https://rywikitexts.tsadra.org/index.php?action=history&feed=atom&title=Ngb-pt-0580-vol-06-text 2026-10-19T01:17:59Z Revision history for this page on the wiki MediaWiki 1.43.9 https://rywikitexts.tsadra.org/index.php?title=Ngb-pt-0580-vol-06-text&diff=9463&oldid=prev 2020-03-20T15:43:25Z

<p>Move page script moved page <a href="/index.php//home/ec2-user/Ngb/PT-500-599/ngb-pt-0580-text.docx.wiki" class="mw-redirect" title="/home/ec2-user/Ngb/PT-500-599/ngb-pt-0580-text.docx.wiki">/home/ec2-user/Ngb/PT-500-599/ngb-pt-0580-text.docx.wiki</a> to <a href="/index.php/Ngb-pt-0580-vol-06-text" title="Ngb-pt-0580-vol-06-text">Ngb-pt-0580-vol-06-text</a></p> <table style="background-color: #fff; color: #202122;" data-mw="interface"> <tr class="diff-title" lang="en"> <td colspan="1" style="background-color: #fff; color: #202122; text-align: center;">← Older revision</td> <td colspan="1" style="background-color: #fff; color: #202122; text-align: center;">Revision as of 11:43, 20 March 2020</td> </tr><tr><td colspan="2" class="diff-notice" lang="en"><div class="mw-diff-empty">(No difference)</div> </td></tr></table>

Move page script https://rywikitexts.tsadra.org/index.php?title=Ngb-pt-0580-vol-06-text&diff=7603&oldid=prev 2020-03-20T12:09:04Z

<p></p> <p><b>New page</b></p><div>= Front =<br /> <br /> = Body =<br /> <br /> རྒྱ། རྒྱ་ར་ཉི་ཅ།། །། ཥའཌཉ། རྔུ་ཧྭ་ཏ༷་ཁུ རྒྱ་གར་སྐད་དུ། བྲརྙ་ཀ་ར་ཡ་ཧུ་མ་ན་མ། བོད་སྐད་དུ། སངས་རྒྱས་ཀྱི་ཞལ་ཆེམས་དང་པོ་ཞེས་བྱ་བ། དྲུག་པ་རྡོ་རྗེ་འཆང་ཆེན་ཉིད་ལ་ཕྱག་འཚལ་ལོ། །ཚེ་ལོ་ལྔ་ཁྲི་ཐུབ་པའི་དུས། །འགྲོ་བ་སེམས་ཅན་ཐམས་ཅད་ནི། །སྐྱེ་བ་རྣམ་བཞི་དག་ལས་སྐྱེས། །ཡུལ་ནི་སུམ་ཅུ་རྩ་གསུམ་ཞེས། །དགའ་དང་ལྡན་པའི་ཡུལ་དེ་སྲ །གསོ་བར་བྱེད་པ་སྨན་གྱི་ཚལ། །འཚོ་བྱེད་གཞོན་ནུའི་ལྡུམ་ར་དེར། །ལོངས་སྐུ་རྡོ་རྗེ་འཆང་ཆེན་ང་། །རྡོ་རྗེ་འཆང་དུ་སྐུ་སྤྲུལ་ནས། །སངས་རྒྱས་འོད་སྲུངས་ལ་སོགས་ཏེ། །རབ་ནི་གཉིས་པའི་འཁོར་གྱིས་བསྐོར། །འབྲས་བུ་གསུམ་གྱི་ཟས་ཀྱང་ཟོས། །ཆོས་ནི་ཕ་རོལ་ཕྱིན་པ་སྟེ། །རྒྱས་པ་ལྒབྲུ་གང་རེ་རེ་དང་། །འབྲིང་ནི་སྟོང་ཕྲག་སྟོང་པ་དང་། །ཉི་ཁྲི་དང་ནི་གཉིས་སུ་གསུང་། །ཐ་མ་ཤེས་རབ་ཁྲི་བ་དང་། །སྔགས་ཀྱི་རྒྱུད་སྡེ་མེ་ལྕེ་འཕྲེངས། །སྒོ་ངའི་སྒྲ་ལ་སོགས་པ་དང་། །ཡེ་ཤེས་རྒྱན་གྱིས་བཤད་རྒྱུད་དང་། །ཐིག་ལེ་མཆོག་རྒྱུད་ཀུན་གསལ་དང་། །གསང་སྔགས་རྒྱུད་སྡེ་མང་དུ་གསུངས། །ལྷ་དབང་བརྒྱ་བྱིན་ཁངས་བཟང་གི །ལྷོཡི་ཕྱོགས་སུ་དེ་ལྟར་བཤད། །ལྷ་དབང་བརྒྱ་སྤྱིན་བཙུན་མོ་བཞི། །སུམ་ཅུ་རྩ་གསུམ་སྲས་དང་བཅས། །ཉོན་མོངས་ཟད་པར་བྱ་ཕྱིར་འོང་། །ལོ་ནི་སུམ་ཅུ་རྩ་ལྔ་ལོན། །དེ་ནས་འདའ་བའི་ཚུལ་ཡང་སྟོན། །སྟོང་ཕྲག་བརྒྱད་དུ་ཏིང་འཛིན་སྒོམ། །དེ་དུས་རིགས་འཛིན་དགའ་རབ་རྗེས། །འཚོ་བྱེད་གཞོན་ནུའི་ལྡུམ་རར་རྒྱས། །གདུང་བའི་ཤུགས་ཀྱིས་མཆི་མ་ཕྱུང་། །ཀྱེ་མ་ཀྱེ་ཧུད་ཀྱེ་མ་ཀླུང་། །སྟོན་པ་སྒྲོན་མའི་འོད་ནུབ་ནས། །སེམས་ཅན་མུན་པ་གང་གིས་སེལ། །དེ་ལྟར་སྨྲེ་སྔགས་བརྒྱལ་སངས་ནས། །ནམ་མཁའི་དབྱིངས་སུ་ཡར་བལྟས་པས། །འོད་ཟེར་འཇའ་ཚོན་འཁྲུག་པའི་ནང་། །སྟོན་པ་དྲུག་པ་རྡོ་རྗེ་འཆང་། །ཕྱག་གཡས་གྲུབ་ལོ་ཡར་བྱུང་ནས། །རིན་ཆེན་ཤེལ་གྱི་ཟ་མ་ཏོག །སེན་གང་བ་ཅིག་མར་ལ་བོར། །བདག་གིས་ལག་གཡོན་ཡར་བརྐྱང་བས། །གླེགས་བམ་ལག་མཐིལ་གཡོན་དུ་བབས། །དེ་ཉིད་ཞལ་ཕྱེས་ལྟས་པའི། །མཐིང་གི་ཤུག་གུ་མཐིང་ཁ་ལ། །སྟི་དུར་ཞུན་མས་བྲིས་པ་སྣང་། །མཐོང་བས་དགའ་རབ་རང་རྒྱུད་གྲོལ། །དེ་ཡི་ཞལ་ཆེམས་འདི་ལྟར་རོ། །ཀྱེ་མ་ཀྱེ་མ་རིགས་ཀྱི་བུ། །གསང་སྔགས་གསང་བའི་གནད་རྣམས་ཀུན། །གཅིག་ཏུ་དྲིལ་ལ་ཉམས་སུ་ལོང་། །ལུས་ངག་ཡིད་ཀྱི་སྔོན་འགྲོ་ནི། །མི་རྟག་སྙིང་རྗེས་བྱང་སེམས་བསྒོམ། །དབེན་ཞིང་ཉམས་དགའ་གནས་ཉིད་བརྟེན། །ཆོས་དང་མཐུན་པའི་མཆེད་གྲོགས་ཚོལ། ཁམས་ཀྱི་བརྟན་པོ་ཡོ་བྱད་བསར། །སྐུ་གསུམ་རྟེན་གྱི་མཆོད་པ་ཤིས། །ལུས་ནི་མ་བཅོས་གང་བདེར་འདུག །ངག་ནི་འཆལ་པའི་ལོ་བྱུང་ཡང་། །སེམས་རྟོག་སྔ་ཕྱི་བར་གསུམ་ཆོད། །འདི་ནི་ཞེན་ལོག་དྲག་པོ་བསྒོམ། །དགེ་མེད་རྒྱུད་ལ་ཡང་ཡང་ཁོལ། །ལུས་ངག་ཡིད་གསུམ་རང་སོར་གློད། །དེ་ནས་དོན་དམ་སེམས་སྐྱེད་ནི། །སྟོང་གསལ་སྙིང་རྗེས་བདག་མེད་བསྒོམ། །ལུས་འདི་དམིགས་རྒྱུས་བསྐྱེད་པའི་ཕྱིར། །རིགས་དྲུག་ས་བོན་ཉིད་དུ་གནས། །རིག་པ་སྐུ་གསུམ་དངོས་ཡིན་ཕྱིར། །སྐུ་གསུམ་ཡི་གེ་གསུམ་དུ་གནས། །ཡེ་ཤེས་རྩལ་སྦྱང་རུ་ཤན་དབྱེ། །དབྱེ་བ་རྣམ་པ་གཉིས་ཡིན་ཏེ། །ཐོག་མར་ཐ་མལ་པ་ཡིས་ལུས། །མཛོད་སྐྲུ་མགྲིན་པ་སྙིང་ཁ་དང་། །ལྟེ་བ་གསང་གནས་རྐང་མཐིལ་དུ། །ཨ་དཀར་ཏི་མཐིང་དྲི་ལྗང་དང་། །བྲེ་སེར་སྲེ་དམར་དུ་ནག་སྒོམ། །སྐུ་གསུང་ཐུགས་ལ་འབྲུ་གསུམ་ནི། །དཀར་དམར་མཐིང་ལ་མེ་འབར་བས། །རིགས་དྲུག་ས་བོན་སྲེག་པར་བསྒོམ། །ཨོ་ཨུ༷༷ཧུ༷་གསུམ་ལ་བདུན་འབུམ་བསྐྱལ། །དེས་ནི་ངན་སོང་རྡོག་པས་ནོན། །གཉིས་པ་བདག་གི་རྡོར་སེམས་ཀྱིས། །སྐུ་གསུང་ཐུགས་ཡིག་འཁོར་ལོ་བསྒོམ། །གསུམ་པ་སྤྱན་འདྲེན་མཆོད་པ་འབུལ། །བཞི་པ་ཀུན་རྫོབ་ལས་རིམ་བསྒོམ། །སྨོན་འཇུག་གཉིས་ལ་འབད་པར་བྱ། །ཚོགས་གཉིས་རྫོགས་ཕྱིར་མཎྜལ་ཕུལ། །བྱིན་རླབས་འབྱུང་ཕྱིར་གསོལ་བ་བཏབ། །ལུས་སྒྲིབ་བྱང་ཕྱིར་ཕྱག་བསྐོར་བྱ། །ངག་སྒྲིབ་སྦྱང་ཕྱིར་ཡིག་བརྒྱ་བཟླས། །མདོ་དང་བསྔོ་བ་སྨོན་ལམ་བཏབ། །ཉིན་མཚན་ཆོས་ཀྱི་འཁོར་ལོ་བསྐོར། །མགྲོན་རིགས་བཞི་ལ་ལོངས་སྤྱོད་འབུལ། །དེ་ལྟར་སྔོན་འགྲོ་རྫོགས་བྱས་ནས། །སྤྲོས་བཅས་ལ་སོགས་དབང་རྣམས་2 སྔ་་ཨུར་སྐྱུ།ད་འབུམ་རིན་ངོ།་ཆེ་སྦྱུ་གས་བསྒྲིགས་ལས་མིའི་མ་ན་ཇོ།།༠། ༠་ ་ སྤྱི་ཁྱབ་བསྡུ་སྒྲིག་འགན་ཁུར་པ་གཙོ་བོ་གཟན་དཀར་ཐུབ་བསྟན་ཉི་མ་དང་། མཁན་པོ་འགྲོ་འདུལ་རྡོ་རྗེ། བསྡུ་སྒྲིག་འགན་ཁུར་བ་གཞོན་པ་དང་། གཙོ་སྒྲིག་པ། ཀརྨ་བདེ་ལེགས།1 གཙོ་སྒྲིག་གཤོན་པ། ཐུབ་བསྟན་ཉི་མ། བསྟན་འཛིན་བློ་གྲོས། ཟླ་བ་བསྟན་འཛིན། ཐུབ་བསྟན་འོད་ཟེར། དཔྱིད་ས་དཔལ་བཟང་། བློ་བཟང་ཆོས་འཕེལ། དཀོན་མཆོག་བསམ་གཏན། ཕུར་པ་ཕྲིན་ལས། ཞུ་དག་པ། པདྨ་རྡོ་རྗེ། འཇམ་དབྱངས། ཚེ་རྡོར། རིག་འཛིན་མགོན་པོ། འངམ་དབྱངས་ཕྱག་རྡོར་སོགས་བླ་རུང་ནང་བསྟན་གློབ་གླིང་གི་མཁན་པོ་དང་གྲྭ་བཙུན་རྣམས་དང་།བསྟན་འཛིན་རབ་རྒྱས། གྲགས་པ་མཐར་ཕྱིན། རྡོ་རྗེ་ཚེ་དབང་། འངམ་དབྱངས་ཚེ་འཕེལ་སོགས་དཔལ་ཡུལ་བཤད་གྲྭའི་སློབ་དཔོན་དང་སྐྱོར་དཔོན་གྲྭ་བཙུན་རྣམས།0་ ་་ ་ གློག་ཀླད་ལག་རྩལ་པ། སྐལ་བཟང་ལྷ་མོ། ཞེ་སྐྱིད། བྱམས་པ་ཆོས་སྒྲོན། པད་དབྱངས། ཡེ་ཤེས། ཆོས་འཛོམ། བསྟན་འཛིན། བསོད་ནམས་ཚེ་སྒྲོན་སོགས།<br /> <br /> [[Category:རྙིང་མ་རྒྱུད་འབུམ།]] [[Category:རྙིང་མ་རྒྱུད་འབུམ། Vol 06]]</div>

Maintenance script