Ngb-pt-0751-vol-08-text

Body

རྒྱ་གར་སྐད་དུ། །མ་མ་ཀརྨ་སརྦ་ཏན་ཏར་ཙ་ཏ་ནཱ་མ། །བོད་སྐད་དུ། །མ་མོ་ལས་ཐམས་ཅད་ཀྱི་ལས་རྒྱུད་ལུང་ཞེས་བྱ་བ། །ཡུམ་ཆེན་མོ་མུ་ཁ་ལེ་ལ་ཕྱག་འཚལ་ལོ། །འདི་སྐད་བདག་གི་ཐོས་པའི་དུས་གཅིག་ན། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་སྐུ་དང་། །གསུང་དང་། །ཐུགས་རྡོ་རྗེའི་རང་བཞིན་གྱི་བྷ་ག་ལ། །ཟོ་མདོག་བདེ་བ་ཅ་ཅོ་ལ་སོགས་མེད་པར་སྙོམས་པར་ཞུགས་སོ། །དེའི་ཚེ་དབའ་བོ་དང་མཁའ་འགྲོ་མ་ལ་སོགས་པ་ཞིང་གི་རྡུལ་སྙེད་དང་། །འཇིག་རྟེན་གྱིས་གནོད་སྤྱིན་མོ་ལ་སོགས་པ་དང་། །སྲིན་མོ་རྣམས་མདུན་དུ་བདར་ནས་བཞུགས་སོ། །དེ་ནས་ལྷའི་དབང་པོ་སྟན་ལས་ལངས་ཏེ་བསྐོར་བ་དང་ཕྱག་འཚལ་ནས། །ཡུམ་ཆེན་མོ་སྣང་སྲིད་བདེ་བ་ལ་འགོད་ཅིང་སྲིད་མོ་རྣམས་དབང་དུ་འཛད་པ་ནི་ངོ་མཚེར་ན། །ལས་ལ་གྲུབ་པའི་མ་མོ་རྣམས་ཇི་ལྟར་བསྒྲུབ། །ལས་ཀྱི་དབྱེ་བ་ཇི་ལྟར་བགྱི། །ཡུམ་གྱིས་བདག་བཤད་དུ་གསོལ། །ཞེས་གསོལ་པ་དང་། །དེ་ཡི་ཚེ་ཡུམ་ཆེན་མོས་འདི་སྐད་ཅེས་གསུངས་སོ། །མ་མོ་ངའི་བསྟན་པ་འདི་ལ་སྙིགས་མ་ལྔའི་དུས་ཏེ། །བསྟན་པ་རང་གི་རང་འཇིགས་པ་དང་། །གོས་སུ་རེ་བ་གོན་པ་དང་། །ཟས་སུ་ལྕི་བཟ་བ་དང་། །ཉེ་བ་དགྲ་རུ་ལྡང་བ་དང་། །དམ་ཆོས་རང་དགར་སྦྱོད་པ་དང་། །མ་ཉེས་དམ་ལས་གཅོད་པ་དང་། །གསང་སྔགས་སྒོར་ཀུན་ཏུ་འཇུག་པ་དང་། །མན་ངག་ཟོང་དུ་འཁྱེར་བེ་དང་། །རྒྱལ་བའི་སྐུ་ལ་རིང་ཐང་འདེབས་པ་དང་། །ལམ་གྲོག་པོར་གྱུར་པ་དང་། །རྒྱལ་ཁམས་སིལ་བུར་སོང་བའི་དུས་སུ། །མ་མོ་ཡང་རང་དམ་རང་གིས་འདས་ནས་མན་ངག་གིས་གྲུབ་པའི་དུས་འབྱུང་བས། །དེའི་དུས་སུ་ངས་བསྟན་པ་དྲལ་པ་ལ་ཕན་གདགས་ཤིང་། །མ་མོ་གྲུབ་པའི་ཐམས་བསྟན་ཅིང་བཤད་པར་བྱ་ཡིས། །བརྒྱ་བྱིནའསོགས་ལེགས་པར་ཉོན་ལ་ཡིད་ལ་ཟུང་ཞིག། །དེ་ནས་ཡང་དག་བཤད་བྱ་བ། །དང་པོ་མ་མོ་སྒྲུབ་པའི་གནས། །དུར་ཁྱོད་དག་གམ་མཚོ་གླིང་དམ། །ངམ་གྲོག་ཕུག་ལ་སོགས་པ་ཡིན། །བར་ཆོད་བགེགས་དང་མི་མེད་པར། །ལས་ལ་་གྲུབ་པའི་རྐྱེན་དང་ལྡན། །གནས་ཀྱི་མང་ངག་ཤེས་པ་ཡིས། །དང་པོར་དབེན་པའི་གནས་བཙལ་ཏེ། །གནས་དེར་མ་མོའི་རྫས་བཙལ་པ། །མི་ཤ་མ་ཡིན་གཞན་གྱི་ཤ་མི་ཟ། །མི་ཁྲག་མ་ཡིན་གཞན་གྱིས་ཁྲག་མི་བ་་། །མིསྙིང་མ་ཡིན་གཞན་གྱིས་སྙིང་མི་བཟའ མི་གསུར་མ་ཡིན་གཞན་གྱིས་གསུར་མི་སྣོམ། །མི་གཡབ་མ་ཡིན་གཞན་གྱིས་གཡབ་མི་བྱ། །མི་གོས་མ་ཡིན་གཞན་གྱིས་སོས་མི་བགོ། །མི་ཞྭ་མ་ཡིན་གཞན་གྱི་ཞྭ་མི་བགོ། །ཞེས་མ་མོ་སྤྱིའི་དམ་རྫས་སོ། །མ་ཧྭ་མ༷་ལ་སོགས་ཤ་སྣ་སྟོད། །མ་ཧྭ་ར་ཀྟ་ལ་སོགས་ཁྲག་སྣ་སྟོང་། །མ་ཧྭ་ཙིསྟ་ལ་སོགས་སྙིང་སྣ་སྟོང་། །རངབཞིནཤིབའིལུསལ་བཙལ། །གོས་སུ་ཞིང་གི་གཡང་གཞི་བགོ། །ཞྭ་རུ་རྨེད་པའི་སྦྱི་བླུགས་བགོ། །བུད་པ་རྐང་གི་གླིང་བུ་བུད། །བརྡབ་པ་ཐོད་པའི་ཆ་ལད་བརྡབ། །རྡུང་བ་ལྟག་སྤྲོས་རྔེའུ་ཆུང་རྡུང་། །གཡབ་བ་མི་ཡི་གཡབ་མོ་གཡོབ། །དཀྱིལ་འཁོར་རྒྱན་ནི་ཞིང་ཡིན་ཏེ། །ཞིང་གི་བླ་རེ་དར་གྱི་ཕུར་སྒྲོགས་ཅན། །ཞིང་གི་ཡོལ་བ་མཛེས་པའི་རྒྱན་གྱི་བརྒྱན། །ཞིང་གི་རྒྱལ་མཚན་དར་གྱི་ཤམ་བུ་ཅན། །སྦྱོ་བོ་ལ་སོགས་གནས་རྣམས་སུ། །རྨབྱ་མཛེས་པའི་རྒྱན་གྱིས་བརྒྱན། མིག་ལ་སོགས་པའི་གནས་རྣམས་སུ། །ནོར་བུ་མཛེས་པའི་རྒྱན་གྱིས་བརྒྱན། །མ་མོ་དགེས་པའི་རྫས་རྣམས་ནི། །ཙན་དན་དང་ནི་གུར་ཀུམ་དང་། །རྟག་ཏུ་དྲི་དང་ལྡན་པར་བྱ། །ཁ་དོག་ཀྱང་ནི་ལེགས་པར་བཙལ། །དཔེར་ན་རང་གི་ཁ་ཟས་ཀྱང་ བཟའ་བ་ཁྱད་པར་མ་འཕགས་ཙམ། །མ་མོའི་དམ་རྫས་དེ་བཞིན་ནོ། ཁེང་སྡོག་སྨན་མར་མེ་ཏོག་འབྲས་བུར་བཅས། །འདི་ཡང་མ་མོའི་དམ་རྫས་ཏེ། །མདའ་དང་རལ་གྲི་དར་སྣ་དང་། །མཚོན་ཐག་རྩང་སྐུད་ལེགས་པར་བཙལ། །དེ་ཡང་དཀྱིལ་འཁོར་རྫས་ཡིན་ཏེ། །རུས་པའི་རྫས་དག་སྒྱིན་སྲེག་རྫས། །ཐུན་གྱི་རྫས་དང་མནན་པའི་རྫས། །ཐམས་ཅད་དང་པོར་སྔགས་པས་བཙལ། །རྫས་རྣམས་ཤིན་ཏུ་གསང་བ་སྟེ། །མི་ཐོས་མི་མཐོང་ལེགས་པར་སྦ། །དེ་དག་སྤྲི་ཡི་རྫས་རྣམས་ཏེ། །མ་མོ་བྱེ་བྲག་རྫས་རྣམས་ནི། ཁུ།བ་བླིན་བཞི་ཡི་རྫས་རྣམས་ནི། །ཟངས་ཆུ་དངུལ་ཆུ་བྱ་ལུག་དཀར། །བར་མཚམས་བླིན་མོ་བཅུ་གསུམ་རྫས། །ཁྱི་ཁུ་མིག་མ་བྱེ་བ་དང་། །བྱ་ནག་སྒོ་ང་བཅུ་གསུམ་སྟེ། །ཡར་གྱི་བཅུ་གསུམ་རྫས་ཀྱིས་མིང་། །མདའ་འཕང་བཅུ་གསུམ་ཡིན་པར་འདོད། །སྔར་གྱི་གླུད་བུ་བཅུ་གསུམ་ཡིན། །ཁ་བླིན་བཞི་ཡི་རྫས་དག་ནི། །སྲོག་མེད་པ་ཡི་མདགས་བཞི་སྟེ། །མེ་ལོང་དང་ནི་རྨ་བྱ་དང་། །ཆུ་དང་མར་མེ་ཡིན་པར་འདོད། །གཟུགས་ཅན་གཟུགས་ཀྱི་ཕུང་པོ་བཞི། །ཟངས་མཆུ་ཅན་དང་སྟག་གླང་ཅན། །གཡག་གླང་ཅན་དང་རྩི་བེར་སོགས། ཁུབ་བློན་བཞི་ལ་དེ་ལྟ་བུའི། །གཟུགས་བཞི་ཆུ་སྲིན་སེང་གེ་དང་། །ཧོར་དང་བྱ་ཁྱུང་བག་ཕྱེ་ལས། །གཟུགས་ཅན་སྲོག་གི་བསྡུད་པ་བཞི། །ལུག་དཀར་མོ་ལ་སོགས་པ་ཡིན། །སྲོག་བཅད་པ་ཡི་འབྲས་བུ་གཉིས། །ཁྱོད་དཀར་རོག་པའོ། །ལྔ་གོང་ནས་ནི་འབྲས་བུ་མཆོག །མཚམས་ཀྱི་བླིན་པོ་བཅུ་གཉིས་ལ། ཁྲེང་ཨ་པྲའི་འབྲས་བུ་སྟེ། །མི་འབྲས་སྔོན་ནས་བཙལ་ཏེ་མཆོག། །བཙུན་མོ་ཆས་ཞུགས་བཅུ་གཉིས་ཏེ། །ཁྱི་དཀར་ར་རོགས་བྱ་ནག་མོ། །བོང་བུ་འབྲས་བུའི་ཆས་སུ་ཞུགས། །ཡང་བག་ཕྱེ་ལས། །བཙུན་མོ་ཆས་བྱས་མཐིང་གྲུར་ནང་དུ་ཞུགས། །བར་མཚམས་བློན་མོ་བཅུ་གསུམ་ལ། །སེམས་ཅན་སྲོག་མེད་བཅུ་གསུམ་སྟེ། །ངུར་པ་འཔྱེ་བ་བྱ་ནག་མོ། །རྨད་ལྕམ་ཁྱི་དང་འུག་པ་དང་། །སེ་རིགས་སུ་མྱུ་གུ་དང་། །ཏི་བྱ་བྱ་དཀར་ཀྲུང་ཀྲུག་ཡིན། །བཙུན་མོ་བཅུ་གསུམ་དར་དཀར་ཆས། །རྒྱལ་མོ་བཞི་ལ་སྲོག་མ་བཅད། །ཁྲ་བཞི་མཚལ་དང་ལི་ཁྲི་དང་། །མེ་ལྕགས་སྲོ་ལོ་དམར་པོ་ཡིན། །ས་ཡིན་རྒྱལ་མོ་རྨིག་པ་ཡིན། །ཆུ་ཡི་རྒྱལ་མོ་ཉ་རྩང་པ། །མེ་རྒྱལ་སྲིན་བུ་མེ་ཁྱེར་ཡིན། །རླུད་གི་རྒྱལ་མོ་ཝང་པ་སྟེ། །བག་ཕྱེ་གཟུགས་བྱ་ཆས་སུ་གཞུག །སྨན་མོ་བཅུ་གཅིག་དག་ལ་ཡང་། །བརྒྱད་ལ་ཁྱོད་ཡོད་གསུམ་ལ་མེད། །ཁྱོ་སྐལ་འབྲས་བུ་འདིལྟར་སྟེ། །ཙིསྟའི་འབྲས་བུ་གཉའ་བ་དང་། །ལུག་རྡུར་བ་རུ་མཁས་པས་བརྟག །ཆུ་འབྲས་བསེ་ཡི་འབྲས་བུ་སྟེ། །མེ་འབྲས་ལྕགས་ཕྱེ་ཡིན་པར་ངེས། །སྲོག་མེད་སེམས་ཅན་བཅུ་གཅིག་ནི། །དབུགདས་ཀྱི་འདི་དག་ཀུན་གྱི་རྫས། །སྲོག་ཆགས་གང་རུང་བཅུ་གཅིག་ལ། །མཐིང་ནག་དར་གྱི་བརྒྱན་པ་སྟེ། །གོ་ལེ་མ་བཞི་རྫས་ཀྱང་བཞི། །སྲིང་མོ་བཞི་ལ་བམ་ཆེན་ཚོགས། །མ་བདུད་རག་ཏ་གསུམ་གྱི་རྫས། །གཤོན་བུ་མ་བཞི་མུ་སྟེགས་སོགས། །དགེ་བསྙེན་བཞི་ནི་འདི་ལྟ་སྟེ། །གནམ་གྱི་དགེ་བསྙེན་ནམ་མཁའ་ལྡིང་། །ས་ཡི་བྱི་བ་ས་ཡི་སྦལ། །མི་ཡི་བདུག་པ་ཡིན་པར་ངེས། །ཅིར་མི་འོང་གི་སྦུན་དྲུག་བཞི། །ཀླུ་དང་བཙན་དང་བདུད་དང་ཡས། །གནོད་སྦྱིན་ལས་གྲུབ་མ་མོ་བཞི། ཁེང་འབྲས་ཤིང་ཏོག་སྣ་ཚོགས་ཏེ། །ཆུ་འབྲས་ཆུ་སྣ་ཚོགས་པ་ཡིན། །ས་ཡི་འབྲས་བུ་དམིགས་པ་ཡིན། །མེ་འབྲས་སོལ་བ་སྣ་ཚོགས་སོ། །མི་བཅོས་མི་རུང་མི་མོ་བརྒྱད། །ཙིསྟ་དགུ་དག་མི་དབང་དགུ། །གཟུགས་ཅན་དགུ་དང་གཟུགས་མེད་དགུ། །ཙིསྟ་དགུ་ནི་འདི་ལྟ་སྟེ། ་གོང་གི་ཙིསྟ་ག་བུར་ཡིན། །ཆུ་ཡི་ཙིསྟ་ཀ་ར་ཡིན། །ས་ཡི་ཙིསྟ་རྒྱ་སྦོས་ལགས། །རླུད་གི་ཙིཏི་དུ་རུ་ཀ། །མི་ཡི་ཙིསྟ་ག་པུར་ཐལ། །ནམ་མཁའི་ཙིསྟ་ཨ་རུ་ར། །བར་སྣང་ཙིསྟ་མི་ཡི་སྙིང་། །བྲག་གི་ཙིཉི་བྲག་སྦོས་པ། །དུར་ཁྲོད་ཙིཏི་རོ་བསྲེགས་ཐལ། །དེ་ནི་སྲོག་མེད་ཙིསྟ་དགུ། །སྲོག་ཆགས་ཙིཏི་དགུ་དག་ནི། །རྨུག་རྒྱ་སྲོལ་པོ་ཙསྟ་དགུ། །མི་དབང་འབྲས་བུ་དགུ་དག་ནི། །ས་ཡི་མི་དབང་བ་བྲས་བ་བྱ། །མེ་ཡི་མི་དབང་ཕྱེ་མ་ལེབ། །ཆུ་ཡི་མི་དབང་ཉ་ཚན་པ། །ནམ་མཁའི་མི་དབང་རི་བོང་ཡིན། །བར་སྣང་མི་དབག་ཝ་ཡིན་ཏེ། །བྲག་གི་མི་དབང་ཤ་བ་ཡིན། ་རྐོང་གི་མི་དབང་རི་སྐེགས་ཡིན། །དེ་དག་མི་དབང་དགུ་ཡིན་ནོ། །མ་མོ་སྟོང་ལ་རྫས་བརྒྱ་ཕྲག། །བདུད་དུ་ངེས་པ་དེ་དག་ལ། །དེ་ཀུན་མུ་ཁ་ལེ་ལས་བྱུང་། །ཙིསྟ་དགུ་ཡི་མེ་ཏོག་ལས། །ནི་དབང་དགུ་ཡི་དབུ་ལས་བྱུང་། །གཟུག་བརྒྱད་སྦྱི་བོ་དག་ལས་བྱུང་། །སྲོག་མ་བཅད་པའི་རག་ཏ་དགུ། །པདྨ་ལས་བྱུང་ཤི་བ་མེད། །རོ་དགུ་པདྨའི་ཆ་ལ་བཞག །འདི་དག་སྒོ་ང་ལས་བྱུང་བ། །ཀ་ལ་ཡལ་ཤའི་དམོད་པོ་ནི། །དཔེར་ན་ལྷ་མོ་རེ་མ་ཏི། །གསང་བའི་མི་དབང་ཀྱི་དབང་དང་། ་གོ་ཀའི་མཚལ་ཐིག་ཤིང་ལ་སོགས། །ནག་མོའི་རྫས་ཏེ་དེ་བཞིན་ཀུན། །དེ་ལྟར་གྱུར་པའི་རྫས་རྣམས་དང་། །བོད་པའི་རྫས་དང་མཆོད་པའི་རྫས། །རྟེན་དངདམ ཚིག བསྲེ བའི རྫས། །བསྐང་བའི་རྫས་དང་རུང་བའི་རྫས། །སྦིན་སྲེག་རྫས་དང་ཐུན་གྱི་རྫས། །ཐ་མར་མནན་པའི་རྫས་ཡིན་ཏེ། །རྫས་འདི་དང་པོར་ཤེས་བྱ་སྟེ། །དེ་ནས་ཚུལ་དང་མཐུན་པར་བཙལ། །མ་མོའི་རྫས་རྣམས་འཚོགས་གྱུར་ན། །བྱིས་པ་མེ་ཏོག་མཐོང་བ་ལྟར། །དེ་ཉིད་དུ་ནི་མ་མོ་རྒྱུག །དེ་བས་དངོས་གྲུབ་འདོད་པའི་མིས། །དང་པོར་རྫས་ལ་ནན་ཏན་བྱ། །མ་མོ་ཐམས་ཅད་ལས་རྒྱུད་ལུང་ལས། །མ་མོའི་དམ་རྫས་བསྟན་པའི་ལེའུ་སྟེ་དང་པའོ། །དེ་ལྟར་རྫས་རྣམས་གསོགས་གྱུར་ནས། །དང་པོ་མ་མོ་སྟེན་པ་ཙམ། །ཡང་ཀོང་གདོན་པ་སོགས་པ་ཡིན། །ཕྱི་བཤགས་དང་པོ་ལེགས་པར་བྱ། །དེ་ནས་མཐོ་གཟུསདགས་མཐོན་རྣམས་ལ། །ཁ་བྱང་བཏགས་ཏེ་གཏོར་མ་སྦྱིན། །དམ་བཅའ་ལས་ཀྱི་བསྒོ་བ་བྱ། །ཕྱི་མཚམས་བཅད་ནས་བར་མཚམས་གཅད། །གནས་ཀྱི་ཕྱོགས་མཚམས་ཕུར་པས་གདབ། །དེ་ཡི་ཆོ་ག་གཞུང་བཞིན་བྱ། །དེ་ནས་གནས་ཀྱི་ཐེམ་འོག་ཏུ། །དམ་སྲི་ལེགས་པར་གནས་པར་བྱ། །མཎྜལ་གྲུབ་བཞི་དགྲ་འམ་བགེགས། །དེ་དག་ལེགས་པར་མནན་པར་བྱ། །མི་བསད་པ་འམ་གཡུལ་ཉེས་པས། །དེ་ལ་མཎྜལ་ལེགས་པར་བྱ། །དང་པོར་འབྱུང་པོ་ཐམས་ཅད་པའི། །གཏོར་མ་རྒྱ་ཆེར་སྦྱིན་པར་བྱ། །དེ་ནས་ཡོ་བྱད་ཆ་གསུམ་བགོ། །ཆ་གཅིག་མཆོད་དང་གཏོར་མ་བྱ། །ཆ་གཅིག་ཚོགས་དང་ཡོ་བྱད་བྱ། །ཆ་གཅིག་ཟ་ཚོགས་དུས་སུ་འབུལ། །ས་ཡི་ལྷ་མོའི་ཆོ་ག་བྱ། །དུར་ཁྲོད་ཆག་ཆག་རྣམས་ཀྱིས་གདབ། །ལྷ་སྲིན་ཀུན་ལ་འགོ་མ་ཡེངས་། །ཞི་བའི་ཚི་གིས་སྨྲ་བར་བྱ། །དེ་ནས་ཐིགས་གདབ་ས་ཚོན་བྲི། །ཀྲི་ཡའི་རྒྱུད་དང་ཡོ་གའི་རྒྱུད། །དཀྱིལ་འཁོར་བྲི་བ་ཇི་ལྷ་བར། ཁྲེས་པ་རྣལ་འབྱོར་མ་མོ་མུ །མཁས་པ་རྣམས་ཀྱིས་ཤེས་པར་བྱ། །དེ་ལྟར་དཀྱིལ་འཁོར་བྲིས་ནས་ཀྱང་། །རང་རང་ཡིག་འབྲུ་དགོད་པར་བྱ། །དེ་ནས་རྫས་རྣམས་དགོད་པར་བྱ། །སྟེ་ནས་ཞིང་གི་བླ་རི་སྟེ། །ཕྱོགས་ནས་ཞིང་གི་ཡོལ་བ་འོ། །མཚམས་ནས་ཞིང་གི་རྒྱལ་མཚན་ནོ། །ཞིང་གི་ལྷུ་སྡུམ་ལ་སོགས་པ། །རོལ་མོ་སྣ་ཚོགས་ཚུ་གྱིས་བརྒྱན། །ཡང་ན་དར་གྱི་ཡོལ་དང་གདུགས། །ཟུར་དུ་མདའ་དང་ཕུར་པ་དང་། །གྲི་དང་ཚོན་སྐུད་དྲ་བ་རིས། །མདའ་ཕུར་རལ་གྲི་ཁྲོ་བོ་སྟེ། །སྐུད་པ་རྡོ་རྗེར་བྱིན་གྱིས་བརླམས། །ཐ་མར་རྩང་གི་སྲིན་མོ་འགྲོས། །སྦྱོ་ལས་སྲིན་མོ་རེ་རེ་བསམ། །དེ་ནས་དཔལ་གྱི་གཏོར་མ་ཡང། །ཆོས་འབྱུང་དབྱིབས་དང་ཡོ་བྱད་བསོགས། །མཛེས་སྡུག་རྒྱན་གྱིས་བརྒྱན་པར་བཤམས། །མ་མོའི་གཏོར་མའི་མཐེབ་ཀྱུའི་གྲངས་། །གཅིག་དང་གསུམ་ལ་སོགས་པ་ཡིན། །སྣོད་ཀྱི་ནད་དགྲམ་ད་ཡི་ནང་། །ཁྲག་གིས་བཀང་བ་དེ་ཡི་ནང་། །མཐུན་པའི་རྫས་ཀྱིས་གང་བར་བྱ། །མཐེབ་ཀྱུས་ཐོད་པའི རངབཞིན ཏེ། །ཁྲག གི རག་ཏའི་རྒྱ་མཚོར་བསམ། །སྙིང་དབུས་གློ་བ་ཤར་མཆེར་ནུབ། །མཁའ་མ་ལྷོ་དང་བྱང་དུ་བཞག། །འབྲས་བུ་དབུས་ལ་མིག་ནི་ཤར། །རྣ་བ་ནུབ་ལ་སྣ་ནི་ལྷོ། །ལྕེ་ནི་བྱང་དུ་དགོད་པ་སྟེ། །རང་རང་མཐུན་པའི་དམ་རྫས་ཏེ། །རང་བཞིན་ཤི་བའི་དམ་རྫས་རྣམས། །རྗེས་ཡི་རང་ཞིང་དམ་ཚིག་རྫས། །གཞན་ཡང་མཆོད་པའི་ཚོགས་རྣམས་བཤམས། །རུས་པའི་རྫས་ལ་སོགས་པ་ཀུན། །གནས་དེར་རེ་ཞིག་བཞག་པར་བྱ། །མ་མོ་ལས་ཐམས་ཅད་ཀྱི་ལས་རྒྱུད་ལུང་ལས། །དཀྱིལ་འཁོར་བྲི་ཞིང་རྫས་དགོད་པའི་རིམ་པ་སྟེ་ལེའུ་སྟེ་གཉིས་པའོ། །དེ་ནས་ཡང་དག་བཤད་བྱ་བ། །རང་ཁ་ཆས་ཞུགས་རྟགས་གདབ་སྟེ། །གཡེང་བའི་བར་ཆོད་ཀུན་སྦངས་ཏེ། །བདེ་བའི་སྟན་ལ་ལེགས་འདུག་ལ། །དེ་བཞིན་ཉིད་ཀྱི་ཏིང་འཛིན་རྫོགས། །ཏིང་འཛིན་གསུང་བསྒོམས་རྗེས་ཐོབ་ལ། །ཕྱོགས་བཅུའི་ཁྲོ་བོའི་སྐུ་ཡི་མཚམས། །མཚོན་ཆ་འཆོལ་བ་གསུང་གི་མཚམས། །རྡོ་རྗེ་མེ་མཚམས་ཐུགས་ཀྱི་མཚམས། །མཚམས་སུ་མཁས་པས་ལེགས་པར་བཅད། །མཚམས་ཀྱི་རྒྱ་དང་འཕངས་ཀྱི་ཚད། །རྒྱ་ནི་ལྕགས་རི་འོག་ནི་རླུད་། །སྟེག་ནི་འཇིག་རྟེན་འོག་མིན་མཚམས། །དེ་ནས་དབང་ཆེན་དཀྱིལ་འཁོར་ཀྱང་། །ཆགས་སྡང་ལྔ་ཡི་དཀྱིལ་འཁོར་འཁྲུག །དེ་སྟར་ཀེང་རུས་རི་རབ་བརྗིད། །རི་རབ་སྟེང་དུ་མ་མོ་ཡི། །གཞལ་ཡས་ཁང་པབརྩེགས་མ་བསམ། །ཕྱི་ནང་རིན་ཆེན་སྣ་ལྔ་སྟེ། །ནང་དུ་ཐོད་པའི་གཞལ་ཡས་ཁང་། །འོག་ནས་ཁྲག་གི་རྦ་ཀློ་ང་འཁྲུག། །སྟེང་ན་ཞིང་གི་བླ་ར་འཕྱོ། །བར་ན་དར་ནག་རུ་སྲོག་ཏུ་འདོད་པ་ཡིན། །ལུས་ཀྱི་སྙིང་པོ་སྙིང་ཡིན་པས། །སྲོག་སྙིང་བྱ་བ་སྙིང་ལ་ཡོད། །སྲོག་གི་སྙིང་པོ་སྙིང་དེ་ལ། །ཡི་གེའི་རྣམ་པ་འདི་ལྟ་བུ། །རྩ་རུ་གནས་པས་སྲོག་དེ་ཡིན། །དྲང་བ་སྙིང་གི་རྩ་ནས་འདྲེན། །ཏིང་འཛིན་མདའ་ལྟར་སྙིང་རྩ་དྲང་། །སྙིང་རྩ་དྲང་བས་སྙིང་ཡང་འོང་། །སྙིང་འོངས་ལུས་སེམས་དག་ཀྱང་འོང་། །མ་མོ་འོང་བས་བསྙེན་པ་ཡིན། །སྲིན་ལ་སོགས་པ་ཐམས་ཅད་ཀྱི། །སྲོག་སྣིང་ལ་སོགས་དེ་བཞིན་ནོ། །དེ་ལྟར་ཐུན་བཞི་སྦྱོད་བ་ཡིན། །མཚན་མའི་བར་དུ་བསྙེན་པར་བྱ། །དང་པོ་སྲོག་སྙིང་ངོ་བོ་དང། །གནས་པའི་ཚུལ་ལམ་ཚད་རྣམས་ཤེས། །གྲངས་མང་ཟུར་ཡང་མ་ཆག་ན། །གུག་འགྲེང་ཚེག་བར་མ་ཆད་ན། །འདི་ནི་མ་མོའི་སྙིང་རྩ་སྟེ། །སྙིང་རྩ་དྲངས་པས་ངེས་པར་ཞུགས། །བར་མ་ཆད་པར་སྟོང་སྟོང་ལ། །མཚན་མོ་སྟོང་ཚིགས་མཆོད་པ་དང་། །བསྟོད་པ་དེ་བཞིན་བྱ་བ་ཡིན། །ཉིན་མོ་ཁྲི་སོགས་མཆོད་པ་བྱ། །དེ་ཡིས་དུས་སུ་ཟབ་ཚོགས་ལ། །བྱིན་རླབས་སྤྱན་དྲངས་མཆོད་སོགས་བྱ། །ཚོགས་ལ་ཆ་བཞིར་ཁྱོ་བྱས་ལ། །དང་པོར་དཔའ་བོ་མར་་མེ་མཆོད། །བར་མས་སྐབས་ཀྱི་ཉམས་ཆགས་བཤགས། །ཐ་མར་བར་ཆོད་དགྲ་བགེགས་ཀྱི། །གཟུགས་བྱས་བསྒྲལ་དང་བཏབ་པར་བྱ། །དེ་ནས་མཚན་མ་བྱུང་བར་དུ། ལོ་དང་ཟླ་བར་བསྙེན་པར་བྱ། །མ་མོ་ལས་ཐམས་ཅད་ཀྱི་ལས་རྒྱུད་ལུང་ལས། །བསྙེན་པ་བསྟན་པའི་ལེའུ་སྟེ་ཕྲུམ། །སྐྱིན་དང་ཤལ་ཤུལ་རྒྱལ་མཚན་དུམ། །གྲོགས་མཁར་ས་དང་ཁྲི་ཚེ་ཕུག། དགྲ་ཡི་གཟུགས་བྱ་རང་ཁ་ཡི། །རྫས་རྣམས་གང་ཡང་མི་བཏང་ངོ། །དཔྲལ་བར་མིང་ལ་སྙིང་ཁར་རུས། །སྦྱི་བོར་ཨོ་ལ་འདོམས་སུ་ཕཊ། །སྙིག་ཁར་ཧུ༷་ནག་སྒྲིལ་མའི་བར། །ནི་དང་ཛ་ཡི་འབྲུབ་ཁུང་དུ། །གན་རྐྱལ་བཞག་ལ་ལྷ་དང་དབྲལ། །གྲོག་ལྷ་དགྲ་ལྷ་མོ་ལྷ་སོགས། །སྲུང་བའི་ལྷ་དང་ལེགས་པར་ཕྲལ། །མ་ཉེས་འོ་དོད་དྲག་ཏུ་འབོད། །དེ་ནས་ལིང་ཁར་དགྲ་བསམ་ལ། །ཁ་ཏི་ར་དང་བསེ་ཤིང་གི། །མེ་ལ་གཟུགས་དེ་གཟུགས་པར་བྱ། །དེ་ནས་འབྲུབ་ཁུར་ནང་དུ་གཞུག། །འབྱུང་པོ་ཀུན་ཚིམ་གཏོར་མ་བཏང་། །བདེན་པའི་དམ་ཡང་ལེགས་པར་བདར། །ལས་ཀྱི་རྫས་རྣམས་དགོས་ལེགས་བྱ། །སྔོན་དུ་བྱ་བའི་ལས་རྣམས་ནི། །བསྙེན་རྫ་སྐབས་དང་ཐུན་མོང་བྱ། །ཏིང་འཛིན་གསུམ་དང་མཆོད་བསྟོད་པར། །གོང་མ་བཞིན་དུ་ཤེས་པར་བྱ། །ཐུན་བཞིའི་སྦྱོར་བ་མ་ཆད་ན། །ལས་ལ་སྦྱོར་བའི་རིམ་པ་སྟེ། །སྔགས་ཀྱང་དགྲ་བོ་དགུག་ལ་སོགས། །གསད་པའི་སྔགས་དང་བྱེ་བྲག་ལས། །ཚིག་ཀྱང་བསད་པའི་ཚིག་ཡིན། །དགྲ་བསད་པ་ཡི་ལས་ཡིན་ཕྱིར། །ལས་ལ་སྦྱོར་བར་གྲགས་པ་ཡིན། །ཏིང་འཛིན་མ་མོའི་ཐུགས་ཁ་ནས། །འོད་ཟེར་ནག་མོ་ལྕགས་ཀྱུ་འདྲ། །འཕྲོས་པས་གཟའ་བའི་ལྷ་དང་དབྲལ། །ལུས་ལ་ནདགཞིསྣཚོགསལངས། །བཀྲག་དང་གཟི་མདངས་ཉམས་པ་དེ། །དཀར་ནག་དཀྱིལ་གྱི་མཚམས་དག་ནས། །མི་ཡི་ས་བོན་དྲི་བཀུག་ནས། །འབྲུབ་ཁུང་ལིང་ག་ལ་བསྟིམས་ནས། །ལྕགདས་ཀྱུ་ལྟ་བུའི་ཏིང་འཛིན་ཡིན། །སྟོང་གི་འོད་ཟེར་ཁོང་པ་ནས། །དགྲ་ལ་སོགས་པའི་བཟླས་པ་ཡིན། །མཚན་མ་བྱུང་ནས་རུ་པ་སྟེ། །ཐུན་དབབ་རལ་གྲིས་ག་ས་པ་སྟེ། །ཕོ་གཡས་མོ་ནི་གཡོན་ནས་ག་། ཁོན་ཏུ་ཁྲོས་སེམས་ཏིང་འཛིན་བསར། །དེ་ནས་བསྲེག་དང་བསྟེབ་པ་བྱ། །བསྲེག་པའི་ཐལ་བ་ཆ་གསུམ་སྟེ། །ཆ་གཅིག་སྨྱོས་གདབ་གཏོར་མར་བཏབ། །ཆ་གཅིག་མནན་པའི་རྟེན་དུ་བཞགས། །ཆ་གཅིག་ཤི་བའི་རྟེན་ཕྱོགས་སུ། །གཏོར་ལ་བྲང་བརྡུང་འོ་དོད་འབོད། །ལས་ལ་སྦྱར་བའི་དུ་དྲུག་ཏུ། །ཟ་ཚོགས་ཐ་མ་དགྲ་རུ་བྱ། །དེ་ལྟར་བྱས་པའི་ནམ་བྱེད་ནས། །སྒྱུགས་གླུ་བླང་ཞིང་གཟུ་དཔང་གསོལ། །བྲང་བརྡུང་ཚོ་ངེས་ཆེན་པོས་བརྡབ། །ལག་མཆོག་དཔལ་གྱི་གཏོར་མ་བྱ། །མ་མོ་གང་ཡང་བསྲེ་བ་མེད། །འབྱུང་པོ་ཀུན་ཚིམ་གཏོར་མ་སྤྱིན། །དེ་ལ་ལས་བཅོས་དཔང་ཡང་གཟུགས། །ཚོགས་ཀྱི་འཁོར་ལོ་ཆེན་པོ་བསྐོར། །ལོག་ལ་རང་གི་ཆོ་གས་བསྲུང་། །ལས་ལ་སྦྱར་བ་ཡིན་པར་ངེས མ་མོ་ལས་ཐམས་ཅད་ཀྱི་ལས་རྒྱུད་ལུང་ལས། །ལས་ལ་སྦྱར་པའི་ལེའུ་སྟེ་ལྔ་པའོ། །དེ་ནས་ལས་ཀྱི་ལྷགས་མ་ནི། །ཐུན་ནི་འདི་ལྟར་བྱ་བ་སྟེ། །ཐུན་རྫས་སོ་སོར་དགྲམ་པར་བྱ། །དེ་ལ་ཞིང་གི་དགྲ་བརྟགས་སམ། །རྒྱུས་ཆེན་དགྲོལ་བ་བཤམས་ནས་ཀྱང་། །དང་པོར་ཁྲོ་བོ་བྱིན་དབབ་ཅིང་། །གསུར་ཆེན་གཏང་ཞིང་ཆས་ཞུགས་ལ། །ཐུན་གྱི་མ་མོ་བསྐུལ་པར་བྱ། །དེ་ནས་ཐུན་གྱི་སྔགས་བཟླས་ཏེ། །ཏིང་འཛིན་དུག་གི་ན་བུན་དང་། །མཚོན་གྱི་ཆར་པ་ནད་ཀྱི་བསྐལ། །བྱུང་བར་བསམས་པ་ན་བུན་གྱིས། །ལྟ་བའི་ཏིང་འཛིན་ཡིན་པར་ངེས། །དེ་ནས་དུར་ཁྲོད་འཆད་པ་འམ། །བྱང་རི་མཐོན་པོའི་ཁར་འཛེགས་ལ། །མ་མོ་བསྐུལ་བ་ཐུན་དམིགད་བཅའ། །དེ་ནས་ཐུན་གྱི་ལམ་བསྟན་པ། །བླ་ནས་ཕྱོགས་དང་འབེབས་ཕྱོགས་དང་། །ཐུན་གྱི་འགྲོ་གཟུགས་སྲིན་པོ་དང་། །སྲིན་མོའི་འགྲོས་ཀྱིས་བསྐོར་བར་བྱ། །རྔ་མ་དང་ཟ་འཕྱོང་པ་ཡི་ཚུལ། །བརྡེག་ཚུལ་བསྐོར་བ་ལན་གསུམ་བྱ། །དེ་ནས་གྱད་ཀྱི་འདུག་སྟངས་དང་། །ཐ་མ་རྟེན་ལ་བརྡེབ་པར་བྱ། །ཐུན་གྱི་གཟི་བྱིན་བསྐྱེད་པ་ནི། །མཆན་གྱི་བུ་ལ་འཕང་བའི་ཚེ། །བདུན་བརྒྱུད་རྩ་བ་གཅོད་སོགས་ཡིན། །དེ་ནས་བརྡེབ་པའི་གནས་བསྟན་པ། །མཆན་གྱི་བུ་ལ་ཁྲག་ཐུན་ཡ། །དེ་ནས་ཐུན་གནས་ངེས་བར་འཆད། །ཐུན་གྱི་མཆན་ཉིད་ཤེས་པར་བྱ། །ཁྲག་དང་ཐོས་པས་སྣ་དྲངས་ཏེ། །དྲག་པོའི་གཏོར་མས་གཞུག་བཏུལ་ལོ། །དེ་ནས་ཐུན་གྱི་དབྱེ་བ་ཡང་། །གསད་ཐུན་དང་ནི་གསོ་ཐུན་དང་། །བསྐང་ཐུན་བཟློག་ཐུན་ཡིན་པར་ངེས། །དེ་རེའི་ཐུན་གྱི་རིམ་པ་ཡང་། །མཁས་པས་འདི་ལྟར་ཤེས་པར་བྱ། །ཕུར་ཐུན་ཡུངས་ཐུན་་ཐུན་དང་། །རྡོ་ཐུན་ཆུ་ཐུན་ཟངས་ཐུན་དང་། །མདུང་ཐུན་ར་ཐུན་མདའ་ཐུན་དང་། །ཁྲག་ཐུན་ཐོད་བྱ་ཐུན་དང་། །སྒོམ་ཐུན་ཁམ་ཐུན་སྙིང་ཐུན་དང་། །དུག་ཐུན་ལུག་ཐུན་ལ་སོགས་པ། །བརྒྱ་རྩ་བརྒྱད་ཀྱི་ཐུན་ཕངས་པ། །མ་ཧྭ་དེ་བ་འཇིག་འགྱུར་ནས། །གླིང་བཞིའི་མི་ལ་སྨོས་ཅི་དགོས། །ཐུན་གྱི་མན་ངག་མ་གོལ་བ། །དུག་གི་ན་བུན་ཏི་འཛིན་ཡིན། །གོལ་ན་རང་ལ་མཚོན་ཆ་ཡིན། །མ་མོ་ལས་ཐམས་ཅད་པའི་ལས་ད་ལུང་ལས། །ཐུན་གྱི་ལེའུ་སྟེ་དྲུག་པའོ། །དེ་ནས་ཡང་དག་བཤད་བྱ་བ། །ལྷག་མ་ངེས་པར་གདོན་མི་ཟ། །བསྲེག་པའི་ཆོ་ག་ཡིན་པར་འདོད། །བསྲེག་པའི་དགྲ་ནི་ཧོམ་ཡིན་ཏེ། །མ་མོ་དྲག་པོ་ལས་ཀྱི་། །དཀྱིལ་འཁོར་རིམ་པ་འདི་ལྟར་བྱ། ཁུ་གསུམ་པ་རྩང་དང་བཅས། །ཟུར་དུ་འབར་བའི་ཞལ་གསུམ་སྟེ། །ལོགས་ཀྱི་དེ་བཞིན་ཤེས་པར་བྱ། །ཟུར་གསུམ་འགུགས་བྱེད་ལྕགས་ཀྱུ་གསུམ། །ལོགས་གསུམ་བིགས་བྱེད་ཏྲི་ཤུལ་གསུམ། ་༑ད་རྡེ་བྱང་དམར་ཁྲམ་བམ་གདགས། །སྔོན་དམར་ཚོན་གྱི་དྲ་བ་བགྱི། །དེ་ཡི་ནང་དུ་གཟས་བའི་གཟུགས། །མིང་བྱང་བཏགས་པ་ས་ལ་བྱ། །སྙིང་ཁར་གདན་ཀྱི་འབྲུབ་ཁུང་། །གདུག་པའི་ཧོམ་ཤིང་གཟུགས་ལ་བྱ། །དེ་ལ་བསྲེག་ཤིང་རྩང་གིས་བརྒྱན། །དེ་ནསབདེབརགཤེགསཔའིཧོམ། །ཕྱི་ཡི་འགྲུབ་ལུང་སྤངས་ནས་ནི། །བསྲེག་རྫས་སྦང་བའི་སྦྱིན་སྲེག་ནི། །ཀྭ་ལ་ཡག་ཤ་དྲག་པོའི་ཧོམ། །འཕྲིན་ལས་རྣམ་བཞི་བཅོལ་བ་ཡིས། །བྱ་བ་མི་འགྲུབ་དྲག་པོ་འབྱུང་། །གཟུགས་དེ་ཐུན་དབབ་གཏུབས་ནས་སུ། །སྔར་རྫས་དྲག་ཤིང་བསྲེག་བྱས་ན། །གང་ཡང་ཕུང་བར་ཐེ་ཚོམ་མེད། །དེ་ཡི་ཏིང་འཛིན་འདི་ལྟར་སྟེ། །དཔེར་ན་ཤིང་བསྲེགས་ཐལ་བ་བཞིན། གཟུགས་བསྲེགས་ནི་དང་ལུས་བསྲེགས་བསམ། ཁྲེང་བསྲེགས་ཐལ་བའི་ཏིང་འཛིན་ཡིན། །དེ་ཚེ་སྲེག་པའི་སྔགས་ཟློས་པ། དྲག་པོའི་མེ་ལ་དམིགས་ལ་བཟླས། གོང་མ་དྲག་པོ་རྫས་ལ་དམིགས་ཏེ་བཟླས། བཟླས་པ་ཡིན་པར་ཤེས་པར་བྱ། དེ་ནས་དྲག་པོ་མེ་ཡི་རྫས། །འདི་ལྟར་མཁས་པས་བཙལ་བར་བྱ། །དུག་དང་ཁྲག་དང་སྐེ་ཚེ་དང་། །ལན་ཚྭ་ནིམ་པ་ལ་སོགས་ཏེ། ད་དུ་ར་ཙས་དག་ལུགས་ཡིན། །ཡམ་ཤིང་དམར་ནག་ཁྲག་དང་དུག །དྲི་ཆེན་དྲི་ཆུ་མི་རུས་ཕྱེ། །སྐེ་ཚེ་ལན་ཚྭ་སྐྲ་སེན་མོ། །ཟངས་ལྕགས་འཁར་བ་ར་གན་པྱེ། ཁྲ་བ་གླ་བ་དགོ་བ་རྣམ། རི་བོང་ལ་སོགས་རི་དྭགས་དང་། །བོང་བུ་རྔ་མོ་ལ་སོགས་རྟུག། །ཇི་སྙེད་རྫས་ཀྱི་རོ་སྲེག་སའི་མཎྜལ་དུ། །རྫས་དགོད་པ་ཡི་རིམ་པ་་ཡང་། །མེ་ཏོག་ནག་པོ་དྲི་མི་ཞིམ། །རོ་ནི་ཁ་བའི་མེ་མར་ཆེན། །མི་སོགས་ཤ་བའི་ལྷ་བཤོས་དང་། །ཁྲག་གི་ཨརྒ་མཆོད་ཡོན་སོགས། །མཆོད་རྫས་སྔགས་པའི་གཡོན་དུ་བཞག །མིང་རུས་དྲི་ཆེན་དྲི་ཆུ་དང་། །བོང་བུ་རྔ་སོགས་རྟུག་པ་དང་། །ཚེར་མ་ཅན་གྱི་ཡམ་ཤིང་དང་། །ཚ་བའི་དམར་ནག་སྐྲ་སེན་སོགས། །སྔགས་པ་རང་གི་གཡས་སུ་བཞག །དགང་གཟུར་བླུགས་གཟར་མ་དུན་དུ་བཞག། །རྫས་དེ་བསྲེག་པའི་ཏིང་ངཛིན་ཡང་། །ཡམ་ཤིང་ལ་སོགས་འབར་བས་སྤྲས། །དེ་ནི་བཟའ་བ་རུ་པ་སྟེ། །འབར་བའི་འོད་ལ་བསྲེག་པར་བྱ། །མར་སོགས་འཇུ་བའི་རྗས་རྣམས་ནི། །དེ་དག་བཟའ་བའི་ཁྲག་ཏུ་བསམ། །དེ་ནི་མ་མོའི་ཞཔ་དུ་དབུལ། །དྲི་ཆེན་ལ་སོགས་རྫས་རྣམས་ནི། །དེ་ནི་བཟའ་བའི་ཤ་ཡིན་ཏེ། །མ་མོའི་ཕྱག་ཏུ་དབུལ་བར་བྱ། །དྲག་པོ་ཧོམ་གྱི་མེ་དེ་ཡང་། །སྨེ་ཤ་ཅན་དང་རྡོལ་པ་པོ། །མི་སྡོང་ཤན་པའི་ཁྱིམ་ནས་བླང་། །དེ་ལྟར་བསྲེག་པའི་ཐབས་ཤེས་ན། །རྫས་བསྲེགས་ངེས་པར་དགྲ་བགེགས་ཡིན། །འདི་དག་ལས་ཀྱི་ཁ་ཚར་ལས། །སྤྱིན་སྲེག་ཡིན་པར་གསུངས་པ་ནི། །ལས་ཀྱི་ཁ་ཚར་མཤེས་པར། །ལས་ལ་སྦྱོར་བ་ཝ་དང་འདྲ། །དཔེར་ན་མདའ་ལ་མདེའུ་མེད་པས། །བསྒྲུབ་བྱ་འབིགས་པར་མི་ནུས་སོ། །ལས་དང་ལས་ཀྱི་ཆོ་ག་སོགས། །གཅན་གཟན་སྟག་གི་མཆེ་བ་འདྲ། །དཔེར་ན་མདའ་ལ་མདེ་བཅུག་བཞིན། །ལང།་མེད་ལས་ཀྱི་ཁ་ཚར་ཡང་། །མགོ་བོ་མེད་པའི་རྔ་མ་འདྲ། །མགོ་མེད་རྔ་མ་འགྲོ་བ་མེད། །དེ་ལྟར་ལས་དང་ཁ་ཚར་གཉིས། །བྱེ་བྲག་མཁས་པས་ཤེས་པར་བྱ། །ལས་དང་སྤྱི་དང་བྱེ་བྲག་དེ། །ཁ་ཚར་སྤྱི་དང་བྱེ་བྲག་ཡིན། །དཔེར་ན་སྲེག་པའི་མེ་ལ་ཡང་། །ཞི་རྒྱས་དབང་དྲག་མངོན་སྤྱོད་རྫོགས། །མེ་ཡི་བྱེ་བྲག་མཁས་པས་དབྱེ། །ལས་དང་ལས་ཀྱི་ཚར་ལས། །མཁས་པ་སྦུ་གྲིའི་སོ་དང་འདྲ། །དེ་བས་འབད་པ་ཐམས་ཅད་ཀྱིས། །ལས་གཞན་ལེགས་པར་ཤེས་པར་བྱ། །ལས་ཀྱི་གཞུང་ལ་མ་རྨོངས་ཤིང་། །སེམས་ཅན་བརྟུལ་ཞུགས་དང་ལྡན་པ། །དུག་གི་སྔོང་པོ་ཡིན་པར་ངེས། །ལས་གཞུང་འདི་ལ་སྒྲུབ་ལུགས་གསུམ། །དང་པོ་བཀའ་ཡི་སྒྲུབ་པ་སྟེ། །གཉིས་པ་བཀའ་བརྟེན་བསྒྲུབ་པ་ཡིན། །གསུམ་པ་མན་ངག་སྒྲུབ་པའོ། །བསྒྲུབ་པ་དེ་ལ་དུས་གསུམ་སྟེ། །རྒྱལ་བ་ང་ཡི་སྐུ་བཞུགས་དུས། །ང་ཡི་བསྟན་ལ་གནོད་པ་ལ། །བསྒྲུབ་པའི་ལས་རྣམས་བཅོལ་དགོས་ཏེ། །མ་མོ་མཁའ་འགྲོ་ལ་སོགས་པ། །མདོངས་སོལ་ཚུལ་དུ་ལས་བྱེད་པ། །དེ་ནི་བཀའ་ཡི་སྒྲུབ་པ་ཡིན། །རྒྱལ་སྲིད་ཡོད་པའི་རྒྱལ་པོ་བཞིན། །ང་ནི་མྱ་ངན་འདས་འོག་ཏུ། །ང་ཡི་གསུང་གི་བྱིན་བརླབས་དང་། །དགེ་བཅུ་དག་ལ་གནས་པ་དང་། །བཀའ་བསྒོ་ལས་བཅོལ་བྱེད་པའི་དུས། །བཀའ་བརྟེན་པའི་སྒྲུབ་ལུགས་ཡིན། །རྒྱལ་སྲིད་ཕར་བརྟེན་ཚུར་བརྟེན་བཞིན། །སྙིགས་མ་མི་དགེ་བཅུ་ཡི་དུས། །མན་ངག་གི་ནི་བསྒྲུབ་པ་སྟེ། །མ་མོ་རང་གི་མན་ངག་ལས། །བཀའ་ཡིས་འདུལ་བར་མི་འགྱུར་ཏེ། །དཔེར་ན་རྒྱལ་ཁམས་སིལབུབཞིན། །དེལྟརབསྒྲུབ་པའི་མན་ངག་སྦངས་། །ཐོ་ཆོར་མ་མོ་སྒྲུབ་བྱེད་པ། །རང་ཡང་ཕུང་ལ་གཞན་ལ་འང་གནོད། །དེ་བས་མི་ཤེས་རྨོངས་པས་རྨོངས་། །མ་མོ་ལས་ཐམས་ཅད་པའི་ལས་རྒྱུད་ལུང་ལས། །ཧོམ་གྱི་ལེའུ་སྟེ་བདུན་པའོ། །དེ་ནས་ངེས་བར་གདོན་མི་ཟ། །ལས་རྣམས་འདི་ལྟར་ཤེས་པར་བྱ། །སྦྱིན་སྲེག་བྱས་པའི་ཐལ་བ་དང་། །དགྲ་ཡི་དྲི་མ་དྲུག་པོ་ལ། །མནན་པའི་ལིང་ཁ་བྱ་བ་སྟེ། །མནན་པའི་རྟེན་ནི་དུ་ཡོད་པ། །འཁྲུལ་འཁོར་གྲངས་ཀྱང་དེ་ཙམ་བྱ། །གནན་པའི་གཞན་མ་རོ་རས་སོགས། །དེ་ལ་དུག་སོགས་རྫས་ཀྱི་སྐུ། །ཐེབས་པའི་དུས་སུ་འཁྲུལ་འཁོརབཅའ། །མནན་པའི་འབྲུབ་ཁུང་བདུན་བྱས་ལ། །དེ་ལ་དགྲ་ཡི་གཟུགས་བརྙན་བདུན། །བདུན་རྒྱུདརྩ་བ་ཡིན་པར་ངེས། །ཡང་ན་དེ་ཡི་གནས་བདུན་གྱི། །གཟུགས་བརྙེན་མདུན་དུ་མཁས་པ་བསམ། །ཞལ་ལས་བྱུང་བར་འབྲུབ་ཁུང་ལ། །ལིང་ག་དེ་བཞིན་ཤེས་པར་བྱ། །ཕྱི་རུ་རྡོ་རྗེ་རྒྱ་གྲམ་ལ། །མན་ངག་ཅན་གྱིས་ལིང་ག་བྲི། །སྔོན་དམར་ཐུན་གྱི་དཀྱིལ་འཁོར་ཡིན། །དེ་ཡང་ཡན་ལག་རྫོགས་པར་བྲི། །སྙིང་ཁར་མིང་ལ་དབྲལ་བར་རུས། །སྤྱི་བོ་སྙིང་ཀ་འདོམ་བར་དུ། །ཨོ་དང་ཧུ༷་ནག་ཕཊ་སེར་དྲི། །དབུས་ཀྱི་འབྲུབ་ཁུང་ཐ་མ་སྲ །གཙོ་བོའི་སྔགས་བྲིས་མ་མོ་ཡི། །གསང་སྔགས་རིམ་པར་བྲིས་ནས་ཀཡང་། །དེ་ལ་ཐུན་གྱི་སྔགས་རྣམས་བྲི། །དེ་ལ་སྡེ་བརྒྱད་གཉན་དགུའི་སྔགས། །དེ་རྫས་མནན་པའི་སྔགས་ཀྱང་བྲི། །གཟུགས་ཀྱི་བླ་གནས་རྣམས་སུ། །བྱང་དང་ཕུར་པ་ཛ་ལྕགས་ཀྱུ། །མདའ་ལ་སོགས་པའི་ཟ་བྱེད་བྲི། །སྲོག་གི་ཟ་བྱེད་བདུན་ཡིན་ཏེ། །མཛེས་ལ་སོགས་པ་ཟ་བྱེད་དགུ། །བླ་ནས་གནས་པ་མཁས་པས་བྲི། །བླ་གནས་མན་ངག་མ་ཤེས་པར། །ཐུན་འདེབས་ཕུར་འདེབ་གྲིས་ག་་པ། །དེ་ནི་ཞེ་སྡང་དོན་མེད་ཡིན། །བླ་གནས་རྣམ་པ་གཉིས་ཡིན་ཏེ། །ཚེས་གཅིག་ལ་སོགས་བླ་གནས་ནི། །དེ་ནི་མི་འགྱུར་བླ་གནས་ཡིན། །བྱའི་མེའུ་ཆུང་གཤང་ལྕགས་གནས། །བྱི་བ་ལ་སོགས་ལོ་བཅུ་གཉིས། །དཔྱིད་ཟླ་ར་བ་ལ་སགོས་པའི། །ཟླ་བ་ཞག་ནི་སུམ་ཅུ་དང་། །དུས་ཚོད་བཅུ་གཉིས་ལ་སོགས་པའི། །འདི་ནི་འགྱུར་བའི་བླ་གནས་སོ། །རྩང་དང་གྲི་དང་ཛ་ལ་སོགས། །ལྷ་སྲིན་གང་གི་རབ་བྲི། །ཐ་མར་དབང་གི་ཁ་བྱང་གདགས། །གཏད་དང་ཁྲམ་གཉིས་སྦེལ་མར་བྲི། །རང་གིས་ཉེས་ན་དཔང་མི་གཟུགས། །བར་དུ་དབྱེ་བའི་ཕྲ་མ་གཞུག། །བདེན་ཚིག་མ་ལུས་སོག་པར་བྲི། །དེ་ནས་མནན་པའི་ས་ཡང་རུང་། །འབྱུང་པོ་ཀུན་ཚིམས་གཏོར་མ་གཏང་། །དར་ནག་རེ་ནག་གུར་ཕུར་ལ། །དང་པོར་ཟ་བྱེད་གང་ཡིན་པའི། །རྟེན་ལས་རང་གི་སྙིང་པོ་བཟླས། །སྐུ་རུ་བཞེངས་ལ་མཆོད་བསྟོད་བྱ། །ཟ་བྱེད་རྣམ་པ་བཞི་ཡིན་ཏེ། །སྲོག་གི་ཟ་བྱེད་གཤིན་རྗེ་ཡིན། །ཞ་གྲམ་ཟ་བྱེད་པ་བདག་ལ། །སྨྱོ་འབོག་ཟ་བྱེད་རྒྱལ་པོ་ཡིན། །མཛེ་ནད་ཟ་བྱེད་ཀླུ་ཡིན་ནོ། །ཟ་བྱེད་གང་ཡིན་མཉེས་བྱས་ལ། །དེ་ལ་མནན་པའི་ལས་བཅོལ་ལོ། །བཟའ་བ་ལྷ་དང་དབྲལ་བྱས་ལ། །མནན་པའི་འཁྲུལ་འཁོར་གཟུགས་ལ་བསྟིམ། །དེ་ནག་ལྷ་སྲིན་སྡེ་བརྒྱད་དོ། །དེ་ནས་འཁྲུལ་འཁོར་དྲི་བྱས་ནས། །སྔོན་དམར་སྐུད་པས་རྒྱ་གྲམ་བྲི། །སྐུད་པའི་སྔགས་ཀྱང་བཟླས་ཤིང་བྲི། །དེ་ནས་ལ་ཅའི་སྦལ་བར་གཞུག། །རེ་བ་ནག་པོས་དྲལ་བ་དང་། །དེ་ནས་ཐོད་པའི་ནང་དུ་གཞུག །ཐོད་པ་རླུད་དང་ཆུ་ལ་སོགས། །མི་ཚོར་བ་རུ་བསྲུང་བྱས་ལ། །དེ་ནས་ས་དེ་ཚད་དུ་བརྐོ། །དེ་ཡི་ཁུང་པར་ཐོད་པ་གཞག །ས་དེ་ལྷ་སྲིན་རྟེན་ཡིན་པས། །དེ་གཞག་རྟེན་ལ་གཏད་པའོ། །དེ་ལྟར་གཏད་དང་ཁྲམ་བྲིས་པས། །འདི་ནི་གཏད་པའི་ཁྲམ་ཞེས་བྱ། །གཏད་ཅིང་ཁྲམ་དུ་བཏབ་པ་དེ། །མི་ཆོར་ཕྱིར་ན་མནན་པ་བྱ། །མནན་པ་རེ་ཞིག་བདུན་ཡིན་ཏེ། །བསྒོམ་པ་པོ་ལ་བདུན་པོ་དེ། །ལས་བྱང་ནང་དུ་ཤེས་པར་བྱ། །དེ་ལྟར་བྱས་པའི་ཏིང་འཛིན་ནི། །མི་བཟུང་ལྕགས་བཅུག་ཏིང་འཛིན་ཡིན། །དེ་ལྟར་བཟླས་པའི་སྔགས་རྣམས་ནི། །ལྷ་སྲིད་ལ་དམིགས་བཟླས་པ་ཡིན། །ཐུན་ནི་སྤུ་གྲི་ལྟ་བུ་སྟེ། །ལོ་མ་ཡལ་ག་གཅོད་པ་ཡིན། །མནན་པ་སྟེ་རེ་ལྟ་བུ་སྟེ། །བདུན་རྒྱུད་རྩ་བ་གཅོད་པ་ཡིན། །སྲོག་གི་མཐའ་སྡུག་མནན་པ་ཡིན། །སེར་བའི་མཐའ་སྡུད་རྟ་མ་ཡིན། །མ་མོ་ལས་ཐམས་ཅད་ཀྱི་ལས་རྒྱུད་ལུང་ལས། །མནན་པའི་ལེའུ་སྟེ་བརྒྱད་པའོ། །དེ་ནས་ཡང་དག་བཤད་བྱ་བ། །ཁར་ནག་ཐུན་གྱི་སྔགས་རྣམས་ནི། །དཀར་ནག་སྔོ་དང་དམར་མོ་སེར། །ཕྱིང་ཁ་ལོག་སྟེ་གསང་བའ་ཐུན། །ཨོ་བཛྲ་གི་བི་ཧུ༷་ཀར་པོ་མ་ཧྭ་བར་ག་ཧུ༷་ཕཊ། །ནག་པོ་ས་ཤིས་ཤི་བླ་ཤི་ས་ཟད་ཧུ༷་ཕཊ། །སྔོན་པོ། །ལོ་ཤི་ཁ་ལ་རསྣ་རྦད་ན་ཧུ༷། །དམར་པོ། །དུ་ར་ས་ཐིམ་ན་དགྲ་བོ་ཧུ༷། །སེར་པོའི་སྔགས་སོ། །མ་མོ་ཐམས་ཅད་ཀྱང་རྒྱུད་ལུང་ལས། །སྤྱོད་ལམ་ཁར་ནག་ཐུན་གྱི་ལེའུ་སྟེ་དགུ་པའོ། །ད་ནི་ལྟ་བ་བཤད་བྱ་སྟེ། །གཉིས་མེ་ལྟ་བས་ཐག་བཅད་ནས། །སྤྱོད་པ་ཆེན་པོ་ལ་དོར་རོ། །འཁོར་དང་མྱ་ངན་འདས་པའི་ཆོས། །རྟོགས་ན་དེ་གཉིས་ག་ལ་སྲིད། །རྟོག་པ་ལོག་པས་གཉིས་སྣང་སྟེ། །དེ་ལ་མི་མོས་ལོག་རྟོག་ཅན། །རང་ལ་མངན་བྱེད་གོ་བའི་སེམས། །བསྟེན་བསྲུང་སྐུར་འདེབས་གཤགས་བྱེད་པ། །དེ་ཡི་འཁོར་བའི་ངན་འགྲོར་ལྟུང་། །ཐུགས་རྗེ་ཆེན་པོ་ས་བསྒྲལ་བར་བྱ། །དེ་ལྟའི་ལྟ་བ་དང་ལྡན་ན། །ལྟ་བ་དེ་ཉིད་སངས་རྒྱས་ཡིན། ཁེན་ཏུ་གདུག་པའི་ཞེ་སྡང་ཅན། །ཇི་སྲིད་འདི་ནི་གསང་བར་བྱ། །འདི་ནི་ང་ཡིས་དགྲ་ཡིན་ཞེས། །རྒྱ་ཆེར་མ་རྟོགས་གོལ་སེམས་ཅན། །ཞེ་སྡང་སོལ་པའི་སྡོང་པོ་འདྲ། །དེ་ནི་འཁོར་བའི་ཤ་ཡང་སར་ལྟུང་། །གཞན་ཡང་ཕྲ་མོའི་ལྟ་བ་ནི། །སྦྱོད་ལམ་ཀུན་ཏུ་མ་གོལ་བར། །བདག་ཉིད་ཆེ་མཆོག་གཙོ་བོར་ལྟ། །གཡོན་རྣམས་ཐམས་ཅད་ཡུམ་དུ་ལྟ། །མདུན་རྣམས་ཐམས་ཅད་མ་མོའི་ཚོགས། །བཀའ་ལུང་ཉན་ཅིང་ལས་བྱེད་ལྟ། །རྩི་ཤིང་ནགས་ཚལ་ལ་སོགས་ཀུན། །ཐམས་ཅད་མ་མོའི་ཚོགས་སུ་ལྟ། །བཟའ་དང་བཅའ་དང་བ་་དང་བགོ། །ལོངས་སྦྱོད་ཚོགས་སུ་སྣང་བ་ཀུན། །ཐམས་ཅད་མ་མོའི་ཟས་སུ་ལྟ། །སྣོད་ཀྱི་འཇིག་རྟེན་གཞལ་ཡས་ཁང་། །བབ་དུ་གནས་པ་འཁོར་སོགས་ལྟ། །སྟེང་ནི་ཞིང་གི་གཡང་གཞི་གསོལ། །འོག་ནི་ཁྲག་གི་རྒྱ་མཚོ་སོགས། །བར་ནི་ཀེང་རུས་རྩིག་པར་ལྟ། །སྤྱོད་ལམ་ཀུན་ཏུ་བལྟ་བར་བྱ། །མ་མོ་ཐམས་ཅད་ཀྱི་ལས་རྒྱུད་ལུང་ལས། །སྤྱོད་པའི་ལེའུ་སྟེ་བཅུ་པའོ། །དེ་ནས་རྣལ་འབྱོར་སྦྱོད་པ་ནི། །ལོངས་སྤྱོད་མི་ཁྲག་ཤ་ལ་རློམ། །ཁྱད་པར་ཚིལ་ཆེན་ཤ་དང་རྐང་། །བྲིས་སྐུ་གཡས་གཡོན་ཀུན་ཏུ་ཡང་། །སྦོས་ཀྱིན་བུན་འཐིབས་པར་བྲི། །མདོ་ལོང་དྲེ་རྟ་ཤོན་པ་ཀུན། །བུད་མེད་ཚུལ་དུ་ལབ་ཆུང་བགོ། །སོར་ཚིགས་འཕྲེང་བ་འབྲལ་མི་བྱ། །ན་ཆུང་གཞོན་པའི་གོས་ལེགས་བགོ །ཚིལ་ཆེན་མེ་མར་བལྟམ་བྱས་ལ། །བྲིས་སྐུ་དེ་ཡི་ཐ་མ་མྲ །འགྲོ་དང་འདུག་དང་བསྐོར་དང་འབུད། །རྐང་གླིང་བུད་ཅིང་ཆ་ལང་བརྡབ། །གསང་བ་སྔགས་ཀྱི་སྐོ་དང་སྐང་། །མིས་མི་མཐོང་བར་དྲག་ཏུ་བཟླས། །འགྲོ་དང་འདུ་འཛི་ཟས་དག་ལ། །ཆགས་པར་མི་བྱ་ཐོད་པའི་རྔ་། །བརྡུང་ཞིང་མདོ་ལོང་སྒྱུགས་གླུ་བླང་། །དྲག་པོ་དག་ལ་ཞུགས་བའི་ཚེ། །ཕྱར་བ་གོན་ལ་མཆི་མ་བཏང་། །གདུང་བའི་སྨྲེ་སྔགས་གདོན་པར་བྱ། །ཐུན་ལ་ཞིང་གི་སྐྲ་བཏགས་འཐེན། ཁྲ་ཆེན་དག་ཀྱང་ཟ་བར་བྱ། །སྐོམ་ན་ཁྲག་ཀྱང་བ་་བར་བྱ། །དེ་ལྟར་བྱས་ནས་འགྲུབ་པར་ངེས། །གཞན་ཡང་སྦྱོད་པ་འདི་ལྟ་སྟེ། །རས་ཆེན་དག་ནི་བླངས་ནས་ཀྱང་། །རང་ལ་མོས་ཤིང་ཤིས་བ་མི་ ། །མ་མོ་བྲི་སྐུ་འདྲ་འབག་སོགས། །བྱེད་པ་སྦྱོད་པ་ཡིན་པར་འདོད། །གཞན་ཡང་ཁྱད་པར་ཞིང་ཆེན་གྱི། ཁྲ་དང་ཁྲག་དང་ཚིལ་ཆེན་སོགས། །གཏོར་མ་རྟག་ཏུ་གཏང་པར་བྱ། །མ་མོ་ཐམས་ཅད་པའི་ལས་རྒྱུད་ལང་ལས། །སྦྱོད་པ་བསྟན་པའི་ལེའུ་སྟེ་བཅུ་གཅིག་པའོ། །དེ་ནས་སྔག་པའི་དམ་ཚིག་ནི། །སྙིང་རྗེ་དུས་དང་ལྡན་པ་སྲ །ཆུ་བོ་ཆེན་པའི་གཞུང་བཞིན་དུ། །ལྷ་མི་སྦང་ཞིང་བླ་མ་བཀུར། །དམ་འདྲེས་གསང་བའི་འཚང་མི་འབྲུ། །འོག་མ་མི་ཤེས་སྙིང་རྗེ་བསྐྱེད། །གསང་སྔགས་སྒྲ་དང་ཏིང་ངེ་འཛིན། །སྤྱོད་ལམ་ཀུན་ཏུ་རྒྱུན་མི་གཅད། །བཟའ་དང་བ་་བ་ཐམས་ཅད་ལ། །ལྷ་ལ་ཕུད་དབུལ་ནར་པ་བཤགས། །དམ་རྫས་མ་འཚོམས་ལྷ་མི་བོད། །བུད་མེད་ཚོགས་ལ་སྨད་མི་བྱ། །རང་གིས་ཉེས་ན་དཔང་མི་གཟུག། །རྣལ་འབྱོར་རྣལ་འབྱོར་ཐམས་ཅད་ལ། །དུས་དང་རྟག་ཏུ་སྨད་མི་བྱ། །དཀོན་མཆོག་སྤྱི་ཆེད་དང་དུ་བླང་། །དེ་ལྟར་བྱས་ན་མྱུར་དུ་འགྲུབ། །ང་རྒྱལ་མི་བྱ་གཡོ་སྒྱུ་སྦང་། །སྙན་དང་ཆགས་དང་གྲགས་པ་དང་། །་བྱེ་དང་བཀུར་སྟི་ལོངས་སྤྱོད་ཡང་། །དམ་ཚིག་དོན་དུ་ཐམས་ཅད་སྦང་། །བསྒྲལ་བའི་ལས་རྣམས་མ་ཤེས་པར། །དྲག་པོའི་ལས་རྣམས་ཐམས་ཅད་སྦང་། །སེམས་ཅན་ཀུན་ལ་སྙིང་རྗེ་ཞིང་། །རྡོ་རྗེ་སྐྲུན་ལ་གདུང་སེམས་བསྐྱེད། ཁུ་དུ་བརྟག་ཅིག་གཏོར་མ་གཏང། །ལོགཅིགདངལ་རྒྱུ་བ་ནི། །ཚེས་གཅིག་ལོ་གསར་གཉན་པོ་ཡིན། །ཟླ་བ་གཅིག་ལ་རྒྱུ་བ་ནི། །ཉི་ཤུ་དགུ་ལ་གཏོར་མ་གཏང་། །ཞག་གཅིག་དུས་ནི་བནི་ཡིན་ཏེ། །ནང་ནུབ་ཉིད་གུང་མཚན་གུར་སྟེ། །དུས་དེར་བྱ་བ་ཀུན་བྱས་ཏེ། །འགྲུབ་པར་གྱུར་པ་ཐེ་ཚོམ་མེད། །མ་མོ་ལས་ཐམས་ཅད་པའི་རྒྱུད་ལུང་ལས། །དམ་ཚིག་བསྟན་པའི་ལེའུ་སྟེ་བཅུ་གཉིས་པའོ། །དེནས་མ་མོ་དེདག་ནི། །དབྱེ་བ་འདི་ལྟར་ཤེས་པར་བྱ། །ཀུན་ཏུ་བཟང་མོ་ལ་སོགས་པའི། །ཡང་གསང་མ་མོ་དྲུག་པ་ཡིན། །ཀུན་ཏུ་བཟང་པོ་དེ་ཉིད་ལ། །དབྱེ་བའི་རྣམ་པ་འདི་ལྟར་སྟེ། །ཀུན་ཏུ་བཟང་མོ་རྒྱལ་མོ་བཞི། །དེ་བཞིན་གཙོ་མོ་ཉིད་བཞི་སྟེ། །ཀུན་ཏུ་བཟང་མོའི་ཁ་བློན་བཞི། །དེ་བཞིན་གྲུབ་བློན་མ་བཞིའོ། །མཚམས་ཀྱི་བློན་མོ་བཅུ་གཉིས་ཏེ། །བར་མཚམས་བློན་མོ་བཅུ་བཉིས་ཡེན། །དེ་ཡི་སྨན་མོ་བཅུ་གཅིས་ཡི་་་། །ག་་ལ་མ་གཞི་སྲིང་མོ་བཞི། །ཀུན་རུ་བཟང་མོའོ་མ་མོ་བདུན། །སྲིང་མོ་བདུད་ཏེ་གཞོན་ནུ་བཞི། །བཅོས་སུ་མི་རུང་མ་མོ་བརྒྱད། །བཅོས་ནས་གྲུབ་ང་འི་མ་མོ་གཅིག །དེ་ལྟར་འགྱུར་བའི་ར།་མོ་རྣམས། །ཀུན་ཏུ་བཟང་མོའི་མ་མོ་ཡིན། །དཔག་བསམ་ཤིང་གི་བུམ་པ་ལ། །མ་མོ་འདི་རྣམས་གནས་པ་ཡིན། །ཡང་གསང་མ་མོ་ལྔ་པོ་ལ། །གོངབཞིནརྒྱལམོབཞིལ་སོགས། །མ་མོ་དབྱེ་བ་འདི་ལྟེ་སྟེ། །རི་རབ་ཁ་ཁྱེར་དང་པོ་ན། །རང་རང་གྲལ་གྱི་རིམ་པར་གནས། །ཡང་གསང་མ་མོ་དབྱེ་བའོ། །ཡེ་ཤེས་མ་མོ་བཅུ་བཞི་ཡང་། །རེ་ཞིག་མཁས་པས་འདི་ལྟར་དབྱེ། །དཔེར་ན་ཉི་ཟླ་ཐོད་འཕྲེང་ཅན། །ཐོད་འཕྲེང་ཅན་གྱི་ཁ་བློན་བཞི། །དེ་བཞིན་གྲུ་བློན་མ་བཞི་དང་། །མཚམས་ཀྱི་བློན་མོ་བཅུ་གཉིས་དང་། །བར་མཚམས་བློན་མོ་བཅུ་གཉིས་ཡིན། །སྨན་མོ་བཅུ་གཉིས་གོ་ལེ་བཞི། །སྲིང་མོ་བཞི་དང་མ་མོ་བདུན། །སྲིང་མོ་བདུན་ཏེ་གཤོན་ནུ་བཞི། །ཇིར་མི་ཡོངས་ཀྱི་སྐྲུན་བཞི་དང་། །བཅིས་སུ་མི་རུང་མ་མོ་བརྒྱད། །བཅོས་ནས་གྲུབ་པའི་མ་མོ་གཅིག །འདི་དག་ཉི་ཟླ་ཐོད་འཕྲེང་ཅན། །དེ་ཡི་མ་མོ་དབྱེ་བ་སྟེ། །འཕྲ་མེད་རྒྱ་མཚོ་ལ་སོགས་པའི། །མཁའ་ཡི་མ་མོ་ཐམས་ཅད་ལ། །དབྱེ་བ་རིམས་བཞིན་ཤེས་པར་བྱ། །དཔག་བསམ་ཤིང་གི་འཁོར་ལོ་ལ། །རི་རབ་བང་རིམ་བར་མ་ལ། །རང་རང་གྲལ་གྱི་རིམ་པར་གནས། །མཁའ་ཡི་མ་མོ་དབྱེ་བའོ། །སྲིད་པ་ཆགས་བྱེད་ལ་སོགས་པའི། །སྨན་མོང་དབྱེ་བ་འདི་ལྟ་སྟེ། །དཔེར་ན་སྲིད་པ་ཆགས་བྱེད་ཀྱི། །སྨན་མོའི་རྒྱལ་མོ་བཞི་དང་ནི། །དེ་བཞིན་སྨན་མོ་ཁ་བློན་བཞི། །བཅོས་ན་གྲུབ་པའི་མ་མོའི་བར། །དེ་ཙམ་མ་མོའི་རིམ་པར་གནས། །སྲིད་པ་ཆགས་བྱེད་ལ་སོགས། །རང་རང་གྲམ་གྱི་རིམ་པར་གནས། །མ་མོ་ཀུནལདེབཞིནདབྱེ། །དཔག་བསམ་ཤིང་གི་འཁོར་ལོ་ལ། །རི་རབ་བང་རིམ་ཐ་མ་ལ རོལ་མཚོ་རི་རབ་གླིང་དང་ཡངས། །ལྕགས་རི་རྒྱ་མཚོ་དུར་ཁྲོད་སོགས། །སྨན་མོའི་ཚོགས་ཀྱི་དབྱེ་བ་སྟེ། །དཔེར་ན་སྨུག་མོའི་ཚོགས་ལ་ཡང་། །སྨུག་མོའི་རྒྱལ་མོ་ཁ་བློན་བཞི། །སྨུག་མོའི་གྲུབ་བློན་མཚམས་བློན་མོ། །སྨུག་མོ་བར་མཚམས་བློན་མོ་དང་། །སྨུག་མོའི་དམར་མོ་གོ་ལེ་མ། །སྨུག་མོའི་སྲིད་མོ་མ་བདུན་དང་། །སྨུག་མོའི་བརྒྱད་མི་ཅིག་དང་། །སྨུག་མོའི་ཚོགས་ཀྱི་དབྱེ་བ་སྟེ། །དཀར་མོ་ལ་སོགས་དེ་བཞིན་ནོ། །སྔགས་པ་གང་ཞིག་མ་མོའི་དབྱེ་མི་ཤེས། །མུ་ཆོར་སྐོང་དང་བསྐུལ་དང་ལས་འཆོལ་དང་། །གནད་ལས་འབོད་ཅིང་ལས་བྱེད་མདོས་བཅོས་བ། །རང་ཡང་ཚེ་ཐུང་འཇིག་རྟེན་བཀྲ་མི་ཤིས། །དེ་བས་སྲོག་ལུས་རྫས་རྣམསཀྱིས། །བླ་མ་མཉེས་བྱ་དབྱེ་བའི་མན་ངག་བརྩམ། །དཔེར་ན་རིགས་བཞིའི་དབྱེ་བ་ཤེས་ཙམ་གྱིས། །རྒྱལ་རིགས་དབྱེ་བ་ཞིབ་མི་འགྱུར། །དེ་བཞིན་རིགས་གསུམ་མ་མོ་ཤེས་ཙམ་གྱིས། །མ་མོའི་བྱེ་བྲག་མི་ཤེས་སོ། །མ་མོ་ལས་ཐམ་ཅད་པའི་ལ་རྒྱུད་ལུ་་ལས། །ལས་ཀྱི་མ་མོ་དབྱེ་བ་བསྟན་པའི་ལེའུ་སྟེ་བཅུ་གསུམ་པའོ། །དེ་ནས་ལས་ཀྱི་མ་མོ་ཡི། །གནས་ཀྱི་དབྱེ་བ་འདི་ལྷ་སྟེ། །རེ་ཞིག་གནས་ནི་རྣམ་པ་གསུམ། །རང་བཞིན་ལས་ལས་གྲུབ་པའི་གནས། །དེ་ནི་རི་རབ་གླིང་ཡིན་ཏེ། །བ་་ནས་དམ་ཚིག་དཔོག་པའི་གནས་དུར་ཁྲོད་རོ་དང་ནག་པོ་གནས། །སྐར་མ་འོད་ཀྱི་བུ་མོ་དང་། །ཀུན་ཏུ་བཟང་མོའི་མཁའ་དབྱིངས་དང་། །དབང་ཕྱུག་ཆེན་པོའི་གདན་སྟེངས་དང་། །སྲིན་མོ་རྒྱ་ཡི་གྲལ་ས་དང་། །མ་རུ་རྩེ་ཡི་སྒོ་འགྲམ་ཡིན། །ལས་བྱེད་ཟས་བྱེད་ཚོལ་བ་རྣམས། །དུར་ཁྲོད་ལ་སོགས་གནས་རྣམ་ཡིན། །དེ་དག་རིམ་པ་རྒྱས་པར་དབྱེ། །དཔག་བསམ་ཤིང་གི་བུམ་པ་ཡིན། །དབུ་སུ་ཀུན་ཏུ་བཟང་མོ་ཡི། །རྒྱལམོབཞི་ཡི་གནས་ཡིན་ཏེ། །དེཡི་ཕྱི་རོལ་བུམ་པ་ལ། །ཕྱོགས་བཞིར་ནམ་མཁའི་བློན་མོ་བཞི། །མཚམས་སུ་གྲུབ་བློན་བཞི་ཡི་གནས། །དེ་ཡི་ཕྱི་རོལ་ཆ་ལ་ནི། །ཕྱོགས་མཚམས་བཅུ་གཉིས་ཆ་ལ་ནི། །མཚམས་ཀྱི་བློན་མོ་བཅུ་གཉིས་གནས། །དེ་ཡིཕྱི་རོལ་བུམ་པ་ལ། །ཕྱོགས་མཚམས་བཅུ་གཉིས་ཆ་ལ་གནས། །སྨན་མོ་བཅུ་གཉི་གན་པའོ། །གོ་ལེ་མ་སྟེ་གཡོག་མོ་བཞི། །ཕྱིར་བྱུང་ནང་འཇུག་ཀུན་ལ་དབང། །དེ་ཡི་ཕྱིརོལ་བུམ་པ་ཡིན། །ཕྱོགས་མཚམས་བཅུ་གནིས་ཆ་ལ་ནི། །སྲིད་མོ་བཞི་དག་མ་བདུན་གནས། །དེ་ཡི་ཕྱི་རོལ་ཆ་དག་ལ། །ཕྱོགས་མཚམས་བཅུ་གནིས་ཆ་ལ་ནི། །སྲིད་བདུན་བཞོན་བུ་བཞི་ཡི་གནས། །དེ་ཡི་ཕྱི་རོལ་བུམ་པའི་ཆུ། །ཕྱོགས་མཚམས་བཅུ་གཉིས་ཆ་ལ་ནི། །སྐྲུན་བཞི་མ་མོ་བརྒྱད་ཀྱི་གནས། །དེ་ནི་དཔག་བསམ་བུམ་པའི་ཆ། །ཕྱོགས་མཚམས་དག་ལ་ལྔ་ཡི་ཆ། །ཕྱོགས་མཚམས་ལྔ་ཡི་ཆ་ལ་ནི། །གོ་ལེ་བཞིདངམགཅིགགནས། །དེལྟར་རིམ་པ་དགུ་པོ་ཡང་། །དེ་ནི་དཔག་བསམ་བུམ་པ་སྟེ། །ནང་དུ་དར་གྱི་གུར་དཀར་དགུ། །གསང་བ་རིན་ཆེན་སྣ་ལྔ་ཡིན། །ཁང་པ་བརྩེག་མ་སྒོ་དགུ་ཅན། །ཀུན་ཏུ་བཟང་མོའི་གནས་རྣམས་སོ། །རི་རབ་ཁ་ཁྱེར་ཤར་ཕྱོགས་སུ། །དབུས་སུ་ཤར་གྱི་མ་མོ་ཡི། །རྒྱལ་མོ་བཞི་ཡི་གནས་ཡིན་ནོ། ་།ར་ཕྱོགས་དེ་ཡི་རིམ་པ་བརྒྱད། །ཆུ་ལ་དབང་པའི་རྒྱལ་མོ་ཡི། །ཁ་བློན་བཞི་སོགས་བརྒྱད་ཀྱི་གནས། །ཕྱི་ནས་རི་རབ་ཁ་ཁྱེར་ཏེ། །ནང་དུ་དར་གྱི་གུར་དགུ་སྟེ། །གསང་བ་རིན་ཆེན་ཁང་པ་དགུ། ཁྲར་གྱི་མ་མོའི་གན་ཡིན་ནོ། །རི་རབ་ཁ་ཁྱེར་དང་པོ་ཡི། །ལྷོ་ཡི་དབུས་སུ་ལྷོ་ཕྱོགས་སུ། །རྒྱལ་མོ་བཞི་ཡི་གནས་ཡིན་ཏེ། །འདི་དག་རང་བཞིན་གནས་ཀྱི་ལས། །གྲུབ་ཅིང་ལས་རྣམས་བྱེད་པའི་གནས། །གླིང་དང་དུར་ཁྲོད་ལ་སོགས་པའི། །བཏུལ་ཞིང་དམ་ཚིག་ཕོག་པའིགནས། །མ་རུ་རྩ་ཡི་སྒོ་འགྲམ་ཡིན། །དེ་ལྟར་མཁས་པས་ཤེས་པར་བྱ། །ལྷོ་ཕྱོགས་དེ་ཡི་ཕྱི་རོལ་ཏུ། །ཆུ་ཡི་རྒྱལ་མོ་ཁ་བློན་དང་། ཁུ།བ་བློན་བཞི་ཡི་གནས་ཡིན་ནོ། །དེ་བཞིན་རིམ་པ་བདུན་གྱི་བར། །ལྷོ་ཕྱོགས་རྒྱལ་མོའི་གནས་ཡིན་ཏེ། །མདོར་ན་རིན་ཆེན་ཁང་བུ་དགུ། །རིན་ཆེན་མཛེས་བའི་སྒོ་དགུས་སྤྲས། །རི་རབ་བང་རིམ་དང་པོའི་ནུབ། །དབུས་སུ་རྒྱལ་མོ་བཞི་ཡི་གནས། །ཁ་བློན་གྲུབ་བློན་བརྒྱད་ཀྱིས་གནས། །དེ་ཡི་ཕྱི་རོལ་མཚམས་བློན་གནས། །རི་རབ་ཁ་ཁྱེར་བྱང་ཕྱོགས་ཀྱི། །རིམ་པ་དྲུག་ལ་དེ་བཞིན་གནས། །ཕྱི་ནས་རི་རབ་ནུབ་ཕྱོགས་ཏེ། །ནང་དུ་དར་གྱི་གུར་དགུ་ཡིན། །གསང་བ་རིན་ཆེན་ཁང་བུ་དགུ། །མེ་ལ་དབང་བའི་རྒྱལ་མོ་གནས། །རི་རབ་ཁ་ཁྱེར་བྱང་ཕྱོགས་ཀྱི། །དབུས་ཀྱི་རླུང་ལ་དབང་བ་ཡི། །རྒྱལ་མོ་བཞི་ཡི་གནས་ཡིན་ཏེ། །དེ་ཡི་ཕྱི་རིམ་ལ་སོགས་བརྒྱད། །ཁ་བློན་ལ་སོགས་བརྒྱད་ཀྱི་གནས། །ཁང་བུ་དགུ་ལ་སྒོ་དགུ་ལྡན། །དཔག་བསམ་ཤིང་གི་བུམ་སྙིང་པོ། །ནམ་མཁའ་རིགས་ཀྱི་རྒྱལ་མོ་ཡི། །རྒྱལ་མོ་བཞི་ཡི་གནས་ཡིན་ནོ། །དེ་ཡི་རིམ་པ་བརྒྱད་ལ་ནི། །ཁ་བློན་ལ་སོགས་སྡེ་བརྒྱད་གནས། །ནམ་མཁའ་སྟོང་ལ་དབང་སྒྱུར་བའི། །རྒྱལ་མོ་རྣམས་ཀྱི་གནས་ཡིན་ནོ། །དེ་ལྟར་འགྱུར་བའི་གནས་རྣམས་ནི། །ཡང་གསང་མ་མོ་དྲུག་གི་གནས། །དེ་ནས་བློན་མོ་ཚོགས་ཀྱི་གནས། །མཁས་པས་འདི་ལྟར་ཤེས་པར་བྱ། །དཔག་བསམ་འཁོར་ལོ་འབར་བའི་དབུས། །ཡེ་ཤེས་མ་མོ་གཙོ་མོ་ཡི། །རྒྱལ་མོ་བཞི་ཡི་གནས་ཡིན་ཏེ། །དེ་ཡི་རིམ་པ་བརྒྱད་ལ་བརྒྱད། །དེ་ཡི་གནས་སུ་མཁས་པས་བརྟག །འཁོར་ལོའི་ནུབ་དང་བྱང་དང་ཤར། །ལྷོར་ཡང་མ་མོ་དེ་བཞིན་གནས། །ཁ་ཁྱེར་ལ་ནི་སྡེ་བཞི་སྟེ། །སྐྱེད་པ་དང་ནི་རྩ་བ་དང་། །ཡེ་ཤེས་མ་མོ་སྡེ་ལྔ་གནས། །དེ་ལྟར་བང་རིམ་བར་པ་ནི། །བློན་མོ་རྣམས་ཀྱི་གནས་ཡིན་ནོ། །དཔག་བསམ་འཁོར་ལོ་ཐ་མ་ཡི། །དབུས་ལ་སོགས་པའི་རིམ་པ་དང་། །རི་རབ་ཁ་ཁྱེར་ཐ་མ་ཡི། ་ར་ལ་སོགས་པའི་རིམ་པ་དང་། །དཔག་བསམ་ཤིང་གི་རྩ་བ་དང་། །རི་རབ་རྩ་བ་རྒྱ་མཚོའི་གཏིང་། །རོལ་མཚོ་བྲག་དང་གླིང་རྣམས་དང་། །ས་དང་ཆུ་དང་བྲག་དང་རི། །དུར་ཁྲོད་གྲོག་རལ་ཁང་རལ་སོགས། །ལྕགས་རི་དང་ནི་གླིང་མཚམས་ཀུན། །སྨན་མོ་རྒྱལ་མོ་ཁ་བློན་དང་། །གྲུབ་བློན་མཚམས་ཀྱི་བློན་མོ་སོགས། །དེ་དག་གནས་སུ་ཤེས་པར་བྱ། །རི་རབ་བང་རིམ་དང་པོ་ཡང་། །རིན་ཆེན་བཞི་ལས་ཕྱོགས་བཞི་གྲུབ། །དེ་ལ་རིན་ཆེན་མཛེས་པས་སྤྲས། །བང་རིམ་གཉིས་པ་དེ་ལས་ཟློག །བང་རིམ་གསུམ་པ་དེ་ལས་འགྱུར། །དེ་དག་གསུམ་ལས་ལྕོག་ལྔ་སྟེ། །གཙོ་མོ་རྣམས་ཀྱི་གནས་ཡིན་ནོ། །དཔག་བསམ་ཤིང་གི་རྩ་བ་ཡང་། །བི་ཌརླ་ཡི་རང་བཞིན་ཏེ། །པདྨ་ར་གས་མཛེས་པར་བརྒྱན། །དེ་ཡི་འཁོར་ལོ་གསེར་ཡིན་ཏེ། །དུང་དང་བི་ཌརླ་ཡིས་མཛེས། །དཔག་བསམ་ཤིང་གི་སྐེད་པ་ནི། །པདྨ་ར་གའི་རང་བཞིན་ཏེ། །བི་ཌརླ་དང་གསེར་གྱིས་མཛེས། །དེ་ཡི་འཁོར་ལོ་དུང་ཡིན་ཏེ། །དུང་དང་ཨིཎྜནི་ལས་མཛེས། །དཔག་བསམ་ཤིང་གི་རྩེ་མོ་ནི། །གསེར་དང་དམར་དང་དཀར་གྱིས་སྤྲས། །དེ་ཡི་འཁོར་ལོ་པདྨ་ར། །རིན་ཆེན་སྣ་ཚོགས་མཛེས་པས་སྤྲས། །དེ་ལྟར་དཔག་བསམ་ཤིང་དེ་ཡང་། །ལྷ་སྲིན་བསོད་ནམས་སྟོབས་ལས་བྱུང་། །ཁ་ཅིག་བཟའ་དང་ལོངས་སྤྱོད་དེ། །ཁ་ཅིག་གི་ནི་གནས་དང་རྟེན། །དཔལ་གྱི་ཁང་པ་གཞལ་ཡས་ཁང། །རངབཞིནགཞིབཀྲམཛེས་པ་ཡོད། །དཔག་བསམ་ཤིང་གི་རྩེ་མོ་ཡི། །སྟོབས་ལས་རྩ་བའི་དཀྱིལ་འཁོར་ལ། །མྱུ་གུ་མཛེས་པ་སྣ་ཚོགས་བྱུང་། །མ་མོ་སྨན་མོ་རོལ་མོ་ས། །དཔག་བསམ་ཤིང་གི་སྐེད་པ་དང་། །རྩ་བ་གཉིས་ཀྱི་སྟོབས་ལས་ནི། །སྐེད་པའི་འཁོར་ལོ་མེ་ཏོག་དག །དབྱིབས་དང་ཁ་དོག་སྣ་ཚོགས་བྱུང་། །བློན་མོ་འཁོར་གྱི་རྒྱན་དང་མཛེས། །རྩ་བ་གྱེས་པ་རྩེ་མོའི་སྟོབས། །རྩེ་མོ་འཁོར་ལོ་འབྲས་བུ་དང་། །དགོས་འདོད་རྣམ་པ་སྣ་ཚོགས་དང་། །ཁ་དོག་དབྱིབས་དང་རོ་དང་དྲི། །སྒྲ་དང་རེག་བྱ་ཁྱད་པར་ཅན། །དཔག་ཏུ་མེད་པ་འབྱུང་བ་དང་། །དཔག་བསམ་ཤིང་ཞེས་བྱ་བར་གྲགས། །དེ་ལྟར་དཔག་བསམ་ཤིང་དེ་ཡང་། །མདོར་ན་རྒྱལ་མོ་རྣམས་ཀྱི་གནས། །ཁང་པ་རྣམས་ཀྱི་སྙིང་པོའི། །མ་མོ་ལས་རྒྱུད་ལུང་ལས། །ལས་ཀྱི་གནས་སོ་སོར་བསྟན་པའི་ལེའུ་སྟེ་བཅུ་བཞི་པའོ། །དེ་ནས་ལས་ཀྱི་མ་མོ་ཡི། །ནད་དང་དལ་གྱི་རྐྱལ་པ་ནི། །མཁས་པས་འདི་ལྟར་ཤེས་པར་བྱ། །རྒྱལ་མོས་གླང་པོའི་རྐྱལ་པ་མྲ །ནད་ནི་སྣ་ཚོགས་བཀང་ནས་གཏོང་། །གཙོ་མོས་སྟེང་གི་རྐྱལ་པ་སྲ །མཛེ་ནད་སྣ་ཚོགས་བཀང་ནས་གརྟང་། །བློན་མོས་རྟ་ཡི་རྐྱལ་བ་སྲ །འབྲུམ་བུད་འབྲུམ་བུ་གུ་ལེབ་དང་། ཁུ་བས་བཀང་ནས་ཕུང་བར་བྱེད། །ཁ་བློན་མོ་ཡིས་རྐྱལ་པ་སྲ །འབྲས་སྐུགས་ཕོལ་གྱི་ནད་ཀྱིས་བཀང་། ཁུབ་བློན་ཕར་བའི་རྐྱལ་པ་སྲ །རྣ་གཟེར་མགོ་སྐྲངས་གློ་ཟད་བྱེད། །མཚམས་ཀྱི་བློན་པོ་སྨིག་པའི་རྐྱལ། །བལ་ནད་ལྷོག་པ་དཀར་ནག་བྱད། །བར་མཚམས་བློན་མོ་བྱ་ཡི་རྐྱལ། །གཤའ་ཡ་རྒྱ་ནད་རྒྱུ་གཟེར་རྨུ། །གོ་ལེས་སྟག་གི་རྐྱལ་པ་མྲ །སྐྲངས་འཐིབས་སྨྱོ་འབོག་ཆུ་སེར་ནད། །མ་བདུན་རྔ་མོའི་རྐྱལ་པ་སྲ །ལྐུགས་རྐེགས་འདར་བུ་རྒྱུ་སྐམས་ལྐུགས། །སྲིང་བཞི་པགས་པའི་རྐྱལ་པ་སྲ །ཞདྲུསྒྱུགས་ཀླད་གཟེར་སྙིང་གཟེར་ནད། །གཞོགས་པྱེད་བསྐམས་དང་ལུས་གདོང་གཡོན། །ལས་བྱེད་ལྕགས་ཀྱི་རྐྱལ་པ་སྲ །ཕོ་མཚན་མོ་མཚན་སྐྲ་བས་བཀང་། །སྨན་མོ་མི་ཡི་ཐོད་པ་ཐེགས། །ནད་ནི་སྣ་ཚོགས་ཐོད་པ་ར་བླུག །རེ་མ་ཏི་སྟེ་བདུད་མོ་ནི། །རྐྱལ་པ་སྔོན་དམར་སྣ་ཚོགས་སུ། །ནད་དང་རིམས་དང་དལ་གྱིས་བཀང་། །སྟོང་ཁམས་སྔོན་དམར་འཇའ་ཡིས་བྲིས། །ནག་མོ་སྐྲུན་དགུའི་དབྱེ་བའོ། །མ་མོ་ལས་ཐམས་ཅད་པའི་རྒྱུད་ལུང་ལས། །ནད་བསྟན་པའི་ལེའུ་སྟེ་བཅོ་ལྔ་པའོ།། །།དེ་ནས་ལས་ཀྱི་མ་མོ་ཡི། ཁྲམ་ཤིང་རྡེ་་་ད་བྱང་དམར་རྣམས། །འདི་ལྟར་མཁས་པས་ཤེས་པར་བྱ། །རྒྱལ་མོ་ཁྲམ་ཤིང་བྱང་དམར་ནི། །པུག་གི་ཤིང་ལས་བྱས་པ་ཡིན། །ཡེ་ཤེས་མ་མོ་རྩ་ཡི་ཤིང་། །སྨན་མོ་ཚེར་མ་ཅན་གྱི་ཤིང་། །རྒྱལ་མོ་ཁྲམ་ནི་རྩེག་མ་སྟེ། །བློན་མོའི་ཁྲམ་ཤིང་སྤེལ་མར་བྱ། །སྨན་མོའི་ཁྲམ་ནི་ཟུར་གསུམ་མོ། །རྦལ་མོ་བྱང་བུ་དམར་སེར་ལ། །བློན་མོ་བྱང་བུ་དམར་ལྗང་ཡིན། །སྨན་མོ་བྱང་བུ་དམར་ནག་གོ །རྒྱལམོའི་།དརྡེདམུརྡེསྟེ། །བློན་མོའི་་་ད་རྡེ་སྲིན་རྡེ་གནག །སྨན་མོའི་་།ད་རྡེ་ཀླུ་རྡེ་ཡིན། །རྒྱལ་མོས་རྒྱལ་རི་གས་རྒན་མོ་རྣམས། །ཁྲམ་ལ་འདེབས་དང་་།ད་ལ་འདེབས། །དེབཞིནབྱངབུའིདཀྱུས་སུ་འཛུད། །བློན་མོ་བྲམ་ཟེ་རྗེ་རིགས་དང་། །སྐེད་མགོ་ན་ཆུང་བར་མ་རྣམས། ཁྲམ་ལ་འདེབས་དང་ཤོད་ལ་འདེབས། །བྱང་བུ་ལ་འཛུད་ཤེས་པར་བྱ། །སྨན་མོ་དམངས་རིགས་བྱིས་པ་ཆུང་། ཁྲམ་ལ་འདེབས་དང་ཤོད་ལ་འདེབས། །བྱང་དམར་དཀྱུས་ལ་འཛུད་བར་ངེས། །དེ་ལྟའི་ཁྲམ་ལ་སོགས་པ་ཡང་། །ཁྲམ་ཁ་མ་བརྩིས་ཁྲམ་མི་ཐེབས། །དེ་ནས་ཁྲམ་པས་ཁྲམ་ཁ་བརྩིས། ་༑ད་ལ་མ་བཏབ་ཤོད་མི་ཐེབས། །དེ་བས་མཁས་པས་ཤོད་ཁ་གདབ། །བྱང་བུ་མ་བྲིས་བྱང་མི་ཐེབས། །དེ་ནས་མཁས་པས་བྱང་བུ་བྲིས། །འདི་ཡང་ལས་ཀྱི་ཁ་ཚར་ཏེ། །ཁ་ཚར་གཞན་ནི་ཐུན་མོང་སྟེ། །བརྣག་ཐུན་ཁྲམ་ལ་སོགས་པ་འདི། །མན་ངག་དམ་པ་འདི་ལ་ཡོད། །དེ་བས་གསད་པར་འདོད་པ་ཡིས། །མན་ངག་འདི་ལ་ནན་ཏན་བྱ། །དེ་ཡི་ནང་ནས་ཁྲམ་ཁ་གཙོ། །འདི་ནི་ནད་ཀྱི་ཁྲམ་ཁ་སྟེ། །འདི་མི་ཤེས་པའི་སྔགས་པ་དག །བྱང་གྲི་ཡུ་བ་བུད་པ་འདྲ། །བསྒྲུབ་ཐབས་ལས་འདི་ཤེས་པར་བྱ། །དགྲ་གསད་བྱ་བ་བྱེད་མི་ནུས། །ད་ནས་མ་མོ་ཁྲམ་བརྩི་སོགས། །འདི་ལ་མཁས་པས་ནན་ཏན་བྱ། །རེ་མ་ཏི་ནི་འདོད་ཁམས་བདག །དེ་ཡི་ཕྱིར་ན་ཤིང་རིས་གསུམ། །མ་མོ་ཁྲམ་ཤིང་བྱང་དམར་ཡིན། །སྣང་སྲིད་བདག་མོ་ཡིན་པའི་ཕྱིར། །རྡོ་བ་གསུམ་ཕྱར་ཤོད་རྡེ་ཡིན། །འདོད་ཁམས་གཙོ་མོ་ཡིན་པའི་ཕྱིར། །རྒྱལ་རིགས་ལ་སོགས་བཞི་རྣམས་དང་། །གཙོ་མོ་ལ་