Ngb-pt-0081-vol-01-text: Difference between revisions

From Rangjung Yeshe Wiki Texts
Jump to navigation Jump to search
No edit summary
 
 
(One intermediate revision by one other user not shown)
Line 1: Line 1:
{|
! '''BASIC METADATA'''
!
|-
| '''Title of Text'''
|
|-
| '''Title on Cover'''
|
|-
| '''Cover Title San'''
|
|-
| '''Cover Title San in Tib'''
|
|-
| '''Cover Title San in Lanydza'''
|
|-
| '''Title on Spine'''
|
|-
| '''Margin Title'''
|
|-
| '''Author of Text'''
|
|-
| '''Name of Collection''' ''(if applicable)''
|
|-
| '''PUBLISHING'''
|
|-
| '''Publisher Name'''
|
|-
| '''Publisher Place'''
|
|-
| '''Publisher Date'''
|
|-
| '''IDs'''
|
|-
| '''ISBN''' ''(if applicable)''
|
|-
| '''Library Call-number''' ''(if applicable)''
|
|-
| '''Other ID number''' ''(if applicable)''
|
|-
| '''Volume Letter''' ''(if applicable)''
|
|-
| '''Volume Number''' ''(if applicable)''
|
|-
| '''Pagination of Text'''
|
|-
| '''Pages Represented in this file'''
|
|-
| '''CREATION'''
|
|-
| '''Name of Agent Creating Etext'''
|
|-
| '''Date Process Begun'''
|
|-
| '''Date Process Finished'''
|
|-
| '''Place of Process'''
|
|-
| '''Method of Process (OCR, input)'''
|
|-
| '''PROOFING'''
|
|-
| '''Name of Proofreader'''
|
|-
| '''Date Proof Began'''
|
|-
| '''Date Proof Finished'''
|
|-
| '''Place of Proof'''
|
|-
| '''MARKUP'''
|
|-
| '''Name of Markup-er'''
|
|-
| '''Date Markup Began'''
|
|-
| '''Date Markup Finished'''
|
|-
| '''Place of Markup'''
|
|-
| '''CONVERSION'''
|
|-
| '''Name of Converter'''
|
|-
| '''Date Conversion Began'''
|
|-
| '''Date Conversion Finished'''
|
|-
| '''Place of Conversion'''
|
|-
| '''PROBLEMS'''
|
|-
|
|
|}
= Front =
= Front =


= Body =
= Body =


''[562]'''[562.1]'''''རྒྱ་གར་སྐད་དུ། དེ་བ་ཏནྟྲ་རཏྣ་ཀུ་ཊ་ནཱ་མ། བོད་སྐད་དུ། ལྷ་རྒྱུད་རིན་པོ་ཆེ་སྤུངས་པ་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་'''''[562.2]'''''ཀུན་ཏུ་བཟང་པོ་ཡིས། །ཡེ་གྲོལ་ཡེ་ཤེས་རང་ལ་ཤར། །ཕྱི་ནང་མེད་པའི་ཟང་ཐལ་གནས། །ཆེན་པོ་ལྔ་ཡི་བསྟན་པ་ལ། །རང་སྣང་ཆེན་པོ་རྣམ་དག་ཡིན། །དེ་ཡང་ཐོག་མ་མེད་པའི་དུས། །གཞི་གསུམ་དབྱེར་མེད་'''''[562.3]'''''ལྷུན་གྱིས་གྲུབ། །ཡང་དག་ཡེ་ཤེས་སྣང་བ་དང་། །དག་པ་འཇིག་རྟེན་སྣང་བ་དང་། །མ་དག་འཁྲུལ་པའི་སྣང་བ་གསུམ། །དབྱེར་མེད་ལྷུན་གྱིས་གྲུབ་པ་ཡིན། །ཡང་དག་ཡེ་ཤེས་སྣང་བ་ནི། །སྐུ་གསུམ་རང་སྣང་ལྷུན་'''''[562.4]'''''གྱིས་གྲུབ། །དེ་ཡང་ཕྱོགས་སུ་མ་ལྷུང་རྒྱ་མ་ཆད། །དག་པ་འཇིག་རྟེན་སྣང་བ་ཡིན། །འོད་ལྔ་ལ་སོགས་ལྷུན་གྱིས་གྲུབ། །དེ་ཡང་ཕྱོགས་སུ་མ་ལྷུང་རྒྱ་མ་ཆད། །མ་དག་འཁྲུལ་པའི་སྣང་བ་ཡང་། །འགྲོ་དྲུག་ལ་སོགས་'''''[562.5]'''''ལྷུན་གྱིས་གྲུབ། །དེ་ཡང་ཕྱོགས་ལྷུང་མེད་པ་ཡིན། །ཆོས་ཉིད་གདལ་བའི་ཕོ་བྲང་ན། །ཀུན་གཞི་སྤྱི་ས་མི་ཟད་གཏེར། །གཏེར་གྱི་འབྱུང་གནས་རིན་ཆེན་གླིང་། །ག་བུར་ལྟ་བུའི་གཞི་མ་ཡིན། །ཕྱོགས་མེད་ཆེན་པོའི་'''''[562.6]'''''སྣང་བ་ཡིན། །ཞེས་གསུངས་སོ། །དེ་ནས་གསང་བའི་བདག་པོ་དེས། །བཅོམ་ལྡན་འདས་ལ་ཕྱག་འཚལ་ནས། སྤྱི་ས་དེ་ལྟར་ཡིན་པ་ལ། དེ་ལས་འཁྲུལ་པ་ཇི་ལྟར་ལགས། །ཀུན་བཟང་སངས་རྒྱས་ཇི་ལྟར་''[563]'''[563.1]'''''ལགས། །བྱིན་རླབས་འབྱུང་བ་ཇི་ལྟར་ལགས། །འཁྲུལ་པར་སྣང་བ་ཇི་ལྟ་བུ། །ལྡོག་བཅས་ཆོས་དེ་གང་ལ་གསུངས། །ཞེས་ཞུས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། གླེང་གཞིའི་ལེའུ་སྟེ་དང་'''''[563.2]'''''པོའོ།། །།དེ་ནས་བཅོམ་ལྡན་ཀུན་བཟང་གིས། །དེ་ལས་འཁྲུལ་པ་བསྟན་པ་ནི། །ཀུན་གཞི་གཏེར་གྱི་འབྱུང་གནས་ལ། །ལྷུན་གྲུབ་ཡོན་ཏན་ཕྱོགས་མེད་ཀློང་། །དཔེར་ན་རྒྱ་མཚོར་ཆོས་མཐུན་པ། །རང་'''''[563.3]'''''བྱུང་རླུད་གི་རྟ་ཕོས་བསྐྱོད། །མ་ནིང་རྣམ་གསུམ་ཡིད་འགྱུས་པས། །འགྱུ་བ་རླུད་གི་མིག་ཅན་དེ། །རང་སྣང་འོད་ལྔའི་ལམ་དུ་ཞུགས། །ང་ཉིད་མཁྱེན་པའི་ཤེས་རབ་ཡིན། །རྣམ་གསུམ་ཤེས་པས་ཤེས་རབ་'''''[563.4]'''''མཆོག །མཆོག་གི་སྐུ་གསུམ་རང་ལ་ཤར། །འདས་པ་ལྔ་ཡི་ཀློང་དུ་གྲོལ། །གསུམ་སེལ་སྒྲིབ་པ་ཀུན་ལས་གྲོལ། །སངས་རྒྱས་ལྔ་བདག་ཅོད་པན་ཅན། །ཡེ་ཤེས་འབའ་ཞིག་ལས་བྱུང་བ། །མགོན་པོ་ཀུན་གྱི་ཡབ་'''''[563.5]'''''མེས་ཡིན། །ཀུན་ཏུ་བཟང་པོ་བློ་གྲོས་བཟང་། །ཐོག་མའི་སངས་རྒྱས་འོད་དཔག་མེད། །སངས་རྒྱས་ཀུན་གྱི་གཙོ་བོ་ཡིན། །ང་མེད་པ་ཡི་སྔོན་རོལ་ན། །སངས་རྒྱས་བྱ་བའི་མིང་ཡང་མེད། །ཡེ་ཤེས་བྱ་བའི་མིང་ཡང་'''''[563.6]'''''མེད། །ཆོས་སྐུ་བྱ་བའི་མིང་ཡང་མེད། །ཆོས་ལས་གྲོལ་བའི་སངས་རྒྱས་ཡིན། །ཐིག་ལེ་ཆོས་མིན་ཡེ་ཤེས་ཀློང་། །བྱ་བཙལ་མེད་པས་རང་གྲོལ་ཡིན། །རང་བྱུང་རང་གི་འོད་སྣང་སངས་། །འདས་པ་ལྔ་རུ་རྒྱས་པས་''[564]'''[564.1]'''''མཆོག །དོན་གྱི་ཡེ་ཤེས་ཁོང་ནས་ཤར། །ཡེ་ཤེས་ཁོང་ཤར་མིག་ཕྱེད་པས། །ཡེ་ཤེས་མིག་ཅན་དྲི་མ་མེད། །མ་རིག་སྒོ་ངའི་སྦུབས་འབྱེད་པ། །རང་བྱུང་ཡིད་ཀྱི་ཤེས་རབ་ཀྱི། །འགྱུ་བའི་ལིང་ཏོག་གསེར་གྱི་ཐུར་'''''[564.2]'''''མས་ཕྱེད། །མིག་གི་དབང་པོ་སོ་སོར་མ་འགག་པ། །སོ་སོར་རྟོག་པའི་ཡེ་ཤེས་ཡིན། །རང་བཞིན་མེད་པའི་ཟང་ཐལ་དེ། །ཆོས་ཀྱི་དབྱིངས་ཀྱི་ཡེ་ཤེས་ཡིན། །དེ་ཉིད་རང་གསལ་ཆེན་པོར་ཤར། མེ་ལོང་ལྟ་བུའི་ཡེ་'''''[564.3]'''''ཤེས་ཡིན། །ཕྱི་ནང་མེད་པར་མཉམ་པས་ན། །མཉམ་པ་ཉིད་ཀྱི་ཡེ་ཤེས་ཡིན། །ཐམས་ཅད་མ་ལུས་ལྷུན་གྲུབ་པས། །བྱ་བ་གྲུབ་པའི་ཡེ་ཤེས་ཡིན། །ཡེ་ཤེས་ཡིན་པས་རྩོལ་བསྒྲུབ་མེད། །ཡོན་ཏན་ཡེ་ཤེས་ལྔ་དང་'''''[564.4]'''''ལྡན། །འབྲས་བུ་སྐུ་གསུམ་ཁོང་ནས་ཤར། །མཆོག་གི་དང་པོ་སྐུ་གསུམ་འཆང་། །སྐུ་གསུམ་རང་གྲོལ་ལམ་གྱི་མཆོག །ཡེ་ཤེས་རང་ཤར་རིག་པའི་མཆོག །འདས་པ་ལྔ་པོ་འབྲས་བུའི་མཆོག །ཡེ་ཤེས་ཟང་ཐལ་'''''[564.5]'''''གདམས་པའི་མཆོག སངས་རྒྱས་ཀུན་གྱི་དགོངས་པ་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། ཀུན་ཏུ་བཟང་པོ་རང་སྣང་གི་ལེའུ་སྟེ་གཉིས་པའོ།། །།དེ་ནས་གསང་བའི་བདག་པོ་'''''[564.6]'''''ཡིས། །འགྲོ་དྲུག་མ་དག་འཁྲུལ་པ་ཇི་ལྟར་ལགས། །ཞེས་ཞུས་པས། ཀུན་ཏུ་བཟང་པོས་བཀའ་སྩལ་པ། །ཐོག་མ་མེད་པའི་གཞི་མ་དེ། །དེ་ཡོད་པས་ན་འགྲོ་དྲུག་ཀྱང་། །མི་འཁྲུལ་པ་ཡི་རང་དབང་མེད། །དེ་ཡང་ཇི་''[565]'''[565.1]'''''ལྟར་འཁྲུལ་ཞེ་ན། །ཀུན་གཞིའི་རླུད་ཆེན་མ་འགགས་པས། །མ་ནི་རླུད་གི་འཁྲུལ་པ་ཡིན། །དེ་ཡང་ཀུན་གཞི་སྤྱན་ཡིན་ཏེ། །གཞི་གསུམ་དབྱེར་མེད་སྤྱན་ཆེན་པོ། །གྱེན་དང་ཐད་ཀ་ཐུར་དུ་'''''[565.2]'''''གཟིགས། །གཟིགས་པའི་སྤྱན་གསུམ་ཁོང་ནས་ཤར། །ཐུར་དུ་གཟིགས་པ་འགྲོ་དྲུག་སྤྱན། འགྱུ་བའི་སྤྱན་གྱིས་ཀུན་ཏུ་བལྟ། །འོད་ལྔ་ལམ་གྱི་རྟ་ཕོ་ལ། །ཆགས་སྡང་ལྔ་ཡིས་ཞབྲུལ་པ་ཡིན། །ལས་ནི་ལུང་མ་བསྟན་'''''[565.3]'''''གྱི་ལས། །རྒྱུ་རྐྱེན་དུས་མཚུངས་རྒྱུ་ལྟར་འཁོར། །མ་རིག་འདམ་དུ་བྱིང་བ་ཡིན། །དམྱལ་བ་ལ་སོགས་འགྲོ་དྲུག་འཁྲུལ། །ལས་ཀྱི་འབྲས་བུ་ལུང་མ་བསྟན། །ཚེ་ཚད་ལ་སོགས་དུས་ལ་ངེས་པ་མེད། །དེ་ནི་ཐུར་དུ་'''''[565.4]'''''གཟིགས་པའི་སྤྱན། །ཞེས་གསུངས་སོ། །ལྷ་རྒྱུད་རིན་པོ་ཆེའི་སྐྲུངས་པ་ལས། འགྲོ་དྲུག་རང་སྣང་གི་ལེའུ་གསུམ་པའོ།། །།དེ་ནས་གསང་བའི་བདག་པོ་ཡིས། །འགྲོ་དྲུག་ཞབྲུལ་པ་ཇི་ལྟར་བཟློག །ཅེས་'''''[565.5]'''''ཞུས་པས། ཀུན་ཏུ་བཟང་པོས་བཀའ་སྩལ་པ། །འགྲོ་དྲུག་འཁྲུལ་པ་བཟློག་པ་ནི། ངོ་བོ་ཉིད་ཀྱི་བྱིན་རླབས་ནི། ཆོས་ཀྱི་སྐུ་ཡི་བྱིན་རླབས་སོ། །དེ་ཡི་བྱིན་རླབས་རྡོ་རྗེ་སེམས་དཔའ་ཁྱོད། །དེ་ཡི་བྱིན་རླབས་སྣང་'''''[565.6]'''''བ་ཐུབ་པ་དྲུག །ཐུན་མོང་ལྡོག་པའི་སྟོན་པ་ཡིན། ཁྱད་པར་བཀའ་བརྒྱུད་བྱིན་བརྒྱུད་དང་། །ཐུགས་སུ་བརྒྱུད་པའི་སྟོན་པ་གསུམ། །ཐུགས་རྗེ་ཆོས་ཀྱི་འཁོར་ལོ་ནི། །བྱིན་གྱིས་བརླབས་ཀྱི་བསྐོར་བ་ཡིན། མཆོག་གི་''[566]'''[566.1]'''''སྐུ་གསུམ་རང་སྣང་བས། ཡེ་ཤེས་རང་སྣང་འཁོར་ལོ་བསྐོར། །རྟོག་པ་ཡེ་ཤེས་འཁོར་ལོ་ཡིན། །ཆོས་ཀྱི་འཁོར་ལོ་ཕྱི་ནང་གསང་བ་གསུམ། །དེ་དོན་རྟོགས་པའི་བྱིན་རླབས་བརྒྱུད་པ་ཡིན། །ཉི་མའི་སྙིང་པོ་ཟེར་དང་'''''[566.2]'''''འོད། །ཟླ་བ་ལྟེང་ཀའི་གཟུགས་སྣང་བ། །ཐ་དད་དུ་མར་མཐོང་བ་ལྟར། །སྐུ་གཅིག་ཡོངས་ལ་སྣང་བས་སྤྲུལ་སྐུ་ཡིན། །ཡེ་ཤེས་ཕྱོགས་མེད་ཤར་བས་ཐུགས་རྗེ་འོད་པོ་ཆེ། །ཀུན་ལ་སྙོམས་པས་ཐུགས་རྗེ་ཕྱོགས་'''''[566.3]'''''མེད་ཤར། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། བྱིན་རླབས་འབྱུང་བ་བསྟན་པའི་ལེའུ་སྟེ་བཞི་པའོ།། །།དེ་ནས་གསང་བའི་བདག་པོ་ཡིས། །རྒྱུད་ལུང་འབྱུང་བ་ཇི་ལྟར་ལགས། །དེ་ཡི་ངོ་སྤྲོད་'''''[566.4]'''''ཇི་ལྟར་བགྱི། །ཞེས་ཞུས་པས། །བཅོམ་ལྡན་འདས་ཀྱིས་བཀའ་སྩལ་པ། །རང་བཞིན་བྱིན་རླབས་ངོ་བོའི་རྒྱུད། རང་བཞིན་རྒྱུད་ལ་རྣམ་པ་གཉིས། །ངེས་པའི་རྒྱུད་དང་དོན་གྱི་རྒྱུད། །ངེས་རྒྱུད་སངས་རྒྱ་དགོང་'''''[566.5]'''''པ་ཡིན། །རྒྱུན་དུ་མི་འགྱུར་རྒྱུད་ཀྱི་མཆོག །དེ་དོན་ཐུགས་ལ་གང་གནས་པ། །དོན་རྒྱུད་ཆེན་པོ་ཡིན་པར་བཤད། །བྱིན་རླབས་རྒྱུད་ལ་རྣམ་པ་གསུམ། །ངོ་བོ་ཉིད་ཀྱི་བྱིན་རླབས་དང་། །རྩོལ་དང་བཅས་དང་རྩོལ་'''''[566.6]'''''མེད་དང་། །རང་བཞིན་བྱིན་རླབས་རྣམ་པ་གསུམ། །ངོ་བོ་བྱིན་རླབས་རང་སྣང་ཡིན། །རྩོལ་མེད་བྱིན་རླབས་ཐུགས་རྗེའོ། །རྩོལ་བཅས་བྱིན་རླབས་གདམས་པའོ། །རང་བཞིན་བྱིན་རླབས་ཀུན་ལ་འཇུག །དེ་དོན་''[567]'''[567.1]'''''གཏན་ལ་གང་འབེབས་པ། །མན་ངག་ཀུན་གྱི་མཆོག་ཏུ་བཤད། །དེ་དོན་ཐུགས་ལ་གང་གནས་པ། །ལུང་རྣམསམ་ལུས་ཐུགས་ལ་གནས། ཁུད་ལུང་མན་ངག་དབྱེར་མེདཔས། །ཐིག་ལེ་ཡེ་ཤེས་'''''[567.2]'''''བརྩེགས་པ་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། བྱིན་རླབས་ཀྱི་རྒྱུད་བསྟན་པའི་ལེའུ་སྟེ་ལྔ་པའོ།། །།དེ་ནས་གསང་བའི་བདག་པོ་ཡིས། །བཅོམ་ལྡན་ཀུན་ཏུ་བཟང་པོ་ལ། །རྩོལ་'''''[567.3]'''''མེདབྱིན་རླབསཇི་ལྟརལགས། །ཞེས་ཞུས་པས། བཀའ་སྩལ་པ། བྱིནརླབས་དབང་ལས་འཇུག་པས་ན། །དབང་གི་གདམས་པ་བཤད་པར་བྱ། །དབང་ལ་ཕྱི་ནང་གསང་བ་གསུམ། །ལྷ་དབང་ཡེ་ཤེས་སྐུ་ཡི་'''''[567.4]'''''དབང། །ཆོསདབང་རིག་པ་སེམས་ཀྱི་དབང། །རྩོལ་མེད་ཡེ་ཤེསཐིག་ལེའི་དབང་། །དེ་འདོདཔ་ཡི་གང་ཟག་གིས། །ལུས་སྲོག་བུ་སྨད་འཁོར་རྫས་ཀུན། །བྱིན་རླབས་ཞུ་བའི་ཡོན་དུ་དབུལ། །སྤྱིན་པ་བསམ་གྱིས་'''''[567.5]'''''མིཁྱབཔས། །དབང་བསྐུར་ནུས་པའི་བླ་མ་ལ། །ཡོན་ཕུལ་ཡོན་ཏན་བསམ་མི་ཁྱབ། །སློབདཔོན་གདམས་པསམ་བརྒྱན་པ། །དེ་འདྲའི་སློབ་དཔོན་བསྟེན་མིན་ཏེ། །དེ་བསྟེན་བྱིན་རླབས་འབྱུང་མི་འགྱུར། །སློབ་'''''[567.6]'''''མཤེསརབ་མ་བརྒྱན་ཅིང་། །གདམསཔ་གཟུང་མི་ཐུབ་པ་ནི། །དེ་ནི་སློབ་མ་སྣོད་མིན་ཏེ། །དེ་ལ་བྱིན་རླབས་འཇུག་མི་འགྱུར། །ཇ་ལོག་པས་ནི་དོན་ཀུན་འགྲུབ། །ལྷ་དབང་ཡེ་ཤེས་དབང་བསྐུར་བས། །མིག་གི་''[568]'''[568.1]'''''གཟུགས་སྣང་མ་འགགས་པས། །རྣམ་པར་སྣང་མཛད་གཟུགས་ཀྱི་དབང་། །ཆོས་ཀྱི་དབྱིངས་ཀྱི་ཡེ་ཤེས་ཡིན། །དེ་ཡིས་དོན་ལ་བསྐྱོད་མེད་པས། །རྡོ་རྗེ་སེམས་དཔའ་མི་བསྐྱོད་པ། །མེ་ལོང་ལྟ་བུའི་ཡེ་ཤེས་'''''[568.2]'''''ཡིན། །དེ་ཡི་ཡོན་ཏན་རྩལ་སྣང་བ། །སྣང་བ་མཐའ་ཡས་འོད་དཔག་མེད། །སོ་སོར་ཀུན་ཏུ་རྟོགས་པ་ཡིན། །ཡོན་ཏན་ཕྱོགས་རིས་མི་མངའ་བས། །རིན་ཆེན་འབྱུང་ལྡན་འོད་འཕྲོ་བས། །མཉམ་པ་ཉིད་ཀྱི་ཡེ་ཤེས་'''''[568.3]'''''ཡིན། །ཐམས་ཅད་རང་བྱུང་གྲུབ་པས་ན། །དོན་ཡོད་གྲུབ་པ་རྡོ་རྗེའི་སྙིང་པོ་ཡིན། །བྱ་བ་གྲུབ་པའི་ཡེ་ཤེས་ཞེས་ཀྱང་བརྗོད། །རྣ་བ་མི་བསྐྱོད་ལྕེ་ནི་འོད་དཔག་མེད། །སྣ་ནི་རིན་འབྱུང་འོག་སྒོ་དོན་གྲུབ་སྐུ། །ལྔ་ལྡན་'''''[568.4]'''''ཡེ་ཤེས་རང་ལ་སྣང་བས་ན། །ལྷ་དབང་ཡེ་ཤེས་སྐུ་ཡི་དབང་བསྐུར་ཡིན། །འབྱུང་བ་ལྔ་ཡི་གཟུགས་སྟོང་པས། །ནམ་མཁའ་དབྱིངས་ཕྱུག་ཆོས་ཀྱི་དབྱིངས། །དེ་ཡི་ངོ་བོ་སངས་རྒྱས་སྤྱན། །འོད་གསལ་ཡེ་ཤེས་མེ་'''''[568.5]'''''ལོང་ལྔ་། །ཡོན་ཏན་རྩལ་སྨིན་གོས་དཀར་མོ། །སོ་སོར་རྟོགས་པའི་ཡེ་ཤེས་རྫོགས། །ཡོན་ཏན་ཐམས་ཅད་འདུས་པ་བཱ་མ་ཀི། །ཀུན་ལ་ཡངས་དོག་མེད་པས་མཉམ་པ་ཉིད། །དེ་ཡི་དོན་ལ་འདའ་མེད་པས། །དམ་'''''[568.6]'''''ཚིག་སྒྲོལ་མ་ཞེས་བྱའོ། །ཐམས་ཅད་གཅིག་ཏུ་གྲུབ་པས་བྱ་བ་གྲུབ། །ཡེ་ཤེས་ཐམས་ཅད་རྫོགས་པས་འཁོར་ལོ་ཡིན། །འགྱུར་བ་མེད་པས་རྡོ་རྗེ་ཡིན། །སྐྱོན་གྱིས་མ་གོས་པདྨ་ཡིན། །ཐམས་ཅད་འབྱུང་བས་རིན་པོ་''[569]'''[569.1]'''''ཆེ། །ཀུན་ལ་ཁྱབ་པས་རྒྱ་གྲམ་མེ། །ཐམས་ཅད་རྫོགས་པས་སེང་གེ་ཡན། །མ་ལུས་ཐེག་པས་གླང་པོ་ཆེ། །དུག་ལྔ་སྐུ་རུ་ཤར་བས་རྨ་བྱ་ཡིན། །ཐམས་ཅད་ཤུགས་ལས་གྲོལ་བས་རྟ་མཆོག་'''''[569.2]'''''ཡིན། །ཐོག་མེད་སྤྱན་ཆེན་མངའ་བས་མཁའ་ལྡིང་ཡིན། །དེ་ཡི་དོན་རྟོགས་རྩོལ་མེད་དབང་བསྐུར་ཡིན། །མི་འདའ་བ་ཡི་རྒྱ་ཞིག་ཐོབ་ལ་ཞོག །ཆོས་སྐུ་དྲི་མ་མེད་ཅིང་གཟུགས་སྐུ་མེད། །འགྱུར་མེད་གསེར་མདོག་'''''[569.3]'''''འཇམ་དཔལ་སྐུ། །དེ་དོན་ལག་ཏུ་གཏད་པས་འགྱུར་མེད་རྟོགས། །ཕྲིན་ལས་ཐམས་ཅད་རྫོགས་ཤིང་དབང་ཐོབ་པས། །མི་ཤིགས་བཅོམ་ལྡན་རྡོ་རྗེའི་སྐུ། །ཡེ་ཤེས་སྤྱན་ཆེན་རང་ལ་ཤར་བས་ན། །སྤྱན་རས་'''''[569.4]'''''གཟིགས་དབང་སེང་གེ་རྣམ་པར་བརྩེགས། །འཁོར་བ་མ་བཅོས་རང་གྲོལ་འོད་གསལ་བ། །རྡོ་རྗེ་མི་གཡོའི་སྐུ་སྟེ་རང་བྱུང་ཡིན། །ཐུགས་རྗེ་ཀུན་ལ་འཕྲོ་བས་འོད་ཟེར་ཅན། །སངས་རྒྱས་བྱིན་རླབས་ཕོག་པས་སྒྲོལ་'''''[569.5]'''''མ་ཡིན། །སྣང་བ་ལྷུག་པར་སྣང་བས་ཕག་གདོང་མ། ་ས་རབ་ཁོང་ཤར་རལ་གྲི་ཡིན། །ཡེ་ཤེས་ཟང་ཐལ་རྡོ་རྗེ་དང་། །སྐུ་གསུམ་བྱིན་རླབས་སྣང་བ་ཕྲེང་བ་དང་། །ཡོན་ཏན་སྣ་ཚོགས་གཅོད་པའི་རལ་གྲི་'''''[569.6]'''''དང་། །ཆོས་སྐུ་ཡོན་ཏན་རྒྱས་པས་ཨུཏུལ། །ཡོན་ཏན་གཏེར་འཆང་བུམ་པ་དང་། སྐུ་གསུམ་རང་ལ་གནས་པས་ཁ་ཊ༷་ག །ཐམས་ཅད་རང་ལ་རྫོགས་པས་དབང་ཆེན་ཐོབ། །ཅེས་གསུངས་སོ། །ལྷ་རྒྱུད་རིན་པོ་ཆེ་''[570]'''[570.1]'''''སྤུངས་པ་ལས། ལྷ་དབང་ལུས་ལ་བསྐུར་བ་དང་། རྩོལ་མེད་རང་སྣང་དུ་བསྟན་པའི་ལེའུ་སྟེ་དྲུག་པའོ།། །།དེ་ནས་ཡང་བཀའ་སྩལ་པ། རྩོལ་བཅས་ལྷ་དབང་བསྟན་པ་ནི། །དང་པོ་བུམ་པའི་དབང་ཡིན་'''''[570.2]'''''ཏེ། །བུམ་པ་ལྷ་ཡི་གྲངས་དང་མཐུན། །དེ་ལ་དབང་ལྔ་རྫོགས་པ་ནི། །བུམ་པ་གཞལ་ཡས་ཁང་ཡིན་པས། སྒྱུ༷་ལས་གཞལ་ཡས་ཁང་དུ་བསྐྱེད། །དེ་ཡི་ནང་དུ་བུམ་རྫས་བླུགས། །གདན་དང་བསྐྱེད་དང་སྤྱན་འདྲེན་'''''[570.3]'''''བསྟིམ། །འཛབ་དང་བསྙེན་བསྒྲུབ་བྱས་ནས་ནི། དེ་ནས་འོད་དུ་ཞུ་ནས་ནི། །སྤྱི་བོ་དག་ནས་དབང་བསྐུར་བ། །བུམ་པའི་དབང་ཞེས་བརྗོད་པ་ཡིན། །ལུས་ཀྱི་སྒྲིབ་པ་དག་པར་བྱེད། །བུམ་པ་བུམ་རྫས་བསྐྱེད་'''''[570.4]'''''བྱ་ཐབས་ཀྱི་དབང་། །ལྷ་རྣམས་བཀུག་བསྟིམ་སྦྱོར་བ་མཛད། ཁོ༑ས་རབ་དབང་དུ་བསྟན་པ་ནི། །སྦྱོར་བ་བྱང་ཆུབ་སེམས་ཀྱི་ཆུ། །ཡེ་ཤེས་དབང་དུ་བསྟན་པ་ཡིན། །རྡོ་རྗེ་ལྕེ་སྟེང་བཞག་པ་ཡིས། །ངག་གི་སྒྲིབ་པ་'''''[570.5]'''''དག་པར་བྱེད། །ལྷ་ལ་ཡེ་ཤེས་རྒྱས་བཏབ་ནས། །སྐྱེ་བ་མེད་པར་བསྟན་པ་ནི། །ཚིག་གི་དབང་དུ་བརྗོད་པ་ཡིན། །སེམས་ཀྱི་སྒྲིབ་པ་དག་པར་བྱེད། །ཅེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས བུམ་པའི་'''''[570.6]'''''བང་ང་ལེའུ་ ་བ ་པའོ ་ ས་ཡང་བ འ་སྩལ་པ ཐབས་ ང་ ས་རབ་ བང་ལ་ མ་ལྔ་ ཕ་ང་ཐབས་ཀྱི་རང་བ ན་ཏེ། །ལུས་ཀྱི་བུམ་པ་ ང་བ་ཡིན། །སྐྲ་དང་ལུས་རྒྱན་ལུས་པོ་ནི། །སྐུ་''[571]'''[571.1]'''''གསུམ་དག་པའི་སྣང་བའོ། །སྒོ་ལྔ་འབྲུ་ལྔ་ཡེ་ཤེས་ལྔ། །ཕུང་པོ་ལྔ་ནི་རིན་ཆེན་སྣ་ལྔ་ཡིན། རང་བྱུང་བདུད་རྩི་སྨན་ལྔའི་ངོ་བོ་ལ། །རྣམ་ཤེས་ལྔ་ནི་དྲི་ལྔ་ཡིན་པར་བཤད། །བྱང་ཆུབ་སེམས་ནི་བདུད་'''''[571.2]'''''རྩི་འོ་མ་ཆུ། །དབུགས་ནི་གཟུངས་ཐག་ཐུགས་རྗེས་འབྲེལ། །དེ་ནི་བུམ་པའི་དབང་ཡིན་ནོ། །རང་ལ་སྣང་བ་ཐབས་ཀྱི་དབང་། །དེ་ལྟར་ཤེས་པས་ཤེས་རབ་དབང་། །ཡེ་ནས་གྲུབ་པ་ཡེ་ཤེས་དབང་། །དེ་མཚོན་པ་'''''[571.3]'''''ནི་ཚིག་དབང་ངོ། ཁྲེས་རབ་དབང་ལ་རྣམ་པ་ལྔ། །བྷ་ག་བུམ་པའི་རང་བཞིན་ནོ། །རཀྟ་བུམ་རྫས་རང་བཞིན་ནོ། །རྩ་གསུམ་ཉེད་པ་ཐབས་ཀྱི་དབང་། །ཟུང་འཇུག་སྟོང་པ་ཤེས་རབ་དབང་། །བདེ་བའི་ཡེ་ཤེས་'''''[571.4]'''''གསང་བའི་དབང་། །ངག་གིས་བརྒྱན་པ་ཚིག་དབང་ངོ་། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པའི་རྒྱུད་ལས། ཐབས་དང་ཤེས་རབ་ཀྱི་དབང་བསྟན་པའི་ལེའུ་སྟེ་བརྒྱད་པའོ། །དེ་ནས་ཡང་བཀའ་སྩལ་'''''[571.5]'''''པ། །གསང་བའི་དབང་ལ་རྣམ་ལྔ་སྟེ། །རྡོ་རྗེ་བུམ་པ་ཆོས་ཀྱི་སྐུ། །རྩ་གསུམ་བརྒྱན་པ་ལོངས་སྐུ་ཡིན། །ཐིག་ལེ་སྤྲུལ་པའི་སྐུ་རུ་བཤད། །བདེ་བ་ཆེན་པོ་བུམ་རྫས་ཡིན། །དེ་ནི་བུམ་པའི་དབང་ཡིན་ནོ། །ཡིག་འབྲུ་'''''[571.6]'''''བཀོད་པ་ཐབས་ཀྱི་དབང་། །ལྷ་རྣམས་སྦྱོར་བ་མཛད་པ་ནི། །བྷ་ག་སྟོང་པ་ཤེས་རབ་དབང་། །བྱང་ཆུབ་སེམས་འཕྲོས་གསང་བའི་དབང་། །རྒྱས་གདབ་པ་ནི་ཚིག་དབང་ཡིན། །ཡེ་ཤེས་ས་བོན་དགུག་པ་''[572]'''[572.1]'''''དང་། །དམ་ཚིག་ས་བོན་བསྐྱེད་པ་དང་། །སྦྱོར་བ་གཉིས་མེད་བསྟིམ་པ་དང་། །བདེ་བའི་མཆོད་པ་འབུལ་བ་དང་། །མཆོད་པ་ཕྱོགས་བཅུར་སྤྲོ་བ་དང་། །དེ་རྣམས་རྒྱས་སུ་གདབ་པ་ནི། །རྩོལ་བ་དང་བཅས་དབང་'''''[572.2]'''''ཞེས་བརྗོད། །ཅེས་གསུངས་སོ། ལྷ་རྒྱུད་རིན་པོ་ཆེ་སྐྲུངས་པ་ལས། གསང་བའི་དབང་གི་ལེའུ་སྟེ་དགུ་པའོ།། །།དེ་ནས་ཡང་བཀའ་སྩལ་པ། །ཉོན་ཅིག་གསང་བའི་བདག་པོ་ཁྱོད། །ཚིག་གི་དབང་ལ་རྣམ་ལྔ་'''''[572.3]'''''སྟེ། །སྣང་སྲིད་ཚིག་ཏུ་སྟོན་པ་ནི། །དངོས་པོ་སྣ་ཚོགས་གཟུགས་སྣང་བ། འབྱུང་བ་ལྔ་ནི་བུམ་པར་བཤད། ཁ་དོག་སྣ་ཚོགས་བུམ་པའི་རྒྱན། །དབྱིངས་སུ་སྣང་བ་མགུལ་ཆིངས་ཡིན། །འདུ་འབྲལ་མེད་པ་'''''[572.4]'''''གཟུངས་ཐག་ཡིན །འགྲོ་དྲུག་ལོངས་སྐུར་ཅིར་སྣང་བ། །བུམ་པའི་རྫས་སུ་བསྟན་པ་ནི། །དེ་ནི་བུམ་པའི་དབང་ཡིན་ནོ། །སྣང་སྲིད་བསྡུས་ནས་ལམ་དུ་བསླང་། །སྣང་བ་རང་བྱུང་ཡེ་ཤེས་ཤར། །བླ་མའི་གདམས་'''''[572.5]'''''པས་ཕྱོགས་མེད་གྲོལ། །རང་སྣང་ཡེ་ཤེས་འཕེལ་འགྲིབ་མེད། །ཕྱི་ནང་མེད་པ་ཡེ་ཤེས་སྐུ། །ཡེ་ཤེས་སྐུ་སྟེ་རང་བྱུང་བ། །དེ་ནི་ཐབས་ཀྱི་དབང་མཆོག་ཡིན། །ད་ནི་ཤེས་རབ་དབང་བསྟན་པ། །ཐུགས་རྗེ་འགག་པ་'''''[572.6]'''''མེད་པ་དེ། །ཡིད་འགྱུས་སྣང་སྲིད་སེམས་སུ་ཤར། །གཟུང་འཛིན་རྩ་བ་མ་རིག་ཅན། །གཉིས་མེད་རིག་པ་ཕྱི་ནང་མེད། །ཡེ་ཤེས་ཤེས་རབ་ཟང་ཐལ་བས། །ཡེ་ཤེས་ཤེས་རབ་ཟང་ཐལ་དེ། །ཚད་མ་ཁོང་ནས་ཤར་་''[573]'''[573.1]'''''བས་ན། །མི་བསླུ་བ་ཡི་གཏན་ཚིགས་ཡིན། །ཡིད་ཆེས་ངེས་པའི་དབང་དུ་བཤད། །ད་ནི་ཡེ་ཤེས་དབང་བཤད་དེ། །ཡེ་ནི་ཀུན་གཞི་སྤྱི་ས་ཡིན། ཤེས་པ་གཞི་ལས་གྲོལ་བའོ། །གྲོལ་བ་གཞན་རྐྱེན་མ་'''''[573.2]'''''ཡིན་ཏེ། །རང་རྐྱེན་ཤེས་པས་གྲོལ་བར་བསྟན། །མེ་ལོང་བྱད་ཀྱི་དཔེ་བཞིན་ནོ། །ཐིག་ལེ་ཡེ་ཤེས་ཁོང་ནས་ཤར། །ཕར་བལྟས་པས་ནི་ཚུར་ལ་གསལ། །ཡེ་ཤེས་ཟང་ཐལ་ཁོ་ན་ཡིན། །མ་བཅོས་པ་ཡི་ཟང་ཐལ་'''''[573.3]'''''ལ། །མ་བྱས་པ་ཡི་རང་བྱུང་ཤར། །རང་གྲོལ་སྦྲུལ་གྱི་མདུད་པ་ལྟར། །རང་གྲོལ་དུག་ལྔ་ཁོང་དུ་གྲོལ། །རྩེ་གཅིག་ཟང་ཐལ་ཆེན་པོར་སླེབས། །ད་ནི་ཚིག་དབང་དོན་བཤད་དེ། །ནོར་བུ་རིན་ཆེན་གླིང་དག་ན། །ས་'''''[573.4]'''''རྡོ་ལ་སོགས་མིང་ཡང་མེད། །གདམས་པའི་ཚིག་དབང་ཐོབ་པས་ན། །འཁོར་བ་བྱ་བའི་མིང་ཡང་མེད། །འཁོར་བ་ཐིག་ལེར་དབང་བསྐུར་བས། །རྨ་བྱས་ཧ་ལ་བཟའ་བ་འདྲ། །སྐྲུ་ཁ་སྣ་ཚོགས་མདངས་དང་'''''[573.5]'''''ལྡན། །དེ་བཞིན་དུག་གི་དབང་བསྐུར་ན། །འདྲེ་དང་ནད་ཀྱིས་མི་ཚུགས་སོ། །དེ་བཞིན་དུག་ལྔའི་དབང་བསྐུར་ན། །འཁོར་བའི་དགྲ་ཡིས་མི་ཚུགས་སོ། །ཐིག་ལེ་ཡེ་ཤེས་ངོ་བོ་རྩལ། །ལས་དང་དེ་བཞིན་གནས་པ་'''''[573.6]'''''ནི། །ལམ་དང་སྒོ་དང་ཡོན་ཏན་དང་། །འབྲས་བུ་རྣམ་བརྒྱད་དབྱེར་མེད་པས། །དཔེ་ཡི་ངོ་སྤྲོད་ཤེལགྱིསམཚོན། །རྟགསཀྱི་ངོ་སྤྲོད་ཙིསྟ་ཡིན། །རིནཆེནཟུར་བརྒྱད་འབར་བ་ཡིན། །དོན་ནི་ཐིག་ལེ་ཡེ་ཤེས་''[574]'''[574.1]'''''ཏེ། །རྩ་ཆེན་བརྒྱད་ལ་གནས་པ་ཡིན། །རྟགས་ཀྱི་རྩ་དང་ཡོན་ཏན་རྩ། །རྣམ་པ་བརྒྱད་དུ་ཤེས་པར་བྱ། །དེ་ནི་རྟེན་གྱི་གསང་ལམ་ཡིན། །མ་རིག་པ་ཡི་གདར་བཅད་པས། །རིག་པའི་ཡེ་ཤེས་ཁོང་ནས་རྡོལ། །ཐིག་'''''[574.2]'''''ལེ་བརྩེགས་པའི་དབང་མཆོག་ཐོབ། །ཚིག་དབང་ཞེས་ནི་དེ་ལ་བྱ། །འཁོར་བ་རྩད་གཅོད་ཅེས་ཀྱང་བྱ། །མ་རིག་མིག་འབྱེད་ཅེས་ཀྱང་བྱ། །རིག་པའི་ཡེ་ཤེས་ཞེས་ཀྱང་བྱ། །ཡེ་ཤེས་རང་ཤར་ཞེས་ཀྱང་བྱ། ཁེས་'''''[574.3]'''''རབ་རང་བྱུང་ཞེས་ཀྱང་བྱ། །ཡེ་ཤེས་ཐིག་ལེ་ཁོང་ནས་ཤར། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། ཚིག་དབང་རིན་པོ་ཆེའི་ལེའུ་སྟེ་བཅུ་པའོ།། །།དེ་ནས་ཡང་བཀའ་སྩལ་པ། །ཉོན་ཅིག་'''''[574.4]'''''གསང་བའི་བདག་པོ་ཁྱོད། །དབང་བསྐུར་ཡོན་ཏན་བསྟན་པ་ནི། །བུམ་པའི་དབང་བསྐུར་ཉོན་མོངས་སྒྲིབ་པ་དག །ཐབས་ཀྱི་དབང་བསྐུར་ལས་ཀྱི་སྒྲིབ་པ་དག ཁེས་རབ་དབང་བསྐུར་ཤེས་བྱའི་སྒྲིབ་པ་'''''[574.5]'''''དག །གསང་བའི་དབང་བསྐུར་ངོ་བོའི་སྒྲིབ་པ་དག །ཚིག་གི་དབང་བསྐུར་རྣམ་སྨིན་སྒྲིབ་པ་དག །བུམ་དབང་བསྐུར་བས་སྤྲུལ་སྐུ་འཐོབ། །ཐབས་ཀྱི་དབང་བསྐུར་ལོངས་སྐུ་འཐོབ། ་ས་རབ་དབང་བསྐུར་ཆོས་'''''[574.6]'''''སྐུ་འཐོབ། །གསང་བའི་དབང་བསྐུར་ཡེཤེསསྐུ། །ཚིགགིདབངབསྐུར་རང་གྲོལ་འཐོབ། །དབང་མ་བསྐུར་བར་ཆོས་འཆད་པ། །ལོང་བས་ལོང་བ་ཁྲིད་པ་འདྲ། །སློབ་དཔོན་ཚད་མར་མགྱུར་པས། །གདམས་པ་''[575]'''[575.1]'''''མེད་པར་དབང་བསྐུར་བྱེད། །སྔགས་མེད་དུག་ལ་རྔུབ་པ་འདྲ། །སློབ་མ་ཚད་དང་མི་ལྡན་པས། །དབང་བསྐུར་ནོད་པ་བྱེད་པ་དེ། །སྦྲང་མ་མེ་ལ་མཆོངས་པ་འདྲ། །སློབ་དཔོན་ཚད་ལྡན་དབང་བསྐུར་'''''[575.2]'''''ན། །བདུད་རྩིའི་ལོངས་སྤྱོད་སྤེལ་བ་འདྲ། །སློབ་མ་ཚད་ལྡན་དབང་ནོད་པ། །བྱ་རྒོད་གནམ་འཕང་གཅོད་པ་འདྲ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། དབང་བསྐུར་བའི་ཡོན་ཏན་དང་སྐྱོན་'''''[575.3]'''''བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །ལྟ་བ་རིག་པ་རང་རྩལ་བསྟན་པ་ནི། །ལྟ་བ་སྐྱེ་མེད་རྣམ་པར་དག །རང་བཞིན་ཆོས་སྐུ་བརྗོད་'''''[575.4]'''''ལས་འདས། །གཉིས་མེད་རང་སྣང་མ་བཅོས་པ། །ཆོས་ཉིད་སྐྱེ་མེད་ཤེས་བྱའི་གཤིས། །སེམས་ཉིད་མ་བཅོས་བློ་ལས་འདས། །སེམས་ཉིད་སྟོང་པ་ཆོས་ཀྱི་སྐུ། །ནམ་མཁའ་ལྟ་བུའི་ཆོས་ཉིད་ལས། །ཉི་ཟླ་སྐར་'''''[575.5]'''''ཚོགས་མ་འདྲེས་རྫོགས། །ཚོགས་རྫོགས་རང་བྱུང་ལྟ་བའི་མཆོག །དངོས་པོ་མེད་པ་རང་སར་གྲོལ། །རང་གྲོལ་ལུ་་ཆུབ་ལྟ་བའི་ཀློང་། །ལྟ་བ་ཀློང་ཆེན་མཐའ་གྲོལ་ཡིན། །ལྟ་བ་རིག་པའི་དབང་ཐོབ་ན། །སྐྱེ་བ་'''''[575.6]'''''མེད་པའི་དགོངས་པ་ཐོབ། །བསྒོམ་པ་རིག་པ་རང་རྩལ་དབང་། །མཚན་བཅས་བསྒོམ་དང་མཚན་མེད་བསྒོམ། །དང་པོ་མ་ཤར་ཤར་བར་བྱེད་པ་ལ། །ནམ་མཁའ་སྟོང་པའི་མཁའ་དཀྱིལ་བསྒོམ། །དེ་ལས་ཧཱུཾ༷་ཞུ་རྡོ་''[576]'''[576.1]'''''རྗེར་བསྒོམ། །རྡོ་རྗེ་འོད་ཞུ་རྡོ་རྗེ་སེམས་དཔར་བསྒོམ། །སྐུ་མདོག་དཀར་པོ་གངས་རིར་ཉི་ཤར་འདྲ། །གཡས་ན་རྡོ་རྗེ་རྩེ་ལྔ་བསྣམས། །གཡོན་པས་དྲིལ་བུ་དཀུ་རུ་བརྟེན། །རྒྱན་རྣམས་ཀུན་གྱིས་བརྒྱན་པར་'''''[576.2]'''''བསྒོམ། །ཨོ་བཛྲ་ས་ཏྭ་ཧཱུཾ༷། དབང་པོ་འབྲུ་ལྔ་ཐུགས་ཀྱི་ཡང་སྙིང་བཟླ། བཛྲ་ཨུ་ཧར་ཧཱུཾ༷། དྷ་པེ་ཧུ༷། པྲསྤྲོ་ཧུ༷། ཨུ་ལོ་ཀེ་ཧུ༷། གརྙེ་ཧུ༷། ནེ་བི་ཏེ་ཧུ༷། ཤབྷ་རཏྣ་ཧུ༷། ཞེས་མཆོད་པས། འགྲོ་དྲུག་ཞུ་ནས་བདག་ཞུ་སྟེ། །སྤྱི་'''''[576.3]'''''གཙུག་རྡོ་རྗེ་སེམས་དཔར་ཐིམ། །རྡོ་རྗེ་སེམས་དཔའ་འོད་དུ་ཞུ། །རྡོ་རྗེ་དཀར་པོ་རྩེ་ལྔར་སྒྱུར། །རྡོ་རྗེ་འོད་ཞུ་ཧུ༷་ལ་ཐིམ། །ཧུ༷་གི་ཞབས་བསྐྱེད་ཞུ་ནས་ནི། །འ་ཡང་འོད་དུ་ལྟེམས་ཀྱིས་ཞུ། །དེ་ནས་ཧ་ཡང་འོད་དུ་ཞུ་'''''[576.4]'''''བ་ཡིས། །དེ་ཡང་ཟླ་བ་དག་ལ་ཐིམ། །ཟླ་བ་འོད་ཞུ་ཐིག་ལེ་ལ། །ཐིག་ལེ་འོད་ཞུ་ཡེ་ཤེས་ཟང་ཐལ་བསྒོམ། །དེ་ནི་ཐིག་ལེ་ཁོང་ཤར་ཡིན། །མཚན་བཅས་སྐུ་ཡི་བསྒོམ་པའོ། །ཐུགས་ཀྱི་ཕྱག་མཚན་བསྒོམ་པ་'''''[576.5]'''''ནི། །དང་པོ་རང་གི་སེམས་ཉིད་སྟོང་པར་བསྒོམ། །དེ་ཡི་ངང་ལས་རྡོ་རྗེར་བསྒོམ། །རྡོ་རྗེའི་ནང་དུ་རང་ཉིད་ནི། །རང་གསལ་འཕྲོ་བ་མེད་པར་བསྒོམ། །དེ་ཡིས་ཐུགས་ཀྱི་བསྒོམ་པ་རྫོགས། །ད་ནི་གསུང་གི་བསྒོམ་'''''[576.6]'''''པ་བསྟན། །དང་པོ་རང་བྱུང་སེམས་ཉིད་སྟོང། །མཚོནཔའིཧུ༷ ཡངསྔོན་དུ་བྲི། །དེ་ལ་ཤེས་པ་གཏད་ལ་བསྒོམ། །དེ་ནས་ཤེས་པ་ཧཱུཾ༷་དུ་བསྒོམ། །ཧཱུཾ༷་ལ་ཤེས་པ་ཚུད་པ་ནི། །སེམས་ཟིན་པ་ཡི་ཚད་ཡིན་ནོ། །དེ་ནས་''[577]'''[577.1]'''''སྣང་བ་སྣ་ཚོགས་ཀུན། །ཧཱུཾ༷་དུ་མི་འགྱུར་རང་དབང་མེད། །ཧཱུཾ༷་དེ་ཞུ་ནས་རང་གསལ་ཟང་ཐལ་བསྒོམ། །དེས་ནི་གསུང་གི་དགོངས་པ་རྫོགས། །ཨཱོཾ༷་དང་ཨུ༷༷དང་ཧཱུཾ༷་དང་ནི། །འཁོར་ལོ་རྡོ་རྗེ་པདྨ་'''''[577.2]'''''དང་། །ཡིག་འབྲུ་གང་ཡང་རུང་བ་ལ །སྤྲོ་དང་བསྡུ་བ་བྱས་གྱུར་ན། །མཚན་བཅས་བསྒོམ་པ་རྫོགས་པ་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། ལྟ་བསྒོམ་རིག་པ་རང་རྩལ་གྱི་ལེའུ་སྟེ་བཅུ་'''''[577.3]'''''གཉིས་པའོ།། །།དེ་ནས་མཚན་མེད་བསྒོམ་པ་བསྟན་པ་ནི། །ཉོན་ཅིག་རྡོ་རྗེ་སེམས་དཔའ་ཁྱོད། །རང་གི་བྱང་ཆུབ་སེམས་ཉིད་ནི། །སྟོང་གསལ་ཁྱབ་པའི་དོན་དེ་ནི། །རང་གི་སྙིང་གི་དཀྱིལ་དུ་'''''[577.4]'''''བསྒོམ། །གཟུང་འཛིན་རྣམ་པ་སྐྱེས་པའི་ཚེ། །དེ་ཉིད་སྟོང་པ་ཉིད་དུ་བསྒོམ། །དེ་ནས་ཤེས་པ་གསལ་གདབ་ལ། །མར་མེ་ལྟ་བུར་བསྒོམ་པར་བྱ། །གཟིངས་ཐོག་བྱ་འཕུར་སླར་ལ་ལྡོག །འཕྲོ་བ་སྟོང་པར་བསྒོམས་'''''[577.5]'''''པས་གཟུང་འཛིན་ལྡོག །དཔེར་ན་ཆུ་ལ་འཁྱགས་ཞུ་བཞིན། །དུག་ལྔ་བསྒོམས་པས་གཟུང་འཛིན་འཇིག །དཔེར་ན་ནམ་མཁའ་སྤྲིན་དངས་བཞིན། །རྟོག་པ་སྐྱེ་མེད་བསྒོ་།ས་པས་གྲོལ་བར་འགྱུར། །བྱ་བ་བཏང་'''''[577.6]'''''པའི་སྐྱེསབུབཞིན། །ལྷངངེམ་བཅོས་ངང་ལ་བཞག །སྟོང་ཉིད་འོད་གསལ་བསྒོམ་པར་བྱ། །དང་པོ་སྔ་དྲོ་ནས་བརྩམསནས། །ཚོགསདྲུགའོདགསལ་བསྒོམ་པར་བྱ། ཁྲེས་པ་འཁྱོག་པ་བསྲངས་ནས་ནི། །ལུས་''[578]'''[578.1]'''''ཀྱིས་ངལ་དུབ་ཤ་ཆང་སྤང་། །དཀར་གསུམ་དག་ལ་བརྟེན་པ་ནི། །ཐུན་དགུར་བཅད་ལ་བསྒོམ་པར་བྱ། ཁམས་དང་སྦྱར་ཞིང་བསྒོམ་པ་ནི། །སྲོད་ནས་བརྩམས་ཏེ་བསྒོམ་པ་ལ། འགྱུ་བ་འད་གསལ་བསྒམ་པར་'''''[578.2]'''''བྱ། །ཐུན་དང་ཁམས་རྣམས་གོང་་དང་མཐུན། །སྤྱོད་པ་འོད་གསལ་ཁོ་ནར་བྱ། །གུང་ལ་འགྱུ་བ་རྗེས་མེད་བསྒོམ། འོད་གསལ་ཐུན་ཚད་ཁམས་དང་སྦྱར། །རྨི་ལམ་འབྱོངས་ན་ལམ་ཆེན་ཡིན། །འོད་གསལ་སྒྱུ་ལུས་'''''[578.3]'''''མཁས་པས་བསྒོམ། །སྒྱུ་ལུས་བསྒོམས་པས་ཤེས་གྱུར་ན། །དེ་ནས་རིག་པ་འོད་གསལ་བསྒོམ། །རིག་པ་འོད་གསལ་ཤེས་ནས་ནི། །དེ་ནས་ཡེ་ཤེས་འོད་གསལ་བསྒོམ། །ཡེ་ཤེས་འོད་གསལ་ཤེས་ནས་ནི། །ཐིག་ལེ་'''''[578.4]'''''འོད་གསལ་མཐར་ཐུག་བསྒོམ། །མ་ཤར་བ་ལ་ཤར་བ་བྱ། ་ར་བ་བོགས་དབྱུང་བརྟན་པའི་འབྲས་བུ་བསྟན། །ཐོ་རངས་རང་སྣང་འོད་གསལ་བསྒོམ་པར་བྱ། །རྨིས་པའི་ཆོ་འཕྲུལ་རང་སྣང་འོད་གསལ་'''''[578.5]'''''ཡིན། །བཙུན་མོ་བདེ་སྐྱོང་རྨིས་ནས་ནི། །བུ་བཙས་ལོ་གསུམ་ལོན་པ་རྨི། །བུ་ཡང་ཤི་སྟེ་བསྲེགས་པ་རྨི། །མྱ་ངན་ཆེན་པོ་སྐྱེས་ཀྱང་རྨི། །དེ་རྨིས་སད་པར་གྱུར་པ་ན། །སྡུག་བསྔལ་ཤེས་པ་ཙམ་གྱིས་གྲོལ། །དེ་བཞིན་'''''[578.6]'''''རྨིས་པ་ཅི་བྱུང་ཡང་། །འཁྲུལ་པའི་སྣང་བར་རྟོགས་གྱུར་ན། །དེ་ཉིད་གཉིད་པས་བསྒོམ་པ་ཡིན། །དུ་བཞི་མཉམ་སྤྱོར་དགོངས་པའི་མཆོག །བསམ་གཏན་རང་གྲོལ་གདམས་པའི་མཆོག །ཟང་ཟིང་ཤེས་པ་གནད་''[579]'''[579.1]'''''ཀྱི་མཆོག །ཅེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། སྒོམ་པ་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །སྤྱོད་'''''[579.2]'''''པའི་ཁྱད་པར་བསྟན་པ་ནི། །དང་པོ་ལྟ་སྒོམ་དང་བཅས་ནས། །ནགས་ཁྲོད་དགོན་པར་གཅིག་པུར་གནས། །དུར་ཁྲོད་ཝ་སྐྱ་གྲོགས་སུ་བཙལ། །ལྟ་བ་གདེང་ཆུད་བག་ཚ་མེད། །གདོན་པའི་སྨྲ་བཅད་ཤིན་ཏུ་'''''[579.3]'''''གཅེས། །བསྒོམ་པ་གདེང་ཆུད་ཉམ་ང་མེད། །གང་ཡང་སྤྱོད་པའི་གྲོགས་སུ་འགྱུར། །སེམས་ཀྱི་སྨྲ་བཅད་ཅེས་བྱའོ། །འཁུ་འཕྲིག་མེད་པའི་རང་སྒྲ་སྒྲོགས། །ཐམས་ཅད་གསུང་གི་འཁོར་ལོར་ཤེས། །གསུང་གི་སྨྲ་'''''[579.4]'''''བཅད་ཅེས་བྱའོ། །གཅེར་བུའི་སྤྱོད་པས་ཅི་དགར་གནས། །ཚོགས་དྲུག་ལྷུག་པའི་སྤྱོད་པ་ཡིན། །ལུས་ཀྱི་སྨྲ་བཅད་ཅེས་བྱའོ། །འཁོར་བའི་རིག་མ་མཚན་ལྡན་ལ། །བག་ཚ་ཉམ་ང་མེད་པར་ནི། །ཅི་སྤྱོད་བདེ་བའི་'''''[579.5]'''''རླན་གྱིས་འཚོ། །འཁོར་བའི་སྨྲ་བཅད་ཅེས་བྱའོ། །གདམས་པ་གསང་གནས་རང་དོན་བསྒྲུབ། །བྱིན་རླབས་ཕྱོགས་མེད་འཆར་བ་ནི། །རིག་པའི་སྤྱོད་པ་ཞེས་བྱ་སྟེ། གདམས་པའི་སྨྲ་བཅད་ཅེས་བྱའོ། །ཡུལ་ཁྱིམས་'''''[579.6]'''''སྤངས་ནས་ཕྱོགས་མེད་འགྲོ། །སྒྲོ་དང་སྐུར་བ་ཉམ་ང་མེད། །དམན་པའི་སྤྱོད་པས་འ་ས་པ་ནི། །གསང་བའི་སྤྱོད་པ་ཞེས་བྱ་སྟེ། །ཡུལ་གྱི་སྨྲ་བཅད་རྗེས་སུ་བརྗོད། །ཕྱོགས་བཅུར་ལུ་ས་ཤིང་བདུད་རྩི་''[580]'''[580.1]'''''བསྟེན། །རྟོག་པ་ཐམས་ཅད་རང་སར་དག །རྣམ་པར་རྒྱལ་བའི་སྤྱོད་པ་ཡིན། །བརྟུལ་ཤུགས་སྤྱོད་པ་ཞེས་ཀྱང་བྱ། །ཟས་ཀྱི་སྨྲ་བཅད་ཅེས་བྱའོ། །ཐམས་ཅད་རང་སྣང་རང་བྱུང་བས། རྟོགས་པས་རྩི་ལ་མ་རྟོགས་'''''[580.2]'''''བདུད། །བདུད་ནི་འདྲེ་རུ་ཤར་བ་ཡིན། །རྩི་ནི་ལྷ་རུ་ཤར་བ་ཡིན། །བདུད་རྩི་འབྱུང་བའི་རྒྱུ་ནི་རང་བྱུང་ཡིན། །བསྒྲུབ་པའི་བདུད་རྩི་མ་ཡིན་རང་བྱུང་བདུད་རྩི་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་'''''[580.3]'''''ལས། སྤྱོད་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །དེ་ལྟར་བྱས་པའི་འབྲས་བུ་བསྟན་པ་ནི། །ཐིག་ལེ་མི་འདའ་ཡེ་ཤེས་ཀློང་གླེབས་ནས། །མི་'''''[580.4]'''''འགྱུར་རྡོ་རྗེ་ལྟ་བུའི་སྐུ་ཐོབ་འགྱུར། །ལུས་ཀུན་ལས་ནི་རབ་གྲོལ་ཏེ། །ལུས་ཀྱི་མཐའ་རྟོགས་ཡེ་ཤེས་ལུས། །གནས་ཀྱི་མཐའ་གྲོལ་ཐིག་ལེར་བརྡལ། །སྐད་ཅིག་གཅིག་གིས་དོན་དང་མཇལ། །འཁོར་བ་མ་སྤངས་'''''[580.5]'''''གནས་སུ་དག །མྱ་ངན་འདས་པ་རང་ལ་ཤར། །ཡེ་ཤེས་ཐིག་ལེའི་རྩེ་མོར་སླེབ། །ཕྱི་ནང་མེད་པར་དབྱིངས་དང་མཇལ། བགྲོད་པ་མེད་པར་རང་སར་སླེབ། །སྦྱང་པ་མེད་པར་གནས་སུ་དག །བསྒྲུབ་པ་མེད་པར་'''''[580.6]'''''འབྲས་བུ་ཐོབ། །མ་བྱས་པ་རུ་ལས་རྣམས་ཟིན། །མ་བཀྲུས་པ་རུ་དྲི་མ་དག །སྒྲོན་མ་མ་བཏེག་མུན་པ་སངས། ཁམས་གསུམ་རྩ་བ་དེ་རུ་ཆོད། །སྲིད་གསུམ་ལོ་མ་དེ་རུ་ཆོད། །སྔ་མ་ཕྱི་མའི་བར་མཚམས་ཆོད། །སྲིད་''[581]'''[581.1]'''''པ་རྒྱས་ཐེབས་ཆོས་སྐུར་ཤར། །འཇིག་རྟེན་གསུམ་གྱི་ཟམ་པ་བརྒལ། །དབང་ཕྱུག་ཆེན་པོའི་མ་མར་ཐོབ ཚངས་པ་ཆེན་པོའི་མེ་ལོང་རྙེད། །དགའ་བོ་འཇོག་པོའི་རིན་ཆེན་ཐོབ། །དཀར་པོ་སྤྱན་'''''[581.2]'''''གཅིག་ཤེལ་མཁར་ཐོབ། །ཧ་ནུ་བག་ཤུའི་རལ་གྲི་ཐོབ། །ནག་པོ་བཀྲག་མེད་ཁྲམ་བམ་ཐོབ། །གནོད་སྦྱིན་ཀུན་ལ་སྒྲིབ་ཀྱི་ཤེལ་སྒོང་ཐོབ། །གཤིན་རྗེའི་རྒྱལ་པོའི་ལྕགས་མཁར་ཐོབ། །སྲིད་པའི་རྒྱལ་མོའི་གཏེར་'''''[581.3]'''''མཛོད་ཐོབ། །གསུང་མཆོག་དམར་པོའི་ཞགས་པ་ཐོབ། །ལྷ་སྲིན་སྡེ་བརྒྱད་སྲོག་རྩ་ཆོད། །ཆོས་འཁོར་སྐྱོང་བའི་རྒྱལ་བློན་འབངས་དང་གསུམ། །མ་ལུས་ལུས་པ་མེད་པའི་སྲོག་རྩ་ཆོད། །ལྷ་ཁང་ཞིག་པས་སྒོ་ལྕགས་'''''[581.4]'''''སྟོར། །ལྡེ་མིག་ཚིག་པས་དབྱེ་རུ་མེད། །ཕ་སྤུན་གཉིས་ཀྱིས་དམེ་བྱས་པས། ཁམས་གསུམ་འཁོར་བའི་སྐྱེ་རྒྱུད་བཅད། །རྣམ་པར་སྣང་མཛད་ཞིང་ཁམས་མཐོང་། །རྡོ་རྗེ་སེམས་དཔའི་མེ་ལོང་མཐོང་། །སྣང་བ་'''''[581.5]'''''མཐའ་ཡས་ཞིང་ཁམས་མཐོང་། །རིན་ཆེན་འབྱུང་ལྡན་ཡོན་ཏན་མཐོང་། །དོན་ཡོད་གྲུབ་པའི་ཞིང་ཁམས་མཐོང་། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས འབྲས་བུ་རང་སའི་ལེའུ་སྟེ་བཅོ་ལྔ་'''''[581.6]'''''པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །དེ་རྣམས་ཡོན་ཏན་བསྟན་པ་ནི། །ལྟ་བ་བསྟན་པས་ཆོས་སྐུ་ཐོབ། །སྒོམ་པ་བསྟན་པས་ལོངས་སྐུ་ཐོབ། །སྤྱོད་པ་བསྟན་པས་''[582]'''[582.1]'''''སྤྲུལ་སྐུ་ཐོབ། །འབྲས་བུ་བསྟན་པས་རང་གྲོལ་ཐོབ། །ལྟ་བས་དུག་ལྔ་ཞི་བར་བྱེད། །སྒོམ་པས་ཉོན་མོངས་ཞི་བར་བྱེད། །སྤྱོད་པས་འདྲེ་གདོན་ཞི་བར་བྱེད། །འབྲས་བུས་འདོད་ཁམས་ཞི་བར་བྱེད། །ལྟ་བ་རྟོགས་'''''[582.2]'''''པས་ཡེ་ཤེས་ཤར། །སྒོམ་པ་རྟོགས་པས་ཉམས་མྱོང་ཤར། །སྤྱོད་པ་རྟོགས་པས་ཐུག་ཕྲད་ཤར། །འབྲས་བུ་རྟོགས་པས་ཐིག་ལེ་ཤར། །ལྟ་བ་རང་གྲོལ་རིག་པའི་གནད། །ཡེ་ཤེས་ཟང་ཐལ་དབང་པོ་ཡིན། །བསྒོམ་པ་'''''[582.3]'''''རང་གྲོལ་གདམས་པའི་གནད། །ཉམས་མྱོང་འོད་གསལ་དབང་པོ་ཡིན། །སྤྱོད་པ་རང་གྲོལ་ཐབས་ཀྱི་གནད། །གཉིས་མེད་རང་ཤར་དབང་པོ་ཡིན། །འབྲས་བུ་རང་གྲོལ་ཡེ་ཤེས་གནད། །རིག་པ་ཡུལ་མེད་དབང་'''''[582.4]'''''པོ་ཡིན །ཉམས་མྱོང་ཡེ་ཤེས་འཆར་བ་ལ། །གཟུང་འཛིན་གཉིས་ཀྱི་ལམ་སྣ་ལ། །གཉིས་མེད་ངོ་སྤྲོད་དབང་པོ་གཅེས། །མ་རིག་འཁོར་བར་འ་ས་པ་ལ། །རིག་པའི་ཡེ་ཤེས་ངོ་སྤྲོད་དགོས། །འགྱུ་བ་སྣ་ཚོགས་'''''[582.5]'''''ཞབྲུལ་པ་ལ། །ཡེ་ཤེས་ངོ་སྤྲོད་ཕྱོགས་མེད་དགོས། །འཁོར་བའི་རྩ་བ་ཉོན་མོངས་ཡིད། །རང་གྲོལ་ཤེས་རབ་ངོ་སྤྲོད་དགོས། །དེ་ནི་ངོ་སྤྲོད་རྣམ་པ་བཞི། །འགྱུ་བ་ངང་སངས་ཤར་གྲོལ་བའི། ཁ་མིག་འཁྱར་དང་'''''[582.6]'''''གཟེར་ཐེབས་པས། །སྒོ་དང་དབང་དང་གཟེར་ལྟ་བུ། །དེ་ནི་དབང་བསྐུར་འདུས་པ་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། ཡོན་ཏན་དང་འབྲས་བུ་དམར་ཁྲིད་ཀྱི་ལེའུ་སྟེ་བཅུ་དྲུག་''[583]'''[583.1]'''''པའོ།། །།ད་ནི་རིག་པ་ཡེ་ཤེས་རྩོལ་མེད་དབང་བསྟན་གྱིས། །ཉོན་ཅིག་གསང་བའི་བདག་པོ་ཁྱོད། །ཐིག་ལེར་རང་བྱུང་དབང་བསྐུར་བས། །བརྡའ་དང་རྟགས་དང་དོན་དུ་བསྟན། །སྤྱི་ནི་'''''[583.2]'''''བརྡ་ཡི་དབང་བསྟན་པ། །རིན་ཆེན་མན་ཤེལ་ཟང་ཐལ་དེ། །བྱས་པས་མ་བྱས་རང་བྱུང་ཡིན། །མན་ཤེལ་ཟང་ཐལ་ཡིན་པ་ནི། །ཐིག་ལེ་ཟང་ཐལ་ཡིན་པའི་བརྡའ། ཁོ།ལ་གྱི་ངོ་བོ་འོད་གསལ་བ། །ཐིག་ལེ་འོད་'''''[583.3]'''''གསལ་ཡིན་པའི་བརྡའ། ཁྲེལ་ལ་ཟུར་དྲུག་ཤར་བ་ནི། །འགྲོ་དྲུག་རང་སར་གྲོལ་བའི་བརྡའ། ཁོ།ལ་ལ་ཐེལ་དྲུག་བྱུང་བ་ནི། །ཐིག་ལེ་ཟུར་གྲྭ་མེད་པའི་བརྡའ། །མན་ཤེལ་མཐིང་གར་ཤར་བ་ནི། །ཐིག་ལེ་འགྱུར་'''''[583.4]'''''བ་མེད་པའི་བརྡའ། །མན་ཤེལ་གཞི་ལ་འོད་གནས་པས། །ཐིག་ལེའི་ཡོན་ཏན་མ་འགགས་བརྡའ། ཁོ།ལ་ནི་དྲི་མེད་རང་བྱུང་བས། །ཆོས་སྐུ་དྲི་མ་མེད་པའི་བརྡའ། ་།ལ་གྱི་སྣང་བ་མ་འགགས་པས། །ལོངས་སྐུ་'''''[583.5]'''''གཞི་ལ་གནས་པའི་བརྡའ། །མན་ཤེལ་དེ་ལ་འོད་ཤར་བས། །སྤྲུལ་སྐུས་འགྲོ་དོན་བྱེད་པའི་བརྡའ། །སྤྱན་གསུམ་ཡེ་ཤེས་རྣམ་པ་གསུམ། །སྟོན་པ་གསུམ་གྱི་བརྡའ་ཡིན་ནོ། །ད་ནི་རྟགས་ཀྱི་བརྡའ་བསྟན་ཏེ། །ཙིསྟ་'''''[583.6]'''''ཁོང་སྟོང་ཟང་ཐལ་དེ། །ཐིག་ལེ་ཡེ་ཤེས་རང་བྱུང་རྟགས། །སྙིང་ལ་རྩ་བཞི་ཟང་ཐལ་བ། །ཐིག་ལེ་ཟང་ཐལ་ཡོད་པའི་རྟགས། །སྙིང་སྟོང་དཀར་པོར་འདུག་པ་སྟེ། །ཐིག་ལེ་འོད་གསལ་ཡོད་པའི་རྟགས། །ཙིསྟ་ཟུར་''[584]'''[584.1]'''''དྲུག་འབར་བ་ནི། །འགྲོ་དྲུག་གཡང་ས་གཅོད་པའི་རྟགས། །སྙིང་ལ་ཐེལ་དྲུག་བྱུང་བ་ནི། །ཐིག་ལེ་ཆོས་མིན་ཡོད་པའི་རྟགས། །སྙིང་མཚམས་ཆོས་ཉིད་རྩས་མཚོན་པ། །ཐིག་ལེ་འགྱུར་མེད་ཡོད་པའི་རྟགས། །ཙིསྟ་'''''[584.2]'''''ཟུར་བརྒྱད་འབར་བ་ནི། །ཐིག་ལེའི་ཡོན་ཏན་མ་འགགས་རྟགས། །སྙིང་ནི་ཟུར་གསུམ་དབྱིབས་སུ་ཤར། །སྐུ་གསུམ་རང་ལ་གྲུབ་པའི་རྟགས། །སྙིང་ལ་སྟོད་སྨད་དབུས་དང་གསུམ། །སྤྱན་གསུམ་རང་ལ་ཡོད་པའི་'''''[584.3]'''''རྟགས། །ཐིག་ལེ་ཡེ་གནས་རང་ལ་གྲུབ། །དེ་ལྟར་ཤེས་ན་དབང་གི་རྒྱལ་པོ་ཡིན། །དེ་ལྟར་ཤེས་ན་དབང་བསྐུར་བླ་མ་ཡིན། །བཙལ་མི་དགོས་པ་མཆོག་གི་དབང་། །ཐིག་ལེ་ཡེ་ནས་ཡོད་པ་དབང་གི་རྒྱལ་པོ་'''''[584.4]'''''ཡིན། །རིག་པ་རང་གནས་དབང་གི་རྫས་སུ་བཤད། །རིག་པ་རང་གནས་དབང་གི་བསྐུར་ཐབས་ཡིན། །ཐིག་ལེ་རང་ཤར་དབང་གི་འབྲས་བུ་ཡིན། །ཙིསྟ་བུམ་པའི་དབང་ཞེས་བརྗོད། །མིག་ལ་སྤྱན་གྱི་ངོ་སྤྲོད་'''''[584.5]'''''པས། །དེ་ནི་ཐབས་ཀྱི་དབང་ཞེས་བརྗོད། །ཡིད་ལ་ཤེས་རབ་ངོ་སྤྲད་པས། །དེ་ནི་ཤེས་རབ་དབང་ཞེས་བརྗོད། །འགྱུ་བ་ཡེ་ཤེས་ངོ་སྤྲད་པས། །གསང་བའི་དབང་ཞེས་དེ་ལ་བྱ། །མ་རིག་ཡེ་ཤེས་ཟང་ཐལ་'''''[584.6]'''''ལ། །གཟུང་འཛིན་ཐིག་ལེ་ཁོང་ནས་ཤར། །ཚིག་དབང་རིན་པོ་ཆེ་ཞེས་བརྗོད། །ཅེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། ཐིག་ལེ་དང་ཡེ་ཤེས་ཀྱི་དབང་གི་ལེའུ་སྟེ་བཅུ་བདུན་པའོ།། །།དེ་ནས་''[585]'''[585.1]'''''ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །སྤྱན་གྱི་དབང་བསྐུར་བསྟན་པ་ནི། །ཐོག་མ་གཏེར་གྱི་འབྱུང་གནས་ན། །ལྷུན་གྱིས་གྲུབ་པའི་སྤྱན་གནས་ཏེ། །གསལ་བ་གཞན་དབང་མ་'''''[585.2]'''''གྱུར་རང་གསལ་སྤྱན། །དེ་ནི་ཐབས་ཀྱི་སྤྱན་ཡིན་ནོ། །འགག་མེད་གཞན་དབང་མ་གྱུར་པ། །དེ་ནི་ཤེས་རབ་སྤྱན་ཡིན་ནོ། །ཟང་ཐལ་གཞན་དབང་མ་གྱུར་པ། །དེ་ནི་ཡེ་ཤེས་སྤྱན་གྱི་གཞི། །དེ་གསུམ་དབྱེར་མེད་'''''[585.3]'''''དབང་ཡིན་པས། །ལྷུན་གྲུབ་ཡོངས་སུ་རྫོགས་པའི་སྤྱན། །དེ་ནི་གཞི་ཡི་སྤྱན་གྱི་དབང་། །དེ་ནས་ལམ་གྱི་དབང་བསྟན་པ། །དཔེ་དོན་རྟགས་ཀྱི་དབང་བསྟན་ནོ། །དཔེར་ན་རིན་ཆེན་མན་ཤེལ་ཏེ། །སྤྱན་གསུམ་'''''[585.4]'''''དབང་གི་དཔེ་ཡིན་ནོ། །རྟགས་ནི་མིག་ལ་ཤར་བའོ། །སྤྱི་ཡི་རྟགས་དང་དོན་དུ་འབྲེལ། །ནང་གི་དབང་རྟགས་སྙིང་ཡིན་ནོ། །དོན་གྱི་རྟགས་དང་སྦྱར་བ་གཅེས། །ཕྱི་ཡི་དབང་རྟགས་མིག་ཡིན་ནོ། །ངོ་སྤྲོད་བྱས་ཏེ་'''''[585.5]'''''རྟགས་སུ་བསྟན། །མིག་གཡས་ཆོས་ཀྱི་སྤྱན་གྱི་རྟགས། །གཡོན་པ་ཤེས་རབ་སྤྱན་གྱི་རྟགས། །མཛོད་སྐྲུ་ཡེ་ཤེས་སྤྱན་གྱི་རྟགས། །དོན་གྱི་སྤྱན་གསུམ་འགྱུ་བའི་མིག །འགྱུ་བའི་སྦྱན་ལ་ངོ་སྤྲད་ན། །སྤྱན་གྱི་དངོས་'''''[585.6]'''''གྲུབ་ཐོབ་པར་འགྱུར། །རྣ་བ་གཡས་པ་ཆོས་ཀྱི་སྤྱན། །གཡོན་པ་ཤེས་རབ་ཆེན་པོའི་སྤྱན། །མིག་ནི་ཡེ་ཤེས་སྤྱན་ཡིན་ནོ། །རྣ་བ་ཆོས་ཉིད་རྩ་གནས་པ། །སྒྲོ་འདོགས་གཅོད་པའི་ངོ་སྤྲོད་བྱ། །མིག་ལ་ཡེ་ཤེས་རྩ་''[586]'''[586.1]'''''གནས་པས། །ཟང་ཐལ་རྟོགས་པའི་ངོ་སྤྲོད་བྱ། །སྙིང་ལ་ཤེས་རབ་རྩེ་གནས་པས། །ཡེ་ཤེས་ངོ་སྤྲོད་ཤིན་ཏུ་གཅེས། །གློ་སྒང་གཉིས་ལ་རྩ་གཉིས་གནས། །གཟུང་འཛིན་གཉིས་སྣང་བློ་ཡི་རྩ། །མིད་བར་དབུས་ཀྱི་རྩ་'''''[586.2]'''''གནས་པ། །སེམས་ཀྱི་རྟ་ཕོ་བྱེད་པའི་རྩ། །སྙིང་མཚམས་ཐུགས་ཀར་འབྲེལ་པའི་རྩ། །དབུགས་ཆེན་དབུགས་མེད་སོ་མཚམས་ཡིན། །སྙིང་ལ་རྩ་ཆེན་བརྒྱད་གནས་པ། །ཐིག་ལེ་ཡེ་ཤེས་བརྒྱད་ཀྱི་རྩ། །མགྲིན་པ་རྩ་'''''[586.3]'''''ལྔ་འོད་གསལ་བ། །བར་དོ་འོད་དུ་འཆར་བའི་རྩ། །ཐིག་ལེ་བཙན་ཐབས་རྟགས་སུ་བཤད། །མཛོད་སྤུ་ཐིག་ལེ་ཟང་ཐལ་རྩ། །འདས་པ་ལྔ་ཡི་རྩ་ཡིན་ནོ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། སྤྱན་'''''[586.4]'''''དང་རྩའི་ལེའུ་སྟེ་བཅོ་བརྒྱད་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །སྐུ་གསུམ་དབང་བསྐུར་བསྟན་པ་ནི། །སྙིང་ག་འོད་དཔག་མེད་པའི་དབང་། །དཔག་མེད་ཡེ་ཤེས་'''''[586.5]'''''ཡོན་ཏན་དབང་། །ཡེ་ནས་ཡོད་པའི་དབང་ཡིན་ནོ། །མ་བསྐུར་སྤྱད་པར་མི་ནུས་ཏེ། །བསྐུར་བས་ཐོབ་པའི་དབང་ཡིན་ནོ། །ཆོས་གསུམ་འདུས་པ་འོད་དཔག་མེད། །ཀུན་ཏུ་བཟང་པོའི་དགོངས་པ་ཡིན། །དེ་ལ་གློ་'''''[586.6]'''''མཚམས་འོད་སྲུངས་ནི། །རྡོ་རྗེ་སེམས་དཔའ་ཁོང་ཤར་ཡིན། །གློ་བའི་མཐིལ་དུ་མར་མེ་མཛད། །དགའ་རབ་རྡོ་རྗེ་རིག་པ་རང་གྲོལ་ཡིན། །སྟོན་པ་སྐུ་གསུམ་རང་ལ་གནས། །ཡེ་ནས་གཞི་ལ་གྲུབ་པས་ན། །སྐུ་''[587]'''[587.1]'''''གསུམ་དབང་བསྐུར་ཞེས་ཀྱང་བྱ། །མགྲིན་པ་འོད་སྲུངས་དབང་བསྐུར་ཐོབ། །མིག་ལ་མར་མེ་མཛད་ཀྱི་དབང་། །མ་བསྐུར་མུན་པ་འཐིབས་པ་ཡིན། །བསྐུར་བས་མུན་པ་ཡུལ་ན་མེད། །མར་མེ་'''''[587.2]'''''མཛད་ཀྱི་དབང་བསྐུར་རྫོགས། །བསྐལ་པ་སྟོང་གི་མུན་པ་ལ། །མར་མེ་མཐེབ་མོ་ཙམ་གྱིས་སེལ། །མ་རིག་མུན་པ་འཐིབས་པ་ལ མར་མེ་མཛད་ཀྱི་དབང་བསྐུར་བས། །མ་རིག་མུན་པ་སྐད་ཅིག་སངས། །དེ་ལྟར་'''''[587.3]'''''བསྐུར་བའི་དབང་མཆོག་ནི། །བསྒྲུབས་པས་འགྲུབ་པར་མི་འགྱུར་ལ། །དཔྱད་པས་གཏན་ལ་མི་ཕེབས་སོ། །བརྗོད་པས་བློ་ཐོག་མི་ཕེབས་སོ ཐོས་མང་ཚིག་ཆོགས་མང་པོས་ཀྱང་། །དེ་ནི་གཏན་ལ་མི་ཕེབས་'''''[587.4]'''''སོ། །མ་བསྟན་ཤེས་པར་མི་འགྱུར་རོ། །བསྟན་ན་མི་འཆར་མི་སྲིད་དོ། །དེ་བས་འདོད་པ་འབྱུང་མི་འགྱུར། །དབང་གི་རྒྱལ་པོ་སྐུ་གསུམ་དག །རྟགས་ཀྱི་རྒྱལ་པོ་བསྟན་དུ་ཡོད། །དཔེ་ཡི་རྒྱལ་པོ་མཚོན་དུ་'''''[587.5]'''''ཡོད། །ཐིག་ལེའི་རྒྱལ་པོ་སྤྲད་དུ་ཡོད། །ངོ་སྤྲོད་རྒྱལ་པོ་ཐིག་ལེ་རང་སྣང་ཡིན། །ཉམས་ཀྱི་རྒྱལ་པོ་ཡེ་ཤེས་རང་སྣང་ཡིན། །གཞི་ཡི་རྒྱལ་པོ་ལྷུན་གྲུབ་ཡོངས་རྫོགས་ཡིན། །འབྲས་བུའི་རྒྱལ་པོ་ཆོས་ལ་གྲོལ་བ་'''''[587.6]'''''ཡིན། །ཐུགས་རྗེའི་རྒྱལ་པོ་སྐུ་གསུམ་རང་འཁྲུངས་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། །སྐུ་གསུམ་དབང་བསྐུར་གྱི་ལེའུ་སྟེ་བཅུ་དགུ་པའོ།། །།དེ་ནས་ཡང་བཀའ་སྩལ་པ། །གསང་''[588]'''[588.1]'''''བའི་བདག་པོ་ཁྱོད་ཉོན་ཅིག །གཞི་ཡི་སྐོར་ལུགས་མ་ཤེས་ན། །ནོར་བུ་རིན་ཆེན་སྟོར་བ་འདྲ། ཀུན་གཞི་ཞིང་ས་ལྟ་བུ་ལ། །ཆོས་ཀྱི་སྒོ་མོ་ཟུག་པ་རྩ་བ་འདྲ། །ཐེག་གསུམ་གཅིག་ཏུ་འདྲིལ་བས་སྡོང་པོ་འདྲ། །ཐེག་'''''[588.2]'''''དགུ་རང་ལ་ཤར་བས་གྱེས་པའི་ཡལ་ག་འདྲ། །ཆོས་ཀྱི་སྒོ་མོ་བརྒྱད་ཁྲིར་ཤར་བས་རྒྱས་པ་ལོ་འདབ་འདྲ། །མེ་ཏོག་སྣ་ཚོགས་གསལ་བས་ལོངས་སྐུ་འདྲ། །དྲི་མཆོག་སྣ་ཚོགས་འབྱུང་བས་སྤྲུལ་སྐུ་འདྲ། །འབྲས་བུ་'''''[588.3]'''''རང་སར་སྨིན་པས་ཆོས་སྐུ་འདྲ། །དེ་ནི་ཡར་གྱི་འདྲིལ་ལུགས་ཡིན། །མར་གྱི་འདྲིལ་ལུགས་བཤད་པ་ནི། །ཀུན་གཞི་མ་འགགས་ཡངས་པ་ལ། །ཉོན་མོངས་སྒོ་མོ་ཟུག་པས་རྩ་བ་འདྲ། །དུག་གསུམ་གཅིག་ཏུ་འདྲིལ་'''''[588.4]'''''བས་སྡོང་པོ་འདྲ། །ཉོན་མོངས་ལྔ་རུ་གྱེས་པས་ཡལ་ག་འདྲ། །ཉོན་མོངས་བརྒྱད་ཁྲིར་ཤར་བས་རྒྱས་པ་ལོ་འདབ་འདྲ། །མེ་ཏོག་གསལ་ལ་མཛེས་པས་འབྱུང་ལྔ་འདྲ། །འབྲས་བུ་རང་སར་སྨིན་པས་འགྲོ་དྲུག་'''''[588.5]'''''གོ །ཕྱོགས་མེད་རྟོགས་ན་རྫོགས་ཆེན་ཡིན། །ཕྱོགས་ཆར་འཛིན་པ་ཞབྲུལ་པ་ཡིན། །ཕྱོགས་རྟོགས་ཡང་དག་ཉིད་མ་རྟོགས། །མ་རྟོགས་པ་དང་ལོག་པར་རྟོག །དེ་ཡིས་འབྲས་བུ་འཐོབ་མི་འགྱུར། །འབྲས་བུའི་'''''[588.6]'''''རྫོགས་ལུགས་མ་ཤེས་ན། །ལོ་ཏོག་སད་ཀྱིས་ཁྱེར་བ་འདྲ། །མཐོང་སྟོང་ཐ་དད་མ་ཤེས་ན། །གོལ་སྒྲིབ་གདར་ཤ་མི་ཆོད་པས། །ལ་མི་ཟློས་པའི་སྐྱོན་དུ་འགྱུར། །ནོརབུརིནཆེནབཞགནསམཆིང་བུ་འཚོལ་བ་''[589]'''[589.1]'''''འདྲ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། ཐེག་པ་དང་འགྲོ་དྲུག་བསྡུ་བའི་ལེའུ་སྟེ་ཉི་ཤུ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །སྣང་'''''[589.2]'''''བ་ལྔ་ལ་ངོ་སྤྲད་པ། །མེ་ལོང་ནང་གི་བྱད་ལྟར་ཤར། །སྣང་བས་གནོད་པ་མི་ནུས་པས། །སྣང་བ་དབང་དུ་འདུས་པ་ཡིན། ཁུད་དྲུག་དག་ལ་ངོ་སྤྲད་པས། །རིག་པ་འོད་གསལ་ལྷག་མཐོང་ཤར། །ཞི་གནས་དགོངས་'''''[589.3]'''''པ་རང་སར་གྲོལ། །འགྲོ་དྲུག་དབང་དུ་འདུས་པ་ནི། །དུག་སྦྲུལ་འགྲོ་བའི་མདུད་པ་འདྲ། །ཡེ་ཤེས་འོད་གསལ་ངོ་སྤྲད་པས། །ཐིག་ལེ་ཡེ་ཤེས་རང་ལ་ཤར། །འགྲོ་དྲུག་གཡང་ས་དབང་དུ་འདུས། །རི་རབ་རྩེ་མོར་'''''[589.4]'''''ཕྱིན་པ་འདྲ། །ལྔ་གསུམ་བཅོ་ལྔས་མིག་འབྱེད་པ། །དབང་པོའི་རིམ་པས་ཤེས་པར་བྱ། །ཕྱི་འགྱུ་འགྲོ་དྲུག་རང་སྣང་ཡིན། །ནང་འགྱུ་ལྷ་ཡི་རྣལ་འབྱོར་ཡིན། གསང་འགྱུ་ཐིག་ལེ་སྣང་ཐོག་ཤར། །དངོས་གཞི་གཉིས་'''''[589.5]'''''པོ་མ་ཤེས་ན། །ལོང་བས་ལོང་བ་ཁྲིད་པ་འདྲ། །འཁྲུལ་གཞི་འཁྲུལ་པ་དངོས་པོ་གསུམ། །དེ་ཡི་ས་མཚམས་མ་ཤེས་ན། །རྒྱལ་བུ་རྐང་ནས་འ་ས་པ་འདྲ། །འཁོར་བ་འཁྲུལ་པ་ལྡོག་པ་གསུམ། །དེ་ཡི་གདམས་པ་'''''[589.6]'''''མ་ཤེས་ན། །དམུས་ལོང་བྱང་ཐང་ལུས་པ་འདྲ། །གཞི་དང་ཚིག་དང་དཔེ་ཐོག་ཤོར། །དེ་གསུམ་ངོ་ཡིས་མ་ཟིན་ན། །ཇོ་བོས་མ་འབ་ཁོལ་པོ་འདྲ། །སྣང་རྒྱ་རིག་རྒྱ་གདམས་པའི་རྒྱ། །རྒྱ་གསུམ་རང་ཤར་མ་ཤེས་''[590]'''[590.1]'''''ན། །ཁྱི་མོ་ནད་ཟན་བྱེད་པ་འདྲ། །ད་ལྟ་འཆི་ཀ་བར་དོ་གསུམ། །གདམས་པའི་རྩི་ཡིས་མ་ཐེབས་ན། ཁེང་གི་རང་ཐག་བསྐོར་བ་འདྲ། །གོ་བ་རྟོགས་པ་ཆོད་པ་གསུམ། །དེ་གསུམ་ཚད་དུ་མ་སྐྱོལ་ན། །མ་འཛད་'''''[590.2]'''''མེད་པར་གསེར་ཉོ་འདྲ། །བརྒྱུད་པ་གདམས་པ་ཉམས་དང་གསུམ། དེ་གསུམ་མེད་པར་སློབ་མ་བསྟན། །ཆུ་ཤིང་སྙིང་པོ་བཏོན་པ་འདྲ། །དབང་དང་ལག་ལེན་ཉམས་མྱོང་གསུམ། །དེ་གསུམ་མེད་པར་དབང་བསྐུར་'''''[590.3]'''''བ། །ནོང་བུས་རྒྱལ་ས་བཟུང་པ་འདྲ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། ངོ་སྤྲོད་གནད་ཀྱི་ལེའུ་སྟེ་ཉེར་གཅིག་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་'''''[590.4]'''''ཅིག །ངོ་སྤྲོད་བཞི་དང་དུས་བཞི་མཉམ་སྦྱོར་དང་། །སེམས་དང་ཡེ་ཤེས་དབྱེ་བ་དང་། །རིག་པའི་ཡེ་ཤེས་ངོ་སྤྲོད་པ། །འབྲིང་གི་གདམས་པ་ཡིན་པར་བཤད། །གསང་ལམ་བཞི་ཡི་ངོ་སྤྲོད་དང་། །འོད་གསལ་འཁོར་'''''[590.5]'''''ལོའི་གཟེར་གདབ་པ། །སྣང་བ་འོད་གསལ་འཁོར་ལོ་བསྐོར། །གནད་དང་ལོག་གནོན་ཤེས་པར་བྱ། །ཚོགས་དྲུག་འོད་གསལ་འཁོར་ལོ་བསྐོར། །ཚོགས་དྲུག་རང་གྲོལ་དབང་པོ་ཡིན། །འགྱུ་བ་འོད་གསལ་འཁོར་'''''[590.6]'''''ལོ་བསྐོར། གཟུང་འཛིན་དངས་པ་དབང་པོ་ཡིན། ཁྲེས་རབ་རིག་པའི་ངོ་སྤྲོད་བསྟན། །འཁོར་འདས་རུ་གཅོད་དབང་པོ་ཡིན། །ཡེ་ཤེས་དངོས་འཛིན་དབང་པོ་ནི། །ཡེ་ཤེས་སྤྱན་གྱིས་བྱེད་པ་ཡིན། །སྤྱན་གསུམ་''[591]'''[591.1]'''''དབང་བསྐུར་བྱེད་པ་ལ། །གནས་ཚལ་བཞུགས་ཚུལ་རྟོགས་ཚུལ་དང་། །བསྐུར་ཚུལ་འཆར་ཚུལ་གྲོལ་ཚུལ་གྱིས། །སྤྱན་གྱི་དབང་བསྐུར་ཐོབ་པ་ཡིན། །དྲུག་གསུམ་བཅོ་བརྒྱད་དག་གིས་མིག་ཕྱེ་'''''[591.2]'''''ནས། །ཆོས་དང་ཤེས་རབ་སྤྱན་གྱི་དབང་། །རང་དབང་རང་གིས་ཐོབ་པས་རྒྱལ་པོ་ཡིན། ཡེ་ཤེས་གསལ་འགྲིབ་མེད་པ་དེ། ཟབ་དང་འགགས་མེད་འགག་པ་མེད། །ཡེ་ཤེས་དབང་གི་བསྐུར་ཐབས་ཡིན། ཁྲེས་'''''[591.3]'''''རབ་ཐོགས་པ་མེད་པ་དེ། །མྱུར་དང་དྲག་དང་སྐད་ཅིག་ལ། །བཟུང་སྟེ་དབབ་དང་ཕྱིར་ལྡོག་པ། ཁྲེས་རབ་དབང་གི་བསྐུར་ཐབས་ཡིན། །ཆོས་ཉིད་རང་གྲོལ་མྱུར་བ་དེ། །མྱུར་དང་གསལ་དེ་སྐད་ཅིག་ལ། །ཆོས་ཀྱི་'''''[591.4]'''''དབང་གི་བསྐུར་ཐབས་ཡིན། །ཡེ་ཤེས་སྤྱན་གྱི་གནས་ཚུལ་དམིགས། །བཞུགས་ཚུལ་ཟང་ཐལ། །རབ་དང་འབྲིང་དང་ཐ་མ་གསུམ། །སྣང་བ་རྒྱ་ཡན་རིག་པ་རང་གྲོལ་དང་། །ཆོས་ཉིད་འོད་གསལ་ཆེན་པོ་'''''[591.5]'''''གསུམ། །དབྱེ་དུས་ཕྱེད་དུས་བྱེད་པའི་ཚད། །མ་ཕྱེད་སྐྱོན་ཡོན་འབྲས་བུ་རྣམས། །གདེང་ལྡན་བླ་མ་སློབ་མ་ཡིན། །འདི་འདྲ་རྒྱ་མཚོའི་ཕ་བོང་བཞིན། །བསྐལ་པ་ཞ་གས་ཀྱང་ཁར་འབྱུང་མིན། །རུས་སྦལ་གྲེ་བར་'''''[591.6]'''''ནོར་བུ་ཆུད་པ་བཞིན་དུ་སྡོམས། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། །དམར་ཁྲིད་དམར་བྱང་དང་། དོན་སྐོར་སངས་རྒྱས་ངོ་སྤྲོད་ཀྱི་ལེའུ་སྟེ་ཉེར་གཉིས་པའོ།། །།དེ་ནས་ཡང་བཀའ་སྩལ་''[592]'''[592.1]'''''པ། །གསང་བའི་བདག་པོ་ཁྱོད་ཉོན་ཅིག །འཆི་བ་འཆི་ལྟས་འཆི་རྩིས་སུ། །རླུད་དང་ཐིག་ལེ་རྩ་དང་གསུམ། །ནད་དང་གདོན་དང་རྣམ་སྨིན་གསུམ། །འབྱུང་བ་འཁྲུགས་པའི་ནད་ཡིན་ཏེ། །དཀར་ན་གྲང་བ་ཆུ་ཡི་'''''[592.2]'''''དུག །དམར་ན་ཚ་བ་མེ་ཡི་དུག །མཐིང་ན་བད་ཀན་ནམ་མཁའི་དུག། །སེར་ན་མཁྲིས་པ་ས་ཡི་དུག །ལྗང་ནག་འདུ་བ་རླུད་གི་དུག །དཀར་ན་ཆུ་ཡི་རླུད་ལ་རྒྱལ་པོའི་གདོན། །མཐིང་ནག་ནམ་མཁའི་རླུད་ལ་བདུད་'''''[592.3]'''''ཀྱི་གདོན། །དམར་ནག་མེ་ཡི་རླུད་ལ་བཙན་ཁམས་གདོན། །སེར་ནག་ས་ཡི་རླུད་ལ་དམུ་ཚོགས་གདོན། །ལྗང་ནག་རླུ་་གི་རླུད་ལ་སྣ་ཚོགས་འདྲེ་ཀུན་གདོན། །རྐང་མཐིལ་དུ་དཀར་ནག་ཡིནནམདྲོད་སྟོར་'''''[592.4]'''''ན། །དམྱལ་བར་འགྲོ་བའི་སྔ་ལྟས་ཡིན། །གསང་བར་པྲེ་དམར་དྲོད་སྟོར་ན། །ཡི་དྭགས་འགྲོ་བའི་སྔ་ལྟས་ཡིན། །ལྟེ་བར་སུ་མཟིང་དྲོད་སྟོར་ན། །བྱོལ་སོང་འགྲོ་བའི་སྔ་ལྟས་ཡིན། །སྙིང་གར་དྲི་སེར་དྲོད་སྟོར་'''''[592.5]'''''ན། །མི་རུ་འགྲོ་བའི་སྔ་ལྟས་ཡིན། །མགྲིན་པ་ཨ་ལྗང་དྲོད་སྟོར་ན། །ལྷ་མ་ཡིན་དུ་སྐྱེ་བའི་ལྔ་ལྟས་ཡིན། །སྤྱི་བོར་ཨ་ལྗང་དཀར་ཡིན་ནམ་དྲོད་སྟོར་ནས། །ལྷ་རུ་སྐྱེ་བའི་སྔ་ལྟས་ཡིན། །དེ་ཡང་དམྱལ་བ་ལ་སོགས་སྣང་'''''[592.6]'''''བ་བསྒྱུར། །མི་ལུས་ཐོབ་པའི་སྣང་བ་ཐམས་ཅད་བཤད། །དབང་པོ་རྒྱུ་ལྟར་འཁོར་བར་བྱེད། །རླུད་ནི་ལྔ་གསུམ་བཅོ་ལྔ་བརྟགས། །ཐིག་ལེ་མིག་གི་བ་ཐག་ཡལ། །བླ་རྩ་སྟོར་ན་འཆི་བར་བཤད། །གནམ་གྱིས་''[593]'''[593.1]'''''རེ་ཐག་ཆད་པ་དང་། །ཆོས་ཀྱི་དབྱིངས་ཀྱི་རྔ་སྒྲ་ཆད། །ཤེས་རབ་སྤྱན་གྱིས་ཤེས་པར་འགྱུར། །ཡེ་ཤེས་སྤྱན་གྱི་ཐིག་ལེ་ནུབ། །རྟ་མཆོག་སྔོན་པོའི་ག་ཕུར་སྟོར། །ཏི་ཚེ་གངས་ཀྱི་རླངས་པ་ཡལ། །གློག་'''''[593.2]'''''ལྕམ་དམར་པོའི་སྦྲང་རྩི་ཡལ། །རྒྱ་མཚོར་ཆུ་བྲན་ཐམས་ཅད་འདུས། །དབུས་ཀྱི་ཀ་བ་བཙན་ཆེན་འཆུས། ཁོལ་པོ་བཞི་པོ་ཀ་བཞིན་རེངས། །དཔག་བསམ་ཤིང་གི་མེ་ཏོག་ཡལ། །ཞེས་གསུངས་སོ། །ལྷ་རྒྱུད་རིན་པོ་'''''[593.3]'''''ཆེ་སྤུངས་པ་ལས འཆི་བ་འཆི་ལྟས་འཆི་རྩིས་དང་རྟགས་ཀྱི་ལེའུ་སྟེ་ཉེར་གསུམ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །འཆི་གའི་གདམས་པ་བསྟན་པ་ནི། །མཐུན་'''''[593.4]'''''པའི་དཔེ་དང་འགལ་བའི་རྐྱེན། །རྐྱེན་གཉིས་དག་གིས་འཆི་བ་ཡིན། །མཐུན་རྐྱེན་འདུ་དུས་འཆར་བའི་དུས། །གྲོལ་བའི་དུས་དང་རྣམ་པ་བཞི། །དབང་པོ་རབ་འབྲིང་ཐ་མ་གསུམ། །བར་དོ་ཡོད་དང་བར་དོ་'''''[593.5]'''''མེད། །རྒྱལ་ཐབས་སྤྱི་བླུག་ཚུལ་དུ་བསྟན། །བར་དོ་ཡོད་དང་འབྲིང་དང་ཐ་མ་གསུམ། །ཆོས་ཉིད་བར་དོ་འཁྲུལ་པ་ལྔ། །རང་རྐྱེན་མཐུན་པའི་གྲོགས་སུ་འཆར། །ཆོས་ཉིད་རང་སྣང་དོན་གྱི་མེ་ལོང་ཡིན། །མཐུན་'''''[593.6]'''''རྐྱེན་རང་སྣང་ངོ་སྤྲོད་བླ་མའི་གདམས་པར་འཆར། །དེ་ནི་རང་སྣང་རྐྱེན་དུ་འཆར་ཞེས་བྱ། །འགལ་རྐྱེན་འོད་ལ་ཆགས་སྡང་སྐྱེ། །དེ་ཡི་འབྲས་བུ་གཞན་རྐྱེན་འགྲོ་དྲུག་འཁྲུལ། །འཁོར་བ་རྣམ་བཞིར་འ་ས་པ་''[594]'''[594.1]'''''འགལ་རྐྱེན་ཡིན། །རྒྱུ་ལྟར་འཁོར་བ་མ་རིག་དུག་ལྔ་ཡིན། །ནག་པོ་ལྟར་འཁོར་ལས་ཀྱི་རྣམ་སྨིན་ཡིན། །དཀར་པོ་ལྟར་འཁོར་ལས་ཀྱི་འབྲས་བུ་ཡིན། །འབྲས་བུ་ལྟར་འཁོར་གྲགས་ཆེན་སངས་རྒྱས་ཡིན། །འཁོར་'''''[594.2]'''''བ་རྣམ་བཞི་སྲོག་གཅོད་སྣང་ཆེན་སངས་རྒྱས་ཡིན། །སྣང་བ་གཞན་དབང་མ་གྱུར་དབང་བསྐུར་རྒྱལ་པོ་ཡིན། །ཞེས་གསུངས་སོ། །དེ་ནས་ཡང་བཀའ་སྩལ་པ། །འཁོར་བ་རྣམ་བཞིའི་འབྲས་བུ་བསྟན་པ་'''''[594.3]'''''ནི། །རྒྱུ་ལྟར་འཁོར་བ་དང་པོའི་ལས་དང་ནི། །རྒྱུ་དང་རྐྱེན་གྱིས་འགྲོ་བ་དྲུག་སྐྱེས་སོ། །ལས་དང་འཕྲོ་དང་མཐུན་པའི་འབྲས་བུ་ནི། །ལས་ནི་དགེ་དང་མི་དགེ་ལུང་མ་བསྟན་གྱི་ལས། །དགེ་བའི་ལས་ལ་མཚན་'''''[594.4]'''''བཅས་མཚན་མེད་དོ། །མཚན་བཅས་རྣམ་པ་གཉིས་ཡིན་ཏེ། །འོག་མའི་དགེ་བ་བཅུ་པོ་དང་། །སྔགས་དང་ཡི་དམ་བསྒོམ་བཟླས་བྱ། །དེ་ནི་ལས་ཀྱི་རྣམ་གྲངས་ཡིན །བསྡུ་པ་དགེ་དང་མི་དགེ་གཉིས་སུ་འདུས། །དེ་'''''[594.5]'''''ཡང་ཆོས་དང་སྤྱོད་པ་ཡིན་པར་བཤད། །ལས་མེད་ལུས་མི་ལེན་པས་འཕྲོ་མེད་པ། །དེ་ནི་ཐིག་ལེ་ཆོས་མིན་ཡིན། །འོད་ལུས་ཡིད་ལུས་ཤ་ཁྲག་ལུས་དང་གསུམ། །འཁོར་བའི་ལུས་ལ་བསམ་མི་ཁྱབ། །བསྡུས་པས་'''''[594.6]'''''ལུས་ སུམ་ད ་པར་ ས་པ་ཡིན ལས་ང་ ་ ་འཕྲོ་ནི་བར་དོར་མཐུད མཐུད་པའི་འབྲས་བུ་ ནས་ བས་རང་སོར་ ར། །ཞེས་གསུངས་སོ། ། ་རྒྱུད་རིན་པོ་ཆེ་སྐྲུངས་པ་ལས། བར་དོ་བསྟན་པའི་ལེའུ་སྟེ་''[595]'''[595.1]'''''ཉེར་བཞི་པའོ།། །།དེ་ནས་ཡང་བཀའ་སྩལ་པ། གསང་བའི་བདག་པོ་ཉོན་ཅིག །མི་ལུས་ཆགས་ལུགས་བསྟན་པ་ནི། །སྐྱེ་བ་རྒས་པ་ན་བ་དང་། །འཆི་བ་དང་ནི་རྣམ་པ་བཞི། །སྐྱེ་བ་རྣམ་པ་ལྔ་'''''[595.2]'''''ཡིན་ཏེ། །མངལ་དང་སྒོ་ང་ལས་སྐྱེ་དང་། །དྲོད་ལས་སྐྱེ་དང་གཤེར་ལས་སྐྱེས། །རྫུས་ཏེ་སྐྱེ་བ་རྣམ་པ་ལྔ། །མངལ་ནས་སྐྱེ་བ་ཤ་ཁྲག་ལུས། །ཡིད་ལུས་འོད་ལུ་རྫུས་ནས་སྐྱེ། །དྲོད་གཤེར་སྐྱེ་བ་ཤ་ཁྲག་ལུས། །སྐྱེ་'''''[595.3]'''''བ་འབྱུང་བས་འཆི་བ་འབྱུང་། །དེ་ཡང་ལུས་ཀྱི་ཆགས་ལུགས་པ། །ཕོ་དང་མོ་དང་མ་ནིང་དང་། །ཕོ་མོ་རྒོད་དང་མ་ནིང་ཚན་པོ་ཆེ། །དེ་ཡང་ཇི་ལྟར་ཆགས་ཞེ་ན། །རྟེན་གྱི་གནད་ནི་རྩ་ཡིན་ཏེ། །དེ་ལྟར་རླུ་་ན་རླུད་'''''[595.4]'''''ཡིན་ནོ། །དེ་ལ་རྟེན་གྱི་རྩ་བསྟན་པ། །དང་པོ་གཞི་ལ་ལྷུན་གྱིས་གྲུབ། །ཕྲ་བའི་རྩ་དང་རླུང་དང་ནི། །རགས་པའི་རྩ་དང་རླུང་དང་གསུམ། །དེ་ནས་དངོས་པོའི་རྩར་འཁྲུལ་ཏེ། །དངོས་པོ་ཕ་མའི་ཐིག་ལེ་དཀར་དམར་'''''[595.5]'''''ཏེ། །རགས་པའི་རྩ་རུ་མཐོང་བ་ལས། །རགས་པ་རྩར་གྱུར་དངོས་པོར་སྨིན། །ཐིག་ལེ་རྩ་ཡི་རྒྱལ་པོ་དེ། །དེ་ལས་སྤུ་ཙམ་ཙར་གྱིས་བྱུང་། །རྐྱང་མ་ཞེས་བྱའི་རྩ་རུ་གྲགས། །དེ་ནས་ཡང་ཅིག་ཟླ་རུ་བྱུང་། །རོ་མ་ཞེས་'''''[595.6]'''''བྱ་གཉིས་སུ་བྱུང་། །དེ་ཡི་དབུས་སུ་གསུམ་དུ་བྱུང་། །དེ་གསུམ་འདུས་པས་སྙིང་དུ་བྱུང་། །ཨ་ཝ་རྙུ་ཏི་ཞེས་ཀྱང་བྱ། །དེ་ནས་སྤྲུལ་གནས་ལྟེ་བར་བྱུང་། །མ་ཡི་སྲོག་རྩ་ཡལ་ག་བུ་ཡི་ལྟེ་བར་འབྲེལ་ནས་གནས། །ལྟེ་''[596]'''[596.1]'''''བའི་རྩ་ནས་ཐམས་ཅད་སྐྱེད། །མས་ཟོས་བུ་ཡི་ལྟེ་བར་འཁོར། །དེ་ནས་ལུས་ལ་འཁོར་བས་ན། །ལྟེ་བ་སྤྲུལ་པའི་འཁོར་ལོ་ཡིན། །དེ་ནས་ཐུར་དུ་བྱུང་བ་ལ། །མ་ཡིས་ཟོས་པ་བུ་ལ་ཐིམ། །བུ་ཡས་ཟོས་པ་གསང་'''''[596.2]'''''སྒོར་འཁོར། །གསང་བའི་འཁོར་ལོ་ཞེས་ཀྱང་བརྗོད། །སྙིང་གར་ཕ་ཡི་ཐིག་ལེའི་རྩལ། །དམར་མོ་མ་ཡེ་ཤེས་རབ་རྩལ། །མཐིང་ག་རིག་པ་སེམས་ཀྱི་རྩལ། །དེ་ཡིས་ཐམས་ཅད་ཚང་བས་ན། །ཆོས་ཀྱི་འཁོར་ལོ་'''''[596.3]'''''ཞེས་ཀྱང་བྱ། །སྙིང་ལ་ཆོས་ཉིད་རྩ་ཡིས་བསྐོར། །ཞི་བ་ལ་སོགས་ཆོས་སྐུའི་རྟེན། །ཆོས་ཀྱི་འཁོར་ལོ་ཞེས་ཀྱང་བརྗོད། །འགྱུ་བ་མཛོད་སྤུར་འཁྱིལ་བའི་ལམ། །མགྲིན་པའི་རྩ་ལ་ལོངས་སྤྱོད་བྱེད། །ལོངས་སྤྱོད་'''''[596.4]'''''འཁོར་ལོ་ཞེས་ཀྱང་བྱ། །གསང་བའི་རྩ་ལ་ཐམས་ཅད་འདུས། །བདེ་བ་གསལ་བ་མི་རྟོག་པས། །ཆོས་ཀྱི་འཁོར་ལོ་ཞེས་ཀྱང་བྱ། །མཛོད་སྐྲུར་ཡེ་ཤེས་རྩ་གནས་པ། །རྟེན་གྱི་འབྱུང་གནས་ཞེས་བྱའོ། །རོ་མ་རྐྱང་མ་'''''[596.5]'''''གཉིས་པོའི་ཁ། །སྣ་ལ་ཟུག་པས་ཕོ་ཡི་རྟེན། །གསང་བར་ཟུག་པས་མོ་ཡི་རྟེན། །ཡར་མར་སྣོལ་མར་འབྱུང་བ་ནི། །མ་ནིང་ཞེས་སུ་བཤད་པ་ཡིན། ཁ་ལ་གང་འགྲིབ་འཕེལ་བ་ནི། །ཕོ་མོ་རྒོད་ཅེས་འགྱུར་པ་ཡིན'''''[596.6]'''''ཁ་གཉིས་ཟུམ་ནས་མ་ཕྱེད་པས། །མ་ནིང་ཚན་པོ་ཆེ་ཞེས་བརྗོད། །དེ་ལྟར་སྤྱོད་པ་རླུང་ཡིན་ནོ། །ཕོ་རླུད་དྲག་ལ་མོ་རླུད་དལ། །དལ་བར་རྒྱུ་བས་ཐུར་དུ་བྱུང་། །དྲག་པར་རྒྱུ་བས་གྱེན་དུ་བྱུང་། །ལུང་དུ་མ་བསྟན་རླུད་''[597]'''[597.1]'''''དག་ལས། །ཕོ་མོ་རྒོད་དང་མ་ནིང་ཚན་པོ་ཆེ། །དེ་ལྟར་གྲུབ་པར་ཤེས་པར་བྱའོ། །དེ་ནས་རུས་པའི་གནད་བསྟན་པ། །མཛོད་སྐྲུའི་རྟེན་དུ་སྨིན་རུས་ཆགས། །དེ་ལས་གྱེས་པས་དཔྲལ་རུས་བྱུང་། །དེ་'''''[597.2]'''''ལས་མུར་གོང་རུས་པ་བྱུང་། །དེ་ལས་ཟ་བའི་ཟ་འགྲམ་བྱུང་། །དེ་ནས་ཡ་ཐོད་མ་ཐོད་བྱུང་། །དེ་གཉིས་འབྲེལ་པས་རུས་སྲུབ་བྱུང་། །སྙིང་དང་འབྲེལ་བས་སྲོག་རུས་ཆགས། །དེ་རྣམས་འཚོགས་པས་སོག་པ་'''''[597.3]'''''ཆགས། །དེ་རྣམས་ཚིགས་སུ་བཅད་པས་ཚིགས་པ་ཆགས། །རུས་པ་ཐམས་ཅད་ཁྱབ་པས་རྩིབ་མ་ཆགས། །རུས་པས་ལུས་ཀྱི་སྟོབས་སྐྱེད་བརླ་རུས་ཆགས། །དེ་རྣམས་མ་འགགས་པ་སྐྱོད་པས་རྐང་ལག་ཡིན། །དེ་'''''[597.4]'''''ནས་མཇུག་རུས་འཕོང་རུས་ཆགས། །དེ་ནས་གཞུག་གུ་ཆུང་དུ་ཆགས། །དེ་ནི་རུས་པའི་ཆགས་ལུགས་རྫོགས། །དེ་ནི་ཤ་ཡི་ཆགས་ལུགས་སྟོན། །སྨིན་མ་པགས་པའི་ཤ་ཡང་སྨིན། །དང་པོ་དེ་ལ་སྨིན་པས་སྨིན་མ་'''''[597.5]'''''ཡིན། །དེ་བཞིན་རིམ་གྱིས་ཆ་མཉམ་མོ། །དེ་ལ་རྩ་ཡི་མཚན་ཉིད་ཀྱང་། །རྩ་བ་གཅིག་ཏུ་འདུས་པ་ཡིན། །གཅིག་པོ་རང་འབྱུང་གནས་པའི་རྩ། །དེ་ལས་གྱེས་པའི་ཕོ་རྩ་དང་། མོ་རྩ་དང་ནི་ཡེ་ཤེས་རྩ། །མ་ནིང་ཕོ་མོ་'''''[597.6]'''''རྒོད་དང་ནི། །མནིངཚནཔོཆེཡིརྩདང་གསུམ། །དེ་ལས་གྱེས་པས་འཁོར་ལོ་ལྔ། །དེ་ལ་བརྒྱ་དང་རྩ་བཞི་ཡོད། །དེ་ལས་གྱེས་པའི་རྩ་རྣམས་ནི། །སྟོད་ན་བརྒྱད་ཁྲི་བཞི་སྟོང་ཡོད། །སྨད་ནས་བརྒྱད་ཁྲི་བཞི་་ང་''[598]'''[598.1]'''''ཡོད། །དེ་ལས་གྱེས་པས་བསམ་མི་ཁྱབ། །དཔེར་ན་ཁ་ཤོ་བ་ཡི་ལོ་མ་འདྲ། །དཔེར་ན་ཤ་མོའི་སུལ་བཞིན་ནོ། །རླུད་དང་ཐིག་ལེ་ཡང་ནི་དེ་དང་འདྲ། །རྩ་དང་ཁྲག་དང་དྲོད་དང་རླུད་། ་་དང་ས་རྣམས་བརྟེན་པས་'''''[598.2]'''''ན། །བརྟེན་པ་རྩ་ཞེས་བརྗོད་པ་ཡིན། །དེ་ལ་འབྱུང་བ་བརྟེན་པས་ན། །འབྱུང་བའི་ནད་རྣམས་འཁྲུགས་ནས་ནི། །དེ་ལས་བགེགས་རྟེན་གདོན་དུ་ཆེ། །དེ་ལ་དབུགས་རྟེན་ཆད་པས་འཆི། །འབྱུང་བ་ཆ་མ་སྙོམས་པས་'''''[598.3]'''''འཕེལ་འགྲིབ་འབྱུང་། །དེ་ལས་རྒས་ཤིང་འཁོགས་པ་འབྱུང་བར་འགྱུར། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། །ལུས་ཀྱི་མན་ངག་བསྟན་པའི་ལེའུ་སྟེ་ཉེར་ལྔ་པའོ།། །།དེ་ནས་ཡང་'''''[598.4]'''''བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །ཕྱི་རྩ་ལུས་ལ་གནས་པ་ནི། ཁ་ཤོའི་ལོ་མ་འདྲ་སྟེ་སྤེལ་བར་གནས། །དེ་ལ་བཤད་ན་བསམ་མི་ཁྱབ། །ནང་རྩ་རུས་པ་དག་ལ་གནས། །དེ་ནི་གསེར་གྱི་མེ་ཏོག་'''''[598.5]'''''འདྲ་སྟེ་ཡོན་ཏན་རྒྱས། །གསང་རྩ་སྙིང་ལ་གནས་ཏེ་འཁོར་ལོ་འདྲ། །དེ་འདྲ་སྐྱོན་ཡོན་འབྱེད་པའི་རྩ། །གདམས་པའི་རྩ་ནི་རྣ་བ་མིག་ལ་གནས། །གནད་ཀྱི་མན་ངག་རབ་ཏུ་གཅེས། །ཚད་མས་འཇལ་བའི་སྲང་དང་'''''[598.6]'''''གྲུབ་མཐའ་སྐྱོང་བའི་སྲང་། །ལག་ཕྲད་བྱེད་པའི་སྲང་དང་གསུམ་དུ་འདུས། །ཚད་མས་འཇལ་བའི་སྲང་ནི་བརྒྱུད་པ་ཡིན། ཁུབ་མཐའ་སྐྱོང་བའི་སྲང་ནི་འབྲས་བུ་ཡིན། །ལག་ཕྲད་བྱེད་པའི་སྲང་ནི་གདམས་པ་''[599]'''[599.1]'''''ཡིན། །སྣང་བ་དབང་དུ་འདུས་པས་རིག་པ་གཅེར་བུར་ཐོན། །རིག་པ་དབང་དུ་འདུས་པས་སངས་རྒྱས་ཡུལ་མེད་མཐོང་། །རང་གྲོལ་དབང་དུ་འདུས་པས་ཆོས་མིན་ཚད་ལས་གྲོལ། །བརྒྱུད་པ་ཚད་'''''[599.2]'''''དང་མི་ལྡན་ན། །གནད་མེད་ཕྱི་བ་རྐོ་བ་འདྲ། །གདམས་པ་ཚད་དང་མི་ལྡན་ན། ཁུས་མེད་ཚོན་སྐྱོང་མེད་པ་འདྲ། །བཀའ་རྒྱུད་ཚད་དང་མི་ལྡན་ན། །བེའུ་ཐག་སྦྲེལ་ནས་ལྷུང་བ་འདྲ། །བྱིན་རྒྱུད་ཚད་དང་མི་ལྡན་'''''[599.3]'''''ན། །གྲོག་པོ་སྐམ་པོར་ཉ་བསྒུག་འདྲ། །སྙན་བརྒྱུད་ཚད་དང་མི་ལྡན་ན། །སྒ་་ང་རུལ་པ་གནོད་པ་འདྲ། །ཐུགས་རྒྱུད་ཚད་དང་མི་ལྡན་ན། །རྨིག་པའི་ཚང་ནས་ཆུ་འཚོལ་འདྲ། །ཉམས་མྱོང་ཚད་དང་མི་ལྡན་ན། །སྨྱོན་'''''[599.4]'''''པའི་ལག་ཏུ་མདུང་བསྐུར་འདྲ། །དེ་རྣམས་ཚད་དང་ལྡན་པ་ནི། །ནོར་བུ་རིན་ཆེན་འཆང་བ་འདྲ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། རྩ་དང་ཚད་མའི་ལེའུ་སྟེ་ཉེར་དྲུག་པའོ།། །།དེ་ནས་ཡང་'''''[599.5]'''''བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །བྱིན་རྒྱུད་ཚད་དང་ལྡན་པ་ནི། །མཁའ་འགྲོ་མ་ནི་རབ་གན་ཏེ། །རང་བཞིན་ངོ་བོ་སྤྲུལ་པ་གསུམ། །རང་བཞིན་མཁའ་འགྲོ་རྣམ་པ་ལྔ། །རྡོ་རྗེ་མཁའ་འགྲོ་'''''[599.6]'''''རིན་ཆེན་དང་། །པདྨའི་མཁའ་འགྲོ་ལས་འགྲོ་དང་། །དེ་བཞིན་རིགས་ཀྱི་མཁའ་འགྲོ་དང་། །རྣམ་པ་ལྔ་རུ་ཤེས་པར་བྱ། །ངོ་བོའི་མཁའ་འགྲོ་རྣམ་པ་གསུམ། །འབྱུང་བ་རྣམ་ལྔའི་མཁའ་འགྲོ་ལྔ། །དབྱིངས་ཀྱི་མཁའ་''[600]'''[600.1]'''''འགྲོ་རྣམ་ལྔ་ཡིན། །འབྱུང་བ་ལུས་ཀྱི་མཁའ་འགྲོ་ལྔ། །དམ་ཚིག་དྲི་སྣོམ་མཁའ་འགྲོ་ཡིན། །རྣམ་ཤེས་སྒོ་ལྔ་མཁའ་འགྲོ་ལྔ། །ལུས་ཀྱི་མཁའ་འགྲོ་རྣམ་ལྔ་ཡིན། །སྤྲུལ་པའི་མཁའ་འགྲོ་རྣམ་པ་གསུམ། །ཀུན་གཞི་ཡེ་'''''[600.2]'''''ཤེས་མཁའ་འགྲོ་ཡིན། །ཡིད་ནི་རྡོ་རྗེའི་མཁའ་འགྲོ་ཡིན། །རྣམ་ཤེས་ཤ་ཟ་མཁའ་འགྲོ་ཡིན། །རྣ་བ་མཁའ་འགྲོ་གློག་ཕྲེང་མ། །མིག་གཡོན་ཉི་མའི་འོད་ཟེར་ཅན། །མིག་གཡས་ཟླ་བའི་འོད་ཟེར་ཅན། །ལྕེ་ནི་མཁའ་'''''[600.3]'''''འགྲོ་མཚོ་སྐྱེས་མ། །སྣ་ནི་མཁའ་འགྲོ་དྲི་མ་མེད། །ལུས་ནི་མཁའ་འགྲོ་དུང་སྐྱོང་མ། །དེ་ནི་མཁའ་འགྲོའི་བརྒྱུད་པ་ཡིན། །མཁའ་འགྲོའི་བྱིན་རྒྱུད་བསྟན་པ་ནི། །མཁའ་ནི་རིག་པའི་སྣང་བའོ། །འགྲོ་བ་འགྱུ་'''''[600.4]'''''བ་ཐོགས་མེད་དོ། །དེ་གཉིས་འདུས་པའི་དབང་བསྐུར་བས། །བྱིན་རླབས་ཕྱོགས་རིས་མེད་པར་འཆར། །བྱིན་རླབས་ནང་ནས་ཤར་ཙམ་ན། །ཉམས་མྱོང་ཚད་ལྡན་སྐྱེ་བ་ཡིན། །ཉམས་མྱོང་ཡེ་ཤེས་རང་ཤར་'''''[600.5]'''''བས། །ཡེ་ཤེས་ཚད་དང་ལྡན་པས་ན། །སངས་ལ་མི་རྒྱའི་རང་དབང་མེད། །སངས་རྒྱས་ས་ལ་གྲོལ་ཙམ་ན། །ཐུགས་རྗེ་མི་འབྱུང་རང་དབང་མེད། །ཐུགས་རྗེ་ཕྱོགས་མེད་ཤར་ཙམ་ན། །བྱིན་རླབས་མི་འཇུག་རང་'''''[600.6]'''''དབང་མེད། །ཅེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། མཁའ་འགྲོ་མ་དབང་བསྐུར་བའི་ལེའུ་སྟེ་ཉེར་བདུན་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །ཐེག་''[601]'''[601.1]'''''པའི་ཁྱད་པར་བསྟན་པ་ནི། །ཉན་ཐོས་འབྲས་བུ་དགྲ་བཅོམ་པ། །བསྐལ་པ་གྲངས་མེད་བདུན་ན་འདོད། །དུག་ལྔ་དགྲ་བཞིན་སྤང་བ་ཡིན། །ཐེག་ཆེན་དབུ་མ་སྟོང་པར་འདོད། །གཅིག་དང་དུ་བྲལ་'''''[601.2]'''''ལ་སོགས་པ། །གཏན་ཚིགས་གཞིག་ནས་སྟོང་པར་འདོད། །དེ་ཡང་དུག་དང་སྦྱོར་བ་ཡིན། ཁྲེས་རབ་ཕ་རོལ་ཕྱིན་ལ་སོགས། །མདོ་རྒྱུད་སྔགས་ཀྱི་ཁྱད་པར་གང་། །མདོ་རྒྱུད་དབང་གི་གདམས་པ་མེད། །སྔགས་'''''[601.3]'''''ལ་རྣམ་པ་གཉིས་ཡིན་ཏེ། །ཕྱི་པ་དང་ནི་ནང་པའོ། །ཕྱི་པའི་དབང་ལས་ནང་པའི་དབང་། །ཕན་པའི་དབང་བཅུ་ཁྱད་པར་འཕགས། །ནང་གི་རྒྱུད་ནི་དབང་ལྔ་དང་། །བདུད་རྩི་ལྔ་ཡིས་ཁྱད་པར་འཕགས། །དེ་'''''[601.4]'''''བས་རྫོགས་ཆེན་ཁྱད་པར་ཆེ། །སྔགས་ནི་བསྒྲུབ་བསྒྱུར་འབྲས་བུར་འདོད། །རྫོགས་ཆེན་རྟོགས་པས་སངས་རྒྱས་པ། །ཚིག་དབང་གཅིག་གིས་རྟོགས་པར་འདོད། །དབང་བསྐུར་རྫོགས་པ་དབང་ལྔ་ཡིན། །དེ་ནི་'''''[601.5]'''''འོག་མ་རྣམས་ལ་མེད། །མཆོད་པ་རྣམ་ལྔ་ལྟ་སྒོམ་པ། །དེ་ནི་ཀྲི་ཡ་ཡིན་པར་འདོད། །མཆོད་པ་རྣམ་ལྔ་སྐུ་ལྔ་བསྒོམ། །དེ་ནི་ཡོ་ག་ཡིན་པར་འདོད། །བདུད་རྩི་ལྔ་མཆོད་རིགས་ལྔ་བསྒྲུབ། །དེ་ནི་མ་ཧྭ་ཨ་ནུར་'''''[601.6]'''''འདོད། །གསང་སྔགས་དབང་གིས་ཁྱད་པར་འཕགས། །རྫོགསཆེནཐམསཅདཆོས་སྐུར་རྟོགས། །རིག་པ་རྩལ་གྱིདབངཆེནཐོབ། །དེས་ནཁྱད་པར་རབ་ཏུ་ཆེ། །སྙན་བརྒྱུདརིནཆེནསྦྱངསཔའདི། །ཐམས་''[602]'''[602.1]'''''ཅད་ངོ་སྤྲོད་པ་ལ་འགོད། །དུས་བཞི་མཉམ་སྦྱོར་ཁྱད་པར་ཆེ། །གཞི་ལས་གྲོལ་བས་ཁྱད་པར་འཕགས། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། །ཐེག་པའི་ཁྱད་པར་མཚོན་པའི་ལེའུ་སྟེ་ཉེར་བརྒྱད་'''''[602.2]'''''པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །རྫོགས་པའི་རྫོགས་ལུགས་བསྟན་པ་ནི། །ཉོན་མོངས་དུག་ལྔའི་དགྲ་བཅོམ་ནས། །འདས་པ་ལྔ་རུ་གྲོལ་བས་ན། །ཉན་ཐོས་'''''[602.3]'''''གྲུབ་མཐའི་འབྲས་བུ་རྫོགས། །ངོ་བོ་གསལ་བས་སེམས་ཙམ་རྫོགས། །རང་བཞིན་སྟོང་པས་དབུ་མ་རྫོགས། །འདས་པ་གསུམ་གྱིས་ཀྲི་ཡ་རྫོགས། །སྐུ་ལྔ་རིགས་ལྔ་དབྱིངས་དང་ཡེ་ཤེས་ཀྱིས། །ཡོ་ག་མ་ཧྭ་ཨ་'''''[602.4]'''''ནུའི་ཐེག་པ་རྫོགསཔ། །འདས་པ་ལྔ་ཡིས་ཐམས་ཅད་ཁྱབ། །རྫོགས་པ་ཆེན་པོའི་ལྟ་བ་རྫོགས། །ཕྱོགས་སུ་མ་ལྷུང་རྒྱ་མ་ཆད། །མཚན་མ་རང་སར་གྲོལ་བ་ནི། །སྙན་བརྒྱུད་བྱིན་རྒྱུད་གྲུབ་མཐའ་རྫོགས། །ལྟ་'''''[602.5]'''''སྒོམ་སྤྱོད་པ་འབྲས་བུ་རྫོགས། །ཡེ་ཤེས་ལྔ་དང་སྐུ་ལྔ་རྫོགས། །འགྲོ་བ་རིགས་དྲུག་མུ་སྟེགས་རྟག་ཆད་རྫོགས། །འགག་པ་མེད་པའི་ཤེས་རབ་རང་བྱུང་བས། །མཚན་མ་སྣ་ཚོགས་དག་པའི་ཞིང་དུ་སངས། །ཆོས་'''''[602.6]'''''མིན་འབྱེད་པ་མེད་པའི་ཀློང་དུ་རྒྱས། །མ་བསྒྲིབས་ཡོངས་ལ་གསལ་བས་ན། །ཅིར་ཡང་མི་འགག་ཕྱོགས་རིས་མི་མངའ་བས། །ཐམས་ཅད་མ་ལུས་ལུས་མེད་རང་སྣང་ཡིན། ཁེས་རབ་ཡོངས་གཅོད་མ་འགགས་''[603]'''[603.1]'''''༄༅ པས ངེས་པའི་ཚིག་ནི་མཁྱེན་པའི་ཡེ་ཤེས་ཡིན། །དབྱེ་བ་ཕྱི་ནང་གསང་བ་ཡང་གསང་ཡིན། ཁྲེས་རབ་ལྡང་ཚད་ཆོས་ཀུན་རང་གྲོལ་ཡིན། །ལུབ་ཆུབ་ཡེ་ཤེས་ཤེས་པས་ཤེས་རབ་ཡིན། །རང་སྣང་'''''[603.2]'''''རང་འབྱུང་ཤེས་པས་སྤྱིན་པ་རྫོགས། །རིག་པ་རང་གྲོལ་ཤེས་པས་ཚུལ་ཁྲིམས་རྫོགས། །གཉིས་མེད་ཟང་ཐལ་ཤར་བས་བཟོད་པ་རྫོགས །ཆོས་མིན་ཟང་ཐལ་ཤར་བས་བརྩོན་འགྲུས་རྫོགས། །ཐམས་ཅད་ཐིག་'''''[603.3]'''''ལེར་ཤར་བས་བསམ་གཏན་རྫོགས། །སྣང་སྲིད་ལྷག་མཐོང་ཤར་བས་ཤེས་རབ་རྫོགས། །ཆོས་སྐུ་རང་ལ་ཤར་བས་ཐབས་ཆེན་རྫོགས། །མཚན་མ་རང་གྲོལ་སྟོབས་ཀྱང་རྫོགས། །སྣང་བ་རྒྱ་ཡན་སྨོན་ལམ་'''''[603.4]'''''རྫོགས། །འདུ་འབྲལ་མེད་པས་ཡེ་ཤེས་རྫོགས། །འོད་ལྔ་འབྱུང་བས་རིན་ཆེན་སྣ་ལྔ་རྫོགས། །རྫོགས་པའི་གདམས་ངག་མ་ཤེས་ན། །བོང་བུས་སེང་ལྤགས་གོན་པ་འདྲ། ཞེས་གསུངས་སོ། །ལྷ་རྒྱུད་རིན་པོ་ཆེ་'''''[603.5]'''''སྤུངས་པ་ལས། རྫོགས་ལུགས་ཀྱི་ངོ་སྤྲོད་དབང་བསྐུར་ཆེན་པོའི་ལེའུ་སྟེ་ཉེར་དགུ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །དེ་ནི་སྤྱི་ཡི་མཚན་ཉིད་ཡིན། །རང་གི་མཚན་'''''[603.6]'''''ཉིད་འདི་ལྟ་སྟེ། །མིག་ནི་ཡུལ་ལས་འདས་པར་རྫོགས། །རྣ་བ་སྐུ་ལས་འདས་པར་རྫོགས། །ལྕེ་ནི་གཉིས་མེད་འདས་པར་རྫོགས། །སྣ་ནི་ཡེ་ཤེས་ཟང་ཐལ་རྫོགས། །འོག་སྒོ་གཞི་ལས་འདས་པར་རྫོགས། །ཚོགས''[604]'''[604.1]'''''བརྒྱད་ཐིག་ལེ་ཡེ་ཤེས་བརྒྱད་དུ་རྫོགས། །ཕུང་པོ་ལྔ་ནི་འདས་པ་ལྔ་རུ་རྫོགས། །དུག་ལྔ་ཁོང་ཁྲོ་འདས་པ་ལྔ་རུ་རྫོགས། །འབྱུང་ལྔ་ཤ་ཁྲག་དྲོད་སེམས་དབུགས། །འདས་པ་ལྔ་རུ་རྫོགས་པས་དབང་ཆེན་ཐོབ། །སྙིང་'''''[604.2]'''''སྟོད་སྐུ་ལས་འདས་པར་རྫོགས། །དབུས་ནི་ཡུལ་ལས་འདས་པར་རྫོགས། །སྨད་ནི་གཉིས་མེད་འདས་པར་རྫོགས། །བུབ་རིལ་ཆོས་ལས་འདས་པར་རྫོགས། །རྩ་རྣམས་ཐམས་ཅད་མཁྱེན་པར་རྫོགས། །ཟུར་'''''[604.3]'''''བརྒྱད་ཡེ་ཤེས་བརྒྱད་དུ་རྫོགས། །ཐེལ་བརྒྱད་ཐིག་ལེ་བརྒྱད་དུ་རྫོགས། ཁྲེལ་གྱི་སྦུ་གུ་ཐུགས་རྗེའི་རོལ་པར་རྫོགས། །ངོ་བོ་སྐུ་ལས་འདས་པར་རྫོགས། །རང་བཞིན་ཡུལ་ལས་འདས་པར་རྫོགས། །ཐུགས་རྗེ་'''''[604.4]'''''གཉིས་མེད་འདས་པར་རྫོགས། །ཡོན་ཏན་ཡེ་ཤེས་ཟང་ཐལ་རྫོགས། །ཕྲིན་ལས་ཐམས་ཅད་མཁྱེན་པར་རྫོགས། །ས་རྣམས་མ་ལུས་བགྲོད་མེད་རྫོགས། །སྣང་བ་འོད་གསལ་ཕྱི་ཡི་ཚོགས་ལམ་རྫོགས། །ཚོགས་'''''[604.5]'''''དྲུག་རང་གྲོལ་ནང་གི་ཚོགས་ལམ་རྫོགས། །འགྱུ་བ་ལམ་ཁྱེར་གསང་བའི་ཚོགས་ལམ་རྫོགས། །སྣང་རིག་དབྱེར་མེད་ཤར་བས་སྦྱོར་ལམ་རྫོགས། །ཡེ་ཤེས་ཟང་ཐལ་ཤར་བས་མཐོང་ལམ་རྫོགས། །གཉིས་མེད་'''''[604.6]'''''ཟང་ཐལ་ཤར་བས་བསྒོམ་ལམ་རྫོགས། །ཐམསཅདམཚན་མ་རང་སར་གྲོལ། །མཐར་ཕྱིན་ལམ་ནི་རྫོགས་པའོ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། དབང་རྫོགས་རང་ཆས་སུ་བསྟན་པའི་ལེའུ་''[605]'''[605.1]'''''སྟེ་སུམ་ཅུ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །གཞི་དང་ལམ་དང་འབྲས་བུ་རྣམས། །དེ་ཡི་ངོ་སྤྲོད་བསྟན་པར་བྱ། །ཉན་ཐོས་དུག་ལྔ་སྤངས་ལམ་'''''[605.2]'''''ཡིན། །བྱང་ཆུབ་སེམས་དཔའ་སྤྱོད་ལམ་ཡིན། །སྔགས་ཀྱི་ཐེག་པ་བསྒྱུར་ལམ་ཡིན། །རྫོགས་ཆེན་གཞི་ལམ་དབྱེར་མེད་ཡིན། །བཀའ་རྒྱུད་གཞི་ལམ་རང་གྲོལ་ཡིན། །ཐུགས་རྗེ་བཀྲག་མདངས་ཉི་མ་འབུམ་གྱི་'''''[605.3]'''''གཟི། །བདག་བློ་འཁྲུལ་པའི་བློ་ཡི་མུན་པ་བསལ། ཐུགས་རྗེ་སྤྱན་ཅན་ཡེ་ཤེས་ཁོང་ནས་ཤར། །འཁོར་བ་རྣམ་བཞིའི་སྲོག་བཅད་པས། །ཐིག་ལེ་ཡེ་ཤེས་ཟང་ཐལ་ཐོབ། །གཞི་དང་རྒྱུད་དང་ལམ་དང་འབྲས་བུ་'''''[605.4]'''''ཆོད། །སད་པ་བཞི་དང་བདུད་བཞི་ཆོམས་པ་ཡིན། །ཡེ་ཤེས་ཉི་མ་ཐུགས་ཀྱི་ཀློང་ལས་ཤར། །སྐུ་བཞི་རང་སར་གྲོལ་བས་བདུད་བཞིའི་སྒྲིབ་པ་དག །འོད་ལྔ་ལམ་དུ་ཤར་བས་འཁོར་བའི་རྩ་བ་སྨིན། ཁམས་'''''[605.5]'''''གསུམ་རྩ་བ་ཆོད་པས་སྲིད་གསུམ་རྩེ་ནས་འགྱེལ། །གཞི་དང་འོད་སྣང་བར་ན་གཉིས་མེད་ཤར་བས་ཡོན་ཏན་ཡེ་ཤེས་ལྔ། །ཡིད་དང་འགྱུ་བ་འོད་དང་གསུམ། །རང་བྱུང་རང་ལ་ཤར་བས་སྐུ་གསུམ་ལམ་དུ་'''''[605.6]'''''བསླང་། །འབྱུང་ལྔ་རང་བྱུང་འོད་ལས་གྲོལ་བ་ན། །ལྔ་ལྡན་ཡེ་ཤེས་མིག་གཅིག་དྲི་མ་མེད། །ཐུགས་རྗེ་བྱིན་རླབས་མཁའ་ལ་ཉི་ཤར་འདྲ། །བསྐལ་པ་བར་པའི་སངས་རྒྱས་འོད་སྲུངས་དང་། །ཐོག་མའི་སངས་རྒྱས་''[606]'''[606.1]'''''འོད་དཔག་མེད་པ་དང་། །ཐ་མའི་སངས་རྒྱས་མར་མེ་མཛད་དང་གསུམ། །བཀའ་བགྲོས་རྒྱུད་དུ་བྱིན་བརླབས་ནས། །སངས་རྒྱས་བཀའ་བགྲོས་རྒྱུད་ཅེས་བྱ། །གཞི་ཡི་ཆོས་ལྔ་ལྷུན་གྲུབ་ཡིན། །དེ་མ་ཤེས་པས་'''''[606.2]'''''འཁྲུལ་པ་ཡིན། །ལམ་གྱི་འོད་ལྔ་རང་སྣང་ཡིན། །དེ་མ་ཤེས་པས་འཁོར་བ་ཡིན། །འབྲས་བུ་འཁོར་བ་རྣམ་བཞི་ཡིན། །དེ་མ་ཤེས་པས་དངོས་པོ་ཡིན། །གཞི་ཤེས་པས་ནི་གྲོལ་པ་དེ། །ཐམས་ཅད་མཁྱེན་པ་ཐོབ་པ་'''''[606.3]'''''ཡིན། །ལམ་ཤེས་པས་ནི་རང་བྱུང་བ། །འཁོར་བའི་གཡང་ས་ཆོད་པ་ཡིན། །འབྲས་བུ་འདས་པ་སྔར་གྲོལ་བས། །འཁོར་བའི་འབྲས་བུ་ཆོད་པ་ཡིན། །ཡེ་ཤེས་སྤྱན་གསུམ་གཅིག་ཏུ་དྲིལ། སངས་རྒྱས་སྤྱན་ཞེས་རབ་'''''[606.4]'''''ཏུ་བརྗོད། །སངས་རྒྱས་ཀུན་གྱི་དགོངས་པ་ནི། །གོས་དཀར་མོ་ཞེས་བརྗོད་པ་ཡིན། །དགོངས་པ་ཕྱོགས་མེད་ཁྱབ་པ་ཡིན། །ནམ་མཁའི་དབྱིངས་ཕྱུག་མ་ཞེས་བརྗོད། །ཐུགས་རྗེའི་རླན་དང་མི་འབྲལ་བས། །མུ་མ་'''''[606.5]'''''ཀི་ཞེས་རབ་ཏུ་བརྗོད། །ཐུགས་རྗེ་ཀུན་ལ་སྙོམས་པར་འཆར། །དམ་ཚིག་སྒྲོལ་མ་ཞེས་བྱའོ། །ཐིག་ལེའི་རང་བཞིན་ཤེས་རབ་སྙིང་རྗེ་སྟེ། །ཕྱི་ཡི་ཁྱད་པར་ཐེག་པ་ཆེ་ཆུང་བསྟན། །འོག་མ་རྣམས་ནི་རང་དོན་སྤྱོད་པ་'''''[606.6]'''''ཡིན། །སྔགས་ཀྱི་ཐེག་པ་གཉིས་ཀ་སྤྱོད་པ་ཡིན། །རྫོགསཔཆེནཔོདབྱེབམེད་པ་ཡིན། །བཀའ་རྒྱུད་འདི་ནི་བདག་དོན་གཞན་དོན་གཉིས། །རང་གྲོལ་དབང་པོའི་ཁྱད་པར་སྟོན་པ་ཡིན། །ཐབས་དང་ཤེས་རབ་''[607]'''[607.1]'''''ཉན་ཐོས་ཉིད་དུ་ལྟུང་། །སྙིང་རྗེ་དང་ནི་ཤེས་རབ་ཀྱིས། །འགྲོ་དོན་མ་ལུས་བྱེད་པ་པོ། །སྙིང་རྗེ་ཆེན་པོ་ཅིར་མི་མཛད། །ཆེ་བའི་ཡེ་ཤེས་རྙེད་དཀའ་བ། ཁེས་རབ་ཐབས་ཀྱིས་འགྲོ་དོན་བྱེད། །གྲོལ་'''''[607.2]'''''ནས་གྲོལ་བའི་ལམ་ཡང་སྟོན། །ལམ་རྣམས་ཀུན་གྱི་མཆོག་ཏུ་བཤད། །ཐུན་མོང་ཁྱད་པར་མཆོག་དང་གསུམ། །ལོག་ལྟ་མ་དད་ལེ་ལོ་དང་། །མ་རིག་པ་དེ་ལམ་དུ་སློང་། །ངོ་སྤྲོད་སངས་རྒྱས་ས་ལ་འགོད། །ལམ་གྱི་'''''[607.3]'''''མཆོག་ཅེས་བྱ་བའོ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། ངོ་སྤྲོད་ཀྱི་ལྟ་བསྒོམ་ལས་གྲོལ་བའི་ལེའུ་སྟེ་སོ་གཅིག་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་'''''[607.4]'''''ཅིག །རྩ་དང་རླུད་དང་ཐིག་ལེ་དང་། །ཡེ་ཤེས་རྣམ་པ་བཞི་རུ་འདུས། །ཐུན་མོང་ཁྱད་པར་མཆོག་དང་གསུམ། །ཐུན་མོང་འཁོར་ལོ་ལྔ་ལ་གནས། །བརྒྱ་དང་ཉི་ཤུ་རྩ་བཞི་ཡོད། །དེ་ཡང་བསྡུས་པས་གསུམ་དུ་'''''[607.5]'''''འདུས། །དེ་ཡང་ཨ་བ་དྷ་ཏིར་འདུས། །ཨ་ནི་ཚིག་དབང་རིན་པོ་ཆེ། །ཝ་ནི་གསང་བའི་ཡེ་ཤེས་དབང་། །འ་ནི་ཤེས་རབ་དབང་ཡིན་ནོ། །དྷ་ནི་ཐབས་ཀྱི་དབང་ཡིན་ནོ། །ཏི་ནི་བུམ་པའི་དབང་ཞེས་བྱ། །ཐམས་ཅད་'''''[607.6]'''''འདུས་པས་བུམ་པའི་ད་བང་། །ཚིགཏུམཚོནཔསམིངགིདབང་། །བརྒྱུད་པ་མ་ཆད་ཆུ་ཡི་དབང་། །རང་ཆོས་སྟོན་པས་དབུ་རྒྱན་དབང་།་།ཟུང་དུ་འབྲེལ་བས་རྡོ་རྗེ་དྲིལ་བུའི་དབང་། །རིག་པའི་དབང་ལྔ་ཞེས་ཀྱང་''[608]'''[608.1]'''''་ལ་བྱ། ། ་ན་ཁྱད་པར་དབང་ ས་བྱ། །ད་ན་མཆག་ ་རྩ་བསྟན་པ། །ཟག་པ་ ད་པའ་དབང་བསྐུར་ཏེ། །ག ་ལ་རྩ་རླུ་་ལྷུན་གྱས་གྲུབ། །ཕྲ་བའི་རྩ་དང་རིག་པའི་རྩ། །དངོས་པོ་འཁྲུལ་པའི་རྩ་དང་'''''[608.2]'''''གསུམ། །དང་པོའི་རྩ་ནི་ཟག་བཅས་ཡིན། །དེ་ལ་སྦྱངས་ན་བདེ་བ་སྐྱེ། །བདེ་བ་སྐྱེས་ནས་ལམ་དུ་འཇུག །ཟག་མེད་རྩ་ནི་བཀའ་བརྒྱུད་ཡིན། །གཞི་ཡི་རྩ་དང་རླུ་་དང་ནི། །ཐིག་ལེ་ལྷན་སྐྱེས་ཡེ་ཤེས་དང་། །ལམ་'''''[608.3]'''''དུ་ད་ལྟ་བར་དོ་ལ། །ཟག་པ་མེད་པའི་ངོ་སྤྲོད་ཡིན། །འབྲས་བུ་རང་སར་གྲོལ་བའོ། །ངོ་སྤྲོད་ཤིན་ཏུ་གཅེས་པ་ཡིན། །དེ་ཡང་བཀའ་བརྒྱུད་བྱིན་བརྒྱུད་དང་། །ཐུགས་སུ་བརྒྱུད་པའི་རྩ་ཡིན་པས། །བསྐལ་པ་'''''[608.4]'''''འཁྲུགས་ཀྱང་ཁར་མ་འབྱིན། །སེམས་ཅན་ལས་འཕྲོ་མེད་པ་དང་། །འོག་མའི་གྲུབ་མཐའི་སྒོར་ཞུགས་པས། །དངངས་ཤིང་སྐྲག་ནས་སྐུར་བ་འདེབས། །དེ་ཡི་རྣམ་སྨིན་འབྲས་བུ་ཡིན། །རྡོ་རྗེའི་དམྱལ་བར་ལྟུང་བར་'''''[608.5]'''''འགྱུར། །དེས་ན་བསྐལ་པར་ཁར་མ་འབྱིན། །དུས་ངན་ཐ་མ་བྱུང་བའི་ཚེ། །མར་མེ་འཆི་ཀར་གསལ་བ་ཡིན། །བསྟན་པ་ནུབ་ཀར་དམ་ཆོས་དར། །གསལ་བ་རང་གིས་འཆི་བ་ཡིན། །དར་བ་རང་གིས་ནུབ་པ་'''''[608.6]'''''ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། །རྩ་རླུ་་ཐིག་ལེ་ཡེ་ཤེས་རླུད་གི་ལེའུ་སྟེ་སོ་གཉིས་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །ལྷ་རྒྱུད་རིན་པོ་''[609]'''[609.1]'''''ཆེ་སྐྲུངས་པ་འདི། །ངོ་སྤྲོད་དབང་བསྐུར་རྒྱུད་ཡིན་ཏེ། །བྱིན་གྱིས་བརླབས་ཀྱིས་བཤད་པ་ཡིན། །འཁོར་བ་དོང་སྤྲུག་རྒྱུད་དུ་ཟུང་། །ཡེ་ཤེས་སྤྱན་གསུམ་རྒྱུད་དུ་ཟུང་། །དབང་བསྐུར་རྒྱལ་པོའི་རྒྱུད་དུ་'''''[609.2]'''''ཟུང་། །ཡེ་ཤེས་རྟེན་རྫོགས་རྒྱུད་དུ་ཟུང་། །ཡེ་ཤེས་འཁོར་ལོའི་རྒྱུད་དུ་ཟུང་། །ངོ་སྤྲོད་ཆེན་པོའི་རྒྱུད་དུ་ཟུང་། །ཞེས་གསུངས་སོ། །རྡོ་རྗེ་སེམས་དཔས་གསོལ་བ། །ལེགས་སོ་རྫོགས་སངས་རྒྱས་པའི་མཆོག །དེ་ལྟར་'''''[609.3]'''''གསུངས་པར་རྗེས་ཡི་རང་། །འཁོར་རྣམས་རབ་ཏུ་དགྱེས་པའོ། །བྱང་ཆུབ་སེམས་དཔའ་ཐུགས་རྗེ་ཆེ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྣུངས་པ་ལས། རྗེས་སུ་ཡི་རང་བའི་ལེའུ་སྟེ་སོ་གསུམ་'''''[609.4]'''''པའོ།། །།ལྷ་རྒྱུད་རིན་པོ་ཆེ་སྤུངས་པའི་རྒྱན་ཞེས་བྱ་བ་རྫོགས་སོ། །བི་མ་ལའི་གདམས་པ། བོད་རྒྱལ་ཁམས་ཡོངས་ལ་བཙད་པོ་ཆེ་ན་ཁྲིམས་ཀྱིས་ཆེ། །བོད་འབངས་ཡོངས་ལ་དཀོན་མཆོག་མཉན་ན་'''''[609.5]'''''བདེ། །སྔགས་པ་ཀུན་གྱིས་ངན་སྔགས་ཐུབ་ན་བཙུན། །རྣལ་འབྱོར་རྣམས་ཀྱིས་ཚུལ་འཆོས་སྤངས་ན་བཟང་། །བླ་མའི་གདམས་པ་བསྒྲུབས་ན་གྲུབ། །གཙོ་བོ་རྣམས་ཀྱིས་ཆད་ལས་མི་འགལ་བཟང་། །མོ་བཙུན་'''''[609.6]'''''རྣམས་ཀྱིས་ལུས་ཁྲིམས་དམ་ན་བཙུན། །ཆོས་སྐྱོང་སྲུང་མས་བསྟན་པ་བསྲུངས་ན་བཙུན། །གདམས་ངག་སྲོག་ལས་གཅེས་པ་བྱས་ན་པྱི་ཕྱིར་བཙུན། །སློབ་དཔོན་བི་མ་ལས་དེ་སྐད་གསུངས་སོ།། །།
རྒྱ་གར་སྐད་དུ། དེ་བ་ཏནྟྲ་རཏྣ་ཀུ་ཊ་ནཱ་མ། བོད་སྐད་དུ། ལྷ་རྒྱུད་རིན་པོ་ཆེ་སྤུངས་པ་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་ཀུན་ཏུ་བཟང་པོ་ཡིས། །ཡེ་གྲོལ་ཡེ་ཤེས་རང་ལ་ཤར། །ཕྱི་ནང་མེད་པའི་ཟང་ཐལ་གནས། །ཆེན་པོ་ལྔ་ཡི་བསྟན་པ་ལ། །རང་སྣང་ཆེན་པོ་རྣམ་དག་ཡིན། །དེ་ཡང་ཐོག་མ་མེད་པའི་དུས། །གཞི་གསུམ་དབྱེར་མེད་ལྷུན་གྱིས་གྲུབ། །ཡང་དག་ཡེ་ཤེས་སྣང་བ་དང་། །དག་པ་འཇིག་རྟེན་སྣང་བ་དང་། །མ་དག་འཁྲུལ་པའི་སྣང་བ་གསུམ། །དབྱེར་མེད་ལྷུན་གྱིས་གྲུབ་པ་ཡིན། །ཡང་དག་ཡེ་ཤེས་སྣང་བ་ནི། །སྐུ་གསུམ་རང་སྣང་ལྷུན་གྱིས་གྲུབ། །དེ་ཡང་ཕྱོགས་སུ་མ་ལྷུང་རྒྱ་མ་ཆད། །དག་པ་འཇིག་རྟེན་སྣང་བ་ཡིན། །འོད་ལྔ་ལ་སོགས་ལྷུན་གྱིས་གྲུབ། །དེ་ཡང་ཕྱོགས་སུ་མ་ལྷུང་རྒྱ་མ་ཆད། །མ་དག་འཁྲུལ་པའི་སྣང་བ་ཡང་། །འགྲོ་དྲུག་ལ་སོགས་ལྷུན་གྱིས་གྲུབ། །དེ་ཡང་ཕྱོགས་ལྷུང་མེད་པ་ཡིན། །ཆོས་ཉིད་གདལ་བའི་ཕོ་བྲང་ན། །ཀུན་གཞི་སྤྱི་ས་མི་ཟད་གཏེར། །གཏེར་གྱི་འབྱུང་གནས་རིན་ཆེན་གླིང་། །ག་བུར་ལྟ་བུའི་གཞི་མ་ཡིན། །ཕྱོགས་མེད་ཆེན་པོའི་སྣང་བ་ཡིན། །ཞེས་གསུངས་སོ། །དེ་ནས་གསང་བའི་བདག་པོ་དེས། །བཅོམ་ལྡན་འདས་ལ་ཕྱག་འཚལ་ནས། སྤྱི་ས་དེ་ལྟར་ཡིན་པ་ལ། དེ་ལས་འཁྲུལ་པ་ཇི་ལྟར་ལགས། །ཀུན་བཟང་སངས་རྒྱས་ཇི་ལྟར་ལགས། །བྱིན་རླབས་འབྱུང་བ་ཇི་ལྟར་ལགས། །འཁྲུལ་པར་སྣང་བ་ཇི་ལྟ་བུ། །ལྡོག་བཅས་ཆོས་དེ་གང་ལ་གསུངས། །ཞེས་ཞུས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་ཀུན་བཟང་གིས། །དེ་ལས་འཁྲུལ་པ་བསྟན་པ་ནི། །ཀུན་གཞི་གཏེར་གྱི་འབྱུང་གནས་ལ། །ལྷུན་གྲུབ་ཡོན་ཏན་ཕྱོགས་མེད་ཀློང་། །དཔེར་ན་རྒྱ་མཚོར་ཆོས་མཐུན་པ། །རང་བྱུང་རླུད་གི་རྟ་ཕོས་བསྐྱོད། །མ་ནིང་རྣམ་གསུམ་ཡིད་འགྱུས་པས། །འགྱུ་བ་རླུད་གི་མིག་ཅན་དེ། །རང་སྣང་འོད་ལྔའི་ལམ་དུ་ཞུགས། །ང་ཉིད་མཁྱེན་པའི་ཤེས་རབ་ཡིན། །རྣམ་གསུམ་ཤེས་པས་ཤེས་རབ་མཆོག །མཆོག་གི་སྐུ་གསུམ་རང་ལ་ཤར། །འདས་པ་ལྔ་ཡི་ཀློང་དུ་གྲོལ། །གསུམ་སེལ་སྒྲིབ་པ་ཀུན་ལས་གྲོལ། །སངས་རྒྱས་ལྔ་བདག་ཅོད་པན་ཅན། །ཡེ་ཤེས་འབའ་ཞིག་ལས་བྱུང་བ། །མགོན་པོ་ཀུན་གྱི་ཡབ་མེས་ཡིན། །ཀུན་ཏུ་བཟང་པོ་བློ་གྲོས་བཟང་། །ཐོག་མའི་སངས་རྒྱས་འོད་དཔག་མེད། །སངས་རྒྱས་ཀུན་གྱི་གཙོ་བོ་ཡིན། །ང་མེད་པ་ཡི་སྔོན་རོལ་ན། །སངས་རྒྱས་བྱ་བའི་མིང་ཡང་མེད། །ཡེ་ཤེས་བྱ་བའི་མིང་ཡང་མེད། །ཆོས་སྐུ་བྱ་བའི་མིང་ཡང་མེད། །ཆོས་ལས་གྲོལ་བའི་སངས་རྒྱས་ཡིན། །ཐིག་ལེ་ཆོས་མིན་ཡེ་ཤེས་ཀློང་། །བྱ་བཙལ་མེད་པས་རང་གྲོལ་ཡིན། །རང་བྱུང་རང་གི་འོད་སྣང་སངས་། །འདས་པ་ལྔ་རུ་རྒྱས་པས་མཆོག །དོན་གྱི་ཡེ་ཤེས་ཁོང་ནས་ཤར། །ཡེ་ཤེས་ཁོང་ཤར་མིག་ཕྱེད་པས། །ཡེ་ཤེས་མིག་ཅན་དྲི་མ་མེད། །མ་རིག་སྒོ་ངའི་སྦུབས་འབྱེད་པ། །རང་བྱུང་ཡིད་ཀྱི་ཤེས་རབ་ཀྱི། །འགྱུ་བའི་ལིང་ཏོག་གསེར་གྱི་ཐུར་མས་ཕྱེད། །མིག་གི་དབང་པོ་སོ་སོར་མ་འགག་པ། །སོ་སོར་རྟོག་པའི་ཡེ་ཤེས་ཡིན། །རང་བཞིན་མེད་པའི་ཟང་ཐལ་དེ། །ཆོས་ཀྱི་དབྱིངས་ཀྱི་ཡེ་ཤེས་ཡིན། །དེ་ཉིད་རང་གསལ་ཆེན་པོར་ཤར། མེ་ལོང་ལྟ་བུའི་ཡེ་ཤེས་ཡིན། །ཕྱི་ནང་མེད་པར་མཉམ་པས་ན། །མཉམ་པ་ཉིད་ཀྱི་ཡེ་ཤེས་ཡིན། །ཐམས་ཅད་མ་ལུས་ལྷུན་གྲུབ་པས། །བྱ་བ་གྲུབ་པའི་ཡེ་ཤེས་ཡིན། །ཡེ་ཤེས་ཡིན་པས་རྩོལ་བསྒྲུབ་མེད། །ཡོན་ཏན་ཡེ་ཤེས་ལྔ་དང་ལྡན། །འབྲས་བུ་སྐུ་གསུམ་ཁོང་ནས་ཤར། །མཆོག་གི་དང་པོ་སྐུ་གསུམ་འཆང་། །སྐུ་གསུམ་རང་གྲོལ་ལམ་གྱི་མཆོག །ཡེ་ཤེས་རང་ཤར་རིག་པའི་མཆོག །འདས་པ་ལྔ་པོ་འབྲས་བུའི་མཆོག །ཡེ་ཤེས་ཟང་ཐལ་གདམས་པའི་མཆོག སངས་རྒྱས་ཀུན་གྱི་དགོངས་པ་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། ཀུན་ཏུ་བཟང་པོ་རང་སྣང་གི་ལེའུ་སྟེ་གཉིས་པའོ།། །།དེ་ནས་གསང་བའི་བདག་པོ་ཡིས། །འགྲོ་དྲུག་མ་དག་འཁྲུལ་པ་ཇི་ལྟར་ལགས། །ཞེས་ཞུས་པས། ཀུན་ཏུ་བཟང་པོས་བཀའ་སྩལ་པ། །ཐོག་མ་མེད་པའི་གཞི་མ་དེ། །དེ་ཡོད་པས་ན་འགྲོ་དྲུག་ཀྱང་། །མི་འཁྲུལ་པ་ཡི་རང་དབང་མེད། །དེ་ཡང་ཇི་ལྟར་འཁྲུལ་ཞེ་ན། །ཀུན་གཞིའི་རླུད་ཆེན་མ་འགགས་པས། །མ་ནི་རླུད་གི་འཁྲུལ་པ་ཡིན། །དེ་ཡང་ཀུན་གཞི་སྤྱན་ཡིན་ཏེ། །གཞི་གསུམ་དབྱེར་མེད་སྤྱན་ཆེན་པོ། །གྱེན་དང་ཐད་ཀ་ཐུར་དུ་གཟིགས། །གཟིགས་པའི་སྤྱན་གསུམ་ཁོང་ནས་ཤར། །ཐུར་དུ་གཟིགས་པ་འགྲོ་དྲུག་སྤྱན། འགྱུ་བའི་སྤྱན་གྱིས་ཀུན་ཏུ་བལྟ། །འོད་ལྔ་ལམ་གྱི་རྟ་ཕོ་ལ། །ཆགས་སྡང་ལྔ་ཡིས་ཞབྲུལ་པ་ཡིན། །ལས་ནི་ལུང་མ་བསྟན་གྱི་ལས། །རྒྱུ་རྐྱེན་དུས་མཚུངས་རྒྱུ་ལྟར་འཁོར། །མ་རིག་འདམ་དུ་བྱིང་བ་ཡིན། །དམྱལ་བ་ལ་སོགས་འགྲོ་དྲུག་འཁྲུལ། །ལས་ཀྱི་འབྲས་བུ་ལུང་མ་བསྟན། །ཚེ་ཚད་ལ་སོགས་དུས་ལ་ངེས་པ་མེད། །དེ་ནི་ཐུར་དུ་གཟིགས་པའི་སྤྱན། །ཞེས་གསུངས་སོ། །ལྷ་རྒྱུད་རིན་པོ་ཆེའི་སྐྲུངས་པ་ལས། འགྲོ་དྲུག་རང་སྣང་གི་ལེའུ་གསུམ་པའོ།། །།དེ་ནས་གསང་བའི་བདག་པོ་ཡིས། །འགྲོ་དྲུག་ཞབྲུལ་པ་ཇི་ལྟར་བཟློག །ཅེས་ཞུས་པས། ཀུན་ཏུ་བཟང་པོས་བཀའ་སྩལ་པ། །འགྲོ་དྲུག་འཁྲུལ་པ་བཟློག་པ་ནི། ངོ་བོ་ཉིད་ཀྱི་བྱིན་རླབས་ནི། ཆོས་ཀྱི་སྐུ་ཡི་བྱིན་རླབས་སོ། །དེ་ཡི་བྱིན་རླབས་རྡོ་རྗེ་སེམས་དཔའ་ཁྱོད། །དེ་ཡི་བྱིན་རླབས་སྣང་བ་ཐུབ་པ་དྲུག །ཐུན་མོང་ལྡོག་པའི་སྟོན་པ་ཡིན། ཁྱད་པར་བཀའ་བརྒྱུད་བྱིན་བརྒྱུད་དང་། །ཐུགས་སུ་བརྒྱུད་པའི་སྟོན་པ་གསུམ། །ཐུགས་རྗེ་ཆོས་ཀྱི་འཁོར་ལོ་ནི། །བྱིན་གྱིས་བརླབས་ཀྱི་བསྐོར་བ་ཡིན། མཆོག་གི་སྐུ་གསུམ་རང་སྣང་བས། ཡེ་ཤེས་རང་སྣང་འཁོར་ལོ་བསྐོར། །རྟོག་པ་ཡེ་ཤེས་འཁོར་ལོ་ཡིན། །ཆོས་ཀྱི་འཁོར་ལོ་ཕྱི་ནང་གསང་བ་གསུམ། །དེ་དོན་རྟོགས་པའི་བྱིན་རླབས་བརྒྱུད་པ་ཡིན། །ཉི་མའི་སྙིང་པོ་ཟེར་དང་འོད། །ཟླ་བ་ལྟེང་ཀའི་གཟུགས་སྣང་བ། །ཐ་དད་དུ་མར་མཐོང་བ་ལྟར། །སྐུ་གཅིག་ཡོངས་ལ་སྣང་བས་སྤྲུལ་སྐུ་ཡིན། །ཡེ་ཤེས་ཕྱོགས་མེད་ཤར་བས་ཐུགས་རྗེ་འོད་པོ་ཆེ། །ཀུན་ལ་སྙོམས་པས་ཐུགས་རྗེ་ཕྱོགས་མེད་ཤར། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། བྱིན་རླབས་འབྱུང་བ་བསྟན་པའི་ལེའུ་སྟེ་བཞི་པའོ།། །།དེ་ནས་གསང་བའི་བདག་པོ་ཡིས། །རྒྱུད་ལུང་འབྱུང་བ་ཇི་ལྟར་ལགས། །དེ་ཡི་ངོ་སྤྲོད་ཇི་ལྟར་བགྱི། །ཞེས་ཞུས་པས། །བཅོམ་ལྡན་འདས་ཀྱིས་བཀའ་སྩལ་པ། །རང་བཞིན་བྱིན་རླབས་ངོ་བོའི་རྒྱུད། རང་བཞིན་རྒྱུད་ལ་རྣམ་པ་གཉིས། །ངེས་པའི་རྒྱུད་དང་དོན་གྱི་རྒྱུད། །ངེས་རྒྱུད་སངས་རྒྱ་དགོང་པ་ཡིན། །རྒྱུན་དུ་མི་འགྱུར་རྒྱུད་ཀྱི་མཆོག །དེ་དོན་ཐུགས་ལ་གང་གནས་པ། །དོན་རྒྱུད་ཆེན་པོ་ཡིན་པར་བཤད། །བྱིན་རླབས་རྒྱུད་ལ་རྣམ་པ་གསུམ། །ངོ་བོ་ཉིད་ཀྱི་བྱིན་རླབས་དང་། །རྩོལ་དང་བཅས་དང་རྩོལ་མེད་དང་། །རང་བཞིན་བྱིན་རླབས་རྣམ་པ་གསུམ། །ངོ་བོ་བྱིན་རླབས་རང་སྣང་ཡིན། །རྩོལ་མེད་བྱིན་རླབས་ཐུགས་རྗེའོ། །རྩོལ་བཅས་བྱིན་རླབས་གདམས་པའོ། །རང་བཞིན་བྱིན་རླབས་ཀུན་ལ་འཇུག །དེ་དོན་གཏན་ལ་གང་འབེབས་པ། །མན་ངག་ཀུན་གྱི་མཆོག་ཏུ་བཤད། །དེ་དོན་ཐུགས་ལ་གང་གནས་པ། །ལུང་རྣམསམ་ལུས་ཐུགས་ལ་གནས། ཁུད་ལུང་མན་ངག་དབྱེར་མེདཔས། །ཐིག་ལེ་ཡེ་ཤེས་བརྩེགས་པ་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། བྱིན་རླབས་ཀྱི་རྒྱུད་བསྟན་པའི་ལེའུ་སྟེ་ལྔ་པའོ།། །།དེ་ནས་གསང་བའི་བདག་པོ་ཡིས། །བཅོམ་ལྡན་ཀུན་ཏུ་བཟང་པོ་ལ། །རྩོལ་མེདབྱིན་རླབསཇི་ལྟརལགས། །ཞེས་ཞུས་པས། བཀའ་སྩལ་པ། བྱིནརླབས་དབང་ལས་འཇུག་པས་ན། །དབང་གི་གདམས་པ་བཤད་པར་བྱ། །དབང་ལ་ཕྱི་ནང་གསང་བ་གསུམ། །ལྷ་དབང་ཡེ་ཤེས་སྐུ་ཡི་དབང། །ཆོསདབང་རིག་པ་སེམས་ཀྱི་དབང། །རྩོལ་མེད་ཡེ་ཤེསཐིག་ལེའི་དབང་། །དེ་འདོདཔ་ཡི་གང་ཟག་གིས། །ལུས་སྲོག་བུ་སྨད་འཁོར་རྫས་ཀུན། །བྱིན་རླབས་ཞུ་བའི་ཡོན་དུ་དབུལ། །སྤྱིན་པ་བསམ་གྱིས་མིཁྱབཔས། །དབང་བསྐུར་ནུས་པའི་བླ་མ་ལ། །ཡོན་ཕུལ་ཡོན་ཏན་བསམ་མི་ཁྱབ། །སློབདཔོན་གདམས་པསམ་བརྒྱན་པ། །དེ་འདྲའི་སློབ་དཔོན་བསྟེན་མིན་ཏེ། །དེ་བསྟེན་བྱིན་རླབས་འབྱུང་མི་འགྱུར། །སློབ་མཤེསརབ་མ་བརྒྱན་ཅིང་། །གདམསཔ་གཟུང་མི་ཐུབ་པ་ནི། །དེ་ནི་སློབ་མ་སྣོད་མིན་ཏེ། །དེ་ལ་བྱིན་རླབས་འཇུག་མི་འགྱུར། །ཇ་ལོག་པས་ནི་དོན་ཀུན་འགྲུབ། །ལྷ་དབང་ཡེ་ཤེས་དབང་བསྐུར་བས། །མིག་གི་གཟུགས་སྣང་མ་འགགས་པས། །རྣམ་པར་སྣང་མཛད་གཟུགས་ཀྱི་དབང་། །ཆོས་ཀྱི་དབྱིངས་ཀྱི་ཡེ་ཤེས་ཡིན། །དེ་ཡིས་དོན་ལ་བསྐྱོད་མེད་པས། །རྡོ་རྗེ་སེམས་དཔའ་མི་བསྐྱོད་པ། །མེ་ལོང་ལྟ་བུའི་ཡེ་ཤེས་ཡིན། །དེ་ཡི་ཡོན་ཏན་རྩལ་སྣང་བ། །སྣང་བ་མཐའ་ཡས་འོད་དཔག་མེད། །སོ་སོར་ཀུན་ཏུ་རྟོགས་པ་ཡིན། །ཡོན་ཏན་ཕྱོགས་རིས་མི་མངའ་བས། །རིན་ཆེན་འབྱུང་ལྡན་འོད་འཕྲོ་བས། །མཉམ་པ་ཉིད་ཀྱི་ཡེ་ཤེས་ཡིན། །ཐམས་ཅད་རང་བྱུང་གྲུབ་པས་ན། །དོན་ཡོད་གྲུབ་པ་རྡོ་རྗེའི་སྙིང་པོ་ཡིན། །བྱ་བ་གྲུབ་པའི་ཡེ་ཤེས་ཞེས་ཀྱང་བརྗོད། །རྣ་བ་མི་བསྐྱོད་ལྕེ་ནི་འོད་དཔག་མེད། །སྣ་ནི་རིན་འབྱུང་འོག་སྒོ་དོན་གྲུབ་སྐུ། །ལྔ་ལྡན་ཡེ་ཤེས་རང་ལ་སྣང་བས་ན། །ལྷ་དབང་ཡེ་ཤེས་སྐུ་ཡི་དབང་བསྐུར་ཡིན། །འབྱུང་བ་ལྔ་ཡི་གཟུགས་སྟོང་པས། །ནམ་མཁའ་དབྱིངས་ཕྱུག་ཆོས་ཀྱི་དབྱིངས། །དེ་ཡི་ངོ་བོ་སངས་རྒྱས་སྤྱན། །འོད་གསལ་ཡེ་ཤེས་མེ་ལོང་ལྔ་། །ཡོན་ཏན་རྩལ་སྨིན་གོས་དཀར་མོ། །སོ་སོར་རྟོགས་པའི་ཡེ་ཤེས་རྫོགས། །ཡོན་ཏན་ཐམས་ཅད་འདུས་པ་བཱ་མ་ཀི། །ཀུན་ལ་ཡངས་དོག་མེད་པས་མཉམ་པ་ཉིད། །དེ་ཡི་དོན་ལ་འདའ་མེད་པས། །དམ་ཚིག་སྒྲོལ་མ་ཞེས་བྱའོ། །ཐམས་ཅད་གཅིག་ཏུ་གྲུབ་པས་བྱ་བ་གྲུབ། །ཡེ་ཤེས་ཐམས་ཅད་རྫོགས་པས་འཁོར་ལོ་ཡིན། །འགྱུར་བ་མེད་པས་རྡོ་རྗེ་ཡིན། །སྐྱོན་གྱིས་མ་གོས་པདྨ་ཡིན། །ཐམས་ཅད་འབྱུང་བས་རིན་པོ་ཆེ། །ཀུན་ལ་ཁྱབ་པས་རྒྱ་གྲམ་མེ། །ཐམས་ཅད་རྫོགས་པས་སེང་གེ་ཡན། །མ་ལུས་ཐེག་པས་གླང་པོ་ཆེ། །དུག་ལྔ་སྐུ་རུ་ཤར་བས་རྨ་བྱ་ཡིན། །ཐམས་ཅད་ཤུགས་ལས་གྲོལ་བས་རྟ་མཆོག་ཡིན། །ཐོག་མེད་སྤྱན་ཆེན་མངའ་བས་མཁའ་ལྡིང་ཡིན། །དེ་ཡི་དོན་རྟོགས་རྩོལ་མེད་དབང་བསྐུར་ཡིན། །མི་འདའ་བ་ཡི་རྒྱ་ཞིག་ཐོབ་ལ་ཞོག །ཆོས་སྐུ་དྲི་མ་མེད་ཅིང་གཟུགས་སྐུ་མེད། །འགྱུར་མེད་གསེར་མདོག་འཇམ་དཔལ་སྐུ། །དེ་དོན་ལག་ཏུ་གཏད་པས་འགྱུར་མེད་རྟོགས། །ཕྲིན་ལས་ཐམས་ཅད་རྫོགས་ཤིང་དབང་ཐོབ་པས། །མི་ཤིགས་བཅོམ་ལྡན་རྡོ་རྗེའི་སྐུ། །ཡེ་ཤེས་སྤྱན་ཆེན་རང་ལ་ཤར་བས་ན། །སྤྱན་རས་གཟིགས་དབང་སེང་གེ་རྣམ་པར་བརྩེགས། །འཁོར་བ་མ་བཅོས་རང་གྲོལ་འོད་གསལ་བ། །རྡོ་རྗེ་མི་གཡོའི་སྐུ་སྟེ་རང་བྱུང་ཡིན། །ཐུགས་རྗེ་ཀུན་ལ་འཕྲོ་བས་འོད་ཟེར་ཅན། །སངས་རྒྱས་བྱིན་རླབས་ཕོག་པས་སྒྲོལ་མ་ཡིན། །སྣང་བ་ལྷུག་པར་སྣང་བས་ཕག་གདོང་མ། ་ས་རབ་ཁོང་ཤར་རལ་གྲི་ཡིན། །ཡེ་ཤེས་ཟང་ཐལ་རྡོ་རྗེ་དང་། །སྐུ་གསུམ་བྱིན་རླབས་སྣང་བ་ཕྲེང་བ་དང་། །ཡོན་ཏན་སྣ་ཚོགས་གཅོད་པའི་རལ་གྲི་དང་། །ཆོས་སྐུ་ཡོན་ཏན་རྒྱས་པས་ཨུཏུལ། །ཡོན་ཏན་གཏེར་འཆང་བུམ་པ་དང་། སྐུ་གསུམ་རང་ལ་གནས་པས་ཁ་ཊ༷་ག །ཐམས་ཅད་རང་ལ་རྫོགས་པས་དབང་ཆེན་ཐོབ། །ཅེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། ལྷ་དབང་ལུས་ལ་བསྐུར་བ་དང་། རྩོལ་མེད་རང་སྣང་དུ་བསྟན་པའི་ལེའུ་སྟེ་དྲུག་པའོ།། །།དེ་ནས་ཡང་བཀའ་སྩལ་པ། རྩོལ་བཅས་ལྷ་དབང་བསྟན་པ་ནི། །དང་པོ་བུམ་པའི་དབང་ཡིན་ཏེ། །བུམ་པ་ལྷ་ཡི་གྲངས་དང་མཐུན། །དེ་ལ་དབང་ལྔ་རྫོགས་པ་ནི། །བུམ་པ་གཞལ་ཡས་ཁང་ཡིན་པས། སྒྱུ༷་ལས་གཞལ་ཡས་ཁང་དུ་བསྐྱེད། །དེ་ཡི་ནང་དུ་བུམ་རྫས་བླུགས། །གདན་དང་བསྐྱེད་དང་སྤྱན་འདྲེན་བསྟིམ། །འཛབ་དང་བསྙེན་བསྒྲུབ་བྱས་ནས་ནི། དེ་ནས་འོད་དུ་ཞུ་ནས་ནི། །སྤྱི་བོ་དག་ནས་དབང་བསྐུར་བ། །བུམ་པའི་དབང་ཞེས་བརྗོད་པ་ཡིན། །ལུས་ཀྱི་སྒྲིབ་པ་དག་པར་བྱེད། །བུམ་པ་བུམ་རྫས་བསྐྱེད་བྱ་ཐབས་ཀྱི་དབང་། །ལྷ་རྣམས་བཀུག་བསྟིམ་སྦྱོར་བ་མཛད། ཁོ༑ས་རབ་དབང་དུ་བསྟན་པ་ནི། །སྦྱོར་བ་བྱང་ཆུབ་སེམས་ཀྱི་ཆུ། །ཡེ་ཤེས་དབང་དུ་བསྟན་པ་ཡིན། །རྡོ་རྗེ་ལྕེ་སྟེང་བཞག་པ་ཡིས། །ངག་གི་སྒྲིབ་པ་དག་པར་བྱེད། །ལྷ་ལ་ཡེ་ཤེས་རྒྱས་བཏབ་ནས། །སྐྱེ་བ་མེད་པར་བསྟན་པ་ནི། །ཚིག་གི་དབང་དུ་བརྗོད་པ་ཡིན། །སེམས་ཀྱི་སྒྲིབ་པ་དག་པར་བྱེད། །ཅེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས བུམ་པའི་བང་ང་ལེའུ་ ་བ ་པའོ ་ ས་ཡང་བ འ་སྩལ་པ ཐབས་ ང་ ས་རབ་ བང་ལ་ མ་ལྔ་ ཕ་ང་ཐབས་ཀྱི་རང་བ ན་ཏེ། །ལུས་ཀྱི་བུམ་པ་ ང་བ་ཡིན། །སྐྲ་དང་ལུས་རྒྱན་ལུས་པོ་ནི། །སྐུ་གསུམ་དག་པའི་སྣང་བའོ། །སྒོ་ལྔ་འབྲུ་ལྔ་ཡེ་ཤེས་ལྔ། །ཕུང་པོ་ལྔ་ནི་རིན་ཆེན་སྣ་ལྔ་ཡིན། རང་བྱུང་བདུད་རྩི་སྨན་ལྔའི་ངོ་བོ་ལ། །རྣམ་ཤེས་ལྔ་ནི་དྲི་ལྔ་ཡིན་པར་བཤད། །བྱང་ཆུབ་སེམས་ནི་བདུད་རྩི་འོ་མ་ཆུ། །དབུགས་ནི་གཟུངས་ཐག་ཐུགས་རྗེས་འབྲེལ། །དེ་ནི་བུམ་པའི་དབང་ཡིན་ནོ། །རང་ལ་སྣང་བ་ཐབས་ཀྱི་དབང་། །དེ་ལྟར་ཤེས་པས་ཤེས་རབ་དབང་། །ཡེ་ནས་གྲུབ་པ་ཡེ་ཤེས་དབང་། །དེ་མཚོན་པ་ནི་ཚིག་དབང་ངོ། ཁྲེས་རབ་དབང་ལ་རྣམ་པ་ལྔ། །བྷ་ག་བུམ་པའི་རང་བཞིན་ནོ། །རཀྟ་བུམ་རྫས་རང་བཞིན་ནོ། །རྩ་གསུམ་ཉེད་པ་ཐབས་ཀྱི་དབང་། །ཟུང་འཇུག་སྟོང་པ་ཤེས་རབ་དབང་། །བདེ་བའི་ཡེ་ཤེས་གསང་བའི་དབང་། །ངག་གིས་བརྒྱན་པ་ཚིག་དབང་ངོ་། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པའི་རྒྱུད་ལས། ཐབས་དང་ཤེས་རབ་ཀྱི་དབང་བསྟན་པའི་ལེའུ་སྟེ་བརྒྱད་པའོ། །དེ་ནས་ཡང་བཀའ་སྩལ་པ། །གསང་བའི་དབང་ལ་རྣམ་ལྔ་སྟེ། །རྡོ་རྗེ་བུམ་པ་ཆོས་ཀྱི་སྐུ། །རྩ་གསུམ་བརྒྱན་པ་ལོངས་སྐུ་ཡིན། །ཐིག་ལེ་སྤྲུལ་པའི་སྐུ་རུ་བཤད། །བདེ་བ་ཆེན་པོ་བུམ་རྫས་ཡིན། །དེ་ནི་བུམ་པའི་དབང་ཡིན་ནོ། །ཡིག་འབྲུ་བཀོད་པ་ཐབས་ཀྱི་དབང་། །ལྷ་རྣམས་སྦྱོར་བ་མཛད་པ་ནི། །བྷ་ག་སྟོང་པ་ཤེས་རབ་དབང་། །བྱང་ཆུབ་སེམས་འཕྲོས་གསང་བའི་དབང་། །རྒྱས་གདབ་པ་ནི་ཚིག་དབང་ཡིན། །ཡེ་ཤེས་ས་བོན་དགུག་པ་དང་། །དམ་ཚིག་ས་བོན་བསྐྱེད་པ་དང་། །སྦྱོར་བ་གཉིས་མེད་བསྟིམ་པ་དང་། །བདེ་བའི་མཆོད་པ་འབུལ་བ་དང་། །མཆོད་པ་ཕྱོགས་བཅུར་སྤྲོ་བ་དང་། །དེ་རྣམས་རྒྱས་སུ་གདབ་པ་ནི། །རྩོལ་བ་དང་བཅས་དབང་ཞེས་བརྗོད། །ཅེས་གསུངས་སོ། ལྷ་རྒྱུད་རིན་པོ་ཆེ་སྐྲུངས་པ་ལས། གསང་བའི་དབང་གི་ལེའུ་སྟེ་དགུ་པའོ།། །།དེ་ནས་ཡང་བཀའ་སྩལ་པ། །ཉོན་ཅིག་གསང་བའི་བདག་པོ་ཁྱོད། །ཚིག་གི་དབང་ལ་རྣམ་ལྔ་སྟེ། །སྣང་སྲིད་ཚིག་ཏུ་སྟོན་པ་ནི། །དངོས་པོ་སྣ་ཚོགས་གཟུགས་སྣང་བ། འབྱུང་བ་ལྔ་ནི་བུམ་པར་བཤད། ཁ་དོག་སྣ་ཚོགས་བུམ་པའི་རྒྱན། །དབྱིངས་སུ་སྣང་བ་མགུལ་ཆིངས་ཡིན། །འདུ་འབྲལ་མེད་པ་གཟུངས་ཐག་ཡིན །འགྲོ་དྲུག་ལོངས་སྐུར་ཅིར་སྣང་བ། །བུམ་པའི་རྫས་སུ་བསྟན་པ་ནི། །དེ་ནི་བུམ་པའི་དབང་ཡིན་ནོ། །སྣང་སྲིད་བསྡུས་ནས་ལམ་དུ་བསླང་། །སྣང་བ་རང་བྱུང་ཡེ་ཤེས་ཤར། །བླ་མའི་གདམས་པས་ཕྱོགས་མེད་གྲོལ། །རང་སྣང་ཡེ་ཤེས་འཕེལ་འགྲིབ་མེད། །ཕྱི་ནང་མེད་པ་ཡེ་ཤེས་སྐུ། །ཡེ་ཤེས་སྐུ་སྟེ་རང་བྱུང་བ། །དེ་ནི་ཐབས་ཀྱི་དབང་མཆོག་ཡིན། །ད་ནི་ཤེས་རབ་དབང་བསྟན་པ། །ཐུགས་རྗེ་འགག་པ་མེད་པ་དེ། །ཡིད་འགྱུས་སྣང་སྲིད་སེམས་སུ་ཤར། །གཟུང་འཛིན་རྩ་བ་མ་རིག་ཅན། །གཉིས་མེད་རིག་པ་ཕྱི་ནང་མེད། །ཡེ་ཤེས་ཤེས་རབ་ཟང་ཐལ་བས། །ཡེ་ཤེས་ཤེས་རབ་ཟང་ཐལ་དེ། །ཚད་མ་ཁོང་ནས་ཤར་་བས་ན། །མི་བསླུ་བ་ཡི་གཏན་ཚིགས་ཡིན། །ཡིད་ཆེས་ངེས་པའི་དབང་དུ་བཤད། །ད་ནི་ཡེ་ཤེས་དབང་བཤད་དེ། །ཡེ་ནི་ཀུན་གཞི་སྤྱི་ས་ཡིན། ཤེས་པ་གཞི་ལས་གྲོལ་བའོ། །གྲོལ་བ་གཞན་རྐྱེན་མ་ཡིན་ཏེ། །རང་རྐྱེན་ཤེས་པས་གྲོལ་བར་བསྟན། །མེ་ལོང་བྱད་ཀྱི་དཔེ་བཞིན་ནོ། །ཐིག་ལེ་ཡེ་ཤེས་ཁོང་ནས་ཤར། །ཕར་བལྟས་པས་ནི་ཚུར་ལ་གསལ། །ཡེ་ཤེས་ཟང་ཐལ་ཁོ་ན་ཡིན། །མ་བཅོས་པ་ཡི་ཟང་ཐལ་ལ། །མ་བྱས་པ་ཡི་རང་བྱུང་ཤར། །རང་གྲོལ་སྦྲུལ་གྱི་མདུད་པ་ལྟར། །རང་གྲོལ་དུག་ལྔ་ཁོང་དུ་གྲོལ། །རྩེ་གཅིག་ཟང་ཐལ་ཆེན་པོར་སླེབས། །ད་ནི་ཚིག་དབང་དོན་བཤད་དེ། །ནོར་བུ་རིན་ཆེན་གླིང་དག་ན། །ས་རྡོ་ལ་སོགས་མིང་ཡང་མེད། །གདམས་པའི་ཚིག་དབང་ཐོབ་པས་ན། །འཁོར་བ་བྱ་བའི་མིང་ཡང་མེད། །འཁོར་བ་ཐིག་ལེར་དབང་བསྐུར་བས། །རྨ་བྱས་ཧ་ལ་བཟའ་བ་འདྲ། །སྐྲུ་ཁ་སྣ་ཚོགས་མདངས་དང་ལྡན། །དེ་བཞིན་དུག་གི་དབང་བསྐུར་ན། །འདྲེ་དང་ནད་ཀྱིས་མི་ཚུགས་སོ། །དེ་བཞིན་དུག་ལྔའི་དབང་བསྐུར་ན། །འཁོར་བའི་དགྲ་ཡིས་མི་ཚུགས་སོ། །ཐིག་ལེ་ཡེ་ཤེས་ངོ་བོ་རྩལ། །ལས་དང་དེ་བཞིན་གནས་པ་ནི། །ལམ་དང་སྒོ་དང་ཡོན་ཏན་དང་། །འབྲས་བུ་རྣམ་བརྒྱད་དབྱེར་མེད་པས། །དཔེ་ཡི་ངོ་སྤྲོད་ཤེལགྱིསམཚོན། །རྟགསཀྱི་ངོ་སྤྲོད་ཙིསྟ་ཡིན། །རིནཆེནཟུར་བརྒྱད་འབར་བ་ཡིན། །དོན་ནི་ཐིག་ལེ་ཡེ་ཤེས་ཏེ། །རྩ་ཆེན་བརྒྱད་ལ་གནས་པ་ཡིན། །རྟགས་ཀྱི་རྩ་དང་ཡོན་ཏན་རྩ། །རྣམ་པ་བརྒྱད་དུ་ཤེས་པར་བྱ། །དེ་ནི་རྟེན་གྱི་གསང་ལམ་ཡིན། །མ་རིག་པ་ཡི་གདར་བཅད་པས། །རིག་པའི་ཡེ་ཤེས་ཁོང་ནས་རྡོལ། །ཐིག་ལེ་བརྩེགས་པའི་དབང་མཆོག་ཐོབ། །ཚིག་དབང་ཞེས་ནི་དེ་ལ་བྱ། །འཁོར་བ་རྩད་གཅོད་ཅེས་ཀྱང་བྱ། །མ་རིག་མིག་འབྱེད་ཅེས་ཀྱང་བྱ། །རིག་པའི་ཡེ་ཤེས་ཞེས་ཀྱང་བྱ། །ཡེ་ཤེས་རང་ཤར་ཞེས་ཀྱང་བྱ། ཁེས་རབ་རང་བྱུང་ཞེས་ཀྱང་བྱ། །ཡེ་ཤེས་ཐིག་ལེ་ཁོང་ནས་ཤར། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། ཚིག་དབང་རིན་པོ་ཆེའི་ལེའུ་སྟེ་བཅུ་པའོ།། །།དེ་ནས་ཡང་བཀའ་སྩལ་པ། །ཉོན་ཅིག་གསང་བའི་བདག་པོ་ཁྱོད། །དབང་བསྐུར་ཡོན་ཏན་བསྟན་པ་ནི། །བུམ་པའི་དབང་བསྐུར་ཉོན་མོངས་སྒྲིབ་པ་དག །ཐབས་ཀྱི་དབང་བསྐུར་ལས་ཀྱི་སྒྲིབ་པ་དག ཁེས་རབ་དབང་བསྐུར་ཤེས་བྱའི་སྒྲིབ་པ་དག །གསང་བའི་དབང་བསྐུར་ངོ་བོའི་སྒྲིབ་པ་དག །ཚིག་གི་དབང་བསྐུར་རྣམ་སྨིན་སྒྲིབ་པ་དག །བུམ་དབང་བསྐུར་བས་སྤྲུལ་སྐུ་འཐོབ། །ཐབས་ཀྱི་དབང་བསྐུར་ལོངས་སྐུ་འཐོབ། ་ས་རབ་དབང་བསྐུར་ཆོས་སྐུ་འཐོབ། །གསང་བའི་དབང་བསྐུར་ཡེཤེསསྐུ། །ཚིགགིདབངབསྐུར་རང་གྲོལ་འཐོབ། །དབང་མ་བསྐུར་བར་ཆོས་འཆད་པ། །ལོང་བས་ལོང་བ་ཁྲིད་པ་འདྲ། །སློབ་དཔོན་ཚད་མར་མགྱུར་པས། །གདམས་པ་མེད་པར་དབང་བསྐུར་བྱེད། །སྔགས་མེད་དུག་ལ་རྔུབ་པ་འདྲ། །སློབ་མ་ཚད་དང་མི་ལྡན་པས། །དབང་བསྐུར་ནོད་པ་བྱེད་པ་དེ། །སྦྲང་མ་མེ་ལ་མཆོངས་པ་འདྲ། །སློབ་དཔོན་ཚད་ལྡན་དབང་བསྐུར་ན། །བདུད་རྩིའི་ལོངས་སྤྱོད་སྤེལ་བ་འདྲ། །སློབ་མ་ཚད་ལྡན་དབང་ནོད་པ། །བྱ་རྒོད་གནམ་འཕང་གཅོད་པ་འདྲ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། དབང་བསྐུར་བའི་ཡོན་ཏན་དང་སྐྱོན་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །ལྟ་བ་རིག་པ་རང་རྩལ་བསྟན་པ་ནི། །ལྟ་བ་སྐྱེ་མེད་རྣམ་པར་དག །རང་བཞིན་ཆོས་སྐུ་བརྗོད་ལས་འདས། །གཉིས་མེད་རང་སྣང་མ་བཅོས་པ། །ཆོས་ཉིད་སྐྱེ་མེད་ཤེས་བྱའི་གཤིས། །སེམས་ཉིད་མ་བཅོས་བློ་ལས་འདས། །སེམས་ཉིད་སྟོང་པ་ཆོས་ཀྱི་སྐུ། །ནམ་མཁའ་ལྟ་བུའི་ཆོས་ཉིད་ལས། །ཉི་ཟླ་སྐར་ཚོགས་མ་འདྲེས་རྫོགས། །ཚོགས་རྫོགས་རང་བྱུང་ལྟ་བའི་མཆོག །དངོས་པོ་མེད་པ་རང་སར་གྲོལ། །རང་གྲོལ་ལུ་་ཆུབ་ལྟ་བའི་ཀློང་། །ལྟ་བ་ཀློང་ཆེན་མཐའ་གྲོལ་ཡིན། །ལྟ་བ་རིག་པའི་དབང་ཐོབ་ན། །སྐྱེ་བ་མེད་པའི་དགོངས་པ་ཐོབ། །བསྒོམ་པ་རིག་པ་རང་རྩལ་དབང་། །མཚན་བཅས་བསྒོམ་དང་མཚན་མེད་བསྒོམ། །དང་པོ་མ་ཤར་ཤར་བར་བྱེད་པ་ལ། །ནམ་མཁའ་སྟོང་པའི་མཁའ་དཀྱིལ་བསྒོམ། །དེ་ལས་ཧཱུཾ༷་ཞུ་རྡོ་རྗེར་བསྒོམ། །རྡོ་རྗེ་འོད་ཞུ་རྡོ་རྗེ་སེམས་དཔར་བསྒོམ། །སྐུ་མདོག་དཀར་པོ་གངས་རིར་ཉི་ཤར་འདྲ། །གཡས་ན་རྡོ་རྗེ་རྩེ་ལྔ་བསྣམས། །གཡོན་པས་དྲིལ་བུ་དཀུ་རུ་བརྟེན། །རྒྱན་རྣམས་ཀུན་གྱིས་བརྒྱན་པར་བསྒོམ། །ཨོ་བཛྲ་ས་ཏྭ་ཧཱུཾ༷། དབང་པོ་འབྲུ་ལྔ་ཐུགས་ཀྱི་ཡང་སྙིང་བཟླ། བཛྲ་ཨུ་ཧར་ཧཱུཾ༷། དྷ་པེ་ཧུ༷། པྲསྤྲོ་ཧུ༷། ཨུ་ལོ་ཀེ་ཧུ༷། གརྙེ་ཧུ༷། ནེ་བི་ཏེ་ཧུ༷། ཤབྷ་རཏྣ་ཧུ༷། ཞེས་མཆོད་པས། འགྲོ་དྲུག་ཞུ་ནས་བདག་ཞུ་སྟེ། །སྤྱི་གཙུག་རྡོ་རྗེ་སེམས་དཔར་ཐིམ། །རྡོ་རྗེ་སེམས་དཔའ་འོད་དུ་ཞུ། །རྡོ་རྗེ་དཀར་པོ་རྩེ་ལྔར་སྒྱུར། །རྡོ་རྗེ་འོད་ཞུ་ཧུ༷་ལ་ཐིམ། །ཧུ༷་གི་ཞབས་བསྐྱེད་ཞུ་ནས་ནི། །འ་ཡང་འོད་དུ་ལྟེམས་ཀྱིས་ཞུ། །དེ་ནས་ཧ་ཡང་འོད་དུ་ཞུ་བ་ཡིས། །དེ་ཡང་ཟླ་བ་དག་ལ་ཐིམ། །ཟླ་བ་འོད་ཞུ་ཐིག་ལེ་ལ། །ཐིག་ལེ་འོད་ཞུ་ཡེ་ཤེས་ཟང་ཐལ་བསྒོམ། །དེ་ནི་ཐིག་ལེ་ཁོང་ཤར་ཡིན། །མཚན་བཅས་སྐུ་ཡི་བསྒོམ་པའོ། །ཐུགས་ཀྱི་ཕྱག་མཚན་བསྒོམ་པ་ནི། །དང་པོ་རང་གི་སེམས་ཉིད་སྟོང་པར་བསྒོམ། །དེ་ཡི་ངང་ལས་རྡོ་རྗེར་བསྒོམ། །རྡོ་རྗེའི་ནང་དུ་རང་ཉིད་ནི། །རང་གསལ་འཕྲོ་བ་མེད་པར་བསྒོམ། །དེ་ཡིས་ཐུགས་ཀྱི་བསྒོམ་པ་རྫོགས། །ད་ནི་གསུང་གི་བསྒོམ་པ་བསྟན། །དང་པོ་རང་བྱུང་སེམས་ཉིད་སྟོང། །མཚོནཔའིཧུ༷ ཡངསྔོན་དུ་བྲི། །དེ་ལ་ཤེས་པ་གཏད་ལ་བསྒོམ། །དེ་ནས་ཤེས་པ་ཧཱུཾ༷་དུ་བསྒོམ། །ཧཱུཾ༷་ལ་ཤེས་པ་ཚུད་པ་ནི། །སེམས་ཟིན་པ་ཡི་ཚད་ཡིན་ནོ། །དེ་ནས་སྣང་བ་སྣ་ཚོགས་ཀུན། །ཧཱུཾ༷་དུ་མི་འགྱུར་རང་དབང་མེད། །ཧཱུཾ༷་དེ་ཞུ་ནས་རང་གསལ་ཟང་ཐལ་བསྒོམ། །དེས་ནི་གསུང་གི་དགོངས་པ་རྫོགས། །ཨཱོཾ༷་དང་ཨུ༷༷དང་ཧཱུཾ༷་དང་ནི། །འཁོར་ལོ་རྡོ་རྗེ་པདྨ་དང་། །ཡིག་འབྲུ་གང་ཡང་རུང་བ་ལ །སྤྲོ་དང་བསྡུ་བ་བྱས་གྱུར་ན། །མཚན་བཅས་བསྒོམ་པ་རྫོགས་པ་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། ལྟ་བསྒོམ་རིག་པ་རང་རྩལ་གྱི་ལེའུ་སྟེ་བཅུ་གཉིས་པའོ།། །།དེ་ནས་མཚན་མེད་བསྒོམ་པ་བསྟན་པ་ནི། །ཉོན་ཅིག་རྡོ་རྗེ་སེམས་དཔའ་ཁྱོད། །རང་གི་བྱང་ཆུབ་སེམས་ཉིད་ནི། །སྟོང་གསལ་ཁྱབ་པའི་དོན་དེ་ནི། །རང་གི་སྙིང་གི་དཀྱིལ་དུ་བསྒོམ། །གཟུང་འཛིན་རྣམ་པ་སྐྱེས་པའི་ཚེ། །དེ་ཉིད་སྟོང་པ་ཉིད་དུ་བསྒོམ། །དེ་ནས་ཤེས་པ་གསལ་གདབ་ལ། །མར་མེ་ལྟ་བུར་བསྒོམ་པར་བྱ། །གཟིངས་ཐོག་བྱ་འཕུར་སླར་ལ་ལྡོག །འཕྲོ་བ་སྟོང་པར་བསྒོམས་པས་གཟུང་འཛིན་ལྡོག །དཔེར་ན་ཆུ་ལ་འཁྱགས་ཞུ་བཞིན། །དུག་ལྔ་བསྒོམས་པས་གཟུང་འཛིན་འཇིག །དཔེར་ན་ནམ་མཁའ་སྤྲིན་དངས་བཞིན། །རྟོག་པ་སྐྱེ་མེད་བསྒོ་།ས་པས་གྲོལ་བར་འགྱུར། །བྱ་བ་བཏང་པའི་སྐྱེསབུབཞིན། །ལྷངངེམ་བཅོས་ངང་ལ་བཞག །སྟོང་ཉིད་འོད་གསལ་བསྒོམ་པར་བྱ། །དང་པོ་སྔ་དྲོ་ནས་བརྩམསནས། །ཚོགསདྲུགའོདགསལ་བསྒོམ་པར་བྱ། ཁྲེས་པ་འཁྱོག་པ་བསྲངས་ནས་ནི། །ལུས་ཀྱིས་ངལ་དུབ་ཤ་ཆང་སྤང་། །དཀར་གསུམ་དག་ལ་བརྟེན་པ་ནི། །ཐུན་དགུར་བཅད་ལ་བསྒོམ་པར་བྱ། ཁམས་དང་སྦྱར་ཞིང་བསྒོམ་པ་ནི། །སྲོད་ནས་བརྩམས་ཏེ་བསྒོམ་པ་ལ། འགྱུ་བ་འད་གསལ་བསྒམ་པར་བྱ། །ཐུན་དང་ཁམས་རྣམས་གོང་་དང་མཐུན། །སྤྱོད་པ་འོད་གསལ་ཁོ་ནར་བྱ། །གུང་ལ་འགྱུ་བ་རྗེས་མེད་བསྒོམ། འོད་གསལ་ཐུན་ཚད་ཁམས་དང་སྦྱར། །རྨི་ལམ་འབྱོངས་ན་ལམ་ཆེན་ཡིན། །འོད་གསལ་སྒྱུ་ལུས་མཁས་པས་བསྒོམ། །སྒྱུ་ལུས་བསྒོམས་པས་ཤེས་གྱུར་ན། །དེ་ནས་རིག་པ་འོད་གསལ་བསྒོམ། །རིག་པ་འོད་གསལ་ཤེས་ནས་ནི། །དེ་ནས་ཡེ་ཤེས་འོད་གསལ་བསྒོམ། །ཡེ་ཤེས་འོད་གསལ་ཤེས་ནས་ནི། །ཐིག་ལེ་འོད་གསལ་མཐར་ཐུག་བསྒོམ། །མ་ཤར་བ་ལ་ཤར་བ་བྱ། ་ར་བ་བོགས་དབྱུང་བརྟན་པའི་འབྲས་བུ་བསྟན། །ཐོ་རངས་རང་སྣང་འོད་གསལ་བསྒོམ་པར་བྱ། །རྨིས་པའི་ཆོ་འཕྲུལ་རང་སྣང་འོད་གསལ་ཡིན། །བཙུན་མོ་བདེ་སྐྱོང་རྨིས་ནས་ནི། །བུ་བཙས་ལོ་གསུམ་ལོན་པ་རྨི། །བུ་ཡང་ཤི་སྟེ་བསྲེགས་པ་རྨི། །མྱ་ངན་ཆེན་པོ་སྐྱེས་ཀྱང་རྨི། །དེ་རྨིས་སད་པར་གྱུར་པ་ན། །སྡུག་བསྔལ་ཤེས་པ་ཙམ་གྱིས་གྲོལ། །དེ་བཞིན་རྨིས་པ་ཅི་བྱུང་ཡང་། །འཁྲུལ་པའི་སྣང་བར་རྟོགས་གྱུར་ན། །དེ་ཉིད་གཉིད་པས་བསྒོམ་པ་ཡིན། །དུ་བཞི་མཉམ་སྤྱོར་དགོངས་པའི་མཆོག །བསམ་གཏན་རང་གྲོལ་གདམས་པའི་མཆོག །ཟང་ཟིང་ཤེས་པ་གནད་ཀྱི་མཆོག །ཅེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། སྒོམ་པ་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །སྤྱོད་པའི་ཁྱད་པར་བསྟན་པ་ནི། །དང་པོ་ལྟ་སྒོམ་དང་བཅས་ནས། །ནགས་ཁྲོད་དགོན་པར་གཅིག་པུར་གནས། །དུར་ཁྲོད་ཝ་སྐྱ་གྲོགས་སུ་བཙལ། །ལྟ་བ་གདེང་ཆུད་བག་ཚ་མེད། །གདོན་པའི་སྨྲ་བཅད་ཤིན་ཏུ་གཅེས། །བསྒོམ་པ་གདེང་ཆུད་ཉམ་ང་མེད། །གང་ཡང་སྤྱོད་པའི་གྲོགས་སུ་འགྱུར། །སེམས་ཀྱི་སྨྲ་བཅད་ཅེས་བྱའོ། །འཁུ་འཕྲིག་མེད་པའི་རང་སྒྲ་སྒྲོགས། །ཐམས་ཅད་གསུང་གི་འཁོར་ལོར་ཤེས། །གསུང་གི་སྨྲ་བཅད་ཅེས་བྱའོ། །གཅེར་བུའི་སྤྱོད་པས་ཅི་དགར་གནས། །ཚོགས་དྲུག་ལྷུག་པའི་སྤྱོད་པ་ཡིན། །ལུས་ཀྱི་སྨྲ་བཅད་ཅེས་བྱའོ། །འཁོར་བའི་རིག་མ་མཚན་ལྡན་ལ། །བག་ཚ་ཉམ་ང་མེད་པར་ནི། །ཅི་སྤྱོད་བདེ་བའི་རླན་གྱིས་འཚོ། །འཁོར་བའི་སྨྲ་བཅད་ཅེས་བྱའོ། །གདམས་པ་གསང་གནས་རང་དོན་བསྒྲུབ། །བྱིན་རླབས་ཕྱོགས་མེད་འཆར་བ་ནི། །རིག་པའི་སྤྱོད་པ་ཞེས་བྱ་སྟེ། གདམས་པའི་སྨྲ་བཅད་ཅེས་བྱའོ། །ཡུལ་ཁྱིམས་སྤངས་ནས་ཕྱོགས་མེད་འགྲོ། །སྒྲོ་དང་སྐུར་བ་ཉམ་ང་མེད། །དམན་པའི་སྤྱོད་པས་འ་ས་པ་ནི། །གསང་བའི་སྤྱོད་པ་ཞེས་བྱ་སྟེ། །ཡུལ་གྱི་སྨྲ་བཅད་རྗེས་སུ་བརྗོད། །ཕྱོགས་བཅུར་ལུ་ས་ཤིང་བདུད་རྩི་བསྟེན། །རྟོག་པ་ཐམས་ཅད་རང་སར་དག །རྣམ་པར་རྒྱལ་བའི་སྤྱོད་པ་ཡིན། །བརྟུལ་ཤུགས་སྤྱོད་པ་ཞེས་ཀྱང་བྱ། །ཟས་ཀྱི་སྨྲ་བཅད་ཅེས་བྱའོ། །ཐམས་ཅད་རང་སྣང་རང་བྱུང་བས། རྟོགས་པས་རྩི་ལ་མ་རྟོགས་བདུད། །བདུད་ནི་འདྲེ་རུ་ཤར་བ་ཡིན། །རྩི་ནི་ལྷ་རུ་ཤར་བ་ཡིན། །བདུད་རྩི་འབྱུང་བའི་རྒྱུ་ནི་རང་བྱུང་ཡིན། །བསྒྲུབ་པའི་བདུད་རྩི་མ་ཡིན་རང་བྱུང་བདུད་རྩི་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། སྤྱོད་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །དེ་ལྟར་བྱས་པའི་འབྲས་བུ་བསྟན་པ་ནི། །ཐིག་ལེ་མི་འདའ་ཡེ་ཤེས་ཀློང་གླེབས་ནས། །མི་འགྱུར་རྡོ་རྗེ་ལྟ་བུའི་སྐུ་ཐོབ་འགྱུར། །ལུས་ཀུན་ལས་ནི་རབ་གྲོལ་ཏེ། །ལུས་ཀྱི་མཐའ་རྟོགས་ཡེ་ཤེས་ལུས། །གནས་ཀྱི་མཐའ་གྲོལ་ཐིག་ལེར་བརྡལ། །སྐད་ཅིག་གཅིག་གིས་དོན་དང་མཇལ། །འཁོར་བ་མ་སྤངས་གནས་སུ་དག །མྱ་ངན་འདས་པ་རང་ལ་ཤར། །ཡེ་ཤེས་ཐིག་ལེའི་རྩེ་མོར་སླེབ། །ཕྱི་ནང་མེད་པར་དབྱིངས་དང་མཇལ། བགྲོད་པ་མེད་པར་རང་སར་སླེབ། །སྦྱང་པ་མེད་པར་གནས་སུ་དག །བསྒྲུབ་པ་མེད་པར་འབྲས་བུ་ཐོབ། །མ་བྱས་པ་རུ་ལས་རྣམས་ཟིན། །མ་བཀྲུས་པ་རུ་དྲི་མ་དག །སྒྲོན་མ་མ་བཏེག་མུན་པ་སངས། ཁམས་གསུམ་རྩ་བ་དེ་རུ་ཆོད། །སྲིད་གསུམ་ལོ་མ་དེ་རུ་ཆོད། །སྔ་མ་ཕྱི་མའི་བར་མཚམས་ཆོད། །སྲིད་པ་རྒྱས་ཐེབས་ཆོས་སྐུར་ཤར། །འཇིག་རྟེན་གསུམ་གྱི་ཟམ་པ་བརྒལ། །དབང་ཕྱུག་ཆེན་པོའི་མ་མར་ཐོབ ཚངས་པ་ཆེན་པོའི་མེ་ལོང་རྙེད། །དགའ་བོ་འཇོག་པོའི་རིན་ཆེན་ཐོབ། །དཀར་པོ་སྤྱན་གཅིག་ཤེལ་མཁར་ཐོབ། །ཧ་ནུ་བག་ཤུའི་རལ་གྲི་ཐོབ། །ནག་པོ་བཀྲག་མེད་ཁྲམ་བམ་ཐོབ། །གནོད་སྦྱིན་ཀུན་ལ་སྒྲིབ་ཀྱི་ཤེལ་སྒོང་ཐོབ། །གཤིན་རྗེའི་རྒྱལ་པོའི་ལྕགས་མཁར་ཐོབ། །སྲིད་པའི་རྒྱལ་མོའི་གཏེར་མཛོད་ཐོབ། །གསུང་མཆོག་དམར་པོའི་ཞགས་པ་ཐོབ། །ལྷ་སྲིན་སྡེ་བརྒྱད་སྲོག་རྩ་ཆོད། །ཆོས་འཁོར་སྐྱོང་བའི་རྒྱལ་བློན་འབངས་དང་གསུམ། །མ་ལུས་ལུས་པ་མེད་པའི་སྲོག་རྩ་ཆོད། །ལྷ་ཁང་ཞིག་པས་སྒོ་ལྕགས་སྟོར། །ལྡེ་མིག་ཚིག་པས་དབྱེ་རུ་མེད། །ཕ་སྤུན་གཉིས་ཀྱིས་དམེ་བྱས་པས། ཁམས་གསུམ་འཁོར་བའི་སྐྱེ་རྒྱུད་བཅད། །རྣམ་པར་སྣང་མཛད་ཞིང་ཁམས་མཐོང་། །རྡོ་རྗེ་སེམས་དཔའི་མེ་ལོང་མཐོང་། །སྣང་བ་མཐའ་ཡས་ཞིང་ཁམས་མཐོང་། །རིན་ཆེན་འབྱུང་ལྡན་ཡོན་ཏན་མཐོང་། །དོན་ཡོད་གྲུབ་པའི་ཞིང་ཁམས་མཐོང་། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས འབྲས་བུ་རང་སའི་ལེའུ་སྟེ་བཅོ་ལྔ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །དེ་རྣམས་ཡོན་ཏན་བསྟན་པ་ནི། །ལྟ་བ་བསྟན་པས་ཆོས་སྐུ་ཐོབ། །སྒོམ་པ་བསྟན་པས་ལོངས་སྐུ་ཐོབ། །སྤྱོད་པ་བསྟན་པས་སྤྲུལ་སྐུ་ཐོབ། །འབྲས་བུ་བསྟན་པས་རང་གྲོལ་ཐོབ། །ལྟ་བས་དུག་ལྔ་ཞི་བར་བྱེད། །སྒོམ་པས་ཉོན་མོངས་ཞི་བར་བྱེད། །སྤྱོད་པས་འདྲེ་གདོན་ཞི་བར་བྱེད། །འབྲས་བུས་འདོད་ཁམས་ཞི་བར་བྱེད། །ལྟ་བ་རྟོགས་པས་ཡེ་ཤེས་ཤར། །སྒོམ་པ་རྟོགས་པས་ཉམས་མྱོང་ཤར། །སྤྱོད་པ་རྟོགས་པས་ཐུག་ཕྲད་ཤར། །འབྲས་བུ་རྟོགས་པས་ཐིག་ལེ་ཤར། །ལྟ་བ་རང་གྲོལ་རིག་པའི་གནད། །ཡེ་ཤེས་ཟང་ཐལ་དབང་པོ་ཡིན། །བསྒོམ་པ་རང་གྲོལ་གདམས་པའི་གནད། །ཉམས་མྱོང་འོད་གསལ་དབང་པོ་ཡིན། །སྤྱོད་པ་རང་གྲོལ་ཐབས་ཀྱི་གནད། །གཉིས་མེད་རང་ཤར་དབང་པོ་ཡིན། །འབྲས་བུ་རང་གྲོལ་ཡེ་ཤེས་གནད། །རིག་པ་ཡུལ་མེད་དབང་པོ་ཡིན །ཉམས་མྱོང་ཡེ་ཤེས་འཆར་བ་ལ། །གཟུང་འཛིན་གཉིས་ཀྱི་ལམ་སྣ་ལ། །གཉིས་མེད་ངོ་སྤྲོད་དབང་པོ་གཅེས། །མ་རིག་འཁོར་བར་འ་ས་པ་ལ། །རིག་པའི་ཡེ་ཤེས་ངོ་སྤྲོད་དགོས། །འགྱུ་བ་སྣ་ཚོགས་ཞབྲུལ་པ་ལ། །ཡེ་ཤེས་ངོ་སྤྲོད་ཕྱོགས་མེད་དགོས། །འཁོར་བའི་རྩ་བ་ཉོན་མོངས་ཡིད། །རང་གྲོལ་ཤེས་རབ་ངོ་སྤྲོད་དགོས། །དེ་ནི་ངོ་སྤྲོད་རྣམ་པ་བཞི། །འགྱུ་བ་ངང་སངས་ཤར་གྲོལ་བའི། ཁ་མིག་འཁྱར་དང་གཟེར་ཐེབས་པས། །སྒོ་དང་དབང་དང་གཟེར་ལྟ་བུ། །དེ་ནི་དབང་བསྐུར་འདུས་པ་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། ཡོན་ཏན་དང་འབྲས་བུ་དམར་ཁྲིད་ཀྱི་ལེའུ་སྟེ་བཅུ་དྲུག་པའོ།། །།ད་ནི་རིག་པ་ཡེ་ཤེས་རྩོལ་མེད་དབང་བསྟན་གྱིས། །ཉོན་ཅིག་གསང་བའི་བདག་པོ་ཁྱོད། །ཐིག་ལེར་རང་བྱུང་དབང་བསྐུར་བས། །བརྡའ་དང་རྟགས་དང་དོན་དུ་བསྟན། །སྤྱི་ནི་བརྡ་ཡི་དབང་བསྟན་པ། །རིན་ཆེན་མན་ཤེལ་ཟང་ཐལ་དེ། །བྱས་པས་མ་བྱས་རང་བྱུང་ཡིན། །མན་ཤེལ་ཟང་ཐལ་ཡིན་པ་ནི། །ཐིག་ལེ་ཟང་ཐལ་ཡིན་པའི་བརྡའ། ཁོ།ལ་གྱི་ངོ་བོ་འོད་གསལ་བ། །ཐིག་ལེ་འོད་གསལ་ཡིན་པའི་བརྡའ། ཁྲེལ་ལ་ཟུར་དྲུག་ཤར་བ་ནི། །འགྲོ་དྲུག་རང་སར་གྲོལ་བའི་བརྡའ། ཁོ།ལ་ལ་ཐེལ་དྲུག་བྱུང་བ་ནི། །ཐིག་ལེ་ཟུར་གྲྭ་མེད་པའི་བརྡའ། །མན་ཤེལ་མཐིང་གར་ཤར་བ་ནི། །ཐིག་ལེ་འགྱུར་བ་མེད་པའི་བརྡའ། །མན་ཤེལ་གཞི་ལ་འོད་གནས་པས། །ཐིག་ལེའི་ཡོན་ཏན་མ་འགགས་བརྡའ། ཁོ།ལ་ནི་དྲི་མེད་རང་བྱུང་བས། །ཆོས་སྐུ་དྲི་མ་མེད་པའི་བརྡའ། ་།ལ་གྱི་སྣང་བ་མ་འགགས་པས། །ལོངས་སྐུ་གཞི་ལ་གནས་པའི་བརྡའ། །མན་ཤེལ་དེ་ལ་འོད་ཤར་བས། །སྤྲུལ་སྐུས་འགྲོ་དོན་བྱེད་པའི་བརྡའ། །སྤྱན་གསུམ་ཡེ་ཤེས་རྣམ་པ་གསུམ། །སྟོན་པ་གསུམ་གྱི་བརྡའ་ཡིན་ནོ། །ད་ནི་རྟགས་ཀྱི་བརྡའ་བསྟན་ཏེ། །ཙིསྟ་ཁོང་སྟོང་ཟང་ཐལ་དེ། །ཐིག་ལེ་ཡེ་ཤེས་རང་བྱུང་རྟགས། །སྙིང་ལ་རྩ་བཞི་ཟང་ཐལ་བ། །ཐིག་ལེ་ཟང་ཐལ་ཡོད་པའི་རྟགས། །སྙིང་སྟོང་དཀར་པོར་འདུག་པ་སྟེ། །ཐིག་ལེ་འོད་གསལ་ཡོད་པའི་རྟགས། །ཙིསྟ་ཟུར་དྲུག་འབར་བ་ནི། །འགྲོ་དྲུག་གཡང་ས་གཅོད་པའི་རྟགས། །སྙིང་ལ་ཐེལ་དྲུག་བྱུང་བ་ནི། །ཐིག་ལེ་ཆོས་མིན་ཡོད་པའི་རྟགས། །སྙིང་མཚམས་ཆོས་ཉིད་རྩས་མཚོན་པ། །ཐིག་ལེ་འགྱུར་མེད་ཡོད་པའི་རྟགས། །ཙིསྟ་ཟུར་བརྒྱད་འབར་བ་ནི། །ཐིག་ལེའི་ཡོན་ཏན་མ་འགགས་རྟགས། །སྙིང་ནི་ཟུར་གསུམ་དབྱིབས་སུ་ཤར། །སྐུ་གསུམ་རང་ལ་གྲུབ་པའི་རྟགས། །སྙིང་ལ་སྟོད་སྨད་དབུས་དང་གསུམ། །སྤྱན་གསུམ་རང་ལ་ཡོད་པའི་རྟགས། །ཐིག་ལེ་ཡེ་གནས་རང་ལ་གྲུབ། །དེ་ལྟར་ཤེས་ན་དབང་གི་རྒྱལ་པོ་ཡིན། །དེ་ལྟར་ཤེས་ན་དབང་བསྐུར་བླ་མ་ཡིན། །བཙལ་མི་དགོས་པ་མཆོག་གི་དབང་། །ཐིག་ལེ་ཡེ་ནས་ཡོད་པ་དབང་གི་རྒྱལ་པོ་ཡིན། །རིག་པ་རང་གནས་དབང་གི་རྫས་སུ་བཤད། །རིག་པ་རང་གནས་དབང་གི་བསྐུར་ཐབས་ཡིན། །ཐིག་ལེ་རང་ཤར་དབང་གི་འབྲས་བུ་ཡིན། །ཙིསྟ་བུམ་པའི་དབང་ཞེས་བརྗོད། །མིག་ལ་སྤྱན་གྱི་ངོ་སྤྲོད་པས། །དེ་ནི་ཐབས་ཀྱི་དབང་ཞེས་བརྗོད། །ཡིད་ལ་ཤེས་རབ་ངོ་སྤྲད་པས། །དེ་ནི་ཤེས་རབ་དབང་ཞེས་བརྗོད། །འགྱུ་བ་ཡེ་ཤེས་ངོ་སྤྲད་པས། །གསང་བའི་དབང་ཞེས་དེ་ལ་བྱ། །མ་རིག་ཡེ་ཤེས་ཟང་ཐལ་ལ། །གཟུང་འཛིན་ཐིག་ལེ་ཁོང་ནས་ཤར། །ཚིག་དབང་རིན་པོ་ཆེ་ཞེས་བརྗོད། །ཅེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། ཐིག་ལེ་དང་ཡེ་ཤེས་ཀྱི་དབང་གི་ལེའུ་སྟེ་བཅུ་བདུན་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །སྤྱན་གྱི་དབང་བསྐུར་བསྟན་པ་ནི། །ཐོག་མ་གཏེར་གྱི་འབྱུང་གནས་ན། །ལྷུན་གྱིས་གྲུབ་པའི་སྤྱན་གནས་ཏེ། །གསལ་བ་གཞན་དབང་མ་གྱུར་རང་གསལ་སྤྱན། །དེ་ནི་ཐབས་ཀྱི་སྤྱན་ཡིན་ནོ། །འགག་མེད་གཞན་དབང་མ་གྱུར་པ། །དེ་ནི་ཤེས་རབ་སྤྱན་ཡིན་ནོ། །ཟང་ཐལ་གཞན་དབང་མ་གྱུར་པ། །དེ་ནི་ཡེ་ཤེས་སྤྱན་གྱི་གཞི། །དེ་གསུམ་དབྱེར་མེད་དབང་ཡིན་པས། །ལྷུན་གྲུབ་ཡོངས་སུ་རྫོགས་པའི་སྤྱན། །དེ་ནི་གཞི་ཡི་སྤྱན་གྱི་དབང་། །དེ་ནས་ལམ་གྱི་དབང་བསྟན་པ། །དཔེ་དོན་རྟགས་ཀྱི་དབང་བསྟན་ནོ། །དཔེར་ན་རིན་ཆེན་མན་ཤེལ་ཏེ། །སྤྱན་གསུམ་དབང་གི་དཔེ་ཡིན་ནོ། །རྟགས་ནི་མིག་ལ་ཤར་བའོ། །སྤྱི་ཡི་རྟགས་དང་དོན་དུ་འབྲེལ། །ནང་གི་དབང་རྟགས་སྙིང་ཡིན་ནོ། །དོན་གྱི་རྟགས་དང་སྦྱར་བ་གཅེས། །ཕྱི་ཡི་དབང་རྟགས་མིག་ཡིན་ནོ། །ངོ་སྤྲོད་བྱས་ཏེ་རྟགས་སུ་བསྟན། །མིག་གཡས་ཆོས་ཀྱི་སྤྱན་གྱི་རྟགས། །གཡོན་པ་ཤེས་རབ་སྤྱན་གྱི་རྟགས། །མཛོད་སྐྲུ་ཡེ་ཤེས་སྤྱན་གྱི་རྟགས། །དོན་གྱི་སྤྱན་གསུམ་འགྱུ་བའི་མིག །འགྱུ་བའི་སྦྱན་ལ་ངོ་སྤྲད་ན། །སྤྱན་གྱི་དངོས་གྲུབ་ཐོབ་པར་འགྱུར། །རྣ་བ་གཡས་པ་ཆོས་ཀྱི་སྤྱན། །གཡོན་པ་ཤེས་རབ་ཆེན་པོའི་སྤྱན། །མིག་ནི་ཡེ་ཤེས་སྤྱན་ཡིན་ནོ། །རྣ་བ་ཆོས་ཉིད་རྩ་གནས་པ། །སྒྲོ་འདོགས་གཅོད་པའི་ངོ་སྤྲོད་བྱ། །མིག་ལ་ཡེ་ཤེས་རྩ་གནས་པས། །ཟང་ཐལ་རྟོགས་པའི་ངོ་སྤྲོད་བྱ། །སྙིང་ལ་ཤེས་རབ་རྩེ་གནས་པས། །ཡེ་ཤེས་ངོ་སྤྲོད་ཤིན་ཏུ་གཅེས། །གློ་སྒང་གཉིས་ལ་རྩ་གཉིས་གནས། །གཟུང་འཛིན་གཉིས་སྣང་བློ་ཡི་རྩ། །མིད་བར་དབུས་ཀྱི་རྩ་གནས་པ། །སེམས་ཀྱི་རྟ་ཕོ་བྱེད་པའི་རྩ། །སྙིང་མཚམས་ཐུགས་ཀར་འབྲེལ་པའི་རྩ། །དབུགས་ཆེན་དབུགས་མེད་སོ་མཚམས་ཡིན། །སྙིང་ལ་རྩ་ཆེན་བརྒྱད་གནས་པ། །ཐིག་ལེ་ཡེ་ཤེས་བརྒྱད་ཀྱི་རྩ། །མགྲིན་པ་རྩ་ལྔ་འོད་གསལ་བ། །བར་དོ་འོད་དུ་འཆར་བའི་རྩ། །ཐིག་ལེ་བཙན་ཐབས་རྟགས་སུ་བཤད། །མཛོད་སྤུ་ཐིག་ལེ་ཟང་ཐལ་རྩ། །འདས་པ་ལྔ་ཡི་རྩ་ཡིན་ནོ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། སྤྱན་དང་རྩའི་ལེའུ་སྟེ་བཅོ་བརྒྱད་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །སྐུ་གསུམ་དབང་བསྐུར་བསྟན་པ་ནི། །སྙིང་ག་འོད་དཔག་མེད་པའི་དབང་། །དཔག་མེད་ཡེ་ཤེས་ཡོན་ཏན་དབང་། །ཡེ་ནས་ཡོད་པའི་དབང་ཡིན་ནོ། །མ་བསྐུར་སྤྱད་པར་མི་ནུས་ཏེ། །བསྐུར་བས་ཐོབ་པའི་དབང་ཡིན་ནོ། །ཆོས་གསུམ་འདུས་པ་འོད་དཔག་མེད། །ཀུན་ཏུ་བཟང་པོའི་དགོངས་པ་ཡིན། །དེ་ལ་གློ་མཚམས་འོད་སྲུངས་ནི། །རྡོ་རྗེ་སེམས་དཔའ་ཁོང་ཤར་ཡིན། །གློ་བའི་མཐིལ་དུ་མར་མེ་མཛད། །དགའ་རབ་རྡོ་རྗེ་རིག་པ་རང་གྲོལ་ཡིན། །སྟོན་པ་སྐུ་གསུམ་རང་ལ་གནས། །ཡེ་ནས་གཞི་ལ་གྲུབ་པས་ན། །སྐུ་གསུམ་དབང་བསྐུར་ཞེས་ཀྱང་བྱ། །མགྲིན་པ་འོད་སྲུངས་དབང་བསྐུར་ཐོབ། །མིག་ལ་མར་མེ་མཛད་ཀྱི་དབང་། །མ་བསྐུར་མུན་པ་འཐིབས་པ་ཡིན། །བསྐུར་བས་མུན་པ་ཡུལ་ན་མེད། །མར་མེ་མཛད་ཀྱི་དབང་བསྐུར་རྫོགས། །བསྐལ་པ་སྟོང་གི་མུན་པ་ལ། །མར་མེ་མཐེབ་མོ་ཙམ་གྱིས་སེལ། །མ་རིག་མུན་པ་འཐིབས་པ་ལ མར་མེ་མཛད་ཀྱི་དབང་བསྐུར་བས། །མ་རིག་མུན་པ་སྐད་ཅིག་སངས། །དེ་ལྟར་བསྐུར་བའི་དབང་མཆོག་ནི། །བསྒྲུབས་པས་འགྲུབ་པར་མི་འགྱུར་ལ། །དཔྱད་པས་གཏན་ལ་མི་ཕེབས་སོ། །བརྗོད་པས་བློ་ཐོག་མི་ཕེབས་སོ ཐོས་མང་ཚིག་ཆོགས་མང་པོས་ཀྱང་། །དེ་ནི་གཏན་ལ་མི་ཕེབས་སོ། །མ་བསྟན་ཤེས་པར་མི་འགྱུར་རོ། །བསྟན་ན་མི་འཆར་མི་སྲིད་དོ། །དེ་བས་འདོད་པ་འབྱུང་མི་འགྱུར། །དབང་གི་རྒྱལ་པོ་སྐུ་གསུམ་དག །རྟགས་ཀྱི་རྒྱལ་པོ་བསྟན་དུ་ཡོད། །དཔེ་ཡི་རྒྱལ་པོ་མཚོན་དུ་ཡོད། །ཐིག་ལེའི་རྒྱལ་པོ་སྤྲད་དུ་ཡོད། །ངོ་སྤྲོད་རྒྱལ་པོ་ཐིག་ལེ་རང་སྣང་ཡིན། །ཉམས་ཀྱི་རྒྱལ་པོ་ཡེ་ཤེས་རང་སྣང་ཡིན། །གཞི་ཡི་རྒྱལ་པོ་ལྷུན་གྲུབ་ཡོངས་རྫོགས་ཡིན། །འབྲས་བུའི་རྒྱལ་པོ་ཆོས་ལ་གྲོལ་བ་ཡིན། །ཐུགས་རྗེའི་རྒྱལ་པོ་སྐུ་གསུམ་རང་འཁྲུངས་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། །སྐུ་གསུམ་དབང་བསྐུར་གྱི་ལེའུ་སྟེ་བཅུ་དགུ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །གཞི་ཡི་སྐོར་ལུགས་མ་ཤེས་ན། །ནོར་བུ་རིན་ཆེན་སྟོར་བ་འདྲ། ཀུན་གཞི་ཞིང་ས་ལྟ་བུ་ལ། །ཆོས་ཀྱི་སྒོ་མོ་ཟུག་པ་རྩ་བ་འདྲ། །ཐེག་གསུམ་གཅིག་ཏུ་འདྲིལ་བས་སྡོང་པོ་འདྲ། །ཐེག་དགུ་རང་ལ་ཤར་བས་གྱེས་པའི་ཡལ་ག་འདྲ། །ཆོས་ཀྱི་སྒོ་མོ་བརྒྱད་ཁྲིར་ཤར་བས་རྒྱས་པ་ལོ་འདབ་འདྲ། །མེ་ཏོག་སྣ་ཚོགས་གསལ་བས་ལོངས་སྐུ་འདྲ། །དྲི་མཆོག་སྣ་ཚོགས་འབྱུང་བས་སྤྲུལ་སྐུ་འདྲ། །འབྲས་བུ་རང་སར་སྨིན་པས་ཆོས་སྐུ་འདྲ། །དེ་ནི་ཡར་གྱི་འདྲིལ་ལུགས་ཡིན། །མར་གྱི་འདྲིལ་ལུགས་བཤད་པ་ནི། །ཀུན་གཞི་མ་འགགས་ཡངས་པ་ལ། །ཉོན་མོངས་སྒོ་མོ་ཟུག་པས་རྩ་བ་འདྲ། །དུག་གསུམ་གཅིག་ཏུ་འདྲིལ་བས་སྡོང་པོ་འདྲ། །ཉོན་མོངས་ལྔ་རུ་གྱེས་པས་ཡལ་ག་འདྲ། །ཉོན་མོངས་བརྒྱད་ཁྲིར་ཤར་བས་རྒྱས་པ་ལོ་འདབ་འདྲ། །མེ་ཏོག་གསལ་ལ་མཛེས་པས་འབྱུང་ལྔ་འདྲ། །འབྲས་བུ་རང་སར་སྨིན་པས་འགྲོ་དྲུག་གོ །ཕྱོགས་མེད་རྟོགས་ན་རྫོགས་ཆེན་ཡིན། །ཕྱོགས་ཆར་འཛིན་པ་ཞབྲུལ་པ་ཡིན། །ཕྱོགས་རྟོགས་ཡང་དག་ཉིད་མ་རྟོགས། །མ་རྟོགས་པ་དང་ལོག་པར་རྟོག །དེ་ཡིས་འབྲས་བུ་འཐོབ་མི་འགྱུར། །འབྲས་བུའི་རྫོགས་ལུགས་མ་ཤེས་ན། །ལོ་ཏོག་སད་ཀྱིས་ཁྱེར་བ་འདྲ། །མཐོང་སྟོང་ཐ་དད་མ་ཤེས་ན། །གོལ་སྒྲིབ་གདར་ཤ་མི་ཆོད་པས། །ལ་མི་ཟློས་པའི་སྐྱོན་དུ་འགྱུར། །ནོརབུརིནཆེནབཞགནསམཆིང་བུ་འཚོལ་བ་འདྲ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། ཐེག་པ་དང་འགྲོ་དྲུག་བསྡུ་བའི་ལེའུ་སྟེ་ཉི་ཤུ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །སྣང་བ་ལྔ་ལ་ངོ་སྤྲད་པ། །མེ་ལོང་ནང་གི་བྱད་ལྟར་ཤར། །སྣང་བས་གནོད་པ་མི་ནུས་པས། །སྣང་བ་དབང་དུ་འདུས་པ་ཡིན། ཁུད་དྲུག་དག་ལ་ངོ་སྤྲད་པས། །རིག་པ་འོད་གསལ་ལྷག་མཐོང་ཤར། །ཞི་གནས་དགོངས་པ་རང་སར་གྲོལ། །འགྲོ་དྲུག་དབང་དུ་འདུས་པ་ནི། །དུག་སྦྲུལ་འགྲོ་བའི་མདུད་པ་འདྲ། །ཡེ་ཤེས་འོད་གསལ་ངོ་སྤྲད་པས། །ཐིག་ལེ་ཡེ་ཤེས་རང་ལ་ཤར། །འགྲོ་དྲུག་གཡང་ས་དབང་དུ་འདུས། །རི་རབ་རྩེ་མོར་ཕྱིན་པ་འདྲ། །ལྔ་གསུམ་བཅོ་ལྔས་མིག་འབྱེད་པ། །དབང་པོའི་རིམ་པས་ཤེས་པར་བྱ། །ཕྱི་འགྱུ་འགྲོ་དྲུག་རང་སྣང་ཡིན། །ནང་འགྱུ་ལྷ་ཡི་རྣལ་འབྱོར་ཡིན། གསང་འགྱུ་ཐིག་ལེ་སྣང་ཐོག་ཤར། །དངོས་གཞི་གཉིས་པོ་མ་ཤེས་ན། །ལོང་བས་ལོང་བ་ཁྲིད་པ་འདྲ། །འཁྲུལ་གཞི་འཁྲུལ་པ་དངོས་པོ་གསུམ། །དེ་ཡི་ས་མཚམས་མ་ཤེས་ན། །རྒྱལ་བུ་རྐང་ནས་འ་ས་པ་འདྲ། །འཁོར་བ་འཁྲུལ་པ་ལྡོག་པ་གསུམ། །དེ་ཡི་གདམས་པ་མ་ཤེས་ན། །དམུས་ལོང་བྱང་ཐང་ལུས་པ་འདྲ། །གཞི་དང་ཚིག་དང་དཔེ་ཐོག་ཤོར། །དེ་གསུམ་ངོ་ཡིས་མ་ཟིན་ན། །ཇོ་བོས་མ་འབ་ཁོལ་པོ་འདྲ། །སྣང་རྒྱ་རིག་རྒྱ་གདམས་པའི་རྒྱ། །རྒྱ་གསུམ་རང་ཤར་མ་ཤེས་ན། །ཁྱི་མོ་ནད་ཟན་བྱེད་པ་འདྲ། །ད་ལྟ་འཆི་ཀ་བར་དོ་གསུམ། །གདམས་པའི་རྩི་ཡིས་མ་ཐེབས་ན། ཁེང་གི་རང་ཐག་བསྐོར་བ་འདྲ། །གོ་བ་རྟོགས་པ་ཆོད་པ་གསུམ། །དེ་གསུམ་ཚད་དུ་མ་སྐྱོལ་ན། །མ་འཛད་མེད་པར་གསེར་ཉོ་འདྲ། །བརྒྱུད་པ་གདམས་པ་ཉམས་དང་གསུམ། དེ་གསུམ་མེད་པར་སློབ་མ་བསྟན། །ཆུ་ཤིང་སྙིང་པོ་བཏོན་པ་འདྲ། །དབང་དང་ལག་ལེན་ཉམས་མྱོང་གསུམ། །དེ་གསུམ་མེད་པར་དབང་བསྐུར་བ། །ནོང་བུས་རྒྱལ་ས་བཟུང་པ་འདྲ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། ངོ་སྤྲོད་གནད་ཀྱི་ལེའུ་སྟེ་ཉེར་གཅིག་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །ངོ་སྤྲོད་བཞི་དང་དུས་བཞི་མཉམ་སྦྱོར་དང་། །སེམས་དང་ཡེ་ཤེས་དབྱེ་བ་དང་། །རིག་པའི་ཡེ་ཤེས་ངོ་སྤྲོད་པ། །འབྲིང་གི་གདམས་པ་ཡིན་པར་བཤད། །གསང་ལམ་བཞི་ཡི་ངོ་སྤྲོད་དང་། །འོད་གསལ་འཁོར་ལོའི་གཟེར་གདབ་པ། །སྣང་བ་འོད་གསལ་འཁོར་ལོ་བསྐོར། །གནད་དང་ལོག་གནོན་ཤེས་པར་བྱ། །ཚོགས་དྲུག་འོད་གསལ་འཁོར་ལོ་བསྐོར། །ཚོགས་དྲུག་རང་གྲོལ་དབང་པོ་ཡིན། །འགྱུ་བ་འོད་གསལ་འཁོར་ལོ་བསྐོར། གཟུང་འཛིན་དངས་པ་དབང་པོ་ཡིན། ཁྲེས་རབ་རིག་པའི་ངོ་སྤྲོད་བསྟན། །འཁོར་འདས་རུ་གཅོད་དབང་པོ་ཡིན། །ཡེ་ཤེས་དངོས་འཛིན་དབང་པོ་ནི། །ཡེ་ཤེས་སྤྱན་གྱིས་བྱེད་པ་ཡིན། །སྤྱན་གསུམ་དབང་བསྐུར་བྱེད་པ་ལ། །གནས་ཚལ་བཞུགས་ཚུལ་རྟོགས་ཚུལ་དང་། །བསྐུར་ཚུལ་འཆར་ཚུལ་གྲོལ་ཚུལ་གྱིས། །སྤྱན་གྱི་དབང་བསྐུར་ཐོབ་པ་ཡིན། །དྲུག་གསུམ་བཅོ་བརྒྱད་དག་གིས་མིག་ཕྱེ་ནས། །ཆོས་དང་ཤེས་རབ་སྤྱན་གྱི་དབང་། །རང་དབང་རང་གིས་ཐོབ་པས་རྒྱལ་པོ་ཡིན། ཡེ་ཤེས་གསལ་འགྲིབ་མེད་པ་དེ། ཟབ་དང་འགགས་མེད་འགག་པ་མེད། །ཡེ་ཤེས་དབང་གི་བསྐུར་ཐབས་ཡིན། ཁྲེས་རབ་ཐོགས་པ་མེད་པ་དེ། །མྱུར་དང་དྲག་དང་སྐད་ཅིག་ལ། །བཟུང་སྟེ་དབབ་དང་ཕྱིར་ལྡོག་པ། ཁྲེས་རབ་དབང་གི་བསྐུར་ཐབས་ཡིན། །ཆོས་ཉིད་རང་གྲོལ་མྱུར་བ་དེ། །མྱུར་དང་གསལ་དེ་སྐད་ཅིག་ལ། །ཆོས་ཀྱི་དབང་གི་བསྐུར་ཐབས་ཡིན། །ཡེ་ཤེས་སྤྱན་གྱི་གནས་ཚུལ་དམིགས། །བཞུགས་ཚུལ་ཟང་ཐལ། །རབ་དང་འབྲིང་དང་ཐ་མ་གསུམ། །སྣང་བ་རྒྱ་ཡན་རིག་པ་རང་གྲོལ་དང་། །ཆོས་ཉིད་འོད་གསལ་ཆེན་པོ་གསུམ། །དབྱེ་དུས་ཕྱེད་དུས་བྱེད་པའི་ཚད། །མ་ཕྱེད་སྐྱོན་ཡོན་འབྲས་བུ་རྣམས། །གདེང་ལྡན་བླ་མ་སློབ་མ་ཡིན། །འདི་འདྲ་རྒྱ་མཚོའི་ཕ་བོང་བཞིན། །བསྐལ་པ་ཞ་གས་ཀྱང་ཁར་འབྱུང་མིན། །རུས་སྦལ་གྲེ་བར་ནོར་བུ་ཆུད་པ་བཞིན་དུ་སྡོམས། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། །དམར་ཁྲིད་དམར་བྱང་དང་། དོན་སྐོར་སངས་རྒྱས་ངོ་སྤྲོད་ཀྱི་ལེའུ་སྟེ་ཉེར་གཉིས་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །འཆི་བ་འཆི་ལྟས་འཆི་རྩིས་སུ། །རླུད་དང་ཐིག་ལེ་རྩ་དང་གསུམ། །ནད་དང་གདོན་དང་རྣམ་སྨིན་གསུམ། །འབྱུང་བ་འཁྲུགས་པའི་ནད་ཡིན་ཏེ། །དཀར་ན་གྲང་བ་ཆུ་ཡི་དུག །དམར་ན་ཚ་བ་མེ་ཡི་དུག །མཐིང་ན་བད་ཀན་ནམ་མཁའི་དུག། །སེར་ན་མཁྲིས་པ་ས་ཡི་དུག །ལྗང་ནག་འདུ་བ་རླུད་གི་དུག །དཀར་ན་ཆུ་ཡི་རླུད་ལ་རྒྱལ་པོའི་གདོན། །མཐིང་ནག་ནམ་མཁའི་རླུད་ལ་བདུད་ཀྱི་གདོན། །དམར་ནག་མེ་ཡི་རླུད་ལ་བཙན་ཁམས་གདོན། །སེར་ནག་ས་ཡི་རླུད་ལ་དམུ་ཚོགས་གདོན། །ལྗང་ནག་རླུ་་གི་རླུད་ལ་སྣ་ཚོགས་འདྲེ་ཀུན་གདོན། །རྐང་མཐིལ་དུ་དཀར་ནག་ཡིནནམདྲོད་སྟོར་ན། །དམྱལ་བར་འགྲོ་བའི་སྔ་ལྟས་ཡིན། །གསང་བར་པྲེ་དམར་དྲོད་སྟོར་ན། །ཡི་དྭགས་འགྲོ་བའི་སྔ་ལྟས་ཡིན། །ལྟེ་བར་སུ་མཟིང་དྲོད་སྟོར་ན། །བྱོལ་སོང་འགྲོ་བའི་སྔ་ལྟས་ཡིན། །སྙིང་གར་དྲི་སེར་དྲོད་སྟོར་ན། །མི་རུ་འགྲོ་བའི་སྔ་ལྟས་ཡིན། །མགྲིན་པ་ཨ་ལྗང་དྲོད་སྟོར་ན། །ལྷ་མ་ཡིན་དུ་སྐྱེ་བའི་ལྔ་ལྟས་ཡིན། །སྤྱི་བོར་ཨ་ལྗང་དཀར་ཡིན་ནམ་དྲོད་སྟོར་ནས། །ལྷ་རུ་སྐྱེ་བའི་སྔ་ལྟས་ཡིན། །དེ་ཡང་དམྱལ་བ་ལ་སོགས་སྣང་བ་བསྒྱུར། །མི་ལུས་ཐོབ་པའི་སྣང་བ་ཐམས་ཅད་བཤད། །དབང་པོ་རྒྱུ་ལྟར་འཁོར་བར་བྱེད། །རླུད་ནི་ལྔ་གསུམ་བཅོ་ལྔ་བརྟགས། །ཐིག་ལེ་མིག་གི་བ་ཐག་ཡལ། །བླ་རྩ་སྟོར་ན་འཆི་བར་བཤད། །གནམ་གྱིས་རེ་ཐག་ཆད་པ་དང་། །ཆོས་ཀྱི་དབྱིངས་ཀྱི་རྔ་སྒྲ་ཆད། །ཤེས་རབ་སྤྱན་གྱིས་ཤེས་པར་འགྱུར། །ཡེ་ཤེས་སྤྱན་གྱི་ཐིག་ལེ་ནུབ། །རྟ་མཆོག་སྔོན་པོའི་ག་ཕུར་སྟོར། །ཏི་ཚེ་གངས་ཀྱི་རླངས་པ་ཡལ། །གློག་ལྕམ་དམར་པོའི་སྦྲང་རྩི་ཡལ། །རྒྱ་མཚོར་ཆུ་བྲན་ཐམས་ཅད་འདུས། །དབུས་ཀྱི་ཀ་བ་བཙན་ཆེན་འཆུས། ཁོལ་པོ་བཞི་པོ་ཀ་བཞིན་རེངས། །དཔག་བསམ་ཤིང་གི་མེ་ཏོག་ཡལ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས འཆི་བ་འཆི་ལྟས་འཆི་རྩིས་དང་རྟགས་ཀྱི་ལེའུ་སྟེ་ཉེར་གསུམ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །འཆི་གའི་གདམས་པ་བསྟན་པ་ནི། །མཐུན་པའི་དཔེ་དང་འགལ་བའི་རྐྱེན། །རྐྱེན་གཉིས་དག་གིས་འཆི་བ་ཡིན། །མཐུན་རྐྱེན་འདུ་དུས་འཆར་བའི་དུས། །གྲོལ་བའི་དུས་དང་རྣམ་པ་བཞི། །དབང་པོ་རབ་འབྲིང་ཐ་མ་གསུམ། །བར་དོ་ཡོད་དང་བར་དོ་མེད། །རྒྱལ་ཐབས་སྤྱི་བླུག་ཚུལ་དུ་བསྟན། །བར་དོ་ཡོད་དང་འབྲིང་དང་ཐ་མ་གསུམ། །ཆོས་ཉིད་བར་དོ་འཁྲུལ་པ་ལྔ། །རང་རྐྱེན་མཐུན་པའི་གྲོགས་སུ་འཆར། །ཆོས་ཉིད་རང་སྣང་དོན་གྱི་མེ་ལོང་ཡིན། །མཐུན་རྐྱེན་རང་སྣང་ངོ་སྤྲོད་བླ་མའི་གདམས་པར་འཆར། །དེ་ནི་རང་སྣང་རྐྱེན་དུ་འཆར་ཞེས་བྱ། །འགལ་རྐྱེན་འོད་ལ་ཆགས་སྡང་སྐྱེ། །དེ་ཡི་འབྲས་བུ་གཞན་རྐྱེན་འགྲོ་དྲུག་འཁྲུལ། །འཁོར་བ་རྣམ་བཞིར་འ་ས་པ་འགལ་རྐྱེན་ཡིན། །རྒྱུ་ལྟར་འཁོར་བ་མ་རིག་དུག་ལྔ་ཡིན། །ནག་པོ་ལྟར་འཁོར་ལས་ཀྱི་རྣམ་སྨིན་ཡིན། །དཀར་པོ་ལྟར་འཁོར་ལས་ཀྱི་འབྲས་བུ་ཡིན། །འབྲས་བུ་ལྟར་འཁོར་གྲགས་ཆེན་སངས་རྒྱས་ཡིན། །འཁོར་བ་རྣམ་བཞི་སྲོག་གཅོད་སྣང་ཆེན་སངས་རྒྱས་ཡིན། །སྣང་བ་གཞན་དབང་མ་གྱུར་དབང་བསྐུར་རྒྱལ་པོ་ཡིན། །ཞེས་གསུངས་སོ། །དེ་ནས་ཡང་བཀའ་སྩལ་པ། །འཁོར་བ་རྣམ་བཞིའི་འབྲས་བུ་བསྟན་པ་ནི། །རྒྱུ་ལྟར་འཁོར་བ་དང་པོའི་ལས་དང་ནི། །རྒྱུ་དང་རྐྱེན་གྱིས་འགྲོ་བ་དྲུག་སྐྱེས་སོ། །ལས་དང་འཕྲོ་དང་མཐུན་པའི་འབྲས་བུ་ནི། །ལས་ནི་དགེ་དང་མི་དགེ་ལུང་མ་བསྟན་གྱི་ལས། །དགེ་བའི་ལས་ལ་མཚན་བཅས་མཚན་མེད་དོ། །མཚན་བཅས་རྣམ་པ་གཉིས་ཡིན་ཏེ། །འོག་མའི་དགེ་བ་བཅུ་པོ་དང་། །སྔགས་དང་ཡི་དམ་བསྒོམ་བཟླས་བྱ། །དེ་ནི་ལས་ཀྱི་རྣམ་གྲངས་ཡིན །བསྡུ་པ་དགེ་དང་མི་དགེ་གཉིས་སུ་འདུས། །དེ་ཡང་ཆོས་དང་སྤྱོད་པ་ཡིན་པར་བཤད། །ལས་མེད་ལུས་མི་ལེན་པས་འཕྲོ་མེད་པ། །དེ་ནི་ཐིག་ལེ་ཆོས་མིན་ཡིན། །འོད་ལུས་ཡིད་ལུས་ཤ་ཁྲག་ལུས་དང་གསུམ། །འཁོར་བའི་ལུས་ལ་བསམ་མི་ཁྱབ། །བསྡུས་པས་ལུས་ སུམ་ད ་པར་ ས་པ་ཡིན ལས་ང་ ་ ་འཕྲོ་ནི་བར་དོར་མཐུད མཐུད་པའི་འབྲས་བུ་ ནས་ བས་རང་སོར་ ར། །ཞེས་གསུངས་སོ། ། ་རྒྱུད་རིན་པོ་ཆེ་སྐྲུངས་པ་ལས། བར་དོ་བསྟན་པའི་ལེའུ་སྟེ་ཉེར་བཞི་པའོ།། །།དེ་ནས་ཡང་བཀའ་སྩལ་པ། གསང་བའི་བདག་པོ་ཉོན་ཅིག །མི་ལུས་ཆགས་ལུགས་བསྟན་པ་ནི། །སྐྱེ་བ་རྒས་པ་ན་བ་དང་། །འཆི་བ་དང་ནི་རྣམ་པ་བཞི། །སྐྱེ་བ་རྣམ་པ་ལྔ་ཡིན་ཏེ། །མངལ་དང་སྒོ་ང་ལས་སྐྱེ་དང་། །དྲོད་ལས་སྐྱེ་དང་གཤེར་ལས་སྐྱེས། །རྫུས་ཏེ་སྐྱེ་བ་རྣམ་པ་ལྔ། །མངལ་ནས་སྐྱེ་བ་ཤ་ཁྲག་ལུས། །ཡིད་ལུས་འོད་ལུ་རྫུས་ནས་སྐྱེ། །དྲོད་གཤེར་སྐྱེ་བ་ཤ་ཁྲག་ལུས། །སྐྱེ་བ་འབྱུང་བས་འཆི་བ་འབྱུང་། །དེ་ཡང་ལུས་ཀྱི་ཆགས་ལུགས་པ། །ཕོ་དང་མོ་དང་མ་ནིང་དང་། །ཕོ་མོ་རྒོད་དང་མ་ནིང་ཚན་པོ་ཆེ། །དེ་ཡང་ཇི་ལྟར་ཆགས་ཞེ་ན། །རྟེན་གྱི་གནད་ནི་རྩ་ཡིན་ཏེ། །དེ་ལྟར་རླུ་་ན་རླུད་ཡིན་ནོ། །དེ་ལ་རྟེན་གྱི་རྩ་བསྟན་པ། །དང་པོ་གཞི་ལ་ལྷུན་གྱིས་གྲུབ། །ཕྲ་བའི་རྩ་དང་རླུང་དང་ནི། །རགས་པའི་རྩ་དང་རླུང་དང་གསུམ། །དེ་ནས་དངོས་པོའི་རྩར་འཁྲུལ་ཏེ། །དངོས་པོ་ཕ་མའི་ཐིག་ལེ་དཀར་དམར་ཏེ། །རགས་པའི་རྩ་རུ་མཐོང་བ་ལས། །རགས་པ་རྩར་གྱུར་དངོས་པོར་སྨིན། །ཐིག་ལེ་རྩ་ཡི་རྒྱལ་པོ་དེ། །དེ་ལས་སྤུ་ཙམ་ཙར་གྱིས་བྱུང་། །རྐྱང་མ་ཞེས་བྱའི་རྩ་རུ་གྲགས། །དེ་ནས་ཡང་ཅིག་ཟླ་རུ་བྱུང་། །རོ་མ་ཞེས་བྱ་གཉིས་སུ་བྱུང་། །དེ་ཡི་དབུས་སུ་གསུམ་དུ་བྱུང་། །དེ་གསུམ་འདུས་པས་སྙིང་དུ་བྱུང་། །ཨ་ཝ་རྙུ་ཏི་ཞེས་ཀྱང་བྱ། །དེ་ནས་སྤྲུལ་གནས་ལྟེ་བར་བྱུང་། །མ་ཡི་སྲོག་རྩ་ཡལ་ག་བུ་ཡི་ལྟེ་བར་འབྲེལ་ནས་གནས། །ལྟེ་བའི་རྩ་ནས་ཐམས་ཅད་སྐྱེད། །མས་ཟོས་བུ་ཡི་ལྟེ་བར་འཁོར། །དེ་ནས་ལུས་ལ་འཁོར་བས་ན། །ལྟེ་བ་སྤྲུལ་པའི་འཁོར་ལོ་ཡིན། །དེ་ནས་ཐུར་དུ་བྱུང་བ་ལ། །མ་ཡིས་ཟོས་པ་བུ་ལ་ཐིམ། །བུ་ཡས་ཟོས་པ་གསང་སྒོར་འཁོར། །གསང་བའི་འཁོར་ལོ་ཞེས་ཀྱང་བརྗོད། །སྙིང་གར་ཕ་ཡི་ཐིག་ལེའི་རྩལ། །དམར་མོ་མ་ཡེ་ཤེས་རབ་རྩལ། །མཐིང་ག་རིག་པ་སེམས་ཀྱི་རྩལ། །དེ་ཡིས་ཐམས་ཅད་ཚང་བས་ན། །ཆོས་ཀྱི་འཁོར་ལོ་ཞེས་ཀྱང་བྱ། །སྙིང་ལ་ཆོས་ཉིད་རྩ་ཡིས་བསྐོར། །ཞི་བ་ལ་སོགས་ཆོས་སྐུའི་རྟེན། །ཆོས་ཀྱི་འཁོར་ལོ་ཞེས་ཀྱང་བརྗོད། །འགྱུ་བ་མཛོད་སྤུར་འཁྱིལ་བའི་ལམ། །མགྲིན་པའི་རྩ་ལ་ལོངས་སྤྱོད་བྱེད། །ལོངས་སྤྱོད་འཁོར་ལོ་ཞེས་ཀྱང་བྱ། །གསང་བའི་རྩ་ལ་ཐམས་ཅད་འདུས། །བདེ་བ་གསལ་བ་མི་རྟོག་པས། །ཆོས་ཀྱི་འཁོར་ལོ་ཞེས་ཀྱང་བྱ། །མཛོད་སྐྲུར་ཡེ་ཤེས་རྩ་གནས་པ། །རྟེན་གྱི་འབྱུང་གནས་ཞེས་བྱའོ། །རོ་མ་རྐྱང་མ་གཉིས་པོའི་ཁ། །སྣ་ལ་ཟུག་པས་ཕོ་ཡི་རྟེན། །གསང་བར་ཟུག་པས་མོ་ཡི་རྟེན། །ཡར་མར་སྣོལ་མར་འབྱུང་བ་ནི། །མ་ནིང་ཞེས་སུ་བཤད་པ་ཡིན། ཁ་ལ་གང་འགྲིབ་འཕེལ་བ་ནི། །ཕོ་མོ་རྒོད་ཅེས་འགྱུར་པ་ཡིནཁ་གཉིས་ཟུམ་ནས་མ་ཕྱེད་པས། །མ་ནིང་ཚན་པོ་ཆེ་ཞེས་བརྗོད། །དེ་ལྟར་སྤྱོད་པ་རླུང་ཡིན་ནོ། །ཕོ་རླུད་དྲག་ལ་མོ་རླུད་དལ། །དལ་བར་རྒྱུ་བས་ཐུར་དུ་བྱུང་། །དྲག་པར་རྒྱུ་བས་གྱེན་དུ་བྱུང་། །ལུང་དུ་མ་བསྟན་རླུད་དག་ལས། །ཕོ་མོ་རྒོད་དང་མ་ནིང་ཚན་པོ་ཆེ། །དེ་ལྟར་གྲུབ་པར་ཤེས་པར་བྱའོ། །དེ་ནས་རུས་པའི་གནད་བསྟན་པ། །མཛོད་སྐྲུའི་རྟེན་དུ་སྨིན་རུས་ཆགས། །དེ་ལས་གྱེས་པས་དཔྲལ་རུས་བྱུང་། །དེ་ལས་མུར་གོང་རུས་པ་བྱུང་། །དེ་ལས་ཟ་བའི་ཟ་འགྲམ་བྱུང་། །དེ་ནས་ཡ་ཐོད་མ་ཐོད་བྱུང་། །དེ་གཉིས་འབྲེལ་པས་རུས་སྲུབ་བྱུང་། །སྙིང་དང་འབྲེལ་བས་སྲོག་རུས་ཆགས། །དེ་རྣམས་འཚོགས་པས་སོག་པ་ཆགས། །དེ་རྣམས་ཚིགས་སུ་བཅད་པས་ཚིགས་པ་ཆགས། །རུས་པ་ཐམས་ཅད་ཁྱབ་པས་རྩིབ་མ་ཆགས། །རུས་པས་ལུས་ཀྱི་སྟོབས་སྐྱེད་བརླ་རུས་ཆགས། །དེ་རྣམས་མ་འགགས་པ་སྐྱོད་པས་རྐང་ལག་ཡིན། །དེ་ནས་མཇུག་རུས་འཕོང་རུས་ཆགས། །དེ་ནས་གཞུག་གུ་ཆུང་དུ་ཆགས། །དེ་ནི་རུས་པའི་ཆགས་ལུགས་རྫོགས། །དེ་ནི་ཤ་ཡི་ཆགས་ལུགས་སྟོན། །སྨིན་མ་པགས་པའི་ཤ་ཡང་སྨིན། །དང་པོ་དེ་ལ་སྨིན་པས་སྨིན་མ་ཡིན། །དེ་བཞིན་རིམ་གྱིས་ཆ་མཉམ་མོ། །དེ་ལ་རྩ་ཡི་མཚན་ཉིད་ཀྱང་། །རྩ་བ་གཅིག་ཏུ་འདུས་པ་ཡིན། །གཅིག་པོ་རང་འབྱུང་གནས་པའི་རྩ། །དེ་ལས་གྱེས་པའི་ཕོ་རྩ་དང་། མོ་རྩ་དང་ནི་ཡེ་ཤེས་རྩ། །མ་ནིང་ཕོ་མོ་རྒོད་དང་ནི། །མནིངཚནཔོཆེཡིརྩདང་གསུམ། །དེ་ལས་གྱེས་པས་འཁོར་ལོ་ལྔ། །དེ་ལ་བརྒྱ་དང་རྩ་བཞི་ཡོད། །དེ་ལས་གྱེས་པའི་རྩ་རྣམས་ནི། །སྟོད་ན་བརྒྱད་ཁྲི་བཞི་སྟོང་ཡོད། །སྨད་ནས་བརྒྱད་ཁྲི་བཞི་་ང་ཡོད། །དེ་ལས་གྱེས་པས་བསམ་མི་ཁྱབ། །དཔེར་ན་ཁ་ཤོ་བ་ཡི་ལོ་མ་འདྲ། །དཔེར་ན་ཤ་མོའི་སུལ་བཞིན་ནོ། །རླུད་དང་ཐིག་ལེ་ཡང་ནི་དེ་དང་འདྲ། །རྩ་དང་ཁྲག་དང་དྲོད་དང་རླུད་། ་་དང་ས་རྣམས་བརྟེན་པས་ན། །བརྟེན་པ་རྩ་ཞེས་བརྗོད་པ་ཡིན། །དེ་ལ་འབྱུང་བ་བརྟེན་པས་ན། །འབྱུང་བའི་ནད་རྣམས་འཁྲུགས་ནས་ནི། །དེ་ལས་བགེགས་རྟེན་གདོན་དུ་ཆེ། །དེ་ལ་དབུགས་རྟེན་ཆད་པས་འཆི། །འབྱུང་བ་ཆ་མ་སྙོམས་པས་འཕེལ་འགྲིབ་འབྱུང་། །དེ་ལས་རྒས་ཤིང་འཁོགས་པ་འབྱུང་བར་འགྱུར། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། །ལུས་ཀྱི་མན་ངག་བསྟན་པའི་ལེའུ་སྟེ་ཉེར་ལྔ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །ཕྱི་རྩ་ལུས་ལ་གནས་པ་ནི། ཁ་ཤོའི་ལོ་མ་འདྲ་སྟེ་སྤེལ་བར་གནས། །དེ་ལ་བཤད་ན་བསམ་མི་ཁྱབ། །ནང་རྩ་རུས་པ་དག་ལ་གནས། །དེ་ནི་གསེར་གྱི་མེ་ཏོག་འདྲ་སྟེ་ཡོན་ཏན་རྒྱས། །གསང་རྩ་སྙིང་ལ་གནས་ཏེ་འཁོར་ལོ་འདྲ། །དེ་འདྲ་སྐྱོན་ཡོན་འབྱེད་པའི་རྩ། །གདམས་པའི་རྩ་ནི་རྣ་བ་མིག་ལ་གནས། །གནད་ཀྱི་མན་ངག་རབ་ཏུ་གཅེས། །ཚད་མས་འཇལ་བའི་སྲང་དང་གྲུབ་མཐའ་སྐྱོང་བའི་སྲང་། །ལག་ཕྲད་བྱེད་པའི་སྲང་དང་གསུམ་དུ་འདུས། །ཚད་མས་འཇལ་བའི་སྲང་ནི་བརྒྱུད་པ་ཡིན། ཁུབ་མཐའ་སྐྱོང་བའི་སྲང་ནི་འབྲས་བུ་ཡིན། །ལག་ཕྲད་བྱེད་པའི་སྲང་ནི་གདམས་པ་ཡིན། །སྣང་བ་དབང་དུ་འདུས་པས་རིག་པ་གཅེར་བུར་ཐོན། །རིག་པ་དབང་དུ་འདུས་པས་སངས་རྒྱས་ཡུལ་མེད་མཐོང་། །རང་གྲོལ་དབང་དུ་འདུས་པས་ཆོས་མིན་ཚད་ལས་གྲོལ། །བརྒྱུད་པ་ཚད་དང་མི་ལྡན་ན། །གནད་མེད་ཕྱི་བ་རྐོ་བ་འདྲ། །གདམས་པ་ཚད་དང་མི་ལྡན་ན། ཁུས་མེད་ཚོན་སྐྱོང་མེད་པ་འདྲ། །བཀའ་རྒྱུད་ཚད་དང་མི་ལྡན་ན། །བེའུ་ཐག་སྦྲེལ་ནས་ལྷུང་བ་འདྲ། །བྱིན་རྒྱུད་ཚད་དང་མི་ལྡན་ན། །གྲོག་པོ་སྐམ་པོར་ཉ་བསྒུག་འདྲ། །སྙན་བརྒྱུད་ཚད་དང་མི་ལྡན་ན། །སྒ་་ང་རུལ་པ་གནོད་པ་འདྲ། །ཐུགས་རྒྱུད་ཚད་དང་མི་ལྡན་ན། །རྨིག་པའི་ཚང་ནས་ཆུ་འཚོལ་འདྲ། །ཉམས་མྱོང་ཚད་དང་མི་ལྡན་ན། །སྨྱོན་པའི་ལག་ཏུ་མདུང་བསྐུར་འདྲ། །དེ་རྣམས་ཚད་དང་ལྡན་པ་ནི། །ནོར་བུ་རིན་ཆེན་འཆང་བ་འདྲ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། རྩ་དང་ཚད་མའི་ལེའུ་སྟེ་ཉེར་དྲུག་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །བྱིན་རྒྱུད་ཚད་དང་ལྡན་པ་ནི། །མཁའ་འགྲོ་མ་ནི་རབ་གན་ཏེ། །རང་བཞིན་ངོ་བོ་སྤྲུལ་པ་གསུམ། །རང་བཞིན་མཁའ་འགྲོ་རྣམ་པ་ལྔ། །རྡོ་རྗེ་མཁའ་འགྲོ་རིན་ཆེན་དང་། །པདྨའི་མཁའ་འགྲོ་ལས་འགྲོ་དང་། །དེ་བཞིན་རིགས་ཀྱི་མཁའ་འགྲོ་དང་། །རྣམ་པ་ལྔ་རུ་ཤེས་པར་བྱ། །ངོ་བོའི་མཁའ་འགྲོ་རྣམ་པ་གསུམ། །འབྱུང་བ་རྣམ་ལྔའི་མཁའ་འགྲོ་ལྔ། །དབྱིངས་ཀྱི་མཁའ་འགྲོ་རྣམ་ལྔ་ཡིན། །འབྱུང་བ་ལུས་ཀྱི་མཁའ་འགྲོ་ལྔ། །དམ་ཚིག་དྲི་སྣོམ་མཁའ་འགྲོ་ཡིན། །རྣམ་ཤེས་སྒོ་ལྔ་མཁའ་འགྲོ་ལྔ། །ལུས་ཀྱི་མཁའ་འགྲོ་རྣམ་ལྔ་ཡིན། །སྤྲུལ་པའི་མཁའ་འགྲོ་རྣམ་པ་གསུམ། །ཀུན་གཞི་ཡེ་ཤེས་མཁའ་འགྲོ་ཡིན། །ཡིད་ནི་རྡོ་རྗེའི་མཁའ་འགྲོ་ཡིན། །རྣམ་ཤེས་ཤ་ཟ་མཁའ་འགྲོ་ཡིན། །རྣ་བ་མཁའ་འགྲོ་གློག་ཕྲེང་མ། །མིག་གཡོན་ཉི་མའི་འོད་ཟེར་ཅན། །མིག་གཡས་ཟླ་བའི་འོད་ཟེར་ཅན། །ལྕེ་ནི་མཁའ་འགྲོ་མཚོ་སྐྱེས་མ། །སྣ་ནི་མཁའ་འགྲོ་དྲི་མ་མེད། །ལུས་ནི་མཁའ་འགྲོ་དུང་སྐྱོང་མ། །དེ་ནི་མཁའ་འགྲོའི་བརྒྱུད་པ་ཡིན། །མཁའ་འགྲོའི་བྱིན་རྒྱུད་བསྟན་པ་ནི། །མཁའ་ནི་རིག་པའི་སྣང་བའོ། །འགྲོ་བ་འགྱུ་བ་ཐོགས་མེད་དོ། །དེ་གཉིས་འདུས་པའི་དབང་བསྐུར་བས། །བྱིན་རླབས་ཕྱོགས་རིས་མེད་པར་འཆར། །བྱིན་རླབས་ནང་ནས་ཤར་ཙམ་ན། །ཉམས་མྱོང་ཚད་ལྡན་སྐྱེ་བ་ཡིན། །ཉམས་མྱོང་ཡེ་ཤེས་རང་ཤར་བས། །ཡེ་ཤེས་ཚད་དང་ལྡན་པས་ན། །སངས་ལ་མི་རྒྱའི་རང་དབང་མེད། །སངས་རྒྱས་ས་ལ་གྲོལ་ཙམ་ན། །ཐུགས་རྗེ་མི་འབྱུང་རང་དབང་མེད། །ཐུགས་རྗེ་ཕྱོགས་མེད་ཤར་ཙམ་ན། །བྱིན་རླབས་མི་འཇུག་རང་དབང་མེད། །ཅེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། མཁའ་འགྲོ་མ་དབང་བསྐུར་བའི་ལེའུ་སྟེ་ཉེར་བདུན་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །ཐེག་པའི་ཁྱད་པར་བསྟན་པ་ནི། །ཉན་ཐོས་འབྲས་བུ་དགྲ་བཅོམ་པ། །བསྐལ་པ་གྲངས་མེད་བདུན་ན་འདོད། །དུག་ལྔ་དགྲ་བཞིན་སྤང་བ་ཡིན། །ཐེག་ཆེན་དབུ་མ་སྟོང་པར་འདོད། །གཅིག་དང་དུ་བྲལ་ལ་སོགས་པ། །གཏན་ཚིགས་གཞིག་ནས་སྟོང་པར་འདོད། །དེ་ཡང་དུག་དང་སྦྱོར་བ་ཡིན། ཁྲེས་རབ་ཕ་རོལ་ཕྱིན་ལ་སོགས། །མདོ་རྒྱུད་སྔགས་ཀྱི་ཁྱད་པར་གང་། །མདོ་རྒྱུད་དབང་གི་གདམས་པ་མེད། །སྔགས་ལ་རྣམ་པ་གཉིས་ཡིན་ཏེ། །ཕྱི་པ་དང་ནི་ནང་པའོ། །ཕྱི་པའི་དབང་ལས་ནང་པའི་དབང་། །ཕན་པའི་དབང་བཅུ་ཁྱད་པར་འཕགས། །ནང་གི་རྒྱུད་ནི་དབང་ལྔ་དང་། །བདུད་རྩི་ལྔ་ཡིས་ཁྱད་པར་འཕགས། །དེ་བས་རྫོགས་ཆེན་ཁྱད་པར་ཆེ། །སྔགས་ནི་བསྒྲུབ་བསྒྱུར་འབྲས་བུར་འདོད། །རྫོགས་ཆེན་རྟོགས་པས་སངས་རྒྱས་པ། །ཚིག་དབང་གཅིག་གིས་རྟོགས་པར་འདོད། །དབང་བསྐུར་རྫོགས་པ་དབང་ལྔ་ཡིན། །དེ་ནི་འོག་མ་རྣམས་ལ་མེད། །མཆོད་པ་རྣམ་ལྔ་ལྟ་སྒོམ་པ། །དེ་ནི་ཀྲི་ཡ་ཡིན་པར་འདོད། །མཆོད་པ་རྣམ་ལྔ་སྐུ་ལྔ་བསྒོམ། །དེ་ནི་ཡོ་ག་ཡིན་པར་འདོད། །བདུད་རྩི་ལྔ་མཆོད་རིགས་ལྔ་བསྒྲུབ། །དེ་ནི་མ་ཧྭ་ཨ་ནུར་འདོད། །གསང་སྔགས་དབང་གིས་ཁྱད་པར་འཕགས། །རྫོགསཆེནཐམསཅདཆོས་སྐུར་རྟོགས། །རིག་པ་རྩལ་གྱིདབངཆེནཐོབ། །དེས་ནཁྱད་པར་རབ་ཏུ་ཆེ། །སྙན་བརྒྱུདརིནཆེནསྦྱངསཔའདི། །ཐམས་ཅད་ངོ་སྤྲོད་པ་ལ་འགོད། །དུས་བཞི་མཉམ་སྦྱོར་ཁྱད་པར་ཆེ། །གཞི་ལས་གྲོལ་བས་ཁྱད་པར་འཕགས། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། །ཐེག་པའི་ཁྱད་པར་མཚོན་པའི་ལེའུ་སྟེ་ཉེར་བརྒྱད་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །རྫོགས་པའི་རྫོགས་ལུགས་བསྟན་པ་ནི། །ཉོན་མོངས་དུག་ལྔའི་དགྲ་བཅོམ་ནས། །འདས་པ་ལྔ་རུ་གྲོལ་བས་ན། །ཉན་ཐོས་གྲུབ་མཐའི་འབྲས་བུ་རྫོགས། །ངོ་བོ་གསལ་བས་སེམས་ཙམ་རྫོགས། །རང་བཞིན་སྟོང་པས་དབུ་མ་རྫོགས། །འདས་པ་གསུམ་གྱིས་ཀྲི་ཡ་རྫོགས། །སྐུ་ལྔ་རིགས་ལྔ་དབྱིངས་དང་ཡེ་ཤེས་ཀྱིས། །ཡོ་ག་མ་ཧྭ་ཨ་ནུའི་ཐེག་པ་རྫོགསཔ། །འདས་པ་ལྔ་ཡིས་ཐམས་ཅད་ཁྱབ། །རྫོགས་པ་ཆེན་པོའི་ལྟ་བ་རྫོགས། །ཕྱོགས་སུ་མ་ལྷུང་རྒྱ་མ་ཆད། །མཚན་མ་རང་སར་གྲོལ་བ་ནི། །སྙན་བརྒྱུད་བྱིན་རྒྱུད་གྲུབ་མཐའ་རྫོགས། །ལྟ་སྒོམ་སྤྱོད་པ་འབྲས་བུ་རྫོགས། །ཡེ་ཤེས་ལྔ་དང་སྐུ་ལྔ་རྫོགས། །འགྲོ་བ་རིགས་དྲུག་མུ་སྟེགས་རྟག་ཆད་རྫོགས། །འགག་པ་མེད་པའི་ཤེས་རབ་རང་བྱུང་བས། །མཚན་མ་སྣ་ཚོགས་དག་པའི་ཞིང་དུ་སངས། །ཆོས་མིན་འབྱེད་པ་མེད་པའི་ཀློང་དུ་རྒྱས། །མ་བསྒྲིབས་ཡོངས་ལ་གསལ་བས་ན། །ཅིར་ཡང་མི་འགག་ཕྱོགས་རིས་མི་མངའ་བས། །ཐམས་ཅད་མ་ལུས་ལུས་མེད་རང་སྣང་ཡིན། ཁེས་རབ་ཡོངས་གཅོད་མ་འགགས་༄༅ པས ངེས་པའི་ཚིག་ནི་མཁྱེན་པའི་ཡེ་ཤེས་ཡིན། །དབྱེ་བ་ཕྱི་ནང་གསང་བ་ཡང་གསང་ཡིན། ཁྲེས་རབ་ལྡང་ཚད་ཆོས་ཀུན་རང་གྲོལ་ཡིན། །ལུབ་ཆུབ་ཡེ་ཤེས་ཤེས་པས་ཤེས་རབ་ཡིན། །རང་སྣང་རང་འབྱུང་ཤེས་པས་སྤྱིན་པ་རྫོགས། །རིག་པ་རང་གྲོལ་ཤེས་པས་ཚུལ་ཁྲིམས་རྫོགས། །གཉིས་མེད་ཟང་ཐལ་ཤར་བས་བཟོད་པ་རྫོགས །ཆོས་མིན་ཟང་ཐལ་ཤར་བས་བརྩོན་འགྲུས་རྫོགས། །ཐམས་ཅད་ཐིག་ལེར་ཤར་བས་བསམ་གཏན་རྫོགས། །སྣང་སྲིད་ལྷག་མཐོང་ཤར་བས་ཤེས་རབ་རྫོགས། །ཆོས་སྐུ་རང་ལ་ཤར་བས་ཐབས་ཆེན་རྫོགས། །མཚན་མ་རང་གྲོལ་སྟོབས་ཀྱང་རྫོགས། །སྣང་བ་རྒྱ་ཡན་སྨོན་ལམ་རྫོགས། །འདུ་འབྲལ་མེད་པས་ཡེ་ཤེས་རྫོགས། །འོད་ལྔ་འབྱུང་བས་རིན་ཆེན་སྣ་ལྔ་རྫོགས། །རྫོགས་པའི་གདམས་ངག་མ་ཤེས་ན། །བོང་བུས་སེང་ལྤགས་གོན་པ་འདྲ། ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། རྫོགས་ལུགས་ཀྱི་ངོ་སྤྲོད་དབང་བསྐུར་ཆེན་པོའི་ལེའུ་སྟེ་ཉེར་དགུ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །དེ་ནི་སྤྱི་ཡི་མཚན་ཉིད་ཡིན། །རང་གི་མཚན་ཉིད་འདི་ལྟ་སྟེ། །མིག་ནི་ཡུལ་ལས་འདས་པར་རྫོགས། །རྣ་བ་སྐུ་ལས་འདས་པར་རྫོགས། །ལྕེ་ནི་གཉིས་མེད་འདས་པར་རྫོགས། །སྣ་ནི་ཡེ་ཤེས་ཟང་ཐལ་རྫོགས། །འོག་སྒོ་གཞི་ལས་འདས་པར་རྫོགས། །ཚོགསབརྒྱད་ཐིག་ལེ་ཡེ་ཤེས་བརྒྱད་དུ་རྫོགས། །ཕུང་པོ་ལྔ་ནི་འདས་པ་ལྔ་རུ་རྫོགས། །དུག་ལྔ་ཁོང་ཁྲོ་འདས་པ་ལྔ་རུ་རྫོགས། །འབྱུང་ལྔ་ཤ་ཁྲག་དྲོད་སེམས་དབུགས། །འདས་པ་ལྔ་རུ་རྫོགས་པས་དབང་ཆེན་ཐོབ། །སྙིང་སྟོད་སྐུ་ལས་འདས་པར་རྫོགས། །དབུས་ནི་ཡུལ་ལས་འདས་པར་རྫོགས། །སྨད་ནི་གཉིས་མེད་འདས་པར་རྫོགས། །བུབ་རིལ་ཆོས་ལས་འདས་པར་རྫོགས། །རྩ་རྣམས་ཐམས་ཅད་མཁྱེན་པར་རྫོགས། །ཟུར་བརྒྱད་ཡེ་ཤེས་བརྒྱད་དུ་རྫོགས། །ཐེལ་བརྒྱད་ཐིག་ལེ་བརྒྱད་དུ་རྫོགས། ཁྲེལ་གྱི་སྦུ་གུ་ཐུགས་རྗེའི་རོལ་པར་རྫོགས། །ངོ་བོ་སྐུ་ལས་འདས་པར་རྫོགས། །རང་བཞིན་ཡུལ་ལས་འདས་པར་རྫོགས། །ཐུགས་རྗེ་གཉིས་མེད་འདས་པར་རྫོགས། །ཡོན་ཏན་ཡེ་ཤེས་ཟང་ཐལ་རྫོགས། །ཕྲིན་ལས་ཐམས་ཅད་མཁྱེན་པར་རྫོགས། །ས་རྣམས་མ་ལུས་བགྲོད་མེད་རྫོགས། །སྣང་བ་འོད་གསལ་ཕྱི་ཡི་ཚོགས་ལམ་རྫོགས། །ཚོགས་དྲུག་རང་གྲོལ་ནང་གི་ཚོགས་ལམ་རྫོགས། །འགྱུ་བ་ལམ་ཁྱེར་གསང་བའི་ཚོགས་ལམ་རྫོགས། །སྣང་རིག་དབྱེར་མེད་ཤར་བས་སྦྱོར་ལམ་རྫོགས། །ཡེ་ཤེས་ཟང་ཐལ་ཤར་བས་མཐོང་ལམ་རྫོགས། །གཉིས་མེད་ཟང་ཐལ་ཤར་བས་བསྒོམ་ལམ་རྫོགས། །ཐམསཅདམཚན་མ་རང་སར་གྲོལ། །མཐར་ཕྱིན་ལམ་ནི་རྫོགས་པའོ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། དབང་རྫོགས་རང་ཆས་སུ་བསྟན་པའི་ལེའུ་སྟེ་སུམ་ཅུ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །གཞི་དང་ལམ་དང་འབྲས་བུ་རྣམས། །དེ་ཡི་ངོ་སྤྲོད་བསྟན་པར་བྱ། །ཉན་ཐོས་དུག་ལྔ་སྤངས་ལམ་ཡིན། །བྱང་ཆུབ་སེམས་དཔའ་སྤྱོད་ལམ་ཡིན། །སྔགས་ཀྱི་ཐེག་པ་བསྒྱུར་ལམ་ཡིན། །རྫོགས་ཆེན་གཞི་ལམ་དབྱེར་མེད་ཡིན། །བཀའ་རྒྱུད་གཞི་ལམ་རང་གྲོལ་ཡིན། །ཐུགས་རྗེ་བཀྲག་མདངས་ཉི་མ་འབུམ་གྱི་གཟི། །བདག་བློ་འཁྲུལ་པའི་བློ་ཡི་མུན་པ་བསལ། ཐུགས་རྗེ་སྤྱན་ཅན་ཡེ་ཤེས་ཁོང་ནས་ཤར། །འཁོར་བ་རྣམ་བཞིའི་སྲོག་བཅད་པས། །ཐིག་ལེ་ཡེ་ཤེས་ཟང་ཐལ་ཐོབ། །གཞི་དང་རྒྱུད་དང་ལམ་དང་འབྲས་བུ་ཆོད། །སད་པ་བཞི་དང་བདུད་བཞི་ཆོམས་པ་ཡིན། །ཡེ་ཤེས་ཉི་མ་ཐུགས་ཀྱི་ཀློང་ལས་ཤར། །སྐུ་བཞི་རང་སར་གྲོལ་བས་བདུད་བཞིའི་སྒྲིབ་པ་དག །འོད་ལྔ་ལམ་དུ་ཤར་བས་འཁོར་བའི་རྩ་བ་སྨིན། ཁམས་གསུམ་རྩ་བ་ཆོད་པས་སྲིད་གསུམ་རྩེ་ནས་འགྱེལ། །གཞི་དང་འོད་སྣང་བར་ན་གཉིས་མེད་ཤར་བས་ཡོན་ཏན་ཡེ་ཤེས་ལྔ། །ཡིད་དང་འགྱུ་བ་འོད་དང་གསུམ། །རང་བྱུང་རང་ལ་ཤར་བས་སྐུ་གསུམ་ལམ་དུ་བསླང་། །འབྱུང་ལྔ་རང་བྱུང་འོད་ལས་གྲོལ་བ་ན། །ལྔ་ལྡན་ཡེ་ཤེས་མིག་གཅིག་དྲི་མ་མེད། །ཐུགས་རྗེ་བྱིན་རླབས་མཁའ་ལ་ཉི་ཤར་འདྲ། །བསྐལ་པ་བར་པའི་སངས་རྒྱས་འོད་སྲུངས་དང་། །ཐོག་མའི་སངས་རྒྱས་འོད་དཔག་མེད་པ་དང་། །ཐ་མའི་སངས་རྒྱས་མར་མེ་མཛད་དང་གསུམ། །བཀའ་བགྲོས་རྒྱུད་དུ་བྱིན་བརླབས་ནས། །སངས་རྒྱས་བཀའ་བགྲོས་རྒྱུད་ཅེས་བྱ། །གཞི་ཡི་ཆོས་ལྔ་ལྷུན་གྲུབ་ཡིན། །དེ་མ་ཤེས་པས་འཁྲུལ་པ་ཡིན། །ལམ་གྱི་འོད་ལྔ་རང་སྣང་ཡིན། །དེ་མ་ཤེས་པས་འཁོར་བ་ཡིན། །འབྲས་བུ་འཁོར་བ་རྣམ་བཞི་ཡིན། །དེ་མ་ཤེས་པས་དངོས་པོ་ཡིན། །གཞི་ཤེས་པས་ནི་གྲོལ་པ་དེ། །ཐམས་ཅད་མཁྱེན་པ་ཐོབ་པ་ཡིན། །ལམ་ཤེས་པས་ནི་རང་བྱུང་བ། །འཁོར་བའི་གཡང་ས་ཆོད་པ་ཡིན། །འབྲས་བུ་འདས་པ་སྔར་གྲོལ་བས། །འཁོར་བའི་འབྲས་བུ་ཆོད་པ་ཡིན། །ཡེ་ཤེས་སྤྱན་གསུམ་གཅིག་ཏུ་དྲིལ། སངས་རྒྱས་སྤྱན་ཞེས་རབ་ཏུ་བརྗོད། །སངས་རྒྱས་ཀུན་གྱི་དགོངས་པ་ནི། །གོས་དཀར་མོ་ཞེས་བརྗོད་པ་ཡིན། །དགོངས་པ་ཕྱོགས་མེད་ཁྱབ་པ་ཡིན། །ནམ་མཁའི་དབྱིངས་ཕྱུག་མ་ཞེས་བརྗོད། །ཐུགས་རྗེའི་རླན་དང་མི་འབྲལ་བས། །མུ་མ་ཀི་ཞེས་རབ་ཏུ་བརྗོད། །ཐུགས་རྗེ་ཀུན་ལ་སྙོམས་པར་འཆར། །དམ་ཚིག་སྒྲོལ་མ་ཞེས་བྱའོ། །ཐིག་ལེའི་རང་བཞིན་ཤེས་རབ་སྙིང་རྗེ་སྟེ། །ཕྱི་ཡི་ཁྱད་པར་ཐེག་པ་ཆེ་ཆུང་བསྟན། །འོག་མ་རྣམས་ནི་རང་དོན་སྤྱོད་པ་ཡིན། །སྔགས་ཀྱི་ཐེག་པ་གཉིས་ཀ་སྤྱོད་པ་ཡིན། །རྫོགསཔཆེནཔོདབྱེབམེད་པ་ཡིན། །བཀའ་རྒྱུད་འདི་ནི་བདག་དོན་གཞན་དོན་གཉིས། །རང་གྲོལ་དབང་པོའི་ཁྱད་པར་སྟོན་པ་ཡིན། །ཐབས་དང་ཤེས་རབ་ཉན་ཐོས་ཉིད་དུ་ལྟུང་། །སྙིང་རྗེ་དང་ནི་ཤེས་རབ་ཀྱིས། །འགྲོ་དོན་མ་ལུས་བྱེད་པ་པོ། །སྙིང་རྗེ་ཆེན་པོ་ཅིར་མི་མཛད། །ཆེ་བའི་ཡེ་ཤེས་རྙེད་དཀའ་བ། ཁེས་རབ་ཐབས་ཀྱིས་འགྲོ་དོན་བྱེད། །གྲོལ་ནས་གྲོལ་བའི་ལམ་ཡང་སྟོན། །ལམ་རྣམས་ཀུན་གྱི་མཆོག་ཏུ་བཤད། །ཐུན་མོང་ཁྱད་པར་མཆོག་དང་གསུམ། །ལོག་ལྟ་མ་དད་ལེ་ལོ་དང་། །མ་རིག་པ་དེ་ལམ་དུ་སློང་། །ངོ་སྤྲོད་སངས་རྒྱས་ས་ལ་འགོད། །ལམ་གྱི་མཆོག་ཅེས་བྱ་བའོ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། ངོ་སྤྲོད་ཀྱི་ལྟ་བསྒོམ་ལས་གྲོལ་བའི་ལེའུ་སྟེ་སོ་གཅིག་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །རྩ་དང་རླུད་དང་ཐིག་ལེ་དང་། །ཡེ་ཤེས་རྣམ་པ་བཞི་རུ་འདུས། །ཐུན་མོང་ཁྱད་པར་མཆོག་དང་གསུམ། །ཐུན་མོང་འཁོར་ལོ་ལྔ་ལ་གནས། །བརྒྱ་དང་ཉི་ཤུ་རྩ་བཞི་ཡོད། །དེ་ཡང་བསྡུས་པས་གསུམ་དུ་འདུས། །དེ་ཡང་ཨ་བ་དྷ་ཏིར་འདུས། །ཨ་ནི་ཚིག་དབང་རིན་པོ་ཆེ། །ཝ་ནི་གསང་བའི་ཡེ་ཤེས་དབང་། །འ་ནི་ཤེས་རབ་དབང་ཡིན་ནོ། །དྷ་ནི་ཐབས་ཀྱི་དབང་ཡིན་ནོ། །ཏི་ནི་བུམ་པའི་དབང་ཞེས་བྱ། །ཐམས་ཅད་འདུས་པས་བུམ་པའི་ད་བང་། །ཚིགཏུམཚོནཔསམིངགིདབང་། །བརྒྱུད་པ་མ་ཆད་ཆུ་ཡི་དབང་། །རང་ཆོས་སྟོན་པས་དབུ་རྒྱན་དབང་།་།ཟུང་དུ་འབྲེལ་བས་རྡོ་རྗེ་དྲིལ་བུའི་དབང་། །རིག་པའི་དབང་ལྔ་ཞེས་ཀྱང་་ལ་བྱ། ། ་ན་ཁྱད་པར་དབང་ ས་བྱ། །ད་ན་མཆག་ ་རྩ་བསྟན་པ། །ཟག་པ་ ད་པའ་དབང་བསྐུར་ཏེ། །ག ་ལ་རྩ་རླུ་་ལྷུན་གྱས་གྲུབ། །ཕྲ་བའི་རྩ་དང་རིག་པའི་རྩ། །དངོས་པོ་འཁྲུལ་པའི་རྩ་དང་གསུམ། །དང་པོའི་རྩ་ནི་ཟག་བཅས་ཡིན། །དེ་ལ་སྦྱངས་ན་བདེ་བ་སྐྱེ། །བདེ་བ་སྐྱེས་ནས་ལམ་དུ་འཇུག །ཟག་མེད་རྩ་ནི་བཀའ་བརྒྱུད་ཡིན། །གཞི་ཡི་རྩ་དང་རླུ་་དང་ནི། །ཐིག་ལེ་ལྷན་སྐྱེས་ཡེ་ཤེས་དང་། །ལམ་དུ་ད་ལྟ་བར་དོ་ལ། །ཟག་པ་མེད་པའི་ངོ་སྤྲོད་ཡིན། །འབྲས་བུ་རང་སར་གྲོལ་བའོ། །ངོ་སྤྲོད་ཤིན་ཏུ་གཅེས་པ་ཡིན། །དེ་ཡང་བཀའ་བརྒྱུད་བྱིན་བརྒྱུད་དང་། །ཐུགས་སུ་བརྒྱུད་པའི་རྩ་ཡིན་པས། །བསྐལ་པ་འཁྲུགས་ཀྱང་ཁར་མ་འབྱིན། །སེམས་ཅན་ལས་འཕྲོ་མེད་པ་དང་། །འོག་མའི་གྲུབ་མཐའི་སྒོར་ཞུགས་པས། །དངངས་ཤིང་སྐྲག་ནས་སྐུར་བ་འདེབས། །དེ་ཡི་རྣམ་སྨིན་འབྲས་བུ་ཡིན། །རྡོ་རྗེའི་དམྱལ་བར་ལྟུང་བར་འགྱུར། །དེས་ན་བསྐལ་པར་ཁར་མ་འབྱིན། །དུས་ངན་ཐ་མ་བྱུང་བའི་ཚེ། །མར་མེ་འཆི་ཀར་གསལ་བ་ཡིན། །བསྟན་པ་ནུབ་ཀར་དམ་ཆོས་དར། །གསལ་བ་རང་གིས་འཆི་བ་ཡིན། །དར་བ་རང་གིས་ནུབ་པ་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། །རྩ་རླུ་་ཐིག་ལེ་ཡེ་ཤེས་རླུད་གི་ལེའུ་སྟེ་སོ་གཉིས་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །ལྷ་རྒྱུད་རིན་པོ་ཆེ་སྐྲུངས་པ་འདི། །ངོ་སྤྲོད་དབང་བསྐུར་རྒྱུད་ཡིན་ཏེ། །བྱིན་གྱིས་བརླབས་ཀྱིས་བཤད་པ་ཡིན། །འཁོར་བ་དོང་སྤྲུག་རྒྱུད་དུ་ཟུང་། །ཡེ་ཤེས་སྤྱན་གསུམ་རྒྱུད་དུ་ཟུང་། །དབང་བསྐུར་རྒྱལ་པོའི་རྒྱུད་དུ་ཟུང་། །ཡེ་ཤེས་རྟེན་རྫོགས་རྒྱུད་དུ་ཟུང་། །ཡེ་ཤེས་འཁོར་ལོའི་རྒྱུད་དུ་ཟུང་། །ངོ་སྤྲོད་ཆེན་པོའི་རྒྱུད་དུ་ཟུང་། །ཞེས་གསུངས་སོ། །རྡོ་རྗེ་སེམས་དཔས་གསོལ་བ། །ལེགས་སོ་རྫོགས་སངས་རྒྱས་པའི་མཆོག །དེ་ལྟར་གསུངས་པར་རྗེས་ཡི་རང་། །འཁོར་རྣམས་རབ་ཏུ་དགྱེས་པའོ། །བྱང་ཆུབ་སེམས་དཔའ་ཐུགས་རྗེ་ཆེ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྣུངས་པ་ལས། རྗེས་སུ་ཡི་རང་བའི་ལེའུ་སྟེ་སོ་གསུམ་པའོ།། །།ལྷ་རྒྱུད་རིན་པོ་ཆེ་སྤུངས་པའི་རྒྱན་ཞེས་བྱ་བ་རྫོགས་སོ། །བི་མ་ལའི་གདམས་པ། བོད་རྒྱལ་ཁམས་ཡོངས་ལ་བཙད་པོ་ཆེ་ན་ཁྲིམས་ཀྱིས་ཆེ། །བོད་འབངས་ཡོངས་ལ་དཀོན་མཆོག་མཉན་ན་བདེ། །སྔགས་པ་ཀུན་གྱིས་ངན་སྔགས་ཐུབ་ན་བཙུན། །རྣལ་འབྱོར་རྣམས་ཀྱིས་ཚུལ་འཆོས་སྤངས་ན་བཟང་། །བླ་མའི་གདམས་པ་བསྒྲུབས་ན་གྲུབ། །གཙོ་བོ་རྣམས་ཀྱིས་ཆད་ལས་མི་འགལ་བཟང་། །མོ་བཙུན་རྣམས་ཀྱིས་ལུས་ཁྲིམས་དམ་ན་བཙུན། །ཆོས་སྐྱོང་སྲུང་མས་བསྟན་པ་བསྲུངས་ན་བཙུན། །གདམས་ངག་སྲོག་ལས་གཅེས་པ་བྱས་ན་པྱི་ཕྱིར་བཙུན། །སློབ་དཔོན་བི་མ་ལས་དེ་སྐད་གསུངས་སོ།། །།


[[Category:རྙིང་མ་རྒྱུད་འབུམ།]] [[Category:རྙིང་མ་རྒྱུད་འབུམ། Vol 01]]
[[Category:རྙིང་མ་རྒྱུད་འབུམ།]] [[Category:རྙིང་མ་རྒྱུད་འབུམ། Vol 01]]

Latest revision as of 05:21, 20 March 2020

Front

Body

རྒྱ་གར་སྐད་དུ། དེ་བ་ཏནྟྲ་རཏྣ་ཀུ་ཊ་ནཱ་མ། བོད་སྐད་དུ། ལྷ་རྒྱུད་རིན་པོ་ཆེ་སྤུངས་པ་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་ཀུན་ཏུ་བཟང་པོ་ཡིས། །ཡེ་གྲོལ་ཡེ་ཤེས་རང་ལ་ཤར། །ཕྱི་ནང་མེད་པའི་ཟང་ཐལ་གནས། །ཆེན་པོ་ལྔ་ཡི་བསྟན་པ་ལ། །རང་སྣང་ཆེན་པོ་རྣམ་དག་ཡིན། །དེ་ཡང་ཐོག་མ་མེད་པའི་དུས། །གཞི་གསུམ་དབྱེར་མེད་ལྷུན་གྱིས་གྲུབ། །ཡང་དག་ཡེ་ཤེས་སྣང་བ་དང་། །དག་པ་འཇིག་རྟེན་སྣང་བ་དང་། །མ་དག་འཁྲུལ་པའི་སྣང་བ་གསུམ། །དབྱེར་མེད་ལྷུན་གྱིས་གྲུབ་པ་ཡིན། །ཡང་དག་ཡེ་ཤེས་སྣང་བ་ནི། །སྐུ་གསུམ་རང་སྣང་ལྷུན་གྱིས་གྲུབ། །དེ་ཡང་ཕྱོགས་སུ་མ་ལྷུང་རྒྱ་མ་ཆད། །དག་པ་འཇིག་རྟེན་སྣང་བ་ཡིན། །འོད་ལྔ་ལ་སོགས་ལྷུན་གྱིས་གྲུབ། །དེ་ཡང་ཕྱོགས་སུ་མ་ལྷུང་རྒྱ་མ་ཆད། །མ་དག་འཁྲུལ་པའི་སྣང་བ་ཡང་། །འགྲོ་དྲུག་ལ་སོགས་ལྷུན་གྱིས་གྲུབ། །དེ་ཡང་ཕྱོགས་ལྷུང་མེད་པ་ཡིན། །ཆོས་ཉིད་གདལ་བའི་ཕོ་བྲང་ན། །ཀུན་གཞི་སྤྱི་ས་མི་ཟད་གཏེར། །གཏེར་གྱི་འབྱུང་གནས་རིན་ཆེན་གླིང་། །ག་བུར་ལྟ་བུའི་གཞི་མ་ཡིན། །ཕྱོགས་མེད་ཆེན་པོའི་སྣང་བ་ཡིན། །ཞེས་གསུངས་སོ། །དེ་ནས་གསང་བའི་བདག་པོ་དེས། །བཅོམ་ལྡན་འདས་ལ་ཕྱག་འཚལ་ནས། སྤྱི་ས་དེ་ལྟར་ཡིན་པ་ལ། དེ་ལས་འཁྲུལ་པ་ཇི་ལྟར་ལགས། །ཀུན་བཟང་སངས་རྒྱས་ཇི་ལྟར་ལགས། །བྱིན་རླབས་འབྱུང་བ་ཇི་ལྟར་ལགས། །འཁྲུལ་པར་སྣང་བ་ཇི་ལྟ་བུ། །ལྡོག་བཅས་ཆོས་དེ་གང་ལ་གསུངས། །ཞེས་ཞུས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་ཀུན་བཟང་གིས། །དེ་ལས་འཁྲུལ་པ་བསྟན་པ་ནི། །ཀུན་གཞི་གཏེར་གྱི་འབྱུང་གནས་ལ། །ལྷུན་གྲུབ་ཡོན་ཏན་ཕྱོགས་མེད་ཀློང་། །དཔེར་ན་རྒྱ་མཚོར་ཆོས་མཐུན་པ། །རང་བྱུང་རླུད་གི་རྟ་ཕོས་བསྐྱོད། །མ་ནིང་རྣམ་གསུམ་ཡིད་འགྱུས་པས། །འགྱུ་བ་རླུད་གི་མིག་ཅན་དེ། །རང་སྣང་འོད་ལྔའི་ལམ་དུ་ཞུགས། །ང་ཉིད་མཁྱེན་པའི་ཤེས་རབ་ཡིན། །རྣམ་གསུམ་ཤེས་པས་ཤེས་རབ་མཆོག །མཆོག་གི་སྐུ་གསུམ་རང་ལ་ཤར། །འདས་པ་ལྔ་ཡི་ཀློང་དུ་གྲོལ། །གསུམ་སེལ་སྒྲིབ་པ་ཀུན་ལས་གྲོལ། །སངས་རྒྱས་ལྔ་བདག་ཅོད་པན་ཅན། །ཡེ་ཤེས་འབའ་ཞིག་ལས་བྱུང་བ། །མགོན་པོ་ཀུན་གྱི་ཡབ་མེས་ཡིན། །ཀུན་ཏུ་བཟང་པོ་བློ་གྲོས་བཟང་། །ཐོག་མའི་སངས་རྒྱས་འོད་དཔག་མེད། །སངས་རྒྱས་ཀུན་གྱི་གཙོ་བོ་ཡིན། །ང་མེད་པ་ཡི་སྔོན་རོལ་ན། །སངས་རྒྱས་བྱ་བའི་མིང་ཡང་མེད། །ཡེ་ཤེས་བྱ་བའི་མིང་ཡང་མེད། །ཆོས་སྐུ་བྱ་བའི་མིང་ཡང་མེད། །ཆོས་ལས་གྲོལ་བའི་སངས་རྒྱས་ཡིན། །ཐིག་ལེ་ཆོས་མིན་ཡེ་ཤེས་ཀློང་། །བྱ་བཙལ་མེད་པས་རང་གྲོལ་ཡིན། །རང་བྱུང་རང་གི་འོད་སྣང་སངས་། །འདས་པ་ལྔ་རུ་རྒྱས་པས་མཆོག །དོན་གྱི་ཡེ་ཤེས་ཁོང་ནས་ཤར། །ཡེ་ཤེས་ཁོང་ཤར་མིག་ཕྱེད་པས། །ཡེ་ཤེས་མིག་ཅན་དྲི་མ་མེད། །མ་རིག་སྒོ་ངའི་སྦུབས་འབྱེད་པ། །རང་བྱུང་ཡིད་ཀྱི་ཤེས་རབ་ཀྱི། །འགྱུ་བའི་ལིང་ཏོག་གསེར་གྱི་ཐུར་མས་ཕྱེད། །མིག་གི་དབང་པོ་སོ་སོར་མ་འགག་པ། །སོ་སོར་རྟོག་པའི་ཡེ་ཤེས་ཡིན། །རང་བཞིན་མེད་པའི་ཟང་ཐལ་དེ། །ཆོས་ཀྱི་དབྱིངས་ཀྱི་ཡེ་ཤེས་ཡིན། །དེ་ཉིད་རང་གསལ་ཆེན་པོར་ཤར། མེ་ལོང་ལྟ་བུའི་ཡེ་ཤེས་ཡིན། །ཕྱི་ནང་མེད་པར་མཉམ་པས་ན། །མཉམ་པ་ཉིད་ཀྱི་ཡེ་ཤེས་ཡིན། །ཐམས་ཅད་མ་ལུས་ལྷུན་གྲུབ་པས། །བྱ་བ་གྲུབ་པའི་ཡེ་ཤེས་ཡིན། །ཡེ་ཤེས་ཡིན་པས་རྩོལ་བསྒྲུབ་མེད། །ཡོན་ཏན་ཡེ་ཤེས་ལྔ་དང་ལྡན། །འབྲས་བུ་སྐུ་གསུམ་ཁོང་ནས་ཤར། །མཆོག་གི་དང་པོ་སྐུ་གསུམ་འཆང་། །སྐུ་གསུམ་རང་གྲོལ་ལམ་གྱི་མཆོག །ཡེ་ཤེས་རང་ཤར་རིག་པའི་མཆོག །འདས་པ་ལྔ་པོ་འབྲས་བུའི་མཆོག །ཡེ་ཤེས་ཟང་ཐལ་གདམས་པའི་མཆོག སངས་རྒྱས་ཀུན་གྱི་དགོངས་པ་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། ཀུན་ཏུ་བཟང་པོ་རང་སྣང་གི་ལེའུ་སྟེ་གཉིས་པའོ།། །།དེ་ནས་གསང་བའི་བདག་པོ་ཡིས། །འགྲོ་དྲུག་མ་དག་འཁྲུལ་པ་ཇི་ལྟར་ལགས། །ཞེས་ཞུས་པས། ཀུན་ཏུ་བཟང་པོས་བཀའ་སྩལ་པ། །ཐོག་མ་མེད་པའི་གཞི་མ་དེ། །དེ་ཡོད་པས་ན་འགྲོ་དྲུག་ཀྱང་། །མི་འཁྲུལ་པ་ཡི་རང་དབང་མེད། །དེ་ཡང་ཇི་ལྟར་འཁྲུལ་ཞེ་ན། །ཀུན་གཞིའི་རླུད་ཆེན་མ་འགགས་པས། །མ་ནི་རླུད་གི་འཁྲུལ་པ་ཡིན། །དེ་ཡང་ཀུན་གཞི་སྤྱན་ཡིན་ཏེ། །གཞི་གསུམ་དབྱེར་མེད་སྤྱན་ཆེན་པོ། །གྱེན་དང་ཐད་ཀ་ཐུར་དུ་གཟིགས། །གཟིགས་པའི་སྤྱན་གསུམ་ཁོང་ནས་ཤར། །ཐུར་དུ་གཟིགས་པ་འགྲོ་དྲུག་སྤྱན། འགྱུ་བའི་སྤྱན་གྱིས་ཀུན་ཏུ་བལྟ། །འོད་ལྔ་ལམ་གྱི་རྟ་ཕོ་ལ། །ཆགས་སྡང་ལྔ་ཡིས་ཞབྲུལ་པ་ཡིན། །ལས་ནི་ལུང་མ་བསྟན་གྱི་ལས། །རྒྱུ་རྐྱེན་དུས་མཚུངས་རྒྱུ་ལྟར་འཁོར། །མ་རིག་འདམ་དུ་བྱིང་བ་ཡིན། །དམྱལ་བ་ལ་སོགས་འགྲོ་དྲུག་འཁྲུལ། །ལས་ཀྱི་འབྲས་བུ་ལུང་མ་བསྟན། །ཚེ་ཚད་ལ་སོགས་དུས་ལ་ངེས་པ་མེད། །དེ་ནི་ཐུར་དུ་གཟིགས་པའི་སྤྱན། །ཞེས་གསུངས་སོ། །ལྷ་རྒྱུད་རིན་པོ་ཆེའི་སྐྲུངས་པ་ལས། འགྲོ་དྲུག་རང་སྣང་གི་ལེའུ་གསུམ་པའོ།། །།དེ་ནས་གསང་བའི་བདག་པོ་ཡིས། །འགྲོ་དྲུག་ཞབྲུལ་པ་ཇི་ལྟར་བཟློག །ཅེས་ཞུས་པས། ཀུན་ཏུ་བཟང་པོས་བཀའ་སྩལ་པ། །འགྲོ་དྲུག་འཁྲུལ་པ་བཟློག་པ་ནི། ངོ་བོ་ཉིད་ཀྱི་བྱིན་རླབས་ནི། ཆོས་ཀྱི་སྐུ་ཡི་བྱིན་རླབས་སོ། །དེ་ཡི་བྱིན་རླབས་རྡོ་རྗེ་སེམས་དཔའ་ཁྱོད། །དེ་ཡི་བྱིན་རླབས་སྣང་བ་ཐུབ་པ་དྲུག །ཐུན་མོང་ལྡོག་པའི་སྟོན་པ་ཡིན། ཁྱད་པར་བཀའ་བརྒྱུད་བྱིན་བརྒྱུད་དང་། །ཐུགས་སུ་བརྒྱུད་པའི་སྟོན་པ་གསུམ། །ཐུགས་རྗེ་ཆོས་ཀྱི་འཁོར་ལོ་ནི། །བྱིན་གྱིས་བརླབས་ཀྱི་བསྐོར་བ་ཡིན། མཆོག་གི་སྐུ་གསུམ་རང་སྣང་བས། ཡེ་ཤེས་རང་སྣང་འཁོར་ལོ་བསྐོར། །རྟོག་པ་ཡེ་ཤེས་འཁོར་ལོ་ཡིན། །ཆོས་ཀྱི་འཁོར་ལོ་ཕྱི་ནང་གསང་བ་གསུམ། །དེ་དོན་རྟོགས་པའི་བྱིན་རླབས་བརྒྱུད་པ་ཡིན། །ཉི་མའི་སྙིང་པོ་ཟེར་དང་འོད། །ཟླ་བ་ལྟེང་ཀའི་གཟུགས་སྣང་བ། །ཐ་དད་དུ་མར་མཐོང་བ་ལྟར། །སྐུ་གཅིག་ཡོངས་ལ་སྣང་བས་སྤྲུལ་སྐུ་ཡིན། །ཡེ་ཤེས་ཕྱོགས་མེད་ཤར་བས་ཐུགས་རྗེ་འོད་པོ་ཆེ། །ཀུན་ལ་སྙོམས་པས་ཐུགས་རྗེ་ཕྱོགས་མེད་ཤར། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། བྱིན་རླབས་འབྱུང་བ་བསྟན་པའི་ལེའུ་སྟེ་བཞི་པའོ།། །།དེ་ནས་གསང་བའི་བདག་པོ་ཡིས། །རྒྱུད་ལུང་འབྱུང་བ་ཇི་ལྟར་ལགས། །དེ་ཡི་ངོ་སྤྲོད་ཇི་ལྟར་བགྱི། །ཞེས་ཞུས་པས། །བཅོམ་ལྡན་འདས་ཀྱིས་བཀའ་སྩལ་པ། །རང་བཞིན་བྱིན་རླབས་ངོ་བོའི་རྒྱུད། རང་བཞིན་རྒྱུད་ལ་རྣམ་པ་གཉིས། །ངེས་པའི་རྒྱུད་དང་དོན་གྱི་རྒྱུད། །ངེས་རྒྱུད་སངས་རྒྱ་དགོང་པ་ཡིན། །རྒྱུན་དུ་མི་འགྱུར་རྒྱུད་ཀྱི་མཆོག །དེ་དོན་ཐུགས་ལ་གང་གནས་པ། །དོན་རྒྱུད་ཆེན་པོ་ཡིན་པར་བཤད། །བྱིན་རླབས་རྒྱུད་ལ་རྣམ་པ་གསུམ། །ངོ་བོ་ཉིད་ཀྱི་བྱིན་རླབས་དང་། །རྩོལ་དང་བཅས་དང་རྩོལ་མེད་དང་། །རང་བཞིན་བྱིན་རླབས་རྣམ་པ་གསུམ། །ངོ་བོ་བྱིན་རླབས་རང་སྣང་ཡིན། །རྩོལ་མེད་བྱིན་རླབས་ཐུགས་རྗེའོ། །རྩོལ་བཅས་བྱིན་རླབས་གདམས་པའོ། །རང་བཞིན་བྱིན་རླབས་ཀུན་ལ་འཇུག །དེ་དོན་གཏན་ལ་གང་འབེབས་པ། །མན་ངག་ཀུན་གྱི་མཆོག་ཏུ་བཤད། །དེ་དོན་ཐུགས་ལ་གང་གནས་པ། །ལུང་རྣམསམ་ལུས་ཐུགས་ལ་གནས། ཁུད་ལུང་མན་ངག་དབྱེར་མེདཔས། །ཐིག་ལེ་ཡེ་ཤེས་བརྩེགས་པ་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། བྱིན་རླབས་ཀྱི་རྒྱུད་བསྟན་པའི་ལེའུ་སྟེ་ལྔ་པའོ།། །།དེ་ནས་གསང་བའི་བདག་པོ་ཡིས། །བཅོམ་ལྡན་ཀུན་ཏུ་བཟང་པོ་ལ། །རྩོལ་མེདབྱིན་རླབསཇི་ལྟརལགས། །ཞེས་ཞུས་པས། བཀའ་སྩལ་པ། བྱིནརླབས་དབང་ལས་འཇུག་པས་ན། །དབང་གི་གདམས་པ་བཤད་པར་བྱ། །དབང་ལ་ཕྱི་ནང་གསང་བ་གསུམ། །ལྷ་དབང་ཡེ་ཤེས་སྐུ་ཡི་དབང། །ཆོསདབང་རིག་པ་སེམས་ཀྱི་དབང། །རྩོལ་མེད་ཡེ་ཤེསཐིག་ལེའི་དབང་། །དེ་འདོདཔ་ཡི་གང་ཟག་གིས། །ལུས་སྲོག་བུ་སྨད་འཁོར་རྫས་ཀུན། །བྱིན་རླབས་ཞུ་བའི་ཡོན་དུ་དབུལ། །སྤྱིན་པ་བསམ་གྱིས་མིཁྱབཔས། །དབང་བསྐུར་ནུས་པའི་བླ་མ་ལ། །ཡོན་ཕུལ་ཡོན་ཏན་བསམ་མི་ཁྱབ། །སློབདཔོན་གདམས་པསམ་བརྒྱན་པ། །དེ་འདྲའི་སློབ་དཔོན་བསྟེན་མིན་ཏེ། །དེ་བསྟེན་བྱིན་རླབས་འབྱུང་མི་འགྱུར། །སློབ་མཤེསརབ་མ་བརྒྱན་ཅིང་། །གདམསཔ་གཟུང་མི་ཐུབ་པ་ནི། །དེ་ནི་སློབ་མ་སྣོད་མིན་ཏེ། །དེ་ལ་བྱིན་རླབས་འཇུག་མི་འགྱུར། །ཇ་ལོག་པས་ནི་དོན་ཀུན་འགྲུབ། །ལྷ་དབང་ཡེ་ཤེས་དབང་བསྐུར་བས། །མིག་གི་གཟུགས་སྣང་མ་འགགས་པས། །རྣམ་པར་སྣང་མཛད་གཟུགས་ཀྱི་དབང་། །ཆོས་ཀྱི་དབྱིངས་ཀྱི་ཡེ་ཤེས་ཡིན། །དེ་ཡིས་དོན་ལ་བསྐྱོད་མེད་པས། །རྡོ་རྗེ་སེམས་དཔའ་མི་བསྐྱོད་པ། །མེ་ལོང་ལྟ་བུའི་ཡེ་ཤེས་ཡིན། །དེ་ཡི་ཡོན་ཏན་རྩལ་སྣང་བ། །སྣང་བ་མཐའ་ཡས་འོད་དཔག་མེད། །སོ་སོར་ཀུན་ཏུ་རྟོགས་པ་ཡིན། །ཡོན་ཏན་ཕྱོགས་རིས་མི་མངའ་བས། །རིན་ཆེན་འབྱུང་ལྡན་འོད་འཕྲོ་བས། །མཉམ་པ་ཉིད་ཀྱི་ཡེ་ཤེས་ཡིན། །ཐམས་ཅད་རང་བྱུང་གྲུབ་པས་ན། །དོན་ཡོད་གྲུབ་པ་རྡོ་རྗེའི་སྙིང་པོ་ཡིན། །བྱ་བ་གྲུབ་པའི་ཡེ་ཤེས་ཞེས་ཀྱང་བརྗོད། །རྣ་བ་མི་བསྐྱོད་ལྕེ་ནི་འོད་དཔག་མེད། །སྣ་ནི་རིན་འབྱུང་འོག་སྒོ་དོན་གྲུབ་སྐུ། །ལྔ་ལྡན་ཡེ་ཤེས་རང་ལ་སྣང་བས་ན། །ལྷ་དབང་ཡེ་ཤེས་སྐུ་ཡི་དབང་བསྐུར་ཡིན། །འབྱུང་བ་ལྔ་ཡི་གཟུགས་སྟོང་པས། །ནམ་མཁའ་དབྱིངས་ཕྱུག་ཆོས་ཀྱི་དབྱིངས། །དེ་ཡི་ངོ་བོ་སངས་རྒྱས་སྤྱན། །འོད་གསལ་ཡེ་ཤེས་མེ་ལོང་ལྔ་། །ཡོན་ཏན་རྩལ་སྨིན་གོས་དཀར་མོ། །སོ་སོར་རྟོགས་པའི་ཡེ་ཤེས་རྫོགས། །ཡོན་ཏན་ཐམས་ཅད་འདུས་པ་བཱ་མ་ཀི། །ཀུན་ལ་ཡངས་དོག་མེད་པས་མཉམ་པ་ཉིད། །དེ་ཡི་དོན་ལ་འདའ་མེད་པས། །དམ་ཚིག་སྒྲོལ་མ་ཞེས་བྱའོ། །ཐམས་ཅད་གཅིག་ཏུ་གྲུབ་པས་བྱ་བ་གྲུབ། །ཡེ་ཤེས་ཐམས་ཅད་རྫོགས་པས་འཁོར་ལོ་ཡིན། །འགྱུར་བ་མེད་པས་རྡོ་རྗེ་ཡིན། །སྐྱོན་གྱིས་མ་གོས་པདྨ་ཡིན། །ཐམས་ཅད་འབྱུང་བས་རིན་པོ་ཆེ། །ཀུན་ལ་ཁྱབ་པས་རྒྱ་གྲམ་མེ། །ཐམས་ཅད་རྫོགས་པས་སེང་གེ་ཡན། །མ་ལུས་ཐེག་པས་གླང་པོ་ཆེ། །དུག་ལྔ་སྐུ་རུ་ཤར་བས་རྨ་བྱ་ཡིན། །ཐམས་ཅད་ཤུགས་ལས་གྲོལ་བས་རྟ་མཆོག་ཡིན། །ཐོག་མེད་སྤྱན་ཆེན་མངའ་བས་མཁའ་ལྡིང་ཡིན། །དེ་ཡི་དོན་རྟོགས་རྩོལ་མེད་དབང་བསྐུར་ཡིན། །མི་འདའ་བ་ཡི་རྒྱ་ཞིག་ཐོབ་ལ་ཞོག །ཆོས་སྐུ་དྲི་མ་མེད་ཅིང་གཟུགས་སྐུ་མེད། །འགྱུར་མེད་གསེར་མདོག་འཇམ་དཔལ་སྐུ། །དེ་དོན་ལག་ཏུ་གཏད་པས་འགྱུར་མེད་རྟོགས། །ཕྲིན་ལས་ཐམས་ཅད་རྫོགས་ཤིང་དབང་ཐོབ་པས། །མི་ཤིགས་བཅོམ་ལྡན་རྡོ་རྗེའི་སྐུ། །ཡེ་ཤེས་སྤྱན་ཆེན་རང་ལ་ཤར་བས་ན། །སྤྱན་རས་གཟིགས་དབང་སེང་གེ་རྣམ་པར་བརྩེགས། །འཁོར་བ་མ་བཅོས་རང་གྲོལ་འོད་གསལ་བ། །རྡོ་རྗེ་མི་གཡོའི་སྐུ་སྟེ་རང་བྱུང་ཡིན། །ཐུགས་རྗེ་ཀུན་ལ་འཕྲོ་བས་འོད་ཟེར་ཅན། །སངས་རྒྱས་བྱིན་རླབས་ཕོག་པས་སྒྲོལ་མ་ཡིན། །སྣང་བ་ལྷུག་པར་སྣང་བས་ཕག་གདོང་མ། ་ས་རབ་ཁོང་ཤར་རལ་གྲི་ཡིན། །ཡེ་ཤེས་ཟང་ཐལ་རྡོ་རྗེ་དང་། །སྐུ་གསུམ་བྱིན་རླབས་སྣང་བ་ཕྲེང་བ་དང་། །ཡོན་ཏན་སྣ་ཚོགས་གཅོད་པའི་རལ་གྲི་དང་། །ཆོས་སྐུ་ཡོན་ཏན་རྒྱས་པས་ཨུཏུལ། །ཡོན་ཏན་གཏེར་འཆང་བུམ་པ་དང་། སྐུ་གསུམ་རང་ལ་གནས་པས་ཁ་ཊ༷་ག །ཐམས་ཅད་རང་ལ་རྫོགས་པས་དབང་ཆེན་ཐོབ། །ཅེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། ལྷ་དབང་ལུས་ལ་བསྐུར་བ་དང་། རྩོལ་མེད་རང་སྣང་དུ་བསྟན་པའི་ལེའུ་སྟེ་དྲུག་པའོ།། །།དེ་ནས་ཡང་བཀའ་སྩལ་པ། རྩོལ་བཅས་ལྷ་དབང་བསྟན་པ་ནི། །དང་པོ་བུམ་པའི་དབང་ཡིན་ཏེ། །བུམ་པ་ལྷ་ཡི་གྲངས་དང་མཐུན། །དེ་ལ་དབང་ལྔ་རྫོགས་པ་ནི། །བུམ་པ་གཞལ་ཡས་ཁང་ཡིན་པས། སྒྱུ༷་ལས་གཞལ་ཡས་ཁང་དུ་བསྐྱེད། །དེ་ཡི་ནང་དུ་བུམ་རྫས་བླུགས། །གདན་དང་བསྐྱེད་དང་སྤྱན་འདྲེན་བསྟིམ། །འཛབ་དང་བསྙེན་བསྒྲུབ་བྱས་ནས་ནི། དེ་ནས་འོད་དུ་ཞུ་ནས་ནི། །སྤྱི་བོ་དག་ནས་དབང་བསྐུར་བ། །བུམ་པའི་དབང་ཞེས་བརྗོད་པ་ཡིན། །ལུས་ཀྱི་སྒྲིབ་པ་དག་པར་བྱེད། །བུམ་པ་བུམ་རྫས་བསྐྱེད་བྱ་ཐབས་ཀྱི་དབང་། །ལྷ་རྣམས་བཀུག་བསྟིམ་སྦྱོར་བ་མཛད། ཁོ༑ས་རབ་དབང་དུ་བསྟན་པ་ནི། །སྦྱོར་བ་བྱང་ཆུབ་སེམས་ཀྱི་ཆུ། །ཡེ་ཤེས་དབང་དུ་བསྟན་པ་ཡིན། །རྡོ་རྗེ་ལྕེ་སྟེང་བཞག་པ་ཡིས། །ངག་གི་སྒྲིབ་པ་དག་པར་བྱེད། །ལྷ་ལ་ཡེ་ཤེས་རྒྱས་བཏབ་ནས། །སྐྱེ་བ་མེད་པར་བསྟན་པ་ནི། །ཚིག་གི་དབང་དུ་བརྗོད་པ་ཡིན། །སེམས་ཀྱི་སྒྲིབ་པ་དག་པར་བྱེད། །ཅེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས བུམ་པའི་བང་ང་ལེའུ་ ་བ ་པའོ ་ ས་ཡང་བ འ་སྩལ་པ ཐབས་ ང་ ས་རབ་ བང་ལ་ མ་ལྔ་ ཕ་ང་ཐབས་ཀྱི་རང་བ ན་ཏེ། །ལུས་ཀྱི་བུམ་པ་ ང་བ་ཡིན། །སྐྲ་དང་ལུས་རྒྱན་ལུས་པོ་ནི། །སྐུ་གསུམ་དག་པའི་སྣང་བའོ། །སྒོ་ལྔ་འབྲུ་ལྔ་ཡེ་ཤེས་ལྔ། །ཕུང་པོ་ལྔ་ནི་རིན་ཆེན་སྣ་ལྔ་ཡིན། རང་བྱུང་བདུད་རྩི་སྨན་ལྔའི་ངོ་བོ་ལ། །རྣམ་ཤེས་ལྔ་ནི་དྲི་ལྔ་ཡིན་པར་བཤད། །བྱང་ཆུབ་སེམས་ནི་བདུད་རྩི་འོ་མ་ཆུ། །དབུགས་ནི་གཟུངས་ཐག་ཐུགས་རྗེས་འབྲེལ། །དེ་ནི་བུམ་པའི་དབང་ཡིན་ནོ། །རང་ལ་སྣང་བ་ཐབས་ཀྱི་དབང་། །དེ་ལྟར་ཤེས་པས་ཤེས་རབ་དབང་། །ཡེ་ནས་གྲུབ་པ་ཡེ་ཤེས་དབང་། །དེ་མཚོན་པ་ནི་ཚིག་དབང་ངོ། ཁྲེས་རབ་དབང་ལ་རྣམ་པ་ལྔ། །བྷ་ག་བུམ་པའི་རང་བཞིན་ནོ། །རཀྟ་བུམ་རྫས་རང་བཞིན་ནོ། །རྩ་གསུམ་ཉེད་པ་ཐབས་ཀྱི་དབང་། །ཟུང་འཇུག་སྟོང་པ་ཤེས་རབ་དབང་། །བདེ་བའི་ཡེ་ཤེས་གསང་བའི་དབང་། །ངག་གིས་བརྒྱན་པ་ཚིག་དབང་ངོ་། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པའི་རྒྱུད་ལས། ཐབས་དང་ཤེས་རབ་ཀྱི་དབང་བསྟན་པའི་ལེའུ་སྟེ་བརྒྱད་པའོ། །དེ་ནས་ཡང་བཀའ་སྩལ་པ། །གསང་བའི་དབང་ལ་རྣམ་ལྔ་སྟེ། །རྡོ་རྗེ་བུམ་པ་ཆོས་ཀྱི་སྐུ། །རྩ་གསུམ་བརྒྱན་པ་ལོངས་སྐུ་ཡིན། །ཐིག་ལེ་སྤྲུལ་པའི་སྐུ་རུ་བཤད། །བདེ་བ་ཆེན་པོ་བུམ་རྫས་ཡིན། །དེ་ནི་བུམ་པའི་དབང་ཡིན་ནོ། །ཡིག་འབྲུ་བཀོད་པ་ཐབས་ཀྱི་དབང་། །ལྷ་རྣམས་སྦྱོར་བ་མཛད་པ་ནི། །བྷ་ག་སྟོང་པ་ཤེས་རབ་དབང་། །བྱང་ཆུབ་སེམས་འཕྲོས་གསང་བའི་དབང་། །རྒྱས་གདབ་པ་ནི་ཚིག་དབང་ཡིན། །ཡེ་ཤེས་ས་བོན་དགུག་པ་དང་། །དམ་ཚིག་ས་བོན་བསྐྱེད་པ་དང་། །སྦྱོར་བ་གཉིས་མེད་བསྟིམ་པ་དང་། །བདེ་བའི་མཆོད་པ་འབུལ་བ་དང་། །མཆོད་པ་ཕྱོགས་བཅུར་སྤྲོ་བ་དང་། །དེ་རྣམས་རྒྱས་སུ་གདབ་པ་ནི། །རྩོལ་བ་དང་བཅས་དབང་ཞེས་བརྗོད། །ཅེས་གསུངས་སོ། ལྷ་རྒྱུད་རིན་པོ་ཆེ་སྐྲུངས་པ་ལས། གསང་བའི་དབང་གི་ལེའུ་སྟེ་དགུ་པའོ།། །།དེ་ནས་ཡང་བཀའ་སྩལ་པ། །ཉོན་ཅིག་གསང་བའི་བདག་པོ་ཁྱོད། །ཚིག་གི་དབང་ལ་རྣམ་ལྔ་སྟེ། །སྣང་སྲིད་ཚིག་ཏུ་སྟོན་པ་ནི། །དངོས་པོ་སྣ་ཚོགས་གཟུགས་སྣང་བ། འབྱུང་བ་ལྔ་ནི་བུམ་པར་བཤད། ཁ་དོག་སྣ་ཚོགས་བུམ་པའི་རྒྱན། །དབྱིངས་སུ་སྣང་བ་མགུལ་ཆིངས་ཡིན། །འདུ་འབྲལ་མེད་པ་གཟུངས་ཐག་ཡིན །འགྲོ་དྲུག་ལོངས་སྐུར་ཅིར་སྣང་བ། །བུམ་པའི་རྫས་སུ་བསྟན་པ་ནི། །དེ་ནི་བུམ་པའི་དབང་ཡིན་ནོ། །སྣང་སྲིད་བསྡུས་ནས་ལམ་དུ་བསླང་། །སྣང་བ་རང་བྱུང་ཡེ་ཤེས་ཤར། །བླ་མའི་གདམས་པས་ཕྱོགས་མེད་གྲོལ། །རང་སྣང་ཡེ་ཤེས་འཕེལ་འགྲིབ་མེད། །ཕྱི་ནང་མེད་པ་ཡེ་ཤེས་སྐུ། །ཡེ་ཤེས་སྐུ་སྟེ་རང་བྱུང་བ། །དེ་ནི་ཐབས་ཀྱི་དབང་མཆོག་ཡིན། །ད་ནི་ཤེས་རབ་དབང་བསྟན་པ། །ཐུགས་རྗེ་འགག་པ་མེད་པ་དེ། །ཡིད་འགྱུས་སྣང་སྲིད་སེམས་སུ་ཤར། །གཟུང་འཛིན་རྩ་བ་མ་རིག་ཅན། །གཉིས་མེད་རིག་པ་ཕྱི་ནང་མེད། །ཡེ་ཤེས་ཤེས་རབ་ཟང་ཐལ་བས། །ཡེ་ཤེས་ཤེས་རབ་ཟང་ཐལ་དེ། །ཚད་མ་ཁོང་ནས་ཤར་་བས་ན། །མི་བསླུ་བ་ཡི་གཏན་ཚིགས་ཡིན། །ཡིད་ཆེས་ངེས་པའི་དབང་དུ་བཤད། །ད་ནི་ཡེ་ཤེས་དབང་བཤད་དེ། །ཡེ་ནི་ཀུན་གཞི་སྤྱི་ས་ཡིན། ཤེས་པ་གཞི་ལས་གྲོལ་བའོ། །གྲོལ་བ་གཞན་རྐྱེན་མ་ཡིན་ཏེ། །རང་རྐྱེན་ཤེས་པས་གྲོལ་བར་བསྟན། །མེ་ལོང་བྱད་ཀྱི་དཔེ་བཞིན་ནོ། །ཐིག་ལེ་ཡེ་ཤེས་ཁོང་ནས་ཤར། །ཕར་བལྟས་པས་ནི་ཚུར་ལ་གསལ། །ཡེ་ཤེས་ཟང་ཐལ་ཁོ་ན་ཡིན། །མ་བཅོས་པ་ཡི་ཟང་ཐལ་ལ། །མ་བྱས་པ་ཡི་རང་བྱུང་ཤར། །རང་གྲོལ་སྦྲུལ་གྱི་མདུད་པ་ལྟར། །རང་གྲོལ་དུག་ལྔ་ཁོང་དུ་གྲོལ། །རྩེ་གཅིག་ཟང་ཐལ་ཆེན་པོར་སླེབས། །ད་ནི་ཚིག་དབང་དོན་བཤད་དེ། །ནོར་བུ་རིན་ཆེན་གླིང་དག་ན། །ས་རྡོ་ལ་སོགས་མིང་ཡང་མེད། །གདམས་པའི་ཚིག་དབང་ཐོབ་པས་ན། །འཁོར་བ་བྱ་བའི་མིང་ཡང་མེད། །འཁོར་བ་ཐིག་ལེར་དབང་བསྐུར་བས། །རྨ་བྱས་ཧ་ལ་བཟའ་བ་འདྲ། །སྐྲུ་ཁ་སྣ་ཚོགས་མདངས་དང་ལྡན། །དེ་བཞིན་དུག་གི་དབང་བསྐུར་ན། །འདྲེ་དང་ནད་ཀྱིས་མི་ཚུགས་སོ། །དེ་བཞིན་དུག་ལྔའི་དབང་བསྐུར་ན། །འཁོར་བའི་དགྲ་ཡིས་མི་ཚུགས་སོ། །ཐིག་ལེ་ཡེ་ཤེས་ངོ་བོ་རྩལ། །ལས་དང་དེ་བཞིན་གནས་པ་ནི། །ལམ་དང་སྒོ་དང་ཡོན་ཏན་དང་། །འབྲས་བུ་རྣམ་བརྒྱད་དབྱེར་མེད་པས། །དཔེ་ཡི་ངོ་སྤྲོད་ཤེལགྱིསམཚོན། །རྟགསཀྱི་ངོ་སྤྲོད་ཙིསྟ་ཡིན། །རིནཆེནཟུར་བརྒྱད་འབར་བ་ཡིན། །དོན་ནི་ཐིག་ལེ་ཡེ་ཤེས་ཏེ། །རྩ་ཆེན་བརྒྱད་ལ་གནས་པ་ཡིན། །རྟགས་ཀྱི་རྩ་དང་ཡོན་ཏན་རྩ། །རྣམ་པ་བརྒྱད་དུ་ཤེས་པར་བྱ། །དེ་ནི་རྟེན་གྱི་གསང་ལམ་ཡིན། །མ་རིག་པ་ཡི་གདར་བཅད་པས། །རིག་པའི་ཡེ་ཤེས་ཁོང་ནས་རྡོལ། །ཐིག་ལེ་བརྩེགས་པའི་དབང་མཆོག་ཐོབ། །ཚིག་དབང་ཞེས་ནི་དེ་ལ་བྱ། །འཁོར་བ་རྩད་གཅོད་ཅེས་ཀྱང་བྱ། །མ་རིག་མིག་འབྱེད་ཅེས་ཀྱང་བྱ། །རིག་པའི་ཡེ་ཤེས་ཞེས་ཀྱང་བྱ། །ཡེ་ཤེས་རང་ཤར་ཞེས་ཀྱང་བྱ། ཁེས་རབ་རང་བྱུང་ཞེས་ཀྱང་བྱ། །ཡེ་ཤེས་ཐིག་ལེ་ཁོང་ནས་ཤར། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། ཚིག་དབང་རིན་པོ་ཆེའི་ལེའུ་སྟེ་བཅུ་པའོ།། །།དེ་ནས་ཡང་བཀའ་སྩལ་པ། །ཉོན་ཅིག་གསང་བའི་བདག་པོ་ཁྱོད། །དབང་བསྐུར་ཡོན་ཏན་བསྟན་པ་ནི། །བུམ་པའི་དབང་བསྐུར་ཉོན་མོངས་སྒྲིབ་པ་དག །ཐབས་ཀྱི་དབང་བསྐུར་ལས་ཀྱི་སྒྲིབ་པ་དག ཁེས་རབ་དབང་བསྐུར་ཤེས་བྱའི་སྒྲིབ་པ་དག །གསང་བའི་དབང་བསྐུར་ངོ་བོའི་སྒྲིབ་པ་དག །ཚིག་གི་དབང་བསྐུར་རྣམ་སྨིན་སྒྲིབ་པ་དག །བུམ་དབང་བསྐུར་བས་སྤྲུལ་སྐུ་འཐོབ། །ཐབས་ཀྱི་དབང་བསྐུར་ལོངས་སྐུ་འཐོབ། ་ས་རབ་དབང་བསྐུར་ཆོས་སྐུ་འཐོབ། །གསང་བའི་དབང་བསྐུར་ཡེཤེསསྐུ། །ཚིགགིདབངབསྐུར་རང་གྲོལ་འཐོབ། །དབང་མ་བསྐུར་བར་ཆོས་འཆད་པ། །ལོང་བས་ལོང་བ་ཁྲིད་པ་འདྲ། །སློབ་དཔོན་ཚད་མར་མགྱུར་པས། །གདམས་པ་མེད་པར་དབང་བསྐུར་བྱེད། །སྔགས་མེད་དུག་ལ་རྔུབ་པ་འདྲ། །སློབ་མ་ཚད་དང་མི་ལྡན་པས། །དབང་བསྐུར་ནོད་པ་བྱེད་པ་དེ། །སྦྲང་མ་མེ་ལ་མཆོངས་པ་འདྲ། །སློབ་དཔོན་ཚད་ལྡན་དབང་བསྐུར་ན། །བདུད་རྩིའི་ལོངས་སྤྱོད་སྤེལ་བ་འདྲ། །སློབ་མ་ཚད་ལྡན་དབང་ནོད་པ། །བྱ་རྒོད་གནམ་འཕང་གཅོད་པ་འདྲ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། དབང་བསྐུར་བའི་ཡོན་ཏན་དང་སྐྱོན་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །ལྟ་བ་རིག་པ་རང་རྩལ་བསྟན་པ་ནི། །ལྟ་བ་སྐྱེ་མེད་རྣམ་པར་དག །རང་བཞིན་ཆོས་སྐུ་བརྗོད་ལས་འདས། །གཉིས་མེད་རང་སྣང་མ་བཅོས་པ། །ཆོས་ཉིད་སྐྱེ་མེད་ཤེས་བྱའི་གཤིས། །སེམས་ཉིད་མ་བཅོས་བློ་ལས་འདས། །སེམས་ཉིད་སྟོང་པ་ཆོས་ཀྱི་སྐུ། །ནམ་མཁའ་ལྟ་བུའི་ཆོས་ཉིད་ལས། །ཉི་ཟླ་སྐར་ཚོགས་མ་འདྲེས་རྫོགས། །ཚོགས་རྫོགས་རང་བྱུང་ལྟ་བའི་མཆོག །དངོས་པོ་མེད་པ་རང་སར་གྲོལ། །རང་གྲོལ་ལུ་་ཆུབ་ལྟ་བའི་ཀློང་། །ལྟ་བ་ཀློང་ཆེན་མཐའ་གྲོལ་ཡིན། །ལྟ་བ་རིག་པའི་དབང་ཐོབ་ན། །སྐྱེ་བ་མེད་པའི་དགོངས་པ་ཐོབ། །བསྒོམ་པ་རིག་པ་རང་རྩལ་དབང་། །མཚན་བཅས་བསྒོམ་དང་མཚན་མེད་བསྒོམ། །དང་པོ་མ་ཤར་ཤར་བར་བྱེད་པ་ལ། །ནམ་མཁའ་སྟོང་པའི་མཁའ་དཀྱིལ་བསྒོམ། །དེ་ལས་ཧཱུཾ༷་ཞུ་རྡོ་རྗེར་བསྒོམ། །རྡོ་རྗེ་འོད་ཞུ་རྡོ་རྗེ་སེམས་དཔར་བསྒོམ། །སྐུ་མདོག་དཀར་པོ་གངས་རིར་ཉི་ཤར་འདྲ། །གཡས་ན་རྡོ་རྗེ་རྩེ་ལྔ་བསྣམས། །གཡོན་པས་དྲིལ་བུ་དཀུ་རུ་བརྟེན། །རྒྱན་རྣམས་ཀུན་གྱིས་བརྒྱན་པར་བསྒོམ། །ཨོ་བཛྲ་ས་ཏྭ་ཧཱུཾ༷། དབང་པོ་འབྲུ་ལྔ་ཐུགས་ཀྱི་ཡང་སྙིང་བཟླ། བཛྲ་ཨུ་ཧར་ཧཱུཾ༷། དྷ་པེ་ཧུ༷། པྲསྤྲོ་ཧུ༷། ཨུ་ལོ་ཀེ་ཧུ༷། གརྙེ་ཧུ༷། ནེ་བི་ཏེ་ཧུ༷། ཤབྷ་རཏྣ་ཧུ༷། ཞེས་མཆོད་པས། འགྲོ་དྲུག་ཞུ་ནས་བདག་ཞུ་སྟེ། །སྤྱི་གཙུག་རྡོ་རྗེ་སེམས་དཔར་ཐིམ། །རྡོ་རྗེ་སེམས་དཔའ་འོད་དུ་ཞུ། །རྡོ་རྗེ་དཀར་པོ་རྩེ་ལྔར་སྒྱུར། །རྡོ་རྗེ་འོད་ཞུ་ཧུ༷་ལ་ཐིམ། །ཧུ༷་གི་ཞབས་བསྐྱེད་ཞུ་ནས་ནི། །འ་ཡང་འོད་དུ་ལྟེམས་ཀྱིས་ཞུ། །དེ་ནས་ཧ་ཡང་འོད་དུ་ཞུ་བ་ཡིས། །དེ་ཡང་ཟླ་བ་དག་ལ་ཐིམ། །ཟླ་བ་འོད་ཞུ་ཐིག་ལེ་ལ། །ཐིག་ལེ་འོད་ཞུ་ཡེ་ཤེས་ཟང་ཐལ་བསྒོམ། །དེ་ནི་ཐིག་ལེ་ཁོང་ཤར་ཡིན། །མཚན་བཅས་སྐུ་ཡི་བསྒོམ་པའོ། །ཐུགས་ཀྱི་ཕྱག་མཚན་བསྒོམ་པ་ནི། །དང་པོ་རང་གི་སེམས་ཉིད་སྟོང་པར་བསྒོམ། །དེ་ཡི་ངང་ལས་རྡོ་རྗེར་བསྒོམ། །རྡོ་རྗེའི་ནང་དུ་རང་ཉིད་ནི། །རང་གསལ་འཕྲོ་བ་མེད་པར་བསྒོམ། །དེ་ཡིས་ཐུགས་ཀྱི་བསྒོམ་པ་རྫོགས། །ད་ནི་གསུང་གི་བསྒོམ་པ་བསྟན། །དང་པོ་རང་བྱུང་སེམས་ཉིད་སྟོང། །མཚོནཔའིཧུ༷ ཡངསྔོན་དུ་བྲི། །དེ་ལ་ཤེས་པ་གཏད་ལ་བསྒོམ། །དེ་ནས་ཤེས་པ་ཧཱུཾ༷་དུ་བསྒོམ། །ཧཱུཾ༷་ལ་ཤེས་པ་ཚུད་པ་ནི། །སེམས་ཟིན་པ་ཡི་ཚད་ཡིན་ནོ། །དེ་ནས་སྣང་བ་སྣ་ཚོགས་ཀུན། །ཧཱུཾ༷་དུ་མི་འགྱུར་རང་དབང་མེད། །ཧཱུཾ༷་དེ་ཞུ་ནས་རང་གསལ་ཟང་ཐལ་བསྒོམ། །དེས་ནི་གསུང་གི་དགོངས་པ་རྫོགས། །ཨཱོཾ༷་དང་ཨུ༷༷དང་ཧཱུཾ༷་དང་ནི། །འཁོར་ལོ་རྡོ་རྗེ་པདྨ་དང་། །ཡིག་འབྲུ་གང་ཡང་རུང་བ་ལ །སྤྲོ་དང་བསྡུ་བ་བྱས་གྱུར་ན། །མཚན་བཅས་བསྒོམ་པ་རྫོགས་པ་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། ལྟ་བསྒོམ་རིག་པ་རང་རྩལ་གྱི་ལེའུ་སྟེ་བཅུ་གཉིས་པའོ།། །།དེ་ནས་མཚན་མེད་བསྒོམ་པ་བསྟན་པ་ནི། །ཉོན་ཅིག་རྡོ་རྗེ་སེམས་དཔའ་ཁྱོད། །རང་གི་བྱང་ཆུབ་སེམས་ཉིད་ནི། །སྟོང་གསལ་ཁྱབ་པའི་དོན་དེ་ནི། །རང་གི་སྙིང་གི་དཀྱིལ་དུ་བསྒོམ། །གཟུང་འཛིན་རྣམ་པ་སྐྱེས་པའི་ཚེ། །དེ་ཉིད་སྟོང་པ་ཉིད་དུ་བསྒོམ། །དེ་ནས་ཤེས་པ་གསལ་གདབ་ལ། །མར་མེ་ལྟ་བུར་བསྒོམ་པར་བྱ། །གཟིངས་ཐོག་བྱ་འཕུར་སླར་ལ་ལྡོག །འཕྲོ་བ་སྟོང་པར་བསྒོམས་པས་གཟུང་འཛིན་ལྡོག །དཔེར་ན་ཆུ་ལ་འཁྱགས་ཞུ་བཞིན། །དུག་ལྔ་བསྒོམས་པས་གཟུང་འཛིན་འཇིག །དཔེར་ན་ནམ་མཁའ་སྤྲིན་དངས་བཞིན། །རྟོག་པ་སྐྱེ་མེད་བསྒོ་།ས་པས་གྲོལ་བར་འགྱུར། །བྱ་བ་བཏང་པའི་སྐྱེསབུབཞིན། །ལྷངངེམ་བཅོས་ངང་ལ་བཞག །སྟོང་ཉིད་འོད་གསལ་བསྒོམ་པར་བྱ། །དང་པོ་སྔ་དྲོ་ནས་བརྩམསནས། །ཚོགསདྲུགའོདགསལ་བསྒོམ་པར་བྱ། ཁྲེས་པ་འཁྱོག་པ་བསྲངས་ནས་ནི། །ལུས་ཀྱིས་ངལ་དུབ་ཤ་ཆང་སྤང་། །དཀར་གསུམ་དག་ལ་བརྟེན་པ་ནི། །ཐུན་དགུར་བཅད་ལ་བསྒོམ་པར་བྱ། ཁམས་དང་སྦྱར་ཞིང་བསྒོམ་པ་ནི། །སྲོད་ནས་བརྩམས་ཏེ་བསྒོམ་པ་ལ། འགྱུ་བ་འད་གསལ་བསྒམ་པར་བྱ། །ཐུན་དང་ཁམས་རྣམས་གོང་་དང་མཐུན། །སྤྱོད་པ་འོད་གསལ་ཁོ་ནར་བྱ། །གུང་ལ་འགྱུ་བ་རྗེས་མེད་བསྒོམ། འོད་གསལ་ཐུན་ཚད་ཁམས་དང་སྦྱར། །རྨི་ལམ་འབྱོངས་ན་ལམ་ཆེན་ཡིན། །འོད་གསལ་སྒྱུ་ལུས་མཁས་པས་བསྒོམ། །སྒྱུ་ལུས་བསྒོམས་པས་ཤེས་གྱུར་ན། །དེ་ནས་རིག་པ་འོད་གསལ་བསྒོམ། །རིག་པ་འོད་གསལ་ཤེས་ནས་ནི། །དེ་ནས་ཡེ་ཤེས་འོད་གསལ་བསྒོམ། །ཡེ་ཤེས་འོད་གསལ་ཤེས་ནས་ནི། །ཐིག་ལེ་འོད་གསལ་མཐར་ཐུག་བསྒོམ། །མ་ཤར་བ་ལ་ཤར་བ་བྱ། ་ར་བ་བོགས་དབྱུང་བརྟན་པའི་འབྲས་བུ་བསྟན། །ཐོ་རངས་རང་སྣང་འོད་གསལ་བསྒོམ་པར་བྱ། །རྨིས་པའི་ཆོ་འཕྲུལ་རང་སྣང་འོད་གསལ་ཡིན། །བཙུན་མོ་བདེ་སྐྱོང་རྨིས་ནས་ནི། །བུ་བཙས་ལོ་གསུམ་ལོན་པ་རྨི། །བུ་ཡང་ཤི་སྟེ་བསྲེགས་པ་རྨི། །མྱ་ངན་ཆེན་པོ་སྐྱེས་ཀྱང་རྨི། །དེ་རྨིས་སད་པར་གྱུར་པ་ན། །སྡུག་བསྔལ་ཤེས་པ་ཙམ་གྱིས་གྲོལ། །དེ་བཞིན་རྨིས་པ་ཅི་བྱུང་ཡང་། །འཁྲུལ་པའི་སྣང་བར་རྟོགས་གྱུར་ན། །དེ་ཉིད་གཉིད་པས་བསྒོམ་པ་ཡིན། །དུ་བཞི་མཉམ་སྤྱོར་དགོངས་པའི་མཆོག །བསམ་གཏན་རང་གྲོལ་གདམས་པའི་མཆོག །ཟང་ཟིང་ཤེས་པ་གནད་ཀྱི་མཆོག །ཅེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། སྒོམ་པ་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །སྤྱོད་པའི་ཁྱད་པར་བསྟན་པ་ནི། །དང་པོ་ལྟ་སྒོམ་དང་བཅས་ནས། །ནགས་ཁྲོད་དགོན་པར་གཅིག་པུར་གནས། །དུར་ཁྲོད་ཝ་སྐྱ་གྲོགས་སུ་བཙལ། །ལྟ་བ་གདེང་ཆུད་བག་ཚ་མེད། །གདོན་པའི་སྨྲ་བཅད་ཤིན་ཏུ་གཅེས། །བསྒོམ་པ་གདེང་ཆུད་ཉམ་ང་མེད། །གང་ཡང་སྤྱོད་པའི་གྲོགས་སུ་འགྱུར། །སེམས་ཀྱི་སྨྲ་བཅད་ཅེས་བྱའོ། །འཁུ་འཕྲིག་མེད་པའི་རང་སྒྲ་སྒྲོགས། །ཐམས་ཅད་གསུང་གི་འཁོར་ལོར་ཤེས། །གསུང་གི་སྨྲ་བཅད་ཅེས་བྱའོ། །གཅེར་བུའི་སྤྱོད་པས་ཅི་དགར་གནས། །ཚོགས་དྲུག་ལྷུག་པའི་སྤྱོད་པ་ཡིན། །ལུས་ཀྱི་སྨྲ་བཅད་ཅེས་བྱའོ། །འཁོར་བའི་རིག་མ་མཚན་ལྡན་ལ། །བག་ཚ་ཉམ་ང་མེད་པར་ནི། །ཅི་སྤྱོད་བདེ་བའི་རླན་གྱིས་འཚོ། །འཁོར་བའི་སྨྲ་བཅད་ཅེས་བྱའོ། །གདམས་པ་གསང་གནས་རང་དོན་བསྒྲུབ། །བྱིན་རླབས་ཕྱོགས་མེད་འཆར་བ་ནི། །རིག་པའི་སྤྱོད་པ་ཞེས་བྱ་སྟེ། གདམས་པའི་སྨྲ་བཅད་ཅེས་བྱའོ། །ཡུལ་ཁྱིམས་སྤངས་ནས་ཕྱོགས་མེད་འགྲོ། །སྒྲོ་དང་སྐུར་བ་ཉམ་ང་མེད། །དམན་པའི་སྤྱོད་པས་འ་ས་པ་ནི། །གསང་བའི་སྤྱོད་པ་ཞེས་བྱ་སྟེ། །ཡུལ་གྱི་སྨྲ་བཅད་རྗེས་སུ་བརྗོད། །ཕྱོགས་བཅུར་ལུ་ས་ཤིང་བདུད་རྩི་བསྟེན། །རྟོག་པ་ཐམས་ཅད་རང་སར་དག །རྣམ་པར་རྒྱལ་བའི་སྤྱོད་པ་ཡིན། །བརྟུལ་ཤུགས་སྤྱོད་པ་ཞེས་ཀྱང་བྱ། །ཟས་ཀྱི་སྨྲ་བཅད་ཅེས་བྱའོ། །ཐམས་ཅད་རང་སྣང་རང་བྱུང་བས། རྟོགས་པས་རྩི་ལ་མ་རྟོགས་བདུད། །བདུད་ནི་འདྲེ་རུ་ཤར་བ་ཡིན། །རྩི་ནི་ལྷ་རུ་ཤར་བ་ཡིན། །བདུད་རྩི་འབྱུང་བའི་རྒྱུ་ནི་རང་བྱུང་ཡིན། །བསྒྲུབ་པའི་བདུད་རྩི་མ་ཡིན་རང་བྱུང་བདུད་རྩི་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། སྤྱོད་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །དེ་ལྟར་བྱས་པའི་འབྲས་བུ་བསྟན་པ་ནི། །ཐིག་ལེ་མི་འདའ་ཡེ་ཤེས་ཀློང་གླེབས་ནས། །མི་འགྱུར་རྡོ་རྗེ་ལྟ་བུའི་སྐུ་ཐོབ་འགྱུར། །ལུས་ཀུན་ལས་ནི་རབ་གྲོལ་ཏེ། །ལུས་ཀྱི་མཐའ་རྟོགས་ཡེ་ཤེས་ལུས། །གནས་ཀྱི་མཐའ་གྲོལ་ཐིག་ལེར་བརྡལ། །སྐད་ཅིག་གཅིག་གིས་དོན་དང་མཇལ། །འཁོར་བ་མ་སྤངས་གནས་སུ་དག །མྱ་ངན་འདས་པ་རང་ལ་ཤར། །ཡེ་ཤེས་ཐིག་ལེའི་རྩེ་མོར་སླེབ། །ཕྱི་ནང་མེད་པར་དབྱིངས་དང་མཇལ། བགྲོད་པ་མེད་པར་རང་སར་སླེབ། །སྦྱང་པ་མེད་པར་གནས་སུ་དག །བསྒྲུབ་པ་མེད་པར་འབྲས་བུ་ཐོབ། །མ་བྱས་པ་རུ་ལས་རྣམས་ཟིན། །མ་བཀྲུས་པ་རུ་དྲི་མ་དག །སྒྲོན་མ་མ་བཏེག་མུན་པ་སངས། ཁམས་གསུམ་རྩ་བ་དེ་རུ་ཆོད། །སྲིད་གསུམ་ལོ་མ་དེ་རུ་ཆོད། །སྔ་མ་ཕྱི་མའི་བར་མཚམས་ཆོད། །སྲིད་པ་རྒྱས་ཐེབས་ཆོས་སྐུར་ཤར། །འཇིག་རྟེན་གསུམ་གྱི་ཟམ་པ་བརྒལ། །དབང་ཕྱུག་ཆེན་པོའི་མ་མར་ཐོབ ཚངས་པ་ཆེན་པོའི་མེ་ལོང་རྙེད། །དགའ་བོ་འཇོག་པོའི་རིན་ཆེན་ཐོབ། །དཀར་པོ་སྤྱན་གཅིག་ཤེལ་མཁར་ཐོབ། །ཧ་ནུ་བག་ཤུའི་རལ་གྲི་ཐོབ། །ནག་པོ་བཀྲག་མེད་ཁྲམ་བམ་ཐོབ། །གནོད་སྦྱིན་ཀུན་ལ་སྒྲིབ་ཀྱི་ཤེལ་སྒོང་ཐོབ། །གཤིན་རྗེའི་རྒྱལ་པོའི་ལྕགས་མཁར་ཐོབ། །སྲིད་པའི་རྒྱལ་མོའི་གཏེར་མཛོད་ཐོབ། །གསུང་མཆོག་དམར་པོའི་ཞགས་པ་ཐོབ། །ལྷ་སྲིན་སྡེ་བརྒྱད་སྲོག་རྩ་ཆོད། །ཆོས་འཁོར་སྐྱོང་བའི་རྒྱལ་བློན་འབངས་དང་གསུམ། །མ་ལུས་ལུས་པ་མེད་པའི་སྲོག་རྩ་ཆོད། །ལྷ་ཁང་ཞིག་པས་སྒོ་ལྕགས་སྟོར། །ལྡེ་མིག་ཚིག་པས་དབྱེ་རུ་མེད། །ཕ་སྤུན་གཉིས་ཀྱིས་དམེ་བྱས་པས། ཁམས་གསུམ་འཁོར་བའི་སྐྱེ་རྒྱུད་བཅད། །རྣམ་པར་སྣང་མཛད་ཞིང་ཁམས་མཐོང་། །རྡོ་རྗེ་སེམས་དཔའི་མེ་ལོང་མཐོང་། །སྣང་བ་མཐའ་ཡས་ཞིང་ཁམས་མཐོང་། །རིན་ཆེན་འབྱུང་ལྡན་ཡོན་ཏན་མཐོང་། །དོན་ཡོད་གྲུབ་པའི་ཞིང་ཁམས་མཐོང་། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས འབྲས་བུ་རང་སའི་ལེའུ་སྟེ་བཅོ་ལྔ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །དེ་རྣམས་ཡོན་ཏན་བསྟན་པ་ནི། །ལྟ་བ་བསྟན་པས་ཆོས་སྐུ་ཐོབ། །སྒོམ་པ་བསྟན་པས་ལོངས་སྐུ་ཐོབ། །སྤྱོད་པ་བསྟན་པས་སྤྲུལ་སྐུ་ཐོབ། །འབྲས་བུ་བསྟན་པས་རང་གྲོལ་ཐོབ། །ལྟ་བས་དུག་ལྔ་ཞི་བར་བྱེད། །སྒོམ་པས་ཉོན་མོངས་ཞི་བར་བྱེད། །སྤྱོད་པས་འདྲེ་གདོན་ཞི་བར་བྱེད། །འབྲས་བུས་འདོད་ཁམས་ཞི་བར་བྱེད། །ལྟ་བ་རྟོགས་པས་ཡེ་ཤེས་ཤར། །སྒོམ་པ་རྟོགས་པས་ཉམས་མྱོང་ཤར། །སྤྱོད་པ་རྟོགས་པས་ཐུག་ཕྲད་ཤར། །འབྲས་བུ་རྟོགས་པས་ཐིག་ལེ་ཤར། །ལྟ་བ་རང་གྲོལ་རིག་པའི་གནད། །ཡེ་ཤེས་ཟང་ཐལ་དབང་པོ་ཡིན། །བསྒོམ་པ་རང་གྲོལ་གདམས་པའི་གནད། །ཉམས་མྱོང་འོད་གསལ་དབང་པོ་ཡིན། །སྤྱོད་པ་རང་གྲོལ་ཐབས་ཀྱི་གནད། །གཉིས་མེད་རང་ཤར་དབང་པོ་ཡིན། །འབྲས་བུ་རང་གྲོལ་ཡེ་ཤེས་གནད། །རིག་པ་ཡུལ་མེད་དབང་པོ་ཡིན །ཉམས་མྱོང་ཡེ་ཤེས་འཆར་བ་ལ། །གཟུང་འཛིན་གཉིས་ཀྱི་ལམ་སྣ་ལ། །གཉིས་མེད་ངོ་སྤྲོད་དབང་པོ་གཅེས། །མ་རིག་འཁོར་བར་འ་ས་པ་ལ། །རིག་པའི་ཡེ་ཤེས་ངོ་སྤྲོད་དགོས། །འགྱུ་བ་སྣ་ཚོགས་ཞབྲུལ་པ་ལ། །ཡེ་ཤེས་ངོ་སྤྲོད་ཕྱོགས་མེད་དགོས། །འཁོར་བའི་རྩ་བ་ཉོན་མོངས་ཡིད། །རང་གྲོལ་ཤེས་རབ་ངོ་སྤྲོད་དགོས། །དེ་ནི་ངོ་སྤྲོད་རྣམ་པ་བཞི། །འགྱུ་བ་ངང་སངས་ཤར་གྲོལ་བའི། ཁ་མིག་འཁྱར་དང་གཟེར་ཐེབས་པས། །སྒོ་དང་དབང་དང་གཟེར་ལྟ་བུ། །དེ་ནི་དབང་བསྐུར་འདུས་པ་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། ཡོན་ཏན་དང་འབྲས་བུ་དམར་ཁྲིད་ཀྱི་ལེའུ་སྟེ་བཅུ་དྲུག་པའོ།། །།ད་ནི་རིག་པ་ཡེ་ཤེས་རྩོལ་མེད་དབང་བསྟན་གྱིས། །ཉོན་ཅིག་གསང་བའི་བདག་པོ་ཁྱོད། །ཐིག་ལེར་རང་བྱུང་དབང་བསྐུར་བས། །བརྡའ་དང་རྟགས་དང་དོན་དུ་བསྟན། །སྤྱི་ནི་བརྡ་ཡི་དབང་བསྟན་པ། །རིན་ཆེན་མན་ཤེལ་ཟང་ཐལ་དེ། །བྱས་པས་མ་བྱས་རང་བྱུང་ཡིན། །མན་ཤེལ་ཟང་ཐལ་ཡིན་པ་ནི། །ཐིག་ལེ་ཟང་ཐལ་ཡིན་པའི་བརྡའ། ཁོ།ལ་གྱི་ངོ་བོ་འོད་གསལ་བ། །ཐིག་ལེ་འོད་གསལ་ཡིན་པའི་བརྡའ། ཁྲེལ་ལ་ཟུར་དྲུག་ཤར་བ་ནི། །འགྲོ་དྲུག་རང་སར་གྲོལ་བའི་བརྡའ། ཁོ།ལ་ལ་ཐེལ་དྲུག་བྱུང་བ་ནི། །ཐིག་ལེ་ཟུར་གྲྭ་མེད་པའི་བརྡའ། །མན་ཤེལ་མཐིང་གར་ཤར་བ་ནི། །ཐིག་ལེ་འགྱུར་བ་མེད་པའི་བརྡའ། །མན་ཤེལ་གཞི་ལ་འོད་གནས་པས། །ཐིག་ལེའི་ཡོན་ཏན་མ་འགགས་བརྡའ། ཁོ།ལ་ནི་དྲི་མེད་རང་བྱུང་བས། །ཆོས་སྐུ་དྲི་མ་མེད་པའི་བརྡའ། ་།ལ་གྱི་སྣང་བ་མ་འགགས་པས། །ལོངས་སྐུ་གཞི་ལ་གནས་པའི་བརྡའ། །མན་ཤེལ་དེ་ལ་འོད་ཤར་བས། །སྤྲུལ་སྐུས་འགྲོ་དོན་བྱེད་པའི་བརྡའ། །སྤྱན་གསུམ་ཡེ་ཤེས་རྣམ་པ་གསུམ། །སྟོན་པ་གསུམ་གྱི་བརྡའ་ཡིན་ནོ། །ད་ནི་རྟགས་ཀྱི་བརྡའ་བསྟན་ཏེ། །ཙིསྟ་ཁོང་སྟོང་ཟང་ཐལ་དེ། །ཐིག་ལེ་ཡེ་ཤེས་རང་བྱུང་རྟགས། །སྙིང་ལ་རྩ་བཞི་ཟང་ཐལ་བ། །ཐིག་ལེ་ཟང་ཐལ་ཡོད་པའི་རྟགས། །སྙིང་སྟོང་དཀར་པོར་འདུག་པ་སྟེ། །ཐིག་ལེ་འོད་གསལ་ཡོད་པའི་རྟགས། །ཙིསྟ་ཟུར་དྲུག་འབར་བ་ནི། །འགྲོ་དྲུག་གཡང་ས་གཅོད་པའི་རྟགས། །སྙིང་ལ་ཐེལ་དྲུག་བྱུང་བ་ནི། །ཐིག་ལེ་ཆོས་མིན་ཡོད་པའི་རྟགས། །སྙིང་མཚམས་ཆོས་ཉིད་རྩས་མཚོན་པ། །ཐིག་ལེ་འགྱུར་མེད་ཡོད་པའི་རྟགས། །ཙིསྟ་ཟུར་བརྒྱད་འབར་བ་ནི། །ཐིག་ལེའི་ཡོན་ཏན་མ་འགགས་རྟགས། །སྙིང་ནི་ཟུར་གསུམ་དབྱིབས་སུ་ཤར། །སྐུ་གསུམ་རང་ལ་གྲུབ་པའི་རྟགས། །སྙིང་ལ་སྟོད་སྨད་དབུས་དང་གསུམ། །སྤྱན་གསུམ་རང་ལ་ཡོད་པའི་རྟགས། །ཐིག་ལེ་ཡེ་གནས་རང་ལ་གྲུབ། །དེ་ལྟར་ཤེས་ན་དབང་གི་རྒྱལ་པོ་ཡིན། །དེ་ལྟར་ཤེས་ན་དབང་བསྐུར་བླ་མ་ཡིན། །བཙལ་མི་དགོས་པ་མཆོག་གི་དབང་། །ཐིག་ལེ་ཡེ་ནས་ཡོད་པ་དབང་གི་རྒྱལ་པོ་ཡིན། །རིག་པ་རང་གནས་དབང་གི་རྫས་སུ་བཤད། །རིག་པ་རང་གནས་དབང་གི་བསྐུར་ཐབས་ཡིན། །ཐིག་ལེ་རང་ཤར་དབང་གི་འབྲས་བུ་ཡིན། །ཙིསྟ་བུམ་པའི་དབང་ཞེས་བརྗོད། །མིག་ལ་སྤྱན་གྱི་ངོ་སྤྲོད་པས། །དེ་ནི་ཐབས་ཀྱི་དབང་ཞེས་བརྗོད། །ཡིད་ལ་ཤེས་རབ་ངོ་སྤྲད་པས། །དེ་ནི་ཤེས་རབ་དབང་ཞེས་བརྗོད། །འགྱུ་བ་ཡེ་ཤེས་ངོ་སྤྲད་པས། །གསང་བའི་དབང་ཞེས་དེ་ལ་བྱ། །མ་རིག་ཡེ་ཤེས་ཟང་ཐལ་ལ། །གཟུང་འཛིན་ཐིག་ལེ་ཁོང་ནས་ཤར། །ཚིག་དབང་རིན་པོ་ཆེ་ཞེས་བརྗོད། །ཅེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། ཐིག་ལེ་དང་ཡེ་ཤེས་ཀྱི་དབང་གི་ལེའུ་སྟེ་བཅུ་བདུན་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །སྤྱན་གྱི་དབང་བསྐུར་བསྟན་པ་ནི། །ཐོག་མ་གཏེར་གྱི་འབྱུང་གནས་ན། །ལྷུན་གྱིས་གྲུབ་པའི་སྤྱན་གནས་ཏེ། །གསལ་བ་གཞན་དབང་མ་གྱུར་རང་གསལ་སྤྱན། །དེ་ནི་ཐབས་ཀྱི་སྤྱན་ཡིན་ནོ། །འགག་མེད་གཞན་དབང་མ་གྱུར་པ། །དེ་ནི་ཤེས་རབ་སྤྱན་ཡིན་ནོ། །ཟང་ཐལ་གཞན་དབང་མ་གྱུར་པ། །དེ་ནི་ཡེ་ཤེས་སྤྱན་གྱི་གཞི། །དེ་གསུམ་དབྱེར་མེད་དབང་ཡིན་པས། །ལྷུན་གྲུབ་ཡོངས་སུ་རྫོགས་པའི་སྤྱན། །དེ་ནི་གཞི་ཡི་སྤྱན་གྱི་དབང་། །དེ་ནས་ལམ་གྱི་དབང་བསྟན་པ། །དཔེ་དོན་རྟགས་ཀྱི་དབང་བསྟན་ནོ། །དཔེར་ན་རིན་ཆེན་མན་ཤེལ་ཏེ། །སྤྱན་གསུམ་དབང་གི་དཔེ་ཡིན་ནོ། །རྟགས་ནི་མིག་ལ་ཤར་བའོ། །སྤྱི་ཡི་རྟགས་དང་དོན་དུ་འབྲེལ། །ནང་གི་དབང་རྟགས་སྙིང་ཡིན་ནོ། །དོན་གྱི་རྟགས་དང་སྦྱར་བ་གཅེས། །ཕྱི་ཡི་དབང་རྟགས་མིག་ཡིན་ནོ། །ངོ་སྤྲོད་བྱས་ཏེ་རྟགས་སུ་བསྟན། །མིག་གཡས་ཆོས་ཀྱི་སྤྱན་གྱི་རྟགས། །གཡོན་པ་ཤེས་རབ་སྤྱན་གྱི་རྟགས། །མཛོད་སྐྲུ་ཡེ་ཤེས་སྤྱན་གྱི་རྟགས། །དོན་གྱི་སྤྱན་གསུམ་འགྱུ་བའི་མིག །འགྱུ་བའི་སྦྱན་ལ་ངོ་སྤྲད་ན། །སྤྱན་གྱི་དངོས་གྲུབ་ཐོབ་པར་འགྱུར། །རྣ་བ་གཡས་པ་ཆོས་ཀྱི་སྤྱན། །གཡོན་པ་ཤེས་རབ་ཆེན་པོའི་སྤྱན། །མིག་ནི་ཡེ་ཤེས་སྤྱན་ཡིན་ནོ། །རྣ་བ་ཆོས་ཉིད་རྩ་གནས་པ། །སྒྲོ་འདོགས་གཅོད་པའི་ངོ་སྤྲོད་བྱ། །མིག་ལ་ཡེ་ཤེས་རྩ་གནས་པས། །ཟང་ཐལ་རྟོགས་པའི་ངོ་སྤྲོད་བྱ། །སྙིང་ལ་ཤེས་རབ་རྩེ་གནས་པས། །ཡེ་ཤེས་ངོ་སྤྲོད་ཤིན་ཏུ་གཅེས། །གློ་སྒང་གཉིས་ལ་རྩ་གཉིས་གནས། །གཟུང་འཛིན་གཉིས་སྣང་བློ་ཡི་རྩ། །མིད་བར་དབུས་ཀྱི་རྩ་གནས་པ། །སེམས་ཀྱི་རྟ་ཕོ་བྱེད་པའི་རྩ། །སྙིང་མཚམས་ཐུགས་ཀར་འབྲེལ་པའི་རྩ། །དབུགས་ཆེན་དབུགས་མེད་སོ་མཚམས་ཡིན། །སྙིང་ལ་རྩ་ཆེན་བརྒྱད་གནས་པ། །ཐིག་ལེ་ཡེ་ཤེས་བརྒྱད་ཀྱི་རྩ། །མགྲིན་པ་རྩ་ལྔ་འོད་གསལ་བ། །བར་དོ་འོད་དུ་འཆར་བའི་རྩ། །ཐིག་ལེ་བཙན་ཐབས་རྟགས་སུ་བཤད། །མཛོད་སྤུ་ཐིག་ལེ་ཟང་ཐལ་རྩ། །འདས་པ་ལྔ་ཡི་རྩ་ཡིན་ནོ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། སྤྱན་དང་རྩའི་ལེའུ་སྟེ་བཅོ་བརྒྱད་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །སྐུ་གསུམ་དབང་བསྐུར་བསྟན་པ་ནི། །སྙིང་ག་འོད་དཔག་མེད་པའི་དབང་། །དཔག་མེད་ཡེ་ཤེས་ཡོན་ཏན་དབང་། །ཡེ་ནས་ཡོད་པའི་དབང་ཡིན་ནོ། །མ་བསྐུར་སྤྱད་པར་མི་ནུས་ཏེ། །བསྐུར་བས་ཐོབ་པའི་དབང་ཡིན་ནོ། །ཆོས་གསུམ་འདུས་པ་འོད་དཔག་མེད། །ཀུན་ཏུ་བཟང་པོའི་དགོངས་པ་ཡིན། །དེ་ལ་གློ་མཚམས་འོད་སྲུངས་ནི། །རྡོ་རྗེ་སེམས་དཔའ་ཁོང་ཤར་ཡིན། །གློ་བའི་མཐིལ་དུ་མར་མེ་མཛད། །དགའ་རབ་རྡོ་རྗེ་རིག་པ་རང་གྲོལ་ཡིན། །སྟོན་པ་སྐུ་གསུམ་རང་ལ་གནས། །ཡེ་ནས་གཞི་ལ་གྲུབ་པས་ན། །སྐུ་གསུམ་དབང་བསྐུར་ཞེས་ཀྱང་བྱ། །མགྲིན་པ་འོད་སྲུངས་དབང་བསྐུར་ཐོབ། །མིག་ལ་མར་མེ་མཛད་ཀྱི་དབང་། །མ་བསྐུར་མུན་པ་འཐིབས་པ་ཡིན། །བསྐུར་བས་མུན་པ་ཡུལ་ན་མེད། །མར་མེ་མཛད་ཀྱི་དབང་བསྐུར་རྫོགས། །བསྐལ་པ་སྟོང་གི་མུན་པ་ལ། །མར་མེ་མཐེབ་མོ་ཙམ་གྱིས་སེལ། །མ་རིག་མུན་པ་འཐིབས་པ་ལ མར་མེ་མཛད་ཀྱི་དབང་བསྐུར་བས། །མ་རིག་མུན་པ་སྐད་ཅིག་སངས། །དེ་ལྟར་བསྐུར་བའི་དབང་མཆོག་ནི། །བསྒྲུབས་པས་འགྲུབ་པར་མི་འགྱུར་ལ། །དཔྱད་པས་གཏན་ལ་མི་ཕེབས་སོ། །བརྗོད་པས་བློ་ཐོག་མི་ཕེབས་སོ ཐོས་མང་ཚིག་ཆོགས་མང་པོས་ཀྱང་། །དེ་ནི་གཏན་ལ་མི་ཕེབས་སོ། །མ་བསྟན་ཤེས་པར་མི་འགྱུར་རོ། །བསྟན་ན་མི་འཆར་མི་སྲིད་དོ། །དེ་བས་འདོད་པ་འབྱུང་མི་འགྱུར། །དབང་གི་རྒྱལ་པོ་སྐུ་གསུམ་དག །རྟགས་ཀྱི་རྒྱལ་པོ་བསྟན་དུ་ཡོད། །དཔེ་ཡི་རྒྱལ་པོ་མཚོན་དུ་ཡོད། །ཐིག་ལེའི་རྒྱལ་པོ་སྤྲད་དུ་ཡོད། །ངོ་སྤྲོད་རྒྱལ་པོ་ཐིག་ལེ་རང་སྣང་ཡིན། །ཉམས་ཀྱི་རྒྱལ་པོ་ཡེ་ཤེས་རང་སྣང་ཡིན། །གཞི་ཡི་རྒྱལ་པོ་ལྷུན་གྲུབ་ཡོངས་རྫོགས་ཡིན། །འབྲས་བུའི་རྒྱལ་པོ་ཆོས་ལ་གྲོལ་བ་ཡིན། །ཐུགས་རྗེའི་རྒྱལ་པོ་སྐུ་གསུམ་རང་འཁྲུངས་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། །སྐུ་གསུམ་དབང་བསྐུར་གྱི་ལེའུ་སྟེ་བཅུ་དགུ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །གཞི་ཡི་སྐོར་ལུགས་མ་ཤེས་ན། །ནོར་བུ་རིན་ཆེན་སྟོར་བ་འདྲ། ཀུན་གཞི་ཞིང་ས་ལྟ་བུ་ལ། །ཆོས་ཀྱི་སྒོ་མོ་ཟུག་པ་རྩ་བ་འདྲ། །ཐེག་གསུམ་གཅིག་ཏུ་འདྲིལ་བས་སྡོང་པོ་འདྲ། །ཐེག་དགུ་རང་ལ་ཤར་བས་གྱེས་པའི་ཡལ་ག་འདྲ། །ཆོས་ཀྱི་སྒོ་མོ་བརྒྱད་ཁྲིར་ཤར་བས་རྒྱས་པ་ལོ་འདབ་འདྲ། །མེ་ཏོག་སྣ་ཚོགས་གསལ་བས་ལོངས་སྐུ་འདྲ། །དྲི་མཆོག་སྣ་ཚོགས་འབྱུང་བས་སྤྲུལ་སྐུ་འདྲ། །འབྲས་བུ་རང་སར་སྨིན་པས་ཆོས་སྐུ་འདྲ། །དེ་ནི་ཡར་གྱི་འདྲིལ་ལུགས་ཡིན། །མར་གྱི་འདྲིལ་ལུགས་བཤད་པ་ནི། །ཀུན་གཞི་མ་འགགས་ཡངས་པ་ལ། །ཉོན་མོངས་སྒོ་མོ་ཟུག་པས་རྩ་བ་འདྲ། །དུག་གསུམ་གཅིག་ཏུ་འདྲིལ་བས་སྡོང་པོ་འདྲ། །ཉོན་མོངས་ལྔ་རུ་གྱེས་པས་ཡལ་ག་འདྲ། །ཉོན་མོངས་བརྒྱད་ཁྲིར་ཤར་བས་རྒྱས་པ་ལོ་འདབ་འདྲ། །མེ་ཏོག་གསལ་ལ་མཛེས་པས་འབྱུང་ལྔ་འདྲ། །འབྲས་བུ་རང་སར་སྨིན་པས་འགྲོ་དྲུག་གོ །ཕྱོགས་མེད་རྟོགས་ན་རྫོགས་ཆེན་ཡིན། །ཕྱོགས་ཆར་འཛིན་པ་ཞབྲུལ་པ་ཡིན། །ཕྱོགས་རྟོགས་ཡང་དག་ཉིད་མ་རྟོགས། །མ་རྟོགས་པ་དང་ལོག་པར་རྟོག །དེ་ཡིས་འབྲས་བུ་འཐོབ་མི་འགྱུར། །འབྲས་བུའི་རྫོགས་ལུགས་མ་ཤེས་ན། །ལོ་ཏོག་སད་ཀྱིས་ཁྱེར་བ་འདྲ། །མཐོང་སྟོང་ཐ་དད་མ་ཤེས་ན། །གོལ་སྒྲིབ་གདར་ཤ་མི་ཆོད་པས། །ལ་མི་ཟློས་པའི་སྐྱོན་དུ་འགྱུར། །ནོརབུརིནཆེནབཞགནསམཆིང་བུ་འཚོལ་བ་འདྲ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། ཐེག་པ་དང་འགྲོ་དྲུག་བསྡུ་བའི་ལེའུ་སྟེ་ཉི་ཤུ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །སྣང་བ་ལྔ་ལ་ངོ་སྤྲད་པ། །མེ་ལོང་ནང་གི་བྱད་ལྟར་ཤར། །སྣང་བས་གནོད་པ་མི་ནུས་པས། །སྣང་བ་དབང་དུ་འདུས་པ་ཡིན། ཁུད་དྲུག་དག་ལ་ངོ་སྤྲད་པས། །རིག་པ་འོད་གསལ་ལྷག་མཐོང་ཤར། །ཞི་གནས་དགོངས་པ་རང་སར་གྲོལ། །འགྲོ་དྲུག་དབང་དུ་འདུས་པ་ནི། །དུག་སྦྲུལ་འགྲོ་བའི་མདུད་པ་འདྲ། །ཡེ་ཤེས་འོད་གསལ་ངོ་སྤྲད་པས། །ཐིག་ལེ་ཡེ་ཤེས་རང་ལ་ཤར། །འགྲོ་དྲུག་གཡང་ས་དབང་དུ་འདུས། །རི་རབ་རྩེ་མོར་ཕྱིན་པ་འདྲ། །ལྔ་གསུམ་བཅོ་ལྔས་མིག་འབྱེད་པ། །དབང་པོའི་རིམ་པས་ཤེས་པར་བྱ། །ཕྱི་འགྱུ་འགྲོ་དྲུག་རང་སྣང་ཡིན། །ནང་འགྱུ་ལྷ་ཡི་རྣལ་འབྱོར་ཡིན། གསང་འགྱུ་ཐིག་ལེ་སྣང་ཐོག་ཤར། །དངོས་གཞི་གཉིས་པོ་མ་ཤེས་ན། །ལོང་བས་ལོང་བ་ཁྲིད་པ་འདྲ། །འཁྲུལ་གཞི་འཁྲུལ་པ་དངོས་པོ་གསུམ། །དེ་ཡི་ས་མཚམས་མ་ཤེས་ན། །རྒྱལ་བུ་རྐང་ནས་འ་ས་པ་འདྲ། །འཁོར་བ་འཁྲུལ་པ་ལྡོག་པ་གསུམ། །དེ་ཡི་གདམས་པ་མ་ཤེས་ན། །དམུས་ལོང་བྱང་ཐང་ལུས་པ་འདྲ། །གཞི་དང་ཚིག་དང་དཔེ་ཐོག་ཤོར། །དེ་གསུམ་ངོ་ཡིས་མ་ཟིན་ན། །ཇོ་བོས་མ་འབ་ཁོལ་པོ་འདྲ། །སྣང་རྒྱ་རིག་རྒྱ་གདམས་པའི་རྒྱ། །རྒྱ་གསུམ་རང་ཤར་མ་ཤེས་ན། །ཁྱི་མོ་ནད་ཟན་བྱེད་པ་འདྲ། །ད་ལྟ་འཆི་ཀ་བར་དོ་གསུམ། །གདམས་པའི་རྩི་ཡིས་མ་ཐེབས་ན། ཁེང་གི་རང་ཐག་བསྐོར་བ་འདྲ། །གོ་བ་རྟོགས་པ་ཆོད་པ་གསུམ། །དེ་གསུམ་ཚད་དུ་མ་སྐྱོལ་ན། །མ་འཛད་མེད་པར་གསེར་ཉོ་འདྲ། །བརྒྱུད་པ་གདམས་པ་ཉམས་དང་གསུམ། དེ་གསུམ་མེད་པར་སློབ་མ་བསྟན། །ཆུ་ཤིང་སྙིང་པོ་བཏོན་པ་འདྲ། །དབང་དང་ལག་ལེན་ཉམས་མྱོང་གསུམ། །དེ་གསུམ་མེད་པར་དབང་བསྐུར་བ། །ནོང་བུས་རྒྱལ་ས་བཟུང་པ་འདྲ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། ངོ་སྤྲོད་གནད་ཀྱི་ལེའུ་སྟེ་ཉེར་གཅིག་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །ངོ་སྤྲོད་བཞི་དང་དུས་བཞི་མཉམ་སྦྱོར་དང་། །སེམས་དང་ཡེ་ཤེས་དབྱེ་བ་དང་། །རིག་པའི་ཡེ་ཤེས་ངོ་སྤྲོད་པ། །འབྲིང་གི་གདམས་པ་ཡིན་པར་བཤད། །གསང་ལམ་བཞི་ཡི་ངོ་སྤྲོད་དང་། །འོད་གསལ་འཁོར་ལོའི་གཟེར་གདབ་པ། །སྣང་བ་འོད་གསལ་འཁོར་ལོ་བསྐོར། །གནད་དང་ལོག་གནོན་ཤེས་པར་བྱ། །ཚོགས་དྲུག་འོད་གསལ་འཁོར་ལོ་བསྐོར། །ཚོགས་དྲུག་རང་གྲོལ་དབང་པོ་ཡིན། །འགྱུ་བ་འོད་གསལ་འཁོར་ལོ་བསྐོར། གཟུང་འཛིན་དངས་པ་དབང་པོ་ཡིན། ཁྲེས་རབ་རིག་པའི་ངོ་སྤྲོད་བསྟན། །འཁོར་འདས་རུ་གཅོད་དབང་པོ་ཡིན། །ཡེ་ཤེས་དངོས་འཛིན་དབང་པོ་ནི། །ཡེ་ཤེས་སྤྱན་གྱིས་བྱེད་པ་ཡིན། །སྤྱན་གསུམ་དབང་བསྐུར་བྱེད་པ་ལ། །གནས་ཚལ་བཞུགས་ཚུལ་རྟོགས་ཚུལ་དང་། །བསྐུར་ཚུལ་འཆར་ཚུལ་གྲོལ་ཚུལ་གྱིས། །སྤྱན་གྱི་དབང་བསྐུར་ཐོབ་པ་ཡིན། །དྲུག་གསུམ་བཅོ་བརྒྱད་དག་གིས་མིག་ཕྱེ་ནས། །ཆོས་དང་ཤེས་རབ་སྤྱན་གྱི་དབང་། །རང་དབང་རང་གིས་ཐོབ་པས་རྒྱལ་པོ་ཡིན། ཡེ་ཤེས་གསལ་འགྲིབ་མེད་པ་དེ། ཟབ་དང་འགགས་མེད་འགག་པ་མེད། །ཡེ་ཤེས་དབང་གི་བསྐུར་ཐབས་ཡིན། ཁྲེས་རབ་ཐོགས་པ་མེད་པ་དེ། །མྱུར་དང་དྲག་དང་སྐད་ཅིག་ལ། །བཟུང་སྟེ་དབབ་དང་ཕྱིར་ལྡོག་པ། ཁྲེས་རབ་དབང་གི་བསྐུར་ཐབས་ཡིན། །ཆོས་ཉིད་རང་གྲོལ་མྱུར་བ་དེ། །མྱུར་དང་གསལ་དེ་སྐད་ཅིག་ལ། །ཆོས་ཀྱི་དབང་གི་བསྐུར་ཐབས་ཡིན། །ཡེ་ཤེས་སྤྱན་གྱི་གནས་ཚུལ་དམིགས། །བཞུགས་ཚུལ་ཟང་ཐལ། །རབ་དང་འབྲིང་དང་ཐ་མ་གསུམ། །སྣང་བ་རྒྱ་ཡན་རིག་པ་རང་གྲོལ་དང་། །ཆོས་ཉིད་འོད་གསལ་ཆེན་པོ་གསུམ། །དབྱེ་དུས་ཕྱེད་དུས་བྱེད་པའི་ཚད། །མ་ཕྱེད་སྐྱོན་ཡོན་འབྲས་བུ་རྣམས། །གདེང་ལྡན་བླ་མ་སློབ་མ་ཡིན། །འདི་འདྲ་རྒྱ་མཚོའི་ཕ་བོང་བཞིན། །བསྐལ་པ་ཞ་གས་ཀྱང་ཁར་འབྱུང་མིན། །རུས་སྦལ་གྲེ་བར་ནོར་བུ་ཆུད་པ་བཞིན་དུ་སྡོམས། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། །དམར་ཁྲིད་དམར་བྱང་དང་། དོན་སྐོར་སངས་རྒྱས་ངོ་སྤྲོད་ཀྱི་ལེའུ་སྟེ་ཉེར་གཉིས་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །འཆི་བ་འཆི་ལྟས་འཆི་རྩིས་སུ། །རླུད་དང་ཐིག་ལེ་རྩ་དང་གསུམ། །ནད་དང་གདོན་དང་རྣམ་སྨིན་གསུམ། །འབྱུང་བ་འཁྲུགས་པའི་ནད་ཡིན་ཏེ། །དཀར་ན་གྲང་བ་ཆུ་ཡི་དུག །དམར་ན་ཚ་བ་མེ་ཡི་དུག །མཐིང་ན་བད་ཀན་ནམ་མཁའི་དུག། །སེར་ན་མཁྲིས་པ་ས་ཡི་དུག །ལྗང་ནག་འདུ་བ་རླུད་གི་དུག །དཀར་ན་ཆུ་ཡི་རླུད་ལ་རྒྱལ་པོའི་གདོན། །མཐིང་ནག་ནམ་མཁའི་རླུད་ལ་བདུད་ཀྱི་གདོན། །དམར་ནག་མེ་ཡི་རླུད་ལ་བཙན་ཁམས་གདོན། །སེར་ནག་ས་ཡི་རླུད་ལ་དམུ་ཚོགས་གདོན། །ལྗང་ནག་རླུ་་གི་རླུད་ལ་སྣ་ཚོགས་འདྲེ་ཀུན་གདོན། །རྐང་མཐིལ་དུ་དཀར་ནག་ཡིནནམདྲོད་སྟོར་ན། །དམྱལ་བར་འགྲོ་བའི་སྔ་ལྟས་ཡིན། །གསང་བར་པྲེ་དམར་དྲོད་སྟོར་ན། །ཡི་དྭགས་འགྲོ་བའི་སྔ་ལྟས་ཡིན། །ལྟེ་བར་སུ་མཟིང་དྲོད་སྟོར་ན། །བྱོལ་སོང་འགྲོ་བའི་སྔ་ལྟས་ཡིན། །སྙིང་གར་དྲི་སེར་དྲོད་སྟོར་ན། །མི་རུ་འགྲོ་བའི་སྔ་ལྟས་ཡིན། །མགྲིན་པ་ཨ་ལྗང་དྲོད་སྟོར་ན། །ལྷ་མ་ཡིན་དུ་སྐྱེ་བའི་ལྔ་ལྟས་ཡིན། །སྤྱི་བོར་ཨ་ལྗང་དཀར་ཡིན་ནམ་དྲོད་སྟོར་ནས། །ལྷ་རུ་སྐྱེ་བའི་སྔ་ལྟས་ཡིན། །དེ་ཡང་དམྱལ་བ་ལ་སོགས་སྣང་བ་བསྒྱུར། །མི་ལུས་ཐོབ་པའི་སྣང་བ་ཐམས་ཅད་བཤད། །དབང་པོ་རྒྱུ་ལྟར་འཁོར་བར་བྱེད། །རླུད་ནི་ལྔ་གསུམ་བཅོ་ལྔ་བརྟགས། །ཐིག་ལེ་མིག་གི་བ་ཐག་ཡལ། །བླ་རྩ་སྟོར་ན་འཆི་བར་བཤད། །གནམ་གྱིས་རེ་ཐག་ཆད་པ་དང་། །ཆོས་ཀྱི་དབྱིངས་ཀྱི་རྔ་སྒྲ་ཆད། །ཤེས་རབ་སྤྱན་གྱིས་ཤེས་པར་འགྱུར། །ཡེ་ཤེས་སྤྱན་གྱི་ཐིག་ལེ་ནུབ། །རྟ་མཆོག་སྔོན་པོའི་ག་ཕུར་སྟོར། །ཏི་ཚེ་གངས་ཀྱི་རླངས་པ་ཡལ། །གློག་ལྕམ་དམར་པོའི་སྦྲང་རྩི་ཡལ། །རྒྱ་མཚོར་ཆུ་བྲན་ཐམས་ཅད་འདུས། །དབུས་ཀྱི་ཀ་བ་བཙན་ཆེན་འཆུས། ཁོལ་པོ་བཞི་པོ་ཀ་བཞིན་རེངས། །དཔག་བསམ་ཤིང་གི་མེ་ཏོག་ཡལ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས འཆི་བ་འཆི་ལྟས་འཆི་རྩིས་དང་རྟགས་ཀྱི་ལེའུ་སྟེ་ཉེར་གསུམ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །འཆི་གའི་གདམས་པ་བསྟན་པ་ནི། །མཐུན་པའི་དཔེ་དང་འགལ་བའི་རྐྱེན། །རྐྱེན་གཉིས་དག་གིས་འཆི་བ་ཡིན། །མཐུན་རྐྱེན་འདུ་དུས་འཆར་བའི་དུས། །གྲོལ་བའི་དུས་དང་རྣམ་པ་བཞི། །དབང་པོ་རབ་འབྲིང་ཐ་མ་གསུམ། །བར་དོ་ཡོད་དང་བར་དོ་མེད། །རྒྱལ་ཐབས་སྤྱི་བླུག་ཚུལ་དུ་བསྟན། །བར་དོ་ཡོད་དང་འབྲིང་དང་ཐ་མ་གསུམ། །ཆོས་ཉིད་བར་དོ་འཁྲུལ་པ་ལྔ། །རང་རྐྱེན་མཐུན་པའི་གྲོགས་སུ་འཆར། །ཆོས་ཉིད་རང་སྣང་དོན་གྱི་མེ་ལོང་ཡིན། །མཐུན་རྐྱེན་རང་སྣང་ངོ་སྤྲོད་བླ་མའི་གདམས་པར་འཆར། །དེ་ནི་རང་སྣང་རྐྱེན་དུ་འཆར་ཞེས་བྱ། །འགལ་རྐྱེན་འོད་ལ་ཆགས་སྡང་སྐྱེ། །དེ་ཡི་འབྲས་བུ་གཞན་རྐྱེན་འགྲོ་དྲུག་འཁྲུལ། །འཁོར་བ་རྣམ་བཞིར་འ་ས་པ་འགལ་རྐྱེན་ཡིན། །རྒྱུ་ལྟར་འཁོར་བ་མ་རིག་དུག་ལྔ་ཡིན། །ནག་པོ་ལྟར་འཁོར་ལས་ཀྱི་རྣམ་སྨིན་ཡིན། །དཀར་པོ་ལྟར་འཁོར་ལས་ཀྱི་འབྲས་བུ་ཡིན། །འབྲས་བུ་ལྟར་འཁོར་གྲགས་ཆེན་སངས་རྒྱས་ཡིན། །འཁོར་བ་རྣམ་བཞི་སྲོག་གཅོད་སྣང་ཆེན་སངས་རྒྱས་ཡིན། །སྣང་བ་གཞན་དབང་མ་གྱུར་དབང་བསྐུར་རྒྱལ་པོ་ཡིན། །ཞེས་གསུངས་སོ། །དེ་ནས་ཡང་བཀའ་སྩལ་པ། །འཁོར་བ་རྣམ་བཞིའི་འབྲས་བུ་བསྟན་པ་ནི། །རྒྱུ་ལྟར་འཁོར་བ་དང་པོའི་ལས་དང་ནི། །རྒྱུ་དང་རྐྱེན་གྱིས་འགྲོ་བ་དྲུག་སྐྱེས་སོ། །ལས་དང་འཕྲོ་དང་མཐུན་པའི་འབྲས་བུ་ནི། །ལས་ནི་དགེ་དང་མི་དགེ་ལུང་མ་བསྟན་གྱི་ལས། །དགེ་བའི་ལས་ལ་མཚན་བཅས་མཚན་མེད་དོ། །མཚན་བཅས་རྣམ་པ་གཉིས་ཡིན་ཏེ། །འོག་མའི་དགེ་བ་བཅུ་པོ་དང་། །སྔགས་དང་ཡི་དམ་བསྒོམ་བཟླས་བྱ། །དེ་ནི་ལས་ཀྱི་རྣམ་གྲངས་ཡིན །བསྡུ་པ་དགེ་དང་མི་དགེ་གཉིས་སུ་འདུས། །དེ་ཡང་ཆོས་དང་སྤྱོད་པ་ཡིན་པར་བཤད། །ལས་མེད་ལུས་མི་ལེན་པས་འཕྲོ་མེད་པ། །དེ་ནི་ཐིག་ལེ་ཆོས་མིན་ཡིན། །འོད་ལུས་ཡིད་ལུས་ཤ་ཁྲག་ལུས་དང་གསུམ། །འཁོར་བའི་ལུས་ལ་བསམ་མི་ཁྱབ། །བསྡུས་པས་ལུས་ སུམ་ད ་པར་ ས་པ་ཡིན ལས་ང་ ་ ་འཕྲོ་ནི་བར་དོར་མཐུད མཐུད་པའི་འབྲས་བུ་ ནས་ བས་རང་སོར་ ར། །ཞེས་གསུངས་སོ། ། ་རྒྱུད་རིན་པོ་ཆེ་སྐྲུངས་པ་ལས། བར་དོ་བསྟན་པའི་ལེའུ་སྟེ་ཉེར་བཞི་པའོ།། །།དེ་ནས་ཡང་བཀའ་སྩལ་པ། གསང་བའི་བདག་པོ་ཉོན་ཅིག །མི་ལུས་ཆགས་ལུགས་བསྟན་པ་ནི། །སྐྱེ་བ་རྒས་པ་ན་བ་དང་། །འཆི་བ་དང་ནི་རྣམ་པ་བཞི། །སྐྱེ་བ་རྣམ་པ་ལྔ་ཡིན་ཏེ། །མངལ་དང་སྒོ་ང་ལས་སྐྱེ་དང་། །དྲོད་ལས་སྐྱེ་དང་གཤེར་ལས་སྐྱེས། །རྫུས་ཏེ་སྐྱེ་བ་རྣམ་པ་ལྔ། །མངལ་ནས་སྐྱེ་བ་ཤ་ཁྲག་ལུས། །ཡིད་ལུས་འོད་ལུ་རྫུས་ནས་སྐྱེ། །དྲོད་གཤེར་སྐྱེ་བ་ཤ་ཁྲག་ལུས། །སྐྱེ་བ་འབྱུང་བས་འཆི་བ་འབྱུང་། །དེ་ཡང་ལུས་ཀྱི་ཆགས་ལུགས་པ། །ཕོ་དང་མོ་དང་མ་ནིང་དང་། །ཕོ་མོ་རྒོད་དང་མ་ནིང་ཚན་པོ་ཆེ། །དེ་ཡང་ཇི་ལྟར་ཆགས་ཞེ་ན། །རྟེན་གྱི་གནད་ནི་རྩ་ཡིན་ཏེ། །དེ་ལྟར་རླུ་་ན་རླུད་ཡིན་ནོ། །དེ་ལ་རྟེན་གྱི་རྩ་བསྟན་པ། །དང་པོ་གཞི་ལ་ལྷུན་གྱིས་གྲུབ། །ཕྲ་བའི་རྩ་དང་རླུང་དང་ནི། །རགས་པའི་རྩ་དང་རླུང་དང་གསུམ། །དེ་ནས་དངོས་པོའི་རྩར་འཁྲུལ་ཏེ། །དངོས་པོ་ཕ་མའི་ཐིག་ལེ་དཀར་དམར་ཏེ། །རགས་པའི་རྩ་རུ་མཐོང་བ་ལས། །རགས་པ་རྩར་གྱུར་དངོས་པོར་སྨིན། །ཐིག་ལེ་རྩ་ཡི་རྒྱལ་པོ་དེ། །དེ་ལས་སྤུ་ཙམ་ཙར་གྱིས་བྱུང་། །རྐྱང་མ་ཞེས་བྱའི་རྩ་རུ་གྲགས། །དེ་ནས་ཡང་ཅིག་ཟླ་རུ་བྱུང་། །རོ་མ་ཞེས་བྱ་གཉིས་སུ་བྱུང་། །དེ་ཡི་དབུས་སུ་གསུམ་དུ་བྱུང་། །དེ་གསུམ་འདུས་པས་སྙིང་དུ་བྱུང་། །ཨ་ཝ་རྙུ་ཏི་ཞེས་ཀྱང་བྱ། །དེ་ནས་སྤྲུལ་གནས་ལྟེ་བར་བྱུང་། །མ་ཡི་སྲོག་རྩ་ཡལ་ག་བུ་ཡི་ལྟེ་བར་འབྲེལ་ནས་གནས། །ལྟེ་བའི་རྩ་ནས་ཐམས་ཅད་སྐྱེད། །མས་ཟོས་བུ་ཡི་ལྟེ་བར་འཁོར། །དེ་ནས་ལུས་ལ་འཁོར་བས་ན། །ལྟེ་བ་སྤྲུལ་པའི་འཁོར་ལོ་ཡིན། །དེ་ནས་ཐུར་དུ་བྱུང་བ་ལ། །མ་ཡིས་ཟོས་པ་བུ་ལ་ཐིམ། །བུ་ཡས་ཟོས་པ་གསང་སྒོར་འཁོར། །གསང་བའི་འཁོར་ལོ་ཞེས་ཀྱང་བརྗོད། །སྙིང་གར་ཕ་ཡི་ཐིག་ལེའི་རྩལ། །དམར་མོ་མ་ཡེ་ཤེས་རབ་རྩལ། །མཐིང་ག་རིག་པ་སེམས་ཀྱི་རྩལ། །དེ་ཡིས་ཐམས་ཅད་ཚང་བས་ན། །ཆོས་ཀྱི་འཁོར་ལོ་ཞེས་ཀྱང་བྱ། །སྙིང་ལ་ཆོས་ཉིད་རྩ་ཡིས་བསྐོར། །ཞི་བ་ལ་སོགས་ཆོས་སྐུའི་རྟེན། །ཆོས་ཀྱི་འཁོར་ལོ་ཞེས་ཀྱང་བརྗོད། །འགྱུ་བ་མཛོད་སྤུར་འཁྱིལ་བའི་ལམ། །མགྲིན་པའི་རྩ་ལ་ལོངས་སྤྱོད་བྱེད། །ལོངས་སྤྱོད་འཁོར་ལོ་ཞེས་ཀྱང་བྱ། །གསང་བའི་རྩ་ལ་ཐམས་ཅད་འདུས། །བདེ་བ་གསལ་བ་མི་རྟོག་པས། །ཆོས་ཀྱི་འཁོར་ལོ་ཞེས་ཀྱང་བྱ། །མཛོད་སྐྲུར་ཡེ་ཤེས་རྩ་གནས་པ། །རྟེན་གྱི་འབྱུང་གནས་ཞེས་བྱའོ། །རོ་མ་རྐྱང་མ་གཉིས་པོའི་ཁ། །སྣ་ལ་ཟུག་པས་ཕོ་ཡི་རྟེན། །གསང་བར་ཟུག་པས་མོ་ཡི་རྟེན། །ཡར་མར་སྣོལ་མར་འབྱུང་བ་ནི། །མ་ནིང་ཞེས་སུ་བཤད་པ་ཡིན། ཁ་ལ་གང་འགྲིབ་འཕེལ་བ་ནི། །ཕོ་མོ་རྒོད་ཅེས་འགྱུར་པ་ཡིནཁ་གཉིས་ཟུམ་ནས་མ་ཕྱེད་པས། །མ་ནིང་ཚན་པོ་ཆེ་ཞེས་བརྗོད། །དེ་ལྟར་སྤྱོད་པ་རླུང་ཡིན་ནོ། །ཕོ་རླུད་དྲག་ལ་མོ་རླུད་དལ། །དལ་བར་རྒྱུ་བས་ཐུར་དུ་བྱུང་། །དྲག་པར་རྒྱུ་བས་གྱེན་དུ་བྱུང་། །ལུང་དུ་མ་བསྟན་རླུད་དག་ལས། །ཕོ་མོ་རྒོད་དང་མ་ནིང་ཚན་པོ་ཆེ། །དེ་ལྟར་གྲུབ་པར་ཤེས་པར་བྱའོ། །དེ་ནས་རུས་པའི་གནད་བསྟན་པ། །མཛོད་སྐྲུའི་རྟེན་དུ་སྨིན་རུས་ཆགས། །དེ་ལས་གྱེས་པས་དཔྲལ་རུས་བྱུང་། །དེ་ལས་མུར་གོང་རུས་པ་བྱུང་། །དེ་ལས་ཟ་བའི་ཟ་འགྲམ་བྱུང་། །དེ་ནས་ཡ་ཐོད་མ་ཐོད་བྱུང་། །དེ་གཉིས་འབྲེལ་པས་རུས་སྲུབ་བྱུང་། །སྙིང་དང་འབྲེལ་བས་སྲོག་རུས་ཆགས། །དེ་རྣམས་འཚོགས་པས་སོག་པ་ཆགས། །དེ་རྣམས་ཚིགས་སུ་བཅད་པས་ཚིགས་པ་ཆགས། །རུས་པ་ཐམས་ཅད་ཁྱབ་པས་རྩིབ་མ་ཆགས། །རུས་པས་ལུས་ཀྱི་སྟོབས་སྐྱེད་བརླ་རུས་ཆགས། །དེ་རྣམས་མ་འགགས་པ་སྐྱོད་པས་རྐང་ལག་ཡིན། །དེ་ནས་མཇུག་རུས་འཕོང་རུས་ཆགས། །དེ་ནས་གཞུག་གུ་ཆུང་དུ་ཆགས། །དེ་ནི་རུས་པའི་ཆགས་ལུགས་རྫོགས། །དེ་ནི་ཤ་ཡི་ཆགས་ལུགས་སྟོན། །སྨིན་མ་པགས་པའི་ཤ་ཡང་སྨིན། །དང་པོ་དེ་ལ་སྨིན་པས་སྨིན་མ་ཡིན། །དེ་བཞིན་རིམ་གྱིས་ཆ་མཉམ་མོ། །དེ་ལ་རྩ་ཡི་མཚན་ཉིད་ཀྱང་། །རྩ་བ་གཅིག་ཏུ་འདུས་པ་ཡིན། །གཅིག་པོ་རང་འབྱུང་གནས་པའི་རྩ། །དེ་ལས་གྱེས་པའི་ཕོ་རྩ་དང་། མོ་རྩ་དང་ནི་ཡེ་ཤེས་རྩ། །མ་ནིང་ཕོ་མོ་རྒོད་དང་ནི། །མནིངཚནཔོཆེཡིརྩདང་གསུམ། །དེ་ལས་གྱེས་པས་འཁོར་ལོ་ལྔ། །དེ་ལ་བརྒྱ་དང་རྩ་བཞི་ཡོད། །དེ་ལས་གྱེས་པའི་རྩ་རྣམས་ནི། །སྟོད་ན་བརྒྱད་ཁྲི་བཞི་སྟོང་ཡོད། །སྨད་ནས་བརྒྱད་ཁྲི་བཞི་་ང་ཡོད། །དེ་ལས་གྱེས་པས་བསམ་མི་ཁྱབ། །དཔེར་ན་ཁ་ཤོ་བ་ཡི་ལོ་མ་འདྲ། །དཔེར་ན་ཤ་མོའི་སུལ་བཞིན་ནོ། །རླུད་དང་ཐིག་ལེ་ཡང་ནི་དེ་དང་འདྲ། །རྩ་དང་ཁྲག་དང་དྲོད་དང་རླུད་། ་་དང་ས་རྣམས་བརྟེན་པས་ན། །བརྟེན་པ་རྩ་ཞེས་བརྗོད་པ་ཡིན། །དེ་ལ་འབྱུང་བ་བརྟེན་པས་ན། །འབྱུང་བའི་ནད་རྣམས་འཁྲུགས་ནས་ནི། །དེ་ལས་བགེགས་རྟེན་གདོན་དུ་ཆེ། །དེ་ལ་དབུགས་རྟེན་ཆད་པས་འཆི། །འབྱུང་བ་ཆ་མ་སྙོམས་པས་འཕེལ་འགྲིབ་འབྱུང་། །དེ་ལས་རྒས་ཤིང་འཁོགས་པ་འབྱུང་བར་འགྱུར། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། །ལུས་ཀྱི་མན་ངག་བསྟན་པའི་ལེའུ་སྟེ་ཉེར་ལྔ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །ཕྱི་རྩ་ལུས་ལ་གནས་པ་ནི། ཁ་ཤོའི་ལོ་མ་འདྲ་སྟེ་སྤེལ་བར་གནས། །དེ་ལ་བཤད་ན་བསམ་མི་ཁྱབ། །ནང་རྩ་རུས་པ་དག་ལ་གནས། །དེ་ནི་གསེར་གྱི་མེ་ཏོག་འདྲ་སྟེ་ཡོན་ཏན་རྒྱས། །གསང་རྩ་སྙིང་ལ་གནས་ཏེ་འཁོར་ལོ་འདྲ། །དེ་འདྲ་སྐྱོན་ཡོན་འབྱེད་པའི་རྩ། །གདམས་པའི་རྩ་ནི་རྣ་བ་མིག་ལ་གནས། །གནད་ཀྱི་མན་ངག་རབ་ཏུ་གཅེས། །ཚད་མས་འཇལ་བའི་སྲང་དང་གྲུབ་མཐའ་སྐྱོང་བའི་སྲང་། །ལག་ཕྲད་བྱེད་པའི་སྲང་དང་གསུམ་དུ་འདུས། །ཚད་མས་འཇལ་བའི་སྲང་ནི་བརྒྱུད་པ་ཡིན། ཁུབ་མཐའ་སྐྱོང་བའི་སྲང་ནི་འབྲས་བུ་ཡིན། །ལག་ཕྲད་བྱེད་པའི་སྲང་ནི་གདམས་པ་ཡིན། །སྣང་བ་དབང་དུ་འདུས་པས་རིག་པ་གཅེར་བུར་ཐོན། །རིག་པ་དབང་དུ་འདུས་པས་སངས་རྒྱས་ཡུལ་མེད་མཐོང་། །རང་གྲོལ་དབང་དུ་འདུས་པས་ཆོས་མིན་ཚད་ལས་གྲོལ། །བརྒྱུད་པ་ཚད་དང་མི་ལྡན་ན། །གནད་མེད་ཕྱི་བ་རྐོ་བ་འདྲ། །གདམས་པ་ཚད་དང་མི་ལྡན་ན། ཁུས་མེད་ཚོན་སྐྱོང་མེད་པ་འདྲ། །བཀའ་རྒྱུད་ཚད་དང་མི་ལྡན་ན། །བེའུ་ཐག་སྦྲེལ་ནས་ལྷུང་བ་འདྲ། །བྱིན་རྒྱུད་ཚད་དང་མི་ལྡན་ན། །གྲོག་པོ་སྐམ་པོར་ཉ་བསྒུག་འདྲ། །སྙན་བརྒྱུད་ཚད་དང་མི་ལྡན་ན། །སྒ་་ང་རུལ་པ་གནོད་པ་འདྲ། །ཐུགས་རྒྱུད་ཚད་དང་མི་ལྡན་ན། །རྨིག་པའི་ཚང་ནས་ཆུ་འཚོལ་འདྲ། །ཉམས་མྱོང་ཚད་དང་མི་ལྡན་ན། །སྨྱོན་པའི་ལག་ཏུ་མདུང་བསྐུར་འདྲ། །དེ་རྣམས་ཚད་དང་ལྡན་པ་ནི། །ནོར་བུ་རིན་ཆེན་འཆང་བ་འདྲ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། རྩ་དང་ཚད་མའི་ལེའུ་སྟེ་ཉེར་དྲུག་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །བྱིན་རྒྱུད་ཚད་དང་ལྡན་པ་ནི། །མཁའ་འགྲོ་མ་ནི་རབ་གན་ཏེ། །རང་བཞིན་ངོ་བོ་སྤྲུལ་པ་གསུམ། །རང་བཞིན་མཁའ་འགྲོ་རྣམ་པ་ལྔ། །རྡོ་རྗེ་མཁའ་འགྲོ་རིན་ཆེན་དང་། །པདྨའི་མཁའ་འགྲོ་ལས་འགྲོ་དང་། །དེ་བཞིན་རིགས་ཀྱི་མཁའ་འགྲོ་དང་། །རྣམ་པ་ལྔ་རུ་ཤེས་པར་བྱ། །ངོ་བོའི་མཁའ་འགྲོ་རྣམ་པ་གསུམ། །འབྱུང་བ་རྣམ་ལྔའི་མཁའ་འགྲོ་ལྔ། །དབྱིངས་ཀྱི་མཁའ་འགྲོ་རྣམ་ལྔ་ཡིན། །འབྱུང་བ་ལུས་ཀྱི་མཁའ་འགྲོ་ལྔ། །དམ་ཚིག་དྲི་སྣོམ་མཁའ་འགྲོ་ཡིན། །རྣམ་ཤེས་སྒོ་ལྔ་མཁའ་འགྲོ་ལྔ། །ལུས་ཀྱི་མཁའ་འགྲོ་རྣམ་ལྔ་ཡིན། །སྤྲུལ་པའི་མཁའ་འགྲོ་རྣམ་པ་གསུམ། །ཀུན་གཞི་ཡེ་ཤེས་མཁའ་འགྲོ་ཡིན། །ཡིད་ནི་རྡོ་རྗེའི་མཁའ་འགྲོ་ཡིན། །རྣམ་ཤེས་ཤ་ཟ་མཁའ་འགྲོ་ཡིན། །རྣ་བ་མཁའ་འགྲོ་གློག་ཕྲེང་མ། །མིག་གཡོན་ཉི་མའི་འོད་ཟེར་ཅན། །མིག་གཡས་ཟླ་བའི་འོད་ཟེར་ཅན། །ལྕེ་ནི་མཁའ་འགྲོ་མཚོ་སྐྱེས་མ། །སྣ་ནི་མཁའ་འགྲོ་དྲི་མ་མེད། །ལུས་ནི་མཁའ་འགྲོ་དུང་སྐྱོང་མ། །དེ་ནི་མཁའ་འགྲོའི་བརྒྱུད་པ་ཡིན། །མཁའ་འགྲོའི་བྱིན་རྒྱུད་བསྟན་པ་ནི། །མཁའ་ནི་རིག་པའི་སྣང་བའོ། །འགྲོ་བ་འགྱུ་བ་ཐོགས་མེད་དོ། །དེ་གཉིས་འདུས་པའི་དབང་བསྐུར་བས། །བྱིན་རླབས་ཕྱོགས་རིས་མེད་པར་འཆར། །བྱིན་རླབས་ནང་ནས་ཤར་ཙམ་ན། །ཉམས་མྱོང་ཚད་ལྡན་སྐྱེ་བ་ཡིན། །ཉམས་མྱོང་ཡེ་ཤེས་རང་ཤར་བས། །ཡེ་ཤེས་ཚད་དང་ལྡན་པས་ན། །སངས་ལ་མི་རྒྱའི་རང་དབང་མེད། །སངས་རྒྱས་ས་ལ་གྲོལ་ཙམ་ན། །ཐུགས་རྗེ་མི་འབྱུང་རང་དབང་མེད། །ཐུགས་རྗེ་ཕྱོགས་མེད་ཤར་ཙམ་ན། །བྱིན་རླབས་མི་འཇུག་རང་དབང་མེད། །ཅེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། མཁའ་འགྲོ་མ་དབང་བསྐུར་བའི་ལེའུ་སྟེ་ཉེར་བདུན་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །ཐེག་པའི་ཁྱད་པར་བསྟན་པ་ནི། །ཉན་ཐོས་འབྲས་བུ་དགྲ་བཅོམ་པ། །བསྐལ་པ་གྲངས་མེད་བདུན་ན་འདོད། །དུག་ལྔ་དགྲ་བཞིན་སྤང་བ་ཡིན། །ཐེག་ཆེན་དབུ་མ་སྟོང་པར་འདོད། །གཅིག་དང་དུ་བྲལ་ལ་སོགས་པ། །གཏན་ཚིགས་གཞིག་ནས་སྟོང་པར་འདོད། །དེ་ཡང་དུག་དང་སྦྱོར་བ་ཡིན། ཁྲེས་རབ་ཕ་རོལ་ཕྱིན་ལ་སོགས། །མདོ་རྒྱུད་སྔགས་ཀྱི་ཁྱད་པར་གང་། །མདོ་རྒྱུད་དབང་གི་གདམས་པ་མེད། །སྔགས་ལ་རྣམ་པ་གཉིས་ཡིན་ཏེ། །ཕྱི་པ་དང་ནི་ནང་པའོ། །ཕྱི་པའི་དབང་ལས་ནང་པའི་དབང་། །ཕན་པའི་དབང་བཅུ་ཁྱད་པར་འཕགས། །ནང་གི་རྒྱུད་ནི་དབང་ལྔ་དང་། །བདུད་རྩི་ལྔ་ཡིས་ཁྱད་པར་འཕགས། །དེ་བས་རྫོགས་ཆེན་ཁྱད་པར་ཆེ། །སྔགས་ནི་བསྒྲུབ་བསྒྱུར་འབྲས་བུར་འདོད། །རྫོགས་ཆེན་རྟོགས་པས་སངས་རྒྱས་པ། །ཚིག་དབང་གཅིག་གིས་རྟོགས་པར་འདོད། །དབང་བསྐུར་རྫོགས་པ་དབང་ལྔ་ཡིན། །དེ་ནི་འོག་མ་རྣམས་ལ་མེད། །མཆོད་པ་རྣམ་ལྔ་ལྟ་སྒོམ་པ། །དེ་ནི་ཀྲི་ཡ་ཡིན་པར་འདོད། །མཆོད་པ་རྣམ་ལྔ་སྐུ་ལྔ་བསྒོམ། །དེ་ནི་ཡོ་ག་ཡིན་པར་འདོད། །བདུད་རྩི་ལྔ་མཆོད་རིགས་ལྔ་བསྒྲུབ། །དེ་ནི་མ་ཧྭ་ཨ་ནུར་འདོད། །གསང་སྔགས་དབང་གིས་ཁྱད་པར་འཕགས། །རྫོགསཆེནཐམསཅདཆོས་སྐུར་རྟོགས། །རིག་པ་རྩལ་གྱིདབངཆེནཐོབ། །དེས་ནཁྱད་པར་རབ་ཏུ་ཆེ། །སྙན་བརྒྱུདརིནཆེནསྦྱངསཔའདི། །ཐམས་ཅད་ངོ་སྤྲོད་པ་ལ་འགོད། །དུས་བཞི་མཉམ་སྦྱོར་ཁྱད་པར་ཆེ། །གཞི་ལས་གྲོལ་བས་ཁྱད་པར་འཕགས། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། །ཐེག་པའི་ཁྱད་པར་མཚོན་པའི་ལེའུ་སྟེ་ཉེར་བརྒྱད་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །རྫོགས་པའི་རྫོགས་ལུགས་བསྟན་པ་ནི། །ཉོན་མོངས་དུག་ལྔའི་དགྲ་བཅོམ་ནས། །འདས་པ་ལྔ་རུ་གྲོལ་བས་ན། །ཉན་ཐོས་གྲུབ་མཐའི་འབྲས་བུ་རྫོགས། །ངོ་བོ་གསལ་བས་སེམས་ཙམ་རྫོགས། །རང་བཞིན་སྟོང་པས་དབུ་མ་རྫོགས། །འདས་པ་གསུམ་གྱིས་ཀྲི་ཡ་རྫོགས། །སྐུ་ལྔ་རིགས་ལྔ་དབྱིངས་དང་ཡེ་ཤེས་ཀྱིས། །ཡོ་ག་མ་ཧྭ་ཨ་ནུའི་ཐེག་པ་རྫོགསཔ། །འདས་པ་ལྔ་ཡིས་ཐམས་ཅད་ཁྱབ། །རྫོགས་པ་ཆེན་པོའི་ལྟ་བ་རྫོགས། །ཕྱོགས་སུ་མ་ལྷུང་རྒྱ་མ་ཆད། །མཚན་མ་རང་སར་གྲོལ་བ་ནི། །སྙན་བརྒྱུད་བྱིན་རྒྱུད་གྲུབ་མཐའ་རྫོགས། །ལྟ་སྒོམ་སྤྱོད་པ་འབྲས་བུ་རྫོགས། །ཡེ་ཤེས་ལྔ་དང་སྐུ་ལྔ་རྫོགས། །འགྲོ་བ་རིགས་དྲུག་མུ་སྟེགས་རྟག་ཆད་རྫོགས། །འགག་པ་མེད་པའི་ཤེས་རབ་རང་བྱུང་བས། །མཚན་མ་སྣ་ཚོགས་དག་པའི་ཞིང་དུ་སངས། །ཆོས་མིན་འབྱེད་པ་མེད་པའི་ཀློང་དུ་རྒྱས། །མ་བསྒྲིབས་ཡོངས་ལ་གསལ་བས་ན། །ཅིར་ཡང་མི་འགག་ཕྱོགས་རིས་མི་མངའ་བས། །ཐམས་ཅད་མ་ལུས་ལུས་མེད་རང་སྣང་ཡིན། ཁེས་རབ་ཡོངས་གཅོད་མ་འགགས་༄༅ པས ངེས་པའི་ཚིག་ནི་མཁྱེན་པའི་ཡེ་ཤེས་ཡིན། །དབྱེ་བ་ཕྱི་ནང་གསང་བ་ཡང་གསང་ཡིན། ཁྲེས་རབ་ལྡང་ཚད་ཆོས་ཀུན་རང་གྲོལ་ཡིན། །ལུབ་ཆུབ་ཡེ་ཤེས་ཤེས་པས་ཤེས་རབ་ཡིན། །རང་སྣང་རང་འབྱུང་ཤེས་པས་སྤྱིན་པ་རྫོགས། །རིག་པ་རང་གྲོལ་ཤེས་པས་ཚུལ་ཁྲིམས་རྫོགས། །གཉིས་མེད་ཟང་ཐལ་ཤར་བས་བཟོད་པ་རྫོགས །ཆོས་མིན་ཟང་ཐལ་ཤར་བས་བརྩོན་འགྲུས་རྫོགས། །ཐམས་ཅད་ཐིག་ལེར་ཤར་བས་བསམ་གཏན་རྫོགས། །སྣང་སྲིད་ལྷག་མཐོང་ཤར་བས་ཤེས་རབ་རྫོགས། །ཆོས་སྐུ་རང་ལ་ཤར་བས་ཐབས་ཆེན་རྫོགས། །མཚན་མ་རང་གྲོལ་སྟོབས་ཀྱང་རྫོགས། །སྣང་བ་རྒྱ་ཡན་སྨོན་ལམ་རྫོགས། །འདུ་འབྲལ་མེད་པས་ཡེ་ཤེས་རྫོགས། །འོད་ལྔ་འབྱུང་བས་རིན་ཆེན་སྣ་ལྔ་རྫོགས། །རྫོགས་པའི་གདམས་ངག་མ་ཤེས་ན། །བོང་བུས་སེང་ལྤགས་གོན་པ་འདྲ། ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། རྫོགས་ལུགས་ཀྱི་ངོ་སྤྲོད་དབང་བསྐུར་ཆེན་པོའི་ལེའུ་སྟེ་ཉེར་དགུ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །དེ་ནི་སྤྱི་ཡི་མཚན་ཉིད་ཡིན། །རང་གི་མཚན་ཉིད་འདི་ལྟ་སྟེ། །མིག་ནི་ཡུལ་ལས་འདས་པར་རྫོགས། །རྣ་བ་སྐུ་ལས་འདས་པར་རྫོགས། །ལྕེ་ནི་གཉིས་མེད་འདས་པར་རྫོགས། །སྣ་ནི་ཡེ་ཤེས་ཟང་ཐལ་རྫོགས། །འོག་སྒོ་གཞི་ལས་འདས་པར་རྫོགས། །ཚོགསབརྒྱད་ཐིག་ལེ་ཡེ་ཤེས་བརྒྱད་དུ་རྫོགས། །ཕུང་པོ་ལྔ་ནི་འདས་པ་ལྔ་རུ་རྫོགས། །དུག་ལྔ་ཁོང་ཁྲོ་འདས་པ་ལྔ་རུ་རྫོགས། །འབྱུང་ལྔ་ཤ་ཁྲག་དྲོད་སེམས་དབུགས། །འདས་པ་ལྔ་རུ་རྫོགས་པས་དབང་ཆེན་ཐོབ། །སྙིང་སྟོད་སྐུ་ལས་འདས་པར་རྫོགས། །དབུས་ནི་ཡུལ་ལས་འདས་པར་རྫོགས། །སྨད་ནི་གཉིས་མེད་འདས་པར་རྫོགས། །བུབ་རིལ་ཆོས་ལས་འདས་པར་རྫོགས། །རྩ་རྣམས་ཐམས་ཅད་མཁྱེན་པར་རྫོགས། །ཟུར་བརྒྱད་ཡེ་ཤེས་བརྒྱད་དུ་རྫོགས། །ཐེལ་བརྒྱད་ཐིག་ལེ་བརྒྱད་དུ་རྫོགས། ཁྲེལ་གྱི་སྦུ་གུ་ཐུགས་རྗེའི་རོལ་པར་རྫོགས། །ངོ་བོ་སྐུ་ལས་འདས་པར་རྫོགས། །རང་བཞིན་ཡུལ་ལས་འདས་པར་རྫོགས། །ཐུགས་རྗེ་གཉིས་མེད་འདས་པར་རྫོགས། །ཡོན་ཏན་ཡེ་ཤེས་ཟང་ཐལ་རྫོགས། །ཕྲིན་ལས་ཐམས་ཅད་མཁྱེན་པར་རྫོགས། །ས་རྣམས་མ་ལུས་བགྲོད་མེད་རྫོགས། །སྣང་བ་འོད་གསལ་ཕྱི་ཡི་ཚོགས་ལམ་རྫོགས། །ཚོགས་དྲུག་རང་གྲོལ་ནང་གི་ཚོགས་ལམ་རྫོགས། །འགྱུ་བ་ལམ་ཁྱེར་གསང་བའི་ཚོགས་ལམ་རྫོགས། །སྣང་རིག་དབྱེར་མེད་ཤར་བས་སྦྱོར་ལམ་རྫོགས། །ཡེ་ཤེས་ཟང་ཐལ་ཤར་བས་མཐོང་ལམ་རྫོགས། །གཉིས་མེད་ཟང་ཐལ་ཤར་བས་བསྒོམ་ལམ་རྫོགས། །ཐམསཅདམཚན་མ་རང་སར་གྲོལ། །མཐར་ཕྱིན་ལམ་ནི་རྫོགས་པའོ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། དབང་རྫོགས་རང་ཆས་སུ་བསྟན་པའི་ལེའུ་སྟེ་སུམ་ཅུ་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །གཞི་དང་ལམ་དང་འབྲས་བུ་རྣམས། །དེ་ཡི་ངོ་སྤྲོད་བསྟན་པར་བྱ། །ཉན་ཐོས་དུག་ལྔ་སྤངས་ལམ་ཡིན། །བྱང་ཆུབ་སེམས་དཔའ་སྤྱོད་ལམ་ཡིན། །སྔགས་ཀྱི་ཐེག་པ་བསྒྱུར་ལམ་ཡིན། །རྫོགས་ཆེན་གཞི་ལམ་དབྱེར་མེད་ཡིན། །བཀའ་རྒྱུད་གཞི་ལམ་རང་གྲོལ་ཡིན། །ཐུགས་རྗེ་བཀྲག་མདངས་ཉི་མ་འབུམ་གྱི་གཟི། །བདག་བློ་འཁྲུལ་པའི་བློ་ཡི་མུན་པ་བསལ། ཐུགས་རྗེ་སྤྱན་ཅན་ཡེ་ཤེས་ཁོང་ནས་ཤར། །འཁོར་བ་རྣམ་བཞིའི་སྲོག་བཅད་པས། །ཐིག་ལེ་ཡེ་ཤེས་ཟང་ཐལ་ཐོབ། །གཞི་དང་རྒྱུད་དང་ལམ་དང་འབྲས་བུ་ཆོད། །སད་པ་བཞི་དང་བདུད་བཞི་ཆོམས་པ་ཡིན། །ཡེ་ཤེས་ཉི་མ་ཐུགས་ཀྱི་ཀློང་ལས་ཤར། །སྐུ་བཞི་རང་སར་གྲོལ་བས་བདུད་བཞིའི་སྒྲིབ་པ་དག །འོད་ལྔ་ལམ་དུ་ཤར་བས་འཁོར་བའི་རྩ་བ་སྨིན། ཁམས་གསུམ་རྩ་བ་ཆོད་པས་སྲིད་གསུམ་རྩེ་ནས་འགྱེལ། །གཞི་དང་འོད་སྣང་བར་ན་གཉིས་མེད་ཤར་བས་ཡོན་ཏན་ཡེ་ཤེས་ལྔ། །ཡིད་དང་འགྱུ་བ་འོད་དང་གསུམ། །རང་བྱུང་རང་ལ་ཤར་བས་སྐུ་གསུམ་ལམ་དུ་བསླང་། །འབྱུང་ལྔ་རང་བྱུང་འོད་ལས་གྲོལ་བ་ན། །ལྔ་ལྡན་ཡེ་ཤེས་མིག་གཅིག་དྲི་མ་མེད། །ཐུགས་རྗེ་བྱིན་རླབས་མཁའ་ལ་ཉི་ཤར་འདྲ། །བསྐལ་པ་བར་པའི་སངས་རྒྱས་འོད་སྲུངས་དང་། །ཐོག་མའི་སངས་རྒྱས་འོད་དཔག་མེད་པ་དང་། །ཐ་མའི་སངས་རྒྱས་མར་མེ་མཛད་དང་གསུམ། །བཀའ་བགྲོས་རྒྱུད་དུ་བྱིན་བརླབས་ནས། །སངས་རྒྱས་བཀའ་བགྲོས་རྒྱུད་ཅེས་བྱ། །གཞི་ཡི་ཆོས་ལྔ་ལྷུན་གྲུབ་ཡིན། །དེ་མ་ཤེས་པས་འཁྲུལ་པ་ཡིན། །ལམ་གྱི་འོད་ལྔ་རང་སྣང་ཡིན། །དེ་མ་ཤེས་པས་འཁོར་བ་ཡིན། །འབྲས་བུ་འཁོར་བ་རྣམ་བཞི་ཡིན། །དེ་མ་ཤེས་པས་དངོས་པོ་ཡིན། །གཞི་ཤེས་པས་ནི་གྲོལ་པ་དེ། །ཐམས་ཅད་མཁྱེན་པ་ཐོབ་པ་ཡིན། །ལམ་ཤེས་པས་ནི་རང་བྱུང་བ། །འཁོར་བའི་གཡང་ས་ཆོད་པ་ཡིན། །འབྲས་བུ་འདས་པ་སྔར་གྲོལ་བས། །འཁོར་བའི་འབྲས་བུ་ཆོད་པ་ཡིན། །ཡེ་ཤེས་སྤྱན་གསུམ་གཅིག་ཏུ་དྲིལ། སངས་རྒྱས་སྤྱན་ཞེས་རབ་ཏུ་བརྗོད། །སངས་རྒྱས་ཀུན་གྱི་དགོངས་པ་ནི། །གོས་དཀར་མོ་ཞེས་བརྗོད་པ་ཡིན། །དགོངས་པ་ཕྱོགས་མེད་ཁྱབ་པ་ཡིན། །ནམ་མཁའི་དབྱིངས་ཕྱུག་མ་ཞེས་བརྗོད། །ཐུགས་རྗེའི་རླན་དང་མི་འབྲལ་བས། །མུ་མ་ཀི་ཞེས་རབ་ཏུ་བརྗོད། །ཐུགས་རྗེ་ཀུན་ལ་སྙོམས་པར་འཆར། །དམ་ཚིག་སྒྲོལ་མ་ཞེས་བྱའོ། །ཐིག་ལེའི་རང་བཞིན་ཤེས་རབ་སྙིང་རྗེ་སྟེ། །ཕྱི་ཡི་ཁྱད་པར་ཐེག་པ་ཆེ་ཆུང་བསྟན། །འོག་མ་རྣམས་ནི་རང་དོན་སྤྱོད་པ་ཡིན། །སྔགས་ཀྱི་ཐེག་པ་གཉིས་ཀ་སྤྱོད་པ་ཡིན། །རྫོགསཔཆེནཔོདབྱེབམེད་པ་ཡིན། །བཀའ་རྒྱུད་འདི་ནི་བདག་དོན་གཞན་དོན་གཉིས། །རང་གྲོལ་དབང་པོའི་ཁྱད་པར་སྟོན་པ་ཡིན། །ཐབས་དང་ཤེས་རབ་ཉན་ཐོས་ཉིད་དུ་ལྟུང་། །སྙིང་རྗེ་དང་ནི་ཤེས་རབ་ཀྱིས། །འགྲོ་དོན་མ་ལུས་བྱེད་པ་པོ། །སྙིང་རྗེ་ཆེན་པོ་ཅིར་མི་མཛད། །ཆེ་བའི་ཡེ་ཤེས་རྙེད་དཀའ་བ། ཁེས་རབ་ཐབས་ཀྱིས་འགྲོ་དོན་བྱེད། །གྲོལ་ནས་གྲོལ་བའི་ལམ་ཡང་སྟོན། །ལམ་རྣམས་ཀུན་གྱི་མཆོག་ཏུ་བཤད། །ཐུན་མོང་ཁྱད་པར་མཆོག་དང་གསུམ། །ལོག་ལྟ་མ་དད་ལེ་ལོ་དང་། །མ་རིག་པ་དེ་ལམ་དུ་སློང་། །ངོ་སྤྲོད་སངས་རྒྱས་ས་ལ་འགོད། །ལམ་གྱི་མཆོག་ཅེས་བྱ་བའོ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྐྲུངས་པ་ལས། ངོ་སྤྲོད་ཀྱི་ལྟ་བསྒོམ་ལས་གྲོལ་བའི་ལེའུ་སྟེ་སོ་གཅིག་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །རྩ་དང་རླུད་དང་ཐིག་ལེ་དང་། །ཡེ་ཤེས་རྣམ་པ་བཞི་རུ་འདུས། །ཐུན་མོང་ཁྱད་པར་མཆོག་དང་གསུམ། །ཐུན་མོང་འཁོར་ལོ་ལྔ་ལ་གནས། །བརྒྱ་དང་ཉི་ཤུ་རྩ་བཞི་ཡོད། །དེ་ཡང་བསྡུས་པས་གསུམ་དུ་འདུས། །དེ་ཡང་ཨ་བ་དྷ་ཏིར་འདུས། །ཨ་ནི་ཚིག་དབང་རིན་པོ་ཆེ། །ཝ་ནི་གསང་བའི་ཡེ་ཤེས་དབང་། །འ་ནི་ཤེས་རབ་དབང་ཡིན་ནོ། །དྷ་ནི་ཐབས་ཀྱི་དབང་ཡིན་ནོ། །ཏི་ནི་བུམ་པའི་དབང་ཞེས་བྱ། །ཐམས་ཅད་འདུས་པས་བུམ་པའི་ད་བང་། །ཚིགཏུམཚོནཔསམིངགིདབང་། །བརྒྱུད་པ་མ་ཆད་ཆུ་ཡི་དབང་། །རང་ཆོས་སྟོན་པས་དབུ་རྒྱན་དབང་།་།ཟུང་དུ་འབྲེལ་བས་རྡོ་རྗེ་དྲིལ་བུའི་དབང་། །རིག་པའི་དབང་ལྔ་ཞེས་ཀྱང་་ལ་བྱ། ། ་ན་ཁྱད་པར་དབང་ ས་བྱ། །ད་ན་མཆག་ ་རྩ་བསྟན་པ། །ཟག་པ་ ད་པའ་དབང་བསྐུར་ཏེ། །ག ་ལ་རྩ་རླུ་་ལྷུན་གྱས་གྲུབ། །ཕྲ་བའི་རྩ་དང་རིག་པའི་རྩ། །དངོས་པོ་འཁྲུལ་པའི་རྩ་དང་གསུམ། །དང་པོའི་རྩ་ནི་ཟག་བཅས་ཡིན། །དེ་ལ་སྦྱངས་ན་བདེ་བ་སྐྱེ། །བདེ་བ་སྐྱེས་ནས་ལམ་དུ་འཇུག །ཟག་མེད་རྩ་ནི་བཀའ་བརྒྱུད་ཡིན། །གཞི་ཡི་རྩ་དང་རླུ་་དང་ནི། །ཐིག་ལེ་ལྷན་སྐྱེས་ཡེ་ཤེས་དང་། །ལམ་དུ་ད་ལྟ་བར་དོ་ལ། །ཟག་པ་མེད་པའི་ངོ་སྤྲོད་ཡིན། །འབྲས་བུ་རང་སར་གྲོལ་བའོ། །ངོ་སྤྲོད་ཤིན་ཏུ་གཅེས་པ་ཡིན། །དེ་ཡང་བཀའ་བརྒྱུད་བྱིན་བརྒྱུད་དང་། །ཐུགས་སུ་བརྒྱུད་པའི་རྩ་ཡིན་པས། །བསྐལ་པ་འཁྲུགས་ཀྱང་ཁར་མ་འབྱིན། །སེམས་ཅན་ལས་འཕྲོ་མེད་པ་དང་། །འོག་མའི་གྲུབ་མཐའི་སྒོར་ཞུགས་པས། །དངངས་ཤིང་སྐྲག་ནས་སྐུར་བ་འདེབས། །དེ་ཡི་རྣམ་སྨིན་འབྲས་བུ་ཡིན། །རྡོ་རྗེའི་དམྱལ་བར་ལྟུང་བར་འགྱུར། །དེས་ན་བསྐལ་པར་ཁར་མ་འབྱིན། །དུས་ངན་ཐ་མ་བྱུང་བའི་ཚེ། །མར་མེ་འཆི་ཀར་གསལ་བ་ཡིན། །བསྟན་པ་ནུབ་ཀར་དམ་ཆོས་དར། །གསལ་བ་རང་གིས་འཆི་བ་ཡིན། །དར་བ་རང་གིས་ནུབ་པ་ཡིན། །ཞེས་གསུངས་སོ། །ལྷ་རྒྱུད་རིན་པོ་ཆེ་སྤུངས་པ་ལས། །རྩ་རླུ་་ཐིག་ལེ་ཡེ་ཤེས་རླུད་གི་ལེའུ་སྟེ་སོ་གཉིས་པའོ།། །།དེ་ནས་ཡང་བཀའ་སྩལ་པ། །གསང་བའི་བདག་པོ་ཁྱོད་ཉོན་ཅིག །ལྷ་རྒྱུད་རིན་པོ་ཆེ་སྐྲུངས་པ་འདི། །ངོ་སྤྲོད་དབང་བསྐུར་རྒྱུད་ཡིན་ཏེ། །བྱིན་གྱིས་བརླབས་ཀྱིས་བཤད་པ་ཡིན། །འཁོར་བ་དོང་སྤྲུག་རྒྱུད་དུ་ཟུང་། །ཡེ་ཤེས་སྤྱན་གསུམ་རྒྱུད་དུ་ཟུང་། །དབང་བསྐུར་རྒྱལ་པོའི་རྒྱུད་དུ་ཟུང་། །ཡེ་ཤེས་རྟེན་རྫོགས་རྒྱུད་དུ་ཟུང་། །ཡེ་ཤེས་འཁོར་ལོའི་རྒྱུད་དུ་ཟུང་། །ངོ་སྤྲོད་ཆེན་པོའི་རྒྱུད་དུ་ཟུང་། །ཞེས་གསུངས་སོ། །རྡོ་རྗེ་སེམས་དཔས་གསོལ་བ། །ལེགས་སོ་རྫོགས་སངས་རྒྱས་པའི་མཆོག །དེ་ལྟར་གསུངས་པར་རྗེས་ཡི་རང་། །འཁོར་རྣམས་རབ་ཏུ་དགྱེས་པའོ། །བྱང་ཆུབ་སེམས་དཔའ་ཐུགས་རྗེ་ཆེ། །ཞེས་གསུངས་སོ། །ལྷ་རྒྱུད་རིན་པོ་ཆེ་སྣུངས་པ་ལས། རྗེས་སུ་ཡི་རང་བའི་ལེའུ་སྟེ་སོ་གསུམ་པའོ།། །།ལྷ་རྒྱུད་རིན་པོ་ཆེ་སྤུངས་པའི་རྒྱན་ཞེས་བྱ་བ་རྫོགས་སོ། །བི་མ་ལའི་གདམས་པ། བོད་རྒྱལ་ཁམས་ཡོངས་ལ་བཙད་པོ་ཆེ་ན་ཁྲིམས་ཀྱིས་ཆེ། །བོད་འབངས་ཡོངས་ལ་དཀོན་མཆོག་མཉན་ན་བདེ། །སྔགས་པ་ཀུན་གྱིས་ངན་སྔགས་ཐུབ་ན་བཙུན། །རྣལ་འབྱོར་རྣམས་ཀྱིས་ཚུལ་འཆོས་སྤངས་ན་བཟང་། །བླ་མའི་གདམས་པ་བསྒྲུབས་ན་གྲུབ། །གཙོ་བོ་རྣམས་ཀྱིས་ཆད་ལས་མི་འགལ་བཟང་། །མོ་བཙུན་རྣམས་ཀྱིས་ལུས་ཁྲིམས་དམ་ན་བཙུན། །ཆོས་སྐྱོང་སྲུང་མས་བསྟན་པ་བསྲུངས་ན་བཙུན། །གདམས་ངག་སྲོག་ལས་གཅེས་པ་བྱས་ན་པྱི་ཕྱིར་བཙུན། །སློབ་དཔོན་བི་མ་ལས་དེ་སྐད་གསུངས་སོ།། །།

Retrieved from "https://rywikitexts.tsadra.org/index.php?title=Ngb-pt-0081-vol-01-text&oldid=7085"