https://rywikitexts.tsadra.org/index.php?action=history&feed=atom&title=Ngb-pt-0399-vol-04-text 2026-10-15T23:02:55Z Revision history for this page on the wiki MediaWiki 1.43.9 https://rywikitexts.tsadra.org/index.php?title=Ngb-pt-0399-vol-04-text&diff=9101&oldid=prev 2020-03-20T15:38:37Z

<p>Move page script moved page <a href="/index.php//home/ec2-user/Ngb/PT-300-399/ngb-pt-0399-text.docx.wiki" class="mw-redirect" title="/home/ec2-user/Ngb/PT-300-399/ngb-pt-0399-text.docx.wiki">/home/ec2-user/Ngb/PT-300-399/ngb-pt-0399-text.docx.wiki</a> to <a href="/index.php/Ngb-pt-0399-vol-04-text" title="Ngb-pt-0399-vol-04-text">Ngb-pt-0399-vol-04-text</a></p> <table style="background-color: #fff; color: #202122;" data-mw="interface"> <col class="diff-marker" /> <col class="diff-content" /> <col class="diff-marker" /> <col class="diff-content" /> <tr class="diff-title" lang="en"> <td colspan="2" style="background-color: #fff; color: #202122; text-align: center;">← Older revision</td> <td colspan="2" style="background-color: #fff; color: #202122; text-align: center;">Revision as of 11:38, 20 March 2020</td> </tr><tr><td colspan="4" class="diff-notice" lang="en"><div class="mw-diff-empty">(No difference)</div> </td></tr> <!-- diff cache key wiki-ryt_:diff:1.41:old-7422:rev-9101 --> </table>

Move page script https://rywikitexts.tsadra.org/index.php?title=Ngb-pt-0399-vol-04-text&diff=7422&oldid=prev 2020-03-20T10:55:29Z

<p></p> <p><b>New page</b></p><div>= Front =<br /> <br /> = Body =<br /> <br /> དེས་སྲས་ཡེ་ཤེས་སེང་གེ་ལ་གཏད། དེས་རྗོག་སྟོན་འོད་འབར་ལ་གཏད། དེས་རོང་པ་གནུབས་ཆུང་བ་དང་། ཉང་བན་རིན་ཆེན་གཙུག་ཏོར་ལ་གཏད་པའོ།། །། རྒྱ་གར་སྐད་དུ། སརྙི་མ་ཧྭ་ས་མརྙ་བྷ་དྲ་ཙི་ཏ་གུ་རྒྱ་ནཱ་མ་ཏནྟྲ། བོད་སྐད་དུ། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ཕྱི་མའི་ཕྱི་མ་ཞེས་བྱ་བ། བཅོམ་ལྡན་འདས་རྡོ་རྗེ་འཆང་སངས་རྒྱས་ཀུན་ཏུ་བཟང་པོ་ལ་ཕྱག་འཚལ་ལོ། །དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་སྟོང་གསལ་ཆེན་པོའི་ཏིང་ངེ་འཛིན་ལ་ཞུགས་ནས། རྡོ་རྗེ་སེམས་དཔའ་ལ་སོགས་པའི་འཁོར་རྣམས་ལ་བཀའ་སྩལ་པ། ཀྱེ་མ་ཧོ། །ཉོན་ཅིག་རྡོ་རྗེ་འཛིན་ཚོགས་རྣམས། །རིག་པ་སྟོང་གསལ་རྟོགས་འདོད་ན། །དང་པོ་སེམས་ཉིད་གཟུང་བ་དང་། །དེ་ནས་ལམ་དུ་བླང་བར་བྱ། །ཞེས་བཀའ་སྩལ་ཏོ། །དེ་ནས་རྡོ་རྗེ་སེམས་དཔས་གསོལ་པ། །ཀྱེ་ཀྱེ་བཅོམ་ལྡན་རྡོ་རྗེ་འཆང་། །རིག་པ་སྟོང་གསལ་རྟོགས་པ་ཡི། །སེམས་གཟུང་ལམ་དུ་བླང་བ་ནི། །དེ་དོན་རིམ་པ་ཇི་ལྟར་ལགས། །དེ་སྐད་གསོལ་བའི་ཚིག་གསན་ནས། །རྡོ་རྗེ་འཆང་གིས་བཀའ་སྩལ་པ། །སེམས་གཟུང་རིམ་པ་འདི་ལྟ་སྟེ། །མཐོ་དང་རི་མོ་འཇམ་རླུད་དང་། །ཐིག་ལེ་གདུགས་དང་འཁོར་ལོ་དང་། །ཡིག་འབྲུ་དང་ནི་ཤེས་རབ་མ། །སློབ་དཔོན་དྲག་ཤུལ་ནམ་མཁའོ། །ཞེས་གསུངས་སོ། ཁུད་ཕྱི་མའི་ཕྱི་མ་ལས་ལེའུ་སྟེ་དང་པོའོ།། །།དེ་ནས་གཞན་ཡང་བཀའ་སྩལ་པ། །དང་པོ་མཐོ་ལ་གཟུང་བ་ནི། །མདུན་དུ་རྩིག་པ་ལ་གཏད་དེ་གཟུང་། རི་མོ་དག་ལ་གཟུང་བ་ནི། །རི་མོའི་ནང་དུ་གཟུང་བར་བྱ། །འཇམ་རླུད་དག་ལ་གཟུང་བ་ནི། །སྟེང་འོག་བར་རླུད་རང་སར་གཟུང་། །ཐིག་ལེ་དག་ལ་གཟུང་བ་ནི། །སྨིན་མཚམས་དག་གམ་སྣ་རྩེ་སྲ །ཐིག་ལེ་དག་ལ་གཏད་ལ་གཟུང་། །དེ་བཞིན་གཟུགས་ལ་གཟུང་བ་ནི། །རྒྱ་གདུགས་སྟེང་ན་བདག་ཉིད་འདུག །དེ་ཉིད་འཁོར་བ་དག་ལ་གཟུང་། །འཁོར་ལོ་དག་ལ་གཟུང་བ་ནི། ་༑ག་བུའི་འཁོར་ལོ་བླ་མས་གཟུང་། །སྣ་རུ་བདུག་པ་རྣ་བར་སྒྲ། །མ་ཡེངས་གཏད་ལ་གཟུང་བར་བྱ། །ཡིག་འབྲུ་དག་ལ་གཟུང་བ་ནི། །སེམས་ཀྱི་གནས་ས་གཞི་རུ་ཡང་། །ཨ་སོགས་ཡིག་འབྲུ་དག་ལ་གཟུང་། ཁྲེས་རབ་མ་ལ་གཟུང་བ་ནི། །མཁའ་གསང་བརླབ་ཅིང་དབང་པོ་སྤྲད། །ཐིག་ལེ་གཉིས་ཤོར་གཉིས་ལ་གཟུང་། །སློབ་དཔོན་དག་ལ་གཟུང་བ་ནི། །སྤྱི་བོའི་གཙུག་ཏུ་བསམ་ལ་གཟུང་། །དྲག་རླུ་་དག་ལ་གཟུང་བ་ནི། ཁྲེས་པའི་འགྲེང་ལྡོག་བྱས་ལ་གཟུང་། །ནམ་མཁའ་དག་ལ་གཟུང་བ་ནི། ཁྲུ་གང་དཔངས་ལ་གཏད་དེ་གཟུང་། །ཞེས་གསུངས་སོ། ཁུད་ཕྱི་མའི་ཕྱི་མ་ལས་ལེའུ་སྟེ་གཉིས་པའོ།། །།དེ་ནས་ཡང་ནི་བཀའ་སྩལ་པ། །ཉོན་ཅིག་རྡོ་རྗེ་སེམས་དཔའ་རྣམས། །སེམས་འཛིན་པ་ཡི་དུས་ཉིད་དུ། །ཡོན་ཏན་སྐྱོན་དུ་སྣང་བའི་ཕྱིར། །སྐྱོན་རྣམས་བཅོས་པ་འདི་ལྟར་བྱ། །རླུད་སྐྱེས་པར་ནི་གྱུར་པ་ལ། །ཤེས་པ་རྒོད་ཅིང་གཉིད་མི་ཕེབས། །དེ་ལ་བསྐུ་མཉེ་བཅུད་ཅན་བརྟེན། །མཁྲིས་པ་བསྐྱེས་པར་གྱུར་པ་ན། །སེར་པོ་དམར་པོར་སྣང་བ་དང་། །བད་ཀན་སྐྱེས་ན་སྤོ་འཁྲོག་བྱེད། །དེ་དག་མི་བདེ་གྱུར་པ་ན། ཁ་ཟས་བསིལ་བཏང་བཅོས་པར་བྱ། །སེམས་འཛིན་པ་ཡི་དུས་ཉིད་དུ། །གཡེང་བ་འབྲེལ་བསྒྱུངས་ཐག་བཅད་ལ། །བདེ་བའི་སྟན་ལ་འདུག་ནས་ནི། །དྲག་ཏུ་མ་ཡེངས་གཟུང་བར་བྱ། །སེམས་མ་ཟིན་པའི་བར་དུ་ཡང་། །མཚན་མ་ཁ་ཐོན་སེམས་འཛིན་དང་། །སེམས་ལས་རྒྱུ་འགྲུལ་བཅད་དེ་སྤངས། །དེ་ནས་སེམས་འཛིན་བརྟན་པ་དང་། །རིག་པ་སྟོང་གསལ་ལྟ་བ་སྟེ། །དེ་ཡི་ངང་ལ་བསྒོམ་པར་བྱ། །དེ་ལས་འབྲས་བུ་སྐུ་དང་ནི། །ཡེ་ཤེས་དག་ཏུ་སྣང་བ་སྟེ། །རང་དོན་ཆོས་སྐུར་ནོར་སོང་ནས། །འགྲོ་དོན་གཟུགས་སྐུ་གཉིས་ཀྱིས་བྱེད། །དེ་ནི་ལམ་དུ་བསླང་བའི་དོན། །ཞེས་གསུངས་སོ། །རྒྱུད་ཕྱི་མའི་ཕྱི་མ་ལས་ལེའུ་སྟེ་གསུམ་པའོ།། །།དེ་ནས་དཔལ་ཀུན་ཏུ་བཟང་པོ་ཆོས་ཀྱི་སྐུ་དེས། རྡོ་རྗེ་སེམས་དཔའ་ལ་སོགས་པའི་འཁོར་རྣམས་ལ་བཀའ་སྩལ་པ། རྒྱུད་འདི་ནི་མ་ཚང་བ་ཁ་སྐོང་བ་ཕྱི་མའི་ཕྱི་མ་ཞེས་བྱ་བ་ཡིན་ཏེ། འཁོར་བ་ཐམས་ཅད་མྱང་འདས་ལས་བསྒྲལ་ཞིང་སྐུ་དང་ཡེ་ཤེས་སུ་ལ་བཟླ་བའི་ཕྱིར་ཤིན་ཏུ་གཅེས་སྤྲས་ཀྱིས་གཟུང་ཞིང་བཅང་པར་བྱའོ། །ཞེས་བཀའ་སྩལ་པ་དང་། འཁོར་རྣམས་ཡི་རངས་ཏེ། སྟོང་གསལ་ཆེན་པོའི་ངང་དུ་སངས་རྒྱས་པར་གྱུར་ཏོ། །རྒྱུད་ཕྱི་མའི་ཕྱི་མ་ལས་ལེའུ་སྟེ་བཞི་པའོ།། །།རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ཕྱི་མའི་ཕྱི་མ་ཞེས་བྱ་བ་རྫོགས་སོ།། །།རྒྱ་གར་གྱི་སློབ་དཔོན་ཤི་སིདྷ་པྲ་བྷ་ཏྭ་དང་། བོད་ཀྱི་ལོ་ཙྭ་བ་གནུབས་ཡང་དབང་གཏེར་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།རྒྱུད་འདི་ཡང་དབེན་དུ་མ་ཧྭ་ཀྭ་ལ་བཀའ་བསྲུང་གཏད་དེ། སྦས་ནས་ཡོན་ཏན་རྒྱ་མཚོ་སྐྱེ་བ་བདུན་པ་གཅིག་དང་འཕྲད་དེ། བསྟན་པའི་སྙིང་པོ་འཇུག་པར་གྱུར་ཅིག། །།རྒྱ་གར་སྐད་དུ། སེརྙི་མ་ཧྭ་ས་མརྙ་བྷ་དྲ་ཙྭ་ན་པ་ཏི་གུ་རྒྱ་ནཱ་མ་ཏནྟྲ། བོད་སྐད་དུ། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ཕྱི་མའི་ཕྱི་མ་ཞེས་བྱ་བ། བཅོམ་ལྡན་འདས་རྡོ་<br /> <br /> [[Category:རྙིང་མ་རྒྱུད་འབུམ།]] [[Category:རྙིང་མ་རྒྱུད་འབུམ། Vol 04]]</div>

Maintenance script