Eric at 11:04, 27 February 2019

2019-02-27T11:04:51Z

← Older revision		Revision as of 07:04, 27 February 2019
Line 11:		Line 11:
	/da dung thar pa'i skabs med skyo ba 'phel/<br>		/da dung thar pa'i skabs med skyo ba 'phel/<br>
	/bde thob sdug bsngal bral 'dod blo yod kyang/<br>		/bde thob sdug bsngal bral 'dod blo yod kyang/<br>
	/sdug bsngal rgyu 'bras nyid la mngon par rgyug		/sdug bsngal rgyu 'bras nyid la mngon par rgyug/<br>
	</wytotib><br>		</wytotib><br>
	<wytotib>		<wytotib>

Eric at 11:04, 27 February 2019

2019-02-27T11:04:19Z

← Older revision		Revision as of 07:04, 27 February 2019
Line 12:		Line 12:
	/bde thob sdug bsngal bral 'dod blo yod kyang/<br>		/bde thob sdug bsngal bral 'dod blo yod kyang/<br>
	/sdug bsngal rgyu 'bras nyid la mngon par rgyug		/sdug bsngal rgyu 'bras nyid la mngon par rgyug
	</wytotib><br><wytotib>		</wytotib><br>
			<wytotib>
	/mar me'i 'od la phye ma leb bzhin du/<br>		/mar me'i 'od la phye ma leb bzhin du/<br>
	/'dod pa'i yul la chags sred 'dzin pas bslus/<br>		/'dod pa'i yul la chags sred 'dzin pas bslus/<br>

Eric at 11:04, 27 February 2019

2019-02-27T11:04:03Z

Show changes

Eric at 11:03, 27 February 2019

2019-02-27T11:03:00Z

Show changes

Eric at 19:09, 31 August 2006

2006-08-31T19:09:49Z

New page

<tib size="30" tibpos="bottom">rdzogs pa chen po sems nyid ngal gso zhes bya ba bzhugs so/</tib>

<tib>
/de ltar mi rtag khams gsum 'khor ba'i chos/ 
/rnam par 'gyur bas shin tu sdug bsngal te/ 
/sdug bsngal 'gyur dang 'du byed nyid gsum gyis/ 
/grong khyer drug gi 'gro kun nyam re thag 
/ji ltar me nang gcan gzan mi rgod khrod/ 
/rgyal po'i btson rar chud pa'i 'gro ba ltar/ 
/sdug bsngal snga phyi brgyud mas mnar bzhin du/ 
/da dung thar pa'i skabs med skyo ba 'phel/ 
/bde thob sdug bsngal bral 'dod blo yod kyang/ 
/sdug bsngal rgyu 'bras nyid la mngon par rgyug
</tib><tib>
/mar me'i 'od la phye ma leb bzhin du/ 
/'dod pa'i yul la chags sred 'dzin pas bslus/ 
/de bzhin ri dvags bung ba nya dang glang/ 
/sgra dang dri ro reg gis slu ba ltar 
/'dod pa'i yul lnga dag gis 'gro ba bslus/ 
/nam yang bde med sdug bsngal gyur la ltos/ 
/lha dang lha min dmyal ba yi dvags mi/ 
/byol song rigs drug zo chun rgyud mo bzhin/ 
/gcig nas gcig brgyud sdug bsngal pha mtha' yas/ 
/tshe rabs bgrangs tshe sems can re res kyang/ 
</tib><tib>
/mdza' bshes dgra dang bar ma'i khur khyer nas/ 
/bde sdug phan gnod sbyin pa grangs mtha' yas/ 
/pha nyid mar gyur ma nyid sring mo nyid/ 
/de nyid bur gyur nges pa ma mchis shing/ 
/mdza' bo dgrar gyur pa yang thug pa med/ 
/'di ltar 'jig rten snga phyi'i las bsams na/ 
/skyo ba bas kyang shin tu skyo ba 'phel/ 
/rang nyid grog sbur gyur pa'i lus rnams kun/ 
/gcig tu bsdoms te phung por byar yod na/ 
/lhun po rin chen bzhi pas ches mtho zhing/ 
</tib><tib>
/dus pa'i mchi ma rgya mtsho bzhi pas lhag 
/sems dmyal yi dvags gyur tshe 'thungs gyur pa'i/ 
/zangs zhun rnag khrag mi gtsang khu ba rnams/ 
/phyogs mtha' gtugs pa'i chu klung char mi phod/ 
/de bzhin gzhan rnams dpag yas nam mkha' 'dra/ 
/'dod phyir mgo dang yan lag bcad pa'i grangs/ 
/'jig rten rdul phran snyed kyis char mi phod/ 
/byol song grul bum gnod sbyin lto 'phye sogs/ 
/'gro ba'i khams gyur bde sdug grangs med myong/ 
/tshangs dang brgya byin bsam gtan gzugs med dang/ 
</tib><tib>
/sa gzhi rin chen bdun gyis legs skyong ba'i/ 
/mi dbang dpal sde phun tshogs de thob kyang/ 
/ngan 'gror ltung bas ches cher sdug bsngal lo/ 
/tshe 'dir 'byor pa mtha' yas nyams dga' ba/ 
/mthon po'i rang bzhin can rnams tsho 'phos nas/ 
/dbul bas nyam thag yang bran nyid gyur pa/ 
/rmi lam 'byor pa gnyid sad med pa bzhin/ 
/bde sdug mi rtag 'gyur ba'i sdug bsngal ni/ 
/shin tu bsams na ches cher skyo ba 'phel/ 
/de bas grong khyer gsum gyi sems can rnams/ 
</tib><tib>
/'khor ba'i bde la chags med byang chub bsgrub/ 
/lus ngag yid gsum 'dod gzugs gzugs med de/ 
/snang dang phyed snang mi snang grong khyer ni/ 
/sdug bsngal 'gyur dang 'du byed gsum gyis gdungs/ 
/sems dang yid dang rnam shes mched pa yis/ 
/yul rnams bde sdug 'khrul 'khor rgyun mi 'chad/ 
/kun gzhi'i rnam shes yid dang sgo lnga'i shes/ 
/rim bzhin mched pa mched pa'i rim pa yin/ 
/de las srid pa'i sdug bsngal rgyu 'bras 'byung/ 
/rtsa ba ma rig gzung 'dzin 'khrul pa can/ 
</tib><tib>
/yul dang don dang sems su bag chags pas/ 
/nga dang nga yir 'dzin pas 'khor ba grub/ 
/sems nyid 'gyur med yongs grub chos sku yang/ 
/ma rig 'dzin pas kun brtags goms pa yis/ 
/ma dag gzhan dbang ltar snang 'khrul pa can/ 
/yul don bdag gzhan gnyis snang gnyis su gzung/ 
/de las sdug bsngal dpag med lhug gyis grub/ 
/nam zhig 'gyur med sems nyid don rtogs nas/ 
</tib><tib>
/phyin ci ma log yongs grub lam bsgoms pas/ 
/dag pa gzhan dbang zhing du legs son te/ 
/srid pa'i grong las ngal gso byed par 'gyur/ 
/e ma brtag dka' 'khor ba'i pha mtha' yas/ 
/srid lam dub pa dag gi sdug bsngal ni/ 
/gang du skyes kyang bde la 'ga' med de/ 
/mi dges bskyed pa'i 'bras bu mi bzad pa/ 
/rang snang log pas rmi lam nang bzhin du/ 
/'gro drug so sor myong ba'i rang bzhin no/ 
</tib><tib>
/med snang 'khrul pas sdug bsngal dpag tu med/ 
/re zhig mdor bsdus lung bzhin bshad kyis nyon/ 
/yang sos lcags kyi mdag me 'bar ba'i steng/ 
/phan tshun 'dus nas mtshon gyis srog dang 'bral/ 
/yang sos sgra yis sngar bzhin sdug bsngal ba/ 
/las zad bar du de ltar myong 'tshal lo/ 
/tshe tshad mi yi lo grangs lnga bcu la/ 
/rgyal chen rigs bzhi'i lha yi nyin zhag gcig 
/de nyid sum cu zla ba bcu gnyis lo/ 
/lnga brgyas yang sos zhag gcig gong 'phel bas/ 
</tib><tib>
/rang lo lnga brgyar sdug bsngal brnag dgos so/ 
/de nyid rab tu dbye ba'i grangs bshad pa/ 
/mi lo bye ba phrag 'bum drug khri dang/ 
/stong phrag gnyis su nges par mdo las gsungs/ 
/thig nag 'bar ba'i sog les gshags bzhin 'byar/ 
/'byar bzhin gshog pas shin tu sdug bsngal ba/ 
/mi yi lo brgya rtsa gsum zhag gcig ste/ 
/de yi lo stong thig nag zhag gcig la/ 
/rang lo stong thub mi lo bye ba phrag 
/sa ya nyis 'bum dgu khri drug stong rtsa/ 
</tib><tib>
/bcu gnyis bar du thub par ston pas gsungs/ 
/bsdus 'joms brag ri rta dang rnga mo dang/ 
/stag dang seng ge la sogs 'dra ba'i bar/ 
/rdul phran bzhin 'joms gyes pas sngar bzhin 'tsho/ 
/lcags kyi ljongs su tho bas rdul bzhin 'thag 
/rab tu btsir bas khrag gi rgyun 'bab pa/ 
/mi lo nyis brgya 'thab bral zhag gcig ste/ 
/mtshe ma'i nyis stong bsdus 'joms nyin zhag gcig 
/rang lo stong phrag gnyis su sdug bsngal lo/ 
/de yang mi lo bye ba phrag sum 'bum/ 
</tib><tib>
/drug khri brgyad stong rtsa gcig thub par gsungs/ 
/du 'bod 'bar ba'i mes 'tshig 'o dod 'bod/ 
/lcags zhun bskol bar 'tshed pas sdug bsngal ba/ 
/mi lo bzhi brgya dga' ldan nyin zhag gcig 
/de yi bzhi stong du 'bod zhag gcig ste/ 
/rang lo bzhi stong bar du sdug bsngal ba/ 
/mi lo bye ba phrag sa ya gnyis dang/ 
/bye ba phrag dgu 'bum bzhi khri stong dang/ 
</tib><tib>
/bye ba bdun phrag bar du thub pa'o/ 
/'bod sgrogs chen po lcags khyim 'bar ba ru/ 
/'bar ba'i mes bsregs gshin rjes 'tshog par bgyid/ 
/mi lo brgyad brgya 'phrul dga'i zhag gcig ste/ 
/de lo brgyad stong du 'bod tshe'i zhag gcig 
/rang lo brgyad stong nyid du sdug bsngal ba/ 
/mi lo bye ba phrag sa ya gsum dang/ 
/bye ba phrag lnga 'bum lnga khri nyis stong/ 
</tib><tib>
/drug cu rtsa drug bar du thub pa yin/ 
/tshab lcags khang nang zhugs mdung thung gis/ 
/klad pa 'gems shing tho bas rab tu brdung/ 
/'bar ba'i me lces phyi nang kun tu bsreg 
/mi'i lo stong dang drug brgya gzhan 'phrul zhag 
/de yi lo khri drug stong tsha ba'i zhag 
/rang lo khri dang sdug stong par thub pa/ 
/mi lo bye ba phrag sa ya brgyad dang/ 
/bzhi 'bum dang ni bye ba khrag khrig phrag 
</tib><tib>
/drug stong lnga brgya sum cu snyed mchis so/ 
/rab tu tsha ba lcags khyim nyis rim nang/ 
/'bar ba'i me dang mdung rtse gsum pas bsnun/ 
/spyi bo phrag pa gnyis phyung leb mas dkris/ 
/zangs chen khol mar 'tshed pas sdug bsngal ba/ 
/tshe tshad bar gyis bskal pa phyed thub ste/ 
/mi lo'i grangs kyis gzhal ba'i yul las 'das/ 
/'jig rten chags gnas 'jig stongs bskal chung bzhi/ 
/bar bskal gcig ste brgyad cu bskal chen no/ 
/mnar med lcags khang me lce 'bar ba'i nang/ 
</tib><tib>
/sems dmyal ku co smre sngags 'don pa las/ 
/me dang sems can so sor mthong ba med/ 
/mar me 'bar ba snying po la zhen bzhin/ 
/srog gi zungs tsam me nang dbus gnas pa/ 
/bar bskal gnas pa'i yun gcig brnag dgos te/ 
/de las che ba'i sdug bsngal gzhan med pas/ 
/mnar med bstir med ces su bshad pa yin/ 
/gong du smos pa'i dmyal ba de dag kyang/ 
/rim bzhin me lce bdun 'gyur gyis tsha la/ 
/'og mar snga ma'i sdug bsngal lhag dang bcas/ 
</tib><tib>
/ji srid las ma zad par sdug bsngal myong/ 
/nyi tshe ri dang ljon shing nam mkha' dang/ 
/brag bar me chu nges med gnas rnams su/ 
/nyung ngur gnas dang 'dus dang gcig pur gnas/ 
/der ni sdug bsngal gang rung re res gdungs/ 
/de phyir nyi tshe ba zhes bshad pa yin/ 
/gzhan dag tshe dang kha cig 'dus pa nyung/ 
/de yis nyi tsher 'dod pa 'khrul pa ste/ 
/brag bar sdig gzugs tshe yang ring yod la/ 
/nyi tsher gdugs tshod 'dus pa'i nyan thos gzugs/ 
</tib><tib>
/lnga brgya phan tshun mtshon gyis 'debs par gsungs/ 
/nye 'khor mnar med khang pa'i phyi rol bzhir/ 
/me mar mur dang ro myags mtshon cha'i thang/ 
/chu bo rab med bzhi bzhi bcu drug go 
/mnar med sgo bye snyam las phyir 'thon pas/ 
/'obs bzang grib ma mthong nas phyin ma thag 
/mdag me 'bar ba pus mo nub brgal bas/ 
/sha kun tshig nas rus pa kUnd'i mdog 
/yang sos sngar bzhin shin tu sdug bsngal lo/ 
/yang ni bsil ba'i 'dam mthong zhugs ma thag 
</tib><tib>
/ro myags rol dri nga ba'i 'dam bying nas/ 
/lcags zangs gser gyi mchu can srin bus 'bigs/ 
/slar yang thang nyams dga' mthong phyin ma thag 
/spu gri 'bar bas dum bur gtubs shing 'tsho/ 
/nags 'dab yid 'ong gang du phyin pa las/ 
/ral gri'i nags tshal las rlung 'khrug pas bcom/ 
/de 'das ri bo rab tu nyams dga'i rtser/ 
/sngon gyi yul 'bod mthong ste phyin pa las/ 
/lcags kyi thur ma rnon pos sha khrag gzags/ 
</tib><tib>
/steng du son tshe bya rgod klad pa 'gems/ 
/slar yang ri yi drung nas 'bod pa snyam/ 
/'thur du babs pas thur mas gyen du gzags/ 
/thang mtshams skyes pa bud med mche rnon can/ 
/'bar bas 'khyud de shin tu sdug bsngal zhing/ 
/khyi dang ce sbyang mang pos za bar bgyid/ 
/yang ni bsil ba'i chu klung 'ba' mthong nas/ 
/dga' bas song ste rab tu 'bog ma thag 
/thal tshan rked nub sha rus tshig gyur cing/ 
/'gram gnyis gshin rje'i skyes bus bsrung bar mthong/ 
</tib><tib>
/der ni lo stong mang por sdug bsngal lo/ 
/de lta'i dmyal bar su zhig 'jigs mi byed/ 
/srid na de 'dra'i sdug bsngal dpag tu med/ 
/rang bzhin shes nas 'da' ba'i thabs 'tshal lo/ 
/grang bas nyam thag pa yang rnam pa brgyad/ 
/gangs sogs shin tu grang ba'i gnas dag tu/ 
/mun nag bu yug 'tshubs pas sbrebs pa'i lus/ 
/chu bur can dang chu bur rdol ba can/ 
/grang bas so 'thams smre sngags a chu zer/ 
/kyi hud Utpa la ltar gas padma dang/ 
</tib><tib>
/padma che ltar gas pa'i rma nang du/ 
/srog chags mchu rnon 'bar bas za ba ni/ 
/ji srid las mtha' gtugs tshe g.yo bar 'gyur/ 
/tshe yi tshad ni ko sa la yi khal/ 
/bcu tshad nyi shu shong ba'i til rdzang nas/ 
/lo brgyar til gcig phyung bas zad gyur pa/ 
/chu bur can tsho lhag ma nyi shur 'gyur/ 
/sems ldan dag gis sems dmyal 'jig rten las/ 
/rab tu rgyal phyir brtson pa'i stobs skyed cig 
/yi dvags byings mkhar rgyu ba'i byings gnas pa/ 
</tib><tib>
/lus che rkang lag phra zhing lto ba yangs/ 
/mgrin pa phra zhing khab kyi mig tsam kha/ 
/zas skom mi rnyed bkres skom 'bar bas gdungs/ 
/sman shing me tog la sogs mthong bas bskams/ 
/phyi rol yid du mi 'ong ngan skyugs za/ 
/zas skom mthong yang bsrung bar snang ba dang/ 
/nang gi sgrib pas lto bar me 'bar zhing/ 
/kha nas me lce dud par bcas pa 'thul/ 
/spyi mthun sgrib pas dbul phongs 'jigs sngangs 'tshe/ 
/nyam nga'i gnas sa mgon med sdug bsngal nyen/ 
</tib><tib>
/mkha' la rgyu ba'i yi dvags 'dre rnams dang/ 
/gnod sbyin srin po btsan dang rgyal po sogs/ 
/las kyi rdzu 'phrul thogs med kun tu rgyu/ 
/gnod pa sna tshogs mngon par bsgrub pa ste/ 
/nad gtong mdangs 'phrog tshe la bar du gcod/ 
/tshe tshad mi yi zla bar nyin zhag gcig 
/rang lo lnga brgya mi lo khri lnga stong/ 
/gshin rje'i 'jig rten dag tu sdug bsngal lo/ 
/de lta'i rang bzhin skyo ba'i tshul mthong nas/ 
/don mthun skye bos thar pa bsgrub pa'i phyir/ 
</tib><tib>
/srid pa dga' ba'i blo gros rgyang bsrings te/ 
/nges par zhi ba dam pa'i chos bsgrub bo/ 
/dud 'gro byings gnas chu gter bzhi yi khyon/ 
/gcig gis gcig za sdug bsngal dpag tu med/ 
/gling bar mun nag rgya mtshor nags pa yang/ 
/tsha grang bkres skom gcig za'i 'tshe bas 'jigs/ 
/kha 'thor mi yul bya dang ri dvags sogs/ 
/rngon pas gtse zhing rang rang gnod pas nyen/ 
/rta glang rnga mo ra dang bong bu sogs/ 
/bkol spyad rdeg 'tshog sdug bsngal mtha' yas shing/ 
/sha dang pags pa rus pa'i phyir 'chi bas/ 
/rang bzhin sdug bsngal pha mtha' mi mngon zhing/ 
</tib><tib>
/klu rnams nyin mtshan phyed ma'i bde sdug dang/ 
/snga dro phyi dro 'gyur ba'i bde sdug dang/ 
/kha cig gnas su phye tshan char 'bab la/ 
/la la gcig pur grogs bral phongs pas nyen/ 
/phal cher rmongs dang mkha' lding 'jigs la sogs/ 
/sdug bsngal rnam pa sna tshogs du ma ldan/ 
/tshe yang ma nges kha cig nyin re la/ 
/'jog po la sogs bskal par gnas pa'ang gsungs/ 
/'di dag bsams nas byol song 'jig rten las/ 
/thar 'dod rnams kyis phan bde bsgrub pa'i phyir/ 
</tib><tib>
/mngon mtho nges legs lam bzang srol btod la/ 
/nyin mtshan brtson pas dge la gzhol bar mdzod/ 
/mi rnams yang bde ba'i skabs med de/ 
/mya ngan yid mi bde dang 'khrug la sogs/ 
/gcig ma sangs par gcig gis sdug bsngal dang/ 
/zas sogs dug 'dres zos pas 'gyur ba dang/ 
/zas gos spyod lam nyes pas nad sogs su/ 
/phyi ma'i sdug bsngal 'du byed mtshon pa ste/ 
/sdug bsngal nyid gsum dag dang de bzhin du/ 
/skye rga na 'chi mi sdug phrad pa dang/ 
</tib><tib>
/sdug bral 'dod pas phongs dang nye bar len/ 
/rnam pa brgyad kyi sdug bsngal tshad med de/ 
/ma rig rnam shes rlung sems thig ler 'dus/ 
/mer nur ltar mkhrang gor nya rus sbal 'dra/ 
/rim bzhin bdun phrag bdun du chags pa'i lus/ 
/ma yi ngal dub bkres skom tsha grang sogs/ 
/cung zad tsam la'ang sdug bsngal dpag tu med/ 
/mun nag dog cing nyam nga dri mi zhim/ 
/'khums pa'i sdug bsngal mi bzad brnag dgos so/ 
/bdun phrag bdun nas nyi shu rtsa drug par/ 
</tib><tib>
/dbang po yan lag ba spu la sogs 'grub/ 
/bdun phrag sum cu rtsa drug par snyed du/ 
/lus zungs brtas dang cher bskyed g.yo bar byed/ 
/de nas rus pa'i 'khrul 'khor btsir ba'i bar/ 
/las kyi rlung gis mgo mjug slog pas btsa'/ 
/'chi bas nyen pa'i sdug bsngal bsdus 'joms 'dra/ 
/btsas nas reg pas pags pa bshus pa bzhin/ 
/khrus bya sha bur spu gris reg dang mtshungs/ 
/rgas pa'i sdug bsngal shin tu bzod dka' ba/ 
/lang tsho nyams pas kun gyi yid mi 'ong/ 
</tib><tib>
/stod rmad mi theg 'khor ba la brten cing/ 
/lus kyi drod nyams zas kyang 'ju bar dka'/ 
/mthu stobs nyams pas 'gro 'dug bsgul bskyod dka'/ 
/'dod sar mi phyin lhu tshigs rnam par 'gyur/ 
/dbang po nyams pas mig 'grib gzugs mi mthong/ 
/sgra skad mi thos dri ro reg mi tshor/ 
/dran pa mi gsal gti mug gnyid du bying/ 
/yul gyi longs spyod nyams pas yon tan chung/ 
/zas sogs zhim po'ang de las log par snang/ 
/tshe nyams 'chi bas 'jigs dang 'du shes 'khrug 
</tib><tib>
/byis bzhin bzod stobs chung la bsran mi bzod/ 
/snum zad mar me ji bzhin myur du 'gro/ 
/na ba'i sdug bsngal shin tu bzod dka' ba/ 
/lus kyi rang bzhin 'gyur dang yid mi bde/ 
/yul gyi longs spyod yid du mi 'ong zhing/ 
/srog dang bral bar dogs pas mya ngan skye/ 
/sdug bsngal mi bzod smre sngags 'byin par byed/ 
/'chi ba'i sdug bsngal shin tu chen po yang/ 
/zas gos gtam dang mal gyi tha mar nyal/ 
/srog lus 'khor g.yog gnyen 'dun longs spyod 'dor/ 
</tib><tib>
/gcig pu sa tshugs med par 'gro bas 'jigs/ 
/mi sdug pa dang phrad pa'i sdug bsngal yang/ 
/yid du mi 'ong gnod 'tshe'i 'jigs pas nyen/ 
/byams shing sdug pa'i yul dang bral ba yang/ 
/mya ngan smre sngags yid mi bde'i gzhi/ 
/yon tan rjes dran 'dod pas gdung bar byed/ 
/'dod pa rnams kyis phongs pa'i sdug bsngal ni/ 
/don ma grub pas sems kyi zug rngu ldang/ 
/dbul bas nyam thag bkres skom yi dvags 'dra/ 
/gzugs tshor 'du shes 'du byed rnam shes te/ 
</tib><tib>
/nye bar len pa'i phung po lnga po yang/ 
/zag bcas nyid phyir sdug bsngal kun gyi gnas/ 
/rten dang snod dang 'byung khungs lags par gsungs/ 
/de ltar mi yi 'jig rten mtha' dag na'ang/ 
/sdug bsngal rgyu 'bras nyid phyir bde ba med/ 
/de las thar phyir legs pa'i chos bsams te/ 
/'khor ba'i gnas las thar pa'i thabs 'tshal lo/ 
/lha min rnams la'ang bde ba'i skabs med de/ 
/don med 'thab rtsod 'khrug cing zhe sdang la/ 
</tib><tib>
/lha yi dpal la mi bzod phrag dog ldan/ 
/g.yul ngor sdug bsngal brgya phrag brten 'tshal lo/ 
/de bas dge legs zhi ba'i 'gro ba dag 
/myur ba nyid du thar pa'i chos mdzod cig 
/'dod lha'i gnas na'ang sdug bsngal tshad med de/ 
/bag med 'dod pas myos dang 'chi 'pho ltung/ 
/me tog rnying dang stan la nyams mi dga'/ 
/grogs kyis spong dang phyi ma'i gnas la 'jigs/ 
/tshor ba mi bzad lha yi zhags bdun 'byung/ 
/tshangs ris la sogs gzugs khams bsam gtan lha/ 
</tib><tib>
/snga ma'i las zad srid pa 'og mar ltung/ 
/'gyur ba'i sdug bsngal mthong nas sdug bsngal la/ 
/gzugs med zhi gnas las zad tshul mthong nas/ 
/srid pa phyi mar 'du byed sdug bsngal ldan/ 
/mtho ris thob kyang yid brtan mi rung bas/ 
/skal bzang rnams kyis thar pa bsgrub par bya/ 
/'khor ba'i bde la chags pa'i 'gro ba kun/ 
/me yi 'obs su sred pas gdung bar zad/ 
/'di ltar thar pa rang la rag las shing/ 
/thar pa'i thabs ni lha mi'i ston pas gsungs/ 
</tib><tib>
/gzhan gyis glo bur 'byin pa'i skabs med de/ 
/gnyid myos rmi lam lus kyang dgag med bzhin/ 
/gal te nus na bde gshegs sras bcas kyi/ 
/thugs rje'i zer gyis 'khor ba stongs zin nges/ 
/de bas rang nyid brtson pa'i go bgos te/ 
/thar lam 'dzeg la brtson pa'i dus la bab/ 
/grangs med 'das pa'i sangs rgyas de dag gis/ 
/gso pa'i spyod yul ma gyur bdag lta bu/ 
/sdig pa'i rang bzhin srid lam dgon par 'khyams/ 
/sngar bzhin brtson pa med na yod dang yang/ 
</tib><tib>
/'gro drug gnas su sdug bsngal byed 'di soms/ 
/'khor ba'i sdug bsngal mkha' ltar mtha' yas shing/ 
/me ltar mi bzad yul ltar sna tshogs la/ 
/bzod pa'i sems khyod gnas min smad pa'i gnas/ 
/ngo tsha mi shes khrel bag bral ba la/ 
/thugs rje'i go skabs 'jug par ga la 'gyur/ 
/thabs mkhas mdzad pa'i phrin las de yang ni/ 
/gdul bya'i las rkyen dag las 'byung bar gsungs/ 
/de bas rang gi nyes kun shes byas te/ 
/'khor ba'i sdug bsngal snying nas dran byas la/ 
</tib><tib>
/bdag dang 'gro kun srid las thar bya'i phyir/ 
/zhi ba'i lam la yang dag 'dzeg par gyis/ 
/da lta'i sdug bsngal cung zad mi bzod na/ 
/srid pa'i sdug bsngal mi bzad ji ltar bzod/ 
/de ltar bshad kyang cung zad mi skyo pa/ 
/bdag snying lcags kyi gar bu chen po'am/ 
/rdo yi khams bzhin sems pa med par mngon/ 
/'khor ba mi bzad sdug bsngal can phung po/ 
/nyon mongs nye ba'i nyon mongs kun nyon mongs/ 
/rnam pa sna tshogs du ma'i 'byung khungs la/ 
</tib><tib>
/sems shes su zhig srid pa 'phel bar byed/ 
/de bas myur du srid las rgyal bar mdzod/ 
/de ltar bde 'byung chos kyi dga' ston gyis/ 
/grong khyer gsum gyi 'gro ba ji snyed kun/ 
/bde dga'i shas 'tsho sna tshogs sdug bsngal gyis/ 
/dub pa'i sems nyid di ring ngal sos shig 
/rdzogs pa chen po sems nyid ngal gso las/ 
/'khor ba sdug bsngal gyi le'u ste gsum pa'o/ 
</tib>

[[Category:Wylie Texts]][[Category:Sems nyid ngal gso]]

Sems nyid ngal gso - Part three - Revision history

Eric at 11:04, 27 February 2019

Eric at 11:04, 27 February 2019

Eric at 11:04, 27 February 2019

Eric at 11:03, 27 February 2019

Eric at 19:09, 31 August 2006