Ngb-pt-0761-vol-08-text

Body

རྒྱ་གར་སྐད་དུ། ཨུ྅་དེ་བི་ཀ་ལི་སྒུ་རྒྱ་ཏན་ཏྲ་རྭ་ཛ་ནཱ་མ། བོད་སྐད་དུ། འཕགས་པ་ལྷ་མོ་ནག་མོའི་རྒྱུད་ཀྱི་རྒྱལ་པོ་གསང་བ་ཞེས་བྱ་བ། བཅོམ་ལྡན་འདས་དཔལ་མངོན་རྫོགས་རྒྱལ་པོ་ཆེ་མཆོག་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་ཆེན་མཆོག་ཧེ་རུ་ཀ་འཇིགས་བྱེད་ཀྱི་རྒྱལ་པོ། མཁའ་འགྲོ་རྡོ་རྗེ་ལས་ཐམས་ཅད་ཀྱི་བདག་པོ། མ་མོ་ཐམས་ཅད་འདུལ་བར་མཛད་པ། དེ་བཞིན་གཤེགས་པ་ཐམས་ཅད་དང་གཅིག་ཏུ་བསྡུས་པའི་བདག་ཉིད། ཁམས་གསུམ་ན་གནས་པའི་གདུག་པ་ཅན། མ་ལུས་མི་ལུས་ལུས་པ་ཐམས་ཅད་འདུལ་བར་མཛད་པ་ཉིད་མུ་ཁ་ལེ་དང་གཉིས་སུ་མེད་པར་རོལ་པ་མཛད་པ་དེས། དྲག་པོ་ཆེན་པོ་འཇིགས་བྱེད་འབར་བ་དུར་ཁྲོད་ཆེན་པོའི་གནས་ན། ཤིན་ཏུ་འཇིགས་པའི་སྒྲ་དང་དྲག་ཤུལ་འབྱུང་བའི་གནས་སུ་མ་མོ་དང་། སྲིན་མོ་དང་། རོ་ལངས་ལ་སོགས་པ་མ་ལུས་པ་ཐམས་ཅད་ཀྱི་གནས་སུ་གྱུར་པ་དེར་ཡེ་ཤེས་ཀྱི་མ་མོ་དང་། ཡེ་ཤེས་ལས་གྱུར་པའི་མ་མོའི་ཚོགས་དང་། །སྤྲུལ་པའི་ཚོགས་ཐམས་ཅད་དང་། ལས་ཀྱི་མ་མོ་ཐམས་ཅད་ཀྱི་གཙོ་མོ་རལ་པ་གཅིག་མ་ཐམས་ཅད་དང་། ཁྲོ་མོ་ནག་མོ་ཐམས་ཅད་དང་། ཁྲོ་མོ་ལས་ཀྱི་བྲན་མོ་ཐམས་ཅད་དང་། ཁྲོ་མོ་བཀའི་ཕོ་ཉ་མོ་ཐམས་ཅད་དང་། ཁྲོ་མོ་བཀའི་ཐུགས་ཀྱི་སྤྲུལ་པ་ཐམས་ཅད་དང་། ཁྲོ་མོ་ལས་ཀྱི་སྲིན་མོ་ཐམས་ཅད་དང་། ཁྲོ་མོ་འཇིག་རྟེན་པ་ཐམས་ཅད་དང་། ཁྲོ་མོ་སྲེག་བྱེད་ཆེན་མོ་དང་། དེ་དག་གི་འཁོར་ལས་ཀྱི་སྲིན་མོ་ཆེན་མོའི་ཚོགས་དང་། ལས་ཀྱི་སྲིན་མོ་ཆེན་མོ་སེར་མོའི་ཚོགས་དང་། དམར་མོའི་ཚོགས་དང་། སྔོན་མོའི་ཚོགས་དང་། སྨུག་མོའི་ཚོགས་དང་། ཕྲ་མོའི་ཚོགས་ལ་སོགས་པ་བསམ་གྱིས་མི་ཁྱབ་སྟེ། སོ་སོའི་ཁ་དོག་དང་། དབྱིབས་དང་། རྟགས་ལ་སོགས་པའི་ཆ་ལུགས་སུ་གནས་ཏེ། དེ་དག་གི་ནང་ནཱ་འདོད་ཁམས་ཀྱི་གཙོ་མོ་ལས་ཀྱི་མ་མོ་ཐམས་ཅད་ཀྱི་ཡང་མ་མོ། ཕྱི་མོའི་ཡང་ཕྱི་མོ། རྗེ་མེའི་ཡང་རྗེ་མོ། བྲན་མོའི་ཡང་བྲན་མོ་ཞིག་གིས། བཅོམ་ལྡན་འདས་དཔལ་ཆེ་མཆོག་ཧེ་རུ་ཀ་ལ་འདི་སྐད་ཅེས་གསོལ་ཏོ། །རྣམ་དག་དབྱིངས་ལས་བྱུང་བ་མ་མོ་དང་། །བདག་དང་བདག་གིར་འཁོར་དུ་གཏོགས་པའི་མ་མོ་རྣམས། །རྟག་ཏུ་ཆེ་མཆོག་དཔལ་གྱི་བཀའ་ཉན་གྱིས། །ལས་དང་བྱ་བ་གང་ཡིན་བསྟན་དུ་གསོལ། །ཞེས་གསོལ་བ་དང་། བཀའ་སྩལ་པ། ཡང་གསང་བའི་བདེ་ཆེན་དབྱིངས་ཀྱི་མ་མོ་དང་། དཔལ་ལྡན་ནག་མོ་འཁོར་དང་བཅས་པ་རྣམས། །དཀར་མོ་བསྲུང་ཞིང་སེར་མོ་རྒྱས་པ་དང་། །དམར་མོས་དབང་སྡུད་ནག་མོས་དགྲ་འདུལ་དང་། །རྟག་ཏུ་རྣལ་འབྱོར་དོན་དང་ལྡན་པར་གྱིས། །ཞེས་བཀའ་སྩལ་ཏོ། །དེ་ནས་ཡང་དེ་ལྟ་བུའི་ལྷ་མོ་དེས། བཅོམ་ལྡན་འདས་ལ་ཕྱག་བྱས་བསྐོར་བ་བྱས་ནས། །མེ་ཏོག་གཏོར་འདི་སྐད་ཅེས་གསོལ་ཏོ། །ཀྱེ་ཧེ་ཧེ་བཅོམ་ལྡན་འདས། །དྲག་ལ་ག་་པའི་སྲིན་མོ་འདི། །ཡང་དག་དོན་ལྡན་བདེ་རྙེད་པ། །ཇི་ལྟ་བ་ཡི་ཐབས་ལས་བྱུང་། །ཞེས་གསོལ་བ་དང་། བཀའ་སྩལ་པ། དྲག་ག་་མི་སྲུན་རེ་མ་ཏི། སྔོན་ཚེ་ཇི་ལྟར་བདག་ཉིད་ཀྱིས། །བཀའ་ལ་བཏགས་ནས་མྱུར་བསྒྲུབས་ཏེ། །དེ་ལྟ་བ་ཡི་འབྲས་བུ་མིན། ཁུ་རྐྱེན་ལས་ལ་གྲུབ་པ་ཡིན། །ཞེས་གསུངས་སོ། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་རྡོ་རྗེ་འཛིན་པས་གསོལ་པ། བཅོམ་ལྡན་འདས་ལྷ་མོ་རེ་མ་ཏི་འདི་ནན་ཏན་དུ་བསྒྲུབ་པའི་ཐབས་ཅི་མཆིས། བཅོམ་ལྡན་འདས་ཀྱིས་བཀའ་སྩལ་པ། །ཇི་ལྟར་ལྷ་མོ་རེ་མ་ཏི། །དེ་ལྟར་ཡང་དག་དོན་ཞུས་པ། རྡོ་རྗེ་འཛིན་པ་ངོ་མཚར་ཆེ། །ངེས་སྨྲས་རབ་ཏུ་ཡིད་ལ་ཟུང་། །གདུག་པ་མ་ལུས་གདུལ་བའི་ཕྱིར། །ནན་ཏན་ནག་མོའི་བསྒྲུབ་པ་བཤམ། །དེ་ཉིད་གདུལ་བར་བྱ་བའི་ཕྱིར། །གཞི་ཡི་དཀྱིལ་འཁོར་རབ་བསྐྱེད་ལ། །རལ་པ་གཅིག་པའི་འཁོར་མོ་ནི། །སྔོན་མོ་ཞལ་གཅིག་ཕྱག་གཉིས་པ། །ཞིང་སོགས་དུར་ཁྲོད་ཆས་རྣམས་ཀྱིས། །རལ་གཅིག་མཛེས་པའི་ན་བཟར་བྱས། །མཆོག་གི་རལ་པ་སེ་ཡན་ཅན། །དུང་གི་ཐོར་ཚུགས་དབུ་ལ་བརྒྱན། །གཡས་ན་ཁ་ཊ༷་རྩེ་གསུམ་བསྣམས། །གཡོན་ན་བྷན་དྷ་རཀྟ་བསྣམས། །མདུན་དུ་ཨེ་ཀ་ཛ་ཏི་བསྐྱེད། །དཀར་མོ་ཧར་ཏིང་ཆེན་མོ་དང་། །དུན་ཏིང་སེར་མོ་ཤན་ཏིང་དམར། ཁྲུབ་ཏིང་ནག་མོ་ཕྱོགས་བཞིར་དགོད། །མདུན་དུ་དེ་བཞིན་བསྐྱོད་བྱས་ལ། །དབང་བསྐུར་དཀྱིལ་འཁོར་ཞེས་སུ་གྲགས། །དེ་ཉིད་བསྐྱེད་ནས་སྤྱན་དྲངས་ཏེ། །མཆོད་བསྟོད་ལས་རྣམས་བྱས་ནས་སུ། །ནམ་གྲུབ་ཚེ་ན་ཐུགས་དམ་བསྐང་། །མ་གྲུབ་བར་དུ་སྔགས་བསྐྱེད་བྱ། །བཛྲ་ཨེ་རྒྱ་ཧི་ཨེ་ཀ་ཛ་གི་སྨྱོ། ཛ་ཧུ༷་བ༷་ཧོ། བ་ཤ་ས་མ་ཡ། རུ་ལུ་རུ་ལུ། སྨྱོ་སྨྱོ་སྨྱོ་སྨྱོ། མ་ས་མ་ཡ། ཨེ་ཀ་ཛ་ཏི། བ་ཤ་རུ་ལུ་ས་མ་པ་ཊ་བཱ་ཧི། མ་མ་རུ་ལུ་སྣྲོ། རུ་ལུ་རག་མོ་སྦྱོ། ཙིསྟ་ལ་དུན་སྦྱོམ་ཧྭ་མ༷་ས་ལ་ཁུ་ཧི། ཞེས་པའོ། །ཨེ་ཀ་ཛ་ཏི་སྒྱུ་སིརྙི་ས་མ་ཡ་ད་མ་ད་མ། རུ་ལུ་རུ་ལུ་་ག་་ག་མ་སྨྱོ་དུན་སྦྱོ་ཧུ༷། ཐོད་རུས་མེ་ལྟར་འབར་བ་ལ། འོད་ཟེར་འཕྲོ་འདུ་ཀློང་དཀྱིལ་ནས། །དབང་གི་མ་མོ་རལ་གཅིག་མ། །མཐིང་ནག་སྔོན་མོ་འཇིགས་པའི་ཚུལ། །དུར་ཁྲོད་ཆས་རྣམས་སྐུ་ལ་གསོལ། །མཆོང་གི་རལ་པ་སེ་ཡན་ཅན། །རལ་པ་སྤྱང་ལོ་རེ་རེ་ལ། །དབང་གི་མ་མོ་སྤྲིན་ལྟར་གཏིབས། །དུང་གོ་ཐོར་ཚུགས་དབུ་ལ་བརྒྱན། །སྲིད་གསུམ་སྒྲོལ་བྱེད་ཁ་ཊ༷་རྩེ་གསུམ་དང་། །ཐོད་རློན་འཕྲེང་ཆེན་ལག་ན་ཐོགས། །འཁོར་དུ་རིགས་འཛིན་མ་མོས་བསྐོར། །སྤྲོས་དང་བྲལ་བས་ཞི་བ་ཆེ མ་མོ་ཐམས་ཅད་དབང་སྡུད་ཅིང་། །བདུད་སྲིན་རྡུལ་དུ་རློག་མཛད་མ། །རྣལ་འབྱོར་སྔགས་ཀྱི་དམ་གྲུངས་མ། །དམ་ལས་འདས་པའི་བདུད་གཅོད་མ། །རྣལ་འབྱོར་སྐུ་ལ་གཉེར་གནས་མ། །དབང་གི་མ་མོ་ཆེན་མོ་ཁྱོད། །གཤེད་ཆེན་མོ་ལ་ཕྱག་འཚལ་བསྟོད། །དེ་ལྟའི་འཕྲིན་ལས་བཅོལ་བ་དང་། །རྣལ་འབྱོར་སྔགས་ཀྱི་དཀྱིལ་འཁོར་དུ། །སྔགས་ཀྱི་ཡི་གེའི་ཚིགས་གྲགས་པ། །ལས་སྔགས་མ་ཡིན་བསྒྲུབ་པའི་སྔགས། །རྣམ་གསུམ་ཚུལ་དུ་བསྙེན་པ་བྱ། །རྟགས་དང་མཚན་མ་བྱུང་བ་དང་། །དངོས་གྲུབ་རྣམ་པ་གང་འདོད་བླང་། །དེ་ནས་ལས་གཞན་སྦྱོར་བ་བྱ། །ཇི་སྲིད་བསྙེན་པ་སུམ་འབུམ་བཟླས། །དེ་སྲིད་ལས་ཀྱི་སྦྱོར་བ་ནི། །གྲུབ་ནས་རྒྱུ་འདྲ་བསམ་སྟོབས་ཀྱི། །མོ་མོ་ཉིད་དུ་བདག་ཉིད་བསྒོམ། །དཔལ་ལྷ་མོ་རེ་མ་ཏི་ཤན་པ་ནག་མོའི་རྒྱུད་ལས། གཡེན་གྱི་མ་མོ་བསྒྲུབ་པའི་ལེའུ་སྟེ་གཉིས་པའོ།། །།དེ་ནས་ཡང་དག་བཤད་བྱ་བ། །ཇི་སྲིད་ཚུལ་དེ་ཐམས་ཅད་ལ། །དང་པོ་དམ་རྫས་མཆོག་བལྟས་པས། །མ་མོའི་བསྒྲུབ་རྫས་བསག་པར་བྱ། །མ་མོ་བསྒྲུབ་པའི་དུས་དེ་སྲ །རྡོ་རྗེ་རྣོན་པོའི་བྱང་ཆུབ་སེམས། །མཚལ་ཐིག་པདྨ་མ་སྣད་པ། །རྣལ་འབྱོར་མ་མོ་བརྟེན་ཕྱིར་བསག །མི་དབང་ལུས་དང་འབྲས་བུ་ནི། །ཡིག་གསུམ་རྫོགས་པའི་འབྲུ་རབ་སྟེ། །རྣལ་འབྱོར་མ་མོ་བསྒྲུབ་པ་དང་། །བོད་ཕྱིར་གཡབ་མོས་གཡབ་པར་བྱ། །སྤྱི་བླུག་སྲིད་པའི་ཁོ་མཆོག་ནི། །རྣལ་འབྱོར་དེ་ཡི་མགོ་ལ་འགོ །མ་མོ་ཐམས་ཅད་བོད་པ་དང་། །མ་མོའི་དབུ་དང་མཐུན་ཕྱིར་རོ། །ལག་ཏུ་བན་དྷའི་ཆ་ལང་ནི། །རྣལ་འབྱོར་པ་ཡིས་བརྡུང་བྱ་སྟེ། །དེ་ཡིས་ཐམས་ཅད་འབོད་པ་ཡིན། །རྐང་ཆེན་གླིང་བུ་བུས་པ་ཡིས། །དུང་སྐད་མང་པོ་སྒྲ་ཡིས་ནི། །མ་མོ་སྲིན་མོ་མཉེས་སྟོབས་ཤིང་། །དེ་ཡི་ཐམས་ཅད་དབང་དུ་སྡུད། །ལག་པའི་སོར་མོ་འཕྲེང་ཆེན་བགྲང་། །རྣལ་འབྱོར་དེ་ཡི་འཕྲེང་ཆེན་ནི། །འབྲེང་བ་ཀུན་གྱི་མཆོག་ཡིན་ཏེ། །རྣལ་འབྱོར་མ་དང་མཐུན་ཕྱིར་རོ། །བདུད་རྩི་ལྔ་དང་སྣུམ་པོས་སྦྱར། །རྣལ་འབྱོར་མ་ཡི་ཟས་མཆོག་དང་། །ཁྱད་པར་སྒོམ་ཞིང་བསགས་པར་བྱ། །དམར་གྱི་རཀྟ་ཟབ་པ་གང་། །སྣ་ཚོགས་ཁྲག་དང་སྦྱར་བ་ནི། །མ་མོ་རྣལ་འབྱོར་སྐོམ་ཡིན་ཏེ། །རྣལ་འབྱོར་དོན་ལྡན་བསགས་པར་བྱ། །རྟ་ཁྲག་དིར་བུ་མང་བཀང་ལ། །ཇི་སྲིད་ཚོགས་པ་སྦྱར་བར་བྱ། །དེས་ནི་མྱུར་དུ་འགྲུབ་པར་འཀྱུར། །དེ་ནས་གསད་པའི་ལས་བྱའི་ཕྱིར། །རབས་ཆད་ནག་པོའི་ཐོད་པ་ནི། །ཚན་ཆེན་ཟིལ་གྱིས་གནན་ཕྱིར་བསག །སྲོག་ཆགས་གདུག་པའི་པགས་པ་རྣམས། །བཟའ་བ་འབྲུབ་ཕྱིར་བསག་པར་བྱ། །ཡུངསཀར་ཡུངས་ནག་སྐྱེ་ཚེ་ནི། །ཚ་བ་བསྐྱེད་ཕྱིར་བསག་པར་བྱ། ཁྲངས་ཚེ་ལ་ཚེ་འབྲུ་མར་དང་། །ར་དུག་ལ་སོགས་སྲུབ་ལོ་ནི། །རབ་ཏུ་ཚར་བ་བསྐྱེད་ཕྱིར་བསག །ཁྲག་སྣ་དུག་སྣ་ཆུ་སྣ་ཚོགས། །དེ་ནི་གཟས་པས་བསྒྲལ་ཕྱིར་བསག །ལྕགས་ཕུར་གྲོ་ཤིང་མིང་རུས་དང་། །གཞན་ཡང་ཅི་ཕྱིར་མང་པོ་ཀུན། །དྲག་པོ་བསྒྲལ་ཕྱིར་བསག་པར་བྱ། །དཔལ་ལྷ་མོ་རི་མ་ཏི་གསང་བ་ཤན་པ་ནག་མོའི་རྒྱུད་ལས། དམ་རྫས་བསག་པའི་ལེའུ་སྟེ་གསུམ་པའོ།། །།དེ་ནས་ཡང་དག་བཤད་བྱ་བ། །ལས་ཀྱི་ཚོགས་རྣམས་རབ་བྱས་ནས། །གསད་པའི་ལས་ཀྱི་མཇུག་གཅད་པ། །སྲིད་པའི་ལྷ་འདྲེ་ཡོངས་རྒྱུ་བ། །ཁུང་བུ་རང་རྟག་གྲུ་གསུམ་བྲུ། །མིང་རུས་རྫས་དང་ཐོད་པ་ཀུན། །ཁྲུ་ཁང་སྤགས་པར་གཞུག་པར་བྱ། །ཁུང་བུ་ཁ་བཅད་མཐོངས་བརྡོལ་ནས། །རྣལ་འབྱོར་བསྒྲུབ་པའི་མ་མོ་རྣམས། །རལ་གཅིག་མས་ནི་ཡོངས་བསྐོར་ནས། །སྦྱིན་སྲེག་དང་ནི་ཕུར་ཐུན་ཀུན། བྱས་ཤིང་དེ་རུ་མིང་རུས་གཞུག །རྡོ་རྗེ་གཏུན་གྱིས་བརྡུང་བ་དང་། །ཕོ་ཉའི་སྦྱོར་བ་བྱས་ནས་ནི། །འོ་དོད་འབོད་ཅིང་ལས་རྣམས་བཅོལ། །སྲོག་ལེན་ཕོ་མོས་གསོད་པ་ཡིན། །ཡང་ན་ལོག་ལོན་ཐབས་འདི་ལྟར། །གང་ཡིན་གདུག་པའི་དགྲ་བོ་ནི། །ཕ་མེས་མགོ་བོ་དུ་མ་བླང་། །རབས་ཆད་ཐོད་པ་རློན་པ་ལ། །གསང་བའི་ངན་སྔགས་ཐུན་བསྒྲུབ་ཅིང་། །ཐུན་དྲུག་པོས་ཀྱང་བསྒྲུབ་པར་བྱ། །རེའུ་མ་རྣམས་དྲུག་རྦད་ཅིང་བརྡབ། །དེ་ནས་ཐོད་པ་གང་ཡིན་པ། །ནང་དུ་རེ་མ་རྣམ་པར་གཞུག །ཕྱི་རིམ་མ་མོའི་སྔགས་ཀྱིས་བསྐོར། །རེའུ་མར་བྱིན་བརླབས་དེ་བཞིན་ནོ། །གདུག་པ་གསད་པའི་ངན་སྔགས་ནི། །ཇི་སྲིད་རྫས་ཀྱི་དེ་བཞིན་དུ། །གསང་བའི་སྦྱོར་བའི་ལས་འདི་བྱ། །འདི་ཡི་ལས་ལ་ཁྱད་པར་དུ། །གཞན་དུ་བྱས་ན་འགྲུབ་མི་འགྱུར། །རག་མོ་ཐང་མུ་ལེ། ཐང་མ་ལེ་རྦད་རྦད། རྩ་ཐ༷་རྩ་ཐ༷་རྦད་རྦད། མུ༷་སྣི་མུ༷་སྣི་ནན་ནན། རག་མོ་དྲི་རག་མོ་དྲི། ཁ་ཡོང་རྦད་རྦད། དུག་སྣི་དུག་སྣི། ཁ་ལོང་ཙིསྟ་རྦད་རྦད། ཀྱི་ཁ་ལོང་ཀྱི་ཁ་ལོང་རྦད་རྦད། ཙ་ཏི་ཙ་ཏི་རྦད་རྦད། དྲི་སྟི་དྲི་སྟི། མུགས་མུགས་ཐུམ་ཐུམ་སུ༷་ཏི་སྟ་རྦད་རྦད། ཁ་འདར་ཡེད་ཡེད། ཐུམས་ཐུམས་རྦད་རྦད། སེ་ཁ་ལོང་མི་ཁ་ལོང་རྦད་རྦད། མི་ཡུལ་གླིང་བཞི་དམོད་མོ་འདི། །བཟླས་ཤིང་ལས་རྣམས་བཅོལ་རྒྱུར་ན། །གདུག་པ་མྱུར་དུ་གསོད་པ་ཡིན། །གསོད་པར་འགྲུབ་འགྱུར་ཐེ་ཚོམ་མེད། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། ཡང་ཏིག་བསྐལ་བའི་ལེའུ་སྟེ་བཞི་པའོ།། །།དེ་ནས་ཡང་དག་བཤད་བྱ་བ། །ཇི་སྲིད་མ་མོའི་འཁོར་ལོག་ཀུན། །ར་གཤེད་པ་ཡི་པགས་པ་ལ། །མོ་ཡི་འཁོར་ལོ་རབ་བྲིས་ཏེ། །ཞིང་ལྤགས་ཕོ་ཡིས་འཁོར་ལོ་བྲི། །བར་དུ་དགྲ་ཡི་མིང་རུས་གཞུག །དེ་ལ་ཁྲག་ཟོར་ལ་སོགས་བརྡེག །རྡོ་ཐུན་སོགས་ཀྱིས་བརྡུང་ཞིང་གསད། །དེ་དགའ་འཁོར་ལོ་བསྐོར་དུས་སུ། །གསད་པའི་ངན་སྔགས་འདི་དག་བཟླས། །རག་མོ་ཁས་ལེ་སྲོག་རྩ་རྦད་ཡ་དུན་ནི་ཁ་ལ་ཡ་དུན་ཙཀྲ་རྦད། ཙ་ཐུན་མ་ར་ཡ་ཡ་ཐུན་སོད། ཤག་ཐུན་མ་ར་ཡ་ཐུན་སོད། རུ་རུ་རག་མོ་མ་ར་ཡ་ཐུན་སོད། མ་མ་མུག་ཏི་སྒྲི་ན་ཐུན་སོད། མ་མ་ཤ་ཤ་ཐུན་ཏུ་ཐུན་སོད། མ་མ་རྦད་ཐུན་མ་ར་ཡ་ཐུན་སོད། ཤག་ཤག་རག་མོ་མ་ར་ཡ་ཐུན་མུག་ཤ་སོད། གསང་བ་གསོད་པའི་མན་ངག་འདི། །ཇི་སྲིད་ཁྲག་ལ་སོགས་པར་གསད། །དེ་ནི་སུམ་ནས་འཆི་བར་འགྱུར། །འཆི་བར་འགྲུབ་འགྱུར་ཐེ་ཚོམ་མེད། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། སྲོག་ཏིག་བཀོལ་བའི་ལེའུ་སྟེ་ལྔ་པའོ།། །།དེ་ནས་ཡང་དག་བཤད་བྱ་བ། །སྨྲས་པའི་རོ་ལ་རྣམས་སུད་ན། །དྲི་བོའི་ནང་ངན་པགས་པ་ལ། །དམིགས་པའི་མིང་རུས་བྲིས་ནས་ནི། །ཁྲག་དུག་ཐུལ་པ་ཆེན་པོ་དང་། །དེ་ལ་སོགས་པའི་གདུག་རྫས་ཀྱིས། གཤེད་པོའི་ལྕགས་ལ་འཁོར་ལོ་བྲི། །དེ་གཉིས་བར་དུ་ཁ་སྦྱར་ནས། །བསམ་གཏན་དྲག་པོའི་སྦྱོར་བ་ཡིས། །བསྒྲུབ་བྱ་བཀུག་ཅིང་རྣམ་པར་བསྟིམ། །ལྟས་ངན་པགས་པས་བརྡབ་ཅིང་གསད། །རུས་གཤེད་ཐོད་པས་གཞུག་པར་བྱ། །གོང་གི་ཐོད་པས་བརྡབ་པར་བྱ། དེ་ནས་ཐོད་པ་ནག་པོ་དེ། །མཁར་ནག་དག་གིས་བསྡམས་ནས་སུ། །དམིགས་ནས་གཏད་ཅིང་རབ་ཏུ་གཞུག །དེ་ནས་དྲག་པོའི་ལས་བྱའི་དུས། །ཇི་སྲིད་འདི་ཡི་ལས་རྣམས་ལ། །གདུག་པའི་ཐུན་གྱིས་སྔགས་འདི་བསྒྲུབ། །ཧེ་ཧེ་མ་དུན་མ་དུར། རག་མོ་ནི་ཤམ་ཀུ་རུ་རྦད། དུན་ཏིང་དུན་ཏིང་ས་མ་ཡ། མ་ཤ་ཁ་མ་ལ་རྦད། ཕར་ལ་ཁྱུང་ཏིང་རྦད། སྐྲུ་ན་ཤ་ཏྲ་ལྡིབས། ཁ་ལོ་མུ་ལོ་དུན་ཏིང་སེན་མེན་ཡ༷། ནི་ཤ་ཀུ་རུ་དུན་ཏིང་རྦད། སུན་ས་ཏི་ཨི་ཏི་ཡ་རྦད། གསང་བ་གསད་པའི་ངན་སྔགས་འདི། །གོང་མའི་རྫས་ཀྱིས་བརྡེག་ཅིང་གསད། །དེས་ནི་རྩ་བའི་གཅོད་པ་ཡིན། །ལས་འདི་གྲུབ་པར་གདོན་མི་ཟ། །དཔལ་ལྷ་མོ་རེ་མ་ཏི་ཤན་པ་ནག་མོའི་རྒྱུད་ལས། སྙིང་ཐིག་བཀོལ་བའི་ལེའུ་སྟེ་དྲུག་པའོ།། །།དེ་ནས་ཡང་དག་བཤད་བྱ་བ། །དྲག་པོའི་ཆུ་མིག་ཡོད་པའི་སར། །རབས་ཆད་ཐོད་པར་གཟུགས་བཅས་ལ། །གོམ་གང་སྤགས་པར་གཞུག་པར་བྱ། །དེར་གང་གཟས་པ་བོད་པར་བྱ། །མི་བཟོད་སྨྲེ་སྔགས་གཏོན་ནས་ནི། །ཐོད་ཟོར་འཕང་ཞིང་གཏོར་མ་བརྡེག །དེ་ཡིས་འཆི་འགྱུར་གདོན་མི་ཟ། །དེ་དག་ལས་འདི་བྱེད་དུས་སུ། །གདུག་ཅིང་དྲག་པོའི་ངན་སྔགས་འདི། །དེ་དག་རྫས་ལ་བཟླས་ཤིང་བརྡེག །ཏིས་ཕུར་སོད། ནིས་ཕུར་སོད། དུར་མིན་སོད། དེ་བ་ནན་རམ་སོད། དེ་ཡང་སོད། དེ་བ་སེ་རྐང་སོད། བྱ་རྐང་སོད། རྐང་ཀྲ་མ་སོད། གསང་བ་གསོད་པའི་ངན་སྔགས་འདི། །གོང་མའི་རྫས་ལ་རབ་བསྔགས་ཏེ། །དེས་རྟོགས་མ་ལུས་གསད་པར་འགྱུར། །ཕུང་བར་འགྱུར་བར་ཐེ་ཚོམ་མེད། །དཔལ་ལྷ་མོ་རེ་མ་ཏི་གསང་བཤན་པ་ནག་མོའི་རྒྱུད་ལས། ཕུང་ཏིག་བཀོལ་བའི་ལེའུ་སྟེ་བདུན་པའོ།། །།དེ་ནས་ཡང་དག་བཤད་བྱ་བ། ལས་ལྔ་ཐོད་པའི་ལས་ཡིན་ཏེ། །ལས་དེའི་ལས་ནི་ཇི་བཞིན་བ། །གཞན་གྱི་ལུས་ལ་འབྱུང་མི་འགྱུར། །འདི་ཡི་ལས་ལ་ཁྱད་གསུངས་པ། །གསོད་པ་མང་པོ་ཐམས་ཅད་ཀྱིས། །དགྲ་བོ་མ་ལུས་གསོད་པ་ཡིན། །གསད་པར་འགྲུབ་འགྱུར་ཐེ་ཙོམ་མེད། །རྦད་དུ་རྦད་དུ། ཡག་མོ་སོད་ཅིག་སོད་ཅིག །ཐུམ་རི་ལི་ལི་ཛ། རྦད་རུ་བོད་སྲཡག་མོ་སོད་ཅིག་སོད་ཅིག །ཐུམ་རི་ལི་ལི་དྲི་ཛ། ཁ་འདར་མ་སོད་ཅིག་སོད་ཅིག །ཐུམ་རི་ལི་ལི་དྲི་ཛ། གོང་མའི་རྫས་ལ་རབ་བསྔགས་ཏེ། །གདུག་པའི་གནས་སུ་བརྡེགས་གྱུར་ན། །གང་ཡིན་པ་ཡི་དགྲ་བོ་དེ། །གསད་པར་འགྲུབ་འགྱུར་ཐེ་ཚོམ་མེད། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། སྦྱོར་ཏིག་བཀོལ་བའི་ལེའུ་སྟེ་བརྒྱད་པའོ།། །།དེ་ནས་ཡང་དག་བཤད་བྱ་བ། །ཁུང་བུ་རབ་ལྡན་སྦྱོར་བས་ནི། །གསད་པའི་སྦྱོར་བ་རབ་བརྩམས་ནས། །ཁུང་བུ་དྲུག་ནི་ལེགས་བྲུས་ན། །འབྲུ་ཐུན་ལ་སོགས་ཁུང་བུ་ཀུན། །ཨེ་ཡི་དབུས་སུ་རབ་ལྡན་ལ། །འོད་ཟེར་མང་པོ་ཀུན་ལ་སྤྲོ། །དེ་ནང་སྲིན་མོ་མ་མོ་དང་། །ལས་ཀྱི་མ་མོ་བཀུག་ཅིང་བསྟིམ། །དེ་ཡི་སྦྱོར་གསང་ཞལ་གྱི་ནང་། །འོད་ཟེར་དམར་ནག་རབ་འཕྲོ་བར། །གདུག་པ་རྣམ་པར་དགུག་བྱ་བ། །དེ་ནས་སྙིང་ཁའི་ས་བོན་ལས། །འོད་ཟེར་འབུམ་དུ་རབ་ལྡན་པས། །བསྒྲུབ་བྱ་ལྕགས་ཀྱུས་བཟུང་ནས་ནི། །ཞགས་པ་ཡིས་ནི་རྣམ་པར་བསྟིམ། །དེ་ནས་རྡོ་རྗེའི་སྒྲོག་ཏུ་གཞུག །དེ་ནས་གདུག་པ་གང་ཡིན་པ། །རླུད་གི་རྔ་མོ་རྒྱབ་ཏུ་བསྐྱིན། །དེ་ནི་ལྕགས་ཀྱུས་བཟུང་ནས་ནི། །ཐོ་བ་ཅན་གྱིས་བརྡེགབཞིནདུ། །ནངདུ་རྣམ་པར་འོངས་ཙམ་ན། །ཁ་སྦྱར་སོ་སོར་ཕྱེ་ནས་ནི། །དེ་ནི་ཟོར་གྱིས་གསོད་པ་ཡིན། །གསད་པར་འགྲུབ་འགྱུར་ཐེ་ཙོམ་མེད། །མ་སྨྱུ་རག་མོ་ཐུམ་ལིས། སྙིང་རྩ་འདུས་སྲོག་སྲིག་སྲིག ཁྲམ་ཤམ་ཁྱེར་སྨྱོ། སྙིང་ཁྲག་རྩ་བྲེང་བྲེང་རྦད། ཨོ་ཛ་ལ་ཛ་ལ་ཧུ༷་ཕཊ། མ་ཧྭ་སྲོག་ཏུག་ཏུག་ཁྲག་རླུད་སྙིང་རྦུད། མ་ཧྭ་ཐུམ། སྙིང་ལ་མུ་ར་ཡ་ཕཊ། སྲོག་ལ་མ་སྨྱོ། ཁ་ཐུན་དྲི་ཛ་ཛ། གང་ཕྱིར་མ་མོ་ཐམས་ཅད་ཀུན། །རྗེས་སུ་འབྲང་བར་བཤད་པ་ཡིན། །རྗེས་འབྲང་མ་མོ་མང་པོ་རྣམས། །འདི་ལྟར་རབ་ཏུ་འདུ་བ་ཡིན། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། དགུག་ཏིག་བཀོལ་བའི་ལེའུ་སྟེ་དགུ་པའོ།། །།དེ་ནས་ཡང་དག་བཤད་བྱ་བ། །ཐོད་ཟོར་འཕངས་བའི་ལས་དག་ནི། །མོན་ནམ་རབས་ཆད་ཐོད་པ་སྲ །ཁྲག་སྣ་དུག་སྣ་འབྲུ་སྣ་ལ། །དྲག་སྔགས་བཟླས་ཤིང་རབ་འབྱོར་བས། །ནང་དུ་དཀྲུག་ཅིང་སྔགས་བསྒྲུབ་བྱ། །དེ་ནས་འཕན་པའི་དུས་དག་ཏུ། །བོང་བུ་ཞོན་ཞིང་བདུད་ཆས་ཞུགས། །ཞིང་ཆེན་གཡབ་ཅིང་གསུར་ཆེན་བཏང་། །དེ་ཡི་ལས་ཀྱི་རིམ་པ་ནི། །མ་མོའི་ཚོགས་རྣམས་རབ་བསྐུལ་ནས། །མཇུག་ཏུ་ཐུན་སྔགས་མང་དུ་བཟླས། །དེ་ནི་མྱུར་དུ་གསོད་པ་ཡིན། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། ཐོད་ཟོར་གསང་བའི་ལེའུ་སྟེ་བཅུ་པའོ།། །།རྡོ་རྗེ་འཛིན་པས་ཡང་གསོལ་བ། ཀྱེ་བཅོམ་ལྡན་འདས། བསྒྲུབ་པའི་སྔགས་སུ་གང་འགྲོ་བ། །རིམ་པ་ཡང་དག་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །མ་མོ་བསྒྲུབ་པའི་སྔོན་དུ་ནི། །དབྱེར་མེད་གསང་བའི་དམ་ཚིག་འགྲོ། །སེམས་རྩེ་གཅིག་ཏུ་བསྡུས་ལ་ཉོན། །དང་པོ་སྔགས་པ་ཐམས་ཅད་ཀྱིས། །རང་ལུས་ལྷ་ཡི་ཕྱག་རྒྱར་བསྒོམ། །ངག་ནི་རྡོ་རྗེ་བཟླས་མཐུན་པར། །སྔགས་ཀྱི་བཟླས་པ་རབ་ཏུ་བྱ། །ཡིད་ནི་ཏིང་འཛིན་རྩེ་གཅིག་ལྡན། ལྷན་ནེ་གསང་བར་རབ་ཏུ་བྱ། །རྣམ་དག་དབྱིངས་སུ་རོ་གཅིག་པས། །བདེ་གཤེགས་སྤང་ལེན་མི་བྱའོ། །བླ་མ་ཁྱད་པར་མཆེད་ལྕམ་བུ། །སྐད་ཅིག་གཅིག་གིས་སྨད་མི་རུང་། །ཡང་དག་དངོས་པོ་རྫུན་ཡིན་ཏེ། །མ་བྱིན་གཞན་ནོར་བླང་བར་བྱ། །གཞན་གྱི་བུ་མོ་སྤྱོད་པར་བྱ། །ཡུལ་དང་ཡུལ་ཅན་བསྒྲལ་བར་བྱ། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་མི་སྤང་ངོ་། །བྱང་ཆུབ་སེམས་དང་རཀྟ་དང་། །དྲི་ཆེན་དྲི་ཆུ་ཤ་ཆེན་དང་། །སྔགས་པས་སྤང་བར་མི་བྱའོ། །ཁྱད་པར་མ་མོའི་དམ་ཚིག་ནི། །ནལ་ཕྲུག་མདངས་དང་བཅས་པ་ལ། བྱམས་པའི་སེམས་ནི་མི་སྤོང་ངོ་། །སྨྲས་པའི་བུད་མེད་མ་གཏོགས་པ། །བུད་མེད་གཞན་ལ་ཆགས་སེམས་བསྐྱེད། །མགར་བ་བརྟེན་པ་སྤང་བར་བྱ། །ཕག་རྫི་བྱམས་པ་སྤང་མི་བྱ། །རླུད་ནག་ཚུབ་མ་མཆོད་མི་སྤང་། མཐུ་རྟེན་བསྒྲུབ་པའི་རྫས་མི་སྤང་། །ཡི་དམ་རྟགས་ཆན་སྤྱིན་མི་བྱ། །རྟགས་ཆེན་བཟླས་པ་མི་བསྟན་ནོ། །ཐམས་ཅད་བདེན་གཉིས་ལྟ་བའི་གདེང་། །རྫས་དང་ལག་ཆ་སྤྱོད་པའི་གདེང། །དེབཞིནབགྲུངབདམཚིགགདེང། །ཇིལྟའི་དོན་ཤེས་མ་མོའི་གདེང་། །ལྷ་མོའི་དུས་སུ་བྱམས་པ་དང་། །བདུད་མོ་ལས་དུས་དང་པའི་སེམས། །སྲོག་གི་ཕྱིར་ཡང་མི་གཏང་ངོ་། །ཁྱད་པར་མ་མོ་ལས་བྱེད་ཀྱང་། བུད་མེད་སྦྱོར་བ་བསྟེན་པར་བྱ། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། བསྲུང་བ་དམ་ཚིག་གི་ལེའུ་སྟེ་བཅུ་གཅིག་པའོ།། །།དེ་ནས་ཡང་དག་བཤད་བྱ་བ། །དང་པོར་མ་མོ་བསྒྲུབ་གནས་ནི། །རི་ཟླུམ་དག་གམ་ཆུ་བོའི་འགྲམ། །བྲག་ཕུག་དབེན་དགོན་བཀྲ་ཤིས་པའི། །དྲག་པོ་བསྒྲུབ་པའི་གནས་དག་ནི། །གནས་ནི་གྲིབ་མེད་ས་གྲུ་གསུམ། །དུར་ཁྲོད་མ་མོ་ཡོད་པའི་སར། །ཏིང་འཛིན་ཆོ་ག་གསུམ་རྫོགས་པས། །དྲག་པོའི་ལས་འདི་བརྩམས་གྱུར་ན། །དེ་ནི་མྱུར་དུ་འགྲུབ་པར་འགྱུར། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། གནས་བཙལ་བའི་ལེའུ་སྟེ་བཅུ་གཉིས་པའོ།། །།དེ་ནས་ཡང་དག་བཤད་བྱ་བ། །མ་མོ་རྟོགས་པའི་དམ་ཚིག་ནི། །ཇི་སྲིད་དང་པོ་དེ་གནས་པའི། །དཔའ་བོར་བཅོམ་ལྡན་བདེ་ཆེན་ལས། །ཇི་སྲིད་མ་མོ་དྲུག་ཏུ་སྲིད། །ཇི་སྲིད་མ་མོ་དྲུག་པོ་ལས། །ཡེ་ཤེས་མ་མོ་བཅུ་བཞི་སྲིད། །དེ་ལས་སྤྲུལ་པའི་མ་མོ་སྲིད། །དེ་ནས་རང་རྒྱུད་མ་མོ་དང་། །ལས་ཀྱི་མ་མོའི་ཚོགས་རྣམས་སྲིད། །གལ་ཏེ་དེ་ལས་རང་བྱུང་ཡང་། །འདི་ནི་དེ་ཡི་དབྱིངསམཆོགཡིན། །མམོ་རྣམ་དག་སྟོང་པའི་དབྱིངས། །མ་མོ་བདལ་བ་ཕྱག་རྒྱའི་སྐུ། །སེམས་ཀྱི་སེམས་ཉིད་མ་མོ་ཡིན། །བཀའ་ཡི་མཚན་ཉིད་མ་མོ་ཡིན། །དེ་ནི་ལྟ་བའི་མ་མོའོ།། །།དེ་ནས་ཡང་དག་བཤད་བྱ་བ། །སྣང་སྲིད་སྐྱེ་འགྲོ་ཇི་སྙེད་པ། །ཐམས་ཅད་མ་མོའི་དཀྱིལ་འཁོར་ཉིད། །འདི་དང་ཅིག་ཅེས་བརྗོད་དུ་མེད། །ཅི་ཡི་ཕྱིར་ན་འདི་ཡིན་ཏེ། །འདི་སྙིད་ཕྱིར་ནི་མ་མོའོ། །ཐམས་ཅད་འདུས་པའི་རྣལ་འབྱོར་ཚོགས། །ཞི་བ་བྱམས་ལྡན་ཐུགས་རྗེའི་ཚོགས། །གཉན་པོའི་གདུལ་བྱ་དབང་གི་ཚོགས། །ལས་བྱེད་ཕུང་བྱེད་ནག་མོའི་ཚོགས། །འདི་དག་དོན་ལ་རག་གནས་ན། །རྣལ་འབྱོར་དེ་ཡིས་མྱུར་དུ་འགྲུབ། །ཨེ་མ་ཧོ་མ་མོའི་དཀྱིལ་འཁོར་ཉིད། །ཨེ་མ་ཧོ་ཐམས་ཅད་མ་མོ་ཉིད། །ཨེ་མ་ཧོ་མ་མོ་རྫོགས་པ་ཉིད། །ཨེ་མ་ཧོ་མ་མོ་དོན་དམ་ཉིད། །ཐམས་ཅད་མ་མོའི་དཀྱིལ་འཁོར་ཉིད། །ཐམས་ཅད་ཐམས་ཅད་མ་མོ་ཉིད། །ཐམས་ཅད་ཅི་ལྡན་འཁོར་ལོའི་ལམ། །འདི་ཞེས་གཅིག་ཅེས་བརྗོད་དུ་མེད། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། སྣང་སྲིད་ཐམས་ཅད་མ་མོར་བསྒྲུབ་པའི་ལེའུ་སྟེ་བཅུ་གསུམ་པའོ།། །།དེ་ནས་རྡོ་རྗེ་འཛིན་པས་གསོལ་བ། དམ་ཚིག་སྔོན་དུ་བསྲུང་བའི་མིས། དམ་ཅན་ཡོངས་སུ་བསྟེན་འདོད་པའི། །ལས་ཀྱི་སྔོན་དུ་གང་འགྲོ་བ། །ཡང་དག་རྫོགས་ཀྱིས་བཀའ་སྩལ་ཅིག །བཅོམ་ལྡན་འདས་ཀྱིས་བཀའ་སྩལ་པ། །དམ་ཚིག་སྔོན་དུ་རབས་སྲུང་བས། །དམ་ཅན་བསྟེན་པའི་སྐལ་མེད་ཕྱིར། །སྐལ་དང་ལྡན་པ་དབང་གི་མཆོག །ཁྱོད་ལ་ལེགས་པར་བསྟན་པར་བྱ། །ས་གཞི་དགའ་བའི་ས་ཕྱོགས་སུ། །ཡིད་འོང་ལེགས་པའི་དཀྱིལ་འཁོར་ནི། །ཁ་དོག་ཉི་ཤུ་རྩ་ལྔ་ནི། །ལྔ་ཡི་ཚོགས་ཀྱི་ལེགས་བྲིས་ནས། །དེ་ནས་རྣལ་འབྱོར་དོན་ལྡན་པས། བུམ་པ་ལྔ་འམ་ཉི་ཤུ་ལྔ། །མར་སོགས་སྙིངས་པོ་སྨན་དང་འབྲུ། །དྲི་དང་མི་འཆི་ཉི་ཤུ་ལྔ། །དེ་ལ་སོགས་པའི་རྣམ་པ་ནི། །ཁ་དོག་བབ་ཀྱི་དམ་པ་དང་། །དྲི་དང་རོ་དང་ཁ་དོག་ལྡན། །དེ་ཡིས་ལེགས་པར་བཀལ་བ་དང་། །གཙོ་མོའི་སྔགས་ཀྱིས་བསྒྲུབ་པར་བྱ། །དེ་ནས་རྡོ་རྗེ་སློབ་མ་གཞུག །ཇི་སྲིད་བ་གླང་གླང་པོ་ཆེ། །རབ་ཏུ་གཅེས་དང་ཡིད་འཐད་དབུལ། །དེ་ནས་ཚོགས་ཀྱི་ལམ་རྫོགས་ནས། བུམ་པའི་ཆུ་ཡིས་དབང་བསྐུར་སྦྱིན། །གནས་གསུམ་ཉིད་བཞི་གསུམ་གནས་ལ། །ཡེ་ཤེས་མ་མོ་གཤེགས་པ་བསྟིམ། །གཞན་ཡང་ཅི་རིགས་དེ་བཞིན་བསྐུར། །དེ་ནས་གསད་དང་ཤིན་ཏུ་གསང་། །དབང་མཆོག་ཐོབ་པའི་སློབ་མ་ཡིས། །ཡང་དག་བླ་མེད་ཅི་ནུས་དང་། །ལས་རྣམས་བསྒྲུབ་ལ་ཐོགས་པ་མེད། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། །དབང་བསྐུར་བའི་ལེའུ་སྟེ་བཅུ་བཞི་པའོ།། །།དེ་ནས་ཡང་དག་བཤད་བྱ་བ། །སྔགས་ཀྱི་སྙིང་པོ་འདི་ལྟ་སྟེ། །དང་པོར་ཉོན་མོངས་རྒྱུ་བའི་སྔགས། །ཉིན་མོ་རྟག་ཏུ་བཟླས་པར་བྱ། །ཏྲག་རཀྟ་མུ་ཏྲ་མུ་རུ་ལུ་རུ་ལུ་ཧུ༷་སྨྱོ། མཚན་མོ་རྒྱུ་བའི་སྔགས་རག་མོ་ཏེ་ཀེ། ཁ་ལ་ཙ་ཙ་མ་སྨྱོ། དེ་ནས་ལས་ལ་གཏང་བ་ནི། གཉིས་རི་གསུམ་འདུས་པའི་རྩེ་མོ་ལ། །གསུར་ཆེན་བཏང་ཞིང་ཅང་ཏེའུ་བརྡུང་། །འོ་དོད་ཆེན་པོ་འབོད་པར་བྱ། །མ་མ་ཨ་ཤ་ཛ་ལ་ཧྲི་སྨྱོ། མ་མ་ནི་སྲོག་ཛ་ལ་ཧུ༷། ཨོ་རུ་རུ་བག་ཤ་ཧུ༷།མ་ནི་ཁ་ལོ་མུ་ཁ་ལེ་སྦྱོ་སྨྱོ་ཛ་ཛ། རང་སྙིང་ས་བོན་སྦྱོར་བ་ཡིས། །མ་མོ་ཐམས་ཅད་རབ་ཏུ་བསྐུལ། །ཡང་ན་མ་མོ་སྟོང་གསུམ་གང་། །དེ་ཡིས་ཐམས་ཅད་གསོད་པ་ཡིན། །དེ་ནས་ཡང་དག་བཤད་བྱ་བ། །སྔགས་ཀྱི་ཁམ་བུ་དང་པོ་ལ། །ངོས་རེར་དགྲ་ཡི་གཟུགས་བྲིས་ལ། །ཁྲག་དུག་ཐལ་བས་ངོས་ཀུན་བྱུག །དེ་དག་དེ་ལ་དགུག་བྱས་ནས། །དེ་ནས་མ་མོའི་ཐུན་སྔགས་འདི། །གདུག་པའི་རྫས་ལ་གདབ་ཅིང་བཟླས། །དེ་ཡིས་མ་ལུས་གསོད་པ་ཡིན། །ཨེ་མ་མ་སྒག་རཀྟ། བཛྲ་ཁ་རག་སྙིང་ཁ་རག་སྨྱོ། རུ་ལུ་རུ་ལུ་སྨྱོ། ཐག་རསྒ་ཁ་མུན་ཏྲ་རག་མོ་ཛུ་ཛུ། མུ་ར་ཡ་ཐུན་ཡ། ་ག་རསྒ་ཁ་ལ་མ་ཏྲི་མ་ར་ཡ་ཐུན་ཡ། སྒག་རསྒ་མུ་ཏྲ་མ་སྙིང་ཁ་རག་མ་ར་ཡ་ཐུན་ཡ། དེ་དག་དེ་བཞིན་བཟླས་བྱས་ཤིང་། །བཏབ་ནས་གཏོར་མར་བཏབ་པ་དང་། །གོང་མའི་འཁོར་ལོའི་ལས་རྣམས་བྱ། །དེ་ཉིད་དུ་ནི་བརྡུང་བའི་སྔགས། ཨོ་མ་མ་སྒག་རསྒ་མ་ར་ཡ་ཐུན་ཡ། སྒག་རསྒ་ཙ་པ་ལ་མ་ར་ཡ་ཐུན་ཡ། ་ག་རསྒ་སྙིང་ལ་ཟ་བ་ཙིཏི་ལ་མ་ར་ཡ་ཐུན་ཡ། ་ག་རསྒ་མུ་ཏྲ་མ་ར་ཡ་ཐུན་ཡ། ཨོ་རུ་རུ་རོ་རུ་མ་ར་ཡ་ཐུན་ཡ། ་ག་རསྒ་རུ་རུ་རསྒ་ནན་མྱ་ར་ཡ། ་ག་རསྒ་རུ་རསྒ་མ་ར་ཡ་ཐུན་ཡ། སྒག་རསྒ་ཤ་རུ་ལུ་རུ་ལུ། རསྒ་མ་ར་ཡ་ཐུན་ཡ། ཏྲག་རསྒ་རུ་རུ་རོ་རུ་རུ་ལུ་ཙསྒ་མྱ་ར་ཡ། དེ་དག་དེ་བཞིན་བཟླས་ཤིང་བརྡུང་། །སྐབས་སུ་དྲག་པོའི་ཕོ་ཉ་གཏང་། །ཉིན་སྔགས་མཚན་སྔགས་དེ་བཞིན་བྱ། །དེས་ནི་མྱུར་དུ་གསོད་པ་ཡིན། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། འཁོར་ལོ་དཀྲུག་བསྐོར་གྱི་ལེའུ་སྟེ་བཅོ་ལྔ་པའོ།། །།དེ་ནས་ཡང་དག་བཤད་བྱ་བ། །མ་མོ་ལས་ལ་མ་ཚུད་ན། །དེ་ཉིད་དབང་དུ་བསྡུ་བ་དང་། །རྣལ་འབྱོར་དམ་ལ་གདགས་པ་ནི། །མཎྜལ་བྱང་ཤར་ས་ཕྱོགས་སུ། །ཁྲག་གི་མཎྜལ་རབ་བྱས་ནས། །དེ་ལ་དམིགས་པའི་མ་མོ་དེ། །རྟ་ནག་སོག་པ་དག་ལ་གདགས། །དེ་ལ་སྤྱན་དྲངས་དག་ཅིང་བསྟིམ། །དེ་ནས་བདག་ཉིད་ཏིང་འཛིན་གྱིས། །ནལ་བུའི་པགས་པ་རྡབས་ནས་ནི། །མ་མོ་དགུག་པའི་སྔགས་འདི་བཟླས། །ཨོ་བཛྲ་ཀྲོ་དྷ་ནི། ཨེ་ཀ་ཛ་གི་ཧུ༷་ཧུ༷། རསྒ་རསྒ་ཧ་ཧ། དམ་དམ་དམ་ལ་མ་མོ་སྨྱོ་སྨྱོ། རུ་ལུ་རུ་ལུ་རག་མོ་སྨྱོ། ཙིསྟ་མང་པོ་ལ་ཐུན་སྨྱོ། ཤི་ལི་ཤི་ལི་ཀི་ཀི་ལ་ཧུ༷། ཀ་རསྒ་ཀྟ་ལ་ཧུ༷། ཤ་ཀ་ལི་ཧུ༷། བུ་པི་ཀི་ན་ཧུ༷། ཡ་མ་གྲི་ནི་ཡ༷། ལུ༷་པ་ཏི་ཡ༷། སྣ་རོག་མ་ཏི་ཡ། བི་ལི་མ་ཏི་་མ་ཡ༷། ཞེས་བྱ་བ་དེ་དག་ནི། བཀྲུག་པའི་སྔགས་སུ་ཤེས་པར་བྱ། །ཐུགས་ཀའི་འབྲས་བུའི་འོད་ཟེར་ལས། །མེ་དཔུང་འབར་བ་འཁྲོས་པ་ཡིས། །གང་ཡིན་གཟུགས་ཀྱི་སྲོག་ཕྲོགས་ནས། །དེ་ནི་མྱུར་དུ་སྲེག་པ་ཡིན། །སྲོག་ཛ་ལ་ར༷། རག་མོ་སྙིང་ཁྲག་རྩ་བྲེང་བྲེང་། ཏི་ཏོ་མ་ར་ཡ་ཛ། འོད་ཟེར་བདུད་རྩིའི་སྦྱོར་བ་ཡིས། །མ་མོའི་སྙིང་པོ་བསྐུལ་ནས་བསྐྱེད། །དེ་ནས་དམ་ཚིག་བསྣན་ཅིང་བསྲེ། །དབང་བསྐུར་གང་ཡིན་ལས་རྣམས་བཅོལ་བར་བྱ། །ལས་རྣམས་མངོན་དུ་གྲུབ་པ་དང་། །གཏོར་མ་ཆེན་པོ་གཏང་བར་བྱ། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། མ་མོ་དབང་དུ་བསྡུ་བ་དང་། སྲོག་བཅུད་ལ་དབབ་པའི་ལེའུ་སྟེ་བཅུ་དྲུག་པའོ།། །།དེ་ནས་ཡང་དག་བཤད་བྱ་བ། །འདོད་ཁམས་དབང་སྒྱུར་རེ་མ་ཏི། །ནན་ཏན་བྱས་ཏེ་བསྒྲུབ་པ་ནི། །ཇི་སྲིད་ཡང་དག་བསྒྲུབ་གནས་སུ། །དཀྱིལ་འཁོར་རིམ་པ་གཞལ་ཡས་ཁང་། ཁུ་གསུམ་བཞི་བརྩེགས་ཟླ་ཁམ་ལ། །ཨེ་བདུན་མ་མོ་བདུན་གྱི་གདན། ཁྲུ་ཆད་བར་ཁྱམས་ཞིང་བསྣོལ་བྱ། །སྒོ་དང་སྒོ་ཁྱུད་དེ་བཞིན་བྱ། །དེ་སྟེངས་བདག་ཉིད་ཆེན་པོ་ནི། །ཁ་དོག་གཟི་བརྗིད་ཆ་ལུགས་ལྡན། །གཉིས་མེད་ཡུམ་དང་སྦྱོར་བ་ལས། །རླུ་་ནག་བོང་ནག་རེ་མ་ཏི། །ནག་མོ་ར་ལྡེ་གོས་སུ་གོན། །དབུ་གཅིག་ཕྱག་བཞི་འཇིགས་པ་ལ། །ཏྲི་ཤུལ་བན་དྷ་གཡོན་ན་བསྣམས། །རལ་གྲི་ལྕགས་ཀྱུ་གཡས་ན་བསྣམས། །འཁོར་མོ་རིགས་བཞི་སྟོང་གིས་བསྐོར། །ནམ་མཁའི་དཔལ་མོ་བརྩོན་ལ་སོགས། །དྲེའུ་སྣ་དབྱིངས་ཀྱི་མ་བདུན་དང་། །སྤྲུལ་པའི་མ་བཞི་ལས་ཀྱི་མ་བཞི་དང་། །སྐྱོང་མ་བདུན་ལ་སོགས་པ་བསྐྱེད། །དེ་ནས་དབྱིངས་ནས་སྤྱན་དྲངས་ཏེ། །ལྕགས་ཀྱུའི་ཕྱག་རྒྱ་བྱས་ནས་ནི། །སྤྱན་དྲངས་མཆོད་ཅིང་བཞུགས་སུ་གསོལ། །ཧུ༷། ནམ་མཁའི་དབྱིངས་ཀྱི་དཀྱིལ་འཁོར་ནས། །ཐབས་ཆེན་གསང་བའི་དབང་ཕྱུག་མ། །འདོད་ཁམས་དབང་སྒྱུར་རེ་མ་ཏི། །བདུད་ཀྱི་ཡུལ་ལ་གཤིན་རྗེའི་ལྕམ། །ལས་ལ་དབང་སྒྱུར་སྲིད་པའི་ཡུམ། །དཔལ་ལྡན་ནག་མོ་གཤེགས་སུ་གསོལ། །ཁམས་གསུམ་ཡོངས་ཀྱི་དཀྱིལ་འཁོར་ནས། །སྲིད་པ་ཡོངས་ཀྱི་ཡུམ་ཅིག་མ། །ཟ་བྱེད་དཔལ་འབར་རེ་མ་ཏི། །བཀའ་ཡི་གྲོགས་མོ་གཤེགས་སུ་གསོལ། །འདོད་ཁམས་གཟུགས་ཁམས་དཀྱིལ་འཁོར་ནས། །ཐམས་ཅད་མ་མོའི་དཀྱིལ་འཁོར་མཆོག །དྲེ་སྣ་ཁྲི་སྨན་གྱིན་ཏིང་མ། །བཀའ་ཡི་གཡོག་མོ་དབྱིངས་ནས་བཞེངས། །འདོད་ཁམས་ཡོངས་གྲུབ་དཀྱིལ་འཁོར་ནས། །དོན་དམ་གསང་བའི་བཀའ་ཉན་མ། །གསང་ཆེན་བཀའ་ཡི་ཕོ་ཉ་མོ། །དབྱིངས་ཀྱི་མ་བདུན་གཤེགས་སུ་གསོལ། །འདོད་ཁམས་ལས་ཀྱི་དཀྱིལ་འཁོར་ནས། ཁྲན་པ་སྲོག་ལེན་སྲིད་པའི་བདག །སྣང་སྲིད་ཐམས་ཅད་སྤྲུལ་པའི་ཡུམ། །དྲག་པོའི་མགོ་བརྙན་གཤེགས་སུ་གསོལ། །རི་རབ་གླིང་བཞིའི་དཀྱིལ་འཁོར་ནས། །ཐམས་ཅད་མ་མོའི་དཀྱིལ་འཁོར་མཆོག །དྲག་པོའི་ལས་ཀྱི་སྲིང་ཅིག་མ། །གཞལ་ཡས་སྒོ་སྐྱོང་གཤེགས་སུ་གསོལ། །རྒྱ་མཚོའི་གླིང་གི་དཀྱིལ་འཁོར་དུ། །ཐམས་ཅད་ལས་ཀྱི་མ་མོའི་ཚོགས། གསང་ཆེན་དབྱིངས་ཀྱི་ཕོ་ཉ་མོ། །བཀའ་ཡི་དོན་སྐྱོང་མ་བདུན་གཤེགས་སུ་གསོལ། །ནག་མོ་དུན་ཏིང་མ་ལས་ལ་སྨྱོ། ཨོ་ཨུ༷༷ཧུ༷་ས་མ་ཡ་ཧུ༷། ཨེ་རྒྱ་ཧི་ཛ། ཨ་ར་ལི་ཧོ་ཧྲིང་ཧྲིང་ཛ་ཧུ༷་བ༷་ཧོ། ཨོ་རུ་རུ་རོ་རུ་ཙ་པ་ལ་ཨག་ཤུག་མེ་སྨྱོ་ཛ། སྨྱོ་རག་མོ་མ་མ་་ག་རསྒ་སྨྱོ་ཛ་ཛ། དེ་ནས་ཡང་དག་བཤད་བྱ་བ། །ཆོ་ག་རྫོགས་པའི་རྣལ་འབྱོར་གྱིས། །མཆོད་རྫས་བསགས་ལ་མཆོད་པ་དབུལ། །དང་པོར་བཅུད་ཀྱི་ཕྱག་རྒྱ་བཅའ། །གདུང་བའི་ལྷ་མོ་མཐུ་བོ་ཆེ། །དུས་ལ་རུ་བཅིང་དམ་ལ་འཕྲེང་། ཁྲ་ལ་ཟ་ཞིང་ཁྲག་ལ་འཐུང་། །སྲོག་རྩ་གཅོད་ཅིང་རང་དམ་བསྲུང་། །སྙིང་འདྲེན་དབུགས་རྔུབ་ལས་རྣམས་བྱེད། །ཁྱེད་ལ་མཆོད་པ་དབུལ་བ་ནི། །མི་དབང་སྨིན་པའི་འབྲས་བུ་དང་། །ན་ཆུང་གཞོན་པའི་བྱུང་ཟག་ཁྲག ཁེང་ལོ་རླུད་ཁྱེར་མ་ཉམས་སེམས། ཁྲ་སྣ་སྟོང་དང་སྙིང་སྣ་ཁྲག །ཁྲག་སྣ་སྟོང་དང་འབྲུ་སྣ་སྟོང་། །རྣམ་ལྔའི་བདུད་རྩི་མཆོད་པ་འདི། །མ་ལ་འབུལ་ལོ་བཞེས་སུ་གསོལ། །མ་མོ་སྦྱོ་རུ་ལུ་རུ་ལུ། རག་མོ་སྨྱོ། ཙ་ཏི་ལ་ཐུན་སྨྱོ། མ་ཧྭ་ཀ་ལི་སྨྱོ། ཨརུ་ཙ་ཙ་སྨྱོ། མ་མ་སྙིང་ཟ་བ་ཙིཏི་ལ་ཐུན་སྨྱོ། ཤ་ལ་རྦད། སྲོག་ལ་རོལ། ཀང་ཀ་ཤ་ཟན། ཡ་ཏང་པར་ལ་ཧོ། ཤ་ལ་ཁྱི་སྦྱང་གུ་ཧེ་རུ་ལུ་རུ་ལུ། བཛེ་བན་དྷ་སྨྱོ། སྨྱོ་མ་མ་རུ་ལུ། མ་མ་རུ་ལུ། སྨྱོ་རུ་ལུ། སྨྱོ་རུ་ལུ། ནམ་ནམ་ཧ་རམ་ཧ་ཏེ་སྤྱོ། སྙིང་ཁ་རག་མ་སྨྱོ། དམ་ཚིག་ལ་སྨྱོ། རག་མ་ཏ་ཙ་མུན་ཏི་སྨྱོ། རག་མོ་རག་མོ་ནི་ལ་ཁ་ཐུན། ཏིང་ཏིང་ཆེམ་ཆེམ། ཀྲོལ་ཀྲོལ། ས་མ་ཡ་སརྦ་སྦྲེངས། མ་སྙིང་ལ་སྨྱོ། ཁྲག་འདུས་འདུས། ཕྱམ་ཕྱམ། རག་མོ་ཤི་ལིང་། ཡག་མོ་སྲོག་ལོང་། དབུགས་ལ་ཧུར་རྔུབ། ཡ་ཡ་ལོང་ལོང་། དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། སྤྲུལ་པ་ཐབས་ཀྱི་ལེའུ་སྟེ་བཅུ་བདུན་པའོ།། །།དེ་ནས་ཡང་དག་བཤད་བྱ་བ། །དྲག་སྔགས་བདུན་པའི་བསྒྲུབ་པ་ནི། །ས་ཆོག་གཏོར་མ་སྨན་མཆོད་དང་། །ལས་དང་བྱ་བ་མ་ལུས་བྱ། །དཀྱིལ་འཁོར་ཚད་ནི་འདོམ་གང་ལ། །དབུས་སུ་མཐོང་ནག་གྲུ་གསུམ་བྱ། །ཕྱི་རིམ་འཁོར་ལོ་རྩིབས་བདུན་ལ། །ཨེ་བདུན་དབུས་སུ་གཟུགས་བདུན་གཞུག །དེ་རུ་ཟེར་སྔགས་བདུན་གྱིས་གདབ། །ཨོ་ཏེ་ཙེ་རག་མོ་ཨ་ཤུག་ཁ་ལ་དམ་ཏེ་ཏི་ཙེ་རག་མོ་ཨ་ཤུག་མེ་རག་མོ་མ་ར་ཡ། ཞེ་ཙ་རག་མོ་མ་ར་ཡ། གནད་དུ་དྲིལ། ཨ་ཙུ་རག་མོ་སྨྱུ་ར་ཡ། ཨ་ཀར་ཤ་ཛ་ཛ། ཉི་མ་དང་པོའི་སྔགས་སོ། །ཨོ་ཁ་ལ་མེ་འབར་རག་མོ་ཨ་ཤུག་ཁ་མེ་ཆེ་གེ་མོ་ལིང་ཁ་རྩ་རུ་ཀ་ཤི།རག་མོ་ཨ་ཤུག་མེ་སྲི་ལིང་ཁ་ཛ། རག་མོ་ཨ་ཤུག་མེ། སྨྱུ་ར་ཡ་ཛ་ཛ། ཉི་མ་གཉིས་པའི་སྔགས་སོ། །ཨོ་ཁ་ལ་མེ་འབར་རག་མོ་ཨ་ཤུག་མེ། ཆེ་གེ་མོ་སྲིན་མོ་ཤ་ཁར་ཆུག ཁ་ལ་མེ་འབར་རཀློ་ཨ་ཤུག་མེ་བ་ཏི་ལ་ཀ༷།ཁ་ལ་མེ་འབར་རག་མོ་ཨ་ཤུག་མེ་ཤ་ཅུ༷་སྟམ་བྷ་ན། ཉི་མ་གསུམ་པའི་སྔགས་སོ། །ཨོ་ཤེའུ་ཀེའུ་མ་ར་ཡ། ཏ་ཀ་ཚལ་པ་ཨ་ཤུག་མེ། ཆེ་གེ་མོ་ཛ་ས་ཏི། སྟག་འབུ་མུ་ཉ་ཙིསྟ་ཁ་ཤལ་ལམ་བོདྷ་ར་སྨྱོ། ཨ་ཤུག་མེ། ཀ་ལིང་ཀ་ཏ་མེ་ནན་ཛ། ཉི་མ་བཞི་པའི་སྔགས་སོ། །ཨོ་ཐ་ར་ཁ་མུད་ཉིད་ཁྱུང་ཤི་ཤ་ཆུམ་མ་ར་ཡ། ནད་དུ་འདྲིལ། ཏེ་ཧ་ཙུ་ཏི་བུང་ལ་ཉ་ཏ། མ་བཛྲ་ཨ་ཤུག་མེ། སྲེ་ལང་ཀ་ཙ་ཏ། ཨ་ཤུག་མེ་ཏ་ར་མེ་བཱ་ར་ཡ་ཕཊ། ཉི་མ་ལྔ་པའོ། །ཨོ་ཀུ་མ་ར་ཛ་ཀྲུ་ཀྲུ་ཤ་དར་པོ་མྱ་ར་ཡ་ལན་ཏི། ཡུ་ན་མུ་ཏིའི་གྲིམ། མི་ཀ་ལིང་ཀ་ལ་ཤུག་མེ་རུ་སྲ ཁད་ཡ༷་ཛ་ཁ་ཧི་ལ། ཤ་ཏྲི་ནི་མ་ར་ཡ་ཁ་རྟོ་མུ་ལི་ཕཊ། ཉི་མ་དྲུག་པའི་སྔགས་སོ། །ཨོ་ཡ་ན་ད་ཀུ་མ་ཧ་ར་ཡ་མུ་ཛ་སྨྱོ། ཁ་ད་ཉིད་ཨ་ཤུག་མེ་མ་ར་ཡ། ནད་སུད་དེ་ཉིད་རག་མོ་ཨ་ཤུག་མེ་ལམ་ཛ། ཨ་ཤུད་མེ་ཁ་ལ་ཡ་སྲི་ལ་མུ་མ་རྦད། ཉི་མ་བདུན་པའི་དྲག་སྔགས་སོ། །ཉི་མ་བདུན་པའི་དྲགས་སྔགས་འདི། །སྔགས་བརྒྱ་ཐུན་དུ་གསང་ལ་བཟླས། གདུག་པའི་རྫས་ཀྱིས་བརྡེག་པར་བྱ། །ལྷ་འདྲེ་དྲག་པོའི་གནས་སུ་སྤྱད། །ཉི་མ་དང་པོས་འགུག་པར་བྱེད། །ཟིལ་གནོན་སྲེག་བྱེད་གསུམ་པའོ། །ཕུར་ཐུན་རྩ་ཕུར་ལྔ་པའོ། །རྡོ་ཐུན་ལ་སོགས་དྲུག་པའོ། །ཐ་མའི་ལས་ཉིད་བདུན་པ་ཡིན། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། དྲག་སྔགས་བདུན་པའི་ལེའུ་སྟེ་བཅོ་བརྒྱད་པའོ།། །།དེ་ནས་ཡང་དག་བཤད་བྱ་བ། །ལས་བདུན་བསྲེག་པའི་རྫས་བདུན་གྱིས། །ལས་ཀྱི་སྦྱོར་བ་མ་ལུས་བྱ། །དེ་དག་དྲག་པོའི་བསྲེག་དུས་སུ། །དང་པོས་དགུག་ཅིང་སྤྲུལ་པ་དགྱེས། །དེ་ཡི་རྫས་ནི་བྱ་རོག་དང་། འུག་པའི་ཤ་ཆེན་བསྲེག་པར་བྱ། །སྔགས་ནི་རྦད་པའི་སྔགས་ཡིན་ཏེ། །དེ་ཡི་ལས་རྣམས་འགྲུབ་པར་འགྱུར། །དེ་བཞིན་གཉིས་པ་དྲག་པོའོ། །སྤྱིན་སྲེག་ཚུལ་བཞིན་རབ་ཏུ་བྱ། །གཞན་པའི་སྤྱིན་སྲེག་ཐམས་ཅད་ནི། །གསད་པའི་ལས་ཀྱི་ཚུལ་ཡིན་ཏེ། །བུད་མེད་དར་མའི་ཤ་ཁྲག་སྙིང་། །རེ་མ་ཏི་ཡི་བསྲེག་རྫས་ཡིན། །སེང་དཀར་སྟག་དང་བྱ་རྒོད་དང་། །དུར་བྱ་མཆུ་རིང་ཤ་ཁྲག་སྙིང་། །མགོ་བརྙན་བཞི་ཡི་བསྲེག་རྫས་ཡིན། །དེ་ཡི་དུས་ནི་འདི་ལྟ་སྟེ། །གཡས་ནས་དགུག་པའི་ལས་བྱས་ཏེ། །གཡོན་ནས་འགྲུབ་པར་རབ་ཏུ་བྱ། །མདུན་ནས་ཟོར་གྱིས་གསད་པར་བྱ། །དེ་ནས་རང་གི་དཀྱིལ་འཁོར་ནི། །གསུམ་དུ་གསད་ཅིང་ཐབ་ཏུ་བསྲེག །ཏྲག་རག་ཤ་ཙམ་མུན་ཏི་རག་སྨྱོ། སྙིང་ཁ་རག་སྙིང་ཁ་རག །རག་མོ་སྙིང་ལ་ཤད་ཤད་སྨྱོ། སིང་ང་མུ་ཀ་དགྲ་སྙིང་རྦད། སིང་ང་མུ་ཀ་ས་མ་ཡ། ས་ཏི་ས་ཏི། ཨ་ཏི་མ་ཏི་ཟུང་ཟུང་། སྙིང་ཤད་ཤད་སྨྱོ། བྱ་གྲི་མུ་ཀ་སྟི་ཛ་ཛ། ཁ་ལི་ཛ་ཛབྱ་རི་མུ་ཀི་ནི་ཛ་བུབྲས། སྙིང་ཤད་ཤད་སྨྱོ། ཏྲི་ཏ་མ་ཏིཤུ་ཙིཙིཏརོལ་ཤ་ཏི་ཛ། སྙིང་ཤད་ཤད་སྨྱོ། ཀང་ཀ་མ་ཏྲི་ཤ་ཏི་ཧེ་ཤ་སོད། ཙིསྟ་དུ་ཤ་སོད། ཀང་ཀ་ཁ་ར་སོད། སྙིང་ཤད་ཤད་སྨྱོ། ལས་འདི་བྱེད་པའི་དུས་དག་ཏུ། །མཁའ་འགྲོ་གནོད་སྦྱིན་སྲིན་མོ་དང་། །ལས་བྱེད་དྲག་པོས་གཟིར་ཅིང་གསད། །དཔལ་ལྷ་མོ་རེ་མ་ཏི་ཤན་པ་ནག་མོའི་རྒྱུད་ལས། གསང་བའི་སྤྱིན་སྲེག་གི་ལེའུ་སྟེ་བཅུ་དགུ་པའོ།། །།དེ་ནས་ཡང་དག་བཤད་བྱ་བ། །དུག་གཏོར་དུག་སྣ་མང་པོ་ལ། །ཐོད་པ་ནག་པོར་བླུག་ལ་བསྒྲུབས། །ཐོད་ཟོར་ནག་པོས་དཀྲུག་ཅིང་བསྟིམ། མ་མ་ཏྲག་རསྒ། ཁ་མུན་ཏྲ་མ་རུ་ལུ་རུ་ལུ་ཧུ༷་སྨྱོ་ཧུ༷། སྒག་རསྒ་ཁ་མུན་ཏྲ། དུར་མ་ཏི་རག་མོ་ཛ། མ་མ་ཧུར་ཐུམ་ལོ་ཙ་ན། སྙིང་ཁ་ལ་རག་ཤ་རྦད། གཅུབས་ཙིསྟ་བ༷་གལ་ལུབས་མྱོས། སྙིང་ཁྲག་ཧ་བར་དུ་རུ་ཐུམ། ཧེ་ཐུམ་དུ། ཐུམ་སྨྱོ་ཐུམ། པྲ་མ་ར་མ་ཐུམ། དུམ་ལོ་ཙ་ན་སྙིང་ཁ་ལ་རསྒ་རྦད། ཨ་ཨུ་ཨ། ས་མ་ལྭ། ཐིབས་ཐིབས་ལིང་ཤར་ཡང་ངེས་སོད། ས་མ་ཡ་སྟི་སྟ་མ༷། མ་མ་རུ་ཐིབས་ཐིབས། ཐབས་བྲ་འུར་ཀ་ཁ་ཤ་བ༷་ཡེ། ཐུམ་རི་ལི་ལི། ཐིག་ནག་གཅིག་མེད། གཉིས་དྲག །བརྒྱ་བཅད། གནམ་མཐོང་ཕྱེ། ལྕགས་སྒྲོག་ཁྲོལ། མི་རང་སོད། བཛྲ་ར་ཏེ་ཕཊ། བཛེ་མ་ཏེ་ཕཊ། བཛྲ་ཛ་ར་ཏེ་ཕཊ། བཛྲ་ཨེ་ཧི་ར། ཨེ་ཧིང་། ན་ག་ལེ། སུ་ན་ག་ལེ། སུམ་བ་ལེ། སུམ་བ་ལེ། ཙིན་ཡ༷་ཙིན་ཡ༷། ལེན་ཡ༷་ལེན་ཡ༷། ཁ་ཤ་བ༷་ཁ་ཤ་བ༷། མ་དུང་སྨྱོ་མ་དུང་སྨྱོ། དེའི་བརྡེག་པའི་སྔགས་ནི། །ནི་ཤ་ཀུ་རུ་ནི་ཤ་ཀུ་སྲ མྱོགས་མྱོགས། ཐུམས་ཐུམས། རྦད་དུ་རྦད་དུ། ཡག་མོ་ནི་མ་ར་ཡ་སོད། ཐུམ་རི་ཡི་ལི་དྲི་ཛ། དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། དུག་ཟོར་གྱི་ལེའུ་སྟེ་ཉི་ཤུ་པའོ།། །།དེ་ནས་ཡང་དག་བཤད་བྱ་བ། །འབྲུ་ཟོར་ནག་པོའི་བསྒྲུབ་པ་ནི། །དུག་འབྲུ་ཡུངས་ཀར་ཡུངས་ནག་དང་། །དེ་སོགས་ཐོད་པ་ནག་པོར་བྲུག །ཏྲག་རསྒ་ཁ་མུན་ཏྲ་སྨྱོ་རུ་ལུ་རུ་ལུ། ་ག་རསྒ་སྙིང་ཁ་རག་སྙིང་སྦྱོ། སྐྲུ་ཏ་སྤུ་ཏ་སྨྱོ། ཤ་ཤ་་ག་ཤ་ཤ་སྦྱོ། སྒག་མོ་སྙིང་ཏྲ་བ། སྙིང་ཁྲག་སྒག སྒག་མུ་སྒག་མ། སྙིང་ཁྲག་རྩ་བྲེང་བྲེང་། ཨོ་ཛ་ལ་ཛ་ལ་ཏི། ཨོ་བཛྲ་སྙིང་ཁ་རག་སྙིང་ཁ་རག །བཛྲ་ཀ་མ་ལ་སྦྱོ་ཛ། བརྡེག་པའི་སྔགས་ནི། སྒག་རསྒ་ཁ་མུན་ཏྲ་མྱ་ར་ཡ་ཐུན་ཡ། ་ག་རསྒ་སྙིང་ཁྲག་སྙིང་སྨྱོ། མ་ར་ཡ་ཐུན་ཡ། པུ་ཏ་པུ་ཏ་སྨྱོ། མ་ར་ཡ་ཐུན་ཡ། པུ་ཏ་བུ་ཏ་སྦྱོ། མ་ར་ཡ་ཐུན་ཡ། དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། འབྲུ་ཟོར་ནག་པོའི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་ཡང་དག་བཤད་བྱ་བ། །ཁྲག་ཟོར་ནག་མོའི་བསྒྲུབ་པ་ནི། །ཁྲག་སྣ་སྟོང་དང་སེན་རྒྱུ་ལ། །ཐོད་པ་ནག་པོར་བསྒྲུབ་ཅིང་བཟླས། །མ་མ་ཏྲག་རསྒ་ཁ་མུན་ཏྲ་སྙིང་ཁ་རག །རག་མོ་དུན་སྨྱོ། རག་མོ་དུན་སྨྱོ། སྙིང་ཤ་ཀུ་རུ་ཐུམ་བོད། ཏྲག་རསྒ། རུ་བི་ན་ཎ། མུག་ཏི་བམ། ར་མོ་ནི་ཤ་ཀུ་རུ་ཐུམ་རྦད།རག་མོ་ཁ་ལ་ཙ་ཙ་ཐུན་སྨྱོ། རཀྟ་ཐུམ་རྦད། ནག་མོ་ཧར་ཧོར་ནག་མོ་ཧར་ཧོར། ནག་མོ་དུན་ཏིང་ཧེད། ཙ་ཙ་ར་ཛ་རྦད། །ཁྲག་ཐུན་སྙིང་ལ་ཐུན། རག་མོ་ཙ་ཙ་དུན་སྨྱོ། བརྡེག་པའི་སྔགས་ནི། ཏབྱ་ཐུ། རུ་རུ་བེ་ཙོ་ཧུ༷།ཏི་སྟ་བ་ཏོ་སི། མུ་ལུ་མུག་ཏི་སུབ། ཆོ་ཆོ་བལ་ལུབས་ལུབས། སྙིང་གོང་རྩ་ལ་ཐུན་མུགས། སླད་པའི་རྒྱབ་རྩ་ལ་ཐུན་ན། འགལ་ཐུན་ནན། ཁྲག་ནན་ཐིབས། མ་དུད་སྨྱོ་སྨྱོ། དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། དཔལ་ལྷ་མོར་དབང་བསྐུར་ཏེ་བསྟོད་ཅིང་གདུག་པའི་ཁྲག་ཟོར་ནག་པོའི་ལེའུ་སྟེ་ཉི་ཤུ་རྩ་གཉིས་པའོ།། །།དེ་ནས་ཡང་དག་བཤད་བྱ་བ། །ཕུང་ཟོར་ནག་པོའི་བསྒྲུབ་པ་ནི། །ལྕགས་སམ་ཤེར་ཤིང་ནག་པོ་ལ། །ལྷ་མོ་ནག་མོར་དབང་བསྐུར་ཏེ། །བསྟོད་ཅིང་གདུག་པའི་གནས་སུ་བརྡེག །ཏྲག་རསྒ་རུ་རུ་ཛ། མུན་ཏྲི་ཀི་ལ་ཡ་རྦད། ཏྲག་རསྒ་ཛ། མུན་ཏིང་ཤ་ཀུ་རུ་རྦད་རྦད། བ་ལ་དྲི་སྟེ།ཆེ་གེ་མོ་མུགས་མུགས། རག་མོ་དྲི། ཧེ་མོ་ཧེ་མོ། ཀི་ལི་ཀི་ལི་ཡ་རྦད་རྦད། ཐུམ་རི་ལི་ལི་དྲི་ཛ་ཡག་མོ་དུན་རྦད། ཀི་ལི་ཀི་ལི་ཡ་དུན་རྦད། བ་ལ་དྲི་ཏ་། ཀི་ལི་ཀི་ལ་ཡ་རྦད་རྦད། དེས་ནི་རྩ་བ་གཅོད་པ་དང་། །གདུག་པ་ཐམས་ཅད་གདུལ་བ་ཡི། །གསང་བའི་ཆོ་ག་པ་དམ་པ་ཡིན། །གསང་བར་འགྲུབ་འགྱུར་ཐེ་ཚོམ་མེད། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། ཕུང་ཟོར་ནག་པོའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་ཡང་དག་བཤད་བྱ་བ། གྲི་མདུང་ནག་པོའི་ཟོར་བསྒྲུབ་ནི། །གང་ཡིན་པ་ཡི་གཟུགས་དེ་ལ། །གྲུབ་པར་བསམ་ཞིང་སྔགས་འདི་བཟླས། །མ་སྲོག་ཤ་སྙིང་ཛ་ལ་ཏི་སྣ་རྦད། རག་མོ་སྙིང་རྩ་སྲོག་ལ་བྲེང་བྲེང་རྦད་རྦད། སྙིང་རྩ་སྲོག་ལ་བྲིག་བྲིག ཁྲམ་ཤམ་རྨུགས་རོ་ཤིང་ཤག །མ་ཕུར་ནག་ཤག །མ་མུ་རོ་ལ་ཟ་ཏི་ཤག །མ་ཙི་ཏ་ཡམ་ཡ་ཏི་ཤག །མདུན་ཏིང་ཤག །ཨི་ཤན་ཏིང་ཤག །སརྦ་དུན་རྦད།མདུང་ཐུང་གདབ་པའི་ལས་དག་ཀྱང་། །གྲི་དང་མཐུན་ཏེ་འདི་ལྟར་བྱས། །གནོད་སྦྱིན་དཔོན་གཡོན་ཆ་ལུགས་དང་། །བདག་ཉིད་མདུན་ཆས་གདབ་པར་བྱ། ཁྲ་ཁམ་ཁམ་མ་མོ་སྲོག་ཙིཏི་ཙིསྟ་རྦད་རྦད། སྙིང་ཙིསྟ་མ་མ་དུམ་བུ་ཁ་ལེ་རྦད་རྦད། དེས་ནི་མྱུར་དུ་གསོད་པ་ཡིན། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། གྲི་མདུང་ནག་མོའི་ལེའུ་སྟེ་ཉི་ཤུ་རྩ་བཞིས་པའོ།། །།དེ་ནས་ཡང་དག་བཤད་བྱ་བ། །བརྡབ་ཟོར་ནག་པོའི་བསྒྲུབ་པ་ནི། །ཡུགས་ས་མོ་ཡི་ཞབས་མ་ལ། །ལྟས་ངན་སྣ་ཚོགས་པགས་པ་ལ། །མ་མོས་ཐོགས་བསམ་སྔགས་ཀུན་བཟླས། །དེ་ནི་ལས་ཀུན་བྱེད་པ་ཡིན། །ཇི་སྲིད་གཡོན་གྱི་དྲག་པོའི་ལས། །ཐོད་པ་གོང་དུ་གསད་པར་བྱ། །ཏྲག་རསྒ་ཁ་མུན་ཏྲ་སྨྱོ། རག་མོ་ཛ་ཛ། ཧེ་ཀུན་ལ་བ་ལ་མ་སྨྱོ། སྒག་རསྒ་ཁ་མུན་ཏྲ་སྙིང་ཁ་རག་རྦད་ཐུམ་རི་ལི་ལི། དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས།གཡེན་གྱི་བརྡབ་བཟོར་ནག་པོའི་ལེའུ་སྟེ་ཉི་ཤུ་རྩ་ལྔ་པའོ།། །།དེ་ནས་ཡང་དག་བཤད་བྱ་བ། །གསང་སྔགས་ཀྱི་བསྒྲུབ་པ་ནི། །ལྷག་དང་ཆད་པའི་མཐའ་བྲལ་བའི། །སྔགས་ཀྱི་འཕྲེང་བ་རྟག་ཏུ་བཟླས། །ཏྲག་རསྒ་ཁ་མུ་ཏྲ་རུ་ལུ་རུ་ལུ་ཧུ༷་སྨྱོ་ཧུ༷། རག་མོ་ཏེ་གེ་མཁལ་ཙ་ཙ་མ་སྨྱོ། རུ་ལུ་རུ་ལུ་རེ་མ་ཏི་སྨྱོ། གཉེན་པོ་སྐུ་གསུང་ཐུགས་ཀྱི་བསྒྲུབ་པའོ། །ཏ་རུ་རུ་རུ་བེ་རོ་ཧུ༷། ཏི་སྟ་བ་ཏོ་སི། རག་མོ་སྙིང་ཁ་རག་མ་སྨྱོ་ཛ་ཛ། ཨོ་རུ་རུ་རོ་རུ་ཙ་པ་ལ་ཨ་ཤུག་མེ་མ་ཧུ༷་མ་སྨྱོ་ཛ་ཛ། བཛྲ་ཁ་རག་སྙིང་ཁ་རག །སྙིང་ཁ་རག་ཏྲག་ཁ་རཀ་ཤ་མུན་ཙ་ཤ་སྨྱོ་ཛ་ཛ། ཨོ་རུ་རུ་རོ་རུ་ཁ་ས་ལེ་སྨྱོ། རུ་རུ་རོ་རུ་མུན་ཏྲ་མུན་ཏྲ་མ་དུར་མ་ཏི་མ་དུང་ད་སྨྱོ། སྐུ་གསུང་ཐུགས་ཀྱི་སྔགས་སོ། །མ་མོ་ཐམས་ཅད་གཅིག་ཏུ་འདུས་པའི་སྙིང་པོ། མ་མ་དུན་དུན་རག་མོ་སྤྱོ། ཨེ་སྨྱོ། རམ་སྦྱོ རེའུ་རེ་མ་དུར་ཤད་ཤད་སྨྱོ། དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས།གསང་བའི་སྙིང་ཏིག་དང་སྲོག་གཟེར་གྱི་ལེའུ་སྟེ་ཉི་ཤུ་རྩ་དྲུག་པའོ།། །།དེ་ནས་ཡང་དག་བཤད་བྱ་བ། །གསང་བའི་རོ་ལ་བསྒྲུབ་པ་ནི། །སྨས་པ་མི་ཡི་རོ་དག་ལ། བདག་ཉིད་ཆེན་པོའི་དཀྱིལ་འཁོར་གྱིས། །བདག་ལྡན་སྣ་ཚོགས་དགུག་གཞུག་ཅིང་། །མ་མོ་ཐམས་ཅད་བོས་ནས་ནི། །མ་ཉེས་པ་ཡི་དབང་བཙུགས་ཏེ། །སྔགས་བཟླས་ཀ་ཏོ་རེ་ཡིས་བཀྲིས། །གྲི་ཐུན་ནག་པོ་ལ་སོགས་བྱའོ། །དེ་ནས་གྲོལ་སྙིང་ལ་སོགས་དབྱུང་། །དགྲ་སྙིང་ཡིན་པར་བསམས་ནས་ནི། །ཚིགས་གསུམ་པོ་ཡི་སྔགས་ཀྱིས་བཏབ། །ཙིསྟ་ཟེར་བའི་གསང་སྔགས་བཟླས། །རྦད་དུ་རག་མོ་རག་མོ་སྙིང་ག་ཟེར། རུ་རུ་རག །མོའི་སྙིང་ཙིསྟ་གཟེར། ཚལ་ན་གཟེར། ལྷག་མ་ཕུང་པོའི་སྦྱིན་སྲེག་བྱ། རབ་ཏུ་སྨྲས་པ་མོ་ཡི་རོ། །འཁོར་ལོ་དཀྲུག་བསྐོར་རབ་ཏུ་བསམ། །སྔགས་ཀྱི་དཀྲུག་བསྐོར་མན་ངག་ཡིན། །ཐབས་ཀྱི་དཀྲུག་བསྐོར་མན་ངག་ཡིན། །རྫས་ཀྱི་དཀྲུག་བསྐོར་སྦྱོར་བ་ཡིན། །དེས་ནི་མྱུར་དུ་འཆི་བར་འགྱུར། །ཙེ་ཡ་བ༷་ཏི་ཕུར་ཏི། ཁ་ཡ༷་བ༷་ཏི་ཕུར་ཏི་ཕུར། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། མི་རོ་ལ་བསྡུ་བའི་ལེའུ་སྟེ་ཉི་ཤུ་རྩ་བདུན་པའོ།། །།དེ་ནས་ཡང་རྡོ་རྗེ་འཛིན་གྱིས་གསོལ་བ། བསྒྲུབ་པའི་མ་མོ་སུམ་ཅུ་པོ། །ཇི་ལྟའི་ཚུལ་དང་སྟོད་པ་དང་། །དད་ལ་ལས་རྣམས་ཇི་ལྟར་བཅོལ། །ཆེ་མཆོག་དཔལ་གྱིས་བཀའ་སྩལ་ཅིག །ཉག་གཅིག་ཡབ་ཀྱིས་བཀའ་སྩལ་པ། །ནམ་མཁའ་ཡངས་པའི་དཀྱིལ་འཁོར་ན། །སྲིད་པའི་ཁྲོ་མོ་རལ་གཅིག་མ། །སྐུ་ནི་འཇིགས་བྱེད་ཁྲོ་མོའི་ཚུལ། །གསུང་ནི་སྒྲ་སྒྲོགས་སྲིད་གསུམ་སྒྲོལ། །ཞེ་སྡང་རྩེ་གཅིག་འབར་བའི་གཟུགས། །ཐུགས་ནི་ཆོ་འཕྲུལ་ཅིར་ཡང་སྟོན། །ཁམས་གསུམ་རྩལ་འབྱིན་ཡུམ་མཆོག་ལ། །བསྟོད་དོ་ལས་བཅོལ་མཐུ་མ་ཆུང་། །རླུད་ནག་ཚུབ་ཆེན་གཞལ་ཡས་ནས། །ཐོད་རུས་འབར་བའི་དཀྱིལ་འཁོར་དུ། །བདུད་ཀྱི་ཡུལ་ལ་གཤིན་རྗེའི་ལྕམ། །འདོད་པ་ཁམས་ཀྱི་དབང་ཕྱུག་མ། །སྐུ་ནི་ཁ་དོག་ཅིར་ཡང་འགྱུར། །གསུང་ནི་སྒྲ་སྐད་ཅིར་ཡང་སྒྲོགས། །ཐུགས་ཀྱི་སྤྲུལ་པ་ཅིར་ཡང་སྟོན། །འཕྲིན་ལས་ཞི་དང་རྒྱས་པ་དང་། །དབང་དང་དྲག་པོའི་ལས་རྣམས་ལ། །ཐོགས་པ་མེད་པར་དབང་སྒྱུར་མ། །ཁྲག་གི་མཚོ་ལ་གནས་བཅས་མ། །བསྟོད་དོ་ལས་བཅོལ་མཐུ་མ་ཆུང་། །སེར་ནག་གྲུ་གསུམ་དཀྱིལ་འཁོར་དུ། །སེར་མོ་ནམ་མཁའི་དཔལ་མོ་བཙན། །ཉོན་མོངས་དྲ་བ་རལ་གྲིས་གཅོད། །བསྟོད་དོ་ལས་བཅོལ་མཐུ་མ་ཆུང་། །སྔོ་ནག་གྲུ་གསུམ་དཀྱིལ་འཁོར་དུ། །དཀར་མོ་འཇིག་རྟེན་གློག་མ་སྤྲིན། །ལྕགས་ཀྱུ་ཐོགས་ཤིང་དཀར་མོས་བསྐོར། །བསྟོད་དོ་ལས་བཅོལ་མཐུ་མ་ཆུང་། །དམར་ནག་གྲུ་གསུམ་དཀྱིལ་འཁོར་དུ། །དམར་པོ་བར་སྣང་གློག་མ་སྲིན། །དམར་མོས་བསྐོར་ཅིང་མདུད་ཐུང་བསྣམས། །བསྟོད་དོ་ལས་བཅོལ་མཐུ་མ་ཆུང་། །བན་གླིང་དྲི་ཟིའི་དྲེ་སྣ་མོ། །ནག་མོ་བན་གླང་དྲེ་སྣ་མ། །ལ་བའི་གོ་བྲུ་སྐུ་ལ་གསོལ། །དྲེའུ་ཆིབས་ཤིང་ཁྲམ་བམ་ཐོགས། །འཁོར་དུ་ནག་མོ་སྟོང་གིས་བསྐོར། །ལས་སུ་སྔགས་ཀྱི་བསྟན་པ་བསྲུང་། །བསྟོད་དོ་ལས་བཅོལ་མཐུ་མ་ཆུང་། །གཉེར་དུ་གཏད་དོ་ས་མ་ཡ། །སྔོ་ནག་ཁྲི་སྨན་སི་ལེ་མ། །སྐུ་ལ་ཆུ་གླང་པགས་པ་གསོལ། །ཆུ་གླང་ཤོན་ནས་མི་ལྤགས་རྡེབས། །ཆུ་བདུད་སྟོང་གིས་འཁོར་དུ་བསྐོར། །སྲིད་པའི་མ་མོ་ཡལ་གམ་ཅན། །ལས་སུ་སྔགས་ཀྱི་བསྟན་པ་བསྲུང་། །བསྟོད་དོ་ལས་བཅོལ་མཐུ་མ་ཆུང་། །གཉེར་དུ་གཏད་དོ་ས་མ་ཡ། །དམར་མོ་སྐྱིན་ཏིང་གཡའ་མ་སྐྱོལ། །ལ་བའི་གསེ་ཐང་ལུས་ལ་གསོལ། ཁྲ་བ་ཤོན་ཞིང་མི་སྙིང་ཐོགས། །དམར་མོ་མང་པོའི་འཁོར་དུ་བསྒོར། །སྒྲོལ་བྱེད་མ་མོ་ཡལ་གམ་ཅན། །བསྟོད་དོ་ལས་བཅོལ་མཐུ་མ་ཆུང་། །གཉེར་དུ་གཏད་དོ་ས་མ་ཡ། །སྨྱོ། དཀར་མོ་བརྟན་འབར་དབྱིངས་ཀྱི་ཡུམ། །ཁྱུང་གི་ལུས་ལ་ཁྱུང་སྦྲུལ་འགྱེད། །གཤོག་པ་རལ་གྲི་ཁྱུང་གི་དབྱིངས། །མི་འདའ་དམ་ཚིག་རྡོ་རྗེ་ཐོགས། །རྡོ་རྗེ་བཀའ་ཡི་ཕོ་ཉ་མོ། །བསྟོད་དོ་ལས་བཅོལ་མཐུ་མ་ཆུང་། །སྨྱོ། སྨུག་ནག་རྡོ་རྗེ་ཀུན་ཏུ་བཟང་། །འཇིགས་བྱེད་འབར་བའི་རལ་པ་ཅན། །གཤོག་པ་རྡོ་རྗེ་ཀང་ཀ་འཕྲོ། །མི་འདའ་དམ་ཚིག་རྡོ་རྗེ་ཐོགས། །དཔལ་ཆེན་བཀའ་ཡི་ཕོ་ཉ་མོ། །བསྟོད་དོ་ལས་བཅོལ་མཐུ་མ་ཆུང་། སྦྱོ། དམར་ནག་རྡོ་རྗེ་ཡེ་ཤེས་མཆོག །དམར་ནག་རལ་པ་བྱ་རྒོད་འཕྲོ། གཤོག་པ་ཕུར་བུ་བྱ་རྒོད་དབྱིབས། །མི་འདའ་རྡོ་རྗེ་རྩེ་ལྔ་བསྣམས། །གསང་ཆེན་དབྱིངས་ཀྱི་ཕོ་ཉ་མོ། །བསྟོད་དོ་ལས་བཅོལ་མཐུ་མ་ཆུང་། །སྦྱོ། སྨུག་ནག་རྡོ་རྗེ་སྒྲོག་བྱེད་མ། །བྱ་རྒོད་མགོ་ལ་ཉི་མའི་མིག །གཤོག་པ་སྒྲུ་གྲི་སྟག་ཆེན་འཕྲོ། །མི་འདའ་དམ་ཚིག་ཕུར་བུ་ཐོགས། །བསེ་ཡི་ཐོད་གོན་དཔལ་གྱི་ཕོ་ཉ་མོ། །བསྟོད་དོ་ལས་བཅོལ་མཐུ་མ་ཆུང་། །སྨྱོ། སེར་ནག་རྡོ་རྗེ་འདོད་ཆགས་མ། །རལ་པ་སེར་ནག་གྱེན་དུ་འཁྱིལ། །པདྨའི་གཤོག་པས་ཀླུ་རྒྱལ་འགྱེད། །མི་འདའ་རྡོ་རྗེ་རྩེ་ལྔ་བསྣམས། ཁུ་དྲུག་སྒྲོལ་བའི་ཕོ་ཉ་མོ། །བསྟོད་དོ་ལས་བཅོལ་མཐུ་མ་ཆུང་། །སྨྱོ། ཁྲག་མདོག་རྡོ་རྗེ་ཀུན་གསལ་མ། །ཁྲག་ལར་གསེབ་ནས་སྤྱང་མ་འཕྲོ། །གསེརགྱིགཤོགཔསགནོད་སྦྱིན་འགྱེད། །མི་འདའ་དམ་ཚིག་རྡོ་རྗེ་བསྣམས། །ཚངས་པ་འདུལ་བའི་ཕོ་ཉ་མོ། །བསྟོད་དོ་ལས་བཅོལ་མཐུ་མ་ཆུང་། །སྨྱོ། གཡུ་དོག་རྡོ་རྗེ་གཡུ་སྒྲོན་མ། །མཆོང་རལ་གསེབ་ནས་ཚ་ཚ་ཞབྲུག །རུ་སྦལ་གཤོག་པས་ཀླུ་རྒྱལ་འགྱེད། །མི་འདའ་དམ་ཚིག་རྡོ་རྗེ་བསྣམས། །སྲིད་གསུམ་སྒྲོལ་བའི་ཕོ་ཉ་མོ། །བསྟོད་དོ་ལས་བཅོལ་མཐུ་མ་ཆུང་། །སེང་ཆེན་ཞོན་པའི་དབང་ཕྱུག་མ། །སེང་མགོ་ལྕགས་ཀྱི་རལ་པ་ཅན། །མི་ཤ་ཟ་ཞིང་མི་ལྤགས་གོན། །ལག་ན་འཇིགས་བྱེད་ལྕགས་ཀྱུ་ཐོགས། གཤོག་པ་སྤུ་གྲི་སེང་ཆེན་འཕྲོ། །ལས་སུ་དབང་བསྐུར་སྤྲུལ་པའི་ཡུམ་ལ་བསྟོད། །སྟག་ལ་ཤོན་པའི་དབང་ཕྱུག་མ། །སྟག་མགོ་གསེར་གྱི་རལ་པ་ཅན། །ནད་ཀྱི་རླངས་འབྱིན་སྟག་སྦྲུལ་ཀློང་། །གསེར་ཀྱི་གཤོག་པ་སྟག་རྩལ་འགྱེད། །ནད་ཀྱི་དབང་བསྐུར་སྤྲུལ་པའི་ཡུམ། །བསྟོད་དོ་ལས་བཅོལ་མཐུ་མ་ཆུང་། །བྱ་རྒོད་ཤོན་པའི་དབང་ཕྱུག་མ། །བྱ་རྒོད་མགོ་ཅན་གར་ལྕམ་མཆུ། །ཞིང་ཆེན་ཟ་ཞིང་སྦྲུལ་གོས་གོན། །བྱ་རྒོད་ཀློང་ན་ལྕགས་སྒྲོག་ཐོགས། །རྡོ་རྗེ་གཤོག་པ་བྱ་རྒོད་ལྟོ། །ཁམས་གསུམ་སྒྲོལ་དབང་བསྐུར་ནས་སྤྲུལ། །བསྟོད་དོ་ལས་བཅོལ་མཐུ་མ་ཆུང་། །དུར་བྱ་ཞོན་པའི་དབང་ཕྱུག་མ། །བསེ་ཡི་མཆུ་སྡེར་དུར་བྱའི་མགོ །བགེགས་དཔུང་འདུལ་ཞིང་དུར་གོས་གོན། །དུར་བྱའི་ཀློང་ནས་དྲིལ་བུ་ཐོགས། །ཁྲགགིགཤོགཔསདུར་བྱ་འཕྲོ། །ཁྲག་ནད་དབང་བསྐུར་སྤྲུལ་པའི་མ། །བསྟོད་དོ་ལས་བཅོལ་མཐུ་མ་ཆུང་། །དཀར་མོ་ཉི་མའི་སྤྱན་གཅིག་མ། །རུ་སྦལ་ནག་པོའི་མགོ་བོ་ཅན། །རུ་སྦལ་ཚིགས་ཤིང་གླང་ལྤགས་གོན། །ཚེ་ཏ་ཁ་གསུམ་ལག་ན་ཐོགས། །བ་སྐྲུའི་མེ་སྟ་སྡོམ་དང་སྡིག །ཐུགས་ཀྱི་སྤྲུལ་པ་ཕྱོགས་བཅུར་འཕྲོ། །དབུ་རྒྱན་རྡོ་རྗེ་རྩེ་ལྔས་བརྒྱན། །བསྟོད་དོ་ལས་བཅོལ་མཐུ་མ་ཆུང་། །སྔོན་མོ་གཡུ་ཡི་རལགཅིག་མ། །རུ་སྦལ་ནག་པོའི་གོ་ཅོག་ཅན། །ཆུ་གླང་པགས་རྒྱན་སྦྲུལ་ནག་ཆིབས། །ཟངས་ཀྱི་དྲ་བ་ལག་ན་ཐོགས། །བ་སྦུའི་མེ་སྟག་སྡིག་པ་འགྱེད། །ཐུགས་ཀྱི་སྤྲུལ་པ་སྔོན་མོར་འཕྲོ། །དབུ་རྒྱན་རིན་ཆེན་རྩེ་ལྔ་བརྒྱན། །བསྟོད་དོ་ལས་བཅོལ་མཐུ་མ་ཆུང་། །དམར་མོ་ཁྱུང་གི་གཤོག་པ་ཅན། །གཏི་མུག་ཕག་མགོ་གོ་ཅོག་ཅན། །རུ་སྦལ་པགས་གོན་ཕག་མོ་ཆིབས། །ཟངས་ཀྱི་སྒྲོགས་ཆེན་ལག་ན་ཐོགས། །བ་སྤུ་མེ་སྟག་སྦྱང་མོ་འཕྲོ། །ཐུགས་ཀྱི་སྤྲུལ་པ་དམར་མོ་འགྱེད། །བསྟོད་དོ་ལས་བཅོལ་མཆུ་མ་ཐུང་། །སྨྱོ། སེར་མོ་གློག་གི་འཕྲེང་བ་ཅན། །ཟ་བྱེད་སྤྱང་མོའི་གོ་ཅོག་ཅན། །སྤྱང་མོ་ཆིབས་ཤིང་ཚིམ་ཚིམ་གོན། །གསེར་གྱི་དྲིལ་བུ་ལག་ན་ཐོགས། །བ་སྐྲུ་མེ་སྟག་སྤྱང་མོ་འཕྲོ། །ཐུགས་ཀྱི་སྤྲུལ་པ་སེར་མོ་འགྱེད། །དབུ་རྒྱན་གསེར་གྱི་དྲིལ་འབར་བརྒྱན། །བསྟོད་དོ་ལས་བཅོལ་མཐུ་མ་ཆུང་། །མ་བཙུན་ཨུག་ཆོས་དབྱར་མོ་བསིལ། །སྔོན་ནག་གཡུ་ཡི་སྨིན་མ་ཅན། །དབུང་མགོར་གསེར་གྱི་བྱ་ཁྱུང་ལྡིང་། །རུ་སྦལ་པགས་པ་གོས་སུ་གོན། །ཆིབས་སུ་རྐྱང་བུ་ཁ་དཀར་ཆིབས། །ལག་ན་འགུག་པའི་ལྕགས་ཀྱུ་ཐོགས། །ལས་སུ་སྔགས་ཀྱི་བསྟན་པ་བསྲུང་། །བསྟོད་དོ་ལས་བཅོལ་མཐུ་མ་ཆུང་། །ལྷོ་ཡི་སྐྱིན་མཐིང་གཡའ་མ་སྐྱོད། །སྔོན་མོ་གསེར་གྱི་སྒྲ་ཐབས་ཅན། །ཕྲག་གོང་གསེར་གྱི་སྤྱང་ཁུ་མཆོང་། །བ་སྤུ་ཐོར་ཚུགས་དབུ་ལ་བརྒྱན། །བྱ་རྒོད་པགས་པ་གོས་སུ་གོན། །ལག་ན་སྣང་བྱེད་མེ་ལོང་ཐོགས། །རྒྱུག་ཐབས་གནོད་སྦྱིན་དབང་དུ་སྡུད། །བསྟོད་དོ་ལས་བཅོལ་མཐུ་མ་ཆུང་། །ཁ་ར་ཁྱུང་བཙུན་དཔལ་གྱི་ཡུམ། །དམར་མོ་བསེ་ཡི་ཐོར་ཚུགས་ཅན། །ཕྲག་གོར་བསེ་ཡི་བྱ་ཁྱུང་ལྡིང་། །རུས་པའི་འཕྲེང་བ་ལུས་ལ་གྱོན། །ལག་ན་གསང་ཆེན་ཆ་ལང་བརྡེབ། །བསྟོད་དོ་ལས་བཅོལ་མཐུ་མ་ཆུང་། །སྲིང་མོ་རྡོ་རྗེ་གཡུ་སྒྲོན་མ། །དམར་མོ་གཡུ་ཡི་སྒྲ་ཐབས་ཅན། །དཔུང་མགོར་ཟངས་ཀྱི་བྱ་ཁྱུང་ལྡིང་། །སྐུ་ལ་གསེར་གྱི་གོ་ཟུ་གསོལ། །མཆོད་པའི་སྟབས་ཀྱིས་དྲང་སྲོང་འདུལ། །ལག་ན་འཆིང་བྱེད་ཞགས་པ་ཐོགས། །བསྟོད་དོ་ལས་བཅོལ་མཐུ་མ་ཆུང་། །གངས་དཀར་ཤ་མེད་རྡོ་རྗེ་ཀུན་ཏུ་བཟང་། །དཀར་མོ་དུང་གི་སྒྲ་ཐབས་ཅན། །དཔུང་མགོ་དུང་གི་བྱ་ཁྱུང་ལྡིང་། །སྐུ་ལ་དུང་གི་གོ་ཟུ་གསོལ། །འགྲོ་བའི་སྟབས་ཀྱིས་ལོག་འདྲེན་འདུལ། །ལག་ན་བན་དམར་ཁྲག་ཆེན་ཐོགས། །བསྟོད་དོ་ལས་བཅོལ་མཐུ་མ་ཆུང་། །རྐོང་བཙུན་དེ་མོ་རྡོ་རྗེ་བོད་ཁམས་སྐྱོང་། །ནག་མོ་གསེར་གྱི་སྒྲ་ཐམས་ཅད། །དཔུང་མགོ་མུ་མེན་བྱ་ཁྱུང་ལྡིང་། །སྐུ་ལ་གཙོས་ཀྱི་གོ་ཟུ་གསོལ། གདུག་པའི་སྟབས་ཀྱིས་དགྲ་བགེགས་འདུལ། །ལག་ན་བདུད་ཀྱི་ཁྲམ་བམ་ཐོགས། །ལས་སུ་སྔགས་ཀྱི་བསྟན་པ་བསྲུང་། །བསྟོད་དོ་ལས་བཅོལ་མཐུ་མ་ཆུང་། །ཞེས་བསྟོད་དོ། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། བསྟོད་པའི་ལེའུ་སྟེ་ཉི་ཤུ་རྩ་བརྒྱད་པའོ།། །།དེ་ནས་ཡང་དག་བཤད་བྱ་བ། །ཇི་ལྟར་མ་མོ་ཐམས་ཅད་ཀུན། །དངོས་པོ་ཡེ་ནས་གཅིག་པའི་ཕྱིར། །མ་མོ་སྤྱི་ཡི་བསྐུལ་བ་ནི། ཁྲ་སྣ་ཁྲག་སྣ་སྙིང་སྣ་སྟོང་། །ཟངས་ཆེན་བསྐང་སྟེ་སྤྲེངས་ནས་ནི། །གདུང་བའི་དབྱངས་ཀྱིས་བླང་བར་བྱ། །ཧུ༷། སྲིད་པའི་མ་མོ་དམ་ཚིག་ཅན། སྟོང་གསུམ་མ་མོ་ལས་མཁན་མ། །འཇིག་རྟེན་མ་མོ་གྲོགས་ཀྱི་མཆོག །བཀའ་དང་བསྟན་བསྲུང་ལས་ཀྱི་བདག །གླིང་བཞི་ཟུར་དུ་ཁུས་འདེབས་ཀྱང་། །ཉམས་པའི་བདུད་ཀྱི་བྱ་ར་ས། །སྟོང་གསུམ་ཡོངས་ཀྱིས་གཡབ་པོར་ཀྱང་། །ལས་ངན་དགྲ་ཡི་རྟེན་ལིངས་ས། །དམ་ཉམས་བཀའ་རྐུན་བསྟན་འཇིག་ལ། །བཏང་སྙོམས་ཡལ་བར་མ་བཏང་ཞིག །རཀྟ་ཙ་མུན་ཏི་སྨྱོ། དགྲ་བོའི་སྙིང་མ་ར་ཡ རྩ་ཐང་རྩ་ཐང་ཐང་མུ་ལེ་སྲོག་རྦད། ཁ་ཁ་དུར་མ་ཏི་སྨྱོ། རསྒ་རུ་ཏྲ་མ་སྨྱོ། རུ་རུ་རོ་རུ་སྦྱོ། བཛྲ་ར་ཏེ་སྦྱོ། བཛྲ་མ་ཏེ་སྨྱོ། ནག་མོ་ཙ་ཙ་སྨྱོ། པྲ༷་བུ་ཨ་ཏི་སྨྱོ། མ་མ་བཛྲ་ལ་ཏི་སྨྱོ། མ་མ་བཛྲ་མུ་ཀ་མ་སྨྱོ། མ་མ་བཛྲ་ཏིང་ཏིང་མ་སྨྱོ། མ་མ་བཛྲ་ད་རི་མ་སྨྱོ། སིང་ང་མུ་ཀ་སྨྱོ། བྱ་ཏྲི་མུ་ཀ་སྨྱོ། ཀང་ཀ་མུ་ཀ་སྨྱོ། མ་མ་བཛྲ་ཙ་མུན་ཏི་སྨྱོ། མ་མ་བཛྲ་ཀུ་མ་རི་སྨྱོ། མ་མ་བཛྲ་རསྒ་དུར་མ་ཏིང་སྨྱོ། མ་མ་བཛྲ་ཡག་ཤ་ཙ་མུན་ཏིང་སྨྱོ། མ་མ་བཛྲ་ཙ་པ་ལ་སྨྱོ། མ་མ་བཛྲ་ལི་ལི་སྦྱོ། མ་མ་བཛྲ་ཏིང་ཏིང་མ་སྨྱོ། མ་མ་བཛྲ་མ་ལིང་སྦྱོ། མ་མ་བཛྲ་མི་ལིང་སྨྱོ། མ་མ་བཛྲ་ཙི་ར་སྨྱོ། མ་མ་བཛྲ་ནེ་ནེ་ཏིང་ཏིང་སྨྱོ། ཨེ་ར་ཙ་ར། ད་ནི་དུན་རིང་དུ་ལ་ཡ་བཛྲ་དུ་རུ་ཛ་ལ་ནི། ཧ་ན་བཛྲ། དུ་མ་ར་ཧ་བཛྲ་སྨྱོ། ནཱ་ག་ར་ག་ཀྱི་མ་སྲོག་ཀྱི་མ་རྩ། མ་ར་ཏིག་མ་ར་ཏིག །ཙེ་ཙེ་ན་མ་ར་ཏིག །སྨྱོ་སྨྱོ་ཛ་ཛ། ནག་མོ་ཧར་ཧོ། ནག་མོ་དུན་ཏིང་ཧེད །ནག་མོ་མ་ཤ་ཤ་ལ་ཛ། ནག་མོ་མ་ཤ་སྲོག་ལ་ཛ། ནག་མ་མོ་ཤ་དབུགས་ལ་ཛ། སྙིང་ལ་ཧར་ཧུར་རྩ་ལ་སྨྱོ། མ་ཧྭ་རོ་ཤ་ལ་སྨྱོ། ནག་མོ་བ༷་རི་ལི་ལི། དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། གསང་བ་སྔགས་ཀྱི་ལེའུ་སྟེ་ཉི་ཤུ་རྩ་དགུ་པའོ།། །།དེ་ནས་ཡང་དག་བཤད་བྱ་བ། །སྲིད་པའི་མ་མོ་ཐམས་ཅད་ཀུན། །ཉམས་ན་བསྐང་བའི་ལས་བྱས་ཏེ། །བསྐང་བ་འདི་ནི་རབ་ཏུ་བྱ། །ལྷ་རྒྱུད་མ་རྒྱུད་སོ་སོར་བསྐང་། །དེ་ནས་ལྷ་མོ་ནག་མོ་བསྐང་། །ལྷ་མོ་སྐང་རྫས་འདི་ལྟ་སྟེ། །ནལ་མ་ནལ་ཕྲུག་ཤ་དང་སྙིང་། །ཤ་སྣ་སྟོང་དང་སྙིང་སྣ་སྟོང་། །ཁྲག་སྣ་སྟོང་དང་འབྲུ་སྣ་སྟོང་། །སྣོད་ཆེན་ཡོངས་སུ་བསྐང་བྱ་སྟེ། །པརྩི་ཨ་མྲི་ཏ་དང་སྦྱར། །སྲོག་དང་དབུགས་ཀྱི་མཆོད་པ་འདིས། །མ་མོའི་ཐུགས་དམ་བསྐུལ་ཞིང་བསྟོད། ཚེ་གསུམ་པ་ཡི་སྔགས་ཀྱིས་དབུལ། །བསྐང་བཤགས་ཆོ་ག་རྒྱ་ཆེར་བྱ། དེ་ནས་མ་མོ་རབ་ཏུ་མཉེས། །གདུག་པ་འདུལ་ཞིང་དངོས་གྲུབ་འགྱུར། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། །བསྐང་བའི་ལེའུ་སྟེ་སུམ་ཅུ་ཐམ་པའོ།། །།དཔལ་ལྡན་རེ་ཏི་འཁོར་དང་བཅས། །བསྒྲུབ་པའི་མཚན་མ་ཐོབ་པའི་ཚེ། །དམ་ཚིག་བསྲེ་དང་དམ་ལ་གདགས། །དེ་ཡི་རིམ་པ་འདི་ལྟར་སྟེ། །སྐུ་གཟུགས་རྡོལ་མཚོལ་ཕུར་བུ་སོགས། །ལྷ་མོ་ཉིད་དུ་ཡེ་ནས་གནས། །དེ་ལ་བདེན་བདར་ལས་བཅོལ་ལོ། །སྙིང་ནས་ཡེ་ཤེས་སེམས་དཔའ་བསྐྱེད། །དེ་ནས་མཆོད་ཕུལ་ལས་བཅོལ་ནས། །འདི་སྐད་དྲག་ཏུ་བརྗོད་པར་བྱ། །ཧུ༷། རྡོ་རྗེ་དྲི་ཆུ་བདུད་རྩི་མཆོག །དམ་ཚིག་སྙིང་གི་ཁྲག་ཆེན་པོ། །སྔོན་ནས་བསྲེ་བའི་དམ་ཚིག་མཆོག །ཁྱོད་དང་ང་ཉིད་སྙིང་གནས་པ། །སྙིང་དང་སྙིང་གི་གྲོགས་མོར་བྱ། །མ་ཧྭ་ཀུ་ཀུ་ས་མ་ཡ། པ྅་ཨ་མྲི་ཏ་ས་མ་ཡ། འདི་ནི་ཁྱོད་ཀྱིས་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། དམ་ཚིག་གཉན་པོ་མ་འདས་ན། ཁྱོད་ནི་མངོན་པར་སངས་རྒྱས་ནས། །བདེ་གཤེགས་སྐལ་ལྡན་བདེན་གནས་འགྱུར། བཛྲ་ཡ་ག་ཤ་རསྒ་ས་མ་ཡ་ཕཊ། དེ་ནས་གྲུབ་པ་ཐོབ་པ་དང་། །ཕན་གནོད་ལས་འདི་གང་བྱེད་པ། །ཇི་ལྟར་འདོད་བཞིན་དབང་བྱེད་འགྱུར། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། དམ་ཚི་བསྲེ་ཞིང་དམ་ལ་གདགས་པའི་ལེའུ་སྟེ་སུམ་ཅུ་སོ་གཅིགཔའོ།། །།དེ་ནས་ཡང་དག་བཤད་བྱ་བ། །བསྒྲུབ་པར་འདོད་པའི་སྔགས་པ་ཡིས། །དང་པོར་གསང་ཆེན་ཁྲོ་མོར་བསྒྲུབ། །གཉིས་པ་དཔལ་ལྡན་བསྒྲུབ་བྱ་སྟེ། །གསུམ་པ་ལས་ཀྱི་བྲན་མོར་བསྒྲུབ། །རྩ་བའི་བསྒྲུབ་པ་རྫོགས་པ་དང་། །མ་མོའི་གནས་སམ་གནོད་སྦྱིན་སར། །དྲག་པོའི་ལས་རྣམས་བསྒྲུབ་པར་བྱ། །ཇི་སྲིད་གསང་བའི་ལས་རྩོམ་པ། །གདུལ་བྱ་ཁྱད་པར་ཡོད་པ་དེ། །ཨ༷་གྱུ་ཤ་ཡི་སྔགས་ཀྱིས་གསད། །སྔགས་ཀྱི་སྦྱོར་བ་རྫོགས་པ་དང་། །ལས་ཀྱི་དུས་སུ་བསྟབ་པར་བྱ། །སྒག་རསྒ་རག །རག་མོ་མ་སྙིང་ཁ་རག །་ག་རསྒ་ཁ་ར༷་ཁུ་ཧི། ཙ་མུན་ཙག་ཁ་ར༷་ཁུ་ཧི། མ་མ་ཁུ་ཧི། ཕུ་ཡ་ཕུ་ཡ། རག་ཏུ་ཙ་མུན་ཏྲི་ཁུ་ཧི། དུལ་དུལ། ཤིག་ཤིག །མེ་ལ་ཛ། ཐབྲས་འུབས་འབྲུམ་དུས་ར༷་ཤིག །མེ་ར༷་རེ་ར༷། ཁ་ར༷་ཁུ་ཧི། བ༷་ཡོས་བ༷་ཡོས། ཐུ་ལུ༷་ཐུ་ལུ༷། སྙིང་ར༷་ཤིག །དབང་པོ་ལྔ་ལ་ར༷་ཐུལ། གཟུགས་ཕུང་ལྔ་ལ་ནི་ཐུལ་ཞུབས། །གསང་ཆེན་དབུས་ཀྱི་སྲེགས་བྱེད་མ། །ཞལ་ནི་མཐིང་ནག་ཧོམ་ཁུང་འབར། །ལྗགས་ནི་ཧོམ་གཟར་རློན་པའི་ཚུལ། །རི་རབ་ཕུར་བུའི་ཚེམས་གཙིགས་ཤིང་། ཁེན་ཏུ་མེ་འབར་དྲག་མོ་ལ། །དུར་ཁྲོད་དྲག་པོ་མ་མོ་དང་། །རོ་ལངས་སྲིན་མོ་སྲུལ་པོའི་ཚོགས། །མ་ལུས་ཀུན་གྱིས་སྟོབས་པ་ཡིན། །བསྟབ་པའི་ལས་ཀྱི་རིམ་པའོ། །ཡང་ན་ལོག་ནོན་བསྟབ་པ་ནི། །གང་ལ་བྱ་བའི་མིང་རུས་དེ། །ལས་རྣམས་རྫོགས་པས་འགྲུབ་པ་དང་། །ལྷ་མ་ཤ་ཁྲག་རུས་པ་བསམ། །དེ་ཉིད་སྟོབས་བསམ་སྔགས་བཟླས། །རག་མོ་མ་ཧྭ་ཡག་མོ་སརྦ་དུན་ཏེ་ས་མ་ཡ། མ་ཙ་ལ་ཁུ་ཧི། མེ་ཏ་པ་ཤ། མ༷་ས་པུ་ཀི། ཇི་བ༷་རུ་ཏི་ར་ཛ་རེ་ན་ཤི་གྲི་མ་ར་ནི་པི་པ་ལ། བག་སྒ་ནི་བྷ་ལིང་། སྒྲི་ཏྣ་སྒྲི་ཏྣ་བུན་ཛ་ཧོ། པི་པ་ཏོ་ས་མ་ཡ་ཨ་ཏི། གནད་ལ་བོར་བའི་ལས་རྣམས་བྱ། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། བསྟབ་པའི་ལེའུ་སྟེ་སུམ་ཅུ་སོ་གཉིས་པའོ།། །།དེ་ནས་ཡང་དག་བཤད་བྱ་བ། །ལས་བྱེད་སྤྲུལ་པའི་མ་མོ་དང་། །གསོད་པའི་མ་མོ་རེ་མ་ཏི། ་།་གླང་འབྲུམ་ཟོར་ལག་ན་ཐོགས། །རོ་ལངས་ནག་མོ་རེ་མ་ཏི། །དམར་མོ་ཁྲམ་བམ་ཁྲག་ཟོར་ཐོགས། །གསང་བའི་མ་མོ་རེ་མ་ཏི། །ནག་མོ་སྦྲུལ་གོན་དུག་ཐུན་ཐོགས། །ཁ་ཐུན་ནག་མོ་རེ་མ་ཏི། །འུག་པའི་གསོབ་དང་སྦལ་ནག་ཐོགས། །རྡེག་བྱེད་ནག་མོ་རེ་མ་ཏི། །ཕུར་ཟོར་ཐོ་བ་ལག་ན་ཐོགས། །སྲེག་བྱེད་དམར་ནག་རེ་མ་ཏི། །ལྕགས་ཀྱུ་མེ་རི་ལག་ན་ཐོགས། །ལས་ཀྱི་མ་མོ་རེ་མ་ཏི། །ལྗང་ཁུ་རྒྱ་གྲམ་འགྲུ་ཟོར་ཐོགས། །ཁམ་ནག་དུད་ཁ་རེ་མ་ཏི། །གཡབ་མོ་མཛེ་ཟོར་ལག་ན་ཐོགས། །སྲོག་ལེན་སྔོ་ནག་རེ་མ་ཏི། །བ་དན་དུག་ཟོར་ལག་ན་ཐོགས། །སྔོ་ནག་དམར་སྐྱ་རེ་མ་ཏི། །བྱ་རོག་ཝ་མོ་ལག་ན་ཐོགས། །གསོད་བྱེད་མཐིང་ནག་རེ་མ་ཏི། །ཐོ་བ་ཕུར་བུ་ལག་ན་ཐོགས། །སྲེག་བྱེད་ར་ཁྲི་རེ་མ་ཏི། །མེ་དཔུང་ནང་ན་མེ་སྒྲོན་ཐོགས། །ཐོག་འབེབས་ནག་མོ་རེ་མ་ཏི། །ཆུ་སྲིན་པགས་པ་འབྲུམ་ཟོར་ཐོགས། ཁྲན་པ་ནག་མོ་རེ་མ་ཏི། །རལ་གྲི་མཛེ་ཟོར་ལག་ན་ཐོགས། །སྲོག་གཅོད་ནག་མོ་རེ་མ་ཏི། །རལ་གྲི་དུག་ཟོར་ལག་ན་ཐོགས། །མེ་འབར་ནག་མོ་རེ་མ་ཏི། །སྤྱང་ཁུ་ཁྲ་ཡི་གཡང་གཞི་ཐོགས། །དུག་འཐོར་ནག་མོ་རེ་མ་ཏི། །ཐོ་བ་ཕུར་བུ་ལག་ན་ཐོགས། །སྲེ་བྱེད་རོ་ལངས་རེ་མ་ཏི། །མེ་འབར་འཁོར་ལོ་ལག་ན་ཐོགས། །མོན་མོ་ནག་མོ་རེ་མ་ཏི། །ཁྲམ་ཤིང་མོན་ཟོར་ལག་ན་ཐོགས། །བལ་མོ་གསེར་ཤིང་རེ་མ་ཏི། །གཡབ་མོ་ཁྲག་ཐུན་ལག་ན་ཐོགས། །དུག་སྐྲུལ་སྤྲུལ་པའི་རེ་མ་ཏི། །དུག་སྐྲུལ་གཡབ་མོ་ལག་ན་ཐོགས། །ཐོད་འཕྲེང་ནག་མོ་རེ་མ་ཏི། །ཕག་ནག་བྱ་ནག་གཡབ་མོས་འདེབས། །དྲི་དུན་དུམ་པའི་རེ་མ་ཏི། །རི་རབ་ཕུར་བུ་ལག་ན་ཐོགས། །དུག་སྒྲོལ་པེས་ཐང་རེ་མ་ཏི། །མེ་དཔུང་སེར་ནག་ལག་ན་ཐོགས། །ཁྱུང་ཆེན་སེར་ནག་རེ་མ་ཏི། །གྲི་ཁུག་འབྲུ་མ་ཟོར་ལག་ན་ཐོགས། །སྦྲུལ་མགོ་ནག་མོ་རེ་མ་ཏེ། །ཏྲི་ཤུལ་ཁྲག་ཟོར་ལག་ན་ཐོགས། །དུག་མགོ་རོ་ལངས་རེ་མ་ཏི། །དུག་སྦྲུལ་དུག་ཐུན་ལག་ན་ཐོགས། །འབར་མ་ལས་ཀྱི་རེ་མ་ཏི། །བྱ་ནག་ཁྱི་ནག་གཡང་གཞི་ཐོགས། །རོ་ལངས་མེ་འབར་རེ་མ་ཏི། །མེ་རི་སྔོན་དམར་ལག་ན་ཐོགས། །མ་མོ་རྣམས་དང་ཐམས་ཅད་ཀུན། །དངོས་པོ་གཅིག་ལས་མ་གཡོས་ཀྱང་། །དབང་གིས་འབྲས་བུར་གསལ་བ་ཡིན། །སྔོན་ཚེ་ང་ཡི་སྤྲུལ་པའི་དབང་། །འདི་དག་ཀུན་གྱི་དམ་བཅས་ཡིན། །རང་རང་སྙིང་པོ་ཕུལ་བ་ཡིན། །ཇི་བཞིན་ལས་རྣམས་བྱེད་པ་ཡིན། །སྔགས་ནི་ཟོར་གྱི་དཀྱིལ་འཁོར་ཡིན། །ཐམས་ཅད་ཟེར་གྱི་དཀྱིལ་འཁོར་མཆོག །འདི་ཡི་ལས་ལ་ཁྱད་པར་གསུངས། །གཞན་དུ་བྱས་ན་འགྲུབ་མི་འགྱུར། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། དྲག་པོའི་ལས་ཟོར་གྱི་ལེའུ་སྟེ་སུམ་ཅུ་སོ་གསུམ་པའོ།། །།དེ་ནས་ཡང་དག་བཤད་བྱ་བ། །སུམ་བརྒྱ་དྲུག་ཅུའི་གཙོ་མོ་ནི། །རེ་ཏི་སྲོག་གི་བདག་མོ་སྟེ། །དེ་ཡི་སྒྲུབ་པ་བཤད་པར་བྱ། །མི་ནག་རྟ་ནག་ཁྱི་ནག་དང་། །གཞན་ཡང་རྣམ་པ་སྣ་ཚོགས་སྙིང་། །དབུས་སུ་ལྕགས་ཕུར་རྩེ་ལ་གཟུགས། །དེ་ནས་བདག་ཉིད་ཏིང་འཛིན་གྱིས། །གསང་ཆེན་སྲོག་གི་སྒྲུབ་སྔགས་བཟླས། །མ་མ་རག་མོ་རག་མོ། རུ་རུ་རོ་སྲ ཙ་པ་ལ་ཨ་ཤུག་མེ་སྨྱོ་ཛ་ཛ། རུ་རུ་རག་མོ་ཏེ་ཀེམ་སྟི་ཏ་བམ། ཁ་མུན་ཏྲ་སྙིང་ཁ་རག་མོ་སྨྱོ། ས་མ་ཡ་ཁ་ཐུན། བྱི་ལ་ཙི་ཤ་མ་རུ་ཀ་ལི་མ་སྨྱོ། མ་མ་སྨྱོ། ནུ་ཕྱི་རུ་ལུ། ཏ་ཀེམ་ཏ་ཀེམ། ཏ་ལ་ག་ར་སྨྱོ། སྙིང་ཨུ་རུ་ལི་སྨྱོ། ན་མ་མུ། རག་མོ་་ག་རསྒ་བམ། རུ་བི་ནན། ཙ་པ་ལ་ཨ་ཤུག་མེ་ཁ་ཐུན་ཏྲི་རུ་ལུ་སྨྱོ། མ་མོ་དེ་གྲུབ་དུས་དག་ཏུ། །ལས་དང་མཆོད་པ་སོ་སོར་དབུལ། ཇི་སྲིད་ལས་ལ་སྦྱོར་བའི་ཚེ། །ཁམས་གསུམ་དབང་དུ་སྡུད་ཚུལ་བསྟན། །འདུས་པ་ཡོན་ཏན་བསམ་ཡས་ཐོབ། །སྦྱིན་སྲེག་གཏོར་མའི་དབང་དུ་གསུངས། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། མ་མོ་སྲོག་བསྒྲུབ་པའི་ལེའུ་སྟེ་སོ་བཞི་པའོ།། །།དེ་ནས་ཡང་དག་བཤད་བྱ་བ། །རྣལ་འབྱོར་སྔགས་ཀྱི་དཀྱིལ་འཁོར་གྱིས། །བདུད་ཀྱི་གཙོ་བོ་མནན་པར་བྱ། །རང་ཉིད་ཕྱག་ན་རྡོ་རྗེར་བསྒོམས། །འོག་ཏུ་ཁུང་བུ་གྲུ་གསུམ་བརྐོ། །རྒྱ་སོལ་ནག་པོས་ཆག་ཆག་གདབ། །འདྲེ་ཚེར་དུག་སོགས་ཤིང་གིས་དགང་། །སྨེ་པའི་དུད་པ་གཏོང་བར་བྱ། །གྲོ་ག་རོ་ཤུན་ལ་སོགས་པ། །བདུད་ཀྱི་གཙོ་བོའི་མིང་བྲིས་ནས། །བཅིང་དགུག་ལས་རྣམས་གྲུབ་པར་བྱ། །དེ་ཉིད་གྲུ་གསུམ་གཏིང་དུ་གཞུག །ཏིང་འཛིན་འོག་ཏུ་རླུ་་མེ་བསྒོམ། །བདུད་ནི་རླུ་་མེས་སྲེག་པར་བྱེད། །ལོགས་ལ་ཟ་དང་གསོད་པ་བསམ། །སྟེང་དུ་ལྕགས་པུར་དྲག་པོ་ལ། །ཕྱག་ན་རྡོ་རྗེ་རབ་བསྒོམས་ནས། །གང་ཡིན་གཟུགས་དེའི་སྟེང་དུ་མནན། །སྐབས་དེའི་ཁ་བྱེ་ལ། །མནན་བསྐྱལ་སྔགས་འདི་དྲག་ཏུ་བཟླས། །མ་མ་ཏྲག་རསྒ་ཁ་མུན་ཏྲ། སྙིང་ཁ་རག་མ་སྨྱོ། ཚིན་དྷ་ཚིན་དྷ། བིན་དྷ་བིན་དྷ། གྲིཏྣ་གྲིཏྣ། ཧ་ན་ཧ་ན། བྷན་དྷ་བྷན་དྷ། ཏ་ཐ་ཡ་ཏ་ཐ་ཡ། ཧ་ས་ཡ་ན་ཧ་ས་ཡ་ན། ཕྲི་ཀྲང་ཨ་ན་ཡ་ཧུ༷་ཕཊ། ཛ་ལ་ཡ་བ་ཡ་ཛ་ལ་བ་ཡ། ཨ་བེ་ཤ་ཡ་ཨ་བེ་ཤ་ཡ། སྟིན་དྷ་སྟིན་དྷ། དང་པོའི་སྔགས་ནི་དང་པོས་ཏེ། བར་དུ་བདུད་ཀྱི་མིང་སྔགས་བཟླས། །མཐའ་མས་བསྐུལ་བའི་མཐའ་དང་ལྡན། །ཡུངས་ཀར་ཡུངས་ནག་སྐེ་ཚེ་དང་། །སེང་གེའི་སྙིང་དང་ཀླད་པར་བཟླས། །སྟེང་ནས་དུས་ཀྱི་དབང་དུ་གདབ། །མ་ཡེངས་བརྩོན་པར་ལས་རྣམས་བྱ། །དེ་ནི་འགྲུབ་འགྱུར་གཞན་དུ་མིན། །ལས་ཟིན་ཐེམ་པའི་འོག་ཏུ་མནན། །ཡང་ན་དྲག་པོའི་སྦྱིན་སྲེག་བྱ། །ཐལ་པ་ཆང་ཕུད་ཉིད་དང་སྦྱར། །བྲག་དང་འཐབ་པའི་ཆུ་ལ་བསྐུར། །དེས་ནི་བདུད་རྣམས་རབ་ཏུ་ཞི། །ཡང་ན་བདུད་ཀྱི་ཐལ་པ་དེ། །དྲག་པོའི་ཁྲག་དང་རབ་སྦྱར་ནས། །ལུག་བོང་གཅིན་གྱིས་སྦྲུས་ནས་ནི། །སྲིན་མ་བཙོས་པ་ཙམ་དུ་བྱ། །དུག་གི་མེ་ལ་བསྐམ་པར་བྱ། །ཛ་ལ་ཛ་ལ་ར༷། བསྐམས་ནས་ཡུངས་ཀར་ཡུངས་ནག་དང་། །སྐེ་ཙེ་ཏིལ་ནག་ཤང་ཙེ་སོགས། །གདུག་པའི་རྫས་རྣམས་མ་ལུས་ལ། །གདུག་པའི་ངན་སྔགས་འདི་བཟླས་ཏེ། །གང་ཡིན་གཟུགས་ལ་གདབ་པར་བྱ། །ཏྲག་རསྒ་ཁ་མུན་ཏྲ། སྨྱོ་རུ་ལུ་རུ་ལུ། ཏྲག་རསྒ། སྙིང་ཁ་རག་སྙིང་སྨྱོ། ཤ་ཤ་ཏྲག་ཤ་ཤ་ཏྲག ཏྲག་མོ་ཏྲ་བ། སྙིང་ཏྲ་བ་སྙིང་ཁྲག །ཏྲག་ཏྲག་མོ་ཏྲག །མ་སྙིང་རྩ་ཁྲག་བྲེང་བྲང་། ཨོ་ཛ་ལ་ཛ་ལ་ཏིང་། ཨོ་བཛྲ་ཁ་རག་སྙིང་ཁ་རག །བཛྲ་ཀ་མ་ལ་སྦྱོ་ཛ་ཛ། ཏྲག་རསྒ་ཁ་མུན་ཏྲ་སྨྱོ། མྱ་ར་ཡ་ཐུན་ཡ། ཏྲག་རསྒ་སྙིང་ཁྲག་སྙིང་སྦྱོ། མ་ར་ཡ་ཐུན་ཡ། སྐྲུ་ཏ་སྐྲུ་ཏ་སྨྱོ། མ་ར་ཡ་ཐུན་ཡ། ས་ཏི་ས་མ་རུ་ཐིབས་ཐིབས། ཐབས་བྲ་འུར་ཁ་ཤ་བམ། ཡ༷་ཡུམ་རི་ལི་ལི། ཐིགནིག གཅིགམེད། གཉིས་དྲག །བརྒྱད་བཅད། གནམ་མཐོང་ཕྱེད། ལྕགས་སྒྲོག་ཁྲོལ། མི་རང་སོད། བཛྲ་པ་ནི་ཕཊ། དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། །བདུད་གནན་པའི་ལེའུ་སྟེ་སུམ་ཅུ་སོ་ལྔ་པའོ།། །།དེ་ནས་ཡང་དག་བཤད་བྱ་བ། །ཇི་སྲིད་འཁོར་ལོའི་སྦྱོར་བ་ན། །ཞིང་ཆེན་སྟག་དང་སེང་གེ་དང་། །དྲི་བོ་རོ་ཡི་པགས་པ་དང་། །རོ་ཤུན་ལ་སོགས་གདུག་པའི་པགས། །མོ་ལ་མོ་ཡི་འཁོར་ལོ་བྲི། །ཕོ་ལ་ཕོ་ཡི་འཁོར་ལོ་བྲི། །སྐེ་ཚེ་ཏིལ་དང་ཤང་ཚེ་དང་། །ངན་ཁྲག་དྲི་བོའི་ཁྲག་དང་ཚ། །ས་ཚོགས་དུག་གི་ཁུ་བ་དང་། །གུ་གུལ་སོལ་ཆེན་སྣག་ཚ་དང་། །བྱོ་རོག་འུག་པ་ཁྲ་ཡི་སྒྲོ། །ཡང་ན་གཅན་གཟན་མཆེ་སྡེར་གྱིས། །ཉ་འམ་ཉི་ཤུ་གཉིས་པ་ལ། ཁུ་དང་སྟོང་ལ་འཁོར་ལོ་བརྩམ། །ཡང་ན་ཕུར་བུ་རེ་སོགས་དང་། །དེ་ལ་སོགས་པ་བརྩམ་པར་བྱ། །གསད་བསྒྲུབ་འཁོར་ལོ་ཞེས་བྱ་བ། །འོག་ནི་དཔལ་ལྡན་རེ་མ་ཏི། །ཞལ་གཅིག་ཕྱག་གཉིས་ཞབས་གཉིས་ལྡན། །འཁོར་ལ་གྲོང་ཁྱེར་ཚུལ་འཆར་ཞིང་། །འཁོར་ལོ་རྩིབས་བཞི་མུ་འཁྱུད་ལྡན། ཙཀྲ་རྦད་མིང་མུ་ར་ཡ་ཧུ༷་ཕཊ། མཐའ་དང་ཡང་དག་ལྡན། །ཕྱི་རིམ་ཐང་ཕྱམ་དྲག་པོའི་ཚོགས། །ཛ་ཐུན་མར་ཡའི་མཐའ་དང་ལྡན། །དེ་ཡི་ཕྱི་རིམ་མཚོན་ཆའི་ཚོགས། །དེ་ནི་མོ་ཡི་འཁོར་ལོ་ཡིན། །བདུད་ཕོ་ཉིད་ཀྱང་དེ་ཉིད་དེ། །ཞལ་གཅིག་ཕྱག་གཉིས་ཞབས་གཉིས་ལྡན། །སྒོ་མེད་ལྕགས་མཁར་རྩིབས་བཞི་ལ། ཙཀྲ་རྦད་མིང་གོང་དང་ལྡན། །ཕྱི་རིམ་སྟེང་སྟེ་མཐའ་དང་ལྡན། །གཞནགྱིམཚོནཆདེབཞིནཏེ། །གྲོངཁྱེར་འདི་དག་ཐམས་ཅད་ཀུན། །ཇི་སྲིད་མེ་དཔུང་ནང་དུ་བཞུགས། །འོད་ཟེར་འཕྲོ་ཞིང་འཁྲུག་པའི་ཚུལ། །མ་མོ་རྣམས་ལ་ནང་ལ་ནང་། །འཐབ་དང་བརྩོན་དང་ཚིག་འགྲུབ་སྟེ། །ཇི་སྲིད་གསོད་པའི་ལས་རྣམས་བྱེད། །དེ་དག་རིམ་པ་བཤད་བྱ་སྟེ། །རིམ་པ་དང་པོ་འདི་རིམ་བཞིན། །སྔགས་ཀྱི་འཁོར་ལོས་སྐུལ་བར་བྱེད། །བསམ་ག་་འཁོར་ལོས་སྒྲུབ་པར་བྱེད། །རྫས་ཀྱི་འཁོར་ལོས་དཀྲུག་པར་བྱེད། །དེས་ནི་མྱ་ར་ལ་གདོན་མི་ཟ། །དེ་ལྟ་བུའི་ལས་རྣམས་གྲུབ་པ་དང་། །ཇི་སྲིད་འཁོར་ལོ་ཆེན་པོ་དང་། །རབས་ཆད་ཐོད་པ་ཁ་སྦྱར་དུ། །འཁོར་ལོ་བཅུག་ལ་ཁ་བཅད་དོ། །དེ་ནས་དུར་ཁྲོད་ཆེན་པོ་མྲ །མ་ཡེངས་དཀྲུག་བསྐོར་བྱས་གྱུར་ན། །ལས་འདི་འགྲུབ་འགྱུར་གདོན་མི་ཟ། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། །འཁོར་ལོ་བསྒྲུབ་ཅིང་གསད་པའི་ལེའུ་སྟེ་སུམ་ཅུ་སོ་དྲུག་པའོ།། །།དེ་ནས་ཡང་དག་བཤད་བྱ་བ། །ཇི་སྲིད་འཁོར་ལོའི་སྦྱོར་བ་ནི། །རབ་ཏུ་དྲག་པོའི་བྲི་བར་བྱ། །སྲོག་གི་འཁོར་ལོ་ཞེས་གསུངས་པ། །མེ་ཡི་འཁོར་ལོ་ཉིད་ཡིན་ཏེ། །ལྷ་མོ་མགྲིན་པའམ་བྷ་གར་གསད། །དེར་ནི་འཁོར་ལོའི་རྩིབས་བརྒྱད་པ། །ར༷་དངར༷ སྐྱེསདབྱིབས་ཅན་ནི། །མེ་གསུམ་འདུས་བའི་དཀྱིལ་དུ་གསད། །གནས་ནི་སྙིང་ནང་སྲོག་རྩ་རྒྱུད། །ཡ༷་གིས་བུས་ལ་ར༷་གྱིས་བསྲེག །འཁོར་ལོ་བསྒྲུབ་དང་བཅས་པ་དེ། །དུག་ཤིང་མེ་སྦར་སྲེག་པར་བྱེད། །ཆུ་ཡི་འཁོར་ལོ་ཞེས་གསུངས་པ། །ལྷ་མོ་ལྟེ་བའི་དཀྱིལ་འཁོར་དུ། །སུམ་འགྱུར་ཟླུམ་ལ་རབ་ཏུ་གནས། །ཆུ་གསུམ་འདུས་པའི་དཀྱིལ་དུ་གསད། །གནས་ནི་སྟེང་གནས་འདབ་བརྒྱད་སྟེང་། །ཀླུ་བརྒྱད་འཁོར་དང་བཅས་པ་བསྐྱེད། །ལས་རྣམས་བཅོལ་ནས་བསྒྲུབ་བྱས་ནས། །རྒྱ་མཚོ་ཆེན་པོར་དོར་བར་བྱ། །རླུ་་གི་འཁོར་ལོ་ཞེས་གསུངས་སོ། །ལྷ་མོ་ཞབས་ཀྱི་དཀྱིལ་འཁོར་དུ། །བ་དན་རབ་ལྡན་རླུང་དེ་ལ། །རབ་ཏུ་འཕྲོ་བའི་རླུང་ལྡན་པས། །རླུང་གསུམ་འདུས་པའི་དཀྱིལ་དུ་གསད། །སྙིང་གནས་རླུང་གི་དཀྱིལ་འཁོར་དུ། །རླུང་ལྷ་འཁོར་བཅས་རྫོགས་པར་བསྐྱེད། །ལས་བཅོལ་འཁོར་ལོ་རླུང་ལ་བསྐུར། །ས་ཡི་འཁོར་ལོ་ཞེས་གསུངས་པ། །ལྷ་མོ་སྙིང་གི་དཀྱིལ་འཁོར་དུ། །ལོ་བསྐྱེད་ས་བོན་ས་གཞི་བསམ། །སུམ་འགྱུར་དྲག་པོའི་ས་གཞི་དར། །ས་གསུམ་འདུས་པའི་དཀྱིལ་དུ་གསད། །གདུལ་བར་བྱ་བའི་སྙིང་ཁ་སྲ །ས་ཡི་དཀྱིལ་འཁོར་རབ་བསམ་ནས། །སྟེང་དུ་ས་བདག་ལག་ཆེན་བསྐྱེད། །དྲང་སྲོང་རྣམས་ཀྱང་དེ་བཞིན་ཏེ། །ལས་རྣམས་བཅོལ་ཞིང་བསྒྲུབ་བྱས་ནས། །དུར་ཁྲོད་ལ་སོགས་ཀུན་ཏུ་གནན། །ས་ཡི་ལྷ་མོ་སེར་མོ་སྟེ། །དེ་བཞིན་ཆུ་ཡི་ལྷ་མོ་དཀར། །མེ་ཡི་ལྷ་མོ་དམར་མོ་ལ། །རླུད་གི་ལྷ་མོ་ལྗང་ཁུ་སྟེ། །དེ་ནི་ལས་རྣམས་མྱུར་དུ་འགྲུབ། །ཡང་ན་འཁོར་གནས་འདི་ལྟ་སྟེ། །ཆུ་ནི་གྲོད་པའི་དཀྱིལ་འཁོར་སྟེ། །གྲོད་པའི་ནང་དུ་བྱ་བར་བཤད། །མེ་ནི་སྲོག་རྩི་འཁོར་ལོ་སྟེ། །སྲོག་རྩའི་ནང་དུ་བྱ་བར་བཤད། །རླུད་ནི་རྐང་པའི་འཁོར་ལོ་སྟེ། །རྐང་པའི་ནང་དུ་བྱ་བར་བཤད། །ས་ནི་ཤ་ཡི་འཁོར་ལོ་སྟེ། ཁྲ་ཡི་ནང་དུ་བྱ་བར་བཤད། །དེ་དེ་ལས་རྣམས་བྱས་གྱུར་ན། །ལས་རྣམས་འགྲུབ་པར་ཐོགས་པ་མེད། །ལས་དེ་གྲུབ་པའི་རྟགས་བྱུང་ན། །བདུན་གསུམ་ཉི་ཤུ་རྩ་གཅིག་གིས། །དགྲ་བོ་བསྒྲལ་བར་གདོན་མི་ཟ། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། དྲག་པོའི་འཁོར་ལོའི་ལེའུ་སྟེ་སུམ་ཅུ་སོ་བདུན་པའོ།། །།དེ་ནས་ཡང་དག་བཤད་བྱ་བ། །ལས་རྣམས་རྫོགས་པའི་རྣམ་འབྱོར་པས། །རིག་པའི་ཏིང་འཛིན་གསལ་བྱས་ཏེ། །མཆོག་ཕྲན་དྲག་པོའི་ས་གཞི་སྲ །གནོད་དང་གདུག་པའི་དགྲ་བགེགས་ལ། །གསོད་བྱེད་ནང་དུ་བསྒྲུབ་པ་དང་། །མོ་ཡི་ཐོད་པར་བསྒྲུབ་པ་བརྩམས། །དཀྱིལ་འཁོར་གྲུ་གསུམ་སུམ་བརྩེགས་ལ། །ནང་དུ་དུག་གསུམ་ཆག་ཆག་གདབ། །དེ་ཉིད་གྲུབ་པར་འགྱུར་བ་དང་། །ཐོད་རློན་ཟོར་བསྒྲུབ་རྫོགས་པར་བྱ། །དུར་དོང་ཞུགས་པའི་འོག་དག་ཏུ། །ཐོད་རློན་ཟོར་གྱིས་བརྡེག་གྱུར་ན། །དེ་ནི་མྱུར་དུ་ཕུང་བར་འགྱུར། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། །ཐོད་རློན་ཟོར་བསྒྲུབ་པའི་ལེའུ་སྟེ་སུམ་ཅུ་སོ་བརྒྱད་པའོ།། །།དེ་ནས་བཅོམ་ལྡན་འདས་ལ་འཁོར་རྣམས་ཀྱིས་བསྟོད་པ། །ཨེ་མ་ཧོ་ཨེ་མ་ཧོ་བཅོམ་ལྡན་འདས། །སྲིད་པ་ཀུན་རྫོགས་ཡེ་སངས་རྒྱས། །དངོས་པོ་མེད་ཅིང་མཚན་ཉིད་མེད། །སྣ་ཚོགས་ཡུལ་ལས་སྐུར་བྱུང་བ། །དེ་ཉིད་སྐུ་མཆོག་ཕྱག་འཚལ་བསྟོད། །ཡིད་བཞིན་སྐུ་མཆོག་དོན་ལྡན་པས། །བསྒྲུབ་བྱ་མ་མོ་དབང་འདུས་ཏེ། །ཐེ་ཚོམ་མི་འབྱུང་དོན་གསུངས་པ། །གསུང་རྒྱུད་གཏེར་ལ་ཕྱག་འཚལ་བསྟོད། །དཔལ་ལྷ་མོ་རེ་མ་ཏི་གསང་བ་ཤན་པ་ནག་མོའི་རྒྱུད་ལས། །རྒྱུད་ཡོངས་སུ་གཏད་པའི་ལེའུ་སྟེ་སུམ་ཅུ་སོ་དགུ་པའོ།། །།འཕགས་པ་ལྷ་མོ་ནག་མོའི་རྒྱུད་ཀྱི་རྒྱལ་པོ་གསང་བ་ཤན་པ་ནག་མོ་བསེ་སྡེར་ཞེས་བྱ་བ། མ་མོ་དང་སྲིན་མོ་ཐམས་ཅད་བཀོལ་བའི་མན་ངག་མ་མོའི་རྒྱུད་ཐམས་ཅད་ཀྱི་འགྲེལ་པ་ལས་བྱང་དུ་ཕྱུང་བ་རྫོགས་སོ།། །། རྒྱ་གར་སྐད་དུ། གུ་རྒྱ་ག་པི་ཏནྟྲ་ནཱ་མ། བོད་སྐད་དུ། གསང་བའི་གཏེར་གྱི་རྒྱུད་ཅེས་བྱ་བ། ཀུན་ཏུ་བཟང་མོ་ལ་ཕྱག་འཚལ་ལོ། །འདི་སྐད་བདག་གིས་ཐོས་