Ngb-pt-0141-vol-02-text

Body

བྱང་ཆུབ་ཀྱི་སེམས་རིན་ཆེན་འཁོར་ལོ་ཞེས་བྱ་བའི་རྒྱུད་བཞུགས་སོ། །་ངཙ་ངསེངཆེན་་ཞེངངསེ་ཤེ་ང་་རྒྱ་གར་སྐད་དུ། བ་དྷ་སཏྭ་རཏྣ་ ཀྲ་ཏནྟྲ་ནཱ་མ། བད་སྐད་དུ། བྱང་ཆུབ་ཀྱ་ མས་རན་ ་འཁར་ལ་ ས་བྱ་བའ་རྒྱུད། བྱང་ཆུབ་ཀྱ་ མས་ཡ་ ས་རྫགས་པའ་འཁར་ལ་ལ་ཕྱག་འཚལ་ལོ། །འདི་སྐད་བདག་གིས་བཤད་པའི་དུས་གཅིག་ན། འོག་མིན་གྱི་གནས། སེམས་ཉིད་གདལ་བ་ཆེན་པོའི་ཞིང་ཁམས་ན། རང་བྱུང་རྫོགས་པའི་བཅོམ་ལྡན་འདས་་བི་་དེའཚེངཆེན་འི་ངསྟེངངངཞིནང་དགངས་པ་རང་བྱུང་ ་དན་ལ་བཞུགས་ས། །ཡང་ འ་ ་སྨན་པ་ ་པ ་འཁར་འད་ལྟ་ ། རང་བཞན་གྱས་གནས་པ་དང་། རང་བཞན་ལ་བལྟ་བ་དང་། རང་བ ་གྱས་རྟགས་པ་ཆེན་པོ། རང་བཞིན་རྫོགས་པ་ཆེན་པོའི་དོན་ལ་མངོན་པར་དགའ་བ་འབའ་ཞིག་དག་འདུས་སོ། །དེ་ནས་རིག་པའི་རྒྱལ་པོས་སྣ་ཚོགས་བསམ་བྲལ་གྱི་ཏིང་འཛིན་ལ་སྙོམས་པར་་་ངཚེངཚོང་་་་འང་ངཅེ་ཞུགས་ས། །དའ་ ་འདུས་པའ་ གས་ཀྱས་ཐམས་ཅད་རང་བྱུང་དུ་མཐང་བར་གྱུར་ཏ། །ད་ནས་བཅམ་ལྡན་འདས་རག་པའ་རྒྱལ་པས་འད་སྐད་ ས་གསུངས་ས། །རང་་་་ངཚོངངངསྨིང་ཚོསེངཚོང་ཞེསབྱུང་དག་པས་ཡ་སངས་རྒྱས། །ཆས་དང་ཆས་ཉད་སྣ་ གས་པ། །རག་པ་ཉད་ཡན་རྣམ་པར་དག ། ན་པའ་འཁར་ གས་རང་ མས་ཀྱས། །སྣ་ གས་རང་བྱུང་ཉད་དུ་ལྟས། ། ་གསུངས་སོ། །དེ་ནས་སྨིན་པ་ཆེན་པོའི་ནང་ནས། སེམས་དཔའ་རྡོ་རྗེ་བྱུང་སྟེ། འདི་སྐད་ཅེས་གསོལ་ཏོ། །རིག་པ་རྣམ་དག་བཅོམ་ལྡན་འདས། །སྐུ་གསུང་རྫོགས་པའི་ཡེ་ཤེསཆེ། །མཛད་པ་ཕྱོགས་བཅུ་མུ་མཐའ་ཡས། །ཐུགས་རྗེ་རང་སྣང་ཕྱོགས་རིས་མེད། །བཏངསྙོམསཆེནཔོཀུནཏུབཟང་། །རིག་པ་མཆོག་གི་དཀྱིལ་འཁོར་ནས། །རྫོགས་པའི་ཡེ་ཤེས་ཐབས་ཆེན་གྱིས། །གསལ་བའི་ཡེ་ཤེས་སྒོ་ཕྱེ་ནས། །དཔལ་གྱི་མགུར་ནས་གསུང་བསྒྲགས་པས། །འདུས་པའི་འཁོར་ལ་གསལ་བར་གསུངས། །ཞེས་གསོལ་ཏོ། །དེ་ནས་རིག་པའི་རྒྱལ་པོས། སེམས་དཔའ་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ཡེ་ཤེས་རྫོགས་པ་བདེ་བ་ཆེ། །མཐའ་ཡས་འགྲོ་བ་ཀུན་ལ་ལྡན། །རིག་པ་དབྱེར་མེད་ཀུན་ཏུ་བཟང་། །གང་ཡང་མ་ཡིན་རིག་པར་གསལ། །རྩོལ་བའི་སེམས་བྲལ་མངོན་སངས་རྒྱས། ཁུ་འབྲས་གཉིས་མེད་འགྱུར་བ་བྲལ། །རྣམ་སྣང་ཤེས་པ་རང་གནས་པ། །བྱེད་པ་གཉིས་ཀྱིས་མཐོང་བར་གྱིས། ཁྲེས་པའི་རྣམ་གྲངས་གང་སྐྱེས་ཀྱང་། །རྣམ་བྱང་ཉིད་ལས་གཞན་མ་ཡིན། །བསམ་གྱིས་མི་ཁྱབ་དུས་ན་ཤེས། །འཁོར་བའི་ཤེས་པ་གློ་བུར་བ། །རང་བཞིན་མ་ཡིན་རྐྱེན་གྱིས་སྣང་། །བརྗོད་པའི་སྙན་པ་ཉིད་དང་མཚུངས། །རྣམ་པར་བརྟགས་པའི་སེམས་ཉིད་ནི། །གང་ལྟར་བཏགས་པ་དེ་བཞིན་མཐོང་། །དུ་མའི་རིགས་ཀྱི་རྟོག་པ་དག །སྒོ་རྣམས་ཀུན་ཏུ་རྒྱུ་བ་སྟེ། །མི་གཅིག་སྐར་ཁུང་དུ་མ་བཞིན། །དོན་གྱི་རྣམ་བྱང་དུ་མ་ཡིན། །རིག་པ་དབྱེར་མེད་དཀྱིལ་འཁོར་འདིར། །མཐའ་བྲལ་ལྟ་བའི་དོན་ལྡན་གྱིས། །རང་བཞག་དགོངས་པས་གནས་པར་བྱ། །རང་བྱུང་ཐུགས་རྗེ་གཡོ་མེད་ཀྱིས། །འགྲོ་དོན་མ་ལུས་རྫོགས་པར་མཛད། །སྐུ་གསུམ་ལྷུན་གྲུབ་འབྲས་བུ་ནི། །གཞན་མ་ཡིན་ཏེ་དེ་ཉིད་རྫོགས། །རིགས་དྲུག་དབང་པོ་ཆིག་ཆོད་དམ། །སྦྱངས་པའི་འཕྲོ་ཅན་གང་ཡང་རུང་། །སེམས་ཀྱི་རྣམ་གྲངས་གང་སྒོ་ནས། །སྤྱི་བླུགས་དབང་ལ་གནས་བྱས་ཏེ། །རྣ་བརྒྱུད་གདམས་ངག་ནོད་པར་བྱ། །བགྲོད་མེད་ལམ་ལ་གནས་བྱས་ལ། །སྦྱང་མེད་པ་ཡི་ཡོན་ཏན་སྤེལ། །རིམ་མེད་ཅིག་ཅར་འཇུག་པ་ཡི། །རང་བྱུང་ཡེ་ཤེས་བླ་མ་ཡིས། །རབ་ཏུ་ཆེ་མཆོག་ཆོས་ཀྱི་སྐུ། །བཙལ་མེད་རྟག་པ་མངོན་སངས་རྒྱས། །འགྲོ་བ་རིག་པ་གང་དག་འོང་། །བསམ་བྲལ་ཉིད་དུ་འདུག་པར་བྱ། ་ས་པ་རང་ལུགས་ཐལ་བྱུང་བ། །དུས་གསུམ་མི་གཡོ་གནས་གྱུར་ན། །རྒྱལ་བའི་ཡེ་ཤེས་གསལ་མཐར་ཕྱིན། །ཞེས་གསུངས་སོ། །བྱང་ཆུབ་ཀྱི་སེམས་རིན་ཆེན་འཁོར་ལོ་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་རིག་པའི་རྒྱལ་པོས་སེམས་དཔའ་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །སྣ་ཚོགས་འཁོར་བའི་རྟོག་པ་དང་། །རྫོགས་པའི་ཡེ་ཤེས་རང་བཞིན་གཅིག །རྫོགས་པའི་ཡེ་ཤེས་རྟོགས་པ་ཉིད། །རྟོགས་པ་གང་ཡིན་ཡེ་ཤེས་ཉིད། །ཐ་དད་ཡོད་པ་མ་ཡིན་ཏེ། །ཡེ་ཤེས་རྫོགས་པའི་རང་བཞིན་ནི། །ཀུན་སྤངས་ཀུན་གྱི་དངོས་གཞི་ཅན། །འཛིན་པ་དུ་མའི་རྟོག་པ་འདི། །བྱང་ཆུབ་སེམས་སུ་བརྗོད་པ་ཡིན། །བརྗོད་མེད་སེམས་ཀྱི་རང་བཞིན་ལ། །མ་བརྗོད་གོ་བར་མི་འགྱུར་བས། །བརྗོད་མེད་དོནགྱིསམཚོནཔརབྱ། །ཀུན་བཟང་སེམས་ཀྱི་རྣམ་དགལ། །མཚོནབྱམཚོནབྱེད་གང་ཡང་མེད། །བཙལ་མེད་རང་བཞིན་ཉིད་ཀྱིས་མཚོན། །ཐ་མལ་སྣང་བའི་ཤེས་པ་དག །བཀའ་ཡི་ཤེས་པས་དྲན་བྱས་ཏེ། །གཏོང་འཛིན་མེད་པའི་ངང་ལ་བཞག །ཡིད་ལ་མི་བྱེད་བྱ་བ་བཏང་། །བློ་ཡིས་མ་དཔྱད་རང་བཞིན་གསལ། །འཛིན་པའི་རྒྱུ་འབྲས་གང་ཡང་མིན། །འབྲས་བུ་ཉིད་ཀྱིས་འབྲས་བུ་གྲུབ། །རེ་འདོད་རྩོལ་བས་མཐའ་རུ་འགྱུར། །འཛིན་མེད་རང་བཞིན་སྨན་ཆེན་གྱིས། །འཁོར་བའི་གཅོང་རྙིང་ཀུན་དང་བྲལ། །རྣམ་རྟོག་ཡེ་ཤེས་འོད་གསལ་ཉིད། །རང་གནས་ཡེ་ཤེས་ཡེ་ནས་དག །རིན་ཆེན་དག་པའི་གླིང་བཞིན་དུ། །སེམས་ཀྱི་ཡེ་ཤེས་ཡེ་ནས་དག །རིམ་མེད་སེམས་ཀྱི་རང་བཞིན་ལ། །བགྲོད་པའི་ལམ་གྱིས་ཐོབ་པ་མེད། །རྣམ་གྲོལ་འབྲས་བུ་རང་བྱུང་ཉིད། །བགྲོད་མེད་རྣམ་གྲོལ་རྫོགས་པའི་ལམ། །འདོད་དང་རྩོལ་མེད་ལྷུན་གྱིས་གྲུབ། །ཡེ་ཤེས་ཉི་མའི་སྙིང་པོར་ཤར། །མ་ལུས་གཟུང་འཛིན་མི་གཡོ་བ། ཁུ་དང་འབྲས་བུར་རྟོག་འཛིན་ཅིང་། །ཡེ་ཤེས་སྒྱུ་མའི་འཛིན་པས་བཅིངས། །སེམས་ཉིད་མཁའ་འདྲ་ལྟ་བའི་ཀློང་། །ཡེ་ཤེས་ཡངས་པ་བརྡལ་བ་ཆེ། །བླང་དོར་གཉིས་མེད་རྩོལ་དང་བྲལ། །བྱང་ཆུབ་སེམས་ཀྱི་ལྟ་ཐག་བཅད། །ཏིང་འཛིན་ཞི་བས་ཉམས་སུ་བླངས། །བྱང་ཆུབ་སེམས་ཀྱི་ལྟ་བ་ནི། །གང་ལྟར་ཅི་ཡང་མ་ཡིན་པས། །རང་བྱུང་ཡེཤེསམཚནཉིདགསལ། །མི་བསམ་གྱི་ནར་བཞག་པའོ། །བསམ་གྱིས་མི་ཁྱབ་ཡེ་ཤེས་༄༅ མཐོང་། །རང་བྱུང་རྫོགས་པའི་ལྟ་བ་ནི། །མཐའ་གསུམ་བྲལ་ལ་ཡེ་སངས་རྒྱས། །རྩོལ་བྲལ་དབུ་མ་དྲང་པོའི་ལམ། །འཆིང་བྲལ་ལྟ་བ་གཟའ་གཏད་མེད། །རིན་ཆེན་འཁོར་ལོ་ཀུན་བཟང་འདིས། །རང་སེམས་གཉིས་མེད་རྟོགས་པར་གྱིས། །བཏང་སྙོམས་ལྟ་བ་བླང་དོར་མེད། །ཁྱུང་ཆེན་མཁའ་ལ་ལྡིང་བ་བཞིན། །སྤྲོ་བསྡུ་གཉིས་མེད་བཏང་བཞག་བྲལ། །རང་བཞིན་གནས་པས་རེ་དོགས་བྲལ། །སྤྱོད་ཡུལ་མ་ལུས་སེམས་སུ་ཤེས། །སྣ་ཚོགས་འཁོར་བའི་རང་བཞིན་དང་། །ཡེ་ནས་རང་བཞིན་གཉིས་སུ་མེད། །གཉིས་ལས་གཞན་སེམས་གྲུབ་པ་མེད། །རིག་པ་ཅི་ཡང་མ་ཡིན་པས། །འདོད་པའི་སེམས་པ་ཀུན་དང་བྲལ། ཁྲེས་པ་མཐའ་བྲལ་སྟོང་པ་ཉིད། །ཡེ་ཤེས་འོད་གསལ་རང་གནས་པ། །ཡིད་ལ་འཛིན་མེད་ཡེ་ཤེས་གསལ། །རོལ་པ་སྣང་ཡང་གྲུབ་པ་མེད། །སྒྱུ་མའི་ཡེ་ཤེས་རྩལ་དུ་འཕྲོ། །མ་བཅོས་སྒྱུ་མ་ལྷུན་གྲུབ་ལ། །འཛིན་པའི་སེམས་དང་ངོས་གཟུང་མེད། །ཡེ་ཤེས་རྒྱལ་བ་རྣམ་པར་དག །འཛིན་པའི་སེམས་བྲལ་རིག་པ་གསལ། །སེམས་ཉིད་ནམ་མཁའི་ལྟ་བ་ལ། །ནམ་མཁའ་ལྟ་བུར་བསམ་དུ་མེད། །ནམ་མཁའ་བསམ་དུ་མེདཔབཞིན། །ཡེཤེསབསམ་དུ་མེད་པའང་ཡིན། །ཅིར་ཡང་མི་དགོངས་རང་བཞག་པ། །དུས་གསུམ་རྒྱལ་བའི་ལྟ་བ་ཡིན། །ལྟ་མེད་རང་གཞག་བལྷ་བ་ནི། །དུས་གསུམ་གང་ཡང་མ་ཡིན་ཏེ། །འགྱུར་མེད་དབྱིངས་ཀྱི་ལྟ་བ་ཡིན། །འདོད་པའི་བྱ་བ་གང་ཡང་མིན། །ངོ་བོ་ཉིད་ལ་ཡངས་དོག་མེད། །སེམས་ཉིད་དྲི་མ་ཀ་དག་ལ། །འགྱུར་མེད་རིན་ཆེན་གསེར་བཞིན་ནོ། །འཛིན་པའི་རླུང་གིས་གཡོས་གྱུར་ཀྱང་། །རིག་པའི་ངོ་བོ་འགྱུར་བ་མེད། །རྒྱ་མཚོ་ཆེན་པོའི་སྣང་བ་བཞིན། །ཕྱི་ནང་མི་མངའ་ཡེ་ཤེས་གསལ། །མཐའ་དབུས་མི་མངའ་ཕྱོགས་དང་བྲལ། །ཡེ་ཤེས་སེམས་ཉིད་ལྟ་བ་ལ། །རྒྱུ་དང་རྐྱེན་གྱིས་རྩོལ་བ་མེད། །རྡོ་རྗེ་ཉིད་འདྲ་འཇིག་པ་མེད། །ཉི་མ་རིན་ཆེན་འབར་བ་ལྟར། །རང་གསལ་རྣམ་པར་རྟོག་དང་བྲལ། །འཁོར་བ་ཉིད་ནས་ཡེ་སངས་རྒྱས། །རང་སེམས་རིག་པ་གང་ཡང་རུང་། །བསམ་པ་དང་བྲལ་ཡེ་ཤེས་ཉིད། །ཆོས་དང་ཆོས་ཉིད་གང་ཡང་མིན། །མཐའ་བྲལ་ཡེ་ཤེས་རྫོགས་པ་འདི། །རྟག་པ་མ་ཡིན་མི་རྟག་མིན། ་ས་པ་མི་དགག་འདོད་པ་མིན། །བྱ་བྱེད་མི་རྩོལ་རང་བཞིན་དག །དབུ་མ་ཆེན་པོ་དྲང་པོའི་སེམས། །ཕྱོགས་ཀྱི་ཡུལ་ལ་འཇུག་པ་མེད། །སེམས་ཉིད་ཡུལ་ལ་གང་འཇུག་ན། །འཛིན་པའི་ཕྱོགས་བཅས་འདོད་པ་ཉིད། །དབུ་མའི་སེམས་དང་མི་ལྡན་པར། །བག་ཆགས་འཛིན་པའི་སེམས་ཀྱིས་དཀྲུག །བསམ་མེད་རིག་པ་བརྗོད་མེད་འདི། །ཐ་སྙད་མིང་ལ་མི་གནས་ཏེ། །གདུལ་བྱ་དམན་པའི་སེམས་དག་ལ། །ཐ་སྙད་སྒྲ་ཡི་འཁོར་ལོས་བསྟན། །སྣང་སྲིད་སྣང་བ་སྣ་ཚོགས་པ། །སྐུ་གསུང་ཐུགས་ལས་མ་གཡོས་ཏེ། །དྲན་རྟོག་ཏིང་འཛིན་རིག་གནས་ལ། །རིམ་པར་མ་ཡིན་ཅིར་མི་དགོངས། །ཡེ་ཤེས་ཀུན་བཟང་ལམ་ཆེན་ལ། །བློ་ཡི་སྟོབས་ཀྱིས་གང་འཇུག་པ། །སྦྱོར་ལྡན་ཀུན་གྱི་ལམ་དང་བྲལ། །བཙལ་མེད་རང་བྱུང་བདེ་ཆེན་ནི། །འདོད་པའི་རྩོལ་བ་གང་འཕགས་པའི། །རིམ་འཇུག་རྒྱུ་འབྲས་མ་ལུས་སྟོང་། །ཀུན་བཟང་རང་རིག་འོད་གསལ་ལ། །འདོད་པའི་སྦྱོར་བ་གང་འཇུག་ན། །ཕྱོགས་བྲལ་རང་བྱུང་དོན་དང་བྲལ། །རྩ་བ་རྣམ་དག་མཁའ་ལྟར་ཁྱབ། །རྣམ་རྟོག་འཛིན་པའི་སྤྱོད་ཡུལ་མིན། །བགྲོད་མེད་སྟོང་པའི་ཐིག་ལེ་ནི། །རྣམ་པ་དང་མེད་གསང་བའི་སེམས། །བཏགས་པ་སྣ་ཚོགས་ངོ་བོ་ལ། །མི་གཡོ་རང་བཞིན་དཀྱིལ་འཁོར་ནས། །ཡེ་ཤེས་ཉི་མ་ཀུན་མཐོང་ཡང་། ཁེན་ཏུ་སྦྱོར་ལྡན་རྣལ་འབྱོར་ལ། །བཏགས་པའི་སྣང་བ་མཐོང་བ་མེད། །བསམ་གྱིས་མི་ཁྱབ་གང་དུས་ན། །འོད་གསལ་ཡེ་ཤེས་དོན་སྣང་ཡང་། །གང་མཐོང་སྣ་ཚོགས་སེམས་དང་བྲལ། །རང་བྱུང་དག་པའི་དཀྱིལ་འཁོར་ལ། །རང་གཞག་རིག་པ་ཀུན་རྟོགས་ཀྱང་། །སྦྱོར་འདོད་སྣ་ཚོགས་མཐོང་བ་མེད། །གསང་བའི་འཁོར་ལོ་རྫོགས་པ་འདི། །རྒྱུ་རྐྱེན་མཐར་འགྱུར་རང་གནས་པ། །དྲི་མེད་སྙིང་པོ་རང་གསལ་བས། ཁུ་རྐྱེན་འདོད་པའི་ངོ་བོས་སྟོང་། །གང་ཞིག་རྒྱུ་འབྲས་ངོ་བོ་ཉིད། །དཔེར་ན་རི་བོང་རྭ་བཞིན་ནོ། །རྒྱུ་མེད་རྒྱུས་བསྐྱེད་དེ་དང་འདྲ། །རང་གནས་ཡེ་ཤེས་གདོད་ནས་གྲུབ། །གང་དག་པ་ཡི་འཁོར་ལོ་ལ། །སྦྱོར་འདོད་རྒྱུས་རྩོལ་གང་ཞིག་ན། །མཐུན་པ་ཉིད་ན་མི་མཐུན་པ། །ཐུག་པ་མེད་དེ་གང་ལ་འཐད། །ཁྱད་མེད་པདྨའི་རང་བཞིན་དག །འདུ་བྱེད་ལས་ཀྱི་རྡོ་རྗེ་འཆང། །འདུལ་མཛད་ཏིང་འཛིན་འབུམ་ཕྲག་ལས། །བསམ་བྲལ་ཏིང་འཛིན་འོད་གསལ་སེམས། །ཐབས་འཇུག་སྒྲུབ་པ་མ་ལུས་ཡིན། །མི་གཡོ་ཐིག་ལེ་བྱང་ཆུབ་སེམས། །ཡོངས་སུ་སྟོན་པའི་ངོ་བོ་ཉིད། །རང་རིག་རིག་པ་མཆོག་གི་སྐུ། །བྱང་ཆུབ་སེམས་ལ་ངོ་བོ་གཅིག །རིག་པ་མཆོག་གི་བསྟན་པ་ནི། །བརྗོད་མེད་ཀུན་ལ་རང་བཞིན་སྟོན །རྣམ་དག་རིན་ཆེན་ལྟ་བུར་གསུངས། །མི་གཡོ་ཐིག་ལེ་ཉིད་དུ་གསལ། །ཡི་གེ་ཐ་དད་ཀུན་དང་བྲལ། །མ་འགགས་རང་སྣང་དོན་དུ་བཤད། །སྣ་ཚོགས་སྣང་བའི་རང་བཞིན་དག །རང་རིག་ངེས་དོན་ཉིད་དུ་བསྟན། །རྣམ་བཤད་རང་བྱུང་བསྟན་པའི་མཆོག །རང་རྩོལ་བྲལ་བའི་རང་བཞིན་གྱིས། །དེ་འཁོར་བསམ་པ་ཇི་བཞིན་བསྟན། །བསྟན་པའི་ཡན་ལག་འབུམ་ཕྲག་ཡས། །རང་བྱུང་དག་པའི་ཤུགས་ཀྱིས་འབྱུང་། །འདོད་རྩོལ་བློ་ལ་དྲང་བ་དང་། །ཐུགས་ཀྱི་དགོངས་པ་ངེས་པའི་དོན། །གདུལ་བྱ་རབ་འབྲིང་དོན་དུ་བཤད། །ངེས་པའི་སྙིང་པོ་གསང་བ་ཉིད། །དྲང་བའི་དོན་མིན་རང་བྱུང་བཤད། །ཆོས་སྐུ་རང་བྱུང་བསྟན་པའི་མཆོག །དེར་འདུས་འཁོར་དང་བསྟན་པ་དག །ཉིད་ལས་མི་གཞན་རང་བྱུང་ཉིད། །རིག་པ་མཆོག་གི་སྦྱོར་བ་ལ། །སོ་སོ་མ་ཡིན་བརྗོད་བྱ་གཅིག །ཐ་སྙད་དུ་མའིབརྗོད་བྱ་གང་། །ཀུན་བཟང་རིག་པའི་གསང་དོན་སྟོན། །བརྗོད་པ་དམན་པའི་སྐུ་ཡིས་བསྟན། །རང་བྱུང་རིག་པ་མཆོག་གི་སྐུ། །རང་བྱུང་མཆོག་གི་སྐུ་གསུམ་རྫོགས། །མ་བཅོས་རང་བཞིན་སྙིང་པོ་ལ། །འདོད་པ་རྣམ་པ་གང་ཡང་མེད། །བསྒྲུབ་བྱ་མ་ལུས་ཀུན་གྱི་བདག །ཡེ་ཤེས་ཉི་མ་སྒྲིབ་མེད་གསལ། །སྣང་བ་མ་ལུས་རང་བྱུང་སེམས། །རིག་མཆོག་ལྡན་པ་བདེ་གཤེགས་བཀའ། །རང་བྱུང་ཚད་མ་མངོན་སུམ་གསལ། །འཁོར་བའི་རྟོག་པ་གཅོང་རྙིང་དག །ཡེ་ཤེས་རང་རིག་ཉིད་དུ་འབར། །སྤྱི་བླུགས་ཚངས་པའི་ཐབས་ཀྱིས་གསལ། །གསང་བའི་དོན་མྱོང་འོད་གསལ་ལུང་། །གཟེར་ཆེན་མན་ངག་ཐེབ་པའི་སྒྲས། །རིག་པའི་བརྡ་འཇལ་ཚིག་དང་བྲལ། །མངོན་སུམ་ཡེ་ཤེས་གསལ་བ་ཡིས། །རྗེས་སུ་རང་གཞན་ཡེ་ནས་དཔགས། །ཞེས་གསུངས་སོ། །བྱང་ཆུབ་ཀྱི་སེམས་རིན་ཆེན་འཁོར་ལོ་ལསའཁོར་བ་ཡེ་ཤེས་སུ་བསྟན་པའི་ལེའུ་སྟེ་གཉིས་པའོ།། །།དེ་ནས་རིག་པའི་རྒྱལ་པོས་སེམས་དཔའ་རྡོ་རྗེ་ལ་བཀའ་སྩལ་པ། རང་བྱུང་རྫོགས་པ་ལྟ་བའི་ཀློང་། །མཉམ་ཉིད་ཡེ་ཤེས་རིག་པའི་སེམས། །སྣང་བ་ཡེ་ཤེས་རྫོགས་པ་ཉིད། །ནམ་མཁའ་རྡོ་རྗེ་ལྟ་བའི་མཆོག །བལྟ་མེད་རང་བྱུང་སེམས་ལ་བལྟ། །རྩོལ་མེད་རིག་པའི་རྣལ་འབྱོར་ཡིན། །འཇུག་པ་གཉིས་མེད་རིག་པའི་ཀློང་། །ཡེ་ཤེས་མཁའ་མཉམ་སྒྲ་དོན་་་། །མེད། །རང་གསལ་ཡུལ་ལ་མི་རྟོག་པས། །ཡེ་ཤེས་ཐིག་ལེ་ཉི་མ་ཤར། །སྣང་མེད་མ་འགགས་ཅིར་མི་དགོངས། །སྣང་བ་རིག་པའི་ཐིག་ལེར་བསྡུས། །སྡུག་བསྔལ་བདེ་བའི་ངང་དུ་གནས། །རེ་འདོད་ཀུན་བྲལ་ཐོབ་སྤང་མེད། །རང་བྱུང་བདེ་བའི་སེམས་ཉིད་ལ། །སྣང་བ་ཉིད་དུ་གྲུབ་པ་མེད། །བདེ་ཆེན་རིག་པ་མཚོ་ལྟར་ཟབ། །ཡེ་ཤེས་རིག་པ་མཁའ་ལྟར་མཉམ། །དངོས་གྲུབ་རིན་ཆེན་འོད་ལྟར་འབྱུང་། །ཞེས་གསུངས་སོ། །བྱང་ཆུབ་ཀྱི་སེམས་རིན་ཆེན་འཁོར་ལོ་ལས། ལྟ་བ་བསྟན་པའི་ལེའུ་སྟེ་གསུམ་པའོ།། །།དེ་ནས་རིག་པའི་རྒྱལ་པོས་རང་བཞིན་བསྟན་པའི་དོན་གསུངས་པ། །རིག་པའི་སེམས་ཉིད་སྣང་མེད་ལ། །ཏིང་འཛིན་མི་གཡོ་འཇུག་པ་མེད། །རྩོལ་མེད་རིག་པ་བསམ་དང་བྲལ། །ཡེ་ཤེས་རྫོགས་པའི་འཁོར་ལོ་ལ། །ཐིག་ལེ་བདེ་ཆེན་བསམ་མི་ཁྱབ། །རོལ་པ་བདེ་ཆེན་ཆུ་རླབས་ལྟར། །ཡེ་ཤེས་ཇི་བཞིན་མི་བསྐྱོད་པ། །ཡེ་ནས་ཡིན་ཕྱིར་བྱ་མི་དགོས། །ཡེ་ཤེས་གསལ་བའི་ཕྱག་རྒྱ་ཡིས། །མཚན་མ་ཡེ་ཤེས་འཁོར་ལོ་བསྐོར། །འཛིན་པའི་རང་བཞིན་ཀུན་དང་བྲལ། །རང་བྱུང་སྙིང་པོ་གཡོ་མེད་ན། །དབང་བསྒྱུར་རྒྱལ་བའི་ཐུགས་དང་མཉམ། །ཏིང་འཛིན་རང་བཞག་མཁའ་དང་མཉམ། །མི་འགྱུར་ཡེ་ཤེས་མཁའ་ལྟར་ཁྱབ། །རྩོལ་བྲལ་རིག་པའི་ཡེ་ཤེས་ལ། །ཡེངས་པ་མེད་པར་རང་བཞིན་བཞག །དབང་པོའི་ངོ་ལ་སྣང་བ་ལ། །མི་རྟོག་རང་བཞིན་རིག་པར་གསལ། །ཡེ་ཤེས་ཀུན་བཟང་འཕྲོ་འདུ་མེད། །གང་ལ་མི་འཛིན་རང་བྱུང་སེམས། །མཚན་མའི་སྤྱོད་པས་འགྱུར་བ་ནི། །བརྡ་སྒོ་འཇུག་པའི་གདམས་ངག་སྤྱིན། །ཏིང་འཛིན་འཁོར་ལོས་སྒྲོ་སྐུར་གཅོད། །ཡེ་ཤེས་འཁོར་ལོ་མཐའ་དབུས་མེད། །རང་རིག་འཁོར་ལོ་གཟུང་འཛིན་བྲལ། ཁོས་རིག་ཡེ་ཤེས་ཉིད་དུ་འཆར། །འཛིན་པའི་རིམ་འཇུག་ཐེག་ཁྱད་ཀྱིས། །ངོས་བཟུང་རྟོག་དང་དམིགས་འབྱེད་པ། །འདོད་འཛིན་མ་ལུས་དེ་དག་སྟོང་། །རང་རིག་སྟོང་ཉིད་རྣམ་མཉམ་པས། །བདེ་ཆེན་ལྷུན་གྲུབ་རང་རིག་གསལ། །ཡེ་ཤེས་རིག་པའི་འཁོར་ལོ་ལ། །གང་ཡང་ཡིན་ནོ་རྣམ་ཀུན་བཅས། །ཡེ་ཤེས་རང་གསལ་མ་བསྒྲིབས་གསལ། །རྣམ་དག་ཡེ་ཤེས་རང་སྣང་ལ། །ཞེན་པའི་རྟོག་པས་བཟློག་ཏུ་མེད། །ལྷུན་གྲུབ་འབྲས་བུ་བཙལ་མི་དགོས། །ཀུན་བཟང་འབར་བའི་ཡེ་ཤེས་ལ། །གཟུང་འཛིན་གཉེན་པོ་བསྟན་མི་དགོས། །ཐོགས་མེད་རང་བྱུང་ཕྱོགས་དང་བྲལ། །བྱང་ཆུབ་རང་སེམས་ཁོ་ན་བས། །ལམ་གྱིས་མ་བཅོས་ཡེ་སངས་རྒྱས། །གང་ཡང་རྣམ་པ་ཅིར་རྟོག་ཀྱང་། །རག་རིག་བདེ་ཆེན་མངོན་སུམ་གསལ། །འདོད་པའི་སྐབས་བྲལ་གང་མཐོང་ཚོར། །རང་བཞག་ཡེ་ཤེས་རྫོགས་པ་མཐོང་། །བཙལ་མེད་རང་བྱུང་རྡོ་རྗེའི་བདག །སྐྱེ་མེད་རྡོ་རྗེ་མི་འགྱུར་འཆང་། །ལྷུན་གྲུབ་རིན་ཆེན་འབར་བའི་འོད། །དྲི་མེད་པདྨ་རང་བྱུང་བདག །བཙལ་མེད་ལམ་གྱི་འཛིན་དང་བྲལ། །འཛིན་མེད་འཁོར་ལོ་འབར་བའི་སྐུ། །དུས་གསུམ་ཉིད་དུ་འདའ་བ་མེད། །ཅེས་གསུངས་སོ། །བྱང་ཆུབ་ཀྱི་སེམས་རིན་ཆེན་འཁོར་ལོ་ལས། ཏིང་འཛིན་ཡེ་ཤེས་སུ་བསྟན་པའི་ལེའུ་སྟེ་བཞི་པའོ།། །།དེ་ནས་རིག་པའི་རྒྱལ་པོས་ཡང་སེམས་ཉིད་ཕུན་སུམ་ཚོགས་པའི་དོན་གསལ་བར་བྱ་བའི་ཆེད་དུ་འདི་སྐད་ཅེས་གསུངས་སོ། །རང་བྱུང་རྣམ་དག་ཡེ་ཤེས་སྐུ། །བརྗོད་མེད་རིག་པའི་བསྟན་པ་བཀྲམ། །རང་སྣང་རིག་པ་སྨིན་པའི་འཁོར། །ཡེ་ཤེས་རྫོགས་པའི་རོལ་པ་བཤད། །རང་བྱུང་འོད་གསལ་གཅིག་ལ་རྫོགས། །རྩོལ་བྱས་དམན་པའི་འདུས་འཁོར་ལ། །བློ་དང་མཐུན་པར་བསྟན་པ་བསྔགས། །ཞེས་གསུངསསོ། །དེ་ནས་སེམས་དཔའ་རྡོ་རྗེས་འདི་སྐད་ཅེས་ཞུས་སོ། །ཡེ་ཤེས་ཀུན་བཟང་སྟོན་པའི་ཐུགས། །དབྱེར་མེད་རང་བྱུང་ངོ་བོ་ཉིད། །བདེ་ཆེན་ལྷུན་གྲུབ་ཆོས་ཀྱི་དབྱིངས། །རྣམ་རྟོག་ཕྱི་ནང་ཇི་སྙེད་པ། །རང་བྱུང་གསལ་བའི་དོན་ལ་འདུས། །རྣམ་དག་རྫོགས་པ་དེ་ཉིད་ཀྱང་། །དྲན་བཞིན་ལོག་པའི་རྨོངས་པས་བཅིངས། །སྣང་མེད་རང་བྱུང་བདེ་ཆེན་ལ། །སྣ་ཚོགས་དངོས་པོར་རང་སེམས་འཁྲུལ། །བདེ་འབྱམས་དབྱིངས་ལས་མ་གཡོས་ཀྱང་། །འཁྲུལ་རྟོག་སྡུག་བསྔལ་སྣ་ཚོགས་མྱོང་། །རྣམ་དག་མི་གཡོ་ཐུགས་རྗེས་ཤོད། །ཅེས་ཞུས་སོ། །དེ་ནས་རིག་པའི་རྒྱལ་པོས་བཀའ་སྩལ་པ། །ཡེ་ཤེས་རང་བྱུང་ཆོས་ཀྱི་སྐུ། །ཀུན་བཟང་ཡེ་ཤེས་ཆོས་ཀྱི་སྒོ། །བསྟན་པ་མ་ལུས་ཇི་སྙེད་པ། །བྱར་མེད་རང་བྱུང་སེམས་སུ་བཤད། །དེ་ཉིད་གང་ལ་དེ་དག་སྟེ། །གང་ལ་བཤད་པ་ཤུགས་ཀྱིས་གོ། །སྣང་དང་སྲིད་པའི་ཆོས་རྣམས་ཀུན། །རང་བྱུང་སེམས་ལས་མ་གཡོས་པས། །རང་རིག་རྫོགས་པ་ཤུགས་ཀྱིས་གསལ། །གང་ལ་གང་གསལ་ངོ་བོ་བསྟན། ཁུགས་ཀྱིས་བརྒྱུད་ནས་དེ་མཐོང་བ། །རང་བྱུང་ཉི་མའི་འོད་ཀྱི་མཆོག །མ་བཅོས་གསལ་བའི་འཁོར་ལོ་ལ། །འཛིན་པའི་དྲི་མ་ཀུན་གྱིས་དབེན། །མན་ཤེལ་འོད་ལྟར་རིག་པ་འཆར། །བདེ་ཆེན་རིག་པའི་འཁོར་ལོར་བཤད། །བརྡ་དོན་སྒོ་ཡིས་རྒྱུད་དོན་རྟོགས། །རིག་པའི་གདེང་ལྡན་ཡེ་ཤེས་ཀློང་། །གསང་བའི་ཡེ་ཤེས་དགོངས་པ་ལ། །ཐུགས་རྗེ་རིན་ཆེན་འོད་ལྟར་འཕྲོ། །ཚིག་གི་དོན་བྲལ་ཡེ་ཤེས་རྫོགས་པ་ཆེ། །བརྡ་སྒོ་ལམ་གྱི་ཞེན་པ་གང་བཟློག་ཀྱང་། །བརྡའ་དང་ཐ་སྙད་རིག་པའི་སྙིང་པོར་འཆར། །རང་བྱུང་རྩ་བ་མ་ལུས་གཅིག་ཏུ་རྟོགས། །སྦྱོར་ལྡན་ལམ་གྱིས་རྟོག་པ་མ་ལུས་འདུལ། །དངོས་གྲུབ་རང་བྱུང་དགོས་གཅེས་བསམ་མི་ཁྱབ། །སྒྲོན་མེས་གསལ་བཞིན་ཡི་གེས་དོན་དུ་བཤད། །བརྡ་བྲལ་སྟོང་ཉིད་རང་ལ་བཟློག་པར་བྱ། །དེ་ཉིད་བཞིན་ཏེ་ཐམས་ཅད་ཀུན་ལ་ཡིན། །རང་བྱུང་བདེ་ཆེན་འཁོར་ལོ་ལ། །ཡེ་ཤེས་དོན་དུ་རང་གསལ་ཞིང་། །འཛིན་མེད་རིག་པའི་མཁའ་ལ་བཞག ཁུ་བ་མེད་པའི་ཡེ་ཤེས་བསྐྱེད། །རང་བཞིན་གསལ་དོན་འོད་ལ་བཞུགས། །སྐུ་གསུང་གསལ་བའི་དོན་ལྡན་ན། །ལྷུན་རྫོགས་ཡེ་ཤེས་ཐིག་ལེར་བཤད། །ཐ་སྙད་སྒྲ་ཡི་རྣམ་པ་ཀུན། །ཡེ་ཤེས་མཚོན་པས་འདྲེས་པའི་བརྡ། །དོན་ལ་བརྗོད་བྲལ་ཡེ་ཤེས་རྫོགས། །རིག་པའི་བརྡ་སྒོ་དོན་གསལ་བ། །ངེས་མེད་སྦྱོར་ལྡན་བློ་བཞིན་ནོ། །བདེ་ཆེན་རིག་པའི་རྒྱལ་པོ་ལ། །འོད་གསལ་རིག་པའི་འཁོར་ལོ་བསྐོར། །ཡི་གེ་མེད་པའི་རང་གསལ་ལ། །ཡེ་ཤེས་སྲོག་གི་ཕུར་པ་ཐེབས། །ཞེས་གསུངས་སོ། །བྱང་ཆུབ་ཀྱི་སེམས་རིན་ཆེན་འཁོར་ལོ་ལས། གཏན་ལ་ཕབ་པའི་ལེའུ་སྟེ་ལྔ་པའོ།། །།དེ་ནས་རིག་པའི་རྒྱལ་པོས། རང་རིག་པའི་ཕུན་སུམ་ཚོགས་པ་འདི་བཀའ་སྩལ་ཏོ། །ཡེ་ཤེས་ཁྱབ་བདག་རིག་པའི་སྐུ། །རང་བྱུང་རིག་པ་མ་འགགས་གསལ། །བརྗོད་མེད་སེམས་ཀྱི་དེ་ཁོ་ན། །རང་བྱུང་སྟོན་པ་ཐུགས་རྗེའི་བདག །འགྲོ་དྲུག་སེམས་ཅན་ཐམས་ཅད་ཀྱི། །རང་སེམས་སྟོན་པར་མ་ཤེས་ན། །རང་བྱུང་མཐོང་བར་ཡོངས་མི་འགྱུར། །དེས་ན་ཡེ་ཤེས་རྫོགས་པའི་དོན། །རང་རིག་བདེ་བར་ཤེས་པར་གྱིས། །རང་བྱུང་རྒྱལ་པོ་སྟོན་པའི་མཆོག །ཡེ་ཤེས་མ་འགགས་ཅིར་ཡང་གསལ། །རིག་པ་ཀློང་གི་འཁོར་དུ་རྫོགས། །རང་སེམས་བདེ་ལ་ཀུན་རྫོགས་པས། །བསྟན་པ་རྒྱ་མཚོ་རིག་པའི་ཀློང་། །རྣམ་དག་རང་སེམས་སྐྱེ་མེད་པས། །འགྱུར་མེད་འཁོར་ལོ་རིག་པའི་གནས། །ཡེ་ཤེས་རྩལ་མེད་གནས་ཀྱི་མཆོག །རང་བྱུང་སྟོན་པ་འོད་གསལ་ཐུགས། །འཛིན་པ་མེད་པའི་ཉི་མ་ཤར། །མེ་ཤེལ་འོད་ལྟར་བྱིན་རླབས་འཁྲིགས། །འོད་གསལ་རིག་པའི་བསྟན་པ་སྒྲོགས། །རང་བྱུང་རྐྱེན་བྲལ་གནས་ཀྱི་མཆོག །རང་བྱུང་བདེ་ཆེན་ཡེ་ཤེས་རོལ་པའི་སྐུ། །ཡི་གེ་བརྡ་བྲལ་ཡེ་ཤེས་རིག་པའི་གསུང་། །ཚིག་གི་ལམ་ཆད་ཡེ་ཤེས་སྒྲོན་མ་འབར། །ལེན་མེད་འཛིན་མེད་བདེ་མཆོག་གསང་བའི་ལམ། །བརྡ་ཡི་འཇུག་པས་གསང་བའི་དོན་མི་གསལ། །མིང་དང་དོན་མེད་རང་བྱུང་ཡེ་ཤེས་གསལ། །རིག་པ་ཐིག་ལེ་གསལ་བ་གསུངས། །བརྗོད་མེད་ཡེ་ཤེས་འཁོར་ལོ་བདག །ཐ་སྙད་ཀུན་བྲལ་བརྗོད་བྱ་བདག །བདག་མེད་རང་བྱུང་ཡེ་ཤེས་ཉིད། །རིག་པའི་འཁོར་ལོ་དག་ལ་འཆར། །བདེ་ཆེན་འོད་འབར་ཐིག་ལེའི་མཐའ། །རང་བྱུང་གཟེར་ཆེན་རང་ལ་འདེབས། །རང་བྱུང་འཁོར་ལོ་རང་ལ་གཅོད། །རིག་པའི་ཕྱག་རྒྱ་འགྱུར་བ་མེད། །ཅེས་གསུངས་སོ། །བྱང་ཆུབ་ཀྱི་སེམས་རིན་ཆེན་འཁོར་ལོ་ལས། ཕུན་སུམ་ཚོགས་པའི་དེ་ཁོ་ན་ཉིད་བསྟན་པའི་ལེའུ་སྟེ་དྲུག་པའོ།། །།དེ་ནས་རིག་པའི་རྒྱལ་པོས་བཙལ་བ་མེད་པའི་ཆོས་དང་ཆོས་ཅན་མི་དམིགས་པ་འདི་བཀའ་སྩལ་ཏོ། །བཙལ་མེད་རང་བཞིན་ཡེ་སངས་རྒྱས། །རྣམ་དག་རང་བྱུང་སྙིང་པོ་ལ། །ཐམས་ཅད་ཡེ་ཤེས་སྙིང་པོར་གསལ། །ཡེ་ཤེས་འཁོར་ལོ་སྣང་བ་མེད། །ཡེ་ཤེས་རིན་ཆེན་རྩོལ་དང་བྲལ། །རང་བྱུང་མི་འགྱུར་ཀུན་དུ་བཟང་། །སེམས་ཉིད་བྱང་ཆུབ་རིགས་བདག་ལ། །ལུས་ངག་སེམས་ཀྱི་རྩོལ་མེད་པས། །ཏིང་འཛིན་མི་གཡོ་འཇུག་དང་བྲལ། །རང་བྱུང་འཁོར་ལོ་རོལ་པར་རོལ། །ཡེ་ཤེས་སྤྱོད་པ་པདྨ་ལྟར། །སྤྱོད་བཞིན་མ་ཆགས་ཡེ་ནས་དག །བསམ་དང་བྲལ་བའི་ཆོས་ཉིད་ལ། །ཡེ་ཤེས་འཁོར་ལོ་རང་བཞིན་ཏེ། །དུས་གསུམ་གཡོ་བ་མེད་པར་གནས། །རྟོག་པའི་དངོས་པོ་སྣང་བ་ཡང་། །རང་བྱུང་རིག་པའི་འཁོར་ལོས་གཅོད། །རིག་པ་རྒྱ་མཚོ་མཁའ་ལྟར་ཟབ། །མངོན་སུམ་སྣང་བའི་ཡེ་ཤེས་ལ། །སངས་རྒྱས་སེམས་ཅན་ཁྱད་མེད་ཀྱང་། །རང་དབང་སེམས་ལ་མི་གནས་ན། །སེམས་ཉིད་བདེ་བར་སྤྱོད་མི་ནུས། །འཛིན་མེད་དག་གི་ལྕགས་བཀྲོལ་ཡང་། །གོམས་པའི་བག་ཆགས་བཅིངས་དང་འདྲ། །ཡེ་ཤེས་འཁོར་ལོ་རབ་དབང་ན། །ཇི་ལྟར་གནས་ཀྱང་བྱ་རྩོལ་མེད། །རིག་པ་མཐའ་བྲལ་དཀྱིལ་འཁོར་ལ། །ལུས་ཀྱིས་རྩོལ་མེད་དཀྱིལ་འཁོར་གསལ། །རང་སྣང་རིག་པ་འོད་གསལ་ལ། །ངག་གི་རྩོལ་མེད་རིག་པའི་གསུང་། །མི་འགྱུར་ཀུན་བཟང་ཡེ་ཤེས་ལ། །ཐུགས་ཀྱི་རྩོལ་མེད་བསམ་དང་བྲལ། །སྣང་བ་གཟུགས་ཀྱི་སྣང་བ་ཀུན། །མཉམ་ཉིད་ཆོས་ཀྱི་སྐུ་རུ་ཐིམ། །གྲག་པ་སྒྲ་ཡི་སྣང་བཀུན། །མཚོནཔའིརངརྟགས་གསུང་དུ་ཐིམ། ཁྲེས་རིག་མ་ལུས་ཇི་སྙེད་པ། །ཐུགསཀྱིམཚོནཔའིརངརྟགས་ཏེ། །ཡེ་ཤེས་རིག་པའི་ཐུགས་སུ་ཐིམ། །རིག་པ་འགྱུར་མེད་རྡོ་རྗེ་ལྟར། །དབྱེར་མེད་ཡེ་ཤེས་བྱ་བཙལ་བྲལ། །ཞེས་གསུངས་སོ། །དེ་ནས་རྡོ་རྗེ་སེམས་དཔས་འདི་སྐད་ཞུསླ་སོ། །རྣམ་དག་ཡེ་ཤེས་དཀྱིལ་འཁོར་ན། །འགྲོ་དྲུག་ཡེ་ནས་སངས་རྒྱས་ཀྱང་། །ལམ་སྟོབས་དྲག་པོས་བདག་ཞུགས་ཏེ། །རང་རྐྱེན་ལོག་པའི་ཤུགས་ཀྱིས་དཀྲུགས། །རང་བཞིན་རིན་ཆེན་ནོར་བྲལ་བས། །རིགས་དྲུག་གནས་སུ་འཁོར་བར་འ་ས། །དུས་འདིར་ཐུགས་རྗེའི་བྱིན་རླབས་ཀྱིས། །རྫོགས་པའི་སེམས་ལ་མོས་བསྐྱེད་པ། །དེ་བས་རྩོལ་བྲལ་འབྲས་བུ་ཡོད། །རྣམ་རྟོག་གཡོ་བ་ཅི་འགྱུ་བ། །རིག་པའི་དོན་ལ་གང་གིས་བསྟན། །ངེས་པའི་གསང་མཛོད་གང་གིས་མཐོང་། །ཞེས་གསུངས་སོ། །དེ་ནས་རིག་པའི་རྒྱལ་པོས་བཀའ་སྩལ་པ། །ཡེ་ཤེས་རྫོགས་པའི་སེམས་བསྐྱེད་བཟུང་། །སྤྲོས་པའི་སེམས་ལྡན་དོན་ལ་སྤྱོད། །རང་གཞག་རིག་པ་མ་ཡིན་པར། །བརྡ་སྒོ་དྲག་པོའི་རྗེས་མ་འབྲང་། །བདེ་ཆེན་གསང་བའི་འཁོར་ལོ་ལ། །གཉིས་སུ་མེད་པའི་རང་བཞིན་པས། །ཆོས་ཅན་ཆོས་གཉིས་གང་ཡང་མིན། །འདོད་པའི་བློ་ཡིས་གང་སྦྱར་བ། །དམན་པའི་སེམས་ལ་བསྟན་པར་ཟད། །བསམ་བྲལ་ཡེ་ཤེས་འཁོར་ལོ་ལ། །ཆོས་དང་ཆོས་ཉིད་གང་འདོད་པ། །རང་བྱུང་གསང་བའི་སེམས་མ་ཤེས། །བདེ་མཆོག་འཁོར་ལོའི་དོན་མ་རྙེད། །མི་འཀྱུར་གསལ་བའི་སེམས་དང་བྲལ། །ཡེ་ཤེས་རིན་ཆེན་འོད་ཀྱང་ནུབ། །འཁོར་བའི་ལྕགས་ལས་ཐར་བ་མེད། །སྣ་ཚོགས་འཁོར་ལོའི་རང་བཞིན་ལ། །རྨོངས་པའི་བློ་ཡིས་བླང་དོར་མེད། །གཉིས་མེད་རང་འོད་གསལ་བ་ལ། །སྒྲོ་དང་སྐུར་བས་རང་སེམས་སྤོང་། །ཞེས་གསུངས་སོ། །བྱང་ཆུབ་ཀྱི་སེམས་རིན་ཆེན་འཁོར་ལོ་ལས། རྩོལ་བ་མེད་པ་ཆོས་དང་ཆོས་ཅན་མ་གྲུབ་པར་བསྟན་པའི་ལེའུ་སྟེ་བདུན་པའོ།། །།དེ་ནས་ཡང་རིག་པའི་རྒྱལ་པོས་ཡེ་ཤེས་རིག་པའི་སྤྱོད་པ་འདི་གསུངས་སོ། །ཡེ་ཤེས་བདེ་མཆོག་ཀུན་ཏུ་བཟང་། །རང་བྱུང་ནམ་མཁའ་རྡོ་རྗེ་ཉིད། །ཅི་ལ་སྤྱོད་ཀྱང་ཆགས་པ་མེད། །སྒོ་གསུམ་བག་ཡངས་ལྷུག་པ་ཉིད། །སྣང་མེད་རང་བྱུང་ཡེ་ཤེས་གསལ། །རང་གཞག་ཡེ་ཤེས་སྤྱོད་པ་ལ། །བླང་དོར་གཉིས་མེད་བདེ་ཆེན་ངང་། །མཁའ་མཉམ་ཡེ་ཤེས་རང་བྱུང་ལ། །དུས་གསུམ་འདའ་བ་མེད་པར་གནས། །རང་འབར་ཡེ་ཤེས་དཀྱིལ་འཁོར་ནས། །དངོས་གྲུབ་རིན་ཆེན་འོད་ལྟར་འབྱུང་། །ཡེ་ཤེསརྒྱ་མཚོ་མུ་མཐའ་མེད། །འོད་གསལ་རིག་པའི་གདེང་ལྡན་ལ། །མཚོན་པ་ལམ་གྱི་རྒྱུ་དང་བྲལ། །རང་བྱུང་ལུང་གི་དོན་མཐོང་བས། །ལུང་ཆེན་ཚད་མ་ཀུན་གྱི་བདག །རིག་པའི་ཡེ་ཤེས་བརྗོད་བྲལ་བས། །བརྗོད་པའི་ལུང་ལ་སེམས་མི་འཇུག །སེམས་ཉིད་རིག་པའི་སྒྲོན་མ ནི། །རིན ཆེནམེཤེལ ལྟརགསལ་བས། །རིན་ཆེན་མན་ངག་ཀུན་གྱི་བདག །ཀུན་གསལ་མེ་ལོང་མཐོང་ཐོབ་པས། །རྣ་བརྒྱུད་སྒྲ་ལ་རག་མ་ལས། །ཆོས་ཉིད་ནམ་མཁའ་ལྟ་བུ་ལ། །རང་བྱུང་གསལ་བའི་ཉི་མ་ཤར། །བསམ་སྦྱོར་བློ་ཡི་དྲི་མ་དག །འདོད་འཇུག་རིམ་རྩོལ་ཀུན་དང་བྲལ། །བསམ་མེད་རང་བཞག་སྤྱོད་པར་གནས། །སྐུ་གསུམ་རིག་པའི་དཀྱིལ་འཁོར་ནས། །ཐུགས་རྗེ་ཉི་མའི་ཟེར་ཤར་ནས། །འགྲོ་འདུལ་སྤྱོད་པ་ཅི་བདེར་སྤྱོད། །ཐབས་ཀྱི་རིག་པ་རང་ཤར་ནས། །ཡེ་ཤེས་གསལ་བར་འགྲོ་དོན་མཛད། །ཡེ་ཤེས་རང་བྱུང་འདྲེན་སྐུར་ཤར། །སྣ་ཚོགས་སྤྲུལ་སྐུར་རིན་ཆེན་སྤྲོས། །གང་དག་དམན་པའི་འཁོར་དག་ལ། །བློ་དང་མཐུན་པའི་བསྟན་པ་བཀོད། །འདོད་པའི་བློ་ཡིས་དཔག་མེད་ཀྱང་། །ཐིག་ལེ་གཅིག་ལས་འདས་པ་མེད། །སྦྱོར་ལྡན་བློ་ཡི་ཐེག་པ་རྣམས། །ཡེ་ཤེས་ཐུགས་ཀྱི་སྐུར་བྱུང་ནས། །རང་བྱུང་གཅིག་ལ་བསྟན་པར་ཟད། །རིམ་འཇུག་བློ་ཡི་ཐེག་པ་རྣམས། །འདྲེན་པའི་སྐུ་ཡིས་དྲང་དོན་བསྟན། །ངེས་པའི་ཐེག་གཅིག་སྙིང་པོ་ལ། །འདོད་པའི་ཡན་ལག་ཀུན་དང་བྲལ། །བསྟན་པའི་རྣམ་པ་མ་ལུས་ཀུན། །ཡེ་ཤེས་རིག་པའི་བཀའ་ལ་རྫོགས། །ཞེས་གསུངས་སོ། །བྱང་ཆུབ་ཀྱི་སེམས་རིན་ཆེན་འཁོར་ལོ་ལས། སྤྱོད་པ་བསྟན་པའི་ལེའུ་སྟེ་བརྒྱད་པའོ།། །།དེ་ནས་རིག་པའི་རྒྱལ་པོས། རང་བྱུང་རྫོགས་པའི་དཀྱིལ་འཁོར་འདི་བཀའ་སྩལ་ཏོ། །སེམས་ཉིད་རང་བྱུང་དཀྱིལ་འཁོར་ལ། །མ་བཅོས་རིག་པ་ལྷུན་གྲུབ་སྟེ། །མཐའ་དབུས་མེད་པའི་གཞལ་ཡས་ན། །རང་དབང་ཡེ་ཤེས་རྫོགས་སངས་རྒྱས། །རང་བྱུང་རིག་པ་འཁོར་མཐའ་མེད། །ལྷུན་གྲུབ་ཕོ་བྲང་ཆེན་པོ་ནི། །སྤྱན་དྲངས་མ་ཡིན་ཡེ་སངས་རྒྱས། །རང་བྱུང་གསལ་བའི་སྔགས་ལྡན་པའི། །ལྷ་ཡི་སྙིང་པོ་དབུལ་མི་དགོས། །བདེ་ཆེན་གསལ་བའི་དོན་ལྡན་པས། །ཡེ་ཤེས་གསང་བའི་དཀྱིལ་འཁོར་མཉེས། །རང་བྱུང་གསང་བའི་སེམས་ཉིད་ཀུན་གྱི་ལྷ། །དུས་གསུམ་འདུ་འབྲལ་མེད་པ་ཐུགས་དམ་མོ། །རྣམ་དག་རིག་པ་ཀ་དག་ལ། །ཉེས་པའི་དྲི་མ་དང་བྲལ་བའི། །ཡེ་ཤེས་དམ་ཚིག་རྣམ་པར་དག །བརྗོད་མེད་རིག་པའི་དོན་མཐོང་ན། །རང་བྱུང་གསལ་བའི་དམ་ཚིག་ཐོབ། །རང་བཞག་སེམས་ལས་མི་འདའ་ན། །མི་རྟོག་དམ་ཚིག་ཉིད་ཡིན་པས། །རང་བྱུང་དམ་ཚིག་རྣམ་པར་དག །མི་རྟོག་ཡེ་ཤེས་འཛིན་བྲལ་ལ། །བསོད་ནམས་ཡེ་ཤེས་ལྷུན་གྱིས་གྲུབ། །རྡོ་རྗེ་གསང་བའི་དཀྱིལ་འཁོར་ནི། །འགྱུར་མེད་རང་བྱུང་ཀུན་ཏུ་བཟང་། །ཡེ་ཤེས་གསང་བའི་དཀྱིལ་འཁོར་རོ། །མཐའ་དབུས་མེད་པའི་སྙིང་པོ་ལ། །སྤང་ལེན་མེད་པའི་སེམས་ཀྱིས་འཇུག །རང་བཞིན་རྣམ་དག་དབྱེ་བ་མེད། །ལྷུན་གྲུབ་རང་བཞིན་ཡེ་སངས་རྒྱས། །རང་རིག་འོད་གསལ་རྣམ་པར་དག །ཡེ་ཤེས་གང་མཚོན་མཚན་ཉིད་མཚན། །ལྷུན་གྲུབ་རང་རིག་ཀུན་ཏུ་བཟང་། །ཡེ་ཤེས་རྫོགས་པའི་དཀྱིལ་འཁོར་བལྟ། །གཟུང་འཛིན་དང་བྲལ་དྲི་མ་མེད། །ཡེ་ཤེས་སྒྱུ་མ་ཀུན་ཏུ་བཟང་། །རང་བྱུང་སྒྱུ་མ་ངོས་བཟུང་མེད། །རྣམ་དག་རང་བྱུང་དཀྱིལ་འཁོར་གསུམ། །མ་སྐྱེས་ལྷུན་གྲུབ་བྱ་བ་མེད། །དོན་ལ་གང་འཇུག་སྦྱོར་ལྡན་རྣམས། །ཡི་གེ་བརྡ་མེད་གཉིས་མེད་གསལ། །སྒྱུ་མ་བྱ་བྲལ་རིག་པས་རྟོགས། །རང་སྣང་རིག་པའི་འོད་ལ་བཞུགས། །བསམ་མེད་རང་བཞག་ས་ལེ་བ། །ཅི་ཡང་མ་ཡིན་གྱི་ན་བ། །རང་གསལ་ཡེ་ཤེས་ཉི་མའི་འོད། །ཀུན་བཟང་རྒྱལ་བའི་ཐུགས་དམ་མོ། །ཞེས་གསུངས་སོ། །དེ་ནས་སེམས་དཔའ་རྡོ་རྗེས་འདི་སྐད་ཅེས་ཞུས་སོ། །སྣང་མེད་རང་སྣང་བདེ་ཆེན་ལ། །བརྟགས་པའི་སྣང་བས་གཉིས་སུ་མཐོང་། །རང་བཞིན་རྣམ་དག་གསེར་བཞིན་ཡང་། །ཐོག་མེད་དུས་ནས་དོན་མ་མཐོང་། །དུས་འདིར་སྦྱོར་འཇུག་གང་དག་ནི། །གསང་བའི་དོན་ལ་མོས་པས་འཇུག །གསལ་བྱེད་རིན་ཆེན་སྒྲོན་མ་གང་། །འཛིན་པའི་དྲི་མ་གང་གིས་དག །བདེ་ཆེན་གསང་བ་གང་གིས་མཉེས། །ཞེས་ཞུས་སོ། །དེ་ནས་རིག་པའི་རྒྱལ་པོས་བཀའ་སྩལ་པ། །བསམ་གྱི་མི་ཁྱབ་དུས་གང་ལ། །གང་ལྡན་རིག་པའི་ལྡེ་མིག་གིས། །རིན་ཆེན་སེམས་ཉིད་ཁོང་དུ་ཆུད། །སྣང་བའི་སྣང་བ་ཅི་འགྱུར་ཡང་། །ཡིད་ལ་མི་བྱེད་རང་བཞག་ན། །འཛིན་པའི་དྲི་མ་རྣམ་པར་དག །ཅེས་གསུངས་སོ། །བྱང་ཆུབ་ཀྱི་སེམསརིན ཆེན འཁོརལོལས། དཀྱིལ་འཁོར་གསང་བའི་ལེའུ་སྟེ་དགུ་པའོ།། །།དེ་ནས་རིག་པའི་རྒྱལ་པོས་སེམས་དཔའ་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །སེམས་ཉིད་གསང་བ་སྔགས་ཀྱི་ལྷ། །རང་བཞིན་དག་པས་སྦྱང་མི་དགོས། །ལྡན་པ་དེ་ཉིད་ཙམ་དུ་ཟད། །རང་རིག་རྫོགས་པའི་ཡེ་ཤེས་ལ། །ངོ་བོར་གྲུབ་པ་གང་ཡང་མེད། །རྟོག་པའི་མཐུ་ཡིས་ཅིར་ཡང་མཐོང་། །མེ་ལོང་དག་པའི་གཟུགས་བརྙན་ལྟར། །ཡེ་ཤེས་གསང་བའི་གདམས་པ་ཡིས། །རིག་པའི་ཡེ་ཤེས་ཀུན་ཏུ་བཟང་། །ཡི་གེ་མེད་པའི་དོན་དུ་མཐོང་། །རང་གསལ་རྗེས་སུ་རང་བཞག་ན། །ཡེ་ཤེས་རྫོགས་པ་རྗེས་སུ་དཔག །རང་རིག་རྫོགས་པ་ཉིད་ན་གསལ། །ཡེ་གསལ་རིག་པའི་འཁོར་ལོ་ལ། །འདོད་པའི་བློ་ཡིས་གང་རྩོལ་བ། །རང་འདོད་ཐེག་པའི་ཁྱད་པར་ནི། །གསང་བའི་དོན་ལ་མ་ལུས་སྟོང་། །འདོད་པའི་སྟོབས་ཀྱིས་ཕོངས་ནས་རྩོལ། །རང་གསལ་འཁོར་ལོའི་དོན་དང་འགལ། །འདོད་རྒྱུས་གསལ་བའི་ཡེ་ཤེས་ཀྱང་། །རྩོལ་བ་ཉིད་ལས་འདའ་བ་མེད། །རྫོགས་པའི་ཡེ་ཤེས་བདེ་ཆེན་ནི། །རང་བཞིན་རིག་པའི་འཁོར་ལོས་དག །རྣམ་དག་རང་བྱུང་འོད་གསལ་ལ། །གློ་བུར་སྒྲིབ་པ་ངང་གིས་མེད། །རང་བཞིན་མ་ཡིན་རྐྱེན་གྱིས་སྣང་། །རངབཞིན་ངོ་བོ་གང་དག་ནི། །གློ་བུར་རྐྱེན་ལ་རག་ལས་མིན། །རང་གསལ་རིག་པའི་རང་བཞིན་དང་། །འཁོར་བའི་རྟོག་པའི་རང་བཞིན་གཅིག །གང་ལ་སྤང་བྱ་མ་ཡིན་ཏེ། །གང་གི་རྣམ་པ་དེ་གང་བཞིན། །དེ་བཞིན་འགྱུར་བ་དེ་ཉིད་མེད། །སེམས་ནི་ཇི་བཞིན་མཉམ་པ་ཉིད། །སངས་རྒྱས་ཐུགས་ཀྱི་རྣལ་འབྱོར་རོ། །ཡང་དག་ལམ་ལ་ཡི་གེ་མེད། །སྙིང་པོ་ཉིད་དུ་བདག་འཇུག་པས། །ཐོབ་པ་མེད་ཅིང་སྤང་བ་མེད། །རིག་པའི་ཐུགས་ལ་གསལ་བས་གསང་། །བྱང་ཆུབ་སེམས་ཀྱི་ཡེ་ཤེས་ནི། །རྣམ་ཤེས་དམིགས་པའི་ཡུལ་ལས་འདས། །རིག་པ་འོད་གསལ་གཟུང་འཛིན་མེད། །བྱང་ཆུབ་སྙིང་པོར་བཞུགས་པའི་ཚེ། །ངོ་བོ་ཉིད་ནི་དམིགས་སུ་མེད། །ཡེ་ཤེས་ཀུན་བཟང་རྣམ་པར་དག །འབར་བའི་ཏིང་འཛིན་ངོ་མཚར་ཆེ། །རང་གསལ་རིག་པ་ཅིར་མི་དགོངས། །བདེ་གཤེགས་འཁོར་ལོ་ངོ་བོ་ནི། །མི་འཇོམས་པ་ཡི་རྡོ་རྗེ་འཆང་། །ཀུན་བྱུང་རིན་ཆེན་ལྟ་བུའི་འོད། །སྐྱོན་ཁྱད་མ་གྲུབ་འོད་གསལ་ཉིད། །བཅོས་མེད་དགོངས་པ་ཅི་ཡང་མིན། །གཞན་ན་དེ་ལ་དེ་བཞིན་པ། ཁྲེས་པ་དུ་མ་གང་མ་ངེས །དེ་འོད་ཉིད་ལ་དེ་ལྟར་འགྱུར། །རྩོལ་འཇུག་གང་དག་དེ་དོན་ལ། །མཐར་འགྱུར་དེ་བཞིན་དེ་ལ་འབྱུང་། །དེས་ན་གནས་པའི་དོན་ཡིན་ན། །བདེ་ལྡན་རིག་པའི་སངས་རྒྱས་ལ། །རྟོག་པའི་རྣམ་པ་ཀུན་མེད་པས། །གང་ཞིག་འབྲས་བུ་ཇི་ལྟར་འདོད། །སྦྱོར་ལྡན་དོན་ལ་ཡིན་པས་ན། །དེ་བཞིན་ཐམས་ཅད་དག་པར་འགྱུར། །ཞེས་གསུངས་སོ། །བྱང་ཆུབ་ཀྱི་སེམས་རིན་ཆེན་འཁོར་ལོ་ལས། རིག་པ་རྒྱུ་རྐྱེན་གྱིས་མ་བསྐྱེད་པའི་ལེའུ་སྟེ་བཅུ་པའོ།། །།བྱང་ཆུབ་ཀྱི་སེམས་རིན་ཆེན་འཁོར་ལོ་ཞེས་བྱ་བའི་རྒྱུད་རྫོགས་སོ།། །།བརའདིརརྡོརྗེསེམསདཔའནམམཁའཆེ