Ngb-pt-0197-vol-02-text

Body

བ་སྤྱོད་པ་མན་ངག་གི་སྙིང་པོ་ཞེས་བྱ་བའི་རྒྱུད་རྫོགས་སོ།། །། རྒྱ་གར་སྐད་དུ། སརྦ་བུརྙ་ས་མ་ཡོ་ག་ཏནྟྲ་རྭ་ཛ་ནཱ་མ། བོད་སྐད་དུ་སངས་རྒྱས་ཐམས་ཅད་མཉམ་པར་སྦྱོར་བ་ཞེས་བྱ་བ་རྒྱུད་ཀྱི་རྒྱལ་པོ། །བཅོམ་ལྡན་འདས་ཡེ་ཤེས་དབུགས་འབྱིན་གྱི་རྒྱལ་པོ་ཤིན་ཏུ་རྣམ་པར་གྲོལ་བ་ཉིད་ལ་ཕྱག་འཚལ་ལོ། །འདི་སྐད་བདག་གིས་གོ་བ་ཉིད་ཀྱི་ཐོས་པའི་དུས་ན། དུས་གསུམ་སངས་རྒྱས་འདུས་པའི་སྐུ། །སྣ་ཚོགས་སྣང་བ་གཅིག་པུ་ཉིད། །འདི་ནི་རང་བྱུང་བཅོམ་ལྡན་འདས། །གཅིག་པུ་རབ་ཏུ་ཆེ་བའི་ལྷ། །རྨོངས་པ་གདུང་བ་སེལ་བའི་འོད། །རང་རིག་དཀྱིལ་འཁོར་འོད་གསལ་ཞིང་། །བརྗིད་མདངས་གཟི་ཆེན་རབ་ཏུ་ཆེ། །རྡོ་རྗེ་སེམས་དཔའ་བདེ་བའི་མཆོག །དཔལ་ལྡན་དགྱེས་པ་ཡེ་ཤེས་སྐུ། །ངོ་བོ་ཉིད་ལས་མ་གཡོས་བཞིན། །གཅིག་ནི་ཀུན་ཏུ་སྣང་བ་དེ། །སེམས་དཔའ་སངས་རྒྱས་ཀུན་གྱི་དངོས། །སོ་སོར་རང་རིག་འདུས་པའི་དཔལ། །སྐུ་དང་གསུང་དང་ཐུགས་དང་སྐུ། །ཡོན་ཏན་ཕྲིན་ལས་ཕྱོགས་དུས་ཀུན། །མ་ལུས་མི་ལུས་ལུས་མེད་གནས། །འོག་མིན་རང་བྱུང་ཆོས་ཀྱི་དབྱིངས། །གསང་བ་མཆོག་གི་དགྱེས་པ་ན། །དུས་གསུམ་བདག་པོ་རྡོ་རྗེ་འཆང་། །རྣམ་པར་ཐར་པའི་དབུ་མངའ་ཞིང་། །ཕ་རོལ་ཕྱིན་དྲུག་ཕྱག་རྒྱ་འབར། །བརྟུལ་ཞུགས་མཉམ་ཉིད་སྐྱིལ་མོ་ཀྲུང་། །ཡེ་ཤེས་སྐུ་ནི་ཟང་ཐལ་ཞལ། །གཏི་མུག་གདུང་དང་ཞེ་སྡང་གདུང་། ཁེན་ཏུ་གདུག་པ་འདུལ་བའི་གདུང་། །སེར་སྣའི་གདུང་དང་འདོད་ཆགས་གདུང་། །ཕྲག་དོག་གདུང་དང་ཤིན་ཏུ་སྤྲོ། །སྤྲིན་ཕུང་འཁྲིགས་པའི་དམ་ཚིག་ཅན། །ཐམས་ཅད་བདག་ཉིད་རྟག་ཏུ་བཞུགས། །ཡང་དག་བསྒྲུབ་པ་གཅིག་པུ་ཉིད། །སངས་རྒྱས་བདེ་ཆེན་ཀུན་འདུས་པ། །མཁའ་འགྲོ་སྒྱུ་མ་བདེ་མཆོག་བདེ། །སངས་རྒྱས་ཐམས་ཅད་མཉམ་སྦྱོར་བ། །རྣལ་འབྱོར་ཟབ་མོ་སྐུ་གསུམ་རྫོགས། །དམ་ཚིག་ལས་དང་ཆོས་དང་ནི། །སྐུ་ཉིད་ཕྱག་རྒྱ་ཆེན་པོ་སྟེ། །དགའ་དང་མཆོག་དགའ་དགའ་བ་དང་། །ལྷན་ཅིག་སྐྱེས་དགའི་རང་བཞིན་ཅན། །སྒྱུ་མ་ཆེན་པོ་ཆོས་ཀྱི་སྐུ། །གསང་བ་ཤེས་རབ་བདེ་ཆེན་པོ། །བསྟན་པར་བཞེད་ནས་དཀྱིལ་འཁོར་སྤྲོ། །སྟོང་པ་ཡེ་ཤེས་རབ་སྣང་བ། །ཚོགས་པའི་དུས་ན་རྣམ་པར་དག །དེ་ནས་ཉིད་ཀྱི་བདེ་འབྱིན་མས། །གླུ་ཡི་རྣམ་པར་བསྐུལ་མཛད་དོ། །མི་འདའ་སྟོང་ཉིད་གར་གྱི་བདག །གཡར་དམ་སྙིང་པོ་དངོས་གྲུབ་མཛོད། །དམ་ཚིག་ཆེན་པོ་ངོ་བོ་ཉིད། །ཡེ་ཤེས་ཅན་དུ་གྲུབ་པར་མཛོད། །ཧོ། ཨེ་མ་ངོ་མཚར་ཡ་མཚན་ཅན། །རིག་པའི་རྣམ་པ་སྟོང་ཉིད་ཐུགས། །ཡེ་ཤེས་རོལ་པ་རྣམ་པར་རོལ རོལ་པའི་ངང་ནས་དམ་ཚིག་འབྱིན། །པདྨ་རྒྱས་པར་གར་མཛད་དེ། །རིག་པ་ཉིད་དུ་མཇལ་བར་བྱེད། །ཅེས་དེ་བཞིན་གཤེགས་པ་ཉིད་ལ་ཆེད་དུ་གླེང་ངོ་། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། །རྒྱུད་འབྱུང་བའི་གཞི་རྣམ་པར་བཀོད་པ་སྟེ། རྟོག་པ་དང་པོའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱིས་གསང་བ་བཀའ་བགྲོས་པ་ཞེས་བྱ་བའི། སྤྲུལ་པ་རྣམ་པར་ཕྱུང་སྟེ་འདུལ་བར་དགོངས་ནས། ཐུགས་རྗེས་སྤྲོ་བ་འདི་གསུངས་སོ། །རིག་པ་ཉིད་ལས་སྐྱེས་པའི་ཕྱིར། །སྐུ་གསུམ་ཡོན་ཏན་ཕྲིན་ལས་ཐུགས། །རིག་པ་ཤེས་པ་རྣམ་དྲུག་ཆེ། །ཆོས་ཉིད་ངང་དུ་ཡེ་ཤེས་གནས། །མི་སྐྱེའི་ཆོས་ཅན་སྐྱེ་ཚུལ་སྟོན། །ཐབས་དང་ཤེས་རབ་མཉམ་སྦྱོར་མཛད། །དུག་ལྔ་ཡེ་ཤེས་ལྔ་ཡིས་འཇོམས ཅི་ཡང་མི་གསུང་མཉམ་པར་གནས། །འཁོར་བ་ཕྱུང་ནས་སྐམ་སར་འདོན། །དབྱིངས་ལ་ཡེ་ཤེས་རོལ་རྩེད་མཛད། །ནམ་མཁའ་ལྟ་བུར་སྣ་ཚོགས་སྟོན། །བདུད་རྩི་དམ་པའི་ཆུ་བོ་འབེབས། །མ་རིག་སེལ་བའི་སྒྲོན་མེ་མཛད། །འཁོར་བའི་ནང་ནས་བྱུང་ཚུལ་སྟོན། །རྡོ་རྗེའི་གདན་ལ་རྡོ་རྗེ་འཇོག །བྱེ་བ་ཕྲག་ཁྲིག་གདུལ་བྱ་ལ །དེ་དང་མཐུན་པར་སྦྲུལ་པ་འགྱེད། །དཔའ་བོར་མོས་ལ་དཔའ་བོ་དང་། །དཔའ་མོར་མོས་ལ་དཔའ་མོ་དང་། །མཐུན་བྱས་མཐུན་པས་དོན་མཛད་པ། །པདྨ་འདམ་སྐྱེས་སྐྱོན་མ་གོས། །འཇའ་ཚོན་འདྲ་སྟེ་དངོས་མེད་གསལ། །ཞེས་གསུངས་སོ། །དེ་ནས་གདུལ་བྱ་གདུལ་དཀའ་བ་དག་དབུགས་དབྱུང་བའི་ཕྱིར། བཅོམ་ལྡན་འདསདེབཞིནགཤེགསཔཐམས་ཅད་ཀྱི་དགོངས་པ་དམ་པ་གསང་བ་བ་ཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ། །མཐུན་བྱས་སྐུ་ཡི་དོན་མཛད་པ། །རིགས་དྲུག་དམ་ཚིག་ལས་སྦྱང་ཕྱིར། །ཡེ་ཤེས་ངང་ལས་དམ་ཚིག་ཆེན་པོས་བསྐུལ། །བདེ་གཤེགས་ཐམས་ཅད་རྣམ་པར་བཀའ་བགྲོས་མཛད། །དེ་ནས་དེ་བཞིན་གཤེགས་པ་རྣམས་ཀྱིས་རྡོ་རྗེ་ཞེ་སྡང་ཆེན་པོ་ལ་བསྐུལ་བ། །རྗེས་སུ་ཆགས་པ་རྣམ་མང་པཟློ་རྣམ་དག་པ། །མཆོད་པ་གསལ་བར་རྗེས་སུ་མཆོད་བྱས་ནས། །མཆོག་ཏུ་རྟག་པའི་རྣལ་འབྱོར་བདེ་བས་བདེ་བ་གྲུབ་པར་མཛོད། བདེ་མཆོག་དམ་ཚིག་ཉིད། མཆོག་ཏུ་བདེ་བའི་རྣལ་འབྱོར་ཤིན་ཏུ་སྐལ་བཟང་མཆོག་མཉེས་པ། །རང་གི་དམ་ཚིག་སྐྱོན་མེད་པར་རོལ་ཅིག །ཧོ་ཨེ་མ་ཧོ། བདེ་མཆོག་བདེ་དྲོངས་རྣམ་པར་སྤྲུལ། །ཛ༷༷ཧུ༷་བ༷་ཧོ༷༷ཧུ༷་གནང་བར་མཛོད། །ཨ་ལ་ལ་ཧོ། །དེ་ནས་དེ་བཞིན་གཤེགས་པ་རྣམས་ཀྱིས་འཁོར་གཏི་མུག་ཆེན་པོ་ལ་བསྐུལ་བ། ཨེ་མ་ཧོ། །མཆོག་ཏུ་གསང་བའི་དམ་ཚིག་ཡིན་པའི་ཕྱིར། །རབ་ཏུ་གསང་བའི་ལྷ་མོ་མཆོག་རྣམས་སོ། །འགྲོ་བའི་རྒྱུན་ནི་རྣམ་པ་སྣ་ཚོགས་འདུལ་བ་རབ་གསལ་མཁྱེན། །དམ་ཚིག་ཐམས་ཅད་དངོས་པོའི་བརྟན་གཡོ་ཀུན་གྱི་ངོ་བོར་འགྱུར། །རྒྱལ་བ་ཀུན་གྱི་བདག་ཉིད་རྣལ་འབྱོར་བདེ་བའི་མཁའ་འགྲོ་སྒྱུ་མ་རྣམ་སྤྲུལ་ཧོ། །ཀྱེ་མ་དམ་པ་རྟག་པའི་དངོས་གྲུབ་ཆེན་པོ་རབ་ཏུ་བསྒྲུབ་པ་སྟོན། །ཨེ་མ་ཧོ། །བདེ་མཆོག་བདེ་དྲོངས་རྣམ་པར་སྤྲུལ། །ཧུ༷་རྣམ་པར་སྣང་མཛད་ཨ་ལ་ལ་ཧོ། །ཛ༷༷ཧུ༷་བ༷་ཧོ༷༷། དེ་ནས་དེ་བཞིན་གཤེགས་པ་རྣམས་ཀྱིས་ཤིན་ཏུ་ཁྲོ་གཏུམ་གདུག་པ་ཆེན་པོ་ལ་བསྐུལ་བ། རྣམ་པ་མང་པོ་ཁྲོ་བོའི་རྒྱུད་ཀྱིས་སེམས་ཅན་མ་ལུས་པ། །ལུས་པ་མེད་པར་ཐུགས་རྗེའི་ཐུགས་ཀྱིས་འདུལ་མཁས་པ། །དེ་བཞིན་གཤེགས་པ་ཀུན་གྱི་སྒྱུ་མ་ཡི། །བདེ་མཆོག་སྒྱུ་མ་ཐམས་ཅད་རྣམ་སྤྲུལ་རྣམ་པར་སྤྲུལ། །རུ་ལུ་རུ་ལུ་ཧུ༷་སྨྱོ་ཧུ༷། དེ་ནས་དེ་བཞིན་གཤེགས་པ་རྣམས་ཀྱིས་རིན་ཆེན་སེར་སྣ་ཆེན་པོ་ལ་བསྐུལ་བ་། །རྣམ་པ་མང་པོ་རབ་ཏུ་དགའ་བའི་རྒྱུད་ཀྱི་སེམས་ཅན་ལ། །མ་ལུས་ལུས་པ་མེད་པར་འདུལ་མཁས་པ། །དེ་བཞིན་གཤེགས་པ་ཀུན་གྱི་སྒྱུ་མ་ལ། །སྒྱུ་མ་བདེ་མཆོག་སྒྱུ་མས་རྣམ་སྤྲུལ་རྣམ་པར་སྤྲུལ། །ཧུ༷་ཧུ༷་ཧུ༷། དེ་ནས་དེ་བཞིན་གཤེགས་པ་ཐམས་ཅད་རྣམས་ཀྱིས་པདྨ་འདོད་ཆགས་ཆེན་པོ་ལ་བསྐུལ་བ། རྣམ་པ་མང་པོ་འདོད་ཆགས་རྒྱུད་ཀྱི་སེམས་ཅན་ལ། །མ་ལུས་ལུས་པ་མེད་པས་འདུལ་མཁས་པའི། །དེ་བཞིན་གཤེགས་པ་ཀུན་གྱི་སྒྱུ་མ་ཡི། །བདེ་མཆོག་སྒྱུ་མས་ཐམས་ཅད་རྣམ་པར་སྤྲུལ། །ཏེ་ན་ཏེ་ཏེ་ཧུ༷། དེ་ནས་དེ་བཞིན་གཤེགས་པ་རྣམས་ཀྱིས་ཕྲག་དོག་རྒྱ་གྲམ་ཆེན་པོ་ལ་བསྐུལ་བ། །རྣམ་པ་མང་པོས་སྲོག་གི་རྒྱུད་ཀྱིས་སེམས་ཅན་ལ། །མ་ལུས་ལུས་པ་མེད་པ་འདུལ་མཁས་པ། །དེབཞིནགཤེགསཔཀུན་གྱི་སྒྱུ་མ་ཡི། །བདེ་མཆོག་སྒྱུ་མས་རྣམ་སྤྲུལ་རྣམ་པར་སྤྲུལ། །ཧུ༷་བི་ཤྭ་བི་ཤུ་ཧུ༷། དེ་ནས་བཅོམ་ལྡན་འདས་འགྲོ་དྲུག་སྦྱོང་བའི་རྒྱལ་པོ་རྣམས་སྐུ་རྣམ་པར་སྤྲུལ་ཅིང་ཕྱུང་བ། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡིས། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །མངོན་པར་ཞེན་ཅིང་ལྟུང་བར་གྱུར། །དེ་བཞིན་གཤེགས་པའི་རྣམ་སྤྲུལ་གྱིས། །ཆོ་ག་སྣ་ཚོགས་འདོད་རྣམས་ལ། །ལས་ཀྱི་སྦྱོར་བ་སྣ་ཚོགས་ཀྱིས། །སངས་རྒྱས་རྡོ་རྗེ་འཛིན་ལ་སོགས། །འདུལ་བའི་ཕྱིར་ན་སྤྲུལ་པ་ཡིན། །སངས་རྒྱས་ལ་སོགས་བརྟན་གཡོ་ཀུན། །ཀུན་གྱི་དངོས་པོར་འདི་འགྱུར་རོ། །སངས་རྒྱས་ཐམས་ཅད་མཉམ་སྦྱོར་བ། །མཁའ་འགྲོ་སྒྱུ་མ་བདེ་བའི་མཆོག །སྒྱུ་མ་སྦྱོར་བ་འདི་ཡིས་ནི། །རྣམ་པ་སྣ་ཚོགས་ཀུན་གྱི་མཆོག །སེམས་ཅན་ཀུན་གྱི་དོན་མཆོག་རྣམས། །སངས་རྒྱས་མཛད་པའི་འདུལ་བས་འགྲུབ། །ཅེས་དཔལ་རྡོ་རྗེ་སེམས་དཔས་དབུགས་ཕྱུང་བའོ། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡིས། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །ཤིན་ཏུ་སྟོང་པ་ཉིད་ལ་བརྩོན། །འགོག་པའི་ཆོས་ཉིད་ལ་སྦྱོར་བས། །འགོག་ཤིང་ཡོངས་སུ་མྱ་ངན་འདས། །རྣལ་འབྱོར་དེ་ཉིད་བཅོམ་ལྡན་འདས། །རྡོ་རྗེ་སེམས་དཔའདེབཞིནགཤེགས། །འགྲོ་བ་ཐམས་ཅད་རྣམ་སྦྱང་ཕྱིར། །སངས་རྒྱས་སྤྲུལ་པ་ཀུན་ཏུ་འགྱེད། །སྟོང་པ་མ་ཡིན་མི་སྟོང་མིན། །དབུ་མར་ཡང་ནི་མི་དམིགས་ཏེ། ཁྲེས་རབ་ཕ་རོལ་ཕྱིན་སྦྱོར་བ། །ཐབས་ཀྱི་སྙིང་རྗེའི་བདག་ཉིད་རྣམས། །དེ་བས་དེ་ནི་སྙིང་རྗེའི་ཐབས། ཁེས་རབ་ཕ་རོལ་ཕྱིན་པར་གསལ། །རྟོག་པ་མེད་པའི་ཆོས་རྣམས་ལས། །སེམས་ཅན་དོན་དུ་ཡང་རྟོག་པ། །རྣམ་པར་མི་རྟོག་ལ་མོས་པས། །ཐམས་ཅད་རྟོག་པས་རྟག་པར་བྱ། །ཞེས་རྣམ་པར་སྣང་མཛད་ཀྱིས་དབུགས་ཕྱུང་བའོ། །འདས་པའི་དུས་ན་སྔོན་བྱུང་ན། །བདག་ཉིད་ཆེན་པོ་རྟག་པ་ཡིས། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ཀུན། ཁྲེན་ཏུ་ཁྲོ་གཏུམ་གདུག་པར་གྱུར། ཁེན་ཏུ་གདུག་ཅིང་ཁྲོས་པ་ཡིས། །འོ་དོད་འབོད་ཅིང་ལྟུང་བར་གྱུར། ཁེན་ཏུ་གདུག་ཅིང་ཁྲོ་བ་ལ། །ཞི་བས་ཕན་པར་མི་འགྱུར་ཏེ། ཁྲེས་རབ་ཐབས་ཀྱི་རྣལ་འབྱོར་པས། །ཁྲོ་བོར་དེ་བཞིན་གཤེགས་ཀུན་མཛད། །ཁྲོ་བོའི་ཚུལ་ཅན་ཁྲོས་པས་ཀྱང་། །འཇིག་རྟེན་གསུམ་དག་བསྲེག་བྱེད་ན། །སངས་རྒྱས་ཐམས་ཅད་ཁྲོས་པ་ཡིས། །ཁམས་གསུམ་མ་ལུས་སྨོས་ཅི་དགོས། །རྡོ་རྗེ་སེམས་དཔའ་དེ་བཞིན་གཤེགས། །དམ་ཚིག་ལ་སྡང་རྣམ་སྦྱང་ཕྱིར། །དུར་ཁྲོད་གར་གྱི་ཕྱག་རྒྱ་གསལ། །ཐར་པ་ནག་པོ་དྲེགས་ལྡན་དང། །ཚངསཆེན འཇུགསེལལྷ་ཆེན་དང་། །གུ་ལངདབངཆེནཉེདབངབཅས། །ཉི ཟླ གཤིན རྗེཚངས་པ་རྣམས། །བསྒྲལ་ནས་ཐལ་བ་རྡུལ་དུ་བཤིག །རྡོ་རྗེ་ཁ་ཊ༷་དྲིལ་བསིལ་ཤིང་། །ཐལ་བར་གྱུར་པ་འཚོ་བར་བྱས། །སེམས་ཅན་ཁམས་ནི་རྣམ་སྦྱངས་ནས། །དག་པའི་སངས་རྒྱས་ཞིང་རྣམས་སུ། །སངས་རྒྱས་བྱང་ཆུབ་དག་ལ་བཀོད། །རྡོ་རྗེ་འདོད་ཁྲོ་ལ་སོགས་ཀྱི། །རྟོག་པ་བླ་མེད་ཐམས་ཅད་ནི། །ནམ་མཁའི་དབྱིངས་ཀྱི་མཁའ་ཀླས་པའི། །སེམས་ཅན་ཁམས་ནི་རྣམ་པར་སྦྱངས། །ཞེས་ཧེ་རུ་ཀས་དབུགས་ཕྱུང་བའོ། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །ལོག་པར་བལྟ་ལ་གནས་པར་གྱུར། །ལྟ་བ་ཤིན་ཏུ་ངན་པ་ཡིས། །འོ་དོད་འབོད་པ་ཆེན་པོར་གྱུར། །རྣལ་འབྱོར་དེ་ཉིད་བཅོམ་ལྡན་འདས། །བྱང་ཆུབ་སེམས་ནི་རྣམ་སྦྱང་ཕྱིར། །ཆགས་པའི་པཟློ་རྡོ་རྗེ་ཆོས། །ཧེ་རུ་ཀར་གནས་ཉེས་སྐྱོན་བྲལ། །ཁམས་གསུམ་ཉེས་སྦྱངས་སྤྱན་རས་གཟིགས། །པདྨ་གར་དབང་ཕྱག་རྒྱར་གསལ། །འདོད་ཆགས་ཐམས་ཅད་དག་པ་ན། །པདྨར་སྦྱོར་བའི་འདོད་ཆགས་ཀྱིས། །འདུལ་བར་གསལ་བས་དོན་ལ་སྦྱོར། །པདྨ་གར་གྱི་དབང་ཕྱུག་གིས། །ནམ་མཁའི་མཐའ་ཀླས་རྟོག་པ་རྣམས། །སེམས་ཅན་ཁམས་རྣམས་སྦྱང་བའི་ཕྱིར། །ཆགས་པའི་དོན་གྱིས་རྣམ་པར་སྦྱང་། །ཞེས་པདྨ་གར་གྱི་དབང་ཕྱུག་གིས་དབུགས་ཕྱུང་བའོ། །འདས་པའི་དུས་ན་སྔོན་ཕྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། ཤེན་ཏུ་གདུག་ཅིང་བརྐམ་པར་གྱུར། །བརྡུངས་ཤིང་བརྐམ་པས་ཡི་དྭགས་ལྟུང་། །དེ་ནས་འཕོས་ནས་དབུལ་པོར་སྐྱེས། །དེ་ཡི་སྐྱོན་གྱིས་གསོད་པར་བྱེད། ཁེན་ཏུ་གདུག་པ་སྦྱང་བའི་ཕྱིར། །རྣལ་འབྱོར་དེ་ཉིད་བཅོམ་ལྡན་འདས། །དམ་པའི་དོན་ཆེན་ཉི་མ་བྱུང་། །ནམ་མཁའི་སྙིང་པོའི་རིན་ཆེན་གྱི། །རེ་བ་ཀུན་ཡང་ཡོངས་རྫོགས་མཛད། །ཁྲོ་གཏུམ་ཞི་བས་མི་འདུལ་ཕྱིར། ཁེས་རབ་ཐབས་ཀྱི་རྣལ་འབྱོར་པ། །རྡོ་རྗེ་ཉི་མའི་ཕྱག་རྒྱར་གསལ། །འཇིག་རྟེན་གསུམ་སོགས་རྟོག་པ་ཀུན། །སྦྱངས་ནས་ཡོན་ཏན་རྒྱས་ཤིང་འཕེལ། །རྡོ་རྗེ་ཉི་མས་དབུགས་ཕྱུང་བའོ། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་དུ་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །བརྩོན་འགྲུས་ཤིན་ཏུ་ཆུང་བར་གྱུར། ཁྲེན་ཏུ་བརྩོན་འགྲུས་ཆུང་བ་ཡིས། །མནར་མེད་པ་ཡི་དམྱལ་བར་ལྟུང་། །རྣལ་འབྱོར་དེ་ནི་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །དྲག་ཤུལ་སྦྱོར་བའི་ཚུལ་དག་ཏུ། །རྟ་མཆོག་དཔལ་དུ་རྣམ་པར་སྣང་། །ཤིན་ཏུ་ཁྲོ་ཤིང་གཏུམ་པ་ལ། །ཞི་བས་ཕན་པར་མི་འགྱུར་ཏེ། །ཁྲོ་བོ་དེ་བཞིན་གཤེགས་པ་ཡིས། །སྡིག་མེད་སྟོབས་ཀྱིས་ངོ་མཐོན་དུ། །དྲེགས་པ་པོ་ནི་མནན་ནས་སུ། །དེ་ཚེ་ཡུམ་རྣམས་རང་གིས་སྤྱད། །ཞི་རྒྱས་དབང་དྲག་ལྷུན་གྲུབ་ཀྱིས། །རྟ་མཆོག་རྣམ་པར་འཕྲུལ་པ་ཡིས། །མ་ལུས་ལུས་པ་མེད་པ་ཡི། །སེམས་ཅན་རྣམས་ཀྱི་དོན་ཡང་བྱེད། །རྟ་མཆོག་དཔལ་གྱི་རྒྱལ་པོ་ཡིས། །ནམ་མཁའི་དབྱིངས་ཀྱི་མཐའ་དོན་བསྒྲུབས། །ཞེས་དཔལ་རྟ་མཆོག་གིས་དབུགས་ཕྱུང་བའོ། ་སྣྲུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། །རིགས་དྲུག་གི་འགྲོ་བ་ལ་སྤྲུལ་པ་རོལ་པའི་ལོ་རྒྱུས་བཀོད་པའི་རྟོག་པ་སྟེ་ལེའུ་གཉིས་པའོ།། །།དེ༷་ནས་དེ་བཞིན་གཤེགས་པ་ཐམས་ཅད་ཀྱི་གསུང་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་དང་གསུང་དང་ཐུགས་དང་ཡོན་ཏན་དང་ཕྲིན་ལས་འདུས་པ་ལས་འདི་དག་ཕྱུང་ངོ་། །ཨཱོཾ་མ་ཧྭ་ཤཱ་རྒྱ་ཏྭ་ཙྭ་ན་བཛྲ་གྲྭ་བྷ་ཝ་ཨུཏཱ་ཀོ྅ཧ༷། དྷརྨ་དྷ་ཏུ་བཛྲ་སྭ་བྷ་ཝ་ཨུཏྣ་ཀོ྅ཧ༷། ཧུ༷་ཙིཀྟ་པྲ་བེ་སྤ་ར་ཎ་ཕཊ། ཨེ་ཨུ་ཀ་ཤ་མཎྜལ། ཡ༷་ཀརྨ་རཀྟ་ཧ༷། བ༷་མྱ་མ་ཀི་རི། སུ་རུ་མེ་སུ༷་ལ༷་ཏིརྫི་མཎྜལ། ར༷་ཙྭ་རྨྱི་མཎྜལ། རག་ཏ་མྱ༷་ས་ཀེ་རེ་སྡུ༷་ཙཀྲ་མཎྜལ། སྡུ༷་བཛྲ་མཎྜལ། སྒྱུ༷་རཏྣ་མཎྜལ། སྡུ༷་པདྨ་མཎྜལ། སྒྱུ༷་བཛྲ་བི་ཤྭ་མཎྜལ། རྒྱུ༷་ཨེ་མཎྜལ། ཀ་ཁ་ག་བྷ་ང་། ཙ་ཚ་ཛ་རྙོ་ཉ། ཊ་ཋ་ཌ་རྟེ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྟ། ཨ་་ཨུ། ཨི་སྙི། ཨུ་སྨྱུ། རེ་ཙྭ། ལི་ལྟོ་། ཨེ་ཨེ། ཨོ་་་། ཨ༷་ཨུ༷༷ཧུ༷། ཨཱོཾ༷་ཧེ་སྙི༷༷ཧྲུ༷་ཨུ། སྔགས་རྣམས་་སོར་བཞག །ཨོ་མ་ཧྭ་སུ་ཁ་༄༅ བཛྲ་ས་ཏྭ་ཨ་ཛ༷༷ཧུ༷་བ༷་ཧོ༷༷། སུ་ར་ཏ་སྟུ༷་ཛ་བཛྲལྷུརྫི་སྭ་ཡེ་ཀ་མསྐྱོ། ཧུ༷་བཛྲ་ཀི་ལི་ཀི་ལི་ཧུ༷། བ༷་བཛི་ནི་རྨ་ར་ར་ཏ་ཧོ༷་། བཛྲ་ཀྭ་ལེ་ཤྭ་རི་ཏྲི། ཨཱོཾ༷་ཨུ༷༷མ་རྙུ་བཛེ་ལྷུ༷་ལྷུ༷། ཨཱོཾ༷་བཛྲ་མེ་བྷ་ག་ལྷུ་ལུ་ལྷུ་ལུ་སྒྱུ༷། ཨཱོཾ༷་ཧ་ཤ་ར་སྟ་བཛེ་ནི་ཨི་ཨི། ཨོ་ཁ༷་བཛྲ་ཤི་ཤི་རི་ཧུ༷་ཧུ༷། ཨཱོཾ༷་རྒྱུ་ཁ༷་ཨོ་བཛྲ་སར་ཤ༷། ཨཱོཾ༷་བཛྲ་ར་ཏྭ་ར༷། ཨཱོཾ༷་བཛྲ་དྷརྨུ་བ༷། ཨཱོཾ༷་བཛྲ་ཀརྨ་ཐ༷། ཧ༷་སརྦ་བཛྲ་ཚེ་བཛྲ་ཏ་ཏྲེ། ཏྲ༷་བཛྲ་བཱ་ད༷། དྷ༷་བེ་ཤ་བཛྲ། ཨཱོཾ༷༷་ཧེ་རུ་ཀ་བཛྲ་ས་་མ་ལྭ་ཧི།སརྦ་དུཛི་ས་མ་ཡ་མུ་དྲ་པྲ་བྷརྫི་ཀ་ཧུ༷་ཕཊ། ཨཱོཾ་བཛྲ་གུ་རྒྱ་སིརྙི་པ་ར་མ་ཡོ་གི་ཤ་རི་སྙི་ཧུ༷་ཧུ༷། བཛྲ་རྩ་རེ་ཤྭ་རི་ཁ་ཌ༷་གི་མ་ཧི། བཛྲ་ཀ་པ་ལྭ་མ་ཀུ་ཎྜ་རུ་ལུ་རུ་ལུ་ཧི་ན། ཧུ༷་བཛྲ་ན་ད་ལ་ནི་ཛ་རྙི། ཨཱོཾ་བཛྲ་ས་ཏྭ་ཀེ་ཛི་ཧུ༷་བཛྲ་པྲ་ཧ་ར་ཎ་མ་དྷ། ཨ༷་བཛྲ་ཤུ་སྙི་གྲ་སྟི་དྷ་ཧུ༷་ཕཊ། ཧུ༷་བཛྲ་ཡོ་ཤེ་ཙིསྟོ་མ་ཎ། ཧུ༷་བཛྲ་མེ་ལ་ད་ཤེ་མ་ཌ། ཧེ་བཛྲ་ར་ཏི་པ༷། པ་མ་ཧྭ་ར་ཏ་བཛི་ཧོ། ཨོ་བཛྲ་ལོ་ཙ་ན་ཡ༷། ར༷་མ་ཧྭ་ཤི་བཛྲ་ཧི། ཨོ་སིརྙུ་བྱུ་སིསྐྱི་བྷ་བ་སི་རྙུ། མ་ཧྭ་བཛྲ་རཏྣ་བ་བ་ཌ་ཌ་ར༷། བཛྲ་སཏྭ་ཛ༷༷ བཛྲ་རཏྣ་ཧུ༷། བཛྲ་དྷརྨ་བ༷། བཛྲ་ཀརྨ་ཧོ་༷། ཨོ་པྲི་ཏི་བཛྲ་ནི་མ་ཌ་ས། ཨོ་བཛྲ་པྲི་ཏི་ཧྲི། །ཨོ་བཛྲ་ཙི་ཧྲ་མ་ནི་ཧོ། །ཨོ་བཛྲ་མ་ཧྭ་མ་ཧོ་ཧུ༷། ཨོ་སྭ་བྷ་ཝ་ཤརྙ་པདྨ་ན་ཏེ་བ་ཤ་སྙི༷༷ ཨོ་སརྦ་ཏ་ཀ་གྭ་ར་པདྨ་སྣོ་ཧུ༷། བཛྲ་པཟླི། ཧི་པཟླི་པཟླི་བ༷། ཧོ་པདྨ་ཁེ་ར་ཛ། ཧུ༷་པདྨ་རྩ་དེ་ཤྭ་རི་ཧུ༷་ཕཊ། ཧེ་མ་ཧྭ་བི་ཤཱ་པདྨ་མུ་ཏེ་སིརྙི་ཧུ༷་ཕཊ། སྙི༷༷པཟླི་པཟླི་ཧུ༷་ཨ༷། ཧོ་པཟླི་བི་ཤྭ་ཀི་མ་ཀྲ་མ་ཧཱུཾ་ཛ། ཨོ་སུསྦྱུ་ནི་སུསྟ་ནི་ཧུ༷། ཨོ་བི་ཤྭ་བཛེ་དྷརྨུ་བརྡོ། ཨོ་བི་ཤྭ་བཛྲ་༷སཏྭ་ཧ། ཨོ་ཧེ་ར་ཏི་བཛྲ་བི་ལྭ་སི་ནི་དྲ་ཌ། ཧེ་ར་ཏི་བཛྲ་གི་ཏེ་ཏེ་ཏེ་ཏེ། ཧེ་ར་ཏི་བཛྲ་ཧྭ་སེ་ཧ་ཧ་བེ། ཧེ་ར་ཏི་བཛྲ་དྲི་ཏྲེ་པི་བ་བེ་བ་དྷ། ཨོ་ཤཱརྙི་རྒི་བ་ཧུ༷། ཨ་བཛྲ་པྲསྤྲོ ཨ་བཛྲ་དྷ་པེ།ཨ་བཛྲ་ཨུ་ལོ་ཀེ། ཨ་བཛྲ་གརྙེ། ཨཱོཾ༷་ཧ་ཡ་རྒི་བ་སྤྲེ༷ཁྱི་ཧུ༷། གིརྟི་སྙི༷༷། ལྭ་པྱེ་ཧུ༷། མྱ་ལེ་ཏྲ༷། དྲི་ཏྲེ་ཨུ། ཨཱོཾ༷་ཧུ་ལུ་རྒི་བ་བ་ཤ༷་ཧུ༷། རུ་པ་ཧུ༷། ཧེ་ར་ཏི་ཧུ༷། ཛི་བི་ཧུ༷། ཙི་པི་ཏི་ཧུ༷། ཨ༷་ཨེ་མ་ར་ཧུ་ལུ་ཧུ༷། ཨཱོཾ༷་བཛྲ་ཨ༷་ཀུ་ཤ་ཛ་༷༷ ཨཱོཾ༷་བཛྲ་བཱ་ཤ་ཧུ༷། ཨཱོཾ་བཛྲ་སྤྲོ་ཊ་བ༷། ཨཱོཾ་བྷསྟེ་ཧོ༷༷། །ཨཱོཾ་པ་ན་སེ། སེ་ནུ་རུ་སུ་ཏ། །ཏི་ཕུ་ས་ར་མུ། །ཏ་ཐུ་ག་ཏ་སིརྙི་བུ། སརྦ་སི་ཏི་བུ་ས་མ་ཡོ་ཏ་མུ། །མ་ཧྭ་སུ་ཁ་སི་ཏི་བུ། །ཞེས་དེ་བཞིན་གཤེགས་པ་ཐམས་ཅད་ཀྱིས་གསུངས་པས། སྟོང་གསུམ་ཐམས་ཅད་སྐུས་གང་། རབ་ཏུ་གང་། ཀུན་ཏུ་གང་ངོ་། །དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུའི་སྙིང་པོ་ཞེས་བྱ་བ་འདི་ཕྱུང་ངོ་། །ཨོ་བོ་དྷི་ཙིཀྟ་མ་ཧྭ་སུ་ཁ་ཙྭ་ན་དྷ་ཏུ་ཨུ༷༷། ཞེས་གསུངས་པས་ཞི་བའི་ཚོགས་ཐམས་ཅད་དགྱེས་པར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་གསུང་གི་སྙིང་པོ་འདི་ཕྱུང་ངོ་། །ཨོ་རྙི༷༷ཧ་ཧ་ཧཱུཾ༷་ཧུ༷་ཕཊ། ཅེས་གསུངས་པས་གསུང་གི་ཚོགས་ཐམས་ཅད་དགྱེས་པར་གྱུར་ཏོ། །དེ་ནསདེབཞིན གཤེགསཔཐམས་ཅད་ཀྱི་ཐུགས་ཀྱི་སྙིང་པོ་འདི་ཕྱུང་ངོ་། །ཨོ་རུ་ལུ་རུ་ལུ་ཧུ༷་སྨྱོ་ཧུ༷། ཞེས་གསུངས་པས་ཁྲོ་བོའི་ཚོགས་ཐམས་ཅད་དགྱེས་པར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཡོན་ཏན་གྱི་སྙིང་པོ་འདི་ཕྱུང་ངོ་། །ཨོ་ཨུ༷༷ཧུ༷་སརྦ་པརྩི་ཨ་མྲི་ཏ་ཧུ༷་སྙི༷༷ཐུ། ཞེས་གསུངས་པས་ཡོན་ཏན་གྱིས་རབ་ཏུ་གང་ངོ་། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཀྱི་སྙིང་པོ་འདི་ཕྱུང་ངོ་། །ཨོ་སུལྷ་ནི་སུསྟ་ཧུ༷། གྲོཎྜ་གྲིཎྜ་ཧུ༷། གྲིསྦྱི་པ་ཡ་གྲོཟློ་པ་ཡ་ཧུ༷། ཨུ་ན་ཡ་ཧོ། བྷ་ག་ལྷུན། བིབྱུ་རྭ་ཛ་ཧུ༷་ཕཊ། ཅེས་གསུངས་པས་ཕྲིན་ལས་ཡོངས་སུ་གྲུབ་བོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་གསང་བ་ཞེས་བྱ་བ་འདི་གསུངས་སོ། །ཛ༷༷ཧུ༷་བ༷་ཧོ༷༷། ཨེ་རྒྱེ་ཧི་བྷ་ག་ལྷུན། མ་ཧྭ་ཀ་རུ་ཁི་ཀ ཁྲེ་ཤུ་ཧོ། ས་མ་ཡ་ཧོ། ས་མ་ལ་སྟུ༷། །ཨོ་སརྦ་ཏ་ཐུ་ག་ཏ་ཚ་ཡ་ཏིཛི་ལྷན། ཨོ༷་སརྦ་ཏ་ཐུ་ག་ཏ་ཀྭ་ཡ་ལྷུ་ཀ་ཙིསྟ་པྲ་ཎ་མེ་ན་བཛྲ་བནྟྲ་ན༷་ཀ་རོ་མི། ཨོ་ན་མ་ཏེ་ཧུ༷། ན་མ་མེ་ཧུ༷། ན་མོ་ན་མ༷༷ཧུ༷། ཨོ་མ་ཧྭ་ཤུ་རྒྱ་ཏྭ་ཙྭ་ན་ཨོ་ཨུ༷༷ཧུ༷་གྲྭ་ཧྭ། མ་སརྦ་ཏ་ཐུ་ག་ཏ་ཨ་སྟི་ཁེ་ག་ཏ་ས་མ་ཡ་ཕྲི་ཡེ་ཧྭ༷། ཨོ་སརྦ་ཏ་ཐུ་ག་ཏ་ཨུ་གཏ་སྟི་ཁེརྩི་མེ། ཨོ་སརྦ་ཏ་ཐུ་ག་ཏ་ཀྭ་ཡ་བཱ་ཀ་ཙིསྟ་ཧུ༷། ཨེ་ཨུ་ར་ལི་སྙི༷། ཛ༷༷ཧུ༷་བ༷་ཧོ༷༷། བཛྲ་ཌསྐི་ནི་ས་མ་ཡ་ཧ༷་དྲི་ཤུ་ཧོ། །ཨོ་བཛྲ་ཌསྐི་ནི་ཨི་ད༷་བ་ལི་གྲིཎྜནྟྲ་ས་མ་ཡ་རཀྟསྐྱི །ཨོ་བུརྙ་ཌསྐི་ནི་ཨི་ད༷་བ་ལི༷་ཏ་གྲིཎྜསྐྱི་ས་མ་ཡ་རཀྟསྐྱི། ཨོ་རཏྣ་ཌསྐི་ནི་ཨི་ད༷་བ་ལི་གྲོཎྜསྐྱི་ས་མ་ཡ་རཀྟནྟྲ། ཨོ་བྷརྙ་ཡ་བྷནྟྲ་ཡ།་གཉི་རྭག དོ་ཤ་ཡ་དོ་ཤ་ཡ། མོ་ཧ་ཡ་འམོ་ཧ་ཡ། སརྦ་ཌསྐི་ནི་ཨེ་ཨུ་ར་ལི་ཧི། །ཨོ་པདྨ་ཟློསྐི་ནི་ཨི་ད༷་བ་ལི༷་གྲིཎྜསྐྱི། ས་མ་ཡ་རཀྟནྟྲ། །ཨོ་ཀརྨ་ཌའསྐི་ནི་ཨི་ད༷་བ་ལི་གྲོཎྜསྐྱི་ས་མ་ཡ་རཀྟསྐྱི། ཨོ་སརྦ་ཌའསྐི་ནི་ཨི་ད༷་བ་ལི་གྲོཎྜནྟྲ་ས་མ་ཡ་རཀྟནྟྲ། ཨོ་ཤཱ་ཤ་ན་ཌའསྐི་ནི་ཨི་ད༷་བ་ལི་གྲོཎྜསྟུ་ས་མ་ཡ་རཀྟརྙུ། ཞེས་གསུངས་པས་ཐམས་ཅད་མཉེས་པར་གྱུར་ཏོ། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས་གསུང་གི་འཁོར་ལོའི་རྟོག་པ་སྟེ་ལེའུ་གསུམ་པའོ།། །།དེ་ནས་དེ་བཞིན་གཤེགས་པ་རྣམས་ཀྱིས་འདི་གསུངས་སོ། །སངས་རྒྱས་འདི་ཚེ་བསྒྲུབ་བྱའི་ཕྱིར། སྐུ་གསུམ་པ་ལ་གོམས་པར་བྱ། །དང་པོ་ཆོས་ཀྱི་དབྱིངས་ཉིད་ལས། །དམིགས་པ་མེད་པའི་དོན་གྱིས་བསྒོམ། །བསྒྲུབ་མེད་ཡུམ་གྱི་བྷ་ག་ལ། །བརྗོད་མེད་སེམས་ཀྱི་ངང་དུ་གསལ། །ཆོས་ཀྱི་དབྱིངས་ཀྱི་ཡེ་ཤེས་ཀྱིས། །ཐམས་ཅད་ཀུན་ལ་ཁྱབ་པར་བྱ། །རྩོལ་མེད་མ་བསྒྲུབས་ཇི་ལྟར་ལས། །ཀུན་སྣང་ནམ་མཁའི་ངང་ཉིད་འབྱུང་། །མེད་པའི་རྒྱུ་ལས་མངོན་གསལ་བ། །སེམས་ཀྱི་རང་བཞིན་ཡེ་ཤེས་གསལ། །དམ་པའི་ཡི་གེ་ཨོ་ལས་ནི། །ཡེ་ཤེས་སེམས་དཔའ་གསལ་བར་ཤར། །འབྱུང་ལྔའི་དམ་པ་རིན་ཆེན་དབྱིངས། །སྟོང་གསལ་གཡོ་ཞིང་སྡུད་པའི་ཆུ། །སྲ་མཁྲེགས་སྲེག་བྱེད་འབར་བའི་མེ། །ཟློ༷། ཅིར་ཡང་འགྱུར་བའི་ཡིག་འབྲུ་བསམ། །བཞུགས་གནས་འབར་བ་ཆོས་ཀྱི་དབྱིངས། །ཡེ་ཤེས་དྲུག་གི་གཞལ་ཡས་ཁང་། །རང་གནས་མཛེས་པའི་དབྱིངས་དང་ལྡན། །ཧུ༷་འབར་སྒེག་པའི་ཉམས་ཅན་ཞལ། །རྡོ་རྗེ་ཁ་ཊ༷་དྲིལ་བུ་འཁྲོལ། །ཐབས་དང་ཤེས་རབ་མདའ་གཞུ་འཛིན། །མཐིང་ག་མཚན་དང་དཔེ་བྱད་རྫོགས། །བདེ་མཆོག་དཀར་མོ་ཛ་ལས་སྐྱེས། །ཐབས་དང་ཤེས་རབ་མདའ་གཞུ་འཛིན། །ཧུ༷་སྐྱེས་གསེར་མདོག་ཨེ་མ་བདེ། །འཁྱུག་འགྱིང་རྡོ་རྗེ་རིན་ཆེན་བསྣམས། །བ༷་སྣང་མཛད་དམར་པོ་རྡོ་རྗེ་ཐོད། །ཐབས་ཀྱི་ཁ་ཊ༷་རབ་ཏུ་འཁྲོལ། །ཧོ་སྐྱེས་ལྗང་གུ་སློབ་མ་མོ། །འཁྱུད་ཅིང་བདུད་རྩིར་རབ་ཏུ་གསོལ། ཁྲར་ཕྱོགས་རིམ་བཞིན་བྱང་དུ་འཁོར། །ཨོ་སངས་རྒྱས་བྱང་ཆུབ་དཀར་མོ་ཆེ། །དུས་གཅིག་ཚངས་མགོ་མདའ་གཞུ་འཕེན། །ཟློ༷། ཆོས་ཀྱི་འཁོར་ལོ་དཀར་སེར་མ། །དམར་སྐྱ་རྣམ་རྒྱལ་ཧ་ལས་བྱུང་། །ཏྲི་ཤུལ་རྡོ་རྗེ་གསུམ་ལྔ་འཛིན། །ཁ༷། འདོད་པའི་དབང་མོ་ལྗང་གུ་ཞལ། །དཔག་བསམ་ལྕུག་མ་རླུད་གིས་བསྐྱོད། ཁྲར་ལྷོ་ནུབ་བྱང་རིམ་་སྐྱེས་སོ། །རྡོ་རྗེ་འཛིན་རྒྱལ་འཁོར་ལོ་ཆེ། །དཀར་འབར་སྣང་མཛད་དགེ་སློང་ཅན། །ཆོས་ཀྱི་འཁོར་ལོ་གླེགས་བམ་དང་། །ལུབར་གསིལ་ལྷུང་བཟེད་མཚན་དཔེར་ལྡན། །ཀྟ༷། སྔོ་སང་སངས་རྒྱས་བྱང་ཆུབ་མ། །རྡོ་རྗེ་ལྕེ་ཡི་རྣམ་པར་བསྒོམ། །ར༷། དཔའ་མོ་གསེར་མདོག་ཆ་ལང་འཁྲོལ། །ཏྲ༷། ཀུན་བཟང་དམར་མོ་རིན་ཆེན་འཛིན། །ད༷། མི་བཟད་ལྗང་གུ་དུང་འཛིན་མ། །དབུས་ཀྱི་འཁོར་ལོ་ཤར་ནས་འཁོད། །ཀྟ༷། སྤྲིན ཆེན དམརམོསྤྲིན ཆེན འབེབས། །ད༷། ནམ་མཁའི་སྤྱན་མ་པདྨ་དཀར། །ཧ༷། སངས་རྒྱས་དབྱངས་མ་སེར་མོ་རིན་ཆེན་རྒྱལ། །ཧ༷། མཆོད་ཆེན་ལྗང་གུ་རིན་ཆེན་སྣོད། །གཙོ་ལ་འཁོར་ཞིང་ཕྱོགས་བཞིར་གནས། །ཛ། མདའ་འཛིན་དམར་སེར་མདའ་གཞུ་ཅན། །ཧུ༷། སྔོན་མོ་ཁ་ཊ༷་རལ་གྲི་འཛིན། །ཝ། དམར་སེར་ཉི་མའི་དཀྱིལ་འཁོར་ཅན། །རྡོ་རྗེ་ལྗང་སེར་མཆོད་སྡོང་ཅན། །རྡོ་རྗེ་ཉི་མ་རིན་ཆེན་རྫོགས། །སྙི༷༷། གར་དབང་དམར་པོ་པདྨ་འཛིན། །ཞལ་གཅིག་ཕྱག་གཉིས་རྣམ་པར་མཛེས། །ཡང་ན་རྡོ་རྗེ་དྲིལ་མཚན་པ། །ཉི་ཤུ་གཅིག་དང་ལྔ་བཅུ་གཉིས། །ཛ༷༷། རྣམ་གཟིགས་དཀར་པོ་པདྨ་འབྱེད། །ཧཱུཾ། སྒྲོལ་མ་དམར་སྐྱ་ཨུཏུལ་སྐུ། །ཝ༷། ས་འཛིན་དཀར་མོ་འཁོར་ལོ་འཛིན། །ཧོ༷། ཁྲོ་གཉེར་རྡོ་རྗེ་ཨུཏུལ་ལྗང་། །ཧུ༷། ག་་པོ་པདྨ་རྡོ་རྗེ་མཐིང་། །ཧེ། སྣ་ཚོགས་པདྨ་འཁོར་ལོ་སྔོ། ཨུ༷༷། པདྨ་ཆུ་སྲིན་རྒྱལ་མཚན་དཀར། །ཧོ། པདྨ་ལྗང་གུ་པདྨ་བསྒྲུབ། །ཕྱེད་ཕྱེད་ཕྱི་ནང་རེའུ་མིག་རྫོགས། །པདྨ་གར་དབང་ཆུ་སྐྱེས་རྫོགས། །ཨུ༷༷། ལྗང་སེར་རྟ་མཆོག་རྟ་གདོང་ལྗང་། །བ་དན་གསུམ་པ་སྣ་ཚོགས་ཐུགས། །རལ་གྲི་མདའ་ནི་བཞི་པར་འཆང་། །སྣ་ཚོགས་པདྨ་མདུང་རྩེ་གསུམ། །བེ་ཅོན་གཞུ་ནི་བཞི་པར་འཛིན། །འགྱིང་བརྗིད་གར་གྱི་སྐུར་ལྡན་དགྱེས། །ཛི།སྣ་ཚོགས་པདྨ་དཀར་ལྗང་གཡས། །ཧ། སྔོ་ལྗང་རྡོ་རྗེ་སྣ་ཚོགས་གཡས། །ལས་བཞི་རྟ་མཆོག་རིམ་པར་སྦྱར། །རྒྱ་གྲམ་རྟ་ཡི་འཁོར་ལོར་རྫོགས། །ཧུ༷་སྐྱེས་དཀར་པོ་རྟ་ཞལ་འགུགས། །ཨ་སྐྱེས་སྔོན་མོ་གླིང་བུ་འབུད། །ཏ༷། སེར་མོ་རྡོ་རྗེ་པི་ཝང་འདྲེན། །བ༷། རྔ་ཆེན་དམར་མོ་རྔ་རིངས་བརྡུངས། །རྙོ། རྫ་ལྔ་ལྗང་གུ་རྡོ་རྗེ་མཚོན། །ཟླུམ་ཞིང་འཁྱིལ་ནས་གྲྭ་ལ་རྫོགས། །རྙོ་སྐྱེས་སེར་པོ་རྟ་ཞལ་ཞགས། །ཨ། དམར་སེར་རྡོ་རྗེ་མེ་ཏོག་སྣོད། །སྤོས་སྣོད་དཀར་མོ་ཨ་སྐྱེས་མ། །ཨུ༷༷། དམར་སྐྱ་མར་མེ་བ་དན་འཛིན། །ཨ། བྷརྙེ་ལྗང་གུ་དུང་ཆོས་འཛིན། །མཆོད་པའི་དཀྱིལ་འཁོར་ཐིག་ལེ་རྫོགས། །བེ་སྐྱེས་དམར་མོ་རྟ་ཞལ་ལྕགས། །ཧུ༷་སྐྱེས་དཀར་མོ་ལ་སོགས་གཟུགས། །མྱ་ལེ་ཕྲེང་བ་ཏྲ༷་སྐྱེས་སྔོ། །གིརྟི་དམར་མོ་གླུ་ལེན་སྙི༷༷ ཨ་སྐྱེས་ནིརྟི་ལྗང་གུ་གར། །དབང་མཆོག་རྒྱལ་པོ་གྲྭ་ལ་རྫོགས། །ཧུ༷་སྐྱེས་བྱུང་བ་ལྗང་གུ་དྲིལ། །རུ་སྐྱེས་དཀར་མོ་མེ་ལོང་གཟུགས། །ཧི་སྐྱེས་སེར་མོ་དྲི་སྣོད་མ། །ཛི་སྐྱེས་དམར་མོ་དྲི་བསུང་སྣོད། །ཙི་སྐྱེས་ལྗང་གུ་ཞལ་ཟས་སོ། །དཀྱིལ་འཁོར་ཨེ་ཡི་འཁོར་ལོ་རྫོགས། །དཀར་མོ་རྟ་གདོང་ལྕགས་ཀྱུ་ཤར། །ཛ༷༷ལས་བྱུང་བས་འགུགས་བྱེད་བྱམས། །ཕག་གདོང་ནག་མོ་ཞགས་ཐོག་ལྷོ། །ཧུ༷་ལས་སྐྱེས་པ་སྙིང་རྗེ་བདག །སེང་དམར་ཐབས་ཤེས་ལྕགས་སྒྲོག་ནུབ། །བ༷་ལས་བྱུང་བ་དགའ་བ་དམར། །ལྗང་གུ་ཐལ་བྱེད་སྤྱང་དྲིལ་བྱང་། །ཧོ༷༷ལས་སྐྱེས་པ་བཏང་སྙོམས་ལས། །རིག་པ་ལས་སྐྱེས་ཡེ་དག་ཕྱིར། །རྫོགས་ཆེན་རྣལ་འབྱོར་དུས་གཅིག་རྫོགས། །ཀུན་ཏུ་དམིགས་ལ་རིག་པར་ལྡན། །གཏི་མུག་ཅན་ལ་གཏི་མུག་སྟེ། །ཞེ་སྡང་ཅན་ལ་ཞེ་ཡང་སྡང་། །གདུག་པ་ཁྲོ་ག་་འདོད་པ་བཞིན། །སེར་སྣ་ཅན་ལ་སེར་སྣས་བསྡམས། །འདོད་ཆགས་ཅན་ལ་འདོད་ཆགས་སྦྱོར། །ཕྲག་དོག་ལ་ཡང་ཕྲག་དོག་གོ །འདུལ་ཕྱིར་རིགས་སུ་བསྡུས་པ་དང་། །བྱེ་བྲག་རྣམས་ལ་བྱེ་བྲག་སྟོན། །རྒྱལ་བ་རྫོགས་པའི་དཀྱིལ་འཁོར་ལ། །བསམ་ཡས་འདོད་པ་ཀུན་སྟེར་ཕྱིར། །རིག་པའི་སྤྲུལ་པ་རྒྱ་ཆེན་མཆོད། །གདུང་བའི་གླུ་དང་མཛེས་པའི་གར། །རོལ་མོ་ལས་ཀྱི་ཀརྨས་དབུལ། །ཞེས་གསུངས་སོ། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། ལྷ་རྣམ་པར་བཀོད་པའི་ལེའུ་སྟེ་རྟོག་པ་བཞི་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང་ཡོན་ཏན་ཕྲིན་ལས་ཀྱི་དཀྱིལ་འཁོར་ཐམས་ཅད་ཡོངས་སུ་མཉེས་པར་བྱེད་པ་ཀུན་ཏུ་རྣམ་པར་སྤྲུལ་པའི་རོལ་པ་ཆེན་པོ་རོལ་མོའི་རྒྱན་ཞེས་བྱ་བ་འདི་གསུངས་སོ། །རིག་པ་རིག་པ་ཉིད་ལ་གནས། །དེ་ཕྱིར་རིག་པ་རིག་པའི་སྤྲུལ་པ་སྟེ། །དམིགས་མེད་མཁའ་ལྟར་དག་པས་ཁྱབ་པའི་སྐུ། །སྤྱན་དྲངས་གཤེགས་སུ་གསོལ་བར་མི་དམིགས་ཀྱང་། །ཐུགས་རྗེའི་ངང་ཆེན་ཆོས་སྐུ་དག་པ་ལས། །ཡེ་ཤེས་སྒྱུ་མར་རོལ་ཅིང་གཤེགས་སུ་གསོལ། །བསྙེངས་པ་མི་མངའ་སྟོབས་བཅུའི་ཤུགས་མངའ་བ། །མ་འདྲེས་སངས་རྒྱས་ཆོས་རྣམས་རབ་ཏུ་རྫོགས། །དཔལ་ཆེན་ལོངས་སྤྱོད་རྫོགས་པའི་སྐུ། །རྔམས་པའི་ཞལ་ནས་འབྲུག་སྒྲོག་ཅིང་། །སེང་གེའི་ང་རོས་ཀྱང་ནི་བསྐྱོད་དུ་མེད། །གདུག་པའི་ཚོགས་རྣམས་ཟིལ་གྱིས་གནོན་མཛད་པ། །བཅོམ་ལྡན་འགྲོ་ལ་བརྩེ་སླད་གཤེགས་སུ་གསོལ། །མཁའ་འགྲོ་ཀུན་དང་ཐབས་ཅིག་གཤེགས་སུ་གསོལ། །སྒྱུ་མ་གར་གྱི་རོལ་པས་འདྲེན། །རིག་པ་ཉིད་ལ་ཡེ་ཤེས་འཇུག །མཐུ་ལྡན་ནུས་པ་རྟོག་པ་སེལ། །མཆོད་པའི་རྣམ་པ་ཐམས་ཅད་ལ། །མུ༷་ས་ཆུ་དང་ཟིལ་པ་དང་། །གྲུབ་པ་བཞི་ཡིས་རབ་བརྒྱན་པ། །ཏིང་འཛིན་མཐུ་དང་ངོ་བོས་གྲུབ། །སངས་རྒྱས་རྣམས་ལ་ཙན་དན་སྤྲོས། །རྡོ་རྗེ་ཅན་ལ་གུར་གུམ་ཡིན། །སྤྱན་རས་གཟིགས་ལ་ཙན་དན་དམར། །ག་བུར་རྡོ་རྗེ་ཉི་མ་ལ། །མེ་ཏོག་ཀུན་དང་བདུག་པ་ཀུན། །དེ་བཞིན་མར་མེ་ཐམས་ཅད་དང་། །སྤོས་རྣམས་ཐམས་ཅད་ཇི་སྙེད་པ། །རྡོ་རྗེ་འཆང་ལ་དབུལ་དུ་རུང་། །སྨིན་དང་གཡོ་བའི་དཀྱིལ་འཁོར་དུ། །ཡག་ཤ་འབར་བའི་མགོ་ཐོད་བཞག །རང་བྱུང་བི་མུ་མ་ར་ཤུ། །གོ་ཀུ་ད་དང་ཧ་ནའི་རྒྱན། །ཧུ༷་ཧོ༷་ཨུ༷་ཛི་ཁ༷་ཞེས་པ། །དབུས་ཤར་ལྷོ་ནུབ་བྱང་དུ་གནས། །ཡེ་ཤེས་འོད་ལྔ་ཁ་དོག་འབར། །དག་ཤུར་སྤེལ་བས་ཁ་དོག་དྲིལ། །རྙི༷༷ལས་བྱུང་བ་ཡེ་ཤེས་མེ། །སྟོང་ཉིད་རྡོ་རྗེ་ཁོང་སེང་ཅན། །ཁམས་གསུམ་ཚེ་འཛིན་རྒྱ་མཚོར་འཁྱིལ། །སངས་རྒྱས་སྤྲིན་ཚོགས་སྦྱིན་པས་བསྟིམ། །ལུས་ངག་མཐུ་ལྡན་ནུས་པ་ཆེ། །བགེགས་རྣམས་འཇོམས་པས་མཚམས་ཀྱི་མཆོག ཁྲངས་ཀྱི་འོད་ཟེར་རླུད་སྒྲོམ་ནས། །འཁྱིལ་ཞིང་སྤྲོ་བ་གསལ་བྱེད་དབྱངས། །ཀེང་ཞེས་རུས་སྦལ་ཁ་འདྲ་བ། །ཁ་ནི་བུམ་པ་འབབ་པ་སྟེ། །ག་ནི་བསེ་ཡི་ཁ་དང་མཚུངས། །བྷ་ནི་བུམ་པ་ལྟ་བུ་སྟེ། །ང་ནི་ཀང་ཀ་ཉིད་དང་འདྲ། །ཙ་ནི་ཙ་ཤ་ཉིད་དང་མཚུངས། །ཚ་ནི་གདུགས་ཀྱི་སྦ་བ་འདྲ། །ཛ་ནི་རྔ་མོའི་མགོ་བོ་བཞིན། །རྙོ་ནི་རྔ་ཆེན་གཟུགས་ལྟ་བུ། །ཊ་ནི་སྐེད་ཉག་ལྟ་བུ་སྟེ། །ཋ་ནི་པུ་ཤུད་འགྲོ་བ་འདྲ། །ཌ་ནི་ཐི་བའི་ཁ་ཉིད་སྟེ། །ཌའ་ནི་མཁའ་འགྲོ་ཉིད་དུ་གོ །ཎ་ནི་སྤྱིན་བདག་དང་འདྲ་བ། །ཏ་ནི་སྡང་དང་འདྲ་བ་སྟེ། །ཕ་ཝང་ཁ་འདྲ་ཡི་གེ་ཐ། །ད་ནི་མཆེ་བ་ཅན་དང་མཚུངས། །དྷ་ཉིད་གཞུ་ཡི་ངོ་བོ་ཉིད། །ན་ནི་མ་ཧེའི་ཁ་འདྲ་བ། །རི་སྐེགས་འགྲོས་ནི་པ་ཞེས་བྱ། །ཕ་ནི་ཁྲུང་ཁྲུང་མགོ་དང་མཚུངས། །འདམ་བྱ་བ་སྟེ་སྐྱེ་ག་བྷ། །མ་ནི་སྤྲེའུའི་ཚུལ་པའི་གཟུགས། །ཕུག་རོན་ངུར་པ་ཡ་དང་ར། །ཁུ་བྱུག་བྱ་རོག་ལ་དང་ཝ། ཁྲ་ཥ་རི་བོང་ཞི་བའི་སྤྱན། །ས་ཧ་སྤྱང་ཀུ་འཕྲོག་མ་དང་། །ཀྟ་ནི་སྲིན་བུའི་ཁ་ལྟ་བུ། །དེ་རྣམས་ཁ་དང་འགྲོས་ཀྱིས་དབྱིབས། །མཚོན་པས་ཕྲིན་ལས་རྣམ་བཞི་བསྡུས། །ཨ་ནི་ཁྱིམ་བྱའི་མགོ་བོའི་གཟུགས། །ཨུ་ཉིད་དེ་དང་ཅུང་ཟད་འདྲ། །ཨི་ནི་གླང་ཆེན་སྣ་ལྟ་བུ། །སྙི་ནི་དབང་ཕྱུག་ཆེན་པོ་འདྲ། །ཨུ་ནི་རྔ་མོའི་མགོབོབཞིན། །སྤུནིཤབའིཁ་འདྲ་བ། །རེ་ནི་རི་བོང་མགོ་བོ་འདྲ། །ཡི་གེ་ཙྭ་ནི་སེངམགོབཞིན། །ཡིགེལིནིགླངཆེནལ། །ལྟོནིདབང་ལྡན་ཞལ་དང་མཚུངས། །ཨེ་ནི་མ་ཧེའི་ཁ་འདྲ་བ། །ཨི་ནི་རྨ་བྱའི་ཁ་དང་མཚུངས། །ཨོ་ནི་བྱི་ལའི་ཁ་དང་མཚུངས། །ཨོ་ནི་ཁྱིམ་བྱའི་ཁ་བཞིན་ནོ། །ཨེ་ནི་ཆུ་སྲིན་མགོ་བོ་འདྲ། །ཚེག་དྲག་ཨ༷༷ནི་རྟ་མགོ་བཞིན། །སྤྱིར་ན་བསམ་ཡས་དབྱིབས་གསུངས་པ། །རང་བཞིན་ཉིད་ཀྱིས་རྣམ་བཞིར་འདུས། །ཐབས་དང་ཤེས་རབ་འཐབ་པ་ཡིས། །རིང་ཐུང་གར་དང་ལྕོང་དུ་འབྱུང་། །དེ་ཉིད་སྒྲ་ཡི་འབྱུང་གནས་སུ། །ཧ་བ་ལྔར་ཀ་སོར་རྒ་རྟ། ཁྲ་ར་པ་དང་གར་ར་པ། །བྲེང་ངེ་བ་དང་དུང་ངེ་བ། །བང་གེ་དེའུ་དང་ཅང་ཀ་དེལྭ །དེ་བཞིན་གཤེགས་དང་རྡོ་རྗེ་འཛིན། །རྡོ་རྗེ་ཧེ་རུ་ཉི་མ་དང་། །པདྨ་གར་དང་རྟ་མཆོག་དཔལ། །ཚངས་པའི་དབྱངས་ཀྱིས་འདྲེན་པ་དང་། །མཁུན་ཅིང་གདུངས་པའི་སྒྲ་འབྱིན་ཅིང་། །རྡོ་རྗེ་སྲིན་པོའི་ངུར་སྒྲ་འདོན། །རྡོ་རྗེ་དྲག་པོ་གད་མོ་ཆེ། །འཁུར་བ་དབུགས་ཀྱི་རླུད་འབྱིན་ཅིང་། །འབྲུག་གི་སྒྲ་ལྟར་ཟབ་པ་ཡིས། །རུ་ལུ་རུ་ལུའི་སྒྲ་ཕྱུང་ནས། །གླུ་དྲུག་བླངས་པས་དོན་དྲུག་རྫོགས། །ཡོན་ཏན་རྣམ་བཅུ་རེ་རེར་ལྡན། །གསུང་དབྱངས་ཡན་ལག་དྲུག་ཅུ་ཡིས། །འགྲོ་དྲུག་རིགས་དང་བྱེ་བྲག་ལ། །དཀྱིལ་འཁོར་འདུལ་ཞིང་དོན་མཛད་པ། །སྒྲ་ཡི་བྱེ་བྲག་ཇི་སྙེད་པ། །རོལ་མོའི་སྒྲ་ལས་འབྱུང་བ་ནི། །སྙིང་པོ་ཕྱག་རྒྱ་སྔགས་རིགས་དང་། །རིགས་པའི་སྒྲ་ནི་ངང་གིས་འབྱུང་། །ཛ༷༷ཧུ༷་བ༷་ཧོ༷༷། དུང་རྟ་མད་ར་རྨ་ར་ཏད་ར། རུ་ལུ་རུ་ལུ། པྲ་པིརུ་ཏ་ཀི་ཧུ་ཛ༷༷། ཀི་ནི་དུ་ནི་ཧུ༷་དྲུ༷། ཏ་ཀི་ཧུ༷་ཛ༷༷། ཧུ་ལུ་ཧུ་ལུ། ཨ་ལ་ལ་ཧོ༄༅། ་་་སིརྙ་ར་རི་ཤ་ཡ། སརྦ་ན་ཏ་སྙེ་ན་གེ། ཏ་ཏ་གེ་གེ། ཏ་ཏ་སྙེ་སྙེ། ཏ་གི་གེ། ཏ་སྙེ་ཏ་སྙེ། སྙེ་ལྷེ་ཏ་ཏ་གེ་ཏ་སྙེ་ཧེ་ན། དོན་ཧ་ཀི་ཧུ༷་ཛ། སྙེ་ཏ་སྙེ། དོན་ཏ་ཀི་ཧུ༷་ཛ། དྲན་ཨ་ལ་ལ་ཧོ། རུ་ཏ་མ་ཏ། ཐལ་མོ་བརྡབ་པའི་རྟག་པའོ། །ཏ་སྙེ་སྙེ། ཏ་སྙེ་སྙེ། ཏ་སྙེ་ཏ་སྙེ་ན། ཏ་སྙེ་ན་ཏ་སྙེ་ན། སྙེན་སྙེན། རྒྱུན་གྱི་རྡའོ། །ཨ༷་ཨ༷་ཨ༷། ཧ༷་ཧ༷་ཧ༷། བ༷་བ༷་བ༷། དྷ༷་དྷ༷་དྷ༷། དམ་ཚིག་གསུང་བ་ལྔའོ། །དེ་ཀོང་དེ་ཀོང་དེ་ཀོང་ཏེ་བཛྲ། བཛྲ་ཕྱེ་ཕྱར་ཀོང་། ཀོ༷་ཀོ༷་ཀོ༷། ཧུ༷་སྨྱོ་ཧུ༷་སྨྱོ། ཧུ༷་སྨྱོ་ཧུ༷་སྨྱོ། རུ་ལུ་རུ་ལུ་ཧུ༷་སྨྱོ། སྦྱེ་ཀོ༷་ཀོ་གོང་གོང་། དེ་གོ༷་གོ༷་གོ༷ དཔལ་ཧེ་རུ་ཀའི་རྡའི་ཕྱག་རྒྱའོ། །པདྨ་བྷནྟྲ་དིང་། པདྨ་བྷརྙ་ཏྲིང་། །པདྨ་པདྨ་ཏྲིང་། དཔལ་པདྨ་ཐལ་མོ་བརྡབ་པའི་རྡའོ། །ཏྲ༷་ཏྲ༷་ཏྲ༷་ཏྲ༷། བ་བ་བ་བ བ་བ་བ་བ། ཊ་ཊ་ཊ། ཊ་ཊ་ཊ་ཊ། ཏྲ་ཏྲ་ཏྲ་ཏྲ་ཏྲརྙ་ཏེ། ཌ་དུ་ར་ཏྲ་རུད་ཏྲ་ཏྲ། རྒྱལ་པོའི་རྡའོ། ཏ་ཀི་ཧུ༷་ཛ་ཏ་ཀི་ཧུ༷་ཛ། སྙེམས་པའི་འགྲོས་སོ། །ཏྲ༷་ཏྲ༷་ཏྲ༷་ཏྲ༷་ཏྲ་ཏྲ་ཏྲ། མྱུར་ཞིང་རབ་ཏུ་མྱུར་བའོ། །བ་ཏ་བ་ཏ་ཏུ་ཏུན་ཏ་ཊ་པ་ཊ། ཏ་ཊ་ཏ་བ་ཏ་བ་རུ་འུན་ཏ་ཊ་བ་ཏ། ཏ་ཊ་བེ་ཏ་བ་ཧེ་དོན། དཔལ་རྣམ་པར་རོལ་པའོ། །བ་ཏ་བ་ཏ་བ་ཏ་ཕཊ་ཏྲ་ཊ། ཤིན་ཏུ་མྱུར་བའི་རྡའི་ཕྱག་རྒྱ་ཤེས་པ་སྟེ། །སིལ་སྙན་གྱི་ཕྱག་རྒྱ་ཤེས་པའོ། །སིལ་སྙན་དོན་ལ་བྲག་ཆའི་སྒྲ། །རང་བཞིན་མེད་པར་གསན་ཞུགས་པ། །སེམས་ཅན་དོན་ཕྱིར་ནན་ཏན་མཆོག་བསྐྱེད་ཅིང་། །ཡེ་ཤེས་ཐུགས་རྗེས་བདག་ལ་དགོངས་ནས་ཀྱང་། །ཡེ་ཤེས་ངང་དུ་མི་གཉིས་གཅིག་པས་ན། །འདུ་འབྲལ་མེད་པའི་ངང་གསལ་ཆོས་ཉིད་དུ། །མི་གཉིས་དོན་ཕྱིར་མཆོག་གི་དངོས་གྲུབ་རྣམས། །བདག་ལ་སྩོལ་ཅིང་བརྟན་པར་བཞུགས་སུ་གསོལ། །གླུ་ཡི་ཕྱག་རྒྱ་འདི་དག་གིས། །གླུ་ཡི་ཕྱག་རྒྱ་གར་བྱའོ། །བདག་མེད་ཕྱོགས་བྲལ་དོན་དམ་ཐུགས་ཆུད་ཅིང་། །བྱམས་དང་སྙིང་རྗེ་དགྲ་ཟུན་མི་མངའ་ཡང་། །གདུག་པ་འདུལ་ཕྱིར་དུས་ལ་མི་འདའ་བས། །མཉམ་ཉིད་ངང་གིས་ཁྲོ་ལ་ཕྱག་འཚལ་ལོ། །ཁྲོས་པས་ལོངས་སྤྱོད་མཛད་ལ་ཕྱག་འཚལ་ལོ། །རྡོ་རྗེ་འདུ་འཕྲོ་མཛད་ལ་ཕྱག་འཚལ་ལོ། །འདོད་པའི་ཡོན་ཏན་ལྔ་དང་རིན་ཆེན་བདུན། །མ་རྨོངས་རྨོངས་པ་ཀུན་གྲོལ་རྒྱལ་བའི་གནས། །རབ་ཏུ་དགའ་བའི་བདག་ལ་ཕྱག་འཚལ་ལོ། །དགའ་རབ་མཛོད་ཅིག་དམ་ཚིག་དམ་པ་གྲུབ། །སྒྱུ་མ་ཉིད་ལ་སྒྱུ་མ་སྤྱོད། །སྒྱུ་མ་ཆེན་པོ་རིགས་ཀྱི་ཡུམ། །སྒྱུ་མས་སྒྱུ་མ་དགའ་མཛད་མ། །ཙསྡོན་དཀར་དམར་ཉི་ཟླའི་སྐད། །པདྨ་རྡོ་རྗེ་ཐབས་ལས་བྱུང་། །དགའ་དང་མཆོག་ཏུ་དགའ་དང་བྲལ། །སྐྱེས་པ་ལྷན་ཅིག་དགའ་བའི་རོ། །རང་བཞིན་དངོས་པོ་རྣམ་གཉིས་ཀྱིས། །མྱུར་དུ་དངོས་གྲུབ་སྐྱེད་བྱེད་དེ། །འཕྲལ་དུ་ཡིད་ཆེས་བྱེད་པ་ཡིན། །ཡིད་ནི་ནང་དུ་ཆུད་པ་ཡིས། །འདོད་པའི་དངོས་གྲུབ་བསྒོམ་པར་བྱ། །རང་རྫས་ཐིག་ལེ་ཕྱིར་ཕྱུང་ནས། །སངས་རྒྱས་བྱང་ཆུབ་སེམས་དཔའ་མཆོད། །ཧེ་ནི་བདེ་ཆེན་ལས་བྱུང་བ། །རུ་ནི་རིན་ཆེན་ཆགས་དང་བྲལ། །ཀ་ནི་རབ་ཏུ་རྨོངས་པ་སྤངས། །ཧེ་རུ་ཀ་སོགས་དགྱེས་མཆོད་རོལ། །སྐྱེ་བ་བདུན་པ་དག་པའི་ཞིང་། །ཞིང་བཅུ་བསྒྲལ་བ་བསྟན་པའི་དགྲ། །ངན་སོང་གསུམ་ནི་སྙིང་རྗེའི་གནས། །ཏིང་འཛན་བརྟན་ཐོབ་རྣལ་འབྱོར་པས། །ཐུགས་རྗེའི་དམ་ཚིགས་སྙིང་རྗེས་བཟུང་། །ལོངས་སྤྱོད་ཕུང་པོ་ཚོགས་ལ་རོལ། །དག་པ་འོད་གསལ་ཆོས་སྐུར་སྦྱོར། །འོག་མིན་བྷ་ག་ལིདྷར་བཏབ། །བསོད་ནམས་ཡེ་ཤེས་ཚོགས་འགྱུར་བ། །གསང་བའི་དམ་ཚིག་མི་བཅག་ཕྱིར། །དངོས་གྲུབ་སྙིང་རྗེ་མཆོད་པས་རོལ། །གཟུགས་མེད་དང་ནི་གཟུགས་སྣང་བ། །གཟུགས་ཀྱི་མཐའ་ནི་རྣམ་པར་རིག །སྒྲ་མེད་སྒྲ་ནི་བྲག་ཆའི་སྒྲ། །རིག་སྟོང་སྒྲ་ནི་ཆོས་ཉིད་གསུང་། །དྲི་མེད་དྲི་བྲལ་སྟོང་པའི་དྲི། །རང་བཞིན་སྦྱོར་བ་སྣ་ཡི་ཡུལ། །མྱོང་བ་མེད་པ་མྱོང་བའི་རོ། །མེད་པར་མྱོང་བ་བདུད་རྩིའི་ཆུ། །རེག་མེད་རེག་ན་བདེ་འཇམ་ཞིང་། །རེག་པ་བཞི་བསྡུས་ལུས་ཀྱི་གནས། །ཆོས་མེད་ཆོས་ཏེ་ཆོས་ཀྱི་མཆོག །ཡོད་མེད་འཁོར་འདས་བསྡུས་པའི་ཆོས། །ཀུན་ཏུ་བཟང་པོའི་སྤྱོད་ཡུལ་ལ། །ཡུམ་གྱི་བྷ་ག་ཆོས་ཀྱི་དབྱིངས། །དམ་ཚིག་དྲི་མེད་ཡོན་ཏན་དྲུག །ཐུགས་དམ་བཞིན་དུ་ལོངས་སྦྱོད་རོལ། །ཞེས་གསུངས་སོ། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། མཆོད་པའི་སྤྲིན་རྣམ་པར་བཀོད་པའི་ཕྱག་རྒྱའི་ལེའུ་སྟེ་རྟོག་པ་ལྔ་པའོ།། །།དེ་ནསདེབཞིནགཤེགསཔཐམས་ཅད་ཀྱི་དཀྱིལ་འཁོར་ཀུན་ཏུ་འགྲོ་བ་ཞེས་བྱ་བ་འདི་གསུཔུངས་སོ། །སྐལ་བཟང་བསྒོམ་པའི་རྣལ་འབྱོར་པ། །མཆོད་རྟེན་དབེན་གནས་སྐྱེད་མོས་ཚལ། །གཙུག་ལག་ཀུན་དགའ་ར་བ་མྲ །སེམས་དཔའ་རྡོ་རྗེ་དཔའ་བོ་བསྒྲུབ། །དགོན་པ་མཆོད་རྟེན་གཙུག་ལག་ཁང་། །དེར་ནི་རྣམ་པར་སྣང་མཛད་བསྒོམ། །རྒྱལ་པོའི་ཕོ་བྲང་པདྨའི་ཚལ། །རྡོ་རྗེ་ཉི་མ་རབ་ཏུ་བསྒོམ། །པདྨའི་ཚལ་ལམ་ཆུ་འདབ་ཏུ། །པདྨ་འཛིན་པ་རབ་ཏུ་བསྒྲུབ། །སྣ་ཚོགས་མཁར་རམ་མཆུ་བོའི་འགྲམ། །རྒྱལ་ཁམས་གཞན་དུ་རྟ་མཆོག་བསྒྲུབ། །དུར་ཁྲོད་ལྷ་རྟེན་མ་མོའི་གནས། །ཧེ་རུ་ཀ་ནི་རབ་ཏུ་ཤིས། །ཉམས་དགའ་ཡིད་འོང་བསམ་གཏན་འཕེལ། །པདྨ་འཁོར་ལོ་རྣམ་པའི་དབྱིབས། །སྐྱོན་རྣམས་བྲལ་ཞིང་ཡོན་ཏན་ལྡན། །ཚོམ་བུ་རྒྱས་པ་བསྒྲུབ་པར་ཤིས། །ཤིས་པའི་འཁོར་རྫས་དུས་འཛོམ་ན། །ཕུན་སུམ་ཚོགས་པ་རབ་ཏུ་གཅེས། །མཐོ་དམན་གསེག་མ་གྱོ་མོག་དང་། །ཚྭ་སྒོ་ཤིང་དུམ་རོ་ལྔ་བྲལ། །བླང་བརྟག་བཟུང་དང་སྦྱར་བ་དང་། །བསྐྲད་བསྲུང་སྦྱོར་བས་ཆོ་ག་རྫོགས། །ཉིས་འགྱུར་དཀྱིལ་འཁོར་ཚད་ཡིན་ཏེ། །མཛེས་ཤིང་འཚམས་པ་རབ་ཏུ་ཤིས། །སེམས་དཔའི་སྐྱིལ་ཀྲུང་ལ་གནས་ནས། །རྡོ་རྗེ་སེམས་དཔའི་གར་བྱས་ཏེ། །སྔགས་དང་ཕྱག་རྒྱ་ལྡན་པ་ཡིས། །བགེགས་རྣམས་ཐམས་ཅད་གཞིག་པར་བྱ། །རྡོ་རྗེ་པུས་མོ་གཉིས་བཅིངས་ཏེ། །རྡོ་རྗེ་སྐྱིལ་མོ་ཀྲུང་བཅས་ནས། །བདག་ཉིད་སྟན་ལ་འདུག་ནས་ནི། །བགེགས་རྣམས་ཐམས་ཅད་གཞིག་པར་བྱ། །དྲག་ཤུལ་ཅན་ལ་དྲག་ཤུལ་སྦྱོར། །ཞལ་བཞི་པ་ལ་ཕྱག་བཞི་པ། །ཞབས་བཞི་པ་ལ་རྨིག་པ་བཞི། །རྟ་མགྲིན་རྒྱལ་པོ་བགེགས་རྣམས་འཇོམས། །པདྨའི་སྐྱིལ་ཀྲུང་བཅས་ནས་ནི། །ལག་པ་པདྨ་བསྐོར་བ་དང་། །སྔགས་དང་ཕྱག་རྒྱ་ལྡན་པ་ཡིས། །བགེགས་རྣམས་ཐམས་ཅད་གཞིག་པར་བྱེད། །རྡོ་རྗེ་ཉི་མ་གཡོན་བརྐྱང་བས། །རྒྱས་བཏབ་རྨོངས་བྱས་ཐལ་བར་བྱས། །ཁམས་གསུམ་པ་ཡང་འཚོ་བར་བྱེད། །བགེགས་རྣམས་ཐམས་ཅད་གཞིག་པར་བྱ། །ཧེ་རུ་ཀ་ནི་རྡོ་རྗེའི་འགྲོས། །གདུག་པ་ཐམས་ཅད་སྤ་ཡང་བཀོང་། །རྡོ་རྗེ་སེམས་དཔའ་སྒེག་པ་སྟེ། །དཔའ་ལ་དཔའ་བོ་དེ་བཞིན་གཤེགས། །རྡོ་རྗེ་འཛིན་པ་སྙིང་རྗེའི་བདག །རྒོད་པ་འཇིག་རྟེན་དབང་ཕྱུག་མཆོག །རྡོ་རྗེ་ཉི་མ་ཁྲོ་བོའི་ཉམས། །རྟ་མཆོག་དྲེགས་པ་འཇིགས་པར་བྱེད། ཁྲཀྱ་ཐུབ་པ་མི་སྡུག་པས ངོ་མཚར་ལ་ནི་ཨ་ལ་ལ། །རབ་ཏུ་ཞི་བ་སངས་རྒྱས་སོ། །འཁྲུལ་འཁོར་འཕང་བ་མདའ་དང་ནི། །མ་འཕངས་རལ་གྲིའི་ཕྱག་རྒྱ་དང་། །ལག་པས་འཕངས་པ་མདུང་ཐུང་སོགས། །འཕངས་ནས་སླར་བཟུང་ཞགས་པ་དང་། །རྐང་པ་གྱད་ཀྱི་སྟོབས་འགྱེད་པས། །རྐངཔ གཤིབསཔསས་གནོན་ཅིང་། །རྐང་པ་བསྒྱེད་པས་ས་མནན་ལ། །དཀྱིལ་འཁོར་གྲུ་བཞི་མནན་པ་དང་། བརྐྱང་བསྐུམ་ཚུལ་གྱིས་གནས་གསུམ་མནན། །དབྱིབས་ཀྱི་ཕྱག་རྒྱ་ཤེས་པར་བྱ། །མི་ལྷོད་པ་ལ་སྲན་གཟུགས་དང་། །མཉེས་ཞིང་ཡན་ལག་བསྟན་པ་དང་། །རྒྱ་ཆེར་ས་བཞི་རྣམ་པར་དག །ལུས་ཀྱི་ཕྱག་རྒྱ་བདེ་བླག་ཅན། །རྐང་པ་མནན་ཅིང་རྨིག་པ་མནན། །མདའ་གཞུ་འདྲེན་པའི་ཕྱག་རྒྱ་ཡིས། །ཁམས་གསུམ་རྒྱལ་སྲིད་ཆེན་པོ་དག །རྣམ་པར་བ་་ནས་དགའ་བར་སྤྱོད། །ཉུང་དཀར་གུ་གུལ་རྫས་དག་དང་། །རྒྱལ་ཆེན་མངའ་གསོལ་ཕྱོགས་སྐྱོང་མནན། །ཁྲོ་བཅུ་བཀོད་དེ་དམ་སྲི་མནན། །ཆོས་རྒྱལ་མངའ་གསོལ་སྒོ་བྱང་གདགས། །བགེགས་དང་ལན་ཆགས་སྤྱིན་པ་དགྱེ། །ས་ཡི་རི་མོ་བྱ་བ་དང་། །དུར་ཁྲོད་ཐལ་བའི་རི་མོ་བྱ། །དཀྱིལ་འཁོར་སྣ་ཚོགས་དྲིས་བྱུགས་ཏེ། །མེ་ཏོག་དྲི་ནི་ལྷ་གྲངས་མཐུན། །མཆོད་སོགས་ལྷ་ཡི་ལྷག་པར་གནས། །སྒྲུབ་པའི་བུམ་པ་ལྷ་གྲངས་མཉམ། །གང་བའི་བུམ་པ་དག་དང་ནི། །ཐམས་ཅད་ལས་ཀྱི་བུམ་པ་དང་། །རྣམ་པར་རྒྱལ་བའི་བུམ་པའོ། །སྦྱངས་ནས་བསངས་ཏེ་གཞལ་ཡས་ཁང་། །བསྐྱེད་དྲང་བསྟིམ་མཆོད་བསྟོད་པ་དང་། །བསྙེན་པ་ཉེ་བའི་བསྙེན་པ་དང་། །བསྒྲུབ་པ་བསྒྲུབ་པ་ཆེན་པོ་བཞི། །དཀྱིལ་འཁོར་རབ་ཏུ་བསྒྲུབ་པར་བྱ། །གཙོ་དང་འཁོར་གྱི་བསྙེན་པ་བསྐྱར། །སྦྱིན་བསྲེག་བྱ་ཞིང་ལས་སྒྲིབ་བཤགས། །སྐལ་ལྡན་བུ་མཆོག་ལ་སོགས་པ། །རྟགས་གདབ་དམ་ཚིག་བསྲེ་བསྣན་བྱ། །སེམས་བསྐྱེད་སྡོམ་པ་བཟུང་བ་དང་། །བདུན་པོ་རྣམ་དག་སྤྲོ་བ་བསྐྱེད། །སྐུ་གསུང་ཐུགས་སུ་བྱིན་བརླབས་ཤིང་། །རྡོ་རྗེའི་ཁུ་ཚུར་གནས་གསུམ་གཏུག །སྤྱི་བོས་བདུན་དམིགས་སྙིང་མཆོད་དབུལ། །མཎྜལ་པདྨ་འདབ་བརྒྱད་ལ། །རྣམ་ལྔ་བ་ཀོ་ཙམ་བྱུགས་ཏེ། །ཨུ་དུམ་ཝ་ར་ལས་བྱས་པ། །སྡིག་སྤངས་བཅུ་གཉིས་མེ་ཏོག་ཐོད། །དོར་ཏེ་པྲ་བརྟགས་སྲུང་སྐུད་གདགས། །དག་པའི་སྔགས་ཀྱི་ཁྱོད་ཆུས་བཀྲུ། །རིགས་ལྔར་ཀུ་ཤ་རྨི་ལམ་བརྟགས། །ཞི་བ་རྒྱས་པ་དབང་དྲག་དང་། །རྫས་དང་མཆོད་པའི་རིམ་པ་ཡིས། །ངན་པའི་ལྟས་ལ་བསྲེགས་སྦྱངས་ཤིང་། །སར་བའི་རྒྱུ་ལས་ཁ་བསྒྱུར་ཏེ། །ལྔའམ་ཉི་ཤུའི་ཁ་དོག་ཅན། །རྡོ་རྗེ་རྒྱུན་ཐག་ལ་སོགས་པ། །གསང་བའི་སྔགས་ཀྱིས་བསྒྲིལ་ནས་ནི། །མཚན་ལྡན་མཛེས་མ་ལྷར་གསལ་ནས། །ཛ༷༷ཛ༷༷ཞེས་ནི་གཏད་པར་བྱ། །ནམ་མཁའ་གང་བའི་བདེ་གཤེགས་རྣམས། །ཁྱེད་ཀྱི་འགྲོ་དོན་མཛད་དུས་ལགས། །ཐིག་གི་སྒྲ་འདིས་བསྐུལ་ནས་ཀྱང་། །དེ་རྣམས་འདིར་ནི་གཤེགས་སུ་གསོལ། །གསང་བའི་སྔགས་དང་ཕྱག་རྒྱས་དང་། །དཀྱིལ་འཁོར་ཐིག་གདབ་ཤེས་རབ་ཅན། །ཕྱོགས་ཀུན་མཉམ་པ་ཉིད་དམིགས་ནས། ཁྲར་ལྷོ་ནུབ་བྱང་ཕྱོགས་རྣམས་སུ། །ཐིག་བཞི་བཏབ་པས་དཀྱིལ་འཁོར་དགུ། །དཀྱིལ་འཁོར་ཟླུམ་པོ་སངས་རྒྱས་ཀྱི། །འདུས་པའི་བདག་པོ་འཁོར་ལོ་ཅན། །རྡོ་རྗེ་ཅན་གྱི་ཟླ་གམ་དགུ། །པདྨ་དབང་གི་ཆུ་སྐྱེས་བརྒྱད། །རྡོ་རྗེ་ཉི་མ་རིན་ཆེན་དབྱིབས། །སྣ་ཚོགས་རྡོ་རྗེ་རྒྱ་གྲམ་ཅན། །རྟ་ཡི་རྒྱལ་པོ་ཡང་དག་གནས། །ཇི་སྲིད་འདོད་པ་ཅི་འབྱོར་བ། །ཇི་ལྟར་དུས་དང་ཅི་བདེ་བའི། །དཀྱིལ་འཁོར་ཀུན་ཏུ་གནས་པ་དཔལ། །ཕྲིན་ལས་ཀརྨའི་རིགས་ཡིན་ཕྱིར། །རྟ་མཆོག་ཕྱག་རྒྱ་ཅིར་ཡང་གསལ། །མཚམས་བཞི་ལས་བཞི་དཀྱིལ་འཁོར་དུ། །ལས་བཞིའི་རིགས་ཀྱི་རྒྱལ་པོ་ལ། །ལྷ་མོ་བཅུ་དྲུག་འཁོར་ལོ་ཆེ། །རྟ་བབས་བརྒྱད་ལྡན་ཏྭ་ར་ན། །མཛེས་པའི་རྒྱན་བཞི་འདེབས་པའི་ཚུལ། །ཕྱོགས་མཚམས་སྟེང་འོག་མཉམ་གནས་པས། །དུར་ཁྲོད་བརྒྱད་ཀྱིས་ཡོངས་སུ་བསྐོར། །མ་མོ་བརྒྱད་དང་ལྷ་ཆེན་བརྒྱད། །ཞིང་སྐྱོང་ཤིང་དང་ཀླུ་ཆེན་བརྒྱད། ཁྲཀྱ་ཐུབ་མཛད་མཐར་ཕྱིན་ཅིང་། །མཆོད་རྟེན་བརྒྱད་ནི་བསྒོམ་ཚུལ་མཛད། །ཡེ་ཤེས་མེ་བརྒྱད་རབ་ཏུ་འབར། །བྱམས་པའི་ཆུ་ཆེན་བརྒྱད་འབབ་ཅིང་། །སྙིང་རྗེའི་བྲག་བརྒྱད་མཛེས་པར་བརྩེགས། །དགའ་བའི་སྤྲིན་བརྒྱད་ཀུན་ཏུ་འཐིབས། །བཏང་སྙོམས་རླུ་་བརྒྱད་རབ་ཏུ་འབུད། །ཕྱོགས་སྐྱོང་བཅུ་ནི་རབ་ཏུ་གནས། །རབ་འབྲིང་ཐ་མའི་ཚོན་ཕྱེ་ལ། །སྔགས་ཀྱིས་བྱིན་རླབས་པྲ་བརྟགས་ཏེ། །རིགས་ཀྱི་མདོག་ལ་གནས་འགྱུར་ཚོན། །ཚོམ་བུ་དགུ་པའི་དཀྱིལ་འཁོར་ནི། །རིགསབསྡུསཆེནཔོརབྲིབདང་། །གདུལ་བྱ་འདུལ་ཕྱིར་རེ་རེ་བཞེངས། །རབ་གནས་རྫོགས་པའི་དཀྱིལ་འཁོར་དང་། །སྐུ་གསུང་ཐུགས་ཀྱི་ཕྱག་རྒྱ་དང་། །འབྱོར་པའི་ལོངས་སྤྱོད་གང་ཡིན་པ། །རྒྱན་དང་མཚོན་ཆ་རིག་པས་སྦྱར། །སློབ་དཔོན་ཞུགས་ནས་སློབ་མ་འཇུག །གངས་ལ་བབས་པའི་རིགས་ཀྱི་ལྷ། །སྤྱན་དབྱེ་གསང་བའི་དཀྱིལ་འཁོར་ལྟོས། །རིགས་དང་སྦྱར་ནས་དབང་ཡང་རྫོགས། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། དཀྱིལ་འཁོར་རྣལ་འབྱོར་སྤྲོས་པའི་ལེའུ་སྟེ་དྲུག་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱིས་གསང་བ་སྤྱིན་པ་ཞེས་བྱ་བ་འདི་གསུངས་སོ། །ལུས་ཀྱི་དཀྱིལ་འཁོར་གྲུ་བཞི་ལ། །རྡོ་རྗེ་མཆུ་དང་རྡོ་རྗེ་བཅས། །མཚོན་ཅན་པོ་དག་བསྒྲུབ་པ་ནི། །མཐུ་ཡིས་རབ་ཏུ་གྲུབ་པ་སྟེ། །པདྨའི་སྣོད་ཀྱི་ནང་དུ་གཞུག །ཆགས་པ་ཆེན་པོ་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །སངས་རྒྱས་ཀུན་གྱི་རྡོ་རྗེའི་ཐུགས། །དམ་ཚིག་འདི་ནི་འདའ་བར་དཀའ། །དེ་ཡི་མཚལ་དང་ཁུ་བ་དང་། །མཚལ་ཆེན་པོ་ཡི་བསྒྲུབ་པ་དག །ཆགས་པ་ཆེན་པོ་ལས་བྱུང་བས། །དམར་ཆེན་པོ་ཞེས་བྱ་བར་བཤད། །དམར་ཆེན་པོ་དང་ག་བུར་བཅས། །ཙསྡོན་དམར་པོ་སྦྱར་བ་དག །ཚོགས་ཀྱི་དབུས་སུ་བཞག་པ་ནི། །ར་ས་ཡ་ན་ཀུན་སློང་བས། །རང་གི་ལྷ་ཡི་སྦྱོར་ལྡན་པས། །སྲིན་ལག་མཐེ་བོའི་རྩེ་མོ་ཡིས། །ཞིམ་པའི་བ་བབཞིནམྱངསན། །རྟག་པ་ཡི་ནི་དངོས་གྲུབ་ཐོབ། །བྷ་ག་པདྨའི་དཀྱིལ་འཁོར་དུ། །སྐལ་ལྡན་གསོལ་བཏབ་དམ་ཚིག་སྦྱིན། །དེ་ནས་ཁྲུས་བྱས་དྲིས་ལུས་བྱུག །ཅི་འབྱོར་བ་ཡི་གོས་དང་རྒྱན། །སྣ་ཚོགས་གོས་དག་བགོས་ནས་ནི། །ཁ་དྲི་ཞིམ་པའི་མེ་ཏོག་ཕྲེང་། །སྣ་ཚོགས་སྐལ་པ་བཟང་པོ་ཅན། །སློབ་མ་དལ་གྱིས་དལ་གྱིས་སུ། །གོས་དག་བཀབ་པའི་སྦྱོར་བ་ཡིས། །བདག་གི་འབྱུང་བ་བསྐུལ་བར་བྱ། །རྫོགས་པའི་སངས་རྒྱས་ཉི་ཟླ་རྣམས། ཁྲར་བ་དག་ནི་མཐོང་བ་ཡིས། །སྡིག་པ་ཀུན་ལས་གྲོལ་འགྱུར་ཞིང་། །བསོད་ནམས་ཐམས་ཅད་འགྲུབ་པར་འགྱུར། །རྣལ་འབྱོར་བདེ་ཆེན་དབང་འདོད་པ། །ཆོས་ཀྱི་དབྱིངས་ཀྱི་དཀྱིལ་འཁོར་དུ། །རིམ་དང་ཅིག་ཆར་འཇུག་པ་ཡིས། །དེ་ཉིད་ཡང་དག་བསྒོམ་པ་ནི། །རིག་པ་རང་བཞིན་འོད་གསལ་བ། །དངོས་མེད་རྟོག་པའི་བག་ཆགས་དག །སྒྱུ་མ་མེ་ལོང་གཟུགས་བརྙན་འདྲ། །སྒྱུ་མས་སྒྱུ་མ་སྟོང་པས་ན། །སྒྱུ་མའི་རང་བཞིན་མི་དམིགས་ཕྱིར། །ཆོས་ཀྱི་སྐུ་འདིར་ཤེས་པར་གྱིས། །ཇི་ལྟར་ནམ་མཁའ་དྭངས་པ་ལ། །རང་བཞིན་མེད་ལྟར་རང་སེམས་ཞོག །འོད་གསལ་ཆོས་སྐུ་རྟོག་མེད་ལ། །བསླད་པས་དྲི་མས་གོས་འགྱུར་ཕྱིར། །མ་བསླད་བུ་གཅིག་རང་སར་ཞོག །བརྫིད་པ་ཆེན་པོའི་ཁྲི་སྟེང་ན། །སྐལ་ལྡན་ཆེན་པོ་བཞག་ནས་ནི། །གདུགས་དང་རྒྱལ་མཚན་བ་དན་དང་། །རོལ་མོ་རྣམས་ཀྱིས་རྣམ་བརྒྱན་ནས། །བདུད་རྩི་རྣམ་རྒྱལ་བུམ་པའི་ཆུ། །རིགས་ཀྱི་ཅོད་པན་མཛེས་པར་བཅིང་། །ཁམས་གསུམ་ཀུན་གྱིས་ཕྱག་བྱས་པ། །གསང་བ་གསུམ་གྱི་གནས་ལས་བྱུང་། །དབང་བསྐུར་བ་ཡི་རྡོ་རྗེ་ཆེ། །མི་ལྡོག་པ་ཡི་དབང་་བསྐུར་རོ། །སྐུ་དབང་མདའ་གཞུ་གཏད་པ་དང་། །ཤེས་རབ་དྲིལ་བུ་གསུང་གི་དབང་། །ཐུགས་ཀྱི་དབང་དུ་མེ་ལོང་བརྟན། །ཡོན་ཏན་ཡངས་པ་མིག་ཐུར་དབང་། །ཕྲིན་ལས་བརྟུལ་ཞུགས་ཆེན་པོའི་དབང་། །གདམས་ངག་འདེབས་པ་ཚིག་གི་དབང་། །གསང་བའི་མཚན་རྟགས་མིང་གི་དབང་། །ཉན་དང་འཆད་དང་བསྒྲུབ་པ་དང་། །ཕྲིན་ལས་དབང་རྣམས་རྫོགས་པར་བསྐུར། །འཁོར་ལོ་རྐང་པར་བཞག་བྱས་ནས། །ལག་པ་གཡས་པར་དུང་སྤྱིན་ཏེ། །གཡོན་པར་ལྕེ་ནི་སྤྱིན་པར་བྱ། །འཇིག་རྟེན་ཀུན་ལ་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་སྣ་ཚོགས་འདུལ་གྱུར་པ། །རྡོ་རྗེའི་འཁོར་ལོ་རབ་ཏུ་བསྐོར། །ཁྲོ་བོའི་འཁོར་ལོ་རབ་ཏུ་བསྐོར། །ནོར་བུའི་འཁོར་ལོ་རབ་ཏུ་བསྐོར། །པདྨའི་འཁོར་ལོ་རབ་ཏུ་བསྐོར། །སྣ་ཚོགས་འཁོར་ལོ་རབ་ཏུ་བསྐོར། །བྱ་སྤྱོད་རྣལ་འབྱོར་རྒྱུད་རྣམས་ལ། །འཁོར་ལོ་རབ་ཏུ་བསྐོར་བ་དང་། བླ་མེད་རྣལ་འབྱོར་ཆེན་པོ་ལ། །མ་ཧྭ་ཨ་ནུ་ཨ་ཏི་ལ། །བློ་དང་མཐུན་སྦྱར་འཁོར་ལོ་བསྐོར། །འགྲོ་དྲུག་སེམས་ཅན་དབྱུངས་ཕྱུང་ཞིག །དྲི་ལྡན་ཡེ་ཤེས་མཉེས་བྱའི་ཕྱིར། །གང་ལ་ཡོངས་སུ་བཏང་དཀའ་བ། །གང་ཡིན་དེ་ནི་མཆོག་ཏུ་བཤད། །གང་དང་གང་ལ་ཡིད་འོང་མཆོག །དེ་དང་དེ་ནི་བླ་མར་དབུལ། །ཡང་ན་ཤིན་ཏུ་ཁྱད་པར་ཅན། །བླ་མའི་སེམས་ལ་དགོས་པ་གང་། །དེ་དབུལ་ཡང་ན་ཞོ་ཤ་དབུལ། །དངོས་པོ་ཆུང་ལ་མཉེས་པ་མཆོག །རྡོ་རྗེ་སེམས་དཔའི་ཡོན་དབུལ་བའོ། །བུ་མོ་ཤིན་ཏུ་བརྒྱན་པའམ། །དེ་བཞིན་ཆུང་མ་སྡུག་པ་གང་། །ཕུལ་ནས་ཡོན་གྱིས་བསླུ་བ་ཡིན། །སངས་རྒྱས་བྱང་ཆུབ་མཆོག་ཡིན་ནོ། །རྡོ་རྗེ་རིགས་ལ་བདག་ཉིད་དབུལ། །སླར་ཡང་རིན་གྱིས་བསླུ་བར་བྱ། །རྡོ་རྗེ་འཛིན་པ་དཔལ་སྦྱོར་བའི། །འབུལ་བ་ཡོན་གྱི་མཆོག་ཡིན་ནོ། །མུ་ཏིག་བཟང་པོ་ནོར་བུ་དང་། །ཤིན་ཏུ་དཀར་བའི་རས་ཟུང་དང་། །དེ་བཞིན་རྟ་ནི་དཀར་པོ་དག །པདྨ་ཅན་གྱི་ཡོན་མཆོག་ཡིན། །རྒྱལ་རིགས་ལོངས་སྤྱོད་གཏེར་རྣམས་དང་། །གོས་དང་རྒྱན་གྱི་ཚོགས་རྣམས་དང་། །དེ་བཞིན་མཆོད་པ་ཐམས་ཅད་ནི། །རྡོ་རྗེ་ཉི་མའི་ཡོན་ཡིན་ནོ། ་རྐོན་ཏུ་བརྒྱན་པའི་རྟ་དག་དང་། །གླང་པོ་ཤིན་ཏུ་བརྒྱན་པ་ཡང་། ་གོང་རྟ་རིན་ཆེན་གང་བ་དང་། །རྟ་དག་རྟ་མཆོག་ཡོན་ཡིན་ནོ། །བླ་མ་མཉེས་པར་གང་བྱས་པ། །དེ་ནི་ཆུང་ཡང་མཆོག་ཡིན་ཏེ། །ཆེ་སྟེ་རིན་ཆེན་རི་རབ་ཙམ། །ཆུང་སྟེ་ཁབ་སྐུད་ཡན་ཆད་ལ། །བླ་མ་མཉེས་པ་གང་འབུལ་བ། །དཀྱིལ་འཁོར་དགུ་ཡི་ཡོན་ཡིན་ནོ། །རྒྱུད་ཀྱི་རྒྱལ་པོ་སངས་རྒྱས་མཉམ་པར་སྦྱོར་བ་ལས། དབང་བསྐུར་ཕྱག་རྒྱའི་ལེའུ་སྟེ་རྟོག་པ་བདུན་པའོ།། །།དེ་ནས་ཐབས་ཡོད་པར་བྱིན་གྱིས་བརླབས་པ་ཞེས་བྱ་བ་འདི་གསུངས་སོ། །བླ་མེད་གསང་ཞུགས་སྐལ་བཟང་པོ། །ཇི་ལྟར་རྒྱུད་འཕེལ་གྲུབ་འཛིན་པ། །རྩ་བ་སྐུ་གསུང་ཐུགས་རྣམས་བསྲུང་། །དུས་བཞིར་རིགས་དྲུག་སྐུར་བསྒོམ་ཞིང་། །གསང་སྔགས་ཕྲེང་བ་ངག་ལ་འཆང་། །རྫོགས་པའི་རིམ་པ་སྒོམ་བྱེད་པ། །སྦྱོར་ལམ་ཀུན་ལས་ཉམས་པ་མེད། །ཞིང་དང་སྔགས་དང་ལས་སྐྱེས་མ། །མཚན་བཟང་གང་ཡིན་བདེ་བ་སྐྱེ། །དམ་ཚིག་གསང་བ་ཀུན་ཏུ་བསྲུང་། །ཞིང་བཅུའི་ཚོགས་ལ་གནས་སྤོར་ཅིང་། །འགལ་བ་དག་ལ་མཚོན་ཆའི་ཆར། །ཕབ་ནས་བདེ་བར་གཤེགས་ལ་འབུལ། །ཡུམ་དྲུག་དམ་ཚིག་ལ་གནས་ཕྱིར། །དམ་ཚིག་དམ་པ་སྔགས་ཀྱི་སྒྲ། །ན་མོ་ཤཱ་སརྦ་བྱུརྙེ་སྦྱ༷༷། །ཞེས་པའི་ཕྱག་རྒྱ་ལ་གནས་ན། །ལས་དང་མཆོད་པ་མ་ལུས་པ། །ལུས་པ་མེད་པ་ཐམས་ཅད་འགྲུབ། །རབ་བྱུང་རྣམས་ཀྱི་གྲུབ་པ་ཀུན། །ཆོས་དབྱིངས་མཉམ་དང་མི་མཉམ་པ། །ནམ་མཁའ་དབྱིངས་ཀྱི་མཐའ་ཀླས་པའི། །ལན་གཅིག་བརྗོད་པས་འགྲུབ་པའི་ཕྱིར། །དམ་ཚིག་ཆོས་ཀྱི་ཕྱག་རྒྱ་འདིས། །གང་དག་བྱས་པར་མ་གྱུར་ཅིག །སྤེལ་བ་དག་ཀྱང་མ་གྱུར་ཅིག །དམ་པ་རྒྱ་ཆེན་དེ་དག་མེད། །ཨོ་རུ་རུ་སྦུ་རུ་ཛ་ལ་ཏིཛི་སིརྙ་ལོ་ཙ་ན་སརྦ་ཨཐོ་སྭ་དྷ་ནི་གྲྭ་ཧྭ། ཆོས་ཀྱི་ཕྱག་རྒྱ་མཆོག་འདི་ནི། །སེམས་ཅ༷ན་ཐམས་ཅད་བྱ་བྱེད་པ། །སྟོབས་ཀྱིས་མྱུར་དུ་བཀུག་ནས་ནི། །བྲན་བཞིན་དེ་ནི་བྱེད་དུ་འཇུག །རྙུ་པ་བྷ་ག་ཏ་མ་ཧྭ་དེ་བི་ཧི་རི་མི་རི་ནི་གྲེ་ཡ། ཆོས་ཀྱི་དམ་པ་ཕྱག་རྒྱ་འདི། །འདོད་པ་བདེ་བ་ཀུན་སྦྱིན་པའོ། །ཨཱོཾ་ཏྭ་རེ་ཏུ་ཏྭ་རེ་ཏུ་རེ་གྲྭ་ཧྭ། ཆོས་ཀྱི་ཕྱག་རྒྱ་ལ་གནས་པ། །སངས་རྒྱས་བྱང་ཆུབ་རབ་བསྒྲུབ་ནས། །བུད་མེད་གཞན་ལྟ་ཅི་ཞིག་སྨོས། །ཏྲ༷་བ་བ་ཏ་ཏ་ཊ་ཊ་ཊ། རེ་བ་ཐམས་ཅད་ཀུན་རྫོགས་པ། །ཆོས་ཀྱི་ཕྱག་རྒྱ་དམ་པ་འདི། །རེ་བ་ཐམས་ཅད་རྫོགས་བྱེད་པའོ། །ཤི་བཛྲ་པདྨ་བ་ཏ་བ་མུ་ཁ་ཡོ་གི་ཤྭ་རི་ཧི་ཧི་ཧི་ཧི་ཧི། ཆོས་ཀྱི་ཕྱག་རྒྱ་དམ་པ་འདི། །འཇིག་རྟེན་ཐམས་ཅད་རབ་ཏུ་འཇིག །འདི་རྣམས་དམ་ཚིག་མཆོག་ཡིན་ཏེ། །ཆོས་ཀྱི་ཕྱག་རྒྱ་ཤེས་པའོ། །ཞེ་སྡང་ཆེན་པོས་ཞེ་སྡང་བ། །གཏི་མུག་ཆེན་པོས་གཏི་མུག་ཆེ། །ང་རྒྱལ་ང་རྒྱལ་དག་ལ་གནས། །འདོད་ཆགས་ཅན་ལ་འདོད་ཆགས་སྦྱོར། །དེ་བཞིན་ཕྲག་དོག་ཕྲག་དོག་ཉིད། །ཁོང་ཁྲོ་རབ་ཏུ་ག་་གདུག་ཅན། །དྲག་པོ་འཇིགས་བྱེད་འཇིགས་པར་བྱེད། །རིགས་ཀྱི་དམ་ཚིག་ཆེན་པོ་ནི། །རིགས་དྲུག་འགྲོ་དྲུག་ཐབས་ཀྱིས་འདུལ། །དམ་ཚིག་རྣམ་པ་ཅིར་སྣང་ཡང་། །ཆོས་ཉིད་ངང་ལས་མ་ཡེངས་པར། །རྩ་བ་ཡན་ལག་མི་འདའ་བར། ་།བ་པ་ཐམས་ཅད་ཡོངས་སུ་རྫོགས། །སློབ་དཔོན་ལ་ནི་རྟག་ཏུ་གུས། །མཆེད་ལ་གདུང་ཞིང་གསང་བ་ཐུབ། །སྔགས་དང་ཕྱག་རྒྱ་རྒྱུན་མི་གཅད། །རིག་པ་ཉིད་དེ་སྐྱེས་པའོ། །ཞེས་གསུངས་པའོ། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། ཐམས་ཅད་ཡོད་པ་དམ་ཚིག་གི་ལེའུ་སྟེ་རྟོག་པ་བརྒྱད་པའོ།། །།དེ་ནསདེབཞིནགཤེགསཔརྣམས་ཀྱིས་སྣ་ཚོགས་རབ་ཏུ་གསལ་བ་ཞེས་བྱ་བ་འདི་གསུངས་སོ། །འགྲོ་བའི་འཁོར་ལོ་མཆོད་པ་ནི། །ཡོངས་གྲུབ་འདོད་ཡོན་ལྷ་སྐུར་གསལ། །གཞན་ཡང་འདོད་ཡོན་ལྷ་མོར་བཅས། །རིགས་དྲུག་ལྷ་ཚོགས་རྣམ་པར་མཆོད། །འདུག་པའི་འཁོར་ལོ་བསྒོམ་པ་ནི། །དཔྲལ་བ་མགྲིན་པ་སྙིང་ག་སྤྱི། །ལྟེ་བ་ལྐོག་མ་གསང་བ་སྲ །རྣལ་འབྱོར་འཁོར་ལོ་དྲུག་བསྒོམ་སྟེ། །ལག་པ་གཟར་བུ་རྣམ་གཉིས་ཀྱིས། །ལུས་ཀྱི་དཀྱིལ་འཁོར་མཆོད་ནས་ནི། །ཡེ་ཤེས་མེས་ནི་བག་ཆགས་བསྲེག །ཐལ་བ་བཤང་ལམ་ལས་ཕྱུང་བ། །ནང་གི་སྤྱིན་སྲེག་མཆོད་པའོ། །ཕྲིན་ལས་འཁོར་ལོ་བསྒོམ་པ་ནི། །དགེ་དང་མི་དགེ་ལུང་མ་བསྟན། །ལུས་ངག་སྤྱོད་པ་རྣམ་དག་པ། །འོད་གསལ་ཆོས་སྐུ་བསྒོམ་པར་བྱ། །ཕྲིན་ལས་སྒྲིབ་དག་མཆོད་པའོ། །ཉམས་ཆགས་སྐོང་བའི་འཁོར་ལོ་བསྐོར་བ་ནི། །རིགས་དྲུག་ལྷ་ཡི་ཐུགས་ཀ་མྲ །རྟ་མཆོག་འཁོར་ལོ་ཉིད་བསྒོམས་ནས། །དེ་ལ་དབང་ལྔ་བསྐུར་བྱས་ན། །ཉམས་པ་དག་པར་བྱེད་པ་སྟེ། །དམ་ཚིག་ཉམས་པ་དབང་བསྐུར་མཆོད་པའོ། །རྟོག་པ་འཁྲུལ་པའི་འཁོར་ལོ་བསྒོམ་པ་ནི། །རྣམ་རྟོག་ཤས་ཆེའི་རྣལ་འབྱོར་པས། །ཁྲུས་ཀྱི་འཁོར་ལོ་བསྒོམ་པ་སྟེ། །རིགས་དྲུག་མདུན་དུ་འཁོར་ལོ་དྲུག །བུམ་པ་དྲུག་ནི་རྫས་དང་ལྡན། །ལྷ་བསྒོམས་སྔགས་ནི་གྲངས་རྫོགས་ནས། །བཀྲུས་པས་འདག་པའི་མཆོད་པའོ། །ལེ་ལོ་གཞོམ་པའི་འཁོར་ལོ་ནི། །ལེ་ལོ་ཤས་ཆེའི་རྣལ་འབྱོར་པས། །རྒྱུན་ཆད་མེད་པ་ཐུན་བཞི་མྲ །ལྷ་ཡི་འཁོར་ལོ་སྤྲོ་བསྡུ་བསྒོམ། །ལྡང་བ་སྤྲུལ་པའི་སྐུ་ཡིན་སྟེ། །རྨི་ལམ་ལོངས་སྤྱོད་རྫོགས་པའི་སྐུ། །གཉིད་ལོག་ཆོས་སྐུར་བསྒོམ་པར་བྱ། །ལེ་ལོ་འཇོམས་པའི་མཆོད་པའོ། །ཡིད་སྐྱོ་གསང་བའི་འཁོར་ལོ་ནི། །ཡིད་ནི་སྐྱོ་བའི་རྣལ་འབྱོར་པས། །རྒྱུན་དུ་ལྷ་ཡི་རྣལ་འབྱོར་གོམས། །དང་པོའི་ལས་ཀྱི་རྣལ་འབྱོར་པས། །གྲངས་དུས་མཚན་མའི་བསྙེན་པ་སྐྱོལ། །ཡིད་སྐྱོ་བསེང་བའི་མཆོད་པའོ། །མི་བརྟན་པ་ཡི་འཁོར་ལོ་ནི། །མཚན་མ་ཐོབ་པའི་རྣལ་འབྱོར་པས། །མཚན་མ་བརྟན་པར་བསྒོམ་པར་བྱ། །བརྟན་པ་ཐོབ་པའི་མཆོད་པའོ། །བརྟན་པ་ཡང་དག་སྦྱོར་བའི་འཁོར་ལོ་ནི། །མཚན་ཐོབ་མངོན་ཤེས་སྐྱེས་པའི་རྣལ་འབྱོར་པས། །མཆོག་གི་དངོས་གྲུབ་ཡང་དག་ཡེ་ཤེས་བསྒོམ། །ཡང་དག་དབང་བར་བསྒོམ་པའི་མཆོད་པའོ། །འདི་ལྟར་གནས་པའི་རྣལ་འབྱོར་གང་ཡིན་པ། །རབ་ནི་སྐུ་ལྔ་ལྷུན་གྲུབ་ཐོབ། །འབྲིང་ནི་རིག་འཛིན་རྣམ་བཞིའི་ལུས། །ཐ་མ་ལྷ་མིའི་མཚན་རྫོགས་པ། །འགྲུབ་པར་འགྱུར་བ་གདོན་མི་ཟ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་འདི་གསུངས་སོ། །རང་གི་ལྷ་ཡི་རྣལ་འབྱོར་པས། །གདོང་རྒྱན་གོན་ཏེ་བསྒྲུབ་པ་ནི། །གསང་སྔགས་བརྗོད་ན་འགྲུབ་པ་སྟེ། །ཨོ་ཊ༷་ཀི་ཧུ༷་ཛ། ལྷར་གསལ་ཉིན་རེ་དེ་བརྗོད་ན། །རྡོ་རྗེ་སེམས་དཔའི་དངོས་གྲུབ་ཐོབ། །རྡོ་རྗེ་མཁའ་འགྲོའི་དངོས་གྲུབ་ནི། །བདེ་མཆོག་མ་ཡི་ཏིང་འཛིན་གྱིས། །སྣྲིར་བཟླས་བསྒྲུབ་བྱའི་སྙིང་གཅོད་འགྱུར། །རྡོ་རྗེ་མཁའ་འགྲོའི་རྣལ་འབྱོར་གྱིས། །ཙི་གིས་བསྒྲུབ་བྱའི་སྙིང་བཅད་ནས། །ཨོ་སྣྲོ་ད༷་སྣྲོ་ད༷་ཧྲུ༷་ཕཊ། བཟླས་ན་བསྒྲུབ་བྱ་གང་ཡིན་པ། །མ་ཤིའི་བར་དུ་འགུགས་པར་བྱེད། །ཁྲག་འཐུང་ཆེན་པོ་སྨེ་ཤ་ནི། །བསྒོམས་ཏེ་འདི་ཉིད་ངག་ཏུ་བརྗོད། ཨོ་ཤུསྐོ་མུ། བཟླས་ན་མཁའ་འགྲོ་ཐམས་ཅད་འགྲུབ། །བྱིན་རླབས་མངོན་སུམ་ལམ་མཁས་པ། །རྣལ་འབྱོར་ཅན་གྱི་སྒྲུབ་པ་པོས། །ཨོ་ཌའསྐི་ནི་ཧུ༷་ཛ། བཟླས་ན་ཉེས་པ་ཀུན་ལས་གྲོལ། །རིགས་དྲུག་བསྒོམ་པའི་རྣལ་འབྱོར་པས། །དགེ་བའི་བརྟུལ་ཞུགས་བྱས་ནས་ནི། །སྦོ་བསྡམས་ལྕེ་རྩེ་རྐན་གཏད་ནས། །ཨོ་ཨུ༷༷ཧུ༷་ཞེས་བརྗོད་ན། །རྡོ་རྗེའི་བཟླས་པ་དེ་ཡིས་ནི། །རྒྱལ་བ་ཀུན་གྱི་སྐུ་གསུང་ཐུགས། །ཐིག་ལེ་སྟོང་པ་ཡི་གེ་གསུམ། །ཀུན་དང་མཐུན་པ་དེ་ཉིད་ཐོབ། །བཞེངས་བཞུགས་སྤྱོད་ལམ་ཐམས་ཅད་དུ། །ཧྭ༷་ལས་བྱུང་བའི་ཧེ་རུ་ཀ །མཐིང་ནག་ཞལ་གཅིག་ཕྱག་བཞི་པ། །སྟོང་ཉིད་རྡོ་རྗེ་ཐབས་ཀྱི་མདའ། །སྐུ་ཡི་ཁ༷་ཊ༷་ཤེས་རབ་གཞུ། །རང་གི་ཕྱག་ཏུ་རྣམ་པར་འཛིན། །ཀོའུ་རི་ལ་སོགས་མ་མོ་བརྒྱད། །ཟླ་གམ་དགུ་པའི་དཀྱིལ་འཁོར་མཆོག །འབྲུ་བརྒྱད་བསྙེན་པ་ངག་ཏུ་བརྗོད། །སྔགས་འདིས་ཡོངས་རྫོགས་ཆུ་བུར་བ། །ཨཱོཾ་བཛྲ་ཤི་ཧེ་རུ་ཀ་མ་དྷ་སརྦ་དུ་། །སྐུར་གསལ་རྣལ་འབྱོར་དེ་ཉིད་ལ། །བཀའ་ཉན་གོ་བསྒོས་བཅིངས་པ་ན། །བགེགས་ཀྱི་སྦྱོར་བ་ཀུན་དང་བྲལ། །ཀ༷་ལས་རྡོ་རྗེ་གོ་ཁྲབ་སྟེ། །ཧ༷་ཞེས་རྡོ་རྗེ་རྒྱུན་ཐག་བསྡམས། །ཨཱོཾ༷་ལས་རིན་ཆེན་ཧུ༷་རིན་ཆེན། །ཐག་གཉིས་མཛུབ་གུ་ལ་བཅིང་ངོ་། །རཏྣ་མུ་ལེ་ཨ་སྟི་ཁིའལྒ རིན་ཆེན་ཕྲེང་བས་བཅིང་བ་དང་། པ་ཊ་ལ༷། དར་དཔྱངས་དཀར་པོ་གཡས་སུ་འཕུར། །ཨ་སྟི་ཁི྅་ལ༷། དར་དཔྱངས་དམར་པོ་གཡོན་དུ་འཕུར་བའོ། །དུར་ཁྲོད་ཐོད་པའི་ཁང་པ་སྲ །ཧུ༷་ཡིག་རྡོ་རྗེ་ཡོངས་གྱུར་པས། །ཨོ་ཤི་ཧེ་རུ་ཀ་ཧུ༷་ཞེས་པ། བརྗོད་འགྱིང་ནག་པོ་རྡོ་རྗེ་འཕྱར། །དུང་དམར་བ་དན་ཁ་ཊ༷་བཅས། །ཨཱོཾ་བཛྲ་ཧེ་རུ་ཀ་ཀྟ་པ་རུ་ལུ་རུ་ལུ་ཧུ༷་སྨྱོ་ཧཱུཾ། གསང་སྔགས་འདི་ལ་གནས་གྱུར་ན། །ད་ལྟ་ཉིད་དུ་སངས་རྒྱས་པའོ། །ཞེས་གསུངས་སོ། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། ལས་སྣ་ཚོགས་པར་ལས་ཀྱི་ཕྲེང་བའི་ལེའུ་སྟེ་རྟོག་པ་དགུ་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་ཡོན་ཏན་ཡོངས་སུ་བརྗོད་པ་ཞེས་བྱ་བ་འདི་གསུངས་སོ། །ཨོ་མཉམ་ཉིད་མི་གཡོ་མཉམ་ཉིད་མཆོག་གི་ཆོས་ཉིད་ཅན། ཐུགས་རྗེའི་བདག་ཉིད་འགྲོ་བའི་སྡུག་བསྔལ་སེལ་བར་མཛད། །ཡོན་ཏན་མཐའ་ཡས་དངོས་གྲུབ་ཐམས་ཅད་སྦྱིན་མཛད་པ། །དྲི་མེད་མི་གཡོ་མཉམ་ཉིད་དམ་པའི་མཆོག་ཆོས་ཅན། །ཡོན་ཏན་ཤིན་ཏུ་ཕྲ་བའི་ཆ་ལའང་ཚད་མེད་དེ། །དཔེ་ནི་ནམ་མཁའ་ལ་ཡང་ཀུན་ཏུ་ཡོད་པ་མིན། །དངོས་གྲུབ་མཐའ་ཡས་མཉམ་མེད་དཔེ་དང་བྲལ་བའི་རྣམས། །སེམས་ཅན་ཁམས་ལ་དངོས་གྲུབ་མཆོག་རྣམས་ངེས་པར་སྩོལ། རྟག་ཏུ་དྲི་མ་མེད་པ་ཐུགས་རྗེའི་ཤུགས་ལས་བྱུང་། །སྨོན་ལམ་འགྲུབ་པ་འགག་པ་མེད་པའི་ཆོས་ཉིད་ཅན། །འགྲོ་བའི་དོན་གྲུབ་རབ་ཏུ་བརྩོན་པ་མཐའ་ཡས་པ། །ཐུགས་རྗེ་ཆེན་པོའི་བདག་ཉིད་རྟག་ཏུ་རྣམ་པར་སྣང་། །ཚད་མེད་ཚད་དང་བྲལ་བ་ཤིན་ཏུ་རྫོགས་པ་ཡི། །བདེ་བར་གཤེགས་པའི་གོ་འཕང་དམ་པ་ཤིན་ཏུ་མཉེས་གྱུར་ཀྱང་། །ཁམས་གསུམ་རྣམས་ལ་དངོས་གྲུབ་མཆོག་སྩོལ་མཛད་པ་ཡི། །ཐུགས་རྗེའི་སྤྱོད་པ་མི་གཡོ་འགག་པར་ཡང་མི་འགྱུར། །ཨེ་མ་ཧོ་ཤིན་ཏུ་བཟང་པོའི་ཆོས་ཉིད་མཆོག་དང་ལྡན། །མཆོག་སྤྱིན་རྣམས་ཀྱི་ནང་ན་གོ་འཕང་མཆོག་མཉེས་པས། །ཁམས་གསུམ་ཀུན་ལ་དངོས་གྲུབ་མཆོག་སྩོལ་མཛད་པ་ཡི། །མགོན་པོ་དུས་གསུམ་སྒྲིབ་པ་མེད་པར་རབ་མཁྱེན་པ། །དམ་ཚིག་མཆོག་གསུམ་དངོས་གྲུབ་དམ་པ་བདག་ལ་སྩོལ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་ཤིན་ཏུ་གདུག་པ་འདུལ་བའི་ཚོགས་རྣམས་ལ་ཡོན་ཏན་བསྔགས་པ་འདི་གསུངས་སོ། །སྒེག་པ་དཔའ་བ་འཇིག་སུ་རུངས་པ་དང་། །རྒོད་དང་གཤེ་དང་རྔམས་པའི་ང་རོ་དང་། །སྙིང་རྗེ་རྔམ་དང་ངོ་མཚར་ཆེན་པོ་དང་། །སྐུ་ཡི་དངོས་པོ་ཤིན་ཏུ་འགྱུར་བའི་གར། །དུར་ཁྲོད་རུས་པའི་རྒྱན་རྣམས་རབ་ཏུ་མཛད། །ཐེག་མཆོག་གླང་ཆེན་ཀོ་བ་བརྗིད་དང་ལྡན། །ཐབས་མཁས་ཞིང་ཆེན་པགས་པ་མཛེས་པའི་རྒྱན། །འཇོ་སྒེག་སྟག་གི་པགས་པ་ཆོས་ཉིད་རྒྱན། །རཀྟ་ཐལ་ཆེན་ཞག་གི་མི་སྲིན་དབང་དུ་སྡུད། །བདུད་དང་སྲེན་པོ་ཚར་གཅོད་དུ་ཏྲ་སྒྲལ། །དཔའ་རྟགས་མ ་ཆ་ཐབས་ཀྱ་ ་ ས་ ། །བདུད་ཀྱ་བདུད་འཇོམས་བདུད་དཔུང་ཐལ་བར་རློག །དྲག་པོ་དྲག་ཆེན་དྲག་རྒྱལ་ཧེ་རུ་ཀ །མཚན་དཔེས་རྒྱན་ལྡན་འགྲོ་བའི་དོན་མཛད་པ། །སྐུ་ཡི་གར་མཛད་གསང་སྒོར་འགྲོ་བ་འཇུག །ཏུག་ཆོམ་འབྲུག་སྒྲ་སྟང་ཁམས་བགེགས་ས་སྒྲོགས། །གད་རྒྱངས་གད་མོས་གསང་བའི་བཤུགས་གླུ་ལེན། །རྟག་ཆད་མུ་སྟེགས་འགོག་པ་ཉན་ཐོས་བུ། །དམན་པའི་ཐེག་པ་ལོག་ལྟ་འབྱུང་པོ་འདུལ། །སེང་གེའི་ང་རོས་གཅན་གཟན་གདུག་པ་འདུལ། །ཚངས་པའི་དབྱངས་ཀྱིས་སྐལ་ལྡན་རྣལ་འབྱོར་སྐྱོང་། །ཆོས་འཆད་ལོག་ལྟ་ཚར་གཅོད་བདུད་དྲེགས་འདུལ། །ངན་སོང་སྟོངས་མཛད་ཐར་པའི་ལམ་ལ་འགོད། །ཐུགས་རྗེས་འདྲེན་པ་སྙིང་རྗེའི་རྒྱུན་ཐག་ཅན། །སྨོན་འཇུག་སེམས་ལྔ་བསྐྱེད་ཅིང་ཉོན་མོངས་འདུལ། །ཞི་དེས་བྱམས་པའི་གསང་བ་ཀུན་ལ་སྒྲོགས། །འདུལ་སྤྲུལ་མ་ངེས་ངེས་པའི་སྐུར་སྟོན་ཅིང་། །ངོ་མཚར་གཟུགས་སྣང་ཁང་སྟོང་ནམ་མཁའི་འཇའ། །སེམས་ཅན་དོན་མཛ ་ ལ་་་་ ་མོངས་ རི ་པའི་ ལ་པོ་བླ་མེ ་ཧེ་རུ་ རི ་འཛིན་རྣལ་འབྱོར་དངོས་གྲུབ་མཆོག་སྩོལ་མཛད། །རྣམ་དག་སྐུ་ལྔ་འཇིགས་པས་ནམ་མཁའ་འདྲ། ཁྲ་དང་ཁྲག་མེད་སྟོང་པ་ཡེ་ཤེས་སྐུ། །གདོས་བཅས་དུག་འཇོམས་དཔའ་བོ་འཇིགས་པ་བྲལ། །སྐུ་གསུང་ལྷུན་གྲུབ་བརྡལ་བ་ཐིག་ལེ་ཆེ། །སྣང་སྟོང་དབྱེར་མེད་ཤེས་རབ་ཐབས་ལྡན་སྐུ། །འཁོར་དང་མྱ་ངན་འདས་པ་རྫོགས་པར་རོལ། །རྒྱུད་ཀྱི་རྒྱལ་པོ་ཆེན་པོ་སངས་རྒྱས་མཉམ་སྦྱོར་ལས། །ཡོན་ཏན་ཡོངས་སུ་བརྗོད་པའི་ལེའུ་སྟེ་རྟོག་པ་བཅུ་པའོ།། །།དེ་ནས་དེ་བཞིན་གཤེགས་པ་སྲས་སངས་རྒྱས་བྱང་ཆུབ་སྐལ་ལྡན་མ་དང་། ཞལ་བཟང་མ་དང་། ཀུན་བཟང་མ་དང་། །མི་བཟང་མ་དང་། སྤྲིན་ཆེན་མ་དང་། ནམ་མཁའ་སྤྱན་མ་དང་། སངས་རྒྱས་དབྱངས་མ་དང་། དབང་མོ་དང་། བདེ་མཆོག་མ་དང་། ཨེ་མ་བདེ་བ་དང་། སྒྲོལ་མ་དང་། ཟླ་བ་མོ་དང་། སངས་རྒྱས་བྱང་ཆུབ་མ་དང་། ཆོས་ཀྱི་འཁོར་ལོ་མ་དང་། ཀུན་བཟང་མ་དང་། ཀོ་རི་མ་དང་། ཙོ་རི་དང་། ཕྲ་མོ་ཧ་དང་། བེ་ཏྭ་ལི་དང་། པྲསྐ་སི་དང་། ཀྟསྨ་རི་དང་། ཙསྟོ་ལི་དང་། སྨ་ཤ་ནི་དང་། མདའ་འཛིན་མ་དང་། ཁ་ཊ༷་འཛིན་མ་དང་། འཁོར་ལོ་འཛིན་མ་དང་། སྣ་ཚོགས་བ་དན་འཛིན་མ་དང་། དབང་སྐུར་མ་དང་། གཏེར་ལྡན་མ་དང་། རྒྱལ་མཚན་མཆོག་དང་། མཆོད་རྟེན་མ་དང་། མདའ་གཞུ་འཛིན་མ་དང་།རལ་གྲི་འཛིན་མ་དང་། ཉི་མ་འཛིན་མ་དང་། སྦྱིན་སྲེག་མ་དང་། རྣམ་གཟིགས་མ་དང་། སྒྲོལ་མ་རི་མི་དང་། །ས་འཛིན་མ་དང་། ཁྲོ་གཉེར་མ་དང་། གཏུམ་པའི་དབང་ཕྱུག་མ་དང་། སྣ་ཚོགས་པདྨ་དང་། པདྨའི་ན་བཟའ་མ་དང་། འདོད་པའི་དབང་མོ་དང་། སྣ་ཚོགས་པདྨ་རྒྱ་གྲམ་མ་དང་། སྣ་ཚོགས་རྡོ་རྗེ་མ་དང་། གླིང་བུ་མ་དང་། བི་ཝང་མ་དང་། རྔ་ཆེན་མ་དང་། རྫ་རྔ་མ་དང་། མེ་ཏོག་མ་དང་། བདུག་པ་མ་དང་། མར་མེ་མ་དང་། དྲི་ཆབ་མ་དང་། ལ་སྒྱེ་མ་དང་། མྱ་ལེ་མ་དང་། གྱིརྟི་མ་དང་། ནིརྟི་མ་དང་། གཟུགས་རྡོ་རྗེ་མ་དང་། སྒྲ་རྡོ་རྗེ་མ་དང་། དྲི་རྡོ་རྗེ་མ་དང་། རོ་རྡོ་རྗེ་མ་དང་། ལྕགས་ཀྱུ་འཛིན་མ་དང་། ཞགས་པ་འཛིན་མ་དང་།ལྕགས་སྒྲོག་འཛིན་མ་དང་། དྲིལ་བུ་འཛིན་མ་དང་། གཞན་ཡང་དཔའ་བོ་ཐམས་ཅད་དང་། །དཔའ་མོ་ཐམས་ཅད་དང་། །རིག་འཛིན་ཐམས་ཅད་དང་། །བྱང་ཆུབ་སེམས་དཔའི་རིགས་སུ་གྱུར་པ་ཐམས་ཅད་དང་།གསང་བའི་རིགས་སུ་གྱུར་པ་ཐམས་ཅད་ཀྱིས། །མཉེས་པ་ཆེན་པོའི་མཆོད་པས་མཆོད་དོ། །རྟོག་པའི་རྒྱལ་པོ་ཉིད་ལ་རྗེས་སུ་ཡི་རང་བར་མཛད་པའི་ཕྱིར། ཉིད་ལ་ཉིད་སྣང་ངོ་། །ཉིད་ལ་ཉིད་སྤྱོད་དོ། །ཉིད་ལ་ཉིད་གནས་སོ། །ཉིད་ལ་ཉིད་སྡུད་དོ། །ཉིད་ལ་ཉིད་སྤེལ་ལོ། །ཉིད་ལ་ཉིད་སྒྲོགས་སོ། །ཡོངས་སུ་སྒྲོའོ། ཁྲེན་ཏུ་སྒྲོའོ། །ཡོངས་སུ་ཤིན་ཏུ་སྒྲོའོ། །སྤྲོ་བ་དེ་ཉིད་དབྱེར་མེད་པར་གྱུར་ཏེ། གཞི་འདུས་པའི་རྒྱུད་བསྟན་ཏོ། །ལམ་སྤྲོས་པའི་རྒྱུད་དུ་སྟོན་ཏོ། །འབྲས་བུ་ཡོངས་སུ་འདུས་པའི་རྒྱུད་དུ་སྟོན་ཏོ། །མང་དུ་བསྐྱེད་པའི་རྒྱུད་དུ་བསྟན་ཏོ། ་་་དུ་སྡུད་པའི་རྒྱུད་དུ་བསྟན་ཏོ། །ཡོངས་སུ་འདུས་པ་རྩ་བར་བསྟན་ཏོ། །ཡོངས་སུ་བཀོད་པ་བཤད་པར་བསྟན་ཏོ། །ལྐོག་ཏུ་གྱུར་པར་སྟོན་པ་ཁ་སྐོང་བསྟན་ཏོ། །མདུད་པ་དགྲོལ་བར་དཀའ་བ་གཅོད་པར་བསྟན་ཏོ། །དེས་དེ་བཞིན་དུ་གསུངས་སོ། །དེ་ནས་དེ་བཞིན་དུ་མཁྱེན་ཏོ། །དེ་རྣམས་དེ་བཞིན་དུ་ཡི་རང་བར་གྱུར་ཏོ། །མངོན་པར་འདུད་པར་གྱུར་ཏོ། །དེ་ཉིད་དེ་བཞིན་དུ་གྱུར་ཏོ། །དེ་ཉིད་དེ་བཞིན་སྡུད་དོ། །དེ་ཉིད་དེ་བཞིན་བསྡུས་ནས་དེ་བཞིན་དུ་གསུངས་སོ། །ཡོངས་སུ་གསུངས་སོ། །རྣམ་པར་གསུངས་སོ། །དེ་ཉིད་གསུངས་པ་བཞིན་འཛིན། ཡོངས་སུ་འཛིན་ཏོ། །རྣམ་པར་འཛིན་ཏོ། །རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། ཡོངས་སུ་བཀོད་པའི་རྟོག་པ་ལ་རྗེས་སུ་ཡི་རང་ཞིང་བསྟན་པ་གཏད་པའི་ལེའུ་སྟེ་རྟོག་པ་བཅུ་གཅིག་པའོ།། །།སྡུད་པའི་རྒྱུད་དམ་པ་གསང་ཆེན་གྱི་རྟོག་པ། སངས་རྒྱས་ཐམས་ཅད་དང་མཉམ་པར་སྦྱོར་བ་ཞེས་བྱ་བ། མཁའ་འགྲོ་སྒྱུ་མ་བདེ་མཆོག །དུས་གསུམ་སངས་རྒྱས་ཐམས་ཅད་ཀྱི་སྐུ་འདུས་པ་ཆེན་པོའི་རང་བཞིན་སངས་རྒྱས་མཉམ་སྦྱོར་གྱི་རྒྱུད་རྫོགས་སོ། །རྒྱ་གར་གྱི་པརྙི་ཏ་ལྷུ་རྒྱ་གསང་བ་དང་། བོད་ཀྱི་ལོ་སྣྲོ་བ་འབྲོག་མི་དཔལ་གྱི་ཡེ་ཤེས་ཀྱིས་བལ་ཡུལ་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ