Ngb-pt-0579-vol-06-text: Difference between revisions
No edit summary |
(No difference)
|
Revision as of 08:09, 20 March 2020
Front
Body
རྒྱ་གར་སྐད་དུ། མ་མ་ཨ་སྟེ། བོད་སྐད་དུ། རིགས་དྲུག་རང་གྲོལ། བཅོམ་ལྡན་འདས་སྐུ་གསུམ་རང་གྲོལ་དེ་ལ་ཕྱག་འཚལ་ལོ། །ཚེ་ལོ་ཁྲི་ཚོ་བརྒྱད་པའི་དུས། །ལུས་ཀྱི་འོད་ཟེར་ཉི་ཟླ་འབྱུང་། །ཉོན་མོངས་ཕོ་མོ་དབང་སྒོ་དང་། །གཟུང་འཛིན་ཆགས་སྡང་རབ་ཏུ་འཐས། །དེ་འདུལ་གཉེན་པོར་རྡོ་རྗེ་འཆང་། །མངལ་དུ་སྐྱེ་བའི་ཚུལ་ཡང་བསྟན། །ཁྱེའུ་ཆུང་རྣམ་པར་རོལ་པ་ཞེས། །འཁོར་དུ་གནོད་སྦྱིན་སྲིན་པོར་བསྐོར། །སྟོང་ཕྲག་ལྔ་པ་འདི་གསུང་། །གྲ་བཱ། ཨེ་མ། མ་བཅོས་ཞོགས་དང་ཁ་དོག་ཡེངས། །མ་ཡེངས་ཞོག་ལ་ངང་དངས་ཐོན། །རྒྱུན་དུ་སྐྱོངས་དང་མཉམ་རྗེས་གསལ། །སྣང་སྟོང་སྲེས་དང་དོན་གོ་ཆོད། །ཆོས་སྐུའི་ངོ་སྤྲོད་རྩ་གཅིག་གིས། །ཆོས་སྐུའི་ཞིང་ཁམས་ལྟ་བར་གྱིས། །ལོངས་སྐུའི་ངོ་སྤྲོད་རྩ་གཅིག་གིས། །ལོངས་སྐུའི་ཞིང་ཁམས་སྤྱོད་པར་གྱིས། །སྤྲུལ་སྐུའི་ངོ་སྤྲོད་རྩ་གཅིག་གིས། །སྤྲུལ་སྐུའི་ཞིང་ཁམས་ལྟ་བར་གྱིས། །སྐྱེ་གནས་བར་དོ་གྲས་ཐག་ཆོད། །འཆི་ཁའི་བར་དོར་རང་གསལ་ཐོབ། །ཆོས་ཉིད་བར་དོར་མཁྱེན་སྤྱོད་རྒྱས། །སྲིད་པའི་བར་དོར་སྤྲུལ་ཞིང་གྲོལ། །ལྷུན་གྲུབ་སྦུབས་སུ་བུ་དྷའོ། །འདི་ནི་འབྱུང་ལྔའི་སྒྲ་རུ་ཤར། །ཨ་ཏི་བསྟན་པའི་ཐིག་ལེ་ཡིན། །རྒྱུ་ཡི་རྒྱུད་ཀྱིས་རང་ངོ་འཕྲོད། །ཐུགས་རྗེ་རེག་སངས་རྒྱས་པའོ། །སྔགས་ཀྱི་སྲུངས་མས་སྲུངས་ཅིག །ས་མ་ཡ། རྒྱ་རྒྱ་རྒྱ། གཏེར་རྒྱ། སྦས་རྒྱ། ཟབ་རྒྱ། ར་ཊ་གི་སྲ། འཐས་རྒྱ། རྒྱ་ར་ཉི་ཅ།། །། ཥའཌཉ། རྔུ་ཧྭ་ཏ༷་ཁུ རྒྱ་གར་སྐད་དུ། བྲརྙ་ཀ་ར་ཡ་ཧུ་མ་ན་མ། བོད་སྐད་དུ། སངས་རྒྱས་ཀྱི་ཞལ་ཆེམས་དང་པོ་ཞེས་བྱ་བ། དྲུག་པ་རྡོ་རྗེ་འཆང་ཆེན་ཉིད་ལ་ཕྱག་