Ngb-pt-0757-vol-08-text

Body

རྒྱ་གར་སྐད་དུ། ཏྲག་རསྒ་བ༷་ལ་རྭ་ཛ་ཏན་ཏྲ་ན་མ། བོད་སྐད་དུ། མ་མོ་སྲོག་ལས་ཀྱི་རྒྱལ་བུ་ཞེས་བྱ་བའི་རྒྱུད་ཀྱི་རྒྱལ་པོ། དཔལ་འཇིགས་བྱེད་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་འཇིགས་བྱེད་ཆེན་པོ་ལྷ་གཡུང་དྲུང་གི་གནས་ན་བཞུགས་ཏེ། འཇིག་རྟེན་པའི་མཁའ་འགྲོ་རྣམས་ཀྱིས་བསྐོར་བའི་ཚེ། དེ་ཝ་མ་ཧྭ་ཀ་ལས། བཅོམ་ལྡན་འདས་ལ་ཞུས་པ། ཀྱེ་བཅོམ་ལྡན་འདས་ཀྱིས་སངས་རྒྱས་ཀྱི་བསྟན་པ་གཉན་པར་བྱེད་དེ། དམ་པའི་ཆོས་ཇི་ལྟར་གཉན་པར་བསྲུང་ཞིང་བཙུན་པར་བགྱི། ཡང་དག་པའི་དགེ་འདུན་གྱི་ཇི་ལྟར་བསྲུང་ཞིང་བསྐྱབ་པར་བགྱི། བཅོམ་ལྡན་འདས་དཔལ་འཇིག་བྱེད་ཆེན་པོས་བཀའ་སྩལ་དུ་གསོལ། །ཅེས་གསོལ་བ་དང་། འཇིགས་བྱེད་ཆེན་པོས་བཀའ་སྩལ་པ། ནག་པོ་ཆེན་པོ་ཁྱོད་ཉོན་ཅིག །ཁྱོད་ཀྱིས་སངས་རྒྱས་ཀྱི་བསྟན་པ་ཇི་ལྟར་གནས་པར་བྱ་བ་དང་། དམ་པའི་ཆོས་ཇི་ལྟར་བགྲུང་བར་བྱས་པ་ལེགས་ཀྱིས་ཁྱོད་ཉོན་ཅིག །སངས་རྒྱས་ཀྱི་བསྟན་པ་བསྲུང་ཞིང་དམ་པའི་ཆིས་ཉན་པར་བྱ། ནག་པོ་ཆེན་པོ་ཁྱོད་ཉིད་ཀྱིས་སྲིང་མོ་སྲོག་གི་བདག་མོ་ཞེས་བྱ་བ། ཉི་མ་བྱང་ཤར་གྱི་མཚམས་བྲག་དང་ཆུ་འཐབ་མར་འདས་པ་ནས། མཚོ་མ་ལེ་དིངས་ཀྱི་ནང་ན། མཐིང་ཤུན་སྔོན་པོའི་བྲག་ཕུག་ནས། མ་མོ་ཡོངས་ཀྱི་ནང་ཤེད་ནས། ཉིན་གྱི་དུས་ནི་གཅིག་པུར་བཞུགས་ཤིང་འགྱིང་བར་མཛད། མཚན་གྱི་ལས་སུ་ནི་བརྡ་དང་ཕྱག་རྒྱ་མཛད། མི་རོ་རྟ་རོ་གཅལ་དུ་བཀྲམ་པ་ནང་གནས་པ། བམ་ཆེན་གདན་ལ་བརྐྱང་བསྐུམ་དུ་བཞུགས་པ་ནས། ཞལ་ནས་རཀྟའི་དཔའ་གློང་འཁྱིལ་བ། ལྗགས་ལ་དམར་ཆེན་ཁྲག་གི་ལྕེ་རིས་ཡོད་པ། ཤངས་ལ་ཤྭ་ན་རཀྟས་བསྒྲེང་བ། ཕྱག་གཡས་ཀྱི་དང་པོ་ན་གསེར་གྱི་རྡོ་རྗེ་ཆུང་བརྡུངས་པ། བར་སྣང་གི་མཁའ་ལ་མ་མོའི་འཁོར་དང་བཅས་པ་དམ་ལ་སྡུད་པ། ཕྱག་གཡོན་གྱི་དང་པོ་ན་སྐྱེ་འགྲོ་བརྒྱའི་སྙིང་འབྱིན་ཅིང་ཞལ་དུ་གསོལ་བ། སྐུ་ལ་རལ་པ་ནག་པོ་འཕར་བ། བདུད་ཀྱི་ལྕམ་ལ་གཤིན་རྗེའི་ཡུམ་དུ་གནས་པ། ཆིབས་སུ་དྲེའུ་རྟ་རྐང་གསུམ་བཅིབས་པ། གཡུ་མཐུར་སྔོན་མོ་བསྒྲེང་བ།བསེ་སྒ་དམར་པོ་བསྟོད་པ། །སྦྲུལ་ནག་གིས་གོང་ཐག་ཕྱི་མིག་བྱས་པ། མཆོང་གི་བློ་ཅན་འཁྱུག་པ། སྟོང་ཁམས་མ་ལུས་པར་ཁྱབ་པར་མཛད་པའི་དབུགས་ལ་མངའ་མཛད་པ། །དཔག་ཚད་བརྒྱད་ཁྲི་བཞི་སྟོང་དུ་ཨང་ཁྲག་གི་དྲི་བསྣོམས་མ། སྐུ་མདོག་མཐིང་ནག་འཇིགས་ཚུལ་དུ་བཞུགས་པ། རལ་པའི་ཐོར་ཚུགས་རེ་རེ་ལ་གསེར་དངུལ་དང་མུ་ཏིག་གི་ཆུན་འཕྱང་ཡོད་པ། དེ་ནི་ཁྱོད་ཀྱི་སྲིང་མོ་ཡིན་གྱིས། སྲིང་མོ་དམ་ཚིག་གི་དབང་གིས་མཚལ་ཆེན་གྱི་ཐིག་དང་། །མི་དབང་སྨིན་པའི་འབྲས་བུའི་གཏོར་མ་འདི་ལོང་ལ། ཁྱོད་ཉིད་བདག་གི་སྲིང་མོ་ལ། སངས་རྒྱས་ཀྱི་བསྟན་པ་བསྲུང་དུ་གསོལ། དམ་པའི་ཆོས་མི་ནུབ་ཅིང་དར་བར་མཛད་དུ་གསོལ། །ཅེས་ཞུས་ཤིག །དེའི་ཚེ་ཁྱོད་ཉིད་ལ་བརྡ་དང་ཕྱག་རྒྱ་སྟོན་པར་བྱེད་ཀྱིས། དེ་ལ་བསྲེགས་པར་མ་བྱེད་ཅིག་ཅེས་བསྒོའོ། །བཅོམ་ལྡན་འདས་ཀྱིས་ནག་མོ་ཆེན་མོ་ལ་གནང་བ་བྱིན་ཅིང་། གླེང་གླང་བའི་ལེའུ་སྟེ་དང་པོའོ།། །།དེ་ནས་དེའི་ཚེ་མ་ཧྭ་ཀ་ལ་ཁྱོད་ཀྱིས་ཀྱང་བྱང་ཤར་གྱི་ཕྱོགས་སུ་ཁ་བལྟས་ཏེ་སངས་རྒྱས་དང་། ཆོས་དང་། དགེ་འདུན་གསུམ་ལ་ཕྱག་འཚལ་ལོ།སངས་རྒྱས་དང་། ཆོས་དང་། དགེ་འདུན་གསུམ་གྱི་བྱིན་གྱིས་རླབས་དང་། བདག་བསམ་པ་རྣམ་པར་དག་པའི་མཐུས། །སྲིང་མོ་འདི་ཉིད་བདག་གི་ཇི་ལྟར་མངོན་པར་སྣང་བར་གྱུར་ཅིག །ཅེས་བརྗོད་པ་དང་། དེ་ཉིད་དུ་ལྷ་མོ་སྲོག་གི་བདག་མོ་སྐུ་མངོན་དུ་སྣང་བར་གྱུར་ཏོ། །དེ་ཉིད་ཀྱི་མིང་པོ་དེ་ནི་ཤིན་ཏུ་དད་པར་གྱུར་ནས། སྲིང་མོ་ལ་བསྐོར་བ་ལན་གསུམ་བྱས་ནས། བུས་བཙུགས་ཐལ་མོ་སྦྱར་ནས་གཏོར་མ་དེ་སྲིན་མོ་ལ་མངོན་དུ་ཕུལ་ནས། །སྲིང་མོ་སངས་རྒྱས་ཀྱི་བསྟན་པ་བསྲུང་དུ་གསོལ། །དམ་པའི་ཆོས་བསྲུང་ཞིང་རྒྱས་པར་མཛད་དུ་གསོལ། འཕགས་པའི་དགེ་འདུན་ལ་བསྐྱབ་ཏུ་གསོལ། སྲིང་མོ་ཞལ་འཛུམ་པ་མངོན་དུ་མཛད་ནས་དུས་དེ་ཉིད་དུ་མིང་པོ་དང་བཅས་ནས། བཅོམ་ལྡན་འདས་ལྷ་གཡུང་དྲུང་གི་གནས་ན་བཞུགས་པའི་ཐད་དུ་ཕྱིན་ཏེ། བསྐོར་བ་ལན་གསུམ་དུ་བྱས་ནས། བཅོམ་ལྡན་འདས་དཔལ་ཆེན་པོའི་སྤྱན་སྔར་དེ་ཉིད་དུ་པུས་བཙུགས་ཐལ་མོ་སྦྱར་ནས། བདེ་བར་གཤེགས་པ་བདག་གིས་སངས་རྒྱས་ཀྱི་བསྟན་པ་བསྲུང་བར་བགྱི། དམ་པའི་ཆོས་བསྲུང་བར་བགྱི། འཕགས་པའི་དགེ་འདུན་བདག་གིས་བསྐྱང་བར་བགྱི་ཡིས། བཅོམ་ལྡན་འདས་ཀྱིས་བདག་ལ་བྱིན་གྱིས་བརླབ་ཏུ་གསོལ། དབང་བསྐུར་དུ་གསོལ། ཅེས་ཞུས་པ་དང་། དུས་དེ་ཉིད་དུ་བཅོམ་ལྡན་འདས་དཔལ་ཆེན་པོས་ནད་སྣ་ཚོགས་སྟོང་གི་རྐྱལ་བ་ལག་ཏུ་བྱིན་ནས་མིང་གི་དབང་བསྐུར་བ་ནི། མ་མོ་སྲོག་ལས་ཀྱི་རྐྱལ་བུ་ཞེས་བྱ་བར་དབང་བསྐུར་རོ། །ལྷ་མོའི་སྲོག་ལས་ཀྱི་རྒྱལ་བུས་ཀྱང་། བཅོམ་ལྡན་འདས་དང་མིང་པོའི་སྤྱན་སྔར་སངས་རྒྱས་ཀྱི་བསྟན་པ་བསྲུང་བ་དང་། འགྲོ་བའི་སྲོག་ལས་ཆད་པར་གདབ་པར་ཁས་བླངས་སོ། །མ་མོ་སྲོག་ལས་ཀྱི་རྐྱལ་བུ་ལས་སྲིང་མོས་གནད་པ་བྱིན་པའི་ལེའུ་སྟེ་གཉིས་པའོ།། །།དེ་ནས་མ་ཧྭ་ཀ་ལས། བཅོམ་ལྡན་འདས་ལ་ཞུས་པ། བཅོམ་ལྡན་འདས་བདེ་བ་གཤེགས་པའི་སྲིང་མོ་འདི། ཇི་ལྟ་བུའི་གང་ཟག་ཅིག་གིས་བསྒྲུབ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། སྙིང་རྗེ་དང་ནི་བརྟུལ་ཞུགས་ཅན། །ལྷ་མོའི་བརྡ་དང་སྔགས་ཀྱི་ཕྱག་རྒྱ་ཤེས། །དམ་ཚིག་སྡོམ་པར་རབ་གནས་པ། །བདེ་གཤེགས་མཆོད་དང་དམ་ཚིག་ལྡན། །འཇིགས་བྱེད་དཔའ་བོ་དེ་ཡིས་བསྒྲུབ། །ཅེས་གསུངས་སོ། །བཅོམ་ལྡན་འདས་ལས་ཡང་ཞུས་པ། ཀྱེ་བཅོམ་ལྡན་འདས་འཇིག་བྱེད་ཆེན་པོ།སྲིང་མོ་འདི་བསྒྲུབ་པའི་གནས་ཇི་ལྟ་བུ་ཞིག་བགྱི། བཀའ་སྩལ་བ། མི་རོ་གསར་རྙིང་ཡོད་གནས་སམ། ཆུ་གསུམ་འདུས་པའི་གནས་དག་དང་། །རི་བོ་ཆེན་པོ་སུམ་རྩེག་གམ། བྲག་ནི་ནག་པོ་ངོ་བརྒྱ་ཡི། །གནས་སུ་སྲིང་མོ་བསྒྲུབ་པར་བྱ། །ཕྱི་ཡི་མཆོད་པ་ཇི་ལྟར་ལགས། །བཅོམ་ལྡན་འདས་ཀྱིས་བཤད་དུ་གསོལ། ། མདོ་ཀླག་སྐུ་གདུང་གདབ་པ་དང་། །མཆོད་སྤྱིན་གནས་སུ་བསྒྲུབ་པ་དང་། །རྒྱལ་ཆེན་བཞི་ཡི་གཟུགས་བརྙན་ནི། །ཕྱོགས་བཞི་དག་ཏུ་དགོད་པར་བྱ། །བདེ་གཤེགས་གསང་སྔགས་ཕྱོགས་བཞིར་བཟླས། །ཡིད་དགེ་བཀྲ་ཤིས་གནས་འདི་མྲ །བསྙེན་པའི་ཆོ་ག་རྫོགས་བྱས་ནས། །བསྒྲུབ་པའི་ཁྲོ་རྒྱལ་ཏིང་འཛིན་གནས། །ལྷ་མོའི་གཟུགས་བརྙན་མདུན་དུ་དགོད། །ཁྲག་ཆེན་ལ་སོགས་མཆོད་པ་ལྔ། །བསྙེན་པའི་ལས་སུ་བཤམ་པར་བྱ། །བསྒྲུབ་གནས་རཀྟ་ཆེན་པོར་གཏོར། །ཁྲོ་བོའི་ཏིང་འཛིན་ལྡན་པ་དེ། །ཞེ་སྡང་ལྕགས་ཀྱུའི་ཕྱག་རྒྱ་ཡིས། །སྲོག་བདག་ཆེན་མོ་སྤྱན་ཡང་དྲངས། །གཟུགས་བརྙན་ཉིད་ལ་བསྟིམ་པར་བྱ། །སྤྱན་དྲང་བའི་སྙིང་པོ། །ནག་མོ་ཏིང་ལ༷་མ་མ་དུན་ཏིང་སྨྱོ། ཛ༷༷ཧུ༷་བ༷་ཧོ། ནག་མོ་དུན་སྨྱོ་དུན་སྨྱོ། སྙིང་པོ་འདི་ཡིས་ཁྲོ་མོ་སྤྱན་དྲངས་ལ་བསྟིམ། སྐུ་ལྷ་མོའི་སྐུ་མདོག་མངོན་དུ་གསལ་བར་བྱ་སྟེ། སྙིང་ཀར་ཐལ་མོ་སྦྱར་ལ་ཕྱག་བྱའོ། །ནག་མོ་རག་མོ་དུན་ཏིང་ན་མ་ཨ་ཧི། ཞེས་ཕྱག་འཚལ་ལོ། །སྙིང་པོ་འདིས་བརྟན་པར་བཞུགས་སུ་གསོལ་ཏོ། །རག་ཤ་མའི་སྐུ་ལ་པདྨ་ས་མ་ཨ་ཏི་ལྷན། ཅེས་བརྗོད་ལ་བརྟན་པར་བཞུགས་སུ་གསོལ། དེའི་འོག་ཏུ་མ་མོ་ལ་དམ་རྫས་ཀྱི་མཆོད་པ་དབུལ་བའི་སྙིང་པོ་འདི་བརྗོད་དོ། །མ་མོ་ནག་མོ་སེང་ཧང་སེང་ཧ་ཀུ་ལུ་ཀུ་ལུ། ཧ་ཧ་མ༷་ས་ཁུ་ཧི། རཀྟ་ཁུ་ཧི། པརྩི་ཨ་མྲི་ཏ་ཁུ་ཧི། ཞེས་མཆོད་པ་ཕུལ་ལ། དེ་ནས་བསྙེན་པའི་རིམ་པ་ལ་འཇུག་པར་བྱ་སྟེ། །བཅོམ་ལྡན་འདས་དཔལ་འཇིགས་བྱེད་ཆེན་པོ་སྲིང་མོའི་འཛབ་ཀྱི་དགོངས་པ་ཇི་ལྟར་ལགས། །འཇིགས་བྱེད་ཆེན་པོས་བཀའ་སྩལ་པ། །དེ་ལ་སྲིང་མོའི་མཛབ་རྒྱུད་ནི། །བ་སུ་ཏ་ཡི་སུམ་བསྒྲིལ་ལམ། །ཡང་ན་དུར་ཁྲོད་སྐྲ་ལ་བྱ། །གར་སྦྱིན་ཞིང་ཆེན་བམ་ཁྲག་གིས། །ལྷ་མོའི་ཐུགས་ཁར་སྦྱར་བྱས་ལ། །རྣལ་འབྱོར་སྲིན་ལག་ལ་བརྟགས་ཏེ། །རྣལ་འབྱོར་ཙིསྟ་ཁ་སྦྱར་བའི། །རིན་ཆེན་གཞལ་ཡས་ཁང་ནང་དུ། །ཉི་མའི་མཎྜལ་མཐེ་བོང་ཙམ་ཅིག་བསམ། །དེའི་ཐ་མར་སྨྱོ་ཡི་འབྲས་བུས་བསྐོར་བར་བསམ། །གཟུངས་ཐག་སྲོག་རྩའི་རང་བཞིན་ལ། །གསེར་གྱི་སྐྲུ་གུ་ཁོང་སྟོང་སུམ་བསྒྲིལ་ནས། །ཡི་གེ་འཕྲོ་འདུས་སྲིང་མོ་ཉེར་བསྙེན་ནས། །སྲོག་རྩའི་སྙིང་པོ་བརྗོད་པ་ནི། །ཏྲག་རསྒ་མ་ཧི་དུན་སྨྱོ།མ་ཧྭ་ཨག་ཤ་ཏིསྣ་ནག་མོ་དུན་སྨྱོ། ཞེས་བརྗོད་པས་མ་མོ་དུན་སྨྱོ་ཉི་བར་འགྱུར་ན། གྲུབ་རྟགས་མོད་ལ་འབྱུང་སྟེ། །ལྷ་མོའི་གཟུགས་ནི་སྔོན་དུ་སྟོན་པ་དང་། །རྟེན་གྱི་ལྕགས་བདུན་པོ་མེ་འབར་བ་དང་། །འོད་དང་དུ་བ་ངེས་པར་འབྱུང་བ་དང་། དེའི་ཚེ་བསྙེན་པ་བསྡུ་བར་བྱ། ལྷ་མོའི་གཟུགས་ཕྱག་རྒྱ་བཞིས་རྒྱས་གདབ། སྙིང་པོ་སྔགས་ནི་བདག་ལ་བསྡུ། བསྲུང་བའི་བུམ་པས་བདག་རང་བསྲུང་བྱས་ལ། བྱིན་རླབས་བདག་ཉིད་ཆེན་པོར་བརླབས། མ་མོ་སྲོག་ལས་ཀྱི་རྐྱལ་བུ་ལས། བསྒྲུབ་པའི་མཚན་ཉིད་དང་། གནས་ཀྱི་མཚན་ཉིད་དང་། སྔོན་དུ་བསྙེན་པ་བྱ་བའི་ལེའུ་སྟེ་གསུམ་པའོ།། །།དེ་ནས་ཡང་བཅོམ་ལྡན་འདས་དཔལ་འཇིགས་བྱེད་ཆེན་པོ་ལ། མ་ཧྭ་ཀ་ལས་གསོལ་པ། བསྒྲུབ་པའི་དཀྱིལ་འཁོར་ཇི་ལྟར་ལགས། །འཇིགས་བྱེད་ཆེན་པོས་བཀའ་སྩལ་པ། །དཀྱིལ་འཁོར་གྲུ་བཞི་ལྷམ་པར་བརྩིགས། །ཁྲག་སྣ་གསུམ་གྱི་ཆག་ཆག་ལ། །ཞིང་ཆེན་གསར་རྙིང་ཐིག་འདབ་སྟེ། །དཀྱིལ་འཁོར་མཛེས་པར་བྱས་ནས་ནི། །དེ་ཡི་དབུས་སུ་གྲུ་གསུམ་བརྩིག །དེ་ཡི་སྟེང་དུ་ཟླ་གམ་བརྩིག །དེ་ཡི་སྟེང་དུ་གྲུ་གསུམ་མཛེས། །ཚོན་གྱི་མཚན་ཉིད་ཇི་ལྟར་ལགས། །བཅོམ་ལྡན་འདས་ཀྱིས་བཀའ་སྩལ་པ། ཁུ་གསུམ་ནག་པོར་མཛེས་པར་བྲི། །དབུས་ཟླུམ་དམར་པོས་བརྒྱན་བྱས་ཏེ། །དེ་དབུས་མཐིང་ནག་བྲི་བར་བྱ། །མ་ཧྭ་ཀ་ལས་ཡང་གསོལ་པ། །དེ་ཡི་བསྒྲུབ་རྫས་ཇི་ལྟར་ལགས། །འཇིགས་བྱེད་ཆེན་པོས་བཀའ་སྩལ་པ། །དེ་སྟོང་བན་དྷ་ལྕང་ལོ་ཅན། །དེ་ཡི་ནང་དུ་མཛེས་བྱས་པ། སྨན་དང་རཀྟའི་གིའུ་ཝང་དང་། །ག་བུར་ཤ་ཆེན་ཚིལ་ཆེན་དང་། །རཀྟ་སྦྱར་ལ་དམ་རྫས་བཞག །རྟགས་བྱུང་དམ་རྫས་ཇི་ལྟར་ལགས། །རྗེའུ་རིགས་བན་དྷ་མཚན་ལྡན་པ། །སྙིང་པོ་དེ་ཡིས་བརྒྱན་བྱས་ལ། །རྟགས་ནི་མ་བྱུང་བར་དུ་ནི། །དེ་སྟེང་ཁ་ནི་དབུབ་ལ་གཞག །རྟགས་རྣམས་ངེས་པར་བྱུང་བ་དང་། །དངོས་གྲུབ་བླང་བའི་སྣོད་དུ་གསུངས། །རྟེན་གྱི་བསྒྲུབ་རྫས་ཇི་ལྟར་ལགས། །བན་དྷ་སྐམ་པོ་མཛེས་ནང་དུ། །ར་ཁྱི་རྟ་ཕག་བཞིའི་ཁྲག་བླུག་ལ། །དེའི་ནང་ལྕགས་ཕུར་བདུད་རྩི་ལ། །སྦྱང་ཁྲག་གིས་བྱུག་ལ། །གནམ་དུ་ཁ་བསྟན་ལྕགས་ཕུར་ལ། །མེ་འབར་དངོས་གྲུབ་མཆོག་ཏུ་བཤད། །འོད་དང་དུ་བ་འབྲིང་དུ་བསྟན། །སྒྲ་དང་རྒྱུད་རྡོ་འཕེན་བ་དང་། །ཐ་མ་ཡིན་པར་གསུངས་པ་སྟེ། །བརྡ་དང་ཕྱག་རྒྱས་གདགས་དེ་བླངས། །གསད་པའི་དཀྱིལ་འཁོར་ཇི་ལྟར་ལགས། ཁུ།་གསུམ་མཐིང་ནག་མཛེས་པར་བྱ། །ཟབས་སུ་ཁྲུ་གང་བརྐོ་བྱའོ། །རྒྱ་རུ་ཁྲུ་དོ་ངེས་གསུངས་སོ། །དུག་ཤིང་དུག་ཤིང་རྩང་བྱས་ཏེ། །ཁ་ལ་མཛེས་པར་གཟུགས་པར་བྱ། །ཁྲག་ཆེན་གྱིས་ནི་ནང་ཕྱུགས་ཏེ། །དེ་ཡི་དབུས་སུ་སྨན་མོ་ཡི། །ཞབས་མ་ངེས་པར་བསྟན་དུ་གདིང་། །ལིང་གའི་རྒྱུ་འདི་ཅི་ལ་བགྱི། །བསྲུབ་མའི་ལོ་མ་ཆུ་སྣ་དང་། །དྲི་ཆེན་པོ་ཡི་གཟུགས་བརྙན་བྱ། །གྲོ་ག་འམ་རས་སམ་ཤིང་ཤུན་ལ། །ཁྲག་ཆེན་པོས་ནི་མི་རུས་བྲི། །རུས་ནི་ཕྲལ་བྲི་མིང་ནི་སྙིང་ཁར་བྲི། །མཛེས་པར་འབྲུབ་ཁུང་དབུས་སུ་བཞག །དེ་ལ་ལྷ་མོ་ཉིད་རྦད་ལ། །ལྕགས་ཀྱུའི་ཕྱག་རྒྱས་བཟུང་བས་དགུག །དུག་གི་གཏོར་མས་ལྷ་དང་ཕྲལ། །ལྕགས་ཀྱུའི་ཕྱག་རྒྱས་གཟུགས་ལ་དབབ། །ལྕགས་ཕྱེ་ཟངས་ཕྱེས་གཟིར་ནན་བྱ། །དེ་ནས་ལྷ་མོ་རྦད་སྔགས་ཀྱིས། །གཟས་པ་དེ་ལ་རྦད་པར་བྱ། །རག་མོ་རག་མོ་མ་མ་དུན་ཏིང་ཧེར་མ་ཧེ། ཞེས་བརྗོད་པས། གཟས་པ་པོས་མངོན་སུམ་དུ་ཟོས་པར་བསམ། །དེའོ་འོག་ཏུ་བསྐྲུབ་པ་པོ་བདག་ཤ་ཆེན་ཁར་མུར་ཞིང་། བདག་ཉིད་ཆེན་པོར་གྱུར་ཅིང་། ལག་པ་གཡོན་པའི་རལ་གྲིས་གཟུགས་མནན་ལ། གཡས་པས་ཕུར་པའི་རྩེ་མོ་ཁྲག་ལ་བྱུག་ཅིང་། ལྕགས་ཕུར་བདུན་གཟུགས་མགོ་མཇུག་ཏུ་གདབ་པོ། །གདབ་པའི་གཟེར་སྔགས་འདི་ཡིན་ནོ། །བཛྲ་མ་ཧྭ་ཀུ་རུ་རྦད། སྙིང་ཁྲག་ཚལ་པ་རྦད། རྔུབས་ཙིརྟི་རྦད། མྱོགས་མུགས་རྦད། སྙིང་ཁྲག་ཁ་ལ་རྦད། ཚལ་བུ་ཚ་སེ་ན་སེ་དུ་རྦད། ཅེས་གདབ་བོ། །དེའི་འོག་ཏུ་འཕྲིན་ལས་བཅོལ་ཞིང་དགྲ་བོ་གཉེར་གཏད་པའི་སྙིང་པོ་འདི་བཟླས་སོ། །མ་མོ་སྙིང་ཁྲག་ཚལ་བདུན་ཏིང་། ཧ་ལ་ཧ་ལ་དུན་སྨྱོ་སྨྱོ། ཞེས་བརྗོད་པས་ནི། གཟས་པ་པོ་དེ་གཉེར་དུ་གཏད་དོ། །མ་མོ་སྲོག་ལས་ཀྱི་རྐྱལ་བུ་ལས། དྲག་པོའི་ལས་ཀྱི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་ལ་གསོལ་བ། ཀྱེ་བཅོམ་ལྡན་འདས། དྲག་པོ་ཐུན་གྱི་འཁོར་ལོ་ཇི་ལྟར་ལགས། །ནག་མོ་ཉི་མའི་འཁོར་ལོ་ཇི་ལྟར་ལགས། །འཇིགས་བྱེད་ཆེན་པོས་བཀའ་སྩལ་པ། །ཉི་མས་འཇིགས་པ་འུག་པའི་གདོང་། །དབྱར་ཟླ་གསུམ་གྱི་བཀྲ་ཤིས་པའི། །འཇིགས་བྱེད་ཉི་མའི་སྒོ་ང་བླང་། །དེ་ལ་དྲག་པོའི་ཕུར་བས་བརྟོལ། །ནང་དུ་དགྲ་བོའི་མིང་རུས་གཞུག །ཁྲག་བསྐམ་ཉུངས་ནག་རྫས་དག་ལ། །ནག་མོ་ཉི་མའི་དམོད་མོ་གདབ། །ནག་མོ་ཉི་མའི་དམོད་སྔགས་འདིའོ། །རུ་ཏྲ་ལ་རུ་ལུ་རུ་ལུ་ཧུ༷་སྨྱོ། སྙིང་ཁ་རག་སྙིང་ཁ་རག །མ་ནག་མོ་མ་ནག་མོ་དུན་སྨྱོ། ནག་མོ་དུན་ཏིང་མ་ལས་ལ་སྦྱོ། རེ་མ་ཏི་པ་ཤ་ཙ་པ་ཛ་ཛ་ཛ། དུན་ཏིང་དུན་རག་ཤ་སྨྱོ་སྨྱོ། ལྷ་མོ་མངོན་དུ་སྤྱངས་པའི་སྙིང་པོ་འདས། འཁོར་ནག་མོ་སྟོང་དང་བཅས་པར་བྱོན་པར་བསམས་ལ། ལས་མྱུར་དུ་བྱ་བའི་ཕྱིར་མ་མོ་ཞབྲུག་ཏུ་གཞུག་གོ །འདི་ཉིད་ཀྱི་སྙིང་པོ་འདིའོ། །མ་མོ་རག་མོ་རག་མོ་སྙིང་ལ་ཛ་ཛ། ནག་མོ་ཧུར་ཧུར་མ་ཧྭ་མ་ཆོ་ཆོ། འུར་ཀ་ཀ་མི་ཤ་མ་ར་ཡ། ཁུ་ཧི་ཁུ་ཧི་ཧ་ཧ་ཧ། ཏྲ་ཏ་ཏྲ་ཛ་ཛ། སྙིང་པོ་འདི་ཉིད་ཀྱིས་མ་མོ་ཞབྲུག་ཏུ་གཞུག་པའོ། །དེའི་ནང་འོག་ཏུ་ཉི་མས་འཇིགས་པའི་སྒོ་ངའི་ནང་དུ། རིས་སམ་གྲོག་ལ་མིང་རུས་བྲིས་ལ་བཞག །ཡུག་ས་མོའི་ཞགས་མས་གྲིལ་ནས། ཡུངས་ནག་ལ་ལྷ་མོ་ཉི་མའི་སྙིང་པོས་གདབ། དེ་ལ་རྩ་བའི་སྙིང་པོ་དམོད་སྔགས་འདི་ཡིན་ཏེ། མ་མ་རག་མོ་ས་མ་ལྭ་ཛ་ཛ།རག་མོ་ཐང་མུ་ལེ་རྦད་རྦད། རྩ་ཐང་རྩ་ཐང་རྦད་རྦད། མུ༷་ནི་ནན། རག་མོ་ནི་རག་མོ་ནི་ར་ཁ་ལོང་རྦད། དུག་ནི་དུག་ནི་ཁ་ལོང་རྦད། ཀྱི་ཁ་ལོང་ཀྱི་ཁ་ལོང་རྦད་རྦད། ཙ་ཏི་ཙ་ཏི་རྦད་རྦད། ནིར་ཏི་ནི་ཏི་རྨུགས། ཐུམ་ཐུམ་ཏི་སུབས། ཙི་ཁ་ལོ་ཙི་ཁ་ལོ་རྦད་རྦད། མོག་མོག་རྦད་རྦད། ཆེ་གེ་མོ་རྦད། མ་ལིང་རྦད། ས་མ་ཡ་ཛ་ཛ། ཞེས་བརྗོད་ལ་ཟོར་འཕང་བའི་ལས་བྱས་ཏེ། བསྒྲུབ་པ་པོ་བདག་ཉིད་ཙ་རའི་གསོབ་ལ་ཤོན་ལ། གསོབ་ཀྱི་སྐྱེ་ལ་དགྲ་དུ་ཡོད་པའི་མིང་རུས་གདགས། བདག་ཉིད་རེ་བའི་འབོད་བུ་དང་། དར་ནག་པོའི་ཐོད་དང་། ཞིང་ཆེན་གྱི་གོས་ཟུག་གོན་ལ། ལག་པ་གཡོན་པར་བན་དྷ་ལྕང་ལོ་ཅན་ཁྲག་གིས་བཀང་བ་བཟུང་ལ། བསྒྲུབ་པ་པོའི་ཁར་མིའི་སྙིང་བཅུག་ལ། །ཡུག་ས་མོའི་སྐྲ་ལ་བསྐུལ་ཏོག་བྱས་ལ། ཐུན་བཅུག་ལ། འཕེན་དཀར་དགྲ་ཡིད་ལ་དྲན་པར་བྱས་ལ། དེ་ནས་ཐུན་བརྡེག་གོ །ཁང་པ་ལ་བརྒྱབ་ན་གནམ་བརྟོལ་དུ་འགྲོ། ཉི་མའི་ཟེར་ལ་བརྒྱབ་ནི་ཉི་མ་འཆིའོ། །ཞིང་ལ་བརྒྱབ་ན་ཞིང་མི་སྐྱེའོ། །མ་མོ་སྲོག་ལས་ཀྱི་རྐྱལ་བུ་ལས། ནག་མོ་ཉི་མའི་དམོད་མོའི་ལེའུ་སྟེ་ལྔ་པའོ།། །།ནག་པོ་ཆེན་པོས་ཡང་ཞུས་པ། །བཅོམ་ལྡན་འདས་འཇིགས་བྱེད་ཆེན་པོ་དེ་ཉིད་དེ། །ཐུན་དྲུག་འཁོར་ལོ་ཇི་ལྟར་བསྐོར། བཅོམ་ལྡན་འདས་ཀྱིས་བཀའ་སྩལ་པ། ཐུན་བསྒྲུབ་འཁོར་ལོ་འབྲུབ་ཁུང་བསྐོར། བརྡེག་དུས་ཉ་ཆེན་ལྕང་ལོ་ལྔའོ། །བརྡེག་པའི་གནས་ནི་ལིང་ག་སྙིང་། །ཐུན་གྱི་དང་པོ་ཇི་ལྟར་ལགས། །ཐུན་གྱི་དང་པོར་སྙིང་ཐུན་བཏང་། །དེ་ལ་མ་མོའི་སྙིང་ཟོར་ནི། །ལུག་ནག་པོའི་སྙིང་ནང་དུ། ་་ས་ནག་དག་ལ་མ་མོའི་ཐུན་སྔགས་མང་དུ་བཟླས་ལ། སྒྱུང་ཀས་བསྒྲོན་པའི་མདའ་ཡིས་དགྲ་བོའི་གཟུགས་ལ་བརྡེག །བདག་ཉིད་ལྷ་མོའི་སྐུར་བསྒོམ་ཞིང་། ཕྱར་ནག་གོན་ལ་སྲིད་པའི་རེ་མ་ཏི་དང་། འཇིག་རྟེན་མའི་ཐུགས་དམ་གནད་ལ་ཕབ་བྱས་ལ། གཟུགས་དེ་འདོམ་ཙམ་དུ་བཞག་བྱས་ལ། མ་མོ་རྡོ་རྗེ་བཞད་སྟངས་ཀྱིས། །འཆམ་ཞིང་གཟུགས་ལ་བརྡེག་པར་བྱ། །ཡ་མང་ཐོང་མ་མང་དུ། དེ་སྐད་བརྗོད་ལ་སྙིང་ལ་བརྡེག །མ་མོའི་ཐོད་ཐུན་ཇི་ལྟར་ལགས། །མ་མོའི་ཐོད་ཐུན་བཤད་བྱ་བ། །རབས་ཆད་གསུམ་གྱི་ཐོད་པ་ལ། །སྙིང་སྣ་ཚོགས་དང་དུག་སྣ་ཚོགས། །མ་མོ་ཉིད་ཀྱི་རྫས་སུ་བསག །གཟས་པ་པོ་ཡི་རྗེན་ཤུན་ལ། །དེ་ལ་ལིང་གའི་གཟུགས་བྱས་ཏེ། །བདག་ཉིད་བོང་བུ་ར་ཞོན་དེ། །མ་མོ་བདུན་བྱས་བཞུགས་བྱས་ཏེ། །མ་མོའི་ཏིང་འཛིན་གསལ་བར་བསྐྱེད། །ཞིང་ཆེན་གཡང་གཞི་གསུར་ཆེན་བཏང་། །མ་མོ་ཐུགས་དམ་སྙན་བསྐུལ་ལ། །དུམ་བུ་དུམ་བུ་ཚལ་པ་ཚལ་པ་ཧ་ན་ཧ་ན། ཞེས་བརྗོད་ལ། ཡུལ་མཁར་ཁྱིམ་ལ་ཐོད་མདའ་ཡ། །མཆན་གྱི་བུ་ལ་ཐོད་མདའ་ཡ། །དེ་ནི་མ་མོའི་མདའ། །མཁའ་ལྡིང་ཐུན་ནག་ཇི་ལྟར་ལགས། །དེ་ལ་མ་མོའི་ཐུན་བྱ་ནི། །བྱ་མོ་ནག་མོའི་སྐྱེ་མགུལ་ལ། སྙིང་རྩའི་ཕྲེང་བ་བསྐོར་བྱས་ལ། །མཐིང་ནག དརལྕེའུགཤོག མགོགདགས། །བུད་མེད་དོར་རྟས་ག་་པ་ཡང་། །དར་ནག་ཉུངས་ཀར་མང་པོ་ལ། །ཐུན་སྔགས་མང་དུ་བརྗོད་ལ་ག་། །དགྲའི་མིང་བྱང་ལག་དགགས། །བུད་མེད་གུ་ཟུན་ནག་པོ་གོན་པ་ལ། །གཏོར་མ་བསྐུར་ལ་ཐུན་འཕང་ངོ་ མ་མོའི་མདའ་ཐུན་ཇི་ལྟར་ལགས། །དེ་ལ་མ་མོའི་མདའ་ཐུན་ནི། །འུག་པ་ཕོ་རོག་བསྒྲོན་པའི་མདའ། །སྐྱེར་པ་ཟུར་གསུམ་མདེའུ་བྱ། །འུག་པས་བསྒྲོན་པ་དམར་པོ་བྱ། །ཕོ་རོག་མ་ནི་སྔོན་པོར་བྱ། །སྒྲོ་རྩར་ཉུངས་ཀར་ལ། །མ་མོའི་ཐུན་སྔགས་བཟླས་ལ་བླུག །ལྷུབ་ཚལ་ཤིང་ཀྟད་ཀུ་བུད་ཕྲ་རྟ་རྒལ་ཟད་ནན། ཨ་ན་བི་ཧ་སོན་ཨ་སུ་རུ་ཨ་པན་བྲག་གི་ཆུམ། ཞེས་བརྗོད་ལ། དགྲ་བོའི་མིང་བྱང་དེར་བཅུག་ལ། །ཞིང་སྐྲས་བསྒུལ་ཐོད་བྱས་པ་ཡི། །ནང་བཅུ་ཐུན་བདག་མོ་བསྐུལ་ལོ། །ཐུམ་ཐུམ་རུབ་རུབ་ས་མ་ལྭ། ཞེས་གྲངས་མང་དུ་བཟླས་ལ་གཟུགས་ལ་བརྡེག །སྒོང་ཐུན་ནོ། །ཡང་ནི་ཐུན་དྲུག་ཇི་ལྟར་ལགས། །སྙིང་ཐུན། ཁྲག་ཐུན། དུག་ཐུན། ཉུངས་ཐུན། ཕུར་ཐུན། རྩང་ཐུན་ནོ། །རྡོ་རྗེ་རི་རབ་ཀྱི་གདུང་དང་།མཚོན་གྱིས་ག་ས་དང་ཚེ་སྲོག་འཕྲོག །དེ་ལྟར་བྱས་ལ་འཕང་བར་བྱ། །རག་མོ་ནི་ཤ་ཀུ་རུ་ཐུམ་རྦད། རག་མོ་ཁ་ལ་ཙ་ཙ་དུན་སྨྱོ། ཡ་མ་དུམ་བུ་དུམ་བུ་ཡ་མ་རྦད་སུ། ཡ་མ་རྦད་དུ། སྙིང་ཁ་རག་མ་སྨྱོ། བཛྲ་ཨང་ཀུ་ཤ་ཛ། ཚལ་པ་བ༷་རིལ། དུམ་བུ་དུམ་བུ་ནི་དགྲ་བོ་མ་ར་ཡ་ཕཊ། ་ག་རག་ཤ་ཁ་དུན་ཏྲ། ཁ་མུན་ཏྲ་དུར་མ་ཏི། རིག་མ་ཙ་དུ༷་ལོ་ན་ཧུ༷་སྨྱོ། སྙིང་ཁྲག་ཤ་མ་ཛ། ཏ་ཙིསྟ་བ༷་མྱོས་སྙིང་ཁྲག་འཐུང་། ཧ་པྲ་རུ་རུ་ཐུ༷། དུ༷་ཐུ༷་པྲ་ས་ར༷་ཐ༷། ཤི་ནི་ཐུ༷། དགྲ་བོ་མ་ར་ཡ་ཕཊ། ཁ་བེ་ཤ་ཁ་བེ་ཤ། རུ་བུ་ཐུན་ཕོབ། རུ་པ་ཐུན་ཕོབ། མ་ཧྭ་སྲོག་ལ་མུག་མུག །ཐུམ་ཐུམ་འདུ་འདུ་འདུ་འདུ། ཅིག་ཅིག །དུག་ཁོང་དུ་སྤྱོས་ཤིག །མ་སྙིང་ཁྲག་ཤ་མ་ཛ་ཛ།ཙིསྟ་སྲོག་དུང་དུང་། ཐུང་ལི་སྙིང་རྩ་ལ་འདུ་འདུ་སྲོག་སྲིང་སྲིང་ཁྱེར་ལ་སྨྱོ། དགྲ་བོ་སར་མྱག་ཐུམ་རི་ལི་ལི་རྦད། སྙིང་ཁ་རག་སྙིང་ཁ་རག་ཙ་ཙ་བྲེང་བྲེང་། ཨོ་ཛ་ལ་ནི་ཛ་ལ་ཏི། མ་ཧྭ་སྲོག་ལ་ཏུག་ཏུག །ཁྲག་ལ་དུན།སྙིང་ལ་རྦད། མ་ཧྭ་སྲོག་ལ་ཐུན་ཕོབ། སྙིང་ལ་གས་མ་མ་ཧུ༷་ཕཊ། གུ་ཡེ་ཐུན་ཕོབ། ཤོག་ཤོག་ཐུན་ཕོབ། སོད་སོད་ཐུན་ཕོབ། སྨྱོ་རུ་ལུ་སྦྱོ་རུ་ལུ་རྒྱོབ། སོད་ཀུ་རུ་ནན། དྲི་ཤ་ཀུ་རུ་ནན། དགྲ་བོ་མ་ར་ཡ་རྦད། ཤ་ར་ལེ་ཉུ་ལེ་ལེ་ཐུམ་རིལ་རྦད། རྣམ་པ་ཀླད་པ་འགས་པ་དང་རྣམ་ཤེས་བསྲེག་པ་དང་། ངག་ཕྲོག་ཡན་ལག་བཅིང་དང་སྙིང་རྩ་གཅད་པའོ། ་་ནི་རྩ་རྩ་ཐུམ་རིལ་རྦད། ཐུམ་རིལ་ཐུམ་རིལ་རྩ་ར་ཨ་ཤ་རུ་ཐུམ་རིལ་རྦདཁ་ཐུམ་ཁ་ཐུམ་རྦད། ཤོ་རོ་ཤིག་རོ་ཤོག་གྲོ་ཧུ༷་ཕཊ། སྒག་ཁང་ཐུམ་རིལ་ལུབ་ཧུ་ལ༷། སྙིང་ལ་ཤག་སྙིང་ཁྲག་ཚལ་པ་རྦད། ཙིསྟ་ཙིསྟ་རཀྟ་རུ་ལུ་རུ་ལུ་ཧཱུཾ་སྦྱོ། དྲག་པོའི་སྦྱིན་སྲེག་ཇི་ལྟར་ལགས། །དེ་ལ་དྲག་པོའི་སྦྱིན་སྲེག་ནི། །མ་སྒ་་ཆེན་པོའི་གཟུགས་བྱས་ལ། །སྙིང་ཁར་ཟུར་གསུམ་ངོས་རེ་ལ། །མཐོ་དོ་ཡོད་པར་འདོད་པའོ། །རལ་གྲི་འཁོར་ལོ་རྩེ་གསུམ་ནི། །ཚོན་རྩི་དཀར་པོ་ཐལ་ཆན་བྲི། །མཚོན་ཕུར་མདའ་དང་རྩང་གིས་བསྐོར། །སྐུད་པ་ནག་པོས་མཐའ་མ་བསྐོར། །ཧོམ་ཁུང་ནང་དུ་རྡོ་སོལ་གྱིས། །ཕྱེ་མ་མཚལ་རྡོག་བསྐམ་པོ་བཞག །ཟུར་གསུམ་བན་དྷ་རེ་རེ་བཞག །སྤྱན་དྲངས་སྔགས་འདི་བརྗོད་པར་བྱ། །སརྦ་ཨ་པ་ཀ་ཀ། ཁན་ཁན་འཛིན་བྷ་ཏང་ཏིང་། ཨ་གསྣྲོ་ཨ་གསྣྲོ་ཀང་གྲྭཧྭ། ཁྲག་སྣོད་བད་དྷ་དམར་པོ་བྱ། བཟེད་པའི་སྣོད་ཡང་དེ་བཞིན་ནོ། །མཆོད་པ་ལྔ་ཡོང་དམར་པོ་བྱ། །ཕུད་དུ་ཡང་ནི་དགོད་པར་བྱ། །ཁྱི་ནག་ཐོད་པ་ཁྲག་གིས་ཀྱང་། །གང་ལ་བྱ་བའི་མིང་རུས་བྲི། །དེ་ལྟར་དེ་བཞིན་དུ་བསྲེག་གོ །སརྦ་དུཛི་བྷ་ནི་སྲུཧྭ། ལན་བདུན་ཐབ་ཁུང་དུ་བོར། །རྟ་ཕག་ཁྱི་ཡི་ཁྲག་གསུམ་ལ། །ལན་བདུན་བཟླས་ལ་སྦྱིན་སྲེག་བྱ། །མེ་ལ་དཔོད་པའི་སྔགས་ལ། །སརྦ་ཤ་ཏང་མ་ཡ་ཨུ་ཙུ་ཏ་ལ་ཡ་བྱ། །ཏ་བག་ཤ་ཨ་ཧུ༷་ཕཊ། འདི་ཉིད་དག་ཏུ་གནན་བྱས་ལ། །མ་མོ་སྲོག་ལས་ཀྱི་རྒྱལ་བུ་ལས། ཐུན་དྲུག་འཁོར་ལོའི་ལེའུ་སྟེ་དྲུག་པའོ།། །།མ་ཧྭ་ཀ་ལས་གསོལ་བ། ཀྱེ་བཅོམ་ལྡན་འདས་ཁྲག་འཐུང་རྒྱལ་པོ་ཐོག་སེར་ཇི་ལྟར་དཔག་བཅོམ་ལྡན་འདས་ཀྱིས་བཀའ་སྩལ་པ། ཐོག་སེར་དབབ་པ་ནི། །ལྷ་མོ་ཉིད་ཀྱི་དམ་རྫས་སུ། །མུ་ཏའི་སྙིང་དང་ཐལ་མོར་བཅས། །སྙི་ཝང་རཀྟར་བཅས་པ་ཡི། །གཏོར་མ་ཡུལ་བའི་ས་རུ་སྦ། །འབེབས་དང་ལས་ལ་སྦྱོར་བའི་ཚེ། །ནལ་བུའི་བགས་པའི་རྒྱལ་མཚན་བྱ། །མ་མོ་ཉིད་ཀྱི་གཟུགས་བྲིས་ལ། །ཕྱོགས་བཞིར་བརླབ་ཅིང་རྩ་སྔགས་བཟླས། །དར་ནག་གཡབ་མོས་ཕྱོགས་བཞིར་གཡབ། །རིག་གསུམ་ཁ་ལས་གཏོར་མ་གཏང་། །སྨེ་ཁྲག་གསུམ་གྱིས་མཁའ་ལ་གཏོར། །བཅོ་ལྔའི་དབུས་སུ་གཏོར་བྱས་ནས། །རི་གསུམ་པ་ལ་སེར་པ་དམར་ཐབ་བྱ། །ལྷ་མོས་དྲག་ཤུལ་ཐོག་སེར་འབེབས། །ལྷ་མོ་བུ་ལ་དངོས་གྲུབ་སྟེར། །དེའི་ཚེ་བུ་ཡིས་དངོས་གྲུབ་བླང་། །མ་མོ་སྲོག་ལས་ཀྱི་རྐྱལ་བུ་ལས། ལྷ་མོའི་ཐོག་སེར་འབེབས་པའི་ལེའུ་སྟེ་བདུན་པའོ།། །།འདི་རུ་ནད་རྣམས་ཇི་ལྟར་དབབ། །ལྷ་མོ་ཆེན་མོས་བཀའ་སྩལ་པ། །དྲི་མོ་ར་ཡི་རྐྱལ་བུ་སྲ །རིམས་ནད་དགུ་ཡིས་ཤི་བའི་རུས་པ་དང་། །ཁྲག་སྣ་དགུ་དང་ཐལ་ཆེན་དབུས་སུ་བཅས། །གཏོར་མ་བམ་ཆེན་སྙིང་དང་བཅས་པ་དང་། །ཁ་ལ་རྨ་བྱའི་རྒྱལ་མཚན་གཟུགས། །ཕུད་མཛོ་རོག་པོའི་གསོབ་ལ་གདལ། །དམིགས་པའི་ཕྱོགས་སུ་བསྐྱལ་བྱས་ནས། །ལྷ་མོས་རིམས་ནད་སྣ་ཚོགས་འབེབས། །མ་མོ་སྲོག་ལས་ཀྱི་རྐྱལ་བུ་ལས། །རིམས་ནད་དབབ་པའི་ལེའུ་སྟེ་བརྒྱད་པའོ།། །།མ་མོའི་སྲོག་ལས་ཀྱི་རྒྱལ་བུའི་རྒྱུད་ཀྱི་རྒྱལ་པོ་ཆེན་པོ་རྫོགས་སོ།། །།བཅོམ་ལྡན་མགོན་པོ་རྒྱལ་མཚན་ལས་ཀྱི་ལྷ། །ཐུགས་ཀྱི་ཡེ་ཤེས་ཚོགས་ལ་མངའ་བརྙེས་ཁྱོད། །རྡོ་རྗེ་མཁའ་ལ་འགྲོ་བའི་རྣལ་འབྱོར་མའི། །གསང་བའི་ཕྱག་རྒྱ་དམ་པ་བཤད་དུ་གསོལ། །ཞེས་གསོལ་བ་དང་། དཔལ་ཕྱག་ན་རྡོ་རྗེ་བཀའ་སྩལ་པ། རྣལ་འབྱོར་ཆེན་པོ་གསང་བ་ཡིས། །དམ་ཚིག་ཕྱག་རྒྱ་བཅའ་བ་ནི། །སོར་མོ་རྣམས་ནི་ནང་དུ་བསྣོལ། །གཡས་པ་མཐེ་བོང་མཛུབ་མོ་ཡིས། །སྲིན་ལག་མཐེའུ་རྩེ་སྤྲད་གནན། །གུང་མོ་གཉིས་ལ་རྩེ་སྤྲད་ལ། །མ་མོ་སྤྱི་ཡི་ཕྱག་རྒྱ་སྟེ། །ཡེ་ཤེས་ཚོགས་ཀྱི་རྗེ་མོའི་རྒྱ། །ཕྱག་རྒྱ་བཅའ་བའི་ལེའུ་སྟེ་དགུ་པའོ།། །།མ་མོའི་སྲོག་རྫོགས་སོ།། །། རྒྱ་གར་སྐད་དུ། བཛྲ་བྷན་དྷ་ཛ་ལ་གུ་རྒྱ་ཀ་བཱ་ལ་རྙོ་ན་ར་བྷ་གྲི་