Ngb-pt-0779-vol-08-text

Body

༄༅། ཁུད་ཅེས་བྱ་བ་རྫོགས་སོ།། །། རྒྱ་གར་སྐད་དུ། །ཨེ་ཀ་ཛ་ཏི་ས་མན་ཏ་ཀ་ནཱ་མ་ཏན་ཏྲ། །བོད་སྐད་དུ། །རལ་གཅིག་མ་འདུས་པ་ནག་མོའི་རྒྱུད་ཅེས་བྱ་བ། །དཔལ་ཡ་མན་ཏ་ཀ་ལ་ཕྱག་འཚལ་ལོ། །དེ་ནས་དཔལ་ཡ་མན་ཏ་ཀས། །ཕྱག་ན་རྡོ་རྗེ་ལ་བཀའ་སྩལ་བ། །ཕྱག་ན་རྡོ་རྗེ་ཉོན་ཅིག །ལྷ་མོ་ཨེ་ཀ་ཛ་ཏི་ནི་ལྟ་བ་དང་ལྡན་པས་བསྒྲུབ་པར་བྱའོ། །ལྟ་དང་མི་ལྡན་རྩེ་ལོག་ཆེ། །གདུག་པ་ཆེ་བས་དགྲ་ལ་རྦད། །གུས་པ་བླང་དུ་མི་བ་་པས། །ལྟ་བབ་མི་དམིགས་པ་གསུམ་དང་ལྡན་གུས་པས་བླང་དུ་བ་་པའོ། །འཁོན་ནག་རང་སར་བཞག་ན་གུས་པས་བླང་དུ་བ་་པའོ། །དགྲ་ལ་སྦོད་ཙམ་ན་ཆེ་གེ་མོ་སོད་ཅིག །ཅེས་བརྗོད་པ་ལས། །རྩད་ནས་ཆོད་ཅིག་མ་བྱས་ན་གུས་པས་བླང་དུ་བཏུབ་པའོ། །དེ་གསུམ་དང་ལྡན་ནས་གུས་པས་བླང་བར་བྱའོ། །དེ་ལ་མི་དམིགས་པ་གསུམ་ནི། །བདག་ཀྱང་མི་དམིགས་པས་སྟོང་པ་ཉིད་དུ་བསྒོམས་ཏེ། །ཨོ་བཛྲ་ཤུ་རྙོ་ཏ་ཧཱུཾ༷། །ཞེས་བརྗོད་པས །གུས་པའི་བཟའ་ནོར་ཡང་མི་དམིགས་ཏེ། །ཨོ་བཛྲ་སྲུ་ཧྭ་བྷ་བི་ཤུད་རྙོཉ་ཧ༷། །ཞེས་བརྗོད་པས། །དགྲ་དང་འཁོན་ཡང་མི་དམིགས་པ་སྟོང་པ་ཉིད་དེ། །ཨོ་བཛྲ་སརྦ་ཤུད་རྙོ་ཧཱུཾ༷། །ཞེས་བརྗོད་པས་ཐམས་ཅད་མི་དམིགས་ཧཱུཾ༷། །ཞེས་བརྗོད་པས་ཐམས་ཅད་མི་དམིགསསོ། །དེབཞིནདུམམོཡངམི་དམིགས་པ་ཆོས་ཉིད་དུ་བསྒོམ་མོ། །ཞེས་གསུངས་སོ། །ལེའུ་དང་པོའོ།། །།དེ་ནས་འཁོན་ནག་རང་སར་བཞག་པ་ནི། །འཁོན་འགྲས་ཞེས་བྱ་བ་ཡོད་མ་མྱོང་། །འཁོན་འགྲས་ཡོད་མི་སྲིད། །ཐམས་ཅད་ཆོས་ཉིད་རོལ་པ་ཡིན། །གལ་ཏེ་ཡོད་ན་ཡང་དམ་ཉམས་ཁོ་རང་ལ་སྡིག །བདག་དང་མ་མོ་འདི་ཉིད་ཡང་གདོད་ནས་ཡོད་མ་མྱོང་སྙམ་དུ་བསམས་ལ་རང་སར་བཞག་གོ། །དེའི་སྔགས་ནི། ཨོ་ཨི་ཧོ་ཤུད་དྷི་ཤུད་དྷི་བ༷་ཧོ་ཤུད་དྷི་ཤུདྷི་ར༷་ཧོ་ཤུད་དྷི་ཡ༷ཧོ་ཤུདྷི་ཤུདྷི་ཤུད་དྷི་ཤུད་དྷི་ཨེ་བེ་ར༷་བི་ཡ༷་ཕ༷་ཨ་ཨ་ཨ་གྲྭ་ཧྭ། །ཞེས་བཟླས་ནས་ཁོ་རང་ལ་གོས་པར་བསམས། །བདག་དང་མ་མོ་ལ་མ་གོས་པར་བསམ་མོ། །ཞེས་གསུངས་སོ། །ལེའུ་གཉིས་པའོ།། །།དེ་ནས་དགྲ་བོས་རྒྱལ་དང་གུས་པས་བྱས་པའི་ཡོ་བྱད་ཐམས་ཅད་སྤུངས་ལ། །གོང་གི་ཨི་ཧོའི་སྔགས་དེ་ལན་བདུན་བཏབ་ལ་བདུད་རྩི་གཏོར་ལ། །ཆ་གཅིག་དཀོན་མཆོག་ལ་དབུལ། །ཆ་གཅིག་ལྷ་དང་མཁའ་འགྲོ་དམ་ཅན་ཆོས་སྐྱོངས་ཚོགས་ལ་དབུལ། །ཆ་གཅིག་འགྲོ་བ་ལ་བསྔོ། །ཆ་གཅིག་འགྲོ་ཆེར་བྱས་ལ་རྣལ་འབྱོར་པ་སྦྱད་ན་ཅི་ཡང་ཉེས་པ་དང་སྐྱོན་མི་འོང་ངོ། །ཞེས་དཔལ་ཆེན་པོ་ཡ་མན་ཏ་ཀས་བཀའ་སྩལ་ནས། །ཕྱག་ན་རྡོ་རྗེ་ཡི་རང་ངོ ལེའུ་གསུམ་པའོ། །དེ་ནས་ཡང་དཔལ་མ་མན་ཏ་ཀས། །ཕྱག་ན་རྡོ་རྗེ་ལ་བཀའ་སྩལ་པ། །སྤྱིར་དྲེགས་པ་བསྒྲུབ་པ་ལ་ཕོ་དང་མོ་གཉིས་ཡིན་ཏེ། །ཐབས་ཤེས་རབ་ཀྱི་ཚུལ་ལོ། །ཕོརངབཞིནཆདལབཙན། །ཆགས་པ་ཆུང་མོའི་རང་བཞིན་ཆགས་པ་ཆེ། །ཟ་ལ་དགའ། །འཁུ་ལྡོག་ཆེ་བ་ཡིན། །དེ་བས་ན་མ་མོ་ཙམ་བསྒྲུབ་པའི་དུས་སུ། །མི་དམིགས་པས་ཟིན་པ་དང་འཁོར་ནག་རང་སར་བཞག་པ་ནི་ཤིན་ཏུ་གནད་ཆེ་སྟེ། །ཐམས་ཅད་ལ་ཀུན་ཏུ་རྒྱུག་ཅིང་གནད་དུ་འགྲོ་བའོ། །ཕོ་བསྒྲུབ་ཀུན་ལ་ཡང་ཕན་པར་འགྱུར་པ་ཡིན་ནོ། །ཞེས་གསུངས་སོ། །ལེའུ་བཞི་པའོ།། །།དེ་ནས་ཡང་བཀའ་སྩལ་པ། །གུས་པས་ལེན་པའི་དུས་སུ། གོང་ལྟར་ཤེས་ཀྱང་། །འདི་ལྟར་བྱ་བ་གནད་ཡིན་ཏེ། །དགྲའི་སྲོག་དབུགས་བསྡུ་ཞེས་བྱ་བ། །ཁོའི་གོས་བྱུང་བ་ཐམས་ཅད་དགྲའི་པགས་པར་བསྒོམ། །ཁོའི་ཟས་བྱུང་བ་ཐམས་ཅད་དགྲའི་ཤའི་རང་བཞིན་དུ་བསམ། །སྐོམ་དྲངས་པ་ཐམས་ཅད་དགྲའི་ཁྲག་ཏུ་བསམ། །བདག་ཡི་དམ་ལྟར་བསམ། །ཐུགས་ཉི་མའི་སྟེང་དུ་ཛ་བསམ། །དེ་ལས་འོད་འཕྲོས་པས་དགྲ་བོའི་ཚེ་སྲོག་བཀུག་ལ་གོས་དང་། །བ་་བ་དང་། །ཟས་ལ་བསྟིམ། །དེའི་སྔགས་ལ་ཡི་དམ་གང་རུང་དུ་གསལ་བས། །ནི་ཛ་ཨུ་ཡུ་པ་ཛ་ཛ། །ཞིབ་ཏུ་བཟླས་སོ། །ཡི་དམ་ལྷ་ལ་ཕུལ་བས་དགེས། །བདག་གིས་གསོལ་བས་ཚེ་དང་ལྡན། །མཁའ་འགྲོ་ཆོས་སྐྱོངས་བསྲུངས་མ་ལ་ཕུལ་བས་མཉེས་པར་བསམ། །དེས་དགྲ་ལ་ཁ་བསྟན་དུ་འགྲོ་བ་ཡིན་ཏེ་ཐབས་ཀྱི་མན་ངག་གོ། །ཞེས་གསུངས་སོ། །ལེའུ་ལྔ་པའོ། །དེ་ནས་ཡང་བཀའ་སྩལ་པ། །བསྟན་པས་སྲུང་བར་འདོད་པས། །བརྣག་པའི་དགྲ་བོ་ཤི་ན་གཏང་རག་གཏང་པ་ལ །དགྲ་དེ་ཚན་ཆེ་སྟོབས་དྲག་རྗེས་དྲུང་པ་དྲག་ལ་མང་པོ་ཡོད་ན་ལྷས་མཐོང་པའི་གཏང་རག་བྱས་ལ། །ཡི་དམ་ལྷ་དང་མཁའ་འགྲོ་ཆོས་སྐྱོངས་ལ་རང་རང་གི་གང་ལྟར་དགོས་པའི་མཆོད་པ་བྱ། །དར་ཕག་ཏུ་ཕྱར། །ཁ་ཚགས་དམ་པར་བྱ། །དགྲ་དེ་སྟོབས་ཆུང་བ་ཅང་ཞན་པ་རྗེས་མེད་པ་ཡོད་ན་གཏང་རག་མིས་མཐོང་བར་བྱས་ལ་མངོན་དུ་དར་འཕྱར་བ་ལ་སོགས་པ་བྱ། །ཞེས་གསུངས་སོ། །ལེའུ་དྲུག་པའོ། །དེ་ནས་ཡང་བཀའ་སྩལ་པ། །རྣལ་འབྱོར་བསྟན་པ་སྲུང་བར་བྱེད་པའི་དུས་སུ། །གྲ་དེ་ལ་འབྲེལ་པ་གང་ན་ཡོད་པ་དང་། །རྩད་གང་ནས་ཡོད་པ་བྲིས་ཏེ་བཏགས་ལ་རང་གི་བག་ཟོན་ཆེ་བར་བྱས་ཏེ། །སྙིགས་མའི་དུས་སུ་གལ་ཆེའོ། །གསུངས་སོ། །ལེའུ་བདུན་པའོ།། །།ཡང་བཀའ་སྩལ་པ། །སྤྱིར་རྣལ་འབྱོར་པས་ལྷ་མོ་རེ་མ་ཏི་བསྒྲུབ་པར་འདོད་ན། །དམ་སྲི་བརྡུང་བ་དང་བསྐྲད་པ་ལ་གཙོར་བྱེད་དགོས། །དེ་ནི་ལས་ཀྱིས་མྱུར་བ་ཡིན་ནོ། །ཡང་དཔལ་མགོན་དང་འབྲེལ་ན་བཀྲ་ཤིས་སོ། །ཞེས་གསུངས་སོ། །ལེའུ་བརྒྱད་པའོ།། །།དེ་ནས་བཀའ་སྩལ་པ། །ཕྱིར་དམ་ཅན་དང་ཆོས་སྐྱོང་བསྒྲུབ་པ་ལ། །ཕོ་དང་མ་སྦྲེལ་བར་མོ་རྐྱང་དུ་བསྒྲུབ་ན། །དེ་ནང་ཟན་བྱེད་པའི་ཁྱི་མོ་དང་འདྲའོ། །མོ་དང་མ་སྦྲེལ་བར་ཕོ་རྐྱང་དུ་བསྒྲུབ་ན། །རྗེ་བོས་མ་འཆུན་པའི་འཁོར་པོ་དང་འདྲའོ། །དེ་བས་ན་ཐབས་ཤེས་རབ་ཟུར་དུ་འབྲེལ་བས་བསྒྲུབ་པར་བྱའོ། །ཞེས་གསུངས་སོ། །ལེའུ་དགུ་པའོ།། །།དེ་ནས་དཔལ་ཡ་མན་ཏ་ཀས། །གསང་བདག་ལ་བཀའ་སྩལ་པ་ཉོན་ཅིག ཁུད་འདི་ནི་འདུས་པ་ནག་མོ་གསང་བའི་རྒྱུད་ཅེས་བྱ་བ། ཁེན་ཏུ་གསང་བའི་རྣལ་འབྱོར་པ། །བདེ་བ་དང་ལྡན་པར་བྱ་བའི་ཐབས་ཁྱད་པར་ཅན་ཡིན་ཏེ། །ཀུན་ལ་མི་བསྟན་པར་སེམས་ལ་བཅང་ཞིང་གཟུང་བར་བྱ། །ཡོད་ཅེས་གྲགས་པས་མི་ངོམ། །བློ་ལ་བླངས་ལ་རི་འམ། །རྫ་འམ། །བྲག་ལ་སྦའོ། །ཞེས་དཔལ་ཡ་མན་ཏ་ཀས་གསུངས་པ་དང་། །གསང་བའི་བདག་པོ་ཡི་རང་ནས། །མངོན་པར་བསྟོད་པར་གྱུར་ཏོ། །ལེའུ་བཅུ་པའོ།། །།རལ་གཅིག་མ་ནག་མོ་འདུས་པ་ནག་མོའི་རྒྱུད་ཅེས་བྱ་བ་རྫོགས་སོ།། །།རྒྱུད་འདི་སློབ་དཔོན་རུ་བུ་སྟུ་ཡ་དེ་བ་ཙན་ཏྲས་རྡོ་རྗེ་གདན་གྱི་བྱང་ངོས་ནས་བྲག་ཕུག་སྒོང་ང་རང་འཁྲུངས་ཀྱི་ནང་ནས་བརྟན་ཏེ། །བོད་ཀྱི་བན་དེ་རྡོ་རྗེ་ཡང་དབང་གཏེར་ལ་གཏད་པའོ། །བདག་འདྲ་སངས་རྒྱས་ཡེ་ཤེས་ཀྱིས། །རྒྱ་གར་མཁས་པའི་ཞལ་བརྒྱུད་ནས། །གསང་བའི་རྒྱུད་འདི་ཞུས་ནས་བསྒྱུར། །སྤེལ་བར་མི་བྱ་སྙིང་དང་འདྲ། །ལས་འཕྲོ་ཅན་ལ་བཙས་སུ་སྦས། །དམ་ཅན་ཀུན་ལ་ཕན་ཐོགས་ཤོག། །ཤམརྒྱ༷༷ རྒྱ་རྒྱ་རྒྱ། །སྙི་ཏི།། །།