Ngb-pt-0265-vol-03-text

Body

རྒྱ་གར་སྐད་དུ། ཏྲི་ལོ་ཀ་བི་དྭ་ར་ཏནྟྲ། བོད་སྐད་དུ། འཇིག་རྟེན་གསུམ་གྱི་ཤེས་པ་བསྒྲལ་བའི་རྒྱུད། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་གསང་བ་གསུམ་གྱི་བདག་པོ་གཉིས་སུ་མེད་པའི་ཐིག་ལེ་འོད་ཟེར་ཁ་དོག་སྣ་ཚོགས་པས་འཁྲིགས་པ། །སྐུ་རྡོ་རྗེ་ཕྱོགས་བཅུའི་དེ་བཞིན་གཤེགས་པའི་སྐུ་རྣམ་པར་དག་པའི་བདག་ཉིད། པཟློ་ཆེན་པོ་ལས་ཡོངས་སུ་གྲུབ་པའི་འབྲས་བུ་དང་བཅས་པའི་གསུང་དྲི་མ་མེད་པའི་རྣམ་པར་དག་པའི་རྡོ་རྗེ་ཡོངས་སུ་འཛིན་པ། ཏིང་ངེ་འཛིན་ལ་མངའ་བརྙེས་པའི་ཐུགས་རང་བཞིན་ལྷན་ཅིག་ཡོངས་སུ་གྲུབ་པའིཡིདབཞིནགྱིནོརབུརིན་པོ་ཆེ། ཡོན་ཏན་ཀུན་གྱིས་བརྒྱན་པའི་རྒྱལ་པོ་རྨོངས་པས་ལྡོངས་པའི་ལམ་མཁན་ཆེན་པོ། །གཏི་མུག་གི་མུན་པ་སེལ་བའི་སྒྲོན་མ། ཤིན་ཏུ་སྲ་བའི་བྲག་འཇོམས་པའི་རྡོ་རྗེ། རྒྱ་མཚོ་ཆེན་པོ་སྐམ་པའི་མེ་ཆེན་པོ། །རླུད་ཆེན་པོ་ཞི་བར་་བྱེད་པའི་བདག་ཉིད། རང་བཞིན་གྱིས་འོད་གསལ་བ་ཀུན་ལ་ཁྱབ་པར་བྱེད་པ། །གང་ལ་ཡང་འགག་པ་མེད་པའི་ཕྲིན་ལས་ཀུན་ཏུ་འདུལ་བར་བྱེད་པ། སྐུ་གསུང་ཐུགས་ཀྱི་ས་ཉིད་དོ། །མི་སྲུང་བསྲུང་བ་མེད་པའི་དམ་ཚིག་ཆེན་པོ། ཕྱོགས་བཅུ་དུས་གསུམ་གྱི་ཆོས་མ་ལུས་པའི་བདག་ཉིད། འཇིག་རྟེན་ཁམས་ན་རྫུ་འཕྲུལ་རྣམ་པ་སྣ་ཚོགས་པ་སྤྲུལ་པའི་མངའ་བདག །མི་མཐུན་པའི་ཕྱོགས་ཐམས་ཅད་ཡོངས་སུ་འདུལ་བར་མཛད་པའི་རྒྱལ་པོ། ཐབས་དང་ཐབས་ལས་བྱུང་བ་ཡོངས་སུ་སྨིན་པར་མཛད་པའི་ཞིང་ས། སྟོབས་དང་སྟོབས་ཀྱིས་ཡོངས་སུ་སྒྲོལ་བའི་གྲུ་ཆེན་པོ།ཉམས་པ་ཐམས་ཅད་སྐོང་བའི་མངའ་བདག །མཚན་མ་ཐམས་ཅད་འཇོམས་པའི་རྡོ་རྗེ་མེད་པ་ལས་ཟློག་པའི་བདག་ཉིད་ཆེན་པོ། ཡོངས་སུ་གྲུབ་ཅིང་རྣམ་པར་དག་པ་ལ་མངའ་བརྙེས་པ་ནི། འོག་མིན་གྱི་གནས་ན་སྐུ་དང་གསུང་དང་ཐུགས་གསང་བ་མཆོག་གི་གནས་དཀྱིལ་འཁོར་ཆེན་པོ་ཡོངས་སུ་གྲུབ་པའི་བཙུན་མོའི་བྷ་ག་ཕོ་བྲང་ལྷུན་གྱིས་གྲུབ་པ། དུར་ཁྲོད་ཀྱི་གཞལ་ཡས་ཁང་བརྩེགས་མ་པདྨ་སྣ་ཚོགས་པས་སྟེང་དང་འོག་ཏུ་བརྒྱན་པ། དབྱིབས་སྣ་ཚོགས་དང་། ཁ་དོག་སྣ་ཚོགས་དང་། འདོད་པའི་ཡོན་ཏན་རྣམ་པ་ལྔ་དང་། རིན་པོ་ཆེ་རྣམ་པ་སྣ་ཚོགས་པའི་རྒྱན་གྱིས་འཁྲིགས་པ། ཡེ་ནས་རྣམ་པར་དག་པའི་རྒྱན། དཔེ་དང་ཚད་ལས་འདས་པའིས། ཕྱི་དང་ནང་མེདཔར་ཕྱོགས་བཅུར་འཁྲིགས་ཤིང་། རྣམཔར་དག་པས་ཁུམས་པ། ཐོག་མ་དངཐམ་མེད་པར་ཡེ་ནས་རངབྱུང་གི་གནས་ན། བྱེ་བྲགགི་རྣམ་པ་ཅནདུ་བཞུགས་སོ། །རྒྱལ་བ་སངས་རྒྱས་རྣལ་འབྱོར་གྱི་དབངཕྱུག་ཆེན་པོ། །མཚན་དང་དཔེ་བྱདཀྱིས་བརྒྱནཔ། ནམ་མཁའི་མཐའ་ཀླསཔ་དང་། རྣལ་འབྱོར་མ་ཆེན་མོ། ལོངས་སྤྱོད་ཡོངས་སུ་རྫོགསཔའི་བདག་ཉིད་མ་རྣམས་དང་། རྣལ་འབྱོར་ཆེན་པོའི་ཐ་སྙད་ཐམས་ཅད་དངལྡནཔ། བཙུནམོ་ཡོངས་སུ་གྲུབ་པའི་བདག་ཉིད་དང་། ཐམས་ཅདའབྱུང་བའི་གཞི་དངལྡན་པ་དང་། ཧེ་རུ་ཀ་རོལ་པའིཚོགས། དཔེ་བྱད་ཐམས་ཅདཀྱི་ངོ་བོ། ཡོངས་སུ་གྲུབ་པའི་བདག་ཉིད་ཆེན་པོ་དང་། གཞན་ཡང་རྐྱེན་ལས་སྤྲུལ་པའི་སྲས་ཀྱི་ཚོགས། གྲངས་མེད་ཅིང་བརྗོདདུ་མེདཔ་རྣམས་དང་། རིགས་པ་ལས་ཀྱི་མེད་པའི་སྲས་ཀྱི་ཚོགས་རྣམས། རྣལ་འབྱོར་མའི་ཚོགས་རྣམས་དང་། ཐབས་ཡོངས་སུ་སྒྲུབ་པའིའཁོརརྣམས་ཀྱང། བཅོམ་ལྡན་འདས་དང་ཐབས་ཅིག་ཏུ་མཚན་མ་ལ་སོགསཔསསྙེམས་པ་མི་མངའ་བར་བཞུགས་པ་ནི། ཉུང་འབྲུ་སྣུམ་གྱིས་གང་བ་བཞིན་དུ་ཀུན་ཏུ་གང་ཞིང་ཁྱབ་ནས་བཞུགས་སོ། །ཉིད་ཀྱི་བཙུན་མོཡང་ཉིད་ཀྱི་སྐུ་ལ་དགྱེས་པའི་ཚུལ་གྱིས་འཁྲིལ་ཏེ། བྱང་ཆུབ་སེམས་ཀྱི་ངོ་བོར་ཐམས་ཅད་སྙེམས་པ་མི་མངའ་བར་འདུ་མཛད་དེ། །འཁོར་དུ་འདུས་པའིཚོགས་དེ་ཉིད་ལ།རྣལ་འབྱོར་གྱི་དབང་ཕྱུག་ཆེན་མོ་རྡོ་རྗེ་ཆོས་རབ་དམ་པ་དང་། བཙུན་མོ་གྲུབ་པ་མོ་དང་། གཉིས་སུ་མེད་པའི་ཚུལ་གྱིས་བཅོམ་ལྡན་འདས་ཀྱི་སྤྱན་སྔ་ན། བྲན་ཇོ་བོ་ལ་བཀའ་ནོད་པའི་ཚུལ་དུ་བཞུགས་སོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། སེམས་དང་སེམས་ལས་བྱུང་བའི་ཆོས་ཐམས་ཅད་ནི། ཐིག་ལེ་སྤྲོས་པ་མེད་པ་བཞིན་དུ་གཟིགས་སོ། །འབྱུང་བ་དང་འབྱུང་བ་ལས་གྱུར་པའི་ཆོས་ཐམས་ཅད་ནི། ཤེལ་གྱི་མཚན་ཉིད་དྲི་མ་མེད་པ་ལྟར་གཟིགས་སོ། །དུས་གསུམ་གྱིས་འདུས་པའི་ཆོས་ཐམས་ཅད་ནི་སྣང་བ་ལ་སོགས་པའི་རང་བཞིན་དུ་གཟིགས་སོ། །སྲིད་པ་གསུམ་གྱིས་བསྡུས་པའི་ཆོས་ཐམས་ཅད་ནི། ཡོངས་སུ་གྲུབ་པ་ལ་སོགས་པར་གཟིགས་སོ། །བསམ་གཏན་ལ་སོགས་པའི་ཆོས་ཐམས་ཅད་ནི། །ཐམས་ཅད་འབྱུང་བའི་ཆོས་སུ་གཟིགས་སོ། །སྙོམས་པར་འཇུག་པའི་ཆོས་ཐམས་ཅད་ནི།ཏིང་ངེ་འཛིན་གྱི་བྱེ་བྲག་ཏུ་གཟིགས་སོ། །ཏིང་ངེ་འཛིན་གྱི་བྱེ་བྲག་ཐམས་ཅད་བདེན་པའི་རྣམ་པ་ཅན་དུ་གཟིགས་སོ། །སའི་ཁྱད་པར་ལ་སོགས་པའི་ཆོས་ཐམས་ཅད་ནི། སྟོབས་ཀྱི་ཁྱད་པར་ཅན་དུ་གཟིགས་སོ། །ཇི་ལྟར་གྲག་པའི་ཆོས་ཐམས་ཅད་ལ་བཅོམ་ལྡན་འདས་ཀྱིས་རྫུ་འཕྲུལ་གྱི་སྤྱན་གྱིས་གཟིགས་སོ། །ཀུན་ལ་ཁྱབ་པར་གཟིགས་སོ། །རྣམ་པར་གཟིགསསོ། །དེབཞིནདུསྔརའདས་པའི་ཕྱོགས་བཅུ་དུས་བཞིའི་རྒྱལ་བ་སངས་རྒྱས་གྲངས་མེད་པ་རྣམས་ཀྱིས་ཀྱང་གཟིགས་སོ། །རྣམ་པར་གཟིགས་སོ། །དེ་བཞིན་དུ་ཕྱིས་འབྱོན་པའི་རྒྱལ་བ་སངས་རྒྱས་གྲངས་མེད་པ་རྣམས་ཀྱིས་ཀྱང་གཟིགས་སོ། །རྣམ་པར་གཟིགས་སོ། །རྣམ་པར་གཟིགས་ནས་ཀྱང་བརྗོད་པ་ལས་འདས་ཏེ། དོན་དམ་པ་བཅོས་པ་མ་ཡིན་པའི་ངང་ལ་བཞུགས་ཏེ། ཆོས་ཐམས་ཅད་ཀྱི་ངོ་བོ་ཉིད་ཀྱི་རྒྱན་ཐམས་ཅད་རྫོགས་པའི་ཏིང་ངེ་འཛིན་ལ་སྙོམས་པར་ཞུགས་སོ། །དེའི་ཚེ་འཁོར་བའི་ཆོས་ཐམས་ཅད་བཅོས་པ་མ་ཡིན་པའི་རྒྱན་དུ་རྣམ་པར་གཟིགས་ལ། མྱ་ངན་ལས་འདས་པའི་ཆོས་ཐམས་ཅད་ནི་ཡང་དག་པའི་ཡེ་ཤེས་སྟོང་པ་ཆེན་པོར་རྣམ་པར་གཟིགས། དེས་ནམ་མཁའི་མཚན་ཉིད་ཙམ་དུ་འདི་ཡིན་ནོ་བར་ཡང་བསྟན་དུ་ཡོད་པ་མ་ཡིན་ནོ། །དེ་ནས་ཡུམ་ཀུན་ཏུ་བཟང་མོས། བཅོམ་ལྡན་འདས་གསང་བ་མཆོག་གི་བདག་པོ། དགོངས་པ་ཆོས་ཉིད་ལ་ཆོས་ཀྱི་དབྱིངས་ལ་མནལ་ནས་བཞུགས་པ་ལ་གླུ་འདིས་བསྐུལ་ལོ། །ཨེ་མ། ཡེ་ནས་མ་བཅོས་བདེ་ཆེན་ཀློང་ཡངས་ནི། །རྒྱལ་བ་རྣམས་ཀྱི་དགོངས་པ་དམ་པའི་དབྱིངས། །ཡེ་ནས་མ་བཅོས་རང་བཞིན་དབྱིངས་ཉིད་ནས། །སྙོམས་པའི་ཐིག་ལེ་འབྱུང་བར་མི་དམིགས་ཀྱང་། །ཐབས་ལ་མཁས་པས་སྐུ་ཡི་ཁྱད་པར་ནི། །དབྱིབས་དང་ཁ་དོག་བདག་ལ་བསྟན་དུ་གསོལ། །མ་བཅོས་པ་ནས་བདག་གིས་བསྐུལ་བ་ཡིས། །འོད་ཟེར་སྣ་ཚོགས་བདག་ལ་བསྟན་གསོལ། །ངོ་བོ་ཉིད་ལས་སེམས་ཅན་དོན་དུ་བསྐུལ། །བརྗོད་མེད་སྐུ་མཆོག་བདག་ལ་བསྟན་དུ་གསོལ། །ཡེ་ནས་རྣམ་དག་ནམ་མཁའི་རང་བཞིན་ལ། །ཁྱབ་པའི་ཐུགས་རྗེ་ཆེན་པོས་དགོངས་སུ་གསོལ། །ཧོ་ཞེས་བསྐུལ་བས་གསང་བ་མཆོག་གི་བདག་པོ་དེས་བསྐུལ་བར་མཁྱེན་ནས། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། མཚན་ཉིད་དང་བྲལ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེའི་ཚེ་ཆོས་ཐམས་ཅད་འོད་ཟེར་ལྡན་པའི་བདག་ཉིད་དུ་གནས་སོ། །དེ་ནས་ཡང་ཡུམ་གོས་དཀར་མོས་གླུ་འདིས་བསྐུལ་ལོ། །ཨེ་མ་ཧོ། །ཀུན་ལ་ཁྱབ་པའི་སྙིང་རྗེ་ཡོངས་ལ་ཁྱབ། །མ་བཅོས་དབྱིངས་ནས་གཡོ་བ་སྨོན་ལམ་དབང་། །ཇི་ལྟར་གནས་པ་སྐུ་ཡི་བྱེ་བྲག་ཏུ། །བདེ་ཆེན་ཁྱད་པར་བདག་ལ་བསྟན་དུ་གསོལ། ཧོ། །ཞེས་བསྐུལ་བར་མཁྱེན་ནས། བདེ་བ་ཆེན་པོའི་ངང་ལས་སྨོན་ལམ་གྱི་དབང་གིས། རྟག་པའི་ཆོ་འཕྲུལ་རྣམ་པར་སྟོན་ཏེ། ཟླ་བ་ཉ་གང་བ་ལྟ་བུར་མངོན་དུ་ཕྱུང་ངོ་། །དེ་ཚེ་ཆོས་ཐམས་ཅད་བརྗོད་པ་དང་བྲལ་བའི་ངང་དུ་གསལ་བར་སྣང་ངོ་། །དེ་ནས་ཡང་ཡུམ་མ་སྨྱུ་ཀིས་གླུ་འདིས་བསྐུལ་ལོ། །ཨེ་མ་ཧོ། །ཅིར་ཡང་གསལ་བའི་སྐུ་མཆོག་མ་བསྒྲིབས་གསལ། །ཡེ་ནས་དག་ལ་རྟོག་པའི་ཡུལ་དང་བྲལ། །དེ་རྟགས་གསལ་ཞིང་རྣམ་པར་དག་པའི་སྐུ། །ཡོངས་སུ་རྫོགས་པའི་སྐུ་མཆོག་བསྟན་དུ་གསོལ། །ཧོ༷༷ བསྐུལ་བར་མཁྱེན་ནས། སོ་སོའི་སྐུའི་བྱེ་བྲག་ཏུ་རྣམ་པར་གསལ་བར་གྱུར་ཏོ། །དེའི་ཚེ་ཆོས་ཐམས་ཅད་དྲི་མ་དང་བྲལ་བའི་ངང་དུ་གསལ་ལོ། །དེ་ནས་ཡང་ཡུམ་དམ་ཚིག་སྒྲོལ་མས་གླུ་འདིས་བསྐུལ་ལོ། །ཨེ་མ་ཧོ། །མ་བསྒྲིབས་གསལ་ཞིང་དྲི་མ་རྣམས་དང་བྲལ། །ཡོངས་སུ་རྫོགས་པའི་སྐུ་ནི་སྣ་ཚོགས་འབྱིན། །སེམས་ཀྱི་དེ་ཉིད་མ་འགགས་གསལ་བའི་འོད། །སོ་སོའི་ལམ་རྣམས་བདག་ལ་བསྟན་དུ་གསོལ། །ཧོ༷༷ བསྐུལ་བར་མཁྱེན་ནས།སོ་སོའི་སྐུའི་བྱེ་བྲག་ཏུ་གསལ་བར་མཛད་དོ། །དེ་ནས་ཡུམ་སངས་རྒྱས་སྤྱན་གྱིས་རྣམ་པར་མཛེས་པའི་སྤྱན་གྱིས་མི་གཡོ་བར་གཟིགས་ཏེ། རྨད་དུ་བྱུང་བའི་མཆོད་པ་སྣ་ཚོགས་པས་མཆོད་དེ། གླུ་འདིས་བསྐུལ་ལོ།ཨ་ཧོ་ཧ༷་ཨི་མང་གུ་ཨ་རྭ་ག་མི་ཧུ༷་ཐ་ཧ་ཐ། ཞེས་རྣམ་པར་བསྐུལ་བས། རོལ་པའི་སྐུ་ཚུལ་རྣམ་པ་བཞི་དང་ལྡན་ཞིང་ཡེ་ཤེས་ཀྱི་རང་བཞིན་སངས་རྒྱས་ཡབ་ཡུམ་སྲས་དང་བཅས་པ་གཟིགས་པས་གཟིགས་པར་གྱུར་ཏོ། །དེ་ནས་ཡང་ཨོ་ཨུ༷༷ཧུ༷་ཞེས་བརྗོད་པས། འཁོར་ཇི་སྙེད་པ་ཐམས་ཅད་ཉིད་ཀྱི་སྐུ་ལ་བསྡུ་བར་མཛད་དོ། །དེ་ནས་ཡང་ཡུམ་ཀུན་ཏུ་བཟང་མོས་གླུ་འདིས་བསྐུལ་ལོ། །ཨེ་མ་ཧོ། །ཡེ་ནས་རྣམ་པར་དག་པའི་དབྱིངས། །ཡེ་ཤེས་ཆེན་པོའི་ངང་ཉིད་ཅན། །འོད་དང་བཅས་པའི་གཞལ་ཡས་སུ། །བདུད་རྩི་ག་པུར་གནས་པར་མཛོད། ཧོ་༷ བསྐུལ་བར་མཁྱེན་ནས། རོལ་པ་ཆེན་པོའི་ཏིང་ངེ་འཛིན་ལ་གནས་པར་གྱུར་ཏོ། །དེའི་༄༅ ཚེ་ཆོས་ཐམས་ཅད་རོལ་པ་ཆེན་པོའི་ཏིང་ངེ་འཛིན་ལ་གནས་པར་གྱུར་ཏོ། །དེ་ནས་རོལ་པའི་བདག་ཉིད་མས་གླུ་འདིས་བསྐུལ་ལོ། །ཨེ་མ་ཧོ། །སྐྱོན་གྱིས་མ་གོས་པདྨ་རྭ་གའི་མདོག །ཐམས་ཅད་རྒྱན་གྱིས་མ་ལུས་ཡོངས་སུ་བརྒྱན། །བསྲུང་མེད་བདེ་བ་ཆེན་པོའི་བྱང་ཆུབ་སེམས། །ཡེ་ནས་རྣམ་དག་ཆུ་བོའི་རྒྱུན་བཞིན་འབབ། ཧོ༷༷ ཐམས་ཅད་དྲི་མ་དང་བྲལ་བའི་ཏིང་ངེ་འཛིན་ལ་གནས་པར་གྱུར་ཏོ། །དེའི་ཚེ་ཆོས་ཐམས་ཅད་དྲི་མ་མེད་པའི་རང་བཞིན་དུ་གསལ་བར་གྱུར་ཏོ། །དེ་ནས་ཡང་རབ་ཏུ་མཛེས་མས་གླུ་འདིས་བསྐུལ་ལོ། །ཨེ་མ་ཧོ། །རབ་ཏུ་གསང་བའི་བྱང་ཆུབ་སེམས། །ཀུན་གྱི་བདག་ཉིད་ཀུན་གྱི་དངོས། །རབ་ཏུ་བརྟག་དཀའ་ཀུན་གྱི་རྒྱུ། །ཀུན་གྱི་འབྱུང་གནས་ཆེན་པོ་ཡིན། །ཧོ༷༷ བྱང་ཆུབ་སེམས་ཀྱི་ཏིང་ངེ་འཛིན་ལ་གནས་པར་གྱུར་ཏོ། །དེའི་ཚེ་ཆོས་ཐམས་ཅད་བྱང་ཆུབ་སེམས་ཀྱི་རོལ་པ་ཆེན་པོར་གྱུར་ཏོ། །དེ་ནས་ཡང་ཡུམ་གྱིས་བྱང་ཆུབ་སེམས་ཀྱི་གླུ་འདིས་བསྐུལ་ལོ། །ཨེ་མ་ཧོ། །གསང་བ་རོལ་པ་དུར་ཁྲོད་གནས། །རོལ་པར་མཁའ་འགྲོ་ཐམས་ཅད་བཞུགས་པའི་གནས། །མ་བཅོས་ལྷུན་གྱིས་གྲུབ་པའི་གཞལ་ཡས་ཁང་། །དེ་འདྲ་བཅོམ་ལྡན་བདེ་ཆེན་ཆགས་པའི་གནས། ཧོ༷༷ བདེ་བ་ཆེན་པོ་རོལ་པ་ལ་ཆགས་པའི་རང་བཞིན་ཅན་དུ་གྱུར་ཏོ། །ཐབས་དང་ཤེས་རབ་གཉིས་སུ་མེད་པ་ལས་གསང་བ་འདི་གསུངས་སོ། །ཨེ་མ་ཧོ་གསང་བའི་བདག་ཉིད་ཅན། །ཨེ་མ་སྔགས་ཀྱི་བདག་པོ་ཅན། །ཨེ་མ་རིག་པའི་བདག་ཉིད་ཅན། །ཨེ་མ་ཧོ་གཟུང་བའི་བདག་ཉིད་ཅན། །བརྟག་པར་བྱ་བའི་ཕྱག་རྒྱ་ཅན། །དུས་གསུམ་སངས་རྒྱས་ཀུན་གྱི་ཐུགས། །སྣོད་བཅུད་ཀུན་གྱི་བདག་པོ་ཡིན། །འོད་ཟེར་སྣ་ཚོགས་འབྱུང་བའི་གཞི། །ཐིག་ལེ་སྤྲོས་མེད་བྱང་ཆུབ་སེམས། །དུས་གསུམ་སངས་རྒྱས་གཤེགས་པའི་ས། །སེམས་ཅན་ཉོན་མོངས་སེལ་བའི་སྨན། །དུག་ལྔ་སེལ་བའི་རྩི་མཆོག་ཡིན། །མ་རིག་མུན་སེལ་སྒྲོན་མེའི་མཆོག །དེ་ཉིད་བདེ་བ་ཆེན་པོ་སྟེ། རང་རིག་ལྟ་བ་ཤེས་བྱ་མཆོག །སྤྲོས་མེད་བྱང་ཆུབ་སེམས་ཉིད་དེ། །ཡོངས་རྫོགས་བདེ་བ་ཆེན་པོ་འགྲུབ། །ཅེས་གསུངས་སོ། །རྟེན་གྱི་དཀྱིལ་འཁོར་འདི་བྱུང་ངོ་། །ཨེ་སྐྱོང་བ་མེད་པའི་ཏིང་ངེ་འཛིན་འདི་བྱུང་ངོ་། །ཡ༷་སྨིན་པར་བྱེད་པའི་ཏིང་ངེ་འཛིན་འདི་བྱུང་ངོ་། །ར༷་སྡུད་པར་བྱེད་པའི་ཏིང་ངེ་འཛིན་འདི་བྱུང་ངོ་། །བ༷་གནས་པར་བྱེད་པའི་ཏིང་ངེ་འཛིན་འདི་བྱུང་ངོ་། །སུ༷་དག་པར་བྱེད་པའི་ཏིང་ངེ་འཛིན་འདི་བྱུང་ངོ་། །ཧ༷་སྤྲོ་བར་བྱེད་པའི་ཏིང་ངེ་འཛིན་འདི་ཕྱུང་ངོ་། །ཕཊ་ཤིན་ཏུ་སྤྲོས་པའི་གླུ་འདི་གསུངས་སོ། །ཨེ་མ་ཧོ་སངས་རྒྱས་ཐམས་ཅད་ཀྱི། །གསང་བ་གསུམ་གྱི་དོན་ལས་བྱུང་། །བདེ་མཆོག་གསང་བ་གསུམ་གྱི་གནས། །རྡོ་རྗེ་འཁོར་ལོ་རིན་ཆེན་རྒྱན། །པདྨ་རལ་གྲི་ཟླ་བའི་རྒྱན། །ཉི་མའི་འོད་ཟེར་ཁ་དོག་མཛེས། །མཆོག་གི་གནས་ལ་མཆོག་གི་རྒྱན། །བླ་རེ་འོད་ཟེར་ལྔ་ཡིས་འཁྲིགས། །རྒྱལ་མཚན་བཞི་ཡིས་རབ་ཏུ་མཛེས། །འབར་བའི་འཕན་གྱིས་ཕྱོགས་བཅུར་འཁྲིགས། །རབ་ཏུ་ཟླུམ་པའི་དཀྱིལ་འཁོར་ལ། །སྒོ་དྲུག་དག་གིས་རབ་ཏུ་བརྒྱན། །གདོད་ནས་དག་པའི་འཁོར་ལོས་འཁྲིགས། །རྣམ་དག་རྒྱན་ནི་མཛེས་པས་བརྒྱན། །འབྱུང་འཇུག་གནས་པ་ཀུན་གྱི་ཞལ། །དུས་གསུམ་བདེ་གཤེགས་སྲས་བཅས་གནས། །ཞེས་གསུངས་སོ། །ཆོས་ཐམས་ཅད་འོད་རྣམ་པར་གསལ་བ་ཞེས་བྱ་བ་ལ་གནས་པར་གྱུར་ཏོ། །ཆེད་དུ་བརྗོད་པའི་གླུ་འདི་གསུངས་སོ། །ཧུ༷་ང་ནི་བཅོམ་ལྡན་ཡེ་ཤེས་མཆོག །དུས་གསུམ་སངས་རྒྱས་ཀུན་གྱི་ཡབ། །ཁམས་གསུམ་ཀུན་གྱི་འབྱུང་གནས་གཙོ། །བདེ་བར་གཤེགས་པའི་གཤེགས་ཤུལ་གནས། ཤེན་ཏུ་གནས་པའི་ཏིང་འཛིན་ཅན། །བརྗོད་བྲལ་བརྗོད་མེད་དེ་ཉིད་གསུངས། །ཐབས་དང་ཤེས་རབ་ལས་བྱུང་འོད། །གཉིས་མེད་བྱང་ཆུབ་སེམས་ཀྱིས་བཞུགས། །ཧུ༷་ཨ་ཧ༷། ཞེས་བརྗོད་དེ་ཕོ་བྲང་ཆེན་པོའི་དབུས་སུ་བཞུགས་སོ། །འཇིག་རྟེན་གསུམ་གྱི་ཤེས་པ་བསྒྲལ་བའི་རྒྱུད་ལས། མི་རྒྱ་ཆེན་པོའི་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །ཨེ་མ་ཧོ། །བཅོམ་ལྡན་གསང་བའི་བདག་ཉིད་ཆེ། །ཁམས་གསུམ་ཀུནགྱིགཉེནགཅིགཔོ། །ཉོན་མོངས་དྲ་བ་ལྔ་གཅོད་བདག །ཡེ་ཤེས་ལྔ་ཡིངང་ཚུལ་ཅན། །འོད་ཟེར་ལྔ་ཡིས་རབ་ཏུ་འཁྲིགས། །འཁོར་བ་དང་ནི་མྱ་ངན་འདས། །ཐམས་ཅད་ཀུན་ལ་ཁྱབ་ཆེན་པོ། །ཉོན་མོངས་ལྷ་རྣམས་སྦྱོང་བ་དང་། །བགྲོད་པའི་ལམ་ལ་བརྟེན་པའི་ཕྱིར། ཁུད་ཆེན་དྲུག་དང་དཀྱིལ་འཁོར་དྲུག །ཉོན་མོངས་གཅོད་པའི་རལ་གྲི་སྟེ། །དངོས་གྲུབ་ཐམས་ཅད་འབྱུང་བ་དང་། །འདི་ལྟའི་དཀྱིལ་འཁོར་དམ་པར་གནས། །བདེ་གཤེགས་བཅོམ་ལྡན་ཐུགས་ལ་གནས། །ཁྱོད་ཀྱི་ངོ་མཚར་རྫུ་འཕྲུལ་ཅན། །གསང་བ་སྦས་པའི་ཐབས་རྣམས་འཆང་། །ཇི་ལྟར་ཇི་ལྟར་ཕན་པའི་སེམས། །རབ་ཏུ་གདུང་བའི་སེམས་འཆང་ཞིང་། །རྣལ་འབྱོར་རྣམས་ལ་ཐུགས་བརྩེའི་ཕྱིར། །བདག་ཅག་འཁོར་བཅས་ཞུ་བར་འཚལ། །ཞེས་གསོལ་པས། བཅོམ་ལྡན་འདས་དཔལ་ཀུན་ཏུ་བཟང་པོས་བཀའ་སྩལ་པ། ཐབས་དང་བཅས་པའི་དངོས་གྲུབ་མཆོག །བདེ་གཤེགས་རྗེས་འབྲང་སློབ་དཔོན་རྣམས། །དེ་ཡི་མཚན་ཉིད་བཤད་པར་བྱ། །ཕྱི་ནང་རྣམ་རྟོག་མི་སྐྱེ་ཞིང་། ཁུད་དང་མདོ་སྡེ་དག་ལ་མཁས། །ཐབས་མཁས་ཏིང་འཛིན་དྲོད་ཚད་བརྩོན། །སྡེ་སྣོད་གསུམ་ལ་མ་རྨོངས་དང་། །རྟོག་བཅས་ཐེ་ཚོམ་ཐམས་ཅད་སེལ། །གསང་བ་སྦས་པའི་ཐབས་རྣམས་མཁྱེན། །དད་པ་རྣམས་ལ་སྐྱོ་དུབ་མེད། །གསང་བའི་སྡེ་སྣོད་དྲུག་རྣམས་ཀུན། །རྟོག་བཅས་སྣོད་ངན་རྣམས་མི་སྟེར། །གསང་བའི་ཆོས་རྣམས་སེམས་ལ་འཆང་། །འབད་པ་སྟོབས་ཀྱིས་མན་ངག་ཚོལ། །རྩ་བར་བཅས་པ་སྲུང་བྱེད་པ། །ཁྲག་འཐུང་རྒྱལ་པོའི་སློབ་དཔོན་ཡིན། །སྐུ་གསུང་ཐུགས་ཀྱི་དམ་ཚིག་རྣམས། ཁེན་ཏུ་འདུལ་བ་ཆེན་པོ་སྟེ། །འདི་ལས་འདའ་བར་མི་བྱེད་དང་། །ཡན་ལག་དམ་ཚིག་དང་དུ་ལེན། །སྤྱོད་པའི་བྱེ་བྲག་ཐབས་ཡིན་པས། །མི་སྤང་མི་འདོར་འབང་བསྲུང་ལ། །མདོག་དཀར་གཟུགས་རགས་སྟོབས་དང་ལྡན། །ག་པུར་དྲི་འཆང་རི་མོ་འཆང་། །རྟག་པར་སེམས་ཅན་དོན་ལ་དགའ། །སེམས་ཅན་སྒྲོལ་བའི་ཐབས་ལ་མཁས། །སྐད་གདངས་དུང་སྒྲ་ཡོད་པ་ནི། །བཅོམ་ལྡན་ཁྲག་འཐུང་ཧེ་རུ་ཀའི། །སློབ་དཔོན་བྱ་བར་ཤིས་པའོ། །ཕྱི་ནང་ཆོས་ལ་མ་རྨོངས་མཁྱེན། །ཁྱད་པར་ཤེས་པ་ཕུན་སུམ་ཚོགས། །རིག་པའི་གནས་མཆོག་མ་འགགས་ཤེས། །ཆོས་སྤྱོད་བཅུ་རྣམས་མ་འགགས་སྤྱོད། །སློབ་དཔོན་འཁུར་ཞིང་མཆེད་ལ་གདུང་། །སེམས་ཅན་ཅི་དགའ་སྤྱོད་པ་བྱེད། །ཐབས་ཀྱི་བྱེ་བྲག་རྣམས་ལ་མཁས། །གཅིག་གམ་ཐམས་ཅད་མཚན་ཉིད་ཀྱི། །དོན་མཐོང་དགེ་བ་ཐ་དག་ཡོད། །གཤིན་རྗེའི་གཤེད་པོའི་སློབ་དཔོན་ཡིན། །ཐབས་ཀྱི་ཐབས་རྣམས་ཁྱད་པར་སྟོན། །རྟག་པར་ཟློས་ཤིང་ཕྲེང་དུ་དགའ། །སྙིང་པོ་སྔགས་ལ་དད་མོས་ཆེ། །བློ་གསལ་རིག་པ་ཁྱད་པར་ཡོད། །སྤྱོད་ལམ་རྣམ་བཞི་སེང་གེར་སྤྱོད། །གླུ་གར་རོལ་མོ་རྣམས་ལ་དགའ། །མཆོད་པའི་བྱེ་བྲག་ཐབས་མཆོག་མཁས། །ལུང་བསྟན་བཀའ་བཞིན་བྱེད་ཅིང་གསོ། །སྤུན་ལ་དུང་ཞིང་སེམས་ཅན་སྡུད། །པདྨ་དབང་ཆེན་སློབ་དཔོན་ཡིན། །ཕྱི་ནང་གསང་བའི་དབང་ཐོབ་ཅིང་། །སྔགས་རྣམས་མ་འདྲེས་སོ་སོར་མཁྱེན། ཁྲེས་རབ་གསལ་ཞིང་བརྩོན་འགྲུས་ཆེ། །ཕྱི་ནང་རྒྱུད་ཤེས་ཆོ་ག་སྐོང་། །ཐབས་ཀྱི་སྤྱོད་པ་སྣ་ཚོགས་ལ། །གང་དང་གང་ལ་མ་རྨོངས་ཤེས། །ལས་ཀྱི་བྱེ་བྲག་ཐམས་ཅད་ལ། །ལྷག་ཆད་མེད་པར་ཐབས་མཁས་ཤེས། །གསང་བ་མཆོག་གི་ཐབས་རྣམས་སྦེད། །ཆེ་མཆོག་ཧེ་རུ་ཀ་ཡི་སློབ་དཔོན་ཡིན། །ཐོས་བརྩོན་ཡོན་ཏན་ཀུན་གྱིས་བརྒྱན། །མདོ་སྡེ་འདུལ་བ་མངོན་པ་གསུམ། །དེ་ཡི་ཐབས་ཀྱིས་ཐམས་ཅད་འདུལ། །དེ་ཡི་སྤྱོད་པ་མ་འགགས་མེད། །བྱམས་དང་སྙིང་རྗེས་གང་འདུལ་བ། །རྗེས་སུ་མཐུན་པའི་ཐབས་མཆོག་གིས། །ཇི་ལྟ་ཇི་ལྟར་འདུལ་མཛད་ཅིང་། །ཐབས་མཁས་དང་ལྡན་ཏིང་འཛིན་གསལ། །གཉིས་མེད་བློ་ལྡན་བརྟུལ་ཞུགས་ཆེ། །མངོན་རྫོགས་རྒྱལ་པོའི་སློབ་དཔོན་ཡིན། །དེ་ནས་སློབ་མའི་མཚན་ཉིད་བསྟན། །ལུས་མཛེས་རྟག་ཏུ་ངག་སྙན་སྨྲ། །མགྲིན་བདེ་དད་ལྡན་སློབ་དཔོན་ལྒབུར། །འཁོར་ལོའི་ལས་མཁས་སྐྲུན་ལ་གདུང་། །བདེན་པའི་ཚིག་སྨྲ་སྒྱུར་མི་བ་། །མང་པོ་ཐོས་བརྩོན་སྟོན་མི་ནུས། །པད་དཀར་ཞེས་བྱའི་གང་ཟག་དེ། །ཧེ་རུ་ཀ་ཡི་སློབ་མར་བཟུང་། །ཐབས་དང་སྟོབས་ཀྱི་རྩལ་འཆང་ཞིང་། །རིན་ཆེན་སྣ་ཚོགས་སྦྱིན་པར་གཏོང་། །སྤྱོད་ཡངས་ལྷུན་སྡུག་ངག་སྙན་བདེ། །ཇི་ལྟར་ཇི་ལྟའི་སྤྱོད་པ་ཡིས། །དེ་ལྟ་དེ་ལྟར་སློབ་དཔོན་འཁུར། །བླ་མ་ཤེས་རབ་དགོས་འདོད་སྐོང་། །ང་བདག་སྐྱོན་སྤངས་དད་བརྩོན་ཆེ། །དམ་ཚིག་དག་ཅིང་ཤེས་རབ་ལྡན། ཁུད་ཐོས་ལེགས་པར་སྟོན་པ་ནི། །གཤིན་རྗེའི་གཤེད་པོའི་སློབ་མ་ཡིན། །དགེ་་བཅུ་རྟག་སྤྱོད་མི་དགེ་སྤང་། །བདེ་འཇམ་ཁྲོ་བའི་སེམས་མི་འབྱུང་། །གླུ་གར་རོལ་མོ་སྣ་ཚོགས་སྟོན། །མདོག་མཛེས་ཙན་དན་དྲི་ངད་ལྡན། །སྟོད་སྨད་ཕྱེད་ཅིང་རྐང་པ་ཕྲ། །ཡན་ལག་བདེ་འཇམ་འབར་འབུར་མེད། །སྐྲ་མཐོ་སེན་མོ་ཟངས་འདྲ་དམར། །སྤྱོར་བའི་ཡན་ལག་ཐབས་ལ་མཁས། །དད་ལྡན་ཐོས་བརྩོན་སྙིང་རྗེ་ཆེ། །པདྨ་ཞེས་བྱའི་གང་ཟག་སྟེ། །པདྨ་དབང་ཆེན་སློབ་མར་བཟུང་། །དཔའ་ཞིང་སྙིང་སྟོབས་ཤིན་ཏུ་ཆེ། །ཕྱི་ནང་འདུལ་བའི་ཆོས་ལ་མཁས། །ལྷུན་སྡུག་ཕྲིན་ལས་དག་ལ་མཁས། །དགོངས་པ་ཉམས་ལེན་མུ་སྟེགས་བཟློག །ལྟ་ལོག་སུན་འབྱིན་ཡང་དག་འགོད། །བདེ་བའི་ལམ་སྟོན་ཐབས་ལ་མཁས། །བཟོ་མཁས་རིག་གསལ་བླ་མ་སྐོང་། །འཛིན་ལ་མཁས་ཤིང་བརྗེད་འགྱུར་པ། །ཨུཏུལ་ཞེས་བྱའི་གང་ཟག་དེ། །ཆེ་མཆོག་ཧེ་རུའི་སློབ་མ་ཡིན། །རྩ་བ་དང་ནི་ཡན་ལག་གི །དམ་ཚིག་མ་ཉམས་དས་ཐུབ་བསྲུང་། ཁྲེས་རབ་ཆེ་ཞིང་དད་པ་དཔའ། །སྟོན་པའི་བཀའ་ལུང་དག་ལ་མོས། །སློབ་དཔོན་འཁུར་ཞིང་སྤུན་ལ་གདུང་། །ཉོན་མོངས་སྙིང་རྗེ་སྙིང་རྗེ་ཆེ། །སྤྱོད་བཟོ་ལུས་ལ་ག་པུར་དྲི། །ཐོས་མེད་ང་རྒྱལ་མང་དུ་སྨྲ། །རྗེས་སུ་བཟུང་བའི་དོན་མེད་པ། །ཙསྡོན་ཞེས་བྱའི་གང་ཟག་དེ། །ཁྲག་འཐུང་རོལ་པའི་སློབ་མར་བཟུང་། །གོང་གི་ཡན་ལག་ཀུན་ཚང་ཞིང་། །རྒྱལ་པོ་སྡེ་བཅས་ཀུན་གྱིས་བསྟོད། །མུ་སྟེགས་སྡེ་བས་བསྔགས་པ་བརྗོད། །སྡེ་བ་བཞི་ཡིས་སྤྱི་བོར་ལྒབུར། །དཀྱིལ་འཁོར་ཐ་དག་ལས་ལ་མཁས། །གསང་དྲུག་སྦས་གབ་མན་ངག་ཐུབ། །སློབ་དཔོན་ལྒབུར་ཞིང་སྤྱོད་པ་ཡངས མངོན་རྫོགས་རྒྱལ་པོའི་སློབ་མར་གཟུང་། །གནས་ཀྱི་མཚན་ཉིད་བསྟན་པ་ནི། །སྤང་བླང་གཉིས་སུ་ཤེས་པར་བྱ། ཁུད་གཞན་དག་དང་མཐུན་པ་རུང་། །དང་དུ་བླང་བའི་གནས་རྣམས་སུ། །བསྒྲུབ་ན་དངོས་གྲུབ་ཡ་མཚན་ཐོབ། །སློབ་དཔོན་སློབ་བུའི་མཚན་ཉིད་དང་གནས་ཀྱི་མཚན་ཉིད་བསྟན་པའི་ལེའུ་སྟེ་གཉིས་པའོ།། །།དེ་ནས་དཔལ་རྡོ་རྗེ་སེམས་དཔས། བཅོམ་ལྡན་འདས་དཔལ་ཀུན་ཏུ་བཟང་པོ་ལ་བསྐོར་བ་བྱས་ནས། མཆོད་པ་སྣ་ཚོགས་པ་ཕུལ་ཏེ། ཀྱེ་མ་གསང་བདག་ཀུན་ཏུ་བཟང་། །རྣལ་འབྱོར་གདུག་པ་འདུལ་བ་ལ། །འདི་ཡི་ལས་དང་དོན་ཆེད་དུ། །དཀྱིལ་འཁོར་དམ་པ་མི་འཚལ་ལམ། །འཇིགས་བྱེད་ཆེན་པོས་ལུང་བསྟན་གསོལ། །བཅོམ་ལྡན་འདས་ཀྱིས་བཀའ་སྩལ་པ། །རྣལ་འབྱོར་ལས་དང་དོན་ཆེད་དུ། །རྡོ་རྗེ་སེམས་དཔས་ཞུས་པ་ལེགས། །དོན་རྣམས་བདེ་བར་ངས་བཤད་ཀྱི། །མ་ཡེངས་དག་པའི་སེམས་ཀྱིས་ཉོན། །ཡེ་ཤེས་རང་སྣང་དཀྱིལ་འཁོར་ལ། །ནམ་མཁའི་དབྱིངས་ཀྱི་དབུས་གནས་པར། །རང་སྣང་དཀྱིལ་འཁོར་གསལ་བར་བསྒོམ། །ཡེ་ཤེས་རོལ་པའི་ཚོགས་ཆེན་ཀུན། །ཐུགས་དམ་དབང་གིས་རང་བཞིན་བྱོན་པ་རྣམས། །རྣམ་དག་ངང་གི་བདེ་བ་དམ་པར་བཞེངས། །གསང་བའི་རང་བཞིན་ཐབས་དང་ཤེས་རབ་སྟེ། །ངོ་བོ་ཉིད་དག་ངང་གིས་རང་བཞིན་མེད། །བདག་དང་ཚོགས་བཅས་མ་ལུས་དེ་བཞིན་ཏེ། །ཡེ་ཤེས་ཚོགས་ཆེན་རྫོགས་པའི་རང་བཞིན་ཏེ། །དེ་ཐོབ་འབྲས་བུ་མཐར་ཕྱིན་ས་ལ་གནས་པའོ། །ཉི་མའི་དཀྱིལ་འཁོར་དབུས་སུ་བསམ། །བདག་ཉིད་ཡེ་ཤེས་བདེ་བས་གང་བ་དང་། །གཟས་པ་གཤེད་མའི་ཚོགས་ཀྱིས་གང་བ་གཉིས། །སྔགས་ཀྱི་དུག་མདའ་ཁོང་དུ་འཕང་བ་དང་། །རང་གི་གཤེད་མས་སྲོག་ལ་དབབ་པ་དང་། །རང་གི་སྔགས་བཅད་དམོད་པའི་ཡི་གེ་སྟེ། །དྲག་པོའི་དུས་སུ་གསལ་བའི་ཡི་གེར་བཅས། །མཁས་པས་སྤྱི་དང་མན་ངག་གཞུག་པར་བྱ་བ་ཡིན། །ཐ་མར་བསྐུལ་དང་བཅས་པའི་སྙིང་པོ་སྟེ། །གཏན་བཅས་བསྒྲུབ་པར་བྱ་བའི་ཕྱིར་ན་ནི། །བརྒྱ་རྩ་བརྒྱད་དང་སྟོང་བཟླས་པར་བྱའོ། །འབུམ་མམ་ཁྲི་རུ་བཟླས་པར་བྱའོ། །གནས་ཡུལ་གཉིས་དང་སྲིན་མོ་དབང་ཕྱུག་ཚོགས། །ཀུན་གྱི་གསོད་པའི་དྲག་སྔགས་འདི་ཡིན་ཏེ། ཁྲ་ན་བཞི་དང་བསེ་མོ་རེ་མ་ཏི། །འཁོར་ལོ་ཆེན་མོ་བཞི་རུ་གནས་པ་ལ། །དཀྱིལ་དུ་མ་བཀོད་གཡས་སུ་ཡ། །གཡོན་དུ་ར་བཀོད་དབུས་སུ་ཕཊ། །འོག་ཏུ་དྲི་བཀོད་གཡས་སུ༷་ཛ། །གཡོན་དུ་སྨྱོ་བཀོད་སྟེང་འོག་རྦད་ཀྱང་དགོད། །དེ་ཡིས་ལས་རྣམས་འགྲུབ་པར་ངས་ལུང་བསྟན། །དང་པོར་ཀི་ལ་ཡ་སྟེ་འབྲུ་དགུ་ནི། །འབུམ་ཕྲག་དྲུག་ཏུ་བཟླས་པར་བྱའོ། །ཉི་ཁྲི་གསུམ་སྟེ་དྲུག་ཡིན་ནོ། །ཨཱོཾ་བཛྲ་ཀི་ལི་ཀི་ལ་ཡ་ཧུ༷་ཕཊ། དོན་དམ་སྙིང་པོ་ཡོངས་སུ་གྲུབ་པའི་ཚེ། །བཟླས་དང་མ་བཟླས་ཚིག་གི་ཐ་སྙད་ཡིན། །དེ་ནས་རང་བྱུང་བཟླས་པ་ཆེན་པོ་ནི། །ངོ་བོ་ཉིད་ཀྱི་སྔགས་ཀྱི་རང་བཞིན་ནོ། །དེ་འདྲའི་བཟླས་པ་དོན་གྱི་སྙིང་པོ་ནི། །མ་བཅོས་རང་བྱུང་སྙིང་པོའི་སྔགས་ཡིན་ཏེ། །ཟབ་མོའི་བཟླས་པ་ཡིན་ཞེས་རྒྱ་རུ་བསྟན། །རང་བཞིན་ལྷན་ཅིག་སྐྱེས་པའི་རང་བཞིན་ལས། །བཱ་ར་ཡ་ཡི་བཟླས་པ་བྱ་བ་སྟེ། །བཟླས་པ་མཐར་ཕྱིན་བྱ། །འདི་འདྲའི་བཟླས་པ་ཡེ་ཤེས་མཆོག་ཏུ་འཕགས། །གསང་བའི་བཟླས་པ་ཞེས་ནི་རྒྱ་རུ་བསྟན། །དངས་མ་འདུས་པའི་ངོ་བོ་ལས། །འོད་འབར་ཡེ་ཤེས་རབ་བསྐུལ་བས། །ཁྲག་གི་དམིག་བུ་མགོ་དགུ་དག་ཏུ་གསལ། །དབུས་ནི་མགོ་ནི་དབུས་ཀྱི་སྲོག་རྩ་འཛིན། །རྩ་བརྒྱད་ནང་ནས་མགོ་བརྒྱད་ཞུགས་ནས་ནི། །ཡུལ་བརྒྱད་གནས་བརྒྱད་དག་ལ་སྟོབ་པར་བྱེད། །ཉི་མའི་སྙིང་པོ་བཞིན་དུ་འཚེར་ཞིང་གསལ། །བརྗོད་པ་ཀུན་ལས་འདས་པའི་སྙིང་པོ་ཡིན། །སྟེང་སྒོར་འབར་བས་དམིག་བུ་བཅུ་དྲུག་འགྱུར། །དེ་སྟེང་དམིག་བུ་སུམ་ཅུ་རྩ་གཉིས་སོ། །འོག་ཏུ་འཛག་པས་དྲུག་ཅུ་རྩ་བཞི་སྟེ། །དེ་ཡི་འོག་ཏུ་དམིག་བུ་ལྔ་རུ་འགྱུར། །དང་པོ་གནས་པའི་ས་བོན་ལས། །ཕྲེང་བ་ཨོ་དང་ཕཊ་ལ་གཏུག །སྤྲོ་བ་མ་ནས་ཕཊ་ལ་གཏུག །བསྐུལ་བ་མ་ནས་སྨྱོ་ལ་གཏུག །མཚོན་ཆ་མ་ནས་རྦད་ལ་གཏུག །འགུགས་པ་མ་ནས་ཛ་ལ་གཏུག །མནན་པ་མ་ནས་ནན་ལ་གཏུག །རྦད་ནན་ཞེས་ནི་གཟིར་བར་བྱ། །དྲིལ་བ་མ་ནས་ཕྲོལ་ལ་གཏུག །དབབ་པ་མ་ནས་ཧྲིལ་དང་ཤར་དང་ཕབ་ལ་གཏུག །ཚ་བ་མ་ནས་ར༷་ལ་གཏུག །ཧྲིལ་དང་ཤར་དང་ཕབ་ཀྱི་མཐའ་རུ་ལས་རྣམས་དབྱེ་བཞི། །དེ་ཡི་རྟེན་བྱས་དམ་པའི་བྱང་ཆུབ་སེམས། །ཡེ་ཤེས་ལྔ་གསལ་དོན་དམ་དབྱིངས་ནས་བསྐྱོད། །རྟེན་འབྲེལ་གནས་ལུགས་གསང་བའི་གནས་བྱིན་རློབས། །ས་དབུས་དམིགས་དང་བཅས་པས་སྙིང་པོ་ལེན། །ཕྲ་བའི་མཚན་མ་ལྔ་ཡང་ཤུགས་ཀྱིས་འབྱུང་། །བཟླས་པ་མཐར་ཕྱིན་འབྲས་བུ་ཆེན་པོ་ཡིན། །རང་གི་བཟླས་པ་ཡིན་ཞེས་རྒྱ་རུ་བསྟན། །རྣལ་འབྱོར་དམ་པ་རྣམས་ཀྱིས་བཟླས་འདི་བྱ། །གང་ལ་བཏབ་ཀྱང་སྙིང་པོ་ལེན་པར་ངེས། །གལ་ཏེ་བཟླས་པ་འདི་དང་བྲལ་བ་ནི། །དུས་མིན་ཚེ་ལ་བར་ཆད་བྱས་ནས་ནི། །འབྲས་བུ་ངན་སོང་གསུམ་དུ་ལྷུང་བར་ངེས། །བཟླས་པ་འདི་ལ་གནས་པའི་རྣལ་འབྱོར་དམ་པ་ནི། །ཚེ་རིང་ནད་མེད་ཕུན་སུམ་ཚོགས་པ་དང་། །ལུས་མ་བོར་བ་ཉིད་ནས་བྱང་ཆུབ་སེམས་དཔའི་ས། །སངས་རྒྱས་ཉིད་ཀྱི་ས་ལ་གནས་པ་ཡིན། །དགྱེས་པ་ཆེན་པོའི་མཆོད་པ་རྟག་ཏུ་འབུལ། །ཐམས་ཅད་བདུད་རྩི་ལྔ་ལས་རབ་ཏུ་གྲུབ། །རྡོ་རྗེ་གཤོན་ནུ་འཁོར་ལོ་རྒྱས་འདེབས་གཉིས། །ཡེ་ཤེས་ཆུ་ཟླའི་དཀྱིལ་འཁོར་དམ་པ་བསྒོམ། །རྩ་བའི་ལྷ་ཡབ་ཡུམ་དང་། ཀེའུ་སྲིད་ཡན་ཆད་ཀྱི་ཕྲིན་ལས་སོ། །རྩ་བའི་རང་བཞིན་ཡང་དག་གསུངས། །རྩ་བའི་ལྷ་ཡི་བྱེ་བྲག་རྣམས། །ཇི་ལྟར་སྔགས་ཀྱི་མཚན་ཉིད་གསུངས། །སྲུང་མ་རྣམ་གསུམ་ལས་རྣམས་ཀུན། །འདི་ལས་བསད་པ་ཇི་ལྟར་ལགས། །བཅོམ་ལྡན་བདག་ལ་བཀའ་དྲིན་གསུངས། །བཅོམ་ལྡན་འདས་ཀྱིས་བཀའ་སྩལ་པ། །རྡོ་རྗེ་ངེས་པ་ཁྱེད་ཀྱིས་ནི། །དྲེགས་པ་ཅན་དག་བསྒྲལ་དོན་དུ། །ཞུ་བའི་རྣམ་པ་ལེགས་སོ་ལེགས། །ང་ཡི་བསྟན་པ་བསྲུང་དོན་དུ། །རྣམ་གསུམ་འཁོར་ལོ་བཤད་བྱ་བ། །མ་ཡེང་ཡིད་ལ་བརྟེན་པར་གྱིས། །དངས་མ་འདུས་པའི་ངོ་བོ་ལས། །འོད་འབར་ཡེ་ཤེས་རབ་བསྐུལ་བས། །ཁྲག་གི་དམིག་པ་མགོ་དགུ་དག་ཏུ་གསལ། །སྤྲོ་བསྡུའི་དམིགས་པ་གོང་བཞིན་ཤེས་པར་བྱའོ། །དབུས་སུ་མ་དང་གཡས་པར་ཡ། །གཡོན་པར་ཏ་ཏེ་དབུས་སུ་ཕཊ། །གོང་བཞིན་ཀུན་ལ་བསྒོམ་པར་བྱ། །ཡེ་ནས་གནང་དང་མི་གནང་མེད། ཁུ་ན་བཞི་དང་ལྷ་མོ་བཞི། །ས་བདག་མཆེད་བཞི་ལ་སོགས་ཀུན། །རྟག་དང་ཆད་པ་ཡོད་མེད་དང་། །བརྗོད་དང་བྲལ་བསམ་ཡུལ་ལས་འདས། །རངབཞིནགནསཔའིསྙིང་པོ་དེ། །ལེན་པ་ཕྱི་ན་མ་རགས་དང་། །དེ་འདྲའི་དོན་ཆེན་མ་མཐོང་སྟེ། །ཉོན་མོངས་ལྔ་ཡི་དྲི་མར་གསོ། །དེ་ལན་ཕྱིར་ན་འཁོར་ལོ་སྒྱུར། །དེང་གདེང་ན་ཕྱིར་ཡེ་ཤེས་ཀྱི། །བྱེ་བྲག་རྣམ་གསུམ་གསུངས་པ་ཡིན། །དེ་ལ་དབང་བསྒྱུར་ཁྱད་པར་དུ། །ཐབས་མཆོག་དམ་པའི་རང་བཞིན་གྱིས། །གནས་ནས་དབང་བྱས་དེ་མཐོང་ཚེ། །རང་གི་ཡེ་ཤེས་ལེན་ཞེས་བྱ། །སྐུ་གསུང་ཐུགས་ཀྱི་རྒྱ་རུ་བསྟན། །ཕྱི་ནང་གསང་བ་དེ་ཤེས་བྱ། །གསང་ཆེན་དང་ནི་ཡང་གསང་གཏེར། །དེ་དག་རིམ་པར་ཤེས་པར་བྱ། །ཡེ་ཤེས་མཆོག་གྱུར་དམ་པ་ལ། །རང་གི་རང་བཞིན་དེ་བཞིན་ཏེ། །བདེན་པའི་སྙིང་པོ་རང་བཞིན་ལས། །ཡང་དག་དོན་དུ་མཁས་པས་བརྟག །གསུང་བའི་རྒྱ་རུ་འདི་ལུང་བསྟན། །རྡོ་རྗེ་ཕུར་པའི་ལེའུ་སྟེ་གསུམ་པའོ།། །།དེ་ནས་སྟོན་པ་ཀུན་བཟང་ལ། །རྗོ་རྗེ་ཆོས་ཀྱིས་འདི་སྐད་ཞུས། །ཨེ་མ་ཧོ། །ཐམས་ཅད་དག་མཆོག་ཁྱད་པར་ཅན། །དོན་རྣམས་མ་ལུས་གསུངས་ལགས་ན། །འདི་དོན་འཇུག་འཚལ་རྣལ་འབྱོར་ཏེ། །དུག་ལྔ་དུག་གསུམ་དབང་གིས་ན། །ཞེ་སྡང་དོན་རྣམས་བསྟན་ལགས་ན། །ང་རྒྱལ་བསྒྲལ་བ་ཇི་ལྟར་ལགས། །བཅོམ་ལྡན་བདག་ལ་བཀའ་དྲིན་གསུངས། །འཇམ་དཔལ་གཤེད་པོ་ཁྱོད་ཀྱིས་ནི། །དུག་ལྔ་བསྒྲལ་དོན་ཞུ་བ་ལེགས། །སོ་སོའི་བྱེ་བྲག་ཁྱོད་ལ་བསྟན། །ང་རྒྱལ་དུག་གིས་ཁེངས་པ་རྣམས། །སྤངས་ནས་བསྒྲལ་དོན་རྙེད་པ་མིན། །རབ་ཏུ་བཅིངས་ན་གནས་ངན་ལེན། །སྐྱོན་རྣམས་རྣམ་པར་འཕེལ་བར་འགྱུར། །ཡོངས་སུ་ཁེངས་པའི་ང་རྒྱལ་དེ། །ངའོ་སྙམ་པའི་སེམས་འཆང་ཞིང་། །གཞན་ལས་ལྷག་པའི་སྟོབས་འཆང་ཞིང་། །དེ་ཡིས་ལོག་པའི་ལམ་གནས་ཏེ། །སྤངས་པའི་བདེན་པའི་ཚིག་མི་རྙེད། །སྤྱད་པས་གསང་བའི་སྔགས་དོན་དང་། །སྦས་པའི་དོན་ཉིད་མ་བཅིངས་པས། །གབ་པའི་མཆོག་དེ་རྙེད་འགྱུར་རོ། །གཞན་ལ་ང་རྒྱལ་དབང་བསྒྱུར་པས། །ཞེན་པའི་ཚིག་གིས་གཞན་དོན་འགེགས། །དེ་ཡི་འབྲས་བུ་ལོག་པར་རྙེད། །དེ་ཡི་བདེན་པའི་ཚིག་མི་འབྱུང་། །སྤང་པས་མུ་སྟེགས་ལམ་དུ་འགྲོ། །སྤྱད་པས་ང་རྒྱལ་ཆེན་པོ་ཡི། །དོན་ལ་མ་ལུས་དེ་གནས་ཚེ། །རྟོག་མེད་བདེ་བའི་ལམ་གནས་ཤིང་། །ཡེ་ཤེས་ཆེན་པོ་དེ་གནས་འགྱུར། །དག་པའི་སྣོད་ཆེན་ཟབ་མོའི་ནང་། །ཟླ་བའི་དཀྱིལ་འཁོར་མཐའ་རུ་ནི། །མཐར་བྱེད་ལྔ་དང་ཁྲོ་བོ་བཅུ། །ཡབ་ཡུམ་གཉིས་མེད་བདེ་བས་གསལ། །ནམ་གྲུ་ནག་མོའི་ཚོགས་བཅས་ཀུན། །རང་རང་རྒྱུད་ལྟར་གསལ་བསྒོམ་སྟེ། །མུ་ར་ཡ་ཕཊ་ཡི་གེ་ནི། །དབུས་སུ་མྱ་དང་གཡས་སུ་ཡ། །གཡོན་པར་ར་སྟེ་གཡས་སུ་ཕཊ། །འོག་མ་ཐྲོ་བཀོད་ཀུཡས་སུ་ཛ། །གཡོན་དུ་སྨྱོ་བཀོད་སྟེང་དུ་རྦད་ཀྱང་བཀོད། །དེ་ཡིས་ལས་རྣམས་འགྲུབ་པར་ངས་ལུང་བསྟན། །དང་པོར་ཨ་ཀྲོ་འབྲུ་བདུན་ནི། །འབུམ་ཕྲག་བདུན་དུ་བཟླས་པར་བྱ། །ཉི་ཁྲི་གསུམ་སྟེ་དྲུག་ཡིན་ནོ། །ཨཱོཾ་ཨ་ཀྲོ་ཏེ་ཀ་ཧུ༷་ཕཊ། །བསྲེག་པའི་ས་བོན་མཐར་བཞག་ལ། །བྱང་ཆུབ་སེམས་ཆུང་དམ་པར་འགྱུར། །སྟོང་དང་ལེན་པའི་ཏིང་འཛིན་གྱིས། །མཉམ་པ་ཉིད་ཀྱི་ཡེ་ཤེས་གསལ། །མ་ལས་གྱུར་པའི་བདག་པོ་དེ། །པདྨ་རྭ་གའི་མདོག་འདྲ་བར། །དེ་བཞིན་གཤེགས་པའི་དམ་ཚིག་གིས། །འོད་འབར་ཡེ་ཤེས་རབ་བསྐུལ་བས། །ལྕགས་ཀྱི་སྡིག་པ་མགོ་དགུར་གྱུར། །རྩ་བརྒྱད་ནང་ནས་མགུར་དུ་ཞུགས། །རྣམ་ཤེས་བརྒྱད་ཀྱི་བཅུད་རྣམས་ལེན། །དབུས་ཀྱི་མགོ་ནི་དབུས་ཀྱི་སྲོག་རྩ་འཛིན། །སྟེང་དུ་འཕྲོས་པས་བཅུ་བདུན་ཏེ། །དེ་སྟེང་སུམ་ཅུ་རྩ་གསུམ་མོ། །འོག་ཏུ་འཕྲོས་པས་དྲུག་ཅུ་རྩ་བཞི་སྟེ། །དབུས་མ་དང་ནི་དྲུག་ཅུ་ལྔ། །གསང་བར་འཕྲོས་པས་ལྔ་རུ་གྱུར། །བཅུད་ཀྱི་དངས་མ་དྲི་མ་མེད། །རིན་ཆེན་རིགས་ཀྱི་དམ་ཚིག་སྟེ། །མཉམ་ཉིད་ཡེ་ཤེས་ངོ་བོ་ཉིད། །གྲུབ་པས་དེ་ཡི་ངོ་བོ་འོད་དུ་གནས། །ཟོས་པས་དེ་ཉིད་ལས་བྱུང་སྟེ། །མེ་ཏོག་དང་བཅས་ཡི་གེ་རྦད། །ལོག་རྟོག་ཅན་གྱི་ཤེས་པ་ལེན། །འཇམ་དཔལ་རྩ་བའི་རྒྱ་རུ་བསྟན། །དེ་ནས་ཡང་འཇམ་དཔལ་གཤེད་པོས་འདི་སྐད་གསོལ་ལོ། ཁུ་འབྲས་ངོ་བོར་ཞུགས་པ་ནི། །གསང་སྔགས་བདག་པོ་ཁྱོད་ལགས་ན། །དཀྱིལ་འཁོར་ཉམས་སུ་ལེན་བྱེད་པའི། །རྣལ་འབྱོར་དམ་པ་གང་དག་གིས། །ཏིང་འཛིན་ངང་ལ་མི་གནས་ཚེ། །དེ་ཚེ་བཟླས་པ་མི་གནས་སམ། །རྡུལ་ཚོན་དཀྱིལ་འཁོར་བརྙན་མ་སྟེ། །གསང་བའི་དཀྱིལ་འཁོར་དེ་མ་ལགས། །རྫས་ཀྱི་འཁོར་ལོ་མ་ལགས་ཏེ། །འཁོར་ལོ་ཆེན་པོ་བསྒྲུབ་པ་ལས། །གསང་རྒྱུད་ཇི་སྙེད་འབྱུང་གྱུར་པའི། །བཟླས་པའི་གསང་སྔགས་ཇི་ལྟར་ལགས། །བཟླས་པའི་ཐབས་རྣམས་ཇི་ལྟར་ལགས། །དེ་ཡི་འབྲས་བུ་ཇི་ལྟར་འབྱུང་། །ཡང་དག་རྫོགས་ཀྱིས་བཀའ་སྩོལ་ཅིག །འཇམ་དཔལ་གཤེད་པོ་ཁྱོད་ཀྱིས་ནི། །རྣལ་འབྱོར་ལས་དང་དོན་ཆེད་དུ། །སྔགས་དོན་ཞུ་བ་རབ་ཏུ་ལེགས། །སྔགས་དང་བཟླས་ཐབས་འབྲས་བུ་ཀུན། །གསང་བར་བཤད་ཀྱིས་གུས་པས་ཉོན། །དང་པོ་ཨ་ཀྲོ་འབྲུ་བདུན་ནི། །སྐུ་གསུང་ཐུགས་ཀྱི་བཟླས་པ་སྟེ། །འབྱུང་དང་སྡུད་དང་གནས་པ་ཉིད། །གསང་བ་གསུམ་པོ་ལེན་པ་ཡིན། །མ་ནི་རང་དབང་བྱེད་པ་སྟེ། །རུ་ལུ་སྲོག་གི་སྙིང་པོར་གསུང་། །རྦད་ནི་བསད་པའི་སྔགས་ཡིན་ཏེ། །ཐུ༷་རིལ་གཟིར་བའི་སྔགས་སུ་བསྟན། །མ་ར་ཡ་ཞེས་བྱ་བ་ནི། །གོང་བཞིན་ཀུན་ལ་ཤེས་པར་བྱ། །དབང་སྙིང་ཀུན་ལ་གསལ་བྱས་ལ། །ཐུགས་ཀྱི་སྙིང་པོ་གནས་ལ་ཞུགས། །གནས་པའི་ངོ་བོ་གསལ་ལ་འཚེར། །འབྲས་བུ་མུ་ར་ཡ་ཡི་ལེན། །ཡང་དག་རིག་འཛིན་འབྲས་བུ་འབར་བ་སྟེ། །ཡོན་ཏན་སྙིང་པོ་དམ་པ་ལེན། །གསང་བ་ཐུགས་ཀྱི་བཟླས་པ་སྟེ། །འཕྲོ་འདུ་འབྱུང་བའི་གནས་མཆོག་གིས། །ཐུགས་ཀྱི་འབྲས་བུ་ལེན་པརབྱེད། །གཤིན རྗེ གཤེད་པོའི་རྒྱ་རུ་བསྟན། །འཇམ དཔལ གཤིན རྗེའིལེའུ་སྟེ་བཞི་པའོ།། །།དེ་ནས་པདྨ་སེམས་དཔའ་ཡིས། །བཅོམ་ལྡན་འདས་ལ་འདི་སྐད་ཞུས། །ཀྱེ་མ་གསང་བའི་སྔགས་ཀྱི་བདག །ཕྱོགས་བཅུ་དུས་བཞི་རྫོགས་པ་ཡི། །ཡེ་ཤེས་གསང་བའི་རང་བཞིན་ལས། །ངོ་བོ་ཉིད་ལས་འབྲས་བུར་འབྱུང་། །དབང་ཆེན་གསང་སྔགས་གང་ལགས་པ། །བཅོམ་ལྡན་འདས་ཀྱིས་ལུང་བསྟན་གསོལ། །དེ་ནས་ཀུན་ཏུ་བཟང་པོས་བཀའ་སྩལ་པ། །ཨོ་ལས་བྱུང་བའི་སྙིང་པོ་དེ། །མ་འོངས་དོན་དུ་ཞུ་བ་ལེགས། །ང་ཡིས་ཁྱོད་ལ་བཤད་པར་བྱ། །ལུས་ངག་ཡིད་གསུམ་གུས་པར་ཉོན། །འདོད་ལ་ཆགས་པའི་རང་བཞིན་གྱིས། །མཚན་མའི་དབང་ལ་འཆེལ་ནས་ནི། །དེ་ཡིས་འབྲས་བུ་རླག་པར་བྱེད། །སྤངས་པས་དོན་རྣམས་རྙེད་པ་མིན། །རབ་ཏུ་བཅིངས་ནས་གནས་ངན་ལེན། །སྐྱོན་རྣམས་རྣམ་པར་འཕེལ་བར་འགྱུར། །ཡོངས་སུ་དག་པའི་འདོད་ཆགས་ཏེ། །སྤྱད་པས་འབྲས་བུ་ཆེན་པོ་ཐོབ། །སྤངས་པས་བདེན་པའི་ཚིག་མི་འགྱུར། །སྤངས་པས་མུ་སྟེགས་ལམ་དུ་འགྲོ། །མེ་ཏོག་དང་བཅས་ཡི་གེ་ཨོ། །ཧ་ཡ་གྲི་བ་ཧུ༷་དྲུག །ཡི་གེ་བདུན་པ་རྩ་བ་ཡིན། །གྲུབ་པ་དེ་ཡི་འོད་དུ་གནས། །ཐ་སྐ་ནི་དང་ཐ་ཏོ་ལ། །དམ་པའི་ཆོས་ལས་འབྱུང་བ་ཡི། །སོ་སོར་རྟོག་པའི་ཡེ་ཤེས་ཏེ། །པདྨ་རིགས་ཀྱི་དམ་ཚིག་གོ །ཡོངས་རྫོགས་ངོ་བོ་ལས་བྱུང་བ། །དེ་ཚེ་རྒྱུ་ཉིད་འབྲས་བུ་ཡིན། །ཟླ་བའི་དཀྱིལ་འཁོར་དང་བཅས་པས། །འཕྲོ་འདུར་གྱུར་པའི་དངས་མ་དང་། །ལེ་བརྒན་ལྟ་བུར་གྱུར་པ་སྟེ། །ནཱ་ར་ཡ་ཡི་ཏིང་འཛིན་གྱིས། །ཁྲག་གི་སྦལ་པ་མགོ་དགུར་གྱུར། །རྩ་བརྒྱད་ནང་ནས་མགོ་བརྒྱད་ཞུགས། །དབུས་ཀྱི་མགོ་ནི་དབུས་ཀྱི་སྲོག་རྩ་འཛིན། །གནས་ཡུལ་བཅུ་དྲུག་སྤྱང་མོ་བཅུ་དྲུག་སྟེ། །སྟེང་དུ་འཕྲོས་པས་སྤྱང་མོ་བཅུ་བདུན་ཏེ། །དེ་སྟེང་འཕྲོས་པས་སུམ་ཅུ་གསུམ། །འོག་ཏུ་འཕྲོས་པས་དྲུག་ཅུ་རྩ་ལྔ་སྟེ། །གསང་བ་ལ་ནི་ལྔ་ཡིན་ནོ། །ཡེ་ཤེས་ཚོགས་ཀྱིས་གང་བ་དང་། །སྦལ་པའི་ཚོགས་ཀྱིས་གང་བ་གཉིས། །སྲེག་སྲུང་ལས་འགྲུབ་མཆོག་གི་ལས། །བསམ་ལྡན་གཉིས་ཀྱིས་དེ་འགྲུབ་བོ། །འཁོར་བའི་བག་ཆགས་རྟོག་བཅས་ཐུན། །གནས་ངན་ལེན་པ་ཐམས་ཅད་ཀུན། །གདོད་ནས་སངས་རྒྱས་ཉིད་གནས་པས། །དག་དང་མ་དག་གཉིས་མེད་དེ། །རང་བཞིན་རྨོངས་ལ་གསང་བས་ན། །སྐལ་བ་ཅན་དག་གསང་བ་ཉིད་གསལ་བ། །ཉོན་མོངས་ལྔ་དག་གནས་ངན་ལེན། །པདྨའི་གསང་རྒྱུད་ཐམས་ཅད་དུ། །མྱ་ར་ཡ་ཡི་དེ་ཉིད་འདི། །ཐམས་ཅད་ཀུན་ལ་འདི་བཞིན་བརྟག །བདེན་པའི་སྙིང་པོ་རང་བཞིན་པས། །ཁྱབ་པའི་ཡེ་ཤེས་ཆེན་པོ་དེས། །ལྷ་ཡི་གནས་སུ་བསྒོམ་པར་བྱ། །པདྨའི་རྒྱ་རུ་ངས་ལུང་བསྟན། །པདྨ་དབང་ཆེན་གྱི་ལེའུ་སྟེ་ལྔ་པའོ།། །།དེ་ནས་ཀརྨ་ཧེ་རུ་ཀས། བཅོམ་ལྡན་འདས་ལ་འདི་སྐད་ཞུས། །ཀྱེ་བདེ་གཤེགས་བཅོམ་ལྡན་འདས། །དུག་ལྔས་ཤིན་ཏུ་གཟིར་བ་རྣམས། །སོ་སོའི་བྱེ་བྲག་བསྟན་ལགས་ན། །ཕྲག་དོག་དབང་གྱུར་སེམས་ཅན་རྣམས། །འདི་ལ་ནན་ཏན་ཇི་ལྟར་སྒྲོལ། །བཅོམ་ལྡན་འདས་ཀྱིས་ལུང་བསྟན་གསོལ། །ཕྲག་དོག་སེམས་ཅན་དོན་ཕྱིར་དུ། །ཁྱོད་ཀྱིས་ཞུས་པ་རབ་ཏུ་ལེགས། །ང་ཡིས་བཤད་ཀྱིས་གུས་པར་ཉོན། །དངོས་ལ་གནས་ཤིང་ཚོར་མེད་པས། །དེ་ཡི་འབྲས་བུ་ལེན་པ་མེད། །ལོག་པའི་སེམས་ཅན་ཕྲག་དོག་དེ། །སྤངས་པས་འབྲས་བུ་འབྱུང་མི་འགྱུར། །སྤྱད་པས་ཆོས་ཉིད་དོན་གསལ་འགྱུར། །ཕྲག་དོག་ཅན་གྱི་སེམས་ཅན་དེ། །ངའོ་སྙམ་པའི་སེམས་འཆང་ཞིང་། །གཞན་པས་ལྷག་པའི་སྟོབས་སྙེམས་པ། །དེ་ཡིས་ལོག་པའི་ལམ་བསྟན་ཏེ། །སྤངས་པས་བདེན་པའི་ཚིག་མི་རྙེད། །སྤྱད་པས་གསང་བའི་གསང་དོན་དང་། །སྦས་པའི་དོན་ཉིད་མ་བཅིངས་པས། །གབ་པའི་མཆོག་ཉིད་དེས་རྙེད་འགྱུར། །གཞན་ལ་ཕྲག་དོག་དབང་བསྒྱུར་ནས། །ཞེན་པའི་ཚིག་གིས་གཞན་དོན་འགེགས། །དེ་ཡི་འབྲས་བུ་ལོག་སྙེད་ཀྱི། །དེ་ལས་བདེན་པའི་ཚིག་མི་འབྱུང་། །སྤངས་པས་མུ་སྟེགས་ལམ་དུ་འགྲོ། །སྤྱད་པས་ཕྲག་དོག་ཆེན་པོ་ཡིས། །དོན་ལ་མ་ལུས་དེ་གནས་ཏེ། །རྟོག་མེད་བདེ་བའི་ལམ་ལ་གནས། །ཡེ་ཤེས་ཆེན་པོར་དེ་གནས་འགྱུར། །དེ་ཡི་དོན་ཉིད་བཤད་བྱ་བ། །རྩ་བ་བརྒྱད་ནི་སྙིང་པོའི་མཆོག །ཨོ་རུ་ལུ་རུ་ལུ་ཧུ༷་སྨྱོ་ཧཱུཾ། །འཁོར་བ་རྣམ་གྲོལ་བྱང་ཆུབ་སེམས། །འདི་ལྟར་སྣང་བའི་ཆོས་ཉིད་ནི། །ཡེ་ནས་རང་གི་རང་བཞིན་དག །ངོ་བོ་ཉིད་ཀྱིས་མ་སྐྱེས་པས། །གཟུགས་དང་སྒྲ་ལ་སོགས་པ་ལ། །རབ་ཏུ་བརྟག་གསལ་དངོས་མེད་བསྒོམ། །དང་པོ་ཉིད་བསྒྲུབ་བྱང་ཆུབ་སེམས། །དེ་རྟགས་དོན་རབ་གཉིས་སུ་གསལ། །མཚན་དང་དཔེ་ཡི་རྣམ་གྲོལ་ཤེས། །ཉོན་མོངས་མི་གནས་ངོ་བོ་ཉིད། །དེ་རྒྱུ་ཡུལ་དམིགས་ཡེ་ཤེས་མིན། །རྣམ་པར་དག་པའི་སེམས་དེ་ལ། །བདག་གི་ཀུན་གཞིའི་རྣམ་ཤེས་ནི། །འབྲུ་བརྒྱད་དག་ཏུ་ཡང་དག་གནས། །ཇི་ལྟར་བརྟགས་པའི་སིང་པོ་ལ། །མྱ་ར་ཡ་ཡི་ཕྲེང་བ་ནི། །རབ་ཏུ་གཡོ་བའི་བྱང་ཆུབ་སེམས། །དངས་མ་འདུས་པའི་ངོ་བོ་ནི། །ལེ་བརྒན་འབར་བའི་མདོག་ཏུ་སྣང་། །དེ་ལས་ཤེལ་གྱི་མདོག་ཏུ་སྣང་། །དེ་ལས་ཤེལ་གྱི་སྡིག་པར་གྱུར། །རྩ་བརྒྱད་ནང་ནས་མགོ་བརྒྱད་ཞུགས། །དབུས་ཀྱི་མགོ་ནི་སྲོག་རྩ་འཛིན། །སྟེང་དུ་འཕྲོས་པས་བཅུ་བདུན་ཏེ། །དེ་སྟེང་སུམ་ཅུ་རྩ་གསུམ་མོ། །འོག་ཏུ་འཕྲོས་པས་དྲུག་ཅུ་ལྔ། །དེ་འོག་གསང་བ་ལྔ་རུ་བརྟག་པར་བྱ། །དེ་ལྟར་རབ་ཏུ་རྟགས་གསལ་ན། །བདག་གི་ལུས་འདི་སྒྱུ་མར་སྣང་། །གཟས་པ་གཤེད་མའི་ཚོགས་ཀྱིས་གང་། །དེ་ཡི་དོན་རབ་གཉིས་སུ་འགྱུར། །ལུས་དེས་སེམས་ཀྱི་ངོ་བོར་ལེན། །བསོད་ནམས་མཐུ་ལས་གྲུབ་པ་སྟེ། །སྣང་བ་ཡོངས་སུ་དག་པར་མཛད། །བདེ་གཤེགས་གཞལ་ཡས་བསོད་ནམས་རྫོགས། །དེ་ཡི་རྗེས་འགྲོ་སྣང་བ་དང་། །སྣང་བ་དག་པའི་ཡེ་ཤེས་ཏེ། །རུ་ལུའི་འཕྲོ་འདུ་སྦྱོར་བ་སྟེ། །དཀྱིལ་དུ་མ་བཀོད་གཡས་སུ་ཡ། །གཡོན་དུ་ར་བཀོད་གཡོན་དུ་ཕཊ། །འོག་མར་དྲི་བཀོད་གཡས་སུ་ཛ། །གཡོན་དུ་སྨྱོ་བཀོད་དེ་སྟེང་རྦད་ཀྱང་བཀོད། །དེ་ཡི་ལས་རྣམས་གྲུབ་པར་ངས་ལུང་བསྟན། །བསྟན་པ་ལས་གྲོལ་བྱང་ཆུབ་སེམས། །དེ་བརྟག་མ་ཉིད་མི་གནས་གྱུར། །རྟག་ཏུ་རྒྱུ་ལས་བྱང་ཆུབ་སེམས། །ཆོས་དབྱིངས་དག་པའི་གཞལ་ཡས་ཏེ། །དེ་ལ་སེམས་བརྟན་གསལ་གྱུར་ན། །དོན་ཉིད་མི་སྣང་རྟེན་འབྲེལ་ཤེས། །ཡེ་ཤེས་ལྔ་ཡི་གཟུགས་བརྙན་གྱིས། །ལྟར་སྣང་ཡེ་ཤེས་ལེན་ཞེས་བྱ། །བྱེ་བྲག་མང་པོའི་བྱང་ཆུབ་སེམས། །འབྲས་བུ་ཤེས་པ་ལེན་ཞེས་བྱ། །སྒྱུ་མའི་གསང་རྒྱུད་ཇི་སྙེད་དུ། །གསུངས་པའི་སྔགས་རྣམས་ཐམས་ཅད་ལ། །འདི་བཞིན་ཀུན་ལ་ཤེས་པར་བྱ། །ཀརྨ་ཧེ་རུ་ཀའི་ལེའུ་སྟེ་དྲུག་པའོ།། །།དེ་ནས་བཛྲ་ཧེ་རུ་ཀས། །བཅོམ་ལྡན་འདས་གསང་བདག་དགྱེས་ཆེན་ལ། །བསྐོར་བ་བྱས་ནས་བརྐྱང་ཕྱག་འཚལ། །ཕྱི་ནང་གསང་བའི་མཆོད་པས་མཆོད། །དེ་རྗེས་བསྟོད་པ་དག་ཀྱང་བྱས། །ཨེ་མ་ཧོ་གསང་བ་དགྱེས་པ་ཆེ། །དུས་གསུམ་འདུ་འབྲལ་མེད་པའི་དབྱིངས། །དྲེགས་པས་མྱོས་པའི་སེམས་ཅན་རྣམས། །འདུལ་ལམ་ཚར་བཅད་ཇི་ལྟར་བགྱི། །ཡང་དག་དཔའ་བོས་ལུང་བསྟན་གསོལ། །བཅོམ་ལྡན་དགྱེས་ཆེན་དབང་པོ་ཡིས། །དེ་སྐད་ཞུས་པའི་ཚིག་གསན་ནས། །འཁོར་གྱི་དཀྱིལ་འཁོར་ཐམས་ཅད་ཀུན། །ཧུ༷་ཞེས་བརྗོད་ནས་རང་ལ་བསྡུས། །འཇིག་རྟེན་ཁམས་ཀུན་མི་དམིགས་ཏེ། །ཡི་གེ་གསུམ་གྱི་རང་བཞིན་དུ། །ཐམས་ཅད་མ་ལུས་གསལ་བར་བྱས། །དེ་ནས་བཅོམ་ལྡན་མངོན་རྫོགས་སྐུ། །ཡེ་ཤེས་ལྔལས་རབ་འབར་བའི། །མེ་དཔུང་ནང་ན་རབ་འཇིགས་བཞུགས། །སྣང་ལས་སྔགས་ཀྱིས་རབ་བསྐུལ་བས། །ཕྱག་རྒྱའི་དཀྱིལ་འཁོར་གསལ་བར་གྱུར། །རྟེན་དང་རྟེན་ཅན་དེ་བཞིན་ཏེ། །སྔགས་བཟླས་པ་ཡིས་དེ་ཉིད་གསལ། །ཨོ་ཧུ༷་ཧ་མ་ཕཊ་སྨྱོ་ཛ། །སྔགས་འདིས་བདེ་བའི་ལས་གསལ་ནས། །རྒྱན་དང་རོལ་མོ་ཐམས་ཅད་ཀྱིས། །བདེ་བའི་གནས་མཆོག་ཁྱད་པར་འཕགས། །ཙཀྲ་འཁོར་ལོ་ལས་བྱུང་བ། །གསེར་ལས་བྱས་པའི་འཁོར་ལོ་བཅུ། །གསང་ཆེན་རྫོགས་པའི་བདག་ཉིད་ནི། །ཐུགས་ཀྱི་ས་བོན་ལས་བྱུང་བ། །སྟོབས་དང་བཅས་པའི་དབང་བྱེད་པའི། །གཞི་ལ་འདུས་པའི་དངས་མ་རྣམས། །གསེར་གྱི་དམིག་པ་མགོ་དགུར་འགྱུར། །རྩ་བརྒྱད་ནང་ནས་མགོ་བརྒྱད་ཞུགས། །དབུས་ཀྱི་མགོ་ནི་སྲོག་རྩ་འཛིན། །སྟེང་དུ་འཕྲོས་པས་བཅུ་བདུན་ཏེ། །དེ་སྟེང་སུམ་ཅུ་རྩ་གསུམ་སྟེ། །འོག་ཏུ་འཕྲོས་པས་དྲུག་ཅུ་རྩ་ལྔ་སྟེ། །དེ་བས་འོག་རྣམས་ལྔ་ཡིན་ནོ། །འཕྲོ་འདུ་འདི་དག་ཐམས་ཅད་ཀྱང་། །མགོ་ལུས་སྣ་ཚོགས་པ་རུ་བརྟག །དྲེགས་པ་ཐམས་ཅད་བསྒྲལ་ནས་ནི། །ཀུན་རྫོབ་དོན་དམ་གཉིས་ལ་འགོད། །བདེན་གཉིས་ལས་རྣམས་འགྲུབ་པར་འགྱུར། །གསལ་བའི་དཀྱིལ་འཁོར་རྫོགས་པ་ལ། །རང་བཞིན་གྲུབ་པའི་བྱིན་དབབ་ཕྱིར། །གསང་སྔགས་ཟབ་མོ་རབ་བསྐྱོད་པས། །དབྱིངས་ནས་དཀྱིལ་འཁོར་སྤྱན་འདྲེན་མཆོད། །རང་རང་གནས་སུ་བདེ་བཞུགས་པས། །དབང་བསྐུར་བྱིན་དབབ་ཐམས་ཅད་རྫོགས། །ཡང་དག་དཔའ་བོ་སྐུ་ལྷུན་གྲུབ། །ཡེ་ཤེས་ལྔ་ལྡན་སངས་རྒྱས་སྐུ། །སྐུ་གསུང་ཐུགས་ཀྱི་བདག་ཉིད་ཅན། །བདེ་བར་གཤེགས་པའི་རང་བཞིན་ཏེ། །སངས་རྒྱས་ལྔ་ཡིས་རབ་ཏུ་འཁྲིགས། །དེ་ཡིས་བསམ་པ་ཐམས་ཅད་རྫོགས། །མངོན་རྫོགས་རྒྱལ་པོའི་རྒྱུད་ཆེན་ཇི་སྙེད་གསུང་བ་རྣམས། །མྱ་ར་ཡ་ནི་འདི་བཞིན་ཀུན་ལ་ཤེས་པར་བྱ། །བདུད་མོས་བསད་པའི་ཡི་གེ་འདི་ཉིད་ནི། །བསྙེན་པར་གནས་ཏེ་འདུ་ཡ་ལིང་། །བཱ་ར་ཡ་ནི་རྣམ་པ་གསུམ་དུ་ཤེས་པར་བྱ། །མ་ཡི་འཁོར་ལོ་ལྔ་རུ་སྡིག་པའི་ཚོགས་སུ་གྱུར། །མ་ལུས་བུང་བའི་ཚོགས་སུ་དེ་བཞིན་གྱུར། །མ་ལུས་སྤྲུལ་གྱི་ཚོགས་སུ་གྱུར་པ་དེས། །མགོ་བོ་དབུ་དགུ་ཀུན་ལ་ཤེས་པར་བྱའོ། །རྩ་བརྒྱད་ནང་དུ་མགོ་བརྒྱད་ཞུགས། །དབུས་ཀྱི་འོག་མ་སྲོག་རྩ་འཛིན། །སྟེང་དུ་འཕྲོས་པས་བཅུ་བདུན་འགྱུར། །དེ་སྟེང་སུམ་ཅུ་རྩ་གསུམ་སྟེ། །འོག་ཏུ་འཕྲོས་པས་དྲུག་ཅུ་རྩ་ལྔར་འགྱུར། །དེ་འོག་རྣམ་པ་ལྔ་ཡིན་ཏེ། །སྤྱི་རུ་སྒྲུབ་ན་སྡིག་པ་ཁོ་ནར་ངེས། །སོ་སོའི་འཁོར་ལོ་ཆེན་པོ་ནི། །སྡིག་པ་བུང་བ་སྦྲུལ་དུ་བརྟག་པར་བྱ། །སྨྱུ་ར་ཡ་ཡི་ཡི་གེ་ནི། །དབུས་སུ་བཱ་དང་གཡས་པར་ཡ། །གཡོར་ར་ལྟེ་བའི་དབུས་སུ་ཕཊ། །འོག་མར་དྲི་བཀོད་གཡས་སུ་ཛ། །གཡོན་པར་སྨྱོ་བཀོད་སྟེང་དུ་རྦད་ཀྱང་བཀོད། །གཡས་པར་ལིང་རྦད་ཙིཏི་དབུས་སུ་ཤེས་པར་བྱ། །མངོན་རྫོགས་རྒྱལ་པོའི་རྒྱུད་ཆེན་ཇི་སྙེད་དུ། །འདི་བཞིན་ཐམས་ཅད་ཀུན་ལ་ཤེས་པར་བྱའོ། །མངོན་རྫོགས་རྒྱལ་པོའི་ལེའུ་སྟེ་བདུན་པའོ།། །།དེ་ནས་འཁོར་རྣམས་ཀྱིས་བཅོམ་ལྡན་འདས་ཀུན་ཏུ་བཟང་པོ་ལ་འདི་སྐད་ཅེས་ཞུས་སོ། །ལོག་པའི་ཤེས་པ་དང་བཅས་པ། །གང་ཞིག་བདེན་པས་མི་འདུལ་བ། །ལྔ་བརྒྱ་དུས་ཀྱི་ཐ་མ་ལ། །དེ་སྒྲོལ་གསང་སྔགས་ཇི་ལྟར་ལགས། །རང་དབང་མེད་པར་ཇི་ལྟར་འགྱུར། །དེ་ཡི་མན་ངག་ཇི་ལྟར་ལགས། །མངོན་རྫོགས་ཡབ་ཀྱིས་ལུང་བསྟན་གསོལ། །ཞེས་གསོལ་པས། །དཔལ་ཀུན་ཏུ་བཟང་པོས་བཀའ་སྩལ་པ། ལྔ་བརྒྱ་དུས་ཀྱི་ཐ་མ་ལ་ལ། །སྐལ་མེད་དད་དང་མི་ལྡན་ལ། །གང་ཞིག་དྲེགས་པས་བསྒྲལ་དོན་དུ། །ཁྱོད་ཀྱིས་ཞུས་པ་རབ་ཏུ་ལེགས། །བདེན་དོན་རབ་ཏུ་རྟོགས་པར་བྱེད། །གདུག་པ་འདུལ་བའི་དོན་སླད་དུ། །ང་ཡིས་ཁྱོད་ལ་བསྟན་པར་བྱ། །པདྨའི་སྟེང་དུ་ཧུ༷་བསམས་ལ། །ཕྱོགས་བ་་རྒྱལ་བ་རྣམས་བསྐུལ་ཏེ། །ཧུ༷་ལས་ཁྲོ་བོའི་སྐུར་བཞེངས་ཏེ། །འཇིག་རྟེན་དྲེགས་པ་སུམ་ཅུ་བཀུག །དེ་ཡིས་རྣལ་འབྱོར་ལས་རྣམས་བྱེད། །མིང་ནི་བསེ་དུང་ལྕགས་དང་གསུམ། །དང་པོ་བསེ་ཡི་མཚན་ཉིད་ནི། །བསེ་དང་ཐུན་གྱི་ནད་ཡམས་གཏོང་། །དེ་ནས་དུང་གི་མཚན་ཉིད་ནི། །སྨྱོ་འབོག་མཛེ་ཤུ་ཞ་གྲུམ་གཏོང་། །དེ་ནས་ལྕགས་ཀྱི་མཚན་ཉིད་ནི། །སྤོས་གྲི་ཆུ་འགག་ནད་རྣམས་གཏོང་། །མུ་ར་ཡ་ཡིས་ཀུན་ཏུ་གསོད། །འདིས་ནི་ལས་རྣམས་གྲུབ་པ་སྟེ། །མཁའ་དབྱིངས་དག་པའི་རང་བཞིན་ནི། །བསྟན་པའི་དོན་རྣམས་དག་པ་སྟེ། །དག་པ་ཉིད་ན་དག་པ་མེད། །མི་ཤིགས་པ་ཡི་ངོ་བོ་ལས། །དངས་མའི་ས་བོན་ལས་བྱུང་བ། །དབུས་སུ་མྱ་བཀོད་གཡས་སུ་ཡ། །གཡོན་དུ་ར་བཀོད་དབུས་སུ་ཕཊ། །འོག་མར་དྲི་བཀོད་གཡས་སུ་ཛ། །གཡོན་དུ་སྨྱོ་བཀོད་སྟེང་འོག་རྦད་ཀྱང་དགོད། །དེ་ཡིས་ལས་གྲུབ་རྒྱ་རུ་བསྟན། །རྩོལ་དང་བྲལ་བའི་རང་བཞིན་ནོ། །དངས་མ་ལྔ་འདུས་ངོ་བོ་ནི། །ཤེལ་གྱི་བུང་བ་མགོ་དགུ་དག་ཏུ་གྱུར། །རྩ་བརྒྱད་ནང་ནས་མགོ་བརྒྱད་ཞུགས། །དབུས་ཀྱི་མགོ་ནི་སྲོག་རྩ་འཛིན། །སྟེང་དུ་འཕྲོས་པས་བཅུ་བདུན་ཏེ། །དེ་སྟེང་སུམ་ཅུ་རྩ་གསུམ་མོ། །འོག་ཏུ་འཕྲོས་པས་དྲུག་ཅུ་ལྔ། །དེ་འོག་འཕྲོས་པས་ལྔ་རུ་འགྱུར། །དང་པོ་གཡོ་བར་གྱུར་པ་ནི། །སྔགས་ཀྱི་དུག་མདའ་ཁོང་དུ་འཕེན་ཞེས་བྱ། །བུང་བའི་ཚོགས་ཀྱིས་གང་བ་ནི། །གཤེད་མ་སྲོག་ལ་འབེབས་ཞེས་བྱ། །ཁམས་གསུམ་སེམས་ཅན་ལ་གནོད་ཚེ། །འདི་ཡིས་གདུག་པ་འཇོམས་པ་སྟེ། །འཇོམས་པ་ཉིད་ན་འཇོམས་པ་མེད། །བསྟན་པའི་རང་བཞིན་འོད་འབར་བཅས། །གསལ་བའི་འོད་དང་བཅས་པ་སྟེ། །ཡང་དག་དོན་ཆེན་ཟབ་མོའི་མཆོག །གསལ་བ་ཉིད་ན་གསལ་བ་མེད། །རྫོགས་པའི་སངས་རྒྱས་ཐམས་ཅད་ཀྱིས། །ནཱ་ར་ཡ་ཡི་རྒྱ་རུ་བསྟན། །དཀྱིལ་དུ་མུ་བཀོད་གཡས་སུ་ཡ། །གཡོན་དུ་ར་བཀོད་དབུས་སུ་ཕཊ། །འོག་མར་དྲི་བཀོད་གཡས་སུ་ཛ། །གཡོན་དུ་སྨྱོ་བཀོད་སྟེང་འོག་རྦད་ཀྱང་དགོད། །འདི་ཡིས་ལས་རྣམས་འགྲུབ་པའི་རྒྱ་རུ་བསྟན། །ཟངས་ཀྱི་དམིག་པ་མགོ་དགུར་གྱུར་པ་དེ། །རྩ་བརྒྱད་ནང་ནས་མགོ་བརྒྱད་ཞུགས། །དབུས་ཀྱི་མགོ་ནི་སྲོག་རྩ་འཛིན། །སྤྲོ་བསྡུའི་རིམ་པ་གོང་བཞིན་ཤེས་པར་བྱའོ། །མྱ་ར་ཡ་ཞེས་བསེ་ཡི་རྒྱ་རུ་བསྟན། །དབུས་སུ་སྨྱུ་བཀོད་གཡས་སུ་མ། །གཡོན་དུ་ར་བཀོད་དབུས་སུ་ཕཊ། །འོག་མར་ཐྲོ་བཀོད་གཡས་སུ་ཛ། །གཡོན་པར་སྨྱོ་བཀོད་སྟེང་འོག་རྦད་ཀྱང་བཀོད། །སྤྲོ་བསྡུ་སྔགས་ཀྱི་རིམ་པ་གཡོས་པའི་ཚ། །རྣམ་དག་ངང་གི་ངོ་བོ་དེ་ཉིད་ལེན། །ངོ་བོ་ཉིད་དག་རང་བཞིན་མེད། །བདག་དང་ཚོགས་བཅས་མ་ལུས་དེ་བཞིན་ཏེ། །ཡེ་ཤེས་ཚོགས་ཆེན་རྫོགས་པའི་རང་བཞིན་ཏེ། །དེ་ཐོབ་འབྲས་བུ་མཐར་ཕྱིན་བདེ་བ་གང་། །གཤེད་མས་སྲོག་ལ་འབེབས་པའི་གཤེད་བདག་ནི། །ཉི་མའི་དཀྱིལ་འཁོར་དབུས་སུ་གསལ། །རང་གི་སྔགས་བཅས་དམོད་པའི་ཡི་གེ་སྟེ། །ལྕགས་ཀྱི་དམིག་པ་མགོ་དགུ་དག་ཏུ་གྱུར། །མགོ་བརྒྱད་རྩ་བརྒྱད་ནང་དུ་འཇུག །དབུས་ཀྱི་མགོ་ནི་སྲོག་རྩ་འཛིན། །སྟེང་དུ་འཕྲོས་པས་བཅུ་བདུན་དག་ཏུ་འགྱུར། །དེ་འོག་རྣམ་པ་ལྔ་རུ་འགྱུར། །གཟས་པ་གཤེད་མའི་ཚོགས་ཀྱིས་གང་བ་ནི། །འབྱུང་བ་ལྔ་འཁྲུག་སྡུག་བསྔལ་ཉམས་སུ་མྱོང་། །མ་བཅོས་རང་བྱུང་སྙིང་པོ་ལེན་པར་སེམས། །གསང་བ་བཟློག་མེད་ཐེའུ་རང་རྒྱ་རུ་བསྟན །བསེ་དུང་ལྕགས་དང་གསུམ་གྱི་ལེའུ་སྟེ་བརྒྱད་པའོ།། །། རྒྱ་གར་སྐད་དུ། སརྦ་ཏ་ཐུ་ག་ཏྭ་ཤ་ཡ་ཀྲོ་དྷ་ས་མུ་དྭ་ཡ་ཏནྟྲ་ནཱ་མ། བོད་སྐད་དུ། དེ་བཞིན་