Latest revision as of 05:21, 20 March 2020

Front

Body

རྒྱ་གར་སྐད་དུ། །རཏྣ་ཀ་ར་ཤསྡུ་མ་ཧྭ་པྲ་ས༷་ག་ཏནྟྲ་ནཱ་མ། བོད་སྐད་དུ། རིན་པོ་ཆེ་འབྱུང་བར་བྱེད་པ་སྒྲ་ཐལ་འགྱུར་ཆེན་པོའི་རྒྱུད་ཅེས་བྱ་བ། བཅོམ་ལྡན་འདས་རང་བྱུང་ཆེན་པོ་མཆོག་གི་སྟོན་པ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །ཐུནམོང་མཡིནཔའིགླེངགཞིབཀོདཔ།རྣ་སྐད་བདག་གིས་བསྟན་པའི་དུས་གཅིག་ན། འཁོར་དང་འདས་པའི་ཐོག་མར་ནི། །རང་བྱུང་བྱས་པ་མེད་པ་ལས། །འབྱུང་བ་འདུས་པའི་ཕུང་པོར་ཤར། །ས་ཆུ་མེ་རླུད་འབྱུང་བ་བཞི། །དབུས་སུ་རླུད་སེམས་རྒྱུ་དང་རྐྱེན། །འདུས་ཤིང་བསྐྱེད་པའི་གཞལ་མེད་ཁང་། །རང་བྱུང་རིག་པས་བཅོས་པ་མེད། །འཁྲུལ་པ་ཡོངས་སུ་དག་པ་ལ། །བདེ་ཆེན་འདུས་པའི་ཐབས་ཀྱི་འཁོར། །སྐུ་དང་ཡེ་ཤེས་ཤེས་རབ་རླུད་། །མི་ཕྱེད་སྣ་ཚོགས་དམིགས་མེད་པས། །རྩ་རླུད་ཐབས་ཀྱི་བདེ་ཆེན་ཆོས། །སོ་སོའི་ཉམས་དང་མཐུན་པར་བཤད། །འདས་དང་མ་འོངས་ད་ལྟར་མེད། །མ་ཕྱེད་འབྱེད་པ་ཡོངས་སུ་མེད། །ཐམས་ཅད་རང་བྱུང་ཡེ་ཤེས་སོ། །ཐུནམོངགིགླེངགཞིབཀོདཔ།འདི་སྐད་བདག་གིས་ཐོས་པའི་དུས་གཅིག་ན། །དགའ་དང་ལྡན་པ་བསོད་ནམས་བརྩེགས། །འགྲོ་བ་རྣམས་ཀྱི་ཐོག་མའི་ཡུལ། །ས་དང་ཆུ་དང་མེ་རླུད་གི །འབྱུང་བ་ཆེན་པོ་བཞི་མི་སྣང་། ཁྲ་ཁྲག་བཀོད་པའི་གཟུགས་མེད་པའི། །རང་སྣང་དག་པ་ཆེན་པོའི་ཡུལ། །རབ་ཏུ་མཛེས་ཤིང་རྒྱས་པ་ཡི། །པདྨའི་ཟེའུ་འབྲུ་རྫོགས་པའི་གྲངས། །སྟོང་དང་ལྡན་པ་དབུས་མའི་གནས། །ཡོན་ཏན་ཐམས་ཅད་རྫོགས་པ་ཡི། །རྐྱེན་བཞིས་སྨིན་པའི་གཟུགས་ཀྱི་སྐུ། །བརྫུས་ནས་སྐྱེས་པའི་ལུས་བླངས་ཏེ། །སྟོན་པ་སངས་རྒྱས་བཅོམ་ལྡན་འདས། །ལོ་བརྒྱད་མཛེས་པའི་གཟུགས་སུ་སྤྲུལ། །གཟིགས་སྟངས་གསུམ་ལས་སྟོན་པའི་སྐུ། །སྣང་བའི་འོད་ནི་བསམ་མི་ཁྱབ། །སྤྲུལ་པ་མཛད་པ་དང་པོར་བྱུང་། ཁུད་འབྱུང་གླེང་གཞི་དང་པོ་ལ། །ལྔ་པོ་རྣམས་ཀྱི་ས་བོན་འཛིན། །གདུལ་བྱ་བརྫུས་ནས་སྐྱེས་པ་ལ། །ཁ་དོག་དཀར་ཞིང་ཤ་གཟུགས་བྲལ། །ཟང་ཐལ་དྲི་མ་མེད་པའི་སྐུ། །ཉོན་མོངས་རགས་པ་རང་དག་སྟེ། །བག་ལ་ཉལ་བ་མ་ཡིན་པས། །མངོན་པར་རྒྱུ་བ་རྣམ་གཉིས་བྲལ། །དབང་པོ་ལྔ་ནི་རང་གསལ་ལ། །མཚན་མ་རྣམས་ནི་སྦུབས་སུ་ནུབ། །དབུགས་ལ་བརྟེན་པའི་འགྲོ་འོང་ཟད། །བར་སྣང་དག་ལ་གནས་བཅས་ནས། །ཕན་ཚུན་འཁོར་དང་ལངས་པར་བྱེད། །འགྲོ་དང་འགྲེང་དང་ཉལ་བ་དང་། །བསྐྱོད་ཅིང་རྒྱུག་པའི་རྣམ་པ་རྣམས། །བར་སྣང་ཉིད་ལས་གཞན་ཅི་མིན། །རང་ལས་འོད་བྱུང་སྣང་བ་ལས། །ཉི་ཟླ་ལ་སོགས་འོད་མི་སྣང་། །གོས་མེད་འཇམ་པའི་ངང་ཚུལ་ཅན། །མཛེས་ཞིང་ལྡེམ་བག་ལྡན་པ་ལ། །བག་ཡངས་རྣམ་ཤེས་གུད་མེད་པར། །བསམ་གཏན་དང་པོར་གནས་པ་བཞིན། །མངོན་དུ་བྱ་དང་བྱེད་པ་བྲལ། །གཟུགས་མེད་ལས་ཀྱི་འགྱུར་བྱེད་ལྟར། །ཁམས་དང་གུད་བཅས་ལས་མི་སྣང་། །ཁྱད་པར་སྙིང་པོའི་པདྨ་ལས། །སྟོང་དང་རྩ་གཅིག་གཟུགས་རྣམས་ནི། །འཇའ་ཚོན་སྒྱུ་མ་ཇི་བཞིན་དུ། །སངས་རྒྱས་རྣམས་ཀྱི་གཟུགས་སྐུའོ། །དེ་ཡི་ཁྱད་པར་སྟོན་པའི་གཟུགས། །རིས་ཅན་འོད་ཟེར་དཔག་ཏུ་མེད། །ང་ནི་ལྷ་བུ་དགའ་བྱེད་སྟེ། །དབང་ཕྱུགས་རྫོགས་པའི་ལུས་བླངས་ནས། །སྟོན་པའི་གསུང་གི་འོད་ཟེར་ཁྱིམ། །རང་བཞིན་གྱིས་ནི་བདེ་བ་རྙེད། །དེ་ཚེ་མཛད་པའི་བྱིན་རླབས་ལས། །དྲུག་ཅུ་རྩ་བཞིའི་འོད་སྐར་ནི། །བར་སྣང་ཉིད་ལས་གཟུགས་བཀོད་པར། །སུས་ཀྱང་བྱས་པ་མེད་པར་སྣང་། །ཁྱད་པར་ཡང་ཞུན་བཅུ་བདུན་ནི། །བསྟན་པ་དམ་པ་རྫོགས་པའི་ཕྱིར། །སྐུ་གསུང་ཐུགས་ཀྱིས་བསྟན་པ་དངོས། །རྡོ་རྗེ་བཅས་དང་སྐུ་གཟུགས་ནི། །སུས་ཀྱང་བྱས་པ་མ་ཡིན་པར། །ཡེ་ཐོག་ནས་ནི་རང་སྣང་བར། །སོ་སོའི་ལས་དང་སྐལ་མཐུན་པར། །གསེར་གྱི་སྙིང་པོ་ཉིད་ལ་སྣང་། །ཀུན་དང་ལྷན་ཅིག་མ་ཡིན་ནོ། །དེས་ན་སྙིང་དང་འདྲ་བས་གསང་། །དངོས་གྲུབ་མཆོག་རྣམས་མཐར་ཐུག་པའི། །འབད་ཅིང་རྩོལ་བ་མ་ཡིན་པས། །གང་སུ་འཕྲད་པ་གྲོལ་བར་ངེས། །དེས་ན་རྫོགས་ཆེན་བྱ་རྩོལ་བྲལ། །གཞན་འབད་བ་ལས་བྱུང་བ་མིན། །སངས་རྒྱས་བརྗོད་དུ་མེད་པ་ཡིས། །ཡེ་ཐོག་ནས་ནི་ཕྱག་མཛད་པའི། །ཆོས་ཀྱི་སྐུ་ལ་ངེས་བརྒྱུད་དེ། །ལས་ཅན་སྣང་བར་བྱེད་དོན་དུ། །སྤྲུལ་པའི་ས་བོན་ལྡང་བའོ། །དེ་ལྟར་དངོས་ཀྱི་བསྟན་པ་ལས། །གཟུགས་བརྙན་ཆོ་འཕྲུལ་འདི་ལྟ་བུ། །སུས་ཀྱང་བརྗོད་དུ་མེད་པར་ནི། །ནམ་མཁའ་མི་འབྱེད་བར་སྣང་ལས། །ཚིག་རྣམས་ཀུན་གྱི་ཐོག་མར་ཡང་། །དགུ་གཉིས་བཞི་ཡི་ཡང་སྟེང་ནས། །ཚངས་པ་ཆེན་པོའི་དབྱངས་སུ་བསྒྲགས། །དེ་ནས་ཆོས་ཉིད་ནམ་མཁའ་ལས། །ཁྱབ་འཇུག་ཆེན་པོའི་གསུང་གིས་ནི། །བྱིན་གྱིས་རླབས་ཀྱིས་རང་སྒྲར་སྟོན། །དེ་ནས་ཕྱོགས་བྲལ་ནམ་མཁའ་ལས། །ཀ་ལ་པིང་ཀའི་སྒྲ་དབྱངས་ལས། །བསྟན་པ་ཀུན་གྱི་བཅུད་བསྡུས་པའི། །རྒྱུད་ཀྱི་རྒྱལ་པོ་འདི་ཉིད་ནི། །ཚིག་རྣམས་ཀུན་གྱི་ཐོག་མར་ཡང་། །བརྒྱ་ཕྲག་གསུམ་དང་དྲུག་ཅུ་ཡི། །སྒྲ་ལས་དྲངས་ཏེ་སྟོན་པས་གསུངས། །དེ་ནས་འབྱུང་བ་སོ་སོའི་སྒྲ། །བྱེད་རྒྱུ་ཚ་དང་གྲང་བ་ལས། །སོ་སོའི་སྒྲ་དབྱངས་སྟོང་ཕྲག་བརྒྱད། །སྟོན་པས་བྱིན་གྱིས་བརླབས་པར་སྣང་། །ཁྱད་པར་འབྱེད་རྒྱུའི་གསུང་ལ་ཡང་། །སྒྲ་ཚིག་རྣམས་ནི་འབྱུང་བའི་གཞི། །ཡན་ལག་དྲུག་ཅུར་སྟོན་པས་ཀྱང་། །རང་སྣང་འདུས་པའི་འཁོར་ལ་གསུངས། །དེ་ཡང་དགོངས་པ་ཅི་ཞེ་ན། །གསུང་ཚུལ་དགོངས་པ་གསུམ་དང་བཅས། །གཉེན་པོ་བསྡུས་དང་དབང་པོའི་དོན། །ཚིག་རྣམས་བསྡུས་ཏེ་སྣང་བར་བྱས། །དེ་མ་ཡིན་པའི་བརྗོད་བྱའི་ཚིག །དུས་གསུམ་འབྱུང་བས་གསུང་བ་མེད། །སྒྲ་ཚིག་མིང་ལ་ངེས་བསྡུས་པས། །ཀ་ལ་པིང་ཀའི་སྒྲ་རྣམས་ཀྱང་། །འདྲེན་དང་འཇུག་དང་སྙན་པའི་ཕྱིར། །གསལ་བྱེད་སྒྲ་དོན་བཅུ་གཉིས་ལས། །བརྗོད་ཚིག་བཞིའམ་ལྔར་བསྡུས་སོ། །སྟོན་པའི་གསུངས་ལ་ངེས་བསྡུས་པས། །ཚངས་པའི་དབྱངས་ལ་སྟོང་དང་ལྔ། །ངེས་པའི་རྗོད་བྱེད་བརྒྱ་དང་གསུམ། །རིང་བྱེད་སུམ་ཅུ་ངེས་པར་བསྡུས། །དེ་ལ་གསལ་བྱེད་བཅུ་དྲུག་གོ །རྟོགས་སངས་་ཡན་ལག་དྲུག་ཅུ་གཉིས། །སྤྲོས་མེད་ཡན་ལག་བཞི་བཅུ་གཉིས། །ཁྱད་པར་བསྡུས་པའི་རིགས་གཉིས་ནི། །སྒྲ་དང་ཚིག་གི་གཞི་མའོ། །དེ་ཡི་དགོངས་པ་ཅི་ཞེ་ན། །སོ་སོའི་ལས་ཀྱི་འཕྲུལ་གྱིས་ཀྱང་། །བསླབ་བྱའི་རྩ་བ་བཅུ་བཞི་གཉིས། །རི་མོ་རྣམས་ལ་མཁས་པ་ཡིས། །སྤྲུལ་པ་ལ་སོགས་འབྱིན་པ་དང་། །རྟག་ཏུ་དགོད་པའི་དོན་རྣམས་ཤེས། །དེ་ལྟར་གསུངས་པའི་ཆོ་འཕྲུལ་དུ། །རྒྱུད་རྣམས་ཀུན་གྱི་ཐོག་མར་ཡང་། །རྩ་བའི་སྒྲ་ཚིག་ཐལ་འགྱུར་ལས། །ཐམས་ཅད་ངེས་འབྱུང་བསྟན་པར་འཕྲོས། །བསྟན་པ་དམ་པའི་འདུ་མཆེད་གྲུབ། །གསུངས་པས་འཁོར་བ་ནུབ་པར་བྱེད། །འདི་ལ་ཡོན་ཏན་བསམ་འདས་སོ། །སྤྲུལ་པའི་བསྟན་པ་ཐོག་མར་ནི། །འདི་འབྱུང་བས་ནི་འཕེལ་བའོ། །ལུས་ཀུན་བརྫུས་པའི་ཐོག་མའི་ཚེ། །ཚེ་ལོ་དཔག་ཏུ་མེད་དུས་སུ། །བརྫུས་ནང་་སྐྱེས་པའི་འགྲོ་བ་ལ། །མི་འབྱེད་རང་བཞིན་རྣམ་དག་པ། །ཐམས་ཅད་ངོ་བོ་དབྱེར་མེད་པར། །བརྗོད་ཅིང་སྒྲ་ཚིག་བདེ་རིག་སྟེ། །ཆོས་ཀྱི་སྐུ་ཡང་རྒྱུ་མེད་པ། །ལོངས་སྐུ་བརྡལ་བ་ཀུན་ཁྱབ་པར། །སྒྲུལ་སྐུ་སྤྲོས་གཞི་རྫོགས་པ་ལས། །དབྱེར་མི་ཕྱེད་པར་སྙོམས་ཞུགས་ཏེ། །རང་བཞིན་རྫོགས་པ་ཆེན་པོ་ཡི། །དཀྱིལ་འཁོར་གཅིག་ཏུ་ཐབས་ཅིག་འཁོད། །དེ་ལྟར་ངང་གཅིག་དབྱེར་མེད་དོ། །དེ་ནས་གཅིག་དང་ཐ་མི་སྡུདཔཔོཞུབརངབྱུངགིབཀོདཔ།དད། །རང་བཞིན་དག་པའི་འཁོར་རྣམས་ལས། །ལྷ་དབང་གིས་ནི་འདི་སྐད་གསོལ། །ཨེ་མ་ཀྱེ་ཀྱེ་བཅོམ་ལྡན་འདས། །འདི་ལྟར་སྣང་བ་དམ་པ་ཉིད། །བསམ་གྱིས་མི་ཁྱབ་འདུས་པ་ཡི། །ཚིག་གི་རང་བཞིནའདིལྟསྟེ། །འབྱུང་བཞིའི་དགོངས་དགོསཔཡངབྱུང།པ་ཇི་ལྟ་བུ། །ཡན་ལག་དོན་ཀུན་ཅི་ལྟར་གཉེར། །དེ་ཡི་དགོངས་དོན་ཅི་ལྟ་བུ། །སྒྲ་ཡི་བརྗོད་པ་ཅི་ཙམ་ཞིག །ཐལ་བའི་གནས་ནི་དུ་ཙམ་མཆིས། །འདིམ་སའོགགིརངདངགཝ་གྱིདམབཅའིཤེསཔདང། །འཕེནཔམོསྟེ་གོཔག་ཀྱིདྲིབམབྱུང། །འགྱུར་དང་འགྱུར་བྱེད་གང་དང་གང་། །ལེའུ་རྗོད་བྱེད་གསལ་བ་ཅི། །རྫོགས་པ་འདི་ལ་འདོད་པ་སུ། །གླེང་གཞི་འབྱུང་བ་ཅི་ཡི་དོན། །ལྷག་མའི་བསྟན་པ་དུ་དང་དུ། །འཇིགས་པའི་རྒྱུ་ནི་ཅི་ལས་འབྱུང་། །ཞིག་ནས་གནས་པ་གང་ནས་བྱུང་། །བར་དུ་སུ་དང་སུ་ཡིས་འཛིན། །ཐ་མ་འདི་ཉིད་གང་དུ་འཀྱུར། །ལུས་དང་ཡན་ལག་ཅི་ལྟ་བུ། །འབྱུང་བ་རྣམས་ཀྱི་འདོད་པ་ཅི། །སེམས་ཅན་དུས་ཀྱི་རིམ་པ་གང་། །ཕྱི་རོལ་ནང་དང་དོན་ནི་ཅི། །དུས་ཀྱི་འཕོ་བ་གང་དང་གང་། །ཞག་དང་ཟླ་བ་ལོ་རྣམས་ཅི། །ཚེ་དང་དབང་ཐང་གང་གིས་གཟུངས། །བྱེར་ཟུག་སྙོམས་པའི་མཐའ་ཅིར་འགྱུར། །འཁོར་བའི་ལམ་རྒྱུད་གང་གིས་བཅད། །སྟོན་པའི་ཡོན་ཏན་གང་གིས་བསྒྲུབ། །སྐུ་གསུམ་ངོ་བོ་ཅི་ལྟར་བསླབ། །ཐུན་མོང་ལས་ཀྱི་མཐའ་གང་ལགས། །བྱེ་བྲག་སྐུ་རྣམས་ཅི་ལྟར་འགྲུབ། །གཉིད་དང་རྨི་ལམ་ཅི་ལྟ་བུ། །སེམས་འདུལ་བསྒོམ་པ་གང་ལ་བགྱི། །རླུད་ཞེས་བགྱི་བའི་དགོངས་པ་གང་། །རྩ་ཡི་ཡོན་ཏན་ཅི་ཙམ་མཆིས། །དེ་བཞིན་ཐིག་ལེའི་རྣམ་པ་ཅི། །མཁའ་འགྲོ་མ་ཡི་ལས་མཐའ་གང་། །འཕོ་བའི་རྣམ་པའི་ལས་གང་ལགས། །རྟེན་ཅིང་འབྲེལ་པ་ཅི་ཡི་རྒྱུ། །ནད་དང་སྡུག་བསྔལ་གང་གིས་གྲོལ། །འབྱུང་བའི་འཕོ་ལུགས་ཇི་ལྟར་ལགས། །གནད་ཀྱི་འབྱུང་བ་གང་དང་གང་། །རྩིས་སྦྱོར་ལས་ཀྱི་ཡན་ལག་ཅི། །འབྱུང་བའི་བདེ་བ་གང་གིས་འགྲུབ། །སྤོ་བའི་ལས་ནི་གང་གིས་བགྱིས། །རིས་བཅས་བེམ་པོའི་བྱེ་བྲག་གང་། །གནད་རྣམས་རང་བཟློག་ཐབས་གང་ལགས། །གྲུབ་མཐའ་དགོངས་པ་གང་གིས་འགྲུབ། །མཐར་ཐུག་པ་ལ་དགོངས་པ་གང་། །བསྒྲུབ་པའི་རིམ་པ་དུ་ཞིག་མཆིས། །གནས་ལུགས་རྣམས་ཀྱི་འདུག་ཚུལ་ཅི། །འཁྲུལ་པའི་རྩིས་རྣམས་ཅི་ལྟར་བཟུངས། ཁྲེས་བྱའི་སྤྲོས་པ་གང་གིས་བཅད། །བླ་མ་བསྟེན་པའི་ཐབས་གང་ལགས། །ཕྱི་རོལ་འབྱུང་རྟགས་གང་གིས་འཛིན། །དུས་དང་བསྟན་པའི་བབ་སོ་ཅི། །དབང་བསྐུར་བ་ཡི་ཆོ་ག་གང་། །དམ་ཚིག་སྡོམ་པ་ཅི་ལྟ་བུ། །བརྗོད་བྱ་ཚིག་གིས་བསྟན་པ་ཅི། །ཚིག་འདས་སྤྲོས་པ་གང་གིས་བཅད། །མངོན་སུམ་གནད་ལ་ཅི་ལྟར་བསྒྲེ། །འཁོར་འདས་རུ་ཤན་གང་གིས་པྱེད། །རླུད་འཛིན་སྤྱོད་པ་རྣམ་པ་དུ། །སེམས་འཛིན་བསླབ་རིམ་གང་ཙམ་ཞིག །ཕྱི་ནང་གསང་བའི་འཆི་རྟགས་ཅི། །བལྟ་བ་མཐའ་ལ་གང་གིས་བསྐྱལ། །བསྒོམ་པའི་སྲོག་ཤིང་གང་དང་གང་། །སྤྱོད་པའི་སྦྱོར་བ་ཇི་ལྟ་བུ། །འབྲས་བུ་ཐོབ་ས་གང་ཙམ་ཞིག །འཁོར་བའི་ཆུ་རྒྱུན་ཅི་ཡིས་གཅོད། །བཅུད་ཀྱི་ལེན་པ་ཇི་ལྟ་བུ། །གོས་ནི་གང་གིས་འགྲུབ་པ་ལགས། །འབྱུང་བའི་རྒྱུན་ནི་ཅི་ལྟར་གཅད། །བཞི་པོ་རོ་རྣམས་ཅི་ཡིས་སྙོམས། །མཛོད་ལ་ཡོན་ཏན་ཅི་ལྟར་འབྱུང་། །འཕགས་པའི་རྫུ་འཕྲུལ་ཅི་ཡིས་འགྲུབ། །གཏེར་ལ་ལོངས་སྤྱོད་ཅི་ལྟར་བགྱི། །གཞི་ལྔ་དབང་དུ་གང་གིས་འདུས། །འདི་དག་བདག་གིས་སྔར་མ་འཚལ། །སྣང་བའི་བདག་པོས་བདག་ལ་གསུང་། །བདག་ལ་རིམ་པ་གསལ་ཕྱེ་བས། །མ་འོངས་པ་ཡིས་དུས་རྣམས་སུ། །འདི་ལ་དད་ཅིང་འདུན་པ་ཀུན། །རྫོགས་ཆེན་འདི་ལ་ཡིད་ཆེས་ནས། །བྱ་བྲལ་གླེན་པས་བདེ་ཆེན་རྙེད། །འཁོར་བའི་ཐ་མ་ཟད་ནས་ནི། །མྱ་ངན་འདས་པའི་ལམ་སྣ་ཟིན། །དེ་ཕྱིར་བདག་གིས་ཅི་ཞུསླ་པ། །རིམ་པ་གསལ་བར་ཕྱེས་ལ་གསུང་། །དེ་ནས་རྒྱུདཀྱིཆེབརྣམབརབཀོདཔའིབཀོདཔ།ཁྱབ་བདག་སེམས་དཔའ་ནི། །སྒྲ་ཚིག་མིང་དུ་མ་བསྒྲགས་ཀྱང་། །རང་བཞིན་བཅོས་མེད་ནམ་མཁའ་ལ། །བྲིས་ཞིང་བཀོད་པ་མ་ཡིན་པར། །ཡན་ལག་དྲུག་ཅུའི་དབྱངས་ལྡན་ཏེ། །མ་བྲིས་རི་མོའི་ཚུལ་ཙམ་དུ། །མདངས་དང་ལྡན་པའི་དབང་པོ་ལ། །ངེས་པར་སྣང་སྟེ་མངོན་སུམ་པའོ། །ཚངས་པ་ཆེན་པོའི་སྒྲ་ལ་ཡང་། །ཨིནྟྲ་ལྷ་ཡི་དབང་ཕྱུག་ཉོན། །ལུས་དང་ངག་ཡིད་རབ་གཅེར་བས། །ལོག་པའི་སྤྱོད་དང་བསམ་སྤངས་ཏེ། །དབང་པོ་ལ་སོགས་དག་བྱས་ནས། །དྲི་མ་སྤངས་པའི་སེམས་ཀྱིས་ཉོན། །ཨེ་མ་ངོ་མཚར་རྨད་བྱུང་བ། །སངས་རྒྱས་རྣམས་ཀྱིས་མ་གསུངས་པ། །རྒྱུད་གཞན་ལས་ནི་ཁྱད་འཕགས་འདི། །ཁམས་གསུམ་གནས་སུ་མི་ལྡོག་ཕྱིར། །རབ་ཏུ་གསང་ཆེན་ངེས་པའི་བཀའ། །བསྟན་པའི་སྙིང་པོ་འཕེལ་དོན་དུ། །ཐེག་པའི་ཡང་རབ་རྩེ་མོ་སྟེ། །ཆོས་ཀྱི་མེ་ལོང་དོན་གྱིས་སྡུད། །བཀའ་ཡི་འགྲེལ་པ་མན་ངག་སྙིང་། །རང་བཞིན་གསང་བ་རྫོགས་པ་ཆེ། །སྙིང་གི་ཏི་ཀ་ལུང་གི་མིག །ཡང་གསང་ལྡེ་མིག་ལྟ་བའི་ཕུགས། །སྤྱོད་པའི་སྦྱང་ས་བསྒོམ་པའི་གནད། །མངལ་གྱི་རྒྱུན་གཅོད་ངན་སོང་ཕྱག །གསང་བ་མཆོག་གི་རྒྱུད་བཤད་ཀྱིས། །རྡོ་རྗེ་ཡང་འཛིན་འཁོར་རྣམས་ཉོན། །ང་ཡི་སྤྲོས་པའི་ཚིག་རྣམས་ལ། །འཁྲུལ་པའི་རྡུལ་གྱི་ཆ་མེད་པས། །འདི་ནས་བསྟན་པའི་ཆོས་རྣམས་ལ། །ངེས་པར་གྲུབ་ཅིང་དོན་འབྱུང་བས། །ཐེ་ཚོམ་མེད་པར་འབྲས་བུ་འབྱིན། །དེས་ན་བསྟན་པའི་སྙིང་པོ་བསྟན། །ཀྱེ་ཀྱེ་དགའ་བར་བྱེད་པས་ཟུང་། །དྲིས་པའི་ཚིག་རྣམས་གསལ་ཕྱེ་བས། །ཁྱབ་འཇུག་གིས་ནི་སྐད་དག་ལས། །ཡི་གེའི་རྣམ་སྤྲུལ་འདི་ལྟ་བུ། །རང་བཞིན་བཅོས་མེད་ནམ་མཁའ་ལ། །མ་བཀོད་ཚིག་རྣམས་རང་བྱུང་བར། །དྲིས་དང་ལན་གྱི་ཚུལ་དུ་སྣང་། །ངང་གཞི་བབ་ཀྱིས་གྲུབ་པ་ཡི། །ཚིག་བྱུང་གཞི་ལ་འདི་ལྟར་སྣང་། །དྲི་བ་བདུན་ཅུ་ཟེར་ཀྱང་དོན་དྲུག་པར་ཡོད། དྲིས་ལན་དང་པོ། །འབྱུང་བའི་དགོས་པ་འདི་ལྟ་སྟེ། །ཆུ་ནི་དངས་མ་སྡུད་པ་དང་། །སྙིགས་མ་རྣམས་ནི་འབྱེད་པའི་ལས། །སོ་སོའི་ལུས་ལ་བྱེད་པས་ན། །དགོས་པ་ཚད་དང་གྲངས་ངོ་ཤེས། །སས་ནི་གཞི་མ་འཛིན་པ་དང་། །གྲུབ་ཅིང་ཆགས་པའི་ལས་རྣམས་བྱེད། །སྨིན་པའི་རྩ་ལ་སོགས་པ་བསྐྱེད། །དགོས་པ་ཀུན་རྫོབ་ཐིག་ལེར་ཤེརྔ་། །མེས་ནི་འབྱུང་བ་སྤེལ་ཡང་བྱུང།སེལ་བ་དང་། །སྨིན་ཅིང་གསལ་བའི་ལས་རྣམས་བྱེད། །འབར་ཞིང་མཆེད་པས་མིག་སོགས་བསྐྱེད། །དགོས་པ་དྲོད་རྣམས་ཤེས་པར་བྱེད། །རླུང་གིས་སྟོངས་དང་འདེགས་པ་དང་། །བསྐྱོད་ཅིང་གཡོ་བའི་ལས་རྣམས་བྱེད། །འགུལ་ཞིང་འཕྲིག་པས་ལུས་འཛིན་ཅིང་། །དགོས་པ་སེམས་ཀྱི་གནས་པ་ཤེས། །འབྱུང་བཞི་དག་གི་དཀྱིལ་འཁོར་ཆེ། །ལུས་སོགས་གྲུབ་པའི་རྒྱུ་བྱས་ཏེ། །བར་དུ་གནས་ཤིང་འཛིན་པ་བྱས། །ཐ་མ་འཇིག་པའི་ལས་ཀུན་བྱེད། །འབྱུང་བ་ཆེན་པོ་རྒྱུ་གཅིག་པས། །སྣ་ཚོགས་བྱེད་པའི་བདག་པོར་སྣང་། །དེས་ན་དགོས་པ་རང་དང་གཞན། །བྱ་བ་རྫོགས་པའི་དོན་ལ་མཁས། །དྲིསལནགཉིསཔ། །ཡན་ལག་དོན་ནི་འདི་ལྟ་བུ། །སངས་རྒྱས་རྣམས་ཀྱི་མཁྱེན་པ་ཡི། །ཚིག་བརྗོད་གསལ་བའི་རིམ་པ་ནི། །མཚན་བསྟན་པ་དང་གཞུང་གིས་ཀྱང་། །རིམ་དང་ཅིག་ཆར་བློ་རྣམས་ཀྱི། །རྟོགས་པར་བྱ་ཕྱིར་རྣམ་བཤད་པའོ། །གཞུང་ལ་རྣམ་པ་གཉིས་སུ་བསྟན། །ལུས་ཉིད་རྣམ་པར་གཞག་པ་དང་། །ཡན་ལག་དོན་གྱིས་རྒྱས་པར་དབྱེ། །ལུས་ནི་གླེང་གཞི་རྣམ་པ་གཉིས། །གཞན་ལས་ཁྱད་པར་འཕགས་དོན་དུ། །ཐུན་མོང་མིན་པའི་ལུས་ལ་སྦྱར། །ཐེག་གཞན་རྣམས་དང་སྒོ་བསྟུན་ཕྱིར། །ཐུན་མོང་དག་གི་གླེང་གཞི་ཡིས། །སྡུད་པ་རང་གི་འཁོར་རྣམས་ལ། །ཡིད་ཆེས་བྱ་ཕྱིར་བསྟན་པ་ཏེ། །འདུལ་གཞི་ལས་ནི་འདུལ་བྱེད་དུ། །བྱུང་བས་བསྟན་པ་གནས་པར་བྱེད། །ཡན་ལག་དཔེ་དང་ཚིག་དོན་ནོ། །ལེའུ་གྲངས་དྲུག་གིས་གཞུང་ཉིད་ལས། །ཅི་ལྟར་གནས་པའི་ཚིག་དོན་ནི། །ལུས་ཀྱི་ཁོག་པ་ཕྱེ་བ་ལྟར། །དོན་སྣོད་ལ་སོགས་སྣང་བར་སྟོན། །ཚིག་གི་དོན་ལ་རྣམ་པ་གཉིས། །དྲིས་དང་ལན་དུ་གསུངས་པའོ། །ལན་གཉིས་མདོ་དང་རྒྱས་པ་བཤད། །འདུལ་ཡུལ་གང་ཟག་མོས་དོན་དུ། །སྣ་ཚོགས་སྤྲོས་པ་དོན་ཡིན་ནོ། །དྲིསལན་གསུམཔའོ། །ཨེ་མ་རྒྱུད་དག་ངེས་འབྱུང་བ། །དགོངས་པ་རྣམ་པ་གཉིས་ཡིན་ཏེ། །རིག་པ་རང་སྣང་བློ་ཅན་ལ། །རྒྱུད་ཀྱི་མཚན་དོན་རྣམ་ཕྱེ་སྟེ། །བརྡ་དང་སྒྲ་དང་དོན་གསུམ་གྱིས། །ཆོས་ཉིད་མངོན་སུམ་ལམ་བྱས་ཏེ། །ཁམས་གསུམ་འཁོར་བའི་རྒྱུན་བཅད་ནས། །ཕྱི་ཕྱིར་ལྡོག་པ་མེད་པ་ཡིས། །ཟད་པའི་མཚན་ཉིད་ཤེས་པའོ། །དམིགས་པས་ཡུལ་གྱི་བློ་རྣམས་ལ། །རྒྱུད་ཀྱི་གཞུད་རྣམས་རྣམ་པྱེ་སྟེ། །གང་ལ་གང་མོས་ངེས་པའི་གནད། །རེ་རེ་དག་ལ་གནད་བཙུགས་ནས། འབྲལ་བ་མེད་པར་ཡོངས་རྟོགས་ན། །འཁོར་བ་དག་ལ་གནས་པ་མིན། །སྤྲོས་པ་ཉིད་ལ་དགའ་བའི་མིས། །སྣ་ཚོགས་ཐབས་ལ་བསླབ་གྱུར་ནས། །དེས་ཀྱང་སོ་སོའི་བསྒྲུབ་བ་སྙེམས། །དགོངས་པའི་གནད་དོན་མན་ངག་ནི། །སོ་སོའི་སྐབས་དག་ཤེས་པར་བྱའོ། །དྲིས་ལནབཞིཔ། །རྒྱུད་ཀྱི་རྒྱལ་པོ་འདི་ཉིད་ཀྱིས། །ངེས་པའི་མཚན་གྱི་རྣམ་གྲངས་ལ། །བསྟན་ནས་རྫོགས་དོན་མན་ངག་ནི། །ཚིག་ཙམ་ངེས་པར་བརྟགས་ཕྱེ་སྟེ། །འབྲུ་རྣམས་དོན་དང་མཐུན་པར་ཡང་། །དོན་གྱི་ངོ་ལ་འདི་ལྟར་སྐྱེལ། །སྒྲ་ཡི་བརྗོད་པ་འདི་ལྟ་བུ། ཁུད་རྣམས་གཞན་དུ་མ་བཤད་པས། །ཨེ་མ་ངོ་མཚར་ཆེ་བ་ཉིད། །ང་ཡི་སྤྲོ་ཡིས་ང་ལ་ཉོན། །སྒྲ་ཡི་བབ་སོ་རྣམ་པ་ལྔ། །ཚངས་དང་ཁྱབ་འཇུག་པིང་ཀ་དང་། །འབྱུང་བའི་སྒྲ་དང་སྟོན་པའི་གསུངས། །ལྔ་ཡིས་འབྱུང་བའི་ཆོས་རྣམས་ལ། །ཅི་དགར་རོལ་པ་ཆེན་པོར་སྤྱད། །ཚངས་པའི་གནས་ནི་ལྔ་པོ་ལ། །རེ་རེ་དག་ལ་བརྒྱ་ཕྲག་གཉིས། །གནས་གཞན་བྱེད་པ་རེ་རེ་སྟེ། །སྟོང་དང་གནས་གཞན་ལྔ་ཡིན་པས། །འདི་ཉིད་ཤེས་པ་ཙམ་གྱིས་ནི། །བཅོམ་ལྡན་འདས་ལ་རེག་པར་སྦྱོར། །ཁྱབ་འཇུག་གིས་ནི་གནས་གཞན་ལས། །གཉིས་དང་ལྔ་དང་དྲུག་གསུམ་གྱིས། །ཟུར་ཕུད་ཕྱེད་པའི་ལས་ཀྱི་རྒྱུ། །མཚན་ལྡན་སྡོམ་པ་རྫོགས་པ་ལ། །དེ་དག་ཉིད་ལ་བརྒྱ་བརྒྱ་སྟེ། །ངེས་འབྱེད་འཕྲུལ་གྱི་རྣམ་པ་ལས། །གྲངས་དེ་དེ་ཡིས་བརྗོད་ཤེས་ན། །རྒྱུད་དུ་མངོན་པར་ཤེས་པ་འགྲུབ། །པིང་ཀ་ལ་ཡི་སྒྲ་དབྱངས་ཀྱིས། །ལུས་ལ་བརྒྱ་དང་ཉི་ཤུ་ལ། །དེ་བཞིན་ངག་དང་སེམས་ལ་ཡང་། །གོང་མ་ཙམ་སྟེ་ངེས་བརྗོད་གསུངས། །འཇིག་རྟེན་པ་ཡི་ལྷ་རྣམས་དང། །དེབཞིནའདསཔའིལྷ་དག་དང་། །མཁའ་འགྲོ་རྨ་རྣམས་འདུས་པ་ཡིས། །སྒྲཡིས་བྱེ་བྲག་རྣམས་ཤེས་ན། །དེ་རྣམས་སྐད་ནི་ཤེས་པ་དང་། །མངོན་ཤེས་དྲུག་ལ་ངེས་སྤྱདན། །བདེགཤེགསབཀའ་ཡི་དོན་རྣམས་ཤེས། །ཚིགས་སུ་བཅད་པའི་གྲངས་ཀྱིས་སུ། །སོ་སོའི་གནས་དང་ངེས་པར་སྦྱོར། །དེ་ནས་ཆུ་ཡི་སྒྲ་ལ་ཡང་། །སྙན་བརྗོད་གསུང་ནི་བསམ་མི་ཁྱབ། །མཁས་པས་ཆོ་ག་རྫོགས་པའོ། །འབྱུང་བ་རྣམས་ཀྱི་སྒྲ་དོན་ནི། །དཔའ་དང་དཔའ་བར་འགྲོ་བ་ཡིས། །ས་ཆུ་མེ་རླུད་བཞི་དག་ལ། །རེ་རེ་ལ་ཡང་གཉིས་གཉིས་ཏེ། །གཅིག་ནི་མ་ནིང་སྟོང་པས་ན། །ཕོ་དང་མོ་ཡི་ཁྱད་པར་ལས། །ཚ་དང་གྲང་བའི་བྱེད་རྒྱུ་ཅན། །སྟོག་ཕྲག་དག་ནི་གཉིས་གཉིས་ལས། །བརྗོད་ཅིང་བརྟགས་པའི་སྒྲ་རྣམས་ནི། །རྣལ་འབྱོར་བ་ཡིས་བརྗོད་ཤེས་ན། །དེ་དག་ཀུན་གྱི་སྐད་ལ་ཡང་། །བདེ་ལེགས་སུ་ནི་ཉན་པར་སྤྲོ། །དེ་ཉིད་སུ་ཡིས་ངེས་འབྱོངས་པ། །རིགས་དྲུག་ལ་ཡང་ངེས་པར་སྦྱོར། །དུས་དང་བཅས་ཏེ་མངོན་སྣང་བའོ། །འདས་དང་མ་འོངས་ད་ལྟར་གྱི། །སྟོན་པ་སངས་རྒྱས་བཅོམ་ལྡན་འདས། །དབྱངས་གཅིག་གིས་ནི་དཀྱིལ་འཁོར་དུ། །སྐལ་བ་ཅན་གྱི་སྣང་བ་ལ། །དབང་པོ་དྲུག་གི་རྣམ་དག་པས། །བཅུ་བཅུ་ཡི་ནི་སྐུ་གསུམ་ལས། །ཁྱད་པར་སྤྲུལ་པའི་སྐུ་ལས་འཕྲོས། །འཕྲོས་པ་ཡི་ནི་ཟེར་ཙམ་གྱིས། །རྣལ་འབྱོར་རྟོག་པའི་ཆུ་རྒྱུན་འགགས། །གནས་དང་འབྱེད་དང་གནས་བཅུད་ཡུལ། །ཐོབ་ཅིང་མཐོང་རྟོགས་ངེས་འཇུག་པའོ། །དེ་ལྷར་སྒྲ་ཡི་དགོས་པ་ནི། །རྣམ་པ་གཉིས་སུ་ཤེས་བྱ་སྟེ། །མཆོག་དང་ཐུན་མོང་བ་དག་གི །ལས་ཅན་སོ་སོའི་ངེས་འབྱེད་འཕྲུལ། །མཆོག་ལ་སྐུ་ལྔ་མངོན་པར་འགྲུབ། །དེ་ལྟར་གྲུབ་པའི་རྟགས་བཅུ་ཡིས། །རྡོ་རྗེ་འཆང་གི་ལུས་དང་མཉམ། །འདི་ལ་ཡོན་ཏན་བརྗོད་མི་ལངས། །ཆོས་དང་ཆོས་ཀྱི་དབྱིངས་ཉིད་དང་། །གཞི་དང་ལམ་དང་འབྲས་བུ་ལ། །བདེ་བར་རོལ་པ་ཉིད་ཡིན་ནོ། །ཐུན་མོང་གྱུར་བའི་དགོས་པ་ནི། །སྒྲ་ཚད་རིག་པའི་བསྟན་ཆོས་དང་། །བཟོ་དང་སྒྱུ་རྩལ་སྣ་ཚོགས་དང་། །འཕོངས་དང་མ་སྦྱངས་ལས་རྣམས་འགྲུབ། །འབྱུང་བ་ལྔ་ལ་སྤྱོད་ནུས་དང་། །མཚོན་དང་དུག་ལས་རྒྱལ་བ་དང་། །བེམ་དང་རིག་བཅས་སྒྲ་རྣམས་དང་། །བརྡའ་དང་ཐ་སྙད་ལ་མཁས་འགྱུར། །མདོར་ན་དགོས་པའི་བསྟན་བཅོས་དང་། །བཀའ་ཡི་མཚན་ཉིད་ཤེས་པར་འགྱུར། །སྨན་དང་རྩི་སྦྱོར་བྱེ་བྲག་འབྱེད། །ཐལ་ཡིག་ཕུལ་དུ་ཕྱིན་པ་དང་། །འཇིག་རྟེན་སྦྱོར་བ་ལྷུན་གྱིས་གྲུབ། །སྒྲ་དོན་དེ་ལྟར་དགོས་པ་འགྲུབ། །རྒྱུད་ལ་ངེས་པའི་འཕྲུལ་འབྱེད་ཕྱེ། །དྲི་ལནལྔཔ། །ཐལ་བའི་གནས་ནི་རྣམ་པ་བརྒྱད། །འཇིག་རྟེན་ཁམས་དང་ཞིང་ཁམས་དང་། །དམ་བཅའ་སྐྱོན་དང་སྐྱོན་གནས་དང་། །འཕེན་པའི་ལས་དང་སྦྱོར་བ་དང་། །གྲགས་དང་སོལ་བའི་གནད་དང་བརྒྱད། །འདི་རྣམས་ཐལ་བའི་གནས་སུ་འདོད། །འཇིག་རྟེན་ཁམས་ནི་ཆགས་པ་དང་། །གནས་པ་ཉིད་དང་འཇིག་པའི་དུས། །སྟོང་པ་ཉིད་དང་རྒྱུ་དང་རྐྱེན། །གྲུབ་ཚུལ་དང་ནི་དྲང་ཚད་དོ། །ཞིང་ཁམས་རྣམ་པ་བཅུ་གསུམ་ལ། །འདི་ནས་འཇིག་རྟེན་འོག་ན་ནི། །ཐལ་བའི་དབྱངས་ཞེས་བྱ་བའི་ཡུལ། །རྒྱ་ཁྱོན་དཔག་དཀའ་རབ་ཏུ་མཛེས། །རྒྱུ་དང་རྐྱེན་དང་རང་བཞིན་དང་། །སྟོན་པའི་བསྟན་པ་དེ་ཡི་འཁོར། །སྟེང་དང་འོག་དང་ཕྱོགས་མཚམས་སུ། །ཆུ་ཞིང་ཉམས་དགའ་བཀོད་ལེགས་སྤྲས། །དེ་ནས་འཇིག་རྟེན་དྲུག་འོག་ཏུ། །ཐལ་བ་འཛིན་ཞེས་བྱ་བ་ནི། །འཁོར་ལོའི་དབྱིབས་ལ་ཟང་ཐལ་ལོ། །སྟོན་པའི་བསྟན་པ་བདེན་པ་ཉིད། །སྤྲས་ལེགས་བཀོད་པ་གཉིས་པའོ། །འདི་ནས་འཇིག་རྟེན་གསུམ་གཡས་ན། །ཐལ་པ་སྐྱོབ་ཅེས་བྱ་བ་ནི། །མ་རྒད་དག་གིས་ཡོངས་སྤྲས་པ། །འོད་དང་ཁ་དོག་ངེས་གསལ་ཞིང་། །སྟོན་པའི་བསྟན་པ་འདུལ་བའི་ཞིང་། །སོ་སོའི་ལས་དང་མཚན་བཅས་པའོ། །དེ་ནས་འཇིག་རྟེན་དྲུག་གི་སྟེང་། །ཐལ་བ་བརྡལ་ཞེས་བྱ་བ་ནི། །པདྨ་རྒྱས་པའི་དབྱིབས་འདྲ་བ། ཁེན་ཏུ་བརྡལ་བ་ཁོད་སྙོམས་པ། །སྣ་ཚོགས་འོད་འབར་ཁ་དོག་ནི། །དཀར་དམར་སྣང་བ་འཁྲུགས་པ་ལས། །རགས་པའི་གཟུགས་བརྙན་སྣང་བ་མིན། །སྟོན་པའི་བསྟན་པ་འདུ་མཆེད་རྒྱས། །བསྐལ་བ་རྫོགས་པས་ཐལ་ཞེས་བྱའོ། །འདི་ནས་འཇིག་རྟེན་སྟེང་དུ་ཡང་། །བཅུ་དགུ་འདས་པའི་ཡང་སྟེང་ན། །ཐལ་བའི་ བེ་ཅོན་ ཞེས་ བྱ་བ། །རབ་ ཏུ་ལྗོངས བདེ ཡང བྱུང །རྫོགས་ ཏེ་ ཉམས་ དགའ་ བར། །རིན་ ཆེན་ སིལ་ མ་ སྣ་ཚོགས་ པས། །ངེས་ པར་ སྤྲས་ ཏེ་ སྐྲུངས་ པའི་ ཚུལ། །སྟོན་ པའི་ བསྟན་ པ་རྫོགས་གཉིས་ལྡན། །ཐོད་པའི་ཕྲེང་བ་བཀོད་པའོ། །འདི་ནས་འཇིག་རྟེན་བྱང་ཤར་མཚམས། །ཐལ་བའི་རྒྱུན་ཞེས་བྱ་བ་ནི། །མཆོད་རྟེན་དབྱིབས་འདྲ་བང་རིམ་མཛེས། །བཀོད་པ་ལྔ་ཡིས་ཡོངས་སུ་སྤྲས། །སྒྲ་དབྱངས་སྣ་ཚོགས་འབྱུང་བའི་གཞི། །སྟོན་པའི་བསྟན་པ་དུས་འབྱུང་ངེས། །དེ་སྟེང་ཉི་ཤུ་རྩ་གཅིག་ན། །རབ་དུ་ཐལ་བས་ཁྱབ་ཅེས་བྱ། །དམིགས་པ་དག་པའི་རང་བཞིན་དུ། །ཕྱི་དང་ནང་མེད་ཟང་ཐལ་སྣང་། །སྟོན་པའི་བསྟན་པ་འབྱུང་བར་སྟོན། །བྱེད་པའི་རྒྱུ་རྐྱེན་ཁྱབ་འཇུག་གོ །འདི་ནས་འཇིག་རྟེན་ལྷོ་ཤར་གཡོན། །འཇིག་རྟེན་ཁམས་ནི་དྲུག་འདས་ན། །ཐལ་པའི་སྒྲ་ཞེས་བྱ་བ་ཡི། །སྐྱོད་བྱེད་འཕན་གྱིས་རབ་ཏུ་བཀླུབས། །རྒྱལ་མཚན་གདུགས་ལ་སོགས་པ་བསྒྲང་། །མེ་ཏོག་སིལ་མའི་ཆར་དང་དྲི། །སྟོན་པ་ཉིད་དང་བསྟན་པ་ལ། །མཛེས་བྱེད་གཟུགས་བརྙན་ཚོགས་ཀྱིས་བསྐོར། །བདེ་བའི་རོལ་པ་འབྱུང་བའོ། །འདི་ནས་འཇིག་རྟེན་ལྷོ་ནུབ་གཡས། །དྲུག་འདས་འོག་ན་ཐལ་བའི་རླུད་། །གཡོ་ཞིང་སྦྱོད་པ་བར་སྣང་ལ། །ཕན་ཚུན་གཡོ་ཞིང་ལྡིང་བ་དང་། །བསྐྱོད་པ་ལས་ནི་སྒྲ་རྣམས་འབྱུང་། །སྟོན་པའི་བསྟན་པ་རླུད་གིས་གཡོ། །ལྔ་ལྡན་འཇུག་པ་གསུམ་ཡིན་ནོ། །དེ་སྟེང་བཅུ་གསུམ་བརྩེགས་པ་ན། །རིན་ཆེན་ཐལ་བ་ཞེས་བྱ་ན། །བཀྲ་ཤིས་ཉི་མ་རྣམས་ཀྱིས་སྤྲས། །འདོད་པའི་ཡོན་ཏན་རྣམས་ཀྱིས་བརྒྱན། །འཕྲུལ་གྱི་རི་མོ་ཡི་གེ་མཛེས། །སྟོན་པའི་བསྟན་པ་གཟུགས་བརྙན་རྫོགས། །ལྡ་ལྡི་པདྨའི་སྤྱན་གྱིས་མཛེས། །འདི་ནས་ནུབ་བྱང་མཚམས་ཀྱི་སྟེང་། །འཇིག་རྟེན་ཁམས་ནི་དྲུག་པ་ན། །འདུ་བའི་ཐལ་བ་ཞེས་བྱ་བ། །མཆོད་པ་རྫོགས་པའི་ལྷ་མོར་བཅས། །འོད་ཀྱིས་ཁེངས་ཤིང་ཙནན་དྲི། །སྟོན་པའི་བསྟན་པ་ཆ་མཉམ་པ། །བཅུ་དྲུག་ལོ་ལྡན་མཛེས་པའི་གཟུགས། །རབ་ཏུ་གཤོན་པ་རྣམས་ཀྱིས་བསྐོར། །དེ་འོག་འཇིག་རྟེན་དགུ་པ་ན། །དུང་ལྡན་ཐལ་བའི་ལྷ་ཞེས་པ། །དད་ཅིང་བསུང་བའི་དེ་ཡིས་མྱོས། །འཁྱུག་ཅིང་རབ་ཏུ་འབར་བའི་འོད། །རབ་ཏུ་མེར་མེར་པོ་ཡིས་འཁྲིགས། །སྟོན་པ་ཉིད་དང་བསྟན་པ་དང་། །དེ་ཡི་འཁོར་དང་ལོངས་སྤྱོད་རྫོགས། །འདི་ནས་འཇིག་རྟེན་དྲུག་པ་ན། །སྐར་མའི་ཐལ་བ་ཞེས་བྱ་བ། །འཁོར་ལོ་བརྩེགས་པའི་རྣམ་པ་ནི། །ལྔ་དང་དགུ་ཡི་ཡོངས་སུ་བརྩེགས། །འཆར་ཁ་ཆུན་འཕྱང་རྣམས་ཀྱིས་བརྒྱན། །འབྲུག་སྒྲོགས་གློག་དམར་ལྕེ་རྣམས་འབྱིན། །སྟོན་པའི་བསྟན་པ་ལུང་གིས་བསྐོར། །འོད་འབྱུང་ཕྲེང་བ་ཀླུ་ཡི་གླུཡིསགདུངཡངབྱུང།གདོང་། །ཕྱོགས་དང་མཚམས་ཀུན་གསལ་བའོ། །དྲི་ལནདྲུགཔ། །རང་དང་གཞན་གྱི་དམ་བཅའི་ཚིག །རང་གི་ཚིག་གིས་ངེས་བསལ་ཏེ། །རང་འདོད་ངེས་པར་སྐྱོལ་བ་ནི། །ལུང་དང་རིགས་པ་མན་ངག་གིས། །སྐྱོན་བསལ་བསྒྲུབ་དང་འགལ་བ་སྤང་། །སྐྱོན་གསུམ་སྤངས་ཏེ་ཐེ་ཚོམ་བསལ། །གཏན་ཚིགས་བཞི་དང་དམ་བཅའ་བླངས། །གནས་པའི་མཁར་བཟུང་ཟུར་ལ་བྲོས། །ཕྱོགས་བཞི་དབུས་སུ་འཁོར་ལོ་བྲི། །ཕྱོགས་བྲལ་གཏན་ཚིགས་བསྒྲུབ་བྱའོ། །གཞན་ལ་ཐལ་བའི་ངེས་འཇུག་རྩོད། །དམ་བཅས་བསྒྲུབ་བྱ་གཏན་ཚིགས་ལ། །གསུམ་གསུམ་དག་གི་འཕེན་པས་བསྐོར། །མཁས་པས་མཚན་ཉིད་རྫོགས་པས་སྦྱར། །རང་གཞན་གྲུབ་པའི་བརྗོད་བྱའོ། །སྐྱོན་ནི་རང་དང་གཞན་གཉིས་ལས། །རང་སྐྱོན་རང་གིས་ཤེས་ བྱས་ལ། །དམ་ བཅས་ གཏན་ ཚིགས་ བསྒྲུབ་ བྱ་ ནི། །སོ་ སོའི་སྐྱོན་ རྣམས་ ངོས་ བཟུང་སྟེ། །ཡོན་ ཏན་ རྣམས་ ནི་ རྫོགས་ པར་ བྱའོ། །གཞན་གྱི་ཡོན་ ཏན་ ཤེས་ བྱས་ ལ། །དེ་ ཡི་ སྐྱོན་རྣམས་མཁས་པས་བརྟགས། །སྒྲ་དོན་བརྗོད་བྱའི་ཚིག་ཙམ་ལས། །འབྲེལ་དང་འབྲེལ་མེད་མཚན་ཉིད་ཀྱིས། །ཁྱབ་བྱའི་དོན་རྣམས་ཐལ་འགྱུར་བརྩིའོ། །དྲིསལནབདུནཔ། །འཕེན་ལ་རླུད་སྟེ་འཕོ་བའི་ལས ཚིག་དང་ཟུར་ལ་གགོཀྱང།གཞོན་པ་དང་། །གཏན་ཚིགས་འཁོར་ལོ་འོག་དང་སྟེང་། །ལོག་དང་ཟུར་ལ་འབིགས་པར་བྱེད། །ཆོས་ཅན་ཆོས་ཉིད་ཚུལ་དག་གིས། །གཉིས་གཉིས་འཇུག་པས་འཕེན་པར་བྱེད། །རླུད་གིས་ཀྱང་ནི་ཉོན་མོངས་འཕེན། །མ་དག་པ་ནིཡང།ཡིས་ཡེ་ཤེས་སོ། །སྦྱོར་བའི་དམིགས་ཀྱིས་རང་འདོད་བསྐྱང་། །ཆོས་ཅན་དམ་བཅའ་གཏན་ཚིགས་དང་། །དཔེཡིསམཚོནཏེསྦྱོརབགཅིག །ཆོས་ཅན་འབྲེལ་པ་ཡུལ་གྱིས་ཤེས། །དམ་བཅའ་སྐྱོན་ནི་བརྟགས་ཏེ་བཅའ། །གཏན་ཚིགས་དག་གིས་འབྲེལ་དོན་བརྩིས། །དཔེས་ནི་སྣང་བའི་ཆོས་རྣམས་གྲུབ། །གྲུབ་མཐའ་བློ་ལ་བརྟེན་པ་ཡིས། །རང་གཞན་ཤེས་པའི་རྩལ་གྱིས་སོ། །གྲགས་པ་དག་གིས་ཐལ་འགྱུར་ཏེ། །བྱ་བའི་ལས་དང་དཔྱད་རྣམས་དང་། །ཚིག་དང་རྟོགས་པ་ཐ་དད་དང་། །རྒྱུ་རྐྱེན་སྨིན་སོ་སྣ་ཚོགས་ཏེ། །འགྲོ་བར་འདོད་དང་སོང་བ་དང་། །བྱེ་བྲག་འབྲེལ་སོ་ཐ་དད་པའི། །སོང་བ་ཞེས་བྱ་ཡུལ་རྣམས་དང་། །ལམ་དང་གནས་ཏེ་ཚིག་དང་འཇུག །དྲན་པ་དངོས་དང་དངོས་པོ་མེད། །བྱསཀྱངརྭགགནས་དང་བྱུང་དང་བྱེད་པ་དང་། །ལྡོག་བཅས་ལམ་དང་ལྡོག་མེད་ལམ། །བསྒྲུབས་པ་རྣམས་དང་སྒྲུབ་པར་བྱེད། །བྱ་བྱེད་རྒྱུ་རྣམས་དེ་དག་གོ །དྲིསལནབརྒྱདཔ། །རྒྱུ་མཚན་ངེས་པའི་མཐར་སྡུད་ནི། །འགྱུར་ནི་འབྱུང་བའི་ཆོ་འཕྲུལ་གྱིས། །ནམ་ཟླ་དུས་ཀྱིས་འགྱུར་བས་ན། །རྣལ་འབྱོར་ཉམས་དང་ཤེས་པ་ཡང་། །འགྱུར་བའི་དུས་ཚོད་མཁས་པས་བཟུང་། །རླུད་མེ་ས་ཆུའི་འགྲོས་ཀྱིས་ནི། །མེ་རླུད་ས་ཆུ་བཞི་གཉིས་འཁོར། །ས་རླུད་ཆུ་མེ་འགྱུར་བྱེད་གཉིས། །རླུད་ས་མེ་ཆུ་ཆ་ལྔ་ལས། །འགྱུར་ཞིང་བྱེད་པ་ལུས་ཀྱི་གཞི། །སྟོང་པའི་གནས་ཏེ་བརྒྱད་ཡིན་ནོ། །འགྱུར་བར་བྱེད་པའི་ཤེས་པའི་རྩལ། །འཕྲོ་དང་འཁྱིལ་དང་མཆེད་པ་དང་། །འདུས་དང་རྟགས་ཏེ་འདི་རྣམས་ལ། །འདྲེན་ཅིང་གནས་པ་འགྱུར་བྱེད་ལ། །རླུད་རླུད་ས་ས་མེ་མེ་ཆུ། །གཅིག་གི་བྱེད་པ་བཅུ་དྲུག་ལས། །ཁྱབ་དང་འཇུག་དང་གནས་བྱེད་བསྲུངས། །ལུང་སྡེབ་ཡ་སྡེབ་སྡོམ་གཅིག་པ། །དཔའ་བར་བྱེད་པའི་འགྱུར་བྱེད་དོ། །དྲིསལནདགུཔ། །ལེའུ་བརྗོད་གཉིས་ཀྱང་གསལ་ཕྱེ་ན། །སྣ་ཚོགས་བཀོད་པ་མན་ངག་གནས། །ངེས་པར་འབྱུང་འགྱུར་དང་པོ་ལ། །གཞི་སྟེ་མ་འོངས་ངེས་པར་སྟོན། །གླེང་གཞིར་བཅས་པས་གཞི་བཟུང་སྟེ། །གནད་འདུས་བཀོད་པ་སེམས་ཀྱི་རྟེན། །རང་ཐོག་འབེབས་པ་གཉིས་པ་ཡིན། །བཀའ་གསང་འབྱུང་ངས་འགྱུར་ཚད་སྟོན། །གསུམ་པ་ཡེ་ཤེས་བཀོད་པ་ལ། །སྒྲ་བརྡའ་མཚོན་པའི་གཞི་མ་སྟོན། །བཞི་པ་ཆོས་ཉིད་བཀོད་པ་ལ། །ཡོན་ཏན་རྫོགས་པའི་སེམས་ཉིད་ལུང་། །ལྔ་པ་བལྟ་བསྒོམ་བཀོད་པ་སྟེ། །བྱ་བྲལ་རྫོགས་པ་དབྱིངས་ཀྱི་གནད། །དྲུག་པ་སྐུ་རྣམས་བཀོད་པ་སྟེ། །ཡོན་ཏན་རྫོགས་པ་གསང་བའི་གཞི། །དེ་ལྟར་དྲུག་གིས་སྐུ་གསུམ་གྱི། །འབྲས་བུ་ཐོབ་པ་དེ་དག་གོ། །ཚད་བསྟན་ལེའུ་གྱུར་དག་ཤེས། །དཔལ་གྱི་དགོངས་པ་འབྱུང་བའི་གཏེར། །བདེ་བ་ཐབས་ཀྱི་སྐུ་ཉིད་་ཀྱང་། །ལུང་བསྟན་རྗེས་འཛིན་སེམས་ཀྱི་གནད། །འགྲོ་བ་དག་སྐྱོབ་རླུད་གི་ལྷ། །ལྷ་མ་ཉིད་ཀྱང་དེ་ཙམ་མོ། །དྲིསལན་པ། །རྫོགས་པ་ཞེས་ནི་བཤད་པ་ལ། །ཞེན་པ་རང་གྲོལ་བསྟན་པའི་ཚིག །གཞུང་ལ་ལྷག་ཆད་མེད་པ་དང་། །དོན་ལ་འཁྲུལ་པ་མེད་པར་རྫོགས། །བཤད་པ་ཐ་སྙད་ཚིག་དང་བྲལ། །རིགས་བྱེད་རྫོགས་པའི་རྣམ་པ་ལས། །འགྲོ་བ་དྲུག་གི་སྐད་རྣམས་དང་། །བརྡའ་ཡི་འཇུག་པ་ཐམས་ཅད་སྣང་། །སོ་སོའི་ནུས་པས་བུསཔསྦྱརཡངཝང།བསྒྱུར་བ་གང་། །རང་བཞིན་རྫོགས་པས་རྫོགས་པ་ཆེ། །སྣང་སྟོང་འབྱེད་པའི་རྫོགས་པ་ནི། །གཞུང་གི་ཚིག་དོན་གསལ་ཕྱེ་ནས། །ལྷག་མ་མེད་པར་ཡོངས་སུ་རྫོགས། །གཞི་ཉིད་འགྱུར་བ་མེད་པར་རྫོགས། །ལམ་ནི་དྲང་ཞིང་ཉེ་བར་རྫོགས། །འབྲས་བུ་བྱར་མེད་ངང་དུ་རྫོགས། །བལྟ་བསྒོམ་བྱ་བྲལ་ཆེན་པོར་རྫོགས། །དབང་དང་དམ་ཚིག་སྡོམ་པ་རྫོགས། །མདོར་ན་ཐམས་ཅད་རྫོགས་པའོ། །དྲིསལནབཅུགཅིགཔ། །གླེང་གཞི་དག་ལ་ཡང་དག་ཚིག །གདུལ་བྱ་གང་ཟག་སོ་སོ་ལ། །གདུལ་གཞི་ཕུང་པོ་རྣམ་པ་ལྔ། །དེ་ཡི་འདུལ་བྱེད་གླེང་གཞི་སྟེ། །གླེང་བ་ཚིག་ལ་བརྗོད་པ་གསུངས། །གཞི་ནི་རྣམ་པ་ལྔ་ཡིན་ཏེ། །གནས་ནི་རྣམ་པ་གསུམ་དུ་འདོད། །ཕུན་ཞེས་བྱ་བ་འདུས་པ་ལ། །གསུམ་ནི་གྲངས་ཏེ་འཆར་བྱེད་དོ། །ཚོགས་པ་ཡོན་ཏན་རྫོགས་པའོ། །སྟོན་པ་ཉིད་ཀྱང་གསུམ་ཡིན་ཏེ། །ཕུན་ཞེས་བྱ་བ་སྐུར་རྫོགས་པས། །གསུམ་ནི་སྐུ་གསུམ་འཆར་བྱེད་ལ། །ཚོགས་པས་འཁོར་རྣམས་སྡུད་བྱེད་དོ། །འཁོར་ཀྱང་རྣམ་པ་གསུམ་ཡིན་ཏེ། །ཕུན་ཞེས་བྱ་བ་གཟུགས་སུ་བཀོད། །གསུམ་ནི་གྲངས་ཏེ་སྣ་ཚོགས་འདུས། །ཚོགས་པས་དད་ཅིང་འདུས་པའོ། །བསྟན་པ་ཉིད་ཀྱང་གསུམ་ཡིན་ཏེ། །ཕུན་ཞེས་བྱ་བ་ཡང་སྙིང་བཅུད། །གསུམ་ནི་སྡེ་སྣོད་རིན་པོ་ཆེ། །ཚོགས་པས་གང་ཟག་གྲོལ་བའོ། །དུས་ཀྱང་གསུམ་ལ་བཞི་འདུས་པས། །ཕུན་ཞེས་ཐེག་པ་ཀུན་རྫོགས་ཏེ། །གསུམ་ནི་འདས་དང་ད་ལྟ་ཕྱིས། །ཚོགས་པ་ངེས་པར་རྫོགས་པའོ། །ཐུན་མོང་མིན་པས་ཁྱད་པར་ཏེ། །ཐེག་པ་ཀུན་ལས་འཕགས་པའི་རྟགས། །བཅུད་རྣམས་སྙིང་པོར་བསྡུས་པ་སྟེ། །སྟོན་པས་གསུང་གིས་འཁོར་ལ་བསྟན། །ངོ་མཚར་མཆོག་འདུས་བསྟན་པའི་གཙོ། །ཐུན་མོང་གླེང་གཞིའི་རྒྱུ་དང་རྐྱེན། །གཞན་དང་ལུང་ཙམ་སྒོ་མཐུན་ཕྱིར། །ཐུན་མོང་པ་ཞེས་གྲགས་པའོ། །ངདྲསལནབཅུགཉིསཔ། །འདི་ལྟར་བསྟན་པ་འདི་ཉིད་ལ། །ལྷག་མའི་བསྟན་པ་འདི་ལྟ་བུ། །དུས་ཀྱི་ངེས་པར་ཕྱེ་བ་བཤད། སྙིང་པོ་ལྡན་དང་རྫོགས་ལྡན་དང་། །རྫོགས་ལྡན་དག་ནི་ཆེན་པོ་དང་། །དེ་བཞིན་གསུམ་དང་གཉིས་ལྡན་དང་། །རྩོད་ལྡན་དང་ནི་རྩོད་ལྡན་ཆེ། །དེ་དག་རེ་རེའི་བར་དག་ཏུ། །མུན་པའི་བསྐལ་པ་དྲུག་ཅུ་ལ། །བསྟན་པའི་བཙས་ནི་གཞན་དུ་འགྱུར། །བྱང་གི་ཕྱོགས་ན་གཡོ་བ་ལྡན། །བསྟན་པའི་སྒྲོན་མེ་དེར་གསལ་ཏེ། །དཔལ་ལྡན་སྐྱོང་ཞེས་བྱ་བ་ཡི། །དགེ་སློང་དག་གིས་འཛིན་པར་འགྱུར། །དེ་ཡི་ཡོན་བདག་རྒྱལ་པོ་ནི། །ཛི་ན་མི་ཏྲ་ཞེས་བྱ་ཡི། །བསྟན་པ་གསོ་བའི་གཞི་མ་བྱེད། །ལོ་ནི་སྟོང་དང་སུམ་བརྒྱར་གནས། །དེ་ནས་མུན་པའི་བསྐལ་པ་ནི། །དྲུག་ཅུའི་བར་དུ་གནས་པའོ། །དེ་ནས་ལྷོ་ཕྱོགས་ཚལ་བ་སྐྱོབ། །གླིང་ནི་ཡངས་ཤིང་མཛེས་པ་ནི། །བསྟན་པའི་སྲོག་ཤིང་དེར་བབས་ཤིང་། །དགའ་བའི་དཔལ་ཞེས་བྱ་བ་ཡི། །ལྕང་ལོ་ཅན་གྱི་རིགས་དག་གིས། །བསྟན་པ་འདི་ནི་འཛིན་པར་འགྱུར། །དེ་ཡི་ཡོན་བདག་ཁྱིམ་བདག་རིགས། །དགེ་བའི་དངོས་གྲུབ་ཅེས་བྱ་བས། །བསྟན་པ་དམ་པ་འདི་ཉིད་ནི། །ལོ་བརྒྱའི་བར་ལ་གནས་པར་བྱེད། །དེ་ནས་མུན་པའི་བསྐལ་པ་ནི། །ལོ་ནི་བརྒྱ་དང་ཉི་ཤུར་འགྱུར། །དེ་ནས་ཤར་ཕྱོགས་བདེ་བའི་རླུད་། །རྡོ་རྗེ་འབྱུང་བའི་རི་རྩེ་ལ། །བསྟན་པ་དམ་པ་འདི་བབས་ནས། །སྲུ་ཏྲ་སྡེ་ཞེས་བྱ་བ་ཡི། །རྒྱལ་པོ་ཉིད་ཀྱིས་བསྟན་པ་འཛིན། །དེ་ཡི་ཡོན་བདག་བྲམ་ཟེ་ནི། །ཛ་ཡ་ཨུ་ཀར་ཞེས་བྱ་བས། །ལོ་ནི་སྟོང་དང་བཞི་བརྒྱར་གནས། །དེ་འོག་མུན་པའི་བསྐལ་པ་ནི། །ལོ་ནི་སྟོང་ཕྲག་ལྔར་འགྱུར་རོ། །དེ་ནས་ནུབ་ཕྱོགས་བརྩེ་བའི་གླིང་། །བྷ་རི་བྷཏིསལིཡངབྱུང།ས་ལི་ཞེས་བྱ་བར། །འགྲོ་བ་བཟང་པོའི་རིགས་ལ་ཡང་། །ཡང་བཅུད་སྙིང་པོ་གསུམ་བབས་ནས། །དགེ་སློང་བདེ་བ་སྐྱོང་གིས་ཀྱང་། །བསྟན་པ་དམ་པ་འདི་འཛིན་ཏེ། །དེ་ཡི་ཡོན་བདག་དཔའ་བོ་འཛིན། །གདོལ་བའི་རིགས་ཀྱིས་ལོ་སྟོང་བར། །འདི་ཉིད་གནས་ཤིང་འཕེལ་བར་བྱེད། །དེ་འདས་འོག་ཏུ་མུན་པ་ཉིད། །ལོ་ནི་སྟོང་ཕྲག་ལྔར་གནས་ཏེ། །དེ་ནས་ཡང་ནི་འདིར་བབས་ཏེ། །རྡོ་རྗེ་གདན་ཞེས་འབྱུང་བའི་གནས། །འདི་ཉིད་འཕེལ་ནས་འོད་འབར་བ། །ལོ་ནི་ལྔ་བརྒྱ་ལྔ་བཅུའོ། །འདི་ཉིད་བློ་གྲོས་བཟང་པོས་འཛིན། །དེ་ཡི་ཡོན་བདག་མཁའ་འགྲོ་མ། །བསིལ་བྱེད་གཙང་མ་བྱ་བ་ཡིན། །དེ་ཡི་འོག་ཏུ་འཇིག་རྟེན་འདི། །ས་ཆུ་མེ་རླུ་་སྡེབས་འཁྲུགས་ནས། །མི་གནས་སྟོང་པ་ཆེན་པོར་འགྱུར། །བསྐལ་པ་ཞེས་པ་དང་པོ་ལས། །ཐ་མ་འཇིག་པའི་དུས་འབྱུང་ངོ་། །དྲི་ལན་གསུམཔ། །བསྟན་པ་འཇིག་པའི་ཉེ་རྒྱུ་ནི། །དེ་དག་སོ་སོའི་གནས་དག་ཏུ། །གང་ཟག་ལོག་སྲེད་ཅན་ཞེས་པ། །རེ་རེ་དག་གིས་བསྟན་པ་ཀུན། །འཇིག་པར་བྱེད་པའི་ཉེ་རྒྱུ་ཡིན། །འདི་ཉིད་དང་པོའི་མུན་པའི་དུས། །འཛམ་བུ་གླིང་གི་ནུབ་ཕྱོགས་སུ། །རྒྱལ་པོ་ལག་པའི་སོར་མོ་དྲུག །མདུན་ན་སོ་ལྷག་སྔོན་པོ་ཡོད། །ལག་པ་གཡས་པའི་གྲུ་མོ་ལ། །སྨེ་བ་ནག་པོ་སྡིག་པའི་དབྱིབས། །རབ་དུ་འཇིགས་པ་ཡོད་པ་ཡིས། །སངས་རྒྱས་བསྟན་པ་མུན་པར་འགྱུར། །ལོ་ནི་དྲུག་ཅུའི་བར་ལ་འགྱུར། །དེ་འདས་དཔལ་འཛིན་དང་པོས་འཛིན། །སྟོང་དང་སུམ་བརྒྱ་འདས་འོག་ཏུ། །ཡང་ནི་འཛམ་གླིང་བྱང་གི་ངོས། །གཟི་བརྗིད་ལྡན་པའི་རི་ཡི་རྩེར། །དགེ་སློང་གཟུགས་ལ་བྱམས་སེམས་བྲལ། །གཡས་པ་ལ་ནི་རྣ་བ་གཉིས། །མིག་ནི་ཟུར་གསུམ་མས་ཡར་འགེབ། །འདི་དང་མུ་སྟེགས་སྡེ་རྩོད་ནས། །ལོ་ནི་དྲུག་ཅུ་མུན་པར་འགྱུར། །དེ་འོག་བདེ་བའི་ལྷ་ཞེས་པས། །ལོ་བརྒྱའི་བར་ལ་འཕེལ་བར་བྱེད། །དེ་འདས་འཛམ་གླིང་བྱང་ཤར་དུ། །ཆུ་བོ་རབ་མེད་འབབ་པའི་རྩར། །རྒྱལ་པོའི་ལུས་ལ་བསོད་ནམས་ལྡན། །མིག་ནི་གཅིག་ལས་མེད་པ་ལ། །ཡན་ལག་རགས་ཤིང་ལུས་ཤེད་ལྡན། །འཕོང་དང་སྒྱུ་རྩལ་རྣམས་ཀྱིས་བརྒྱན། །འདིས་ནི་ཆོས་བྱེད་བསྣུབས་ནས་ནི། །ལོ་ནི་དྲུག་ཅུར་བསྟན་པ་ཉིད། །འདིར་ནི་ནུབ་ནས་གཞན་དུ་འགྱུར། །དེ་འདས་རང་སངས་རྒྱས་ཀྱི་གཟུགས། །རྡོ་རྗེ་གདན་ནས་ནུབ་ཏུ་འབྱུང་། །དེས་ནི་བསྟན་པ་དམ་པ་ཉིད། །ལོ་ནི་བརྒྱ་དང་ཉི་ཤུར་གནས། །དེ་འདས་འོག་ཏུ་འཛམ་གླིང་དབུས། །གསེར་གྱི་གྲོང་ཁྱེར་ཞེས་བྱ་བར། །གནས་རྟེན་ལུས་ལ་ལྕེ་རྩེ་གཉིས། །བོངས་ཆུང་ཡན་ལག་ཐུང་བ་ཞིག །སྡེ་པ་རྩོད་ཅིང་མཚོན་ཆ་འཛིན། །འདི་འབྱུང་བས་ནི་མུན་པར་ཡང་། །ལོ་ནི་དྲུག་ཅུའི་བར་ལ་འགྱུར། །དེ་འདས་འོག་ཏུ་འཛམ་གླིང་ཤར། །ཆུ་བོ་དག་ནི་ལོ་ཀི་ཏ། །གཡས་ཀྱི་ཕྱོགས་ཀྱི་འགྲམ་དག་ཏུ། །དཔལ་གྱི་སེང་གེ་ཞེས་བྱ་བས། །ལོ་ནི་སྟོང་དང་བཞི་བརྒྱར་གནས། །དེ་ནས་ཡང་ནི་འཛམ་གླིང་དབུས། །ཆུ་བོ་ཆེན་པོ་གབྱུའི་འགྲམ། །རྒྱལ་པོའི་བུ་ལ་དཔུང་པ་ནི། །མར་གད་མདོག་དང་མཐུན་པ་ལ། །རབ་ཏུ་བྱུང་བ་སོར་བཞིའི་ཚད། །འདི་འབྱུང་བས་ནི་མུན་པ་ཡང་། །ལོ་ནི་དྲུག་ཅུའི་བར་ལ་འགྱུར། །དེ་འདས་འོག་ཏུ་ཀ་མ་ལ། ཁེ་ལ་ཞེས་པའི་གཙུག་ལག་ཁང་། །དེ་ཡི་བདག་པོ་གཞོན་ནུའི་མགོན། །འདིས་ནི་ལོ་སྟོང་བར་དུ་གནས། །དེ་འོག་འཛམ་བུ་གླིང་གི་ལྷོར། །ཚངས་པའི་གླིང་ཞེས་བྱ་བའི་གྲོང་། །དམངས་ཀྱི་རིགས་ལ་སེང་གེའི་མགོ །འདི་ནི་སྐྱེས་ནས་ཟླ་གསུམ་ནས། །དྲུག་ཅུའི་བར་ལ་མུན་པར་འགྱུར། །དེ་འོག་བྱ་རྒོད་ཕུང་པོ་ལ། །དགེ་སློང་མཛེས་བྱེད་གཤོན་ནུ་ཡིས། །ལོ་ནི་ལྔ་བརྒྱ་ལྔ་བཅུར་གནས། །དེ་འདས་འོག་ཏུ་འཛམ་གླིང་མཚམས། །ཁ་ཆེའི་ཡུལ་ཞེས་བྱ་བ་ཡི། །སྒྲ་དང་ལྡན་པའི་གྲོང་ཁྱེར་དུ། །བྱ་ཡི་ལུས་ལ་མི་ཡི་གདོང་། །རིགས་ངན་དག་གི་ནང་སྐྱེས་པ། །འདི་ཉིད་སྐྱེས་ནས་ལོ་བཅུ་ནས། །དྲུག་ཅུའི་བར་དུ་མུན་པར་འགྱུར། །དེ་འདས་འོག་ཏུ་འཛམ་གླིང་ནི། །དབུས་ནས་ཤར་དུ་དཔག་ཚད་ལྔར། །དགེ་སློང་ཤཱཀྱ་རྡོ་ཀ་ཡིས། །འདི་ནས་ལོ་བཅུའི་བར་དག་ཏུ། །སྒྲོན་མེ་འབར་བ་བཞིན་དུ་འགྱུར། །དེ་ལྟར་རིམ་པ་བདུན་གྱིས་ནི། །འཛམ་བུ་གླིང་དུ་འཕེལ་འགྲིབ་བྱེད། །དེ་ནས་མཛེས་ལྡན་བཀོད་པ་ཡི། །ཞིང་ཁམས་དག་ཏུ་ངེས་འཕར་ནས། །ཚེ་ལོ་དག་ནི་བབྱུ་འོག་ཏུ། །འདི་ན་མི་གནས་དེར་སྣང་ངོ་། །དྲི་ལན་བཞིཔ། །དེ་ལྟར་དར་འགྲིབ་རྫོགས་ནས་ནི། །བསྟན་པ་དམ་པའི་སྙིང་པོ་འདི། །ཡངས་པ་སྐྱོབ་པའི་འཇིག་རྟེན་དུ། །སངས་རྒྱས་བསྟན་པ་གནས་བྱེད་པའི། །ཨུཏུལ་མེ་ཏོག་མཛེས་ཞེས་པའི། །སྟོན་པ་སངས་རྒྱས་བཅོམ་ལྡན་འདས། །བདེ་བྱེད་བརྩེགས་པའི་ཁང་བཟང་དུ། །སྟོང་ཕྲག་ལྔ་དང་བཅས་པའི་འཁོར། །ཐམས་ཅད་བྱང་ཆུབ་སེམས་ཆེན་པོ། །མི་སྐྱེའི་ཆོས་ལ་བཟོད་ཐོབ་སྟེ། །དགེ་བའི་སེམས་ལྡན་འབའ་ཞིག་འབྱུང་། །སྟོན་པ་རྒྱས་ཐོབ། །དེ་ཕྱིར་བྱིན་གྱིས་རླབས་ཀྱི་གནད། །གསུང་གི་སྤྲུལ་པ་ཉིད་ལས་ཀྱང། །སྟོན་པའི་ཁ་དོག་ལེགས་བྲིས་ནས། །མཆན་ཁུང་གཡོན་དུ་བཏགས་བྱས་ཏེ། །དུས་སུ་ཀློག་དང་འཛིན་བྱས་ན། །གདོན་མི་ཟ་བར་འཚང་རྒྱ་ངེས། །རྒྱུད་འདི་སུས་ནི་རྟག་བཀླགས་ན། །དེས་ཀྱང་གོང་མ་བཞིན་དུ་འགྱུར། །བཀའ་གསང་ངེས་པ་བཅུ་བདུན་དང་། །བསྟན་པའི་གཟེར་དང་འཕྲུལ་ཡིག་བཅས། །སྤྲུལ་སྐུའི་ཞིང་ཁམས་ཐོག་མ་ལ། །སྟོན་པ་ཀུན་ཏུ་བཟང་པོ་ཡིས། །སྡུག་པོ་བཀོད་པའི་གནས་སུ་གསུངས། །དེ་ནས་ལྕང་ལོ་ཅན་གྱི་གནས། །ཀུན་གཟིགས་རྣམ་པར་སྣང་མཛད་ཀྱིས། །འདི་ཉིད་བཟུང་བས་རིགས་ལྔར་སྨིན། །དེ་འདས་ང་ཡིས་བཟུང་བ་ཡིས། །བསྟན་པའི་སྲོག་ཤིང་དམ་པ་ཡི། །སངས་རྒྱས་སྟོང་དང་རྩ་གཉིས་ནི། །འདི་ལ་བརྟེན་ནས་ངེས་པར་འབྱུང་། །བརྫུས་དང་སྒོ་ང་ལས་སྐྱེས་དང་། །དྲོད་དང་མངལ་ནས་སྐྱེས་པ་ཡི། །སེམས་ཅན་རྣམས་ནི་སྨིན་པར་བྱེད། །འདུལ་བའི་བསྟན་པའི་འདི་ཉིད་ནས། །བཅུ་གཉིས་ཆོས་ཀྱི་འཁོར་ལོ་འབྱུང་། །འདི་ཡི་མཛད་པ་སུམ་ཅུ་དྲུག །སྐུ་གསུང་ཐུགས་ལ་བརྟེན་ནས་ནི། །གདུལ་ཡུལ་སེམས་ཅན་རྣམས་ལ་སྣང་། །ང་ནི་མྱ་ངན་འདས་འོག་ཏུ། །ནུབ་ཕྱོགས་ཨུ་རྒྱན་དག་གི་ཡུལ། །དྷ་ན་ཀོ་ཤའི་ལྷ་ལྕམ་ལ། །ཕ་མེད་བུ་ནི་བཛྲ་ཧེ། །འདིས་ནི་དམ་པའི་བསྟན་པ་འཛིན། །དེ་ཡིས་རྗེས་བཟུང་ནུབ་ཀྱི་ཕྱོགས། །བྲམ་ཟེའི་ཕྲུག་གུ་སྐལ་ལྡན་པ། །མན་ཛུ་ཤི་པ་ཏི་ཞེས། །ལོ་ནི་བདུན་ཅུ་རྩ་ལྔར་འཛིན། །དེ་ཡི་རྗེས་སུ་སྐལ་ལྡན་པ། །སོ་ཤའི་གླིང་ཞེས་བྱ་བ་ཡི། །ཁྱིམ་བདག་རིགས་ལ་ཤི་སིདྷ། །ཞེས་པ་ཡིས་ནི་འཛིན་པར་འགྱུར། །དེ་རྗེས་འཛིན་པ་གདོལ་བའི་རིགས། །ཙྭ་ན་སྒུ་ཏྲས་འདི་ཉིད་འཛིན། །དེ་རྗེས་འཛིན་པ་ཁྱིམ་བདག་རིགས། །ཕྱག་རྒྱ་རྒྱ་ཆེན་དག་གིས་འཛིན། །དེ་ཡི་རྗེས་ལ་རྒྱལ་པོ་རིགས། །སྤྲུལ་པ་ཕྱག་བརྙན་བཅས་པས་འཛིན། །དེ་ཡི་རྗེས་ལ་དགེ་སྦྱོང་གཟུགས། །ལྷུན་གྱི་རྒྱལ་མཚན་དག་གིས་སོ། །དེ་རྗེས་སེདྷི་ཤྭ་རས་འཛིན། །དེ་རྗེས་ས་ལ་གནས་པ་ཡི། །བྱང་ཆུབ་སེམས་དཔའ་དག་གིས་འཛིན། །དེ་འོག་ལག་ན་རྡོ་རྗེ་ཡི། །སྤྲུལ་པ་བཛྲ་ཕ་ལས་འཛིན། །དེ་འོག་རྒྱལ་པོ་སེང་གེ་སྟེ། །བཟང་པོ་དག་གིས་འཛིན་པའོ། །དེ་འོག་སྒྲ་མཁན་དཔལ་འཛིན་ནོ། །དེ་འོག་ཡོ་གི་པྲ་བྷས་འཛིན། །དེ་འོག་རྒྱལ་པོ་ཁྲི་འོད་དོ། །དེ་འོག་དགེ་སློང་དཔལ་དང་ལྡན། །དེ་ནས་བློ་གྲོས་མཆོག་གི་འཛིན། །དེ་ནས་མཁའ་འགྲོ་དཔལ་འཛིན་མས། །བསྟན་པ་འདི་ཉིད་བཟུང་ནས་ནི། །ཚེ་ལོ་བཅུ་པའི་དུས་ལ་དར། །དེ་ནས་མི་གནས་ངོ་བོའོ། །དྲིསལནབཅུདྲུགཔ། །བསྟན་པའི་སྙིང་ཐིག་གསང་བ་འདི། །དེ་ལྟར་བསྟན་པ་བདུན་འདས་ནས། །ཞིང་ཁམས་གཉིས་ལ་ངེས་སྤྱད་ནས། །དེ་ལྟར་བདུན་པོ་ཐལ་ནས་ཀྱང་། །རྡོ་རྗེ་གདན་གྱི་སྤོ་ལ་ནི། །བསྟན་པ་ཀུན་གྱི་གསུང་གི་བཙས། །རང་བྱུང་ཆེན་པོའི་ཡི་གེ་ཉིད། །སྒྲ་དང་བཅས་ཏེ་བབས་པ་ནི། །འདི་ནས་བསྐལ་པ་བྱེ་བ་ན། །འཁོར་ལོ་གློག་གི་ཕྲེང་བ་ཡི། །བཅོམ་ལྡན་འདས་ལ་སྣང་བར་འགྱུར། །དེ་ནས་ལོ་ནི་བརྒྱ་ཕྲག་གསུམ། །དེ་ལྟར་གསུམ་པོ་ཐལ་བའི་འོག །བསྟན་པའི་ཐུགས་ཀྱི་རྡོ་རྗེ་ཡང་། །སྟོན་པ་དེ་ལ་སྣང་བར་འགྱུར། །དེ་ནས་ལོ་ནི་ལྔ་བརྒྱ་ནས། །བསྟན་པའི་སྐུ་ཡང་དེར་བབས་ཏེ། །དེ་ལྟར་བསྟན་པ་དངོས་བབས་ནས། །ཡང་ནི་བསྟན་པའི་མེ་རོ་ལྡང་། །སྟོན་པ་དེ་ཡི་འཁོར་དུ་ཡང་། །འཕགས་པ་ཚངས་པའི་འོད་ཅེས་པ། །རྫུ་འཕྲུལ་སྟོབས་ལྡན་རྫོགས་པ་ལ། །རབ་ཏུ་དད་ཅིང་འདུན་པ་ཉིད། །ངེས་པར་བཟུང་སྟེ་མངོན་པར་སྣང་། །དེ་ལ་སོགས་ཏེ་སྟོན་པའི་འཁོར། །འཕགས་པ་ཉན་ཐོས་ཁྲི་ཕྲག་གཉིས། །འདུལ་བའི་བསྟན་པ་བསྐལ་པ་གཅིག །དགྲ་བཅོམ་འབྲས་བུ་ཉིད་ལ་བཀོད། །དེ་ནས་མུན་པའི་བསྐལ་པ་དྲུག །དེ་ནས་དགྲ་བཅོམ་འབུམ་ཕྲག་གཉིས། །ཉིད་ཀྱི་འཁོར་དུ་འདུས་ནས་ནི། །མདོ་སྡེའི་བསྟན་པ་བསྐལ་པ་བརྒྱད། །དྲང་ངེས་ལས་ཀྱི་མཐའ་ལ་དགོད། །རྫུ་འཕྲུལ་སྟོབས་ལྡན་དབང་བསྐུར་ནས། །ངེས་པར་འཕེན་ཏེ་བསྟན་པ་རྫོགས། །ཡང་ནི་མྱ་ངན་འདའ་ཚུལ་སྟོན། །དེ་ནས་མུན་པའི་བསྐལ་པ་གཉིས། །དེ་ནས་སྟོན་པ་སྐུ་འཁྲུངས་ནས། །བྱང་ཆུབ་སེམས་དཔའ་ཆེན་པོའི་འཁོར། །སྟོང་ཕྲག་བརྒྱ་བརྒྱདཀྱངབྱུང།ནི་འདུས་པ་ལས མཆོག་ཏུ་འདུས་པ་རབ་འཇིགས་དཔལ། །རབ་ཏུ་སྟོན་པའི་བསྟན་པ་སྡུད། །མངོན་པའི་བསྟན་པ་བསྐལ་པ་བརྒྱ་ཡངབྱུང།བརྒྱད། །ཐམས་ཅད་ཚེ་གཅིག་འབྲས་བུ་ཐོབ། །འདི་དུས་འཁོར་བ་དོང་སྤྲུགས་ཏེ། །སེམས་ཅན་རྣམས་ཀྱིས་སངས་རྒྱས་འཐོབ། །འགྲོ་བ་དྲུག་ཅེས་སྣང་མི་སྲིད། །བསྐལ་པ་སྟོང་ཕྲག་ཉི་ཤུར་ནི། །སེམས་ཅན་འཁོར་བ་རྒྱུན་ཆད་ནས། །ལུས་ཅན་རྣམ་པར་མི་སྣང་ངོ་། །དེ་ནས་ལས་ཀྱི་བྱེ་བྲག་ལས། །སེམས་ཅན་ཉོན་མོངས་མངོན་མེད་ཀྱང་། །བག་ལ་ཉལ་བ་ལངས་པའི་དབང་། །ཤིན་ཏུ་ཕྲ་བ་བླངས་བའི་གཟུགས། །གྲངས་མེད་རབ་ཏུ་ཕྲ་བ་ལས། །གཟུགས་ཅན་སེམས་ཅན་ལུས་འཕེལ་འགྱུར། །དེ་ལྟར་བརྗོད་ཀྱིས་མི་ལངས་པའི། །བསྟན་པའི་ཐ་མ་བསམ་མི་ཁྱབ། །རེ་ཞིག་ཚིག་གིས་མཚོན་པའོ། །དྲིས་ལན་་་བདུནཔའོ། །རྒྱུད་ཀྱི་ལུས་དང་ཡན་ལག་ནི། །ལུས་ལ་བཀོད་པ་བརྒྱ་ཕྲག་ནི། །གཉིས་དང་ལྔ་བཅུ་ཐམ་པའོ། །དང་པོ་ངེས་པ་གསལ་བ་ཡིས། །སྣ་ཚོགས་བཀོད་པ་ཡན་ལག་ལ། །ཞུས་པ་བདུན་ཅུ་ཐམ་པ་ལ། །ཡན་ལག་བཀོད་པ་ཿ་གཀྱངབྱུང།བརྒྱ་གཅིག་གོ །ལུས་ཉིད་རྫོགས་པར་བྱས་པའོ། །དེ་ཡི་ཡན་ལག་གཉིས་བརྒྱ་བཅུ། །གོང་མའི་ལུས་དང་ཡན་ལག་རྫོགས། །ལུས་རྫོགས་ཡན་ལག་གསང་འབྱེད་པའོ། །གཉིས་པའི་ལུས་ནི་ཉེར་བསྟན་པ། །གནད་རྣམས་འདུས་པའི་བཀོད་པ་ལ། །ཞུས་པ་ཉི་ཤུ་རྩ་བརྒྱད་ལས། །གནད་དུས་བཀོད་པ་སུམ་ཅུ་གཅིག །དེ་ཡིས་ལུས་ཉིད་རྫོགས་པ་ལ། །ཡན་ལག་བརྒྱ་ཕྲག་གཉིས་དང་བརྒྱད། །དེས་ནི་གཉིས་པའི་ལུས་དང་ནི། །ཡན་ལག་དག་ནི་རྫོགས་པའོ། །གསུམ་པའི་ལུས་ནི་ཉེར་བསྟན་པ། །ཞུས་པ་ཉི་ཤུ་རྩ་གཉིས་ལ། །ཡེ་ཤེས་བཀོད་པ་ལྔ་བཅུ་བརྒྱད། །ཡན་ལག་ཉིད་ལ་བརྒྱ་ཕྲག་གཉིས། །གསུམ་པའི་ལུས་ལ་ཡན་ལག་རྫོགས། །བཞི་པའི་ལུས་དང་ཡན་ལག་ནི། །ཞུས་པ་ཉེར་གཅིག་ཉིད་ཡིན་ནོ། །ཆོས་ཉིད་བཀོད་པ་སུམ་ཅུ་གཉིས། །ཡན་ལག་ལྔ་བཅུ་རྩ་བརྒྱད་དོ། །ལྔ་པའི་ལུས་དང་ཡན་ལག་ནི། །ཞུས་པ་བཅུ་གཅིག་དག་ཡིན་ཏེ། །བལྟ་བསྒོམ་བཀོདཔ་སུམ་ཅུ་གཉིས། །དེ་ཡི་ཡན་ལག་དྲུག་ཅུ་བཞི། །ལྔ་པའི་ལུས་དང་ཡན་ལག་རྫོགས། །དྲུག་པའི་ལུས་དང་ཡན་ལག་ནི། །ཞུས་པ་བརྒྱད་དུས་དྲིས་པ་ལས། །སྐུ་རྣམས་བཀོད་པ་བཅུ་དྲུག་ཡིན། །དེ་ཡི་ཡན་ལག་སུམ་ཅུ་གཉིས། །དྲུག་པའི་ལུས་དང་ཡན་ལག་རྫོགས། །དྲིསལནབཅོབརྒྱདཔའོ །འབྱུང་བའི་འདོད་པ་འདི་ལྟ་སྟེ། །སྤྱི་མཐུན་ལས་ཀྱི་བྱེ་བྲག་ལས། །སེམས་ཅན་ལས་ཀྱི་བརྟེན་སོ་ཡིས། །ཕྱི་ཡི་འབྱུང་བ་ལ་བརྟེན་ནས། །ལས་དང་གོས་དང་དབང་པོ་དང་། །འཁོར་དང་སྐྱེ་བ་རྫོགས་པར་འདོད། །ནང་འབྱུང་ལས་ཀྱི་རིམ་པ་ནི། །སས་ནི་ལུས་ཀྱི་གཞི་བྱས་ཏེ། །བསྐྱེད་པས་ཤ་ནི་སྨིན་པར་འདོད། །ཆུས་ནི་ལུས་ཀུན་བསྡུས་ནས་ནི། །བསྐྱེད་བས་ཁྲག་ཏུ་སྨིན་པར་འདོད། །མེས་ནི་ལུས་ཀུན་སྨིན་བྱས་ཏེ། །བསྐྱེད་པས་དྲོད་དུ་སྨིན་པར་འདོད། །རླུད་གིས་ལུས་ཀུན་འདེགས་པ་ལ། །བསྐྱེད་པས་དབུགས་སུ་སྨིན་པར་བྱེད། །དེ་ཡི་སྒྲ་དོན་བྱེ་བྲག་གིས། །སྤྱི་ཡི་རྣམ་པ་ངེས་བསྟན་པ། །གཟུགས་ལ་བསླབས་པས་ལུས་ཟད་འགྱུར། །སྒྲ་ཡིས་སྐད་རྣམས་ཤེས་པར་འགྱུར། །དྲིས་ནི་བཅུད་ཀྱིས་ལེན་པ་འགྲུབ། །རོས་ནི་དངོས་པོ་བདུད་རྩིར་བསྒྱུར། །གོབསོང། །རྩི་ནི་སེམས་ཅན་གཞན་དོན་དང་། །རང་གི་དོན་ཡང་རྫོགས་པའོ། །དྲིསལན་དགུཔ། །སེམས་ཅན་དུས་ནི་རྣམ་པ་བརྒྱད། །ནད་དང་རླུད་དང་ཚ་བ་ནི། ཁྲེས་པ་ཉོན་མོངས་བྱང་སེམས་དང་། །ཡེ་ཤེས་ཉིད་དང་འབྱུང་བའོ། །དབྱར་དགུན་སྟོན་དཔྱིད་དུས་བཞི་ལ། །རླུད་མཁྲིས་བད་ཀན་འདུས་པ་བཞི། །སོ་སོའི་གནས་ནས་འཕོས་པ་ཡིས། །སེམས་ཅན་རླུང་སེམས་འཕོ་བའི་དུས། །འདི་དུས་རླུད་ནི་བརྩེགས་མའམ། །ཡང་ན་དལ་ཞིང་བར་ཆད་པ། །ཡང་ན་ཕྲ་ཞིང་ཚ་བར་འགྱུར། །འདི་ཡིས་ཚེ་རྣམས་ཐུང་བར་བྱེད། ཁྲེས་པ་འཕྲོག་ཅིང་མྱོས་པའོ། །སྐབས་སུ་གཡེང་ཞིང་འཕོ་བར་འགྱུར། །ཉོན་མོངས་ལྔ་པོ་འདུས་པ་ཡིས། །ངན་སོང་གནས་སུ་འཕེན་པར་བྱེད། །བྱང་ཆུབ་སེམས་ནི་འཇིལ་བ་དང་། །རབ་ཏུ་འཕྲིགས་ཤིང་ཕྲ་བར་འགྱུར། །ཡེ་ཤེས་གསལ་བ་མ་ཡིན་ནོ། །འབྱུང་བ་བྱེར་ཟུག་ལས་འཕྲོས་ནས། །སེམས་ཅན་གཅིག་གི་དུས་ཡིན་ནོ། །སེམས་ཅན་སྤྱི་ཡི་དུས་དག་ནི། །དང་པོ་དཔག་ཏུ་མེད་པ་ནས། །ཐ་མ་ཚེ་ལོ་བཅུ་པའི་བར། །དུས་ཀྱི་རིམ་པ་དྲུག་ཅུ་འབྱུང་། །ཉོན་མོངས་ལས་དབང་གཞན་འགྱུར་ཕྱིར། །རང་མཐུན་སྤྱི་དོན་ལས་ཀྱི་ཡང་། །ཚེ་ལོ་ཉིད་ནི་སྟོང་པ་ལས། །འཛམ་བུ་གླིང་པ་རྣམས་ལ་ཡང་། །བརྒྱ་ཡི་བར་ལ་དུས་རིམ་ནི། །སུམ་ཅུ་དག་ཏུ་འགྱུར་པ་ཡིན། །དེ་ནས་བརྩམས་ཏེ་བཅུ་ཡི་བར། །དུས་ཀྱི་རིམ་པ་སུམ་ཅུ་འབྱུང་། །གོམས་པའི་འཕོ་དུས་བརྒྱད་རིམ་གྱིས། །སྤྱོད་པ་ཕྱི་ནས་ངན་པར་འགྱུར། །དུས་ཀྱི་གདོན་དང་མུ་གེ་དང་། །མཚོན་དང་ནད་ཀྱིས་དུས་འབྱུང་སྟེ། །བྱེ་བྲག་མང་སྟེ་དུས་རིམ་པའོ། །དྲི་ལནཉིཤུཔ། །ཕྱི་རོལ་འབྱུང་བ་རླུད་ལ་ཡང་། །ནམ་མཁའི་ཁམས་དང་སྦྱར་བ་སྟེ། །དེ་ལ་ཆུ་སྟེ་དེ་སྟེང་ས། །རྒྱ་ཁྱོན་ས་ཡ་མཐུག་ཁོད་སྙོམས། །གྲངས་མེད་བཞི་དང་ས་ཡ་གཅིག །གཅིག་ནི་དེ་ཡི་བཞི་ཆ་སྟོང་། །གླིང་རྣམས་བཀོད་དང་རི་རབ་དང་། །དཔག་བསམ་ཤིང་དག་ནོར་བུར་བཅས། །ཉི་ཟླ་སོ་སོའི་ལྷ་རྣམས་དང་། །རྒྱ་མཚོ་ཆེན་པོའི་ཟབ་ཀྱིས་བསྐོར། །རི་རབ་རྣམས་དང་ཆུ་བྲན་དང་། །རིན་ཆེན་བདུན་གྱིས་ངེས་པར་བཀོད། །ནང་སྟེ་གཟུགས་མེད་དང་པོ་ལ། །གཟུགས་ཀྱི་ཁམས་ཏེ་འོད་གསལ་ནི། །རིམ་པས་འདོད་པའི་ཁམས་སུ་ཡང་། །ཟླ་བ་དྲི་མ་མེད་པ་དང་། །ཉི་མ་རབ་ཏུ་སྣང་བྱེད་ལས། །འཇིག་རྟེན་ཁམས་ནི་མཆེད་པ་སྟེ། །གཞན་འཕྲུལ་ལ་སོགས་ཡསརིམབཞིན། །དེནསལྷ་མིན་གནས་དག་སྟེ། །གླིང་བཞིའི་མི་རྣམས་རིམ་གྱིས་སོ། །ཉོན་མོངས་བདག་དང་བཅས་པ་ཡིས། །ངན་སོང་གནས་ནི་རིམ་པར་ཆགས། །རིགས་དྲུག་སོ་སོའི་འགྲོ་བ་ནི། །ནང་དུ་ཆགས་ཏེ་ལུས་བོང་དང་། །ཚེ་ཚད་སྤྱི་མཐུན་ལས་ཀྱི་ཡང་། །སོ་སོའི་གནས་དང་བསོད་ནམས་ནི། །གླིང་དང་མཐུན་པར་གནས་པའོ། །དོན་ནི་འཇིག་དང་ཆགས་པ་དང་། །གནས་པ་ཉིད་དང་སྟོངས་པ་དང་། །སྐྱེས་དང་རྒས་དང་ན་དང་འཆི། །སྲིད་པའི་འཁྲུལ་འཁོར་ཉིད་དུའོ། །དྲིས་ལན་ཉར་གོབྱེག་པའོ། །དུས་ཀྱི་འཕོ་བ་འདི་ལྟ་སྟེ། །ཐོག་མ་དཔག་ཏུ་མེད་པ་ནས། །ཐ་མ་བཅུ་ཡི་བར་དག་ལས། །ཡར་སྐྱེས་པ་དང་མར་འགྲིབ་པ། །ནད་དང་མུ་གེ་མཚོན་དང་ནི། །བསྐལ་ཆུང་གསུམ་གྱིས་མཚམས་སྦྱར་ནས། །དྲུག་ཅུ་དག་ནི་ཐལ་ནས་ཀྱང་། །མེ་ཡིས་བདུན་ལ་ཆུ་ཡིས་བདུན། །དེ་ལྟར་བཅུ་བཞི་རྫོགས་ནས་ནི། །ལྷག་མ་རླུད་གིས་འཇིག་པ་ཡིན། །དེ་ལྟར་དྲུག་ཅུ་གནས་པ་དང་། །འཇིག་པའི་ཡུན་ཀྱང་དེ་ཙམ་ལས། །དྲུག་ཅུའི་བར་ལ་སྟོངས་པར་གནས། །དེ་ལྟར་བརྒྱ་དང་བརྒྱད་ཅུ་མགསའཇིགསྟོངས་པ།ལས། །ཡུན་གྱིས་བསྐལ་པ་དང་པོར་འདོད། །དེ་ལྟར་བརྒྱ་དང་བརྒྱད་ཅུ་ལ། །བར་གྱི་བསྐལ་པ་གཉིས་པའོ། །དེ་ལྟར་སྦྲགས་ཆགས་འཇིག་སྟོངསཔ།པ་དེ་ཙམ་ལས། །བསྐལ་པ་ཆེན་པོ་གཅིག་ཡིན་ནོ། །དྲིས་ལནཉར་གཉིས་པ། །ཞག་ནི་བཅུ་ཕྲག་གསུམ་པ་ཡང་། །ཟླ་བ་དག་ནི་གཅིག་ཡིན་ཏེ། །དེ་ལྟར་བཅུ་གཉིས་རྫོགས་པ་ལས། །ལོ་ནི་གཅིག་ཏུ་འདོད་པའོ། །ནང་དང་དགོང་མོ་བདུན་བརྒྱ་དང་། །ཉི་ཤུ་དག་ནི་རྫོགས་པ་ལས། །ཞག་ནི་སུམ་བརྒྱ་དྲུག་ཅུར་འདོད། །དེ་རྣམས་རྫོགས་པས་ལོ་ནི་གཅིག །ཞག་ནི་ཕོ་མོ་ལས་ཀྱི་དབྱེ། །ཟླ་བ་སྟོན་དཔྱིད་དབྱར་དང་དགུན། །རེ་རེ་དག་ལ་གསུམ་གསུམ་གྱིས། །འཇུག་ཅིང་འབྱུང་བའི་རྣམ་ལྔ་བྱེད། །བྱི་བ་གླང་དང་སྟག་ཉིད་དང་། །རྣ་རིང་སྦྲུལ་དང་འབྲུག་དང་ཡང་། །རྟ་དང་ལུག་དང་སྤྲེའུ་དང་། །བྱ་དང་ཁྱི་ཕག་བཅུ་གཉིས་ཀྱིས། །འབྱུང་བའི་རྩིས་རྣམས་སྤེལ་བའོ། །དྲིསལནཉེརགསུམཔ། །ཚེ་ནི་སྤེལ་དང་གསོ་བ་དང་། །བསྒྲུབ་དང་རྒྱས་པའི་ཆོ་ག་ཉིད། །རྣལ་འབྱོར་པ་ཡིས་སྦྱོར་ཤེས་ན། །ཉི་ཟླ་དག་དང་མཉམ་པར་འགྱུར། །གཞན་ནི་མཉམ་དང་གཞིག་པ་ལས། །དགུག་དང་བཅིངས་དང་གཤེད་ལ་དབབ། །སྦྱོར་ཞིང་བསད་པའི་ལས་རྣམས་ཀྱང་། །རྣལ་འབྱོར་པ་ཡིས་་གཀྱང།བཀུག་ཤེས་ན། །འགྲོ་བ་རྣམས་ནི་དབང་དུ་འདུས། །དབང་ཐང་སྤེལ་དང་གསོ་བ་དང་། །གནས་ཤིང་ཆགས་པར་བྱེད་པ་ཉིད། །གཞན་ནི་མཉམ་པའི་སྦྱོར་བ་ཉིད། །རྣལ་འབྱོར་པ་ཡིས་བརྩམ་པར་བྱའོ། །དྲི་ལནཉེརབཞིཔའོ། །བྱེར་ཟུག་སྙོམས་ལ་བཅུ་གཉིས་ཏེ། །ས་ཆུ་མེ་རླུད་བཞི་ལ་ཡང་། །གསུམ་གསུམ་ཉིད་དེ་བཅུ་གཉིས་ལ། །ཆུ་ཡི་ཟུག་པས་དབང་པོ་སྡུད། །བྱེར་བ་ཡིས་ནི་འཁྲུགས་པར་བྱེད། །སྙོམས་པ་ཡིས་ནི་འབྲས་བུ་༄། །ཁུན། །ས་ཡ་ཟུག་པས་རྡུལ་རྣམས་ཁུན། །བྱེར་བ་ཡས་ན་ཡན་ལག་ཁུན། །སྙམས་པས་ལུས་ཝང་རྫགས་པའ། །མེ་ཡ་ཟུག་པས་ནད་དུ་བྱེད། །བྱེར་བ་དག་གིས་ལུས་གནས་ལུར། །སྙམས་པས་ཝང་བ་གནས་པར་བྱེད། །མོ་གི་ཟུག་པས་ཝང་བ་སྐྱབ། །བྱེར་བས་ལས་གཝ་འ ག་པ་ལས། །སྙམས་པས་མོ་སེམས་གཅིག་དུ་སྡུད། །གསུམ་གྱངས་བྱེད་པངའ་མཐའ་འདའ། །ཆུ་ཡ་ཟུག་པས་ས་རྭསལ། །ཆུངའབྱེརསྙམསགངཉསར། །ཟུག་པ་ཟུག་པ་ཝད་པ་ཡས། །གང་མི་ཝབ་ཅིང་འཇིག་པར་ལུར། །བྱེར་པ་ངཉད་ཀྱས་ནད་དུ་ལུར། །སྙམས་པས་རྩ་སྦྱར་སྨན་རྣམས་ལུབ། །མེ་དང་མོ་གཉས་ཕུང་པ་འཇིག །བྱེར་བས་ལས་ཀུན་ལུབ་པ་ལ། །སྙམས་པས་ཝག་པའ་ལས་མཐར་ལུར། །ཆུ་དང་མེ་ལས་དན་རབ་ཝབ། བྱེར་བས་གཝ་ལ་ཝུག་པར་ལུར། །སྙམས་པས་ཚེ་རིང་དབང་ཐང་ལུབ། །ས་དངམོ་གིས་ཞི་བ་ཝབ། །བྱེར་བས་རྒྱས་དང་དབང་དུ་བྱད། །སྙམས་པས་མངན་སྤྱད་ལས་རྣམས་ཝུབ། །མོ་དང་ཆུ་ཡ་བྱ་བ་ཉད། །བྱར་པས་དགེ་བའང་ལས་ཀུན་ཝབ། །སྙམས་པས་དམག་ལས་རྒྱལ་བའ། །སདང་མེས་ན་སྤེལ་བ་ཝུབ། །བྱར་བས་ཝང་བ་སྤ་བ་ཝུབ། །སྙམས་པས་་ད་ཀྱ་ཆ་ག་ཝབ། །ཟུག་བྱར་ལས་ཀྱ་མཐའ་ལ་ཡང་། ། ས་པར་ལུར་ར་དབང་་པའ་ལྷ། །ངདྲསལནཉརལྔཔ། །་རབའ་ལས དགཅད་འདོད་ན། །བྱ་བ་བྲལ་བར་རྫོགས་པས་རྫོགས། །མཐའ་དང་བྲལ་བས་དབུས་མི་གནས། །ཡོངས་སུ་རྫོགས་པས་དངོས་དང་བྲལ། །ལྷག་མ་མེད་པས་ཆ་ཤས་མིན། །གཅིག་ཏུ་མ་ཡིན་གཉིས་མཐའ་ཟད། །དུ་མར་མི་སྣང་གཅིག་ལས་འདས། །བརྗོད་དུ་མེད་པས་ཚིག་གི་གཞི། །དངོས་བྲལ་སྟོང་པ་སྙིང་པོའི་དོན། །ཕྱོགས་སུ་མ་ལྷུང་ལྟ་བའི་དོན། །འདི་ཤེས་འཁོར་བའི་ལམ་འགག་གོ །གནད་ལས་བྱུང་བའི་མངོན་སུམ་ཉིད། །གོམས་པའི་སྟོབས་ཀྱིས་འཁྲུལ་པ་འཇིག །རང་བཞིན་དག་པས་གཡེངས་པ་མེད། །རྒྱུན་དུ་གནས་པས་འབྲལ་བ་མེད། །རང་སྣང་ཡིན་པས་རྣམ་རྟོག་ཟད། །རླུད་ཟད་ཡེ་ཤེས་ཉིད་ལ་སྤྱོད། །འདི་དང་འབྲལ་བ་མེད་པ་ཡིས། །འགྲོ་དྲུག་ལམ་གྱི་རྒྱུན་གཅོད་དོ། །བྱས་ཤིང་བཅོས་པ་མེད་པ་ཡིས། ་།གས་སུ་སྤྱད་པས་འཁྲུལ་པ་འདག །ལྷུག་མར་ལུགསམ་ཡངབྱུངཁྱུང་བས་སྐྱེ་བ་མེད། །འཛིན་ཆགས་མེས་པས་ཅི་དགར་རོལ། །རྣལ་དུ་ཕབ་པས་རྙོག་པ་སངས། །རང་བཞིན་ཡིན་པས་ཐབས་ལས་འདས། །འདིས་ཀྱང་འཁོར་བའི་སྒོ་འགག་གོ །དྲིསལནཉརདྲུགཔའོ། །སྟོན་པ་སངས་རྒྱས་བཅོམ་ལྡན་འདས། །ཡོན་ཏན་བརྗོད་ཀྱིས་ལངས་པ་མིན། །ཕུན་སུམ་ཚོགས་པ་དྲུག་ཅུ་ཡིས། །བསྟན་པ་དམ་པའི་གཞི་མ་འཛིན། །འཇིག་རྟེན་ཁམས་སུ་ཡུན་རིང་བར། །སངས་རྒྱས་བསྟན་པ་གནས་པ་ལ། །ཡོན་ཏན་བརྗོད་ཀྱིས་མི་ལངས་པ། །དེ་ནི་གང་ལས་བྱུང་ཞེ་ན། །སྐུ་དང་གསུང་དང་ཐུགས་དང་ནི། །མཛད་པ་བཅུ་གཉིས་ཕྲག་གསུམ་གྱི། །སྟོན་པ་འཇིག་རྟེན་བྱོན་ནས་ནི། །གདུལ་བྱ་དག་གི་ཡོན་ཏན་ནོ། །ཕྱི་ནང་གསང་བའི་ལས་བཞི་ལས། །དག་བྱེད་ཡོན་ཏན་དཔག་ཏུ་མེད། །སྔར་བསྟན་གྱི་ནི་རིམ་པའོ། །བསྟན་པ་འཕེལ་ཞིང་རྫོགས་པ་ཡང་། །བཅོམ་ལྡན་འདས་ཀྱི་ཡོན་ཏན་ནོ། །དྲི་ལནཉེརབདུནཔ། །སྐུ་གསུམ་བསླབ་པའི་རིམ་པ་ཉིད། །འབྱུང་བའི་འདོད་དོན་གཙོར་བྱས་ཏེ། །མཆོག་ཏུ་ས་ཆུ་མེ་རླུད་གི །སྒྲ་ལ་བསླབས་པས་ངེས་པར་འགྲུབ། །ཆུ་ཡི་སྒྲ་ནི་གཤང་བ་ལ། །མཁའ་འགྲོ་མ་ཡི་སྒྲ་དབྱངས་འཛིན། །འདི་ལ་རྟག་ཏུ་གོམས་བྱས་ན། །སྤྲུལ་པའི་སྐུ་ཡང་ངེས་པར་འགྲུབ། །ས་ཡི་སྒྲ་ནི་བསིལ་ཞིང་ལྗི། །ཚངས་པ་ཆེན་པོའི་སྒྲ་སྐད་ལྡན། །འདི་ལ་རྟག་ཏུ་བརྟན་སྦྱོད་ན། །ལོངས་སྤྱོད་རྫོགས་སྐུ་ངེས་འགྲུབ་པའོ། །མ་ཡི་སྒྲ་ནི་རིང་བྱེད་བསླབ། །ཁྱབ་འཇུག་ཆེན་པོའི་གསུང་དབྱངས་སྟོན། །འདི་ལ་མཉན་པར་སུས་སྤྱོད་པ། །ཆོས་སྐུའི་ཡོན་ཏན་ངེས་པར་འཐོབ། །རླུད་གི་སྒྲ་ནི་གཟིར་ཞིང་དྲག །མཁའ་ལྡིང་རྒྱལ་པོའི་སྦྱོར་བ་གསུང་། །འདི་ནི་རྟག་ཏུ་ཟློ་ཤེས་ན། །སྐུ་གསུམ་ཐུན་མོང་བསླབ་བྱའོ། །དེ་ལྟར་འབྱུང་བཞིའི་སྒྲ་དོན་ནི། །ཕྱི་ཡི་དུས་ལ་ངེས་པར་སྦྱོར། །དགུན་དང་དཔྱིད་དང་དབྱར་དང་སྟོན། །ཆུ་དང་ས་སྟེ་མེ་རླུད་གི །རིམ་པ་དུས་དང་ངེས་སྦྱར་ཏེ། །རྣལ་འབྱོར་ལུས་དང་བསྟུན་བྱས་ན། །འགྲུབ་པར་ཐེ་ཚོམ་མི་ཟའོ། །དྲིསལནཉེརབརྒྱདཔའོ། །འཇིག་རྟེན་ཐུན་མོང་ལས་མཐའ་ནི། །འཕུར་བར་འདོད་པས་རི་ལུ་བསྟེན། །མི་སྣང་འདོད་པས་སེམས་བཞག་ལ། །ཐིག་ལེ་སྟོང་པའི་དྲ་བར་ནི། །ལུས་དང་སེམས་གཉིས་བཅུག་པས་འགྲུབ། །ཟང་ཐལ་འཐོབ་པར་འདོད་པ་ཡིས། །རླུད་ཉིད་བཟུང་སྟེ་ཐིག་ལེར་གཞུག །སྐབས་སུ་ཤེས་པ་ན་བུན་བཞིན། །ཚངས་པའི་གནས་ནས་འདོན་པར་བྱའོ། །མཚོན་དང་དུག་ལས་རྒྱལ་འདོད་པས། །འབྱུང་བ་བཞི་ལ་སེམས་གཏད་དེ། །ཕྱེ་མར་སྦྱར་ཞིང་ལས་བསྒྲུབས་ན། །དེ་དག་ངེས་པར་འགྲུབ་པའོ། །ཁྱི་དང་དྲེད་སྤྱང་ལས་རྒྱལ་བར། །འབྱུང་བ་བཞི་དག་རྗོད་བྱེད་ཅིང་། །རྟེན་ཅིང་འབྲེལ་བ་བཞི་བྱས་ན། །དེ་རྣམས་ལས་ནི་རྒྱལ་བར་འཀྱུར། །འཇིགས་པ་བརྒྱད་ལས་ཐར་འདོད་པས། །འཁོར་ལོ་རི་མོ་ལྡན་པ་ཉིད། །སྤྱི་བོར་བསྒོམས་ཏེ་རླུད་བསྒོམས་ན། །འདིས་ཀྱང་དེ་དག་རྣམས་ལས་རྒྱལ། །མིག་སྨན་འགྲུབ་པར་འདོད་པ་ཡི། །ཁུ་ཏ་བྱ་གཤོག་སྦྱོར་བ་ནི། །ལེགས་པར་སྦྱར་ཏེ་གསལ་བྱེད་ཀྱི། །ཡི་གེ་རྟག་ཏུ་བཟླས་སྤྱོད་ན། །ཁམས་གསུམ་པོ་ཡང་གསལ་བར་སྣང་། །དམག་དང་ཚོང་དང་གཉེན་སྦྱོར་ལས། །སུ་དག་རྒྱལ་བར་འདོད་པ་ཡིས། །འབྱུང་བའི་དུས་དང་ཕྱོགས་བཟུང་ནས། །འཁྲུགས་པ་མེད་པར་བྱས་ན་ཡང་། །ངེས་པར་འགྲུབ་པར་ཐེ་ཚོམ་མེད། །གང་གིས་རལ་གྲི་འཛིན་འདོད་ན། །ས་ལ་པལསེཡིཡངབྱུང།སེར་པོའི་སྦྱོར་བ་ཡི། །འབྱུང་བའི་ཡི་གེ་རབ་བཟླས་ཤིང་། །ལུས་ཀྱི་གནས་ལྔར་ལེགས་སྤྱོད་ན། །འབྱུང་བའི་དུས་ཉིད་རབ་བསྟིམས་བ་་ཀྱངབྱུང།ནས། །རབ་ཏུ་སྦྱོར་བ་བསྟན་པ་ཡིས། །རལགྲི་འཛིན་པ་ཆེན་པོར་འགྱུར། །མཁའ་འགྲོ་དབང་དུ་སྡུད་པའི་མིས། །མ་མོ་འདུ་བའི་སར་ཕྱིན་ནས། །རིན་པོ་ཆེ་ཡི་རིནགོབསེའིཡངབྱུང།སྦྱོར་བ་དག །འབྱུང་བའི་མགོ་ཉིད་འཚོགས་དུས་སུ། །ལེགས་པར་སྦྱར་ཏེ་རི་ལུ་ཉིད། །གང་གིས་ཁ་ཡི་ནང་བཟུང་ན། །མཁའ་འགྲོ་མ་རྣམས་དབང་དུ་འགྱུར། །རྐང་མགྱོགས་བསྒྲུབ་པར་འདོད་པ་ཡིས། །རྡོ་རྗེའི་གཤོག་པ་བཅུ་དྲུག་ལ། །ཨ་དང་ཡ༷་གིས་རྣམ་པར་བརྒྱན། །འདབ་ཆགས་སྦྱོར་བ་བྱུང་དུས་ལ། །དུས་ལ་འཁྲུལ་བ་མེད་བྱས་ཏེ། །རྐང་པའི་མཐིལ་དུ་ལྡེ་གུས་ནི། །གྲངས་དང་མཐུན་པར་བྱུགས་པ་དང་། །སྐད་ཅིག་གིས་ནི་འཛམ་བུ་གླིང་། ཁུ་ཞིང་འཁོར་བར་ཐེ་ཚོམ་མེད། །དུར་ཁྲོད་གནས་སུ་རྒྱུ་བས་ཀྱང་། །མིག་གི་སྦྱོར་བས་རི་ལུ་ཉིད། །རང་དུས་སྦྱོར་བའི་དུས་རྣམས་ལ། །ལེགས་པར་སྦྱར་ཏེ་ཨ་ཨལིསཀྱངབྱུང།ཡིས་བསྐོར། །རང་ལོའི་འབྱུང་བ་བཅུད་པ་ལ། །གནས་སུ་ཕྱིན་པས་ངེས་པར་འགྲུབ། །བཅུད་ཀྱིས་ལེན་པར་འདོད་པས་ནི། །བདུད་རྩི་རྣམ་ལྔ་སྦྱར་བའི་ཐབས། །གཞན་དུ་འབྱུང་བ་སྙོམས་པ་ལ། །མཁས་པས་ཆ་སྙོམས་ལེགས་སྦྱར་ནས། །རིན་པོ་ཆེ་ཡི་སྣོད་དུ་བླུགས། །དེ་ནས་སྦྲང་དང་ཨུད་ཙིད་ཏ། །ཁ་ཚར་ལེགས་པར་བཏབ་ནས་ནི། །དངུལ་ཆུའི་ཐིགས་པ་རེ་བླངས་ནས། །ནང་བཞིན་སྲན་མའི་རྡོག་མ་ཙམ། །མཁས་པ་དག་གིས་ཟ་སྤྱོད་ན། །བཅུད་ཀྱིས་ལེན་པ་ཆེན་པོར་ཡང་། །འགྱུར་བ་ཐེ་ཚོམ་མི་ཟའོ། །དྲིསལནཉེརདགུཔའོ། །བྱེ་བྲག་སྐུ་རྣམས་བསྒྲུབས་པ་ན། །འབྱུང་བ་བཞི་ཡི་དྲི་ལ་བསླབ། །ཆུ་ཡི་དྲིས་ནི་བདེ་བ་སྟེར། །འདི་ལ་ཟ་ནུས་འཕེལ་ཆེ་བས། །བཏབ་སྟེ་རླུད་ལ་སྦྱར་བ་ཡིས། །རྡོ་རྗེ་འཛིན་པའི་སྐུ་ཉིད་འགྲུབ། །ས་ཡི་དྲིས་ནི་རྟོགས་པ་སྡུད། །པ་ལྭ་ཤ་ཡི་སྦྱོར་ལུགས་དང་། །རྟེན་འབྲེལ་རྒྱུན་དུ་བསྟན་པ་ཡིས། །ངོ་བོ་ཉིད་ཀྱི་སྐུ་ཡང་འགྲུབ། །མི་ཡི་དྲིས་ནི་ཉམས་བསྐྱེད་དེ། །རང་ལུས་གསལ་བའི་ཉམས་ཀྱིས་ནི། །གོམས་ན་ཧེ་རུ་ཀ་ཡང་འགྲུབ། །རླུད་གི་དྲིས་ནི་བསླབ་བྱའི་གནས། །གནས་འཇུག་ལས་ཀྱིས་བསྡེབ་བྱས་ཏེ། །ངེས་ལུས་རིམ་པ་གསལ་བསྒོམས་ན། །རིགས་ལྔའི་སྐུ་ནི་ལེགས་པར་འགྲུབ། །གཞན་ཡང་རོ་དང་རེག་ཉིད་ལ། །རིམ་པ་ཇི་ལྟར་བསླབས་བྱས་ན། །གང་འདོད་སྐུ་རྣམས་འགྲུབ་པ་ལ། །ཐེ་ཚོམ་ཟ་བ་མ་ཡིན་ནོ། །དྲིསལནསུམཅུཔ། །གཉིད་ཀྱི་རྣལ་འབྱོར་སུས་བསྒོམ་པ། །འདིས་ནི་གཏི་མུག་ལམ་དུ་བྱེད། །ཕྱི་ཡི་དུས་ནི་གཞི་དག་ལས། །རྣལ་འབྱོར་ལུས་ཀྱི་རྩལ་སྦྱངས་ཏེ། །རྩ་རྣམས་ཁུངས་སུ་བཟུང་བ་གནད། །ནང་གི་དུས་ནི་བཞི་ཉིད་ཀྱིས། །རྣལ་འབྱོར་དག་གི་རྩལ་སྦྱངས་ཏེ། །བརྗོད་པའི་རྒྱུན་རྣམས་གཅད་པ་གནད། །གསང་བའི་དུས་ནི་བཞི་ཡིས་ཀྱང་། །རྣལ་འབྱོར་སེམས་ཀྱི་རྩལ་སྦྱངས་ཏེ། །གཉིད་ལ་གོམས་པ་གནད་ཡིན་ནོ། །ཁོ་ན་ཉིད་ཀྱི་དུས་བཞི་ཡིས། །ལུས་དང་ངག་སེམས་ངེས་བསྡུས་ནས། །འོད་གསལ་ཆེན་པོ་གཉིད་དང་བསྲེ། །དེ་ལྟར་གོམས་ནས་སྐུ་གསུམ་ལ། །ངེས་པར་སྦྱོར་རོ་རྣལ་འབྱོར་པས། །རྨི་ལམ་གནད་ཀྱི་ལམ་མཁྱེར་ནི། །སྔོན་དུ་བྱ་དང་གནད་ལ་དབབ། །སྔོན་དུ་ལུས་ངག་སེམས་སྦྱངས་ཏེ། །འབྱོངས་པའི་རྟགས་ལ་བརྟེན་ནས་ནི། །བརྟག་དང་ཟིལ་གྱིས་གནོན་པ་དང་། །བག་ཆགས་གསུམ་པོ་ངེས་གཟུང་བྱ། །དེ་ནས་གནད་ལ་འབེབས་དུས་སུ། །སྦྱང་དང་བསྒྱུར་དང་བཅད་པ་དང་། །དཀྲུགས་དང་བཅུད་དང་གནད་ལ་འབོར། །བསྐྱིལ་བཟློག་ལས་ཀྱི་གནད་བྱས་པས། །ལས་ཀྱི་རྨི་ལམ་མཐའ་ཟད་དེ། །བག་ཆགས་འཁྲུལ་པ་དྲུང་ནས་ཐོན། །འདི་དུས་རང་གི་བརྩོན་འགྲུས་ཀྱིས། །རབ་ལ་ཆད་དང་འབྲིང་ལ་ཤེས། །ཐ་མ་འགྱུར་བར་ངེས་པ་སྟེ། །འདི་དག་རྨི་ལམ་ཐོག་མ་ཡང་། །རབ་ལ་བརྗེད་དང་ཐ་མ་འགགས། །འབྲིང་ལ་ཤིན་ཏུ་གསལ་བ་ལ། །ཐ་མ་ཡིན་པ་ཤེས་པའོ། །ཐ་མ་མི་གསལ་དེ་ནས་འཀྱུར། །དེ་རྣམས་ཀྱིས་ནི་ཚད་ལ་ཕེབ། །དྲིསལནསོ་གཔའོ། །སྐྱེས་བུས་རང་སེམས་མ་ཐུལ་བ། །མི་རྟོག་བསྒོམས་པས་ངེས་ཐལ་ཏེ། །རྣལ་དུ་ཕེབས་ནས་རང་རངངའོཡངབྱུང།གིའོ། །སྔོན་དུ་སྦྱངས་པའི་རིམ་པ་དང་། །དངོས་གཞི་རང་གི་རྒྱུད་ལ་བརྟེན། །སྔོན་དུ་སྦྱང་བའི་རིམ་པ་ནི། །ལུས་ཀྱི་སྔོན་དུ་འགྲོ་བ་ལས། །སོ་སོའི་བྱེད་པའི་རྒྱུ་འགགས་པ། །རྡོ་རྗེའི་སྐྱིལ་ཀྲུང་དུ་བཅས་ཏེ། །ལུས་སྦྱང་སེམས་ལ་ཕན་པའོ། །ངག་ནི་ཧཱུཾ༷་ཞེས་གནས་པ་ལས། །རྒྱས་གདབ་པ་དང་རྩལ་སྒུང་དང་། །གཉན་བཙལ་ལམ་དུ་ཞུགས་པ་ཡིས། །དེ་ལྟར་ངག་སྦྱང་སེམས་ལ་ཕན། །སེམས་ནི་ཐོག་མ་བྱུང་བ་དང་། །བར་དུ་གནས་པ་ཐ་མར་འགྲོ །དེ་ལྟར་གསུམ་ལ་བརྟགས་དཔྱད་ན། །སེམས་སྦྱང་སེམས་ཀྱི་གནས་ལུགས་ཤེས། །དངོས་གཞི་རང་གི་རྒྱུད་བརྟེན་ནི། །ལུས་ཀྱི་གནད་དང་ངག་དང་ཡང་། །སེམས་ཀྱི་གནད་ལ་བརྟེན་པ་ཡིས། །རླུད་ནི་ཅི་ནས་དལ་བྱ་སྟེ། །རབ་ཏུ་འཕང་བ་ལས་བྱུང་བ། །ལུས་དང་སེམས་ཀྱི་འབྲེལ་ཆད་དེ། །ཁམས་གསུམ་དུ་ཡང་ལྡོག་པ་མིན། །དྲིསལནསོགཉངསཔ། །རླུད་གི་དགོས་པ་རྣམ་པ་གཉིས། །འཇིག་རྟེན་ལུས་རྫོགས་བསྐྱེད་པ་དང་། །བརྟེན་ཅིང་གནས་པའི་ཚེ་རྣམས་དང་། །དབང་དང་ཚེ་ལ་སོགས་པ་འཕེལ། །བསོད་ནམས་ལས་ཀྱི་བྱེད་པའོ། །འགྲོ་བའི་བཀྲག་དང་གཟི་མདངས་བསྐྱེད། །མཆེད་ཅིང་སྡུད་པའི་ལས་ཀུན་བྱེད། །འདས་པའི་སྐུ་དང་ཡེ་ཤེས་དང་། །ཐིག་ལེ་ཉིད་ལ་གོམས་པ་དང་། །ཡང་ཞིང་སྟོང་དང་གསལ་བར་ཁྱབ། །ལུས་ཀྱི་འབྱུང་བ་ཟད་པ་དང་། །སེམས་ཀྱི་རྟོག་པ་འགགས་པ་དང་། །མི་རྟོག་ཡེ་ཤེས་སྐྱེ་བ་དང་། །ཕྱི་ཡི་སྣང་བ་ཟད་པ་དང་། །རླུད་སེམས་གཉིས་སུ་འདྲེས་པ་སྟེ། །དེས་ན་རླུད་གིས་ལས་ཀུན་བྱེད། །དྲིསལནསོགསུམཔ། །ལུས་ཀྱི་གནད་ནི་རྩ་ཡིན་ཏེ། །གནས་དང་བཀོད་པ་འགྱུ་བ་དང་། །འཁོར་ལོ་རྟེན་དང་ལུ་ཀྱི་སྲོག །མིང་དང་བྱེ་བྲག་རྒྱུ་དང་རྐྱེན། །བྱེད་པའི་ལས་དང་མཚན་ཉིད་དང་། །ཉོན་མོངས་ལས་དང་ཡེ་ཤེས་ལས། །ལམ་ལ་བརྟེན་ནས་མངོན་སྣང་བ། །ནད་དང་འབྱུང་བའི་བྱེ་བྲག་དང་། །འཁྲུགས་མར་གནས་པའི་མཐའ་ཡིས་དབྱེ། །བསྡམས་ག་སཀྱངབྱུང།པས་འགགས་ལ་བཙིར་བས་འཆིང་། །མནན་པས་གནས་ལ་གཅུད་པས་གསལ། །ག་་པས་རྒལ་ལ་དྲང་བས་ཤེས། །འཕུལ་བས་སྡོད་ལ་དྲག་པས་ཟིན། །དེ་ལྟར་རྩ་ཡིས་གནད་ཀྱིས་ཀྱང་། །སངས་རྒྱས་གནས་ནི་མཚོན་པའོ། །རྩ་ལ་བརྟེན་པའི་རླུད་དག་ནི། །ཉི་ཁྲི་དང་ནི་སྟོང་ཕྲག་གཅིག །དྲུག་བརྒྱ་དག་ཏུ་འགྱུ་བ་ནི། །འཀྱུ་བ་ཆེན་པོའི་རླུད་དུ་འདོད། །དེ་ཡི་བྱེད་ལས་རྣམ་པ་གཉིས། །གྱེན་ལ་རྒྱུ་དང་ཐུར་དུ་སེལ། །བར་ན་མཁས་པས་གནད་ཉིད་བཙལ། །རྩ་ནས་ངེས་པར་འགྱུ་བ་ནི། །འབུམ་ཕྲག་གཅིག་དང་ཁྲི་ཕྲག་གཉིས། །སྟོང་ཕྲག་དྲུག་དང་བརྒྱ་ཕྲག་དྲུག །རྩ་ནས་ངེས་པར་འབྱུང་བ་སྟེ། །འགྱུ་བ་ཆུང་བའི་རླུད་དུ་འདོད། །ནད་དང་གདོན་དང་ཚེ་ཡི་དུས། །མཁས་པས་ཤེས་པར་བྱ་དེ་ཡང་། །དེ་ཡི་གནད་ཀྱིས་སྦྱོར་ཐབས་འབད། །ཆེན་པོ་ལ་ནི་དུས་བརྩི་སྟེ། །མཆོག་དང་ཐུན་མོང་དངོས་གྲུབ་བརྟག །སོ་སོའི་ལས་ཀྱིས་བྱེ་བྲག་གིས། །ལས་དང་ཡེ་ཤེས་གཉིས་བར་དང་། །ཉོན་མོངས་རྣམས་དང་རྟོག་མེད་ལས། །སོ་སོའི་གྲངས་ཚད་བཟུང་བ་སྟེ། །སྒོམ་པ་པོས་ནི་རྣམ་པར་སྦྱང་། །དེས་ནི་སོ་སོའི་རླུད་ཚད་ཟིན། །དྲིས་ལན་སོབཞིཔའོ། །ཐིག་ལེའི་ཆོས་ཉིད་བརྟན་འདོད་པས། །དོན་དམ་དང་ནི་ཀུན་རྫོབ་ལས། །རེ་ཞིག་ཀུན་རྫོབ་ཐིག་ལེ་ལ། །བརྟེན་ནས་སངས་རྒྱས་འདོད་པ་ཡིས། །རིགས་མ་མཚན་ཉིད་རྫོགས་པ་ནི། །ལྷ་དང་ལྷ་མིན་ཚངས་པ་དང་། །གལ་ཏེ་རིགས་ངན་མུ་སྟེགས་སམ། །མཚན་ཉིད་རྫོགས་པ་དག་མཐོང་ན། །འགུགས་པའི་སྦྱོར་བ་ངེས་བརྩམས་ནས། །བརྟེན་བྱ་ཉིད་དང་རྩ་རྣམས་དང་། །དམིགས་བྱ་དག་གིས་ལུས་རྫོགས་བྱ། །དེ་ནས་ཀུན་རྫོབ་ཐིག་ལེ་ཉིད། །དབབ་ཅིང་གཟུང་དང་བཟློག་པ་དང་། །རྩ་ལ་གདབ་ཅིང་རླུད་དང་བསྲེ། །སྟོང་ཉིད་བརྟན་བྱ་བློ་རྗེས་བཅད། །ལུས་དང་སེམས་གཉིས་གོ་བཟློག་བྱའོ། །དོན་དམ་ཐིག་ལེ་བརྟན་པ་ཡིས། །ཆོས་སྐུ་སྟོང་པའི་ཡུལ་རྣམས་རྙེད། །ཐིག་ལེ་སྟོང་པའི་སྒྲོན་མ་ཉིད། །གཏེམས་ཏེ་རིག་པའི་རྩལ་རྣམས་སྦྱང་། །ཉིན་མཚན་མེད་པར་གོམས་སྤྱོད་ན། །འདི་ཉིད་རྩོལ་བྲལ་མངོན་དུ་སྣང་། །དེ་ན་འབྱོངས་པའི་ཚད་ཡིན་ནོ། །དྲིསལན་སོ་ལྔཔའོ། མཁའ་འགྲོ་མ་ཡི་ལས་ཀྱི་མཐའ། །དབྱེ་ན་བརྗོད་ཀྱིས་མི་ལངས་ཀྱང་། །མདོར་བསྡུས་ནས་ནི་བཤད་པར་བྱ། །རྟེན་འབྲེལ་ཟབ་མོ་དག་གིས་ཀྱང་། །ཟས་གོས་ལ་སོགས་བྲལ་བ་དང་། །བདེ་ཆེན་ཟག་མེད་ཐོབ་པ་དང་། །འབྱུང་བཞི་དག་ལ་དབང་བསྒྱུར་འགྱུར། །དངོས་ལ་བརྟགས་པའི་ལས་མཐའ་ཡིས། །གཟུགས་དང་སྒྲ་དང་དྲི་དང་རོ། །རེག་གི་ཁམས་ལ་བརྟགས་པ་ཡིས། །འཇིག་རྟེན་ཐུན་མོང་ལས་མཐའ་དང་། །མངོན་པར་ཤེས་པ་རྫོགས་པ་དང་། །ཞིང་ཁམས་རྣམས་རྣ་ལ་ལོངས་སྤྱོད་དོ། །དྲི་ལནསོདྲུགཔ། །འཕོ་བའི་བྱེ་བྲག་རྣམ་པ་གསུམ། །དབང་པོ་དག་གི་དབྱེ་བ་ཡིས། །འོད་གསལ་བ་དང་སྒྱུ་ལུས་དང་། །ཐ་མ་ལུས་ངག་ཡིད་ལའོ། །ལུས་ངག་འཕོ་བ་རྣམ་པ་གཉིས། །དངོས་སུ་འཕོ་དང་དངོས་མེད་དོ། །དངོས་ནི་རླུད་གིས་སྦྱང་བའི་ཐབས། །སྒྲ་དང་བཟོ་དང་སྒྱུ་རྩལ་དང་། །རྟེན་ཅིང་འབྲེལ་ལ་སྦྱངས་པས་ནི། །སོ་སོའི་འབྱུང་བ་ནང་མཐུན་པས། །ལུས་ངག་ཡིད་ཀྱིས་གཏད་པས་འགྲུབ། །དངོས་མེད་སེམས་ཀྱི་གོམས་སྟོབས་བརྟན། །སྒྱུ་ལུས་རྨི་ལམ་དག་ལ་སྦྱངས། །དེ་ཉིད་འབྱོངས་པས་ལུས་ཉིད་ཀྱང་། །གྲིབ་མའི་རྣམ་པ་ལྟ་བུ་འགྱུར། །དེས་ནི་བར་མ་དོ་ཡི་ལུས། །འདི་དག་རང་དུ་འཛིན་པར་འགྱུར། །འོད་གསལ་འཕོ་བ་རབ་ཀྱིས་ཏེ། །གཉིད་ཀྱི་བསམ་གཏན་ལ་སྦྱངས་ནས། །འབྱོངས་པས་ཉིན་དང་མཚན་མེད་པར། །ཕྱི་རོལ་སྣང་བ་གསལ་བ་ན། །འདིས་ནི་འོད་གསལ་ཆེན་པོ་འགྲུབ། །འདི་ཡིས་ལུས་ལུགསཀྱང།ཀྱང་གསུམ་ཡིན་ཏེ། །བརྩོན་འགྲུས་ཀྱི་ནི་རིམ་པ་ཡིས། །སྤྲུལ་སྐུ་ལོངས་སྐུ་ཆོས་སྐུ་ལ། །ངེས་པར་དངོས་སུ་འཕོ་བར་ནུས། །དྲི་ལནསོབདུནཔ། །རྟེན་འབྲེལ་སྦྱོར་བ་རྣམ་པ་གཉིས། །སྣ་ཚོགས་རྫུ་འཕྲུལ་བསྒྲུབ་པ་དང་། །འབྱུང་བ་གནད་ཀྱི་ཆོ་གའོ། །སྣ་ཚོགས་རྫུའཕྲུལ་ཐབས་སྣ་ཚོགས། །ལམ་སྣ་ཟིན་པས་རང་ཤེས་སྦྱར། ཁུ་དང་མི་རྒྱུ་རླུད་གིས་བཀངཡངབྱུང།བསྐོར། །ལུས་དང་དབང་པོ་བསྒྲུབ་པས་དབྱེ། །འབྱུང་བའི་གནད་ནི་རང་དང་གཞན། །ཕན་གནོད་འབྲས་བུ་ངེས་པར་འབྱིན། །རང་རང་ལུས་དང་འབྱུང་བར་སྦྱར། །ཆུ་དང་ས་དང་མེ་དང་རླུ་་། །སོ་སོའི་ལས་ཀྱི་རྟེན་འབྲེལ་གྱིས། །གསོ་ཞིང་སྤེལ་དང་ཉམས་པར་བྱེད། །ས་དང་ཆུ་ཡིས་འཇིག་པ་ལ། །ས་དང་མེས་ནི་སྤེལ་བའོ། །ས་དང་རླུད་གིས་གཤེད་དུ་འབེབས། །ཆུ་དང་མེས་ནི་ཉམས་པར་བྱེད། །ཆུ་དང་རླུད་གིས་གསོ་བའོ། །མེ་དང་རླུད་གིས་སྙོམས་པ་ཉིད། །བཞི་འདུས་པས་ནི་འཁྲུགས་པ་ཉིད། །གང་ཞིག་བརྗོད་པའི་རྟེན་འབྲེལ་ནི། །རྣལ་འབྱོར་སོ་སོའི་ཉམས་དང་སྦྱར། །ཡིད་ཀྱི་རྟེན་འབྲེལ་རླུད་ལ་དྲི། །གསུམ་འདུས་པ་ཡི་བྱེད་པ་ཉིད། །སོ་སོའི་སྡེབ་དང་ལེགས་སྦྱར་ན། །འདིས་ཀྱང་ཕན་དང་གནོད་པ་འགྲུབ། །དྲི་ལནསོབརྒྱདཔའོ། །ནད་དང་སྡུག་བསྔལ་གྲོལ་འདོད་པས། །རང་དང་གཞན་གཉིས་མཉམ་པར་སྦྱར། །གཞན་ལ་རྟེན་འབྲེལ་དག་གིས་བྱ། །རང་གི་སྦོ་དང་བྱ་བས་བྱའོ། །བྱ་བ་དག་ནི་གསུམ་ཡིན་ཏེ། །ལུས་ཀྱི་གནད་དང་ངག་དང་ཡང་། །དེ་བཞིན་སེམས་ཀྱི་གནད་ཀྱིས་དགྲོལ། །ལུས་ནི་འཁྲུལ་འཁོར་སྣ་ཚོགས་ལ། །སེང་གེ་ཉིད་དང་གླང་པོ་ཆེ། །བྱ་རྒོད་དག་དང་ལུག་གིས་སྤྲུག །ཝ་མོ་དང་ནི་སྐྱེས་བུ་ཉིད། །འབུ་སྲིན་ལ་སོགས་ལུས་དང་ནི། །འཕྲུལ་འཁོར་རྣམ་པ་སྣ་ཚོགས་ཀྱིས། །ཕྱི་ནང་སྟོད་སྨད་ཡན་ལག་ལུས། །རླུད་མཁྲིས་བད་ཀན་འདུས་པ་ནི། །འབྱུང་བ་ནད་ལྡེབ་བཞི་ཡིས་སྦྱར། །ཚ་དང་གྲང་བས་མཐའ་ཕྱེས་ཏེ། །དེ་དང་དེ་སྦྱར་ནད་ལས་གྲོལ། །ངག་ནི་སྒྲ་སྐད་སྣ་ཚོགས་པ། །ཨུ་ལི་ཀྭ་ལི་རབ་གསལ་བས། །རང་བཞིན་རྩ་ལ་གནས་པ་ཡི། །ཡི་གེ་བཟློག་བརྗོདཀྱང།ཚུལ་དྲུག་གིས་ཀྱང་། །སོ་སོའི་གནས་དང་སྦྱར་བ་དང་། །ལྷ་དང་ཀླུ་དང་གནོད་སྤྱིན་དང་། །སྲིན་པོ་ནམ་མཁའ་ལྡིང་གི་སྐད། །ཚངས་དང་བརྒྱ་བྱིན་ཁྱབ་འཇུག་དང་། །འདྲེ་དང་རླུད་ལྷ་དག་དག་པའི་སྐད་ཀྱང་བྱུང་།གི་སྐད། །གྲུལ་བུམ་ལྟོ་འཕྱེ་དྲི་ཟ་དང་། །ལྷག་གཅིག་དངོས་པོའི་སྐད་ཀྱིས་ཀྱང་། །སོ་སོའི་སྐད་དང་སྦྱར་བས་གྲོལ། །སེམས་ནི་དྲན་པ་སྣ་ཚོགས་དང་། །ཅི་ལྟར་འགྱུས་པའི་མཐའ་ཡི་ཡང་། །རྣལ་འབྱོར་པ་ཡི་རིག་པས་དབྱེ་།་ །གཞན་ཡང་ལུས་ངག་ཡིད་ཀྱིས་བསྒྱུར། །ཡང་ན་སེམས་ཀྱི་བྱ་བའི་ལས། །སྣ་ཚོགས་ཏིང་ངེ་འཛིན་གྱིས་བསྒྱུར། །སྡུག་བསྔལ་ལས་ཀྱང་མཐའ་དབྱེའོ། །དྲིསལནསོདགུཔ། །འབྱུང་བའི་འཕོ་བ་འདི་ལྟ་བུ། །ཨེ་མ་ངོ་མཚར་ཆེ་བར་བཤད། །ཕྱི་རོལ་ནང་གི་དབྱེ་བ་ལས། །ས་དང་ས་སྟེ་ལྷག་མ་ཡང་། །གོང་མའི་འགྲེས་ཀྱིས་ཤེས་པར་བྱའོ། །ཉིན་མཚན་ནང་ནུབ་ཞག་དང་ནི། །ཟླ་བ་ལོ་ཡི་འཁྲུལ་ཝགསལུགསཀྱང།ལུགས་ཀྱིས། །བཅུ་གཉིས་ཕྲག་དང་སྦོམ་པ་ཡང་། །ཟུག་དང་བྱེར་དང་སྙོམས་པ་ལས། །ངེས་མེདའཁྲུགས་མར་གནས་པ་བཞི། །དུས་ལ་ངེས་ཕྱེ་བཅུ་དྲུག་གི །སོ་སོའི་དུས་ངེས་འཕོ་བའི་མཚམས། །རྟེན་འབྲེལ་ལ་སོགས་འབྱུང་བའི་གནས། །འཕོ་བའི་དུས་ལ་འཕོ་བས་སྟེ། །དེ་བཞིན་འཇུག་དུས་འཇུག་པ་ལ། །གནས་པའི་དུས་ན་གནས་པའོ། །འཁྲུགས་མ་ཉིད་ལ་འཁྲུགས་མར་རོ། །ཉིན་མཚན་ཞག་དང་ཟླ་བའོ། །འཕོ་བའི་གནས་ནི་མཁས་པས་དཔྱད། །ཆུ་དང་ས་སྟེ་མེ་རླུང་གིས། །མཐུན་པ་དང་ནི་མི་མཐུན་པ། །སོ་སོའི་ལས་དུས་སྡེབ་ཀ་ཡིས། །ལས་ཀྱི་མཐའ་རྣམས་བསྒྱུར་བར་བྱའོ། །དྲིསལནབཞིབཅུཔ། །གནད་ཀྱི་འབྱུང་བ་རྣམ་ཕྱེ་ན། །བཞི་བརྒྱ་ཉིད་དང་རྩ་བཞི་ལས། །ངེས་བཅས་འཇུག་པ་བརྒྱད་ཅུར་སྡུད། །དེ་ལས་ཉི་ཤུ་རྩ་བཞིའོ། །མཆོག་ཏུ་གནས་པ་བཅུ་དྲུག་ཉིད། །ཕོ་མོའི་སྡེབས་ཀྱིས་བརྒྱད་དུ་འགྱུར། །རང་ངོ་དག་པ་བཞི་ཡིས་ནི། །གནད་རྣམས་བསྡུས་ཏེ་ངེས་པར་བསྟན། །བྱེར་ཟུག་སྙོམས་པའི་བྱེད་ལས་ཀྱི། །ཚེས་དང་ཟླ་བ་ལོ་རྣམས་དང་། །འཁྲུལ་པ་མེད་པར་སྦྱར་བྱས་ན། །གནད་རྣམས་དག་ཀྱང་ངེས་པར་འགྱུར། །དྲིསལནཞེ་གཔ། །དེ་ལྟར་གནད་ལ་བརྟེན་ནས་ནི། །རྩིས་ཀྱི་སྦྱོར་བའི་ཡན་ལག་བཤད། །ཨེ་མ་ངོ་མཚར་ཆེ་བ་ཉིད། །སངས་རྒྱས་གཞན་གྱིས་མ་གསུངས་པའི། །འབྱུང་བའི་རྩིས་ཀྱི་རིམ་པ་ལ། །བརྟེན་ནས་འཁོར་འདས་འཇལ་བྱེད་པའི། །རབ་ཏུ་གསང་བ་འདི་ཉོན་ཅིག །ཆུ་དང་ས་སྟེ་མེ་རླུད་ལས། །རྣམ་པར་དབྱེ་བའི་རིམ་པ་ཉིད། །ལྔ་པ་གཅིག་ནི་མ་ནིང་སྟོང་། །ཤེས་ཤིང་བརྩི་བའི་རིམ་པ་མིནཀྱངཡིན། །ཟུག་དང་བྱེར་དང་སྙོམས་པའི་ལས། །བཅུ་གཉིས་དག་ལས་མ་ཡིས་ལོ་རྣམས་ཀྱང་། །བཅུ་གཉིས་དག་སྟེ་གསུམ་གསུམ་གྱིས། །སོ་སོའི་དམིགས་དང་རྟེན་འབྲེལ་ཡང་། །དུས་དང་སྦྱོར་བ་མཁས་པས་བརྟགས། །ཟ་མ་ཞག་དང་ཟླ་བ་ལོ། །བྱེར་ཟུག་སྙོམས་པའི་དུས་ཀྱིས་ཀྱང་། །སྐྱེ་དང་རྒས་དང་ན་བ་དང་། །དེ་བཞིན་འཆི་བའི་དུས་རྣམས་གཟུང་། །གཟའ་དང་སྐར་མ་གདོན་རྣམས་དང་། །ཉི་མའི་དུས་ཀྱི་རིམ་པའོ། །བཟང་དང་ངན་པའི་བྱེ་བྲག་བརྩི། །བྱ་དང་མི་བྱ་མཁས་པས་གཟུང་། །གཟུགས་དང་སྒྲ་དང་དྲི་རོ་ཡིས། །ཚེ་རབས་སྔ་ཕྱིའི་ལས་འབྲེལ་བརྟགས། །འབྱུང་བ་སོ་སོའི་འགྱུ་བྱེད་ཀྱིས། །དགེ་སྦྱོར་འཕེལ་དང་གདོན་དུས་བཟུང་། །ནང་མཐུན་དབྱེ་བ་བཅུ་དྲུག་གིས། །ལས་དང་ཉོན་མོངས་ཡེ་ཤེས་བརྟགས། །འབྱུང་བས་བསྐྱེད་དང་གནས་དང་འཇིག །སྟོང་དང་འཁྱམས་དང་འབྱམས་པ་དང་། །འཁྱིལ་དང་འཁོར་དང་ལ་ག་པ་དང་། །རྣོ་དང་རྡུག་དང་དྲག་ཞན་དང་། །དགྲ་དང་གཤེད་དང་གྲོགས་དག་གིས། །རང་རང་ལས་ཀྱི་རྣམ་གྲངས་བརྩི། །ཕྱི་རོལ་འབྱུང་བའི་གཟུགས་དག་གིས། །ཡ་སགཞིཡངབྱུང།བཞི་བཟུང་སྟེར་རང་རང་བསྟུན། །རང་རང་འབྱུང་བའི་བསྡེབ་ཀ་ཡིས། །ཚེ་དང་དབང་ཐང་དུས་རྣམས་བཟུང་། །ལྟེ་བ་དངག་ས་ཀྱང་བྱུང། །སྐྱེས་དང་ན་དང་འཆི་བ་ནི། །རང་དང་གཞན་དུ་ངེས་པར་སྦྱར། །ཟླ་བ་དགུན་དབྱར་དཔྱིད་སྟོན་དང་། །གསུམ་གྱི་གྲངས་བརྩིས་བཅུ་གཉིས་ལ། །ལོ་སྟོང་ཞག་ལོསྟེ་་ཀྱང་ཕྲགགསུམ། ཡང་བྱུང་།ཀྱང་འབུམ་ཕྲག་གསུམ། །སྐར་མ་ཡི་ནི་གཉིས་མེད་པས། །ལོ་དང་ཟླ་བ་སྟེང་བརྩེགས་འགྱུར། །ཉིན་དང་མཚན་གྱི་སྒྱུར་བྱེད་ལས། །ཉིན་མཚན་མཉམ་པ་དུས་གཉིས་འགྱུར། །ཚེས་ཞེས་རྣམ་གྲངས་གྲགས་པ་་ལས། །ཡར་གྱི་ངོ་ལ་མཚན་མོ་རིང་། །དེ་ནས་བརྒྱ་དང་བརྒྱད་ཅུ་ཡིས། །མར་གྱི་ངོ་ལ་ཉིན་མོ་རིང་། །ཉིན་མཚན་རིང་ཐུང་བྱེད་པ་ཡི། །འབྱུང་བ་ཕོ་མོའི་ཐབས་དབྱེ་ལས། །བཅུ་གཉིས་རིམ་པ་ཉིན་མཚན་ལས། །ལོག་པའི་དུས་ཏེ་མཁས་པས་བཟུང་། །ཉིན་མཚན་རིང་དང་ཐུང་བ་ལས། །དགེ་དང་མི་དགེ་དབྱེ་བའོ། །ཉིན་མཚན་འགྲེས་པའི་ཞག་ལ་ཡང་། །ཟླ་བ་ལོ་སྟེ་བྱེར་ཟུག་སྙོམས། །རྟེན་གསུམསྟེདུསནིཿགཉིས་སྦྱར།ཡངབྱུང་།འབྲེལ་དུས་ཏེ་བཅུ་གཉིས་སྦྱར། །ཐམས་ཅད་བཅུ་གཉིས་རིམ་ཤེས་ན། །འཇམ་དཔལ་མཁྱེན་པ་རྫོགས་པའོ། །ཕྱི་རོལ་འབྱུང་བའི་ཆོ་འཕྲུལ་དང་། །ཉིན་མཚན་རིང་ཐུང་རྣམ་གྲངས་ལས། །འབྱུང་བའི་ལོ་རྣམས་དུས་ཚོད་སྦྱར། །ལོ་ནི་སོ་སོའི་འགྲེལ་སྦྱར་ཏེ། །མགོ་ལ་རང་དུས་མཉམ་སྦྱར་ནས། །རླུང་དང་འོད་དང་སྒྲ་ཆེན་དང་། །ས་གཡོས་མཉམ་དང་གཟུགས་བརྙན་དང་། །ནམ་མཁའ་དག་གི་ཡལ་ལུགས་ནི། །སོ་སོའི་ཕྱོགས་དང་ངེས་བསྟུན་ནས། །སད་དང་ཆར་ཆེན་ཆར་མེད་དང་། །མུ་གེ་ནད་དང་གདོན་རིགས་དང་། །རྩོད་དང་རི་ཁྲི་གཡོ་བ་ནི། །སོ་སོའི་དུས་དང་རིགས་ལས་ཤེས། །རྒྱལ་པོ་དམངས་དང་དགེ་སྦྱོང་དང་། །བཙུན་མོ་བློན་པོ་པརྙི་ཏ། །རྒན་དང་གཞོན་དང་ཕྱུགས་རྣམས་དང་། །གཞན་ཡང་བྱོལ་སོང་སོ་སོའི་བྱེ་བྲག་དང་། །སྐྱེས་པ་བུད་མེད་གཟུགས་རྣམས་དང་། ཁེང་ཐོག་ལོ་ཐོག་རྩི་ཐོག་རྣམས། །ལེགས་དང་ཉེས་དང་བཟང་ངན་རྣམས། །རིམ་པས་རྣལ་འབྱོར་པས་ཤེས་བྱའོ། །དྲིསལནཞེགཉིསཔ། །ཨེ་མ་ངོ་མཚར་རྨད་བྱུང་བའི། །འབྱུང་བའི་བདེ་བ་འདི་ལྟ་བུ། །བསྟན་པ་གཞན་དུ་མ་གྲགས་པའི། །ཡང་གསང་བླ་ན་མེད་པ་ཉིད། །ལྷ་བུ་སྐལ་ལྡན་ངོ་ཆེ་བས། །ངོ་མི་ཆོགས་པས་ཁྱོད་ལ་བཤད། །མཆོག་ཏུ་སྐལ་ལྡན་བརྩོན་འགྲུས་ཅན། །འཁོར་བའི་ཡིད་རང་བྲལ་བ་ཡིས། །བླ་མ་མཆོད་དང་བསྟོད་བྱ་སྟེ། །འཇིག་རྟེན་བྱ་བ་ཀུན་སྤངས་ལ། །སོ་སོའི་འབྱུང་བ་དང་བསྟུན་ཏེ། །ཆུ་དང་ས་དག་མེ་དང་རླུད་། །སོ་སོའི་ལུས་དང་ངེས་སྦྱར་ཏེ། །འབྱུང་བ་སོ་སོའི་གོ་རིམ་གྱིས། །དངོས་པོའི་གཟུགས་རྣམས་དེས་དཔྱད་ལ། །གཟུགས་དང་སྒྲ་དང་དྲི་དང་རོ། །སོ་སོའི་འདོད་པའི་ཡོན་ཏན་ལ། །སྒྲ་ནས་བརྩམས་ཏེ་བསླབ་པར་བྱའོ། །དེ་ཡང་རྣལ་འབྱོར་སྐལ་ལྡན་པས། །དངོས་པོ་སོ་སོའི་ཁ་དོག་དང་། །དབྱིབས་ལ་ལེགས་པར་བརྟགས་དཔྱད་སྟེ། །ཐུན་མོང་མཆོག་གི་བསྒྲུབ་པར་སྦྱར། །དེ་ནས་སོ་སོའི་སྒྲ་ལ་སྦྱར། །སྒྲ་ལ་ངེས་པར་འབྱོངས་པ་ཡིས། །ལྷག་མ་རྣམས་ལ་བརྩམས་པས་འགྲུབ། །དེ་ལྟར་ཕྱི་རོལ་འབྱུང་བ་ལ། །བརྩོན་འགྲུས་རབ་དང་འབྲིང་མཐའ་ཡིས། །ཞག་དང་ཟླ་བ་ལོ་རྣམས་ཀྱིས། །སོ་སོའི་ཚད་ལ་རྟགས་ཀྱིས་འགྲུབ། །འདི་ལྟར་སུ་ཡི་འགྲུབ་པ་ལ། །སྤྲུལ་པའི་སྐུ་དང་ལོངས་སྐུ་དང་། །ཆོས་སྐུ་ངོ་བོ་ཉིད་ཀྱི་སྐུ། །མཆོག་ཏུ་སྐུ་ཡི་འབྲས་བུར་སྦྱོར། །གཅིག་ནི་མ་ནིང་སྟོང་ཕྱིར་རོ། །སྒྲ་ལ་སོགས་པའི་དབྱེ་བ་ནི། །གནས་འཇུག་འབྱུང་དང་བཟློག་དུས་ཀྱི། །སོ་སོའི་བྱེ་བྲག་ལ་བརྟེན་ནས། །ཐུན་མོང་ལས་ཀྱི་སྦྱོར་ཀ་ནི། །མཁའ་འགྲོ་མ་དང་རིགས་དྲུག་དང་། །འབྱུང་བ་སོ་སོའི་སྐད་རྣམས་ལ། །བརྟེན་ནས་མངོན་པར་ཤེས་པ་འགྲུབ། །ཟས་གོས་འབྲལ་དང་འབྱུང་བ་ལ། །སྒྲ་དང་བྲལ་ནས་དབང་བསྐུར་རོ། །ལུས་ཀྱི་འབྱུང་བ་ཟད་པ་དང་། །མར་མེའི་གྲིབ་མ་བཞིན་དུ་འགྱུར། །རྒ་ཤིའི་སྡུག་བསྔལ་ཉེར་བྲལ་ནས། །ཉི་ཟླ་དག་དང་མཉམ་པར་འགྱུར། །ཕྱི་ནང་དབུགས་ནི་རྒྱུན་བཅད་ནས། །རྣམ་པར་རྟོགས་པ་ཐམས་ཅད་འགགས། །མི་རྟོག་བསམ་གཏན་ལ་བརྟེན་ན། །ཆོས་ཀྱི་དབྱིངས་དང་ཉེ་བར་སྦྱོར། །འཇིག་རྟེན་ཐུན་མོང་ལུས་བཟུང་ནས། །འདི་ཉིད་ཟད་ནས་ཁམས་གསུམ་དུ། །ལྡོག་པ་དེ་ནི་མ་ཡིན་ནོ། །དྲིསལནཞེགསུམཔ། །སྤོ་བའི་ལས་ནི་རྣམ་པ་གཉིས། །དངོས་པོ་ཉིད་དང་སྟོང་པའོ། །དངོས་པོ་གཟུགས་ཀྱིས་བསྡུས་པ་སྟེ། །དེ་ལྟར་འབྱུང་བ་ལ་འབྱོངས་ན། །རླུད་ལ་གོམས་པ་བརྟན་བྱས་ནས། །དངོས་པོའི་གཟུགས་ཅན་གང་རུང་ལ། ཁེས་པ་བཅུག་པས་འགུལ་བར་ནུས། །དེ་ནི་དངོས་པོར་སྤོ་བ་ཙམ། །སྟོང་པ་སེམས་ཀྱི་གོམས་པ་གཙོ། །ཆོས་ཀྱི་དབྱིངས་དང་ཆོས་ཀྱི་སྐུ། །གཉིས་མེད་སྦྱོར་བས་སྟོང་པར་ཤེས། །སྟོང་ཉིད་གསལ་བའི་རང་བཞིན་ལ། །སེམས་ཀྱང་དེ་ཡི་ངང་ལའོ། །རྟེན་འབྲེལ་ཆོ་ག་རྫོགས་པ་ཡིས། །གནད་ཀྱི་སྤོ་ལ་གཏང་ཐབས་དང་། །སྐད་ཀྱི་བརྗོད་པ་ལས་ཤེས་བྱ། །སོ་སོའི་འབྱུང་འདུས་འཕྲད་པ་ཡིས། །མཐོང་བ་ཙམ་གྱིས་འཕོ་བར་བྱའོ། །གལ་ཏེ་བྱོལ་སོང་གཟུགས་མཐོང་ན། །རླུང་དང་སྦྱར་ཏེ་མཁས་པས་སོ། །འོན་ཏེ་དངོས་གྲུབ་ལ་ཐུག་ན། །མི་སྣང་གཟུགས་ཀྱིས་ལུས་ཀུན་འགྲུབ། །དངོས་པོ་ཆགས་པའི་རྫས་མཐོང་ན། །བླ་མ་མཆོད་ཕྱིར་སྤོ་བས་བླང་། །གཞན་དུ་བྱ་བ་མ་ཡིན་ནོ། །དེ་བཞིནགཤོནཔའིགཟུགས་ལ་སོགས། །བླ་མ་དཔའ་བོས་བཀའ་སྩལ་ན། །རླུད་ལ་གོམས་པས་འདི་ཡང་བླང་། །འཇུག་པའི་སེམས་དང་ལྡན་པ་ཡིས། །རྣལ་འབྱོར་པས་ནི་སྤོ་བར་བྱའོ། །དྲིསལནཞེབཞིཔ། །སྤོ་འདོད་རྣལ་འབྱོར་སྐལ་ཆེ་བས། །རིགས་བཅས་སེམས་ཀྱི་བསྡུས་པ་ལ། །གཟུགས་སུ་སྣང་བའི་སྲོག་ཅན་ལ། །ནང་མཐུན་ལས་ཀྱི་འགྱུར་དག་གིས། །རང་གི་ནད་སོགས་གཞན་ལ་སྤོ། །དེ་ལྟར་སྤོས་པས་དངོས་ལས་གྲོལ། །གཞན་ནི་རྟེན་འབྲེལ་སྦྱོར་བ་གསུང་། །བེམ་པོའི་འབྱུང་བ་བཞི་དག་ལས། །དངོས་པོ་འགྱུར་བའི་རྟེན་འབྲེལ་གྱིས། །གྲངས་དང་བརྡའ་དང་སྐད་དག་གིས། །དམིགས་པ་བསྒྱུར་ཏེ་ནད་སོགས་སྤོ། ཁེང་བུ་རྡེའུ་གསེག་མ་དང་། །ཙྭ་དང་མགལ་དུམ་གྱོ་མོ་སོགས། །དེ་བཞིན་ཆུ་ས་ནམ་མཁས་ཀྱང་། །ངེས་པར་བཟུང་སྟེ་སྤོ་བའི་ལས། །རྣལ་འབྱོར་སེམས་ཀྱི་སྟོབས་ཀྱིས་བསྒྱུར། །དེ་ཡི་རྟགས་ཚད་མཁས་པས་བརྟགས། །གཞགས་ནི་བཅག་དང་བསྒྱུར་བ་དང་། །བསླང་དང་བསྙལ་དང་བསྲང་བ་དང་། །སྤོ་དང་སྤར་དང་བོར་བ་དང་། །བཟུང་དང་ཕྱི་དང་བརྡུག་པ་ཡིས། །སྒྲུབ་པ་པོས་ནི་རབ་ཤེས་བྱ། །འགུགས་པའི་ཕྱག་རྒྱ་ལྡན་པ་ཡིས། །སེར་སྣས་བཅིངས་པའི་ཟས་ནོར་ལ། །བླ་མ་མཆོད་ཕྱིར་སྤོ་བས་བླང་། །འདི་ཉིད་སེམས་ལ་དམིགས་གསལ་ན། །ཁབ་ལེན་རྡོ་ལ་ལྕགས་འདུ་ལྟར། །ངེས་པར་ལེན་པར་བྱེད་པའོ། །གལ་ཏེ་འཇིག་རྟེན་རང་འདོད་ཕྱིར། །བརྩམས་ཀྱང་འགྲུབ་པ་མ་ཡིན་ནོ། །དྲིསལནཞེལྔཔ། །རྒྱུད་གཞན་ཀུན་ལས་མ་བཤད་པའི། །འབྱུང་བའི་གནད་རྣམས་དྲང་དང་བཟློག །ཟབ་མོའི་ངེས་པར་བཤད་ཀྱིས་ཉོན། །རླུད་དང་མཁྲིས་པ་བད་ཀན་དང་། །གཉིས་འདུས་པ་དང་གསུམ་འདུས་པ། །དེ་ཡི་ཕྱེད་དང་ཆ་བཅུ་གཉིས། །རིམ་པ་དུས་དང་ངེས་སྦྱར་ནས། །རྒྱུ་གཉིས་དག་ལ་རྐྱེན་བརྒྱད་ནི། །ཚ་དང་གྲང་བ་ངོས་བཟུང་སྟེ། །ཕྱི་ནང་ཡུལ་གཉིས་ཟུང་སྦྱར་ལ། །ལུས་དང་ཡན་ལག་མཁས་པས་དབྱེ། །སྟོད་སྨད་བར་ཀྱི་གནས་སྦྱར་ཏེ། །གནས་གསུམ་ལྡན་པས་ནད་རྣམས་གདོན། །ལུས་ཀྱིས་འཁྲུལ་འཁོར་སྣ་ཚོགས་དང་། །བཅུད་ཀྱིས་གཅུན་པའི་ལས་མཐའ་ཡིས། །འབྱུང་བའི་ནད་ཀུན་ཕྱིར་ལ་དྲངས། །ལུས་དང་ཡན་ལག་ཕྱི་ནང་གིས། །ངེས་པར་སྦྱར་ཏེ་སེམས་ལྡོག་བྱའོ། །ངག་གིས་སྒྲ་སྐད་སྣ་ཚོགས་དང་། །ཡི་གེ་བརྡའ་སྦྱོར་སྣ་ཚོགས་དང་། །གནས་དང་བརྗོད་མེད་དོན་གྱིས་བྱའོ། །སེམས་ནི་ས་ཆུ་མེ་རླུ་་དང་། །དམིགས་པ་སྣ་ཚོགས་ནད་དང་སྦྱར། །བཟློག་པ་དབང་པོའི་གནད་ཀྱིས་སོ། །སོ་སོའི་གྲངས་དང་ཚད་ཀྱིས་ནི། །ངེས་པར་རྟགས་ཚད་གྲོལ་མཚམས་ཀྱི། །དུས་ཚོད་ངེས་པར་ཤེས་པ་ཡིས། །རང་ལུས་ནད་ལས་གྲོལ་བ་དང་། །གཞན་ལུས་རྟེན་འབྲེལ་སྦྱོར་བ་ཤེས། །འདི་ལྟར་བྱས་པས་དོན་འགྲུབ་པའོ། །དྲིསལནཞེདྲུགཔའོ། །གྲུབ་མཐའི་དགོངས་པ་རྣམ་གཉིས་ཏེ། །འཇིག་རྟེན་ལམ་འཇུག་དགོངས་པ་དང་། །དམ་པ་དོན་གྱི་དགོངས་པའོ། །སོ་སོའི་གཞི་དང་དབང་པོ་ཡིས། །འཇིག་རྟེན་པ་དང་འདས་པ་ཡིས། །ཐེག་པ་དག་ནི་གཉིས་སུ་འདོད། །གཞི་ནི་འཇིག་རྟེན་པ་ཡིན་ཏེ། །འདི་ལས་འདོད་པ་གཉིས་ཡིན་ནོ། །འདས་པ་རྒྱུ་དང་འབྲས་བུ་ལས། །རྒྱུ་ལ་གསུམ་ལ་འབྲས་བུར་གཉིས། །གཉིས་པོ་ལས་ཕྱེ་དྲུག་ཏུ་འགྱུར། །འདི་ལྟར་དབང་པོའི་རིམ་པས་སོ། །དེ་ལྟར་དགུ་ལ་བརྟེན་ནས་ནི། །ཁམས་གསུམ་པོ་ཡང་ཡང་དག་གི །ལམ་དུ་འཇུག་པར་བྱེད་པའོ། །དམ་པའི་དོན་ནི་བློ་བྲལ་ནས། །དབང་པོ་ཅིག་ཆར་རང་གྲོལ་བས། །མངོན་སུམ་མཐོང་བའི་གནད་ཀྱིས་ནི། །རང་གི་གྲུབ་པའི་མཐའ་ཞིག་ནས། །གང་ལ་ཞེན་དང་འཛིན་མེད་པར། །ཡང་དག་ཆོས་ཉིད་རོ་མྱངས་ནས། །ཁམས་གསུམ་འཁོར་བའི་རྟེན་མེད་པར། །མཁའ་ལ་མཁའ་ཉིད་ཐིམ་ལ་ལྟར། །རྣལ་འབྱོར་མཆོག་ཀྱང་དེ་བཞིན་ནོ། །དྲིསལནཞེབདུནཔ། །མཐར་ཐུག་པ་ཡི་དགོངས་པ་ནི། །བསྐྱེད་པའི་མཐའ་ནི་ལུས་ཡིན་ཏེ། །དེ་ཉིད་ལྷ་དང་ཟུང་འཇུག་པས། །དངོས་པོ་ཟད་པ་ཉིད་ལ་ཐུག །རྫོགས་པའི་རིམ་པ་ཉིད་ཀྱི་མཐའ། །འགྱུ་ཞིང་འཛིན་པར་བྱེད་པས་ན། །རླུད་དང་ཤེས་པ་ཟུང་འཇུག་པའོ། །སྣང་བ་ཟད་པ་ཉིད་ལ་ཐུག །གྲུབ་པའི་མཐའ་ཡི་བརྗོད་བྱ་ལ། །རང་གཞན་འདོད་པ་ཟུང་འཇུག་པས། །རང་ངོ་ཤེས་པ་ཉིད་ལ་ཐུག །ཕྱག་རྒྱ་ཆེན་པོ་ཉིད་ཀྱི་མཐའ། །བསྒྱུར་བ་བདེ་བ་དག་ཡིན་ཏེ། །བདེ་དང་སྟོང་པ་ཟུང་འཇུག་པས། །ཡིད་ལ་བྱེད་པ་མེད་ལ་ཐུག རང་བཞིན་རྫོགས་པ་ཆེན་པོའི་མཐའ། །ཆོས་རྣམས་རང་སར་བཞག་པ་སྟེ། །སྣང་ཤེས་ཆོས་ཉིད་ཟུང་འཇུག་པས། །ཡེ་གྲོལ་ཅོག་བཞག་ཉིད་ལ་ཐུག །དགོངས་པ་བློ་ལས་འདས་པ་དང་། །མཚན་བཅས་རང་སར་དག་པ་དང་། །སྟོང་དང་དངོས་པོའི་མཐའ་གྲོལ་དང་། །འགྱུ་ཟད་རྟོག་པ་མེད་པ་དང་། །བློ་ཟད་ཡིད་ལས་འདས་པའོ། །དྲིསལནཞེབརྒྱདཔ། །ཨེ་མ་གསང་སྔགས་མཐར་ཐུག་པའི། །བསྒྲུབ་པའི་རིམ་པ་གྲངས་མང་ཡང་། །གཙོ་བོས་རྣམ་པར་ཕྱེ་བ་ཡི། །ཐབས་དང་ཤེས་རབ་མཆོག་ཏུ་ཟབ། །དེ་ཉིད་ལས་ནི་ཉེར་བསྡུས་པ། །རེ་ཞིག་ཤེས་རབ་རྣམ་པར་བཤད། །བྱིན་རླབས་སྟོན་པ་རྣལ་འབྱོར་མ། །འདི་ལས་བསྒྲུབ་པ་བདུན་དུ་འཀྱུར། །བསྙེན་པ་བསྒྲུབ་པ་ལས་ཀྱི་མཐའ། །སོ་སོའི་སྔགས་རབ་མཆོག་ཏུ་ཟབ། །ཅི་ལྟར་ཡི་གེའི་སྦྱོར་འབྲེལ་གྱིས། །སོ་སོའི་རྩ་བའི་སྔགས་བཟུང་ལ། །སྒྲུབ་པ་པོས་ནི་བཟླས་པ་བརྩམ། །སྐྱེད་པར་བྱེད་པའི་གསལ་བྱེད་ལས། །སོ་སོའི་ཁ་དོག་གིས་ཕྱི་ནས། །ཆོ་གའི་ཡན་ལག་ཀུན་རྫོགས་ཏེ། །བཅོམ་ལྡན་འདས་མའི་གཟུགས་སུ་སྡང་། །ཡེ་ཤེས་དབང་བསྐུར་གྱིས་བརྒྱན་ཏེ། །དངོས་གྲུབ་འདོད་པས་རྟག་ཏུ་བསྒོམ། །ཨུ་ལི་ཀྭ་ལིའི་ཕྲེང་བ་ལ། །དམིགས་ཏེ་རྣལ་འབྱོར་བློ་གནས་བྱའོ། །རྒྱས་གདབ་སེམས་ལ་རྫོགས་པ་བརྟེན། །སླར་གསོ་ཡེ་ཤེས་ལུས་ཀྱིས་ནི། །ཡང་ནས་ཡང་དུ་གོམས་སྤྱོད་ན། །དྲུག་དང་བདུན་དང་དགུ་སྟེ་གཅིག །གཉིས་དང་གསུམ་དང་ལྔ་ཡིས་ནི། །གདོན་མི་ཟ་བར་འགྲུབ་པའོ། །དངོས་གྲུབ་སྟོན་པའི་འོད་ཟེར་ཅན། །འདི་ལ་བསྒྲུབ་པ་གསུམ་དུ་འགྱུར། །གསལ་བྱེད་ཕྲེང་བ་ནང་སྡེབས་ཀྱིས། །འདི་ཡིས་སོ་སོའི་སྔགས་ཀྱང་ཤེས། །དེ་ལ་བསྙེན་བསྒྲུབ་སྔར་དང་མཚུངས། །ཡན་ལག་འདུས་པའི་ཆོ་ག་ལས། །ལྷ་མོའི་མདོག་དང་ཞལ་ཕྱག་ནི། །གསལ་བར་རྣལ་འབྱོར་ལུས་གནས་ཏེ། །ཐུགས་ཀྱི་འོད་ཀྱི་ཕྲེང་བ་ལས། །དམིགས་པ་ཅི་འདོད་གསོལ་བ་གདབ། །སེམས་ནི་ཡི་གེ་རབ་གསལ་ཏེ། །ཟུང་འཇུག་རྫོགས་པ་ཆེན་པོར་བཞག །དེ་ལྟར་རྟག་ཏུ་བསྒོམ་པའམ། །ཡང་ན་ཐུན་དྲུག་རྒྱུན་བརྟེན་ན། །དགུ་དང་བདུན་དང་ལྔ་ཡིས་ནི། །ངེས་པར་འགྲུབ་པར་གདོན་མི་ཟའོ། །ལས་རྣམས་སྟོན་པ་ཙན་ཏི་ཀ །འདི་ཉིད་ལ་ཡང་སྒྲུབ་པ་གསུང་། །དབྱིངས་ཀྱི་ཡི་གེ་འཕྲུལ་སྡེབས་་ཀྱིས། །འདི་རྣམས་སྔགས་ཀྱང་ཤེས་བྱས་ལ། །ཆོ་ག་ལྡན་པའི་རྣལ་འབྱོར་པས། །རང་སེམས་དག་པ་གནས་བསམས་ཏེ། །ལྷ་མོའི་གཟུགས་ཀྱི་མདོག་གསུམ་ལ། །ཡི་གེ་གཞུག་པའི་སྦྱོར་བ་ཡིས། །མི་མཐུན་མཚན་ཉིད་བསལ་བ་ལ། །ལས་ནི་སོ་སོའི་ཁྲོ་མོ་བསྒོམ། །ལས་རྫོགས་ནས་ནི་སྟོང་པ་ཡི། །སེམས་ཀྱི་རྣལ་འབྱོར་རྫོགས་པའོ། །དེ་ལྟར་རྟག་ཏུ་བསྒོམས་པ་ཡིས། །གཅིག་དང་གཉིས་དང་གསུམ་གྱིས་ནི། །འདོད་པའི་དོན་ཀུན་འགྲུབ་པའོ། །ཐབས་ཀྱི་སྒྲུབ་པ་ཟབ་མོ་ཉིད། །མདོར་བསྡུས་པས་ནི་གཤད་པར་བྱའོ། །ལས་ཀྱི་མཐརཐུགགཤིནརྗེའིབཤད། །འདི་ལ་སྒྲུབ་པ་གཉིས་ཡོད་དེ། །ཨུ་ལི་ཀྭ་ལི་མཉམ་སྦྱར་བས། །དེ་ཡི་སྔགས་ཀྱང་ཤེས་པར་བྱ། །འཁོར་ལོའི་ལས་རྣམས་རྫོགས་བྱས་ཏེ། །ཆོ་གའི་དགོངས་པ་ཚང་བ་ལས། །ཅི་ལྟར་མོས་པའི་ཡི་གེ་ནི། །ཁ་དོག་ངེས་པར་བསམ་བྱས་ཏེ། །གཤིན་རྗེའི་གཤེད་ཀྱི་རྣལ་འབྱོར་བྱའོ། །གཅིག་ལ་ལས་ཀྱི་མཐའ་བསྒྱུར་ཏེ། །ཅི་ལྟར་འདོད་པའི་མོས་པས་བསྟེན། །གཅིག་ནི་ཡི་གེའི་རྫོགས་པ་ལ། །རྣལ་འབྱོར་པ་ཡི་སེམས་གནས་བྱའོ། །ནུས་པའི་མཐར་ཐུག་མི་གཡོ་མགོན། །འདི་ལ་སྒྲུབ་པ་གསུམ་ཡོད་དེ། །ཨུ་ལི་ཀྭ་ལི་སོ་སོའི་འབྲེལ། །དེ་རྣམས་སྔགས་ནི་ཤེས་པར་བྱ། །བསྲུང་བའི་དམ་ཚིག་ལྔ་པོ་ལ། །ཆོ་ག་རྣམས་ནི་རྫོགས་བྱས་ཏེ། །རྒྱལ་བ་མི་གཡོ་མགོན་པོའི་སྐུ། །དད་པས་ངེས་པར་རང་ལུས་བསམ། །ལྕགས་ཀྱུ་ཡི་ནི་འོད་ཟེར་གྱིས། །དགུག་དང་བསད་བསྐྲདཀྱང།དང་བཅིངས་པའི་ལས། །རང་གིས་ཅི་ལྟར་འདོད་པ་སྨྲ། །རྫོགས་པའི་བྱང་ཆུབ་དོན་དུ་བསྔོ། །འདི་ལྟར་བསྒྲུབ་པ་ཟབ་མོ་ཉིད། །གཤིན་རྗེའི་གཤེད་ནི་འབུམ་ཕྲག་གསུམ། །གཉིས་དང་ལྔས་ནི་རྣལ་འབྱོར་རྫོགས། །མི་གཡོ་འབུམ་ཕྲག་གཅིག་དང་ནི། །དེ་བཞིན་གཉིས་དང་གསུམ་གྱིས་འགྲུབ། །ཟབ་མོའི་དོན་གྱི་བསྒྲུབ་པ་གཉིས། །མདོར་བསྡུས་ངེས་པར་དྲིལ་བ་ཡིན། །འདི་ལ་ཐེ་ཚོམ་སུས་ཟ་བ། །སངས་རྒྱས་ཉིད་ཀྱི་བཀའ་བཅག་གོ །དེ་ཕྱིར་ངེས་པར་འགྲུབ་པའོ། །དྲིསལནཞེདགུཔ། །གནས་ལུགས་འདུག་ཚུལ་འདི་ལྟ་བུ། །བཤད་ན་ཉན་ཐོས་རང་སངས་རྒྱས། །རབ་ཏུ་སྐྲག་ཏེ་བརྒྱལ་བར་འགྱུར། །དེས་ན་མཆོག་ཏུ་གསང་བར་བྱའོ། །བརྟག་པ་མེད་པའི་ཆོས་རྣམས་ནི། །བྱུང་བ་མེད་པའི་གཞི་ཞེས་བྱ། །དེ་ལ་གནས་པ་མེད་པའི་ཕྱིར། །དངོས་དང་སྟོང་པ་གང་མི་གནས། །གསལ་དང་མུན་པ་སྲིད་འབྱུང་མིན། །འགྲོ་འོང་སྲིད་མཐའ་མེད་ཕྱིར་རོ། །འབད་ཅིང་རྩོལ་བས་མ་བཅིངས་པས། །ཟང་མ་ཉིད་དང་ཐལ་བྱུང་ངོ་། །རྒྱ་ཆད་ཕྱོགས་ལྷུང་མེད་པའི་ཕྱིར། །དགེ་དང་སྡིག་པའང་འགྲུབ་པ་མེད། །དགེ་སྡིག་གཉིས་ཀ་སེལ་ཕྱིར་རོ། །འཁོར་དང་འདས་པ་མི་གནས་པས། །ཆོས་ཉིད་སྟོང་པ་ཀུན་ཁྱབ་ཕྱིར། །ཡེ་ཤེས་རང་ངོར་གནས་པ་ལས། །གསུམ་གྱི་ཚུལ་དུ་དབྱེར་མེད་དོ། །དྲིསལནལྔ་པ། །འདི་ལྟར་གཞན་དུ་མ་བཤད་པའི། །འཁྲུལ་པའི་རྩིས་སྦྱོར་ངོ་མཚར་ཅན། །ང་ཡིས་བཤད་ཀྱིས་ལེགས་པར་ཉོན། །རྩ་བ་ཡི་ནི་རྟེན་འབྲེལ་ལས། །སོ་སོའི་ལུས་ཀྱི་འབྱུང་བ་དང་། །རྟེན་འབྲེལ་འཁོར་ལོའི་འབྲེལ་སོ་ཡིས། །འཁྲུལ་པའི་དུས་ཚོད་ངེས་བཟུང་སྟེ། །རགས་པར་གནས་པའི་དུས་དག་ལས། །རྣལ་འབྱོར་སེམས་ཀྱི་འཁྲུལ་ངོས་བཟུང་། །འཁྲུལ་དུས་གནས་དུས་བཟློག་པའི་དུས། །བྱེ་བྲག་གསུམ་ལས་བཅུ་གཉིས་ཚད། །མཐའ་ལྡན་ཚད་ཀྱི་འཁྲུལ་འཁོར་གྱིས། །རེ་མིག་རྣམས་ནི་མཁས་པས་བཟུང་། །དུས་དང་གྲངས་དང་ཉེར་ལེན་གྱིས། །ཕུང་པོ་ཁམས་ལ་སོགས་པར་སྦྱར། །ལྡོག་པར་བྱེད་པའི་གནད་ཀྱིས་ཀྱང་། །ལུས་ཅན་སོ་སོའི་འཁྲུལ་པ་བཟློག །དྲིསལནངགཅིགཔ། ཁྲེས་བྱ་རང་གི་མཚན་ཉིད་ལ། །སྤྱི་དང་བྱེ་བྲག་འགྱུར་ཤེས་ཀྱིས། །སོ་སོའི་འདོད་པ་ཐ་དད་ཀྱང་། །འཇིག་རྟེན་ཡིད་དཔྱོད་བལྟ་བ་ཡི། །སྤྲོས་པ་ལ་དགའི་བློ་རྣམས་ཀྱིས། །རེ་ཞིག་ཚིག་དང་བཅས་པ་སྤྱོད། །ལུགས་སུ་ཁྱད་པར་སྡེབས་གཉིས་ཀྱི། །འདུ་ཤེས་ཅན་དག་མཐའ་ལ་འཇོག །མངོན་སུམ་གནད་ཀྱི་མན་ངག་གིས། །འཁོར་འདས་འབྱེད་པའི་སྤྲོས་པ་གཅོད། །བསྒོམ་པ་གནད་ཀྱི་འཁོར་ལོ་ཡིས། །རླུང་སེམས་འབྲེལ་པའི་སྤྲོས་པ་གཅོད། །ཤེས་འཇུག་ལམ་གྱི་རིམ་པ་ཡིས། །ཐེ་ཚོམ་འཁྲུལ་པའི་བློ་རྣམས་གཅོད། །དྲིསལནངགཉིསཔ། །བླ་མ་རྡོ་རྗེ་འཆང་ཆེན་གྱིས། །རིམ་པ་རྣམ་པར་བཤད་པར་བྱའོ། །མཚན་ཉིད་རྫོགས་པའི་བླ་མ་ནི། །ཡོན་ཏན་ཀུན་གྱི་འབྱུང་ཁུངས་ཤིང་། །རྫོགས་པའི་བྱང་ཆུབ་གཞི་འཛིན་པའོ། །རྩ་བ་ཡན་ལག་བླ་མ་གཉིས། །སོ་སོའི་མཚན་ཉིད་ཚང་བ་ལ། །རྒྱལ་སྲིད་དང་ནི་རང་གི་ལུས། །འཁོར་དང་ལོངས་སྤྱོད་རྣམས་ཀྱིས་བསྟེན། །ལུས་ངག་སྤྱོད་པས་མཉེས་པ་ཡི། །བླ་མ་སངས་རྒྱས་མཉམ་སྦྱོར་བསྟེན། །དད་དང་ཤེས་རབ་ལྡན་པ་དང་། །མོས་ཤིང་འཁྲུལ་པ་མེད་པ་དང་། །བརྗོད་བྱ་རྣམས་ནི་འཁྲུལ་ནོར་མེད། །དབང་པོ་གསལ་བས་བླ་མ་བསྟེན། །བསྟེན་པ་དེ་ལས་ཡོན་ཏན་ནི། །དཔག་བསམ་ཤིང་དང་ཡིད་བཞིན་ནོར། །འདོད་འཇོའི་བ་དང་འདྲ་བ་ཡི། །ཡོན་ཏན་དཔག་ཏུ་མེད་པ་འཐོབ། །དེ་ལ་དམིགས་ཏེ་བླ་མ་བསྟེན། །འཁོར་བའི་གཡུལ་ལས་བཟློག་ཕྱིར་རོ། །དྲིསལནངགསུམཔ། །ཕྱི་རོལ་འབྱུང་རྟགས་སྲ་བ་དང་། །ཚ་ཞིང་བསྲེག་དང་སྡུད་ཅིང་བརླན། །ཡང་ཞིང་འབྱེད་དང་ཁྱབ་པ་ཉིད། །འབྱུང་བའི་བསླབ་བྱའི་དུམ་བུ་ཡི། །རྣལ་འབྱོར་པ་ཡི་ལུས་ངག་གིས། །འདི་དག་་རྣམས་ཀྱང་འཛིན་པ་སྟེ། །བཅུ་གཉིས་ལོ་ཡི་དུས་ངེས་དང་། །རང་དང་མཐུན་པར་ལེགས་སྦྱར་ཏེ། །སོ་སོའི་དུས་ཀྱི་དང་པོ་ལ། །སྒྲ་དང་གདམས་སྨྲདངགཝབཡངབྱུང།ངག་ལ་སོགས་ཏེ། །དམིགས་ཀྱི་ཆོ་འཕྲུལ་བཅུ་གཉིས་ལས། །ལྷ་རྣམས་ཀྱིས་ནི་འཇིག་རྟེན་ལྷ། །སྐྱོང་བར་བྱེད་པ་བཅུ་གཅིག་ལ། །ཐན་དུ་ངེས་པར་དམིགས་བྱས་ཏེ། །འཛམ་བུ་གླིང་དུ་སྣང་བར་བྱེད། །ནམ་མཁའ་དག་གི་ཡལ་ལུགས་ཀྱིས། །ཆོ་འཕྲུལ་གྱིས་ཀྱང་ངེས་པར་དབྱེ། །འཛམ་གླིང་རང་སའི་ཕྱོགས་བཟུང་སྟེ། །ཤར་ལསོགས་པའི་རྒྱལ་པོ་དང་། །མི་ཆེན་དམངས་ལ་སོགས་པ་ལ། །དགེ་དང་མི་དགེ་ངེས་པར་སྟོན། །དེ་བཞིན་རྒྱལ་ཁམས་ལེགས་ཉེས་དང་། །དགེ་དང་མི་དགེ་མཁས་པས་བརྟགས། །འདི་ནི་དངོས་པོའི་གྲུབ་པ་བརྙེས། །འཇིག་རྟེན་མངོན་ཤེས་ངེས་འགྲུབ་བོ། །དྲིསལནངབཞི་པ། །དུས་ནི་ལས་འཕྲོ་སད་པ་དང་། །འབྱུང་བའི་འགྱུར་དང་སེམས་ཀྱི་གནད། །འཁྲུལ་པ་དག་པས་རང་དུས་རྙེད། །དེ་ཡི་བཟློག་པའི་དུས་ཡིན་ནོ། །བསྟན་པའི་ཐབས་ནི་སྟོང་པ་དང་། །སྟོང་པ་ཉིད་དང་མཐར་བྱེད་དེ། །ལྷག་མ་གང་ཟག་སོ་སོའི་དུས། །གོང་དུ་བསྟན་པ་ཉིད་དང་མཚུངས། །དྲིསལནངལྔཔ། །ཨེ་མ་ལྷ་བདག་དབང་ཕྱུག་ཉིད། །དད་ལྡན་སྐལ་པ་ཆེན་པོ་ཉོན། ཁུད་གཞན་དག་ཏུ་སྦས་པ་ཡི། །སུས་ཀྱང་ཤེས་པ་མེད་པ་ཡི། །དབང་བསྐུར་བ་ཡི་ཆོ་ག་བཤད། །ཕྱི་དང་ནང་དང་གསང་བ་དང་། །གསང་བ་ཡོངས་སུ་རྫོགས་པའོ། །སྡེབས་ནི་རྣམ་པ་བཞི་དག་གིས། །འགྲོ་བའི་ལུས་ངག་ཡིད་སེམས་བཞི །རྣམ་པར་དག་པར་བྱ་བའི་ཕྱིར། །དབང་ནི་རྣམ་པ་བཞི་ཡིས་ཀྱང་། །སྐལ་བར་ལྡན་པ་སྨིན་པར་བྱའོ། །སྤྲོས་བཅས་ཉིད་དང་སྤྲོས་མེད་དང་། ཁྲེན་ཏུ་སྤྲོས་པ་མེད་པ་དང་། །དེ་བཞིན་རབ་ཏུ་སྤྲོས་པ་མེད། །དབྱེ་བ་བཞི་ཡི་ཚུལ་གྱིས་ནི། །དད་ལྡན་རང་རྒྱུད་སྨིན་པར་བྱེད། །སྤྲོས་པ་ཅན་གྱི་དོན་དུ་ཡང་། །བསྙེན་པ་བསྒྲུབ་པ་ཉེ་བར་བསྙེན། །མཚན་ཉིད་ཚང་བའི་བླ་མས་བྱ། །གཞན་ཡང་ས་ཡི་ཆོ་ག་དང་། །སྟ་གོན་ཐིག་དང་ཚོན་དགྱེ་དང་། ཁུད་ལས་འབྱུང་བའི་དཀྱིལ་འཁོར་བཞེངས། །དེ་ནས་དབང་བསྐུར་ཆོ་ག་ཡང་། །ཉན་ཐོས་ཐེག་པ་ནས་བརྩམས་ཏེ། །རིམ་པ་བརྒྱད་པོ་རྫོགས་བྱས་ནས། །རྫོགས་ཆེན་རིག་པ་རྩལ་དབང་བསྐུར། །དེ་དག་སོ་སོའི་དགོས་པ་དང་། །འཇུག་ཅིང་ནུས་པའི་ཁྱད་པར་བཤད། །སྤྲོས་མེད་དད་ལྡན་འཇུག་སྨིན་ཕྱིར། །སྤྲོས་པ་མེད་པའི་དབང་མཆོག་ནི། །མཎྜལ་བུམ་པ་ལ་བརྟེན་ནས། །ཚིགས་སུ་བཅད་པའི་དབང་སྦྱིན་བྱ། ཁེན་ཏུ་སྤྲོས་པ་མེད་པ་ལ། །འཁོར་འདས་རུ་ཤན་འོག་་བཞིན་དབྱེ། །དེ་ཚེ་ནམ་མཁའི་མཚན་ཉིད་ལས། །ལུས་ངག་ཡིད་ཀྱི་སྒྲིབ་པ་སྤང་། །མཚན་ཉིད་ཀྱིས་ནི་ངེས་པར་བརྟགས། །གལ་ཏེ་སྤྱོད་པ་མ་དག་ན། །རང་རང་མཐུན་པའི་དགེ་བས་སྦྱང་། །དབང་ནི་བརྡ་ལ་བརྟེན་པ་ཡིས། །རང་རིག་གསལ་བའི་རང་ངོ་འཕྲོད། །བརྡ་འགྲོལ་མན་ངག་མཁས་པས་བྱ། །རབ་ཏུ་སྤྲོས་པ་མེད་པ་ལ། །སེམས་ཀྱི་དཀྱིལ་འཁོར་སྒོ་པྱེ་ལ། །ལུས་ཀྱི་འདུག་སྟངས་ངེས་པར་བརྩམ། །དེ་ལ་གོམས་ཏེ་གཟིགས་སྟངས་སྦྱར། །མངོན་སུམ་རིག་པ་ལུང་གི་བརྡའོ། །དྲིསལནངདྲུགཔ། རྟོག་མེད་སེམས་དཔའ་ལྷ་ཡི་བུ། །དགའ་བྱེད་དབང་ཕྱུག་མགུ་བྱའི་ཕྱིར། །དབང་བརྟེན་པ་ཡི་དམ་ཚིག་བཤད། །བྱེ་བྲག་བརྗོད་ཀྱིས་མི་ལངས་ཀྱང་། །མདོར་བསྡུས་སྐུ་དང་གསུང་དང་ཐུགས། །རྣལ་འབྱོར་ལུས་ངག་ཡིད་ལ་སྦྱར། །དམིགས་པ་བླ་མ་རྡོ་རྗེ་མཆེད། །བསྲུང་བའི་ཡུལ་གྱི་རྣམ་པར་དབྱེ། །སྡོམ་པ་ལུས་དང་ངག་ཏུ་འདུས། །རྡོ་རྗེ་གསང་བའི་གནས་གཟུང་བྱའོ། །དྲི་ལནངབདུནཔ། །ཡང་ནི་ལྷ་དབང་དགའ་བྱེད་ཉོན། །ཚིག་བརྗོད་གྲུབ་མཐའི་རྣམ་གྲངས་ཀྱིས། །རིམ་པ་དགུ་ནི་ཡིད་དཔྱོད་པས། །མངོན་སུམ་གནད་དང་བྲལ་བ་ལ། །མ་འོངས་གདུལ་བྱའི་སེམས་ཅན་རྣམས། །ཚིག་ལ་ཡིད་ཆེས་བྱེད་པ་འབྱུང་། །རྟོག་པ་རགས་པའི་སེམས་ཅན་རྣམས། །ཚིག་ལ་སྤྱོད་ཕྱིར་སྨེན་པ་མིན། །འདི་ཡི་བསྟན་པ་ཐ་མའི་དུས། །མོས་པ་སྤྱོད་པའི་ས་ཞེས་བྱའོ། །དྲིསལནངབརྒྱདཔ། །ཚིག་འདས་སྤྲོས་པ་ཡོངས་རྫོགས་ཆེ། །གསང་བ་ངེས་པའི་རྒྱུད་འདི་ནི། །མངོན་སུམ་ལམ་ལ་བརྟེན་པ་ཡི། །རང་ཤེས་རིག་པར་འདུས་པའོ། །སངས་རྒྱས་ཐམས་ཅད་བསྡུས་པ་ཡི། །རང་རིག་ངེས་པའི་ཆོས་ཉིད་ནི། །མཉམ་ཉིད་འདྲེས་པ་མེད་པས་སྤྱད། །དེ་ནི་ཚིག་འདས་རིམ་པའོ། །དྲིསལནངདགུཔ། །མངོན་སུམ་གནད་ནི་ལུས་ངག་སེམས། །སོ་སོའི་གནད་རྣམས་ངེས་པར་བསྟུན། །དེ་ཡང་ལུས་ནི་སྐུ་གསུམ་ལས། ཁུན་དུ་འདའ་པར་མི་བྱའོ། །ངག་ནི་བསླབ་་ཀྱང།དང་གནས་པ་དང་། །ལ་བཟླ་བ་ཡང་བསྟན་པར་བྱའོ། །སེམས་ནི་དབྱིངས་ལ་གཏད་པས་འགྲུབ། །གནད་གསུམ་མན་ངག་འབྲལ་མི་བྱ། །དེ་ཡང་སྒོ་དང་ཡུལ་ཉིད་དང་། །རླུད་དང་རིག་པའི་གནད་ཉིད་བརྟེན། །སྒོ་ནི་སྐུ་གསུམ་མིག་གིས་བལྟ། །ཡུལ་ནི་སྒྲིབ་བྱེད་བྲལ་བའོ། །རླུད་རིག་དལ་བས་ཡེ་ཤེས་འགྲུབ། །དེ་ལ་སྣང་བ་བཞིར་འགྱུར་ཏེ། །ཆོས་ཉིད་མངོན་སུམ་སྣང་བ་ཡིས། །ཡིད་དཔྱོད་འཛིན་པའི་ཚིག་ལས་འདས། །གོང་དུ་འཕེལ་བའི་ཉམས་ ང་གིས། །འཁྲུལ་བའི་ ང་བ་ བ་པར་བྱེད། །རིག་པ་ཚད་ཕེབ་ ང་བ་ཡིས། །སྐུ་གསུམ་་གས་པའི་ལམ་ ང་འདས། །ཆོས་ཉིད་ཟད་པའི་ ང་བ་ཡིས། །ཁམས་གསུམ་འཁོར་བའི་རྒྱུན་ཐག་བཅད། །དེ་ལ་མཐའ་བརྟེན་ཡིད་ཆེས་བྱའོ། །མི་འགུལ་གསུམ་ལ་གཞི་བཅས་པས། །རླུ་་སེམས་གནད་ལ་ཕེབ་པའོ། །སྡོད་པ་གསུམ་གྱིས་ཚད་བཟུང་བས། །རྨི་ལམ་བཟློག་དང་ལུས་ངག་ཡིད། །རྟགས་དང་ཚད་ནི་ངེས་བཟུང་བའོ། །ཐོབ་པ་གསུམ་གྱིས་གཟེར་བཏབ་པས། །ཟག་བཅས་ཕུང་པོ་མི་སྣང་བའོ། །དྲིསལནདྲུགཅུཔའོ། །ཨེ་མ་ངོ་མཚར་ཆེ་བ་ཡི། །འཁོར་འདས་རུ་ཤན་མ་ཕྱེས་ན། །ཁམས་གསུམ་ལུས་ངག་ཡིད་ཀྱི་ཡང་། །འབྲེལ་བ་ཆོད་པར་མི་འགྱུར་བས། །འཁོར་འདས་རུ་ཤན་ཕྱེ་བ་བཤད། །འདི་ལ་རྣམ་པ་གསུམ་ཡོད་དོ། །ལུས་ནི་འགྲོ་དང་འདུག་པ་དང་། །གབ་ཞིང་འཁྲུལ་འཁོར་སྣ་ཚོགས་དང་། །ཡན་ལག་འཕེན་ཞིང་སྡུད་པ་དང་། །བྱ་བྱེད་རྣམ་པ་སྣ་ཚོགས་བརྟེན། །དྲན་པའི་སེམས་ཉིད་མངོན་བསླངས་ཏེ། །འགྲོ་དྲུག་གཟུགས་ཀྱི་སྤྱོད་པ་རྣམས། །སེམས་ཀྱིས་བླངས་ཏེ་ལུས་ཀྱིས་བྱའོ། །དེ་ལྟར་སུ་ཡིས་སྤྱོད་ནུས་ན། །ཅི་ལྟར་བརྩམས་པ་ཕྱིས་རྒྱུན་ཆད། །འདི་ལ་དགོངས་པ་རྣམ་པ་གཉིས། །ཐུན་མོང་མཆོག་གི་དབྱེ་བས་བརྟགས། །དེ་ལྟར་རྟགས་དང་ཚད་ཕེབས་ན། །རྣལ་འབྱོར་པ་ཡི་དག་སྤྱོད་བརྩམ། །བརྗོད་པ་རྟོག་པའི་རངབཞིནཕྱིར། །སྒྲསྐདརྣམ་པ་སྣ་ཚོགས་པ། །ཅི་སྨྲས་ལྡོག་པ་མེད་པའི་ཕྱིར། །ལྷ་དང་ཀླུ་དང་གནོད་སྦྱིན་དང་། །དྲི་ཟ་གྲུལ་བུམ་ཁྱབ་འཇུག་གི །སྐད་ནི་བཟང་ངན་བྱེ་བྲག་བརྗོད། །མདོར་ན་འགྲོ་བ་དྲུག་གི་སྐད། །སེམས་ཀྱི་དྲན་བསམ་ངག་གིས་བརྗོད། །འདིར་ཡང་དགོས་པ་རྣམ་པ་གཉིས། །མཆོག་དང་ཐུན་མོང་མཐའ་ཡི་དབྱེ་བའོ། །དེ་ལྟར་ཚད་ལ་ཕེབས་ནས་ཀྱང་། །རྣལ་འབྱོར་པ་ཡིས་སེམས་སྦྱང་བྱ། །འདས་དང་མ་འོངས་ད་ལྟར་གྱི། །དྲན་བསམ་འཕྲོ་འདུའི་འཁོར་ལོར་བརྟེན། །དགའ་དང་མི་དགའ་བཟང་ངན་སེམས། །ཡོད་མེད་སྣ་ཚོགས་ཐམས་ཅད་ལ། ཕྱི་རུ་བརྟགས་ཏེ་ནང་དུ་བསམ། །ཅི་ལྟར་བསམ་པའི་དྲན་པ་ཉིད། །ཕྱི་ནས་སྐྱེ་རྒྱུན་འཆད་པར་ངེས། །འདི་ཡི་དགོས་པ་གོང་གིས་དབྱེ། །དེ་ལྟར་སྤྱོད་པ་རྫོགས་བྱས་ན། །མངོན་སུམ་གནད་ལ་རྟག་ཏུ་འགེལ། །དེ་རྫོགས་ཁམས་གསུམ་འཇུག་པ་མིན། །རབ་ཏུ་གསང་སྟེ་བསྟན་པར་བྱའོ། དྲིསལནརེ་གཔ། །གལ་ཏེ་ལུས་ཀྱི་སྤྱོད་པ་ལ། །བརྟེན་ནས་ནང་རླུད་འཛིན་འདོད་པས། །རླུད་འཛིན་སྤྱོད་པ་ཉེར་གཅིག་ནི། །རྣལ་འབྱོར་པ་ཡིས་བྱེད་སྤྱོད་ན། །རླུད་ལ་གོམས་ཏེ་ལུས་འབྱོངས་འགྱུར། །རྒྱན་ཆ་དག་ནི་ལྡན་པ་ལ། །གནས་སུ་རྟེན་འབྲེལ་འཁོར་ལོ་བྱ། །རླུད་དང་ཤེས་པ་རྒྱན་ལ་གཏད། །འགྲོ་ཞིང་མིག་གི་ལྟ་སྟངས་སྦྱར། །འདུག་པའི་ཚེ་ན་སེམས་འཕང་ངོ་། དྲིསལནརེགཉིསཔ། །སེམས་འཛིན་བསླབ་པ་ཉེར་གཅིག་གིས། །དང་པོ་གནས་སུ་གཞུག་པ་དང་། །གཉིས་པ་ལུས་སེམས་འབྲལ་བ་དང་། གསུམ་པ་ཆོས་ཉིད་མཐོང་བའོ། །འདི་དུས་ལུས་ངག་སེམས་ཀྱི་གནད། །རྣལ་འབྱོར་ལྡན་པས་རྣལ་དབབ་བྱའོ། །འགྱུ་བྱེད་རླུད་གི་བརྡའ་དང་ཡང་། །བསྲེས་ཤིང་འཕེན་ཅིང་སྡུད་པ་ཡི། །གནད་རྣམས་མཁས་པས་བསྟེན་བྱས་ན། །སེམས་ཀྱི་རྟོག་པ་རྒྱུན་ཆད་དོ། །དྲིསལནརེགསུམཔ། །འཆི་བའི་རྟགས་ཀྱང་ཉི་ཤུ་གཅིག །དུར་ཁྲོད་དབེན་པའི་ཕྱོགས་སོང་ལ། །བླ་མ་མཆོད་ཅིང་གཏོར་མ་བྱ། །གཞན་ཡང་བཟའ་དང་བ་་བ་ཡིས། །འགྲོ་བ་གཞན་ཡང་མགུ་བྱས་ཏེ། །དེ་ནས་ཕྱི་ནང་གསང་བ་ཡི། །འཆི་བའི་རྟགས་ཀྱང་བརྟན་པར་བྱའོ། །གལ་ཏེ་ངན་ན་བཟློག་པ་བརྩམ། །བཟང་བས་བླ་མར་གསོལ་བ་བཏབ། །དྲིསལནརེབཞིཔ། །སེམས་ཅན་དོན་ཕྱིར་ལྷ་དབང་ཁྱོད། །བརྩེ་བའི་དོན་དེ་དྲིས་པའི་ལན། །ངས་བསྟན་འཁྲུལ་པ་མེད་པར་བཟུང་། །རང་གཞན་རྫོགས་པ་ཆེན་པ་ལ། །དམིགས་གཏད་ལྟ་བའི་བློ་ཟད་ཀྱང་། །རེ་ཞིག་ཚིག་གིས་གཏན་ལ་དབབ། །ཆོས་ཉིད་མངོན་སུམ་གནད་ཀྱིས་ཀྱང་། །ལས་ལ་བཟང་ངན་མེད་པར་རྟོགས། །སྙིང་ཐིག་ངེས་པར་བསྡུ་བ་ཡིས། །དབང་པོ་རྣམས་ལ་རྣོ་རྟུལ་མེད། །ཡིད་དཔྱོད་ཚིག་གི་མཐའ་ཟད་པས། །ཤེས་རབ་མིག་གི་དབང་པོས་མཐོང་། །ཚིག་གིས་ཆོས་ཉིད་མི་མཐོང་བས། །ཐུན་མོང་ཐེག་པས་དོན་མི་འགྲུབ། །སྐུ་གསུམ་ལམ་སྣང་ཡིན་པའི་ཕྱིར། །འདི་མཐོང་ཁམས་གསུམ་ལྡོག་པ་མིན། །ཆོས་ཀུན་མཉམ་པར་རོ་གཅིག་པས། །གཞི་དང་འབྲས་བུར་ལྟོས་མིན་པའོ། །རང་རིག་རྟོག་པ་ཀུན་བྲལ་བས། །གྲོལ་ལུགས་བཞི་དང་བཅས་པའོ། །གནད་བཞི་གྲོལ་བའི་གདེང་གིས་ནི། །འཁོར་དང་མྱ་ངན་འདས་མི་གནས། །མ་བྱུང་བྱས་པ་མེད་པའི་ཆོས། །གཞི་དང་རྩ་བ་མེད་པའོ། །ཐོས་མཐོང་གྲོལ་བའི་གནད་ཉིད་ནི། །གཉིས་དང་ལྔ་སྟེ་བརྒྱད་ཀྱིས་རྟོགས། །གདེང་ཆེན་བཞི་ཡིས་དབྱིངས་སུ་སྦྱར། །ངོ་སྤྲོད་གསུམ་གྱིས་ཡིད་ཆེས་བྱའོ། །དྲི་ལནརེལྔཔ། །ཡང་ནི་བསྒོམ་པའི་སྲོག་ཤིང་བཤད། །སེམས་ཀྱི་ལུང་གིས་ངེས་སྦྱར་ཏེ། །གཞན་ཡང་བསྒོམ་པའི་གནད་རྣམས་ལ། །སྔོན་འགྲོ་བ་དང་དངོས་གཞི་དང་། །རྗེས་འགྲོ་རྣམ་པ་གསུམ་དུ་འདོད། །ལུས་སྦྱངས་སེམས་ཉིད་གདུལ་བ་དང་། །ངག་གི་བྱ་བ་རྫོགས་པ་ཡིས། །སེམས་ཉིད་ལམ་དུ་ཞུགས་པའོ། །རླུད་ལ་བརྟེན་ཏེ་ལུས་སེམས་བྲལ། །ཁམས་གསུམ་འབྲོས་ཁུང་བཅད་པའི་ཕྱིར། །ལུས་ངག་ཞེན་པ་གཏིང་ནས་བཟློག །འགྲོ་དྲུག་གཡང་ས་མཉམ་པའི་ཕྱིར། །ལུས་ངག་ཡིད་ཀྱི་གནད་རྣམས་གཟིར། །སེམས་ཉིད་ཆོས་དང་བསྲེ་བའི་ཕྱིར། །རླུད་དང་ཤེས་པ་གྱེན་དུ་དྲང་། །འཁྲུལ་སྣང་ཟད་པར་བྱ་བའི་ཕྱིར། །རྟག་ཏུ་རླུད་ལ་གོམས་པར་བྱའོ། དྲིསལནརེདྲུགཔ། །སྤྱོད་པའི་སྦྱོར་བ་དབྱིངས་རིག་ལ། །གཟེར་གསུམ་ལྡན་པ་འབྲལ་མེད་པར། །རྟག་ཏུ་འདྲེས་ན་སྤྱོད་པ་བདེ། །ཆོས་ཀུན་བྱ་བ་བྲལ་བ་དང་་།་ །འཁོར་འདས་འབྲེལ་བ་ཆད་པའི་དུས། །རྟོག་བཅས་འཁྲུལ་བ་འགགས་པ་སྟེ། །འཁོར་བའི་གཡང་ས་རྒྱུན་བཅད་པས། །རྣལ་འབྱོར་ཆེན་པོའི་སྤྱོད་པའོ། །དྲིསལནརེབདུནཔ། །འབྲས་བུ་བརྗོད་པར་མི་ནུས་ཀྱང་། །ཆོས་རྣམས་ཟད་སར་ཕྱིན་པ་དང་། །རང་གི་གྲུབ་པའི་མཐའ་ཡང་འཇིག །འདི་དུས་བླ་མའི་མན་ངག་ནུབ། །བལྟ་སྒོམ་སྤྱོད་པའི་མཐའ་སྟོངས་པས། །ཆོས་སུ་སྣང་བ་ཡོད་མ་ཡིན། །སྐུ་དང་ཡེ་ཤེས་རྒྱུན་ཆད་པས། །སངས་རྒྱས་མེད་ཅིང་སེམས་ཅན་མེད། །མདོར་ན་གང་ཡང་གནས་པ་མེད། །སོང་བ་མེད་པས་འོང་བ་མེད་པའོ། །དྲིསལནརེབརྒྱདཔ། །འཁོར་བའི་རྒྱུན་ཐག་གཅད་འདོད་པས། །ལུས་ངག་ཞེན་པ་བཟློག་ནས་ཀྱང་། །མངོན་སུམ་གནད་ལ་གཟིར་བར་བྱའོ། །འཁྲུལ་བའི་རྩིས་ཀྱི་སྦྱོར་བ་ཡི། །འཁོར་འདས་དུས་ཚོད་བཟུང་བྱས་ཏེ། །བཟློག་པའི་གནད་ལ་མཁས་པར་བྱའོ། །ཐུབ་དྲུག་ཚད་དུ་ཕྱིན་པ་ཡིས། །སྐྱོན་དྲུག་ལས་ནི་རྣམ་པར་གྲོལ། །དེས་ནི་འཁོར་བའི་རྒྱུད་ཆད་དོ། །དྲི་ལནརེདགུཔ། །བཅ་ཀྱིས་ལེན་པ་འདི་ལྟ་བུ། ཁུད་གཞན་ཀུན་ཏུ་མ་བསྟན་པ། །ཨེ་མ་ངོ་མཚར་ཆེ་བར་བཤད། །ལྷ་བདག་སེམས་དཔའ་ཁྱོད་ཉོན་ཅིག །རིན་པོ་ཆེ་ལ་བརྟེན་པ་ཡིས། །ཚེ་ནི་ཉི་ཟླ་དག་དང་མཉམ། །སྣ་ཚོགས་རྡོ་ཡི་སྦྱོར་བ་ཡིས། །མཚོན་གྱིས་ལུས་ལ་ཚུགསཔམིན། །སྔོལ་བརྟེན་པའི་སྦྱོར་བ་ཡིས། །སྐྲ་དཀར་གཉེར་མ་མེད་པར་འགྱུར། །རྩི་སྦྱོར་དག་གི་བཅུད་ལེན་གྱིས། །གཟི་བརྗིད་ལྡནཞིངགཤོནཔརའགྱུར། ཁྲ་ལ་བརྟེན་པའི་སྦྱོར་བ་ཡིས། །ལུས་ཟུངས་ལྡན་ཞིང་སྟོབས་བསྐྱེད་འགྱུར། །གཞན་ཡང་རླུང་ལ་བརྟེན་པ་ཡིས། །ངོ་མཚར་ཆེ་བའི་བཅུད་ལེན་བཤད། །འབྱུང་བ་རྒྱུན་གཅོད་ཅེས་བྱ་བའི། །སྟེང་དང་འོག་གི་རླུང་གིས་ཤེས། །མཁས་པས་རླུང་ནི་གནས་སུ་སྦ། །ཡང་ནི་རླུང་གི་འགྱུ་རྩིས་ཀྱིས། །ཟས་ཀྱི་རྣལ་འབྱོར་དག་ཏུ་༣གྱུར། །འབྱུང་བ་དག་ལ་བརྟེན་པ་ཡིས། །ཅི་ལྟར་སྣང་བ་ཟས་སུ་འགྱུར། །དེ་ལྟར་བཅུད་ཀྱི་ལེན་པ་ཡིས། །འགྲོ་བའི་གདུང་བ་ཆོད་པའོ །དྲིསལནབདུནཅུཔ། །གོས་ཀྱི་རྣལ་འབྱོར་འདི་ལྟ་སྟེ། །རླུང་དང་རྟེན་འབྲེལ་ཟབ་མོས་བྱ། །རླུང་ནི་འཕེན་ཞིང་སྡུད་པ་ལས། །འགྲོ་འོང་བསྐྱིལ་བའི་གནད་ཀྱི་ཡང་། །དམིགས་པ་སོ་སོའི་འབྱུང་བ་དང་། །རྣལ་འབྱོར་ལུས་ལ་མཐུན་པར་དབྱེ། །རྟེན་ཅིང་འབྲེལ་བའི་སྦྱོར་ཀ་ཡིས། །གཉིས་དང་དྲུག་དང་བདུན་གསུམ་ལ། །རི་ལུ་ཕྱེ་མ་ལེགས་སྦྱར་ནས། །ལྟོར་བཏང་བྱུགས་པའི་མཐའ་ཡི་བྱའོ། །དྲིསལནདོན་གཔ། །ཡང་ནི་ལུས་འབྱུང་རྒྱུན་གཅོད་པའི། །བཅུད་ལེན་ངོ་མཚར་ཆེ་བ་བཤད། །དྲི་ཆེན་རྒྱུན་དུ་བསྐོར་ལྡོག་པས། །ཐ་མ་ལུས་ཀྱི་ཟག་པ་ཟད། །ཡང་ན་བཅུད་ཕྱུང་མར་ཁུ་ནི། །ཚད་དང་ལྡན་པ་བསྟེན་པ་ཡིས། །འབྱུང་བའི་རྒྱུན་རྣམས་ཆད་པར་འགྱུར། །ལུས་ཀྱི་འབྱུང་བ་རྒྱུན་ཆད་པས། །ལུས་ལ་སྲོག་ཆགས་མི་གནས་དང་། །བཤང་གཅི་ལ་སོགས་མེད་པ་དང་། །ཕྱི་ནང་རླུང་ཡང་མེད་པར་འགྱུར། །འདི་དུས་རྣལ འབྱོརཆེནཔོསྟེ། །ཟས་གོས་གཉིས་ཀ་དག་པར་འགྱུར། །འདིས་ནི་ཚེ་དང་ལོངས་སྤྱོད་ལ། །ཅི་ལྟར་འདོད་པ་འགྲུབ་པར་འགྱུར། །དྲིསལེནདོནགཉིསཔ། །གལ་ཏེ་འབྱུང་བ་བཞི་པོ་ལ། །རོ་སྙོམས་བྱེད་པའི་རྣལ་འབྱོར་པས། །ས་ཆུ་མེ་རླུད་གནད་བསྟུན་ཏེ། །ལུས་དང་བསྲེས་ཏེ་རླུད་གིས་སྤར། །རང་ལུས་སོ་སོའི་འབྱུང་བ་ཡིས། །བསྒྱུར་ཞིང་དེ་ཉིད་སྤྱོད་པ་ལ། །གནད་འདུས་དཀྱིལ་འཁོར་བསྒོམ་པར་བྱའོ། །དེ་ཉིད་གོམས་པའི་ཚད་ཕྱིན་པས། །བཞི་པོའི་ནུས་པ་ངོ་མཉམ་ནས། །བདེ་བར་སྤྱོད་ཅིང་འཇིག་བྲལ་ཏེ། །འདིས་ཀྱང་ཟས་གོས་གཉིས་འགྲུབ་ནས། །ཚེ་དང་ལོངས་སྤྱོད་རྫོགས་པའོ། །དྲིསལནདོནགསུམཔ། །མཛོད་ཀྱི་ཡོན་ཏན་འདི་ལྟ་སྟེ། །ཐུན་མོང་མཆོག་གི་དངོས་གྲུབ་ལ། །ཅི་དགར་རོལ་ཞིང་བདེ་བར་འགྲུབ། །རྟེན་ཅིང་འབྲེལ་བའི་ཡན་ལག་རྫོགས། །རྫུ་འཕྲུལ་རྣམས་དང་མངོན་ཤེས་ཀྱང་། །མཛོད་ལ་སྤྱོད་པས་ངེས་པར་འགྲུབ། །ནད་དང་དུས་ཚོད་ཤེས་པར་འགྱུར། །དྲིསལནདོནབཞིཔ། །འཕགས་པའི་རྫུ་འཕྲུལ་བསྒྲུབ་འདོད་པས། །དངོས་པོའི་རྟེན་དང་དངོས་མེད་ལ། །རླུད་གི་སྦྱངས་པས་ངེས་འགྲུབ་སྟེ། །སྒྲ་དང་བཟོ་དང་རྟེན་འབྲེལ་དང། །བརྡའ་དང་ཚིག་དང་ཐ་སྙད་དང་། །དཔེ་དང་བྱ་བྱེད་བསླབ་ཐབས་ལ། །བརྟེན་ནས་ཡས་རླུ་་སྤྱད་པ་ཡིས། །རྫུ་འཕྲུལ་ཅི་ལྟར་འདོད་པ་འགྲུབ། །རྟོག་མེད་ཡེ་ཤེས་བསྒོམ་པ་དང་། །སྟོང་ཉིད་བསམ་དང་གནད་ཀྱིས་ཀྱང་། །འབད་རྩོལ་མེད་པར་རྫུ་འཕྲུལ་རྣམས། །ངེས་པར་འགྲུབ་པར་འགྱུར་བའོ། །དྲིསལནདོནལྔཔ། །མི་འཛད་གཏེར་ལ་སྤྱོད་འདོད་པས། །ཁྲོམ་གྱི་འཁྲུལ་འཁོར་བསྟེན་པ་སྟེ། །དེ་ཡི་སྦྱོར་རྩིས་མཁས་པར་བྱ། །དུས་གསུམ་བཞི་གཉིས་ལྡན་པ་ཡི། །ཟླ་བཅུར་སྦས་ཤིང་ལེགས་བསྐམས་ནས། །གང་འདོད་ཕྱོགས་སུ་གཏད་བརྩམས་ཏེ། །ཟེར་དང་རླུད་ལ་སྦྱར་བ་ཡིས། །གང་འདོད་བརྩམས་པའི་ལས་རྣམས་འགྲུབ། །ཡང་ན་བསྒྲུབ་པ་ཟབ་མོ་ཡི། །བསྙེན་བསྒྲུབ་ལས་ཀྱི་མཐའ་ཕྱེ་བས། །ནོར་གྱི་བདག་པོ་བསྟེན་བྱས་ཏེ། །སྔགས་ལ་གོམས་པས་ལོངས་སྤྱོད་དོ། །དྲིསལནདོནདྲུགཔ། །གཞི་ལྔ་དབང་དུ་བྱེད་པ་ཡིས། །སེམས་ཀྱི་བདག་པོས་ལུས་བཟུང་སྟེ། །གནས་གསུམ་འཁོར་ལོའི་ལྟོ་བར་ཡང་། །འབྲུ་བཞི་ལྔ་དང་གཟུགས་འདོགས་མདོགགིཡངབྱུང།ཀྱིས། སྤྲོ་བསྡུ་བསྟིམ་འཁྱིལ་པས་བྱའོ། །དེ་ཉིད་རྫོགས་པས་འཕུར་བ་དང་། །འཛུལ་ཞིང་མི་འབྱེད་འཚིག་པ་མེད། །བྱིང་བར་མི་ནུས་རྒྱུག་ནུས་པའོ། །དེདགགི་སསྡུདཔའོ། །སྟོན་པ་སངས་རྒྱས་བཅོམ་ལྡན་འདས། །ཡོན་ཏན་ཐམས་ཅད་རང་རྫོགས་པས། །བརྗོད་ཅིང་གསུངས་པ་མ་ཡིན་པར། །རང་བྱུང་ཡེ་ཤེས་རོལ་པ་ལས། །སྒྲ་ཚིགས་མིང་གི་ཆོ་འཕྲུལ་དུ། །སྐལ་པ་བཟང་པོ་རྣམས་ལ་སྣང་། །དེ་ལྷར་རྫོགས་ཆེན་གསང་བའི་ཚིག །ལྷ་དབང་གིས་ནི་ངེས་ཐོས་ནས། །ལུས་གུས་ཐལ་མོ་ལེགས་སྦྱར་ཏེ། །སྟོན་པ་ཉིད་ལ་རྗེས་ཡི་རང་། །ཐམས་ཅད་རྫོགས་པ་ཆེན་པོ་ལས། །རང་བཞིན་སྤྲོས་པ་མེད་པར་འགྱུར། །ཆོས་ཉིད་དབྱིངས་ལས་དབྱེར་མེད་པའོ། །ཞེས་སྒྲ་ཐལ་འགྱུར་ཆེན་པོ་ཆོས་རྣམས་ཀུན་གྱི་རྩ་བ་ལས། སྣ་ཚོགས་བཀོད་པ་རང་བྱུང་མན་ངག་གི་རྩ་བ་ངེས་པར་འབྱུང་བའི་ལེའུ་སྟེ་དང་པོའོ།། ་༷་་་་༔ །།དེ་ནས་ལྷ་དབང་རྟོག་པ་མེད། །ཆོས་ཀྱི་དབྱིངས་དང་དབྱེར་མེད་ཀྱང་། །མ་འོངས་དུས་ཀྱི་སེམས་ཅན་ལ། །རྟོགས་པས་ངེས་པར་འཁོར་བ་ལས། །བསྒྲལ་བར་བྱ་བའི་བློ་ཡིས་ཀྱང་། །སེམས་བསྐྱེད་སྔོན་དུ་བཏང་ནས་ནི། །སྟོན་པ་ཉིད་ལ་འདི་སྐད་ཞུས། ཀྱེ་ཀྱེ་བརྫུས་ནས་སྐྱེས་པའི་སྐུ། །སེམས་ཅན་ཁམས་གསུམ་འཁོར་བ་ལས། །གྲོལ་བར་བྱེད་པའི་གནད་ཉིད་གང་། །བཅོམ་ལྡན་བདག་གིས་ཞུ་བ་བགྱི། །སེམས་ཅན་འཁོར་བའི་ཐོག་མ་གང་། །འདས་པའི་ཐ་མ་གང་གིས་བཟུང། །སངས་རྒྱས་མ་འཁྲུལ་གནད་འདི་ཅི། །སེམས་ཅན་འཁྲུལ་པ་ཅི་ལས་བྱུང་། །རང་རིག་ཡེ་ཤེས་གནས་པ་གང་། །དེ་ཉིད་ལམ་ཡང་གང་ལས་འབྱུང་། །ཡེ་ཤེས་འཆར་བའི་སྒོ་ནི་ཅི། །སྒྲོན་མའི་གནད་ནི་ཅི་ལྟ་བུ། །དེ་ཡི་མཚན་ཉིད་ཅི་ལྟར་སྣང་། །ཡུལ་གྱི་གནད་ནི་གང་ལ་འཆར། །དེ་བརྟེན་ཁྱད་པར་གང་གིས་བསྒྲུབ། །བློ་རིམ་གནད་ནི་ཅི་ལྟ་བུ། །ཉམས་སུ་ཅི་ལྟར་ལེན་པ་ལགས། །དེ་ཡི་རྟགས་དང་ཚད་སྣང་ཅི། །བར་མ་དོ་ཡི་སྣང་བ་ཅི། །རང་སེམས་གྲོལ་བ་གང་གིས་གྲོལ། །གྲོལ་ནས་ཐུགས་རྗེ་ཅི་ལྟར་འབྱུང་། །དེ་ཉིད་ཡེ་ཤེས་གནད་ཉིད་གང་། །བཞུགས་ཚུལ་གནས་ལུགས་ཅི་ལྟ་བུ། །དགོངས་པ་གཅིག་གམ་ཐ་དད་ལགས། །ཀུན་གཞི་ཆོས་སྐུ་གཉིས་གནད་གང་། །སེམས་དང་ཡེ་ཤེས་གནད་ཉིད་ཅི། །འབྱུང་བ་དངས་སྙིགས་གང་གིས་འབྱེད། །སྒྲོན་མ་ཅི་ལྟར་གཏེམས་པ་ལགས། །གཏེམ་པའི་སྣང་བ་ཅི་ལྟ་བུ། །རྩ་ཡི་གནད་ལ་དུ་ཙམ་ཞིག །སེམས་ཀྱི་སྦྱང་བ་རྣམ་པ་དུ། །ཉོན་མོངས་འབྱུང་བ་ཅི་ཡི་རྒྱུ། །འདི་དག་བདག་གིས་མ་ཤེས་པས། །སྟོན་པ་ཐུགས་རྗེ་ཆེན་པོ་ལ། །ཚིག་བརྗོད་རྟོག་དབྱོད་མི་མངའ་ཡང་། །རང་བཞིན་བཅོས་མེད་ནམ་མཁའ་ནས། །བརྗོད་མེད་གསུང་གིས་བདག་ལ་གསུངས། དངཔོལནངགསེསབཅུབདུན། །དེ་ནས་སྟོན་པ་རྡོ་རྗེ་འཆང་། །རང་བཞིན་སྤྲོས་མེད་རྫོགས་ཆེན་ལས། །སྒྲ་ཚིག་མིང་དུ་མི་གནས་ཀྱང་། །ལྷ་དབང་ཉིད་ལ་འདི་སྐད་གསུངས། །རྟོག་པ་ཟད་པའི་ནམ་མཁའ་ལས། །སྒྲ་ཚིག་མིང་དུ་མ་བསྒྲགས་ཀྱང་། །རང་བྱུང་ཡེ་ཤེས་ཆེན་པོ་ཉིད། །གདོད་ནས་བྱས་མེད་རང་བཞིན་ལས། །མ་བཀོད་ཚིག་ཏུ་འདི་ལྟར་ཤར། །འཁོར་བ་རྣམས་ཀྱི་ཐོག་མ་ནི། །མི་འབྱེད་བྱས་མེད་རང་གཞན་ལས། །དམིགས་པར་འཛིན་པའི་ཡུལ་ཤར་ཏེ། །རྟོག་འཛིན་ལས་ནི་ཐ་དད་སྣང་། །དམིགས་འཛིན་འབྲེལ་བ་བཅུ་གཉིས་སུ། །འཁོར་བའི་ཐོག་མ་ཉིད་དུའོ། །མ་རིག་གསུམ་གྱི་འཁྲུལ་ཚུལ་ཏེ། །རྒྱུ་གཅིག་འབྱེད་མེད་རྩ་བ་སྟེ། །རང་ངོ་ཡིན་པར་མ་ཤེས་པ། །འདི་ཡང་འཁོར་བའི་ཐོག་མའོ། །དེ་ལས་གཅིག་གསུམ་བརྒྱ་ཕྲག་བཞི། །འཁོར་རྐྱེན་བརྒྱད་ཀྱིས་ངེས་བཟུང་སྟེ། །གཞི་གནས་འཁྲུལ་པའི་རྩིས་སྦྱོར་རོ། །དེ་ལས་ལྷན་ཅིག་སྐྱེས་པ་སྟེ། །དོན་དམ་ཀུན་རྫོབ་སྣང་བརྟགས་པའི། །བདེན་གཉིས་ཆ་ཡི་ཡུལ་ནས་ནི། །ལས་ཀུན་སྤྱོད་པ་ཉི་ཤུར་འགྱུར། །དེ་ཡུལ་སྣང་ཆའི་བྱེ་བྲག་ལས། །ཀུན་བརྟགས་ངེས་པའི་རྐྱེན་བཞིའི་ཆ། །རྒྱུ་དང་བདག་པོས་ངེས་བཟུང་སྟེ། །དམིགས་པ་ཉིད་དང་དུས་མཚུངས་པས། །འཁྲུལ་པའི་ཆ་ཡང་བརྒྱད་གཉིས་ཏེ། །དམིགས་པའི་དུས་ནི་མཚུངས་པས་ན། །འདུ་བྱེད་བཏགས་པའི་འཁྲུལ་པ་ནི། །འདུ་བ་བརྒྱ་བརྒྱདཀྱང།ལ་བྱེད་པ་གཅིག །ལས་ཀུན་རྫོགས་པས་མཐའ་ཡས་འགྱུར། །དེ་ཡི་དུས་དང་དབང་པོ་བརྩིའོ། །རྣམ་ཤེས་འཁྲུལ་པ་ལུགས་བཞིན་ལས། །སྣང་བ་ཡུལ་ནི་བརྒྱད་དང་དྲུག ཁྲེས་པས་དཔྱོད་ཕྱེད་ཉི་ཤུར་འགྱུར། །དེ་ཡིས་ལུས་དང་ཡན་ལག་བརྩིའོ། །དེ་ཡང་མིང་གཟུགས་འཁྲུལ་པའི་ཆ། །མིང་ལས་གདགས་བཞི་དྲུག་ཅུ་གཉིས། །འཁོར་འདས་བཞི་དང་ཡི་གེར་བཅས། །གཟུགས་ནི་ཕྲ་རགས་རྟགས་ཕྱེ་ནས། །གྲུབ་ཅིང་འཛིན་པ་བརྒྱ་དང་ལྔ། །ལས་ཀུན་འགྱུར་བྱེད་བཞི་ཆས་བརྩིའོ། །སྐྱེ་མཆེད་འཁོར་ལོ་དྲུག་གི་ཡང་། །ཡུལ་དང་ཤེས་པ་དབང་པོ་གནད། །སོ་སོའི་འཇུག་ཆ་བརྒྱད་གཉིས་དྲུག །ལས་ཡུལབརྩི་བ་དེ་ཙམ་མོ། །རེག་ཆ་སེམས་ཀྱི་འཁྲུལ་པའི་ལུགས། །རྒྱུ་བྱེད་སྣང་བ་ཉམས་བཅས་དྲུག །ལས་དང་བྱེད་པ་རེག་ཤེས་ལྔ། །མཐའ་ཡི་རྟོག་པ་བདུན་འགྱུར་བརྩི། །ཚོར་བའི་ཚུལ་ནི་བདུན་གཉིས་ཏེ། །ཡིད་ལྡན་སྣང་ཆའི་རྟོག་པ་ལས། །ཡིད་སེམས་འགྱུར་བ་བརྒྱད་ཅུར་འགྱུར། །དེ་ལས་རྟོག་བཅས་བདུན་ཅུར་བརྩིའོ། །སྲིད་པའི་འཁྲུལ་པ་གསུམ་ལྔ་ལས། །བྱས་ཚེ་གོསཀྱང།གྲངས་ནི་དྲུག་ཅུ་སྟེ། །ཡན་ལག་མཐའ་ཡི་བཟློག་ཚུལ་གྲངས། །བརྒྱ་གཉིས་ལས་ཀྱི་མཐར་བཟློག་བྱའོ། །ལེན་པའི་འཁྲུལ་གཞི་བཅུ་གསུམ་དྲུག །ལས་མཐའི་གཟུགས་ལ་རེག་ནུས་བརྒྱ། །འཁྲུལ་བཟུང་ཡུལ་ལ་སྣང་ཆར་འགྱུར། །དེ་ཡི་བྱེད་པར་འགྱུར་བརྩིའོ། །སྲིད་པའི་འཁྲུལ་པ་བཅུ་གཉིས་ལ། །མི་འབྱེད་ཆ་ལ་བཅུ་དྲུག་གོ །དེ་ཡིས་རྟོག་བཅས་ཡུལ་སེམས་བཅིངས། །ལས་བཞི་སོ་སོར་རྣམ་དཔྱད་བྱའོ། །སྐྱེ་བའི་ཆ་ལས་གསུམ་གཉིས་ལྔ། །འཇུག་དང་འོང་བ་རླུང་གིས་བྱེད། །ལངས་དང་གནས་པའི་དུས་ལ་བརྒྱད། །འཁོར་ཚུལ་འབྲས་བུ་བཅུ་གཉིས་སོ། །རྒ་དང་ཤི་ལས་འཁྲུལ་རྐྱེན་དགུ །འབད་འགགས་རྟོག་པ་ལ་བཅོ་བརྒྱད། །གནས་སུ་འཇུག་པ་བརྒྱད་དང་ཆ། །བག་ལ་ཉལ་དང་ཀུན་འཁོར་རོ། །དེ་ལྟར་འཁྲུལ་རྩ་བཅུ་གཉིས་ལས། །ལུས་དང་དབང་པོ་ལོ་རྣམས་དང་། །སོ་སོའི་འབྱུང་བ་དུས་ཀྱིས་དབྱེ། །རང་དང་གཞན་ཏེ་བཞིར་འགྱུར་རོ། །འདི་དག་འཁོར་བའི་ཐོག་མར་བྱུང་། །སེམས་ཅན་ཁམས་ནི་དུ་མར་བཅས། །འཇུག་ཕྱིར་ལས་ཀུན་མཐར་སྤྱད་པ། །ལྡན་པས་རྫོགས་ཏེ་ཉེར་བསྟན་པའོ། །དྲིསལནག་པ། །ལྷ་དབང་ངོ་མཚར་ཆེན་པོ་ཉོན། །མྱ་ངན་འདས་པའི་ཐ་མ་ནི། །འཁྲུལ་པའི་རྟོག་པ་ཀུན་ཟད་པས། །འཁོར་བའི་བྱེད་སྣང་མེད་ཚེ་ན། །རྟོག་ཟད་འཁྲུལ་པ་རང་སྣང་བས། །འདས་པ་གཞག་ཕྱིར་སེམས་ཅན་ཁམས། །རང་བཞིན་དུ་ཡང་འདི་ཉིད་ཡུལ། །གཞན་དབང་མ་ཡིན་ཡོངས་སུ་གྲུབ། །ཀུན་བརྟགས་ལས་དང་བརྗོད་པས་སྟོང་། །མཐའ་ལྡན་ཕྱེ་བ་མ་ཡིན་ནོ། །གཉིས་གཉིས་འཇུག་དང་ཀུན་ཏུ་ཁྱབ། །ལས་དང་དབང་པོ་བློ་རྣམས་ཡུལ། །འཇུག་པའི་ལས་ནི་ཐང་ཀའོ། །དྲིསལནགསུམཔ། །དེ་ལྟར་འཁོར་འདས་ཐོག་མཐའ་ལས། །སངས་རྒྱས་འཁྲུལ་པར་མ་གྱུར་པས། །གཞི་ལས་འཕགས་པའི་དབང་པོ་ཡིས་།་ །རང་སྣང་རང་བཞིན་མེད་པར་ཤེས། །རྟོགས་དཔྱོད་ཡིད་རྣམས་ཕྱིར་མ་ཤོར། །འགྱུ་བ་རང་ཐོག་ཆེད་པའོ། །དེ་ཡང་གནས་ལུགས་ཆེན་པོ་ལས། །འཁྲུལ་ཞེས་ཀ་ནས་དག་པ་ལ། །མ་འཁྲུལ་ཉིད་དུ་བཅོས་སུ་མེད། །མེད་སྣང་མཐོང་བ་མེད་པའི་ཆོས། །བྱས་བྱུང་རྟོག་པ་རང་འགགས་སོ། །འཁྲུལ་ནས་དམིགས་པར་སྣང་བ་མིན། །རངབཞིན ཡེགདངསམ་གཡོས་པས་། །ཆོས་ཀུན་མཉམ་པར་རོ་གཅིག་གོ། །འཛིན་རྟོག་བྲལ་ནས་ཡེ་སངས་རྒྱས། །བཅོས་ཤིང་བསྒྱུར་དུ་བ་་པ་མིན། །དེ་ཡི་འདུས་པ་དཔག་མེད་ལས། །འགྲོ་བ་ལུས་ཀྱི་རྟོག་ཚོགས་སྡུད། །རྟེན་འབྲེལ་ཚོགས་པ་དུ་མ་ལས། །མི་མཐུན་གཟུགས་སོགས་བྱེ་བྲག་གོ །འབྱུང་བ་བཞི་ཡིས་བསྐྱེད་པའི་རྒྱུ། །རིགས་དང་གྲངས་ཀྱིས་རྣམ་བསྡུས་ཏེ། །མི་འདྲའི་ཁ་དོག་ཐ་དད་ལས། །གོང་མའི་ཆ་ལས་མངོན་སྣང་བའོ། །གཞི་ལས་རྟོག་ཚོགས་འདུས་པ་ཡིས། །བྱེད་པའི་ལས་ཀྱང་བཅུ་གཉིས་ཀྱིས། །འབྱུང་བའི་ཕུང་པོ་བརྟེན་པ་དང་། །གནས་དང་ཆགས་དང་འཇིག་པར་བྱེད། །འཁྲུལ་ཚུལ་བཅུ་གཉིས་དག་ལས་ནི། །བྱེད་པ་ཉིད་དུ་སྨིན་པ་ཡིས། །འགྲོ་བའི་ལས་དང་བསོད་ནམས་དང་། །དག་དང་མ་དག་གཟུགས་རྣམས་ཀྱི། །བྱེ་བྲག་སོ་སོར་སྣང་བར་བྱེད། །གཞན་ཡང་སྣོད་དང་བཅུད་དག་གི། །འབྱུང་བའི་ལས་ཀྱང་རླུང་གིས་བྱེད། །རླུང་གིས་འཕེན་ཅིང་སྡུད་པ་དང་། །འགྲོ་དང་འོང་དང་འཇུག་པར་བྱེད། །དེས་ན་རླུད་གིས་ལས་ཀུན་བྱེད། །བཟློག་པ་ཉིད་ཀྱང་རླུད་ལ་ཐུག །འཇུག་འཕེལ་ལས་ཀྱི་མཐའ་ཡིས་དབྱེའོ། །དྲིསལནལྔཔ། །རང་རིག་ཡེ་ཤེས་ལུས་ལ་གནས། །ཏིལ་འབྲུ་ལས་ནི་མར་བཞིན་དུ། །ལུས་ཀྱི་བཀྲག་དང་གཟི་མདངས་ནི། །ཡེ་ཤེས་རླན་གྱིས་ཁྱབ་པར་བྱེད། །ལུས་དང་བསྟུན་པའི་སྐུ་རྣམས་དང་། །ཡེ་ཤེས་འོད་དང་ཁ་དོག་རྟགས། །ལས་དང་འཇུག་དང་སྐུ་རྣམས་ཀྱིས། །མདངས་དང་བཅས་ཏེ་ཁྱབ་པའོ། ཁྲེས་རབ་ཉིད་དང་སྒྲོན་མའི་ལས། །དོན་དམ་ཀུན་རྫོབ་རྟགས་ཕྱེ་བའོ། །སྨིན་བྱེད་ཐིག་ལེ་སོ་སོའི་གནད། །འགྱུ་བྱེད་རྟོགས་པ་རགས་འཛིན་པ། །ཡེ་ཤེས་སྣང་བ་བཞི་གཉིས་ཆ། །ལས་འབྱུང་འཇུག་པའི་དབྱེ་བ་ལས། །ཙིསྟ་རིན་ཆེན་གཞལ་ཡས་སུ། །རིན་ཆེན་འདུས་པ་ཟུར་བརྒྱད་སྒོ། །ཡེ་ཤེས་ལྔ་དང་སྐུ་ལྔ་སྟེ། །རླུད་ལྔ་ཤེས་པའི་རྩལ་ཡང་ལྔ། །ཐམས་ཅད་ལྔ་ལྔའི་རང་བཞིན་ནོ། །སྐུ་ཡི་གནད་ནི་མདངས་ཀྱིས་སོ། །ཡེ་ཤེས་འདུག་སྟངས་དག་གིས་སོ། །ཐིག་ལེ་བསྐྱིལ་ཞིང་དཀྲུགས་པས་འགྲུབ། །འོད་ནི་ཡས་ཤིང་སྡུད་པའོ། །འབྲེལ་ལྡན་བསྡོམས་པས་རླུང་གི་གནད། །འཇུག་པའི་ལས་ནི་མཐའ་ཡིས་དབྱེའོ། །དེ་ཡི་འགྱུ་བྱེད་ལས་རླུང་ཟད། །འཁྲུལ་པའི་སྡེབས་དང་སྦྱར་བའོ། རྡོརྗེལུགུརྒྱུད་གནས་ཙིཏིནསསྒོམིགནསཡུལནམམཁའལཡེཤེསདངོསསུ་འཆརརོ། །རིག་པའི་གནད་ནི་བྱུང་བ་དང་། །བསྐྱིལ་འདིའིདུསནརླུངའདྲེནཔ།ཞིང་མཁའ་རིགཔ།ལ་གཏད་པའོ། །གནདཡིནནོ། །དབྱིངས་ཀྱི་གནད་ནི་བསྡུ་བ་དང་། །དགུག་དང་ཁམས་ཀྱི་བྱེར་ཡས་སྦྱར། །སྣང་བའི་གནད་ནི་འཕེལ་དང་ཟད། །སྣ་ཚོགས་རང་སར་གྲོལ་བའོ། །དྲིསལནདྲུགཔ། རིག་པ་ཡེ་ཤེས་ལམ་ཉིད་ནི། །རང་གི་རྩ་ཡི་འཁོར་ལོ་ལས། །སྐུ་གསུམ་རང་རྫོགས་གནས་པ་ལས། །རོ་མ་རྐྱང་མ་ཀུན་འདར་མ། །མ་གསུམ་དག་གིས་ལུས་བཟུང་སྟེ། །དབུ་མས་འཁོར་ལོ་བཞི་རྟེན་བྱས། །འདི་དག་གཡས་གཡོན་དབུས་གནས་པས། །ཀུན་རྫོབ་དོན་དམ་དབྱེ་བ་ཡིས། །ལུས་དང་ཡན་ལག་བསྐྱེད་པ་དང་། སྒྲོན་མ་ཉིད་ཀྱང་སྨིན་པར་བྱེད། །རོ་མས་རོ་རྣམས་འཁོར་ལོ་ལ། །རླུད་གི་བསྐུལ་ཞིང་ཐིག་ལེ་འཕེན། །རོ་ནི་རྩ་ལ་བརྟེན་པ་ཡིས། །བདེ་བས་ལུས་སེམས་རྒྱས་པར་བྱེད། །མས་ནི་དངས་མ་སྡུད་པ་དང་། །གོང་འོག་གནས་ཀྱི་གཞི་མ་བྱེད། །འདི་ལ་བསྐྱིལ་ཞིང་གཏེམས་པ་གནད། །འདི་ཡི་ཡན་ལག་དྲུག་པོ་ལ། །གཏར་ཞིང་བསྲེགས་ན་ཡེ་ཤེས་འགག །དྲོད་ཐོབ་འདོད་ན་མཉེ་བ་གནད། །རླུད་དང་ཐིག་ལེ་དགུག་པར་བྱའོ། །རྐྱང་མས་སྐྱེད་བྱེད་འཁོར་ལོ་ལ། །རླུད་གིས་འཕེན་སྡུད་ཐིག་ལེ་འཇུག །རྐྱང་ཞེས་བྱ་བ་ཟླ་མེད་པས། །ཉག་གཅིག་དགོངས་པ་སྟོན་པར་བྱེད། །མས་ནི་སྙིགས་མ་སེལ་བ་དང་། །ངོ་བོའི་གཟི་མདངས་བསྐྱེད་པའོ། །འདི་ལས་གསེང་ཞིང་མཉེ་བ་གནད། །འདི་ལ་ཡལ་ག་མི་སྣང་བས། །སྨིན་སོ་བཞི་ལ་ཐིག་ལེས་གདབ། །ཟས་ལ་དབང་ཐོབ་འདོད་པས་ནི། །རླུ་་ནི་གཏེམས་ཤིང་མཆིལ་ཆུཡང།མི་འདོར། །དམ་ཚིག་གིས་ནི་རབ་བརྟག་གོ །ཀུན་འདར་མས་ནི་དྲན་པ་དང་། །རྩེ་མོའི་འཁོར་ལོ་སྡུད་པས་སྨིན། །ལས་རླུད་བཟློག་ཅིང་ཡེ་ཤེས་འཛིན། །ཀུན་ནི་སྤྲུལ་སྐུའི་ཡོན་ཏན་སྟེར། །འདར་བས་ལོངས་སྐུའི་ཡོན་ཏན་ནོ། །མས་ནི་ཆོས་སྐུ་དངོས་སུ་སྟོན། །འདི་ཡི་ཡན་ལག་བཅུ་གཉིས་ལ། །གསེང་ཞིང་འདྲིལ་བ་གནད་ཡིན་ནོ། །ཚེ་ཉིད་སྤེལ་ན་བྱུགས་པ་བསྟན། །ཐིག་ལེ་ལུས་དང་སེམས་ཀྱིས་བྱའོ། །ཡེ་ཤེས་ལམ་ནི་འདི་དག་ལས། །ཐིག་ལེ་སྐུ་དང་བཅས་པར་འགྱུར། །རླུད་ནི་འགྲོ་འོང་ལས་ཀུན་བྱེད། །སེམས་ཀྱི་བདག་པོ་ཡིད་ཀྱིས་བཟུང་། །ལམ་གྱིས་བཟུང་དང་དགུག་པའོ། །དྲིསལནབདུནཔ། །ཡེ་ཤེས་འཆར་བའི་སྒོ་ཉིད་ནི། །ལུས་བཅུད་དངས་མ་ཀུན་འདུས་པའི། །ཙསྟུ་ཞེས་པའི་སྒོ་ལས་འཐོན། །གཉིས་ཀྱི་ཆ་འཛིན་སྣང་བ་སྟོན། །སྐྱེད་བྱེད་རྩ་ལས་འབྲེལ་བྱུང་བའི། །རྩེ་མོ་ལས་ནི་གཅིག་འགྱུར་པ། །དབང་པོ་ཡུལ་ལ་འཆར་བྱེད་པའི། །གཅིག་ལ་ཡལ་ག་ལྔ་ཡོད་པའི། །སོ་སོའི་དབང་པོའི་སྒོ་ལ་སྣང་། །ཁྱད་པར་སྐྱོན་དང་བྱེད་པ་ཡི། །བ་མེན་རྭ་འདྲ་འཁྱིལ་པ་ལས། །ཨ་འབྲས་ཞེས་པ་དཀར་ནག་ཕྱེད། །རིག་ཅིང་གཟུགས་རྣམས་འཛིན་པ་དང་། ཁྲེས་པའི་རང་རྩལ་རྫོགས་པར་སྟོན། །འདི་ལ་ཡེ་ཤེས་དངོས་འབྱུང་སྟེ། །མངོན་སུམ་པ་དང་རང་གནད་ཀྱིས། །ཆོས་ཉིད་དག་པའི་རང་སྣང་ཡུལ། །རྟོག་བཅས་འགགས་པར་གནས་པའོ། །དེ་ཡི་འབྱུང་བྱེད་ཅི་ཞེས་ན། །དོན་དམ་ཆོས་ཉིད་འབྱུང་བ་ལས། །སྒྲོན་མ་རྣམ་པ་བཞི་ཞེས་ཏེ། །སྨིན་ཅིང་འཇུག་ལ་ཁྱབ་སྟོང་པས། །ཆོས་ཉིད་ཡུལ་སྣང་སྡུད་པའོ། །རྒྱང་ཞགས་ལས་ནི་གཟུགས་སྡུད་སྟེ། །རླུད་གིས་བསྐྱོད་ཅིང་འཕེན་པར་བྱེད། །འོད་དང་འགྲོ་བའི་འཕེལ་འགྲིབ་ཀྱིས། །ཡེ་ཤེས་དག་ནི་སྡུད་པར་བྱེད། །ཐིག་ལེ་སྟོང་པས་ལས་ཀུན་བྱེད། །འདས་པའི་ལམ་གྱི་སྣ་བཟུང་ནས་། །རླུད་གིས་བཀྲག་དང་གཟི་མདངས་བསྐྱེད། །བསྒྱུར་ཅིང་ཡེ་ཤེས་སྣང་བ་སྟོན་པའོ། ཁྲེས་རབ་རང་བྱུང་སྒྲོན་མ་ཡིས། །ཆོས་ཀུན་མཉམ་པ་རོ་གཅིག་ཏུ། །བསྡུས་ཏེ་རང་སྣང་འཛིན་པར་བྱེད། །འདིས་ནི་བག་ཆགས་འབྲེལ་རྒྱུན་གཅོད། །དབྱིངས་ཀྱི་དངས་མ་སྡུད་པ་དང་། །རིག་པའི་སྐུ་རྣམས་འཛིན་པ་དང་། །གནད་གསུམ་བཅུད་དུ་སྨིན་པ་ཡིས། །འཁོར་བ་ཉིད་ནི་སྤོང་བར་བྱེད། །དེ་ལྷར་མིག་ལས་སྒྲོན་ཤར་བས། །སངས་རྒྱས་དགོངས་པའི་གནད་འདུས་པར། །རང་སྣང་ཡུལ་རྣམས་འཛིན་པའོ། །དྲིསལནབརྒྱདཔ། །སྒྲོན་མའི་གནད་ནི་ངས་བཤད་ཀྱིས། །ལྷ་བུ་སྐལ་ལྡན་ཁྱོད་ཉོན་ཅིག །ཡུལ་དང་རིག་པ་རླུད་དག་གིས། །ཆོས་ཉིད་ལམ་དུ་བཟུང་བའི་ཕྱིར། །ཡེ་ཤེས་རྫོགས་པའི་ཆོས་ཉིད་དག །འདི་ཡང་སྒྲོན་མའི་གནད་ཡིན་ནོ། །རྒྱང་ཞགས་འགུལ་པ་མེད་པ་གནད། །འདི་དུས་ལྟ་སྟངས་གསུམ་དང་སྦྱར། ཤེས་རབ་སྒྲོན་མ་སྦྱང་བའི་གནད། །ཆོ་ག་གསུམ་གྱིས་སྤེལ་བ་དང་། །བསྒྲུབ་པའི་གནད་ཀྱིས་རྒྱ་ཉིད་བསྐྱེད། །ཐིག་ལེའི་སྒྲོན་མ་གཏེམས་པ་གནད། །རྩ་དང་མཐེབ་མཛུབ་མ་བྲལ་བས། །ཡེ་ཤེས་གོང་དུ་འཕེལ་བའོ། །དབྱིབས་ཀྱི་གནད་ནི་འཁྲིད་པ་སྟེ། །ཉི་མའི་བསླབ་ཐབས་རྣལ་འབྱོར་པས། །ལེགས་པར་སྤྱད་སྟེ་ཁྲིད་པར་བྱ། །ཟླ་བ་དག་ལའང་བསླབ་པར་བྱའོ། །འདི་ལྟར་རྒྱུན་དུ་སུས་བྱས་པ། །འཁྲུལ་པའི་སྣང་བ་རྒྱུན་ཆད་དེ། །དག་པ་ཡེ་ཤེས་ལྔ་ཡི་འོད། །ས་རྡོ་རི་བྲག་བག་སྟོངས་ནས། ཁྲུ་ཆད་དང་ནི་ཡུལ་གྲུ་ཙམ། ཁྲིད་ལ་མཁས་པས་སྣང་བར་འགྱུར། །འདི་དུས་ཐབས་ཀྱིས་བཅོས་པ་གནད། །རྫོགས་པའི་ཆོས་ཉིད་ཐོབ་པའོ། །འདི་ལྟར་གོམས་པས་ཆོས་ཉིད་སྟོབས། །ལུས་འབྱུང་རང་སོར་རྫོགས་པའོ། །དེ་ལྟར་ལུས་འབྱུང་རྒྱུན་ཆད་པས། །ཟག་བཅས་ཕུང་པོ་མི་སྣང་བར། །འདི་ལ་མངོན་པར་འཚང་རྒྱའོ། །དྲིསལནདགུཔ། །སྒྲོན་མའི་མཚན་ཉིད་འདི་ལྟ་སྟེ། །སྤྱིར་ཡང་སྣང་བ་སྟོན་པ་དང་། །ཡེ་ཤེས་མ་བུར་སྦྲེལ་བར་བྱེད། །འཁོར་འདས་ས་མཚམས་སྦྱོར་བའོ། །རང་གདངས་གསལ་བས་འོད་ལུས་ལ། །རྟོག་བྲལ་ཡེ་ཤེས་སྡུད་པར་བྱེད། །རྟག་བཅས་ཡུལ་གྱིས་སྣང་བ་ལ། །མི་རྟོག་ཡེ་ཤེས་གཞི་མ་འཛིན། །རྒྱང་ཞགས་སྒྲོན་མའི་མཚན་ཉིད་ནི། །ཁྱབ་པས་འཇུག་ལ་འཇུག་པས་ཁྱབ། །འབྱུང་བ་བཞི་བདག་བྱེད་པར་གནས། །འཛིན་འཇུག་མཆེད་དང་བྱེད་པའོ། ཁེས་རབ་དག་གི་མཚན་ཉིད་ནི། །གསལ་བའི་ཚིག་འཇུག་གཞི་མ་སྡུད། །ཉོན་མོངས་ལས་དང་བག་ཆགས་བསྲེག །སྨིན་བྱེད་འཁོར་འདས་སྲོག་གཅོད་པའོ། །ཐིག་ལེ་སྟོང་པའི་མཚན་ཉིད་ནི། །ཟླུམ་ཞིང་རང་བཞིན་ཀུན་གསལ་བ། །དམར་དང་ཁ་དོག་གསལ་བའི་འོད། །སྤྲོས་དང་བཅས་ཏེ་མཆེད་པར་བྱེད། །དབྱིངས་ཉིད་དག་པའི་མཚན་ཉིད་ནི། །མཐིང་ག་རང་རྫོགས་གཉིས་ཀྱི་ཆ། །ཐབས་དང་ཤེས་རབ་རྫོགས་པ་ཡིས། །ཟུང་གཉིས་ཆ་ལས་སྐུ་གཉིས་སོ། །མཚོན་པ་དཔེ་དང་བརྡའ་མཚོན་དང་། །ཚིག་གིས་མཚོན་ལ་ཐ་ཡང་བརྗོད། །བརྗོད་པས་ཤེས་པ་ཐ་སྙད་དང་། །ངོ་སྤྲོད་པ་དང་འཁྲིད་པ་དང་། །ལ་བཟླ་ཤན་དབྱེ་དག་གིས་སོ། །ཐིག་ལེའི་ཡུལ་ནི་ཁ་དོག་སྟེ། །ལྔ་དང་དྲུག་དང་གསུམ་གཉིས་དྲུག །གསལ་དང་དྲོ་དང་བསིལ་བ་དང་། །ཡང་ཞིང་གཡོ་བའི་བདག་ཉིད་འཛིན། །དོན་དམ་ཆོས་ཉིད་འབྱུང་བའོ། །དབྱིངས་ཀྱི་ཡུལ་ནི་སྟོང་པ་དང་། །གསལ་དང་སྒྲིབ་བྲལ་མདངས་འབྱིན་པ། །ཁྱབ་ཅིང་ཡང་ལ་གཅིག་འདུས་པའོ། །བག་རྡུལ་དངས་པའི་ནམ་མཁའ་ལ། །མཉམ་རྫོགས་ཆོས་ཉིད་དག་པའོ། །གསལ་ཞིང་ཡེ་ཤེས་ལྔ་ཡི་གདངས། །འོད་གསལ་དག་པའི་ལུས་ཉིད་དོ། །དྲིསལནངབྱུ་གཔ། །ཡེ་ཤེས་དག་པའི་སྒྲོན་མའི་རྟེན། །སྤྱིར་ནི་རྟེན་དང་བརྟེན་པ་ཡིས། །འཁོར་འདས་ས་བོན་འཕེལ་བར་བྱེད། །རྒྱང་ཞགས་རྟེན་ནི་སྣང་བ་ལ། །དག་དང་མ་དག་བྱེ་བྲག་གིས། །ལས་དང་ཚོགས་པ་དག་དང་ནི། །སྐུ་དང་ཡེ་ཤེས་ཉིད་ལ་བརྟེན། ཁྲེས་རབ་རང་བྱུང་བརྟེན་པ་ནི། །ཚིག་དང་ཡིན་མིན་རྟོག་པ་དང་། །གྲུབ་པའི་མཐའ་དང་ལྟ་སྒོམ་དང་། །ཆོས་ཉིད་ལ་ནི་བརྟེན་པའོ། །ཐིག་ལེ་སྟོང་པའི་བརྟེན་པ་ནི། །རྣམ་ཤེས་ཉིད་དང་བར་སྣང་དང་། །རྩ་དང་རླུང་དང་ཐིག་ལེ་དང་། །ཡེ་ཤེས་དག་ལ་བརྟེན་པའོ། །རྣམ་དག་དབྱིངས་ཀྱི་བརྟེན་པ་ནི། །སྨིན་མཚམས་ཉིད་དང་ནམ་མཁའ་དང་། །འོད་དང་ཐིག་ལེ་དག་དང་ཡང་། །སྣ་ཚོགས་སྐུ་ལ་བརྟེན་པའོ། །དེ་ཡང་རྟེན་ཡུལ་ཁྱད་པར་ནི། །གསུམ་གྱིས་བྱེད་འདུས་ཁྱད་པར་བརྟེན། །རྒྱང་ཞགས་ཉིད་ལས་རྟེན་པས་ནི། །སྐྱོན་མེད་བྱ་བྱེད་རྣམས་སྤངས་པས། །ཆོས་ཉིད་མ་ལ་སྤྱོད་པའོ། །ལས་དང་བག་ཆགས་དག་བྱེད་པས། །ཆོས་ཉིད་མངོན་སུམ་སྣང་བ་ལ། །བརྟེན་པས་འཁོར་བ་དོང་སྤྲུགས་ཏེ། །མྱང་འདས་མཚམས་སུ་རེ་ནུས་པའོ། །རྟོག་དཔྱོད་ཟད་པའི་སེམས་ཉིད་ཀྱིས། །འཁོར་བ་རྒྱང་དུ་འཕངས་པ་ཡིས། །ཡེ་ཤེས་དག་པའི་སྐུ་མཐོང་ནས། །འཁོར་འདས་གཉིས་ཀྱི་འདུན་ས་འཇིག །གང་གིས་མེ་ཏོག་མཛེས་མཐོང་བ། །འདིས་ནི་ཆོས་ཉིད་ཡུར་བར་འདྲོངས། །རིག་པ་སྲང་ལ་བཏབ་ནས་ནི། །ཆོས་རྣམས་ཟད་པའི་སར་བསྐྱལ་ལོ། །དབྱིངས་ལ་གོམས་པར་གྱུར་པའི་མིས། །འཁྲུལ་སྣང་སྟོངས་པར་བྱས་ནས་ནི། །ཆོས་ཉིད་དག་པའི་ཡུལ་མཐོང་བས། །ཞེན་ཡུལ་ཁུངས་ནས་ཐོན་པའོ། །དྲི་ལན་གཉིསཔ། །བློ་རིམ་གནདནི་འདི་ལྟ་སྟེ། །འབྱུང་བ་སྣོད་ཀྱི་ཁྱད་པར་ལས། །འབྱུང་བའི་སྨིན་སའི་ཁྱད་པར་གྱིས། །འགྲོ་བའི་བློ་ཡི་བྱེ་བྲག་གིས། །རིགས་དང་དབང་པོ་ཐ་དད་དོ། །དེ་ཡང་འབྱུང་བའི་རྣམ་འཕྲུལ་གྱིས། །ཆུ་ཡི་སས་ནི་ལས་དག་པས། །ཐོག་མ་མཆེད་པར་ནུས་པ་ལ། །ཐ་མ་ཟིན་པའི་ཆོས་མི་བརྗིད། །ཆུ་ཡི་མེས་ནི་ཟིན་སྐྱེན་བརྗེད། །ཆུ་ཡི་རླུད་གིས་བློ་བསྒྱུར་ཅིག །ཀུན་ལ་འཇུག་ཅིང་ས་ཟིན་མེད། །ཆུའིམོལནགཉིསབྱུངབདཔྱད།ཆུ་ཡི་རླུད་གིས་ཡས་པ་དང་། །ཡུལ་དང་ཤེས་པ་འཕྲད་པར་འགྱུར། །ཆུ་ཡི་ཆུས་ནི་བབས་ཆེ་ཞིང་། །འདུ་ཤེས་ཆུང་ཞིང་ཟིན་པའོ། །ས་ཡི་འབྱུང་བ་དག་པ་ལས། །ས་ཡི་ཆུ་ཡིས་ཚིག་འཕེལ་དང་། །རྟོག་པ་སྣ་ཚོགས་སྤེལ་བར་བྱེད། །ས་ཡི་མེས་ནི་མཆོག་ཏུ་དབང་པོ་དག །གསལ་ཞིང་འཇམ་དེས་ལྡན་པར་སྟོན། །ས་ཡི་རླུད་གིས་རྨུགས་པ་དང་། །བར་ཆད་ཅན་དེ་རེས་འཇོག་འགྱུར། །ས་ཡི་སས་ནི་ཚིགས་དང་ཡན་ལག་རྒྱས་པར་འཛིན། །མེ་ཡི་སས་ནི་དབང་པོ་རྒྱས། །ཆུ་ཡིས་འཇུག་ཅིང་ཁྱབ་པར་སྟོན། །རླུང་གི་དབང་པོ་རབ་ཏུ་རྣོ། །མེ་ཡི་མེས་ནི་ཟིན་སྐྱེན་བརྗེད། །རླུད་གི་སས་ནི་དོན་སྤྱོད་ཆེ། ཆུ་ཡིས་ཏིང་འཛིན་དམིགས་པ་གསལ། །མེ་ཡིས་ཚིག་ལ་ལོངས་སྤྱོད་ནུས། །རླུད་གི་རླུང་གིས་རྟོག་དཔྱོད་འཛིན། །འདི་ཡི་འབྱུང་བ་མ་དག་པས། །ལོག་པའི་ལས་ཀུན་བྱེད་པར་སྟོན། །སྣང་བ་གཡེངས་དང་ཤེས་པ་འགྱུར། །རྟོག་པ་རགས་ཤིང་མི་དགེ་སློང་། །ཆོས་ཀྱི་སེམས་ཀྱང་སྤང་བའོ། །དེ་ལྟར་འབྱུང་བ་སྣོད་དག་པས། །ཐར་པའི་ལམ་སྣ་སྟོན་པ་དང་། །སྐུ་གསུམ་ཡང་དག་གཏན་ལ་འབེབས། །དེ་ནས་མ་ཡི་མངལ་ཞུགས་པས། །ལོ་དང་ཟླ་བ་ཞག་གི་རྩིས། །སོ་སོའི་འབྱུང་བའི་རང་དུས་ཀྱིས། །དུས་ཚོད་ངེས་པར་བཟུང་བྱས་ལ། །རང་རང་འབྱུང་བ་གསོ་བ་ཡི། །རྟེན་འབྲེལ་སྔགས་པས་འབད་དེ་བརྟེན། །འབྱུང་བ་བསྐྱེད་པའི་ཆོ་ག་ཡིས། །དབང་པོ་རྣོ་ལ་ཡེ་ཤེས་གསལ། །གཟུགས་དང་ཁ་དོག་རྫོགས་པ་དང་། །འགྲོ་བ་བྱམས་ཞིང་ལོངས་སྤྱོད་ལྡན། །སྡིག་སྤང་དགེ་བ་སྤྱོད་པར་སྨིན། །དེས་ནི་འབྱུང་བས་བཅུད་བསྐྱབས་ཏེ། །སྣོད་ཀྱི་ཁ་དོག་བྱེ་བྲག་གིས། །མན་ཤེལ་མདོག་ཀྱང་འགྱུར་བ་བཞིན། །དྲི་མ་མེད་པའི་སེམས་ཉིད་ཀྱང་། །འབྱུང་བའི་སྣོད་ཀྱིས་དེ་བཞིན་ནོ། །དྲིསལནབཅུགསུམཔ། །ཉམས་སུ་ལེན་པའི་གནད་འདིའོ། །དམིགས་རྟེན་ཉིད་དང་བསམ་གནས་སོ། །དམིགས་གཟུགས་སྒྲ་དྲི་རོ་དང་རེག །འདོད་པ་ལྔ་ཡི་གནས་སྦྱངས་ཏེ། །གཟུགས་ནི་ཁ་དོག་དབྱིབས་རྣམས་དང་། །བཟོ་དང་སྒྱུ་རྩལ་ཐ་དད་དང་། །མིག་འཕྲུལ་རྣམ་པ་སྣ་ཚོགས་པའོ། །སྒྲ་ནི་པི་ཝང་བིམ་ལྡིར་དང་། །རྒྱུད་མངས་རྫ་རྔ་གླིང་བུ་དང་། །ཕེག་དང་ཧར་ལ་སོགས་པའོ། །དྲི་ནི་ངད་ལྡན་སྦྱར་བ་དང་། །ཡིད་མཐུན་རྟེན་འབྲེལ་ཟབ་མོས་བྱ། །རོ་ནི་བུ་རམ་དྲུག་ལྡན་དང་། །རྒུན་ཆང་སྦྱར་བ་སྣ་ཚོགས་བསྒྱུར། །རྟེན་འབྲེལ་ཡན་ལག་སྦྱོར་བའོ། །རེག་ནི་མཁས་པས་ཁྲི་སྟོང་འདུག །གཞུ་བསྣོལ་འབྱུང་བའི་སྦྱོར་བ་དང་། །ཤིང་གི་ལོ་མ་འགའ་ཞིག་གིས། །རེག་པ་ཙམ་གྱིས་ཆོས་ཉིད་ལ། །འབྲལ་མེད་སེམས་ཀྱི་གནས་པའོ། །སེམས་ནི་བཟུང་དང་གནས་པ་དང་། །རྩ་བ་བཅད་དང་དངོས་པོས་དེད། །ཡུལ་དང་ཤེས་པའི་བར་ནས་བཙལ། །ཡེངས་ལ་བོར་བ་རྣམས་ཡིན་ནོ། །དྲིསལནབཅུབཞིཔ། །དེ་ལྟར་ཉམས་སུ་བླངས་པ་ལས། །རྟགས་དང་ཚད་ནི་འདི་ལྟ་སྟེ། །ལུས་ནི་ཡང་ཞིང་ཟང་ཐལ་སྣང་། །ས་ལ་རེག་མེད་ཐོགས་མེད་དང་། །ངག་གི་ནུས་རྫོགས་གཏམ་ཟུངས་ཟད། །སེམས་ནི་འཕོ་བར་ནུས་པའོ། །མིག་དང་རྣ་བ་སྣ་དང་ལྕེ། །ལུས་ཀྱི་དབང་པོ་ཀུན་ཟད་དེ། །རང་བཞིན་མེད་པས་ནུས་པ་ཟད། །དྲིས་ལན་བཅོ་ལྔ་པ། །བར་མ་དོ་ཡི་སྣང་བ་ནི། །རང་བཞིན་གནས་པའི་ཕུང་པོ་དང་། ཁམས་དང་ཉོན་མོངས་ཡུལ་དུ་སྣང་།། །འཆི་ཁའི་བན་བུན་ལང་ལིང་དང་། ཤེས་པ་གཅིག་ཏུ་མི་གནས་པའོ། །ཆོས་ཉིད་བར་དོའི་སྐུ་དང་་ཡང་། །ཡེ་ཤེས་འོད་དང་ཁ་དོག་གོ །ཐིག་ལེ་མཆེད་དང་འབྱུང་སྣང་དག །ཅིར་སྣང་ཆོས་ཉིད་གཞལ་ཡས་སོ། །སྲིད་པའི་སྣང་བ་ཕྱད་ཕྱོད་དང་། །ཡད་ཡུད་རྨི་ལམ་སྣང་བ་ལྟར། །བདེན་སྣང་རྫུན་པ་ཡིད་ཀྱི་ལུས། །དཀར་གླེགས་ལ་སོགས་རིགས་དྲུག་འོད། །སོ་སོའི་དམིགས་པའི་ཡུལ་སྣང་བའོ། །དྲི་ལན་བབྱུ་དྲུག་པ། །རང་སེམས་གྲོལ་བ་ཞེས་བྱ་བ། །གཅིག་ནས་གཅིག་ཏུ་སོང་བ་མེད། །གང་གིས་བཀྲོལ་བ་མེད་པའི་སེམས། །གཞི་ལ་རྫོགས་པས་འགྲོ་འོང་མེད། །བརྟགས་པས་མ་རྙེད་རྒྱུ་མཚན་མེད། །གཞི་རྩ་མེད་པས་སྟོང་པར་གནས། །རང་གསལ་གནས་པའི་སེམས་དེ་ནི། །གནད་ཀྱིས་གྲོལ་བས་ཕྱོགས་རིས་མིན། །དུས་ཀྱིས་གྲོལ་བས་ལྷོས་གཞི་མེད། །འབད་མེད་གྲོལ་བས་རྩོལ་སྒྲུབ་མེད། །གདེང་གིས་གྲོལ་བས་འབད་རྩོལ་མེད། །དེ་ལ་གདེང་གིས་གྲོལ་བར་བཤད། །ཡེ་ནས་གྲོལ་བར་བསྐྱང་གཞི་མེད། །རང་གིས་གྲོལ་བས་གཉེན་པོ་མེད། །ཅེར་གྱིས་གྲོལ་བས་མཐོང་སར་ཡལ། །ཡོངས་སུ་གྲོལ་བས་འབད་མེད་པའོ། །དྲིསལན་ངབྱུབདུནཔ། །དེ་ལྟར་གྲོལ་བའི་སེམས་ཉིད་ལ། །ཐུགས་རྗེ་མེད་པ་མ་ཡིན་ཏེ། །གཞི་ལ་གནས་པའི་ཡེ་ཤེས་ཀྱིས། །རང་བཞིན་ཤུགས་ཀྱིས་འཆང་གཞི་བྱེད། །མཚན་ཉིད་འཛིན་པའི་ཡེ་ཤེས་ཀྱིས། །རྐྱེན་གྱིས་དག་པ་སྨིན་པར་བྱེད། །ཤེས་དང་ཤེས་བྱའི་ཡེ་ཤེས་ཀྱིས། །མོས་གུས་ཅན་ལ་དངོས་གྲུབ་སྟེར། །དེ་ཡང་སེམས་ཉིད་སྨིན་པའི་ཚེ། །ཆོས་ཀྱི་སྐུ་ལ་གཞི་གནས་ཏེ། །ཀ་ནས་དག་པའི་དྲི་མ་ཟད། །ངོ་བོ་ཡེ་ནས་ཞབྲུལ་བ་མེད། །འཆར་བྱེད་མ་འགགས་ལྷུན་གྲུབ་བོ། །རང་བཞིན་འདི་འདྲ་ངེས་པ་མེད། །ཀུན་ལ་ཁྱབ་པས་ཐུགས་རྗེ་སྟེ། །འཁོར་བ་འདས་པ་ཆུང་བ་མིན། །ལོངས་སྐུའི་ཡེ་ཤེས་མཚན་ཉིད་འཛིན། །ཡུལ་དངོས་དག་པས་མེ་ལོང་སྟེ། །འཁོར་འདས་གཟུགས་བརྙན་གསལ་བའོ། །ཕྱོགས་རིས་མེད་པའི་མཉམ་པ་ཉིད། །དཔང་པོའི་ཡུལ་བརྟེན་སོ་སོར་རྟོགས། །འབད་པས་མ་ཡིན་བྱ་བ་གྲུབ། །ཐ་དད་མེད་པས་ཆོས་ཀྱི་དབྱིངས། །སྤྲུལ་པའི་སྐུ་ལ་ཤེས་བྱ་སྟེ། །ཇི་ལྟར་མཁྱེན་པས་དངོས་པོ་ཡི། །གནས་ལུགས་རང་གི་དོན་དུ་ཤེས། །ཇི་སྙེད་པས་ནི་གདུལ་བྱ་ཡི། །བསམ་པ་ཅི་ལྟར་གནས་པ་ཤེས། །དེ་ལྟར་ཐུགས་རྗེའི་འཆར་ཚུལ་ལས། །གདུལ་བྱའི་འགྲོ་བ་ཐ་དད་ལ། །འདུལ་བྱེད་སྐུ་ཡང་དེ་ཙམ་༄༅ མོ །ང་ས་འ།ན་བཅོ་བརྒྱད་པ། །དེ་ཉིད་ཡེ་ཤེས་གནད་བསྟན་པས། །དང་པོ་གཞི་ལ་ཁྱབ་ཚུལ་ལ། །བར་དུ་ལམ་ལ་རྫོགས་པ་ཡི། །ཐ་མ་འགྲོ་བའི་ལུས་ལ་ཁྱབ། །ལུས་ཀྱི་དུས་ནི་འདི་ལྟ་སྟེ། །འབྱུང་བ་འདུས་པའི་ཕུང་པོ་ཡི། །ཙིསྟ་རིན་ཆེན་གཞལ་ཡས་ན། །ངོ་བོ་ཀ་ནས་དག་པའི་ཆ། །སྟོང་གསལ་འདུས་པ་སྐུ་ཡི་གདངས། །ཞལ་ཕྱག་རྫོགས་པ་བུམ་སྐུའི་ཚུལ། །ལྷུན་གྲུབ་འོད་ཀྱི་གོང་བུར་གན་ས། །ཐུགས་རྗེ་ཁ་དོག་སོ་སོར་གསལ། །རོ་མ་རྐྱང་མ་ཀུན་འདར་མ། །ཀ་ཏི་ཤེལ་གྱི་སྤུ་གུ་ཅན། །མེ་ལོང་མཉམ་ཉིད་སོ་སོར་རྟོགས། །བྱ་གྲུབ་ཆོས་དབྱིངས་ཡེ་ཤེས་ནི། །ཐིག་ལེ་རྒྱུ་དང་མི་རྒྱུ་དང་། །རང་རྩལ་རྫོགས་པའི་རྟེན་དུ་གནས། །དངས་མ་འདུས་པའི་མིག་གཉིས་ནས། །ཐབས་དང་ཤེས་རབ་ཁྱད་པར་ལས། །ཇི་ལྟར་མཁྱེན་པའི་ཐིག་ལེ་དང་། །དག་པ་དབྱིངས་ཀྱི་སྒྲོན་མར་སྨིན། །ཇི་སྙེད་པ་ནི་རྒྱང་ཞགས་དང་། །ཤེས་རབ་སྒྲོན་མར་སྨིན་པ་ཡིས། །འགྲོ་བ་རྣམས་ཀྱི་ལས་ཀྱི་ཡང་། །དབང་པོའི་བྱེ་བྲག་ཅི་ལྟ་བར། །དེ་ལ་བསླབས་པས་ཤེས་པར་འགྱུར། །དྲིས་ལན་བཅུ་དགུ་པ། །བཞུགས་ཚུལ་གནས་ལུགས་རྣམ་པ་གཉིས། །ཐོག་མའི་གཞི་ལ་གནས་པ་དང་། །འཁྲུལ་པའི་ཡུལ་ལ་གནས་པའོ། །ཐོག་མའི་ངོ་བོ་རང་བཞིན་དང་། །ཐུགས་རྗེ་རྣམ་པ་གསུམ་དུ་གནས། །དེ་ཡང་ངོ་བོ་བསྐུར་གནས་པས། །ཆོས་དང་ལོངས་སྤྱོད་སྤྲུལ་པའི་ཆར། །མ་ཕྱེ་འབྱེད་པ་མེད་པའི་ཚུལ། །བབ་ལས་གྲུབ་པ་ཉིད་ལ་ཡང་། །སྐུ་མདོག་ལ་སོགས་བློ་ཡུལ་མེད། །རང་བཞིན་འཆར་བྱེད་འོད་ཀྱི་ཚུལ། །དཀར་དམར་སེར་དང་ལྗང་མ ང་ན། །མཚན་མ་རིས་ཅན་མ་ཡིན་པར། །རིས་མེད་ཤེས་བྱའི་བབ་ལས་གྲུབ། །ཐུགས་རྗེ་འཆར་བ་སྣ་ཚོགས་ལས། །འདི་འདྲ་གཅིག་ཏུ་ངེས་མེད་པས། །སྣ་ཚོགས་སྣང་ཕྱིར་གཞི་ཞེས་བྱ། །འཁྲུལ་པའི་ཡུལ་ལ་རང་བཞག་དང་། །ཅོག་བཞག་རང་གྲོལ་རྒྱས་གདབ་བོ། །དྲི་ལནཉིཤུཔ། །དགོངས་པ་གཅིག་ལས་གཡོས་པ་མེད། །སྣང་བ་སྣང་བའི་ཐོག་གསལ་བས། །བཞིན་དང་མེ་ལོང་ལྟ་བུ་ལས། །གྲོལ་བ་དེ་དང་དེ་ཉིད་གྲོལ། ཁྲེས་པ་འགྱུ་བ་ཡུལ་སྟོང་བས། །མཐོང་ཤེས་རིག་པ་ཐ་དད་མིན། །དེ་ཉིད་རང་གི་ཐོག་ཏུ་གྲོལ། །གཅིག་ཤེས་པས་ནི་ཀུན་གྲོལ་བྱེད། །གཉིས་དང་གསུམ་གྱི་གྲངས་མཐའ་ཟད། །རྟོག་ཅིང་འཛིན་པའི་ཡུལ་མི་སྣང་། །འགྱུ་དང་འཛིན་པ་ཡེ་ནས་སྟོང་། །སྟོང་པའི་དགོངས་པ་གསལ་རྫོགས་པས། །དུ་མའི་གྲངས་མཐའ་ཟད་པའོ། །དྲིསལནཉེར་གཔ། །ཀུན་གཞི་དང་ནི་ཆོས་སྐུའི་གནད། །དེ་ལ་ཀུན་གཞི་རེ་ཞིག་བཤད། །ཆོས་དང་ཆོས་མིན་ཀུན་གྱི་གཞི། །ངོ་བོ་ངེས་ཚིག་དབྱེ་བ་བཤད། །ངོ་བོ་བག་ཆགས་རྣམས་ཀྱི་སྣོད། །དབྱེ་བ་ཡུལ་དང་སྦྱོར་བ་དང་། །སྣ་ཚོགས་པ་དང་ཡེ་གཞིའོ། །ངེས་ཚིག་ཀུན་ནི་འདུས་པ་ལ། །གཞི་ནི་ཚོགས་ཤིང་སོགས་པའོ། །ཆོས་ཀྱི་སྐུ་ནི་སྤྲོས་བྲལ་ཏེ། །རང་གར་འཛིན་པའི་མཚན་མ་མེད། །ངོ་བོ་སྟོང་གསུམ་དབྱེར་མེད་ལ། །དབྱེ་བ་ཆོས་དང་ལོངས་སྤྲུལ་སྐུ། །གསུམ་གྱི་དབྱེ་བས་ཁྱད་པར་འཇུག །ངེས་ཚིག་ཆོས་ནི་ཡང་དག་ལམ། །སྐུ་ནི་དེ་ལས་གྲུབ་པའོ། །དེ་ལྟར་དབྱེ་བའི་གནད་ཀྱིས་ནི། །དུས་དང་ཐབས་དང་དཔེ་ཉིད་དང་། །ཕྱེད་པའི་ཚད་ཀྱིས་འབྲས་བུའོ། །དྲིསལནཉེརགཉི་པ། །སེམས་དང་ཡེ་ཤེས་གནད་ཉིད་ནི། །སེམས་ཞེས་བྱ་བ་འཁྲུལ་རྟོག་ལ། །ངོ་བོ་འཇུག་ཅིང་ཁྱབ་པ་ལ། །དྲན་བསམ་རྣམས་ཀྱི་གཞི་མའོ། །དབྱེ་བ་དག་དང་མ་དག་པ། །ངེས་ཚིག་བསམ་པ་དྲན་ཡུལ་སྐྱེ། །དེ་ཡང་གང་ལ་སེམས་དང་གང་གིས་སེམས། །གང་སེམས་པ་དང་གང་ཕྱིར་སེམས། །ཡེ་ཤེས་རྟོགས་པ་མ་ཡིན་ཏེ། །ངོ་བོ་རང་གསལ་སྙིང་པོའི་དོན། །དབྱེ་བ་དག་ནི་གསུམ་དུ་འདོད། །ངེས་ཚིག་ཡེ་ནས་གནས་པའི་དོན། །དེ་ལྟར་ཤེས་པས་ཡེ་ཤེས་ཏེ། །དེ་ཉིད་དབྱེ་བའི་དོན་བསྟན་པ། །དུས་དང་ཐབས་དང་དཔེ་དང་ཚད། །དགོངས་པ་སོ་སོའི་འབྲས་བུ་དང་། །ཡེ་ཤེས་རྟོགས་པའི་མཚན་ཉིད་ནི། །ལུས་དང་ངག་དང་སེམས་ཀྱིས་ཀྱང་། །རྟགས་དང་ཚད་དང་འཇུག་པ་དང་། །མཚན་ཉིད་འགྱུར་བར་ཤེས་པ་དང་། །མཉམ་ཉིད་རྫོགས་པའི་བྱེ་བྲག་གོ །དྲིས་ལན་ཉེར་གསུམ་པ། །འབྱུང་བ་དངས་སྙིགས་འབྱེད་འདོད་པས། །དོན་དམ་ཀུན་རྫོབ་དབྱེ་བ་ལས། །འབྱུང་བ་ལ་ཡང་གཉིས་སུ་འདུས། །དེ་ཡི་སྨིན་པོ་བྱེད་ལས་དེ་ལྡན་འཁོར་བའི་ཡིད་བྲལ་བས། །བླ་མ་མཆོད་དང་གཏོར་མ་བྱ། །འཁོར་བའི་འབྲེལ་བ་ཀུན་སྤངས་ཏེ། །དབེན་པའི་ཕྱོགས་སམ་དུར་ཁྲོད་དུ། །གྲོགས་སྤང་གཅིག་པུར་གནས་པར་བྱ། །གསུམ་པོ་བརྟེན་པ་མ་ཡིན་པར། །རང་གི་མཐེབ་དང་མཛུབ་མོ་ཡིས། །ཐིག་ལེ་སྟོང་པའི་སྒྲོན་མ་གཏེམས། །གཏེམས་པ་དེ་ལས་གང་བྱུང་བ། །ཆོས་ཉིད་མངོན་སུམ་སྣང་བའོ། །དེ་ལས་ཡེ་ཤེས་འཕེལ་བའི་ཉམས། ཁ་དོག་དང་ནི་དབྱིབས་ཀྱིས་ཀྱང་། །ཕྱི་དང་ནང་ཀུན་གསལ་བར་ཁྱབ། །གོང་ནས་གོང་དུ་ངེས་པར་འཕེལ། །འདི་དུས་ལུས་ངག་བདེ་བའི་རྟགས། །སྣང་བའི་ཚད་དང་རིམ་པས་སྦྱར། །ཡེ་ཤེས་རྫོགས་པའི་སྣང་བ་དང་། །ཆོས་ཉིད་དག་པའི་སྣང་བ་ལས། །སྣང་གསུམ་རྫོགས་ནས་ཟད་པར་འགྱུར། །དེ་ལ་འབྲས་བུ་ཞེས་བྱའོ། །དྲིས་ལན་ཉེརལྔ་པ། །དེ་ལྟར་གཏེམས་པའི་སྣང་བ་ནི། །དང་པོ་དམར་པོ་དག་པ་ཡི། །དབང་རྫོགས་ཟླུམ་པོ་རང་གསལ་རྫོགས། །མཛུབ་གཉིས་དག་ལས་གསུམ་དུ་འགྱུར། །དེ་ནས་ཡང་ཡང་གཏེམས་པ་ཡིས། །ཡེ་ཤེས་ལྔ་ཡི་ཁ་དོག་ནི། །དཀར་དམར་ལྗང་གུ་སེར་མཐིང་ནང་ ། །ཡུལ་ལ་སྣང་སྟེ་རྩོལ་བའོ།དེ་ནས་རྩོལ་བྲལ་ཕྱིན་པ་ཡང་། །རླུད་གི་ཆ་ཡིས་འགྲོ་དང་འོང་། །མེ་ལོང་དག་གི་དབྱིབས་ཙམ་ལས། །གཉིས་དང་གསུམ་གྱི་ཆར་སྣང་ངོ་། །དེ་ཉིད་རྟག་ཏུ་གོམས་པ་ལས། །ཁ་དོག་ལྔ་ཡི་འོད་ཀྱིས་ཀྱང་། །རེ་ལྡེ་ཙམ་ལས་གྲུ་ཆད་སྣང་། །ཡུལ་གྲུ་ཙམ་ལས་མཐོང་ཚད་དོ། །དེ་ལ་གོམས་པའི་ཚད་རྙེད་ནས། །ཐིག་ལེའི་ནང་དུ་སྐུདང་བཅས། །ཕྱེད་སྐུ་དག་ཏུ་ཡུན་འགའ་གནས། །དེ་ལས་ལྔ་ལྔ་ཟུང་དུ་བཅས། །རབ་ཏུ་གསལ་བའི་ཐིག་ལེས་འབྲེལ། །ཡབ་ཡུམ་སྐུ་ཡི་སྣང་བ་ཅན། །འཁྲུལ་སྣང་ཟད་ནས་ཞིང་ཁམས་སོ། །འདི་དུས་ལུས་ངག་ཡིད་ཀྱི་ཚད། །སོ་སོའི་སྣང་བ་མཐོང་དུས་ཀྱི། །རང་ལ་སྨིན་པས་རྟགས་རྫོགས་ཏེ། །ཟད་པའི་ཚད་རྣམས་མངོན་པར་སྣང་། །འདི་ལ་བརྩོན་འགྲུས་ཆེ་ཆུང་གིས། །ཞག་དང་ཟླ་བ་ལོ་རྣམས་ཀྱིས། །སོ་སོའི་དུས་ལ་ངེས་པར་འགྲུབ། །འགྱུར་བ་མེད་པའི་དུས་དག་ལས། །སོ་སོའི་ཚད་ལ་ཕེབས་པའོ། །དྲིས་ལན་ཉེར་དྲུག་པ། །རྩ་ཡི་གནད་ནི་བརྒྱ་ཕྲག་གཉིས། །དེ་ལ་ལེགས་པར་གནད་བསྡུས་ནས། །བརྒྱ་དང་བཅོ་ལྔས་ལས་ཀུན་བྱེད། །རབ་ཏུ་འགྱུར་བ་རྩ་ཡི་གནད། །དྲུག་ཅུ་རྩ་བརྒྱད་ཆོས་ཉིད་སྦྱོར། །མཆོག་ཏུ་བདེ་བ་ཆེན་པོའི་རྩ། །གཞི་ཡིས་བཞི་ཡང་བྱུང་།འགྲོ་བའི་སྣང་བ་སྟོན། །གཞི་ཡི་གནས་དང་འགྲོ་བའི་ལམ། །སྨིན་པའི་སྒོ་དང་བྱེད་པའི་ལས། །དུས་དང་དེ་ཡི་སྣང་ཚད་དོ། །དེ་ཡི་གནད་ཀྱི་མན་ངག་ནི། །གནས་དང་འོང་དང་འགྲོ་ལམ་རྟེན། །སྨིན་པའི་ས་དང་ཐིག་ལེ་སྦྱར། །དེ་ལྟར་སུ་ཡིས་བྱས་པ་ཡིས། །རྣམ་རྟོག་འགགས་ནས་ཡེ་ཤེས་སྐྱེའོ། །དུས་ནི་རླུད་གི་ཚད་ཀྱིས་བཟུང་། །འགྱུ་བའི་གྲངས་ཀྱིས་ཡེ་ཤེས་གནས། །མཁས་པས་ཤེས་པར་བྱས་ཏེ་བཟུང་། །བྱེད་ལས་རླུད་གི་གྲངས་ཚད་ཀྱིས། །མ་འཁྲུལ་པ་ལ་ཆོས་ཉིད་དང་། །མ་དག་ལས་ཀྱི་བྱེ་བྲག་སྟོན། །སྣང་བའི་ཚད་ཀྱང་ལུས་ངག་ཡིད། །སོ་སོའི་དུས་ལ་བབ་པས་སོ། །དྲིསལན་ཉེརབདུན་པ། །སེམས་ཀྱི་སྦྱངས་པ་འདི་ལྟ་སྟེ། །ཕྱི་རོལ་ཡུལ་དང་ནང་གི་ལུས། །བར་དུ་ལས་དང་སེམས་བསྡམས་པས། །ངག་གི་བྱ་བའི་ལས་ཀྱི་བྱ། །མཆོག་ཏུ་སེམས་ཀྱིས་སེམས་ལ་སྦྱང་། །ཡུལ་ནི་ཡོད་དརྔ་མེད་པ་དང་། །འགྲོ་དང་འོང་བའི་གནད་ཀྱིས་བསམ། །ལུས་ནི་མིང་དང་ཕྲ་རབ་རྡུལ། །བྱེ་བྲག་དུ་མ་ཉིད་ཀྱིས་གཞིག །ལུས་སེམས་བསྡོམ་པའི་བར་དུ་བརྟགས། །ངག་གི་བརྗོད་པ་བྱེ་བྲག་གིས། །སོ་སོའི་རླུད་དང་འགྲོ་དང་འོང་། །དུས་ཀྱི་གཉིས་མེད་བསྲེས་པས་འགྲུབ། །མཆོག་ཏུ་སེམས་ནི་འགྲོ་འོང་གནས། ཁུ་མཚན་བརྟག་པ་མེད་པས་སྦྱངས། །དེ་ལྟར་འབྱོངས་པའི་ཚད་ཀྱང་བཟུང་། །དེ་ལྟར་དེ་ཡི་མཚན་ཉིད་རྫོགས། །དྲིས་ལནཉེརབརྒྱདཔའོ། །ཉོན་མོངས་པ་ནི་རང་རྐྱེན་ལས། །རང་གི་གྲིབ་མས་འཇིགས་པ་བཞིན། །རང་གི་རང་བཞིན་མཐོང་བར་འགྱུར། །དེ་ཡང་རླུང་གི་གྲངས་ཚད་ལས། །བརྒྱ་དང་ཉི་ཤུའི་གྲངས་ཀྱིས་ཤེས། །ལ་ལ་ཡུལ་ལ་བརྟེན་པ་ཡིས། །བདེན་དང་རྫུན་གྱི་ཁྱད་པར་འབྱུང་། །ལ་ལ་དམིགས་པ་མེད་པ་ལས། །གཟུ་བོ་ཙམ་གྱིས་ཤེས་པར་གཟུང་། །ལ་ལ་འཁོར་འདས་འདོད་པ་ཡང་། །བདེན་པ་གཉིས་ལས་སེམས་གཉིས་འཁྲུལ། །དེ་ལས་སྣང་རྐྱེན་ཉོན་མོངས་སོགས། །གཞན་ཡང་རབ་ཏུ་བཤད་བྱ་བ། །སྣང་བ་འཁྲུལ་བའི་རང་བཞིན་ནི། །ཡེ་ཤེས་ཡིན་པར་སྔར་མ་མཐོང་། །རྟོག་བཅས་འཁྲུལ་པའི་གཞི་མེད་པས། །ཀུན་གཞི་ཆོས་སྐུ་ཆེན་པོར་རྟོགས། །འཁྲུལ་པའི་རང་རྟོག་རྒྱུན་ཆད་དོ། །དེ་ལྟར་འཁྲུལ་མེད་སྣང་བ་ནི། །ཡེ་ནས་གྲོལ་བའི་གནད་ལས་འབྱུང་། །འགྲོ་བའི་ཕུང་པོ་སངས་རྒྱས་སྐུ། །ཡེ་ནས་ཡིན་པར་སུས་མ་རིག །ཕུང་པོ་སངས་རྒྱས་ལྔ་བདག་ཏུ། །རྩ་གནས་ཡི་གེ་གྲུབ་ལས་བྱུང་། །ཆུ་བུར་མིག་ལས་ཡེ་ཤེས་ནི། །རང་སྣང་ཡིན་པར་སུས་མ་མཐོང་། །དེ་ལས་འཁྲུལ་པའི་སྣང་བ་ནི། །སྒྲོན་མའི་གནད་ལས་བྱུང་བའོ། །གཞན་ཡང་ལུས་ཀྱི་སྤྱོད་ལམ་ཉིད། །སྐུ་གསུམ་དག་ཏུ་གྲོལ་བའི་ཕྱིར། །བྱ་བྱེད་ཐམས་ཅད་ཆོས་ཉིད་དོ། །ངག་ཏུ་ཅི་ལྟར་སྨྲས་པ་ཀུན། །གསང་སྔགས་གསང་བའི་བཟླས་པ་སྟེ། །ཡི་གེའི་རྣམ་འཕྲུལ་གནད་ལས་བྱུང་། །འགྲོ་བའི་སེམས་ཀྱི་རྟོག་པ་ཀུན། །བསམ་གཏན་ཡིན་པར་ཅི་མ་ཤེས། །རང་སེམས་རྟོགས་ལས་གྲོལ་བས་ན། །དེ་ནི་འབྱུང་བའི་གནད་ལས་བྱུང་། །དེ་ལྟར་ཐམས་ཅད་ཆོས་ཉིད་ལས། །བསླབ་པར་བྱ་བ་གང་མེད་ཅིང་། །གཞག་པར་བྱ་བ་ཅུང་ཟད་མེད། །གོང་དུ་མེད་པའི་ཆོས་ཉིད་དོ། །བྱ་བྱེད་བརྗོད་དང་བསམ་པ་ལས། །འཁོར་འདས་གྲོལ་བའི་གནད་བརྟགས་ཏེ། །སངས་མ་རྒྱས་པ་གཅིག་ཀྱང་མེད། །ཁམས་གསུམ་འཁོར་བ་དོང་སྤྲུགས་མེད། །དེས་ན་སེམས་ཅན་སངས་རྒྱས་སོ། །དེ་ཡང་ཆོས་ཉིད་མངོན་སུམ་གནད། །མཐོང་བ་ཙམ་གྱིས་ཤེས་པ་དང་། ཁྲེས་པ་ཡིས་ནི་རྟོགས་པ་དང་། །རྟོགས་པ་ཙམ་གྱིས་གྲོལ་བར་འགྱུར། །གྲོལ་ཞེས་བཀྲོལ་བ་མ་ཡིན་ཏེ། །ནམ་མཁའ་དག་ནི་ནམ་མཁའ་ལ། །ཐིམ་ནས་རང་བཞིན་དམིགས་མེད་ལྟར། །རིས་མེད་ཆ་ཤས་ཡོད་མ་ཡིན། །མངོན་སུམ་མཐོང་བའི་སྐལ་ལྡན་ལ། ཁམས་གསུམ་འཁོར་བའི་མིང་མེད་པས། །སྲིད་གསུམ་གདར་ཤ་ཆོད་པའོ། །ཞེས་སྒྲ་ཐལ་འགྱུར་ཆེན་པོ་ཆོས་རྣམས་ཀུན་གྱི་རྩ་བ་ལས། །གནད་འདུས་བཀོད་པ་རིག་པའི་རྩ་བ་ངེས་པར་འབྱུང་བའི་ལེའུ་སྟེ་གཉིས་པའོ།། །ག་་་་་༷༷ །།དེ་ནས་ལྷ་དབང་དགའ་བྱེད་ཀྱིས། །ཡེ་ཤེས་བཀོད་པ་ཞེས་བྱ་བའི། །སངས་རྒྱས་བཅོམ་ལྡན་འདས་ལ་ཞུས། །ཆོས་ཉིད་གནས་པ་ཇི་ལྟར་ལགས། །དེ་ལས་ཞབྲུལ་པ་ཅི་ལྟར་བྱུང་། །འཁྲུལ་པའི་རྒྱུ་རྐྱེན་གང་དང་གང་། །མཚན་ཉིད་རྟོགས་པ་ཅི་ཡི་ཕྱིར། །སེམས་ཅན་ཐ་དད་ཅི་ཡི་རྒྱུ། །རང་བཞིན་རྫོགས་པའི་གནས་སྐབས་གང་། །མིང་གི་མཚན་ཉིད་བྱེད་པ་གང་། །ལས་དང་དབང་པོའི་འཐད་པ་ཅི། །ཚིག་གི་འཇུག་པ་ཅི་ཡི་ཕྱིར། །བློ་དང་ཤེས་པ་གང་ལས་བྱུང་། །གཟུང་དང་འཛིན་པ་ཅི་ཡི་ཕྱིར། །ངོ་བོ་ཀ་དག་ཡེ་ཤེས་གང་། །རང་བཞིན་ལྷུན་གྲུབ་ཅི་ཡི་ཕྱིར། །ཐུགས་རྗེ་ཀུན་ལ་གང་གིས་ཁྱབ། །མེ་ལོང་ལྟ་བུ་ཅི་ཡི་ཕྱིར། །མཉམ་པ་ཉིད་ཀྱི་འདོད་པ་ཅི། །སོ་སོར་རྟོགས་པ་གང་ཙམ་ཞིག །བྱ་བ་ཇི་ལྟར་འགྲུབ་པ་ལགས། །ཆོས་ཀྱི་དབྱིངས་ལ་ཇི་ལྟར་སྤྱོད། ་གོས་པས་བསྡུས་པའི་ཡེ་ཤེས་གང་། །ཇི་སྙེད་པ་ལ་ཁྱབ་པ་ཅི། །ཇི་ལྟ་མཁྱེན་པའི་དགོངས་པ་གང་། །ཡེ་ཤེས་རྣམས་ཀྱི་སྡོམ་གཅིག་གང་། །འདི་དག་བདག་གིསསྔར་མ་འཚལ། །སྟོན་པ་ཐུགས་རྗེ་ཆེན་པོས་གསུངས། །ནམ་མཁའ་མི་འབྱེད་བར་སྣང་ནས། །སུས་ཀྱང་བྱས་པ་མེད་པའི་ཚིག །རང་བཞིན་རྟོག་པ་གང་མེད་པར། །བརྗོད་མེད་བསམ་དག་སྒྲ་ལས་ཀྱང་། །ཚིག་གི་རྒྱལ་པོ་འདི་དག་ནི། །སྟོན་པས་གསུངས་པའི་ཚུལ་དུ་ཤར། །དྲིསལན་དངཔོ་ནང་གསེསབཅུས་བསྟན། །ཆོས་ཉིད་གནས་པ་ཞེས་བྱ་བ། །དུས་ཀྱི་གནས་དང་རང་བཞིན་དང་། །འཕོ་བ་ངེས་པའི་ཚད་ཀྱིས་གནས། །ཡེ་ནས་གནས་དང་འབད་པ་དང་། །རྐྱེན་དང་རྒྱུ་རྐྱེན་བར་སྐབས་སོ། །དུས་ཀྱི་གནས་པའི་ཆོས་ཉིད་ནི། །དབྱར་དགུན་སྟོན་དཔྱིད་ཆ་བཞི་ལས། །སྟོན་གྱི་དང་པོར་ཕུང་པོ་དང་། །ཁམས་དང་ཡེ་ཤེས་རྒྱས་པའོ། །འདི་དུས་རྟེན་འབྲེལ་ཟབ་མོ་བསྟན། །ཟླ་བ་མར་གྱི་དགུ་དང་བརྒྱད། །ཡར་གྱི་བཅུ་བཞི་ལྔ་ལ་གནས། །ཞག་ནི་བཅུ་གཉིས་ཆ་ཡི་པྱེད། །ཉི་མའི་དུས་ཀྱང་བཅུ་གཉིས་ལ། །ཆ་ཡི་རྣམ་པ་བཞི་ལ་གནས། །འདི་དུས་ཆོས་ཉིད་སྦྱང་སྦྱརཡངབྱུང།བར་བྱའོ། །རང་བཞིན་དུ་ན་གནས་པ་དག །ཕྱི་རོལ་ཡུལ་དང་ནང་གི་སེམས། །བར་གྱི་དབུགས་ལ་གནས་པ་སྟེ། །འདི་ཡང་རྣལ་འབྱོར་པས་ཤེས་བྱ། །འཕོ་བ་ངེས་པའི་ཚད་གནས་ནི། །འཀྱུ་བ་ཆེན་པོའི་རླུད་དག་གིས། །སོ་སོའི་གནས་སྐབས་འགྱུ་ཚད་ལ། །ལྔ་བརྒྱ་དག་ལ་རེ་རེ་ཉིད། །ཆོས་ཉིད་གནས་པའི་འཕོ་བ་སྟེ། །རྟོག་པ་འཛིན་པ་སྟོང་ཚིགས་ལའོ། །རིགས་དྲུག་སོ་སོའི་ལྟུང་བའི་གནས། །རླུད་གི་འགྱུ་བའི་མཚམས་སྦྱར་བཟུང་། །དེ་ལ་སེམས་ཉིད་གནས་པའི་ཐབས། །ལྔ་བརྒྱའི་དུས་ནས་བརྩིས་ནས་ནི། །སོ་སོའི་དགེ་བའི་སྦྱོར་ཁ་འབད། །འདི་ཡང་རྐྱེན་གྱིས་ཉོན་མོངས་འཀྱུར། །སོ་སོའི་རླུད་གི་མཚམས་ནས་བཟུང་། །ཚེ་ཚད་ལས་ཀྱི་བྱེ་བྲག་ཡང་། །རླུ་་གི་འགྱུར་ལས་ཤེས་པར་བྱའོ། །ཡེ་ནས་གནས་པའི་ཆོས་ཉིད་ནི། །སྣང་བ་མེད་པ་ཐོག་མའི་དུས། །རང་བཞིན་བཅོས་པ་མེད་པར་གནས། །དྲི་མེད་སེམས་ཀྱང་དེ་བཞིན་ནོ། །འབད་པས་མངོན་སུམ་གནད་གཟིར་བས། །མ་བཅོས་གཞི་ལ་གནས་པའོ། །རྐྱེན་གྱིས་གནས་པ་འབྱུང་བ་ཡི། །ལུས་ཀྱི་བྱེ་བྲག་དག་པ་དང་། །མ་དག་པ་ཡི་ཁྱད་པར་གྱིས། །ཡེ་ཤེས་གནས་པའི་བྱེད་པས་ནི། །སོ་སོའི་དུས་ཚོད་མཁས་པས་བཟུང་། །རྒྱུ་ཡིས་གནས་པའི་སེམས་དེ་ནི། །ཀུན་ལ་ཁྱབ་ཕྱིར་ཆོས་ཉིད་དང་། །བཅོས་པ་མེད་ན་གནས་པ་ཡིན། །བར་སྐབས་གནས་པ་རླུང་གིས་དྲང་། །འགྱུ་བ་ཕྲ་བའི་བར་དུ་ཤེས། །འདི་ནི་ཡེ་ཤེས་གནད་འདུས་པའོ། །དྲིས་ལན་གཉིས་པ་དོན་བརྒྱད་བསྟན་པ། །དེ་ལས་འཁྲུལ་པ་རྒྱུ་དང་རྐྱེན། །ཆ་དང་ཡན་ལག་ལས་ཉིད་དང་། །མ་སྨིན་རྣམ་རྟོག་འཁོར་བའོ། །མ་རིག་པ་ནི་རྣམ་པ་གསུམ། །བདག་ཉིད་གཅིག་པས་འཁྲུལ་རྩ་བྱས། ལྷན་ཅིག་སྐྱེས་པས་རྟོག་པ་གཉིས། །ཀུན་ཏུ་བརྟགས་པས་ཡུལ་དུ་གྱུར། །རྐྱེན་ནི་རྣམ་པ་བཞི་དག་གིས། །འདུས་ཤིང་བཟུང་བས་འཁྲུལ་ཞེས་བྱ། །ཆ་ནི་འདུ་བྱེད་ལ་སོགས་པས། །འཁྲུལ་ཡུལ་ཆ་ལ་བཅུ་གཉིས་ཕྲི། །སྨིན་པས་ལོ་དང་བྱེད་ལས་སོ། །ཡན་ལག་སྤྲོས་པ་ཐ་དད་ལས། །ཐམས་ཅད་མིང་གི་བྱེ་བྲག་ཏུ། །འཁྲུལ་པའི་ཡུལ་ལ་རྣམ་གཉིས་འགྱུར། །ལས་ཀྱིས་འདོད་དང་གཟུགས་ཀྱི་ཁམས། །གཟུགས་མེད་ཁམས་ཏེ་རྣམ་གསུམ་བྱེད། །མ་སྨིན་པ་ནི་རིགས་དྲུག་གཟུགས། །མིང་དང་བྱེ་བྲག་ཐ་དད་འགྱུར། །རྣམ་རྟོག་བག་ལ་ཉལ་པ་དང་། །ཀུན་ནས་ལྡང་དང་ཁྱབ་ཚུལ་ལོ། །འཁོར་བ་ཞེས་པ་མཚུངས་པ་དང་། །ཚོགས་པའི་ལས་ཏེ་སྡུད་དང་མཆེད། །རྫོགས་དང་བྱེ་བྲག་སྣ་ཚོགས་པའོ། །དེ་ལྟར་འཁྲུལ་ཞེས་མིང་ཙམ་ལས། །རྟོག་འཛིན་བྱེད་པའི་རྟགས་དང་ནི། །ཚོགས་ཤིང་སྡུད་པའི་བྱེད་པ་ཅན། །མིང་གི་བྱེ་བྲག་གིས་བརྟགས་སོ། །དྲིས་ལན་གསུམ་པ་དོན་དགུ་བསྟན་པ། །འཁྲུལ་པའི་རྒྱུ་ནི་མ་རིག་པ། །གཞི་དང་ཤེས་པ་སྤགས་པ་དང་། །གཟུང་དང་དབང་པོ་འཁོར་ཚུལ་ལོ། །རྐྱེན་ནི་ཡུལ་དང་གཟུང་ཆ་ལས། །མཐའ་དང་མཐའ་ཡི་བྱེད་པ་དང་། །གཅིག་མ་ཤེས་པ་དམིགས་རྟེན་ནོ། །གཞི་ནི་གར་ཡང་འབྱེད་མེད་ཅིང་། ངེས་པ་མེད་པ་ཙམ་ལས་སོ། ཁྲེས་པ་འཇུག་དང་ཡལ་བ་དང་། །མཆེད་པར་འཛིན་པ་རྣམས་ཡིན་ནོ། །སྦགས་པ་དྲི་མར་འཛིན་པ་སྟེ། ཁྲེས་བྱས་རང་རྒྱུད་བཅིང་པའོ། །གཟུང་བ་མ་ཡིན་ས་ལ་ཡང་། །བདེན་པས་དམ་དུ་བཅིང་བའོ། །དབང་པོ་ཡུལ་དང་ཤེས་པའི་ཆས། །རྟག་འཛིན་ཡུལ་དེར་སྣང་བའོ། །འཁོར་ཚུལ་གཅིག་པར་ཤེས་པས་ནི། །རྣམ་རྟོག་གཉིས་གཉིས་ཟུང་འཇུག་གོ །མཐའ་ཡི་བྱེད་པ་ལས་དང་རྒྱུ། །འབྱུང་བ་དབང་པོའི་ལས་སུ་འགྱུར། །གཅིག་མ་ཤེས་པ་ཀ་དག་ལས། །ཆོས་ཉིད་རང་ངོ་མ་ཤེས་པས། ཁུ་དང་མ་ས་པའི་ཉེར་ལེན་ནོ། །དམིགས་པའི་རྟེན་ནི་ཁ་དོག་ལས། །གཉིས་ཆ་ཕྲ་བའི་འགྱུ་རྟེན་གྱིས། །འཁོར་བ་ལས་ཀྱི་དམིགས་གྱུར་ཏོ། །དྲིས་ལན་བཞི་པ་དོན་བརྒྱད་བསྟན་པ། །མཚན་ཉིད་རྟོགས་པའི་བྱེ་བྲག་ནི། །ཡོད་དང་མེད་དང་སྣང་བ་དང། །གསལ་དངསྟོང་པ་རགས་པ་འཛིན། །རྣམ་ཤེས་འཛིན་པའི་གཟུགས་ཅན་ནོ། །ཡོད་པ་དངོས་པོའི་བྱེད་པ་ཅན། །སྣང་དང་མཚན་ཉིད་འཇུག་པས་ཁྱབ། །ལས་དང་བྱེ་བྲག་ཉེ་བར་སྟོན། །མེད་པས་གཟུགས་ལ་སོགས་པ་སྤང་། །ཡིད་དང་ཤེས་པའི་འཇུག་པ་ཅན།མཚན་ཉིད་རྟག་ཏུ་མ་རྙེད་པའོ། །སྣང་བ་གཟུགས་ལ་སོགས་པ་སྟེ། །འཛིན་ཅིང་མཆེད་པ་སྡུད་པར་བྱེད། །གཉིས་འཇུག་ཁྱབ་པའིརང བཞིན ཅན། །གསལ་བས་རང་ངོ་སྟོན་པ་དང་། །མི་སྣང་བ་ལས་ལོག་པའོ། །སྟོང་པ་སྐྱེ་བ་མ་ཡིན་ལས། །གདངས་དང་མཐའ་དབུས་མེད་པར་སྟོན། །མ་བྱུང་པས་ན་འགག་མེད་དོ། །རགས་པ་རྡུལ་དང་ཕྲ་རགས་ལས། །སྣ་ཚོགས་གཟུགས་སུ་རྫོགས་པ་དང་། །རེག་ཡོད་འཇིག་པར་སྣང་བའོ། །འཛིན་པ་དབངཔོའི་ཡུལ་དག་ལ། །སོ་སོའི་བཟུང་བས་འཆིང་བ་དང་། །བདག་དང་ཉོན་མོངས་ལས་ཀུན་བྱེད། །རྣམ་པར་ཤེས་པ་རྟོག་པའི་ཆ། །ཡུལ་ལ་འཇུག་ཅིང་སྤྱོད་པ་དང་། །རྟོག་དང་ལས་ཀྱི་རྣམ་པར་རྟོག །གཟུགས་ཅན་རིག་བཅས་བེམ་པོ་སྟེ། །སེམས་སྡུད་པ་དང་བཀོད་པའོ། །དྲིས་ལན་ལྔ་པ་དོན་བརྒྱད་བསྟན་པ། །སེམས་ཅན་ཀུན་གྱི་ཐ་དད་རྒྱུ། །འབྱུང་བའི་རྒྱུ་དང་བྱེད་ལས་དང་། །དབང་པོ་ཉིད་དང་དབྱིབས་དང་ཚད། །སྒྲ་དང་སོ་སོའི་བརྗོད་པ་དང་། །གནས་པའི་སྣོད་ཀྱི་བྱེ་བྲག་གོ །འབྱུང་བའི་རྒྱུ་ནི་བཞི་དག་ལས། །བརྟགས་པས་དྲུག་ཅུ་དག་ཡིན་ཏེ། །རྣམ་པར་ཕྱེ་བས་བཞི་བརྒྱ་བཞིའོ། །བྱེད་པའི་ལས་ནི་གཉིས་དག་ལས། །བརྟགས་པས་བཅུ་གཉིས་དྲུག་ཅུ།དག་ཏུ་འགྱུར། །དེ་ལས་རིགས་དྲུག་ཐ་དད་དོ། །དབང་པོ་མིག་ལ་སོགས་པ་ཡི། །དབྱིབས་དང་ཁ་དོག་མི་མཐུན་པས། །བཞི་བརྒྱ་དག་དང་བཞི་ཡིས་ཀྱང་། །སེམས་ཅན་ལུས་ཀྱང་ཐ་དད་དོ། །དབྱིབས་ནི་ལུས་དང་ཡན་ལག་དང་། །སོ་སོའི་གླིང་དང་དབང་པོས་ཀྱང་། །འགྲོ་བའི་གཟུགས་ཀྱང་དེས་པྱེའོ། །ཚད་ནི་རིགས་དྲུག་སོ་སོ་སྟེ། །ཐོག་མ་བར་དང་ཐ་མ་དང། །སོ་སོའི་བསོད་ནམས་ལས་ཀྱིས་དབྱེ། །སྒྲ་ནི་རིང་དང་ཐུང་བ་དང་། །དྲག་དང་ཞན་དང་གཟིར་དང་དབྱུང་། །ཕྲག་དང་སེང་དང་རྩེ་མོའོ། །དངོས་པོ་ས་ཆུ་མེ་རླུད་གིས། ཁྲེས་པ་ཉིད་དང་བསོད་ནམས་དང་། །དབང་ཐང་ལུས་ཀྱི་ཤས་ཀྱིས་བརྟགས། །བརྗོད་པ་གནས་དང་འབྱུང་བ་དང་། །ལས་དང་རྟོག་པ་རང་གནད་དོ། །གནས་པའི་སྣོད་ནི་དག་པ་དང་། །མ་དག་པ་ཡང་བཅུད་ཀྱིས་དབྱེ། །དེས་ན་འབྱུང་བའི་རང་གནད་ལས། །སེམས་ཅན་ལུས་ཀྱང་ཐ་དད་དོ། །དྲིས་ལན་དྲུག་པ་དོན་བརྒྱད་བསྟན་པ། །རང་བཞིན་རྫོགས་པའི་གནས་སྐབས་ནི། །ཆོས་ཉིད་དབྱིངས་དང་རང་ངོ་དང་། །འགྱུ་བ་སྟོང་དང་རྟོག་པ་ཟད། །གཞི་རྫོགས་ལམ་དང་འབྲས་བུའོ། །ཆོས་ཉིད་སུས་ཀྱང་བཅོས་སུ་མེད། །རང་བཞིན་དག་པ་སྤྲོས་པ་བྲལ། །རྣམ་རྟོག་ཐ་དད་ཡུལ་ལས་འདས། །ཚིག་བྱུང་འཁྲུལ་པ་རྒྱུན་ཆད་པའོ། །དབྱིངས་ནི་ཕྱི་དང་ནང་གི་སྟེ། །ཕྱི་ནི་སྤྲིན་བྲལ་མཁའ་ལ་འཛིན། །བག་རྡུལ་ཆར་གྱིས་དེངས་དུས་སུ། །མཁས་པས་མངོན་སུམ་གནད་གཟིར་དང་། །ནང་གི་སྒྲོན་མ་ལམ་དུ་བྱའོ། །རང་ངོ་རིག་པ་ལུ་གུ་རྒྱུད། །འགྲོ་འོང་ཕྲལ་ཏེ་མཁའ་ལའོ། །འགྱུ་བ་རླུད་གཉིས་བྱེད་པ་བཅད། །དགུ་པ་ཡི་ནི་རླུད་གིས་དབྱེ། །གནས་སུ་འཇུག་པ་ཐབས་ཀྱིས་དབྱེའོ། །དཔེ་ནི་རླུད་དག་སྟོང་པ་ཡི། །སྣང་བ་ཐམས་ཅད་ཟད་པར་འགྱུར། །དེ་ལྟར་རྣམ་རྟོག་ཟད་པ་དང་། །སྐྱེ་མེད་ཡེ་ཤེས་དུས་མཉམ་སྟེ། །འདི་ཚེ་འཁོར་འདས་འདྲེས་པའོ། །དེ་ཡང་གཞི་ལ་རྫོགས་པའི་གནད། །རང་བཞིན་མ་བཅོས་མངོན་དུ་སྣང་། །ལམ་ནི་སྒྲོན་མས་མཚམས་སྦྱར་ནས། །མངོན་སུམ་ཉིད་དུ་སྣང་བའོ། །འབྲས་བུ་གང་དུ་བཟློག་པ་མེད། །འདོད་དང་རེ་དོགས་ཡུལ་ལས་འདས། །རང་སྣང་ཀ་ནས་དག་པར་རྫོགས། ཁྲེས་འཛིན་རྟོག་པ་ཀུན་ཟད་པའོ། །དྲིས་ལན་བདུན་པ་དོན་བརྒྱད་བསྟན་པ། །མིང་གི་མཚན་ཉིད་བྱེད་པ་ནི། །རྒྱུ་དང་རྐྱེན་དང་བཏགས་པ་དང་། །མཐའ་དང་དང་པོ་ཐ་མ་བསྒྱུར། །བརྟགས་པས་མ་རྙེད་ཐ་སྙད་གཞིའོ། །མིང་གི་རྒྱུ་ནི་ཚིག་གི་བརྡ། །མཚན་ཉིད་གང་དུ་མ་གྲུབ་པས། །ལྟར་སྣང་གདགས་སུ་མེད་པའོ། །རྐྱེན་ནི་དབང་པོ་ཐད་ཀའི་ཡུལ། །སོ་སོའི་སྣང་ཞེན་བཅས་པ་ལ། །ཀུན་གཞི་ཚོགས་པའི་སྣང་ཆར་ཤར། །བཏགས་པས་བརྡ་དང་སྒྱུར་བྱེད་ལས། །མཚན་ཉིད་ཉེ་བར་སྟོན་པ་དང་། །ཁྱད་པར་མིང་གིས་གང་བསྒྱུར་གནད། །སོ་སོའི་སྐབས་དང་སྦྱར་བྱས་ནས། །བཅོམ་ལྡན་འདས་ཀྱང་འཇིགས་པར་འགྱུར། །མཐའ་ནི་འབྱུང་བའི་གནད་ཀྱིས་དབྱེ། །བསད་དང་གསོ་དང་འཇིག་པའི་ལས། །མིང་དང་རྟེན་ཅིང་འབྲེལ་བས་བྱའོ། །དང་པོ་བཏགས་པའི་མིང་ཡི་གེ །དང་པོ་དག་ལ་བརྟེན་པ་ཡིས། །བསད་དང་གསོ་དང་གནས་པ་ཉིད། །སོ་སོའི་ཚད་ཀྱིས་ཤེས་པར་གྱིས། །ཐ་མ་བསྒྱུར་བའི་མིང་གི་མཐའ། །བཟློག་ཅིང་བཞག་པ་འབྱུང་ལུས་སྦྱར། །ཡང་དག་ཆོས་ཉིད་རྟོག་བྲལ་ལ། །མིང་གི་མཚན་ཉིད་རབ་ཕྱེ་ནས། །ཕྱི་དང་ནང་ལ་རབ་བརྟགས་པས། །མིང་གིས་མཚན་ཉིད་མ་རྙེད་པས། །རང་གི་ཆོ་ག་རྫོགས་པར་འདོད། །ཐ་སྙད་རྣམས་ནི་ཚིག་གི་མཐའ། །གང་དུའང་ཡོད་མེད་མཐའ་ཡིས་དབྱེ། །ལུས་སེམས་གཉིས་ལ་བརྟགས་གཞིག་པས། །ཐ་སྙད་གཞི་ཡང་སྟོང་པའོ། །གཞི་ནི་གཅིག་དང་གཉིས་སུ་མིན། །བཏགས་སྟོང་ཡོད་མེད་མཐའ་འགགས་ཏེ། །བྱས་དང་བྱུང་བ་སུས་མི་རྙེད། །དེ་བཞིན་གནས་དང་འགྲོ་འོང་མེད། །དེ་ཕྱིར་ཆོས་ཉིད་སྟོང་པའོ། །དྲིས་ལན་བརྒྱད་པདོན་བདུནབསྟནཔ། །སེམས་ཅན་ལས་དང་དབང་པོ་ནི། །རླུད་དང་ཤེས་པ་ཕྱི་སྣོད་དང་། །འབྱུང་བ་སྤྱི་དང་ཁྱབ་བྱེད་ཚུལ། །གསུམ་དང་དགུ་དང་ཉེར་གཅིག་གོ །སེམས་ཅན་ལས་ནི་རླུད་གི་ཡང་། །འབྱུང་བའི་འཕེན་པ་དག་ཏུ་ཕུལ། །དེ་ལས་ལས་ཀྱི་བྱེ་བྲག་གིས། །འཇུག་ཅིང་ཐབས་ཀྱིས་རབ་ཏུ་འབྱེད། །དེ་ཡི་བྱེད་པའི་ཤེས་པ་ནི། །མཁའ་ལ་སྤྲིན་གྱི་རང་བཞིན་ཉིད། །རླུད་གིས་གཏོར་བ་ཅི་བཞིན་དུ། །དུམ་བུ་དུམ་བུས་ལས་སྣང་སྟོན། །དེ་ལས་ལུས་ངག་ཡིད་གསུམ་ལ། །སྨིན་པས་ལས་ཀྱི་རྣམ་པར་སྟོན། །འབྱུང་བ་ས་ཆུ་མེ་རླུད་གིས། །ལུས་སུ་རྫོགས་པ་རླུད་གི་ལས། །ཁྱབ་བྱེད་སེམས་ཅན་ཐམས་ཅད་ལ། །འབྱུང་བཞིའི་ལུས་ལས་མ་འདས་པས། །སོ་སོའི་ལས་ཀྱི་སྡེབས་སུའོ། །ཚུལ་ནི་གཟུགས་སུ་གྲུབ་པ་དང་། །དེ་ཡི་ལས་ཀྱི་སྔ་ཕྱི་ལས། །སོ་སོར་བླངས་ཏེ་མྱོང་བར་འགྱུར། །དབང་པོ་གསུམ་ནི་རབ་འབྲིང་ཐ། །དེས་ནི་ཐེག་གསུམ་འདུ་ཤེས་བྲལ། །དེ་ལས་གསུམ་གསུམ་རབ་ཕྱེ་བས། །དགུ་སྟེ་ཐེག་དགུ་དབང་པོའི་གནད། །དེ་ལ་གཉིས་སུ་རབ་ཕྱེས་ཏེ། །དགུ་ཕྲ་གཉིས་ཏེ་སྣང་བའི་ཆ། །གཞི་ལ་གསུམ་བཞག་ཉེར་གཅིག་གིས། །སྣང་བ་ཉེར་གཅིག་རྫོགས་པའོ། །དྲིས་ལན་དགུ་པ་ནང་དོན་དྲུག་བསྟན་པ། །ཚིག་གི་འཇུག་པ་འདི་ལྟ་སྟེ། །ཚངས་པ་ཁྱབ་འཇུག་བརྒྱ་བྱིན་དང་། །མཁའ་ལྡིང་དབང་ཕྱུག་དྲག་པོ་དང་། །སོ་སོའི་སྒྲ་དང་ལྟ་ཡི་སྐད། །གནས་གཞན་བརྩིས་པས་ཚིག་ལ་འཇུག །ཚངས་པས་ཚིགས་བཅད་དང་པོ་དང་། །ཕྱེད་རྫོགས་གནས་གཞན་བརྒྱད་དུ་འཀྱུར། །དབང་ཕྱུག་གིས་ནི་ཚིགས་བཅད་དགུ །དེ་ཡི་གནས་ཀྱི་ཕྱེད་གཉིས་འགྱུར། །ཁྱབ་འཇུག་གིས་ནི་སྟོང་གཉིས་ལ། །གནས་ལ་དབང་བས་གཅིག་རྫོགས་པའོ། །བརྒྱ་བྱིན་གྱིས་ནི་ཚིགས་བཅད་ལྔ། །སྒྲ་ཡི་བཟློག་པས་གསུམ་གཉིས་རྫོགས། །མཁའ་ལྡིང་ཚིགས་བཅད་དྲུག་གིས་ཀྱང་། །རྟགས་ཕྱེ་བས་ནི་བདུན་གཉིས་པའོ། །དྲག་པོས་འཇུག་པ་གསུམ་སུམ་ཅུ་ཡང་བྱུང་།གཉིས་ལ། །རྟགས་བཀོད་ལས་ཀྱིས་བདུན་བརྒྱ་བཞི་ཡང་།བཞིའོ། །སོ་སོའི་སྒྲ་ནི་གནས་པ་དང་། །འཇུག་དང་འབྱུང་བ་ལྡོག་པ་ལས། །དུས་ལ་བརྟེན་པས་ལྔ་ལྡན་རྫོགས། །ལྷ་ཡི་སྐད་ནི་སྟོང་ཕྲག་དྲུག །ཡན་ལག་སྤྲས་པས་དེ་ཉིས་འཀྱུར། །གནས་གཞན་རྩ་བ་བརྩི་བ་བཞི་ཡང་།གཞི་དག་ལས། །ཚིག་ལ་རྟོག་པས་གནས་བརྒྱ་བརྒྱད་ཀྱང་།གཉས། །དེ་ལས་སྤྲོས་པས་སྤྲོས་པས་བརྒྱ་གྱ་བཞི་ཡང་།བཞ་བརྒྱ་བཞ །ཁྱད་པར་ངེས་པའི་ངེས་པར་དེ་བཅུར་ཡང་།རྩིས་བཅུར་འགྱུར། །དེ་དག་རབ་ཏུ་སྦྱོར་ཤེས་པས། །ཚིག་ལས་དབང་སྟེ་སྨྲ་བའི་རྒྱལ། །དེས་ནི་སྦྱོར་མཆོག་ངེས་འགྲུབ་པའོ། །དྲིས་ལན་བཅུ་པ་ནང་དོན་དགུ་བསྟན་པའོ། །བློ་དང་ཤེས་པ་ཞེས་བྱ་བ། །སེམས་དང་ཡིད་དང་འགྱུ་བ་དང་། །འཕྲོ་དང་རྒོད་དང་རེངས་པ་དང་། །ཡུལ་དང་འཛིན་པ་ཞེན་པའོ། །སེམས་ནི་དག་དང་མ་དག་པའི། །ཁམས་གསུམ་པོ་ཡང་སངས་རྒྱས་འཇུག །ཡིད་ནི་ངོ་བོ་ངེས་ཚིག་དང་། །དབྱེ་བ་དག་གིས་ཤེས་པར་འགྱུར། །འགྱུ་བ་དྲན་དང་སྣང་བའི་ཆ། །བརྟགས་པ་ལས་ནི་བློ་འགྱུར་རོ། །འཕྲོ་བ་ཡུལ་གྱི་ལས་མཐའ་ལས་།་ །བློ་དང་ཤེས་པའི་རྩལ་དུ་སྣང་། །རྒོད་པ་རླུད་གི་བྱེད་པའི་ལས། །འདུ་བྱེད་བློ་དང་ཤེས་པའི་བརྡའོ། །རེངས་པ་ཉོན་མོངས་གསུམ་དག་ལས། །བློ་ཞེས་འགྱུར་དང་ཤེས་པས་གཅོད། །གཉིས་འདུས་པ་ལས་ཤེས་ཁམས་གསུམ་ཡང་།གསུམ་འབྱུང་། །ཡུལ་ནི་སྒོ་ལྔའི་སྣང་ཆ་ལས། །བློ་དང་ཤེས་པའི་འཇུག་ཆ་བྱུང་། །འཛིན་པ་མིག་ལ་སོགས་པ་ཡིས། །དེ་དང་དེ་ལ་བློ་ཤེས་དངོས། །ཞེན་པ་བློ་ཡི་རྟོགས་ཚད་བཞི། །ཤེས་པའི་ཚད་ལས་བརྒྱད་དུ་འཀྱུར། །དེ་ལས་འབྱུང་བས་འཛིན་ཆགས་སོ། །དྲིས་ལན་བཅུ་གཅིག་པ། །དེ་ལྟར་སྣང་ཆའི་བྱེད་པ་ལས། །གཟུང་དང་འཛིན་པ་གཉིས་སུ་ཤར། །གཟུང་བ་ཡུལ་ལ་འཛིན་པ་སེམས་། །ཡུལ་སེམས་འདུས་པས་དུག་གསུམ་མོ། །ཡུལ་གནད་དབང་ལ་དབང་གནད་སེམས། །སེམས་གནད་མིག་ལ་མིག་གནད་རྩ། །དེས་ན་ལུས་ཀྱི་འདུག་སྟངས་ལ། །བག་ཆགས་ལུས་ཀྱི་འབྲེལ་ཆོད་དང་། །སངས་རྒྱས་དགོངས་པ་རྫོགས་པའོ། །རྩ་ནི་རྟེན་འབྲེལ་འཁོར་ལོ་ཡིས། །བཙལ་ཞིང་གཟུང་དང་སྤེལ་བའི་གནས། །རྣལ་འབྱོར་པ་ཡི་ཡན་ལག་གོ །དྲིས་ལན་བཅུ་གཉིས་པ། །ངོ་བོ་ཀ་དག་ཡེ་ཤེས་ལས། །མ་རིག་པ་ཞེས་སྲིད་མིང་མེད། །གཅིག་དང་གཉིས་ཀྱི་གྲངས་མེད་པའོ། །བརྟགས་པས་ཡོད་མེད་གྲུབ་པ་མེད། །གང་དུ་མ་ཕྱེ་ཆོས་ཉིད་ལས། །ཡེ་ཤེས་ཙམ་དུའང་གྲུབ་པ་མེད། །ཚིག་མེད་བརྗོད་པས་གྲུབ་པ་མེད། །མཐའ་ལ་མི་གནས་རང་རིག་དག །གཟུང་འཛིན་མིང་གི་མཐའ་ཟད་པའོ། །རྒྱུ་མེད་རྐྱེན་གྱི་གྲངས་མེད་ལ། །གཉིས་སྣང་ཡུལ་དང་ཡུལ་ཅན་མེད། །མཚན་ཉིད་གང་དུའང་ཕྱེ་བ་མེད། །ཡུལ་རྐྱེན་རགས་པ་རང་ཟད་པའོ། །ཡེ་ནས་མེད་པས་དག་པས་དག །འཁྲུལ་རྟོག་འགགས་པས་ཅིར་མི་མཛད། །མ་སྐྱེས་པས་ན་འགག་སྟོང་ངོ་། །དྲིས་ལན་བཅུ་གསུམ་པ། །རང་བཞིན་ལྷུན་གྲུབ་ཡེ་ཤེས་ཞེས། །མི་སྐྱེ་མི་འགག་ཅིར་མི་དགོངས། །ཡུལ་དག་ངེས་པ་མེད་ཕྱིར་རོ། །རྩལ་དང་ཡོན་ཏན་འགག་མེད་པས། །རོལ་པ་ཙམ་དུ་སྣང་བ་ལས། །སྣ་ཚོགས་རྫོགས་པའི་གཞི་མའོ། །མེད་ཕྱིར་སྣང་ལ་སྣང་ཕྱིར་སྟོང་། །སྣང་སྟོང་འཇུག་པའི་ཡན་ལག་ཅན། །སངས་རྒྱས་སེམས་ཅན་དག་ཡུལ་ལོ། །འདི་ལྟར་གཞི་ཞེས་མངོན་པར་གནས། །རང་བཞིན་ཙམ་དུ་གནས་པ་ལས། །ངོ་བོའི་ཆ་ནས་བརྟགས་པས་སྟོང་། །ཡན་ལག་སྤྲོས་ཕྱིར་མཁྱེན་པ་རྫོགས། །རང་གནས་ལྷུན་གྱིས་གྲུབ་པའི་ཕྱིར། །འདི་ལ་སྤང་བླང་གཉིས་མེད་པའོ། །དྲིས་ལན་བཅུ་བཞི་པ། །ཐུགས་རྗེ་ཀུན་ཁྱབ་ཡེ་ཤེས་ལས། །མི་མཛད་སྣ་ཚོགས་འཆར་བའི་སྒོ །འཛད་པ་ལྟར་སྣང་ངོ་བོར་རྫོགས། །ཆོས་སྐུ་སྟོང་པའི་རང་བཞིན་ལས། །ཡེ་ཤེས་མཁྱེན་པ་རྫོགས་པའི་ཆ། ཁུགས་ཀྱིས་སེམས་ཅན་རྣམས་ལ་འཆར། །དེ་མེད་འཁོར་འདས་ལྟེ་ཆད་པས། །མཁྱེན་པས་རིག་ཅིང་གསལ་བའོ། །རང་རིག་གསལ་བའི་བདག་ཉིད་ལས། །རང་བཞིན་ཤུགས་ཀྱིས་ཐུགས་རྗེ་ཉིད། །མ་འགགས་འགག་པ་མེད་པའོ། །འབྱུང་བ་དག་པའི་ཆ་ནས་ནི། །ལས་སུ་མེད་པ་གཅིག་རྫོགས་པའོ། །ཉི་མ་ལས་ནི་འོད་བཞིན་དུ། །རང་ཆས་སྒྲིབ་པ་མེད་པའོ། །དྲིས་ལན་བཅོ་ལྔ་པ། །དེ་ལས་མཚན་ཉིད་འཛིན་པ་ཡི། །ལོངས་སྐུའི་ཡེ་ཤེས་བཤད་པར་བྱའོ། །མེ་ལོང་ཡེ་ཤེས་གཟུགས་ཅན་གསལ། །དབྱིབས་དང་ཁ་དོག་སྣང་ཆ་རྫོགས། །དཀར་པོ་དྲི་མ་དག་ཕྱིར་རོ། །རང་ཆས་སྣང་སྟེ་འཁོར་འདས་སྦྱོར། །ཆོས་རྣམས་ཀུན་གྱི་གཟུགས་མཐོང་བས། །རང་གིས་ཡེ་ཤེས་ཞེས་བྱའོ། །གསལ་ཞིང་སྟོང་ལ་སྟོང་པར་གྲོལ། །གྲོལ་འཛིན་མཐའ་ཡི་རྟོག་པ་ཟད། །གཞན་མེད་གྲོལ་གཞི་རྫོགས་པའོ། །དྲིས་ལན་བཅུ་དྲུག་པ། །མཉམ་པ་ཉིད་ཅེས་བྱ་བ་ནི། །མཉམ་རྒྱུ་གཉིས་ལ་མཉམ་རྐྱེན་གསུམ། །མཉམ་པའི་དུས་དང་ཚད་ཀྱིས་སོ། །འདི་ལ་གཉིས་མེད་རིག་དང་བྲལ། །མི་ཕྱེད་མི་འབྱེད་རང་གནས་ཉིད། །མཉམ་པ་ཞེས་བྱ་ཆོས་ཉིད་ལ། །ཟུག་རྔུ་སྤྲོས་པ་བྲལ་པའོ། །ཉིད་ཅེས་བཅོས་ཞིང་རྩོལ་བསྒྲུབ་མེད། །རང་བཞིན་གནས་པ་ངོ་བོ་སྟོང་། །སེམས་ཉིད་རྟོག་པ་ཀུན་ཟད་པའོ། །ཡེ་ཤེས་ཞེས་བྱ་གནས་པ་ལ། །དེ་ཡི་མཚན་ཉིད་རྟོགས་པ་ཡིས། །འཁོར་འདས་གཉིས་ལ་མི་གནས་པའོ། །དྲིསལནབཅུ་བདུན་པ། །སོ་སོར་རྟོགས་པ་དབང་པོའི་རིགས །གང་ལ་སྣང་བ་དེ་ཡི་ཆོས། །རིམ་པ་སོ་སོར་གསལ་བའོ། །བརྟག་པ་རང་སྣང་དག་ནས་ནི། །རིག་པ་ཡུལ་དུ་གྱུར་པ་ཉིད། །སོ་སོ་ཞེས་བྱ་བྱེ་བྲག་ལས། །གཉེན་པོའི་ཚུལ་དུ་བྱུང་བ་སྟེ། །རྟོགས་པ་ཞེས་ནི་མཚན་ཉིད་མཐོང་། །རང་སྣང་འཕེལ་དང་བཅས་པའོ། །ཡེ་ཤེས་ཐོག་མར་བྱུང་བ་ལས། ཤེས་པས་ཉོན་མོངས་སྐྱོན་དག་གོ །དྲིས་ལནབཅོ་བརྒྱད་པ། །བྱ་བ་གྲུབ་པ་ཞེས་བྱ་བ། །འབད་ཅིང་རྩོལ་བ་རང་འགགས་ནས། །ཆོས་ཀུན་རང་བཞག་རང་གྲོལ་ལོ། །རང་གྲོལ་རྫོགས་པའི་གཞི་སྣང་ལས། །ཆ་ཕྲ་རྡུལ་བྲལ་དྲི་མེད་ཐོབ། །རྟོག་དཔྱོད་ཡུལ་ལས་འདས་པ་སྟེ། །གང་གིས་མ་ཕྱེ་ཆོས་ཉིད་དོ། །རང་བཞིན་རྫོགས་པས་སྣང་མཐའ་ཟད། །ཅིག་ཆར་རྟོགས་པ་བྱ་བའོ། །གྲུབ་པས་འདོད་པ་བྲལ་བ་ལ། །བསྐྱར་དང་ལྡོག་པ་མེད་པའོ། །ཡེ་ནི་གནས་པའི་དོན་ཉིད་ལ། །ཤེས་པས་མངོན་དུ་འགྱུར་ནས་ནི། །ཆོས་རྣམས་ཟད་པའི་སར་ཕྱིན་པའོ། །དྲིས་ལན་བཅུ་དགུ་པ། །ཆོས་ཀྱི་དབྱིངས་ནི་ཡངས་པ་ལ། །མཐའ་དང་དབུས་སུ་མི་དམིགས་པས། །གྲོལ་གཞི་ཆོས་ཉིད་དག་པ་ལ། །ཆོས་ནི་སྤྱོད་པར་བྱེད་པ་ལས། །འདས་དང་འཇིག་རྟེན་བྱ་བ་བྱེད། །རང་བཞིན་གསལ་ཞིང་དངས་པའོ། །དབྱིངས་ནི་གོ་སྐབས་འབྱེད་པ་ལས། །རང་བྱུང་ཆེན་པོའི་གནས་པའོ། །ཡེ་ནི་གནས་པའི་བདག་ཉིད་ལ། །ཐོག་མ་ནས་ནི་བཅོས་པ་མེད། ཁོ༑ས་པས་འཁོར་འདས་གཉིས་ལས་གྲོལ། །རང་སྣང་རྫོགས་པའི་དགོངས་པའོ། །དྲིས་ལན་ཉི་ཤུ་པ། ཁོགོས་པས་བསྡུས་པའི་ཡེ་ཤེས་ནི། །སངས་རྒྱས་སེམས་ཅན་ཐམས་ཅད་ལ། །དབྱེར་མེད་རང་བཞིན་མེད་པར་ཁྱབ། །དེ་ཡང་སངས་རྒྱས་རྣམ་དག་རྫོགས། །དྲི་མེད་རྡུལ་དང་བྲལ་བར་གནས། །སེམས་ཅན་རིགས་དྲུག་སྣང་ཆ་ལ། །སོ་སོའི་རྒྱུད་ལ་གནས་པ་དེ། །ལྷ་རྣམས་རང་གསལ་རྫོགས་པ་སྟེ། །ལྷ་མིན་རྣམས་ལ་ཕྲ་ཞིང་འཁྱུག །མི་རྣམས་རང་གསལ་ཟླུམ་པོ་ཉིད། །བྱོལ་སོང་རྣམས་ལ་ནང་དུ་གསལ། །ཡི་དྭགས་རྣམས་ལ་ཕྲ་བ་ལ། །དམྱལ་བར་རང་སྣང་རྫོགས་པའོ། །ཤེས་པས་རིག་ཅིང་རང་ས་གསལ། །བསྡུས་པའི་ངོ་བོ་རང་རིག་པ། །ཡེ་ནི་གསལ་ཞིང་མཁྱེན་རིག་ཆ། །ཤེས་པ་རང་གྲོལ་དཀྱིལ་འཁོར་གཅིག །དྲིས་ལན་ཉི་ཤུ་རྩ་གཅིག་པ། །ཤེས་བྱས་བསྡུས་པའི་ཡེ་ཤེས་ནི། །རྣམ་པ་གཉིས་སུ་ཤེས་པར་བྱའོ། །དེ་ལ་ཤེས་བྱ་ཇི་སྙེད་བཤད། །འདིས་ནི་གདུལ་བྱའི་བསམ་པ་མཁྱེན། །གཞན་དོན་ཁོང་དུ་ཆུད་པ་ཡིས། །ཆོས་རྣམས་རང་བཞིན་ཤེས་པའོ། །ཇི་ཞེས་བྱ་བ་གནས་ལུགས་ལ། །སྙེད་པས་མ་ལུས་རྫོགས་པར་བྱས། །ཡེ་ནི་སེམས་ཅན་ཀུན་དོན་ལ། ཁྲེས་པས་ཁམས་གསུམ་དོང་ནས་འབྱིན། །སྤྲུལ་པའི་སྐུ་ཡི་མཁྱེན་པའི་ཆ། །རང་སྣང་ངོ་ལ་རྫོགས་པའོ། །དྲིས་ལན་ཉེར་གཉིས་པ། །ཇི་ལྟ་མཁྱེན་པའི་ཡེ་ཤེས་བཤད། །སྣང་ཆས་བརྗོད་གཞི་བྲལ་བ་ལ། །རང་སྣང་དག་པའི་གཟུགས་བརྙན་གསལ། །དངོས་པོའི་གནས་ལུགས་མཁྱེན་པ་ལས། །རང་དོན་རྟོགས་པས་འཁྲུལ་རྒྱུན་ཟད། །ཇི་ཞེས་བྱ་བ་གནས་ལུགས་ལས། །ལྟ་བ་ཡེངས་པ་མེད་པར་སྤྱོད། །མཁྱེན་པ་འགག་པ་མེད་ཕྱིར་རྫོགས། །ཡེ་ནི་ལམ་དུ་གྱུར་པ་ལ། ཁེས་པ་ཚད་དུ་ཕྱིན་པའོ། །མ་བཅོས་རང་གྲོལ་ཆེན་པོ་ཡི། །གཞི་ལ་གཡོ་བ་མེད་པའོ། །དྲིས་ལན་ཉེར་གསུམ་པ། །ཡེ་ཤེས་རྣམས་ཀྱི་བསྡོམ་པ་ནི། །མཚན་ཉིད་ཁྱབ་ཅིང་གསལ་བ་ལ། །རང་བཞིན་གསལ་སྟོང་དབྱེར་མི་ཕྱེད། །ངོ་བོ་གང་དུའང་ཕྱེ་བ་མེད། །དབྱེ་བ་བཞི་ཡིས་བསྡུས་པ་ལས། །ཆོས་ཀྱི་སྐུ་ཡང་གཟུགས་སུ་འགྱུར། །གལ་ཏེ་ཁམས་གསུམ་འདས་འདོད་པས། །དམ་པའི་ཡེ་ཤེས་གནད་ཆེ་བས། །སོ་སོའི་རླུད་གི་དབུགས་སུ་བརྟགས། །ཆོས་ཀུན་དྲི་མ་རང་དག་ལས། །སྐུ་གསུམ་ལུས་ཀྱི་དབུགས་སུ་རྫོགས། །འདི་ལ་རྟོག་པ་ཅི་ཡི་ཕྱིར། །དྲན་བསམ་འདུས་པའི་རང་བཞིན་ལས། །ཆོས་ཀྱི་སྐུ་ཡང་འཁོར་བར་འགྱུར། །གང་ཚེ་འཁོར་བའི་མཐའ་ཟད་པས། །བྱས་པ་མེད་པར་རང་སར་གྲོལ། །གྲོལ་བ་འདི་ལ་ཅི་ཡང་མེད། །མེད་ཕྱིར་ཆོས་ཉིད་དངོས་པོ་མིན། །ཡེ་ཤེས་རྫོགས་པས་ཞབྲུལ་རྒྱུན་ཆད། །ཆད་པས་འགྲོ་དང་འོང་བ་ཟད། །ཟད་ཕྱིར་སྟོང་པའི་ཡེ་ཤེས་སོ། །སྐུ་གསུམ་ཡེ་ཤེས་མ་འགགས་པས། ཁམས་གསུམ་པོ་ཡང་ཡོད་པ་སྟོང་། །འགྲོ་ཞིང་འབྱུང་བ་རྙེད་པ་ཡིས། །དངོས་པོ་དག་པས་གཟུགས་ཟད་པའོ། །གཞན་ཡང་སྣང་བའི་ཡེ་ཤེས་བཤད། །ས་ཆུ་མེ་རླུད་ནམ་མཁའ་ལས། །ཡེ་ཤེས་སྣང་བ་ངོ་མཚར་བས། །བཅོམ་ལྡན་མགོན་པོ་རིག་མེད་པའོ། །བརྟགས་པས་མ་རྙེད་ཡེ་ཤེས་ནི། །ཁམས་གསུམ་གདར་ཤ་ཆོད་པ་ལས། །སྒོ་ལྔའི་ཞེན་རྒྱུན་གཅོད་པའོ། །ཟླ་དང་ནོར་བུ་མར་གད་འོད། །གང་གིས་འཛིན་པར་འདོད་པ་ཡི། །འཛིན་བྱུང་སྐུ་ཡི་སྣང་བ་བཟུང་། །ཡང་ནི་རྫོགསཔཆེནཔོཡི། །གནད་ཤེས་པ་ལས་ཡེ་ཤེས་ནི། །བྱ་བྲལ་ནམ་མཁའ་ཇི་བཞིན་དུ། །ཀུན་ཏུ་རྟོགས་པས་སྔོ་དང་བྲལ། །ངོ་མཚར་རྨད་བྱུང་ཡེ་ཤེས་ནི། །སྔོན་མེད་ཕྱིས་མེད་གདོད་ནས་མེད། །ད་ལྟ་རྣམ་རྟོག་ཡུལ་ལས་འདས། །མཐའ་བྲལ་སྟོང་པའི་རང་བཞིན་ནོ། །ཚིག་འདས་བློ་བྲལ་ངོ་བོས་སྟོང་། །རང་བཞིན་གང་དུ་མ་ཕྱེ་བས། །ཐུགས་རྗེ་མཛད་པ་མི་སྣང་ངོ་། །ཡེ་ཤེས་སྣང་བ་གསུམ་པ་ལས། །ཡིད་འབྱུང་ཤེས་རབ་འཁྲུལ་ཆར་བཟུང་། །འདི་ལ་རྣམ་པར་དམིགས་མཐའ་མེད། །མེད་པ་རྨད་བྱུང་རོལ་པ་ལས། །སངས་རྒྱས་རྣམས་ཀྱི་འབྲས་བུ་རྙེད། །ཕྱི་དང་ནང་ཀུན་ཆོས་ཀྱི་དབྱིངས། །འདི་ལ་གང་ཡང་མི་སྣང་ངོ་། །གཞན་ཡང་ཡུལ་གྱི་ཡེ་ཤེས་བཤད། །གཟུགས་དང་སྒྲ་ཡི་བྱེ་བྲག་ལས། །བསླབ་བྱའི་ཉམས་ཀྱང་ལྔར་འགྱུར་རོ། ཁོགོས་པའི་ཉམས་ཟད་སྣང་བ་སྟེ། །འཕེལ་སྟོན་ཟླ་བ་ཡར་ངོ་བཞིན། །སྣང་བ་རེ་ལ་ཉམས་རེ་འོང་། །དྲོད་དང་ཚད་དང་རྟགས་ལས་ནི། །བདེན་གཉིས་ཟུང་འཇུག་རྟོག་མཐའ་ཟད། །བྱ་བ་མེད་པས་མཚན་ཉིད་སྟོང་། །བརྗོད་གཞི་འགགས་པས་མཐའ་མི་གནས། །ཟག་པ་ཟད་ཕྱིར་གདོས་བཅས་མིན། །དྲན་པའི་ཁོང་འགག་ངོ་བོ་གསལ། །གསལ་རིག་ཡུལ་གྱི་མཐའ་མི་རྟོག །སྒྲ་བྲལ་ཡང་དག་ཚིག་མེད་ཕྱིར། །ལྟོས་གཞི་ཐམས་ཅད་ཟད་པའོ། །གཞན་ཡང་འདོད་ཡོན་མངོན་པར་སྤྱོད། །གཟུགས་ཀྱིས་བསླབ་པ་གཉིས་དག་ནི། །དམིགས་པའི་རྟེན་དང་དམིགས་མེད་དོ། །ཡིད་མཐུན་ལས་ཀྱི་ཁྱད་པར་གྱིས། །སྔོན་དུ་བླ་མ་མཆོད་བྱས་ལ། །དབྱིབས་ལ་གོམས་ཏེ་ཁ་དོག་ལ། །གོམས་པར་བྱས་པས་འཁྲུལ་སྣང་འགགས། །སྒྲ་ནི་དམིགས་པའི་རྟེན་དག་པས། །པི་ཝ༷་རྫ་རྔ་བུམ་ལྡིར་དང་། །དྲ་བ་རྒྱུན་མང་མདོ་གསུམ་པ། །ཧར་དང་གླིང་བུ་ཆ་ལང་དང་། །ཕེག་རྡོབ་ཅང་ཏེའུ་དྲིལ་བུ་སོགས། །སོ་སོའི་སྒྲ་ལ་རླུད་ཡང་སྦྱར། །དྲི་ནི་ཡིད་མཐུན་དམིགས་རྐྱེན་གྱིས། །ངད་དང་ངད་པ་ཆེན་པོ་དང་། །མཆོག་དང་ཁྱད་པར་ཆེན་པོ་ཡིས། །རྣལ་འབྱོར་པ་ཡི་བདེ་ཆེན་སྦྱོར། །རོ་ནི་བུ་རམ་དྲུག་ལྡན་དང་། །རྒུན་ཆང་འབྲས་ཆང་མཁས་པས་སྦྱར། །སྡོམ་ལྡན་རིམ་པ་ལྔ་ཤེས་པས། །མྱང་བ་ཙམ་གྱིས་ཡེ་ཤེས་འབར། །རེག་ནི་ཡིད་མཐུན་དམིགས་རྟེན་ལ། །སོ་སོའི་རིག་པ་ཉམས་མྱོང་སྦྱར། ཁེང་ལོ་གཡས་འཁྱིལ་བསྐུམ་དུས་ལ། །བསླང་སྟེ་རེག་པས་སངས་རྒྱས་རྟོགས། །ཆོས་ནི་བླ་མའི་ལུང་དང་བསྟུན། །གལ་ཏེ་བསྒོམ་པ་བཟང་པོ་རྟོགས། །འདི་ལྟར་བརྩམས་པས་ལམ་དུ་སློང་། ཁམས་གསུམ་ཞབྲུལ་འཁོར་རྒྱུན་ཆད་དོ། །གཞན་ཡང་ཡེ་ཤེས་སྣང་བ་ནི། །དྲི་མེད་དག་པས་དཀར་པོ་ལས། །ཡོན་ཏན་རྫོགས་་ཕྱིར་སྣང་བའི་གཟུགས། །མི་འབྱེད་རྫོགས་པའི་གཟུགས་སྐུར་འགྱུར། །ཡོན་ཏན་བསྐྱེད་པའི་སེར་པོ་ལས། །གཞི་དང་འབྱེད་པ་དུས་མཉམ་པའི། །ལས་སུ་ཆོས་ཉིད་སྟོན་པར་བྱེད། །རང་རྩལ་རྫོགས་པའི་དམར་པོ་ལས། །རང་བཞིན་དག་པའི་དཀྱིལ་དང་འཁོར། །མུ་ཁྱུད་ར་བ་རྫོགས་པར་སྟོན། །བྱ་རྩལ་བྲལ་བའི་ལྗང་གུ་ལས། །ཕྲིན་ལས་དག་པའི་སྤྲུལ་པ་འབྱུང་། །མི་འགྱུར་རྫོགས་པའི་མཐིང་ག་ལས། །མཐའ་དབུས་མི་གནས་ཁྱབ་པར་སྟོང་། །རང་བཞིན་དག་པས་སྐུ་གསུམ་བཞིའོ། །ཞེས་སྒྲ་ཐལ་འགྱུར་ཆེན་པོ་ཆོས་རྣམས་ཀུན་གྱི་རྩ་བ་ལས། །ཡེ་ཤེས་བཀོད་པ་སྣང་བའི་རྩ་བ་ངེས་པར་འབྱུང་བའི་ལེའུ་སྟེ་གསུམ་པའོ།། ་་ །།དེ་ནས་ལྷ་དབང་དགའ་བྱེད་ཀྱིས། །སྟོན་པ་ཁྱབ་བདག་ཆེན་པོ་ལ། །ཆོས་ཉིད་བཀོད་པའི་རང་བཞིན་ཞུས། །ཀྱེ་ཀྱེ་ཡང་དག་རྫོགས་སངས་རྒྱས། །བདག་ནི་ཡེ་ཤེས་བཀོད་པ་ལས། །འཁོར་བའི་ལས་ལས་དབུགས་ཕྱུང་སྟེ། །མྱང་འདས་ལམ་ལ་གཟེངས་ཀྱང་བསྟོད། །རང་བཞིན་སྣང་བའི་ཡུལ་ཡང་མཐོང་། །སངས་རྒྱས་དགོངས་པའི་གདེང་རྙེད་ཀྱང་། །མ་འོངས་འཇུག་པའི་སེམས་ཅན་རྣམས། །རྟོག་བྲལ་ཡེ་ཤེས་རྫོགས་དོན་དུ། །ཆོས་ཉིད་བཀོད་པ་མཉམ་པར་འཚལ། །གནས་པའི་ཆོས་ཉིད་གང་ལ་བགྱི། །འགྱུ་མཚམས་ཉིད་ཀྱི་གནད་དེ་གང་། །དུས་ཀྱི་ཆོས་ཉིད་ཅི་ལྟར་དབྱེ། །སངས་རྒྱས་ཆོས་ཉིད་ཅི་ལྟ་བུ། །སེམས་ཅན་དུས་ན་ཅི་ལྟར་གནས། །ལུས་ཀྱི་གནད་ནི་གང་དང་གང་། །སྒོ་ནས་ཅི་ལྟར་བྱུང་བ་ལགས། །ཡུལ་ལ་སྣངབའིམཚནཉིདགང། །དེ་ལ་ཅི་ཡི་སྣང་བར་འགྱུར། །མཐོང་ནས་ག་་ལ་ཅི་ཡིས་དབབ། །ཕེབས་ནས་རྫོགསཔའིཚདགངལགས། །ཚདཕེབསལུསནི་ཅི་ལྟར་འགྱུར། །སེམས་ནི་གང་དང་གང་ལྟ་བུ། །འབྲེལ་བ་ཆོད་པའི་ཆོས་ཉིད་གང་། །རྒྱུ་འབྲས་ཆོས་ཉིད་ཅི་ཡིས་བསྒྲུབ། །རང་སར་དེངས་པའི་ཆོས་ཉིད་གང་། །ཆོས་ཉིད་ངེས་པའི་ཚིག་གང་ལགས། །གནད་ཀྱི་ཆོས་ཉིད་གང་དང་གང་། །འབྱུང་དུས་གནད་འདི་ཅི་ཡི་བཟུང་། །བར་དོའི་ཆོས་ཉིད་ཅི་ལྟ་བུ། །དེ་ཡི་མཚན་ཉིད་སྣང་ཚུལ་ཅི། །འདི་དག་སེམས་ཅན་དོན་དུ་གསུང་། །དེ་ནས་སྟོན་པ་རྡོ་རྗེ་འཆང་། །རང་བཞིན་དག་པའི་ནམ་མཁའ་ལས། །སྒྲ་ཚིག་སྤྲོས་པ་འདི་ལྟ་བུ། །བརྗོད་པ་མེད་པའི་གཞི་ལ་ཤར། །ཨེ་མ་ངོ་མཚར་རྨད་དུ་བྱུང་། །ཞིང་ཁམས་གཞན་དུ་མ་གྲགས་པའི། །ངོ་མཚར་བརྗོད་པ་བསྟན་པར་བྱའོ། །ཞུས་དོན་དང་པོ། །གནས་པའི་ཆོས་ཉིད་འདི་ལྟ་སྟེ། །གཤིས་ཀྱི་གནས་པས་དགེ་སྡིག་བྲལ། ཁུ་འབྲས་གནས་པས་ལྟོས་པ་བྲལ། །རྐྱེན་གྱི་གནས་པས་འབྱུང་བ་དག །འཕོ་ཞིང་འགྱུར་བ་མ་ཡིན་ནོ། །ཞུས་དོན་གཉིས་པ། །འགྱུ་མཚམས་ཆོས་ཉིད་འདི་ལྟ་བུ། །ངོ་མཚར་ཆེ་བས་རབ་ཏུ་བཤད། །རླུད་ནི་ཞག་གི་རིམ་པ་ཡིས། །ཉི་ཁྲི་དང་ནི་གཅིག་སྟོང་དང་། །དྲུག་བརྒྱ་དུ་ནི་བརྩིས་པ་ཡིས། །ཞག་གཅིག་ལ་ནི་རླུད་རྫོགས་སོ། །ཅི་ལྟར་སོ་སོའི་བྱེ་བྲག་གིས། །ཆུང་བ་རྣམས་ལ་དྲུག་ཅུ་ལྷག །རྒས་པ་དག་ལ་ཆད་པ་ཡིན། །འབྱུང་བ་སྣོད་ཀྱི་ལས་ཀྱིས་སོ། །འགྱུ་བའི་རླུད་ནི་དྲུག་ཅུ་ལ། །ཕྲ་འགྱུར་ཆོས་ཉིད་རྩིས་ཀྱིས་བཟུང་། །དེ་ཕྲག་གཉིས་ལས་རགས་པ་སྟེ། །དེ་བསྡོམས་གསུམ་ལ་སྤོམ་པོ་ཉིད། །དེ་ལས་གསུམ་དབྲི་མཉམ་པའོ། །མདོར་ན་འགྱུ་བ་ཉི་ཤུའི་བར། །ཆོས་ཉིད་མཉམ་པ་རེ་རེའོ། །ཞུས་དོནགསུམཔ། །དུས་ཀྱི་ཆོས་ཉིད་འདི་ལྟ་སྟེ། །ཕྱི་དང་ནང་དང་གསང་བ་དང་། །ཁོ་ན་ཉིད་དང་བཞི་ཡིན་ནོ། །ཕྱི་ནི་སྟོན་གྱི་གཉིས་པ་ལས། །དུས་ཀྱི་ཆོས་ཉིད་གནས་པ་སྟོན། །ནང་ནི་སྐྱ་རེངས་ཤར་དུས་སོ། །གསང་བ་གཉིད་དང་རྨི་ལམ་མོ། །ཁོ་ན་ཉིད་ནི་རླུད་གིས་བཟུང་། །དུས་ལ་ཕེབས་ན་རྫོགས་པའོ། །ཞུས་དོན་བཞི་པ། །སངས་རྒྱས་རྣམས་ཀྱི་ཆོས་ཉིད་ནི། །མ་ཕྱེས་མི་འབྱེད་མཉམ་པ་ལས། །སྒྲ་ཚིག་མིང་དུ་ག་ལ་སྲིད། །ལྷོས་གཞི་རང་དག་འཁྲུལ་པ་དག །འཁོར་འདས་མིང་དུ་མ་གྲགས་སོ། །མ་བྱུང་མ་སྐྱེས་འགག་པ་མེད། །ཀུན་བྱུང་ཡེ་ཤེས་གང་མ་ཡིན། །ལེན་པ་མེད་ཅིང་གྲོལ་བ་མེད། །རྒྱུ་རྐྱེན་བྲལ་བའི་སྐད་ཅིག་ལས། །སངས་རྒྱས་སེམས་ཅན་གཞི་མར་སྣང་། །དུ་མ་ཆ་ཤས་ཀུན་བྲལ་བའོ། །ཞུས་དོན་ལྔཔ། །གལ་ཏེ་འཁྲུལ་པའི་སེམས་ཅན་ལ། །སྐུ་དང་ཡེ་ཤེས་རང་ལུགས་ཏེ། །རྣལ་མ་སོ་མ་ལྷུག་པ་སྟེ། །གྱི་ནར་གནས་པ་ཁོ་ན་དང་། །དབང་པོ་ཡུལ་ལ་རང་བཞིན་ནོ། །འདིར་ནི་རང་ཡུལ་བསྟན་པ་ལས། །འཁོར་རྐྱེན་འཇུག་པ་མ་ཡིན་པར། །ཟང་མ་ཉིད་དང་ཐལ་བྱུང་དུ། །ཡུལ་དང་ཤེས་པའི་སྣང་ཆ་ལས། །ཐད་ཀ་སོ་སོའི་གཞི་ལས་གྲོལ། །འདོད་ཡོན་རྣམས་ནི་རང་རྫོགས་ཏེ། །སྣ་ཚོག་འགྱུ་བ་སོ་སོའི་གནད། །གཅིག་ཤེས་པ་ཡིས་གྲོལ་བར་གནས། །དེས་ན་ཆོས་ཉིད་རྟོགས་པ་སྟེ། །ཆ་ཤས་ཉིད་དང་བྲལ་བའོ། །ཞུས་དོན་དྲུག་པ། །ལུས་ཀྱི་གནད་ནི་འདི་ལྟ་སྟེ། །སྒྱི་དང་ཙིསྟ་རྩ་ཡི་གནད། །མ་བཅོས་དག་པའི་ཆོས་ཉིད་གནས། །སེམས་ཅན་ཀུན་གྱི་ལུས་སྤྱི་ལ། །ཆོས་ཉིད་རླུད་གི་ཚུལ་དུ་ཁྱབ། །ཕྲ་དང་ཡང་དང་འགྱུ་དང་འབྱེད། །བྱེད་ལས་བཞི་ཡི་ཚུལ་གྱིས་ནི། །དུས་བཞིའི་རྣལ་འབྱོར་ཤེས་པརབྱ། །ཙིཀྟའི་ནང་ན་སྐུར་གནས་ཏེ། །གདངས་ཀྱི་སྐུ་ནི་རྣམ་པ་ལྔ། །སོ་སོའི་རིགས་ཀྱི་མཚན་ཉིད་འཛིན། །ཟེར་གྱི་སྐུ་ནི་དྲུག་གིས་ཀྱང་། །རང་བཞིན་སྣང་བའི་ཆོས་རྣམས་སྡུད། །དག་པའི་སྐུ་ནི་རྣམ་གསུམ་གྱིས། །མྱ་ངན་འདས་པའི་མཚན་ཉིད་འཛིན། །རྣམ་པའི་སྐུ་ནི་བརྒྱད་ཀྱིས་ཀྱང་། །ས་ལམ་རྫོགས་པའི་བྱ་བ་བྱེད། །རྩ་ཡི་ནང་ན་ཐིག་ལེ་སྟེ། །འཇུག་པའི་ཐིག་ལེ་རྣམ་གསུམ་གྱིས། །འཁོར་འདས་འབྲེལ་བའི་ས་བོན་འདེབས། །སྐྱེ་བའི་ཐིག་ལེ་ལྔ་ཡིས་ཀྱང་། །རྣལ་འབྱོར་ཉམས་ཀྱི་དཀྱིལ་འཁོར་འཇོག །བཀོད་པའི་ཐིག་ལེ་དྲུག་གིས་ནི། །ཆོས་ཉིད་དུ་མ་གཅིག་ཏུ་སྡུད། །དེ་དང་དེ་ལ་བརྟེན་པ་ཡིས། །ཆོས་ཀུན་མཉམ་པའི་བདག་ཉིད་དོ། །་ལནབདུནཔ། །སྒོ་ནས་ཅི་ལྟར་འབྱུང་བ་ནི། །འཇུག་པའི་རླུད་གིས་བསྐུལ་བ་ཡིས། །སྒྲོན་མ་བཞི་ལས་ལས་བཞིར་འགྱུར། །ཁྱབ་པའི་རླུད་གིས་བསྐྱོད་པ་ཡིས། །རིག་པ་ཉིད་ལས་ལུ་གུ་རྒྱུད། །སྨིན་པའི་རླུད་གིས་བསྡུས་པ་ཡིས། །ལྔ་ལྔ་ཟུང་ལ་སྐུར་སྣང་བའོ། །མིག་ལས་རླུད་གཉིས་གཟུང་དང་འཛིན། །གཡས་པས་བཟུང་བས་སྣང་བ་སྤེལ། །གཡོན་པས་འཛིན་པས་ཁ་དོག་རྫོགས། །རྣ་བ་ཁྱབ་དང་འཇུག་རླུད་ལས། །གཡས་པས་ཁྱབ་པས་སྒྲ་རྣམས་སྟོན། །གཡོན་པས་འཇུག་པ་རླུད་གི་ལས། །གང་དང་གང་རྣམས་འཛིན་པར་བྱེད། །སྤྱི་གཙུག་ཁྱབ་པར་རྫོགས་པའི་རླུ་་། །ཕྲ་ཞིང་བསྐྱེད་པ་མེད་པ་ལས། །རིག་པའི་སྐུ་ཡང་འཛིན་པའོ། །ཞུ་ལནབརྒྱདཔ། །ཡུལ་ལ་སྣང་བའི་མཚན་ཉིད་ནི། །ནམ་མཁའ་སྔོ་སངས་རྫི་མེད་ལས། །འོད་དང་ཁ་དོག་དབྱིབས་ཉིད་དང་། །ཡེ་ཤེས་ལྔ་ཡི་རང་སྣང་སྟོན། །དག་པ་དབྱིངས་ཀྱི་སྒྲོན་མ་ལས། །ཐིག་ལེ་སྐུ་དང་འཁྲུལ་སྣང་དག །རང་བཞིན་ཉིད་དང་ངོ་བོ་ཉིད། །གཉིས་མེད་འདུ་འབྲལ་མེད་པར་སྣང་། །འདི་དུས་ཟད་པའི་མཚན་ཉིད་ནི། །བྱ་བྲལ་ནམ་མཁའ་ཅི་བཞིན་ནོ། །་ལནདགུཔ། །དེ་ལ་ཅི་ཡིས་མཐོང་བ་ནི། །གོམས་དང་གནད་ཀྱིས་མཐོང་བ་སྟེ། །གོམས་པ་སྔོན་དུ་འགྲོ་བ་ནས། །བརྩམས་ཏེ་ལུས་ངག་གནད་གཟིར་བས། །རང་སྣང་དག་པའི་གཟུགས་མཐོང་ནས། །འཁྲུལ་པ་ཐམས་ཅད་ནུབ་པའོ། །གནད་ཀྱི་ལུས་ཀྱིས་མཐོང་བར་བྱེད། །ཆོས་སྐུའི་བཞུགས་སྟངས་སེང་གེ་ཡིས། །འཁྲུལ་པའི་འཇིགས་པ་ཀུན་བྲལ་ནས། །རྡོ་རྗེའི་མིག་གིས་མཐོང་བར་འགྱུར། །ལོངས་སྤྱོད་རྫོགས་སྐུའི་བཞུགས་སྟངས་ཀྱིས། །གླང་ཆེན་ཉལ་བ་ལ་བརྟེན་ནས། །ཆོས་ཉིད་རྣམ་པར་ལོངས་སྤྱོད་ནས། །པདྨའི་སྤྱན་གྱིས་མཐོང་བར་འགྱུར། །སྤྲུལ་པ་སྐུ་ཡི་བཞུགས་སྟངས་ཀྱིས། །དྲང་སྲོང་ཙོག་པུ་ལ་བརྟེན་ནས། །ཆོས་ཉིད་རྣམ་པར་རང་སྤྲུལ་པས། །ཆོས་ཀྱི་མིག་གིས་མཐོང་བར་འགྱུར། །གཞན་ཡང་རྩ་དང་འཁྲུལ་འཁོར་གྱིས། །རང་བཞིན་སྣང་བའི་ཡེ་ཤེས་ལྔ། །ཆུ་བུར་མིག་གིས་མཐོང་བར་འགྱུར། །་ལནཿཔ། །མཐོང་ནས་གནད་ལ་དབབ་པ་སྟེ། །སྣང་བ་འཁྲིད་པའི་ཐབས་ཀྱིས་ཀྱང་། །འབྱུང་བཞིའི་སྣང་བ་གནད་ལ་ཕེབས། །རླུད་བརྒྱད་ལས་ཀྱི་འབྲེལ་བརྩིས་པས། །རྣམ་རྟོག་དུ་མ་གནད་ལ་ཕེབས། །ལུས་ནི་གཅུད་དང་རྩལ་སྤྲུག་དང་། །ཡན་ལག་བརྡབ་འཕེན་སྡུད་པའི་གནད། །ཕྲ་ཞིང་དྲང་ལ་མཉེ་བ་ཡིས། ཁྲ་དང་ཁྲག་སྟེ་རུས་པ་ལའོ། །་ལནབཅུ་གཔ། །དེ་ལྟར་ཕེབས་ནས་རྫོགས་པའི་ཚད། །ཐད་ཀའི་ངོས་སྣང་འགགས་པ་དང་། །ས་རྡོར་སྣང་བ་གཞུག་པ་དང་། །རང་ཤེས་ཅི་ལའང་ཚུད་པ་དང་། །དེ་བཙུད་བེམ་པོ་འགུལ་བ་དང་། །རླུད་གུ་འགྱུ་བའི་ཚད་ཟིན་དང་། །ལུས་ཀྱི་རྡུལ་ཕྲན་མཐོང་བ་འབྱུང་། །ཅིར་སྣང་གཟུགས་སྐུར་རྫོགས་པ་དང་། །དེ་ལ་ཡབ་ཡུམ་འཁྲིལ་བ་དང་། །ལྔ་ལྔ་ཡབ་དང་ཡུམ་སྦྱོར་དང་། །ཀུན་ཀྱང་མུ་ཁྱུད་ཟླུམ་པོ་ལ། །རྣལ་འབྱོར་ལུས་ཀྱང་འོད་གསལ་ཞིང་། །འགྲོ་དང་འོང་དང་འདུག་པ་དང་། །ཐམས་ཅད་རིག་པ་ཚད་ཕེབས་སོ། །་ལནབཅུགཉིསཔ། །ཚད་ཕེབས་ལུགས་ཀྱང་འདི་ལྟར་འགྱུར། །སོ་སོར་ལུས་ཀྱི་རྡུལ་བྲལ་ནས། །བར་སྣང་འོད་ཀྱི་སྐར་ཁུང་སྣང་། །དེ་ལས་འོད་ཟེར་ལྕགས་ཀྱུའི་དབྱིབས། །ཕྲ་ཞིང་འཁྲིལ་བས་སྣང་བ་འཛིན། །ལུས་ཀྱི་རྡོས་པ་རང་འགགས་ནས། །ཟང་ཐལ་དྲི་མེད་འོད་ཀྱི་ལུས། །དབུས་ན་ཨ་ཡི་མཚན་མ་དང་། །མཛོད་སྐྲུའི་འོད་ཟེར་འདོམ་གང་ཚད། །ཐོར་ཚུགས་རླུད་གིས་འགེག་འདེགས་ཀྱང་བྱུང་།པར་སྣང་། །ཞི་སྐུ་ལག་པའི་སོར་མོ་ལས། །འོད་ཀྱི་ཕྲེང་བ་རྣམ་པར་འཁྲིགས། །སྒྲ་མེད་སེམས་ཀྱི་སྤྱོད་པ་སྟེ། །མགོ་བོ་ཐོད་པའི་གཞལ་ཡས་ལས། །ཧེ་རུ་ཀ་རྣམས་མངོན་པར་འབྱུང་། །འདི་དུས་རང་ལུས་ཚད་ལ་ཕེབས། །ཟང་ཐལ་སྐུ་གསུམ་གཅིག་ཏུ་འདྲིལ་པའོ། །་ལན་གསུམཔ། །འདི་དུས་སེམས་ནི་གསལ་བ་དང་། །མངོན་པར་ཤེས་པ་དྲུག་རྣམས་དང་། །རིང་དང་དཔག་ཏུ་གྱུར་པ་ཡི། །ཆོས་རྣམས་སྐད་ཅིག་གིས་ཤེས་འགྱུར། །ཚད་མེད་སངས་རྒྱས་ཞིང་ཁམས་དང་། །དེ་བཞིན་སྐུ་ཡང་སེམས་ལ་སྣང་། །སྟོང་པའི་སེམས་ལ་དྲི་མ་ཟད། །རང་བཞིན་མི་གཡོ་སྟོང་གསལ་མཉམ། །མ་འདྲེས་མཉམ་རྫོགས་དབྱིངས་ལ་ཁྱབ། །སྣང་སྲིད་གསལ་བ་དུ་མ་བྲལ། །ཆ་ཤས་མེད་པས་སྤྲོས་མེད་དོ། །་ལན་བཞིཔ། །དེ་ལྟར་སྣང་བའི་དུས་རྣམས་སུ། །ལུས་སེམས་འབྲེལ་བ་ཆོད་པ་ནི། །ཟག་བཅས་ཟད་པའི་ལུས་ལ་ཡང་། །ཕྱིར་འབྱུང་མཚནཉིདགསལབའི་སེམས། །སྐར་མདའ་འཕོ་བའི་ཚུལ་གྱིས་ཀྱང་། །ནམ་མཁའི་ཁམས་སུ་གསལ་བར་མཐོང་། །དེ་ཉིད་ཐོག་མའི་དུས་རྣམས་སུ། །རླུད་དང་བྲལ་བ་དག་ལ་ཡང་། །འབད་ཅིང་དག་པ་རླུད་གི་ལས། །ལུས་ལས་ཕྱི་རོལ་འཕང་ལསའབྱུང་། །མཐོང་བྱེད་གཉིས་ཀྱི་ཆ་ལས་ཀྱང་། །ལུས་ནི་འོད་གསལ་དག་པ་ལ། །སེམས་ནི་མེ་སྟག་འཕྲོ་བ་བཞིན། །གཅིག་ཏུ་མི་གནས་རང་གསལ་གཞི། །སྣང་ཆ་གཉིས་ཀྱི་ཚུལ་དུ་འབྱུང་། །འདིས་ནི་ལུས་སེམས་འབྲེལ་ཆད་ནས། །ཁམས་གསུམ་ལྡོག་པ་མ་ཡིན་ནོ། །ཞུམ་ལནབཅོ་ལྔཔ། །རྒྱུ་དང་འབྲས་བུའི་ཆོས་ཉིད་ནི། །རྟོག་པ་རགས་པའི་ཁུངས་འགགས་ནས། །དྲན་པ་རང་དག་རྒྱུད་ལ་ཡང་། །རྟེན་འབྲེལ་རླུད་ཉིད་རྣམ་དག་པ། །རླུད་ལས་བྱུང་བའི་ཆོས་ཉིད་དོ། །ཀ་ནས་དག་པའི་རང་བཞིན་ལ། །གཅིག་དང་དུ་མའི་གྲངས་ཟད་དེ། །སྐུ་དང་ཡེ་ཤེས་མེད་པ་དང་། །ཆོས་རྣམས་ཟད་པའི་མཐར་ཕྱིན་པ། །འབྲས་བུ་ཆོས་ཉིད་ཡིན་པར་འདོད། །ཞུ་་ལན་་དྲུགཔ། །རང་སར་དེངས་པའི་ཆོས་ཉིད་ནི། །འབྱུང་བ་དེངས་པས་གདོས་པ་དག །རྡུལ་དང་ཕྲ་རགས་མཐར་འགགས་ནས། །ཆ་ཤས་ཙམ་ཡང་གནས་པ་མིན། །ཉོན་མོངས་དེངས་པས་འཁྲུལ་པ་དངས། །རྟོག་བྲལ་ཞེན་པ་མི་གནས་པས། །བག་ལ་ཉལ་དང་ཀུན་ནས་ལྡང་། །རྡུལ་ཆ་ཙམ་ཡང་མི་གནས་སོ། །དེ་ལྷར་ཕྲ་རགས་དེངས་པ་ཡིས། །ཕུང་པོ་ལྔ་ཡང་མཐར་གྱིས་ཕྲ། །འབྱུང་བ་བཞི་ཡི་ལུས་ཟད་ནས། །ཐམས་ཅད་ཡེ་ཤེས་རྫོགས་སྐུའོ། །རྟོག་མེད་ཏིང་འཛིན་རང་གནས་ཏེ། །བཅོས་མའི་ཆོས་ལས་འདས་པས་ན། །ཆོས་ཞེས་ཚིག་དུ་མི་གནས་སོ། །་ལན་བདུནཔ། །དེ་ལྟར་ཆོས་ཉིད་ངེས་པའི་ཚིག །ཆོས་ཞེས་ཚོགས་ཤིང་འདུས་པ་ལས། བྱ་བ་བྱེད་དང་མཚན་ཉིད་འཛིན། །རང་སྣང་སྟོན་པར་བྱེད་པ་ལ། །སོ་སོའི་རིགས་རྣམས་འཛིན་པའོ། །ཉིད་ནི་བཅོས་པ་མེད་པ་ལ། །ལྷུག་པར་གནས་པས་རྣལ་མར་ཁྱབ། །སོ་མ་ག་་མ་དཀྱུས་མ་ལ། །སྒྲ་ཚིག་མིང་གི་གྲངས་ཟད་པའོ། །་ལནཡོབརྒྱདཔ། །གནད་ཀྱི་ཆོས་ཉིད་འདི་ལྟ་སྟེ། །འབྱུང་བའི་གནས་དང་རང་ལུས་དང་། །ཡུལ་དང་སྒོ་དང་ཤེས་པ་རླུད་། །རྩ་དང་ཐིག་ལེ་ཡན་ལག་གིས། །སོ་སོར་འཇུག་པ་ཁྱབ་པར་གནས། །དེ་དག་སོ་སོའི་སྔོན་འགྲོ་དང་། །དངོས་གཞི་གནས་ལ་བསྒྱུར་བ་ཡིས། །རྟོག་པ་བྲལ་བའི་ཆོས་ཉིད་ལ། །རང་བཞིན་གནས་པས་འགྱུ་བ་ཟད། །ཟད་སྣང་གཉིས་མེད་ཡུལ་ལས་ནི། །རང་བཞིན་གནས་དང་བཅོས་མ་ལས། །ཆོས་ཀྱི་དབྱིངས་ཀྱང་དག་པས་སྣང་། །འདིས་ནི་གནད་ཀྱི་འཚང་རྒྱའོ། །་ལན་དགུཔ། །འབྱུང་དུས་གནད་ནི་འདི་ལྟ་བུ། །ཨེ་མ་ངོ་མཚར་ཆེ་བ་བཤད། །ཆོས་ཉིད་འདི་ལ་འབྱུང་དུས་བརྒྱད། །གནས་པའི་དུས་ཀྱང་དེ་ཙམ་ལས། །ཁྱད་པར་དུས་ནི་བཞི་ལ་ཡང་། །རྣལ་འབྱོར་ལྡན་པས་སེམས་གནས་པས། །མཉམ་ཉིད་འདུ་འབྲལ་མེད་པའོ། །རང་བཞིན་དག་པའི་གནད་ཤེས་ནས། །བྱས་པ་མེད་པར་ཆོས་རྣམས་ཤེས། །དུས་ནི་འཕོ་བའི་གྲངས་ཀྱིས་བཟུང་། །བཟུང་བས་འཁྲུལ་མེད་དག་པའོ། །་ལནཉིཤུཐམཔ། །བར་དོའི་ཆོས་ཉིད་འདི་ལྟ་བུ། །རབ་ཏུ་གསང་བའི་ཆོས་ཉིད་བཤད། །དབྱེ་ན་རྣམ་པ་བཞི་དག་ལས། །འདིར་ནི་ཆོས་ཉིད་བར་དོ་བཤད། །འཆི་ཀ་ལས་ནི་ཐར་པའི་ཚེ། །རྣམ་ཤེས་ནམ་མཁའ་དག་ལ་ཐིམ་། །ནམ་མཁའ་འོད་གསལ་ལ་ཟིམ་དུས། །ཕྲ་རགས་སྣང་བ་ཀུན་འགགས་ཏེ། །དབང་པོ་ཀུན་ལྡན་འོད་ཀྱི་ལུས། །ལུས་ལས་གྲིབ་མ་བཞིན་དུ་འགྱུར། །དེ་ཚེ་འོད་སྣང་དུམ་བུའི་ཚེ། །མཁས་པས་སྣང་བ་མཆེད་པ་བཟུང་། །གཡོ་བ་རླུད་དག་མཆེད་པ་ཡིས། ཁ་དོག་ལྔ་ཡི་འོད་དང་ཟེར། །མ་ངེས་འཇའ་ཚོན་རིས་སུ་སྣང་། །འཇུག་ཅིང་སྨིན་པའི་རླུད་ལས་ཀྱང་། །ཕྱོགས་བཞི་མཚམས་དང་བླ་འོག་གྲུབ། །དེ་ལ་ཕྱོགས་ཀྱི་འོད་འདུས་པས། །རིགས་ལྔའི་སྐུ་ཡང་མངོན་པར་སྣང་། །མཐིང་ག་དཀར་སེར་དམར་ལྗང་ནི། །སོ་སོའི་ཡུལ་དང་བཅས་པར་སྣང་། །འདི་ལ་མཆེད་དང་འཛིན་ཤེས་ན། །སངས་རྒྱས་རྣམས་ཀྱི་ཡོན་ཏན་རྫོགས། །ཁམས་གསུམ་འཇུག་པ་མ་ཡིན་ནོ། །་ལནཉེར་གཔ། །དེ་ཡི་མཚན་ཉིད་འདི་ལྟ་བུ་།་ །རགས་པའི་འབྱུང་བར་ལྟོས་བྲལ་བས། །འོད་ལ་ཐིག་ལེ་ཟེར་དུ་འབར། །ཐིག་ལེ་ལྔ་འབྲེལ་སྐུ་རྐྱང་སྟེ། །ཕྱེད་སྐུ་ལས་ནི་གཟུགས་རྫོགས་པའོ། །གཟུགས་ཕྱེད་སྐུ་ལས་ལྔ་ལྔའི་ཟུང་། །སོ་སོའི་ཚོམ་བུ་རྫོགས་་་ལས། །ལྔ་ལྡན་བཅུ་ལྡན་བརྒྱ་དང་ལྡན། །ཚོམ་བུ་སྟོང་དང་འབུམ་ཕྲག་ནི། །བསམ་ངོ་རང་བཞིན་དག་པར་སྣང་། །བརྗོད་ཀྱིས་མི་ལངས་གྲངས་མེད་པ། །འདི་ཡི་རང་བཞིན་རང་ཤེས་ན། །སྐུ་གསུམ་གཅིག་ཏུ་དྲལ་པ་ཐོབ། །ཐོབ་པ་འདི་ལས་སླར་ལོག་མེད། །གསལ་གདབ་པ་ལས་བྱུང་བའོ། །གཞན་ཡང་ཆོས་ཉིད་ངོ་བོ་ནི། །རང་བཞིན་ཉིད་ལས་ངོ་བོར་གྲུབ། །སྣང་ཚུལ་གཅིག་ཏུ་མ་ངེས་པས། །འཇུག་པའི་ལམ་ཡང་ཐ་དད་དོ། །ངོ་དང་ཤེས་དང་གྲོལ་མཐོང་གིས། །འཇུག་དང་མཐོང་དང་གོམས་པ་ལས། །ངོ་ཤེས་པ་ལས་རང་ངོ་སྟེ། །ཡིད་ཆེས་པ་ཡིས་ཐུག་པའོ། །ཐག་ཆོད་པས་ནི་གདེང་དུ་ཚུད། །དེ་ལྟར་གསུམ་གྱི་ངེས་པ་ལས། །ངོ་བོ་རྫོགས་པས་རྒྱུད་འགགས་སོ། །གཞན་ཡང་ཆོས་ཉིད་རང་བཞིན་བཤད། །འདི་འདྲ་གཅིག་ཏུ་མ་ངེས་པས། །གང་ལྟར་བཏགས་པ་དེ་ལྟར་སྣང་། །སྣ་ཚོགས་མིང་གི་གདགས་གཞི་ལས། །སྒྲ་ཚིག་དུ་མའི་སྤྲོས་པར་སྣང་། །ངེས་མེད་མིང་ནི་སྣ་ཚོགས་ལས། །དོན་ཡང་བཏགས་པ་ཙམ་གྱིས་སྟོང་། །སྟོང་ཉིད་གང་ཡང་མ་གྲུབ་པས། །རང་བཞིན་དག་པ་ལྟར་སྣང་ངོ་། །གཞན་ཡང་ཆོས་ཉིད་ཐུགས་རྗེ་བཤད། །གདུལ་བྱའི་ཡུལ་ནི་སྣ་ཚོགས་པས། །འདུལ་བྱེད་སྐུ་ཡང་དེ་བཞིན་ནོ། །རིགས་དང་དབང་པོའི་རྣམ་འཕྲུལ་ལས། །འཁོར་འདས་རྟོག་པ་ཐ་དད་དེ། །དེ་ཉིད་སོ་སོའི་ཡུལ་བཞག་ན། །མ་བཅོས་དོན་གྱི་དགོངས་པའོ། །གཞན་ཡང་ཆོས་ཉིད་སྣང་བ་བཤད། །མ་དག་པ་ཡི་འཁྲུལ་པ་ལ། །དབང་པོའི་སྒོ་རྣམས་མ་བཅོས་པས། །ཅོག་གེ་བཞག་པ་གནད་ཡིན་ལ། །དེ་ལས་མ་བསྒྱུར་མན་ངག་གོ །གཟུང་བ་མེད་པའི་སྣང་བ་ལ། །འཛིན་པ་མེད་པའི་སེམས་ཤར་བ། །སྤྱོད་པ་མེད་པའི་མིག་གིས་མཐོང་། །ཆོས་ཉིད་མེད་པའི་ལམ་ནས་དྲངས། །ལྟ་སྒོམ་མེད་པའི་གཞི་ལ་བསྐྱལ། །བྱར་མེད་རྩོལ་བྲལ་འབྲས་བུར་དྲིལ། །འདི་ལ་སྣང་མཐའ་མི་གནས་སོ། །གཞན་ཡང་རིག་པའི་ཆོས་ཉིད་བཤད། །ལུ་གུ་རྒྱུད་དུ་ཅེར་མཐོང་བས། །རྣམ་རྟོག་འགྱུ་བའི་དྲན་པ་འགགས། །བྱ་ལམ་ནམ་མཁར་འགྲོ་བ་བཞིན། །ཆོས་ཀྱི་དབྱིངས་ལས་འགྲོ་ས་མེད། །གཞན་མེད་རིག་སྣང་རྣམ་དག་པས། །འཁྲུལ་པར་སྣང་བའི་རྒྱུ་རྐྱེན་ཟད། །དབྱིངས་དང་རིག་པ་འབྲལ་མེད་པས། །ལུ་གུ་རྒྱུད་ཀྱི་འབྲེལ་སྣང་སྟོན། །རིག་པའི་ངོ་བོ་ལུ་གུ་རྒྱུད། །འདས་དང་མ་འོངས་ད་ལྟར་ལ་། །སུས་ཀྱང་བྱས་པ་མ་ཡིན་ལ། །དེས་ན་འདུས་མ་བྱས་པ་ཉིད། །ལུ་གུ་རྒྱུད་ཀྱི་རང་བཞིན་ནོ། །རྣམ་པར་རྟོག་པ་ཀུན་དག་པས། །མ་འཁྲུལ་པ་ཡི་སངས་རྒྱས་སོ། །གཞན་ཡང་རྒྱུད་ཀྱི་ཆོས་ཉིད་བཤད། །ཡང་དག་ཆོས་ཉིད་སྒྲ་ལས་ཐལ། །རང་གི་ངོ་བོ་ཡི་གེ་མེད། །རང་རིག་ཡེ་ཤེས་སྒྲོན་འོད་འབར། །ཆོས་ཉིད་དག་པས་བཀྲ་ཤིས་མཛེས། །ལྟ་བ་འཇིགས་བྲལ་སེང་རྩལ་རྫོགས། །རང་རིག་སྨིན་པས་རྫོགས་རང་བྱུང་། །ལུ་གུ་རྒྱུད་འབྲེལ་མུ་ཏིག་ཕྲེང་། །ཉམས་ཀྱི་སྣང་བ་ནོར་ཕྲ་བཀོད། །རང་གནས་སྟོང་པའི་སྙིང་མེ་ལོང་། །གོལ་ས་རང་གཅོད་ཐུགས་མེ་ལོང་། །གཞན་ལས་མ་བྱུང་རང་ཤར་ཉིད། །རང་བྱུང་ཡིན་པས་རང་གྲོལ་ལ། །དབྱིངས་སུ་གཅིག་པར་ཀློང་ཡང་དྲུག །ཡོན་ཏན་རྫོགས་པ་རིན་ཆེན་སྐྲུངས། །རང་རིག་བསྟན་པས་ངོ་སྤྲོད་སྤྲས། །སྣང་བ་དག་པས་ཉི་ཟླ་སྦྱོར། །རིག་པ་སྨིན་ཕྱིར་སྐུ་གདུང་འབར། །འདི་དག་རྣམས་ཀྱང་གཞི་ལས་ཤར། །འདི་ལྟར་ཆོས་ཉིད་བརྗོད་མེད་པས། །ཐ་སྙད་ཚིག་གི་གཞི་མར་ཤར། །ཚིག་བརྗོད་རིམ་པས་རྣམ་དག་པས། །དེ་ལྟར་བརྗོད་མེད་པ་ལ་གནས། །དེ་ཕྱིར་ཚིག་རིམ་མཐའ་ཟད་པའོ། །གཞན་ཡང་གྲོལ་བའི་ཆོས་ཉིད་བཤད། །གནད་ཀྱིས་གྲོལ་བས་འབད་རྩོལ་ཟད། །ཡེ་ནས་གྲོལ་བས་བསྐྱར་མི་དགོས། །རང་གྲོལ་ཡིན་པས་གཉེན་པོ་མེད། །ཅེར་གྲོལ་ཡིན་པས་མཐོང་སར་ཡལ ཡོངསསུ་གྲོལ་བས་རང་བཞིན་དག། །དུས་ཀྱི་གྲོལ་བས་གོམས་མི་དགོས། །རང་བཞིན་གྲོལ་བས་མ་བཅོས་པའོ། །གྲོལ་ཞེས་ཐ་སྙད་ཙམ་ཉིད་དེ། །རྟོགས་དང་མ་རྟོགས་སུ་ཡི་ཆོས། །དེ་ལ་གྲོལ་ཞེས་སུ་ལ་དམིགས། །ཁམས་གསུམ་འཇུག་པ་སུ་ལ་སྲིད། །སྲིད་མཐའ་གྲོལ་བའི་ཆོས་ཉིད་དོ། །གཞན་ཡང་བྱ་བྲལ་ཆོས་ཉིད་ནི། །བྱ་བ་མེད་པས་གྲོལ་བ་ལ། །བྱུང་བ་མེད་པས་གནས་མེད་པའོ། །འགྲོ་བ་མེད་པས་འོང་འཁོར་ཟད། །བྱས་བྱུང་གཅིག་དང་གཉིས་མེད་པའོ། །ཐ་སྙད་འཁྲུལ་པ་ཙམ་ཡང་མེད། །ཡོད་མེད་ལས་ཀྱི་འཇུག་པས་སྟོང་། །ཡེ་ནས་འབྲས་བུ་བློ་བྲལ་ཉིད། །སྨྲ་བསམ་བརྗོད་པ་ཀུན་འདས་པའོ། །ཞེས་སྒྲ་ཐལ་འགྱུར་ཆེན་པོ་ཆོས་རྣམས་ཀུན་གྱི་རྩ་བ་ལས།ཆོས་ཉིད་བཀོད་པ་སེམས་སྣང་གི་རྩ་བ་བསྟན་པའི་ལེའུ་སྟེ་བཞི་པའོ།། །།དེ་ནས་རང་བཞིན་རྣམ་དག་པས། །ཆོས་སྐུ་བརྗོད་པ་མེད་པ་ལས། །ཆོས་ཉིད་སྤྲོས་བྲལ་ནམ་མཁའ་ལས། །བརྗོད་དུ་མེད་པའི་གཞི་མ་ལས། །རང་བྱུང་བཀོད་པ་དོན་གྱི་ཚིག །སྟོན་པའི་ལྗགས་ལས་འོད་འཕྲོས་ཚུལ། །སུས་ཀྱང་བྱས་པ་མེད་པར་ཤར། །དེ་ལ་ལྷ་དབང་གིས་གསོལ་པ། །ཀྱེ་མ་བཅོམ་ལྡན་ཞབྲུལ་མེད་བདག །ལྟ་དང་བསྒོམ་པའི་བཀོད་པ་ཉིད། །གང་གིས་འཛིན་པར་འགྱུར་བ་ལགས། །བབ་ལས་གྲུབ་པའི་གནས་ལུགས་གང་། །དེ་ལ་བལྟ་བ་ཅི་ལྟར་བགྱི། །ཚིག་དོན་ལྟ་བའི་མཚམས་ཀྱིས་བཟུང་། །ལྟ་བའི་ངོ་བོ་རང་བཞིན་གང་། །བརྗོད་ཚིག་མིང་གི་རྣམ་གྲངས་ཅི། །སྒོམ་པ་ཞེས་བྱ་ཇི་ལྟ་བུ། །དེ་ཡི་ལས་དང་གོ་བ་གང་། །མ་གོལ་གནས་པའི་བསྒོམ་པ་གང་། །བསྒོམ་པའི་མཚན་ཉིད་སྣང་ཚུལ་ཅི། །མ་བསྒོམས་པ་ཡི་སྐྱོན་གང་ལགས། །འདི་དག་བདག་གིས་མཉན་པར་འཚལ། །རྡོ་རྗེ་འཛིན་པས་བདག་ལ་གསུང་། །དེ་ནས་བཅོས་མེད་ནམ་མཁའ་ལས། །སུམ་ཅུ་རྩ་གཉིས་མཚན་འཆང་བས། །ལྟ་སྒོམ་བཀོད་པ་འདི་སྐད་གསུངས། །ལྷ་ཡི་དབང་པོ་ལེགས་ཉོན་ཅིག །འདི་ལ་ཐེ་ཚོམ་སུས་ཟ་བ། །སངས་རྒྱས་རྣམས་ཀྱི་སྐུ་ལ་བསྒྲིབ། །ཞུ་ལནདངཔོ། །བལྟ་བ་བསྒོམ་པ་འཛིན་པ་ནི། །དད་པ་རབ་དང་བརྩོན་འགྲུས་ལྡན། །གཏོང་བར་ནུས་ཤིང་བླ་མ་གུས། །བརྟུལ་ཞུགས་ཅན་ལ་སྡིག་ལ་འཛེམ། །འགྱུར་མེད་རབ་ཏུ་བརྟན་པས་འཛིན། །ཡང་ན་རང་ཉིད་ཤུགས་དལ་བ། །ལྷུག་པ་གླེན་པའི་ལྷོད་ཡོད་པས། །རྟོགས་པ་ཆུང་ཞིང་རང་བཞིན་དལ། །ལུས་ངག་བྱ་བ་བྲལ་བ་དང་། །ཤེས་རབ་ལྡན་པས་འཛིན་པར་འཀྱུར། །ཞུ་ལནགཉིསཔ། །བབ་ལས་གྲུབ་པའི་གནས་ལུགས་ནི། །གནས་པ་བདུན་གྱི་ཚུལ་ལ་ཡང་ སྣ་ཚོགས་ངོས་ནས་ལྷུན་གྲུབ་པ། །འགྱུར་ཚད་ཆ་ནས་ངེས་མེད་པ། །མི་འགྱུར་བ་ལས་ངེས་པ་ཅན། །སྣང་བའི་རྩལ་ནི་ཅིར་ཡང་བསྒྱུར། །ཐམས་ཅད་འབྱུང་ཞིང་ཁས་ལེན་བཅས། །འཁྲུལ་པ་དག་ཕྱིར་ཀ་དག་ལ། །སྣང་ཚུལ་ཐ་དད་ཁྲ་བོར་འདོད། །འདི་ལྟར་འདོད་པའི་བྱེ་བྲག་ལས། །རྫོགས་པ་ཆེན་པོ་ཅིར་སྣང་ཕྱིར། །ཐ་དད་འདོད་པ་གྲངས་མང་ཡང་། །གནས་པ་བབ་ཀྱི་ལྟ་བ་ལ། །གཅིག་མེད་གཉིས་མེད་གང་དང་བྲལ། །སྲོག་གཅོད་མ་བྱིན་ལེན་པ་ཡང་། །ང་ལས་བྱུང་ཞིང་ང་ཡི་ཆོས། །ལྟ་དང་སྒོམ་དང་སྤྱོད་པ་ཡང་། །ཡོད་མེད་སྟོང་པའི་མཐའ་ལས་འདས། །མདོར་ན་མཚན་ཉིད་ཀྱིས་ཕྱེའོ། །ཞུ་ལནགསུམཔ། །དེ་ལ་བལྟ་བ་རྣམ་པ་གཉིས། །ཚིག་གི་བལྟ་དང་དོན་བལྟའོ། །ཚིག་གི་བལྟ་བ་བདུན་རིམ་ལས། །སོ་སོའི་འདོད་པ་བློས་བྱས་ཏེ། །བྱ་བྲལ་འབད་པ་མེད་པ་དང་། །རིམ་འཇུག་རང་གཞན་ཁྱད་འདོན་དང་། །སྲོག་གཅོད་དགེ་སྡིག་བྲལ་བ་དང་། །བྱས་མེད་བྱུང་བ་མེད་པ་དང་། །མ་བསྒྱུར་སྣང་བ་རང་དག་དང་། །ཉོན་མོངས་རང་བཞིན་གྲོལ་བར་འདོད། །དོན་ནི་ཆོས་ཉིད་མངོན་སུམ་ལ། ཁོགོས་རབ་ཀྱིས་་ནི་མ་ཡིན་པས། །དབང་པོའི་སྤྱོད་ཡུལ་ཉིད་དུ་བལྟ། །ཚིག་གིས་གཏན་ལ་མི་ཕེབས་ཏེ། །གནད་གསུམ་མཐོང་བའི་ངོ་གང་ལ། །ཚིག་གསུམ་གནད་དུ་འགྲོལ་བའི་ཕྱིར། །དབང་བོ་རྣོ་བརྟུལ་མེད་པ་དང་། །ཆོས་ཉིད་མཐོང་བས་དག་པས་ན། །ལས་ལ་བཟང་དང་ངན་པ་མེད། །ཆོས་ཉིད་སྟོང་པའི་ས་མེད་པས། །དགེ་སྡིག་གཉིས་ཀ་རྣམ་པར་སེལ། །རང་རིག་མངོན་སུམ་མཐོང་མེད་པས། །རིམ་དགུའི་འདོད་པས་གྲོལ་བ་མིན། །ཆོས་ཉིད་ཟད་ཅིང་མཐར་ཕྱིན་པས། །སྐུ་གསུམ་ལམ་གྱི་སྣང་བའོ། །ཞུ་་ལན་བཞིཔ། །ཚིག་དོན་བལྟ་བའི་ས་མཚམས་ནི། །ཚིག་ནི་བརྗོད་པའི་རྒྱུ་ཡིན་ཏེ། །གང་གིས་བརྗོད་དང་སྤྲུལ་བྱེད་པ། །དེ་ལ་བསམ་པའི་ཡིད་དབྱོད་དོ། །དོན་ནི་རང་ལ་རང་གིས་བལྟ། །མངོན་སུམ་ཚད་ནི་གསུམ་དག་གིས། །ལུ་གུ་རྒྱུད་ལ་མངོན་དུ་སྤྱོད། །ཅེར་མཐོང་བ་དང་ཅེར་གྲོལ་དུ། །གང་གིས་མཐོང་བ་དོན་ཡིན་ནོ། །ཞུམལན་ལྔ་པ། །བལྟ་བའི་ངོ་བོ་མཐོང་བ་ལ། །ཡིད་དཔྱོད་ཚིག་གིས་འགྱུར་བ་མེད། །ལུང་དང་བླ་མའི་མན་ངག་ལས། །གང་གིས་བསྟན་པ་མེད་པའོ། །ཞུ་ལནདྲུགཔ། །ལྟ་བའི་རང་བཞིན་སྣོད་བཅ་ལ། །མ་ཁྱབ་མེད་པས་གང་ཡང་གྲོལ། །གྲོལ་བའི་ཆོས་ལ་རྣམ་འཛིན་བྲལ། །ཅིར་སྣང་རང་གི་ཆོས་ཉིད་ལས། །བཅོས་མའི་ཆོས་ཉིད་ལོགས་ན་མེད། །ཅི་ལྟར་སྤྱོད་ཀྱང་མི་རྟོག་སྐྱེ། །སྤང་དང་བླང་མེད་རང་སྣང་ངོ་། །ཞུ་ལནབདུནཔ། །བརྗོད་ཚིག་མིང་གི་རྣམ་གྲངས་ནི། །ཕྱི་དང་ནང་དང་གསང་བ་དང་། །བླ་ན་མེད་པའི་བལྟ་བ་བཞིའོ། །ཕྱི་ནི་ཆོས་ཅན་ལ་བལྟ་བ། །རིམ་བརྒྱད་སོ་སོའི་འདོད་པ་ལ། །ཡིད་དཔྱོད་འཛིན་པ་ཉིད་དུ་འདོད། །ནང་ནི་ཆོས་ཉིད་ལ་བལྟས་པས ངོ་བོ་རང་བཞིན་སྒྱུ་མར་མཐོང་། །གསང་བ་རང་རིག་ལ་བལྟས་པས། །ལུ་གུ་རྒྱུད་དང་འབྲེལ་ཆགས་མཐོང་། །ཁོ་ན་ཉིད་ནི་དབྱིངས་རིག་གོ །ཞུ་ལནབམཔ། །བསྒོམ་པ་ཞེས་ནི་སེམས་གནས་ལ། །འགྱུ་བ་ཕྱི་ནང་གཅོད་པ་སྟེ། །གཟུང་དང་འཛིན་པ་འགག་པའོ། །རང་བཞིན་བབ་ལས་བྱུང་བ་ནི། །བསམ་གཏན་དག་ཏུ་བརྗོད་པར་བྱ། །རླུད་དང་རྩ་དང་ཐིག་ལེ་དང་། །ལུས་གནད་མགོ་དང་སྟོང་པ་ནི། །བསྒོམ་པ་ཞེས་ནི་འདོད་པ་ཡིན། །ཡི་གེའི་འོད་དང་ཁ་དོག་དང་། །རྣམ་པར་འཕྲུལ་པའི་སྤྲོ་བསྡུ་ནི། །ཏིང་ངེ་འཛིན་ཞེས་བཤད་པ་ལ། །མ་བཅོས་རང་བཞག་གནས་ལུགས་ཏེ། །ཅི་ལྟར་དེ་ལས་འགྱུར་མེད་པས། །སངས་རྒྱས་རྣམས་ཀྱི་དགོངས་པའོ། །་ལནདགུཔ། །དེ་ཡི་ལས་དང་གོ་བ་ནི། །ལས་ཀྱིས་ཡུལ་ཞེན་གཅོད་པ་དང་། །ཉོན་མོངས་ལ་སོགས་སྤང་བ་དང་། །འཁོར་བའི་རྩ་བ་འབྱིན་པའོ། །གོ་བས་སེམས་ཉིད་འཛིན་པ་དང་། །གནས་པ་བྱེད་དང་རླུད་ཟད་དང་། །ཆོས་ཉིད་སྟོང་པའི་ལམ་རྙེད་དང་། །རང་བཞིན་དག་པའི་གཞི་སྣང་ངོ་། །ཞུ་ལན་པ། །མ་གོལ་གནས་པའི་བསྒོམ་པ་ནི། །དབང་པོའི་སྒོ་རྣམས་གསལ་བ་ལ། །ཡིད་ཀྱི་རྟོག་པ་མ་འགྱུས་པས། ཁྲེས་པ་ཉིད་ལ་དབྱོད་པའི་ཡིད། །ཕྱིར་ལ་ཤོར་བ་མེད་པ་ཉིད། །རིས་ཅན་གསལ་བ་མ་ཡིན་དང་། །གུད་བཅད་སྟོང་པར་མ་སོང་དང་། །བདེ་བ་རྒྱུན་ཆགས་མ་ཡིན་དང་། །བཏང་སྙོམས་ལྟེང་པོར་མ་སོང་དང་། །དྲན་རིག་གསལ་བ་ངལ་གསོ་དང་། །སྦྱངས་པ་ལོག་ཆ་ལམ་སོང་དང་། །འཛིན་ཆ་ནང་དུ་རྒྱུན་བདེ་དང་། །ཆ་ལུགས་གསལ་བའི་འཛིན་ཆ་དང་། ཁ་དོག་ཡིག་འབྲུ་སྒྱུར་བྱེད་རྣམས། །དེ་རྣམས་ཕྱོགས་སུ་མ་ལྷུང་ན། །མ་གོལ་གནས་པའི་བསྒོམ་པའོ། །་ལན་་གཔ། །བསྒོམ་པའི་མཚན་ཉིད་སྣང་ཚུལ་ནི། །མཚན་ཉིད་སྟོང་གསལ་རིག་པ་ལ། །རང་བཞིན་གང་དང་མ་འདྲེས་པ། །གཟུང་དང་འཛིན་པའི་མཐའ་ཟད་དང་། །ཆོས་ཉིད་རང་ངོ་དག་པའོ། །སྣང་ཚུལ་འཁྲུལ་པ་མ་ཡིན་ལ། །རྒྱུ་རྐྱེན་དག་པའིརངབཞིནལ། །དངོས་དང་དངོས་མེད་རང་དག་ནས། །སྒོ་ལྔའི་ཡུལ་ཞེན་དག་པ་དང་། །འབྱུང་བའི་མེད། །བལྟར་མེད་སྤྱད་དུ་མེད་པས་བསྒོམ་པའི་འདོད་པ་གང་། །སྟོང་དང་གསལ་བ་སེམས་ཀྱི་འདོད་པ་འགག །དེ་བཞིན་ཆོས་དང་སངས་རྒྱས་ཆོས་མེད་པའོ། །གཞན་ཡང་རང་བཞིན་བལྟ་བ་ནི། །དངོས་མེད་རང་བཞིན་རྫོགས་པ་ཆེ། །ས་ཆུ་མེ་རླུང་འབྱུང་བ་མངོན་སངས་རྒྱས། །བཅོས་པ་མེད་པས་རང་གྲོལ་ཆེན་པོ་ཉིད། །འདོད་ཆགས་ཞེ་སྡང་གཏི་མུག་བྱང་ཆུང་བཞི། །རྣམ་རྟོག་ལས་ཀྱི་སྤྱོད་པ་རྟོག་པའི་གདེང་། །འཁོར་བ་མ་སྤངས་སངས་རྒྱས་དགོངས་པའོ། །ལུས་དང་ངག་ཡིད་དངས་པས་སྐུ་གསུམ་རྫོགས། །སེམས་དང་མ་རིག་འཁྲུལ་པ་ཆོས་ཉིད་གཞི། །ལས་དང་བག་ཆགས་ཞེན་པ་བལྟ་གནད་དོ། །གཞན་ཡང་བཅོས་པའི་ལྟ་བ་ནི། །ཆོས་ལས་མ་བྱུང་སངས་རྒྱས་ལ། །རྒྱུ་ཡིས་མ་བསྐྱེད་འབྲས་བུ་རྫོགས། །རྐྱེན་གྱིས་མི་འཇིག་ལུས་བླང་སྟེ། །ལུང་ལས་མ་བྱུང་གྲུབ་པའི་མཐའ། །རྒྱུད་ལ་མ་བརྟེན་མན་ངག་གིས། །མྱ་ངན་འདས་པའི་རྩ་བ་བཅད། །འཁོར་བའི་འབྲས་བུ་སྨིན་པར་བྱས། །ཡང་དག་མ་ཡིན་མ་དག་གཞི། །ཉོན་མོངས་དྲུག་གི་གཞི་མ་ལ། །བྱང་ཆུབ་ས་བོན་སྟོངས་པར་བྱས། །ངན་སོང་གསུམ་གྱི་གཟུགས་སྨིན་ཏེ། །སྐུ་གསུམ་པོ་ཡང་ལག་བཅངས་སོ། །གཞན་ཡང་བརྗོད་བྱའི་ལྟ་བ་བཤད། །སྲོག་མ་བཅད་ན་སངས་མི་རྒྱ། །སྐར་ཁུང་དག་ནི་མ་བཀག་ན། །མུན་པ་ཉིད་ནི་སངས་པ་མིན། །སངས་རྒྱས་རྣམས་ཀྱི་སློབ་དཔོན་ནི། །དམྱལ་བ་ཆོས་ཀྱི་རྒྱལ་པོ་ལ། །ཆོས་ཀྱིས་ངན་སོང་གསུམ་དུ་ཁྲིད། །སྡིག་སྤྱད་པས་ནི་དག་ཐོབ་བོ། །བལྟས་པས་ཁམས་གསུམ་འཁོར་བ་ལ། །བསྒོམས་པས་ཉོན་མོངས་ཚོགས་ཀུན་སོགས། །སྦྱོད་པ་སྤྱད་པས་གོལ་སྒྲིབ་ལ། །འབྲས་བུ་འཁོར་བའི་རྒྱུ་ཉིད་དོ། །གཞན་ཡང་བརྡ་དོན་ཚིག་འབྲེལ་བཤད། །བསྐལ་པའི་མེ་དཔུང་ཀློང་དཀྱིལ་ན། །མི་གཅིག་ཚིག་པ་མེད་པར་ཡང་། ཁ་ནས་སྡེ་སྣོད་ཆོས་བཤད་ཅིང་། །ལས་སུ་གཞན་གྱི་སྲོག་བཅད་པས། །དགེ་སྦྱོར་འཕེལ་བ་ཡ་རེ་ཆ། །ལྕགས་ཀྱི་ཁང་ཡངས་སྒོ་མེད་ནང་། །སྣང་མེད་མིན་པའི་ཀློང་དཀྱིལ་ན། །ཉི་མ་ཟླ་བ་འོད་གསལ་ཡང་ སུས་ཀྱང་མཐོང་བ་མེད་པ་ནི། །སོ་སོའི་དབང་པོའི་ཡུལ་གསལ་བས། །མཐོང་བ་མེད་པ་ཡ་རེ་ཆ། །གཞན་ཡང་ཡུལ་འཛིན་བལྟ་བ་བཤད། །ཁམས་གསུམ་འཁོར་བའི་གཞི་སྟོངས་པས། །མྱ་ངན་འདས་པ་ཕྱགས་མས་བཏབ། །མ་རིག་འཁོར་བའི་རྩད་བཅད་པས། །སྐུ་གསུམ་འབྲས་བུ་དྲུངས་ནས་ཕྱུང་། །མུན་པའི་གོ་རྒྱན་ཉི་མ་བསྣུབས། །གསལ་བའི་མཐོང་བྱེད་མུན་པས་གཏིབས། །རྣོ་བའི་ངར་གདགས་གཅིག་མ་ཆོད། །རྒྱ་ཆེ་དཀྱིལ་སྟོང་གཅིག་མ་ཤོངས། །སྣ་ཚོགས་འདུས་པས་གཅིག་མ་རྙེད། །ཡོད་མེད་མཐའ་རྟོག་བསལ་བའོ། །གཞན་ཡང་འདོད་སེམས་བལྟ་བ་བཤད། །ཀུནབརྒྱབགཅིགཀྱངམཆོདཔས། །གཅིགབརྒྱབཐམས་ཅད་གསད་པར་བྱ། །མི་བརྒྱ་ལྕགས་སྒྲོག་གཅིག་མ་ཐར། །གཅིག་བཟུང་བས་ནི་ཐམས་ཅད་ཐར། །ཐར་བས་གོང་དུ་གྲོལ་ལམ་ཟད། །འཇུག་པ་ལས་ཀྱ་རྒྱུ་འགགས་སོ། །གཞན་ཡང་སྤྱོད་པའི་འཁོར་ལོ་བཤད། །མ་བྱུང་བས་ན་བདག་མེད་ཅིང་། །མི་ལེན་མི་འདོར་སྐུ་ཡི་རྒྱ། །འབྱུང་བ་མི་བཙལ་ཡོད་མི་སྤང་། །འདོད་པ་བསྐྱེད་ཅིང་ཆགས་མི་བྱ། །ཆགས་པར་བྱས་ཏེ་གཏང་བར་བྱའོ། །གཞན་ལུས་མི་སྨད་མཐོ་མི་བཙམ། །སྔགས་དང་ཕྱག་རྒྱ་རྒྱུན་མི་བཅད། ཁུབ་མཐའ་མི་སྤང་ཆོས་མི་སྤང་། །གྲོགས་དང་བླ་མ་མི་སྨོད་དོ། །གཞན་ཡང་དམ་ཚིག་སྡོམ་པ་བཤད། །བླ་མ་སངས་རྒྱས་མཆོད་པའི་རྟེན། །ཆོས་དང་དགེ་འདུན་ཡི་དམ་ལྷ། །རྡོ་རྗེ་མཁའ་འགྲོ་མ་རྣམས་ལ། །ཚོགས་དང་མཆོད་པ་རྒྱུན་མི་གཅད། །བླ་མ་མཚན་ཉིད་ལྡན་མཐོང་ན། །བསྟོད་དང་མཆོད་པ་རྫོགས་པར་བྱའོ། །བུད་མེད་མི་སྨད་ཁྲོ་མི་བྱ། །ཕུང་པོ་མི་སྨད་ཡི་དམ་བརྟེན། །དཀྱིལ་འཁོར་དང་ནི་སྔགས་དང་ལྷ། །ཕྱག་རྒྱ་བསྟེན་པ་ཡང་དག་ཉིད། །དད་ཅན་ཚོགས་ཉིད་མི་བཅག་ལ། །དགེ་ལྡན་སེམས་ནི་མི་དཀྲུགས་ཏེ། །སྡོམ་ལྡན་དམ་ཚིག་གནས་པར་བྱའོ། །གཞན་ཡང་བསླབ་པའི་རིམ་པ་ཉིད། །ལུས་ཀྱི་སྤྱོད་པ་རྫོགས་བྱ་སྟེ། །ངག་ནི་རབ་ཏུ་གཅད་པར་བྱའོ། །སེམས་ནི་གནད་དང་བརྟགས་ཤིང་དཔྱད། །རིམ་འཇུག་ལས་ཀྱི་རིམ་པར་ནི། །ཚད་དང་མཚན་ཉིད་ཤེས་པར་བྱའོ། །རྟག་ཏུ་བྱུགས་དང་རིལ་བུ་ཡིས། །རྩ་རྣམས་ཐིག་ལེའི་དྲ་བར་གཞུག །ཕྲེང་བ་དོ་ཤལ་ཕྱེད་པ་ཡང་། །མཛེས་ཤིང་འཁོར་བས་སྤྲེལ་བར་བྱ། །ལས་ཀྱི་བྱ་བ་དངོས་མེད་གསལ། །དངོས་གྲུབ་མཆོག་གི་གཙོ་བོ་བླང་། །གནས་དྲུག་རྒྱན་གྱི་འཁོར་ལོ་བྱའོ། །གཞན་ཡང་བསྟེན་ཅིང་འཇུག་པ་ཉིད། །བླ་མ་བསྟེན་པས་འ་་རྒྱུན་འགགས། །དབང་བསྐུར་བསྟེན་པས་ལུས་ངག་སྨིན། །དམ་ཚིག་བསྟེན་པས་དངོས་གྲུབ་འབྱུང་། །བལྟ་བ་བསྟེན་པས་ཁམས་གསུམ་ཆད། །བསྒོམ་པ་བསྟེན་པས་འཁྲུལ་རྒྱུན་འགགས། །སྤྱོད་པ་བསྟེན་པས་ལུས་སྤྱོད་འགྱུར། །བསྟེན་བྱ་འདི་ལས་གང་བྱུང་བ། །འདི་ཉིད་དམ་ཚིག་སྡོམ་པའོ། །འཇུག་པའི་ལས་ནི་རྣམ་པ་བརྒྱད། །ལུས་ཀྱི་འཇུག་པ་ལྔ་ཡིན་ནོ། །ངག་ནི་རྣམ་པ་བརྒྱད་དུ་འགྱུར། །སེམས་ཀྱི་འཇུག་པ་སུམ་ཅུ་གཉིས། ལུས་སེམས་ཁྱད་པར་བྱེད་པ་ཉིད། །ལས་དང་ཡེ་ཤེས་ཁྱད་ཉིད་དོ། །གཞན་ཡང་བསྒོམ་པའི་གནས་འཁོར་ཉིད། །ལུས་ནི་འཁྲུལ་འཁོར་སྣ་ཚོགས་ཀྱིས། །སྦྱངས་པས་སེམས་ཀྱི་གནས་པར་འགྱུར། །གསུམ་གྱི་སྦྱོར་བས་རྩ་རྣམས་མཉེས། །སེམས་ནི་བགས་ཀྱིས་དགུག་པར་བྱའོ། །མཚན་མགོམ་བཟོཡི་ཡང་བྱུང་མ་ཐབས་བཟོའི་སྦྱོར་བ་ཡི། །ལུས་སེམས་ཐབས་ཀྱི་ཁྱད་པར་གྱིས། །རྣལ་འབྱོར་སེམས་ནི་གནས་པར་བྱའོ། །གཞན་ཡང་འཁྲུལ་པའི་ཞེན་རྒྱུན་བཅད། །ཉི་ཟླའི་འོད་བསྡུས་རྒྱ་མཚོ་དྲངས། །སྟོང་གསུམ་རི་རབ་སྲང་ལ་གཞལ། །མ་རིག་གཞི་བཟློག་རང་རིག་གོ །འཁོར་བ་དཔྱིས་ཕྱུང་འདས་ལམ་བཀག །ཆོས་དང་གང་ཟག་ཕྱགས་མས་བཏབ། །འབྲས་བུ་རང་རྫོགས་ཆོས་ཉིད་གཞི། །བྱ་དང་བྱེད་པ་རང་འགགས་སོ། གཞན་འདོད་སྲེད་པ་དྲུངས་ནས་འདོན། །ཆོས་ཀྱི་འཁྲུལ་པས་ཡས་ཡེ་གཞི་ཡང་གཞི་བྱས། །དེ་ཉིད་རང་སར་གྲོལ་བའི་ཡུལ། །ཁམས་གསུམ་ལམ་བྱས་སངས་རྒྱས་མེད། །སྟོན་པའི་བསྟན་པ་སུ་ལ་སྲིད་མེད་པའོ། །ཆོས་ཀུན་གཞི་མེད་རྩ་བ་སུ་ལ་སྲིད། །སྲིད་བྲལ་འདོད་པ་མེད་པའི་སེམས། །རང་བཞིན་མ་བཅོས་བརྗོད་ལས་འདས། །བྱ་བྱེད་འཁྲུལ་པའི་རྟོག་པ་ཟད། །ཆོས་མེད་སངས་རྒྱས་མེད་ཅིང་སེམས་ཅན་མེད། །ང་མེད་བདག་མེད་གཟུང་དང་འཛིན་པ་མེད་པའོ། །གཞན་ཡང་ཆོས་སྐུ་རོ་གཅིག་བཤད། །ཚིག་ཏུ་བརྗོད་པ་མ་ཡིན་ཏེ། །སེམས་ཞེས་གནས་པ་ཙམ་དུའང་མེད། །མེད་ཕྱིར་སྟོང་པའི་སྣང་བ་ལ། །དྲན་ཤེས་རྣམས་ཀྱིས་ཁུངས་ཟད་པའོ། །བྱས་པ་མེད་པའི་ཆོས་ཉིད་ལ། །བྱུང་བ་མེད་པ་ཡ་མཚན་ཆེ། །བྱུང་བ་མེད་པའི་ཆོས་སྐུ་ལ། །འགྲོ་བ་མེད་པ་ཡ་མཚན་ཆེ། །འཁོར་ས་མེད་པའི་རིག་པ་ལ། །འབྱུང་བ་མེད་པའི་ཆོས་ཉིད་དོ། །གཞན་ཡང་འདུས་ཤིང་མཉམ་པར་བཤད། །དུ་མ་སྤངས་པས་ཐ་སྙད་བྲལ། །གཅིག་མ་གྲུབ་པས་རང་བཞིན་དག །རང་བཞིན་གསལ་བས་དོན་གྲུབ་པའོ། །རང་དག་པ་དང་གཞི་མ་དང་། །འཁོར་དང་འདྲེས་པའི་བརྟེནཔའིགཞིམདངཡངབྱུང།གཞི་མ་དག །གསོག་དང་སྙིང་པོ་མེད་པ་དང་། །ཡ་མ་རླ་ཞེས་མཚོན་བྲལ་ལོ། །གཞན་ཡང་རང་བཞིན་འཁྲུལ་པ་བཤད། །དུས་དང་དབང་པོ་ཉིད་དང་ཡང་། །བྱེ་བྲག་འཇུག་པ་སོ་སོའི་ལས། །ཕུང་པོ་ཁམས་དང་སྐྱེ་མཆེད་རྣམས། །རྒྱུ་རྐྱེན་མཚུངས་པ་སྐད་ཅིག་ལས། །ནོར་བུ་སྤྲིན་ཕུང་ལྟ་བུ་ལས། །ལུས་དང་གྲིབ་མ་བཞིན་དུ་འཁོར། །འཁྲུལ་གཞི་ལྟོས་པ་ཐ་དད་ལས། །སེམས་ཅན་ལས་ནི་སྣ་ཚོགས་སོ། །གཞན་ཡང་དག་པའི་སྣང་བ་བཤད། །ཆོས་ཉིད་མངོན་སུམ་སྣང་བ་ནི། །དབང་པོའི་སྒོ་ལས་ངེས་ཐོན་ཏེ། །སྤྲིན་མེད་པ་ཡི་མཁའ་ལ་གསལ། །ཉམས་ཀྱི་སྣང་བ་གོང་འཕེལ་ནི། །ཡེ་ཤེས་ཁ་དོག་ཕྱིར་ཕྱུང་ནས། །གྱེན་འགྲེངས་པ་དང་རྩིབ་ཤར་དང་། །ཐིག་ལེ་སྣ་ཚོགས་སྐུ་ཉིད་དུ། །རགས་པའི་སྣང་བའི་ཡུལ་ལ་གསལ། །རིག་པ་ཚད་ཕེབས་སྣང་བ་ནི། །ལོངས་སྐུའི་མཚན་དཔེ་གསལ་བར་ནི། །མ་ངེས་ཁ་དོག་འཇའ་ཚོན་ལས། །རིགས་ལྔ་ཡབ་དང་ཡུམ་དུ་སྣང་། །ཆོས་ཉིད་ཟད་པའི་སྣང་བ་ནི། །ཉམས་ཀྱི་སྣང་བ་སྟོངས་ནས་ནི། །ལུས་ཟད་དབང་པོའི་ཡུལ་ཀྱང་ཟད། །རྟོགས་ཚོགས་འཁྲུལ་པ་རང་་གྲོལ་ནས། །བརྗོད་པའི་ཚིག་དང་བྲལ་བའོ། །གཞན་ཡང་འབྱུང་བའི་སྒྲ་རྟགས་བཤད། །མེ་ཡི་སྒྲ་ནི་འཚོག་པ་དང་། །སྟག་དང་ལྷབ་དང་འཕྲོ་བ་ན། །རྣལ་འབྱོར་པ་ཡིས་དོན་མི་འགྲུབ། །གསེང་ཞིང་འབར་བ་བར་མེད་དང་། །དལ་རིང་རྩེ་མོ་རྣོ་བ་ན། །རྣལ་འབྱོར་པས་ནི་དོན་ཆེན་འགྲུབ། །ཁ་དོག་ཉིད་ཀྱང་རྣམ་པར་བཤད། །དམར་དང་རྩེ་མོ་གནག་པ་ལ། །དུམ་བུ་རང་གི་ངོས་སུ་ཆད། །བར་ཆོད་ཉིད་ནི་འབྱུང་བའོ། །དཀར་གསལ་པདྨ་ལྟ་བུ་དང་། །རྣོ་ཞིང་ཁ་དོག་སྣ་ཚོགས་ལ། །འཁོར་ལོ་གདུགས་དང་མཚོན་རྩེ་དང་། །དམར་གསལ་དངས་པའི་ཟེར་འཕྲོ་ལ། །རྡོ་རྗེ་རྒྱལ་མཚན་དྲིལ་བུ་དང་། །མིག་མང་རིས་དང་གུར་ཁྱིམ་དང་། །མཆོད་རྟེན་བརྩེགས་ལ་སོགས་པ་ནི། །རྣལ་འབྱོར་པས་ནི་རྫོགས་པ་ཆེ། །དོན་ལ་མངོན་སུམ་བྱས་ནས་ནི། །ཁམས་གསུམ་དག་ལས་འདས་པའོ། །གཞན་ཡང་འབྱུང་བའི་ཡན་ལག་ནི། །ཆུ་ནི་གཤང་དང་སྣ་ཚོགས་སྒྲ། །དཀར་པོའི་རི་མོ་དུ་མ་སྟོན། །རྣལ་འབྱོར་པས་ནི་དོན་རབ་འགྲུབ། །ས་ནི་ལྡེག་དང་སིང་བ་དང་། །ཟུར་ལ་འཕར་ཞིང་འདྲིལ་བས་འགྲུབ། །རླུད་ནི་སྦིར་ཞིང་གཟིར་བ་དང་། །སྔོ་ཞིང་འཕྱུར་བ་དག་གིས་སོ། །དེ་ལྟར་རྟགས་ལ་མ་སྦྱོར་ན། །ཆོ་ག་བསྐྱར་ལ་མཁས་པས་བརྩམ། །ལན་གསུམ་ལྔ་དང་བདུན་གྱིས་ཀྱང་། །འགྲུབ་འགྱུར་འདི་ལ་ཐེ་ཚོམ་མེད། །སོ་སོའི་རྟགས་དང་ངེས་སྦྱོར་པའོ། །ཞེས་སྒྲ་ཐལ་འགྱུར་ཆེན་པོ་ཆོས་རྣམས་ཀུན་གྱི་རྩ་བ་ལས། །ལྟ་སྒོམ་བཀོད་པ་གནས་པའི་རྩ་བ་བསྟན་པའི་ལེའུ་སྟེ་ལྔ་པའོ།། །།༷༷མཐབག༷༷ །དེ་ནས་ཆོས་ཀུན་བརྗོད་མེད་ཀྱང་། །སེམས་ཅན་འཁྲུལ་རྟོག་དུ་མ་ལས། །སྒྲ་ཚིག་ཐ་སྙད་གཞི་མར་ཡང་། །བཅོས་པ་མེད་པའི་ནམ་མཁའ་ལས། །ཚིག་འབྱུང་སྟོན་པའི་ཁྱད་པར་བཞུགས། །པདྨ་ལས་བྱུང་སངས་རྒྱས་ལ། །དགའ་བྱེད་ཀྱིས་ནི་འདི་སྐད་གསོལ། །ཀྱེ་ཀྱེ་པདྨའི་དབུས་ན་བཞུགས་པ་ཉིད། །འདི་ལྟར་ནམ་མཁའི་དཀྱིལ་འཁོར་ལ། །འོད་ཀྱི་ཐིགས་པ་འབུམ་ཕྲག་ནི། །དྲུག་ཅུ་རྩ་བཞི་སྣང་བ་དང་། །ཡང་ཞུན་བཅུ་བདུན་ཅི་ཡི་རྒྱུ། །ཆོས་ཀྱི་སྐུ་ནི་ཇི་ལྟ་བུ། །ལོངས་སྐུ་ཞེས་པ་གང་ལ་བགྱི། །སྤྲུལ་པའི་སྐུ་ནི་གང་ཙམ་ཞིག །སྐུ་ཡི་མཚན་ཉིད་ཅི་ལྟ་བུ། །བཞུགས་པའི་ཚུལ་ནི་ཅི་ལྟར་ལགས། །རང་བཞིན་ཆོས་ཉིད་སྐུ་རྣམས་ཅི། །བཅོམ་ལྡན་འདས་ཀྱིས་བདག་ལ་གསུངས། །དེ་ནས་བཅོམ་ལྡན་རྡོ་རྗེ་འཆང་། །པདྨའི་དབུས་ནས་བཞེངས་ནས་ནི། །ནམ་མཁའ་ལྡིང་གི་ཕྱག་རྒྱ་མཛད། །དེ་ཉིད་མཛད་པ་ཙམ་གྱིས་ནི། །ཆོས་ཉིད་རང་སྣང་ནམ་མཁའ་ལས། །བརྗོད་དུ་མེད་པའི་རང་བཞིན་ལས། །བརྗོད་པའི་ཚིག་ཏུ་འདི་སྐད་དུ། །རང་བྱུང་བྱས་པ་མེད་པར་བྱུང་། །ཞུམལནདངཔོ། །ཀྱེ་ཀྱེ་ལྷ་ཡི་དབང་ཕྱུག་ཉོན། །འོད་དཀར་འབུམ་ཕྲག་དྲུག་ཅུ་ནི། །རྩ་བཞི་ཡང་དག་བཤད་བྱའོ། །རང་བཞིན་རྫོགས་པ་ཆེན་པོ་ལས། །ཚིག་གི་བྱེ་བྲག་རྣམ་འཕྲོས་པས། །སྡེ་གསུམ་ལས་ནི་ཀློང་དགུར་འགྱུར། །ཚིག་བསྡུས་པ་ལས་བློ་ཀ །འབུམ་ཕྲག་དྲུག་ཅུ་རྩ་བཞི་ལས། ལེའུ་སྟོང་ཕྲག་སུམ་ཅུ་ལྔ། །བམ་པོ་ཉི་ཁྲི་སྟོང་ཕྲག་གཅིག །བརྗོད་བྱ་ནམ་མཁའི་མཐའ་དང་མཉམ། །གདུལ་བྱའི་སེམས་ཅན་རྟོག་པ་གཅོད། །འདི་ལ་བརྗོད་བྱ་ཉེར་བསྡུས་པས། །གཟེར་བུ་བརྒྱ་དང་བརྒྱད་ཅུ་ལ། །འགག་ནི་སྟོང་ཕྲག་ཕྱེད་དང་གཉིས། །གནད་ཆེན་འདུས་པ་སྟོང་ཕྲག་གསུམ། །གོལ་སྒྲིབ་ཁྲི་ཕྲག་བཞི་བཅུ་ལ། །མིང་ཐོག་རྒྱུད་ནི་ཁྲི་ཕྲག་གཉིས། །ཚིག་བརྗོད་རིམ་པ་གསལ་བཀོད་དོ། །་ལནགཉིསཔ། །འོད་ཀྱི་ཡང་ཞུན་བཅུ་བདུན་བཤད། །རང་ཤར་བ་དང་རང་གྲོལ་དང་། རང་བྱུང་ཉིད་དང་རྩལ་རྫོགས་དང་། །མཛེས་ལྡན་དག་དང་ཕྲ་བཀོད་དང་། །མུ་ཏིག་འཕྲེང་དང་ཡི་གེ་མེད། །སྙིང་དང་ཐུགས་ཀྱི་མེ་ལོང་དང་། །ཉི་ཟླ་ཁ་སྦྱོར་ངོ་སྤྲོད་སྤྲས། །སྐུ་གདུང་འབར་བ་རིན་ཆེན་སྐྲུངས། །སྒྲོན་མ་འབར་དང་ཀློང་ཆེན་དྲུག །དེ་ལྟར་བཅུ་དྲུག་རིམ་པ་རྣམས། །ཐལ་འགྱུར་ལས་ནི་ངས་འཕྲོས་ནས། །གདུལ་ཡུལ་སེམས་ཅན་རྣམས་ལ་སྣང་། །བཅུད་འདུས་བསྟན་པ་འཛིན་པས་ན། །བསྐལ་པ་ཡོད་པ་འཁོར་ལས་སྒྲོལ། །རྫོགས་པའི་སངས་རྒྱས་མངོན་སྣང་བའོ། །ཆོས་ཀྱི་སྐུ་ནི་གསུང་དང་ཐུགས། །ཡོན་ཏན་དང་ནི་ཕྲིན་ལས་སོ། །སྐུ་ནི་སྟོང་དང་གསལ་བ་དང་། མཚན་མ་མེད་པའི་རང་བཞིན་ནོ། །གསུང་ནི་སྒྲ་ཚིག་མིང་བྲལ་ནས། །བརྗོད་ཅིང་གླེང་བ་ཉིད་བྲལ་ལོ། །ཐུགས་ནི་བསམ་དང་འགྱུ་མེད་པས། །འཕྲོ་ཞིང་སྤྱོད་པ་རྣམས་ལས་འདས། །ཡོན་ཏན་ཕྱིར་མི་འོང་དང་ལྡོག་པ་མེད། །དབྱིངས་དང་ཡེ་ཤེས་ཁྱབ་པ་དང། །རངབཞིན བཅོསཔམེད་པའོ། །ཕྲིན་ལས་མ་བྱུང་མ་སྐྱེས་བྱས་པ་མེད། ཁུགས་འབྱུང་བ་དང་འགག་པ་མེད། །མ་བྱས་བྱས་པ་མེད་པའོ། །་ལནབཞིཔ། །ལོངས་སྤྱོད་སྐུ་ཡང་སྐུ་གསུང་ཐུགས། །ཡོན་ཏན་ཕྲིན་ལས་ལྔ་ཡིན་ནོ། །སྐུ་ནི་སྣང་ལ་རང་བཞིན་མེད། །གསལ་དང་གསལ་བྱེད་རིག་པས་ཁྱབ། །གསུང་ནི་རང་བྱུང་བ་དང་རང་སྣང་བ། །སྤྲོ་བསྡུ་རྣམ་པའི་འཁོར་ལོ་ཡི། །ཐུགས་ནི་རྒྱུན་མེད་གཟིགས་པ་དང་། མཁྱེན་པའི་རྩལ་དང་དགོངས་པའོ། །ཡོན་ཏན་མཚན་དཔེ་རྫོགས་པ་ལས། །དགོངས་གསལ་མངོན་ཤེས་རྫོགས་པའོ། །ཕྲིན་ལས་ཆོས་ཀྱི་འཁོར་ལོ་ལས། །ཕྱི་ནང་གསང་བ་རྣམས་སྤྲོས་ཏེ། །སོ་སོའི་རིགས་ཀྱི་སངས་རྒྱས་དང་། །བྱང་ཆུབ་སེམས་དཔའ་རྣམས་ལ་ཡང་། །རང་བྱུང་ལྗགས་ལས་རྣམ་སྤྲོས་ཏེ། །འཁོར་ལ་རང་གི་ངོ་བོས་སྟོན། །་ལནལྔཔ། །སྤྲུལ་པའི་སྐུ་ཡང་སྐུ་གསུང་ཐུགས། །ཡོན་ཏན་ཕྲིན་ལས་ལྔ་ལྔའོ། །སྐུ་ནི་མཚན་དང་དཔེ་བྱད་ལ། །གདུལ་བྱ་གང་བྱུང་ལུས་སྤྲུལ་པ། །གསུང་ནི་ཚིག་སྦྱོར་ལེགས་པ་ལ། །ཚངས་པའི་དབྱངས་ནི་ཡན་ལག་དྲུག །ཐུགས་ནི་ཤེས་བྱའི་ཡེ་ཤེས་ཀྱིས། །རང་གཞན་དོན་གཉིས་དགོངས་པར་གནས། །ཡོན་ཏན་མཁྱེན་པ་རྫོགས་པ་དང་། །ཕྲིན་ལས་ཕྱི་ནང་གསང་བ་ཡི། །མཛད་པ་མ་ལུས་རྫོགས་པ་དང་། །ཕུན་སུམ་ཚོགས་པ་ལྔར་གནས་པའོ། །་ལནདྲུགཔ། །སྐུ་ཡི་མཚན་ཉིད་ངོ་བོ་དང་། །ངེས་ཚིག་དབྱེ་བ་རྣམས་དང་ནི། །སོ་སོའི་ཞིང་ཁམས་གདུལ་བྱ་དང་། །བྱེད་པའི་ལས་དང་ལྡང་ཚད་དོ། །མཚན་ཉིད་གོ་བའི་ཁྱད་ཀྱིས་ཀྱང། །མཚན་ཉིད་ཆོས་ལས་གྲུབ་པ་དང་། །འདོད་ཡོན་རྣམས་ལས་གྲུབ་པ་དང་། །སྣ་ཚོགས་ཐབས་ལས་གྲུབ་པའོ། །གོ་བ་རང་བཞིན་དག་པ་དང་། །སོ་སོའི་སྣང་ཡུལ་སྟོན་པ་དང་། །གཟུགས་ལྡན་དབང་པོ་རྫོགས་པའོ། །ཞུ་ལནབདུནཔ། །སྐུ་ཡི་བཞུགས་ཚུལ་རྣམ་པ་གསུམ། །མཚན་མའི་ཆོས་ལས་གྲོལ་བའི་ཕྱིར། །རིས་ཅན་གཟུགས་སུ་མ་ཡིན་དང་། །གསལ་བའི་རང་བཞིན་རྫོགས་པའི་ཕྱིར། །སྣང་ལ་རང་བཞིན་མེད་པ་དང་། གདུལ་བྱའི་རྒྱུད་རྣམས་སྦྱང་བའི་ཕྱིར། །མི་གཡོ་མཉམ་གཞག་ཆེན་པོར་བཞུགས། །མི་གཡོ་བ་དང་གསལ་བ་དང་། །རིག་ཅིང་མཁྱེན་པའི་ཆར་སྣང་དང་། །མཉམ་དང་ཕྱོགས་མེད་མི་འབྱེད་པའོ། །་ལནབརྒྱདཔ། །སྐུ་ཡི་རང་བཞིན་ཆོས་ཉིད་ནི། །རང་བཞིན་སྟོང་དང་གསལ་བ་དང་། །མཁྱེན་རིག་མ་འགགས་མངོན་སྣང་བའོ། །སྐུ་ཡི་ཆོས་ཉིད་རྫོགས་པ་དང་། །ཕྱིར་མི་ལྡོག་དང་འགྲོ་འོང་མེད། །སྨ་བསམ་བརྗོད་པ་མེད་པའོ། །གཞན་ཡང་སྐུ་རྣམས་བསྒྲུབ་པ་ནི། །གོང་དུ་བསྟན་པའི་ཁྱད་པར་ལས། །ཆོས་སྐུའི་ས་བོན་རང་སེམས་ལ། །མངོན་སུམ་པ་ཡི་གནད་གཟིར་ནས། །རྟག་ཏུ་གོམས་པར་བྱས་པ་ནི། །ཆོས་ཀྱི་སྐུ་ཡི་བསྒྲུབ་པའོ། །ལོངས་སྐུའི་ས་བོན་འདོད་ཡོན་ལ། །བསླབས་ཏེ་གོམས་པར་བྱས་པ་ཡིས། །ལོངས་སྤྱོད་རྫོགས་པའི་བསྒྲུབ་པ་དང་། །སྤྲུལ་སྐུའི་ས་བོན་འབྱུང་བཞི་ཡི། །སྒྲ་དོན་རྣམས་ལ་བསླབས་ནས་ནི། །གོམས་པས་སྤྲུལ་སྐུ་བསྒྲུབ་པའོ། །གཞན་ཡང་མེ་ཡི་ལས་མཐའ་བཤད། །ཁ་དོག་གིས་ནི་རྣམ་ཕྱེ་བ། །དཀར་གསལ་འཇམ་ན་ཞི་བ་འགྲུབ། །སེར་ཕྲ་རིང་བ་རྒྱས་པ་འགྲུབ། །དམར་དངས་འཕྲོ་བ་དབང་གི་ལས། །སྔོ་ཞིང་གནག་ཐུང་དྲག་པོ་འགྲུབ། །སྣ་ཚོགས་ཆད་ཅིང་འཁྱིལ་པ་ན། །སྣ་ཚོགས་ལས་ཀྱི་བྱེ་བྲག་འགྲུབ། ཁེན་ཏུ་ཕྲ་ན་ལྷུང་བར་འགྱུར། །ཆད་ཅིང་དྲག་ན་བར་ཆད་འབྱུང་། །མཆེད་ཀ་མེ་ལྕེ་དུ་བར་ལྡན། །དམ་ཚིག་ཉམས་པར་འགྱུར་བའོ། །སྒྲ་ཡི་རྣམ་པར་ཕྱེ་བ་ནི། །ལྷབ་ལྷབ་གསུམ་བ་་སྤར་སྤར་མང་། །སྣ་ཚོགས་པ་ནི་འགྲུབ་པའོ། །དྲག་དང་འཚེག་ན་དྲག་པོ་ཉིད། །འུར་ཞིང་ཐུག་ན་ཞི་རྒྱས་གཉིས། །གཤང་ཞིང་བསིང་ན་མཆོག་འགྲུབ་པའོ། །གཞན་ཡང་ཆུ་ཡི་ལས་མཐའ་བཤད། །ཁ་དོག་ངེས་པའི་རྟགས་ཉིད་ནི། །དཀར་བ་ལ་སོགས་བཞི་ཡིས་ནི། །ཞི་བ་ལ་སོགས་འགྲུབ་པར་ངེས། ཁམ་ནག་རྩུབ་ཅིང་འཁྱིལ་པ་ན། །རྣལ་འབྱོར་པ་ཡིས་དོན་མི་འགྲུབ། །དཀར་གསལ་འཕྱར་དང་འཕྱུར་བ་ན། །མཆོག་གི་དངོས་གྲུབ་ངེས་འཐོབ་བོ། །སྒྲ་ནི་གཤང་དང་བསིང་བ་དང་། ཁྲ་དང་འུར་ཞིང་ཐུག་པ་ཡིས། །ཟས་དང་གོས་དང་འབྲས་བུ་འགྲུབ། །སིར་དང་སིལ་དང་ལྷབ་པ་ཡིས། །སྐུ་གསུམ་སོ་སོའི་བདེ་ཐོབ་པའོ། །གཞན་ཡང་ས་ཡི་༄༅ ལས་མཐའ་བཤད། །ཁ་དོག་དཀར་དམར་གོང་གིས་ཤེས། །མ་ངེས་འགྱུར་བས་དོན་མི་འགྲུབ། །གསལ་ཞིང་འཚེར་བས་མཆོག་འགྲུབ་པའོ། །སྒྲ་ནི་ཤག་དང་སྡིག་པ་དང་། །ཏོག་དང་སིང་བས་སྣ་ཚོགས་ལས། །འུར་ཞིང་སིང་བས་མཆོག་ཐོབ་པའོ། །གཞན་ཡང་རླུང་གི་ལས་མཐའ་བཤད། །ཁ་དོག་དཀར་དམར་གོང་བཞིན་ནོ། །གནག་ཅིང་འ་་པས་དོན་མི་འགྲུབ། །སྣ་ཚོགས་འབར་མཆོག་འགྲུབ་པ་ཡིན། །སྒྲ་ནི་འུར་འཐིབ་སྣ་ཚོགས་ལས། །སིང་དང་སྣ་ཚོགས་མཆོག་འཐོབ་བོ། །གཞན་ཡང་རྟགས་དང་རང་བཞིན་བཤད། །དེ་ལྟར་གོང་གི་རྟགས་བྱུང་ནས། །ཟླ་གསུམ་དང་ནི་ཟླ་དྲུག་ནས། །གཉིས་ཀྱིས་བེམ་དང་རིག་སྒྲ་ཤེས། །ཟླ་བཅུ་དང་ནི་བཅོ་བརྒྱད་ནས། །སོ་སོའི་སྒྲ་དང་རིགས་དྲུག་སྐད། །ཅི་ལྟར་གསུངས་པ་བཞིན་ཤེས་སོ། །གཞན་ཡང་འབྲས་བུའི་རིམ་པ་ནི། །ཆོས་སྐུ་སེམས་ཀྱི་ལས་ཀྱིས་དང་། །ལོངས་སྐུ་ངག་གིས་རྣམ་པར་ཐོབ། །སྤྲུལ་པའི་སྐུ་ནི་ལུས་ཀྱིས་སོ། །ངོ་བོ་ཉིད་ནི་ཆ་མཉམ་པས། །ལུས་ནི་འབྱུང་བ་དག་པ་དང་། །ངག་ནི་ཨུ་ལི་ཀ་སྙིར་སྦྱོར། །སེམས་ནི་དངོས་མེད་ཟང་ཐལ་ལོ། །གསུམ་འདུས་པས་ནི་བདེ་ཆེན་ནོ། །གཞན་ཡང་རབ་ཏུ་བཤད་བྱ་བ། །སྐུ་ཡི་མཚན་ཉིད་རབ་ཤེས་པས་། །འཁྲུལ་པ་ཐམས་ཅད་དུས་གཅིག་འགགས། །སྐུ་ཡི་རང་བཞིན་ཡོངས་ཤེས་པས། །གསལ་དང་སྟོང་པའི་སོ་མཚམས་ཟིན། །ངོ་བོ་ཤེས་པས་སྟོང་པར་དག །དང་ཤེས་པས་ནི་མི་རྟོག་སྐྱེ། །བདག་ཉིད་ཆེན་པོ་ཤེས་པ་ཡི། །ཁམས་གསུམ་འཁོར་བའི་རྩ་བ་གཅོད། །དེ་དག་གིས་ནི་རང་གྲོལ་གདེང་། །བྱས་པ་མེད་པ་ཐོབ་པར་ངེས ཨེ་མ་ངོ་མཚར་རྨདདུ་བྱུང་། །བྱས་པ་མེད་པའི་ནམ་མཁའ་ལ། །བཅོས་པ་མེད་པའི་ཚིག་ཤར་བ། །མ་བསམ་རང་བྱུང་བློ་ལ་གོ། །དེ་ལྟར་གོ་ནས་ཤེས་རྟོགས་པས། །སྡེ་སྣོད་ཀུན་གྱི་རྩ་བར་ཡང་། ཁུ།ད་ཀྱི་རྒྱལ་པོ་ཐལ་འགྱུར་ཉིད། །ཡང་གསང་བླ་མེད་བསྟན་པ་འདི། །འདི་ཉིད་ཡིན་པར་ཡིད་ཆེས་ཏེ། །རང་བཞིན་སྣང་བའི་འཁོར་རྣམས་ཀུན། །རབ་ཏུ་མགུ་བའི་སེམས་བསྐྱེད་ནས། ཁུ།ད་འདི་བཀླག་དང་བཅང་བ་དང་། །བྲི་ཞིང་འཛིན་པ་ཉིད་དུ་སྟེ། །མགུལ་དང་སྤྱི་བོར་བཟུང་བཅངས་པས། །སངས་རྒྱས་ཐམས་ཅད་བཀུར་བར་སྤྱད། །དེ་ལྟར་ཁས་བླངས་དམ་བཅས་ནས། །སྟོན་པ་སངས་རྒྱས་བཅོམ་ལྡན་འདས། །ཡོན་ཏན་རྫོགས་པའི་སྐུ་ལ་བསྟོད། །དེ་ནས་རབ་ཏུ་འདུས་པ་རྣམས། །དགའ་མགུ་རང་བའི་སེམས་སྐྱེས་ནས། །ནམ་མཁའ་རང་དག་གསལ་བ་དང་། །བརྗོད་མེད་ཚིག་རྣམས་རང་ཤར་ལ། །རྗེས་སུ་ཡི་རང་བདེ་རྙེད་ནས། །རང་བཞིན་རྫོགས་པ་ཆེན་པོ་ཡི། །སྤྲོས་པ་མེད་དང་མཉམ་པར་འགྱུར། །ཆོས་རྣམས་ཐིག ལེ ཉག གཅིག གོ །དགོངས་པ་རོ་མཉམ་ཐོབ་ནས་ནི། །པདྨ་ལས་སྐྱེས་བཅོམ་ལྡན་འདས། །ལེགས་སོ་ལེགས་སོ་ལེགས་པར་གསུངས། །བདག་ཅག་སྐུ་གསུམ་སྨིན་མཛད་པ། །གསོལ་འདེབས་རྗེས་སུ་ཡི་རང་ངོ་། །སྐུ་རྣམ་པར་བཀོད་པ་ཞེས་བྱ་སྟེ། ལེའུ་དྲུག་པའོ།། །།རིན་པོ་ཆེ་འབྱུང་བར་བྱེད་པ། སྒྲ་ཐལ་འགྱུར་ཆེན་་་ངངཅེཞི་ཆེ་་་ཞི་་་ངཔ་ཆས་རྣམས་ཀུན་གྱ་རྩ་བར་བསྟན་པའ་རྒྱུད་ ས་བྱ་བ། རང་བ ན་རྫགས་པ་ ན་པ་ཤ་ལ་ཀ་འབུམ་ཕྲག་དྲུག་ཅུ་རྩ་བ ་ལས་ཁྱད་པར་དུ་བཀད་པ་རྫགས་ས།། །།རྒྱ་རྒྱ་རྒྱ། རྒྱ་རྒྱ་རྒྱ། རྒྱ་རྒྱ་རྒྱ། རྒྱུད་ཀྱ་་ངང་་་ང་གི་་ང་་ང་རྒྱལ་པ་འད་ན། །འགྲ་བ་ཁྱད་པར་ཅན་ལ་མ་གཏགས་པ་སུ་དགའ་དགའ་ལ་ཡད་པ་མ་ཡན་ན། །དཔལ་སྔགས་སྲུང་ ་རྒྱལ་མ་སྨུག་ནག་ཁྲས་མའ་རྒྱལ་མ་རག་གདང་མས་སྲུངས་ཤག །ས་མ་ཡ། ས་ཕག །ཨག་ཐམ། དཔལ་ལྡན་མགོན་པོ་ནག་པོ་ཁྱོད་ལ་གཏད། སྣོད་མེད་པ་ལ་བྱིན་ན་དམ་ཚིག་གི་ཆད་པ་ཆོད་ཅིག །ས་མ་ཡ། རྒྱ་རྒྱ་རྒྱ། ཐལ་འགྱུར་རྒྱུད་ལ་མ་བུ་བདུན།

Ngb-pt-0056-vol-01-text: Difference between revisions

Latest revision as of 05:21, 20 March 2020

Front

Body

Navigation menu

Ngb-pt-0056-vol-01-text: Difference between revisions

Latest revision as of 05:21, 20 March 2020

Front

Body

Navigation menu

Search