Ngb-pt-0093-vol-01-text: Difference between revisions

From Rangjung Yeshe Wiki Texts
Jump to navigation Jump to search
No edit summary
 
No edit summary
Line 1: Line 1:
{|
! '''BASIC METADATA'''
!
|-
| '''Title of Text'''
|
|-
| '''Title on Cover'''
|
|-
| '''Cover Title San'''
|
|-
| '''Cover Title San in Tib'''
|
|-
| '''Cover Title San in Lanydza'''
|
|-
| '''Title on Spine'''
|
|-
| '''Margin Title'''
|
|-
| '''Author of Text'''
|
|-
| '''Name of Collection''' ''(if applicable)''
|
|-
| '''PUBLISHING'''
|
|-
| '''Publisher Name'''
|
|-
| '''Publisher Place'''
|
|-
| '''Publisher Date'''
|
|-
| '''IDs'''
|
|-
| '''ISBN''' ''(if applicable)''
|
|-
| '''Library Call-number''' ''(if applicable)''
|
|-
| '''Other ID number''' ''(if applicable)''
|
|-
| '''Volume Letter''' ''(if applicable)''
|
|-
| '''Volume Number''' ''(if applicable)''
|
|-
| '''Pagination of Text'''
|
|-
| '''Pages Represented in this file'''
|
|-
| '''CREATION'''
|
|-
| '''Name of Agent Creating Etext'''
|
|-
| '''Date Process Begun'''
|
|-
| '''Date Process Finished'''
|
|-
| '''Place of Process'''
|
|-
| '''Method of Process (OCR, input)'''
|
|-
| '''PROOFING'''
|
|-
| '''Name of Proofreader'''
|
|-
| '''Date Proof Began'''
|
|-
| '''Date Proof Finished'''
|
|-
| '''Place of Proof'''
|
|-
| '''MARKUP'''
|
|-
| '''Name of Markup-er'''
|
|-
| '''Date Markup Began'''
|
|-
| '''Date Markup Finished'''
|
|-
| '''Place of Markup'''
|
|-
| '''CONVERSION'''
|
|-
| '''Name of Converter'''
|
|-
| '''Date Conversion Began'''
|
|-
| '''Date Conversion Finished'''
|
|-
| '''Place of Conversion'''
|
|-
| '''PROBLEMS'''
|
|-
|
|
|}
= Front =
= Front =


= Body =
= Body =


''[264]'''[264.1]'''''རྒྱ་གར་སྐད་དུ། །ས་མརྙ་བྷ་དྲ་མ་ཧྭ་ག་ག་ན་མྱུ་ལ་ས༷་གྲ་ཧ་ཏནྟྲ། བོད་སྐད་དུ། ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ འདི་'''''[264.2]'''''སྐད་བཤད་པའི་དུས་གཅིག་ན། བཅོམ་ལྡན་འདས་ཀུན་ཏུ་བཟང་པོས། དམིགས་སུ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས། ཀུན་ཏུ་བཟང་པོ་རྩ་བ་བསྡུས་པའི་སངས་རྒྱས་མ་ལུས་པ་མི་ལུས་ལུས་པ་'''''[264.3]'''''མེད་པའི་སྐུ་གསུང་ཐུགས་རྡོ་རྗེའི་བདག་ཉིད། སྙིང་པོ་ལས་ཀྱང་སྙིང་པོའི་མཆོག་ཏུ་གྱུར་པ་འདི་དག་བཀའ་སྩལ་ཏོ། །དོན་རྟོགས་ལྡན་པའི་སྐྱེས་བུ་དག །ཀུན་ཏུ་བཟང་པོ་ནམ་མཁའ་ཆེ། །རྩ་བ་བསྡུས་པ་རྟོགས་'''''[264.4]'''''འདོད་ན། །ངེས་པར་རྒྱུད་འདི་མཉན་པར་གྱིས། །དེ་སྐད་ཅེས་གསུངས་གསན་ནས་ཀྱང་། །རྡོ་རྗེ་སེམས་དཔས་ཡང་ཞུས་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་བལྟ་བ་ཇི་ལྟར་ལགས། །སྤྱོད་པ་སྤྱད་པ་'''''[264.5]'''''ཇི་ལྟར་སྤྱད། །ཉིད་ཀྱི་བསྒོམ་པ་ཇི་ལྟར་བསྒོམ། །བསྒྲུབ་པར་བྱ་ན་ཇི་ལྟར་བསྒྲུབ། །ཉིད་ཀྱི་དམ་ཚིག་གང་དང་གང་། །བགྲུང་བར་བྱ་བ་ཇི་ལྟར་བསྲུང་། །ཉིད་ཀྱི་དབང་རྣམས་གང་དང་གང་། །བསྐུར་བར་བྱ་ན་ཇི་'''''[264.6]'''''ལྟར་བསྐུར། །ཉིད་ཀྱི་ཕྲིན་ལས་གང་དང་གང་། །རྩོལ་བར་བྱ་ན་ཇི་ལྟར་བྱ། །ཉིད་ཀྱི་སྦྱོར་བ་ཇི་ལྟར་སྦྱོར། །བསྒྲལ་བར་བྱ་ན་ཇི་ལྟར་བྱ། །ཉིད་ཀྱི་གསོ་བ་གང་དང་གང་། །གསད་པར་བྱ་ན་ཇི་ལྟར་བྱ། །ཉིད་ཀྱི་''[265]'''[265.1]'''''དབབ་པ་ཇི་ལྟར་ལགས། །གཅད་པར་བྱ་ན་ཇི་ལྟར་བྱ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། རྩ་བ་མདོར་བསྟན་པའི་སྐབས་ཏེ་དང་པོའོ།། །།རྡོ་རྗེ་སེམས་དཔས་ཡང་'''''[265.2]'''''གསོལ་པ། །བཅོམ་ལྡན་བདེ་ཆེན་ཀུན་བཟང་པོས། །ཉིད་ཀྱི་ལྟ་བ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །འཛིན་རྟོག་མེད་པར་གང་བལྟ་བ། །འདི་ཡང་ང་ཡི་'''''[265.3]'''''ལྟ་བ་ཡིན། །སྐྱེ་ཤི་མེད་པར་གང་བལྟ་བ། །འདི་ཡང་ང་ཡི་ལྟ་བ་ཡིན། །འཕོ་འགྱུར་མེད་པར་གང་ལྟ་བ། །འདི་ཡང་ང་ཡི་ལྟ་བ་ཡིན། །བྱ་བཙལ་མེད་པར་གང་བལྟ་བ། །འདི་ཡང་ང་ཡི་ལྟ་བ་ཡིན། །ཡངས་དོག་མེད་'''''[265.4]'''''པར་གང་བལྟ་བ། །འདི་ཡང་ང་ཡི་ལྟ་བ་ཡིན། །རྒྱུ་འབྲས་མེད་པར་གང་བལྟ་བ། །འདི་ཡང་ང་ཡི་བལྟ་བ་ཡིན། །ཕྱོགས་སུ་གདལ་བས་འགྱུར་བ་མེད། །འདི་ཡང་ང་ཡི་ལྟ་བ་ཡིན། །སྣང་སྲིད་འདི་ལྟར་སྣང་བའི་'''''[265.5]'''''ཆོས། །ཕྱི་ནང་སྣོད་བཅུད་ཐམས་ཅད་ཀུན། །སྙིང་པོ་འདི་ལས་གཞན་མ་ཡིན། །དབྱིངས་དང་ཡེ་ཤེས་དོན་རྟོགས་ན། །དེ་ཡང་ང་ཡི་དོན་རྟོགས་ཡིན། །དེ་ལྟར་རྟོགས་པའི་རྣལ་འབྱོར་ནི། །རྟོགས་པ་མངོན་དུ་གྱུར་པ་'''''[265.6]'''''ཡིན། །ང་ཉིད་སྙིང་པོ་བྱང་ཆུབ་སེམས། །སྙིང་པོ་འདི་ཡང་གཞན་མ་ཡིན། །སྙིང་པོ་བྱང་ཆུབ་ཡེ་སངས་རྒྱས། །ཐམས་ཅད་དག་པས་སྐྱེ་བ་ཡིན། །རང་ལས་འབྱུང་བས་སྙིང་པོ་ཡིན། །ཡོངས་ལ་ཁྱབ་པས་སྙིང་པོ་''[266]'''[266.1]'''''ཡིན། །ཅིར་ཡང་བལྟ་བ་སྙིང་པོ་ཡིན། །གང་ཡང་ཤར་བས་སྙིང་པོ་ཡིན། །ཁྱབ་པར་གདལ་བས་སྙིང་པོ་ཡིན། །གཉིས་སུ་མེད་པས་སྙིང་པོ་ཡིན། །བཙལ་དུ་མེད་པས་སྙིང་པོ་ཡིན། །མི་འགྱུར་མི་ཤིགས་སྙིང་པོ་'''''[266.2]'''''ཡིན། །གཅིག་ལས་མེད་པས་སྙིང་པོ་ཡིན། །ཐ་དད་སྣང་བས་སྙིང་པོ་ཡིན། །ང་ཉིད་སྙིང་པོ་བྱང་ཆུབ་སེམས། །བྱང་ཆུབ་སེམས་ནི་ཅིར་ཡང་སྣང་། །ཅིར་ཡང་སྣང་སྟེ་གང་དུ་ཡང་མེད། །དེ་ནི་ང་ཡི་ལྟ་བ་ཡིན། །བལྟ་'''''[266.3]'''''རུ་མེད་པའི་ལྟ་བའོ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། ལྟ་བ་བསྡུས་པའི་སྐབས་ཏེ་གཉིས་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་'''''[266.4]'''''པོ། །ཉིད་ཀྱི་སྤྱོད་པ་ཇི་ལྟར་སྤྱོད། །དེ་སྐད་གསོལ་བ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ཡེངས་པ་མེད་པར་གང་སྤྱོད་པ། །འདི་ཡང་ང་ཡི་སྤྱོད་པ་ཡིན། །ལྟ་བའི་མན་ངག་སྟེང་དུ་འཇོག །འདི་'''''[266.5]'''''ཡང་ང་ཡི་སྤྱོད་པ་ཡིན། །བསྒྲུབ་པའི་མན་ངག་ཕུལ་དུ་འབྱིན། །འདི་ཡང་ང་ཡི་སྤྱོད་པ་ཡིན། །བདག་དང་གཞན་དུ་སྣང་བ་རྣམས། །གཉིས་སུ་མེད་པར་གང་སྤྱོད་པ། །འདི་ཡང་ང་ཡི་སྤྱོད་པ་ཡིན། །ཕྱོགས་དང་རིས་'''''[266.6]'''''སུ་གང་སྣང་བ། །གཉིས་སུ་མེད་པར་གང་སྤྱོད་པ། །འདི་ཡང་ང་ཡི་སྤྱོད་པ་ཡིན། །ཕྱི་ནང་སྣོད་བཅུད་ཐམས་ཅད་ལ། །དམིགས་པ་མེད་པར་གང་སྤྱོད་པ། །འདི་ཡང་ང་ཡི་སྤྱོད་པ་ཡིན། །འཁོར་བའི་ལས་''[267]'''[267.1]'''''རྣམས་ཐམས་ཅད་ལ། །རྟོགས་དང་ལྡན་པས་གང་སྤྱོད་པ། །འདི་ཡང་ང་ཡི་སྦྱོད་པ་ཡིན། །གཟུགས་སུ་སྣང་བ་ཐམས་ཅད་ཀུན། །ང་ཡི་སྐུ་ཡི་བདག་ཉིད་ཡིན། །སྒྲ་རུ་གྲག་པ་ཐམས་ཅད་ཀུན། །ང་ཡི་'''''[267.2]'''''གསུང་གི་བདག་ཉིད་ཡིན། །སེམས་ཀྱི་དྲན་རྟོག་ཐམས་ཅད་ཀུན། །ང་ཡི་ཐུགས་ཀྱི་བདག་ཉིད་ཡིན། །ཐམས་ཅད་ང་ལས་བྱུང་བས་ན། །ང་ཡི་རང་བྱུང་ཡེ་ཤེས་ཡིན། །ཕྲིན་ལས་རྣམ་བཞི་ཅི་སྤྱད་ཀྱང་། །ང་ཡི་ཕྲིན་'''''[267.3]'''''ལས་བདག་ཉིད་ཡིན། །ཁྱབ་པར་གདལ་བས་སྤྱོད་པ་ནི། །འདི་ཡང་ང་ཡི་སྤྱོད་པ་ཡིན། །བཙལ་དུ་མེད་པ་གང་སྤྱོད་པ། །འདི་ཡང་ང་ཡི་སྤྱོད་པ་ཡིན། །ཡེ་ནས་ལྷུན་གྱིས་རྫོགས་པ་ནི། །འདི་ཡང་ང་ཡི་སྤྱོད་པ་'''''[267.4]'''''ཡིན། །སྤྱོད་པ་གཉིས་སུ་མེད་པར་སྤྱོད། །ཐམས་ཅད་སྙིང་པོ་བྱང་ཆུབ་སེམས་སུ་སྤྱོད། །སེམས་ཉིད་ཡེ་སངས་རྒྱས་པར་སྤྱོད། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། སྤྱོད་པ་བསྟན་པའི་'''''[267.5]'''''སྐབས་ཏེ་གསུམ་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་བསྒོམ་པ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་'''''[267.6]'''''སྩལ་པ། །ང་ཉིད་ཀུན་གཞི་བྱང་ཆུབ་སེམས། །དུས་གསུམ་བདག་ཏུ་མི་འགྱུར་བས། །འགྱུར་བ་མེད་པའི་སྐུ་རུ་བསྒོམ། །ང་ལརངབཞིནམེདཔསསུ། །བརྗོད་དུ་མེད་པའི་གསུང་དུ་བསྒོམ། །ང་ལ་དམིགས་པ་''[268]'''[268.1]'''''མེད་པས་སུ། །ཏིང་འཛིན་རྟོགས་པའི་ཐུགས་སུ་བསྒོམ། །ང་ལས་ཡོན་ཏན་ཀུན་འབྱུང་བས། །ལེགས་པ་ཀུན་འབྱུང་ཡོན་ཏན་བསྒོམ། །ང་ཉིད་རང་བཞིན་ལྷུན་གྲུབ་པས། །སྙོམས་པར་ལྷུན་གྱིས་གྲུབ་པར་'''''[268.2]'''''བསྒོམ། །ང་ལ་བླང་ཞིང་དོར་དུ་མེད། །དམ་ཚིག་ཡེ་བསྲུངས་ཆེན་པོར་བསྒོམ། །ང་ཉིད་དམིགས་པའི་ཡུལ་ལས་འདས། །མི་དམིགས་ཤེས་རབ་ཆེན་པོར་བསྒོམ། །ང་ཉིད་འཛིན་རྟོག་ལས་འདས་པས། །རྣམ་པ་ཅིར་'''''[268.3]'''''ཡང་མི་རྟོག་བསྒོམ། །ང་ཉིད་རང་ལས་རང་བྱུང་བས། །རང་བྱུང་ཡེ་ཤེས་ཆེན་པོར་བསྒོམ། །ང་ཉིད་རང་གིས་རང་རིག་པས། །རིག་པའི་ཡེ་ཤེས་ཆེན་པོར་བསྒོམ། །ང་ཉིད་གཉིས་སུ་མེད་པས་སུ། །ཐིག་ལེ་ཉག་'''''[268.4]'''''གཅིག་མ་རུ་བསྒོམ། །ཐམས་ཅད་ཀུན་ལ་ཁྱབ་གདལ་བས། །ཡོངས་ལ་ཁྱབ་པའི་ཆོས་སུ་བསྒོམ། །རང་གི་རང་བཞིན་རང་གིས་རིག །རང་རིག་བྱང་ཆུབ་སེམས་སུ་བསྒོམ། །མི་བརྗོད་མ་སྤངས་དོན་གྱི་'''''[268.5]'''''མཆོག །སྙིང་པོ་བྱང་ཆུབ་སེམས་སུ་བསྒོམ། །རང་རིག་སྤྲོས་བྲལ་བདེ་བའི་ཀློང་། །དམིགས་མེད་ཡེ་ཤེས་བདེ་བར་བསྒོམ། །ཡེ་ཤེས་ཐུགས་ཀྱི་ཡོན་ཏན་ནི། །བརྗོད་ཀྱིས་མི་ལངས་སྙིང་པོར་བསྒོམ། །དགོངས་པ་'''''[268.6]'''''ཡེ་ཤེས་རྒྱ་མཚོ་སྟེ། །བསམ་དུ་མེད་པའང་བསྒོམ་པའི་མཆོག །སྣང་སྲིད་ཐམས་ཅད་སེམས་སུ་བསྒོམ། །སེམས་ཉིད་ཡེ་སངས་རྒྱས་པར་བསྒོམ། །ཕྱི་ནང་སྣོད་བཅུད་ཐམས་ཅད་ཀུན། །ཆོས་ཉིད་བྱང་ཆུབ་སེམས་སུ་''[269]'''[269.1]'''''བསྒོམ། །སྣང་དང་སྲིད་པའི་ཆོས་རྣམས་ཀུན། །གཉིས་སུ་མེད་པར་བསྒོམ་པར་བྱ། །འཁོར་བ་མྱ་ངན་འདས་མེད་ན། །དེ་ཡང་ང་ཡི་སྒོམ་པ་ཡིན། །ཐབས་དང་ཤེས་རབ་གཉིས་མེད་ན། །དེ་ཡང་ང་ཡི་'''''[269.2]'''''སྒོམ་པ་ཡིན། །རྒྱུ་དང་འབྲས་བུ་གཉིས་མེད་ན། །དེ་ཡང་ང་ཡི་སྒོམ་པ་ཡིན། །བལྟ་བ་སྤྱོད་པ་གཉིས་མེད་ན། །དེ་ཡང་ང་ཡི་སྒོམ་པ་ཡིན། །སངས་རྒྱས་སེམས་ཅན་གཉིས་མེད་ན། །དེ་ཡང་ང་ཡི་བསྒོམ་པ་'''''[269.3]'''''ཡིན། །བདེ་བ་སྡུག་བསྔལ་གཉིས་མེད་ན། །དེ་ཡང་ང་ཡི་སྒོམ་པ་ཡིན། །ཡུལ་དང་དབང་པོ་གཉིས་མེད་ན། །དེ་ཡང་ང་ཡི་སྒོམ་པ་ཡིན། ་ས་རབ་ཏིང་འཛིན་གཉིས་མེད་ན། །དེ་ཡང་ང་ཡི་སྒོམ་པ་ཡིན། །ཐམས་'''''[269.4]'''''ཅད་སེམས་ཉིད་ཡིན་ཤེས་ན། །བསྒོམ་པ་མེད་པའི་སྒོམ་པ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། བསྒོམ་པའི་སྐབས་བསྟན་པ་སྟེ་བཞི་པའོ།། །།རྡོ་རྗེ་སེམས་དཔས་ཡང་'''''[269.5]'''''གསོལ་པ། བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་སྒྲུབ་པ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །སྒྲུབ་པའི་རྒྱལ་པོ་ང་ཡི་བཀའ། །ཚུལ་འཆང་གཞུང་'''''[269.6]'''''ལས་ཕྱེ་སྟེ་བཤད། །རྒྱུ་ཉིད་དག་པར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །འབྲས་བུ་དག་པར་གངབསྒྲུབ་པ། །འདི་ཡང་ང་ཡི་སྒྲུབ་པ་ཡིན། །བཅོས་མེད་སྙིང་པོར་གང་བསྒྲུབ་པ། །འདི་ཡང་ང་ཡི་སྒྲུབ་པ་''[270]'''[270.1]'''''ཡིན། །རྩོལ་བསྒྲུབ་མེད་པར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །མ་བཙལ་བཞག་པར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །མཉམ་པ་ཉིད་དུ་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །མ་'''''[270.2]'''''བཀག་ཀློང་དུ་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །ཐིག་ལེ་ཆེན་པོར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །ཀུན་ཏུ་བཟང་པོར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །སྙིང་པོ་བྱང་ཆུབ་'''''[270.3]'''''ཆོས་མེད་པ། །འདི་ཡང་ང་ཡི་སྒྲུབ་པ་ཡིན། །ཐམས་ཅད་ཡེ་ནས་ལྷུན་གྲུབ་པ། །འདི་ཡང་ང་ཡི་སྒྲུབ་པ་ཡིན། །བསྒྲུབ་པའི་རྒྱལ་པོར་ཡང་གསོལ་པ། །ཐམས་ཅད་བསྒྲུབས་པས་ཐམས་ཅད་འགྲུབ། །བསྒྲུབ་ཙམ་ཉིད་'''''[270.4]'''''ན་འགྲུབ་པ་ཡིན། །སྙིང་པོ་བྱང་ཆུབ་བཅོས་མེད་པས། །རྒྱུ་འབྲས་མེད་པའི་དངོས་གྲུབ་འདི། །བསྒྲུབ་ཏུ་མེད་པས་ང་ཉིད་གྲུབ། །སྣང་ཞིང་སྲིད་པའི་ཆོས་རྣམས་ཀུན། །ཐམས་ཅད་བྱང་ཆུབ་སེམས་སུ་'''''[270.5]'''''བསྒྲུབ། །སེམས་ཉིད་མ་ཡེངས་སྒྲུབ་པ་ཆེན་པོ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། སྒྲུབ་པ་བསྟན་པའི་སྐབས་ཏེ་ལྔ་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་'''''[270.6]'''''བདེ་ཆེན་ཀུན་བཟང་པོ། །ཉིད་ཀྱི་དམ་ཚིག་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །དངོས་པོ་མཚན་མ་ཐམས་ཅད་ལས། །འདའ་བ་མེད་པ་དམ་ཚིག་ཡིན། །''[271]'''[271.1]'''''རང་བྱུང་ཡེ་ཤེས་བཙལ་མེད་པ། །འདི་ཡང་ང་ཡི་དམ་ཚིག་ཡིན། །རྟག་ཆད་གཉིས་སུ་བལྟ་མེད་པ། །འདི་ཡང་ང་ཡི་དམ་ཚིག་ཡིན། །གཟུང་འཛིན་གཉིས་སུ་མེད་བལྟ་བ་། །འདི་ཡང་ང་ཡི་དམ་ཚིག་'''''[271.2]'''''ཡིན། །རྒྱུ་འབྲས་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །རྩོལ་བསྒྲུབ་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །འཕོ་འགྱུར་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །ཐོག་'''''[271.3]'''''མཐའ་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །མཐའ་དབུས་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །དངོས་པོ་མཚན་མར་མི་བལྟ་བ། །འདི་ཡང་ང་ཡི་དམ་ཚིག་ཡིན། །བཟང་ངན་'''''[271.4]'''''གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །གཙང་དང་སྨེ་བར་མི་བལྟ་བ། །འདི་ཡང་ང་ཡི་དམ་ཚིག་ཡིན། །ཆེ་ཆུང་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །སྐྱེ་ཤི་གཉིས་སུ་མི་བལྟ་'''''[271.5]'''''བ། །འདི་ཡང་ང་ཡི་དམ་ཚིག་ཡིན། །གཟུགས་དང་རྫས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །ཡངས་དོག་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །ཕྱི་ནང་གཉིས་སུ་མི་བལྟ་བ། །འདི་ཡང་'''''[271.6]'''''ང་ཡི་དམ་ཚིག་ཡིན། །མཐོ་དམན་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །སྣོད་བཅུད་གཉིས་སུ་མི་བལྟ་བ། །འདི་ཡང་ངཡིདམཚིགཡིན། །འཁོར་དང་མྱང་འདས་མི་བལྟ་བ། །འདི་ཡང་ང་ཡི་དམ་''[272]'''[272.1]'''''ཚིག་ཡིན། །བདེ་སྡུག་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །དམ་ཚིག་རྒྱལ་པོ་ལྷུན་གྱིས་གྲུབ། །སྙིང་པོ་གསང་ཆེན་འདའ་མེད་མཆོག །དོན་གྱི་སྐྱེས་བུས་གཞུང་སྤྲོས་ནས། །མི་ཡི་སེང་གེ་དག་ལ་'''''[272.2]'''''བསྟན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། དམ་ཚིག་བསྟན་པའི་སྐབས་ཏེ་དྲུག་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་དམ་'''''[272.3]'''''ཚིག་བསྲུང་བ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །མཁའ་དབྱིངས་བདེ་ཆེན་ཀློང་ཡངས་ནི། །བྱང་ཆུབ་སེམས་ཀྱི་དམ་ཚིག་སྟེ། །བསྲུང་དུ་མེད་པས་ཡེ་'''''[272.4]'''''བསྲུངས་ཡིན། །ཐབས་དང་ཤེས་རབ་གཉིས་མེད་པ། །འདི་ཡང་ང་ཡི་དམ་ཚིག་སྟེ། །བསྲུང་དུ་མེད་པས་ཡེ་བསྲུངས་ཡིན། །དབྱིངས་དང་ཡེ་ཤེས་གཉིས་མེད་པ། །འདི་ཡང་ང་ཡི་དམ་ཚིག་སྟེ། །བསྲུང་དུ་མེད་པས་'''''[272.5]'''''ཡེ་བསྲུངས་ཡིན། །རྒྱུ་དང་འབྲས་བུ་གཉིས་མེད་པ། །འདི་ཡང་ང་ཡི་དམ་ཚིག་སྟེ། །བསྲུང་དུ་མེད་པ་ཡེ་བསྲུངས་ཡིན། །གཟུགས་དང་མཚན་མ་གཉིས་མེད་པ། །འདི་ཡང་ང་ཡི་དམ་ཚིག་སྟེ། །བསྲུང་དུ་མེད་པས་'''''[272.6]'''''ཡེ་བསྲུངས་ཡིན། །ཐམས་ཅད་དག་ནས་ཐམས་ཅད་དུ། །དམ་ཚིག་དག་ལས་མ་འདས་པ། །མཉམ་པ་ཉིད་དུ་ཡེ་བསྲུངས་ཡིན། །འདི་ཡང་ང་ཡི་དམ་ཚིག་ཡིན། །དངོས་པོ་མཚན་མ་ཐམས་ཅད་ལས། །འདའ་བ་''[273]'''[273.1]'''''མེད་པར་གང་བསྲུང་བ། །འདི་ཡང་དམ་ཚིག་བསྲུང་བ་ཡིན། །ཀུན་དང་མཐུན་ལ་སྤངས་ངང།ང་ཡིན་ནམ།བྱེད་པ། །འདི་ཡང་དམ་ཚིག་བསྲུང་བ་ཡིན། ཁྲེས་པ་སྒོ་ཡངས་ཆོས་དང་མཐུན། །འདི་ཡང་'''''[273.2]'''''དམ་ཚིག་བསྲུང་བ་ཡིན། །བྱམས་སྡང་མེད་པར་གང་སྒྲོལ་བ། །འདི་ཡང་དམ་ཚིག་བསྲུང་བ་ཡིན། །ཆགས་སྡང་མེད་པར་གང་ཤེས་པ། །འདི་ཡང་དམ་ཚིག་བསྲུང་བ་ཡིན། །བཟང་ངན་མེད་པར་གང་སྦྱོར་བ། །འདི་'''''[273.3]'''''ཡང་དམ་ཚིག་བསྲུང་བ་ཡིན། །སྤང་ལེན་མེད་པར་གང་བསྒྲུབ་པ། །འདི་ཡང་དམ་ཚིག་བསྲུང་བ་ཡིན། །གཙང་སྨེ་མེད་པར་གང་བལྟ་བ། །འདི་ཡང་དམ་ཚིག་བསྲུང་བ་ཡིན། །ཐོགས་ཆགས་མེད་པར་གང་སྤྱོད་'''''[273.4]'''''པ། །འདི་ཡང་མ་ཚིག་བསྲུང་བ་ཡིན། །སྣོད་དང་ལྡན་པར་དོན་འབྱིན་པ། །འདི་ཡང་དམ་ཚིག་བསྲུང་བ་ཡིན། །ནོགས་དང་ལྡན་པས་གསང་ཐུབ་པ། །འདི་ཡང་དམ་ཚིག་བསྲུང་བ་ཡིན། །ཡིད་ལ་སེམས་པ་གང་'''''[273.5]'''''ཡིན་པ། །འདི་ཡང་དམ་ཚིག་བགྲུང་བ་ཡིན། །སྔགས་པ་བློ་ལྡན་དད་པ་ཅན། །ཟང་ཟིང་ནོར་ལ་ཆགས་མེད་པ། །འདི་ཡང་དམ་ཚིག་བསྲུང་བ་ཡིན། །གཡོ་སྒྱུ་ཡོངས་སྤངས་བདེ་བའི་ལམ། །འདི་ཡང་དམ་ཚིག་'''''[273.6]'''''བསྲུང་བ་ཡིན། །བསླབ་པའི་ལས་རྣམས་མཐར་ཕྱིན་པ། །འདི་ཡང་དམ་ཚིག་བསྲུང་བ་ཡིན། །རང་བཞིན་མེད་པས་མཉམ་པ་ཉིད། །ཡོངས་ལ་ཕྲག་ཡང་དོག་མེད་པ། །འདི་ཡང་དམ་ཚིག་བསྲུང་བ་ཡིན། །རྒྱུད་འདི་''[274]'''[274.1]'''''འཛིན་ཏམ་འཆང་བའམ། །ཡིད་ལ་སེམས་པ་གང་ཡིན་པ། །འདི་ཡང་དམ་ཚིག་བསྲུང་བ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། །དམ་ཚིག་བསྲུང་བའི་སྐབས་ཏེ་བདུན་'''''[274.2]'''''པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་དབང་རྣམས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་'''''[274.3]'''''པ། །གདོད་ནས་རྣམ་དག་ཆོས་ཀྱི་སྐུ། །རང་བྱུང་ཡེ་ཤེས་སྤྲོས་དང་བྲལ། །འདི་ཡང་ང་ཡི་དབང་མཆོག་ཡིན། །ཡོངས་ཁྱབ་ཐུགས་རྗེ་སྤྲུལ་པའི་སྐུ། །འགྲོ་བ་རྣམས་ཀྱི་དོན་ཆེན་མཛད། །འདི་ཡང་ང་ཡི་དབང་མཆོག་'''''[274.4]'''''ཡིན། །ཐབས་མཁས་རོལ་པས་ལོངས་སྤྱོད་རྫོགས། །ལོངས་སྐུ་སྣང་བ་ཐམས་ཅད་སྟོན། །འདི་ཡང་ང་ཡི་དབང་མཆོག་ཡིན། །སྐྱེ་ཤི་མེད་པར་རྡོ་རྗེའི་སྐུ། །ཅིས་ཀྱང་སྦྱོད་དུ་མེད་པ་སྟེ། །འདི་ཡང་ང་ཡི་དབང་མཆོག་'''''[274.5]'''''ཡིན། །རྟོགས་པས་མངོན་པར་བྱང་ཆུབ་སྐུ། །ངོ་བོ་ཉིད་ཀྱིས་རྣམ་པར་དག །འདི་ཡང་ང་ཡི་དབང་མཆོག་ཡིན། །གཉིས་མེད་བདེ་བ་ཆེན་པོའི་སྐུ། །ཀུན་བྲལ་ཉག་གཅིག་ཅི་མ་སྤངས། །འདི་ཡང་ང་ཡི་དབང་མཆོག་'''''[274.6]'''''ཡིན། །སྐུ་གསུམ་དབྱེར་མེད་རོལ་པ་ཡིན། །དོན་གྱིས་ཡེངས་པ་མེད་པར་མཛད། །འདི་ཡང་ང་ཡི་དབངམཆོགཡིན། །གང་ཞིག་བསྒྲལ་བ་བྱང་ཆུབ་སེམས། །གདོད་ནས་དག་པའི་སྙིང་པོ་མཆོག །འདི་ཡང་ང་ཡི་''[275]'''[275.1]'''''དབང་མཆོག་ཡིན། །བཀྲེས་དང་སྐོམ་དང་སྡུག་བསྔལ་ན། །ཆོས་ཉིད་དངོས་པོས་མི་བསྒྲིབ་པ། །འདི་ནི་ང་ཡི་དབང་མཆོག་ཡིན། །ན་དང་འཆི་བས་སྡུག་བསྔལ་ན། །དངོས་པོའི་མཚན་མ་ངང་'''''[275.2]'''''འཇོམས་པ། །འདི་ནི་ང་ཡི་དབང་མཆོག་ཡིན། །རྒས་དང་རྒུད་པས་སྡུག་བསྔལ་ན། །རྟག་ཆད་དོན་གྱི་མཐར་སྦྱོར་བ། །འདི་ནི་ང་ཡི་དབང་མཆོག་ཡིན། །དགྲ་དང་བརྡར་བས་སྡུག་བསྔལ་ན། །མཚན་མ་ཞེན་པ་ནང་'''''[275.3]'''''སྦྱོར་བས། །འདི་ཡང་ང་ཡི་དབང་མཆོག་ཡིན། །སྐྱེ་དང་འཆང་བས་སྡུག་བསྔལ་ན། །མི་རྟོག་དོན་གྱི་མཐའ་སྦྱོར་བས། །འདི་ཡང་ང་ཡི་དབང་མཆོག་ཡིན། །རྣམ་པར་མི་རྟོག་སྙིང་པོ་ནི། །སྨྲ་བསམ་བརྗོད་ལས་འདས་'''''[275.4]'''''པ་སྟེ། །འདི་ཡང་ང་ཡི་དབང་མཆོག་ཡིན། །ཡོད་ཅེས་སྒྲོས་སུ་གདགས་མེད་ལ། །མེད་ཅེསསྐུར་པ་གདབ་མེད་པ། །འདི་ཡང་ང་ཡི་དབང་མཆོག་ཡིན། །ཡི་དམ་སེམས་ཀྱིས་དྲན་མེད་ན། །རྣམ་པར་མི་རྟོག་ཏིང་ངེ་'''''[275.5]'''''འཛིན། །འདི་ཡང་ང་ཡི་དབང་མཆོག་ཡིན། །གདོད་ནས་རྣམ་དག་ལྷུན་གྱིས་གྲུབ། །རང་བྱུང་ཡེ་ཤེས་བཙལ་བ་མེད། །འདི་ཡང་ང་ཡི་དབང་མཆོག་ཡིན། །མཚན་མ་མེད་པ་མཚན་མའི་མཆོག །སྐྱེ་བ་མེད་'''''[275.6]'''''ལས་ཐམས་ཅད་སྐྱེས། །འདི་ཡང་ང་ཡི་དབང་མཆོག་ཡིན། །སྣང་བ་རང་བཞིན་མེད་པ་ལ། །ཕྱོགས་དང་རིས་སུ་འབྱེད་མེད་པ། །འདི་ཡང་ང་ཡི་དབང་མཆོག་ཡིན། །བྱུང་ཚོར་གང་ཡང་སྤང་མེད་པ། །ཡིད་ཀྱིས་ཅིར་''[276]'''[276.1]'''''ཡང་མི་བསམ་པ། །འདི་ཡང་ང་ཡི་དབང་མཆོག་ཡིན། །འཛིན་རྟོག་མེད་པའི་ཤེས་རབ་ཀྱིས། །རང་བཞིན་མེད་པར་གང་འཇིག་པ། །འདི་ཡང་ང་ཡི་དབང་མཆོག་ཡིན། །ཆོས་ཉིད་རིག་པའི་ཀློང་གདལ་དུ། །རང་'''''[276.2]'''''རིག་ཡེ་ཤེས་མ་བརྗེད་བསྒོམ། །འདི་ཡང་ང་ཡི་དབང་མཆོག་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། དབང་བསྟན་པའི་སྐབས་ཏེ་བརྒྱད་པའོ།། །།རྡོ་རྗེ་སེམས་དཔས་ཡང་'''''[276.3]'''''གསོལ་པ། བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་དབང་བསྐུར་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །རང་བཞིན་སྤྲོས་བྲལ་བདེ་'''''[276.4]'''''གཤེགས་ཐུགས། །འདི་ཡང་ང་ཡི་དབང་བསྐུར་ཡིན། །དངོས་མེད་མ་སྐྱེས་ཆོས་རྣམས་འབྱུང་། །འདི་ཡང་ང་ཡི་དབང་བསྐུར་ཡིན། །བརྗོད་མེད་ཡེ་སྐྱེས་ཡེ་ནས་སྟོང་། །འདི་ཡང་ང་ཡི་དབང་བསྐུར་ཡིན། །ཚིག་གིས་'''''[276.5]'''''མཚོནི་མེད་མཚན་མ་མེད། །འདི་ཡང་ང་ཡི་དབང་བསྐུར་ཡིན། །དམ་ཆོས་ཡོན་ཏན་བརྗོད་མི་སྤང་། །འདི་ཡང་ང་ཡི་དབང་བསྐུར་ཡིན། །མ་རིག་དོན་སྟོང་ཁ་ལོ་བསྒྱུར། །འདི་ཡང་ང་ཡི་དབང་བསྐུར་ཡིན། །ཀུན་'''''[276.6]'''''བྲལ་ཉག་གཅིག་ཅི་མ་སྤངས། །འདི་ཡང་ང་ཡི་དབང་བསྐུར་ཡིན། །སྣ་ཚོགས་སྣང་ཡང་འགྱུར་བ་མེད། །འདི་ཡང་ང་ཡི་དབང་བསྐུར་ཡིན། །ཅི་ཡང་མེད་པས་ཅི་ཡང་རིག །འདི་ཡང་ང་ཡི་དབང་བསྐུར་''[277]'''[277.1]'''''ཡིན། །བརྟགས་ན་མ་མཐོང་ཅིར་ཡང་སྣང་། །འདི་ཡང་ང་ཡི་དབང་བསྐུར་ཡིན། །བསྐལ་པར་འ་ས་ཀྱང་སྟོར་བྲལ་མེད། །འདི་ཡང་ང་ཡི་དབང་བསྐུར་ཡིན། །ཕྲ་རབ་རྡུལ་མེད་སྣང་སྲིད་'''''[277.2]'''''ཁྱབ། །འདི་ཡང་ང་ཡི་དབང་བསྐུར་ཡིན། །དངོས་གཞི་མེད་ལ་ཅིར་བཏགས་འཆར། །འདི་ཡང་ང་ཡི་དབང་བསྐུར་ཡིན། །མཐའ་ལས་བྱུང་ཞིང་ཟད་པ་མེད། །འདི་ཡང་ང་ཡི་དབང་བསྐུར་ཡིན། །མ་བཟུང་མ་'''''[277.3]'''''བརྟགས་གང་དགར་ཆགས། །འདི་ཡང་ང་ཡི་དབང་བསྐུར་ཡིན། །བསྐྱོད་པ་མེད་པས་ཐོགས་མེད་མྱུར། །འདི་ཡང་ང་ཡི་དབང་བསྐུར་ཡིན། །གང་ཡང་མ་སྤངས་མཐོང་བ་མེད། །འདི་ཡང་ང་ཡི་དབང་བསྐུར་'''''[277.4]'''''ཡིན། །འདེགས་པ་མེད་པར་མཁའ་ལ་འགྲོ །འདི་ཡང་ང་ཡི་དབང་བསྐུར་ཡིན། །ཡན་ལག་མེད་པར་ས་རྣམས་བགྲོད། །འདི་ཡང་ང་ཡི་དབང་བསྐུར་ཡིན། །ཁྱད་གདལ་འུབྲ་ཆུབ་གཅིག་མཐའ་ཡས། །འདི་ཡང་ང་'''''[277.5]'''''ཡི་དབང་བསྐུར་ཡིན། །མ་གཡོས་མ་བཅོས་སྣ་ཚོགས་སྣང་། །འདི་ཡང་ང་ཡི་དབང་བསྐུར་ཡིན། །ཐ་དད་སྤྲོས་ཀྱང་གཅིག་ལས་མེད། །འདི་ཡང་ང་ཡི་དབང་བསྐུར་ཡིན། །ཟད་མི་ཤེས་པས་གཏེར་ཆེན་ཏེ། །འདི'''''[277.6]'''''ཡང་ང་ཡི་དབང་བསྐུར་ཡིན། །སྣ་ཚོགས་སྣང་བས་སེམས་ཉིད་དེ། །འདི་ཡང་ང་ཡི་དབང་བསྐུར་ཡིན། །ཕྱི་ནང་མེད་པར་ཀུན་ཏུ་སྣང་། །འདི་ཡང་ང་ཡི་དབང་བསྐུར་ཡིན། །བཙལ་བ་མེད་པ་ཅིར་ཡང་འགྲུབ། །འདི་''[278]'''[278.1]'''''ཡང་ང་ཡི་དབང་བསྐུར་ཡིན། །མཚན་མ་མེད་པར་ཅིར་ཡང་སྣང་། །འདི་ཡང་ང་ཡི་དབང་བསྐུར་ཡིན། །གར་ཡང་མ་གཡོས་ཀུན་ཏུ་ཕྱིན། །འདི་ཡང་ང་ཡི་དབང་བསྐུར་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་'''''[278.2]'''''བསྡུས་པའི་རྒྱུད་ལས། དབང་བསྐུར་བའི་སྐབས་ཏེ་དགུ་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་པ། །ཉིད་ཀྱི་ཕྲིན་ལས་བཤད་དུ་གསོལ། །དེ་སྐད་གསོལ་པ་གསན་'''''[278.3]'''''ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ཕྱི་ནང་ཆོས་རྣམས་ཐམས་ཅད་པ། །འདི་ཡང་ང་ཡི་ཕྲིན་ལས་ཡིན། །བདག་དང་གཞན་དུ་བལྟ་བ་རྣམས། །གཉིས་སུ་མེད་པར་གང་སྤྱོད་པ། །འདི་ཡང་ང་ཡི་ཕྲིན་'''''[278.4]'''''ལས་ཡིན། །ཕྱོགས་དང་རིས་སུ་སྣང་བ་རྣམས། །གཉིས་སུ་མེད་པར་གང་སྤྱོད་པ། །འདི་ཡང་ང་ཡི་ཕྲིན་ལས་ཡིན། །གཉིས་སུ་མེད་པར་བདེ་བ་ཆེ། །བདེ་ཆེན་ཡོངས་ཁྱབ་ཆོས་ཀྱི་སྐུ། །འདི་ཡང་ང་ཡི་ཕྲིན་ལས་'''''[278.5]'''''ཡིན། །དངོས་པོ་མཚན་མ་ཐམས་ཅད་འཇོམས། །ཐབས་མཁས་ལོངས་སྤྱོད་རྫོགས་པའི་སྐུ། །འདི་ཡང་ང་ཡི་ཕྲིན་ལས་ཡིན། །སྐྱེ་བ་མེད་ལས་ཐམས་ཅད་སྐྱེས། །ཡོངས་ལ་ཁྱབ་པས་སྤྲུལ་པའི་སྐུ། །འདི་ཡང་ང་ཡི་'''''[278.6]'''''ཕྲིན་ལས་ཡིན། །མི་འགྱུར་མི་ཤིགས་སྙིངཔོའིམཆོག །སྐྱེཤིམེདཔས་རྡོ་རྗེའི་སྐུ། །འདི་ཡང་ང་ཡི་ཕྲིན་ལས་ཡིན། །དོན་དམ་རྟོགས་པའི་བདེ་བ་མཆོག །མངོན་པར་བྱང་ཆུབ་པ་ཡི་སྐུ། །འདི་ཡང་ང་ཡི་ཕྲིན་ལས་''[279]'''[279.1]'''''ཡིན། །སྐུ་ལྔ་དབྱེར་མེད་རོལ་པ་འདི། །དོན་གྱི་ཕྲིན་ལས་ཡེངས་པ་མེད་། །འདི་ཡང་ང་ཡི་ཕྲིན་ལས་ཡིན། །སྐུ་ཡི་ཕྲིན་ལས་སྐྱེ་བ་མེད། །གསུང་གི་ཕྲིན་ལས་བསྒྲག་ཏུ་མེད། །ཐུགས་ཀྱི་ཕྲིན་ལས་'''''[279.2]'''''དགོངས་སུ་མེད། །ཡོན་ཏན་ཕྲིན་ལས་བསྒྲུབ་ཏུ་མེད། །ཕྲིན་ལས་ཕྲིན་ལས་བཙལ་དུ་མེད། །འདི་ཡང་ང་ཡི་ཕྲིན་ལས་ཡིན། །གཉིས་མེད་དོན་རྟོགས་བདེ་བ་ཆེ། །འདི་ཡང་ང་ཡི་ཕྲིན་ལས་ཡིན། །དག་དང་མ་དག་'''''[279.3]'''''གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །སངས་རྒྱས་སེམས་ཅན་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །འཁོར་དང་མྱང་འདས་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །དབྱིངས་དང་ཡེ་'''''[279.4]'''''ཤེས་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །ཐབས་དང་ཤེས་རབ་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །རྒྱུ་དང་འབྲས་བུ་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །ལྟ་བ་སྤྱོད་པ་གཉིས་'''''[279.5]'''''མེད་ན། །འདི་ཡང་ང་ཡི་ཕྲིན་ལས་ཡིན། །བསྒོམ་དང་བསྒྲུབ་པ་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །ཡུལ་དང་དབང་པོ་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །གཉིས་མེད་དོན་རྟོགས་ཕྲིན་'''''[279.6]'''''ལས་ནི། །འདི་ཡང་ང་ཡི་ཕྲིན་ལས་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། ཕྲིན་ལས་ཀྱི་སྐབས་ཏེ་བཅུ་པའོ།། །རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་''[280]'''[280.1]'''''ཀུན་བཟང་པོ། །ཕྲིན་ལས་བཙལ་བ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །དང་པོར་གང་ཡིན་ང་ཡིན་པས། །ང་ནི་སངས་རྒྱས་ཀུན་གྱི་ཡབ། །དེ་ལས་ཕྲིན་'''''[280.2]'''''ལས་ཅི་ཞིག་བཙལ། །ང་ནི་ཐམས་ཅད་ཀུན་གྱི་རྗེ། །དེ་ལས་ཕྲིན་ལས་ཅི་ཞིག་བཙལ། །ཐ་མར་ཐབས་ཀྱིས་ང་འདུལ་བས། །ང་ནི་རྣལ་འབྱོར་ཀུན་གྱི་དཔོན། །དེ་ལས་ཕྲིན་ལས་ཅི་ཞིག་བཙལ། །ཁམས་གསུམ་'''''[280.3]'''''དག་ན་ང་དབང་ཆེ། །ང་ཡི་གོང་ན་སུ་ཡང་མེད། །དེ་ལ་ཕྲིན་ལས་ཅི་ཞིག་བཙལ། །དུས་གསུམ་མུན་པ་ལྟར་འཐིབས་ཀྱང་། །ང་ལ་བསྒྲིབ་པའི་དུས་མཐའ་མེད། །དེ་ལ་ཕྲིན་ལས་ཅི་ཞིག་བཙལ། །སྟོང་གསུམ་ཉི་'''''[280.4]'''''མས་ཁེངས་གྱུར་ཀྱང་། །ང་ལ་ཤར་ཞིང་གསལ་རྒྱུ་མེད། །དེ་ལ་ཕྲིན་ལས་ཅི་ཞིག་བཙལ། །མ་རིག་མུན་པ་ལྟར་འཐིབས་ཀྱང་། །ང་ལ་འཐིབས་ཤིང་གནག་རྒྱུ་མེད། །དེ་ལ་ཕྲིན་ལས་ཅི་ཞིག་བཙལ། །ཉོན་མོངས་'''''[280.5]'''''དུག་ཏུ་ལངས་གྱུར་ཀྱང་། །ང་ལ་སྤངས་ཤིང་དོར་དུ་མེད། །དེ་ལ་ཕྲིན་ལས་ཅི་ཞིག་བཙལ། །སྲིད་གསུམ་ཆར་ལྟར་བབས་ན་ཡང་། །ང་ལ་གཤེར་ཞིང་བངས་པ་མེད། །དེ་ལ་ཕྲིན་ལས་ཅི་ཞིག་བཙལ། །ཁམས་'''''[280.6]'''''གསུམ་ཆུ་ལྟར་འབྲུབ་ཀྱང་ནི། །ང་ལ་བངས་ཤིང་འཁྱེར་རྒྱུ་མེད། །དེ་ལ་ཕྲིན་ལས་ཅི་ཞིག་བཙལ། །སྟོང་གསུམ་རླུད་ལྟར་འཕྱོས་པས་ཀྱང་། །དེ་ཡིས་ང་ལ་བསྐྱོད་མི་ནུས། །དེ་ལ་ཕྲིན་ལས་ཅི་ཞིག་བཙལ། །སྐྱེ་ཤི་''[281]'''[281.1]'''''རིས་སུ་བཅད་པ་ཡང་། །ང་ལ་སྐྱེ་ཞིང་འཆི་བ་མེད། །དེ་ལ་ཕྲིན་ལས་ཅི་ཞིག་བཙལ། །དངོས་གྲུབ་རྣམ་གསུམ་བརྙེས་ན་ཡང་། །ང་ལ་བརྙེས་ཤིང་ཆགས་རྒྱུ་མེད། །དེ་ལ་ཕྲིན་ལས་ཅི་ཞིག་'''''[281.2]'''''བཙལ། །ཆོས་སྐུ་འགྱུར་མེད་གྲུབ་ན་ཡང་། །ང་ལ་འཁྲུལ་བའི་རྒྱུ་ཅི་ཡོད། །དེ་ལ་ཕྲིན་ལས་ཅི་ཞིག་བཙལ། །རང་བྱུང་ཉིད་དུ་ཡེ་གནས་པ། །གཞན་ལ་རག་ཅིང་ལུས་སུ་མེད། །དེ་ལ་ཕྲིན་ལས་ཅི་ཞིག་བཙལ། །སྙིང་'''''[281.3]'''''པོ་ཉིད་དུ་ལྷུན་གྲུབ་པས། །འབྲས་བུ་ཉིད་དུ་རྟེན་མི་འཆའ། །དེ་ལ་ཕྲིན་ལས་ཅི་ཞིག་བཙལ། །ཐབས་དང་ཤེས་རབ་དབྱེར་མེད་པས། །དེ་ལ་བཙལ་དུ་ཅི་ཞིག་ཡོད། །ལྟ་བ་སྤྱོད་པ་གཉིས་མེད་པས། །དེ་ལ་ཕྲིན་'''''[281.4]'''''ལས་ཅི་ཞིག་བཙལ། །བསྒོམ་དང་བསྒྲུབ་པ་གཉིས་མེད་པས། །དེ་ལ་ཕྲིན་ལས་ཅི་ཞིག་བཙལ། །སྣང་དང་སྟོང་པ་དབྱེར་མེད་པས། །དེ་ལ་ཕྲིན་ལས་ཅི་ཞིག་བཙལ། །ཐིག་ལེ་ཆེན་པོར་དབྱིངས་ན་གསལ། །དེ་ལ་'''''[281.5]'''''ཕྲིན་ལས་ཅི་ཞིག་བཙལ། །ང་ཡི་ཕྲིན་ལས་བཙལ་མེད་པས། །བཙལ་དུ་མེད་པའི་བཙལ་བ་ཡིན། །ཀུན་ཏུ་བཟང་པོ་ཆེ་རྩ་བ་བསྡུས་པའི་རྒྱུད་ལས། ཕྲིན་ལས་བཙལ་དུ་མེད་པའི་སྐབས་ཏེ་བཅུ་གཅིག་'''''[281.6]'''''པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་སྦྱོར་བ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ཐམས་''[282]'''[282.1]'''''ཅད་ཆོས་ཀྱི་ཆོས་ཉིད་ལ། །སེམས་ཀྱི་སེམས་ཉིད་གཉིས་མེད་སྦྱོར། །བདེ་གཤེགས་ཐུགས་ཀྱི་ཡེ་ཤེས་ལ། རང་བཞིན་རིག་པ་གཉིས་མེད་སྦྱོར། །འདི་ཡང་ང་ཡི་སྦྱོར་བ་ཡིན། །སྣང་སྲིད་ཐམས་ཅད་སེམས་ཡིན་'''''[282.2]'''''པས། །སེམས་ཉིད་ཡེ་སྦྱོར་ཆེན་པོ་སྟེ། །འདི་ཡང་ང་ཡི་སྦྱོར་བ་ཡིན། །དངོས་པོའི་ཆོས་རྣམས་ཐམས་ཅད་ཀུན། །སྐྱེ་བ་མེད་པར་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །རང་བཞིན་མེད་པར་གང་སྦྱོར་'''''[282.3]'''''བ། །འདི་ཡང་ང་ཡི་སྦྱོར་བ་ཡིན། །མཉམ་པ་ཉིད་ལ་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །ངེས་པའི་དོན་ལ་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །དམ་ཚིག་གཞུང་ལྟར་གང་སྤྱོད་པ། །འདི་ཡང་ང་ཡི་'''''[282.4]'''''སྦྱོར་བ་ཡིན། །ཡོངས་ལ་ཕྲག་ཡང་དོག་པ་མེད། །འདི་ཡང་ང་ཡི་སྦྱོར་བ་ཡིན། །བྱམས་སྡང་མེད་པར་གང་གྲོལ་བ། །འདི་ཡང་ང་ཡི་སྦྱོར་བ་ཡིན། །ཐོགས་ཆགས་མེད་པར་གང་སྦྱོར་བ། །འདི་ཡང་ང་ཡི་སྦྱོར་བ་'''''[282.5]'''''ཡིན། །བཟང་ངན་མེད་པར་གང་སྦྱོར་བ། །འདི་ཡང་ང་ཡིས་སྦྱོར་བ་ཡིན། །སྤང་ལེན་མེད་པར་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །ཆགས་སྡང་མེད་པར་གང་ཤེས་པ། །འདི་ཡང་ང་ཡི་སྦྱོར་བ་ཡིན། །གཙང་'''''[282.6]'''''སྨེ་མེད་པར་གང་སྤྱོད་པ། །འདི་ཡང་ང་ཡི་སྦྱོར་བ་ཡིན། །སངས་རྒྱས་སེམས་ཅན་གཉིས་མེད་པ། །འདི་ཡང་ང་ཡི་སྦྱོར་བ་ཡིན། །འཁོར་བ་མྱ་ངན་འདས་མེད་པ། །འདི་ཡང་ང་ཡི་སྦྱོར་བ་ཡིན། །ཕྱི་ནང་སྣོད་བ་་''[283]'''[283.1]'''''གཉིས་མེད་ན། །འདི་ཡང་ང་ཡི་སྦྱོར་བ་ཡིན། །ཡུལ་དང་དབང་པོ་གཉིས་མེད་ན། འདི་ཡང་ང་ཡི་སྦྱོར་བ་ཡིན། །ཐབས་དང་ཤེས་རབ་གཉིས་མེད་ན། །འདི་ཡང་ང་ཡི་སྦྱོར་བ་ཡིན། །དབྱིངས་དང་ཡེ་'''''[283.2]'''''ཤེས་གཉིས་མེད་ན། །འདི་ཡང་ང་ཡི་སྦྱོར་བ་ཡིན། ་།ས་རབ་ཏིང་འཛིན་གཉིས་མེད་ན། །འདི་ཡང་ང་ཡི་སྦྱོར་བ་ཡིན། །བདེ་བ་སྡུག་བསྔལ་གཉིས་མེད་ན། །འདི་ཡང་ང་ཡི་སྦྱོར་བ་ཡིན། །སྣང་སྲིད་ཐམས་ཅད་'''''[283.3]'''''སེམས་སུ་སྦྱོར། །སེམས་ཉིད་ཡེ་སངས་རྒྱས་པར་སྦྱོར། །འདི་ཡང་ང་ཡི་སྦྱོར་བ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། སྦྱོར་བ་བསྟན་པའི་སྐབས་ཏེ་བཅུ་གཉིས་པའོ།། །།རྡོ་'''''[283.4]'''''རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་བསྒྲལ་བ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། ཁམས་གསུམ་རང་གི་སེམས་'''''[283.5]'''''སུ་བསྒྲལ། །དེ་ཡང་ང་ཡི་བསྒྲལ་བ་ཡིན། །སྲིད་གསུམ་ཐམས་ཅད་སེམས་ཡིན་པས། །སེམས་ཉིད་ཡེ་སངས་རྒྱས་པ་ཡིན། །འདི་ཡང་ང་ཡི་བསྒྲལ་བ་ཡིན། ཁུསྐྲུད་དྲུག་ཕུང་པོར་སྣང་བ་ཡི། །རང་གི་སེམས་ཏེ་ཡེ་'''''[283.6]'''''སངས་རྒྱས། །འདི་ཡང་ང་ཡི་བསྒྲལ་བ་ཡིན། །དུག་ལྔ་ཡེ་ཤེས་ལྔ་རུ་བསྒྲལ། །འདི་ཡང་ང་ཡི་བསྒྲལ་བ་ཡིན། །དུག་གསུམ་སྐུ་གསུང་ཐུགས་སུ་བསྒྲལ། །འདི་ཡང་ང་ཡི་བསྒྲལ་བ་ཡིན། །སྡུག་བསྔལབདེབཆེནཔོ''[284]'''[284.1]'''''བསྒྲལ། །འདི་ཡང་ང་ཡི་བསྒྲལ་བ་ཡིན། །ཐམ་ཅད་སྙིང་པོ་བྱང་ཆུབ་སྟེ། །གཉིས་སུ་མེད་པར་བསྒྲལ་བར་བྱ། །ལྟ་བ་སྤྱོད་པ་གཉིས་མེད་པ། །འདི་ཡང་ང་ཡི་བསྒྲལ་་བ་ཡིན། །ཕྱི་ནང་སྣོད་བབ་ཐམས་ཅད་'''''[284.2]'''''ཀུན། །ཆོས་ཉིད་བྱང་ཆུབ་སེམས་སུ་བསྒྲལ། །སྲིད་གསུམ་ཐམས་ཅད་གདོད་ནས་་དག །སྙིང་པོ་བྱང་ཆུབ་སེམས་སུ་བསྒྲལ། །སངས་རྒྱས་སེམས་ཅན་གཉིས་མེད་པ། །འདི་ཡང་ང་ཡི་བསྒྲལ་བ་ཡིན། །བདག་'''''[284.3]'''''གཞན་གཉིས་པར་མི་འབྱེད་པ། །འདི་ཡང་ང་ཡི་བསྒྲལ་བ་ཡིན། །འཁོར་བ་མྱ་ངན་འདས་པར་བསྒྲལ། །འདི་ཡང་ང་ཡི་བསྒྲལ་བ་ཡིན། །སྡུག་བསྔལ་བདེ་བ་ཆེན་པོར་བསྒྲལ། །འདི་ཡང་ང་ཡི་བསྒྲལ་བ་'''''[284.4]'''''ཡིན། །ཐབས་དང་ཤེས་རབ་གཉིས་མེད་པ། །འདི་ཡང་ང་ཡི་བསྒྲལ་བ་ཡིན། །དབྱིངས་དང་ཡེ་ཤེས་གཉིས་མེད་པ། །འདི་ཡང་ང་ཡི་བསྒྲལ་བ་ཡིན། །ཕྱི་ནང་སྣོད་བཅུད་ཐམས་ཅད་ཀུན། །སྣང་སྲིད་ཐམས་ཅད་'''''[284.5]'''''སེམས་སུ་བསྒྲལ། །སེམས་ཉིད་ཡེ་སངས་རྒྱས་པར་བསྒྲལ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། བསྒྲལ་བ་བསྟན་པའི་སྐབས་ཏེ་བཅུ་གསུམ་པའོ།། །།རྡོ་རྗེ་སེམས་དཔས་ཡང་'''''[284.6]'''''གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱིས་གསོ་བ་བཤད་དུ་གསོལ། །དེ་སྐད་གསོལ་བ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ཕྱི་ནང་སྣོད་བཅུད་ཐམས་ཅད་ཀུན། །སྙིང་པོ་བྱང་''[285]'''[285.1]'''''ཆུབ་སེམས་ཀྱིས་གསོ། ཁམས་གསུམ་སེམས་ཅན་ཉོན་མོངས་པ། ། བདེ་ཆེན་བྱང་ཆུབ་སེམས་ཀྱིས་གསོ། །འཁོར་བའི་སྡུག་བསྔལ་ཐམས་ཅད་ཀུན། །བདེ་ཆེན་ཆོས་ཀྱི་དབྱིངས་སུ་གསོ། །འདུ་བའི་'''''[285.2]'''''ནད་ཀྱིས་ཟིན་པ་ལ། །བདུད་རྩི་ཆེན་པོའི་སྨན་གྱིས་གསོ། །ཉོན་མོངས་དྲ་བར་ཆུད་པ་ལ། །ཐུགས་རྗེའི་སྐྲུ་གྲིས་གཏུབས་ཏེ་གསོ། །སྙིང་རྗེའི་རྒྱུན་ཐག་ཆད་པ་ལ། །ཐུགས་རྗེའི་བྱིན་གྱིས་བརླབས་ཀྱིས་གསོ། །ཉོན་'''''[285.3]'''''མོངས་རྨུགས་དང་ལེ་ལོ་རྣམས། ཁྲེས་རབ་མི་བརྗེད་གཟུངས་ཀྱིས་གསོ། ཁྲེས་རབ་མེ་ལྕེ་ཆད་པ་ལ། །ཁྱད་པར་བརྟན་པ་རྟག་པས་གསོ། །སེམས་ཀྱི་དེ་ཉིད་མ་རྟོགས་པ། །སྙིང་པོ་བྱང་ཆུབ་སེམས་ཀྱིས་'''''[285.4]'''''གསོ། །ཤེས་རབ་མེ་སྟག་ཤི་བ་ལ། །ཏིང་འཛིན་མ་ཡེངས་རྩ་ཡིས་གསོ། །ཉོན་མོངས་རེ་མ་རྟོགས་པ་ལ། །ཤེས་རབ་ཏིང་འཛིན་བརྟན་པོས་གསོ། །དམ་ཚིག་རྒྱུན་ཐག་ཆད་པ་ལ། །མི་བརྗེད་གཟུངས་ཀྱི་ཐུགས་རྗེས་'''''[285.5]'''''གསོ། །ཐུགས་རྗེའི་རྒྱུན་ཐག་ཆད་པ་རྣམས། །རང་བྱུང་ཡེ་ཤེས་ཐུགས་རྗེས་གསོ། ཁམས་གསུམ་སེམས་ཅན་ཉོན་མོངས་པ། །ཐུགས་རྗེའི་བྱིན་གྱིས་བརླབས་ཀྱིས་གསོ། །མ་རིག་མུན་པ་འཐིབས་པ་ལ། །ཡེ་ཤེས་ཉི་'''''[285.6]'''''མའི་འོད་ཀྱིས་གསོ། །སེམས་ཀྱི་དེ་ཉིད་མ་རྟོགས་པ། །སྙིང་པོ་བྱང་ཆུབ་སེམས་སུ་གསོ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། གསོ་བ་བསྟན་པའི་སྐབས་ཏེ་བཅུ་བཞི་པའོ།། །།རྡོ་རྗེ་''[286]'''[286.1]'''''སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་གསད་པ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །དུག་ལྔ་ཡེ་ཤེས་ལྔ་རུ་'''''[286.2]'''''གསད། །དེ་ཡང་ང་ཡི་གསད་པ་ཡིན། །དུག་གསུམ་སྐུ་གསུང་ཐུགས་སུ་གསད། །དེ་ཡང་ང་ཡི་གསད་པ་ཡིན། །སེམས་ཅན་སྡུག་བསྔལ་སྣ་ཚོགས་པ། །བདེ་ཆེན་བྱང་ཆུབ་སེམས་སུ་གསད། །ཉོན་མོངས་སེམས་ཅན་'''''[286.3]'''''འཁོར་བ་དག །མྱ་ངན་འདས་པའི་དབྱིངས་སུ་གསད། །གཟུང་འཛིན་རླུད་ཚུབ་འཅོས་པ་ཡང་། །མི་འགྱུར་རི་བོའི་ཐབས་ཀྱིས་གསད། །རྣམ་རྟོག་གྲུ་ཆར་འབབ་པ་ཡང་། ཁྲེས་རབ་ཉི་མའི་ཐབས་ཀྱིས་'''''[286.4]'''''གསད། །རྣམ་རྟོག་རྨོངས་པའི་གཏི་མུག་རྣམས། །རྟོགས་པའི་ཤེས་རབ་སྒྲོན་མས་གསད། །ཕྱི་ནང་སྣོད་བཅུད་ཐམས་ཅད་ཀུན། །ཆོས་ཉིད་བྱང་ཆུབ་སེམས་སུ་གསད། །ཐུགས་རྗེ་ཆེན་པོའི་བྱིན་རླབས་'''''[286.5]'''''ཀྱིས། །ཁམས་གསུམ་སེམས་ཅན་ཉོན་མོངས་གསད །ཡེ་ཤེས་ཉི་མའི་འོད་གསལ་བས། །གཏི་མུག་མུན་པར་འཐིབས་པ་གསད། །ཤེས་རབ་མེ་ལྕེ་འབར་བ་ཡིས། །གཟུང་འཛིན་རླུང་ཚུབ་འཚུབས་པ་གསད། །རྣལ་'''''[286.6]'''''འབྱོར་རྟོགས་པའི་ཁྱད་པར་གྱི། །མ་རྟོགས་རྨོངས་པའི་གཏི་མུག་གསད། །རྟོགས་པ་མངོན་དུ་གྱུར་པས་ན། །སེམས་ཅན་སེམས་སུ་གསད་པ་ཡིན། །སྣང་སྲིད་ཆོས་རྣམས་སེམས་སུ་གསད། །གསད་དུ་མེད་དེ་ཡེ་''[287]'''[287.1]'''''བསད་ཡིན། །གདོད་ནས་དག་པས་བསད་པ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། གསད་པ་བསྟན་པའི་སྐབས་ཏེ་བཅོ་ལྔ་པའོ།། །།རྡོ་རྗེ་སེམས་དཔས་ཡང་'''''[287.2]'''''གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་དབབ་པ་བཤད་དུ་གསོ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩ་ཐ་པ། །འཁོར་བའི་རོང་སྐམས་ལུང་པ་ལ། །བྱང་ཆུབ་སེམས་'''''[287.3]'''''ཀྱི་ཆུ་བོ་དབབ། །ང་དང་བདག་ཏུ་བལྟ་བ་ལ། །གཉིས་སུ་མེད་པའི་ཆུ་བོ་དབབ། །ཞེ་སྡང་མེ་ཆེན་འབར་བ་ལ། །བྱང་ཆུབ་སེམས་ཀྱི་ཆུ་བོ་དབབ། །རྣམ་རྟོག་མེ་ལྕེ་འབར་བ་ལ། །ཡེ་ཤེས་ཆེན་པོའི་ཆུ་བོ་'''''[287.4]'''''དབབ། །དུག་ལྔའི་འབྲས་བུ་སྨིན་པ་ལ། །ཡེ་ཤེས་ལྔ་ཡི་སེར་བ་དབབ། །གཟུང་འཛིན་རླུ་་ཚུབ་འ་ས་པ་ལ། །ཏིང་འཛིན་བརྟན་པོའི་ཐབས་ཀྱིས་མནན། །དུག་གསུམ་ལོ་མ་རྒྱས་པ་ལ། །སྐུ་གསུང་ཐུགས་ཀྱི་'''''[287.5]'''''ཟོར་གྱིས་དབབ། །དེ་ཡང་ང་ཡི་དབབ་པའོ། །ཡུམ་གྱི་པདྨའི་བྷ་ག་སྲ །བྱང་ཆུབ་སེམས་ཀྱི་ཆུ་བོ་དབབ། །མཁའ་དབྱིངས་བདེ་ཆེན་ཀློང་ཡངས་སུ། ཁྲེས་རབ་ཏིང་འཛིན་ཆུ་བོ་དབབ། །ཆོས་ཀྱི་དབྱིངས་ཉིད་'''''[287.6]'''''གདལ་བ་སྲ །རིག་པའི་ཡེ་ཤེས་ཆུ་བོ་དབབ། །འཁོར་བ་ངན་སོང་གནས་ཆེན་དུ། །ཆོས་དབྱིངས་བདེ་ཆེན་ཆུ་བོ་དབབ། །ཐུགས་རྗེའི་རྒྱུན་ཐག་བཅད་པ་ལ། །རང་བྱུང་ཡེ་ཤེས་ཆུ་བོ་དབབ། །གཟུང་དང་འཛིན་པར་''[288]'''[288.1]'''''ལྟ་བ་ལ། །གཉིས་མེད་བདེ་བའི་ཆུ་བོ་དབབ། །མ་རྟོགས་རྨོངས་པའི་གཏི་མུག་ལ། ཁྲེས་རབ་ཏིང་འཛིན་ཆུ་བོ་དབབ། །བྷ་ག་ཀློང་ཡངས་བདེ་ཆེན་དུ། །སྙིང་པོ་བྱང་སེམས་ཆུ་བོ་དབབ། །མ་རིག་ཉོན་མོངས་'''''[288.2]'''''འཁྲུལ་པ་ལ། །ཡེ་ཤེས་འགྱུར་མེད་ཉི་མ་དབབ། །ཡིད་གཉིས་ཐེ་ཚོམ་ཟ་བ་ལ། །སྙིང་པོ་འགྱུར་མེད་ཐོག་ཆེན་དབབ། །རྣམ་རྟོག་བདག་ཏུ་བལྟ་བ་ལ། །སྙིང་པོ་བྱང་ཆུབ་ཆུ་བོ་དབབ། །དེ་ལྟར་དབབ་པར་བསྟན་པ་'''''[288.3]'''''ནི། །བྱང་ཆུབ་སེམས་ཀྱི་དབབ་ལུགས་ཏེ། །དབབ་ཏུ་མེད་པས་དབབ་པ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། དབབ་པ་བསྟན་པའི་སྐབས་ཏེ་བཅུ་དྲུག་པའོ།། །།རྡོ་རྗེ་སེམས་'''''[288.4]'''''དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱིས་གཅད་པ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ཆོས་དབྱིངས་བདེ་ཆེན་ཀློང་ཡངས་'''''[288.5]'''''སུ། །ཉོན་མོངས་འཁོར་བའི་རྒྱུན་ཐག་གཅད། །ཡིད་གཉིས་ཐེ་ཚོམ་ཟ་བ་ལ། །ཡིད་ཆེས་དད་པས་རྒྱུན་ཐག་གཅད། །སྣང་སྲིད་ཐམས་ཅད་སེམས་ཡིན་ཏེ། །སེམས་ཉིད་ཡིན་པར་རྒྱུན་ཐག་གཅད། །འཁོར་བ་ཐམས་'''''[288.6]'''''ཅད་བག་ཆགས་ཏེ། །མྱ་ངན་འདས་པར་རྒྱུན་ཐག་གཅད། །སྡུག་བསྔལ་ཐམས་ཅད་སེམས་ཡིན་ཏེ། །བདེབ ཆེན་པོར་རྒྱུན་ཐག་གཅད། །ཕྱི་ནང་སྣོད་བཅུད་ཐམས་ཅད་ཀུན། །རང་གི་སེམས་ལས་བྱུང་བས་''[289]'''[289.1]'''''ན། །སེམས་ཉིད་ཡིན་པར་རྒྱུན་ཐག་གཅད། །ང་དང་བདག་ཏུ་ལྟ་བ་ལ། །གཉིས་མེད་རལ་གྲི་རྣོན་པོ་ཡིས། །བྱང་ཆུབ་སེམས་སུ་རྒྱུན་ཐག་གཅད། །དུག་གསུམ་དྲ་བར་བཅུག་པ་ལ། །ཤེས་རབ་སྐྲུ་གྲི་'''''[289.2]'''''ཏ་མ་ལས། །སྐུ་གསུང་ཐུགས་སུ་རྒྱུན་ཐག་གཅད། །ཐེ་ཚོམ་ཡིད་གཉིས་ཟ་བ་ལ། །ཤེས་རབ་ཏིང་འཛིན་བརྟན་པོ་ཡིས། །ཡིད་ཆེས་དད་པས་རྒྱུན་ཐག་གཅད། །ཆགས་སྡང་ལྕགས་སུ་བཅུག་པ་ལ། །ཐབས་དང་'''''[289.3]'''''ཤེས་རབ་ལྡེ་མིག་གིས། །ཆགས་སྡང་བཀྲོལ་ཏེ་རྒྱུན་ཐག་གཅད། །སྣང་སྲིད་འདི་ལྟར་སྣང་བ་རྣམས། །སེམས་ཀྱི་ཆོ་འཕྲུལ་ཡིན་པས་ན། །དམིགས་པ་མེད་པར་རྒྱུན་ཐག་གཅད། །མཚན་མར་སྣང་བར་རྟོག་པ་'''''[289.4]'''''རྣམས། །རྟོགས་པ་ལྡན་པའི་བལྟ་བ་ཡིན། །སེམས་ཉིད་ཡིན་པར་རྒྱུན་ཐག་གཅད། །ཞེན་ཆགས་འཁོར་བར་བཅིངས་པ་ལ། །མཚན་ཉིད་སྤུ་གྲི་རྣོན་པོ་ཡིས། །གཉིས་སུ་མེད་པར་རྒྱུན་ཐག་གཅད། །ཉོན་མོངས་'''''[289.5]'''''འདམ་དུ་ཆུད་པ་ལ། །རང་བྱུང་ཏིང་འཛིན་ཆེན་པོ་ཡིས། །དངོས་པོ་མེད་པར་རྒྱུན་ཐག་གཅད། །འཁོར་བའི་སེམས་ཅན་ཐམས་ཅད་ཀུན། །མ་བཅོས་བཅོས་པ་མེད་པ་ཡིས། །མྱ་ངན་འདས་པར་རྒྱུན་ཐག་'''''[289.6]'''''གཅད། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། བཅད་པ་བསྟན་པའི་སྐབས་ཏེ་བཅུ་བདུན་པའོ།། །།རྡོ་རྗེ་སེམས་དཔས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །འཁོར་བ་ཉིད་''[290]'''[290.1]'''''ནི་མྱ་ངན་འདས། །སྡུག་བསྔལ་ཉིད་ཀྱང་བདེ་བ་སྟེ། །མ་བསླབས་ཡོན་ཏན་ཁྱད་པར་ཆེ། །མ་བཙལ་མཐུ་ལ་དཔག་ཏུ་མེད། །མ་བསྒྲུབས་དངོས་གྲུབ་བརྗོད་མི་ལངས། །མ་གསུངས་ཆོས་ནི་བསམ་མི་ཁྱབ། །སངས་'''''[290.2]'''''རྒྱས་ཡོན་ཏན་བརྗོད་མི་ལངས། །རྒྱུད་འདི་གསུང་ཐོས་སྟོང་པ་ཉིད། །སྟོང་པ་ཉིད་ཀྱང་རྒྱུད་འདིའོ། ཁུད་འདི་སུས་འཛིན་ཀུན་བཟང་པོ། །ཀུན་བཟང་ཉིད་ཀྱང་རྒྱུད་འདིའོ། །ཡིད་ལ་དྲན་པ་སངས་'''''[290.3]'''''རྒྱས་ཐུགས། །སངས་རྒྱས་ཐུགས་ཀྱང་རྒྱུད་འདིའོ། །ཀུན་ཏུ་བཟང་པོས་བཀའ་སྩལ་པ། །རྡོ་རྗེ་སེམས་དཔའ་ཁྱོད་ལེགས་སོ། །ཀུན་ཏུ་བཟང་པོའི་རྒྱུད་ཚིག་འཛིན་པར་གང་བྱེད་པ། །སངས་རྒྱས་ཐུགས་ཀྱིས་རྗེས་'''''[290.4]'''''འཛིན་ཡིན། །རྒྱུད་འདི་འཛིན་པའི་ཤེས་རབ་ཅན། །ཐམས་ཅད་ཀྱི་ནི་བདག་ཉིད་ཡིན། །གཉེན་པོས་མ་བབ་ཐུགས་ཀྱིས་རྟོགས། །མན་ངག་འདི་ཉིད་ང་ཡིན་ཞེས། །ཀུན་ཏུ་བཟང་པོས་རབ་བཤད་དོ། །གང་ཞིག་'''''[290.5]'''''གང་གིས་རྟོགས་འདོད་པས། །མན་ངག་འདི་ལ་བལྟ་བར་གྱིས། །དེ་སྐད་གང་ཡང་མ་གསུངས་པར། །ཀུན་ཏུ་བཟང་པོས་བཀའ་སྩལ་པ། །གཅིག་ཏུ་ཐོབ་པ་མེད་པའི་ཆོས་སྐུ་ཐོབ། བསྒྲུབ་པ་མེད་པའི་འབྲས་བུ་'''''[290.6]'''''གྲུབ། །རང་བཞིན་བཙལ་བ་མེད་པར་སངས་རྒྱས་སོ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་རྫོགས་སོ།། །།དགའ་རབ་རྡོ་རྗེ་ལ་ཞུས་པའོ། །མན་ངག་རྩ་བ་བསྡུས་པའི་རྒྱུད། །ཆོས་ཉིད་མི་''[291]'''[291.1]'''''འགྱུར་རྒྱས་བཏབ་བཞག །བན་ཆུང་འཁྱམས་པོ་བདག་གིས་དྲངས། །བོད་ནས་རྒྱ་གར་ཡུལ་གྱི་བར། །དཀའ་བ་བཅོ་བརྒྱད་སྤྱད་པ་ལས། །དེའུ་ཤི་ལྔ་བཅུ་རྩ་བཞི་བྱུང་། །མན་ངག་རྒྱལ་པོའི་ཕྱག་ཏུ་'''''[291.2]'''''གདམས། །རྒྱ་གར་གྱི་མཁས་པ་ཤི་སིདྷ་དང་། །བོད་ཀྱི་བསྡེ་བི་རོ་ཙ་ནས་བསྒྱུར་བའོ།། །། རྒྱ་གར་སྐད་དུ། བོ་དྷི་ཙིརྟི་ས་མརྙ་བྷ་དྲ་བིཕྲི་པ་རྭ་ཀྲ་མོ་ད་ཡ་ཏནྟྲ་ནཱ་མ། བོད་སྐད་དུ།
རྒྱ་གར་སྐད་དུ། །ས་མརྙ་བྷ་དྲ་མ་ཧྭ་ག་ག་ན་མྱུ་ལ་ས༷་གྲ་ཧ་ཏནྟྲ། བོད་སྐད་དུ། ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ འདི་སྐད་བཤད་པའི་དུས་གཅིག་ན། བཅོམ་ལྡན་འདས་ཀུན་ཏུ་བཟང་པོས། དམིགས་སུ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས། ཀུན་ཏུ་བཟང་པོ་རྩ་བ་བསྡུས་པའི་སངས་རྒྱས་མ་ལུས་པ་མི་ལུས་ལུས་པ་མེད་པའི་སྐུ་གསུང་ཐུགས་རྡོ་རྗེའི་བདག་ཉིད། སྙིང་པོ་ལས་ཀྱང་སྙིང་པོའི་མཆོག་ཏུ་གྱུར་པ་འདི་དག་བཀའ་སྩལ་ཏོ། །དོན་རྟོགས་ལྡན་པའི་སྐྱེས་བུ་དག །ཀུན་ཏུ་བཟང་པོ་ནམ་མཁའ་ཆེ། །རྩ་བ་བསྡུས་པ་རྟོགས་འདོད་ན། །ངེས་པར་རྒྱུད་འདི་མཉན་པར་གྱིས། །དེ་སྐད་ཅེས་གསུངས་གསན་ནས་ཀྱང་། །རྡོ་རྗེ་སེམས་དཔས་ཡང་ཞུས་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་བལྟ་བ་ཇི་ལྟར་ལགས། །སྤྱོད་པ་སྤྱད་པ་ཇི་ལྟར་སྤྱད། །ཉིད་ཀྱི་བསྒོམ་པ་ཇི་ལྟར་བསྒོམ། །བསྒྲུབ་པར་བྱ་ན་ཇི་ལྟར་བསྒྲུབ། །ཉིད་ཀྱི་དམ་ཚིག་གང་དང་གང་། །བགྲུང་བར་བྱ་བ་ཇི་ལྟར་བསྲུང་། །ཉིད་ཀྱི་དབང་རྣམས་གང་དང་གང་། །བསྐུར་བར་བྱ་ན་ཇི་ལྟར་བསྐུར། །ཉིད་ཀྱི་ཕྲིན་ལས་གང་དང་གང་། །རྩོལ་བར་བྱ་ན་ཇི་ལྟར་བྱ། །ཉིད་ཀྱི་སྦྱོར་བ་ཇི་ལྟར་སྦྱོར། །བསྒྲལ་བར་བྱ་ན་ཇི་ལྟར་བྱ། །ཉིད་ཀྱི་གསོ་བ་གང་དང་གང་། །གསད་པར་བྱ་ན་ཇི་ལྟར་བྱ། །ཉིད་ཀྱི་དབབ་པ་ཇི་ལྟར་ལགས། །གཅད་པར་བྱ་ན་ཇི་ལྟར་བྱ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། རྩ་བ་མདོར་བསྟན་པའི་སྐབས་ཏེ་དང་པོའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོས། །ཉིད་ཀྱི་ལྟ་བ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །འཛིན་རྟོག་མེད་པར་གང་བལྟ་བ། །འདི་ཡང་ང་ཡི་ལྟ་བ་ཡིན། །སྐྱེ་ཤི་མེད་པར་གང་བལྟ་བ། །འདི་ཡང་ང་ཡི་ལྟ་བ་ཡིན། །འཕོ་འགྱུར་མེད་པར་གང་ལྟ་བ། །འདི་ཡང་ང་ཡི་ལྟ་བ་ཡིན། །བྱ་བཙལ་མེད་པར་གང་བལྟ་བ། །འདི་ཡང་ང་ཡི་ལྟ་བ་ཡིན། །ཡངས་དོག་མེད་པར་གང་བལྟ་བ། །འདི་ཡང་ང་ཡི་ལྟ་བ་ཡིན། །རྒྱུ་འབྲས་མེད་པར་གང་བལྟ་བ། །འདི་ཡང་ང་ཡི་བལྟ་བ་ཡིན། །ཕྱོགས་སུ་གདལ་བས་འགྱུར་བ་མེད། །འདི་ཡང་ང་ཡི་ལྟ་བ་ཡིན། །སྣང་སྲིད་འདི་ལྟར་སྣང་བའི་ཆོས། །ཕྱི་ནང་སྣོད་བཅུད་ཐམས་ཅད་ཀུན། །སྙིང་པོ་འདི་ལས་གཞན་མ་ཡིན། །དབྱིངས་དང་ཡེ་ཤེས་དོན་རྟོགས་ན། །དེ་ཡང་ང་ཡི་དོན་རྟོགས་ཡིན། །དེ་ལྟར་རྟོགས་པའི་རྣལ་འབྱོར་ནི། །རྟོགས་པ་མངོན་དུ་གྱུར་པ་ཡིན། །ང་ཉིད་སྙིང་པོ་བྱང་ཆུབ་སེམས། །སྙིང་པོ་འདི་ཡང་གཞན་མ་ཡིན། །སྙིང་པོ་བྱང་ཆུབ་ཡེ་སངས་རྒྱས། །ཐམས་ཅད་དག་པས་སྐྱེ་བ་ཡིན། །རང་ལས་འབྱུང་བས་སྙིང་པོ་ཡིན། །ཡོངས་ལ་ཁྱབ་པས་སྙིང་པོ་ཡིན། །ཅིར་ཡང་བལྟ་བ་སྙིང་པོ་ཡིན། །གང་ཡང་ཤར་བས་སྙིང་པོ་ཡིན། །ཁྱབ་པར་གདལ་བས་སྙིང་པོ་ཡིན། །གཉིས་སུ་མེད་པས་སྙིང་པོ་ཡིན། །བཙལ་དུ་མེད་པས་སྙིང་པོ་ཡིན། །མི་འགྱུར་མི་ཤིགས་སྙིང་པོ་ཡིན། །གཅིག་ལས་མེད་པས་སྙིང་པོ་ཡིན། །ཐ་དད་སྣང་བས་སྙིང་པོ་ཡིན། །ང་ཉིད་སྙིང་པོ་བྱང་ཆུབ་སེམས། །བྱང་ཆུབ་སེམས་ནི་ཅིར་ཡང་སྣང་། །ཅིར་ཡང་སྣང་སྟེ་གང་དུ་ཡང་མེད། །དེ་ནི་ང་ཡི་ལྟ་བ་ཡིན། །བལྟ་རུ་མེད་པའི་ལྟ་བའོ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། ལྟ་བ་བསྡུས་པའི་སྐབས་ཏེ་གཉིས་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་སྤྱོད་པ་ཇི་ལྟར་སྤྱོད། །དེ་སྐད་གསོལ་བ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ཡེངས་པ་མེད་པར་གང་སྤྱོད་པ། །འདི་ཡང་ང་ཡི་སྤྱོད་པ་ཡིན། །ལྟ་བའི་མན་ངག་སྟེང་དུ་འཇོག །འདི་ཡང་ང་ཡི་སྤྱོད་པ་ཡིན། །བསྒྲུབ་པའི་མན་ངག་ཕུལ་དུ་འབྱིན། །འདི་ཡང་ང་ཡི་སྤྱོད་པ་ཡིན། །བདག་དང་གཞན་དུ་སྣང་བ་རྣམས། །གཉིས་སུ་མེད་པར་གང་སྤྱོད་པ། །འདི་ཡང་ང་ཡི་སྤྱོད་པ་ཡིན། །ཕྱོགས་དང་རིས་སུ་གང་སྣང་བ། །གཉིས་སུ་མེད་པར་གང་སྤྱོད་པ། །འདི་ཡང་ང་ཡི་སྤྱོད་པ་ཡིན། །ཕྱི་ནང་སྣོད་བཅུད་ཐམས་ཅད་ལ། །དམིགས་པ་མེད་པར་གང་སྤྱོད་པ། །འདི་ཡང་ང་ཡི་སྤྱོད་པ་ཡིན། །འཁོར་བའི་ལས་རྣམས་ཐམས་ཅད་ལ། །རྟོགས་དང་ལྡན་པས་གང་སྤྱོད་པ། །འདི་ཡང་ང་ཡི་སྦྱོད་པ་ཡིན། །གཟུགས་སུ་སྣང་བ་ཐམས་ཅད་ཀུན། །ང་ཡི་སྐུ་ཡི་བདག་ཉིད་ཡིན། །སྒྲ་རུ་གྲག་པ་ཐམས་ཅད་ཀུན། །ང་ཡི་གསུང་གི་བདག་ཉིད་ཡིན། །སེམས་ཀྱི་དྲན་རྟོག་ཐམས་ཅད་ཀུན། །ང་ཡི་ཐུགས་ཀྱི་བདག་ཉིད་ཡིན། །ཐམས་ཅད་ང་ལས་བྱུང་བས་ན། །ང་ཡི་རང་བྱུང་ཡེ་ཤེས་ཡིན། །ཕྲིན་ལས་རྣམ་བཞི་ཅི་སྤྱད་ཀྱང་། །ང་ཡི་ཕྲིན་ལས་བདག་ཉིད་ཡིན། །ཁྱབ་པར་གདལ་བས་སྤྱོད་པ་ནི། །འདི་ཡང་ང་ཡི་སྤྱོད་པ་ཡིན། །བཙལ་དུ་མེད་པ་གང་སྤྱོད་པ། །འདི་ཡང་ང་ཡི་སྤྱོད་པ་ཡིན། །ཡེ་ནས་ལྷུན་གྱིས་རྫོགས་པ་ནི། །འདི་ཡང་ང་ཡི་སྤྱོད་པ་ཡིན། །སྤྱོད་པ་གཉིས་སུ་མེད་པར་སྤྱོད། །ཐམས་ཅད་སྙིང་པོ་བྱང་ཆུབ་སེམས་སུ་སྤྱོད། །སེམས་ཉིད་ཡེ་སངས་རྒྱས་པར་སྤྱོད། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། སྤྱོད་པ་བསྟན་པའི་སྐབས་ཏེ་གསུམ་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་བསྒོམ་པ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ང་ཉིད་ཀུན་གཞི་བྱང་ཆུབ་སེམས། །དུས་གསུམ་བདག་ཏུ་མི་འགྱུར་བས། །འགྱུར་བ་མེད་པའི་སྐུ་རུ་བསྒོམ། །ང་ལརངབཞིནམེདཔསསུ། །བརྗོད་དུ་མེད་པའི་གསུང་དུ་བསྒོམ། །ང་ལ་དམིགས་པ་མེད་པས་སུ། །ཏིང་འཛིན་རྟོགས་པའི་ཐུགས་སུ་བསྒོམ། །ང་ལས་ཡོན་ཏན་ཀུན་འབྱུང་བས། །ལེགས་པ་ཀུན་འབྱུང་ཡོན་ཏན་བསྒོམ། །ང་ཉིད་རང་བཞིན་ལྷུན་གྲུབ་པས། །སྙོམས་པར་ལྷུན་གྱིས་གྲུབ་པར་བསྒོམ། །ང་ལ་བླང་ཞིང་དོར་དུ་མེད། །དམ་ཚིག་ཡེ་བསྲུངས་ཆེན་པོར་བསྒོམ། །ང་ཉིད་དམིགས་པའི་ཡུལ་ལས་འདས། །མི་དམིགས་ཤེས་རབ་ཆེན་པོར་བསྒོམ། །ང་ཉིད་འཛིན་རྟོག་ལས་འདས་པས། །རྣམ་པ་ཅིར་ཡང་མི་རྟོག་བསྒོམ། །ང་ཉིད་རང་ལས་རང་བྱུང་བས། །རང་བྱུང་ཡེ་ཤེས་ཆེན་པོར་བསྒོམ། །ང་ཉིད་རང་གིས་རང་རིག་པས། །རིག་པའི་ཡེ་ཤེས་ཆེན་པོར་བསྒོམ། །ང་ཉིད་གཉིས་སུ་མེད་པས་སུ། །ཐིག་ལེ་ཉག་གཅིག་མ་རུ་བསྒོམ། །ཐམས་ཅད་ཀུན་ལ་ཁྱབ་གདལ་བས། །ཡོངས་ལ་ཁྱབ་པའི་ཆོས་སུ་བསྒོམ། །རང་གི་རང་བཞིན་རང་གིས་རིག །རང་རིག་བྱང་ཆུབ་སེམས་སུ་བསྒོམ། །མི་བརྗོད་མ་སྤངས་དོན་གྱི་མཆོག །སྙིང་པོ་བྱང་ཆུབ་སེམས་སུ་བསྒོམ། །རང་རིག་སྤྲོས་བྲལ་བདེ་བའི་ཀློང་། །དམིགས་མེད་ཡེ་ཤེས་བདེ་བར་བསྒོམ། །ཡེ་ཤེས་ཐུགས་ཀྱི་ཡོན་ཏན་ནི། །བརྗོད་ཀྱིས་མི་ལངས་སྙིང་པོར་བསྒོམ། །དགོངས་པ་ཡེ་ཤེས་རྒྱ་མཚོ་སྟེ། །བསམ་དུ་མེད་པའང་བསྒོམ་པའི་མཆོག །སྣང་སྲིད་ཐམས་ཅད་སེམས་སུ་བསྒོམ། །སེམས་ཉིད་ཡེ་སངས་རྒྱས་པར་བསྒོམ། །ཕྱི་ནང་སྣོད་བཅུད་ཐམས་ཅད་ཀུན། །ཆོས་ཉིད་བྱང་ཆུབ་སེམས་སུ་བསྒོམ། །སྣང་དང་སྲིད་པའི་ཆོས་རྣམས་ཀུན། །གཉིས་སུ་མེད་པར་བསྒོམ་པར་བྱ། །འཁོར་བ་མྱ་ངན་འདས་མེད་ན། །དེ་ཡང་ང་ཡི་སྒོམ་པ་ཡིན། །ཐབས་དང་ཤེས་རབ་གཉིས་མེད་ན། །དེ་ཡང་ང་ཡི་སྒོམ་པ་ཡིན། །རྒྱུ་དང་འབྲས་བུ་གཉིས་མེད་ན། །དེ་ཡང་ང་ཡི་སྒོམ་པ་ཡིན། །བལྟ་བ་སྤྱོད་པ་གཉིས་མེད་ན། །དེ་ཡང་ང་ཡི་སྒོམ་པ་ཡིན། །སངས་རྒྱས་སེམས་ཅན་གཉིས་མེད་ན། །དེ་ཡང་ང་ཡི་བསྒོམ་པ་ཡིན། །བདེ་བ་སྡུག་བསྔལ་གཉིས་མེད་ན། །དེ་ཡང་ང་ཡི་སྒོམ་པ་ཡིན། །ཡུལ་དང་དབང་པོ་གཉིས་མེད་ན། །དེ་ཡང་ང་ཡི་སྒོམ་པ་ཡིན། ་ས་རབ་ཏིང་འཛིན་གཉིས་མེད་ན། །དེ་ཡང་ང་ཡི་སྒོམ་པ་ཡིན། །ཐམས་ཅད་སེམས་ཉིད་ཡིན་ཤེས་ན། །བསྒོམ་པ་མེད་པའི་སྒོམ་པ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། བསྒོམ་པའི་སྐབས་བསྟན་པ་སྟེ་བཞི་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་སྒྲུབ་པ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །སྒྲུབ་པའི་རྒྱལ་པོ་ང་ཡི་བཀའ། །ཚུལ་འཆང་གཞུང་ལས་ཕྱེ་སྟེ་བཤད། །རྒྱུ་ཉིད་དག་པར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །འབྲས་བུ་དག་པར་གངབསྒྲུབ་པ། །འདི་ཡང་ང་ཡི་སྒྲུབ་པ་ཡིན། །བཅོས་མེད་སྙིང་པོར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །རྩོལ་བསྒྲུབ་མེད་པར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །མ་བཙལ་བཞག་པར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །མཉམ་པ་ཉིད་དུ་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །མ་བཀག་ཀློང་དུ་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །ཐིག་ལེ་ཆེན་པོར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །ཀུན་ཏུ་བཟང་པོར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །སྙིང་པོ་བྱང་ཆུབ་ཆོས་མེད་པ། །འདི་ཡང་ང་ཡི་སྒྲུབ་པ་ཡིན། །ཐམས་ཅད་ཡེ་ནས་ལྷུན་གྲུབ་པ། །འདི་ཡང་ང་ཡི་སྒྲུབ་པ་ཡིན། །བསྒྲུབ་པའི་རྒྱལ་པོར་ཡང་གསོལ་པ། །ཐམས་ཅད་བསྒྲུབས་པས་ཐམས་ཅད་འགྲུབ། །བསྒྲུབ་ཙམ་ཉིད་ན་འགྲུབ་པ་ཡིན། །སྙིང་པོ་བྱང་ཆུབ་བཅོས་མེད་པས། །རྒྱུ་འབྲས་མེད་པའི་དངོས་གྲུབ་འདི། །བསྒྲུབ་ཏུ་མེད་པས་ང་ཉིད་གྲུབ། །སྣང་ཞིང་སྲིད་པའི་ཆོས་རྣམས་ཀུན། །ཐམས་ཅད་བྱང་ཆུབ་སེམས་སུ་བསྒྲུབ། །སེམས་ཉིད་མ་ཡེངས་སྒྲུབ་པ་ཆེན་པོ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། སྒྲུབ་པ་བསྟན་པའི་སྐབས་ཏེ་ལྔ་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་དམ་ཚིག་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །དངོས་པོ་མཚན་མ་ཐམས་ཅད་ལས། །འདའ་བ་མེད་པ་དམ་ཚིག་ཡིན། །རང་བྱུང་ཡེ་ཤེས་བཙལ་མེད་པ། །འདི་ཡང་ང་ཡི་དམ་ཚིག་ཡིན། །རྟག་ཆད་གཉིས་སུ་བལྟ་མེད་པ། །འདི་ཡང་ང་ཡི་དམ་ཚིག་ཡིན། །གཟུང་འཛིན་གཉིས་སུ་མེད་བལྟ་བ་། །འདི་ཡང་ང་ཡི་དམ་ཚིག་ཡིན། །རྒྱུ་འབྲས་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །རྩོལ་བསྒྲུབ་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །འཕོ་འགྱུར་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །ཐོག་མཐའ་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །མཐའ་དབུས་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །དངོས་པོ་མཚན་མར་མི་བལྟ་བ། །འདི་ཡང་ང་ཡི་དམ་ཚིག་ཡིན། །བཟང་ངན་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །གཙང་དང་སྨེ་བར་མི་བལྟ་བ། །འདི་ཡང་ང་ཡི་དམ་ཚིག་ཡིན། །ཆེ་ཆུང་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །སྐྱེ་ཤི་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །གཟུགས་དང་རྫས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །ཡངས་དོག་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །ཕྱི་ནང་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །མཐོ་དམན་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །སྣོད་བཅུད་གཉིས་སུ་མི་བལྟ་བ། །འདི་ཡང་ངཡིདམཚིགཡིན། །འཁོར་དང་མྱང་འདས་མི་བལྟ་བ། །འདི་ཡང་ང་ཡི་དམ་ཚིག་ཡིན། །བདེ་སྡུག་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །དམ་ཚིག་རྒྱལ་པོ་ལྷུན་གྱིས་གྲུབ། །སྙིང་པོ་གསང་ཆེན་འདའ་མེད་མཆོག །དོན་གྱི་སྐྱེས་བུས་གཞུང་སྤྲོས་ནས། །མི་ཡི་སེང་གེ་དག་ལ་བསྟན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། དམ་ཚིག་བསྟན་པའི་སྐབས་ཏེ་དྲུག་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་དམ་ཚིག་བསྲུང་བ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །མཁའ་དབྱིངས་བདེ་ཆེན་ཀློང་ཡངས་ནི། །བྱང་ཆུབ་སེམས་ཀྱི་དམ་ཚིག་སྟེ། །བསྲུང་དུ་མེད་པས་ཡེ་བསྲུངས་ཡིན། །ཐབས་དང་ཤེས་རབ་གཉིས་མེད་པ། །འདི་ཡང་ང་ཡི་དམ་ཚིག་སྟེ། །བསྲུང་དུ་མེད་པས་ཡེ་བསྲུངས་ཡིན། །དབྱིངས་དང་ཡེ་ཤེས་གཉིས་མེད་པ། །འདི་ཡང་ང་ཡི་དམ་ཚིག་སྟེ། །བསྲུང་དུ་མེད་པས་ཡེ་བསྲུངས་ཡིན། །རྒྱུ་དང་འབྲས་བུ་གཉིས་མེད་པ། །འདི་ཡང་ང་ཡི་དམ་ཚིག་སྟེ། །བསྲུང་དུ་མེད་པ་ཡེ་བསྲུངས་ཡིན། །གཟུགས་དང་མཚན་མ་གཉིས་མེད་པ། །འདི་ཡང་ང་ཡི་དམ་ཚིག་སྟེ། །བསྲུང་དུ་མེད་པས་ཡེ་བསྲུངས་ཡིན། །ཐམས་ཅད་དག་ནས་ཐམས་ཅད་དུ། །དམ་ཚིག་དག་ལས་མ་འདས་པ། །མཉམ་པ་ཉིད་དུ་ཡེ་བསྲུངས་ཡིན། །འདི་ཡང་ང་ཡི་དམ་ཚིག་ཡིན། །དངོས་པོ་མཚན་མ་ཐམས་ཅད་ལས། །འདའ་བ་མེད་པར་གང་བསྲུང་བ། །འདི་ཡང་དམ་ཚིག་བསྲུང་བ་ཡིན། །ཀུན་དང་མཐུན་ལ་སྤངས་ངང།ང་ཡིན་ནམ།བྱེད་པ། །འདི་ཡང་དམ་ཚིག་བསྲུང་བ་ཡིན། ཁྲེས་པ་སྒོ་ཡངས་ཆོས་དང་མཐུན། །འདི་ཡང་དམ་ཚིག་བསྲུང་བ་ཡིན། །བྱམས་སྡང་མེད་པར་གང་སྒྲོལ་བ། །འདི་ཡང་དམ་ཚིག་བསྲུང་བ་ཡིན། །ཆགས་སྡང་མེད་པར་གང་ཤེས་པ། །འདི་ཡང་དམ་ཚིག་བསྲུང་བ་ཡིན། །བཟང་ངན་མེད་པར་གང་སྦྱོར་བ། །འདི་ཡང་དམ་ཚིག་བསྲུང་བ་ཡིན། །སྤང་ལེན་མེད་པར་གང་བསྒྲུབ་པ། །འདི་ཡང་དམ་ཚིག་བསྲུང་བ་ཡིན། །གཙང་སྨེ་མེད་པར་གང་བལྟ་བ། །འདི་ཡང་དམ་ཚིག་བསྲུང་བ་ཡིན། །ཐོགས་ཆགས་མེད་པར་གང་སྤྱོད་པ། །འདི་ཡང་མ་ཚིག་བསྲུང་བ་ཡིན། །སྣོད་དང་ལྡན་པར་དོན་འབྱིན་པ། །འདི་ཡང་དམ་ཚིག་བསྲུང་བ་ཡིན། །ནོགས་དང་ལྡན་པས་གསང་ཐུབ་པ། །འདི་ཡང་དམ་ཚིག་བསྲུང་བ་ཡིན། །ཡིད་ལ་སེམས་པ་གང་ཡིན་པ། །འདི་ཡང་དམ་ཚིག་བགྲུང་བ་ཡིན། །སྔགས་པ་བློ་ལྡན་དད་པ་ཅན། །ཟང་ཟིང་ནོར་ལ་ཆགས་མེད་པ། །འདི་ཡང་དམ་ཚིག་བསྲུང་བ་ཡིན། །གཡོ་སྒྱུ་ཡོངས་སྤངས་བདེ་བའི་ལམ། །འདི་ཡང་དམ་ཚིག་བསྲུང་བ་ཡིན། །བསླབ་པའི་ལས་རྣམས་མཐར་ཕྱིན་པ། །འདི་ཡང་དམ་ཚིག་བསྲུང་བ་ཡིན། །རང་བཞིན་མེད་པས་མཉམ་པ་ཉིད། །ཡོངས་ལ་ཕྲག་ཡང་དོག་མེད་པ། །འདི་ཡང་དམ་ཚིག་བསྲུང་བ་ཡིན། །རྒྱུད་འདི་འཛིན་ཏམ་འཆང་བའམ། །ཡིད་ལ་སེམས་པ་གང་ཡིན་པ། །འདི་ཡང་དམ་ཚིག་བསྲུང་བ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། །དམ་ཚིག་བསྲུང་བའི་སྐབས་ཏེ་བདུན་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་དབང་རྣམས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །གདོད་ནས་རྣམ་དག་ཆོས་ཀྱི་སྐུ། །རང་བྱུང་ཡེ་ཤེས་སྤྲོས་དང་བྲལ། །འདི་ཡང་ང་ཡི་དབང་མཆོག་ཡིན། །ཡོངས་ཁྱབ་ཐུགས་རྗེ་སྤྲུལ་པའི་སྐུ། །འགྲོ་བ་རྣམས་ཀྱི་དོན་ཆེན་མཛད། །འདི་ཡང་ང་ཡི་དབང་མཆོག་ཡིན། །ཐབས་མཁས་རོལ་པས་ལོངས་སྤྱོད་རྫོགས། །ལོངས་སྐུ་སྣང་བ་ཐམས་ཅད་སྟོན། །འདི་ཡང་ང་ཡི་དབང་མཆོག་ཡིན། །སྐྱེ་ཤི་མེད་པར་རྡོ་རྗེའི་སྐུ། །ཅིས་ཀྱང་སྦྱོད་དུ་མེད་པ་སྟེ། །འདི་ཡང་ང་ཡི་དབང་མཆོག་ཡིན། །རྟོགས་པས་མངོན་པར་བྱང་ཆུབ་སྐུ། །ངོ་བོ་ཉིད་ཀྱིས་རྣམ་པར་དག །འདི་ཡང་ང་ཡི་དབང་མཆོག་ཡིན། །གཉིས་མེད་བདེ་བ་ཆེན་པོའི་སྐུ། །ཀུན་བྲལ་ཉག་གཅིག་ཅི་མ་སྤངས། །འདི་ཡང་ང་ཡི་དབང་མཆོག་ཡིན། །སྐུ་གསུམ་དབྱེར་མེད་རོལ་པ་ཡིན། །དོན་གྱིས་ཡེངས་པ་མེད་པར་མཛད། །འདི་ཡང་ང་ཡི་དབངམཆོགཡིན། །གང་ཞིག་བསྒྲལ་བ་བྱང་ཆུབ་སེམས། །གདོད་ནས་དག་པའི་སྙིང་པོ་མཆོག །འདི་ཡང་ང་ཡི་དབང་མཆོག་ཡིན། །བཀྲེས་དང་སྐོམ་དང་སྡུག་བསྔལ་ན། །ཆོས་ཉིད་དངོས་པོས་མི་བསྒྲིབ་པ། །འདི་ནི་ང་ཡི་དབང་མཆོག་ཡིན། །ན་དང་འཆི་བས་སྡུག་བསྔལ་ན། །དངོས་པོའི་མཚན་མ་ངང་འཇོམས་པ། །འདི་ནི་ང་ཡི་དབང་མཆོག་ཡིན། །རྒས་དང་རྒུད་པས་སྡུག་བསྔལ་ན། །རྟག་ཆད་དོན་གྱི་མཐར་སྦྱོར་བ། །འདི་ནི་ང་ཡི་དབང་མཆོག་ཡིན། །དགྲ་དང་བརྡར་བས་སྡུག་བསྔལ་ན། །མཚན་མ་ཞེན་པ་ནང་སྦྱོར་བས། །འདི་ཡང་ང་ཡི་དབང་མཆོག་ཡིན། །སྐྱེ་དང་འཆང་བས་སྡུག་བསྔལ་ན། །མི་རྟོག་དོན་གྱི་མཐའ་སྦྱོར་བས། །འདི་ཡང་ང་ཡི་དབང་མཆོག་ཡིན། །རྣམ་པར་མི་རྟོག་སྙིང་པོ་ནི། །སྨྲ་བསམ་བརྗོད་ལས་འདས་པ་སྟེ། །འདི་ཡང་ང་ཡི་དབང་མཆོག་ཡིན། །ཡོད་ཅེས་སྒྲོས་སུ་གདགས་མེད་ལ། །མེད་ཅེསསྐུར་པ་གདབ་མེད་པ། །འདི་ཡང་ང་ཡི་དབང་མཆོག་ཡིན། །ཡི་དམ་སེམས་ཀྱིས་དྲན་མེད་ན། །རྣམ་པར་མི་རྟོག་ཏིང་ངེ་འཛིན། །འདི་ཡང་ང་ཡི་དབང་མཆོག་ཡིན། །གདོད་ནས་རྣམ་དག་ལྷུན་གྱིས་གྲུབ། །རང་བྱུང་ཡེ་ཤེས་བཙལ་བ་མེད། །འདི་ཡང་ང་ཡི་དབང་མཆོག་ཡིན། །མཚན་མ་མེད་པ་མཚན་མའི་མཆོག །སྐྱེ་བ་མེད་ལས་ཐམས་ཅད་སྐྱེས། །འདི་ཡང་ང་ཡི་དབང་མཆོག་ཡིན། །སྣང་བ་རང་བཞིན་མེད་པ་ལ། །ཕྱོགས་དང་རིས་སུ་འབྱེད་མེད་པ། །འདི་ཡང་ང་ཡི་དབང་མཆོག་ཡིན། །བྱུང་ཚོར་གང་ཡང་སྤང་མེད་པ། །ཡིད་ཀྱིས་ཅིར་ཡང་མི་བསམ་པ། །འདི་ཡང་ང་ཡི་དབང་མཆོག་ཡིན། །འཛིན་རྟོག་མེད་པའི་ཤེས་རབ་ཀྱིས། །རང་བཞིན་མེད་པར་གང་འཇིག་པ། །འདི་ཡང་ང་ཡི་དབང་མཆོག་ཡིན། །ཆོས་ཉིད་རིག་པའི་ཀློང་གདལ་དུ། །རང་རིག་ཡེ་ཤེས་མ་བརྗེད་བསྒོམ། །འདི་ཡང་ང་ཡི་དབང་མཆོག་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། དབང་བསྟན་པའི་སྐབས་ཏེ་བརྒྱད་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་དབང་བསྐུར་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །རང་བཞིན་སྤྲོས་བྲལ་བདེ་གཤེགས་ཐུགས། །འདི་ཡང་ང་ཡི་དབང་བསྐུར་ཡིན། །དངོས་མེད་མ་སྐྱེས་ཆོས་རྣམས་འབྱུང་། །འདི་ཡང་ང་ཡི་དབང་བསྐུར་ཡིན། །བརྗོད་མེད་ཡེ་སྐྱེས་ཡེ་ནས་སྟོང་། །འདི་ཡང་ང་ཡི་དབང་བསྐུར་ཡིན། །ཚིག་གིས་མཚོནི་མེད་མཚན་མ་མེད། །འདི་ཡང་ང་ཡི་དབང་བསྐུར་ཡིན། །དམ་ཆོས་ཡོན་ཏན་བརྗོད་མི་སྤང་། །འདི་ཡང་ང་ཡི་དབང་བསྐུར་ཡིན། །མ་རིག་དོན་སྟོང་ཁ་ལོ་བསྒྱུར། །འདི་ཡང་ང་ཡི་དབང་བསྐུར་ཡིན། །ཀུན་བྲལ་ཉག་གཅིག་ཅི་མ་སྤངས། །འདི་ཡང་ང་ཡི་དབང་བསྐུར་ཡིན། །སྣ་ཚོགས་སྣང་ཡང་འགྱུར་བ་མེད། །འདི་ཡང་ང་ཡི་དབང་བསྐུར་ཡིན། །ཅི་ཡང་མེད་པས་ཅི་ཡང་རིག །འདི་ཡང་ང་ཡི་དབང་བསྐུར་ཡིན། །བརྟགས་ན་མ་མཐོང་ཅིར་ཡང་སྣང་། །འདི་ཡང་ང་ཡི་དབང་བསྐུར་ཡིན། །བསྐལ་པར་འ་ས་ཀྱང་སྟོར་བྲལ་མེད། །འདི་ཡང་ང་ཡི་དབང་བསྐུར་ཡིན། །ཕྲ་རབ་རྡུལ་མེད་སྣང་སྲིད་ཁྱབ། །འདི་ཡང་ང་ཡི་དབང་བསྐུར་ཡིན། །དངོས་གཞི་མེད་ལ་ཅིར་བཏགས་འཆར། །འདི་ཡང་ང་ཡི་དབང་བསྐུར་ཡིན། །མཐའ་ལས་བྱུང་ཞིང་ཟད་པ་མེད། །འདི་ཡང་ང་ཡི་དབང་བསྐུར་ཡིན། །མ་བཟུང་མ་བརྟགས་གང་དགར་ཆགས། །འདི་ཡང་ང་ཡི་དབང་བསྐུར་ཡིན། །བསྐྱོད་པ་མེད་པས་ཐོགས་མེད་མྱུར། །འདི་ཡང་ང་ཡི་དབང་བསྐུར་ཡིན། །གང་ཡང་མ་སྤངས་མཐོང་བ་མེད། །འདི་ཡང་ང་ཡི་དབང་བསྐུར་ཡིན། །འདེགས་པ་མེད་པར་མཁའ་ལ་འགྲོ །འདི་ཡང་ང་ཡི་དབང་བསྐུར་ཡིན། །ཡན་ལག་མེད་པར་ས་རྣམས་བགྲོད། །འདི་ཡང་ང་ཡི་དབང་བསྐུར་ཡིན། །ཁྱད་གདལ་འུབྲ་ཆུབ་གཅིག་མཐའ་ཡས། །འདི་ཡང་ང་ཡི་དབང་བསྐུར་ཡིན། །མ་གཡོས་མ་བཅོས་སྣ་ཚོགས་སྣང་། །འདི་ཡང་ང་ཡི་དབང་བསྐུར་ཡིན། །ཐ་དད་སྤྲོས་ཀྱང་གཅིག་ལས་མེད། །འདི་ཡང་ང་ཡི་དབང་བསྐུར་ཡིན། །ཟད་མི་ཤེས་པས་གཏེར་ཆེན་ཏེ། །འདིཡང་ང་ཡི་དབང་བསྐུར་ཡིན། །སྣ་ཚོགས་སྣང་བས་སེམས་ཉིད་དེ། །འདི་ཡང་ང་ཡི་དབང་བསྐུར་ཡིན། །ཕྱི་ནང་མེད་པར་ཀུན་ཏུ་སྣང་། །འདི་ཡང་ང་ཡི་དབང་བསྐུར་ཡིན། །བཙལ་བ་མེད་པ་ཅིར་ཡང་འགྲུབ། །འདི་ཡང་ང་ཡི་དབང་བསྐུར་ཡིན། །མཚན་མ་མེད་པར་ཅིར་ཡང་སྣང་། །འདི་ཡང་ང་ཡི་དབང་བསྐུར་ཡིན། །གར་ཡང་མ་གཡོས་ཀུན་ཏུ་ཕྱིན། །འདི་ཡང་ང་ཡི་དབང་བསྐུར་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། དབང་བསྐུར་བའི་སྐབས་ཏེ་དགུ་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་པ། །ཉིད་ཀྱི་ཕྲིན་ལས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ཕྱི་ནང་ཆོས་རྣམས་ཐམས་ཅད་པ། །འདི་ཡང་ང་ཡི་ཕྲིན་ལས་ཡིན། །བདག་དང་གཞན་དུ་བལྟ་བ་རྣམས། །གཉིས་སུ་མེད་པར་གང་སྤྱོད་པ། །འདི་ཡང་ང་ཡི་ཕྲིན་ལས་ཡིན། །ཕྱོགས་དང་རིས་སུ་སྣང་བ་རྣམས། །གཉིས་སུ་མེད་པར་གང་སྤྱོད་པ། །འདི་ཡང་ང་ཡི་ཕྲིན་ལས་ཡིན། །གཉིས་སུ་མེད་པར་བདེ་བ་ཆེ། །བདེ་ཆེན་ཡོངས་ཁྱབ་ཆོས་ཀྱི་སྐུ། །འདི་ཡང་ང་ཡི་ཕྲིན་ལས་ཡིན། །དངོས་པོ་མཚན་མ་ཐམས་ཅད་འཇོམས། །ཐབས་མཁས་ལོངས་སྤྱོད་རྫོགས་པའི་སྐུ། །འདི་ཡང་ང་ཡི་ཕྲིན་ལས་ཡིན། །སྐྱེ་བ་མེད་ལས་ཐམས་ཅད་སྐྱེས། །ཡོངས་ལ་ཁྱབ་པས་སྤྲུལ་པའི་སྐུ། །འདི་ཡང་ང་ཡི་ཕྲིན་ལས་ཡིན། །མི་འགྱུར་མི་ཤིགས་སྙིངཔོའིམཆོག །སྐྱེཤིམེདཔས་རྡོ་རྗེའི་སྐུ། །འདི་ཡང་ང་ཡི་ཕྲིན་ལས་ཡིན། །དོན་དམ་རྟོགས་པའི་བདེ་བ་མཆོག །མངོན་པར་བྱང་ཆུབ་པ་ཡི་སྐུ། །འདི་ཡང་ང་ཡི་ཕྲིན་ལས་ཡིན། །སྐུ་ལྔ་དབྱེར་མེད་རོལ་པ་འདི། །དོན་གྱི་ཕྲིན་ལས་ཡེངས་པ་མེད་། །འདི་ཡང་ང་ཡི་ཕྲིན་ལས་ཡིན། །སྐུ་ཡི་ཕྲིན་ལས་སྐྱེ་བ་མེད། །གསུང་གི་ཕྲིན་ལས་བསྒྲག་ཏུ་མེད། །ཐུགས་ཀྱི་ཕྲིན་ལས་དགོངས་སུ་མེད། །ཡོན་ཏན་ཕྲིན་ལས་བསྒྲུབ་ཏུ་མེད། །ཕྲིན་ལས་ཕྲིན་ལས་བཙལ་དུ་མེད། །འདི་ཡང་ང་ཡི་ཕྲིན་ལས་ཡིན། །གཉིས་མེད་དོན་རྟོགས་བདེ་བ་ཆེ། །འདི་ཡང་ང་ཡི་ཕྲིན་ལས་ཡིན། །དག་དང་མ་དག་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །སངས་རྒྱས་སེམས་ཅན་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །འཁོར་དང་མྱང་འདས་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །དབྱིངས་དང་ཡེ་ཤེས་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །ཐབས་དང་ཤེས་རབ་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །རྒྱུ་དང་འབྲས་བུ་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །ལྟ་བ་སྤྱོད་པ་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །བསྒོམ་དང་བསྒྲུབ་པ་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །ཡུལ་དང་དབང་པོ་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །གཉིས་མེད་དོན་རྟོགས་ཕྲིན་ལས་ནི། །འདི་ཡང་ང་ཡི་ཕྲིན་ལས་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། ཕྲིན་ལས་ཀྱི་སྐབས་ཏེ་བཅུ་པའོ།། །རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཕྲིན་ལས་བཙལ་བ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །དང་པོར་གང་ཡིན་ང་ཡིན་པས། །ང་ནི་སངས་རྒྱས་ཀུན་གྱི་ཡབ། །དེ་ལས་ཕྲིན་ལས་ཅི་ཞིག་བཙལ། །ང་ནི་ཐམས་ཅད་ཀུན་གྱི་རྗེ། །དེ་ལས་ཕྲིན་ལས་ཅི་ཞིག་བཙལ། །ཐ་མར་ཐབས་ཀྱིས་ང་འདུལ་བས། །ང་ནི་རྣལ་འབྱོར་ཀུན་གྱི་དཔོན། །དེ་ལས་ཕྲིན་ལས་ཅི་ཞིག་བཙལ། །ཁམས་གསུམ་དག་ན་ང་དབང་ཆེ། །ང་ཡི་གོང་ན་སུ་ཡང་མེད། །དེ་ལ་ཕྲིན་ལས་ཅི་ཞིག་བཙལ། །དུས་གསུམ་མུན་པ་ལྟར་འཐིབས་ཀྱང་། །ང་ལ་བསྒྲིབ་པའི་དུས་མཐའ་མེད། །དེ་ལ་ཕྲིན་ལས་ཅི་ཞིག་བཙལ། །སྟོང་གསུམ་ཉི་མས་ཁེངས་གྱུར་ཀྱང་། །ང་ལ་ཤར་ཞིང་གསལ་རྒྱུ་མེད། །དེ་ལ་ཕྲིན་ལས་ཅི་ཞིག་བཙལ། །མ་རིག་མུན་པ་ལྟར་འཐིབས་ཀྱང་། །ང་ལ་འཐིབས་ཤིང་གནག་རྒྱུ་མེད། །དེ་ལ་ཕྲིན་ལས་ཅི་ཞིག་བཙལ། །ཉོན་མོངས་དུག་ཏུ་ལངས་གྱུར་ཀྱང་། །ང་ལ་སྤངས་ཤིང་དོར་དུ་མེད། །དེ་ལ་ཕྲིན་ལས་ཅི་ཞིག་བཙལ། །སྲིད་གསུམ་ཆར་ལྟར་བབས་ན་ཡང་། །ང་ལ་གཤེར་ཞིང་བངས་པ་མེད། །དེ་ལ་ཕྲིན་ལས་ཅི་ཞིག་བཙལ། །ཁམས་གསུམ་ཆུ་ལྟར་འབྲུབ་ཀྱང་ནི། །ང་ལ་བངས་ཤིང་འཁྱེར་རྒྱུ་མེད། །དེ་ལ་ཕྲིན་ལས་ཅི་ཞིག་བཙལ། །སྟོང་གསུམ་རླུད་ལྟར་འཕྱོས་པས་ཀྱང་། །དེ་ཡིས་ང་ལ་བསྐྱོད་མི་ནུས། །དེ་ལ་ཕྲིན་ལས་ཅི་ཞིག་བཙལ། །སྐྱེ་ཤི་རིས་སུ་བཅད་པ་ཡང་། །ང་ལ་སྐྱེ་ཞིང་འཆི་བ་མེད། །དེ་ལ་ཕྲིན་ལས་ཅི་ཞིག་བཙལ། །དངོས་གྲུབ་རྣམ་གསུམ་བརྙེས་ན་ཡང་། །ང་ལ་བརྙེས་ཤིང་ཆགས་རྒྱུ་མེད། །དེ་ལ་ཕྲིན་ལས་ཅི་ཞིག་བཙལ། །ཆོས་སྐུ་འགྱུར་མེད་གྲུབ་ན་ཡང་། །ང་ལ་འཁྲུལ་བའི་རྒྱུ་ཅི་ཡོད། །དེ་ལ་ཕྲིན་ལས་ཅི་ཞིག་བཙལ། །རང་བྱུང་ཉིད་དུ་ཡེ་གནས་པ། །གཞན་ལ་རག་ཅིང་ལུས་སུ་མེད། །དེ་ལ་ཕྲིན་ལས་ཅི་ཞིག་བཙལ། །སྙིང་པོ་ཉིད་དུ་ལྷུན་གྲུབ་པས། །འབྲས་བུ་ཉིད་དུ་རྟེན་མི་འཆའ། །དེ་ལ་ཕྲིན་ལས་ཅི་ཞིག་བཙལ། །ཐབས་དང་ཤེས་རབ་དབྱེར་མེད་པས། །དེ་ལ་བཙལ་དུ་ཅི་ཞིག་ཡོད། །ལྟ་བ་སྤྱོད་པ་གཉིས་མེད་པས། །དེ་ལ་ཕྲིན་ལས་ཅི་ཞིག་བཙལ། །བསྒོམ་དང་བསྒྲུབ་པ་གཉིས་མེད་པས། །དེ་ལ་ཕྲིན་ལས་ཅི་ཞིག་བཙལ། །སྣང་དང་སྟོང་པ་དབྱེར་མེད་པས། །དེ་ལ་ཕྲིན་ལས་ཅི་ཞིག་བཙལ། །ཐིག་ལེ་ཆེན་པོར་དབྱིངས་ན་གསལ། །དེ་ལ་ཕྲིན་ལས་ཅི་ཞིག་བཙལ། །ང་ཡི་ཕྲིན་ལས་བཙལ་མེད་པས། །བཙལ་དུ་མེད་པའི་བཙལ་བ་ཡིན། །ཀུན་ཏུ་བཟང་པོ་ཆེ་རྩ་བ་བསྡུས་པའི་རྒྱུད་ལས། ཕྲིན་ལས་བཙལ་དུ་མེད་པའི་སྐབས་ཏེ་བཅུ་གཅིག་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་སྦྱོར་བ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ཐམས་ཅད་ཆོས་ཀྱི་ཆོས་ཉིད་ལ། །སེམས་ཀྱི་སེམས་ཉིད་གཉིས་མེད་སྦྱོར། །བདེ་གཤེགས་ཐུགས་ཀྱི་ཡེ་ཤེས་ལ། རང་བཞིན་རིག་པ་གཉིས་མེད་སྦྱོར། །འདི་ཡང་ང་ཡི་སྦྱོར་བ་ཡིན། །སྣང་སྲིད་ཐམས་ཅད་སེམས་ཡིན་པས། །སེམས་ཉིད་ཡེ་སྦྱོར་ཆེན་པོ་སྟེ། །འདི་ཡང་ང་ཡི་སྦྱོར་བ་ཡིན། །དངོས་པོའི་ཆོས་རྣམས་ཐམས་ཅད་ཀུན། །སྐྱེ་བ་མེད་པར་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །རང་བཞིན་མེད་པར་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །མཉམ་པ་ཉིད་ལ་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །ངེས་པའི་དོན་ལ་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །དམ་ཚིག་གཞུང་ལྟར་གང་སྤྱོད་པ། །འདི་ཡང་ང་ཡི་སྦྱོར་བ་ཡིན། །ཡོངས་ལ་ཕྲག་ཡང་དོག་པ་མེད། །འདི་ཡང་ང་ཡི་སྦྱོར་བ་ཡིན། །བྱམས་སྡང་མེད་པར་གང་གྲོལ་བ། །འདི་ཡང་ང་ཡི་སྦྱོར་བ་ཡིན། །ཐོགས་ཆགས་མེད་པར་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །བཟང་ངན་མེད་པར་གང་སྦྱོར་བ། །འདི་ཡང་ང་ཡིས་སྦྱོར་བ་ཡིན། །སྤང་ལེན་མེད་པར་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །ཆགས་སྡང་མེད་པར་གང་ཤེས་པ། །འདི་ཡང་ང་ཡི་སྦྱོར་བ་ཡིན། །གཙང་སྨེ་མེད་པར་གང་སྤྱོད་པ། །འདི་ཡང་ང་ཡི་སྦྱོར་བ་ཡིན། །སངས་རྒྱས་སེམས་ཅན་གཉིས་མེད་པ། །འདི་ཡང་ང་ཡི་སྦྱོར་བ་ཡིན། །འཁོར་བ་མྱ་ངན་འདས་མེད་པ། །འདི་ཡང་ང་ཡི་སྦྱོར་བ་ཡིན། །ཕྱི་ནང་སྣོད་བ་་གཉིས་མེད་ན། །འདི་ཡང་ང་ཡི་སྦྱོར་བ་ཡིན། །ཡུལ་དང་དབང་པོ་གཉིས་མེད་ན། འདི་ཡང་ང་ཡི་སྦྱོར་བ་ཡིན། །ཐབས་དང་ཤེས་རབ་གཉིས་མེད་ན། །འདི་ཡང་ང་ཡི་སྦྱོར་བ་ཡིན། །དབྱིངས་དང་ཡེ་ཤེས་གཉིས་མེད་ན། །འདི་ཡང་ང་ཡི་སྦྱོར་བ་ཡིན། ་།ས་རབ་ཏིང་འཛིན་གཉིས་མེད་ན། །འདི་ཡང་ང་ཡི་སྦྱོར་བ་ཡིན། །བདེ་བ་སྡུག་བསྔལ་གཉིས་མེད་ན། །འདི་ཡང་ང་ཡི་སྦྱོར་བ་ཡིན། །སྣང་སྲིད་ཐམས་ཅད་སེམས་སུ་སྦྱོར། །སེམས་ཉིད་ཡེ་སངས་རྒྱས་པར་སྦྱོར། །འདི་ཡང་ང་ཡི་སྦྱོར་བ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། སྦྱོར་བ་བསྟན་པའི་སྐབས་ཏེ་བཅུ་གཉིས་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་བསྒྲལ་བ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། ཁམས་གསུམ་རང་གི་སེམས་སུ་བསྒྲལ། །དེ་ཡང་ང་ཡི་བསྒྲལ་བ་ཡིན། །སྲིད་གསུམ་ཐམས་ཅད་སེམས་ཡིན་པས། །སེམས་ཉིད་ཡེ་སངས་རྒྱས་པ་ཡིན། །འདི་ཡང་ང་ཡི་བསྒྲལ་བ་ཡིན། ཁུསྐྲུད་དྲུག་ཕུང་པོར་སྣང་བ་ཡི། །རང་གི་སེམས་ཏེ་ཡེ་སངས་རྒྱས། །འདི་ཡང་ང་ཡི་བསྒྲལ་བ་ཡིན། །དུག་ལྔ་ཡེ་ཤེས་ལྔ་རུ་བསྒྲལ། །འདི་ཡང་ང་ཡི་བསྒྲལ་བ་ཡིན། །དུག་གསུམ་སྐུ་གསུང་ཐུགས་སུ་བསྒྲལ། །འདི་ཡང་ང་ཡི་བསྒྲལ་བ་ཡིན། །སྡུག་བསྔལབདེབཆེནཔོབསྒྲལ། །འདི་ཡང་ང་ཡི་བསྒྲལ་བ་ཡིན། །ཐམ་ཅད་སྙིང་པོ་བྱང་ཆུབ་སྟེ། །གཉིས་སུ་མེད་པར་བསྒྲལ་བར་བྱ། །ལྟ་བ་སྤྱོད་པ་གཉིས་མེད་པ། །འདི་ཡང་ང་ཡི་བསྒྲལ་་བ་ཡིན། །ཕྱི་ནང་སྣོད་བབ་ཐམས་ཅད་ཀུན། །ཆོས་ཉིད་བྱང་ཆུབ་སེམས་སུ་བསྒྲལ། །སྲིད་གསུམ་ཐམས་ཅད་གདོད་ནས་་དག །སྙིང་པོ་བྱང་ཆུབ་སེམས་སུ་བསྒྲལ། །སངས་རྒྱས་སེམས་ཅན་གཉིས་མེད་པ། །འདི་ཡང་ང་ཡི་བསྒྲལ་བ་ཡིན། །བདག་གཞན་གཉིས་པར་མི་འབྱེད་པ། །འདི་ཡང་ང་ཡི་བསྒྲལ་བ་ཡིན། །འཁོར་བ་མྱ་ངན་འདས་པར་བསྒྲལ། །འདི་ཡང་ང་ཡི་བསྒྲལ་བ་ཡིན། །སྡུག་བསྔལ་བདེ་བ་ཆེན་པོར་བསྒྲལ། །འདི་ཡང་ང་ཡི་བསྒྲལ་བ་ཡིན། །ཐབས་དང་ཤེས་རབ་གཉིས་མེད་པ། །འདི་ཡང་ང་ཡི་བསྒྲལ་བ་ཡིན། །དབྱིངས་དང་ཡེ་ཤེས་གཉིས་མེད་པ། །འདི་ཡང་ང་ཡི་བསྒྲལ་བ་ཡིན། །ཕྱི་ནང་སྣོད་བཅུད་ཐམས་ཅད་ཀུན། །སྣང་སྲིད་ཐམས་ཅད་སེམས་སུ་བསྒྲལ། །སེམས་ཉིད་ཡེ་སངས་རྒྱས་པར་བསྒྲལ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། བསྒྲལ་བ་བསྟན་པའི་སྐབས་ཏེ་བཅུ་གསུམ་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱིས་གསོ་བ་བཤད་དུ་གསོལ། །དེ་སྐད་གསོལ་བ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ཕྱི་ནང་སྣོད་བཅུད་ཐམས་ཅད་ཀུན། །སྙིང་པོ་བྱང་ཆུབ་སེམས་ཀྱིས་གསོ། ཁམས་གསུམ་སེམས་ཅན་ཉོན་མོངས་པ། ། བདེ་ཆེན་བྱང་ཆུབ་སེམས་ཀྱིས་གསོ། །འཁོར་བའི་སྡུག་བསྔལ་ཐམས་ཅད་ཀུན། །བདེ་ཆེན་ཆོས་ཀྱི་དབྱིངས་སུ་གསོ། །འདུ་བའི་ནད་ཀྱིས་ཟིན་པ་ལ། །བདུད་རྩི་ཆེན་པོའི་སྨན་གྱིས་གསོ། །ཉོན་མོངས་དྲ་བར་ཆུད་པ་ལ། །ཐུགས་རྗེའི་སྐྲུ་གྲིས་གཏུབས་ཏེ་གསོ། །སྙིང་རྗེའི་རྒྱུན་ཐག་ཆད་པ་ལ། །ཐུགས་རྗེའི་བྱིན་གྱིས་བརླབས་ཀྱིས་གསོ། །ཉོན་མོངས་རྨུགས་དང་ལེ་ལོ་རྣམས། ཁྲེས་རབ་མི་བརྗེད་གཟུངས་ཀྱིས་གསོ། ཁྲེས་རབ་མེ་ལྕེ་ཆད་པ་ལ། །ཁྱད་པར་བརྟན་པ་རྟག་པས་གསོ། །སེམས་ཀྱི་དེ་ཉིད་མ་རྟོགས་པ། །སྙིང་པོ་བྱང་ཆུབ་སེམས་ཀྱིས་གསོ། །ཤེས་རབ་མེ་སྟག་ཤི་བ་ལ། །ཏིང་འཛིན་མ་ཡེངས་རྩ་ཡིས་གསོ། །ཉོན་མོངས་རེ་མ་རྟོགས་པ་ལ། །ཤེས་རབ་ཏིང་འཛིན་བརྟན་པོས་གསོ། །དམ་ཚིག་རྒྱུན་ཐག་ཆད་པ་ལ། །མི་བརྗེད་གཟུངས་ཀྱི་ཐུགས་རྗེས་གསོ། །ཐུགས་རྗེའི་རྒྱུན་ཐག་ཆད་པ་རྣམས། །རང་བྱུང་ཡེ་ཤེས་ཐུགས་རྗེས་གསོ། ཁམས་གསུམ་སེམས་ཅན་ཉོན་མོངས་པ། །ཐུགས་རྗེའི་བྱིན་གྱིས་བརླབས་ཀྱིས་གསོ། །མ་རིག་མུན་པ་འཐིབས་པ་ལ། །ཡེ་ཤེས་ཉི་མའི་འོད་ཀྱིས་གསོ། །སེམས་ཀྱི་དེ་ཉིད་མ་རྟོགས་པ། །སྙིང་པོ་བྱང་ཆུབ་སེམས་སུ་གསོ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། གསོ་བ་བསྟན་པའི་སྐབས་ཏེ་བཅུ་བཞི་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་གསད་པ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །དུག་ལྔ་ཡེ་ཤེས་ལྔ་རུ་གསད། །དེ་ཡང་ང་ཡི་གསད་པ་ཡིན། །དུག་གསུམ་སྐུ་གསུང་ཐུགས་སུ་གསད། །དེ་ཡང་ང་ཡི་གསད་པ་ཡིན། །སེམས་ཅན་སྡུག་བསྔལ་སྣ་ཚོགས་པ། །བདེ་ཆེན་བྱང་ཆུབ་སེམས་སུ་གསད། །ཉོན་མོངས་སེམས་ཅན་འཁོར་བ་དག །མྱ་ངན་འདས་པའི་དབྱིངས་སུ་གསད། །གཟུང་འཛིན་རླུད་ཚུབ་འཅོས་པ་ཡང་། །མི་འགྱུར་རི་བོའི་ཐབས་ཀྱིས་གསད། །རྣམ་རྟོག་གྲུ་ཆར་འབབ་པ་ཡང་། ཁྲེས་རབ་ཉི་མའི་ཐབས་ཀྱིས་གསད། །རྣམ་རྟོག་རྨོངས་པའི་གཏི་མུག་རྣམས། །རྟོགས་པའི་ཤེས་རབ་སྒྲོན་མས་གསད། །ཕྱི་ནང་སྣོད་བཅུད་ཐམས་ཅད་ཀུན། །ཆོས་ཉིད་བྱང་ཆུབ་སེམས་སུ་གསད། །ཐུགས་རྗེ་ཆེན་པོའི་བྱིན་རླབས་ཀྱིས། །ཁམས་གསུམ་སེམས་ཅན་ཉོན་མོངས་གསད །ཡེ་ཤེས་ཉི་མའི་འོད་གསལ་བས། །གཏི་མུག་མུན་པར་འཐིབས་པ་གསད། །ཤེས་རབ་མེ་ལྕེ་འབར་བ་ཡིས། །གཟུང་འཛིན་རླུང་ཚུབ་འཚུབས་པ་གསད། །རྣལ་འབྱོར་རྟོགས་པའི་ཁྱད་པར་གྱི། །མ་རྟོགས་རྨོངས་པའི་གཏི་མུག་གསད། །རྟོགས་པ་མངོན་དུ་གྱུར་པས་ན། །སེམས་ཅན་སེམས་སུ་གསད་པ་ཡིན། །སྣང་སྲིད་ཆོས་རྣམས་སེམས་སུ་གསད། །གསད་དུ་མེད་དེ་ཡེ་བསད་ཡིན། །གདོད་ནས་དག་པས་བསད་པ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། གསད་པ་བསྟན་པའི་སྐབས་ཏེ་བཅོ་ལྔ་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་དབབ་པ་བཤད་དུ་གསོ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩ་ཐ་པ། །འཁོར་བའི་རོང་སྐམས་ལུང་པ་ལ། །བྱང་ཆུབ་སེམས་ཀྱི་ཆུ་བོ་དབབ། །ང་དང་བདག་ཏུ་བལྟ་བ་ལ། །གཉིས་སུ་མེད་པའི་ཆུ་བོ་དབབ། །ཞེ་སྡང་མེ་ཆེན་འབར་བ་ལ། །བྱང་ཆུབ་སེམས་ཀྱི་ཆུ་བོ་དབབ། །རྣམ་རྟོག་མེ་ལྕེ་འབར་བ་ལ། །ཡེ་ཤེས་ཆེན་པོའི་ཆུ་བོ་དབབ། །དུག་ལྔའི་འབྲས་བུ་སྨིན་པ་ལ། །ཡེ་ཤེས་ལྔ་ཡི་སེར་བ་དབབ། །གཟུང་འཛིན་རླུ་་ཚུབ་འ་ས་པ་ལ། །ཏིང་འཛིན་བརྟན་པོའི་ཐབས་ཀྱིས་མནན། །དུག་གསུམ་ལོ་མ་རྒྱས་པ་ལ། །སྐུ་གསུང་ཐུགས་ཀྱི་ཟོར་གྱིས་དབབ། །དེ་ཡང་ང་ཡི་དབབ་པའོ། །ཡུམ་གྱི་པདྨའི་བྷ་ག་སྲ །བྱང་ཆུབ་སེམས་ཀྱི་ཆུ་བོ་དབབ། །མཁའ་དབྱིངས་བདེ་ཆེན་ཀློང་ཡངས་སུ། ཁྲེས་རབ་ཏིང་འཛིན་ཆུ་བོ་དབབ། །ཆོས་ཀྱི་དབྱིངས་ཉིད་གདལ་བ་སྲ །རིག་པའི་ཡེ་ཤེས་ཆུ་བོ་དབབ། །འཁོར་བ་ངན་སོང་གནས་ཆེན་དུ། །ཆོས་དབྱིངས་བདེ་ཆེན་ཆུ་བོ་དབབ། །ཐུགས་རྗེའི་རྒྱུན་ཐག་བཅད་པ་ལ། །རང་བྱུང་ཡེ་ཤེས་ཆུ་བོ་དབབ། །གཟུང་དང་འཛིན་པར་ལྟ་བ་ལ། །གཉིས་མེད་བདེ་བའི་ཆུ་བོ་དབབ། །མ་རྟོགས་རྨོངས་པའི་གཏི་མུག་ལ། ཁྲེས་རབ་ཏིང་འཛིན་ཆུ་བོ་དབབ། །བྷ་ག་ཀློང་ཡངས་བདེ་ཆེན་དུ། །སྙིང་པོ་བྱང་སེམས་ཆུ་བོ་དབབ། །མ་རིག་ཉོན་མོངས་འཁྲུལ་པ་ལ། །ཡེ་ཤེས་འགྱུར་མེད་ཉི་མ་དབབ། །ཡིད་གཉིས་ཐེ་ཚོམ་ཟ་བ་ལ། །སྙིང་པོ་འགྱུར་མེད་ཐོག་ཆེན་དབབ། །རྣམ་རྟོག་བདག་ཏུ་བལྟ་བ་ལ། །སྙིང་པོ་བྱང་ཆུབ་ཆུ་བོ་དབབ། །དེ་ལྟར་དབབ་པར་བསྟན་པ་ནི། །བྱང་ཆུབ་སེམས་ཀྱི་དབབ་ལུགས་ཏེ། །དབབ་ཏུ་མེད་པས་དབབ་པ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། དབབ་པ་བསྟན་པའི་སྐབས་ཏེ་བཅུ་དྲུག་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱིས་གཅད་པ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ཆོས་དབྱིངས་བདེ་ཆེན་ཀློང་ཡངས་སུ། །ཉོན་མོངས་འཁོར་བའི་རྒྱུན་ཐག་གཅད། །ཡིད་གཉིས་ཐེ་ཚོམ་ཟ་བ་ལ། །ཡིད་ཆེས་དད་པས་རྒྱུན་ཐག་གཅད། །སྣང་སྲིད་ཐམས་ཅད་སེམས་ཡིན་ཏེ། །སེམས་ཉིད་ཡིན་པར་རྒྱུན་ཐག་གཅད། །འཁོར་བ་ཐམས་ཅད་བག་ཆགས་ཏེ། །མྱ་ངན་འདས་པར་རྒྱུན་ཐག་གཅད། །སྡུག་བསྔལ་ཐམས་ཅད་སེམས་ཡིན་ཏེ། །བདེབ ཆེན་པོར་རྒྱུན་ཐག་གཅད། །ཕྱི་ནང་སྣོད་བཅུད་ཐམས་ཅད་ཀུན། །རང་གི་སེམས་ལས་བྱུང་བས་ན། །སེམས་ཉིད་ཡིན་པར་རྒྱུན་ཐག་གཅད། །ང་དང་བདག་ཏུ་ལྟ་བ་ལ། །གཉིས་མེད་རལ་གྲི་རྣོན་པོ་ཡིས། །བྱང་ཆུབ་སེམས་སུ་རྒྱུན་ཐག་གཅད། །དུག་གསུམ་དྲ་བར་བཅུག་པ་ལ། །ཤེས་རབ་སྐྲུ་གྲི་ཏ་མ་ལས། །སྐུ་གསུང་ཐུགས་སུ་རྒྱུན་ཐག་གཅད། །ཐེ་ཚོམ་ཡིད་གཉིས་ཟ་བ་ལ། །ཤེས་རབ་ཏིང་འཛིན་བརྟན་པོ་ཡིས། །ཡིད་ཆེས་དད་པས་རྒྱུན་ཐག་གཅད། །ཆགས་སྡང་ལྕགས་སུ་བཅུག་པ་ལ། །ཐབས་དང་ཤེས་རབ་ལྡེ་མིག་གིས། །ཆགས་སྡང་བཀྲོལ་ཏེ་རྒྱུན་ཐག་གཅད། །སྣང་སྲིད་འདི་ལྟར་སྣང་བ་རྣམས། །སེམས་ཀྱི་ཆོ་འཕྲུལ་ཡིན་པས་ན། །དམིགས་པ་མེད་པར་རྒྱུན་ཐག་གཅད། །མཚན་མར་སྣང་བར་རྟོག་པ་རྣམས། །རྟོགས་པ་ལྡན་པའི་བལྟ་བ་ཡིན། །སེམས་ཉིད་ཡིན་པར་རྒྱུན་ཐག་གཅད། །ཞེན་ཆགས་འཁོར་བར་བཅིངས་པ་ལ། །མཚན་ཉིད་སྤུ་གྲི་རྣོན་པོ་ཡིས། །གཉིས་སུ་མེད་པར་རྒྱུན་ཐག་གཅད། །ཉོན་མོངས་འདམ་དུ་ཆུད་པ་ལ། །རང་བྱུང་ཏིང་འཛིན་ཆེན་པོ་ཡིས། །དངོས་པོ་མེད་པར་རྒྱུན་ཐག་གཅད། །འཁོར་བའི་སེམས་ཅན་ཐམས་ཅད་ཀུན། །མ་བཅོས་བཅོས་པ་མེད་པ་ཡིས། །མྱ་ངན་འདས་པར་རྒྱུན་ཐག་གཅད། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། བཅད་པ་བསྟན་པའི་སྐབས་ཏེ་བཅུ་བདུན་པའོ།། །།རྡོ་རྗེ་སེམས་དཔས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །འཁོར་བ་ཉིད་ནི་མྱ་ངན་འདས། །སྡུག་བསྔལ་ཉིད་ཀྱང་བདེ་བ་སྟེ། །མ་བསླབས་ཡོན་ཏན་ཁྱད་པར་ཆེ། །མ་བཙལ་མཐུ་ལ་དཔག་ཏུ་མེད། །མ་བསྒྲུབས་དངོས་གྲུབ་བརྗོད་མི་ལངས། །མ་གསུངས་ཆོས་ནི་བསམ་མི་ཁྱབ། །སངས་རྒྱས་ཡོན་ཏན་བརྗོད་མི་ལངས། །རྒྱུད་འདི་གསུང་ཐོས་སྟོང་པ་ཉིད། །སྟོང་པ་ཉིད་ཀྱང་རྒྱུད་འདིའོ། ཁུད་འདི་སུས་འཛིན་ཀུན་བཟང་པོ། །ཀུན་བཟང་ཉིད་ཀྱང་རྒྱུད་འདིའོ། །ཡིད་ལ་དྲན་པ་སངས་རྒྱས་ཐུགས། །སངས་རྒྱས་ཐུགས་ཀྱང་རྒྱུད་འདིའོ། །ཀུན་ཏུ་བཟང་པོས་བཀའ་སྩལ་པ། །རྡོ་རྗེ་སེམས་དཔའ་ཁྱོད་ལེགས་སོ། །ཀུན་ཏུ་བཟང་པོའི་རྒྱུད་ཚིག་འཛིན་པར་གང་བྱེད་པ། །སངས་རྒྱས་ཐུགས་ཀྱིས་རྗེས་འཛིན་ཡིན། །རྒྱུད་འདི་འཛིན་པའི་ཤེས་རབ་ཅན། །ཐམས་ཅད་ཀྱི་ནི་བདག་ཉིད་ཡིན། །གཉེན་པོས་མ་བབ་ཐུགས་ཀྱིས་རྟོགས། །མན་ངག་འདི་ཉིད་ང་ཡིན་ཞེས། །ཀུན་ཏུ་བཟང་པོས་རབ་བཤད་དོ། །གང་ཞིག་གང་གིས་རྟོགས་འདོད་པས། །མན་ངག་འདི་ལ་བལྟ་བར་གྱིས། །དེ་སྐད་གང་ཡང་མ་གསུངས་པར། །ཀུན་ཏུ་བཟང་པོས་བཀའ་སྩལ་པ། །གཅིག་ཏུ་ཐོབ་པ་མེད་པའི་ཆོས་སྐུ་ཐོབ། བསྒྲུབ་པ་མེད་པའི་འབྲས་བུ་གྲུབ། །རང་བཞིན་བཙལ་བ་མེད་པར་སངས་རྒྱས་སོ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་རྫོགས་སོ།། །།དགའ་རབ་རྡོ་རྗེ་ལ་ཞུས་པའོ། །མན་ངག་རྩ་བ་བསྡུས་པའི་རྒྱུད། །ཆོས་ཉིད་མི་འགྱུར་རྒྱས་བཏབ་བཞག །བན་ཆུང་འཁྱམས་པོ་བདག་གིས་དྲངས། །བོད་ནས་རྒྱ་གར་ཡུལ་གྱི་བར། །དཀའ་བ་བཅོ་བརྒྱད་སྤྱད་པ་ལས། །དེའུ་ཤི་ལྔ་བཅུ་རྩ་བཞི་བྱུང་། །མན་ངག་རྒྱལ་པོའི་ཕྱག་ཏུ་གདམས། །རྒྱ་གར་གྱི་མཁས་པ་ཤི་སིདྷ་དང་། །བོད་ཀྱི་བསྡེ་བི་རོ་ཙ་ནས་བསྒྱུར་བའོ།། །། རྒྱ་གར་སྐད་དུ། བོ་དྷི་ཙིརྟི་ས་མརྙ་བྷ་དྲ་བིཕྲི་པ་རྭ་ཀྲ་མོ་ད་ཡ་ཏནྟྲ་ནཱ་མ། བོད་སྐད་དུ།


[[Category:རྙིང་མ་རྒྱུད་འབུམ།]] [[Category:རྙིང་མ་རྒྱུད་འབུམ། Vol 01]]
[[Category:རྙིང་མ་རྒྱུད་འབུམ།]] [[Category:རྙིང་མ་རྒྱུད་འབུམ། Vol 01]]

Revision as of 05:01, 20 March 2020

Front

Body

རྒྱ་གར་སྐད་དུ། །ས་མརྙ་བྷ་དྲ་མ་ཧྭ་ག་ག་ན་མྱུ་ལ་ས༷་གྲ་ཧ་ཏནྟྲ། བོད་སྐད་དུ། ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ འདི་སྐད་བཤད་པའི་དུས་གཅིག་ན། བཅོམ་ལྡན་འདས་ཀུན་ཏུ་བཟང་པོས། དམིགས་སུ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས། ཀུན་ཏུ་བཟང་པོ་རྩ་བ་བསྡུས་པའི་སངས་རྒྱས་མ་ལུས་པ་མི་ལུས་ལུས་པ་མེད་པའི་སྐུ་གསུང་ཐུགས་རྡོ་རྗེའི་བདག་ཉིད། སྙིང་པོ་ལས་ཀྱང་སྙིང་པོའི་མཆོག་ཏུ་གྱུར་པ་འདི་དག་བཀའ་སྩལ་ཏོ། །དོན་རྟོགས་ལྡན་པའི་སྐྱེས་བུ་དག །ཀུན་ཏུ་བཟང་པོ་ནམ་མཁའ་ཆེ། །རྩ་བ་བསྡུས་པ་རྟོགས་འདོད་ན། །ངེས་པར་རྒྱུད་འདི་མཉན་པར་གྱིས། །དེ་སྐད་ཅེས་གསུངས་གསན་ནས་ཀྱང་། །རྡོ་རྗེ་སེམས་དཔས་ཡང་ཞུས་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་བལྟ་བ་ཇི་ལྟར་ལགས། །སྤྱོད་པ་སྤྱད་པ་ཇི་ལྟར་སྤྱད། །ཉིད་ཀྱི་བསྒོམ་པ་ཇི་ལྟར་བསྒོམ། །བསྒྲུབ་པར་བྱ་ན་ཇི་ལྟར་བསྒྲུབ། །ཉིད་ཀྱི་དམ་ཚིག་གང་དང་གང་། །བགྲུང་བར་བྱ་བ་ཇི་ལྟར་བསྲུང་། །ཉིད་ཀྱི་དབང་རྣམས་གང་དང་གང་། །བསྐུར་བར་བྱ་ན་ཇི་ལྟར་བསྐུར། །ཉིད་ཀྱི་ཕྲིན་ལས་གང་དང་གང་། །རྩོལ་བར་བྱ་ན་ཇི་ལྟར་བྱ། །ཉིད་ཀྱི་སྦྱོར་བ་ཇི་ལྟར་སྦྱོར། །བསྒྲལ་བར་བྱ་ན་ཇི་ལྟར་བྱ། །ཉིད་ཀྱི་གསོ་བ་གང་དང་གང་། །གསད་པར་བྱ་ན་ཇི་ལྟར་བྱ། །ཉིད་ཀྱི་དབབ་པ་ཇི་ལྟར་ལགས། །གཅད་པར་བྱ་ན་ཇི་ལྟར་བྱ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། རྩ་བ་མདོར་བསྟན་པའི་སྐབས་ཏེ་དང་པོའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོས། །ཉིད་ཀྱི་ལྟ་བ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །འཛིན་རྟོག་མེད་པར་གང་བལྟ་བ། །འདི་ཡང་ང་ཡི་ལྟ་བ་ཡིན། །སྐྱེ་ཤི་མེད་པར་གང་བལྟ་བ། །འདི་ཡང་ང་ཡི་ལྟ་བ་ཡིན། །འཕོ་འགྱུར་མེད་པར་གང་ལྟ་བ། །འདི་ཡང་ང་ཡི་ལྟ་བ་ཡིན། །བྱ་བཙལ་མེད་པར་གང་བལྟ་བ། །འདི་ཡང་ང་ཡི་ལྟ་བ་ཡིན། །ཡངས་དོག་མེད་པར་གང་བལྟ་བ། །འདི་ཡང་ང་ཡི་ལྟ་བ་ཡིན། །རྒྱུ་འབྲས་མེད་པར་གང་བལྟ་བ། །འདི་ཡང་ང་ཡི་བལྟ་བ་ཡིན། །ཕྱོགས་སུ་གདལ་བས་འགྱུར་བ་མེད། །འདི་ཡང་ང་ཡི་ལྟ་བ་ཡིན། །སྣང་སྲིད་འདི་ལྟར་སྣང་བའི་ཆོས། །ཕྱི་ནང་སྣོད་བཅུད་ཐམས་ཅད་ཀུན། །སྙིང་པོ་འདི་ལས་གཞན་མ་ཡིན། །དབྱིངས་དང་ཡེ་ཤེས་དོན་རྟོགས་ན། །དེ་ཡང་ང་ཡི་དོན་རྟོགས་ཡིན། །དེ་ལྟར་རྟོགས་པའི་རྣལ་འབྱོར་ནི། །རྟོགས་པ་མངོན་དུ་གྱུར་པ་ཡིན། །ང་ཉིད་སྙིང་པོ་བྱང་ཆུབ་སེམས། །སྙིང་པོ་འདི་ཡང་གཞན་མ་ཡིན། །སྙིང་པོ་བྱང་ཆུབ་ཡེ་སངས་རྒྱས། །ཐམས་ཅད་དག་པས་སྐྱེ་བ་ཡིན། །རང་ལས་འབྱུང་བས་སྙིང་པོ་ཡིན། །ཡོངས་ལ་ཁྱབ་པས་སྙིང་པོ་ཡིན། །ཅིར་ཡང་བལྟ་བ་སྙིང་པོ་ཡིན། །གང་ཡང་ཤར་བས་སྙིང་པོ་ཡིན། །ཁྱབ་པར་གདལ་བས་སྙིང་པོ་ཡིན། །གཉིས་སུ་མེད་པས་སྙིང་པོ་ཡིན། །བཙལ་དུ་མེད་པས་སྙིང་པོ་ཡིན། །མི་འགྱུར་མི་ཤིགས་སྙིང་པོ་ཡིན། །གཅིག་ལས་མེད་པས་སྙིང་པོ་ཡིན། །ཐ་དད་སྣང་བས་སྙིང་པོ་ཡིན། །ང་ཉིད་སྙིང་པོ་བྱང་ཆུབ་སེམས། །བྱང་ཆུབ་སེམས་ནི་ཅིར་ཡང་སྣང་། །ཅིར་ཡང་སྣང་སྟེ་གང་དུ་ཡང་མེད། །དེ་ནི་ང་ཡི་ལྟ་བ་ཡིན། །བལྟ་རུ་མེད་པའི་ལྟ་བའོ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། ལྟ་བ་བསྡུས་པའི་སྐབས་ཏེ་གཉིས་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་སྤྱོད་པ་ཇི་ལྟར་སྤྱོད། །དེ་སྐད་གསོལ་བ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ཡེངས་པ་མེད་པར་གང་སྤྱོད་པ། །འདི་ཡང་ང་ཡི་སྤྱོད་པ་ཡིན། །ལྟ་བའི་མན་ངག་སྟེང་དུ་འཇོག །འདི་ཡང་ང་ཡི་སྤྱོད་པ་ཡིན། །བསྒྲུབ་པའི་མན་ངག་ཕུལ་དུ་འབྱིན། །འདི་ཡང་ང་ཡི་སྤྱོད་པ་ཡིན། །བདག་དང་གཞན་དུ་སྣང་བ་རྣམས། །གཉིས་སུ་མེད་པར་གང་སྤྱོད་པ། །འདི་ཡང་ང་ཡི་སྤྱོད་པ་ཡིན། །ཕྱོགས་དང་རིས་སུ་གང་སྣང་བ། །གཉིས་སུ་མེད་པར་གང་སྤྱོད་པ། །འདི་ཡང་ང་ཡི་སྤྱོད་པ་ཡིན། །ཕྱི་ནང་སྣོད་བཅུད་ཐམས་ཅད་ལ། །དམིགས་པ་མེད་པར་གང་སྤྱོད་པ། །འདི་ཡང་ང་ཡི་སྤྱོད་པ་ཡིན། །འཁོར་བའི་ལས་རྣམས་ཐམས་ཅད་ལ། །རྟོགས་དང་ལྡན་པས་གང་སྤྱོད་པ། །འདི་ཡང་ང་ཡི་སྦྱོད་པ་ཡིན། །གཟུགས་སུ་སྣང་བ་ཐམས་ཅད་ཀུན། །ང་ཡི་སྐུ་ཡི་བདག་ཉིད་ཡིན། །སྒྲ་རུ་གྲག་པ་ཐམས་ཅད་ཀུན། །ང་ཡི་གསུང་གི་བདག་ཉིད་ཡིན། །སེམས་ཀྱི་དྲན་རྟོག་ཐམས་ཅད་ཀུན། །ང་ཡི་ཐུགས་ཀྱི་བདག་ཉིད་ཡིན། །ཐམས་ཅད་ང་ལས་བྱུང་བས་ན། །ང་ཡི་རང་བྱུང་ཡེ་ཤེས་ཡིན། །ཕྲིན་ལས་རྣམ་བཞི་ཅི་སྤྱད་ཀྱང་། །ང་ཡི་ཕྲིན་ལས་བདག་ཉིད་ཡིན། །ཁྱབ་པར་གདལ་བས་སྤྱོད་པ་ནི། །འདི་ཡང་ང་ཡི་སྤྱོད་པ་ཡིན། །བཙལ་དུ་མེད་པ་གང་སྤྱོད་པ། །འདི་ཡང་ང་ཡི་སྤྱོད་པ་ཡིན། །ཡེ་ནས་ལྷུན་གྱིས་རྫོགས་པ་ནི། །འདི་ཡང་ང་ཡི་སྤྱོད་པ་ཡིན། །སྤྱོད་པ་གཉིས་སུ་མེད་པར་སྤྱོད། །ཐམས་ཅད་སྙིང་པོ་བྱང་ཆུབ་སེམས་སུ་སྤྱོད། །སེམས་ཉིད་ཡེ་སངས་རྒྱས་པར་སྤྱོད། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། སྤྱོད་པ་བསྟན་པའི་སྐབས་ཏེ་གསུམ་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་བསྒོམ་པ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ང་ཉིད་ཀུན་གཞི་བྱང་ཆུབ་སེམས། །དུས་གསུམ་བདག་ཏུ་མི་འགྱུར་བས། །འགྱུར་བ་མེད་པའི་སྐུ་རུ་བསྒོམ། །ང་ལརངབཞིནམེདཔསསུ། །བརྗོད་དུ་མེད་པའི་གསུང་དུ་བསྒོམ། །ང་ལ་དམིགས་པ་མེད་པས་སུ། །ཏིང་འཛིན་རྟོགས་པའི་ཐུགས་སུ་བསྒོམ། །ང་ལས་ཡོན་ཏན་ཀུན་འབྱུང་བས། །ལེགས་པ་ཀུན་འབྱུང་ཡོན་ཏན་བསྒོམ། །ང་ཉིད་རང་བཞིན་ལྷུན་གྲུབ་པས། །སྙོམས་པར་ལྷུན་གྱིས་གྲུབ་པར་བསྒོམ། །ང་ལ་བླང་ཞིང་དོར་དུ་མེད། །དམ་ཚིག་ཡེ་བསྲུངས་ཆེན་པོར་བསྒོམ། །ང་ཉིད་དམིགས་པའི་ཡུལ་ལས་འདས། །མི་དམིགས་ཤེས་རབ་ཆེན་པོར་བསྒོམ། །ང་ཉིད་འཛིན་རྟོག་ལས་འདས་པས། །རྣམ་པ་ཅིར་ཡང་མི་རྟོག་བསྒོམ། །ང་ཉིད་རང་ལས་རང་བྱུང་བས། །རང་བྱུང་ཡེ་ཤེས་ཆེན་པོར་བསྒོམ། །ང་ཉིད་རང་གིས་རང་རིག་པས། །རིག་པའི་ཡེ་ཤེས་ཆེན་པོར་བསྒོམ། །ང་ཉིད་གཉིས་སུ་མེད་པས་སུ། །ཐིག་ལེ་ཉག་གཅིག་མ་རུ་བསྒོམ། །ཐམས་ཅད་ཀུན་ལ་ཁྱབ་གདལ་བས། །ཡོངས་ལ་ཁྱབ་པའི་ཆོས་སུ་བསྒོམ། །རང་གི་རང་བཞིན་རང་གིས་རིག །རང་རིག་བྱང་ཆུབ་སེམས་སུ་བསྒོམ། །མི་བརྗོད་མ་སྤངས་དོན་གྱི་མཆོག །སྙིང་པོ་བྱང་ཆུབ་སེམས་སུ་བསྒོམ། །རང་རིག་སྤྲོས་བྲལ་བདེ་བའི་ཀློང་། །དམིགས་མེད་ཡེ་ཤེས་བདེ་བར་བསྒོམ། །ཡེ་ཤེས་ཐུགས་ཀྱི་ཡོན་ཏན་ནི། །བརྗོད་ཀྱིས་མི་ལངས་སྙིང་པོར་བསྒོམ། །དགོངས་པ་ཡེ་ཤེས་རྒྱ་མཚོ་སྟེ། །བསམ་དུ་མེད་པའང་བསྒོམ་པའི་མཆོག །སྣང་སྲིད་ཐམས་ཅད་སེམས་སུ་བསྒོམ། །སེམས་ཉིད་ཡེ་སངས་རྒྱས་པར་བསྒོམ། །ཕྱི་ནང་སྣོད་བཅུད་ཐམས་ཅད་ཀུན། །ཆོས་ཉིད་བྱང་ཆུབ་སེམས་སུ་བསྒོམ། །སྣང་དང་སྲིད་པའི་ཆོས་རྣམས་ཀུན། །གཉིས་སུ་མེད་པར་བསྒོམ་པར་བྱ། །འཁོར་བ་མྱ་ངན་འདས་མེད་ན། །དེ་ཡང་ང་ཡི་སྒོམ་པ་ཡིན། །ཐབས་དང་ཤེས་རབ་གཉིས་མེད་ན། །དེ་ཡང་ང་ཡི་སྒོམ་པ་ཡིན། །རྒྱུ་དང་འབྲས་བུ་གཉིས་མེད་ན། །དེ་ཡང་ང་ཡི་སྒོམ་པ་ཡིན། །བལྟ་བ་སྤྱོད་པ་གཉིས་མེད་ན། །དེ་ཡང་ང་ཡི་སྒོམ་པ་ཡིན། །སངས་རྒྱས་སེམས་ཅན་གཉིས་མེད་ན། །དེ་ཡང་ང་ཡི་བསྒོམ་པ་ཡིན། །བདེ་བ་སྡུག་བསྔལ་གཉིས་མེད་ན། །དེ་ཡང་ང་ཡི་སྒོམ་པ་ཡིན། །ཡུལ་དང་དབང་པོ་གཉིས་མེད་ན། །དེ་ཡང་ང་ཡི་སྒོམ་པ་ཡིན། ་ས་རབ་ཏིང་འཛིན་གཉིས་མེད་ན། །དེ་ཡང་ང་ཡི་སྒོམ་པ་ཡིན། །ཐམས་ཅད་སེམས་ཉིད་ཡིན་ཤེས་ན། །བསྒོམ་པ་མེད་པའི་སྒོམ་པ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། བསྒོམ་པའི་སྐབས་བསྟན་པ་སྟེ་བཞི་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་སྒྲུབ་པ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །སྒྲུབ་པའི་རྒྱལ་པོ་ང་ཡི་བཀའ། །ཚུལ་འཆང་གཞུང་ལས་ཕྱེ་སྟེ་བཤད། །རྒྱུ་ཉིད་དག་པར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །འབྲས་བུ་དག་པར་གངབསྒྲུབ་པ། །འདི་ཡང་ང་ཡི་སྒྲུབ་པ་ཡིན། །བཅོས་མེད་སྙིང་པོར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །རྩོལ་བསྒྲུབ་མེད་པར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །མ་བཙལ་བཞག་པར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །མཉམ་པ་ཉིད་དུ་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །མ་བཀག་ཀློང་དུ་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །ཐིག་ལེ་ཆེན་པོར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །ཀུན་ཏུ་བཟང་པོར་གང་བསྒྲུབ་པ། །འདི་ཡང་ང་ཡི་སྒྲུབ་པ་ཡིན། །སྙིང་པོ་བྱང་ཆུབ་ཆོས་མེད་པ། །འདི་ཡང་ང་ཡི་སྒྲུབ་པ་ཡིན། །ཐམས་ཅད་ཡེ་ནས་ལྷུན་གྲུབ་པ། །འདི་ཡང་ང་ཡི་སྒྲུབ་པ་ཡིན། །བསྒྲུབ་པའི་རྒྱལ་པོར་ཡང་གསོལ་པ། །ཐམས་ཅད་བསྒྲུབས་པས་ཐམས་ཅད་འགྲུབ། །བསྒྲུབ་ཙམ་ཉིད་ན་འགྲུབ་པ་ཡིན། །སྙིང་པོ་བྱང་ཆུབ་བཅོས་མེད་པས། །རྒྱུ་འབྲས་མེད་པའི་དངོས་གྲུབ་འདི། །བསྒྲུབ་ཏུ་མེད་པས་ང་ཉིད་གྲུབ། །སྣང་ཞིང་སྲིད་པའི་ཆོས་རྣམས་ཀུན། །ཐམས་ཅད་བྱང་ཆུབ་སེམས་སུ་བསྒྲུབ། །སེམས་ཉིད་མ་ཡེངས་སྒྲུབ་པ་ཆེན་པོ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། སྒྲུབ་པ་བསྟན་པའི་སྐབས་ཏེ་ལྔ་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་དམ་ཚིག་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །དངོས་པོ་མཚན་མ་ཐམས་ཅད་ལས། །འདའ་བ་མེད་པ་དམ་ཚིག་ཡིན། །རང་བྱུང་ཡེ་ཤེས་བཙལ་མེད་པ། །འདི་ཡང་ང་ཡི་དམ་ཚིག་ཡིན། །རྟག་ཆད་གཉིས་སུ་བལྟ་མེད་པ། །འདི་ཡང་ང་ཡི་དམ་ཚིག་ཡིན། །གཟུང་འཛིན་གཉིས་སུ་མེད་བལྟ་བ་། །འདི་ཡང་ང་ཡི་དམ་ཚིག་ཡིན། །རྒྱུ་འབྲས་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །རྩོལ་བསྒྲུབ་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །འཕོ་འགྱུར་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །ཐོག་མཐའ་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །མཐའ་དབུས་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །དངོས་པོ་མཚན་མར་མི་བལྟ་བ། །འདི་ཡང་ང་ཡི་དམ་ཚིག་ཡིན། །བཟང་ངན་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །གཙང་དང་སྨེ་བར་མི་བལྟ་བ། །འདི་ཡང་ང་ཡི་དམ་ཚིག་ཡིན། །ཆེ་ཆུང་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །སྐྱེ་ཤི་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །གཟུགས་དང་རྫས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །ཡངས་དོག་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །ཕྱི་ནང་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །མཐོ་དམན་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །སྣོད་བཅུད་གཉིས་སུ་མི་བལྟ་བ། །འདི་ཡང་ངཡིདམཚིགཡིན། །འཁོར་དང་མྱང་འདས་མི་བལྟ་བ། །འདི་ཡང་ང་ཡི་དམ་ཚིག་ཡིན། །བདེ་སྡུག་གཉིས་སུ་མི་བལྟ་བ། །འདི་ཡང་ང་ཡི་དམ་ཚིག་ཡིན། །དམ་ཚིག་རྒྱལ་པོ་ལྷུན་གྱིས་གྲུབ། །སྙིང་པོ་གསང་ཆེན་འདའ་མེད་མཆོག །དོན་གྱི་སྐྱེས་བུས་གཞུང་སྤྲོས་ནས། །མི་ཡི་སེང་གེ་དག་ལ་བསྟན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། དམ་ཚིག་བསྟན་པའི་སྐབས་ཏེ་དྲུག་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་དམ་ཚིག་བསྲུང་བ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །མཁའ་དབྱིངས་བདེ་ཆེན་ཀློང་ཡངས་ནི། །བྱང་ཆུབ་སེམས་ཀྱི་དམ་ཚིག་སྟེ། །བསྲུང་དུ་མེད་པས་ཡེ་བསྲུངས་ཡིན། །ཐབས་དང་ཤེས་རབ་གཉིས་མེད་པ། །འདི་ཡང་ང་ཡི་དམ་ཚིག་སྟེ། །བསྲུང་དུ་མེད་པས་ཡེ་བསྲུངས་ཡིན། །དབྱིངས་དང་ཡེ་ཤེས་གཉིས་མེད་པ། །འདི་ཡང་ང་ཡི་དམ་ཚིག་སྟེ། །བསྲུང་དུ་མེད་པས་ཡེ་བསྲུངས་ཡིན། །རྒྱུ་དང་འབྲས་བུ་གཉིས་མེད་པ། །འདི་ཡང་ང་ཡི་དམ་ཚིག་སྟེ། །བསྲུང་དུ་མེད་པ་ཡེ་བསྲུངས་ཡིན། །གཟུགས་དང་མཚན་མ་གཉིས་མེད་པ། །འདི་ཡང་ང་ཡི་དམ་ཚིག་སྟེ། །བསྲུང་དུ་མེད་པས་ཡེ་བསྲུངས་ཡིན། །ཐམས་ཅད་དག་ནས་ཐམས་ཅད་དུ། །དམ་ཚིག་དག་ལས་མ་འདས་པ། །མཉམ་པ་ཉིད་དུ་ཡེ་བསྲུངས་ཡིན། །འདི་ཡང་ང་ཡི་དམ་ཚིག་ཡིན། །དངོས་པོ་མཚན་མ་ཐམས་ཅད་ལས། །འདའ་བ་མེད་པར་གང་བསྲུང་བ། །འདི་ཡང་དམ་ཚིག་བསྲུང་བ་ཡིན། །ཀུན་དང་མཐུན་ལ་སྤངས་ངང།ང་ཡིན་ནམ།བྱེད་པ། །འདི་ཡང་དམ་ཚིག་བསྲུང་བ་ཡིན། ཁྲེས་པ་སྒོ་ཡངས་ཆོས་དང་མཐུན། །འདི་ཡང་དམ་ཚིག་བསྲུང་བ་ཡིན། །བྱམས་སྡང་མེད་པར་གང་སྒྲོལ་བ། །འདི་ཡང་དམ་ཚིག་བསྲུང་བ་ཡིན། །ཆགས་སྡང་མེད་པར་གང་ཤེས་པ། །འདི་ཡང་དམ་ཚིག་བསྲུང་བ་ཡིན། །བཟང་ངན་མེད་པར་གང་སྦྱོར་བ། །འདི་ཡང་དམ་ཚིག་བསྲུང་བ་ཡིན། །སྤང་ལེན་མེད་པར་གང་བསྒྲུབ་པ། །འདི་ཡང་དམ་ཚིག་བསྲུང་བ་ཡིན། །གཙང་སྨེ་མེད་པར་གང་བལྟ་བ། །འདི་ཡང་དམ་ཚིག་བསྲུང་བ་ཡིན། །ཐོགས་ཆགས་མེད་པར་གང་སྤྱོད་པ། །འདི་ཡང་མ་ཚིག་བསྲུང་བ་ཡིན། །སྣོད་དང་ལྡན་པར་དོན་འབྱིན་པ། །འདི་ཡང་དམ་ཚིག་བསྲུང་བ་ཡིན། །ནོགས་དང་ལྡན་པས་གསང་ཐུབ་པ། །འདི་ཡང་དམ་ཚིག་བསྲུང་བ་ཡིན། །ཡིད་ལ་སེམས་པ་གང་ཡིན་པ། །འདི་ཡང་དམ་ཚིག་བགྲུང་བ་ཡིན། །སྔགས་པ་བློ་ལྡན་དད་པ་ཅན། །ཟང་ཟིང་ནོར་ལ་ཆགས་མེད་པ། །འདི་ཡང་དམ་ཚིག་བསྲུང་བ་ཡིན། །གཡོ་སྒྱུ་ཡོངས་སྤངས་བདེ་བའི་ལམ། །འདི་ཡང་དམ་ཚིག་བསྲུང་བ་ཡིན། །བསླབ་པའི་ལས་རྣམས་མཐར་ཕྱིན་པ། །འདི་ཡང་དམ་ཚིག་བསྲུང་བ་ཡིན། །རང་བཞིན་མེད་པས་མཉམ་པ་ཉིད། །ཡོངས་ལ་ཕྲག་ཡང་དོག་མེད་པ། །འདི་ཡང་དམ་ཚིག་བསྲུང་བ་ཡིན། །རྒྱུད་འདི་འཛིན་ཏམ་འཆང་བའམ། །ཡིད་ལ་སེམས་པ་གང་ཡིན་པ། །འདི་ཡང་དམ་ཚིག་བསྲུང་བ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། །དམ་ཚིག་བསྲུང་བའི་སྐབས་ཏེ་བདུན་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་དབང་རྣམས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །གདོད་ནས་རྣམ་དག་ཆོས་ཀྱི་སྐུ། །རང་བྱུང་ཡེ་ཤེས་སྤྲོས་དང་བྲལ། །འདི་ཡང་ང་ཡི་དབང་མཆོག་ཡིན། །ཡོངས་ཁྱབ་ཐུགས་རྗེ་སྤྲུལ་པའི་སྐུ། །འགྲོ་བ་རྣམས་ཀྱི་དོན་ཆེན་མཛད། །འདི་ཡང་ང་ཡི་དབང་མཆོག་ཡིན། །ཐབས་མཁས་རོལ་པས་ལོངས་སྤྱོད་རྫོགས། །ལོངས་སྐུ་སྣང་བ་ཐམས་ཅད་སྟོན། །འདི་ཡང་ང་ཡི་དབང་མཆོག་ཡིན། །སྐྱེ་ཤི་མེད་པར་རྡོ་རྗེའི་སྐུ། །ཅིས་ཀྱང་སྦྱོད་དུ་མེད་པ་སྟེ། །འདི་ཡང་ང་ཡི་དབང་མཆོག་ཡིན། །རྟོགས་པས་མངོན་པར་བྱང་ཆུབ་སྐུ། །ངོ་བོ་ཉིད་ཀྱིས་རྣམ་པར་དག །འདི་ཡང་ང་ཡི་དབང་མཆོག་ཡིན། །གཉིས་མེད་བདེ་བ་ཆེན་པོའི་སྐུ། །ཀུན་བྲལ་ཉག་གཅིག་ཅི་མ་སྤངས། །འདི་ཡང་ང་ཡི་དབང་མཆོག་ཡིན། །སྐུ་གསུམ་དབྱེར་མེད་རོལ་པ་ཡིན། །དོན་གྱིས་ཡེངས་པ་མེད་པར་མཛད། །འདི་ཡང་ང་ཡི་དབངམཆོགཡིན། །གང་ཞིག་བསྒྲལ་བ་བྱང་ཆུབ་སེམས། །གདོད་ནས་དག་པའི་སྙིང་པོ་མཆོག །འདི་ཡང་ང་ཡི་དབང་མཆོག་ཡིན། །བཀྲེས་དང་སྐོམ་དང་སྡུག་བསྔལ་ན། །ཆོས་ཉིད་དངོས་པོས་མི་བསྒྲིབ་པ། །འདི་ནི་ང་ཡི་དབང་མཆོག་ཡིན། །ན་དང་འཆི་བས་སྡུག་བསྔལ་ན། །དངོས་པོའི་མཚན་མ་ངང་འཇོམས་པ། །འདི་ནི་ང་ཡི་དབང་མཆོག་ཡིན། །རྒས་དང་རྒུད་པས་སྡུག་བསྔལ་ན། །རྟག་ཆད་དོན་གྱི་མཐར་སྦྱོར་བ། །འདི་ནི་ང་ཡི་དབང་མཆོག་ཡིན། །དགྲ་དང་བརྡར་བས་སྡུག་བསྔལ་ན། །མཚན་མ་ཞེན་པ་ནང་སྦྱོར་བས། །འདི་ཡང་ང་ཡི་དབང་མཆོག་ཡིན། །སྐྱེ་དང་འཆང་བས་སྡུག་བསྔལ་ན། །མི་རྟོག་དོན་གྱི་མཐའ་སྦྱོར་བས། །འདི་ཡང་ང་ཡི་དབང་མཆོག་ཡིན། །རྣམ་པར་མི་རྟོག་སྙིང་པོ་ནི། །སྨྲ་བསམ་བརྗོད་ལས་འདས་པ་སྟེ། །འདི་ཡང་ང་ཡི་དབང་མཆོག་ཡིན། །ཡོད་ཅེས་སྒྲོས་སུ་གདགས་མེད་ལ། །མེད་ཅེསསྐུར་པ་གདབ་མེད་པ། །འདི་ཡང་ང་ཡི་དབང་མཆོག་ཡིན། །ཡི་དམ་སེམས་ཀྱིས་དྲན་མེད་ན། །རྣམ་པར་མི་རྟོག་ཏིང་ངེ་འཛིན། །འདི་ཡང་ང་ཡི་དབང་མཆོག་ཡིན། །གདོད་ནས་རྣམ་དག་ལྷུན་གྱིས་གྲུབ། །རང་བྱུང་ཡེ་ཤེས་བཙལ་བ་མེད། །འདི་ཡང་ང་ཡི་དབང་མཆོག་ཡིན། །མཚན་མ་མེད་པ་མཚན་མའི་མཆོག །སྐྱེ་བ་མེད་ལས་ཐམས་ཅད་སྐྱེས། །འདི་ཡང་ང་ཡི་དབང་མཆོག་ཡིན། །སྣང་བ་རང་བཞིན་མེད་པ་ལ། །ཕྱོགས་དང་རིས་སུ་འབྱེད་མེད་པ། །འདི་ཡང་ང་ཡི་དབང་མཆོག་ཡིན། །བྱུང་ཚོར་གང་ཡང་སྤང་མེད་པ། །ཡིད་ཀྱིས་ཅིར་ཡང་མི་བསམ་པ། །འདི་ཡང་ང་ཡི་དབང་མཆོག་ཡིན། །འཛིན་རྟོག་མེད་པའི་ཤེས་རབ་ཀྱིས། །རང་བཞིན་མེད་པར་གང་འཇིག་པ། །འདི་ཡང་ང་ཡི་དབང་མཆོག་ཡིན། །ཆོས་ཉིད་རིག་པའི་ཀློང་གདལ་དུ། །རང་རིག་ཡེ་ཤེས་མ་བརྗེད་བསྒོམ། །འདི་ཡང་ང་ཡི་དབང་མཆོག་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། དབང་བསྟན་པའི་སྐབས་ཏེ་བརྒྱད་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་དབང་བསྐུར་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །རང་བཞིན་སྤྲོས་བྲལ་བདེ་གཤེགས་ཐུགས། །འདི་ཡང་ང་ཡི་དབང་བསྐུར་ཡིན། །དངོས་མེད་མ་སྐྱེས་ཆོས་རྣམས་འབྱུང་། །འདི་ཡང་ང་ཡི་དབང་བསྐུར་ཡིན། །བརྗོད་མེད་ཡེ་སྐྱེས་ཡེ་ནས་སྟོང་། །འདི་ཡང་ང་ཡི་དབང་བསྐུར་ཡིན། །ཚིག་གིས་མཚོནི་མེད་མཚན་མ་མེད། །འདི་ཡང་ང་ཡི་དབང་བསྐུར་ཡིན། །དམ་ཆོས་ཡོན་ཏན་བརྗོད་མི་སྤང་། །འདི་ཡང་ང་ཡི་དབང་བསྐུར་ཡིན། །མ་རིག་དོན་སྟོང་ཁ་ལོ་བསྒྱུར། །འདི་ཡང་ང་ཡི་དབང་བསྐུར་ཡིན། །ཀུན་བྲལ་ཉག་གཅིག་ཅི་མ་སྤངས། །འདི་ཡང་ང་ཡི་དབང་བསྐུར་ཡིན། །སྣ་ཚོགས་སྣང་ཡང་འགྱུར་བ་མེད། །འདི་ཡང་ང་ཡི་དབང་བསྐུར་ཡིན། །ཅི་ཡང་མེད་པས་ཅི་ཡང་རིག །འདི་ཡང་ང་ཡི་དབང་བསྐུར་ཡིན། །བརྟགས་ན་མ་མཐོང་ཅིར་ཡང་སྣང་། །འདི་ཡང་ང་ཡི་དབང་བསྐུར་ཡིན། །བསྐལ་པར་འ་ས་ཀྱང་སྟོར་བྲལ་མེད། །འདི་ཡང་ང་ཡི་དབང་བསྐུར་ཡིན། །ཕྲ་རབ་རྡུལ་མེད་སྣང་སྲིད་ཁྱབ། །འདི་ཡང་ང་ཡི་དབང་བསྐུར་ཡིན། །དངོས་གཞི་མེད་ལ་ཅིར་བཏགས་འཆར། །འདི་ཡང་ང་ཡི་དབང་བསྐུར་ཡིན། །མཐའ་ལས་བྱུང་ཞིང་ཟད་པ་མེད། །འདི་ཡང་ང་ཡི་དབང་བསྐུར་ཡིན། །མ་བཟུང་མ་བརྟགས་གང་དགར་ཆགས། །འདི་ཡང་ང་ཡི་དབང་བསྐུར་ཡིན། །བསྐྱོད་པ་མེད་པས་ཐོགས་མེད་མྱུར། །འདི་ཡང་ང་ཡི་དབང་བསྐུར་ཡིན། །གང་ཡང་མ་སྤངས་མཐོང་བ་མེད། །འདི་ཡང་ང་ཡི་དབང་བསྐུར་ཡིན། །འདེགས་པ་མེད་པར་མཁའ་ལ་འགྲོ །འདི་ཡང་ང་ཡི་དབང་བསྐུར་ཡིན། །ཡན་ལག་མེད་པར་ས་རྣམས་བགྲོད། །འདི་ཡང་ང་ཡི་དབང་བསྐུར་ཡིན། །ཁྱད་གདལ་འུབྲ་ཆུབ་གཅིག་མཐའ་ཡས། །འདི་ཡང་ང་ཡི་དབང་བསྐུར་ཡིན། །མ་གཡོས་མ་བཅོས་སྣ་ཚོགས་སྣང་། །འདི་ཡང་ང་ཡི་དབང་བསྐུར་ཡིན། །ཐ་དད་སྤྲོས་ཀྱང་གཅིག་ལས་མེད། །འདི་ཡང་ང་ཡི་དབང་བསྐུར་ཡིན། །ཟད་མི་ཤེས་པས་གཏེར་ཆེན་ཏེ། །འདིཡང་ང་ཡི་དབང་བསྐུར་ཡིན། །སྣ་ཚོགས་སྣང་བས་སེམས་ཉིད་དེ། །འདི་ཡང་ང་ཡི་དབང་བསྐུར་ཡིན། །ཕྱི་ནང་མེད་པར་ཀུན་ཏུ་སྣང་། །འདི་ཡང་ང་ཡི་དབང་བསྐུར་ཡིན། །བཙལ་བ་མེད་པ་ཅིར་ཡང་འགྲུབ། །འདི་ཡང་ང་ཡི་དབང་བསྐུར་ཡིན། །མཚན་མ་མེད་པར་ཅིར་ཡང་སྣང་། །འདི་ཡང་ང་ཡི་དབང་བསྐུར་ཡིན། །གར་ཡང་མ་གཡོས་ཀུན་ཏུ་ཕྱིན། །འདི་ཡང་ང་ཡི་དབང་བསྐུར་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། དབང་བསྐུར་བའི་སྐབས་ཏེ་དགུ་པའོ།། །།རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་པ། །ཉིད་ཀྱི་ཕྲིན་ལས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ཕྱི་ནང་ཆོས་རྣམས་ཐམས་ཅད་པ། །འདི་ཡང་ང་ཡི་ཕྲིན་ལས་ཡིན། །བདག་དང་གཞན་དུ་བལྟ་བ་རྣམས། །གཉིས་སུ་མེད་པར་གང་སྤྱོད་པ། །འདི་ཡང་ང་ཡི་ཕྲིན་ལས་ཡིན། །ཕྱོགས་དང་རིས་སུ་སྣང་བ་རྣམས། །གཉིས་སུ་མེད་པར་གང་སྤྱོད་པ། །འདི་ཡང་ང་ཡི་ཕྲིན་ལས་ཡིན། །གཉིས་སུ་མེད་པར་བདེ་བ་ཆེ། །བདེ་ཆེན་ཡོངས་ཁྱབ་ཆོས་ཀྱི་སྐུ། །འདི་ཡང་ང་ཡི་ཕྲིན་ལས་ཡིན། །དངོས་པོ་མཚན་མ་ཐམས་ཅད་འཇོམས། །ཐབས་མཁས་ལོངས་སྤྱོད་རྫོགས་པའི་སྐུ། །འདི་ཡང་ང་ཡི་ཕྲིན་ལས་ཡིན། །སྐྱེ་བ་མེད་ལས་ཐམས་ཅད་སྐྱེས། །ཡོངས་ལ་ཁྱབ་པས་སྤྲུལ་པའི་སྐུ། །འདི་ཡང་ང་ཡི་ཕྲིན་ལས་ཡིན། །མི་འགྱུར་མི་ཤིགས་སྙིངཔོའིམཆོག །སྐྱེཤིམེདཔས་རྡོ་རྗེའི་སྐུ། །འདི་ཡང་ང་ཡི་ཕྲིན་ལས་ཡིན། །དོན་དམ་རྟོགས་པའི་བདེ་བ་མཆོག །མངོན་པར་བྱང་ཆུབ་པ་ཡི་སྐུ། །འདི་ཡང་ང་ཡི་ཕྲིན་ལས་ཡིན། །སྐུ་ལྔ་དབྱེར་མེད་རོལ་པ་འདི། །དོན་གྱི་ཕྲིན་ལས་ཡེངས་པ་མེད་། །འདི་ཡང་ང་ཡི་ཕྲིན་ལས་ཡིན། །སྐུ་ཡི་ཕྲིན་ལས་སྐྱེ་བ་མེད། །གསུང་གི་ཕྲིན་ལས་བསྒྲག་ཏུ་མེད། །ཐུགས་ཀྱི་ཕྲིན་ལས་དགོངས་སུ་མེད། །ཡོན་ཏན་ཕྲིན་ལས་བསྒྲུབ་ཏུ་མེད། །ཕྲིན་ལས་ཕྲིན་ལས་བཙལ་དུ་མེད། །འདི་ཡང་ང་ཡི་ཕྲིན་ལས་ཡིན། །གཉིས་མེད་དོན་རྟོགས་བདེ་བ་ཆེ། །འདི་ཡང་ང་ཡི་ཕྲིན་ལས་ཡིན། །དག་དང་མ་དག་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །སངས་རྒྱས་སེམས་ཅན་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །འཁོར་དང་མྱང་འདས་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །དབྱིངས་དང་ཡེ་ཤེས་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །ཐབས་དང་ཤེས་རབ་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །རྒྱུ་དང་འབྲས་བུ་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །ལྟ་བ་སྤྱོད་པ་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །བསྒོམ་དང་བསྒྲུབ་པ་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །ཡུལ་དང་དབང་པོ་གཉིས་མེད་ན། །འདི་ཡང་ང་ཡི་ཕྲིན་ལས་ཡིན། །གཉིས་མེད་དོན་རྟོགས་ཕྲིན་ལས་ནི། །འདི་ཡང་ང་ཡི་ཕྲིན་ལས་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། ཕྲིན་ལས་ཀྱི་སྐབས་ཏེ་བཅུ་པའོ།། །རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཕྲིན་ལས་བཙལ་བ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །དང་པོར་གང་ཡིན་ང་ཡིན་པས། །ང་ནི་སངས་རྒྱས་ཀུན་གྱི་ཡབ། །དེ་ལས་ཕྲིན་ལས་ཅི་ཞིག་བཙལ། །ང་ནི་ཐམས་ཅད་ཀུན་གྱི་རྗེ། །དེ་ལས་ཕྲིན་ལས་ཅི་ཞིག་བཙལ། །ཐ་མར་ཐབས་ཀྱིས་ང་འདུལ་བས། །ང་ནི་རྣལ་འབྱོར་ཀུན་གྱི་དཔོན། །དེ་ལས་ཕྲིན་ལས་ཅི་ཞིག་བཙལ། །ཁམས་གསུམ་དག་ན་ང་དབང་ཆེ། །ང་ཡི་གོང་ན་སུ་ཡང་མེད། །དེ་ལ་ཕྲིན་ལས་ཅི་ཞིག་བཙལ། །དུས་གསུམ་མུན་པ་ལྟར་འཐིབས་ཀྱང་། །ང་ལ་བསྒྲིབ་པའི་དུས་མཐའ་མེད། །དེ་ལ་ཕྲིན་ལས་ཅི་ཞིག་བཙལ། །སྟོང་གསུམ་ཉི་མས་ཁེངས་གྱུར་ཀྱང་། །ང་ལ་ཤར་ཞིང་གསལ་རྒྱུ་མེད། །དེ་ལ་ཕྲིན་ལས་ཅི་ཞིག་བཙལ། །མ་རིག་མུན་པ་ལྟར་འཐིབས་ཀྱང་། །ང་ལ་འཐིབས་ཤིང་གནག་རྒྱུ་མེད། །དེ་ལ་ཕྲིན་ལས་ཅི་ཞིག་བཙལ། །ཉོན་མོངས་དུག་ཏུ་ལངས་གྱུར་ཀྱང་། །ང་ལ་སྤངས་ཤིང་དོར་དུ་མེད། །དེ་ལ་ཕྲིན་ལས་ཅི་ཞིག་བཙལ། །སྲིད་གསུམ་ཆར་ལྟར་བབས་ན་ཡང་། །ང་ལ་གཤེར་ཞིང་བངས་པ་མེད། །དེ་ལ་ཕྲིན་ལས་ཅི་ཞིག་བཙལ། །ཁམས་གསུམ་ཆུ་ལྟར་འབྲུབ་ཀྱང་ནི། །ང་ལ་བངས་ཤིང་འཁྱེར་རྒྱུ་མེད། །དེ་ལ་ཕྲིན་ལས་ཅི་ཞིག་བཙལ། །སྟོང་གསུམ་རླུད་ལྟར་འཕྱོས་པས་ཀྱང་། །དེ་ཡིས་ང་ལ་བསྐྱོད་མི་ནུས། །དེ་ལ་ཕྲིན་ལས་ཅི་ཞིག་བཙལ། །སྐྱེ་ཤི་རིས་སུ་བཅད་པ་ཡང་། །ང་ལ་སྐྱེ་ཞིང་འཆི་བ་མེད། །དེ་ལ་ཕྲིན་ལས་ཅི་ཞིག་བཙལ། །དངོས་གྲུབ་རྣམ་གསུམ་བརྙེས་ན་ཡང་། །ང་ལ་བརྙེས་ཤིང་ཆགས་རྒྱུ་མེད། །དེ་ལ་ཕྲིན་ལས་ཅི་ཞིག་བཙལ། །ཆོས་སྐུ་འགྱུར་མེད་གྲུབ་ན་ཡང་། །ང་ལ་འཁྲུལ་བའི་རྒྱུ་ཅི་ཡོད། །དེ་ལ་ཕྲིན་ལས་ཅི་ཞིག་བཙལ། །རང་བྱུང་ཉིད་དུ་ཡེ་གནས་པ། །གཞན་ལ་རག་ཅིང་ལུས་སུ་མེད། །དེ་ལ་ཕྲིན་ལས་ཅི་ཞིག་བཙལ། །སྙིང་པོ་ཉིད་དུ་ལྷུན་གྲུབ་པས། །འབྲས་བུ་ཉིད་དུ་རྟེན་མི་འཆའ། །དེ་ལ་ཕྲིན་ལས་ཅི་ཞིག་བཙལ། །ཐབས་དང་ཤེས་རབ་དབྱེར་མེད་པས། །དེ་ལ་བཙལ་དུ་ཅི་ཞིག་ཡོད། །ལྟ་བ་སྤྱོད་པ་གཉིས་མེད་པས། །དེ་ལ་ཕྲིན་ལས་ཅི་ཞིག་བཙལ། །བསྒོམ་དང་བསྒྲུབ་པ་གཉིས་མེད་པས། །དེ་ལ་ཕྲིན་ལས་ཅི་ཞིག་བཙལ། །སྣང་དང་སྟོང་པ་དབྱེར་མེད་པས། །དེ་ལ་ཕྲིན་ལས་ཅི་ཞིག་བཙལ། །ཐིག་ལེ་ཆེན་པོར་དབྱིངས་ན་གསལ། །དེ་ལ་ཕྲིན་ལས་ཅི་ཞིག་བཙལ། །ང་ཡི་ཕྲིན་ལས་བཙལ་མེད་པས། །བཙལ་དུ་མེད་པའི་བཙལ་བ་ཡིན། །ཀུན་ཏུ་བཟང་པོ་ཆེ་རྩ་བ་བསྡུས་པའི་རྒྱུད་ལས། ཕྲིན་ལས་བཙལ་དུ་མེད་པའི་སྐབས་ཏེ་བཅུ་གཅིག་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་སྦྱོར་བ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ཐམས་ཅད་ཆོས་ཀྱི་ཆོས་ཉིད་ལ། །སེམས་ཀྱི་སེམས་ཉིད་གཉིས་མེད་སྦྱོར། །བདེ་གཤེགས་ཐུགས་ཀྱི་ཡེ་ཤེས་ལ། རང་བཞིན་རིག་པ་གཉིས་མེད་སྦྱོར། །འདི་ཡང་ང་ཡི་སྦྱོར་བ་ཡིན། །སྣང་སྲིད་ཐམས་ཅད་སེམས་ཡིན་པས། །སེམས་ཉིད་ཡེ་སྦྱོར་ཆེན་པོ་སྟེ། །འདི་ཡང་ང་ཡི་སྦྱོར་བ་ཡིན། །དངོས་པོའི་ཆོས་རྣམས་ཐམས་ཅད་ཀུན། །སྐྱེ་བ་མེད་པར་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །རང་བཞིན་མེད་པར་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །མཉམ་པ་ཉིད་ལ་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །ངེས་པའི་དོན་ལ་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །དམ་ཚིག་གཞུང་ལྟར་གང་སྤྱོད་པ། །འདི་ཡང་ང་ཡི་སྦྱོར་བ་ཡིན། །ཡོངས་ལ་ཕྲག་ཡང་དོག་པ་མེད། །འདི་ཡང་ང་ཡི་སྦྱོར་བ་ཡིན། །བྱམས་སྡང་མེད་པར་གང་གྲོལ་བ། །འདི་ཡང་ང་ཡི་སྦྱོར་བ་ཡིན། །ཐོགས་ཆགས་མེད་པར་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །བཟང་ངན་མེད་པར་གང་སྦྱོར་བ། །འདི་ཡང་ང་ཡིས་སྦྱོར་བ་ཡིན། །སྤང་ལེན་མེད་པར་གང་སྦྱོར་བ། །འདི་ཡང་ང་ཡི་སྦྱོར་བ་ཡིན། །ཆགས་སྡང་མེད་པར་གང་ཤེས་པ། །འདི་ཡང་ང་ཡི་སྦྱོར་བ་ཡིན། །གཙང་སྨེ་མེད་པར་གང་སྤྱོད་པ། །འདི་ཡང་ང་ཡི་སྦྱོར་བ་ཡིན། །སངས་རྒྱས་སེམས་ཅན་གཉིས་མེད་པ། །འདི་ཡང་ང་ཡི་སྦྱོར་བ་ཡིན། །འཁོར་བ་མྱ་ངན་འདས་མེད་པ། །འདི་ཡང་ང་ཡི་སྦྱོར་བ་ཡིན། །ཕྱི་ནང་སྣོད་བ་་གཉིས་མེད་ན། །འདི་ཡང་ང་ཡི་སྦྱོར་བ་ཡིན། །ཡུལ་དང་དབང་པོ་གཉིས་མེད་ན། འདི་ཡང་ང་ཡི་སྦྱོར་བ་ཡིན། །ཐབས་དང་ཤེས་རབ་གཉིས་མེད་ན། །འདི་ཡང་ང་ཡི་སྦྱོར་བ་ཡིན། །དབྱིངས་དང་ཡེ་ཤེས་གཉིས་མེད་ན། །འདི་ཡང་ང་ཡི་སྦྱོར་བ་ཡིན། ་།ས་རབ་ཏིང་འཛིན་གཉིས་མེད་ན། །འདི་ཡང་ང་ཡི་སྦྱོར་བ་ཡིན། །བདེ་བ་སྡུག་བསྔལ་གཉིས་མེད་ན། །འདི་ཡང་ང་ཡི་སྦྱོར་བ་ཡིན། །སྣང་སྲིད་ཐམས་ཅད་སེམས་སུ་སྦྱོར། །སེམས་ཉིད་ཡེ་སངས་རྒྱས་པར་སྦྱོར། །འདི་ཡང་ང་ཡི་སྦྱོར་བ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། སྦྱོར་བ་བསྟན་པའི་སྐབས་ཏེ་བཅུ་གཉིས་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་བསྒྲལ་བ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། ཁམས་གསུམ་རང་གི་སེམས་སུ་བསྒྲལ། །དེ་ཡང་ང་ཡི་བསྒྲལ་བ་ཡིན། །སྲིད་གསུམ་ཐམས་ཅད་སེམས་ཡིན་པས། །སེམས་ཉིད་ཡེ་སངས་རྒྱས་པ་ཡིན། །འདི་ཡང་ང་ཡི་བསྒྲལ་བ་ཡིན། ཁུསྐྲུད་དྲུག་ཕུང་པོར་སྣང་བ་ཡི། །རང་གི་སེམས་ཏེ་ཡེ་སངས་རྒྱས། །འདི་ཡང་ང་ཡི་བསྒྲལ་བ་ཡིན། །དུག་ལྔ་ཡེ་ཤེས་ལྔ་རུ་བསྒྲལ། །འདི་ཡང་ང་ཡི་བསྒྲལ་བ་ཡིན། །དུག་གསུམ་སྐུ་གསུང་ཐུགས་སུ་བསྒྲལ། །འདི་ཡང་ང་ཡི་བསྒྲལ་བ་ཡིན། །སྡུག་བསྔལབདེབཆེནཔོབསྒྲལ། །འདི་ཡང་ང་ཡི་བསྒྲལ་བ་ཡིན། །ཐམ་ཅད་སྙིང་པོ་བྱང་ཆུབ་སྟེ། །གཉིས་སུ་མེད་པར་བསྒྲལ་བར་བྱ། །ལྟ་བ་སྤྱོད་པ་གཉིས་མེད་པ། །འདི་ཡང་ང་ཡི་བསྒྲལ་་བ་ཡིན། །ཕྱི་ནང་སྣོད་བབ་ཐམས་ཅད་ཀུན། །ཆོས་ཉིད་བྱང་ཆུབ་སེམས་སུ་བསྒྲལ། །སྲིད་གསུམ་ཐམས་ཅད་གདོད་ནས་་དག །སྙིང་པོ་བྱང་ཆུབ་སེམས་སུ་བསྒྲལ། །སངས་རྒྱས་སེམས་ཅན་གཉིས་མེད་པ། །འདི་ཡང་ང་ཡི་བསྒྲལ་བ་ཡིན། །བདག་གཞན་གཉིས་པར་མི་འབྱེད་པ། །འདི་ཡང་ང་ཡི་བསྒྲལ་བ་ཡིན། །འཁོར་བ་མྱ་ངན་འདས་པར་བསྒྲལ། །འདི་ཡང་ང་ཡི་བསྒྲལ་བ་ཡིན། །སྡུག་བསྔལ་བདེ་བ་ཆེན་པོར་བསྒྲལ། །འདི་ཡང་ང་ཡི་བསྒྲལ་བ་ཡིན། །ཐབས་དང་ཤེས་རབ་གཉིས་མེད་པ། །འདི་ཡང་ང་ཡི་བསྒྲལ་བ་ཡིན། །དབྱིངས་དང་ཡེ་ཤེས་གཉིས་མེད་པ། །འདི་ཡང་ང་ཡི་བསྒྲལ་བ་ཡིན། །ཕྱི་ནང་སྣོད་བཅུད་ཐམས་ཅད་ཀུན། །སྣང་སྲིད་ཐམས་ཅད་སེམས་སུ་བསྒྲལ། །སེམས་ཉིད་ཡེ་སངས་རྒྱས་པར་བསྒྲལ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། བསྒྲལ་བ་བསྟན་པའི་སྐབས་ཏེ་བཅུ་གསུམ་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱིས་གསོ་བ་བཤད་དུ་གསོལ། །དེ་སྐད་གསོལ་བ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ཕྱི་ནང་སྣོད་བཅུད་ཐམས་ཅད་ཀུན། །སྙིང་པོ་བྱང་ཆུབ་སེམས་ཀྱིས་གསོ། ཁམས་གསུམ་སེམས་ཅན་ཉོན་མོངས་པ། ། བདེ་ཆེན་བྱང་ཆུབ་སེམས་ཀྱིས་གསོ། །འཁོར་བའི་སྡུག་བསྔལ་ཐམས་ཅད་ཀུན། །བདེ་ཆེན་ཆོས་ཀྱི་དབྱིངས་སུ་གསོ། །འདུ་བའི་ནད་ཀྱིས་ཟིན་པ་ལ། །བདུད་རྩི་ཆེན་པོའི་སྨན་གྱིས་གསོ། །ཉོན་མོངས་དྲ་བར་ཆུད་པ་ལ། །ཐུགས་རྗེའི་སྐྲུ་གྲིས་གཏུབས་ཏེ་གསོ། །སྙིང་རྗེའི་རྒྱུན་ཐག་ཆད་པ་ལ། །ཐུགས་རྗེའི་བྱིན་གྱིས་བརླབས་ཀྱིས་གསོ། །ཉོན་མོངས་རྨུགས་དང་ལེ་ལོ་རྣམས། ཁྲེས་རབ་མི་བརྗེད་གཟུངས་ཀྱིས་གསོ། ཁྲེས་རབ་མེ་ལྕེ་ཆད་པ་ལ། །ཁྱད་པར་བརྟན་པ་རྟག་པས་གསོ། །སེམས་ཀྱི་དེ་ཉིད་མ་རྟོགས་པ། །སྙིང་པོ་བྱང་ཆུབ་སེམས་ཀྱིས་གསོ། །ཤེས་རབ་མེ་སྟག་ཤི་བ་ལ། །ཏིང་འཛིན་མ་ཡེངས་རྩ་ཡིས་གསོ། །ཉོན་མོངས་རེ་མ་རྟོགས་པ་ལ། །ཤེས་རབ་ཏིང་འཛིན་བརྟན་པོས་གསོ། །དམ་ཚིག་རྒྱུན་ཐག་ཆད་པ་ལ། །མི་བརྗེད་གཟུངས་ཀྱི་ཐུགས་རྗེས་གསོ། །ཐུགས་རྗེའི་རྒྱུན་ཐག་ཆད་པ་རྣམས། །རང་བྱུང་ཡེ་ཤེས་ཐུགས་རྗེས་གསོ། ཁམས་གསུམ་སེམས་ཅན་ཉོན་མོངས་པ། །ཐུགས་རྗེའི་བྱིན་གྱིས་བརླབས་ཀྱིས་གསོ། །མ་རིག་མུན་པ་འཐིབས་པ་ལ། །ཡེ་ཤེས་ཉི་མའི་འོད་ཀྱིས་གསོ། །སེམས་ཀྱི་དེ་ཉིད་མ་རྟོགས་པ། །སྙིང་པོ་བྱང་ཆུབ་སེམས་སུ་གསོ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། གསོ་བ་བསྟན་པའི་སྐབས་ཏེ་བཅུ་བཞི་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་གསད་པ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །དུག་ལྔ་ཡེ་ཤེས་ལྔ་རུ་གསད། །དེ་ཡང་ང་ཡི་གསད་པ་ཡིན། །དུག་གསུམ་སྐུ་གསུང་ཐུགས་སུ་གསད། །དེ་ཡང་ང་ཡི་གསད་པ་ཡིན། །སེམས་ཅན་སྡུག་བསྔལ་སྣ་ཚོགས་པ། །བདེ་ཆེན་བྱང་ཆུབ་སེམས་སུ་གསད། །ཉོན་མོངས་སེམས་ཅན་འཁོར་བ་དག །མྱ་ངན་འདས་པའི་དབྱིངས་སུ་གསད། །གཟུང་འཛིན་རླུད་ཚུབ་འཅོས་པ་ཡང་། །མི་འགྱུར་རི་བོའི་ཐབས་ཀྱིས་གསད། །རྣམ་རྟོག་གྲུ་ཆར་འབབ་པ་ཡང་། ཁྲེས་རབ་ཉི་མའི་ཐབས་ཀྱིས་གསད། །རྣམ་རྟོག་རྨོངས་པའི་གཏི་མུག་རྣམས། །རྟོགས་པའི་ཤེས་རབ་སྒྲོན་མས་གསད། །ཕྱི་ནང་སྣོད་བཅུད་ཐམས་ཅད་ཀུན། །ཆོས་ཉིད་བྱང་ཆུབ་སེམས་སུ་གསད། །ཐུགས་རྗེ་ཆེན་པོའི་བྱིན་རླབས་ཀྱིས། །ཁམས་གསུམ་སེམས་ཅན་ཉོན་མོངས་གསད །ཡེ་ཤེས་ཉི་མའི་འོད་གསལ་བས། །གཏི་མུག་མུན་པར་འཐིབས་པ་གསད། །ཤེས་རབ་མེ་ལྕེ་འབར་བ་ཡིས། །གཟུང་འཛིན་རླུང་ཚུབ་འཚུབས་པ་གསད། །རྣལ་འབྱོར་རྟོགས་པའི་ཁྱད་པར་གྱི། །མ་རྟོགས་རྨོངས་པའི་གཏི་མུག་གསད། །རྟོགས་པ་མངོན་དུ་གྱུར་པས་ན། །སེམས་ཅན་སེམས་སུ་གསད་པ་ཡིན། །སྣང་སྲིད་ཆོས་རྣམས་སེམས་སུ་གསད། །གསད་དུ་མེད་དེ་ཡེ་བསད་ཡིན། །གདོད་ནས་དག་པས་བསད་པ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། གསད་པ་བསྟན་པའི་སྐབས་ཏེ་བཅོ་ལྔ་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱི་དབབ་པ་བཤད་དུ་གསོ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩ་ཐ་པ། །འཁོར་བའི་རོང་སྐམས་ལུང་པ་ལ། །བྱང་ཆུབ་སེམས་ཀྱི་ཆུ་བོ་དབབ། །ང་དང་བདག་ཏུ་བལྟ་བ་ལ། །གཉིས་སུ་མེད་པའི་ཆུ་བོ་དབབ། །ཞེ་སྡང་མེ་ཆེན་འབར་བ་ལ། །བྱང་ཆུབ་སེམས་ཀྱི་ཆུ་བོ་དབབ། །རྣམ་རྟོག་མེ་ལྕེ་འབར་བ་ལ། །ཡེ་ཤེས་ཆེན་པོའི་ཆུ་བོ་དབབ། །དུག་ལྔའི་འབྲས་བུ་སྨིན་པ་ལ། །ཡེ་ཤེས་ལྔ་ཡི་སེར་བ་དབབ། །གཟུང་འཛིན་རླུ་་ཚུབ་འ་ས་པ་ལ། །ཏིང་འཛིན་བརྟན་པོའི་ཐབས་ཀྱིས་མནན། །དུག་གསུམ་ལོ་མ་རྒྱས་པ་ལ། །སྐུ་གསུང་ཐུགས་ཀྱི་ཟོར་གྱིས་དབབ། །དེ་ཡང་ང་ཡི་དབབ་པའོ། །ཡུམ་གྱི་པདྨའི་བྷ་ག་སྲ །བྱང་ཆུབ་སེམས་ཀྱི་ཆུ་བོ་དབབ། །མཁའ་དབྱིངས་བདེ་ཆེན་ཀློང་ཡངས་སུ། ཁྲེས་རབ་ཏིང་འཛིན་ཆུ་བོ་དབབ། །ཆོས་ཀྱི་དབྱིངས་ཉིད་གདལ་བ་སྲ །རིག་པའི་ཡེ་ཤེས་ཆུ་བོ་དབབ། །འཁོར་བ་ངན་སོང་གནས་ཆེན་དུ། །ཆོས་དབྱིངས་བདེ་ཆེན་ཆུ་བོ་དབབ། །ཐུགས་རྗེའི་རྒྱུན་ཐག་བཅད་པ་ལ། །རང་བྱུང་ཡེ་ཤེས་ཆུ་བོ་དབབ། །གཟུང་དང་འཛིན་པར་ལྟ་བ་ལ། །གཉིས་མེད་བདེ་བའི་ཆུ་བོ་དབབ། །མ་རྟོགས་རྨོངས་པའི་གཏི་མུག་ལ། ཁྲེས་རབ་ཏིང་འཛིན་ཆུ་བོ་དབབ། །བྷ་ག་ཀློང་ཡངས་བདེ་ཆེན་དུ། །སྙིང་པོ་བྱང་སེམས་ཆུ་བོ་དབབ། །མ་རིག་ཉོན་མོངས་འཁྲུལ་པ་ལ། །ཡེ་ཤེས་འགྱུར་མེད་ཉི་མ་དབབ། །ཡིད་གཉིས་ཐེ་ཚོམ་ཟ་བ་ལ། །སྙིང་པོ་འགྱུར་མེད་ཐོག་ཆེན་དབབ། །རྣམ་རྟོག་བདག་ཏུ་བལྟ་བ་ལ། །སྙིང་པོ་བྱང་ཆུབ་ཆུ་བོ་དབབ། །དེ་ལྟར་དབབ་པར་བསྟན་པ་ནི། །བྱང་ཆུབ་སེམས་ཀྱི་དབབ་ལུགས་ཏེ། །དབབ་ཏུ་མེད་པས་དབབ་པ་ཡིན། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། དབབ་པ་བསྟན་པའི་སྐབས་ཏེ་བཅུ་དྲུག་པའོ།། །།རྡོ་རྗེ་སེམས་དཔས་ཡང་གསོལ་པ། །བཅོམ་ལྡན་བདེ་ཆེན་ཀུན་བཟང་པོ། །ཉིད་ཀྱིས་གཅད་པ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །ཀུན་ཏུ་བཟང་པོས་བཀའ་སྩལ་པ། །ཆོས་དབྱིངས་བདེ་ཆེན་ཀློང་ཡངས་སུ། །ཉོན་མོངས་འཁོར་བའི་རྒྱུན་ཐག་གཅད། །ཡིད་གཉིས་ཐེ་ཚོམ་ཟ་བ་ལ། །ཡིད་ཆེས་དད་པས་རྒྱུན་ཐག་གཅད། །སྣང་སྲིད་ཐམས་ཅད་སེམས་ཡིན་ཏེ། །སེམས་ཉིད་ཡིན་པར་རྒྱུན་ཐག་གཅད། །འཁོར་བ་ཐམས་ཅད་བག་ཆགས་ཏེ། །མྱ་ངན་འདས་པར་རྒྱུན་ཐག་གཅད། །སྡུག་བསྔལ་ཐམས་ཅད་སེམས་ཡིན་ཏེ། །བདེབ ཆེན་པོར་རྒྱུན་ཐག་གཅད། །ཕྱི་ནང་སྣོད་བཅུད་ཐམས་ཅད་ཀུན། །རང་གི་སེམས་ལས་བྱུང་བས་ན། །སེམས་ཉིད་ཡིན་པར་རྒྱུན་ཐག་གཅད། །ང་དང་བདག་ཏུ་ལྟ་བ་ལ། །གཉིས་མེད་རལ་གྲི་རྣོན་པོ་ཡིས། །བྱང་ཆུབ་སེམས་སུ་རྒྱུན་ཐག་གཅད། །དུག་གསུམ་དྲ་བར་བཅུག་པ་ལ། །ཤེས་རབ་སྐྲུ་གྲི་ཏ་མ་ལས། །སྐུ་གསུང་ཐུགས་སུ་རྒྱུན་ཐག་གཅད། །ཐེ་ཚོམ་ཡིད་གཉིས་ཟ་བ་ལ། །ཤེས་རབ་ཏིང་འཛིན་བརྟན་པོ་ཡིས། །ཡིད་ཆེས་དད་པས་རྒྱུན་ཐག་གཅད། །ཆགས་སྡང་ལྕགས་སུ་བཅུག་པ་ལ། །ཐབས་དང་ཤེས་རབ་ལྡེ་མིག་གིས། །ཆགས་སྡང་བཀྲོལ་ཏེ་རྒྱུན་ཐག་གཅད། །སྣང་སྲིད་འདི་ལྟར་སྣང་བ་རྣམས། །སེམས་ཀྱི་ཆོ་འཕྲུལ་ཡིན་པས་ན། །དམིགས་པ་མེད་པར་རྒྱུན་ཐག་གཅད། །མཚན་མར་སྣང་བར་རྟོག་པ་རྣམས། །རྟོགས་པ་ལྡན་པའི་བལྟ་བ་ཡིན། །སེམས་ཉིད་ཡིན་པར་རྒྱུན་ཐག་གཅད། །ཞེན་ཆགས་འཁོར་བར་བཅིངས་པ་ལ། །མཚན་ཉིད་སྤུ་གྲི་རྣོན་པོ་ཡིས། །གཉིས་སུ་མེད་པར་རྒྱུན་ཐག་གཅད། །ཉོན་མོངས་འདམ་དུ་ཆུད་པ་ལ། །རང་བྱུང་ཏིང་འཛིན་ཆེན་པོ་ཡིས། །དངོས་པོ་མེད་པར་རྒྱུན་ཐག་གཅད། །འཁོར་བའི་སེམས་ཅན་ཐམས་ཅད་ཀུན། །མ་བཅོས་བཅོས་པ་མེད་པ་ཡིས། །མྱ་ངན་འདས་པར་རྒྱུན་ཐག་གཅད། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། བཅད་པ་བསྟན་པའི་སྐབས་ཏེ་བཅུ་བདུན་པའོ།། །།རྡོ་རྗེ་སེམས་དཔས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །འཁོར་བ་ཉིད་ནི་མྱ་ངན་འདས། །སྡུག་བསྔལ་ཉིད་ཀྱང་བདེ་བ་སྟེ། །མ་བསླབས་ཡོན་ཏན་ཁྱད་པར་ཆེ། །མ་བཙལ་མཐུ་ལ་དཔག་ཏུ་མེད། །མ་བསྒྲུབས་དངོས་གྲུབ་བརྗོད་མི་ལངས། །མ་གསུངས་ཆོས་ནི་བསམ་མི་ཁྱབ། །སངས་རྒྱས་ཡོན་ཏན་བརྗོད་མི་ལངས། །རྒྱུད་འདི་གསུང་ཐོས་སྟོང་པ་ཉིད། །སྟོང་པ་ཉིད་ཀྱང་རྒྱུད་འདིའོ། ཁུད་འདི་སུས་འཛིན་ཀུན་བཟང་པོ། །ཀུན་བཟང་ཉིད་ཀྱང་རྒྱུད་འདིའོ། །ཡིད་ལ་དྲན་པ་སངས་རྒྱས་ཐུགས། །སངས་རྒྱས་ཐུགས་ཀྱང་རྒྱུད་འདིའོ། །ཀུན་ཏུ་བཟང་པོས་བཀའ་སྩལ་པ། །རྡོ་རྗེ་སེམས་དཔའ་ཁྱོད་ལེགས་སོ། །ཀུན་ཏུ་བཟང་པོའི་རྒྱུད་ཚིག་འཛིན་པར་གང་བྱེད་པ། །སངས་རྒྱས་ཐུགས་ཀྱིས་རྗེས་འཛིན་ཡིན། །རྒྱུད་འདི་འཛིན་པའི་ཤེས་རབ་ཅན། །ཐམས་ཅད་ཀྱི་ནི་བདག་ཉིད་ཡིན། །གཉེན་པོས་མ་བབ་ཐུགས་ཀྱིས་རྟོགས། །མན་ངག་འདི་ཉིད་ང་ཡིན་ཞེས། །ཀུན་ཏུ་བཟང་པོས་རབ་བཤད་དོ། །གང་ཞིག་གང་གིས་རྟོགས་འདོད་པས། །མན་ངག་འདི་ལ་བལྟ་བར་གྱིས། །དེ་སྐད་གང་ཡང་མ་གསུངས་པར། །ཀུན་ཏུ་བཟང་པོས་བཀའ་སྩལ་པ། །གཅིག་ཏུ་ཐོབ་པ་མེད་པའི་ཆོས་སྐུ་ཐོབ། བསྒྲུབ་པ་མེད་པའི་འབྲས་བུ་གྲུབ། །རང་བཞིན་བཙལ་བ་མེད་པར་སངས་རྒྱས་སོ། །ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་རྫོགས་སོ།། །།དགའ་རབ་རྡོ་རྗེ་ལ་ཞུས་པའོ། །མན་ངག་རྩ་བ་བསྡུས་པའི་རྒྱུད། །ཆོས་ཉིད་མི་འགྱུར་རྒྱས་བཏབ་བཞག །བན་ཆུང་འཁྱམས་པོ་བདག་གིས་དྲངས། །བོད་ནས་རྒྱ་གར་ཡུལ་གྱི་བར། །དཀའ་བ་བཅོ་བརྒྱད་སྤྱད་པ་ལས། །དེའུ་ཤི་ལྔ་བཅུ་རྩ་བཞི་བྱུང་། །མན་ངག་རྒྱལ་པོའི་ཕྱག་ཏུ་གདམས། །རྒྱ་གར་གྱི་མཁས་པ་ཤི་སིདྷ་དང་། །བོད་ཀྱི་བསྡེ་བི་རོ་ཙ་ནས་བསྒྱུར་བའོ།། །། རྒྱ་གར་སྐད་དུ། བོ་དྷི་ཙིརྟི་ས་མརྙ་བྷ་དྲ་བིཕྲི་པ་རྭ་ཀྲ་མོ་ད་ཡ་ཏནྟྲ་ནཱ་མ། བོད་སྐད་དུ།

Retrieved from "https://rywikitexts.tsadra.org/index.php?title=Ngb-pt-0093-vol-01-text&oldid=6918"