Ngb-pt-0253-vol-03-text

Body

རྒྱ་གར་སྐད་དུ། མཉུ་ཤི་ཡ་མ་ཡནྟྲ་ཀྭ་ལ་བིསྣྲོ་ཧྲི་ད་ཡ་ཀིཎྜ་གུ་རྒྱ་ཏནྟྲ། བོད་སྐད་དུ། འཇམ་དཔལ་གཤིན་རྗེ་ཞབྲུལ་འཁོར་ནག་པོ་སྡིག་པ་སྙིང་འཛིངས་གསང་བའི་རྒྱུད། བཅོམ་ལྡན་འདས་འཇམ་དཔལ་འཇིགས་བྱེད་ཆེན་པོ་ཡ་མུརྙ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། ཆོས་ཀྱི་དབྱིངས་རྣམ་པར་དག་པའི་ཀློང་། མཐའ་དབུས་མེད་པའི་ཕོ་བྲང་ན། རྒྱ་ཡོངས་སུ་མ་ཆད་པའི་ཡེ་ཤེས་ལྷུན་གྱིས་གྲུབ་པའི་གཞལ་ཡས་ཁང་ན། བཅོམ་ལྡན་འདས་སྐུ་གསུང་ཐུགས་རྡོ་རྗེའི་བདག་ཉིད། སངས་རྒྱས་ཀུན་གྱི་ངོ་བོ་རྡོ་རྗེ་འཆང་ཆེན་པོས། སངས་རྒྱས་ཀུན་གྱི་རང་བཞིན་ཆོས་ཉིད་ཅི་ཡང་མ་ཡིན་པ་ཞེས་བྱ་བ་མཉམ་པ་ཆེན་པོའི་ངང་ལ་སྙོམས་པར་ཞུགས་སོ། །དེ་ཉིད་མ་བསྒྲིབས་ཀྱི་དབྱིངས་ལ་གནས་པའི་ཡེ་ཤེས་དང་། ས་དང་ལམ་ལ་གནས་པ་རྣམས་དང་། ལྷ་དང་མཁའ་འགྲོ་རིག་པ་འཛིན་པ་རྣམས་དང་། འཇིག་རྟེན་ལས་འདས་པའི་ཡེ་ཤེས་པ་དང་། འཇིག་རྟེན་དྲེགས་པའི་གཙོ་བོ་རྣམས་དང་ཐབས་གཅིག་ཏུ་བཞུགས་སོ། །དེའི་ཚེ་དེའི་དུས་ན་འཁོར་དེ་དག་གི་ནང་ནས་རྡོ་རྗེ་སྙིང་པོ་ཞེས་བྱ་བ་སྟན་ལས་ལངས་ཏེ། བཅོམ་ལྡན་འདས་ལ་གསོལ་པ། ཀྱེ་ཧོ། །སངས་རྒྱས་ཀུན་གྱིརངབཞིནརྡོརྗེའཆང། །ཆོས་སྐུ་ཐུགས་རྗེ་ཆེན་པོས་ཀུན་ཁྱབ་ཀྱང་། །མ་རྟོགས་སེམས་ཅན་ཐུགས་རྗེས་བསྒྲལ་བའི་ཕྱིར། །མི་རྟོག་དབྱིངས་ལས་རྫོགས་པའི་སྐུར་བཞེངས་ལ། །མཉམ་པའི་ངང་ལས་འགྲོ་བའི་དོན་མཛོད་ཅིག །ཅེས་གསོལ་པས། དེ་ནས་བཅོམ་ལྡན་འདས་ཉིད་མི་རྟོག་པའི་དབྱིངས་ལས་རོལ་པ་ཆེན་པོའི་ཐུགས་རྗེའི་ཆགས་པས་སྐུར་བཞེངས་ཏེ། དྲེགས་པ་ཅན་དབང་དུ་བསྡུ་ཞིང་འདུལ་བའི་ཕྱིར། ཕྱག་རྒྱ་ཆེན་པོ་ཟིལ་གྱིས་གནོན་པའི་སྐུར་ཏིང་ངེ་འཛིན་ལ་སྙོམས་པར་ཞུགས་ཏེ། གསང་སྔགས་འདི་དག་ཆེད་དུ་གསུངས་སོ། །མྱེ་མྱེ་མྱེ། ཨ་ཀྲོ་ཏེ་ཀ ཡ་མུརྙ་ཀ ཡ་མ་ཡེ། ཀྭ་ལ་རྭ་པ། ཀ་པ་ཡེ། ཧྲི་སྟི། ཨ་པ་ཡེ། ཨ་ཨ་ནེ། ཨ་ནེ། ཨུ་ཨུ་ནེ། ཨུ་ནེ། དུ་དུ་ནེ་དུ་ནེ། ཨ་སྙི། ཨུ་ཨེ། ཨོ་ཨ༷། ར་རྡི། ལ་སྙི། དུ་དུ་ཡེ། བྱ་ཙ་ཡེ། སིདྷ་ཡེ། ཧྲི་ད་ཡེ། དྷི་ད་ཡེ། ཙིསྟ་ལེ།ཧ་ལ་ཡེ། མུ་ཁ་ཡེ། ཨུ་ལྤུ་ནེ། ཨུ་ཨུ་ནེ། བྱི་ཀྲི་ཏ། ཨུ་ཨུ། ནཱ་ནཱ། ཡ་མ་ར་ཙ། ཡ་མ་ར་ག་ཨ། །ཡ་མ་རཀྟ། བེ་ཏྭ་ལི་ཀྲོ་དྷི་རྡི། མ་མ་ཨེ་ཀ་ཛ་ཏི། དེ་མ་ཁ་ལ་བམ་རིལ། རུ་ལུ་རུ་ལུ་ཤི་བཛྲ་ཀྲོ་ཏ། ཡ་མ་ཀརྨ་རོ་ཥ་ན་ཀྲོ་དྷ་ཙརྙ། རག་ཤ་མོན་ཏ། ཨ་མུ་ཀ མྱགས་ཐུ༷་རིལ་ཏྲིག་ནན། སྦུར་ཡ་ནན། ཨེ་ཧུར་ཐུ༷་ཛ། ཁ༷་ཤག་རོ་མྱགས་མུག་ཏི་རྦད་ཡ། ཞེས་གསུངས་པས་ནམ་མཁའ་ཉིད་གྲུ་གསུམ་མཐིང་ནག་ཏུ་གྱུར་ཏོ། །རླུད་རྡོ་རྗེ་རྒྱ་གྲམ་ཕྱོགས་བཅུར་འཐོར་རོ། །རཀྟའི་རྒྱ་མཚོ་འཁྲུག་གོ །འཇིག་རྟེན་གྱི་ཁམས་ཐམས་ཅད་འུར་འུར་དང་ཆེམ་ཆེམ་དང་རབ་ཏུ་འགུལ་ལྡེག་གོ །དེའི་ཚེའི་དེའི་དུས་ན་འཁོར་ཐམས་ཅད་བརྒྱལ་ཏེ། ལུས་ས་ལ་རྡེབས་ཤིང་དྲན་པའི་དབང་པོ་ཉམས་སོ། །དེ་ནས་ཡང་རྡོ་རྗེ་སྙིང་པོས་གསོལ་པ། ཀྱེ་མ་ཧོ། །འཇིགས་བྱེད་ཆེན་པོ་ལགས། །མཉམ་པའི་ངང་ལས་འཇིགས་པའི་སྐུར་ཁྲོས་ཏེ། །གསང་སྔགས་གསུང་གི་ངོ་བོ་ཆེད་དུ་གསུང་། །འཇིག་རྟེན་ཁམས་རྣམས་རབ་ཏུ་ཆེར་གཡོས་ཏེ། །འཁོར་ཚོགས་འདུས་པའི་སྲོག་དང་བྲལ་དུ་ཉེ། །ཐུགས་རྗེ་ཉི་མ་ལྟ་བུར་དབུགས་དབྱུང་ཕྱུང་། །དཀྱིལ་འཁོར་ཆེན་པོ་བསྐྲུན་པར་ཕྲིན་ལས་བསྒོ། །ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་དབུགས་དབྱུང་བའི་ཏིང་ངེ་འཛིན་ལ་ཞུགས་ནས། འཁོར་ཐམས་ཅད་བརྒྱལ་བ་ལས་ལངས་ཏེ། །བཅོམ་ལྡན་འདས་ལ་འདུན་པ་སྐྱེས་ཏེ། སྐད་ཅིག་མས་ལྷག་སྟེ་་ལྷགས་ཏེ་ཀུརང་རང་གི་སྙིང་པོ་མཐུ་རྩལ་དྲན་ནས་ཕུལ་ཏེ་སྐུ་ལ་འཁྲིལ་བར་གྱུར་ཏོ། །དཔལ་སྡིག་པ་སྙིང་འཛིངས་འཁྲུལ་འཁོར་ནག་པོ་གསང་བའི་རྒྱུད་ལས། གླེང་བཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ལ་རྡོ་རྗེ་སྙིང་པོས་གསོལ་པ། ཀྱེ་ཧོ། །སངས་རྒྱས་ཀུན་གྱི་ངོ་བོ་ཉིད། །ལྔ་བརྒྱའི་ཐ་མ་སྙིགས་མའི་དུས་ཀྱི་ཚེ། །འཆི་བདག་བདུད་ཀྱི་གཤིན་རྗེ་ཁོགས་ནས་འཁྲུག །མཚམས་མེད་ལྔ་ཡི་ལསརྣམས་འདུན་སྤྱོད་པ། །དགའ་རབ་དབང་ཕྱུག་བདུད་ཀྱི་སྤྲུལ་པ་འགྱེད། །རང་དང་འདྲ་བའི་ཚུལ་འཛིན་བན་འདྲ་ཡིས། །ཕྱི་རོལ་ལ་སོགས་སྔགས་དང་དུག་བླངས་འཚལ། །དེ་དུས་གཟེར་ཐུན་ནག་པོ་དམོད་པའི་མཆོག །སྡིག་པ་ནག་པོ་སྙིང་ལ་རུ་འཛིངས་པའི། །ལས་ཀྱི་འཁྲུལ་འཁོར་ནག་པོ་བཤད་པར་མཛོད། །ཅེས་གསོལ་པས། །དེ་ནས་བཅོམ་ལྡན་འདས་ཀྱི་ཁྲོ་བོ་ཐམས་ཅད་འབྱུང་ཞིང་ལས་ཀྱི་གཟེར་ཐུན་དྲག་པོ་རྒྱས་པར་བྱ་བའི་ཕྱིར། བཙུན་མོ་ཆོས་ཀྱི་དབྱིངས་ཀྱི་བྷ་ག་ལ་སྙོམས་པ་ཞུགས་ཏེ་ཡེ་ཤེས་བཞི་དང་སྐུ་གསུང་ཐུགས་ལས། ཡ་མ་རྭ་ཛ་དང་། མྱོས་བྱེད་འབར་བ་དང་། ཨུརུ་དམར་པོ་དང་། རལ་པ་ཚར་དགུ་དང་བཞི་མངོན་དུ་ཕྱུང་སྟེ། དེ་ཉིད་དྲེགས་པ་འདུལ་ཞིང་ཟིལ་གྱིས་གནན་པའི་ཕྱིར། ཡ་མ་རྭ་ཙ་དང་། ཕྱག་ན་རྡོ་རྗེ་དང་། རུས་སྦལ་མི་ཟན་དང་། ཡེ་ཤེས་བྱ་ཁྱུང་དང་བཞིར་གྱུར་ཏོ། །འབྱུང་བའི་ངོ་བོར་འཛིན་པ་ཉིད་དག་ནས། དྭངས་མ་ཡེ་ཤེས་ཆེན་པོ་བཞིར་གྲོལ་ཏེ། ཕྱག་རྒྱའི་སྐུ་ལ་རྫོགས་པར་གྱུར་ཏོ། །སྤྲུལ་པ་རྣམ་པ་གསུམ་སྟེ། སྐུའི་སྤྲུལ་པ་འཆི་བདག །གསུང་གི་སྤྲུལ་པ་སྲོག་བདག ཐུགས་ཀྱི་སྤྲུལ་པ་ཚེ་བདག་སྟེ། གདུག་པ་ཅན་འདུལ་བར་གྱུར་ཏོ། །གཤེད་ཆེན་པོ་བཞི་ལས། ལས་ཀྱི་མོན་པ་བཞིར་སྤྲུལ་ཏེ། ཕོ་གཤེད་སུམ་བརྒྱ་དྲུག་ཅུས་ཕུང་པོ་ལ་དབང་བསྒྱུར་རོ། །མོ་གཤེད་བདུད་མོ་བཞིས་མོ་གཤེད་སུམ་བརྒྱ་དྲུག་ཅུས་འབྱུང་བ་ལ་དབང་བསྒྱུརརོ། །དེལྟརགཤིནརྗེབདུན་བརྒྱ་ལ་སོགས་པ། འཇིག་རྟེན་པའི་དྲེགས་པ་ཅན་ཐམས་ཅད་ཀྱིས་དཔལ་ཕྱག་རྒྱ་ཆེན་པོ་ཟིལ་གྱིས་གནོན་པའི་ཡ་མྱརྙ་ཀ་ལ་ཡོངས་སུ་བསྐོར་ཏེ། རོལཔ་་ཆེན་པོ་ལས་ཀྱི་དཀྱིལ་འཁོར་དུ་འཁོད་པར་གྱུར་ཏེ་བཞུགས་སོ། །དེའི་ཚེ་དེའི་དུས་ན། བཅོམ་ལྡན་འདས་ཀྱིས་འཁོར་རྣམས་འདི་སྐད་ཅེས་གསུངས་སོ། །སྣང་སྟོང་གཉིས་མེད་ཡེ་ཤེས་སྐུ། །ཐིག་ལེ་ཉག་གཅིག་སྤྲོས་དང་བྲལ། །སྐྱེ་མེད་རྣམ་དག་བདེ་ཆེན་སྐུ། །འགག་མེད་བདེ་ཆེན་ཀློང་གདལ་བའི། །བརྡ་དང་བྲལ་བའི་ཆོས་ཉིད་ལ། །ཆགས་དང་བྲལ་གྱིས་གྲུབ་པའོ། །ཞེན་ཆགས་བཟུང་འཛིན་རྟོག་དབྱོད་འདས། །གཉིས་མེད་དོན་དམ་ཆོས་ཀྱི་སྐུ། །རྒྱུ་དང་རྐྱེན་ལས་སྒྲུབ་པ་མེད། །ཀུན་གྱི་རང་བཞིན་དངོས་མེད་པ། །ཡོན་ཏན་མ་ལུས་ཀུན་འབྱུང་བའི། །དེ་ཉིད་རྟོག་མེད་བརྗོད་དང་བྲལ། །དུག་ལྔ་ཡེ་ཤེས་ལྔཡི་སྐུ། །ཕྱག་རྒྱ་ཆེན་པོ་ཡེ་ཤེས་ཉིད། །སྟོང་པ་ཆེན་པོའི་ངང་ཉིད་ལས། །རང་སྣང་རོལ་པའི་ཕྱག་རྒྱར་གསལ། །ལས་དང་སྦྱོར་བ་དུ་མ་ཀུན། །སྒྱུ་མ་ལྷུན་གྲུབ་རོལ་པར་བཤད། །འདི་དག་བདེ་དང་སྨིན་བྱེད་པའི རོལ་པ་ཆེན་པོའི་འཁོར་ལོ་ཡིན། །སྡིག་པ་སྙིང་འཛིངས་འཁྲུལ་འཁོར་ནག་པོའི་གསང་རྒྱུད་ལས། ལས་ཀྱི་འཁྲུལ་འཁོར་བཤད་པའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས། རང་གཤེད་རང་ལ་དབབ་པའི་ཕྱིར། སྡིག་པ་ནག་པོ་སྙིང་ལ་རུ་འཛིངས་པའི། འཁྲུལ་འཁོར་དཀྱིལ་འཁོར་ཆེན་པོའི་བཅའ་ཐབས་འདི་གསུངས་སོ། །སྟོབས་ཆེན་ནག་པོའི་རྫས་བཟློག་དག །ཕུང་ཤུལམི་བསད་ཡུལ་བཀྱེས་ས། །དུར་ཁྲོད་རོ་ཡི་ས་དག་ལ། །རོ་བསྲེག་རྡོ་དང་སོལ་བ་དང་། །གྲི་ལྕགས་དཔའ་བོ་གཡུལ་བསད་ཁྲག །ར་དུག་རེའུ་ལྕག་ཨ་ཤོ་ནག །གྲོག་མཁར་ས་སྤྱིན་ཁྲོ་ཤུག་ནག །ཤོག་འདམ་མཆེ་ཆུ་སྦྱར་ཏེ་བརྩེག །ནག་པོ་ཁྲུ་གང་བང་རིམ་བཞི། །ཡོངས་རྫོགས་སྟོབས་ཆེན་མི་འགྱུར་གནད། །གདན་ལ་རུས་སྦལ་གླང་ཆེན་འདེགས། །བར་ལ་རིགས་བཞི་སྤྲུལ་གྱིས་འདེགས། །བང་རིམ་བཞི་ལ་སྟག་དང་གཟིག །གསུམ་པ་སེང་གེ་ཆུ་སྲིན་ནོ། །འཁོར་ལོ་འབྲུག་གིས་འདེགས་པ་ལ། །ཆར་ཁེབས་མཁའ་ལྡིང་རོ་ཉེ་ཟ། །རང་རང་ཁ་དོག་ལྡན་པ་སྟེ། །མཁས་པས་བཀོད་པས་སྟོབས་ཆེན་གནད། །བང་རིམ་ཕྱོགས་ཀུན་དྲག་པོའི་སྒོ། །ཡོངས་སུ་རྫོགས་པའི་ལྟོ་རུ་བཅའ། །གྲི་མདའ་སྨྱུག་རྒོད་ཁྲག་ཚན་ལྡན། །སྲོག་ཤིང་ཟིལ་གནོན་སྐུ་རུ་ཤར། །བང་རིམ་དང་པོ་ཟུར་བཞི་ལ། །སྲིན་པོ་ཡ་མ་རྭ་ཙ་དང་། །གཤིན་རྗེ་མྱོས་བྱེད་འབར་བ་དང་། །བདུད་པོ་ཨུརུ་མ་རུ་ཙེ། །གནོད་སྦྱིན་རལ་པ་ཚར་དགུ་དགོད། །བང་རིམ་གཉིས་པར་སྲོག་གི་གཤེད་། །དུང་ལྕགས་བསེ་དང་གསེར་གྱི་མོན། །གསུམ་པ་ཕྱི་ཡི་གཤེད་བཞིའོ། །ཐ་མར་འཆི་བདག་བཅུ་གཉིས་དགོད། །དཀར་པོ་སྙིང་འབྱིན་མགོན་པོ་ནག །ཡབ་རྗེ་ནག་པོ་སྐུ་མདོག་དམར། །དྲག་པོ་སྒོ་བཞི་དག་ལ་དགོད། །ལྷར་གསལ་སྟོང་གསུམ་ཟིལ་གནོན་སྒྲོལ། །སངས་རྒྱས་ཐུགས་རྗེ་སྟོབས་ཕག་མོའི་ལྟོར། །སྲིད་པའི་ཁྱམས་ཁང་སྲོག་སྙིང་སྡུད། ཁྱམས་ཁང་ལྷོ་རུ་མནན་པ་གཞུག །སྙིང་གར་མཚོན་ཆའི་འཁོར་ལོ་བཅའ། །རྒྱ་གྲམ་དག་ལ་རྩ་བའི་སྔགས། །ཡང་ལོགས་བཅུ་བཞི་སྤུ་གྲིས་སོ། །རྩ་བ་སྡུ་གྲིའི་བར་ན་ཁྱམས། །བསྟེན་པ་བདུད་དུ་འབེབས་པའི་འབྲུ། །མིང་རུས་ཁམས་བཅས་ཟ་ཁ་དབབ། །རུས་སྦལ་ལྟོ་བའི་ཕྱོགས་མཚམས་ལ། །བཅུ་གཉིས་ནང་བསྟན་ཕག་མོའི་འབྲུ། །འཁྲུལ་མིག་ཁྱམས་ཁང་མིང་རུས་བྲི། ཁ་སྦྱར་དུག་དང་ཁྲག་གིས་བྱུག །སྨེ་བའི་རྫས་བྱུག་ཛ་རིལ་གཞུག ཁུ་རྐྱེན་དྲུག་ལ་ལིདྷ་བྲི། །རང་རྒྱུད་རྩ་བའི་འཁོར་ལོ་དག །དམར་ནག་ཡ་ཡི་དབུས་ན་མ། །མ་ཡི་གང་ན་སྲོག་སྙིང་སྤོ། །མེ་ཆུ་ལས་ཀྱི་འཁྲུག་ཅིང་སྐྱོམ། །སྙིང་གི་རྩ་བཞི་དྭངས་མ་ལ། །ཞེ་སྡང་སྡིག་པ་ནག་པོ་གནས། །ལུས་ལ་དམར་ལེན་ཡིན་འབྲུ་གནས། །རུ་འཛིངས་འབྲུ་བརྒྱད་བསྣོལ་མར་གནས། །རྩ་མདུད་རང་གཤེད་འབྲུ་ཡིས་འཇོམས། །དྭངས་མ་བཞི་ཡི་ས་རེ་ལ། །ཆོས་ཉིད་རྩ་ལ་ཨེ་དང་མྱགས། །ས་ཡི་དྭངས་མ་མེ་ལ་སྡུད། །ཡོན་ཏན་རྩ་ལ་ཡ་དང་རྔུབས། །མེ་ཡི་དྭངས་མ་ཆུ་ལ་སྡུད། །ཡེ་ཤེས་རྩ་ལ་མུག་དང་ཤག །ཆུ་ཡི་དྭངས་མ་རླུང་ལ་སྡུད། །རང་རྒྱུད་རྩ་ལ་ཀ་དང་དུན། །དྭངས་མ་སྡུད་ཅིང་ནད་གཞི་རྒྱས། །རླུད་གི་རྣམ་ཤེས་དྭངས་མ་འདེགས། །དེ་བསྐུལ་དེ་འོད་དེ་མཚོན་ལས། །དེ་བཅད་དེ་ཉིད་བསྲེག་ཤིང་འཇོམས། །མདུད་པ་བཞི་ལ་མཚོན་ཆའི་འབྲུ། །བདུན་གཉིས་དྲུག་གཉིས་བསྣོལ་མར་གནས། །ལས་ཀྱི་མེ་ཆུས་འཁྲུག་ཅིང་སྐྱོམ། །རང་བདུད་རང་གི་རྒྱུད་ལ་ལྡང་། །མཚོན་ཆས་རང་སྲོག་རང་གིས་གཅོད། །སྙིང་ལ་གནས་པའི་ཚེ་བདག་གིས། །རྩ་རྣམས་གཅོད་ཅིང་སྲོག་རྟེན་འཇོམས། །དེ་ནས་བཅོམ་ལྡན་འདས་ཀྱིས་རང་གཤེད་ཞབྲུལ་འཁོར་གསང་བའི་ཡང་སྙིང་འདི་གསུངས་སོ། །ཨེ་མྱགས་ཡ་རྔུབས། མུག་ཤག་ཀ་དུན། དགྲ་བོའི་སྲོག་ལ་ཐྲོ་ཧུར་ཐུ༷་ཛ། རྩ་ཁྲག་སྙིང་ཐུམས་རིལ་ར༷་ཤག་རྦད། དགྲ་བོའི་ཙསྟི་བྲེང་ཤག་ཛ། སྲོག་ལ་ཧུར་ཐུམ་རྦད། དུན་ཀ་ཤག་མུགས། རྔུབས་ཡ་མྱགས་ཨེ། ཤག་ར༷་རིལ་ཧཱུཾ། སྙིང་ཁྲག་རྩ་རྦུད། ཐུ༷་རིལ་དགྲ་བོ་ཛ། ཐུམས་ཧུར་ལ་སྲོག་རྦད་ཤག་བྲེང་ཙིསྟ་དགྲ་བོ་ཛ། ཨེ་ཡ་ཤག་མྱགས་དུན་རྔུབས་ཀ་མུག སྲོག་ཐུམས་རིལ་ཏྲི་དྲི་ཧུར་ཐུམས་ཛ། ཐུམས་ཁྲག་སྙིང་རྩ་ར༷ཡངལ་ཐུན་ཤག་རྦད། དགྲ་བོའི་སྲོག་ལ་བྲེང་ཐུ༷་ཙིསྟ་ཤག་ཧུར་ཛ་ལ་རྦད། རྣལ་མ་བཟློག་དང་ལྟོ་བ་དཀྲུག །བསྒྲུབ་དང་སྤོགས་དང་ཤི་ས་ཡི། །ཡི་ཆད་རང་དབང་མེད་པར་འཕོ། །འཁོར་ལོ་མཁས་པས་གདུག་པར་གཏད། །ནམ་མཁའ་བར་སྣང་ས་གཞི་ལ། །མནན་པའི་ལས་ཀུན་རྫོགས་པར་བྱ། །ཞེས་གསུངས་སོ། །སྡིག་པ་ནག་པོ་སྙིང་ལ་རུ་འཛིངས་འཁྲུལ་འཁོར་གསང་བའི་རྒྱུད་ལས། །རང་གཤེད་འཁོར་ལོ་སྙིང་ལ་བསྐོར་བའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་འཇིགས་བྱེད་ཆེན་པོ་དེས། རང་གཤེད་རང་ལ་དབབ་པ་དྲག་པོ་ཐུན་གྱི་ལས་འདི་གསུངས་སོ། །གནད་ཀྱི་གསང་ཐུན་ལས་ཀྱི་མཚོན། །བསྐྱོད་པ་ཁ་གསོ་ལས་ཀྱི་གཅོད། །གྲི་རྒོད་ཐོད་པ་མོན་ནམ་མནོལ། ཁྱི་དང་སྤྱང་ཀི་ཝ་ཡི་ཁྲག །ཐལ་ཆེན་མནོལ་ཁྲག་བདུད་མདའ་གསུམ། །ཟངས་ཕྱེ་ལྕགས་ཕྱེ་རྡོ་ཕྱེ་སྦྱར། །གྲི་རྒོད་ཁྲག་དང་དུག་རྒོད་དང་། །ཚ་བ་གསུམ་དང་ཡུགས་སའི་ཁྲག །གྲི་ལྕགས་ཕུར་པ་དུང་ཆེན་གཟིར། །བཅས་པ་འཁོར་ལོ་ཐུན་དང་སྤེལ། །འཁོར་ལོ་གཏད་ནས་ཟོར་ཁ་གསོ། །ཉ་སྟོང་དུས་སུ་ཡུལ་ལ་བྲབ། །མོན་ཐོད་ནང་དུ་བརྣག་པ་གཞུག །ལྷ་གསལ་ཞལ་ནས་དུག་རླངས་འཕྲོ། །ནད་དང་མཚོན་ཆ་ཆར་དུ་དབབ། །དུག་གི་ན་བུན་ཁོང་དུ་སྐྱེལ། །ནད་ཁྲག་རྒྱས་ནས་རྩ་མདུད་ཆད། །འགྱུར་བ་མེད་པའི་ལས་སུ་གསུངས། །དགྲ་བོའི་སྲོག་ལ་ཐུམས་རིལ་རྦད་སྨྱོ། །ཨ་མུ་ཀ་རྩ་ལ་ཐུན་རྨུགས་རྦད་སྨྱོ། སྔགས་པ་སྙིང་དུ་སོད། ཙིསྟ་ཏུབ་རྦད་ལོང་། སྲོག་ཙིསྟ་ལོང་། མྱགས་མྱགས་མུ་ར་ཡ། ཙིཀྟ་ལ་ཐུན་སྨྱོ། དུག་རླངས་འཆོལ་བ་ལས་ཀྱི་ཐུན། །སྙིང་ལ་དུག་དབལ་འདེབས་པར་བྱེད། །སྐྱེས་པ་ཁ་གསོ་རྒྱུན་མི་བཅད། །སྡིག་པ་སྙིང་འཛིངས་འཁྲུལ་འཁོར་ནག་པོའི་རྒྱུད་ལས། རང་གཤེད་ཐུན་ནག་གསང་བའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་འཇིགས་བྱེད་ཆེན་པོ་དེས། རྡོ་རྗེའི་ནང་དམེའི་ལས་ཀྱི་དམོད་པ་བསད་པ་ལས་ཀྱི་སྐྲུ་གྲི་འདི་གསུངས་སོ། །དམར་ལེན་ཡང་གསང་སྙིང་པོའི་མཆོག །གདུག་རྩུབ་མཆོག་གསུམ་སྡེ་གནས་སུ། །རང་ཉམས་བརྟེན་པ་མཚམས་བཅད་ལ། །ཡེ་ཤེས་རིག་པའི་བདེ་ཀློང་ནས། །མཁའ་ལྔ་ཁྱབ་པའི་དོན་བསྡུས་ལ། །གཟུང་འཛིན་ཆོས་ཀྱི་དབྱིངས་སུ་བསྒྲལ། །སྟོབས་ཅན་ལྷ་ཚོགས་གཟན་ལ་དབབ། །རྒྱུ་རྐྱེན་ཚོགས་པའི་འཁོར་ལོ་ལ། །མཆོག་དང་ཕག་མོ་ལྟོ་སྡེབས་ལ། །དབུས་ཀྱི་ཕོ་བྲང་རྒྱ་ཆེན་པོར མཐའ་འགྱུར་གང་ཡིན་ལིསྐོ་བྲི། །གུ་རུ་སེང་གེའི་ཁོག་མི་བཤིག །ལས་ཀྱི་རྒྱལ་པོ་བཙད་པོ་ལ། །འཁོར་ལོ་རུས་སྦལ་ཐོད་པར་བྲུབ། །དཀྱིལ་འཁོར་བྱིན་ཅན་འོག་ཏུ་མནན། །སློབ་མ་དམ་མེད་དགྲར་ལངས་ན། །གཅེར་བུའི་ལིསྐོའི་སྙིང་ནང་དུ། །ཞེ་སྡང་ལྕགས་ཀྱི་སྡིག་པ་གཞུག །ཐོད་པ་སྟག་གི་འཛུམ་ལ་མནན། །དམ་འདྲེས་ཡི་དམ་གཅིག་པ་ན། །གཅེར་བུ་རིད་པའི་སླད་དཀྱིལ་དུ། །ཕྲག་དོག་བསེ་ཡི་སྦལ་པ་གཞུག །དམེ་ཁྲག་ནད་ཁྲག་རྐྱེན་རླངས་བསྐུ། །ཐོད་པ་གཟིག་གི་ཐིག་ལེར་གཏད། །དམ་མི་གཅིག་པ་སྤྱི་ཡི་སྐྲུན། །ལིསྐོ་སྤྱི་ཚང་སྙིང་ག་སྲ །བསེ་ཡི་སྦལ་པ་དམར་པོ་བྲི། །དུག་རྒོད་ཛ་ལའི་ཁྲག་གིས་བྲབ། །ཐོད་པ་མུན་པའི་གླིང་དུ་མནན། །ལྷ་གསས་ཆག་པའི་བོན་པོ་ལ། །སྙིང་གར་གདུག་གི་ཕག་པ་གཞུག །ནད་ཁྲག་ཁྱི་ལུད་ཐུན་བྲབ་ལ། །སྲིན་མོའི་སྒྲོམ་དུ་ཉེ་བར་གཏད། །དྲག་སྔགས་ཨུར་མོ་ནང་འགྲས་ན། །དྲག་སྔགས་རྣལ་བཟློག་སྣོལ་མར་བརྡེག །མནན་པ་འབྲོང་གི་ར་བྲག་མནན། །དྲིལ་དང་རྐྱང་པ་ལས་ཀྱི་སྡེབས། །རྩ་བ་འབྲུ་བརྒྱད་སྐྲུ་གྲི་བཅས། །འཁོར་ལོ་ཐོད་པ་བཅས་པས་གྲུབ། །མ་གྲུབ་སྦྱོར་བ་སྟོབས་ཞན་ན། །དྲིལ་བའི་མཐའ་རུ་སྐྲུ་གྲི་བསྒྱུར། །དྲག་སྔགས་རྣལ་བཟློག་དཀྲུགས་པས་སྡེབས། །དེ་ནས་བཅོམ་ལྡན་འདས་ཉིད་ཀྱིས། སྐུ་གསུང་ཐུགས་རྡོ་རྗེ་ལས་སྔགས་འདི་གསུངས་སོ། །རྭ་ཛརྣ་ཛ་ཐུ༷་རིལ་སྨྱུ་ར་ཡ་རྦད། སྲོག་ལ་ཧུར་ཐུ༷་རྩ་ལ་མྱ་ར་ཡ་རྦད། སྲོག་ལ་ཧུར་ཐུམས་ཡ༷་ཐུན་རྨུག་བཱ་ར་ཡ་རྦད། སྲོག་ལ་མུགས་ཛ་ཏྲི་ཤག་མུ་ར་ཡ་རྦད། སྲོག་ལ་དྲི་ཛ་ཐུན་རྨུག་མུ་ར་ཡ་རྦད། ཙིསྟ་ཁ༷་ཤག་ཛ་སྲོག་ལ་མུ་ར་ཡ་ཐུན་རྦད།འདོད་པའི་མིང་དང་ཨ་མུ་ཀ །ལས་ཀྱི་སྐབས་སུ་ཤེས་པར་བྱ། །སྔགས་ཀྱི་འཁོར་ལོ་ནང་གཅོད་དང་། ཁ་འཐབ་མཇིང་བསྣོལ་རྩལ་འདྲེན་སྔགས། །དམ་ཚིག་དམེ་འཁྲུག་བྱུང་བ་ལ། །དཔའ་བོ་ཆེན་པོས་ལས་འདི་བཤད། །སྤྱང་ཀི་མོན་ཀྱི་ཐོད་པ་དང་། །མུ་ཟི་ནག་པོ་མཛེ་ཅན་སྣེལ། ཁྲིམས་འཆལ་མགོའམ་གོས་དག་ལ། །རབས་ཆད་ནག་པོའི་ཐོད་པར་མནན། །འདི་དག་ལས་ཀུན་ཡང་རབ་སྟེ། །རང་གཤེད་ནག་པོ་ལས་མཐར་ཕྱིན། །ཞེས་གསུངས་སོ། །སྡིག་པ་རུ་འཛིངས་འཁྲུལ་འཁོར་ནག་པོ་གསང་བའི་རྒྱུད་ལས། གསང་བ་ཡང་སྙིང་གི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་ཀྱིས་བན་སྒྲ་ནག་པོ་སྟོབས་དང་འབྲལ་ནན། ཨ་ཏྲི་ས་དུ། ཙ་ཏྲི། རྭ་ཙ། ནཱ་ག །དེ་བ་རུ་ཏྲི། ཁ་རཀྟ་མ་ཏྲི། དུན་ཏིང་དུན་ཏིང་ཏྲི། ཏྲི་སྲོག་ལ་མྱ་ར་ཡ། ག་ན་པ་ཏི། བྷ་ན་ཀ་རོ། ཀྭ་ལ་དུ་བྲག བྱི་རུ་ར། ནཱ་ག་མོ་ཏི། ས་ག་བྱི་དུ། སརྦ་ཤ་ཧྲུ༷། ཨེ་ཆེ་གེ་མོ་ཨ་མུ་ཀ༷ དུ་དུ་ནན། དུ་དུ་ནན། དུ་དུ་ནན། མྱགས་ཐུ༷་རིལ་ཏྲིག་ནན། སྐྲུར་ཡ་ནན་མན་ཏྲ་ནན། ཁ༷་ཤག་རོ་མྱགས་མུག་ཏི་རྦད། བསྟན་པ་སྤྱི་ལ་གནོད་པ་ཡི། །བན་འདྲ་མུ་སྟེགས་དག་ལ་བྱ། །ཀུན་ལ་བྱས་ན་སྔགས་ཀུན་གྱི། །ནུས་པ་ཉམས་པར་འགྱུར་བས་ན། །རྣལ་འབྱོར་ཅན་གྱིས་བྱ་བར་བཤད། །ལས་འདི་ཡ་བག་ཤ་ཡིན་པས། །ཕུང་བྱེད་ནག་པོའི་སྦྱོར་བར་བཤད། །སྡིག་པ་སྙིང་ལ་རུ་འཛིངས་འཁྲུལ་འཁོར་གསང་རྒྱུད་ལས། སྟོབས་ཅན་ནུས་པ་དབྲལ་བའི་ལེའུ་སྟེ་བདུན་པའོ།། །།དེ་ནས་ཡང་བཅོམ་ལྡན་འདས་ཀྱིས་རྡོ་རྗེ་ནང་འགྲས་ཀྱི་ལས་འབྱུང་བའི་ཁྲམ་བཟློག་ཆེན་པོ་ཞེས་བྱ་བ་འདི་གསུངས་སོ། །དབེན་ཞིང་ཉམས་དགའི་གནས་དག་ཏུ། །རིགས་དང་རིགས་མིན་སྦྱོར་བ་འཇོམས། །སྟོབས་གཟིར་ཕོ་ཉ་བཟློག་ཅིང་མནན། །རིགས་ཅན་སྦྱོར་བ་དབང་དུ་བསྡུ། །རིགས་མེད་ཡུལ་གྱི་ལུས་སྲོག་དབྲལ། །ཡུགས་ཟ་མོ་ཡི་ཞབས་མ་དང་། །ས་དཀར་ཅོང་ཟིས་མདོག་ཕྱུང་ལ། །འཁོར་ལོ་རིམ་པ་ལྔ་རུ་བསྐོར། །གྲུ་གསུམ་ནག་པོ་མིང་ཚར་བྲི། །ཟླ་གམ་ལྷ་དང་མིང་རུས་བྲི། །མུ་ཁྱུད་སྦྲུལ་གྱིས་རབ་ཏུ་བསྐོར། །འཁྲུལ་མིག་བཅུ་གཉིས་རྩ་བའི་སྔགས། །ཕྱི་རིམ་རྒྱ་གྲམ་རལ་གྲིས་གཏམས། །ཡང་ལོགས་བཅུ་དྲུག་གསོད་དང་གནོན། ཁ་སྦྱར་མུ་སུའི་ཐོད་པར་བྲུབ། །ཞག་གསུམ་ཐང་བཅད་མལ་འོག་མནན། །སྟོབས་ཀྱི་ཕོ་ཉའི་རྦོད་གཏོང་འཆད། །ཚེ་བདག་ལས་ཀྱི་འཁྲུལ་འཁོར་ཡིན། །ཨེ་ཀ་ཧེ་དུན་ཡ་མ་སྙིང་ཁྲག་ར་མྱ་ཙ་ཡ། དགྲ་བོ་ཨ་མུ་ཀ་སྲོག་ལ་ཐུན་རྨུགས་རྦད་སྨྱོ། སྲོག་ལ་ཁ༷་ཤག་སྨྱོ། སྲོག་ལ་བྲེང་ཤག་སྨྱོ། སྲོག་ལ་ཡ༷་ཤག་སྨྱོ། དགྲ་བོའི་སྲོག་ལ་མུ་ར་ཡ་རྦད། དགྲ་བོའི་སྲོག་སྟལྷ་ཡ་ནན། ལས་འདི་ཡང་སྙིང་གསང་བའི་བབ། །ཕོ་ཉ་ཟློག་པའི་ལས་སུ་བཤད། །ཅེས་གསུངས་སོ། །སྡིག་པ་སྙིང་འཛིངས་འཁྲུལ་འཁོར་གསང་བའི་རྒྱུད་ལས། གཞན་གྱི་རྐང་མགྱོགས་བཟློག་ཅིང་མནན་པའི་ལེའུ་སྟེ་བརྒྱད་པའོ།། །།དེ་ནས་ཡང་དེའི་ཚེ་དེའི་དུས་ན་བཅོམ་ལྡན་འདས་ཀྱིས་སྡིག་པ་སྙིང་འཛིངས་ལྷ་སྲིན་ཙིཏི་དཀྲུག་པ་འདི་གསུངས་སོ། །དུར་ཁྲོད་རས་ལ་དུག་ཁྲག་གིས། །སྙིང་གི་འཁོར་ལོ་བྲི་བར་བྱ། །རྩ་ཆེན་བཞི་ལ་དམར་ལེན་འབྲུ། །འབྲུ་བརྒྱད་རང་གནད་བསྣོལ་མར་གནས། །རྩ་བྲན་བརྒྱད་དང་སུལ་བརྒྱད་དུ། །ཙིཉི་དཀྲུག་པའི་སྨུ་གྲི་བྲི། །ཕྱི་རིམ་རྩིབས་ཆེན་བཅུ་དྲུག་བྲི། །ཕྱི་རིམ་མུ་ཁྱུད་གདུག་པ་ལྔ། །འཆི་བདག་ཤན་པའི་ལྟོ་བར་བྲི། །དེ་ལྟར་འཁོར་ལོ་ཁ་སྦྱར་བར། །དམིགས་པའི་ལིདྷ་བྲིས་ཏེ་གཞུག །ཞག་བདུན་བར་དུ་མ་ཡེངས་པར། །ཙིཀྟ་དཀྲུག་པའི་འཁོར་ལོ་བསྐོར། །ཡང་གསང་ཐུགས་ཀྱི་ལས་མཆོག་ཡིན། །ཕྱག་རྒྱ་ཟིལ་གནོན་གསལ་བར་བསྒོམ། །ལས་ཀྱི་འཁོར་ལོ་ལྟོ་དཀྲུག་པས། །སྲོག་དང་གྲོག་གྲོགཀྱངགི་མིང་སྡེབ་ཅན། །གཟས་པའི་ཙིསྟ་དཀྲུག་པར་བྱེད། །རྩ་ཕྲན་བརྒྱད་དང་རྩ་ཆེན་བཞི། །ལས་ཀྱི་དམོད་པའི་མཚོན་ཆས་གཅོད། །རྩ་སྲོག་བཅད་ནས་རྣམ་ཤེས་ཕྲོགས། །འཆི་བདག་བདུད་ཀྱི་ལས་སུ་རིག །འཇིག་རྟེན་ལྷ་སྲིན་ཐམས་ཅད་ཀུན། །གཤེད་བདག་ནག་པོའི་ལྟོ་ན་འཆང་། །རྭ་ཏྲ་དེ་ཡི་རྒྱུད་ལ་གནས། །དེ་ཡིས་རང་སྲོག་རང་གིས་གཅོད། །དེ་ནས་བཅོམ་ལྡན་འདས་ཀྱིས་སྡིག་པ་སྙིང་འཛིངས་ཙིསྟ་དཀྲུག་པའི་གསང་སྔགས་འདི་གསུངས་སོ། །ཨེ་དུན་ཀ་ཡ༷་ཨེ་མྱགས་ཡ་རྔུབས། མུག་ཤག་ཀ་དུན། ཡ་མ་ར་ཙིསྟ་དཀྲུག་དགྲ་བོའིསྣྲ་མྱ་ར་ཡ་རྦད། མ་མ་རུ་ལུ་མ་ཙིསྟ་དཀྲུག་དགྲ་བོརྣ་ནཱ་ར་ཡ་རྦད། ཏིར་ཏི་ཀ་དུ། རུ་་་དྷ། དེ་བ་ཨ་རཀྟ་ར། རག་མོ་ར། ཡཀྟ་ཀྟ། ཡ་མོ་ཀྟ། མུན་མུན་པ། ཤུ་ལ་ཛ། ར་ཙ་ཙ། བཛྲ་ས་དུ་ཏྲི། ཧ༷་ཤ༷་ཏྲི། ནཱ་ག་ཕུ། ཙིསྟ་དཀྲུག་དགྲ་བོ་དྲི་མྱ་ར་ཡ་རྦད། དེ་ཡི་ལས་དེ་མ་གྲུབ་ན། །དྲག་སྔགས་འདི་ལ་རབ་ཏུ་འབད། །ཙིསྟ་དཀྲུག་དགྲ་བོའི་སྲོག་ལ་བྲེང་ཤག་དྲི་མ་ར་ཡ་རྦད་རྦདགསུམཡངརྭག །མཐའ་སྡུད་མནན་པའི་སྔགས་ཀྱིས་བསྡུ། །སྡིག་པའི་ལུས་ཆང་བརྟགས་ལ་གཏད། །ཐོད་པ་དུར་མའི་ལས་ཡིན་པས། །གསང་སྔགས་གྲོང་ཁྱེར་དཀྲུག་པ་སྟེ། །གནད་ལ་དབབ་ཞིང་བསད་པ་ཞེས། །ལྷ་སྲིན་འཁྲུག་ནས་ནང་འཐབ་ཅིང་། །སྟོབས་ཆེན་དྲིལ་བའི་ལས་སུ་བཤད། །སྡིག་པ་སྙིང་འཛིངས་འཁྲུལ་འཁོར་གསང་བའི་རྒྱུད་ལས། ཙིརྟི་དཀྲུག་པའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་ཀྱིས་ཕྱག་རྒྱ་ཆེན་པོ་བསྲུང་བའི་རིམ་པ་འདི་གསུངས་སོ། །ཨེ་ཉིད་སྟོང་པ་ཆོས་འབྱུང་ཞེས། །མ་སྐྱེས་འགག་པ་མེད་པ་ལས། །རྒྱུ་རྐྱེན་སྔགས་ལས་མ་བསྐྱེད་པར། །རོལ་པ་ཆེན་པོའི་སྐུ་རུ་གསལ། །དབུ་གསུམ་ཕྱག་དྲུག་ཞབས་བཞི་བགྲད། །གཡས་དཀར་གཡོན་དམར་དབུས་མཐིང་རྔམ། །རྡོ་རྗེ་འཁོར་ལོ་རལ་གྲི་གཡས། །བེ་ཅོན་ག་་ཤིང་སྡིགས་མཛུབ་གཡོན། །རིགས་ལྔའི་ཁྲོ་བོས་དབུ་ལ་བརྒྱན། །རང་གི་ཕྱག་རྒྱ་ཆེན་པོས་བརྗིད། །སྦྲུལ་དང་རིན་ཆེན་འབར་བ་དང་། །དྲེགས་པའི་མགོ་བཅད་ཕྲེང་བས་བརྒྱན། །ཀླུ་རིགས་དུ་མས་སྐུ་ལ་སྤྲས། །ཡུམ་ནི་དམིགས་མེད་ཆོས་ཀྱི་དབྱིངས། །མཐིང་ནག་ཙིཉི་བྷན་དམར་སྟོབ། །ཐུགས་ཀར་སྨུག་ནག་ཡ་མ་གནས། །མེ་ལོང་ཡེ་ཤེས་ངོ་བོ་ཉིད། །འཁོར་ལོ་དོན་སྙིང་ཕྱག་ན་བསྣམས། །ཡ་མའི་ཐུགས་ཀར་དྲེགས་པ་ཆེ། །མཉམ་ཉིད་ཡེ་ཤེས་ངོ་བོ་ཉིད། །ལྗང་ནག་རྡོ་རྗེ་སྙིང་ཕྲེང་འཛིན། །དྲེགས་པའི་ཐུགས་ཀར་ཁྱམས་ཁང་སྟེ། །བྱ་བ་ནན་ཏན་ཡེ་ཤེས་ཉིད། །འཇིགས་བྱེད་ཆེན་པོ་ཐུར་དུ་བལྟ། །དབུ་གཙུག་མཁའ་ལྡིང་གདུག་པ་འདུལ། །སོ་སོར་ཀུན་རྟོག་ཡེ་ཤེས་ཉིད། །དཀར་པོ་ཟིལ་གནོན་རོ་ཉེ་ཟ། །ཕྲག་སོར་སྨུག་ནག་འཇིགས་པའི་ཁྱུང་། །དཔུང་པར་སྟག་ཆེན་རོ་ལ་རྔམས། །ནུ་འཇིང་སེང་གེ་རལ་པ་སྤྲུག །སྟ་ཟུར་དུག་སྦྲུལ་ནག་པོ་འཁྱུག །སངས་རྒྱས་ཀུན་གྱི་ངོ་བོ་ཉིད། །རྡོ་རྗེ་འཆང་རྒྱལ་སྤྱི་གཟུགས་ཅན། །མ་སྐྱེས་ངང་ལས་རང་བཞིན་འཆར། །གདོད་ནས་རྣམ་དག་ཡེ་ཤེས་སྐུ། །བསྐྱེད་དང་སྤྱན་དྲངས་མཆོད་མི་དགོས། །རྒྱུ་དང་རྐྱེན་ལ་རག་མ་ལུས། །སྐྱེ་འགག་མེད་པའི་ཡེ་ཤེས་གསལ། །ཕྱག་རྒྱ་ཀུན་གྱི་ཟིལ་གནོན་ཡིན། །རོལ་པ་ཆེན་པོའི་ཕྲིན་ལས་ཀྱི། །གསང་སྔགས་ཕྲེང་བ་དེཉིད་ལས། །བོད་པ་མིང་དང་བརྡའ་རུ་སྦྱར། །རྣམ་པར་ཤེས་པ་འབྲུ་རེ་ཕྲོགས། །དྲེགས་པ་འདུལ་བྱེད་གསང་སྔགས་སྲོག །ཟིལ་གནོད་གསུང་གི་ངོ་བོ་ཉིད། །འདི་ཉིད་མཆོག་གི་ལས་ཡིན་པས། །འདི་མེད་ལས་ཀུན་དབྱུག་པ་རྐྱང་། །རྦོད་གཏོང་ཞབྲུག་གམ་ཐུན་མོང་དུ། །རྫས་དང་སྔགས་ཀྱི་ནུས་པ་ཡིས། །དྲེགས་པའི་སྦྱོར་བ་ངན་པ་འཇོམས། །སྡིག་པ་ནག་པོ་སྙིང་འཛིངས་འཁྲུལ་འཁོར་ནག་པོ་གསང་བའི་རྒྱུད་ལས། ཕྱག་རྒྱ་ཆེན་པོ་སྲུང་བའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་འཇིགས་བྱེད་ཆེན་པོས་དེས།ཀླུ་བདུད་འཆི་བདག་གདུག་པ་ཅན་ཆུ་སྲིན་མགོ་ཅན་དབང་དུ་བསྡུས་ཏེ། ལས་ཀྱི་འཁྲུལ་འཁོར་གཏད་ལོག་ནག་པོ་ཞེས་བྱ་བ་འདི་གསུངས་སོ། །རུས་སྦལ་ནག་པོ་མཇིང་བསྣོལ་གྱི། །ལས་ཀྱི་ལུབྲུལ་འཁོར་འདི་ལྟ་སྟེ། །ཏྭ་ལའི་ལོ་མའམ་ཀ་རི་ཀ །ཡང་ན་རྒྱ་ཤོག་དག་ལ་ཡང་། །ཀླུ་རིགས་བཞི་དང་ས་བདག་དང་། དཔེ་གལ་བརའདིརསྲིདཔའི་རུསསྦལལྟོབར་བྲིས། །གོབོར་ལོ་རིམ་པ་་བཞི་བསྐོར། །དབུ་སུ་ལིངཚེ་དགུ་རུབྱ། །མུ་ཁྱུདཡངསྙིང།ཞེས་པ་གོ་བྱུང་ཡངགོམཐའ་ཡང་མ་འགྲིག་པ་དཔྱད། །ཀླུ་ཡི་ཡང་སྙིང་གཏད་ལོག་དང་། །རྩ་བའི་སྙིང་པོ་འབྲུ་བརྒྱད་བཞི། །འདོད་པའི་མིང་རུས་ཨ་མུ་ཀ །ནག་པོ་མགོ་དགུའི་གསང་སྔགས་སྦྲེལ། །ཡང་གསང་དཔའ་བརྟུལ་ཅན་གྱིས་སྤྱད། ཨེ་དུར་ཀ་ཡི། དགྲ་བོའི་ཙིཏི་བྲེང་ཤག་ཛ། སྲོག་ལ་བྲེང་ཤག་ཧུར་ཐུམས་རྦད། ཨེ་མྱགས་ཡ་རྔུབས་མུག་ཤག་ཀ་དུན་ནཱ་ག་རུ་ཏྲ་ཀྭ་ལ་དགྲ་བོའི་སྙིང་ལ་སྨྱོ། ནག་པོ་བམ་ཙིསྟ་ལ་རྒྱོབ།ཏྲག་ཐུར་སྙིང་སྒུལ་མྱགས་མྱགས། རྩ་བཞི་སྐུམས། ཤན་ཤན་སྲོག་ལ་ཤན། ཐུར་ཐུར་དགྲ་བོ་ཙིསྟ་ལ་ཐུར་རྦད། ས་ནཱ་ག་ཧ་ལ་ཙ་མ་རི་དགྲ་བོའི་སྙིང་ལ་ཐུན་སྨྱོ། ཞག་གསུམ་མཚོན་ཆ་བསྣོལ་མས་གཅོད། །མཐའ་རུ་དཔའ་བརྟུལ་ཅན་གྱིས་སྤྱད། །ཀླུ་ཡི་ནད་རླངས་དུག་གི་ངར། ཁ་དག་དེ་ལ་རང་གཤེད་དབབ། །འདི་ནི་ལས་ཀྱི་མན་ཏྲ་ཧོ། །སྟོབས་ཆེན་འཇོམས་པ་དྲག་པོའི་མཚོན། །སྦྱོར་བ་མཁས་པའི་སྔགས་པ་ཡིས ལས་རྫོགས་རུས་སྤལ་ཁོག་པར་གཞུག །བང་རིམ་ལྔ་པའི་འོག་ཏུ་མནན། །རི་གསུམ་འབྲང་གི་རྭ་བྲག་མནན། །ཡང་ན་ས་བདག་གནས་སར་གཏད། །ལས་འདི་མནན་པ་ཀུན་གྱི་མཆོག །ཅེས་གསུངས་སོ། །སྡིག་པ་སྙིང་འཛིངས་འཁྲུལ་འཁོར་གསང་བའི་རྒྱུད་ལས། གཏད་ལོག་ནག་པོ་རུས་སྦལ་མཇིང་སྣོལ་གྱི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་འཇིགས་བྱེད་ཆེན་པོ་དེས་འཁྲུལ་འཁོར་རྫས་བཟློག་དུས་ཀྱི་འཁོར་ལོ་ཞེས་བྱ་བ་འདི་གསུངས་སོ། །སྟོབས་ཆེན་འཁོར་ལོའི་གནད་དག་གིས། །ལས་དང་སྦྱོར་བ་ནུས་པའི་མཐུ། །བུང་བ་རི་ཀ་འཁོར་བ་ལྟར། །རང་གི་ནུས་པ་འཇོམས་ཤིང་གསོད། །དེ་ཡི་སྦྱོར་བ་འདི་ལྟ་སྟེ། །རི་རབ་འོག་གམ་རྒྱ་མཚོའི་གཏིང་། །གདུག་པ་ཅན་གྱི་སྟོབས་གཞོམ་ཕྱིར། ཁམ་སའི་གའུ་རུས་སྦལ་གྱི། །ལྷོ་སྦྱར་བར་དུ་རུས་སྦལ་བཅའ། །རྒྱ་ཤོག་དག་ལ་མུ་ཁྱུད་གསུམ། །གྲུ་གསུམ་སྡིག་པ་རུ་འཛིངས་པའི། །སྟེང་འོག་ལིསྐོ་ལྟོ་སྦྱར་བྱ། །བར་མའི་མུ་ཁྱུད་དྲེགས་པ་ཅན། །འདུས་པའི་ཡང་སྙིང་འཁོར་བར་བྲི། །ཕྱི་རིམ་འབྱུང་བའི་འཁྲུལ་འཁོར་གྱི། །སྐྱོམ་ཞིང་སྡུད་པའི་ཡང་སྙིང་བྲི། ཨེ་བ༷་ར༷་ཡ༷་ཁ༷་ཤིག ཙིསྟ་ག་ས། སས་གཏིབས། མེས་ཚིག ཆུས་དཀྲུག རླུད་གིས་གཡེང། ཁ་རི་བ་ལྡག་ཁརིལྡགརྣམརེཙེརིཁ་ཡེནསོག་འདྲམིནམངསྣ་རི་ཁས་ཡེན། དགྲ་བོ་མྱ་ར་ཡ། ཨེ་ཀ་ཡ་མ་སྲོག་ལ་ཧུར་ཐུ༷་གཟིར་ནན། དགྲ་བོའི་སྙིང་ལ་ཤག་རྦད། ར་ཏི་ར་ཁྲག་དགྲ་བོའི་སྲོག་ལ་ཡ༷་ཡ༷་ཏྲི་ལིང་དགྲ་བོའི་སྙིང་ལ་ཤག་རྦད། ནག་པོ་ནཱ་ག་སྙེ་ཏ་སྲོག་ལ་ཛ་ལ་ཛ་ལ། དྲི་ཐུ༷་ཤག །དགྲ་བོའི་སྙིང་ལ་རྦད། ཙིསྟ་བྲེང་ཤག་དྲི་མུ་ར་ཡ།འཁོར་ལོ་ཁ་སྦྱར་གའུར་གཞུག །ནམ་མཁའ་བར་སྣང་ས་འོག་གི །དབང་ཆེན་སྟོབས་ཆེན་འདུས་པ་ཡིན། །འོག་གི་འཁྲུལ་འཁོར་གསང་བར་གཤད། །བར་ཆའི་འཁོར་ལོ་འདི་ལྟ་སྟེ། །གཤེད་པོ་ལས་རྒྱས་ལྟོ་བ་སྲ །མུ་ཁྱུད་རིམ་པ་ལྔ་རུ་བསྐོར། །དབུས་སུ་འདོད་པའི་མིང་རུས་བྲི། །གཡས་གཡོན་འདོམས་སུ་དམ་སྲི་མྲ །ཀླུ་སྲིན་ས་སྲིན་སྙིང་པོ་བྲི། །སྙིང་ལ་སྡིག་པ་བཞི་བགྲད་པ། །དམར་ལེན་དྲག་སྔགས་འབྲུ་བརྒྱད་བྲི། །ཕྱི་རིམ་ཡང་སྙིང་འཁྲུལ་མིག་དག །བརྒྱད་བཞི་དྲེགས་པའི་ཡང་སྙིང་བྲི། །ཐ་མ་འཁོར་ལོ་བཅུ་གཉིས་རྩིབས། །བྱས་པ་འཇིགས་པའི་འཁྲུལ་འཁོར་བྲི། །བར་ཆད་དག་གི་འཁྲུལ་འཁོར་ཡིན། །སརྦ་ཤ་ཏྲུ༷་སྟུསྟ་ཡ་ནན། འགྲིར་རྦད། པདྨ་སྦུར་སྲོག་ནན་སྙིང་གཟེར་བྲེང་ཤག་ཡ༷་རྦད། རི་རབ་བང་རིམ་གསུམ་པའི་ཁར་ ཁྲུ་གསུམ་ནག་པོ་དུག་ཁྲག་བྱུག །རབས་ཆད་ཐོད་པར་འཁྲུལ་འཁོར་བཅའ། །སྒོ་བཞི་རྫོགས་པའི་མཆོད་རྟེན་དག །རུས་སྦལ་གདན་ལ་གླང་ཆེན་འདེགས། །སྒོ་བཞི་གྲི་ལྕབས་སྦུག་མ་སྲ །དྲག་པོའི་སྔགས་ཐུན་མཚོན་ཆས་བརྡར། །བསད་པ་ལས་ཀྱི་མཚོན་དུ་བཤད། །ནམ་མཁར་ཕྱག་རྒྱ་གསལ་བ་ཡི། །སྟོབས་ཆེན་སྙིང་པོ་རྫོགས་པ་དང་། །ལས་རབ་ཀུན་གྱི་མཆོག་ཏུ་བཤད། །སྡིག་པ་སྙིང་འཛིངས་འཁྲུལ་འཁོར་ནག་པོ་གསང་རྒྱུད་ལས། རྫས་བཟློག་གསང་བ་འཁྲུལ་འཁོར་གྱི་ལེའུ་སྟེ་བཅུ་གཉིས་པའོ།། །།དེ་ནས་ཡང་འཇིགས་བྱེད་ཆེན་པོ་དེས། གསང་སྔགས་ཀྱི་འཁོར་ལོ་བསྐོར་བ་འདི་གསུངས་སོ། །གདོད་ནས་རྣམ་དག་ཡེ་ཤེས་སྐུ། །ལྷུན་གྱིས་གྲུབ་པ་ཡིན་པ་ལ། །སྩོལ་བསྒྲུབ་རེ་དོགས་འཛིན་པ་བྲལ། །རྣམ་རྟོག་བག་ཆགས་སྤྲིན་ལྟ་བུ། །ནམ་མཁའ་ལྟ་བུར་འཛིན་མེད་པ། །སྲུང་བ་ཀུན་གྱི་མཆོག་ཏུ་བཤད། །སྟོང་པའི་དབྱིངས་ལས་རྫོགས་པ་ཡི། །ཕྱག་རྒྱའི་རོལ་པ་ཡོངས་རྫོགས་པ། །བསམ་གཏན་སེམས་ཀྱི་འཁོར་ལོར་བཤད། །རྒྱུ་དང་འབྲས་བུ་སྲོག་དང་ལས། །དྲེགས་པའི་དེ་ཉིད་ཤེས་པ་ན། །དྲེག་པ་རང་གཤེད་རང་གིས་བྱེད། །བསམ་གཏན་འཁོར་ལོ་བྱེད་པ་ན། །སྔགས་དང་རྫས་དང་ཏིང་འཛིན་གྱིས། །མིང་དང་རྟོག་པ་དབྱིངས་སུ་བསྒྲལ། །སྔགས་ཀྱི་གྲོང་ཁྱེར་རབ་བསྒྲིལ་ཞིང་། །མིང་ནས་བོས་ཤིང་རབ་ཏུ་གཟིར། །རྣམ་ཤེས་འཕྲོག་ཅིང་གཅད་བྱ་བ། །སྔགས་ཀྱི་ཕྲེང་བས་གདུག་པ་འདུལ། །དྲེགས་པས་དཀྲུགས་ཤིང་དབང་བསྡུས་ལ། །མིང་ནས་བོས་ལ་ཐོག་ལྟར་གཟིར། །རྣམ་ཤེས་འཕྲོག་སྟེ་མཚོན་ཆས་གཅོད། །བསྲུང་ཞིང་བཟློང།་པའི་ལས་སུ་རིག །དེ་ཉིད་རང་གཤེད་ཕེབ་པས་ན། །རྣོ་མྱུར་སྲིད་པའི་ཁྱམས་ཁང་ན། །རང་གཤེད་གདུག་པའི་ཡི་གེ་གནས། །དྲག་སྔགས་དབུས་ཀྱི་རྟ་ལ་ཞོན། །དུག་རླངས་འོད་ཟེར་རང་ཤུགས་འཕྲོ། ཁྲ་ཟ་གསོད་བྱེད་ཕོ་ཉ་བསྐུལ། །རང་གནད་གདུག་པའི་ཡི་གེ་བླངས། །བདག་གཤེད་གྲོགས་ཀྱི་འཁོར་ལོ་འཕྲོ། །ཀུན་འདུས་རྩ་བཅད་ཙིརྟིར་འདུས། ་་་ཐུམས་ཛ་ཡི་དྲི་ཕྲོགས་ནས། །སྲིད་པའི་ཁྱམས་ཁང་མཚོན་ཆས་གཅོད། །འདི་དག་བསད་པའི་ལས་སུ་ ག །བསྐྱེད་པ་ཁ་གས་དུག་དབལ་གྱས། །རྩ་རྣམས་ཁེངས་ནས་ནད་རྒྱས་ནས། །རྩ་ཡི་མདུད་བཅད་སྲོག་བྲལ་གྱུར། །ཕྱོགས་སམ་སྒོ་བཞི་ལས་ཀྱི་ཐུན། ཁ་གསོ་ཟོར་གྱི་ལས་སུ་ཤིས། །འཁོར་ལོ་ཐུན་བརྡེག་ལས་རབ་མཆོག །རྐྱང་པ་སྦྲང་མ་ལས་ཀྱིས་སྡེབས། །སྤྱིར་ནི་འཁྲུལ་འཁོར་གསང་བའི་བཅ། །ཡང་གསང་ཐུགས་ཀྱི་འཁོར་ལོར་བཤད། །ལས་ཀྱི་རྒྱལ་པོའི་སྙིང་ནང་དུ། །རྩ་བཞི་མཚོན་གྱིས་གཅོད་པར་བྱེད། །དམ་མེད་སློབ་བུའི་སེམས་པ་ཉིད། །ལྕགས་ཀྱི་སྡིག་པས་རྩ་བརྒྱད་ཟ། །དམ་འདྲེས་བསེ་ཡི་སྦལ་པ་ལ། །ནད་ཁྲག་འདུས་ཤིང་ལྡང་བར་འགྱུར། །སྔགས་པ་ནག་པོ་སྤྱི་ཡི་སྦུན། །རང་གཤེད་བསེ་ཡི་སྦལ་པ་ཡིས། །རྣམ་ཤེས་དུག་ཁྲག་མེ་ཆུར་བསྐོལ། །བོན་པོ་རིགས་གཉིས་ཕྱི་རོལ་པ། །ཕག་རྒོད་ནད་དང་མཚོན་གྱིས་བསྒྲལ། །གནམ་ལྕགས་འཐབ་ན་རྟོག་མེད་ལས། །ཕྱག་རྒྱ་རྫོགས་པས་རོལ་པའི་སྐུ། །གཉིས་སུ་མེད་པའི་ཡེ་ཤེས་བསྒོམ། །གཞན་གྱི་སྟོབས་རྣམས་རབ་ཏུ་གཟིར། །ལས་དྲུག་སྤྱི་ཡི་དགོངས་པར་བཤད། །ནག་པོ་སྟོབས་དང་དབྲལ་བ་དག །རྒྱ་གྲམ་དྲེགས་པའི་སྔགས་བྲིས་ཏེ། །ལྕེ་སྟེང་རི་རབ་དག་གིས་མནན། །ཞི་ཁྲོ་ཕུར་པགཤིནརྗེནས། །ས་བདག་ཀླུ་སྲིན་ཡན་ཆད་ཀྱི། །སྔགས་ཀྱི་བཟླས་བརྗོད་ཅི་བྱས་པ། །རི་རབ་རྒྱ་གྲམ་ཆེན་པོ་ཡིས། །ངག་གི་ནུས་པ་གནོད་པར་བྱེད། །ནུས་པ་ནོན་ཅིག་ཅེས་ཀྱང་བརྗོད། །དྲག་པོའི་ངག་མནན་འཁོར་ལོ་བཤད། །འབྱུང་བའི་ཁྲམ་བཟློག་ཆེན་པོ་སྟེ། །གསང་སྔགས་འཁོར་ལོ་བསྐོར་བ་ཡིས། །འཇིག་རྟེན་ལྷ་འདྲེ་ཁམས་འཁྲུགས་ཤིང་། །མཚོན་ཆའི་འཁོར་ལོ་ལོག་པ་ལྟར། ཁོ་རང་རྒྱུད་ལ་ལྡོག་པ་ནི། །ཕོ་ཉ་བཟློག་པ་ཞེས་སུ་བཤད། །འཆི་བདག་ཤན་པའི་ལྟོ་བ་མྲ །གསང་བའི་སྔགས་ཀྱི་ལྟོ་དཀྲུག་པས། །ལྷ་སྲིན་ཙིསྟ་འཁྲུག་པ་ཡིས། །གཟས་པའི་རྩ་སྲོག་འབྲལ་བས་ནི། །ཙིལྟི་དཀྲུག་པའི་ལས་སུ་བཤད། །སྲིད་པའི་རུས་སྦལ་ལྟོ་བ་མུ །ཀླུ་དང་ས་བདག་སྡེ་བཞི་ལ། །སྟོབས་ཀྱི་སྔགས་ཀྱི་འོད་ཟེར་གྱིས། །གདུག་པའི་ཀླུ་གཉན་དུག་བླངས་ཏེ། །གཟས་པའི་སྙིང་ལ་འདུས་པར་བསམ། །གཏད་ལོག་ནག་པོའི་ལས་སུ་བཤད། །ཕྱག་རྒྱ་མཚོན་ཆ་དམིགས་པའི་ཡུལ། །གསལ་བ་གསུམ་གྱིས་ལས་ཀུན་འགྲུབ། །ཅེས་གསུངས་སོ། །སྡིག་པ་སྙིང་ལ་རུ་འཛིངས་འཁྲུལ་འཁོར་ནག་པོ་གསང་བའི་རྒྱུད་ལས། ཡང་གསང་ཐུགས་ཀྱི་ལེའུ་སྟེ་བཅུ་གསུམ་པའོ།། །།དེ་ནས་བཅོམ་ལྡན་འདས་ཀྱིས་ཡོངས་སུ་བསྐོར་བའི་འཁོར་རྣམས་ལ་འདི་སྐད་ཅེས་གསུངས་སོ། །ཨེ་མ་རྣམ་རྟོག་མཚན་མ་རང་གྲོལ་བའི། །རྡོ་རྗེ་བདེ་བ་ཆེན་པོའི་བཀའ། །གསང་ཚིག་དམོད་པའི་ལས་མཆོག་འདི། །རིག་བྱེད་རྡོ་རྗེ་སྙིང་པོས་ཟུང་། །སྐྱེ་མེད་རྣམ་དག་ཆོས་དབྱིངས་ཕོ་བྲང་ནས། །ཐུགས་རྗེའི་རོལ་པས་བྱེ་བྲག་ཅིར་བསྟན་ཀྱང་། །གཉིས་མེད་འབྲས་བུ་ཕྱག་རྒྱ་ཆེན་པོས་རྫོགས། །སྣང་སྟོང་གཉིས་མེད་ཡེཤེས་སྒྱུ་མའི་སྐུ། །རྟག་ཆད་མཐའ་ལས་གྲོལ་བའི་ཡེ་ཤེས་ཉིད། ཁོ་ན་ཉིད་དོ་ག་་མ་རྡོ་རྗེའི་སྐུ། །ཕྱག་རྒྱ་ཆེན་པོས་ཟིལ་གྱིས་གནོན་པར་གནས། །སྐུ་ཡི་སྒྱུ་མའི་ཕྱག་རྒྱ་ཅིར་ཡང་གནས། །གསུང་ནི་ཁྲོ་བོ་རྔམས་སྒྲ་ལྔ་དང་ལྡན། །ཐུགས་ནི་སྣ་ཚོགས་ཆོ་འཕྲུལ་མཚོན་ཆ་བཞིན། །ལས་ཀྱི་སྐབས་ཀྱིས་ཕྱེ་བ་དེ་ལྟ་བུའི། །ངོ་བོ་ཉིད་ནི་ཆོས་སྐུ་འགྱུར་བ་མེད། །སྐྱེ་བའི་ཆོ་འཕྲུལ་སྣང་ལ་རང་བཞིན་མེད། །ཡོན་ཏན་ཡེ་ཤེས་མཚན་དང་དཔེ་བྱད་ལྡན། །སྙིང་པོ་འགྱུར་བ་མེད་པའི་ངང་ལས་འཆར། །ཐམས་ཅད་ཆོས་སྐུ་བདེ་བ་ཆེན་པོའི་ངང་། །བགྲོད་པ་རྣམ་གསུམ་ཐོབ་པའི་རྩལ་གྱི་ཡོད། །ཨེ་མ་རྣོ་དབལ་མཚོན་ཆའི་མཆོག །སྡིག་པ་སྙིང་ལ་རུ་འཛིངས་པའི་ །སྙིང་པོ་དུག་དབལ་དམོད་པའི་མཆོག ཁྱད་པར་གསང་བའི་སྦྱོར་བ་འདི། །དཔའ་བརྟུལ་དྲག་པོའི་སྟོབས་ཀྱིས་སྤྱོད། །སྡེབས་དང་རྐྱང་བ་སྟོབས་དང་སྦྱར། །སྟོབས་ལྡན་འཛོམ་ན་སྦྱོར་བ་བསྡེབ། །རྒྱ་མདུད་བརྩེགས་པའི་ལྟོ་བའམ། །ནམ་མཁའ་བར་སྣང་ས་གཞིའི་འོག །འཁོར་ལོ་རྫོགས་པ་རྫས་ཀྱིས་གནད། །རི་རབ་མཆོད་རྟེན་བར་དག་ཏུ། །སྟོབས་ཀྱི་འཁོར་ལོ་ཐོད་པར་གཞུག །ཕྱག་རྒྱ་གསལ་བས་རྔམ།་ཚིག་བཟླ། །དྲེགས་པ་དཀྲུག་ཅིང་གནོད་བྱེད་གཟིར། །རང་གཤེད་འཁོར་ལོ་ཐུན་གྱིས་བྲབ། །བླ་གནས་གཟུགས་ལ་གནད་ཡིག་དགོད། །མཐའ་བསྒྱུར་སྤུ་གྲི་རྣོ་དབལ་སྦྱར། །མགྱོགས་བགོསཀྱངཀྱི་ཕོ་ཉ་བཟླག་ཅིང་བསད། །གདུག་པ་ཀླུ་ཡི་གཏད་ཁྲམ་བཟློག །བསྡེབ་པའི་ལས་རིམ་སྐབས་སུ་སྦྱར། །བསད་པའི་ལས་སུ་ཤིས་པར་སྤྱད། ཁུན་དུ་ལྷ་སྲིན་སྟོབས་གཤོམ་ཞིང་། །ངག་མནན་འཁོར་ལོ་བཅས་ལ་མནན། །སྟོབས་ཆེན་ནུས་པ་འཇོམས་པར་བཤད། །ཙིཀྟ་དཀྲུག་པའི་རང་གཤེད་དབབ། །སྡིག་པའི་ལུས་ཚད་བརྟགས་ལ་གཏད། །དྲེགས་པ་འཁྲུགས་ན་ཤིས་པར་བཤད། །ཨེ་མ་ཡང་གསང་རྣལ་འབྱོར་རྒྱུད། །ཐབས་དང་ཤེས་རབ་སྙིང་པོའི་དོན། །རྩ་བ་བཤད་པ་འཕྲུལ་གྱི་བཀའ། །ཡང་སྙིང་ནག་པོ་གསང་བའི་མཚོན། །སྡིག་པ་སྙིང་ལ་རུ་འཛིངས་འདི། །གསང་བདག་རྡོ་རྗེ་སྙིང་པོ་དང་། །ལོངས་སྤྱོད་འཕྲུལ་ནི་སྤྲུལ་པར་བཤད། །ལྷ་དང་མཁའ་འགྲོ་རིག་པ་འཛིན། །རྫུ་འཕྲུལ་སྟོབས་ཆེན་དྲེགས་པའི་འཁོར། །བྱང་སེམས་བཀའ་དང་ལུང་བོར་མིན། །སློབ་དཔོན་མི་སྤང་སྤུན་མི་བརྙས། །སངས་རྒྱས་བཀའ་ལ་ངེས་པར་བཀུར། །བླ་མ་དཀོན་མཆོག་ཡི་དམ་མཆོད། །བདག་གཞན་བྱང་ཆུབ་སེམས་མི་གསད། །དོན་གྱི་ལམ་སྟོར་ལོག་པ་ལ། །གསང་སྔགས་བརྡའ་དང་དམ་མི་སྨྲ། །ཡོངས་སུ་མ་སྦྱངས་ཚད་མི་སྦྱར། །ཐེག་པ་དམན་ལ་ཆོས་མི་བཤད། །བཀའ་ལ་ཚད་མའི་སྒྲས་མི་གཞལ། །དད་ལྡན་མི་བཟློག་ཕྱག་རྒྱ་བསྟན། །རིན་པོ་ཆེ་ཡི་རྩལ་མི་སྤྲུག །རྣལ་འབྱོར་མི་གཏང་གསང་སྔགས་བཟླ། །དྲོད་རྟགས་དབང་པོ་རང་ཉམས་བརྟག །སེམས་ཀྱི་མེ་ལོང་རྟག་ཏུ་བལྟ། །ཨེ་མ་འཁོར་དུ་འདུས་པའི་ཚོགས། །ལྷ་ཀླུ་དྲེགས་པ་རྫུ་འཕྲུལ་ཅན། །ང་ཡི་གསང་རྒྱུད་སྙིང་པོ་འདི། །མ་འོངས་དམ་ཅན་སྒྲུབ་བྱེད་ན། །དེ་ཡི་དམ་ལས་མི་འདའ་སྲུངས། །འཁོར་གྱི་དྲེགས་པ་ཕོ་མོ་ཡིས། །རྣལ་འབྱོར་བསྒྲུབ་པའི་གྲོགས་གྱིས་ཤིག །ཅེས་གསུངས་སོ། །དེ་ནས་རྡོ་རྗེ་སྙིང་པོ་ལ་སོགས་པའི་འཁོར་རྣམས། །བཅོམ་ལྡན་འདས་ཀྱིས་གསུངས་པ་ལ་དགའ་མགུ་ཡི་རང་ཏེ་མངོན་པར་བསྟོད་དོ། །འཇམ་དཔལ་གཤིན་རྗེ་འཕྲུལ་འཁོར་ནག་པོ་སྡིག་པ་སྙིང་འཛིངས་གསང་བའི་རྒྱུད་ལས། རྒྱུད་གཏད་ཅིང་རྗེས་སུ་ཡི་རང་བའི་ལེའུ་སྟེ་བཅུ་བཞི་པའོ།། །།འཇམ་དཔལ་གཤིན་རྗེ་དངོས་གྲུབ་ཉེ་བར་བསྡུས་པའི་ཟླ་གསང་ནག་པོའི་སྙིང་པོའི་རྒྱུད། ལས་ཀྱི་འཁྲུལ་འཁོར་ནག་པོ་སྔག་་སྔགས་ཀུ པ་སྙིང་འཛིང་ཀྱི་རྒྱུད་ཅེས་བྱ་བ། །ལྷ་ཡུལ་དུ་གྲགས་པ་རྫོགས་སོ།། །།བལ་ཡུལ་གྱི་སློབ་དཔོན་ཆེན་པོ་བ་སུ་དྷ་ར་དང་། བོད་ཀྱི་ལོ་སྣྲོ་བ་གནུབས་བན་སངས་རྒྱས་ཡེ་ཤེས་བདག་གིས་བསྒྱུར་བའོ། །རྒྱ་རྒྱ་རྒྱ། རྒྱ་རྒྱ་རྒྱ། རྒྱ་རྒྱ་རྒྱ྅།