Ngb-pt-0423-vol-05-text

Body

རྫོགས་སོ།། །། རྒྱ་གར་སྐད་དུ། དྲིགི་སརྦ་རྭ་ཛ་ས་མན་ཏ་བྷ་དྲ་ཨད་མ་རྒྱུ་ར་པ་ཏསྒྲོ། བོད་སྐད་དུ། ལྟ་བ་ཐམས་ཅད་ཀྱི་རྒྱལ་པོ་ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད།བཅོམ་ལྡན་འདས་དཔལ་ཀུན་ཏུ་བཟང་པོ་སེམས་ཀྱི་རང་བཞིན་གང་ཡིན་པ་དེ་ལ་ཕྱག་འཚལ་ལོ། །འདི་སྐད་གོ་ཞིང་རྟོགས་ནས་ཤེས་པའི་དུས་གཅིག་ན། སངས་རྒྱས་དང་སེམས་ཅན་དང་ཇི་ལྟར་སྣང་བའི་ཆོསཐམསཅད་ཀུན་ཏུབཟང་པོ་ཆེ་བའི་འཁོར་དུ་སངས་མརྒྱས་པམེད་པ་ལ། དེ་ནས་ཐམས་ཅད་ཉིད་ལས་མི་གཞན་པའི་ཀུན་ཏུ་བཟང་པོའི་འཁོར་དུ་གྱུར་པས་འདི་སྐད་དུ་ཉིད་ལ་གླེངབསླང་ངོ་། །དེ་ནས་སྟོན་པཀུན་ཏུབཟང་པོ་སེམས་ཀུནཏུ་བཟངཔོ་ལ་ཞུགས་ནས་ཆོས་ཉིད་ཀུན་ཏུ་བཟང་པོ་ལ་ལྟ་བ་ཐམས་ཅད་ཀྱི་རྒྱལ་པོ། ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད་འདིབཀའ་སྩལ་ཏོ། །རྣལ་འབྱོར་གང་ཞིག་རྟོགས་འདོདཔས། །ཀུན་ཏུབཟང་པོའི་རྒྱུད་འདི་ཉོན། །འདི་དགཤེས་པར་སུའདོདཔ། །ངེས་པར་ལུང་འདི་བསྟན་པར་བྱའོ། །དེ་ནས་ཡང་དེ་ཉིད་ལསམིགཞན་པའི་འཁོར་རྣམས་ཀྱིས་གསོལ་པ། ཆོས་རྣམས་སེམསཀྱི་སྤྱོད་ཡུལ་ལས། །ཐམས་ཅད་སངས་རྒྱས་ཉིད་དུ་བསྟན། །ཀུནཏུབཟང་པོའི་རང་བཞིན་ལས། །རྣལ་འབྱོར་ཀུན་གྱི་དབང་ཕྱུག་ཆེ། །གསང་བའི་གསང་ཆེན་ངེས་པའི་དོན། །ཉིད་ཀྱི་ཐུགས་ལས་ཕྱུངབ་འདི། །སྣོདལྡན་རྣམསལ་བསྟན་དུ་གསོལ། །དེ་ནས་སྟོན་པ་ཀུན་ཏུ་བཟང་པོ་ཡིས། །འཇིགས་པ་ལ་ཡ་ང་བའི་ཆོས་སྡུག་བསྔལ་སྣ་ཚོགས་ཀྱིས་ཁ་བརྒྱུད་ནས་ཉམ་ཐག་པ་ཉིད། དགའ་སྐྱིད་ཆེན་པོ་མྱ་ངན་ལསའདས་པའིཆོསབདེ་བཆེན་པོ་ལྷུནགྱིས་གྲུབ་སྟེ་འགྱུར་བ་མེད་པའི་ཕྱིར། ཀུནཏུ་བཟང་པོ་ཆེབ་ལ་རང་གནསཔའི་རྒྱུད། སངས་རྒྱས་ཐམས་ཅད་ཀྱི་དགོངསཔ་གཅིག་ཏུ་འདྲིལ་བའི་དོན། ཀུན་ཏུ་བཟངཔོ་རྣམ་ལྔ་དང་། ཆེ་བ་བཅུ་དྲུག་དང་། རང་གནས་ཆེན་པོ་དགུར་བཀའ་སྩལ་ཏོ། །དེ་ལ་ཀུན་ཏུ་བཟང་པོ་མན་ངག་གི་རྒྱུད་འདི་རྟོགས་པར་འདོད་པ་རྣམས་ཀྱིས། ངེས་པར་ཀུན་ཏུ་བཟང་པོ་ལྔ་པོ་འདི་ཡིད་ལ་ཟུང་ཞིག །དེ་ལ་ཀུན་ཏུ་བཟང་པོ་ལྔ་གང་ཞེ་ན། ལྟ་བ་ཀུན་ཏུ་བཟང་པོ་དང་། སྤྱོད་པ་ཀུན་ཏུ་བཟང་པོ་དང་། ཕྲིན་ལས་ཀུན་ཏུ་བཟང་པོ་དང་། དམ་ཚིག་ཀུན་ཏུ་བཟང་པོ་དང་། རང་བཞིན་ཀུན་ཏུ་བཟང་པོ་དང་ལྔའོ། །དེ་ལ་ལྟ་བ་ཀུན་ཏུ་བཟང་པོ་འདི་བཀའ་སྩལ་ཏོ། །ཐམས་ཅད་ཀུན་ཏུ་བཟང་པོ་ལ། །འཁོར་བའི་ཆོས་དང་མྱ་ངན་འདས། །རྣམ་རྟོག་ཉིད་ཀྱང་ཡེ་ཤེས་པས། །ལོག་རྟོག་ཞེ་སྡང་ག་ལ་ཡོད། །ཕྱོགས་རིས་མེད་པ་ཆོས་ཉིད་ཀློང་། །ཕྱི་ནང་གཉིས་མེད་ཡེ་ཤེས་ངང་། །བཟང་ངན་ཆེ་ཆུང་མེད་པར་མཉམ །སྐྱེ་ཤི་འགྱུར་མེད་བྱང་ཆུབ་སེམས། །འཁོར་བའི་ལོག་རྟོག་མཚན་མའི་ཆོས། །མཁའ་ལ་འཇའ་ཚོན་སྣང་བཞིན་འདས། །ཨ་ཨ་རྒོད་རེ་བྲོ། གཉིས་སུ་འཛིན་པས་གོལ་བས་ན། །དབྱེར་མེད་མཉམ་པ་ཉིད་དུ་གསུངས། །ཆོས་རྣམས་ཐམས་ཅད་ཐོག་མ་ནས། །རྒྱུ་དང་རྐྱེན་གྱིས་མ་བཙལ་ཏེ། །ཡེ་ནས་ལྷུན་གྱིས་གྲུབ་པ་ལ། །བཙལ་ཞིང་བསྒྲུབ་པར་བྱ་བ་མེད། །རང་བཞིན་ཡོངས་ཀྱིས་དག་པ་ལ། །འཁོར་བ་བཙལ་ཡང་མི་རྙེད་པས། །མ་བཅོས་ཡེ་ནས་དག་པ་ལ། །མ་བཙལ་གནས་པས་སངས་རྒྱས་ཡིན། །ཀུན་ཏུ་བཟང་པོའི་རང་བཞིན་ལ། །རྒྱུ་དང་འབྲས་བུར་བརྟགས་པས་གོལ། །ཡེ་ནས་གཉིས་མེད་བྱང་ཆུབ་ལ། །དོན་དེ་གཉིས་ནི་བཙལ་དུ་མེད། །སངས་རྒྱས་སེམས་ཅན་ལ་སོགས་པ། །ཐམས་ཅད་སེམས་ལས་གཞན་མ་ཡིན། །བདེ་ཆེན་ཉིད་ཡིན་བཅོས་སུ་མེད། །མ་བཙལ་མ་བསྒྲུབས་ཡེ་ནས་དག །རྒྱུ་ཉིད་དག་པའི་སངས་རྒྱས་ལ། །སྐྱེ་ཤི་མེད་པ་སུས་ཤེས་པ། །ལྟ་བ་ཀུན་ཏུ་བཟང་པོ་ཡིན། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། ལྟ་བ་ཀུན་ཏུ་བཟང་པོའི་ལེའུ་སྟེ་དང་པོའོ།། །།དེ་ནས་སྤྱོད་པ་ཀུན་ཏུ་བཟང་པོ་འདི་གསུངས་སོ། །བྱང་ཆུབ་སེམས་ཀྱི་རང་བཞིན་འདི། །ཕྱི་དང་ནང་དུ་བཟུང་བས་ནོར། ཁུ་དང་འབྲས་བུར་བརྟགས་པས་འཁོར། །ལོངས་སྤྱོད་ཐར་པ་བདེ་བ་མེད། །ཆགས་དང་མ་ཆགས་ལ་སོགས་པ། །བདེ་དང་སྡུག་བསྔལ་གཉིས་མེད་པས། །གཅིག་སྟེ་ཕྱོགས་རིས་མེད་པ་ལ། །དེ་བཞིན་གང་སྤྱོད་བདེ་བ་ཆེ། །མཚན་ཉིད་འདུ་བྱེད་ཕྱོག་ཆ་ལ། །ཡོད་མེད་ཆགས་པས་འཆིང་བའི་རྒྱུ། །བྱར་མེད་ལྷུན་རྫོགས་འབྲས་བུ་ཉིད། །གོ་བའི་ངང་ལས་བདེ་བ་ཆེ། །འཇིག་རྟེན་འཁོར་བའི་ཆོས་ཅན་ལ། །རྟག་ཆད་མཚན་མར་བརྟགས་པས་ནོར། །དེ་ཉིད་བདག་མེད་གཞན་མེད་པར། །གཉིས་མེད་སྤྱད་པས་བདེ་བ་ཆེ། །དགེ་དང་མི་དགེ་ལས་རྣམས་ཀུན། །མ་ཆགས་གཉིས་མེད་ཐབས་ཀྱིས་སྤྱོད། །གང་ལ་རོལ་པས་ཡོན་ཏན་སྣང་། །རྒྱུ་རྐྱེན་རྟེན་འབྲེལ་ལྟོས་པ་ཡིན། །འདོད་སྤྱོད་ཡོན་ཏན་རྣམ་པ་ལྔ། །ཐབས་དང་ཤེས་རབ་ལ་སོགས་ཀྱང་། །སྤྱད་ན་སྐྱེ་མེད་རྟོགས་པ་གསལ། །མ་སྤྱད་ན་ཡང་ཉེས་མེད་རྫོགས། །ཡོད་མེད་རྟག་ཆད་ཐམས་ཅད་ནི། །མ་སྐྱེས་རང་བཞིན་ངང་ལ་མེད། །བདེ་དང་སྡུག་བསྔལ་གཉིས་འཛིན་པ། །ཐ་དད་མེད་དེ་བྱང་ཆུབ་སེམས། །མྱ་ངན་འདས་དང་འཁོར་བའི་ཆོས། །སྐྱོན་དང་ཡོན་ཏན་ཐམས་ཅད་ནི། །བཅིང་གྲོལ་མེད་པར་གང་སྤྱོད་པ། །སྤྱོད་པ་ཀུན་ཏུ་བཟང་པོའོ། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། སྤྱོད་པ་ཀུན་ཏུ་བཟང་པོའི་ལེའུ་སྟེ་གཉིས་པའོ།། །།དེ་ནས་ཕྲིན་ལས་ཀུན་ཏུ་བཟང་པོ་འདི་གསུངས་སོ། །ཀུན་རྫོབ་དངོས་པོར་སྣང་བ་ཡིན། །སྣོད་བབ་རྫས་སུ་སྣང་བ་ཀུན། །ཆོས་ཉིད་མ་སྐྱེས་རང་བཞིན་ལ། །མིང་དང་ཚིག་ཏུ་བཏགས་པས་འགལ། །ཅིར་སྣང་ཀུན་ཏུ་བཟང་པོ་ལ། །དེ་གཉིས་སེམས་སུ་རོལ་པ་ཡིས། །ཇི་ལྟར་མཛེས་པ་འགལ་བ་མེད། །ཕྲིན་ལས་བྱ་བཙལ་མེད་པའོ། །དགེ་བ་དང་ནི་སྡིག་པའི་ལས། །ལས་ཀྱི་བྱེ་བྲག་ཐམས་ཅད་ལ། །སེམས་ཡིན་གཉིས་མེད་ལྷུན་གྲུབ་པས། །བྱང་ཆུབ་སེམས་ཀྱི་ཕྲིན་ལས་པ། །རྟོག་དང་མི་རྟོག་ལས་འདས་པ། །སངས་རྒྱས་མཛད་དང་ཁྱད་པར་ཆེ། །ཅིར་ཡང་མེད་ལ་ཅིར་སྤྱོད་པ། །བདེ་བཆེནཔོའིམཛདསྤྱོད་ཡིན། །ཀུན་གཞི་མ་བྱུང་མ་སྐྱེས་པ། །སྦྱོར་སྒྲོལ་ལ་སོགས་ཅིར་སྤྱད་པ། །གང་ཡང་སྤང་ལེན་མེད་པ་ནི། །བླང་དོར་མེད་པས་ཕྲིན་ལས་བཟང་། །ཕྲིན་ལས་ཀུན་ཏུ་བཟང་པོ་ཡིན། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། ཕྲིན་ལས་ཀུན་ཏུ་བཟང་པོའི་ལེའུ་སྟེ་གསུམ་པའོ།། །།དེ་ནས་དམ་ཚིག་ཀུན་ཏུ་བཟང་པོ་འདི་བཀའ་སྩལ་ཏོ། །ང་དང་བདག་དང་ཕྱོགས་དང་རིས། །མི་མཐུན་སྐྱོན་གྱི་བྱེ་བྲག་ཀྱང་། །ཀུན་ཏུ་བཟང་པོར་དབྱེར་མེད་པ། །ལེགས་ཉེས་རྟོག་པས་བསྲུང་དུ་མེད། །མཐའ་དབུས་མེད་པའི་ཀློང་བརྡལ་བས། །ཆོས་ཉིད་ཀུན་ཏུ་བཟང་པོ་ལ། །མཉམ་པའི་ཀློང་ལས་འགྱུར་བ་མེད། །འཐབ་རྩོད་མ་བསྐྱེད་འཆལ་པ་ཡིན། །ཆགས་པའི་བདེ་དང་ཉོན་མོངས་དགྲ། །གཉིས་སུ་མེད་དེ་རང་གི་སེམས། །སེམས་ཀྱིས་སེམས་ལ་དགྲར་མེད་ལ། །བདག་ཉིད་སངས་རྒྱས་གཅིག་པུ་ཁྱོད། །བདེན་པའི་ལྷ་དང་བར་གཅོད་བདུད། །གཉིས་སུ་མེད་དེ་རྟོག་ལས་འདས། །རེས་སུ་བཙལ་ཡང་མི་རྙེད་པས། །ལྷུན་གྱིས་གྲུབ་པའི་དམ་ཚིག་ཡིན། །ཀུན་ཏུ་བཟང་པོ་བྱང་ཆུབ་སེམས། །མི་འགྱུར་འདའ་བ་མེད་པ་ལ། །མ་ཡེངས་ཕྱོགས་རིས་མེད་སྲུང་བ། །དམ་ཚིག་ཀུན་ཏུ་བཟང་པོ་ཡིན། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། དམ་ཚིག་ཀུན་ཏུ་བཟང་པོའི་ལེའུ་སྟེ་བཞི་པའོ།། །།དེ་ནས་རང་བཞིན་ཀུན་ཏུ་བཟང་པོ་འདི་གསུངས་སོ། །སེམས་ཀྱི་ཆོས་ཉིད་རང་བཞིན་འདི། །མ་སྐྱེས་ཡེ་ནས་སངས་རྒྱས་ཏེ། །ཀུན་ལ་བརྡལ་ཞིང་སྣང་བ་འདི། །རྒྱལ་བས་མཛད་ཅིང་བཅོས་པ་མེད། །བཟང་དང་ངན་པ་ཐམས་ཅད་དང་། །གཙང་སྨེ་ཆེ་ཆུང་ལ་སོགས་པ། །རང་བཞིན་དབྱེར་མེད་བྱང་ཆུབ་སེམས། །མཁས་པས་བཅོས་ཤིང་བཙལ་དུ་མེད། །བཟང་ངན་ཆེ་ཆུང་གཙང་སྨེ་མེད། །སྐྱོན་དང་ཡོན་ཏན་དུག་དང་རྩི། །འཛིན་རྟོག་བྱིས་པའི་སྤྱོད་འདྲ་བ། །རང་བཞིན་ཡོངས་ཀྱིས་དངོས་པོ་མེད། །དེ་བཞིན་ཆོས་རྣམས་རང་བཞིན་དང་། །ཀུན་གཞི་ཀུན་ཏུ་བཟང་པོ་ལ། །རྒྱུ་འབྲས་བདེ་སྡུག་བཙལ་མི་རྙེད། །རང་བཞིན་ཀུན་ཏུ་བཟང་པོ་ཡིན། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། རང་བཞིན་ཀུན་ཏུ་བཟང་པོའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་སེམས་ཀྱི་རང་བཞིན་གང་ཡིན་པ་དེ་ལ་ཕྱག་འཚལ་ལོ། །འདི་སྐད་ཅེས་གོ་ཞིང་རྟོགས་ནས་ཤེས་པའི་དུས་གཅིག་ན། སྟོན་པ་ཀུན་ཏུ་བཟང་པོས་སེམས་ཀུན་ཏུ་བཟང་པོ་ལ་བཞུགས་ནས། ཆོས་ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་འདི་དག་བཀའ་སྩལ་ཏོ། །རྣལ་འབྱོར་གང་ཞིག་རྟོགས་འདོད་པས། །ཀུན་ཏུ་བཟང་པོའི་རྒྱུད་འདི་ཉོན། །དོན་རྟོགས་ལྡན་པའི་སྐྱེས་བུ་གང་། །འདི་དག་ཤེས་པར་སུ་འདོད་པ། །ངེས་པར་ལུང་འདི་བསྟན་པར་བྱའོ། །དེ་ལ་ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་འདི་རྟོགས་པར་འདོད་པ་རྣམས་ཀྱིས། ངེས་པར་ཆེ་བ་བཅུ་དྲུག་པོ་འདི་ཡིད་ལ་ཟུང་ཞིག །དེ་ལ་ཆེ་བ་བཅུ་དྲུག་པོ་གང་ཞེ་ན། སེམས་ཡེ་ནས་ཆེ་བ་དང་། ཆོས་ཉིད་ཡེ་ནས་ཆེ་བ་དང་། འབྱུང་བ་ཡེ་ནས་ཆེ་བ་དང་། ཡེ་ཤེས་ཡེ་ནས་ཆེ་བ་དང་། སྐུ་ཡེ་ནས་ཆེ་བ་དང་། སྐུ་གསུང་ཐུགས་ཡོན་ཏན་ཕྲིན་ལས་ཡེ་ནས་ཆེ་བ་དང་། སྐྱོན་དང་ཡོན་ཏན་ཡེ་ནས་ཆེ་བ་དང་། འཁོར་བ་དང་ངན་སོང་ཡེ་ནས་ཆེ་བ་དང་། མཐོ་རིས་དང་མྱ་ངན་ལས་འདས་པ་ཡེ་ནས་ཆེ་བ་དང་། ཐབས་ཡེ་ནས་ཆེ་བ་དང་། ཤེས་རབ་ཡེ་ནས་ཆེ་བ་དང་། སྐྱོན་གྱི་རྒྱུ་ཡེ་ནས་ཆེ་བ་དང་། ཡོན་ཏན་གྱི་རྒྱུ་ཡེ་ནས་ཆེ་བ་དང་། སངས་རྒྱས་ཡེ་ནས་ཆེ་བ་དང་། སེམས་ཅན་ཡེ་ནས་ཆེ་བ་དང་། རྟོག་པ་ཡེ་ནས་ཆེ་བའོ། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས ངེས་པར་ཆེ་བ་བཅུ་དྲུག་གི་ལེའུ་སྟེ་དྲུག་པའོ།། །།དེ་ནས་སེམས་ཡེ་ནས་ཆེ་བ་འདི་བཀའ་སྩལ་ཏོ། །ཀུན་ཏུ་བཟང་པོ་ང་ཡི་སེམས། །རྒྱ་ཆེན་རོལ་པ་ཀུན་བསྟན་པ། །གཏི་མུག་ཆེན་པོ་ང་ཡི་སེམས། །གཏི་མུག་གོང་ན་སངས་རྒྱས་མེད། །གཏི་མུག་ཆེན་པོའི་ཡེ་ཤེས་ཀྱི། །བྱུང་ཚོར་རྟོག་པ་ཀུན་བྲལ་ནས། །དམིགས་མེད་ཤེས་རབ་ཕ་རོལ་ཕྱིན། །ཆེ་བའི་རྒྱལ་པོར་གཏི་མུག་ཤར། །སངས་རྒྱས་རྗེ་བཙན་དམ་པ་ཡིན། །འདོད་ཆགས་མེད་པའི་སྔོན་རོལ་ན། །སངས་རྒྱས་བྱ་བའི་མིང་ཡང་མེད། །འདོདཆགསཆེནཔོངཡིསེམས། །ཞེ་སྡང་མེད་པའི་སྔོན་རོལ་ན། །སངས་རྒྱས་བྱ་བའི་མིང་ཡང་མེད། །ཞེསྡངཆེནཔོང༄༅ ཡི་སེམས། །ང་རྒྱལ་མེད་པའི་སྔོན་རོལ་ན། །སངས་རྒྱས་བྱ་བའི་མིང་ཡང་མེད། །ང་རྒྱལ་ཆེན་པོ་ང་ཡི་སེམས། །ཕྲག་དོག་མེད་པའི་སྔོན་རོལ་ན། །སངས་རྒྱས་བྱ་བའི་མིང་ཡང་མེད། །ཕྲག་དོག་ཆེན་པོ་ང་ཡི་སེམས། །ཉོན་མོངས་ང་ལས་མ་བྱུང་བའི། །གཞན་ནས་སངས་རྒྱས་ཡོངས་མེད་པས། །སེམས་ཀྱི་རྒྱལ་པོ་དུག་ལྔ་ལ། །ཀུན་བཟང་ཡེ་ཤེས་རྒྱལ་པོར་སྤྱོད། །ཐབས་ཀྱི་འབྲས་བུ་སེམས་ཆེ་བས། །རྒྱལ་བ་ཐབས་སུ་སེམས་ལ་བསྔགས། །ང་མེད་བདག་དང་བྲལ་བ་ཡི། །ཀུན་གཞི་སེམས་ཀྱི་རྒྱལ་པོ་ལ། །ཐར་པའི་འབྲས་བུ་དོན་འཆར་བས། །འཕགས་ལམ་ངེས་པར་སངས་རྒྱས་ཏེ། །བདག་ཉིད་ཆེན་པོ་རྒྱལ་བའི་བཀའ། །མི་དམིགས་པ་ལ་དམིགས་པ་མེད། །དམིགས་པ་ལ་ཡང་དམིགས་པ་མེད། །དམིགས་མེད་སེམས་ཀྱི་ངེས་པ་ལ། །ཡང་དག་གསང་མཛོད་གསུམ་དུ་བསྟན། །འབྱུང་བའི་བླ་མ་བླ་མ་ཆེ། །ཐམས་ཅད་འབྱུང་བའི་སྟོན་པ་མཆོག །སྣང་བ་ཀུན་ལ་རབ་གནས་པ། །ང་ཉིད་ཐབས་ཀྱི་ལོངས་སྤྱོད་དེ། །གང་ལའང་ཆགས་པའི་རྒྱུ་མེད་པས། །ཟིན་ཆགས་མེད་པའི་ཡེ་ཤེས་ལ། །ཐབས་ཀྱི་ཐུགས་རྗེས་འབྲེལ་པ་སྐྱོང་། །ཆོས་རྣམས་ཐམས་ཅད་སེམས་ལས་བྱུང་། །སེམས་ཀྱིས་བསྟན་པའི་ལུང་ལ་ཉོན། །ཕྱོགས་བཚི་སངས་རྒྱས་ང་ཡི་སེམས། །ཕྱི་ནང་སྣོད་བཅུད་ང་ཡི་སེམས། །ཕྱོགས་དང་སྣང་བ་ང་ཡི་སེམས། །ཕྱི་དང་ནང་ཡང་ང་ཡི་སེམས མཐོ་རིས་ངན་སོང་ང་ཡི་སེམས། །སེམས་ཀྱི་སངས་རྒྱས་ཀུན་བཟང་ལ། །སྤྲུལ་པ་ཕྱོགས་བཅུ་སངས་རྒྱས་ཉོན། །ང་ལ་ང་བསྟན་རྒྱུ་མེད་ན། །འཛིན་རྟོག་ཆོས་འདི་སུ་ཡི་ཆོས། །བདག་ལ་ཕྱོགས་དང་རིས་མེད་ན། །ཕྱི་དང་ནང་འདི་སུ་ཡི་ཆོས། །དོན་ལ་རྒྱུ་འབྲས་ཡོངས་མེད་ན། །བཟང་དང་ངན་པ་སུ་ཡི་ཆོས། །བཅོས་པ་མེད་པའི་སེམས་མེད་ན། ཁ་དོག་ལྔ་པོ་གང་ནས་འབྱུང་། །བཟང་ངན་ཆེ་ཆུང་སུ་ལས་བྱུང་། །ཚོར་བ་བདེ་སྡུག་གང་གིས་སྨྲས། །ཕྱོགས་དང་ས་མཚམས་སུ་ལ་ཡོད། །འཁྲུལ་པའི་སེམས་འདི་ཡོངས་རེ་འཁྲུལ། །རྨོངས་པའི་བློ་ཡི་ཡོངས་རེ་འཁྲུལ། །རྟོག་པའི་བློ་འདི་ཡོངས་རེ་ཉེན། །ཇི་ལྟར་སྣང་བའི་ཆོས་རྣམས་ལ། །བདག་གི་སེམས་ཀྱིས་དབང་བསྒྱུར་ནས། །བདག་པས་དྲག་པ་གང་ན་ཡོད། །སངས་རྒྱས་སེམས་ཅན་སེམས་ཡིན་ན། །སེམས་པས་ཆེ་བ་གང་ན་ཡོད། །འཛིན་རྟོག་འདས་པའི་ཆོས་ཉིད་ནི། །སེམས་ཀྱི་ཆེ་བ་དེ་ལ་ཡོད། །སྤང་ལེན་མེད་པའི་འབྲས་བུ་ནི། །སེམས་ཀྱི་ཆེ་བ་ཡེ་གནས་ལ། །འདི་ལ་རྒྱུ་ཡིས་བཙལ་མེད་པ། །འདི་ལ་རྒྱུ་འབྲས་སྦྱང་དུ་མེད། །ནམ་མཁའ་བཞིན་དུ་ཡེ་གསལ་ལ། །འཛིན་རྟོག་བཅོས་པའི་རྒྱུ་ཅི་ཡོད། །ཆོས་དང་སངས་རྒྱས་འཚོལ་འདོད་ན། །སེམས་ཀྱི་ཆེ་བ་འདི་ལ་བཙལ། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། སེམས་ཡེ་ནས་ཆེ་བའི་ལེའུ་སྟེ་བདུན་པའོ།། །།དེ་ནས་ཆོས་ཉིད་ཡེ་ནས་ཆེ་བ་འདི་བཀའ་སྩལ་ཏོ། །ཀུན་ཏུ་བཟང་པོ་ང་ཡི་ཆོས། །རྒྱ་ཆེར་རོལ་པ་བསྟན་པ་ནི། །ཇི་ལྟར་སྣང་བ་ང་ཡི་ཆོས། །རང་བཞིན་མེད་པའི་སྔོན་རོལ་ན། །ཆོས་ཉིད་བྱ་བའི་མིང་ཡང་མེད། །གང་ཟག་རྣལ་འབྱོར་སུ་ཡོད་པ། །ཆོས་ཉིད་འབྲས་བུ་སུ་འདོད་པ། །རང་བཞིན་མེད་པས་བཙལ་བར་བྱ། །སེམས་ཀྱིས་རང་བཞིན་ཡིན་པ་ལ། །དེ་ལ་རྟོག་པ་ཆེར་བསྐྱེད་ན། །ཆོས་ཉིད་ཆེ་བ་བྱ་བ་ཡིན། །ཡང་དག་ངེས་པའི་ཆོས་ཉིད་ལ། །ཆོས་ཉིད་ཆེ་བས་མུ་མཐའ་མེད། །ཆོས་ཉིད་ཆེ་བས་བཟང་ངན་མེད། །ཆོས་ཉིད་ཆེ་བས་མཐའ་དབུས་མེད། །ཆོས་ཉིད་ཆེ་བས་ཕྱི་ནང་མེད། །ཆོས་ཉིད་ཆེ་བས་སྟེང་འོག་མེད། །ཆོས་ཉིད་ཆེ་བས་ཕྱོགས་རིས་མེད། །ཆོས་ཉིད་ཆེ་བས་སྤང་ལེན་མེད། །ཆོས་ཉིད་ཆེ་བས་ཡོད་མེད་མེད། །མེད་པའང་མ་ཡིན་ཁྱབ་པར་བརྡལ། ཁྱབ་པར་བརྡལ་ཀྱང་རྫས་སུ་མེད། །འདི་འདྲའི་མཚན་ཉིད་གང་ཤེས་པ། །དེ་ནི་ཆོས་ཉིད་ཆེ་བ་སྟེ། །ཆོས་ཉིད་མེད་པའི་སྔོན་རོལ་ན། །སངས་རྒྱས་སེམས་ཅན་མིང་ཡང་མེད། །ཆོས་ཉིད་ཆེ་བའི་བྱིན་བརླབས་ལས། །ཇི་ལྟར་སྣང་བ་དེ་ལྟར་སྣང་། །གང་ལྟར་ཡིན་པ་དེ་ལྟར་ཡིན། །ཡང་དག་པར་ཡང་བཀའ་སྩལ་ཏོ། །དེ་དག་ལ་སོགས་ཆོས་རྣམས་ལ། །ཆོས་རྣམས་ལ་ཡང་ཆོས་རྣམས་མེད། །རང་བཞིན་ཆ་ཕྲ་གང་འཛིན་པ། །འཛིན་པ་དེ་ལ་ཆོས་མེད་དེ། །ཆོས་ཀྱི་འབྲས་བུ་དེ་ལ་མེད། །ཆོས་ཀྱི་འབྲས་བུ་གང་ཡིན་པ། །རིག་པའི་དོན་ནི་འདི་རྣམས་སོ། །ཆེ་བའི་ཡེ་ཤེས་ཡོད་མ་ཡིན། །ཆེ་བའི་ཆེ་བར་བདག་སྣང་ན། །ཆེ་མཆོག་ཐབས་ཀྱི་རྒྱལ་པོར་རོལ། །ཐམས་ཅད་འབྱུང་བ་ལྔ་ཡིས་བསྐྱེད། །འབྱུང་བ་ཆེ་བའི་དོན་རྟོགས་ན། །ཐམས་ཅད་ཆེ་བའི་རྒྱལ་བ་འགྲུབ། །ཆེ་བའི་རྫུ་འཕྲུལ་ཅིར་ཡང་སྟོན། །བདག་ཉིད་ཐབས་ཀྱི་བྱིན་བརླབས་ལས། །འབྱུང་ལྔའི་ཆོ་འཕྲུལ་སྣ་ཚོགས་ཀྱིས། །མ་རིག་རྟོག་པའི་ལིང་ཏོག་ལ། །ང་དང་བདག་ཏུ་འབྱེད་པ་བཅོམ། །ཕྱོགས་དང་རིས་སུ་བལྟ་བ་བསལ། །མཚན་མ་འཛིན་རྟོག་གནས་པ་བཀྲོལ། །ཡང་གསང་ངེས་པའི་ལམ་དུ་གཞག །ཐར་པའི་ལམ་ཞེས་དེ་ལ་གསུངས། །གང་ཞིག་མ་སྐྱེས་དོན་འདོད་པས། །སྔོན་དང་ཕྱི་མར་མ་གྱུར་ཞིང་། །ཕྱོགས་དང་རིས་སུ་མ་ཕྱེ་བར། །འཛིན་ཆགས་འཛིན་རྟོག་སྐྱོན་སྤངས་ན། །དེ་ནི་ཆོས་ཉིད་ཆེ་བ་ཞེས་བྱའོ། །གཞན་ཡང་ཆོས་ཉིད་ཆེ་བ་ནི། །རྣལ་འབྱོར་གང་ཞིག་རྟོགས་འདོད་ན། །རྒྱ་ཆེར་ཤེས་རབ་ཕྱོགས་བརྡལ་ནས། །ཆོས་ཉིད་ཡེ་ནས་ཆེ་བ་ཡི། །ལེའུ་འདི་ལས་བཙལ་བར་བྱའོ། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། ཆོས་ཉིད་ཡེ་ནས་ཆེ་བའི་ལེའུ་སྟེ་བརྒྱད་པའོ།། །།དེ་ནས་ཡང་འབྱུང་བ་ཡེ་ནས་ཆེ་བ་འདི་བཀའ་སྩལ་ཏོ། །ནམ་མཁའ་ཡེ་ནས་ཆེ་བ་དང་། །ས་གཞི་ཡེ་ནས་ཆེ་བ་དང་། །མེ་ཆུ་ཡེ་ནས་ཆེ་བ་དང་། །རླུད་ཉིད་ཡེ་ནས་ཆེ་བ་དང་། །འབྱུང་བ་མེད་པའི་སྔོན་རོལ་ན། །སངས་རྒྱས་སེམས་ཅན་མིང་ཡང་མེད། །འབྱུང་བ་ལྔ་ཡི་སངས་རྒྱས་ཡིན། །སངས་རྒྱས་ཀུན་གྱི་རྗེ་བཙན་ཡིན། །འབྱུང་བ་ལྔ་པོ་མ་ཡི་དབྱིངས། །མ་ལ་སྐྱེས་པས་སངས་རྒྱས་སྲས། །འབྱུང་བ་ལྔ་པོ་རིགས་ཀྱི་ཡུམ། །དེ་ལ་བདག་རོལ་ཐབས་ཀྱི་ཡབ། །འབྱུང་བ་ཡེ་ནས་གནས་ཀྱི་ཆེ། །འབྱུང་བ་ཡེ་ནས་དུས་ཀྱི་ཆེ། །འབྱུང་བ་ཡེ་ནས་གསལ་བས་ཆེ། །འབྱུང་བ་ཡེ་ནས་དག་པས་ཆེ། །འབྱུང་བའི་གནས་ནི་ནམ་མཁའ་ལ། །འབྱུང་བའི་རྒྱུ་ནི་ས་གཞིའོ། །འབྱུང་བའི་ལོངས་སྤྱོད་མེ་ཆུ་སྟེ། །འབྱུང་བའི་སྤྲུལ་པ་རླུང་ཡིན་ནོ། །འབྱུང་བའི་མཚན་ཉིད་རྟོག་པ་མེད། །འབྱུང་བའི་རང་བཞིན་འདུས་མ་བྱས། །འབྱུང་བའི་འབྲས་བུ་དམིགས་པ་མེད། །འབྱུང་བའི་ཡོན་ཏན་གོ་ཞིང་རྟོགས། །འབྱུང་བའི་དོན་ལ་འགྱུར་བ་མེད། །ཆོས་ཉིད་ངང་ལས་ཀུན་འབྱུང་བས། །ཐམས་ཅད་འབྱུང་བས་འབྱུང་བའོ། །འབྱུང་བའི་རང་བཞིན་དངོས་མེད་པས། །དེས་ན་འབྱུང་བ་སྟོང་པའོ། །འབྱུང་བ་ཤེས་རབ་ཕ་རོལ་ཕྱིན། །འབྱུང་བ་ལྔ་ཡི་འཕྲོ་འདུ་ཡིས། །ཆོས་ཀྱི་དབྱིངས་ཀྱི་ཆེ་རོལ་བསྟན། །སྟོང་པའི་དོན་རྟོགས་འབྱུང་བ་ལ། །ངེས་པའི་རིག་པས་གསལ་བརྟགས་ན། །ཐབས་དང་ལྡན་པའི་བྱིན་བརླབས་ཀྱིས། །ཡང་དག་གྲུབ་པར་བསྟན་པར་ཟད། །དོན་ལའང་དེ་ལས་བསྟན་དུ་མེད། །རྟོགས་པའིཆེབཆེནཔོལས། །མརྟོགས་སྦྱོར་བའི་ལས་བྱེད་ན། །ཆེ་བའི་ཡེ་ཤེས་ཡོད་མ་ཡིན། །ཆེ་བའི་ཆེ་བར་བདག་སྣང་བ། །ཆེ་མཆོག་ཐབས་ཀྱི་རྒྱལ་པོར་སྣང་། །ཐམས་ཅད་འབྱུང་བ་ང་ཡིས་བསྐྱེད། །འབྱུང་བ་ཆེན་པོའི་དོན་རྟོགས་ན། །ཐམས་ཅད་ཆེ་བའི་རྒྱལ་པོར་འགྲུབ། །ཆེ་བའི་རྫུ་འབྲུལ་ཅིར་ཡང་སྟོན། །བདག་ཉིད་ཐབས་ཀྱི་བྱིན་བརླབས་ལས། །འབྱུང་བ་ལྔ་ཡི་ཆོ་འཕྲུལ་གྱིས། །མ་རིག་རྟོག་པའི་ལིང་ཏོག་བསལ། །ང་དང་བདག་ཏུ་འབྱེད་པ་བཅོམ། །ཕྱོགས་དང་རིས་སུ་བལྟ་བ་བཅོམ། །མཚན་མའི་འཛིན་རྟོག་གནས་པ་དགྲོལ། །ཡང་གསང་ངེས་པའི་ལམ་དུ་གཞག །ཐར་པའི་ལམ་ཞེས་དེ་ལ་གསུངས། །གང་ཞེས་མ་སྐྱེས་དོན་འདོད་པས། །འབྱུང་བ་ཡེ་ནས་ཆེ་བ་ཡི། །ལེའུ་འདི་ལས་ནི་བཙལ་བར་བྱ། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། །འབྱུང་བ་ཡེ་ནས་ཆེ་བའི་ལེའུ་སྟེ་དགུ་པའོ།། །།དེ་ནས་ཡེ་ཤེས་ཡེ་ནས་ཆེ་བ་འདི་སྐད་བཀའ་སྩལ་ཏོ། །ཡེ་ཤེས་རྒྱལ་པོ་གང་འདོད་པ། །རང་གི་སེམས་ལས་བཙལ་བར་གྱིས། །འགྲོ་ཀུན་བླ་མེད་བྱང་ཆུབ་པ། །རྟོག་པའི་རྒྱུད་ལ་རང་རིག་པ། །དེ་ནི་ཡེ་ཤེས་ཆེ་བའོ། །སྟོང་གསུམ་ཡེ་འབྱམས་དོན་ཤེས་ཤིང་། །བརྡལ་བ་ཆེན་པོར་ཕྱོགས་མེད་ན། །ཡེ་ཤེས་ཆེ་བའི་དམ་པ་སྟེ། །བཟང་ངན་མེད་པར་དོན་ཤེས་པ། །ཀུན་ཏུ་བཟང་པོའི་དོན་ཤེས་ཏེ། །ཆོས་ཉིད་ཡེ་ནས་མ་བཅོས་པ། །དོན་དེ་ཤེས་པ་ཡེ་ཤེས་ཡིན། །སེམས་ཉིད་ཡེ་ནས་མ་བཅོས་པ། །དོན་དེ་༄༅། ཁྲེས་པ་ཡེ་ཤེས་ཡིན། །ནམ་མཁའ་ཡེ་ནས་མ་བཅོས་པ། །དོན་དེ་ཤེས་པ་ཡེ་ཤེས་ཡིན། །ཡེ་ཤེས་དམ་པ་འཚོལ་འདོད་པས། །གང་ལ་ཐེ་ཚོམ་མི་སྐྱེ་བར། །རྟོགས་པའི་ཀློང་དུ་དོན་སྤྱོད་དང་། །རང་བྱུང་ཡེ་ཤེས་དེ་ལ་འཆར། །མི་གནས་ཡེ་ཤེས་ཕྱི་ནང་མེད། །ལྷུན་གྲུབ་ཡེ་ཤེས་ཕྱོགས་རིས་མེད། །སྟོང་པའི་ཡེ་ཤེས་དངོས་པོ་མེད། །མེ་ལོང་ཡེ་ཤེས་རྟོག་པ་མེད། །མཉམ་ཉིད་ཡེ་ཤེས་ཆེ་ཆུང་མེད། །སོ་སོར་རྟོག་པ་མ་འདྲེས་གསལ། །བྱ་བ་ནན་ཏན་མཐར་ཕྱིན་པའོ། །རང་བྱུང་ཡེ་ཤེས་བཙལ་བ་མིན། །ཅི་སྟེ་བཙལ་བས་འགྲུབ་འགྱུར་ན། །རང་བྱུང་ཡེ་ཤེས་ཡོངས་མི་བདེན། །རིག་པའི་ཡེ་ཤེས་བསྒོམ་པ་མིན། །ཅི་སྟེ་བསྒོམ་པ་ཡིན་གྱུར་ན། །རིག་པའི་ཡེ་ཤེས་ཡོངས་མི་བདེན། །རིག་པའི་ཡེ་ཤེས་ནང་ཤར་ན། །བཙལ་བ་མེད་པ་ལྷུན་གྱིས་གྲུབ། །རང་བྱུང་ཡེ་ཤེས་དོན་རྟོགས་ན། །བསྒྲུབ་པ་མེད་པ་ཡོངས་སུ་གྲུབ། །བདག་ཉིད་ཡེ་ཤེས་དོན་རྟོགས་ན། །ཆོས་རྣམས་ཐམས་ཅད་བདག་ལ་གསལ། །ཡངས་སོ་བདེའོ་ཡེ་ཤེས་མཆོག །གསལ་ལ་དག་པས་དྲི་མ་མེད། །གཉིས་སུ་མེད་པས་རྟོག་པ་སྤངས། །སངས་རྒྱས་སེམས་ཅན་སོ་སོ་ན། །ཡེ་ཤེས་ཆེན་པོས་ཡོངས་མ་ཟིན། །ཕྱོགས་བཅུ་སངས་རྒྱས་ཐམས་ཅད་པས། །ཡེ་ཤེས་ཆེན་པོ་འདི་དག་དཔགས། །སངས་རྒྱས་ཐམས་ཅད་བསྐྱེད་པའི་ཡབ། །སངས་རྒྱས་སྲས་པོ་དམ་པ་སྟེ། །ཉག་གཅིག་ཡབ་ལས་མ་རྟོགས་པ། །གཉིས་སུ་སྣང་བར་བསྟན་པ་མིན། །མཉམ་པའི་དོན་དང་མ་ལྡན་ན། །མི་མཉམ་བླང་བའི་ཆོས་ཅི་དགོས། །ཐེག་པའི་བྱེ་བྲག་བསམ་ཡས་ཀྱང་། །ཡེ་ཤེས་རྟོགས་ན་གཅིག་ལས་མེད། །ཆོས་དབྱིངས་གཅིག་ལས་མེད་པ་ལ། །ཡེ་ཤེས་རྟོགས་པ་མ་བཞག་པར། །མང་པོར་འབྱེད་པ་སྙིང་རེ་རྗེ། །སོ་སོར་རྟོག་པ་ཉོན་རེ་མོངས། །ཕྱོགས་ཆར་འཛིན་པ་ཡོངས་རེ་སྡུག །ལེན་ཅིང་བྱེ་བྲག་ཕྱེ་བ་ཡང་། །ཡེ་ཤེས་མ་གོས་དྲང་བ་ཙམ། །དོན་ལ་འབྱེད་པ་རྒྱ་རེ་ཆུང་། །ངེས་པ་གཅིག་པོའི་ཚིག་འདི་ཉོན། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། ཡེ་ཤེས་ཡེ་ནས་ཆེ་བའི་ལེའུ་སྟེ་བཅུ་པའོ།། །།དེ་ནས་སྐུ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །རང་བཞིན་སྤྲོས་པ་མེད་པ་ལ། །གཡོས་པ་མེད་པའི་ཡེ་ཤེས་གཞག །གཉིས་སུ་མེད་པའི་ཐབས་ཤེས་པས། །དེ་ནི་ཆོས་སྐུ་དང་པོའོ། །ཐམས་ཅད་འདུས་མ་བྱས་པའི་ངང་། །མི་འགྱུར་མི་ཤིགས་རྡོ་རྗེ་སྟེ། །གཉེན་པོ་ཅིས་ཀྱང་མི་ཚུགས་པའི། །ཐམས་ཅད་ཀུན་ལྡན་ཡེ་ཤེས་སྐུ། །རྡོ་རྗེའི་སྐུ་སྟེ་གཉིས་པའོ། །རིག་པ་རང་སྣང་མངོན་སུམ་སྣང་། །ཉེས་པ་གང་གིས་མི་ཚུགས་པའི། །ལེགས་པའི་ཡེ་ཤེསརང་སྣང་བ། །མངོན་པར་བྱང་ཆུབ་སྐུ་བསྟན་པའོ། །གཉིས་མེད་ཆོས་ལ་ལོངས་སྤྱོད་ཅིང་། །མ་སྤངས་ཡེ་ཤེས་ལོངས་སྤྱོད་རྒྱན། །ཐམས་ཅད་ཆེ་བའི་རོལ་པ་ལ། །ལོངས་སྤྱོད་རྫོགས་སྐུ་མཐར་ཕྱིན་པའོ། །གཉིས་མེད་སེམས་ཀྱི་སྤྲུལ་པ་ལ། །ཡོངས་སུ་མ་ཁྱབ་གཅིག་ཀྱང་མེད། །དོན་དམ་ཐབས་ཀྱི་སྤྲུལ་པ་འཆར། །སྤྲུལ་པའི་སྐུ་སྟེ་ཀུན་ཁྱབ་པའོ། །སྐུ་ཡི་སྐུ་སྟེ་ཀུན་སྒྲུབ་པ། །སྐུ་ཡི་བདག་ཉིད་སྐྱེ་ཤི་མེད། །རོལ་པས་སངས་རྒྱས་ཉིད་ཀྱི་རྒྱན། །སྟོང་གསུམ་སྟོང་གི་འཇིག་རྟེན་ན། །འཕོ་འགྱུར་མེད་པ་སྐུ་ཡི་མཆོག །སྟོང་གསུམ་སྟོང་གི་འཇིག་རྟེན་ན། །རང་བཞིན་མེད་པ་སྐུ་ཡི་མཆོག །སྟོང་གསུམ་སྟོང་གི་འཇིག་རྟེན་ན། །རྟག་ཆད་མེད་པ་སྐུ་ཡི་མཆོག །སྐུ་མཆོག་དྲི་མེད་དག་པ་ལ། །སེམས་ཀྱི་ཡེ་ཤེས་མཐར་ཕྱིན་པས། །རིག་པའི་བློ་ཡི་བརྟུལ་ཞུགས་ཀྱིས། །སྟོང་གསུམ་སྐུ་ཡི་དབང་དུ་སྡུད། །དབང་དུ་མ་གྱུར་གང་ཡང་མེད། །མི་གཡོ་བྱང་ཆུབ་མཆོག་གི་རྒྱ། །རྣམ་པར་སྣང་མཛད་ང་ཡི་ལུས། །ཟླ་བ་དྲི་མེད་དག་པའི་ལུས། །སྟོང་གསུམ་ཀུན་སྣང་ཁྱབ་པའི་དབྱིངས། །མཐའ་ལས་ཐུག་མེད་ཇི་བཞིན་དུ། ཁྲེ་རབ་ཐབས་ལ་དེ་ལྟར་སྣང་། །མན་ངག་རྒྱ་མཚོ་ཆེན་པོ་འདི། །ཡོངས་ལ་བསྟན་པའི་ཤེས་རབ་སྟེ། །ཆོས་སྐུ་བདག་པོས་སྐུ་བཅོམ་ན། །དཀྱིལ་འཁོར་འཕྲོ་འདུ་ཉོན་རེ་མོངས། །ཡོངས་ལ་ཤར་བའི་དོན་བྱུང་ན། །རྟོག་པའི་རླུད་སྒོམ་སྙིང་རེ་རྗེ། །མཁའ་ལྷར་མཉམ་པ་ཉིད་ལ་མནོས། །རང་སེམས་མེད་པའི་སྔོན་རོལ་ན། །སངས་རྒྱས་བྱ་བ་རྟོག་པ་ཡིན། །ཀུན་ཏུ་བཟང་པོ་བདག་ལ་འདྲི། །སངས་རྒྱས་གནས་པ་བདག་ལ་མཛད། །བྱང་ཆུབ་དམ་པ་འདི་བསྟན་པས། །བཟོད་ཅིག་འཁོར་བ་སྐྱར་དུ་དབྱུང་། །འཇིག་རྟེན་ཉོན་མོངས་གླེང་ཐག་ཆོད། །མ་རིག་རྨོངས་པ་སྨོས་ཅི་དགོས། །མན་ངག་རྒྱལ་པོ་འདི་བསྟན་པས། །ལྟ་བ་དམན་པའི་མིང་ཡང་མེད། །ཐམས་ཅད་ཀུན་ཏུ་བདག་ཡིན་པས། །སྐུ་ཡི་རྒྱལ་པོས་དངོས་གྲུབ་འབྱིན། །མཐའ་དབུས་ཆེ་ཆུང་མེད་པར་ཐོབ། །བཟོད་ཅིང་སྔོན་གྱི་སངས་རྒྱས་ཡིན། །ཆོས་རྣམས་ཐམས་ཅད་ཁོང་ནས་ཤར། །འཕགས་པའི་འཕགས་པས་འཕགས་པར་བསྔགས། །ཕྱོགས་བཅུའི་སངས་རྒྱས་ཐུགས་ངན་སངས། །དེ་ཚེ་ལས་བྱུང་མ་ཐོས་ལ། །བདག་སེམས་ངལ་ཚིག་མ་ཆད་དོ། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། སྐུ་ཡེ་ནས་ཆེ་བའི་ལེའུ་སྟེ་བཅུ་གཅིག་པའོ།། །།དེ་ནས་སྐུ་གསུང་ཐུགས་ཡོན་ཏན་ཕྲིན་ལས་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །སྟོང་གསུམ་སྟོང་གི་འཇིག་རྟེན་ན། །སྐུ་ཡི་དཀྱིལ་འཁོར་བསམ་ཡས་ཀྱང་། །ཧེ་རུ་ཀ་ནི་སྐུ་ཡི་མཆོག །དེ་ཡང་སྐལ་ལྡན་ང་ཡི་སྐུ། །སྟོང་གསུམ་སྟོང་གི་འཇིག་རྟེན་ན། །གསུང་གི་དཀྱིལ་འཁོར་བསམ་ཡས་ཀྱང་། །ཡི་གེ་འབྲུ་བརྒྱད་གསུང་གི་མཆོག །དེ་ཡང་སྐལ་ལྡན་ང་ཡི་གསུང་། །སྟོང་གསུམ་སྟོང་གི་འཇིག་རྟེན་ན། །ཐུགས་ཀྱི་སྤྲུལ་པ་བསམ་ཡས་ཀྱང་། །ཡེ་ཤེས་སེམས་དཔའ་ཐུགས་ཀྱི་མཆོག །དེ་ཡང་སྐལ་ལྡན་ང་ཡི་ཐུགས། །སྟོང་གསུམ་སྟོང་གི་འཇིག་རྟེན་ན། །ཡོན་ཏན་དཀྱིལ་འཁོར་བསམ་ཡས་ཀྱང་། །རིན་ཆེན་ཟུར་བརྒྱད་ཡོན་ཏན་མཆོག །དེ་ཡང་སྐལ་ལྡན་ང་ཡི་ཡིན། །སྟོང་གསུམ་སྟོང་གི་འཇིག་རྟེན་ན། །ཕྲིན་ལས་དཀྱིལ་འཁོར་བསམ་ཡས་ཀྱང་། །རྣམ་བཞི་ནན་ཏན་ཕྲིན་ལས་མཆོག །དེ་ཡང་སྐལ་ལྡན་ང་ཡི་ལས། །གཞན་ཡང་ང་ཡི་སྐུ་གསུང་ཐུགས། །ཡོན་ཏན་ཕྲིན་ལས་རྣམ་པ་ལྔ། །དེ་བས་ཀྱང་ནི་སེམས་ཡིན་ཏེ། །སྐུ་ཡི་དཀྱིལ་འཁོར་ཡང་དག་པ། །ཆོས་ཉིད་བྱང་ཆུབ་སེམས་ལ་ཡོད། །གསུང་གི་དཀྱིལ་འཁོར་ཡང་དག་པ། །ཆོས་ཉིད་བྱང་ཆུབ་སེམས་ལ་ཡང་། །ཐུགས་ཀྱི་དཀྱིལ་འཁོར་ཡང་དག་པ། །ཆོས་ཉིད་བྱང་ཆུབ་སེམས་ལ་ཡོད། །ཡོན་ཏན་དཀྱིལ་འཁོར་ཡང་དག་པ། །ཆོས་ཉིད་བྱང་ཆུབ་སེམས་ལ་ཡོད། །ཕྲིན་ལས་དཀྱིལ་འཁོར་ཡང་དག་པ། །ཆོས་ཉིད་བྱང་ཆུབ་སེམས་ལ་ཡོད། །དེ་ཡི་མཚན་ཉིད་གང་ཤེས་པ། །ཡང་དག་ངེས་པར་ཉན་པར་གྱིས། །སེམས་ཀྱི་རང་བཞིན་སྐྱེ་བ་མེད། །སེམས་ཀྱི་མཚན་ཉིད་དངོས་པོ་མེད། །སེམས་ཀྱི་འབྲས་བུ་མ་བཅོས་པ། །སེམས་ཀྱི་སྐུ་ནི་སངས་རྒྱས་ལ། །སེམས་ཀྱི་གསུང་ནི་བརྟགས་པ་ཡིན། །སེམས་ཀྱི་ཐུགས་ནི་གོ་བ་སྟེ། །སེམས་ཀྱི་ཡོན་ཏན་མི་ཟད་པ། །སེམས་ཀྱི་ལས་ནི་ལྷུན་གྲུབ་པའོ། །དེ་ཡང་མི་འགྱུར་རྡོ་རྗེ་སྟེ། །འཕགས་པའི་འཕགས་པ་རྡོ་རྗེའི་སྐུ། །སྐུ་ཡི་རྡོ་རྗེ་བརྗིད་པ་ཆེ། །གསུང་གི་རྡོ་རྗེ་བསྟན་པ་ཆེ། །ཐུགས་ཀྱི་རྡོ་རྗེ་འཛིན་པ་ཆེ། །ཡོན་ཏན་རྡོ་རྗེ་ལེགས་པ་ཆེ། །ཕྲིན་ལས་རྡོ་རྗེ་གྲུབ་པ་ཆེ། །དེ་ཡི་གོང་ན་སངས་རྒྱས་མེད། །ཆེ་བ་འདི་ལ་སུ་གནས་པ། །རྣལ་འབྱོར་དེ་ནི་སྐལ་བ་བཟང་ བཟང་བ་མ་ཡིན་དེ་ཉིད་ཡིན། །ངེས་པའི་སངས་རྒྱས་གཅིག་ལས་མེད། །དོན་ལ་ངེས་པའི་ས་ཚད་ལ། །སེམས་ཀྱི་མཚན་ཉིད་ཅི་འདྲ་བ། །དེ་ལ་བཅོས་པ་མེད་པར་གཞོག །དེ་ཡི་གང་ན་ཆེ་བ་མེད། །ཡང་དག་ངེས་པར་དེ་ལ་གནད། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། སྐུ་གསུང་ཐུགས་ཡོན་ཏན་ཕྲིན་ལས་ཡེ་ནས་ཆེ་བའི་ལེའུ་སྟེ་བཅུ་གཉིས་པའོ།། །།དེ་ནས་སྐྱོན་དང་ཡོན་ཏན་ཡེ་ནས་ཆེ་བ་འདི་བཀའ་སྩལ་ཏོ། །རྣམ་པར་དག་པའི་སྦྱོད་ཡུལ་ལ། །སྐྱོན་དང་ཡོན་ཏན་གཉིས་མེད་སྟེ། །སྐྱོན་ཉིད་དག་པར་མ་རྟོགས་ན། །ཡོན་ཏན་དག་པ་གང་ནས་རྙེད། །སྐྱོན་ཉིད་ཡོན་ཏན་ཡིན་ཤེས་ན། །སྤང་ཞིང་བསལ་བར་བྱ་བ་མེད། །སྐྱོན་རྣམས་སྤངས་པའི་ཕ་རོལ་ན། །སངས་རྒྱས་བྱ་བའི་མིང་ཡང་མེད། །དུས་གསུམ་སངས་རྒྱས་སྐྱོན་ལས་བྱུང་། །རྡོ་རྗེ་སེམས་དཔའ་སྐྱོན་གྱི་བུ། །སྐྱོན་ཉིད་སངས་རྒྱས་ཡིན་ཤེས་ན། །སངས་རྒྱས་མིན་པ་གཅིག་ཀྱང་མེད། །ཡོན་ཏན་ཉིད་ཀྱང་སྐྱོན་ཡིན་ན། །སྤང་བར་བྱ་བ་གང་ཡང་མིན། །ཅིར་སྣང་སངས་རྒྱས་མཛད་སྤྱོད་ལ། །དེ་ལ་སྨད་པར་ཅི་སྟེ་བྱ། །བདུད་ཉིད་སངས་རྒྱས་ཡིན་ཤེས་ན། །དེ་ལ་རྟོགས་པའི་རྫས་ཅི་ཡོད། །མ་རིག་པ་ཡང་བྱང་ཆུབ་ཀྱི་སེམས་ཡིན་པས་མ་རིག་པ་ཡང་དག་པའོ། །རྨོངས་༄༅ པ་ཐམས་ཅད་ང་བྱང་ཆུབ་ཀྱི་སེམས་ཡིན་པས་རྨོངས་པ་ཡང་དག་པའོ། །འཁྲུལ་པ་ཐམས་ཅད་ང་བྱང་ཆུབ་ཀྱི་སེམས་ཡིན་པས་འཁྲུལ་པ་ཡང་དག་པའོ། །བསླད་པ་ཐམས་ཅད་ང་བྱང་ཆུབ་ཀྱི་སེམས་ཡིན་པས་བསླད་པ་ཡང་དག་པའོ། །ཉེས་པ་ཐམས་ཅད་ང་བྱང་ཆུབ་ཀྱི་སེམས་ཡིན་པས་ཉེས་པ་ཡང་དག་པའོ། །དུག་ལྔ་ཡང་ང་བྱང་ཆུབ་ཀྱི་སེམས་ཡིན་པས་དུག་ལྔ་ཡང་དག་པའོ། །འཁོར་བ་དང་ངན་སོང་ཡང་ང་བྱང་ཆུབ་ཀྱི་སེམས་ཡིན་པས་འཁོར་བ་དང་ངན་སོང་ཡང་དག་པའོ། །དེ་ལྟར་ན་སྐྱོན་ཐམས་ཅད་ཀྱང་ང་བྱང་ཆུབ་ཀྱི་སེམས་ཡིན་པས་སྐྱོན་ཐམས་ཅད་ཡང་དག་པའོ། །རིག་པ་ཡང་ང་བྱང་ཆུབ་ཀྱི་སེམས་སོ། །ཡེ་ཤེས་ཀྱང་ང་བྱང་ཆུབ་ཀྱི་སེམས་སོ། །ཡོན་ཏན་ཀྱང་ང་བྱང་ཆུབ་ཀྱི་སེམས་སོ། །ལེགས་པ་ཐམས་ཅད་ཀྱང་ང་བྱང་ཆུབ་ཀྱི་སེམས་སོ། །སངས་རྒྱས་ཀྱང་ང་བྱང་ཆུབ་ཀྱི་སེམས་སོ། །སེམས་ཅན་ཡང་ང་བྱང་ཆུབ་ཀྱི་སེམས་སོ མཐོ་རིས་དང་མྱ་ངན་ལས་འདས་པ་ཡང་ང་བྱང་ཆུབ་ཀྱི་སེམས་སོ། །སྐྱོན་དང་ཡོན་ཏན་མེད་པའི་སྔོན་རོལ་ན། །སངས་རྒྱས་བྱ་བའི་མིང་ཡང་མེད་དོ། །མ་རིག་པ་ཉིད་རིག་པ་ཡིན་པར་ཤེས་ན། རིག་པ་གང་ནས་བཙལ། མ་དག་པ་ཉིད་དག་པ་ཡིན་པར་ཤེས་ན། དག་པ་གང་ནས་བཙལ། ཉེས་པ་ཉིད་ལེགས་པ་ཡིན་པར་ཤེས་ན། ལེགས་པ་ཉེས་གང་ནས་བཙལ། འཁོར་བ་ཉིད་མྱ་ངན་ལས་འདས་པར་ཤེས་ན། མྱ་ངན་ལས་འདས་པ་གང་ནས་བཙལ། ངན་སོང་ཉིད་མཐོ་རིས་ཡིན་པར་ཤེས་ན། མཐོ་རིས་གང་ནས་བཙལ། སེམས་ཉིད་སངས་རྒྱས་ཡིན་པར་ཤེས་ན། སངས་རྒྱས་གངནས་བཙལ། རྒྱུཉིདའབྲས་བུཡིན་པརཤེས་ན། འབྲས་བུགངནས་བཙལ། རྟོག་པ་ཉིད་ཆོས་ཀྱི་དབྱིངས་ཡིན་པར་ཤེས་ན། ཆོས་ཀྱི་དབྱིངས་གང་ནས་བཙལ། སྐྱོན་ཉིད་ཡོན་ཏན་ཡིན་པར་ཤེསན། ཡོན་ཏན་གང་ནས་བཙལ། དེ་ཡང་རང་གི་སེམས་ཡིན་ན། སྤང་ཞིང་དོར་བ་དང་བླང་ཞིང་སྤྱད་པའི་རྒྱུ་ཅི་ཡོད། སྐྱོན་ཡེ་ནས་ཆེ་བས་ནི་འབྲས་བུ་ལ་རག་མ་ལུས་སོ། །ཡོན་ཏན་ཡེ་ནས་ཆེ་བས་ནི་འབྲས་བུ་ལ་རྟེན་མི་འཆའོ ཆེ་བའི་ཆེ་བས་ཆུང་ངུའི་མིངམེད་དོ། །བཟང་པོའི་བཟང་པོ་ཡིན་པ་ལ། རྒྱལ་པོའི་རྒྱལཔོ་ཡིན་པས་ངན་པ་དང་ཞེན་པའི་མིང་མེད་དོ། །བདེའོ་སྐྱེས་བུ་ཆེན་པོའི་ཐུགས། །དག་གོརྣམ་དག་བྱང་ཆུབ་སེམས། །རང་གི་དོན་དུ་རངསྦྱོར་བས། །མཆོདཔ་བཀུར་སྟི་རང་ལ་བྱ། །རང་གི་དགོངས་པ་རང་གསལ་བས། །རྣམ་དག་སྐྱེས་བུ་ཆེན་པོའི་ངང་། །རྣལ་འབྱོར་རྣམ་དག་ངེས་པ་ཞེས། །འདི་ལ་བསྐྱར་ན་ངེས་པ་བསྟན། །འདི་ནི་རྣམ་དག་ངེས་པའི་ས། །གང་ཞིག་ཚོལ་འདོད་འདི་ལ་ཉོན། །ཀུན་ཏུ་བཟང་མོ་ཆེ་བ་ལ་རང་གནས་པའི་རྒྱུད་ལས། སྐྱོན་དང་ཡོན་ཏན་ཡེ་ནས་ཆེ་བའི་ལེའུ་སྟེ་བཅུ་གསུམ་པའོ།། །།དེ་ནས་འཁོར་བ་དང་ངན་སོང་ཡེ་ནས་ཆེ་བ་འདི་སྐད་ཅེསབཀའ་སྩལ་ཏོ། །འཁོར་བ་མེད་པའི་སྔོན་རོལ་ན། །སངས་རྒྱས་བྱ་བ་ཡོད་མ་ཡིན། །ངན་སོང་མེད་པའི་སྔོན་རོལ་ན། །དེ་བཞིན་གཤེགས་པ་ཡོངས་མི་བཞུགས། །སངས་རྒྱས་ཡང་དག་བསྟན་པ་ནི། །འཁོར་བ་ངན་སོང་ནང་ན་ཡོད། །སངས་རྒྱས་མིང་དུ་བཏགས་པ་ཡང་། །འཁོར་བ་འདི་ལ་བཏགས་པ་ལས། །གཞན་དུ་སངས་རྒྱས་ཡོད་མ་ཡིན། །ཕུང་པོ་ཁམས་དང་སྐྱེ་མཆེད་དང་། ཁམས་གསུམ་འཁོར་བ་མ་ཡིན་པ། །གཞན་ལ་སངས་རྒྱས་གང་བསྒོམ་པ། །ལུས་ངག་ཡིད་གསུམ་མ་ཡིན་པ། །སྐུ་གསུང་ཐུགས་གསུམ་གང་ལས་བྱུང་། །དེ་དག་འབྱུང་བར་ངས་མ་བསྟན། །ངན་སོང་འདི་དག་སུས་ཤེས་པ། །སྤྱོད་དང་རྣམ་དག་སེམས་ལ་ཁྱེ། །རྣལ་འབྱོར་གང་ཞིག་འདི་འདྲར་བྱེད། །ངན་སོང་འཁོར་བ་མི་ཉན་པར། །ངན་སོང་འཁོར་བ་ལིངས་བོར་ནས། །དེ་དག་སྤངས་པའི་ཕ་རོལ་ན། །གཉན་ཞིང་བསྟོད་པའི་སངས་རྒྱས་དང་། །བདེ་ཞིང་སྐྱིད་པའི་མཐོ་རིས་གཅིག །ལོགས་ན་བདག་གིས་ཐོབ་འདོད་པས། །ཐར་དུ་རེ་སྟེ་མི་ཐར་རོ། །འགྲུབ་པར་རེ་སྟེ་མི་འགྲུབ་བོ། །འཁོར་བ་ཡོངས་སུ་ཤེས་པ་ན། །མྱ་ངན་འདས་ཤེས་དེ་ལ་བྱ། །ངན་སོང་ཡོངས་སུ་ཤེས་པ་ན། །ཐར་པ་ཐོབ་ཅེས་དེ་ལ་བྱ། །ཡང་དག་བདེ་བའི་དོན་རྟོགས་ན། །སངས་རྒྱས་པས་ཀྱང་འཁོར་བ་བསྔགས། །བསྔགས་སུའང་མེད་དེ་དེ་ཉིད་ཡིན། །མཐོ་རིས་བས་ཀྱང་ངན་སོང་བདེ། །བདེར་ཀྱང་མེད་དེ་དེ་ཉིད་ཡིན། །དོན་དམ་བདེན་པ་མ་རྟོགས་ཤིང་། །རང་བྱུང་ཡེ་ཤེས་མ་ཤར་ན། །དུག་ཏུ་མ་སོང་གང་ཡང་མེད། །དགྲར་ཡང་མི་གནོད་གང་ཡང་མེད། །བདེ་བ་ཆེན་པོའི་དོན་རྟོགས་ཤིང་། །བྱང་ཆུབ་སེམས་ཀྱི་སྒོ་ཕྱེ་ནས། །འབྲས་བུ་མ་ཐོབ་གཅིག་ཀྱང་མེད། །སངས་རྒྱས་མིན་པ་གང་ཡང་མེད། །ཆེ་བ་འདི་ལས་ཆེ་བ་མེད། །བརྟགས་ཤིང་གཞིགས་ཤིང་རང་སེམས་བཟང་། །ཕྱིན་ཞིང་བཙལ་ཞིང་ཐོག་མ་ཉིད། །སུ་ཞིག་འཆད་ཅིང་སྟོན་འདོད་པ། །གང་ལ་མ་འཆད་བདག་ལ་ཤོད། །གང་ལ་མ་རྟོགས་བདག་ལ་རྟོགས། །འབྲས་བུ་དམ་པ་འདི་ན་ཡོད། །སེམས་ལ་ཐོག་ཏུ་མ་ཕེབས་ཤིང་། །ཡིད་ལ་གསལ་བར་མ་རྟོགས་ན། ཁ་བཤད་མང་པོས་དོན་མི་འགྲུབ། །དུས་གསུམ་སངས་རྒྱས་ཐམས་ཅད་པས། །འཁོར་བ་ངན་སོང་བསྔགས་པར་གྱིས། །དུས་གསུམ་སངས་རྒྱས་དེ་ན་ཡོད། །ཐར་པ་ཆེན་པོའི་སྒོ་འབྱེད་ཀྱིས། །ཕྱོགས་བཅུའི་སངས་རྒྱས་གསན་དུ་གསོལ། །རྒྱུ་ནི་མ་བཅོས་ཉིད་དུ་གཞག །འབྲས་བུ་རང་བཞིན་མེད་པར་བླང་། །དོན་དུ་ཐིག་ལེ་ཆེན་པོར་བསྟན། །འདི་ལ་འགལ་བ་ཡོད་མ་ཡིན། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས།འཁོར་བ་དང་ངན་སོང་ཡེ་ནས་ཆེ་བའི་ལེའུ་སྟེ་བཅུ་བཞི་པའོ།། །།དེ་ནས་མཐོ་རིས་དང་མྱ་ངན་ལས་འདས་པ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །ཐར་པ་ཐོབ་པའི་ཐེམ་སྐས་དང་། །མྱ་ངན་འདས་པའི་ཆོས་ཉིད་རྣམས། །ཡང་དག་ཆེ་བར་བསྟན་པ་ནི། །རྣམ་ཤེས་དབང་པོ་གསལ་བར་བྱ། །འདི་ཡང་མཐོ་རིས་ཆེ་བ་ཡིན། །ཐམས་ཅད་རྟོགས་པའི་ལོངས་སྤྱོད་པས། །འདི་ཡང་མཐོ་རིས་ཆེ་བའོ། །གཞན་ཡང་མཐོ་རིས་ཆེ་བ་ནི། །ཇི་ལྟར་གནས་པ་དེ་ལྟར་རྟོགས། །གང་ལྟར་ཡིན་པ་དེ་ཤེས་ཤིང་། །ཀུན་གྱི་འབྲས་བུར་བདག་རྟོགས་པས། །མཐོ་རིས་དམ་པ་བླ་ན་མེད། །མྱ་ངན་འདས་པའི་ཆེ་བ་ནི། །ཆོས་ཉིད་ཕྱོགས་བཅུར་བརྡལ་བ་ལ། །རིག་པ་མཐའ་དབུས་མེད་པ་དང་། །ཀུན་གཞི་བཟང་ངན་མེད་པ་དང་། ཁོ༑ས་པ་ཕྱི་ནང་མེད་པ་དང་། །ཡེ་ཤེས་སྤང་ལེན་མེད་པ་ཡིས། །མྱ་ངན་འདས་ལ་དགོངས་པ་འགྲུབ། །མ་གཡོས་པ་ལ་རིག་པ་ཤར། །སངས་རྒྱས་སེམས་སུ་མྱ་ངན་འདས། །ཡུལ་ནི་ཆོས་སུ་མྱ་ངན་འདས། །རྟོགས་པ་ཡེ་ཤེས་མྱ་ངན་འདས། །སྣོད་བཅུད་ཆོས་སྐུར་མྱ་ངན་འདས། །སེམས་ཅན་གཅིག་པར་མྱ་ངན་འདས། །དོན་དམ་བདེན་པར་མྱ་ངན་འདས། །མྱ་ངན་འདས་པའི་དོན་རྟོགས་ན། །འཁོར་བ་ངན་སོང་མིང་ཡང་མེད། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། མྱ་ངན་ལས་འདས་པ་ཡེ་ནས་ཆེ་བའི་ལེའུ་སྟེ་བཅོ་ལྔ་པའོ།། །།དེ་ནས་ཐབས་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །ཐབས་ཀྱི་རྒྱལ་པོར་བདག་གནས་པས། །ཐམས་ཅད་མ་གྲུབ་གང་ཡང་མེད། །ཐབས་ཆེན་མེད་པའི་སྔོན་རོལ་ནས། །སངས་རྒྱས་ཡོད་པ་ཡོངས་མ་ཡིན། །འགྲོ་ལ་ཐབས་ཀྱི་རྒྱུ་ཡོད་པས། །ཐབས་མཁས་ཡེ་ནས་ཆེ་བ་ཡིན། །ཀུན་ཏུ་བཟང་པོ་སྤྱོད་པ་ལ། །བྱེད་དང་སྤྱོད་པ་རྣམ་འཛིན་པ། །དེ་ཉིད་ཐབས་ཀྱི་ཆེ་བ་སྟེ། །ཐབས་མཁས་ཡོན་ཏན་ཀུན་ལྡན་ན། །སངས་རྒྱས་ཀུན་གྱི་བླ་མར་བསྔགས། །རྣལ་འབྱོར་ཆེན་པོའི་སྤྱོད་པ་བདེའོ། །འཕགས་པའི་འཕགས་པ་ཐབས་ལ་གནས། །རྒྱལ་བའི་རྒྱལ་བ་ཐབས་ལས་བྱུང་། །ང་ཉིད་ཐབས་ཀྱི་རྒྱལ་པོ་ལ། །འཁོར་བའི་རྟོག་པ་ཀུན་བྲལ་ནས། །རྫོགས་སངས་རྒྱས་པའི་ཐབས་ལ་བསྔགས། །ཐབས་དང་བྲལ་བའི་སྙིང་རྗེ་ནི། །སྐྱེས་ཀྱང་ངལ་བ་དོན་མེད་ལ། །འདི་དག་ཐབས་ཀྱི་མཆོག་ཤེས་ན། །ཡང་དག་སྤྱོད་པ་བླ་ན་མེད། །སངས་རྒྱས་བྱང་ཆུབ་གདོན་མི་ཟ། །ཐབས་ལས་མཁས་བྱུང་ཐབས་རེ་ཆེ། །ཐབས་ཀྱི་ཐབས་འདུལ་ཐབས་བསམ་ཡས། །རྟོགས་པ་ཐམས་ཅད་ཐབས་སུ་གསལ། །ཐབས་ཀྱི་ཏིང་ངེ་འཛིན་བསྒོམ་ན། །ངན་སོང་འཁོར་བ་ཐབས་ཀྱི་ཞིང་། །ཉོན་མོངས་དུག་ལྔ་ཐབས་ཀྱི་ལམ། །ཐབས་ཆེན་པོ་ཡི་མཛད་སྤྱོད་ཀྱིས། །ཐམས་ཅད་མ་ལུས་སངས་རྒྱས་སོ། །ཐར་པ་ཆེན་པོ་ང་ཡི་སྐས། །མུན་པར་འཐིབས་པའི་སེམས་ཅན་ལ། །ཐབས་ཀྱི་སྒྲོན་མའདིབཏེགཔས། ཀུནགྱིས་གོ་ཞིང་གསལ་བར་ཤོག །ང་ནིརངབཞིནམེདཔསྟེ། །སྤྲོས་བྲལ་འཛིན་ས་ཀློང་བརྡལ་བས། །མཚན་མར་འཛིན་པ་ང་ཡི་དགྲ། །རང་སེམས་ཀུན་ཏུ་བྱུང་ཐབས་ཀྱི་ཡེ་ཤེས་ཤར། །འདུས་མ་བྱས་པའི་ཀློང་དཀྱིལ་ན། །སེམས་ཀྱི་རྒྱལ་པོ་ཡེ་ཤེས་འཕྱོ། །སྐྱེ་འགག་མེད་པའི་ཀློང་དཀྱིལ་ན། །ཤེས་རབ་མི་གཅིག་གསལ་བ་ནི། །ཡོངས་ལ་དབང་བསྒྱུར་རྒྱལ་པོ་སྟེ། །ཐམས་ཅད་རོལ་པའི་དབང་ཕྱུག་སྟེ། །མ་འགགས་པར་ཡང་ཡེ་ཤེས་གསལ། །དེས་ན་དུག་རྣམས་ཀུན་སེལ་བ། །ནད་དོ་ཅོག་དང་བྲལ་བ་ཡིས། །བདུད་རྩི་རང་བྱུང་དཀྱིལ་འཁོརགསལ། །དབང་པོ་ཡུམ་གྱི་ཤེས་རབ་ལ། །ཐབས་ཀྱི་ཞགས་པས་འབྲེལ་པ་སྐྱོང་། །འབྱུང་བའི་རྒྱལ་པོ་གདོད་ནས་དག །དུས་གསུམ་བདེ་གཤེགས་བསྐྱེད་པའི་ཡུམ། །ཡུམ་ནི་ཤེས་རབ་ཕ་རོལ་ཕྱིན། །མི་སྐྱེ་མི་འགག་བརྡལ་བ་ལ། །ཀུན་བཟང་ཡངས་པ་ཆོས་ཀྱི་དབྱིངས། །དག་གོ་ཤེས་རབ་ཆེན་པོའི་དབྱིངས། །འཛིན་དང་བྲལ་ལོ་ཤེས་པ་མེད། །རྟོག་པ་མེད་པས་སྨྲ་བསམ་འདས། །བརྗོད་པ་མེད་པས་ནམ་མཁའི་ཚུལ། །རང་བཞིན་མེད་པས་ཆོས་ཀྱི་དབྱིངས། །ཕྱོགས་བཅུར་རྒྱ་ཡོངས་མ་ཆད་པའོ། །ཕྱི་ནང་མེད་པར་ཀུན་ཏུ་སྣང་། །དག་ལ་དྲི་མ་མེད་པའོ། །སྣང་ལ་རང་བཞིན་མེད་པ་ཡི། །ཆུ་ཟླ་སྒྱུ་མ་སྨིག་རྒྱུ་བཞིན། །མེད་པ་ཟང་མ་མ་ཡིན་ཏེ། །ཡོད་པར་ཡང་ནི་མ་ཡིན་ནོ། །ཡོད་མེད་གཉིས་ལ་འདས་པ་ཡི། །རང་བཞིན་མེད་པས་ཡིད་ལ་དྲན། ཁྲེས་རབ་ཆེན་པོས་རྟོགས་པའི་རྟགས། །མཁའ་ལྟར་མཉམ་པ་ཉིད་གནས་ན། ཁྲེས་རབ་ཆེན་པོས་ཁྱབ་པའི་རྟགས། །མི་གཡོ་མཉམ་གཞག་འདུས་མ་བྱས། ཁེས་རབ་ཆེན་པོར་གྲུབ་པའི་རྟགས། །མ་ཆགས་ཐབས་ཀྱིས་ཀུན་སྤྱོད་ན། ཁྲེས་རབ་ཆེན་པོ་ཐོབ་པའི་རྟགས། །རྣལ་འབྱོར་ཆེན་པོ་སུ་ཡོད་པ། ཁྲེས་རབ་ཆེ་བ་རྟོགས་འདོད་ན། །ལེའུ་སྟེ་འདི་ལས་བཙལ་བར་བྱའོ། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། ཤེས་རབ་ཡེ་ནས་ཆེ་བའི་ལེའུ་སྟེ་བཅུ་བདུན་པའོ།། །།དེ་ནས་སྐྱོན་གྱི་རྒྱུ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །སྐྱོན་གྱི་རྒྱུ་ལས་མ་གཏོགས་པ། །སངས་རྒྱས་གཞན་ནས་ཡོངས་མེད་དེ། །སྨན་མཆོག་བདུད་རྩི་འབྱུང་བ་ཡང་། །དུག་ཡོད་པ་ལ་སྨན་དུ་འབྱུང་། །དུག་ལ་སྨན་གྱི་རྒྱུ་མེད་པས། །ཐམས་ཅད་སྨན་ལ་སྨན་མིང་མེད། །ལེགས་པ་ཐམས་ཅད་འབྱུང་བ་ཡང་། །སྐྱོན་གྱིས་ལེགས་པ་འབྱུང་བར་བྱེད། །སྐྱོན་གྱི་མཚན་མ་ཅི་བྱུང་ཡང་། །དེ་ཉིད་ལེགས་པ་ཡིན་ཤེས་ན། །གཞན་དུ་ལེགས་པ་བསྒྲུབ་མི་དགོས། །དུག་ཉིད་སྨན་གྱི་དོན་ཤེས་ན། །གཞན་ནས་བདུད་རྩི་བཙལ་མི་དགོས། །སྐྱོན་ཉིད་དག་པར་མ་རྟོགས་ཤིང་། ཁུ་ལ་འབྲས་བུར་མ་རིག་ན། །དོན་དང་ངེས་པའི་གཏན་ཚིགས་མེད། །སྨྱོན་པ་གྲིབ་མ་བསྙེགསཔབཞིན། །བདསཀྱང་སླེབ་ཅིང་ཟིན་པ་མེད། །དེབཞིནསྐྱོནརྒྱུམིཤེས་པས། །བསྒོམས་པས་འབྲས་བུ་མི་རྙེད་ལ། །བརྟགས་པས་ཆོད་ཉིད་རྫས་སུ་གོལ། །བསྒྲུབས་པས་རྟགས་སུ་མི་སྣང་སྟེ། །དེ་ཉིད་ཡང་མེད། །ཆོས་ཅན་ཉིད་ན་ཡོན་ཏན་ཆེ། །རྣམ་པར་དག་པ་རྒྱུ་ནས་དག །རང་སྣང་འབྲས་བུ་དང་པོ་གནས། །འཕགས་པའི་རང་བཞིན་རྒྱུ་ལ་རྫོགས། །སངས་རྒྱས་ཐམས་ཅད་འདུས་པའི་སྐུ། །འདི་ནི་ཡོན་ཏན་ཆེ་བའི་རྒྱུད། །ཡེ་ནས་ཆེ་བའི་དོན་ཡིན་ཏེ། །ཕྱོགས་བཆི་སངས་རྒྱས་ཐམས་ཅད་དང་། །བྱང་ཆུབ་སེམས་དཔའ་ལྷ་རྣམས་དང་། །གང་དག་ཕོ་མོ་མ་ནིང་རྒྱུད། །འཁྲུལ་པས་བཏགས་པའི་རྒྱུ་ཙམ་དང་། ཁེས་རབ་དམན་ལ་བསྟན་པའི་ཕྱིར། །རྨོངས་པའི་བློ་ལ་སྣང་བར་ཟད། །ཀུན་ཏུ་བཟང་པོའི་རང་བཞིན་ལ། །བྱང་ཆུབ་སེམས་ཀྱི་རང་བཞིན་ནི། །ཕོ་མོ་མ་ཡིན་མ་ནིང་མིན། །ཆེ་ཆུང་མ་ཡིན་རིགས་རྒྱུད་མིན། །རྟག་ཆད་མ་ཡིན་མཚན་མར་མིན། །ཕྱི་ནང་མ་ཡིན་དངོས་པོར་མིན། །རིགས་དང་ཁ་དོག་བསྟན་པར་མེད། །མེད་པ་མ་ཡིན་སྙིང་པོའི་དོན། །རྣལ་འབྱོར་སྐལ་ལྡན་རྣམས་ཀྱིས་རིག །དོན་དང་ལྡན་པའི་སེམས་ལ་གསལ། །རང་བཞིན་ཡོངས་ཀྱིས་དག་པ་ལ། །གཉེན་པོས་བཅོས་ཤིང་དག་ཏུ་མེད། །མཚན་ཉིད་ཡོངས་ཀྱིས་ཞི་བ་ལ། །སྟོབས་ལྡན་ཚད་མས་དེ་ལྟར་གསལ། །རྒྱུ་དང་འབྲས་བུ་དབྱེར་མེད་ལ། །མཚན་ཉིད་འཛིན་ཅིང་རིགས་སུ་འབྱེད། །དོན་དང་འགལ་ཞིང་བརྟག་པར་དཀའ། །རང་སེམས་གདོད་ནས་མ་སྐྱེས་ན། །འཕོ་ཞིང་འགྱུར་བའི་གནས་ཀྱང་མེད། །བཙལ་ཞིང་སྒྲུབ་པའི་ས་ཡང་མེད། །མེད་པའང་མ་ཡིན་འགྱུར་མེད་སྐུ། །འདུ་འབྲལ་མེད་པའི་དབྱིངས་ཉིད་ལ། །བཟང་ངན་སྤང་ལེན་རྣམ་རྟོག་མེད། །དབྱེར་མེད་ཆེ་ཆུང་རིམ་པ་མེད། །སྐྱེ་ཤི་གཉིས་ཀྱི་མཚན་མ་མེད། །མེད་པའང་མ་ཡིན་ཁྱབ་པའི་སྐུ། །མི་འབྱེད་མཉམ་པའི་སྤྱོད་པ་ལ། །རང་སྣང་ཐབས་ཀྱི་རྒྱལ་པོར་རོལ། །འདུས་མ་བྱས་པའི་ཀློང་ཉིད་ན། །བཅོས་པ་མེ༷ ད་པའི་ཡེ་ཤེས་ཤར། །འཛིན་རྟོག་མེད་པའི་ཆོས་ཉིད་ལ། །བཙལ་བ་མེད་པའི་སེམས་ཉིད་གནས། །གནས་ཙམ་ཉིད་ན་རྟོག་པ་མེད། །རྟག་མེད་ཆད་མེད་བདེ་བ་ཆེ། །་གྱུར་མེད་རྩལ་མེད་རང་བྱུང་གནས། །ང་མེད་བདག་མེད་ཕྱོགས་རིས་མེད། །ཆེ་མེད་ཆུང་མེད་གསང་བའི་ཁྲ། །བཟང་མེད་ངན་མེད་ཀུན་བཟང་ཆེ། །མ་སྤྱོད་ཇི་བཞིན་དབྱིངས་ན་གསལ། །མ་བཙལ་རྫོགས་པས་རྫོགས་ཆེན་དང་། །བྱ་བྲལ་མེད་པས་འདུས་མ་བྱས། །སྨོན་དུ་མེད་པས་རང་ལ་རྫོགས། ཁམས་གསུམ་སྣོད་བཅུད་མ་ལུས་ཀུན། །བདེ་བ་ཆེན་པོ་ཉིད་ཀྱི་རྒྱན། །ཡོན་ཏན་ཆེ་བའི་ཞིང་ཁམས་ལ། །མ་ལུས་པར་ཡང་སངས་རྒྱས་སོ། །ཇི་ལྟར་སྣང་བའི་ཆོས་རྣམས་ཀུན། །རང་བྱུང་དག་པའི་དབྱིངས་ཉིད་ལ། །རྣམ་དག་ཀློང་དུ་སངས་རྒྱས་པས། །ཡོན་ཏན་ཆེན་པོ་དེ་ལྟར་གསལ། །བཙལ་དང་བཅས་པས་མ་གྲུབ་སྟེ། །མ་བཙལ་བཞག་པས་བཙལ་བས་གྲུབ། །སྒྲོ་བཏགས་མཚན་མའི་སྐྱོན་རྣམས་སྤངས། །ཐམས་ཅད་ཡོངས་སུ་བདེ་བརྡལ་ན། །ཡོན་ཏན་ཆུང་བ་གང་ཡང་མེད། །ཐམས་ཅད་ཀུན་བཟང་ཡོན་ཏན་ལ། །སྐྱོན་དུ་བྱ་བ་གང་ཡང་མེད། ཁེན་ཏུ་རྣལ་འབྱོར་གང་ཡོད་པས། །ཡོན་ཏན་རྒྱ་ཆེན་རྟོགས་འདོད་པས། །ལེའུ་འདི་ལས་བཙལ་བར་བྱ། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། ཡོན་ཏན་གྱི་རྒྱུད་ཡེ་ནས་ཆེ་བའི་ལེའུ་སྟེ་བཅུ་དགུ་པའོ།། །།དེ་ནས་སངས་རྒྱས་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །སངས་རྒྱས་ཡེ་ནས་ཆེ་བ་ནི། །འཁོར་བ་སངས་པས་བདེ་ཆེན་རྒྱས། །སྣང་སྲིད་སངས་པས་བདེ་ཆེན་རྒྱས། །མ་རིག་སངས་པས་ཡང་དག་རྒྱས། །གཏི་མུག་སངས་པས་ཤེས་རབ་རྒྱས། །དེ་ཡང་རྩོལ་བས་མ་ཡིན་ཏེ། །རྟོགས་པ་ཉིད་ཀྱི་ཀློང་ནས་སངས། །རིག་པ་ཉིད་ཀྱི་དབྱིངས་ན་རྒྱས། །སངས་རྒྱས་ཡེ་ནས་ཆེ་བ་ཡི། །འདི་ཡི་གོང་ན་སངས་རྒྱས་མེད། །ཕུང་པོ་ལྔ་པོ་རིགས་ལྔའི་ངང་། །རིགས་ལྔ་སངས་རྒྱས་ཡེ་ཤེས་ཀློང་། །ཡེ་ཤེས་ཆེན་པོ་བཙལ་མེད་པས། །སངས་རྒྱས་ཡེ་ནས་ཆེ་བ་ཡིན། །འབྱུང་བ་ལྔ་ཡི་ཡུམ་ལྔའི་ངང་། །ཡུམ་ཆེན་ལྔ་པོ་དབྱིངས་ཀྱི་ཀློང་། །ཆོས་དབྱིངས་ཆེན་པོ་བཙལ་མེད་པས། །སངས་རྒྱས་ཡེ་ནས་ཆེ་བ་ཡིན། །རྣམ་པར་ཤེས་པ་སེམས་དཔའི་ངང་། །སེམས་དཔའ་ཆེན་པོ་སྤྲུལ་པའི་ཀློང་། །སྤྲུལ་པ་ཆེན་པོ་བཙལ་མེད་པས། །སངས་རྒྱས་ཡེ་ནས་ཆེ་བ་ཡིན། །ཡུམ་གྱི་རྣམ་པར་ཤེས་པའི་ངང་། །འཁོར་གྱི་སེམས་མ་ཁྱབ་པའི་ཀློང་། །སྤྲུལ་པ་ཆེན་པོ་བཙལ་མེད་པས། །སངས་རྒྱས་ཡེ་ནས་ཆེ་བ་ཡིན། །ཡན་ལག་ཁྲོ་བོ་ཁྲོ་མོའི་ངང་། ཁྲོ་བོ་ཁྲོ་མོ་རོལ་པའི་ཀློང་། །རོལ་པ་ཆེན་པོ་བཙལ་མེད་པས། །སངས་རྒྱས་ཡེ་ནས་ཆེ་བ་ཡིན། །འཇིག་རྟེན་དྲུག་པོ་ཐུབ་པའི་ངང་། །ཐུབ་པ་ཆེན་པོ་འདུལ་བའི་ཀློང་། །འདུལ་བ་ཆེན་པོ་བཙལ་མེད་པས། །སངས་རྒྱས་ཡེ་ནས་ཆེ་བ་ཡིན། །དབྱིངས་དང་རིག་པ་བཟང་མོའི་ངང་། །ཀུན་བཟང་ཡབ་ཡུམ་གནས་པའི་ཀློང་། །གནས་པ་ཆེན་པོ་བཙལ་མེད་པས། །སངས་རྒྱས་ཡེ་ནས་ཆེ་བ་ཡིན། །སངས་རྒྱས་ཡེ་ནས་ཆེ་བ་ཡི། །འདི་ཡི་གོང་ན་སངས་རྒྱས་མེད། །གང་ཞིག་མཚན་མ་རྟག་འཛིན་ལ། །གྲངས་དང་སངས་རྒྱས་སྦྱར་བ་ཙམ། །བགྲངས་ཀྱང་སངས་རྒྱས་བགྲངས་ལས་འདས། །བགྲངས་ཀྱང་མུ་མེད་བརྗོད་ལས་འདས། །དོན་དམ་དུ་ནི་གང་ཡང་མེད། །ཇི་སྲིད་མཚན་མ་ཡོད་ཀྱི་བར། །དེ་བཞིན་སངས་རྒྱས་སྐུ་ཡང་ཡོད། །ཇི་སྲིད་མཚན་མ་མེད་པ་ནི། །དེ་བཞིན་སངས་རྒྱས་སྐུ་ཡང་མེད། །ཇི་སྲིད་གྲངས་རྣམས་ཡོད་ཀྱི་བར། །དེ་བཞིན་ལྟ་ཡི་གྲངས་ཀྱང་ཡོད། །ཇི་སྲིད་གྲངས་རྣམས་མེད་ནས་ནི། །དེ་བཞིན་ལྷ་ཡི་གྲངས་ཀྱང་མེད། །མ་རིག་འཁྲུལ་པའི་སྒོ་ཙམ་དུ། །གྲངས་ལ་བརྟགས་ཀྱི་མཚོན་པར་ཟད། །དོན་དམ་བཅོས་པ་མེད་པ་ལ། །བརྡལ་བའི་སྐུ་གཅིག་བསྡུས་པ་ལས། །རིགས་དང་རྟགས་སུ་གང་ལ་བསྟན། །སངས་རྒྱས་ཡེ་ནས་ཆེ་བ་ནི། །ཡོད་དེ་དངོས་པོ་མ་ཡིན་ཏེ། །ཆུཟླབཞིནདུརངབཞིན་མེད། །མེད་དེ་ཆད་པ་མ་ཡིན་ཏེ། །ནམ་མཁའི་དབྱིངས་ལྟར་ཅིར་ཡང་སྣང་། །གཅིག་སྟེ་རྟག་པ་མ་ཡིན་ཏེ། །དོན་དམ་གཅིག་ཏུ་ཐམས་ཅད་འདུས། །གཉིས་ཏེ་ཕྱལ་པ་མ་ཡིན་ཏེ། །ཡོངས་ལ་ཁྱབ་པས་བརྡལ་བའི་དགུ །ཕྱོགས་ཆར་མི་འཛིན་རིགས་མི་འབྱེད། །གཉིས་སུ་མི་རྟོག་ངར་མི་འཛིན། །ཡོངས་ལ་ཕྲ་ཡང་དོགས་པ་མེད། །ཀུན་ལ་མཐུན་ལ་དོན་དང་འཚམས། །བདག་ཏུ་ཤེས་ལ་གཞན་སྡུད་པ། །སངས་རྒྱས་ཡེ་ནས་ཆེ་བ་ཡིན། །སངས་རྒྱས་ཡེ་ནས་ཆེ་བ་ནི། །བཙལ་བ་མ་ཡིན་རྟོགས་པ་ཡིན། །གྲུབ་པ་མ་ཡིན་གནས་པ་མིན། །གཞན་དུ་མ་ཡིན་བདག་ཉིད་ཡིན། །བདག་ཉིད་མ་ཡིན་གཞན་མ་ཡིན། །གཞན་མ་མ་ཡིན་ཕྱོགས་རིགས་མིན། །ནུས་མཐུ་མ་ཡིན་བྱིན་རླབས་ཡིན། །སྤྲུལ་པ་མ་ཡིན་རྩལ་གཅིག་སྦྱོད། །ཉོན་མོངས་མི་སྣང་འཕྲོ་འདུའི་ཚུལ། །ཅིར་ཡང་བསྟན་ཏེ་ཅིར་མ་བསྟན། །གང་ལྟར་སྣང་ཡང་གང་དུ་མེད། །གང་ལྟར་བརྟགས་ཀྱང་གང་ཡང་མེད། །མེད་པ་མ་ཡིན་དྲན་ཅིང་རིག །ཆད་པར་མ་སོང་རིག་ཅིང་རྟོགས། །རྟག་པར་མ་སོང་དངོས་པོ་མེད། །གཉིས་སུ་མ་སོང་རྟག་པ་མེད། །གཅིག་ཏུ་མ་སོང་ཀུན་ལ་ཁྱབ། །དང་པོ་བསྐྱེད་པའི་རྒྱུ་མེད་པས། །ཐ་མ་འཆི་ཞིང་འཕོ་བ་མེད། །ད་ལྟར་དངོས་པོ་རྫས་མེད་པས། །རྟག་པས་ཆགས་ཤིང་གཟུང་བ་མེད། །འཁོར་བ་སྒྱུ་མའི་རྫས་འདྲ་བས། །བདེ་སྡུག་བཟང་ངན་དོན་ལ་མེད། །མི་རྟག་སྡུག་བསྔལ་རྨི་ལམ་འདྲ། །གང་ལ་བརྟགས་ཀྱང་དེ་ལ་འཁྲུལ། །བརྟགས་པས་ཆོས་ནི་གཅིག་ཀྱང་མེད། །མེད་པའང་མ་ཡིན་རིག་པ་ཙམ། །ཆུ་ནི་རྒྱ་མཚོ་ཉིད་དུ་རྒྱུ། །སངས་རྒྱས་རྟོག་པ་ཉིད་ལས་བྱུང་། །ཆོས་ནི་བཅོས་པ་མེད་པའི་ཆོས། །རྟགས་ནི་མ་འདྲེས་གསལ་བའི་རྟགས། །དོན་ནི་འགྱུར་བ་མེད་པའི་དོན། །དེ་ལྟར་ཐོབ་པ་སངས་རྒྱས་ཞེས། །ཡེ་ནས་ཆེ་བ་ཡིན་པར་བཤད། །རྣལ་འབྱོར་འདི་རྟོགས་བཅོམ་ལྡན་འདས། ཁེས་པར་གྱིས་ལ་དེ་ལ་ཞོག །སངས་རྒྱས་ཡེ་ནས་ཆེ་བའོ། །རྣལ་འབྱོར་སྐྱེས་བུ་གང་ཡོད་པ། །སངས་རྒྱས་ཆེ་བ་འདི་རྟོགས་ན། །ལེའུ་འདི་ལས་བཙལ་བར་བྱའོ། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། སངས་རྒྱས་ཡེ་ནས་ཆེ་བའི་ལེའུ་སྟེ་ཉི་ཤུ་པའོ།། །།དེ་ནས་སེམས་ཅན་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །སེམས་ཅན་མེད་པའི་སྔོན་རོལ་ན། །སངས་རྒྱས་བྱ་བའི་མིང་ཡང་མེད། །སེམས་ཅན་ཡེ་ནས་ཆེ་བ་ཡི། །དོན་འདི་བསྟན་པ་འདི་ཡིན་ནོ། །འབྱུང་བའི་གཏོས་སུ་ནམ་མཁའ་ཆེ། །ཆོས་ཉིད་གཏོས་སུ་ཆོས་ཅན་ཆེ། །སངས་རྒྱས་སེམས་ཅན་བསྐྱེད་ནས་ནི། །དེ་ཕྱིར་སེམས་ཅན་སངས་རྒྱས་ཡུམ། །སངས་རྒྱས་ཐམས་ཅད་འབྱུང་བས་ན། །དེ་ཕྱིར་སེམས་ཅན་སངས་རྒྱས་ཡབ། །སྔ་རབས་འདས་པའི་སངས་རྒྱས་ཀྱང་། །སྔ་རབས་འདས་པའི་སེམས་ཅན་ཡིན། །ད་ལྟར་བཞུགས་པའི་སངས་རྒྱས་ཀྱང་། །ད་ལྟར་བཞུགས་པའི་སེམས་ཅན་ཡིན། །སླད་ཀྱི་འབྱོན་པའི་སངས་རྒྱས་ཀྱང་། །སླད་ཀྱི་འབྱོན་པའི་སེམས་ཅན་ཡིན། །དེས་ན་སངས་རྒྱས་སེམས་ཅན་པས། །སངས་རྒྱས་པས་ཀྱང་སེམས་ཅན་ཆེ། །བརྟགས་པས་སེམས་ཅན་ཐམས་ཅད་གཅིག །སེམས་ཅན་གཅིག་པས་ཆོས་ཀྱི་སྐུ། །ཆོས་ཀྱི་སྐུ་ཡང་སེམས་ཅན་ཡིན། །སེམས་ཅན་བརྟགས་པས་དངོས་པོ་མེད། །དངོས་པོ་མེད་པས་ཆོས་ཀྱི་དབྱིངས། །ཆོས་ཀྱི་དབྱིངས་ཀྱང་སེམས་ཅན་ཡིན། །སེམས་ཅན་ཤེས་པས་གསལ་བར་གོ །གསལ་བར་གོ་བ་ཡེ་ཤེས་ཏེ། །ཡེ་ཤེས་ཉིད་ཀྱང་སེམས་ཅན་ཡིན། །སངས་རྒྱས་ཀུན་གྱི་འབྱུང་གནས་མཛོད། །དེ་ཕྱིར་སངས་རྒྱས་སེམས་ཅན་མེད། །སངས་རྒྱས་སྤྲུལ་པ་ཅིར་ཡང་སྟོན། །དེ་ཕྱིར་སེམས་ཅན་སངས་རྒྱས་སྲས། ཁམས་གསུམ་སེམས་ཅན་སྐུ་གསུང་ཐུགས། །སྲིད་པ་གསུམ་གྱི་དབྱིངས་ཀྱི་ཀློང་། ཁུད་དྲུག་སེམས་ཅན་དོན་དམ་དང་། །མཐའ་ཡས་སེམས་ཅན་ལམ་གྱི་མཆོག །ཐབས་ཀྱི་རྒྱལ་པོར་གང་ཤེས་པ། །དེ་ཉིད་དོན་རྫོགས་ཆོས་ཀྱི་སྐུ། །མ་སྐྱེས་ཤེས་རབ་དོན་ཤེས་ལ། །དེ་ཉིད་བཅོས་མེད་མན་ངག་འཆང་། །རང་བྱུང་རྒྱལ་པོའི་སེམས་ཅན་ལ། །རིག་པའི་རྒྱལ་པོ་རྣམ་ཤེས་ཤར། །ཕུང་པོཐིགལེཆེནཔོརརོལ། །རྣམ་པར་དག་པའི་བདེ་བ་བརྡལ། །སྐྱེམཆེདཏིངའཛིནགསལ་བ་ལ། །ཐབས་ཀྱི་འཕྲོ་འདུ་གསལ་བར་སྟོན། །གང་ལ་དཔེ་བསྟན་དེ་བཞིན་དུ། །དེ་བཞིན་སེམས་ཅན་དཔེར་བསྟན་པས། །བདེ་བ་ཆེན་པོའི་མན་ངག་འབྱུང་། །དག་པས་བརྟགས་པ་ཀུན་ཀྱང་གཙང་། །རྟོགས་པས་བསམ་ན་གང་ཡང་འགྲུབ། །ལྟ་བ་ཡངས་པའི་ནམ་མཁའ་ལ། །འཛིན་རྟོག་མེད་པའི་འོད་བརྡལ་བས། །གང་ཡང་མ་སྤངས་ལྷུན་གྱིས་གྲུབ། །མུ་མཐའ་མེད་པའི་ཤེས་རབ་ལ། །སྐྱེ་བ་མེད་པའི་ཀློང་བརྡལ་བས། །རྣམ་པར་དག་པའི་དབྱིངས་སུ་མཁྱེན། །མ་བྱུང་མ་སྐྱེས་སྐྱེ་བ་མེད། །སྐྱེ་མེད་ཐ་སྙད་སྒྲོ་བཏགས་པ། །ནན་གྱི་མཁའ་ལ་འཛིན་པ་ལྟར། །དེ་དག་རྟགས་སུ་མི་སྣང་བས། ཁོས་རབ་ཆུང་ལྡན་འཁྲུལ་པར་འགྱུར། །ཚིག་དང་ལྡན་ཡང་དོན་ལས་གོལ། །མན་ངག་གདེང་དུ་ཡོངས་མི་ཆུད། །གང་ཞིག་ཤེས་རབ་ཞན་པ་ཡིས། །སྒྲོ་བཏགས་ཆོས་ལ་ཡི་རང་བ ལོང་པ་ལམ་ནོར་འཁྲུལ་པ་ལྟར། །ངམ་གྲོག་གཅོང་རོང་ངེས་པར་ལྟུང་། །དེས་ན་ཐེག་རྒྱལ་ངེས་པ་འདི། ཁེས་རབ་དམན་ལ་བསྟན་མི་བྱ། །དོན་དུ་མི་འོང་སྐུར་པ་འདེབས། །གང་ཞིག་བཀའ་སྨོད་འགལ་བྱེད་པ། །དོན་དུ་མི་འགྱུར་ལོག་པའི་ལམ། །ཐར་པའི་གནས་མེད་ལྟུང་བའི་ས། །ནོར་བའི་ལམ་འཚོལ་འཁྲུལ་པའི་ཞིང་། །ཀུན་བཟང་སྟོན་པས་ཡོངས་མ་བཤད། །གང་ཟག་སྒྲིན་ཚིག་མཚན་མ་ཅན། །བདེ་བའི་དོན་མེད་ཡུག་པའི་ཚིག །མ་རིག་རྨོངས་ལ་འཁྲུལ་པའི་སེམས། །ལོག་པའི་ལམ་ཚོལ་ང་བོར(བི དངོས་པོར)འཛིན། །རང་ཤེད་མིན་ལ་ཕྱོགས་ཆར་འཛིན། །དོན་ལྡན་སྣོད་ཅན་མ་ཡིན་པས། །བསྐལ་པ་བརྒྱད་ཁྲི་བཞི་སྟོང་དུ། །ངེས་པར་དོན་ལ་གཞུག་མི་བྱ། །མཁས་པས་དོན་དང་མི་ལྡན་ཞིང་། །བདེན་པའི་དོན་པོར་ཕྱོགས་ཆར་འཛིན། །ཚིག་ཏུ་མཁས་ལ་དོན་དུ་གཡེལ། །ལོག་པའི་ལས་དགའ་བཀའ་འཆོལ་ན། །དེ་ནི་བདུད་ཀྱི་སླུ་བ་ཡིན། །སྐྱེ་བོའི་གཟུགས་ལ་སྡིག་ལ་སྤྱོད། །སྡིག་པ་དོན་དང་མི་འགལ་ཞིང་། །ཀུན་ལ་སྤྱོད་པ་ཀུན་སྤོང་ཞིང་། །གང་དག་མཐུན་ཞིང་དུལ་བའི་སེམས། །སྤྱོད་ཅིང་གང་ལའང་མ་ཆགས་པའི། །ཇི་ལྟར་སྤྱོད་དང་བཀའ་དང་མཐུན། །གདེང་ཆེན་དོན་དང་རྟོགས་པས་མཐུན། །ངེས་པའི་བསྟན་པའི་གཞུང་འཚོལ་ན། །དེ་ནི་སངས་རྒྱས་སྤྲུལ་པ་ཡིན། །ཡང་དག་བདེན་པ་སེམས་ཅན་ནོ། །མཉམ་པ་ཉིད་ཀྱང་སེམས་ཅན་ནོ། །སྤང་ལེན་མེད་པའི་སྤྱོད་པ་ལ། །འདུ་འབྲལ་མེད་པའི་དམ་ཚིག་བསྲུང་། །བཟང་ངན་མེད་པའི་ལྟ་བ་ལ། །ཕྱོགས་རིས་མེད་པའི་སྐྲུབ་པ་སྒྲུབ། །བདེན་པའི་དོན་དང་ཚུལ་ཤེས་ན། །སེམས་ཅན་ཡིན་ན་ཡིན་དུ་ཟད། །ཡིན་ཀྱང་སེམས་ཅན་ཆེ་བ་ཡིན། །དོན་ལྡན་སྐྱེས་བུས་ཤེས་པར་གྱིས། ཁེན་ཏུ་རྣལ་འབྱོར་ཡང་ཡོད་པ། །སེམས་ཅན་ཆེ་བར་རྟོགས་འདོད་ན། །ལེའུ་འདི་ལས་བཙལ་བར་བྱའོ། །ཀུན་ཏུ་བཟང་པོ་ཆེ་བ་ལ་རང་ལ་གནས་པའི་རྒྱུད་ལས། སེམས་ཅན་ཡེ་ནས་ཆེ་བའི་ལེའུ་སྟེ་ཉི་ཤུ་གཅིག་པའོ།། །།དེ་ནས་རྟོགས་པ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ། །རྟོག་པ་མེད་པའི་སྔོན་རོལ་ན། །སངས་རྒྱས་བྱ་བའི་མིང་ཡང་མེད། །རྟོགས་པ་ཡེ་ནས་ཆེ་བ་ཡི། །དོན་འདི་བསྟན་པས་འདི་ཡིན་ནོ། །མཁས་པ་མི་གཙོ་རྟོགས་པ་གཙོ། །མཁས་པའི་ཚིག་ནི་ཐན་པ་ཡིན། །རྟོགས་པ་ཆོས་ཉིད་ཀློང་ན་འཕྱོ། །བཤད་པ་མི་གཙོ་བསྒོམ་པ་གཙོ། །བཤད་པའི་ཚིག་ནི་བཤད་ར་མཁན། །སྒོམ་པ་ལྷ་དང་གཉིས་སུ་མེད། །སྒྲུབ་པ་བས་ཀྱང་རྟགས་པ་རིངས། །རྟོགས་པ་གདེང་དུ་མ་ཆུད་ན། །སྒྲུབ་པས་རྟོགས་པའི་རྒྱུན་ལ་བསྒྲུབ། །སྒོམ་པས་མཚན་མའི་ངང་ལ་བསྒོམ། །རྩོལ་བ་ཉོན་མོངས་ཞེན་པས་རྩོལ། །རྟོགས་པ་ཡེ་ནས་ཆེ་བ་ནི། སྣང་སྲིད་རྟོག་པས་ཡེ་ཤེས་ཆེ། །ཕྱི་ནང་རྟོགས་པས་ཐིག་ལེ་ཆེ། །ཆེ་ཆུང་རྟོགས་པས་མཉམ་ཉིད་ཆེ། །ཡངས་དོག་རྟོགས་པས་ཀློང་ཆེན་ཆེ། །བཟང་ངན་རྟོགས་པས་བདེ་ཆེན་ཆེ། །བྱ་བཙལ་རྟོགས་པས་བདེ་ཆེན་ཆེ། །བདེ་སྡུག་རྟོགས་པས་བྱང་ཆུབ་ཆེ། །རྟོགས་པའི་ཀློང་ཆེན་ཕྱོགས་རིས་མེད། །མན་ངག་དོན་ལྡན་དབྱེ་སྲི་མེད། །བདེན་པའི་དོན་འཆང་འཛིན་རྟོག་མེད། །རང་བྱུང་རང་ཤར་བྱ་བཙལ་མེད། །ཐར་པའི་གནས་རིགས་སྤང་ལེན་མེད། །དབྱིངས་ཀྱི་བདེ་བརྡལ་ཕྱོགས་རིས་མེད། །རྟོགས་ན་བཅོས་མེད་སྙིང་པོར་རྟོགས། །སྟོན་ན་རང་བྱུང་འབྲས་བུར་སྟོན། །ཐོབ་ན་རྣམ་དག་བཅོས་མེད་ཐོབ། །ཉི་མ་ཤར་བས་མུན་པ་སངས། ཁུ་ནི་ཐོབ་པས་འདི་པ་ནུབ། །ལུང་འདི་བྱུང་བས་རྟག་ཆད་བྲོས། །སྟོང་གསུམ་མ་ལུས་གཡུལ་ངོར་རེད། ཁམ་གསུམ་མ་ལུས་ཚར་ལ་བཏོན། །སྲིད་གསུམ་མ་ལུས་ཐོ་ལེས་བཏབ། །འཛིན་རྟོག་གཉིས་ནི་འཆོར་མེད་བཟུང་། །ཆགས་སྡང་གཉིས་ནི་དབང་དུ་བྱས། །རྟག་ཆད་གཉིས་ནི་རྡུལ་དུ་བརླག །སྤང་ལེན་གཉིས་ནི་ཕྱེ་མར་བཏགས། །བཟང་པན་གཉིས་ནི་སྤུགས་ཀྱིས་བསྲེས། །སངས་རྒྱས་སེམས་ཅན་གཅིག་ཏུ་བྱས། །མཐོ་རིས་ངན་སོང་གཅིག་ཏུ་གནས། །བདེ་བ་ཆེན་པོའི་ཞལ་དུ་གསོལ། །དམྱལ་བ་ཆོས་ཉིད་ངང་དུ་སྦྱངས། །ཡི་དགས་བཀྲེས་སྐོམ་ར༷་གྱིས་བསྲེགས། །བྱོལ་སོང་གཏི་མུག་ཡ༷་གྱིས་བུས། །མི་ཡི་སྡུག་བསྔལ་ཁ༷་གྱིས་བཀྲུས། །ལྷ་མིན་འཐབ་རྩོད་ལ༷་གྱིས་ཞི། །ལྷ་ཡི་ཕྲག་དོག་ཨ་ཡིས་སྦྱངས། །ཐམས་ཅད་བདེ་ཆེན་དབྱིངས་སུ་བཙུད། །བདག་ཉིད་ཆེན་པོར་སངས་རྒྱས་པར། །གཞན་དུ་བྱ་བ་མིང་ཡང་མེད། །སངས་རྒྱས་མཛད་པ་དེ་ལྟར་མཛད། །རྟོགས་པ་སྤྱད་པ་དེ་ལྟར་སྤྱོད། །ནམ་མཁའ་ཡངས་པའི་མཚན་ཉིད་ལ། །དངོས་པོ་མཚན་མ་ཀུན་ཤོང་ལྟར། །རྟོགས་པ་ཡངས་པའི་ལྟ་བ་ལ། །འཛིན་རྟོག་མཚན་མ་ཅི་ཡང་ཤོང་། །ཤོང་པ་བས་ཀྱང་ཡངས་ཀྱང་ཡངས། །སྣང་སྲིད་རྟོགས་པས་ཕྱི་རུ་བདེ། །དོན་དམ་རྟོགས་པས་ནང་དུ་བདེ། །དབྱེར་མེད་རྟོགས་པས་གཉིས་མེད་བདེ། །སེམས་ཅན་སངས་རྒྱས་ཡིན་རྟོགས་ན། །གཞན་ནས་སངས་རྒྱས་ནོར་བའི་ལམ། །སྣང་སྲིད་སངས་རྒྱས་ཡིན་རྟོགས་ན། །གཞན་ནས་ཆོས་ཉིད་ནོར་བའི་ལམ། །ཐམ་ཅད་འདུས་པའི་དབྱིངས་ཉིད་ཆེ། །མ་ལུས་འདུས་པའི་ཐིག་ལེ་ཆེ། །ཀུན་ལ་རྟོགས་པའི་ཡེ་ཤེས་ཆེ། །གང་ཞིག་རྟོག་མེད་ཤེས་རབ་འཆལ། །རྨོངས་པ་ལྒབྲུལ་པའི་བྱ་བ་ནོར། །དོན་དང་མི་ལྡན་ནོར་བ་དེས། །གང་ཡང་མི་ཤེས་དོན་མི་ཤེས། །ཅི་ཡང་མི་རྟོགས་དོན་མི་རྟོགས། །སངས་རྒྱས་བྱང་ཆུབ་སེམས་དཔའ་ཡང་། །གང་མ་རྟོགས་ན་དེ་ཡི་བདུད། །བདུད་དང་ལོག་པའི་ཕྱོགས་རྣམས་ཀྱང་། །གང་གིས་རྟོགས་ན་དེ་ཡི་ལྷ། །ལྟ་བའི་རྒྱལ་པོའི་དམག་དཔུང་དྲངས། །སྐྱེ་ཤི་མེད་པས་གཡུལ་ངོ་སྤྲད། །བཟང་ངན་མེད་པར་ལྷུན་གྱིས་བསྐྱེད། །ཕྱོགས་རིས་མེད་པར་ཐོ་ལེས་བཏབ། །དངོས་པོ་མཚན་མ་གཏན་ནས་བརླག །རིགས་ལྔའི་སངས་རྒྱས་ཐུགས་ངལ་སངས། །རྟོགས་པའི་རྒྱལ་པོ་འཀྱོད་པ་མེད། །ལམ་ནི་ཉེ་ལམ་བདེར་རྫོགས་པ། །བཅོས་པ་མེད་པའི་ཆོས་ཉིད་ལམ། །ས་ནི་རང་བཞིན་ལྷུན་རྫོགས་པ། །ཀུན་ཏུ་བཟང་པོ་བཅོས་མེད་པ། །དོན་འདི་ངང་ལ་སུ་གནས་པ། །རྟོགས་པ་ཆེ་ནས་ཆེ་བའོ། །དོན་རྟོགས་རྣལ་འབྱོར་ཤེས་པར་གྱིས། །དོན་འཆང་རྣལ་འབྱོར་གང་ཡོད་པ། །རྟོགས་པ་ཆེ་བ་འཚོལ་འདོད་ན། །ལེའུ་འདི་ལས་བཙལ་བར་བྱའོ། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། རྟོགས་པ་ཡེ་ནས་ཆེ་བའི་ལེའུ་སྟེ་ཉི་ཤུ་གཉིས་པའོ།། །།དེ་ནས་ཡང་ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་འདི་རྟོགས་པར་འདོད་པ་རྣམས་ཀྱིས། རང་གནས་ཆེན་པོ་དགུ་ཡི་དོན་འདི་ཡིད་ལ་ཟུང་ཞིག །དེ་ཡང་གང་ཞེ་ན། རྒྱུ་དང་འབྲས་བུ་མེད་པར་ཡེ་ཤེས་སུ་གནས་པ་དང་། འཁོར་བ་དང་མྱ་ངན་ལས་འདས་པ་ཐམས་ཅད་མ་སྐྱེས་པར་རང་གནས་པ་དང་། ཕྱི་ནང་སྣོད་བ་་ཀྱིས་བསྡུས་པ་ཐམས་ཅད་ཆོས་ཀྱི་སྐུར་གནས་པ་དང་། །སངས་རྒྱས་དང་སེམས་ཅན་གཉིས་སུ་མེད་པར་རང་གནས་པ་དང་། བདེ་བ་དང་སྡུག་བསྔལ་ཐམས་ཅད་བཅོས་པ་མེད་པར་རང་གནས་པ་དང་། བཟང་ངན་ཐམས་ཅད་མ་བཅོས་པར་རང་གནས་པ་དང་། མཐོ་དམན་ཆེ་ཆུང་ཐམས་ཅད་མ་བཅོས་པར་རང་གནས་པ་དང་། སྐྱེ་ཤི་དང་འཕོ་འགྱུར་ཐམས་ཅད་མི་འགྱུར་བར་རང་གནས་པ་དང་། བླང་དོར་ཆགས་སྡང་ཕྱོགས་རིས་མེད་པར་རང་གནས་པའོ། ཁུ་དང་འབྲས་བུ་བཙལ་བ་མེད་པར་ཡེ་ཤེས་སུ་གནས་པ་ནི། བརྒྱད་ཁྲི་བཞི་སྟོང་ཆོས་རྣམས་དང་། །རྒྱུ་འབྲས་ཆོས་རྣམས་ཐེག་པ་ཅིར་བསྟན་པ། །གསང་ཉིད་ངེས་པར་དབྱིངས་གཅིག་པས། །རིམ་པས་བཙལ་ཞིང་བསྒྲུབ་ཏུ་མེད། །དབྱར་དགུན་སྟོན་དཔྱིད་ལ་སོགས་པ། །རྒྱུ་འབྲས་རིམ་གྱིས་གསུང་བ་ཡང་། །དུས་གསུམ་འགྱུར་བ་མེད་པའི་ཕྱིར། །རྒྱུ་དང་འབྲས་བུར་བསྟན་པ་མེད། །རང་སེམས་སངས་རྒྱས་མ་ཡིན་ན། །མཆིང་བུ་ནོར་བུར་མི་འགྱུར་བཞིན། །ལས་དང་ལས་མིན་ཅིར་བཙལ་ཡང་། །སངས་རྒྱས་བྱང་ཆུབ་ཐོབ་པ་མེད། །རྒྱུ་ཉིད་འབྲས་བུ་ཡིན་ཤེས་ན། །ས་གསེར་བཞིན་དུ་ཡེ་དག་པས། །སངས་རྒྱས་ཡེ་ནས་ཡིན་པ་ལ། །བཙལ་བའི་བསམ་པས་དབྱིངས་མི་བསྐྱོད། །སངས་རྒྱས་མ་འཚོལ་སེམས་ལ་ཡོད། །བྱང་ཆུབ་སེམས་ནི་རིན་པོ་ཆེ། །ཉེས་པ་སྤྱད་ཀྱང་དཔལ་དུ་ཆེ། །བྱ་བཙལ་མེད་པར་ལྷུན་གྱིས་གྲུབ། །རྒྱུ་ཉིད་མ་བཙལ་འབྲས་བུར་གནས། །ཐམས་ཅད་དབྱེར་མེད་རང་བཞིན་དག །བསྒྲུབ་ཅིང་གྲུབ་པའི་འབྲས་བུ་ནི། །བཙལ་མེད་རང་ལ་རྫོགས་པར་གནས། ཁུ།་དང་འབྲས་བུ་བཙལ་བ་མེད། །ཀུན་ཏུ་བཟང་པོ་ཆེ་བ་ལ་རག་གནས་པའི་རྒྱུད་ལས བཙལ་བ་མེད་པར་ལྷུན་གྱིས་གྲུབ་པ་ཡེ་ཤེས་སུ་རང་གནས་པའི་ལེའུ་སྟེ་ཉི་ཤུ་གསུམ་པའོ།། །།དེ་ནས་འཁོར་བ་དང་མྱ་ངན་ལས་འདས་པ་བཙལ་བ་མེད་པར་རང་གནས་པ་གསུངས་པ། འཁོར་བའི་ཆོས་དང་མྱ་ངན་འདས། །གཉིས་སུ་བསྟན་པ་ཚིག་ལ་ནོར། །མ་སྐྱེས་རང་བཞིན་རྣམ་པར་དག །ཀུན་ཏུ་བཟང་པོ་ཉིད་ཀྱིས་གསུངས། །ཐར་པ་ཐོབ་ཅེས་བཏགས་པ་ཡི། །སྐུ་དང་ཡེ་ཤེས་ཆེ་བ་ཡང་། །ངན་སོང་འཁོར་བའི་སྡུག་བསྔལ་ཡིན། །མ་སྐྱེས་དབྱིངས་སུ་ཡོན་ཏན་གསལ། ཁམས་གསུམ་འཁོར་བའི་ཆོས་འདི་ལ། །ཕྱིན་ཅི་ལོག་ཏུ་རྣམ་བརྟགས་ཀྱང་། །རངབཞིན་ཡེ་ནས་གཉིས་མེད་པས། །སྒྱུ་མ་འདྲ་སྟེ་གྲུབ་པ་མེད། །དེ་བཞིན་ཆོས་རྣམས་ཐམས་ཅད་ཀྱང་། །དབྱེར་མེད་ངོ་བོ་ཚུལ་གཅིག་པས། །རང་བཞིན་གདོད་ནས་མ་སྐྱེས་ཕྱིར། །བཅོས་པ་མེད་པར་རང་བཞིན་གནས། །སྐྱེ་དང་མི་སྐྱེ་ལ་སོགས་པ། །སྨིག་སྒྱུ་འདྲ་སྟེ་རང་བཞིན་མེད། །དེ་བཞིན་ཆོས་རྣམས་ཐམས་ཅད་ཀྱང་། །དབྱེར་མེད་ངོ་བོ་ཚུལ་གཅིག་པས། །རང་བཞིན་གདོད་ནས་མ་སྐྱེས་ཕྱིར། །བཅོས་པ་མེད་པར་རང་བཞིན་གནས། །སྐྱེ་དང་མི་སྐྱེ་ལ་སོགས་པ། །སྒྱུ་མ་འདྲ་སྟེ་རང་བཞིན་མེད། །དེ་བཞི་བརྟན་གཡོ་ལ་སོགས་ཀུན། །དོན་གཅིག་གཉིས་མེད་ཐ་མི་དད། །ཐམས་ཅད་དེ་ཡང་བྱང་ཆུབ་སེམས། །སངས་རྒྱས་ཉིད་ལས་རིམ་གཉིས་མེད། །མ་སྐྱེས་པ་ཡི་རང་བཞིན་ལ། །མ་བཅོས་པ་ཉིད་བླ་མ་ཡིན། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། འཁོར་བ་དང་མྱ་ངན་ལས་འདས་པ་མ་བཙལ་བ་རང་གནས་པའི་ལེའུ་སྟེ་ཉི་ཤུ་བཞི་པའོ།། །།དེ་ནས་ཕྱི་ནང་སྣོད་བཅུད་ཆོས་ཀྱི་སྐུར་མ་བཙལ་བ་རང་གནས་པའི་དོན་འདི་གསུངས་སོ། །ཕྱི་ཡི་འབྱུང་བ་ལ་སོགས་པ། །ཡུལ་གྱི་སྣང་བ་ཐམས་ཅད་ནི། །མ་བྱུང་མ་སྐྱེས་ཆོས་ཀྱི་དབྱིངས། །མི་སྐྱེ་མི་འགག་སྤྲོས་དང་བྲལ། །རང་བཞིན་ཡོངས་ཀྱིས་ཞི་བ་ལ། །རྒྱུ་དང་རྐྱེན་ལ་མ་ལྟོས་ཏེ། །དུས་གསུམ་འདུས་མ་བྱས་པའི་ངང་། །མཐའ་དབུས་ཕྱོགས་རིས་མེད་པའི་ངང་། །ཆོས་ཉིད་མ་སྐྱེས་ཀློང་དུ་བརྡལ། །དེ་བཞིན་ཉིད་ཀྱི་གར་ཁྱབ་པ། །རང་རིག་ཡེ་ཤེས་ཆེན་པོར་རོལ། །དངོས་མེད་དངོས་བྲལ་བྱང་ཆུབ་སེམས། །ཆོས་ཉིད་དེ་བཞིན་ཉིད་དེ་ལ། །རིག་པའི་དེ་བཞིན་ཉིད་གནས་པ། །དབྱེར་མེད་གཉིས་སུ་མེད་པ་ནི། །ཆོས་ཀྱི་སྐུ་ཞེས་དེ་ལ་བྱ། །དུས་གསུམ་འཕོ་འགྱུར་མེད་པ་ལ། །སྐྱེ་ཤི་མེད་པའི་གཡུང་དྲུང་དུ། །ཡེ་ནས་ཆོས་སྐུར་གནས་པ་ལ། །སངས་རྒྱས་གཞན་ནས་བཙལ་མི་དགོས། །ཆོས་སྐུ་སེམས་སུ་བྱིན་བརླབས་པས། །སྐུ་ཡི་ཁྱད་པར་ཅི་སྣང་ཡང་། །བྱང་ཆུབ་སེམས་ལས་གཞན་མེད་པས། །བཙལ་མི་དགོས་པ་རང་བཞིན་གནས། །དེ་བཞིན་ཐམས་ཅད་སངས་རྒྱས་པས། །ཆོས་སྐུ་བྱང་ཆུབ་སེམས་གནས་པ། །མ་བཙལ་མ་བསྒྲུབས་ཡེ་ནས་དག །དེ་ལ་བཅོས་མེད་ཡེ་གནས་པའོ། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། ཕྱི་ནང་སྣོད་བཅུད་ཐམས་ཅད་ཆོས་ཀྱི་སྐུར་མ་བཙལ་བར་རང་གནས་པའི་ལེའུ་སྟེ་ཉི་ཤུ་ལྔ་པའོ།། །།དེ་ནས་སངས་རྒྱས་དང་སེམས་ཅན་གཉིས་སུ་མེད་པར་མ་བཙལ་བར་རང་གནས་པའི་དོན་འདི་གསུངས་པ། ཐམས་ཅད་མཁྱེན་པའི་སངས་རྒྱས་དང་། །མ་རིག་འཁྲུལ་པའི་སེམས་ཅན་གཉིས། །ཆེ་ཆུང་ཁྱད་པར་བྱུང་བ་ཡང་། །གསེར་མགར་འདྲ་སྟེ་གཞི་སྣང་གཅིག །རྩི་འཁྲུངས་ནགས་ཚལ་ཐམས་ཅད་ཀྱང་། །སྦྱོར་ཤེས་ན་ནི་སྨན་ཡིན་ལ། །སྦྱོར་མ་ཤེས་པས་དུག་འགྱུརབཞིན། །སངསརྒྱས་སེམས་ཅན དེབཞིནནོ། །མབཅོསསེམས་ཀྱི་ཆོས་ཉིད་ལ། །བྱང་ཆུབ་སེམས་ལ་འགྱུར་མེད་ན། །རིན་ཆེན་གླིང་དུ་ཕྱིན་པ་ལྟར། །སངས་རྒྱས་སེམས་ཅན་བཙལ་དུ་མེད། །ཆོས་དང་སེམས་དང་ནམ་མཁའ་ལ། །རྣམ་པའི་མཚན་མ་ཅིར་བརྟགས་ཀྱང་། །ཅིས་ཀྱང་མི་འགྱུར་འགྲུབ་མེད་པས། །མ་བཅོས་གཉིས་མེད་ཡེ་སངས་རྒྱས། །འབྲས་བུ་སྨིན་པའི་སྙེ་མ་ལ། །ས་བོན་ཉིད་ལས་གཞན་མ་ཡིན། །བླ་ན་མེད་པའི་སངས་རྒྱས་ཀྱང་། །སེམས་ཅན་སེམས་ལས་གཞན་མ་ཡིན། །དེ་བཞིན་རྒྱུ་འབྲས་རྣམ་པ་ཡང་། །ཡེ་ནས་གཉིས་མེད་བྱང་ཆུབ་སེམས། །བདེ་བ་ཆེན་པོར་ཡེ་གདལ་བས། །ཡེ་ནས་གཉིས་མེད་ཀུན་ཏུ་བཟང་། །གསེར་བཞིན་མ་བཅོས་རང་བཞིན་གནས། །རང་བཞིན་གདོད་ནས་དག་པ་ལ། །ཚིག་དང་ཡི་གེས་བཅོས་སུ་མེད། །གང་ལྟར་སྤྱད་ཀྱང་ཐོག་མ་མེད། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། སངས་རྒྱས་སེམས་ཅན་གཉིས་སུ་མེད་པར་མ་བཙལ་བར་རང་གནས་པའི་ལེའུ་སྟེ་ཉི་ཤུ་དྲུག་པའོ།། །།དེ་ནས་བདེ་བ་དང་སྡུག་བསྔལ་མ་བཅོས་པར་རང་གནས་པའི་དོན་གསུངས་པ། །བདེ་དང་སྡུག་བསྔལ་གཉིས་མེད་པ། །རང་འདོད་བཅོས་པའི་སྨོན་པ་ཡིན། །ཡེ་ནས་དེ་ལྟར་གནས་པ་ནི། །ཀུན་གཞི་ཀུན་ཏུ་བཟང་པོར་གསུངས། །ནམ་མཁའབཞིནདུཡེགསལབ། །རྟོག་དང་མི་རྟོག་གཉིས་མེད་པས། །མཐོ་རིས་ངན་སོང་བཙལ་དུ་མེད། །དེ་རྟོག་བྱིས་པའི་སྤྱོད་ཡུལ་ཡིན། །རང་བཞིན་མེད་པའི་ཆོས་ཉིད་སེམས། །ཡེ་ནས་ཀུན་ཏུ་བཟང་པོ་ལ། །གཙང་དང་སྨེ་བ་གཉིས་མེད་ལྟར། །བདེ་སྡུག་རྟོག་པ་ཉིད་དུ་གསལ། །རང་སེམས་འགྱུར་བའི་ཆོས་ཅན་ངན། །བདེ་དང་སྡུག་བསྔལ་རིམ་པར་ངེས། །སེམས་ཀྱི་ཆོས་ཉིད་འགྱུར་མེད་པས། །བདེ་སྡུག་བཙལ་ཡང་རྙེད་མི་འགྱུར། །ཐམས་ཅད་རང་གི་སེམས་ཡིན་ན། །སྡུག་བསྔལ་ཉིད་ཀྱང་བདེ་བའི་ཀློང་། །རང་བྱུང་ཡེ་ཤེས་ཡིན་པས་ན། །ངན་སོང་ཉིད་ཀྱང་སངས་རྒྱས་ཞིང་། །མཉམ་པ་ཉིད་དུ་ལྷུན་གྲུབ་པས། །ཕྱོགས་དང་རིས་སུ་བཙལ་དུ་མེད། །མ་བཅོས་ཡེ་ནས་ཀུན་ཏུ་བཟང་། །བདེ་དང་སྡུག་བསྔལ་གཉིས་སུ་མེད། །བྱང་ཆུབ་སེམས་ཉིད་བདེ་ཆེན་པོ། །རྒྱུ་ཉིད་དག་པས་འབྲས་བུ་ཆེ། །ཚིག་དང་ཡེ་ཤེས་ལས་འདས་པས། །བཙལ་མེད་ལྷུན་གྲུབ་རང་གནས་པའོ། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། བདེ་བ་དང་སྡུག་བསྔལ་མ་བཙལ་བར་རང་གནས་པའི་ལེའུ་སྟེ་ཉི་ཤུ་བདུན་པའོ།། །།དེ་ནས་ཡང་བཟང་ངན་དང་གཙད་སྨེ་མེད་པར་རང་གནས་པའི་དོན་གསུངས་སོ། །མ་རག་མུན་པའི་གཡུང་དྲུང་ལ། །ཡེ་ཤེས་ཉི་མ་ཤར་བ་ལྟར། །རྟོག་དང་མི་རྟོག་རང་བཞིན་ལ། །བྱང་ཆུབ་སེམས་གསལ་བཟང་ངན་མེད། །བདུད་རྩི་ཆེན་པོའིརངབཞིནལ། །དུགདང་བདུད་རྩི་གཉིས་མེད་ལྟར། །བྱང་ཆུབ་སེམས་ཀྱིརངབཞིནལ། །སྐྱོནདངཡོན་ཏན་མིང་ཡང་གཅིག་ཏུ་མ་ངེས་ན། །སྐུ་གསུང་ཐུགས་ཀྱང་སོ་སོར་སྣང་། ཁྲེས་པ་གཅིག་ཏུ་མ་གྱུར་ན། །བྱང་ཆུབ་སེམས་ཀྱང་སོ་སོར་གོ །དེ་བཞིན་ཉིད་ལས་གཞན་མེད་ན། །མི་མཐུན་རྣམ་པ་ཅིར་བསྟན་ཡང་། །ཡེ་ཤེས་ཉིད་ལ་མཉམ་པ་མེད། །ཚིག་དང་ཡི་གེ་བརྗོད་ལས་འདས། །སྟོང་གི་འཇིག་རྟེན་ནམ་མཁའི་ཁམས། །ཇི་སྙེད་ཐུག་པ་མེད་པ་དང་། །ཏིལ་འབྲུ་རྟ་རྔ་བཅུར་གཤགས་རྣམས། །མ་སྐྱེས་ཀློང་དུ་ཆེ་ཆུང་མེད། །ཀུན་གཞི་མ་བྱུང་མ་སྐྱེས་པ། །ཡེ་ནས་རྣམ་པར་དག་པ་ལ། །སངས་རྒྱས་ཆེ་བ་མ་བཅོས་ལ སེམས་ཅན་ཆུང་བས་བཅོས་སུ་མེད། །ཆོས་རྣམས་སེམས་སུ་སངས་རྒྱས་པས། །ཇི་ལྟར་འདོད་པ་གསིལ་བར་འགྱུར། །མྱ་ངན་འདས་དང་འཁོར་བའི་ཆོས། །ཆེ་ཆུང་མེད་པར་རང་གནས་པའོ། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། མཐོ་དམན་དང་ཆེ་ཆུང་མེད་པར་རང་གནས་པའི་ལེའུ་སྟེ་ཉི་ཤུ་དགུ་པའོ།། །།དེ་ནས་སྐྱེ་ཤི་དང་འཕོ་འགྱུར་མེད་པར་མ་བཙལ་བར་ཡེ་ཤེས་སུ་རང་གནས་པ་འདི་བརྗོད་དོ། །སེམས་དང་ཆོས་དང་ནམ་མཁའ་ལ། །དང་པོར་བསྐྱེད་པའི་རྒྱུ་མེད་པས། །ཐ་མར་འཆི་ཞིང་འཕོ་མི་འགྱུར། །དེ་བཞིན་ཐོག་མ་ཐ་མ་མེད། །འདས་དང་མ་འོངས་ད་ལྟར་དུས། །ཐ་ཚིག་རྟག་པར་གང་ལ་འགྱུར། །དུས་གསུམ་དུས་ནི་མེད་པའི་ཕྱིར། །སྔོན་དང་ཕྱིས་མེད་གདོད་ནས་དག །སྐད་ཅིག་ཡུད་ལ་བསྐལ་པའི་གྲངས། །རིང་ཐུང་བྱེ་བྲག་གྲངས་བསྟན་པ། །རྣམ་རྟོག་རྨོངས་པར་འགྱུར་སྣང་ཡང་། །ཆོས་ཉིད་དུས་ལས་འགྱུར་སྣང་མེད། །དེ་བཞིན་ཚེ་ཚད་ལ་སོགས་པ། །ལུས་མེད་གྲངས་ཀྱིས་གྲངས་བསྟན་ཡང་། །རྨི་ལམ་ཕམ་རྒྱལ་བགྲུངས་པ་བཞིན། །གྲངས་དང་རིང་ཐུང་བརྟགས་པས་ནོར། །བདག་གི་བསྐལ་པ་བགྲངས་གྱུར་ཀྱང་། །ཐོག་མ་ཉིད་ལས་འགྱུར་བ་མེད། །མཐའ་དབུས་ཕྱོགས་རིས་ཅིར་བསྟན་ཡང་། །ཐིག་ལེའི་ངང་ལས་ཉམས་པ་མེད། །འཇིགས་པའི་བདུད་དང་དགྲར་སྣང་ཡང་། །སེམས་ལ་གཟུང་འཛིན་གསད་དུ་མེད། །སྣང་སྲིད་མེ་དང་ཆུར་གྱུར་ཀྱང་། །བྱང་ཆུབ་སེམས་ལ་འགྱུར་བ་མེད། །མེད་པ་མ་ཡིན་ཅིར་ཡང་གསལ། །གསལ་ཙམ་ཉིད་ན་ཕྱོགས་རིས་མེད། །ཡོད་མེད་བརྗོད་པའི་ཚིག་འདས་པས། །མི་འགྱུར་གཡུང་དྲུང་ཉིད་གནས་པའོ། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། སྐྱེ་ཤི་དང་འཕོ་འགྱུར་མེད་པར་ཡེ་ཤེས་རང་གནས་པའི་ལེའུ་སྟེ་སུམ་ཅུ་པའོ།། །།དེ་ནས་ཡང་བླང་དོར་དང་ཕྱོགས་རིས་མེད་པར་རང་གནས་པ་འདི་ཆེད་དུ་བརྗོད་དོ། །སྐྱོན་རྣམས་བྱང་ཆུབ་སེམས་ཡིན་པས། །སྐྱོན་པས་སེམས་ཀྱང་ཡོད་མིན་ཏེ། །ཇི་ལྟར་ལེགས་པར་སྤྱད་པ་ཆེ། །ཀུན་བཟང་དོན་གྱི་སྤྱོད་ཡུལ་ཡིན། །ཡོན་ཏན་ཉིད་ཀྱང་གཞན་མེད་དེ། །ཇི་ལྟར་སྣང་བ་ཐམས་ཅད་ཀུན། །ཡེ་ནས་བརྩལ་མེད་དེ་བཞིན་ཉིད། །གཞན་ནས་རྒྱལ་བས་བཙལ་དུ་མེད། །ཚད་མེད་བླང་དོར་སྤྱོད་པའི་ཆོས། །ནམ་མཁའ་འདྲ་སྟེ་གྲུབ་པ་མེད། །མཁས་པ་ཡེ་ནས་ཡོང་མི་འཛིན། །དེ་ལ་ཅིར་ཡང་འགྱུར་བ་མེད། །མ་བཙལ་རང་སེམས་སངས་རྒྱས་པས། །བདེ་ཆེན་གཞན་དུ་འཚོལ་བ་ནི། །བརྟགས་ཤིང་བཙལ་ཀྱང་མི་རྙེད་པས། །དེ་བས་མ་རྟོགས་སེམས་ཉིད་འཚོལ། །རྣམ་རྟོག་ཉིད་ཀྱང་ཡེ་ཤེས་པས། །ལོག་རྟོག་ཞེ་སྡང་གང་ན་ཡོད། །ཕྱོགས་རིས་མེད་པར་ཞེ་སྡང་ཀློང་། །ཕྱི་ནང་མེད་པར་ཡེ་ཤེས་ངང་། །བཟང་ངན་ཆེ་ཆུང་མཉམ་པ་ཉིད། །སྐྱེ་འཆི་འགྱུར་མེད་བྱང་ཆུབ་སེམས། །འཁོར་བའི་ལོག་རྟོག་མཚན་མའི་ཆོས། །མཁའ་ལ་འཇའ་ཚོན་སྣང་བ་བཞིན། །བརྟགས་ཤིང་བཙལ་བས་མི་རྙེད་པས། །དེ་བས་མ་རྟོགས་སེམས་ཉིད་ལ། །ཇི་ལྟར་བསྟན་པ་བདེ་བ་ཆེ། །གང་ལྟར་སྤྱད་པ་ཀུན་ཏུ་བཟང་། །ངེས་པའི་དོན་དུ་ཉིད་གནས་པས། །དོན་འདི་མ་རྟོགས་མེད་པའོ། །ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས། བླང་དོར་དང་ཕྱོགས་རིས་མེད་པས་མ་བཙལ་བས་ཡེ་ཤེས་སུ་རང་གནས་པའི་ལེའུ་སྟེ་སུམ་ཅུ་གཅིག་པའོ།། །།དེ་ནས་ཡང་སྟོན་པ་ཀུན་ཏུ་བཟང་པོས་སྐྱེ་ཤི་མེད་པའི་སེམས་ཀྱི་འཁོར་བ་ལ་སོགས་པ་རྣམས་མ་གསུངས་པར་ཚིག་འདི་ཆེད་དུ་བརྗོད་དོ། །ཀུན་ཏུ་བཟང་པོའི་མན་ངག་འདི། །མིང་ཙམ་འཛིན་པར་གང་བྱེད་པ། །ཆོས་ཉིད་རྟོགས་པ་ཤར་བས་ན། །སངས་རྒྱས་ཀུན་གྱི་རྗེ་བཙན་ཡིན། །འདི་ཐོས་སངས་རྒྱས་ལག་ཏུ་ལེན། །ཐམས་ཅད་ཀུན་གྱི་བདག་ཉིད་དུ། །རྒྱུད་འདི་འཛིན་པའི་ཤེས་རབ་གནས། །མན་ངག་འདི་ཉིད་ཡིན་ཤེས་ན། །ཀུན་ཏུ་བཟང་པོ་ངས་བཤད་དེ། །གང་ཞིག་གང་ལ་རྟོགས་འདོད་པས། །མན་ངག་འདི་ལ་བལྟ་བར་གྱིས། །དེ་སྐད་ཅེས་གསུངས་་་4་མེད་པའི་ཀུན་ཏུ་བཟང་པོས་བཀའ་སྩལ་པས། ཕྱོགས་རིས་མེད་པའི་སྣང་སྲིད་ཐམས་ཅད་གཉན་པོས་མ་བཅོས་པའི་ཐབས་ཀྱིས་རྟོགས་པ་གཅིག་ཏུ་མེད། ཐོབ་པ་མེད་པའི་སྐུ་ཐོབ་པ། གྲུབ་པ་མེད་པའི་འབྲས་བུ་ཐོབ་པས། རང་བཞིན་བཙལ་བ་མེད་པར་སངས་རྒྱས་པའི་དོན་དུ་སུས་ཀྱང་མ་བསླབས་པར་ཤེས་སོ། །མན་ངག་གིས་ཀྱང་མ་བསྟན་པར་རིག་གོ །ལྟ་བ་ཐམས་ཅད་ཀྱི་རྒྱལཔོ་ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ཆེན་པོ་རྫོགས་སོ།། །།བར་འདིར་དམ་ཚིག་རྒྱལ་པོ་དམ་ཚིག་བཀོད་པའི་རྒྱུད་དཔེ་མ་དག་པས་བཞག་ཡོད། རྒྱ་གར་སྐད་དུ། ཀྭ་ར་ཤཱ་རི་ར༷་ཛ་ལ་ཙི་ཏི་ཀསྡི་ཀ་ཏནྟྲ་ནཱ་མ། བོད་སྐད་དུ། སྐུ་གདུང་འབར་བ་ཚ་ཚ་དང་མཆོད་རྟེན་གྱི་རྒྱུད་ཅེས་