Ngb-pt-0752-vol-08-text

Body

བསྟན། འབྲས་བུ་བདེ་བ་ཆེན་པོ་བྱང་ཆུབ་སེམས་སུ་ལ་བཟླའོ། །ཆེ་མཆོག་ཧེ་རུ་ཀའི་དགོངས་སྤྱོད་ཀྱི་ལེའུ་སྟེ་དང་པའོ།། །།འདི་ནས་མར་ལྟ་བས་ཐག་བཅད་པའི་ཕྱིར། ཡང་གཏེར་ལྟ་བའི་མན་ངག་བསྟན་ཏེ། ཙིསྟ་རིན་པོ་ཆེ་དཀར་དམར་གྱི་གཞལ་ཡས་ཁང་བྱང་ཆུབ་སེམས་ཀྱི་གའུ་ནས། ཀུན་ཏུ་བཟང་མོ་མི་འགྱུར་བའི་བདག་ཉིད། ཡེ་ཤེས་ཐམས་ཅད་ཀྱི་འབྱུང་གནས། ཆོས་ཀྱི་དབྱིངས་ཀྱི་ངོ་བོ་བླ་ན་མེད་པའི་ཕྱག་རྒྱར་གསལ་བ་ལས། མཁའ་གསལ་ཉི་མའི་དཀྱིལ་འཁོར་ནས་སྣང་སྲིད་ཐམས་ཅད་འཆར་བར་མཛད་དེ། མཁའ་བཞི་དབྱིངས་དང་ལྔའོ། །དེའི་ལས་དབྱིངས་དང་ཡེ་ཤེས་ཀྱི་མ་མོ་ཐམས་ཅད་བསྐྱེད་པའོ། །ཙིསྟ་རིན་པོ་ཆེ་དཀར་དམར་གྱི་རྩ་བཞི་ལས། །དང་པོར་དཔལ་ཆེན་པོ་ཉིད་ཀྱི་ཐུགས་ཡེཤེས་ལས་བསྐྱེད་པས། ཡེ་ཤེས་ཀྱི་མ་མོ་ཡང་བག་བཞི་གནས་སོ། །མཁའ་བཞི་དབྱིངས་དང་ལྔ་ལ་འབྱུང་བའི་རྒྱལ་མོ་ལྔ་གནས་སོ། །གནས་ཡུལ་བཅུ་དྲུག་ལ་ཡེ་ཤེས་ཀྱི་མ་མོ་བཅུ་དྲུག་གནས་སོ། །ཕྱི་རྩ་གསུམ་བརྒྱ་དྲུག་ཅུ་ལ་མ་མོ་ཐམས་ཅད་སྤྲོ་བསྡུ་གསལ་བ་བསྟན་དོན་དབྱིངས་དང་ཡེ་ཤེས་ལས་མི་འགལ་བས། ཡེ་ཤེས་ཀྱི་ཡེ་ཤེས་ཆེན་པོ་བླ་ན་མེད་པའི་ཕྱག་རྒྱར་གསལ་བའོ། །ཡང་གཏེར་ལྟ་བའི་ལེའུ་སྟེ་གཉིས་པའོ།། །།འདི་ནས་མར་སྤྱོད་པས་ལ་དོར་དོར་བ་དང་། འཁོར་བ་ཚེ་གསོ་ཞིང་བྱང་ཆུབ་སྲོག་གཟུང་བའི་ཕྱིར། །སྟན་འགན་གྱི་ལས་བསྟན་ཏེ་བསྒྲལ་བས་མ་མོ་རྣམས་ཀྱི་ཐུགས་དམ་སྐོངས་སོ། །སྦྱོར་བས་འཕགས་པ་རྣམས་ཀྱི་ཐུགས་དམ་སྐོངས་སོ། །མཉམ་པར་གཞག་པས་དྷ་ར་མ་ཀ་ཡའོ། །སྦྱོར་སྒྲོལ་གྱི་གསང་ཚིག་སྟན་འགན་གྱི་ལེའུ་སྟེ་གསུམ་པའོ།། །།འདི་ནས་མར་བསྒྲུབ་པས་ཕུལ་དུ་འབྱུང་ཞིང་ཕྱི་རབས་ཀྱི་རྣལ་འབྱོར་པ་རྣམས་རྟོག་པ་ཆུད་མི་གནས་པའི་ཕྱིར། གསང་ལུང་མན་ངག་སྐོས་ཀྱི་ལེལྭ གསེར་གྱི་སྐུད་པ་ལ་རིན་པོ་ཆེ་གཙར་ལ་བརྒྱུས་པ་ལྟར་བསྟན་ཏེ། བཀའ་དང་མཐུན་ཞིང་ཐུགས་དང་འཐད་པའི་གནས་བཙལ་བ་དང་། གཞུང་གཞན་དང་མཐུན་པར་ས་གཞི་བྱིན་གྱིས་བརླབས་པ་དང་། ས་ཟླུད་གཏང་ཞིང་ས་བསླང་བ་དང་། ས་གཞི་བྱིན་གྱིས་བརླབ་ཅིང་སའི་ལྷ་མོ་བརྟན་མ་ལ་སྦྲན་གཏང་བ་དང་། སའི་སྨོན་ལམ་གདབ་པ་ཀུན་གཞུང་གཞན་དང་མཐུན་པར་བྱའོ། །རྣལ་འབྱོར་པ་སྒྲིབ་པ་སྦྱང་བའི་ཕྱིར། ཕྱིའི་མཆོད་པ་རྒྱ་ཆེར་འབུལ་བ་དང་། སྤང་སྐོང་ཀླག་ཅིང་ཚ་ཚ་གདབ་པ་དང་། འབུམ་ལྔའི་བཤགས་པ་ལ་སོགས་པ་བྱའོ། །འདི་ལྟ་བུའི་ལས་བྱེད་པའི་དུས་སུ། ཕྱིའི་འགྲ་བགེགས་ནང་དུ་མི་གཏང་། ནང་གི་དངོས་གྲུབ་ཕྱི་རུ་མི་གཏང་བའི་ཕྱིར། ཟ་ལམ་གོམ་པ་སུམ་ཅུ་རྩ་བདུན་མཁའ་འགྲོ་མའི་ཚུགས་ས་རུ་མཐོ་ཆེན་པོ་བཞི་དང་བཅུ་གཅིག་ལ་སོགས་པ་བརྩིགས་ལ། ཕྱི་མཚམས་བཅད་པ་དང་། དུར་ཁྲོད་ཀྱིས་འགྱིང་སྟབས་ཏེ། དཔལ་ཆེན་པོའི་ཆས་སུ་ཞུགས་ལ། གུ་གུལ་གཉེར་མ་དང་། ཡུངས་ཀར་རྒྱལ་པོ་དང་། ཁྲོ་བོ་བཅུའི་མཚམས་བཅོད། འདི་ནས་མར་ལྟ་བ་ལོག་པར་ལྟ་ཞིང་། །བར་དུ་གཅོད་པའི་དམ་སྲིད་དུར་ཁྲོད་ཀྱི་ཐོད་པ་མཚན་ངན་ལ་མནན་པ་དང་། སིརྙི་ཕྲ་མོའི་དངོས་གྲུབ་ལ་བར་དུ་གཅོད་པའི་བགེགས་བཟློག་པའི་ཕྱིར་སྒོ་བྱང་གདམས་པ་དང་། འཚོ་བ་ཟས་ཀྱི་ཡོ་བྱད་དང་། དུག་འཇོམས་སྨན་གྱི་ཡོ་བྱད་ལ་སོགས་པ་བྱིན་གྱིས་བརླབ་པ་དང་། ས་ཚོ་ཚོན་རྩི་བྱིན་གྱིས་བརླབས་པ་དང་། གཡོག་གཟུངས་མ་བྱིན་གྱིས་བརླབ་པ་དང་། དུར་ཁྲོད་རྫས་ཀྱི་ཆག་ཆག་གདབ་པ་ལ་སོགས་པ་ཀུན་གཞུང་བཞིན་བྱའོ། །དཀྱིལ་འཁོར་འཁོར་ལོ་རྩིབས་བཞི་པའི་ཐིག་གདབ། དབུས་ཀྱི་ལྟེ་བ་ཟླུམ་པོ་ལ་ཟླ་གམ་ཁ་སྤྲོད་བྲི། དེའི་ཕྱིར་མི་ཐོད་པའི་འཕྲེང་བས་བསྐོར། དེའི་ཕྱིར་རིམ་དུ་པདྨ་འདབ་མ་བཞི་བྲི། དེའི་ཕྱིར་རིམ་དུ་འཁོར་ལོ་རྩིབས་བཞི་པ་བྲི། དེའི་ཕྱི་རིམ་མུ་ཁྱུད་ཟླུམ་པོ་ལ་ཐོད་པའི་འཕྲེང་བས་བསྐོར། དེའི་ཕྱི་རིམ་དྲི་མེད་པདྨ་བཅུ་བཞིས་བསྐོར། དེའི་ཕྱི་རིམ་ཐོད་པའི་འཕྲེང་བས་བསྐོར། དེའི་ཕྱི་རིམ་གྲུ་ཆད་བཞི་ལ་པདྨ་འདབ་མ་བཞི་བྲི། དེའི་ཕྱི་རིམ་ཞིང་ཀྱང་བྲི། དེའི་ཕྱི་རིམ་བར་ཁྱམས་ལ། གྲུ་གསུམ་མཐིང་ནག་ཁྲོ་བོའི་དཀྱིལ་འཁོར་བྲི། ལྕགས་རི་མཚོན་ཚོགས་སྒོ་ཁྱུད་སྦག་ཏུ་བྱ། དེའི་ཕྱི་རིམ་མེ་རི་འབར་བས་བསྐོར། དཀྱིལ་འཁོར་བཅའ་གཞིའི་ལེའུ་སྟེ་བཞི་པའོ།། །།འདི་ནས་མར་འཕྲིན་ལས་གཞུང་བསྲང་བའི་ཕྱིར། སྐབས་ཀྱིས་ལས་མདེའུ་ཏ་ཐོ་བར་ནས་ཕྱུང་བ་ལྟར་བསྟན་ཏེ། དང་པོ་དབང་ཆེན་གྱི་དཀྱིལ་འཁོར་བསྐྱེད་ཅིང་དུར་ཁྲོད་ཀྱི་གཞལ་ཡས་ཁང་དབུབ་པ་དང་། ཏིང་ངེ་འཛིན་རྣམ་པ་གསུམ་གྱི་བདག་ཆེ་མཆོག་བསྒོམ་པ་དང་། རང་བཞིན་གྱི་དཀྱིལ་འཁོར་ནས་ཏིང་ངེ་འཛིན་གྱི་དཀྱིལ་འཁོར་དུ་སྤྱན་དྲང་བ་དང་། གཉིས་སུ་མེད་པར་བྱ་བའི་ཕྱིར་ཕྱག་བྱ་བ་དང་། དུར་ཁྲོད་རྫས་ཀྱི་དཀྱིལ་འཁོར་དུ་གདན་གདིང་ཞིང་བཞུགས་སུ་གསོལ་བ་དང་། སྐུ་གསུང་ཐུགས་ཀྱི་ཐུགས་དམ་བསྐང་བའི་ཕྱིར་བདུད་རྩི་སྨན་ཡེ་ཤེས་ཀྱི་མཆོད་པ་འབུལ་བ་དང་། མི་འདའ་གཉིས་སུ་མེད་པར་བྱ་བའི་ཕྱིར་དམ་བཅའ་བ་དང་།བག་ཆགས་སྦྱང་པའི་ཕྱིར་ཡེ་ཤེས་མཁའ་འགྲོའི་བཤགས་པ་བྱ་བ་དང་། དངོས་གྲུབ་མི་འགྱུར་བར་བྱ་བའི་ཕྱིར་སྨོན་ལམ་གདབ་པ་དང་། བདག་མ་མོའི་དབང་དུ་མི་འགྱུར་བར། མ་མོ་བདག་གི་དབང་དུ་འདུ་བའི་ཕྱིར། བདག་དཔལ་ཆེན་པོ་སྐུ་ཆེ་བའི་ང་རྒྱལ་བསྐྱེད་ཅིང་མ་མོ་བདག་གི་དཔང་དུ་བསྡུ་བ་དང་། སྔགས་དང་སྙིང་པོ་བརྗོད་པ་དང་། བསྒྲུབ་པའི་དུས་སུ་མཚང་བྲུ་བ་ཞིང་བསྒྱེར་བ་དང་། འཇུག་ཀུན་སྐབས་ཀྱི་ལས་མདེའུ་གྱི་བསྡུས་པས། སྐབས་ཀྱི་ལས་མདེའུ་གྱི་ལེའུ་སྟེ་ལྔ་པའོ།། །།མ་མོ་ཐམས་ཅད་ནི་ཡང་གབ་བཞི་རུ་འདུས་ཏེ། དེ་བཞི་སྤྱན་དྲང་བའི་སྔགས་ནི། དེ་ཡང་སྲོག་གི་ཡང་སྙིང་འདིར་འདུས་སོ། ཁུན་མ་ཆད་པར་བཟླས་སོ། ཏྲག་རག་ཤ་མུ་ཏྲ་ཁ་མུན་ཏྲ་རག་མོ་ཛ་ཛ་ཏེ་ཁུ༷་ཁ་ལ་མ་ཧི་སྨྱོ། རྒྱུན་མ་ཆད་པར་བཟླས་པས་ནི། རང་དབང་མེད་པར་ནམ་མཁའ་ལ་སྤྲིན་འདུ་བ་བཞིན་དུ་འདུ་ཞིང་ཚོགས་སོ། །རྦད་པའི་སྙིང་པོ་ནི། སྒག་རག་ཤ་མུ་ཏྲ་སྙིང་ཁ་རག་རྦད་ཆུམས་ཐུམ་རི་ལི་རི་ལི་སྨྱོ། མ་མ་རྭ་ཛ་ཡ་ཡ་ཐུན་སྨྱོ། སྲོག་གི་སྙིང་པོའི་ལེའུ་སྟེ་དྲུག་པའོ།། །།དེ་ནས་དཀྱིལ་འཁོར་གྱི་དབུས་སུ་དར་མཐིང་ནག་གི་གུར་དབུབ་། སྙིང་དམར་པོར་བྱའོ། །དར་གྱི་མཐིང་གུར་གྱི་ནང་དུ། དུར་ཁྲོད་ཀྱི་རྫས་ཐུགས་དམ་གྱི་རྟེན་བན་དྷ་མཚན་ལྡན་དགུ་ལ། དབུས་ཀྱི་པདྨ་འདབ་མ་བཞི་ལ་བན་དྷ་བཞི་དགོད་དོ། ཕྱི་པ་ལྔ་འཁོར་ལོ་རྩིབས་བཞི་དབུས་ཀྱི་ལྟེ་བ་དང་ལྔ་ལ་རེ་རེ་དགོད་དོ། །བན་དྷ་དེ་ཀུན་གྱི་ནང་དུ་ཁྲག་སྣ་སྟོང་རྩ་བརྒྱད་རྙེད་ན་ལེགས། མ་རྙེད་ན་གར་འབྱོར་འབྱོར་དང་། ཁྲག་ཆེན་ཐིགས་གཅིག་དང་། སྤྱང་ཁུའི་ཁྲག་ཆེན་ཐིགས་གཅིག་དང་། མཚལ་ཆེན་ཐིགས་གཅིག་དང་། དེ་རྣམས་བསྲེས་ལ་དབུས་ཀྱི་བཞི་པོར་བླུགས་སོ། །གསེར་ཕྱེ་མེ་ལོང་བཞི་དང་། བུད་མེད་མཚན་ལྡན་གྱི་ནུ་ཞེ་དང་། ཁྱོ་གའི་བྱང་ཆུབ་སེམས་སུ་སྦྱར་ལ་བཞག །ཞིང་གི་གཡང་གཞི་བླ་རི་རུ་གདགས། ཞིང་གི་རྒྱལ་མཚན་ཕྱར་ལ་རྐང་གི་གླིང་བུ་འབུད། ཐོད་པའི་ཅང་ཏེའུ་བརྡུངས་ཏེ་ཤ་ཆེན་གྱི་གཏོར་མ་འབུལ། དམར་གྱི་ཨརྒ་སྦྲེང་བ་སྟེ། དུར་ཁྲོད་རྒྱན་གྱི་ལེའུ་སྟེ་བདུན་པའོ།། །།དེ་ནས་ཡུམ་ཆེན་མོ་སྤྱན་དྲང་ངོ་ཟེར་ཡང་། དང་པོ་ཆེ་མཆོག་ཧེ་རུ་ཉིད་སྤྱན་དྲངས་ཏེ། འཆི་མེད་རྡོ་རྗེ་དཀྱིལ་འཁོར་ནས། གུ་རྒྱ་དཔལ་ཆེན་ཆེ་མཆོག་སྤྱན་འདྲེན་ན། །ཆོས་ཉིད་དབྱིངས་ཀྱི་དཀྱིལ་འཁོར་ནས། །ཡེ་ཤེས་རིག་པ་ཉིད་ལ་སྐྱེད་པའི་ལྷ། །ཡེ་ཤེས་དབྱིངས་ལ་བསྐྱེད་པའི་ཁྲོ་རྒྱལ་གཙོ། །གུ་ཡ་དཔལ་ཆེན་ཆེ་མཆོག་ཧེ་རུ་ཀ། རངབཞིན་དཀྱིལ་འཁོར་ཆེར་པོ་ནས། །བཏང་སྙོམས་ཆེན་པོའི་ངང་ལས་མ་གཡོས་ཀྱང་། །འགྲོ་བའི་ལོག་རྟོག་བསལ་ཕྱིར་གཤེགས་སུ་གསོལ། །ཕྱག་རྒྱ་ཆེན་པོ་བཞིའི་ཚུལ་དུ་བྱས་ལ་འདི་སྐད་ཅེས་བརྗོད་དོ། །ཨེ་རྒྱ་ཧེ་ཛ་ཧུ༷་བ༷་ཧོ། མ་ཧྭ་ཆེ་མཆོག་ཐྲི་ཧེ་རུ་ཀ། །ས་མ་ཡ་མུ་ཏྲ་རུ་ལུ་རུ་ལུ་ཧུ༷་ཛ། ཞེས་བརྗོད་ལ། དེ་ནས་ཡུམ་ཆེན་མོ་སྤྱན་དྲང་ངོ་། །མཁའ་མཉམ་ཀློང་གི་དཀྱིལ་འཁོར་དང་ནས། །ཀུན་ཏུ་བཟང་མོ་སྤྱན་འདྲེན་ན། །གུ་རྒྱ་རིན་ཆེན་གཏེར་འཆར་མ། །ཀྱེ་མ་ཅིག་ཀུན་བཟང་དབྱིངས་ཀྱི་ཆོས་བདག་མོ། །བཞུགས་ནི་ནམ་མཁའི་དཀྱིལ་ན་བཞུགས། །མཁར་བཞི་དང་ནི་དབྱིངས་དང་ལྔ། །ཡང་གབ་དབང་གི་རྒྱལ་མོ་བཞི། །མཁའ་གསལ་ཉི་མའི་དཀྱིལ་འཁོར་ནས། །སྣང་སྲིད་ཐམས་ཅད་འཆར་བར་མཛད། མཐའ་ཡས་སེམས་ཅན་ཐམས་ཅད་དང་། ཅིར་སྣང་ཅི་སྲིད་མ་ལུས་ཀུན། །ཆོས་ཀྱི་དབྱིངས་སུ་རོ་གཅིག་སྟེ། །བདེ་ཆེན་ཡུམ་གྱི་ཀློང་དུ་རྫོགས། །ཐམས་ཅད་དབྱེར་མེད་མཉམ་པའི་དབྱིངས་མི་འགྱུར་ཡེ་ཤེས་ཀློང་དུ་ཐིམ། །མཐའ་དབུས་མེད་པར་ཀུན་ལ་ཁྱབ། །བདག་མེད་ཕྱོགས་ཆ་ཀུན་དང་བྲལ། །གཟུགས་འཛིན་མཚན་མའི་ཡུལ་ལས་འདས། །ཡེ་བདལ་མཉམ་ཉིད་ནམ་མཁའི་སྐུ། །ཆོས་ཉིད་ཞི་བའི་ངང་ལས་མ་གཡོས་ཀྱང་། །འགྲོ་བའི་ལོག་རྟོག་བསལ་ཕྱིར་གཤེགས་སུ་གསོལ། །བདེ་ཆེན་གསང་བའི་དཀྱིལ་འཁོར་ནས། །དབང་གི་རྒྱལ་མོ་སྤྱན་འདྲེན་ན། །རང་བྱུང་ཡེ་ཤེས་སྤྲོས་དང་བྲལ། །ཡིད་ཀྱི་རྣམ་ཤེས་གསལ་བའི་དབྱིངས། །སྤྲོས་བྲལ་ཀུན་ཏུ་བཟང་མོའི་མཁའ། །ཀུན་གཞི་མ་གཡོས་མཉམ་པའི་ངང་། གསལ་བ་དག་བས་ནམ་མཁའ་བཞིན། །ཆགས་པའི་སྐྱོན་བྲལ་པདྨ་བཞིན། །ཕྱོགས་བྲལ་ཀུན་ཏུ་བཟང་མོའི་ཀློང་། །མཁའ་ཀློང་གཉིས་མེད་སྤྲོས་བའི་སྲས། །ཡང་གབ་དབང་གི་རྒྱལ་མོ་བཞིན། །བདེ་ཆེན་གསང་བའི་དབྱིངས་སུ་སྐུངས། །དབྱིངས་ལས་བསྐྱེད་པའི་མ་མོ་བཞི། །དམ་ལ་གནས་པའི་སྲིང་མོ་བཞི། །བདུད་རྩི་སྒྲུབ་པའི་རྒྱལ་མོ་བཞི། །ཕུར་བུ་བསྒྲུབ་པའི་བློན་མོ་བཞི། །མ་མོ་ཀུན་གྱི་གཙོ་མོ་བཞི། །ནད་རྣམས་གཏོང་བའི་མ་མོ་བཞི། །མ་མོ་ཐུན་གྱི་བདག་མོ་བཞི། །སེམས་ལ་སྐྱེས་པའི་བུ་མོ་བཞི། །ཡིད་ལ་གཞུང་བའི་མཛའ་མོ་བཞི། །ལས་ལ་ཤིས་པའི་བྲན་མོ་བཞི། །བསྐྱེད་ནི་ཆོས་ཀྱི་དབྱིངས་ནས་བསྐྱེད། །བཞུགས་ནི་ནམ་མཁའི་དཀྱིལ་ན་བཞུགས། ཁུ་ནི་བར་སྣང་ཁམས་སུ་རྒྱུ། །གནས་ནི་རྒྱ་མཚོའི་གླིང་ལ་བཅས། །དབང་ནི་སྲིད་པ་གསུམ་ལ་མཛད། །སྲིད་གསུམ་འཇིག་རྟེན་སྤྱོད་མཛད་མ། །བདག་གི་དམ་ཚིག་དགོངས་ནས་ཀྱང་། །སྤྱན་དྲངས་མཆོད་ཕྱིར་གཤེགས་སུ་གསོལ། །སྤྱི་ཏི་ཁ་ལ་མ་སྙིང་ཁ་རག་ཛུ་ཛུ། རག་ཤ་མ་སྙིང་ཀ་རག་ཛུ་ཛུ།ཁ་ར༷་རག་མོ་རག་ཤ་སྙིང་ཁ་རག་ཛུ་ཛུ། ཁ་ར༷་རག་ཤ་མ་སྙིང་ཁ་རག་ཛུ་ཛུ། ཐོད་པ་རེ་རེའི་ནང་དུ་བྲིས་ཏེ། གོང་གི་དཀྱིལ་འཁོར་གྱི་དབུས་སུ་དར་གྱི་མཐིང་གུར་ཕུབ་པའི་ནང་དུ་དགོད། འདི་ལྟ་བུའི་ལས་བྱེད་པའི་དུས་སུ། ཁ་གསེར་ཁ་གཡུ་བསྒྲུབ་པ་པོའི་སྙན་ཆར་བཏགས་སོ། །ཁ་གསེར་ཁ་གཡུ་མུར་ཞིང་། བཟླས་པའི་སྙིང་པོ་ནི། ས་མ་ཡ་ཧོ། ས་མ་ཡ་སྟ༷། ཏྲག་རག་ཤ་མུ་ཁ་མུན་ཏྲ། སྙིང་ཁ་རག་མ་མ་ནི་སོད། །སྙིང་ཀ་རག་མ་མ་ཏྲག་ཏ་ཐུན་སྨྱོ། གུ་རྒྱ་གཡུ་གཏེར་གསང་བའི་ལེའུ་སྟེ་བརྒྱད་པའོ།། །།འདི་ནས་མར་དམ་ཚིག་གིས་གཞི་གཟུང་ཞིང་། སྐུ་གསུང་ཐུགས་སྐུ་དམ་ཚིག་ལས་མི་འདའ་བའི་ཕྱིར་དམ་བཅའ་བར་བསྟན་ཏེ། རྣལ་འབྱོར་གང་ཞིག་མཉམ་པའི་དཀྱིལ་འཁོར་དུ། །ཐེག་ཆེན་བླ་མེད་འབྲས་བུ་གཙོར་བཞག་སྟེ། བླ་མེད་བྱང་ཆུབ་འབྲས་བུ་འགྲུབ་པ་དང་། །གསང་སྔགས་གསང་བའི་ཐི་ཚག་ཙམ་པ་སྲ །མི་འདའ་མཐའ་དང་ཡུན་དུ་བདག་བགྲུང་ན། །རྡོ་རྗེ་དམ་ཅན་མ་ཚོགས་རྒྱ་མཚོ་རྣམས། །སོ་སོའི་ཐུགས་དམ་རྗེས་སུ་དགོངས་མཛོད་ལ། །འཕྲིན་ལས་དུས་བཞིན་ཡུན་དུ་མ་བསྐྱང་བར། །མི་གཡེལ་དམ་ལ་རུབ་པའི་འཕྲིན་ལས་མཛོད། །དམ་ཚིག་ས་མ་ཡ་འབུམ་སྡེ་ཡང་། །དམ་ཚིག་སྟོང་རྩ་བརྒྱད་དུ་འདུས། །དམ་ཚིག་སྟོང་རྩ་བརྒྱད་ཀྱང་། །དམ་ཚིག་ཉི་ཤུ་རྩ་བརྒྱད་དུ་འདུས། །དེ་ཡང་སྐུ་གསུང་ཐུགས་ཀྱི་དམ་ཚིག་ཏུ་འདུས་ཏེ། སྐུ་གསུང་ཐུགས་ཀྱི་དམ་ཉམས་ན། ཆད་པའི་བདག་མོ་བྱང་ཆུབ་སེམས་ལ་བསྐྱེད་པའི་མ་མོ་དཀར་མོ་དབུ་དགུ་ཡིན་ཏེ། བཀའི་ཕོ་ཉ་ཐོད་འཕྲེང་ཅན་དང་། ཕྱིའི་ཚངས་པ་ཆེན་པོ་བསྡོངས་ཏེ། ནད་སྨྱོ་འདྲེ་དང་འབོག་ནད། ཡིད་ཕྱི་ནང་འགག་བྱེད། དབང་པོ་སྡོམ་བྱེད། ཡན་ལག་སྲ་བྱེད། རང་གི་སེམས་ཀྱི་གཉེན་པོར་སེམས་ཀྱི་ཆད་པ་འབྱུང་བས། ཡང་ཤི་དང་ཡང་སོས་ནད་འབྱུང་བས། དམ་ཚིག་དམྱལ་བའི་ལེའུ་སྟེ་དགུ་པའོ།། །།འདི་ནས་མར་འཕྲིན་ལས་ཀྱི་ཁྱད་པ་དང་སྔགས་ཀྱི་ཆེ་བ་དབྱུང་བའི་ཕྱིར། །མ་མོ་ཙིསྟ་ཡང་སྙིང་གི་སྒྲུབ་ཐབས་བསྟན་ཏེ། དཀྱིལ་འཁོར་འདོམ་གང་གྲུ་བཞི་དབངས་སུ་ཆག་གང་བར་བྱས་ལ། དབུས་ཨེ་གྲུ་གསུམ་ལ་སོར་ལྔ་བར་བྱས་ལ། གཏིང་ཏུ་བྲུས་ཏེ་སྦག་ཏུ་བྱའོ། །ཨེའི་ལོགས་གསུམ་ལ་ཟླ་གམ་གསུམ་བྲིས། ཟུར་གསུམ་ལ་ལྕགས་གཞུ་དང་ལྕགས་མདའ་བྲི། །དེ་ཡི་ཕྱི་རིམ་ཐོད་པའི་འཕྲེང་བས་བསྐོར། །དེའི་ཕྱིར་མི་འཁོར་ལོ་རྩིབས་བརྒྱད་བྲི། །མུ་ཁྱུད་ཟླུམ་པོ་ལ་ཞིང་སྐྱོང་བྲི། ཁུ་ཆད་ལ་ཕྱག་རྒྱ་ཆེན་པོ་བཞི་བྲི། །དེའི་ཕྱིར་རིམ་ལ་མེ་རི་ཁ་ནང་དུ་བསྟན་པ་བྲི། །དེའི་ཕྱི་རིམ་ལ་རྡོ་རྗེ་ར་བ་བྲི། །ཟུར་བཞི་ལ་རྡོ་རྗེ་རྒྱ་གྲམ་བཞི་བྲི། ཡ་ཏགས་ལ་ཧོམ་སོལ་དང་། ཐལ་ཆེན་དང་། བུད་མེད་བཅུ་བདུན་ལོན་པའི་རག་ཏ་དང་། །ཁྱི་དོམ་བུའི་སྙིང་དང་། །ཕག་པ་རོག་པོའི་སྙིང་དང་། །ར་སེར་རྒྱའི་སྙིང་དང་། བ༷་གྱི་སྙིང་དང་། དེ་རྣམས་ལ་གཏོར་མ་བྱའོ། །ལུག་ནག་པོས་བསྐང་བ་བྱས་ལ། བྱང་ཤར་གྱི་མཚམས་སུ་གདགས་སོ། ཁྲར་དུ་ལྟ་བ་རྡེང་དུ་གྱུར་བ་ཅིག་བཞག །བྱང་དུ་འཕྲིན་ལས་ཕུར་བུ་ལ་མཁས་པ་ཅིག་བཞག །འཕྲིན་ལས་རྒྱུན་མ་ཆད་པར་བསྐུལ་ལོ། །ནུབ་ནས་སྔགས་དམྱལ་དང་སྦྱིད་བས་བར་མ་ཆད་པར་བརྡེག་གོ །ལྷོ་ནས་མ་མོ་ལ་གདུང་ཞིང་ཕོ་ཉར་དགྱེའོ། །ལིང་ག་བཅའ་ཐབས་ནི། སྲོག་མཁར་གྱི་ས་དང་། ངར་རྣབས་དང་། ཚུབ་མི་ལོ་མ་དང་། གནམ་གྱི་རས་མ་ལ་གཟུགས་བྱས་ལ། ཨེ་གྲུ་གསུམ་དུ་གཞུག་གོ །ཨེའི་ལྷོ་ཟུར་དུ་ཕུར་བ་ལ་གདགས་སོ། །ཟླ་གམ་ལ་མ་མོའི་སྙིང་པོ་བྲི། །འཁོར་ལོ་ལ་ཁྲོ་བོའི་ཕུར་པ་དགོད། ཡུངས་ཀར་པདྨ་རག་ཏས་དབང་བསྐུར་ལ། ལིང་ཁ་ལ་བརྡེག་པའི་སྔགས་ནི། ཀ་ལ་རུ་པ་སྙིང་ཁ་རག་ཁད་ཁ་ཙིསྟ། ཏིབ་ཏ་ཙཀྲ་ཧུར་བུ་ཧུར་བུ། སྒག་རག་ཤ་མི་ཙི་སྨྱོ་སྐྲུ༷་ཕཊ། ཡུངས་ཀར་གྱི་རྒྱལ་པོ་ཡོད་ན་རབ། མེད་ན་སིལ་མ་འབྲུམ་བུ་བཅུ་བཅུ་ལ་བསྔགས་ལ་བརྡེག་གོ །ཞག་དགུ་ལ་ཉིས་འབུམ་བརྡེག་གོ །ཞག་དྲང་དང་གྲུབ་ཚད་ནི། མིང་གཟུགས་ལ་རྡེབ་པའི་ཡང་སྙིང་ནི། ཨོ་དྷ་རྨ་རག་ཤ་རྦད། མུ་ཏྲ་རྦད། བ༷་རིལ་དུན་སྦྱོ། མུག་སྒག་རཀྟ་རི་ཏི་གྲྭཧྭ། མ་མོ་གསེར་གྱི་འབྲུ་གཅིག་པའི་བསྒྲུབ་ཐབས། ཆེ་མཆོག་ཉིད་ཀྱི་དགོངས་སྤྱོད། །ཡང་སྙིང་སྔགས་ཀྱི་ལེའུ་སྟེ་བཅུ་པའོ།། །།འདི་ནས་མར་ཕྱི་རབས་པའི་རྣལ་འབྱོར་པ་རྣམས་ཀྱིས་བསྟན་པ་གཉན་པོ་བསྲུང་བའི་ཕྱིར་ཐུན་གྱི་བསྒྲུབ་ཐབས་བསྟན་པ། མཚོ་སྨན་ཡེ་ཤེས་ཀྱི་རྒྱུད་ལས་བསྐྱེད་པ་ལགས་ཏེ། རྒྱ་གར་སྐད་དུ། ཨརུ་རེ་མ་ཏི་ཞེས་བྱའོ། སང་ཀྲི་ཏའི་སྐད་དུ། རྡོ་རྗེ་དཔལ་མོ་ལྡན་ཞེས་བྱའོ། །བོད་སྐད་དུ། མཚོ་སྨན་གྱི་རྒྱལ་མོ་ཞེས་བྱའོ། །གསང་བའི་མཚན་གསོལ་བ། གཉན་གྱི་ཡུམ་ཅིག་ཀླུ་རུམ་བསིལ་ཞེས་བྱའོ། །དེའི་ཐུན་ནི་གྲགས་སོ་ཕུར་ཐུན་ལགས་ཏེ། བཅའ་བའི་ཐབས་ནི་དཀྱིལ་འཁོར་འཁོར་ལོ་རྩིབས་བཞི་པའི་དབུས་སུ་མཐིང་ནག་གྲུ་གསུམ་མཐིང་ནག་སྤག་ཏུ་བྱ། །དབུས་སོར་སྔ་གྲུ་གསུམ་གཏིང་དུ་བྲུ། ཕྱི་རིམ་སོར་ལྔ་གྲུ་གསུམ་འཕངས་སུ་སྟོད། གྲུ་གསུམ་རྩེ་མོ་ལྷོ་རུ་བསྟན། ལོགས་གསུམ་ལ་ཟླ་གམ་བྲི། དེའི་ཕྱི་རིམ་ཐོད་པའི་འཕྲེང་བས་བསྐོར། འཁོར་ལོ་རྩིབས་བཞི་ལ་ཡང་གབ་བཞི་དགོད། མུ་ཁྱུད་ཟླུམ་པོར་གྲུ་ཆད་བཞིན་ལྡན་པར་བྲི། བར་ཁྱམས་གྲུ་གསུམ་ལ་ཁྲོ་བོའི་ཕུར་བ་དགོད། ལྕགས་རི་སྒོ་ཁྱུད་མེ་རི་འབར་བས་བསྐོར། མ་ཏྲང་དཀྱིལ་འཁོར་ལྷོའི་ཕྱོགས་སུ་མནན། འབྲུབ་ཁུང་གྲུ་གསུམ་མཆན་ཁུང་གཡས་གཡོན་བྱ། དེའི་ཐ་མ་རྩང་དང་ཕུར་བུས་བསྐོར། བསྒྲུབ་རྫས་རྟེན་དུ་ཙ་ར་དཀར་པོ་གཉའ་ནག་གཞག །བསྙེན་པའི་གྲངས་ནི་ཉི་ཤུ་བཞི་ནས་གནམ་སྟོང་ཡན་ཆད་དོ། ཞག་གསུམ་གོང་དུ་ལྟ་བསྙེན་བྱའོ། །མགོ་ལྤགས་ཞག་བཞིའི་ནུབ་མོ་ཙ་རས་བཟློག་པ་བྱའོ། །གཡང་གཞིར་བཤུས་ལ་དུག་གཏོར་ཕུར།གནམ་སྟོང་ནུབ་མོ་མནན་པའི་ལས་བྱའོ། །ཐུན་སྔགས་ལ་དུག་ཁ་ལ་ཟ་མུན་ལོ་དན་ཏི་རྦད། ཡུ་ན་རྦད། ཐིབས་རྦད། བམ་རྦད། དུ་ར་རྨ༷་རྦད། ཆེ་གེ་མོའི་སྲོག་རྩ་ལ་རྦད། ཅེས་བཟླས་སོ། །དཀར་མོ་དབུ་དགུ་མ་བྱང་ཆུབ་སེམས་ལས་བསྐྱེད་པ་ལགས་ཏེ། རྒྱ་གར་སྐད་དུ། ཨརུ་རེ་མ་ཏི་ཞེས་བྱ་བ། སང་ཀྲི་ཏའི་སྐད་དུ། རྡོ་རྗེ་དཔལ་མོ་ལྡན་ཞེས་བྱའོ། །བོད་སྐད་དུ། མཚོ་སྨན་གྱི་རྒྱལ་མོ་ཞེས་བྱའོ། །གསང་བའི་སྐད་དུ་མཚན་གསོལ་བ། །གཉན་གྱི་ཡུམ་ཅིག་ཀླུ་རུམ་སིལ་ཞེས་བྱའོ། །རྒྱ་གར་སྐད་དུ། ཨརུ་དཀར་མོ་རེ་མ་ཏི་ཞེས་བྱའོ། །སང་ཀྲི་ཏའི་སྐད་དུ། མ་སར་དབང་ཕྱུག་རྡོ་རྗེ་ཁྲོ་མོ་མན་ཛ་ཞེས་བྱའོ། །བོད་སྐད་དུ། དཀར་མོ་དབུ་དགུ་མ་ཞེས་བྱའོ། །གསང་བའི་མཚན་གསོལ་བ། རྡོ་རྗེ་ལྕམ་ཅིག་པདྨ་གསལ་ཞེས་བྱའོ། །དེའི་ཐུན་ནི་མ་མོའི་སྙིང་ཐུན་ལགས་ཏེ། བཅའ་ཐབས་ནི་དཀྱིལ་འཁོར་མཐིང་ནག་གྲུ་གསུམ་སྦག་ཏུ་བྲི། དབུས་ཀྱི་གྲུ་གསུམ་རྩེ་མོ་ལྷོ་རུ་བསྟན། དབུས་ཀྱི་གྲུ་གསུམ་རེ་ལ་འབྲུབ་ཁུང་རེ། ཐ་མ་མེ་རིག་འབར་བས་བསྐོར། དབུས་ཀྱི་ཟླ་ག་མ་གསུམ་ལ་ཉི་མ་དང་ཟླ་བ་བྲི། མུ་ཁྱུད་ཟླུམ་པོ་ལ་ཐོད་པའི་འཕྲེང་བ་བྲི། གྲུ་ཆད་བཞི་ལ་ཕྱག་རྒྱ་ཆེན་པོ་བཞི་དགོད་བར་ཁྱམས་གྲུ་གསུམ་ལ་ཁྲོ་བོའི་ཕུར་བ་དགོད། མུ་རན་ལྕགས་རི་ལ་མ་མོའི་མཆོད་རྫས་དགོད། སྒོལ་བསེའི་ལྷ་མོ་མཆེད་བཞི་དགོད། དེའི་རྫས་དང་རྟེན་དུ་དགོད་པ་ནི།དབུས་ཀྱི་མཐིང་ནག་གྲུ་གསུམ་ལ་སྐྱེས་བ་མི་གྲི་ཤི་བའི་ཐོད་པ་དགོད། དེའི་ནང་དུ་བ༷་གྱི་ཙིསྟ་དང་། ར་རྒྱ་མོའི་ཙིསྟ་དང་། ཁྱི་དོམ་པའི་སྙིང་ཁྲག་དང་། ཕག་པ་རོག་པོའི་སྙིང་ཁྲག་བསྲེས་ལ་དར་མཐིང་ནག་གིས་ཁ་བཀབ་ལ་བཞག །ལིང་ཁ་བཅའ་བའི་ཐབས་ནི། གྲོག་མཁར་གྱི་ས་དང་། ཚུབ་མའི་ལོ་མ་དང་། བུང་བུའི་བདུད་རྩི་དང་། ངར་སྣབས་དང་། ཁར་རྐོང་སྲིན་ཅན་དང་། འདི་རྣམས་གཟུགས་བྱས། ལྷོ་ཕྱོགས་ཀྱི་འབྲུབ་ཁུང་དུ་ལིང་ཁ་ཕུར་པ་ལ་བཏགས་ལ་ཡུངས་ཀར་གྱིས་རྒྱལ་པོ་བརྡེག །ལྷོ་ནུབ་མཚམས་སུ་འབྲུ་ཁུང་དུ་ཁྲོ་བོའི་ཕུར་བ་གདབ། བྱང་ཤར་མཚམས་སུ་དུག་ཤིང་སྐྱེར་པ་ལ་ཧོམ་ཅིག་བྱས་ལ་དྲག་པོའི་སྤྱིན་སྲེག་བྱའོ། །དབུས་ཀྱི་གྲུ་གསུམ་ལ་ཧུ༷་ཕཊ་བྲི། མ་ཏྲ༷་ཤར་གྱི་ཕྱོགས་སུ་མནན། །མ་ཏྲ༷་དཀྱིལ་འཁོར་བྲི་བ་ནི། མ་ཏྲ༷་སྙིང་ཀར་འབྲུབ་ཁུང་བྱ། །ཕྱི་རིམ་མུ་ཁྱུད་ཟླུམ་པོ་ལ། པདྨ་འདབ་མ་བརྒྱད་དུ་བྲི། མགོ་བོ་ལྷོ་ཡི་ཕྱོགས་སུ་བསྟན། །བསྒྲུབ་པའི་སྔགས་ནི་འདི་བཟླས་སོ། །་ག་རག་ཤ་མུ་ཏྲ་ཁ་མུན་ཏྲ། སྙིང་ཁ་རག་རྦད་ཀ་ཙིསྟ་རྦད་ཆུམས་ཐུམས་རྦད་རི་ལི་ལིསྨྱོ། དུསཚོདཟླབདམར་གྱི་ངོ་། །གཟའ་དམག་དཔོན་ལ་གཏད་པར་བྱའོ། །ཐུན་ཁྲག་དགྲ་བོའི་ཁྱིམ་ལ་གཏོར་རོ། །སྲིད་པའི་བུ་མོ་གསང་བའི་དོ་རྗེ་དྲི་ཆུ་ལས་བསྐྱེད་པ་ལགས་ཏེ། རྒྱ་གར་སྐད་དུ། གུ་ཡ་གས་ང་ཆེན་མ་ཞེས་བྱའོ། །སང་ཀྲི་ཏིའི་སྐད་དུ། སྲིད་པའི་འཕྲིན་བློན་ཆེན་མོ་ཞེས་བྱའོ། །བོད་སྐད་དུ། སྲིད་པའི་བུ་མོ་ཞེས་བྱའོ། །གསང་བའི་སྐད་དུ་མཚན་གསོལ་བ། ནམ་མཁའི་མཁའ་འགྲོ་དབྱིངས་རུམ་སིལ་ཞེས་བྱའོ། །དེའི་ཐུན་ནི་བལ་མོའི་དུག་ཐུན་ལགས་ཏེ། དཀྱིལ་འཁོར་གྱི་བཅའ་ཐབས་ནི། དཀྱིལ་འཁོར་མཐིང་ནག་གྲུ་གསུམ་པ་ཟུར་གསུམ་ལྕགས་མདའ་ལྕགས་གཞུ་བྲི། །ལོགས་གསུམ་ཟླ་གམ་ཁ་ཕྱིར་བསྟན་པ་རེ་བྲི། དེའི་དབུས་སུ་ཡི་གེ་ཛ་རེ་བྲི། དེའི་ཕྱི་རིམ་གྲུ་ཆད་ཀྱི་ནང་ལོགས་སུ་མེ་རི་ཁ་ནང་དུ་བསྟན་པ་བྲི། དེའི་ཕྱི་རིམ་པར་ཁྱམས་ལ་ཁྲོ་བོའི་ཕུར་པ་དགོད། ལྕགས་རི་ལ་་ནབང་ཕྱུག་དགོད། སྒོ་ལ་བསེའི་ལྷ་མོ་བཞི་དགོད། དབུས་སུ་བསེ་གཤོང་པ་སྦྱར་དགོད། ནང་དུ་ཨེ་ར༷་བརྒྱ་བྲི། ཡ་སྟགས་ལ། དུག་པོ་ང་ནག་པོ་དང་། གླང་པོ་ཆེའི་མཆིམ་པ་དང་། བྱ་ངང་པ་ཞེས་གསོལ་བ་དང་། ཁམས་དུག་སྣ་ཚོགས་ལ་མངར་གསུམ་གྱི་ཆང་གིས་བསླང་ལ། །བསྒྲུབ་པའི་སྙིང་པོ་ནི། ཨོ་ཀ་བེ་ཤ་ཏྲ་བེར་ཤ་བེ་ཤ་ཤ་རུ་བེ་ཤ་ཁ་ཐུན་སྨྱོ། མ་ཏྲ༷་ནུབ་ཀྱི་ཕྱོགས་སུ་མནན། མ་ཏྲང་དཀྱིལ་འཁོར་བྲི་བ་ནི། །གསང་བའི་གནས་སུ་འབྲུབ་ཁུང་བྲུ། །འབྲུབ་ཁུང་གསང་བའི་གནས་སུ་བྱ། །རས་སམ་གྲོ་ག་ཤིང་ཤུན་ལ། །དགྲ་བོའི་གཟུགས་དང་མིང་རུས་བྲིས། །འབྲུབ་ཁུང་ནང་དུ་མནན་པ་བྱ། །དུག་དང་ཁྲག་ཏུ་བསྲེས་ནས་ནི། །གཟུགས་ལ་བརྒྱབ་སྟེ་ཁྱིམ་ལ་གཏོར། །དུར་ཁྲོད་ཀྱི་ལྷ་མོ་ཕྲི་རྩམ་ཁེ་ཏྲི་ནི། གོ་རུ་ཙ་ན་ལས་བསྐྱེད་པ་ལགས་ཏེ། རྒྱ་གར་སྐད་དུ། ནག་མོ་པ་ཏེ་ལི་ཞེས་བྱའོ། །སང་ཀྲི་ཏའི་སྐད་དུ། གིང་ཀར་རྡོ་རྗེ་ག་་སྒྲོལ་མ་ཞེས་བྱའོ། །བོད་སྐད་དུ། རྡོ་རྗེ་ཟ་རླུད་ཞོན་མི་ཞེས་བྱའོ། །གསང་བའི་མཚན་གསོལ་བ། སྒྲོལ་མ་རྡོ་རྗེ་མཁའ་འགྲོ་མཆོག་ཅེས་བྱའོ། །དེའི་ཐུན་ནི་མ་མོའི་ཚིལ་ཐན་ལགས་ཏེ། དེའི་བཅའ་ཐབས་ནི། དཀྱིལ་འཁོར་མཐིང་ནག་གྲུ་གསུམ་སྦག་གནམ་སྒོ་ཅན། དེའི་ཕྱི་རིམ་ཐོད་པའི་འབྲེང་བས་བསྐོར། ཐ་མ་མེ་རི་འབར་བས་བསྐོར། །དེའི་དབུས་སུ་བུད་མེད་ཀྱི་བན་དྷ་ཅིག་གཞག །དེའི་ནང་དུ་ཚིལ་ཆེན་ཕུལ་གང་བླུགས་ལ། དུར་ཁྲོད་རས་ལ་སྡོང་བུ་བྱས་ལ་མེ་བཏང་སྟེ་ཁྱོ་གའི་བན་དྷ་གཅིག་གིས་ཁ་དགབ་བོ། །བདག་ཉིད་ཆེ་མཆོག་གསལ་བར་སྒོམ། །ངོས་གཡོན་དུ་ལྷ་མོ་ཙ་མུན་ཏྲི་སྒོམ། ཕྱག་གཡོན་པས་ཐོད་པའི་སྟེང་ནས་མནན་ཏེ། གཡས་པས་འཕྲེང་བ་བགྲང་ཞིང་བསྒྲུབ་པའི་སྙིང་པོ་འདི་བཟླས་སོ། །ཙ་མུན་ཏྲ་པ་ར་ཏ་ཡ་ཏིས་སྟ་ཛ་ལ་ནི་ཧུ༷་ཕཊ་སྲུཧྭ། ཉི་ཤུ་དགུ་ལ་གཟུགས་ནས་གནམ་སྟོང་ལ་གདོན་ནོ། །དེ་གྲུབ་པ་དང་ཐོད་པ་ཁ་བཀབ་པ་དེ་རུ་བཞར། ཁྱི་དཀར་པོའི་འོ་མ་དང་། སྦྲུལ་གྱི་པགས་པའི་ཚིལ་བུ་དང་། སོག་པོའི་སྙིང་ཁྲག་དང་།ར་རོག་པའི་སྙིང་ཁྲག་དང་། གཡག་བྱ་ལའི་སྐྲུ་དང་། རྟ་ངང་པའི་རྣ་སྤུ་དང་དེ་རྣམས་བསྲེས་ཏེ། བྱ་ངང་བའི་སྙིང་ཁུགས་སུ་བླུག་ལ། དུས་རྟག་ཏུ་ལུས་ལ་བཅང་བར་བྱའོ། །མ་ཏྲང་བྱང་གི་ཕྱོགས་སུ་མནན། །མ་་་་དཀྱིལ་འཁོར་བྲི་བ་ནི། །མགོ་བོའི་སྟེང་དུ་འབྲུག་ཁུང་བཅའ། །འབྲུབ་ཁུང་མཐའ་མ་རྩང་གིས་བསྐོར། །གོང་དུ་བསྒྲུབ་པའི་རྫས་རྣམས་ལ། །ཐུན་གྱི་སྙིང་པོ་བརྗོད་བྱས་ལ། །ཚིལ་ཐུན་ཀླད་པའི་རྒྱས་སུ་དབབ། །ཙིཏི་བེའུ་ཆུང་སྔགས་ཀྱི་ལེའུ་སྟེ་བཅུ་གཅིག་པའོ།། །།བདག་ཉིད་ཡེ་ཤེས་ཀྱི་དཔལ་ཆེན་པོ་ཆེ་མཆོག་ཧེ་རུ་ཀར་སྒོམ་ལ། མ་མོའི་དབང་དུ་བདག་མི་བཏང་བར། མ་མོ་བདག་གི་དབང་དུ་བསྡུ་བའི་ཕྱིར། ཁྲོ་བོ་ཚམ་ངམ་གྱི་དྲེགས་པ་ཅན་དཔལ་སྐོང་བར་བྱ་སྟེ། ཧུ༷། ང་ནི་སངས་རྒྱས་ཀུན་གྱི་ཡབ། །ང་ནི་བདེ་གཤེགས་ཀུན་གྱི་གཙོ། །ང་ནི་གཤིན་རྗེ་ཀུན་གྱི་གཤེད། །ང་ནི་མ་མོ་ཀུན་གྱི་ཡབ། །ང་ནི་དུར་ཁྲོད་སྙིང་ཤ་ཅན། །ང་ནི་བདུད་ཀྱི་བདུད་ཆེན་པོ། །ཧུ༷ ང་ནི་ཐམས་ཅད་དབང་དུ་སྡུད་པའི་རང་བཞིན་ཏེ། །ཆེ་མཆོག་ཤི་ཧེ་རུ་ཀ། །ང་ནི་སྦྱོར་བདག་ཆེན་པོ་སྟེ། །ཡག་ཤ་ཤི་ཧེ་རུ་ཀ །ང་ནི་སྒྲོལ་བདག་ཆེན་པོ་སྟེ། །ར་ག་ཤ་ཤི་ཧེ་རུ་ཀ །ང་ནི་དམ་ཚིག་བདག་པོ་སྟེ། །ས་མ་ཡ་ཕྲི་ཧེ་རུ་ཀ །ང་ནི་ཐམས་ཅད་སྦས་པའི་རང་བཞིན་ཏེ། །ང་ནི་དཔལ་ཆེན་ཧེ་རུ་ཀ །ང་ནི་དུས་གསུམ་སྔོན་དུ་བྱུང་། །ང་ནི་དུས་གསུམ་ལྟར་གནས་པ། །ང་ནི་དུས་གསུམ་སླད་ཀྱིས་འབྱུང་། །དུས་གསུམ་འདི་ནི་ང་ཡི་དབང་། །དཔལ་འབར་ཆེ་མཆོག་སྐུ་བ་སྐྱོད་པ། །མཐིང་ནག་འབར་བ་འཇིགས་པའི་སྐུ། །དབུ་དགུ་ཕྱག་ཀྱང་བཅོ་བརྒྱད་དེ། །ཞབས་ནི་རྡོ་རྗེ་འབར་བ་བརྒྱད། །དུར་ཁྲོད་རྒྱན་གྱིས་ལུས་བརྒྱན་ཅིང་། །རྡོ་རྗེ་གཤོག་པ་ནམ་མཁའ་གདེངས། །ཐོད་སྦྲུལ་འབར་བས་ལུས་བརྒྱན་ཅིང་། །མེ་དབུང་འབར་བའི་ཀློང་ན་བཞུགས། །ཞལ་བགྲད་མཆེ་གཙིགས་སྤྱན་བཟློག་ནས། །ཚམ་ངམ་དྲག་པོས་མ་མོ་འདུལ། །ཁྱེད་ཀྱི་སྲོག་སྙིང་ང་ལ་ཡོད། །ཁྲ་རྒོད་གཟན་ལ་བཅ་པ་བཞིན། །སྲོག་གི་སྙིང་པོ་དམ་ལ་འདུ། །ཁྱེད་ཀྱི་དམ་རྫས་ང་ལ་ཡོད། །ཙིསྟ་འཕྲེང་བ་ང་ལ་ཡོད། །མི་དབང་འབྲས་བུ་ང་ལ་ཡོད། ཁྲེ་ཀའི་མཚལ་ཐིག་ང་ལ་ཡོད། །རས་བལ་རླུ་་གིས་བསྡུས་པ་བཞིན། །དམ་རྫས་གསང་བའི་དམ་ལ་འདུ། །བཀའ་ལྟར་མི་བྱེད་དམ་ལ་མི་གནས་ན། །གཤོབ་རྒོད་རྡོག་པས་བརྫིས་པ་བཞིན། །གསོ་གླགས་མེད་པར་དམྱལ་ཐག་ཆོད། །ནིས་ཏིམ་ཀུ་རུ་ནི། ཁ་སོ་བ་ཏི་ཡ༷། སེན་ཡ༷། རུ་ཡམ་ནི་སོད། སྙིང་ཟ་བ་ཙིརྟི་ལ་མ་ཤ་རོ་ལ་ཁྲག་འཐུང་། ཤལ་ཁྱི་ཁྲིད་སྐ༷་ཤ་ཡ། ཏ་བར་ལ་ཏོ། ཏྲི་ཧྲི་ཧུ༷་ཕཊ། དཀྲ་ཧེ་དཀྲ་ཧེ་ཞེས་བརྗོད་དོ། །ཁྲོ་བོ་འཇིགས་བྱེད་གསང་བའི་ལེའུ་སྟེ་བཅུ་གཉིས་པའོ།། །།འདི་ནས་མར་ལ་བྲ་སེ་ན་དབབ་པར་བྱ་སྟེ། དཀྱིལ་འཁོར་གོང་དང་མཐུན། དམ་རྫས་བན་དྷ་བཅོ་བརྒྱད་མེད་དུ་མི་རུང་ངོ། །ཁྲགསྣ་སྟོང་རྩབརྒྱད་མེད་ན་ཡང་། བཅོབརྒྱད་མེད་དུ་མིརུང་ངོ་། ཁྲ་སྣ་སྟོང་རྩབརྒྱད་དང་སྨན་སྣ་སྟོངརྩ་བརྒྱད་མེད་ན་ཡང་། བརྒྱ་རྩ་བརྒྱད་མེད་དུ་མི་རུང་ངོ་། །གསུར་ཆེན་གྱི་དུད་པ་རྒྱུན་ཆདམེདཔར་བཏང་ངོ། །གཟུངས་མ་མཚནལྡན་བརྒྱདམེད་ན་ཡང་། བཞིམེད་དུམིརུང་ངོ་། །དགོངས་ལྡན་ཅིག་མེད་དུ་མི་རུང་ངོ་། །ལས་མཁན་ཅིག་མེད་དུ་མི་རུང་ངོ་། །སྐྱེས་བུ་ངར་ཙན་མཚམས་གཅོད་པ་ཅིག་མེདདུམིརུང་ངོ། །དཀྱིལའཁོར་གྱིགྲུ་བཞིར་བན་དྷ་བཞིལ། ཁམས་བརྒྱ་མབཞིའིསྙིངཔོ་བྲིའོ། །དཀྱིལ་འཁོར་གྱི་མུ་བྲན་ལ་ལོང་པ་རྒྱབ་སྦྲེལ་མར་བྲིའོ། །ཡང་སྦྲུལ་དང་སུམ་སྤྲུལ་དུ་བཅས་པར་བསྟན། །ཕུར་པ་བརྒྱ་རྩ་བརྒྱད་ཀྱིས་དཀྱིལ་འཁོར་བསྐོར། མདའ་བཞིའི་མཚམས་སུ་བན་དྷ་བཞིདགོད་དོ། དེའི་མཚམསསུ་གསེར་ཕྱེ་མེ་ལོང་བཞི་དགོད་དོ། །དཀྱིལ་འཁོར་རྒྱན་དེ་ཀུན་གོང་མ་དང་འཐུན་ནོ། ་ར་ཕྱོགས་ཀྱི་བྷན་དྷནི་སྲིདཔའིབུམོའིརྟེནནོ། །ལྷོ་ཕྱོགས་ཀྱིབན་དྷནི་མཚོ་སྨན་གྱི་རྟེནནོ། །ནུབ་ཕྱོགསཀྱི་བན་དྷ་ནིདབུ་དགུ་མའི་རྟེན་ནོ། །བྱང་ཕྱོགས་ཀྱི་བན་དྷ་ནི་ཙ་མུན་ཏྲིའི་རྟེན་ནོ། །བཅུ་བཞི་ནི་མཁའ་འགྲོ་མ་བཅུ་བཞིའི་རྟེན་ནོ།ཚལབུལ་མམོ་སྟོངརྩ་བརྒྱད་ཀྱི་སྙིང་པོ་བྲིས་ལ་ལེའུ་ཚེལ་བསྐོར་རོ། །ཡུམ་སྦས་ལ་མཚམས་བཅད་དོ། །ཡུམ་རྣམས་བདུད་རྩིའི་ཆུས་བཀྲུས་ལ། མདའ་བྱ་རྒོད་མ་ལ་མདེའུ་རྩང་ལ་སྣ་མ་བཅུག་ལ། དརལེ་བརྒན་གྱི་མགུལ་ཆིངས་བྱས་ལ་ཡུམ་གྱི་ལ་འུའི་དཔུང་ཁ་ནས་བཟུང་ལ་ཐེ་ཚོམ་སྨྲའོ། །ཁར་གསང་ཁར་ཉིད་སྔོན། མ་རུ་ནི་ངོ་མ་ཤེས། སྲིང་དུ་ནི་ངོ་མ་ཤེས། གྲོགས་སུ་ནི་ངོ་མ་ཤེས། དེ་སྐད་ཐེ་ཚོམ་སྨྲས་པ་དང་། མཁའ་འགྲོ་བཅུ་བཞིས་སླར་ལན་གསོལ་པ། སྲིན་ལ་གནས་བཟུང་སྟེ་པྲ་དབབ་བོ། །འཇིག་རྟེན་སྔ་ཕྱིའི་གཏམ་ཁྱེར་ནས་འོང་བ་རལ་གཅིག་མ་ཡིན་པས་སྙིང་པོ་ནས་དྲངས་སོ། །སྒག་རག་ཤ་མུ་ཏྲ་རུ་ལུ་རུ་ལུ་བྲུ༷། ཐྲེ་མ་ཛུ་ཏི་པ་ཏ་ཙ་ཀྲ་རྒྱན་བྲུ༷། སྔགས་མཁན་གྱི་ཞབས་གཡོན་པ་ལ་བཏགས་ལ། དེ་ལྟར་ལུང་གི་ཟིན་པར་བྱས་ན། ལྷ་སྲིན་སྡེ་བརྒྱད་གང་བཀོལ་ཡང་བསྒྲུབ་བོ། །བྲ་སེ་ནའི་ལེའུ་སྟེ་བཅུ་གསུམ་པའོ།། །།འདི་ནས་མར་བསྐུལ་ཚིག་གིས་ཐུགས་དམར་གྱི་རྒྱུད་བསྐུལ་བར་བསྟན་ཏེ། སྣང་སྲིད་བདག་མོ་སྐུ་བཞེངས་ལ། །གླིང་བཞི་མུན་པའི་གཡུང་དྲུང་འདས་པའི་ཕ་རོལ་ནས། འབྱིང་བྱེད་ཆེན་མོའི་མིང་ཤེད་ན། །གསེར་གྱི་ཁྲི་ལ་གཡུའི་གདན་བཏིང་མ། །སྣང་སྲིད་ཐམས་ཅད་དབང་སྡུད་མཛད་མ། །སྐྱེ་འགྲོ་ཚེ་ལ་ལེགས་ཉེས་ལྟང་འཛིན་མ། །ཐོག་གི་བདག་མོ་གློག་འཕྲེང་་།། །སྲིང་ཅིག་ཆེན་མོ་ཀླུ་རྒྱལ་འབུམ་གྱི་རྗེ། སྐུ་ལ་ན་བཟའ་ཅི་གསོལ་ན། །ན་བཟའ་རྨ་བྱའི་ཐུལ་པ་ལ། །མཐའ་མ་གཡུ་ཡི་རྡོ་རྗེས་གཏམས། །མུ་མེད་གསེར་གྱི་གོ་ཅོག་ཅན། །སྤྱན་མིག་གཡོན་པ་ཉི་མ་འཁྱིལ་བ་ཙམ། །སྤྱན་མིག་གཡས་པ་ཟླ་བ་འཁྱིལ་བ་ཙམ། །བཞུགས་ནི་ཉི་མ་ལྷོ་ན་བཞུགས། །མཚོ་སྨན་ཆེན་མོ་ལེགས་ཉེས་ལྟང་འཛིན་མ། །སྐུ་ནི་མི་བསྐྱོད་དབྱིངས་ན་བཞུགས། །ཕྱག་ན་འཕྲུལ་གྱི་མེ་ལོང་བསྣམས། །འཕྲུལ་གྱི་མེ་ལོང་གཟིགས་པ་ཡིས། །འཁོར་གྱི་ཕོ་ཉ་བསྐུལ་ནས་ནི། །སྟོང་གསུམ་འཇིག་རྟེན་སེམས་ཅན་ལ། །ཚེ་སྲོག་ཀུན་གྱི་ལྟང་ཡང་འཛིན། །རྣམ་པར་ཐར་པའི་ལམ་ཡང་སྟོན། །སངས་རྒྱས་ཀུན་དང་གཤེགས་ཤུལ་མཐུན། །དབང་ཕྱུག་འཕྲ་མེན་རྣམས་ཀྱི་དགོངས་སྤྱོད་ཅན། །འཇིག་རྟེན་འཛམ་བུའི་གླིང་བཞི་ཡི། ཁྲ་ཁྲག་དབུགས་དང་སྲོག་ལ་དབང་སྒྱུར་མངའ་མཛད་མ། །འཛམ་བུ་གླིང་བཞི་སེམས་ཅན་ཚེ་ཟད་དུས་ཟད་གཏན་ལ་འབེབས། །ཀླུ་ཕྲན་འབུམ་གྱིས་ཞབས་ལ་བསྐོར། །ཙི་ཙི་ཛ་ལའི་བདག་ཅིག་མ། སངས་རྒྱས་རྣམས་དང་ཐུགས་དམ་གཅིག །རྒྱལ་རིགས་རྣམས་དང་ལས་ཐབས་ཅིག །ལེགས་ལྡན་ནག་པོ་ཕོ་ཉར་འགྱེད། །ཀླུ་ཡི་སྡེ་དཔོན་འཁོར་འདུས་མ། །མ་འཕང་གཡུ་མཚོའི་ནང་ཤེར་ན། །ཆེ་ཞེ་ཆེན་མོ་ཀླུ་རུ་མ་སིལ། །ཉ་ཆེ་ཡོར་མོའི་ཐུལ་པ་ལ། །ཉི་ཕྲན་སྟོང་གི་སུག་མན་བརྒྱན། །སྦྲུལ་ནག་ཉི་ཁྲི་བདུད་འབུམ་ཡང་། །གཡས་ནས་བ་་ནས་གཡོན་དུ་འདྲིལ། །སྦྲུལ་ནག་འདུག་བའི་ཐུམ་པ་ཅན། །འཕགས་མོ་སུམ་ཁྲི་ལྔ་སྟོང་གཞི་བས། །མགོ་བོ་བསྣོལ་བའིགདནལགཤིབསཏེབཞུགས། །ཕྱག་རྒྱ་ཆུ་སྲིན་རྒྱལ་མཚན་འཛིན། །ཞལ་ནས་མཚོ་ཆེན་རླངས་པ་འཐུལ་ཆོས་ཉིད་མ་རུ་ངོ་མ་ཤེས། །ཆོས་ཉིད་མ་རུ་ངོ་མ་ཤེས་ན། །དབྱིངས་དང་ནི་ཡེ་ཤེས་ལྡན། །ཕ་རུ་ནི་ངོ་མ་ཤེས། །ཕ་རུ་ནི་ངོ་མ་ཤེས་ན། །བརྩེ་བའི་ནི་གཞུང་དང་ལྡན། །གྲོགས་སུ་ནི་ངོ་མ་ཤེས། །གྲོགས་སུ་ནི་ངོ་ཤེས་ན། །གྲོགས་མཆོག་ནི་གཞུད་དང་ལྡན། །མིང་པོ་ནི་ངོ་མ་ཤེས། །མིང་པོར་ནི་ངོ་མ་ཤེས་ན། །དཔའ་བརྗིག་ནི་མཛེས་པ་དང་ལྡན། །རྗེ་རུ་ནི་ངོ་མ་ཤེས། །རྗེ་རུ་ནི་ངོ་ཤེས་ན། །དབྱིངས་སུ་ནི་འབངས་སུ་མཆི། །དེ་ནས་ཡབ་མངོན་རྫོགས་རྒྱལ་པོས་སྲིན་ལ་གནས་བཟུང་ནས། གཡོན་གྱི་བྷ་ག་དབང་དུ་བསྡུས་ཏེ་ཡར་དྲངས་ཏེ། མ་རུ་ནི་ད་བསྒྲུབ་ཀྱི། མ་ལྟར་ནི་དབང་མ་ཆེ། །དབྱིངས་ལ་ནི་ཡེ་ཤེས་སྦྱོར། །སྲིད་དུ་ནི་ད་བསྒྲུབ་ཀྱི། །སྲིད་ལྟར་ནི་བརླབ་མ་དམ། གྲོགས་སུ་ནི་ད་བསྒྲུབ་ཀྱི། །གྲོགས་ལྟར་ནི་ཕྲག་མ་དོག །མཛའ་མོར་ནི་ད་བསྒྲུབ་ཀྱི། །ཡིད་ལ་ནི་གཞུངས་པར་གྱིས། །བྲན་མོར་ནི་ད་བསྒྲུབ་ཀྱི། །བྲན་ལྟར་ནི་སྙིང་མ་རིང་། །ལས་ལ་ནི་གཤིན་བར་གྱིས། །ད་ནི་དཀྱིལ་འཁོར་གྱི་གྲྭ་བཞིར་ཟུར་དབང་བསྐུར་ལ་བཞག་གོ །དེའི་ནུབ་མོ་བཤགས་བྱང་བྱའོ། །དེའི་ཕྱི་ནུབ་བར་གཅོད་ཀྱི་བགེགས་གདུལ་བའི་ཕྱིར། །འཕྲིན་ལས་ཕུར་བུའི་དཀྱིལ་འཁོར་བཞེངས་སུ་གསོལ་ལོ། །དེའི་ཕྱི་ནུབ་ནམ་མཁའ་ལྡིང་གཅིག་གིས་བསྐང་ངོ་། །དེའི་ཕྱི་ནུབ་ཙ་ར་གཅིག་གིས་ཟློག་གོ །དེའི་ཕྱི་ནུབ་ཤེལ་དཀར་སྨུག་གཅིག་གིས་བསྐང་ངོ་། །དགུང་བཞིའི་ནང་པར་ཤེལ་དཀར་མོ་གཅིག་གིས་དཀར་མོ་དབུ་དགུ་མའི་ཐུགས་དམ་བསྐང་ངོ་། །དེ་ནས་ནག་པོ་ཤེལ་མིག་གིས་མཚོ་སྨན་དང་ཀླུ་རྣམས་ཀྱི་ཐུགས་དམ་བསྐང་ངོ་། །དེ་ནས་པྲ་དབབ་སྟེ། ཡུམ་རྣམས་བདུད་རྩིའི་ཆུས་བཀྲུས་ལ། །རྒྱན་རག་ཏའི་ཐིག་ལེས་བཏབ་ལ། །སྲིན་ལག་ལ་སྐུད་པ་ནག་པོ་གཅིག་གདགས། གུང་མོ་ལསྐུད་པ་་དཀར་པོ་གཅིག་བདགས། དེ་ནས་པྲ་དབབ་མཚམས་གཅད་དོ། །དེ་ནས་ཡུངས་ཀར་ལ་བསྔགས་ལ། སྤྱིའི་སྙིང་པོའི་སྟེང་དུ་པྲ་དབབ་པའི་སྙིང་པོ་བཟླས་སོ། །གོང་མའི་སྙིང་པོ་ལ་བྲུ་གདགས་སོ། །སྒག་རག་ཤ་མུ་ཏྲ་རུ་ལུ་རུ་ལུ་རག་མོ་ཛཛ་ཁ་ན་མ་ཏི་བྲུ༷་དབང་ཕོབ་ཅིག །་ག་རག་ཤ་་ག་རཀྟ་མུ་ཏྲ་རུ་སུ་རུ་ལུ་བྲུ༷།སྙིང་ཁ་རག་སྨྱོ། རུ་ལུ་ཁ་ར༷་ར་ག་ཤ་ནི། ཤུ་ཏྲི་སྟ་རྦད། ཐུམ་རི་ལི་ལི་ཤུ་ཏི་སྟ་རྦད་བྲུ༷་དབང་ཕོབ་ཅིག །གཞུང་ལས་བྱུང་བའི་མ་མོའི་སྙིང་པོ་ཆོད་ཕྱོགས་ཕྱོགས་ལྷར་འཕོག་ལ། མ་མོའི་སྙིང་པོ་འཛབ་ཏུ་འདོན་དུ་གཞུག་གོ །དེ་ནས་པྲ་དབབ་པའི་མི་པདྨའི་གདན་སྟེང་བཞག་ལ། ཕྱོགས་ཕྱོགས་ནས་ཕྱི་དབང་བསྐུར་རོ། །དེ་ནས་དངོས་གྲུབ་ཀྱི་ཆརྐྱེན་ལུགས་བཞིན་དུ་བཤམས་ལ། བདུད་རྩིའི་བདག་མོ་ཡིན་པས་བསྙེན་བསྒྲུབ་བདུད་རྩིའི་འཛབ་བརྒྱ་རྩ་བརྒྱད་ཚང་བར་གདོན་ནོ། །དེ་ནི་སྐད་ཀྱི་།་འཇིག་རྟེན་སྔངས་པར་མཛད། །ལས་སུསྐྱེཤརྩདགཅོདམ། །གནམ་ས་ཟློག་པའི་ཕྱག་རྒྱ་སྒྱུར། །འཁོར་གྱི་ཕོ་ཉ་བསྐུལ་ནས་ནི། །དམ་ལ་རུབ་པའི་འཕྲིན་ལས་མཛད། །ལག་པ་གཡོན་ན་བདུད་རྩི་ཤིང་། །ཀ་ཀ་ལི་སྟེ་ཚེ་ཤིང་འཛིན། །ལག་པ་གཡས་ན་འཁོར་ལོ་སྒྱུར། །འཛམ་བུ་གླིང་བཞི་བྱོ་བཟློག་མཛད། །སྲོག་དབུགས་བདག་མོ་སྐུ་སྐྱོད་ཅིག །ཅེས་བསྐུལ་ལོ། །ད་ནི་དཀར་མོ་དབུ་དགུའི་ཐུགས་དམ་བསྐུལ་ཏེ། དཔལ་ཆེན་ཐུགས་ལས་སྤྲུལ་པའི་སྲས་མོ་སྟེ། །དཔལ་གྱི་བཀའ་ཉན་སྤྲུལ་པའི་འཁོར་སྡུད་མ། །གནས་ནི་རི་མཚོ་བདུན་ན་གནས། །ཆིབས་སུ་སྤྲུལ་བ་མགོ་དགུ་ཆིབས། །དཀར་པོ་དུང་གི་གཡུ་རྡོག་ཅན། །སྐུ་ནི་ཤེལ་རྡོ་གཅག་པ་འདྲ། །ཉི་མའི་ཟེར་བས་ཤིན་ཏུ་འཛེར། །ཟླ་བའི་འོད་བས་དཀར་ལ་གསལ། །སྐུ་ཡི་འོད་ཀྱིས་སྟོང་ཁམས་ཁྱབ། །ཞལ་ནས་འཇིགས་པའི་སྐར་མདའ་འཕྲོ། །སྐུ་ནི་དཀར་མོ་ཆེན་མོ་ལ། །སྲིན་པའི་གནམ་ནི་གོས་སུ་རྒྱན། །གྲགས་པའི་ས་ནི་སྟན་དུ་བཏིང་། །ཁམས་གསུམ་འཇིག་རྟེན་ཕང་དུ་ཁྱེར། །ཉི་ཟླ་ཀུན་ཀྱང་ཁྱུར་མིད་བྱེད། །སྲིད་པ་གསུམ་ནི་སྐུ་ལ་རྫོགས། །ཉི་མའི་དཀྱིལ་མདངས་སྤྱན་ནས་འཆར། །ཟླ་བའི་རྨ་མདངས་ཞལ་ནས་འཆར། །ལག་ན་རི་རབ་རྩ་དགུ་གསོར། ཁེན་ཏུ་མི་ཟད་ག་་ཆེན་མ། །དགུ་ཚིགས་གཞུ་རུ་གདུང་བ་མོ། །སྐར་ཆེན་མདའ་རུ་འཕེལ་པ་མོ། །དགྲ་སྙིང་ཕུར་གྱི་འདེངས་པ་མོ། །ཆེ་ཞེ་མ་སར་དབང་ཕྱུག་མ། ཁྲ་ཁྲག་དམར་གྱི་དྲི་བསྣམ་མ། །ལེགས་ཉེས་ཀུན་གྱི་ལྟང་འཛིནམ། །དམཚིགཉམསཔའིརྗེས་གཅོད་མ། །ཐོག་དང་སེར་བ་ཞལ་ནས་འཐོར། །སྦྲུལ་ནག་སྟོང་གི་ཞགས་པ་འཕེན། །ཟླ་བ་ཚེས་པའི་སྤྱན་ཟུར་གཟིགས། །དགྲ་བོ་དམ་ཉམས་ཀུན་གྱི་གཤེད་མར་ཞལ་འཆེས་མ། །དཀར་མོའི་རྒྱལ་མོ་གཤེགས་སུ་གསོལ། །གཡས་ན་གིང་ཆེན་བཅོ་བརྒྱད་འགྱེད། །གཡོན་ན་གིང་ལྕམ་བཅུ་གཉིས་འགྱེད། །གིང་གི་རྒྱལ་མོར་གཤེགས་སུ་གསོལ། །གནས་ནི་ཤར་གྱི་ཕྱོགས་ན་གནས། ཁུ་ནི་བར་སྣང་ཁམས་སུ་རྒྱུ། །བཞུགས་ནི་ནམ་མཁའི་དཀྱིལ་ན་བཞུགས། །ལས་སུ་དགྲ་བོའི་སྙིངའབྱིན་ཅིང་། །ཟས་སུ་དགྲ་བོའི་ཙིསྟ་ཟ། །སྐོམ་དུ་སྙིང་ཁྲག་དྲོན་མོ་འཐུང་། །བཅོལ་བའི་འཕྲིན་ལས་གྲུབ་པར་མཇོད། །ད་ནི་སྲིད་པའི་བུ་མོ་བསྐུལ་ཏེ། །གངས་དཀར་རྩེ་ལ་གནས་པ་མོ། །ལས་སུ་བཅོལ་ན་ཀུན་ཀྱང་བསྒྲུབ། །ཉིན་མོ་རྡོ་རྗེ་དམ་ཚིག་ཅན། །མཁའ་ལ་དབང་སྒྱུར་དབང་མོ་ཆེ། །ནམ་མཁའ་དབང་སྒྱུར་མཐུ་མོ་ཆེ། །དཀྱིལ་་འཁོར་དབང་སྒྱུར་བྱིན་མོ་ཆེ། །དམ་ཚིག་དབང་སྒྱུར་རྫུ་འཕྲུལ་ཅན། །སྨུག་ནག་ཆེན་མོ་དབུ་ལྔ་ལ། །ཙིསྟ་སྟོང་གིས་མངའ་བདག་མོ། །སྐུ་ལ་ན་བཟའ་ཅི་གསོལ་ན། །ན་བཟའ་ལེ་བརྒན་འབར་པ་གསོལ། །གཙོས་ཆེན་སྟོང་གི་ལ་དབུས་ཀླུབས། །ལས་སུ་བཅོལ་ན་ཀུན་ཀྱང་འགྲུབ། །ཕྱག་ན་འདྲིལབའིམཆོགཕུརབསྣམས། །དགྲ་བགེགས་སྙིང་ལ་གཟེར་འདེབས་མ། །ཞལ་ནས་སྒྲ་སྒྲོགས་འགྲུག་ཆེན་ལྡིར། །གནམ་ལ་དབྱར་དགུན་མཚམས་ཁྱད་འབྱེད། །དེ་ཕྱིར་སྲིད་པའི་བུ་མོ་བྱའོ། །ཕྱག་ན་ཐོག་བསྣམས་དགྲ་སྙིང་སྲེག །ཐུགས་ནི་དགྲ་བོའི་ཙིསྟ་རློམ། །དེཕྱིརཙིསྟའི་བདག་མོ་ས་བྱའོ། །སྤྱན་ནི་སྟོང་ཁམས་ཁྱབ་པར་གཟིགས། །སྲིད་པའི་འཇིག་རྟེན་བྱ་ར་མཛོད། །དེ་ཕྱིར་སྲིད་པའི་བུ་མོས་བྱའོ། །ནམ་མཁའ་སྟོང་ལ་དབང་སྒྱུར་མ། །དཔྱིད་ཟླ་གསུམ་ལ་རྒྱུ་བའི་དུས། །རླུད་དང་ཚུབ་མའི་སྣ་འདྲེན་མ། །རྩི་ཤིང་ཀུན་དང་ནི་གསིང་གཡོ། །དེ་ཕྱིར་སྲིད་པའི་བུ་མོས་བྱའོ། །དབྱར་ཟླ་གསུམ་ལ་རྒྱུ་བའི་ཚེ། །ཐོག་དང་སེར་བའོ་གདོང་འདྲེན་མ། །ཆུ་བོ་ཀུན་གྱི་གཞུང་འདྲེན་མ། །ཆུ་ཕྲན་ཀུན་གྱི་མདོག་འབྱིན་མ། །མེ་ཏོག་ཀུན་གྱི་འོད་ལེན་མ། །སེམས་ཅན་གཞོན་པའི་མདངས་འཕྲོག་མ། །དེ་ཕྱིར་མདངས་བདག་བུ་མོས་བྱའོ། །སྟོན་ཟླ་གསུམ་ལ་རྒྱུ་བའི་དུས། །བཞུགས་ནི་རི་རབ་ཟོམ་ལ་བཞུགས། །གསེར་གྱི་སྐྱོགས་གཡུའི་པྲ་ཞིང་། །ཅན་འབྲས་བུ་ལོ་ཏོག་བ་་ལེན་མ། །ལོ་ཐོག་འབྲས་བུ་སྲིད་པས་བསྐྱེད། །དེ་ཕྱིར་སྲིད་པའི་བུ་མོས་བྱའོ། །དགུན་ཟླ་གསུམ་ལ་རྒྱུ་བའི་དུས། །བཞུགས་ནི་ས་ཡི་འོག་ན་བཞུགས། །ལག་ན་ཕྱག་རུམ་མདུང་ཙམ་ཐོགས། །ཐམས་ཅད་སྡོམས་པའི་མངའ་མཛད་མ། །དེ་ཕྱིར་སྲིད་པའི་བྱ་མའི་བྱའོ། །ཐེའུ་རང་ཧས་པོས་དབང་སྒྱུར་མ། །སྲིད་པའི་བུ་མོ་ཐུགས་དམ་ཅན། །དམ་ཚིག་དུས་ལ་བབ་ཀྱིས་འཕྲིན་ལས་མཛོད། །ད་ནི་དུར་ཁྲོད་ཀྱི་བདག་མོ་ཐྲི་ཙ་མུན་ཏྲ་བསྐུལ་ཏེ། དུར་ཁྲོད་ལྷ་མོ་ཐྲི་ཙ་མུན་ཏྲ། །སྐུ་མདོག་དམར་སེར་ཆེན་མོ་ལ། །སྤྲུལ་པ་མཐིང་ནག་ཆས་ཀྱིས་བརྒྱན། །ཡར་ལྟས་གནམ་གྱི་ལྷ་རྒྱལ་མམ། །མར་ལྟས་ས་ཡི་ཀླུ་རྒྱལ་མ། ཆིབས་སུ་སྤྲུལ་བ་རླུད་ནག་ཆིབས། །ན་བཟའ་གོས་སུ་ནག་པོ་གསོལ། །ཞལ་ནས་རྫི་བ་འབུད་པ་མོ། །གཡས་ན་ཟངས་ཀྱི་རྒྱུ་ཞགས་ཐོགས། །གཡོན་ན་སྲོག་སྙིང་གཅོད་པའི་ཕྱག །སྡང་བ་དགྲ་བོ་དྲང་ཞིང་ཁུག །རླུད་ལྷའི་ཕྱོགས་ནས་ཕོ་ཉ་འགྱེད། །སྤྲུལ་པ་ཤ་ཞོན་མང་པོ་འགྱེད། །མཐིང་ནག་ཆེན་མོ་རལ་པ་ཅན། །ཟ་བྱེད་རྡོ་རྗེ་ཐོག་འབེབས་ཤིང་། །རླུད་དང་སེར་བུ་ཆིབས་སུ་ཆིབས། །སྐུ་ལ་མི་བཟད་འབར་བས་བརྒྱན། །ཟས་སུ་སེམས་ཅན་གསོན་པོ་ཟ། །ཆེ་ཞེ་ཆེན་མོ་སྐུ་གཅིག་མར། །ཟས་སུ་སེམས་ཅན་སྟོང་ཟ་མ། །སྲིད་པ་ཟ་བྱེད་སྐྱེ་ཤི་རྩད་ག་ཅོད་མ། །ཁམས་གསུམ་འཇིག་རྟེན་སྟོང་བར་སྒྲོལ་མཛད་མ། །ཁམ་གསུམ་ཟ་བར་དམ་བཅས་སྲིད་པར་བས་གཅོད་མ། །བསྟན་པ་འཇིག་པའི་དགྲ་བོ་ནག་པོ་ལགས། །ལས་ཀྱི་ཐུན་ཅིག་དབབ་ཏུ་གསོལ། །དུག་གི་ཁ་ཆུས་གདབ་ཏུ་གསོལ། །སྒྲོལ་བྱེད་ཆེན་མོའི་དུས་ལ་བབ། །བསྒྲུབ་པའི་དུས་སུ་མཚང་ཟུ་ཞིང་བསྐུལ་བས། །བསྐུལ་ཚིག་ལེའུ་སྟེ་བཅུ་བཞི་པའོ།། །།དཀྱིལ་འཁོར་གྱི་དབུས་སུ། །དུས་གསུམ་ཡེ་ཤེས་ལྔ་ལྡན་ཀ་པ་ལའི་ནང་དུ། །དྲི་ཆེན་དང་། ཁྱི་དཀར་པོའི་རུས་བུ་དང། ཙིསྟཆགཅིགགིས། །རྣམ་པར་སྣང་མཛད་ཀྱི་ཐུགས་དམ་བསྐང་ངོ་། ཁྲར་གྱི་ཕྱོགས་ཀྱི་འཁོར་ལོ་ལ། །སྐུ་གསུང་ལྷུན་གྲུབ་རྡོ་རྗེ་ཀ་པ་ལའི་ནང་དུ། །རྟ་སྔོན་པོའི་འབྲས་བུ་ཆ་གཅིག་དང་། །བྱང་ཆུབ་སེམས་ཆ་གཅིག་གིས། །རྡོ་རྗེ་སེམས་དཔའི་ཐུགས་དམ་བསྐང་ངོ་། ལྷོ་ཕྱོགས་ཀྱི་འཁོར་ལོ་ལ། །ཡོན་ཏན་ཚོགས་རྫོགས་རྡོ་རྗེ་ཀ་པ་ལའི་ནང་དུ། །གླང་པོ་ཆེའི་འབྲས་བུ་ཆ་གཅིག་དང་། །ཙིསྟ་ཆ་གཅིག་གིས། །རིན་ཆེན་འབྱུང་ལྡན་གྱི་ཐུགས་དམ་བསྐང་ངོ་། །ནུབ་ཕྱོགས་ཀྱི་འཁོར་ལོ། །མཚན་མེད་སྤྲོས་བྲལ་རྡོ་རྗེ་ཀ་པ་ལའི་ནང་དུ། རྨ་བྱའི་འབྲས་བུ་ཆ་གཅིག་དང་། བུད་མེད་ཀྲ་སེར་ལ་ལི་རག་ཏ་ཆ་གཅིག་གིས། །སྣང་བ་མཐའ་ཡས་ཀྱི་ཐུགས་དམ་བསྐང་ངོ་། །བྱང་ཕྱོགས་ཀྱི་འཁོར་ལོ་ལ། །དུག་གསུམ་གཏན་སྲུགས་རྡོ་རྗེ་ཀ་པ་ལའི་ནང་དུ། ་ང་ཤང་གི་འབྲས་བུ་ཆ་གཅིག་དང་། །དྲི་ཆུ་དང་། །ཅི་ཡང་རུང་བའི་གློ་དང་། །མཆེར་བ་དང་། །ཙིསྟ་ཆ་གཅིག་གིས། །དོན་ཡོད་གྲུབ་པའི་ཐུགས་དམ་བསྐང་ངོ་། །དེ་ནས་མ་མོ་རྣམས་ཀྱི་ཐུགས་དམ་བསྐང་བ་ནི། །མཚོ་སྨན་ཡེ་ཤེས་སྐུ་ལས་བསྐྱེད་བ་ལགས་ཏེ། །དེའི་ཐུགས་དམ་བསྐང་བ་ནི། ཀུ་ཀུར་ནག་པོ་ཤེལ་མིག་དང་། །ལུག་ཆུ་གམ་དང་། རྨ་བྱའི་མདོངས་ཀྱིས་བསྐང་ངོ་། །དཀར་མོ་དབུ་དགུ་མ་བྱང་ཆུབ་སེམས་ལས་བསྐྱེད་པ་ལགས་ཏེ། གཙོ་བོ་ཉིད་ཀྱི་ཐུགས་དམ་ཆོས་ཉིད་ཀྱི་ལྟ་བ་དང་། ལུང་དང་མན་ངག་གི་ཆོས་དང་། ཁེལ་དཀར་མོ་སྨིན་དམར་དང་། ཀུ་ཀུར་དཀར་པོས་བསྐང་ངོ་། །སྲིད་པའི་བུ་མོ་གསང་བའི་རྡོ་རྗེའི་དྲི་ཆུ་ལས་བསྐྱེད་པ་ལགས་ཏེ། དེའི་ཐུགས་དམ་བསྐང་བ་ནི། །ཀུ་ཀུ་ར་གཙོས་ཀ་ཤེལ་མིག་དང་། ལུག་སྨུག་ཆགས་ཀྱི་ཐུགས་དམ་བསྐང་ངོ་། །ཙ་མུན་ཏྲ་གོ་རོ་ཙ་ན་ལས་བསྐྱེད་པ་ལགས་ཏེ། དེའི་ཐུགས་དམ་བསྐང་བ་ནི། ལུག་ནག་མོ་སྤྱི་དཀར་དང་། །བྱ་ནག་མོ་གསེར་མིག་དང་། ཤ་ཆེན་གྱི་གཏོར་མ་དང་། ཚིལ་ཆེན་གྱི་མེ་མར་དང་།གསུང་ཆེན་གྱི་དུད་པས་རྒྱུན་མ་ཆད་པར་གཏང་ལ་བསྐང་ངོ་། །ཙིསྟ་པེའུ་ཤིང་བསྐང་ཚད་ཀྱི་ལེའུ་སྟེ་བཅོ་ལྔ་པའོ།། །།གསང་བའི་བསྙེན་པ་རྫོགས་པ་དང་། །དབང་དང་ལྡན་པའི་སློབ་དཔོན་ལ། །སློབ་མ་གུས་དང་ལྡན་པར་ལ། །ལག་ཏུ་རིན་ཆེན་གསེར་ཐོགས་ནས། དབང་ཉིད་གསེར་གྱིས་བླུ་བར་བྱའོ། །སློབ་དཔོན་ཕྱག་ན་རྡོ་རྗེ་ཡིས། །རྡོ་རྗེ་དྲིལ་བུ་ཐོགས་ནས་ཀྱང་། །འཕྲིན་ལས་རྣམ་བཞིའི་དབང་བསྐུར་རོ། །སློབ་དཔོན་འཇམ་དཔལ་གཞོན་ནུ་ཡིས། །ཕྱག་ན་པོ་ཏི་བསྣམས་ནས་ཀྱང་། །གུས་དང་དད་ལྡན་སློབ་མ་ལ། །གཉན་བྱེད་འཁོར་ལོའི་དབང་བསྐུར་རོ། །སྟོན་པ་ཀུན་ཏུ་བཟང་པོ་ཡིས། །ཁྲིའུ་དང་ཆགས་ཤིང་ཐོགས་ནས་ཀྱང་། །སྡེ་སྣོད་འཆད་པའི་དབང་བསྐུར་རོ། །སྟོན་པ་མངོན་རྫོགས་རྒྱལ་པོ་ཡིས། །ལག་ཏུ་བན་དྷ་ཐོགས་ནས་ཀྱང་། །གསང་སྔགས་བསྒྲུབ་པའི་དབང་བསྐུར་ཏེ། །རྒྱལ་ཐབས་སྤྱི་བླུགས་དབང་བསྐུར་རོ། །གདུགས་ལྟར་སྤྱི་ནས་འགེབས་པའི་སློབ་དཔོན་གྱིས། །བསྒྲུབ་པའི་དཀྱིལ་འཁོར་མཐའ་ནས་བསྡུས། །རྫས་དང་ལག་ཆ་བཀྲམ་པ་རྣམས། །དབུས་ཀྱི་རན་དྷ་བཞི་རུ་བསྡུ། །མ་མོ་སུམ་བརྒྱ་དྲུག་ཅུ་ཡང་། །ཡང་གབ་དབང་གི་རྒྱལ་པོ་བཞི་རུ་བསྡུས། །བན་དྷ་བཞི་ཡིས་དབང་བསྐུར་བས། །ཡང་གབ་བཞི་ཡི་དབང་ཆེན་རྫོགས། །སྤྱི་ཏི་ཁ་ལ་མ་མུ་ཏྲ་ས་མ་ཡ་ཏི་སྟ་ཙཀྲ་རྒྱན་བྲུ༷། རག་ཤ་མོ་རག་ཤ་མ་ཤུན་ཏི་སྟ་ཙཀྲ་རྒྱན་བྲུ༷། ཁ་ར༷་རག་ཤ་མ་ས་མ་ཡ་ཏི་སྟ་ཙཀྲ་རྒྱན་བྲུ༷། དབང་གི་རྒྱལ་མོ་བཞིས་དབང་བསྐུར་བས། འཇིག་རྟེན་དང་འཇིག་རྟེན་ལས་འདས་པའི་དབང་རྫོགས་པར་གྱུར་ཅིག །དབང་གི་ཏན་ཏྲའི་ལེའུ་སྟེ་བཅུ་དྲུག་པའོ།། ད་ནི་ཐུན་གྱི་གྲུབ་རྟགས་བསྟན་ཏེ། ཐོད་པའི་ཁྲག་དཀར་དམར་དུ་འདྲེས་པས་ཡབ་ཡུམ་གཉིས་སུ་མེད་པའི་དངོས་གྲུབ་པ་ཡིན་ནོ། །ཁྲག་དེ་སྦོས་ན་སྒྲིབ་པ་ཡོད་པས་བཤགས་པ་བྱའོ། །ཐོད་པ་འགུལ་ཞིང་འདྲེག་ན། །ཕོ་ཉ་རྣམས་ཀྱི་དངོས་གྲུབ་ཐོབ་པ་ཡིན་ནོ། །ཁོལ་ཞིང་རླངས་པ་བྱུང་ན། །ཁྲོ་བོ་ཞེ་སྡང་གི་དངོས་གྲུབ་ཐོབ་པ་ཡིན་ནོ། །དེ་ལས་མདོག་ནག་པོར་གྱུར་ན། ཆོས་ཀྱི་དབྱིངས་ཀྱི་དངོས་གྲུབ་ཐོབ་པ་ཡིན་ནོ། །གྲུབ་པ་ལྟས་ཀྱི་ལེའུ་སྟེ་བཅུ་བདུན་པའོ། ་༑།།