Ngb-pt-0132-vol-02-text

Body

རྒྱ་གར་སྐད་དུ། ཏནྟྲ་རྭ་ཛ་སྭཎྜ་ཀུསྨེ་བཛྲ་ཡ་ན་མྱུ་ལ་ཏནྟྲ། བོད་སྐད་དུ། རྒྱུད་ཀྱི་རྒྱལ་པོ་གསེར་གྱི་རུས་སྦལ་རྡོ་རྗེ་ཐེག་པ་རྩ་བའི་རྒྱུད། མཁྱེན་ལྡན་སྟོན་པའི་སྐུ་ལ་ཕྱག་འཚལ་ལོ། །འདི་སྐད་གསུངས་པའི་དུས་གཅིག་ན། །རྣམ་པ་ཐམས་ཅད་མཁྱེན་པའི་སྟོན་པ་དེས། །ཐུགས་རྗེ་ཆེ་མངའ་འགྲོ་བའི་དོན་བྱའི་ཕྱིར། །སྐྱེ་བ་མེད་ལས་སྐྱེ་བའི་ཆོ་འཕྲུལ་བསྟན། །ནམ་མཁའ་ལྟ་བུའི་ཆོས་སྐུ་མཚོན་བྲལ་བས། །གཟུགས་སྐུར་བཞེངས་ནས་འགྲོ་དོན་མཐར་དབྱུང་ཕྱིར། །ཡེ་སངས་གནས་སུ་ཤེས་རབ་བློ་རྩལ་བསྐྱེད། །འོག་མིན་གནས་སུ་འགྲོ་འདུལ་ཆོས་ལུང་མནོས། །སུམ་ཅུ་རྩ་གསུམ་འཁོར་རྣམས་ཀུན་ལ་བཤད། །འོད་གསལ་གནས་སུ་བློ་ཡི་རྩལ་རྣམས་འབྱོངས། །འདུལ་བའི་དུས་ལ་བབ་པ་ཐུགས་ཀྱིས་མཁྱེན། །ཡབ་ཀྱི་བལྟ་བས་ཕབ་ཅིང་ཡུམ་གྱི་ལྷུམས་སུ་ཞུགས། །ཟླ་དགུ་ངོ་བཅུ་སྐྱེ་བ་བཞེས་ཚུལ་བསྟན། ཁེན་ཏུ་མཚན་བཟང་སུམ་ཅུ་རྩ་གཉིས་དང་། །དཔེ་བྱད་བཟང་པོ་བརྒྱད་ཅུར་ཡོངས་སུ་བསྟན། །ད་ལྟར་སེམས་ཅན་ཡོངས་སུ་སྤྲོ་བསྐྱེད་ཕྱིར། །དགུང་ལོ་རིམ་པས་མཛད་པ་མཐའ་རུ་ཕྱིན། །འགྲོ་བ་སེམས་ཅན་གང་གིས་གང་འདུལ་བ། །ཆོས་སྒོ་བརྒྱད་ཁྲི་བཞི་སྟོང་ཕྱེ་སྟེ་བསྟན། །དེ་བསྟན་གནས་ནི་རྣམ་པ་གསུམ་དུ་བཤད། །ཁ་ཅིག་སྟོབས་ལྡན་བློ་གསལ་དད་ཆེ་ལ། །ཀུན་གྲགསརྒྱཆེནཡོངསསུའཕེལ་ཏེ་བསྟན། །ཁ་ཅིག་འཕྲོ་ཅན་སྣོད་དང་ལྡན་པ་ལ། །མདོ་ཡི་དོན་རྣམས་ངེས་པར་བསྡུས་ལ་བསྟན། །ཁ་ཅིག་དད་མོས་ངེས་པར་འཛིན་འཆང་ལ། །རྩ་བའི་མན་ངག་ལྷུག་པ་ཉིད་དུ་བསྟན། །སྤྱིར་ནི་འདི་ལ་འདི་ལྟར་བཤད་མི་ལང་། །བྱེ་མའི་ལེ་བཞིན་གྲངས་ལས་འདས་པ་སྟེ། །བག་ཕྱེ་ལ་སོགས་སྐྲ་ཤད་ལྡེབ་འོགཏུགཏོརབ་པའདྲརབཞིན་སྣང་། །འགྲོ་བའི་དོན་ཕྱིར་དགོས་ཆེད་ངས་བསྟན་ཏོ། །གང་ཞིག་གསོན་གཤིན་འགྲོ་དོན་བྱེད་པ་ལ། །གནམ་འགྲེང་ཕྲེད་ཉལ་ཁ་སྦུབ་དོན་རྣམས་ཡང་ ངེས་པར་ཐར་ཆགས་ལ་ཤན་ཕྱེ་སྟེ་བསྟན། །གང་ཞིག་བསྟན་པ་འཛིན་སྐྱོང་དད་པ་ལ། །རྒྱུད་ལུང་བྱེ་བྲག་མང་དུ་བསྟན་པ་ཡང་། །ཡ་མ་ཀི་ལ་མདོ་ཡིས་ཕྱེ་སྟེ་བསྟན། །གང་ཞིག་དགེ་བཅུ་སྤྱོད་ཅིང་འདུལ་ཁྲིམས་བསྲུང་དད་ལ། །འདུལ་ཁྲིམས་སྡོམ་པ་མང་དུ་བསྟན་པ་ཡང་། །ཉན་ཐོས་བྱང་ཆུབ་སེམས་དཔའི་མདོ་ཡིས་ཕྱེ་སྟེ་བསྟན། །གང་ཞིག་སྤྱི་རྒྱུད་གསང་སྔགས་ལ་དད་པར། །རྩ་བའི་དཀྱིལ་འཁོར་མང་དུ་བསྟན་པ་ཡང་། །བྱ་བ་གཉིས་ཀ་རྣལ་འབྱོར་རྒྱུད་ཀྱིས་ཕྱེ་སྟེ་བསྟན། གང་ཞིག་གསང་སྔགས་ནང་ལ་དད་པ་ལ། །བསྙེན་སྒྲུབ་རིམ་པ་མང་དུ་བསྟན་པ་ཡང་། །བསྐྱེད་རྫོགས་རྣམ་པ་གཉིས་སུ་ཕྱེ་སྟེ་བསྟན། །གང་ཞིག་ཐེག་ཆེན་ཉིད་ལ་མོས་པ་ལ། །སེམས་ཕྱོགས་བྱེ་བྲག་མང་དུ་བསྟན་པ་ལ། །ཨ་ཏི་ཡོ་གའི་མདོ་ཡིས་ཕྱེ་སྟེ་བསྟན། །དེ་ལྟར་བྱེ་བྲག་མང་དུ་བསྟན་གྱུར་ཀྱང་། །དེ་དོན་དེ་ལས་དེ་ཉིད་ཤིན་ཏུ་འབྱུང་བ་དཀའ། །འབྱུང་བ་དཀོན་ཕྱིར་ཐུགས་ཀྱི་དཀྱིལ་འཁོར་ནས། །ངེས་པའི་སྙིང་པོ་རྩ་བའི་རྒྱུད་དང་ནི། །རྒྱུད་ཀྱི་རྣམ་པ་ཡོངས་སུ་བསྟན་པ་ཡང་། །རྒྱུད་དང་ཕྱི་མ་ཀལྤ་དུམ་བུར་བསྟན། །རིན་ཆེན་རིགས་ཅན་བུམ་པའི་བློ་ཅན་ལ། །རྒྱུད་འདི་རྒྱུད་ཀྱི་རྒྱུད་དེ་རུས་སྦལ་རྩ་བའི་རྒྱུད། །བལྟ་བས་ཐག་བཅད་སྤྱོད་པས་ལ་དོར་ཕྱི་རུ་བསྟན། །ཙན་དན་རིགས་ཅན་པདྨའི་བློ་ཅན་ལ། །བྱང་སེམས་ཐེག་པ་ཕྱི་མའི་རྒྱུད། ཁྲེས་པ་ངེས་པ་གཅིག་ལ་གཞག་ཕྱིར་བསྟན། །མ་ངེས་ཐ་དད་སོ་སོའི་བློ་ཅན་ལ། །བཀོལ་བ་སོ་སོའི་རྒྱུད་ཆུང་བཅུ་གཉིས་པོ། །གང་ཟག་མཚན་རྟགས་རྒྱུད་ཀྱི་མཚན་རྣམས་བསྟན། །གང་ཞིག་རྫོགས་ཆེན་ལ་ཟློས་ཤན་མ་ཕྱེད་པ་ལ། །རྫོགས་པ་སྤྱི་གཅོད་རྒྱུད་ཉིད་བསྟན་པར་བྱ། །གང་ཞིག་སྙིང་པོའི་དོན་བྲལ་ལོ་མའི་ཚོགས་ཕྱོགས་ལ། །རྩ་བ་བསྡུས་པའི་རྒྱུད་རྣམས་བསྟན་པར་བྱ། །གང་ཞིག་རྟོགས་འཛིན་གཉིས་སུ་བལྟ་བ་ལ། །ཉག་གཅིག་དགོངས་པའི་རྒྱུད་ཉིད་བསྟན་པར་བྱ། །གང་ཞིག་མཚོན་པ་ཚིག་གི་དོན་བྱེད་ལ། །ཡི་གེ་མེད་པའི་རྒྱུད་ཉིད་བསྟན་པར་བྱ། །གང་ཞིག་རྟག་ཆད་གཟུང་འཛིན་གཉིས་སུ་བལྟ་བ་ལ། །མཐའ་རུ་སེལ་བའི་རྒྱུད་ཉིད་བསྟན་པར་བྱ། །གང་ཞིག་གསེར་དང་བོང་ཉིད་རྟོག་ཅན་ལ། །དྲི་མེད་དག་པའི་རྒྱུད་ཉིད་བསྟན་པར་བྱ། །གང་ཞིག་སྙིང་པོའི་དོན་ལ་འགྱུར་བའི་བློ་ཅན་ལ། །ལྟ་བ་རྡོ་རྗེའི་རྒྱུད་ཉིད་བསྟན་པར་བྱ། །གང་ཞིག་དགོངས་པའི་དོན་གོལ་སྒྱུ་མའི་ལུས་ལ་བདེ་བ་ཅན། །བསམ་གཏན་ཙོག་པུའི་རྒྱུད་ཉིད་བསྟན་པར་བྱ། །གང་ཞིག་བལྟ་བའི་ལྟ་བ་མ་རྟོགས་ལ། །ཐུགས་ཀྱི་ཡང་གཏེར་རྒྱུད་ཉིད་བསྟན་པར་བྱ། །གང་ཞིག་མན་ངག་གིས་མན་ངག་མ་རྫོགས་པ་ལ། །གསང་བ་ཡང་གཏེར་རྒྱུད་ཉིད་བསྟན་པར་བྱ། །གང་ཞིག་འཁྲུལ་པའི་ཡིད་ཕྱོགས་བྲལ་བ་ལ། །མུ་ཏིག་ཕྲེང་བ་ཐབས་ཀྱི་རྒྱུད་ཉིད་བསྟན་པར་བྱ། །གང་ཞིག་ལྟ་སྤྱོད་ཡ་བྲལ་གྱུར་པ་ལ། །རྗེས་འཇུག་སྤྱོད་པའི་རྒྱུད་ཉིད་བསྟན་པར་བྱ། །དེ་བཞིན་བློ་ཡི་ཁྱད་པར་སོ་སོ་ལ། །མན་ངག་རྡོ་རྗེ་ཐེག་པ་གཅིག་ཏུ་བབས། །ཞེས་སྟོན་པ་ཉིད་སྐུ་ཆེ་བའི་ཡོན་ཏན་དང་ལྡན་ནས་ཐུགས་རྗེས་ཕྱི་རབས་ཀྱི་དོན་དུ་བསྟན་པ། གླེང་གཞིའི་ལེའུ་སྟེ་དང་པོའོ།། །།དེ་ནས་སྟོན་པ་ཉིད་སྐུ་རྡོ་རྗེ་ལྟ་བུའི་ངོ་བོར་བཞུགས་ཏེ། དེའི་ཚེ་དེའི་དུས་ན། འཁོར་རྣམས་ཀྱི་ནང་ནས། སེམས་དཔའ་རྡོ་རྗེས་ཞུས་པ། ཁམས་གསུམ་འཁོར་བའི་སེམས་ཅན་སྐྱེ་དང་འཆ་ལ་བརྟག །ཟོ་ཆུའི་འཁྱུད་མོ་ཤིང་རྟའི་འཕང་ལོ་འདྲ། །སྡུག་བསྔལ་བཞི་ལས་ཐར་པའི་དུས་མཐའ་མེད། །འཁོར་བ་འདི་ལས་ཐར་པ་ཐོབ་ཐབས་ཤིག །ཐུགས་ཀྱི་དཀྱིལ་ནས་ངེས་པའི་བཅུད་ཕྱུང་བ། །ཕྱི་རབས་དོན་དུ་བསྟན་པ་གཞག་ཏུ་གསོལ། །ཞེས་ཞུས་པ་དང་། །དེ་ཡི་སྟོན་པས་བཀའ་སྩལ་པ། །སེམས་དཔའ་རྡོ་རྗེ་ལ་སོགས་ཀུན། ཁེན་ཏུ་ལུས་ཐུད་དབང་པོ་བསྟན་པར་ཉོན། །ཕྱི་རབས་དོན་དུ་གསེར་གྱི་རུས་སྦལ་འདི། །རྡོ་རྗེ་ཐེག་པ་རྩ་བའི་རྒྱུད། །ཚིགས་སུ་བཅད་དེ་ཡོངས་སུ་དྲངས་པ་འདི། །ཁམས་གསུམ་འཁོར་བའི་སེམས་ཅན་རྣམས། །སྐྱེ་དང་འཆི་ལ་བརྟག་ཅིང་འཁོར་བར་བརྒྱུད་པ་ཡང་། །ཇི་བཞིན་དེ་བཞིན་མ་རྟོགས་པས་སུ་བརྒྱུད་པ་ཡིན། །ཁམས་གསུམ་འཁོར་བའི་སེམས་ཅན་ཐར་པ་འཐོབ་བྱའི་ཕྱིར། །ཆོས་སྒོ་བརྒྱད་ཁྲི་བཞི་སྟོང་གྲངས་མང་ཡང་། །ཐུགས་ཀྱི་དཀྱིལ་ནས་ངེས་པའི་བཅུད་ཕྱུང་ལ། །རྩ་བ་ཡོངས་སུ་བསྡུས་ནས་བསྟན་པ་འདི། །མ་ནོར་ངེས་པ་ཐུགས་ཀྱི་དཀྱིལ་དུ་ཞོག །ངེས་པར་མ་བཞག་ཁམས་གསུམ་འཁོར་བར་འགྱུར། །ཁམས་གསུམ་འཁོར་བའི་སེམས་ཅན་སྐྱེ་དང་འཆི་ལ་བརྟག་པ་ཡང་། །ཇི་བཞིན་པ་ལ་དེ་བཞིན་མ་བཞག་པར། །དེ་དང་མི་མཐུན་རྣམ་པར་རྟོག་པར་འགྱུར། །དེ་བརྟག་རྒྱུ་བསགས་ཁམས་གསུམ་འཁོར་བར་འགྱུར། །རྣམ་རྟོག་དེ་ཡི་རྒྱུ་རྐྱེན་བཤད་མི་ལང་། །བག་ཆགས་ལ་སོགས་སྐྲ་ཤད་གཏོར་བཞིན་སྣང་། །དེ་ཡི་རྒྱུ་རྐྱེན་དེ་ལ་དེ་དོན་སྣང་མི་འགྱུར། །མ་བརྟགས་ཇི་བཞིན་གནས་པ་དེ་བཞིན་ཉིད། །མི་རྟོག་མི་རྟག་བརྟག་པའི་ཡུལ་ལསའདས། །བརྟག་མེད་ཡུལ་ལས་འདས་པ་མཁའ་གསལ་ནམ་མཁའི་ཀློང་། །ནམ་མཁའི་ཀློང་ནི་ཡེ་ནས་དེ་བཞིན་ཉིད། །བརྟགས་པས་དངོས་པོ་དབྱིབས་དང་ཁ་དོག་སྟེ། །འདི་ལ་དབྱིབས་དང་ཁ་དོག་མ་འགྲུབ་དངོས་མེད་ནམ་མཁའི་ཀློང་། །ཅིར་ཡང་བསྒྱུར་དུ་མེད་པ་དེ་བཞིན་ཉིད། །དེ་བཞིན་ཉིད་ནི་མཚོན་པ་ཡོངས་དང་བྲལ། །མཛུབ་ཁྲིད་ཟླ་བ་ལྟ་བུར་བསྟན་པ་དེ། །དེ་བསྟན་ཟླ་མཛུབ་མི་གཅིག་ཐག་རིང་འགྱུར། །དེ་བཞིན་དེ་དང་དེ་གཉིས་ཐག་རིང་ཡང་། །ཇི་བཞིན་པ་ཉིད་ངེས་པར་རང་ལ་འཆར། །དེ་བཞིན་རྟོགས་པ་སངས་རྒྱས་ཉག་གཅིག་མ། །རྣམ་པ་ཐམས་ཅད་མཁྱེན་པའི་སངས་རྒྱས་ཀྱིས། །དེ་བསྟན་དེ་ཉིད་ཡོངས་སུ་ཤེས་པར་གྱིས། །ཐེག་པའི་བྱེ་བྲག་གྲངས་སུ་མང་བསྟན་ཀྱང་། །བསྡུས་པས་སྒོ་བཞི་སྤྱི་ཏི་ཡིད་དང་ལྔ། །སྒོ་བཞི་འདི་ནི་དྲང་དོན་ཙམ་དུ་ངས་བསྟན་ཏེ། །འདིར་ཞུགས་རྣམ་རྟོག་ཉིད་དང་འགྲོགས་པར་འགྱུར། །རྣམ་རྟོག་དེ་ལས་དེ་ཉིད་འབྱུང་བར་དཀའ། །སྐྱེ་བ་བརྒྱུད་ནས་འབྲས་བུ་འབྱུང་བར་བཤད། །ཕྱི་ནང་སྡེ་སྣོད་ཡོངས་ཀྱི་སྤྱི་ཏི་འདི། །ངེས་པའི་དོན་དུ་ངས་བསྟན་ཀུན་རྫོགས་ཏེ། །གདུལ་བྱ་ཆུད་ཟོས་མགོ་ལ་བསྟན་པར་དཀའ། །འདི་ཉིད་ཡེ་ནས་ཚོགས་གཉིས་རྫོགས་ཕྱིར་སྒྲིབ་གཉིས་དག །དག་པའི་དོན་ཉིད་ཡེ་ནས་དེ་བཞིན་ཉིད། །དེ་བཞིན་ཉིད་ནི་དབུ་མར་ཡང་དག་བཤད། །མི་དམིགས་བདེ་བ་གཉིས་ལས་འདས། །ཅིར་ཡང་བརྟག་དཀའ་བརྟགས་པས་རྟོགས་པར་དཀའ། །ལྕགས་ཀྱི་སྒྲོམ་བུ་འཐེབ་རྒྱས་བཏབ་པ་བཞིན། །དེབཞིནཉིདདོནའདི་ཞེས་བསྟན་པར་དཀའ། །གཏིང་དཔག་བཅད་དཀའ་མན་ངག་རྒྱ་མཚོའི་ཚུལ། །གཅེས་པས་བཙལ་དཀའ་ཤེལ་སྒོང་དག་པའི་ཚུལ། །དཀོན་ལ་བཙལ་དཀའ་བསམ་འཕེལ་ནོར་བུའི་ཚུལ། །འདི་རྟོགས་གང་ཟག་ཨུ་དུམ་ལྷ་རའི་ཚུལ། །འདི་མཐོང་དཀའ་བ་གསེར་གྱི་རུས་སྦལ་ཚུལ། །འདི་དོན་མཐོང་བ་རྣམས་ཀྱིས་འདི་མི་མཐོང་ མ་མཐོང་མཐོང་བ་ཡེ་ནས་འདི་བཞིན་ཉིད། །མ་བསླད་ཇི་བཞིན་གནས་པ་དེ་བཞིན་ལ། །གཉིས་མེད་སངས་རྒྱས་གནས་པ་བསྒོམ་པའི་ཀློང་། །བསྒྲུབ་འཚོལ་སྨོན་པ་རྟོག་གེ་བྱིས་པ་འདྲ། །ས་ལམ་གཉིས་མེད་བགྲོད་དུ་ཕུགས་མཐའ་མེད། །སྒོ་ཕུག་གཉིས་མེད་ཐམས་ཅད་དེ་བཞིན་ཉིད། །ལམ་མེད་ལམ་འདོད་གླང་ཆེན་རྨིག་བསྙེག་འདྲ། །བསྐལ་པ་ཙམ་བགྲོད་འདི་ཐོབ་རབ་ཏུ་དཀའ། །ཐམས་ཅད་དེ་བཞིན་ཉིད་དེ་དེར་གནས་པ། །རྡོ་རྗེ་ཀློང་རྒྱ་ཐམས་ཅད་ཡེ་སངས་རྒྱས། །འདི་དོན་སྒྲ་དང་ཚད་མས་གཞིག་པས་བརྡ་མི་འཕྲད། །གཉིས་འཛིན་མུ་སྟེགས་རྟག་ཆད་བགྲོད་དུ་འགྱུར། །འདི་དོན་འདི་ལ་སུ་བརྗོད་རྟོག་པའི་རྒྱུན། །རྣམ་རྟོག་དེ་ལ་བླ་མེད་ཕྱོགས་ན་མེད། །མ་བརྟགས་མ་རྟོགས་རྟོག་མེད་དེ་བཞིན་ཉིད། །དེ་དོན་ཤིན་ཏུ་གཏིང་དཔག་བཅད་པར་དཀའ། །ཚད་མས་མི་ཤིགས་དཔེས་ཀྱང་མཚོན་དུ་མེད། །བདེན་པ་གཉིས་མེད་ཚིག་མེད་ཡི་གེ་མེད། །བསྒྲིབ་མེད་བཙལ་མེད་སྨོན་དུ་རྡུལ་ཙམ་མེད། །ལུང་ལ་མི་རྟོག་ཐེག་པ་མི་འཚོལ་བའི། །ཡེ་ཁྱབ་ཡེ་ནས་ཡེ་སངས་རྒྱས་པ་འདི། །རྟོགས་མ་ཐག་ཏུ་སངས་རྒྱས་ཡིན་པར་བཤད། །ཅེས་རྩ་བའི་རྒྱུད་ལས། ཐམས་ཅད་དེ་བཞིན་ཉིད་དུ་བསྟན་པའི་ལེའུ་སྟེ་གཉིས་པའོ།། །།དེ་ནས་སྟོན་པས་འཁོར་རྣམས་ལ། །རྫོགས་ཆེན་ལ་ཉིད་བཟླས་ཏེ་བསྟན། །རང་བཞིན་ལྷུན་རྫོགས་རྫོགས་ཆེན་ཉིད། །རྫོགས་པ་ཆེན་པོར་ཡེ་ནས་གནས། །ཐམས་ཅད་རྫོགས་པའི་རང་བཞིན་ལ། །བཟང་ངན་བླང་དོར་གཉིས་སུ་མེད། །ཐེག་པ་ལམ་དང་བསྒོམ་བསྒྲུབ་བརྩོན། །རྫོགས་ཆེན་འདི་ལས་འགལ་བར་བཤད། །རྒྱུ་འབྲས་གཉིས་མེད་རྡོ་རྗེའི་སྐུ། །སྐྱེ་ཤི་མེད་པར་ལྷུན་གྱིས་གནས། །གནས་པའི་དོན་ལ་གཉིས་སུ་མེད། །དཔེར་ན་ཆོས་དང་སངས་རྒྱས་མེད། །ལྟ་བས་བལྟས་པས་ཞབྲུལ་པར་སྣང་། །རྒྱུ་འབྲས་ཐེག་པ་བརྟགས་པས་ནོར། །ལམ་གྱི་རིམ་པ་་གཏིང་ནས་མེད། །ལམ་ནི་ཉེ་ལམ་རྫོགས་པའོ། །འཇུག་དང་བལྟ་དང་སྐྱོང་བསྲུང་རྣམས། །མ་བཙལ་ཡེ་ནས་ལྷུན་གྱིས་རྫོགས། །བསྒོམ་དང་བློ་ཡི་ཐེ་ཚོམ་མེད་པས་རྫོགས་ཆེན་ནམ་མཁའི་ཀློང་། །ནམ་མཁའི་ཀློང་ལ་བསྲུང་དང་བསྒོམ་འཇུག་ལྟ་སྤྱོད་བྱ་མི་དགོས། །ཅིས་ཀྱང་དཔག་ཏུ་མེད་པ་རྫོགས་ཆེན་ཀློང་། །ཀློང་ཆེན་འདི་ནི་ཡིད་བཞིནནོརབུའིཚུལ། །འདི་ཚོལ་རྣམས་ཀྱིས་གཞན་ནས་འདི་མ་བཙལ། །རང་ལ་གནས་ཤིང་གཞན་ནས་འདི་འཚོལ་ན། །བསྐལ་པ་གསུམ་དུ་འདི་བཙལ་རྙེད་མི་འགྱུར། །གང་ཞིག་སངས་རྒྱས་རྣམས་ཀྱིས་འདི་མ་བཙལ། །དེ་བཞིན་སེམས་ཅན་འདི་ཚོལ་བཙལ་མི་རྙེད། །མི་ཚོལ་ངོ་བོ་ཉིད་དུ་ཐམས་ཅད་གནས། །རྩོལ་བསྒྲུབ་ལམ་ལ་གནས་པའི་གང་ཟག་རྣམས། །དངུལ་ལ་གསེར་ཞུན་བྱས་ཀྱང་གསེར་མི་བཏབ། །མཚོན་པ་ཚིག་ཏུ་སྟོན་པ་ལམ་ལས་ཉམས། །རྫོགས་ཆེན་འདི་ཡི་དོན་དུ་ག་ལ་འགྱུར། །མི་སྣང་སྣང་བ་མེད་པའི་ཆོས་ཉིད་ལ། །རང་བློས་གང་ལྟར་ཅི་བསམ་འཁྲུལ་པར་འགྱུར། །བསམས་པ་ཉིད་ལ་མི་འཇོག་ན། །དེ་ནི་སྙིང་པོ་ཉག་གཅིག་མ། །མངོན་སུམ་མི་གནས་རྫོགས་ཆེན་འདི། །སངས་རྒྱས་ཀྱིས་ཀྱང་མཚོན་དུ་མེད། །དེ་བཞིན་ལྟ་བས་བལྟ་རུ་མེད། །མ་བལྟས་བཞག་ན་ལྟ་བ་ཡིན། །རང་བཞིན་དེ་ལ་མི་འཇོག་ན། །དེ་དག་བྱང་ཆུབ་རྫོགས་ཆེན་ཉིད། །མངོན་སུམ་མི་གནས་རྫོགས་ཆེན་འདི། །སངས་རྒྱས་ཉིད་ཀྱིས་མཚོན་དུ་མེད། །བཙལ་ནས་རྩོལ་ནད་སངས་མི་སྲིད། །མ་བཙལ་བཞག་ན་རྫོགས་ཆེན་ཉིད། །སྒོ་ཕུག་མེད་ཅིང་བལྟར་མེད་མི་གནས་དོན། །མཛད་སྤྱོད་རྣམ་པར་དག་པའི་རྫོགས་ཆེན་ལ། །འཇུག་བལྟ་བསྲུང་བརྗོད་གཉིས་ནི་འཁྲུལ་པ་སྟེ། །མི་འཇུག་མི་བལྷ་མི་བསྲུང་སྟེ། །བསྒྲུབ་རྩོལ་ལམ་ལ་མི་གནས་ན། །དེ་ཡི་རང་བཞིན་རྫོགས་ཆེན་ཉིད། །གང་ལ་མི་བསྟན་མི་བསྒོམ་ཅིར་ཡང་མི་བཙལ་བཙལ་དུ་མེད། །ཐམས་ཅད་ལྷུན་རྫོགས་ཡེ་ནས་རྫོགས་ཆེན་པས། །སངས་རྒྱས་ཉིད་ཀྱི་རོལ་པ་གཅིག་ཏུ་བཤད། །ཅེས་རྩ་བའི་རྒྱུད་ལས། རྫོགས་ཆེན་ལ་བཟླ་ཞིང་རྩོལ་བསྒྲུབ་ལས་འདས་པར་བསྟན་པའི་ལེའུ་སྟེ་གསུམ་པའོ།། །།དེ་ནས་སྟོན་པས་འཁོར་རྣམས་ལ། །ལམ་གྱི་ཉེ་རིང་བསྟན་པ་ནི། །ཅི་སྤྱད་ཅི་བལྟ་ཅི་བསྒོམས་ཀྱང་། །ལམ་མེད་ལམ་ལ་བགྲོད་པས་གོལ། །རྫོགས་ཆེན་འདི་ལ་སྒོ་ཕུག་མེད། །ཐམས་ཅད་ཉག་གཅིག་རྡོ་རྗེའི་སྐུ། །གཉིས་མེད་མི་འགྱུར་ཡང་དག་ལམ། །ལམ་གྱིས་བགྲོད་པར་འདོད་རྣམས་དག །ལམ་མེད་ལམ་འཇུག་འཁྲུལ་པ་སྟེ། །ས་བཅུར་བརྟོལ་ཡང་བྱང་ཆུབ་ཉིད་ལ་བསྒྲིབ། །མི་བགྲོད་རང་བཞིན་གནས་པའི་དོན་མེད་ན། །མཐོ་རིས་བགྲོད་པའི་རྒྱུ་ལ་ཉོན་མོངས་ཟིན་པར་འགྱུར། །ལམ་མེད་ལམ་དུ་ཞུགས་པས་ཡུལ་རྙེད་རབ་ཏུ་དཀའ། །ཆུས་གདུངས་གླང་ཆེན་སྨིག་རྒྱུ་བསྙེག་པ་ལྟར། །བསྐལ་པར་བགྲོད་ཀྱང་མི་ཐོན་རབ་ཏུ་དཀའ། །ཐེག་པ་གཅིག་གི་སྙིང་པོ་འདི། །རྟོག་གིས་ཐེག་ལམ་མང་དུ་ཕྱེ། །མང་དུ་ཕྱེ་བ་འདི་ཉིད་ཡིན། །འདི་མིན་པར་ནི་ལམ་མི་རྙེད། །ལམ་རྙེད་གྱུར་ཀྱང་འཁྲུལ་པའི་ལམ། །གླང་ཆེན་རྫབ་ཏུ་ཆུད་པ་འདྲ། །ལམ་བགྲོད་དག་ནས་ཐོབ་བྱེད་པ། །བྱ་བྲལ་ཆོས་དང་མི་མཐུན་ཏེ། །འདི་ཞེས་མཐོང་བ་བྱང་མེད་པས། །ལམ་གྱི་ཕུལ་དུ་ཕྱིན་པ་མེད། །གང་དུ་མ་ཕྱིན་དེ་བཞིན་ཉིད་ཀྱི་ངང་། །ངེས་ལམ་འདི་ལས་བདེ་བའི་ལམ་མེད་ཡིན། །ཞེས་རྩ་བའི་རྒྱུད་ལས། ཐེག་པ་གོང་འོག་གི་ལམ་གྱི་ཉེ་རིང་བསྟན་པའི་ལེའུ་སྟེ་བཞི་པའོ།། །།དེ་ནས་སྟོན་པས་འཁོར་རྣམས་ལ། །འདུས་བྱས་ལུས་ངག་གི་ལས་ཀྱིས། །བྱང་ཆུབ་འབྲས་བུ་ཐོབ་དཀར་བསྟན། །དེ་བཞིན་དེ་དོན་ཡེ་ནས་འདུས་མ་བྱས། །དུས་གསུམ་འཇིག་བྲལ་མེད་པས་རྡོ་རྗེའི་སྐུ། །རྒྱུད་ལས་བསྟན་པ་འདི་ཡིས་འབྲས་མི་འགྲུབ། །ཇི་སྟེ་ལུགས་མ་ལ་སོགས་ཕྱག་རྒྱ་ལ། །རྣམ་པར་གྲོལ་བ་ཉིད་ཀྱི་ལམ་ནི་མི་གནས་པས། །གཞི་དེས་དུས་གསུམ་སངས་རྒྱས་རྣམས་ཀྱིས་ལམ་རྙེད་ན། །ཐམས་ཅད་ཆོས་ཉིད་ཕྱག་རྒྱའི་ངོ་བོར་གནས། །སྒྱུ་མའི་ཕྱག་རྒྱ་ལུགས་མའི་ཕྱག་རྒྱར་དུལ། །འབྲས་བུ་རྣམ་པར་གྲོལ་བའི་ལམ་ལ་གནས། །དེ་བཞིན་རྣམ་པར་དག་པའི་ལམ་རྙེད་ན། །མཐོང་ཐོས་ལ་སོགས་ཕྱག་རྒྱའི་ངོ་བོར་གནས། །མཆོད་དང་གཏོང་བ་ལ་སོགས་པས། །རྡོ་རྗེའི་སེམས་ཀྱིས་མ་ཟིན་ན། །ཆེ་བའི་ང་རྒྱལ་ཆེན་པོ་ཡིས། །འཆིང་བ་ལས་ནི་གྲོལ་མི་འགྱུར། །དགེ་རྩས་སྡུག་བསྔལ་སྐྱེ་གཞིར་འགྱུར། །ངན་སོང་དུ་ཡང་སྐྱེ་བར་བྱེད། །ཅེས་རྩ་བའི་རྒྱུད་ལས། བ་སོའི་འབུར་དང་། གསེར་དངུལ་གྱི་ལུགས་དང་། རུས་སྦལ་གྱི་རིས་དང་། འཇིམ་པའི་ལྷ་དང་། འདུས་བྱས་ཐམས་ཅད་ཀྱིས་བྱང་ཆུབ་འབྲས་བུ་འཐོབ་པར་དཀའ་བར་བསྟན་པའི་ལེའུ་སྟེ་ལྔ་པའོ།། །།དེ་ནས་སྟོན་པས་འཁོར་རྣམས་ལ། །ཐེག་པ་འོག་མའི་སྡོམ་པ་ཡིས། །བྱང་ཆུབ་འབྲས་བུ་ཐོབ་དཀའ་བསྟན། །ཉག་གཅིག་སངས་རྒྱས་ལམ་ཉིད་ལ། །འགལ་བ་མེད་པའི་མཐའ་ལས་འདས། །སྡིག་པ་བཅུ་སྤྱད་འདི་མི་བསྒྲིབ། །སྡིག་པ་ཉིད་ཀྱང་བྱང་ཆུབ་ཉིད། །སྡིག་སྒྲིབ་མི་གནས་དོན་ལ་གཉིས་སུ་མེད། །དེ་ཕྱིར་དཀའ་ཐུབ་སྡོམ་པ་བསྲུངས་པ་རྫོགས་ཆེན་དོན་ལས་གོལ། །དཀའ་ཐུབ་བགྲོད་རྩོལ་འབད་རྩོལ་གྱིས། །ཡང་དག་སངས་རྒྱས་ལམ་མི་རྙེད། །སྡོམ་པས་རྩ་བ་བྱང་ཆུབ་རིང་། །མི་བསྲུང་མི་སྡོམ་རྫོགས་ཆེན་མཆོག་གི་ལམ། །རྫོགས་ལམ་འདི་ལ་སྤང་བླང་མེད་པའི་ལམ། །གཉིས་མེད་ཐམས་ཅད་མ་སྤངས་པ་ཡི་ལམ། །དགེ་སྡིག་གཉིས་མེད་སྤང་བླང་མེད་པར་ཉག་གཅིག་སངས་རྒྱས་ལམ། །དགེ་སྡིག་གཉིས་སྤྱོད་གསེར་དང་བོང་བའི་སེམས། །འཁྲུལ་པའི་ལམ་ཡིན་རྫོགས་ཆེན་ལམ་རིང་འགྱུར། །རྫོགས་ཆེན་འདི་ནི་གཉིས་མེད་རྡོ་རྗེ་མི་འགྱུར་སྤང་བླང་མེད། །གཉིས་མེད་མཆོག་གི་ལམ་ཆེན་འདིར་ཞུགས་པས། །མི་ལེན་མི་སྤང་རྡོ་རྗེ་ཡང་དག་ལམ། །དགེ་སྡིག་གཉིས་མེད་སྙིང་པོ་ཐིག་ལེ་གཅིག །རང་རིག་དེ་བཞིན་ཉིད་ཀྱི་ཡེ་ཤེས་བལྟས། །ཞེས་རྩ་བའི་རྒྱུད་ལས། ཐེག་པ་འོག་མའི་དཀའ་ཐུབ་སྡོམ་པ་བསྲུང་བས། བྱང་ཆུབ་འབྲས་བུ་འགྲུབ་པར་དཀའ་བའི་ལེའུ་སྟེ་དྲུག་པའོ།། །།དེ་ནས་སྟོན་པས་འཁོར་རྣམས་ལ། །སྔགས་ནི་ཕྱི་དང་ནང་གིས་ཀྱང་། །བྱང་ཆུབ་འབྲས་བུ་འཐོབ་པར་དཀའ་བར་བསྟན། །གཟུགས་བྲལ་ཉག་གཅིག་རྡོ་རྗེ་མཆོག་གི་སྐུ། །རྩོལ་བསྒྲུབ་མཐའ་ལས་འདས་པ་རྫོགས་ཆེན་མཐའ་རུ་ཕྱིན། །བདེན་གཉིས་གང་ལ་གནས་པའི་བློ་དང་བྲལ། །ཟླ་ཅན་ཟུང་འཇུག་པ་ཡིས་འདི་མི་མཐོང་། །གཉིས་མེད་སྤྲོས་བྲལ་རྫོགས་ཆེན་བདེ་བའི་ངང་། །གཟུང་འཛིན་མཚན་མ་པ་ལ་འདི་དོན་རིང་། །ཅི་ཕྱིར་ཡེ་ཤེས་འཁོར་བའི་གཞལ་ཡས་ཁང་། །གཟུགས་སྐུ་གདན་དང་མཆོད་པར་གནས། །དམ་པ་དེ་མཐོང་མཆོད་བྱས་ཀྱང་། །ཏིང་ངེ་འཛིན་གྱིས་གསལ་འགྱུར་ཀྱང་། །རང་རིག་མཉམ་པའི་ངང་རྟོག་ཆེ། །ཞི་བ་མ་ཡིན་རྣམ་རྟོག་སྒོམ། །རྣམ་པར་རྟོག་ཉིད་འཁྲུལ་པ་སྟེ། །ཡང་དག་སངས་རྒྱས་ལམ་མི་རྙེད། །ཡེ་ཤེས་སེམས་དང་དམ་ཚིག་སེམས། །ལམ་གྱིས་ཁྱད་པར་བྱིན་བརླབས་ཤིང་། །སྤྱན་དྲངས་བཞུགས་གསོལ་མཆོད་བྱས་ཀྱང་། །མ་ཡིན་དོན་རྟོག་འཁྲུལ་པ་སྟེ། ཁེན་ཏུ་བྱིས་པའི་སྤྱོད་ཡུལ་འདྲ། །མཉམ་པ་དོན་གྱི་ངོ་བོ་ལ། །གཟུགས་མེད་གཟུགས་སུ་འཛིན་པ་མེད། །རྣམ་རྟོག་ཉིད་ཀྱང་ཡེ་ཤེས་ལ། །ལྷ་སྐུ་ཉིད་ཀྱང་དེ་བཞིན་ཉིད། །བླུན་པོ་རྟོག་གེའི་སྦྱོད་ཡུལ་མིན། །མཆོད་དང་མཆོད་པར་བྱ་བ་མེད། །དེ་རྣམས་རྣམ་རྟོག་འཁོར་བའི་རྒྱུ། །ཡང་དག་སངས་རྒྱས་ལམ་འདོད་རྣམས། །རྟོག་བྲལ་ཉག་གཅིག་རྡོ་རྗེ་ལས། །དེ་བཞིན་ཉིད་དུ་གནས་པར་བྱ། །ཞེས་རྩ་བའི་རྒྱུད་ལས། སྔགས་ཕྱི་ནང་གཉིས་ཀྱིས་བྱང་ཆུབ་འཐོབ་པར་དཀའ་བར་བསྟན་པའི་ལེའུ་སྟེ་བདུན་པའོ།། །།དེ་ནས་སྟོན་པས་འཁོར་རྣམས་ལ། །རྫོགས་ཆེན་འདི་དོན་དགོས་པར་བསྟན །དུག་ལྔ་ནད་སེལ་བླ་མེད་རྫོགས་པའི་དོན། །འདི་དོན་མ་རྟོགས་གསལ་བས་དམ་པར་བཅིངས བཅིངས་པའི་དོན་ནི་ཉོན་མོངས་བརྒྱད་ཁྲི་སྟེ། །གཉེན་པོ་རྫོགས་ཆེན་འདི་ཡིས་གྲོལ་བར་འགྱུར། །འཁོར་བ་གཉིས་ལས་མི་ཐར་ཐར་པ་མེད་པ་ཡང་། །རྫོགས་ལམ་འདི་ཉིད་རྙེད་ནས་ཐར་བར་འགྱུར། །རྫོགས་ཆེན་ལམ་ནི་ཀུན་གྱི་ནད་སེལ་སྨན། །མ་གཡོས་གཡོས་པ་མེད་པ་ཐམས་ཅད་ངང་དུ་གནས། །འདི་འདོད་གཉིས་འཛིན་མ་བྲལ་ལམ་མི་རྙེད། ཁེན་ཏུ་ནད་གདུང་གསོ་བའི་གླགས་ཡོངས་མེད། །ཁུ་བྱུག་དུས་བཟུང་ཟླ་ཁོངས་སྙེགས་པ་ལྟར། །གཞན་གྱིས་རང་རྒྱུད་སྦྱངས་ཏེ་གཞུང་བསྙེགས་ཀྱང་། །དགོས་འདོད་རྫོགས་ཆེན་མ་ཐོབ་བར་དུ་བྱང་མི་ཆུབ། །འཇུག་པའི་སྒོ་བཞིར་ཞུགས་ཤིང་ལམ་སྦྱངས་ཀྱང་། །སྤྱི་ཡི་དོན་མཆོག་མ་རྟོགས་བར་དུ་སངས་མི་རྒྱ། །སྤྱི་ཕུག་འདི་ཉིད་ཀུན་གྱི་གཞི་མོ་ཡིན། །ཐམས་ཅད་གཞི་མོ་ཉིད་དུ་ཤེས་པར་བྱ། །རྫོགས་ཆེན་འདི་དོན་རྩོལ་བསྒྲུབ་མཐའ་ལས་འདས། །འདས་པའི་དོན་ནི་བླ་མེད་འབྲས་བུའི་མཆོག །བཤད་བརྗོད་རྩོལ་བས་འདི་དོན་རྙེད་པར་དཀའ། །དུས་གསུམ་བླ་མེད་སངས་རྒྱས་རྣམས་ཀྱིས་ཀྱང་། །བཤད་བརྗོད་བྲལ་བའི་དོན་ཉིད་འདི་མཐོང་ནས། །བླ་མེད་སངས་རྒྱས་འབྲས་བུ་གྲུབ་པ་ཡིན། །རྫོགས་ཆེན་ལམ་འདི་ཀུན་གྱི་ཕུག་ཡིན་ཏེ། །བློ་འཁྲུལ་འདི་དོན་ཉིད་ལ་མི་སྤྱོད་ན། །མཆིང་བུ་བྱི་དོར་བྱས་ཀྱང་རིན་ཆེན་མེད། ཁུག་པས་སྒེག་པར་བྱས་ཀྱང་ཙསྡོན་མིན། །སྙིང་པོའི་དོན་འདི་མ་མཐོང་ན། །རྒྱ་མཚོའི་འགྲམ་དུ་སྐོམ་གྲིར་འཆི། །ཞེས་རྩ་བའི་རྒྱུད་ལས། ཐེག་པ་གཞན་གྱི་གཞུང་ལ་མཉན་པའི་སྔགས་པ་ཡང་། ཐ་མ་རྫོགས་ཆེན་སྤྱི་དོན་དགོས་པར་བསྟན་པའི་ལེའུ་སྟེ་བརྒྱད་པའོ།། །།དེ་ནས་སྟོན་པས་འཁོར་རྣམས་ལ། །བླ་མེད་རྫོགས་པ་ཆེན་པོའི་དོན། །ཁ་ཚིག་དག་ལ་མི་བརྟེན་པར། །ཅི་ལའང་མི་བརྟེན་པ་རུ་བསྟན། །བླ་མེད་རྫོགས་ཆེན་བརྗོད་འདས་ནི། །མཚོན་པ་ཚིག་ལ་མི་གནས་ཏེ། །གལ་ཏེ་གནས་ན་ཚིག་ལ་གོལ། །ལམ་མེད་སྙིང་པོའི་དོན་ཉིད་ལ། །རྣ་ཐོས་ཙམ་གྱིས་ཡོན་ཏན་ལ། །ཡིན་སྙམ་དེ་སྨྲ་དགེ་སྡིག་སྤྱོད། །རྟག་ཆད་དོན་དང་དེ་མི་འགལ། །མཉམ་མེད་དོན་འབྲལ་ཚིག་བརྗོད་ཀྱང་། །ཟིལ་གྱིས་མི་ནོན་གྲོལ་མི་འགྱུར། །ཡེ་མཉམ་གདེང་དང་མི་ལྡན་ན། །ཚིག་མཉམ་རྟོག་ཙམ་རླུང་མི་བཟློག །རྣམ་པར་དག་དོན་མི་ཤེས་པར། །ཚིག་ཙམ་ཐོས་པས་འཇུག་བྱེད་ཅིང་། །དེ་དོན་བསོད་ནམས་མི་བསག་པར། །གང་ཡང་མི་འགྲུབ་ཆད་པར་འགྱུར། །བླ་མེད་རྫོགས་ཆེན་དོན་འདི་ལ། །བསྒོམ་དུ་མེད་ཅེས་བརྗོད་པ་ཡང་། །ཁ་ཚིག་ཚིག་དེས་དོན་བྱེད་པ། །དེ་ནི་མུ་སྟེགས་ལྷ་བའི་མཆོག །རྟག་ཆད་གཉིས་ལྡན་ཆད་པའི་མཆོག །བདེན་པར་བསྐལ་པ་ཁྲིར་བཏགས་ཀྱང་། །འཛིན་པའི་དབང་གིས་སྡུག་བསྔལ་ཞིང་། །ཆད་པའི་དབང་གནས་མཆོག་སྨིན་ཏེ། །སྡིག་མ་བསྐྱེད་པའི་བྱ་བ་ཡང་། །ཇི་ཙམ་བསགས་ཀྱང་ཁམས་གསུམ་གནས། །ཞེས་རྩ་བའི་རྒྱུད་ལས། ཐེག་པ་གཞན་གྱི་གོ་དགག་པ་དེ་ལ་ཚིག་ཏུ་མ་བཏང་ཞིང་ཁ་ཚིག་ཏུ་མ་བསྟན་པའི་ལེའུ་སྟེ་དགུ་པའོ།། །།དེ་ནས་སྟོན་པས་འཁོར་རྣམས་ལ། །བསྒོམ་པའི་བསམ་པ་དགོས་པར་བསྟན། །སྙིང་པོ་འདི་དང་མ་འབྲེལ་པའི། །ཚིག་གི་དྲང་སྲོང་དགོན་པ་མཁན། །ཉམས་དེ་མེད་པར་སྙིང་པོ་ཉིད། །མ་བསྒོམས་པར་ནི་མཐོང་མི་སྲིད། །མཐོང་སྙམ་པ་ནི་གོལ་ས་ཡིན། །མཐོང་མེད་དག་གི་ཡེ་ཤེས་དེ། །བྱིན་གྱི་རླབས་ཀྱིས་བསྒོམ་པར་བྱ། །རྟོག་འཛིན་སེམས་ལ་མི་གནས་པར། །ཡང་དག་དོན་ཉིད་མ་བསྒོམས་ན། །བླ་མེད་ཐར་པ་ཐོབ་མི་སྲིད། །དགོན་པ་དབེན་ཟུང་དེ་དོན་བསྒོམ། །དྲི་མེད་དག་པའི་ཡེ་ཤེས་ཀྱིས། །བརྗོད་དུ་མེད་པའི་དོན་ཉིད་སྒོམས། །བླ་མེད་ཐར་པ་ཐོབ་པར་འགྱུར། །ངེས་པའི་དོན་ཉིད་མ་བསྒོམས་ན། །ཡང་དག་སངས་རྒྱས་ལམ་རིང་བས། །བྱང་ཆུབ་ཉིད་ལ་ཐོག་མཐའ་མེད། །དུས་གསུམ་སངས་རྒྱས་རྣམས་ཀྱིས་ཀྱང་། །གཉིས་མེད་ཡེ་ཤེས་དོན་བསྒོམས་ནས། །སངས་རྒྱས་ས་ལ་གནས་པ་ཡིན། །བདེ་བའི་འབྲས་བུ་གང་འདོད་པར། །གཉིས་སུ་མེད་པའི་སྙིང་པོ་བསྒོམ། །ཞེས་རྩ་བའི་རྒྱུ་ལས། བསྒོམ་དགོས་པར་བསྟན་པའི་ལེའུ་སྟེ་བཅུ་པའོ།། །།དེ་ནས་སྟོན་པས་འཁོར་རྣམས་ལ། །བསྒོམ་པ་དག་གི་ཐབས་རྣམས་བསྟན། །བླ་མེད་ཐར་པ་ཐོབ་དགའ་བ། ཁྲེས་རབ་ཐབས་ལ་བརྟེན་པས་འགྲུབ། །མིང་ཙམ་ཐབས་ལ་བརྟེན་ནས་སུ། །བདེ་བའི་དོན་ཉིད་རང་ལས་བྱུང་། །ཐབས་མེད་ཤེས་རབ་དང་བྲལ་བ། །གླང་ཆེན་ཆུ་འདོད་སྨིག་བསྙེག་འདྲ། །དད་མོས་འཕྲོ་ཅན་སྣོད་ལྡན་ལ། །གང་ཟག་མཚན་རྟགས་གཟུང་ཐབས་བསྟན། །ཞེ་སྡང་དག་གི་ཤས་ཆེ་ལ། །དངུལ་དཀར་ཞུན་མའི་སེམས་འཛིན་བསྟན། །གཏི་མུག་དག་གི་ཤས་ཆེ་ལ། །སྣང་གསལ་སྒྲོན་མེའི་སེམས་འཛིན་བསྟན། །ང་རྒྱལ་དག་གི་ཤས་ཆེ་ལ། །ཞི་བ་ལྷ་ཡི་སེམས་འཛིན་བསྟན། །འདོད་ཆགས་དག་གི་ཤས་ཆེ་ལ། །བདུད་རྩི་བུམ་པའི་སེམས་འཛིན་བསྟན། །ཕྲག་དོག་དག་གི་ཤས་ཆེ་ལ། །ཡི་གེ་འབྲུ་ཡི་སེམས་འཛིན་བསྟན། །རྣམ་ལྔ་འདི་ལ་བསྟེན་ནས་ཀྱང་། །ངོ་བོ་ཉིད་ནི་ཤིན་ཏུ་བསྒོམ། །བྱང་ཆུབ་དམ་པ་སངསརྒྱས་རང་གི་སེམས། །སྣ་ཚོགས་གློག་བཞིན་སྣང་ཡང་གྱི་ནར་བཞག །བསམས་ཤིང་བསྒོམ་དེ་བསྒོམ་པའི་ཡུལ་ལས་འདས། །བདེ་གཤེགས་རང་རིག་རང་བྱུང་རང་ཞིར་བཞག །ཁོང་ཀློང་ཡངས་པར་གཞག་པ་དེ་བཞིན་ནོ། །ཡུལ་དྲུག་རྐྱེན་གྱིས་མི་ནོན་འཁྲུལ་མི་འགྱུར། །འདུ་ཤེས་དག་གིས་བསམ་དུ་མེད་པས་ན། །གང་ཡང་མི་སེམས་མི་བསམ་མཉམ་པར་ཞོག །བསམས་ཤིང་བསྒོམ་དེ་བསྒོམ་པའི་ཡུལ་ལས་འདས། །གོངདུཡངབྱུངདེ་ཉིད་རང་རིག་རང་བྱུང་རང་ཞིར་གཞག །བཞག་པའི་དངོས་པོ་སངས་རྒྱས་ཉིད་ཀྱི་ཐུགས། །འདི་ཞེས་བསྟན་དུ་སངས་རྒྱས་ཉིད་ཀྱིས་མེད། །ཅེས་རྩ་བའི་རྒྱུད་ལས། བསྒོམ་པའི་ཐབས་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་སྟོན་པས་འཁོར་རྣམས་ལ། །ངེས་པའི་དོན་གྱི་ངོ་བོ་བསྟན། །རྫོགས་པ་ཆེན་པོའི་ངོ་བོ་ནི། །དྲནཔའི་རྟོག་པ་མི་འབྱུང་བས། །རི་ནི་ཡོངས་སུ་རྫོགས་པ་ཡིན། །རྣམ་ཤེས་ཡུལ་ལ་མ་ཆགས་པར། ཁྲེས་རབ་ཡོངས་སུ་རྫོགས་པ་ཡིན། །གཏིང་ནི་ཤེས་རབ་ཡོངས་རྫོགས་པས། །རྟོག་པ་མེད་པའི་ཤེས་རབ་སྐྱེ། །ཁམས་གསུམ་ལས་སུ་འདས་པར་འགྱུར། །གང་ལ་སེམས་མེད་དེ་བཞིན་ཉིད། །གང་ཡང་མི་དམིགས་ཅིར་མི་རྟོག །ཅིར་ཡང་མི་བསྒྲུབ་མི་སེམས་པ། །སེམས་ཀྱིས་དམིགས་ཞེས་བྱ་བ་སྟེ། །བསྒོམ་པ་མ་ལུས་རྫོགས་པ་ཡིན། །རྟོག་དཔྱོད་མེད་པས་བདེ་བའི་མཆོག ་ས་པ་གཟུང་འཛིན་དང་བྲལ་བ། །བསྟན་པ་ངོ་བོ་ཉིད་ཀྱི་སྐུ། །དེ་ལ་དམིགས་བྱ་རྡུལ་ཕྲན་མེད། །དེ་ཕྱིར་དམིགས་སུ་ཅི་ཞིག་ཡོད། །དམིགས་སུ་མེད་ལ་ཅི་ཞིག་དམིགས། །དེ་ལ་དེ་བཞག་དེ་གནས་པ། །པདྨའི་སྤྱན་དེ་དེས་མཐོང་འགྱུར། ཁྲེས་པ་མེད་པ་ཤེས་རབ་མཆོག །གསལ་བ་མེད་པ་ཡེ་ཤེས་དང་། །འཛིན་པ་མེད་པ་ཏི་ནི་རླུད་། །རྩོལ་བ་མེད་ན་ཚུལ་ཁྲིམས་རྫོགས། ཁྲེས་ནས་མི་ཕྱེད་གཏི་མུག་དང་། །མི་བསྒོམ་བསྒོམ་པ་འདུ་འབྲལ་མེད། །མི་ཤེས་པས་ནིཤེས་རབ་བསྟན། །མི་འཛིན་འཛིན་པའི་གཏིང་ནས་བསྟན། །མི་བལྟ་བ་དེ་སྙམ་པར་ངེས་བསྟན་ནོ། །སྣང་བ་མེད་ན་དངོས་མེད་པས། །དེ་ཉིད་ཉག་གཅིག་མཆོག་གི་སྐུ། །དེ་བཞིན་སྐུ་ལ་མཚོན་དུ་མེད། །དེ་ཉིད་དབྱིངས་་ཏེ་མཚོན་དུ་མེད། །མི་མཐོང་བ་ཉིད་མཐོང་བ་ཡིན། །ཅིར་ཡང་མི་དམིགས་གཏི་མུག་སྟེ། །མ་རིག་པ་ནི་ཡེ་ཤེས་གསལ། །རིག་པའི་ཡ་་ཤེས་གང་ལྡན་པས། །ཡི་གེ་མེད་པའི་དོན་ལ་བལྟ། །འཛིན་ཡང་རྟོག་དང་དམིགས་དང་བྲལ། །གང་ལ་མི་བརྟེན་བསྒོམ་པའི་མཆོག །ཉོན་མོངས་ཉིད་ཀྱང་བྱང་ཆུབ་གཞི། །གཞི་དེ་ཙམ་ཡང་བསམ་དུ་མེད། །གང་ལ་རྟག་ཏུ་མེད་པའི་བྱང་ཆུབ་སེམས་ཀྱི་ལམ། །དོན་ལ་འཇུག་ཏུ་མེད་པའི་རྫོགས་ཆེན་བལྟ་བ་འི་ཀློང་། །འདི་ལྟར་དྲན་མེད་སྟོབས་ལྡན་དགོངས་པའི་མཆོག །བདེ་དང་མི་བདེ་སེམས་ལ་གཉིས་མེད་དེ། །སྟོན་པ་སྐྱོན་དུ་མཐོང་བ་གང་ལགས་པ། །བདེན་པའི་དོན་ལ་མ་ཉམས་དགོངས་པའི་མཆོག །ཤེས་རབ་ཆེན་པོ་ཡུལ་དང་དབང་པོར་བལྟ་སྟེ་མཐོང་ན་བལྟ་མི་བྱ། །དང་པོ་ཤེས་རབ་རྣམ་གསུམ་གྱིས། །ཆོས་ཉིད་ཉམས་སུ་བླངས་པའི་མིས། །བལྟ་བ་ནམ་མཁའི་དབྱིངས་ཉིདལ། །དེབཞིནསེམསནིདེདང་འདྲ། །དེ་ལ་བསྒོམ་ཞིང་རེད་པ་དང་། །མཁའ་ལ་མཁའ་ཉིད་རྣམ་པར་བསྒོམ །བསྒོམ་པའི་དུས་ནི་མཐོང་བ་ནི། །ཅུང་ཟད་ཙམ་ཡང་མཐོང་དུ་མེད། །དེས་བསྒོམ་མཆོག་ཆེན་བ་དེ་ལ། །སྐད་ཅིག་ཙམ་ཡང་མ་ཕུལ་ན། །ཅི་ཙམ་གྲུབ་པ་མཉམ་པ་ཉིད། །མཉམ་པའི་འཁོར་ལོ་ཞེས་བྱར་བཤད། །ཅེས་རྩ་བའི་རྒྱུད་ལས། ངེས་དོན་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་སྟོན་པས་འཁོར་རྣམས་ལ། །ལྟ་བ་སྤང་བླང་མེད་པར་བསྟན། །ཐམས་ཅད་ངོ་བོ་དེ་བཞིན་ཉིད། །ལམ་ནི་ཉེ་ལམ་བདེ་བར་རྫོགས། །ཐམས་ཅད་མཉམ་པོར་ཐིག་ལེ་གཅིག །ངོ་བོ་མེད་པའི་སྙིང་པོ་ལ། །ངོ་བོ་མེད་པའི་རྟོག་བྱུང་ན། །ངོ་བོ་མེད་པར་ཤིན་ཏུ་བརྟགས། །སྙིང་པོའི་ངོ་བོ་ངོ་བོ་མེད། །ངོ་བོ་དང་པོ་ངོ་བོ་ནི། །འོ་ན་ཅི་དགར་གཞག་དེ་ཡང་། །ཡང་དག་འཛིན་པའི་རྣལ་འབྱོར་པས། །མ་བཟློག་མ་བླན་ངོ་བོ་ཉིད། །རང་བྱུང་རང་ཞི་ཉིད་དུ་བཞག །གཉིས་མེད་ངོ་བོ་ཐིག་ལེ་གཅིག །དབང་པོ་ཡུལ་ལ་འགག་མིན་པས། །ཡུལ་འགགས་ལོག་ན་སྙིང་པོ་མེད། །ཕྱི་ནང་གཉིས་མེད་དེ་བཞིན་ཉིད། ཁྲེས་པ་ཡུལ་ལ་ཡན་དུ་བ་་པ་མིན། །ཡུལ་ལ་ཤེས་པ་གཞིག་མི་བྱ། །ཐམས་ཅད་གཉེན་པོས་བཅོས་སུ་མེད། །འདུ་ཤེས་མི་སྤང་རིག་པ་མི་བླང་སྟེ། །བླང་དོར་སེམས་དང་གང་བྲལ་བསྒོམ་པ་ཡིན། །བག་ཆགས་ཆེ་ཕྲ་རྒྱུན་སྲིད་པས། །མི་སྐྱེ་མི་འགག་རང་སར་བཞག །བསྐྱེད་ན་འདུ་ཤེས་བསྐྱེད་པ་སྟེ། །བཀག་ན་བྱིང་བར་འགྱུར་བས་ན། །རང་བྱུང་རང་ཞི་རང་གཞག་པ། །ངོ་བོ་ཉིད་ཀྱིདོན་དང་མཇལ། །ཞེས་རྩ་བའི་རྒྱུད་ལས། །ལྟ་བ་སྤང་༄་། །བླང་མེད་པར་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་སྟོན་པས་འཁོར་རྣམས་ལ། །མཐའ་རུ་ཕྱིན་པའི་ཚད་རྣམས་བསྟན། །ཐམས་ཅད་སངས་རྒྱས་རང་བཞིན་ལ། །རང་བློ་སྤང་བླང་གང་མེད་པ། །བསམ་གཏན་མཐའ་རུ་ཕྱིན་པའི་ཚད། །གཉིས་མེད་གཉིས་སུ་མི་འཛིན་ཅིང་། །གསེར་བོང་ཕྱོགས་ཆར་མི་འཛིན་མི་བལྟ་ན། །བསམ་གཏན་མཐའ་རུ་ཕྱིན་པའི་ཚད། །མི་རྟོག་མི་སེམས་མི་དམིགས་ན། །བསམ་གཏན་མཐའ་རུ་ཕྱིན་པའི་ཚད། །འབྱུང་བ་ནམ་མཁའི་ངང་ཉིད་ལས། །སྤྲིན་དང་ཁུ་རླངས་འབྱུང་བ་ཡང་། །རང་བྱུང་རང་ཞི་ནམ་མཁའི་ཀློང་། །དེ་བཞིན་རང་གི་བྱང་ཆུབ་སེམས། །དེ་གཡོས་མ་ཡིན་མཚན་རྟོག་ཀུན། །རང་བྱུང་རང་ཞི་སེམས་ཀྱི་ངང་། །དེ་ལྟར་བྱུང་ཚེ་བསམ་གཏན་ཚད། །བདེ་བར་རྩོལ་ན་དེ་བཞིན་ཉིད། །མཚན་མ་དག་པ་བསམ་གཏན་ཚད། །གདེང་སེམས་ལྡན་ཞིང་འགྱུར་བ་མེད། །དེ་ལྟར་གྱུར་ཚེ་བསམ་གཏན་ཚད། །དེ་མིན་ལངས་པའི་སེམས་བྱུང་ན། །ཕྱིན་ཅི་ལོག་གི་རྣམ་རྟོག་སྟེ། །དེ་དག་དེ་ལ་དེ་དོན་མེད། །བལྟ་བ་མེད་པའི་ལྟ་བ་ནི། །ལྟ་བ་མཐའ་རུ་ཕྱིན་པའི་ཚད། ཁེན་ཏུ་བླུན་པ་མི་གསལ་བ། །དྲན་པའི་འབྱུང་འཇུག་ཉམས་པ་སྟེ། །རྟོག་དཔྱོད་བག་ལ་ཉལ་བའི་ཚད། །བླུན་པོ་དམ་དུ་ཟིན་པ་ནི། །ཏིང་རྣམསདོནལཞེནཔའིཚད། །གང་ལ་ཆགས་པའི་སེམས་མེད་ན། །བསམ་གཏན་ལྷུན་གྱིས་གྲུབ་པའི་ཚད། །རྟག་ཏུ་འདི་ལྟར་གང་གནས་པ། །སངས་རྒྱས་ས་ལ་གནས་པ་ཡིན། །ཞེས་རྩ་བའི་རྒྱུད་ལས། བསམ་གཏན་མཐར་ཕྱིན་པ་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་སྟོན་པས་འཁོར་རྣམས་ལ། །བསྒོམ་ཆགས་ནད་རྣམས་བསལ་ཏེ་བསྟན། །དེ་བཞིན་ཉིད་ནི་མི་གཉིས་ཐིག་ལེ་གཅིག །དམིགས་པའི་ཡུལ་ནི་རྡུལ་དང་རི་རབ་འདྲ། །འདྲ་བ་རྟོག་པ་རླུད་ཆེན་ཙམ། །གནས་མེད་གནས་ལ་སྤྱོད་ཆགས་བསྒོམ་པ་གོལ། །མི་རྟོག་ཅི་ལའང་ཆགས་མེད་པས། །ཏིང་རྣམས་རི་ལ་ཆགས་མི་བྱ། །དེ་བཞིན་ཉིད་ལ་གཟུགས་མེད་པས། །དམིགས་བྱའི་ཡུལ་ནི་ཅི་ཞིག་ཡོད། །གཉིས་སུ་མེད་པའི་དམིགས་པ་ནི། །བསྒོམ་ཆགས་ནད་དེ་འཁོར་བའི་རྒྱུ། །དམ་པ་ཉིད་མཐོང་དེ་ལ་ཞེན་པ་ནི། །བསྒོམ་ཆགས་ནད་ཀྱིས་ཟིན་པ་ཞེས་བྱའོ། །དོན་མཐོང་ཤེས་པ་ཡོད་གྱུར་ན། །དེས་ནི་མ་མཐོང་བསྒོམ་ཆགས་ནད། །མི་རྟོག་ཟབ་མོ་ཉམས་མྱོང་ན། །མྱོང་བ་ཉིད་ཀྱིས་བསྒོམ་ཆགས་ནད། །རྟག་ཆད་གོལ་སར་མཐོང་གྱུར་ན། །དུས་གསུམ་དག་དང་དེ་དང་ལྡན། །ཏིང་ངེ་འཛིན་གྱི་ར་་ལ་ཆགས་གྱུར་ན། །རྟག་ཆད་མུ་གཉིས་མཐའ་མི་སེལ མརབས་བུས་པ་ཐ་མའི་སེམས། །འདུ་ཤེས་མེད་པའི་ཁྲོད་དུ་སྐྱེ། །ཞེས་རྩ་བའི་རྒྱུད་ལས། བསྒོམ་ཆགས་ཀྱི་ནད་བསལ་བར་བསྟན་པའི་ལེའུ་སྟེ་བཅོ་ལྔ་པའོ།། །།དེ་ནས་སྟོན་པས་འཁོར་རྣམས་ལ། །འདི་ཞེས་བསྟན་དུ་མེད་པས་བསྟན། །དེ་བཞིན་ཉིད་ཀྱི་སྙིང་པོ་ཉིད། །འདི་ཞེས་པ་ནི་བསྟན་དུ་མེད། །སུས་ཀྱང་འདི་འདྲ་གསུངས་པ་མིན། །འདི་ཞེས་བསྟན་དུ་སངས་རྒྱས་ཉིད་ཀྱིས་མེད། །ལྕགས་ཀྱི་སྒྲོམ་བུ་ཐེབ་རྒྱས་བཏབ་པ་བཞིན། །ནོར་གཟུང་དམ་པ་གྱད་པར་བསྟན་པ་དཀའ། །དེ་བཞིན་ཉིད་ལ་དབྱིབས་དང་ཁ་དོག་མེད། །མེད་པའི་དོན་ལ་ཡེ་ནས་བལྟར་མེད་འདི་ཞེས་མཐའ་ལས་འདས། །བསམ་འདས་དེ་དོན་སངས་རྒྱས་ཉིད་ཀྱི་ཐུགས། །འདི་འདྲ་བསྟན་དུ་སངས་རྒྱས་ཉིད་ཀྱིས་མེད། །དེ་བཞིན་དེ་ལ་བཤད་བརྗོད་མཐའ་དང་བྲལ། །འདི་འདྲས་བསྟན་མེད་སྙིང་པོ་དོན་གྱི་མཆོག །མཚོན་ཅིང་དཔག་དཀའ་སྙིང་པོ་རྡོ་ཡི་ཚུལ། །དེ་བཞིན་གཏིང་དཔག་བཅད་དཀའ་འདི་ཞེས་བསྟན་དུ་མེད། །ཡོད་མེད་མཐའ་ལས་འདས་པ་སྙིང་པོ་མཆོག །ཅིར་ཡང་བསྟན་མེད་ནམ་མཁའི་ངང་། །དེ་བཞིན་དེ་ལ་འདི་ཞེས་བསྟན་དུ་མེད། །ཡོད་མེད་མཐའ་བྲལ་སྙིང་པོ་དོན་གྱི་མཆོག །ཅིར་ཡང་བསྟན་མེད་ནམ་མཁའ་དག་པའི་ངང་། །དེ་བཞིན་དེ་ལ་འདི་ཞེས་བསྟན་དུ་མེད། །ཅེས་རྩ་བའི་རྒྱུད་ལས། འདི་ཞེས་བསྟན་དུ་མེད་པའི་ལེའུ་སྟེ་བཅུ་དྲུག་པའོ།། །།དེ་ནས་སྟོན་པས་འཁོར་རྣམས་ལ། །བླ་མེད་རྫོགས་ཆེན་དོན་འདི་ལ། །རིག་པ་ཚུར་འཆར་དགོས་པ་འདི་ལྟར་བསྟན། །དེ་བཞིན་ཉིད་ཀྱི་སྙིང་པོ་ལ། །ཅིས་ཀྱང་མཚོན་དུ་མེད་པ་སྟེ། །ཇི་ཙམ་ཟབ་པའི་ཚོགས་བརྫོད་ཀྱང་། །དོན་དང་མཐུན་པར་ཡོངས་མི་འགྱུར། །བྱང་ཆུབ་ནམ་མཁའི་མཚན་ཉིད་ནི། །སུས་ཀྱང་མཐོང་བར་མི་འགྱུར་ཏེ། །མཁས་བཙུན་གཞན་དང་འབྲེལ་མི་བྱ། །རང་རིག་ཡེ་ཤེས་ཁོང་ནས་མ་ཤར་ན། །མི་ཤེས་བསྟེན་པས་སངས་རྒྱས་ལམ་མི་རྙེད། །མེ་ལོང་གཟུགས་བརྙན་ཚུལ་དུ་ཚུར་སྣང་འགྱུར། །ཡང་དག་བྱང་ཆུབ་ཤིན་ཏུ་རྙེད་པར་དཀའ། །ཁྱད་པར་ཅན་གྱི་ཐབས་ལ་བརྟེན་པས་འགྲུབ། །མིང་གི་ཐ་སྙད་ཙམ་དུ་བདེན་མོད་ཀྱི། །མངོན་སུམ་བདེ་བའི་དོན་ལ་རང་ཆས་འཆར་བར་འགྱུར། །མཚོན་པ་ཚིག་ཏུ་ཅི་ཙམ་བསྟན་གྱུར་ཀྱང་། །མཚོན་པ་དེ་དང་དེ་ཉིད་མི་མཐུན་ཏེ། །ཡང་དག་རིག་པ་ཁོང་ནས་མ་ཤར་ན། །དེ་བཞིན་ཉིད་ཀྱི་དོན་དེ་ག་ལ་དཔོག །ཡང་དག་དོན་གྱི་རིག་པ་ཤར་བའི་ཚེ། །ཐམས་ཅད་མ་བསྒྲིབས་ངོ་བོ་ཉིད་དུ་གནས། །གང་ཞིག་སངས་རྒྱས་འབྲས་བུ་ལམ་འདོད་པས། །དགོན་པ་དབེན་གཟུང་གཟུང་འཛིན་གཉིས་སྤངས་ལ། །རང་རིག་གསལ་བའི་ཡེ་ཤེས་བཙལ་བར་བྱ། །ཞེས་རྩ་བའི་རྒྱུད་ལས། ཡང་དག་པའི་དོན་ལ་རིག་པ་ཚུར་འཆར་དགོས་པར་བསྟན་པའི་ལེའུ་སྟེ་བཅུ་བདུན་པའོ།། །།དེ་ནས་སྟོན་པས་འཁོར་རྣམས་ལ། །འཁོར་ཐར་གཉིས་སུ་མེད་པར་བསྟན། །ཐམས་ཅད་སྙིངཔོདེབཞིནཐིགལེགཅིག །འཁོར་འདས་གཉིས་མེད་བདེ་བ་ཆེན་པོའི་ངང་། །གཉིས་མཐར་གསེར་བོང་སུས་ཀྱང་གསུང་པ་མིན། །ཐམས་ཅད་ཐིག་ལེ་གཅིག་སྟེ་དབྱེ་བའི་ཐ་སྙད་མེད། །བླ་མེད་ངེས་པའི་སྙིང་པོའི་དོན་ཚོལ་ན། །འཁོར་ཐར་གཉིས་མེད་བཟུང་སྟེ་དེ་བཞིན་ཉིད་དུ་ཤེས་པར་བྱ། །ཁ་ཅིག་དམྱལ་འཇིགས་རྣ་བརྒྱུད་ཐོས་མ་ཐག །དེ་འཇིགས་ཤིན་ཏུ་སྐྲག་གྱུར་ནས། །བསམ་ཕྱིར་དགེ་བའི་ཚོགས་སྦྱོད་ཀྱང་། བསམ་ལ་བརྟེན་ཕྱིར་ཐར་མི་འགྱུར། །དམྱལ་འཇིགས་བླ་མེད་ཐོབ་པའི་བསམ་མེད་ན། །ཚ་གྲང་དམྱལ་སྲུང་ཤལ་མ་རི། །བསམ་པ་ཇི་ལྟར་བསམ་པ་ལྟར། །མི་བཟོད་སྡུག་བསྔལ་དེ་ཡིས་མཐོང་། །འཇིགས་པ་གང་བསམ་དེ་ཡིས་བཤེད། །དེས་ན་འཁོར་ཐར་གཉིས་སུ་མེད། །མ་བཅོས་ཐིག་ལེ་གཅིག་གི་ངང་། །མཉམ་པ་ཉིད་ཡང་སངས་རྒྱས་ལ། །འཇིགས་པ་མེད་པ་ལམ་གྱི་མཆོག །མ་སྤངས་མི་སྤང་མཆོག་གི་ས། །ཐམས་ཅད་རང་བཞིན་ལྷུན་གྱིས་རྫོགས། །གཉིས་མཐར་མི་འབྱུང་གཅིག་གི་ངང་། །མ་བཅོས་ཐིག་ལེ་གཅིག་ལ་བཞག །ཞེས་རྩ་བའི་རྒྱུད་ལས། འཁོར་ཐར་གཉིས་སུ་མེད་པར་བསྟན་པའི་ལེའུ་སྟེ་བཅོ་བརྒྱད་པའོ།། །།དེ་ནས་སྟོན་པས་འཁོར་རྣམས་ལ། །སྤྱོད་པ་སྤང་བླང་མེད་པར་བསྟན། །དེ་བཞིན་ཉིད་ཀྱི་དོན་འདི་ལ། །ཅིས་ཀྱང་བསྒྲིབ་པ་མི་འགྱུར་བས། །གང་ལྟར་སྤྱོད་ཀྱངདེབཞིནཉིད། །ཅིཡང་མི་སྤྱོད་བླ་མེད་སྤྱོད་པའི་མཆོག །ཅི་སྤྱད་མི་རྟོག་སྐྱེ་བ་འདི་ཡི་དོན། །སྤྱོད་པ་བཟངསྟེགླངཆེནཆུརཞུགསབཞིན། །ཅིལམི་སྤྱོད་དེ་བཞིན་མེད་པར་གནས། །ཐམས་ཅད་དེ་བཞིན་ཉིད་དུ་ཡང་གནས་པས། །གང་སྤྱོད་ཅི་སྦྱོད་ཐམས་ཅད་སྤྱོད་པའི་མཆོག །མ་འགགས་མི་འགག་ཐམས་ཅད་དེ་བཞིན་ཉིད། །རིགས་དྲུག་བདུད་དང་མུ་སྟེགས་སྲིན་པོའི་སྤྱོད། །རྫོགས་ཆེན་སྤྱོད་པར་མ་གྱུར་གང་ཡང་མེད། །ཅི་མི་སྤྱོད་པའི་སྤྱོད་པ་ཆེ། ཁེན་ཏུ་མཆོག་ས་དག་ཏུ་བཤད། །ཅེས་རྩ་བའི་རྒྱུད་ལས། སྤྱོད་པ་སྤང་བླང་མེད་པར་བསྟན་པའི་ལེའུ་སྟེ་བཅུ་དགུ་པའོ།། །།དེ་ནས་སྟོན་པས་འཁོར་རྣམས་ལ། །གཉིས་སུ་དབྱེ་བ་མེད་པར་བསྟན། །དེ་བཞིན་ཉིད་དོན་སྙིང་པོ་ཐིག་ལེ་གཅིག །གཉིས་མེད་ཡེ་ཤེས་ཁྱབ་གདལ་ཡོངས་སུ་འདུས། །གཉིས་མེད་མཐོང་བའི་ལྟ་བ་མ་རབས་བུས་པ་ལྟར། །རང་གི་ཤེས་པ་དམ་པར་བྱས་ཏེ་དེ་བསྙེམས་པ། །ཆགས་སྡང་ཞེ་སྡང་བསྐྱེད་ན་གཏི་མུག་ཡིན་ཏེ་དེ་མི་མཐོང་། །བརྗོད་དུ་ཡོད་པ་ཐམས་ཅད་རྟོག་པའི་རྒྱུན། །རྣམ་རྟོག་དེ་ལ་བླ་མེད་ཕྱོགས་ན་མེད། །མ་བསླང་ཇི་བཞིན་གནས་པའི་ངང་ཉིད་ལ། །ཐམས་ཅད་རྫོགས་པས་གཉིས་སུ་མེད། །དབྱིངས་དང་ཡེ་ཤེས་གཉིས་སུ་འཛིན་པ་ཡང་། །དེ་ནི་སྒྲིབ་པའི་སྐྱོན་ཆེན་ཡིན། །བླང་དོར་བདེ་ལ་རབ་གནས་པ། །བྱང་ཆུབ་མཆོག་ཏུ་འགྲོ་མི་འགྱུར། །རྣ་དབང་གཞན་ནས་ཐོས་མི་འགྱུར། །ངག་གིས་བརྗོད་དུ་མེད་པའི་ཕྱིར། །ཡེ་ཤེས་དབྱིངས་སུ་མཐོང་བ་མེད། །འཁྲུལ་པའི་ལམ་ལ་གཉིས་བལྟ་མོད། །དེ་ནི་མུ་སྟེགས་ལྟ་བའི་མཆོག །ཡང་དག་སངས་རྒྱས་ལམ་ཉིད་ལ། གཉིས་སུ་མེད་པ་བདེ་བའི་ལམ མ་བཅོས་ཐིག་ལེ་གཅིག་གི་ངང་། །གཏན་ལ་མི་ཕེབས་སེམས་ཉིད་དེ། །བསྡུས་མེད་སྤྲོས་མེད་རང་བྱུང་ཉིད། །དེ་ལ་དྲན་དང་མི་དྲན་དང་། །རྟག་དང་ཆད་དང་བསྒོམ་བསྒྲུབ་དང་། །སྨྲ་བརྫོད་འཁྲུལ་པའི་འཁྲུལ་པ་དེ། །སྟོང་གསུམ་སེམས་ཅན་བསད་པ་བས། །སྡིག་པའི་མཆོག་ཏུ་འགྲོ་བར་འགྱུར། །ཞེས་རྩ་བའི་རྒྱུད་ལས། །གཉིས་སུ་དབྱེར་མེད་པ་བསྟན་པའི་ལེའུ་སྟེ་ཉི་ཤུ་པའོ།། །།དེ་ནས་སྟོན་པས་འཁོར་རྣམས་ལ། ཤེན་ཏུ་རྩོལ་བསྒྲུབ་དགོས་པར་བསྟན། །བླ་མེད་འབྲས་བུ་གང་འདོད་པ། ཁེན་ཏུ་ལས་རྣམས་འདུ་འཛི་སྤངས། །མཆོད་ན་མགྲོན་དུ་བྱ་བ་མེད། །ལུས་ལངས་རྟོག་པ་ལངས་པ་སྟེ། །རྣལ་འབྱོར་ཡང་རབ་བློ་ལྡན་ལ། ཁེན་ཏུ་རྩོལ་བསྒྲུབ་དགོས་པར་བསྟན། །བླ་མེད་འབྲས་བུ་གང་འདོད་པ། ཁྲེན་ཏུ་ལས་རྣམས་འདུ་འཛི་སྤངས། །གསང་ཆེན་མཉམ་པའི་སྙིང་པོ་འདི། །ཐོབ་པའི་སྐལ་བ་བྱ་ཚེ་ན། །བགྲོད་དང་འདུག་དང་ཉལ་བ་དང་། །མཉམ་པ་དེ་ཡི་ངང་དུ་གནས། །དུས་མེད་རྟག་ཏུ་མ་ཡེངས་བསྒོམ། །ཆུ་སྲིན་རྫས་ཟིན་ཚུལ་དུ་མ་བཏང་ན། །ཁྱད་པར་བདུད་རྩི་མཆོག་ཏུ་དེ་ཉིད་འགྲུབ། །མཐོང་བས་བལྟར་མེད་ཚོལ་འདོད་ན། །མགོ་ལ་མེ་ཤོར་ལྷ་བུའི་བརྩོན་འགྲུས་བསྐྱེད། །དེ་མིན་ཉལ་འདུག་དེ་ཉིད་འདི་དང་མི་ལྡན་ན། །སྐྱེ་བའི་བློ་འཆལ་མུ་སྟེགས་ཡིན། །རང་བཞིན་མེད་པའི་དོན་ཉིད་འདི། །བླུན་པོས་རྫོགས་པའི་དུས་མ་ཡིན། དེ་བཞིན་ཉིད་ལ་རྣམ་རྟོག་མེད། །ཡང་དག་སངས་རྒྱས་ལམ་འདོད་པས། ཁེན་ཏུ་བརྩོན་འགྲུས་དོན་བསྒོམས་ན། །བླ་མེད་འབྲས་བུ་འཐོབ་པར་འགྱུར། །ཞེས་རྩ་བའི་རྒྱུད་ལས། བརྩོན་འགྲུས་བསྐྱེད་པར་བསྟན་པའི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་སྟོན་པས་འཁོར་རྣམས་ལ། །བླ་མེད་ཐེག་ཆེན་འདི་རྟོགས་ན། །ཡོན་ཏན་ཤུགས་ཀྱིས་འབྱུང་་བར་བསྟན། །སེམས་ནི་ཡེ་ནས་དེ་བཞིན་ཉིད་དུ་བསྟན། །གང་དུ་ཡང་མཐོང་བ་མེད་པ་མི་འགྱུར་བས། །དྲང་བའི་རླུད་གིས་བདུད་བཞི་རོལ། །དེ་བཞིན་ཉིད་དུ་ཐམས་ཅད་གནས། །ཉོན་མོངས་མ་སྤངས་བྱང་ཆུབ་ཉིད། །སྤང་བླང་མེད་དེ་ཡེ་ཤེས་ངང་། །ལྷུན་རྫོགས་ཐ་སྙད་མེད་པར་འགྱུར། །ཐམས་ཅད་བྱང་ཆུབ་ངོ་བོ་ཉིད། །ངོ་བོ་ཉིད་གསལ་རེད་པ་དེས། །རྒྱལ་པོ་ཉིད་དུ་དམངས་གྲོགས་འགྱུར། །སངས་རྒྱས་སེམས་ཅན་མི་བྱེད་གང་ཡང་དབྱེར་མེད་ན། །བླ་མེད་སངས་རྒྱས་ངང་ངམ་ཤུགས་ཀྱིས་འཆར། །བུང་བས་མེ་ཏོག་འཇིབས་ཀྱང་སྦྲང་རྩིའི་སྙིང་པོ་འབྱུང་བ་ལྟར། །སེམས་ཉིད་ཇི་ལྟར་དག་ཀྱང་མ་རྟོགས་སྤྲུལ་པའི་སྙིང་་པོ་འབྱུང་། །འབྱུང་བ་ནམ་མཁའི་ངང་ལས་ནི། །སྤྲིན་དང་ཁུ་རླངས་འབྱུངབབཞིན། །དེབཞིནགཉིསམེདངང་ལས་ནི། །བླ་མེད་སངས་རྒྱས་ཤུགས་ཀྱིས་འབྱུང་། །ཀུན་འབྱུང་སྙིང་པོ་ཐེག་མཆོག་འདི་ནི་ཡིད་བཞིན་ནོར་བུའི་ཚུལ། །དགོས་འདོད་རེ་བ་ངང་ངམ་ཤུགས་ཀྱིས་འབྱུང་། །ཡོན་ཏན་ཀུན་འབྱུང་ཡིད་བཞིན་ནོར་བུའི་སྐུ། །སྐུ་ཉིད་འདི་རྟོག་ཐམས་ཅད་ཤུགས་ཀྱིས་འབྱུང་། །ཞེས་རྩ་བའི་རྒྱུད་ལས། ཐེག་མཆོག་འདི་དང་ལྡན་ན་ཡོན་ཏན་ཤུགས་ཀྱིས་འབྱུང་བ་བསྟན་པའི་ལེའུ་སྟེ་ཉི་ཤུ་རྩ་གཉིས་པའོ།། །།དེ་ནས་སྟོན་པས་འཁོར་རྣམས་ལ། །གཉིས་མེད་ཡེ་ཤེས་རྟོགས་གྱུར་ན། །རིག་པ་རང་དབང་ཐོབ་པར་བསྟན། །དེ་བཞིན་ཉིད་དོན་གང་གནས་པ། །གཉིས་མེད་ཡེ་ཤེས་ཐོབ་པའི་དབང་། །ཐམས་ཅད་ཀུན་ལ་དབང་བསྒྱུར་ནས། །རིག་པ་རང་དབང་ཐོབ་པའི་དོན། །རང་རིག་ཅི་ལ་མི་གནས་པ། །བླང་དོར་མི་མཉམ་སེམས་མེད་ན། །ཐམས་ཅད་ཀུན་ལ་དབང་་བསྒྱུར་བའི། །རིག་པ་རང་དབང་ཐོབ་པའི་དབང་། །ངོ་བོ་ཉིད་དུ་ཉིད་གནས་པ། །ངོ་བོ་ལྷུན་གྱིས་རྫོགས་པའི་དབང་། །གཉིས་མེད་ཡེ་ཤེས་འོད་གསལ་ན། །མི་འགྱུར་རྡོ་རྗེ་ཉག་གཅིག་སྐུ། །མི་འགྱུར་རིག་པ་རང་དབང་ཐོབ། །ཅི་ལ་མི་སེམས་རྟོག་བྲལ་ན། །དེ་བཞིན་ཉིད་དུ་ལྷུན་རྫོགས་པས། །རང་དབང་ཡེ་ཤེས་རྫོགམུ་པའི་དབང་། །སྙིང་པོ་ཇི་བཞིན་དེ་བཞིན་དུ། །རྩོལ་བསྒྲུབ་མཐའ་ལས་འདས་གྱུར་ན། །རིག་པའི་ཡེ་ཤེས་རང་དབང་ཐོབ། །ཅེས་རྩ་བའི་རྒྱུད་ལས། གཉིས་མེད་ཀྱི་དོན་རྟོགས་ན་རིག་པ་རང་དབང་ཐོབ་པར་བསྟན་པའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་སྟོན་པས་འཁོར་རྣམས་ལ། །དེ་བཞིན་ཉིད་ཀྱི་དོན་རྟོགས་ན། །མཆོག་གི་དངོས་གྲུབ་འཐོབ་པར་བསྟན། །དེ་བཞིན་ཉིད་ནི་དངོས་པོ་ཀུན་དང་བྲལ། །འབྲལ་མེད་དོན་འདི་མཚོན་དུ་མེད་པ་སྟེ། །རང་རིག་ཡེ་ཤེས་འོད་གསལ་ནི། །དངོས་པོ་དངོས་སུ་དག་པ་དངོས་གྲུབ་མཆོག །བྱང་ཆུབ་ངོ་བོ་ཉིད་དུ་ཀུན་གནས་པས། །རྟོག་པའི་དབང་གིས་ཀུན་དང་འབྲེལ་མ་ཡིན། །མི་རྟོག་རྟོག་པའི་ཡུལ་ལས་འདས། །གཟུང་འཛིན་རྟོག་མཐའ་ལས་འདས་ན། །མཆོག་གི་དངོས་གྲུབ་གྲུབ་པར་འགྱུར། །གཟུང་འཛིན་གཉིས་ལྟ་མུ་སྟེགས་ཞབྲུལ་པའི་ལྟ། །དངོས་པོ་ཉིད་དུ་གནས་པས་དངོས་མི་འགྲུབ། །མི་འཛིན་མི་རྟོག་གཉིས་མེད་འོད་གསལ་ན། །དངོས་པོའི་གནས་ལུགས་དག་པས་དངོས་གྲུབ་མཆོག །རང་བྱུང་འོད་གསལ་བདུད་རྩི་ཆེན་པོ་འདི། །སུ་ཡིས་རྟོགས་ན་དངོས་གྲུབ་ཆེན་པོ་མཆོག །ཡང་དག་ངེས་པའི་སྙིང་པོ་འདི་རྟོགས་ན། །རྒྱལ་མཆོག་ལྷུན་གྱིས་གྲུབ་པའི་དངོས་གྲུབ་པས། །འཇིག་རྟེན་མཐུ་ཆེན་རྣམས་ཀྱིས་ཕྲོག་ཏུ་མེད། །སྙིང་པོ་དོན་མཆོག་དངོས་གྲུབ་རང་གི་སེམས། །འཇིག་རྟེན་དངོས་གྲུབ་མཚན་མའི་རྣམ་པ་སྟེ། །དངོས་གྲུབ་དེ་ལ་བདུད་རྩི་མེད་པར་བཤད། །ཅེས་རྩ་བའི་རྒྱུད་ལས། རྫོགསཆེནཉིདཀྱིདོནརྟོགས་ན། མཆོག་གི་དངོས་གྲུབ་ཡིན་པར་བསྟན་པའི་ལེའུ་སྟེ་ཉི་ཤུ་རྩ་བཞི་པའོ།། །།དེ་ནས་སྟོན་པས་འཁོར་རྣམས་ལ། །ཐེག་ཆེན་འདི་དངལྡན་གྱུར་ན། །སྡིག་པ་ཀུན་ལས་རྣམ་པར་གྲོལ་བར་བསྟན། །མཉམ་པའི་ངང་ལ་གནས་པའི་ཚེ། །རང་བྱུང་ཡེ་ཤེས་འོད་གསལ་ན། །དགེ་སྡིག་གཉིས་ཀ་རྣམ་པར་སེལ། །གཉིས་མེད་ཡེ་ཤེས་ཁྱབ་གདལ་བས། །སྡིག་པ་ཀུན་ལས་རྣམ་པར་གྲོལ། །སྡིག་སྤྱད་སྡིག་པ་མ་བསགས་ན། །སྡིག་པ་ཀུན་ལས་ངེས་གྲོལ་ཏེ། །ཞི་བའི་ཀླུང་ལས་ཡེ་ཤེས་འཕྱོ། །ཉམ་ངའི་རྐྱེན་གྱིས་མི་བསྒྲིབ་འདི་ཡི་ལམ། །ལམ་ཆེན་འདི་ལ་དགེ་སྡིག་གཉིས་མི་མངའ། །བདག་གཞན་མི་མཐོང་མི་འཛིན་ན། །ཉོན་མོངས་ཀུན་ལ་འབྱོལ་ཉོག་ཀྱང་། །རྣམ་གྲོལ་ལམ་ལ་བསྒྲུབ་མི་འགྱུར། །ཐེག་ཆེན་འདི་དང་ལྡན་གྱུར་ན། །དགེ་དང་སྡིག་པ་གཉིས་མེད་དེ། །སྡིག་པ་ཀུན་ལས་ངེས་པར་གྲོལ། །བླ་མེད་འབྲས་བུ་འཐོབ་པར་འགྱུར། །འདི་དོན་དེ་བཞིན་ཉིད་རྟོགས་ན། །ཐམས་ཅད་ངོ་བོ་དེ་ཉིད་པས། །སྡིག་པ་ཀུན་ལས་ངེས་པར་གྲོལ། །ཞེས་རྩ་བའི་རྒྱུད་ལས། ཐེག་པ་ཆེན་པོའི་དོན་དང་ལྡན་ན་སྡིག་པ་ཀུན་ལས་ངེས་པར་གྲོལ་བར་བསྟན་པའི་ལེའུ་སྟེ་ཉི་ཤུ་རྩ་ལྔ་པའོ།། །།དེ་ནས་སྟོན་པས་འཁོར་རྣམས་ལ། །ཐེག་ཆེན་འདི་དང་ལྡན་གྱུར་ནས། །ཕྲ་མོ་བསྒྱུར་དུ་རུང་བར་བསྟན། །བླ་མེདཐེགཆེནའདིརྟོགསན། །ཐམས་ཅད་དེ་བཞིན་ཉིད་གནས་པས། །ཐེག་པ་ཐམས་ཅད་འདི་རུ་འདུས། །ཐེག་པ་ཕྲ་མོ་འདི་རུ་འདུས་རུང་གིས། །ཐེག་པ་འདི་ཉིད་ཕྲ་མོར་ཤོང་མི་འགྱུར། །ཟངས་ལ་གསེར་རྩིས་གསེར་དུ་བསྒྱུར་རུང་གིས། །ཟངས་རྩིས་གསེར་དུ་བསྒྱུར་དུ་འདོད་པ་མེད། །འདི་ཡི་དོན་གྱིས་གཞན་གྱི་འབྲས་རུང་གིས། །གཞན་གྱི་དོན་གྱིས་འདི་ཡི་དོན་མི་རུང་། །སྙིང་པོ་དོན་མཆོག་ཁྱད་པར་འདི་ཉིད་ནི། །བླ་མེད་ཐེག་ཆེན་ཕྲ་མོ་གདོད་ནས་མེད། །ཐམས་ཅད་ཇི་བཞིན་དེ་བཞིན་ཉིད་དུ་གནས། །འདི་ལ་ཡོན་ཏན་ཐམས་ཅད་ཤུགས་ཀྱིས་འབྱུང་། །ལམ་ནི་ཉེ་ལམ་བགྲོད་མེད་བདེ་བར་རྫོགས། །ལམ་གྱི་མཆོག་ཏུ་གྱུར་པའི་མིང་སོ་འདིས། །སྟོང་པ་ཉིད་ཀྱི་སེམས་དེ་གཟུགས་ཡོད་མེད། ཁྲེས་རབ་མོས་ལ་འདི་ཚོལ་རབ་ཏུ་་བླ། །ཞེས་རྩ་བའི་རྒྱུད་ལས། ཐེག་ཆེན་འདི་དང་ལྡན་ན་ཕྲ་མོ་བསྒྱུར་དུ་བཏུབ་པར་བསྟན་པའི་ལེའུ་སྟེ་ཉི་ཤུ་རྩ་དྲུག་པའོ།། །།དེ་ནས་སྟོན་པས་འཁོར་རྣམས་ལ། །རྩིང་པོ་ཤེས་པས་བཅད་པར་བསྟན། །རྫོགས་ཆེན་འདི་ཡི་རང་བཞིན་ནི། །རྩིང་པོ་ཤེས་པས་མ་བཅད་ན། །ཕྲ་མོའི་ཤེས་པས་གྲངས་རླབས་མི་ཆོད། །དོན་ཀུན་བློ་ལ་མི་སྣང་བར། །སྨྲ་ཕྱིར་འབྲེང་བ་དོན་མེད་པས། །རྒྱ་ཆེ་རྩིང་པོའི་དྲ་བཅད་ལ། །ཕྲ་མོ་བག་ལ་ཉལ་བ་དབབ། །གཏན་ཚིགས་ཀྱིས་ནི་མ་ཡིན་ནོ། །ཕྲ་མོའི་ཤེས་པ་གྲངས་ལས་འདས། །དོན་ཀུན་སོ་སོ་རང་རང་པའོ། །དེ་བཞིན་བལྟ་བ་སོ་སོར་བལྟ། །རྫོགས་ཆེན་འདི་ནི་རབ་རྩིང་སྟེ། །དོན་འདི་ཆ་རིམ་ཉག་གཅིག་ཏུ། །ཐམས་ཅད་ཀྱིས་ནམ་བུས་ཆུབ་བོ། །རྩིང་པོ་འདི་དང་མ་སྤྱད་མ་ལྡན་ན། །ལམ་མེད་ལམ་ཞུགས་སོ་སོར་གོལ། །འཇུག་དང་བལྟ་དང་སྲུང་མ་དང་། །དེ་བཞིན་འཇུག་སྒོ་སོ་སོ་ལ། །འཁྲུལ་པའི་ལམ་ཡིན་མཐའ་ལས་གོལ། །ཉེ་ལམ་རྩོལ་བྲལ་ནད་འདིས་སེལ། །རབ་ཏུ་རྩིང་སྟེ་གཅིག་སྟེ་བསྟན། །ཉེ་ལམ་ཉག་གཅིག་ཡོངས་སུ་རྫོགས། །ཐམས་ཅད་ཐིག་ལེ་གཅིག་ཏུ་གནས། །ཞེས་རྩ་བའི་རྒྱུད་ལས། རྩིང་པོ་ཤེས་པས་བཅད་པར་བསྟན་པའི་ལེའུ་སྟེ་ཉི་ཤུ་རྩ་བདུན་པའོ།། །།དེ་ནས་སྟོན་པས་འཁོར་རྣམས་ལ། །འདི་ལ་མོས་པའི་གང་ཟག་ལ། །ཕྱོགས་དང་རིས་སུ་མེད་པར་བསྟན། །དེ་བཞིན་ཉིད་ཀྱི་སྙིང་པོ་ཉིད། །འགྲོ་བ་ཀུན་ལ་རང་བཞིན་གནས། །རྐྱེན་གྱིས་མི་བཙལ་གཞན་ལས་མིན། །ཐམས་ཅད་ཡེ་ནས་སངས་རྒྱས་པས། །འགྲོ་བ་ཀུན་ལ་པྱོགས་རིས་མེད། །འདི་འཛིན་འདི་འཆང་འདི་འདོན་ན། །གང་གོམས་སངས་རྒྱས་ས་ལ་གནས། །འདི་ལ་མོས་པ་ཐ་དད་ཀྱིས། །མུ་སྟེགས་སྲིན་པོའི་རིགས་དྲུག་རྣམས། །ཕྱོགས་དང་རིས་སུ་མ་ཆད་དེ། །གང་གོམས་དེ་ཡིས་འབྲས་བུ་ཐོབ། །ཐམས་ཅད་རང་བཞིན་སངས་རྒྱས་ཉིད། །རང་གི་དེ་ཉིད་མ་རྟོགས་ན། །འཁྲུལ་པར་གྱུར་ཏེ་སོ་སོར་སྣང་། །འཁོར་བ་ཉིད་ལས་ཐར་མཐའ་མེད། །རང་སངས་རྒྱས་པ་དེ་རྟོགས་ན། །རིག་པ་ཡེ་ཤེས་ལྡན་པས་ན། །བླ་མེད་ཤེས་རབ་ཉག་གཅིག་ལམ །དེས་ནི་བླ་མེད་ཐར་པ་ཐོབ། །ཞེས་རྩ་བའི་རྒྱུད་ལས། ཐེག་ཆེན་འདི་ལ་མོས་པའི་གང་ཟག་ལ་ཕྱོགས་རིས་མེད་པར་བསྟན་པའི་ལེའུ་སྟེ་ཉི་ཤུ་རྩ་བརྒྱད་པའོ།། །།དེ་ནས་སྟོན་པས་འཁོར་རྣམས་ལ། །ཀུན་གྱི་ཐུན་མོང་མིན་པར་བསྟན། །བླ་མེད་རྫོགས་པ་ཆེན་པོའི་དོན། །ཤིན་ཏུ་དོན་དམ་རྟོགས་པར་དཀའ། །བརྟགས་པས་མི་རྟོག་རྣམ་པར་རྟོག། །ཤིན་ཏུ་འདི་དོན་ལྡན་པར་དཀའ། །འདི་དོན་ལྡན་པ་བརྒྱ་ནང་ན། །གཅིག་མེད་བརྒྱ་ལ་ཡོད་སྲིད་ན། །བདེ་གཤེགས་སྲས་ཀྱི་ཐུ་བོ་ཡིན། །འདི་དོན་འདོན་པ་རིན་ཆེན་རིགས། །རིན་ཆེན་རིགས་ནི་ཤིན་ཏུ་དཀོན། །ཡང་རབ་ཉག་གཅིག་ཨུ་དུམ་བར། འདི་དོན་མིན་པས་མཐོང་བ་མིན། །རབ་ཏུ་བརྟག་དཀའ་རྟོགས་པར་དཀའ། །འདི་ཞེས་ཉིད་དུ་དེ་ཉིད་མེད། །ཡང་དག་སངས་རྒྱས་སྲས་འདོད་པ། །བཙལ་མེད་ངང་ལ་དེ་བཞིན་བཞག །ཡང་ན་ཐབས་ཆེན་ལྔ་ལ་བརྟེན། །དགོན་པར་ཡུན་རིང་མཉམ་བཞག་ན། །འདི་ཉིད་སྙིང་པོ་དོན་དང་ལྡན། །དེ་ཡང་གསེར་བོང་མ་ཡིན་པར། །ཉག་གཅིག་སྐུ་ལ་བརྟེན་པས་ན། །དེ་བཞིན་ཉིད་ཀྱི་དོན་དང་ལྡན། །ཞེས་རྩ་བའི་རྒྱུད་ལས། །འདི་དོན་ཀུན་གྱི་ཐུན་མོང་མ་ཡིན་པའི་ལེའུ་སྟེ་ཉི་ཤུ་རྩ་དགུ་པའོ།། །།དེ་ནས་སྟོན་པས་འཁོར་རྣམས་ལ། །ཀུན་ལ་བསྟན་པ་མིན་པར་གསུངས། །བྱ་བྲལ་བླ་མེད་རྫོགས་ཆེན་འདི། །བཤད་དང་བརྗོད་དང་རྩོལ་བསྒྲུབ་དང་། །འདི་ཞེས་མཐའ་ལས་འདས་པསྟེ། །དེབཞིནཀུནལབསྟན་པར་བྱ་བ་མིན། །ངེས་པའི་སྙིང་པོ་རྒྱུད་མཆོག་འདི། །ཆུ་སྲིན་མགྲིན་ཆུད་རིན་ཆེན་བཞིན། །ཀུན་ལ་བསྟན་པར་བྱ་བ་མིན། །རིན་ཆེན་རིགས་ལ་ཁད་ཀྱིས་སྤྱིན། །དད་ལྡན་སྐལ་ལྡན་གང་ཟག་རྣམས། །འདི་འཕྲད་འདི་དང་གང་ལྡན་པ། །སངས་རྒྱས་ས་ལ་གནས་པ་ཡིན། །དེས་ཀྱང་ངེས་པར་འདི་བཟུང་སྟེ། །ཀུན་ལ་བསྟན་པར་བྱ་བ་མིན། །དད་ལྡན་རྣམས་ལ་ཁད་ཀྱིས་སྤྱིན། །ཞེས་རྩ་བའི་རྒྱུད་ལས། ཀུན་ལ་བསྟན་པ་མིན་པར་གསུངས་པའི་ལེའུ་སྟེ་སུམ་ཅུ་པའོ།། །།རྒྱུད་ཀྱི་རྒྱལ་པོ་གསེར་གྱི་རུས་སྦལ་རྡོ་རྗེ་ཐེག་པ་རྩ་བའི་རྒྱུད་ཀྱི་མ་མོ། སེམས་ཕྱོགས་ཀྱི་ཕྱི་མོ། ལྷ་བ་ཐམས་ཅད་ཀྱི་ཕུག །དགོངས་པའི་གདེང་རྫོགས་ཏེ། ས་མ་ཡ་སོ་ཕག་ཤི་ཁ་ཐམ། ནོར་འདོད་བུ་ཕོ་དགེ་སློང་བདག་འདྲ་ཡིས། །རིན་ཆེན་སྣ་ལྔའི་སྙིང་པོ་གསེར་ཁྱེར་ནས། །རིན་ཆེན་སྲོག་ལ་མ་འཛེམ་དཀའ་བའི་ལམ་རྣམས་བརྒལ། །ངེས་པའི་སྙིང་པོ་བྱང་སེམས་རྒྱུད་སྨད་རྩི་གཉིས་བཙལ། འཇམ་དཔལ་བཤེས་གཉེན་བླ་མ་དང་། བདག་འདྲ་བི་རོ་ཙ་ན་ཡིས། སྒྲ་སྐད་བསྟུན་ཏེ་མཚན་ལ་ཕབ་ནས་ཀྱང་། བོད་ཀྱི་ཡུལ་དུ་རྨོངས་པ་ཚན་གསུམ་འབྱུང་བ་ཆ་མཆིས་ནས། །འདིར་དྲངས་མངའ་བངག་རྒྱལ་པོ་ཉིད་ཀྱི་ཕྱག་ཏུ་ཕུལ། །རྨོངས་པོ་ཚན་གསུམ་དུས་ན་དར་བར་་།ག །དང་པོ་བི་རོ་ཙ་ནས་བསྒྱུར། །དེ་ནས་ལྷོ་བྲག་ནས་ཁྱུང་གྲགས་ཀྱིས་གཏེར་ནས་བཏོན་པའོ། །བར་འདར་་རྡ་རྗེ་སེམས་དཔའ་ནམ་མཁའཆེབྲམཟེརྒྱསཔདང། བྱང་ཀྱིསེམས་དུབྱུངབལེའུཞེགཉི་པ་ད། །བོད་སྐད་དུ། བྱང་ཆུབ་ཀྱི་སེམས་བསྒོམ་པ། བཅོམ་ལྡན་འདས་དཔལ་བདེ་བའི་མཆོག་ལ་ཕྱག་འཚལ་ལོ། །བཅོམ་ལྡན་འདས་བདེ་བ་ཆེན་པོ་