Ngb-pt-0716-vol-08-text

Body

རྫོགས་སོ།། །། རྒྱ་གར་སྐད་དུ། རྙོ་ན་ཌའ་ཀི་ནི་ཙིསྟ་སརྦ་སྟུ་ཡ་བིན་དུ་ན་མ། བོད་སྐད་དུ། ཡེ་ཤེས་ཀྱི་མཁའ་འགྲོ་མ་རྣམས་ཀྱི་ཐུགས་གསང་བའི་ཐིགས་པ་ཞེས་བྱ་བ།དཔལ་ལྡན་མཁའ་འགྲོ་སྡེ་ལྔ་ལ། །རྣམ་པར་བ་་དེ་ཕྱག་འཚལ་ལོ། །བདེ་བར་གཤེགས་པ་ཐམས་ཅད་ཀྱིས། །ཡེ་ཤེས་རྒྱ་མཚོ་རབ་ཟབ་ཐུགས། །བསམ་གཏན་མན་ངག་མདོར་བསྡུས་དོན། །གནས་ལུགས་ཐབས་དང་མངོན་གྱུར་པའོ། །གནས་ལུགང་་བྱ་ལུ་ང་སྙིང་པོ་སྟེ། །རྒྱུ་རྐྱེན་བྲལ་བའི་བྱང་ཆུབ་སེམས། །སྣང་མེད་སྟོང་མཐར་མི་གནས་པའོ། །ཐིག་ལེ་ཆེན་པོ་ཡི་སངས་རྒྱས། །ཐབས་ནི་ལམ་ཡིན་རྣམ་གསུམ་སྟེ། །ཐག་ཆོད་ཉམས་མེད་སྤྱོད་རིགས་ཀྱིས། །དམིགས་མེད་ཀུན་འབྱུང་དེ་བཞིན་ཉིད། ཁྲེས་ཐོབ་བྱེད་པས་ཐབས་ལམ་བྱའོ། །ལྟ་བའི་ངོ་བོ་མཚན་ཉིད་དང་། །ལྟ་བཞི་རྣམ་གྲངས་རྟོགས་ཚུལ་དང་། །ཡོན་ཏན་རྣམ་པ་དྲུག་ཤེས་བྱ། །ངོ་བོ་ཅིར་ཡང་མི་དམིགས་པའི། །མཐར་འཛིན་རྟོག་པ་ཀུན་གྲོལ་བའོ། །མཚན་ཉིད་ཆོས་རྣམས་ཐམས་ཅད་ཀྱིས། །སྤྱི་དང་རང་གི་མཚན་ཉིད་རྣམས། །མ་འདྲེས་ཡོངས་རྫོགས་རྟོགས་པ་དང་། །མ་འདྲེས་ཡོངས་རྫོགས་དབྱེར་མེད་དོ། །ལྟ་གཞི་སྙིང་པོ་བྱང་ཆུབ་དང་། །དེ་ལས་བྱུང་བའི་ཆོས་རྣམས་ཏེ། །རྣམ་གྲངས་བརྡལ་བ་ཆེན་པོ་དང་། །གསང་དབང་ཆེན་པོའི་ལྟ་བ་དང་། །མཁའ་ཀློང་རྣམ་པར་དག་པའོ། །རྟོགས་ཚུལ་བརྡལ་བ་ཆེན་པོ་ཡིས། །རང་ལས་མ་གཡོས་ཡེ་ཤེས་རྟོགས། །གསུམ་པ་མ་སྐྱེས་མ་འགགས་དང་། །གཉིས་མེད་ཡུལ་བྲལ་ཡེ་ཤེས་གསལ། །གསུམ་པ་མཁའ་ཀློང་རྣམ་དག་པའི། །ཐིག་ལེ་ཆེན་པོ་ཆོས་སྐུར་བཤད། །མཁའ་ལྟར་དག་པའི་སེམས་ཉིད་ལ། །ཕྱི་ནང་གསང་བ་ཡང་གསང་དང་། །འདུ་འཕྲོ་ལ་སོགས་མི་དམིགས་པས། །ངོ་བོ་མ་སྐྱེས་སྟོང་པའི་མཁའ། །བྱང་ཆུབ་སེམས་ཀྱི་ཐིག་ལེ་ལས རོལ་པའི་ཕྱག་རྒྱ་ཀུན་ཤར་པས། །སྩལ་སྣང་མ་འགགས་ཡེ་ཤེས་ཀློང་། །ཡིད་བཞིན་ནོར་བུ་འོད་འབར་བཞིན། །བྱང་ཆུབ་སེམས་ཀྱི་རང་བཞིན་ནི། །མ་སྐྱེས་མ་འགག་རོ་གཅིག་པས། །དབྱེར་མེད་གཏེར་ཆེན་པོ་ཉིད་དོ། །ཇི་ལྟར་སྤྲུལ་མདུད་གྲོལ་བ་བཞིན། །སྟོང་མཐར་མི་གནས་ཅིར་ཡང་གསལ། །གསལ་བ་ཉིད་ན་མ་སྐྱེས་སྟོང་། །གསལ་སྟོང་དབྱེར་མེད་སྤྱོད་ཡུལ་བྲལ། །ཡོན་ཏན་སྐྱེས་པ་གཉིད་སད་ལྟར། །སྡུག་བསྔལ་མ་སྤངས་བདེ་ཆེན་དང་། །འཁོར་བ་མ་སྤངས་ཡེ་སངང རྒྱས། ་ཏིང་འཛིན་སྔོན་འགྲོ་བསླབ་ཐབས་དང་། །བརྟེན་པར་བྱ་དང་བོགས་དབྱུང་དང་། །ཐོབ་པའི་རྟགས་དང་གསལ་བའི་ཚད། །བཅོས་ཐབས་ཡོན་ཏན་བརྒྱད་ཤེས་བྱ། །སྔོན་འགྲོ་བྱང་ཆུབ་སེམས་བསྐྱེད་དོ། །སྟོན་པ་ཆུ་བོ་བཞི་ལྡན་པས། །རྒྱུད་བཀྲོལ་བ་དང་དབང་ཐོབ་ནས། །བར་ཆད་མེད་པའི་གནས་མཆོག་ཏུ། །ཆ་རྐྱེན་རྣམ་གཉིས་འཚོགས་པ་དང་། །རྡོ་རྗེ་གོ་ཆ་བགོས་པར་བྱའོ། །བསླབ་པའི་ཐབས་ལ་རྣམ་བཞི་སྟེ། །ཐོབ་པར་བྱ་དང་མཚན་ཉིད་དང་། །རང་བཞིན་ཐུན་གྱི་འཕེལ་འགྲིབ་བོ། །ཐོབ་པའི་མན་ངག་ནི། །དཔེ་དང་བསྐྱེད་རིམ་ཐོག་བབས་དང་། །ལོག་གནོན་སྟོབས་ཀྱིས་ཐོབ་པར་འགྱུར། །དཔེ་ལས་ཐོབ་འདོད་རྣལ་འབྱོར་པས། །རན་བྱས་བྱི་དོར་ལྡན་པའི་ས། །བསམ་གཏན་ཁང་པ་ཡིད་འོང་བར། །བདེ་བའི་སྟན་ལ་ཆོས་བདུན་ཚུལ། །སྟོན་པ་མན་ངག་གསུམ་ལྡན་པས། །མཚན་ལྡན་འོད་དང་གཟུགས་སྐུ་ཞིག །རྣལ་འབྱོར་དེ་ལ་རྫོགས་པར་སྦྱིན། །སྣང་དང་མི་སྣང་ཐབས་ཀྱི་བསླབ། །རླུད་སེམས་གཅིག་ཏུ་དྲིལ་བྱས་ལ། །སྣང་བ་ཐམས་ཅད་ཕྱག་རྒྱ་སྟེ། །ཕྱག་རྒྱ་ཐབས་དང་གསལ་བརྟན་ནས། །མི་སྣང་ཚེ་ནའང་ཐོབ་པར་བྱ། །དེ་ཉིད་གསལ་རྫོགས་གོམ་བརྟེན་ནས། །ལུས་ལ་གཟུད་པའི་སྦྱོར་བ་ཡང་། །བདེ་ཆེན་གནས་སུ་སྦྱན་དྲངས་ལ། །ཐིག་ལེ་ཆེན་པོར་བཞུ་བརྟུལ་བྱ། །ཐིག་ལེས་འཁོར་ལོ་དྲུག་རྒྱས་པ། །རྐྱེན་གྱི་སྟོབས་ཀྱིས་ལྷར་གསལ་ཕྱིར། །བདག་ཉིད་ཕྱག་རྒྱའི་རྣལ་འབྱོར་དུ། །ཡོངས་སུ་རྫོགས་པས་བདེ་བ་ཆེ། །བསྐྱེད་པའི་རིམ་པའི་རྣལ་འབྱོར་ནི། །རྩ་བའི་ཡི་གེ་ཧུ༷་མུ༷་དང་། །ཧ་ཧེ་མ་བྱོ་ཕཊ་རིམས་ལས། །དཔལ་ཆེན་ཡུམ་དྲུག་རྗེ་མོ་དང་། ། སྨན་མོ་ལྔ་བཅུ་རྩ་དྲུག་གིས། །ཏིང་འཛིན་སྔགས་ཀྱི་སྐུར་གསལ་བ། །རླུད་སེམས་འདྲེས་པའི་སྐྱེས་བུ་ཡིས། །མ་ཡེངས་རྒྱུན་དུ་གནས་པར་གྱིས། །ཐོག་བབས་ལུང་བསྟན་རྣལ་འབྱོར་པས། །སྟོང་ཉིད་སྔགས་ཀྱིས་ལུས་སྦྱངས་ལ། །སེམས་ཀྱི་ཡེ་ཤེས་ཆེན་པོ་ཉིད། །མ་བསྐྱེད་རྫོགས་པའི་ཕྱག་རྒྱར་བསྒོམ། །ལོག་ནོན་སྣང་མེད་གཡུང་དྲུང་དུ། །སེམས་ཀྱི་འདུ་འཕྲོ་ཀུན་སྤངས་ཏེ། །རིག་པ་སྟོང་ཉིད་ལྕགས་སུ་བཞུག །གཏི་མུག་གཉིད་ཀྱིས་ཚིམས་པར་བྱོས། །ལྔ་བདུན་ངག་གིས་རྟགས་རྫོགས་ནས། །གསལ་ལ་དབེན་པའི་ས་ཕྱོགས་སུ། །རྟེན་གྱི་རྣལ་འབྱོར་སྒོར་ཞུགས་ནས། །ཡེ་ཤེས་ཆེན་པོའི་ཕྱག་རྒྱར་གསལ། །མཚན་ཉིད་དོན་དང་རྟག་ལྡན་པས། །ཚད་དང་སྐུ་མདོག་བཞུགས་ཐབས་དང་། །ཕྱག་མཚན་རྒྱན་སོགས་ཡེ་ཤེས་སྐུ། །ཆགས་ཚད་སྐབས་ཀྱི་བྱེ་བྲག་གིས། །ཁྲུ་བརྒྱད་བཞི་དང་གཉིས་པ་དང་། །མཆོད་བཞི་གང་དང་ཕྱེད་མ་ལས། །ཆེ་དང་ཆུང་བར་མ་བཤད་དོ། །སྐུ་མདོག་གཙོ་འཁོར་ཁྱད་པར་གྱིས། །གཙོ་གཟུངས་ཡེ་ཤེས་རྣམ་ལྔའི་ཕྱིར། །མཐིང་ཀའི་ཁྱད་པར་རྣམ་ལྔ་ལ། །འཁོར་རྣམས་རིགས་ཀྱི་བྱེ་བྲག་གིས། །མཐིང་ཁ་དཀར་སེར་དམར་ལྗང་སོགས། །མཁའ་ལ་འཇའ་སྣང་ཇི་བཞིན་དུ། ཁེན་ཏུ་གསལ་ལ་མ་འདྲེས་པའོ། །བཞུགས་ཐབས་ཞི་དང་ཁྲོ་བོས་ཏེ། །སྐྱིལ་ཀྲུང་ཕྱེད་དང་འགྱིང་ཚུལ་གྱིས། །གདུལ་བྱ་སེམས་ཅན་ཐམས་ཅད་ལ། །རང་གི་ངོ་བོས་ཆོས་སྟོན་ཏོ། །ཕྱག་མཚན་ཡེ་ཤེས་རང་སྣང་བས། །ཁྲོ་བོ་རྡོ་རྗེ་དྲིལ་བུ་དང་། །དྲིལ་ཞགས་བན་དྷ་ལ་སོགས་ཏེ། །ཞི་བ་རྣམ་ཐར་སྒོ་གསུམ་དང་། །ཐུགས་ཀྱི་དཀྱིལ་དུ་བཀའ་རྐན་ཚོགས། །གདུལ་བྱ་དབང་པོའི་བྱེ་བྲག་གིས། །གཅིག་ལས་གཉིས་སུ་ཕྱེ་བར་ཟད། །རྒྱན་ཡང་རིན་ཆེན་དུར་ཁྲོད་སོགས། །རང་གི་ཡོན་ཏན་རྒྱས་ཕྱིར་བརྒྱན། །འོད་ཟེར་ཀུན་ཏུ་མཐའ་ཡས་པས། །ཐུགས་རྗེ་ཆེན་པོའི་སྤྲུལ་པ་ཉིད། །རང་བཞིན་ཆུ་ཟླའི་དཀྱིལ་འཁོར་ལྟར། །ཡོད་པ་མ་ཡིན་སྤྱོད་ཡུལ་བྲལ། །མེད་པ་མ་ཡིན་ཕྱག་རྒྱའི་སྐུ། །ཡོད་མེད་དབུ་མར་མི་རྟོག་པའི། །ལྷུན་གྲུབ་ཡེ་ཤེས་རང་སྣང་ཕྱིར། །སེམས་ཉིད་ཡེ་ཤེས་སྒྱུ་མའི་སྐུ། །སྣང་ལ་རང་བཞིན་མེད་པར་རོ། །ཐུན་ནི་རྣལ་འབྱོར་གཉིས་དབང་གིས། །གསར་བུ་རྣམས་ཀྱིས་བསླབ་པ་ནི། །མཚན་མོ་མི་སྒོམ་བདེ་བར་ནོས། །ཉིན་མོ་རྩོལ་དང་མི་རྩོལ་བའི། །ཐུན་ཆུང་བརྒྱད་གཉིས་བཅུ་དྲུག་ཏུ། །ཕྱི་ནང་གསང་བའི་ཐུན་ཚོད་ཀྱིས། ཁྲེས་པར་བྱས་ལ་ཐུན་ཏུ་གཞུག །དེ་ལ་བརྟན་པའི་རྣལ་འབྱོར་པས། །འབྲིས་ཡང་ཆེན་པོར་དྲེལ་བྱོས་ལ། །རང་གསལ་རྟོག་མེད་ཡེ་ཤེས་སྐུ། །ཐུན་བཞིའི་རྣལ་འབྱོར་བརྟེན་པར་བྱ། །རྙིང་པ་རྣམས་ཀྱི་ཉམས་ལེན་ཚེ། །མཚན་མོ་ཡང་ནི་བསྒོམ་པར་བྱ། །ཉིན་མོ་བཞི་དང་མཚན་མོ་བཞི། །བསམ་གཏན་བརྒྱད་པའི་རྣལ་འབྱོར་བསྒོམ། །དེ་ནས་ཉིན་ཞག་ཕྲུགས་གཅིག་ལ། །ཐུན་འབྲིང་གཉིས་གཉིས་བསྒོམས་པ་ཡིན། །ཐུན་བཞི་སྒོམ་པའི་རྣལ་འབྱོར་ཏེ། །ཅུང་ཟད་ཡེངས་ཀྱང་ཡེ་ཤེས་སྐུ། །དེ་ནས་རྣལ་འབྱོར་ཆེན་པོ་སྟེ། །ཉིན་ཀྱང་ནུས་ལ་མཚན་ཀྱང་ནུས། །ཉིན་མཚན་གཅིག་ཏུ་དྲིལ་ནུས་པས། །རྣམ་པར་སྨིན་ཅེས་དེ་ལ་བརྗོད། །ཕྱི་ནང་གསང་བའི་རྟགས་གསུམ་ནི། །ཡི་གེ་ཐུག་མཚན་ཕྲ་མོ་ཡིས། །ནམ་མཁའི་ཁམས་ཀུན་གང་བ་དང་། །གཟུངས་སུ་འཇའ་དང་འོད་འབྱུང་དང་། །གཏི་མུག་མེད་དང་བདེ་ཡང་ལྡན། །རང་ལུས་རྒྱལ་པའི་ཕྱག་རྒྱ་ཆེ། །དབུགས་ཀྱི་རྒྱུ་བ་མི་ཚོར་ཞིང་། །སྙིང་རྗེ་ཆེ་དང་ཆགས་པ་ཆུང་། །ཆོས་ཀྱི་སྒོ་མོ་ནང་ནས་འཆར། །སྤྱོད་ཡུལ་ཡེ་ཤེས་སྒྱུ་མར་གསལ། །སངས་རྒྱས་བྱང་ཆུབ་སེམས་དཔའ་དང་། །མཁའ་འགྲོའི་ཚོགས་ཀྱིས་མཆོད་བྱེད་ཅིང་། །ཉམས་པ་རེ་དོགས་མེད་པར་འབྱུང་། །བསམ་གཏན་སྦྱོར་དངོས་རྗེས་གསུམ་ལས། །གསལ་བའི་ཚད་ནི་འབྱུང་བ་སྟེ། །དང་པོ་མ་བུའི་འདུ་ཤེས་བཟིན། །མི་ངལ་བ་ཡི་སེམས་ཀྱིས་ནི། །སྣང་སྟོང་དབྱེར་མེད་ཡེ་ཤེས་སྐུ། །བདེ་གསལ་ངང་ལ་གནས་པའི་རྐྱེན། །བདེ་བ་བུམ་གཟུགས་ཏིལ་སྒྲོན་བཞིན། །སེམས་ཉིད་ཡེ་ཤེས་སྒྱུ་མའི་སྐུ། །རིགས་དང་སྐུ་མདོག་ཕྱག་མཚན་སོགས། །ཤིན་ཏུ་གསལ་ལ་མི་རྟོག་པའོ། །ཐམ་བཅུད་ལ་ན་བུ་འཕང་ལྟར། །གནས་པས་མི་ངོམས་གཏང་བར་དཀའ། །དམིགས་པ་དག་གི་རྗེས་ལ་ནི། །མི་དམིགས་ཆོས་ཉིད་ཤུགས་ལས་འཆར། །ཡོངས་སུ་བརྟན་པའི་ཆོ་ག་ནི། །རང་བཞིན་མཚན་ཉིད་ཆོག་ཤེས་དང་། །སྟོང་རིམས་རྗེ་ཤེས་རྣམ་ལྔ་སྟེ། །རང་བཞིན་དམིགས་མེད་དེ་བཞིན་ཉིད། །ཆུ་ཟླའི་དཀྱིལ་འཁོར་ཇི་བཞིན་དུ། ཁེན་ཏུ་གསལ་ལ་མི་རྟོག་པ། །ཐོག་མ་ཉིད་ནས་གནས་པ་ཡིན། །མཚན་ཉིད་དཀྱིལ་འཁོར་རང་སྣང་བ། །དངུལ་དཀར་མེ་ལོང་བཞིན་ལྟར་སྣང་། །གསལ་ལ་རྫོགས་པར་བསྒོམ་བྱ་སྟེ། །ཕྱལ་བ་རབ་འབྲིང་ཐུན་རྐྱང་སྤང་། །ཆོག་ཤེས་ཡེ་ཤེས་སྒྱུ་མའི་སྐུ། །གསལ་བའི་ཆེ་ན་ཐུན་བསྐྱུངས་ཏེ། །ཁམས་སོགས་ནུས་པ་མཛད་པའི་རྒྱུ། །ཐུན་ཆེས་པ་དང་གྲགས་པ་སྤངས། །སྟོང་རིམས་མཁའ་སྤྲིན་མཁར་དེངས་བཞིན། །རིམས་ཀྱིས་གཏང་བར་བྱ་བ་ལས། །མི་རྟོགས་ཡེ་ཤེས་འགག་པའི་རྒྱུ། །སྐད་ཅིག་དྲག་པོས་མ་གཏོང་ངོ་། །རྗེས་ཤེས་ཐུན་ཚད་གཅིག་དག་ཏུ། །དམིགས་པ་ཀུན་གྱི་གཞིར་གྱུར་པའི། །གཉིས་མེད་ངང་ལ་བློ་བཞག་ལ། །སྤྱོད་ཡུལ་ཀུན་དང་བསྲེ་པར་བྱ། །བོགས་འབྱུང་ཕྱི་ནང་གསང་བ་ཡི། །རིག་པའི་རྩལ་སྦྱོང་རྣམ་གསུམ་གྱིས། །རང་སྣང་དབྱེར་མེད་རྡོ་རྗེའི་སྐུ། །ངོ་བོ་ཉིད་ཀྱིས་རྒྱས་པར་འགྱུར། །དང་པོ་གདེང་ལྡན་རྣལ་འབྱོར་པས། །མཉམ་པའི་ངང་ལ་བཞེངས་ནས་ནི། །སྙན་པའི་དབྱངས་དང་ལྡན་པ་ཡིས། །བསྐྱེད་དང་སྤྱན་དྲང་མཆོད་རིམ་སོགས། །ཆུ་ཟླ་ལྟ་བུར་ཤེས་པས་ནི། །དེ་བཞིན་ཉིད་ལས་མི་བྱེད་པའི། །ལྷ་ཚོགས་སྒོམ་པའི་གྲོགས་སུ་འགྱུར། །དེ་ནས་རྣལ་འབྱོར་ཆེན་པོ་ཡིས། །ལུས་ངག་བྱ་བ་ཀུན་སྤངས་ཏེ། །དམིགས་པ་མེད་པའི་ངང་ཉིད་ལས། །མི་གསུང་མཉམ་པའི་སྔགས་ཚིག་གིས། །རིགས་ཀྱིས་ཡང་ན་ཅིག་ཅར་དུ། །དཔལ་ལྡན་མཁའ་འགྲོའི་ཚོགས་རྣམས་ལ། །ཏིང་ངེ་འཛིན་གྱི་རྣམ་དག་གིས། །མཉེས་པར་བྱ་ཞིང་འདུ་འཕྲོ་བསྐུལ། །སེམས་ཀྱི་ཆོ་འཕྲུལ་རང་སྣང་བའི། །རང་བཞིན་དཀྱིལ་འཁོར་བསྒོམ་བྱ་སྟེ། །བརྗོད་དུ་མེད་པའི་འཕྲིན་ལས་དང་། །མཉམ་པ་ཆེན་པོའི་དམ་ཚིག་གིས། །བསམ་གཏན་ཡོངས་སུ་འཕེལ་བ་ཞེས། །ཡང་དག་རྫོགས་སངས་རྒྱས་ཀྱིས་བཤད། །རྣལ་འབྱོར་བླ་ན་མེད་པ་ཡིས། །ལྷ་བདག་གཉིས་སུ་དབྱེར་མེད་བའི། །ཡེ་ཤེས་ཆེན་པོའི་ཕྱག་རྒྱ་ལ། །དྲི་མ་མེད་པའི་བློ་གཞག་སྟེ། །འདུ་འཕྲོ་མེད་པའི་ཏིང་འཛིན་གྱིས། །ངང་ལ་གནས་པའི་རྣལ་འབྱོར་ནི། །རྒྱལ་བ་རྣམས་ཀྱི་སྐུ་གསུང་ཐུགས། །ཕྱོགས་དུས་ཀུན་ལས་འཁྱིལ་བའི་དཔལ། །བཅོས་ཐབས་སྤྱི་དང་ཁྱད་པར་ལས། །སྤྱི་སྐྱོན་བྱིང་རྒོད་ལྡེངས་གསུམ་ནི། །ཟས་དང་སྤྱོད་ལམ་དུས་ཚོད་དང་། །ཁམས་དང་ཏིང་འཛིན་འཕེལ་འགྲིབ་ཀྱིས། །གནས་སྐབས་ཀུན་ཏུ་གང་བབས་པའི། །སྐྱོན་དེང་ཡོངས་སུ་སྤང་བར་བྱ། །ཁྱད་པར་དམིགས་པ་འབྱམས་པ་དང་། །མ་ཐོབ་པ་དང་འགྱུར་བས་ཏེ། །མཚན་ཉིད་ལྡན་པའི་གཟུགས་སྐུ་ལ། །མ་ཡེངས་པ་ཡི་བསམ་གཏན་གྱིས། །སོ་སོའི་སྐབས་དང་སྦྱོར་ཤེས་པས། །དེ་དག་ཀུན་ལས་གྲོལ་བར་འགྱུར། །ཕན་ཡོན་རྣམ་པ་གཉིས་བཤད་དེ། །སྒྲིབ་པ་བྱང་དང་ཚོགས་རྫོགས་པའོ། །མཁའ་ལྟར་དག་པའི་སེམས་ཉིད་ལ། །འཇའ་ལྟར་གསལ་བའི་ལྷ་བསྒོམས་པས། །ཀུན་རྟགས་ཞབྲུལ་སྣང་དག་པའི་ཕྱིར། །འདས་པའི་ས་ལ་ཕྱིར་སྒྲིབ་ཅིང་། ཁ་ཅིག་མཐོ་རིས་ཙམ་འགོག་པའི། །ཉི་ཤུ་རྩ་གཅིག་སྒྲིབ་བྱང་ནས། །སྒྱུ་སྤྱོད་བསོད་ནམས་ཚོགས་ཆེན་སྐུ། །ལྷ་ཡི་ཏིང་འཛིན་གསལ་རྫོགས་ཏེ། །ལུས་ཀྱི་རྒྱ་མདུད་གྲོལ་མ་ཐག །ཡེ་ཤེས་སྐུ་ཡི་ཕྱག་རྒྱར་གསལ། །ཕྱག་རྒྱ་ཉིད་ནི་རང་སྣང་སྟེ། །རང་སྣང་སྤྱོད་ཡུལ་བྲལ་བ་དང་། ་།་འབྲས་དབྱེར་མེད་རྟོགས་གོམས་པས། །ང་་་་་གྱ་་ ་་་།་ལ་སྒྲིབས་བྱེད་པའི། ཁོ།ས་དང་ལྟ་སྒྲིབ་ཕྲ་བ་དང་། །ཕྲ་བའི་ཕྲ་བའང་དག་གྱུར་ནས། །འབྲས་བུ་ཡེ་ཤེས་ཚོགས་ཀྱི་སྐུ། །རང་ལུས་རྒྱལ་བའི་ཕྱག་རྒྱར་གསལ། །མཚན་དང་དཔེ་བྱད་མ་འདྲེས་རྫོགས། །སངས་རྒྱས་ཀུན་དང་ཅུང་ཟད་མཉམ། །སྤྱོད་པའི་ངེས་ཚིག་རྣམ་གྲངས་དང་། །སྤྱད་པའི་ཐབས་དང་ཉེས་དམིགས་དང་། །ཕན་ཡོན་རྣམ་པ་ལྔར་ཤེས་བྱ། །ངེས་ཚིག་ལོངས་སྤྱོད་འགྲོ་འདུག་ཚེ། །ཐག་གཅོད་པ་དང་ཉམས་ལེན་གྱིས། ་།གས་ལས་བྱུང་དང་མགོ་མཚུངས་པར། །མི་འབྲས་སྤྱོད་པས་སྤྱོད་ཤེས་བྱ། །རྣམ་གྲངས་ཐབས་ལམ་གྲོལ་ལམ་གྱིས། །ཕྱེ་བས་གནས་སྐབས་གཉིས་སུ་གྱུར། །སྤྱད་ཐབས་དང་པོ་ཐབས་ལམ་ནི། །སྐྱེ་ཤི་མེད་པའི་སྟན་དང་། །འཆིང་གྲོལ་མེད་པའི་འགའ་ན་ལ། །གདེངས་ལྡན་སྐྱེས་བུ་ཆེན་པོ་ཡིས། །གྲོལ་ལམ་ཕྱི་ནང་གསང་བ་ཡི། །ཀུན་སྤྱོད་ཡོན་ཏན་རྣམ་ལྔར་ཡང་། །མ་འགག་པ་དང་གསལ་བའི་ཕྱིར། །སྤྱད་པར་བྱ་བའི་ལོངས་སྤྱོད་དེས། །ཆོས་ཀྱི་དབྱིངས་ཀྱི་རོལ་པ་ལས། །མ་འདྲེས་གསལ་བར་ལོངས་སྤྱོད་ཆེ། །རང་བཞིན་མེད་དང་མ་སྐྱེས་པས། །ཆགས་པར་བྱེད་པ་གནས་མ་ཡིན། །ཐིག་ལེ་ཆེན་པོའི་རང་བཞིན་ལ། །མ་སྐྱེས་མ་འགགས་དབྱེར་མེད་དང་། །གསལ་དང་སྟོང་པར་མི་དམིགས་པས། །སྤྱོད་བྱ་སྤྱོད་བྱེད་ཐ་དད་མིན། །རང་རྒྱུད་སྤྱོད་ལམ་མ་གྲོལ་བར། །ཐར་པ་ཆེན་པོར་དམ་བཅས་ཀྱང་། །བརྐམ་ཆགས་ལྔ་ཡི་མེ་དཔུང་གིས། །བྱང་ཆུབ་མྱུ་གུ་བསྲེག་པར་འགྱུར། །དེ་ལས་གྲོལ་བའི་ཡོན་ཏན་ནི། །ཉོན་མོངས་སྡིག་པས་མ་གོས་པས། །ཐབས་དང་ཚད་དང་དགོས་ཆེད་དོ། །ཐབས་ཀྱི་རླུད་གི་འཁོར་ལོ་ནས། །རྡོ་རྗེ་ཁ་ཏོང་གཞུ་བདུངས་ཏེ། ཁྲེས་རབ་ཡེ་ཤེས་མེད་འུ་ལས། །སྤྲོས་པའི་ཐིག་ལེ་དགུ་རྣམས་འཕངས། །ཆགས་ཚད་ཐུན་དང་བསྟན་པའོ། །ཐུན་ནི་རབ་འབྲིང་ཐ་མ་སྟེ། །དྲུག་དང་བཞི་དང་གཉིས་པར་བསྒོམ། །བརྟན་པ་་ཐང་་དང་ཡེ་ཤེས་ཀྱིས། །གཏུམ་མོ་ལུས་ལ་འབར་བའོ། །དགོས་ཆེད་དཔལ་ལྡན་རིགས་ལྔ་ཡི། །མཁའ་འགྲོའི་ཚོགས་ཀྱི་དཀྱིལ་འཁོར་དུ། །གདོད་མ་ཉིད་ནས་གནས་པའི་དོན། །རང་ལ་འབར་བར་བྱེད་པའོ། །རྗེས་ཤེསཐུནཚོདགཅིགདགཏུ། །བདེ་བ་གསལ་བ་མི་རྟོག་པའི། །ངང་ལ་མཉམ་པར་གཞག་ནས་ནི། །སྤྱོད་ཡུལ་ཀུན་དང་བསྲེ་བར་བྱ། །མངོན་དུ་གྱུར་པའི་འབྲས་བུ་ནི། །བདག་དང་གཞན་དོན་གྲུབ་པས་ཏེ། །ངེས་པའི་སྐུ་དང་གསུང་དང་ཐུགས། །ཡོན་ཏན་འཕྲིན་ལས་རྣམ་པ་ལྔ་། །བྱང་ཆུབ་སེམས་ཀྱི་བདེ་ཀློང་དུ། །གཅིག་ཏུ་ངགི་ཧེངངངངགེ༷༷གི་སེང་ང་་ཚོངཆེཚོའཁྱལ་བ་བདག་ ་དན། ། ་རུ་ཀ་ཡ་ཐུགས་ལས་ན། །སྤྲུལ་པའ་ཡ་ ་ཧུ་དུ་ཤར། །ཧུ་ ས་འགྲ་བ་ མས་ཅན་གྱ། །བག་ཆགས་སྨྱུང་བ་གཞན་གྱ་དན། །མཁའ་འགྲ་མ་ གས་ཐམས་ཅད་ཀྱས། །རྒྱུད་ ན་རྒྱ་མ ་མཐའ་ཡས་པའི། །དགོངས་པ་ཀུན་འདུས་གསང་བའི་བཅུད། །བྱང་ཆུབ་སེམས་ཀྱི་གཏེར་དུ་སྦས། །དུར་ཁྲོད་ཆེན་པོ་བསིལ་བའ་ཚལ་དུ། ཨོ་རྒྱན་གྱི་མཁན་པོ་པདྨ་འབྱུང་གན་ལ། ཡེ་ཤེས་ཀྱི་མཁའ་འགྲོ་མ་ང་ང་་ངངཞིང་ང་ཆེང་་ཞེ་་རྣམས་ཀྱས་དངས་སུ་ལུང་བསྟན་པའ་དགངས་ཉན་ས་རྣལ་འབྱར་པ་རྣམས་ཀྱ་ཡད་བ ན་གྱ་ནར་བུ་རན་པ་ ་ཉད་ད། །བསམ་གཏན་སྒྲན་མ་ ས་བྱ་བ་རྫགས་ས།། །།