ་མཆུ་རབ་བསྟན་ན། །དེ་ལ་སོ་ནི་རབ་ཏུ་བསྟན། །གང་གིས་ལྕེ་ནི་བསྟན་འགྱུར་ན། །དེ་ལ་གསུས་པ་བསྟན་པར་འགྱུར། །གང་གིས་བྷ་ག་བསྟན་གྱུར་ན། །དེ་ལ་ལིང་ག་བསྟན་པར་བྱ། །གང་གིས་རྗེ་ངར་བསྟན་ན་ནི། །དེ་ལ་བརླ་ནི་བསྟན་པར་བྱ། །གང་གིས་བརླ་ནི་བསྟན་གྱུར་ན། །དེ་ལ་རྐང་མཐིལ་བསྟན་པར་བྱ། །གང་གིས་སྐང་མཐིལ་བསྟན་ན་ནི། །དེ་ལ་སེན་མོ་བསྟན་པར་བྱ། །གང་གིས་མཁྱེན་ཁུང་བསྟན་གྱུར་ན། །དེ་ལ་སྨིན་མ་བསྟན་པར་བྱ། །གོང་གིས་སེ་གོལ་གཏོགས་བྱེད་ན། །དེ་ལ་མིག་ནི་བཙུམ་པར་བྱ། །གང་གི་ཁ་ཡང་བསྟན་ན་ནི། །དེ་ལ་ཞགས་པ་བསྟན་པར་བྱ། །གང་གིས་གསལ་ཤིང་བསྟན་གྱུར་ན། །དེ་ལ་མདུང་ཐུང་བསྟན་པར་བྱ། །གང་གིས་སེན་མོ་བསྟན་ན་ནི། །དེ་ལ་ནུ་མ་རབ་ཏུ་བསྟན། །གང་གིས་ཁུ་ཚུར་བསྟན་ན་ནི། །དེ་ལ་མཚམས་ནི་བསྟན་པར་བྱ། །གང་གིས་ལྕེ་ནི་བསྟན་གྱུར་ན། །དེ་ལ་བཤང་གཅི་བསྟན་པར་བྱ། །གང་གིས་མི་སྡུག་གཟུགས་བྱེད་ན། །དེ་ལ་མཛེས་པའི་གཟུགས་བྱའོ། །གང་གིས་ཧ་སྐད་བྱེད་གྱུར་ན། །དེ་ལ་ལག་པ་བསྟན་པར་བྱ། །ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་གསུངས་སོ། །དེ་ནས་ཇི་ལྟར་མཁའ་འགྲོ་མ་རྣམས་ཀྱི་མཚན་མ་ཡིན་ཞེ་ན། རི་དྭགས་མིག་གི་འབྲས་འདྲ་བ། །དཔྲལ་བར་ཏྲི་ཤཱལ་ཏེ་མདུང་ཐུང་། ཕྱིན་འོ་ག་མིག་དང་ཁྲོ་གཉེར་ཅན། ནུ་མ་དག་ནི་མི་སྡུག་པ། སྣ་ནི་རྣམ་པར་ཉམས་པ་དང་། གཙུག་གིས་བསྐོར་བ་ཞེས་བྱ་ཏེ། རི་མོ་གསུམ་གྱིས་ཡོངས་སུ་བསྐོར། དེ་ཡི་ཁྱིམ་གྱི་མཚན་མ་ནི། ཏྲི་ཤཱལ་ཚུལ་དང་མེ་འོ་ང་དང་། །རལ་གྲི་ཚུལ་དང་རྒྱལ་མཚན་དང་། །རྩེ་གཅིག་ཁྱིམ་གྱི་མཚན་མར་བསྟན། །འགྲོ་བར་གྱུར་ན་མཁའ་འགྲོ་མ། །འདི་འདྲའི་མཚན་མ་བསྟན་པར་བྱ། །གློ་བུར་མི་དགའ་བྱ་བ་དང་། །དོན་མེད་པར་ཡང་འཇུག་པའོ། །རྐང་པས་རལ་གྲི་འདྲི་བ་དང་། །ཏྲི་ཤཱ་ལ་དང་འདྲ་བའི་ཚུལ། །སྐད་ཀྱང་བྱ་རོག་འདྲ་བ་ཡི། །དེ་ནི་རྟག་པར་གྱུར་པའོ། །མཚན་ཉིད་དེ་དག་དང་ལྡན་པ། །དམ་པའི་མཁའ་འགྲོ་མ་ཞེས་བྱ། །ཞེས་བཅོམ་འདས་དཔལ་རྡོ་རྗེ་སེམས་དཔས་གསུངས་སོ། །དེ་ལ་ཇི་ལྟར་ཐམས་ཅད་འགུགས་པའི་རྒྱུ་ཡིན་ཞེ་ན། རྟོག་པ་ཐམས་ཅད་གསང་ཆེན་པོ། །རྡོ་རྗེ་ལྕགས་ཀྱུ་དྲིལ་བཅས་པས། །བཀུག་ནས་དེ་ནས་བྱ་བ་ནི། །དྲིལ་བུ་རྗེས་སུ་དཀྲོལ་བའོ། །དེ་ལ་ཇི་ལྟར་མཆོད་པ་ཆེན་པོ་ཐམས་ཅད་ཀྱི་ཆོ་ག་ཡིན་ཞེ་ན། རྟོག་པ་ཐམས་ཅད་གསང་ཆེན་གྱི། །གང་གིས་དགའ་ནས་མཆོད་པ་ནི། །རྗེས་སུ་མཆོད་པ་དང་གཞན་ཡང་། །དབྱངས་དང་སིལ་སྙན་གར་གྱི་ཡིན། །དེ་ལ་ཇི་ལྟར་རང་གི་རིག་པའི་ལྷ་ཐམས་ཅད་བསྒྲུབ་པ་ཆེན་པོའི་རྒྱུ་ཡིན་ཞེ་ན། །རྟོག་པ་ཀུན་ལས་བསྒྲུབ་བྱ་ཀུན། །གཡོ་དང་མི་གཡོ་འགྱུར་བ་སྟེ། །རང་གི་ཡི་དམ་ལྷ་སྦྱོར་ནས། །ཐམས་ཅད་དེ་ནི་འགྲུབ་པར་བྱ། །དེ་ནས་ཇི་ལྟར་ཐམས་ཅད་རྗེས་སུ་འགྲུབ་པའི་རྒྱུ་ཡིན་ཞེ་ན། །རྡོ་རྗེ་དྲིལ་བུ་འཛིན་འགྱུར་ནས། །བཟླས་པའི་དྲིལ་བུ་དཀྲོལ་བར་བྱ། །རྟོག་པ་ཐམས་ཅད་རྗེས་་གྲུབ་པའི། །མཆོག་གི་དང་པོ་འགྲུབ་པའོ། །དེ་ལ་ཇི་ལྟར་རྗེས་སུ་སྦྱོར་བ་དང་ལྡན་པའི་བསྒྲུབ་པ་ཐམས་ཅད་ཀྱི་རྒྱུ་ཡིན་ཞེ་ན། ཨོ་ཡིག་ཐིག་ལེ་དང་ལྡན་པའི། །ནུབ་ནས་དང་པོ་ཡང་ཡིན་ཏེ། ཁྲར་ནས་དང་པོ་བཟུང་ནས་སུ། །ལྕི་བར་ཨི་ཡིག་ལྡན་པར་བྱ། །རླུད་མཚམས་ཕྱི་རོལ་པ་བཟུང་ནས། །ཐིག་ལེ་ཨུ་ཡིག་སྦྱོར་བར་བྱ། །ལྷོ་ལས་དབུ་མ་བཟུང་བ་ལ། །ཚེག་དྲག་ཡང་དག་ལྡན་པར་བྱ། །ཐེ་ཚོམ་མེད་པར་དེ་ལས་འདིས། །རྗེས་སུ་སྦྱོར་བར་ལྡན་པར་འགྲུབ། །ལྷོ་ལས་དང་པོ་བཟུང་ནས་སུ། །གཉིས་པ་ལ་ནི་ལྡན་པར་བྱ། །ནན་ཏན་གྱིས་ནི་ཨི་ཡིག་སྦྱོར། །སྐད་ཅིག་མ་ལས་གཅོད་འགྱུར་རོ། །དེ་ཉིད་ཐིག་ལེ་དང་ལྡན་པས། །བྱང་ལས་དབུ་མ་ཡང་ཡིན་ཏེ། །དེ་ཉིད་ལན་གཉིས་བརྗོད་པར་བྱ། །རླུད་མཚམས་ཕྱི་རོལ་པ་ལ་ཡང་། །ཐིག་ལེ་ཨུ་ཡིག་ལྡན་པར་ནི། །དྲུག་པར་ཡོངས་སུ་གྲགས་པ་ཡིན། །དབུས་ལས་གཉིས་པ་གང་ཡིན་པ། །ནུབ་ལས་དང་པོ་ཡང་ཡིན་ཏེ། །དེ་ནི་ཨ་མེད་ཤེས་བྱ་སྟེ། །སྐད་ཅིག་མས་ནི་བདུད་རྩི་འགྲུབ། །ཨོ་ཡིག་ཐིག་ལེ་དང་ལྡན་པར། །ཡི་གེ་ཨུ་ཡིག་མཉམ་ལྡན་པའི། །དབང་ལྡན་ཕྱི་རོལ་པ་ཡང་བྱ། །མེ་མཚམས་ཕྱི་རོལ་པ་བཟུང་ནས། །ཡི་གེ་ཨེ་དང་མཉམ་ལྡན་པ། །ཤར་གྱི་དང་པོ་ལྡན་པར་བྱ། །ཚེག་དྲག་ཨུ་ཡིག་ལྡན་པ་ཡི། །དབུས་ཀྱི་ཐ་མ་ལྡན་པར་བྱ། །ཐམས་ཅད་ཀྱི་ནི་སྒྲུབ་བྱེད་པ། །ཁྲག་འཐུང་ཞེས་པ་འབྱུང་བའོ། །ཇི་ལྟར་འདོད་པ་བསྒྲུབ་བྱ་འགྲུབ། །དེ་ནས་ཕྱིན་ཅི་ལོག་འདོད་པར། །ཅི་འདོད་འདོད་པའི་བྱ་བ་ཡིས། །ཀུན་བཟང་ཀུན་བྱེད་དེ་བཞིན་ཏེ། །ལངས་པའམ་ནི་འདུག་པའམ། །འགྲོ་བ་ཡིས་སམ་འགྲེང་བའམ། །བཞད་པ་དང་ནི་སྨྲ་བ་ལ། །གང་དང་དེ་རུ་ཅི་དེ་བཞིན། །གང་གང་དབང་པོའི་ལམ་ཉིད་དུ། །གང་གང་དེ་དེའི་རང་བཞིན་དུ། །རང་གི་མཉམ་གཞག་མེད་སྦྱོར་བས། །རང་གིས་རིག་པའི་ལྷ་འདྲེན་ནོ། །དེ་ཉིད་སྦྱོར་བ་དེ་ཡིས་ནི། །ཐམས་ཅད་ཁོ་ན་འགྲུབ་པའོ། །སངས་རྒྱས་ཀུན་དངོས་ཐམས་ཅད་ནི། །རྟག་ཏུ་མཐོང་ན་རབ་ཏུ་འགྲུབ། །སངས་རྒྱས་ཐམས་ཅད་མཉམ་སྦྱོར་བ། །མཁས་པ་གང་ཞིག་དད་པས་ཀློག །དེ་ནི་ཉེས་པ་རྣམ་གྲོལ་ཏེ། །དངོས་གྲུབ་ཐམས་ཅད་དབང་ཕྱུག་འགྱུར། །སངས་རྒྱས་ཐམས་ཅད་དང་མཉམ་པོར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་ལས་རྗེས་སུ་སྦྱོར་བ་དང་ལྡན་པ་སྒྲུབ་པའི་རྟོག་པ་སྟེ་ཉི་ཤུ་རྩ་གཉིས་པའོ།། །།དེ་ལྟར་སྣ་ཚོགས་རྗེས་སུ་ཆགས་པའི་དགའ་བ་པདྨ་རྣམ་དག་ཕྱེ་བ་ཡིས། །གསལ་བར་རྗེས་སུ་གཙང་བ་དམ་པ་རྟག་པར་སྤྱིན་པ་ཡིས། །དམ་པ་བདེ་བའི་དངོས་པོས་དམ་ཚིག་བདག་ལ་བདེ་བ་རྗེས་སུ་བསྒྲུབ། །དམ་པའི་དགའ་བ་ཤིན་ཏུ་སྦྱོར་བ་སྐལ་བཟང་དམ་པ་ཤིན་ཏུ་དགའ། །རང་བཞིན་གྱིས་ནི་རང་བཞིན་དག་པ་རྟག་ཏུ་རྗེས་སུ་འགྲུབ་པའི་རང་བཞིན་དངོས། །དམ་པ་དགའ་བ་ལ་སོགས་སྦྱོར་བའི་སྐལ་བཟང་དམ་པ་ཤིན་ཏུ་དགའ་བའི་རང་བཞིན་འགྲུབ་པའོ། །དགའ་བ་རྗེས་སུ་འགྲུབ་པའི་རང་བཞིན་ཁོ་ན་སོ་སོ་རྗེས་སུ་གྲུབ་པ་བདེ་བ་ལས་དམ་པའི་གསང་ཆེན་རྒྱུད་ཕྱི་མའི་ཕྱི་མ་འདི་ཡོངས་སུ་རྫོགས་སོ།། །།བདག་གི་འདི་ནི་དང་བའི་སྙིང་པོ་མཆོག །བདེ་བ་ཆེན་པོའི་མཆོག་གི་མཆོག་འགྱུར་མཐུ་ཆེན་པོ། །ཀུན་མཆོག་འབྱུང་བའི་སེམས་ཅན་རྟག་པ་ཅི་ཡི་ཕྱིར། །ཀུན་མཆོག་ས་ཡི་དབང་ཕྱུག་ཉིད་ནི་སྦྱིན་པའོ། །མཐའ་ཡས་ཐུབ་མེད་ཐོགས་པ་མེད་པའི་ཕྱིར། །ཚུལ་ཆེན་པོ་ཡི་ཆེན་པོ་ཐམས་ཅད་ཀྱི། །མཁའ་དང་འདྲ་བའི་མཆོག་གི་དངོས་གྲུབ་འཕེལ་བར་སྤྱིན། །གདོད་མ་ཐ་མ་མེད་པ་གང་དག་གིས། །རྫོགས་ཕྱེད་མེད་པ་ནུས་པ་མ་ཡིན་་ནོ། །སེམས་ཅན་ལེ་ལོ་ཅན་དང་ཉུང་ཙམ་འདོད་པ་དང་། །མི་དད་པ་དང་ལྐོག་སྨྲ་བ་དང་མ་དག་པ། །རྟག་ཏུ་རྗེས་སུ་ཆགས་དང་ཆགས་བྲལ་དགའ་བ་ཡང་། །དེ་རྣམས་ཕན་པའི་དོན་རྫོགས་པའི་དོན་འདི་ཡིན་ནོ། །གང་གིས་ཁྱིམ་གཟུང་བ་གང་གིས་འགྲུབ་པ་དང་། །བདག་གིས་ཇི་ལྷར་སྟོན་པ་སྒྲུབ་པར་བྱེད་པའམ། །མཐུ་ཡིས་ཐམས་ཅད་སོ་སོར་མངོན་དུ་གྱུར་བ་སྟེ། །དངོས་གྲུབ་མཆོག་གིས་རྒྱས་པའི་ལས་དག་མི་འགྲུབ་པའོ། །གང་གིས་གྲུབ་པ་རྡོ་རྗེ་འཛིན་ཞེས་སོགས་པ་དང་། །གཟུགས་སོགས་ཐམས་ཅད་འདི་ལ་ཇི་ལྟར་མོསཔབཞིན། །ཡིགེཧཱུཾ༷ ཡང་ཇི་ལྟར་རབ་ཏུ་འདོད་པར་བྲིས་བྱས་ན། །དེས་ནི་རང་འདོད་དངོས་གྲུབ་ཆོ་ག་བཞིན་དུ་འཐོབ། །སེམས་ཅན་དོན་དུ་ལས་དག་བྱེད་པ་མ་ཡིན་པས། །རྒྱལ་བ་དག་གིས་རྣམ་པར་དག་པ་འདི་ལ་ནི། །བགེགས་མེད་དེ་བཞིན་དུ་ནི་བདུད་ཀྱང་མེད་པ་སྟེ། །རྟོག་པ་ཡིས་ཀྱང་དངོས་གྲུབ་འཕེལ་སྟོབས་བྱིན་གྱིས་རློབས། །གང་གི་རྟོག་པ་མཆོག་ཆེན་འདི་སྒྲུབ་བྱེད་པ་ལ། །བདུད་ཉིད་དུ་ནི་མི་འགྲོ་མི་བརྟན་ཉིད་ཀྱང་མིན། །བརྟན་པའི་རྒྱུ་ནི་བདག་གིས་སྟོན་པར་མི་བྱེད་དེ། །མྱུར་བར་མཆོག་གི་མཆོག་ཉིད་འགྲུབ་ཕྱིར་བསྟན་པར་འགྱུར་བྱེད་དོ། །གང་གིས་བདག་གི་སྙིང་པོས་བདག་ལ་རྟག་ཏུ་གྲུབ་བྱེད་ནི། །མཆོག་ཆེན་དངོས་གྲུབ་དང་ནི་རྟག་པར་བདེ་ཆེན་དང་། །ཆགས་དང་ཤིན་ཏུ་དགའ་དང་བརྟན་དང་རྒྱས་པ་དང་། །ཡིག་ཆེན་ཡང་ནི་རྟག་པར་བདག་གིས་བགྲུབ་པར་བྱེད། །དེ་ནས་མཆོག་སྐྱེད་རྒྱལ་བ་ཐམས་ཅད་དགའ་ནས་སུ། །འཛུམ་པ་ཆེན་པོས་ཐམས་ཅད་ཁྱབ་པར་རྣམ་པར་བྱེད། །ཀུན་བདག་དབྱིངས་ཀྱི་རྡུལ་ཕྲན་མཆོག་ཆེན་གཟུགས་དག་གིས། །ཀུན་ནས་དེ་ལ་ལེགས་པའི་སྒྲ་ནི་དབུལ་བར་བྱེད། །བདག་གིས་དབྱིངས་ཀུན་རྗེས་སུ་ཆེ་མཆོག་གཟུགས་ཀྱིས་སུ། །ཕ་མཆོག་གྱུར་པ་སངས་རྒྱས་ཀུན་གྱིས་ལེགས་སོ་ལེགས། །མཆོག་གི་རྡོ་རྗེ་ལས་བྱུང་ཁྱོད་ནི་ལེགས་སོ་ལེགས། །དམ་པའི་ཆོས་ཉིད་ཆོས་ཀྱི་བདག་ཉིད་ལེགས་སོ་ལེགས། །དམ་པའི་ལས་ཅན་མཆོད་པའི་བདག་ཉིད་ལེགས་སོ་ལེགས། །རྟོགས་པའི་བྱིན་