https://rywikitexts.tsadra.org/index.php?action=history&feed=atom&title=%E0%BD%A0%E0%BD%87%E0%BD%B2%E0%BD%82%E0%BC%8B%E0%BD%A2%E0%BE%9F%E0%BD%BA%E0%BD%93%E0%BC%8B%E0%BD%82%E0%BD%A6%E0%BD%B4%E0%BD%98%E0%BC%8B%E0%BD%94%E0%BD%BC%E0%BC%8B%E0%BD%91%E0%BD%96%E0%BD%84%E0%BC%8B%E0%BD%91%E0%BD%B4%E0%BC%8B%E0%BD%96%E0%BE%B1%E0%BD%BA%E0%BD%91%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A0%E0%BD%87%E0%BD%B2%E0%BD%82%E0%BC%8B%E0%BD%A2%E0%BE%9F%E0%BD%BA%E0%BD%93%E0%BC%8B%E0%BD%91%E0%BD%96%E0%BD%84%E0%BC%8B%E0%BD%95%E0%BE%B1%E0%BD%B4%E0%BD%82%E0%BC%8B%E0%BD%82%E0%BD%B2%E0%BC%8B%E0%BD%A6%E0%BE%92%E0%BE%B2%E0%BD%B4%E0%BD%96%E0%BC%8B%E0%BD%90%E0%BD%96%E0%BD%A6%E0%BC%8D_%E0%BC%8D 2026-10-19T04:34:55Z Revision history for this page on the wiki MediaWiki 1.43.9 https://rywikitexts.tsadra.org/index.php?title=%E0%BD%A0%E0%BD%87%E0%BD%B2%E0%BD%82%E0%BC%8B%E0%BD%A2%E0%BE%9F%E0%BD%BA%E0%BD%93%E0%BC%8B%E0%BD%82%E0%BD%A6%E0%BD%B4%E0%BD%98%E0%BC%8B%E0%BD%94%E0%BD%BC%E0%BC%8B%E0%BD%91%E0%BD%96%E0%BD%84%E0%BC%8B%E0%BD%91%E0%BD%B4%E0%BC%8B%E0%BD%96%E0%BE%B1%E0%BD%BA%E0%BD%91%E0%BC%8B%E0%BD%94%E0%BD%A0%E0%BD%B2%E0%BC%8B%E0%BD%A0%E0%BD%87%E0%BD%B2%E0%BD%82%E0%BC%8B%E0%BD%A2%E0%BE%9F%E0%BD%BA%E0%BD%93%E0%BC%8B%E0%BD%91%E0%BD%96%E0%BD%84%E0%BC%8B%E0%BD%95%E0%BE%B1%E0%BD%B4%E0%BD%82%E0%BC%8B%E0%BD%82%E0%BD%B2%E0%BC%8B%E0%BD%A6%E0%BE%92%E0%BE%B2%E0%BD%B4%E0%BD%96%E0%BC%8B%E0%BD%90%E0%BD%96%E0%BD%A6%E0%BC%8D_%E0%BC%8D&diff=2506&oldid=prev 2019-02-27T14:17:09Z

<p>Created page with &quot;&lt;span class=TibUni14&gt;རྒྱ་གར་སྐད་དུ། ཏྲཻ་ལོཀྱ་བ་ཤཾ་ཀ་ར་ལོ་ཀེ་ཤྭ་ར་སཱ་དྷ་ནཾ...&quot;</p> <p><b>New page</b></p><div>&lt;span class=TibUni14&gt;རྒྱ་གར་སྐད་དུ། ཏྲཻ་ལོཀྱ་བ་ཤཾ་ཀ་ར་ལོ་ཀེ་ཤྭ་ར་སཱ་དྷ་ནཾ། བོད་སྐད་དུ། འཇིག་རྟེན་གསུམ་པོ་དབང་དུ་བྱེད་པའི་འཇིག་རྟེན་དབང་ཕྱུག་གི་སྒྲུབ་ཐབས། <br /> &lt;/span&gt;<br /> <br /> &lt;span class=TibUni14&gt;འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །དང་པོ་རེ་ཞིག་ཡིད་དང་མཐུན་པའི་གནས་སུ་རས་རིས་བཀྲམ་སྟེ། དེའི་མདུན་དུ་དབང་ཆེན་གྱི་དཀྱིལ་འཁོར་གྱི་དབུས་སུ་གུར་གུམ་གྱིས་ཟླ་བའི་དཀྱིལ་འཁོར་བྱ་སྟེ། ཨོཾ་བཛྲ་རེ་ཁེ་ཧཱུྃ་ཞེས་པའི་སྔགས་འདིས་སོ། །དེ་ནས་ཛཿཧཱུྃ་བཾ་པདྨ་སྡྱ་ཧོཿ ཞེས་པའི་སྔགས་ཀྱིས་མཎྜལ་གྱི་དབུས་སུ་འཇིག་རྟེན་གསུམ་པོ་དབང་དུ་་བྱེད་པའི་རྗེ་བཙུན་བཞུགས་ནས་སྔགས་འདིས་མཆོད་པར་བྱའོ། །ཨོཾ་ཏྲཻ་ལོཀྱ་བ་ཤཾ་ཀ་རཱ་ཡ་བཛྲ་པུཥྤེ་ཧཱུཾ་པྲ་ཏཱིཙྪ་སྭཱ་ཧཱ། དེ་ནས་ཨོཾ་མུ་ནི་བཛྲེ་མུཿ ཞེས་པས་གཤེགས་སུ་གསོལ། རང་གི་སྙིང་གར་ཨཾ་ཡིག་དམར་པོ་རྣམ་པར་བསམས་ཏེ། དེ་ཡོངས་སུ་གྱུར་པ་ལས་ཉི་མའི་སྟེང་དུ་ཧྲཱིཿཡིག་དམར་པོ་དེའི་འོད་ཟེར་གྱིས་དེ་བཞིན་གཤེགས་པ་འོད་དཔག་ཏུ་མེད་པ་གདན་དྲངས་ལ་ཡང་དག་པར་མཆོད་ནས་སྡིག་པ་བཤགས་པ་ལ་སོགས་པ་བྱས་ནས། ཡང་འཇིག་རྟེན་གསུམ་པོ་དབང་དུ་བྱེད་པའི་འོད་ཟེར་གྱི་རྣམ་པས་རང་གི་ས་བོན་ལ་རབ་ཏུ་ཞུགས་ཏེ། དེ་ཡོངས་སུ་གྱུར་པ་ལས་སྐད་ཅིག་གིས་འཇིག་རྟེན་དབང་ཕྱུག་ཡན་ལག་ཐམས་ཅད་ཆགས་པ་ཆེན་པོས་དམར་ཞིང་ཞལ་གཅིག་ཕྱག་གཉིས་པ། སྤྱན་གསུམ་པ། རལ་པའི་ཅོད་པཎ་གྱིས་བརྒྱན་པ། རྡོ་རྗེས་མཚན་པའི་ཞགས་པ་དང་། ལྕགས་ཀྱུ་ཕྱག་ན་བསྣམས་པ། པདྨ་དམར་པོ་ལ་རྡོ་རྗེ་སྐྱིལ་ཀྲུང་གིས་བཞུགས་པ། མཛེས་པའི་རྒྱན་དང་གོས་རྣམས་ཀྱིས་བརྒྱན་པའི་བདག་ཉིད་རྣམ་པར་བསམས་ཏེ། ས་གསུམ་པོ་ལུག་གཉིས་ལ་གནས་པ་རྡོ་རྗེ་ཞགས་པའི་སྟེང་ན་བཞུགས་པ། སྣ་ཚོགས་པའི་སྤྲུལ་པ་འཛིན་ཅིང་སངས་རྒྱས་དང་བྱང་ཆུབ་སེམས་དཔའ་དང་རྡོ་རྗེ་རྣལ་འབྱོར་མ་དང་ལྷ་ལ་སོགས་པ་རྣམས་ཀྱིས་དབང་བསྐུར་བར་བསྒོམ་ཞིང་སྤྱི་བོར་འོད་དཔག་ཏུ་མེད་པ་བསམ་པར་བྱའོ། །དེ་ནས་སྙིང་གར་ཉི་མ་ལ་ཧྲཱིཾ་ཧཱུཾ་ཡཾ་ཞེས་པའི་ཡི་གེ་གསུམ་གྱི་སྔགས་བཟླས་ཤིང་བསྒོམས་ནས། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཨོཾ་བཛྲ་ཨཱཏྨ་ཀོ་ཀཱཿསརྦ་དྷརྨཱ་བཛྲ་ཨཱཏྨ་ཀོ྅ཧཾ་ཞེས་པའི་རྡོ་རྗེའི་བདག་ཉིད་ཀྱི་སྔགས་གཉིས་པོ་བརྗོད་པར་བྱའོ། །དེ་བཞིན་དུ་གོམས་པས་འདར་བ་དང་གཡོ་བ་ལ་སོགས་པའི་ཡོན་ཏན་སྐྱེ་བར་འགྱུར་རོ། །དེ་ནས་ཨོཾ་ཧྲཱིཿཨ་ཧཱུྃ་ཧཱ་རི་ཏི་ཡཀྵེ་ཤྭ་རཱི་སྭཱ་ཧཱ། ཞེས་པས་ཆང་བུ་སྦྱིན་པར་བྱའོ། །ཨོཾ་ཨཱཾ་ཀྲོཾ་ཧྲཱི་ས་ཀ་ལ་ག་ན་བཱི་རེ་ཤྭ་རཱི་ཎཱཾ་པ་རི་ཀ་རཻ། ཨ་ཨ་ཨ་བ་ཏ་ར། ཨ་བ་ཏ་རན་ཏུ་ད་ཤ་དི་ག་ལོ་ཀ་པཱ་ལ་ཨི་དཾ་བ་ལིཾ་གྲྀཧྞ་གྲྀཧྞ་ཧཱུྃ་ཕཊ་སྭཱ་ཧཱ། ཞེས་པས་གཏོར་མ་དབུལ་ཞིང་ལྷའི་རྣལ་འབྱོར་གྱིས་གནས་པར་བྱའོ། །ཨོ་ཌི་ཡཱ་ན་རིམ་པའི་འཇིག་རྟེན་གསུམ་པོ་དབང་དུ་བྱེད་པའི་འཇིག་རྟེན་དབང་ཕྱུག་གི་སྒྲུབ་ཐབས་ས་ར་ཧའི་ཞབས་ཀྱིས་མཛད་པ་རྫོགས་སོ།། །།&lt;/span&gt;<br /> <br /> <br /> [[Category:Saraha]]</div>

Eric