Ngb-pt-0974-vol-10-text
Front
Body
རྒྱལ་རྣམས་ཡེ་ཤེས་གཟུགས་ཀྱི་འཇོ་སྒག་ངོ་མཚར་གྲུབ་པའི་ཞལ་སྐྱིན་ཅན། །འབར་དང་འཇམ་རྒྱས་ཆགས་པའི་བརྟུལ་བཞུགས་ཤིན་ཏུ་ཤུགས་དྲག་ཐུགས་རྗེའི་བྱིན། །འདྲེན་་འ་་ངཛིང་ཁྱེངང་ང་འཙུཛངརྟེངཔ་སྟང་ག་དབུས་ན་མངན་མཐ་ལྷུན་གྲུབ་རག་འ ན་པདྨའ་ཞབས། །གྲང་ ར་གསུམ་གྱ་འཇགས་པ་འཕྲག་ཀྱན་གངས་ཅན་བསྟན་འགྲའ་ག ག་ན་མ ས། །གང་ཞག་ ན་ཅང་་་ངང་་་་མེ་་ངངངང་་་ངངའ་་་ང་འབྲལ་འབྱུང་ཆས་ན་གཅག་དང་དུ་མར་ཡང་ཡ་མ་བཟུང་དངས་དང་དངས་ ད་ང་བ་ཉད། །མཁས་བཞན་ཤན་ཏུ་རྣམ་པར་མ་རྟག་ས་སར་རང་ག་རག་བྱ་ཉད་ད་སྤྲས་པ་ཉར་ཞ་ཆས་ཀྱི་སྐུ། །མཐའ་གཉིས་དགྲ་བཅོམ་ངེས་པ་ལྔ་ཡི་ཆོས་ཀྱི་རྒྱལ་སྲིད་ཆེན་པོས་འེབྱོར་པ་ཁ་སྦྱོར་བདུན་ལྡན་ལོངས་སྤྱོད་རྫོགས། །མ་ལུས་མི་ལུས་ལུས་པ་མེད་གང་རྣམ་བྱང་སླད་དུ་སྣ་ཚོང་་་ཚམེངཚོངང་ཚ་ང་ཚངང་་ང གས་སྤྲུལ་པའ་རྗས་སུ་སན་པ་དར་ཕྱག་འ ལ། །གྲངས་ ད་གསུམ་གྱ་ གས་གཉས་པར་རྩས་མ ན་དཔའ་ང་མ ར་བྲས་པའ་གཏམ། །བླ་མཆག་རྣམས་ཀྱ་ཁྱད་པར་ངམེང་ངང་་མེང་་ངཞིང་ངཆེམ་ཡན་ཐུག་མཐའ་ ད་པའ་ཆས་ཉད་ནས། །རྣམ་པ་ཀུན་གྱ་མཆག་ལྡན་གང་ལས་གཞན་ཡང་འཕ་ ད་ཤཱཀྱའ་ཏག །བྱ་བ་ཕྲག་བརྒྱའ་ ང་ག་འགྲར་སྣང་རན་ ན་རྣམ་གསུམ་གཙུག་ན་སྤྱོན། །འཁོར་བ་མྱང་འདས་ཀ་ནས་རྣམ་དག་སྟོང་ཆེན་ཡེ་ཤེས་ཕྱག་རྒྱའི་དངོས། །ལྷུན་གྲུབ་མཚན་དཔེར་མངའ་དབང་རྫོགས་བའི་དང་པོའི་སངས་རྒྱས་ཀུན་ཏུ་བཟང་། །གང་ལས་དུ་མར་མ་ཕྱེ་མི་འབྱེད་རིགས་བརྒྱ་རིགས་ལྔ་རིགས་ཀུན་བདག །ཞི་དང་ཁྲོ་བོའི་རྣམ་འགྱུར་མཐའ་ཀླས་ཚོམ་བུའི་འཁོར་ལོ་ལ་ཕྱག་འཚལ། །ཚིག་དང་ཡི་གེའི་སྤྲོས་པ་ཀུན་བྲལ་རྒྱལ་ཐབས་སྤྱི་བླུགས་རིག་པའི་དབང་། །གསང་བདག་དཔའ་བོའི་བྱིན་གྱིས་ཐོབ་ལས་སྡེ་གསུམ་འབུམ་ཕྲག་དྲུག་ཅུའི་མཛོད། །ཐུགས་ཀྱི་དཔལ་བེའུ་བཅུད་དུ་འདྲིལ་ལས་ཐེག་མཆོག་སྟོན་པ་དགའ་རབ་རྗེ། །འདས་རྗེས་ཐོབ་པའི་པཎ་གྲུབ་རྣམ་གསུམ་གཙུག་ཏོར་ཛ་ལརྒྱ་རའི་ཏོག །རྒྱལ་རིགས་གང་ཟག་འབབ་ལྡན་སླུང་ལ་བསྟན་པའི་ཆུ་མགོའི་རླབས་ཕྲེང་གཡོ། །རིགས་ཅན་ལྔ་དང་གླེགས་བམ་དབང་ཐོབ་ལུང་བསྟན་རྡོ་རྗེ་ཀུ་ཀུ་རུ། སངས་རྒྱས་གསང་བ་ན་གརྫུ་སོགས་དཔལ་ཆེན་གྲུབ་པའི་རིག་འཛིན་བརྒྱད། །རྣམ་གསུམ་ཡོ་གའི་ཤིང་རྟ་ཆེ་རྣམས་གཙུག་གི་ནོར་བུ་ལས་གཞན་གང་། །རྫོགས་པ་ཆེན་པོ་བརྗོད་དུ་མེད་པའི་འཕོ་ཆེན་ཡེ་ཤེས་རྡོ་རྗེའི་ཁམས། །རང་དབང་གྱུར་ལས་བཅུ་དྲུག་ཡེ་ཤེས་བླ་མའི་སར་གཤེགས་བི་མ་ལ། །གངས་རིའི་ཁྲོད་ན་རྡོ་རྗེའི་ལམ་ལ་རྣལ་དུ་འབྱོར་པའི་ས་མཁན་དུ། །ཐོབ་ལས་འཇའ་ལུས་གྲུབ་མཐའ་སྙོགས་པའི་གྲགས་པ་ནམ་མཁར་ཚེ།ང་བ་མིན། །ཐུབ་བསྟན་སྡེ་སྣོད་ཤིང་རྟའི་སྲོལ་འབྱེད་སླུ་སྒྲུབ་ཐོགས་མེད་ཕྱོགས་ཀྱི་གླང་། །འགྲེལ་མཛད་དབྱིག་གཉེན་འཕགས་པ་ལྷ་དང་ཆོས་ཀྱི་གྲགས་པ་འཛམ་གླིང་རྒྱན། །སྒྲ་ཅན་འཛིན་དང་དཔའ་བོ་ཆོས་སྐྱོང་ཡོན་ཏན་འོད་སྟེ་ཆེན་པོ་བཞི། །ཞི་བའི་ལྷ་དང་ཙརྒྱ་གོ་མིའི་རྣམ་དཔྱོད་རྒྱལ་བསྟན་སྲོག་ཤིང་ཉིད། །འདི་ན་གངས་ཅན་མུན་པའི་གླིང་གི་སྤུན་ཟླར་བྱས་ཏེ་ཤིན་ཏུ་ཡང་། །བློ་ལ་གདུང་བའི་ཁུར་དུ་ལྕི་ལ་ཆོས་རྒྱལ་མེས་དཔོན་གསུམ་མཉམ་ཡང་། །ཐུགས་བསྐྱེད་དཔུང་པ་བཙན་པོའི་འཁྲུལ་འཁོར་དམ་བཅའི་རི་མོ་མ་རྨད་པས། །ལྗོངས་འདིར་རྒྱལ་བསྟན་ཤིང་རྟའི་ཁ་ལོ་དྲངས་པ་མིན་ནམ་ཁྲི་སྲོང་རྗེ། །སྲིད་ལ་ངེས་འབྱིན་སྡོམ་བརྩོན་ཡོངས་ཀྱི་སྐྱེད་བྱེད་མཁན་པོ་ཞི་བ་འཚོ། །ཆོས་རབ་འབྱེད་པའི་སྤྱན་མི་འཛུམ་པ་འཇིག་རྟེན་མིག་གཅིག་བི་རོ་རྗེ། །རྨ་གཉགས་ལ་སོགས་སྐད་གཉིས་སྨྲ་དབང་བསྟན་པའི་གསལ་བྱེད་ལོ་པཎ་ཚོགས། །གྲུབ་བརྙེས་དབང་པོ་བཅུ་ཕྲག་གཉིས་དང་ལྷག་བཅས་ལྔ་ཡི་འཁོར་ལོར་འདུད། །རབ་འབྱམས་ཤེས་བྱར་སྲིད་དོ་ཅོག་གི་རིན་ཆེན་སྣ་བདུན་མདུན་ནས་བདར་ཁྱོད་ཕྱོགས་ཀྱི་གླང་པོར་ད་གདོད་འཁྲུལ། །རྒོལ་ངན་རྩོད་པས་ཐལ་བར་བརློག་ལ་ཡན་ལག་བཞི་པའི་གཡུལ་ངོ་བཤམས་གང་ཆོས་ཀྱི་གྲགས་པར་འཕྱང་མོ་ཉུག །འཆད་དང་བརྩོམ་པའི་གསེར་འཁོར་རྩིབས་སྟོང་ཐོགས་རྡུགས་མེད་པར་མཁའ་ལ་སོང་འདི་དབྱིག་གཉེན་འམ་ནི་དཔའ་བོའི་ཞབས། །ཤིང་རྟའི་ལམ་སྲོལ་མང་བཀུར་ཁྲི་ལ་རྡོ་རྗེ་སྙིང་པོའི་རྒྱལ་རྔ་ལེགས་བརྡུང་ཀུན་མཁྱེན་ངག་གི་དབང་པོ་རྒྱལ། །ཤེས་བྱའི་གནས་ལ་མི་མཁྱེན་བྱ་བ་གལ་ཏེ་སྲིད་ན་སྡང་ཞེན་མ་ཡིན་མོད་ལ་ཟ་བའི་རོང་ཟོམ་ཞབས། །ཟུང་འཇུག་གྲུབ་པས་ཧེ་རུ་ཀ་ཡི་བརྟན་པ་ཉེར་འཕྲོག་གཟུངས་དང་ཟད་པར་གསད་གསོའི་དབང་ཕྱུག་ཟུར་མེས་དབོན། །རྒྱུད་དང་སྡེ་སྣོད་རྒྱ་མཚོར་སྤྱོད་ལ་འགྲན་གྱི་དོ་མེད་གཡུང་སྟོན་རྗེ་དང་མངའ་རིས་པཎ་ཆེན་པདྨ་དབང་། །སོ་ཟུར་གནུབས་ཏེ་སྔ་འགྱུར་བསྟན་པའི་བབས་སོ་གསུམ་ལས་ལེགས་འོང་མཁས་དང་གྲུབ་དབང་ཀུན་ལ་ཕྱག་བཙལ་ནས། །འདི་ན་སྐུ་གསུམ་སྟོན་པས་ལེགས་གསུངས་བསྟན་པའི་ངོ་བོ་ལུང་རྟོགས་ཆོས་ཚུལ་མ་ལུས་ལུས་པ་མེད་པའི་སྒོ། །རྣམ་གསུམ་ཡོ་གའི་རྒྱུད་སྡེར་རྫོགས་པ་བཙོ་སྦྱངས་འཛམ་བུ་ཆུ་བོའི་གསེར་ཞུན་སྐལ་བ་མཆོག་གིས་བསྒྲུབ་བྱའི་དངོས། །དམ་ཆོས་འཇིག་པའི་ཆུ་གཏེར་རུམ་དུ་བྱིང་གིས་དོགས་པས་མེ་ཚོགས་སྐྲུ་གྲིའི་འཁྲུལ་འཁོར་བཟོད་པའི་སྙིང་སྟོབས་ཤུགས། །རང་ཞལ་ངོམས་པའི་ངོ་མཚར་གཏམ་གྱི་གཟུགས་བརྙན་སྟོན་ན་སུ་ཞིག་ངག་གི་དབང་ཕྱུག་གྲུབ་པ་བདེན་དཔང་སྤྱོན། །དེ་ལ་འདི་སྐད་ཅེས། མི་མཇེད་འདི་ན་མཐུ་དབང་དང་དཔལ་འེབྱོར་གྱིས་ཤིན་ཏུ་སྙེམས་པ་ཚངས་པ་དང་། དབང་པོས་ཕྱག་བྱས་ཤིང་། དྲང་སྲོང་གྲུབ་པ་མཆོག་གིས་ཀྱང་རབ་ཏུ་བསྟོད་ཅིང་བསྔགས། ལྷ་དང་ལྷ་མིན་དྲི་ཟ་གྲུལ་བུམ་མིའམ་ཅི་ཀླུ་མཆོག་རྣམས་ཀྱིས་ཀྱང་མགོ་བོས་ཕྱག་བྱས་པས། སྲིད་ཞི་མ་ལུས་པའི་གཙུག་ཏོར་གྱི་རྩེ་མོར་ཞབས་སེན་ལེགས་པར་བཀོད་ཅིང་། དམིགས་པ་མེད་པའི་ཐུགས་རྗེ་ཆེན་པོའི་འཕྲིན་ལས་ཚད་མེད་པའི་སྲིད་པ་གསུམ་གྱི་ཁམས་ཞིང་གི་རྡུལ་སྙེད་དང་འཚམ་པའི་འགྲོ་བ་རྣམས་ཀྱི་དྲི་མ་འདྲིས་པའི་མཛའ་བཤེས་སུ་གྱུར་པ་ནི་རྒྱལ་བ་བུ་རམ་ཤིང་པ་ཉིད་དོ། །དེ་ཉིད་ཀྱི་ལེགས་པར་གསུངས་པའི་ལུང་དང་རྟོགས་པའི་བསྟན་པ་རིན་པོ་ཆེའི་གྲིབ་བསིལ་ལ་ངལ་བསོའི་དབུགས་འབྱིན་ཐོབ་པ་རྣམས་འཕྲལ་ཡུན་གྱི་ཕན་བདེ་མ་ལུས་པའི་འབྱུང་གནས་གཅིག་པུར་ངེས་པ་ནི་དམ་པའི་ཆོས་ཁོ་ནའོ། །འདིར་དེ་ཉིད་འཇིག་རྟེན་གྱི་སྒྲོན་མར་གསལ་བའི་དངོས་པོ་ངེས་པར་བསྟན་པ་ལ་སྤྱི་དོན་རྣམ་པ་དགུ། སྟོན་པ་འཇིག་རྟེན་དུ་བྱོན་ཚུལ། དེའི་བསྟན་པ་འཕགས་པའི་ཡུལ་དུ་སུ་ཞིག་གི་བསྐྱངས་པ། བསྟན་པ་དེ་ཉིད་བོད་དུ་བྱོན་ཚུལ། དེ་ལས་སྔ་འགྱུར་རྡོ་རྗེ་ཐེག་པའི་བསྟན་པ་དང་དེ་འཛིན་བྱེ་བྲག་ཏུ་བཤད་པ། བསྟན་པ་དེ་དག་གི་ངེས་འབྱེད་གསལ་བའི་འབྲས་བུ། དེ་ལ་བྱ་བ་ལས་ཀྱི་འཁོར་ལོས་ཞབས་ཏོག་ཇི་ལྟར་བྱས་པ། ཆོས་ཀྱི་རྣམ་གྲངས་དེ་སྙེད་ཀྱི་བཞུགས་ཚུལ། དགེ་རྩ་བྱང་ཆུབ་ཏུ་ཡོངས་སུ་བསྔོ་བ་དང་རྣམ་གྲངས་དགུ་ཡིས་སྟོན་ཏོ། ། དེ་ལ་དང་པོ་ནི། བདག་ཅག་གི་སྟོན་པ་འདིས་དང་པོར་ཐུགས་བསྐྱེད་པ་ནས་བཟུང་སྟེ་ལམ་ལྔའི་འཁོར་ལོ་མངོན་དུ་མཛད་ནས་འཛམ་བུའི་གླིང་དུ་མཛད་པ་བཅུ་གཉིས་སྟོན་པ་ལ་མི་མཐུན་པ་མེད་དེ་ཐེག་ཆེན་པའི་ཁྱད་པར། ལསྐོར་གཤེགས་པ་ལས། འདོད་པའི་ཁམས་དང་གཟུགས་མེད་དུ། །སངས་རྒྱས་མངོན་པར་སངས་མི་རྒྱ། །གཟུགས་ཀྱི་ཁམས་ཀྱི་འོག་མིན་དུ། །འདོད་ཆགས་བྲལ་ཁྱོད་དེར་སངས་རྒྱ། །ཞེས་པས་ལམ་ལྔའི་ཡོན་ཏན་མངོན་དུ་མཛད་པའི་མཐར་སངས་དངོས་འོག་མིན་དུ་རྒྱས་པས་འཛམ་གླིང་གི་མཛད་པ་བཅུ་གཉིས་ཚུལ་བསྟན་པ་ཡིན་པར་འདོད་ཅིང་། རྟེན་དེ་ལའང་སྐྱེ་འཕགས་ཀྱི་ཁྱད་པར་ཡོད་པས་ལམ་ལྔའི་འགྲོས་ཀྱང་དེ་དང་མཐུན་པར་བལྟའོ། །སྒྱུ་འཕྲུལ་བླ་མ་ལ་སོགས་པའི་གསང་སྔགས་ཁ་ཅིག་འདི་དང་རྣམ་པ་མཚུངས་པ་ལ་ཁྱད་པར། དཀའ་སྤྱད་ཀྱི་ཚེ་སྐུ་ཆུ་ཀླུང་གི་འགྲམ་ལས་མི་གཡོ་བཞིན་དུ་ཐུགས་རང་སྣང་དོན་གྱི་འོག་མིན་དུ་སངས་རྒྱས་རྣམས་ལས་འོད་ཟེར་ཆེན་པོའི་དབང་ནོད་ནས་གཤེགས་པའི་ཚུལ་དེ་ཉིད་ལས། དོན་གྲུབ་དཀའ་ཐུབ་ལུས་ཅན་ལ། །ཕྱོགས་བཅུའི་རྒྱལ་བ་སྤྲིན་བཞིན་དུ། །འདུས་པས་ལོངས་སྤྱོད་དོན་གྱི་ཕྱིར། །སྲོད་དང་ཐོ་རངས་དུས་ཉིད་དུ། །ཉི་ཟླ་ཟ་བའི་དབང་བྱིན་ནས། །རོལ་པ་འི་ཀ་ར་བསྟན་པ་ཡིས། །དེ་བཞིན་དེ་བཞིན་གཤེགས་པའོ། །ཞེས་སོ། །དེ་ལྟར་ཐུན་མོང་དང་ཐུན་མོང་མ་ཡིན་པའི་ལུགས་དེ་དག་ནི་གདུལ་བྱའི་ངོ་བོ་དགོངས་པ་ཙམ་དུ་ཟད་ཀྱི། ངེས་པའི་དོན་དུ་འདི་ནི་བསམ་པར་མི་ནུས་ཏེ། ཆོས་ཀྱི་སྐུ་ཐོག་མ་མེད་པའི་དུས་ནས་གདོད་མའི་གནས་སུ་མངོན་པར་བྱང་ཆུབ་ཅིང་། དེ་ལས་གཡོས་པ་མེད་བཞིན་དུ་ལོངས་སྤྱོད་རྫོགས་པ་དང་། སྤྲུལ་པའི་སྐུ་ཚད་མེད་པ་གང་འདུལ་གྱི་ངོར་འཆར་ནུབ་ལྟར་སྣང་བའི་ཚུལ་རྡོ་རྗེའི་གནས་ཆེན་པོ་རྣམས་ནས་སྟོན་པ་ཡིན་ཏེ་ཡིད་བཞིནརིན་པོ་ཆེ་བཀོད་པའི་རྒྱུད་ལས། ཀུན་གྱི་སྔོན་རོལ་སངས་རྒྱས་པ། །རྡོ་རྗེ་འཛིན་རྒྱལ་གསང་བ་ཆེ བསམ་ཡས་ཞིང་དུ་རྣམ་པར་རོལ། །གྲངས་མེད་སྔ་ཕྱི་དུས་ཀུན་དུ། །ཞི་དང་ཁྲོ་ཚུལ་དཔག་མེད་ཅིང་། །རྗོན་དང་སྨད་འཚོང་ལ་སོགས་གཟུགས། །སྣ་ཚོགས་ཚུལ་གྱི་དོན་མཛད་ཀྱང་། །ད་དུང་སྐལ་པ་བཟང་པོ་འདིར། །འདྲེན་པ་སྟོང་དུ་བསྒྱུར་མཛད་ཅིང་། །དེ་བཞིན་སྣ་ཚོགས་ཚུལ་འཆང་བས། །དཔག་མེད་འགྲོ་བའི་དོན་མཛད་དོ། །ཞེས་སོ། །དེ་ལ་འཛམ་བུའི་གླིང་འདིར་མཛད་པ་བཅུ་གཉིས་ཀྱི་དོན་མཛད་པའི་ཚུལ་ནི། རྒྱུད་བླ་མ་ལས། ཆོས་ཀྱི་སྐུ་ལས་མ་གཡོས་པར། །སྤྲུལ་པའི་རང་བཞིན་སྣ་ཚོགས་ཀྱི། སྐྱེ་བ་མངོན་པར་སྐྱེས་བ་དང་། །དགའ་ལྡན་གནས་ནས་འཕོ་བ་དང་། །ལྷུམས་སུ་འཇུག་དང་བལྟམས་པ་དང་། །བཟོ་ཡི་གནས་ལ་མཁས་པ་དང་། །བཙུན་མོའི་འཁོར་གྱིས་རོལ་པ་དང་། །ངེས་འབྱུང་དཀའ་བ་སྤྱོད་པ་དང་། །བྱང་ཆུབ་སྙིང་པོར་གཤེགས་པ་དང་། །བདུད་སྡེ་བཅོམ་དང་རྫོགས་པར་ནི། །བྱང་ཆུབ་ཆོས་ཀྱི་འཁོར་ལོ་དང་། །མྱ་ངན་འདའ་བར་སྟོན་མཛད་རྣམས། །ཡོངས་སུ་མ་དག་ཞིང་རྣམས་སུ། །སྲིད་པ་ཇི་སྲིད་གནས་པར་སྟོན། །ཞེས་པ་ལས། བདག་ཅག་གི་སྟོན་པ་འདི་དགའ་ལྡན་གྱི་ལྟའི་གནས་རིས་བཟང་པོ་ན་ལྷའི་བུ་དམ་པ་ཏོག་དཀར་པོ་ཞེས་བྱ་བར་གྱུར་ནས། ལྷ་རྣམས་ལ་ཆོས་སྟོན་ཅིང་དེ་རྣམས་དང་ཐབས་ཅིག་གོ །དེའི་ཚ་འཁོར་གྱི་ཁྱམས་སུ་མར་མེ་མཛད་ཀྱི་ལུང་བསྟན་བསྐུལ་བའི་ཚིགས་སུ་བཅད་པ་རོལ་མོའི་སྒྲ་ལས་རང་བྱུང་བས། དམ་པ་ཏོག་དཀར་ཆོས་ཀྱི་མངོན་པར་མཐོ་བའི་ཁང་བཟང་དུ་ཁྲི་རབ་ཏུ་བཟང་པོ་ལ་བཞུགས་ནས། འཛམ་བུའི་གླིང་དུ་སྐྱེ་བ་འཛིན་པའི་མཛད་པ་སྟོན་པ་ལ། གླིང་དང་། རིགས་དང་། ཡབ་དང་། ཡུམ་དང་། དུས་དང་ལྔ་འི་ཁྱད་པར་གྱིས་གཟིགས་པ་ལྔ་ལ་གཟིགས་སོ། །དེ་ལྟར་གཟིགས་ནས་ལྷ་རྣམས་ལ་ཁོ་བོ་འཛསྦྲུའི་གླིང་དུ་ལྷ་མོ་སྒྱུ་འཕྲུལ་མའི་ལྷུམས་སུ་ཉིང་མཚམས་སྦྱར་ནས་བདུད་རྩི་ཟབ་མོ་ནི་མངོན་དུ་བྱེད། རྟོག་གེ་པ་བཅོ་བརྒྱད་ནི་ཟིལ་གྱིས་གནོན་པར་བྱེད། འགྲོ་བ་མང་པོ་ནི་རྣམ་པར་བྱང་བ་ལ་འགོད་པར་བྱེད་པའི་གསུང་གི་དབུགས་ཕྱུང་ནས། བྲམ་ཟེའི་རིག་བྱེད་ཀྱི་རྗེས་སུ་བསྟན་པའི་གླང་པོ་གཞོན་ནུ་ཐལ་ཀར་གྱི་རྣམ་པས་ཡུམ་གསོ་སྦྱོང་ལ་གནས་པའི་ལྷུམས་སུ་གཤེགས་སོ། །གཤེགས་ནས་ཀྱང་ལྷུམས་དེ་ནི་ལྟ་ན་སྡུག་པ། སྲིད་པའི་འདུ་བྱེད་ཀྱི་རྣམ་པར་དབེན་པ། རྒྱལ་སྲས་རྣམས་ཀྱི་ཉེ་བར་སྤྱད་པའི་གཞལ་མེད་ཁང་དུ་བྱིན་གྱིས་བརླབས་ནས་ལྷ་མི་ཁྲི་ཁྲག་བྱེ་བ་མང་པོ་ལ་སྐྱེ་གནས་ཡོངས་སུ་སྦྱོང་བའི་ཆོས་སྟོན་ཏོ། །དེར་ས་བཅུའི་ངེས་པ་མཚོན་པའི་ཟླ་བ་བཅུའི་ཕུང་པོ་ནི་རྫོགས། རྣམ་པ་ཉི་ཤུས་བྱང་ཆུབ་པའི་སྐུ་གསེར་གྱི་གཏན་པ་ཕྱིས་པ་ལྟ་བུ་འཇིག་རྟེན་གྱི་བསོད་ནམས་ལུསྦིའི་ཚལ་གྱིས་ཐོབ་པའི་དུས་ལ་བབས་ཏེ། ཡུམ་གྱི་རྩིབ་མའི་སྒོ་འཕར་ནས་ལེན་པ་མེད་པར་རང་བྱོན་ཏོ། །དེའི་ཚ་རྒྱལ་རིགས་ཀྱི་བུ་སྤྱི་བོ་ནས་དབང་བསྐུར་བའམ། མི་བསྐྱོད་རྡོ་རྗེ་ལ་སོགས་པའི་སངས་རྒྱས་ཐམས་ཅད་རང་གི་ངོ་བོར་གྱུར་པ་རིགས་སད་པའི་མཚོན་བྱེད་ལྷའི་བུ་རྣམས་ནི་ནམ་མཁའི་དབྱིངས་ནས་ཁྲུས་ཀྱི་བྱ་བ་ལ་གཅིག་ཏུ་བརྩོན། བར་སྣང་གི་ལྷ་དག་ནི་བསྟོད་དབྱངས་ཀྱིས་སྲི་ཞུས་རྣམ་པར་གཡེང་། ཚངས་པ་དང་བརྒྱ་བྱིན་གྱིས་གོས་ཟུང་གི་རེག་པ་འཕྲོད་པར་བྱེད། བྱང་ཆུབ་སེམས་དཔའ་བཙས་མ་ཐག་པ་ནས་ཚད་མེད་བཞིའི་ལམ་ལ་ཕྱོགས་པ་ལ་རིངས་པ་སྟོན་ཕྱིར་ཕྱོགས་བཞིར་གོམ་པ་བདུན་བདུན་འདོར་བའི་ཤུལ་ན་ས་ལྷས་ཕུལ་བའི་པརློའི་གེ་སར་ཡང་ལྷམ་མེར་གསལ་ལོ་ཞེས་གྲགས་སོ། །གང་གི་ཚ་ལུསྦིའི་ཚལ་དུ་མེ་ཏོག་རྣམས་རང་ཁ་བྱེ། གཅུང་དགའ་ལ་སོགས་པའི་ཤཱཀྱ་གཞོན་ནུ་ལྔ་བརྒྱ་དང་། སྔགས་ལྡན་ལ་སོགས་པ་བཞོན་པའི་མཆོག་ལྔ་བརྒྱའང་བཙས། ས་ཆེན་པོ་འདི་རབ་ཏུ་གཡོས་ཤིང་འོད་ཟེར་གྱི་སྣང་བ་ཆེན་པོས་ཁྱབ་པས། ཁམས་ཀྱི་རྒྱལ་ཕྲན་བཞི་པོ་དག་རང་རང་ལ་བུ་བཙས་པའི་རྟགས་སུ་རློམ་པར་བྱེད་དོ། །དེ་ནས་ཀུན་གྱི་བཤེས་གཉེན་དང་། སྲིན་བུ་གོ་ཆ་ལ་སོགས་པར་ཡི་གེ་དང་། རྩིས་དང་། ཞང་པོ་བཟང་ལེན་ལས་གླང་པོའི་གཉར་ཞོན་པ་སོགས་སྒྱུ་རྩལ་གྱི་གནས་མང་པོ་ལ་མཐའ་གཏུགས་པའི་ཉམས་འོག་ཏུ་ཆུད་པར་མཛད་ཅིང་ཕོ་བྲང་དུ་བཞུགས་སོ། །དེའི་ཚེ་ཡབ་ཀྱིས་ལག་ན་བེ་ཅོན་ལ་སོགས་པའི་ཤཱཀྱའི་རིགས་གསུམ་གྱི་བུ་མོ་བཙུན་མོར་བྱིན་ཞེས་བསྒོ་བ་ལ། ལྷ་བདག་ཅག་གི་རིགས་ནི་གྱད་ཀྱི་འཛིན་སྟངས་ཤེས་པ་ལ་ཡིན་གྱི་གཞན་དུ་མ་ཡིན་ནོ། །དེར་ཡང་ངོ་གནག་པར་གྱུར་པ་ལ་གཞོན་ནུས་སྨྲས་པ། འཇིག་རྟེན་གསུམ་ན་འཕོང་དང་སྒྱུ་རྩལ་གྱི་གནས་ལ་བདག་ལ་འགྲན་པར་སྤོབས་པ་འགའ་ཡང་མེད་དོ། ཞེས་རྗོ་ཐོགས་ཞལ་གྱིས་འཆེས་ནས་ཤཱཀྱ་གཏུམ་པོ་གཟུ་ལུམ་ཅན་དག་དང་སྒྱུ་རྩལ་འགྲན་པར་དྲིལ་སྒྲགས་ནས་གྲོང་ཁྱེར་གྱི་ཕྱི་རོལ་ཏུ་ཆས་སོ། །དེའི་ཚེ་ཡངས་པ་ཅན་ནས་གཞོན་ནུ་ལ་འབུལ་དུ་ལྷགས་པའི་གླང་པོ་ཆེར་ལྷ་བྱིན་ཤིན་ཏུའང་ཕྲག་དོག་པའི་སེམས་ཀྱིས་ཐལ་མོ་བསྣུན་པ་ཙམ་གྱིས་མཐུས་གསད་དོ། །དེ་གཅུང་དགའ་པོས་སྒོ་ཁང་ནས་ཕྱིར་རོལ་དུ་སྟོབས་ཀྱིས་བོར་རོ། །གཉིས་ཀའི་མཐུ་སད་ཕྱིར་བྱང་ཆུབ་སེམས་པ་ཤིང་རྟ་ལས་མ་བབས་བཞིན་དུ་ཞབས་ཀྱིས་མཐེ་བོས་མཇུག་མ་ནས་བཟུང་སྟེ་རབ་བདུན་འདས་པའི་ལྗོངས་སུ་དོར་བ་ལ་ལྷས་བསྟོད་ཅིང་བསྔགས་སོ། །དེ་ནས་ཏ་ལའི་ལྗོན་པ་དང་། ལྕགས་ཀྱི་ཕ་གུ་དང་། སླ་ང་རྣམས་བདུན་བདུན་དུ་བརྩེགས་པ་ལ་ཉག་ཕྲན་གྱི་སྦྱོར་བས་གཅོད་ཚབས་འགྲན་པ་ལ་ཞུགས་པ་ན། ལྷས་བྱིན་གྱིས་ནི་གསུམ། གཅུང་དགའ་བོས་ལྔ། གཞོན་ནུས་ཐམས་ཅད་ལས་ཕྱིར་ཐལ་བའི་ས་ནས་མདའ་ཆུ་ཁྲོན་པ་སྐྱེས་བྱ་བ་ཡན་ལག་བརྒྱད་དང་ལྡན་པའི་ཆུ་མིག་ཀྱང་བྱུང་ངོ་། །དེ་བཞིན་དུ་ལང་ཚོའི་སྟོབས་ཀྱི་སྒྱེལ་འགྲན་པ་དང་། གླང་པོའི་གཉར་ཤོན་པ་དང་། ཆུ་ཀླུང་ཆེན་པོར་ངང་པ་ལྟར་གཤེགས་པ་ལ་སོགས་སྒྱུ་རྩལ་བཞིའི་གནས་ཐམས་ཅད་ལ་བྱང་ཆུབ་སེམས་དཔའི་གྱད་ཀྱི་འཛིན་སྟངས་ལ་སུས་ཀྱང་སྤོབས་པར་མ་གྱུར་ཏོ། །འཇིག་རྟེན་མཁྱེན་པའི་དབང་པོ་ནི་རེ་ཞིག་དེ་དང་ངང་ཚུལ་མཐུན་པར་འཇུག་པས་སྐྱེས་བུ་འདུལ་ཞིང་།དབང་པོ་གཞན་དབང་དུ་གྱུར་པའི་ཁ་ན་མ་ཐོ་བ་སྤངས་ཕྱིར། བུད་མེད་ཀྱི་སྐྱོན་ལྔ་དང་བྲལ་ཞིང་། ཡོན་ཏན་བརྒྱད་དང་ལྡན་པ་ས་འཚོ་མ་དང་། གྲགས་འཛིན་མ། རི་དགས་སྐྱེས་ཏེ་རང་རང་ལ་འཁོར་ཉི་ཁྲི་ཉི་ཁྲིའི་ཚོགས་དང་བཅས་བཙུན་མོའི་མཆོག་དྲུག་ཁྲི་ཁབ་ཏུ་བཞེས་ནས་འདོད་ཡོན་གྱི་སྣང་བ་ལ་སྒྱུ་མ་ལྟ་བུར་ལོངས་སྤྱོད་དོ། །དེ་ལྟར་སྤྱོད་པའང་ཡང་དག་སྤོང་བ་ལ་རབ་ཏུ་ཞུགས་ནས་སྲིད་པའི་ཁ་ལོ་ཆོས་སུ་བསྒར་བ་ནི། སིལ་སྙན་གྱི་སྒྲ་ལས་སྔོན་གྱི་སྨོན་ལམ་གྱི་མཐུ་རབ་ཏུ་སད་པར་བསྐུལ་བས། འདུན་པས་ཤིང་རྟའི་ཁ་ལོ་བ་བྱས་ཏེ་གྲོང་ཁྱེར་གྱི་ཕྱོགས་བཞིར་སྐྱོ་སངས་ལ་གཤེགས་པ་ན། སྐྱེ་རྒ་ན་འཆིའི་མཚན་ཉིརྡོ་བཞི་གཟིགས་པས་ཐུགས་རབ་ཏུ་སྐྱོ་སྟེ་འདི་སྐད་དུ། རྒ་དང་ན་དང་འཆི་འགྱུར་བ། །གལ་ཏེ་འདི་གསུམ་ཡོད་མིན་ན། །བདག་ཀྱང་ཤིན་ཏུ་ཡིད་འོང་བའི། །ཡུལ་རྣམས་ལ་ནི་དགའ་བར་བྱེད། །ཅེས་ཕུན་སུམ་ཚོགས་པ་ཡང་རྟག་པ་མ་ཡིན་པ། འགྱུར་བའི་སྡུག་བསྔལ་དང་འགྲོགས་ཤིང་། ཁྱབ་པ་འདུ་བྱེད་ཀྱིས་ཁྱབ་པ། སྡུག་བསྔལ་གྱི་སྡུག་བསྔལ་ཕྱི་བཞིན་འབྲེང་བའི་ཆོས་ཉིད་ལ་ཤིན་ཏུའང་ཐུགས་བྱུང་ནས་ངེས་པར་འབྱུང་བ་ལ་དམ་བཅས་སོ། །དེའི་ཚེ་ཟས་གཙང་མའི་ཚོགས་རྣམས་ནི་གཞོན་ནུ་རབ་ཏུ་འབྱུང་གིས་དོགས་པའི་གྲོང་ཁྱེར་གྱི་ཁོར་ཡུག་སྤྱན་པ་བ་དང་མེལ་ཚས་བསྲུང་བ་ལ་བརྩོན་པར་བྱེད་པས་གཤེགས་སུ་མ་གཏེར་བའི་ནུབ་ཐ་མ་ལ། ཡབ་ལ་ཕྱག་གི་ནི་བཏུད། ཐ་ཚིག་གི་བཅུད་དེ་ཕ་མས་མ་གནང་བའི་མཐའ་གསལ། ཆིབས་སྔགས་ལྡན་གྱི་སྟེང་ན་རྒྱལ་ཆེན་བཞིའི་སྲིད་ཞུ་དང་བཅས་སྟེ་ནམ་མཁའི་དབྱིངས་ནས་གཤེགས་སོ། །དེར་མཆོད་རྟེན་རྣམ་དག་གི་དྲུང་དུ་ཉིད་ཀྱི་དབུ་སྐྲ་ཉིད་ཀྱིས་དོར་ཏེ་རབ་ཏུ་བྱུང་བའི་རྟགས་མ་ཡིན་པ་དོར། ཤ་ནའི་གོས་དང་ངུར་སྨྲིག་བརྗེས་ནས་གསོལ། ཡངས་པ་ཅན་དང་རྒྱལ་པོའི་ཁབ་ཏུ་རྟོག་གེ་པ་གདམས་ངག་ཆེ་བར་གྲགས་པ་རིང་འཕུར་དང་ལྷག་སྤྱོད་གཉིས་ལས་ཅི་ཡང་མེད་པ་དང་། སྲིད་རྩེའི་ཏིང་འཛིན་སློབ་དཔོན་གྱི་གོ་འཕང་དེ་སྲིད་ནི་མངོན་དུ་མཛད་ཀྱང་། ཏིང་འཛིན་དང་ཀུན་ཏུ་སྤྱོད་པ་དེ་དག་ནི་སྲིད་པའི་ཉེས་དམིགས་ལས་གྲོལ་བའི་ལམ་མ་ཡིན་པར་མཁྱེན་ནས་ཆུ་ཀླུང་ཆེན་པོ་ནེ་རརྫི་ནའི་འགྲམ་དུ་ལྔ་སྡེ་བཟང་པོ་བཅས་ལོ་དང་པོ་གཉིས་ལ་འབྲས་ཉག་མ་རེ། བར་པ་གཉིས་ལ་ཆུ་ཐིགས་པ་རེ། ཐ་མ་གཉིས་ལ་ཅི་ཡང་མ་གསོལ་བའི་དཀའ་ཐུབ་ཀྱི་ཏིང་ངེ་འཛིན་འོ།་དྲུག་བསྟེན་ནོ། །དེའི་ཚ་ལྷ་རྣམས་ཀྱིས་ཚིགས་སུ་བཅད་པས་ནི་བསྐུལ། ཕྱོགས་བཅུའི་རྒྱལ་བ་སྲས་དང་བཅས་པས་ནི་ལམ་དམན་པ་ལས་སད་པར་བྱས་ནས་བྱང་ཆུབ་སྙིང་པོར་རབ་ཏུ་བསྐུལ་འོ།། །དེར་ངལ་ཞིང་དུབ་པའི་མཐའ་བསལ་བའི་ཕྱིར་རགས་པའི་ཁ་ཟས་ལ་ཅུང་ཟད་སྤྱད་པས་ལྔ་སྡེ་བཟང་པོ་མི་མོས་པར་གྱུར་ཏེ་ལྷ་རྭ་ཎ་སྙིར་སོང་ངོ་། །དེ་ནས་མ་ག་དྷ་རྡོ་རྗེའི་གདན་དུ་བཞུད་པའི་ལམ་ལ་བྲམ་ཟེའི་བུ་མོ་ལེགས་སྐྱེས་མས་བ་མེན་ལྔ་བརྒྱའི་འོ་མ་ཉིང་ཁུར་བསིངས་པས་བསྙེན་བཀུར་བའི་མོད་ལ། སྐུ་ལུས་གསེར་གྱི་གཏན་པ་ཕྱིས་པ་བཞིན་དུ་གྱུར་ཅིང་། དེའི་བསོད་ནམས་ཆུད་མི་འཛའ་བར་མཛད། ལམ་དུ་ཙྭ་འཚོང་བཀྲ་ཤིས་ལས་རྨ་བྱའི་མགྲིན་པ་ལྟ་བུར་རེག་ན་འཇམ་པའི་ཙྭ་ཕྱག་གང་བཞེས་ནས་རྡོ་རྗེའི་གདན་དུ་བྱོན། སངས་རྒྱས་ཐམས་ཅད་ཀྱི་བྱིན་བརླབས་ལས་རང་བྱུང་བའི་རྡོ་རྗེའི་གདན་བྱང་ཆུབ་ཤིང་གི་སྙིང་པོ་ཅན་དུ་ཙྭའི་གདིང་བ་ལ་སྐྱིལ་མོ་ཀྲུང་བཅས་ནས། སྟན་འདིར་བདག་གི་ལུས་འདི་སྐམ་ཡང་རུང་། །པགས་པ་རུས་པའི་ཚོགས་རྣམས་ཞིག་ཀྱང་རུང་། །བསྐལ་མང་རྙེད་དཀའི་བྱང་ཆུབ་མ་ཐོབ་བར། །སྟན་འདི་ལས་ནི་ལུས་བསྐྱོད་མི་བྱའོ། །ཞེས་སོ། །དེ་ལྟར་དམ་བཅའ་བརྟན་པོའི་སྲོད་ཀྱི་ཆ་ལ་བདུད་སྡེ་འཇོམས་པའི་ཏིང་ངེ་འཛིན་ལ་མཉམ་པར་བཞག་ནས། བདུད་ཀྱི་གནས་ཐམས་ཅད་དཀྲོགས་ཤིང་སྤ་བཀོང་བའི་འོད་ཟེར་གྱི་ཁྱབ་པར་མཛད་པས། བདུད་སྡིག་ཏོ་ཅན་རྔོན་པའི་ཆ་བྱད་དུ་རྫུ་ཡིན་ལྷགས་ནས་སེར་སྐྱའི་གྲོང་ནི་ལྷ་སྤྱིན་གྱིས་མནན་ཕོ་བྲང་བཅོམ། ཤཱཀྱ་རྣམས་ནི་ཁ་བཏགས། ཁྱོད་འདི་ན་ཅིའི་ཕྱིར་འདུག །ལན་དུ། མངོན་པར་སངས་རྒྱས་པའི་སླད་དུའོ། །བདུད་ཀྱི་སྨྲས་པ། མངོན་པར་རྫོགས་པར་འཚང་རྒྱ་བ་ནི་ཚོགས་དཔག་ཏུ་མེད་པ་བསགས་པའི་འབྲས་བུ་ཡིན་ན། ཁྱོད་ནི་རྒྱལ་པོའི་བུ་སྐྱིད་བདེར་གནས་པ་ཙམ་མོ། །བྱང་ཆུབ་སེམས་པས་ལན་དུ། ཁྱོད་ཀྱི་གཏན་པ་མེད་པའི་མཆོད་སྒྱིན་གཅིག་ཁོ་ནས་འདོད་པ་ཁམས་ཀྱི་དབང་ཕྱུག་ཐོབ་ན། ངས་བསྐལ་པ་དཔག་ཏུ་མེད་པར་ཚོགས་གཉིས་རྫོགས་པར་བྱས་པས་ཅིའི་ཕྱིར་འཚང་མི་རྒྱ། དགའ་རབ་དབང་ཕྱུག་མཛུབ་མོ་གཉིས་སྒྲེངས་ཏེ་གཤུང་བའི་ངག །ངས་ནི་འདི་ན་མཆོད་སྤྱིན་གཏན་པ་མེད། །བྱས་པ་ལ་ནི་ཁྱོད་ཉིད་དཔང་ཡིན་ན། ཁྱོད་ལ་འདི་ན་དཔང་འགའ་ཡོད་མིན་པས། །སྨྲས་ཀྱང་དཔང་མེད་ཁྱོད་ནི་ཡེ་ཕམ་ཡིན། །ཞེས་ཟེར་རོ། །དེར་བྱང་ཆུབ་སེམས་དཔས་བསོད་ནམས་བརྒྱ་ལས་གྲབ་པའི་ཕྱག་ས་ལ་བསྣུན་ནས། ས་འདི་འགྲོ་བ་ཀུན་གྱི་གནས་ཡིན་ཏེ། །རྒྱུ་དང་མི་རྒྱུ་སྙོམས་ཤིང་ཉེ་འཁོན་མེད། །འདི་ནི་བདག་གི་དཔང་སྟེ་བདག་རྫུན་མེད། །འདི་ལ་ཁྱོད་ནི་བདག་གི་དཔང་བྱོས་ཤིག །ཅེས་གསུངས་མ་ཐག་ཏུ་སའི་ལྷ་མོ་བརྟན་མ་གསེར་གཙོ་མ་ལྟ་བུའི་ལུས་ཕྱེད་ས་ལས་འཐོན་ཏེ། རྡུལ་ཕྲ་རབ་གཅིག་བཟུང་ནས། ངས་སའི་དཀྱིལ་འཁོར་ཆེན་པོ་འདི་འདི་ཙམ་གྱི་ཆ་ཤས་སུ་བགྲང་བར་ནུས་ཀྱིས། རིགས་ཀྱི་བུ་འདིས་མགོ་དང་ཡན་ལག་བྱིན་པ་ནི་བགྲང་བར་མི་ནུས་པས་མངོན་པར་རྫོགས་པར་སངས་རྒྱ་བའི་དུས་ལ་བབ་བོ་ཞེས་བརྗོད་ནས་མི་སྣང་བར་གྱུར་པ་དང་། བདུད་སྡིག་ཅན་ཤིན་ཏུ་སྐྱེངས་ཤིང་ཡུལ་ཡུལ་པོར་གྱུར་ནས་རང་གནས་སུ་སོང་ངོ་། །སོང་ནས་ཀྱང་བདུད་ཀྱི་དམག་བྱེ་བ་དུང་ཕྱུར་དག་སྦྲན་ནས་སྒྱུ་མ་ལྟ་བུའི་བློ་མཆོག་མ་ཡིན་པ་རྣམས་འཇིགས་ཤིང་སྐྱི་བུང་བར་བྱེད་པའི་གཡུལ་བཤམས་ཏེ་ལྷགས་སོ། །འདི་ལྟར་ཉོན་མོངས་པའི་དགྲ་བཅོམ་ཞིང་ནམ་མཁའ་ལྟ་བུའི་སེམས་ཀྱི་རང་གི་ངོ་བོ་ཉིད་མེད་པར་མཐོང་བ་དག་ལ་དཔུང་དང་བཅས་པའི་འཁྲུལ་འཁོར་གྱིས་རྫི་བར་ནུས་པ་མ་ཡིན་པས། བྱང་ཆུབ་སེམས་དཔའ་ལ་ཁོང་ཁྲོ་བ་དང་རྟུན་ངས་པའི་རྣམ་པར་རྟོག་པ་ནི་ཅང་མེད་དོ། །བྱམས་པ་ཆེན་པོའི་ཏིང་ངེ་འཛིན་ལ་མཉམ་པར་བཞག་པས། མཚོན་ཆ་འཕངས་པ་ནི་མེ་ཏོག་གི་ཆར་དུ་བབ་མི་སྙན་པའི་སྒྲ་སྐད་ནི་བསྟོད་དབྱངས་ཀྱི་རང་བཞིན་དུ་གྱུར་པས། གཡོན་ཅན་དཔུང་དང་བཅས་པ་འདོད་པའི་དུག་སྡོང་ནི་འགྱེལ། མདའ་ལྔའི་མེ་ཏོག་ནི་ལྷུང་། ཁེངས་པའི་བྲག་རི་ནི་ཉིལ། གཡུལ་གྱི་རྟུལ་ཞུགས་ནི་སྨད། ཆུ་སྲིན་རྒྱལ་མཚན་ནི་ནུབ། དྲན་པའི་ཤིང་རྟ་ནི་འབྲོས་པ་ལ་རིངས་པས་མགོ་ཡང་རྨོངས་པའི་གནས་སུ་བྱེར་བར་གྱུར་ཏོ། །སླར་ཡང་རང་གི་བུ་མོ་བདུན་མཛས་མའི་ཆ་བྱད་དུ་བསྒྱུར་ཏེ་ཆགས་པའི་ཟོལ་གྱིས་བསླུ་བར་བརྩམས་ནས་པད་དཀར་མའི་འགྱུར་བ་ནི་རྗོམ། མེ་ན་ཀྭའི་དོ་ཤལ་ནི་འཕྱང་། ལེགས་རྒྱན་མའི་སྐ་རག་ནི་འཆིང་། སྐྲ་འདྲེས་མའི་གདུ་བུ་ནི་འཁྲོལ་བ་ལ་སོགས་པ་རབ་མྱོས་མའི་གཡོ་སྒྱུ་སུམ་ཅུ་རྩ་གཉིས་ཀྱི་ཞགས་པའི་འདེབས་པ་ལ་བརྩོན་ན་ཡང་། བྱང་ཆུབ་སེམས་དཔའ་ལ་བ་སྐྲུའི་རྩེ་མོ་གཡོ་བའི་སྐབས་ཀྱང་མེད་པས་རྒན་མོ་བདུན་དུ་བྱིན་གྱིས་བརླབས་པས་སླར་འགྱོད་དེ་བཟོད་པར་གསོལ་བས་སོར་ཆུད་དུ་སྩལ་ལོ། །དེ་ནས་མངོན་པར་བྱང་ཆུབ་པའི་དུས་ལ་བབས་ཏེ། དགུང་གི་ཆ་ལ་བསམ་གཏན་བཞི་པའི་ཏིང་ངེ་འཛིན་ཉམས་འོག་ཏུ་བཙུད། ཐོང་རངས་རྒྱལ་རྔ་བརྡུང་དུ་ཉེ་བ་ན་ལྷའི་མིག་དང་ཟག་པ་ཟད་པའི་མངོན་ཤེས་བསྐྱེད་དེ། བདེན་བཞི་མཐར་ཕྱིན་མས་མངོན་པར་རྫོགས་པར་སངས་རྒྱས་པ་ན་ས་ཆེན་པོ་འདི་རབ་ཏུ་གཡོས་ཤིང་། དབུ་མ་འོད་གསལ་ཆོས་སྐུའི་ཁང་མཛས་དམ་པར་གཟུང་འཛིན་དག་བྱའི་ཁམས་རྣམས་མ་ལུས་པ་གཉིས་སུ་མེད་པའི་ཡེ་ཤེས་སུ་བྱང་ཆུབ་པས། འཇིག་རྟེན་ན་ཟླ་བ་སྒྲ་གཅན་གྱིས་བཟུང་ཞིང་། སྒྲ་གཅན་ཟིན་དང་ཀུན་དགའ་བོ་ཡང་བཙས་སོ། །སངས་རྒྱས་པའི་ཞག་བདུན་ཕྲག་བདུན་པ་ལ་ཚོང་དཔོན་ག་གོན་དང་བཟང་སྐྱོང་གིས་སྦྲང་རྩི་ཕུལ་བ། རྒྱལ་ཆེན་བཞིས་རིན་པོ་ཆེ་ནས་རྡོ་བའི་བར་གྱི་ལྷུང་བཟེད་ཕུལ་བ་ལས། རབ་བྱུང་གི་ཆ་མ་ཡིན་པ་དོར་ཏེ་ཐ་མའི་སྣོད་དུ་བཞེས་ནས་ཤིས་པར་བརྗོད་པ་གསུངས། བདུད་རྩི་ཟབ་མོ་རྟོག་གེའི་སྤྱོད་ཡུལ་མ་ཡིན་པར་སྟོན་པའི་སླད་དུ། ཟབ་ཞི་སྤྲོས་བྲལ་འོད་གསལ་འདུས་མ་བྱས། །བདུད་རྩི་ལྟ་བུའི་ཆོས་ཞིག་ཁོ་བོས་རྙེད། །སུ་ལ་བསྟན་ཀྱང་གོ་བར་མི་འདུག་པས། །མི་སྨྲ་ནགས་འདབ་ཉིད་དུ་གནས་པར་བྱ། །ཞེས་གསུངས་ཏེ་འཁོར་ལོ་བསྐུལ་བའི་བསོད་ནམས་ཀྱི་ཁྱད་པར་ལའང་དགོངས་པ་མཛད་དོ། །དེར་ཚངས་པས་སྔོན་གྱི་སྨོན་ལམ་རྗེས་སུ་དྲན་ཏེ་དེ་བཞིན་གཤེགས་པའི་དྲུང་དུ་འོང་ནས། སྨྲ་བའི་ཉི་མ་ཅི་སླད་དེ་རིང་བཏང་སྙོམས་བཞུགས། །དམ་པའི་ཆོས་ཀྱི་རྔ་བོ་ཆེ་ནི་བརྡུང་དུ་གསོལ། །དམ་པའི་ཆོས་ཀྱི་དུང་ནི་རབ་ཏུ་འབུད་དུ་གསོལ། །ལ་སོགས་པའི་ཚིགས་སུ་བཅད་པས་བསྐུལ་ཏེ་ཙསྡེན་གྱི་ཕྱེ་མས་གཏོར་ནས་བརྒྱ་བྱིན་ཀྱང་སྦྲན་པའི་སླད་དུ་རང་གི་གནས་སུ་སོང་ངོ་། །སོང་ནས་ཀྱང་སླར་བརྒྱ་བྱིན་དང་བཅས་ཏེ། དེས་ནོར་བུ་རིན་པོ་ཆེ་ཕུལ་ནས། ཟླ་བ་ཉ་བ་གཟའ་ལས་ཐར་བ་ལྟར། །ཐུབ་པ་ཁྱོད་ཀྱི་ཐུགས་ནི་རྣམ་པར་གྲོལ། །གཡུལ་ལས་རྣམ་པར་རྒྱལ་བ་བཞེངས་སུ་གསོལ། །འཇིག་རྟེན་མུན་པར་ཤེས་རབ་འོད་དབྱུང་གསོལ། །ཞེས་ཞུས་པས་མ་གནང་། སླར་ཚངས་པས་ཡང་ཡང་བསྐུལ་ན་བསོད་ནམས་ཀྱི་ཚོགས་ཆེན་པོར་དགོངས་པ་རིགས་ནས།གསེར་གྱི་འཁོར་ལོ་རྩིབས་སྟོང་དང་ལྡན་པ་ཕུལ་ཏེ་སྔོན་ཆད་མ་ག་རྙར་དྲི་མ་དང་བཅས་པའི་ཆོས་ཀྱི་ནོངས་པའི་མཚན་ཉིད་ཤེས་པའི་ཚིགས་སུ་བཅད་པས་བསྐུལ་བས་འཁོར་ལོ་བཞེས་ཏེ་བཀའ་སྩལ་པ། ཚངས་པ་མ་ག་དྷཱ་ཡི་སེམས་ཅན་གང་ །རྣ་བར་ལྡན་ཞིང་དད་དང་ཤེས་རབ་ལྡན། མི་འཚེ་འདུ་ཤེས་རྟག་ཏུ་ཆོས་ཉན་པ། །དེ་དག་ལ་ནི་འདུད་རྩིའི་སྒོ་དབྱེའོ། །ཞེས་གསུངས་པའི་སྐད་ཅིག་མར། དེ་བཞིན་གཤེགས་པས་ཆོས་ཀྱ་འཁོར་ལོ་བསྐོར་བར་གནང་ངོ་ཞེས་པའི་སྒྲ་འོག་མིན་གྱི་བར་དུ་ཐོས་ཏེ་རང་རང་མངའ་བའི་མཆོད་པའི་ཚོགས་དང་བཅས་ཏེ་ལྷགས་སོ། །དེར་བདུད་རྩིའི་ཟབ་བོའི་སྣོད་ཀྱི་དང་པོར་གྱུར་པ་ནི། གདུལ་སླ་བ།སྦྱོང་སླ་བ། རྣམ་པར་ཤེས་པ་ལྐོག་ཏུ་མ་གྱུར་པ་ཞིག་ལ་དགོངས་མོད་ཀྱི། དེ་ནི་རིང་འཕུར་དང་ལྷག་སྤྱོད་དུ་མཁྱེན་ཀྱང་འཚོ་བའི་འདུ་བྱེད་ལས་ཐལ་ལོ། །འདི་ན་སྔོན་གྱི་སྨོན་ལམ་རྗེས་སུ་དྲན་པས་ལྔ་སྡེ་བཟང་པོ་ལ་གཟིགས་ཏེ་ཝཱ་རཱ་ཎ་སཱིར་གཤེགས་པ་ན། དགེ་སྦྱོང་གོའུ་ཏ་མ་ལྷོད་པ། མང་དུ་ཟ་བ། སྤོང་བ་ལས་ཉམས་པ་ཞེས་སུན་ཕྱུང་ནས་ལྔ་སྡེ་རྣམས་ཀྱིས་མི་འདུད་པའི་ཁྲིམས་བཅས་སོ། །དེར་ལམ་དུ་བྲམ་ཟེ་ཉེ་བར་འཚོ་ཞེས་བྱ་བ་མ་བརྟསགས་ཤིང་བབ་ཅོལ་དུ་སྨྲ་བ་དེ་ན་རེ། གོོ་ཏ་མ་ཁྱོད་ཀྱིས་སུ་ལ་ཚངས་པར་སྤྱད། །བཀའ་སྩལ་པ། ང་ལ་མཁན་པོ་གང་ཡང་མེད། །ང་དང་འདྲ་བ་ཡོད་མ་ཡིན། །ང་ནི་གཅིག་པུར་རྫོགས་སངས་རྒྱས། །བསིལ་གྱུར་ཟག་པ་ཟད་པ་ཡིན། །ཞེས་པ་ལ་སོགས་པའི་དྲི་ལན་རྣམ་པ་གསུམ་སྩལ་ནས་ལྷུ་རྭ་ཎ་སྙིར་བྱོན་པ་ན། ཉི་མའི་འོད་ཀྱི་རྒྱུ་སྐར་ལ་བྱ་བ་བཞིན་དུ་ལྔ་སྡེ་བཟང་པོའི་ཁྲིམས་སུ་བཅས་པ་རང་ཞིག །ཚེ་དང་ལྡན་པ་གོ་ཏ་མ་དབང་པོ་ནི་གསལ་ལ་པགས་པ་ཡོངས་སུ་དག་ན་ཡེ་ཤེས་མཐོང་བའི་ཁྱད་པར་མངོན་དུ་མཛད་དམ་ཞེས་སྤྱོད་ཡུལ་མཉམ་པར་བལྟ་བ་ལ། ཁྱོད་དེ་བཞིན་གཤེགས་པ་ལ་ཚ་དང་ལྡན་པ་མ་ཟེར་ཅིག །ཡུན་རིང་པོར་མི་བདེ་བར་གྱུར་ཏ་རེ། ངས་ནི་བདུད་རྩི་ཐོབ་བོ། །སངས་རྒྱས་སོ། །ཐམས་ཅད་མཁྱེན་པའོ། །ཞེས་ལྡོངས་པའི་གནས་གང་ཡིན་པ་མངོན་དུ་གསལ། ས་ཕྱོགས་དེར་རིན་པོ་ཆེའི་ཁྲི་སྟོང་བྱུང་བའི་འདས་པའི་སངས་རྒྱས་གསུམ་གྱི་ཁྲི་ལ་གུས་པས་བཏུད་དེ་བཞི་པའི་སྟེང་དུ་ལྷམ་མེར་བཞུགས་པའི་མོད་ལ་གཞན་རྣམས་སྣང་བ་མེད་པར་གྱུར། ལྔ་སྡེ་བཟང་པོ་ལྷ་བརྒྱད་ཁྲི་དང་བཅས་པ་ལ་མཐའ་གཉིས་སྤངས་ནས་དབུ་མའི་ལམ་གྱི་བདེན་པ་བཞིའི་ཆོས་འཁོར་ལན་གསུམ་དུ་བཟློས་པ་རྣམ་པ་བཅུ་གཉིས་སུ་བསྐོར་བས། ལྔ་སྡེ་བཟང་པོ་རང་བྱུང་གི་བསྙེན་པར་རྫོགས་ཏེ། འཇིག་རྟེན་ན་གདུགས་ཟླ་མེད་པའི་དགེ་སློང་གི་དགེ་འདུན་ཆེན་པོར་གྱུར་ཞིང་འཁོར་ཐམས་ཅད་ཀྱི་བདེན་པ་མཐོང་། དེའང་འདུལ་བའི་སྡེ་སྣོད་ཚུལ་ཁྲིམས་ཀྱི་བསླབ་པ་གཙོ་བོར་སྟོན་པ་ལས་བརྩམས་ཏེ། འདུལ་བའི་འདུལ་བ་བཅས་པ་དང་རང་བཞིན་གྱི་རྣམ་པར་གཞག་པ་རྣམས་དང་། འདུལ་བའི་མདོ་སྡེ་ཏིང་ངེ་འཛིན་དང་ཚངས་པར་མཚུངས་སྤྱོད་རྣལ་འབྱོར་དུ་བྱ་བའི་རིམ་པ། འདུལ་བའི་མངོན་པ་དེ་དག་གི་རབ་དབྱེ་རྒྱ་ཆེར་བཤད་པ་ལ་སོགས་སོ། །དེ་ནས་གཞན་ཕུན་སུམ་ཚོགས་པ་བྱ་རྒོད་ཕུང་པོའི་རི་ལ། ཤཱ་རིའི་བུ་དང་མོདྷལ་གྱི་བུ་ལ་སོགས་པ་དགྲ་བཅོམ་པ་ལྔ་སྟོང་ཙམ་དང་། སྐྱེ་དགུའི་བདག་མོ་ལ་སོགས་པ་དགེ་སློང་མ་ལྔ་བརྒྱ་ཙམ་དང་།མགོན་མེད་ཟས་སྤྱིན་དང་དགེ་བསྙེན་མ་ས་ག་ལ་སོགས་པའི་དགེ་བསྙེན་ཕོ་མོའི་ཚོགས་དང་། ལྷ་དང་ཀླུ་དང་དྲི་ཟ་ལ་སོགས་པ་རབ་ཏུ་མང་པོ་སྟེ་ཐུན་མོང་གི་འཁོར་རྣམས་པ་བཞི། ཐུན་མོང་མ་ཡིན་པའི་འཁོར་ས་ཆེན་པོ་རབ་ཏུ་འཐོབ་པའི་བྱང་ཆུབ་སེམས་དཔའ་བཟང་སྐྱོང་དང་། རིན་ཆེན་འབྱུང་ལྡན་དང་། དྭ་བ་སྤྱིན་ལ་སོགས་པ་རབ་ཏུ་མང་པོ་རྣམས་ལ་བཀའ་བར་པ་མཚན་ཉིད་མེད་པའི་ཆོས་ཀྱི་འཁོར་ལོ་བསྐོར་རོ། །དེའང་མདོ་སྡེའི་སྡེ་སྣོད་གཙོ་བོར་སེམས་ཀྱི་བསླབ་པ་སྟོན་པ་ལས། མདོ་སྡེའི་འདུལ་བ་བྱང་ཆུབ་སེམས་དཔའི་སྡོམ་པའི་ཚོམས་རྣམ་པར་བཞག་པ་དང་། མདོ་སྡེའི་མདོ་སྡེ་ཟབ་ཅིང་རྒྱ་ཆེ་བའི་ཏིང་ངེ་འཛིན་དང་། མདོ་སྡེའི་མངོན་པ་ས་དང་ལམ་དང་གཟུངས་དང་ཏིང་ངེ་འཛིན་གྱི་རབ་ཏུ་དབྱེ་བ་ཇི་སྙེད་པ་དག་གོ །ལྷའི་གནས་དང་ཀླུའི་གནས་ངེས་པ་མེད་པར། དགེ་སློང་དང་། དགེ་སློང་མ་དང་། ལྷ་དང་། ཀླུ་དང་། བྱང་ཆུབ་སེམས་དཔའ་གྲངས་མེད་པ་ལ་བཀའ་ཐ་མ་ངེས་པ་དོན་གྱི་ཆོས་འཁོར་བསྐོར་ཏེ། དེའང་མངོན་པའི་སྡེ་སྣོད་ལྷག་པ་ཤེས་རབ་ཀྱི་བསླབ་པ་གཙོ་བོར་སྟོན་པ་ལས། མངོན་པའི་འདུལ་བ་ཚེགས་ཆུང་ཞིང་སླ་བའི་ཐབས་ཀྱི་ཉོན་མོངས་པ་འདུལ་བ་རྣམས་དང་། མངོན་པའི་མདོ་སྡེ་དེ་ཁོ་ན་ཉིད་ལ་འཇུག་པའི་ཚུལ། མངོན་པའི་མངོན་པ་ཕུང་པོ་དང་། ཁམས་དང་། སྐྱེ་མཆེད་དང་། དབང་པོ་དང་། རྣམ་པར་ཤེས་པ་དང་། དེ་བཞིན་གཤེགས་པའི་སྙིང་པོའི་ཁམས་རང་བཞིན་གྱི་རྣམ་པར་དག་པའི་རབ་ཏུ་དབྱེ་བ་ཆ་དང་བཅས་པའོ། །དེ་དག་ཀྱང་མདོ་སྡེ་ཡོན་ཏན་བཀོད་པ་ལས། ང་ཡིས་ཅི་ཡང་མ་གསུངས་པར། །སེམས་ཅན་རྣམས་ལ་ཁྱབ་བདག་སྣང་། །གང་ཚ་རིམ་གྱིས་མངོན་འདོད་པ། །དེ་དག་ཀུན་ལ་དེ་བཞིན་ཏེ། །དུས་གཅིག་ཉིད་དུ་འཇུག་པ་ལ། །ཆོས་ཀྱི་རྣམ་གྲངས་རྫོགས་པར་སྣང་། །ཡིད་བཞིན་རེ་བ་རྣམས་བསྐོང་བའི། །གསུང་གི་ཆེ་བ་དེ་ཉིད་དོ། །ཞེས་དབང་པོའི་རིམ་པས་འཁོར་ལ་་གསུམ་ཅིག་ཅར་དུ་ཐོས་པ་དང་། རིམ་གྱིས་འཇུག་པའི་ལས་ཅན་རྣམས་ལ་རིམ་པས་ཐོས་པ་གསུང་སྒྲ་ཚིག་རང་མཚན་ལས་འདས་པས་ཁྱད་ཆོས་ཡིན་ནོ། །ཚུལ་འདིས་ནི་རྒྱལ་བའི་འཕྲིན་ལས་ཚད་མེད་པའི་ཆོས་ཀྱི་སྒོ་དང་། ཐེག་པའི་རྣམ་གྲངས་དང་། གདུལ་བའི་ཐབས་ཚུལ་དང་དུས་སྔ་ཕྱི་ལ་སོགས་པ་བསམ་པར་མི་ནུས་པའི་གོ་བ་ཡང་དག་བསླངས་པ་ཉིད་དོ། །དེ་ལྟ་བུའི་ཐེག་པ་གསུམ་དང་བཅས་པའི་ཆོས་ཚུལ་རྒྱ་མཚོ་ཚད་མེད་པས། ལ་ལ་ལམ་དང་འབྲསབུའི་ཆོས་ལ་བཀོད། ལ་ལ་ནི་ལྷ་དང་མིའི་བདེ་བ་ལ་བཀོད། ལ་ལ་ནི་གནས་སྐབས་ཀྱི་འཇིགས་པ་ཆེན་པོ་ལས་བསྒྲལ་ཞིང་སྐྱབས། མདོར་ན་ཆོ་འཕྲུལ་ཆེན་པོ་ལ་སོགས་པའི་འཕྲིན་ལས་ཀྱི་རོལ་པ་ཚད་མེད་པས་མཐོང་བ་དང་། ཐོས་པ་དང་རེག་པ་དང་། དྲན་པ་ཡན་ཆོད་ཀྱི་སེམས་ཅན་ཐམས་ཅད་ལ་ཐར་པ་དང་ཐམས་ཅད་མཁྱེན་པའི་ས་བོན་གསེར་འགྱུར་རྩིའི་འཁྲུལ་འཁོར་ལྟ་བུ་ནི་བཏབ། དངོས་ཀྱི་གདུལ་བྱ་དྲི་ཟ་རབ་དགའ་དང་། ཀུན་ཏུ་རྒྱུ་རབ་བཟང་ཡན་ཆོད་ཐབས་ལ་མཁས་པ་དང་། ཐུགས་རྗེའི་ཆེན་པོའི་མུ་ཁྱུད་ཀྱི་ར་བའི་ཁོངས་སུ་ཆུད་པར་མཛད་ནས་གྲོང་ཁྱེར་ཙྭ་ཅན་དུ་ཐ་མའི་མཛད་པ་ལ་དགོངས་ནས་གཤེགས་སོ། །དེར་མཐོང་ན་མི་མཐུན་པ་མེད་པའི་སྐུ་ནི་ཅ་ཅོ་དང་ག་ཞར་མ་ཡིན། གླལ་བ་ལ་སོགས་པའི་ཐ་མལ་གྱི་ཆོས་ཡོངས་སུ་སྤངས་པ་ཞིག་ལ། དཔལ་གྱི་མགུར་ལས་སྤྲིད་པ་ཞིག་ཐོན་པ་སྐྱེ་དགུའི་བདག་མོའི་རྣ་བར་གཟོན་པར་གྱུར་ནས། སངས་རྒྱས་བསྐལ་པ་གྲངས་མེད་པ་གསུམ་དུ་བཞུགས་པར་གྱུར་ཅིག་ཅེས་སྨོན་ལམ་བཏབ་པས། ས་བླ་པ་ནས་འོག་མིན་གྱི་བར་དུ་འགྲིམ་པ་བཞིན་དུ་ཐོན་ནས་དེ་དག་ཀྱང་དེ་བཞིན་དུ་སྨོན་ནོ། །དེར་སྐྱེས་དགུའི་བདག་མོ་ལ་ཁྱོད་ཀྱིས་མ་ལེགས་པ་བྱས། བསྟན་པ་ཡུན་རིང་དུ་གནས་པར་གྱུར་ཅིག་མི་ཟེར་བར། སྐྱེས་བུ་ལེ་ལོ་ཅན་མང་པོ་ཆོས་བསྒྲུབ་པའི་གེགས་སུ་གྱུར་གསུངས་པས། བཟོད་པར་གསོལ་བའི་སླད་དུ་དེ་དགྲ་བཅོམ་མ་ལྔ་བརྒྱ་དང་བཅས་མྱ་ངན་ལས་འདས་སོ། །དེའི་ཚེ་མཆོག་ཟུང་གིས་དམྱལ་བའི་གནས་བལྟར་བྱོན་པ་ན། མུ་སྟེགས་བྱེད་ཀྱི་སློབ་དཔོན་དང་མཁན་པོ་རྣམས་ཀྱང་ལས་ཀྱི་འབྲས་བུ་ལ་སྤྱོད་དོ། །རང་གི་གྲུབ་པའི་མཐས་ནོངས་པའི་ཚུལ་རྗེས་སུ་འཇུག་པ་དག་ལའང་འཕྲིན་དུ་བྱས་པ་སྔོན་ལ་ཤཱ་རིའི་བུས་བསྐྱར་བ་ཤ་མཁོན་མེད་པས་མ་ཐོས། ཕྱི་ནས་མོ་གལ་གྱི་བུས་ཁྱོད་ཅག་གི་སློབ་དཔོན་ནི་མནར་མེད་པའི་དམྱལ་བ་ན་ཉམ་ཉེས་པར་གྱུར་ནས་འཕྲིན་འདི་ལྟར་རྫངས་སོ་ཞེས་སྨྲས་པ་ན། འདི་འུ་ཅག་ལ་སྨྲ་བར་མ་ཟད་མཁན་པོ་དང་སློབ་དཔོན་ལའང་སྨྲ་བར་བྱེད་པས་ཆོམས་ཤིག་ཅེས་སྐུ་ལུས་འདམ་བུ་བཅོམ་པ་ལྟར་བརྡུངས་སོ། །དེར་ཤཱ་རིའི་བུས་ཆོས་གོས་ཀྱི་གྲར་གཏུམས་ཏེ་ཁུར་ནས་གྲོང་ཁྱེར་ཤིང་ཐག་ཅན་དུ་བསྐྱལ། མི་འཚོ་བར་ཤེས་ནས་གྲོགས་པོ་འཆི་བ་ཐོས་པར་ཡང་མི་བྱ་ན། མཐོང་བ་ལྟ་སྨོས་ཀྱང་ཅི་དགོས་ཞེས་དཔལ་ནཱ་ལནྟྲར་སོང་ནས་དེའི་སྔ་དྲོ་དགྲ་བཅོམ་པ་བཞི་སྟོང་དང་བཅས་མྱ་ངན་ལས་འདས་སོ། །དེའི་ཕྱི་དྲོ་མོའུ་གལ་གྱི་བུ་དགྲ་བཅོམ་པ་བཞི་བརྒྱ་དང་བཅས་མྱ་ངན་ལས་འདས་སོ། །གཞན་ཡང་དགྲ་བཅོམ་པ་མང་པོ་བུད་ཤིང་ཟད་པའི་མེ་ལྟར་མྱ་ངན་ལས་འདས་སོ། །དེ་ནས་སངས་རྒྱས་ཀྱི་བསྟན་པ་འཁོར་རྣམ་བཞི་དང་བཅས་པ་གནས་བརྟན་འོད་སྲུང་ཆེན་པོ་ལ་གཏད་དེ། སྐུའི་སྟོད་གཡོགས་བསལ་ནས། དགེ་སློང་དག་དེ་བཞིན་གཤེགས་པའི་སྐུ་ལ་ལྟོས་ཤིག །དེ་བཞིན་གཤེགས་པ་ལ་བལྟ་བ་ནི་རྙེད་པར་དཀའ་སྟེ་ཨུ་དུམ་ལྷུ་ར་བཞིན་ནོ། །དགེ་སློང་དག་ཅང་མ་སྨྲ་ཞིག་དང་། འདི་ལྟར་འདུས་བྱས་ཐམས་ཅད་ནི་འཇིག་པའི་ཆོས་ཅན་ནོ། །ཞེས་ངེས་པར་འབྱུང་བའི་རྒྱུས་གདུལ་བྱ་ལེ་ལོ་ཅན་ཆོས་ལ་བསྐུལ་ནས་ཤིང་སྭ་ལ་ཟུང་གཅིག་གི་སར་དགོངས་པ་ཡོངས་སུ་མྱ་ངན་ལས་འདས་སོ། །དེར་འོད་སྲུང་ཆེན་པོ་ཀླུ་ཡུལ་ནས་བྱོན། གདུང་ལ་གསོལ་བ་བཏབ་པས་ཞུགས་རང་འབར་སྟེ་སྐུ་གདུང་གསིལ་བུར་གྱུར།རང་རང་གི་སྐལ་བའི་ཁྱད་པར་དང་འཚམ་པར་ཆ་བརྒྱད་དུ་བགོས་པ་མཆོད་རྟེན་གྱི་སྙིང་པོར་བྱས་སོ། །དེ་བཞིན་གཤེགས་པས་ལེགས་པར་གསུངས་པའི་གསུང་རབ་རྒྱ་མཚོའི་སྙིང་པོར་གྱུར་པ་རིག་པ་འཛིན་པའི་སྡེ་སྣོད་དམ། སྔ་འགྱུར་རྒྱུད་འབུམ་རིན་པོ་ཆེའི་རྟོགས་པ་བརྗོད་པ་འཛམ་གླིང་མཐའ་གྲུར་ཁྱབ་པའི་རྒྱན་ཅེས་བྱ་བ་ལས། སྟོན་པ་འཇིག་རྟེན་དུ་བྱོན་ཚུལ་གླེང་བའི་རབ་ཏུ་བྱེད་པ་སྟེ་དང་པོའོ།། །།སྤྱི་དོན་གཉིས་པ་དེའི་བསྟན་པ་འཕགས་པའི་ཡུལ་དུ་རྩ་བ་ཇི་ལྟར་ཚུགས་པ་ནི། འཆད་པར་འགྱུར་པའི་བསྟན་སྐྱོང་ཆེན་པོ་རྣམས་ཀྱི་བདག་པོའི་རྐྱེན་ལས་རྒྱུ་དང་འབྲས་བུའི་ཐེག་པ་མཐའ་ཀླས་པ་ཉིད། སྔོན་དང་ད་ལྟ་ཕྱི་མའི་མུར་ཐུག་གི་བར་གནས་ཤིང་འཕེལ་བར་མཛད་པ་སྟེ། དེའི་ངེས་པའང་། ལེགས་པར་གསུངས་པའི་བཀའ་ལ་བཤད་སྒྲུབ་བྱེད་པ་དང་། དེའི་དོན་མ་ནོར་བ་འཆོས་སྐྱོབ་གཉིས་ཀྱི་དོན་དང་ལྡན་པར་འགྲེལ་ཞིང་། གཞན་ལ་འདོམས་པའི་འཕྲིན་ལས་ཚད་མེད་པའི་དབང་གིས་ཡིན་ནོ། །དེ་སྐད་དུའང་། ཆོས་རྣམས་ཐམས་ཅད་བཀའ་དང་བསྟན་བཅོས་གཉིས། །ལེགས་པར་གསུངས་དང་དེ་ཡི་་དགོངས་འགྲེལ་པ། །དེ་ཡི་དབང་གིས་ཤཱཀྱའི་བསྟན་པ་འདི། །འཇིག་རྟེན་ཁམས་འདིར་ཡུལ་རིང་གནས་པར་གྱུར། །ཞེས་སོ། །གང་གི་ཚ་རྒྱལ་ཚབ་འོད་སྲུང་ཆེན་པོ་ལ་སྟོན་པས་བསྟན་པ་ལེགས་པར་གཏད། དེས་ཀྱང་འཁོར་རྣམ་པ་བཞི་བསྐྱངས། ཀུན་དགའ་བོའང་སེམས་ཀྱི་དྲི་མའི་ཆ་ཤས་སྤྱོ་བ་བདུན་དང་བཅས་པས་བསལ། བཀའི་བསྡུ་བ་དང་པོར་བྱས་པའི་ཚ་ལྷ་དང་མིའི་འཇིག་རྟེན་ཐམས་ཅད་ནི་བདེ། རྒྱལ་པོ་མ་སྐྱེས་དགྲར་གྲགས་པ་ཡང་སྔོན་གྱི་བསོད་ནམས་ཀྱི་འབྲས་བུ་ལ་རང་དབང་དུ་སྤྱོད། སྟོན་པའི་བསྟན་པ་སློབ་མ་དང་བཅས་པ་ལ་གཅིག་ཏུ་གུས་པས་ཕྱི་མའི་བསོད་ནམས་ལ་འདུན་པ་དེའི་ཚེ། རྒྱལ་ཚབ་འོད་སྲུང་ཆེན་པོས་ཀྱང་ཀུན་དགའ་བོ་ལ་བསྟན་པ་གཏད་ནས་རི་བོ་བྱ་གག་རྐང་ཅན་དུ་སྐུ་གདུང་མི་འཇིག་པར་བྱིན་གྱི་བརླབས་ནས་མྱ་ངན་ལས་འདས་སོ། །དེར་སྐྱེ་བོ་ཐམས་ཅད་ཀྱང་སྐྱོ་བ་རབ་ཏུ་བསྐུལ་བར་གྱུར་ཏེ། སྟོན་པའི་ཞལ་མཐོང་བའི་དགེ་སློང་སོ་སོ་སྐྱེ་བོ་དག་ནི། སངས་རྒྱས་བཞུགས་པའི་ཚེ་བདག་ཅག་བག་མེད་པར་འཁྱམས་པས་ཁྱད་པར་མ་ཐོབ་པོ་ཞེས་ཡིད་འབྱུང་བས་ཏིང་ངེ་འཛིན་དང་བསླབ་པའི་གནས་ལ་ཤིན་ཏུ་བརྩོན་པར་བྱེད།འཕགས་པ་སློབ་པ་རྣམས་ཀྱང་དེ་བཞིན་ནོ། །སྟོན་པའི་ཞལ་མ་མཐོང་བའི་དགེ་སློང་གསར་བུ་དག་ནི་བདག་ཅག་སྟོན་པའི་ཞལ་མཐོང་བ་ལས་ནི་རིང་དུ་གྱུར། དངོས་སུ་འདོམས་པར་བྱེད་པའང་མཐུ་ཆུང་གིས།བརྩོན་པ་རབ་ཏུ་མ་བསྐྱེད་ན་རྣམ་པར་འཁྱམ་པར་འགྱུར་རོ་སྙམ་ནས་དགེ་བའི་ཕྱོགས་ལ་སོགས་ཤིན་ཏུ་ཤིན་ཏུ་བརྩོན་པས། འབྲས་བུ་ཐོབ་པ་ཉིན་རེ་བཞིན་ཡང་འཕེལ་བར་གྱུར་ཏོ་ཞེས་གྲགས་སོ། །དེའི་ཚེ་འཕགས་པ་ཀུན་དགའ་བོ་དགེ་སློང་གི་དགེ་བདུན་དང་བཅས་པ་འོད་མའི་ཚལ་ལ་སོགས་པར་བཞུགས་ནས། སྐྱེ་བོའི་ཚོགས་མང་པོ་འབྲས་བུ་རྣམ་པ་བཞི་ལ་བཀོད་པས་འཕགས་པ་ཀུན་དགའ་བོ་ནི་སྟོན་པ་དང་མཚུངས་པའི་ཉན་ཐོས་སོ་ཞེས་ལྷ་དང་མིའི་འཇིག་རྟེན་ན་སྒྲོག་པར་བྱེད་དོ། །རེ་ཞིག་ན་སྡེ་དཔོན་གྱི་བུ་ཤ་ནའི་གོས་དང་བཅས་བཙས་པ་ཤ་ནའི་གོས་ཅན་དུ་གྲགས་པ་འཕགས་པས་རབ་ཏུ་བྱུང་བར་བསྐུལ་བ་ཐོས་པ་འཛིན་པའི་རྩེ་མོར་གྱུར་པ་ལ་བསྟན་པ་གཏད། རིམ་བཞིན་ཡོངས་སུ་གྲགས་པ་ལུང་ཕྲན་ཚེགས་ཀྱི་བཞེད་པ་བཞིན་ལེགས་མཐོང་གི་བར་གྱིས་གཏད་རབས་བདུན་ནམ། ཁ་ཆེ་བ་རྣམས་ཀྱིས་འདོད་པས་བརྒྱད། ལདྷར་གཤེགས་པའི་འགྲེལ་པ་ལས་དེ་དང་མི་མཐུན་པར་བཤད་ཅིང་། གཏད་རབས་བདུན་ནི་སྟོན་པའི་བསྟན་པ་ལ་བྱ་བ་བརླབས་པོ་ཆེ་འགྲན་ཟླ་སྤངས་པ་ཉིད་དོ། །གཞན་ཡང་ནཱ་རོ་ཏ་པས་དཔལ་དི་པ༷་ཀ་ར་ལ་གཏད་པ་ཡན་ཆད་ཀྱི་གཏམ་དུ་གྱུར་པ་དང་ཕྱི་ནས་ཀྱང་མ་ག་དྷའི་པཏི་ཏ་ས་དབང་བཟང་པོ་དང་དབང་པོས་བྱིན། བྲམ་ཟེའི་པརྙི་ཏ་བྷ་ཊ་ག་ཞི་གསུམ་གྱིས་བྱས་པའི་རྒྱ་གར་གྱི་གཏམ་རྒྱུད་ཐ་དད་པ་དང་། མཁས་པའི་ངག་བགྲོས་མང་དུ་བསྣན་པ་དག་ལས་བྱུང་བའི་ཡི་གེ་ངོ་མཚར་གྱི་གཏམ་དུ་སྣང་བ་དག་ཀྱང་ཡོད་མོད་ཀྱིས་ཐམས་ཅད་བྲི་བར་མ་ནུས་པས་བསྟན་པའི་རྩ་ལག་ཆེན་པོར་གྱུར་པ་དེ་དག་ལ་དད་པ་བླ་ལྷག་ཏུ་བསྐྱེད་པར་བྱས་ནས། འདིར་རེ་ཞིག་ཉན་ཐོས་ཀྱི་བསྟན་པ་ལའང་ཕན་པ་རྒྱ་ཆེན་པོ་བཏགས། ཁྱད་པར་དུ་བློ་མཆོག་རྣམས་ཀྱི་སྤྱོད་ཡུལ་ཐེག་པ་ཆེན་པོའི་གཞུང་ལུགས་གསལ་བར་མཛད་ཅིང་།གང་ཞིག་སངས་རྒྱས་ཀྱི་བསྟན་པ་ལ་དགྲ་ཟླར་ཆས་པའི་འོད་སྲུང་རྫོགས་བྱེད་ཀྱི་རྗེས་འབྲང་རྟོག་གེ་པ་དྲུག །བྲམ་ཟེ་རྒྱུས་རྒལ་ལ་སོགས་པའི་གཞུང་འཛིན་རྗེས་སྒྲོག་པ་དྲུག །རེངས་བྱེད་ཀྱི་བུ་ལྷག་སྤྱོད་ལ་སོགས་པའི་རྗེས་འབྲང་སྙོམས་འཇུག་པ་དྲུག་སྟེ། འཇིག་ཚོགས་ལ་ལྟ་བ་སུམ་བརྒྱ་དྲུག་ཅུའི་ཚེར་མ་རྣོན་པོས། རྫོགས་པའི་སངས་རྒྱལ་ཀྱི་བསྟན་པ་ལ་འབུགས་པར་བརྩོམ་པའི་སྙིང་སྟོབས་དང་ལོག་པའི་བློ་གྲོས་མ་རྨོངས་པ་གང་དག །མེ་བཞིན་དུ་གདོན་མི་ཟ་བར་བསྲེག་བྱ་ཟ་བ་ཚད་མའི་རིག་པ་དང་། རླུང་བཞིན་དུ་ཐོགས་རྡུགས་སྤངས་པའི་རྫུ་འཕྲུལ་གྱིས་ནུས་པ་ཟད་མི་ཤེས་པའི་མཐུས་སྤ་བཀོང་བར་བྱེད། ཉམས་སྨད་པར་བྱས།ཚར་བཅད་པར་བྱས་ནས། སངས་རྒྱས་ཀྱི་བསྟན་པ་ལ་སྟོན་པ་གཉིས་པའི་བྱ་བ་བྱས་པས་འཛམ་བུའི་གླིང་གི་རྒྱན་དྲུག་དང་། རྨད་བྱུང་གཉིས། ཆེན་པ་བཞི་ཞེས་ཉི་མ་དང་ཟླ་བ་ལྟར་གྲགས་པ་དེ་དག་གི་རྟོགས་པ་བརྗོད་པས་མདུན་བསུས། སྤྱི་དང་བྱེ་བྲག་གི་བསྟན་པའི་ཉི་མོར་བྱེད་པ་དག་གི་རྣམ་པར་ཐར་པ་ཅུང་ཟད་ཀྱང་བརྗོད་པའི་ལམ་དུ་དྲང་པར་བྱའོ། །དེ་ལ་རེ་ཞིག་གི་དུས་ན་ཡུལ་ཙསྦ་ཨཎྜ་ཞེས་བྱ་བར་ཉི་མའི་རིགས་ཀྱི་རྒྱལ་པོ་ནི་མི་ཏ་ཞེས་བྱ་བ་འབྱོར་པའི་དཔལ་དང་ལྡན་པ་ཞིག་ཡོད་དོ། །དུས་གཞན་ཞིག་ན་དེ་ཚོང་དཔོན་གྱི་ཆུང་མ་དང་འདུས་པ་ལས་སྦྲུམ་པར་གྱུར་ཅིང་། ནམ་ཞིག་རྒྱལ་པོའི་མ་དུས་ལས་ཡོལ་བའི་མྱ་ངན་བསལ་བའི་ཉིན་སྐྲུམ་པ་གང་ཞིག་བཙའ་བར་བྱས་པས། བུའི་མིང་མྱ་ངན་མེད་ཅེས་བྱ་བར་བཏགས་སོ། །དེ་ནི་དཔའ་བ། རྟུལ་ཕོད་པ། སྒྱུ་རྩལ་དྲུག་ཅུ་དང་། བརྟག་པ་བརྒྱད་ལ་བྱང་ཆུབ་པ། ཁྲོ་ཞིང་གཏུམ་པས་ཉིན་མོའི་དང་པོ་ལ་གསོད་པ་དང་། འཆིང་བ་དང་། བརྡེག་ལ་སོགས་པ་ཆད་པས་གཅོད་པའི་བྱ་བ་རྣམས་མ་བྱས་པར་རྣམ་པར་ཤེས་པ་རྣལ་དུ་མི་ཕེབས་པས་ཁ་ཟས་ཀྱང་ཟ་བར་མི་བྱེད་ཅིང་། སྡིག་པའི་གྲོགས་པོའ་གཞན་དབང་ལས་སྲོག་གི་མཆོད་སྤྱིན་ལ་བརྩོན་པར་བྱེད་དོ། །དེ་རེ་ཞིག་ན་སྔོན་གྱི་སྨོན་ལམ་ལས་དགེ་བའི་བཤེས་གཉེན་གྱིས་ཟིན་པའི་དུས་ལ་བབ་པ་ན། དགྲ་བཅོམ་པ་གྲགས་པ་གློབ་མར་བཅས་པའི་ཐུགས་རྗེ་དང་རྫུ་འཕྲུལ་གྱིས་སྔར་གྱི་སྤྱོད་ཡུལ་ལས་ཤིན་ཏུ་ལྡོག་པར་གྱུར་ནས་སངས་རྒྱས་ཀྱི་བསྟན་པ་ལ་སྲི་ཞུ་འགྲན་ཟླ་མེད་པས་བཀའ་བསྡུ་བ་གཉིས་པའི་ཚེ་སྤྱིན་བདག་ཏུ་གྱུར་ཞིང་། བསྟན་པའི་ཕྱོགས་སུ་རྒྱལ་སྲིད་གཏོང་བ་ལའང་འཇུངས་པ་དང་སེར་སྣ་སྤངས་པ་དེའི་རྒྱུད་ལས་བྱུང་བ་རྒྱལ་པོ་པདྨ་ཆེན་པོ་དང་དུས་མཉམ་པ་ལས་ཐོག་འཕྱི་བ་ཙམ་ན། ཡུལ་ཨོ་ཁི་བི་ཤར་རྒྱལ་པོ་ཟླ་བ་བསྲུང་བ་ཞེས་བྱ་བ་བྱུང་ངོ་། །དེའི་ཁྱིམ་དུ་འཕགས་པ་ལག་ན་རལ་གྲི་ཆོས་གོས་གསུམ་པའི་དངོས་པོ་ཅན་དུ་བྱོན་ནས། ཐེག་པ་ཆེན་པོའ་ཆོས་འགའ་ཞིག་བསྟན་ཅིང་གླེགས་བམ་ཞིག་ཀྱང་བཞག་པ་འདི་ནི་སྟོན་པ་མྱ་ངན་ལས་འདས་པའི་ཕྱིར་ནས་ཐེག་པ་ཆེན་པོའི་བསྟན་པ་དབུ་བརྙེས་པའི་དང་པོ་ཡིན་ཞེས་གྲགས་སོ། །འདིའི་ཚེ་བསྡུ་བ་གསུམ་པའི་དུས་སུ་སྣང་ཞིང་རིམ་པར་ལྷ་དང་ཀླུ་དང་། དྲི་ཟ་དང་། སྲིན་པོའི་ཡུལ་ལ་སོགས་པ་ནས་འཕགས་པ་དཀོན་མཆོག་བརྩེགས་པ་ལ་སོགས་པའི་ཆོས་ཀྱི་རྣམ་གྲངས་མང་པོའི་གླེགས་བམ་ཡང་བྱོན། བྱམས་པ་དང་རིགས་གསུམ་སེམས་དཔའ་ལ་ཆོས་གསན་པའི་ཐེག་པ་ཆེན་པོའི་དགེ་སློང་མདོ་སྡེ་མང་པོ་འཛིན་པ། བློ་གྲོས་ཐོགས་པ་མེད་པ། རྫུ་འཕྲུལ་དང་མངོན་ཤེས་མངའ་བ། བཟོད་པ་ཐོབ་པ་ཤ་སྟག་ཅིག་ཅར་ཏུ་བྱུང་བས་སྙན་པའི་གྲགས་པ་ཀུན་ཏུ་ཁྱབ་པ་ན། ཉན་ཐོས་པ་རྣམས་དེའི་སྤྱོད་ཡུལ་དུ་མ་གྱུར་པས། །ཐེག་པ་ཆེན་པོ་བཀའ་མ་ཡིན་ནོ་ཞེས་བསྐུར་པ་འདེབས་པ་བྱུང་ནའང་། ཉི་མའི་འོད་ཀྱིས་འོད་གཞན་ལ་བྱ་བ་བཞིན་དུ་ཉན་ཐོས་སྟོང་ཕྲག་མང་པོའི་དབུས་ན་ཐེག་པ་ཆེན་པོ་པ་རེ་རེ་ཙམ་གནས་ཀྱང་ཟིལ་གྱིས་མི་ནོན་པའོ། །དེ་ལྟ་ནའང་བསྡུ་བ་གསུམ་པའི་དགོངས་དོན་གྱི་གཙོ་བོར་སྨོས་པ་དགེ་སློང་ལྷ་ཆེན་དང་པོའམ། བཟང་པོ་དོན་གཅིག་མིང་གི་རྣམ་གྲངས་སུ་འདོད་པ་དང་། ལྷ་ཆེན་ཤི་བའི་ཕྱི་ནས་བཟང་པོ་བྱུང་བར་སྨྲ་བའང་ཡོད་དེ། ཇི་ལྟར་ཡང་། དེ་མ་བྱུང་བ་ཕན་ཆོད་དུ།འབྲས་བུ་ཐོབ་པའང་ཉིན་རེ་བཞིན་འཕེལ་བར་བྱུང་ལ། དེས་བསྟན་པ་དཀྲུགས་པ་ཕྱིན་ཆད་ནས་དགེ་སློང་རྣམས་རྣལ་འབྱོར་ལ་མི་བརྩོན་པར་རྩོད་པའི་དོན་ཁོ་ན་སེམས་པར་བྱེད་པས་འབྲས་བུ་ཐོབ་པའང་ཤིན་ཏུ་ཉུང་བས་ཉན་ཐོས་པའི་བསྟན་པ་ནི་དར་ལ་མ་སྨིན་པ་དུས་དེ་ཙམ་ནས་ཡོད་ཅིང་། དེ་དག་གི་ཐེག་ཆེན་པའི་ཕྱོགས་ལ་ཁ་ཟེར་བར་བྱེད་པས། ཁྱབ་བརྡལ་དུ་མེད་ཅིང་བག་ལ་ཉལ་གྱི་ཚུལ་དུ་ཡོད་དོ། །གང་གི་ཚ་ཆེན་པོ་བཞིའི་ཡ་གྱལ་དུ་གྱུར་པ་བྲམ་ཟེ་སྒྲ་ཅན་འཛིན་ནམ། གྲུབ་པའི་དབང་ཕྱུག་ཡོངས་ཀྱི་སྤྱི་མེས་སློབ་དཔོ་ཆེན་པོ་ས་ར་ཧ་འཛམ་བུའི་གླིང་དུ་བྲམ་ཟེའི་རིགས་ཀྱི་ལང་ཚོའི་མེ་ཏོག་ཡོངས་སུ་བཟུང་ནས། རིག་བྱེད་ཡན་ལག་དང་བཅས་པ་དང་། རིག་པའི་གནས་ཆེན་པོ་བཅོ་བརྒྱད། བརྟག་པ་བརྒྱད་ལ་སོགས་པ་གཙུག་ལག་རྒྱ་མཚོའི་ཕ་རོལ་ཏུ་སོན་ནས་བྲམ་ཟེའི་ཁྱིའུ་ལྔ་བརྒྱ་ལ་གསང་ཚིག་བསླབ་པ་ན་རྡོ་རྗེ་རྣལ་འབྱོར་མ་ཆང་འཚོང་མའི་རྣམ་པས་དམ་ཚིག་གི་བདུད་རྩི་སྩལ་བ་རྟོག་པ་མེད་པར་ལོངས་སྤྱད་དོ། །དེར་བྲམ་ཟེའི་རིགས་ལས་ཉམས་སོ་ཞེས་གྲགས་པ་ངན་པའི་ཐེམ་སྐས་ལ་དྲངས་ཏེ་སྨ་དབབ་པར་འདོད་པ་ན་སློབ་དཔོན་ནི་རེ་ཞིག་ནས་དཔལ་གྱི་རི་ག་ལ་བར་གསང་བའི་བདག་པོས་ཡེ་ཤེས་ཀྱི་དཀྱིལ་མཁོར་མངོན་སུམ་དུ་བསྟན་ནས། ལུང་ལེགས་པར་བྱིན་ཏེ་དངོས་གྲུབ་མཆོག་གིས་ཤིང་རྟ་ལ་འཛེགས་པ་ཞིག་པས།བྲམ་ཟེ་རྣམས་ལ་ཆང་སྒྱུག་པའི་སྦྱོར་བ་མཛད། མཚོའི་སྟེང་དུ་རྡོ་ཆེན་པོ་འཕངས་ཏེ། གལ་ཏེ་ངས་འཐུངས་ན་ནི་བྱིང་ཤིག ཁྱོད་རྣམས་ཀྱིས་འཐུངས་ན་འཕྱོ་བར་གྱུར་ཅིག །གསུངས་པས་འཕྱོ་བར་གྱུར་ཏོ། །དེ་ནས་རབ་ཏུ་བྱུང་བ་ནི་བསྟན་པ་ཐམས་ཅད་ཀྱི་རྩ་བའོ་སྙམ་དུ་ཤི་ན་ལེནྟྲར་བྱོན། འཕགས་པ་གནས་བརྟན་པའི་སྡེ་ལས་རབ་ཏུ་བྱུང་། དགེ་སློང་གི་དངོས་པོར་བསྒྲུབས་ནས་སྡེ་སྣོད་གསུམ་པ་ཆེས་མཆོག་ཏུ་གྱུར། གནས་དེ་ཉིད་དུ་དམ་པའི་ཆོས་འདུལ་བ་སྨྲ་བའི་མཁན་པོར་གྱུར་པར་གྲགས་ནའང་། ཐེག་པ་ཆེན་པོའི་མདོ་སྡེ་དར་རྒྱས་སུ་གྱུར་ཅིང་། བསྟན་པའི་བྱ་བ་རྒྱ་ཆེན་པོ་མཛད། ཕྱག་རྒྱ་ཆེན་པོའི་ཐབས་ཀྱི་ཉེ་རྒྱུ་ནི་སྤྲོས་པ་མེད་པར་རྗེས་སུ་བསྟན་པས་དེའི་རྗེས་སུ་བསློབ་པར་བགྱིའོ། །སྙམ་ནས་རབ་བྱུང་བའི་བརྟུལ་ཞུགས་ལ་ཞེན་པ་སྤངས། མདའ་འཚོང་གི་བུ་མོ་དངོས་གྲུབ་གྱི་རྟེན་དུ་ཉེ་བར་བཟུང་། མདའ་བསླངས་པས་གནས་ལུགས་ཀྱི་ངོ་བོ་བརྡའ་ཐབས་ཀྱིས་མཚོན་པའི་སྤྱོད་པར་ངོ་འཕྲོད་ནས། ཡུལ་སྣ་ཚོགས་སུ་མདའ་མཁན་མཆོག་གི་ཆ་ལུགས་ཀྱིས་སྤྱོད་དོ། །དེར་རྒྱལ་པོ་ལ་སོགས་སྐྱེ་བོ་མཐའ་ཡས་པས་འཕྱས་པས། ཀྱེ་ལགས་ང་ནི་བྲམ་ཟེ་སྟེ། །སྤྱིག་མཁན་མོ་དང་ལྷན་ཅིག་སྤྱོད། །རིགས་དང་རིགས་མིན་ངས་མ་མཐོང་། །ཞེས་པ་ལ་སོགས་དོ་ཧ་སྤྱོད་པའི་རྡོ་རྗེའི་རྒྱང་གླུ་རོལ་མོར་འཁྲོལ་བས། རྒྱལ་པོ་ལ་སོགས་པ་སྟོང་ཕྲག་ལྔ་མངོན་སུམ་པའི་གནས་ལུགས་ལ་སྦྱར། །རིག་པ་འཛིན་པའི་ལུས་སུ་གྱུར་ནས་ནམ་མཁའ་ལ་འགྲོ་ཞིང་མཐར་མི་སྣང་བར་གྱུར་པས་ཕྱོགས་ཐམས་ཅད་ནི་གྲགས་པས་ཁྱབ། འགྲོ་བ་མང་པོའི་དོན་མཛད་ནས་སྐུ་ལུས་སྤངས་པར་སངས་རྒྱས་ཀྱི་ཞིང་དུ་བཞུད་པར་གྲགས་པ་དང་། རྣམ་པ་གཅིག་ཏུ་ཡི་དགས་ཀྱི་དོན་དུ་རང་གི་པུར་སྦྱངས་པའི་དུད་པས་ཡི་དགས་ཀྱི་ཚོགས་མང་པོ་ལྷའི་འཇིག་རྟེན་དུ་སྐྱེ་བར་བྱིན་གྱིས་བརླབས།ངོ་བོ་ཉིད་ཕྱག་རྒྱ་ཆེན་པོའི་ཞིང་དུ་བཞུད་དོ་ཞེས་གྲགས་སོ། །དེ་ཉིད་ཀྱི་སློབ་མའི་གཙོ་བོར་གྱུར་ཅིང་སྟོན་པ་དྲང་སྲོང་ཆེན་པོས་ལུང་དུ་བསྟན་པའི་རྒྱལ་ཚབ་ཆེན་པོ་བ། འཛམ་གླིང་མཛས་པའི་རྒྱན་གྱི་རྩེ་མོ། །དཔལ་མགོན་འཕགས་པ་ཀླུ་སྒྱུབ་ནི། ཤི་པརླ་ཏའི་ཤར་ཕྱོགས་གྲོང་ཁྱེར་བསོད་ནམས་དང་ལྡན་པ་འམ། ཡང་ན་ལྷོ་ཕྱོགས་བེ་དྷའི་ཡུལ་དུ་བྲམ་ཟེའི་རིགས་སུ་སྐྱེ་བའི་འཁྲི་ཤིང་བཟུང་། ལྟས་མཁན་རྣམས་ཀྱི་ངག་ལས་དགེ་སློང་བརྒྱ་བྲམ་ཟེ་བརྒྱ་ཕལ་པ་བརྒྱ་རྣམས་ལ་སྟོན་མོ་དྲངས་ན་རིམ་པས་ལོ་བདུན། ཟླ་བ་བདུན། ཞག་བདུན་དུ་འཚོ། དེ་ལས་ཐབས་མེད་ཟེར་པས་དེ་བཞིན་དུ་བྱས། དེ་རྣམས་རྫོགས་སུ་ཉེ་བ་ན། ཕ་མས་མ་བཟོད་དེ་ཡུལ་འཁྱམ་དུ་བཏང་བ་དཔལ་ལྡན་རྒྱུན་སྟེར་གྱི་དྲི་གཙང་ཁང་དུ་སླེབ། མཁན་པོ་དྲི་མ་མེད་པའི་གཟི་བརྗིད་ཅན་དང་གཉིས་འཆད་པའང་ཡོད་ཀྱིས། ཕལ་ཆེར་མཐུན་པ་སྒྲ་གཅན་འངཛན་ལས་རབ་ཏུ་བྱུང་།རིགས་པ་སྔགས་ཀྱི་དངོས་གྲུབ་བྱིན་པས་རིང་པོར་འཚོ་བའི་བརྟན་པ་ཐོབ། ཐེག་པ་ཆེ་ཆུང་གི་སྡེ་སྣོད་མཐའ་དག་དང་། ཤེས་པར་བྱ་བའི་གནས་ལ་མི་མཁྱེན་བྱ་བ་ནི་སྤངས། རྒྱུད་སྡེ་མང་པོ་ལ་དབང་འེབྱོར་ཞིང་བདེན་པའི་དོན་མངོན་སུམ་དུ་གཟིགས། བསྙེན་པར་རྫོགས་ནས་དགེ་སློང་དཔལ་ལྡན་ཞེས་བྱ་བའི་གྲགས་པའི་རྒྱལ་མཚན་ནི་བཟུང་། ན་ལེནྟྲའི་མཁན་པོར་གྱུར་ནས་དགེ་སློང་གི་དགེ་འདུན་བསླབ་པ་གསུམ་གྱི་རྒྱན་དང་ལྡན་པ་རྣམས་ནི་ལེགས་པར་བསྔགས་ཤིང་། དེ་ལསགཅིག་།སསུགྱུརཔདག་ཀྲི་ཀྲིའི་རྨི་ལྟས་ལ་རང་དབང་དུ་སྤྱོད་པས་དབང་ཆེ་བར་ཡོད་པ་གནས་ལས་བསྐལ་པར་མཛད་པས་སྟོང་ཕྲག་བརྒྱད་ཙམ་བྱུང་བར་གྲགས། བསྟན་པ་ཆོས་བཞིན་དུ་བསྐྱངས། སྔོན་འཕགས་པ་ཉེར་སྦས་ཀྱིས་བསྟན་པ་སྐྱོང་བའི་མཇུག་ཙམ་ན་བྲམ་ཟེ་མོ་ཛ༷༷ས་ཞེས་བྱ་བ་ལ་བུ་གསུམ་ཡོད་པ་རང་རང་ལ་སྐྱབས་ཐ་དད་པ་ལས་ཆུང་བ་དགེ་བ་ནི་སངས་རྒྱས་ལ་མོས་པས། དེས་རྡོ་རྗེ་གདན་གྱི་དྲི་གཙང་ཁང་བཞེངས། རྟེན་བྱང་ཆུབ་ཆེན་པོ་བཞེངས་པའི་བཟོ་བོ་དང་། རྒྱུ་ཚོགས་རྣམས་སྟ་གོན་དུ་བྱས་ནས་ཞག་བདུན་གྱི་བར་དུ་སུ་ཡང་མ་འོང་ཞེས་བསྒོས་ནས་ནང་དུ་འདུག་པ་ན། དྲུག་པའི་ཉིན་མས་འོངས་ཏེ་སྒོ་བརྡུངས་སོ། །ཞག་དྲུག་ལས་མ་སོང་བས་ནང་པར་སྒོ་དབྱེའོ་བྱས་པས། མ་ན་རེ། ང་དོ་ནུབ་འཆི་བ་ཡིན། ད་ལྟ་སའི་སྟེང་ན་སངས་རྒྱས་མཐོང་བ་ནི་ང་ལས་མེད། ཕྱིས་གཞན་གྱིས་སྐུ་གཟུགས་ཀྱི་རྣམ་པ་འདྲ་བ་དང་མི་འདྲ་བ་མི་ཤེས་སོ་ཟེར་བས་སྒོ་ཕྱེ། དེར་བཟོ་བོ་རྣམས་ནི་མི་སྣང་སྟེ་ལྷས་སྤྲུལ་པར་གྲགས། མས་ལེགས་པར་བརྟགས་ནས། འདི་ནི་རྣམ་པ་ཐམས་ཅད་ནས་སྟོན་པ་འདྲ་ན། འོད་ཟེར་མི་འཕྲོ། ཆོས་མི་གསུངས། སྤྱོད་ལམ་གསུམ་མི་མཛད་པས་མི་འདྲ་བའི་ཁྱད་པར་རོ་ཟེར། གཞན་སངས་རྒྱས་དངོས་དང་འདྲ་བའི་སྐུ་གཟུགས་ཡིན་སྐད། ཞག་བདུན་མ་ལོན་པས་བཟོའི་ཁྱད་པར་ཅུང་ཟད་མ་གྲུབ་པ་ཞབས་གཡས་པའི་མཐེ་བོང་ངམ། དབུ་སྐྲ་གཡས་འཁྱིལ། ན་བཟའ་དང་བ་སྤུ་སྐུ་ལ་མ་རེག་པ་རྣམས་འདོད་ཕྱོགས་ཐ་དད་པར་སྣང་། དེ་ལྟ་བུའི་གཙུག་ལག་ཁང་ལ་སྲོག་ཆགས་ཀྱི་གནོད་པ་བསྲུང་བའི་ཕྱིར་རྡོ་རྗེའི་དྲ་མིག་གི་ར་བས་སྐོར་བ་དང་། ཁ་ཅིག་བྱང་ཆུབ་ཤིང་ལ་གླང་པོ་ཆེའི་གནོད་པ་བསྲུང་ཕྱིར་དུ་འདོད། མུ་གེ་ཆེན་པོ་ལོ་བཅུ་གཉིས་སུ་བྱུང་བ་ན། མཁན་པོ་ནི་སྒྲུབ་པར་བཞུགས་པས་སྐབས་མ་འཚལ་བར་དགོངས། མ་ག་དྷའི་ཡུལ་རྣམས་སྟོང་པ་ཙམ་བྱུང་ཡང་། སེམས་ཅན་གྱི་ལས་སུ་གཟིགས་ནས། །གསེར་འགྱུར་རྩིའི་སྦྱོར་བས་དགེ་འདུན་རྣམས་འཚོ་བས་མི་བྲེལ་བར་མཛད། སློབ་དཔོན་བསྒྲུབ་པ་ཐོན་ནས་རྒྱུ་མཚན་དྲིས་ཤིང་ཞུས་པ་ན། ཁྱོད་ཀྱིས་མ་ལེགས་པ་བྱས། ཟས་ཀྱི་ཆར་འེབབས་པའི་ནུས་པ་ང་ལ་ཡོད་པ་ལ། ཁྱོད་སེམས་ཅན་ལ་སྙིང་རྗེ་ཆུང་། བྱང་ཆུབ་སེམས་དཔའི་སྤྱོད་པ་དང་འགལ། སྡིག་སྦྱང་དུ་གཙུག་ལག་ཁང་བརྒྱ་རྩ་བརྒྱད། ལྷ་ཁང་སྟོང་། མཆོད་རྟེན་ཁྲི་ཁྲག་བཞེངས་དགོས་གསུངས། དེའི་སླད་དུ་གནོད་སྤྱིན་འཛསྟ་ལ་ལས་ནོར་བླངས། ཀུ་རུ་ཀུ་ལྤའི་རིག་སྔགས་གྲུབ་པས་ཀླུ་རྒྱལ་འཇོག་པོའའ་བུ་མོ་བཀུག་པ་ན། ཆོས་གསུང་བའི་གྲྭར་བཟང་མོའི་རྣམ་པ་ཅན་གཉིས་འཁོར་མང་པོ་དང་བཅས་ནས་བྱུང་བས་ཙནདན་ས་མཆོག་གི་དྲིས་དཔག་ཚད་ཙམ་ཁྱབ་པ་བྱུང་། དེའི་རྒྱུ་དྲིས་པས། ངེད་ནི་འཇོག་པོའི་བུ་མོ་ལགས་ཏེ་མི་གྲིབ་བསྲུང་པའི་སླད་དུ་ལུས་ལ་ཙན་དན་ས་མཆོག་གིས་བསྐུས་པའོ་ཟེར། འོ་ན་སྒྲོལ་མའི་སྐུ་བཞེངས་པའི་སླད་དུ་ཙན་དན་ཡང་སྤྱིན་ཅིག །གཙུག་ལག་ཁང་བཞེངས་པའི་གྲོགས་ཀྱང་འཚལ་ལོ་གསུངས་པས། ཕ་ལ་ཟླ་ཡི་ཟེར་ནས་སོང་། ནང་པར་བྱུང་ནས། སློབ་དཔོན་ཉིད་ཡུལ་དུ་ཕེབས་ན་བཀའ་བཞིན་བྱེད། གཞན་མི་ནུས་སོ་ཟེར། དེར་དོན་ཆེན་པོ་གཟིགས་ནས་གཤེགས་ཏེ་སྐལ་བ་དང་འཚམ་པའི་ཆོས་ཀྱི་འཁོར་ལོ་བསྐོར། སྟོང་ཕྲག་བརྒྱ་དང་ཡི་གེ་ཉུང་ངུ་ལ་སོགས་པ་སྤྱན་འདྲེན་པའི་འཕྲིན་ལས་ཀྱི་སྣང་བ་རྒྱ་ཆེན་པོ་མཛད། དགེ་སློང་བདེ་བྱེད་ཅེས་བྱ་བས་བསྟན་པ་ལ་རྨ་སྲོལ་གཏོད་པའི་ཆེད་དུ་བྱས་པ་རིག་པའི་རྒྱན་ཞེས་བྱ་བའི་གཞུང་ཤེ་་ཀ་སྟོང་ཕྲག་བཅུ་གཉིས་ཅན་བྱུང་བ་ཡང་དངོས་སྟོབས་རིགས་པའི་ཤུགས་ཀྱིས་ཚར་བཅད། ཉན་ཐོས་སེན་དྷ་པ་དག་གིས་ཐེག་ཆེན་ལ་རྩོད་པའི་གཞུང་མང་པོ་བྱུང་བ་མི་མངོན་པའི་རུམ་དུ་རྒྱས་བཏབ། རེ་ཞིག་ན་ཛ་ཊ་ས༷་བྷ་རར། མུ་སྟེགས་ཀྱི་རྒོལ་བ་ལྔ་བརྒྱ་ཙམ་རྩོད་པས་ཕམ་པར་བྱས་ཏེ་རང་གི་བསྟན་པ་ལ་བཅུག །སློབ་དཔོན་འདིས་བཞེངས་པའི་ཆོས་རྟེན་གྱིས་ཕྱོགས་ཐམས་ཅད་དུ་ཁྱབ་ཅིང་། ལྟ་ཁང་ཡང་མཆོག་ཏུ་མང་བ་གྲུབ། རི་མང་པོ་གསེར་རུ་བསྒྱུར་བར་བཞེད་པ་རྗེ་བཙུན་མས་མ་འོངས་པ་ན་རྩོད་པར་གྱུར་བར་ལུང་བསྟན་པས་ཅི་བདེར་བཞག །དེ་ལྟ་ནའང་གསེར་གྱི་འབྱུང་ཁུངས་མང་པོ་བྱིན་གྱིས་བརླབས་ཤིང་། རྡོ་ཡང་གསེར་མདོག་ཏུ་གྱུར་པ་ཙམ་ཡང་ཡོད་སྐད། གླིང་གཞན་དང་མི་མ་ཡིན་གྱི་གནས་སུ་ལོ་སྐོར་ཙམ་འགྲོ་དོན་མཛད། ལམ་ཀ་ན་བྱིས་པ་མང་པོ་རྩེ་བ་ལས་གཅིག་རྒྱལ་པོར་འགྱུར་བ་ལུང་བསྟན་པ་ཕྱི་ནས་རྒྱལ་པོ་བདེ་སྤྱོད་ཅེས་བྱ་བར་གྲགས། འདི་སློབ་དཔོན་ལ་ཤིན་ཏུ་གུས་ཤིང་། གདམས་པ་ནོད་པ་ལ་བརྟེན་ནས་བཅུད་ལེན་དང་གནོད་སྤྱིན་གྱི་མངག་གཞུག་འུགྲུབ། སྟོབས་བཅུ་མངའ་བའི་དགོངས་དོན་དང་གསལ་བར་བྱེད་པའི་བསྟན་བཅོས་གྱི་རྒྱལ་པོ་མང་དུ་བསྐྲུན་པ་ནི་ཉི་ཟླ་ལྟ་བུར་གྲགས་པ་ཆེ་ཞིང་ཁྱད་པར་ཐེག་པ་ཆེན་པོ་ནམ་མཁའ་ལྟར་གསལ་བར་མཛད། ཕྱིས་དཔལ་གྱི་རི་ལ་ལོ་ཉིས་བརྒྱ་ཙམ་གནོད་སྤྱིན་མོའི་འཁོར་དང་བཅས་ཏེ་སྔགས་ཀྱི་སྤྱོད་པས་བཞུགས། རྒྱུད་སྡེ་ཐ་དད་པ་དང་། རིག་འཛིན་རྒྱ་མཚོ་ལྟ་བུའི་ཚོགས་རྗེར་བཞུགས་པས་ཐུན་མོང་བའི་རྣམ་ཐར་གྱི་ལོ་རྒྱུས་དཔོགས་པར་མི་ནུས་ཏེ་པདྨ་གསུང་གི་དཀྱིལ་མཁོར་ན་སློབ་དཔོན་ནཱ་གྭརྫུ་ན་ཞེས་ཡོངས་སུ་གྲགས། མདོར་ན་སྡེ་སྣོད་འཛིན་པའི་དབུས་ན་གནས་པའི་ཚ་རྣམ་པར་ཐར་པ་བརྒྱད། སྦྱངས་པའི་ཡོན་ཏན་བཅུ་གཉིས་ལ་སོགས་པའི་རྒྱན་གྱིས་མཛས་ཤིང་། སྔགས་ཀྱི་བརྟུལ་ཞུགས་ལས་གྲུབ་པ་ཆེན་པོ་བརྒྱད། ཚར་གཅོད་པ་དང་། རྗེས་སུ་འཛིན་པ་ལ་སོགས་ཏེ་ཐུན་མོང་དང་། ཐོན་མོང་མ་ཡིན་པའི་དངོས་གྲུབ་ཐམས་ཅད་རང་དབང་དུ་གྱུར་ནས་བདེ་བར་གཤེགས་པའི་གཟུགས་བརྙན་དང་བསྟན་པ་བཅས་པ་ལ་སྲི་ཞུ་དང་། རི་མོར་བྱས་པའི་ཚུལ་ནི་འདི་ལ་འགྲན་ཟླར་འོས་པ་འགའ་ཡང་ཡོད་པར་མ་གྲགས་ཤིང་།མཚན་བཟང་པོ་སོ་གཉིས་གྲུབ་པའི་སྐུ་དེས་ལོ་བརྒྱ་ཕྲག་དྲུག་གི་བར་དུ་བསྟན་པ་ལེགས་པར་བསྐྱངས། མཐར་རྒྱལ་པོ་བདེ་སྤྱོད་ཀྱི་བུ་རབ་ནུས་ཞེས་བྱ་བ་ལ། རང་གི་མས་གོས་བཟང་པོ་སྲུབ་མེད་པ་གཅིག་བྱིན་པ་ན། དེས་འདི་བདག་གི་རྒྱལ་སྲིད་འཛིན་པའི་ཚེ་གྱོན་ནོ། །མ་ན་རེ་ཁྱོད་ཀྱིས་རྒྱལ་སྲིད་འཛིན་པ་མི་འོང་སྟེ། ཡབ་དང་སློབ་དཔོན་ཚེའི་བཅུད་ལེན་སྟབས་གཅིག་ཏུ་གྲུབ་པ་ཡིན་པས་སློབ་དཔོན་དང་སྲོག་གཅིག་གོ །དེས་ན་གཅེན་པོ་རྣམས་ཀྱང་བུ་དང་ཚ་བོའི་བར་རྒྱལ་སྲིད་འཛིན་པའི་ཚེ་གྱོན་ནོ། མ་ན་རེ་ཁྱོད་ཀྱིས་རྒྱལ་སྲིད་འཛིན་པ་མི་འོང་སྟེ། ཡབ་དང་སློབ་དཔོན་ཚེའི་བཅུད་ལེན་དང་ལྟ་བ་གཅིག་ཏུ་གྲུབ་པ་ཡིན་པས་སློབ་དཔོན་དང་སྲོག་གཅིག་གོ །དེས་ན་གཅེན་པོ་རྣམས་ཀྱང་བུ་དང་ཚ་བོའི་བར་རྒྱལ་སྲིད་མ་ཐོབ་པར་འདས་ཟེར་བས། དེ་རྒྱལ་སྲིད་ལ་འདོད་པའི་གདུང་བས་ཤིན་ཏུ་མི་དགའ་བར་གྱུར་པ་ལ། མ་ན་རེ། འོ་ན་ཐབས་ཡོད། སློབ་དཔོན་བྱང་ཆུབ་སེམས་དཔའ་ཡིན་པས་དབུ་བསླང་ན་སྟེར་མཆི། བུས་ཀྱང་དཔལ་གྱི་རི་ལ་སློབ་དཔོན་གྱི་དྲུང་དུ་དབུ་བསླང་བའི་ཕྱིར་འོངས་སོ། །དེར་སློབ་དཔོན་གྱིས་ཇི་ལྟར་འདོད་པ་བཞིན་དུ་ཆོད་ཅིག་པར་བསྒོ་བས། རལ་གྲི་ཤིན་ཏུ་རྣོ་བས་ཀྱང་ཆད་པར་མ་གྱུར་ནས། སྔོན་སྨྱུག་མ་བཅད་པ་ལས་སྐྱེ་བ་བཅད་པའི་ལྟུང་བྱེད་ཀྱི་ལས་ཡོད་པར་གཟིགས་ནས། སྨྱུག་མའི་ཤུན་ལྤགས་ཀྱིས་བྲེག་པར་བསྒོས།དེས་དེ་བཞིན་དུ་བྱས་པས། ང་ནི་འདི་ནས་བདེ་བ་ཅན་དུ་འགྲོ །ཕྱི་ནས་ལུས་འདི་ལ་ཡང་འཇུག་པར་འགྱུར། ཞེས་པའིསྒྲ་ཡང་བྱུང་། བཅུད་ལེན་གྲུབ་པས་སླར་འགྲིག་གིས་དོགས་ནས་དབུ་དཔག་ཚད་མང་པོའི་ཆོད་པའི་སར་འཁྱེར་བར་བརྩམས་པ་ན། ལམ་དུ་གནོད་སྦྱིན་མོས་ཕྲོགས་ཏེ་དབུ་དང་སྐུ་ལུས་གཉིས་ཀར་ལྷ་ཁང་བརྩིགས། སྔར་དེ་གཉིས་ཀྱི་བར་དུ་དཔག་ཚད་བཞི་ཙམ་ཡོད་པ། ད་ལྟ་རྒྱང་གྲགས་མ་ལོངས་ཙམ་ཡོད་སྐད། སློབ་དཔོན་འདིའི་མཛའ་བཤེས་སུ་གྱུར་པ་བྲམ་ཟེ་མཆོག་སྲིད་ཅེས་བྱ་བ་འཕགས་པ་སྤྱན་རས་གཟིགས་ལས་རིགས་སྔགས་གྲུབ་པ་ཞིག་བྱུང་སྟེ། དེས་སྒྲ་བཱ་ཁི་པ་རྫོགས་པར་ཤེས་པའི་ཀླུ་ཤེ་ཥ་ཞེས་བྱ་བ་རིགས་སྔགས་ཀྱི་བཀུག་ཏེ་ཡི་གེ་བྲིས་ཤིང་། འགྲེལ་པ་བརྩམས་པ་དང་། རྒྱལ་པོའི་བུ་མོ་དཔྱིད་ལྡན་མ་གཡོ་སྒྱུས་བསླུས་པ་སོགས་ཀྱིས་འཕྲོས་དོན་ལས་སྒྲ་ཀྭ་ལ་པའི་བྱུང་ཁུངས་སྔ་སོར་གྲགས་པ་ལས་ཐ་དད་པའི་གཏམ་ངོ་མཚར་བའང་ཡོད་དོ། །སློབ་དཔོན་འདིའི་སློབ་མར་གྱུར་པ་ནི་བསམ་གྱིས་མི་ཁྱབ་མོད་ཀྱི་གསར་མའི་ཕྱོགས་ལ་གྲུབ་པའི་རྣལ་འབྱོར་དུ་གྲགས་པ་ནི་ཤ་ཝ་རི་པའོ། ། འཛམ་བུའི་གླིང་མཛེས་པར་བྱེད་པའི་རྒྱན་གཉིས་པ། ཨུབྱ་དེ་བ་ནི། སྔོན་གྱི་ལོ་རྒྱུས་རྣམས་ལས་པརློའི་དབུས་ན་སྐྱེ་བའི་ཟེའུ་འབྲུ་འཛུམ་པར་གྲགས་ནའང་། སློབ་དཔོན་ཟླ་བ་གྲགས་པས་སིསྐོ་ལའི་རྒྱལ་པོའི་སྲས་སུ་བཤད་ཅིང་། གཏམ་རྒྱུད་ཁུངས་མ་དག་ལའང་དེ་སྐད་དུ་གླེང་ཏོ། །དེ་ལ་སིདྨ་ལའི་གླིང་གི་རྒྱལ་པོ་པཉུ་གྲི་ག་ཞེས་བྱ་བའི་རིགས་སུ་ལང་ཚོའི་མྱུ་གུ་གསར་པ་བཟུང་། ཆེར་སྐྱེས་ནས་རྒྱལ་ཚབ་གྱི་ས་ལ་ནི་སྤྲོ་བར་མ་གྱུར་ཏེ།མཁན་པོ་ཧེ་མ་དེ་ཝ་ལས་རབ་ཏུ་བྱུང་ཞིང་བསྙེན་པར་རྫོགས། ཨུརུ་དེ་བ་ཞེས་བྱ་བའི་མཚན་གྱིས་གྲགས་པའི་ཟླ་འོད་གསལ་བར་བྱས། སྡེ་སྣོད་གསུམ་པོ་ཆུབ་པར་བྱས་ནས་ཡུལ་ཐ་དད་པའི་ལྷ་ཁང་དང་མཆོད་རྟེན་དག་བལྷ་བའི་ཕྱིར་འཛམ་བུའི་གླིང་ཀུན་ཏུ་བྱོན། སློབ་དཔོན་ཆེན་པོ་ཀླུ་སྒྱུབ་ཀྱིས་ཞབས་པད་བསྟེན་ཏེ་རྒྱལ་བའི་མྱུ་གུ་ཀུན་གྱིས་འཇུག་པར་འོས་པའི་རིག་པའི་གནས་རྣམ་ལྔ་ལེ་ལག་དང་བཅས་པ་དང་། ཕྱི་ནང་གི་གྲུབ་པའི་མཐའ་རྒྱ་མཚོ་ལྟ་བུའི་ཕ་རོལ་ཏུ་སོན་པར་མཛད། །ཐོབ་པར་བྱ་བའི་དངོས་གྲུབ་ཀྱི་གནས་མང་པོའང་མངོན་དུ་མཛད་ནས་དོན་གྱི་བསྟན་པའི་བདག་པོ་ཉིད་དུ་བསྐོས། རིའི་ལྷ་དང་། ཤིང་གི་ལྷ་སོགས་པ་ལས་ཡོ་བྱད་བླངས་ནས་གཙུག་ལག་ཁང་ཉི་ཤུ་རྩ་བཞི་བཞེངས། གནོད་སྤྱིན་མོས་འཚོ་བ་སྦྱར་ནས་ཐེག་པ་ཆེན་པོའི་ཆོས་གཞི་རེ་བཙུགས། ལྷོ་ཕྱོགས་ཀྱི་རྒྱུད་རྣམས་སུ་ཤེས་རབ་རྣམ་གསུམ་གྱི་སྒོ་ནས་སེམས་ཅན་ལ་ཕན་པ་རྒྱ་ཆེན་པོ་མཛད་པ་ལས། རེ་ཞིག་གི་ཚེ། ཤར་ཕྱོགས་ན་ལི་ནའི་གྲོང་ཁྱེར་ཁོར་ཏ་ཞེས་བྱ་བར་བྱུང་བ། རང་གི་འདོད་པའི་ལྟ་གཙུག་ན་ཟླ་བ་བསྒྲུབས་པས་ཕྱོགས་ཐམས་ཅད་ལས་རྒྱལ་བའི་དངོས་གྲུབ་ཀྱི་བསྙེམས་པ། བྲམ་ཟེ་ཐུབ་དཀའ་ནག་པོས། གང་ན་སངས་རྒྱས་ཀྱི་བསྟན་པ་གནས་པའི་ཡུལ་དང་ཡུལ་ཕྲན་ཐམས་ཅད་དུ་ཕྱིན་ནས་རྩོད་པའི་རྒོལ་བ་རྩུབ་མོས་ཕལ་ཆེར་ཅང་མི་སྨྲ་བའི་གནས་ལ་སྦྱར་རོ། །སྦྱར་ནས་ཀྱང་སླར་ང་རྒྱལ་གྱིས་མེ་ལྕེ་རྣོན་པོ་གཡོས་པར་གྱུར་ཏེ། དཔལ་ན་ལེནྟྲ་ཞེས་བྱ་བ་ནང་པའི་མཁས་པ་ཐམས་ཅད་ཀྱི་བསྟི་བའི་གནས་ག་ལ་བ་དེར་སོང་ནས། རང་རང་གི་བསྟན་པ་རྒྱལ་བའི་རུ་མཚོན་དུ་བཙུགས་ཏེ་རྩོད་པའི་ཤིང་རྟ་འདྲེན་པར་དུས་བཏབ་བོ། །དེར་ནང་པའི་པརྙི་ཏ་རྣམས་ནི་བག་འཁུམས་པར་གྱུར་ནའང་། སློབ་དཔོན་བྱོན་ཐུབ་པའི་ཡུན་སྲིད་ཙམ་དུ་རྩད་པའི་དུས་བཏབ་པའི་ཚུལ་བྱས་སོ། །དེར་ནག་པོ་ཆེན་པོ་ལ་གཏོར་མ་བྱས་པས་སྤྲུལ་པའི་བྱ་རོག་ཅིག་བྱུང་བའི་མགུལ་པར་སློབ་དཔོན་སྤྱན་འདྲེན་པའི་འཕྲིན་ཡིག་བརྫངས་ཏེ་སོང་ངོ་། །དེས་སློབ་དཔོན་ལ་བརྡའ་འཕྲོད་དེ་རྐང་མགྱོགས་ཀྱི་རྫས་ལ་བརྟེན་ནས་སྤྱོད་པ་ན་ལམ་དུ་ལྗོན་པའི་ལྷ་མོ་ཟེར་ཏེ་མུ་སྟེགས་ཀྱི་རིགས་ལས་མངལ་ཆགས་མ་གཅིག་གི་དངོས་གྲུབ་ཀྱི་རྫས་ཀྱི་དོན་དུ་དགེ་སློང་མཁས་པའི་མིག་དགོས་ཞེས་བླངས་པས་སྤྱན་ཡག་ཅིག་དེ་ལ་བྱིན་ནོ། །དེར་ཐུན་ཚོད་གཅིག་ཁོ་ན་ལ་ན་ལེནྟྲར་ཕེབས་ནས། ནམ་མུ་སྟེགས་ཀྱིས་རྒོལ་བ་ལྷགས་པ་ན། དེ་དག་གི་དཔུང་གཉེན་དུ་གྱུར་པ་སྲིང་མོ་པརྙི་ཏ་དང་། ནེ་ཙོ་དང་། ཐོད་ལེ་ཀོ་རེ་རྣམས།དགེ་བསྙེན་སྤྱི་བརྟོལ་ཅན་དང་། བྱི་ལ་དང་། མར་ནག་གི་བུམ་པ་རྣམས་ཀྱིས་བརྟུལ། དེའི་ཚེ་སློབ་དཔོན་ལ་མིག་ཡ་གཅིག་པ་ཞེས་དཔྱས་བཏགས་པར་སྨྲས་པ་ལ། དྲག་པོ་མིག་གསུམ་ལྡན་ཡང་དེ་ཉིད་མཐོང་བ་མེད། བརྒྱ་བྱིན་མིག་སྟོང་ལྡན་ཡང་དེ་ཉིད་མཐོང་བ་མེད། ཨུབྱ་དེ་ཝ་མིག་གཅིག་པོ་ནི་གང་ཡིན་དེས། སྲིད་པ་གསུམ་པོ་མ་ལུས་པ་ཡི་དེ་ཉིད་མཐོང་། ཞེས་བྱ་བ་སྔ་རྒོལ་འཇོམས་པའི་གླེང་གཞིར་བྱས་ནས་བསྒྲུབ་པ་དང་། སུན་འབྱིན་པའི་ཚིག་གི་མེ་ལྕེ་ནི་སྦར། རབ་ཏུ་འབར། ཤིན་ཏུ་འབར་བར་གྱུར་ནས་གཞུང་ལུགས་ངན་པའི་གཏམ་གྱི་ཚང་ཚིང་ནི་བསྲེགས། དབང་ཕྱུག་ཉིད་དེའི་རྒྱུད་ལ་འཇུག་པའི་བརྟན་པ་ནི་ཕྲོག །འབྲོས་པར་བྱ་བའི་ལམ་ནི་རིགས་སྔགས་ཀྱིས་བཅད། གདུལ་བར་བྱ་བའི་དུས་ལ་ཤིན་ཏུ་བབ་པར་གཟིགས་ནས། གཙུག་ལག་ཁང་དུ་ཐབས་ལ་མཁས་པའི་བཙོན་རར་གཞུག་པར་བྱས་སོ། །དེར་གླེགས་བམ་རྣམས་ཀླགས་པར་རང་ཉིད་ལུང་བསྟན་པའི་མདོ་སྡེ་མཐོང་ནས་སྔར་བསྟན་པ་ལ་བྱ་བ་མ་ཡིན་པར་བྱས་པ་ལ་ཤིན་ཏུ་འགྱོད། སངས་རྒྱས་ལ་དད་པ་ཆེས་ཆེར་འཕེལ་བར་གྱུར་ནས་རབ་ཏུ་བྱུང་སྟེ། སྡེ་སྣོད་གསུམ་འཛིན་པའི་པརྙི་ཏ་ཆེན་པོ་འགྲན་ཟླས་དབེན་པ་ཉིད་དུ་བྱིན་གྱིས་བརླབས་པ་སློབ་དཔོན་ཆེན་པོ་དཔའ་བོའི་ཞབས་སོ། །དེ་ལྟ་བུའི་སློབ་དཔོན་འཕགས་པས་མཐར་ཡང་ལྷོ་ཕྱོགས་ཀྱི་རྒྱུད་དུ་གཤེགས་ནས་སེམས་ཅན་གྱི་དོན་རྒྱ་ཆེན་པོ་མཛད། མཐའ་བྲལ་གྱི་དོན་རྒྱས་པར་སྟོན་པ་དབུ་མ་བཞི་བརྒྱ་པ་ལ་སོགས་མདོ་སྔགས་ཀྱི་བསྟན་བཅོས་དཔག་ཏུ་མེད་པ་མཛད་ནས་བསྟན་པ་ལ་ཕན་པ་རྒྱ་ཆེར་བཏགས།ཡུལ་ཀསྩི་དང་ཉེ་བའི་ར༷་ག་ཐུ་ཞེས་བྱ་བར་དབང་ཕྱུག་ཕུན་སུམ་ཚོགས་པའི་དགེ་སློང་སྡེ་སྣོད་གསུམ་པ་སྒྲ་གཅན་འཛིན་བཟང་པོ་ལ་དོན་གྱི་བསྟན་པ་གཏད་དེ་མྱ་ངན་ལས་འདས་སོ། ། དེ་ལ་ཆེན་པོ་བཞིའི་ཡ་གྱལ་དུ་གྱུར་ཞིང་སྟོན་པ་མཆོག་ལ་བསྟོད་པ་བྱེད་པར་ལུང་གིས་བསྔགས་པ་སློབ་དཔོན་མ་ཏི་ཙི་ཏྲའམ། དཔའ་བོ་ནི། གྲོང་ཁྱེར་ཁོར་ཏ་ན་ཚོང་དཔོན་གཅིག་ལ་བུ་མོ་བཅུ་ཡོད་དེ། ཐམས་ཅད་ཀྱང་དཀོན་མཆོག་ལ་དད་པ་དང་ལྡན་པ་ཤ་སྟག་གོ །ཐ་ཆུང་གང་ཡིན་པ་བྲམ་ཟེ་འོ་ངས་སྤྱོད་ཆེན་པོ་སསྒོ་གུ་རྒྱ་ཞེས་བྱ་བའི་ཁྱིམ་དུ་སོང་བ་ན་བུ་ཞིག་བཙས་པའི་མིང་ནག་པོ་ཞེས་བཏགས་སོ། །ཕ་མ་ལ་ཤིན་ཏུ་གུས་པས་ཕ་ཁོལ་དང་མ་ཁོལ་ཞེས་ཀྱང་གྲགས། རིག་བྱེད་ཡན་ལག་དང་བཅས་པ་ལ་བྱང་བར་གྱུར། མ་སངས་རྒྱས་པ་ལ་དད་པས་ནང་པའི་གྲུབ་མཐའ་ལ་གཞུག་པར་འདོད་ཀྱང་། ཕའི་དབང་ལས་ཕྱི་རོལ་བའི་གྲུབ་མཐའ་འཛིན་པར་གྱུར། སྔགས་རྒྱུད་ཀྱི་སྦྱོར་བ་དང་། རྟོག་གེ་ལ་ཤིན་ཏུ་རྣ། ལྷ་དབང་ཕྱུག་ཆེན་པོ་བསྒྲུབ་པས་དངོས་སུ་ལུང་སྟོན་པར་བྱེད་ཅིང་དངོས་གྲུབ་གསུམ་བྱིན། དེས་ཀྱང་རྩོད་པ་ལས་མ་རྒྱལ་ན་དབང་ཕྱུག་རང་ཉིད་སྙིང་ལ་འཇུག་པར་མཁས་འཆེས་སོ། །དེར་སྙེམས་པ་ཤིན་ཏུ་འཕེལ་ཏེ་ཀྭ་མ་རུ་པ་དང་། ཏི་ར་ཧུ་ཏི་དང་། གོ་ར་དང་། ཅོ་་ཎྜ་བི་ཤ་ལ་སོགས་པའི་ཡུལ་རྣམས་སུ་ཕྱིན་ནས་སངས་རྒྱས་པ་རྣམས་རྩོད་པས་ཕམ་པར་བྱས།འགའ་ཞིག་ལྟ་བ་ངན་པ་ལ་བཀོད། ཁ་ཅིག་གི་མངའ་ཐང་ཕྲོགས། ལ་ལ་མུ་སྟེགས་ལ་ཕྱག་འཚལ་དུ་གཞུག་པ་ལ་སོགས་དམའ་དབབ་པར་བྱས་སོ། །དེར་མ་ནི་དཀོན་མཆོག་གསུམ་ལ་སྐྱབས་སུ་སོང་བ་ཡིན་པས་འདི་སྙམ་དུ། གལ་ཏེ་འདི་ནཱ་ལེནྟྲར་སོང་ན་རྩོད་པའི་ཁྱུ་མཆོག་རིག་སྔགས་གྲུབ་པ་དག་གིས་ཕམ་པར་བྱས་ཏེ། སངས་རྒྱས་པའི་ལམ་ལ་འཇུག་པར་འགྱུར་རོ་སྙམ་ནས། བུ་ཉོན་ཅིག་ཡུལ་གཞན་གྱི་སངས་རྒྱས་པ་རྣམས་ནི་རྟའི་རྣ་བའི་སྤུ་ཙམ། མ་ག་དྷའི་སངས་རྒྱས་པ་རྣམས་ནི་རྟའི་ལུས་དང་མཚུངས་ཏེ། གལ་ཏེ་མ་ག་དྷ་པ་ལས་རྒྱལ་བར་མ་གྱུར་པ་དེ་སྲིད་དུ། རྒོལ་བའི་གྲགས་པ་ཐོབ་པར་འདོད་པ་ནི་ཉམ་ཆུང་ངོ་ཞེས་བརྗོད་པས། དེར་མ་ག་དྷར་སོང་ངོ་། །སོང་ནས་ཀྱང་རྒོལ་པའི་རུ་མཚོན་རྣོན་པོ་འཕྱར་བ་གང་། སློབ་དཔོན་འཕགས་པའི་ཕྱོགས་ལས་རྣམ་པར་རྒྱལ་བའི་བརྟུལ་ཞུགས་ཀྱི་མཐོ་རླུང་དྲག་པོས་ལྷུང་བར་བྱས་པས།ང་རྒྱལ་གྱི་གདོང་པ་ཤིན་ཏུ་སྨད་པར་གྱུར་ནས་ཆུ་བོ་གདྷ་ལ་ལྕེབ་པར་རྩོམ་མོ། །འཕགས་པས་དེ་ལས་ལྡོག་པའི་གཏམ་བཤད་མ་ཐག་པ་ཉིད། སྡེ་སྣོད་ཀྱི་གླེགས་བམ་ལས་སྔོན་གྱི་སྨོན་ལམ་བཙན་པོ་སྟོབས་སུ་གྱུར་ནས་རང་གི་ལྟ་བ་ནོར་བ་ནི་གོ །རྒྱུ་འབྲས་ལ་བསྐུར་པ་བཏབ་པའི་འགྱོད་པས་བཅིངས་ཏེ་ལྕེ་འབྲེག་པའི་ཕྱིར་སྤུ་གྲི་བསྲེལ་བ་ལ་མངོན་དུ་ཕྱོགས་སོ། །དེར་རྗེ་བཙུན་མས་ལུང་བསྟན་ཏེ། ནང་པའི་བསྟན་པ་ལ་ཞུགས་ནས་སངས་རྒྱས་ལ་བསྟོད་པ་མང་དུ་གྱིས་ཤིག །ལས་ཀྱི་སྒྲིབ་པ་ནི་བྱང་བར་འགྱུར་རོ་ཞེས་གསུངས་པས། དེ་སྡེ་སྣོད་གསུམ་འཛིན་པར་གྱུར་ཏེ། བཤགས་པའི་དོན་དུ་བསྔགས་པར་འོས་པ་ལ་བསྔགས་པའི་བསྟོད་པ་དང་། བརྒྱ་ལྔ་བཅུ་པ་ལ་སོགས་པ་མང་པོའང་བརྩམས། དེའི་ཚ་མུ་སྟེགས་བྱེད་དང་། བྲམ་ཟེ་དག་ནི། འདི་ལྟར་བྲམ་ཟེ་རྣམས་ཀྱི་མཆོག་རབ་ཏུ་གྱུར་པ་ཐུབ་དཀའ་ནག་པོ་ཡང་རང་གི་གྲུབ་པའི་མཐའ་གྱོ་མོ་དང་གསེག་མ་བཞིན་དུ་བོར་ནས། སངས་རྒྱས་པའི་བསྟན་པ་ལ་འཇུག་པར་བྱེད་ན། གདོན་མི་ཟ་བར་ནང་པའི་གྲུབ་མཐའ་ཡ་མཚན་ཆེའོ། །ཞེས་རྒྱུ་དེ་ལས་མུ་སྟེགས་བྱེད་དང་། བྲམ་ཟེའི་ཚོགས་རེ་རེ་ནས་སྟོང་ལྷག་པ་རེ་དཔལ་ན་ལེནྟྲ་ཁོ་ནར་ཡང་རབ་ཏུ་བྱུང་། དེས་མཛད་པའི་བསྟོད་པ་རྣམས་ཀྱང་སངས་རྒྱས་ཉིད་ཀྱིས་རྗེས་སུ་བསྟན་པའི་བྱིན་རླབས་ལས་ཡུལ་དང་ཡུལ་ཕྲན་ཐམས་ཅད་དུ་ཁྱབ་ཅིང་། ཐ་ན་གླུ་གར་མཁན་དང་། བཞད་གད་མཁན་ཡན་ཆོད་ཀྱིས་སྒྲོག་པར་བྱེད་པས་སྐྱེ་བོ་ཐམས་ཅད་ཀྱི་དད་པའི་བསུང་ཞིམ་འགུགས་པར་བྱེད་པའི་དྲིའི་བཞོན་པ་གཅིག་ཏུ་གྱུར། སྐྱེས་བུ་ཆེན་པོ་འདི་ནི་བསོད་ནམས་ཀྱི་མཐུ་ཤིན་ཏུ་ཆེ་བས་ཉིན་རེར་གྲོང་ཁྱེར་དུ་བསོད་བསྙོམས་ཀྱི་བྱ་བ་ལ་གཤེགས་ནའང་ཟས་ཀྱི་རྣམ་པ་དཔག་ཏུ་མེད་པ་དག་འབྱོར་བས། བསམ་གཏན་པ་ཉིས་བརྒྱ་ལྔ་བཅུ་དང་། ཀློག་པ་བ་དེའི་གྲངས། དགེ་སློང་ལྔ་བརྒྱ་འཚོ་བས་བྲེལ་བ་མེད་པར་བྱེད་ཅིང་། སྙན་པར་དངགས་པ་ལས་བརྩོམ་པའི་ཁྱུ་མཆོག་ཏུ་གྱུར་པས་བསྟན་བཅོས་ཀྱི་ཚིག་དོན་ཀྱང་ཤིན་ཏུ་བཟང་སྟེ། སློབ་དཔོན་ཆོས་ཀྱི་གྲགས་པའང་མགུ་བར་ནུས།བདག་པོའི་རྐྱེན་དེ་ལས་དེ་བཞིན་གཤེགས་པའི་མཛད་པ་སྙན་དངགས་ཆེན་པོ་ལ་སྦྱར་བ་དང་། དེ་ཙམ་གྱིས་ཐོབ་པ་དང་རྩོད་པ་ལྷུར་ལེན་པའི་གནས་ཙམ་ལ་བསྔགས་པ་མ་ཡིན་པར་བྱང་ཆུབ་ཀྱི་སེམས་སྒོམ་པའི་མན་ངག་གཉིས་ལ་སོགས་པ་མཆོག་ཏུ་གྱུར་པའི་དགོངས་འགྲེལ་དང་གཞུང་ཁྱད་དུ་འཕགས་པ་མང་པོས་བསྟན་པའི་བྱ་བ་རྒྱ་ཆེན་པོ་བྱས། སྐུ་ཚེའི་སྨད་དུ་གྱུར་པ་ན། རྒྱལ་པོ་ཀ་ནི་ཀས་སྤྱན་འདྲེན་པའི་ཕོ་ཉ་བཅུག་པ་ལ་ལང་ཚོའི་འབྲས་བུ་ཤིན་ཏུ་རྒ་བས་འབྱོན་པར་མ་གནང་སྟེ་སྤྲིངས་ཡིག་མཛད་ནས་རྒྱལ་པོ་དེ་ཆོས་ལ་བཀོད། རང་གི་སློབ་མ་ཡེ་ཤེས་སྙན་པ་ཞེས་བྱ་བ་དེ་རྒྱལ་པོའི་སློབ་དཔོན་དུ་བརྫངས། མདོ་སྡེ་ལ་སོགས་པའི་གླེགས་བམ་དང་གཏམ་རྒྱུད་ཀྱི་ཡི་གེའི་རྐྱེན་ལ་མ་ལྟོས་པར། མཁན་པོ་དང་སློབ་དཔོན་དག་གིས་སྙན་ནས་སྙན་དུ་བརྒྱུད་པའི་སངས་རྒྱས་ཀྱི་སྐྱེས་རབས་བཅུ་ཕྲག་བཅུའི་བདག་ཉིད་ཅན་ཕ་རོལ་དུ་ཕྱིན་པ་བཅུ་དང་སྦྱར་སྟེ་བརྩོམ་པར་བཞེད་ནས། སུམ་བཅུ་རྩ་བཞི་མཛད་ཟིན་པའི་སྐབས། སྐྱེས་རབས་ཀྱི་དང་པོར་སྟག་མོ་ལུས་སྦྱིན་གྱི་རྟེན་འབྲེལ་ལས་སྐུ་ཚ་གཞན་དབང་དུ་གྱུར་པའམ། བྱང་ཆུབ་སྤྱོད་པའི་རྣམ་ཐར་ལ་རང་ཉིད་ཀྱང་སྙིང་སྟོབས་ཀྱི་མཐུ་ཚད་མེད་པ་བརྟས་པར་གྱུར་ནས། ནགས་གསེབ་ཏུ་སྟག་མོ་ཕྲུ་གུ་འབྲངས་པ་བཀྲེས་པས་ཉེན་པ་གཟིགས་པས། སྐུ་ལུས་སྤྱིན་པར་བརྩམས་པ་ན་ཅུང་ཟད་བག་ཚ་བའི་རྣམ་པས་ལྷག་པར་ཡང་སངས་རྒྱས་ལ་དད་པ་བསྐུལ་བའི་ཕོ་ཉར་བྱས། དང་པོར་སྐུ་ལུས་ལས་ཁྲག་ཕྱུང་སྟེ་སྨོན་ལམ་བདུན་ཅུ་པ་བྲིས་ཤིང་སྟག་རྣམས་ལའང་བླུད། སླར་སྐུ་ལུས་སྤྱིན་པར་བཏང་བས་སྐྱེས་རབས་སོ་བཞི་པའི་འཕྲོ་ལུས་པར་གྲགས། འདོད་པ་གཅིག་ཏུ་བརྩམ་བྱ་ཡོངས་སུ་རྫོགས་མོད་དེ། སློབ་དཔོན་སྟག་གིས་ཟོས་ནས་ཅི་ཞིག་ན་དཔེ་ཆ་རྙེད་པ་དེ་ལས་མ་འདུས་ཟེར་བའང་སྣང་སྟེ། ལུང་གི་རྒྱུན་ནི་ཡོད་པས་དེ་དག་དཔྱད་པ་མེད་པར་བཞག་གོ །སློབ་དཔོན་འདི་ཐེག་པ་ཆེན་པོ་པ་ཡིན་ཡང་དེ་ཁོ་ནའི་ཁ་ཟིན་ཀྱང་མ་མཛད། ཀུན་ལ་སྙོམ་པར་ཕན་འདོགས་པས་ཉན་ཐོས་པ་རྣམས་ཀྱང་དད་ཅིང་། ནང་པ་ཀུན་གྱི་གཙུག་ཏུ་བཀུར་བའི་གྲགས་པ་ཤིན་ཏུ་ཆེའོ། །འདི་རྒྱལ་པོ་ཟླ་བ་སྦས་པའི་བུ་སྙིང་པོ་ཐིག་ལེ་ཞེས་བྱ་བ་ཡུལ་གོ་རར་བྱུང་བ་དེ་དང་ཐོག་མཉམ་པར་གྲགས། དེའི་ཚ་བོའི་བུ་དྷརྨ་ཙནྟྲས་རྒྱལ་སྲིད་སྐྱོང་བའི་ཆེད་དུ་རྔ་་དམག་གིས་མ་ག་དྷ་པ་བཅོམ། དཔལ་ན་ལེནྟྲར་ཡང་གནོད་པ་ཆེན་པོ་བྱུང་། དྷརྨ་ཙནྟྲའི་ཞང་པོའི་བུར་གྱུར་པ་རྒྱལ་པོ་སངས་རྒྱས་ཕྱོགས་ཀྱི་ཚ་རྒྱ་ནག་གི་ཡུལ་དུ་མདོ་སྡེ་སྨྲ་བ་འགའ་ཞིག་བརྫངས། སྟག་གཟིགས་ཀྱི་རྒྱལ་པོའི་སྟེང་དུ་གཡུལ་ལས་རྣམ་པར་རྒྱལ་བའི་བ་དན་འཕྱར་ཏེ་ཉི་འོག་དང་། ནུབ་ཕྱོགས་ཀྱི་རྒྱལ་ཁམས་ཕལ་ཆེར་ལ་ལུང་བཏང་། སྔར་ཉམས་པར་བྱས་པའི་ཆོས་གཞི་ཐམས་ཅད་སོར་ཆུད་པར་བྱས་ནས་བགྲང་གཞི་བཅུ་ཕྲག་བཞི་ཙམ་དུ་བསྟན་པ་དར་བར་ཡོད་པ་ལ། ན་ལེནྟྲར་མུ་སྟེགས་ཅན་གྱི་སློང་མོ་བ་གཉིས་ལྷགས་པ། དགེ་ཚུལ་གཟུ་ལུམས་ཅན་དག་གིས་བཤལ་ཆུས་གཏོར། སྒོ་གླེགས་ཀྱི་བར་དུ་བཙངར། འཁྱིག་ཏུམ་པོ་དག་རྦད་པས། དེ་གཉིས་བློ་ཤིན་ཏུ་མ་རུངས་པར་གྱུར་ནས། གཅིག་གིས་འཚོ་བ་སྦྱར། གཅིག་གིས་ཉི་མ་བསྒྲུབ་པར་དམ་བཅས་སོ། །དེར་སའི་རུམ་དུ་ཞུགས་ཏེ་ལོ་དགུའི་བར་དུ་བསྒྲུབས་ཀྱང་དོན་མ་གྲུབ་ནས་ཕྱིར་འགྲོ་བར་བརྩམས་པས། གྲོགས་པོ་ན་རེ། ཕྱོགས་ཐམས་ཅད་དུ་མུ་གེས་ཉམ་ང་ན། ངས་དཀར་བ་དེ་སྙེད་ཀྱིས་འཚོ་བ་སྦྱར་བས་ཁྱོད་སྔགས་མ་གྲུབ་པར་ཕྱི་རོལ་དུ་ནམ་བྱུང་བ་དེའི་ཚ། མགོ་གཅོད་དོ་ཞེས་ཆུ་གྲི་རྣོན་པོ་བསྲེལ་པས། དེ་འཇིགས་ཏེ་སླར་ཡང་ལོ་གསུམ་བསྒྲུབས་པས་དོན་གྲུབ་སྟེ་སྤྱིན་བསྲེག་གི་སྦྱོར་བ་བརྩམས། བསྲེགས་ཐལ་ལས་སྔགས་བཟླས་ཏེ་གཏོར་བ་ཙམ་གྱིས་མེ་རང་འབར་དུ་གྱུར། སངས་རྒྱས་པའི་ཆོས་གཞི་བསྟེན་པའི་ལྷ་ཁང་བརྒྱད་ཅུ་རྩ་བཞི་བསྲེགས། ཁྱད་པར་དུ་ཐེག་པ་ཆེན་པོའི་ཆོས་ཐམས་ཅད་བཞུགས་པའི་དཔལ་ན་ལེནྟྲའི་ལྷ་ཁང་ཆེན་པོ། རཏྣ་ས་ག་ར། རཏྣ་ད་དྷི། རཏྣ་རཎྜ་ཀ་ཞེས་བྱ་བ་གསུམ་ཆར་ཚིག །རཏྣ་ད་དྷི་ཞེས་བྱ་བ་ལ་དགུ་ཐོག་ཡོད་པས་སྟེང་ཁང་གི་གླེགས་བམ་འགའ་ཞིག་ལས་ཆུའི་རྒྱུན་ཆེན་པོ་བབས་ཏེ་འབར་བ་གང་ཞིག་མནལ་བར་གྱུར་པས་གླེགས་བམ་མ་ཚིག་པ་འགའ་ཡང་བྱུང་བ་རིགས་པ་འཛིན་པའི་སྡེ་སྣོད་དུ་གྲགས། མུ་སྟེགས་གཉིས་རྒྱལ་པོའི་ཆད་པས་འཇིགས་ཏེ་བྱང་ཕྱོགས་ཧ་ས་མ་ཞེས་བྱ་བའི་ཡུལ་དུ་བྲོས་ཀྱང་སྡིག་པའི་མཐུས་ལུས་ལ་མེ་འབར་ནས་ཤི །དེ་བཞིན་དུ་སློབ་དཔོན་ཀླུ་སྒྲུབ་ཝོ་ཕྱོགས་ཀྱི་རྒྱུད་ན་འགྲོ་དོན་མཛད་པའི་ཚེ་ཀླ་ཀློའི་ཆོས་ལུགས་མགོ་བརྩམ་ཤིང་། དཔལ་གྱི་རི་ལ་བཞུགས་པའི་དུས་ཙ་ན་རྒྱལ་པོ་ནེ་མ་ཙནྟྲའི་བློན་པོ་རྒྱལ་བཤེས་ཞེས་བྱ་བས་ངོ་ལོགས་བརྩམས་ཏེ་རྒྱལ་སྲིད་ལ་རང་དབང་དུ་བྱས། ན་ལེནྟྲ་ཀྟརྟེ་བརྡུངས་པའི་སྒྲ་ལ་ཕཊ་ཌའ་ཡ་ཞེས་བྱུང་བ། བྲམ་ཟེ་སྒྲ་མཁན་རྣམས་ཀྱི་མུ་སྟེགས་ངན་པ་རྣམས་ཀྱི་ཀླད་པ་འགེམས་ཞེས་པའི་སྒྲར་ཤེས་ནས། བྲམ་ཟེ་རྒྱལ་བཤེས་ལ་སོགས་པ་མུ་སྟེགས་རྣམས་ཀྱི་དམག་བྱས། ཡུལ་དབུས་ནས་ཛ་ལརྙ་རའི་བར་གྱི་གཙུགས་ལག་ཁང་མང་པོ་ཞུགས་ལ་སྦྱངས། དགེ་སློང་མང་དུ་ཐོས་པ་འགའ་ཡང་བསད་པ་སོགས། མདོར་ན་ཀླུ་སྒྲུབ་ཡུལ་དབུས་སུ་བསྟན་པ་སྐྱོང་བ་ཡན་ཆད་ལྷ་ཁང་བཞེངས་པ་ལ་སོགས་ཇེ་མང་དུ་སོང་བས་ཡར་འཕེལ་དང་། ལྷོ་ཕྱོགས་ཀྱི་རྒྱུད་ན་འགྲོ་དོན་མཛད་པ་ཙམ་ནས་འགྲིབས་པའི་ཐོག་མ་བརྩམས་པ་སྟེ། དམ་པའི་ཆོས་མངོན་པ་ལ་དགྲ་ལན་གསུམ་བྱུང་ནས་ཐེག་པ་ཆེན་པོའི་གསུང་རབ་སྤྱི་དང་བྱེ་བྲག་པ་ཆ་བཙྭ་ལྔར་བཏང་བའི་ཆ་དགུ་མེའི་གནོད་པས་སྦྱངས། ཆ་བཞི་དམག་གི་བྱ་བས་བརླག །ཆ་གཅིག་རང་བཞིན་གྱིས་ནུབ་པས། ཆ་གཅིག་ལས་མ་ལུས་པར་གྲགས། རྒྱུ་མཚན་དེ་ཙམ་ལས་ཀྱང་མདོ་རྒྱུད་སྣ་ཚོགས་པའི་དཔེ་ཡུལ་ཁོལ་བུ་ནས་ལྷགས་པའམ། བས་མཐར་ལྟར་མི་མངོན་པའི་རིག་པ་འཛིན་པ་དག་གིས་རང་གི་རྒྱུད་དམ། ཡི་གེའི་སྲོག་ཏུ་བཟུང་བ་ལས་བོད་ཡུལ་ལ་སོགས་པར་འཆེད་པའང་ཡོད་དེ། ཕྱིས་གཙུག་ལག་ཁང་ཆུང་རེའི་ཆོས་ཀྱི་རྣམ་གྲངས་མཐོང་བ་དག་གིས་རྒྱ་གར་ན་དེའི་ཕྱི་མོ་ཡོད་མེད་ངེས་ངེས་ལྟར་སྒྲགས་ནས་དམ་པའི་ཆོས་སྤོང་བར་ཞུགས་པ་ལ་སྙིང་པོ་མེད་དེ། དེ་ནི་དམ་པའི་ཆོས་མངོན་པ་ལ་དགྲ་བྱུང་བའི་ཐ་སྙད་ཡོད་པས་དེ་ལྟར་འཐད་ཀྱང་རྒྱུད་ལ་མ་ཡིན་ནོ་སྙམ་ན། དཔུང་བཟང་གིས་ཞུས་པར། གསང་སྔགས་མདོ་སྡེའི་ཚུལ་དུ་བཤད་ཀྱི་ཉོན། །ཞེས་པ་རིག་པ་འཛིན་པའི་རྒྱུད་སྡེ་སྣོད་བཞི་པར་བཞག་པ་དེས་ཀྱང་ཤེས་པར་གྱུར་ལ། དེར་མ་ལྟོས་པ་འདིར་ནི་རཏྣ་ད་དྷི་ཞེས་པའི་སྟེང་ཁང་གི་གླེགས་བམ་ལས་ཆུ་རྒྱུན་གྱི་མཐུས་མ་ཚིག་པ་ནང་རྒྱུད་སྡེ་ལྔ་དང་གསང་བ་འདུས་པར་འདོད་པ་དེ་ལ་ཅིས་སྙོན། ལར་གསང་སྔགས་བྱིངས་ཆེ་བྱུང་བའི་དུས་ཚོད་འདི་ཙམ་ནའོ། ཞེས་གཏན་ཚིགས་ཀྱིས་བསྒྲུབ་པར་དཀའ་ནའང་། སྔོན་ཐེག་པ་ཆེན་པོའི་ཆོས་དར་བ་ནས་མི་རིང་བར་རིག་པ་འཛིན་པ་འབུམ་ཕྲག་གཅིག་དང་། ཨོ་ཞི་ཡ་ནའི་སྐྱེ་བོ་རྣམས་རིག་པ་འཛིན་པའི་གནས་ཐོབ་པ་ཕལ་མོ་ཆེ་བླ་མེད་ཀྱི་ལམ་ལ་བསྟེན་པ་ཡིན་ནོ། །འདི་ལྟར་གསང་བའི་བདག་པོ་ལ་སོགས་པས་སྐལ་པ་དང་ལྡན་པ་ཤིན་ཏུ་མང་པོ་ལ་ཞལ་ཅིག་ཅར་དུ་བསྟན་ནས་སྔགས་ཀྱི་ཐེག་པ་བཤད། དེ་དག་ཐམས་ཅད་འཇའ་ལུས་སུ་དེངས་པས་རྗེས་སུ་གདམས་པ་བཞག་པ་ཆེར་མེད་ལ། འོན་ཀྱང་དགའ་རབ་རྡོ་རྗེ་ལ་སོགས་པས། སློབ་མ་ལ་ཚིག་རྒྱུད་བྲེང་ཆགས་སུ་གདམས་ཤིང་ལ་ལ་འདས་རྗེས་ཀྱི་ཚུལ་དུ་གདམས་པས་མན་ངག་རྫོགས་པ་ཆེན་པོ་ལ་སོགས་བྱུང་ངོ་། །འདི་ལྟར་སྔོན་གྱི་དམ་པ་དེ་དག་ནི་ཤིན་ཏུ་སྒམ་ཞིང་གསང་བ་བསྲུང་བ་ལ་མཁས་པས་དངོས་གྲུབ་མ་ཐོབ་ཀྱི་བར་དུ་སུས་ཀྱང་གསང་སྔགས་སྤྱོད་པ་ཡིན་པར་མི་ཤེས་ཏེ། དཔེར་ན་འཕགས་པ་ནཱ་ག་རྫུ་ན་བཞིན་ཏོ། །གང་ཆོ་འཕྲུལ་ཆེན་པོ་དང་བཅས་མི་སྣང་བར་གྱུར་པའམ།རྫུ་འཕྲུལ་གྱི་བཀོད་པ་ཆེན་པོ་བཤམས་པ་དེའི་ཚེ། ཨ་ལ་ལ་དེ་ནི་སྔགས་ཀྱི་སྤྱོད་པ་ཅན་ཏོ་ཞེས་སླད་ནས་རིག་པར་གྱུར་པ་ཤ་སྟག་གོ །རྒྱུ་དེས་སློབ་དཔོན་གྱིས་སློབ་མ་ལ་བརྒྱུད་པའི་རིམ་པ་བྲེང་ཆགས་མངོན་ཚན་ཅན་དུ་གདམས་པའི་གནས་དུས་དང་ཐོག་མཉམ་འདི་ལྟའོ་ཞེས་མཚན་ཉིད་དཔག་པར་ནུས་པ་ཁོ་ན་མ་ཡིན་ཏེ། ཡེ་ཤེས་ཀྱི་སྐུ་ཅན་ཡིན་པས་འདས་གྲོངས་ཀྱིས་བསྙེལ་བ་མི་མངའ་ཡང། བལྟར་མངོན་པ་དང་། མི་མངོན་པའི་བརྟུལ་ཞུགས་ཡ་མ་ཟུང་ལ་མ་བརྙེས་པ་དག་ལ། དུས་བསྒྲིག་པ་དང་། བརྒྱུད་ཐག་ཉེ་འགྱང་ཁོ་ན་བསམ་པ་ནི་བྱིས་པའི་རྣམ་རྟོག་སྟེ། གང་དུ་ཆོས་དེའི་སྣོད་དུ་གྱུར་པ་མཆིས་ན་དེའི་ཐད་ཀར་རང་ཞལ་བསྟན་ཏེ་རྗེས་སུ་གདམ་པའང་ཡོད་ན་ཡོངས་སུ་གྲགས་པའི་གཏམ་དང་། དེ་ལ་དེར་བསྟེན་གྱི་ཐོག་དང་སྔ་ཕྱི་སྒྲིག་པ་སོགས་བློ་གྲོས་ཕུར་ཁུང་ཐུག་པའོ། །དེ་ལྟ་ནའང་ས་ར་ཧ་པ་དང་། ཀླ་སྒྲུབ་ཡབ་སྲས་དང་།ཤ་ཝ་རི་པའི་བར་དུ་བརྒྱུད་པ་ནས་བརྒྱུད་པར་འདོམས་པ་ཡང་ཡོད་ལ། དེའི་ཕྱིར་རྣལ་འེབྱོར་བླ་ན་མེད་པ་ནི་མངོན་ཚན་དུ་སྤྱོད་པ་ཆེར་མེད་ཀྱང་རང་བཞིན་དུ་སྔོན་ལས་ཆེས་དར་བར་གྱུར་པས་གྲུབ་ཐོབ་གྲགས་ཆེ་བ་རྣམས་ཀྱང་དུས་འདི་ཙམ་ནས་བྱོན་ལ། བྱ་སྤྱོད་ཀྱི་སྔགས་རྒྱུད་རྣམས་ནི་ལོ་ཉིས་བརྒྱ་ཙམ་གྱི་བར་དུ་མངོན་ཚན་དུ་སྤྱོད་པར་ཤིན་ཏུ་དར་རོ་ཞེས་གྲགས་སོ། །འཛམ་བུའི་གླིང་མཛས་པར་བྱེད་པའི་རྒྱན་གྱི་དམ་པར་གྱུར་པ། ཤིང་རྟ་ཆེན་མོའི་ལམ་སྲོལ་འབྱེད་པ་སློབ་དཔོན་ཐོགས་མེད་དང་། དེའི་གཅུང་དབྱིག་གཉེན་ནི། རྒྱལ་པོ་སངས་རྒྱས་ཕྱོགས་ཀྱི་བུ་ཟབ་མོའི་ཕྱོགས་ཞེས་བྱ་བ་རྒྱལ་སྲིད་ལ་གནས་པའི་ཚེ། དགེ་སློང་སྡེ་སྣོད་གསུམ་པ་ཞིག་ང་རྒྱལ་གྱི་རྣམ་པར་སྨིན་པ་ལས་བུད་མེད་དུ་སྐྱེ་བ་བཟུང་བ་བྲམ་ཟེ་མོ་པྲ་ཀྭ་པ་ཤི་ལ་ཞེས་བྱ་བ། སྔོན་གྱི་བག་ཆགས་ཀྱི་དབང་ལས་བསྟན་པ་ལ་དད་ཅིང་བློ་གྲོས་རྣོ་བ། བྱང་ཆུབ་ཀྱི་སེམས་སྟོབས་ཆེ་བ་གཅིག་ཡོད་པ་དེ་འདི་སྙམ་དུ། ཀྱེ་མ་བསྟན་པ་ནི་འདི་ལྟར་ཉམས་དམས་པ་བདག་ཅག་ནི་བུད་མེད་དུ་གྱུར་པས་ཅི་བྱར་ཡོད་ཀྱིས། ལུས་ལས་ཁྱིའུ་བསྐྱེད་དེ། དེ་བསྟན་པ་ལ་སྲི་ཞུ་བསྐྱེད་དུ་གཞུག་གོ་སྙམ་ནས། རྒྱལ་རིགས་དང་འདུས་པ་ལས་སློབ་དཔོན་ཐོགས་མེད་དང་། བྲམ་ཟེའི་རིགས་དང་འདུས་པ་ལས་དབྱིག་གཉེན་འཁྲུངས་སོ། །དང་པོ་ནི་བློ་རྣོ་བའི་ཆོ་ག་རྫོགས་པར་བྱས་ནས། ཆེར་བསྐྱེད་པ་ན། རིག་པའི་གནས་བཅོ་བརྒྱད་མ་ཉིད་ཀྱིས་བསླབས་ཏེ་ཤིན་ཏུ་བྱང་བར་གྱུར་ཏོ། །བུས་རང་གི་རིགས་ཀྱི་ཆོས་འདྲི་བ་ན། བུ་རིགས་ཀྱི་བྱ་བ་བྱེད་པའི་ཕྱིར་བསྐྱེད་པ་ནི་མ་ཡིན་ཏེ། བསྟན་པ་ལ་ཕན་པའི་སླད་དུ་བསྐྱེད་པ་ཡིན་ནོ། །རབ་ཏུ་བྱུང་ནས་བློ་སྦྱང་བར་འོས་སོ། །ཞེས་གདམས་པ་དེ་ལ་མཉན་ཏེ་བསྟན་པ་ལ་ཞུགས། བསྙེན་པར་རྫོགས་ནས་ལོ་ལྔའི་བར་དུ་ཀློག་པ་ལ་བརྩོན། ལོ་རེར་ཚིགས་བཅད་འབུམ་འབུམ་གྱི་ཚིག་དོན་ཐམས་ཅད་ཆུབ་པར་བྱས། སྡེ་སྣོད་གསུམ་དང་ཐེག་པ་ཆེན་པོའི་མདོ་སྡེ་ནི་ཕལ་ཆེར་སླ་ཡང་། ཤེར་ཕྱིན་གྱི་མདོ་ནི་བརྗོད་བྱ་མ་ཟློས་ཤིང་། མ་འཛིངས་པ་དག་དཀའ་བའི་གནས་སུ་གཟིགས། དེའི་དོན་དུ་ཀྱེ་མ་ཡབ་གཅིག་བདག་གི་སྐྱབས། ངལ་བརྒྱས་འབད་ཀྱང་འབྲས་མ་མཆིས། །ཅི་ཕྱིར་ཆར་སྤྲིན་བརྒྱ་མཚོའི་དཔུང་། །གདུང་བས་བསྲེགས་ཏེ་སྐོམ་ཚད་འབེབས། །བདག་གིས་དེ་ཙམ་དུ་བསྒྲུབས་ཀྱང་ཞལ་མི་སྟོན་པ་ཞེས་སྤྱན་ཆབ་ཕྱུང་པས། ལྷ་ཡི་རྒྱལ་པོས་ཆར་ཕབ་ཀྱང་། །ས་བོན་མི་རུང་མི་འཁྲུངས་ལྟར། །སངས་རྒྱས་རྣམས་ནི་བྱོན་གྱུར་ཀྱང་། །སྐལ་བ་མེད་པས་བཟང་མི་མྱོང་། །ང་ནི་རྟག་ཏུ་ཁྱོད་ཀྱི་མདུན་ན་གནས་ཏེ་ལས་ཀྱི་སྒྲིབ་པས་མ་མཐོང་ངོ། །ད་ལྟའི་སྙིང་རྗེ་ཆེན་པོའི་མཐུ་ནི་དེ་ལྟའོ། །ད་གྲོང་ཁྱེར་གྱི་སྐྱེ་བོ་རྣམས་ལའང་སྟོན་པར་གྱིས་ཤིག་དང་། གསུངས་པ་བཞིན་ཕྲག་པར་ཐོགས་ནས་བསྟན་པས་ཆང་འཚོང་མས་ཁྱི་གུ །དབུལ་པོས་ཞབས་མགོ་ཙམ་མཐོང་བར་གྲགས་ཏེ་གཞན་དུ་སུ་ལའང་མཐོང་བའི་གནོད་ཀྱིས་སྐལ་བ་ཉིད་དོ། །ད་ཅི་འདོད་པ་ཡིན་གསུངས་པ་ལ། ཐེག་པ་ཆེན་པོ་དར་བར་ཞུས་པས། ངའི་ཆོས་གོས་ལ་འཇུས་ཤིག་གསུངས་ནས་ཡུད་ཙམ་ལ་དགའ་ལྡན་གྱི་གནས་སུ་ཁྲིད། ལྷའི་དྲོ་སྐད་ཅིག་སྟེ་དེ་མིའི་ཞག་གིས་གཞལ་བ་སོགས། བཞུགས་ཡུན་རིང་ཐུང་འདོད་པ་ཐ་དད་པ་སྣང་། ཐེག་པ་ཆེན་པོ་མ་ལུས་པ་དང་།བྱམས་པའི་ཆོས་ལྔ་གསན་པ་ན་དོན་ཚན་རེ་རེ་ཏིང་འཛིན་གྱི་སྒོ་མི་འདྲ་བ་རེ་རེ་ཐོབ། ཡུན་རིང་པོར་སྐད་ཅིག་གིས་གཤེགས་པ་དང་། ན་ཚོད་ལ་བགྲེས་རྒུད་མི་མངའ་མཚན་གྱིས་རྗེས་མཐུན་པས་སྐུ་ལ་བརྒྱན་པ་སོགས་ས་ཐོབ་པའི་ཡོན་ཏན་ཁྱད་པར་ཅན་མང་པོ་མངའ། མནལ་ལམ་དུ་ཡང་རང་དོན་ཡིད་བྱེད་ཀྱི་བློ་མེད་ཅིང་། ཏིང་ངེ་འཛིན་གྱི་སྒོ་མཐའ་ཡས་པ་ལ་སྤྱོད་པ་དང་། འཇམ་པ། དུལ་བ། དེས་པ་ཡང་ཡིན་ལ།གྲུབ་པའི་མཐའ་དང་སྤྱོད་པ་ངན་པ་ཚར་གཅོད་པ་སོགས་ལ་ལྷག་པར་རྣོ་བ་ཞིག་གོ །དེ་ནས་མ་གདྷའི་ཡུལ་གྱི་ཕྱོགས་སེ་ལུ་པ་ན་ཞེས་བྱ་བའི་ནགས་སུ་གཙུགས་ལག་ཁང་མཛད་དེ་བཞུགས་ནས་ཚུལ་ཁྲིམས་ཕུན་སུམ་ཚོགས་ཞིང་། མང་དུ་ཐོས་པའི་སློབ་མ་བརྒྱད་ལ་ཐེག་པ་ཆེན་པོའི་ཆོས་ཟབ་མོ་དག་བསྟན་པས། ཐམས་ཅད་ཀྱང་བཟོད་པ་ཐོབ་ཅིང་རྫུ་འཕྲུལ་མངོན་པར་འདུ་བྱེད་པ་མདོ་སྡེ་རྒྱ་མཚོའི་ཕ་རོལ་ཏུ་སོན་པ་ཤ་སྟག་བྱུང་། དེར་བྱམས་པའི་ཆོས་ལྔ་ཡང་ཡི་གེར་བཀོད། མངོན་པ་ཀུན་ལས་བཏུས་ལ་སོགས་པ་བསྟན་བཅོས་རྒྱ་ཆེན་པོ་མཛད། ཨུཛི་པུ་རི་ཞེས་བྱ་བའི་གཙུག་ལག་ཁང་དུ་རྒྱལ་པོ་ཟབ་མོའི་ཕྱོགས་ཀྱི་སྦྱིན་བདག་བྱས་ཏེ་ཕྱོགས་བཞིའི་དགེ་སློང་ཐམས་ཅད་འདུས་པར་སྡེ་སྣོད་གསུམ་དང་། ཐེག་པ་ཆེན་པོའི་མདོ་སྡེ་ལྔ་བརྒྱ་ཙམ་བཤད་པས། མདོ་སྡེའི་གནས་ལ་བློ་གྲོས་བྱང་ཞིང་ཐེག་ཆེན་གྱི་རིགས་སད་པ་སྟོང་ཕྲག་ལས་ཐལ་བ་བྱུང་། མངོན་པའི་ཕྱོགས་ཀྱི་བསྟན་པ་བར་སྐབས་སུ་ནུས་པ་ལྟར་གྱུར་པ་སླར་ཤིན་ཏུ་དར་བའི་གྲགས་པའི་རྒྱལ་མཚན་འཕྱར། དེའི་ཚེ་རྒྱལ་པོ་ཟབ་མོའི་ཕྱོགས་ཀྱི་བསམས་པ། སློབ་དཔོན་འདི་ནི་འཕགས་པ་ཡིན་ཞིང་གཞན་སེམས་ཤེས་པར་གྲགས་ན། ཇི་ལྟར་ཡིན་བགམ་པར་བྱའོ་ཞེས་བློན་པོ་རྣམས་དང་། བྲམ་ཟེའི་ཚོགས་དམངས་དང་བཅས་པར་བགྲོས་ཏེ། སྔགས་པར་འོས་སམ། དམའ་དབབ་པའི་གནས་གང་ཡིན་པ་ཐ་ཚིག་ཏུ་བཀོད་ནས་ཕོ་བྲང་གི་འཁོར་འཁྱམས་སུ་སློབ་དཔོན་འཁོར་བཅས་སྤྱན་དྲངས། ཕུན་སུམ་ཚོགས་པའི་བསོད་ནམས་ཀྱི་བསྙེན་བསྐུར། མ་ཧེ་ནག་པོ་ས་དཀར་གྱིས་བསྐུས་པ་ཁྱིམ་ཕུགས་སུ་སྦས། གསེར་གྱི་བུམ་པ་མི་གཙང་བས་གཏམས་པ་སྦྲང་རྩིས་བཀང་སྟེ་རས་ཀྱི་གཡོགས་པ་ཅན་ལག་ཏུ་ཐོགས་ནས། ཁྱིམ་གྱི་ཕུགས་ན་ནི་གང་། ལག་ཏུ་ཐོགས་པ་ནི་ཅི་ཞེས་དྲིས་པས། སློབ་དཔོན་ནི་ཚིག་གི་མངོན་པ་ཤེས་པ་ཙམ་མ་ཡིན་པར། ངོར་གྱི་མངོན་པའི་གནས་ལ་མཐར་ཕྱིན་པ་ཞིག་པས་ལྐོག་ཏུ་གྱུར་པ་དེ་ནི་མངོན་དུ་ཤེས་པར་མཛད་དོ། །སླར་ཡང་ལྐོག་གྱུར་ཤེས་པ་ནི་ཟག་པ་དང་བཅས་པའི་ཁམས་ལའང་ཡོད་ན། སེམས་ཀྱི་ཆོས་ཉིད་ཤེས་སམ་མི་ཤེས་སྙམ་ནས། ཤེར་ཕྱིན་གྱི་མདོའི་ཚིག་ལ་དྲི་བ་གསུམ། དོན་ལ་དྲི་བ་གསུམ་སྟེ་དྲུག་ཡིད་ཀྱིས་དྲིས་པ་ལ། ལན་ཐོགས་པ་མེད་པར་བཏབ་པས། རྒྱལ་པོ་དང་སྐྱེ་བོའི་ཚོགས་ཐམས་ཅད་ངོ་མཚར་ཏུ་གྱུར་ཏོ། །སླར་རྒྱལ་པོ་དེ་ཆོས་ཀྱིས་ཡང་དག་པར་བཏུལ་ནས་ཐེག་པ་ཆེན་པོའི་ཆོས་གཞི་ཉི་ཤུ་རྩ་ལྔ་བྱེད་དུ་བཅུག་གོ །དེའི་ཚེ་གཅུང་དབྱིག་གཉེན་ཉན་ཐོས་པའི་ཕྱོགས་སུ་གནས་པས། ཐེག་པ་ཆེན་པོའི་ཆོས་དང་གང་ཟག་ལ་ཐེ་ཚོམ་ཟ་བའི་བསྟིང་ཚིག་སྨྲ་བ་གསན་ནས་ཐབས་ལ་མཁས་པ་དང་ཐུགས་རྗེ་ཆེན་པོའི་འཕྲིན་ལས་རྨད་པས་བཏུལ། ཡུལ་ལྷོ་ཕྱོགས་པའི་བྲམ་ཟེ་བ་སུ་ནཱ་ག་ཞེས་བྱ་བས། འཕགས་པ་ཐོགས་མེད་ཀྱིས། རྒྱལ་བ་མ་ཕམ་པ་ལས་ལུང་བླངས་ནས་ཐེག་པ་ཆེན་པོའི་ཆོས་སླར་ཡང་དར་བར་བྱེད་དོ་ཞེས་ཐོས་ནས་དགེ་བའི་རྩ་བ་རྒྱ་ཆེན་པོ་བསྐྱེད་པའི་ཕྱིར་སྤྱན་འདྲེན་དུ་འོངས་ལ། གང་དང་ལྷན་ཅིག་པར་གཤེགས་པར་བརྩམ་པ་ན་དེའི་མ་ནད་ཀྱིས་བཏབ་བོ་ཞེས་པའི་ཕོ་ཉ་བྱུང་བས། ཡུལ་དུ་མྱུར་བསླེབ་པར་འདོད་པའི་གདུང་བ་བསྐྱེད་པ་ན། སློབ་དཔོན་གྱིས། བྲམ་ཟེ་འདོད་ན་མྱུར་བར་སླེབ་པར་བྱེད་པར་བྱེད་དོ་ཞེས་དབུགས་ཕྱུང་ནས་ཟླ་བ་གསུམ་གྱི་ལམ་མཐུན་ཚོད་གཉིས་ལ་བགྲོད་པར་མཛད། ཚོང་དཔོན་དྷ་ན་རཁྱི་ཏ་ཞེས་བྱ་བས་སྤྱན་དྲངས་པའི་ཚེ་ཡང་དེ་བཞིན་དུ་མཛད་ནས་ཡུལ་ཀྲིཛི་ར་ཛ་དང་། ཨོ།་རྒྱན་གཉིས་ཀར་ཡུན་རིང་བཞུགས་ཤིང་ཐེག་པ་ཆེན་པོ་དར་བར་མཛད། ཡུལ་དེ་གཉིས་ཀྱི་བར་དུ་མཆོད་རྟེན་བརྒྱ་ཕྲག་རེ་དང་ལྷ་ཁང་ཉི་ཤུ་རྩ་ལྔ་བཞེངས་ནས་རེ་རེ་ཡང་ཐེག་ཆེན་གྱི་ཆོས་གཞི་རེ་བཙུགས་སོ། །མ་ག་དྷར་ཡང་དེ་ཇི་བཞིན་པ་མཛད། ལན་ཅིག་མཐའ་འཁོབ་ཀྱི་གྲོང་ཁྱེར་ཨ་མོ་རྒྱ་དང་ཉེ་བར་རྒྱལ་ཕྲན་ཞིག་ལ་ཆོས་སྟོན་པའི་ཚེ། གར་ལོག་གི་དམག་བྱུང་ནས། སློབ་མའི་ཚོགས་ལ་བཟོད་པའི་ཁུར་སྐྱེད་ཅིག་པར་གདམས། ཐམས་ཅད་ཀྱི་མཉམ་པར་བཞག་པས། མདའ་འཕངས་པ་རྡུལ་དུ་སོང་། དམག་གི་གཙོ་བོས་སློབ་དཔོན་ལ་རལ་གྲི་བསྣུན་པས་ཀྱང་སྐུ་ལ་གནོད་པ་མེད་ཅིང་།རལ་གྲི་དུམ་བུ་བརྒྱར་ཆག །ཚིག་རྩུབ་ཀྱི་ཚེར་མ་རྣོན་པོས་ཀུན་ནས་གཞར་ཡང་བཟོད་པའི་གོ་ཆ་ལ་ཉམས་ཉེས་མེད་པས། དེ་དག་ཀྱང་དད་དེ་ཕྱག་གི་བཏུད་ནས་སོང་ངོ་། །གཞན་གྱི་བསམ་པ་མཁྱེན་པའི་ཕྱིར་ཆོས་སྟོན་པ་ཐམས་ཅད་སློབ་མས་གང་མི་ཤེས་ཤིང་ཐེ་ཚོམ་གྱི་གནས་སུ་གྱུར་པ་དེ་གསལ་བར་བཀྲལ་ནས་སྟོན་པའི་ཕྱིར། སློབ་དཔོན་འདི་ལས་ཆོས་ཉན་པ་ལ་མི་མཁས་པར་གྱུར་པ་འགའ་ཡང་མེད་ཅིང་། ས་དང་ལམ་གྱི་ཡོན་ཏན་སྐྱེས་པ་ཡང་སྟོང་ཕྲག་མང་པོ་བྱུང་། གྲུབ་མཐའ་ཕྱོགས་རེ་ཙམ་མ་ཡིན་པར་སྒོ་ཐམས་ཅད་ནས་གསུངས་པས་ཐེག་པ་ཆེ་ཆུང་གི་སློབ་མར་གྱུར་པ་གྲངས་མེད། ཁྱད་པར་ཀླུ་སྒྲུབ་གྱི་ཚེ་ཡང་དགེ་འདུན་ཕལ་ཆེར་ཉན་ཐོས་ཁོ་ན་མང་ལ། བར་དུ་ཐེག་ཆེན་གྱི་ཆོས་ཤིན་ཏུ་དར་བར་གྱུར་བའི་ཚེ་ཡང་དེའི་དགེ་སློང་ཁྲི་ཕྲག་ཏུ་ལོངས་པ་ནི་མེད་ན། སློབ་དཔོན་འདིའི་དུས་དགེ་སློང་ཐེག་པ་ཆེན་པོ་འཛིན་པ་ཁྲི་ཕྲག་མང་པོ་བྱུང་བས་ཐེག་ཆེན་གྱི་བསྟན་པའི་བདག་པོར་གྲགས། སྐུ་ཚེའི་སྨད་ལ་ན་ལེནྟྲར་ལོ་བཅུ་གཉིས་ཙམ་བཞུགས། དགུན་དུ་གྱུར་པའི་ཚེ་ཉིན་རེ་བཞིན་མུ་སྟེགས་ཀྱི་རྒོལ་བ་ལྷགས་པ་ལ། རིགས་པ་སྣ་ཚོགས་ཀྱི་མཚོན་ཆ་རྣོན་པོས་དེ་དག་གི་གྲུབ་པའི་མཐའ་སུན་ཕྱུང་པས། མུ་སྟེགས་སྟོང་ཕྲག་ཏུ་ཉེ་བའང་ནང་པའི་བསྟན་པ་ལ་རབ་ཏུ་བྱུང་། གང་ན་དགེ་སློང་ལྟ་བ་ཉམས་པ་དང་། མ་སྡམས་པ་དང་། ཆོ་ག་མ་ཡིན་པ་ཐམས་ཅད་ཚར་བཅད་ནས་དགེ་འདུན་ཤིན་ཏུ་དག་པར་མཛད། ཐེག་པ་ཆེན་པོའི་མངོན་པ་མིང་ཙམ་དུ་གྱུར་པ་དེ་མཆོག་ཏུ་གསལ་བར་མཛད་ནས་རྒྱལ་པོའི་ཁབ་ཏུ་ཞི་བའི་གྲོང་ཁྱེར་དམ་པར་གཟིམས་སོ། །འཛམ་གླིང་མཛེས་པའི་རྒྱན་སློབ་དཔོན་མཁས་པའི་དབང་ཕྱུག་དབྱིག་གཉེན་ནི། སྐྱེ་བའི་མྱུ་གུ་བཟུང་བ་ནས་བློ་རྣོ་བའི་ཆོ་ག་བྱས་ཤིང་། ཡི་གེ་དང་། བརྡ་སྤྲོད་པ་ལ་སོགས་རིག་པའི་མཐུ་སད་པའི་བར་ནི་གཅེན་དང་མཚུངས་ལ། ན་ལེནྟྲར་རབ་ཏུ་བྱུང་ནས་ཉན་ཐོས་ཀྱི་སྡེ་སྣོད་མ་ལུས་པ་བྱང་བར་མཛད། ཆོས་མངོན་པ་དང་། སྡེ་པ་བཅོ་བརྒྱད་ཀྱི་གྲུབ་པའི་མཐའ། རིགས་པའི་ལམ་གྱིས་ཤིང་རྟར་གྱུར་པ་གང་ཡིན་པ་དེའི་རྩེར་སོན་པ་ཉིད་དུ་འཛེག་པའི་སླད་དུ་ཁ་ཆེར་སློབ་དཔོན་ས༷་ཀྟ་བྷ་དྲར་བསྙེན། བསྟན་བཅོས་བྱེ་བྲག་ཏུ་བཤད་པ་དང་། གྱེས་པ་བཅུ་བརྒྱད་ཀྱི་མདོ་སྡེ་དང་འདུལ་བའི་གཞུང་མི་འདྲ་བའི་ཁྱད་པར་མུ་སྟེགས་ཅན་དྲུག་པོའི་གཞུང་ལུགས་དང་། རྟོག་གེའི་གནས་ཐམས་ཅད་ལ་མཁས་པར་མཛད། དེ་ཉིད་དུའང་འོ།་གྲངས་འགའ་ཞིག་ཏུ་རིགས་པ་དང་། མི་རིགས་པ་རྣམ་པར་ཕྱེ་ཞིང་ཉན་ཐོས་ཀྱི་སྡེ་སྣོད་སྨྲ་བའི་དབང་ཕྱུག་དམ་པར་གྱུར། སླར་མ་ག་དྷར་འེབྱོན་པར་དགོངས་ནས་ལམ་དུ་གནོད་སྒྱིན་གདུག་པ་དང་། ཆོམ་རྐུན་གྱིས་གནོད་པས་ཉམས་ཉེས་པ་མེད་པར་བརྟོལ། ན་ལེནྟྲར་འཕགས་པ་ཐོགས་མེད་ཀྱིས་མཛད་པའི་ས་སྡེ་ལྔའི་གླེགས་བམ་གཟིགས་པ་ན། ཐོས་པའི་ལང་ཚོ་དར་ཡང་ཉན་ཐོས་ཀྱི་བློ་གྲོས་དཀྱིལ་ཆུང་བས་ཐེག་པ་ཆེན་པོ་ཐུགས་སུ་མ་ཆུད། རྟོག་གེའི་རིག་པ་ནི་དག་པའི་སྣང་བ་དང་མཛའ་བ་མ་ཡིན་པས་ལྷག་པའི་ལྷ་ལ་གསན་པའི་གནས་ལ་ཐེ་ཚོམ་གྱི་ཀུན་ནས་དཀྲིགས་ཏེ་ཐེག་པ་ཆེན་པོའི་ཆོས་དང་གང་ཟག་ལ་བསྟིང་པའི་ཚིག །ཀྱེ་མ་ཐོགས་མེད་ནགས་སུ་ལོ། །བཅུ་གཉིས་བར་དུ་ཏིང་འཛིན་བསྒྲུབས། །ཏིང་འངཛན་མ་གྲུབ་གླང་ཆེན་གྱི། །རྒྱབ་ཁལ་ལོན་པའི་གྲུབ་མཐའ་བརྩམས། །ཞེས་སྨྲས་པ་གཅེན་པོས་གསན་ཏེ་འདུལ་བའི་དུས་ཡིན་པར་དགོངས། རང་གི་སློབ་མ་གཉིས་མདོ་སྡེ་ས་བཅུ་པ་དང་། བློ་གྲོས་མི་ཟད་པའི་མདོ་སོ་སོར་འཛན་དུ་བཅུག་ནས། སྲོད་ཀྱི་དུས་ལ་ནི་བློ་གྲོས་མི་ཟད་པ་ཐོན། ཐོ་རངས་ཀྱི་དུས་ན་ས་བཅུ་པ་ཐོན་ཞིག་པར་གདམས་ནས་གཅུང་གི་དྲུང་དུ་བཏང་ངོ་། །དེ་གཉིས་ཀྱིས་ཀྱང་དེ་བཞིན་དུ་བྱས་པས། དབྱིག་གཉེན་གྱིས་རྟོག་པ་བཅུག་ནས་སྲོད་ཀྱི་ཚེ། ཐེག་ཆེན་འདི་རྒྱུ་ལ་བཟང་སྟེ། འབྲས་བུ་ལ་གཡེལ་ལམ་སྙམ་དུ་དགོངས། ཐོ་རངས་ས་བཅུ་པ་བཏོན་པས། རྒྱུ་འབྲས་གཉིས་ཀ་ལ་བཟང་བར་ཤེས་ཏེ་དེ་ཉིད་དུ་བློ་མཆོག་དམ་པར་གྱུར།སྔར་བསྐུར་པ་བཏབ་པ་རྗེས་སུ་དྲན་ནས་ཤིན་ཏུ་འཀྱོད་དེ་ལྕེའི་མྱུ་གུ་ལ། སྤུ་གྲིའི་རེག་པ་བརྡེག་པར་བཟས་པ་ན་མདོ་འདོན་པ་གཉིས་ཀྱིས། ལྗགས་བཅད་པས་ག་ལ་འཚལ། སྡིག་པ་བཤགས་པའི་ཐབས་གཅེན་གྱིས་སྟོན་ན་འཕགས་པའི་དྲུང་དུ་གཤེགས་པར་འཚལ་ཞེས་བསྐུལ་པས། ཐོགས་མེད་ཀྱི་དྲུང་དུ་བྱོན། སྐུ་མཆེད་ཆོས་ཀྱི་བགྲོ་གླེང་མཛད་པ་ན། གཅུང་སྤོབས་པ་མྱུར་ལ། གཅེན་མཆིད་ལན་བཟང་བར་བྱུང་། གཅེན་གྱི་གསུང་ལས། ཁྱོད་སྐྱེ་བ་ལྔ་བརྒྱར་པརྙི་ཏར་གྱུར་པས་ཤེས་རབ་རྣོ་ལ། ང་ལྷག་པའི་ལྷ་ལ་འདྲི་ཡིན་སྨྲ་བ་ཡིན་ནོ་གསུངས་པས། དེ་ཉིད་བདག་ལའང་བསྟན་དུ་གསོལ་ཞུས་པ་ན། རྗེ་བཙུན་ལ་འདྲི་ཡི་གསུང་ནས་ཞུས་པས། བྱམས་པས་འདི་སོ་སོ་སྐྱེ་བོ་ཡིན། ཐེག་པ་ཆེན་པོ་ལ་བསྐུར་པ་བཏབ་པས་ཚེ་འདི་ལ་ང་མི་མཐོང་། ལས་སྒྲིབ་ཟད་པའི་ཐབས་སུ་ཐེག་ཆེན་གྱི་མདོ་ལ་འབྲེལ་བ་མང་དག་བརྩོམས། གཙུག་ཏོར་རྣམ་རྒྱལ་མ་ཡིད་དམ་དུ་གྱིས་ཤིག །ཕྱི་མའི་དུས་ན་མཇལ་བར་གྱུར་རོ། །ཞེས་ལུང་བསྟན་པའི་བསྙད་པས་ཤིན་ཏུ་ཡིད་ཆེས་ཏེ། ང་ཡི་ཕོ་བོ་ཀླུ་དང་འདྲ། །ང་ནི་ཆར་སྡོད་བྱ་དང་འདྲ་། ཀླུ་ཡི་རྒྱལ་པོས་ཆར་ཕབ་ཀྱང་། །བྱ་ཡི་མགྲིན་པར་སོང་བ་མེད། །ཅེས་སྨྲས་དོ། །དེ་ལྟར་སྐུ་མཆེད་བགྲོ་གླེང་མཛད་པ་ནས་འདིའི་བར་གྱི་ལོ་རྒྱུས་རྒྱ་གར་བའི་བགྲོས་ཚད་མ་ཡིན་པར་དཀའ་བའི་དགག་སྒྲུབ་ཀྱང་ངེས་པར་མཐོང་སྟེ་མཁས་པའི་བྱ་བ་ཡིན་ལ། འདིར་ནི་རེ་ཞིག་བོད་འདིར་སྔོན་རབས་སུ་གྲགས་པའི་གཏམ་དང་མཐུན་པ་ཉིད་དུ་བྱས་སོ། །གཅེན་ལ་ཐེག་པ་ཆེན་པོའི་མདོ་སྡེ་ཚང་བར་གསན་པ་ཙམ་གྱིས་ཐུགས་སུ་ཆུད། སློབ་དཔོན་གཞན་ལ་སྔགས་ཀྱི་འཇུག་སྒོའང་ནོས་ནས་བཟུངས་དང་། རིག་སྔགས་བཟླས་པས་གྲུབ། ཡང་དག་པའི་དོན་ཐུགས་སུ་ཆུད་ཅིང་ཏིང་ངེ་འཛིན་ཁྱད་པར་ཅན་ཡང་མངའ། རྒྱལ་བའི་བཀའ་མི་ཡུལ་ན་བཞུགས་སོ་འཚལ་ཐུགས་ལ་ཆུད་པར་གྲགས་པས་སྟོན་པ་མྱ་ངན་ལས་འདས་པའི་ཕྱི་ནས་སློབ་དཔོན་འདི་ཉིད་ལྟ་བུ་འི་མང་དུ་ཐོས་པ་མེད་ཅེས་གླེང་། ཉིན་རེ་བཞིན་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པ་ཆུ་ཚོད་གཅིག་གམ་གཉིས་ཁོ་ནའི་ཡུལ་ལ་བཏོན་གྲུབ་པར་མཛད་པས་བུལ་མགྱོགས་ཀྱི་མཐའ་མཚོན་སྟེ། ཉན་ཐོས་ཀྱི་སྡེ་སྣོད་གསུམ་དང་། ཐེག་པ་ཆེན་པོའི་ཆོས་ཀྱི་རྣམ་གྲངས་ཤིན་ཏུ་མང་པོ། གཟུངས་ལྔ་བརྒྱ་དང་བཅས་པ་ལོ་དུས་སུ་ལན་རེ་ཞལ་འདོན་དུ་མཛད་པའི་ཚེ། བྷ་ག་བི་ཧ་ར་ཞེས་བྱ་བར་ཟངས་ཆེན་ཏིལ་མར་གྱིས་བཀང་པའི་རྫིངས་བུའི་ནང་དུ་བཞུགས་ནས་ཉིན་མཚན་སྦྲེལ་མ་བཅོ་ལྔས་ཚར་གཅིག་འདོན་པར་ནུས། དེ་གདུང་ཕྲག་གི་ཕུག་རོན་གཅིག་གིས་ཐོས་པས་ཐར་པའི་ས་བོན་ཐེབས་ཏེ་ཚེ་འཕོས་པ་གང་། སློབ་དཔོན་བློ་གྲོས་བརྟན་པར་གྱུར་ན་སྐུ་ཚེའི་སྨད་ཀྱི་སློབ་མའི་མཆོག་རྒོལ་ངན་ཚར་གཅོད་ཅིང་། གཞུང་འགྲེལ་སྨྲ་བའི་དབང་ཕྱུག་ཆེན་པོར་གྱུར། སློབ་དཔོན་དབྱིག་གཉེན་ཐེག་པ་ཆེན་པོ་ལ་ཞུགས་པ་དེའི་ཚེ་ཉན་ཐོས་པ་སོགས་མཁས་པ་ལྔ་བརྒྱ་ཙམ་ཡང་ཐེག་ཆེན་ལ་ཞུགས། ཐོགས་མེད་སྐུ་འདས་པའི་འོག་ཏུ་དཔལ་ན་ལེནྟྲའི་མཁན་པོ་མཛད།བསྟན་པའི་བྱ་བ་རླབས་པོ་ཆེ་ལ་གཡེལ་བ་མེད་བཞིན་དུ་ཉིན་རེ་བཞིན་ཆོས་སྤྱོད་བཅུ་རྣམ་པ་ཐམས་ཅད་ནས་མ་ཆག་པར་མཛད་ཅིང་། གཞན་སྟོང་ཕྲག་རེཡང་ཉིན་རེར་ཆོས་སྤྱོད་བཅུ་ཚང་བ་ལ་སྦྱོར་བ་དང་། ཁྱད་པར་ཐེག་པ་ཆེན་པོའི་མདོ་སྡེ་མི་འདྲ་བའི་ཆོས་ཐུན་ཉི་ཤུ་རེ་ཆག་མེད་དུ་གསུངས། སྲོད་ཀྱི་དུས་སུ་ཆོས་རྣམས་ཀྱི་སྙིང་པོ་བསྡུས་ཏེ་གལ་བཟུང་བ་དང་། གཞུང་འཛུག་པར་མཛད་ཅིང་། གུང་ཐུན་ལ་ཁམས་ཅུང་ཟད་གསོ་བའི་ངང་ནས་ལྷག་པའི་ལྷ་ལས་ཆོས་གསན་པར་མཛད། ཐོ་རང་ཡང་དག་པའི་ཏིང་ངེ་འཛིན་ལ་མཉམ་པར་འཇོག །སྔ་ཕྱིར་མུ་སྟེགས་ཅན་གྱིས་རྒོལ་བ་ལྔ་བརྒྱ་ཙམ་ལུང་རིགས་ཀྱིའཁྲུལ་འཁོར་རྣོན་པོས་འཐག་པར་མཛད་ནས། བྲམ་ཟེ་དང་མུ་སྟེགས་བྱེད་སྟོང་ཕྲག་ལྔ་ཙམ་ནང་པའི་བསྟན་པ་ལ་བཙུད། འཁོར་ལོ་དང་པོ་བསྟན་པའི་གཞིར་བཟུང་ནས་ཆོས་རྣམས་མ་ལུས་པའི་མཚན་ཉིད་གཏན་ལ་འབེབསཔ་མཛོད་རྩ་བ་རང་འགྲེལ་དང་བཅས་པ་མཛད་དེ། ཁ་ཆེར་འདུས་བཟང་ལ་རྩ་བ་བསྐུར་བས་མཉེས། འགྲེལ་པ་བསྐུར་བས་རྩ་བ་སུན་འབྱེན་པར་འདུག་ཞེས་མ་མཉེས་ཟེར་བའི་ལོ་རྒྱུས་ཀྱང་བོད་ན་གྲགས། འཁོར་༄༅ ལོ་བར་པའི་དགོངས་འགྲེལ་ཆོས་ཐམས་ཅད་རྣམ་རིག་ཙམ་དུ་སྟོན་པ་ཤེར་ཕྱིན་གྱི་གཞུང་འགྲེལ་དང་། འཁོར་ལོ་ཐ་མ་ངེས་དོན་དུ་བཤད་པ་པྲ་ཀ་ར་ཎ་སྡེ་བརྒྱད་རང་རྐང་དང་བཀའ་དང་བསྟན་བཅོས་ཀྱི་འགྲེལ་པ་མང་དུ་མཛད། མཐའ་འཁོབ་ཐག་རིང་པོ་རྣམས་སུའང་གཤེགས་ཤིང་ཕལ་ཆེར་མ་ག་དྷ་ཉིད་དུ་བཞུགས་ནས་ཐེག་པ་ཆེན་པོའི་ཆོས་གཞིའང་བརྒྱ་རྩ་བརྒྱད་བཙུགས། ལན་ཅིག་ཤར་ཕྱོགས་གོ་རའི་ཡུལ་དུ་བྱོན་ནས་སྐྱེ་བོ་དཔག་ཏུ་མེད་པ་ལ་མདོ་སྡེ་གསུངས་པས། ལྷས་མེ་ཏོག་གི་ཆར་པ་གསེར་དུ་ཕབ། མུ་ཏོ་བ་རེ་རེས་ཀྱང་། གསེར་གྱི་མེ་ཏོག་བྲེ་བོ་ཆེ་ཙམ་རེ་རྙེད་པ་བྱུང་། ཡུལ་དེར་ཡང་ཆོས་གཞི་བརྒྱ་རྩ་བརྒྱད་བཙུགས། ཨོ་ཎྜ་བི་ཤར་བྲམ་ཟེ་མ་ཁྱི་ཀ་ཞེས་བྱ་བས་སྤྱན་དྲངས། ཐེག་ཆེན་གྱི་དགེ་བདུན་སྟོང་ཕྲག་བཅུ་གཉིས་ལ་ཟླ་བ་གསུམ་དུ་དུས་སྟོན་བྱས་པས། བྲམ་ཟེའི་ཁྱིམ་དུ་རིན་པོ་ཆེ་ལྔའ་འབྱུང་ཁུངས་བརྡོལ།རྒྱལ་པོ་ལ་སོགས་ཐམས་ཅད་དད་པར་བྱས་ནས་དེར་ཡང་ཆོས་གཞི་བརྒྱ་རྩ་བརྒྱད་བཙུགས། ལྷོ་ཕྱོགས་ལ་ས་གས་པའི་ཡུལ་གཞན་མང་པོར་ཡང་ཉིད་ཀྱིས་བཀའ་བསྒོས་ནས་བཙུགས་པའི་ཆོས་གཞི་རྣམས་སྡོམས་ན་དེ་དང་མཉམ་པར་ཡོད་ཅེས་གྲགས། དེའི་དབང་ལས་ཡུལ་ཐམས་ཅད་ཀྱི་ཐེག་པ་ཆེན་པོའི་དགེ་སློང་སྡོམས་ན་དྲུག་ཁྲིར་ལོངས་པ་ཙམ་ཡོད་པས་བསྟན་པ་ཤིན་ཏུ་རྒྱ་ཆེ། མདོར་ན་གང་དུ་བཞུགས་པར་མི་མ་ཡིན་གྱིས་མཆོད་པ་དང་། རིན་པོ་ཆེའི་འབྱུང་ཁུངས་བརྡོལ་བ། མངོན་ཤེས་ཀྱི་དགེ་མི་དགེའི་གནས་གསལ་པོར་སྟོན་པ། ནད་རིམས་དང་འབྱུང་བའི་གནོད་པ་བདེན་སྟོབས་བརྗོད་པས་ཞི་ནུས་པ། རིག་སྔགས་ཀྱི་མཐུས་སྐུ་ཚེ་ལ་དབང་ཐོབ་པ་ལ་སོགས་མངའ། མཐར་ཉིད་དང་ལྷན་ཅིག་སྤྱོད་པའི་དགེ་སློང་ཚུལ་ཁྲིམས་དང་ལྡན་ཞིང་མང་དུ་ཐོས་པ་སྟོང་གིས་བསྐོར་ནས་བལ་ཡུལ་དུ་བྱོན། དེར་ཡང་ཆོས་གཞི་དང་དགེ་འདུན་མང་པོ་སྤེལ། བལ་པོ་ཧ་དུ་ཞེས་པ་རབ་བྱུང་གི་ཆ་བྱད་ལ་སྡོམ་ཁྲིམས་མེད་པས་ཆོས་གོས་དང་བཅས་ཏེ་ཞིང་རྨོད་པ་གཟིགས་པས། སྟོན་པའི་བསྟན་པ་ཉམས་སོ་ཞེས་ཐུགས་རབ་ཏུ་སྐྱོ་ནས། གཙུག་ཏོར་རྣམ་རྒྱལ་མའི་གཟུངས་བཟློག་སྟེ་བཏོན་པས། དེ་ཉིད་སྐུ་མྱ་ངན་ལས་འདས། སློབ་དཔོན་འདི་དང་བོད་ཀྱི་རྒྱལ་པོ་ལྷ་ཐོ་ཐོ་རི་གཉན་བཙན་ཐོག་མཉམ་པར་གྲགས་སོ། །ཆེན་པོ་བཞིའི་ཡ་གྱལ་སློབ་དཔོན་ཡོན་ཏན་འོད་ནི། རྒྱལ་པོ་ཟབ་མོའི་ཕྱོགས་མི་རྟག་པར་གྱུར་ནས། ནུབ་ཕྱོགས་མ་རུའི་ཡུལ་དུ་རྒྱལ་པོ་ཤི་ཧསྐོ་ཞེས་བྱ་བ་ལས་དབང་ཤིན་ཏུ་བཙན་པ་ཞིག་བྱུང་ནས། ནུབ་ཕྱོགས་ཀྱི་རྒྱལ་ཁམས་ལ་ལུང་བཏང་། དེའི་ཚེ་ན་སློབ་དཔོན་ཡོན་ཏན་འོད་ཡུལ་བཅོམ་རླག་ཏུ་བྲམ་ཟེའི་རིགས་ཀྱི་མྱུ་གུ་ལས་ལང་ཚོའི་མེ་ཏོག་གསལ་ཏོ། །དེར་རིགས་ཀྱི་ཆོས་རིག་བྱེད་ཡན་ལག་དང་བཅས་པ་ལ་ལེགས་པར་བྱང་བའི་དུས་ཞིག་ན་དེ་ཉིད་ཀྱི་གཙུག་ལག་ཁང་དུ་རབ་ཏུ་བྱུང་ཞིང་བསྙེན་པར་རྫོགས། སློབ་དཔོན་ཆེན་པོ་དབྱིག་གཉེན་ལས་སྡེ་སྣོད་གསུམ་དང་། ཐེག་པ་ཆེན་པོའི་མདོ་སྡེ་དུ་མ་ལ་སྦྱངས་པ་ཕུལ་དུ་ཕྱིན། སྡེ་པ་ཐ་དད་པའི་འདུལ་བ་བསྟན་བཅོས་དང་བཅས་པ་མཐའ་དག་ལ་མཁྱེན་པའི་སྤྱན་དང་ལྡན། རྟག་ཏུ་འདུལ་བ་འབུམ་སྡེ་ཐུགས་ལ་འདོན་པར་མཛད་ཅིང་། ལྷན་ཅིག་གནས་པའི་དགེ་སློང་སྟོང་ཕྲག་ལྔ་ཡོད་པའང་མ་བསྡམས་པའི་ཉེས་བྱས་ཕྲ་མོ་ཙམ་དང་ཡང་འཛའ་བར་མི་བྱེད་ཅིང་། གལ་ཏེ་བྱུང་སྲིད་ནའང་ཕྱིར་བཅོས་ཀྱི་དེ་མ་ཐག་ཏུ་སོར་ཆུད་པར་བྱེད་པས་སྔོན་གྱི་དགྲ་བཅོམ་པ་རྣམས་ཀྱི་བསྟན་པ་སྐྱོང་བའི་དུས་བཞིན་དུ་ཡུལ་བཅོམ་རླག་གི་གཙུག་ལག་ཁང་ཨ་གྲ་པུ་རི་ཞེས་བྱ་བའི་རྒྱན་དམ་པར་མཛེས་པ་ཉིད་དོ། །དེར་ཚུལ་ཁྲིམས་རྣམ་པར་དག་པའི་བདེན་པ་ནི་མངོན་ཚད་མེད་པ་ཞིག་པས་ཀླ་ཀླེའི་གྲུབ་མཐའ་འཛིན་པ་སྟོང་ཕྲག་བཅུ་གཉིས་འབར་བ་ཆེན་པོ་མེའི་ཀློང་དུ་རེ་ཞིག་རྒྱས་འདེབས་པར་བྱེད་པའི་རྒྱལ་པོ་ལས་ཤུགས་ཅན་ཤི་ཧརྙས། བློན་པོ་མ་ཏང་ག་ར་ཛ་ཆད་པས་བཅད་དེ་མིག་ཕྱུང་བ་ཡང་སློབ་དཔོན་འདིའི་སྨོན་ལམ་གྱི་བདེན་པས་སོར་ཆུད་པར་མཛད། རྒྱལ་པོ་དེའི་བླ་མར་གྱུར་པས་ཉིན་རེ་བཞིན་ལོངས་སྤྱོད་ཀྱི་འདུ་བརྒྱ་ཆེན་པོ་འབྱོར་ཡང་། གང་ཞིག་སྦྱངས་པའི་ཡོན་ཏན་བཅུ་གཉིས་ལ་གནས་པ་ནི། ཟས་ཀྱི་གསུམ་གོས་ཀྱི་གསུམ། གནས་ཁང་གི་ལྔ། འདུག་སྟངས་ཀྱི་གཅིག་སྟེ།སྟོན་པས་ལེགས་པར་བཅས་པའི་གནས་ལས་འདའ་བར་བྱེད་པ་མ་ཡིན་པས་དེ་མ་ཐག་དགེ་བའི་གྲོ་ང་ཁྱེར་ཆེན་པོ་ག་ལ་བ་དེར་དམིགས་པ་མེད་པར་རྒྱས་འདེབས་པར་བྱེད་པ་ལ་སོགས་ཡོན་ཏན་གཞལ་བར་དཀའ་བ་ཞིག་གོ །འཛམ་བུའི་གླིང་མཛེས་པར་བྱེད་པའི་རྒྱན་གཞུང་བྱེད་པ་པོ་སྨྲ་བའི་སེརྙེ་ཕྱོགས་ཀྱི་གླང་པོ་ནི། རྒྱལ་རིགས་སུ་སྨྲ་བའང་ཡོད་མོད་ཀྱི་འདིར་རྒྱ་གར་བའི་གཏམ་གྱི་རྗེས་སུ་འབྲངས་ནས། ལྷོ་་ཕྱོགས་ཀྱི་གྲོ་ང་ཁྱེར་སིསྐོ་བཀྟ་ཅེས་བྱ་བ་ཀ་ཀེའི་ཡུལ་དང་ཉེ་བར་བྲམ་ཟེའི་རིགས་སུ་འཁྲུངས། ཕྱི་རོལ་པའི་གྲུབ་མཐའ་ལ་ལེགས་པར་བྱང་ཞིང་ཉན་ཐོས་གནས་མ་བུའི་སྡེ་པའི་མཁན་པོར་གྱུར་པ་གླང་པོ་བྱིན་ནམ། ཁ་ཅིག་ཏུ་རྒྱལ་བའི་དབང་པོ་ཞེས་བྱ་བ་ལས་རབ་ཏུ་བྱུང་། ཐེག་དམན་གྱི་སྡེ་སྣོ་ད་ཐམས་ཅད་ལ་མཁས་པར་བྱས་ནས་གླང་པོ་བྱིན་པ་ལ་གདམས་ངག་ནོད་པས། བརྗོད་དུ་མེད་པའི་བདག་ཚོལ་བ་བསྟན་ཏོ། །དེ་རྣམ་པར་བརྟགས་ཤིང་བཙལ་བས་ཡོད་པའི་ཕྱོགས་དང་འགལ་སྟེ། ཉིན་མོ་དཀར་ཁུང་ཐམས་ཅད་བསལ། མཚན་མོ་ཕྱོགས་བཞིར་མར་མེ་བཏང་། ལུས་གཅེར་བུར་ཕྱུང་ནས་ཕྱི་ནང་ཀུན་ཏུ་ཡང་ཡང་ལྟ་བས་བྲེལ་བ་ལྟར་བྱེད་དོ། །དེ་གྲོགས་ཀྱིས་མཐོང་ནས་མཁན་པོ་ལ་བསྙད་པས་མཁན་པོས་དེའི་རྒྱུ་དྲིས་སོ། །བདག་ནི་བློ་རྟུལ་ཞིང་དམན་པས་མཁན་པོས་བསྟན་པའི་དེ་ཉིད་གང་ཡིན་པ་བདག་གིས་མ་མཐོང་སྟེ། སྒྲིབ་བྱེད་ཀྱིས་སྒྲིབས་སོ་སྙམ་ནས་བལྟ་བའོ། །ཞེས་དོན་གྱི་མཁན་པོའི་འདོད་པ་འགོག་པའི་རིག་པ་བསྟན་པ་དེས་ཀྱང་གོ་ནས། ཁྲོས་པར་གྱུར་ཏེ། ཁོ་བོའི་གྲུབ་མཐའ་ལ་ཟུར་ཟ་བ་ཁྱོད་དེངས་ཤིག་ཅེས་སྐྲོད་པའི་གནས་མ་ཡིན་པ་ཡང་བསྐྲད་དོ། །འདི་ལྟར་དམ་པ་རྣམས་ནི་བག་ཡོད་བསྲུང་བ་ལ་མཁས་པ་ཡིན་པས། དེ་ཉིད་དུ་རིགས་པས་སུན་དབྱུང་བར་ནུས་མོད་ཀྱང་། སློབ་དཔོན་དུ་གྱུར་པས་འོས་མ་ཡིན་པར་དཔྱད་སྟེ་ཕྱག་བཙལ་ནས་ཕྱིར་དོང་ངོ་། །རེ་ཞིག་ནས་ན་ལེནྟྲར་སློབ་དཔོན་ཆེན་པོ་དབྱིག་གཉེན་ཀྱི་དྲུང་དུ་བྱོན་ནས་ཐེག་པ་ཆེ་ཆུང་གི་སྡེ་སྣོད་རྣམ་རིག་དང་ཚད་མ་ལ་ཤིན་ཏུ་མཁས་པར་གྱུར། མདོ་ལྔ་བརྒྱ་ཙམ་བློར་ཆུད།སྔགས་ཀྱི་དངོས་གྲུབ་བརྙེས་པ་ཞིག་ལས་རིག་སྔགས་ནོད་སྟེ་བསྒྲུབས་པས་འཕགས་པ་འཇམ་དཔལ་མངོན་སུམ་དུ་གཟིགས་ནས་ཆོས་གསན། ཅོ།་ཌ་བི་ཤ་ཞེས་བྱ་བའི་ཡུལ་གྱི་ནགས་ཚལ་དབེན་པའི་ཕྱོགས་སྙེ་ར་སི་ལ་ཞེས་བྱ་བའི་བྲག་ཕུག་ཏུ་བསམ་གཏན་གྱི་བརྟུལ་ཞུགས་རྩེ་གཅིག་ཏུ་བསྟེན་ཏོ། འོ་་འགའ་ཞིག་འདས་པ་ན། དཔལ་ན་ལེནྟྲར་རང་གི་འདོད་པའི་ལྷ་མངོན་སུམ་དུ་མཐོང་བའི་རྟོག་གེ་ལ་བྱང་བ་དང་བཅས་པའི་མུ་སྟེགས་ཀྱི་རྒོལ་བ་བརྫི་བར་མི་ནུས་པ་དག་ལྷགས་སོ། །དེར་ནང་པ་རྣམས་ཀྱི་རྩད་པའི་རུ་མཚོན་སྒྲེང་བར་རྔོ་མ་ཐོགས་ནས། སློབ་དཔོན་ཕྱོགས་ཀྱི་གླང་པོ་སྤྱན་དྲངས། བརྒལ་བ་དང་། བརྟག་པ་དང་། བསྒྲུབ་པ་དང་། སུན་འབྱིན་པའི་ཆུ་ཀླུང་ཆེན་པོ་བཞི་རྣམ་པར་འཁྲུགོཔར་གྱུར་ནས་མུ་སྟེགས་ཅན་གྱིས་འདོད་པའི་གཞུང་སྙེམས་པའི་ཅ་ཅོ་དང་བཅས་པ། ཕྱོགས་ཀྱི་གླང་པོའི་རིགས་པར་སྨྲ་བའི་ཡན་ལག་བདུན་གྱིས་རྣམ་པར་བརྫིས་ནས་དེ་དག་སངས་རྒྱས་པའི་གྲུབ་མཐའི་ཕག་ཏུ་ཡིབ་པར་བྱེད་པའི་གནས་ལ་སྦྱར་རོ། །དེར་དགེ་འདུན་རྣམས་ལ་མདོ་སྡེ་དུ་མ་བཤད་ཅིང་ཆོས་མངོན་པ་ཡང་དར་བར་བྱས། འཁོར་བར་འཕྱན་པའི་རྒྱུའི་གཙོ་བོ་མ་རིག་པས་ལྡོངས་པ་ཉིད་དྲུང་ནས་འབྱིན་པའི་གཉེན་པོ་རྣམ་འབྱེད་ཀྱི་ཤེས་རབ་བསྐྱེས་པའི་ཆེད་དུ་ཚད་མའི་བསྟན་བཅོས་ཐོར་བུ་བརྒྱ་རྩར་ལོངས་པ་ཡང་བརྩམས། ནམ་ཞིག་ན་རང་གི་བློ་གྲོས་ཐུན་མོང་མ་ཡིན་པའི་ལྕགས་ཀྱུས་དྲངས་པའི་རྟོག་གེའི་ཚུལ་ལུགས་དེ་དག་འཐོར་བུ་ཚུལ་དུ་འཐོར་བ། ལུས་ཡོངས་སུ་རྫོགས་པའི་དངོས་པོར་རྒྱུར་པའི་བསྟན་བཅོས་ཚད་མ་ཀུན་ལས་བཏུས་སུ་བྱ་བར་དགོངས། ལྷོ་ཕྱོགས་རི་བོ་འབིགས་བྱེད་དང་ཉེ་བའི་བསྟི་གནས་དེའི་བྲག་ངོགས་སུ་མཆོད་བརྗོད་དང་། རྩོམས་པའི་དམ་བཅའ་ཚིགས་ཟུ་བཅད་པ། ཚད་མར་གྱུར་པ་འགྲོལ་ཕན་བཞེད་པ། །སྟོན་པ་བདེ་གཤེགས་སྐྱོབ་ལ་ཕྱག་བཙལ་ནས། །ཚད་མ་བསྒྲུབ་ཕྱིར་རང་གི་གཞུང་ཀུན་ལས། །བཏུས་ཏེ་སྣ་ཚོགས་འཐོར་རྣམས་འདིར་གཅིག་བྱ་། །ཞེས་རྡོ་ཐལ་གྱིས་བྲིས་པས། ས་གཡོ་བ་དང་། འོད་འབྱིན་པ་དང་། སྒྲ་ཆེན་པོ་གྲགས་པར་གྱུར། དེར་མུ་སྟེགས་ཀྱི་སྟོན་པ་ནག་པོ་ཐུབ་རྒྱལ་ཞེས་བྱ་བས་དེའི་ལྟས་ཡིན་པར་ཤེས་ནས། སློབ་དཔོན་བསོད་སྙོམས་ལ་བྱོན་པའི་ཤུལ་དུ་འོངས་ནས་ལན་གཉིས་སུ་བསུབས་སོ། །གསུམ་པའི་ཚེ་སློབ་དཔོན་གྱིས་སྔར་བཞིན་བྲིས་ནས་མཇུག་ཏུ། འདི་ཀུ་རེ་དང་ཀྱལ་ཀའི་ཕྱིར་ཡིན་ན་དགོས་པ་ཆེན་པོ་ཡོད་པས་མ་དབྱི་ཞིག །འོན་ཏེ་ཕྲག་དོག་གི་དབང་གིས་ཡིན་ན་བློ་ལ་ཡོད་པའི་ཕྱིར་བསུབ་ཏུ་མེད་དོ། །གལ་ཏེ་བརྩོད་པའི་སླད་དུ་ཡིན་ན་ནི་ལུས་མངོན་དུ་སྟོན་ཅིག བརྩོད་པར་བྱའོ། །ཞེས་བྲིས་པ་ན། དེ་མཐོང་སྟེ་ཁོ་ཡང་སྡད་དོ། །དེར་སློབ་དཔོན་བསོད་སྙོམས་ནས་འཁོར་བ་ན། བསྟན་པ་བྱ་དགར་བཞག་སྟེ། བརྩོད་པའི་ལས་ལ་ཞུགས་པས། མུ་སྟེགས་དེ་ལན་མང་པོའི་བར་དུ་ཕམ་པར་གྱུར་ནས། ད་ཁྱོད་སངས་རྒྱས་ཀྱི་བསྟན་པ་ལ་ཞུགས་དགོས་གསུངས་པ་ན། ཁོ་ཁྲོས་ཏེ་རིག་སྔགས་ཀྱི་བཏབ་པའི་ཐལ་པ་གཏོང་བས། སློབ་དཔོན་གྱི་ཡོ་བྱད་ཕལ་ཆེར་འཚིག །སློབ་དཔོན་ཡང་འཚིག་ལ་ཁད་དུ་བྱུང་། དེར་ཐུགས་སྐྱོ་སྟེ། ཀྱེ་མ་བདག་གིས་མུ་སྟེགས་འདི་གཅིག་པུའི་དོན་ཡང་བྱ་བར་མ་ནུས་ན། གཞན་དོན་རྒྱ་ཆེན་པོ་ག་ལ་ནུས་སྙམ། ཞི་བདེ་ལ་མངོན་དུ་དགོངས་ནས་ཐོད་ལེ་ཀོར་ནམ་མཁར་འཕངས་པའི་ཡུན་ལ་སེམས་བསྐྱེད་གཏོང་བར་དམ་བཅས་པ་ན། དེ་ས་ལ་མ་ལྷུང་བའི་བར་ལ་འཕགས་པ་འཇམ་དཔལ་ཞལ་བསྟན་ཏེ། བུ་ཀྱེ་མ་ཁྱེད་ཐེག་པ་དམན་དང་ཕྲད་པས་བློ་གྲོས་ངན་པ་བསྐྱེད། ཁྱོད་ཀྱིས་སངས་རྒྱས་མ་ཐོབ་བར་གྱི་དགེ་བའི་བཤེས་སུ་ང་འཀྱུར་གྱིས། མུ་སྟེགས་ཚོགས་ཀྱིས་ཁྱོད་ཀྱི་བསྟན་བཅོས་འདི་ལ་གནོད་པར་ནུས་མིན་སྟེ། ཕྱི་མའི་དུས་སུ་བསྟན་བཅོས་ཀུན་གྱི་མིག་གཅིག་ཏུ་ནི་འདི་འགྱུར་རོ། །ཞེས་གསུངས། དེ་སློབ་དཔོན་གྱིས་ཀྱང་ཚིགས་སུ་བཅད་པས་གསོལ་བ་བཏབ་སྟེ། བསྟན་བཅོས་ཆེན་པོ་ཚད་མ་ཀུན་ལས་བཏུས་བརྩམས། གཞན་ཡང་དེའི་རང་འགྲེལ་དང་། དམིགས་པ་བརྟག་པ་རྩ་འགྲེལ་ལ་སོགས་པ་བསྟན་བཅོས་ཀྱི་རིམ་པ་མང་པོ་མཛད། རེ་ཞིག་ན་བྲོ་འཚལ་བར་གྱུར་ཏེ་གྲོང་ཁྱེར་ནས་བསོད་སྙོམས་སླངས་པའི་ཕྱི་ན་ནགས་ཚལ་གྱི་མཐོངས་ཞིག་ཏུ་བཞུགས་སོ། །དེར་ཅུང་ཟད་མནལ་བར་གྱུར་ཏེ་དེའི་ལམ་དུ་སངས་རྒྱས་མང་པོའི་ཞལ་མཐོང་ཞིང་ཏིང་འཛིན་མང་པོ་ཐོབ། ལྷ་རྣམས་ཀྱིས་མེ་ཏོག་གི་ཆར་ཕབ། གླང་པོ་ཆེའི་ཚོགས་ཀྱིས་བསིལ་བའི་གྲིབ་མ་ལ་བསྟེན་ཅིང་ཡོད་པ་ན། ཡུལ་དེའི་རྒྱལ་པོ་འཁོར་དང་བཅས་པ་སྐྱོ་སངས་ལ་འོངས་པས་མཐོང་བའི་མོད་ལ་རོལ་མོའི་སྒྲ་སྒྲགས་པས་མནལ་སད། ཁྱོད་ཕྱོགས་ཀྱི་གླང་པོ་ཡིན་ནམ་ཞེས་འདྲི་བ་ལ། དེ་ལྟར་འདོགས་གསུངས། རྒྱལ་པོ་དད་དེ་ཞབས་ལ་ཕྱག་བྱས། དེ་ནས་ལྷོ་ཕྱོགས་ཀྱི་རྒྱུད་དུ་བྱོན་ནས་ཡུལ་ཐ་དད་པའི་མུ་སྟེགས་ཀྱི་རྒོལ་བ་ཕལ་ཆེར་རིགས་པར་སྨྲ་བས་ཚར་བཅད་པས་རྩོད་པའི་ཁྱུ་མཆོག་ཆེན་པོར་གྲགས། སྔོན་གྱི་ཆོས་གཞི་ཉམས་པ་ཐམས་ཅད་སོར་ཆུད་པར་མཛད། ཅོ།་ཎྜ་བི་ཤའི་རྒྱལ་པོའི་བློན་པོ་བྷ་དྲ་ས་ལི་ཏ་ཞེས་བྱ་བ་སངས་རྒྱས་ཀྱི་བསྟན་པ་ལ་བཙུད། བྲམ་ཟེ་དེས་གཙུག་ལག་ཁང་ཆེན་པོ་བཅུ་དྲུག་བཞེངས་པ་རེ་རེར་དགེ་འདུན་གྱི་སྡེ་ཆེན་པོ་རེ་བཙུགས། བྲམ་ཟེ་དེའི་སྐྱེད་མོས་ཚལ་ན་ནད་ཐམས་ཅད་གསོ་ནུས་པ་མྲཛི་རི་ཏ་ཀ་ཞེས་བྱ་བ་ཨ་རུ་རའི་བྱེ་བྲག་གི་སྡོང་པོ་ཞིག །སྐྱེ་བོ་མང་པོའི་ཉེར་ཚོར་གྱུར་པ་སྐམས་པར་གྱུར་པ་ལ་ཚུལ་ཁྲིམས་རྣམ་པར་དག་པའི་སྨོན་ལམ་གྱི་བདེན་པས་སོར་ཆུད་པར་མཛད། ཆོས་ཀྱི་རྗེས་སུ་བཟུང་བའི་སློབ་མ་ནི། རིག་པའི་གནས་ཐམས་ཅད་ལ་མཁས་ཤིང་། ཀུན་ལས་བཏུས་ཀྱི་འགྲེལ་པ་བྱེད་པོ་དཔལ་ལྡན་ཆོས་ཀྱི་གྲགས་པའི་ཡང་སློབ་དཔོན་དུ་གྱུར་པ་དབང་ཕྱུག་སྡེ་ལ་སོགས་པ་དཔག་ཏུ་མེད་པ་ཡོད་དེ། ཕྱི་བཞིན་འབྲང་བའི་དགེ་སྦྱོང་ནི་གཅིག་ཀྱང་མ་བཟུང་། སྔོན་སྟོན་པའི་དྲུང་ན་གནས་པའི་ཉན་ཐོས་ཆེན་པོ་དེ་དག་བཞིན་དུ་འདོད་པ་ཆུང་ཞིང་ཆོག་ཤེས་པས་སྦྱངས་པའི་ཡོན་ཏན་བཅུ་གཉིས་ལས་ཉམས་པ་མེད་པར་ཅོ།་ཁི་བི་ཤའི་ནགས་ཁྲོད་ཞིག་ཏུ་སྐུ་ཡོངས་སུ་མྱ་ངན་ལས་འདས་སོ། །སློབ་དཔོན་ཆེན་པོ་འདི་དང་ཐོག་མཉམ་པར། དབྱིག་གཉེན་གྱི་དངོས་སློབ་བཙུན་པ་དགེ་འདུན་འབངས་དང་འཕགས་པ་རྣམ་གྲོལ་སྡེ། སྐུ་ཆེད་གཉིས་ཀའི་སློབ་མར་གྱུར་པ་སློབ་དཔོན་ཆོས་འབ་་ས་སོགས་ཀྱིས་ཀྱང་བསྟན་པའི་བྱ་བ་མཛད། དེ་བཞིན་དུ་སངས་རྒྱས་བསྐྱངས་དང་། ལེགས་ལྡན་འབྱེད་གཉིས་སྔ་ཕྱིར་བྱོན་ནས་དབུ་མ་ངོ་བོ་ཉིད་མེད་པར་སྨྲ་བའི་གཞུང་བཙུགས། ཤིང་རྟའི་སྲོལ་འབྱེད་གཉིས་ཀྱི་གཞུང་ནི་ཤིན་ཏུའང་ཐ་དད་སྟེ། ཐོགས་མེད་ཀྱི་གཞུང་ནི་སེམས་ཙམ་ཁོ་ན་ཡིན་ལ། འཕགས་པ་ཀླུ་སྒྲུབ་ཀྱི་དབུ་མའི་ལམ་དུ་གྱུར་པ་ནི་ཁོ་བོ་ཅག་གི་འདི་ལས་གཞན་དུ་མ་ཡིན་ནོ་ཞེས་མཐའ་གཞན་འགོག་པར་མཛད་པས་ཐེག་པ་ཆེན་པོའང་འདི་ནས་སྡེ་གཉིས་སུ་གྱེས་སོ། ། རྨད་དུ་བྱུང་བའི་སློབ་དཔོན་ཆེན་པོ་ཙནྟྲ་གོ་མི་ནི། དགེ་སློང་སྡེ་སྣོད་གསུམ་པ་གཅིག་རྒྱལ་པོའི་ཕོ་བྲང་དུ་དུས་སྟོན་གྱི་སློང་མོར་འཁྱམས་པ་བསོད་སྙོམས་མ་ཐོབ་པར་སྒོ་བས་བསྐྲད་པ་ལས། ཁ་ཟས་བཅས་པའི་བཀྲེས་པས་ཉེན་ཏེ་ཚེ་འཕོས་པའི་ཚེ། ཕྱི་མ་རྒྱལ་པོར་གྱུར་ནས། རབ་ཏུ་བྱུང་བ་རྣམས་ཟས་ཀྱིས་ཚིམ་པར་བྱ་བའི་སྨོན་ལམ་བཏབ་པས། རྒྱལ་པོ་ཤི་ཧསྐོའི་བུ་རྒྱལ་པོ་ངང་ཚུལ་དུ་སྐྱེས། དེ་རྒྱལ་སྲིད་ལ་གནས་པའི་ཚེ། ཤར་ཕྱོགས་པ་རེནྟྲར་འཕགས་པ་སྤྱན་རས་གཟིགས་ཀྱི་ཞལ་མཐོང་བའི་པརྙི་ཏ་གཅིག །མུ་སྟེགས་རྒྱང་ཕན་པ་གཅིག་དང་རྩོད་པར་གྱུར་ནས་དེ་སུན་ཕྱུང་བས། མུ་སྟེགས་ན་རེ། རྟོག་གེའི་རིག་པ་ནི་བློ་གྲོས་རྣམ་པར་བརྟག་པ་ཡིན་པས་གང་འགྲན་པ་དེ་རྒྱལ་བའི་ཆོས་ཅན། སྐྱེ་བ་སྔ་ཕྱི་ཡོད་པའི་རྟགས་མངོན་སུམ་དུ་མེད་པས་མི་འདོད་ཟེར་བ་ན། རྒྱལ་པོ་དང་༄༅ བཅས་པ་དཔང་པོར་བཞག་ནས། དཔྲལ་བར་མཚལ་གྱི་ཐིག་ལེ་བཏབ། ཁ་ནང་དུ་མུ་ཏིག་བཅུག་སྟེ་སྐྱེ་བ་མངོན་དུ་སྟོན་པའི་ཕྱིར་འདས་ཤིང་། དེའི་ཕུང་པོ་ཟངས་ཁ་སྦྱོར་དུ་བཅུག་ནས་རྒྱལ་པོས་རྒྱས་འདེབས་པར་བྱས་སོ། །དེ་རྒྱལ་རིགས་ཀྱི་པརྙི་ཏ་བི་ཤེ་པ་ག་ཞེས་པའི་བུར་སྐྱེ་བར་ཁས་བླངས་པ་བཞིན་དེ་ལ་ཁྱིའུ་མཚན་དང་ལྡན་པ་དཔྲལ་བར་མཚལདང་ཁ་རུ་མུ་ཏིག་ཡོད་པ་བྱུང་ངོ་། །རྒྱལ་པོས་སྔར་གྱི་ཕུང་པོ་བལྟས་པ་ན་དཔྲལ་བའི་མཚལ་ཡང་བྱེད། མུ་ཏིག་གི་བཤུལ་ཧ་རེ་འདུག །དེར་མུ་སྟེགས་ཀྱང་ཡིད་ཆེས། ཁྱིའུ་བཙས་མ་ཐག་ནས་མ་ལ་ཕྱག་བྱས་ཏེ་ཟླ་བབཅུར་འོ་མ་བརྒྱལ་ཏམ་བྱས་པས། ལྟས་ངནནོ་སྙམ་ནསཁ་རོག་འདུག་པར་གདམས། དེ་ནས་ལོ་བདུནདུ་ཅང་མ་སྨྲས་པས་ཡང་ལྐུགས་པར་དོགས་སོ། །དེར་མུ་སྟེགས་ཅན་ཞིག་གིས། སྙན་དངགས་ཤིན་ཏུ་དམཔར་སངས་རྒྱས་པའི་གྲུབ་མཐའ་འགོག་པའིདོནབརྩམས་ནས་རྒྱལ་པོ་དང་མཁས་པའི་ཚོགས་ལ་གྲིམས་སོ། །དེར་ཡབ་པརྙི་ཏས་ཡུན་རིང་དུ་བརྟགས་ཀྱང་བརྩོམ་པ་པོའི་མུ་སྟེགས་དེ་ནི་བརྡའ་སྤྲོད་པའི་དབང་ཕྱུགཅེས་བྱ་བ་ཀུན་གྱིས་ཐུབ་པར་དཀའ་བ་ཡིན་པསསྒྲ་དོན་ཇི་བཞིན་པ་མ་འཚལ་ན། ལན་གདབ་པ་ལྟ་ཅི་སྨོས། དེར་ཡབ་ཕྱི་རོལ་དུ་སོང་བའི་ཤུལ་དུ་ཙནྟྲ་ལོ་བདུན་པ་དེས་དཀའ་བ་མེད་པར་ལན་བཏབ་ཚིགས་སུ་བཅད་པ་དང་། མཆན་བུས་དོན་ཀྱང་དཀྲལ་ཏེ་བཞག་གོ །དེ་ཕས་མཐོང་སྟེ་ཁྱིམ་དུ་སུ་ཞིག་ལྷགས་ཞེས་འདྲི་བ་ན། སུ་ཡང་མ་བྱུང་སྟེ་བུ་ལྐུགས་པས་ལྟ་ཞིང་བྲིས་སོ་སྨྲ། ཕས་བུ་ལ་དྲིས་པ་ན་མའི་གདོང་ལ་ལྟ་ཞིང་ཅང་མི་སྨྲའོ། །མས་བཟློས་ཤིག་བྱས་པས། འདི་ནི་བདག་གི་སྟེ་རྒོལ་བ་འདི་བཟློག་པ་ལ་དཀའ་བ་མེད་དོ་ཟེར། ནང་པར་བུ་ཙནདྲ་དང་མུ་སྟེགས་གཉིས་རྩོད་པས་ཙནདྲ་གོ་མི་རྒྱལ་ཏེ་བྱ་དགའ་རྒྱ་ཆེན་པོ་ཡང་ཐོབ་བོ། །དེ་ལྟར་སྒྲ་དང་རྟོག་གེ་ལ་སོགས་པ་རིག་གནས་ནི་རང་བཞིན་གྱིས་ཤེས་པ་ཞིག་བྱུང་བས་གྲགས་པའི་ཟླ་འོད་ཀྱང་ཀུན་ན་གསལ། སློབ་དཔོན་བློ་གྲོས་བརྟན་པ་ལས་མདོ་སྡེ་མངོན་པའི་སྡེ་སྣོད་ཕལ་མོ་ཆེ་ལན་ཅིག་ཉན་པ་ཙམ་གྱིས་མཁྱེན། རིག་པ་འཛིན་པ་མྱ་ངན་མེད་བྱ་བ་ལས་རིགས་སྔགས་ནོད་སྟེ་བསྒྲུབས་པས་སྤྱན་རས་གཟིགས་དང་། སྒྲོལ་མའི་ཞལ་མངོན་སུམ་དུ་གཟིགས། མཁས་པའི་དབང་ཕྱུག་ཆེན་པོར་གྱུར་ཏེ། སྨན་དཔྱད་དང་། སྡེབ་སྦྱོར་དང་། བཟོའི་གནས་ལ་བསྟན་བཅོས་མང་དུ་མཛད་ཅིང་། ཁྱད་པར་སྒྲ་རག་པ་དང་སྟོབས་སུ་གྱུར་ནས་གཤད། བྷ་རེན་དྲའི་རྒྱལ་པོའི་བུ་མོ་ཏའ་ར་ཞེས་བྱ་བ་བག་མར་བླངས་ཤིང་ལྷན་ཅིག་གནས་སོ། །ལན་ཅིག་དེའི་གཡོག་མོས་ཏྭ་ར་ཞེས་རྗེ་མོ་ལ་བོས་པས། ཡ་དམ་ད་་་མཚན་མཐུན་པ་ཁྱིམ་ཐབ་ཏུ་མི་རུང་བར་དགོངས་ནས་ཡུལ་གཞན་དུ་འགྲོ་བར་བརྩམས་པ་རྒྱལ་པོས་ཤེས་ཏེ། ངའི་བུ་མོ་དང་ལྷན་ཅིག་མི་འདུག་ན་གདྷ་ལ་བསྒྱུར་ཅིག་ཅེས་བསྐྱུར་བ་ན། སློབ་དཔོན་གྱི་རྗེ་བཙུན་མར་གསོལ་བ་བཏབ་པས། འཕགས་མས་སྤྲུལ་པ་ཡིན་ཟེར་གདྷ་དང་རྒྱ་མཚོ་ཕྲད་མཚམས་ཀྱི་གླིང་ཞིག་ཏུ་ཐོན། སློབ་དཔོན་དེར་བཞུགས་པས་གླིང་མིང་ཙནྟྲན་དི་པར་ཆགས། ད་ལྟའང་གྲོང་ཁྱེར་བདུན་སྟོང་ཙམ་་།ང་བ་ཡོད་སྐད། དེར་སྤྱན་རས་གཟིགས་དང་། སྒྲོལ་མའི་རྡོ་སྐུ་བཞེངས། དང་པོར་ཉ་པའི་ཚོགས་ཀྱིས་ཤེས་ཤིང་། རིམ་གྱིས་སྐྱེ་བོ་གཞན་བྱུང་བས་གྲོང་བརྡལ་དུ་ཆགས། འཕགས་པས་བསྐུལ་བ་བཞིན་གོ་མིའི་དགེ་བསྙེན་མཛད་པས་ཙནྟྲ་གོ་མིར་གྲགས། དེ་ནས་ཚོང་པ་རྣམས་དང་འགྲོགས་ཏེ་སིདྷ་ལའི་གླིང་དུ་བྱོན་ཡུལ་དེར་ཀླུ་ནད་དར་བ་ལ་འཕགས་པ་སེརྙེ་སྒྲའི་ལྷ་ཁང་བཞེངས་པས་རང་ཞི། བཟོ་དང་སྨན་དཔྱད་ལ་སོགས་པ་རིག་པའི་གནས་མང་པོ་སྤེལ། སྐྱེ་བོ་བླུན་པོ་རྣམས་ལ་ཕན་པ་རྒྱ་ཆེན་པོ་བཏགས། ཡུལ་བདག་གནོད་སྤྱིན་ལས་ནོར་བླངས་ཏེ། ཆོས་གཞི་མང་དུ་བཙུགས། ཐེག་པ་ཆེན་པོའི་ཆོས་ཀྱང་ཅུང་ཟད་བཤད། སླར་འཛམ་བུའི་གླིང་གི་ལྷོ་ཕྱོགས་ཀྱི་རྒྱུད་དུ་བྱོན། བྲལ་ཟེ་མཆོག་སྲེད་ཀྱི་ལྷ་ཁང་ན། ཀླུ་ཤེ་ཥ་ལ་རང་གིས་སྒྲ་ཉན་པའི་བཀོད་པ་དང་། ཀླུས་བྱས་པའི་བཱ་ཁི་པའི་འགྲེལ་པ་འདུག་པ་གཟིགས་པས། ཚག་ཉུང་ལ་དོན་མང་བ། ཚང་ལ་མ་བཟློས་པ་ནི་འགྲེལ་པའི་ཡོད་ཏན་ཡིན་ན། ཀླུ་ནི་རབ་ཏུ་རྨོངས་ཏེ། ཚིག་མང་བ། དོན་ཉུང་བ། ཟློས་པ། མ་རྫོགས་པ་ཞེས་སྨད་ནས། བཱ་ནི་པའི་དོན་འགྲེལ་ཙན་དྲ་བྱ་ཀ་ར་ལེ་ལག་དང་བཅས་པ་མཛད་ནས་དེར། ཉུང་ངུ་རྣམས་གསལ་ཡང་དག་རྫོགས། ཞེས་ཀླུ་ལ་གཞུར་བརྟག་པའང་མཛད། དེའི་ཚེ་དཔལ་ནཱ་ལེནྟྲ་ཞེས་གཙུག་ལག་རྒྱ་མཚོས་བསྟེན་པའི་ཀུན་དགའ་ར་བར། གང་མུ་སྟེགས་ཅན་གྱིས་རྩོད་པ་ལ་འཇིགས་པའི་བརྟུལ་ཞུགས་མ་རྨད་པ་དེ་ནི་ལྕགས་རིའི་ཕྱི་རོལ་དུ་ཆོས་འཆད་ལ། དེ་ལས་གཞན་དུ་གྱུར་པ་ནི་མ་ཡིན་ནོ། །དེར་སློབ་དཔོན་ཙནྟྲ་གོ་མི་ནཱ་ལེནྟྲར་སོང་བ་ན། དེའི་ཚེ་ལྷོ་ཕྱོགས་ས་མརྙར་སྐུ་འཁྲུངས་ཤིང་ཆུང་ངུ་ཉིད་ནས་རིག་པའི་གནས་པའི་གནས་རྒྱ་མཚོའི་ཕ་མཐར་སོན་པ། དེ་བཞིན་གཤེགས་པའི་བསྟན་པ་ལ་རབ་ཏུ་བྱུང་ནས་སྡེ་སྣོད་མཐའ་དག་གི་མཛོད་འཆང་བ། ལེགས་ལྡན་འབྱེད་ཀྱི་སློབ་མའི་ཚོགས་དང་། སངས་རྒྱས་བསྐྱངས་ཀྱི་སློབ་མ་ཀ་མ་ལ་བུརྙི་ལས་ཤིང་རྟ་ཆེན་མོ་ཀླུ་སྒྲུབ་ཀྱིས་གཞུང་དང་མན་ངག་ལ་ལེགས་པར་སྦྱངས་ནས་མཁས་པའི་དབང་ཕྱུག་ཆེན་པོར་གྱུར་ལ། ཆོས་ཐམས་ཅད་ཀྱི་བདེན་པར་ཞེན་པ་སྒྱུ་མ་དང་རྨི་ལམ་ལྟ་བུའི་ངོ་བོར་རྒྱས་ཐེབས་པས། རི་མོར་བྲིས་པའི་བ་མེན་ལས་འོ་མ་བཞོས་ཏེ་དགེ་བདུན་རྣམས་ལ་འོ་ཐུག་གིས་ཚིམས་པར་མཛད་པ་དང་། སྣང་བའི་བདེན་འཛིན་མཉམ་པ་ཉིད་དུ་ཞིག་པས་རྡོའི་ཀ་བ་ལ་ཕྱག་གིས་ཟང་ཐལ་རྩིག་པ་ལ་ཐོགས་མེད་དུ་བཞུད་པ་ལ་སོགས་ཏིང་ངེ་འཛིན་གྲུབ་པའི་ཡོན་ཏན་དུ་མས་བརྒྱན་པ་དཔལ་ལྡན་ཟླ་བ་གྲགས་པ་ཞེས་སྙན་པའི་རོལ་མོ་ཕྱོགས་བྲལ་འགྲོ་བའི་རྣ་ལུང་དུ་དཔྱང་པ་དེ་ཉིད། དྲི་གཙང་ཁང་ཆེན་པོ་དེའི་མཁན་པོར་གྱུར་ནས་ཕྱི་རོལ་དུ་ཆོས་འཆད་ཅིང་ཡོད་པའི་ཚེ། སློབ་དཔོན་ཙནྟྲ་གོ་མི་གདུགས་ཀྱི་ཡུ་བ་ལ་བཟུང་ནས་དེའི་མདུན་ན་འགྲེང་བུར་འདུག་གོ །རྒྱ་གར་འཕགས་པའི་ཡུལ་གང་རྩོད་པར་འདོད་པ་ནི་འགྲེང་བུར་གནས། ཆོས་ཉན་པ་ནི་གུས་པའི་ཚུལ་གྱིས་སོ། །རྒྱུ་དེས་ཟླ་བ་གྲགས་པ་ནི་རྩོད་ཟླར་དགོངས་ནས། ཡོན་ཏན་ཅི་ཤེས་དྲིས་པས། སྒྲ་བཱ་ཁི་པ་དང་། བསྟོད་པ་བརྒྱ་ལྔ་བཅུ་པ་དང་། མཚན་ཡང་དག་པར་བརྗོད་པ་གསུམ་ཤེས་བྱས་པས། འདི་ཁེངས་པ་བསྐྱུངས་པ་ལྟར་སྣང་ཡང་། སྒྲ་རིག་པ་དང་། མདོ་དང་། སྔགས་ཐམས་ཅད་ཤེས་པར་མཁས་བླངས་པས་ཙནྟྲ་གོ་མིའམ་སྙམ་དུ་དྲིས་པས། དེ་ལྟར་གྲགས་གསུང་། འོ་ན་མཁས་པ་ཆེན་པོ་ལགས་པས། དགེ་འདུན་གྱི་བསུ་བ་བྱེད་དགོས། རེ་ཞིག་ཕྱིར་གཤེགས་འཚལ་གསུངས་པས། བདག་དགེ་བསྙེན་པ་ལ་དགེ་འདུན་གྱི་བསུ་བ་བྱ་བ་ག་ལ་འཐད་གསུངས། འདི་ལ་ཐབས་ཤིག་ཡོད་ཀྱི་ཤིང་རྟའི་སྟེང་དུ་འཕགས་པ་འཇམ་དཔལ་བཞུགས་པར་བྱའོ། །དེ་ལ་རྔ་ཡབ་གཡོབ་ཅིང་བྱོན་ཅིག །འཇམ་དཔལ་བསུ་བ་བྱས་པའི་རྣམ་འགྱུར་རོ་གསུངས་ནས། ཤིང་རྟ་གསུམ་དུ་བྱས་པའི་དབུས་མ་ལ་འཕགས་པའི་སྐུ་དང་། གཡས་གཡོན་ནས་སློབ་དཔོན་རྣམ་གཉིས་ཀྱིས་རྔ་ཡབ་གཡོབ་ཅིང་བྱོན།མདུན་ནས་དགེ་འདུན་གྱི་ཚོགས་བསུ་བར་བྱོན་པའི་ཚེ། ཙནྟྲ་གོ་མི་ལ་འཇམས་དབྱངས་དེ་སྐུ་དངོས་ཀྱི་སྣང་བར་གྱུར་ནས་་།་འོ་་ཀ་བཞི་བཅུ་པའི་བསྟོད་པ་དེ་མཛད་པས། འཇམ་དཔལ་དབུ་ཡོན་མཛད་དེ་ཡོན་ཏན་དེ་ཙམ་མངའ་འམ་གསུངས། ལྟད་མོ་ལ་འོང་བའི་སྐྱེ་བོའི་ཚོགས་མང་པོས་ཀྱང་མཐོང་ནས་དེ་སྐད་དུ་སྨྲས་པས་རང་སར་ལུས་ཏེ་འཇམ་དབྱངས་དབུ་ཡོན་མར་གྲགས། དེར་ཙནྟྲ་གོ་མི་དད་པའི་ཤུགས་རྒྱས་པས་ཤིང་རྟའི་ཁ་འོ་་ཅི་དགར་ལུས་པ་ཟླ་གྲགས་ཀྱི་སྔོན་དུ་སོང་བས། འདི་ནི་ང་རྒྱལ་ཅན་ཏེ་རྩོད་པར་བྱའོ་སྙམ་དུ་དགོངས་སོ། །དེར་ཙནྟྲ་གོ་མིས་ཐོགས་མེད་ཀྱི་སྲོལ་ལ་བརྟེན་ཏེ་རྣམ་རིག་གི་ཕྱོགས་བཟུང་། ཟླ་གྲགས་ཀྱིས་ཀླུ་སྒྲུབ་ཀྱི་ལམ་སྲོལ་ལ་བརྟེན་ནས་ངོ་བོ་ཉིད་མེད་པར་སྨྲ་བའི་ཕྱོགས་བཟུང་ནས། འོ་་བདུན་གྱི་བར་དུ་བརྒལ་བརྟག་མཛད་དོ། །རྩོད་པའི་དུས་ཙནྟྲ་གོ་མི་ལ་འཕགས་པ་སྤྱན་རས་གཟིགས་ཀྱིས་སློབ་ཀྱིན་ཡོད་པས་ཟླ་བ་གྲགས་པ་རེ་ཞིག་ཕམ་པ་ལྟར་བྱུང་བ་ན། འདི་ལ་རྩོད་པ་སློབ་པ་ཞིག་ཡོད་ངེས་སྙམ། འཕགས་པ་རྡོ་རྗེ་སྐུའི་ལྷ་ཁང་ན་ཙནྟྲ་གོ་མི་བཞུགས་ཀྱིན་ཡོད་པའི་ཕྱི་བཞིན་སོང་སྟེ་གཟིགས་པས། སྤྱན་རས་གཟིགས་ཀྱི་རྡོ་སྐུས་ཙནྟྲ་ གོ་མི་ལ་སློབ་དཔོན་གྱིས་སློབ་མ་ལ་བྱ་བ་བཞིན་དུ་རིག་པ་བསླབ་པ་མཐོང་ངོ་། །དེར་འཕགས་པ་ཉེ་རིང་མ་མཛད་ཅེས་གསུངས་པས། ཆོས་སློབ་བཞིན་པའི་ཕྱག་མཛུབ་ཀེ་རེ་ལུས་པས་འཕགས་པ་མཛུབ་ཀེར་མར་གྲགས། རྩོད་པ་ཤིན་ཏུ་ཡུན་རིང་བས་ལྟད་མོར་ལྷགས་པའི་གྲོང་པ་ཁྱིའུ་ཕོ་མོ་ཚུན་ཆད་ཀྱིས་ཕྱོགས་ཙམ་རིག་པའི་གླུ་ལེན་པ་བྱུང་ཟེར། མཐར་རྩོད་པ་རང་བཞིན་ཞི་ནས་ཟླ་གྲགས་ཀྱིས་སྤྱན་རས་གཟིགས་ལ་གསོལ་བ་བཏབ་པས། མནལ་ལམ་དུ་ཁྱོད་ནི་འཇམ་དབྱངས་ཀྱིས་བྱིན་གྱིས་བརླབས་པས་མི་དགོས་མོད་ཀྱི། ངས་ཙནྟྲ་གོ་མི་ལ་ཅུང་ཟད་བྱིན་གྱིས་བརླབས་པ་ཡིན་གསུངས།གསང་འདུས་འཕགས་སྐོར་བ་རྣམས་ལ་རང་སའི་ལོ་རྒྱུས་ཀྱང་སྣང་། ཡང་རེ་ཞིག་ན་དབུལ་མོའི་བུ་མོ་ཁྱིམ་ཐབ་ཏུ་འགྲོ་བའི་ཆས་མེད་ནས་ཡུལ་སྣ་ཚོགས་སུ་སློང་མོར་འཁྱམས་ཤིང་། མཐར་གྱིས་ཙནྟྲ་གོ་མིར་བསླངས་པས། སྐུ་ལ་གསོལ་བའི་ན་བཟའ་དང་། བརྒྱད་སྟོང་པའི་གླེགས་བམ་གཅིག་ལས་གཞན་གང་ཡང་མེད་པས། དབུལ་འཕོངས་ལ་བརྩེ་བའི་ཐུགས་ཀྱིས་ལོགས་བྲིས་ཀྱི་སྒྲོལ་མའི་སྐུ་ལ་གསོལ་བ་བཏབ་ཅིང་སྤྱན་ཆབ་ཕྱུང་བས། དངོས་སུ་གྱུར་ཏེ་སྐུའི་རྒྱན་རིན་པོ་ཆེ་སྣ་ཚོགས་ལས་གྲུབ་པ་རིན་ཐང་སྤངས་པ་དག་མགུལ་ནས་ཕུད་དེ་སློབ་དཔོན་ལ་སྩལ་བ་དེ་ལ་བྱིན་ཏོ། །དེར་རི་མོའི་སྐུ་སྙན་རྒྱན་མེད་པར་སོང་བས་སྒྲོལ་མ་རྒྱན་མེད་མར་གྲགས་ཤིང་། རྒྱན་ཕུད་པའི་ཤུལ་ལམ་མེ་ཡོད་སྐད། དུས་དེར་སློབ་དཔོན་ཟླ་བ་གྲགས་པས་མཛད་པའི་བསྟན་བཅོས་ཀུན་ཏུ་བཟང་པོ་ཞེས་བྱ་བ་ཚིགས་སུ་བཅད་པའི་སྒྲ་མདོ་སྡེབས་ལེགས་པ་དག་གཟིགས་པས། རང་གི་སྒྲ་མདོ་སྡེབས་མི་ལེགས་པར་མཁྱེན་ནས། འགྲོ་དོན་མི་འབྱུང་ངོ་སྙམ་སྟེ་དཔེ་ཁྲོན་པར་བསྒྱུར་བ་ན། རྗེ་བཙུན་མས། མཁས་པའི་ང་རྒྱལ་གྱིས་བྱས་པའི་བསྟན་བཅོས་ནི་ཕན་ཐོགས་ཆུང་ངུ་འགྱུར་ལ། ཁྱོད་ཀྱིས་ནི་གཞན་ཕན་གྱི་བསམ་པ་བཟང་པོས་བྱས་པའི་ཕྱིར་སེམས་ཅན་ལ་ཕན་པར་གྱུར་བས་དཔེ་ཁྲོན་པ་ནས་ཕྱུང་ཞིག །ཅེས་ལུང་བསྟན་པ་ལྟར་བླངས་ཟེར། ཁ་ཅིག །ཀུན་ཏུ་བཟང་པོ་དར་ཆེ་བར་གྱུར་པ་ན། ཙནྟྲ་གོ་མིས་འཕགས་པ་ལ་བདག་གིས་འདི་དར་བར་གསོལ་བ་བཏབ་པས། ཀུན་ཏུ་བཟང་པོ་དར་འཕྲོ་ཆད་ནས་ཙནྟྲ་པ་དར་བར་གྱུར་ཏོ། །དེར་ཟླ་བ་གྲགས་པ་ཐུགས་ཆད་ནས་བསྟན་བཅོས་ཁྲོན་པ་ལ་འཕངས་པས་ཁྲོན་པའི་མིང་ཙནྟྲ་ཁྲོན་པར་ཆགས་ཟེར། ལོ་རྒྱུས་འདི་གཉིས་བརྗོད་བྱ་དང་རྗོད་དོན་ཐམས་ཅད་ཐ་དད་པ་རང་རང་གི་རྗེས་སུ་འཇུག་པ་དག་གི་འདོད་པ་མིན་རུང་སྟེ། ཇི་ལྟར་ཡང་ཁྲོན་པ་དེ་ནས་ཆུ་འཐུང་ཚད་ཤེས་རབ་ཆེ་བར་གྲགས་པ་མདོ་མཐུན་ནོ། །ཀུན་ཏུ་བཟང་པོ་ནི་ད་ལྟ་མིང་ཙམ་ལས་མི་སྣང་ལ། ཙཎྜ་པ་ནི་ཕྱི་ནང་ཐམས་ཅད་ཀྱི་སློབ་པར་གྲགས་ཤིང་དར་བ་འདིའོ། །སློབ་དཔོན་འདིས་སྒྲ་དང་། སྙན་དངགས་དང་། མངོན་བརྗོད་དང་། རྟོག་གེ་དང་། སྨན་དཔྱད་དང་། བཟོའི་གནས་བརྒྱ་རྩ་དང་། སྐར་རྩིས་ལ་སོགས་པའི་བསྟན་བཅོས་ཀྱང་མང་དུ་བརྩམས་ཤིང་། སློབ་མའི་ཚོགས་ལའང་དེ་ཁོ་ན་འཆད་པའི་ཚེ། རྗེ་བཙུན་མས། ཕྱི་རོལ་པའི་ངན་པ་དྲུག་དང་འདྲེས་པའི་བསྟན་བཅོས་ལ་སྨྲ་ཞིང་། ནང་པའི་ཚུལ་གསུམ་དང་ལྡན་པའི་གནས་ལ་ལེགས་པར་བསྔགས་པ་ནི་འདི་ལྟ་སྟེ། ས་བཅུ་པ་དང་ཟླ་བ་སྒྲོན་མ་དང་། །སྡོང་པོས་བརྒྱན་པ་དང་ནི་ལང་དཀར་འཇུག །རྒྱལ་བ་རྣམས་ཀྱི་ཡུལ་གྱུར་ཀློགས་ཤིག་ཀྱི། །སྡེབ་སྦྱོར་ངན་གཡོའི་སྦྱོར་བས་ཁྱོད་ལ་ཅི། །ཞེས་བསྐུལ་བས། ཐུན་མོང་བའི་རིག་པའི་གནས་ལ་བརྩོན་པའི་ཞགས་པ་ལྷོད་དེ། རྨད་དུ་བྱུང་བའི་མདོ་ལྔ་པོ་དག་གཞན་ལ་འདོམས་ཤིང་། རང་ཉིད་ཀྱང་ཉིན་རེར་ཞལ་དོན་དུ་བགྱིད་པ་དང་། དེ་དག་གི་དོན་བསྡུའི་བསྟན་བཅོས་ཀྱང་མཛད། སྤྱིར་བསྟོད་པ། ནང་རིག་པ། ཕྱི་རོལ་གྱི་བསྟན་བཅོས། བཟོའི་གནས་དང་བཅས་པ་རེ་རེ་ནས་བརྒྱ་རྩ་བརྒྱད་རེ། ཕྲ་མོ་བ་བཞི་བརྒྱ་སུམ་ཅུ་རྩ་གཉིས་བརྩམས། ཐེག་པ་ཆེན་པོའི་བསྟན་བཅོས་བྱང་ཆུབ་སེམས་དཔའི་ལམ་རིམ་མཐའ་དག་གི་བརྗོད་དོན་ལྷོངས་པ་ཞིག་མཛད་པ་འགྲོ་ལྡིང་དང་། སིསྐོ་ལའི་ཡུལ་ན་དར། གཞན་ཡང་སྐུ་གསུམ་ལ་འཇུག་པ་དང་། སྡོམ་པ་ཉི་ཤུ་པ་ལ་སོགས་པ་བསྟན་བཅོས་ཀྱང་ཤིན་ཏུ་མང་། མཐར་པོ་ཏ་ལར་གཤེགས་པ་བཞིན་ནས། ཤི་དྷ་ནའི་གླིང་དུ་བྱོན་པ་ན། སྔོན་ཀླུ་ཤེ་ཥའི་བསྟན་བཅོས་ལ་སྨད་པ་འཁོན་དུ་བཟུང་ནས་རྒྱ་མཚོའི་རླབས་ཀྱི་གྲུ་གཟིངས་ལ་གནོད་པ་དང་། ཙཎྜ་གོ་མི་ཕྱུང་ཞིག་ཟེར་བའི་སྒྲ་བྱུང་བས།སྒྲོལ་མ་ལ་གསོལ་བ་བཏབ་པ་ཙམ་གྱིས་གཙོ་འཁོར་ལྔ་མཁའ་ལྡིང་ལ་ཆིབས་པ་ནམ་མཁར་བྱོན་ནས་འཇིགས་པ་ལས་བསྒྲལ། ཤི་དྷ་ནར་བདེ་བར་སོན་པས་དཔལ་ལྡན་འབྲས་སྤུངས་ཀྱི་མཆོད་རྟེན་ལ་བསྙེན་བསྐུར། སྒྲོལ་མ་དང་། སྤྱན་རས་གཟིགས་ཀྱི་ལྷ་ཁང་སོ་སོ་ནས་བརྒྱ་རྩ་རེ་བཞེངས། རི་བོ་ཏ་ལར་གཤེགས་ནས་སྐུ་ལུས་མ་སྤངས་པར་ད་ལྟ་ཡང་བཞུགས་པར་གྲགས། རེ་ཞིག་ན་སློབ་དཔོན་མ་རྒྱལ་རིགས་རིན་ཆེན་གྲགས་པ་ཞེས་བྱ་བ་དགེ་སློང་ལས་བབས་པ་ཞིག་སྡིག་པ་སྣ་ཚོགས་སྤྱོད་པ་གཟིགས་ནས་སློབ་སྤྲིངས་འདི་གདམས་པ་པོ་ཏ་ལ་ནས་ཚོགས་པའི་ཚོགས་ལ་སྐུ་བསྐུར་བས། དེ་ཡང་ཆོས་བཞིན་སྤྱོད་པར་གྱུར་ཏོ། །ཆེན་པོ་བཞི་ཞེས་གྲགས་པའི་ཡ་གྱལ་དྷརྨ་བཱ་ལའམ་ཆོས་སྐྱོང་ནི། རྒྱལ་པོ་སེརྙེ་དང་། བྷར་ཤས་རྒྱལ་སྲིད་སྐྱོང་བའི་དུས་སློབ་དཔོན་ཙཎྜ་གོ་མི་སོགས་དུས་མཉམ་པ་ཙམ་ན། སྙན་ངག་མཁན་གྱི་རིགས་ལས་ལྷོ་ཕྱོགས་ཀྱི་རྒྱུད་དུ་ཞཁྲུངས། དགེ་བསྙེན་དུ་གནས་པའི་དུས་ནས་རིགས་ཀྱི་ཡོན་ཏན་དང་། ཕྱི་ནང་གི་གཞུང་ལུགས་ཕལ་མོ་ཆེ་མཁྱེན། སློབ་དཔོན་ཆོས་འབངས་ལས་རབ་ཏུ་བྱུང་ཞིང་འདུལ་བ་ཉན། སླར་ཕྱོགས་ཀྱི་གླང་པོ་ལས་སྡེ་སྣོད་ཡན་ལག་དང་བཅས་པ་ཉན་པས་མཁས་པའི་དབང་ཕྱུག་ཆེན་པོར་གྱུར། མདོ་སྡེ་བརྒྱ་རྩ་བརྒྱད་ཞལ་འདོན་དུ་བགྱིད་ཅིང་། རྡོ་རྗེ་གདན་དུ་བྱོན་ནས་ལྷག་པའི་ལྷ་རྣམས་ལ་བསྟོད་པ་མང་པོ་མཛད། འཕགས་པ་ནམ་མཁའི་སྙངང་པོ་བསྒྲུབས་པས་བྱང་ཆུབ་ཤངང་རྩ་་མོ་ལ་བྱོན་པ་གཟངགས། ད་ཕྱངན་ཆད་ནས་རྟག་ཏུ་འཕགས་པ་ལ་ཆོས་ཉན་པར་ནུས་ཤངང་། སློབ་མའི་ཚོགས་བྱང་ཆུབ་སེམས་དཔའི་རྩ་ལྟུང་བྱུང་བ་ཀུན་ལའང་དངོས་སམ། རྨི་ལམ་གང་ཡང་རུང་བར་འཕགས་པ་ནམ་མཁའི་སྙིང་པོའ་མདུན་དུ་ལྟུང་བ་བཤགས་སུ་འཇུག་ནས། རང་ཉངད་དགེ་བདུན་དང་བཅས་པའི་འཚོ་བའི་ཡོ་བྱད་ཀྱང་སྦྱངན་བདག་ལ་མང་འཚལ་བར་ནམ་མཁའ་མཛོད་ལས་བླང་པས་ཆོག་པར་གྲགས། ཟླ་བ་གྲགས་པའི་རྗས་སུ་དཔལ་ནཱ་ལེནདྲའི་མཁན་པོ་མཛད། མུ་སྟགས་ཀྱའ་རྒོལ་བ་རྣམས་ཁྲོ་རྒྱལ་དབྱུག་པ་རྣོན་པོའི་མཐུས་སྡིགས་ནས་ངག་གནོད་པར་བྱད་པ་ཞངག་བྱུང་། དབུ་མ་བཞང་བརྒྱ་པ་རྣམ་རག་ཏུ་བཀྲལ་བའི་འགྲེལ་པ་ལ་སོགས་པ་བསྟན་བཅོས་ཀྱང་མཛད། སྐུ་ཚའི་མཐར་ལྷོ་ཕྱོགས་གསེར་གླངང་དུ་བྱོན། བཅུད་ཀྱང་ལེན་པའི་དངོས་གྲུབ་ཉ་་བར་བསྒྲུབས་ཏ་། ལེགས་བྲའས་ཀྱའ་གནས་ག་ལ་བར་བཞུད་ད་ཞེས་གྲགས་སོ། །རྨད་དུ་བྱུང་བའི་སྐྱས་བུ་ཆེན་པོ་སློབ་དཔོན་ཤཱརྙ་དེ་བའམ་ཞང་བའི་ལྷ་ནི། ལྷོ་ཕྱོགས་སེ་ར་་མངའི་བདག་པོ་འཇམ་དཔལ་གོ་ཆ་ཞེས་བྱ་བའི་སྲས་སུ་སྐྱེ་བའི་ལྗོན་ཤིང་བཟུང་ཏོ། །དར་ནི་བཀུར་བར་འོས་པའི་གནས་ཐམས་ཅད་ལ་གུས་པའི་ཤིང་རྟ་བརྟན་ཅིང་། འཕོངས་པ་དང་མགོན་མེད་པ་ཐམས་ཅད་ལ་བརྩ་བ་ཆེན་པོ་དང་ལྡན་པས་དེ་ཙམ་ནས་ཐེག་པ་ཆེན་པོའི་རིགས་སད་པ་ཞིག་གོ །སྔོན་གྱི་ལས་འཕྲོའི་མཐུས་གཞོན་ནུ་ནས་མནལ་ལམ་ན་འཕགས་པ་འཇམ་དཔལ་ཞལ་གཟིགས། བསྟན་བཅོས་དང་སྒྱུ་རྩལ་མང་པོ་མཁས་པར་གྱུར། རེ་ཞིག་ན་རྒྱལ་སྲིད་ལ་དབང་བསྐུར་བའི་ཁྲི་བཤམས་པ་ན། རྨི་ལམ་དུ་འཕགས་པ་འཇམ་དཔལ་ཁྲི་ལ་བཞུགས་ནས། བུ་གཅིག་འདི་ནི་ང་ཡི་སྟན་ཡིན་སྟེ། ང་ནི་ཁྱོད་ཀྱི་དགེ་བའི་བཤེས་གཉེན་ཡིན། །ཁྱོད་དང་ང་གཉིས་སྟན་གཅིག་ལ་འདུག་པ། །འདི་ནི་རྣམ་པ་ཀུན་ཏུ་རིགས་མ་ཡིན། །ཞེས་འཕགས་པ་འཇམ་དཔལ་གྱིས་ཆོས་ཀྱི་རྒྱལ་སྲིད་ཆེན་པོར་དབང་བསྐུར་བའི་དོན་གྱི་གནང་བ་བྱིན་ཏོ། །དེ་བཞིན་དུ་འཕགས་མ་སྒྲོལ་མས་རང་གི་མའི་ཚུལ་བཟུང་ནས། ཁྲུས་ཀྱི་ཕྱིར་ཆུ་ཚན་སྤྱི་བོ་ནས་བླུགས་པས། དེའི་ཚ་བའི་རེག་བྱ་ལ་དྲིས་པ་ན། བུ་རྒྱལ་སྲིད་ནི་དམྱལ་བའི་ཆུ་ཚན་མི་བཟད་པ་ཉིད་དེ། དེས་ཁྱོད་ལ་དབང་བསྐུར་བར་ཉེའོ། །གསུངས་པས་འདི་སྙམ་དུ།ཀྱེ་མ་རྒྱལ་སྲིད་ནི་དུག་གི་སྡོང་བུ་བཞིན་ཏེ། ཐར་པ་དང་ཐམས་ཅད་མཁྱེན་པའི་སྲོག་གི་གཤེད་མ་ཉིད་དོ། །འདི་ནི་ཤིན་ཏུ་མི་རུང་ངོ་དགོངས་ནས་ནང་པར་རྒྱལ་བར་བསྐོ་བ་ལ་ཉེ་བའི་ནུབ་མོ་བྲོས་སོ། །དེར་ཞག་ཉི་ཤུ་རྩ་གཅིག་ཏུ་ཕྱིན་པ་ན་སྐོམ་པས་གདུངས་ཏེ་ནགས་ཀྱི་རྩ་བའི་ཆུ་མིག་ལ་འཐུང་བར་བརྩམས་པ་ན། བུ་མོ་ཞིག་བྱུང་ནས་དེ་ནི་དུག་གི་ཆུ་སྟེ་བཏུང་བར་མི་འོས་སོ། །ཞེས་ལྡོག་ནས་ཆུ་ཞིམ་པོ་ནགས་ཀྱི་ཕུག་ན་རྣལ་འབྱོར་པ་གཅིག་འདུག་པའི་དྲུང་དུ་ཁྲིད་དོ། །དེ་ནི་འཇམ་པའི་རྡོ་རྗེ་ཡིན་ཏེ། ས་མཁན་གྱི་བུད་མེད་ནི་སྒྲོལ་མའོ། །དེར་རྣལ་འབྱོར་པ་དེའི་སྐུ་གསུང་ཐུགས་ཀྱི་རྣམ་པར་ཐར་པ་དུལ་ཞིང་ཟབ་པའི་གནས་ལ་མོས་གུས་ཀྱི་ལང་ཚོ་ཤིན་ཏུ་བརྟས་པར་གྱུར་ནས་རྗེས་སུ་འཛིན་པར་ཞུས་པས། དབང་བསྐུར་རྗེས་སུ་བསྟན་པ་བྱིན་པས་ཏིང་ངེ་འཛིན་དང་ཡེ་ཤེས་ཀྱི་སྒོ་དཔག་ཏུ་མེད་པ་བརྙེས་སོ། །དུས་དེ་སྙེད་ནས་འཕགས་པའི་སྣང་བ་དང་རྟག་ཏུ་འགྲོགས་པས་ཤིང་གི་རལ་གྲི་ཤུབས་དང་བཅས་པ་གཅིག་བཅངས་ཏེ་རྟུལ་ཞུགས་ཀྱི་རྒྱུ་བ་ལས། རྒྱལ་པོ་སེརྙེ་ལྔ་པའི་འཁོར་གྱི་ནང་དུ་ཞུགས་ནས། སྒྱུ་རྩལ་གྱི་གནས་ཐམས་ཅད་ལ་ཤིན་ཏུ་མཁས་ཤིང་བློ་གྲོས་ཆེན་པོར་འདུག་ནས་ལྷའི་སྐུ་སྲུང་ཉིད་དུ་ཞལ་འཆེས་སོ། །དེར་བཟོའི་གནས་ཐམས་ཅད་ཀྱང་དར་བར་མཛད། རྒྱལ་སྲིད་ཆོས་བཞིན་དུ་སྐྱོང་དུ་བཅུག་པས། བློན་པོ་གཞན་རྣམས་ཀྱིས་ཕྲག་དོག་བྱས་ཏེ། ལྷ་གཟིགས་སུ་གསོལ། འདི་ནི་གཡོ་ཅན་ཞིག་སྟེ། རལ་གྲི་ཡང་ཤིང་ལས་མེད་ན་ལྷའི་སྐུ་སྲུང་ནུས་མིན་བརྟག་པར་བྱའོ་ཞེས་བཅད་ནས། རིམ་བཞིན་ཐམས་ཅད་ཀྱི་མཚོན་ཆ་རྒྱལ་པོའི་སྤྱན་སྔར་སྟོན་པ་ལ་ཞུགས་པ་ན། སློབ་དཔོན་གྱིས་བདག་གིས་རལ་གྲི་ནི་བལྟ་བར་མི་བཟོད་དོ། །ཞེས་གསུངས་ཀྱང་ནན་གྱི་བསྐུལ་ལོ། །འོ་ན་མིག་ཡ་གཅིག་བཀབ་ལ་ལྟོས་ཤིག་གསུངས་ནས་དམ་ཚིག་གི་རལ་གྲི་ཤུབས་ནས་ཕྱུང་མ་ཐག་རལ་གྲིའི་མཐུས་རྒྱལ་པོའི་མིག་གཅིག་ཤོས་ས་ལ་ལྷུང་ངོ་། །རྒྱུ་དེ་ཉིད་ཀྱི་རྒྱལ་པོ་འཁོར་དང་བཅས་པ་སྐྲག་པར་གྱུར་ཏེ་སྐྱབས་སུ་སོང་བས། སླར་མིག་འདྲུལ་བ་འབྱར་བར་མཛད་པས་མཆོག་ཏུ་དད། རྙེད་བཀུར་གྱིས་བསྙེན་ནས་བཞུགས་པར་གསོལ་ཡ་མ་གནང་སྟེ་རྒྱལ་སྲིད་ཆོས་བཞིན་བསྐྱང་བ་དང་། ནང་པའི་ཆོས་གཞི་བཅུ་ཕྲག་གཉིས་འཛུགས་པར་དགོངས་ནས་ཡུལ་དབུས་སུ་བྱོན། དཔལ་ན་ལེནྟྲ་གོ་མིའི་ཕྱི་མ་མཁན་པོ་རྒྱལ་བའི་ལྷ་ལས་རབ་ཏུ་བྱུང་། མཚན་ཞི་བ་ལྷར་བཏགས། དེར་པརྙི་ཏ་རྣམས་དང་ལྷན་ཅིག་གནས་པ་ལས། ནང་དུ་འཕགས་པ་འཇམ་དཔལ་ལ་ཆོས་གསན་ཞིང་ཏིང་ངེ་འཛིན་གྱི་སྒོ་དཔག་ཏུ་མེད་པ་བརྙེས། བསླབ་པ་ཀུན་ནས་བཏུས་དང་། མདོ་ཀུན་ནས་བཏུས་ལེགས་པར་བརྩམས་པས་མཁས་པའི་ཡང་རྩེར་སོན་པ་ཡིན་ཀྱང་། གཞན་ངོར་ཁ་ཟས་ཀྱང་བྲེའོ་ཆེ་ལྔ་ལྔ་གསོལ། ཉིན་མཚན་དུ་མནལ་ཞིང་། ཐོས་བསམ་སྒོམ་གསུམ་གང་ཡང་མི་བྱེད་པ་ལྟར་བྱུ་སུ་ཀུའི་ཚུལ་དུ་བཞུགས་པས། དགེ་འདུན་རྣམས་ན་རེ། དད་རྫས་ཆུད་གསན་པར་བྱེད་པའི་འདུ་ཤེས་གསུལ་པ་འདི་བསྐྲད་པར་འོས་སོ། །དེའི་ཕྱིར་ན་མདོ་རེ་མོས་སུ་བཏོན་ལ་རང་བུད་དུ་འགྲོ་བར་བྱའོ་ཞེས་བགྲོས་ནས། ཆོ་འཕྲུལ་ཟླ་བ་ལ་གསུང་རང་རེ་མོས་ཀྱི་འདོན་པའི་སྐབས་སུ་འབྱོན་པ་ར་བསྐུལ་ལོ། །དེར་སློབ་དཔོ་ན་གྱིས་ཁོ་བོ་ཅག་གི་ཅི་ཡང་མི་ཤེས་སོ་ཞེས་ལན་འགའ་བཅོམ་སྒྱུངས་ནའང་འདུ་བར་བྱས་པའི་དབུས་སུ་ཁྲི་ཆེན་པོ་བཤམས་སོ། །དེའི་ཚེ་སློབ་དཔོན་ཉིད་བྱོན་ཏེ་ཁྲིའི་སྟེང་དུ་བག་ཚ་བ་མེད་པར་བཞུགས་ནས། མདོ་སྔར་བྱུང་བ་ཞིག་འདོན་ནམ། འོན་ཏེ་སྔར་མ་གྲགས་པ་ཞིག་འདོན་གསུངསས་པས། ཐམས་ཅད་ཀྱང་ཚོད་བགས་པ་ལ་སྤྲོ་བར་གྱུར་ནས་སྔར་མ་གྲགས་པ་ཞིག་འདོན་པར་བསྐུལ་ཏོ། །དེར་བྱང་ཆུབ་སེམས་དཔའི་སྤྱོད་པ་ལ་འཇུག་པ་གསུངས་ནས། གང་ཚེ་དངོས་དང་དངོས་མིན་དག །བློ་ཡི་མདུན་ན་མི་གནས་པ། །ཅེས་པའི་ཚིག་མཚམས་ནས་ནམ་མཁའི་དབྱིངས་ལ་ཇེ་ཐོར་གཤེགས་ནས་སྐུ་ལུས་མི་སྣང་བར་གྱུར་ནའང་། ཚངས་པའི་དབྱངས་དང་བཅས་པའི་ཆོས་ཀྱི་སྒྲ་ནི་གཞུང་མ་རྫོགས་ཀྱི་བར་དུ་རྒྱུན་མ་ཆད་པ་གྱུར་ཏོ། །དེའི་ཚ་སྐྱེས་བུ་དམ་པ་འདི་ནི་བློ་གྲོས་མི་ཟད་པའོ་ཞེས་མགྲིན་གཅིག་ཏུ་སྒྲོག་པར་བྱེད་ཅིང་། པརྙི་ཏ་གཟུངས་ཐོབ་པ་རྣམས་ཀྱིས་བློ་ལ་བཟུང་བ་ན། ཁ་ཆེ་བ་རྣམས་ལ་ཤེ་་ཀ་སྟོང་ལྷག་པ་ཞིག་བྱུང་། མཆོད་བརྗོད་རང་གི་བློས་སྦྱར། ཡུལ་དབུས་པ་ཟེར་ཏེ་ཤར་པ་རྣམས་ལ་ཤེ་་ཀ་བདུན་བརྒྱ་ལས་མ་བྱུང་བ། བཤགས་ལེ་དང་། ཤེས་ལེ་ཆད་པར་གྲགས། མཆོད་བརྗོད་པ་དབུ་མའི་དེ་ཉིད་ལྷན་ཐབས་སུ་བྱས། དབུས་པ་རྣམས་ཀྱི་མཆོད་པར་བརྗོད་པ་དང་། རྩོམ་པའི་དམ་བཅའ་མེད་པ། རྗེས་སྔགས་ཀྱི་དབང་དུ་རྩིས་པའི་ཤེ་་ཀ་སྟོང་གཅིག་བྱུང་བས། བཞུགས་ཚོགས་ཀྱི་གནས་ལ་ཐེ་ཚོམ་བཀོད་པར་གྱུར་ཏོ། །དེ་ཏྲི་ལིསྐོའི་ཆ་གྲོང་ཁྱེར་ཀ་ལིསྐོར་གཤེགས་ནས་དེ་ཉིད་དུ་བཞུགས་ཞེས་ཐོས་པས་པརྙི་ཏ་གསུམ་གྱིས་སོང་ནས། ན་ལེནྟྲར་འབྱོན་པར་ཞུས་པས་མ་གནང་། རང་རང་གི་བཟུང་བ་ཡི་གེར་བཀོད་པའི་ལུགས་གསུམ་པོ་གང་དག་པ་ཡིན་ཞུས་པས་ཡུལ་དབུས་པ་རྣམས་ཀྱིས་བཟུང་བ་ལྟར་ཡིན་གསུངས། འོ་ན་བསླབ་པ་ཀུན་ལས་བཏུས་དང་། མདོ་ཀུན་ལས་བཏུས་བལྟ་བར་གསུངས་པ་གང་ཡིན་ཞུས་པས། བྲང་ཁང་གི་དཀར་ཁུང་ན་ཤིན་ཤུན་ལ་པརྙི་ཏའི་ཡི་གེ་ཕྲ་མོས་བྲིས་པའི་གླེགས་བམ་ཡོད་པ་ལོངས་གསུངས་། ཡུལ་དེ་ན་ནགས་ཚལ་དང་བཅས་པའི་གཙུག་ལག་ཞིག་མཆིས་པར་དགེ་སློང་ལྔ་བརྒྱ་ཙམ་དང་ལྷན་ཅིག་པར་བཞུགས་པ་ལས་ནགས་ཚལ་གྱི་རི་དགས་བྲང་ཁང་དུ་འོངས་པ་རྣམས་རྫུ་འཕྲུལ་གྱིས་དམིགས་པ་མེད་པར་རྒྱས་བཏབ་པས། སློབ་དཔོན་གྱི་བྲང་ཁང་དུ་རི་དགས་རྣམས་སོང་བ་མཐོང་ཞིང་། ཕྱི་བྱུང་བ་མ་མཐོང་ལ། རི་དགས་ཀྱི་ཚོགས་ཁ་བྲལ་བའང་དགེ་སློང་རྣམས་ཀྱིས་ཤེས་སོ། །དེར་དཀར་ཁུང་ནས་བལྟས་པ་ན་སློབ་དཔོན་ཤ་གསོལ་བ་མཐོང་ནས། དགེ་འདུན་རྣམས་ཀྱི་རྒོལ་བར་བརྩམས་པ་ན། རི་དགས་རྣམས་སླར་གསོས་ཏེ་ཉམས་སྟོབས་དང་ལྡན་པ་དག་ཕྱིར་བྱུང་ནས་ནགས་གསེབ་ཏུ་སོང་ངོ་། །སླར་རབ་ཏུ་བྱུང་བའི་རྟགས་ཀྱང་བོར་ཏེ་བླང་དོར་མེད་པའི་སྤྱོད་པ་ལ་གཤེགས་པའའི་ཚེ། སྒོ་དྲུང་ཞིག་ཏུ་སྐྱེ་བོ་གཅིག་གིས་འཁྲུད་མ་དོར་བའི་ཟེགས་མ་སློབ་དཔོན་གྱི་ཞབས་ལ་རེག་པས་ལྕགས་བསྲེགས་ལ་ཕོག་པ་བཞིན་དུ་ཁོལ་པར་གྱུར་པ་དེ་མཐོང་ངོ་། །ཇི་ཞིག་ན་བ་ཏི་བི་ཧ་རའི་རྒྱལ་པོའི་ས་ཆར་མུ་སྟེགས་ཀྱི་པརྙི་ཏ་བདེ་བྱེད་ཅེས་བྱ་བས་འོངས་ནས་ཕྱི་ནང་གྲུབ་མཐའ་ལ་བརྩད་ཅིང་མཐུ་དང་རྫུ་འཕྲུལ་འགྲན་པར་བསྐུལ་པ་ན། ནང་པ་གཞན་རྣམས་བག་ཧ་ཚ་བར་གྱུར་ཏོ། །དེར་སྔར་གྱིས་འཁྲུད་མའི་བྱ་བ་མཐོང་བའི་སྐྱེ་བོ་དེས་དྲན་ནས་ངེས་པར་རྩོད་པ་བཟློག་པ་ཞིག་དེས་ནུས་སོ་སྙམ་ནས་སློབ་དཔོན་གྱི་དྲུང་དུ་ཕྱིན། མུ་སྟེགས་དང་ནུས་པ་འགྲན་པར་ཞུས་པས་ཞལ་གྱིས་བཞེས་པ་བཞིན་དུ་ཡུལ་དེའི་རྒྱལ་པོ་ལའང་བསྙད་དོ། །རྒྱལ་པོས་སྐྱེ་བོ་མང་པོ་འདུས་པའི་དབུས་སུ་ཁྲི་བརྩིགས་ནས་ཕྱི་ནང་གྲུབ་མཐའ་ལ་རྩོད་དུ་བཅུག་པས་སློབ་དཔོན་ཉིད་རྒྱལ་ལོ། །དེར་མུ་སྟེགས་ཀྱིས་ནམ་མཁའ་ལ་རྡུལ་ཚོན་གྱི་དཀྱིལ་འཁོར་ཆེན་པོ་སྐད་ཅིག་ལ་བྲིས་པ་ན། སློབ་དཔོན་གྱིས་ཟད་པར་རླུང་གི་ཏིང་ངེ་འཛིན་ལ་མཉམ་པར་བཞག་པས་དཀྱིལ་འཁོར་དང་མུ་སྟེགས་རྣམས་འཐོར་རླུང་དྲག་པོས་བསྐྲད་པ་ཆུ་བོ་ཞིག་མཆིས་པའི་ཕ་རོལ་དུ་སོང་ངོ་། །དེར་ཆོས་ཤིན་ཏུ་དར་བར་མཛད་ཅིང་ཡུལ་དེ་ལའང་མུ་སྟེགས་ཕམ་པའི་ཡུལ་དུ་ཅེས་སྐབས་དེར་གྲགས་ཀྱང་དུས་ཀྱི་སྟོབས་ལས་ད་ལྟ་མིང་དེ་སྐད་དུ་གྲགས་པའི་ངེས་པའང་མེད་ཅེས་མཁས་པ་དག་ཀྱང་གླེང་ངོ། །གཞན་ལྟ་བ་ཁྱད་པར་ཅན་འཛིན་པ་ལྔ་བརྒྱ་དང་། མུ་ཏོ་བ་སྟོང་ཕྲག་ལ་འཚོ་བ་སྦྱར། འཁྲུག་པ་ཆེན་པོའི་འཐབ་ཟླར་ཞུགས་ནས་རྫུ་འཕྲུལ་གྱིས་བསྡུམས་པ་ལ་སོགས་པ་ངོ་མཚར་ཅན་གྱི་མཛད་པའི་གཏམ་བདུན་ཞེས་བགྲང་བའང་ཡོད་ཀྱི་དགོངས་པ་དང་སྤྱོད་ཡུལ་གཞན་ལས་ཁྱད་པར་འཕགས་པའི་ཚུལ། པཟླི་ཏ་བྱུ་ཏི་ཙནདྲས། རྒྱལ་བའི་བསྟན་ལ་བདག་ཉིད་ཆེ། སྐྱེས་བུ་མང་པོ་བྱོན་མོད་ཀྱི། །ཞི་བའི་ལྷ་ཡིས་མཛད་པ་འདྲའི། །ཉམས་དང་དགོངས་པ་ཅན་མི་རྙེད། །ཅེས་གསུང་བཞིན་ནོ། །རིག་པ་སྨྲ་བ་ཐམས་ཅད་ཀྱི་གཙུག་ཏོར་གྱི་ནོར་བུར་སོན་ཞིང་འཛམ་བུའི་གླིང་མཛས་པའི་རྒྱན་དྲུག་ལས།གཞུང་འགྲེལ་པར་བྱེད་པའི་སློབ་དཔན་ཆེན་པོ་དཔལ་ལྡན་ཆོས་ཀྱི་གྲགས་པ་ནི། ལྷོ་ཕྱོགས་རྒྱ་མཚོ་དང་ཉེ་བའི་ཡཏཱལ་ཀྭསྩི་ན་ག་ར་ཞེའམ། ཕྱི་ནང་ཀུན་ལ་གྲགས་པ་ཏྲི་མ་ལ་ཡའི་ཡུལ་གྱི་མིང་གི་བྱེ་བྲག་ལས་མཁས་པའི་མདུན་སར་རྒྱལ་དབང་གཙུག་གི་ནོར་བུ་ཞེས་བྱ་བར་རྒྱལ་པོ་སེདྷི་ལྔ་པ་རྒྱལ་སྲིད་ལ་གནས་པའི་དུས་བྲམ་ཟེའི་རིགས་སུ་སྐྱེ་བའི་མྱུ་གུ་བཟུང་ཞེས་གྲག་གོ །ཆུང་ངུ་ནས་བློ་གྲོས་ཤིན་ཏུ་སྒྲིམ་པས།རིགས་ཀྱི་ཆོས་དང་། ཡབ་མུ་སྟེགས་ཀུན་ཏུ་རྒྱུ་རོ་ཟརྙ་ཞེས་བྱ་བའི་དབང་ལས་མུ་སྟེགས་ཅན་གྱི་གྲུབ་པའི་མཐའ་མ་ལུས་པ་ལ་མཁས་པར་སྦྱངས་པས་རྩེར་སོན་ཏོ། །དེར་བྲམ་ཟེ་རྣམས་ཀྱིས་ལྷག་པར་ཡང་བསྔགས་པའི་སྐབས་ཤིག །སྟོན་པ་བདེན་པར་གསུངས་པའི་གྲུབ་པའི་མཐར་འགའ་ཞིག་འདྲེན་བྱེད་ཀྱི་ལམ་དུ་དོང་བ་ན། རང་གི་སྟོན་པ་ནི་སྐྱོན་དང་བཅས་ཤིང་། བསྟན་བཅོས་དག་ཀྱང་རྣམ་པར་གྲོལ་བའི་ལམ་མཁས་ཕྱིར་ཕྱོགས་པའི་མཚང་རིག་པར་གྱུར་ནས། མོས་པའི་ཤིང་རྟ་ལ་དགེ་བསྙེན་གྱི་ཆ་ལུགས་སུ་འཛགས་སོ། །བྲམ་ཟེ་རྣམས་ཀྱིས་དེའི་རྒྱུས་དྲིས་པ་ན། བསྔགས་པར་འོས་གནས་བརྗོད་པས། དེ་དག་གི་གནས་ནས་བསྐྲད་དོ། དར་ཡུལ་དབུས་སུ་སློབ་དཔོན་ཆོས་དབང་ལས་རབ་ཏུ་བྱུང་ནས་སྡེ་སྣོད་གསུམ་ལ་མཁས་པར་བྱས། མདོ་སྡེ་དང་གཟུངས་སྔགས་སྡོམ་པའང་ལྔ་བརྒྱ་ཐུགས་ལས་འདོན། རྟོག་གེའི་བསྟན་བཅོས་གཞན་མང་པོ་ཉན་ཡང་ཚིམས་པ་ཐོབ་པར་མ་གྱུར་ནས། དཔལ་ཕྱོགས་ཀྱི་གླང་པོའི་སློབ་མ་དབང་ཕྱུག་སྡེ་ལས་ཚད་མ་ཀུན་ལས་བཏུས་ཚར་གཅིག་ཉན་པས་སློབ་དཔོན་དང་མཉམ། ལན་གཉིས་ཉན་པས་ཕྱོགས་ཀྱི་གླང་པོ་དང་མཉམ་པ་བྱུང་། གསུམ་པའི་ཚེ་དབང་ཕྱུག་སྡེས་ཀྱང་ཕྱོགས་གླང་གི་དགོངས་པ་མ་ལང་པའི་འཁྲུལ་པའི་གནས་ཇི་བཞིན་པར་བཟླས་པས། སློབ་དཔོན་ཤིན་ཏུ་མཉེས་ཏེ་ཁྱོད་ནི་ཕྱོགས་ཀྱི་གླང་པོ་དང་གཉམ་མོ། །གྲུབ་མཐའ་ནོར་པ་ཐམས་ཅད་སུན་ཕྱུང་ལ་ཚད་མ་ཀུན་ལས་བཏུས་ཀྱི་འགྲེལ་པའང་གྱིས་ཤིག་པར་གནང་བ་ཐོབ་བོ། །སྔགས་ཀྱི་སློབ་དཔོན་ནི་འདོད་པ་ཐ་དད་ཀྱང་ཎྜ་གི་པ་འཐད་པར་བྱེད་པ་དེ་ལས་དབང་བསྐུར་བ་ཡང་དག་ནོད་པར་ནོད་དེ། ལྷག་པའི་ལྷ་སྒྲུབས་པས་ཧེ་རུ་ཀས་མངོན་སུམ་པར་ཞལ་བསྟན། ཅི་འདོད་གསུང་བ་ན། ཕྱོགས་ཐམས་ཅད་ལས་རྣམ་པར་རྒྱལ་བར་འཚལ་ལོ། །ཞུས་པས་བཞད་སྒྲ་དང་བཅས་མི་སྣང་བར་གྱུར་ཏོ། །དེར་བསྟོད་པ་རྒྱུན་ཆགས་ཀྱང་མཛད། རེ་ཞིག་ན་མུ་སྟེགས་ཅན་ཐམས་ཅད་ཚར་བཅད་པའི་ཕྱིར་གཞན་གཞུང་གི་གྲུབ་མཐའི་གསང་ཚིག་སློབ་པར་བཞེད་ནས།ཁོལ་པའི་ཆ་ལུགས་སུ་རྫུས་ནས་ལྷོ་ཕྱོགས་ཀྱི་རྒྱུད་ཐམས་ཅད་དུ་བྱོན། མུ་སྟེགས་ཀྱི་གྲུབ་མཐའ་ལ་སུ་མཁས། དྲིས་པས། འགྲན་གྱི་དོ་མེད་གཞོན་ནུ་རོལ་པ་ཡིན་ཟེར། ཆོས་འབྱུང་སྔ་མ་ཚོར་འདི་ཞང་པོ་ཡིན་པར་འདོད་ཅིང་གཞོན་ནུ་མ་ལེན་ཟེར་བ་སོགས་བཀའ་མི་བཙན་པར་གྲགས། མུ་སྟེགས་འདི་དང་། ལྷ་ཆེན་པོའི་རྗེས་འབྲང་གཉིས་ལ་སོགས་པས་སངས་རྒྱས་བསྐྱངས་དང་། ལེགས་ལྡན་དང་། ཕྱོགས་ཀྱི་གླང་པོའི་སློབ་མ་མང་པོའི་རྩོད་པས་དམའ་ཕབ་ནས་མངའ་ཐང་དང་ལོངས་སྤྱོད་ཕྲོགས་པའི་གཏམ་རྒྱུད་ཡོད་དོ། །དེའི་ཚེ་གཞོན་ནུ་རོལ་པ་དེ་རྒྱལ་པོ་ལས་མངའ་ཐང་ཐོབ་པའི་འབྲས་སྭ་ལུས་ཞིང་ཕུན་སུམ་ཚོགས་པ་དང་། བ་ལང་དང་། མ་ཧེའི་ཚོགས་དང་ལྡན་ཞིང་། བྲན་ཕོ་མོ་ལྔ་བརྒྱ་རེ་རེ་དང་། ཞོ་ཤས་འཚོ་བའི་འཁོར་དང་བཅས་པ་ཡོད་པས། དེའི་གཡོག་ཏུ་བཞུགས་ནས་དེ་ཐམས་ཅད་ཀྱིས་སློབ་དཔོན་གཅིག་པུས་དྲིན་པར་མཛད་པས་མུ་སྟེགས་ཁྱོ་ཤུག་གཉིས་ཤིན་ཏུ་མགུའོ། ཁྱོད་ཅི་འདོད་ཟེར་བ་ལ། གྲུབ་མཐའ་ཉན་པར་འཚལ་ལོ་བྱས་པས་སློབ་མའི་གྲྭར་བཙུད། གསང་ཚིག་བུ་དང་ཆུང་མ་ལ་མ་གཏོགས་གཞན་ལ་མི་སྟོན་པ་འགའ་ཞིག་ཡོད་པ་དེ་དང་དེ་མགུ་བར་བྱས་ཏེ་ཁོང་དུ་ཆུད་པར་བྱས་པས། གྲུབ་མཐའི་གནས་ཐམས་ཅད་ཤེས། གཞན་ཚུལ་འགོག་པའི་གནས་མ་ལུས་པ་ཉམས་འོག་ཏུ་ཆུད་པའི་མཐར། བྲམ་ཟེ་ནོར་ལ་སྲེད་པས་ཡོན་མ་བྱིན་ན་ཉེས་པར་དཔྱད་ནས། རང་གི་གླ་དངུལ་པ་ཎ་ལྔ་བརྒྱ་བྲམ་ཟེ་རྣམས་ལ་བྱིན། གཞན་ཚུལ་འགོག་པའི་གནས་མ་ལུས་པ་ཉམས་འོག་ཏུ་ཆུད་པའི་མཐར། ཕྱོགས་དེའི་གནོད་སྤྱིན་ལས་ཀྱང་གསེར་གྱི་དོང་རྩེ་བདུན་སྟོང་བླངས་པ་གཞོན་ནུ་རོལ་པ་ལ་བྱིན་ནས་དེའི་ནུབ་མོ་བྲོས་ནས་བྱོན་ཏོ། དེར་རྒྱལ་པོ་དུ་མ་རི་སུ་ཞེས་བྱ་བ་ཡོད་པའི་སར་སྒོ་ཡིག་བཏབ་ཏེ། རྩོད་པར་འདོད་པ་སུ་ཞིག་ཞེས་སྒྲགས་པས། ལྷ་བ་དྲུག་གི་གྲུབ་མཐའ་འཛིན་པ་ལྔ་བརྒྱ་ཙམ་འདུས་ཟླ་བ་གསུམ་གྱི་བར་དུ་རྩོད་པས། ཐམས་ཅད་ལས་རྣམ་པར་རྒྱལ་བའི་གདན་ཕྱར་ཏོ། །དེར་རྒྱལ་པོའི་དབང་གིས་མངའ་བསྒྱུར་ཏེ། ཀུན་ཀྱང་སངས་རྒྱས་ཀྱི་བསྟན་པ་ལ་བཙུད། ལོངས་སྤྱོད་དང་ལྡན་པ་ལྔ་བཅུ་ཙམ་ནང་པའི་ཆོས་གཞི་འཛུགས་སུ་བཅུག་གོ །གཏམ་དེ་བྲམ་ཟེ་གཞོན་ནུ་རོལ་པའི་སྙིང་གི་ཚེར་མར་གྱུར་ནས་རང་ཉིད་འཁོར་ལྔ་བརྒྱ་དང་བཅས་པ་རྩོད་པའི་ཕྱིར་འོངས་ནས་འདི་སྐད་དུ། གལ་ཏེ་ཁོ་བོ་རྒྱལ་ན་ཆོས་ཀྱི་གྲགས་པའི་སྲོག་མིང་གི་ལྷག་མར་གྱིས་ཤིག །ཆོས་ཀྱི་གྲགས་པ་རྒྱལ་ན་ནི་བདག་ཉིད་ལ་དེ་ཁོ་ནའོ་ཞེས་རྒྱལ་པོ་ལ་བསྒོ་བ་ན། སློབ་དཔོན་གྱིས། བདག་གི་རྩོད་པ་ཉམས་ཉེས་པར་གྱུར་ན་གསོད་དམ། བརྡེག་གམ། འཆིང་བ་ནི་རྒྱལ་པོ་ཉིད་ཤེས་ཀྱི་བདག་རྒྱལ་ན་ནི་གཞོན་ནུ་རོལ་པ་གསད་དུ་མི་འཚལ་ཏེ་ནང་པའི་བསྟན་པ་ལ་འཇུག་པར་བྱའོ་ཞེས་རྩོད་པ་ལས། གཞོན་ནུ་རོལ་པའི་ཐུན་མོང་མ་ཡིན་པའི་དམ་བཅའ་ལྔ་བརྒྱ་ཡོད་པའི་སྟེང་དུ། སློབ་དཔོན་གྱིས་སུན་འབྱིན་པའི་རིག་པའི་རྣམ་གྲངས་བརྒྱ་བརྒྱའི་ཆོས་མང་པོས་རྣམ་པར་བཏགས་པས། གཞོན་ནུ་རོལ་པ་འཁོར་ལྔ་བརྒྱ་དང་བཅས་པ་ཐལ་བའི་གྱོ་མ་ལ་མངོན་པར་ཞེན་པའི་རྟུལ་ཞུགས་སྨད་དེ། སངས་རྒྱས་ཀྱི་བསྟན་པ་ལ་གཙོ་བོས་མཆོད་ཅིང་། འཁོར་རྣམས་ཀྱང་རབ་ཏུ་བྱུང་ངོ་། །དེ་བཞིན་དུ་རྩོད་པའི་ཁྱུ་མཆོག་ཀ་ཎ་དྭ་དོ་རུ་སོགས་དང་། འབིགས་བྱེད་རི་བོའི་ཁོང་ནས་རྒོལ་བའི་བ་སྐྲུ་གཟིང་བ་ཐམས་ཅད་ཀྱང་མུར་འདུག་པའི་གནས་ལ་སྦར་རོ། །སླར་བ་དྲ་ལི་ཞེས་བྱ་བའི་གནས་སུ་གཤེགས་ནས། དེ་ན་གནས་པའི་མུ་སྟེགས་ཀྱི་ཚོགས་ལའང་རྩོད་པའི་དྲིལ་སྒྲགས་པས། ཕྱོགས་ལས་རྣམ་པར་རྒྱལ་བའི་མེ་འོད་ཀྱི་མདུན་སར་མུ་སྟེགས་མེ་ཏོག་ཟས་སྟུན་ཉེ་བར་ནུས་པ་མ་ཡིན་པས་རི་དགས་ཀྱི་དབུས་གཅན་གཟན་ལྷགས་པ་བཞིན་དུ་བྲོས་ཤིང་།འགའ་ཞིག་ནི་བག་ཚ་བའི་མེ་ཏོག་འབུལ་བ་ལ་མངོན་དུ་ཕྱོགས་སོ། །ཡུལ་དེར་སྔོན་གྱི་ཆོས་བཞི་ཉམས་པ་ཐམས་ཅད་ཀྱང་སོར་ཆུད་པར་མཛད། ནགས་ཚལ་གྱི་དབུས་ན་བསམ་གཏན་ཉིད་ལ་གནས་པ་ན། དཔལ་ནཱ་ལེནྟྲར་སམ་ག་ཨ་ཙབྱ་ཞེས་བྱ་བའི་མུ་སྟེགས་ཞིག་གིས་རྩོད་པའི་གཏམ་གྱི་ཚར་མ་རྣོན་པོ་མངགས་ནས་པརྙི་ཏ་རྣམས་ཀྱི་རྣ་གཟོན་པར་བྱས་པས། ལྷོ་ཕྱོགས་ནས་སློབ་དཔོན་ཆོས་ཀྱི་གྲགས་པ་སྤྱན་འདྲེན་པའི་སྟ་གོན་ལ་བརྩོན་ཞིང་། སང་ཕོད་རྩ་ན་རྩོད་པར་བྱའོ་ཞེས་དུས་ཀྱི་གཏན་ཚིགས་བཀོད་དོ། །ཇི་ཙམ་ན་རྒྱལ་པོ་རབ་གསལ་གྱིས་བྲམ་ཟེ་དང་མུ་སྟེགས་ཅན་མཐའ་དག་ཝ་ར་ཎ་སེར་བསྡུས་ཏེ། སའི་བདག་པོ་དང་བཅས་པའི་དབང་པོའི་མདུན་སར་རྩོད་པའི་བྱ་བ་བྱེད་པར་མངོན་དུ་ཕྱོགས་པ་ན། མུ་སྟེགས་ན་རེ། ངེད་རྒྱལ་ན་ཁྱོད་རྣམས་གགིལ་མཆོང་ངམ། མུ་སྟེགས་ལ་འཇུག་གདམ་ང་གྱིས། ཅི་སྟེ་ཁྱོད་རྣམས་རྒྱལ་ན་ནི་ཁོ་བོ་ཅག་གི་སྲོག་གསྐོ་ལ་འདོར་བར་བྱེད་པའོ། ཞེས་བསྒོས་ནས། རྩོད་པའི་གཡུལ་ངོ་ཆེན་པོ་བཤམས་པ་དེའི་ཚེ་སམ་ག་རའི་དམ་བཅའ་བ་དང་། མཁས་བླང་བ་དང་། བསྒྲུབ་པར་བྱ་བའི་གྲུབ་པའི་མཐའ་གང་ཡིན་པ་དེ་ནི། དཔལ་ཆོས་ཀྱི་གྲགས་པའི་རིགས་པ་རྣོན་པོས་རྒལ་བ་དང་བརྟག་པ་དང་། སུན་བྱིན་པ་དང་། དགག་པར་བྱ་བའི་དཔུང་གི་ཚོགས་ཡན་ལག་བཞི་པའི་འཁྲུལ་འཁོར་ཆེན་པོས་ཡང་ནས་ཡང་དུ་ཉམས་དམས་པར་བྱས། ཚར་གཅད་པར་བྱས། དམའ་དབབ་པར་བྱས་ནས་ཅང་མི་སྨྲ་བར་ཡུལ་ཡུལ་པོའི་གནས་ལ་བཀོད་དོ། །དེའི་ཚ་སམ་གར་ནི་ང་རྒྱལ་དྲག་པོས་ཁོང་རྣམ་པར་འཁྲུགས་པར་གྱུར་ནས་རང་གི་སློབ་མ་བྷ་ཌ་ཤ་ཙབྱ་ལ་དགེ་སྦྱོང་མགོ་བྲེགས་འདི་ལས་རྒྱལ་བའི་སྙིང་སྟོབས་སྐྱེད་ཅིག །ཅི་སྟེ་མ་རྒྱལ་ཡང་རུང་སྟེ། ཁོ་བོ་ཅག་ནི་ཁྱོད་ཀྱི་བུར་སྐྱེ་བ་བཟུང་ནས་སླར་ཡང་རྩོད་པའི་བརྟུལ་ཞུགས་ཀྱིས་འཐབ་པར་བྱའོ་ཟེར་ཞིང་། སློབ་དཔོན་གྱིས་བཟློག་ཀྱང་མཉན་པར་ཆུ་བོ་གདྷ་ལ་ལྕེབས་ཏེ་སྲོག་གི་རྒྱུ་བ་བཏང་ངོ་། །དེའི་སློབ་མ་སྔོན་གྱི་རྣམ་པར་དཀར་བའི་ས་བོན་གྱིས་བཟུང་བ་མང་པོ་ཞིག་ནི་སངས་རྒྱས་པའི་གྲུབ་མཐའ་ལ་ཚུད་པར་ནུས་ལ། དེ་ལས་གཅིག་་།ས་སུ་གྱུར་པ་རྣམས་ནི་རྟག་ཆད་ཏུ་སྨྲ་བའི་གོམ་པ་བདེ་བླག་ཏུ་འདིར་བས་ཐག་རིང་པོའི་གནས་སུ་བྲོས་པར་གྱུར་ཏོ། །འོ་་དུས་དེ་རྫོགས་པའི་གནས་སྐབས་ན་ཇི་ལྟར་ཟེར་བ་བཞིན་སམ་གར་ཡང་བྷ་ཊའི་བུར་སྐྱེ་བ་བླངས། བྷ་ཊ་ཨ་ཙབྱས་ཀྱང་སླར་ཡང་འོ་་གསུམ་དུ་རང་གི་འདོད་པའི་ལྷ་མཉེས་པར་བྱས། ལོ་གསུམ་དུ་ནང་པའི་གྲུབ་མཐའ་འགོག་པའི་རིག་པ་ལ་བསམས འོ་་འདུན་པ་ལ་ཡང་སྔར་བཞིན་བསྟན་པ་དཔང་དུ་བཙུགས་ནས་རྩོད་རྩོད་པས། དཔལ་ལྡན་ཆོས་ཀྱི་གྲགས་པ་ནི་འཕྲོག་བྱེད་དབང་པོ་གངས་ལྡན་གྱི་རི་ལ་ཆས་པ་བཞིན་སྲེ། མུ་སྟེགས་ངན་པའི་གྲུབ་མཐའ་རྣམ་པ་ཀུན་ནས་ཉམས་ཉེས་པར་བྱུང་སྟེ། ངོ་ཚའི་དམ་ཚིག་ནི་འདའ་བར་དཀའ་བ་ཞིག་སྟེ་སློབ་དཔོན་གྱིས་ནན་གྱིས་བཟློག་ཀྱང་མ་ཉམས་པར་ཆུ་བོ་གདྷར་མཆོངས་ཏེ་ཤིའོ། །དེར་སྨོན་ལས་སྟོབས་སུ་གྱུར་པའི་བུ་སམ་གར་ཨ་ཙརུའི་སྐྱེ་བ་དང་། དེའི་ཕུ་བོ་བྷ་ཊ་ཨ་ཙརླ་བྱི་མ། བྲམ་ཟེ་རང་གི་གྲུབ་མཐའ་ལ་མངོན་པར་ཞེན་པ་རྣམས་ནི་ཤར་ཕྱོགས་ཀྱི་ཡུལ་ཐག་རིང་པོར་བྲོས། བྲམ་ཟེ་གཟུ་པོར་གནས་པ་ལྔ་བརྒྱ་ཙམ་ནི་བསྟན་པ་ལ་རབ་ཏུ་བྱུང་། ལྔ་བརྒྱ་ཙམ་དཀོན་མཆོག་གསུམ་ལ་བླ་མར་བྱེད་པའི་གནས་སུ་བཀོད། དེའི་ཚེ་མ་ག་དྷའི་བྲམ་ཟེ་གང་ཞེས་བྱ་བ་དང་། བཅོམ་རླག་གི་གང་བ་བཟང་པོ་ཞེས་མངའ་ཐང་དང་ལོངས་སྤྱོད་ཆེ་བ། རང་གི་འདོད་པའི་ལྷས་བྱིན་གྱི་བརླབས་པས་རྟོག་གེའི་རིག་པ་ལ་བློ་བྱང་བ་དག་གིས་ཀྱང་ཡང་ནས་ཡང་དུ་རྩོད་པའི་བྱ་བ་ལ་འོངས་པའང་། སློབ་དཔོན་གྱིས་རིགས་པར་སྨྲ་བའི་རྟུལ་ཞུགས་ཀྱི་ཚར་བཅད་དེ་ནང་པའི་གྲུབ་མཐའ་ལ་སྦྱར་ནས་རང་རང་ཡུལ་སོ་སོར་ཆོས་གཞི་ལྔ་བཅུ་ཡང་བཙུགས། ཕྱོགས་ཐམས་ཅད་ལས་རྣམ་པར་རྒྱལ་བའི་གྲགས་པའི་མུ་ཁྱུད་ཀྱིས་སའི་སྟེང་མ་ལུས་པ་བསྐོར། མ་གདྷ་དང་ནེ་བ་དྲང་སྲོང་མ་ཏ༷་གའི་ནགས་སུ་ཡུན་རིང་དུ་བསྟི་བར་མཇད་ནས་རིག་སྔགས་མང་པོ་གྲུབ་པར་མཛད། རེ་ཞིག་ན་རི་བོ་འབིགས་བྱེད་ཀྱི་ཁོངས་ན་རྒྱལ་པོ་མེ་ཏོག་གི་བུ་མེ་ཏོག་ཀུན་ཏུ་རྒྱས་པ་ཞེས་བྱ་བ། གྲོང་ཁྱེར་འབུམ་ཕྲག་བཅུ་ལ་དབང་བསྒྱུར་ཞིང་། ༩༧འོ།ངས་སྤྱོད་ཀྱི་ཁྱད་པར་ལྷ་དང་མཚུངས་པ་ཞིག་ཡོད་པའི་སའི་ཆར་ལྗོངས་རྒྱུ་ཞིང་གཤེགས། ཅི་ཞིག་ན་རྒྱལ་པོའི་ཕོ་བྲང་དུ་བརྟོལ་བ་ལས་རྒྱལ་པོས་ཁྱོད་ནི་སུ་ཞིག་གོ་ཞེས་དྲིས་སོ། །ཤེས་རབ་ཅན་ནི་ཕྱོགས་ཀྱི་གླང་པོ་སྟེ། ཙནདྲ་གོ་མི་བརྗོད་པ་རྣམ་པར་དག །སྙན་དངགས་དཔའ་བོ་ལས་བྱུང་སྡེབ་སྦྱོར་མཁས། །ཕྱོགས་ལས་རྣམ་པར་རྒྱལ་བ་ང་མིན་སུ། །ཞེས་གསུངས་པ་ན། ཆོས་ཀྱི་གྲགས་པ་ཡིན་ནམ་དྲིས་པས། དེ་ལྟར་གྲགས་གསུངས། དེར་རྒྱལ་པོས་ཀྱང་གཙུག་ལག་ཁང་མང་དུ་བཞེངས་ནས་ཆོས་ཀྱི་གྲགས་པ་བཞུགས་པར་གསོལ། རྟོག་གེ་རབ་ཏུ་བྱེད་པ་སྡེ་བདུན་གྱི་བསྟན་བཅོས་བརྩམས་ནས།གལ་ཏེ་ཆོས་ཀྱི་གྲགས་པ་ཡི། །སྨྲ་བའི་ཉིན་མ་ནུབ་པ་ན། །ཆོས་རྣམས་གཉིད་ལོག་ཡང་ན་ཤི །ཆོས་མ་ཡིན་དག་ད་གདོད་ལོངས། །ཞེས་པའང་རྒྱལ་པོའི་སྒོ་ཁང་དུ་ཡི་གེར་བྲིས། ཡུལ་དེར་དགེ་སློང་ཁྲི་ཕྲག་ཙམ་བྱུང་ཞིང་བསྟན་པ་དར་བར་མཛད། ཆོས་གཞི་ཡང་བཅུ་ཕྲག་ལྔ་བཙུགས། །དེ་ནས་མཐའ་འཁོབ་གྱི་ཡུལ་གུ་ཇིར་ཐར་བྱོན་ནས། མུ་སྟེགས་བྱེད་དང་བྲམ་ཟེ་མང་པོ་རྒྱལ་བསྟན་གྱི་ཤིང་རྟ་ལ་འཛག་ཏུ་བཅུག །གོ་ཏ་པུ་ར་ཞེས་བྱ་བའི་ལྷ་ཁང་བཞེངས། ཡུལ་དེ་ན་མུ་སྟེགས་ཤིན་ཏུ་མང་བས་སློབ་དཔོན་གྱིས་བྲང་ཁང་ལ་མེ་སྦར་བས། ཕྱོགས་ཐམས་ཅད་མེས་འཚག་པ་ན། ལྷ་དང་གསང་སྔགས་རྗེས་སུ་དྲན་པས་ནམ་མཁའི་ལམ་ལ་རྫུ་འཕྲུལ་གྱིས་གཤེགས་ནས་དཔག་ཚད་གཅིག་ཙམ་གྱི་སའི་ཆ་ན་ཡོད་པའི་རྒྱལ་པོའི་ཕོ་བྲང་དང་ཉེ་བར་བྱོན། ཇི་ཞིག་ན་ནང་པའི་བསྟན་པ་ལ་དགྲ་ཟླར་ཆས་པའི་སྙིང་སྟོབས་སམ་སྤྲད་པ་མུ་སྟེགས་སམ་གར་ཨ་ཙབྱ་སླར་ཡང་སྐྱེ་བ་བླངས་པ་དེ་ཉད་ན་སོན་ནས། སྐྱེ་བ་སྔ་མ་ལས་ཀྱང་བློ་རྣོ་ཞིང་། རྩོད་པའི་གནས་ལ་བྱང་ཆུབ་པ། བུམ་པའི་སྟེང་ན་ལྷ་དབང་ཕྱུག་ཆེན་པོས་གཟུགས་སྟོན་པ་ཞིག་བྱུང་། དེ་འོ་་བཅོ་ལྔའམ་བཅུ་དྲུག་པར་གྱུར་པའི་ཚ། དཔལ་ཆོས་ཀྱི་གྲགས་པ་ལ་རྩོད་པའི་རྒྱལ་རྔ་བརྡུང་པར་འདོད་དེ། ཝ་ར་ཎ་སེང་སོང་ནས། རྒྱལ་པོ་མཀྭ་བྱ་ཁི་ལ་བསྒོས་ཤིང་ཕྱོགས་ཐམས་ཅད་དུ་དྲིལ་སྒྲགས་སོ། །དེར་སློབ་དཔོན་ཡང་ལྷོ་ཕྱོགས་ནས་སྤྱན་དྲངས། བྲམ་ཟེའི་ཚོགས་སྟོང་ཕྲག་ལྔ་ཙམ་དང་བཅས་རྒྱལ་པོ་ལ་སོགས་པའི་སྐྱེས་བོ་དཔག་ཏུ་མེད་པ་དཔང་པོ་ལ་བཀོད་ནས། བསྟན་པ་ནི་རྒྱལ་བའི་རུ་མཚོན་དུ་བཙུགས། རྩོད་པའི་འཁོར་འོ་་ཤིན་ཏུ་ངར་དྲགས་པའི་སྣོད་པ་འགྲན་པ་ལ་ཞུགས་སོ། །ཞུགས་ནས་ཀྱང་ཆོས་ཀྱི་གྲགས་པའི་རིགས་ལུང་རྒྱ་མཚོ་ནི་ཉིན་མོར་བྱེད་པའི་དཔལ་དང་འགྲོ་གས་པས། འགལ་ཟླར་བྱེད་པའི་བྱ་རོག་དགྲ་བོ་རིགས་པར་སྨྲ་བའི་གནས་ལ་ཤིན་ཏུ་ལྡོང་པར་གྱུར། དེས་སྲོག་གི་ལྷག་མའང་བདེ་བར་འཚོ་བའི་བརྟན་པ་ཕྲོགས་ཏེ་ཆུ་བོ་གདྷའི་དབུས་གལ་པ་དེར་ལྕེབས་སོ། །སླར་བྲམ་ཟེ་གཟུ་ལུམ་ཅན་དེ་དག་ཀྱང་རྣམ་པར་དཔྱོད་པའི་སྒྲོ་་མཐུ་བརྟས་པར་གྱུར་ནས་རང་གི་གྲུ།བ་པའི་མཐའ་མུར་འདུག་པའི་མཐའ་གང་ཡིན་པ་འཙལ་ནས་མང་པོ་དག་རབ་ཏུ་བྱུང་། མང་པོ་དག་དགེ་བསྙེན་གྱི་བརྟུལ་ཞུགས་འཛིན་ཏོ། །གཞན་ཡང་ཁ་ཆེའི་ཡུལ་ནས་བྲམ་ཟེ་རྒྱ་སིདྷ་དང་ཀ་ར་དང་། དེ་བ་སིདྷ་ཞེས་བྱ་བ་སྟེ་བྲམ་ཟེའི་སློ་བ་དཔོན་ཆེན་པོ་གསུམ་ཡང་། དཔལ་ཆོས་ཀྱི་གྲགས་པའི་མདུན་སར་ལྷགས་ནས་དྲང་༩༩པོའི་བློ་གྲུ།བ་མཐའ་ལ་རྒལ་བརྟག་བྱས་པས། ཆོས་ཀྱི་གྲགས་པའི་རིགས་པར་སྨྲ་བའི་དེ་ཉིད་མཐོང་བས་ནང་པ་ལ་དད་པར་གྱུར་ཏེ། སྐྱབས་སུ་འགྲོ་་བ་དང་། བསླབ་པའི་གནས་ལྔ་བླངས། གྲུ།བ་མཐའ་ཉན་པས་ཚད་མ་སྡེ་བདུན་ལ། བློ་གྲོ་ས་རྣམ་པར་བྱང་ཕྱོགས་ཁ་ཆེའི་ཡུལ་དུ་སོ་ང་ནས་ལུགས་སྲོ་ལ་དེ་དར་བར་བྱས་སོ་། །སླར་ཡང་ལྷོ་་ཕྱོགས་ཀྱི་རྒྱུད་དུ་བྱོན་གང་ན་སངས་རྒྱས་ཀྱི་བསྟན་པ་མ་དར་བ་དང་། ཉམས་པའི་ཕྱོགས་ཐམས་ཅད་དུ་འགལ་རྐྱེན་དུ་གྱུར་པ་རྩོད་པས་ཚར་བཅད། རྒྱལ་བློན་ལ་སོ་གས་པ་ཁེངས་དྲེགས་ཅན་དག་ཐུགས་རྗེས་དབང་དུ་བྱས་ནས་དགེ་བདུན་གྱི་སྡེ་དང་ཆོས་གཞི་དཔག་ཏུ་མེད་པ་དར་བར་མཛད། ཉིད་ཀྱིས་བཞེངས་པའི་ལྷ་ཁང་བརྒྱ་རྩ་ཙམ་དང་། གཞན་ལ་བསྐུལ་ཏེ་བཞེངས་པ་གྲངས་ལས་འདས། སློ་བ་དཔོན་འདི་ཐུགས་རྗེ་དང་བརྟུལ་ཞུགས་ཀྱི་མཐུ་ཁོ་ནས་སངས་རྒྱས་ཀྱི་བསྟན་པ་ལ་བཅུག་པའི་དགེ་སློ་ང་དང་། དགེ་བསྙེན་ཡན་ཆད་སྡོམ་ན་འབུམ་དུ་ཉེ་བ་ཙམ་ཡོད་ནའང་། ཕལ་ཆེར་མཁན་སློབ་གཞན་ལ་གཏད་ནས་ཕྱི་བཞིན་འབྲང་བ་ནི་ལྔ་ལས་མང་བ་མ་བཟུང་ཞེས་གྲགས། སློབ་དཔོན་ཉིད་ཀྱི་སྐུ་ཚེའི་ཐ་མའི་དུས་ཤིག་ན། ཡང་སྔར་གྱི་སམ་གར་ཨ་ཙབྱ་ཕྱི་མའི་བུ་སྟེ་རང་ཉིད་ཀྱི་སྐྱེ་བ་བར་པའི་ཕུ་བོའི་བུར་སྐྱེས་པ་བླངས། སྔོན་སྦྱངས་ཀྱི་བློ་གྲོས་ལྷག་པར་སྟོབས་སུ་གྱུར་པ། རང་གི་འདོད་པའི་ལྷས་རྗེས་སུ་བཟུང་བས་མངོན་སུམ་དུ་རིག་པ་སློབ་ཅིང་། རེ་འགའ་ལུས་ལ་ཡོངས་སུ་ཞུགས་ནས་སྔོན་མེད་པའི་གསང་ཚིག་སྟོན་པ་ཞིག་བྱུང་། དེ་ལོ་བཅུ་གཉིས་ལོན་པ་ཙམ་ནས་དཔལ་ཆོས་ཀྱི་གྲགས་པ་ལ་རྩོད་པར་རིངས་པའི་རྣམ་པར་སྟོན་ཏོ། །དེར་བྲམ་ཟེ་རྣམས་ཀྱིས་རང་ཉིད་ཕམ་གྱི་དོགས་ནས་རེ་ཞིག་ཆོས་ཀྱི་གྲགས་པ་ཕམ་པར་ནུས་པའང་དཀའོ། །དེ་བས་གཞན་ལ་རྩོད་པར་གྱིས་ཤིག་དང་། དེས་ནི་ངེས་པར་རྒྱལ་བའི་གྲགས་པ་ཐོབ་པར་འགྱུར་རོ། །སྨྲས་ཀྱང་། ཆོས་ཀྱི་གྲགས་པ་ཚར་མ་བཅད་པ་དེ་སྲིད་དུ་རྩོད་པའི་གྲགས་པ་ཉམ་ཆུང་ངོ་ཞེས་མ་ཉན་པར་དེ་ལྷོ་ཕྱོགས་ཀྱི་རྒྱུད་དུ་སོང་ངོ་། སོང་ནས་ཀྱང་གང་རྒྱལ་བ་དེའི་བསྟན་པ་ལ་ཅིག་ཤོས་ཀྱང་འཇུག་པར་བྱས་ནས་རྩོད་པ་ན།འདི་ན་གང་ཞིག་དེ་བཞིན་གཤེགས་པས་དྲི་ཟ་རབ་དགའ་ལ་བྱ་བ་བཞིན་དུ་ཚར་བཅད་པ་དང་རྗེས་སུ་འཛིན་པའི་དུས་ལ་ཤིན་ཏུའང་བབ་ནས། མུ་སྟེགས་སྐྱེ་བ་གསུམ་པའི་དམ་བཅའི་རི་མོ་བསུབ། གྲུབ་མཐའི་ལྗོན་ཤིང་ནི་འགྱེལ། ཁས་བླངས་ཀྱི་ཐ་ཚིག་ནི་་།ར། བརྒལ་བའི་བ་དན་ནི་ལྷུང་བར་གྱུར་ནས་སློབ་དཔོན་ཆོས་ཀྱི་གྲགས་པའི་ལུང་རིགས་ཀྱི་སྡེར་མོས་རྫིས་ཤིང་རྣམ་པར་འཐག་པར་བྱས་སོ། །བྱས་ནས་ཀྱང་དེ་ཉིད་དུ་སངས་རྒྱས་ཀྱི་བསྟན་པ་ཐོག་མཐའ་བར་གསུམ་དུ་དགེ་བའི་ཁང་མཛེས་དམ་པར་ཡོངས་སུ་བཅུག་ནས་བྲམ་ཟེ་དགེ་བསྙེན་གྱི་སྤྱོད་པ་ལ་གནས་ཤིང་། རྒྱལ་བའི་བསྟན་པ་ལ་བླ་མར་བྱ་བ་གཅིག་བྱུང་ནས་དེ་ཉིད་ཀྱིས་བཞེངས་པའི་ལྷ་ཁང་ད་ལྟའང་ཡོད་དོ་ཞེས་གྲགས་སོ། །དེ་ལྟ་བུ་སངས་རྒྱས་ཀྱི་བསྟན་པ་ལྷག་པར་མཛད་ནས་དུས་ཀྱི་མཐར་ཡུལ་ཀ་ལིདྷར་གཙུག་ལག་ཁང་བཞེངས་ཤིང་སྐྱེ་བོ་མང་པོ་ཆོས་ལ་རབ་ཏུ་བཀོད་ནས་གཟུགས་སྐུའི་བཀོད་པ་རེ་ཞིག་ཞི་བའི་གྲོང་ཁྱེར་ཉིད་དུ་བསྡུས་སོ། །གདུང་དུར་ཁྲོད་དུ་ཞུགས་ལ་ཞེན་པས་མེ་ཏོག་གི་ཆར་ཆེན་པོ་བབས། ཕྱོགས་ཐམས་ཅད་དྲི་བཟང་པོ་དང་རོལ་མོས་ཁྱབ་པ་ཞག་བདུན་དུ་བྱུང་། གདུང་ཐམས་ཅད་འཆིང་བུ་འདྲ་བའི་གོང་པུ་གཅིག་ཏུ་འདྲེས་པ་ལ་ད་ལྟའང་དུས་སྟོན་བྱེད་དོ། །སློབ་དཔོན་འདི་དང་བོད་དཔོན་རྒྱལ་སྲོང་བཙན་སྒམ་པོ་དུས་མཉམ་པར་གྲགས་ཤིང་། དེ་བཞིན་དུ་གྲུབ་པའི་རྣལ་འབྱོར་ཆེན་པོ་ལ་ཝ་བ་དང་། ཨིནྟྲ་སྣུ་ཏི་བར་པ་དང་། ཀུ་ཀུ་ར་ཛ་དང་། སློབ་དཔོན་མཚོ་སྐྱེས་རྡོ་རྗེ་དང་། ལ་ལི་ར་བཛྲ་རྣམས་འོལ་སྤྱི་ཙམ་དུ་ཐོག་མཉམ་པར་བྱེད་ལ་། གཞན་དུ་སྔ་ཕྱི་ཅི་རིགས་པའི་དུས་ཚོད་ལ། སྣང་ཞིང་སྲིད་པའི་ཆོས་སོགས་བདེ་བ་ཆེན་པོའི་ཡེ་ཤེས་གཅིག་གི་རོལ་མོར་རྒྱས་ཐེབས་པས། དང་པོའི་སངས་རྒྱས་དང་། རྡོ་རྗེ་འཆང་ཆེན་དང་། རིགས་ལྔའི་སངས་རྒྱས་དང་། རིགས་གསུམ་སེམས་དཔའ་དང་། རྡོ་རྗེ་རྣལ་འབྱོར་མ་དང་། རྡོ་རྗེ་ཕག་མོ་ལ་སོགས་པའི་ཞལ་མངོན་སུམ་དུ་མཐོང་ཞིང་། ལུང་བླངས་པ་ལས་སྐུ་གསུང་ཐུགས་ཡེ་ཤེས་ལྷའི་རོལ་པ་ཆེན་པོར་སྨིན། རྩ་རླུང་ཐིག་ལེ་རྡོ་རྗེ་གསུམ་དུ་རྣམ་པར་དག །གཙང་བ་དང་རྨེ་བ་དང་བར་མ་ལ་སོགས་པའི་རྣམ་པར་རྟོག་པ་མཉམ་པ་ཆེན་པོར་བརྡལ། རྒྱལ་རིགས་དང་བྲམ་ཟེ་དང་། རྗེ་རིགས་དང་། དམངས་དང་། གདོལ་པ་དང་། སྨིག་མ་མཁན་དང་། གཡུང་མོ་དང་། ཉ་པ་དང་། རྗོན་པ་དང་། བྱ་ཤོར་བ་ལ་སོགས་པའི་རིགས་དང་རིགས་མིན་གྱི་༡༠༢ཆོས་ཀུན་རྫོབ་ཀྱི་བློས་བགྲོད་པའི་མཚན་ཉིད་ལ་རྩིས་སུ་གདབ་པ་ནི་སྤངས། ཕྱིའི་སྣང་བ་དང་། ནང་གི་ཤེས་བྱའི་ཆོས་བདེན་ན་འདེན་པར་རོ་མཉམ། རྫུན་ན་རྫུན་པར་རོ་མཉམ་པས་སྣང་སེམས་ཁྱབ་བརྡལ་ཆེན་པོར་འདྲེས་པའི་རྟེན་ཅིང་འབྲེལ་བར་བྱུང་བ་ནི་སྒྱུ་མའི་བསླུ་བའམ། མིག་འཕྲུལ་གྱིས་བྱེད་པས་ཐབས་འཚལ་བ་མ་ཡིན་པར་རྫུ་འཕྲུལ་གྱི་རྐང་པའི་རྟུལ་ཞུགས་ལ་དབང་འབྱོར་པས། ཆུ་ལ་ངང་པ་བྱ་བ་དང་། ནམ་མཁའ་ལ་མཁའ་ལྡིང་བཞིན་བྱ་བ་དང་། རི་བྲག་ལ་ཐོགས་རེག་སྤངས་པ་དང་། ཟད་པར་གྱི་སྐྱེ་མཆེད་ལ་དབང་ཐོབ་པས་བྱུང་བ་ལྔ་ལ་གཞན་དབང་དུ་མ་གྱུར་པ་དང་། ཉི་ཟླ་བཙོན་དུ་འཛིན་པ་དང་། ཆུ་བོ་གྱེན་ལ་ལྡོག་པ་དང་། ཕ་བོང་ནམ་མཁར་འཇོག་པ་དང་། ཚ་ཉི་ཟླ་དང་མཉམ་པ་དང་། སྐུ་ལ་བགྲེས་ཆུང་སྤངས་པ་དང་། ལུས་མི་སྣང་བ་དང་། ནམ་མཁའ་དང་ས་འོག་ལ་སྤྱོད་པ་དང་། གང་ལ་སྡིགས་མཛུབ་གཏད་པ་ཙམ་གྱིས་རེངས་པ་དང་། ལྐུགས་པ་དང་། མྱོས་པ་དང་། རྨོངས་པ་དང་། བྱེར་བ་དང་། འགས་པ་དང་། འཐོར་བ་དང་། གསད་པ་དང་། གསོ་བ་ལ་སོགས་པའི་རྫུ་འཕྲུལ་ཡ་མ་ཟུང་ལ་དབང་འབྱོར་ཞིང་། མུ་སྟེགས་ཅན་རྩོད་པས་ཚར་གཅོད་པ་དང་། ནུས་པས་སྤ་བཀོང་བ་དང་། ལོག་པར་ལྟ་བ་དབང་དུ་བྱེད་པ་དང་། ཁེངས་དྲེགས་ཅན་ཟིལ་གྱི་གནོན་པ་དང་། སྐལ་བ་ཅན་རྗེས་སུ་འཛིན་པ་ལ་སོགས་པའི་ཐུགས་རྗེ་དང་། རྫུ་འཕྲུལ་གྱི་བཀོད་པ་ཟད་མི་ཤེས་པས་རྡོ་རྗེ་ཐེག་པའི་བསྟན་པའི་བ་དན་དཀར་པོ་བླ་ན་བསྒྲེང་བའི་གྲུབ་པའི་དབང་ཕྱུག་གི་ཚོགས་བརྗོད་ཀྱི་མི་ལང་བ་བྱོན་མོད་ཀྱི་དེ་ལས་སློབ་དཔོན་རྡོ་རྗེ་གདན་པའི་ཚོགས་ཀྱི་འཁོར་ལོ་གཅིག་ཁོ་ནའི་འདུ་བའི་རྟེན་འབྲེལ་ལས་བརྒྱད་ཅུ་ལྷག་བཅས་ཀྱི་འཁོར་ལོར་ཡོངས་སུ་གྲགས་པ་རྣམས་ཀྱིས་མཚོན། དེ་ཙམ་གྱིས་དངོས་པོ་ངེས་པར་བསྟན་པས་གུས་པ་དང་སྤྲོ་བ་བསྐྱེད་པའི་དགོས་པ་དམ་པའི་ལམ་ལ་འཇུག་པར་ནུས་པའོ། །དེ་བཞིན་གཤེགས་པས་ལེགས་པར་གསུངས་པའི་ག་ སུང་རབ་རྒྱ་མཚོ་སྙོག་པོར་གྱུར་ང་།་རིག་པ་འཛིན་པའི་སྡེ་སྣོད་དམ། སྔ་འགྱུར་རྒྱུད་འབུམ་རིན་པོ་ཆེའི་རྟོགས་པ་བརྗོད་པ་འཛམ་གླིང་ཐ་གྲུ་ཁྱབ་པའ་རྒྱན་ཞེས་བྱ་བ་ལས། འཕགས་པའི་ཡུལ་དུ་སྤྱིར་གྲགས་པའི་བསྟན་སྐྱོང་ཆེན་པོ་དག་ལས་རྒྱན་དྲུག་མཆོག་གཉིས་ལ་སོགས་པའི་རྣམ་ཐར་སྨོས་པའི་རབ་ཏུ་བྱེད་པ་སྟེ་གཉིས་པའོ།། །། གསུམ་པ་གངས་རིའི་ཁྲོད་དུ་རྒྱལ་བསྟན་ཇི་ལྟར་བྱོན་པའི་རྣམ་གཞག་ནི། དག་བྱེད་ཀྱི་གཏེར་ཆེན་པོ་བྲིས་ནས་ཡུལ་དུ་རུང་བའི་གནས་ལ་རིགས་པར་མི་བྱེད་པ་ལ། ཁ་བ་ཅན་དུ་མཚོ་བྲི་ནས། ཞེས་པས་གནོད་དོ། །འདིར་རི་བྲག་དང་ལྗོངས་བདེ་བ་གཉིས་གང་ལ་ཡུལ་དུ་རུང་བའི་ཐ་སྙད་ཀྱི་ཕྱི་བ་མི་འགལ་བར་བྱས་ནས་ཡུལ་དང་མི་ལ་སོགས་པ་གདོད་ནས་ཡོད་པའམ། པུ་ཏི་རྒྱལ་པོ་རུ་དཔུང་དང་བཅས་པ་རི་ཁ་བ་རུ་བྲོས་པ་ལས་འཕེལ་བ་སོགས་སྐབས་དེ་དང་དེར་བྱུང་བ་ཇི་ལྟར་ཡང་བོད་ཀྱི་རྒྱལ་པོ་རྣམས་ཀྱི་རྒྱུད་ནི། རྒྱ་གར་ན་ཤཱཀྱ་ཆེན་པོ་དང་། ལི་ཙ་བྱི་དང་། རི་བྲག་སྟེ་ཤཱཀྱ་རིགས་གསུམ་ལས། འཇམ་དཔལ་རྩ་རྒྱུད་ཀྱི་བཞེད་པས་ལི་ཙ་བྱིའི་རིགས་ལས་མཆེད་པ་ཞིག་ཆུ་བོ་གསྐོ་ལས་བརྒྱུད་རི་ཁ་བ་ཅན་གྱི་དབྲག་ཏུ་སླེབས། རེ་ཞིག་ན་ལྷ་རི་གྱང་མཐོའི་རྩེ་ནས་གཟིགས་པས། ཡུལ་ཡར་ཀླུངས་དགེ་བཅུའི་དཔལ་གྱི་མཛེས་པར་དཔྱད་ནས་ལྷའི་རོལ་པོའི་རྩེ་ལས་བཙན་ཐང་སྒོ་བཞིར་འཐོན། དངོས་ལ་ཁྱོད་སུ་ཞིག་དྲིས་པས། བཙན་པོའོ། །གང་ནས་བྱོན་བཏེགས་པས་གཉའ་ཁྲི་བཙན་པོའོ། ། དེ་ལྟར་བཙན་པོ་འོད་ལྡེ་ནས་གནམ་གྱི་ཁྲི་བདུན། བར་གྱི་ལྟེང་གཉིས། སའི་ལེགས་དྲུག །ལྡེ་བརྒྱད། བཙན་གསུམ་པའི་བར་ཆོས་སྲིད་བོན་ལུགས་སུ་བསྐྱངས། བཙན་བཞི་པ་ལྷ་ཐོ་ཐོ་རི་གཉན་བཙན་གྱི་དུས་ན་དེ་བཞིན་བཞིན་གཤེགས་པའི་ལུང་བསྟན་གྱི་བདེན་པའི་རྒྱུ་མང་སྟོང་གི་འགྱུར་བ་བསིལ་ལྡན་འགྲོ་བའི་བསོད་ནམས་ཀྱི་ཟ་མ་ཏོག་ཏུ་ལྷུང་དུས་ལ་བབ་སྟེ། ཕོ་བྲང་ཡུམ་བུ་བླ་སྒང་དུ་ཟ་མ་ཏོག་བཀོད་པ་དང་། སྤང་སྐོང་ཕྱག་རྒྱ་པ་གསེར་གྱི་མཆོད་རྟེན་རྣམས་ནམ་མཁའ་ལས་བབ། མཚན་གཉན་པོ་གསང་བར་བཏགས། མཆོད་པ་བྱས་པས་རྒྱལ་པོའི་སྲིད་དང་ཚེ་རབ་ཏུ་འཕེལ། དམ་པ་ཆོས་ཀྱི་དབུ་བརྙེས་པར་གྲགས་ཏེ་གླེགས་བམ་བྱུང་བ་ཙམ་མོ། །འདིའི་ཚེ་རྒྱ་གར་ནས་སྨན་པ་པི་བྱི་དང་། བི་ལྷ་མ་བྱོན་ནས་གསོ་དཔྱད་ཀྱི་བསྟན་པ་ཡང་བྱུང་། ལ་ལ་ནམ་མཁའ་ལས་བབ་པ་བོན་པོའི་གཏམ་ཡིན་ཟེར་མོད། ནམ་མཁའ་ལས་བབ་ཚད་བོན་ལུགས་ཡིན་ན་འདྲེན་པ་མཆོག་གླང་ཆེན་ཐལ་དཀར་གྱི་རྣམ་པས་ལྷུམས་སུ་ཞུགས་པ་དང་། གྲོང་ཁྱེར་གསལ་ལྡན་དུ་ལྷ་ལས་བབས་པ་དང་། ཨིནྟྲ་བྱུ་ཏིའི་ཕོ་བྲང་གི་ནམ་མཁའ་ལ་སངས་རྒྱས་འཁོར་དང་བཅས་པ་བཞུད་སོགས་རྫུ་འཕྲུལ་གྱི་བཀོད་པའང་། ངེས་པའི་དོན་དུ། སངས་རྒྱས་ཡིན། ཆོས་ཡིན། དགེ་འདུན་ཡིན། པོ་ཏི་དང་གླེགས་བམ་གྱི་རང་བཞིན་ཡིན་པ་དེ་ཡང་བོན་ལུགས་སུ་ཐལ་བར་གྱུར་པས། སངས་རྒྱས་ཀྱི་འཕྲིན་ལས་དང་བསྟན་པའི་བབས་ལུགས་བསམ་གྱི་མི་ཁྱབ་པའང་དྲན་པར་བྱའོ། །དེ་ནས་རྒྱལ་རབས་ལྔ་པ་གནམ་རི་སྲོང་བཙན་ལ་སྲས་དབུའི་གཙུག་ན་ཨ་མི་དེ་བ་ལ་སོགས་པ་ལེགས་པའི་མཚན་དང་ལྡན་པ་ལ། བཟོ་དང་། སྒྱུ་རྩལ་དང་། རིག་པའི་གནས་ལ་མཁས་ཤིང་ཐུགས་སྒམ་པས། བློན་པོ་རྣམས་ཀྱིས་རང་གི་མཚན་ཉིད་ལས་སྲོང་བཙན་སྒམ་པོར་མཚན་གསོལ་བའི་ཆོས་རྒྱལ་བྱོན་ཏོ། །དེས་རང་གི་སྐུ་རིང་ལ་དམ་པ་ཆོས་ཀྱི་སྲོལ་བཏོད་པའི་སླད་དུ། ཐོ་མི་ཨ་ནུའི་བུ་འཁོར་དང་བཅས་རྒྱ་གར་དུ་བསྔགས། པརྙི་ཏ་ལྷ་རིག་པའི་སེརྙེ་དང་། བྲམ་ཟེ་ལི་བྱིན་ལ་ཡིག་རིགས་དང་བརྡའ་སྤྲོད་པའི་གཞུང་ལུགས་ལ་སྦྱངས་པ་མཐར་སོན། རྒྱ་གར་གྱི་ཕྱི་མོ་ལྔ་བཅུ་ལ་འཕྲི་བསྣན་གྱི་སྒོ་ནས་བོད་ཡིག་སུམ་ཅུར་མཛད། འཕགས་ཡུལ་བརྡའ་སྤྲོད་ཀྱི་གཞུང་ཆེན་པོ་བརྒྱད་དང་གྲངས་མཚུངས་སུ་བྱས་ནས་བོད་སྐད་དང་རྗེས་སུ་མཐུན་པའི་བརྡའ་སྤྲོད་ཀྱི་བསྟན་བཅོས་བརྒྱད་མཛད། མདོ་སྡེ་དཀོན་མཆོག་སྤྲིན་པ་བསྒྱུར། བསྟན་པའི་སྲོག་ཡི་གེས་བསྟན་པ་ཡིན་པས་ཐུག་མཐའ་མེད་པའི་བཀའ་དྲིན་དུ་གྱུར། དེ་ལས་རྒྱལ་པོས་ཀྱང་བསླབས་ཏེ། ཟ་མ་ཏོག་བཀོད་པ་ལ་སོགས་པ་བསྒྱུར། ཡི་གེ་དྲུགམདང། གཤིནརྗེའིགཤེད་དང་། ཆོས་སྐྱོང་ལྷ་མགོན་ལ་སོགས་པའི་ཆས་མང་དུ་བསྟན། རྣལ་འབྱོར་དུ་བྱ་བའི་གནས་ལ་སློབ་ཏུ་བཅུག་པས་གྲུབ་པ་ཐོབ་པའང་མང་དུ་བྱུང་། བོད་སྲིན་མོ་གན་རྐྱལ་གྱི་རྣམ་པར་ཡོད་པའི་ས་དགྲའི་གཉེན་པོར་མཐའ་འདུལ། ཡང་འདུལ། རུ་གནོན་གྱི་གཙུག་ལག་ཁང་རྣམས་བཏབ། ཐབས་དང་རྫུ་འཕྲུལ་གྱི་བཀོད་པ་འཇམ་ཀླས་པས་ཇོ་ཤཱཀྱ་རྣམ་གཉིས་དང་། ལོ་ཀེ་ཤྭ་ར་སྤྱན་དྲངས། ལྷ་ལྡན་སྤྲུལ་པའི་གཙུག་ལག་ཁང་རྟེན་དང་བརྟེན་པར་བཅས་པ་བཞེངས། མི་ཆོས་གཙང་མ་བཅུ་དྲུག་གི་ཆོས་ལུགས་ལེགས་པར་བཅས། རྒྱ་གར་བལ་པོ་རྒྱ་ནག་གསུམ་ནས་སློབ་དཔོན་སྤྱན་དྲངས། ཐོན་མི་ལོ་ཙྭ་བྱས་ནས་དམ་པའི་ཆོས་ཀྱང་འགའ་ཞིག་བསྒྱུར་ནས་བོད་མུན་པའི་གླིང་དཀར་པོར་བྱས་པ་ཡིན། དེ་ནས་རྒྱལ་རབས་༡༠༧ལྔ་ན་རྗེ་བཙུན་བརྟན་པའི་འཁོར་ལོ་དང་མིའི་རྫུ་འཕྲུལ་དང་རྣམ་པར་རོལ་པ་ལྷ་གཙན་པོ་ཁྲི་སྲོང་ལྡེའུ་བཙན་བྱོན། སྐུ་གཞོན་ནུའི་ཚ་ཞང་ཞེས་བྱ་བའི་བློན་པོ་ཆོས་ལ་མི་དགའ་བས་ལྷ་སའི་ཇོ་བོ་སྐྱོང་རོང་དུ་བསྐྱལ། གཙུག་ལག་ཁང་དུ་་བཤས་ར་བྱས། རྒྱལ་པོ་ཆོས་ལ་ཤིན་ཏུ་དད་པ་ལ་རེ་ཞིག་གཞན་དབང་གི་ཚར་མ་མི་བསྲུན་པས་བཏབ་པ་གང་འདི་ལྟར་གླང་པོ་ཆེ་ཆུང་ཀླུ་ཆེན་པོས་འཇུག་པར་བརྩོམ་པ་ན་ལང་ཚོའི་བ་གམ་ཆུའི་ཕང་པ་ན་ནུབ་པ་ལྟར་སྣང་ཡང་། རང་སྟོབས་ཀྱི་དཔུང་པ་བཙན་པོས་གདོན་མི་ཟ་བར་བདེ་བའི་གནས་བསྒྲུབ་པ་བཞིན་དུ། ཐུགས་བསྐྱེད་དང་སྨོན་ལམ་ཀྱིས་དམ་བཅའི་རི་མོ་བསུབ་ཏུ་མེད་པའི་མཐུ་མངོན་བདོ་བར་གྱུར་ཏེ། ཆོས་བློན་ཆེན་པོ་དང་འགོས་ཀྱི་བློ་གྲོས་སྡིག་ཅན་བསླུ་བའི་གཡོ་སྒྱུའི་ཆོམ་རྐུན་དུ་ཤར་ཏེ་མ་ཞང་སྟོད་ལུངས་སུ་གསོན་དུར་དུ་བཅུག །སློབ་དཔོན་ཧ་ཤང་གིས་ལུང་བསྟན་པ་ལྟར། དཔའ་གསལ་སྣང་མཁན་པོ་ཞི་བ་ཚོ་སྤྱན་འདྲེན་དུ་བཏང་། བདེ་བར་སོན་ནས་བསམ་ཡས་འོམ་བུ་ཚལ་དུ་མཇལ། མཁན་པོས་འོ་སྐོལ་གྱིས་འོད་སྲུང་གི་བསྟན་པ་ལ་བལ་པོའི་མཆོད་རྟེན་བྱ་རུང་ཁ་ཤོར་དུ། བོད་དུ་དམ་པའི་ཆོས་དར་བར་སྨོན་ལམ་བཏབ་པ་དེ་བསྙེལ་ཏམ་གསུངས་པས། བཙན་པོས་སྒོམ་ཡུན་ཐུང་བས་མ་འཚལ་ཞུས། དེར་མཁན་པོས་བྱིན་གྱིས་བརླབས་ཏེ། སྔོན་གནས་རྗེས་སུ་དྲན། བཙན་པོ་ལ་དགེ་བ་བཅུ་དང་ཁམས་བཅོ་བརྒྱད་ལ་སོགས་པའི་ཆོས་བཤད་པས་བོད་ཀྱི་ལྷ་སྲིན་རྣམས་ཁྲོས། ༡༠༨དམར་པོ་རི་ལ་ཐོག་རྒྱབ། འཕང་ཐང་གི་ཕོ་བྲང་ཆུས་ཁྱེར། ལོ་ཉེས་དང་རྩུབ་འགྱུར་ཆེན་པོ་བྱུང་བས། སྡིག་བློན་རྣམས་ཀྱིས་འདི་ཆོས་པས་ལན། ཨ་ཙ་ར་རང་ཡུལ་དུ་བཏད་དགོས་ཟེར། བཙན་པོས་མཁན་པོ་ལ་གསེར་མང་པོ་ཕུལ་ནས་ལོ་རྒྱུས་བསྙད་པས། བོད་ཀྱི་མི་མ་ཡིན་རྣམས་མངགས་པ་ཡིན། ཁོ་བོ་བལ་པོར་འགྲོ་ཨོ་རྒྱན་གྱི་སློབ་དཔོན་པདྨ་སམ་བྷ་ཝ་ཞེས་བྱ་བ་འཛམ་བུའི་གླིང་ན་ཆེ་བ་ཞིག་ཡོད། དེ་ངས་ཀྱང་སྤྱན་འདྲེན་དུ་གཏོང་། བཙན་པོ་རང་ཡང་དེ་བཞིན་འཚལ་གསུངས་པས་ཕོ་ཉ་ལྔ་རྫངས། སླར་སྣ་སྣམ་རྡོ་རྗེ་བདུད་འཇོམས་ལ་སོགས་པ་ལམ་དུ་སྟབས་མྱུར་པོས་མངགས་པ་སློབ་དཔོན་གྱིས་མཁྱེན་ནས། མང་ཡུལ་གུང་ཐང་དུ་ཡུད་ཙམ་ལ་ཕེབས་ནས་མཇལ། ཕྱག་རྟེན་གྱི་གསེར་རྣམས་ངའི་སྣང་བ་གསེར་དུ་ཡོད་གསུང་ནས་མངའ་རིས་ཕྱོགས་སུ་གཏོར། སླར་བོད་དུ་གསེར་གྱི་འདོད་པ་དགུ་འབྱུང་བའི་རྟེན་འབྲེལ་མཛད། མང་ཡུལ་གྱི་རི་བོ་དཔལ་འབར་ཕན་ཚུན་བརྗེས། ཉི་ཟླ་ཐང་ལ་ཕབ།ཆུ་བོ་གྱེན་ལ་བཟློག་པ་སོགས་རྗུ་འཕྲུལ་གྱི་བཀོད་པ་མཐའ་ཀླས་པ་བསྟན། ལམ་དུ་བསྟན་མ་བཅུ་གཉིས་དང་། གཉན་ཆེན་ཐང་ལྷ་ལ་སོགས་པས་མཐོ་འཚམ་པར་ནུས་མཐུའི་ཟིལ་འོག་ཏུ་སྤ་བཀོང་། སྟོད་ལུང་གཞོང་པ་ནས་ཕྱག་མཁར་གྱིས་སྒྲུབ་ཆུ་བཏོན། མངའ་བདག་རྒྱལ་པོས་བསུ་བར་དྲེགས་རློམ་གྱིས་ཀུན་ཏུ་རྟོག་པ་བག་ལ་ཉལ་བརྟན་པ་གཏིང་ནས་དཀྲོག་པར་མཛད་པའི་རྗེས་ཤུལ་ཀྱང་མངོན་སུམ་ཚད་མའོ། །དེ་༡༠༩ནས་རང་གི་ཡབ་མེས་ཨག་ཚོམས་ཀྱིས་བརྩིགས་པའི་ཕོ་བྲང་བྲག་དམར་མགྲིན་བཟང་དུ་སྤྱན་དྲངས་ནས་བཞུགས། རྒྱལ་པོ་ཡིད་ཆེད་དུ་བྱ་ཕྱིར་བྱིས་པ་ལ་རྒྱལ་ཆེན་རིགས་བཞི་པའི་ལྷ་ཞིག་ཕབ་པས། དེས་དམར་པོ་རི་ལ་ཐང་ལྷས་ཐོག་རྒྱབ། ཤམ་པོས་འཕང་ཐང་ཆུ་ལ་བསྒྱུར། ཞེས་སོགས་ལྷ་འདྲེ་འདིས་འདི་བྱས་ཐམས་ཅད་བཤད་པས། དཔལ་སངས་རྒྱས་གཉིས་པ་རྫུ་འཕྲུལ་གྱི་རྐང་པ་བཞི་ལ་མཆོག་ཐོས་པའི་རོལ་པ་རྣམ་པར་བཀོད་པའི་གཡུལ་ངོ་ནི་བཤམས། རྣམ་པར་ཐར་པའི་སྒོ་སྟོང་པ་ཉིད་ལ་སོགས་པའི་ཏི་ངེ་འཛིན་གྱི་ཆོས་འཕྲུལ་ཟད་མི་ཤེས་པའི་ནུས་མཐུས། གཞན་འཕྲུལ་དབང་བྱེད་ཀྱི་བདག་པོའི་བྱེད་ལས་སུ་གྱུར་པའི་ལྷ་སྲིན་གདུག་པ་ཅན་ཀྱི་གདུག་རྩུབ་ཀྱི་འཐོར་རླུང་ནི་མནན། ང་རྒྱལ་གྱི་བྲག་རི་ནི་བཤེག །ཕྲག་དོག་གི་མེ་ལྕེ་ནི་བསྙིལ། སྲོག་གི་སྙིང་པོ་བླངས་ཏེ་བརྟན་པ་དང་བྲལ་བར་བྱས་པས། གངས་རིའི་ཁྲོད་ནག་ཕྱོགས་ཀྱི་ལྷ་སྲིན་གདུག་པའི་ཚང་ཚིང་འཁྲིགས་པའི་གནས་སུའང་། རྒྱལ་བའི་བསྟན་པ་དཀར་འཇམ་དུ་བརྡལ་བ་འདི་ཉིད་གཅིག་པུའི་མཐུར་ཤེས་པར་བྱའོ། །དེར་ཇོ་བོ་མང་ཡུལ་ནས་སྤྱན་དྲངས། མཁན་པོ་ཡང་སླར་སྤྱོན་པར་བྱས། སློབ་དཔོན་ཆེན་པོས་དཔལ་གྱི་མགུར་ལས་དྲེགས་པ་ཟིལ་གནོན་གྱི་ཐ་ཚིག་དང་། ནམ་མཁའ་ལ་རྡོ་རྗེའི་གར་འགྲོས་ཀྱིས་གཞི་བྱིན་གྱི་བརླབས། མཁན་པོའི་གསུང་བཞིན་ཨོ་ཏརྙཔུ་རིའི་གཙུག་ལག་ཁང་ལ་དཔེ་བྱས། སློབ་དཔོན་ཆེན་པོས་དྲེགས་པ་ཅན་ཐམས་ཅད་ཀྱང་ལས་ལ་བཀོལ་བས་ཉིན་མི་ཡི་བརྩེགས་པ་བས་མཚན་མི་མ་ཡིན་པས་བརྩེག་པ་མཐོ་བར་བྱུང་སྟེ་ཆོས་འཁོར་དཔལ་གྱི་བསམ་ཡས་རྒྱ་ཁྱོན་འདི་ཙམ་ལོ་ལ་གྲུབ། མཁན་སློབ་གཉིས་ཀྱིས་རབ་ཏུ་གནས་པས་དབུ་རྩེའི་ལྷ་རྣམས་ཕྱིར་རོལ་དུ་བྱོན། སློབ་དཔོན་གྱིས་བཙན་པོ་ལ་རྟ་མགྲིན་གནང་བ་ཡང་གྲུབ་སྟེ་འཛམ་བུའི་གླིང་དུ་གྲགས་པའི་རྟ་སྐད་ཐོན། སྦ་བཞེན་དུ་འདི་དག་གསལ་བར་མ་བྲིས་པས་དེ་ལ་ཁུངས་སུ་འཆོལ་བ་དག་ཀྱང་དེ་ལྟ་མོད། བསམ་ཡས་ཞིག་གསོ་་སྔ་ཕྱི་ཐ་དད་དུ་གྱང་གསེབ་ལས་མི་མ་ཡིན་གྱི་རྗེས་ཁྲུ་གང་པ་ལ་སོགས་ཆེ་ཆུང་མ་ངེས་པ་མང་པོ་ཀུན་གྱི་མཐུན་གྲུབ་ཏུ་ཐོན་པས་ཐང་ཡིག་ལ་སོ་གས་པ་འོ་་རྒྱུས་བྱེ་བྲག་པ་ལ་ངེས་པ་ལྷག་པར་དུ་རྙེད་པའི་སྐབས་བྱུང་བ་ཡིན། དེ་ནས་ཐམས་ཅད་ཡོད་སྨྲའི་སྡེའི་ལུགས་སུ་སད་མི་བདུན་རབ་ཏུ་བྱུང་སྟེ་དམ་པའི་ཆོས་འདུལ་བའི་གཞི་གཏིང་། རྒྱ་གར་གྱི་པརྙི་ཏ་ཆེན་པོ་བི་མ་ལ་མི་ཏྲ་དང་། སངས་རྒྱས་གསང་བ་དང་། རྣམ་དག་སེརྙེ་ལ་སོགས་པ་དང་། བད་ཀྱི་འོ་་ཙྭ་བ་པ་གོ་ར་བི་རོ་དང་། རྨ་རིན་ཆེན་མཆོག་དང་། གཉགས་ཙྭ་ན་ཀུ་མ་ར་དང་། ཀ་ཅོག་ཞང་གསུམ་ལ་སོགས་པའི་འོ་་ཙྭ་བ་བརྒྱ་ཕྲག་བཅུར་འོ་ངས་པ་ཙམ་གྱིས་སྡེ་སྣོ་ད་གསུམ་དང་། རྒྱུད་སྡེ་དྲུག་གམ་བཞིའི་ངེས་པ་ཅན། དེ་དག་གི་དགོ་ངས་འགྲེལ་དང་བཅས་པའི་ཆོས་མང་པོ་བསྒྲུར་ཞིང་། ཤེས་རབ་རྣམ་པ་གསུམ་གྱིས་གཏན་ལ་ཕབ། སློབ་དཔོན་ཆེན་པོས་བསམ་ཡས་མཆིམ་ཕུར་སྒྲུབ་སྡེ་ཆེན་པོ་བརྒྱད་ལ་སོ་གས་ཏེ་རྡོ་རྗེ་ཐེག་པའི་རྒྱུ་དང་སྒྲུབ་ཐབས་མང་དུ་བསྒྱུར་ཞིང་བསྟན་ནས་རྗེ་འབངས་ཉེར་ལྔར་གྲགས་པས་མཚོན་ལས་ཅན་གྱི་སྐྱེས་བུ་རྣམས་རྗེས་སུ་བཟུང་། ཡེར་པ་དང་མཆིམས་ཕུར་སྒོམ་གྲྭ་གཙུགས་པས་ནམ་མཁའི་ལམ་ལ་གྱ་གྱུར་་གྲོ་་བ་མང་པོ་བྱུང་། དེ་དུས་ཀྱི་བ་༡ན་པ་དར་བ་ལྟ་བུ་རྒྱ་གར་དུའང་མ་བྱུང་ཞེས་ཇོ་བོ་དེ་པེ་ཀ་ར་གསུངས། ཁྲི་སྲོང་གི་སྲས་ས་དན་ལེགས་མཇིང་ཡོན་ཏན་ཏེ་མུ་ཏིག་བཙན་པོས་ཡབ་མེས་ཀྱི་གཙུག་ལག་ཁང་དང་། ལོ་པཎ་ཐམས་ཅད་ལ་བསྟི་སྟང་ཕུལ་དུ་ཕྱིན་པ་མཛད། རྒྱལ་སྡེ་སྐར་ཆུང་རྡོ་རྗེ་དབྱིངས་ཀྱི་ལྷ་ཁང་བཞེངས། སྔར་མ་འགྱུར་བའི་གསུང་རབ་ཀྱང་ཐོགས་ཞིག་བསྒྱུར། བོད་འབངས་ཀུན་བདེ་སྐྱིད་ཀྱི་གྲིབ་བསིལ་ལ་ངལ་གསོ་བའི་དབུགས་འབྱིན་ཆེན་པོ་མཛད། ཨུ་རྒྱན་སངས་རྒྱས་གཉིས་པ་ལ་མི་ཕྱེད་པའི་དད་པ་དང་ལྡན་པས་ཟབ་རྒྱས་ཀྱི་གདམས་པ་མང་པོས་རྗེས་སུ་བཟུང་ཞིང་གུང་ཐང་ལ་ཁར་གཤེགས་སྐྱེལ་མཛད་པ་ལ་སོགས་པའི་ཞལ་ཆེམས་ཡིག་གེ་ཀྱང་སྣང་། དེའི་སྲས། གཙང་མ། ལྟ་རྗེ། ལྷུན་གྲུབ། དར་མ། རལ་པ་ཅན་དང་ལྔ་ལས། འཕགས་ཆེན་ལག་ན་རྡོ་རྗེའི་སྒྱུ་འཕྲུལ་རྣམ་པར་རོལ་པ་ཁྲི་རལ་པ་ཅན་གྱིས་རྒྱལ་སྲིད་བཟུང་། རྒྱ་བལ་གྱི་པརྙི་ཏ་མང་པོའང་སྤྱན་དྲངས། ཉི་འོག་གི་མཁན་པོ་ཛི་ན་མི་ཏྲ་ལ་སོགས་པ་དང་། ལོ་ཙྭ་བ་ཀ་ཅོག་སོགས་གདན་འཛོམས་པར་བྱས། སྔར་ཡབ་མེས་ཀྱི་དུས་བསྒྱུར་བའི་ཆོས། མྱོན།བལ་ཡུལ། རྒྱ་ནག་སོགས་སྐད་དུ་མ་ལ་བརྟེན་ནས་བསྒྱུར་བས། བོད་སྐད་ལ་འཇུག་དཀའ་བ་རང་སོར་བཞག་པ་རྣམས་ཡུལ་དབུས་འགྱུར་འཆང་གི་རྒྱ་དཔེ་དང་བསྟུན་ནས་སྐད་གསར་བཅད་ཀྱིས་གཏན་ལ་ཕབ།ཡབ་མེས་ཀྱི་གཙུག་ལག་ཁང་ལ་བསྙེན་བཀུར་དང་། བཤད་བསྒྲུབ་ཀྱི་སྲོལ་ཤིན་ཏུ་དར། འོན་ཅང་རྡོའི་ལྷ་ཁང་། རྨང་ཐོག་གསུམ་རྡོ་བ། བར་ཐོག་གསུམ་སོ་ཕག །སྟེང་ཐོག་གསུམ་ཤིང་ལས་གྲུབ་པ། ཐོག་རེ་རེ་བཞིན་བྱ་འདབ་དང་སྒོ་དང་། ཕ་གུ་ལ་སོགས་ཀྱིས་རྣམ་པར་མཛས་ཤིང་། སྟེང་གི་རྒྱ་ཕུབས་རླུང་གི་འཁྲུལ་འཁོར་ལས་གདུགས་པ་ལྟར་བསྐྱོད་པ་ལ་སོགས་པའི་ངོ་མཚར་གྱི་བཀོད་པ་མིག་འཕྲུལ་གྱི་དཔེ་ཟླར་བྱས་པ་བཞེངས། བསྟན་པ་ལ་ཤིན་ཏུ་གུས་པས་དགེ་འདུན་རེ་ལ་འབངས་མི་ཁྱིམ་བདུན་བདུན་ཕུལ་བ་སོགས་མདོར་ན་བསྟན་པའི་རྩ་ལག་ཆེན་པོ། །ཆོས་རྒྱལ་མེས་དཔོན་རྣམ་གསུམ་ཞེས་གྲགས་པའི་བ་དན་དཀར་པོས་སྲིད་རྩེའི་བསམ་གཏན་བདག་ཀྱང་ཚོར་བ་ལ་སོགས་པའི་ཉེ་བར་ལེན་པ་དྲིའི་བཞོན་པ་ཅན་དང་འགྲོགས་སུ་བཅུག་ནས་དད་པ་དང་རྗེས་སུ་ཡི་རང་བའི་རྣམ་རྟོག་གི་འདུ་འགོད་རྒྱ་ཆེན་པོ་ལ་འགོད་པར་ནུས་པའི་འཕྲིན་ལས་ཅན། ཐུགས་བསྐྱེད་ཀྱི་རྩ་བ་བརླིང་བ། སྙིང་རྗེའི་བ་གམ་བརྗིད་པ། དད་པའི་གཏེར་མརྫོད་ཕྱུག་པ། སྙིང་སྟོབས་ཀྱི་གྲྭ་ཟུར་རྣོ་བ། གཞན་ཕན་གྱི་ཁྱད་ནོར་འཛོམ་པ། སྨོན་ལམ་གྱི་སྲོག་ཤིང་བརྟན་པ། འཕྲིན་ལས་ཀྱི་ལོ་འདབ་རྒྱས་པ། ཕན་བདེའི་གྲིབ་བསིལ་མང་བ། ཉོན་མོངས་གི་ཚ་གདུང་ལས་སྐྱོབ་པ། ཐར་པ་དང་ཐམས་ཅད་མཁྱེན་པའི་འབབ་སྟེགས་ལ་བདག་ཅག་གངས་ཅན་པ་རྣམས་གཞོལ་བར་བྱེད།༄༅ འབབ་པར་བྱེད་པའི་བདག་ཉིད་ཆེན་པོ་འདི་དག་གི་བཀའ་དྲིན་ལ་རྣམ་པ་ཐམས་ཅད་ནས་བསམ་ཤིང་། དེ་དག་གིས་བསྟན་པའི་སྲོག་ཤིང་གཅིག་ཏུ་བཀུར་པའི་ཆོས་དང་གང་ཟག་གི་གནས་ཆུད་གཟོན་པའི་ཀུན་སློང་གི་དོན་ཆེན་པོ་དང་མ་འགྲོགས་པའི་སྐྱེས་བུ་དམ་པ་རྣམས་ལའང་ཕྱག་བྱ་བར་འོས་སོ། །དེ་ལྟར་དགུ་ཀུན་གྱི་ཕན་བདེའི་སྐྱེད་མོས་ཚལ། ལོག་པའི་སྨོན་ལམ་གྱིས་རྣམ་པར་རྫི་བའི་སྤྱིན་གྱི་དུམ་བུ་གླང་དར་མ་འུ་དུམ་བཙན་རྗེ་བླན་གྱི་སྙིང་ལ་ཡིད་ཀྱི་སྲུབ་ཤིང་དྲག་པོས་རབ་ཏུ་སྲུབ་ནས། མངའ་བདག་རལ་པ་ཅན་བཀྲོངས། ལོ་པཎ་འདུ་བའི་པད་ཚལ་བཤིག །རབ་བྱུང་རྣམས་རྟགས་དང་ཕྲལ། ལ་ལ་རྔོན་པར་བཙུད། གསུང་རབ་ཕལ་ཆེར་ལྷ་སའི་བྲག་ལ་སྦས། འགའ་ཞིག་མེ་དང་ཆུར་སྦྱངས། ཇོ་ཤཀ་རྣམ་གཉིས་ཀྱང་ཆུ་ལ་སྒྱུར་བའི་གཏམ་ཆོས་བློན་རྣམས་ཀྱི་རྣ་བར་གཟོན་པར་གྱུར་ཏེ། སྐུ་གཟུགས་ཀྱི་ལྕིད་ལ་བསྙད་ནས་བྱེ་སྟོང་དུ་སྦས། ལྷ་ས། བསམ་ཡས། ར་མོ་ཆེ་རྣམས་ཀྱི་གཙུག་ལག་ཁང་གི་སྒོར་ཞལ་བ་བྱས་པ་ལ་རྒྱལ་པོ་མགུ་བའི་སླད་དུ་བཙུན་པ་ཆང་འཐུང་བའི་ཆ་བྱད་བྲིས། རྒྱལ་བའི་བསྟན་པ་རིན་ཆེན་ལོ་ཏོག་ལ་སེར་བས་བྱ་བ་བཞིན་དུ་བསྣུབས་སོ། །དེ་ལྟ་ནའང་རལ་བའི་ཐུགས་རྗེའི་རོལ་པ་ནི་ཟད་མི་ཤེས་པས་དཔལ་ཅོ།་རྒྱན་སངས་རྒྱས་གཉིས་པའི་དངོས་སློབ། རི་བྲག་ལ་ཐོགས་རེག་སྤངས་པའི་རྣལ་འེབྱོར་གྱི་དབང་ཕྱུག་ཆེན་པོ། །གསང་བའི་བདག་པོ་ལག་ན་རྡོ་རྗེའི་ཡེ་ཤེས་སྒྱུ་མའི་རོལ་པ་ལྷ་ལུང་དཔལ་གྱི་རྡོ་རྗེས་ཞུ་སྲིན་རྒྱ་མཚན་གྱི་དཔུང་པ་བླ་ན་མཐོ་བའི་རྒྱལ་པོ་སྡིག་ཅན་གྱི་སྙིང་ལྕགས་མདས་རྣམ་པར་བཀས་པས། མདའ་ལ་འཇུ་ཞིང་། ཡང་ན་ལོ་གསུམ་གྱི་སྔས། ཡང་ན་ལོ་གསུམ་གྱི་ཕྱིས་ཞེས་པའི་ཀུ་ཅོ་དྲག་པོ་འདོན་བཞིན་དུ་དམྱལ་བ་མནར་མེད་པའི་གྲོང་ཁྱེར་ཆེན་པོར་ཆས་སོ། །སྐབས་འདིར་འགོས་ལོ་ཆེན་པོའི་དེབ་གཏེར་དུ།བསྟན་པ་སྣུབས་རྗེས་བོད་ཀྱི་ཁྱིམ་པ་རྣམས་ཀྱིས་ཀྱང་དཀོན་མཆོག་གསུམ་ལ་གུས་པར་བྱས་པས། ལྷ་ས་དང་བསམ་ཡས་ལ་སོགས་པའི་གཙུག་ལག་ཁང་རྣམས་མ་ཞིག ཁྱིམ་དང་རི་སུལ་ན་གནས་པའི་སྔགས་པ་རྟེན་སྐྱ་བོར་གྱུར་ང།་དེ་དག་གིས་ཀྱང་རང་ཉིད་ཀྱི་བསྒྲུབ་པ་ཚུལ་བཞིན་དུ་ཉམས་སུ་བླངས། བསྟན་པ་སྤྱི་ལ་ཡང་གུས་པར་བྱས་པས་མངའ་བདག་རལ་པ་ཅན་ཡན་ཆོད་དུ་གྱུར་པའི་བཀའ་དང་བསྟན་བཅོས་ཀྱི་པོ་ཏི་རྣམས་ལེགས་པར་བསྲུངས་པས། སྔོན་འགྱུར་པ་ཕལ་ཆེར་ད་ལྟ་ལོངས་སྤྱོད་དུ་ཡོད་པ་འདི་ཡིན་ལ་ཞེས་གསུངས། རིང་མིན་སྲས་འོད་སྲུང་དང་། ཡུམ་ལྡན་ཆེར་སོན་ནས་ཇོ་བོ་རྣམ་གཉིས་ཁྲི་ལ་བཞུགས་སུ་བཅུག །གཙུག་ལག་ཁང་ལ་ཡང་སྲི་ཞུ་མཛད་མོད་དེ། གླང་དར་གྱི་བསོད་ནམས་མ་ཡིན་པ་བྱེད་པས་མངའ་རིས་བགོ་བཤར་སོང་། བོད་ཀྱི་རྗེའི་གདུང་གིས་བོད་ཁམས་ལ་དབང་བསྒྱུར་བའི་རྟེན་འབྲེལ་གཞན་དུ་གྱུར་ཏོ། །རེ་ཞིག་ན་པརྙི་ཏ་སྨྲི་ཏི་དང་། ཕྲ་ལ་རིང་བ་བོད་དུ་བྱོན། སྤྱན་འདྲེན་པ་པོའི་ལོ་ཙྭ་བ་སླེ་རུ་རྩེ་བྱ་བ་འདས་པས་པརྙི་ཏ་གཉིས་ཡུལ་རིང་པོར་འཁྱམས། སྨྲི་ཏིས་རྟ་ནག་ཏུ་རྫི་བོ་མཛད། མཐར་གཉིས་ཀས་ཁམས་ལ་བྱོན་ཏེ་སྨྲི་ཏི་སྨྲ་བའི་སྒོ་མཚོན་ཆར་གྲགས་པའི་བསྟན་བཅོས་ཀྱང་མཛད་དོ། །དེ་ནས་བསྟན་པ་ཕྱི་དར་བྱུང་སྟེ། དར་མས་བསྟན་པ་ལ་སྣུབས་དུས་དཔལ་ཆུ་བོ་རིའི་སྒོམ་གྲྭ་ན་སྨྲ་ཤཱཀྱ་དང་།གཡོ་དགེ་བྱུང་དང་། གཙང་རས་གསལ་གསུམ་གྱི་བཙུན་པ་རི་དགས་འདེད་པ་གཟིགས་པས། བསྟན་པ་བསྣུབས་པའི་ཚུལ་མཁྱེན་ནས་ཉིན་པར་ཡིབ་ཅིང་། མཚན་མོ་བཤུལ་དུ་ཞུགས་ནས་མངའ་རིས་སུ་བྲོས།དེར་ཡང་བཞུགས་པ་མ་ནུས་ནས་བྱང་ལམ་བརྒྱུད། མདོ་སྨད་སྲོ་གུ་ལུང་དུ་བརྟོལ། སྨོན་ལམ་གྱི་མཐུ་ཚད་མེད་པའི་བླ་ཆེན་དགེ་བ་རབ་གསལ་རབ་ཏུའང་བྱུང་བའི་མཁན་སློབ་གསུམ་པོས་མཛད་པ་ལས་བསྟན་པའི་མེ་རཔ་མདོ་སྨད་ནས་སླང་། དེ་བཞིན་དུ་སྟོན་ནས་བཱ་ལའི་མཐའ་ཅན་རྣམ་པ་གསུམ་ལས་རིམ་པར་གསོས། དེའི་ཕྱི་ན་འཕགས་པའི་ཡུལ་འབི་ཀྲ་མ་ལ་ཤི་ལའི་གཙུག་ལག་ཁང་གི་པརྙི་ཏ་རྒྱལ་མཚོའི་གཙུག་རྒྱན་ཇོ་བོ་དི་པ༷་ཀ་ར་དང་། མ་བྱོན་སངས་རྒྱས་གསུམ་པར་གྲགས་པ་ཁ་ཆེའི་པརྙི་ར་ཤཱཀྱ་ཤི་ལ་སོགས་པ་ལྗོངས་འདིར་བྱོན་ནས་དམ་པའི་ཆོས་འདུལ་བའི་སྡེ་སྣོད་གཙོ་བོར་གྱུར་པའི་བསྟན་པ་རིན་པོ་ཆེའི་ལྗོན་ཤིང་ཡལ་ག་མང་པོར་བརྐྱང་ངོ་། དེ་བཞིན་དུ་རྡོ་རྗེ་ཐེག་པའི་གནས་ལའང་མཁས་པ་དང་གྲུབ་པ་བརྙེས་པའི་སྐྱེས་བུ་དམ་པ་མང་དུ་བྱོན་པ་ཀུན་ཀྱང་དེ་བཞིན་གཤེགས་པའི་འཕྲིན་ལས་ཀྱི་རོལ་པ་ཟད་མི་ཤེས་པའི་མཐུ་ལས་བྱུང་བ། བསྟན་པའི་ལམ་སྲོལ་ལ་ཡང་དག་པར་ཞུགས་པ། དངོས་དང་བརྒྱུད་ནས་སེམས་ཅན་ལ་ཕན་པ་རྒྱ་ཆེན་པོ་དང་། ཐར་པ་དང་ཐམས་ཅད་མཁྱེན་པའི་ལམ་ལ་བདེ་བླག་ཏུ་དཀྲི་བའི་ས་མཁན་འབའ་ཞིག་ཏུ་གྱུར་པའོ། །དེ་བཞིན་གཤེགས་པས་ལེགས་པར་གསུངས་པའི་གསུང་རབ་རྒྱ་མཚོའི་སྙིང་པོར་གྱུར་པ་རིག་པ་འཛིན་པའི་སྡེ་སྣོད་དམ། སྔ་འགྱུར་རྒྱུད་འབུམ་རིན་པོ་ཆེའི་རྟོགས་པ་བརྗོད་པ་འཛམ་གླིང་མཐའ་གྲུ་ཁྱབ་པའི་རྒྱན་ཞེས་བྱ་བ་ལས། གངས་རིའི་ཁྲོད་དུ་རྒྱལ་བསྟན་ཇི་ལྟ་བྱོན་པའི་རྣམ་གཞག་མདོ་ཙམ་བརྗོད་པའི་རབ་ཏུ་བྱེད་པ་སྟེ་གསུམ་པའོ།། །། སྤྱི་དོན་བཞི་པ་ད་ནི་དེ་ལས་ལྷ་བཙན་པོ་ཁྲི་སྲོང་ལྡེ་བཙན་གྱི་དུས་ན་སྤྲུལ་པའི་ལོ་པཎ་ཆེན་པོ་རྣམས་ཀྱིས་བསྒྱུར་ཞིང་དར་བའི་གསང་སྔགས་སྔ་འགྱུར་གྱི་མཚན་ཉིད་གང་ཡིན་བཤད་ནས། དེའི་བསྟན་པ་ལ་བྱ་བ་བྱས་ཤིང་རྡོ་རྗེའི་ལམ་ལས་དངོས་གྲུབ་བརྙེས་པའི་སྐྱེས་བུ་དམ་པ་རྣམས་ཀྱི་རྟོགས་པ་བརྗོད་པར་བྱ་སྟེ། དེ་ལ་སྟོན་པ་མྱ་ངན་ལས་འདའ་ཁར། ང་ཡོངས་སུ་མྱ་ངན་ལས་འདས་ནས་འདུལ་བ་ལ་སྣང་། མདོ་སྡེ་ལ་འཇུག །ཆོས་ཉིད་དང་མི་འགལ་ན་བཀའ་ཡིན་པར་བཟུང་ཞེས་གསུངས་པ་ལྟར། བསྐྱེད་པ་མཧྭ་ཡོ་ག་ཏནྟྲ་སྡེ་བཅོ་བརྒྱད་ལ་སོགས་པའི་བསྐྱེད་རྫོགས་ཟབ་མོས་རང་རྒྱུད་ཀྱི་ཉོན་མོངས་པ་མ་སྤངས་གནས་དག་ཏུ་འདུལ་བས་རྡོ་རྗེ་ཐེག་པའི་འདུལ་བ་ལ་སྣང་། ལུང་ཨ་ནུ་ཡོ་༡༡༧ག་གསང་ཆེན་དགོངས་པ་འདུས་པ་ལ་སོགས་པས་སེམས་ཀྱི་བསླབ་པའི་མཚན་ཉིད་ཟབ་མོ་ཕུང་ཁམས་སྐྱེ་མཆེད་དབྱིངས་ནས་སངས་རྒྱས་པར་སྟོན་པས་གསང་བ་སྔགས་ཀྱི་མདོ་སྡེ་ལ་འཇུག །མན་ངག་རྫོགས་པ་ཆེན་པོ་ངོ་བོ་ལ་སྐྱེ་འགག་མེད། རང་བཞིན་རྟག་ཆད་བྲལ། མཚན་ཉིད་རྣམ་པ་ཐམས་ཅད་མཁྱེན་པའི་ཆོས་ཉིད་དང་མི་འགལ་ཞིང་ཡེ་ཤེས་ཐུགས་ཕྲད་དུ་སྟོན་པ་མདོ་སྒྱུ་སེམས་གསུམ་གྱི་ངོ་བོར་གནས་པ་སྟེ། གང་གི་ཚེ་བདག་ཅག་གི་སྟོན་པ་འདི་དང་པོའི་སངས་རྒྱས་ཀུན་ཏུ་བཟང་པོའི་མཚན་གྱི་སྙན་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ཤིང་། ཆོས་ཉིད་འོད་གསལ་གྱི་ཞིང་ཁམས་གང་དུ་སྒྲིབ་པ་མཐར་དག་སྤངས་པའི་ཡོན་ཏན་གྱི་བཀོད་པ་ཟད་མི་ཤེས་པའི་འོག་མིན་ཡེ་ཤེས་རོལ་པའི་རྒྱན་ཉིད་དུ་བཞུགས་ནས། རྡོ་རྗེ་འཆང་རྒྱ་མཚོའི་སྐུ་གསུང་ཐུགས་མི་ཟད་པ་རྒྱན་གྱི་འཁོར་འོའི་རོལ་པ་བསམ་གྱིས་མི་ཁྱབ་པའི་མངའ་ཐང་ཆེན་པོས་ཆོས་ཀྱི་སྒྲོན་མ་རྣམ་པར་བཀོད་དེ། དུས་བཞི་མཉམ་པ་ཉིད་དེ་སྲིད་དུ་སོ་སོའི་སྐལ་པ་ཇི་ལྟ་བ་བཞིན་དུ་བྱང་ཆུབ་གསུམ་གྱི་ལས་དང་འབྲས་བུར་དགོད་པའི་འཕྲིན་ལས་ལྷུན་ལྷུན་གྱི་གྲུབ་པ་ནི་འདི་ལྟ་སྟེ། སྐུ་གསུམ་རང་རང་ལ་མཚན་ཉིད་གསུམ་གྱིས། ཆོས་སྐུའི་སྟོན་པ་དཔལ་ཀུན་ཏུ་ཟང་པོ། །ཆོས་རང་བཞིན་རྫོགས་པ་ཆེན་པོ། །འཁོར་ཡེ་ཤེས་རྒྱ་མཚོ། དུས་བསམ་གྱིས་མི་ཁྱབ་པ། གནས་ཆོས་ཉིད་དོན་གྱི་འོག་མིན་ནོ། །ལོངས་སྤྱོད་རྫོགས་པ་སྐུའི་སྟོན་པ་རིགས་ལྔའི་སངས་རྒྱས། ཆོས་གསང་སྔགས་ཕྱི་ནང་། འཁོར་གསང་བའི་བདག་པོ་དང་འཇམ་དཔལ་རྣོན་པོ་ལ་སོགས་དབང་པོ་ཡུལ་སྣང་དག་པ་འབྲས་བུའི་སེམས་དཔའ། དུས་འཕོ་རྒྱུར་མེད་པ། གནས་རང་སྣང་སྟུག་པོ་བཀོད་པའི་ཞིང་ཁམས་སོ། །སྤྲུལ་པ་སྐུའི་སྟོན་པ་རྡོ་རྗེ་འཆང་དང་ཐུབ་པ་དྲུག ཆོས་ཐེག་པ་ཆེ་ཆུང་།འཁོར་སར་གནས་དང་། སོ་སོའི་སྐྱེས་བོ་དང་། མཁའ་འགྲོ་དང་། རིག་པ་འཛིན་པ་ལ་སོགས་ཐ་དད་པའི་ཚོགས། དུས་འདས་དང་མ་འོངས་ད་ལྟར་མ་ངེས་པའོ། །གནས་ལྷ་གནས་ཀྱི་འོག་མིན་དང་། དུར་ཁྲོད་ཆེན་པོ་དང་།རྡོ་རྗེ་བཙུན་མོའི་བྷ་ག་ལ་སོགས་ཏེ་གསང་བ་ཆེན་པོའི་འོག་མིན། འགྲོ་བ་དྲུག་སོ་སོའི་གནས་རིགས་ཐ་དད་པའོ། །དེ་དག་ཀྱང་ཐེག་པའི་རྣམ་གྲངས་སུ་བསྡུ་པའི་སྒོ་ནས། ཀུན་འབྱུང་འདྲེན་པའི་ཐེག་པ་དང་། དཀའ་ཐུབ་རིག་བྱེད་ཐེག་པ་དང་། དབང་བསྒྱུར་ཐབས་ཀྱི་ཐེག་པའོ། །ཞེས་སྡེ་སྣོད་གསུམ། ནང་རྒྱུད་ཡོ་ག་གསུམ་སྟེ་རིམ་པ་དགུར་རྫོགས་པ་ཉིད་དུ་བསྟན་པའང་། དཔུང་བཟང་གིས་ཞུས་པར། བྱེ་བ་ཕྲག་གསུམ་དང་ནི་འབུམ་ཕྲ་་ལྔ། །རིག་འཛིན་སྡེ་སྣོད་དུ་ནི་རྒྱལ་བས་གསུང་། །ཞེས་པས་སྤྱི་བཏང་དམན་པ་གསུམ་གྱི་ཐེག་སྤྱི་གཞིར་གྱུར་པས་སྡེ་སྣོད་བཞི་པའམ། དམིགས་བསལ་རིག་འཛིན་སྡེ་སྣོད་ཉག་གཅིག་ཏུ་བསྟན་པ་ཡིན་ནོ། །མདོར་བསྡུ་ན། བསྐལ་པ་དཔག་ཏུ་མེད་པ་ནས་ད་ལྟའི་བར་དུ་ཀུན་ཏུ་བཟང་པོ། རྡོ་རྗེ་འཆང་། རྡོ་རྗེ་སེམས་དཔའ་ཞེས་བྱ་བ་གདོད་མའི་མགོན་པོས་གསུངས་པ་ཐམས་ཅདདུས་གང་དུ་འཁོར་གྱི་མཁའ་འགྲོ་དང་། གྲུབ་པ་མཆོག་དང་། རྡོ་རྗེ་ཆོས་ལ་སོགས་པས་ལེགས་པར་བསྡུས་ཤིང་། ཚ་ལ་དབང་བའི་མཁའ་འགྲོ་མ་གྲུབ་པ་ཅན་དག་གིས། ལྷ་དང་། ཀླུ་དང་། གནོད་སྦྱིན་དང་། དྲི་ཟའི་ཡུལ་ལ་སོགས་པ་ནས། འཛམ་བུའི་གླིང་གིའང་ཡོ།་རྒྱན་དང་། ཟ་ཧོར་གྱི་གནས། ཤསྦྱུ་ལ་དང་། སིདྷ་ལ། ལདྷའི་ཡུལ་གྱི་མ་ལ་ཡ་གནམ་ལྕགས་འབར་བའི་རྩེ། འོག་མིན་དང་དགའ་ལྡན་དང་རི་རབ་ཀྱི་རྩེ་སྟེ་ལྷ་གནས་གསུམ་དུ་གྲགས་པ་ལ་སོགས་པར་མཁའ་འགྲོ་མས་བཟུང་ནས་བཞུགས་པ་དག །སློབ་དཔོན་ཆེན་པོ་པདྨ་དང་། ཀླུ་སྒྲུབ་དང་། དགའ་རབ་དང་། བི་མ་ལ་ལ་སོགས་པས་ཡེ་ཤེས་དང་། རྫུ་འཕྲུལ་ཀྱི་སྤྱོད་ཡུལ་ཁོ་ནས་སྤྱན་དྲངས་ཏེ་འཕགས་པའི་ཡུའ།་དང་། བོད་ཡུལ་དུ་དར་ཞིང་དེ་ལས་གྲུབ་པ་ཐོབ་པ་མང་པོ་བྱུང་བ་ཡིན་ནོ། །བློ་གྲོས་མཐུ་ཆུང་བ་དག ཁྲཀྱ་ཐུབ་པ་ཉིད་ནང་ལྟར་རྡོ་རྗེ་འཆང་དུ་བཞེངས་ནས་ཚ་ལོ་བརྒྱ་པའི་གནས་སྐབས་ན་གསུངས་པ་འགའ་ཞིག་ཡུལ་དུས་དེའི་རིག་པ་འཛིན་པ་དག་ལ་གྲགས་ཆེ་བ་ཙམ་གཏན་ཚིགས་སུ་བཟུང་ནས། དེ་ལས་གཞན་པའི་རྒྱུད་མོ་རྒྱུད་དོ་སྙམ་པ་ནི་འཕགས་པའི་བློ་གྲོས་ཀྱི་ཕྱོགས་ཙམ་མ་ཉེ་བའི་འདོད་པ་བྱིན་ཡིན་ཏེ། རྫོགས་ལྡན་དང་པོ་བྱ་བའི་རྒྱུད། །ཅེས་དང་། འཇམ་དཔལ་སྒྱུ་འཕྲུལ་ལས། འདས་པའི་སངས་རྒྱས་རྣམས་ཀྱིས་གསུངས། །མ་འོངས་༡༢༠རྣམས་ཀྱང་གསུང་འགྱུར་ལ། །ཞེས་དང་། ཡེ་ཤེས་རོལ་པའི་རྒྱུད་ལས། ཐོག་མའི་རྡོ་རྗེ་འཆང་བ་ངས། །བསྐལ་པ་ཀུན་གྱི་སྔོན་རོལ་ནས། །ཕྱི་མའི་མུ་མཐར་ཐུག་གྱུར་པ། །དེ་སྲིད་བླ་མེད་གསང་བའི་ཆོས། །རྨད་བྱུང་རྒྱལ་པོ་འགྲོ་བ་ལ། །གསུངས་སོ་གསུང་ངོ་གསུང་བར་གྱུར། །ཞེས་པའི་རང་བཞིན་ལ་རྨོངས་པའོ། །དེ་ལས་སྔགས་གསར་མའི་བརྡའ་ཆད་ནི། བཅོམ་ལྡན་འདས་ཀྱི་རི་རབ་ཀྱི་ཟོམ། ཡོ།་རྒྱན་གྱི་གནས། དཔལ་ལྡན་འབྲས་སྤུངས།རི་བོ་བྱ་རྐང་ཅན། འོག་མིན་ལ་སོགས་པར་ཆགས་བྲལ་དང་། ལོངས་སྤྱོད་རྫོགས་པའི་རྣམ་པ་ཅི་རིགས་པས་གསུངས་པ་དག་སྟེ། རྒྱུད་སྡེ་བཞིའམ། སྔར་ཡང་གྲགས་པ་བྱམས་པ་ལ་སོགས་པའི་བྱང་ཆུབ་སེམས་དཔའ་དང་། མཁའ་འགྲོ་མ་དང་། གྲུབ་པ་ཆེན་པོ་དང་། རིགས་གསུམ་སེམས་དཔའ་ལ་སོགས་པས་བསྡུས་པ་སྟེ། མཚན་ཉིད་ཇི་ལྟར་ཡིན་པ་མདོར་བསྡུ་ན། ཆོས་ཀྱི་དབྱིངས་རང་བཞིན་གྱི་རྣམ་པར་དག་པ་དང་།དེ་བཞིན་གཤེགས་པ་ཐམས་ཅད་ཀྱི་གསང་བ་བསམ་གྱིས་མི་ཁྱབ་པའི་ཐུགས་རྗེའི་ཡེ་ཤེས་ཏེ། རྡོ་རྗེ་རྩེ་མོ་ལས། སྔགས་རྣམས་ཀུན་གྱི་མཚན་ཉིད་ནི། །སངས་རྒྱས་ཀུན་གྱི་ཐུགས་ཡིན་ནོ། །ཞེས་སོ། །འདི་གཉིས་འགྱུར་གྱི་སྔ་ཕྱིས་དབྱེ་བ་ལ། ཉོན་མོངས་ང།་དང་། ལྟ་བའི་སྙིགས་མར་གྱུར་པ་དག་གི་སྡེ་ཚན་དང་ཕྱོགས་རིས་སུ་དབྱེ་ན་འཆོས་ཀྱང་། གཟུ་བོར་གྱུར་པ་དག་དྲི་མ་མེད་པའི་བློ་གྲོས་ཆེན་པོས་སྡེ་པ་བཅོ་བརྒྱད་པར་བསྡུ་ཞེས་པས་མཚོན་པར་བྱས་ཏེ་རགས་པའི་མཚན་ཉིད་ཆ་ཕྱེད་པའི་སླད་ཙམ་དུ་བལྟ་བ་སྟེ། པརྙི་ཏ་སྒྲའི་ཚེར་མ་ཡན་ཆོད་དང་། ལོ་ཙྭ་བ་རིན་ཆེན་བཟང་པོ་མན་ཆོད་ཀྱི་འགྱུར་ལས་བཏགས་པའི་ཕྱིར་རོ། །དོན་དུ་ནང་ལྷགས་གསར་མར་གྲགས་པའི་རྒྱུད་སྡེའི་ཁྲོད་ན་བསྟན་པ་སྔ་དར་གྱི་ཚེ་འགྱུར་བའི་རྒྱུད་ཀྱང་ཡོད་ལ། ད་ནི་ལྔ་བརྒྱའི་ཐ་མར་གྱུར་པས་འཕགས་པའི་ཡུལ་གྲུའང་སྡིག་ཏོ་དང་ཀླ་ཀློ་ཁེངས་ན་རང་རང་གི་འདོད་པས་བླང་བར་འོས་པའི་རྒྱུད་གསར་ལྷ་བྱོན་དུ་ག་ལ་སྲིད། གལ་ཏེ་ན་རེ་ཞིག་གི་བློ་ལ་ཐེ་ཚོམ་ཟ་བའི་ཆོས་སྐད་རྣམ་པ་ཐམས་ཅད་པ་ཅན་ཞིག་ཀྱང་གསར་མའི་སྡེ་ཚན་དུ་འཇོག་དགོས་པས་འགྲ་་ལྡིང་དང་ཨོ་རྒྱན་གླིང་དུ་དེངས་ཤིག །དེ་སྐད་དུ། སློབ་དཔོན་གསང་ཕུ་བས། བསམ་ཡས་ཀྱི་དཔེ་ཁང་ན། རྒྱ་གར་ནས་སྤྱན་དྲངས་ནས་བོད་དུ་མ་འགྱུར་བའི་ཆོས་མང་པོ་ཡོད། ང་ལ་རྫུ་འཕྲུལ་ཅི་ཡོད་ན། ཟབ་ཤོས་ཞིག་བསྒར་ན། བོད་ཀྱི་སྟོན་པ་འདི་ཀུན་ང་ལ་ཇི་སྐད་ཟེར་ན། འདི་འདྲའི་ཆོས་ཞིག་གང་ནས་བྱུང་། ཚིག་ལེགས་ཏེ་ཁུངས་ལ་ཐེ་ཚོམ་ཟ་ཟེར་ནས། སྒྲོ་བསྐུར་བྱེད་ཅིང་ལོག་ལྟ་འཕེལ་བ་ལས་མི་འོང་། འོ་སྐོལ་བོད་ཀྱི་སྟོན་སྣྲུ་འདི་ཚོ། མི་ཚ་བཤད་སྐབས་རེ་ལ་བསྐྱལ་ནས། མངོན་ཤེས་ཀྱི་སྣ་རྩེ་བག་རེ་མི་སྒྲུབ་པར། ཕོ་ཚོད་འོད་གཏོད་བགས་ཀྱིས་ཕྱོགས་གཅིག་ཏུ་ཁ་ཆོད་རྦད་དེ་བཅད་ནས་ཆོས་ཟབ་མོ་ལ་སྒྲོ་བསྐུར་བཏབ་ནས། ངན་འགྲོའི་གཡང་ལ་འགྲོ་སྟེ། རང་རེའི་ཐོས་པ་ཕྱོགས་རེ་བ་རེས་ང་རྒྱལ་བས་བརླག་པ་ཡིན། ཞེས་པ་དང་། དེའི་ཐེག་ལེ་བཅུ་དྲུག་དང་། གཏེར་གྱི་ཆོས་སྐད་འདིས་ཇོ་བོ་བཀའ་གདམས་པའི་གྲུབ་མཐའི་སྙིང་པོའང་གང་དུ་དེངས་པར་འགྱུར། དེའི་ཕྱིར་སངས་རྒྱས་རྣམས་ཀྱི་ཕྲིན་ལས་དང་། ཐབས་ལ་མཁས་པའི་གདུལ་ཚུལ་དང་། བྱིན་བརླབས་ཀྱི་ཆོ་འཕྲུལ་ཆེན་པོ་བསམ་གྱི་མི་ཁྱབ་པའི་རང་བཞིན་ཁོང་དུ་ཆུད་པ་ནི།བློ་གྲོས་ཆེན་པོ་སྟེ། གང་དང་གང་དུ་སྐུ་གསུམ་གྱི་སྟོན་པའི་རོལ་པ་ཆེན་པོ་དང་། ཞིང་ཁམས་དང་། ཆོས་འཁོར་གྱི་མཚན་ཉིད་གང་ཡང་མི་འགལ་ཞིང་། བསམ་གྱིས་མི་ཁྱབ་པའི་དོན་དྲན་པར་བྱའོ། །དེ་ལ་བཟང་པོའི་བསྐལ་པ་འདིར་ཐུན་མོང་མ་ཡིན་པའི་གསང་སྔགས་འབྱུང་བའི་གླེང་གཞིར་བསྟན་པའི་བཙས་གསུམ་གྱི་བྱིན་བརླབས་ལས། གྲགས་ཆེན་གྱི་སྟོན་པ་བཅུ་གཉིས་སུ་བསྟན་ནས་མདོ་སྔགས་ཀྱི་ཆོས་ཚུལ་མ་ལུས་ཤིང་ལུས་པ་མེད་པ་རྒྱལ་བ་དགོངས་པའི་བརྒྱུད་པ་གཅིག་ཏུ་ཐ་མ་དད་པའི་རྣམ་གཞག་བློ་གྲོས་ཆེན་པོའི་སྤྱོད་ཡུལ་དུ་བྱང་ཆུབ་པའི་རང་བཞིན་ཁོ་བོའི་བླ་མ་ཀུན་མཁྱེན་ངག་གི་དབང་པོས་ཐེག་མཆོག་རིན་པོ་ཆེའི་མཛོད་ལས་རྒྱ་ཆེར་བསྟན་པ་ལས་ཤེས་པར་བྱོས་ཤིག །འདིར་རེ་ཞིག་འཛམ་བུའི་གླིང་འདིའི་དབང་དུ་བྱས་ནས་ཐེག་མཆོག་སྙིང་པོའི་བསྟན་པ་མི་ཡུལ་དུ་ཇི་ལྟ་བབས་ནས་བོད་དུ་བྱོན་པའི་རྣམ་གཞག་བཤད་པར་བྱའོ། །དེ་ལ་ཐེག་པའི་རྩེ་མོ་མན་ངག་རྫོགས་པ་ཆེན་པོ་ནི། ཅོ།་རྒྱན་གྱི་ཡུལ་དྷ་ན་ཀོ་ཤའི་གླིང་ན་རྒྱལ་པོ་ཨུ་པ་ར་ཛའམ། དྷརྨུ་ཨ་ཤྭ་དང་། བཙུན་མོ་སྣང་གསལ་འོད་ལྡན་མ་གཉིས་ལ་སྲས་མོ་མོ་ལས་འདས་པའི་དགེ་༡༢༣སློང་མ་ཞིག་ཡོད་ཅེས་གྲག་གོ །དེ་གསེར་གྱི་བྱེ་མ་བརྡལ་བའི་རྒྱ་མཚོའི་འགྲམ་ན་བསམ་གཏན་བྱེད་པའི་ཚ། ཤེལ་གྱི་སྐྱེས་བུ་འོད་དང་ལྡན་པ་གཅིག་གིས་ཤེལ་བུམ་དཔའ་བོ་འབྲུ་ལྔས་མཚན་པས་དེས་བསྐུར་བ་རྨིས། གཡོག་མོ་མཁའ་འགྲོའི་མཚན་དང་ལྡན་པ་ལ་བཤད་པས་སྤྲུལ་པའི་སྐུ་འབྱུང་བའི་རྟགས་ཡིན་ཟེར། མི་རིང་བར་རྡོ་རྗེ་སེམས་དཔའི་སྤྲུལ་པ་ལྷའི་བུ་སེམས་ལྷག་ཅན་ཞེས་རྫོགས་པ་ཆེན་པོ་ལྷ་ཡུལ་དུ་དར་བྱེད་པ་དེ། དགེ་སློང་མའི་རུས་ནས་བཙས། ཕ་མེད་ཀྱི་བུར་གྱུར་པས་མནོང་སྟེ་ཐལ་ཁུང་དུ་བོར་བས་སྒྲ་དང་འོད་དང་མེ་ཏོག་གི་ཆར་བྱུང་། ཞག་གསུམ་གྱི་ནང་པར་ལྟས་པས་མཉམ་པར་འདུག་ནས་ཁྲུས་གསོལ་བ་ན། ནམ་མཁའ་ནས་མཁའ་འགྲོས་ཀྱང་མཆོད་པ་བྱས། ལོ་བདུན་ལོན་པའི་ཚ་ཡུམ་ལ་པརྙི་ཏ་དང་ཆོས་གཏམ་བྱ་བ་གསོལ་བས། བུ་སོ་མ་རྗེས་པས་ཆོས་གཏན་མི་འོང་ཟེར་ནས་གནང་བ་མ་བྱིན།ནན་གྱིས་གསོལ་ནས་རྒྱལ་པོ་ཨུ་པ་ར་ཇོའི་མཆོད་གནས་པརྙི་ཏ་ལྔ་བརྒྱ་དང་རྩོད་པ་བྱས་པས་སུས་ཀྱང་མ་ཐུབ་སྟེ་སྤྲུལ་པའི་སྐུར་བཟུང་ནས་ཞབས་སྤྱི་བོར་བླངས། རྒྱལ་པོ་རབ་ཏུ་དགའ་བས་དགའ་རབ་རྡོ་རྗེར་མཚན་བཏགས། བྱང་ཕྱོགས་ཉི་མ་དང་མ་སྣང་བྱེད་ཅེས་ཡི་དགས་དྲག་པོ་གནས་པའི་རི་ལ་སུམ་ཅུ་རྩ་གཉིས་ཏིང་ངེ་འཛིན་མཛད་པས་ས་གཡོ་བ་དང་མུ་སྟེགས་ཕམ་པར་བྱས་སོ་ཞེས་པའི་སྒྲ་ཡང་བྱུང་། དེ་ཕྱུགས་རྫིས་བསྙད་པ་ལས་མུ་སྟེགས་ཀྱི་རྒྱལ་པོས་གཤེད་མ་བཏང་ཡང་། སྐུ་ཉི་ཞུར་ལྷ་བུར་གྱུར་པས་གནོད་མ་ནུས། སླར་ནམ་མཁའི་ལམ་ལ་གྱ་གྱུར་གཤེགས་པས་དད་སྟེ་སངས་རྒྱས་པའི་རྗེས་སུ་ཞུགས། དེར་སྡེ་སྣོད་ཀྱི་ཆོས་རྒྱ་མཚོ་ལྟ་བུ་དང་། རྫོགས་པ་ཆེན་པོ་་།་ལོ་ཀ་འབུམ་ཕྲག་དྲུག་ཅུ་རྩ་བཞི་གདོད་ནས་ཐུགས་ལ་མཆིས་པ་དེ་རྡོ་རྗེ་སེམས་དཔའ་ཞག་མངོན་སུམ་དུ་བསྟན་ནས་འོད་ཟེར་ཆེན་པོའི་དབང་གི་སློབ་པའི་ཡེ་ཤེས་མངོན་སུམ་དུ་གསལ་བའི་ཚུལ་བསྟན། ཚིག་གི་རྒྱུད་ཡི་གེར་འགོད་པའི་གནང་བ་བྱིན་ནས་རྡོ་རྗེ་དབྱིངས་དང་ཡོན་ཏན་མཐའ་ཡས་པའི་མཁའ་འགྲོ་མ་ལ་སོགས་པས་གླེགས་བམ་དུ་བཀོད། མཁའ་འགྲོ་སེམས་ལྡན་མས་གཟུང་སྟེ་མཆོད་པར་བྱེད་ཅིང་། སློབ་དཔོན་ཉིད་ཁྱབ་འཇུག་གི་བུ་མོ་གཅེར་བུ་ལ་ཆིབས་ཏེ་དུར་ཁྲོད་བསིལ་བའི་ཚལ་དུ་བྱོན་ནས་མཁའ་འགྲ་་རྣམས་ལ་ཆོས་སྟོན་ཏོ། །དེའི་ཚེ་མ་ག་དྷ་རྡོ་རྗེའི་གདན་གྱི་ནུབ་ཕྱོགས་རིམ་པ་གཉིས་པའི་གྲོང་ཁྱེར་དུ་བྲམ་ཟེ་སྙིང་པོ་གྲུབ་པའམ་འཇམ་དཔལ་བཤེས་གཉེན་ཞེས་བྱ་བ་རིག་པའི་གནས་ལྔ་ལ་མཁས་པ་ཞིག་བྱོན། རྣམ་ཐར་བི་རོའོ་འདྲ་འབག་ལ་གསལ་ཞིང་རྒྱལ་རིགས་གསལ་ཞིང་རྒྱལ་རིགས་ལྟར་བཤད་པ་འོག་ཏུའང་བྲི་བར་བྱའོ། །དེ་ལ་འཇམ་དཔལ་རྣོན་པོས་ལུང་བསྟན་ནས་དགའ་རབ་རྡོ་རྗེའི་ལུང་དུ་བརྟོལ། ལོ་དོན་ལྔར་ཆོས་ཉན། མཐར་དགའ་རབ་རྡོ་རྗེ་ཆུ་བོ་དན་ཏིག་གི་མགོར་འོད་ཕུང་དུ་ཡལ་བའི་ཚེ། འདས་རྗེས་ཀྱི་གླེགས་བམ་བབས། གཟིགས་པ་ཙམ་གྱིས་སློབ་དཔོན་དང་རྟོགས་པ་མཉམ་པར་གྱུར་ནས། རྫོགས་པ་ཆེན་པོ་འབུམ་ཕྲག་དྲུག་ཅུ་རྩ་བཞི་གནས་པ་སེམས་ཀྱི་སྡེ། བྱ་བྲལ་ཀློང་གི་སྡེ། གནད་དོན་མན་ངག་གི་སྡེ་དང་གསུམ་དུ་ཕྱེ། གནད་ལས་ཟབ་པ་སྙིང་གི་ཐིག་ལེའི་སྐོར་ལ་བཤད་རྒྱུད་དང་། རྣལ་འབྱོར་རྒྱུད་གཉིས་སུ་ཕྱེ། རྣལ་འབྱོར་རྒྱུད་མཆན་བུར་བཏབ། བཤད་རྒྱུ་སྤེལ་བའི་ཡུལ་མ་རྙེད་ནས་རྡོ་རྗེ་གདན་དུ་གཏེར་ལ་སྦས། ནུབ་ཕྱོགས་ཀྱི་དུར་ཁྲོད་ཆེན་པོ་སོ་ས་གླིང་དུ་ལོ་བརྒྱ་དང་རྩ་དགུར་བཞུགས་སོ། །དེའི་ཚེ་རྒྱ་ནག་ཏུ་ཁྱིམ་བདག་གི་གསལ་ལས་ཤི་སིདྷ་ཞེས་བྱ་བ་རིག་གནས་ལྔ་ལ་མཁས་པ་གཅིག་བྱུང་། སྤྱན་རས་གཟིགས་ཀྱིས་ལུང་བསྟན་ནས་འཇམ་དཔལ་བཤེས་གཉེན་གྱི་མན་ངག་མྱུར་དུ་རྟོགས་པའི་སླད་དུ། རབ་ཏུ་བྱུང་ཞིང་གསང་སྔགས་མཐའ་དག་སྦྱངས་པས་ཚེའི་རིག་འཛིན་དང་རྫུ་འཕྲུལ་ཡང་གྲུབ། དེར་སླར་ཡང་ཐུགས་རྗེ་ཆེན་པོས་བསྐུལ་ཏེ་འཇམ་དཔལ་བཤེས་གཉེན་ལོ་ཉེར་ལྔ་བསྟེན། སློབ་དཔོན་འོད་ཕུང་དུ་ཡལ་བའི་དུས་འདས་རྗེས་ཤི་སིདྷའི་ཕྱག་ཏུ་བབས་པས་རྟོགས་པ་མཉམ་པར་སོང་། དེ་ནས་ལོ་བརྒྱ་ཉེར་ལྔ་ན་འཇམ་དཔལ་བཤེས་གཉེན་ཕྱི་མ་ནུབ་ཕྱོགས་ཀྱི་པདྨ་ལས་རྫུས་ཏེ་སྐྱེས་པ་སློབ་དཔོན་ཆེན་པོ་པདྨའི་གསང་སྔགས་མང་པོའི་འབྱུང་ཁུངས་ཀྱང་ཡིན། འདིས་ཨརུ་དེ་བ་ལ་སྙིང་ཐིག་བསྟན་པས་འོད་དུ་ཡལ་ཞིང་། སངས་རྒྱས་ཡེ་ཤེས་ཞབས་ལ་རྫོགས་པ་ཆེན་པོ་ཡེ་ཤེས་སྤྱི་ཡི་གཟུགས་ཞེས་ཕལ་པས་མཚོན་རྫོགས་ཆེན་དང་ཐ་མི་དད་པའི་འཇམ་དཔལ་ཞལ་ལུང་གི་དོན་བསྟན་པའང་བསྟན་བཅོས་རྒྱུད་ཀྱི་དངོས་པོ་ཅན་རྫོགས་པ་ཆེན་པོའི་གྲུབ་མཐའི་ངོ་བོར་གནས། འདིས་མཚོན་ནས་རྒྱ་གར་གྱི་པཎ་གྲུབ་ཕལ་མོ་ཆེ་ཞིག་རྫོགས་པ་ཆེན་པོའི་ལྷ་བ་ལས་དངོས་གྲུབ་བརྙེས་པ་མང་མོད་ཀྱི། མན་ངག་གི་རྒྱུད་འདི་གཞུང་གིས་གསང་ནིང་ལུ་གུ་རྒྱུད་ལ་སོགས་པའི་མིང་ཙམ་བརྗོད་ཀྱང་དམ་ཚིག་མ་ཡིན་པར་བཤད་པས་རྒྱ་གར་ནའང་ཆིག་རྒྱུད་འབའ་ཞིག་ཏུ་བཀའ་རྒྱ་དམ། འགྲོ་དོན་ཀྱང་མཁའ་འགྲོ་མ་དང་། མི་མ་ཡིན་གྱི་གནས་ཁོ་ན་ལ་ཆེ་བ་་གསུངས་པས་ཐ་མལ་གྱི་གདུལ་བྱ་ལ་ཁྲོམ་སྒྲགས་སུ་གནང་བའང་མེད། བྱེ་བྲག་ཏུ་རྒྱ་གར་གྱི་སློབ་དཔོན་རྣམས་གསང་བ་བསྲུངས་བ་ལ་ཐུགས་སྒམ། ལྟ་དང་སྔགས་ཀྱི་དེ་ཉིད་ཁྱབ་བརྡལ་དུ་མི་སྟོན་པའི་དམ་ཚིག་ལ་ཤིན་ཏུ་གནས་པས་ནམ་དངོས་གྲུབ་ཆེན་པོ་ཐོབ་པའི་མཚན་མ་ཀུན་གྱི་སྤྱོད་ཡུལ་དུ་མངོན་པའི་ཚ་ཀྱེ་མ་དེ་ནི་སྔགས་ལ་སྤྱོད་པའི་རིགས་ཅན་ནོ། །ཞེས་གླེང་ཞིང་ཤེས་པ་ལས། བསྟན་པ་སྙིགས་ཤིང་གསང་སྔགས་འཆལ་བའི་གནས་སྐབས་ལྟར། གསང་བ་ཁྲོམ་དུ་གྱེར་ཞིང་། རྒྱུད་དང་མན་ངག་རླུང་གིས་དེད་པའི་ཤིང་ལོ་བཞིན་དཔེ་འཁྱམས་སུ་བྱེད་པ་མེད། དཔེར་ན་མར་པས་མིང་ཙམ་མ་ཐོས་པའི་ནཱ་རོ་མཁའ་སྤྱོད་བལ་པོ་ཕམ་མཐིང་པ་ལ་གྲགས་ཟེར་པ་བཞིན་ནོ། །འདི་ལྟར་བག་ཆགས་ཀྱི་བརྒྱུད་པར་མ་བཞུགས་ཀྱང་མངོན་གྱུར་བ། པཎ་ཆེན་ཤཱཀྱ་གྲིས་སློབ་དཔོན་ཆེན་པོ་ལ་རྡོ་རྗེ་ཕུར་པ་དངོས་སུ་ཐོབ་པ་དང་། ཕ་དམ་པས་སངས་རྒྱས་གསང་བ་ལས་ཡོ་གའི་གདམས་པ་ནོས་ཤིང་། རྫོགས་པ་ཆེན་པོའི་ལྟ་བའི་གྲུབ་མཐའ་འཛིན་པ་དང་། ཞང་གཡུ་བྲག་པའི་མཆིམས་ཕུ་བཀའ་རྒྱ་མར། སློབ་དཔོན་ཆེན་པོ་དང་། རྟོ་དྷི་ས་ཏྭ། བི་མ་མི་ཧྲ་རྣམས་ལ་དངོས་སུ་གསན་པའི་རྫོགས་ཆེན་ཡོད། རྗེ་བཙུན་མི་ལ་རྫོགས་ཆེན་ཉན་ཏེ་ལྟ་བ་རིག་ཐོག་ཏུ་མཉམ་པར་བཞག་པས་རེ་ཞིག་རྟེན་འབྱོར་ལ་འཆུགས་མོད་ཀྱི་མཐར་ཐུག་མར་པའི་ཐབས་ལམ་གྱི་རྒྱུ་བྱས་ནས་འབྲས་བུ་རྫོགས་པ་ཆེན་པོའི་ཀ་དག་ཆོས་ཟད་ཀྱི་ཀློང་དུ་དངོས་གྲུབ་བརྙེས་པ་ཡིན་ཏེ་ལྟ་བའི་ཞེ་ཕུགས་ལ་ལྟས། རྣལ་འབྱོར་གྱི་དབང་ཕྱུག་ཀརྨ་པསྙི་དགའ་རབ་རྡོ་རྗེའི་སློབ་མ་ཏོག་རྩེ་བར་གྱུར་ནས་རྫོགས་པ་ཆེན་པོའི་རྒྱུད་འབུམ་ཕྲག་དྲུག་ཅུ་རྩ་བཞི་ཁོང་དུ་ཆུད་པའི་སྔོན་གནས་རྗེས་དྲན་ལས་དངས་གྲུབ་བརྙེས། ཀུན་མཁྱེན་རབ་བྱུང་རྡོ་རྗེས་རང་གི་མཛོད་པུར་བི་མ་ལ་ཐིམ་པའི་རྐྱེན་གྱིས་སྙིང་ཐིག་ཁོང་དུ་ཆུད་དེ་དགོངས་གཏེར་བྱོན། མདོ་སྔགས་གཉིས་ཀ་ལ་བྱང་བའི་གྲུབ་ཆེན་ཅོ།་རྒྱན་པ་དང་། ཡང་དགོན་པ་སོགས་འཁོར་འདས་རོ་གཅིག་ཏུ་ཤར་བ་དེ་རྣམས་ཀྱང་རྫོགས་པ་ཆེན་པོ་ལས་དངོས་གྲུབ་བརྙེས་པ་ཤ་སྟག་ཡིན་ཏེ། བསྟན་པའི་བབ་ཚུལ་གྱི་རྟེན་འབྲེལ་ལས་དེ་དག་ལས་རྒྱ་ཆེར་བརྒྱུད་པ་དང་། བརྒྱུད་པར་བཞུགས་པ་ནི་རྒྱལ་བ་རང་བྱུང་རྡོ་རྗེ་ཅམ་ལས་མ་བྱུང་བ་ལྟ་བུས་ཤེས་སོ། །འཇམ་དཔལ་བཤེས་གཉེན་མི་སྣང་བའི་རྗེས་ཐྲི་སིདྷས་མན་ངག་གི་དཔེ་ཕྱུངས། ཐིག་ལེའི་སྐོར་ལ་ཕྱི་ནང་གསང་བ་ཡང་གསང་བླ་ན་མེད་པ་སྟེ་སྐོར་བཞི་ཕྱེ་ནས་དང་པོ་གསུམ་གཏེར་དུ་སྦས། ཕྱི་མ་ཐུགས་ལ་གབ་པ་མཁའ་འགྲོའི་ལུང་གིས་སྐབས་དབྱེ་ཞིང་དེ་ཉིད་དུ་སྦས། སློབ་དཔོན་ཉིད་བསིལ་སྤྱིན་དུར་ཁྲོད་ན་དཔའ་བོ་དང་མཁའ་འགྲོའི་ཚོགས་རྗེར་མཛས་པ་ཉིད་དོ། །དེ་ལ་བི་མ་མི་ཀྲ་དང་། རྙོ་ན་སུ་ཏྲས་ཞུས་ཏེ།དང་པོ་ནི་ཁྱིམ་བདག་གི་བུ། ཕྱི་མ་ནི་གདོལ་པའི་རིགས་ལས་རབ་ཏུ་བྱུང་། གཉིས་ཀའང་མཁས་པའི་བྱ་བ་མཐར་ཕྱིན་པས་རྡོ་རྗེ་གདན་ན་པརྙི་ཏ་ལྔ་བརྒྱའི་གཙོ་བོར་གྱུར། ཚ་སྔོན་དཔུང་ཟླར་གྱུར་པའི་རྟེན་འབྲེལ་ལས་ཐུགས་ཤིན་ཏུ་བཅུགས། རེ་ཞིག་ན་སྐྱོ་སངས་ལ་བྱོན་པས་ནམ་མཁར་རྡོ་རྗེ་སེམས་དཔའི་ཞལ་གཟིགས། ཁྱེད་གཉིས་སྐྱེ་བ་ལྔ་བརྒྱར་པརྙི་ཏར་གྱུར་མོད་ཀྱི་འབྲས་བུ་ཅི་ཡང་མ་ཐོབ། གཅིག་གི་སངས་རྒྱ་བར་འདོད་ན་རྒྱ་ནག་བྱང་ཆུབ་ཤིང་དྲུང་ན་སོང་ཞིག་པར་བསྐུལ། བི་མ་ལ་བརྩོན་འགྲུས་ཆེ་བས་སྔོན་ལ་བརྟོལ། རྣལ་འབྱོར་རྒྱུད་དང་མན་ངག་ཕྱི་ནང་གསང་གསུམ་གྱིས་ཚིམ་ནས་ལོག །རྗེས་ལ་ཙྭ་སུ་ཏྲས་བྱོན་བླ་མའི་བྱིན་བརླབས་ཀྱིས་ཟླ་བ་དགུའི་ལམ་ཉིན་ལམ་ལ་བཅད། མཛས་མ་ཆུའི་བུམ་པ་ཁྱེར་བས་བཀྲ་ཤིས་ཁྲི་སྒོའི་ལུང་བསྟན། དེར་བརྟོལ་བ་ན་སློབ་དཔོན་བསིལ་སྤྱིན་དུར་ཁྲོད་ནི་བཞུགས་སོ་ཞེས་མཁའ་འགྲོ་མས་ལུང་བསྟན་པ་བཞིན་སོང་། ཤི་སིདྷ་ཐོད་པའི་ཁང་བུ་བརྩེགས་པ་ན་ཁྱབ་འཇུག་གི་བསྟན་པ་ལ་རོལ་པའི་དྲུང་དུ་སླེབ། ཕྱག་སོར་གསུམ་གྱེན་ལ་བསྟན་བྱུང་བས་གདམས་པ་ལོ་གསུམ་ན་ཐོབ་པར་གོ །དེའི་བར་བླ་མའི་ཞབས་ཏོག་བྱས། དེ་ནས་ལོ་དགུར་རྣལ་རྒྱུད་དང་ཕྱི་ནང་གསང་གསུམ་པོ་གསན། འདི་ལ་དཔེ་ཞིག་འོང་ཐང་སྙམ་པ་སློབ་དཔོན་གྱི་དགོངས་ཏེ་དཔེ་རྣམས་ཕྱུང་ནས་གནང་། ལྡོག་པར་ཆས་པ་ན་ཚིམ་མམ་གསུངས་ཚིམ་ལགས་ཞུས་པས། གཏད་པ་མེད་གསུངས་པས་གདམས་པ་མ་རྫོགས་པར་གོ །སླར་གསོལ་བ་བཏབ་པས། སྤྲོས་བཅས་བུམ་པའི་དབང་རྫོགས་པར་བསྐུར། གསང་བ་བླ་ན་མེད་ཀྱི་མན་ངག་ལོ་གསུམ་དུ་གནང་། གླེགས་བམ་ནི་མ་བསྟན་ཏེ་དུས་ལ་བབས་པའི་ཚ་ཁྱོད་ལ་སྣང་བར་གྱུར་རོ། །ཞེས་ལུང་བསྟན། ད་ནི་གདམས་ངག་ཀྱང་རྫོགས་པར་ཐོབ། ཉམས་སུ་བླང་བཞིན་པས་བླ་མའི་ཞབས་ཏོག་བྱའོ་སྙམ་པ་ན། སྣོད་ཁྱད་པར་ཅན་དུ་གཟིགས་ནས་སྤྲོས་མེད་ཀྱི་དབང་རྫོགས་པར་གནང་། ལོ་གཅིག་ཏུ་འཁོར་འདས་རུ་ཤན་འབྱེད་པའི་སྤྱོད་པ་ཚད་དུ་ཕྱིན་པར་བྱས། གདམས་པ་དུས་གཅིག་ཏུ་མི་སྟོན་པ་ཐེག་པ་རྒྱལ་པོ་འདིའི་རིང་ལུགས་ཡིན་པས། སླར་ཤིན་ཏུ་སྤྲོས་མེད་ཀྱི་དབང་བསྐུར་བས་གནས་ལུགས་ཡིད་དཔྱོད་ལ་མི་རེ་བའི་ངེས་ཤེས་ཁྱད་པར་ཅན་དུ་སྐྱེས། མཐའ་རབ་ཏུ་སྤྲོས་མེད་ཀྱི་དབང་རྫོགས་པ་ན་རིག་པ་ཚད་ལ་ཕེབས། ལོ་བཅུ་དྲུག་གི་བར་དུ་བླ་མའི་མཛད་སྤྱོད་ལྟ་ཞིང་ཉམས་སུ་བླང་། དེའི་ཚེ་སློབ་དཔོན་ནི་རྟུལ་ཞུགས་ཀྱི་ཀུན་ཏུ་སྤྱོད་པ་རྒྱ་འཚོའི་གནས་ལ་ཞུགས་ཏེ་འཇིགས་སུ་རུང་བའི་དུར་ཁྲོད་རྣམས་ཉུལ།འབྱུང་བཞི་ཟད་པར་གྱིས་སྤྲུལ་བསྒྱུར་དང་། ཕྱོགས་ལས་རྣམ་རྒྱལ་གྱི་སྤྱོད་པས་མཁའ་འགྲོ་དང་། འབྱུང་པོ་དང་། ཤ་ཟའི་དབུས་ན་བག་ཚ་བ་མེད་པར་བཞུགས་ཞེས་གྲག་གོ །དེར་རྒྱལ་པོ་དཔལ་བྱིན་ཞེས་བྱ་བ་དད་སྤྱན་དྲངས་པ་ན། སེདྷི་དཀར་མོ་ཡན་ལག་དྲུག་པ་ལ་བཅིབས་ཏེ་གཤེགས། རེ་ཞིག་ནས་གཡོ་བ་དང་། སྒྲ་དང་འོད་ཆེན་པོ་བྱུང་བས་སྐུ་ཡལ་བར་ཤེས་ཏེ་རྙོ་ན་སུ་ཏྲས་གསོལ་བ་བཏབ་པས། ཞལ་ཆེམས་གཟེར་བུ་བདུན་པ་ཕྱག་ཏུ་བབས། གསང་བའི་མན་ངག་རྣམས་བཀྲ་ཤིས་ཁྲི་སྒོའི་ཀ་བའི་ཁོང་ནས་ལོང་ལ་དུར་ཁྲོད་པ་སིང་གི་ནགས་སུ་སོང་ཞིག་པར་ལུང་བསྟན་ཐོབ། དེར་སྔོན་གྱི་ལུང་བསྟན་པ་བཞིན་གླེགས་བམ་རྣམས་ཕྱུང་། རྡོ་རྗེ་གདན་གྱི་ཤར་ཕྱོགས་ནས་རིང་པོར་ཐལ་བ་ན་དུར་ཁྲོད་དེ་ཡོད་སར་བྱོན་ནས་མཁའ་འགྲོ་མ་རྣམས་ལ་ཆོས་སྟོན་ཅིང་བཞུགས་སོ། །དེའི་ཚ་པརྙི་ཏ་གྲུབ་པའི་རྣལ་འབྱོར་ཆེན་པོ་བི་མ་ལ་དུར་ཁྲོད་དུ་སྤྱོད་པ་ལ་རྒྱུ་བའི་ཚ། མཁའ་འགྲོ་མ་དཔལ་གྱི་བློ་གྲོས་ཞེས་བྱ་བས་སྔ་མ་ནི་ཐུན་མོང་གི་མན་ངག་ཡིན་གྱི། ཡང་གསང་བླ་ན་མེད་པ་ཐུགས་ལ་གང་བ་ཡོད་པས་སིང་གི་དུར་ཁྲོད་དུ་སོང་ཞིག་པར་བསྐུལ། འདི་ལྟར་སྐྱེས་བུ་དམ་པ་རྣམས་ནི་གདམས་པ་དང་ཡེ་ཤེས་ཐོབ་པའི་གནས་ལ་ཤིན་ཏུ་གུས་པ་སྟོན་པས། རྫུ་འཕྲུལ་གྱི་ཀུན་ཏུ་སྤྱོད་པ་ལ་གཤེགས་ཏེ་མཉམ་འགྲོགས་དང་ཡིད་གཉིས་སྤངས་ནས་རྗེས་སུ་འཛིན་པར་ཞུས་པ་ན། མཛོད་པུ་ནས་འོད་ཟེར་བཀྱེ། སྤྱན་གྱེན་དུ་ལྡོག་པ་ཙམ་གྱི་ལོངས་སྐུའི་ཤིང་ཁམས་བསྟན་པས་དད་པ་ཤིན་ཏུ་ཐོབ། སྤྲོས་བཅོས་ཀྱི་དབང་བསྐུར་བའི་མོད་ལ་སློབ་དཔོན་བི་མ་ལའི་མཛོད་པུའི་སྒོ་ཕྱེ། སྤྲོས་མེད་ཀྱི་དབང་བསྐུར་བས་པ་སྤུའི་སྒོ་ནས་འོད་ཟེར་དུ་བྱུང་། ཟླ་བ་བཅུ་འཁོར་འདས་རུ་ཤན་ཕྱེ་ནས་ཤིན་ཏུ་སྨོས་མེད་ཀྱི་དབང་བསྐུར་བས་ཡོན་ཏན་ཁྱད་པར་ཅན་སྐྱེས། ཤངས་ཀྱི་རྩེར་ཡི་གེ་ཨ་དཀར་པོ་ཐིག་ལ་ཁད་པ་བྱུང་། རབ་ཏུ་སྤྲོས་མེད་ཀྱི་དབང་བསྐུར་བས་རིག་པ་བཞི་ཐོག་ལས་རྣམ་པར་གྲོལ། འདི་ཙམ་ན་སློབ་དཔོན་གཉིས་ཀ་དགུང་ལོ་བརྒྱ་དང་གསུམ་ཡིན་ཞེས་གྲགས། བརྒྱ་དང་བཅུ་གསུམ་ལོན་ཚེ་རྙོ་ན་སུ་ཏྲ་འཇའ་ལུས་འཕོ་བ་ཆེན་པོའི་སྐུར་གཤེགས་ནས་འདས་རྗེས་བི་མ་ལའི་ཕྱག་ཏུ་བབས་པས་སློབ་དཔོན་དང་དགོངས་པ་མཉམ། དེ་ནས་བི་མ་ལས་རྒྱལ་པོ་དྷརྨ་པ་ལ་དང་། ཡུལ་ཀ་མ་རུའི་རྒྱལ་པོ་གཉིས་ཀྱི་མཆོད་གནས་ལོ་ཉི་ཤུ་རེ་མཛད། སླར་རབ་ཏུ་སྣང་བྱེད་ཅེས་བྱ་བར་སྤྱོད་པ་ལ་གཤེགས་ནས་མཁའ་འགྲོ་མའི་ཚོགས་དཔག་ཏུ་མེད་པ་དབང་དུ་བསྡུ་བཞིན་པར་གསང་བ་མན་ངག་གི་དཔེ་ཚར་གསུམ་བྲིས། གཅིག་ཨོ་རྒྱན་གྱི་ཡུལ་གསེར་གྱི་བྱེ་མ་བརྡལ་བའི་གླིང་དུ་སྦས། གཅིག་ཁ་ཆེའི་མཐའ་ཁོབ་རིགས་ངན་གྱི་གྲོང་ཁྱེར་དང་ཉེ་བའི་བྲག་སྐྱིབས་སུ་སྦས། གཅིག་དུར་ཁྲོད་དེ་ཉིད་དུ་རྒྱས་བཏབ་བོ། །སྤྱིར་འཛམ་བུའི་གླིང་ན་དུར་ཁྲོད་ཆེན་པོ་བརྒྱད་ཀྱི་དབུས་མཁའ་འགྲོ་ངེས་པར་འདུ་བའི་དུར་ཁྲོད་བརྒྱ་དང་བཅུ་གསུམ་ཡོད། ཀུན་ཀྱང་མི་མ་ཡིན་གདུག་པ་ཅན་དང་། མཁའ་འགྲོ་མས་དབང་བྱས་པས་གདུག་རྩུབ་ཆེ།སྲོག་ལ་བར་གཅོད་ཤིན་ཏུ་རྩུབ་ཅིང་སྐྱི་གཡའ་བ་ཅན། ཡོ།་རྒྱན་དང་། ཟ་ཧོར་དང་། ཤསྦྱུ་ལ་སོགས་འཛསྦྲུ་གླིང་གི་གྲུབ་པའི་གནས་ཐམས་ཅད་སུ་སློབ་དཔོན་བི་མ་ལས་སྤྱོད་པ་མཛད་པས། ཉེ་བའི་འཐུང་སྤྱོད་ཙ་རི་ཏྲ་ནའང་མུ་སྟེགས་ཀྱི་རྣལ་འབྱོར་པ་བཏུལ་བའི་ཞབས་རྗེས་ཡོད་པར་གྲགས། སློབ་དཔོན་བི་མ་ལས་འཛསྦུའི་གླིང་གི་གྲུབ་པའི་གནས་ཐམས་ཅད་དུ་སློབ་དཔོན་བི་མ་ལས་སྤྱོད་པ་མཛད་པས།སློབ་དཔོན་བི་མ་ལས་དགུང་ལོ་ཉིས་བརྒྱར་ཉེ་བའི་ཚེ་བཙན་པོ་ཁྲི་སྲོང་ལྡེ་བཙན་གྱིས་བོད་ན་བསྟན་པ་བཙུགས་པའི་སྐབས་སུ་གྱུར། བཙན་པོ་ཉིད་སྐྱེ་བ་སྔ་མ་ལ་རྒྱ་གར་ན་དགེ་སློང་ཨ་བ་རྙུ་དྷི་པར་གྱུར་བའི་བག་ཆགས་ལས་རྒྱུ་འབྲས་བྱ་རྩོལ་ལས་འདས་པའི་ཐེག་པ་རྒྱ་གར་ན་བལྟར་མི་མངོན་པར་ཡོད་པ་ཡང་མཁྱེན། ཁྱད་པར་ཉང་ཏིང་འཛིན་བཟང་པོ་ཞེས་བྱ་བ། མངའ་བདག་གཞོན་ནུར་བཙའ་བའི་བུ་རྫིར་གྱུར་ལ། ཕྱིས་རབ་ཏུ་བྱུང་ནས་ལོ་བདུན་དུ་མཉམ་པར་གཞག་པས་ཏིང་ངེ་འཛིན་གྱིས་འཚོ་ཞིང་། ཤའི་སྤྱན་གྱིས་གླིང་བཞི་ཅིག་ཅར་དུ་གཟིགས་པས་ཉང་བན་ཤའི་སྤྱན་ཅན་ཞེས་གྲགས་པ་དེས་ལུང་བསྟན་ཅིང་བསྐུལ་ནས། རྒྱལ་པོས་བི་མ་ལ་རྒྱ་གར་མཧྭ་ར་ཛའི་མཆོད་གནས་སུ་བཞུགས་པ་ལ་གསེར་གྱི་སྐྱེས་བཟང་པོ་དང་བཀའ་རྟགས་མཛད་ནས་ལོ་ཙྭ་བ་སྐ་ཅོག་གཉིས་སྤྱན་འདྲེན་དུ་མངགས། བོད་གདུལ་བྱར་གཟིགས་ནས་ཨ་ཙ་ར་ས་སྙིང་གཡོག་ཏུ་ཁྲིད་ནས་བྱོན། རྒྱ་གར་བ་རྣམས་ཀྱི་རྨི་ལམ་དང་ཆུ་ཚོད་ཀྱི་རྩིས་འཁྲུག །རྩི་ཤིང་མེ་ཏོག་རྣམས་ཀྱང་བོད་དུ་ཁ་བསྟན། མཁའ་འགྲོ་མ་རྣམས་ཀྱང་ཕྲག་པ་དོག་པས་མཁས་པ་པརྙི་ཏས་འབྲུའི་ཆོས་ཁྱེར་ནས་བོད་དུ་སོང་བས་ལན་ཟེར། དེར་བོད་ཐེ་ཚོམ་བསྐྱེད་པའི་རྐང་མགྱོགས་པ་བཏང་ནས་ཕྲ་མེན་གྱི་ངན་སྔགས་མཁན་པོ་སོང་ངོ་ཞེས་བི་མ་ལའི་སྔོན་དུ་བརྟོལ་ནས་དབྱེན་ཆེན་པོ་བཅོས་པས་པརྙི་ཏ་བསམ་ཡས་སུ་ཕེབས་ཀྱང་བོད་རྣམས་ཐེ་ཚོམ་སྐྱེས་པས་བཙན་པོ་དང་མ་མཇལ། སྤྱིར་སློབ་དཔོན་འདི་དགའ་རབ་རྡོ་རྗེ་དང་ལན་བདུན་མཇལ། རྫོགས་པ་ཆེན་པོ་ལ་གྲུབ་པ་ཤིན་ཏུ་བརྙེས་པས། འཁོར་འདས་བློས་བཅོས་ཤིང་རྒྱུ་འབྲས་ལས་འདས་པར་སྟོན་ཕྱིར་དབུ་ཚལ་དུ་རྣམ་སྣང་གི་སྡེར་ཚོ་ལ་ཕྱག་མཛད་པས་ཐལ་ཕུང་དུ་སོང་། སླར་ལ་ཐེ་ཚོམ་ཆེར་སོང་བས་དབུ་ཞྭ་བཀོན་ཅིང་ཕྱག་རེག་པ་ཙམ་གྱིས་སྔར་བས་གཟི་བྱིན་ཆེ་བར་བྱུང་།རྟགས་རྣལ་འབྱོར་པར་ཡོད་པས་ཕྱི་རོལ་པར་དོགས་པའི་ཉེས་པ་སེལ་ཕྱིར་ཡིན་ཡང་ཟེར་ཏེ་ཇི་ལྟར་ཡང་། རྒྱལ་བློན་ཡིད་ཆེས་མ་གྱུར་པས། སྐྱབས་འགྲོ་ཡན་ལག་དྲུག་པ་བྱས། གསུང་བ་ནི་མད། རྒྱལ་པོ་སླར་དད་སྟེ་རྒྱུ་འབྲས་ཀྱི་ཆོས་སྤྱི་དང་། བྱེ་བྲག་ཏུ་གཉགས་ཙྭ་ནས་ལོ་ཙྭ་མཛད་དེ་སྒྱུ་འཕྲུལ་དང་གཡུ་སྒྲ་དང་བཅས་ཏེ་སེམས་སྡེ་ཕྱི་འགྱུར་བཅུ་གསུམ་དུ་བསྒྱུར། མན་ངག་སྙིང་ཐིག་རྗེ་བློན་གཉིས་སོགས་སྐལ་བ་དང་ལྡན་པ་འགའ་ཙམ་ལའང་་ཀེ་ག་ཆོས་སུ་གདམས་པ་འདི་འཐད་པ་ཀུན་མཁྱེན་ཆེན་པོ་བཞེད། ཆོས་འདི་བློ་ལ་ཆུད་པ་དང་། ལྟ་སྤྱོད་ཟུང་འབྲེལ་དུ་ཉམས་སུ་བླངས་ནུས་ཤིན་ཏུ་དཀོན་གཟིགས་ནས་གསང་བ་སྙིང་ཐིག་བོད་ཡིག་ཏུ་བྱས་ནས་མཆིམས་ཕུའི་དགེ་གོང་དུ་སྦས། རྒྱ་དཔེ་རྣམས་ཕྱི་མའི་དུས་མན་ངག་སླད་པ་ཅན་འོང་པར་གཟིགས་ནས་ཞུ་དག་གི་ཆེད་དུ་སྦས་པ་ཚུལ་དག་པར་བྱེད་ཅིང་རྒྱ་ཆེར་འགྲེལ་པ་པོ་ཀུན་མཁྱེན་ངག་གི་དབང་པོ་བསྟན་པར་མིའི་རྒྱལ་མཚན་དུ་བྱོན་ཏོ། །བི་མ་ལ་སྔ་ཕྱི་གཉིས་སུ་བྱོན་པར་འདོད་པ་ནི། སློབ་དཔོན་འདི་མདོ་སྔགས་ཀྱི་ཆོས་རྒྱ་མཚོ་ལྟ་བུ་ལ་མཁས་པས་སོ་སོ་ཐར་པའ་རྒྱ་ཆེར་འགྲེལ་ལ་སོགས་པའི་བསྟན་བཅོས་དགག་པར་མི་ནུས་པ་དག་མཆིས་པ། རྫོགས་པ་ཆེན་པོ་ཕྱོགས་གཞན་དུ་འཕུལ་བར་འདོད་པ་དག་གིས་ཀུན་སློང་མིན་ན་རུང་སྟེ། དོན་ལ་ཤེས་རབ་སྙིང་པོའི་རྒྱ་ཆེར་འགྲེལ་དང་། རིམ་གྱིས་དང་། ཅིག་ཅར་འཇུག་པའི་སྒོམ་དོན་གཉིས་ཀྱང་སློབ་དཔོན་འདི་མཛད་ཅིང་། ཡེར་པའི་དཀར་ཆག་ལས་རབ་བྱུང་གི་མཁན་པོ་མཛད་པའི་ལོ་རྒྱུས་བསྙད་པ་སོགས་རྟགས་ཀྱང་གང་ཡིན་བསྒྲུབ་དཀའ་ལ། སྤྱིར་འཕགས་པའི་གནས་བརྟན་བཅུ་དྲུག་དང་། ཇོ་བོ་ཨ་ཏི་ཤ་ཡང་བཤུལ་ལམ་ལ་ན་བཟའ་དཀར་པོ་ཡིན་ལ། བོད་དེ་ལ་ཁྱིམ་པར་འཛིན་པ་གསན་པས་བཟའ་རྗེས་ནས་ཕེབས་པ་སོགས་རྟགས་འབའ་ཞིག་ལ་ངེས་པ་ཁོ་ནའང་ཡོད་དཀའོ། །དེ་ལྟར་ལོ་བཅུ་གསུམ་བོད་དུ་བཞུགས་ནས་སླར་རྒྱ་ནག་རི་བོ་རྩེ་ལྔར་གཤེགས། སངས་རྒྱས་ཀྱི་བསྟན་པ་ཇི་སྲིད་གནས་ཀྱི་བར་ལ་གནས་དེར་འཕོ་བ་ཆེན་པོའི་སྐུར་བཞུགས། ལོ་བརྒྱ་བརྒྱ་ན་བོད་དུ་སྐུའི་བཀོད་པ་རེ་བསྟན་ནས་རྫོགས་པ་ཆེན་པོའི་ལྟ་སྒོམ་ནོར་བར་བསལ་བར་བྱེད། མ་འོངས་པ་ན་བསྟན་པའི་བཙས་གསུམ་འཇིག་རྟེན་གཞན་དུ་འཕོ་བའི་ཚེ་རྡོ་རྗེ་གདན་དུ་འོད་སྐུར་དེངས་པར་གྱུར་རོ། །ཨ་ཙ་ར་ས་སྙིང་མཆིམས་ཕུར་གྲོངས་པ་ལའང་ལྟས་ཁྱད་པར་ཅན་བྱུང་ནས་བི་མ་ལ་གྲོངས་པར་ནོར་པར་བྱུང་ངོ་། །དེ་ལྟར་བི་མ་ལ་གཤེགས་ནས་ལོ་ལྔ་བཅུ་རྩ་ལྔ་ན། དེས་མན་ངག་རྗེས་སུ་གདམས་པ་ཉང་ཏིང་འཛིན་བཟང་པོ་རྒྱུད་རྣམ་པར་དག་སྟེ་ཕུང་པོ་ཟག་མེད་དུ་གྱུར། རྡོ་རྗེ་ལེགས་པས་ཁམས་སུ་སེར་པ་ཕབ་པའི་ནས་རྔ་མོའི་ཁལ་རྒྱབ་བརྒྱ་བཀལ་བྱུང་བ་ལ་རྡོ་རྗེ་འཕངས་པས། དམ་ཚིག་དྲན་ཏེ་ནས་རྣམས་ལས་ཕྲལ་ཕུལ་དེ་ལ་རྒྱུ་བྱས་ནས་དབུ་རུ་ཞྭའི་ལྷ་ཁང་བཞེངས་སོ། །གདམས་པ་རྣམས་ཀེ་ཚང་རིས་གསུམ་གྱི་སྒོའི་ཀ་བའི་ཁོང་སེང་དུ་སྦས། སྙན་རྒྱུད་སྲོལ་མི་ཉམས་པའི་ཆེད་དུ་འབྲོ་རིན་ཆེན་འབར་བ་ལ་བཤད། ཉང་བན་ཆེན་པོ་ལྷ་ས་བྲག་ལྷའི་ཕུག་ཏུ་འཇའ་ལུས་འཕོ་བ་ཆེན་པོ་སྐུར་ཡལ་ལོ། །མན་ངག་སྙིང་གི་ཐིག་ལེའི་སྐབས་ཀྱི་བཏམ་མོ། ། རྫོགས་པ་ཆེན་པོ་སེམས་ཕྱོགས་སུ་གྲགས་པ་ནི། དུས་དེར་བསྟན་བཅོས་བྱེ་བྲག་བཤད་མརྫོད་ཆེན་མོ་བསྒྱུར་པའི་རྣམ་དཔྱོད་བསམ་གྱི་མི་ཁྱབ་པ་གཅིག་པོའི་གནས་ལའང་ཕྱིས་རྗོག་ལོ་ཆེན་པོ་བློ་ལྡན་ཤེས་རབ་ཀྱིས། བི་རོ་ནམ་མཁའི་མཐའ་དང་མཉམ།སྐ་ཅོག་རྣམ་གཉིས་ཉི་ཟླ་ཟུང་གཅིག་འདྲ། །རིན་ཆེན་བཟང་པོ་ཐོ་རང་སྐར་ཆེན་ཙམ། །ཞེས་སྔགས་པའི་བ་དན་དཀར་པོར་གཟེངས་སུ་མཐོ་བར་མཛད་ཅིང་། སངས་རྒྱས་ཐམས་ཅད་ཀྱི་གསུང་གི་གསང་བ་བསམ་གྱིས་མི་ཁྱབ་པའི་ཡེ་ཤེས་རྡོ་རྗེ། མཁྱེན་པ་དང་རྫུ་འཕྲུལ་དཔག་ཏུ་མེད་པའི་སྤྲུལ་པའི་ལོ་ཙ་བེ་རོ་ཙ་ན་དང་། གཙང་ལེགས་གྲུབ་གཉིས་བཙན་པོའི་ཐུགས་བསྐྱེད་ཀྱི་ཤིང་རྟ་ལས་མན་ངགག་ཡིད་བཞིན་གྱི་ནོར་དུ་འདྲེན་པའི་དེད་དཔོན་དམ་པར་རྒྱ་གར་འཕགས་པའི་ཡུལ་ལ་ཆས་སོ། །དེར་བེ་རོ་ལ་ལམ་དུ། མེ་དང་། ཆུ་དང་། དུག་དང་། མཚོན་དང་། ཁང་པ་སྡིབ་པ་དང་། གཅན་ཕྲང་པས་སྲོག་ལ་རྒོལ་བ་ལ་སོགས་འཆི་ལ་ཐུག་པའི་ཡེ་འབྲོག་ཆེན་པོ་ལྔ་ཅུ་རྩ་བདུན་བྱུང་ཡང་། ལ་ལ་ནི་དཀའ་སྤྱད་སྤྱད་ཁུར་དུ་བཟོད་པའི་སྙིང་སྟོབས་ཀྱིས་ལྡོག །ལ་ལ་ནི་སྙིང་རྗེ་ཆེན་པོའི་དབང་གི་བསལ། ལ་ལ་ནི་རྫུ་འཕྲུལ་གྱི་བཀོད་པ་ཟད་མི་ཤེས་པས་སྤྲུལ་ཞིང་བསྒྱུར་བ་སོགས་བྱང་ཆུབ་སེམས་དཔའི་སྤྱོད་པ་རླབས་པོ་ཆེ་ལས་ཉམས་པ་མེད་དོ། །དེར་སློབ་དཔོན་ཆེན་པོ་ཤི་སིདྷའི་རྫུ་འཕྲུལ་གྱིས་བསླུ་བར་བརྩམ་པའི་ཚེ བཟང་པོའི་མདུན་ཁང་ཀྱང་སྐུ་ལུས་ཀྱི་བཀོད་པས་མཛས་པར་བྱས་མ་སྐྱེད་དགྲའི་ཁྱིམ་ན་ཆོས་སྟོན་གསོལ། ཀུན་ཏུ་རྒྱུའི་སྲང་ན་བསོད་སྙོམས་བྱེད། འཚོ་བྱེད་ཀྱི་ཚལ་ན་འཁོར་རྣམས་པ་བཞི་ལ་ཆོས་སྟོན། སུམ་ཅུ་རྩ་གསུམ་ན་ལྷ་རྣམས་ལ་ཆོས་སྟོན་པས་མཚོན་པར་ཀེ་ཚང་ཆེན་རིམ་པ་དགུའི་ཡང་སྟེང་ན་དགའ་རབ་རྡོ་རྗེ་ལ་སོགས་པ་བཞུགས་པའི་གནས་སུ་བརྟོལ་ཏོ། །འདི་ཚོང་དཔོན་རིན་ཆེན་གཙུག་ཕུད་ཀྱི་ཁང་བརྩེགས་བཅུ་པའི་ཡང་ཐོག་ན་སངས་རྒྱས་རྣམས་ཆོས་བགྲོ་བ་དང་། བརྩེགས་དགུ་པ་ན་ས་བཅུ་པ་རྣམས་གནས་པ་དང་ཆོས་མཚུངས་པའི་གནས་ཕལ་པ་མིན་པར་དཔའ་བོ་གཙུག་ཕྲེང་འཆད་པ་ནི་རྣམ་དཔྱོད་ཆེ། དེར་བེ་རོས་གསེར་རྣམས་ས་འོག་ཏུ་བསྐུངས། མན་ངག་གི་ཆོས་ལ་སུ་མཁས་དྲིས་པས། མཁས་པ་ཉེར་ལྔའི་སྲས་པརྙི་ཏ་སྟོང་གི་སློབ་དཔོན་ཤི་སིདྷ་ཉིད་ཡིན་ཟེར། ཆུ་ལེན་གྱི་རྣལ་འབྱོར་མ་ཞིག་བྱུང་བར་ཕྲིན་དུ་མར་རྫངས་ཀྱང་ལན་མ་བྱུང་། ལན་གཅིག་བེ་རོས་ལྟ་སྟངས་བྱས་པས་དེའི་ཆུ་བན་ས་ལ་འབྱར། དེ་ན་རེ་ཁྱོད་ཀྱང་རྫུ་འཕྲུལ་ཅན་ཞིག་སྟེ་བདག་ལའང་འདི་ལྟ་བུ་ཟེར་ནས་རང་གི་བྲང་ཕྱེ་ཏེ་རྡོ་རྗེ་དབྱིངས་ཀྱི་ལྷ་སོ་བདུན་བདུན་བསྟན། སླར་བརྡ་ཐབས་ཀྱི་ནང་དུ་རྟོལ་བར་གྱིས། བརྡའ་འདི་ལ་ལ་ན་འདི་སྟོན་གྱི་གསང་ཚིག་བསླབས། དེར་སྐབས་བཙལ་ནས་ནང་དུ་ཚམ་ཚོམ་མེད་པར་བྱོན། ཀེ་ཚང་འོག་མའི་མཁས་པ་རྣམས་ཕྱག་དང་བརྡའ་ལན་གྱིས་མཉེས་པར་བྱས། ནང་པར་ཤི་སིདྷ་དང་མཇལ། གསེར་གྱི་ཕྱག་རྟེན་དཔག་ཏུ་མེད་པ་ཕུལ། རྩོལ་མེད་ཀྱི་ཐེག་པ་གསུང་བར་གསོལ་བ་བཏབ་པས། ཆོས་ཀྱི་བཀའ་རྩིས་གསལ་བའི་ཕྱིར་དོ་ནུབ་བརྟག་གས་གསུང་།ནང་པར་དུས་གསུམ་གྱི་ལུང་བསྟན་དང་རྩིས་རྒྱབ་བཏབ་ནས་ད་ནི་ཁྱོད་ལ་བསྟན་པར་བྱ་སྟེ། གསང་བ་མ་བསྲུངས་ན་མན་ངག་འདི་གང་དགར་སྤྱད་དུ་མེད། རྒྱལ་པོའི་ཆད་པས་འུ་ཅག་གསུམ་ཀའི་སྲོག་ལ་ཡོང་མཆིས། དེས་ན་པརྙི་ཏ་བརྒྱ་ལ་གསེར་གྱི་ཕྱག་རྟེན་ཕུལ་ལ་རྒྱུ་འབྲས་ཀྱི་ཆོས་ཉོན། དེ་ཁོ་ན་གཉེར་བྱའི་གཙོ་བོ་ཡིན་པ་ལྟར་གྱིས། མཚན་མོ་མན་ངག་གིས་ཆོས་བསྟན་གྱིས་གསུངས། དེར་བྲམ་ཟེ་ཤིན་ཏུ་བཙན་པར་ཡོད་པས་དཔྱད་མི་བཟོད་པའི་རྟེན་འབྲེལ་བྱས། སློབ་དཔོན་གྱིས་མཚན་མོ་གསང་བ་གདམས་པའི་མན་ངག་སེམས་སྡེ་བཅོ་བརྒྱད་རྣམས་དར་དཀར་ལ་ར་དཀར་མོའི་འོ་མས་བྲིས། དུད་པས་བདུགས་ན་ཡི་གེ་གསལ་བའི་ཐབས་བྱས། བམ་པོ་མང་པོ་ཡུད་ཡུད་ལ་ཚར་བར་མཛད། གཙང་རིས་ཀྱི་མགོན་པོ་མ་ཚང་བ་མེད་པ་དང་། གསང་སྔགས་ཕྱི་ནང་གི་སྲུང་མ་ཐམས་ཅད་ལྷགས་ཏེ་བསྟན་པ་འདི་བསྲུང་བའི་ཆད་ཐོ་བླངས་ཤིང་། ཤིན་ཏུ་གསང་བའི་རྒྱས་བརྟབ་བོ། །དེའི་ཚ་གཙང་བན་ལེགས་གྲུབ་མན་ངག་དེ་ཙམ་གྱིས་ཚིམ། རྒྱལ་པོ་ལ་ངོ་སོ་འདོད་ནས་སྔོན་ལ་དེངས་པ་ལམ་དུ་གཅན་ཕྲང་པས་བསད། བེ་རོ་ཙྭ་ན་སྙིང་སྟོབས་འགྲན་ཟླ་མེད་པས་ད་དུང་མ་ཚམ་པར་བཞུགས་པས་སློབ་དཔོན་གྱིས་ནའམ་གསུངས། བེ་རོས་མཐོང་སྟེ་མ་ཕྲད་རང་སེམས་ན། མྱང་སྟེ་ཚིམས་རང་སེམས་ན་བྱ་བ་ལ་སོགས་པ་དང་། ལྟ་བ་ཕྱོགས་རིས་མེད་པ་དེ། །ལས་དང་རྟོག་པའི་འཕྲང་ལ་རྡུགས། །སྤྱོད་པ་བླང་དོར་མེད་པ་དེ། །འདོད་རྩོལ་གཉིས་ཀྱི་འཕྲང་ལ་རྡུགས། །ལམ་ལ་བགྲོད་དུ་མེད་པ་དེ། །ལུང་དང་རིག་པའི་འཕྲང་ལ་རྡུགས། །རང་བྱུང་ཡེ་ཤེས་ཆེན་པོ་དེ། །བག་ཆགས་སྟུག་པོའི་འཕྲང་ལ་རྡུགས། །དུས་གསུམ་སངས་རྒྱས་དགོངས་པ་དེ། །བྱིང་གོད་གཉིས་ཀྱི་འཕྲང་ལ་རྡུགས། །འབྲས་བུ་སྐུ་གསུམ་ལྷུན་གྲུབ་དེ། །བརྡའ་དོན་ཕྲད་པའི་འཕྲང་ལ་རྡུགས། །རྗོ་གས་ཆེན་བྱ་བྲལ་ལྷུན་གྲུབ་དེ། །བརྡའ་དོན་བྲལ་བའི་ཕྲང་ལ་རྡུགས། །སངས་རྒྱས་སྤྱོད་ཡུལ་རང་དབང་དེ། །སྤྱི་བླུགས་ཚང་བའི་དབང་ལ་རྡུགས། །ཆ་ལ་སེར་སྡེ་བཅོ་བརྒྱད་པོས། །འཕྲང་བརྒྱད་སྐྱེལ་མ་མ་གཤོགས་པས། །བདག་ཉིད་བེ་རོ་ཙ་ན་པ། །ཡུལ་དུ་འགྲོ་བའི་འཕྲང་ལ་རྡུགས། །ཞེས་གསུངས། འདི་ནི་ཚིག་ཚོན་པོ་བླ་ན་མེད་པར་སྣང་སྟེ་སྤྱིར་སྔགས་ཀྱི་རྡོ་རྗེའི་གནས་ཆེན་པོ་རྣམས་དང་། ཁྱད་པར་ཐེག་པའི་རྒྱལ་པོ་འདིའི་དགོངས་པ་ལ་མཁས་སུ་རློམ་པའི་རྟོག་དཔྱོད་ཅན་རྣམས་ཀྱི་སུན་འབྱུང་བློས་གཞལ་ན་རྒྱུ་འབྲས་རྣམ་པ་འགལ་བ་ལྟར་འཆར་བའི་མཚང་དང་། གོལ་ས་མ་ལུས་པ་འདིས་བསྟན་ཏོ། ། དེར་སློབ་དཔོན་ཤི་སིདྷས་རྒྱུད་སྡེ་དྲུག་ཅུའི་དབང་དང་མན་ངག་བྱིན། འབྲས་བུ་རང་ཆས་སུ་སྟོན་པ་རྒྱ་མཚོའའི་ཀླང་ལ་སོགས་པ་བསྟན་པས་རྟོགས་པའི་མཐར་ཕྱིན། ད་དུང་མ་ཚིམས་པ་ལྟར་མཛད་ནས་ཆད་ལ་བོར་བསཆོས་ཀྱི་དབྱིངས་ལ་ཟད་མེད་ཀྱང་། དེ་བཞིན་ཉིད་ལ་གཅིག་ཤེས་ན། །མ་ལུས་དེ་ལ་ཡོངས་སུ་རྫོགས། །དེ་ལས་ཡོད་ན་སིརྙི་ཀན། །ཞེས་གསུངས་ནས་གདམས་པ་མིག་འབྲས་ལྟར་བཙལ་བ། ཁོང་སྙིང་ལྟར་བཙའ་བ། སྲོག་ལྟར་བཙའ་བ་སྟེ་བཙའ་ལུགས་གསུམ། དེ་བཞིན་དུ་སྤྱིན་པའི་གནས་བཞི། མི་སྦྱིན་པའི་གནས་བཞི་ལེགས་པར་གདམས། དགའ་རབ་རྡོ་རྗེ་དང་མཇལ་བའི་ལུང་བསྟན་ཐོབ་པས་དེ་ཉིད་དུ་བཙལ་ཡང་མ་རྙེད། མཁའ་འགྲོའི་ལུང་གི་ཨེ།་རྒྱན་དུ་སོང་ཞིག་པར་སྐབས་དབྱེ་བས། རྙུ་མ་ཐ་ལའི་དུར་ལྟོ།ད་ཆེན་པོར། སློབ་དཔོན་དགའ་རབ་རྡོ་རྗེ་དང་མཇལ་ནས་རྫོགས་པ་ཆེན་པོ་འབུམ་ཕྲག་དྲུག་ཅུ་རྩ་བཞིའི་དངོས་གྲུབ་ཐོབ་ཅིང་སློབ་དཔོན་འོད་ཕུང་དུ་ཡལ་ལོ། །བོད་འདིར་བསམ་གྱི་མི་ཁྱབ་པའི་ཆོས་ཉིད་བློ་ན་མི་གནས་པས་ཐ་མལ་གྱི་རྟོག་དཔྱོད་ཁོ་ནས་ཆོས་ཀྱི་ཚིག་དོན་འཇལ་བ་བྱུང་མོད། འདིར་དགའ་རབ་རྡོ་རྗེ་ཀེ་ཚང་དང་པོ་ན་བཞུགས་པའི་སྙམ་ན། མཆོག་གཟིགས་ཀྱི་གྲུབ་པའི་དབང་ཕྱུག་རྣམས་ལ་ཅོ།་རྒྱན་ལས་འོག་མིན་ཡང་འོ།་ཟླས་བཅད་པའི་ཡུན་ན་མེད་དེ། འདིར་སློབ་དཔོན་བེ་རོ་ཙྭ་ནས་གནས་དེ་ཉིད་དུ་རྟོགས་གྲོལ་དུས་མཉམ་གྱི་དངོས་གྲུབ་ཆེན་པོ་བརྙེས་པས་ཨོ་རྒྱན་གྱི་ཡུལ་ལ་དྲན་པ་ཉེ་བར་བཞག་ནས་གོམ་པ་གཅིག་ཙམ་ཡང་འཕགས་པའི་གཏན་ཚིགས་བསྒྲུབ་པར་མི་བྱའོ། །དཔེར་ན་ཏེ་ལོ་པས་ནཱ་རོ་པ་རིམ་པ་མང་པོའི་ཡང་ཐོག་ནས་སྒྱུར་ཟེར་བ། དོན་ལ་རྡེའུ་གཅིག་གིས་སྟེང་ནས་ཀྱང་ལྷུང་བ་མེད་པའི་ཆོས་ཉིད་རྣལ་འབྱོར་དབང་པོ་ཨ་ནརྙས་རང་གི་རྣམ་ཐར་ན་བཀོད་པ་བཞིན་ནོ། །དེ་བཞིན་དུ་གཏན་ཚིག་ལ་མངོན་པར་ཞེན་པའི་བློ་ཆུང་གིས་ཉི་སིདྷ་དང་བི་རོ་སྔ་ཕྱི་འགལ་བའང་མཐོང་སྲིད་ཀྱི་དེ་དག་ཡེ་ཤེས་སྐུ་ཅན་ཡིན་པ་སྐུ་ལ་འདས་གྲོངས་མི་མངའ། ལས་དག་པས་ད་ལྟའང་མཇལ་དུ་ཡོད་ལ། མ་ཏ༷་གི་པ་ཀླུ་སྒྲུབ་ཀྱི་སློབ་མར་གྲགས་པ་བཞིན། དེ་གཉིས་སྔ་ཕྱི་རིང་པོ་ར་བའི་དཔེ་ཤེས་པར་བྱའོ། །མཚན་ཉིད་འདི་ལ་བློ་གྲོས་ཚད་མ་ཏཱ་ར་ནཱ་ཐས། སྔོན་བོད་དུ་བྱུང་བའི་ལོ་རྒྱུས་རྣམས་ན། དབང་བསྐུར་ཞིང་གདམས་པ་དང་རྗེས་སུ་གདམས་པ་མཐའ་དག་སྩལ་ཞེས་པ་ནི། སོ་སོའི་སྐྱེས་བོའི་སློབ་དཔོན་གྱིས་སློབ་མ་ཕལ་པ་གཅིག་ལ་བྱེད་པ་བཞིན་དུ། །རྡུལ་ཚོན་བཞེངས། དབང་རྫས་བསགས། ཆོག་འདོན་བཏང་། ཉིན་མོ་བསྒྲུབས། མཚན་མོ་བསྐུར། དཔེ་ཆ་སྒྲོག་པ་དང་།གཞུང་གི་འབྲུ་བཤད་མཛུབ་ཁྲིད་བྱེད་པ་དང་། འཛིན་ཆོས་བཏང་བ་མ་ཡིན་ཏེ། སློབ་དཔོན་ནག་པོ་སྐལ་ལྡན་གྱི་གང་ཟག་དེ་ལ། སྤྲུལ་པའི་སྐུ་ཡེ་ཤེས་ཀྱི་མཁའ་འགྲོ་མ་དེས། དགོངས་པ་བཏད་དེ་ཐུགས་རྒྱུད་བྱིན་གྱིས་བརླབས་པ་ཙམ་གྱིས། སྐད་ཅིག་དེ་ལ་ཡེ་ཤེས་ཁྱད་པར་ཅན་བརྙེས། རྒྱུད་དོན་མ་ལུས་པ་ཐུགས་སུ་ཆུད། བཀའི་གནང་བ་སྩལ་བ་ཙམ་གྱིས་སེམས་ཅན་གྱི་དོན་རྒྱ་ཆེར་སྤྱོད་པའི་ནུས་པ་ཐོབ་པ་དེ་ཀ་དབང་བསྐུར་བ་དང་། གདམས་ངག་རྗེས་གདམས་བླ་ན་མེད་པ་ཡིན་ནོ། །འདིས་མཚོན་པའི་སྔོན་གྱི་གྲུབ་ཐོབ་ཆེན་པོ་རྣམས་ཀྱི་རྣམ་ཐར་ན། གཅིག་གི་གཅིག་ལ་གདམས་ཚུལ་ཡོད་པ་རྣམས། ཕལ་ཆེར་དེ་བཞིན་ཡིན་ལ། རང་ཅག་བོད་འདི་ན་གོ་བ་འདི་ཙམ་ལ་ཡང་མཐའ་གཉིས་གང་རུང་གཅིག་ཏུ་ལྷུང་བར་སྣང་སྟེ། བླུན་པོ་རྣམས་དང་། བླུན་པོའི་རྗེས་འབྲངས་མཁས་འདོད་ཡོད་པ་ཕལ་ཆེར་ཞིག་ནི། གྲུབ་ཐོབ་རྣམས་ལ་དེ་ལྟར་ཡིན་པའི་གོ་བ་རབ་རིབ་ཅིག་ཤར་བ་རྒྱུ་མཚན་དུ་བྱས་ནས། ད་ལྟའི་བླ་མ་དང་། སློབ་མ་ཕལ་པ་ལམ་སྣ་ཙམ་ཡང་མ་ཟིན་པ་རྒན་རྒོན་རྣམས་ལ་ཡང་གྲུབ་ཐོབ་ཀྱི་རིགས་འགྲེ་འགྲན་འདོད་བྱས་ཏེ།དབང་བསྐུར། རྒྱུད་བཤད། མན་ངག་ཐམས་ཅད་རྩ་བས་བཅད། པོ་ཏི་མགོ་ལ་འཇོག་པ་དང་། དགོངས་པ་གཏད་པས་ཆོག་པ་སོགས། མི་ཤེས་པ་དང་། མ་ལྕོགས་པ་ལ་བཟང་བཟང་མོ་དང་དཔའ་བོ་དཔའ་མོ་བྱེད་བྱེད་དོ། །དེ་རིགས་བླ་མས་མ་གོ། དཔོན་སློབ་གཉིས་ཀར་གྱིས་ཅི་ཡང་མི་ཤེས་པ་ལ་ཤེས་མདོག་བྱེད་པ་ལས་མི་ཡོང་བར་འདུག་པ་འདི་ཆད་པའི་མཐའ་ཡིན་ཡང་། སྔགས་གཞུང་དང་ཆོ་ག་ལ་རྩིས་སུ་བྱེད་པ་རྣམས་ཀྱང་། ད་ལྟ་ལས་དང་པོ་པ་གང་བྱེད་པའི་རྒྱ་བཀབ་སྟེ་། འཕགས་པ་དང་། གྲུབ་ཐོབ་དང་། སྒྲུབ་པ་པོ་མཆོག་རྣམས་ལའང་བྱེད་པ་ནི། སྒྲིགས་བཀོད་དམ་དམ་མོ་དང་མཁས་འདོད་བྱས་པས་གཏི་ཐུག་དུ་སོང་སྟེ། འདི་ཀ་ལ་ལྷོས་པའི་རྟག་པའི་མཐའ་ཡིན་ནོ། །ངེས་ན་ལས་དང་པོ་པ་ལ་བརྒྱུད་པ་ཁུངས་ལ་ཐུག་པའི་ཆོས་བཀའ་མ་ཆད་པ་ཞིག་དགོས། ཆོ་ག་ལག་ལེན་བྱང་ལ་མ་ནོར་བ་ཞིག་དགོས། བསྙེན་བསྒྲུབ་ལ་སོགས་པ་ཚད་དུ་ཕྱིན་པ་ཞིག་དགོས། རང་རང་གི་གཞུང་བཤད་ཐེ་ཚོམ་ཆོད་ངེས། བློ་རྩེ་གཏད་མཚམས་ཡོད་ངེས་ཞིག་དགས། མན་ངག་རྣམས་ལག་ལེན་དུ་བཏབ་ན་ཐེབས་ངེས་པ་ཞིག་དགོས་སོ། །གྲུབ་པ་ཐོབ་པ་རྣམས་ཀྱི་སྤྱོད་ཡུལ་ནི་གཞན་མ་ཡིན་པས། དེ་འདྲའི་ངེས་ཁྲིད་མེད་ཀྱང་། དེ་ལ་ལོག་ལྟ་དང་ཐེ་ཚོམ་མི་བྱ། གུས་པས་གསོལ་བ་ཐོབ་ཅི་ག་ཅེས་སོ། །དེར་རྒྱ་གར་བ་ཆོས་ལ་ཕྲག་དོག་པས་བི་རོས་རྐང་མགྱོགས་ཀྱི་གདམས་པ་ཉམས་འོག་ཏུ་བཙུད། རྐང་མགྱོགས་ཀྱི་གཙོ་བོ་ལ་བརྔན་པ་བྱིན་པས་རྗེས་མ་ཟིན་པ་ལྟར་བྱས། བོད་དུ་མྱུར་བར་ཕེབས། བཙན་པོ་ལ་ཉིན་མོ་རྒྱ་འབྲས་ཐུན་མོང་བའི་ཆོས་དང་། མཚམ་མོ་རྫོགས་པ་ཆེན་པོ་ལྐོག་ཆོས་སུ་གསུངས། དེའི་ཚེ་རྒྱ་གར་བའི་རྨི་ལྟས་ལོག རྡོ་རྗེ་གདན་གྱི་ཆོས་མཛོད་ཆེན་པོའི་རྒྱ་རུ་སྤྲོས་ཞིག་པས་ཆོས་མ་ཚང་བར་ཤེས། བོད་ཐེ་ཚོམ་བསྐྱེད་པའི་ཕྲ་མ་མཁན་བཅུག །བཙུན་མོ་ཚེ་སྤོང་༄༅ བཟས་བི་རོ་བསླུ་བར་མ་ཚུགས་པས་སྡིག་བློན་རྣམས་སླད། རྒྱ་གར་བའི་ཕྲ་མ་ལ་སྙད་ནས་བི་རོ་ཁྲིམས་ལ་སྦྱར་བར་གསོལ། རྒྱལ་པོས་སྨྱུགས་པར་ཞལ་གྱིས་བཞེས་ནས་ཀུན་རྫོབ་ཏུ་སྤྲང་པོ་ཆུ་ལ་སྦྱངས་འབྲས་སློབ་དཔོན་དབུ་རྩེའི་གདུགས་ཁང་དུ་ལྟར་མི་མངོན་པར་བྱས་པའང་དམར་རྒྱན་གྱིས་ཤེས་ནས་བི་རོ་ཚ་བའི་རོང་དུ་བཅུག་དགོས་པ་བྱུང་། འདི་དག་གི་གཏམ་འདྲ་འབག་ལ་སོགས་པ་སྤྲང་པོ་ཆུ་ལ་སྦྱངས། སློབ་དཔོན་དབུ་རྩེའི་གདུགས་ཁང་དུ་ལྟར་མ་མངོན་པར་བྱས་པའང་དམར་རྒྱན་གྱས་ཤེས་ནས་བི་རོ་ཚ་བའི་རོང་དུ་བཅུག་དགོས་པ་བྱུང་། འདི་དག་གི་གཏམ་འདྲ་འབག་ལ་སོགས་པ་ཀློང་ཡངས་ལ་སོགས་པ་ཚའག་བམ་པོ་ཉི་ཁྲི། དེ་དག་ཀྱང་གྲུབ་པའི་སྐྱེས་བུ་རྣམས་ཀྱ་ཕྱག་ན་བཞུགས་པའི་དབང་དུ་བྱས་ཏེ་ཚང་བར་མ་འགྱུར་རོ། །སླར་བི་རོས་རྒྱལ་མོ་ཚང་བའི་རོང་དུ་གཡུ་སྒྲ་སྙིང་པོ་རྗེས་སུ་བཟུང་། ཡུལ་དེ་སྨིན་པར་མཛད། ཁམས་སུའང་འགྲོ་དོན་མཛད། རྒྱ་ནག་ཏུ་གཤེགས་ནས་གྲུབ་པ་མཆོག་དང་མཁའ་འགྲོ་མ་རྣམས་དང་ཆོས་སྐད་འདྲེས། ཡར་ལམ་ཡེ་ཤེས་གསང་བ་ལ་སོགས་པའི་རྒྱུད་ལ་བརྟན་པ་རྡོ་རྗེ་ཟམ་པའི་མན་ངག་གིས་སྤངས་མི་ཕམ་མགོན་པོ་རྗེས་སུ་བཟུང་། དེ་ནི་ལོ་བརྒྱད་ཅུ་རྩ་ལྔར་ལོན་པ་གཞོན་ནུའི་དུས་ཆོས་མ་གྲུབ། རྒས་ནས་ཉེ་འཁོར་དང་སྤུན་ཡང་སྔགས་གྲུབ་པ་ཞིག་སྟེ། རྒས་ཆེས་པས་ལུང་ཟུངས་ངན་པ་ལ་སྒམ་མ་ཐག་དང་སྒོམ་རྟེན་བཅས། གདམས་པ་ཡིད་ལ་ཟིན་ཕྱིར་ཚུལ་ཤིང་གཏད། སློབ་དཔོན་གྱི་ལུང་བཞིན་ཉམས་སུ་བླངས་པས་ཆོས་ཉིད་གཅེར་མཐོང་དུ་ངོ་འཕྲོད། རྟོགས་པ་ཐོད་རྒལ་དུ་སྐྱེས་པས་རྒས་པོ་དགའ་ཆེས་སྟེ་སློབ་དཔོན་གྱི་མགུལ་པར་འཁྱད་ནས་ཞག་གཅིག་ཏུ་མ་བཏང་། དངོས་གྲུབ་བརྙེས་པས་ལོ་བརྒྱ་ལྷག་བཅས་སུ་ཐུབ། དེས་ངན་ལམ་བྱང་ཆུབ་རྒྱལ་མཚན་ལ་བཤད་ནས་རིམ་རིམ་པར་འཇའ་ལུས་གྲུབ་པ་ཤ་སྟག་བྱུང་སྟེ། འོག་ཏུ་རྡོ་རྗེ་ཟབ་པའི་རྒྱུད་རིམ་ལ་འཆད་ཏོ། །དེ་ལྟར་བི་རོས་རིམ་པ་སྔར་བཤད་པའི་ཕྱི་མ་ལི་བཟའ་ཤེས་རབ་སྒྲོན་ཏེ། འདིས་བི་རོ་ལི་ཡུལ་དུ་སྤྱན་དྲངས། མཐར་བལ་བོ་བ་སེརྙེ་ནགས་སུ་འོད་ཀྱི་སྐུར་དེངས་ཞེས་གྲག་གོ །གངས་ཅན་པ་རྣམས་ཀྱི་སྐྱབས་དང་། མགོན་དང་། རྟེན་དང་། དཔུང་གཉེན་གཅིག་པུ་བ་ཨུ་རྒྱན་སངས་རྒྱས་གཉིས་པ་ལས་ཇི་ལྟར་བརྒྱུད་པ་ནི། སྤྱིར་གློབ་དཔོན་ཉིད་སྐུ་གསུམ་གྱི་སྟོན་པ་རྒྱ་མཚོའི་ངོ་བོ་ཉིད་ཡིན་པས་བརྒྱུད་པ་བྲེང་ཆགས་ཀྱི་མཚན་ཉིད་ལའང་ལྟོས་པ་མེད་དེ། སྐུ་གསུམ་གྱི་ཞིང་ཁམས་རྟེན་བརྟེན་པར་བཅས་པ་རང་གི་མཚན་ཉིད་དང་གཉིས་སུ་མེད་པས་སོ། །དེ་ལས་སྣང་འཁྲིད་ཚུལ་གྱི་སྒོ་ནས་ཤི་སིདྷ་དང་། འཇམ་དཔལ་བཤེས་གཉེན་སོགས་ལས་གདམས་པའི་བཀའ་བབས་རྙེད་པའི་ཚུལ་བསྟན། བོད་དུ་བི་མ་ལས་མན་ངག་སྙིང་ཏིག་དང་། བི་རོས་སེམས་ཕྱོགས་དར་བར་མཛད་པས། དེ་དག་ཕྱི་མཐར་འཆལ་ཞིང་། གདམས་པའི་སྙིང་པོ་དང་བྲལ་བའི་ཚེ་འགྲོ་དོན་ཆེ་བར་དགོངས་ནས་རང་གི་སྙིང་ཐིག་ཞོ་སྟོད་ཏི་སྒྲོར་མཁའ་འགྲོ་ཡེ་ཤེས་མཚོ་རྒྱལ་ལ་ལྐོག་ཆོས་སུ་གདམས། མངའ་བདག་གི་བཙུན་མོ་འབྲོམ་གཟའ་བྱང་ཆུབ་སྨན་ལས་འཁྲུངས་པ་ལྷ་ལྕམ་པདྨ་གསལ་ལོ་བརྒྱད་ལོན་པ་ཞིག་ཚའི་དུས་བྱས་པར་ཡབ་རྒྱལ་པོ་མྱ་ངན་གྱི་དུབ་པ་བསལ་བའི་ཕྱིར། མཆིམ་ཕུར་ལྟ་ལྕམ་གྱི་ཕུང་པོའི་སྙིང་ཁར་མཚལ་གྱི་ཡི་གེ་དྲི་གཅིག་བྲིས། ཏིང་ངེ་འཛིན་གྱི་ལྕགས་ཀྱུ་རྣོན་པོས་རྣམ་ཤེས་བཀུག་པས། མིག་ལྟ་ཞིང་སྨྲ་ཤེས་པར་གྱུར་པའི་ཚེ་མན་ངག་མཁའ་འགྲོའི་སྙིང་ཐིག་བྱིན་བརླབས་འཕོ་བའི་སྟོབས་ཀྱིས་གདམས་ནས་སྐྱེས་བ་ཕྱི་མའི་ཆོས་སྐལ་དུ་དབང་བསྐུར། ཟབ་མོའི་གཏེར་དུ་བཙས་པ་ཕྱིན་ཆད་པདྨ་ལས་འབྲེལ་རྩལ་གྱིས་བཏོན་པས་མཁའ་འགྲོའི་སྙིང་ཐིག་ཏུ་གྲགས་པ་སོགས་གཏེར་ལས་བྱོན་པའི་སྙིང་ཐིག་གནད་མ་འཁྲུལ་ཞིང་དོན་ཚང་བ་དག་ཡིན་ནོ། །ལུང་ཨ་ནུ་ཡོ་ག་ནི། མདོ་སྡེ་གདམས་ངག་འབོགས་པའི་རྒྱལ་པོ་ལས། འདྲེན་པའི་ཐེག་པ་གསུམ་པོ་དག །བཅོམ་ལྡན་ངེས་པར་གསུངས་ལགས་ན། །ཞེས་པའི་ལུང་འདྲེན་གྱི་ཁུངས།བཤད་པའི་རྒྱུད་དགོངས་པ་འདུས་པ་འདི་ནི། འདྲེན་པའི་ཐེག་པ་རྣམ་གསུམ་ལ། །གང་དག་ངེས་པར་དཀོད་ལགས་ན། །མཉམ་པས་བླང་དོར་མེད་སྤྱོད་ཅིང་། །བྱང་༡༤༥ཆུབ་གཞན་ནས་མི་འཚོལ་བའི ཐབས་མཆོག་དབང་གིས་མི་ལང་བའི ངེས་པའི་ཐེག་པ་ཡོང་མ་གསུངས། །ཞེས་ཡོད་པ་དེ་ཡིན་པར་སྣང་ཞེས་འགོས་ལོ་གཞོན་ནུ་དཔལ་ཡང་བཞེད་སྒྱིར་འདྲེན་པའི་ཐེག་པ་ཞེས་པའི་ཆོས་སྐད་ཁོ་ནས་ཀྱང་མདོ་སྡེ་གདམས་ངག་འབོགས་པ་དེ་ཀུན་འབྱུང་འདྲེན་པ་ལ་སོགས་ཏེ་རིམ་པ་དགུའི་ངེས་འབྱེད་ཀྱི་རྣམས་གྲངས་སུ་འདུ་བའི་ཕྱིར་གྲུབ་པའི་མཐའ་འདི་ལ་ཡིད་གཉིས་བྱེད་པ་རྣམས་རྟེན་དང་བརྟེན་བཤད་འགལ་བ་ཡིན་ནོ། །དེ་ལ་སྟོན་པ་མྱ་ངན་ལས་འདས་ནས་རེ་ཞིག་ན་དགྲ་བཅོམ་པ་ཡང་ཉུང་ངུར་གྱུར་ཅིང་། བསྟན་པ་ཉམས་དམས་པས་མུ་སྟེགས་པ་རྣམས་ཀྱིས་གོ་ཏ་མའི་བསྟན་པ་ནི་མེ་ཤི་བའི་དུད་པ་བཞིན་ནོ་ཞེས་ཁ་ཟེར་བར་བྱེད་པའི་ཚེ། འདི་ལྟར་སྤྲུལ་སྐུ་ཆུ་ཟླ་ལྟ་བུ་གཅིག་འདས་ཀྱང་། འོག་མིན་གྱི་ལོངས་སྐུ་ཟླ་བ་དངོས་ལྟ་བུ་རྟག་པ་རྒྱུན་གྱི་འཁོར་ལོར་བཞུགས་པས། སེམས་ཅན་གྱི་མོས་པ་དང་སྐལ་པའི་ཆུ་སྣོད་དང་འཚམས་པའི་སྤྲུལ་པ་དང་། ཐེག་པ་གང་གིས་འདུལ་བའི་ཆོས་འབྱུང་བའི་གནས་ཡིན་པས། མདོ་དགོངས་འདུས་ལེའུ་བཞི་པར། དྲག་ཤུལ་ཅན་ཞེས་བྱ་བའི་རི། །དགོན་པ་ཆེན་པོའི་གནས་དེ་ནི། །ཡེ་ཤེས་སྙིང་པོ་ཅན་རྣམས་ཀྱི། །ཐེག་ཆེན་གདམས་ངག་འབྱུང་བའི་གནས། །ཞེས་གསུངས་པ་ལ་བདེ་མཆོག་རྡོ་རྗེའི་མདོ་འགྲེལ་གྱིས་ཟ་ཧོར་གྱི་ཡུལ་དང་ཉེ་བར་བསྟན་ཅིང་ལདྷའི་ཡུལ་དུ་གྲགས་པ་རི་མ་ལ་ཡ་གནམ་ལྕགས་ཡོད་པའི་རྩེར།རིགས་ཅན་དྲན་མ་ལྔ་རང་རང་གི་མངོན་ཤེས་དང་རྫུ་འཕྲུལ་གྱིས་འདུས། གསུང་ཚིག་ཉི་ཤུ་རྩ་གསུམ་བཏོན་པས། སངས་རྒྱས་རྣམས་ཀྱི་བྱིན་བརླབས་ཀྱིས་བསྐུལ་ནས་གསང་བ་བདག་དངོས་སུ་བྱོན། །སྔོན་འོག་མིན་དགའ་ལྡན། རི་རབ་ཀྱི་རྩེ་སྟེ་ལྟ་གནས་གསུམ་དུ་གྲགས་པའི་ཐེག་པ་བླ་ན་མེད་པ། རྩ་བའི་རྒྱུད་ཀུན་འདུས་རིག་པ་དང་། བཤད་པའི་རྒྱུད་དགོངས་པ་འདུས་པ་གཉིས་བཤད་དེ་སྲིན་པོ་བློ་གྲོས་ཐབས་ལྡན་གྱིས་གསེར་གྱི་གླེགས་བུམ་བིཌབྱ་ཞུན་མས་བྲིས། དགོངས་པའི་རྩལ་བདུན་གྱི་ནམ་མཁའ་ལ་སྦས་པའང་རྒྱལ་པོ་ཛ་ལས་བརྒྱུད་དེ་དར་རོ། །བསྐྱེད་པའི་བ་མ་ཧྭ་ཡོ་ག་ལ་རྒྱུད་སྡེ་དང་། སྒྲུབ་སྡེ་གཉིས་ལས་དང་པོ་ནི། རྒྱལ་ཚབ་རྡོ་རྗེ་སེམས་དཔས་རིགས་གསུམ་སེམས་དཔའ་ལ་བཤད། དེ་ལས་འཇམ་དཔལ་གྱིས་ལྷ་གྲགས་ལྡན་མཆོག་སྐྱོང་། སྤྱན་རས་གཟིགས་ཀྱི་ཀླུ་རྒྱལ་གྲིཏྣ་ནག་པོ། ལག་ན་རྡོ་རྗེས་གནོད་སྤྱིན་སྐར་མདའ་གསོང་། ལདྷ་མགྲིན་བཅུས་མི་མ་ཡིན། ལི་ཙྭ་བྲི་དྲི་མེད་དུ་གྲགས་པས་མི་རྣམས་ལ་རིག་འཛིན་པས་བརྒྱུད་དེ་རང་རང་གི་འཁོར་ཚོམ་བུ་འབུམ་སྡེ་དང་བཅས་པ་སངས་རྒྱས། དེ་ནས་མི་ཡུལ་དུ་སྔོན་དུ་དར་བ་ནི། གསང་བའི་བདག་པོས་རིགས་ཅན་ལྔ་ལ་ཆོས་འཁོར་བསྐོར་བའི་བྱིན་བརླབས་ལས། ལྷོ་ཕྱོགས་ཟ་ཧོར་གྱི་ཡུལ་དུ་རྒྱལ་པོ་ཛ་ཞེས་བྱ་བ་ལ་སྔོན་དུ་ལྟས་ཁྱད་པར་ཅན་གྱི་རྨི་ལམ་བདུན་ཤར།ཕྱག་ན་རྡོ་རྗེ་ཟླ་བ་བདུན། བསྒྲུབས་པས་ཕོ་བྲང་གི་ཡང་ཐོག་ཏུ་གླེགས་བམ་གྱི་ཆར་བབས། དོན་མཁྱེན་ཀྱང་གབ་པར་བྱས་སྟེ་ཨུ་པ་ར་ཛ་སོགས་ལ་དྲིས་པས་བརྡའ་མ་ཁྲོལ། དགེ་སློང་ཀུ་ཀུ་ར་ཛས་སྒྱུ་འཕྲུལ་དྲུ་བའི་ལེའུ་སྟོང་ཕྲག་བརྒྱ་བའི་ལེའུ་གསུམ་པ་རྡོ་རྗེ་སེམས་དཔའ་ཞལ་མཐོང་གི་ལེའུར་རྟོགས། རང་གི་ཟླ་བ་བདུན་སྒྲུབས་པས་གྲུབ་སྟེ། ༡་༧ལུང་བསྟན་པ་བཞིན། རྒྱལ་པོས་ཕྱག་ན་རྡོ་རྗེ་ཟླ་བ་བདུན་བསྒྲུབས་པས་དངོས་སུ་བྱོན་ནས་དབང་བསྐུར་བྱིན་གྱིས་བརླབས། ཚིག་རྣམས་ལི་ཙ་བྱི་དྲི་མེད་གྲགས་པར་ཞུས་ཤིག་པའི་ལུང་བསྟན་ཐོབ་པ་ལྟར་མཉན་པས་ཏནྟྲ་སྡེ་བཅོ་བརྒྱད་བྱུང་། དེ་ལ་སྡེ་ཚན་གྱིས་དབྱེ་བས། སྐུའི་རྒྱུད་གསུམ་ནི། སངས་རྒྱས་མཉམ་སྦྱོར། གླང་པོ་རབ་འབོག །གླང་པོ་མཚོ་ཞུགས། གསུང་གི་རྒྱུད་གསུམ་ནི། ཟླ་གསང་ཐིག་ལེ། གཅིག་ལས་འཕྲོས་པ། དུ་མ་ལས་འཕྲོས་པ། ཐུགས་ཀྱི་གསུམ་ནི། གསང་བ་འདུས་པ། རི་བོ་བརྩེགས་པ། རྩེ་གཅིག་འདུས་པ། ཡོན་ཏན་གྱི་གསུམ་ནི། དཔལ་མཆོག་དང་པོ། བདུད་རྩི་མཆོག་དང་པོ། ཡིད་བཞིན་ནོར་བུའི་རྒྱུད་དོ། །འཕྲིན་ལས་ཀྱི་གསུམ་ནི། ཀརྨ་མྱ་ལེ། སྒྲོམ་མ་འབར་བཀི་ལ་ཡ་ཡིག་འབྲུ་བཅུ་གཉིས་སོ། །སྤྱིའི་རྒྱུད་གསུམ་ནི། སྒྱུ་འཕྲུལ་དྲ་བ། དམ་ཚིག་བཀོད་པ། ཐབས་ཀྱི་ཞགས་པ་སྟེ་བཅོ་བརྒྱད་དོ། །རྒྱལ་པོ་ཛ་སྲས་ཨིནྟྲ་སྙོ་དྷི། སིདྷ་ར་ཛ། ཨུ་པ་ར་ཛ། སྲས་མོ་གོ་མ་དེ་ཝི་སོགས་ཀྱི་ཚོགས་ཀྱི་དཀྱིལ ་ཁོར་བསྒྲུབས་པ་ཚོམ་བུ་འབུམ་པ་ལ་སོགས་པ་རིག་འཛིན་གྱི་ས་ལ་གཤེགས་པའང་བསམ་གྱི་མི་ཁྱབ། བྲེང་ཆགས་ཀྱི་བརྒྱུད་པའང་། ཀུ་ཀུ་ར་ཛ་ཕྱི་མ། རོ་ལངས་བདེ་བའི་དངོས་གྲུབ། རྡོ་རྗེ་བཞདཔ། ཟ་ཧོར་གྱི་མཁན་པོ་པྲ་བྷ་ཧསྟི། སངས་རྒྱས་གསང་བ་བི་མ་ལ། དེས་རྒྱ་གར་གྱི་པརྙི་ཏ་ལྔ་བརྒྱ་ལ་བཤད་ཅིང་། བོད་དུ་གཉགས་ཙྭ་ན་ལོ་ཙྭ་བྱས་ཏེ་མདོ་དང་སེམས་ཕྱོགས་བསྒྱུར། རྨ་རིན་ཆེན་མཆོག་གིས་མཚན་ཉིད་དང་སྒྱུ་འཕྲུལ་བསྒྱུར། སྒྱུ་འཕྲུལ་དེ་ལའང་ནང་གསེས་སུ་དབྱེ་ན། རྩ་རྒྱུད་གསང་བ་སྙིང་པོ། རོལ་པ་མངོན་པར་བརྗོད་པ་ལྷ་མོ་སྒྱུ་འཕྲུལ། དཀྱིལ་འཁོར་སྟོན་པ་སྒྱུ་འཕྲུལ་བརྒྱད་པ། འཕྲིན་ལས་སྟོན་པ་སྒྱུ་འཕྲུལ་བཞི་བཅུ་པ། དབང་གཙོ་བོར་སྟོན་པ་སྒྱུ་འཕྲུལ་བླ་མ། ཡོན་ཏན་མཐར་ཕྱིན་པ་སྟོན་པ་སྒྱུ་འཕྲུལ་བརྒྱད་བཅུ་པ། སྡེ་སྣོད་ཡོངས་ལ་ཁྱབ་པར་སྟོན་པ་སྒྱུ་འཕྲུལ་དྲ་བ་ཆེན་པོ། དམ་ཚིག་གཙོ་བོར་སྟོན་པ་སྒྱུ་འཕྲུལ་ལེ་ལག་སྟེ་སྡེ་བརྒྱད། ས་ལམ་སྟོན་པ་ཡེ་ཤེས་སྙིང་པོ། ཅིག་ཅར་སྟོན་པ་རྡོ་རྗེ་མེ་ལོང་ ཐབས་ལམ་རིམ་གྱིས་སྟོན་པ་རྡོ་རྗེ་ཐལ་བ། ཅིག་ཅར་སྟོན་པ་རྡོ་རྗེ་རྒྱ་མཚོ་སྟེ་བཤད་རྒྱུད་སྡེ་བཞི་ཞེས་བྱའོ། །དེ་ལས་སྡེ་བརྒྱད་བི་མ་ལས་རྨ་རིན་ཆེན། དེས་གཙུག་ཏུ་རིན་ཆེན་ཞུ་ནུ་དང་གྱེར་མཆོག་གཉིས། དེ་ཉིད་ལ་དར་རྗེ་དཔལ་གྲགས་དང་ཞང་རྒྱལ་བའི་ཡོན་ཏན་གཉིས། དེས་དར་རྗེ་ལ་བཀའ་ཡོངས་གྲགས་དང་། ཞང་ལ་བཀའ་མཆིམས་ཕུ་མར་གྲགས་ཏེ། སྒྱུ་དྲ་མ་གཏོགས་པ་གནུབས་ཆེན་གྱིས་གསན་ཏོ། །འདུས་པ་མདོ་ནི། རྒྱལ་པོ་ཛ་སྲས་ཨིནྟྲ་སྟོ་དྷི་དང་། ནཱ་ག་སྟོ་དྷི། གུ་རྒྱ་བོ་དྷི་ལ། ནཱ་ག་སྙོ་དྷི་ཀླུ་བ་སུ་རིགས་དྲུག་གི་ལོ་དགུར་ཤོད་དུ་མར་སྟེར། ཨིནྟྲས་ཕྱིའི་རྒྱལ་པོ་ཀུ་ཀུ་ར་ཛ། དེས་རོ་ལངས་བདེ་བ། དེས་རྡོ་རྗེ་བཞད་པ། པྲ་བྷ་ཏ་སྟི། ཤཱཀྱ་སེདྷི། ཤཱཀྱ་པྲ་བྷ། ཤཱཀྱ་མུ་ཏྲ་གསུམ་ལ་བཤད། ཤཱཀྱ་མུ་སེརྙེས་དྷ་ན་རསྟི་ཏ། དེས་དྷརྨ་སྙོ་དྷི་དང་བ་སུ་ར་ལ་བརྒྱུད་པའམ། ཡང་དྷ་ན་རསྙི་ཏ་བྲུ་ཤའི་རུ་ཆེ་བཙན་སྐྱེས་ཀྱིས་གདན་དྲངས་ནས། བྲུ་ཤའི་ཡུལ་གྱི་ཁྲོམ་དུ་བསྒྱུར་པར་བྱས་པས། མོས་པ་ཆུང་བས་མ་འགྱུར་བར་བལ་ཡུལ་དུ་བྱོན། དྷརྨ་བོ་དྷི་དང་བ་སུ་དྷ་ར་ལ་བཤད། དེ་ནས་ཕྱིས་བྲུ་ཤའི་ཡུལ་དུ་ཁྲོམ་བསྒྱུར་བྱས། རུ་དྷརྨ་བོ་ཧི་དང་། བ་སུ་དྷ་ར་དང་བྲུ་ཤའ་མཁན་པོས་གནུབས་ཆེན་ལ་བཤད་ནས་བོད་ལ་བྱོན་ཏོ། །དེ་ལ་པོ་ཏིའི་ཆར་བབས་ནི་གདམས་ངག་རང་ཉིད་ལེན་པའི་ཕྱོགས་ཡིན་ཟེར་བ་བྱུང་མོད། རྒྱུད་རང་གི་ངོ་བོ་ནས་རྩོད་པ་མེད་པའི་མངོན་སུམ་ཆད་མ་ནི་ཤེར་ཕྱིན་བརྒྱ་ལྔ་བཅུ་པའི་འགྲེལ་པ་ནས་གསུང་རབ་འདིའི་ལོ་རྒྱུས་ཤིན་ཏུ་ཞིབ་པ་བྱུང་བས་བོ་དོང་པ་ཆེན་པོས་རྒྱུད་སྡེ་སྤྱི་རྣམ་དུའང་བཀོད་ཅིང་། མཉམ་སྦྱོར་གྱི་འགྲེལ་པར་ཡང་དེ་དང་ཚུལ་འདྲ་བ་གཅིག་བཤད་པས་དགག་པར་མི་བྱའོ། །ཞེས་གསུངས་ལ། གཟུ་བོར་གནས་པ་དག་གིས་ཀྱང་དེ་ལ་བསྐྱར་བཟློས་མཛད་སྣང་། སྤྱིར་ཕྱག་ན་རྡོ་རྗེའི་བྱིན་བརླབས་ཀྱི་བླ་མའི་གོ་ཆོད་མོད། གདམས་ངག་རང་ཉིད་ལེན་པའི་ཉེས་པ་དེ་རང་རྒྱུད་པ་ལ་ཡིན་ནམ། སྤྲུལ་པའི་སྐུ་ལ་ཡིན། དང་པོ་ལ་ཡན་ན་རྒྱལ་པོ་རྫའི་ཁང་སྟེངས་སུ་གླེགས་བམ་འབབ་པར་བྱེད་པའི་ཐུགས་རྗེས་རྫུ་འཕྲུལ་གྱི་མངའ་དབང་ཅན་དེ་དག་གིས་ཀྱང་རྒྱལ་པོའི་རྒྱུད་ཆུད་གཟོན་པ་མ་མཁྱེན་པའོ། །ཕྱི་མ་ལ་ཡིན་ན། ཤཱཀྱ་ཐུབ་པས།ང་ལ་མཁན་པོ་མེད་པ་ན། ང་ནི་རང་བྱུང་དགེ་སློང་ཡིན། །ཞེས་གསུངས་ཤིང་དོན་ལ་གནས་པས་ཤཱཀྱ་ཐུབ་པའང་རང་གི་བསྟན་པའི་ཆོམ་རྐུན་པ་ཉིད་དུ་ཁྱེད་ཀྱིས་སྨྲ་བར་ཤེས་སོ། །པོ་ཏིའི་ཆར་དེ་ཡང་རིག་བས་བཏགས་པ་ཡིན་སྙམ་ན་དཔལ་ནཱ་ལེནྟྲའི་གྱང་རིས་ལ་མངོན་སུམ་དུ་བྲིས་པ་ལོ་ཙྭ་བ་ཟུ་དགའ་རྡོར་གྱིས་ཀྱང་མཐོང་བའི་ཕྱིར་རོ། །དེ་ལྟར་རྒྱུད་སྡེ་དེ་དག་ལ་སློབ་དཔོན་ཀུ་ཀུ་ར་ཛ་དང་། ཨིནྟྲ་བོ་དྷི་དང་། གོ་མ་དེ་ཝི་དང་། པྲ་བྷ་ཧསྟི། རྡོ་རྗེ་བཞད་པ་ལ་སོགས་རིམ་པར་དགོགས་འགྲེལ་ཀྱང་དཔག་ཏུ་མེད་པ་བྱུང་སྟེ་གཞན་ལས་ཤེས་སོ། །དེ་དག་ནི་རྣམ་པ་མང་པོ་སྡེ་ཚན་གྱི་བསྡུས་པ་ལས་མདོ་སྒྱུ་སེམས་གསུམ་མམ། ཡོ་ག་གསུམ་གྱི་སྒྲས་སྤྱིར་བསྙད་པ་ཡི་ན་ནོ།། །།གཉིས་པ་སྒྲུབ་སྡེ་ལ་བཀའ་གཏེར་གྱི་ཕྱོགས་གཉིས་ལས། དང་པོ་ནི། སྐུའི་རྒྱུད་གཤེད་སྐོར་རྣམས་ནི་སློབ་དཔོན་འཇམ་དཔལ་བཤེས་གཉེན་ལས་བྱུང་བ་གཙོ་བོར་བྱུང་ལ། དེ་ནི་སིསྐོ་ལའི་རྒྱལ་པོ་གཞོན་ནུ་དཔལ་གྱི་གྲས་ཁྱིའུ་དཔལ་ཞེས་བྱ་སྟེ། རྒྱལ་སྲིད་ལ་སྐྱོ་ནས་ལྷོ་ཕྱོགས་བེ་ཏའི་ཡུལ་དུ་བྲོས། སྤྲུལ་པའི་སྐུ་དགའ་རབ་རྡོ་རྗེ་ལ་རབ་ཏུ་བྱུང་ཞིང་། རྒྱུད་ལུང་མན་ངག་ཐམས་ཅད་ཐུགས་ལ་ཆུད། དེས་འཇམ་དཔལ་ཡི་དམ་བྱས་ནས་བསྒྲུབས་པས། བུམ་པ་ཁོལ། བྲིས་སྐུ་བཞད། མེ་ཏོག་འཁྲུངས་པ་བྱུང་བས་དེའི་ནུབ་མོ་འཇམ་དཔལ་ཞལ་གཟིགས། ཚེ་ལ་དབང་བའི་དངོས་གྲུབ་བརྙེས།ཕྱི་ནུབ་ཡི་གེ་འཁོར་ལོ་ཚོགས་ཆེན་གྱིས་ནོན། འཇམ་དཔལ་ཡ་མརྙ་ཀའི་ཞལ་མཐོང་ཞིང་དབང་རྒྱུད་མན་ངག་ལུང་དང་བཅས་པ་བཤད་པར་རྨིས། མནལ་སད་ཙ་ན་སྤྲུལ་པའི་གཤིན་རྗེ་མང་པོ་སྐོར་བ་བྱེད་ཅིང་འདུག །དེ་ཐམས་ཅད་ཀྱི་སྲོག་སྙིང་ཕུལ། དེའི་ཚ་ནམ་མཁའ་ལ་སྒྲ་ཆེན་པོ་གྲགས་པས་པརྙི་ཏ་རྣམས་ཐེ་ཚོམ་སྐྱེས། དགའ་རབ་རྡོ་རྗེའི་ཞལ་ནས། འདི་ནི་དགེ་སློང་དཔལ་བཟང་གིས་འཇམ་དཔལ་གྲུབ་པའི་རྟགས་ཡིན་གསུངས། མཚན་ཡང་འཇམ་དཔལ་བཤེས་གཉེན་དུ་བཏགས། ནམ་མཁའ་ལས་རི་གནམ་ལྕགས་འབར་པར་སོང། དེ་ན་རྒྱུད་སྡེ་ལ་མ་ལུས་པ་ཡོད་པ་ལོངས་ཚོད་ལ་འགྲོ་བའི་དོན་གྱིས་ཞེས་བྱུང་།དེར་གཤེན་རྗེ་གཤེད་ཀྱི་བརྟུལ་བཞུགས་རོལ་པའི་སྤྱོདཔ་བསྐྱངས་པས་སྨྱོན་པ་བརྟུལ་ཞུགས་ཅན་དུ་གྲགས། སློབ་དཔོན་ཤི་སིདྷའི་རྔུན་ན་བཙུན་པ་ཤམ་ཐབས་ཐོད་དུ་བཅིངས། ཐོང་གཤོལ་ཕྲག་པ་ལ་བཟུང་བའ་རྨོས་མཁན་དུ་བསྟན། བྲི་སིདྷ་ཡིད་མ་ཆེས་པས་འདི་ནི་དཔལ་བཤེས་གཉེན་ག་ལ་ཞིག་སྟེ་དེ་ནི་ཡང་པརྙི་ཏའམ། ཡང་ན་རྣལ་འབྱོར་པའི་ཆ་བྱད་དུ་འོང་ཐང་སྙམ་ནས་བཟའ་ཞིག་བླངས་པས། ངའི་ཆུང་མ་ལ་སློང་ཟེར། དེ་ནས་གྲོང་ཁྱེར་དུ་ཕྱིན་ནས་སློངས་པས། ཇོ་མོས་ཚོང་འདུས་ནས་བྱིའུ་འཆིལ་པ་བདུན་ཉོས། དེ་འབྲས་ཆག་དང་བསྲེས་ནས་དྲངས་བྱུང་། ང་དགེ་སློང་ཡིན་པས་མི་རུང་བྱས་པས་རྗེས་སུ་ཡིད་རང་ཟེར་ལག་མཐིལ་དུ་བཞག །ཕུས་བཏབ་པས་ཙོ་དིར་གྱིས་ནམ་མཁའ་ལ་དེངས། དེར་ཁྱིམ་བཙུན་བྱོན་ནས། འདི་ལ་བཟའ་བྱིན་ནམ་གསུངས་པས། ཇོ་མོ་ན་རེ་བཟའ་བྱིན་ཀྱང་ཁོང་མི་འདོན་པར་གདའ་གསུངས་པས། གང་ཟག་འཆིང་བ་ཅན་གསུངས། ཤི་སིདྷའི་རྡོ་རྗེ་སེམས་དཔའ་སྒྱུ་འཕྲུལ་དྲུ་བ་ཞལ་འདོན་མཛད་པས། སློབ་དཔོན་གྱི་དང་པོར་མལ་ལས་གཟིམས་བཞིན་དུ་གསན། དེ་ནས་བཞེངས་སྟེ་གསན། རྫོགས་པ་དང་དོན་ལ་ལྟ་ཅི་ཚིག་ལའང་རྨོངས་གསུངས་པས་འཇམ་དཔལ་བཤེས་གཉེན་ཡིན་ནམ་དགོངས། དེ་ཞིན་དུ་གྲོང་ཁྱེར་དུ་གྲུབ་པའི་སྤྱོད་པ་ཡ་མ་ཟུང་མང་དུ་བསྟན་པས་རྒྱལ་པོའང་ངོ་མཚར་སྐྱེས་ཏེ་རྣལ་འབྱོར་གྱི་དབང་ཕྱུག་ཆེན་པོར་གྲགས། ཧི་མ་ལ་ཡ་ཞེས་སྣང་བ་རང་ཚན་པས་བགྲོད་པར་མི་ནུས་པའི་གནས་དེར་བྱོན་པས་གནོད་སྤྱིན་གྱི་བུ་མོ་ཟངས་ཀྱི་འོད་འཕྲོ་མ་སོགས་ཀྱིས་འབྱོན་དུ་མ་སྟེར། དེར་བདེན་པའི་ཚིག་གིས་དཀྲོལ་བའི་ལྕགས་ཀྱི་སྡིག་པ་འཇིགས་སུ་རུང་བ་ཞིག་བྱུང་། དེ་ནི་སྤྲུལ་པར་ཤེས་ནས་བསྟི་སྟང་བྱས་པས་བསེའི་སྒྲོམ་བུར་སོང་། དེ་ནས་ལས་བཞི་ཚང་བའི་གསེར་གྱི་གླེགས་བམ་བིཌརུས་བྲིས་པ་བྱུང་། གཟིགས་པ་ཙམ་གྱིས་ཐུགས་སུ་ཆུད་ནས་མུ་སྟེགས་འདུལ་བའི་སྔགས་རྒོད་རྣམས་བསྒྲུབས་ཏེ་ལས་ལ་སྦྱར་ནས་མུ་སྟེགས་ཀྱི་རྒྱལ་ཁམས་བརླག་པར་མཛད། གླེགས་བམ་དངོས་རྡོ་རྗེ་གདན་གྱི་བྱང་དུ་མི་སྣང་བར་རྒྱས་གདབ་བོ། །དེ་ཉིད་ལ་སློབ་མ་བསམ་གྱི་མི་ཁྱབ་མོད་ཀྱི། གཙོ་བོར་གྱུར་པ་ཧུ༷་ཀ་རའི་ལུགས། པདྨའི་འབྱུང་གནས་ལ་བརྒྱུད། དྷ་ན་ཏ་ལ་མན་ངག་གསུང་ནས་དར། འཇམ་དཔལ་བཤེས་གཉེན་འདིར་ལོ་རྒྱུས་རྙིང་པ་ཐམས་ཅད་ལ་རྒྱལ་རིགས་གཅིག །བྲམ་ཟེའི་རིགས་གཅིག །རྫུས་ཏེ་སྐྱེས་པ་གཅིག་སྟེ་གསུམ་སྣང་བ་རང་ས་རང་སར་གསུམ་ཀ་འཐད་ལ། དོན་ལ་སྤྲུལ་པ་སྒྱུ་མ་ལྟ་བུས་འདུལ་བའི་སྟོན་པ་ཡིན་ཏེ་གདམས་ངག་བྱུང་བའི་གླེང་གཞི། རྡོ་རྗེ་བཙུན་མོའི་བ་ཧ་ག་དང་མྱོན་གྱི་གནས་བཞིན་ནོ། །གཤེད་སྐོར་རྣམས་བོད་དུ་གཙོ་བོར་སློབ་དཔོན་ཤརྙིང་གསྟོ་བྱོན་ནས་དར་ཤིང་། འདིས་བསམ་ཡས་ཀྱི་རབ་ཏུ་གནས་པའང་བྱས་སོ་ཞེས་གྲགས་པ་སྣང་ངོ་། །གསུང་གི་རྒྱུད་རྟ་མགྲིན་ལ་སོགས་པ་ང།དྨའི་རིགས་མཆོག་དག་ནི་དཔལ་མགོན་ཀླུ་སྒྲུབ་ལས་རིམ་གྱི་པདྨ་ས༷་བྷ་ཝ་ལ་བརྒྱུད་པ་སྟེ། སློབ་དཔོན་ཆེན་པོ་འདིའི་རྣམ་པར་ཐར་པ་ཐུན་མོང་དུ་གྲགས་པ་དག་ལས་འདི་ལྟར་མ་གསལ་སྙམ་ན། སྔགས་ཀྱི་རྒྱུད་སྡེ་ཕལ་མོ་ཆེ་ཡང་མཛད་པ་བཅུ་གཉིས་ཀྱི་ཁོང་ན་མ་གསལ་བས་དེ་དག་ཀྱང་གཞན་དུ་འཕེལ་པར་གྱུར་པར། །སྤྱིར་གྱི་སློབ་དཔོན་དེའི་དུས་རྒྱ་གར་ན་གདམས་ངག་ཁྱབ་བརྡལ་དུ་དར་བ་ལྟ་ཅི་སྨོས། ཐེག་པ་ཆེན་པོ་དར་བའི་མགོ་བརྩོམ་པ་ལའང་ཉན་ཐོས་པ་རྣམས་ཀྱིས་ཀླུ་སྒྲུབ་ཀྱི་ཐེག་པ་ཆེན་པོར་གྲགས་པའི་ཆོས་ལོག་བསྟན་ནོ་ཞེས་བསྐུར་པ་བཏབ་པའི་ཕྱིར་གདམས་ངག་གི་གྲུབ་པ་མཆོག་རྣམས་ཀྱི་ཡུལ་དུ་སྤྱོད་པ་ལས་མིང་ཙམ་ཡང་མི་མངོན་པའི་སྐབས་སོ། །ཐུགས་ཀྱི་རྒྱུད་ཡང་དག །དཔལ་ཧེ་རུ་ཀ་ནི། དོན་གྱི་སངས་རྒྱས་མཉམ་སྦྱོར་ཉིད་དུ་གནས་པ་སློབ་དཔོན་ཧུ༷་ཀ་ར་ལས་བརྒྱུད་པའི་ཆོས་ཏེ། འདི་བལ་པོའི་ཡུལ་དུ་འཁྲུངས་གོ་ལེབ་ཞེས་བྱ་བའི་དབུལ་པོར་གྱུར་པས་རྒྱ་གར་དུ་བྱོན་ནས་རྒྱལ་པོའི་ཕྱུགས་རྫི་བྱས། ནགས་གསེབ་ཏུ་ཕྱུགས་འཚོར་སོང་བ་ན། སློབ་དཔོན་ཀུ་ཀུ་ར་ཛ་སྒོམ་ལ་བཞུགས་པ་དང་མཇལ། ཤིན་ཏུ་དད་སྟེ་ཕྱག་དང་སྐོར་བ་བྱས། མ་ཧེའི་འོ་མ་བཞོས་ཏེ་དྲངས་པས། བྱིས་པ་ཁྱོད་ཀྱིས་ཆོས་མ་ནུས་སམ་གསུངས། ཆོས་ནུས་ཏེ་རྒྱགས་མེད་ཞུས་པས། བརྩོན་པས་ནུས་ན་གྲུབ་པ་ཡིན་གསུངས་ནས་རྡོ་རྗེ་སེམས་དཔའ་རྒྱན་གཅིག་པའི་སྒོམ་བཟླས་གནང་། དེར་ཕྱུགས་འཚོ་བཞིན་སྒོམས་པས་རྡོ་རྗེ་སེམས་དཔའ་གྲུབ་སྟེ། ལན་ཅིག་བྲག་ལ་སྒོམ་པའི་ཚ་རྒྱལ་པོས་དེའི་ཐད་ཀ་ན་རྡོ་རྗེ་སེམས་དཔའ་འོད་ཁྱིལ་ལེ་བཞུགས་པ་མཐོང་། དགོངས་ཁར་སོང་བ་དང་ཕྱུགས་ཐམས་ཅད་ཀྱང་དེར་འདུས། རྡོ་རྗེ་སེམས་དཔས་ཕྱུགས་དེད་ནས་འོང་པ་མཐོང་། ཕོ་བྲང་ལ་ཉེ་བར་སོང་དུས་ལྷ་མི་གསལ་དུ་སོང་། སྒོ་རྩར་སླེབས་དུས་ཕྱུགས་རྫི་རང་དུ་སྣང་བས་རྒྱལ་པོ་ཐེ་ཚོམ་སྐྱེས། ནང་པར་གོས་བརྗེས་ནས་ཕྱུགས་རྫིའི་ཕྱི་བཞིན་བལྟར་ཕྱིན་པས། ཡང་བྱིས་པ་དེ་རྡོ་རྗེ་སེམས་དཔར་དཀྲོང་ངེ་སོང་སླར་ཕྱུགས་རྫི་གཙང་ཁང་དུ་བོས། དེང་ཕན་ཆད་མ་ཤེས་པ་བཟོད་པར་མཛོད་ལ་ངའི་མཆོད་གནས་མཛོད་ཅེས་བསྒོས་པས། བདག་ལ་ཆེ་བའི་ཡོན་ཏན་ཅི་ཡང་མེད་པས་མི་རུང་ཟེར། རྒྱལ་པོས་སྔར་གྱི་འོ་་རྒྱུས་བརྗོད་པས། ངས་སྐྱེ་བ་འདི་ལ་རྒྱལ་པོ་གདུལ་བ་བྱར་མེད། ཕྱི་མ་མངོན་པར་དགའ་བའི་ཞིང་དུ་མཇལ་འོ་་ཟེར། དེར་རྒྱལ་པོ་ངས་ཡོ་བྱད་སྦྱར་གྱི་བསྒྲུབ་པ་ལ་ཞུགས་སྨྲས་པ་ན། བྱིས་པ་སློབ་དཔོན་ཀུ་ཀུ་ཛའི་དྲུང་དུ་སོང་ནས་སྒྲུབ་ཐབས་དངོས་གཞི་ཞུས་པས། སྔར་ལས་འཕྲོ་ཡོད་པས་ལྷ་ངོ་བསྟན་པ་ཡིན། ངས་ཁྱོད་འདུལ་བའི་དུས་ལ་མ་བབ་པས་ཨུ་ཏ་ཡའི་གྲོང་ཁྱེར་ན་སློབ་དཔོན་རོ་ལངས་དོར་ཁྲོད་ལ་ཟང་བདེ་བ་ཡོད་པས་དེར་སོང་ཞེས་ལུང་བསྟན། བྱིས་པས་གྲོང་ཁྱེར་དེར་བཙལ་བས། སློབ་པོན་གྲོངས་ནས་པུར་དུར་ཁྲོད་དུ་བསྐྱལ་ཟེར། སླར་འོ་ག་ནས་ཀུ་ཀུ་ར་ཛ་ལ་ཞུས་པས། རོ་ལངས་བསྒྲུབ་པའི་མན་ངག་གནང་སྟེ་ཞག་ཉེར་གཅིག་ལ་འུགྲུབ། སློབ་དཔོན་ལངས་ཏེ་རོ་ལངས་བདེ་བའི་དངོས་གྲུབ་ཅེས་གྲགས་སོ། །དེར་ཡན་ལག་དྲུག་ཅུ་རྩ་བརྒྱད་ཀྱི་དཀྱིལ་མཁོར་བཞེངས་ནས་སྨིན་པར་བྱས། དཀྱིལ་མཁོར་གྱི་མེ་ཏོག་ཧུ༷་ཀ་ར་ལ་བབས་པས་གསང་མཚན་བཛྲ་ཧུ༷་ཀ་ར་ཞེས་གྲགས། དེར་གདམས་པ་མ་ལུས་པ་རྫོགས་པའི་ཚ་སློབ་དཔོན་གྱིས། དངོས་གྲུབ་གྱི་རྟེན་དུ་ཕྱག་རྒྱ་མཚན་དང་ལྡན་པ་ཞིག་བཟུང་ལ། བསེ་བྲག་བྱ་ཁྱུང་གི་ཚལ་དུ་བསྒྱུབ་པར་སོང་ཞེས་བསྐུལ། དེར་ཧུ༷་ཀ་རས་རིགས་ངན་གྱི་གྲོང་ཁྱེར་དུ་བྱོན་ནས་བཙལ་བས། རྒན་རྒོན་རང་ཐག་མཁན་གཉིས་ལ་བུ་མོ་མཚན་དང་ལྡན་པ་ཞིག་འདུག །འདི་ནི་ངའི་གྲུབ་བདེ་མོར་བྱིན་དགོས་པ་བྱས་པས། བུ་མོ་ཁྱོད་ལ་མི་བསྐུར་ཟེར་སྟེར་དུ་མ་འདོད། རིན་འཇལ་བར་བྱས་ནས་ཡུལ་གྱི་རྒྱལ་པོ་ལ་དཔང་པོ་བཅོལ་བས། གསེར་མོ་དང་མཉམ་པ་དགོས་ཟེར། སླར་ལོག་ནས་སློབ་དཔོན་རོ་ལངས་ལ་ལོ་རྒྱུས་བརྗོད་པས། མི་རོ་ལས་གསེར་དུ་བསྒྲུབ་པའི་མན་ངག་གནང་། དུར་ཁྲོད་ནས་རོ་བཙལ་ཏེ་སྒྲུབས་པས་ལོ་གཅིག་གིས་གྲུབ། དེར་གསེར་དང་བུ་མོ་བརྗེས་ཏེ་གཉིས་ཀས་སློབ་དཔོན་ཀུ་ཀུ་རྭ་ཛའི་དྲུང་དུ་བྱོན་ནས་གདམས་པ་ལ་མཐའ་གཅོད་བྱས། ཡོ་གའི་ཤིང་རྟ་ཆེན་པོས་སངས་རྒྱས་གསང་བ་ལའང་གཏུགས་ཏེ་སྒྲོ་འདོགསབཅད། དེ་བཞིན་དུ་སློབ་དཔོན་གྱི་ཤཱཀྱ་དེ་བ་ལ་ཡང་དག་གི་བསྒྲུབ་ལུང་མན་ངག་ཞུས།བསེ་བྲག་བྱ་ཁྱུང་ཚལ་དུ་བསྒྲུབ་པས། དཔལ་ཆེན་པོའ་ཞལ་མངོན་སུམ་དུ་མཐོང་། ཚ་ལ་དབང་བའི་རིག་འཛིན་ཐོབ། ཡུམ་གྱི་མ་མ་ཀའི་དངོས་གྲུབ་བརྙེས། གཞན་དོན་དུ་ཡང་དག་རྩ་བའི་བསྒྲུབ་པ་མཛདའདིས་རྒྱ་གར་དུ་སློབ་དཔོན་ཆེན་པོ་པདྨ་ལ་གསུངས་ཤིང་། བོད་དུ་བྱོན་ནས་དར་བ་ཡིན་ནོ། །རིན་པོ་ཆེའི་རིགས་བདུད་རྩི་ཡོན་ཏན་ནི། རྒྱལ་རིགས་གང་ཟག་གསུམ་ལས་རིམ་པར་བརྒྱུད་དེ་བདུད་རྩིའི་དངོས་གྲུབ་ཐོབ་པས་བསྐལ་པར་མི་ཤིགས་པའི་ཚ་ལ་མངའ་དབང་འེབྱོར་པ་སློབ་དཔོན་བི་མ་ལ་མི་ཏྲ་ལས་བྱུང་བ་ཡིན་ཏེ། སློབ་དཔོན་དེ་ནི་རྒྱ་གར་ནུབ་ཕྱོགས་ཀྱི་གྲོང་ཁྱེར་གླང་པོ་སྒང་ཞེས་བྱ་བ་མི་ཁྱིམ་འབུམ་ཚོ་ཉི་ཤུ་རྩ་དགུ་ཡོད་པ་ན། ཁྱིམ་བདག་བདེ་ལྡན་ཞེས་བྱ་བ་དང་། ཡུམ་བདག་ཉིད་གསལ་རིག་ཅེས་བྱ་བའི་སྲས་སུ་འཁྲུངས། ལོ་བདུན་སློབ་མའི་གྲྭར་ཞུགས་པས་སུས་ཀྱང་དོ་མེད་པ་གཅིག་བྱུང་བས་རིག་པ་ཆེ་བར་གྲགས། བསྟན་པ་ལ་ཞུགས་ནས་བཤེས་གཉེན་མང་དུ་བསྟེན། རིག་པའི་གནས་ཆེ་བ་རེ་ལ་སློབ་མ་གསུམ་གསུམ་དུ་བསྟེན་ཏེ་བཅོ་ལྔ་ལ་ཕྲུགས་གཅིག་ཏུ་བསླབས་པས་ལོ་ཉེར་གཅིག་པ་ལ་པརྙི་ཏའི་གྲལ་དུ་ཐོན།པརྙི་ཏ་རྒྱ་མཚོའི་དབུས་ན་སྒྲ་སྐད་མི་འདྲ་བ་སུམ་བརྒྱ་དྲུག་ཅུ་ཤེས། འབྱུང་བ་བཞིའ་སྒྲ་དང་། དུད་འགྲོའི་སྐད་ལས་ཀྱང་དོན་འཆར་ཞིང་འཆད་པར་ནུས། ཤེས་རབ་ཀྱི་ཕ་རོལ་དུ་ཕྱིན་པའི་བཀའ་ཐམས་ཅད་ལ་ཞལ་འདོན་མཛད་ཅིང་། ནང་དུ་དེའི་དོན་མཉམ་གནས་རྫོགས་པ་ཆེན་པོ་ལ་དྲན་པ་ཉེ་བར་གཞག་པ་དེ་ལ། བཤད་ལུང་དང་སྒོམ་ལུང་ནོད་པའི་སློབ་དཔོན་བརྒྱ་དང་དྲུག་ཅུ་ཡོད་པའི་ནང་ནས་སློབ་དཔོན་སངས་རྒྱས་གསང་བས་འཁོར་འདས་ཀྱི་ཆོས་ཐམས་ཅད་ཡེ་ཤེས་ཀྱི་བདུད་རྩིའི་བཅིང་གྲོལ་མེད་པའི་ངོ་བོར་སངས་རྒྱས་པའི་རྒྱུད་སྡེ་རྣམས་བསྟན་ཅིང་། ཁོང་དུ་ཆུད་ནས་མན་ངག་གི་ཡི་གེ་ཡང་མང་དུ་མཛད་དེ་དར་རོ། །དོན་གྲུབ་གྱི་རིགས་ལས་འཕྲིན་ལས་ཕུར་པ་ནི། སློབ་དཔོན་ཆེན་པོ་པདྨ་ལས་བྱུང་བའི་མན་ངག་སྟེ། བདག་ཉིད་ཆེན་པོ་འདིའི་རྣམ་པར་ཐར་པ་ནི་མི་ནུས་མོད་ཀྱི། རེ་ཞིག་གདུལ་བྱ་ངོར་སྣང་གི་ཚུལ་འཇིག་རྟེན་ན་ཤིན་ཏུ་གྲགས་པ་གསལ་བ་ཡིན་པས་འདིར་འགད་པའང་ངལ་བའི་ལས་འདུ་བྱེད་པ་ཙམ་མོ། །དེ་ལྟ་ནའང་མཁས་པས་ལུང་རིགས་གཏན་ཚིགས་མི་འགལ་བར་སྒྲིགས་པའང་ངོ་མཚར་ཆེ་ཞིང་།ལས་ཅན་གྱི་སྣང་ངོར་རྗེས་སུ་གནང་བ་གཏེར་མའི་ཕྱོགས་ལས་བྱོན་པ་ལའང་འཐད་པ་དང་། དགོས་པ་དང་། བྱིན་བརླབས་བསམ་གྱིས་མི་ཁྱབ་པ་འདུག་པས། དཀོན་མཆོག་བརྩེགས་པར། འོད་སྲུང་ངའམ་ང་དང་འདྲ་བས་ཆོས་དང་གང་ཟག་གི་ཚོད་བཟུང་བར་རུང་གིས། གཞན་དག་གིས་ནི་མ་ཡིན་ཏེ་ལོག་པར་ལྟུང་བའི་ཕྱིར་རོ། །ཞེས་གསུངས་པར་བསམས་ཏེ། རྟོག་གེའི་རིགས་པ་ཁོ་ནས་མཐའ་གཅིག་ཏུ་སེམས་པ་དང་།ཕྲག་དོག་དང་། ཀུན་སློང་ངན་པས་བསླད་པ་དག་གི་རྗེས་སུ་བློ་གྲོས་ཆེན་པོ་སུའང་མི་འཇུག་པ་ཉིད་དོ། །འདི་ལྟར་ཕུར་པའི་ལོ་རྒྱུས་ཉིད་ལས་ཀྱང་རང་ལུགས་ཀྱི་རྣམ་པར་ཐར་པ་ཡོད་མོད་ཀྱི། སྐབས་ཀྱི་བརྗོད་དོན་ལ། སློབ་དཔོན་ཉིད་ཕྱག་རྒྱ་ཆེན་པོའི་རིག་འཛིན་སྒྲུབ་པར་དགོངས་ནས་བལ་ཡུལ་ཡང་ལེ་་།ད་ཀྱི་བྲག་ཕུག་ཏུ་བལ་མོ་ཤཱཀྱ་དེ་ཝས་སྒྲུབ་བདེ་མོ་བྱས་ཏེ། དཔལ་ཡང་དག་ཟླ་གམ་དགུ་པའི་དཀྱིལ་མཁོར་ཞལ་ཕྱེ་སྟེ་སྒྲུབ་པས། ཀླུ་གྱོང་པོ་གནོད་སྤྱིན་རྒོད་མ་ཁ། བྱི་དུར་བར་སྣང་ཁམས་ཀྱི་གློག་མ་སྤྱིན་དང་གསུམ་གྱིས་བར་གཅོད་བྱས། ནམ་མཁའི་ཆར་བཅད། རྩི་ཤིང་འོ་་ཏོག་ཐམས་ཅད་སྐམས་པར་བྱས་པས། བལ་པོ་ཤི་ལ་མཉུ་དང་། བལ་མོ་ཀུན་ཞིག་གཉིས་རྒྱ་གར་གྱི་པརྙི་ཏ་ལས་བར་ཆད་འདུལ་བའི་ཆོས་ལེན་དུ་བཏང་། པརྙི་རྣམས་ཀྱིས་ནཱ་ལེནྟྲའི་གཙུག་ལག་ཁང་ལོར། བི་ཏོ་ཏ་ར།་ལ་འབུམ་ ་སེད་དང་ཕུར་པ་མི་ཁུར་གཉིས་བརྫངས། ཡང་ལེ་་།ད་དུ་ཕེབས་པ་ཙམ་གྱིས་བར་ཆད་ཞི། བསྒྲུབས་པས་ཟླ་བ་གཅིག་ན་རྡོ་རྗེ་གཞོན་ནུའི་ཞལ་གཟིགས། སླར་ཡང་ཕུར་སྒྲགས་མའི་སྒྲུབ་པ་མ།ཛད། དལ་།་ཅན་མ་མོ་བཅུ་གཉིས་ཀྱི་རོ་།་སྙིང་ཕུལ་ཏེ་དམ་ལ་བཏགས། དེའི་ཚེ་བི་ཏོ་ཏ་མ་ལའི་རྒྱུད་སྡེ་ཚན་བཞི་བཅུ་ཞེ་བརྒྱད་དམ། སུམ་ཅུ་སོ་དྲུག་ཏུ་ཕྱེ་ཞེས་གྲགས། དེར་རྒྱུད་སྡེ་ལེ་ལག་དང་བཅས་པ་དབང་ཆེན་པོང་ ཕྲག་པ་ན་པཟུང་། སློབ་དཔོན་ཉིད་ཀྱང་གཤེགས་པས། ཡུལ་ཚ་བ་ཚ་ཤོས་སུ་ནུབ་གཅིག་གཟིམ་པའི་ན་ཆོ་འཔྲུལ་ཆེན་པོ་བྱུང་། གཟིགས་པས་མདུན་ན་ནེ་གུ་དྲུང་དྲུང་བ་ཞིག་འདུག །དེར་ཕྱག་རྒྱས་བསྡམས། ལྷུང་བཟེད་དུ་བཅུག །སང་ཆུ་མིག་བྱང་ཆུབ་རིས་སུ་བྲོ་བཏབ་པའི་ཚེ་ཁ་ཕྱེ་བས་བུད་མེད་བཞིན་བཟང་མ་བཞི་འདུག །སུ་ཡིན་དྲིས་པས། ཡུལ་ཚ་བ་ཚ་་།ས་ལ་དབང་བྱེད་པའི་ས་བདག་མོ་བཞི་ཡིན་ངེད་ཅག་སེམས་ཅན་རྣམས་ཀྱི་ཚེ་སྲོག་ལ་དབང་བའི་བདག་པོར་སློབ་དཔོན་གྱིས་དབང་བྱིན་ཅིག་ཟེར། སློབ་དཔོན་གྱིས་དེ་ལྟར་མི་རུང་གསང་སྔགས་རྡོ་རྗེ་ཕུར་པ་བསྒྲུབ་པ་ལ་བར་དུ་གཅོད་པའི་དགྲ་བགེགས་རྣམས་ཀྱི་ཚ་སྲོག་ལ་དབང་བྱེད་པར་སྐུར་རོ་གསུངས་ནས་དེ་ལྟར་མཛད། གསང་བའི་མཚན་རྡོ་རྗེ་ཡ་བྱིན་ལ་སོགས་པར་བཏགས། དེ་ནས་ནཱ་ལེནྟྲར་བརྟོལ། པརྙི་ཏ་རྣམས་ལ་དཔེ་སྔ་མ་གཏད་ཅིང་། རང་གི་མན་ངག་ཏུ་ཕྱེ་བ་རྣམས་གཟིགས་བཅུག་པས།འདི་དག་ནི་ལུང་དང་མི་འགལ་ལ་བསྒྲུབ་པའི་ཆ་རྐྱེན་དུ་འཕགས་སོ་གསུངས་ནས་རྒྱལ་མཚན་གྱི་རྩེ་ལ་འཕྱར། དེར་དུར་ཁྲོད་སོ་ས་གླིང་དུ་མཁའ་འགྲོ་མ་བདེ་བའི་འཁོར་ལོ་ལས་རྡོ་རྗེ་ཕུར་པའི་དཀྱིལ་མཁོར་དུ་དབང་ཐོབ་པ་སློབ་དཔོན་པྲ་བྷ་ཧསྙི་ལ། ཕུར་པའི་ཆོས་ཚར་བཅོ་བརྒྱད་གསན། ཚེ་དང་། ལས་དང་། ས་འོག་གི་རིག་འཛིན་གསུམ་གྲུབ། བོད་ཀྱི་སྤྱན་འདྲེན་པའང་ལྷགས་པ་མཁྱེན་ནས་སླར་ཡང་ལེ་་།ད་དུབྱོན། སློབ་དཔོན་གསུམ་གསན་འཛོམ་པ་ན། བི་མ་ལས་ཕུར་པ་གདེངས་པས་ཆུ་བོ་གྱེན་ལ་ལྡོག །བལ་པོ་ཤི་ལ་མལྡིས་བྲག་ལ་ཕུར་པ་བཏབ། སློབ་དཔོན་ཆེན་པོས་ནགས་ཚལ་ལ་མེ་ཤར་བའི་སར་སྡིགས་པས་ཙན་དན་གྱི་ནགས་སུ་སོང་། དེ་ནས་བསམ་ཡས་སུ་རྒྱལ་པོ་ལ་ཕུར་པའི་ཆོས་གསུངས། མཁར་ཆེན་བཟའ་མཚོ་རྒྱལ་མ། ཅོག་རོ་བཟའ་མཆོད་གནས་མ། ཨ་ཙར་ས་ལེ་གསུམ་ལ་མདུན་གྱི་ནམ་མཁར་དཀྱིལ་འཁོར་སྤྲུལ་ཏེ། དབང་ལྷ་ཞུའམ་བླ་མར་ཞུ་གསུངས་པས། མཁར་ཆེར་བཟས་བླ་མ། ཅོག་རོས་ལྷ་ལ་གདམས། ས་ལེས་བླ་མའི་དགོངས་པ་དང་སྦྱར་བར་ཞུས་པས། རྟེན་འབྲེལ་གྱི་དབང་ལས་ཡང་ཕུར་བདུད་རྩི་གསུམ་ལྕམ་ལུགས་མི་ཟབ་པར་གྲགས། མཁར་ཆེན་བཟའ་ལ་རྒྱུད་དང་མན་ངག་སྙིང་པོར་དྲིལ་ནས་གནང་སྟེ་ས་ལེ་ལའང་་།ད་གསུངས་པས་ཕུར་པ་ཇོ་མོ་ལུགས་ཟབ་པ་ཡིན་ནོ། །སྤྱིར་བོད་ཡུལ་འདིར་ཕུར་པ་ཤིན་ཏུ་དར་ཞིང་དེ་ལས་དངོས་གྲུབ་བརྙེས་པའང་བསམ་གྱིས་མི་ཁྱབ་ལ། གསར་མ་རྣམས་མ་དར་གྱི་བར་ལ་བོད་དུ་ཡི་དམ་དང་སྔགས་ཀྱི་བསྟན་པའི་སྲོག་ཀྱང་ཡང་ཕུར་གྱིས་བཟུང་། བརྒྱུད་པ་བྱིན་གྱིས་བརློབ་པར་ནུས་པའི་རིགས་སྔགས་འཆང་བའི་གདུང་དང་། དེ་ལས་མཁས་ཤིང་གྲུབ་པ་བརྙེས་ནས་བསྟན་པའི་ཆུ་མགོ་ཐ་དད་པར་ཤར་བའི་སྐྱེས་བུ་དམ་པ་རྣམས་ཀྱང་བྱུང་མོད། དེ་ལྟ་ནའང་། ཕལ་ཆེར་ཡོངས་སུ་དྲིས་ལ་སྡངས། །རྟག་ཏུ་གསར་པ་གསར་པ་འཚོལ། །ཞེས་པ་ལྟར། དཔལ་ཡེ་བཟང་རྩེ་པས། བོད་འདིར་རྡོ་རྗེ་ཕུར་པའི་སྒྲུབ་པ་ཤིན་ཏུ་དར་ལ། དེ་ལའང་ཁ་ཟེར་བ་དག་ཡོད་མོད་ཀྱི། དུས་ཕྱིས་ཆོས་རྗེ་ས་སྐྱ་བས་ཤངས་སྲེག་ཤང་ནས་སློབ་དཔོན་པདྨ་དངོས་ཀྱི་ཕྱག་དཔེའི་རྒྱ་དཔེ་རྙེད་ནས་འགྱུར་མཛད་པས་ཕལ་ཆེར་ཁ་རོགས་ཏེ་འདུག་གོ །ཞེས་གསུངས་པ་ལྟར་ས་པཎ་གྱིས་ཕུར་པའི་རྒྱ་དཔེ་རྙེད་པས་དགྱེས་ཆེས།སྣམ་སྦྱར་མནབས་ནས་རྒྱ་དཔེ་ཕྱག་ཏུ་བཟུང་། བསུ་བ་དང་རོལ་མོའི་བྱེ་བྲག་གིས་སྤྱན་དྲངས་པས་བོད་དུ་བྱུང་བའི་ཆོས་སུ་སྒྲོ་འདོགས་པའི་གཟུ་བོ་མི་གནས་པ་དག་གི་བཞིན་རས་ལ་མུན་པའི་བྱུག་པ་བྱེད་པའི་སྐབས་བྱུང་བ་ཡིན་ནོ།། །།གཉིས་པ། བདེ་འདུས་གཏེར་མའི་ལོ་རྒྱུས་ནི། འོག་མིན་ཆོས་ཀྱི་དབྱིངས་ཀྱི་ཕོ་བྲང་ན་སྟོན་པ་བཅོམ་ལྡན་འདས་ཆོས་སྐུ་ཀུན་ཏུ་བཟང་པོ་ཉིད་དགོངས་པ་མཉམ་ཉིད་བསལ་བཞག་མེད་པའི་ངང་དུ་བཞུགས་པ་ལ། ཡུམ་ཀུན་ཏུ་བཟང་མོས་རྡོ་རྗེའི་དམ་ཚིག་ཆེན་པོའི་གླུས་བསྐུལ་ནས་ལོངས་སྤྱོད་རྫོགས་པའི་སྐུར་བཞེངས་ཏེ། ཞི་བ་རྡོ་རྗེ་དབྱིངས་ཀྱི་དཀྱིལ་འཁོར་རྣམ་པར་འཕྲུལ་ཏོ། །ཞི་བའི་གདུལ་བྱར་མ་གྱུར་པ་རྣམས་ལ་ཁྲོ་བོ་ཆེ་མཆོག་ཧེ་རུ་ཀའི་སྐུར་བཞེངས་ནས་ཁྲོ་བོའི་དཀྱིལ་མཁོར་བསྟན་ཏེ་དགོངས་པས་བརྒྱུད་པ་དག །རིག་འཛིན་རྣམས་ལ་བརྡ་ལས་བརྒྱུད་དེ་གཙོ་བོར་གྱུར་པ་སྟོན་པ་ཉིད་བྱང་ཆུབ་སེམས་དཔའི་ངང་ཚུལ་ཅན་རིག་འཛིན་རྡོ་རྗེ་ཆོས་ཀྱིས་ཕྱོགས་སུ་བསྡེབས་ཏེ་གླེགས་བམ་དུ་སྣང་བར་མཛད་དོ། །དེར་རེ་ཞིག་མིའི་ནང་དུ་སྐལ་བར་གྱུར་བ་མ་རྙེད་ནས་མཁའ་འགྲོའི་གཙོ་མོ་ལས་ཀྱི་དབང་མོ་ཆེ་ལ་གཏད་རྒྱས་བརྒྱུད། མཁའ་འགྲོ་མས་བདེ་གཤེགས་འདུས་པའི་སྤྱི་རྒྱུད་ལྔ་དང་། བྱེ་བྲག་གི་རྒྱུད་བཅུ་རྣམས་རིན་པོ་ཆེ་སྣ་བརྒྱད་ལས་བྱས་པའི་སྒྲོམ་བུར་སྩལ། སྒོས་རྒྱུད་རྣམས་སྒྲོམ་བུ་ཐ་དད་པར་བཅུག་ནས་དུར་ཁྲོད་བསིལ་བའི་ཚལ་གྱི་མཆོད་རྟེན་བདེ་བྱེད་བརྩེགས་པར་རྒྱས་བཏབ་བོ། །དེར་དུས་ལ་བབ་པའི་ཚེ་ཉིན་པར་ཐོག་སེར་འབབ་ཅིང་། མཚན་མོ་ཀློག་འགྱུ་བ་ལ་སོགས་པའི་ཆོ་འཕྲུལ་ཟད་མི་ཤེས་པ་སློབ་དཔོན་བརྒྱད་ཀྱིས་དགོངས་ཏེ་ཐམས་ཅད་ནམ་མཁར་བྱོན་ནས། དགོངས་པ་གཅིག་ཏུ་བསྡུས། མཆོད་རྟེན་ཆེན་པོའི་མདུན་དུ་ལྷགས་ནས་མཐུན་པའི་རྫས་དང་བདེན་པའི་ཚིག་གིས་བཀྲོལ། གཞན་དོན་དུ་དགོངས་པའི་བརྟུལ་ཞུགས་བསྐྱེད་དེ་དབང་དུ་བསྡུས་པས། གདུགས་བདུན་གྱི་ནུབ་མོ་མཁའ་འགྲོ་མ་ལས་ཀྱི་དབང་མོ་ཆེ་མངོན་སུམ་དུ་བྱོན་ནས་མཆོད་རྟེན་ནས་སྒྲོམ་བུ་ཕྱུང་སྟེ། ཆེ་མཆོག་གི་བསེ་སྒྲོམ་བི་མ་ལ། ཡང་དག་གི་དངུལ་སྒྲོམཧུ༷ ཀར། གཤིནརྗེའིལྕགས་སྒྲོམ་འཇམ་དཔལ་བཤེས་གཉེན། རྟ་མགྲིན་གྱི་ཟངས་སྒྲོམ་ཀླུ་སྒྲུབ། ཕུར་པའི་གཡུ་སྒྲོམ་སློབ་དཔོན་པདྨ། མ་མོའི་བསེ་སྒྲོམ་དྷ་ན་ས༷་སྐྲོ། མཆོད་བསྟོད་ཀྱི་མཆོད་སྒྲོམ་རོམ་བུ་གུ་རྒྱ། དྲག་སྔགས་ཀྱི་གཟི་སྒྲོམ་ཤཱརྙིང་གསྟོ་སྟེ་སོ་སོར་བཀའ་བབས་ཀྱི་ངེས་པ་གཏད་པས་རང་རང་གི་དོན་ལ་མཁས་ཤིང་གྲུབ་པ་ཐོབ་པར་གྱུར། རིན་ཆེན་སྣ་བརྒྱད་ཀྱི་སྒྲོམ་དུས་དེར་རྒྱ་མ་བཀྲོལ་བ། ཕྱིས་སློབ་དཔོན་པདྨར་གཏད་པ་ནས་བདེ་གཤེགས་ཡོངས་རྫོགས་ཚོམ་བུ་གཅིག་ཏུ་སྒྲུབ་པའི་རྒྱུད་དང་མན་ངག་བྱུང་། སླར་བོད་དུ་བཙན་པོ་ཁྲི་སྲོང་ལྡེའུ་བཙན་གྱིས་གསོལ་བ་བཏབ་པ་ལས བསམ་ཡས་མཆིམས་ཕུའི་བྲེ་གུ་དགེའུ་ར་ལས་ཅན་གྱི་རྗེ་འབངས་བརྒྱད་ལ་ཕྱི་ནང་གསང་བའི་དབང་དང་མན་ངག་རྫོགས་པར་བྱིན། དེའི་ཚེ་གསེར་སྲང་བཅུ་རེ་ལས་བྱས་པའི་མེ་ཏོག་སོ་སོར་དོར་བས། མངའ་བདག་ཉིད་དབུས་ཀྱི་ཆེ་མཆོག །ནམ་མཁའི་སྙིང་པོ་ཡང་དག །སངས་རྒྱས་ཡེ་ཤེས་གཤིན་རྗེ། ངན་ལམ་མཆོག་དབྱངས་རྟ་མགྲིན། མཁར་ཆེན་བཟའ་ཕུར་པ། དཔལ་གྱི་ཡེ་ཤེས་བླ་མེད་ཧེ་རུ་ཀ རླངས་དཔལ་སེང་དྲེགས་པ་ཀུན་འདུལ། བི་རོ་ཙ་ན་སྟོབས་ལྡན་ནག་པོ་ལ་བབས་པས་ལྷ་སོ་སོས་ཞལ་གཟིགས། མཁར་ཆེན་བཟས་བླ་མ་སངས་རྒྱས་ཐམས་ཅད་འདུས་པའི་ངོ་བོར་མཐོང་། དེ་དག་མཆོག་གི་གདུལ་བྱ་ཡིན་པས་དབང་དུས་སུ་རྟོགས་པ་བརྙེས། བཀའ་བབས་སོ་སོར་བསྒྲུབས་པས་བཙན་པོས་ཏིང་འཛིན་ཁྱད་པར་ཅན་གྲུབ། རྩ་མདུད་གྲོལ་བས་ཤེས་རབ་ཕྱོགས་མེད་དུ་རྒྱས་ནས་བཀའ་ཡང་དག་པའི་ཚད་མ་ཞེས་པའི་བསྟན་བཅོས་ཀྱང་མཛད། སྐུ་ཚེ་ཕྱིར་བསྲིངས། ནམ་མཁའི་སྙིང་པོས་ཉི་ཟེར་ལ་ཆིབས་ཤིང་བྲག་ལ་འདམ་རྫབ་ལྟར་མཛད། སངས་རྒྱས་ཡེ་ཤེས་ནམ་མཁའ་ལ་བྱ་ལྟར་གཤེགས་ཤིང་ཚའི་རིག་འཛིན་བརྙེས། རྒྱལ་བ་མཆོག་དབྱངས་བསྐྱེད་རིམ་གྱད་དུ་གྱུར་པས་དབུ་གཙུག་ན་རྟ་མགོ་འབྱིན་ཅིང་རྟ་སྐད་ཧི་ཧིར་བསྒྲགས། མཁར་ཆེན་བཟས་འཕགས་ཡུལ་གྱི་གྲུབ་ཐོབ་དག་གིས་ཀྱང་སྤྱོད་ཡུལ་དུ་དོགས་པའི་གསད་པ་གསོ་ནུས། འབྲོག་མི་དཔལ་ཡེས་མ་མོ་ལས་ལ་དངོས་སུ་འཁོལ། རླངས་དཔལ་སེང་གིས་སྡེ་བརྒྱད་བྲན་དུ་འཁོལ། བི་རོ་ཙ་ན་ཡེ་ཤེས་ཀྱི་སྤྱན་དང་ལྡན་ཞིང་རྫུ་འཕྲུལ་གྱི་བཀོད་པ་ལ་མངའ་བརྙེས་པ་སོགས་བྱུང་བས་འདི་དག་ལ་གྲུབ་ཆེན་བརྒྱད་ཞེས་གྲགས། འདིའི་སྟེང་དུ་སློབ་དཔོན་ཆེན་པོས་མན་ངག་རྗེས་སུ་གདམས་པ་ལས་དངོས་གྲུབ་ཆེན་པོ་བརྙེས་པ། གཉགས་ཙྭ་ན་ཀུ་མུ་ར་དང་། ལྷ་ལུང་དཔལ་གྱི་རྡོ་རྗེ་ལ་སོགས་པ་ནམ་མཁའ་ལ་འདབ་ཆགས་བཞིན་བྱ་བ་དང་། ཆུ་བོ་ལ་གར་མཁན་བཞིན་བྱ་བ་དང་། མཁའ་སྤྱོད་དུ་འོད་ཕུང་གིས་འགྲོ་བ་དང་། གཅན་གཟན་གྱི་གཉའ་བ་ནས་འཛིན་པ་དང་། ཆུ་བོ་གྱེན་ལ་ལྡོག་པ་དང་། རོ་ལངས་གསེར་དུ་བསྒྱུར་པ་དང་། ལྟ་སྟངས་ཀྱིས་གཡག་རྒོད་འགུགས་པ་དང་། རི་བྲག་ལ་ཐོགས་རེག་སྤངས་པ་དང་། ཐོག་མང་བྲག་རི་བསྙིལ་བ་དང་། ཕ་བོང་ཟན་ལྟར་གཅོད་པ་དང་། ནམ་མཁའ་ལ་སྐྱིལ་མོ་ཀྲུང་བཅའ་བ་དང་། བར་སྣང་ནས་འདབ་ཆགས་འཛིན་པ་དང་། ཕུར་པ་གདེངས་ཆད་སྲོག་གི་རྒྱུ་བ་འགགས་པ་ལ་སོགས་ལྟར་མངོན་པའི་རྫུ་འཕྲུལ་ཡ་མ་ཟུང་དང་།ནང་ཏིང་ངེ་འཛིན་གྱི་དགོངས་པ་ཚད་དུ་ཕྱིན་པས། མི་བརྗེད་པའི་གཟུངས། མངོན་པར་ཤེས་པ་དྲུག །རྒྱུན་གྱི་ཏིང་ངེ་འཛིན། གཡུང་དྲུང་ལྟ་བུའི་ལུས་ལ་སོགས་སྟེ་དངོས་གྲུབ་རྣམ་པ་གཉིས་ཀྱི་གོ་འཕང་ལ་རྐང་སྟེགས་འཇོག་པ་བཅུ་བདུན་བསྣན་པས་རྗེས་འབངས་ཉི་ཤུ་རྩ་ལྔར་གྲགས་པ་ཡིན་ནོ། །དཔལ་འཛིན་གྱིས། འཇིག་རྟེན་མཆོད་བསྟོད་དཀྱིལ་མཁོར་དུ། །བོད་ཀྱི་ལྷ་འདྲེ་འཛུད་ལུགས་ཀྱིས། །གཞན་དུ་འབྱུང་བོ་ཟད་དམ་ཅི། །ཞེས་ཁ་ཟེར་བ་བྱས་མོད། དེ་དག་ཡེ་ཤེས་ཀྱི་འཁོར་ཡིན་པས་དྲེགས་པ་ཅན་འཁོར་དུ་མི་རུང་ཟེར་ན། དཔལ་ལྡན་འབྲས་སྐྲུངས་རྒྱུ་དཀར་གྱི་དཀྱིལ་མཁོར་ལའང་ཉེས་པ་དེ་ཡོད་པས་སོ། །ཡང་བོད་ཀྱི་ལྷ་འདྲེའི་མིང་སྣང་ལུགས་ཀྱི་བོད་དུ་བྱས་སོ་ཟེར་ན་ནི། གཟུངས་གྲ་ལྔར་ཡུལ་སོ་སོའི་གནོད་སྤྱིན་མང་དུ་བཀོད་པ་དེ་ཡང་ནོར་བར་གྱུར་ལ། སྤྱིར་རྟོག་གེའི་རིག་པས་གཞལ་ནའང་འཇིག་རྟེན་གྱི་ཁམས་ན་མིང་འདྲ་བ་དང་རུས་འདྲ་ཇི་སྙེད་ཡོད། ཕྱིན་ཅི་ལོག་འདིས་ཕུང་པོ་གསུམ་པའི་སངས་རྒྱ་གྲྭར། སྲེད་མེད་བུ་སོགས་འཛུད་ལུགས་ཀྱིས། །གཞན་དུ་འདྲེན་པ་ཟད་དམ་ཅི། །ཞེས་ཚངས་པ་དང་ཆུ་ལྷ་དང་། སྲེད་མེད་བུ་ལ་སོགས་ང་་དངོས་བསྟན་དུ་སྨྲ་བར་འགྱུར་བས་ཤིན་ཏུ་ཐ་ཆད་པའི་ཚིག་གོ ཁྱད་པར་རྒྱུད་ཀྱི་གླེང་གཞི་མ་མཐོང་ཞིང་། སངས་རྒྱས་ཀྱི་འཕྲིན་ལས་རླབས་པོ་ཆེའི་ཚུལ་ཁོང་དུ་མ་ཆུད། ཆོས་ཉིད་བསམ་གྱིས་མི་ཁྱབ་པའི་གནས་ལ་ལྟ་བའི་སྐལ་པ་ནི་ཆད། བེམ་པོའང་རུལ་ནས་སྣང་བ་ཀོ་ལེར་ཤར་བའི་གཏན་ཚིགས་ཀྱིས་རང་གི་ཚིག་ཆད་པར་བྱ་བ་རྒྱ་གར་ནས་བྱུང་བའི་རྒྱུད་ལ་བོད་ཀྱི་ལྷ་འདྲེ་མི་རུང་བར་བསྟན་པའི་ཤུགས་ཀྱིས་རྒྱ་གར་ཉིད་ཀྱི་ལྷ་འདྲེ་བྱུང་སྲིད་ན་འགལ་བ་མེད་པར་དོན་གྱི་སོང་བས། གང་དུ་སྟོན་པས་གསང་སྔགས་གསུངས་པའི་གནས་དང་མཚན་ཉིད་སོགས་ཀྱི་གོ་བར་རབ་རིབ་ཙམ་ཡང་མ་ཆགས་པ་ཉིད་དོ། །འདིར་འཇིག་རྟེན་མཆོད་བསྟོད་ཀྱི་རྒྱུད་ལས། བཅོམ་ལྡན་འདས་འབར་བ་ཆེན་པོའི་སྐུར་བཞེངས་ཚུལ་བསྟན་པའི་རྗེས། འཇིག་རྟེན་གྱི་ཁམས་ཀྱི་དྲེགས་པ་ཅན་ལྷའི་ཚོགས་དང་། བདུད་དང་། གཤིན་རྗེ་དང་། སྲིན་པོ་དང་། གནོད་སྤྱིན་དང་། གཟའ་དང་། ཀླུ་དང་། རྒྱལ་པོ་དང་། གིང་དང་། མ་མོ་ཆེན་མོ་རྣམས་དང་། ཌའསྐིའི་ཚོགས་དང་། རུ་ཏྲ་དང་། མུ་སྟེགས་དང་། སྲོག་གི་བདག་པོ་དང་། ནོར་གྱི་བདག་པོ་དང་། ཚེའི་བདག་པོ་དང་། སྲིད་པའི་བདག་པོ་དང་། གཞན་ཡང་འཇིག་རྟེན་གྱི་ཁམས་ཐམས་ཅད་དང་། དུར་ཁྲོད་ཆེན་པོ་དང་། འཛམ་བུའི་གླིང་མཐའ་འཁོབ་ཀྱི་ས་དང་། རིའི་རྒྱལ་པོ་དང་། རི་ཕྲ་མོ་དང་། རྒྱ་མཚོ་དང་། ཆུ་ཕྲན་དང་། ཡོངས་སུ་འདུ་བའི་ཤིང་དང་། ནགས་ཚལ་ཆེན་པོ་དང་།གནས་ཕྲ་མོ་བསམ་གྱིས་མི་ཁྱབ་པ་དག་ན་གནས་པའི་འཇིག་རྟེན་གྱི་དྲེགས་པ་ཅན་ཕོ་དང་མོའི་རྣམ་པར་འདུག་པ་དང་། གཙོ་བོ་དང་འཁོར་གྱི་ཁྱད་པར་དུ་གྱུར་པ་དང་། བྲན་དང་གཡོག་གི་ཚོགས་དང་བཅས་པ་དག་རང་རང་གི་གནས་ནས་མྱུར་དུ་སྔངས་ཤིང་སྐྲག་ལ་འཇིགས་པ་དང་། ཡང་བའི་སེམས་དང་། དུལ་བའི་སེམས་ཀྱིས་ཐོན་ཏེ། བཅོམ་ལྡན་འདས་དེའི་སྤྱན་སྔར་རླུང་དྲག་པོའི་ཤུགས་ཀྱིས་རབ་ཏུ་བསྐྱོད་པའི་ཤིང་བལ་གྱི་འདབ་མ་བཞིན་དུ་རང་དབང་མེད་པར་ལྷགས་པར་གྱུར་ཏེ། ཞེས་སྟོན་པ་བཅོམ་ལྡན་འདས་གསང་བའི་བདག་པོ་དཔལ་ཧེ་རུ་ཀས་གང་དུ་རང་སྣང་གི་འོག་མིན་སྤྲུལ་པའི་གནས་དེར་འཇིག་རྟེན་ཁམས་ཀྱི་དྲེགས་པ་ཅན་ཐམས་ཅད་དབང་དུ་བསྡུས། སྲོག་སྙིང་བླངས། འཁོར་གྱི་རོལ་པར་མཛད་པའི་ཕྱིར། འཇིག་རྟེན་གྱི་ཁམས་ཞེས་པས་སྤྱིར་བསྡུས་པ་ལ། འཛསྦྲུའི་གླིང་ཞེས་པས་བྱེ་བྲག་གིས་བསྡུས་པའི་ཁོངས་སུ་བོད་ཅེས་བྱ་བའི་ཡུལ་ཕྲན་ཀོ་ལེ་བ་འདི་ཡོད་པ་བ་ལང་རྫི་བོ་ཡན་ཆད་ཀྱིས་ཀྱང་ཤེས་པར་འགྱུར་རོ། །རྒྱུད་སྡེའི་གནས་ཆེན་པོ་འདི་དག་གཟིགས་ནས་གཡུང་སྟོན་རྡོ་རྗེ་དཔལ་བས་མདོ་སྔགས་ཀྱི་སངས་རྒྱས་ལ་ཁྱད་པར་ཆེ་ཞིང་། སྔགས་ཀྱི་སྟོན་པས་གདུལ་བྱ་ནག་ཕྱོགས་པ་འདུལ་ནུས་པར་བཤད་པའང་དོན་འདི་ལྟ་བུ་ལ་དགོངས། དེ་བཞིན་དུ་བློ་གྲོས་བསམ་གྱིས་མི་ཁྱབ་པ་འགོས་ལོ་གཞོན་ནུས། ལྟ་ཆེན་པོ་འདི་རྣམས་ཀྱང་སངས་རྒྱས་མཐོང་བ། རང་རང་གི་གསང་སྔགས་ཀྱི་གསང་ཚག་དང་བཅས་ཤིང་། དེས་འཇིག་རྟེན་ལ་ཕན་འདོགས་པ་ཤ་སྟག་ཡིན། ཞེས་གསུངས་པའང་དོན་འདིར་གནས་ལ། གཞན་དུ་བོད་ཀྱི་ལྷ་འདྲེས་སངས་རྒྱས་མཐོང་བའི་ཚུལ་སྟོན་པ་མེད། ཤསྟ་ལ་སོགས་པ་ནག་ཕྱོགས་སུ་བྲིས་པའང་ཡོད་དེ་གནས་སྐབས་ཀྱི་གཏམ་ཙམ་མོ། །དེ་བཞིན་དུ་དཔལ་འཛིན་གྱིས་གསར་མའི་རྒྱུད་འགྲེལ་འདི་ཙམ་ཞིག་་གྱུར་བ་ལ། ཐ་ན་རྫོགས་པ་ཆེན་པོ་ཞེས་པའི་མིང་ཙམ་ཡང་མེད་ཅེས་རང་མཚང་རང་གིས་སྟོན་པ་ཉིད་ཏེ། འཇམ་དཔལ་ཞལ་ལུང་ལས། རྫོགས་པ་ཆེན་པོ་ཡེ་ཤེས་སྤྱི་གཟུགས་ཅན། །ཞེས་དང་། ཡེ་ཤེས་ཞབས་ཀྱིས་སྒྲུབ་ཐབས་ཀུན་ཏུ་བཟང་པོར་ཡང་རྫོགས་པ་ཆེན་པོ་ཞེས་བཤད་པས་རྒོད་འགྱོད་ལ་སོགས་པའི་སྒྲིབ་པ་ལྔ་ཆར་ཉམས་སུ་མྱོང་བར་བྱས་སོ། །ལར་རྟོག་དཔྱོད་འདི་ནི་བློ་གྲོས་ཕུར་ཁུང་ཐུག་པ་ཡིན་ཏེ། གཅིག་ལ་གཅིག་ལྷོས་ཀྱི་ལུང་བསྟན་པ་མེད་པས་ཆོས་མ་ཡིན་པར་འགྲོ་ན། མདོ་སྡེ་རྣམས་ནས། གསང་སྔགས་སྤྱིའི་མཚན་ཉིད་དང་མིང་ཙམ་ཡང་མ་བསྟན་པས་དེ་ཐམས་ཅད་ཀྱང་རྫུན་པར་་གྱུར་རོ། །དེ་བཞིན་དུ་གཟུ་བར་མི་གནས་པའི་རྫུན་གཏམ་དང་། དྲང་དོན་གྱི་ཕྱོགས་ལ་འཆོལ་བ་དང་། རི་བོང་གི་ཆལ་བྲག་ཆ་ལྟ་བུར་ཟློ་བ་ལ་སོགས་པའི་ཕྱོགས་ཀྱང་བསལ་བར་བྱ་སྟེ། དེ་ལ་བཙན་པོ་ཁྲི་སྲོང་ལྡེ་བཙན་གྱི་ཐུགས་བསྐྱེད་བླ་ན་མེད་པས་གངས་ཅན་པ་རྣམས་ཀྱི་བསོད་ནམས་དམ་པའི་བགོ་སྐལ་དུ། བསྐལ་བ་དང་པོ་ཆགས་པ་ནས་ད་ལྟའི་བར་དུ་བཅོམ་ལྡན་འདས་དཔལ་ཀུན་ཏུ་བཟང་པོའི་བྱིན་བརླབས་ལས། འོག་མིན་གྱི་གནས་སུ་དྲུག་པ་རྡོ་རྗེ་འཆང་དུ་རྣམ་པར་འཕྲུལ་ཏེ། གསང་བ་འཛིན་པ་རྣམས་ལ་གསང་སྔགས་རྡོ་རྗེ་ཐེག་པའི་ཆོས་ཀྱི་འཁོར་ལོ་རྒྱ་མཚོའི་རྡུལ་གྱིས་ཀྱང་མཐའ་མི་དཔོགས་པར་གསུངས་པ་ཉིད། རིགས་གསུམ་སེམས་དཔའ་ལ་སོགས་པས་ལྷ་དང་། ཀླུ་དང་། གནོད་སྤྱིན་ལ་སོགས་པའི་ཡུལ་དུ་སྣང་བར་མཛད་ཅིང་། མཁའ་འགྲོ་དང་། གྲུབ་ཐོབ་རིག་པ་འཛིན་པ་དུ་མས་བཟུང་སྟེ་གནས་པ་དག་ཀྱང་བོད་འདིར་བྱོན་མོད་ཀྱི།དེ་དག་ལ་འཇམ་དཔལ་གང་དེ་བཞིན་གཤེགས་པས་གསུངས་པའི་བཀའ་ལ་ལ་ནི་བཟང་བར་འདུ་ཤེས། ལ་ལ་ནི་ངན་པར་འདུ་ཤེས་པ་ནི་ཆོས་སྤོང་བའོ། །ཞེས་གསུངས་ལྟར་སྔོན་གྱི་སྤྲུལ་པའི་ལོ་པཎ་ཆེན་པོ་རྣམས་ལ་ཕྱག་བྱ་བ་དང་། རྗེས་སུ་ཡི་རང་བ་ལྟ་ཅི་སྨོས། རྒྱ་གར་ན་མེད་པ་དང་། བོད་དུ་བཅོས་པ་སོགས་ཀྱི་བསྟིང་ཚིགས་མང་དུ་སྨྲས་ནས། ཐོས་པ་ཉུང་ཞིང་རྨོངས་པའི་ཕྱོགས་ལ་མངོན་པར་ཞེན་པ་རྣམས་ཀྱང་ངན་འགྲོའི་ལམ་ལ་འཁྲིད་པར་རྩོམ་པའི་ཉེས་སྤྱོད་ཆེན་པོ་འདི་སྲོང་པར་དཀའ་བས་བཏང་སྙོམས་ལས་བསླང་བར་བྱའོ། །དེ་ལ་རྒྱ་གར་ན་མེད་པ་ཁོ་ནས་རྒྱུད་ཡང་དག་པ་མ་ཡིན་པའི་གཏན་ཚིགས་མི་འགྲུབ་སྟེ།རྒྱ་གར་གྱི་རྒྱུད་རྣམས་ཀྱང་། ལྷ་དང་ཀླུ་དང་། གནོད་སྤྱིན་དང་། མཁའ་འགྲོ་མའི་གནས་དང་། ཁྱད་པར་དུ་འཛམ་བུའི་གླིང་གི་ཟ་ཧོར་དང་། ཤལྷ་ལ་དང་། སིདྷ་ལ་དང་། མ་ལ་ཡ་དང་། ཨོ་རྒྱན་ལ་སོགས་པ་མཁའ་འགྲོའི་གནས་ཆེན་པོ་དག་ནས་སློབ་དཔོན་དགའ་རབ་རྡོ་རྗེ་དང་། ཀླུ་སྒྲུབ་སྙིང་པོ་དང་། པདྨ་འབྱུང་གནས་དང་། ས་ར་ཧ་པ་དང་། བི་མ་ལ་མི་ཏྲ་ལ་སོགས་པས་སྤྱན་དྲངས་ཏེ་བྱོན་པ་ཡིན་ནོ། །གལ་ཏེ་བཞུགས་པ་དག་ཀྱང་ཡོད་སྲིད་དེ་ཁྱོད་ཀྱི་ལན་རེ་ཙམ་ཕྱིན་པས་མཐོང་མི་ནུས་ཏེ། ཉམས་ཆུང་བོད་ཀྱི་རྒྱལ་ཁམས་ཙམ་ན་ཡོད་པའི་གླེགས་བམ་ཀྱི་རྣམ་གྲངས་ཀྱང་ཤུལ་རིངས་ཀྱི་སྒྲོན་པོས་ཁ་ཚོན་མི་ཆོད་ན། སྔོན་གྱི་སྤྲུལ་པའི་ལོ་པཎ་ཆེན་པོ་རྣམས་ལྟར་རྫུ་འཕྲུལ་གྱི་བཀོད་པས་ཡུལ་ཉེར་བཞི་ལ་སོགས་པ་མཁའ་འགྲོའི་གསང་མཛོད་ལ་བགྲོད་ནུས་པ་ནི་ཕྱིས་ཀྱི་ལོ་ཙྭ་བས་མ་བྱུང་། རྒྱུ་མཚན་དེས་ཇོ་བོ་ཨ་ཏི་ཤས་ཀྱང་རྒྱ་གར་གྱི་སློབ་དཔོན་ནག་པོ་པ་དེ་ཚེ་འཕོས་པ་འདི་ཁོ་ན་ཡིན་ཏེ། ཁོ་བོས་འདི་དང་ཆོས་གཏམ་ག་ན་ནུས་གསུང་པའི་རོང་ཟོམ་ཆོས་ཀྱི་བཟང་པོའི་ཞལ་ནས། སྔོན་པ་གོར་བི་རོ་ཙ་ན་དང་། རྨ་རིན་ཆེན་མཆོག །གཉགས་ཙྭ་ན་ཀུ་མ་ར། ཀ་ཅོག་རྣམ་གཉིས་ལ་སོགས་སྤྲུལ་པའི་ལོ་ཙྭས་བསྒྱུར་པའི་ཆོས་ཡིན་ལ། ད་ལྟའི་ལོ་ཙྭ་བ་དགུ་བལ་ཡུལ་དུ་བསྡད། དབྱར་ཚད་པས་འཇིགས་ནས་མང་ཡུལ་དུ་དོན། སྔོན་གྱི་མཁས་པའི་འགྱུར་ལ་རང་༄༅ བཟོ་བཅོས་མ་སྣ་ཚོགས་བྱས་་བ་དང་མི་འདྲ། མཁས་པ་པརྙི་ཏའི་ཁྱད་ཀྱང་། པདྨ་འབྱུང་གནས་དང་། བི་མ་ལ་མི་ཏྲ། བོ་དྷི་ས་ཏྭ། སངས་རྒྱས་གསང་བ་ལ་སོགས་པ་རིག་འཛིན་གྱི་ས་ལ་བཞུགས་པའི་བྱང་ཆུབ་སེམས་དཔའ་གདན་དྲངས་པའི་ཆོས་ཡིན་ལ། ད་ལྟའི་པརྟི་ཏ་ལྟོ་མ་ཕྱིད་བོད་དུ་གསེར་འཚོལ་དུ་འོངས་པའི་བཟང་སྤྲང་ཁ་ཅིག་དང་མི་འདྲའོ། །ཞེས་གསུངས་པ་ལྟར་བོད་ལ་བསྟན་པ་ཕྱི་དར་གྱི་སྐབས་ཤིག་ཙ་ན་རྒྱ་གར་ལ་བློ་གྲོས་ཅུང་ཟད་རྣོ་ལ་གསེར་ཟོང་རྙེད་པའི་རྐང་པ་ཡང་བ་ཐམས་ཅད་ཀྱི་དེང་སང་ཁམས་པ་གནས་སྐོར་ལ་ཁ་ལུས་པ་བཞིན་ལྷགས་འགྲོ་བ་ཞིག་ཀྱང་བྱུང་། བསམ་པ་སྦྱོར་བ་ཐམས་ཅད་ནས་སངས་རྒྱས་ཀྱི་བསྟན་པ་སྙིང་ལ་བཅགས་པ་ཡིན་ན་དེ་ཡང་རྗེས་སུ་ཡི་རང་སྟེ་འདི་ལྟར་ངན་སྨྲས་བྱེད་པ་ཕལ་མོ་ཆེ་བོད་དུ་རང་གི་བླ་མ་དང་། བཤེས་གཉེན་ལ་སོགས་པ་དང་ཉོན་མོངས་པའི་དབང་གི་འགྲས་ནས་ལྷགས་པ་མང་། རྒྱུ་མཚན་དེས་མདོ་སྔགས་ཀྱི་ཆོས་རང་སའི་གནས་གཅིག་ལ་ཕན་ཐོག་པ་དང་ལྟར་སྣང་ཡང་། དོན་རྒྱ་ཆེ་བའི་འཕྲིན་ལས་བསམ་གྱིས་མི་ཁྱབ་པ་ལ་བསྐུར་པ་བཏབ་པས་ཆོས་ཆོས་སུ་མ་སོང་བདུད་ཀྱི་ལས་སུ་གྱུར་པ་ཡིན། ལར་ཆོས་ནི་ཚིག་ལ་རྟོན་དོན་ལ་མི་རྟོན་པ་ཡིན་པས་འགྱུར་གྱི་རྣམ་ཆ་རིག་པས་དཔྱས་སུ་བཟོད་པ་འགའ་ཙམ་བྱུང་སྲིད་ནའང་མུ་སྟེགས་པ་ཚིག་ལ་གྲིམ་པ་དང་། ཞིང་པ་སོ་ནམས་ལ་གྲིམ་པ་ལྟ་བུ་ལས་དགོས་པ་ལྷག་པོ་མེད་དེ། དུས་འཁོར་འགྲེལ་ཆེན་ལས། ཡུལ་གྱི་སྐད་དང་ཟུར་ཆགས་སྒྲ་ལས་ཀྱང་། །རྣལ་འབྱོར་ལྡན་པས་དོན་ནི་འཛིན་བྱེད་དེ། །ཆུ་ལ་འོ་མ་ངེས་པར་ཞུགས་པ་དེ། །ངང་པས་རབ་ཏུ་ཕྱུང་ནས་འཐུང་བར་བྱེད། །དོན་དམ་དེ་ཉིད་ཡུལ་ལ་རྟག་ཏུ་ནི། །ཆེན་པོ་རྣམས་ལ་ཚིག་ལ་རྟོན་པ་མིན། །ཡུལ་གྱི་མིང་རྣམས་ཀྱིས་ནི་དོན་ཤེས་ན། །བསྟན་བཅོས་སྨྲ་རྣམས་ཀྱིས་ནི་ཅི་ཞིག་བྱ། །ཞེས་བཤད་པས་སོ། །སྔར་བོད་ལ་བསྟན་པའི་གཟུགས་བརྙན་ཙམ་ཡང་མེད་པས་ཆོས་སྐད་ཙམ་སློབ་པ་ལའང་བློ་མཐུ་ཆུང་ངུར་གྱུར་པའི་དུས་བྱིན་པའི་སྤྲུལ་པའི་ལོ་པཎ་གྱི་བསྒྱུར་འཐོར་བ་བསྡུས། བཅུས་པ་བསྲངས། གཞི་གཏན་ལ་ཕབ། ལམ་ཉམས་འོག་ཏུ་བཙུད་ཚར་བས་རང་གི་བློ་གྲོས་དེའི་རྣོན་མར་སོང་པ་འདི་ཚོར། དེའི་ཕྱིར་ཀུན་མཁྱེན་རོང་པས། སངས་རྒྱས་ཀྱི་བསྟན་པ་གྲ་མ་ཉམས་པའི་དུས་སུ། སྤྲུལ་པའི་ལོ་ཙྭ་བས་བཀའ་འགྱུར་བ་མེད་པར་གཏན་ལ་ཕབ་ནས། ཤེས་བྱའི་དངོས་པོའི་འདུག་ཚུལ་འབེབས་ཤིང་། དེ་རྟོགས་པར་བྱེད་པའི་ཐབས་དུ་མས་བརྒྱན་པའི་ཆོས་དང་། དུས་ད་ལྟའི་ལོ་ཙྭ་རྫུན་པོ་ཆེ་སྔོན་གྱི་འགྱུར་ལ་བཅོམ་མ་སྣ་ཚོགས་བྱས་ནས། འགྱུར་ང་བཟང་། ཁུངས་ང་བཙུན་ཟེར་ནས། སངས་རྒྱས་ཀྱི་བཀའ་དང་བླ་མའི་གསུང་ལ་རང་ཆོད་བྱས་ནས། མི་རེས་ཆོས་རེ་བཅོས། གཅིག་སྐྱོན་གཅིག་ལ་འགེལ། ཕའི་ཆོས་ལ་བུའི་དཔེ་མི་བཏུབ་པའི་ཆོས་དང་མི་འདྲ་ཞེས་གསུངས་པ་འདི་ཤིན་ཏུའང་མང། ལར་བོད་མ་ཡིན། རྫུས་མ་ཡིན་བྱས་པ་ཐམས་ཅན་ལ་རིམ་པར་བསྟན་པ་སྔ་དར་གྱི་རྒྱ་དཔེ་རྙེད་ནས་རྫུན་ཕུགས་རྡིབ་པ་ཤ་སྟག་ཡིན་ཏེ། དེ་ལ་དང་པོར་ཁྱེད་ཅག་གིས་རྒྱ་གར་དུ་ཕྱིན་ནས་མ་མཐོང་མ་ཐོས་པ་དེ། ངེད་ཅག་གི་སྟན་ཐོག་གཅིག་ཏུ་མཐོང་ཞིང་ཐོས་པ་འདི་བསོད་ནམས་ཆེ་སྟེ། འགོས་ལོ་ཐམས་ཅད་གཟིགས་པའི་ཕྱག་ཏུ་བྱུང་བའི་གསང་རྙིང་རྒྱ་དཔེའི་རས་མའང་མཐོང་། བསོད་ནམས་ཀྱི་མངོན་པར་མཐོ་བ་རྒྱལ་བ་རྒྱལ་པོ་སེ་ཆེན་ལྟ་བུའི་དྲེགས་རློམས་ཀྱང་བརྟུལ་ཞུགས་ཀྱི་ཟིལ་གྱིས་ནོན་པ་མཁས་གྲུབ་ཆེན་པོ་ཨི།་རྒྱན་པ་རང་བྱུང་དཔལ་གྱིས། བོད་ཀྱི་ལོ་ཙྭ་བ་ཁ་ཅིག་རྒྱ་གར་ན་རྙིང་མ་བསྒྱུར་རྒྱུ་མི་འདུག་ཟེར། དེ་ལ་ཕྱག་ལོ་ཙྭ་བ་བདག་རང་གི་དབང་ཞུས་ཀྱི་བླ་མ་ཡིན་ཡང་། རྒྱ་གར་ན་རྙིང་མའི་བསྒྱུར་རྒྱུ་མི་འདུག་ཟེར། དེ་འདྲ་ཁོང་རང་བློ་ཆུང་གི་གཏམ་ཡིན། ལ་ཙྭ་བ་རྒྱ་གར་ཤར་ཕྱོགས་སུ་ཡུན་རེ་ལས་མ་ཕྱིན་པར་རྒྱ་གར་ན་གང་ཡོད་ཀྱི་ཆ་ཅི་ཡོད། དེ་ལས་བོད་ན་གང་ཡོད་ཀྱི་ཆ་ཡང་མི་ཆོད། སྤྱིར་ཡང་རྒྱ་གར་ཚ་ཁུངས་ཆེ་བས། རྒྱ་གར་གྱི་དཔེ་རྣམས་རུལ་བ་མང་། སངས་རྒྱས་ཀྱི་བཀའ་ལ་ཚད་བཟུང་མེད་པ་ལ། བོད་ཀྱི་ལོ་ཙྭ་བ་རྣམས་ཀྱི་དེའི་ཁུང་ཅི་ཆོད། དེས་ནུབ་ཕྱོགས་ཨུ་རྒྱན་གྱི་ཡུལ་ལ་ཕྱིན་པ་ཡང་ མུ་མཐའ་མ་ཆོད། དེ་ཡང་དང་པོའི་རྒྱ་དཔེ་རྣམས། དུས་ཕྱིས་བལ་པོ་ན་མང་བ་ཡིན། དེ་ནས་བལ་པོ་བྷ་ཧ་རའི་གཙུག་ལག་ཁང་ཞིག་ན། རྙིང་མའི་རྒྱུད་རྣམ་གྲངས་རང་ཡང་བསམ་གྱི་མི་ཁྱབ་པར་བཞུགས་འདུག །ངས་བོད་ཀྱི་རྙིང་མ་རྣམས་ལ་ངས་རྙིང་མའི་རྒྱ་དཔེ་དང་པརྙི་ཏ་ཚུར་འགུག ཁྱེད་རང་རྣམས་མང་ཡུལ་གྲོང་དུ་འདེངས། ངས་ལོ་ཙྭ་བ་བྱས་ཏེ་མ་གྲུབ། ད་འགྱུར་རྙིང་མའི་་གྱུར་ད་རུང་བྱ་རུ་ཡོད་པ་ལ། ཡང་ཡེ་ཤེས་པར་འདོད་པ་འགའ་ཞིག་ན་རེ། རྙིང་མའི་དགོངས་པ་འདུས་པ་བོད་ཀྱི་སྔགས་རྒན་ཚོས་བཅོས་པ་ཡིན་མིན་དག་ཟེར། དེ་འདྲ་ཡང་འོས་སུ་མི་འགྲོ་བའི་གཏམ་ཡིན། ཤེས་ན་དེ་འདྲ་བའི་ཆོས་རང་རེ་ཚོས་ཡང་འཆོས་དང་། དེ་ལས་ལེགས་རྒྱུ་ནི་སངས་རྒྱས་ཀྱི་བཀའ་ལའང་མེད། ཅེས་སོ། །དེ་བཞིན་དུ་ནུབ་པ་ཡང་ཤིན་ཏུ་མང་སྟེ། འདི་ལྟར་བཙན་པོ་ཁྲི་སྲོང་ལྡེ་བཙན་དང་དུས་མཉམ་པ་ཙམ་དུ་གྲགས་པ་རྒྱལ་པོ་དྷརྨ་བཱ་ལའི་ཚེའི་སྨད་ཙམ་ན། རྡོ་རྗེ་གདན་གྱི་ལྟ་ཁང་ཞིག་ན་ཧེ་རུ་ཀའི་སྐུ་དངུལ་ལས་བྱས་པ་སྐུ་ཚད་མཐོ་པོ་ཞིག་དང་། གསང་སྔགས་ཀྱི་གླེགས་བམ་མང་རབ་གཅིག་ཡོད་པ་སིསྐོ་གླིང་པ་སོགས་ཉན་ཐོས་སརྙེ་པ་འགའ་ཞིག་གིས་འདི་དག་ནི་བདུད་ཀྱིས་བྱས་པའོ་ཞེས། སྐུ་གཟུགས་དུམ་བུར་བགོས་ནས་རང་རང་གི་རྙེད་པ་བྱས་གླེགས་བམ་རྣམས་མེ་ལ་བསྲེགས། དེ་བཞིན་དུ་བྷ༷་ག་ལའི་ཡུལ་ནས་བི་ཀྲ་མ་ཤི་ལར་མཆོད་པའི་ཕྱིར་དུ་འགྲོ་བ་མང་པོའང་བློ་སྒྱུར་ནས། དེ་དག་ནི་ཐེག་ཆེན་ཞེས་བྱ་བ་ལྟ་བ་འོ་ག་པར་སྤྱོད་པ་ཡིན་པས། ཡང་དག་པའི་ཆོས་སྤྱོད་པ་ངེད་རྣམས་ལ་བྱིན་ཅིག་ཅེས་སྨྲས་ནས་རྙེད་པ་འཚོལ་བ་སོགས་བྱས་པ་རྒྱལ་པོས་ཐོས་ནས་ཆད་པ་བྱུང་ངོ་ཞེས་རྒྱ་གཏམ་ཚད་མར་གྱུར་པ་དག་ལ་གྲགས། །དེ་བཞིན་དུ་འགྲོ་བའི་མགོན་པོས། འགྲོ་ལྡིང་གི་གླིང་ན་སྔོན་བསྟན་པ་རྣལ་མ་མེད་པ་ལས། སློབ་དཔོན་པདྨ་འབྱུང་གནས་ཀྱིས་དང་པོར་བཙུགས། མར་མེ་མཛད་བཟང་པོས་ཀྱང་བྱོན། དེ་ནས་བརྩམས་ཏེ་བརྒྱ་ཙམ་གྱི་བར་དུ་མ་ག་དྷ་དང་། ཨེ།་རྒྱན་དང་། ཁ་ཆེ་ལ་སོགས་པའི་རྡོ་རྗེ་འཛིན་པ་མང་པོ་བྱོན་ཏེ། སྔགས་ཀྱི་ཐེག་པ་ལྷག་པར་རྒྱས་པར་མཛད། སྔོན་རྒྱལ་པོ་དྷརྨ་བཱ་ལའི་སྐབས་སུ་སྦས་ཏེ། རྒྱ་གར་དུ་ནུབ་པའི་རྒྱུད་ཀྱི་རིགས་དང་། ཨེ།་ཞི་ཡ་ན་ནས་སྤྱན་དྲངས་པའི་རིགས་ཀྱི་རྒྱུད་གར་ན་མེད་པ་མང་དུ་ཡོད། ཞེས་བསྟན། འདི་དག་ནི་ཤེས་རབ་ཕྱོགས་རེ་བའི་བློ་མིག་རྣམ་པར་དག་ཅིང་། འཕགས་པའི་ཡུལ་གྱི་དངོས་གནས་དང་། གཏམ་རྒྱུད་ལ་འདྲེས་ནས་རང་བཞིན་སྲོང་པོར་བརྗོད་པ་ལ་བསྙེལ་བ་སྤངས་པའི་སེདྷི་ཆེན་པོ་ཡིན་ནོ། །དེ་བཞིན་དུ་ཇོ་བོའི་རྣམ་ཐར་ན། ཡང་ཇོ་བོའའ་ཐུགས་དགོངས་ལ། མི་ཡུལ་དུ་བཞུགས་པའི་གསང་སྔགས་ཡང་ལས་མཁས་པ་མེད་སྙམ་པའི་ཐུགས་རྒྱལ་མངའ་བ་ལ། ཕྱིས་བོད་དུ་བྱོན་ནས་པེ་དཀར་གླིང་གི་དཀོར་མཇོད་གཅིག་སྒོ་ཕྱེ་ནས་རྒྱ་དཔེ་གཟིགས་པས། ཇོ་བོས་དེ་གོང་དུ་མ་གསན་མ་གཟིགས་པ་མང་པོ་བཞུགས་འདུག་ན། ཐེག་པ་ཆེན་པོ་གདམས་ངག་འདི་ལ་མི་ཤེས་པ་མེད་སྙམ། ཌསྐི་མས་ཀྱང་ནམ་མཁའ་ནས་གཞལ་ཡས་ཁང་དཔག་ཏུ་མེད་པ་བསྟན་པ་ཡིན་པ་ལ། འདི་རྣམས་མི་གདའ། ཐེག་པ་ཆེན་པོའི་གསང་སྔགས་འདི་ལ་མཐའ་ཡོད་ཡོད་མི་འདྲ་གསུང་ཐུགས་རྒྱལ་ཆག །བོད་ཀྱི་རྒྱལ་པོ་ལ་རྗེས་སུ་ཡི་རང་བ་མང་པོ་ཕུལ། བོད་དུ་བསྟན་པ་དར་བ་འདྲ་བ་རྒྱ་གར་དུ་ཡང་མ་བྱུང་བ་འདྲ་གསུང་ཞེས་དང་། སློབ་དཔོན་པདྨ་རྡོ་རྗེ་འཆང་གཉིས་པ་དེའི་དྲིན་ལ་རྒྱ་གར་ན་ཡོངས་སུ་མ་གྲགས་པའི་མཁའ་འགྲོའི་གསང་མཛོད་མང་པོ་བསྒྱུར་ནས་བསམ་ཡས་པེ་དཀར་གྱི་དཀོར་མཛོད་ན་བཞུགས་སོ། །ཞེས་པ་འདི་ལ་ཅིས་བསྙོན། དེ་ལྟར་མི་འདུག་དང་། མ་དག་ཟེར་བའི་རྫུན་གཏམ་གཅིག་གིས་བློ་འདྲོགས། མཁས་སུ་རེ་བའི་རྟོག་དཔྱོད་ཅན་རྣམས་ཀྱང་ཕྲ་མ་སྔ་བཙན་ལ་ཡི་དམ་དུ་མ་བཟུང་ན་རང་ཉིད་ཀྱང་སྡེ་ཚན་དེ་ལས་གྱུར་གྱི་དོགས་ནས་ཡང་དག་པའི་མདོ་དང་། རྒྱུད་ལུང་མང་པོ་ལ་བསྐུར་པ་འདེབས། སྔོན་དུ་བསྒྱུར་པའི་གཞུང་ལུགས་ཆེན་པོ་གཅིག་ལ་རང་གི་རིག་པས་བཏགས་པའི་སྐྱོན་འགེལ་ནུས་ན་དེ་ལ་རྗེས་འབྲངས་དང་བཅས་པས་ངོ་མཚར་དུ་བྱེད་ཅིང་། མཁས་པའི་གྲལ་དུ་རྗེས་སུ་ཡི་རང་བསྒོམ་པ་འདི་དུས་རིང་མོ་ཞིག་ནས་སྣང་སྟེ། དགེ་བཤེས་འོ།་ཙྭ་བ་བོད་ན་བཞུགས་པའི་ཚེ་ཆོས་སྤྱོད་ཐམས་ཅད་ཀྱི་རྒྱུད་བྱ་བ་དེ་དགེ་ཚུལ་ཁྱུང་གྲགས་བྱ་བས་བྱས་པ་ཡིན་ཟེར་ནས་རྫུན་མར་བྱེད་པ། རྒྱ་གར་དུ་ཇོ་བོ་གདན་འདྲེན་ལ་ལྷགས་ང།འི་ཚ། བི་ཀ་མ་ལའི་དགེ་བདུན་རྣམས་ཉན་བཤད་བྱེད་ཅིང་སྣང་། དེ་ལ་གདམས་པ་བདུད་རྩིའི་སྙིང་པོ་བྱ་བ་ཡང་འདུག་པ་སླར་ལོ་ཙྭ་བས་བོད་དུ་བསྒྱུར་བས་ཆོས་སུ་སོང་། དེ་བཞིན་དུ་བགྲང་གིས་མི་ལང་བ་ཡོད། སྔོན་གྱི་དུས་སུ་བྱུང་བ་དག་བཅོས་མ་ཡིན་ན། རྩོམ་གཞི་གང་ལ་བྱས། དེ་ལྟར་ན་ཕྱིས་བྱུང་བ་རྣམས་དེ་བས་ཀྱང་བཅོས་མ་ཡིན། རྩོམ་གཞི་སྔོན་མ་ལ་བྱས་ཤིང་། དོན་སྔོན་པས་བཟང་དུ་མ་སོང་། ཚིག་མི་འདྲ་བ་དང་མང་ཉུང་ལས་མེད་པ་གསང་བ་འདུས་པའི་རྒྱུད་ལྟ་བུས་མཚོན་ནོ། །འགོས་ལྷ་བཙས་ཆོས་རྗེ་ཟུར་པའི་སྐུ་དྲུང་ནས་གཞན་གྱུར་པས་དང་པར་གསང་བའི་སྙིང་པོ། །ཕྱིས་ནས་སྔ་འགྱུར་གྱི་ཆོས་རྒྱ་མཚོ་ལྟ་བུ་ལ་མ་ཡིན་མ་འགྱུར་ཞེས་ཁ་ཟེར་བ་བྱས་མོད་ཀྱི། སྐྱོན་བཞིའི་འགལ་སྤོང་ལ་སོགས་པ་ཟུར་པའི་རྗེས་འབྲངས་རྣམས་ཀྱིས་རྒྱུད་ཀྱི་བཤད་པ་རྒྱ་མཚོ་ལྟ་བུའི་ཞར་ཆོས་སུའང་རྒོལ་ངན་རྩོད་པས་ཐལ་བར་རློག་པའི་བརྟུལ་ཞུགས་བཟུང་ནས་སྤོབས་པ་ལན་མེད་དུ་བཏང་བས་འདིར་མ་བཀོད་ལ། གསང་སྙིང་བོད་དམར་དབྱེན་བཅོས་པའི་རྫུན་ཕུགས་བཅོམ་ལྡན་རིག་རལ། པཎ་ཆེན་ཤཱཀྱ་ཤི །ཐར་ལོ་ཆེན་པོ། འགོས་ལོ་གཞོན་ནུ་དཔལ་ལ་སོགས་པའི་སྤྱན་སྔར་རྒྱ་དཔེ་དངོས་པོ་ཁོ་ནས་རྟིབ་ཅིང་། ཆོས་ཀྱི་རང་ངོ་ནས་ནི་མུ་སྟེགས་བྱེད་སམ་ག་ཨ་ཙབྱས། དཔལ་ལྡན་ཆོས་ཀྱི་གྲགས་པ་ལ་རྒོལ་བ་བཞིན་དུ་རང་ཉིད་ཀྱི་སྐྱེ་བ་ནས་སྐྱེ་བར་བརྒྱུད་ཀྱང་། དགེ་སློང་ལྷ་ཆེན་པོས་བརྟུལ་ཞུགས་ཀྱིས་བསྟན་པའི་དབྱེན་ཙམ་དུ་འཀྱུར་སྲིད་ཀྱི། དེ་ལས་བསམ་པ་མཐར་ཐུག་པའི་ལམ་དུ་མ་སོང་ངོ་། །མཁས་པ་ཆེན་པོ་བུ་ནི་གཞོན་ནུའི་ཚེ་རྙིང་མའི་ཆོས་དང་ཡང་དམ་ཚིག་གི་འབྲེལ་ཏེ། ཐ་སྙད་ལ་བློ་གྲོས་བསམ་གྱིས་མི་ཁྱབ་པས་རང་གི་བླ་མ་མཁས་པའི་དབང་ཕྱུག་ཆེན་པོ་ཉི་མ་རྒྱལ་མཚན་ལྟ་བུའི་རྣམ་དཔྱོད་ལའང་ཚད་མར་མི་བྱེད་པས་རྙིང་མར་བཏང་སྙོམས། གསར་མའི་ཕྱོགས་མང་པོ་ཡང་རྫུས་མར་གཟིགས་མོད་ཀྱི། སློབ་དཔོན་སངས་རྒྱས་གསང་བས་ཧ་ཅང་ཐོས་པ་མང་པོ་ཡང་བདུད་ཀྱི་ལས་སོ་གསུངས་པ་དེ་མིན་ན་བསྟན་པའི་བྱི་དོར་ཆེན་པོ་ཉིད་དོ། །འོན་ཀྱང་སི་ཏུ་ཐམས་ཅད་མཁྱེན་པ་དགེ་བའི་བློ་གྲོས་ཞེས་སྤོངས་པ་བསམ་གྱི་མ་ཁྱབ་པ་དེས་ཚལ་བ་བཀའ་འགྱུར་གྱི་ཞུ་དག་ལ་བུ་སྟོན་སྤྱོན་པར་བྱས་མོད། དེའི་བཀའ་འགྱུར་ཁྲོད་ན་ནི་མདོ་སྒྱུ་སེམས་གསུམ་གྱི་རྒྱུད་སྡེ་ཚན་ཚང་མ་རེ་དང་། བསྟན་སྲུང་གི་སྐོར་ཀྱང་མཆིས་གདའ་བ་ལ་སྤྱིན་པའི་བདག་པོའང་བློ་གྲོས་བསམ་གྱིས་མི་ཁྱབ་པས་གཤུང་བར་དཀའ་བའམ། གདོད་ནས་ཚད་མ་མ་ཡིན་པའི་གཏན་ཚིགས་ལ་ངེས་པ་འདྲོངས་ན་ནི་བྱི་དོར་མཁན་པོར་དམིགས་ཀྱི་བསལ་བས་དེ་དག་ཀྱང་འཇོག་མི་ཐང་ཏེ་སྣང་ངོ་། སྤྱིར་ཡོངས་གྲ་ཀངས་སུ་དེ་ལྟ་མོད་ཀྱི། སྒྲ་ཚད་པས་མཇ་ད་པའི་རྣམ་ཐར་ལ་དཔྱད་ན། སྔ་འགྱུར་ལ་རུས་ཞེན་དང་། ལྟ་བའི་ཆོས་སྐད་ཀྱང་དེ་རྗེས་ཟློ་ཞིང་། མེས་པོའི་ཡི་དམ་ལ་ཉམས་བཞེས་མཛད་པས་གུ་རུ་མཚན་བརྒྱད་ཞལ་གཟིགས་ནས་ལུང་བསྟན་ཐོབ་ཚུལ་སོགས་དངོས་བསྟན་ཡིན་ན་རྒྱུད་འབུམ་ལ་དཔྱད་ཞུས་སོགས་གཞན་སྣང་དང་བསྟུན་པའི་དྲང་བདེན་དུ་ངེས་སོ། །ཡང་གསེར་མདོག་ཅན་པས་གསེར་གྱི་ཐུར་མར་དཔལ་འཛིན་ཡི་རྫུན་གཏམ་འཕྲོ་དོན་དུ་བྱས་པས་དེས་གང་ཟག་བླ་གྲོས་གསར་བུ་རྣམས་ལ་ཐེ་ཚོམ་དུ་མ་བསྐྱེད་ཅིང་། བླུན་པོ་ཕྱོགས་ལྷུང་ཅན་རྣམས་ཀྱི་རྒྱབ་བརྟེན་དུ་འཁྱེར་བ་བྱུང་མོད་ཀྱི་དེ་ལ་ནི་དཔྱད་པར་བྱ་བ་ཞིག་སྟེ།ཆོས་རྗེ་སྐལ་བཟང་རྒྱ་མཚོ་གསེར་ཐུར་ལས་བརྩམས་པའི་དོགས་གཅོད་ཀྱི་ལན་ངེས་དོན་རབ་གསལ་ཞེས་བཏགས་པར། གསེར་མདོག་ཅན་པས་ཁོ་བོ་ཅག་གི་འབེལ་གཏམ་རྣམ་པར་ངེས་པའི་ཡི་གེ་དཀྱུས་མིན་ནི། གསར་རྙིང་ལ་ཆོས་ཡིན་མིན་གྱི་རྣམ་དབྱེ་བྱས་པ་ལྟ་ཅི་སྨོས། རྙིང་མ་ཞེས་པའི་ཚིག་ཙམ་ཡང་བྱུང་བ་མེད་ཀྱི་སྟེང་དུ། དྲི་བ་དང་ལན་གཉིས་ཀའི་ནང་ན། འགོས་འོ།་ཙྭ་བ་སོགས་ཀྱི་ཆོས་ལོག་དྲི་མ་ཅན་དུ་བགྲངས་པའི་རྣམ་གྲངས་མང་པོ་དེ་དག་དེ་ལྟར་དུ་འཐད་ན་ཧ་ཅང་ཐལ་བར་འགྱུར་པའི་ཀླན་ཀ་དག་བཀོད་ནས་ཞེས་དང་། གྲུབ་མཐའ་ལ་མ་ཞུགས་པའི་སྐྱེ་བོ་དག་གིས། དཔལ་འཛིན་གྱིས་སྨྲས་པའི་ཚིག་དེ་དག་ཁ་བཏོན་དུ་བྱས་པ་ན། གྲུབ་མཐའ་སྨྲ་བར་ཁས་འཆེ་བའི་སྨྲ་བ་པོ་དག་ཀྱང་། ལ་ལ་དག་རྟོག་དཔྱོད་མ་བཏང་པར་གང་ཐོས་སུ་དབྱངས་སུ་གྱེར་བའམ། སྨྲ་བ་པོ་ཁ་ཅིག་ནི་འགའ་དང་འགའ་ལ་ཕྲ་མ་བགྱིད་པའི་བསམ་པ་ཁོ་ན་སྔོན་དུ་བཏང་ནས། གཞུང་རྩ་བ་ན་ཅི་ཡོད་མི་རྟོགས་པར་འབེལ་གཏམ་གྱི་ཚིག་ཁོ་ན་ལ་སྐྱོར་འབྱིན་བྱེད་པ་དག་ཡོད་པར་སྣང་ངོ་། །ཞེས་འགོས་དང་དཔལ་འཛིན་གྱིས་བྱས་པའི་ངག་བགྲོས་རླབས་པོ་ཆེ་ཧ་ཆང་ཐལ་བར་བཤད་ཅིང་། རང་གི་འདོད་པའི་སྙིང་པོའི་མཐར་ཐུག་པ་ལ་དཔྱད་པ་མ་ཞུགས་བཞིན་དུ་འབེལ་གཏམ་ན་ཡམས་སུ་བྱས་པ་བཤད་བྱའི་རྩ་བར་འཁྲུལ་པ་རྣམས་ཀྱི་ནོངས་པ་ཡིན་ནོ་ཞེས་པས་གསེར་ཐུར་གྱི་རྙིང་མ་ལ་བསྐུར་པ་བཏབ་བོ་ཟེར་བའི་འདོད་པ་བཀག་ནས། འདི་སྐད་དུ་སྤྱིར་རྙིང་མ་ཆོས་མ་ཡིན་པར་ཁས་ལེན་དུ་ནུས་པ་དག་ཡོད་ན། དེའི་ཚེ་དེ་ལྟར་འདོད་པ་དེས་སྐ་ཅོག་ཞང་གསུམ་གྱིས་བསྒྱུར་བའི་སྡེ་སྣོད་གསུམ་གྱི་ཆོས་རྣམས་དང་། བྱ་བ་དང་། སྤྱོད་པ་དང་། རྣལ་འབྱོར་གྱི་རྒྱུད། ལོ་ཆེན་རིན་ཆེན་བཟང་པོ་མ་བྱོན་གོང་དུ་འགྱུར་བ་ཐམས་ཅད་ཆོས་མ་ཡིན་པ་ཉིད་དུ་ཁས་ལེན་དགོས་པར་འགྱུར་རོ། །བྱེ་བྲག་ཏུ་གསང་སྔགས་བླ་མེད་ཀྱི་རྒྱུད་རྙིང་མ་ཆོས་མ་ཡིན་པར་ཁས་ལེན་ནུས་པ་དག་ཡོད་ན། དཔལ་གསང་བ་འདུས་པ་དང་། ཟླ་གསང་ཐིག་ལེ་དང་། སངས་རྒྱས་མཉམ་སྦྱོར་རྣམས་ཆོས་མ་ཡིན་པ་ཉིད་དུ་ཁས་ལེན་དགོས་པར་འགྱུར་ཏེ། དེ་གསུམ་རྙིང་མའི་ལུགས་ཀྱི་ཏནྟྲ་སྡེ་བཅོ་བརྒྱད་དུ་གྲགས་པ་དེའི་གཙོ་བོར་གྱུར་པ་དང་། རྩ་བ་དེ་གསུམ་ལ་བརྟེན་ནས་བོད་དུ་རྙིང་མར་གྲགས་པའི་ཆོས་མང་དག་ཅིག་བྱུང་བར་སྔོན་གྱི་ཆེན་པོ་དག་གི་འཆད་པའི་ཕྱིར། བྱེ་བྲག་ཏུ་ཡང་ཕུར་ཆོས་མ་ཡིན་པར་ཁས་ལེན་པ་དག་ཡོད་ན། དེའི་རྒྱུད་ཀྱི་རྒྱ་དཔེ་དང་། ལོ་ཙྭ་བ་ཚད་ལྡན་གྱིས་བསྒྱུར་བ་སོགས་ཀྱི་གཏན་ཚིག་ལས་རྣམ་པ་དག་ཏུ་གྲུབ་ཟིན་པ་དང་། ཁྱད་པར་རྙིང་མའི་རྒྱུད་དུ་གྲགས་པ་གཞན་དང་གཞན་རྣམས་རྒྱུད་འབུམ་གྱི་དཀར་ཆག་ཏུ་འདེབས་པར་མི་མཛད་པའི་ཆེན་པོ་དེ་དག་གིས་ཀྱང་ཡང་དག་དང་ཕུར་པ་རྩོད་མེད་དུ་གྲུབ་ཟིན་པའི་ཕྱིར། དཔེར་ན་རལ་གྲི་དང་། བུ་སྟོན་རིན་པོ་ཆེའི་ཆོས་འབྱུང་ལས་བཤད་པ་བཞིན་ནོ། །ཞེས་གཞན་གྱི་འདོད་པའང་ཞར་བྱུང་ན་ཡམས་སུ་བཀོད་དོ། །ལར་ཆོས་ཀྱང་བདག་གིར་བྱེད་པ་པོའི་གཟི་བྱིན་ལ་ལྟོས་ནས་ཡང་དག་དང་ཅིག་་།ས་སུ་བསྒྲུབ་ཤེས་པའི་དཔྱོད་ལྡན་དེ་འདྲ་ལ་ལྔ་པ་ཆེན་པོས། བསྒྲུབ་སྡེ་བརྒྱད་པོ་ལྷ་སྔགས་རྒྱུད་མན་ངག་སྨིན་གྲོལ་གྱི་གནད་མཐའ་དག་ཕྱོགས་མཚུངས་པ་ཁོ་ནར་ཡོད་པས་ཆེ་མཆོག་གཤིན་རྗེ་སོགས་གཞན་རྣམས་མ་དག་ན་ཡང་ཕུར་གཉིས་སྒེར་དུ་དག་དོན་མེད་པས། གྲུབ་མཐའི་ཕྱོགས་ཁྱེར་གྱི་ཞེ་སྡང་པ་ཁོ་ནས་དག་ཅིང་། ཡང་ཕུར་གཉིས་ས་སྐྱ་པའི་ཡབ་ཆོས་སུ་སོང་ཞིང་དུས་དེར་བོད་ཆོལ་ཁ་གསུམ་གྱི་བདག་པོས་ས་སྐྱ་པ་ཡིན་པའི་ངོས་འཛིན་ཁོ་ན་ཡིན་པར་གསལ་བས་རྩོ་ད་ཡིག་གི་ནང་ཟིང་གནག་རྫི་རྒན་པོ་ཡན་ཆོད་ཀྱི་མཐོང་བར་གསལ་པོར་བསྟན་པ་གོར་མ་ཆག །དབུ་རུ་དཔལ་འཛིན་སྔགས་བརྒྱད་རྙིང་མ་ཡིན་པར་རང་གི་སློབ་དཔོན་དང་འགྲས་པའི་ལེ་ལན་དུ་དགག་པ་ཚིགས་བཅད་ལྷུག་སྤེལ་མ་བརྩམས་པ་ཞེ་སྡང་གི་ངན་སྨྲས་ལས་ལུང་རིགས་རྣམ་དག་ཆེར་མི་འདུག །ཅེས་གསུངས་པ་ནི་ཤིན་ཏུའང་མེད། གསེར་མདོག་ཅན་པ་རང་གིས་བཞེད་པ་ནི་འདི་སྐད་དུ། བསྟན་པ་འདིའི་བདག་པོ་སྟོན་པ་ཐུབ་པའི་དབང་པོས། ཆགས་བྲལ་གྱི་གཟུགས་ཀྱིས་སམ་འཁོར་འོ་་བསྒྱུར་བའི་གཟུགས་ཀྱིས་གསུངས་ཀྱང་རུང་སྟེ།སྟོན་པ་གཅིག་པུ་དེ་ཉིད་ཀྱི་ལྷ་དང་སྔགས་ཀྱི་རིམ་པ་ཁོ་ན་ཉམས་སུ་བླངས་པ་ལས་གྲུབ་པ་བརྙེས་པའི་སློབ་དཔོན་པདྨ་འབྱུང་གནས་དང་། དེའི་སློབ་མ་རིམ་པ་གཉིས་ལ་བརྟན་པ་ཐོབ་ནས་གྲུབ་པའི་ས་བརྙེས་པ་དེ་དག་གིས་བོད་དུ་དམ་པའི་ཆས་དར་བ་ལ་གེགས་སུ་གྱུར་པའི་ལྷ་འདྲེ་གདུག་པ་ཅན་འདུལ་བ་དང་། རྡོ་རྗེ་ཐེག་པའི་སྣོད་དུ་གྱུར་པ་རྣམས་ནི་རིག་འཛིན་གྱི་ས་ལ་འགོད་པའི་ཕྱིར་དུ། གང་དང་འཚམས་པའི་ལྷ་དང་།སྔགས་དང་། ལྟ་བའི་རིམ་པ་རྣམས་གསུངས་པ་དང་། དེའི་དོན་སློབ་མས་ཚུལ་བཞིན་ཉམས་སུ་བླངས་པ་དང་། དེ་ལས་གྲུབ་པའི་ས་བརྙེས་པའི་རིག་པ་འཛིན་པ་མང་དུ་བྱོན་པ་དང་། དེ་དང་མཐུན་པའི་སྙན་བརྒྱུད་དང་དགོངས་པ་ཡི་གེར་བཀོད་པ་ལ་བརྟེན་ནས་རྙིང་མར་གྲགས་པའི་ཆོས་རྣམ་པར་དག་པ་འདི་ཉིད་བྱུང་བ་ཡིན་ལ། འདི་དག་ལའང་ཡང་དག་པར་ན་བསྟན་བཅོས་ཀྱི་མཚན་ཉིད་ཚང་བ་ཡིན་ཏེ། ཇི་སྐད་དུ། གང་ཞིག་རྒྱ་བའི་བསྟན་པ་འབའ་ཞིག་གིས། །དབང་བྱས་རྣམ་གཡེང་མེད་ཡིད་ཅན་གྱིས་བཤད། །ཅེས་སོགས་ཀྱི་མཚན་ཉིད་དེ་ཚང་བའི་ཕྱིར་སློབ་དཔོན་པདྨས་གསུངས་པའི་བསྟན་བཅོས་ན་སངས་རྒྱས་ཀྱི་བཀའ་དང་ཁྱད་པར་ཡོད་པར་མ་ཡིན་ཏེ། ཐར་པ་ཐོབ་པའི་ལམ་དང་རྗེས་མཐུན་པ། །དེ་ཡང་དྲང་སྲོང་བཀའ་བཞིན་སྤྱི་བོར་བླངས། །ཞེས་གསུངས་པའི་ཕྱིར་རོ། །ཞེས་སྣང་བས་འདི་དག་ནི་གཟུ་བོར་གྱུར་པའི་ཤེས་བྱ་རིག་པས་གཞལ་བའི་གཏན་ཆགས་སུ་ཤེས། ཡང་ཁ་ཅིག་གིས། ད་ལྟའི་ཕྱག་རྒྱ་ཆེན་པོ་དང་། །རྒྱ་ནག་ལུགས་ཀྱི་རྫོགས་ཆེན་གཉིས། །ཞེས་གཤིས་ལ་བྱ་བ་དང་བྲལ་བའི་གྲུབ་མཐའ་བློར་མ་ཆུད་ནས་ཀུན་རྫོབ་ཙམ་དུའང་ཐབས་ཀྱི་ཆ་ཡལ་བར་དོར་རོ་སྙམ་པས་རྫོགས་ཆེན་རྒྱ་ལུགས་མ་འཆོས་པ་ནི་གཟུགས་བརྙན་སྤངས་པའི་གྲིབ་མའོ། །རང་གཞུང་སེམས་སྡེའི་རྒྱུད་ཆེན་པོ་རྡོ་ལ་གསེར་ཞུན་དུ། བདེ་གཤེགས་མ་ལུས་ཡུམ་དུ་གྱུར་པས་རྒྱལ་བ་ཀུན་གྱི་ལམ་གཅིག་པུ། །ཚུལ་ཁྲིམས་ལ་སོགས་ཕ་རོལ་ཕྱིན་ལམ་སྤྱོད་པ་རྒྱ་མཚོའི་གཞིར་གྱུར་པ། །ཞེས་གྲུབ་མཐའི་འཆའ་ལུགས་ཆེན་པོ་འདི་ཡོད་པས་ཀུན་རྫོབ་བདེན་པ་ཇི་ལྟར་འགོག །དེ་ལྟར་ནའང་འོག་མར་དགོངས་ཏེ་གསུངས་པ་འདིར་བདེན་གཉིས་དབྱེར་མེད་ཆེན་པོར་རྣམ་པར་དག་པའི་ཚུལ། སེམས་སྡེ་ཕྱིར་འགྱུར་ལས། །སོ་སོ་ཐར་པའི་སྡོམ་པ་དང་། །བྱང་སེམས་ཚུལ་ཁྲིམས་རྒྱ་ཆེན་པོས། །མ་ལུས་ཀུན་སྦྱར་ཡུལ་དུ་གནས། །དེ་དག་ཐེག་པའི་ཁྱད་པར་མཆོག །སངས་རྒྱས་ཀུན་གྱིས་དགོངས་མཛད་དེ། །སྤྱོད་པ་ཐབས་བཅས་གསང་བའི་ཚུལ། །དེ་ལྟར་ཕ་རོལ་ཕྱིན་སྒོམ་པ། །སྔགས་ཀྱི་ཐེག་པ་གྲངས་མེད་རྣམས། །བསྟན་པ་སོ་སོར་སྣང་བའི་ཚུལ། །མ་ལུས་ཀུན་འདུས་རྣམ་པར་དག །ཅེས་དང་། །རང་བཞིན་མེད་པའི་ངང་དུ་ཕྱིན་དྲུག་རྫོགས་པའི་ཚུལ་ཡང་། །སེམས་ཕྱོགས་རིན་པོ་ཆེ་རྒྱས་པའི་རྒྱུད་ལས། །དབྱེར་མེད་མཉམ་པར་གནས་པས་སྤྱིན་པའོ། །རང་བཞན་མེད་པར་ཤེས་པས་ཕ་རོལ་ཕྱིན་པ་ཡིན། །ཆོས་སྐུ་རང་བཞིན་གོས་པ་མེད་པ་ལས། །ངོ་བོ་རང་བཞིན་དག་པ་ཚུལ་ཁྲིམས་ཏེ། །གང་གིས་ནོས་པ་ཚུལ་ཁྲིམས་ཕ་རོལ་ཕྱིན། །ཆོས་ཉིད་རང་བཞིན་གདོད་ནས་ཞི་བ་ལས། །རང་བཞིན་ཁོང་ཁྲོ་མེད་པ་བཟོད་པ་སྟེ། །དབྱེར་མེད་གཉིས་སུ་མེད་པས་ཕ་རོལ་ཕྱིན་པའོ། །སྐྱེ་མེད་གདོད་ནས་རང་བཞིན་ཀུན་ལ་ཁྱབ། །དོན་ཐོབ་ལེ་ལོ་མེད་པ་བརྩོན་པ་སྟེ། །ཀུན་ཁྱབ་དབྱེར་མེད་གནས་པས་ཕ་རོལ་ཕྱིན། །ཆོས་ཉིད་གདོད་ནས་རང་བཞིན་རྣམ་དག་པས། །རྟོག་མེད་མཉམ་ཉིད་གནས་པས་བསམ་གཏན་ཏེ། །རངབཞིན་༄༅ ཡེངས་པ་མེད་པས་པ་་རོལ་ཕྱིན། །ཆོས་ཀྱི་སྐུ་ཡི་རང་བཞིན་དེ་ཉིད་ལ། །ཐམས་ཅད་དེ་བཞིན་ཉིད་ལ་གནས་པས་ཤེས་རབ་སྟེ། །རང་བཞིན་དེ་ལྟར་རྟོགས་པས་ཕ་རོལ་ཕྱིན། ཆོས་ཀྱི་སྐུ་ཡི་རང་བཞིན་དོན་རྟོགས་ན། །ཕ་རོལ་ཕྱིན་པ་ཐམས་ཅད་ཡོངས་སུ་རྫོགས་པ་སྟེ། །རྫོགས་པ་ཆེན་པོ་འོད་ལ་གང་གནས་པ། །འདི་བསྒོམས་ཐམས་ཅད་ཡོངས་སུ་བསྒོམས་པའོ། །ཞེས་སོ། །རྒྱུ་མཚན་དེ་ལ་དམིགས་ནས་འཕགས་པ་ལྷས། ཚུལ་ཁྲིམས་ལས་ནི་ཉམས་སླ་ཡིས། །ལྟ་ལས་དེ་ལྟར་མ་ཡིན་ནོ། །ཞེས་པ་འདིས་དོན་དམ་པར་ཐབས་སྤྱོད་པའི་ཕྱོགས་ལས་ཤེས་རབ་ལྟ་བའི་ཆ་ཁོ་ན་གཙོ་ཆེ་བར་སྟོན་པ་འདི་ཕྱག་རྫོགས་པ་ཙམ་མ་ཟད་མདོ་ལུགས་ཤིང་རྟ་ཆེན་པོའི་དགོངས་པ་ལའང་ཡོད་པར་གསལ། སེམས་ཕྱོགས་དག་ནས་ཀྱང་གཤིས་ལ་བྱ་བ་དང་བྲལ་བ་གཙོ་བོར་སྟོན་པས་ལྟ་བ་རིག་ཐོག་ཏུ་མཉམ་པར་འཇོག་པའི་ཚ། ཆོས་ཉིད་ཁས་ལེན་དང་བྲལ་བ། །རང་བཞིན་ཡིད་བྱེད་དང་བྲལ་བ། །ཐོབ་བྱ་རེ་དོགས་ལས་འདས་པ། །སྤྱོད་པ་བླང་དོར་མེད་པ་ནི་གྲུབ་པའི་མཐའ་ཆེན་པོ་འདིའི་ངོ་བོའི་བརྗོད་བྱ་མཐར་ཐུག་པས་ཚིག་གི་ལམ་དུ་དེ་ལས་ཅི་ཞིག་སྒྲགས།གཞན་དུ་ཆོས་ཉིད་ནི་བསམ་གྱིས་མི་ཁྱབ་པ་ཡིན་ལ། ཚིག་ནི་རྟོག་དཔྱོད་ཀྱི་ངོ་བོར་གནས་པའི་ཕྱིར་དེ་ཉིད་གཅིག་ཏུ་འཛའ་བ་མ་ཡིན་པས། སྐྱེས་བུའི་བློ་སྟོབས་ཀྱི་རང་རང་གི་འདོད་པ་བསྒྲུབ་པའི་ཕྱོགས་ཇི་སྙེད་པ་འདི་བྱུང་ལ། ཇི་ལྟ་བ་ནི་སངས་རྒྱས་རྣམས་དང་། བྱང་ཆུབ་སེམས་དཔའ་མཆོག་གཟིགས་རྣམས་ཀྱི་རྒྱུད་ལ་རང་བཞིན་གྱི་ཡོད་པའོ། །དེ་ལྟར་ཡོད་པས། རྔོག་འོ་་ཆེན་པོ་ནས་ཇོ་ཞལ་ཡན་ཆོད་ཀྱི་ཀློག་པ་ཐོས་བསམ་པ་མཁས་པ་དག་དང་། གངས་རིའི་ཁྲོད་ཀྱི་བསམ་གཏན་པ་འཁྲུལ་མེད་ཀུན་གྱི་ཡི་གེ་ན་དོན་འདི་ཡོད་པས་སོ། །དེའི་ཕྱིར་སངས་རྒྱས་ནི་གཉིས་སུ་མི་གསུངས་པ་ཡིན་པས་ཤིང་རྟ་ཆེན་པོ་གཉིས་ཀྱི་དགོངས་པའི་མཐར་ཐུག་པའང་འདིར་གནས་ངེས་པ་ཡིན་ནོ། །དེ་ལྟ་ནའང་རེ་ཞིག་དབུ་མའི་གཞུང་ལས། ཐ་སྙད་ལ་ནི་མ་བརྟེན་པར། །དམ་པའི་དོན་ནི་རྟོགས་མི་སྲིད། །ཅེས་པས་རྟོག་དཔྱོད་ཀྱི་མཐའ་ལ་བཀར། དགག་བསྒྲུབ་ཀྱི་རྫོང་ལ་བསྐོར་བ་བྱས་པས་རང་གི་ཡེ་ཤེས་རང་ལ་ལྐོག་ཏུ་གྱུར་ནས་སླུ་བའི་རིང་། རང་བཞིན་རྫོགས་པ་ཆེན་པོ་འདུག་སྟངས་གསུམ་གྱིས་རྡོ་རྗེའི་ལུས་ལ་གནད་དུ་བསྣུན་པ་དང་། རིག་པ་ཐོད་རྒལ་གྱི་ངང་དུ་ཡེ་ཤེས་དབབ་པ་དང་། རིག་པའི་རྩལ་དབང་གིས་ཆོས་ཉིད་མངོན་དུ་བསྟན་པའི་གནད་ཀྱིས་ལམ་ཁྱད་གནམ་ས་ལྟ་བུར་ཡོད་པ་ཡིན་ནོ། །ཡང་བླང་དོར་མེད་པ་ལྟ་བ་ཡིན་གྱི་སྤྱོད་པར་ཅི་འགྲོ་ཟེར་མོདཁོ་བོ་ཅག་ནི་ཆོས་ཀྱང་རྫོགས་པ་ཆེན་པོ། གང་ཟག་ཀྱང་རྫོགས་པ་ཆེན་པོ། །ལྟ་སྤྱོད་མཉམ་པ་རིས་མེད་དུ་ཁས་བླང་པའི་དབང་དུ་བགྱིད་ན། རྣམ་ཤེས་ཀྱི་དོན་བླང་དོར་ཀྱང་ཡོད་པ་ཐབས་ལ་བསྐུར་པ་མ་བཏབ།ཡེ་ཤེས་ཀྱི་དོན་བཟུང་འཛིན་མེད་པས་ཐབས་ལ་རེ་བ་མི་འཚོལ། དེའི་ཕྱིར་བྱང་ཆུབ་ཀྱི་སེམས་ཀུན་བྱེད་རྒྱལ་པོ་ནི་རྒྱུ་འབྲས་གཉིས་སུ་མེད་པའི་ངོ་བོ་བསྒྲུབ་བྱ་སྟེ། གངས་རིའི་ཁྲོད་ན་འདི་ལ་སྐྲག་པར་གྱུར་ནས། གཞི་དུས་སུ་ཀུན་རྫོབ་ཚད་མས་མ་གྲུབ་ན་རྒྱུ་འབྲས་ལ་བསྐུར་པ་བཏབ། ལམ་གྱི་དུས་ན་ཅི་ཡང་ཡིད་ལ་མི་བྱེད་པ་ཧ་ཤང་གི་ལྟ་བ་ཡིན། འབྲས་བུའི་དུས་སངས་རྒྱས་ཀྱི་ཡེ་ཤེས་ལ་ཀུན་རྫོབ་མི་སྣང་ན་ཐམས་ཅད་མཁྱེན་པ་ནས་བུད་ཟེར་ཏོ། ཁོ་བོ་ཅག་ནི་ཀུན་རྫོབ་འཁྲུལ་སྣང་ཡིན་པས་ཚད་མའི་གཏན་ཚིགས་འགལ། ཡིད་བྱེད་རྣམ་རྟོག་ཡིན་པས་མཉམ་བཞག་ཏུ་ཅི་ཡང་མི་བསྒོམ། སངས་རྒྱས་ནས་མ་རིག་པ་ཤེས་བྱ་ལ་མི་སྲིད་ན་ཀུན་རྫོབ་གང་ལ་སྣང་། དེ་ལ་འཁོར་ལོ་ཐ་མ་དང་། དབུ་མ་ལ་འཇུག་པ་རྩ་འགྲེལ་གྱི་དགོངས་པ་མཐར་ཐུག་པ་ཡིན་ན་གཤིས་ཀྱི་བཞུགས་ཚུལ་གཙོ་བོར་འདོན་པའི་གྲུབ་པའི་མཐའ་རྫོགས་པ་ཆེན་པོ་ཕྱོགས་གཞན་དུ་འཕུལ་བའི་དོན་པོ་གང་། རྫོགས་ཆེན་པས་མི་དགེ་བཅུ་དང་། མཚམས་མེད་ལྔ་ལ་རྣམ་པའི་ཆ་ནས་ཀྱང་བསྒྲུབ་བྱར་བྱེད་པ་མེད། དེ་བཞིན་གཤེགས་པས་ལེགས་པར་གསུངས་པའི་གནས་གཞན་ཡལ་བར་འདོད་པའང་མེད། གང་དང་གང་དུ་གདུལ་བྱ་ལས་ངན་པ་ལྟ་བ་གཞན་དབང་ཅན། བདེ་གཤེགས་བཀའ་འདས་ཀྱི་རྩ་ལྟུང་ལ་ཉམ་མི་ང་བའི་སྤྱོད་པ་རླབས་པོ་ཆེ་ཆོས་ལྟར་འཆོས་པ་དག་མཐོང་ནས་སྔགས་ལོག་སུན་འབྱིན་དུ་སྨྲས་པ་ཡིན་ཟེར་ན། དེ་ལྟ་བུ་གསར་རྙིང་གང་གི་ཁྲོད་དུའང་མཆི་བས་གང་ཟག་སུན་འབྱིན་དུ་སྨྲ་བར་འོས་ཀྱིས། སྔགས་ལོག་བསུན་འབྱིན་དུ་སྨྲ་རྟེན་དང་བརྟེན་པ་རྫས་འགལ་བའི་ཕྱིར་རོ། །ཡང་རྒྱུད་ལས་སྦྱོར་སྐྲོལ་ལ་སོགས་པའི་ཚིག་ཟིན་དངོས་བསྟན་བྱུང་བས་སྔགས་ལོག་ཡིན་ཟེར་ན། དེ་སྤྱིར་གསང་སྔགས་ཀྱི་ཆོས་ལ་འཚལ་ཏོ་ཅོག་ཆུད་གསན་ཅིང་། ཁྱད་པར་རང་ཉིད་ཁ་ཏོན་དུ་བགྱིད་པའི་གསང་འདུས་རྩ་རྒྱུད་ལེའུ་བཅུ་དྲུག་པར། ཁྱོད་ཀྱིས་སྲོག་ཆགས་གསད་པར་བྱ། །རྫུན་ཀྱི་ཚིག་ཀྱང་སྨྲ་བར་བྱ། །མ་བྱིན་པར་ཡང་ཁྱོད་ཀྱིས་ལོངས། །བུད་མེད་དག་ཀྱང་བསྟེན་པར་བྱ། །རྡོ་རྗེའི་ལམ་ནི་འདི་དག་གིས། །སེམས་ཅན་ཐམས་ཅད་བསྐུལ་བར་བྱ། །ཞེས་པ་འདི་ལ་དགོངས་པ་ལུང་སྟོན་ལྟར་མ་ཡིན་པས་མངོན་གྱུར་ཉིད་དུ་སྤྱད་དེ། དྲག་ཤུལ་གྱི་སྦྱོར་བ་བརྩམས་པ་དང་། རྫུན་གྱི་ངག་སྨྲ་བ་དང་། ཚོང་ལ་སོགས་པའི་ཐབས་ཀྱིས་གཞན་ནོར་བརྐུ་བ་དང་། འཁོར་བ་མ་སྟོངས་ཀྱི་བར་དུ་ཆོ་འབྲང་གི་ཕྲེང་བ་སྟར་ལ་རྒྱུ་བའི་འདུན་པ་ཅན་གསར་མའི་ཁྲོད་ནའང་ཇི་ཙམ་ཡོད། འདི་ལྟར་ཁྱིམ་པ་འདོད་ཡོན་གྱི་རོ་ལ་བརྐམ་ཆགས་ཅན་དག་ལ་ལྟོས་ནས། སྔ་མ་བྲམ་ཟེ་ལ་སོགས་ཏེ་གཙང་སྦྲའི་བརྟུལ་ཞུགས་ལ་མངོན་ཞེན་བརྟས་པའི་བྱེད་པ་རྒྱུ་མཐུན་ལས། ཆ་འདིར་འབག་བཙོག་ལ་སོགས་པ་ཡ་ང་བ་བལྟ་ཞིང་། དབང་པོ་ལས་སུ་མ་གྱུར་པའམ། རང་བཞིན་གྱི་འཁྲིགས་པའི་ཆོས་བསྟན་པ་ལ་སྤྲོ་བ་ཞན་པ་དག་གིས་ཐོས་པ་དང་བསམ་པ་དང་། སྒོམ་པའི་ཤེས་རབ་འགོག་ཅིང་། རྡོར་དཀར་དང་། བཀྲུ་ཤལ་དང་། ཆུང་མ་མེད་པ་ཙམ་ཚུལ་ཁྲིམས་ཀྱི་ཕུང་པོར་བལྟས་ནས། གཡུལ་གྱི་བྱ་བ་དང་། རྒྱལ་པོའི་ཞལ་ལྕེ་བ་དང་། དཔྱ་བསྡུད་པ་དང་། སོ་ནམ་གྱི་འདུ་འགོ་དང་། ་།་གམ་གྱི་ལས་དང་འགྲན་ཟླར་གྱུར་པའི་ཕུན་སུམ་ཚོགས་པ་གཞོམ་པ་དང་། འབངས་སུ་གྱུར་པ་དག་ལ་སྲོག་དང་ནོར་གྱི་ཆད་པ་སྤྱིན་པ་སོགས་ལ་ཚམ་ཚོམ་མེད་པར་འཇུག་པ་དག་ཡོད་ན། དེ་དག་ལ་ལྔ་བརྒྱའི་ཐ་མར་གྱུར་པས་བསྟན་པ་གཤིས་ཀྱི་སྙིགས་པའི་སྐྱོ་བ་མི་སྒོམ་པར་འདུལ་ལོག་སུན་འབྱིན་དུ་སུ་ཞིག་གིས་སྨྲ་བར་ནུས། བརྗོད་པ་དེ་ལ་ཚེར་མ་ཆགས་པར་གྱུར་སྲིད་ན་ཆོས་ཀྱི་དབྱིངས་ཅི་ཡང་མ་ཡིན་པའི་ཀློང་ནི་དགག་བསྒྲུབ་མེད་པ་ཉིད་དེ་མི་འཚལ་ལོ། །ཡང་ཐེག་པའི་གདགས་གཞི་ལ་ཁ་ཟེར་ན། དཔུང་བཟང་གི་ཞུས་པར་གསང་སྔགས་མདོ་སྡེའི་ཚུལ་དུ་བཤད་ཀྱི་ཉོན། ཞེས་དང་། རྣམ་འཇོམས་སུ། མདོ་སྡེ་འདི་ཡི་གཟི་བརྗིད་ཀྱིས། །ཞེས་ལན་གཉིས་སྨོས་པའང་རྒྱུད་ལས་གཞན་དུ་འཕེལ་ཏོ། །མདོ་སྔགས་ཐམས་ཅད་རིག་འཛིན་གྱི་སྡེ་སྣོད་དུ་བསྡུས་ནས་གསུངས་པ་རིམ་པ་དགུའི་རྣམ་གཞག་ལ་ཀླན་ཀ་བྱས་མོད། དོན་གྱི་སངས་རྒྱས་པའི་གྲུབ་མཐའ་ཡོངས་རྫོགས་མཚན་ཉིད། དེ་ལ་མི་གནས་པའི་དགག་བྱ་ཅི་ཞིག་ཡོད། ཐམས་ཅད་ཐེག་པར་མི་རུང་ཟེར་བ་ལང་ཀར་གཤེགས་པ་ལས། ཇི་སྲིད་སེམས་ཀྱི་འཇུག་པའི་བར། །ཐེག་པའི་མཐའ་ལ་ཐུག་པ་མེད། །ཅེས་པའི་གོ་དོན་གང་གིས་ལེན། །ཡང་ལྟ་བ་ལ་ཁྱད་པར་བྱས་པས་སོ་ཟེར་མོད། དེ་ལ་བལྟ་བའི་ཐེམ་སྐས་གཙུགས་པ་གང་དུ་བཤད། སྒོམ་པའི་རིམ་པ་ལ་ལྟ་བའི་བརྡའ་ཆད་ཙམ་བཞུགས་པ་བྱུང་ནའང་། ལྟ་བ་ཡིན་ན་སྒོམ་པ་ཡིན་པས་མ་ཁྱབ་ལ། སྒོམ་པའི་ཀློང་ན་ལྟ་བ་ཡོད་པས་ཁྱབ་པའི་ཕྱིར་མཆོག་གཟིགས་རྣམས་ལ་ལྟ་སྒོམ་དུ་མ་རོ་གཅིག་གོ །ཡང་མདོ་སྔགས་གཉིས་ལྟ་བའི་སྒོ་ནས་ཁྱད་པར་མེད་པ་ལ་ཟེར་མོད། བཞུགས་ཚུལ་ལ་དེ་བཞིན་ཉིད་དེ་སྒོམ་ཚུལ་ལ་ཁྱད་པར་ཤིན་ཏུ་ཡོད་དོ། །དབྱིངས་དག་མཉམ་རང་བཞིན་གྱི་རྣམ་པར་དག་པའི་འོད་གསལ་རང་གནས་ཆེན་པོ་བཅོས་སྒྱུར་མེད་པའི་ཡེ་ཤེས་དང་། བློས་བཀོད་ནས་རྟག་ཆད་ཀྱི་མཐའ་བསལ་ཞིང་སེམས་བྱུང་བླང་དོར་གྱི་ག་ན་གནས་པ་གཉིས། གདོད་ནས་རང་བཞིན་གྱིས་གྲུབ་པའི་སྤྲོས་བྲལ་དང་། རྩོལ་བས་བྱས་པའི་ཁྱད་པར་ཆེས་ཆེ་བ་ཡོད་པས། ཤིན་ཏུ་རྣལ་འབྱོར་དུ་བཞག་པ་ཡིན་ནོ། །དེ་སྐད་དུ་ཨིནྟྲ་བྷ་ཏིས། བླ་མའི་ཁྱད་པར་དང་སྣོད་དང་། ཆོ་ག་དང་། ལས་དང་། དམ་ཚིག་དང་། སྒོམ་པའི་ལྟ་བ་དང་། སྤྱོད་པའི་ཁྱད་པར་གྱིས་འཕགས་སོ་ཞེས་པས་གསལ་ལོ། །ངོ་བོའི་ཆ་ནས་བསྒྲུབ་ཀྱང་། པདྨ་རྩེ་མོ་ལཛི། །དྲི་མེད་དབྱིངས་ཀྱི་རང་བཞིན་ནི། །སྐུ་གསུམ་ཡེ་ཤེས་བཞི་དང་བཅས། །གང་ཚ་དག་པ་དེ་ཉིད་དུ། །རང་གསལ་སྔོན་དུ་འཆར་བ་དང་། །འདྲ་བ་ལམ་དུ་བྱེད་པ་ལ། །འབྲས་བུའི་ཐེག་པར་ཡང་དག་བརྗོད། །ཅེས་དབྱིངས་ངོ་བོ་ཉིད་ཀྱི་འབྲས་བུ་དམ་པར་ཡེ་ནས་བཞུགས་པའི་མཚན་ཉིད་ཤེས་ནས། དེ་ཁོ་ན་ཉིད་ལ་བསླབས་པའམ། བསྐྱེད་རྫོགས་ལ་ལྟོས་ནས་གློ་བུར་གྱི་དྲི་མ་དང་འཛའ་བར་མི་བྱེད་པའི་གནད་ཁྱད་པར་ཅན་ཡོད་དོ། །དེའི་ཕྱིར་ཡེ་ཤེས་ལ་ཐེག་པའི་ངེས་བརྗོད་བྱུང་བ་མི་འགལ་གྱི་སྟེང་དུ་གཞུང་ལུགས་སྤྱིར་དགོངས་པར་གནས་པ་ཡིན་ཏེ། ཤེར་ཕྱིན་རབ་རྩལ་རྣམ་གནོན་གྱིས་ཞུས་པ་ལས། སངས་རྒྱས་ཀྱི་ཡེ་ཤེས་ནི་ཐེག་པ་ཆེན་པོའོ། །ཞེས་པ་ལ་ཅི་བསྙོན། རྒྱུ་མཚན་དེས་སྤྲོས་བྲལ་གྱི་ལྟ་བའང་ཡེ་ཤེས་ཉིད་ལ་ས་ལམ་གྱི་རྣམ་གཞག་ཐམས་ཅད་རྗོ་གས་དགོས་པ་དང་། མི་སློབ་པའི་ལམ་འབྲས་བུས་ཡིན་པའང་ལམ་གྱི་རྩེ་མོར་བཞག་པའི་ཕྱིར་རོ། །དེ་ལ་འདི་སྐད་ཅེས་བྱ་སྟེ། བདག་ཅག་གི་བླ་མ་དམ་པ་རང་དང་གཞན་གྱིས་གྲུབ་པའི་མཐའ་རྒྱ་མཚོའི་ཕ་རོལ་ཏུ་སོན་པ་དཔལ་བསམ་ཡས་པ་ཀུན་མཁྱེན་ངག་གི་དབང་པོས། ཐེག་པ་རྣམས་ཀྱི་གྲངས་ནི་མཐའ་གཅིག་ཏུ་མ་ངེས་ཏེ། དབྱེ་བསྡུད་དཔག་ཏུ་མེད་པ་བྱར་ཡོད་ཅིང་། སྔོན་གྱི་རྡོ་རྗེ་འཆང་དང་། གྲུབ་པ་ཆེན་པོ་བརྙེས་པའི་སློབ་དཔོན་མཁས་པ་དག་གིས་མཛད་པའི་ཕྱིར་རོ། །བློ་ཆུང་ཞིང་ཤེས་རབ་ཀྱི་མིག་རྒྱང་ཐུང་བ་དག་གཅིག་ཏུ་ཞེན་ནས། ཐེག་པའི་གྲངས་དང་། གྲུབ་མཐའི་རྣམ་གྲངས་བསམ་གྱིས་མི་ཁྱབ་པའི་རྣམ་གཞག་ལ་དངངས་ཞིང་མི་བདེན་ཏོ་ཞེས་སྨྲ་བ་ནི། བ་གླང་ལ་སོགས་པ་མ་ཧེ་དག་བདག་ཅག་དུད་འགྲོ་རྣམས་ནི་རྭ་དང་བཅས་པའི་ཕྱིར། མི་དང་ལྷ་རྣམས་ཀྱང་རྭ་ཅན་ཁོ་ནའོ་ཞེས་འཛིན་པ་བཞིན་ནོ། །དེ་བས་ན་ཐེག་པའི་ཚུལ་རྣམས་ནི། མིང་ཚིག་དང་དོན་གྱི་རྣམ་གྲངས་མཐའ་ཡས་ཤིང་།ལམ་བགྲོད་ཚུལ་དང་ས་དང་ཏིང་ངེ་འཛིན་གྱི་འཇོག་ཚལ་དཔག་ཏུ་མེད་དེ། ཐམས་ཅད་མཁྱེན་པ་ནི་གང་ཡང་མཁྱེན་ཅིང་གསུངས་པའི་ཕྱིར། ལམ་བགྲོད་དུ་ཡོད་པ་དང་མེད་པ་དང་། རྩོལ་བ་དང་བཅས་པ་དང་།རྩོལ་བ་མེད་པ་དང་། ཚ་གཅིག་གིས་གྲོལ་བ་དང་། བསྐལ་པས་གྲོལ་བ་ལ་སོགས་པ་ནས། གྲུབ་པའི་རྣམ་གཞག་གང་ལ་དགའ་ཞིང་མོས་པའི་བསམ་པ་དང་མཐུན་པའི་ཆོས་གསུངས་ཏེ། ཆོས་ཚུལ་རྒྱ་མཚོ་རྣམས་ལ་དངངས་ཤིང་སྐྲག་པས་ལོག་པར་ལྟ་བ་རྣམས་དོར་ནས། དོན་དུ་གཉེར་བས་འཇུག་པར་བྱ་བ་ནི་གདམས་ངག་དམ་པའོ། །ཞེས་སོ། །དེ་ཙམ་གྱི་ཕྱིན་ཅི་འོ།ག་གི་ཀླན་ཀ་ཉམས་བརྟས་པར་མི་འགྱུར་ཏེ། གཞན་དུ་འགོས་ཀྱི་ནི་གསང་བ་སྙིང་པོ་ལ་སྐྱོན་བཞིར་བཀོད་ཅིང་། ཁྱད་པར་རྒྱ་གར་ན་མ་གྲགས་ཟེར་བ་ཁོ་ན་ཤེས་བྱེད་དུ་བྱས་པ་དང་། དཔལ་འཛིན་གྱིས་ཚིག་དོན་ལ་ནོར་བའི་གཏན་ཚིགས་བཀོད་པ་དག་ནི་ཕལ་ཆེར་སྡོམ་གསུམ་རབ་དབྱེ་ལ་རྟོག་དཔྱོད་བྱས་པའི་རྒན་གྱི་ལད་མོ་བྱིས་པས་ལྟར་བས། རབ་དབྱེའི་དོན་ནི་རྙིང་མ་ལ་བརྟག་དཔྱད་མཛད་པ་ཆ་ཤས་ལས་མེད་པས་དེའི་ལན་ནི་གོང་དུ་བརྗོད་མ་ཐག་པ་ཉིད་དེ། ཚིག་དོན་གྱི་ནོར་བ་ཕལ་ཆེར་ནི་གསར་མ་སྨྲ་བ་ཁོ་ན་ལ་ཡིན། དེའང་དོན་གྱི་དེ་ལྟར་འཐད་ན་གངས་ཅན་པ་རྣམས་སངས་རྒྱས་ཀྱི་བསྟན་པའི་ནང་ནས་བཞེངས་ཤིག ཡང་ཆག་དང་། ཕོ་བྲང་ཞི་བ་འོད་དང་། ལྷ་བླ་མས་མཛད་པར་གྲགས་པ་དང་། རྔོག་གི་གཟེར་མ་ར་མགོར་བཏགས་པ་རྣམས་ལ་ནི། །གང་ཟག་འདི་ཞེས་བྱ་བས་བྱས་པའི་འདི་ནི་ཆོས་ལོག་དྲི་མ་ཅན་ཡིན་ཞེས། ཆོས་ཀྱིས་ཚིག་དོན་ལ་ནོར་བ་འདི་ཡོད་ཀྱི་གཏན་ཚིགས་མེད་པར་དབང་ཡོད་དང་སྨྱོན་ཧམ་ཁོ་ནས་ལུང་སྒྲགས་པ་འབའ་ཞིག་གོ །དེ་ལྟར་ཁྱི་སོགས་ཟའི་རྗེས་སུ་འབྲངས་ནས་འདི་ལ་ནོར་བ་དང་འཁྲུལ་པ་ཡོད་ཅེས་སྒྲོ་འདོགས་ནུས་ན་རང་ཉིད་ཀྱང་མཁས་པའི་གྲལ་དུ་སོན་པར་གྱུར་སྙམ་ནས་ཁ་ཟེར་བ་དག་གཞན་ཡང་བྱུང་མོད་དེ། དེ་དག་ལ་འདི་སྐད་ཅེས་སྨྲའོ། །འདི་ལྟར་སྟོན་པ་བདེ་བར་གཤེགས་པས་གསུང་རབ་དོན་བཟང་པོ། ཚིག་འབྲུ་བཟང་པོ། མ་འདྲེས་པ།ཡོངས་སུ་རྫོགས་པ་དག་ནི་བྱང་ཆུབ་སེམས་དཔའ་ས་བཅུ་པས་ཀྱང་བསྡུ་བར་མི་ནུས་ན། གཞན་མཁས་པ་དང་། གྲུབ་པ་དང་། བཙུན་པ་དག་གིས་སྤྱོད་ཡུལ་དུ་ག་ལ་ཞིག་གོ །རྒྱུ་མཚན་དེས་གསང་བ་འདུས་པའི་འགྲེལ་པར་སློབ་དཔོན་མཚོ་སྐྱེས་ཀྱི། སློབ་དཔོན་ཕལ་ཆེར་འདི་སྐད་བརྗོད། །དཔལ་ལྡན་འདུས་པ་མདངས་ཆེན་གྱིས། །རྒྱུད་ཀྱི་སྡུད་པར་བྱེད་པ་པོ། །དཔའ་བོ་འཇིག་རྟེན་དབང་ཕྱུག་ཟེར། །བླ་མའི་ཞབས་ཀྱི་བཀའ་དྲིན་གྱིས། །དཔལ་ལྡན་འདུས་པའི་བསྡུད་པ་པོ། །གཞན་དག་ཡོད་པ་མ་ཡིན་ཞེས། །བདག་ཉིད་འབའ་ཞིག་སྨྲ་བར་བྱེད། །རྒྱུད་མཛད་པ་པོ་ནི་ཐུགས་རྡོ་རྗེ། །ཞེས་གསུང་བ་པོ་སངས་རྒྱས་ཉིད་ཀྱིས་བསྡུད་པར་བཞེད་པའི་ཕྱིར། སངས་རྒྱས་ཀྱིས་འོག་མིན་དུ་གསུངས་པའི་རྒྱུད་བོད་རང་དུ་ནི་འབྱུང་མི་སྲིད་པར་ཁས་ལེན་ཞིང་གལ་ཏེ་བྱུང་མི་སྲིད་པར་ཁས་ལེན་ཅིང་གལ་ཏེ་བྱུང་སྲིད་ནའང་བསྟན་བཅོས་རྒྱུད་ཀྱི་དངོས་པོ་ཅན་དུ་བྱེད་པ་མཁས་པར་གྲགས་པ་རྣམས་ཀྱིས་དཔྱད་མོད། ཁོ་བོ་ཅག་དེ་ལས་གཞན་དུ་གྱུར་པའི་གོ་བ་བསམ་གྱི་མི་ཁྱབ་པ་གཅིག་ཡོད་དེ་གསང་སྒྲོག་གི་ཉེས་པ་ཆེན་པོ་འབྱུང་སྲིད་པས་འདིར་དབུ་མའི་ལམ་དུ་བཞག་ནས། སྔ་འགྱུར་གྱི་རྒྱུད་འད་རྣམས་ལ་ལོ་པན་ཆེན་པོ་རྣམས་ཞལ་འཛོམ། རྒྱ་གར་དུ་དཀའ་བ་སྤྱད། གྲུབ་པའི་གནས་དང་མཁའ་འགྲོའི་གསང་མཛོད་རྣམས་ནས་བླངས་པའི་གཏན་ཚིགས་དཔྱད་པ་གསུམ་གྱི་སྲང་ལ་གཞལ་ནས་བཀོད་པ་དེ་ལྟར་ཡིན་མོད། གལ་ཏེ་ཁྱོད་ཅག་གི་འདོད་པ་སོར་བཞག་སྟེ་བོད་དུ་བྱས་པར་བྱེད་ན་དེ་ལའང་བདག་ཅག་སྤྲོ་བ་ལྷག་པར་སྐྱེས་པར་བྱ་སྟེ། བཅོམ་ལྡན་འདས་ཀུན་ཏུ་བཟང་པོའང་ཁྱད་དུ་བཟང་པོའི་ཁྱད་དུ་འཕ་།ས་པའི་གསང་བ་ཆེན་པོ་མཆོག་དང་ཐུན་མོང་གི་དངོས་གྲུབ་ལ་ངེས་པར་མི་བསླུ་ཤིང་། ཤིན་ཏུ་ལྐོག་གྱུར་གྱི་གནས་མངོན་དུ་གསལ་བ་ས་བཅུའི་དབང་ཕྱུག་དག་གིས་ཀྱང་སྤྱོད་ཡུལ་དུ་མ་ཡིན་པའི་རྒྱུད་ཆེན་པོ་དེ་དག་སློབ་དཔོན་ཆེན་པོ་བི་མ་ལ་དང་བི་རོ་ཙྭ་ན་དང་། རྨ་རིན་ཆེན་མཆོག་དང་། གཉགས་ཙྭ་ན་ཀུ་མ་ར་རྣམས་ཀྱིས་མཛད་པའི་ཕྱིར་དེ་དག་རིག་པ་འཛིན་པའམ། ས་མཐོན་པོ་ལ་གནས་པ་ཙམ་གྱི་ཡོན་ཏན་ལས་ཀྱང་འཕགས་སྟོན་པ་ཀུན་ཏུ་བཟང་པོའམ། རྡོ་རྗེ་འཆང་ངམ། རྒྱལ་ཚབ་རིགས་ལྔ་ལ་སོགས་པར་མངོན་སུམ་དུ་སོང་ཞིང་། མཁན་སློབ་ཆོས་གསུམ་གྱི་ཐུགས་རྗེའི་ཟླ་ཟེར་གྱིས་བསྐྲུན་པའི་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་འདི་ཡང་ངེས་པ་དོན་གྱི་འོག་མིན་ཆེན་པོར་གྲུབ་བོ། །ཅིའི་ཕྱིར་ན་རྗེ་བཙུན་བྱམས་པའི་ཆོས་ལྔ་དང་། དུས་ཀྱི་འཁོར་འོའི་བསྡུས་པའི་རྒྱུད་དང་། དེའི་འགྲེལ་པ་དྲི་མེད་འོད་ལ་སོགས་པ་བཞིན་ནོ། །དེ་བཞིན་དུ་བདག་པོའི་རྐྱེན་ལས་དབྱེ་ན། བཅོམ་ལྡན་འདས་ཀྱི་ཞལ་ནས་གསུངས་པ་དང་། བྱིན་གྱིས་བརླབས་པ་དང་། རྗེས་སུ་གནང་བའི་བཀའ་གསུམ་དུ་ཡོད་པ་ལས། དང་པོ་ནི། འོག་མིན་ལ་སོགས་པར་གསུངས་པ་རྣམས་ཏེ། གཉིས་པ་ནི་སྐུས་བྱིན་གྱིས་བརླབས་པའི་བཀའ་རྡོ་རྗེ་སྙིང་པོའི་སྤྱི་བོར་ཕྱག་བཞག་ནས་བྱིན་གྱིས་བརླབས་པས།མདོ་སྡེ་ས་བཅུ་པའི་ཆད་པའི་སྤོབས་པ་སྐྱེས། རྣམ་པར་གྲོལ་བའི་ཟླ་བ་དྲིས་པ་ལྟ་བུའོ། །གསུང་གི་བྱིན་གྱིས་བརླབས་པའི་བཀའ་ནི། འཇམ་དཔལ་ལ་མ་སྐྱེས་དགྲའི་འགྱོད་པ་སོལ་ཅིག་ཅེས་བཀའ་སྩལ་པས།འཇམ་དཔལ་གྱིས་མ་སྐྱེས་དགྲའི་འགྱོད་པ་བསལ་བའི་མདོ་བྱུང་བ་ལྟ་བུའོ། །ཐུགས་ཀྱི་བྱིན་གྱིས་བརླབས་པའི་བཀའ་ནི་བཅོམ་ལྡན་འདས་ཟབ་མོ་སྣང་བའི་ཏིང་ངེ་འཛིན་ལ་བཞུགས་ནས། ཤཱ་རིའི་བུ་དང་། སྤྱན་རས་གཟིགས་ལ་བྱིན་གྱིས་བརླབས་པས། ཤེས་རབ་སྙིང་པོ་གསུངས་པ་ལྟ་བུའོ། །ཡོན་ཏན་དང་འཕྲིན་ལས་ཀྱི་བྱིན་གྱིས་བརླབས་པ་ནི། བཤད་སྦྱར་ལས། སྟོན་པ་འདི་ཡི་བྱིན་བརླབས་ཀྱིས། །བྱའམ་ཤིང་བུ་རྡེའུ་དང་། །པདྨ་དག་པ་དང་དཔག་བསམ་ཤིང་། །རྔ་བོ་ཆེ་ལས་བྱུང་བ་ཡང་། རྒྱལ་བས་བྱིན་གྱིས་བརླབས་པའི་ཕྱིར། །དེ་དག་བཀའ་ཞེས་བྱ་བར་འདོད། །ཅེས་གསུངས་པའི་ཕྱིར་རོ། །གསུམ་པ་ནི། །པདྨ་དཀར་པོ་ལས། ཀུན་དགའ་བོ་ང་ཡོངས་སུ་མྱ་ངན་ལས་འདས་པའི་འོག་ཏུ་བསྡུ་བར་བྱེད་པའི་ཚེ། འདི་སྐད་བདག་གིས་ཐོས་པའི་དུས་གཅིག་ན་ཞེས་པས་གླེང་བསླང་ལ། བར་དུ་མཚམས་སྦྱར་བའི་ཚེ མཐར་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཞེས་བྱ་བའི་བར་གྱིས་བསྡུས་ཤིག་གསུངས་པ་ས་མཚོན་ནོ། །མཆོག་དང་ཐུན་མོང་གི་དངོས་གྲུབ་ལ་མི་བསླུ་བ་ཅིས་ཤེས་ན། རྒྱུད་སྡེ་འདི་དག་ཉམས་སུ་བླངས་པ་ལས་བོད་འདིར་འཇའ་ལུས་འཕོ་བ་ཆེན་པོའི་སྐུ་བརྙེས་པ་ཇི་སྙེད་བྱུང་བ་དང་། ཟུར་ཆེ་ཆུང་ལ་སོགས་གསད་གསོ་ནུས་པའི་གྲུབ་ཐོབ་ཇི་སྙེད་བྱུང་བ་དང་། རོང་ཟོམ་ཆོས་ཀྱི་བཟང་པོ་དང་། རྒྱལ་བ་ཀློང་ཆེན་པ་སོགས་རྒྱན་དྲུག་མཆོག་གཉིས་ལྟ་བུའི་འཕགས་པའི་བློ་གྲོས་དང་ལྡན་པ་ཇི་ལྟར་བྱུང་གི་ཤེས་ལ། དེ་བཞིན་དུ་ཐུན་མོང་ལ་བི་རོ་ཙྭ་ནས་བསྒྱུར་བའི་སྨན་དཔྱད་ཀྱི་རྒྱུད་སྡེ་བཞི་པོས་ཤིན་ཏུ་ལྐོག་གྱུར་གྱི་དོན་ལ་མི་བསླུ་བས་འགྲོ་བ་ནད་པའི་ཚོགས་ལ་དབུགས་འབྱིན་ཆེན་པོ་སྟེར་བ་དང་། སྔ་འགྱུར་གྱི་དྲག་སྔགས་རྒྱ་མཚོས་བསྟན་པ་ལ་འཚ་བའི་མི་དང་མི་མ་ཡིན་སྡེ་དང་བཅས་པ་བརླག་པར་བྱས་པ་དང་། ནད་དང་།མཚོན་དང་། མུ་གེ་དང་། འཇིག་པ་ཆེན་པོའི་ཚོགས་ལས་སྐྱོབ་ཅིང་། དེ་བཞིན་དུ་ཆར་དབབ་པ་དང་། གནོད་མཛས་དབང་པོའི་བཅའ་ཀ་ལ་བརྟེན་ནས་འཇིག་རྟེན་གྱི་འབྱོར་པ་རྒྱས་པ་ལ་སོགས་མདོར་ན་དབང་དུ་བྱ་བ་དང་། ཞི་བ་དང་། རྒྱས་པ་དང་། དྲག་ཤུལ་གྱི་ལས་གང་དང་གང་ལའང་ནུས་པའི་གཟུགས་བརྙན་ལྐོག་ཏུ་མ་གྱུར་པ་མངོན་སུམ་ཚད་མ་ཡིན་ན། སངས་རྒྱས་ནི་འཇིག་རྟེན་ལ་ཕན་པ་འབའ་ཞིག་པས་དེའི་བཀའ་མངོན་མཐོ་དང་ངེས་ལེགས་ཀྱི་གནས་ལ་གཞན་དབང་དུ་གྱུར་པའི་ཕྱོགས་གང་དུ་འཕུལ། འདི་ལྟར་སྤྲུལ་པའི་སྐུ་དང་ཆོས་ཚུལ་རྒྱ་མཚོ་ནི་སྔོན་ཚ། ལོ་བརྒྱ་པ་ལ་སོགས་པའི་གནས་སྐབས་རབ་བྱུང་སྟེ། དེ་ལས་གཞན་དུ་མ་ཡིན་ནོ་བསམ་པར་མི་བྱ་སྟེ། སངས་རྒྱས་ནི་རྟག་པར་བཞུགས་ཤིང་གདུལ་བྱའི་དོན་མཛད་པས། དེས་མངོན་མདོ་དང་རྒྱུད་ལམ་གྲགས་པ་གསལ་བར་བྱེད་པའང་སྲིད་པས། ཐེག་པ་དང་གྲུབ་མཐའི་རྣམ་གཞག་བསམ་གྱིས་མི་ཁྱབ་པ་དག་གསང་བ་ཟབ་མོ་ལ་རྨོངས་པའི་རྟོག་དཔྱོད་ཀྱི་གཞལ་བྱ་དང་མ་མཐུན་ཀྱང་། སངས་རྒྱས་ནི་ཐམས་ཅད་མཁྱེན་ཅིང་གང་ཡང་གསུང་བ་ཡིན་པས་གང་ཞིག་ཐར་པའི་ལས་ལམ་དུ་འཇུག་ཅིང་འཁོར་བ་སྤོང་བ་ཐམས་ཅད་སྟོན་པ་སངས་རྒྱས་ཀྱི་གྲུབ་པའི་མཐའ་ཡིན་པར་ངེས་སོ། །འདི་ལྟར་ཚིག་དོན་ལ་ནོར་འཁྲུལ་ཡོད་མེད་སངས་རྒྱས་ཀྱི་བཀའ་དང་ཆ་མི་ཕྱེད་པ་ཙམ་དུ་འཁྲུལ་ནས་དཔྱད་མི་བཟོད་པ་དེ་སྲིད་ཀྱི་གྲུབ་པའི་མཐའ་བཟང་པོ། །མཆོག་དང་ཐུན་མོང་གི་དངོས་གྲུབ་ལ་མི་བསླུ་བའི་མངོན་སུམ་ཚད་མ་ཀྱང་བཅོས་མ་དང་རྫུན་མར་ཡིད་གཉིས་བྱེད་ན། རང་གི་རྣམ་པར་ཤེས་པའང་རང་ལས་ཤིན་ཏུ་ལྐོག་ཏུ་གྱུར་པ་ཚད་མ་ཉིད་ཀྱི་ཕྱིར། སོ་སོ་རིག་བཞི་ས་དགུ་པ། །མ་ཐོབ་དེ་སྲིད་ཆོས་ཀུན་གྱི། །ངེས་ཚིག་ཤེས་མིན་དེ་ཡི་ཕྱིར། །ཞེས་པ་ལ་དཔྱད་ནས་རང་གི་དབང་པོ་དང་སྐལ་བའི་སྣང་ངོར་བཀའ་མ་ཡིན་པ་ལྟར་མཐོང་སྲིད་ནའང་། བསྡུད་པ་ལས། རྒྱལ་བའི་ཉན་ཐོས་གང་དག་ཇི་སྙིད་ཆོས་སྟོན་དང་། །འཆད་དང་རིག་པ་དག་དང་ལྡན་པར་བརྗོད་པ་དང་། །མཆོག་འཕགས་བདེ་བ་བྱེད་དང་དེ་ཡི་འབྲས་ཐོབ་པ། །དེ་དག་ཀུན་ཀྱང་དེ་བཞིན་གཤེགས་པའི་སྐྱེས་བུའི་མཐུ། །ཅི་ཕྱིར་ཞེས་ན་རྒྱལ་བའི་ཆོས་ཚུལ་གང་བསྟན་པ། །དེ་ལ་མི་མཆོག་སློབ་མར་གྱུར་པས་སྔོན་བསླབས་ཤིང་། །མངོན་སུམ་བྱས་ནས་བསླབ་པ་ཇི་བཞིན་སྟོན་བྱེད་པ། །སངས་རྒྱས་མཐུས་བྱེད་རང་གི་སྟོབས་ཀྱི་མཐུས་མ་ཡིན། །ཞེས་དང་། རྒྱུད་བླ་མར། ཁམས་གསུམ་དག་ནི་ཉོན་མོངས་སྤོང་བྱེད་གསུངས། །ཞི་བའི་ཡོན་ཏན་བརྗོད་པར་མཛད་པ་གང་། །དེ་ནི་དྲང་སྲོང་གསུང་ཡིན་ལྡོག་པ་གཞན། །ཞེས་པ་ལ་དྲན་པ་ཉེ་བར་འཇོག་དགོས་ཏེ། དེ་ལྟར་མ་བཞག་ན་ཆོས་དང་གང་ཟག་ལ་བསྐུར་པ་བཏབ་པའི་སྒྲིབ་པ་ནི་ཤིན་ཏུ་ཚད་མེད་པའི་ཕྱིར་རོ། །དེ་སྐད་དུ་རྒྱུད་བླ་མ་ལས། འཕགས་པ་བསྐུར་དང་དེས་གསུངས་ཆོས་ལ་བརྙས་པ་གང་། །དེ་ཀུན་རྨོངས་པའི་མངོན་ཞེན་བརྟས་བྱས་ཉོན་མོངས་ཡིན། །དེ་ན་ཞེན་ལྟའི་དྲི་ཅན་དེ་ལ་བློ་མི་སྦྱར། །ཞེས་སོ། །མཚན་ཉིད་དེས་རྒྱུད་བླ་མའི་འགྲེལ་པར། སྤྱིན་མཐོངས་མཁའ་ལ་ཉི་བཞིན་འདིར་ཁྱོད་ཕྱོགས་གཅིག་བློ་གྲོས་ཅན། །བློ་མིག་དག་པའི་འཕགས་རྣམས་ཀྱིས་ཀྱང་ཐམས་ཅད་མཐོང་མ་ལགས། །ཞེས་སངས་རྒྱས་པའི་ཆོས་ཁམས་རྒྱ་མཚོ་ནི་དེ་བཞིན་གཤེགས་པ་ཉིད་ལས་གཞན་བློ་མིག་དག་པའི་འཕགས་པ་རྣམས་ཀྱིས་ཀྱང་སྤྱོད་ཡུལ་མ་ཡིན་ན། གངས་རིའི་ཁྲོད་ཙམ་ན་མཐོང་བ་རྒྱ་ཆེ་བའམ། མཁས་པར་གྲགས་པ་དག་གིས་ཆོས་ཚུལ་རྒྱ་མཚོ་ལྟ་བུ་ལ་བླང་དོར་བྱ་བ་ནུས་པ་མ་ཡིན་པས། ལེགས་པར་མཐོང་བའི་བློ་མིག་ཟུམ་པ་དང་། དྲང་དོན་གྱི་ཆོ་ངེ་འདོན་པ་དང་ཕྱོགས་ཞེན་གྱི་རྣམ་གཞག་བསྐྱང་བ་དང་། ཕྲག་དོག་གི་ཆེ་བ་བརྡར་བ་དང་།རྙེད་པའི་ལུས་སྟོབས་ངོམས་པ་དག་གིས་བསྐུར་པ་བཏབ་ང།་དག་ལ་ཡིད་ཆེས་སུ་བཟུང་ནས་འོ།ག་པར་ལྟ་བ་ནི་སྒྲིབ་པ་ཚད་མེད་པས། མཁས་ཤིང་གཟུ་བོར་གྱུར་པ་དག་གིས་སྲོག་གི་སླད་དུའང་སྡིག་པ་དེ་ལྟ་བུ་ལ་འཇུག་པར་མི་བརྩོན་ཏེ། དཔལ་འཛིན་བཞིན་དུ་མཐོང་བའི་ཆོས་ལ་མནར་མེད་པའི་དམྱལ་བར་འགྲོ་བའི་ཕྱིར་རོ། །འདི་ལྟར་གྲུབ་མཐའ་ལ་མ་ཞུགས་པ་དག་གིས་མཚམས་མེད་པ་ལྔ་བྱས་པའང་ཟབ་མོའི་དོན་ལ་བསམ་པས་ནམ་ཞིག་ཐར་པའི་སྐབས་ཡོད་ན། ཆོས་སྤངས་པས་དེ་ལྟ་མ་ཡིན་ཏེ། རྒྱུད་བླ་མ་ལས། བློ་དམན་ཕྱིར་དང་དཀར་པོའི་ཆོས་དཔལ་ལ་འོ།་ཀའི་ང་རྒྱལ་ལ་བརྟེན་ཕྱིར། །དམ་ཆོས་སྤོང་བའི་སྒྲིབ་པ་དག་ཕྱིར་དྲང་དོན་དེ་ཉིད་འཛིན་པའི་ཕྱིར། །རྙེད་ལ་བརྐམ་ཕྱིར་ལྟ་བའི་དབང་ཕྱིར་ཆོས་སུན་འབྱིན་པ་བསྟེན་པའི་ཕྱིར། །ཆོས་འཛིན་པ་བསྲིང་ཕྱིར་མོས་པ་དམན་ཕྱིར་དགྲ་བཅོམ་རྣམས་ཀྱིས་ཆོས་སྤོང་བྱེད། །ཇི་ལྟར་ཟབ་མོའི་ཆོས་ཉམས་དེ་བཞིན་མཁས་པ་རྣམས་ཀྱང་མེ་དང་ནི། །མི་བཟད་སྦྲུལ་དུག་གཤེད་མ་དང་ནི་ཐོག་ལའང་ཤིན་ཏུ་འཇིགས་མི་བྱ། །མེ་སྦྲུལ་དགྲ་དང་རྡོ་རྗེའི་སེམས་ནི་སྲོག་དང་བྲལ་བ་ཙམ་བྱེད་དེ། །དེར་ལས་མནར་མེད་རྣམས་ཀྱིས་འགྲོ་བ་ཤིན་ཏུ་འཇིགས་པར་འགྲོ་མི་འགྱུར། །གང་ཞིག་གང་ཡང་སྡིག་གྲོགས་བསྟེན་པས་སངས་རྒྱས་ངན་སེམས་ལྡན་གྱུར་དང་། །ཕ་མ་དགྲ་བཅོམ་གསོད་གང་བྱ་བ་མིན་བྱེད་མཆོག་ཚོགས་འབྱེད་པའི་མེ། །དེ་ཡང་ཆོས་ཉིད་ངེས་པར་བསམས་པས་མྱུར་དུ་དེ་ལས་ཐར་འགྱུར་གྱི། །གང་ཞིག་ཡིད་ནི་ཆོས་ལ་སྡང་བ་དེ་ལ་ཐར་པ་ག་ན་ཡོད། །ཅེས་སོ་དེ་བཞིན་དུ་སེམས་ཅན་གྱི་མོས་པ་དང་བསམ་པ་ཐ་དད་པས། འགྲོ་བའི་སྐད་ནི་བསམ་ཡས་པར། །བདེ་གཤེགས་གསུང་གི་དེ་སྙེད་སྟོན། །ཐུགས་ལས་ངེས་མེད་གཟུགས་བྱུང་བ། །ཞེས་གང་ཟག་དང་། ཆོས་ཀྱང་སྣ་ཚོགས་སུ་སྣང་བས་དོན་བྱེད་པའི་ཕྱིར་འདི་ནི་ལོག་པའོ། །འདི་ནི་བཅོས་མའོ། །ཞེས་སྒྲོ་བསྐུར་གྱི་སྟངས་བཅོད་པ་ནི་བརྣག་པར་དཀའ་བའི་ལས་ཡིན་ནོ། །འདིར་ཀློག་པ་དག །བསྲེགས་བཅད་བརྡར་བའི་གསེར་བཞིན་དུ། །ལེགས་པར་བརྟགས་ལ་ང་ཡི་བཀའ། །བླང་བར་བྱ་ཡི་གུས་ཕྱིར་མིན། །ཞེས་པའི་ལ་རྒྱ་བསྟེན་མོད། དེ་ནི་རང་རང་གི་གློ་བར་ཞེན་པ་གཅིག་ཡི་དམ་དུ་བཟུང་ནས་ཆོས་ཀྱི་རྣམས་གྲངས་རླབས་པོ་ཆེ་ལ་ཡིན་མིན་གྱི་རིག་པ་འཕེལ་པའིདོན་མ་ཡིན་གྱི་གང་ཞིག་དོན་དུ་གཉེར་བྱའི་ཆོས་དེ་སློབ་དུས་ཚིག་དོན་གྱི་རིམ་པ་ལ་བསམ་བྱུང་གི་ཤེས་རབ་རྣམ་པར་དག་པས་བརྡར་བྱ་བའི་དགོངས་པ་ཡིན་གྱི། དཀོན་མཆོག་བརྩེགས་པར་འོད་སྲུང་ངའམ་ང་དང་འདྲ་བས་ཆོས་དང་གང་ཟག་གི་ཚོད་བཟུང་བར་རུང་གིས། གཞན་དག་གི་ནི་མ་ཡིན་ཏེ་འོ་ག་པར་ལྟུང་བའི་ཕྱིར་རོ་ཞེས་པའི་དོན་ལ་བསམ་མོ། །རྒྱུ་མཚན་དེ་ལྟ་བུས་བློ་གྲོས་ཀྱི་འདུན་ཁང་མཛེས་པར་བྱས་པ་འགོས་འོ་་གཞོན་ནུ་དཔལ་གྱིས་འཕགས་པའི་ཡུལ་དུ་སྡེ་པ་བཅོ་བརྒྱད་བཀར་བསྡུ་ཞེས་པ་ལྟ་བུས་གངས་རིའི་ཁྲོད་ཀྱི་བསྟན་པ་ཇི་སྙེད་པ་རང་རང་གི་འཐད་པ་བཞིན་ཕྱོགས་ལྷུང་མེད་པའི་གནས་སུ་བསྡུས་ནས་ཆོས་སྤོང་གི་ལས་ལས་ལྡོག་པར་མཛད་པ་ནི་རྣམ་པར་ཐར་པ་བསམ་གྱིས་མི་ཁྱབ་མོད། དེ་བཞིན་དུ་ཐུབ་པའི་དབང་པོས། རྒན་པའམ་ནི་གཞོན་པའང་རུང་། །གང་ལས་ཆོས་ནི་རྣམས་ཤེས་པ། །དེ་ལ་གུས་པས་ཕྱག་བྱས་ཏེ། །བྲམ་ཟེ་གཙང་མས་མེ་ལ་བཞིན། །ཞེས་དང་། བྱས་པ་ཤེས་ཤིང་བྱས་པ་དྲན། །བྱས་པ་དྲིན་དུ་བཟོ་བ་ཡི། །མི་ལ་དཔལ་མགོན་ཉེ་བར་གནས། ཞེས་པ་ལྟར། གོང་མ་ལྔ་པས་རང་གི་ཐུགས་བསྐྱེད་པའི་ངོས་ནས་གངས་རིའི་ཁྲོད་ཀྱི་བསྟན་པ་མཐའ་དག་ལ་རི་མོར་མཛད་ཅིང་། ཆོས་རྒྱལ་མེས་དབོན་རྣམ་གསུམ་གྱིས་བཙུགས་པའི་བསྟན་པ་ལ་སྲི་ཞུ་དང་བསྟི་སྟང་བླ་ལྷག་ཏུ་མཛད་པས་སྔ་འགྱུར་རྡོ་རྗེ་ཐེག་པའི་ཕྱོགས་ལའང་རྒྱུ་མཚན་ཤེས་ནས་རྗེས་སུ་ཞུགས་པའི་གཏན་ཚིགས་དང་། འོ་ག་པར་སྨྲ་བ་དག་ལ་དགག་བསྒྲུབ་གྱི་བགྱི་བ་ལྷུར་བླངས་ནས་རྒྱུད་འབུམ་རིན་པོ་ཆེ་གཟེངས་སུ་གཏོད་པའི་ཚུལ་གང་གི་གསན་ཡིག་གླེགས་བམ། བམ་པོའི་ཤོག་གྲངས་བརྒྱ་གོ་ལྔ་ནས་ཉིས་བརྒྱ་ཐམ་པའི་བར་གྱིས་ལེགས་པར་རྟོགས་པར་འགྱུར་ལ། མདོར་བསྡུ་ན་གསེར་མདོག་ཅན་པས། རྙིང་མའི་ཆོས་ཀུན་འཕགས་ཡུལ་ནས། །བསྒྱུར་བར་འབད་པས་བསྒྲུབ་མི་དགོས། །སློབ་དཔོན་སྤྲུལ་པའི་སྐུ་ཉིད་ཀྱིས། །གསུངས་པ་ཉིད་དུ་གྲུབ་པས་མཆོག་འཕགས་པའི་ཡུལ་ནས་ཕྱིས་འགྱུར་བའི། །སྔགས་དང་བརྡ་སྐད་མ་མཐུན་ཀྱང་། །མཆོག་དང་ཐུན་མོང་གྲུབ་པ་ལ། །མི་སླུ་གྲུབ་ཕྱིར་དེ་ཚད་མ། །དཔེར་ན་ཡུལ་ཆེན་སོ་སོ་ནས། །གྲུབ་པ་མཆོག་རྣམས་ཀྱིས་བླངས་པའི། །ཆོས་ཀྱང་གླེགས་བམ་སོ་སོ་ལས། །འཕགས་པའི་ཡུལ་དུ་བསྒྱུར་བ་མིན། །རྡོ་རྗེ་སེམས་དཔས་གནང་ཐོབ་པའི། །བཀའི་བསྡུ་བ་པོ་ཉིད་ཀྱིས། །ཡུམ་ཁམས་སོ་སོའི་སྐད་ཉིད་དུ། །བཤད་པས་ཆོག་པར་གསུངས་པ་ཡིན། །རྙིང་མའི་ཆོས་ལུགས་འཕགས་ཡུལ་ནས། །འགྱུར་བར་ངེས་རྣམས་སྒྲུབ་མི་དགོས། །མ་ངེས་པ་རྣམས་བསྟན་བཅོས་སུ། །བསྒྲུབས་ལས་གྲུབ་པར་གྱུར་འདི་ཡང་། །གང་འདིའི་རྣམ་རྟོག་རང་བཟོའི་ལམ། །རྙེད་ནས་འཕྱན་པར་གྱུར་མིན་གྱི། །བོད་ཀྱི་ཡུལ་དུ་སྔོན་བྱོན་པའི། །ཆེན་པོ་རྣམས་ཀྱིས་དེར་བཤད་པའོ། །ཞེས་དང་། འགོས་ལོ་ཆེན་པོའི་དེབ་ཐེར་དུ། །སྤྱིར་ན་དར་མས་བསྟན་པ་སྣུབས་ནས་ལོ་བདུན་ཅུ་ལྷག་ཅིག་གི་བར་དུ་དབུས་གཙང་ན་རབ་ཏུ་བྱུང་བ་ནི་གཅིག་ཀྱང་མེད། རྙིང་མ་བའི་སྔགས་འཆང་མང་དུ་ཡོད་པ་རྣམས་ཀྱིས་ཡུལ་སོ་སོར་སྒྲུབ་པར་ཁྱད་པར་ཅན་གྱིས་བཀྲ་ཤིས་པར་མཛད་ཅིང་། ཁྱིམ་པ་རྣམས་ཀྱིས་ཀྱང་དེ་དག་ལ་དདཅིང་ཟས་གོས་སོགས་ཀྱིས་མཉེས་པར་བྱས། བུམ་དབང་ཙམ་རེ་བླངས་ཤིང་། རྒྱུད་རིམ་གྱིས་སྨིན་པ་ལ་བརྟེན་ནས། ཀླུ་མེས་ལ་སོགས་པའི་དབུས་གཙང་མི་དྲུག་གམ་བརྒྱད་དུགྲགསཔ་རྣམས་བྱོན་པའི་ཚ། ཡུལདང་ཡུལ་རྣམས་སུ་གཙུག་ལག་ཁང་དང་དགེབདུན་གྱི་སྡེ་གྲངས་མེད་པ་འཕེལ་སྔོན་རྒྱལ་བློན་གྱི་དུས་སུ་འགྱུར་བའི་བཀའ་བསྟན་བཅོས་རྣམས་ལ་ཉམས་པར་ལོངས་སྤྱོད་པས་ཆོག་པ་བྱུང་། མཁས་པདང་གྲུབ་པའི་སྐྱེས་བུ་མང་དུ་བྱུང་བ་ཕལ་ཆེར་ཡང་། རྙིང་མ་བའི་གྲུབ་ཐོབ་བརྒྱུད་པ་ལས་བྱུང་བ་ཡིན། ཞེས་འདོམས་པར་མཛད་པ་བཞིན་ནོ། །དེ་བཞིན་གཤེགས་པས་ལེགས་པར་གསུངསཔའི་གསུང་རབ་རྒྱ་མཚོའི་སྙིང་པོར་གྱུར་པརིག་པ་འཛིན་པའི་སྡེ་སྣོད་དམ། སྔ་འགྱུར་རྒྱུད་འབུམ་རིན་པོ་ཆེའི་རྟོགས་པ་བརྗོད་པ་འཛམ་གླིང་མཐའ་གྲུར་ཁྱབ་པའི་རྒྱན་ཅེས་བྱ་བ་ལས། གངས་རིའི་ཁྲོད་ན་བསྟན་པ༷ ་ཇི་ལྟར་བྱོན་པ་ལས་བརྩམ་སྟེ་བཙན་པོ་ཁྲི་སྲོང་ལྡེ་བཙན་གྱི་དུས་ན་གསང་སྔགས་ནང་གི་རྒྱུད་རྣམས་བྱུང་བའི་གཏམ་གསལ་བར་སྨྲས་པའི་རབ་ཏུ་བྱེད་པ་སྟེ་བཞི་པའོ།། །།ད་ནི་སྔ་འགྱུར་རྡོ་རྗེ་ཐེག་པ་ལས། དངོས་གྲུབ་བརྙེས་ཤིང་གང་ལ་བཤད་སྒྲུབ་ཀྱི་བྱ་བ་བྱེད་པའི་སྐྱེས་བུ་དམ་པ་ཇི་ལྟར་བྱོན་གྱི་རྣམ་གཞག་བརྗོད་པར་བྱའོ། །དེ་ལ་སེམས་ཕྱོགས་ཀྱི་ཤིང་རྟ་ཆེན་པོ་སློབ་དཔོན་བི་རོ་ཙྭ་ན་ལས་ཇི་ལྟར་བརྒྱུད་པ་ནི། སློབ་དཔོན་དེ་ནི་ཡུལ་ཉང་ཆབ་དང་གཙང་ཆབ་འཛོམ་པའི་འགྲམ་སྙེ་མོ་བྱེ་མཁར་རམ། ཡང་ན་བྱིས་པའི་དུས་ཀྱི་ཞབས་རྗེས་ཡོད་པས་གཙང་ཟངས་དཀར་ཞེས་པའི་གྲོང་དང་ཉེ་བར་འཁྲུངས་སོ། །ཟེར་ཏེ་ཕྱོགས་གཉིས་ཡོད། དགུང་ལོ་བརྒྱད་པའི་སྐབས་སུ་ནག་མོ་རི་དང་། བྲག་པོ་ཆེ་གཉིས་སུ་ཉི་ཟེར་ལ་ཞོན་ནས་ཕན་ཚུན་དུ་འགྲོ་ཞིང་བརྡའ་སྐད་དང་ཆོས་ཀྱི་རིམ་པ་རྩོལ་མེད་དུ་མཁྱེན་པར་བྱུང་བས་སྤྲུལ་པའི་སྐུར་ཡོངས་སུ་གྲགས། དེ་ཉིད་བཙན་པོས་བསམ་ཡས་སུ་སྤྱོན་པར་བྱས་ནས་འཕགས་པའི་ཡུལ་དུ་དཀའ་བ་བཅུ་དྲུག་སྤྱད་དེ་མན་ངག་གི་ཆོས་བླངས། དང་པོར་རྒྱལ་པོ་ལ་གསུངས། དེ་ནས་ཚ་བ་རོང་དུ་བཅུགས་པས། རྒྱལ་རོང་བྲག་ལྷ་མགོན་པོའི་དགོན་པར་གཡུ་སྒྲ་སྙིང་པོ་ལ་གསུངས། དེ་ནས་ཚ་རོང་སྟག་རྩེ་མཁར་དུ་གསང་སྟོན་ཡེ་ཤེས་བླ་མ་ལ་གསུངས། དེ་ནས་སྟོང་ཁུང་རོང་གི་བྲག་དམར་དགོན་རྫོང་དུ་སྤངས་སངས་རྒྱས་མགོན་པོ་ལ་གསུངས། དེ་ནས་དབུས་སུ་གཉགས་དང་ལི་བཟའ་ཤེས་རབ་སྒྲོན་མར་གསུངས་ཏེ་རིམ་པ་ལྔར་གྲགས། དེ་ལས་གཉགས་ཀྱི་སོག་པོ་དཔལ་གྱི་ཡེ་ཤེས། གྲྭ་དཔལ་གྱི་སྙིང་པོ། ལྷ་ལུང་དཔལ་གྱི་རྡོ་རྗེ། འོ་བྲན་དཔལ་གྱི་གཞོན་ནུ་སོགས་ལས་རིམ་པར་བརྒྱུད་པའི་ལུགས་གཅིག །ཡང་སོག་པོས་སངས་རྒྱས་ཡེ་ཤེས་ལ་སོགས་ཏེ་རིམ་པར་བརྒྱུད་པའི་ལུགས་གཅིག །ཡང་རྩངས་ཤཀ་རྡོར་གྱིས་སྤངས་རཁྲི་ཏ་ལ། དེས་ཡར་ཟི་དར་མ་ཤེས་རབ། དེས་ཟེར་མོ་དགེ་སློང་མ། དེས་མར་པ་ཤེས་རབ་འོད། དེས་ལྷ་རྗེ་ལ་བཀའ་དྲིན་ནོད་དུ་འོངས་པ་དང་། ནད་དྲག་པོ་གཅིག་བྱུང་བ། ཤངས་ཀྱི་ལང་ཟ་སྟོན་པ་དར་མ་བསོད་ནམས་ཀྱི་བཅོས་པས། དེའི་དྲིན་ལན་དུ་རྡོ་རྗེ་མེ་འོ་ང་དང་། ལམ་རྣམས་བཀོད་དང་། ཟབ་མོའི་དབང་གི་མན་ངག་དང་། མདོའི་འགྲེལ་པ་ལུང་བསྟན་རྡོ་རྗེ་སོགས་བི་མ་ལས་བརྒྱུད་པའི་གདམས་པ་དང་། སེམས་ཕྱོགས་མ་ལུས་པ་གནང་ངོ་། །དེ་ལས་གསང་བདག་སྒྲོ་ཕུག་པར་བརྒྱུད་པ་དེ་བྱུང་བ་ཡིན་ནོ། །སློབ་དཔོན་བི་རོ་ཙྭ་ནས་སྤངས་སངས་རྒྱས་མགོན་པོ་ལ་བརྒྱུད་དེ་འཇའ་ལུས་ཤ་སྟག་བྱུང་བའི་ལོ་རྒྱུས་ནི། སྤངས་རྒན་པོའི་སློབ་མ་ངན་ལམ་བྱང་ཆུབ་རྒྱལ་མཚན་ཡིན། དེ་ནི་ཡུལ་དབུ་རུ་ངན་ལམ་རལ་གསུམ་པ་དགེ་སློང་འོ་་དྲུག་ཅུ་རྩ་བདུན་འོ་ན་པ་ཞིག་གིས་རྒྱལ་མོ་སྟག་རྩེ་མཁར་དུ་བྱོན། སྤངས་མི་ཕམ་མགོན་པོ་ལ་གདམས་པ་ཞུས་པས་གནང་སྟེ། ད་ཡུལ་དུ་མ་འགྲོ །ཝ་སེདྷི་བྲག་ལ་བསྒོམ་གསུངས། སློབ་དཔོན་གྱི་བཀའ་བཞིན་ཉན་ཏེ་དེར་བྱོན་ནས་སྒོམས་པས་འོ་་བརྒྱ་དང་བདུན་ཅུ་རྩ་གཉིས་ལོན་པའི་ཚེ་ཕུང་པོ་ལྷག་མེད་དུ་གཤེགས། །དེ་ལ་སློབ་མ་ཟ་དམ་རིན་ཆེན་དབྱིག་བྱ་བ་མདོ་ཁམས་སྟོད་པ་ཞིག་བྱུང་། དེས་ངན་ལམ་ལ་གདམས་པ་ཞུ། བྲག་དེ་ཉིད་དུ་བླ་མ་དང་འབྲལ་བ་མེད་པར་སྒོམ་བཞིན་བཞུགས་པས། ལོ་བརྒྱ་དང་བཞི་ཅུ་ཞེ་བཞི་ལོན་པའི་ཚ་ཕུང་པོ་ལྷག་མེད་དུ་གཤེགས། ། དེ་ལ་ཡར་ཀླུང་ཕྱོགས་ནས་ཁུང་འགྱུར་གསལ་བའི་མཆོག་ཅེས་བྱ་བའི་སློབ་མ་རྟེན་དགེ་སློང་ཡིན་པ། ལོ་ལྔ་ཅུ་རྩ་བདུན་ལོན་པ་གཅིག་བྱུང་། ཟ་དམ་རིན་ཆེན་གྱིས་གདམས་ངག་གནང་བས་ཡུལ་དུ་ལོག་པའི་བསམ་པ་སྤངས། ཝ་སེདྷི་བྲག་ཉིད་དུ་བཞུགས་ནས་སྒོམ་པས་ཁུང་འགྱུར་གསལ་ལོ་བརྒྱ་དང་བཅུ་བདུན་ལོན་པའི་ཚེ། ཕུང་པོ་ལྷག་མེད་དུ་གཤེགས།དེ་ལྟར་སློབ་དཔོན་གསུམ་ཀ་ཝ་སེརྙེ་བྲག་ཅེས་བྱ་བར་སྦྲུལ་གྱི་ལོ་གཅིག་རྟེང་ལ་གཅིག་སྐུ་ན་བུན་ནམ་འཇའ་ཚོན་ཡལ་བ་བཞིན་དུ་གཤེགས་སོ། །དེ་ལ་སློབ་མ་བྱང་ཆུབ་གྲགས་ཞེས་བྱ་བ། ཡུལ་ཉང་གཡུ་འབྲུག་སྟོད་པ་རྟེན་དགེ་སློང་ལོ་བཞི་བཅུ་རྩ་གཉིས་ལོན་པ་ཞིག་བྱུང་ཁུང་འགྱུར་གསལ་བ་ལ་གདམས་པ་ཞུས་ནས་ཡར་ལོག །བསམ་ཡས་མཆིམས་ཕུར་སྒོམ་གྱིན་བཞུགས་ཙ་ན། དབུ་རུ་ཞྭའི་ཉང་ཤེས་རབ་འབྱུང་གནས་ཞེས་བྱ་བ་དགེ་སློང་བགྲེས་པོ་གཅིག་བཞུགས་འདུག་པ་དང་མཇལ།ཁོང་ན་རེ་བསྙེན་པར་རྫོགས་ནས་ལོ་ང་རྒན་ཡང་གདམས་པ་ཁྱེད་ཆེ་བར་འདུག །རྗེས་སུ་བཟུང་འཚལ་ཞུས་པས། མྱང་བྱང་ཆུབ་གྲགས་ཀྱི་ཁོང་ལ་གདམས་པ་རྣམས་བྱིན། ཕུག་པོ་ཆེ་དང་ཡང་རྫོང་དུ་བཞུགས།རང་གི་སློབ་མ་དང་ཡང་སློབ་དག་ལ་འབྱུང་བཞི་ཟད་པར་གྱི་སྤྲུལ་བསྒྱུར་བསྟན། མཐར་རང་ཉིད་གཙང་རྒྱ་མཉེ་དུ་ཁའི་ཕུང་པོ་རི་བོ་ཆེ་ལ་ད་ལྟ་རང་འདུག་པའི་འཕྲོ་ལ་རི་ཟུར་ན་ཡར་སྐུ་ལུས་སྤྱིན་ཆད་པ་བཞིན་དུ་ཕུང་པོ་ལྷག་མེད་དུ་གཤེགས་སོ། །དེར་ཉང་ཤེས་རབ་འབྱུང་གནས་ཀྱི་མཆིམས་ཕུ་དཔལ་གྱི་ནགས་ཁྲོད། སྒྲགས་ཀྱི་ཡང་རྫོང་ཕུག་པོ་ཆེ་རྣམས་སུ་བཞུགས། དེར་རྫོགས་པ་ཆེན་པོ་རང་སྣང་རིས་མེད་ཀྱི་དགོངས་པ་མངོན་དུ་ཤར་ནས། ཕུག་པོ་ཆེ་ལྷ་རིའི་རྩེ་མོ་ལ་ཡོད་པའི་ཤུག་པ་རྐང་གཅིག་པར་ན་བཟའ་དང་། ཕྲེང་བ་དང་། ཀ་པ་ལི་རྣམས་གཟར་ནས། སྐུ་ནམ་མཁའ་ལ་འཇའ་ཚོན་དེངས་པ་བཞིན་སོང་ངོ་། ། དེ་ལ་སློབ་མ་ཡུལ་ལོ་མོ་བ། །རུས་སྦ་ཡིན་པ་གཅིག་བྱུང་བས་སློབ་དཔོན་བསྒོམ་དུ་གྲགས། དེ་རང་གི་ཡུལ་ན་ཡོད་པའི་ཚ་འཁྲུག་པ་ཡོད་པས། ཡུམ་ན་རེ། བུ་འདི་སྲིང་མོ་དྲུག་གི་མིང་པོ་གཅིག་པོ་ཡིན། སློབ་དཔོན་ཤེས་རབ་འབྱུང་གནས་ལ་འཆོལ། མ་ཤི་བ་རང་གི་ཆོག་ཟེར་ལོ་བཅུ་དྲུག་པ་ཞག་ཉང་ལ་བཅོལ་ནས་ཡོད་ཙ་ན། སྔར་གྱི་ཉང་བྱང་ཆུབ་གྲགས་པ་དེ་ཕུག་པོ་ཆེ་དང་། ཡང་རྫོང་དང་། མཆིམས་ཕུ་རྣམསསུ་ཤ་བ་གཅིག་ཁྲིད་ནས་འབྱོན་པས། ཉང་ཤ་བ་ཅན་ཞེས་ཀྱང་གྲགས། ཕུག་པོ་ཆེར་ཕྱི་མའི་རེས་བྱོན་ཙ་ན། ངས་ཁྱོད་གཉིས་ལ་ལྟས་མོ་གཅིག་བསྟན་གྱིས་ལྟོས་ཤིག་གསུངས། དེར་སློབ་དཔོན་ཤེར་འབྱུང་དང་། སྦ་སྒོམ་གཉིས་ཀྱི་གཡས་གཡོན་ནས་བལྟས་ཙ་ན། སློབ་དཔོན་དབུས་ན་ཡོད་པ་དེ་མི་སྣང་བར་སོང་། དེར་ངོ་མཚར་སྐྱེས་ནས་ཡོད་ཙ་ན། རླུང་ཚུབ་འཚུབ་ཁྲུ་གང་བ་གཅིག་ཏུ་གྱུར་ནས་ཕར་སྐྱིལ་ཚུར་སྐྱིལ་བྱས།དེ་མེར་སོང་། དེའང་ཆུ་གཏོར་གཏོང་བའི་མཁར་གཞོང་གཅིག་ཏུ་འཕོས་ནས་ཆུར་ལྟེམ་གྱི་སོང་། དེས་ཚུབ་གཅིག་གི་ངང་ལ་སློབ་དཔོན་རང་དུ་ཀྲང་གི་སོང་། དེ་ལྟར་འབྱུང་བཞི་ཟད་པར་གྱི་སྐྱེ་མཆེད་ལ་དབང་བསྒྱུར་ནས་འདི་སྐད་དུ། འབྱུང་བའི་སྙིགས་མ་དངས་ནས་དངས་མ་མ་ཡལ་བའི་བར་དུ་དེ་ལྟར་འོང་བ་ཡིན། ཤེས་རབ་ཀྱི་སྒོམ་རྒྱུ་མེད་པའི་དོན་མཐོང་ཡང་། བརྡའ་ལ་ཡེངས་པ་མེད་པར་བསྐྱངས་ན་དེ་ལྟར་དུ་རང་དབང་ཐོབ་པ་འ།་ཚགས་མེད། མ་ཡེངས་པར་སྐྱོངས་བ་གལ་ཆེ་བ་ཡིན་གསུངས། དེ་ནས་རེ་ཞིག་ན་སྦ་སྒོམ་གྱི་བལ་བུའི་ནགས་ལ་ཤིང་འཐུ་བར་ཕྱིན་པས། ཁོང་རང་གི་འཇག་སྤྱིལ་མེ་དམར་བུན་བུན་འདུག་པ་མཐོང་། སློབ་དཔོན་ནི་མེ་མི་འབུད་མེ་་།ར་བ་ཡིན་སྙམ་པ་ལྟར་ཕྱིན་པས་འཇག་སྤྱིལ་སྔར་བཞིན་ལས་མེ་མི་སྣང་། སློབ་དཔོན་ལ་དེ་ཅི་ཙུག་ཡིན་དྲིས་པས། ངས་མེའི་ཏིང་ངེ་འཛིན་ལ་མཉམ་པར་གཞག་པ་ཡིན།ངའི་བླ་མ་བྱང་ཆུབ་དྲག་པ་དེ་མི་དྲན་ནམ་གསུངས། ཡང་སྐབས་ཤིག་སློབ་དཔོན་གྱི་བཞུགས་སར་ཆུ་ལྟེམ་མེ་འདུག་པ་མཐོང་། མཐར་སློབ་དཔོན་གྱིས། ང་མི་འདུག་ན་ལྷ་རིའི་རྩེ་མོ་ལ་ལྟོས་ཤིག་གསུངས། རེ་ཞིག་ན་སློབ་དཔོན་མ་བྱུང་ནས་རི་ལ་སྐྱོ་སེང་ལ་བཞུད་པ་ཡིན་གྱི། སང་དགོང་འབྱོན་དུ་འོང་སྙམས་ཅན་ཡང་མ་བྱོན། བལྟར་ཕྱིན་ཙ་ན། ན་བཟའ་དང་། དབུ་ཞྭ་དང་། སྟོ་དྷི་ཅིའི་ཕྲེང་བ་ལ་སོགས་པ་ཤུག་པ་ལ་གཟར།སློབ་དཔོན་ཕུང་པོ་ལྷག་མེད་དུ་གཤེགས་སོ། །འདི་ནི་རང་བཞིན་རྫོགས་པ་ཆེན་པོ་ལ་ནམ་མཁའ་དང་མཁའ་འགྲོའི་འཆི་ལུགས། མེ་དཔུང་དང་རིག་འཛིན་གྱི་འཆི་ལུགས་ཞེས་པའི་ཡ་གྱལ་གཅིག་ཡིན་ནོ། །སྦ་སྒོམ་ལོ་ཉི་ཤུ་རྩ་བཞི་ལོན་ཙ་ན་ཉང་ཤེས་འབྱུང་གིས་གདམས་པ་བཏབ་པ་ཡིན། སྦ་སྒོམ་འདི་རྟེན་དགེ་བསྙེན་དུ་བཞུགས། མཚན་ཡེ་ཤེས་བྱང་ཆུབ་ཏུ་གྲགས། རྟོགས་པ་ཁྱད་པར་ཅན་མངའ། རྡོ་ལ་འདམ་རྫབ་ལྟར་མཛད། བྲག་ལ་སྐུའི་པར་འདེབས། དགུང་ལོ་དགུ་བཅུ་རྩ་བརྒྱད་ལོན་པའི་ཚེ་སྐུ་སྣུང་བ་མེད་པར་གཤེགས། ཇོ་མོ་གང་མོས་ཕྱི་རོལ་གྱི་མི་རྣམས་ལ་པུར་མཇལ་མ་གཏང་བར་མཆོད་ཁང་དུ་པུར་མེ་ལ་སྦྱངས་པས། འོད་རྫ་མ་ཙམ་ཞིག་ནམ་མཁའ་ལ་འགྲོ་བ་ཕྱི་རོལ་གྱི་མི་ཀུན་གྱིས་མཐོང་། ཤུལ་དུ་གདུང་རུས་གཅིག་ཀྱང་མ་བྱུང་ངོ་། །དེའི་སློབ་མ་ནི་འཛེང་སྟེ། ཡུམ་མཚར་དགུ་སྐྱིད་དེ་ཞེས་བྱ་བ་ཡར་ཀླུང་ཐང་ཆུང་པའི་མ་ཇོ་ཡིན། ཐང་ཆུང་བཙད་པོའི་བུ་ཆེ་བས་ཕབ་ནས་འཛེང་འཁྲུངས། ལོ་བཅུ་དྲུག་ལོན་པའི་དུས། འགྲུལ་ཟླ་ཁ་ཤས་དང་བཅས་དོལ་གྱི་གདོང་སྣར་ཚོང་ལ་ཕྱིན་ཙ་ན། །དོལ་གྱི་འཚེར་ཆུང་ན་མི་མང་པོ་འཕུངས་འདུག །བལྟར་ཕྱིན་པས་དམ་པ་རྒྱ་གར་དང་མཇལ། ཟླ་བ་བཅུ་བཞི་དམ་པའི་ཕྱག་ཕྱིར་འབྲེངས། གཙང་གི་གནས་གཞི་བཟངས་ཅན་དུ་སླེབ་ཙ་ན། དམ་པས་སྣམ་བུ་གཅིག་གནང་ནས། ཁོང་ངང་ཐུང་འདུག་པས་ཁྱོད་རང་ཡུལ་དུ་ལོག །དགས་པོ་ནས་ཁམ་བུ་ཁྱེར་ལ་ཤོག །དོལ་དུ་འགྲོ་བའི་ཟླ་བོ་འདུག་གོ་གསུངས། དེར་འཛེང་གི་ལམ་དུ་ཞུགས་པ་ན། དམ་པ་ཚུར་འབྲེང་གི་བྱོན། འཛེང་གི་ལྡན་པ་གཉིས་ནས་འཇུས་ཏེ། ཅི་ཡང་མ་ཡིན་གནས་གྱུར་པ། །གནས་གྱུར་པ་ལ་གཉིས་འཛིན་མེད། །ཅེས་གསུངས་ནས་མགོ་ཐུག་ལན་གཉིས་རྒྱབ་པས། སེམས་ཧང་ངེ་བ་ལ་ཤེས་པ་བཀྲ་གསལ་བ་ཞིག་བྱུང་། ཁ་ནང་ན་ཆུ་ཁྱིལ་ལེ་སྣང་། དེ་ནི་དམ་པས་བྱིན་གྱིས་བརླབས། རྡོ་རྗེ་ཟམ་པ་དང་མཇལ་བའི་ལུང་བསྟན་པར་འདུག་སྟེ། དུས་ཕྱིས་ལས་མ་གོ་གསུངས། དམ་པས་རྟེན་འབྲེལ་འགའ་ཙམ་དང་། སྔགས་ཀྱི་གནད་མང་དུ་གནང་། རྒྱ་རོ་ཚལ་མར་ཡི་གེ་དྲུག་པའི་གདམས་ངག་གནང་ནས་སྒྲུབ་པས་བྱིན་བརླབས་ཆེན་པོ་བྱུང་། ཡང་ཆུ་བོ་ཆེན་པོ་འདིའི་ཤར་ཕྱོགས་ན་ཙན་དན་གྱི་ནགས་ཡོད། དེ་ན་ཁྱོད་ཀྱི་བླ་མ་ཡོད་གསུངས་ནས་ལུང་བསྟན། དེ་ནས་དབུས་སུ་བྱོན། ཨ་ཁུང་དཔལ་འབལ་ལ་ཁྲག་འཐུང་དང་དཔེ་དཀར། གནུབས་ཤང་པོ་ཆེ་ལ་ཀྲི་ཡ་དང་ཁ་འབར་མའི་གཏོར་ཆེན་ཞུས། ཁོང་གིས་གཙང་དུ་བ་རི་བལ་འབུལ་བ་བསྐྱེད་དུ་བཏང་བས།བ་རི་ལའང་འཇམ་དཔལ་དང་ཁྱུང་སྒྲུབ་ཞུས། དགེ་བཤེས་སྤོ་ལ་སྔ་འགྱུར་རིགས་ཞུས། དེ་ནས་སུམ་ཅུ་རྩ་ལྔ་ལོན་པའི་ཚེ་ངམ་ཤོད་རྒྱུས་ལྕང་ཚིགས་སུ་བྱོན། ཕུག་པོ་ཆེའི་ལ་ཁ་ན་དགེ་བཤེས་བཙན་ཁ་བོ་ཆེ་རྒྱ་གར་ནས་བྱོན་མ་ཐག་པ་ཞིག་ཇོ་མོ་བས་སྦྱན་དྲངས་ནས་ཆོས་དང་བཟའ་དང་ལྟད་མོ་ཡོད་ཟེར། ནང་པར་སྔ་བར་བྱོན་ཙ་ན། བུད་མེད་ཅིག་ན་རེ། ཁྲབ་ནས་ལམ་ཟུར་འདི་ནས་ཡར་ཕྱིན་ན། སློབ་དཔོན་སྦ་སྒོམ་བྱ་བ་ལྟོ་སྟེར་བ་ལ་ཡང་པ་ཞིག་ཡོད་ཟེར། ཕྱིན་པས་རྣལ་འབྱོར་པ་ཚོ་གཅིག་གིས་ཀྱང་སླེབ་ནས་ཚ་བ་དྲངས། ཕྱེ་ཟངས་ཀྱིས་ཁྱིམ་བུ་རེ་ཡང་གཏོང་གི་འདུག་དེ་ཚོར་བྱིན་ཟིན་ནས། དེ་ན་གསར་བུ་གཅིག་ཀྱང་འདུག་གསུངས་ནས་ཆུ་བུམ་པ་གང་ལན་དུ་བཅུག །ཆུ་གཏོར་མཛད་ནས་ཕུག་ཆུང་ཟུ་རར་ཁྲིད། ཚོད་མ་ཀེ་རུ་ཕོར་པ་གང་བྱིན། དེ་ནུབ་ཀྱང་བཟའ་བྱིན་ནས་བྲག་རྩ་ཞིག་ཏུ་ཉལ། ནང་པར་འགྲོ་དགོས་སེམས་ཙ་ན། ཡང་ལྟོ་བྱིན་ནས་ངའི་ཉེ་གནས་བཙུན་ཆུང་གཅིག་ཡོད་པ་ཟོ་ཐང་དུ་གསེར་ལེན་དུ་སོང་བ་ཆར་ཆེས་པས་མ་བྱུང་། ཤིང་ཞིག་འཐུས་གསུངས། དེར་ནགས་ཁྲོད་ནས་ཤིང་ཁུར་ཆེ་བ་གཅིག་བསྐྱེལ་བས། སྦ་སྒོམ་མཉེས་ནས་ཕྱག་རྒྱ་ཆེན་པོ་བརྡའི་མན་ངག་དང་། རྫོགས་པ་ཆེན་པོ་སྐོར་བདུན་རང་ཆས་བྱ་བ་བཤད། དེར་ཉེ་གནས་ཀྱང་བྱུང་། ངེད་མ་སླེབ་པས་སློབ་དཔོན་འོ་བརྒྱལ་སེམས་ཙ་ན་ཁྱེད་ཀྱི་གོ་བཅད་འདུག་པ་ད་དུང་ཞག་འགའ་ཙམ་བཞུགས་ཟེར། ཡང་ཡར་ཀླུང་ལན་ཅིག་བསྐོར་ནས་བྱུང་། དེར་སྦ་སྒོམ་གང་ཟག་ཁྱད་པར་ཅན་དུ་ཤེས་ནས་ཡུལ་དུ་མ་ཕྱིན་པ་འོན་དང་ཟངས་རི་ཡན་ཆད་དུ་བསོད་སྙོམས་བྱས། སྒྱེ་གཅིག་ཉོས། ནས་སྒྱེ་དང་བཅས་པ་སློབ་དཔོན་སྦ་སྒོམ་ལ་ཕུལ་བས། ཁྱོད་ཀྱིས་ངའི་གཡོག་བྱས་པ་ཡིན་པས་དེས་རུང་། འདི་ལ་ཁྱོད་རང་གི་རྒྱགས་གྱིས། ང་ལ་མན་ངག་རྡོ་རྗེ་ཟམ་པ་ཞེས་བྱ་བ་སྐད་ཅིག་མའི་དོན་རྟོགས་ནས་ཚེ་གཅིག་ལ་ཕུང་པོ་ལྷག་མེད་དུ་སངས་རྒྱ་བའི་རྒྱུད་པ་བྲེང་མ་ཆད་པ་གཅིག་ཡོད། དེ་གོང་ཕན་ཆད་སུ་ལའང་མ་སྨྲས་པ་ཡིན། ད་ཁྱོད་ལ་སྦྱིན་ནོ་གསུངས། ནས་ནན་གྱིས་ཕུལ་བས་འདི་སློབ་དཔོན་རང་ལ་བསྔགས་པ་ཡིན། གདམས་ངག་ཐུགས་ལ་གདགས་པར་ཞུ་རྒྱགས་སྙེད་དེ་འོང་བྱས་པ། ཕྱག་གཡོན་པས་སྤྱི་བོ་ནས་བཟུང་གཡས་པ་ལྟག་ཁུང་ནས་ཏབ་ཏབ་བྱེད་ཅིང་། འོར་ཆེ་དམ་ཚིག་ཅན་དུ་འདུག །གདམས་ངག་གིས་ཕན་ཐོགས་པར་གདའ་གསུངས། དེར་ལོ་ཆུང་གི་སྔགས་པ་གཅིག་ལ་གཤིན་རྗེ་དམར་པོའི་སྒྲུབ་ཐབས་ཤིག་བྱིན་པས། སྲན་ནས་ཁལ་བརྒྱད་བྱུང་། འོ་མ་དང་ཕྲུམ་དུ་སྲུང་སྐྱོབ་ཞག་རེ་ཙམ་དུ་བྱས་པས་ཆོས་རྒྱགས་ལྡང་བ་རྙེད། དེར་རྡོ་རྗེ་ཟམ་པའི་བྱིན་བརླབས་ཞུས་པ་ལ་ཚོགས་ཀྱི་ཡོ་བྱད་མ་ཚོགས་པའི་ངང་། སློབ་དཔོན་གྱིས་བྱིན་བརླབས་ད་ལྟ་བྱ། ཕྱི་ནས་བར་ཆད་འོང་གསུངས། གངས་པར་དུ་གྲོགས་པོ་གཅིག་ལ་སེར་མ་གཅིག་བཅོལ་བའི་རིན་སློང་དུ་ཕྱིན་པས། མ་ཇོའི་ཤམ་ཐབས་གཅིག་ཐོབ། དེའི་རྣམ་པ་ཚ་ཕྲལ་ནས་བཙོངས། ཆང་ཕུད་དང་། གཏོར་མ་ནས་བྲེ་ལྔ་རྣམས་ལ་བརྟེན་ནས། མར་མེའི་དོད་ཉོས་པར་བྱའོ་གསུངས་ནས་གྲོལ་ལམ་དབང་བཞི་རྫོགས་པར་བསྐུར། གདམས་ངག་མ་ལུས་པ་གནང་། ཕྱི་ནས་ཀྱང་བྱིན་བརླབས་ལན་བཞི་ཙམ་ཞུས། ནས་དང་གསེར་ལ་སོགས་པའི་འབུལ་བ་ལན་ལྔ་བསྐུལ། རེ་ཞིག་ན།སྣང་བ་འདི་ཀུན་རྫུན་པའི་ཆོས་ཅན་ཡིན་གསུངས་ནས། ཆུ་རྡོ་གཅིག་ལ་ཕྱག་འཕྱར་གྱིས་རྒྱབ་པས་གྲུ་མོ་ཡན་ཆད་ཐིམ་གྱི་སོང་། ཡང་སྐུ་ལུས་ཕྱིར་བཤིགས་མཛད་པས་བྲག་ལ་འདམ་གྱི་ཐལ་ནས་རྗེས་ཝ་ལེ་བྱུང་།ཕུག་ཆུང་སྟོ།་་ནས་སྟ་་་ངས་ཀྱི་བཞུགས་པས་གདུལ་བྱ་མང་པོ་བཀུག །ཇོ་མོའིམཆོད་ཁང་ཕུག་པའི་ཤིང་ཡིན་གསུངས། དེ་ལྟ་བུའི་སློབ་དཔོན་ལས་རྡོ་རྗེ་ཟམ་པའི་སྐོར་མ་ལུས་པ་ཐོབ་ཅིང་གཞན་ཡང་ཇོ་བོ་ཕ་རོལ་ཏུ་ཕྱིན་པའི་ལམ་རྐྱང་ཁུག་སོགས་ཀྱང་ཐོབ། དེ་བཞིན་དུ་ཡུ་མོ་ལས་སྦྱོར་དྲུག ཁམས་པ་ལུང་པ་ལ་ཐུན་བརྒྱད་མ། སྣེའུ་ཟུར་པའི་སློབ་མ་ལ་དམིགས་པ་སྐོར་གསུམ། ཤོད་བུ་ལོ་ཙྭ་བ་ལ་འགྲེལ་ཆུང་། དགེ་བཤེས་གྲོལ་སྒོམ་ལ་ནཱ་རོའི་ཐབས་ལམ་ཞུས་ཤིང་། རྡོ་རྗེ་ཟམ་པ་ཕར་ལ་བཤད། སྙུན་གདངས་ལ་སྒྲོན་སྤྲུལ་དང་རྒྱབ་ཤ །རྫ་བོར་ལ་བདུད་རྩི་ཐིགས་གསུམ། རི་ཁྲོད་དུ་རླུད་ཆུང་ལ་རྣལ་རྒྱུད་ཚིགསལ་གསུམ། རླུད་དམ་ཆེན་པོ་ལ་དོ་ཧའི་མན་ངག །ལབ་སྒྲོན་ལ་གཅོད་ཡུལ། རྒྱལ་བ་སྦོ་སྟོན་ལ་སྡེ་སྐོར་བདུན་པ། གནུབས་ཤངས་ཆེན་ལས་བ་རི་བའི་ཀྲི་ཡའི་ཆོས་བཅོ་ལྔ། དིང་རི་ཀུན་དགའ་ལས་གདམས་པ་སྣ་ཚོགས་སོགས་ཐོབ་པ་ཤིན་ཏུ་མང་། དྭགས་པོ་ལྷ་རྗེ་ལ་ཆོས་དྲུག་དང་སྐྱེས་སྦྱོར་ཞུས། རྟོགས་པ་ཉམས་བསྡུར་བས་ཤིན་ཏུ་མཉེས། སྤྱན་སྔ་རྣལ་འབྱོར་གྱི་གྲྭ་ས་རུ་སྤྱོད་པ་བྱས་པ་བརྟུལ་ཞུགས་ཅན་དུ་གྲགས། གྲོགས་མཆེད་ཀྱང་ཨ་ཙ་ར་སྟག་ཤམ་ཅན་དང་། བླ་མ་དབུ་འདྲེན་པ་དང་། བླ་མ་ཐུད་ཁ་འབར། བླ་མ་དྲེད་འབྱོར། ཞང་འགྲོ་སྨྱོན་པ་ལ་སོགས་དེ་ཙ་ནའི་རྣལ་འབྱོར་གྱི་དབང་པོ་ཤ་སྟག་དང་འགྲོགས། གཙང་དུ་གཅེར་བུ་ལོ་ལྔ་བྱས། གཞན་ཡང་སྣང་བ་ལ་ཐོག་རྗེས་ཤིན་ཏུ་ཆེ་བས་དགུན་འཁྱག་པའི་རུམ། དབྱར་ཆུ་བོའི་གཞུང་། མ་ངེས་པའི་གཡང་རོང་ཟབ་མོར་མཆོང་པ་དང་། མགོ་བརྡེབ་པ་དང་། མཚོན་བརྡེག་པ་ལ་སོགས་ཏེ་སྤྱོད་པ་མཚར་པོ་ཆེ་མ་བྱས་བྱ་བ་མེད་པས་དཔའ་བོ་འཛེང་ཆུང་དུ་གྲགས། སོ་མང་བཙན་ལ་ཕྱག་རྒྱ་ཆེན་པོ་བཏབ་པས་འཁྲུལ་སྣང་ཡེ་ཤེས་སུ་གནས་འགྱུར། རི་ཁྲོད་ཀླུང་ཆུང་པ་དང་། དངུལ་མོ་རྒྱ་ལེ་ལྕམ་ལ་ཡིགེ་བཞི་པ་དག་རྫོགས་ཆེན་བཏབ་པས་འཁྲུལ་ཞིག་ཆེན་པོར་གྱུར་ཏེ་མཐར་ཕུང་ལྷག་མེད་དུ་དེངས། དེ་བཞིན་དུ་མ་ཇོ་དད་པ་ཅན་དང་། ཁམས་པ་སྙིང་རུས་ཅན་ཞིག་ལ་རྡོ་རྗེ་ཟམ་པ་བསྟན་པས། མ་ཇོ་མོ་ན་ཁ་ཟེར་མོའི་མཚོ་དང་། ཁམས་པ་ཀོང་པོ་མཚོ་རྫོང་དུ་ནམ་མཁའ་དང་མཁའ་འགྲོ་འཆི་ལུགས་ཀྱི་ཕུང་པོ་ལྷག་མེད་དུ་སོང་། རས་པ་བསྒོམ་སྟག །ཤོ་རས། རྒྱ་རས། རླུང་རས་སོགས་ལ་གདམས་པ་བཏབ་པ་ཙམ་གྱིས་བདེ་དྲོད་འབར། དེ་བཞིན་དུ་ཆོས་ཉིད་བསྟན་པ་ཙམ་གྱིས་རྟོག་གྲོལ་དུ་སོང་བ་ཤིན་ཏུ་མང་། འཛང་དྷརྨུ་སྙོ་དྷི་ཉིད་ཀྱི་གསུང་ནས་ཀྱང་། ངའི་གམ་དུ་ལོ་ཙྭ་བ་ཡང་བཞི་ཙམ་བྱུང་། རབ་བྱུང་དང་། སྟོན་ཆེན་དང་།སྒོམ་པ། སྒོམ་མ་ཡུས་པོ་ཆེ་རང་མཐོང་ཅན་མང་ཞིག་བྱུང་། ཚུལ་བཞིན་ཉམས་སུ་ལེན་པ་ཨ་ཅང་ཆེ་སྟེ། དྭགས་པོར་ཉམས་ལེན་ཨེན་རེ་བྱེད་པའི་ཉི་མ་བཅུ་གཅིག་ཙམ། དང་པོར་འཆི་དུས་ཐེབས་པ། འཆི་ཁར་གནད་གཅོད་མེད་པ། རོ་ལ་འཇའ་ཟུག་པར་བྱུང་བ་ཡིན། ངའི་གདམས་པ་འདི་ལ་བལ་མ་བལ་ལས་བྱེད་པ་དང་། ཕ་མ་སྲིའུ་གསོ་བ་འདྲ་བའི་ཉམས་ལེན་ལོ་ལྔ་དྲུག་གཅིག་བྱས་ན། ཕུང་པོ་ལྷག་མེད་དུ་སོང་ནས་ཤུལ་དུ་མིའི་ལུས་པོ་མི་ཡོང་ངེས་གསུངས། རྫུ་འཕྲུལ་གྱི་བཀོད་པ་རྒྱ་མཚོ་ལྟ་བུ་ལ་དབང་འབྱོར་བས་རེས་སྐུ་ལུས་འཇའ་རུ་འཁྱིལ། རེས་ཞབས་ས་ལ་མི་རེག་པར་གཤེགས། སྣང་སེམས་རོ་གཅིག་ཏུ་འདྲེས་པས་ཐག་རིང་པོའི་ས་ཡང་ཡུད་ཙམ་ལ་འཁོར། གཞན་སེམས་ཤེས་པ་ལ་སོགས་པའི་མངོན་པ་ཤེས་པ་ཐོགས་མེད་མངའ་བས མ་འོངས་པ་ཐམས་ཅད་ལུང་སྟོན། ལྷའི་མིག་དག་པས་ཇོ་སྲས་མ་རྡོ་རྗེ་སྐྱིད་བུ་ནམ་ཕྱེད་ན་གཉིད་འོ་ག་པ་རྒྱ་མཐོངས་ནས་མར་རྦབ་ཏུ་འཆོར་ལ་ཁད་པ་གཟིགས། སྣང་བ་ལ་ཉིན་མཚན་མེད་པས་ནུབ་མོ་སྦུར་མའི་ཁྲོད་དུ་རྒྱ་ཁབ་ལྷུང་བ་བདེ་བླག་ཏུ་མཐོང་བ་སོགས་ཡོད། ཕྱི་རེས་གཙང་དུ་ལོ་བདུན་བཞུགས་ནས་ནས་སླར་ཕུག་པོ་ཆེར་བྱོན་པས། སློབ་དཔོན་སྦ་སྒོམ་གྱིས། ནམ་མཁའ་འདི་ཁོང་དུ་ཆུད་པར་གྱིས། དེ་རྟེན་མེད་དུ་རྟོགས་ན་སྒོམ་མེད་ཀྱི་གཟེར་ཆེན་ཐེབས་པ་ཡིན་གསུངས་པས། ངེས་ཤེས་གཏིང་ནས་འདྲོངས། དེ་ནས་དྭགས་པོ་གཞུ་རུ་བླ་མ་ཞལ་གདམས་ལ་གུ་རུ་ཞི་བ་སྡེ་སྐོར་བདུན་པའི་གདམས་པ་ཞུས། དེའི་ལྷ་ཟུར་དགོན་པར་བརྡའ་བཞི་འོ་་གསུམ་བསྐྱངས་པས་ཆོས་ཐམས་ཅད་ལ་བྱན་ཆུད།སྤྲོས་བྲལ་གྱི་དགོངས་པ་ནམ་མཁའ་ལྟ་བུར་སོང་། ལར་དཀའ་ཐུབ་ལ་ཤིན་ཏུ་བཀོད་པས། ཕུག་པོ་ཆེར་རྡོ་རྗེ་ཟམ་པ་ཞུས་ནས་བདུད་རྩིའི་དཀའ་ཐུབ་མཛད་པས་རིམ་གྱིས་རྫི་བར་མ་ནུས། གནུབས་ཤངས་པོ་ཆེའི་དྲུང་དུ་བླ་མའི་བྲན་གྱིས་དཀའ་ཐུབ་བྱས་པས་གར་ཕྱིན་དུ་བླ་མས་ཐུགས་ལ་འདོགས། དམ་པ་རྒྱ་གར་གྱི་དྲུང་དུ་རྟོག་དཔྱོད་ཀྱི་དཀའ་ཐུབ་བྱས་པས་ཆོས་ཐམས་ཅད་ལ་རང་བྱན་ཆུད། སྐྱིད་ཁུང་དུ་ཕུར་པའི་བཟླས་པ་ལ་དཀའ་ཐུབ་བྱས་པས་འཇིག་རྟེན་གྱི་ལྷ་འདྲེ་ཅི་སྨྲས་ཉན། ཇོ་བོ་བཀའ་གདམས་པའི་ས་རུ་ཞི་དུལ་གྱི་དཀའ་ཐུབ་བྱས་པས་གར་ཕྱིན་དུ་གཞན་གྱིས་བྱམས། ཡི་གེ་བཞི་ལ་མི་སྡོད་པ་གསུམ་གྱི་དཀའ་ཐུབ་བྱས་པས་བདེ་དྲད་འབར་ནས་གཅེར་བུ་ལོ་ལྔ་བྱས། དེ་ལ་ངེས་ཤེས་སྐྱེས་ནས་ཕག་མོ་མངོན་བྱུང་ལ་སྒྲུབ་པའི་དཀའ་ཐུབ་བྱས་པས་འགུར་མོའི་ནུབ་ཕྱོགས་སུ་རྗེ་བཙུན་མའི་ཞལ་གཟིགས། བརྡའ་མང་པོ་གནང་།གནུབས་ཡུལ་རོང་དུ་རྨི་ལམ་དུ་སྦྱངས་པས་སྣང་བ་ཐམས་ཅད་རྨི་ལམ་དུ་ཤེས། གཞོ་སྟོད་ཏི་སྒྲོའི་ཤེས་ཕུག་ཏུ་ཁྲོ་བོ་བདུད་རྩི་འཁྱིལ་བའི་ཞལ་མཐོང་། མི་མ་ཡིན་གཅིག་གིས་བསྙེན་བསྐུར་ཆེར་བྱས། བཙུན་གཟུགས་གཅིག་ནམ་མཁའ་ལ་འཕུར་ནས་ཕར་འགྲོ་ཚུར་འགྲོ་བྱེད་པ་མཐོང་ བཙལ་བས་མ་རྙེད་མི་ཡིན་མིན་མ་ཤེས་གསུངས། དྭགས་པོ་གཞུ་རུར་ཨ་ཛི་སྒྲུབས་པས་ཉི་མ་དྲོ་ཁར་ཞལ་གཟིགས། དམ་བསྲེ་བྱེད་སྙམ་ཙ་ན་ཇོ་མོ་ཕྱལ་ལོ་བྱོན་ནས། བུད་མེད་ཅན་ཟེར་ནས་འོད་གཅིག་ཏུ་ཡལ། ལྷ་ཟུར་དུ་བཅུད་ལེན་གྱི་བསྒྲུབ་པ་བྱས་པས་ཚ་དཔག་མེད་ཞལ་མཐོང་། ཆོས་མང་པོའི་རྣམ་གཞག་རྒྱུད་ལ་ཤར། ཨོ།་དཀར་བྲག་ཏུ་སྒྲུབ་པ་མཛད་པས་བདེ་མཆོག་ཡབ་ཡུམ་ཞལ་གཟིགས། ལན་གཅིག་འགྲོ་སྙིང་འདོད་པ་ཞིག་བྱུང་ནས། མོན་འགར་གྲོང་མོ་ཆེའི་མདུན་དུ་བྱོན། ཆུའི་རྫིང་མོ་ཞིག་ལ་ཐུབ་ཆོད་བྱས་མཆོངས་པས། འཁྱགས་པ་ཆག་ནས་ཆུར་བྱིང་། སྐྱེངས་པའི་རྣམ་རྟོག་ཅིག་ཤར་ཙ་ན། ཆུ་ལ་རླངས་པ་ནམ་མཁའ་མི་མཐོང་བ་ཙམ་བྱུང་། མི་རྣམས་ངོ་མཚར་སྐྱེས་དགུན་གྲང་བདོ་བ་ལ་ཆུ་དེ་ཙམ་ཚུགས་པ། ལྕགས་བསྲེགས་ཆུ་ལ་བཙུད་པ་་་པབ་ཕྱུང་ཟེར། རང་ལ་འཁྱགས་ང་འི་སྣང་བ་ནི་བྱུང་གསུངས། ཡང་ལན་གཅིག་ཇོ་མོ་དང་གཉིས་ཀྱི་ཤིང་འཐུར་ཕྱིན་པ་ཤིང་ཁུར་ཆེ་བ་གཅིག་རྙེད། དེ་ཁུར་ནས་མཐའ་ཆེན་པོ་ཞིག་གི་ཁར་སླེབ་པ་དང་། འདི་ནི་རྨི་ལམ་དུ་འདུག་སྙམ་ནས་མཆོངས་པས་བྱ་བབས་པ་བཞིན་དུ་སོང་། ཇོ་མོ་ན་རེ་བླ་མ་ཁྱེད་མི་མ་ཡིན་ཞིག་འདུག །དམ་པ་རྒྱ་གར་དྲན་ཟེར། དེ་ཡན་དུ་གདམས་པ་མང་དུ་མ་འཕེལ། གྲོང་ཆོག་མཛད་ཅིང་གསང་སྤྱོད་བསྐྱངས། དེ་ནས་ཐག་རིང་ནས་སློབ་མ་མང་དུ་བྱུང་ནས་འཕེལ། རེ་ཞིག་ན་བལ་བུ་དོར་ལ་སྤྱན་དྲངས། གདམས་ངག་གསུངས་པས། ཉི་མ་སྔ་དྲོ་དང་པ་ལ་འཇའི་གདུགས་དང་རེ་མིག་མང་པོ་བྱུང་།ཆོས་ཐོན་ནས་རི་འོ།གས་ལ་སྐྱོ་སངས་ལ་བྱོན། འཇའ་དེ་བླ་མ་གྲོངས་པའི་རྟགས་མི་དགའ་བ་མིན་ནམ་ཞུས་པས། ངའི་བླ་མ་སྦ་སྒོམ་གྱིས། འབར་སྟོན་ཤེས་རབ་གྲགས་སྤུན་གཉིས་ལ་གདམས་པ་འདི་གནང་བའི་དུས་ཀྱང་ངམ་ཇོ།ད་ལུང་པ་དང་། ཕུག་པོ་ཆེའི་རི་ལོགས་ཁེངས་པ་ཙམ་བྱུང་བ་ཡིན། གདམས་པ་འདི་ལ་རྟགས་འདི་འོང་གསུངས། ཡང་བླ་མ་འདི་འཛིན་ན་བཞུགས་པའི་དུས་སུ། སློབ་མ་ཇོ་སྲས་འཛང་གི་དྲུང་དུ་བྱོན་པས། མཆོད་རྟེན་རྩའི་གད་རྩ་གཅིག་ན་བཞུགས་འདུག །དེ་ནས་དབྱེན་ཁང་དུ་ཕྱིན་ཙ་ན་བླ་མ་འཛང་ནི་མ་མཐོང་། འོད་ཕུབ་ཙམ་ཞིག་འདུག །རྩར་ཉེ་ཙ་ན་འོད་དེ་མི་འདུག་ནས་དེ་ཅི་ཙུག་ལགས་ཞུས་པས།མཉམ་པར་གཞག་པའི་རྟགས་ཡིན་མི་ལ་མ་སྨྲ་གསུངས། ཡང་ཨ་ཇོ་དངོས་གྲུབ་ལ་མཛེ་བྱུང་བས། ངས་བཟླས་གྲོགས་བྱས་པས་མཛེ་ནི་མ་གསོས། ངས་ཕྱག་ན་རྡོ་རྗེའི་ཞལ་མཐོང་དགོད་བྲོ་གསུང་དེ་ལྟར་ཆོས་ཚུལ་གཞན་ལ་གྲགས་པའི་རོ་སྙོམས་དང་། ཆོས་དྲུག་དང་། གཅོད་ཡུལ་དང་། རིམ་པ་ལྔ་ལ་སོགས་པའི་གདམས་པའི་དོན་གྱི་ཐོབ་བྱ་གང་ཡིན་པ་ཉམས་འོག་ཏུ་ཆུད་པའི་འཛེང་སྒོམ་དྷརྨུ་སྟོ་དྷི་འདི་དགུང་ལོ་བརྒྱ་དང་གཉིས་ལོན་པའི་དུས་ཞིག་སྙུང་བ་ལྟར་བསྟན་པས། འཁོར་རྣམས་ཀྱི་བླ་མ་གྲོངས་ཀྱི་དོག་ཙ་ན། ཞལ་ནས་མདང་རྨི་ལམ་བཟང་ང་མི་འཆི་རྒྱའི་པོ་རའི་སྟེང་ན་འདུག་པ་ལ་ཉི་ཟླ་གཉིས་ཤར་བྱུང་། རུས་པའི་སྨིལ་པོ་མང་པོའི་སྟེང་ན་བུད་མེད་མང་པོ་འདུག་པས། བླ་མ་འཛེང་ཁྱོད་ལོ་བཞིན་ཤོག་ཟེར་བ་གཅིག་རྨིས་གསུངས། ཡང་རེ་ཞིག་ན། ངས་ལོ་མང་པོ་ལོན་ཏེ་ང་རང་ལའང་ཏིག་པོ་བཤད་རྒྱུ་མེད་གསུང་། དེ་ནི་རྟོག་དཔྱོད་ལ་འཛིན་པ་དག་པས་ནང་དུ་དགོངས་པ་ཟད་སར་འཁྱོལ་བའི་རྟགས་ཡིན་ནོ། །དེའི་འཁོར་རྣམས་ཀྱིས་དགེ་རྩ་གཅིག་མཛད་པར་ཞུས་པས། འདུས་བྱས་ཀྱི་དགེ་རྩ་ལ་ཐུགས་མི་གཏོད། བཅུད་ལེན་ཞིག་མཛད་པར་ཞུས་པས་ཀྱང་། བཅུད་ལེན་བྱས་ན་ལོ་བཅུ་ཙམ་ཚེ་བསྲེང་ནུས། དུས་ངན་གྱི་ཚེ་རིང་བ་ལ་དགོས་པ་མེད་གསུངས། གཞན་ལ་སྐྱོ་བ་ཡང་དག་བསྐུལ་ནས་སྐུ་གཤེགས། སྦུར་སྦྱངས་པས་ནམ་མཁའ་འཇས་གང་། མཆོད་རྟེན་དང་རིང་བསྲེལ་ཡང་མང་དུ་བྱོན་ནོ། འདི་ནི་ཚོགས་པ་བསྐྱངས་པས་སྙིགས་མ་འཇའ་ལུས་སུ་མ་དེངས་ཀྱང་། དོན་གྱི་ཀ་དག་ཆོས་ཟད་ཀྱི་ས་ལ་མྱ་ངན་ལས་འདས་པའི་རྟགས་མཐའ་དག་ཚང་ཞིང་སྙན་བརྒྱུད་རྡོ་རྗེ་ཟམ་པའི་དར་རྒྱས་ཀྱང་འདིའི་རིང་ནས་ཆེ་བར་བྱུང་སྟེ་དངོས་གྱི་སློབ་མ་ཡང་། སློབ་དཔོན་ཀུན་བཟང་དང་། འཛང་ཇོ་སྲས་དང་། བཙན་ཐང་པ་ཉང་དྷརྨ་སིརྙི་དང་། སློབ་དཔོན་གསེར་ལུང་པ་དང་། བླ་མ་དུ་མ་ངུ་རྡོ་རྗེ་རྒྱལ་མཚན་དང་། གཟིགས་ཡེ་ཤེས་དབང་པོ་དང་། གཡག་སྟོན་ཟླ་བ་འོད་ཟེར་ལ་སོགས་མང་དུ་བྱོན་ནོ། །དགུང་ལོ་ཡང་བརྒྱ་དང་བཅུ་བདུན་ལོན་ཚ་གཤེགས་པ་ཡིན། འདི་ཇོ་འབྲོམ་དང་།ཕྱ་པ་ཆོས་ཀྱི་སེང་གེ་དང་། རྗེ་བཙུན་མི་ལ་དཔོན་སློབ་དང་སྔ་ཕྱིར་ཐོག་མཉམ་པ་ཙམ་ཡིན་ནོ། །དེ་ལ་འཛང་ཇོ་སྲས་ནི། སྔགས་པའི་རིགས་ལ་བཙས་པས་ཆུང་ངུ་ནས་ཡིག་རྩིས་ལ་སྦྱངས། འོལ་ཁའི་ལྷ་བྲིས་པ་ལ་སྒྱུ་འཕྲུལ་ལ་སོགས་རྙིང་མ་དང་། དགྱེས་རྡོར་དང་མཚན་བརྗོད་ཞུས། དེར་སློབ་དཔོན་ལྟ་བྲིས་པས་འདས་ཀར། ངས་གཞུང་ཆེན་པོ་འདི་ཙམ་ཤེས་ཀྱང་འཆི་ཁར་ཕན་པ་ཨ་ར་ཐུན་བདུན་ལས་མ་བྱུང་། ཁྱད་ཀྱང་གཞུང་མ་བསླབ་པར་གདམས་ངག་ཁོ་ན་ལ་ནན་ཏན་གྱིས། དྭགས་པོ་ན་ཁྱོད་རང་གི་བླ་མ་འཛང་བྱ་བ་ཞིག་ཡོད་འདུག་པ་དེར་སོང་ཞེས་ལུང་བསྟན། གང་བར་དུ་རྫོ་གས་ཆེན་ལྷུན་གྲུབ་མཁན་སློབ་དཔོན་ཟེམ་གྱི་སར་དབྱར་དགུན་ཐོག་དྲུག་སྡད་ཀྱང་ཐུགས་ལ་མ་བཏགས། གདམས་ངག་གིས་སྤྲོས་པ་མཆོད་ནས་སློབ་དཔོན་འཛང་ལ་དཔལ་ལུང་དུ་རྡོ་རྗེ་ཟམ་པ་ཚར་གསུམ་ཞུས། བྱིན་བརླབས་མཛད་ནས། ཁྱེད་རང་རེ་ཞིག་གཙང་ལ་སོང་ལ་གཞུང་སློབ། གཙང་ནས་འཁོར་ཙ་ན་ཨ་མི་དགོན་པ་གཅིག་ཀྱང་སྡོགས་གྱིས་གསུངས། དེར་གདམ་པ་མི་གནང་བར་དགོངས་ནས། གཞན་སུས་ཤས་དྲིས་པས། གྲ་ཕྱིའི་ཇོ་སྲས་ཞང་ལ་སྐྱབས་བྱ་བས་ཤེས་གསུངས། དེ་ལ་ཞུ་བར་སེམས་ཙ་ན་ཁོང་གྲོངས། ཡང་དྭགས་པོ་རང་དུ་ལོག་ནས་འཛང་ལ་ཞུས་པས་ཀྱང་མ་གནང་། སློབ་མ་གཅིག་ལ་ཞུ་བསམ་ནས། ་།་སྐྱམ་དུ་སློབ་དཔོན་ངུའི་སྤྱན་སྔར་ཕྱིན་ཙ་ན། རེ་བ་ཙམ་བཅོས་ནས་འདིར་མི་འོང་ད་དུང་དྭགས་པོར་སོང་ལ་ཞུས་གསུངས། ཡང་དྭགས་པོར་བྱོན་ནས་ཞུས་པས། ཅིས་ཀྱང་འདོད་ན་གདམས་པ་ལ་ནན་ཏན་བྱེད་དགོས་པ་ཡིན་གསུངས་ནས་རྫོགས་པར་གནང་དབྱར་དགུན་ཐོག་འགའ་སློབ་དཔོན་གྱི་དྲུང་དུ་བསྡད། འོ་་དྲུག་ཙམ་འོ་ན་ནས་ཕྲན་ཚེགས་རྣམས་ཀྱང་རྫོགས་གཞན་ལ་བྱིན་བརླབས་མཛད་པའི་ལས་སློབ་ཀྱང་བྱས། ཐོད་པའི་སློབ་མ་རོག་པོ་དགའ་དང་། མ་ཇོ་ཟློ་བ་ལ་སོགས་པ་ལྔ་ཅུ་རྩ་བཞིས་རྡོ་རྗེ་ཟམ་པ་ཞུས་པས་ཇོསྲསཀྱི་།ད། ཁྱེདཚོསཉོན་གསུངས་ནས་སློབ་དཔོན་གྱིས་ཁྲི་ཁ་ནས་གསུངས། དཔོན་སློབ་གཉིས་ལོ་ངོ་བཅོ་བརྒྱད་ཙམ་དུ་འགྲོགས། གདམས་ངག་གི་བཀའ་ཕོག་ནས་བརྒྱུད་འཛིན་དུ་བསྐོས་སོ། །དེ་ལྟར་འཛང་དྷརྨུ་སྟོ་དྷི་དང་ཇོ་སྲས་འཛང་ཆུང་སྨྱོན་པ་གཉིས་ཀའི་སློབ་མ་སློབ་དཔོན་ཀུན་བཟང་ཡན་ཏེ། དེ་ནི་ཁུ་བོ་ཕ་ཇོ་དབུས་པ་ཕག་མོ་གྲུབ་པའི་སློབ་མ་སྒོམ་ཆེན་བཟང་པོ་ཞིག་ཡིན། མ་ཟི་གཟའ་དེས་ཆོག་བྱ་བ་མ་ཇོ་སྨྱོན་མ་བསམ་འུགྲུབ་བྱ་བ་ལ་ཆོས་ཐོས་པ་གཉིས་ཀ་ལ་རྨི་ལམ་གྱི་བལྟས་བཟང་པོ་དང་བཅས་ཏེ་འཁྲུངས། ལོ་བརྒྱད་དགུ་ལ་སློབ་དཔོན་ཀོར་སྟོན་ར་ཛ་ལ་སློབ་གཉེར་ཅུང་ཟད་རེ་བྱས། བཅོ་ལྔ་ལོན་པའི་ཚ་ཁོང་གྲོངས་ནས་སློབ་དཔོན་ངུའི་གམ་དུ་ལོ་ལྔ་ཙམ་ཞི་ཞིང་སྡད་ནས་ཞབས་ཏོག་འུགྲུབ་ཚད་བྱས། གསེར་ལུང་དགོན་པར་སློབ་དཔོན་ངུའི་སར་ཇོ་སྲས་འཛང་དང་མཇལ་ནས། འཛང་གི་གསང་བསྒྲུབ་དང་ཕག་མོ་མངོན་འབྱུང་ཞུས། རྡོ་རྗེ་ཟམ་པ་ལྷག་མ་ལུས་པར་དབུ་སྙུང་བཞེས་པའི་ནུབ་ཀྱི་རེ་ལ་སློབ་དཔོན་གཉིས་ཀ་ལ་རྨི་ལམ་བཟང་པོ་རྨིས། དེར་འཛང་ཆུང་བས་ཁྲིད་ནས་འཛང་དྷརྨུ་སྟོ་དྷི་དང་མཇལ་བའི་ཚ། བཅོ་ལྔའི་ཟླ་བའི་རུབ་ན་སྐར་མ་གཉིས་ཐིམ་པ་རྨིས། འཛང་ཆེན་པོ་ལ་རྡོ་རྗེ་ཟམ་པ་ཚར་གཅིག་ཞུས། དེ་ནས་འཛང་ཇོ་སྲས་སྨུང་རིངས་སུ་སྤྱན་དྲངས་ནས་རྡོ་རྗེ་ཟམ་པ་ཚར་བདུན་ཞུས། དགས་པོར་གུན་ཐོག་བཞི་ཕྱིན། རྡོ་རྗེ་ཟམ་པ་ཚར་ཕྱེད་པ་གཅིག་དང་བཅུ་བཞི་ཐོབ། ཇོ་སྲས་དང་ལོ་བརྒྱད་འགྲོགས་ནས་རྡོ་རྗེ་ཟམ་པ་ཚར་བདུན་ཞུས། ཕྱི་ནས་ཤོ་རུ་ཚར་གཉིས། གསེར་ལུང་དུ་ཚར་གཅིག །གཞན་ལ་གསུང་འཕྲོར་མཇལ་བ་དང་དྲིལ་པས་འཛེང་མེས་དཔོན་གཉིས་ལ་རྡོ་རྗེ་ཟམ་པ་ཚར་སུམ་ཅུ་རྩ་ལྔ་ཐོབ། གཉིས་ཀའི་གདམས་པ་བཀའ་བབས་ནས་གཞུང་བཤད་ཆེ་ཆུང་གཉིས་ཀྱང་མཛད་དོ། །འདི་ལ་སྲས་སྤྲུལ་སྐུ་འོད་འབར་སེདྷི་བྱ་བ་བྱུང་།དེ་ནི་བློ་རྣོ་བ། ཤེས་རབ་ཕུན་སུམ་ཚོགས་པ་ཞིག་སྟེ། ལོ་བཅུ་བཞི་པ་ལ་རྡོ་རྗེ་ཟམ་པ་གསུངས། དེས་རྒྱུད་འཛིན་ཇོ་མགོན་ལ་གནང་། དེས་བྱ་མེད་ཚུལ་རིན་ལ་གནང་ངོ་། །ཡང་འཛེང་གི་ཡར་ཀླུངས་བཙན་ཐང་པ་ཉང་དྷརྨུ་སིརྙི་ལ་རྡོ་རྗེ་ཟམ་པ་བཤད་པས་བྱིན་བརླབས་ཞུགས། རྟོགས་པ་ཐོད་རྒལ་དུ་སྐྱེས། དུར་ཁྲོད་དགོན་པར་བཞུགས་ཏེ་འགྲོ་དོན་རྒྱ་ཆེན་པོ་མཛད། མཐར་དགུང་ལོ་དོནབདུན་པ་ལ་གཤེགས། འདི་ནས་བརྒྱུད་པའི་གཞུང་བཤད་ཀྱང་ཡོད་དོ། །དེའི་སློབ་མ་བཛྲ་བཱ་ཁི། དེའི་སློབ་མ་བླ་མ་ལྟའོ། །ཡང་འཛེང་གིས་གསེར་ལུང་བ་ལ་བཤད། དེས་སློབ་དོན་རང་གྲོལ། དེས་སྲས་པཆོས་རིན་ལ་བཤད་དོ། །ཡང་འཛིང་མཚན་ལ་བཤད། དེས་དུ་སྟོན་དད་པ་བརྩོན་འགྲུས། དེའི་སློབ་མ་ཞིག་གིས་བྱས་པའི་གཞུང་བཤད་ཀྱང་ཡོད། ཡང་འཛེང་གི་གཟིགས་ཡེ་ཤེས་དབང་པོ། །དེས་མཁན་པོ་ལ་ཁ་བ། དེས་སློབ་དཔོན་མགོན་སྐྱ་བ། དེས་སློབ་དཔོན་གི་རི་བ། དེས་སོ་སྟོན་པ་ལ་བཤད་དེ་སོ་སྟོན་གྱི་གཞུང་བཤད་ཀྱང་སྣང་ངོ་། །ཡང་འཛེང་གིས་སྦུང་རིང་སྟོན་པ་ཟླ་བ་འོད་ཟེར། ངེས་ཀློག་སྟོན་དགེ་བདུན་སྐྱབས། འདི་ནས་བརྒྱུད་པའི་གཞུང་བཤད་ཀྱང་ཡོང།། ཡང་སྐྲུང་རིང་གཡག་སྟོན་གྱིས་ལོ་བརྒྱ་ལ་ཉེ་བ་ལ་ཐུབ། དེས་འོ་ན་ནག་སྟོད་པ་གླ་རུ་བན་དེ་ལ་བཤད་ནས་ཀྱང་དར། ཡང་འཛང་གིས་སྐྱེ་ཚ་ཡེ་ཤེས་དབང་ཕྱུག་ལ་བཤད་དེས་གཟིགས་ཡེ་ཤེས་དབང་པོ། །དེས་མཁན་ཆེན་ངུར་པ། དེས་སྟོན་བཛྲ་ཤྭ་ར། དེས་མཁན་ཆེན་བསོད་ནམས་རྒྱལ་མཚན། དེས་མཁན་ཆེན་ཤེས་རབ་རྒྱ་མཚན། དེས་མཁན་ཆེན་གཞོན་ནུ་ཤེས་རབ། དེས་སློབ་དཔོན་གཞོན་ནུ་གྲགས་པ། དེས་མཁན་ཆེན་སངས་རྒྱས་བཟང་ཕོ། །དེས་བླ་མ་བརྩོན་འགྲུས་དབང་ཕྱུག །དེས་མཐའ་བཞི་གྲགས་པ་རིན་ཆེན། དེས་སློབ་ཤཱཀྱ་རྒྱལ་པ། འདི་སྐུ་གཞོན་ནུའི་ཆ་ཁྲབ་ལ་ཁར་རབ་ཏུ་བྱུང་། ལོ་དུས་ལ་བསྙན་པར་རྫོགས། མཛོད་དང་འདུལ་བ་ལ་བྱང་བས་སྐྱོར་ལུང་དུ་གྲ་སྐོར་མཛད། ཐུགས་དམ་འཕེལ་བར་བཞུགས་པ་ལ།སྐུ་ན་ཧ་ཅང་མཐོ་བས་སྤྱན་མི་གསལ་ཡང་གཞན་གྱིས་སྤྱན་ཚབ་བྱས་ཏེ་རྗེས་སུ་བརྗོད་ནས་གསུང་བ་སོགས་ཐུགས་བསྐྱེད་ཤིན་ཏུ་ཆེ། དགུང་ལོ་བརྒྱར་ཉེ་བར་བཞུགས་ནས་གཤེགས་པའི་རྗེས་ཐུགས་ལས་རིང་བསྲེལ་ཟད་པ་མེད་པར་བྱོན་པ་བྱུང་། འདིས་འགོས་ལོ་གཞོན་ནུ་དཔལ་ལ་གསུངས་བ་ཡིན་ནོ། །རྡ་་རྗེ་ཟམ་པའི་ལོ་རྒྱུས་བཤད་ཟིན་ཏོ།། །།ད་ནི་མན་ངག་སྡེའི་ཤིང་རྟ་ཆེན་པ་སློབ་དཔོན་བི་མ་ལ་ལས་བརྒྱུད་པའི་སྙིང་ཏིག་གི་ལོ་རྒྱུས་བཤད་པར་བྱ་སྟེ། དེ་ལ་བདག་གཞིའི་མིང་ལ་བརྟེན་ནས་ཡང་ཏི་དང་སྤྱི་ཏི་ལ་སོགས་པ་འགོག་མོད། གནད་ལས་གནད་དུ་བསྡུས་པ་མིང་དུ་མི་འགྲུབ་ན། འདུལ་བའི་འདུལ་བ་དང་། འདུལ་བའི་མངོན་པ་དང་། འདུལ་བའི་མདོ་སྡེ་ལ་སོགས་པ་དང་། དེ་བཞིན་དུ་ཆོས་སྐད་གཞན་སྟོང་པ་དང་། སྟོང་པ་ཆེན་པོ་དང་། ཤིན་ཏུ་སྟོང་པ་དང་། །རབ་ཏུ་སྟོང་པ་ལ་སོགས་པའང་ཉམས་ཉེས་པར་བྱས་སོ། །འདི་ནི་རྣམ་པའི་ཚིག་ཁོ་ན་ལ་རྟོག་ཅིང་དོན་ལ་རྟོན་པ་མི་བསམ་པ་སྟེ། སྟོང་པ་སྟོང་དུ་བགྲོད་མེད་པས་སྟོང་པ་ཉིད་སྟོང་པ་ཉིད་ཅེས་བྱ་བ་མི་འཐད་དོ་ཟེར་བ་ལྟ་བུའོ། །དེ་བཞིན་དུ་གདུང་ཆེན་ལྔར་དང་པོའི་སངས་རྒྱས་ཀྱི་རྣམ་པར་གཞག་ཅིང་། དངོས་སུའང་གྲུབ་ན། ཤ་རུ་རམ་གཅིག་པོའི་སྐད་དོད་ལ་ཕུག་གཏུགས་པ་མ་ཡིན་ཏེ། ས༷་སྐྲི་ཏའི་སྐད་ཁོ་ནས་བཤད་པ་ནི། དྲང་དོན་དང་། དུས་ཀྱི་འཁོར་ལོ་ལྟར་སྐད་ཆེན་པོ་བཅོ་བརྒྱད་ཀྱིས་བཤད་པ་ལ་ངེས་དོན་ཡིན་པ་མཁས་པ་རྣམས་ལ་གྲགས་པའི་ཕྱིར་རོ། །དེ་བས་ན་སྔ་འགྱུར་གྱི་རྒྱུད་རྣམས་ལ་ནི། མཁའ་འགྲོ་དང་མི་མ་ཡིན་གྱི་བརྡའ་སྐད་ལ་སོགས་རྣམ་གྲངས་བསམ་གྱིས་མི་ཁྱབ་བོ། །འདིར་ཏིག་ལ་ཏིག་དུ་བྱས་པའང་ཇི་སྐད་དུ། ཏིག་ནི་ཤེས་རབ་མིང་དུ་སྨྲ། ཞེས་བརྡའ་སྙིང་དུ་མི་འགལ་ལ། ལར་དབང་པོ་རབ་ཀྱི་རྒྱུད་ལ་སོགས་པའི་མཚན་སྨོས་པ་ཁོ་ནས་དོན་ཤེས་པའི་དགོངས་པ་འཇོག་པའི་ཕྱི་་་འདི་དག་ལ་འཐད་པ་མ་གྲུབ་ན། ལི་ཤིའི་གུར་ཁང་ནང་དུ་འགལ་འབྲེལ་གྱི་མིག་མངས་རིས་ལ་བརྩེ་བར་བྱའོ། །དེ་ལ་ཉང་ཏིང་འངཛན་བཟང་པོ་དེ་ཕུང་པོ་ལྷག་མེད་དུ་དེངས་ནས་ལོ་བརྒྱད་ལོན་ཅིང་ཉང་མི་དར་མ་དང་དུས་མཚུངས་པ་དབུ་རུ་གཞོའང་ལྡང་མ་དགེ་མཆོག་གི་བུ་གནས་བརྟན་ལྡང་མ་བ་ལྷུན་གྲུབ་རྒྱལ་མཚན་ཞེས་བྱ་བ། ངོ་བོ་བི་མ་ལའི་སྤྲུལ་པར་གྲགས་ཀྱང་རྣམ་པར་ཤེས་པ་ལྐོག་ཏུ་གྱུར་པ་རྣམས་ལ་གནས་བརྟན་དཀྱུས་མའི་ངང་ཚུལ་དུ་སྣང་བ་ཞིག་ལ་རྡོ་རྗེ་ལེགས་པས་ལུང་བསྟན་ནས་སྔར་སྦས་པའི་གཏེར་རྣམས་ཕྱུང་། སྦས་བློ་གྲོས་ལ་ཚིག་རྒྱུད་ཀྱང་མཉན་ནས་ཆོས་ཉིད་ཡིད་སྤྱོད་དུ་མ་ལུས་པར་ཉམས་སུ་བླངས། མན་ངག་རྙེད་ནས་བཅ་ལྔ་པ་ལ་བཤད་རྒྱུད་བཞག་པའི་སྣོད་འཚོལ་དུ་བྱོན་པ་ན། ཉང་སྟོད་ནས་ལྕེ་བཙུན་སེང་གེ་དབང་ཕྱུག་ཅེས་བྱ་བ་རྙེད། དེ་ལ་གདམས་པ་རིམ་པ་བདུན་དུ་བཏབ། དེ་ད་་་ཉེ་བར་ཁ་རག་སྒོམ་ཆུང་ལའང་བཏབ་པས་ཁོང་ཡང་དེས་གྲོལ། ལྕེ་བཙུན་ལ་དཔེ་རྣམས་དག་པར་བྲས་ལ་ཁྲིའི་ཟླ་བ་ལ་སྐྱོལ་ཅིག་གསུངས། ཕྱི་ཞག་ལྕེ་བཙུན་གྱིས་འབུལ་བ་ཤིན་ཏུ་མང་པོ་དང་བཅས་བྱོན་པས་སྙེད་ཐང་དུ་མལ་གྲོའི་ཉང་བཀའ་གདམས་པ་བྱ་བ་ད་་་ཕྲད། དེས་ལྡང་མ་གཤེགས་པའི་གཏམ་བཤད་པས། འབུལ་བ་རྣམས་གནས་གཞི་ཞིག་འདུག་པའི་དགེ་བདུན་རྣམས་ལ་ཕུལ། ཉང་བཀའ་གདམས་པ་ན་རེ། ལྡང་མ་དེ་གནས་བརྟན་ཡིན་པ་ཙམ་ལས་གང་ཟག་བཟང་པོར་སྔར་སུས་ཀྱང་མ་རྟོགས། སྐུ་གཤེགས་པའི་དུས་ནམ་མཁའ་འཇས་ཁེངས། སྐུ་གདུང་དང་རིང་བསྲེལ་དཔག་ཏུ་མེད་པ་བྱོན་པས་ཐམས་ཅད་ངོ་མཚར་ཞིང་འགྱོད་པ་སྐྱེས་གདའ། ཁྱེད་ཀྱང་འབུལ་བ་འདི་ཙམ་ཁྱེར་ལུགས་ཀྱིས་གདམས་ངག་ཁྱད་པར་ཅན་ཡོད་མཆིས་པས་བདག་ལ་སྩོལ་ཅིག་ཞུས་པས་གདམས་པ་བྱིན། དེས་གཞོའང་ཏ་སྒྲོ་བྲག་ལ་ལོ་གཉིས་སྒོམས་ནས་ཕུང་པོ་ལྷག་མེད་དུ་སོང་བ་ཡིན་ནོ། །དེ་ལ་ལྕེ་བཙུན་ཆེན་པོ་ནི། ཡུལ་ཉང་རོང་གཉན་ཚོའ་ལྕེ་ཐུབ་པའི་དབང་པོ་ཞེས་བྱ་བའི་བུ་གཞོན་ནུ་ནས་ཆོས་མང་པོ་ལ་ཐོས་པའི་ཕ་རོལ་ཏུ་སོན་པ་ཞིག་ཡིན། གནས་བརྟན་ལྡང་མ་བ་དང་རི་གཟར་རྒོད་པོ་ལུང་དུ་མཇལ། ཁ་རག་ཏུ་གདམས་པ་གསུང་བའི་དུས་བཏབ་དེ་རྫོགས་པར་ཐོབ། སློབ་དཔོན་གཤེགས་ནས་གཏིང་དཔེ་རྙིང་པ་རྣམས་ལང་འགྲོ་ཆད་པ་སྟག་འདྲའི་ཆུ་མིག་གི་རྩ་དང་འུ་ཡུག་དང་། ཇལ་གྱི་ཕུ་སྟེར་ཁ་གསུམ་དུ་སྦས། འུ་ཡུག་ནས་ཤངས་མན་ཆོད་ཀྱི་རི་རྒྱུད་རྣམས་ལ་འཕོ་ཞིང་སྒོམ་པའི་ཚ། རྨི་ལམ་ན་ཨ་ཙ་ར་གཅིག་བྱུང་ནས། བདག་ནི་བི་མ་མི་ཧྲ་མཁས་པ་སྟེ། །སྐལ་ལྡན་སྙིང་པོ་ཡང་བཅུད་དོན་འདོད་ན། །མཆམས་ཕུ་བྲག་དམར་དགེ་གོང་ཡར་འདེབས་ལ། །གསང་བ་སྙིག་ཏིག་སྙིང་དང་འདྲ་བ་ཡོད། །དེ་དག་ཁྱེར་ལ་འུ་ཡུག་པྱི་གོང་དུ། །སུས་ཀྱང་མཐོང་བ་མེད་པར་ལོ་བདུན་སྒོམ། །ཟག་བཅས་ཕུང་པོ་སྣང་བ་མ་ཡིན་ནོ། །ཞེས་གསུང་བ་ཐོབ་ནས་མཆིམས་ཕུར་བྱོན། བུད་མེད་དུང་སོ་འཁོར་མ་གཡུའི་སྨིན་མ་ཅན་ཞིག་གིས་དཔེ་རྣམས་བྱིན། སླར་འུ་ཡུག་ཕྱི་གོང་རྫའི་ར་བར་བཞུགས་པས་བི་མ་ལ་དངོས་སུ་བྱོན། ཟླ་བ་ཕྱེད་དུ་དབང་ཁྲིད་གདམས་པ་རྫོགས་པར་གནང་ནས་སློབ་དཔོན་བི་མ་ལ་རྒྱ་ནག་ཏུ་གཤེགས། དེ་ནས་ལྕེ་བཙུན་གྱིས་ལོ་བདུན་སྒོམས་པས་ཕུང་པོ་ལྷག་མེད་གྲུབ། སྤྲུལ་པའི་ཞང་སྟོན་ལ་གདམས་ངག་རྫོགས་པར་བྱིན་ནས། ལོ་བརྒྱ་དང་ཉི་ཤུ་རྩ་ལྔ་ན་ནམ་མཁའ་ལ་འཇའ་འོད་ཀྱི་ཕུང་པོ་གཅིག་ཏུ་གཤེགས་སོ། །གཏེར་སྦས་པའི་ལོ་སུམ་ཅུ་ན་རོང་སྣར་མདའི་ལྕེ་སྒོམ་ནག་པོས་ཁ་ཤས་བཏོན་ནས་རང་ཉམས་ལོངས་ཤིང་། གཞན་མང་པོ་ལའང་བཤད། དེ་བཞིན་དུ་ལང་གྲོ་འཆད་པ་ལྟག་ནས་ཤངས་པ་རས་པ་ཞེས་བྱ་བས་ཀྱང་བཏོན་ནས་དར་རྒྱས་བྱུང་ཞེས་གྲགས། །དེ་ལ་ཞང་སྟོན་ནི། ཡུལ་ཡར་འབྲོག་དོ་ནང་དུ་འཁྲུངས། མཚན་བཀྲ་ཤིས་རྡོ་རྗེ་ཞེས་བྱ་སྟེ། ལོ་བཅུ་གཅིག་པར་བླ་མ་ལྕེ་སྒོམ་ལ་གདམས་པ་མང་དུ་ཞུས། དེ་ནས་ཉི་ཤུ་རྩ་གཅིག་གི་བར་མཁས་གྲུབ་ཀྱི་བླ་མ་མང་དུ་བསྟེན་ནས། སྡེ་སྣོད་གསུམ་དང་རྒྱུད་སྡེ་གསར་རྙིང་གི་ཕྱོགས་ཐམས་ཅད་ལ་སྦྱངས་བས་མཁྱེན་རབ་ཀྱི་པཟློ་རྒྱས། ནག་སྟོད་ཁུ་ཡུལ་ན་ཡོད་པའི་ཚེ། ནམ་མཁའ་ལས་བླ་མ་དང་། ཐུགས་རྗེ་ཆེན་པོ་སྒྲོལ་མ་ལ་སོགས་པའི་ཞལ་མཐོང་ཞིང་ལུང་བསྟན་ཐོབ། རྡོ་རྗེ་ལེགས་པ་མི་དཀར་ཞྭ་དཀར་ཅན་དུ་བྱས་པས་དངོས་གྲུབ་བྱིན་གྱིས་འདོང་ཟེར་ནས་ཁྲིད། ཉང་སྨད་པ་ཚབ་དུ་ལྷ་གསོལ་བ་མང་པོས་བཟའ་བཏུང་བྱིན་པས་དངོས་གྲུབ་དེ་ལ་ཟེར་རམ་སྙམ་ཙ་ན། མི་དཀར་དེས་དངོས་གྲུབ་གཞན་དུ་ཡོད་ཀྱི་འདོང་ཟེར་འོད་ཀྱི་ལམ་སྣ་བྱས་ནས་བྱོན། ཁང་སྟོང་ཞིག་ཏུ་ཉལ་བས་འདིར་མི་རུང་ཟེར། བྲག་ཕུག་གཅིག་ཏུ་བྱོན་ཙ་ན་ཁ་སྟོང་འགྱིལ། ཁོའི་སྤྲུལ་པས་བཟའ་བཏུང་ཡང་བྱིན། འོ་ཡུག་མདའ་ན་འཁྲུག་ཆེན་པོ་ཡོད་པ་ཡང་རྡོ་རྗེ་ལེགས་པས་སྒྲིག་ནས་དམག་གིས་མ་མཐོང་། དེར་བྲག་སེང་གེ་འདྲ་བའི་རྩེར་སླེབ་ཙ་ན་ཁོ་སྟོར། ཕྱིར་ལོག་གོ་སྙམ་ནའང་མ་ཐར། ཆ་མ་ཕྱེད་པའི་ངང་ལ་བལཏས་ཙ་ན་བྲག་ཕུག་ཁ་བྱང་བསྟན་གྱི་སྒོ་རྩས་འགགས་པ་མཐོང་། དེ་བྲུས་པས་དང་པོར་སྦྲུལ་དང་སྦལ་པ་ཤིག་ཤིག་སྣང་། དེ་ནས་ཁ་བྱང་རྙེད་དུས་མི་དཀར་དེས་སྒྲོན་མེ་བཏེག་བྱུང་བས།དར་གཅིག་ན་གདོང་དང་སྐད་ཤིན་ཏུ་མི་བསྲུན་པ་ཞིག་བྱུང་། ཁོས་བརྡའ་སྦྱར་བས། ངས་ཨ་ལྕེ་བས་ཀྱང་ཟེར་བའི་མོད། ཨེ་ཀ་ཙ་ཏི་སྤྱན་གཅིག་ཁྲལ་ཏུ་ཁོལ་བས། མཆེ་བ་གཙིགས་ཤིང་བལྟར་མི་བཟོད་པ་ཙམ་དུ་བྱུང་། ཁོས་འདི་ནི་ལུང་བསྟན་པ་དེ་འོ་བྱས་པས། ཚོགས་འཁོར་བརྒྱ་རྩ་བརྒྱད་ཐོང་། ལོ་གསུམ་དུ་སུ་ལའང་མ་བཤད་ཟེར། བྲག་ཕུག་གི་སྒོ་རྩ་ནས་གཡུ་གཉིས་རྙེད་པ་ལས་རྒྱུ་བྱས། ཚོགས་འཁོར་བརྒྱ་རྩ་བརྒྱད་བཏང་། ལོ་ཉི་ཤུ་རྩ་ལྔ་ལ་དབུས་སུ་བྱོན། མཆིམས་ཕུ་ནས་བི་མ་ལའི་ཆོས་གཏེར་ཡང་ཐོན། དངོས་དང་ཞལ་མཇལ་ནས་རྗེས་གནང་ཐོབ། སླར་ཤངས་རྟ་ནག་དུ་བྱོན་པའི་ཟ་མཁར་ལྕེ་བཙུན་ཆེན་པོ་དང་མཇལ། གསང་བ་སྙིང་ཏིག་གི་གདམས་པ་རྫོགས་པར་ཐོབ། སྐུ་ན་མཐོན་པོར་སོང་ནས་རྒྱུད་འཛིན་གྱི་སླད་དུ་སྲས་ཉི་འབུམ་བསྐྲུན་ངས་ཚོགས་པ་མ་བསྐྱངས་ན་ཕུང་པོ་ལྟག་མེད་འོང་བ་ཡིན་གསུངས། ལུས་ཤིན་ཏུ་སྦྱངས་པ་བྱང་ཆུབ་གྱི་ཡན་ལག་ལ་དབང་ཐོབ་པས་རེས་འགའ་རྒྱལ་བ་རིགས་ལྔར་གསལ། སྐུ་ལུས་ལ་གྲིབ་མ་གཏན་མི་མངའ། རྫོགས་པ་ཆེན་པོ་ཆོས་གསུང་དུས་འཇའ་གུར་འཁྱེལ་བ་སོགས་ངོ་མཚར་གྱི་ལྟས་མང་པོ་ཡོང་། དགུང་ལོ་བདུན་ཅུ་དོན་གཅིག་པ་མེ་མོ་ཕག་གི་ལོ་ས་ག་ཟླ་བའི་ཉེར་གཉིས་པ་ཤར་ཕྱོགས་ནམ་མཁའ་ལས་སྒྲ་ཆེན་པོ་ལན་བདུན་སྒྲགས་ཤིང་ས་ཆེན་པོ་འདི་ལན་གསུམ་གཡོས། འཇའ་དང་།འོད་དང་། སིལ་སྙན་གྱི་སྒྲ་དང་། དྲི་ཞིམ་གྱི་ངད་ལ་སོགས་པ་གདོད་མའི་ས་ལ་མངོན་པར་བྱང་ཆུབ་པའི་རྟགས་མ་ལུས་པ་བསྟན་ཏེ་གཤེགས་སོ། །དེའི་ཕྱི་ནུབ་པུར་སྦྱངས་པས་གདུང་ཆེན་ལྔ་དང་། རིང་བསྲེལ་ཁ་དོག་ལྔ་པ་སྐུ་ལྔའི་རྒྱལ་ཚབ་དུ་བཞག །མེ་ཏོག་གི་ཆར་དང་འཇའི་གུར་ལ་སོགས་པས་འགྲོ་བ་མང་པོ་དད་པའི་གནས་ལ་སྦྱར་ཞིང་རང་བཞིན་གྱི་བསམ་གཏན་ལ་གནས་པ་བྱུང་ངོ་། །དེའི་སློབ་མ་སྲས་ཉི་འབུམ་སྟེཡུམ་རྒྱལ་མོ་གཡང་ངེའི་ལྷུམས་སུ་ཞུགས་པའི་དུས་ཉི་མ་མང་པོ་དུས་གཅིག་ལ་ཤར་བྱུང་བས། ཡབ་ཀྱི་སེམས་ཅན་གྱི་མ་རིག་པའི་མུན་པ་བསལ་བར་ལུང་བསྟན་ནས་ཉི་མ་འབུམ་དུ་བཏགས། ལོ་ལྔ་ནས་རིམ་པར་ཡབ་ལས་གསང་བ་སྙིང་ཏིག་གི་དབང་ཁྲིད་གདམས་པ་ཉམས་འོག་ཏུ་ཆུད་པར་མཛད། དགུང་ལོ་བཅུ་པ་ལ་ཆེ་སར་སྟོན་དུས་རྒྱུད་བཅུ་བདུན་ལ་བཤད་པ་མཛད་པས་བུ་སློབ་ཀུན་ངོ་མཚར་སྐྱེ་བ་བྱུང་། ལོ་ཉི་ཤུ་བར་དུ་བསྒྲུབ་པ་ཁོ་ན་ལ་ནན་ཏན་མཛད་དེ་ནས་རྗེས་ཐོབ་སྒྱུ་མ་ལྟ་བུའི་ཏིང་འཛིན་དང་འགྲོགས་ནས་རྗོག་རྒྱལ་རྩེའི་སར་གསར་མའི་རྒྱུད་མན་ངག་དང་བཅས་པ་ལ་གསན་པ་མཛད། ཉི་ཤུ་རྩ་གཉིས་པ་ལ་ཇོ་མོ་རྒྱ་གར་དངོས་གྲུབ་ཀྱི་རྟེན་དུ་བཟུང་། ཉི་ཤུ་རྩ་བདུན་ལ་འཁོན་གྲགས་པ་རྒྱལ་མཚན་དང་། བླ་མ་སྟག་སོ་བ་བསྟེན་ནས་རྒྱུད་གསུམ་གདམས་ངག་དང་བཅས་པ་དང་། བདེ་མཆོག་མལ་གྲོ་ལུགས་མཁྱེན་པར་མཛད། ཁ་རག་གི་འབྲུག་སྟོན་གྲགས་པ་ལ་བདེ་མཆོག་དང་། རྗེ་བཙུན་མར་ལུགས། ཡེ་ཤེས་མགོན་པོ་སོགས་ཞུས། ཞང་གཡུ་བྲག་པ་དང་གཞུང་གི་རྗོག་རྡོ་རྗེ་སེང་གེ་ལ་སོགས་ཏེ་མཁས་གྲུབ་ཀྱི་བླ་མ་མང་པོ་བསྟེན་ནས་མདོ་རྒྱུད་དུ་མ་ལ་ཐོས་བསམ་ཕྱོགས་མེད་མཛད། ཚིག་དོན་ཆེན་མོ་ཞེས་བྱ་བའི་བསྟན་བཅོས་ཀྱང་མཛད་དེ་དགུང་ལོ་ལྔ་ཅུ་རྩ་དྲུག་ལ་གཤེགས། པུར་སྦྱངས་པས་གདུང་རིགས་ལྔ་བྱོན། འཇའ་ཚོན་གྱི་གུར་ཕུབ།ཆོ་འཕྲུལ་ཟླ་བ་ལ་ཁུག་ཆོས་མེ་ཏོག་སྐྱེས་པ་སོགས་བྱུང་ངོ་། །འདི་སྒྲ་ཐལ་འགྱུར་ནས་ཕྱག་རྡོར་གྱི་སྤྲུལ་པ་བཛྲ་པ་ལར་ལུང་བསྟན་པ་ལ་ངོས་འཛིན་པར་གྲགས་སོ། །དེའི་སློབ་མ་གུ་རུ་ཇོ་འབེར་ནི་གཅུང་པོ་ཟླ་བ་འབུམ་གྱི་སྲས་ཡིན། ལོ་བདུན་མན་ཆད་ལྐུགས་པ་འདྲ་བར་ཡོད་པ་ལ། བརྒྱད་ནས་ཤེས་རབ་མེ་ལྟར་འབར། བཅོ་བརྒྱད་ཀྱི་བར་དུ་ཁུ་བོ་ཉི་འབུམ་དང་འགྲོགས། གསང་བ་བླ་མེད་ཀྱི་དབང་ཁྲིད་གདམས་པ་དང་བཅས་རྫོགས་པར་མཛད་ཅིང་རྒྱུད་ཀྱི་བཤད་པ་ལ་ཐོབ་པས་སྒྲོ་འདོགས་གཅོད་པ་དང་། མན་ངག་གི་དོན་ལ་སྒོམ་པ་ཉམས་སུ་བླང་བ་ལ་བརྩོན། བཅུ་དགུ་ནས་ཉི་ཤུའི་བར་ས་སྐྱ་ལོ་ཙྭ་བ་ལ་རྒྱུད་གསུམ་མན་ངག་དང་བཅས་པ་དང་། བདེ་མཆོག་མལ་གྲོ་ལུགས་ཉན། དབུ་ཚད་ལ་སོགས་པའི་རིག་པའང་ཁོང་དུ་ཆུད་པར་བྱས། དེ་བཞིན་དུ་ཁྲོ་ཕུ་ལོ་ཙྭ་བ་ལས་མི་ཏྲ་ཛོ་ཀིའི་གདམས་པ་དང་། ཆུ་མིག་པ་ལས་ཚད་མ་བསྡུས་པ། བལ་པོ་གྲགས་འབུམ་ལས་དོ་ཧ་དང་ཕྱག་ཆེན་ཁ་འཐོར་སོགས་མཁས་གྲུབ་དུ་མ་ལས་སྡེ་སྣོད་དང་རྒྱུད་ལུང་མང་པོ་ལོ་སུམ་ཅུ་རྩ་དྲུག་ཚུན་མཉན་པས་རིག་པ་རྣོ་ཞིང་ཐོས་པ་ཤིན་ཏུ་མང་བར་གྲགས། བསྒྲུབ་པ་མཛད་རེས་ཡི་དམ་གྱི་ལྷ་ཞལ་མཐོང་བ་ཡིན་ཏེ་ཐུགས་སྒོམ་པས་མི་གསུང་། ལྷ་སར་ཇོ་བོ་ལ་མཆོད་པ་ཕུལ་དུས་འོད་ཀྱི་ཐིག་ལེའི་ཁོང་ནས་འཕགས་པ་ལག་ན་པདྨ་དང་། རྡོ་རྗེ་འཛིན་པ་ཞལ་གཟིགས། ཐོ་རེངས་ཤིག་ཚེ་དཔག་མེད་ཀྱི་ཞལ་མཐོང་བས། ངེད་ཅག་ལ་ཚེའི་རྒྱུད་མེད་ཀྱང་ཁོ་བོ་ལེགས་པར་བྱུང་བ་དེའི་བྱིན༷་རླབས་ཡིན་གསུངས། དེ་ལྟར་ཚད་མེད་པའི་མཁྱེན་རབ་དང་ཐུགས་རྗེའི་མངའ་བདག་གིས་འགྲོ་བ་འདྲེན་པའི་དེད་དཔོན་དུ་གྱུར་ནས་དྲུག་ཅུ་པ་ལ་གཤེགས། ཞག་བདུན་དུ་འཇའི་དྲུ་བས་འབྲེལ། སྐུ་གདུང་ལ་ཨོ་ཨུ༷༷ཧུ༷་དང་རིང་བསྲེལ་མང་པོ་བྱོན་ཏོ། །དེའི་སློབ་མ་འཁྲུལ་ཞིག་སེང་གེ་རྒྱལ་བ་ཡིན་ཏེ། གཡོ་རུ་གྲའི་བུ་སོ་གད་ཕྲེང་གི་གྲོང་དུ་ཉི་མ་རྩེ་ཤར་ལ་འཇའི་གུར་ཕུབ་ཅིང་འཁྲུངས། ལོ་དགུ་ནས་རིགས་སད་དེ་དག་སྣང་དང་མོས་གུས་དཔག་མེད་ཤར། བཅུ་པའི་ཚེ་སྣང་བ་འདི་རྨི་ལམ་ལྟ་བུ་སྒྱུ་མ་ལྟ་བུ་ལ་སྲ་ཞིང་འཐས་འཐས་འདྲ་བ་མི་བདེན་སྙམ་པ་དང་། བཅུ་གཉིས་པ་ལ་འཁོར་བ་ལ་སྐྱོ་བ་ཚད་མེད་པ་སྐྱེས་ནས་ཆོས་འབའ་ཞིག་ལས་གཞན་གང་གིས་ཀྱང་མི་ཕན་པར་ངེས་ཤེས་རྙེད། བཅུ་གསུམ་གྱི་ཐོ་རེངས་ཉི་ཟླ་དུས་གཅིག་ལ་ཤར་་བའི་རྨི་ལམ་སད་དུས། འཕགས་པ་ཐུགས་རྗེ་ཆེན་པོའི་ཞལ་མཐོང་། ཚེ་གཅིག་གིས་གྲོལ་བ་སྙིང་ཏིག་གི་དོན་སྒོམས་ཤིག་གསུངས། དེ་ནས་བཟུང་སྙིང་རྗེ་ཕྱོགས་མེད་དུ་རྒྱས། འགྲོ་བ་ཀུན་ལ་བུ་གཅིག་པའི་འདུ་ཤེས་ཤར། རྐྱེན་རེ་ལ་བརྟེན་ནས་གཞན་ལ་མཐོ་འགྲོགས་དང་ཁྱད་གསོད་མི་བྱེད་པའི་དམ་བཅའ་བྱས། ལུས་ཀྱི་སྲིན་བུ་དག་སྙིང་རྗེ་ཆེན་པོས་མི་འདོར་ཞིང་། ལོང་སྦྲང་དང་དམན་པ་ཁོ་ན་ལ་བྱམས་པ་སོགས་ཐེག་པ་ཆེན་་་4འི་རིགས་སད་པའི་རྟགས་ཁྱད་པར་ཅན་མངའ། བཅོ་བརྒྱད་ལ་སྣང་བ་བདེན་མེད་དུ་རྟོགས་པས་སྨྱོན་པ་ཁྲོ་ལངས་པ་ལྟ་བུར་སོང་སྟེ། ཕ་མས་ལྷ་གསོལ་བའི་ཡོ་བྱད་གསར་པ་གཏོར་ཞིང་། ཕོ་གདོན་རྒྱལ་པོ་མཆོད། མོ་གདོན་བསེན་མོ་མཆོད། ཅེས་བྱས་པས། ཁྱོད་འདྲ་བའི་བུ་སྐྱེ་བ་ཟེར་འཐབ། ཉི་ཤུ་ལ་མཁན་པོ་ལྡེའུ་སྒང་པ་དང་། སློབ་དཔོན་བཀྲས་སྒང་པ་ལས་རབ་ཏུ་བྱུང་།ཉི་ཤུ་རྩ་ལྔ་ལོན་ཚེ་སྲི་ཞལ་གྱི་སེརྙེ་རྒྱབ་ཏུ་བྱོན། སེདྷི་རྒྱབ་པ་བར་པ་ལས་ཚལ་པའི་ཆོས་བསྐོར། བླ་མ་ཙ་རི་པ་ལས་སེརྙེ་འཛིང་བསྣོལ། རལ་པ་དྲི་མེ་འོད། ལྷ་རི་དཔལ། གཞོན་ནུ་འབུམ། ཏོན་ཆར། བྱང་ཡོན། ཇོ་སྲས་སུ་གྲགས་པ་རྣམས་ལ་གསང་སྔགས་གསར་རྙིང་། ཞི་བྱེད། གཅོད་ཡུལ། ཕྱག་ཆེན་མང་དུ་ཉན། ཁྱད་པར་ཐུགས་རྗེ་ཆེན་པོའི་ལུང་བསྟན་བཞིན་གུ་རུ་ཇོ་འབེལ་ལས་རྫོགས་པ་ཆེན་པོ་ཐོས་པས་རྟོགས་པ་ཐོད་རྒལ་དུ་སྐྱེས། ཁྲོ་བོ་མ་ལ་སོགས་པའི་རི་ཁྲོད་དང་ལུང་སྟོང་རྣམས་སུ་ལོ་མང་པོའི་བར་དུ་བསྒྲུབ་པ་ཁོ་ན་ལ་གཞོལ་བས་དགོངས་པ་ཀ་དག་གི་སར་གཤེགས། སྐལ་ལྡན་མང་པོ་སྨིན་གྲོལ་ལ་བཀོད་ནས། དྲུག་ཅུ་རྩ་བཞི་པ་ལ་ཐེག་པ་མཆོག་གི་འབྲས་བུ་ཐོབ་པ་རྟགས་ཁྱད་པར་ཅན་རྣམས་མངོན་དུ་བསྟན་ནས་གཤེགས་སོ། །དེའི་སློབ་མ་གྲུབ་ཆེན་མེ་ལོང་རྡོ་རྗེ་ནི། སྒྲགས་ཀྱི་ཕུར་རྣལ་འབྱོར་པ་བསམ་ཡེའི་སྲས་སུ་བཙས། ལོ་དགུ་ན་གྲུབ་ཐོབ་ཟ་ལུང་པ་དང་། མཁན་པ་སེ་ལུང་པ་ལས་རབ་ཏུ་བྱུང་། དེ་དུས་གཤིན་པའི་དགེ་རྩར་ཡུམ་རྒྱས་འབྲིང་བསྡུས་གསུམ་ཁོ་ན་སྒྲོགས་པས་ལོ་བཅུ་དྲུག་པའི་དུས་སྒྲགས་ཀྱི་ཕུའི་ཞོགས་སྟེང་བྱ་བར་བརྒྱད་སྟོང་བརྒྱ་རྩར་མཛད་པས་གནས་ལུགས་ཀྱི་དོན་རྟོགས། ཟངས་ཚོར་སྒོམས་པས་ཉམས་འབར་ཞིང་མངོན་ཤེས་ཕྲ་མོའང་ཤར། དེ་ནས་ཕྱོགས་མེད་དུ་འགྲིམས་ཏེ། མཚུར་ཕུའི་དོ་པོ་རས་པ་སོགས་བླ་མ་མང་པོ་བསྟེན། ཤ་འུག་སྟག་སྒོ་དང་། མཁར་ཆུ་ལ་སོགས་པའི་གནས་ཆེན་མང་པོར་བྱོན། ནས་བྲེ་གང་གི་ཟླ་བ་གཅིག་དང་ཞག་ཉི་ཤུའི་འཚོ་བ་བྱས་པ་སོགས་དཀའ་ཐུབ་ལ་ཤིན་ཏུ་བཟོད་པ་ཞིག་ཡིན། དཀའ་བ་སྤྱད་པའང་བསམ་གྱིས་མི་ཁྱབ། ལོ་བཅོ་བརྒྱད་པའི་ཚེ་སེརྙེ་རྒྱལ་བ་སངས་རྒྱས་དབོན་པོ་མཇལ་ནས་མན་ངག་སྙིང་ཏིག་ཐོབ། དེ་མན་ངག་གིས་འཚེངས་བསམ་པའི་སྦོབས་པ་སྐྱེས་ཏེ་སྒོམས་པས་སྔོན་འགྲོའི་དུས་རང་ནས་ཞག་དྲུག་ཏུ་རྡོ་རྗེ་སེམས་དཔའི་ཞལ་ཉིན་མཚན་མེད་པར་མཐོང་། དངོས་གཞིའི་དུས་བརྒྱུད་པའི་བླ་མ་རྣམས་རྨི་ལམ་དུ་མཇལ་ནས་བྱིན་གྱིས་བརློབས། ཉི་ཤུ་རྩ་གསུམ་པར་སངས་རྒྱས་རས་པ་ལ་རྡོ་རྗེ་ཕག་མོ་ལ་སོགས་པའི་གཏེར་ཆོས་དུ་མ་གསན་ནས་སྒྲུབས་པས། རྡོ་རྗེ་ཕག་མོ་མངོན་སུམ་དུ་མཇལ། བྲག་ལ་གསང་རྡོར་བསྣུན་པ་ཐིམ་གྱིས་སོང་། རྟ་མགྲིན། སྒྲོལ་མ། སྤྱན་རས་གཟིགས། སློབ་དཔོན་ཆེན་པོ། ཀུན་ཏུ་༄༅ བཟང་པོ། རྡོ་རྗེ་སེམས་དཔའ། བི་མ་ལ། ཟ་ལུང་པ། སངས་རྒྱས་རས་པ། འགྲོ་མགོབ་ཕག་གྲུ་རྣམས་ཞལ་གཟིགས། དུང་ལུང་དུ་མཁའ་འགྲོའི་སྒྲ་ཤིན་ཏུ་སྙན་པས་སྐྱེས་རྒྱུན་ཆོད་པའི་ལུང་བསྟན། ཀ་བ་ཅན་དུ་ཕག་མོ་དམར་མོ་དང་། གྲུབ་ཐོབ་ཟ་ལུང་པ་ནམ་མཁའི་ཀློང་དུ་མཇལ། ངར་ཆུང་ན་བཞུགས་པའི་ཚེ་རྨི་ལམ་ན་ཕག་མོ་གཙོ་འཁོར་ལྔ་མཐོང་། དེར་མནལ་སད་ཙ་ན། འོད་ཀྱི་ཕག་མོ་དངོས་སུ་གཟིགས།སྐྱབས་གནས་རྫོང་དུ་རྡོ་རྗེ་སེམས་དཔའ་རྨི་ལམ་དུ་རྫོགས་པ་ཆེན་པོའི་དབང་བསྐུར། སྤྱིར་བླ་མ་མང་པོ་བསྟེན་ཅིང་ཁྱད་འཕགས་ཀྱི་བླ་མ་བཅུ་གསུམ་བཞུགས། བཀའ་དྲིན་འགྲན་ཟླ་བྲལ་བ་གྲུབ་ཐོབ་ཟ་ལུང་པ།མཚུར་ཕུའི་དོ་བོ་རས་པ། འཁྲུལ་ཞིག་སེང་གེ་རྒྱལ་བ་ལས་སྙིང་པོའི་དོན་རྙེད་པ་ཡིན། འདི་བརྟུལ་ཞུགས་ཤིན་ཏུ་ཆེ་བས་ཞིག་པོའི་སྤྱོད་པ་བླང་དོར་མེད་པས་གསང་བ་སྔགས་ཀྱི་དམ་ཚིག་ལ་སྒྲ་ཇི་བཞིན་པར་སྤྱོད་ནུས། རྒོད་ཕྲུག་ནམ་མཁའ་ལ་ལྡིང་བ་མཐོང་བས་རིག་པ་བརྟུལ་ཞུགས་ཀྱི་ངར་ཐོགས་ནས་ནམ་མཁའི་ལམ་ལ་འགྲོ་བ་དང་། བྲག་ལ་འདམ་ལྟ་བྱེད་པ་བྱུང་། མཁན་པ་ལྗོངས་དང་། མཁན་པ་གླིང་དང་། སེརྙེ་རྫོང་དང་། མཁར་ཆུ་རྣམས་སུ་བསྒྲུབ་པའི་རྒྱལ་མཚན་བཙུགས་ཤིང་འགྲོ་དོན་མཛད། ཚ་ཚད་སུམ་བཅུ་རྩ་བདུན་ཡིན་པ་ལ། སློབ་དཔོན་ཀུན་དགའ་ཞེས་པའི་སྐལ་ལྡན་ཞིག་གིས་གསོལ་བ་ཐེབས་པས། དགུང་ལོ་དྲུག་ཅུ་རྩ་གཅིག་པ་ལ་དུར་ཁྲོད་ལ་ཁར་གཤེགས་པའི་ཚ་འོག་ཆེན་པོ་སྒྲ་དང་བཅས་པ་ནུབ་ཕྱོགས་སུ་ཡུལ་པ་ཀུན་གྱིས་མཐོང་། པུར་གྱི་རྣམ་པ་སྦྱང་དུས། ནམ་མཁའི་ལམ་ནས་པུར་ཁང་ལ་འོད་ལྔའི་སྣམ་བུ་བསྐྱང་བ་སོགས་ངོ་མཚར་བའི་ལྟས་དཔག་ཏུ་མེད་པ་བྱུང་ཞིང་། སྐུ་ལྔ་ཐོབ་པའི་རྟགས་ཀྱི་གདུང་ཡང་རྒྱུད་ལས་ཇི་སྐད་བཤད་པ་བཞིན་བྱོན་ཏོ། །འདི་གྲུབ་ཐོབ་ཨུ་རྒྱན་པ་དང་དུས་མཚུངས། ཅོ།་རྒྱན་པ་བཅུ་ཕྲག་ལྷག་བཅས་ཀྱི་སྒྲེས་ལ་སྐུ་ཚ་ཡང་རིང་ངོ་ མེ་ལོང་བའི་སློབ་མ་ནི་རིག་འཛིན་ཀུ་མ་ར་ཛ་སྟེ། གཡོ་རུ་འོན་བར་གསར་རྫིང་ཁ་ཞེས་བྱ་བའི་གྲོང་རྡལ་དུ་འཁྲུངས། ཐར་པ་བརྒྱན་དུ་བཏགས། ཆུང་ངུ་ནས་དད་པ་དང་སྙིང་རྗེ་དང་ཤེས་རབ་ལ་སགས་ཏེ་འཕགས་པའི་ནོར་གྱི་ཁྱད་ཆོས་མང་པོ་མངའ་བས་ཀློག་ཡིག་མ་བསླབས་པར་མཁྱེན། ལོ་བདུན་པ་ལ་ཀོང་པོ་འོར་་།ད་མཐོ་སྟེངས་དགོན་པའི་བླ་མ་དགྱེས་རྡོར་པ་ལས། ཀྱེ་རྡོ་རྗེ་དང་། བདེ་མཆོག་གི་དབང་ཞུས། ལོ་དགུ་པའི་ཚ་མཁན་པོ་གཙང་བ་ལས་ཡོངས་རྫོགས་ཀྱི་དགེ་བསྙེན་བླངས། སྤྱན་རས་གཟིགས་འཁོར་བ་དོང་སྤྲུགས་ཀྱི་ཆོས་སྐོར་ལ་སྦྱངས། བཅུ་གཉིས་པ་ལ་ཕག་མོ་གྲུའི་མཁན་པོ་ཡེར་བ་པ་དང་སློབ་དཔོན་མངའ་རིས་པ་ལས་རབ་ཏུ་བྱུང་། མཚན་གཞོན་ནུ་རྒྱལ་པོར་བཏགས། འདུལ་བ་བསླངས། རིན་པོ་ཆེ་གྲགས་ཡེ་པ་ལས་ལོ་ལྔའི་བར་དུ་ནཱ་རོ་ཆོས་དྲུག་ལ་སོགས་པ་དང་། མཚར་སྟེངས་པ་ལས་བརྟག་གཉིས་ཉན། དབན་སངས་ཤེ་ལས་བཟོ་རིག་པ་བསླབས། ཡི་གེ་དྲུག་པ་བཟླས་པས་ཤེལ་གྱི་ཁང་བུ་ཞིག་ན་ཐུགས་རྗེ་ཆེན་པོ་ཞལ་འཛུམ་པ་མཐོང་། ཁྱུང་ནག་ཤག་དར་ལས་རྙིང་མའི་རྒྱུད་ལུང་མན་ངག་མང་དུ་ཞུས། ངང་ཕུག་ཏུ་མེ་ལོང་རྡོ་རྗེ་དང་མཇལ། ཕྱག་རྒྱ་ཆེན་པོའི་ཁྲིད་ཞུས་པས་སེམས་ཅེར་མཐོང་དུ་ངོ་འཕྲོད། དེ་ནས་གྲུབ་ཆེན་པ་མོན་གྱི་མཁའ་འགྲོ་གླིང་ལ་གཤེགས་པའི་ཕྱག་ཕྱི་ལ་བྱོན། རྡོ་རྗེ་ཕག་མོའི་ཆོས་སྐོར་སོགས་ཞུས་ནས་བསྙེན་པར་མཛད་པས། ཚས་བཅུའི་ནུབ་ཅིག་ཨོ།་རྒྱན་པདྨ་དང་མཇལ། ཨེ་མ་རིགས་ཀྱི་བུ། རྟག་ཏུ་ཆོས་གྱིས་ཤིག་གསུངས། དེ་ནས་མཚུར་ཕུར་བྱོན་ནས་གཉན་རས་དང་དར་མ་མགོན་པོ་ལས་ཀརྨ་པའི་ཆོས་སྐོར་རྣམས་ཞུས། དེ་ནས་ལ་སྟོད་དིང་རི་དང་། སྤུད་ཏྲར་བྱོན་པས། གྲུབ་ཆེན་ཨོ་རྒྱན་པ་དང་། རྗེ་ཀརྨ་པ་རང་བྱུང་རྡོ་རྗེ་དགུང་ལོ་བདུན་པ་རབ་ཏུ་བྱུང་མ་ཐག་པ་དང་མཇལ། ཨོ་རྒྱན་པ་ལས་གདམས་པ་མང་དུ་ནོད། དེ་ནས་ལོ་འགའ་ན་ཡོ།་རྒྱན་པས་གཉན་རས་ལས་སྙིང་ཏིག་ཞུས་པའི་ཟླ་ལ་ཚང་བར་ཐོབ། རྒྱ་སྨན་པ་ནམ་མཁའ་རྡོ་རྗེ་ལས་གསང་སྐོར་གནད་ཀྱི་ངོ་སྤྲོས་དང་། སྐལ་ལྡན་པ་ཆོས་ཀྱི་སེརྙེ་ལ་གསང་བ་གནས་ཀྱི་མེ་ལོང་སོགས་རྫོགས་ཆེན་གསང་སྐོར་ཞུས། སླར་མཁར་ཆུ་གྲུབ་ཆེན་མེ་ལོང་རྡོ་རྗེ་གསར་བ་སྙིང་ཏིག་དབང་ཁྲིད་གདམས་པ་དང་བཅས་པ་ལེགས་པར་ཐོབ། འབུལ་རྒྱུ་གཞན་མེད་པ་ལུས་ངག་གི་ཞབས་ཏོག་དང་། དབྱར་རིལ་པོ་གཉིས་སུ་རི་མོ་མཛད། ཁལ་བཞི་བཞི་གནང་བའི་གཉིས་གཉིས་ཀྱི་་།ག་བུ་ཉོས་མཚན་མོ་དཔེ་རྣམས་བྲིས། ཕྱེད་པོས་མར་མེ་དང་གསོལ་མཛད་པས།དཀའ་ཐུབ་ཀྱི་མཐུས་ཤིག་ནད་དྲག་པོ་གཅིག་བྱང་། བྱིན་བརླབས་དད་པའི་རྗེས་སུ་འབྲང་བས་ཐུགས་དམ་ཡང་ཁྱད་པར་ཅན་ཞབྲུངས། བླ་མ་མཉེས་ནས་འགྲོ་དོན་གྱིས་ཤིག་པའི་རྗེས་སུ་གནང་བ་ཐོབ། དབང་གྲལ་དུ་བླ་མའི་དབུའི་བར་སྣང་ལ་མགོན་པོ་ཕྱག་བཞི་པ་དང་། སྒོའི་ཐད་ན་ཨེ་ཀ་ཛ་ཏི་མཐིང་མདོག་དབྱུག་དང་སྦྱང་མོ་བསྣམས་པ་བོངས་ཉིས་ཐོག་ཙམ་པ། ཕྱི་ངོས་ན་ལས་ཀྱི་མ་མོ་ཁྲག་བཅུས་ནས་འཐུང་བ་རྣམས་མཐོང་། ལོ་བརྒྱད་དུ་བླ་མ་འདུ་འབྲལ་མེད་པར་བསྟེན། ཨོ་རྒྱན་གྱི་སྒྲུབ་གནས་སྨྱུག་ཚལ་སྦུག་ཏུ་དགུན་ཐོག་ཅིག་བཞུགས་པས་རྡོ་རྗེ་ཕག་མོའི་ཞལ་གཟིགས། དེ་ནས་ཤེས་རབ་ཕྱོགས་མེད་དུ་རྒྱས། རེ་ཞིག་ཡར་ཀླུང་མཚར་སྟེངས་ཀྱི་རི་ཁྲོད་བཏབ་ནས་བཞུགས། དེ་ནས་བླ་མ་འདའ་བར་མཁྱེན་ནས་མཁར་ཆུར་བྱོན་ཙ་ན། བླ་མའི་སྲས་གཉིས་ས་སྐྱགས་སུ་འཛོམ། སླར་ལོག་ཉི་ཤུ་ལྔའི་དུས་མཆོད་བཙུགས། ཙྭ་རི་ལ་བྱོན་པས་ཀྲིག་མོ་ལྷའི་ནེ་གསིང་གི་རྡོ་སྐུ་ལ་འཇའ་ཚོན་སྣ་ལྔ་ཟུག་པ་སོགས་བྱུང་། དེ་ནས་མཚུར་ཕུར་ཆོས་རྗེས་གདན་དྲངས་ཏེ་སྙིང་ཏིག་གི་གདམས་པ་རྣམས་ཕུལ། ཤངས་སུ་བྱོན་ནས་ལྕེ་སྒོམ་ནག་པོའི་རྒྱུད་པ་སློབ་དཔོན་སྒོམ་པ་ལ་གསང་སྐོར་སྙན་རྒྱུད་རྣམས་དང་བསམ་གཏན་མིག་གི་སྒྲོན་མ་ཞུས། དིང་རི་སྣ་དམར་དུ་དབོན་པོ་བྱང་སྒྲུབ་ལ་ཡང་དགོན་པའི་རི་ཆོས་རྣམས་ཉན། ཨོ་རྒྱན་པ་རང་བྱུང་དཔལ་དང་ཡང་མཇལ མར་ལམ་བླ་མ་བཀྲ་ལུང་པ་ལ་གཤིན་རྗེ་དགྲ་ནག་ལ་སོགས་པ་ཞུས། སློབ་དཔོན་ཡེ་མགོན་ལ་སོགས་པ་བཤེས་གཉེན་མང་དག་ལས་གསང་སྐོར་དང་། རྒོད་ཚང་པའི་ཁྲིད་ཀྱི་སྐོར། ཨ་རོའི་ཁྲིད་མོ་ཆེ་དོན་སྐོར་ལ་སོགས་པ་བོད་ན་གྲགས་པ་ཆེ་བའི་རྫོགས་རིམ་ཕལ་མོ་ཆེ་ཁོང་དུ་ཆུད། ཆོས་ཕྱིར་དཀའ་སྤྱད་བཟོད་པས་ཙྭ་རི་གསར་མ་བགྲོད་ནས་རྙིང་མའི་གཡུ་མཚོ་འགྲམ་དུ་གཅིག་པུར་ཟླ་བ་བརྒྱད་བཞུགས།ཆོ་འཕྲུལ་ཆེན་པོ་བྱུང་བ་གཤིས་ཐོག་ཏུ་རོ་སྙོམས་པ་གཞི་བདག་དབང་དུ་འདུས་ནས་ཁང་པར་གདན་དྲངས་བསྙེན་བཀུར་བྱས། ཛམ་བྷ་ལས་ནོར་བུ་བྱིན། མཚོ་ནང་དུ་འོད་ལྔའི་ལྦུ་བ་སེལ་པོ་ཙམ་གཅིག་ཐིམ་འགྲོ་བ་གཟིགས། ཐུགས་ངེས་འབྱུང་དང་སྐྱོ་ཤས་ཀྱིས་རྒྱུད་རླན་པས་དུས་རྟག་ཏུ་ཤམ་པོ་ལ་སོགས་གངས་ཁྲོད་དང་ལུང་སྟོང་འབའ་ཞིག་ཏུ་ལྷགས་སྐྱོབ་ཙམ་ལ་བརྟེན་ནས་བཞུགས་པས་སློབ་མའི་ཚོགས་མང་པོ་འཁོར་བ་མཐའ་ཅན་དུ་མཛད། སྤྲུལ་པའི་སྐུར་གདོན་མི་ཟ་བ་ཀརྨ་པ་རང་བྱུང་རྡོ་རྗེ་དང་། རྒྱལ་བ་ཀློང་ཆེན་པ་གཉིས་རྫོགས་པ་ཆེན་པོའི་སློབ་མའི་གཙོ་བོར་གྱུར་པས་བསྟན་པ་འདི་སྤེལ་བའི་འཕྲིན་ལས་ལ་མུ་མཐར་མ་སོན། དེ་སྐད་དུ་འབྲི་གུང་པ་ཆོས་རྒྱལ་རིན་ཆེན་ཕུན་ཚོགས་ཀྱིས། ཆོས་འདིའི་བསྟན་པའི་བདག་པོ་ཀུན་མཁྱེན་ཀློང་ཆེན་པ་ཡིན། རྒྱལ་བ་རང་བྱུང་རྡོ་རྗེའི་དུས་འཕྲིན་ལས་རྒྱ་ཆེ་ཞེས་གསུང་པས་མཚོན་ནོ། །བྱང་ཆུབ་སེམས་དཔའི་སྤྱོད་པ་ལ་ཤིན་ཏུ་གོམས་པས་སྙིང་རྗེ་ཆེན་པོའི་དབང་གིས་གྲོང་དང་ཡུལ་འཁོར་མང་པོ་དག་ལའང་ཐབས་ལ་མཁས་པས་ཐར་པའི་ས་བོན་འདེབས་པ་ཁོ་ན་ལྷུར་མཛད་ཅིང་།ཀོང་པོ་ནས་ཨེ་ལ་ཐུག་གི་བར་འཇིགས་པས་ཉེན་པའི་ལམ་ཕྲང་ལ་འགྲོ་བ་དག་གི་དབུགས་འབྱིན་པ་དང་། རི་དྭགས་དང་ཉ་ལ་སོགས་པའི་སེམས་ཅན་ཉམ་ཆུང་བ་དེ་དག་ལ་ཐུགས་ཤིན་ཏུ་བརྩེ་བས་བདོག་པ་ལ་འཕང་སེམས་མེད་པས་རི་རྒྱ་དང་། ལམ་རྒྱ་དང་། ཆུ་རྒྱལ་ལ་སོགས་པ་མཛད་ནས་བདེ་འཇམ་ལ་བཀོད། གང་དུ་བཞུགས་པའི་ལུང་པ་དང་། ཡུལ་གྲོང་ཐམས་ཅད་ཀྱི་སད་སེར་ཡམས་ནད་ལ་སོགས་པ་ཞི་བར་མཛད་ཅིང་ཕན་པ་འབའ་ཞིག་ལྷུར་ལེན།སྙིང་ཏིག་གི་གདམས་པ་རྫོགས་རིམ་གཞན་དང་མ་འདྲེས་པར་རང་སྐད་ཀྱི་གྲུབ་མཐའ་སླང་སྟེ་འཆད་ནུས་པ་དང་། ཤངས་ལ་རྨེ་བ་ཨའི་རི་མོ་ཅན་མངའ་བ་དང་། སྔགས་བདག་གཟའ་དང་དམ་ཅན་རྣམས་ཀྱི་བཀའ་ལ་ཉན་ཅིང་མི་དང་མི་ལབ་པ་བཞིན་དུ་ཡོད་པ་དང་། མངོན་པར་ཤེས་པས་གདུལ་བྱའི་བསམ་པ་མཁྱེན་ནས་འདུལ་ལུགས་མཁས་པ་དང་། གཞན་རྒྱུད་བྱིན་གྱིས་རློབ་ནུས་པ་དང་། རྗེས་སུ་བཟུང་ང་འི་སྐལ་ལྡན་ཀུན་ལ་འདས་དུས་རྟགས་ཁྱད་པར་ཅན་འབྱུང་བ་སོགས་སློབ་དཔོན་བི་མ་ལའི་སྐུའི་བཀོད་པར་གྲགས་ཤིང་ཐལ་འགྱུར་ལས་དགེ་སློང་དཔལ་ལྡན་ཞེས་ལུང་བསྟན་ཏོ། །དེ་ལྟར་དོན་གྱི་འགྲོ་དོན་བསམ་གྱིས་མི་ཁྱབ་པའི་ངང་ནས་བདུན་ཅུ་རྩ་བརྒྱད་པ་ཆུ་མོ་ལུག་གི་ལོའི་སྟོན་ཟླ་འབྲིང་པོའི་ཉི་ཤུ་ལྔ་ལ་སྒྲ་དང་འོད་དང་། གུར་ཁྱིམ་ལ་སོགས་པའི་རྟགས་ངོ་མཚར་བ་དང་བཅས་སྐུ་གཤེགས་པས། ཉེ་གནས་སྒོམ་དར་ལ་སོགས་པ་དྲུང་ན་ཡོད་པ་རྣམས་ཀྱིས་མོས་གུས་ཆེན་པོས་གདུང་བསྐྱེད་པས་སླར་བཞེངས་ཏེ་སྐྱིལ་མོ་ཀྲུང་བཅས། ཞལ་འཛུམ་པའི་ངང་ནས་ཁྱེད་རྣམས་མྱ་ངན་མ་བྱེད། ང་ཤི་བ་མིན་གསུངས་ནས་གདམས་ངག་དང་ཞལ་ཏ་ཅི་རིགས་པ་བྱོན། ཞག་བཅུ་གསུམ་སྐུ་ཚ་སླར་ལ་བསྲེངས། དེར་ཚེས་བདུན་གྱི་ཉིན་གཤེགས་པའི་ཕྱིར་ཇི་ལྟར་བགྱི། བླ་མ་ཀུན་མཁྱེན་པ་གདན་འདྲེན་ནམ་ཞུས་པས། ཁོང་འོ་བརྒྱལ་དུ་མ་འཇུག །ད་བཟོད་ཆོས་ཀྱི་ཞུན་མཐར་མཆོད་པ་ཡོད་ན་དེར་སོང་། ཁ་ཏ་མང་པོ་སྔ་ནས་བྱས་ཟིན་ཅལ་ཅོལ་མ་སྨྲ་གསུངས། དྲང་སྲོང་ཙོག་པུའི་འདུག་སྟངས་དང་། ཆོས་སྐུའི་གཟིགས་སྟངས་ཀྱི་ངང་ལས་ཞལ་འཛུམ་པར་མཛད་དེ། ཚེས་བརྒྱད་ཀྱི་ཐོ་རེངས་ཁ་ན་གདོད་མའི་གྲོང་ཁྱེར་ག་ལ་བ་དེར་གཤེགས་སོ། །ཉི་ཤུ་ལྔ་ལ་པུར་བཞུ་བས་དབུ་ཐོད་རིལ་པོར་བྱོན་པའི་ནང་ན་རིགས་ལྔའི་ཚོམ་དཀྱིལ་དང་། སྙན་གོང་གཡས་ན་རྗེ་བཙུན་མ་མཐིང་ག་ཚོན་གང་བ། གདུང་རིགས་ལྔ་དང་། རིང་སྲེལ་ལ་སོགས་པ་བྱོན་ཅིང་འཇའི་གུར་གྱི་འཁོར་ར་ཁོར་ཡུག་ཏུ་དཀྲིགས་སོ། །དེ་ལ་རྒྱལ་བའི་དབང་པོ་ཀརྨ་པ་རང་བྱུང་རྡོ་རྗེ་ནི། འཕགས་པ་སྤྱན་རས་གཟིགས་འཇིག་རྟེན་དུ་དངོས་སུ་བྱོན་པ་སྟེ། ཆོས་ཀྱི་དབྱིངས་ནས་ཡེ་ཤེས་ཀྱི་མཁའ་འགྲོ་མ་རྣམས་ཀྱིས་རྡོ་རྗེའི་གླུས་བསྐུལ་ནས་སེམས་ཅན་རྣམས་ལ་ཚད་མེད་པའི་སྙིང་རྗེས་གཟིགས་ཏེ་སྟོད་ལུང་དུ་རྒན་རྒོན་གཉིས་ཀྱི་བུ་ཤི་བའི་རོ་ལ་གྲོང་འཇུག་གི་རྣམ་པས་གཤེགས་ཙ་ན། ཤི་མི་གསོན་ལ་བལྟ་བ་ལྟས་ངན་ཡིན་ཟེར་ནས་མིག་ཁབ་ཀྱིས་གཙགས། དལ་འེབྱོར་གྱི་ཆོས་བརྒྱད་ཚང་པའི་ལུས་ལས་གཞན་དུ་གྱུར་པས་སླར་འཕོས་ཏེ། རྣལ་འེབྱོར་ཕོ་མོ་གཉིས་ཀྱི་བུར་སྲིད་པ་བཟུང་། སྔོན་གནས་རྗེས་སུ་དྲན་པ་ལ་སྒྲིབ་བྱེད་སྐྲའི་རྩེ་མོ་ཙམ་ཡང་མེད་པས་མངལ་གྱི་དྲི་མས་གཏན་ནས་མ་གོས་པ་རྒྱ་གར་ན་ཤཱཀྱ་ཐུབ་པ་དང་། བོད་དུ་སྐྱེས་བུ་ཆེན་པོ་འདི་ལས་མེད་པར་གྲགས། རྒྱ་བོད་གཉིས་ཀར་སངས་རྒྱས་ཀྱི་བསྟན་པའི་སྲོལ་ཤིང་གཅིག་པུར་བཞུགས། བསམ་ཡས་མཆིམས་ཕུག་དང་གཡའ་མ་ལུང་སོགས་ནས་ཚེ་ཆུའི་གཏེར་བཞེས་ནས་གོང་མ་རྒྱལ་པོའི་ཚེ་བསྲིངས། བི་མ་ལ་མི་ཊ་རང་གི་མཛོད་པུར་ཐིམ་པ་གཟིགས་པའི་མོད་ལ་སྙིང་ཏིག་གི་དགོངས་པ་ཇི་ལྟ་བ་བཞིན་མངོན་དུ་གྱུར། འོན་ཀྱང་གསང་སྔགས་བླ་མ་ལ་བསྟེན་པའི་མིག་ལྟོས་ཙམ་སྟོན་པའི་སླད་དུ་གཅོམ་བསྒྱུངས་ནས་རིག་འཛིན་ཀུ་མ་ར་ཛ་ལས་གསང་བ་སྙིང་ཏིག་གི་མན་ངག་ཡོངས་སུ་རྫོགས་པ་གསན། འདི་ནི་སློབ་དཔོན་ཆེན་པོ་པདྨ་ལས་བརྒྱུད་པ་ཞིག་འོང་ཐང་དགོངས་པའི་ཚ་སློབ་དཔོན་སངས་རྒྱས་གཉིས་པ་ཞལ་གཟིགས། མན་ངག་སྙིང་ཏིག་དངོས་སུ་ཐོབ་ཀྱང་ཚིག་རྒྱུད་ལ་ནན་ཏན་དུ་བྱ་བའི་ཕྱིར་་།འི་རྒྱལ་སྲས་ལེགས་ལྡན་པ་སྤྱན་དྲངས་ནས་ཙྭ་རི་དགོན་གསར་དུ་རྫོགས་པར་གསན། སླར་སློབ་མ་རྣམས་ལ་རྩལ་དུ་སྟོན་ནས་གསུངས། བཀའ་ལས་ཆོས་འདི་ལྟ་བུ་ནུབ་ཏུ་འཕངས་པས་གཡུང་སྟོན་རྡོ་རྗེ་དཔལ་གྱི་གཙང་ཡེ་རྒྱལ་པས་ཁམས་ཀོང་ཡེ་ཤེས་རྒྱལ་མཚན་པས་ཧོར་དང་རྒྱ་ནག །སྤྲུལ་སྐུ་བས་དབུས་སུ་དར་བར་གྱིས་ཞེས་སྨན་ལུང་པ་ཤཱཀྱ་གཞོན་ནུ་སོགས་ལ་རྗེས་སུ་གདམས། ས་ལ་གནས་པའི་བྱང་སེམས་ཀྱི། རྒྱ་མཚོའི་བར་དུ་སྤེལ་པར་བྱེད། ཅེས་པ་དེ་ཡིན་པར་གྲགས། ཀུན་ཏུ་བཟང་པོ་ཐུགས་ཀྱི་ཀློང་ན་རང་གསལ་ཏེ་དགོངས་པའི་གཏེར་མཛོད་ཆེན་པོ་ལ་དབང་བསྒྱུར་ནས་ཀརྨ་སྙིང་ཏིག་ཅེས་གྲགས་པའི་གདམས་པ་ཡང་བྱུང་། འདི་དག་ཀྱང་བསྟན་པའི་ཆུ་མ།གོ་གཅིག་ཡིན་ནོ། །རྒྱལ་བ་གཉིས་པ་དཔལ་བསམ་ཡས་པ་ཀུན་མཁྱེན་ངག་གི་དབང་པོའམ། ཀློང་ཆེན་རབ་འབྱམས་ནི། གཡོ་རུ་གྲའི་ཆ་སྟོད་གྲོང་དུ་ངན་ལམ་བཙན་པོ་འོད་ཀྱི་དཀྱིལ་འཁོར་ཅན་ཞེས་བྱ་བ་མ་སྨད་པའི་རིགས་ཀྱི་ཡོན་ཏན་ཅན་ནོ། །རུས་ནི་རོག་སྟེ་སད་མི་བདུན་གྱི་ནང་ཚན་ཙྭ་ན་ཨིན་རཁྲི་ཏའམ། བོད་སྐད་དུ་ཡེ་ཤེས་དབང་པོ་བསྲུངས་པ་སློབ་དཔོན་ཆེན་པོའི་དངོས་སློབ་དགེ་སློང་རྒྱལ་བ་མཆོག་དབྱངས་དང་གདུང་གཅིག་པའི་རབས་ཉེར་ལྔ་པ། མེས་པོ་ལྷ་བསྲུང་ཞེས་བདུད་རྩིའི་བཅུད་ལེན་གྲུབ་པས་ལོ་བརྒྱ་དང་ལྔར་འཚོ་བ་དེའི་སྲས་སློབ་དཔོན་བསྟན་པ་སྲུང་ཞེས་རིག་གནས་དང་། སྔགས་ཀྱི་རྣལ་འེབྱོར་ལ་རང་བྱན་ཆུད་པ་ཞིག །འབྲོམ་སྟོན་རིན་པོ་ཆེ་རྒྱལ་བའི་འབྱུང་གནས་ཀྱི་གདུང་ལས་བྱོན་པ་འབྲོམ་བཟའ་མ་བསོད་ནམས་རྒྱན་ཞེས་བྱ་བ་དང་འདུས་པ་ལས་སྐྱེ་བའི་མྱུ་གུ་བཟུང་ངོ་། །དེའི་ཚེ་ཡུམ་ལ་སེང་གེ་ཆེན་པོ་གཅིག་གི་དཔྲལ་པ་ན་ཉི་མའི་འོད་ཟེར་འབར་བས་སྲོད་པ་གསུམ་ལྷག་གེར་གསལ་བ་ཞིག་རང་ཉིད་ལ་ཐིམ་པར་རྨིས་སོ། །དེ་ནས་རབ་བྱུང་ལྔ་པའི་ཕུར་བུ་ས་སྤྲེ་དབོ་ཟླའི་ཚེས་བཅུའི་ཉིན་མངལ་གྱི་ཆུ་འཛིན་ལས་རྣམ་པར་གྲོལ། གཞོན་ནུ་དོན་གྲུབ་ལ་ལྷའི་དབང་པོས་བྱ་བ་བཞིན་དུ་ནམ་གྲུ་རེ་མ་ཏིས་ངས་བསྲུངས་པ་ཡིན་ཞེས་ལག་ཏུ་བླངས། སླར་ཡུམ་ལ་གཏད་ནས་མི་སྣང་བར་སོང་། འདི་ལྟར་བྱང་ཆུབ་སེམས་དཔའ་ནི་འཕགས་པའི་ནོར་གྱིས་གདོད་ནས་ཕྱུག་པས་དད་པ་དང་། སྙིང་རྗེ་ལ་སོགས་པའི་ཡོན་ཏན་སྒྲིབ་མེད་དུ་གསལ། ལོ་ལྔ་ནས་བྲིས་ཀློག་ལེགས་པར་མཁྱེན། ཡབ་ལས་བཀའ་བརྒྱད་བདེ་འདུས། ཕུར་པ། རྟ་མགྲིན། བླ་མའི་ལས་གཞུང་སོགས་བསྒྲུབ་འཕྲིན་མང་དུ་གསན། སྨན་རྩིས་ལ་སོགས་པའི་རིག་པའང་ཁོང་དུ་ཆུད། དགུ་པའི་སྟེང་དུ་ཉི་ཁྲི་དང་བརྒྱད་སྟོང་བརྒྱ་ཚར་བཏོན་པས་ལྷག་མེད་དུ་ཐུགས་ལ་འཛུལ། བཅུ་གཉིས་པའི་ཚེ་བསམ་ཡས་པ་མཁན་པོ་བསམ་གྲུབ་རིན་ཆེན་དང་། སློབ་དཔོན་ཀུན་དགའ་འོད་ཟེར་ལས་རབ་བྱུང་གི་དངོས་པོ་བརྙེས། མཚན་ཚུལ་ཁྲིམས་བློ་གྲོས་སུ་གྲགས། དམ་པའི་ཆོས་འདུལ་བ་ལ་ལེགས་པར་སྦྱངས་པས་ལོ་བཅུ་བཞི་པར་བཤད་པའི་བ་དན་བཟུང་ཆོག་པ་བྱུང་། བཅུ་དྲུག་པར་སློབ་དཔོན་བཀྲ་ཤིས་རིན་ཆེན་ལས་ལམ་འབྲས་དང་། ཆོས་དྲུག་གཉིས། ཕག་མོ་ཆོས་དྲུག །བདེ་མཆོག་དྲིལ་བུ་བ། ཕྱག་རྡོར་འཁོར་ཆེན་ལ་སོགས་པའི་དབང་ཁྲིད་གདམས་པ་མང་དུ་ཉན། སློབ་དཔོན་དབང་ཡེས་སྟོན་ཚུལ་ཁྲོ་ཕུ་པ་ལ་སོགས་པར། བྱ་སྤྱོད། རྣལ་འབྱོར། རྡོ་རྗེ་གུར། མཁའ་འགྲོ་རྒྱ་མཚོ། སངས་རྒྱས་ཐོད་པ། རྡོ་རྗེ་ཕྲེང་བ། དུས་ཀྱི་འཁོར་ལོ་ལ་སོགས་པའི་སྔགས་རྒྱུད་མང་པོ་དང་། རིན་པོ་ཆེ་ཟ་ལུང་པ་སོགས་ལ་ཞང་ཚལ་བའི་གདམས་སྐོར། རྒོད་ཚང་བའི་ལམ་ཁྲིད། གཅོད་ཡུལ། ཞི་བྱེད་སྔ་ཕྱི་བར་གསུམ་ལ་སོགས་པ་མང་དུ་ཉན། བཅུ་དགུ་པར་གངས་རིའི་ཁྲོད་ན་ཚད་མ་སྨྲ་བའི་རིག་གྲྭ་ཆེན་པོ་རྗོག་ལེགས་པའི་ཤེས་རབ་ཀྱིས་ལེགས་པ་བསྐྲུན་པའི་གནས་གསར་ཕུ་ནིའུ་ཐོག་གི་མ་ལ་ཡའི་ནགས་ཀླུང་ཆེན་པོར་ཞུགས་ནས་གླིང་སྟོད་གདན་རབས་བཅོ་ལྔ་པ་སློབ་དཔོན་བཙན་དགོན་པ་དང་། གདན་རབས་བཅུ་དྲུག་པ་བླ་བྲང་བ་ཆོས་དཔལ་རྒྱལ་མཚན་གཉིས་ལས། བྱམས་པའི་ཆོས་ལྔ། ཚད་མ་སྡེ་བདུན་ཕར་ཕྱིན། དབུ་མ་ལ་སོགས་མཚན་ཉིད་ཐེག་པའི་ལུང་རིག་གི་པདྨའི་རྩ་མ་མངར་པོར་གྱུར་པ་དག་ལོ་དྲུག་གི་བར་དུ་ལྷག་མ་མ་ལུས་པར་ཟོས་པས་བློ་གྲོས་ཆེན་པོའི་ལུས་ཀྱི་སྟོབས་ལྷག་པར་རྒྱས། དཔང་ལོ་བློ་གྲོས་བརྟན་པ་ལས་མདོ་ཏིང་འཛིན་རྒྱལ་པོ་ལ་སོགས་པའི་ཟབ་ཆོས་མདོ་ལྔ། ཤེས་རབ་སྙིང་པོ་རྒྱ་ཆེར་འགྲེལ་པས་མཚོན་པའི་ལུང་ཕྲན་མང་པོ་སོགས་ནང་པའི་གཞུང་། སྒྲ་དང་སྙན་དངགས་དང་སྡེབ་སྦྱོར་དང་། ཟློས་གར་ལ་སོགས་པ་ཕྱི་རོལ་པ་དང་ཐུན་མོང་དུ་གྱུར་པའི་གནས་ཐམས་ཅད་ལ་ཐོས་བསམ་མཐར་ཕྱིན་པའི་རྣམ་གཞག་རིང་པོར་བསྐྱང་། ཤེས་རབ་ཀྱི་ལྷ་འཇམ་པའི་དབྱངས། མཚོ་ལྡན་མ། མི་གཡོ་བ། ཕག་དཀར་རྣམས་ལ་བསྒྲུབ་པ་མཛད་པས་ཀུན་ཀྱང་ཞལ་གཟིགས། ཁྱད་པར་སྒྲ་དབྱངས་ལྷ་མོས་ཕྱག་མཐིལ་དུ་བཞག་ནས་གླིང་བཞི་རི་རབ་དང་བཅས་པ་ཞག་བདུན་དུ་བསྟན་ཅིང་ལུང་བསྟན་ཐོབ། ལྷག་པའི་ལྷ་དེ་དག་གིས་ཀྱང་ཐོགས་པ་མེད་པའི་བློ་གྲོས་ཀྱི་དངོས་གྲུབ་ཆེན་པོའི་གནས་གང་ཡིན་པའི་དྲུ་བ་དང་དྲུ་བ་ཕྱེད་པའི་འཕྱང་འཕྲུལ་དང་། རིན་པོ་ཆེའི་ཏོག་གི་རྣམ་པར་དཔྱངས་པས། བརྒལ་བ་དང་བརྟག་པ་དང་། རིགས་པའི་ཐལ་འགྱུར་གྱི་སྒྲ་ཆེན་༄༅ པོས་ས་འདི་གཡོ་བ་ཙམ་དུ་གྱུར་ནས། རྒོལ་བ་ངན་པའི་ཁྱུ་མཆོག་རྭ་གཅིག་པའི་བརྟུལ་ཞུགས་འཛིན་པ་རྣམས་བསྒྲུབ་པ་དང་། སུན་འབྱིན་པའི་རྐང་པ་མཆོག་གིས་རྣམ་པ་རྫི་བ་དང་། རྣམ་པར་འཐག་པ་དང་། རྣམ་པར་ཉམས་ཉེས་པར་བྱས་ནས་ཅང་མི་སྨྲ་བའི་གནས་ལ་བཀོད་པས་བསམ་ཡས་ལུང་མང་པོའམ། ཀློང་ཆེན་རབ་འབྱམས་ཞེས་པའི་མཚན་གྱི་རྔ་བོ་ཆེ་མཁའ་འགྲོ་བ་དང་མི་མ་ཡིན་གྱི་གནས་སུའང་གྲགས་པ་གསལ་བ་ཉིད་དོ། །དེ་ལྟར་ལུང་དང་རིག་པའི་གནས་རྒྱ་ཆེན་པོ་ལ་མི་འཇིགས་པའི་ཉམས་བརྟས་པར་གྱུར་ནའང་། འདི་ལྟར་སྐྱེས་བུ་ཆེན་པོ་རྣམས་ནི་རྣམ་པར་གྲོལ་པའི་ལམ་ལ་གང་ཉེ་བའི་ཕྱོགས་ལ་འཇུག་པ་བརྩོམ་སྟེ། ཕྱོགས་དང་ཕྱོགས་བྲལ་གྱི་གནས་སུ་ལྟགས་ནས་བྱང་ཆུབ་སེམས་དཔའ་རྟག་ཏུ་ངུའི་རྣམ་པར་ཐར་པ་ལ་ཡིད་གཞུངས་པས། བླ་མ་དང་དགེ་བའི་བཤེས་གཉེན་དུ་མ་ལས་མདོ་དང་། རྒྱུད་དང་།མན་ངག་མང་དུ་ཞུས་ནས་ཐོས་པ་དང་བསམ་པའི་བློ་གྲོས་ཆེར་བསྐྱེད། གངས་རིའི་ཁྲོད་ན་གཞུང་ལུགས་དང་མན་ངག་མང་དུ་གནས་པ་ལ་ཕྱོགས་དང་རིས་སུ་བཅས་པ་སྤངས་ཏེ། བུང་བ་གཞོན་ནུས་སྦྲང་རྩིའི་སྙིང་པོ་ལ་བྱ་བ་བཞིན་དུ། དན་བག་པ་སློབ་དཔོན་གཞོན་ནུ་དོན་གྲུབ། མྱོས་མཐིང་མ་བ། སངས་རྒྱས་གྲགས་སོགས་བླ་མ་བཞི་ལ་མདོ་སྒྱུ་སེམས་གསུམ་རྙིང་མ་རྒྱུད་འབུམ་གྱིས་གཙོས་མང་དག་གསན་པས་སྔར་འགྱུར་རྡོ་རྗེ་ཐེག་པའི་གྲུབ་པའི་མཐའ་ཆེན་པོ་གཅིག་ཏུ་འཇུག་པའི་རྟེན་འབྲེལ་ཤར། ཕྱིས་གསང་བའི་སྙིང་པོ་ལ་སྙིང་ཏིག་དང་མཐུན་པའི་རྟི་ཀ་ཕྱོགས་བཅུ་མུན་སེལ་ཉི་ཟླའི་སྤྲིན་གྱི་སྣང་བ་ཞེས་བྱ་བ་དང་། སྤྱིའི་ཁོག་འབུབས་གཉིས་མཛད། གསང་སྙིང་འགྲེལ་པ་སྤར་ཁང་ཀྱི་ལུགས་ལྟར་འཆད་པ་མི་ལེགས་ཀྱི། རོང་ཟོམ་ཀྱི་ལུགས་ལྟར་ལེགས་པ་ཡིན་ཞེས་གསུངས། ལར་གཡུང་འབྲེལ་དང་བཅས་འདི་གསུམ་རང་བཤད་སྒྲོམས་ཆེ་བར་སྣང་། སློབ་དཔོན་གཞོན་རྒྱལ་ལ་སོགས་པར་དབུ་མ་ཚིག་འཇུག་ལ་སོགས་འཕགས་སྐོར་རྣམས་ཚང་བ་དང་། གཞོན་རྡོར་ལ་སྤྱོད་འཇུག་དང་བསླབ་བཏུས་ལ་སོགས་པ། ཇོ་བོའི་ཡི་དམ་སྐོར། སྦྱོར་དྲུག་ཆོས་དྲུག །མཁན་པོ་ལས་ཁྲོ་ཕུ་བའི་སྐོར། ཁ་རག་ཆོས་སྐོར། སྒྲུབ་ཐབས་རྒྱ་མཚོ། ཆོས་འབྱུང་བརྒྱ་རྩ། འདུལ་བ་ལུང་ལ་སོགས་ཤིན་ཏུ་མང་བ། རྗེ་རང་བྱུང་རྡོ་རྗེ་ལས། སྦྱོར་དྲུག་གེགས་སེལ་དང་བཅས་པ། ནཱ་རོ་ཆོས་དྲུག །སྐུ་གསུམ་ངོ་སྤྲོད། །རྒྱལ་བ་རྒྱ་མཚོ། སྤྱན་རས་གཟིགས་རྒྱལ་པོ་ལུགས། གསང་འདུས། སསྦུ་ཞི། མ་ཧྭ་མ་ཡ། གཤིན་རྗེ་གཤེད་དམར་ནག་སོགས་ཆོས་བཀའ་རྒྱ་ཆེན་པོ་སློབ་དཔོན་དབང་ཚུལ་ལས་སྦྱོར་དྲུག་དང་། བསྙེན་བསྒྲུབ། རླུད་སྐོར་ལ་སོགས་པ་མང་པོ། ས་སྐྱ་པ་བླ་མ་དམ་པ་ལས། སེམས་བསྐྱེད་ཆེན་མོ་དང་། ལམ་འབྲས་སོགས་ས་སྐྱ་པའི་ཆོས་ཟབ་དགུ་གསན་ཅིང་། འདི་ལ་གཞི་ལམ་འབྲས་བུ་གསུམ་གྱི་རྣམ་པར་གཞག་ང་འི་ཞུ་ཡིག་རིན་པོ་ཆེ་གསེར་གྱི་མཆོད་སྡོང་ཞེས་བྱ་བའང་ཕུལ་བ་སྣང་། ཞི་བྱེད་རྒྱུད་པ་རྨ་སོ་ཀ༷་གསུམ་དུ་གྲགས་པའི་སློབ་རྒྱུད་ཤུག་གསེབ་རི་པ་གཞོན་རྡོར་ལས། དོ་ཧ་སྐོར་གསུམ། རི་ཆོས་སྐོར་གསུམ། རྟེན་འབྲེལ་བརྒྱ་རྩ་ལ་སོགས་མདོར་ན་གངས་རིའི་ཁྲོད་ན་གྲགས་པའི་གྲུབ་པའི་མཐའ་ཕལ་མོ་ཆེ་ཐུགས་སུ་ཆུད་ཅིང་། འཆད་རྩོད་རྩོམ་གསུམ་ལ་ཐོགས་པ་མེད་པའི་ཐུགས་རབ་སྐྱེས། ཐ་སྙད་ཀྱི་རིག་པ། མདོ་སྔགས་ཀྱི་གཞུང་ལུགས། མན་ངག་གི་སྐོར་སོགས་གང་ལའང་རང་བྱན་ཆུད་པར་མཛད་དོ། །འདི་ལྟར་སྐྱེས་བུ་ཆེན་པོ་རྣམས་ནི། ཐོས་བསམ་གྱི་མཐའ་སྒྲུབ་པས་ཉམས་འོག་ཏུ་བཙུད་ནས་རྣམ་པ་ཐམས་ཅད་མཁྱེན་པའི་ཡེ་ཤེས་ཀྱི་འབབ་སྟེགས་ཉིད་དུ་མཛད་དེ། དེ་ལ་རྣམ་པ་ཀུན་ཏུ་འཁོལ་བའི་རང་བཞིན་ལ་ཐུགས་སྐྱོ་ཤས་དང་ངེས་འབྱུང་ཚད་མེད་པས་སྔོན་གྱིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བསྔགས་པའི་གནས་ནགས་ཁྲོད་དང་། བས་མཐའ་འབའ་ཞིག་དོན་དུ་གཉེར་བའི་དགོངས་པ་གཏོད་པའི་ཚེ། བཅོམ་ལྡན་འདས་ཀྱིས་ངེས་པར་འབྱུང་བའི་རྐྱེན་བཞི་གཟིགས་པ་བཞིན་དུ། གྲྭ་ས་དེར་ཁམས་པའི་གྲྭ་པ་དག་གིས་གཟུ་བོར་མི་གནས་པའི་སྤྱོད་པ་ངན་པས་ཐུགས་ངེས་པར་འབྱུང་སྟེ་བྱ་བྲལ་གྱི་ཀུན་ཏུ་སྤྱོད་པས་གཤེགས་པར་ཉེ་བའི་ཚ། མཁན་སློབ་རྣམས་སྐྱེས་བུ་དམ་པ་འདིའི་རྣམ་དཔྱོད་ལ་དཀོན་པའི་འདུ་ཤེས་བཟོད་པར་དཀའ་བས་ནན་གྱིས་བཤོལ་བཏབ་ནའང་། སེམས་ཅན་གྱི་བསོད་ནམས་ལས་གཞན་དོན་རླབས་པོ་ཆེའི་འཕྲིན་ལས་ཀྱི་འཇུག་པ་དུས་ལས་མ་ཡོལ་བས་བཤོལ་མ་ཐེབས་པར་ཆས་ཙ་ན། རྔོག་ལོ་ཆེན་པོའི་གདུང་རྟེན་རྩར་དགེ་འདུན་དཔྱོད་ལྡན་པ་ཞིག་དང་ཕྲད། ཁོང་གིས་ཀྱང་བཤོལ་བཏབ་ཅིང་སྐྱོ་བའི་རྣམ་པ་སྟོན་པ་ལ་གནས་ཚུལ་རྣམས་བཤད་པས། ཁོང་ཡང་ཁམས་པའི་ཚོགས་ལ་འཁུན་པར་བྱེད་ཅིང་། ད་ཅིས་ཀྱང་གཤེགས་ན་རང་རེ་ལ་རྩོམ་པ་ནི་ཐོགས་རྡུག་མེད། ཁམས་པ་རྣམས་ལ་ངན་སྨྲས་ཞིག་འཇོག་པར་འཚལ་ཞེས་བསྐུལ་བས། ཀུ་རེའི་ཚུལ་དུ་ཤོག་བུ་བྲེ་ཁ་གཅིག་ལ་ཤོང་ཐང་བྲིས་པ་ཁོང་གི་ཁྱེར་ནས་ཆོས་རའི་ཁྲི་ལ་སྦྱར་བ་ཁམས་པ་རྣམས་ཀྱིས་རིག་སྟེ་མཐོང་དུ་མ་སྟེར། ཀ་ལིང་ཡུལ་དུ་སྲིན་པོ་རྒྱུ་བ་བཞིན། ཞེས་པ་ལ་སོགས་པ་ཀ་ཐ་སུམ་ཅུ་པ་འདི་རྒྱལ་ཁམས་ཀུན་ཏུ་དར་རོ། །དེ་ནས་ངེས་པ་མེད་པའི་གནས་སུ་འཁྱམས། ཞིང་སྒྲུབ་པ་འབའ་ཞིག་ལྷུར་མཛད་པ་ལས་རྒྱ་མའི་ཅོག་ལ་བྲ་ཕུག་ཏུ་ཟླ་བ་ལྔ་མུན་པའི་རྣལ་འབྱོར་ལ་བཞུགས་པའི་ཚེ། སིལ་སྙན་གྱི་སྒྲ་གླུ་དབྱངས་དང་བཅས་པ་ཞིག་གསན་པས། དེ་ལ་བལྟ་བའི་སྣང་བ་ཤར་ཙན་བུད་མེད་ལོ་བཅུ་དྲུག་པ་ཟ་འོག་གི་འཇོལ་བེར་དང་གསེར་གཡུའི་རྒྱན་གྱིས་སྤྲས་ཤིང་། བསེ་ཁྲབ་དྲིལ་བུས་བརྒྱན་པའི་རྟ་ལ་བཅིབས་པ་གདོ་་གསེར་གྱི་དྲུ་བས་གཡོགས་པ་ཞིག་དང་མཇལ། དེའི་ཐུ་བ་ནས་འཇུས་ཏེ་འཕགས་མ་རྗེས་སུ་འཛིན་པ་ཞུ་ཞེས་བཏུད་པས། རིན་པོ་ཆེའི་དབུ་རྒྱན་ཅིག་འདུག་པ་ཕུད་ནས་ཀུན་མཁྱེན་པའི་དབུ་ལ་བཀོན། དེང་ནས་དུས་རྟགས་ཏུ་བྱིན་གྱི་རློབ་ཅིང་དངོས་གྲུབ་སྤྱིན་ནོ་གསུངས། བདེ་གསལ་མི་རྟོག་པའི་ཏིང་འཛིན་ལ་ཡུན་རིང་པོར་འབྱམས། མན་ངག་རྫོགས་པ་ཆེན་པོའི་ཆོས་དང་མཇལ་བའི་རྟེན་འབྲེལ་བསྒྲིགས། དེ་ནས་ཉི་ཤུ་རྩ་དགུ་པར་བསམ་ཡས་སུ་ཕེབས་པའི་དཔྱིད་སོས་བླ་མ་དམ་པ་ཀུ་མ་ར་ཛ་ཡར་སྟོད་སྐྱམ་གྱི་ཕུ་ན་བཞུགས་པ་ལ་གཏད་དེ་བྱོན་པས། ལམ་དུ་གཡག་སྡེ་པཎ་ཆེན་དང་མཇལ་ནས། རྗེ་དྲུང་ཀརྨ་པའི་དྲུང་ན་དེང་ཞེས་བསྐུལ་ནའང་མཉན་པར་ལྟགས། ཡར་སྟོད་སྐྱམ་གྱི་ཕུ་ན་རིག་འཛིན་པ་སློབ་མའི་ཚོགས་ཆ་ཐེར་ལྷག་སྐྱོབས་བདུན་ཅུ་ཙམ་དང་། བཅས་པ་བཞུགས་པ་དང་མཇལ། མདང་ལྷའི་བྱ་ཡིན་ཟེར་བའི་བྱ་ཡ་མཚན་ཅན་ཞིག་ལ་བྱ་བྲན་མང་པོའི་ཚོགས་དང་བཅས་བྱུང་ནས་ངའི་དཔེ་ཆ་རྣམས་ཕྱོགས་མཚམས་ཐམས་ཅད་དུ་ཁྱེར་སོང་བར་རྨིས་པས་རྒྱུད་པ་འཛིན་པ་གཅིག་འོང་གསུངས་ནས་ཤིན་ཏུ་མཉེས། དེར་ཆོས་ཁྲ་འདེགས་རྒྱུ་མེད་པས་ཐུགས་ལ་སྐྱོ་བ་དཔག་ཏུ་མེད་པ་འཁྲུངས། ཆོས་ཁྲལ་ལ་འཐོགས་ནས་བླ་མའི་དྲུང་ནས་འགྲོ་དགོས་པ་ང་ལས་མེད་པས་ཉིན་པར་འགྲོ་བ་ངོ་ཚ། སང་ནམ་ལྡང་ཙ་ན་ལུང་པ་འདིའི་མདའ་ལ་སླེབངས་པར་འགྲོ་དགོས་དགོངས་ཙ་ན་བླ་མའི་མངོན་མཁྱེན་གྱིས་དགོངས་ནས་འདིའི་ཆོས་ཁྲལ་ནང་ནས་འདེབས་པ་ཡིན་པས་མ་གཅོར་ཞེས་གྲྭ་པ་གཉིས་ཀྱི་བསྐྱར་བྱུང་བས་དགའ་ཆེས། རིག་འཛིན་པ་དེ་སློབ་མའི་ཚོགས་ལ་སྐྱོ་བ་སྐུལ་ཕྱིར་གཞི་མི་འཛིན་པས་འོ།་དེའི་དཔྱིད་སོས་ལུང་སྟོངས་གཅིག་ནས་གཅིག་ཏུ་འཕོ་སྐྱས་ལན་དགུ་མཛད་པས། གཞི་རེ་ཟིན་དུས་འཕོ་དགོས་པ་འདྲ་དེས་རང་ལ་ན་བཟའ་དང་བཟའ་བཏུང་གཉིས་ཀ་མེད། ནམ་ཟླ་དང་གངས་རྩ་ཡུལ་ཤིན་ཏུ་གྲང་བས་ལུང་སེམས་ལ་ངལ་དུབ་དཔག་ཏུ་མེད་པ་བྱུང་། ཕྱེ་བྲེ་གསུམ་དང་དངུལ་ཆུ་རིལ་བུ་རིལ་མ་ཙམ་ཉི་ཤུ་རྩ་གཅིག་ལས་མེད་པས་དེས་ཟླ་བ་གཉིས་ཀྱི་འཚོ་བ་བྱས། ཁ་བ་བབས་དུས་འབོག་གི་དོད་སྒྱེ་གཅིབ་ཡོད་པ་དེའི་ནང་དུ་ཞུགས་ནས་གོས་སྟན་གཉིས་ཀའི་གོ་བཅད་པ་སོགས་ཆོས་ཕྱིར་དཀའ་བ་སྤྱད་པ་བསམ་གྱིས་མི་ཁྱབ། ལོ་དེར་རྫོགས་པ་ཆེན་པོ་གསང་བ་སྙིང་ཏིག་གི་དབང་ཁྲིད་གདམས་པ་དང་བཅས་པ་ཐབ་ཅིང་སྒོམས་ཕྱི་འོ།་དེ་དབང་གོང་མ་དང་། རྫོགས་ཆེན་སྡེ་གསུམ་གྱི་རྒྱུད་ལུང་མན་ངག་བསྟན་སྲུང་དང་བཅས་པ་བུམ་པ་གང་བྱོར་གནང་ནས་བསྟན་པའི་རྒྱལ་ཚབ་ཏུ་དབུགས་འབྱིན་མཛད། ལོ་དྲུག་གི་བར་དུ་བསྒྲུབ་པའི་དམ་བཅའ་ཕུལ། སུམ་ཅུ་རྩ་གཅིག་པ་ལ་སྙིང་ཕུའི་ཤུག་གསེབ་ཏུ་སྙིང་ཏིག་གི་སྒོ་ནས་སྐལ་ལྡན་དུ་མ་ལ་སྨིན་གྲོལ་མཛད། རྣལ་འེབྱོར་པ་འོད་ཟེར་གོ་ཆས་དཀའ་སྤྱད་ཆེན་པོ་མཁའ་འགྲོ་སྙིང་ཐིག་གི་དཔེ་བཙལ་བ་གཟིགས་ཕུལ་བ་དང་མཚུངས་པར། གཟིམས་ལམ་དུ་ཤན་པ་སྲོག་སྒྲུབ་མས་གླེགས་བམ་གཏད། སང་ཕོད་སུམ་ཅུ་རྩ་གཉིས་པར་མཆིམས་ཕུའི་རི་མོ་ཅན་དུ་བསྒྲུབ་པ་ལ་ཞུགས་དུས། སྐལ་ལྡན་གྱི་རྣལ་འབྱོར་ཕོ་མོ་བརྒྱད་ལ་སྙིང་ཏིག་གི་གདམས་པ་བཏབ། སྤྲོས་བཅས་ཀྱི་དབང་གི་དུས་བྱིན་ཕབ་པས། རྣལ་འབྱོར་མ་གཅིག་ལ་སྔགས་སྲུང་མ་མངོན་སུམ་དུ་བབ་སྟེ་འཁྲབ་བྱུང་བས། སློབ་མ་རྣམས་ཀྱིས་ཟིལ་མ་བཟོད་པར། བླ་མའི་ཞལ་ནས་འདིར་མཁའ་འགྲོ་བབས་པ་ཡིན་པས་ཨའུ་རྩི། ང་སྣང་སེམས་རོ་གཅིག་ཏུ་རྟོགས་པའི་རྣལ་འབྱོར་པ་ཡིན་བར་ཆད་མི་འོང་གསུངས། དེ་རྣལ་འབྱོར་མས་བླ་མ་ལ་ཕྱག་བྱས། དཀྱིལ་འཁོར་ལ་ལྟས་ནས་རྨ་བྱ་མ་འཛིམ་པ་ག་རེ་ཟེར། ཡིད་ཀྱི་བསམ་པ་ཡིན་གསུངས་པས། བརྡའི་ཆོས་ལ་ཡིད་ཀྱི་ག་ན་འོང་ཟེར། ཡང་བུམ་པའི་སྟེགས་ཀྱི་མལྗི་དོར་ཏེ་བུམ་པ་གསུམ་སྒྲེལ་ནས་བཞག །ཆོ་གའི་རྣམ་གཞག་ཞིབ་མོ་མཛད་དུས། ཐལ་མོ་སྦྱར་ཏེ་ལེགས་སོ་བརྗོད། རིགས་ཀྱི་ཡི་གེའི་ས་མཐའ་ཆད་ནས་རིག་ཏུ་བོས་པ་ལ། མིན་མིན་རིགས་ཟེར་བ་ཡིན་ཞེས་དང་། སྔགས་བཟླས་དུས་ངའི་ལད་མོ་གྱིས་ཟེར་ནས་མཁའ་འགྲོའི་སྐད་དུ་འབྲེལ་ལ་མ་འབྲེལ་བའི་གདངས་སྙན་པོ་བྱས། དངོས་གཞིའི་སྐབས་སུ། བློ་སྒོམ་དང་བྲལ་ན་དགའ་བ་ལ། བློ་སྒོམ་དང་བྲལ་ན་ཨ་རེ་སྐྱིད། ཅེས་དོན་གྱི་ལྟ་སྒོམ་ཡི་དཔྱོད་དང་བྲལ་བའ་གླུ་བླངས། མཆོད་པ་ངན་པ་ལ་འད་མ་སྟོ་ཟེར། མཆོད་དབྱངས་སྙན་པོ་བྱས། ཚོགས་ཀྱ་དུས་བླ་མ་ལ་བདུད་རྩི་དྲངས་དུས། འདི་མཁའ་འགྲོའི་དམ་རྫས་ཡིན་པས་ཅིས་ཀྱང་བརྟེན་དགོས་ཟེར་ལྷག་མེད་དུ་དྲངས། དེའི་ཚ་སློབ་མའི་ཚོགས་ཀྱང་ཉམས་འུར་ནས་གླུ་ལེན་བྲོ་བརྡུང་། ཐ་མལ་གྱི་གཉིད་ལས་འདས་པའི་འོད་གསལ་རྩེ་གཅིག་ཏུ་ཤར། དཔའ་བོ་དང་། མཁའ་འགྲོ་དང་། ཆོས་སྐྱོང་། སྣ་ཚོགས་པའི་གཟུས་བརྙན་མངོན་སུམ་དུ་མཐོང་ནས། བུད་མེད་ནག་མོ་གཅིག་གིས་ཕྱེ་ཕུད་ཉམས་ཟེར་བ་དང་། དམ་ཅན་པ་མི་དཀར་པོར་བསྟན་ནས་ངའི་གཏོར་མ་ལ་དམར་རྒྱན་ཆད་ཟེར་བ་དང་། ཇོ་བོ་མདངས་ལྷ་མི་དཀར་རྟ་དཀར་ཅན་དུ་འོང་ནས་གཏོར་མ་འདོད་པ་ལ་དམར་གཏོར་སྦྱིན་པས་མ་འདོད་པ་དང་། མཁའ་འགྲོའི་ཚོགས་ཀྱིས་བླ་མ་ལ་གདུགས་འབུབས་པ་དང་། སྐོར་བ་བྱེད་པ་དང་ཧུ༷་དང་ཕཊ་ལ་སོགས་པའི་སྒྲ་དྲག་པོ་དང་། ཐུག་ཆེམ་ཆེན་པོ་སོགས་ཆེ་འཕྲུལ་བསམ་གྱིས་མི་ཁྱབ་པ་བྱུང་བས། རྣལ་འབྱོར་པ་གཅིག་གིས་དོ་ནུབ་གནམ་ས་ངོ་ལོག་པ་འདུག །ཤ་དུམ་ཁྲག་དུམ་བྱེད་ལས་ཆེ་ཟེར་ནས་སྐྲག་པ་སོགས་བྱུང་། དེ་བཞིན་དུ་འོ་དེ་གུང་རྒྱལ་དང་གཉེན་ཆེན་ཐང་ལྷ་དང་། སྨན་མོ་མཆེད་བདུན་ལ་སོགས་གཏོར་མ་ལེན་དུ་འོངས། རྡོ་རྗེ་ཕག་པོ་སྐུ་མདོག་མཐིང་ཀ་རིན་པོ་ཆེ་དང་རུས་པས་བརྒྱན་པ་མངོན་སུམ་དུ་བྱོན་ནས་དྲིས་པས།དོ་ནུབ་དུས་གཉན་་་་ར།་ལས་ཅན་གྱི་སློབ་མ་ཉུལ་དུ་འོངས། བླ་མ་དམ་པ་སྐུ་ཁམས་བཟང་ཟེར། ད་ལོ་སྐུ་ཆགས་བདོ་བས་ཇི་ལྟར་མཆིས་དྲིས་པས། མཁའ་འགྲོ་མས། སངས་རྒྱས་ཀྱི་རྣམ་འཕྲུལ་ལ་བར་ཆད་ག་ན་འོངས། གདུལ་བྱ་ལ་དགངས་པ་ཡིན། བི་མ་ལ་བོད་ཡུལ་དུ་བྱོན་པ་མི་ཤེས་སམ་ཟེར། ད་ཅི་ཙམ་བཞུགས་དྲིས་པས། ལུག་ལོ་ཕྱི་མའི་བར་བཞུགས། དེ་ནས་གདུལ་བྱ་དང་བསྟུན་པའི་ངེས་པ་མེད་ཟེར། འོ་ན་ང་བླ་མ་ཀུ་མ་རྭ་ཛས་གཞན་དོན་ལ་བསྐུལ་བ་འདི་བླ་མ་ལ་ཁྱེད་ཀྱིས་བསྐུལ་ལམ་དྲིས། འོ་འོ་དེ་ཀ་དེ་ཀ་ཟེར་དུས། ངས་གཅིག་པོར་བསྒྲུབས་ནས་འོང་ལུས་སྒྲུབ་བམ། གཞན་དོན་བྱས་ན་སེམས་ཅན་ལ་ཕན་ཐོགས་འོང་ངམ ལ་ཇི་ཙམ་ཐུབ་དྲིས་པས། འོད་ལུས་འགྲུབ་ཀྱང་སེམས་ཅན་ལ་ཕན་འདོགས་དགོས། གཞན་དོན་འུར་འུར། ད་ལོ་ནས་སུམ་ཅུ་ཐུབ་ཟེར། ང་ལ་བཀའ་སྲུང་ཇི་ལྟར་ཡོད་དྲིས་པས། མང་མང་བླ་མའི་ཐམས་ཅད་ཁྱེད་ལ་ཡོད། ཁྱད་པར་རྡོ་རྗེ་གཡུ་སྒྲོན་མ་ཟེར། དེ་བཞིན་དུ་འགྲོ་དོན་ལྷོ་ནུབ་ཕྱོགས་ན་ཡོད། ཚེ་ཕྱི་མ་འདི་བས་ཀྱང་འགྲོ་དོན་ཆེ་ཟེར། འོ་ན་མཁའ་འགྲོ་སྙིང་ཏིག་ནས་བཤད་པ་དེ་ཡིན་ནམ།དབང་ཁྲིད་གདབ་ཏུ་རུང་ངམ་དྲིས་པས། འོ་དེ་ཀ་དེ་ཀ་མ་ནོར་མ་ནོར། ཆོས་ཀྱི་བདག་པོ་ཁྱེད་རང་ཡིན་པ་ལོས་ལོས་ཟེར ཡང་མི་རྣམས་ཀྱིས་ཟོག་པར་འཛིན་དུ་མིང་འོང་ངམ་དྲིས་པས། མིའི་ཁ་ལ་གཏད་པ་ཅི་ཡོད། སྐལ་ལྡན་རྣམས་ཁོ་མོས་བསྡུད། སྐལ་མེད་སངས་རྒྱས་ལའང་བསྐུར་བ་འདེབས་ཟེར། སྙིང་ཏིག་གི་ཆོས་བཀའ་རྡོ་རྗེ་གཡུ་སྒྲོན་མའི་གནས་སུ་འབྱེད་དམ་དྲིས་པས། འདི་ན་མཁའ་འགྲོ་རང་བཞིན་གྱིས་འདུ་བས་འདིར་འབྱེད་དགོས་ཟེར། བུམ་ཐང་གི་གཏེར་ཁའི་ལུང་ཡང་གསལ་བར་བཤད། སློབ་དཔོན་ཆེན་པོ་དང་མཇལ་ལམ་དྲིས་པས། ལུང་གསུམ་གྱི་ཕུ། རི་གསུམ་གྱི་མདའ། བྲག་ཆུང་ངེ་བ་ཁ་ནུབ་ཏུ་བལྟ་བའི་གཡས་ཟུར་དུ་མཇལ་ཟེར། བི་མ་ལ་དང་ནམ་མཇལ་དྲིས་པས། མཇལ་ཟིན་འདུག་པ་ལ་ཟེར་རོ། །ངས་རྟོགས་པའི་ལྟ་བ་འདི་སྙིང་ཏིག་གི་དགོངས་པའི་མཐར་ཐུག་གམ་དྲིས་པས། མཐར་ཐུག་པ་ལ་ནོར་འཁྲུལ་མེད་ཟེར། སློབ་དཔོན་རིན་རྡོར་གྱིས་སྤང་སྒང་པ་རིན་ཆེན་རྡོ་རྗེ་ག་ན་བཞུགས་དྲིས་པས། བླ་མ་ལ་མཛུབ་མོ་བཙུགས་ནས་འདི་ན་བཞུགས་འདུག་པ་ཟེར། དེར་བླ་མས། ཁོང་སྐྱེ་བ་དེའི་འོག་ཏུ་བུམ་ཐང་དུ་སྐྱེ་བ་ལ་ང་ག་ན་ཡིན་གསུངས་པས། དེ་ཀ་ལྟར་སྐྱེ་བ་མིན། བར་དུ་ལོངས་སྐུ་ཞིང་ཉུལ་དགོས་པ་དེ་སློབ་དཔོན་རིན་ཆེན་རྡོ་རྗེས་གཏེར་ཐོན་རྗེས་ལོ་འགའ་ཡར་སོང་ནས་བསྒྲུབ་པ་མཛད་ན་རང་དོན་དུ་འོད་གསལ་ལོངས་སྐུའི་རྩལ་སྦྱོངས་དང་། གཞན་ལ་ཕན་པ་རྒྱ་ཆེན་པོ་འོང་བ་ལ མ་སོང་བས་སྐུ་ཚེ་མཐར་མ་ཕྱིན། ད་ལྟ་ཁྱེད་དུ་སྐྱེས་དུས་འོད་གསལ་གྱི་སྣང་བ་ལམ་དུ་ཁྱེར་བ་འདི་ནི་ལོངས་སྐུའི་ཞིང་ཁམས་དར་གཅིག་ཉུལ་བ་དེ་ཡིན་ཟེར། ངས་ཕུང་པོ་ལྷག་མེད་ཨེ་འགྲུབ་དྲིས་པས། གཅིག་པུར་བསྒོམ་ན་ད་ལྟ་འགྲུབ། གཞན་དོན་མཛད་པས་བར་དོར་གྲོལ། སྤྲུལ་པས་བུམ་ཐང་དུ་སྐྱེ་བ་བླངས་གཞན་དོན་བྱས། དེའང་ནུབ་ཕྱོགས་ཨོ་རྒྱན་གྱི་ཡུལ་དུ་གཤེགས་ནས་སངས་རྒྱ་བའི་ཚུལ་སྟོན་གསུངས། ཡང་ངས་སྙིང་ཏིག་གི་ཕན་ཐོགས་བི་མ་ལ་དང་། མཁའ་འགྲོའི་གཉིས་གང་ཆེ་དྲིས་པས། གཉིས་ཀས་ཕན་ཐོགས། བི་མ་ལ་རྒྱ་ཆེ་ལོ་བརྒྱམཁའ་འགྲོའི་སྙིང་ཏིག་ལོ་ལྔ་བརྒྱར་གནས། ད་ནས་མགོ་རྩོམ་པ་ཡིན་ཟེར། དེར་བླ་མ་ཡང་ཐུགས་ཉམས་འུར་ནས་སྐུ་བཞེངས་ཏེ་རྡོ་རྗེའི་གླུ། ཚེ་འདི་ཡང་བདེ་སྟེ་ཕྱི་མ་སྐྱིད། །བར་དོ་རང་ངོ་ཤེས་པས་བདེ། །ད་ནི་བདེ་བའི་བདེ་བར་འགྲོ །གླུ་མཆོད་པར་འབུལ་ལོ་དཀོན་མཆོག་གསུམ། །ཐུགས་དགྱེས་པར་མཛོད་ཅིག་མཁའ་འགྲོའི་ཚོགས། །ཞེས་པའི་མཐའ་ཅན་དེ་གནང་། ད་དུང་མཁའ་འགྲོའི་སྣང་བ་བསམ་གྱིས་མི་ཁྱབ་པ་མཐོང་ཞིང་དེ་ཐམས་ཅད་མཐར་བླ་མ་ལ་ཐིམ། བླ་མ་ཡང་རེས་ལོངས་སྐུར་གནས་འགྱུར་བ་སོགས་མཐོང་། དེར་ཉེར་བརྒྱད་ཀྱི་ཉིན་ཞིག །ལྷོ་ནུབ་མཚམས་ནས་སློབ་དཔོན་ཆེན་པོ་སྐུ་མདོག་དཀར་གསལ་ཟ་འོག་གི་བེར་དང་། ཤ་བའི་གཉེན་ཞུ་ཅན་འཁོར་དཔག་ཏུ་མེད་པས་བསྐོར་བ་བྱོན་ཏེ་བླ་མར་ཐིམ་པ་མཐོང་། དེའི་ནུབ་མཁའ་འགྲོ་མ་རུས་པའི་རྒྱན་ཅན་ནམ་མཁའ་ལ་བུན་བུན་འགྲོ་བས་བླ་མར་མཆོད་པ་བྱེད་ཅིང་།བུད་མེད་སྨུག་ནག་གསུམ་བྲོ་ཁྲབ་པ་དང་། ངེད་ཡོ་ ང་ཡོང་བདེ་ཆེན་གྱི་གནས་ནས་ཡོང་། །ལས་ཅན་གྱི་སློབ་མ་ཉུལ་དུ་འོངས། །དམ་ཚིག་གི་གཙང་སྦྲ་བལྟ་རུ་འོངས། །འགྲོ་དོན་མཛོད་ཅིག་རིགས་ཀྱི་བུ། ཟེར་བ་དང་། ཡང་ནང་མཆོད་མཛད་པའི་དུས་སློབ་དཔོན་ཆེན་པོའི་གཡས་ན་བི་མ་ལ། གཡོན་ན་རྡོ་རྗེ་ཕག་མོ། མདུན་ན་མཁའ་འགྲོ་མ་མང་པོ་མི་རྐང་འབུད། རྒྱབ་ན་སྔགས་པ་མང་པོ་འཆམས། མཁའ་འགྲོ་མ་གསེར་གྱི་གོ་ཞུབ་ཅན་མང་པོས་གླུ་གར་བྱེད་ཅིང་བསྐོར་བའི་དབུས་ན་བླ་མ་བཞེངས་ནས། །དགའ་བོ་སྐྱིད་དོ་རྣལ་འབྱོར་ཀུན། །དུས་དོ་ནུབ་འོག་མིན་དག་པའི་ཞིང་། །རང་ལུས་ཞི་ཁྲོའི་ཕོ་བྲང་ན། །སྟོང་གསལ་རྒྱལ་པའི་དཀྱིལ་འཁོར་རྒྱས། །སངས་རྒྱས་ཕྱི་ན་མེད་དེ་ནང་ན་ཡོད། །ཅེས་དང་། སེམས་གཅིག་པུར་གནས་པའི་བསམ་གཏན་པ། །ཡེ་གཅིག་ལ་མི་འཛིན་གང་བདེར་ཐོང་། །སེམས་འཕྲོ་ཡང་སྟོང་ལ་གནས་ཀྱང་སྟོང་། །གང་ཤར་ཡེ་ཤེས་ཀྱི་རོལ་པ་ཡིན། །ཞེས་པ་ལ་སོགས་རྡོ་རྗེ་གླུ་བཞེངས། དེ་དུས་རྡོ་རྗེ་གཡུ་སྒྲོན་མ་དཀར་མོ་མཆེད་བདུན་དང་བཅས་པ་བྱོན་ནས་ངའི་གནས་སུ་གཤེགས་པ་ཞུ་ཟེར། བླ་མས་ང་ཁྱེད་ཀྱི་གནས་སུ་རྒྱུན་དུ་སྡོད་དགོས་གསུངས་པས། རྒྱུན་དུ་བཞུགས་ན་དགའ་སྟེ་དགུན་སྟོད་ལས་མི་བཞུགས་པ་འདྲ་ཟེར། ཁྱོད་ང་ལ་ཅིའི་ཕྱིར་འགོ་དྲིས་པས། གུ་རུའི་དམ་འོག་ཏུ་ཆུད་པས་གཏེར་གྱི་ཕྱི་ལ་འབྲང་ཟེར།དེར་ཆོས་ནི་ཕ་གིར་ཡོད། འདོད་མཁན་ནི་ཤི །འདིར་ཅི་བྱེད་བྱས་པས། ཆོས་ཕ་གི་ན་ཡོད་ཀྱང་དོན་འདི་ན་ཡོད། ཁྱེད་ཚ་འཕོས་ཀྱང་སྐལ་ལྡན་ཚ་མ་འཕོས་པས་ཡོང་པ་ཡིན་ཟེར། བཀའ་སྲུང་རྣམས་ལུང་བསྟན་ཅིང་། འདི་ཤིན་ཏུ་གཉན་པས་སྐུ་ཚེ་ལ་བར་ཆད་འོང་ཉེན་ཡོད། ཁྲིད་ཐེབས་ཉུང་དགའ་ཟེར། ངའི་གཏེར་་༑ག་རྣམས་ཨེ་ཡོད་དྲིས་པས། སིབ་སིབ་ངེད་རྣམས་ཀྱི་ཡིད་བསྒུལ་བ་ཡིན་མོད་ཟེར། ཡང་ངས་ཁྱེད་ལ་དབུ་རུར་དངོས་གྲུབ་བྱིན་པ་མི་དྲན་ནམ་ཟེར། སྔར་ཅོག་ལའི་བྲག་ཕུག་གི་དེ་དྲན་ནས་རྡོ་རྗེ་གཡུ་སྒྲོན་མ་ཨེ་ཡིན་བྱས་པས། མིན་མིན་རྡོ་རྗེ་ཕག་མོ་ཡིན་ངོ་མ་ཤེས་སམ་ཟེར། འདི་ནི་འཇིག་རྟེན་པའི་གཟུགས་ཀྱིས་འཕྲིན་ལས་བྱས་པ་དང་འདས་པའི་གཟུགས་ཀྱིས་མཆོག་གི་དངོས་གྲུབ་སྟེར་བའི་རྣམ་པ་ཆ་ཕྱེད་དགོས་པའོ། །འདི་ནས་ཐིག་ལེ་གཙོ་བོར་བཤད་ནས་དབང་གསུམ་རྟེན་ཅན་དུ་བསྐུར་བ་ཇི་ལྟར་ལགས་དྲིས་པས། དེས་ཆགས་ཅན་ལམ་དུ་འཇུག་པ་ལ་དགོས་པ་ཡིན། ཆགས་བྲལ་ལ་ཡིད་རིག་ཙམ་གྱིས་ཆོག་གསུངས། ངོ་སྤྲོད་ཀྱི་སྐབས་སུ། རྟོག་པ་སྐྱེ་མེད་དུ་འཇོག་པ་དང་། བློ་རྩིས་མེད་དུ་འཇོག་པ་གང་ཡིན་དྲིས་པས། རྟོག་པ་ལ་བརྟན་པོས་ཅི་བྱེད། ཡེ་གྲོལ་ཀློང་ཡངས་ཆེན་པོར་ངོ་སྤྲོད་ཅིག་ཟེར། འོ་ན་སྙིང་ཏིག་འདི་བཤད་མི་མང་པོ་ནི་སྣང་ན་ངས་བཤད་ཅི་དགོས། ལུང་བྱེད་པ་ཀརྨ་པ་དང་། རིན་ཆེན་གླིང་པ་སོགས་པའང་འདུག་པས་སོ་བྱས་པས། བཤད་ཚུལ་དེ་དག་ལ་ངེད་མི་མགུ །ལུང་དང་རྫ་ལའང་ཡོད་དེ། དེས་གར་ཆོག །བདག་པོ་རེ་ཡོད་པ་དེ་དགོས་པ་ཡིན་མོད་ཟེར་རོ། །རིན་ཆེན་གླིང་པའི་གཏེར་ཁ་དྲིས་པས་ཡིན་པ་ལ་ཡིན། དག་རྒྱུ་མེད་མེད་ཟེར། ངས་ཁྱེད་མ་བསྒོམས་པར་གྲུབ་པའི་རྒྱུ་དྲིས་པས་། ང་ལ་སྒོམ་པའི་ལྷ་འདུག་གམ། བཟླས་པའི་སྔགས་འདུག་གམ། མཆོད་པའི་ཡུལ་འདུག་གམ། རྣལ་འབྱོར་པ་དམ་ཚིག་དང་རྟོགས་པར་ལྡན་པ་ཀུན་ལ་ང་རྒྱུན་དུ་ཡོད་པ་མི་ཤེས་སམ། ཁྱོད་དང་ཚེ་རབས་ཐམས་ཅད་དུ་འདུ་འབྲལ་མེད་ཟེར། མཆིམས་ཕུར་ལྷ་ལྕམ་གྱི་ནོར་ཡོད་པ་དེ་ཅི་འདྲ་ཞིག་འདུག་དྲིས་པས། བྲག་ལྷ་བཤོས་འདྲ་བ་རྩེ་མོ་མེད་པ་གཅིག་ན་འདུག །ད་དུང་དུས་ལ་མ་བབ་ཟེར བི་མ་ལའི་གཏེར་ཇི་ཙམ་ན་འདོན་དྲིས་པས། ད་ནས་ལོ་བཅོ་ལྔ་ན་སྔགས་པ་དཀར་པོ་གཅིག་གིས་བཏོན་ནས་དར་བར་བྱེད། ཟབ་པ་པོད་བཞི་ཁྱེད་རང་གི་ལག་ན་འོང་བར་འདུག་ཟེར། དེར་ཟླ་བ་ཆོས་པའི་ཚེས་བཅུ་གཅིག་ལ་རྣལ་འབྱོར་པ་འོད་ཟེར་གོ་ཆ་དཔེ་ལེན་དུ་བཏང་ནས་ལམ་དུ་འོང་དུས། འཇའ་ཚོན་གྱི་དཔེ་ལ་ཟུག་ཅིང་འཁོར་བ་དང་། ཁྱད་པར་ཟུང་མཁར་མདའི་མཆོད་རྟེན་གྱི་ཉེ་ལོགས་ཕྱུག་པོ་བྲག་ཅེས་བྱ་བར་སླེབས་པའི་མཚན་མོ་རི་མོ་ཅན་ནས་འདིའི་བར་འཇའ་ཚོན་ཁ་དོག་སྣ་ལྔས་འབྲེལ་བ་རྣལ་འབྱོར་པ་ཕོ་མོ་ཀུན་གྱིས་མཐོང་ངོ་། །དེར་ཚོགས་པོ་ཆེ་འདི། མ་སྒོམས་ན་མི་འཛད་པ་ཞིག་འདུག་པས། ཉམས་ལེན་ལ་བློ་ཐག་ཆོད་པ་གལ་ཆེ། ཕྲལ་གྱི་སྒྲིབ་པ་དྲ་མ་འདྲ་བ་འདི། ད་ལྟ་ནས་དག་དགོས་པ་འདུག་པས། ནང་དང་ནུབ་ཏུ་དགེ་སྦྱོར་བྱེད་པ་གལ་ཆེ། ཇི་སྲིད་གནས་ལུགས་མངོན་དུ་མ་གྱུར་གྱི་བར་དུ་བསོད་ནམས་ཀྱི་ཚོགས་བསག་དགོས་པ་འདུག་པས། དགེ་བ་ཕྲ་ཞིང་ཕྲ་བ་ལ་བརྩོན་པ་གལ་ཆེ་ཞུས། དེ་བཞིན་དུ་གཞན་གསུམ་པོས་ཀྱང་རང་སའི་གོ་བ་རེ་ཞུས་པས།བླ་མ་མཉེས་ནས། དམ་པའི་ལྷ་ཆོས་བྱེད་པ་ལ། །ལམ་ལྟ་སྒོམ་སྤྱོད་པ་གསུམ་དུ་གདའ། །ལྟ་བ་ཞེས་མིང་དུ་བཏགས་པ་དེ། །ལྟ་རྒྱུ་བྱུང་ན་ལྟ་བ་མིན། །ལྟ་རྒྱུ་མེད་པའི་དོན་ལ་བལྟ། །ཆོས་ཉིད་བརྗོད་མེད་ལམ་དུ་ཁྱེར། །ཞེས་པ་ལ་སོགས་པ་ལྟ་སྒོམ་སྤྱོད་པའི་ལམ་ཁྱེར་གྱི་མགུར་གསུངས་པས་སློབ་མ་ཀུན་མོས་པ་མཆོག་ཏུ་འཕེལ། དེ་ནས་བླ་མ་ཟུར་པོ་ཆེས་འུག་པ་ལུང་དུ་ཚོགས་པ་བསྐྱངས་ཤིང་རྒྱུད་ཀྱི་བཤད་གྲྭ་དང་སྒོམ་གྲྭ་ཆེན་པོ་མཛད། ཟུར་ཆུང་པས་ཡང་དབེན་སྔོན་མོར་ཡང་དག་གི་བསྒྲུབ་པ་མཛད་ཅིང་བཞུགས་ཙ་ན། ཤངས་ཀྱི་སྒྲུབ་ཁང་གདོང་ལ་རྒྱུའི་ཧེ་རུ་ཀ་ཞལ་གཅིག་ཕྱག་གཉིས་པ་ཀྲོང་ངེར་འདུག་པ་གཟིགས། སྒྲུབ་པ་ཐོན་ནས་བླ་མར་འོ་་རྒྱུས་ཞུས་པས། བླ་མའི་ཞལ་ནས་ཟུར་ཆུང་པ་དཔལ་ཆེན་པོ་ལ་གྲུབ་པ་ཐོབ་པ་ཡིན། ང་ལ་རིག་འཛིན་ནམ་མཁའི་སྙིང་པོས་ཀྱང་ཧེ་རུ་ཀའི་སྐུ་བཞེངས་ན་བོད་འབངས་ལ་གནོད་པའི་གདོན་མཐུ་བོ་བརྙེས། ཟུར་ཆུང་པས་སྲོལ་གཏོད། ཟུར་ཤཱཀྱ་སེརྙེ་དར་རྒྱས་སུ་མཛད་ཟེར་བ་དེ་གདན་རབས་འདིས་སྔ་འགྱུར་རྡོ་རྗེ་ཐེག་པའི་བསྟན་པ་ལ་བྱ་བ་རླབས་པོ་ཆེ་མཛད་པའི་རྣམ་གཞག་ཡིན་ནོ། །དེ་ནས་འཆད་ཉན་ལ་སོགས་པའི་འགྲོ་དོན་རྒྱ་ཆེན་པོ་མཛད། རེ་ཤིག་ན་དཔོན་སློབ་ཀུན་གྱི་ཡང་དབེན་སེར་མོར་ཡང་དག་གི་ལོ་བསྒྲུབ་མཛད་པས་མར་ཟད་དེ་མཆོད་མེ་མ་བྱུང་བས། ཆུ་མིག་ཞག་བདུན་དུ་མར་ཁུར་བྱིན་གྱིས་བརླབ་ནས་མར་ཁུ་འཛད་མེད་བླངས་ཆོག་པ་བྱུང་། དེར་ཐོག་མར་འཆད་ཉན་པ་རྣམས་བཤད་པ་ལ་གཙོ་བོར་འདོན་པས་དང་པོ་ཙ་ན་འཕྲིན་ལས་ཤེས་པ་ཉུང་སྟེ། ཁོང་རྣམས་ཆོས་རར་བགྲོ་གླེང་བྱེད་པའི་ཚ་འཕྲིན་ལས་ཤེས་ཤིང་བགྲོ་གླེང་མེད་པ་དག་མི་ཤེས་པའི་ཕྱོགས་སུ་ཕུལ་བས། རྒྱུན་གཏོར་ལྷན་གཅིག་ཏུ་གཏོང་བའི་ཚེ་འཕྲིན་ལས་ཤེས་པ་ཚོས་གྱེར་དུ་མ་ཉན། དེར་བླ་མའི་ཞལ་ནས། གང་ལ་མཐར་ཕྱིན་པ་གཅིག་གི་གྲོལ་བ་ཡིན། གཅིག་གིས་གཅིག་ལ་ཁྱད་གསོད་མི་རུང་། ཐེག་པ་དགུའི་གྲུབ་མཐའ་རང་ས་ན་ཡོད་ཀྱི། ཐེག་པའི་ཁ་འཛིན་པ་མ་ཡིན། གསུངས་པས་ཐམས་ཅད་ལ་དོན་གྱི་གོ་བ་ཁྱད་པར་ཅན་སྐྱེས་ནས་ཞི་དུལ་དུ་གནས་པ་བྱུང་། དེའི་དུས་སུ་བླ་མའི་ཞལ་ནས། སློབ་མ་རྩེ་མོ་བཞི་ལ། ལམ་ཉམས་སུ་ལེན་པ་ལ་གང་གལ་ཆེ། ཁྱེད་བཞི་པོ་གོ་བ་རེ་བཞོག་གསུང་པ་ལ། ཟུར་ཆུང་པས། སྔར་བཞིན་གྱི་བག་ཆགས་ཚན་བཅུའི་སངས་རྒྱས་ཚེ་དཔག་མེད་ལ་ཉེ་སྲས་ཀྱིས་བསྐོར་བ། སངས་རྒྱས་རབས་བདུན། མཛད་པ་བཅུ་གཉིས། བྱང་ཆུབ་སེམས་དཔའ་ཆོས་འཕགས། སྒྲོལ་མ་འཇིགས་པ་བརྒྱད་སྐྱོབ། རིགས་གསུམ་མགོན་པོ། མ་ལ་ཡའི་ཞིང་བཀོད། སྲིད་པའི་ཙཀྲ་ལ་སོགས་པ་གྱང་རིས་སུ་མཛད། དེ་ལྟར་སྐྱ་བཟོ་གྲུབ་ནས། ད་ནི་ངའི་ལྷ་ཁང་ཐང་ཀ་ཡན་ཆོད་གསེར་གྱིས་བྱུག་པ་ཡིན། གསེར་འགྲོའི་རི་ཚུགས་པོ་ལས་འདོན་གསུངས་ནས་དགོངས་པ་མཛད་པས། ནམ་ཕྱེད་ན་གཞི་བདག་བཙན་དེ་རྟ་པ་ནག་པོ་གཅིག་ཏུ་བྱས་ནས་བྱུང་། ཟུར་པོ་ཆེ་ལ་ཕྱག་དང་བསྐོར་བ་བྱས་ནས་ལྷ་ཁང་གི་ཐང་ཀ་ཡན་ཆོད་གསེར་དུ་བྱུགས་ན། ངེད་ཀྱི་གསེར་འཛད་པས། ལྷའི་སྐུ་རྣམས་ཁྱབ་ངེས་ཞིག་འབུལ་ཟེར་བས། དེ་བཞིན་དུ་མཛད། རབ་ཏུ་གནས་པའི་ཚ་རྒྱལ་བ་ཟུར་ཆེ་ཆུང་གིས་ཀུན་རིག་རྣམ་སྣང་གི་དབུ་གཙུག་ནས་ཞུགས་ཐུགས་ཀར་ཐོན། ཐུགས་ཀ་ནས་ཞུགས་དབུ་གཙུག་ཏུ་ཐོན་པ་ལ་སོགས་རྫུ་འཕྲུལ་གྱི་བཀོད་པ་ཟད་མི་ཤེས་པ་བསྟན་པས་བཟོ་བོ་རྣམས་སྙིང་ཐག་པ་ནས་དད་པར་གྱུར་ཏེ། བླ་མའི་ལྷ་ཁང་རི་རབ་ཙམ་ལ། །མཆོད་རྟེན་གྱི་འདེགས་བྱེད་ཟེར། བསམ་ཡས་མཆོད་རྟེན་སྔོན་པོ་ལ་དཔེ་བྱས་བཀྲ་ཤིས་སྒོ་མང་ལྷ་ཁང་གི་བྱང་ཕྱོགས་སུ་དད་བཞེངས་ཀྱིས་ཕུལ། བླ་མའི་མཚན་གདན་ས་ལ་ཆགས་པས་དཔལ་འུག་བྱ་ལུང་ཞེས་ཡོངས་སུ་གྲགས། ལྷ་རྗེ་ཟུར་པོ་ཆེའི་རིང་ལ་དབུ་གོམས་པའི་སྙིང་སྟོབས་པ་སེར་སྣ་དང་འཇུར་བུའི་རྣམ་རྟོག་གིས་རྫི་བར་ནུས་པ་མ་ཡིན་པས་ནོར་རྫས་ལ་རྨི་ལམ་དང་སྒྱུ་མ་ལྟ་བུར་གཟིགས། ཀ་ཆེན་ཡ་གཅིག་བྲེགས་ཐལ་ཏེ་མ་སྙོབ་པ། ཞབས་ཀྱི་སྒྲིལ་བས་རིང་ཐུང་སྙོམ་པའི་གྲུབ་རྟགས་བསྟན། དེ་ལ་རྡོ་རྗེའི་རྟགས་སྦྱར་ནས་ཡོད། དེ་བཞིན་དུ་ཀ་བ་སྐྱོག་པོར་གྱུར་པ་རྣམས་ཞབས་ཀྱི་སྒྲིལ་བས་མདའ་ལྟར་འཁྲོངས་པ་དང་། ལོག་བསྒྲུབ་བཟོད་པ་སོགས་ཚད་མེད་པའི་ཐུགས་རྗེ་དང་ནུས་པ་མཐོང་བས། བཟོ་པ་རྣམས་སླར་འགྱོད་པ་ཆེན་པོ་སྐྱེས། ལྷ་ཁང་ཚར་བའི་ཤིང་ལྷག་རྣམས་ལ་བརྩིགས་པ་མེད་པར་ཀ་བ་བཞིས་བཏེགས་པའི་སྒོ་ཁང་ཁྱད་འཕགས་ཞིག་བྱས་པར་འགྱོད་ཚངས་རྒྱ་ཕུག་ཞེས་གྲགས་ལ་དེ་སླར་མགོན་ཁང་དུ་མཛད་དོ། །དེ་ལྟར་གཙུག་ལག་ཁང་དབུ་རྩེ་ཀ་བ་བཞི་པ་རྣམ་སྣང་ཀུན་ཏུ་ཞལ་གྱི་གཙོ་བྱས་པའི་ཞི་བའི་ལྷ་ཚོགས། འཁྱམས་སྟོད་ཀ་བ་བརྒྱད་ཀྱི་སར་སྒོ་སྲུང་རྟ་བདུད་གཉིས། གློ་འབུར་ལྷོ་བྱང་གཉིས་ན་ཡུམ་ཆེན་མོ་དང་། མར་མེ་མཛད་ལ་མཆོད་ལྷ་བཞི་བཞིས་བསྐོར་བ། མགོན་ཁང་ན་ལེགས་ལྡན། དཔལ་ལྡན་ལྷ་མོ། ཚངས་པ་དང་། བརྒྱ་བྱིན་རྣམས་འབུར་སྐུར་བྱས། འཁྱམས་སྟོད་ཀ་བ་བརྒྱད་ཀྱི་སར་བླ་མ་བརྒྱུད་པའི་གྱང་རིས། སྒོར་ཁང་ལ་པདྨ་བརྒྱ་ལྡན་ལ་སོགས་པའི་དཀྱིལ་མཁོར་ཉི་ཤུ་རྩ་གསུམ། འཁྱམས་སྨད་ཀ་བ་ཉི་ཤུའི་སར་སངས་རྒྱས་སྟོང་རྩ། ཕྱོགས་ཞི་བ་ཞེ་གཉིས་དང་ཁྲག་འཐུང་ལྔ་བཅུའི་ཞལ་མཐོང་། ཁྱད་པར་དུ་ཡང་དག་གི་ལྷ་ཚོགས་མི་དང་ཕྲད་པ་བཞིན་གཟིགས་ནས་གསུང་གླེང་མཛད། གོ་རི་བརྒྱད་ལ་སོགས་པ་བྲན་དུ་འཁོལ། མི་མ་ཡིན་རྣམས་ཀྱིས་ལས་གང་བཅོལ་ཉན་པ་བྱུང་། དེར་བླ་མའི་ཞལ་ནས། ངས་འུག་པ་ལུང་གི་ས་རྡོ་རི་བྲག་ཐམས་ཅད་ཞི་ཁྲེའི་ལྷ་ཚོགས་སུ་མཐོང་། ཁྱད་པར་དབེན་སེར་མོའང་ལྷོ་རི་འད་རྒྱལ་བ་རིགས་ལྔར་རྒྱུན་དུ་མཐོང་བས་ཞི་བའི་ལྷ་ཁང་བཞེངས་གསུངས་ཏེ་སྟ་གོན་མཛད། སའི་དཔྱད་གཟིགས་ནས་ས་དགྲ་ངན་པ་དག་བཅོས། ལྷོ་རི་སྡིག་ནག་ཟུར་དུ་རྒྱུགས་པ་འདྲ་བའི་རྭ་དབྲག་ཏུ་ཟུར་པོ་ཆེ་དཔལ་ཆེན་པོའི་སྐུར་བཞེངས་ནས་ཞབས་གཡས་པ་བཞག་སར་ཞབས་རྗེས་ཀྱང་བྱུང་། དེར་ཧེ་རུ་ཀའི་སྐུ་འབུམ་ཕྲག་ཡོད་པའི་མཆོད་རྟེན་དང་། ཕྱོགས་བཞི་དབུས་དང་ལྔར་རྩེ་མོ་བཞི་དང་རྩེ་ལྐོག་ལྔས་མཆོད་རྟེན་རེ་ཡང་བཞེངས། ཀླུ་དུང་སྐྱོང་གནས་པའི་ཆུ་མིག་ལ་ཟངས་བཀབ་ནས་ཁ་བཅད། དེའི་སྟེང་དུ་གཙུག་ལག་ཁང་གི་རྨང་བཏིང་། ཆེ་ཆུང་ཉང་སྟོད་རྩིས་ཀྱི་ལྷ་ཁང་དང་མཉམ་པ་བྱེད་རྒྱུ་ལ རྡོ་བཟོ་བས་ཅུང་ཟད་བསྐུམ་ཟེར། དེ་བཞིན་དུ་བཟོ་བོ་ཕལ་ཆེར་བསོད་ནམས་མ་ཡིན་པ་འདུ་བྱེད་པ་ལ་སྤྲོ་བས། ཤིང་ཐམས་ཅད་ཁོད་མི་སྙོམས་ཤིང་། རིང་ཐུང་དུ་གནས་པ་ལ་སོགས་ཕྱག་རྫས་བྲོན་པའི་ཐབས་འབའ་ཞིག་བྱས་ཀྱང་། འདི་ལྟར་བྱང་ཆུབ་སེམས་དཔའ་གཏོང་བ་ལ་སྒོམ་སྦ་འགྱིང་། ཡུལ་སྒོམ་ནག་མོ། ལྕེ་སྒོམ་ཤཱཀྱ་རྒྱལ། ཟུར་སྒོམ་རྡོར་འབྱུང་། གཡུ་སྒོམ་ཇོ་འབར། སྦ་སྒོམ་བསོད་ནམས་སྙིང་པོ་ལ་སོགས་ཏེ་སྒོམ་ཆེན་བརྒྱ་རྩ་བརྒྱད་ཡོད་དོ། །དེ་ཐམས་ཅད་ཀྱང་ནམ་མཁའ་ལ་འགྲོ་བ་སོགས་རྫུ་འཕྲུལ་ཐོབ་པ་འབའ་ཞིག་དུ་གྲགས། དེ་ནས་རེ་ཞིག་ན་བླ་མའི་དྲུང་དུ་བུད་མེད་གསུམ་བྱུང་ནས། གཡས་རུ་ཤངས་ཀྱི་མདའ་ཤངས་ཆུའི་ཤར་ན་ལུང་པ་དབྱིབས་ཟླ་གམ། ཕུ་ན་བྲག་སྙིང་འདྲ་བ། མདའ་ན་ཐང་མ་ཏྲམ་བསྒྲལ་བའི་པགས་པ་ལྟ་བུ། རི་དབྱིབས་གླང་པོ་ཆེའི་སྣ་འདྲ་བ་ལ་བྲག་སེདྷི་ཡ་ཐོད་ལྟ་བུ། རྫ་གསུམ་ནས་ཆུ་གསུམ་འབབ་པ་སྐུ་གསུམ་གྱི་དོན་རྙེད་པ་ཞིག་ཡོད་ཀྱི་དེར་སྒོམ་ན་སྐྱེ་བ་འདི་ཉིད་ལ་འཚང་རྒྱ་ཞིང་། འགྲོ་དོན་ཡིས་རིང་བར་འགྱུར་རོ་ཞེས་ལུང་བྱིན་པས། ཟུར་ཆུང་པ་ལ་བྲག་རྒྱ་བོ་སྒྲུབ་གནས་ཀྱི་ཕ་ཕོགས་སུ་མཛད། བླ་མ་འཁོར་དང་བཅས་པ་མར་བྱོན། ས་དམིགས་མཁྱེན་ནས་ཞང་མོ་ཡོན་ཏན་རྒྱན་གྱིས་སྤྱིན་བདག་བྱས། དེས་ཕུལ་བའི་ཕུག་པར་བླ་མས་བཞུགས། ཟུར་ཆུང་པ་སོགས་སྒོམ་ཆེན་བརྒྱ་ལྷག་ཙམ་ཡོད་པ་ལུང་པའི་ཕུ་མདའ་ཐམས་ཅད་དུ་སྤྱིལ་པོ་དང་། བྲག་སྐྱིབས་དང་།ལྷགས་སྐྱོབས་ལ་བརྟེན་ནས་བསྒྲུབ་པ་མཛད། ཡུལ་མི་ཚོ་བདུན་གྱིས་ཞབས་ཏོག་བྱས་ཤིང་ཡོན་བདག་གི་རྩ་བ་སྲམ་པ་བོན་གྲོང་པར་བྱས། བླ་མ་སངས་རྒྱས་དངོས་སུ་འཛིན་ཏོ། །དེར་ལོ་མང་པོར་སྒྲུབ་པ་མཛདསྐྱེས། བླ་མའི་དགོངས་པ་ལ། ཐུན་མོང་གི་བསོད་ནམས་འདི་མཆོག་བསྒྲུབ་པའི་བར་ཆད་ཆེན་པོ་ཡིན། རི་བོ་དགུ་འདུས་ལ་སྒོམ་དུ་འགྲོ་དགོངས་ནས་གཤེགས་ཙ་ན། གཞི་བདག་དེས་སྒྲུབ་རྒྱགས་ནི་ཕུལ་ཡོད་ཅིས་ཀྱང་བཞུགས་པར་ཞུ་ཟེར་བས། ཁྱོད་ཀྱི་འཚོ་བ་འདི་གཞི་དག་པོ་ཞིག་ཀྱང་དཀའ། འདུ་འགོད་ཀྱི་གཡེང་བར་འགྱུར་བས་ད་ལན་འགྲོ་གསུངས་པས་ཁོང་གདོང་མཆི་མས་གང་ནས་ཅིས་ཀྱང་མི་བཞུགས་ན་བདག་ལའང་ཐུགས་རྗེས་དགོངས་འཚལ་ཞུས་ན་སྲོག་སྙིང་ཕུལ། བླ་མས་དགེ་བསྙེན་གྱི་སྡོམ་པ་ཕོག་ནས་བསྟན་པ་བསྲུང་བར་བསྒོས། མར་ལམ་ཇོ་མོ་སྣ་དམར་ཀྱང་དམ་ལ་བཞག །དེ་ནས་གཡས་རུ་ཐག་ཏུ་བྱོན།ཟུར་ཆུང་པ་ལ་ང་ལ་རི་བོ་དགུ་འདུས་སུ་སྒོམ་ཟེར་བའི་ལུང་བསྟན་བྱུང་བ་དེ་བྲག་རྒྱ་བོ་འདི་ཡིན་པར་འདུག་གསུངས་ནས་དཔོན་སློབ་ཐམས་ཅད་བསྒྲུབ་པ་ལ་བཞུགས་སོ། །དེའི་ཚེ་ལྷ་རྗེ་ཟུར་པོ་ཆེ་ལ་སློབ་མ་རྩེ་མོ་བཞི་རྩེ་ལྐོག་དང་ལྔ། སྒོམ་ཆེན་བརྒྱ་རྩ་བརྒྱད་ཡོད་པའི་རྩེ་མོ་བཞི་ནི། ལྟ་དགོངས་ཀྱི་རྩེ་མོར་གྱུར་པ་ཟུར་ཆུང་ཤེས་རབ་གྲགས། སྒྱུ་འཕྲུལ་གྱི་བཤད་པའི་རྩེ་མོ་གྱུར་བ་མི་ཉག་ཁྱུང་གྲགས། མཁྱེན་བརྒྱའི་རྩེ་མོར་གྱུར་པ་ཞང་འགོས་ཆུང་། སྒོམ་སྒྲུབ་རྩེ་མོར་གྱུར་པ་བཟང་སྒོམ་ཤེས་རབ་རྒྱལ་པོ། །རྩེ་ལྐོག་ནི་ཆོས་ཀྱི་སྟེང་དུ་ཕོ་ཟའི་རྩེ་མོར་གྱུར་པ་རྩགས་བླ་མའོ། །ཡང་རྩེ་ལྐོག་བརྒྱད་དུ་འདྲེན་པའང་ཡོད་དོ། །དེ་བཞིན་དུ་གྲུ་འབུངས། ང་ཡང་སྒྲུབ་པ་ཁོ་ན་བྱེད་གསུངས་ཏེ་དཔོན་སློབ་ཀུན་སོ་སོར་བསྒྲུབ་པ་མཛད། དེ་ནས་རེ་ཞིག་ན་མཁའ་འགྲོའི་ལུང་གིས་ས་སྨད་ལ་ཕེབས་ན་འགྲོ་དོན་ཆེ་བར་བསྐུལ་བས། རྟ་ནག་གི་ལུང་པར་བྱོན། འུག་པའི་ཚང་ཡོད་པའི་བྲག་ཕུག་ཁ་ཤར་བསྟན་གཅིག་ཏུ་ཡང་དག་ལྷ་དགུའི་བསྒྲུབ་པ་མཛད་པས། དཔལ་ཆེན་པོ་ཡང་དག་ལྷ་དགུའི་ཞལ་མངོན་གསུམ་དུ་མཐོང་། དེ་ལྟར་བཞུགས་གནས་ཀྱི་མིང་ལས་བླ་མ་འུག་པ་ལུང་པ་ཞེས་ཀུན་ཏུ་གྲགས། དེར་སྒྲུབ་རྒྱགས་ཀྱང་དཀོན་ཞིང་། འབྱོན་པའི་ལུང་བསྟན་ཀྱང་བྱུང་ནས་སྨད་ཕྱོགས་སུ་ལྗོངས་རྒྱུ་བར་ཆས་པའི་གཞི་བདག་ཟེ་རེ་ཟེ་བཙན་བྱ་བས་གཟུགས་བསྟན་ཏེ་བཞུགས་པར་ཞུས་པ་ན། ང་ལ་གནས་གཞན་དུ་འགྲོ་བའི་ལུང་བསྟན་ཡང་བྱུང་། རྒྱགས་ཀྱང་མེད་པས་འགྲོ་གསུངས་པས། དཔོན་སློབ་རྣམས་ཀྱི་འཚོ་བ་དང་གོས་འབུལ། ཅི་ཀྱང་བཞུགས་པར་ཞུ་ཞུས་པས། རེ་ཞིག་བཞུགས་པར་ཞལ་བཞེས། རྟ་ནག་གི་ཕྱུག་པོ་ཞིག་ལ་ནད་དྲག་པོ་བྱུང་ནས། མོ་ལུང་ལ་ཚོགས་གཏོར་ཐོང་། བླ་མ་འུག་པ་ལུང་པ་ལ་བྱིན་བརླབས་ཞུས་ཟེར་བས། ནད་པས་བླ་མའི་དྲུང་དུ་ཕྱིན་པས་ཞལ་མཐོང་བ་ཙམ་གྱིས་བདེར་སོང་། བྱིན་རླབས་ཞུས། ཚོགས་འཁོར་བྱས་མ་ཐག་ཏུ་ནད་ལས་གྲོལ། དེ་བཞིན་དུ་ནད་གདོན་གྱིས་མནར་ཚད་ལ་བྱིན་བརླབས་དཔག་ཏུ་མེད་པ་བྱུང་བས་སྐྱེ་བོ་རྣམས་དད་སྟེ་སྐུ་བསོད་ཆེན་པོ་བཅོ་བརྒྱད་ཀྱི་འདུ་བར་འོང་བ་འདི་སྒྲོལ་ཞིག་ཟེར། དེར་བླ་མ་རོག་གིས་འདི་ལས་ཅན་ཡིན་པས་མི་རུང་གསུངས། ལོ་རྒྱུས་ཞུས་པས། ང་རོག་ཤཱཀ་འབྱུང་། སློབ་མ་ཟུར་ཤཱཀ་འབྱུང་། མཚམས་སྦྱོར་ཤེས་རབ་རྒྱལ་པོ། རྟེན་འབྲེལ་བཟང་གསུངས། དེར་བཟང་སྒོམ་ལ་སངས་རྒྱས་མཉམ་སྦྱོར། ཡང་དག་གི་བདག་གཞན་དཀྱིལ་འཁོར་བཅུ་གཉིས། ཡང་ཕུར་སྒྲགས་མ་ལ་སོགས་པའི་དཀྱིལ་འཁོར་དྲུག་ཅུ་རྩ་གཉིས་ཀྱི་དབང་བསྐུར། དཔེ་དང་བཀའ་ལུང་རྗེས་སུ་གདམས་པ་ཐམས་ཅད་ཐོབ་ཏེ་བསམ་ཡས་རྒལ་བར་སླེབ་པའི་དུས། ཁལ་གྱི་སྟེང་ན་ཁྱིའུ་དར་གྱི་བེར་ཐོད་ཅན་ཞིག་མཐོང་བས་སླར་ལོག་ཏེ་དྲིས་པས། ཚངས་པ་དུང་ཐོད་ཅན་འགོ་བ་ཡིན་གསུངས་ནས་གསོལ་ཀའང་གནང་། སླར་གདམས་པ་བླ་མ་ཟུར་ཆེན་ལ་གསང་བའི་ངང་ནས་ཕུལ། དཔོན་སློབ་ཀུན་གྱི་སྒོམ་སྒྲུབ་ལོ་དུ་མར་མཛད་ཅིང་འཆད་ཉན་བསྐྱངས་པས་འགྲོ་ཕན་ཆེ་བར་བྱུང་ནའང་། ཟུར་ཆེན་པོ་དབེན་པ་འབའ་ཞིག་ལ་ཐུགས་གཏོད་པས་འདི་ཡང་དགེ་སྦྱོར་གྱི་གཡེང་བར་འདུག་པས་བོ་དོང་མངའ་བདག་བྲག་ལ་འགྲོ་གསུངས་ཏེ་དེར་གཅིག་པུར་སྒོམ་སྒྲུབ་ལ་ཞུགས་ཙ་ན། བུ་སློབ་རྣམས་ཀྱང་རྗེས་སུ་འབྲེང་བྱུང་བས། ཁྱོད་རྣམས་པའི་རྩར་ཡོང་དོན་བྱང་ཆུབ་ཐོབ་པ་ལ་རེ་བ་ཡིན་ན་སྒོམ་གྲུབ་མིན་པ་གཞན་གང་གིས་ཀྱང་ཕན་མི་ཐོགས། འཇིག་རྟེན་གྱི་གཡེང་བ་རྒྱབ་ཏུ་གཞོག་ལ་སྒྲུབ་པ་ལ་རེ་བ་ད་ལྟ་ཉིད་ཁོ་ནར་མངོན་དུ་མཛད་པའི་བརྩོན་འགྲུས་དྲག་པོ་རྒྱུད་ལ་བསྟེན་ནས་བསྒྲུབ་པས་རེ་ཞིག་ན་གཏོར་ལེན་དུ་རྣལ་འབྱོར་པའི་རྣམ་པ་ཅན་ཞིག་བྱུང་། དེ་ལ་ཅུང་ཟད་བྱིན་པས་ཁོས་རིལ་པོར་ཐོབ། རྩིག་པའི་དྲུང་ན་ཕར་འགྲོ་བ་དང་། ཟུར་པོ་ཆེ་འདི་སྙན་པ་དང་ཡོན་ཏན་མངའ་བ་ཞིག་འདུག་སྟེ། རོག་ཤཱཀ་འབྱུང་ནི་རྒྱུན་གཏོར་ཙམ་ཡང་མི་འདུག་ཟེར། དེ་ཉེ་གནས་ཀྱིས་ཐོས་ནས་བླ་མ་ལ་ཞུས་པས་བོས་ཤོག་གསུངས། འབོད་དུ་ཕྱིན་པས་ཕུག་གཅིག་ན་ཀ་བཱ་ལ་ནས་ཟན་འབྲུ་ལ་ཟ་ཞིང་སྣང་། འདེང་ངོ་བྱས་ཀྱང་ཡོང་མཉན་པར་རོག་ཤཱཀ་འབྱུང་མཆིམས་ཕུ་ན་ཚེ་ལ་དབང་ཐོབ་ནས་ཡོད་པ་ཡིན། ཟུར་པོ་ཆེ་ལ་ཆོས་ལེན་མི་ཐོང་གྱིས་ཤིག་ཟེར། རྐང་པ་ས་ལ་མ་རེག་པར་སོང་། དེར་བཟང་སྒོམ་ཤེས་རབ་རྒྱལ་པོ་དྲིའུའི་ཁལ་དང་བཅས་ཆོས་ལེན་དུ་བཏང་བས། བསམ་ཡས་སུ་སླེབས་ཏེ་དྲིས་ཙ་ན་སུ་ལའང་བཤད་རྒྱུ་མི་གདའ། སླར་རྒན་མོ་ཞིག་གིས་དེ་དང་པོ་ཙ་ན་མཆིམས་ཕུའི་རི་འདི་ལ་ཡོད་པ་ཡིན་ཟེར། རྫིའུ་གཅིག་གིས། རི་འདི་ལ་ཡོད་ཡོད་འདྲ། སྐབས་རེ་ཙ་ན་རྔ་དང་། རུ་ལུའི་སྒྲ་ངས་ཀྱང་ཐོས་ཟེར། དེར་བཟང་སྒོམ་གྱིས་རྩ་ཕང་ཕུང་ཡོད་པ་ཞིག་ཏུ་ཁལཕོག །དད་གུས་ཀྱི་གསོལ་བ་བཏབ་པས། སྒྲ་ཆེན་པོ་དང་བཅས་བྲག་ཕུག་གི་སྒོ་དང་ངེ་མཐོང་། དེར་མོས་གུས་ཆེན་པོ་དང་བཅས་ཕུག་པར་ཐལ་གྱི་སོང་བས། གསང་བའི་སྒྲོལ་གིང་དང་ཐབས་ལམ། མྱང་སྟོད་ཀྱི་འབྲེ་ཁྲོ་ཆུང་ལ་ཀ་དག་དང་ལྷུན་གྲུབ། སྒྱུ་འཕྲུལ་ལམ་རིམ། མཆིམས་ཕུའི་རོག་ཤཱཀ་འབྱུང་དང་ལྡན་མ་ཤེས་ཚུལ་ཡང་དག །ཞུ་སྟོན་བསོད་ནམས་ཤཱཀྱ་ལ་མདོ་ཡོངས་རྫོགས། སྟོང་ཚབ་བྱང་ཆུབ། རྒྱ་སྟོན་བློ་གྲོས། བཀའ་སྡོད་ཡེ་ཤེས་སྙིང་པོ་རྣམས་ལའང་མདོ་ལུང་། དབང་བསྒྲུབ། རྒྱུད་འགྲེལ་འཕྲིན་ལས་དང་བཅས་པ་གསན་ཞིང་། བླ་མ་དེ་དག་ཀྱང་རྟ་ལ་སོགས་པའི་བདོག་དགུའི་འབུལ་བ་དང་། འཁོར་གསུམ་ཡོངས་དག་གི་མཆོད་པས་མཉེས་པར་བྱས་པ་འབའ་ཞིག་གོ །ཚུལ་དེ་ལྟ་བུས་མཁས་པ་མང་པོའི་མན་ངག་བླངས། དགོངས་པ་ཉམས་འོག་ཏུ་ཆུད། སྡེ་སྣོད་དང་། རྒྱུད་སྡེའི་གྲུབ་མཐའ་ལ་མཁས་ཤིང་བྱང་ཆུབ་པར་བྱས་ནས། རྩ་རྒྱུད་དང་བཤད་རྒྱུད་སྡེབས། རྩ་བ་དང་འགྲེལ་བ་སྡེབས། རྒྱུད་དང་སྒྲུབ་ཐབས་སུ་སྡེབས། སྒྲུབ་ཐབས་ཆོག་ཡིག་ལ་སོགས་པར་སྡེབས་ནས་ལག་ལེན་དུ་ཐེབས་པར་བྱས།ནགས་ཚལ་ཅན་གྱི་རི་ལ་དཔལ་ཡང་དག་གི་བསྒྲུབ་པ་ཁོ་ན་ལ་གཅིག་ཏུ་གཞོལ་བས་བསྐྱེད་རྫོགས་བཟླས་གསུམ་གྱི་གདེངས་ཆེན་པོ་སྟོབས་སུ་གྱུར། མགྲེན་པ་ལོངས་སྤྱོད་ཀྱི་འཁོར་ལོའི་རྩ་མདུད་གྲོལ་ནས་ཤེས་རབ་ཕྱོགས་མེད་དུ་རྒྱས། སློབ་མ་མང་དུ་འདུས་པ་ལ་མདོ་དང་སྒྱུ་འཕྲུལ་གྱི་འཆད་ཉན་ཀྱང་མཛད། རྒྱུན་དུ་གཡེང་བའི་ལས་ཐམས་ཅད་རྣམས་པར་སྤངས། ཆེ་ཐབས་དང་འདུ་འཛི་བཤིག །བྱང་ཆུབ་ཕྱི་དུས་ལ་མི་གཏུམ་མོ་གོས་སུ་གྱོན། གདམས་ངག་སྐྱོ་གྲོགས་སུ་ཁྲིད། དད་པས་སྣ་དྲངས་ཏེ་མདོ་ཁམས་ཀྱི་ས་ཆ་བརྒལ་ནས་འདམ་གྱི་ཕྱོགས་སུ་ཉེ་བར་གླེབ་ཅེས་གསུངས་པ་ལྟར། ཁམས་ནས་འདམ་དུ་སླེབ་པའི་ཚེ་ལམ་ཆ་མ་འཚལ་བ་ལ་སྤྲིན་གསེབ་ནས་ལྷའི་བུ་གཉིས་ཀྱིས་བསྟན་ཏེ། དབུས་ཕྱོགས་སུ་བརྟོལ། ཡར་ཀླུང་ནག་མོ། ལུང་དུ་ཀྲི་ཡ་ལ་བསྒྲུབ་པ་མཛད་པའི་ཚེ། ཐེག་པ་ཆེན་པོ་གསང་བ་བླ་ན་མེད་པའི་རིགས་སད་དེ། སྤོང་ལེན་རྩོལ་བྱས་ཀྱི་ལམ་འདི་ནི་འཆིང་བའི་རྒྱུར་འདུག །ཚེགས་ཆུང་བ་ལ་བྱ་བསླབ་གསང་སྔགས་བླ་མེད་ཀྱི་ལམ་ཞིག་དང་མཇལ་བར་་།ག་དགོངས་པའི་ནུབ། ནགས་ཚལ་ཅན་གྱི་རི་ལ་སྒོམས་ཟེར་བ་ཞིག་བྱུང་། དེར་གཙང་པོ་ལ་ལམ་རྒྱུས་བཅོལ་ནས་གཙང་ལ་གཏད་དེ་བྱོན། གསང་སྔགས་ཀྱི་ཆོས་ལ་མཁས་གྲུབ་བརྙེས་པ་སུ་ཡོད་དྲིས་པས། ནགས་ཚལ་གསུམ་སྒྲིལ་བྱ་བ་ན་ཡོད་ཟེར། དེར་སྔར་གྱི་རྨི་ལམ་དྲན་ནས་བྱོན། དགེ་གོང་ལྕེ་ཤཀ་མཆོག་ལ་བདུད་རྩི་སྨན་སྒྲུབ་ལ་སོགས་པ་ཞུས། སྤྱིར་ཟུར་ཆེན་བླ་མ་མང་དུ་བཞུགས་ཏེ། ཁྱད་པར་དུ་ཆོས་ལུང་གི་ཉང་ཡེ་ཤེས་འབྱུང་གནས་ལས་ཟུར་པའི་མེ་ཏོག་ཕོག་པའི་ཆོས་སྒྱུ་འཕྲུལ་དང་སེམས་ཕྱོགས་རྙེད་པ་ཡིན། ཐོ་གར་ནམ་མཁའ་སྡེ་ལ་མདོ་དང་གསང་སྔགས། རྫོགས་ཆེན་མན་ངག་དང་བཅས་པ། ཡུལ་གསར་གི་གཉན་ནག་དབང་དྲག་དང་། ལྕེ་ཤཱཀྱ་རྒྱལ་མཚན་ལ་གསང་དབང་བྱུང་བ་ཐ་ཆུང་ཤེས་འབྱུང་གི་སྲས་ལྷ་རྗེ་ཟུར་པོ་ཆེ། ཟུར་སྟོན་བླ་མ། ཟུར་སྒོམ་རྡོ་རྗེ་འབྱུང་གནས། ཟུར་སྒོམ་ཆུང་དང་བཞིར་བྱུང་ལ། ཆེ་བ་ཨ་ཙ་རས་རྒྱ་གར་ལ་བྱོན་པའི་སྲས་ཉི་མའི་སྙིང་པོ། སླར་བོད་དུ་བྱོན་ནས་ཐག་ལུང་པར་བཞུགས་པའི་སྲས་ཟུར་ཐག་པ་སྒོམ་ཆེན། དེའི་སྲས་ཟུར་ཆུང་ཤེས་རབ་གྲགས་པ་ཡིན་ཞེས་སྨྲའོ། །དེ་ལ་ལྷ་རྗེ་ཟུར་པོ་ཆེ་ནི་དཔལ་ཆེན་པོ་འཇིག་རྟེན་ན་མངོན་སུམ་དུ་བྱོན་པ་ཡིན་ཏེ། ཡུལ་མདོ་ཁམས་ཀྱི་ས་ཆ་ཡར་རྫོང་ངམ་གཡར་མོ་ཞེས་བྱ་བར།ཡུམ་ཡོན་བདག་མོ་བདེ་བ་ལྕམ་ཞེས་བྱ་བའི་སྲས་སུ་འཁྲུངས། ལྷུམས་སུ་ཞུགས་པའི་ཚ་ཡབ་ཀྱི་མནལ་ལམ་དུ་གསེར་གྱི་འཁོར་ལོ་རྩིབས་སྟོང་པ་ཕྱག་ཏུ་བྱུང་བ་དང་། འཕགས་པ་སྤྱན་རས་གཟིགས་ཡུམ་ལ་ཐིམ་པ་སོགས་བྱུང་བས་སྤྲུལ་པའི་སྐུར་ཤེས་ནས་མཚན་ཤཱཀྱ་འབྱུང་གནས་སུ་བཏགས། ཡབ་ལས་བྲི་ཀློག་མཁྱེན་པར་མཛད། སྒྱུ་འཕྲུལ་གྱི་སྐོར་དང་མན་ངག་ཕྲན་ཚེགས་ཞུས། བླ་ཆེན་དགོངས་པ་རབ་གསལ་ལས་ཚིགས་གསུམ་རིམ་ནོད་ཀྱི་ལོ་དུས་བསྙེན་པར་རྫོགས། འདི་སྤྲུལ་པའི་སྐུར་འདུག་པས་མཚན་སྤོ་མི་དགོས་གསུངས། མེས་པོ་རིན་ཆེན་རྒྱ་མཚོའི་དྲུང་ནས་མཚན་ཉིད་སྡེ་གསུམ། ཀྲི་ཡ་རྣམ་འཇོམས། རྣམ་སྣང་རྒྱུད། དཔལ་མཆོག་དང་པོ་རྣམས་དང་། གསང་སྔགས་ནང་གི་མན་ངག་ཐབས་ལམ་ལ་སོགས་པའང་མཁས་པར་མཁྱེན། དེ་ཡང་གསུངས་ནས། རྩ་རླུད་རྟ་རུ་ཞོན།ཡབ་ སྲས་ དང་ ། སོ་ ཡེ་ དབང་ གཉིས་ ཀའི་ སློབ་ མ་ མྱང་ ཤེས་ རབ་ མཆོག །དེའི་ སློབ་ མ་ ཡེ་ ཤེས་ བྱུང་ གནས། དེའི་ སློབ་ མ་ ལྷ་ རྗེ་ཟུར་ པོ་ ཆེ་ སྟེ། ཟུར་ པོ་ ཆེ་ ནི་ སྟོང་ ཚབ་འཕགས་པ་རིན་པོ་ཆེ་ལའང་ཐུག་པས།གནུབས་ཆེན་དང་ཟུར་པོ་ཆེའི་བར་ན་བླ་མ་གཅིག་ཡོད་པ་ཡིན་ནོ། །ད་ནི་ཐ་མ་ཟུར་ལ་བབས་པའི་རྣམ་གཞག་བཤད་པར་བྱ་སྟེ། དེ་ལ་ཟུར་པོ་ཆེ་ཤཱཀྱ་འབྱུང་གནས་ཀྱི་བསྟན་པ་ཕྱི་དར་ལ་སྔ་འགྱུར་གྱི་བསྟན་པའི་རྩ་བ་བཙུགས། ཟུར་ཆུང་པ་ཤེས་རབ་གྲགས་ཀྱི་ཡལ་གར་བརྐྱང་། ཟུར་ཤཱཀྱ་སེདྷིས་ལོ་འབྲས་རྒྱས་པར་མཛད་པས་ཟུར་མེད་དབོན་རྣམ་གསུམ་ཞེས་གྲགས་ལ། སྤྱིར་ཟུར་ཞེས་བྱ་བའི་གདུང་འདི་དང་པོར་རྒྱ་གར་ནས་ལྷགས་པ་ཞིག་སྟེ། འཕགས་པའི་ཡུལ་དུ་འོད་གསལ་དུ་འོད་གསལ་ལྷ་དབང་གཞོན་ནུ་གཙུག་ཏོར་ཅན། དེའི་སྲས་མནྟྲ་ཅང་ཞུ་ཅན། དེའི་སྲས་མདོ་ཁམས་སུ་བྱུང་བ་ཟུར་རྒྱལ་བ་གསུམ་གྲགས། དེའི་སྲས་ཟུར་བཤེས་གཉེན་སྟག་སྒྲ་ཅན། དེའི་སྲས་ཟུར་རིན་ཆེན་རྒྱ་མཚོ། དེའི་སྲས་མཚོ་བཟང་མིག་པོ་ཆེ། དེབ་སྔོན་དུ་ལྷ་རྗེ་ཟུར་པོ་ཆེ་འདིའི་སྲས་སུ་འཆད་ཅིང་། གཞན་དུ་ཨ་ཙ་རའི་སྲས་སུ་འདོད་ཀྱང་། འདིར་ཟུར་པའི་རབས་ཉི་ཤུ་རྩ་བདུན་གྱི་ཡི་གེ་ཞིག་མཐོང་བ་དེ་ཉིད་བཙན་པར་གྱིས་ཏེ་མིག་པོ་ཆེ་ལ་ཟུར་ཨ་ཙ་ར། ཟུར་ཁ་ཅན་ལག་ཅན་ཟུར་བཟང་ཤེས་རབ་འབྱུང་གནས་ཏེ་སྲས་གསུམ་ཆེན་འཕགས་ལ་གཞུང་འགྲེལ་རྟི་ཀ་དང་སྦྱར་ནས་བཤད། དན་ཡོན་ཏན་མཆོག་ལ་སྟར་ཁ་གེགས་སེལ་གྱི་ཚུལ་དུ་བཤད། སྲུ་ལེགས་པའི་སྒྲོན་མ་ལ་ཚིག་སྡེབ་སྦྱོར་ལེགས་པར་བཤད། བཞི་ཀ་ཚང་བ་ནི་ཡོན་ཏན་རྒྱ་མཚོ་ཡིན་ནོ། །འདི་ལ་སྲས་ཡེ་ཤེས་རྒྱ་མཚོ་དང་། པདྨ་དབང་རྒྱལ་གཉིས་བྱུང་། ཡེ་ཤེས་རྒྱ་མཚོའི་སྲས་ལྷ་རྗེ་ཧཱུཾ༷་ཆུང་། འདིས་རྗེ་བཙུན་མི་ལ་ལ་དྲག་སྔགས་བསྟན་པས་མཐུ་ཆེན་གྱི་གྲགས་པ་ཐོན་པ་དེ་བྱུང་།ཡོན་ཏན་རྒྱ་མཚོ་ཡབ་སྲས་ཀྱི་སློབ་མ་ཉང་ཤེས་རབ་མཆོག །འདི་བསྐྱེད་རྫོགས་གསུམ་ཀ་ལ་མཁས་པར་གྲགས་ཤིང་དོག་ལ་གཤོངས་ཀྱི་གཙུག་ལག་ཁང་ཡང་བཞེངས། ཧའོ་སྒོལ་གྱི་བྲག་ལ་སྒྲུབ་པ་མཛད་པའི་ཚེ།རྡོ་རྗེ་ཕུར་པའི་དཀྱིལ་འཁོར་ཞལ་གཟིགས། བྲག་ལ་རྡོ་རྗེ་བརྒྱབ་པས་འཇིམ་པ་ལ་བྱས་པ་བཞིན་ཐིམ་གྱིས་སོང་བ་སོགས་གྲུབ་པ་བརྙེས་པའི་ལོ་རྒྱུས་མང་དུ་ཡོད། དེའི་སློབ་མ་ཆོས་ལུང་ཉང་ཤེས་རབ་འབྱུང་གནས་ཡིན། བླ་མའི་ཐུགས་ཟིན་ཞིང་། བསྐྱེད་རྫོགས་གསུམ་ཀ་ལ་མཁས་པའི་གྲགས་པ་ཐོབ། དེ་དག་ལས་བརྒྱུད་པ་ཕལ་མོ་ཆེར་རོང་ལུགས་སམ། རུས་ལས་བཏགས་ཏེ་ཉང་ལུགས་ཀྱང་ཟེར་རོ། །ཡང་སོ་ཡེ་ཤེས་དབང་ཕྱུག་གི་སློབ་མ་ངན་ཐུང་བྱང་ཆུབ་རྒྱལ་མཚན། ཀོང་བཙུན་ཤེས་རབ་ཡེ་ཤེས། ར་ཐུར་ཤེས་རབ་ཚུལ་ཁྲིམས་ཏེ་གསུམ་ཀ་ཡིན་གྱི་བྲེང་ཆགས་སུ་མི་འདྲེན་ཞེས་འགོས་གཞོན་ནུ་བཞེད། ཡོན་ཏན་རྒྱ་མཚོ་ཏན་རྒྱ་མཚོ་ལ་བསྒྲུབ་གནས་གྲོང་དུ་མི་རུང་གསུངས་ནས་མཁར་གདོང་ཡོན་མའི་བརྩུ་རུམ་ལྟ་བུའི་ས་གནད་བསྟན་ཏེ་བསྟན་སྲུང་གཤིན་རྗེ་དམར་ནག་དང་། མ་གཤིན་གྱི་སྐོར་སོགས་བྱིན་ནས་རྒྱ་གར་དུ་གཤེགས། དེར་ཡོན་ཏན་རྒྱ་མཚོ་ལོ་སུམ་ཅུ་ལོན་པའི་ཚེ་ཁྱིམ་ལ་འཁྱམས་པ་སློབ་དཔོན་སངས་རྒྱས་ཡེ་ཤེས་སྣར་གྱི་ཤུག་ལ་ནག་པོར་བཞུགས་པ་དང་མཇལ་པས། རུས་གཅིག་པ་དང་སྐལ་པ་ཅན་དུ་དགོངས་ནས་ཆོས་སྐོར་བཅུག་སྟེ་རྗེས་སུ་བཟུང་། ལྟ་བ་གང་དྲིལ། གབ་པ་མངོན་དུ་ཕྱུང་། གསང་བ་ཁོང་ལྟོ་ལྟར་བྱུང་། སྟར་ཁ་གེགས་སེལ་གྱི་ཚུལ་ཏེ་བཞིག་བཤད་པས་གདམས་ངག་ཐམས་ཅད་རྫོགས་པར་གྲགས། འདི་ལའང་ཁེངས་ལོག་བྱུང་སྟེ་གཤེད་མ་བརྒྱས་སྐོར་བའི་ཚེ་ཡང་འབར་བ་ལྟ་སྟངས་ཀྱི་རྫུ་འཕྲུལ་མངོན་སུམ་དུ་འགྲུབ་པས། སྤྱན་གཡས་པ་ནས་མེ་འབར། གཡོན་པ་ནས་ཆུ་འགྲུབ་པར་སྤྲུལ་པས་ཀླགས་ལྟ་བའི་སྐབས་མ་རྙེད་པར་རང་རང་གི་ལག་ཆ་འཆོར་བའི་ངག་དུ་འགྲོ་དགོས་པ་བྱུང་། སྤྱིར་ཡི་དག་མང་པོའ་ཞལ་གཟིགས། དམ་ཅན་བྲན་དུ་འཁོལ། ཆོས་ཉིད་ཀྱི་བདེན་པ་མངོན་དུ་གྱུར་པས་དངོས་གྲུབ་ཆེན་པོ་གཉིས་ཀ་བརྙེས་པ་ཞིག་ཡིན་ཏེ་རྣམ་ཐར་རྒྱས་པ་ཡི་གེའི་ལམ་དུ་འདྲེན་པར་མ་ནུས་པས་སོ་ལུགས་ཀྱི་ཡིག་ཆ་སོགས་ལས་ཤེས་སོ།། ཐུགས་ཟིན་གྱི་སྲས་བཞི་ནི། སོ་ཡེ་ཤེས་དབང་ཕྱུག་ལ་ལྟ་བ་སྒང་དྲིལ་ཏེ་བཤད། པ་གོར་བློན་མངའ་བདག་རལ་པ་ཅན་གྱིས་བར་ཡན་ཆོད་དུ་རྒྱ་གར་དང་བོད་ཀྱི་བར་དུ་འེབྱོན་བཞུད་ཀྱི་ངང་དུ་ཡོད་པ་ལ། དར་མས་བསྟན་པ་བསྣུབས་པ་ཐུགས་ཀྱིས་མ་བཟོད་ནས་སླར་ཡང་དྲག་སྔགས་སྤུ་གྲི་རེག་ཆོས་མང་པོ་ཚགས་སུ་བཙུད་ནས་མངོན་སྤྱོད་ཀྱི་ཐུགས་རྗེས། མཚམས་སྦྱར་བར་དགོངས་པ་ལ། སྡིག་སྤྱོད་རྒྱལ་པོ་ལྷ་ལུང་དཔལ་གྱི་རྡོ་རྗེས་སྒྲལ་ཟིན་པས་དྲག་སྔགས་འཆོལ་གྱི་དོགས་ནས་གཏེར་དུ་སྦས། མདོ་སྒ་སེམས་གསུམ་གྱི་བསྟན་པའི་རྒྱུན་སློབ་མའི་ཚོགས་ལ་མི་ནུབ་པར་སྤེལ་ནས་མཐར་རང་བཞིན་རྫོགས་པ་ཆེན་པོའི་ལམ་ནས་ལྷུན་གྲུབ་འོད་ཀྱི་ཕུང་པར་མྱ་ངན་ལས་འདས་སོ། །འདི་ལ་རྒྱུད་འཛིན་གྱི་སློབ་བུ་སྲ་་ཀྱི་དམ་པ་གཅིག །ཐུགས་ཟིན་གྱི་སྲས་བཞི་དང་ལྔར་བྱུང་བ་ལས། ། །།སྲས་ཀྱི་དམ་པ་ཡོན་ཏན་རྒྱ་མཚོ་ནི་སྐྱེས་བ་སྔ་མ་ལབ་སྲས་སུ་འབྲེལ། འདིར་གནུབས་ཁུ་ལུང་དུ་བཙས། སྐྱེ་བ་སྔ་མའི་ཕུ་བོ་རྒྱ་གར་དྷ་ན་དྷ་ལས་གནོད་སྤྱིན་མའི་རྐང་མགྱོགས་བསྒྲུབ་ནས་ཀྱང་གཤོག་པ་བཅག་པས་མ་ནུས། སླར་རྐང་མགྱོགས་ཅིག་་།ས་བསྒྲུབ་པས་ཁོས་ཐུ་བའི་ནང་དུ་དྷ་ན་དྷ་ལ་ཁུར་ནས་མཚན་གང་གཅིག་ཁུ་ལུང་ཡོན་ཏན་རྒྱ་མཚོའི་རྩར་བསྐྱལ། དེར་ཡོན་ཏན་རྒྱ་མཚོའི་སྐྱེ་བ་སྔ་མ་རང་གི་གཅུང་པོར་ཡུར་པ་ལ་རྗེས་སུ་བརྩེ་བས་དབང་བསྐུར། ཡོན་བདག་ལ་ཐུན་མོང་གི་དངོས་གྲུབ་བྱིན་པས་མི་རབས་བདུན་ཚུན་ཆད་དར་བར་གྲགས། ཡོན་ཀྱིས། །སྒྲུབ་ཁང་ལ་མའི་མཁར་ལ་བྱས། སྒྲགས་ལ་ནག་པོའི་རྩེ་མོ་སྲ །ཉེ་འབྱེད་རླུད་གི་འཁོར་ལོ་བསྐོར། །སྒྲགས་ཀྱི་གྲོང་ཁྱེར་སུམ་བཅུ་རྩ་བདུན་བརླག །ཅེས་བྱུང་ངོ་། །སླར་གནུབས་ཡུལ་གྲོང་དུ་བྲོས། དེར་ཡང་བཞུགས་སུ་མ་སྟེར་བས་སྙེ་མོ་བྱེ་མཁན་བཟུང་། གནས་དེར་ཡང་དམག་གི་ཆོམ་པོས་སྐོར་ཞིང་སྐུ་སྲོག་ལ་བསྡོ་བར་ཉེན་པ་ན། མཁར་གྱི་རྩེ་ནས་ལྷ་འདྲེ་གཉན་པོ་དབང་དུ་གསོལ། ཚིགས་སུ་བཅད་པའི་བདེན་པ་བརྡར། ཆོས་གོས་བརྡབས་པས་དམ་ཅན་ཆོས་སྐྱོང་རྣམས་མངོན་སུམ་པར་བྱུང་སྟེ། བདག་ཅག་གི་མཐུ་རྩལ་གྱིས་རི་རབ་ཐལ་བར་རློག ཉི་ཟླ་ཆ་ལང་རྡེབ། གནམ་ས་བླ་ལོག་བསྒྱུར་ནུས་ཀྱང་ཚེ་རབས་སྔ་མའི་ལན་ཆགས་བརྡོལ་བས་སྔོན་ཆད་གྲོགས་བྱེད་དུས་མ་སྟེར། ད་ནི་བཀའ་བཞིན་འཚལ་ལོ་ཟེར་བས། ཆོས་གོས་ཀྱི་ཆ་ག་ནས་སེང་སྡེང་གི་ཕུར་བུ་བཏོན། དམ་ཅན་རྣམས་ཀྱི་སྲོག་སྙིང་དྲངས་དམག་མི་ཡོད་པའི་རི་ལོགས་ལ་འདྲིལ་ཞིང་སྡིགས་པས། རི་ལས་མེད་དཔུང་ཆེན་པོ་བྱུང་སྟེ་དམག་རྣམས་ཐམས་ཅད་བསྲེགས་ཤིང་བརླག་པར་བྱས། སླར་རབ་ཏུ་འགྱོད་ནས་བསམ་གཏན་མིག་གི་སྒྲོན་མ་སྡིག་སྦྱོང་དུ་མཛད་པར་གྲགས། སྐུ་དགྲ་ཐུལ་རྗེས་ལོ་གསུམ་གྱི་བར་ལ་དབུལ་ཞིང་ཕོངས། སོག་པོ་དཔལ་གྱི་ཡེ་ཤས་ལ་སེམས་ཕྱོགས་དང་སྒྱུ་འཕྲུལ་ལ་སོགས་པ་གསན། སྒྲགས་ཡང་རྫོང་དུ་དེ་ཁོ་ན་ཉིད་ཀྱི་ཏིང་ངེ་འཛིན་ལ་གཞོལ།རྟགས་སུ་རྡོ་རྗེ་རྩེ་དགུ་པ་འབྲལ་མེད་དུ་འཆང་བ་ད་ལྟ་རོང་བྱམས་ཆེན་གྱི་ཐུགས་ཀ་ན་ཡོད་པར་གྲགས། རྒྱ་བལ་གྱི་རུ་མཚམས་རྡོ་རྗེ་རྩེ་ལྔའི་བྲག་ཕུག་ཏུ་སློབ་དཔོན་པདྨ་ལས་ཀྱང་གདམས་པ་ནོད་པ་ལ་སོགས་རྒྱུད་དང་མན་ངག་མང་པོ་ཐུགས་སུ་ཆུད། དུར་ཁྲོད་དང་། མཚོ་གླིང་དང་། མི་མ་ཡིན་དྲག་པོ་རྒྱ་བའི་གནས་སུ་བསྒྲུབ་པར་མཛད་པས། འཇམ་དཔལ་ཡ་མརྙ་ཀ་ལ་སོགས་ཏེ་ཡི་དམ་གྱི་ལྷ་དཔག་ཏུ་མེད་པའི་ཞལ་གཟིགས། ཀླུ་དང་། གནོད་སྤྱིན་དང་། དྲི་ཟ་དང་། ཡི་དྭགས་དྲག་པོ་དག་དང་ཡང་གཏམ་བགྲོ་ཞིང་མཆོད་པར་བྱེད། ནུས་པ་ཤིན་ཏུ་ཆེ་བས་ལྷ་སྲིན་ཀུན་གྱིས་སྟངས་ཕུལ། དུར་ཁྲོད་ཕུ་ལུང་ནག་པོར་ཨེ་ཀ་ཛ་ཞིས་ཞལ་བསྟན། བྲམ་ཟེ་མོའི་ཐོད་པ་དངོས་གྲུབ་ཀྱི་རྫས་སུ་བྱིན། པདྨ་གར་གྱི་དབང་ཕྱུག་གིས་མོན་ནག་ཁ་ཁྲའི་ཐོད་པའང་དམ་ཚིག་གི་རྗེས་སུ་སྤྲད། མངན་ཤེས་དང་རྫུ་འཕྲུལ་ཐོགས་པ་མེད་པར་གྲུབ། བོད་ཡུལ་དབུས་ཀྱི་གནས་སྒྲགས་ཀྱི་ཡང་རྫོང་དུ་བསྒྲུབ་གནས་ཀྱི་མཐིལ་མཛད། དེ་བཞིན་དུ་ཉུགས་གི་རྡོ་རྗེ་སྒྲོམ་བུར་ཟླ་བ་དགུས་སེམས་ཉིད་བཙན་ས་ཟིན། གཙང་གི་ཕུང་པོ་རི་བོ་ཆེ་དང་། གཡུང་གི་རྫ་ལྷུང་མོ་སོགས་ཞབས་ཀྱིས་བཅགས། དྲུག་ཅུ་རེ་གཅིག་པར་སྒྲགས་སུ་ཁེངས་ལོག བྱུངབས གཤིན རྗེའི གཤེད་ཀྱི་དྲག་སྔགས་རྣོན་པོས་གྲོང་ཁྱེར་མང་པོ་བརླག་པར་མཛད། དེ་སྐད་དུ། བདག་འདྲ་སངས་རྒྱས་ཡེ་ཤེས་སྟེར། །སངས་རྒྱས་བསྟན་པ་བསྲུང་བའི་ཕྱིར། །ཞེ་སྡང་དེ་མ་ཐག་ཏུ་བསྐྱེད། །དཀར་པོའི་ཆེ་བ་འདོན་བསམ་ནས། །ངན་སྔགས་ཡིག་སྣ་སྣ་ཚོགས་བསླབས། །ཞེས་པ་ལྟར་རྒྱ་བལ་གྱི་ཡུལ་ནས་གཤེད་སྐོར་རྒྱ་མཚོའི་དྲག་སྔགས་རྣམས་སྤྱན་དྲངས་པ་ཡིན་ཏེ། བླ་མ་བཅུ་གཅིག་ཞབས་ནས་བཏེགས། །འོན་ཀྱང་མཁས་པ་བཞི་ལ་གཏུགས། །སློབ་དཔོན་དཔལ་གྱི་སེདྷི་དང་། །རྒྱ་གར་ཁྲག་འཐུང་ནག་པོ་དང་། །ཕུང་བྱེད་ཤརྙིང་གསྟེ་དང་། །བལ་པོ་བ་སུ་དྷ་ར་བཞི། །མཁས་པ་བཞི་ཡི་ཐུགས་བརྟོལ་ནས། །ཟངས་པའི་མན་ངག་ཐུགས་ལ་བཏགས། །ཞེས་དང་། དེ་དག་ཀྱང་གནད་དུ་བསྡུས་པ་བལ་པོའི་སློབ་དཔོན་ཉིད་ལས་བྱུང་སྟེ། འདི་སྐད་དུ། སློབ་དཔོན་བལ་པོའི་རྒྱལ་པོ་ཡི་ཡང་ལེ་ཤོད་ཀྱི་བྲག་ཕུག་ཏུ། །གནུབས་ཀྱི་བན་ཆུང་འདིར་ཤོག་གསུངས། །བམ་ཆེན་རོའི་དབང་བསྐུར་ནས། །ལྷ་རུ་འཇམ་དཔལ་ཚེ་བདག་གཏད། །ཅེས་པས་མཚོན་ནོ། །དེ་ལྟར་སློབ་དཔོན་འདི་རྒྱ་གར་དུ་འབྱོན་པའི་རེས་ཤིག་རྡོ་རྗེ་གདན་ལ་ཚོགས་གསོག་མཛད་པས། ནམ་མཁའི་ཀློང་ནས་གསེར་གྱི་རྡོ་རྗེ་རྩེ་དགུ་པ་ཞིག་རང་གི་ཐད་ཁྲུ་གང་གི་སར་བྱུང་སྟེ་ལན་གཉིས་སུ་མ་ཟིན། གསུམ་པའི་ཚེ་ཕྱག་གཡས་པའི་མཐེབ་སྲིན་གྱི་བར་དུ་ཆགས་པའི་མོད་ལ་ཕྱག་ན་རྡོ་རྗེ་དངོས་ཀྱི་སྐུར་གྱུར། དབང་བསྐུར་བྱིན་གྱིས་བརླབས། སངས་རྒྱས་ཡེ་ཤེས་སུ་མིང་གི་ཅོད་པཎ་དཔྱངས། དབང་གུ་རྒྱའང་ལུང་བསྟན། རྒྱ་གར་དང་། བལ་པོ་དང་། གྲུབ་ཤའི་ཡུལ་ན་གནས་པའི་མཁས་པ་མང་ཞིག་བསྟེན། རྒྱ་གར་དུ་མཁན་པོ་ཆོས་རྒྱལ་སྐྱོང་ལས་མདོ་ལུང་འགའ་ཞིག་དང་། ཁྱད་ང།ར་བྲུ་ཤའི་མཁན་པོ་ཆེ་བཙན་སྐྱེས་ལས་མདོ་དགོངས་པ་འདུས་པ་ཡོངས་སུ་རྫོགས་པ་མཁྱེན་པར་མཛད། བསམ་ཡས་སུ་འོ།་ཙྭ་བ་ཆེན་པོའི་གྲྭར་བཞུགས་ཤིང་དམ་པའི་ཆོས་ཀྱང་བསྒྱུར། དབེན་པ་འབའ་ཞིག་བསྟེན་དགོངས་པ་ལ་སྤྱིར་དུས་འདི་ཙམ་ན་རྒྱལ་ཁྲིམས་ཞིག་ཅིང་། ཕྱོགས་རིས་ཀྱི་འཁྲུག་པ་དར་བའི་སྐབས་སུ་གྱུར་པ་གནུབས་ཆེན་ཡབ་སྲས་ལ་འོ་རྒྱལ་ཆེན་པོ་བྱུང་། ཁྱད་པར་སྐུ་ཚེ་སྔ་མ་ལ་རྒྱ་གར་དུ་ཤན་པ་མ་རུ་ཙ་བྱ་བར་འཁྲུངས་ནས་སེམས་ཅན་གྱི་མཛད་པའི་དྲག་པོའི་གདུལ་ཞིང་ལྷག་མ་མ་ལུས་པར་རྫོགས་པར་མཛད་པ་དང་། བོད་འདིར་བོན་སྲས་ཀྱི་བསྟན་པ་ཉམས་པར་བྱེད་པས་མཚོན་སྔ་ཕྱིར་བསྟན་པ་ལ་གནོད་བྱེད་མང་དུ་བྱུང་པ་དེ་དག་དྲག་སྔགས་ཀྱི་ཚར་བཅད་ནས་བསྟན་པ་བསྲུང་བའི་ཕྱིར། རྒྱལ་བའི་འཕྲིན་ལས་ཀྱི་བསྐུལ་བ། རྣམ་པའི་རྐྱེན་ཡུལ་པལི་ཁེངས་ལོག་སྔ་ཕྱི་བར་གསུམ་དུ་བྱུང་ནས་རིགས་ཀྱི་སྲས་གཉིས་བཀྲོངས་པས། ཇི་སྐད་དུ།ཉོན་མོངས་བོད་ཡུལ་དབུས་སུ་ལངས། །འཚོ་བའི་ཟས་རྣམས་འབངས་ཀྱིས་ཕྲལ། །ཞེས་དང་། བདག་འདྲ་གནུབས་ཀྱི་བན་ཆུང་ཡང་། །སྙིང་ནས་ཆོས་བཞིན་བྱ་སེམས་སྐྱེས། །ཞེ་སྡང་དགྲ་བོས་བྱེད་མ་པར་བྱུང་ཏེ་སྙིང་པོ་མེད་དོ། །འདིར་ནི་གནུབས་་ཀྱི་བན་ཆུང་སངས་རྒྱས་ངས། ལོ་ནི་བརྒྱ་དང་སུམ་ཅུར་ལོན། ཞེས་ཕྱི་མཐའི་ཐ་ཚིག་མིན་པར་སྐབས་ཀྱི་འཕྲོས་དོན་ལའང་བྱུང་བས་ཚའི་རིག་པ་འཛིན་པ་བརྙེས་ནས་མངའ་བདག་དཔལ་འཁོར་བཙན་གྱི་བར་དུ་བཞུགས་པར་སྣང་ངོ་། །ངེ་ལ་ཡབ་གནུབས་རིག་པ་གསལ་བའི་དབང་ཕྱུག་དང་། ཡུམ་མཆིམས་མོ་བཀྲ་ཤིས་འཚོ་ཞེས་བྱ་བའི་བུར་བཙས། མཚན་རྡོ་རྗེ་ཁྲི་གཙུག་ཏུ་གྲགས། ལོ་བདུན་པར་འོ་བྲན་དཔལ་གྱི་གཞོན་ནུ་ལས་བྲི་ཀློག་སྦྱངས། མཁན་པོ་སྙོ་དྷི་ས་ཏྭ་ལས་རབ་ཏུ་བྱུང་། སློབ་དཔོན་བ་སུ་དྷ་ར་བསམ་ཡས་སུ་བྱོན་པ་དང་མཇལ་ནས་གསེར་སྲང་གསུམ་གྱི་འབུལ་བ་བྱས་ཏེ་མན་ངག་འགའ་ཞིག་ཐོས། སློབ་དཔོན་འབྱོན་ཁར་སླར་བལ་ཡུལ་དུ་་།ག་ཅེས་པའི་རྗེས་སུ་མ་ནང་བ་ཐོབ་པས་རྒྱ་བལ་ལ་འགྲོ་བའི་བློ་ཆུང་ངུ་ནས་སྐྱེས། སྤྱིར་རྒྱ་གར་ལ་ལན་བདུན་བྱོན་པའི་སྔ་རེས་དང་པོ་ལོ་བཅུ་གསུམ་པ་ཡིན་ཞེས་ཟེར། སློབ་དཔོན་ཆེན་པོ་པདྨའི་ཞབས་ལས་བསྒྲུབ་ཆེན་བཀའ་བརྒྱད་ཀྱི་དཀྱིལ་འཁོར་དུ་དབང་བསྐུར་ཐོབ་ཅིང་དངོས་གྲུབ་བརྙེས། རེ་ཞིག་ན་ཡུལ་གཞིས་བཙོངས་པའི་རིན་གསེར་ཞོ་ལྔ་བཅུ་བྱུང་བ་བསྣམས་ཏེ་རྒྱ་བལ་ལ་གཏད་དེ་བྱོན། སློབ་དཔོན་བ་སུ་དྷ་ར་ལས་རྒྱུད་དང་མན་ངག་མང་དུ་ཐོས། དེས་མདོ་ལུང་གི་མཁན་པོ་ཆོས་རྒྱལ་སྐྱོང་དང་། དྲག་སྔགས་ཀྱི་མངའ་བདག་རོམ་བུ་མའི་ཕྱིར་དུ་ལུས་སྲོག་འདོར་བའི་རྡོ་རྗེའི་དམ་ཚིག་སྙན་པོ་ལ་འཚལ་བས་བརྩོན་བསྲུང་པ་གཉིད་བཀུམ། སློབ་དཔོན་བཙོན་དོང་ནས་སྤྱན་དྲངས་པ་སོགས་སྐུ་དགྲ་ལན་གསུམ་བརྟུལ་ཞིང་ཐུགས་ལན་གསུམ་བཟུང་བས་རྡོ་རྗེ་ཕུར་པའི་དཀྱིལ་མཁོར་མངོན་སུམ་པར་སྤྲུལ་ནས་རྗེས་སུ་བཟུང་བ་འདི་ཙམ་དོན་ལ་གནས་སོ། །དེས་གནུབས་ཆེན་ལ་རྗེས་སུ་གདམས་པའོ། །དེ་ལ་སྔ་འགྱུར་གྱི་བསྟན་པ་བར་དུ་གནུབས་ལ་བབ་ཏེགནུབས་ཆེན་སངས་རྒྱས་ཡེ་ཤེས་རིན་པོ་ཆེ་འདི། བཙན་པོ་ཁྲི་སྲོང་ལྡེ་བཙན་ནས། ཁྲི་བཀྲ་ཤིས་བརྩེགས་པ་དཔལ་གྱི་བར་ཅི་རིགས་པར་བྱུང་བར་འདོད་པ་དང་། ཡང་རལ་པ་ཅན་གྱི་དུས་སུ་བྱུང་ནས། ཁྲི་བཀྲ་ཤིས་བརྩེགས་པའི་བར་བཞུགས་པར་འདོད་པ་དང་། ཡང་སྔ་མ་བཙན་པོ་ཁྲི་སྲོང་ལྡེའུ་བཙན་དང་། ཕྱི་མ་རལ་པ་ཅན་གྱི་དུས་ན་བྱུང་ངོ། །ཞེས་གཏན་ཚིག་སྣ་ཚོགས་ཡོད་དེ། རྒྱ་བོ་ཆེར། རྒྱ་གར་མཁས་པ་བི་མ་མི་ཏྲ་དང་། ཡོ།་རྒྱན་མཁན་པོ་པདྨ་འབྱུང་གནས་དང་། བལ་པོའི་མཁས་པ་བ་སུ་དྷ་ར་དང་། བོད་ཀྱི་མཁས་པ་ཙྭ་ན་ཀུ་མྱ་རས། བདག་ལ་གནང་བའི་མན་ངག་འདི་རྣམས་ཡིན། ཞེས་པས་བཙན་པོ་ཁྲི་སྲོང་གི་དུས་ན་བྱུང་བར་རྩོད་པ་མེད་ལ། སྐུ་ཚེའི་ཚད་བརྒྱ་དང་བཅུ་གསུམ་ལ་གཏན་ཚིག་སྒྲིགས་ནས་བྱོན་པའི་དུས་ཕྱིར་བསྲེང་བ་དང་། རུས་གནུབས་དང་། ཡུལ་སྒྲགས་ལ་གཟུགས་བརྙན་གཉིས་བར་བཅོས་པས་སྔ་ཕྱི་གཉིས་གྲུབ་ཆེན་པོ་བརྙེས་ཏེ་སྟོང་གསལ་འོད་ཀྱི་ཕུང་པོར་གཤེགས་སོ། །དེ་ལ་སློབ་མའི་གཙོ་བོ་ནི། ཕུར་པ་མཁན་པོ་དག་དཔལ་བརྒྱད་དེ་འདྲེན་པ་ཡོད་དེ། འདིར་སོག་པོ་དཔལ་གྱི་ཡེ་ཤེས། གྲ་དཔལ་གྱི་སྙིང་པོ། ལྷ་ལུང་དཔལ་གྱི་རྡོ་རྗེ། འོ་བྲན་དཔལ་གྱི་གཞོན་ནུ། སྙན་དཔ་བ་དབྱངས། འཚུར་ནག་ཡེ་ཤེས་དཔལ། ཨུ་པ་དེ་གསལ། ཐང་བཟང་དཔལ་གྱི་རྡོ་རྗེ། དགྱེས་འཕགས་པ་ཤེས་རབ། བྱུ་སུ་ཀུ་མཆོག་རྣམས་ཏེ། དཔོན་རྒྱུད་རྣམས་ལས་ཀྱང་འཕྲིན་ལས་རྒྱ་ཆེར་བྱུང་ངོ་། །སོག་པོ་དཔལ་གྱི་ཡེ་ཤེས་ནི་ཡུལ་ཡར་འབྲོག་པ་ཡིན། སློབ་དཔོན་ཆེན་པོའི་དུས་ནས་དངོས་གྲུབ་བརྙེས་ཚར་བ་གཅིག་ཐུན་མོང་པའི་སྣང་ངོར་མགར་གྱི་ཚུལ་དུ་བཞུགས། གཉགས་ལོ་ཆེན་པོ་དེ་མཁྱེན་པ་ཤིན་ཏུ་ཆེ་བས་སློབ་དཔོན་རྣམས་ལས་ཀྱང་རང་ཉིད་མཁས་སྙམ་པ་ལན་གསུམ་སྐྱེས་པས་སྲོག་ལ་བབས་པའི་དོ་གལ་ཚར་གསུམ་བྱུང་བར་གྲགས། དེ་ལ་རྒྱུ་འབྲས་མི་བསླུ་བའི་བདེན་པ་ལས་བདག་གིར་མཛད་པའི་ཚུལ་སྟོན་པ་ལ་བབ་པའི་སྐབས་ཞིག་ན། གཉགས་ལ་སྐུ་དགྲ་ལན་གསུམ་དུ་ལངས་པའི་རེས་གཅིག་ཡུལ་ཉ་འཁོར་གྱི་གཉགས་དམ་རས་སྤུན་གྱི་མི་ཤ་འཁོན་དུ་བྱས་ནས་སློབ་དཔོན་བཙོན་དུ་བཟུང་། སོག་པོ་དཔལ་ཡེ་དེ་དོན་ལ་གྲུབ་པའི་སྤྱོད་པ་འབའ་ཞིག་ཡིན་གྱི་རྣམ་པར་གཅན་གཟན་གྱི་གཉའ་ནས་འཛིན་པ་སོགས་བརྟུལ་ཕོད་པར་སྟོན་པས། སྐབས་འདིར་བླ་ནས་མགོ་བཅད་པར་རྨིས། དེ་ཆུང་མ་ལ་བཤད་པས་ནན་གྱིས་བཤོལ་བཏབ་ཀྱང་མ་ཉན་པར་རྟ་ལ་ཞོན་ནས་སོང་བ་ན། བྱ་ཆེན་པོ་ཞིག་ཕུར་བྱུང་ནས་རྟ་འགྲོགས་ཤ་ཁམས་ཁྲག་ཐིགས་སུ་གྱུར་ཏེ་སྲུང་མས་དངོས་སུ་བསྒྲལ་བར་གྲགས། དེར་སོག་པོ་དཔལ་གྱི་ཡེ་ཤེས་སྙིང་བཏོན་ནས་སློབ་དཔོན་ལ་ཕུལ་བས། སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་གདུལ། །སེམས་ཅན་ཐམས་ཅད་བདེ་གྱུར་ཅིག་གསུངས། མདོར་ན་སྐྱོབས་པའི་ལྷ་བྱ་ཁྲར་སྤྲུལ་པ་དང་།བླ་སྦྱང་། བྲན་ཁོལ། འོག་རྟ། སྒོ་ཁྱི། གཉེན་མཚམས་ཚུན་ཆད་བསྒྲལ་ཞིང་རབས་བཅད། དེ་བཞིན་དུ་འགྲོ་སྲས་ཆུང་ནེ་ཐང་ལ་རྟ་ཁྱུ་འཚོ་བའི་རྣམ་པར་ཤེས་པའང་བཀུག་ཏེ་གདབ་ལས་ཀྱིས་ཚར་བཅད། འགྲོ་ལྷ་སྤྱང་ཀི་སྔོན་པོར་བྱས་པ་དང་། བླ་སྦྱང་བྲན་ཁོལ་ཐམས་ཅད་སྔར་བཞིན་ཁ་དག་པར་བྱས། དེའང་གཉགས་ལོ་ཆེན་པོ་འདི་སངས་རྒྱས་དངོས་དང་མཚུངས་པའི་པཎ་གྲུབ་རྣམས་ལ་བསྟེན་པས། སྒྲ་ཚད་མཚན་ཉིད། སྔགས་ཕྱི་ནང་ཀུན་ལ་མཁྱེན་པ་ཤིན་ཏུ་ཆེ་བར་གྲགས། ལོ་ཙྭ་བ་ཆན་པོར་བསྟན་ནས་དམ་པའི་ཆོས་མང་པོ་བསྒྱུར། མདོ་སྒྱུ་སེམས་གསུམ་ཀའི་བསྟན་པའི་མངའ་བདག་ཏུ་གྱུར་ཅིང་ཉན་བཤད་ཀྱི་སྒོ་ནས་སློབ་མ་ཁྱད་པར་ཅན་བསྐྲུན་པས་བཀའ་དྲིན་བསམ་གྱིས་མི་ཁྱབ། མཐར་སྙན་བརྒྱུད་རྡོ་རྗེ་ཟམ་པ་དང་། མན་ངག་སྡེ་ལས་དངོས་འདིར་གྲོགས་མངོན་སྤྱོད་ཀྱི་མཚན་དང་ལྡན་པ་ཞིག་རྙེད་ན་ཐེབས་གསུང་པས་འཚོལ་དུ་བྱོན། དུས་དེ་ཙ་ན་མགར་བྱེད་པ་པོ་ལ་སོག་པོར་འབོད་པས། སོག་པོ་བེག་རྩེ་ཞེས་བྱ་བ་ཁྲོ་བོའི་དབྱིབས་སུ་ཡོད་པ་ཞིག་རྙེད། དེའི་གཟུགས་མགོ་བོ་རྒྱ་མདུད་དུ་འགྲིལ་ཞིང་རོ་སྨད་ཟུར་གསུམ་པའི་རྣམ་པར་ཤར་བ་ལ་སོགས་པའི་མཚན་རྟགས་ཐམས་ཅད་ཚང་པར་གཟིགས། གཉགས་ཀྱི་ཁོའི་ཕྱི་ན་མར་བྱོན། ཁོ་མགར་བྱེད་པའི་སྦུད་པ་འབུད་གྲོགས་མཛད་ཀྱིན་རྒྱུ། མཚན་ཉིད་ཀྱི་ཆོས་བཤད་པས་ཁོའི་རྣ་ལམ་དུ་མ་བྱུང་། ཀྲི་ཡོག་སྡེ་གསུམ་བཤད་པས་རེ་དགའ་ཙམ་ཉན་ཅིང་གཞན་ཐོ་བ་ཆེམས་ཆེམས་བརྡུང་སྐད་དང་། ནང་རྒྱུད་སྡེ་གསུམ་བཤད་ཀྱིན་ལྕགས་ཀྱི་ལྕུག་མ་སྙོད་པ་རྣམས་ཁྱུར་མིད་བྱས་པས། ཁོ་ཡ་མཚན་སྐྱེས་ཏེ་འདི་ལྟ་བུསླུ་རྫུ་འཕྲུལ་ཅི་ལས་བྱུང་ཟེར། ད་ལྟ་བཤད་པའི་ཆོས་དེ་ཉམས་སུ་བླངས་པ་ལས་བྱུང་སྨྲས་པས། ཁོ་ཤིན་ཏུ་དད་སྟེ་ལག་ཆ་ཐམས་ཅད་ཕུལ་ནས་སློབ་མར་བྱས། ལྷ་དཔལ་གྱི་ཡེ་ཤེས་སུ་མིང་སྤོས། དེ་བཞིན་དུ་འོ་བྲན་དཔལ་གྱི་གཞོན་ནུ་ཡང་། ཕུར་པ་བསྒྲུབ་པའི་མཚན་ལྡན་དུ་ཤེས་ནས་དཔོན་སློབ་གསུམ་ཀས་བསྒྲུབ་པས། དེ་དགེ་སྟོན་གྱིས་ཚོར་ཏེ་གསོད་དུ་འགྲོ་བའི་སྟ་གོན་རྩོམ་པ་ན། གཞན་དག་གིས་བསྡེར་བརྙས་པ་མི་རུང་ཟེར་ནས་བཤོལ་བཏབ་ཀྱང་མ་ཉན། ནང་པར་འགྲོ་རྒྱུའི་ནུབ་བུད་མེད་མང་པོས་མཐའ་སྐོར་གྲུབ། དེར་གཉགས་ཀྱི་ཏིང་ངེ་འཛིན་གྱི་ངང་ནས་ཕུར་བུ་གདེང་ཏེ་བྱ་རོག་ལའོ་བྱས་པས། སྟོང་ཁམས་ཀྱི་བྱ་རོག་ཐམས་ཅད་ཚོགས་བྱུང་། སླར་མཆིམས་བྱ་རོག་ལའོ་ཞེས་བསྒྲིལ་བས། །མཆིམས་ནས་བྱ་རོག་ཟུང་ཞིག་བྱུང་། གཉགས་ཁྲོས་ནས་བྱ་རོག་གཅིག་ལ་དེངས་པས་མོད་ལ་ཤིའོ། །དེར་བི་མ་ལས་མངོན་སྤྱོད་ཀྱི་མཐུས་བསད་པ་གྲུབ་ཀྱིས། ད་ཆོས་ཉིད་ཀྱི་མཐུས་གསོ་བ་ཨེ་འགྲུབ། གསོས་ཤིག་གསུངས་པས། སློབ་དཔོན་ཛ་ལན་དྷ་རི་པ་དང་སློབ་མ་ནག་པོ་སྤྱོད་པ་བཞིན་གཉགས་ཀྱི་སློང་མ་ནུས། བི་མ་ལས་བྱེ་མ་གཅིག་བཏབ་པའི་མོད་ལ་བྱ་རོག་གསོས་ཏེ་དེངས་པར་གྱུར་ཏོ། །རྟོགས་པས་བདག་མ་བསྒྲལ་བར། དྲག་ཤུལ་གྱི་ལས་བརྩོམས་པ་གྲུབ་ཀྱང་ཉེས་པ་ཆེའོ་གསུང་ནས་གནས་ལུང་གི་ཆོ་ག་མཛད། དེར་མཆིམས་ལྷ་གཡག་དཀར་དུ་རྫུས་ནས་བྱུང་བ་སྡུན་ལ་སྒྲལ། དེ་ནས་མཆིམས་བྱ་རོག་བླ་སྦྱ་་་རབ་འབྲིང་ཐ་གསུམ། བྲན་དང་ཁོལ་པོ། འོག་རྟ། སྒོ་ཁྱི། སྣག་གི་གཉེན་མཚན་དང་བཅས་པ་ཕུར་པ་གདེངས་ཆོག་གི་མཐུས་བསྒྲལ་ནས་རབས་བཅད། དེ་ནས་ཕ་སྤུན་གཉགས་དགེ་སྟོན་ལ་བཏབ་པས་འདི་ལྟར་དྲག་པོ་མཐུའི་ལས་ནི་རྣམ་པ་ཞེ་སྡང་རྡོ་རྗེའི་རྟེན་འབྲེལ་ལ་ལྷག་པར་ལྷོས་དགོས་པ་ཞིག་ལ། སློབ་དཔོན་བི་མ་ལའི་ཐུགས་རྗེས་གཉགས་ལ་སྙིང་རྗེ་ཆེན་པོའང་སྐྱེས། དགོངས་པ་ཆོས་ཉིད་དུ་གྱུར་པས་ཡེ་མ་ཐེབས། དེར་སློབ་དཔོན་བི་མ་ལས་དུང་མཆིམ་པར་དབེན་པ་བཤིག །ལྕགས་ཀྱི་ཐོ་བ་བཟུང་ནས་འདེད་དུ་བྱུང་། གཉགས་ཀྱི་བྲོས་ནས་གཙུག་ལག་ཁང་གི་ནང་དུ་ཆུད། སྒོ་བཅད་པས་ཐེམས་པ་ལ་ཐོ་ བ་བརྡེག་ཅིང་བཙུན་ཆུང་གི་མགོ་ལ་རྡེའུ་ཐེབས་ཟེར། དེར་ཡང་བཞུགས་སུ་མ་སྟེར་བས། དབུས་སུ་གཏད་དེ་བྱོན་ཙ་ན། འགྲོ་སྲས་ཆུང་བྱ་བ་ཤ་བ་གཅིག་དེད་ནས་བྱུང་བ་དང་འཕྲད། ཁོའི་རྟ་འགྲོགས་ཤ་བ་ཤོར་བས། ཁོང་ཡང་ཁྲོས་ཏེ་བསད་དུ་བྱུང་བ་ལ་འབྲོས་པའི་མདུན་པ་ཞིག་གཏད་པས་ཁོས་མ་མཐོང་ནས་ཐར། དུས་དེ་ཙ་ན་ལྷ་སྲས་མུ་ནེ་བཙན་པོ་ཡུམ་དམར་རྒྱན་གྱི་དུག་གིས་བཀྲོངས་པའི་འདས་ཀྱི་ཚོགས་དབུར་སློབ་དཔོན་བི་མ་ལ་རྒྱ་ནག་ནས་རྫུ་འཕྲུལ་གྱིས་གཤེགས་པ་དང་མཇལ། གསེར་ཕྱེ་ལོང་མོ་གང་ཕུལ་བས། ལོ་ཙྭ་བ་དཔོན་གཡོག་སྐྱིད་དམ་གསུངས། ཡར་འབྲོག་གང་དུ་སྐྱིད་བགྱི་སྲ །དགེ་ལ་སྟོན་གྱིས་མ་སྟེར་རོ། །མཆིམས་ཡུལ་གཏིང་དུ་སྐྱིད་བགྱི་སྲ །བྱ་རོག་དམྱལ་བས་མ་སྟེར་རོ། །བོད་ཡུལ་དབུས་སུ་སྐྱིད་བགྱི་མྲ །འགྲོ་སྲས་ཆུང་གིས་མ་སྟེར་རོ། །ཞེས་ཞུས་པས། ལོ་ཙྭ་བར་བསྙད་ནས་བསྟན་པ་ལ་ཤིན་ཏུ་གནོད་པར་དགོངས་ནས། ཕུར་པ་ཕུན་སུམ་ཚོགས་པ་དང་ཤམ་སྔོན་གཉིས་ཐུགས་ནས་འཕྱུང་སྟེ་བཤད། ལྷོ་བྲག་གཡར་ཆུ་སྣའི་བྲག་ཕུག་ཏུ་ལོ་པཎ་ལྷན་གཅིག་པས་སེང་ཕུར་ཉི་ཤུ་རྩ་གཅིག་ལ་བསྟེན་ནས་བསྒྲུབ་པས་ཕུར་བུ་ཕན་ཚུན་འཁྲོལ་བ་ཙམ་དུ་ནས་གྲུབ་ཆུ་བཏོན། འདི་ལས་བརྒྱུད་པའི་སྒྱུ་འཕྲུལ་ཀྱང་ཡོད་དགོས་ཏེ། གཙོ་བོར་ཕུར་པ་ལས་མངོན་རྟགས་བརྙེས་པ་ཡིན། བཙན་པོ་ཁྲི་སྲོང་གཤེགས་པའི་ཕྱི་ཞིག་ན།བཙུན་མོ་ཚེ་སྤོང་བཟའ་བསམ་སྦྱོར་མོ་བསྲུན་པས་ལོ་པཎ་ཕལ་ཆེར་དབུ་འཕང་སྨད། གཉགས་ཙྭ་ན་ཀུ་མུ་རས་ཡར་འབྲོག་ཏུ་བཞུགས་པ་ལ། རང་གི་ཕ་སྤུན་གཉགས་དགེ་སྟོན་དགྲར་ལངས་ཏེ་འདི་མུ་སྟེགས་ཀྱི་སྔགས་མཁན་ཡིན་ནོ་ཟེར་གཡོ་ཅན་གྱི་ཁ་སྨྲས་བྱས། བསེ་ཞོས་བྱུག་པའི་བྷསྟོ་ནང་དམར་བ་ཡོད་པ་དེ། བརྐུས་ནས་སྐྱེ་བོ་བླུན་པོར་གྱུར་བ་དག་ལ་སྟོན་ཅིང་། དྷནྟྲའི་ནང་གྲི་རྩེ་དྲུས་ནས་འདི་ནི་ཟག་ཟོག་གི་ལས་སོ་ཞེས་དབྱེན་འཆོས། སྐྱེ་བོ་རྣམས་ཐེ་ཚོམ་སེལ་བའི་ཆེད་དུ། གང་དུ་བཞུགས་སར་རིན་པོ་ཆེའི་རྙེད་པ་སྤྲུལ་པས་མི་རྣམས་ཀྱིས་རྫུ་འཕྲུལ་དུ་ཤེས་ནས་ཁོའི་ངག་ལ་ཡིད་མི་གཏོད་ཀྱང་། ད་དུང་བྱ་བ་མང་པོ་བསགས་ནས་སྐུལ་ལ་བསྡོ་བའི་ཐབས་སྣ་ཚོགས་བྱེད་པ་མཁྱེན་ནས་གཤེགས། ཀོང་པོ་མཆིམས་ཡུལ་གྱི་ཕུ་ན་ཕེབས་ཙ་ན། ལུང་སྟོང་ཤིག་ན་ར་མ་བདུན་འགྲོ་ཞིང་འདུག །གཡོག་པོ་གླང་མིག་འོག་བཙན་བྱ་བར་འདི་དེད་ཅིག་གསུངས་པས་ཁོ་ན་རེ། ར་ལ་བདག་པོ་ཡོད་མཆིས་འདིས་ཅི་འཚལ་ཞུས་པས། ལུང་སྟོང་ཀྱི་ར་ལ་བདག་པོ་ག་ན་འོང་དེད་ཅིག་གསུངས། དེར་བདག་པོ་མཆིམས་བྱ་རོག་གི་ཤེས་ཏེ་རྐུན་ཁག་ཕབ། ར་མ་བདུན་འཇལ་དགོས་ཟེར། བདུན་འཇལ་སྤྲས་ཙ་ན། ད་ཆེའོ། །མན་ངག་སྙིང་གི་ཐིག་ལེའི་སྐབས་ཀྱི་གཏམ་བཤད་ཟིན་ཏོ།། །།ད་ནི་མདོ་སྒྱུ་སེམས་གསུམ་གྱི་བསྟན་པ་སྤྱིའི་བབས་ཆུལ་ལས། གངས་རིའི་ཁྲོད་འདིར་སྔ་འགྱུར་རྡོ་རྗེ་ཐེག་པའི་བསྟན་པ་དང་པོར་གཉགས་ལ་བབས། བར་དུ་གནུབས་ལ་བབས ཐ་མར་ཟུར་ལ་བབས་ཞེས་འཆད་པའི་དང་པོ་སློབ་དཔོན་གཉགས་ཙྭ་ན་ཀུ་མྱ་ར་ནི། ཡུལ་ཡར་ཀླུང་ཤེལ་པའམ་འཕྱོང་རྒྱས། རུས་ལས་མིང་དུ་ཆགས་པ་གཉགས་རྟག་སྒྲ་ལྷ་སྣང་དང་། སྲུ་བཟའ་སྒྲོན་སྐྱིད་གཉིས་ཀྱི་སྲས་སུ་བྱུང་། མགྲིན་པ་ན་རྨེ་བའི་རྡོ་རྗེ་རྒྱ་གྲམ་ཡོད། མཚན་རྒྱལ་བའི་བློ་གྲོས་སུ་བཏགས། མཁན་པོ་སྙོ་དྷི་ས་ཏྭ་ལས་རབ་ཏུ་བྱུང་ཞིང་བསྙེན་པར་རྫོགས། མདོ་སྔགས་ཀྱི་ཆོས་མང་པོའི་འགྱུར་བྱེད་སྤོབས་པ་བསམ་གྱིས་མི་ཁྱབ་པ་ཡིན། སློབ་དཔོན་ཆེན་པོ་དང་། བི་མ་ལ་དང་། བི་རོ་དང་། གཡུ་སྒྲ་སྙིང་པོ་་ཀུན་ལ་བསྟེན་པས་བཀའི་ཆུ་བོ་བཞི་འདུས་པ་ཡིན། དཀྱུས་བཤད་གཞུང་གི་ཆུ་བོ་འགྲེལ་རྟིག་སྟོང་ཐུན་དང་བཅས་པ། སྙན་བརྒྱུད་གདམས་ངག་གི་ཆུ་བོ་གནད་ཡིག་དམར་ཁྲིད་དང་བཅས་པ། བྱིན་བརླབས་དབང་གི་ཆུ་བོ་བསྐུར་ཐབས་ངོ་སྤྲོད་དང་བཅས་པཕྱག་བཞེས་འཕྲིན་བསྒྲུབ་ཀྱི་ཆུ་བོ་བསྟན་སྲུང་དྲག་སྔགས་དང་བཅས་པའོ། །དེ་ལ་སློབ་དཔོན་ཆེན་པོས་བདུད་རྩི་ཡོན་ཏན་གྱི་དཀྱིལ་འཁོར་དུ་སྨིན་པར་མཛད་པས་ཡར་ཀླུང་ཤེལ་གྱི་བྲག་ཕུག་རྡོ་བ་སྐམ་པོའི་ཁོང་བསྟན་པ་སྤེལ་བའི་བཤེས་གཉེན་བཞི། གཞན་ཡང་སྣེ་གདོང་གོང་མ་དང་མཚམས་སྦྱོར་བའི་སངས་རྒྱས་དཔལ་རིན་དང་། གྲགས་པ་དཔལ། གླུ་མཁན་བསོད་ནམས་སེརྙེ་ལ་སོགས་བསྟན་འཛིན་གྱི་བཤེས་གཉེན་དུ་མ་བྱུང་། ཕྱིས་ཆོས་རྒྱལ་འབྲི་གུང་པ་རིན་ཆེན་ཕུན་ཚོགས་ལ་ཞལ་བསྟན་ཅིང་། རང་གི་སྲས་སྤྲུལ་སྐུ་ཟླ་ཞེས་དབུ་གཙུག་རྟ་མགོས་མཚན་པར་སྟོན་པ་དེའི་སྐྱེ་བ་ཡིན་པར་ལུང་བསྟན། དབུ་ཞྭ་བསྐོན་ཏེ་བྱིན་གྱིས་བརླབས་པ་ལས་དངོས་ཀྱི་སློབ་མར་གྱུར་ཏེ་གསུང་རབ་རྣམས་ལ་འཛིན་སྐྱོང་སྤེལ་བའི་གཅེས་སྤྲས་དཔག་ཏུ་མེད་པ་མཛད། དེ་ལས་བདག་ཅག་གི་གདོད་ནས་གྲུབ་པའི་རིགས་ཀྱི་ཅོད་པན་པདྨའི་རྒྱལ་ཚབ་ཤརྙ་པུ་རི་པའམ། གཏེར་ཆེན་ཤེས་རབ་འོད་ཟེར་ལ་བརྒྱུད། དཔལ་རི་ཐེག་པ་མཆོག་གི་གླིང་འད་བསྐྲུན་ནས་བསྟན་པའི་སྤྱིན་བདག་ཞབས་དྲུང་འཕྱོང་རྒྱས་པ་ལས་སེམས་ཉིད་ངལ་གསོ་རྩ་འགྲེལ་པར་དུ་བསྒྲུབ་པར་བསྐུལ། བསྟན་པ་འདི་ལ་བཤད་སྒྲུབ་བྱེད་དགོས་པར་གདམས་པས་དོན་གྱི་བརྒྱུད་འཛིན་ཡིན་པ་ཡང་ཁས་འཆེའོ། །ཡང་རིང་བརྒྱད་ནི། མཁས་གྲུབ་བདེ་ལེགས་ནས། སྟག་མགོ་བྱ་བྲལ་སོགས་རོམ་པར་ལས་འཕྲོ་གླིང་པར་བརྒྱུད་ཆོས་རྒྱལ་རིན་ཆེན་ཕུན་ཚོགས་ལ་བཀའ་བབས་པའོ། །ཤིན་ཏུ་ཉེ་བརྒྱུད་ནི། མ་ཏང་གི་པ་ཀླུ་སྒྲུབ་ཀྱི་སློབ་མར་གྱུར་པ་བཞིན་བདག་ཅག་གི་ཞལ་མངོན་སུམ་མཐོང་བས་བརྒྱུད་པ་གཞན་ལ་རེ་བ་མི་གནས་སྐབས་དེ་དང་དེའི་གདུལ་བྱའི་རྟེན་འབྲེལ་ཁོ་ན་ལ་ལྟོས་ནས་སྤྲུལ་པ་སྒྱུ་མ་ལྟ་བུས་དོན་མཛད་པའི་ཕྱིར་རོ། །དོན་ལ་ཀུན་ཏུ་བཟང་པོ་འཇིག་རྟེན་དུ་བྱོན་ནས་ཆོས་ཀྱི་འཁོར་ལོ་བསྐོར་བ་ཡིན་པས་འདིའི་གསུང་རབ་ཚིག་བཞི་པ་ཡན་ཆད་ལའང་གཅེས་སྤྲས་སུ་བྱ་བ་ཡིན་ནོ། དེ་སྐད་དུ་ཐུབ་པའི་དབང་པོས། གང་ལས་ཆོས་ནི་རྣམ་ཤེས་པ། །དེ་ལ་གུས་པས་ཕྱག་བྱ་སྟེ། །ཞེས་པས། འཛམ་གླིང་མཛེས་པའི་རྒྱན་དྲུག་མཆོག་གཉིས་དང་། །ཐུགས་རྗེ་ལུང་རྟོགས་མཉམ་པའི་མཐུ་མངའ་ཡང་། །ནགས་ཁྲོད་དམ་པར་སྦས་པའི་བརྟུལ་ཞུགས་ཀྱིས། །འཁོར་འདས་ཆོས་སྐུར་རྫོགས་པ་ཀློང་ཆེན་པ་དྲི་མེད་འོད་ཟེར་ཞབས་ལ་གསོལ་བ་འདེབས། །ཞེས་བདག་ཅག་ནི་རྣམ་པ་ཀུན་ཏུ་གསོལ་བ་འདེབས་པ་ལགས་སོ། །དེ་ལ་གསུང་གི་བདུད་རྩིའི་མྱང་བ་ལས་བྱུང་བའི་སློབ་མའི་གཙོ་བོ་དག་སྨོས་པ་ནི། ཞོགས་ཐར་གླིང་པ་མཁས་གྲུབ་བདེ་ལེགས་རྒྱ་མཚོ། མཁས་གྲུབ་ཆོས་ཀྱི་གྲགས་པ། མཁས་གྲུབ་ཁྱབ་གདལ་ལྷུན་གྲུབ་སྟེ་གྲགས་པ་ཐོབ་པའི་མཁས་གྲུབ་གསུམ། མདོ་ཁམས་པ་འདན་སྒོམ་ཆོས་ཀྱི་གྲགས་པ། རྒྱལ་སྲས་བཟོད་པ། བླ་མ་དཔལ་མགོན་པོ། གུ་རུ་ཡེ་ཤེས་རབ་འབྱམས། གཞོན་ནུ་སངས་རྒྱས་ཏེ་ཐུགས་ཀྱི་སྲས་ལྔ། སྤྲུལ་སྐུ་དཔལ་འ་བྱོར་རྒྱ་མཚོ། སློབ་དཔོན་སངས་རྒྱས་ཀུན་དགའ། སློབ་དཔོན་བློ་གྲོས་བཟང་པོ། སྟག་མགོ་བྱ་བྲལ་ཆོས་རྗེ་སྟེ།དང་། སྙིང་ཏིག་རྣམས་གསུམ་གསུམ་དུ་བསྡུས་པའི་ཆོས་ཀྱི་རྣམ་གྲངས་བཅུ་ཕྲག་བཞི་ལྷག་བཅས་ཏེ། ཀུན་དྲིལ་བས་སྡེ་ཚན་བརྒྱ་ཕྲག་གཉིས་དང་དྲུག་ཅུ་རྩ་གསུམ་ཙམ་མོ། །དེ་དག་ཀྱང་མདོ་ཙམ་སྨོས་པ་སྟེ།གཞན་དུ་ཆོས་འབྱུང་རིན་པོ་ཆེའི་གཏེར་མཛོད་ཅེས་བྱ་བ་དང་། ཆོས་སྤྱོད་ལམ་གྱི་རིམ་པ་དང་། ཤི་གསོན་གྱི་བསྔོ་བ་རིན་ཆེན་ཕྲེང་བ་དང་། རྒྱུ་ལ་ཁམས་འདུས་པ་མེ་ཏོག་ཕྲེང་ལྡན་དང་། རྐྱེན་ལ་ཁམས་འདུས་པ་ཀ་ཐ་སུམ་ཅུ། རྒྱུ་རྐྱེན་གཉིས་ཁ་ལ་ཁམས་འདུས་པ་དུས་ལ་མངོན་པར་སྐྱོ་བའི་རབས་ལ་སོགས་པ་དངོས་ཀྱི་ལག་ཏུའང་དོར་བར་གྱུར་ལ། དུས་དེ་དག་ཏུ་བསྡུ་བའི་བརྩོན་འགྲུས་ཉུངས་པའམ། མཁས་རྨོངས་ཀྱི་བསྟན་བཅོས་ལ་བྱེ་བྲག་མི་ཕྱེད་པའི་ཤུགས་ཀྱིས་ནུབ་པའང་ཤིན་ཏུ་མང་བ་ཡོད་མཆིས་ཏེ་གསུང་རབ་ཀྱི་དཀར་ཆགས་རིན་པོ་ཆེའི་མཛོད་ཁང་ཞེས་བྱ་བ་ལ་ཤེས་པར་བྱ་བ་ནི་ཕྱི་མཐའ་འདིའི་གཏན་ཚག་ཙམ་མོ། །བབས་ལུགས་ཆེན་མོར་སྒྲ་མཁས་དཔལ་འཛིན་དུ་ལུང་བསྟན་པ་ལ་སྔོན་གྱི་བླ་མ་རྣམས་ཀྱི་ངོས་འཛིན་པར་འདུག་སྟེ། གོ་རིམ་གྱི་ངེས་པ་ལྟར་ན་བློ་གྲོས་མཆོག་ཏུ་ངོས་བཟུང་ན་འཐད་ལ། ཀུ་མ་ར་ཛ་དང་གཉིས་ཀྱི་བར་ལ་ལོ་བརྒྱ་བརྒྱའི་གཏན་ཚིགས་མི་འགྲུབ་སྙམ་དུའང་དོགས་པར་མི་བྱ་སྟེ། ལོ་བརྒྱ་ནི་སྤྱིར་བསྟན་པ་འདི་ཡིད་དཔྱོད་དང་འདྲེས་པའི་ཚེ་དེའི་གསལ་བྱེད་རེ་འབྱོན་པ་ལ་དགོངས་ཀྱི། གཞན་དུ་ནི་སོགས་འཇིག་རྟེན་པའི་སྡེ། གཞན་བྱ་སྤྱོད་རྣལ་འབྱོར་བླ་མེད་གསར་རྙིང་ཐམས་ཅད་ཀྱི་རྩ་གསུམ་ཆོས་སྲུང་ནོར་ལྷ་བཅས། རྒྱལ་བ་སྲས་བཅས་ཀྱི་སྒྲུབ་ཐབས་སྐོར་ཆོས་སྡེ་བརྒྱད་ཅུ་རྩ་ལྔ། གསུམ་པ་ངེས་དོན་གསང་བའི་བསྟན་བཅོས་ལ། དང་པོ་ཟབ་གསང་རྒྱུད་སྡེའི་དགོངས་བཅུད་རྫོགས་རིམ་སྐོར་ལ། བདེ་མཆོག་རིམ་ལྔའི་དོན་སྙིང་པོའི་ཡང་ཞུན། གསང་འདུས་རིམ་ལྔའི་ཟབ་དོན་འོད་གསལ་འཁོར་ལོ།སྦྱོར་དྲུག་བསྡུས་དོན་དེ་ཉིད་འདུས་པ། ལམ་འབྲས་བསྡུས་དོན་རིམ་གཉིས་འཁོར་ལོ། །ཆོས་དྲུག་སྙིང་པོ་འོད་གསལ་རྣམ་སྦྱོང་སོགས་ཆོས་སྡེ་ཉི་ཤུ་ལྷག་ཙམ། གཉིས་པ་འོད་གསལ་རྡོ་རྗེ་སྙིང་པོའི་སྐོར་ལ། ངལགསོ་སྐོར་གསུམ་དང་། མཛོད་ཆེན་བདུན་བཅས་པའི་སྡེ་ཚན་སྔར་བཤདཟིན་ལ། བི་མ་ལའི་སྙིང་ཏིག་ཟབ་པ་བོད་བཞི་དང་མན་ངག་བརྒྱ་བཅུ་དགུ་བརྗོད་བྱའི་རྒྱ་ཆེ་བས་འཐོར་བ་བསྡུས་པ་ལྟ་བུ་བླ་མ་ཡང་ཏིག་གམ། ཡང་ཟབ་ཡིད་བཞིན་ནོར་བུ། སྐྱེ་བ་སྔ་མ་ལ་མཁའ་འགྲོའི་སྙིང་ཏིག་བརྗིད་བྱེད་ཚིག་གི་གཏེར་ལ་དབང་བ། ད་རེ་མཆིམས་ཕུར་བརྗོད་བྱའི་དོན་ལ་དབང་བསྒྱུར་ནས་རྒྱས་པར་བཀྲལ་བའི་ཟབ་ཅིང་རྒྱ་ཆེ་བཤོག་སྐྱ། ཡང་ཟབ་རྣམས་ཤོག་འདྲ། ཤིན་ཏུ་ཡང་ཟབ་རྣམས་ཤོག་སེར་ཏེ་སྐོར་གསུམ་དུ་ཕབ་པའི་མཁའ་འགྲོ་ཡང་ཏིག །གཉིས་ཀའི་དོན་རྒྱས་པར་བཀྲལ་བ་ཟང་མོ་ཡང་ཏིག །སྙན་རྒྱུད་ཐིག་ལེ་གསང་སྐོར་དང་བཅས་པ། མངོན་རྟོགས་རྒྱན་གྱི་ལུས་རྣམ་གཞག་གི་གསལ་བྱེད་རྒྱན་གྱི་སྣང་བ་འདུལ་བ་ཀྭ་རི་ཀྭའི་གསལ་བྱེད་འོད་ཀྱི་སྙེ་མ། དབུ་མ་ཐལ་འགྱུར་གྱི་གནས་གསལ་བ་རབ་ཏུ་མི་གནས་པའི་དོན་བསྡུས།བསླབ་བྱ་རྒྱལ་སྲས་ལམ་བཟང་སོགས་ལེགས་བཤད་རྒྱ་ཆེ་བའི་ཆོས་སྡེ་ཉི་ཤུ་རྩ་གསུམ། གཉིས་པ་འབྲས་བུ་སྔགས་ཀྱི་སྐོར་ལ། ཆོས་སྤྱོད་ཐམས་ཅད་ཀྱི་མངོན་པར་རྟོགས་པ་རྒྱུད་ཀྱི་བཤད་འགྲེལ་བྱང་ཆུབ་ལྗོན་ཤིང་། རྒྱུད་སྡེ་སྤྱི་དོན་བཤད་རྡོ་རྗེ་འབྱུང་བ། དམ་ཚིག་གསུམ་བཀོད་ཀྱི་རྣམས་བཤད་ཉི་མའི་འོད་ཟེར། སྒྲུབ་ཕྲིན་སྐོར་ལའང་གནས་བརྟན་བཅུ་དྲུག་གི་ཆོ་ག་གཞན་ཕན་ནོར་བུ། སྒྲོལ་མ་མཎྜལ་བཞི་པའི་ཆོ་ག་བདེ་ལེགས་ཀུན་བྱུང་། སྨན་བླའི་ཆོ་ག་ཡོན་ཏན་ཕྲེང་རྫོགས། སྤྱོད་རྒྱུད་སྒྲུབ་ཐབས་ཟླ་བའི་ནོར་བུ། རྣམ་སྣང་སྒྲུབ་ཐབས་ངན་སོང་ཀུན་སྦྱོང་། ཀུན་རིག་རྩ་བའི་དཀྱིལ་འཁོར་དུ་སློབ་མ་འཇུག་ཅིང་དབང་བསྐུར་ཆ་ག །མི་འཁྲུགས་པའི་སྒྲུབ་ཐབས་སྡུག་བསྔལ་ཀུན་སྦྱོང་། ཤཱཀ་ཐུབ་སྒྲུབ་ཐབས་འོད་ཟེར་ཀུན་འབྱུང་། བྱམས་པའི་བསྒྲུབ་ཐབས་པདྨ་བརྩེགས་པ། གཞན་ཡང་འཇམ་དཔལ། དབྱངས་ཅན་མ། ཕག་མོ། མི་གཡོ་བ།ཛསྒྱུ་ལ། དེ་དག་རྣམས་ལས་དཀར་སེར་དམར་སྔོ་ནག་སོགས་སོ་སོའི་སྒྲུབ་ཐབས། དཀར་པོ་སྐོར་གསུམ། འོད་ཟེར་ཅན། ནོར་རྒྱུན་མ། ཨ༷་གུ་ལི། དུག་སེལ་ཅན་རྣམ་རྒྱལ་སོགས་དང་། དབང་ཕྱུག་ཁྱབ་འཇུག་བསྡུས། སྒྲའི་མཚམས་སྦྱོར་རབ་གསལ་ཟླ་བ། སྡེབ་སྦྱོར་ཉི་མའི་ཤིང་རྟ། ལྕི་ཡང་གི་གནས་རིན་པོ་ཆེའི་ལྡེ་མིག །མངོན་བརྗོད་མེ་ཏོག་འཁྲི་ཤིང་། སྙན་དངགས་ཀྱི་བསྟན་བཅོས་མེ་ཏོག་ཀུན་ཏུ་རྒྱས་པའི་སྐྱེད་མོའི་ཚལ། དཔེར་བརྗོད་ཀླུ་ཤིང་གི་མེ་ཏོག གཉིས་ཀ་སྤེལ་པ་ཚངས་པའི་གསུང་དབྱངས་ཏེ་སྡེ་ཚན་བཅུ། གཉིས་པ་གཏམ་གྱི་ཚོགས་ལ། མིའམ་ཅི་ཀུན་ཏུ་དགའ་བའི་བཟློས་གར། པོ་ཊ་ལ་ཀུན་ཏུ་དགའ་བའི་གཏམ། གཞོན་ནུ་ཞི་བའི་རྟོགས་བརྗོད་མེ་ཏོག་གི་ཆུན་པོ། བློ་གསལ་རི་བོང་གི་རྟོགས་བརྗོད། ནགས་ཚལ་ཀུན་ཏུ་དགའ་བའི་གཏམ། ནགས་ཀྱི་གཏམ་པདྨ་དཀར་པོ། གངས་རིའི་རྒྱན་ཀུན་ཏུ་བཟང་པོ ཀུ་མུ་ཏའི་འཁྲི་ཤིང་སྟེ་ནགས་ཀྱི་གཏམ་ལྔ། སློབ་དཔོན། རབ་བྱུང་། སྐྱེ་བོ། མཁས་བླུན། བཤེས་གཉེན། ཆོས་དང་ཆོས་མིན་བརྟག་པའི་རབ་བྱེད་དྲུག་སོགས་ཆོས་སྡེ་བཞི་བཅུ་རྩ་ལྔ། གསུམ་པ་བསྟོད་ཚོགས་ལ།རྒྱལ་བ་སྲས་བཅས་ཀྱི་ཚོགས་དང་། འཇིག་རྟེན་པའི་ལྷ་ཆེན་པོ་རྣམས་དང་། རི་དང་། རྒྱ་མཚོ། སྒྲུབ་གནས། བསམ་ཡས། གསང་ཕུའི་ཆོས་གྲྭ་སོགས་གཙུག་ལག་ཁང་དང་ཆོས་སྡེ་རྣམས་ལ་བསྟོད་པའི་ཚོགས་བཞི་ཅུ་རྩ་གསུམ་མོ། །གཉིས་པ་ཁྱད་པར་ནང་གི་བསྟན་བཅོས་སྐོར་ལས། དང་པོ་རྒྱུ་མཚན་ཉིད་ཀྱི་ཐེག་པའི་སྐོར་ལ། བྱམས་ཆོས་ལྔའི་སྤྱི་དོན་གྱི་འགྲེལ་པ། ས་ལམ་གྱི་རྣམ་གཞག་རིན་པོ་ཆེའི་ཐེམ་སྐས་རྩ་འགྲེལ་་བྱིན་ཟའི་ཁང་པར་སྤྱན་དྲངས་པའི་ཚའང་ས་གཡོས། སྒྲ་ཆེན་པོ་ལན་བདུན་གྲགས། ཞུགས་ལ་ཞེན་པ་ན་སྐུ་གསུང་ཐུགས་རྡོ་རྗེ་གསུམ་གྱི་ངོ་བོར་བྱང་ཆུབ་པའི་རྟགས་ཐུགས་ལྗགས་སྤྱན་གསུམ་ཀ་སྐལ་ལྡན་གྱི་སློབ་མའི་ཕང་པར་བྱོན། སྐུ་ལྔ་དང་ཡེ་ཤེས་ལྔའི་ཐོབ་བྱ་མ་ལུས་པ་མངོན་དུ་མཛད་པས་གདུང་ཆེན་ལྔ་དང་། རིང་བསྲེལ་ཕྲ་མོ་བགྲང་ལས་འདས་པ་བྱུང་། རིང་བསྲེལ་གོང་བུ་ཆེ་བ་དག་ནས་བརྒྱ་སྟོང་གྲགས་མེད་དུ་འཕེལ་བ་རྩོད་པ་དང་བྲལ་ཞིང་། སྐུ་གདུང་མ་ཉམས་པ་ཕྲན་བུ་བཟུང་བ་དག་ལའང་ད་ལྟའི་བར་དུ་སྟེང་གདོན་གྱི་གནོད་པས་བརྫི་བར་མི་ནུས་པ་སོགས་མངོན་སུམ་ཚད་མའོ། །སྐྱེས་བུ་ཆེན་པོ་འདིའི་གསུང་རབ་ནི་རྒྱལ་བའི་བཀའ་དང་ཁྱད་པར་མེད་པ་ཡིན་པས་ངེས་བརྗོད་རྟོགས་སླ་བའི་ཕྱིར་རྣམ་གྲངས་བཀོད་ན། ཐུན་མོང་ཕྱིའི་བསྟན་བཅོས་ཁྱད་པར་ནང་གི་བསྟན་བཅོས། ངེས་དོན་གསང་བའི་བསྟན་བཅོས་ཏེ་སྐོར་ཚོ་གསུམ། དེ་དག་ལའང་ནང་གསེས་ཀྱི་དང་པོ་ལ་རིག་གནས་ཀྱི་དང་པོ་ལ་རིག་གནས་ཀྱི་སྐོར། གཏམ་གྱི་ཚོགས། བསྟོད་པའི་ཚོགས་དང་གསུམ། གཉིས་པ་ལ་རྒྱུ་དང་འབྲས་བུའི་ཐེག་པ་གཉིས། གསུམ་པ་ལ་ཟབ་གསང་རྒྱུད་སྡེའི་དགོངས་འགྲེལ་དང་། ཁྱད་པར་བླ་ན་མེད་པ་འོད་གསལ་རྡོ་རྗེའི་སྙིང་པོའི་གདམས་སྐོར་རོ། ། དང་པོ་རིག་གནས་ཀྱི་སྐོར་ལ་ཡིག་སྡེབས་ཀྱི་སྦྱོར་བ་དཔག་བསམ་སྙེ་མ་ཆེ་ཆུང་གཉིས། །དོན་འདུས་བྱས་ལ་སྙིང་པོ་མེད་པས་ཆོས་འབའ་ཞིག་དོན་དུ་གཉེར། ལྷག་པར་ཁྲེགས་ཆོད་དང་ཐོད་རྒལ་གྱི་ཉམས་ལེན་གནད་དུ་བསྣུན། མ་གོ་བའི་སྐབས་བྱུང་ན་ཡང་ཏིག་ཡིད་བཞིན་ནོར་བུ་འདི་བསམ་འཕེལ་ནོར་བུ་དང་འདྲ་བས་ལྟ་རྟོག་ཞིབ་མོར་གྱིས་ལམ་སྒོམས་དང་། ཆོས་ཉིད་ཟད་པའི་ས་ལ་མྱ་ངན་ལས་འདའ་བར་འགྱུར་རོ་ཞེས་གདམས། དེ་ནས་ཚེས་བཅོ་བརྒྱད་ཀྱི་ཉིན་མཆོད་པ་གཅིག་ཤོམ་ལ་ཁྱོད་རང་རྣམས་དགེ་སྦྱོར་ལ་དེངས་གསུངས། སྐུ་དྲུང་ན་འདུག་པར་ཞུས་པས། འོ་ན་ངའི་སྒྱུ་ལུས་གོག་པོ་འདི་འདོར་བ་ཡིན་པས་ཅ་ཅོ་མ་བྱེད་པར་མཉམ་བཞག་གི་ངང་ལ་སྡོད་གསུངས། སྐུ་གདུང་རིན་པོ་ཆེ་ཆོས་སྐུའི་བཞུགས་སྟངས་ཀྱི་བཞག་ནས། དགོངས་པ་གདོད་མའི་དབྱིངས་སུ་མནལ་བ་ན། ས་ཆེན་པོ་འདི་ཡང་ཡིད་ཁོང་དུ་ཆུད་པར་གྱུར་ནས། ལྡེག་རབ་ཏུ་ལྡེག་པ་ལ་སོགས་པའི་ཟོལ་གྱིས་ལུས་བརྟེག་ཅིང་གཡོ་བར་གྱུར་ལ། འུར་རབ་ཏུ་འུར་བ་ལ་སོགས་པའི་ཟོལ་གྱིས་ཆོ་ངེ་འདོན་པ་ལ་ཞུགས་སོ། །གདུང་ཞག་ཉེར་ལྔ་བཞག་པས་བསྟན་ལ་དགའ་བའི་ལྷ་རྣམས་འཇའ་འོད་ཀྱི་གུར་ཕུབ། མེ་ཏོག་གི་ཆར་ཕབ། དགོངས་པ་ཆོས་ཉིད་དུ་གྲོལ་བས་འབྱུང་བ་ཆེན་པོ་བཞི་འང་དུས་བཞི་གཏན་ཚིགས་འཛིན་པའི་བརྟན་པ་བྲལ་ནས། རྒྱལ་དང་ཆོས་འཕྲུལ་གྱི་ཟླ་བ་གཉིས་ཀར་ས་དྲོས་འཁྱགས་པ་ཞུ། སེ་བའི་ལོ་མ་རྒྱས་པ་བྱུང་། གདུང་མཆོད་པའི་ཞིང་དུ་བའི་རྙེད་པ་ལེགས་གྲུབ་པ། །རྒྱ་མཚོར་དོན་ཡོངས་གྲུབ་པའི་ཚོང་པ་དང་། །གཡུལ་ལས་རྣམ་པར་རྒྱལ་བའི་ལྷ་དབང་དང་། །བསམ་གཏམ་གྲུབ་པའི་བདེ་བས་ཆེས་ལྷག་གོ །ད་ནི་མི་སྡོད་པདྨ་ལས་འབྲེལ་རྩལ། །འཆི་མེད་བདེ་ཆེན་བཙན་ས་འཛིན་དུ་འགྲོ །ཞེས་པ་ལ་སོགས་ཀྱི་ཞལ་ཆེམས་བསྟན་པས་རྒྱལ་སྲས་བཟོད་པ་ན་རེ། དེ་ལྟར་མི་གསུང་བ་ཞུ་ཞེས་མཆི་མ་བླགས་པས། འདུལ་བྱས་འཇིག་པ་ལས་བརྩམས་པའི་ཆོས་མང་པོ་གསུངས། སླར་བསམ་ཡས་སུ་གདན་འདྲེན་བྱུང་བས་ཆོས་ཀྱི་འཁོར་འོ་་བསྐོར་བཞིན་དུ་རྒྱ་མ་དང་བསམ་ཡས་བརྒྱུད་མཆིམས་ཕུ་དཔལ་གྱི་ནགས་ཁྲོད་དུ་ཕེབས། དེ་ཡི་ཆོས་ཀུན་སྒ་མ་ལྟ་བུ་དང་། །སྐྱེ་བ་སྐྱེད་མོའི་ཚལ་འགྲོ་ལྟར་རྟོགས་ནས། །ཞེས་པ་དེ་སྐྱེས་བུ་ཆེན་པོ་འདི་ཉམས་འོག་ཏུ་བཙུད་པས། གནས་འདི་ནི་རྒྱ་གར་གྱི་དུར་ཁྲོད་བསིལ་བའི་ཚལ་དང་མཚུངས་པ་ཡིན། གཞན་དུ་སྐྱེ་བ་ཟླེས་འདིར་འཆི་བ་དགའ། ངའི་སྒྱུ་ལུས་གོག་པོ་འདི་འདིར་འཇོག་པ་ཡིན་གསུངས་ནས་བསྙུང་བའི་ཚུལ་བསྟན་ཀྱང་ད་དུང་ཆོས་མཚམས་རྒྱུན་མ་ཆད། དེར་འོ་བརྒྱལ་དུ་བསམ་ཏེ་རེ་ཞིག་ཆོས་མཚམས་འཇོག་པར་ཞུས་པས་ཆོས་འདི་རྫོགས་པ་ཞིག་བྱེད་བསམ་པ་ཡིན་ཏེ་གསུངས། དེ་ནས་རྒྱལ་ཟླའི་ཚེས་བཅུ་དྲུག་གི་ཉིན་དཔའ་བོ་མཁའ་འགྲོ་རྣམས་མཆོད་གཏོར་རྒྱ་ཆེན་པོས་མཉེས་པར་མཛད་ཅིང་། སློབ་མའི་ཚོགས་ལ་སྤྱིར་ཡང་རུང་གསུངས་ནས་མི་ཆེན་ལ་སྟན་དང་བཀུར་སྟི་མི་མཛད། ཚོགས་གསོག་ཡོན་བདག་གིས་བྱ་བ་ཡིན་གྱི་མཆོད་ཡོན་གོ་ལོག་པ་མ་བཟང་གསུངས། འབུལ་བ་ཆེན་པོ་གང་ཕུལ་ཡང་དེ་སྔོ་བས་རྒྱས་འདེབས་པ་ལས་གདབ་ལན་མི་ཡོང་། འགྲོ་བ་ཉམ་ཆུང་བ་ལ་ཐུགས་ལྷག་པར་བརྩེ་བས་སྙོམས་ཆུང་དང་སྤྲང་པོས་ཅི་དྲངས་ཀྱང་ཞིམ་ཞིམ་ལྟར་གསོལ་ནས། མདོ་འདོན་པ་དང་བསྔོ་པ་ནན་གྱིས་གསུངས། དེ་ལྟ་བུའི་མཛད་པ་དཔག་པར་དཀའ་བས་མཐོང་བའི་ཆོས་ལ་རྗེས་སུ་བཟུང་བ་དག་ལྟ་ཅི་སྨོས། རང་བཞིན་གྱི་མཐོང་བ་དང་། ཐོས་པ་དང་། རེག་པ་དང་། གནོད་པ་བྱེད་པའང་བདེ་བའི་གནས་སུ་འབྲེལ་ཞིང་། བྱང་གྲོལ་གྱི་ས་བོན་ཐེབས་པར་མཛད་ནས་ལྔ་བཅུ་རྩ་དྲུག་བཞེས་པ་ཆུ་མོ་ཡོས་ཀྱི་ལོར། སྐལ་ལྡན་མང་པོ་ལ་སྨིན་གྲོལ་གྱི་གོ་འཕང་སྟེར་བའི་སྐབས་ཤིག་རྒྱལ་སྲས་བཟོད་པ་ལ་སྣ་་།ག་སྡོགས་ཤིག་གསུང་ནས་ཞལ་ཆེམས་དྲི་མ་མེད་པའི་འོད་དུ། འཁོར་བའི་རང་བཞིན་སྔ་ནས་ཤེས་ཟིན་ཏེ། །འཇིག་རྟེན་ཆོས་ལ་སྙིང་པོ་མེད་པའི་ཕྱིར། །ད་ནི་མི་རྟག་སྒྱུ་མའི་ལུས་འདོར་ནས། །གཅིག་ཏུ་ཕན་པའི་གདམས་ངག་བཤད་ཀྱི་ཉོན། །ཞེས་པ་ལ་སོགས་པས་སྣ་དྲངས་ནས། ཐུགས་རྗེ་མངའ་བའི་མགོན་པོ་པདྨའི་ཞལ། །དབུགས་འབྱིན་མཛད་པ་དེ་ཡི་དེང་བཟུང་བས། །འགྲོ་བའི་དུས་བབ་མགྲོན་པོ་ལམ་ཞུགས་བཞིན། །འཆི་བས་དགའ་བཞི་ན་བསམ་ཡས་པ་ལས་མཁྱེན་རབ་ཆེ་བ་མི་བཞུགས་ཞེས་སྒྲགས་པས། འཇམ་དཔལ་གྱི་སྤྲུལ་པར་ངེས་ཤེས་རྙེད་དེ་སྤྱན་དྲངས་ནས་གཙུག་གི་ནོར་བུར་བྱས་པས་འགྲོ་བ་གང་དང་གང་དག་གི་གནས་སྐབས་དང་མཐར་ཐུག་གི་ལས་མི་བསྲུན་པའི་རྒྱུ་རྐྱེན་འབྲས་བུ་དང་བཅས་པ་དྲུང་ནས་འབྱིན་པར་མཛད། དུས་དེ་ཙམ་ན་དབུས་གཙང་འདིར་དྲེགས་རློམ་གྱི་སྐྲའི་ཅོད་པཎ་གཞན་ལ་སྟོན་པར་དཀའ་བ་སིའི་ཏུ་བྱང་ཆུབ་རྒྱལ་མཚན་གྱིས་འབྲི་གུང་པའི་བླ་མ་ཡིན་ཞེས་མི་མཐུན་པར་བལྟ་བ་ལ། ཚད་མེད་པའི་ཐུགས་རྗེ་ཆེན་པོའི་འཕྲིན་ལས་དང་། མཁས་པ་དང་གྲུབ་པའི་རྣམ་ཐར་བཟང་པོ་བུདྷི་ཤིའི་རྣ་ལུང་དུ་དཔྱངས་པས་མཚམས་སྦྱར་ཏེ་བོད་ཤིང་སྒོ་ཅན་པའི་རྒྱལ་པོ་སེདྷི་རྐང་པ་བརྒྱད་པའི་སྤྱི་བོར་ཡང་ཞབས་སེན་ལེགས་པར་བཀོད། དེ་བཞིན་དུ་དབུས་སྟོད་ཁྲི་དཔོན་སི་ཏུ་ཤཱཀྱ་བཟང་པོ། ཡར་འབྲོག་ཁྲི་དཔོན་རྡོ་རྗེ་རྒྱལ་མཚན་ལ་སོགས་པའི་མི་ཆེན་དུ་མས་ཀྱང་སྲིད་ཞུ་བྱས། དེ་དག་ལ་སོགས་ཏེ་དད་པ་ཅན་གྱིས་བྱིན་པའི་རྫས་ཀྱང་སློབ་དཔོན་ནཱ་ག་རྫུ་ནའི་རྣམ་ཐར་བཟུང་ནས་གནས་མིན་དུ་ཅུང་ཟད་ཙམ་ཡང་ཆུད་མི་གཟོན་པར་དཀོན་མཆོག་གསུམ་ལ་བསྟི་སྟང་བླ་ལྷག་ཏུ་མཛད། ཡོ་བྱད་ཆོས་ཕྱོགས་སུ་བསྔོས་ཟིན་པ་རྣམས་རང་གི་རྫས་སུ་འདུ་མི་ཤེས་པ་ཕྱོགས་གཞན་གང་དུའང་འབྱམས་མི་སྲིད། བསྙེན་བཀུར་དཀོན་མཆོག་ལ་དགོས་པ་ཡིན་གྱི་སྡིག་ཅན་ལ་མི་ལོ་རྒྱ་ཆེན་པོས་བསྟི་སྟང་དུ་བྱ་བ་དང་། གཞན་རྒྱུད་ཀྱི་བསམ་པ་མཁྱེན་ནས་ཐབས་ལ་མཁས་པའི་གདུལ་ཚུལ་དཔག་ཏུ་མེད་པ་ལ་སོགས་མདོར་ན་རང་དོན་སྤངས་རྟོགས་ཕུན་སུམ་ཚོགས་པའི་གོ་འཕང་བརྙེས། འདོད་པ་གཏན་ནས་ཟད་པ་ལ་སོགས་པའི་འཕྲིན་ལས་བསམ་གྱིས་མི་ཁྱབ་པས་གདུལ་བྱ་སྨིན་གྲོལ་ལ་འགོད་པའི་རྣམ་པར་ཐར་པ་གང་ཡིན་པ་ནི་སྐྱེས་བུ་ཆེན་པོ་འདིས་ལག་ལེན་ལ་བཏབ་པ་སྟེ། འབྲི་གུང་སྒོམ་པ་ཀུན་རིན་རང་སྲིད་ཀྱི་དྲེགས་པས་མྱོས་ཏེ་དམག་འཁྲུགས་གཡོ་བར་བརྩམས་པ་ལ། སློབ་དཔོན་ཆེན་པོའི་ལུང་བསྟན་དུ། འབྲི་ཞེས་བྱ་བའི་ས་ཕྱོགས་སུ༔ ཀུན་དགའི་མིང་ཅན་བདུད་ཀྱི་བུ༔ ལུས་ལ་མཚོན་ཆའི་རི་མོ་ཡོད༔ ཤི་ནས་དམྱལ་བར་སྐྱེ་བར་འགྱུར ༔ ལྷོ་ཡི་ཕྱོགས་ནས་འཇམ་དབྱངས་ཀྱི ༔ སྤྲུལ་པ་གཅིག་གིས་འདུལ་བར་བྱེད ༔ ཞེས་པའི་ལུང་བསྟན་དེ་སྒོམ་པ་ཀུན་རིན་གྱིས་དཀར་པོ་རྣམ་པར་འཕེལབའི་ས་བོན་གྱིས་མཐོང་ནས་རང་གི་ལུས་ལ་ལྟས་པར་རྒྱབ་ངོས་སུ་ཤ་མཚན་རལ་གྲི་འདྲ་བ་གཅིག་བྱུང་། དེ་རང་ཉིད་དུ་གདོན་མི་ཟ་བར་ཤེས་ནས་དབུས་གཙང་འདིར་འཁྲུག་པ་ཆེན་པོ་གཅིག་བྱེད་བསམ་ཀྱང་དམྱལ་བར་འགྲོ་ན་བྱེད་དོན་ཆུང་བསམ་ནས་བརྣག་པར་བཀའ་བའི་ལས་ལ་བཤོལ་བཏབ། ཕྱོགས་ཀུན་ཏུ་དྲིལ་བསྒྲགས་ནས་འཇམ་དཔལ་གྱི་སྤྲུལ་པ་བཙལ་བས། མཁས་པ་ཀུན་ཞལ་འཆམ་པར་ད་ལྟ་བོད་རུ་མཆོག་མཛོད་རིམ་ཁང་ཉི་ཤུ་རྩ་ལྔ་པའི་བདག་ཉིད་ཅན། དེའི་གནད་དོན་བསྡུས་པ་ཚིག་དོན་རིན་པོ་ཆེའི་མཛོད་རྡོ་རྗེ་གནས་བཅུ་གཅིག་པ། སེམས་ཀློང་མན་ངག་གསུམ་ཀའི་སྙིང་པོའི་མཐར་ཐུག་གནས་ལུགས་རིན་པོ་ཆེའི་མཛོད་རྩ་བ་ལེའུ་ལྔ་པ། རྟི་ཀ་དང་བཅས་པ་སྟེ་མཛོད་བདུན་གྱི་བདག་ཉིད་ཅན་ཕལ་མོ་ཆེ་གནས་འདི་ཉིད་དུ་བྱུང་། སྤྱིར་སྔགས་བདག་གཟའ་དང་། དམ་ཅན་གསུམ་ལས་ལ་བྲན་བཞིན་དུ་འཁོལ་ཞིང་བཀའ་ཉན་པས། མཛོད་འདི་དག་རྩོམ་པའི་ཚེ་གངས་རིར་ཁྱབ་འཇུག་ཆེན་པོས་སྣག་ཚ་མཉེད་བཅུག་པ་ཉེ་གནས་པས་མངོན་སུམ་དུ་མཐོང་། དེ་ལྟར་བཤད་པ་དང་དོན་གྱི་སྙིང་པོའི་སྒྲུབ་པ་ཁོ་ན་ལ་དབེན་པ་འབའ་ཞིག་ཏུ་བཞུགས་པའི་བསྒྲུབ་གནས་ཀྱང་བསམ་ཡས་མཆིམས་ཕུ། ཨོ་རྒྱན་རྫོང་། ལྷ་རིང་བྲག །གྲ་ཕུ། ཤུག་གསེབ། གངས་རིའི་ཐོད་དཀར། གཞུ་སྟོད་ཏི་སྒྲོ། ཡེར་པ། ཡར་ལྷ་ཤ༷་པོ། བུམ་ཐང་། སྐྱམ་བུ་དཔལ་གྱི་དགེ་སྡིངས་། གོང་པོ་རིའི་གླ་བ་ལུང་། །ཀོང་པོ་རྩ་གོང་གི་ཕུ་རྣམས་ལས་ཕལ་ཆེར་གངས་རི་ཉིད་དུ་གཏན་ཆགས། ལྷོ་འབྲོག །དབུ་གཡོར། ལྷོ་མོན་གྱི་ཡུལ་མཐའ་དག་ཏུ་ཁྲིད་ཉན་སྟོང་ཕྲག་ཚོགས་པ་ལན་མང་དུ་བྱུང་ཞིང་། དེ་དག་ལའང་ཐུགས་བསྐྱེད་ཤིན་ཏུ་ཆེ་བས། ཆོས་ཁྲལ་མི་ལེན། དད་རྫས་ཆུད་མི་གསོན། སློབ་མའི་བྱ་བ་འབའ་ཞིག་དོན་དུ་གཉེར་བ་ལ་ལོག་བསྒྲུབ་དང་སྐྱོ་ངལ་བཟོད། ཚོགས་ཀྱི་འཁོར་མཚོ། དཀར་ཆག་པདྨ་སྟོང་ལྡན་ཏེ་ཆོས་སྡེ་བཅུ་བཞི། ལོག་པར་སྨྲ་བའི་ཕྱི་རོལ་པ་དག །རང་གི་གཏན་ཚིགས་ལ་མཆོག་ཏུ་ཞེན་པའི་འཇིགས་ཚོགས་ལ་ལྟ་བ་སུམ་བརྒྱ་དྲུག་ཅུའི་རི་དྭགས་མི་བསྲུན་པ་རྣམས་ཀྱི་མཚང་གཏིང་ནས་དྲུས་སྟེ། གྲུབ་མཐའ་ངན་པའི་སྤྱི་བོར་བརྒལ་བ་དང་། བརྟག་པ་དང་། སུན་འབྱིན་པའི་སྡེར་མོ་རྣོན་པོ་བསྣུན་ནས་ཅང་མི་སྨྲ་བ་དང་ཡུལ་ཡུལ་པོའི་གནས་ལ་འགོད་པ་སྔོན་དུ་འགྲོ་བས།སྟོན་པ་འཇིག་རྟེན་གསུམ་གྱི་མིག་གཅིག་པུའི་གྲུབ་པའི་མཐའ་ཐེག་པ་གསུམ་གྱི་ཁང་བཟང་ཆེན་པོར། བླ་ན་མེད་པའི་ཐེག་པའི་ཁྱད་པར་གྱི་ཡིད་བཞིན་ནོར་བུ་ཏོག་གི་བློ་གྲོས་དེ་བཞིན་གཤེགས་པ་རྣམས་ཀྱི་སྐུ་གསུང་ཐུགས་མི་ཟད་པ་རྒྱན་གྱི་འཁོར་འོའི་མཛོད་ཁང་དམ་པར་ཟད་མི་ཤེས་པའི་སྐོར་ལ། ཡིད་བཞིན་མཛོད་རྩ་བ་ལེའུ་ཉེར་གཉིས་པ། འགྲེལ་ཆེན་པདྨ་དཀར་པ་། ཁྲིད་ཡིག་རྡོ་རྗེ་སྙིང་པོ་སྟེ་མ་བུ་གསུམ། གནད་ལས་སྙིང་པོར་ཕྱུང་བ་མན་ངག་རིན་པོ་ཆེའི་མཛོད། ཀློང་སྡེ་ཤས་ཆེར་སྟོན་པ་ཆོས་དབྱིངས་རིན་པོ་ཆེའི་མཛོད་རྩ་བ་ལེའུ་བཅུ་གསུམ་པ། འགྲེལ་པ་ཆོས་དབྱིངས་གསལ་བ་སྟེ་སྡེ་ཚན་གཉིས། ཐེག་པ་མཐའ་དག་གི་དོན་གསལ་བ་གྲུབ་མཐའ་རིན་པོ་ཆེའི་མཛོད་ལེའུ་བརྒྱད་པ། ཀུ་མ་རྭ་ཇོའི་དགོངས་རྫོགས་སུ་བརྩམས་པར་གྲགས་པ་་རྒྱུད་བཅུ་བདུན་དང་། མན་ངག་བརྒྱ་བཅུ་དགུའི་དོན་འགྲེལ་བརྗོད་བྱ་ཤིན་ཏུ་རྒྱ་ཆེ་བ་ཐེག་ཡང་ལན་གཅིག་ཇོ་བོ་མཇལ་དུས་སྐུ་ལས་གསེར་བཙོ་མ་ལྟ་བུའི་འོད་འཕྲོ་བ་དང་། དབུའི་སྟེང་ནས་སངས་རྒྱས་རབ་བདུན། སྨན་ལྷ། བདེ་དགྱེས། སྤྱན་རས་གཟིགས་ནམ་མཁའ་རྒྱལ་པོ། །རྒྱལ་བ་རྒྱ་མཚོ་དང་།བསྟན་སྲུང་གི་ཚོགས་དུ་མ་གཟིགས། འདིས་མཚོན་པའི་དུས་དང་དུས་མ་ཡིན་པར། སློབ་དཔོན་ཆེན་པོ། གུ་རུ་དྲག་པོ། དམ་པ་རིགས་བརྒྱ། བསྒྲུབ་ཆེན་བཀའ་བརྒྱད་ལ་སོགས་པ་སངས་རྒྱས་བྱང་སེམས་ཏིལ་གྱི་གང་བུ་ལྟར་ཞལ་གཟིགས་ནས་བསྟན་བཅོས་བརྩམ་པར་བསྐུལ་ཞིང་བཀའི་བནང་བ་ཐོབ་པས། དགོངས་པ་ཀུན་ཏུ་བཟང་པོའི་ཀློང་ན་རྣམ་པ་ཐམས་ཅད་མཁྱེན་པའི་ཆོས་ཉིད་ལས་གཡོ་བ་མེད་པའི་ངང་ནས་རྗེས་ལ་ཐོབ་པའི་ཡེ་ཤེས་སངས་རྒྱས་རྣམས་ཀྱི་ཐུགས་རྗེ་དང་འགྲོགས་ནས་རྒྱལ་བ་བདེན་པར་སྨྲ་བའི་བཀའ་དང་ཐ་དད་དུ་མེད་པས་བྱིན་གྱིས་བརློབས་པའི་བཀའམ། འཆོས་སྐྱོབ་གཉིས་ཀྱི་ཡོན་ཏན་རྒྱ་མཚོས་བསྲུངས་པའི་བསྟན་བཅོས་གང་ཞིག་སེམས་ཀྱི་གླང་པོ་སེམས་བྱུང་དང་རྟོག་ཚོགས་མཐའ་ཡས་པའི་ཁུར་གྱིས་དུབ་ནས་འཁོར་བ་རྒྱ་མཚོའི་རུམ་ན་འཇུག་པར་རྩོམ་པ་དག །བདེ་བ་ཆེན་པོའི་ཙནདན་ལྗོན་པའི་གྲིབ་བསིལ་ལ་ངལ་གསོའི་དབུགས་འབྱིན་ཆེན་པོ་སྟར་བའི་ཆོས་ཚུལ། རྩ་བ་ངལ་གསོ་སྐོར་གསུམ། བསྡུས་དོན་འཕྲེང་བ་རྣམ་གསུམ། རྒྱས་འགྲེལ་ཤིང་རྟ་རྣམ་གསུམ། དོན་ཁྲིད་རྣམ་གསུམ། སྤྱི་དོན་ལེགས་བཤད་རྒྱ་ཆོས་གྲྭ་ལའང་སྔ་ཕྱིར་གནང་སྤྱིན་བཟང་པོ་མཛད། གོང་པོ་རིའི་ཐད་ནས་གདོང་འཇིགས་སུ་རུང་བ་ཞིག་གཟིགས། འཇིག་རྟེན་ལ་མི་དགེ་བ་དང་། ས་ཕག་གི་རྩོད་པ་འོང་བ་མཁྱེན་ནས་མོན་བུམ་ཐང་དུ་ཕེབས། བསྟན་པའི་སྣང་བ་ཉུང་བས་ཤིན་ཏུ་གདུལ་དཀའ་བའི་གནས་དེར་ཡང་གདུལ་ཞིང་རྒྱ་ཆེ། ཚོགས་པ་མང་པོ་འདུ་བའི་དགེ་འདུན་གྱི་སྡེ་བཙུགས་ཏེ་ཐར་པ་གླིང་དུ་བཏགས། སློབ་དཔོན་སངས་རྒྱས་ཀུན་དགའ་བསྐོ་འཇའ་གནང་། སྔ་འགྱུར་སྤྱི་དང་རྫོགས་ཆེན་གྱི་འཕྲིན་ལས་སྤེལ། གསང་སྔགས་རང་གར་སྤྱོད་པ་དག་ལ་མིག་ལྟོས་བསྟན་པའི་ཆེད་བྱར་ནས་གཏེར་སྟོན་གྱི་དངོས་སློབ་་ཁི་རྒྱལ་སྲས་ལེགས་པ་ལས་མཁའ་འགྲོའི་སྙིང་ཏིག་གི་ཚིག་རྒྱུད་གསན། ལྷ་སར་བྱོན་ནས་ཇོ་བོ་མཇལ་དུས་མཛོད་སྐྲུ་ནས་འོད་ཟེར་བྱུང་སྟེ་ཉིད་ཀྱི་སྨིན་མཚམས་སུ་ཐེམ་པར་བྱ་རྒོད་ཕུང་པོ་དང་། ལི་ཡུལ་རྣམས་སུ་པརྙི་ཏར་སྐྱེ་བ་བླང་པ་དྲན།གནས་འདིར་དགེ་འདུན་མང་པོས་བསུ་བ་གསེར་སྒྲེང་གིས་བསུས། ལྷ་ས་དང་ར་མོ་ཆེའི་བར་དུ་ཆོས་ཁྲི་བརྩིགས་པའི་སྟེང་ནས་སེམས་བསྐྱེད་ཆེན་མོ་སོགས་ཆོས་འཁོར་རྒྱ་ཆེན་པོ་བསྐོར། ཁེངས་པའི་བླ་ཅན་མང་པོས་དངོས་དང་བརྒྱུད་ནས་ཉམས་སད་བྱེད་པ་མཐའ་དག་ལུང་དང་རིགས་པའི་ཆོམ་པོས་རྣམས་པར་བཏགས་ནས་ངེད་ཤེས་སྐྱེ་བའི་དད་པ་ལ་བཀོད་པས་ཀུན་མཁྱེན་ཆོས་རྗེ་ཞེས་པའི་མཚན་གྱི་རྣ་ལུང་དཔྱངས།བ་ཐབས་དང་དཔུང་གང་གིས་ཀྱང་བསླང་མ་ནུས་པར། ཆོས་སྐྱོང་ལ་གཏོར་མ་བྱོན། བདེན་ཚིག་བརྗོད། ཐུགས་འུར་པའི་ཚུལ་གྱི་སྐུ་ཆོས་བརྡབས་པས་མོད་ལ་སློང་ནུས་པ་བྱུང་། ཐོད་པ་སྣ་ཚོགས་ན་དམ་སྲི་མནན་ཡོད་པའི་བཅའ་ཀ་ཞིག་པ་རྣམས་སོར་བཙུད་དེ་སླར་ཡང་དེ་ཉིད་དུ་རྒྱས་འདེབས་པར་བརྩམས་པ་ན། འཐོར་རླུང་དྲག་པོ་གཡོས། ས་རྡོའི་ཆར་བབས་པས་མི་རྣམས་ཀྱང་བྲོས། ཐོད་པ་རྣམས་འཕར་ནས་ཕན་ཚུན་བརྡབས། ཆེ་ཤོས་ཞིག་དམ་སྲེའི་འཕྲུལ་གྱིས་ནམ་མཁའ་ལ་ཡར་བ་དྲག་ཤུལ་རབ་ཏུ་འབར་བའི་ཏིང་ངེ་འཛིན་དང་ལྟ་སྟངས་ཀྱིས་བཀུག་ནས་ཞབས་ཀྱི་འོག་ཏུ་བཙུད་པས། གསལ་བ་གྱད་དུ་གྱུར་པའི་རྟགས་གུ་རུ་དྲག་པོའི་སྐུར་གཞན་གྱིས་དངོས་སུ་མཐོང་། སླར་ཐོད་པ་རྣམས་ཕྲ་མེན་མཆོད་རྟེན་གྱི་ཞབས་སུ་མནན། རབ་གནས་དུས་སྐུའི་བཀོད་པ་དུ་མ་ངོ་མཚར་བར་བསྟན། ཐུབ་པ། བྱམས་པ། གནས་བརྟན་བཅུ་དྲུག་རྣམས་ཞལ་འཛུམ་ལྷག་ལྷག་སྟོན་པ་དང་། བྱམས་པས་ཕྱག་མཛུབ་དེངས་ནས། ཁྱོད་ཀྱི་སྐྱེ་བའི་མཐར་པདྨ་བརྩེགས་པའི་ཞིང་དུ་དེ་བཞིན་གཤེགས་པ་རི་རབ་མར་མེའི་རྒྱལ་མཚན་དུ་འཚང་རྒྱའོ་ཞེས་པའི་ལུང་བསྟན་ཐོབ། དབུས་སྟོད་སྐྱིད་ཆུའི་འགྲམ་ཕན་ཚུན་གཉིས་ཀར་ཆོས་ཉན་མང་དུ་ཚོགས་པ་ལ་གསང་བ་བླ་ན་མེད་པའི་ཁྲིད་བཏབ། ཚོགས་པ་རྣམས་ལ་ཚོགས་ཀྱི་འཁོར་ལོ་རྒྱ་ཆེན་པོ་ཡང་ཡང་གནང་། གསང་ཕུའི་འདིས་གསལ་བ་ཡིན་གསུངས་ནས་གླེགས་བམ་ཞིག་ལག་ཏུ་སྤྲད། མན་ངག་དང་བྱིན་བརླབས་ཀྱི་རྗེས་སུ་གདམས་པ་ཐམས་ཅད་སྩལ་བས་ཆོས་ཉིད་ཀྱི་དྲན་པ་མཁའ་ལྟར་དག །ཆོས་ཚུལ་རྒྱ་མཚོ་དང་ཁྱད་པར་ཀུན་མཁྱེན་བླ་མ་ཉིད་ཀྱི་གཞུང་ལུགས་དང་མན་ངག་ཐམས་ཅད་ལ་གོ་བ་ཅུང་ཟད་རྙེད་པ་འདི་བྱུང་། རྟེན་འབྲེལ་དེ་ལས་གསུངས་པ་འདི་དག་གཅིག་ཏུ་ཚོགས་པའང་དཀོན་པའི་གནས་སྐབས་སུ་རིང་མོ་ཉིད་ནས་གྱུར་པ་ལ། སྡེ་དགེ་བཙད་པོའི་ཁབ་ཏུ་པར་གྱི་སྒོ་འཕར་ཕྱེ་མ་ཐག་པའང་གནས་དེར་སོན་པས་ལུང་རྒྱུན་གསོ་བའི་རྟེན་འབྲེལ་ཆེན་པོ་དང་། རིང་མིན་མཆིམས་ཕུ། ཀོང་པོ། གཡོ་རུ་རྣམས་ནས་ཀྱང་ཀུན་མཁྱེན་ཆེན་པོའི་ཕྱག་དཔེ་ཡིན་ཞེས་ཡང་ཏིག་ཡིད་བཞིན་ནོར་བུ་ཚར་གསུམ་བསྐུར་ནས་འཕྲོད་པ་རྒྱལ་བ་གཉིས་པ་དེའི་འཕྲིན་ལས་ཀྱི་བྱས་པ་ཡིན་པར་བལྟའོ། །དེ་བཞིན་དུ་བི་མ་ལས་དབུ་རུ་ཞྭའི་ཕྱོགས་སུ་སྡིགས་མཛུབ་གཏད་ནས་ཞིག་གསོས་པར་ལུང་བསྟན་པ་ལྟར། དེ་ཉིད་དུ་བྱོན་ནས་ཞིག་གསོས་མཛད་པའི་ཚེ། མནན་པའི་ཐོད་པ་མང་པོ་ནམ་མཁའ་ལ་འཕར་བ་ཏིང་ངེ་འཛིན་གྱི་ངང་ལས་སྡིགས་མཛུབ་གཏད་པ་ཙམ་གྱིས་བཀུག །དབུ་རྩེའི་རྒྱབ་ནས་ལྷ་ཁང་གསོ་བའི་ཐེབས། གསེར་དགུ་རྩེ་གང་བཅུས། དམ་ཅན་པ་བྱིས་པ་གཡུ་རྣ་ཅན་དུ་སྤྲུལ་ནས། །ཉིན་བཞིན་བཟོ་བོའི་གྲོགས་བྱས། རྡོ་རིང་ཆེན་པོ་གཉིས་འགྱིལ་འདི་ནང་ལ་ཆགས་ཞེན་མེད་ཅིང་འཁོར་འདས་ལ་རེ་དོགས་སུ་འཛིན་པ་དག་པས་དགོན་གནས་དང་གཞི་འཛིན་པའི་འདུ་འགོད་མ་མཛད། བླ་མའི་དྲུང་དུ་འཁོར་གསུམ་ཡོངས་སུ་དག་པའི་འབུལ་བ་ལན་ལྔ།འབུལ་མོ་ཆེ་གཉིས་དང་། བདུན་རྣམ་དག་གིས་མཆོད། ཟླ་བ་བྱུང་ངོ་ཅོག་གི་ཚེས་བཅུ་རྣམ་གཉིས་དང་། བརྒྱད་མཆོད་བཟུང་ནས་དཔའ་བོ་དང་མཁའ་འགྲོ་རྣམས་ཚོགས་གཏར་རྒྱ་ཆེན་པོས་མཉེས་པར་མཛདགནས་འདིར་འོད་གསལ་ཐོད་རྒལ་གྱི་གསེབ་ལམ་ལས་རིག་པ་ཚད་ཕེབས་ཀྱི་གྲོང་ཁྱེར་ག་ལ་པ་དེར་བྱོན་ཏེ་རྒྱུན་གྱི་རྣལ་འེབྱོར་ལྷུམས་སུ་ཞུགས། ཡི་དམ་གྱི་ལྷ་དཔག་ཏུ་མེད་པ་ཞལ་མཇལ། ཁྱད་པར་སློབ་དཔོན་བི་མ་ལའི་ཞལ་གཟིགས་ནས། ངའི་སྙིང་ཏིག་འདི་དོན་བསྡུས་གོ་སླའི་ཉིང་ཁུ་ཞིག་བསྡེབས། ཀུ་མ་ར་རྫའི་སྐྱེ་བ་ད་ལྷའི་སློབ་མ་གཞོན་ནུ་སངས་རྒྱས་ལ་སྟོན། དེ་ནས་ཀྱང་སྣ་ལ་ཨ་ཡིག་གིས་མཚན་པའི་གཞོན་ནུའི་མིང་ཅན་བདུན་འབྱུང་བས་ཆོས་འདི་འཛིན་སྤེལ་བྱེད་པར་ལུང་བསྟན་པས་ཡང་ཏིག་ཡིད་བཞིན་ནོར་བུ་ཆོས་སྡེ་སུམ་བུ་་རྩ་ལྔ་པར་གདམས། ས་མོ་ཡོས་ཀྱི་ལོར་ཁོ་བོ་ཅག་ལའང་མཆིམས་ཕུ་ནགས་ཀྱི་དུར་ཁྲོད་ཆེན་པོར་མངོན་སུམ་པའི་ཞལ་ལན་གསུམ་དུ་བསྟན་ཅིང་གསོལ་བ་དྲག་པོ་བཏབ་པ་ལས། མི་དང་མི་ཟློ་བ་ལྟ་བུའི་གསུང་གིས་དབུགས་འབྱིན་ཆེན་པོ་ཐོབ། ཤིང་རྟ་ཆེན་མོ་ལ་སོགས་པའ་མན་ངག་གབ་པ་ཐམས་ཅ་པས་ཐུགས་ལ་བཏགས་ཟེར། ཁ་སང་གར་དེངས་དྲིས་པས། འབྲོག་ཏུ་རུ་སྡུད་ཅིག་ལ་ཕྱིན་ཟེར། དེ་དུས་ཕྱུགས་ནད་མང་པོ་བྱུང་བར་གྲགས། དེ་ནས་རྣལ་འབྱོར་ཕོ་མོ་རྣམས་ཀྱིས་ཀྱང་རང་རང་གི་གོས་དང་རིན་པོ་ཆེའི་མཎྜལ་ཕུལ། བསྒྲུབ་པའི་དམ་བཅའ་བྱས་པས། ངའི་ཆོས་འདི་ལ་གཏོང་ཕོད་དང་བསྒྲུབ་པའི་དམ་བཅའ་བརྩོན་པ་མང་པོ་ཡོང་གསུངས། ཡང་འོད་གསལ་སྦུབས་འཇུག་གི་གདམས་པ་གསུངས་ནས། ངའི་མན་ངག་འདི་དག་འཛམ་བུའི་གླིང་ན་དཀོན་པ་ཡིན། སྣོད་ཀྱིས་འཆུན་ན་འོད་ལུས་མྱུར་དུ་འགྲུབ་བོ་གསུངས། བསམ་ཡས་མཆིམས་ཕུ་ནས་ཕྱག་ཕེབས་ཕྱུག་པོ་བྲག་ཏུ་ཚོགས་འཁོར་མཛད། །གཡུ་སྒྲོན་མས་བསུ་བའི་རྣམ་པ་ཡང་བྱས། དེ་ནས་ཤུག་གསེབ་ཏུ་གདན་དྲངས་དུ་རྣལ་འབྱོར་མ་གཅིག་ལ་མཁའ་འགྲོ་བབས་ནས་བླ་མ་ཨོ་རྒྱན་རྫོང་དུ་གཤེགས་པར་ཞུ་ཟེར། དེ་ནས་གངས་རི་ཐོད་དཀའ་ཨོ་རྒྱན་རྫོང་འོད་ཟེར་སྤྲིན་གྱི་སྐྱེས་མོའི་ཚལ་དུ་ཕེབས། རྣལ་འབྱོར་པ་འོད་ཟེར་གོ་ཆས་གསོལ་བ་བཏབ་ནས་མཁའ་འགྲོ་ཡང་ཏིག་གཏན་ལ་ཕབ། དེའི་ཚེ་ནམ་མཁའ་འཇས་ཁེངས། མཁའ་འགྲོའི་སྣང་བ་དང་ཆོས་འཕྲུལ་ཟད་མི་ཤེས་པ་ཀུན་གྱི་མཐུན་གྲུབ་ཏུ་བྱུང་། དེ་དག་གི་བར་སྐབས་ཅི་རིགས་པར་བླ་མའི་དྲུང་དུའང་གདམས་ངག་གི་ཞུན་ཐར་བཅད། གང་དུ་བཞུགས་པར་བསྒྲུབ་པའི་རྒྱལ་མཚན་གཙུགས་ནས་བླ་མ་མཉེས་པར་བྱས།མཉེས་ནས་གདའ་ཟེར། དེ་ནས་སྐྱེས་བུ་ཆེན་པོ་བྱུང་ནས་ཨོ་རྒྱན་རྫོང་དུ་འབྱོན་པར་བསྐུལ། ཁྱེད་ལ་སློབ་མ་འགྲོ་དོན་ནུས་པ་སུམ་ཅུ་འོང་། དེའི་ནང་ནས་ཀྱང་སེམས་ཅན་ལ་ཕན་པ་ཆེ་བ་བཅུ་གཅིག་འོང་། ཁྱད་པར་ཅན་དགུ་ཡོང་། ཁྱེད་ཚོ་བླ་མ་འདི་དང་འཕྲད་པས་འཚངས་པ་ཡིན་ཟེར། ཆོས་སྐྱོང་གི་གཏད་རྒྱ་བྱེད་དུས། ཤན་པ་སྲོག་སྒྲུབ་མས་ངའི་སྒྲུབ་ཐབས་མི་ཀློག་པ་ཞུ་ཟེར་བའང་བྱུང་། དེ་ལྟར་མཁའ་འགྲོ་སྙིང་ཏིག་གི་དབང་ཁྲིད་ཐམས་ཅད་རྫོགས་པའི་ནུབ། ཁ་སེང་ནས་མཁའ་འགྲོ་མ་རྣམས་ཀྱིས་དངོས་གྲུབ་བྱིན་པ་ཡིན། དོ་ནུབ་བོས་ཀྱང་ཨེ་ཡོང་ལྟ་ཡི་ཆང་ལ་ཆུ་རྒྱོབ་ཅིག་གསུངས། ཡོད་ཚད་བཙགས་པས་རྫ་ཆུང་གང་བྱུང་།དེས་ཆོག་ལས་ཆེ་ཞུས་པས། དེས་མི་ལྡང་ད་དུང་ཆུ་རྒྱོབ་ལ་ཆོག་གསུངས། དེ་བཞིན་བྱས་པས་བཙགས་ཚད་ཆང་དུ་བྱུང་ནས་དེར་ཚོགས་པ་ཐམས་ཅད་བཟི་བ་ཙམ་སོང་བས། དངོས་པོ་སྤྲུལ་བསྒར་བྱ་བ་དེ་ལྟར་ཡིན་གསུངས། དེ་ནས་གཡུ་སྒྲོན་མས་ཀྱང་ངའི་གནས་སུ་གཤེགས་པ་ཞུ་ཞེས་བསྐུལ་ནས་ཞལ་གྱིས་བཞེས་ཙ་ན། ཤིན་ཏུ་དགའ་བའི་ཚུལ་གྱིས་ཁོ་མོ་སྔོན་ལ་འགྲོ་ཟེར། དེར་ནམ་གྲུ་བབས་ནས་ཟློ་མ་མི་གཤེགས་པར་ཞུ་ཟེར། ཁྱེད་མི་མ་ཡིན་རྣམས་ལ་ངས་ཆོས་དེ་འདྲ་བཤད་ཀྱང་མ་གོ །དགའ་མི་དགའ་བློའི་ཆོ་འཕྲུལ་ཡིན། ང་གང་ཡོང་སར་འོངས་པས་ཆོག་གསུངས་ནས་ཏིང་ངེ་འཛིན་གྱི་དབང་བསྐུར་ཅིག་མཛད་འཁོར་རྣམས་ཀྱི་མངོན་རྟོགས་གསལ་བར་བཤད་ཅིང་། གཏེར་གྱི་ལུང་བསྟན་དང་ཆོ་འཕྲུལ་ཆེན་པོ་བསྟན་པས། ང་ནང་འོད་གསལ་གྱི་གཏེར་ཁ་ཕྱེ་བ་ལ། །བྲག་གསེར་ཀའི་གཏེར་གྱི་དགོས་པ་མེད། །གཏེར་ཡོད་ཀྱང་ཆོག་ལ་མེད་ཀྱང་ཆོག །སྐལ་ལྡན་ཡིན་ཀྱང་ཆོག་ལ་མིན་ཀྱང་ཆོག །ཆོས་ཟད་བློ་ཟད་ཀྱི་རྣལ་འབྱོར་ལ། ཁྱེད་གཏེར་སྲུང་གི་ཡུས་ཆེ་འཚོང་མི་དགོས། ཞེས་གསུངས། རྒྱབ་ཆོས་དང་རིན་པོ་ཆེ་གསང་བའི་ངོ་སྤྲོས་མཛད་པའི་ཚེ། ཡེ་ཤེས་མཚོ་རྒྱལ་གྱི་བུམ་པ་བསྣམས་ནས་དབང་བསྐུར་བ་མཐོང་བས་ཐམས་ཅད་འུར་ལངས་ཕྱག་འཚོལ་ཟེར་བ་བྱུང་། བར་དོ་དང་འོད་གསལ་ཟུང་འཇུག་གི་ངོ་སྤྲོད་མཛད་དུས། མཁའ་འགྲོ་མ་རྣམས་མཉེས། ངའི་ཆོས་འདི་ལ་མི་ལས་མི་མ་ཡིན་གཙིགས་ཆེ་ཞིང་དོན་གཉེར་དང་འདུན་པ་ཆེ་བར་འདུག་ཁྱེད་རང་ཚོ་སེམས་ལ་ཞོག་གསུངས། འོད་གསལ་ཡེ་ཤེས་ཀྱི་ངོ་སྤྲོད་མཛད་པའི་ཚེ་བར་སྣང་ཐམས་ཅད་མཁའ་འགྲོས་གང་ནས་ཐལ་མོ་སྦྱར། ནུབ་མོ་སྔགས་སྲུང་མ་བབས་ནས་གར་བྱེད་པ་ལ། བླ་མས་ཁོ་བོ་སྙིང་ཏིག་དེ་ལྟར་དུ་སྟོན་པ་ཡིན། ཁྱེད་བཀའ་སྲུང་དང་མཁའ་འགྲོ་རྣམས་ཨེ་དགའ་གསུངས་པས། གུ་རུ་དང་ཡེ་ཤེས་མཚོ་རྒྱལ་དེ་བཞིན་གསུངས། གཞན་དེ་ལྟར་ཤེས་པ་ག་ན་ཡོད་ངོ་མཚར་ཆེ། སྤྱིར་མཁའ་འགྲོ་ཐམས་ཅད་དགའ། ལྷག་པར་ཨོ་རྒྱན་རྫོང་ན་གསོལ་བ་འདེབས་པ་གཅིག་གཉིས་པས་ཆོས་ཀྱི་འཁོར་ལོ་བསྐོར་བའི་དགོངས་གཏེར་རྒྱ་མཚོའི་རྡོ་རྗེའི་གནས་འདི་ན་གསལ་བའི་ཟབ་གནད་ཀྱི་ཆ་ཤས་ཀྱང་མ་གོས་པ་ཉིད་དུ་མཐོང་བས། ཡིག་ཆ་འདི་ལ་མ་བརྟེན་པ་གང་ཞིག་རི་མོའི་མར་མེ་དང་མཚུངས་པ་ཉིད་དུ་རིགས་པར་བྱས་ནས་བསྟན་པ་འདི་ལ་གཅེས་སྤྲས་སུ་བྱ་བར་འོས། འདི་ལྟར་གདམས་པའི་ས་བོན་ཕལ་ཆེར་གནས་འདིར་བྱུང་ཡང་གཏན་ལ་འབེབས་པ་གངས་རི་ཐོད་དཀར་དུ་མཛད་པས་སྦྱར་བྱང་ལ་དེ་ལྟར་ཐེབས་པ་ཡིན་ནོ། །ལར་ཆོས་འདི་མཁའ་འགྲོའི་སྙིང་ཁྲག་ལྟ་བུར་གྱུར་ལ་གནས་འདིའང་བྱིན་བརླབས་ཆེ་བས་རྩ་བ་གསུམ་དང་མཁའ་འགྲོའི་འདུ་བ་ཟད་མི་ཤེས་པ་དང་རྨ་བྱའི་གདུགས་རིན་པོ་ཆེའི་ཏོག་གིས་མཚན་པ་བླ་མའི་དབུ་སྟེང་ན་བཟུང་བ་མཐོང་བ་དང་། དཀྱིལ་མཁོར་གྱི་ཐིག་མཛད་དུས་ཐིག་སྣ་བུད་མེད་དམར་མོས་འཛིན་པ་དང་། རེ་ཁ་དགྲམ་པའི་ཚེ་བུད་མེད་གསེར་གཡུའི་ལན་ཚར་ཅན་གྱིས་འབྲི་རོགས་བྱེད་པ་དང་། དབང་གོང་མའི་དུས་སློབ་མ་བདུན་ཙམ་ཚོགས་པ་ལ། ཤངས་ཁྲག་གློ་བུར་དུ་བྱུང་ནས། བླ་མའི་གསུང་གིས་དབང་འདི་ལ་གསུམ་ལས་མི་ཚུད་པ་ལ་གྲངས་ཐལ་བས་ལེན། ཁྱེད་བཞི་ཕྱིར་དེངས་གསུངས་པས་དབང་ཁང་ལ་འཇའ་ཚོན་ཟུགས་པ་དང་། ནམ་གྲུབ་རེ་མ་ཏིས་མངོན་སུམ་དུ་འོངས་ནས་ང་ལ་གཏར་མ་མི་སྟེར་བ་ཨེ་ཡིན། ངས་བཀའ་ལས་ཡུན་རིང་རབ་བྱས་ཟེར་ནས་རང་ཉིད་གཙོ་འཁོར་སྐོངས་ལ་སོགས་པ་མཛད་ནས་མན་ངག་མཁའ་འགྲོའི་སྙིང་ཏིག་གི་ཆོས་སྒོ་ཕྱེ། མཚན་མོའི་འོད་གསལ་གྱི་སྣང་བ་ལས་ཆོས་སྐུའི་དགོངས་པ་ཀ་དག་གི་དབྱིངས་སུ་འཁྱིལ་ཚུལ། དེའི་རྩལ་སྣང་ལོངས་སྐུར་འཆར་ལུགས། ཕྱིར་གསལ་ལས་སྤྲུལ་པའི་སྐུ་འགྱིད་ཅིང་། རིགས་དྲུག་གི་འཆར་ཚུལ་སོགས་འོད་གསལ་གྱི་ཆོས་སྐད་སྒྲའོ་ཆེ་དང་། རྩིས་པོ་ཆེ་དག་གིས་ཀྱང་ཕྱོགས་མི་མཚོན་པའི་ངོ་བོའི་བཞུགས་ཚུལ་ཆེན་པོ་གང་ཡིན་པ་བླ་མ་ཡི་དམ་མཁའ་འགྲོའི་ཚོགས་ཀྱི་ཐུགས་རྒྱུད་ལ་མངོན་དུ་གསལ་བར་བྱིན་གྱིས་བརླབས་ཤིང་། མཁའ་འགྲོ་མས་ངོ་སྤྲོད་ཅེར་མཐོང་དུ་མཛད། དེའི་ཚེ་མན་ངག་མཁའ་འགྲོའི་ཡང་ཏིག་གི་ཡིག་ཆ་མཛད་དུས་སློབ་དཔོན་རིན་པོ་ཆེ་ཐུགས་བསྒྲུབ་ཀྱི་ཆ་ལུགས་སུ་བྱོན། གཡས་ན་མཚོ་རྒྱལ་དང་། གཡོན་ན་གཡུ་སྒྲོན་མས་ཚིག་དཔོད་པ་རྣལ་འབྱོར་མ་མཁའ་འགྲོའི་མཚན་རྟགས་ཚང་བ་གཅིག་གིས་ཀྱང་མཐོང་། ཁྱད་པར་དུ་ཡེ་ཤེས་མཚོ་རྒྱལ་ཉིན་ཞག་དྲུག་གི་བར་དུ་དངོས་སུ་བྱོན་ནས་མཁའ་འགྲོའི་སྙིང་ཏིག་བརྡ་དོན་དཔེ་གསུམ་གྱི་ངོ་སྤྲོད་གཏད་རྒྱ་དང་བཅས་མཛད་པས་དམིགས་པ་དང་། ངོ་སྤྲོད་ལུགས་དང་།བརྗོད་པའི་ཚུལ་ངོ་མཚར་ཅན་སྔ་ན་མ་གྲགས་ཤིང་། ཡི་གེ་ན་མི་གསལ་བ་མང་པོ་ཐུགས་ལ་རང་རྡོལ་དུ་བྱོན་པས་གངས་རིའི་ཁྲོད་ན་གཞན་སྙིང་ཐིག་གི་ཡི་གེ་ཟབ་མོར་གྲགས་པ་ཇི་སྙེད་ལའང་། ཀུན་ཏུ་བཟང་པོ་ཆེ་ཐུལ་ཞིང་འགྲོ་དོན་འབྱུང་བའི་ལུང་བསྟན་ཀྱང་ཡོད་པས། དེའི་སླད་དུ་འགྲོ་ཞེས་གསུངས། ཉེ་གནས་ལ། འོ་ཅག་ལྷ་ཁང་བཞེངས་པའི་ཡོ་བྱད་སྡོགས་ཤིག ངེད་ཚོས་ས་འདུལ་བྱ་ཡི་གསུངས། བྲག་སེང་གེའི་ཡ་ཐོད་ཀྱི་ཁར་བཞུགས། གཏོར་མ་བཤམས། བླ་མ་དཔལ་ཆེན་པོའི་ཏིང་ངེ་འཛིན་ལ་བཞུགས་ནས་སྟངས་སྟབས་མཛད་པའི་ཚེ། སངས་རྒྱས་མཐོང་བའི་སྐལ་བ་དང་ལྡན་པ་རྣམས་ཀྱིས་མངོན་སུམ་པའི་སྐུར་མཐོང་བ་བྱུང་། དེ་ནས་འགྲམ་རྡོ་སླང་བའི་དུས་ཟུར་ཆུང་པ་སྐུ་ལུས་སྦེག་ཅིང་ཞལ་རོ་ངན་པ་ལ་བརྙས་ནས། གཞན་ཀུན་གྱིས་འགྲམ་རྡོ་ཆེན་པོ་རེ་བཞག་གིན། ད་ཟུར་ཆུང་པས་གྱད་རྡོ་གཅིག་འཇོག་ཐང་ཞེས་ཟུར་ཟ་བར་བྱས་པས། ཟུར་ཆུང་པ་ན་རེ། དཔོན་སློབ་གྲྭ་པ་རྣམས་སྤོབས་པ་སྨད་ཅིང་གཟུ་བོར་གྱུར་པ་དག་མོས་པར་གྱུར་ཏོ། །དེར་ནག་ཕྱོགས་ཀྱི་ལྷ་འདྲེ་བྱེད་པ་མི་བསྲུན་པས་ལྷ་ཁང་བརྩིག་པའི་འགལ་རྐྱེན་དང་མཐོ་འཚམས་པའང་ཟུར་ཆུང་པས་གྱད་རྡོ་བཞག་པ་ཕྱིན་ཆད་ནས་ཞི་བར་གྲགས། ཤིང་སྐྲིགས་རན་པའི་ཚེ་ཀ་བ་བཞི་སྐྱོག་པོར་བྱུང་བ་བླ་མའི་ཞལ་ནས་འདི་ཟུར་ཆུང་པས་སྲོངས་ཤིག་གསུངས་པས། རླུང་ཁུག་པ་གཅིག་གི་ངང་ལ་དགྱེ་བ་དང་གུག་པའི་རྟེན་འབྲེལ་ཅིག་མཛད་ནས་མདའ་བཞིན་དུ་བསྲངས། ཐོག་ཕུབ་ཟན་པ་ཙམ་ལ། ངས་ལྷ་བཟོ་བ་བཀུག་པས་ཁུགས་ཡོང་གི་འདུག་གསུང་། ཞག་གཉིས་པ་ལ་ལྷ་བཟོ་ཤེས་པ་འགའ་ཞིག་ཆོས་ཞུ་རུ་བྱུང་། མ་མཁྱེན་པ་ལྟར་མཛད་ནས། ཁྱེད་རྣམས་ཡོན་ཏན་མཁན་གྱི་རིགས་སམ་གསུངས། བདག་ཅག་རྣམས་ནི་ལྷ་བཟོ་མཁན་ཏེ་སྐུ་དྲུང་དུ་ཆོས་ཞུར་བཅར་བ་ལགས་ཞུས་པས། རྟེན་འབྲེལ་བཟང་། ཅི་འདོད་པའི་ཆོས་ཀྱང་འོང་། དུས་ཀྱི་སྙིགས་མ་ལ་འགྲོ་དོན་ཆེན་པོ་འོང་བས་དཔལ་ཆེན་པོའི་སྐུ་བཞེངས་པ་ཡིན། ཁྱོད་རྣམས་ཀྱིས་དེ་བཞིན་དུ་འཚལ་ཞེས་གསུངས་པས། ཁོང་རྣམས་ཀྱང་དང་པ་ཤིན་ཏུ་སྟོན་པར་གྱུར་ནས་དཔལ་ཡང་དག་གི་བུམ་དབང་སྔོན་ལ་བསྐུར། དེ་ནས་དེ་བཞིན་གཤེགས་པའི་གདུང་རིང་བསྲེལ་དང་། བྲམ་ཟེ་སྐྱེ་བ་བདུན་པའི་ཤ །དུར་ཁྲོད་བརྒྱད་ཀྱི་ས་རྡོ་ཆུ་ཤིང་། རིན་པོ་ཆེའི་རིགས། རྒྱ་བོད་རིག་འཛིན་གྱིས་བསྒྲུབས་པའི་ཆོས་སྨན་རྣམས་བསྲེས་པའི་ལྡེ་གུ་སྟ་གོན་བྱས། སྐུའི་ཚད་ཇི་ཙམ་བགྱི་ཞུས་པས། ཐོག་སྤངས་དང་བསྟུན་པར་གནང་། དེར་འབྲས་བུའི་ཧེ་རུ་ཀ་ཞལ་གསུམ་ཕྱག་དྲུག་པ་མཚར་བ་དང་། རྔོམ་པ་དང་། བཞད་པ་ཅི་ལྟ་བུ་ཞིག་བྱུང་ཡང་། བླ་མས་ཞལ་མཐོང་བ་ལྟར་མ་བྱུང་བས་སྐྱོར་ཅིག་གསུངས། ལན་མང་པོ་བསྐྱར་དགོས་པ་བྱུང་། རེ་ཞིག་ན། ང་འདྲ་བ་ཞིག་ཤེས་སམ་གསུངས། ཤེས་མཆིས་ཞུས་པས། དོ་ནུབ་གསོལ་བ་ཐོབ་ལ། སང་ང་ལ་ལྷ་རུ་་་ག་གསུངས། སང་ཟུར་ཆུང་པ་དང་བཅས་ལྷ་བཟོ་རྣམས་ཀྱིས་དྲུང་དུ་ཕྱིན་པས། ཉེ་གནས་དོན་ཡོད་རྡོ་རྗེ་ལ་གཏོར་ཚོགས་་།མས་གསུངས། ཡང་དག་གི་ལས་གཞུང་བསྲངས། ཚོགས་འཁོར་མཛད་ནས་ད་ལྟོས་ཤིག་གསུངས་ཏེ་ལྟང་སྟངས་མཛད་པའི་མོད་ལ་ཧེ་རུ་ཀ་དངོས་སུ་གྱུར་ནས། དབུ་སྤྱིན་དང་ན་བུན་གྱི་མཚམས་ན་ལྷག་གེ་བ། ཞབས་གཡས་འུག་པ་ལུང་གི་ཧེ་རུ་ཀའི་བྲག་གདོང་དང་། གཡོན་བཙན་པོ་སྐྲུར་ཁང་གི་རི་རྩེར་བཞག་པ། ཞལ་གཅིག་ཕྱག་གཉིས། མཆེ་བ་གཙིགས་ཤིང་ལྗགས་འདྲིལ་བ། རྡོ་རྗེའི་གཤོག་པས་བར་སྣང་གང་བ། འཇིགས་ཤིང་རྔམ་པ་གཅིག་མཐོང་བ་དང་། ལྷ་བཟོ་བ་རྣམས་ཟིལ་མ་བཟོད་པར་དྲན་མེད་དུ་བརྒྱལ། བརྒྱལ་སངས་ཙ་ན་དགོངས་པ་གློད་ནས་བླ་མ་ཞལ་འཛུམ་ལྷག་གེ་འདུག །ད་ཤེས་སམ་གསུངས། ཞལ་གཅིག་ཕྱག་གཉིས་པའི་སྐུ་གཅིག་གསལ་བ་མཐོང་། དེ་ནས་གང་ཡང་དྲན་པ་མེད་པར་སོང་བས། ད་བཞེངས་རྒྱུ་ཞལ་གསུམ་ཕྱག་དྲུག་པ་ཞིག་བསྟན་པར་ཞུས་པས། དེ་ཡང་ཟབ་སྟེ། གདུལ་བྱའི་དབང་གིས་ཞལ་གཅིག་ཕྱག་གཉིས་འབྱོན། ཞེས་གསུངས་ནས་དེ་ལྟར་བཞེངས་པའི་ཚེ། ལྟེ་བ་མན་ཆད་སྔ་མ་མཐོང་བས་མཚོན་པར་ནུས་ལ། ཡན་ཆད་ད་དུང་སྐྱོར་ཅིག་གསུངས་ནས་ལན་གྲངས་མང་པོར་བསྐྱར་དགོས་པ་བྱུང་བས། ཞལ་ནས་ཁྱེད་ཚོ་སྒྲིབ་པ་མ་དག་པ་ཡིན། འཇིམ་པ་ལེགས་པར་སྦྱོར་ལ་འདིར་ཞོག །ཆུ་མིག་ཕ་གི་ངའི་བདུད་རྩི་ཀ་པ་ལ་གང་གཏོར་བ་ལས་བྱུང་བའི་སྒྲུབ་ཆུ་ཡིན་པས་ཁྲུས་གྱིས། ལྷ་ཁང་གི་ཕྱི་ལ་སྐོར་བ་ལན་བདུན་སྐོར་ལ་ཤོག །དེ་བར་དུ་ནང་འདིར་སུ་ཡང་མ་འོང་། ངས་དཔལ་ཆེན་པོ་ལ་གསོལ་བ་འདེབས་པ་ཡིན་གསུངས། ཁོང་རྣམས་དེ་ལྟར་བྱེད་པའི་རིང་ལ་ནང་ན་འཕྲོས་དིར་དིར་འདུག ཁྲུས་དང་སྐོར་བ་ཚར་ནས་ནང་དུ་ཕྱིན་ཙ་ན། སྐུ་དྲུང་ན་སུ་ཡང་མེད། བླ་མ་དགོངས་པ་ལ་བཞུགས། འབྱིན་པ་རྣམས་ཟད། དཔལ་ཆེན་པོ་ལྟེ་བ་ཡན་ཆོད་རང་བྱོན་དུ་ཤར་འདུག་པས། བུ་སློབ་དང་ལྷ་བཟོ་བ་ཀུན་ངོ་མཚར་དཔག་ཏུ་མེད་པ་སྐྱེས། ཕྱག་འཚལ་བཞིན་དུ་བླ་མ་རང་གི་འདིར་ལྟར་མཁྱེན་པ་ལ། ཁ་སང་ནས་མི་མཛད་པ། །བདག་ཚོར་བ་གམ་པ་ལགས་མོད་ཞུས་པས། ང་ཉིད་ལྟ་བུའི་གང་ཟག་ལས། །ང་ཉིད་ལྟ་བུའི་རྟེན་ཅིག་འབྱུང་། །སྙིགས་མའི་དུས་སུ་འགྲོ་བ་འདྲེན། །ནད་དང་གདོན་གྱི་གཉེན་པོར་འགྱུར། །སྔར་ཡང་ཧེ་རུ་ཀ་ཉིད་ལ་བརྟེན་ནས་ཧེ་རུ་ཀ་ཉིད་བྱུང་བ་ཡིན་ལ། ད་ཡང་ཧེ་རུ་ཀ་ཉིད་ལ་ཐིམ་པར་འགྱུར་རོ། །ཞེས་མ་འོངས་པའང་བསྟན་ནོ། །སྔོན་དུས་ན་བྱོན་པའི་གྲུབ་པའི་སློབ་དཔོན་ཆེན་པོ་འདི་དག་ནི་གསང་བ་བསྲུང་བ་ལ་ཐུགས་ཤིན་ཏུ་སྒམ་པས། འདི་ལྟར་མིའི་འདུ་ཚོགས་མང་པོ་འོང་སར་གསང་བསྒྲུབ་ལྟར་བཞེངས་པ་ཤིན་ཏུ་གཉན་པས་མི་བཏུབ་གསུངས། ཁྲོ་མོ་བརྒྱད་པོ་རྒྱུད་ལུགས་ལྟརབཞེངས་ཤིག་གསུངས་ནས་བཞེངས། གཡས་ཕྱོགས་ཀྱི་གྱང་རིས་ལ་སྒྱུ་འཕྲུལ་ཞི་བ། གཡོན་ཕྱོགས་ལ་འབར་བ་ཁྲོ་བོའི་ལྷ་ཚོགས། བདུན་དུ་མདོ་ཡོངས་རྫོགས། སྟེང་དུ་དཀྱིལ་འཁོར་གསུམ་དང་། སྒོ་ཁང་ངོས་ལ་དཔལ་མགོན་མ་ཧྭ་ཀ་ལ་དྲག་པོ་གཤིན་རྗེ་ལྟར་བསྒྲུབ་པ། སྟ་གཞོན་མོན་པ་སྡེ་བརྒྱད་དང་བཅས་པ་བྲིས། དེ་ནས་རབ་ཏུ་གནས་པའི་དུས་ལ་བབ་སྟེ། ཆང་མ་སུ་ལ་འཆོལ། ཤ་གང་ནས་འཚོལ་སོགས་རབ་སྟོན་ཀྱི་ཉེར་སྡོགས་བྱ་བ་ན། ཉེ་གནས་ན་རེ། བཟོ་པ་དག་། ལས་བྱེད། མགྲོན་པོའི་སྐྱོངས་དར་མང་པས་དངོས་པོ་ཕལ་ཆེར་ཟད་པ། ད་འབུལ་བ་སྒུག་པ་དང་ཡོན་བདག་གི་སར་གཡར་སྐྱིའང་བྱེད་དགོས་པས་རབ་གནས་དལ་གྱིས་གནང་བར་གསོལ་བས། ཟུར་ཆུང་པ་ན་རེ། རབ་གནས་དུས་ལ་བྱེད། ཆང་གི་ནས་བཙལ་བས་མི་ལང་། རྫ་མས་ཀྱང་མ་ཁོམ། དེ་བས་ཆང་མ་ཀླུ་ལ་འཆོལ། ཤ་རྙེད་པའང་དཀའ། རྙེད་ཀྱང་རིན་མ་འཁྱོངས། སྲམ་པ་བོན་གྲོང་པའི་གླང་ལ་ཤ་རྒྱུ་བྱེད། རྩམ་པ་མི་མ་ཡིན་པ་ལ་འདེགས་བསྐུལ་བས་ཆོག །དེ་ལྟར་བྱས་ན་མི་ལྡང་བ་གང་ཡང་གསུངས། དེར་བླ་མ་ཟུར་པོ་ཆེས། ནས་ཁལ་སྟོང་གི་ཆང་ལས་མ་འགྲོ ཁྱོད་རང་ནས་བྲེ་དྲུག་ཚོས། མིའི་མདུན་ན་རབ་གནས་ཀྱི་ཆང་ཚོས་མང་པོ་ཡོད་པ་ལྟར་གྱིས། ཟུར་ཆུང་པས་ཀླུ་མོ་ཁུག་ཅིག་གསུངས། དེ་ནས་ཡ་ཟད་བྲག་གདང་གི་བྲག་ལ་གནས་པའི་ཀླུ་བདུད་ཀྱི་སྲིང་མོ་དེ་ཟུར་ཆུང་པས་དགོངས་པ་མཛད་དེ་བཀུག་པས་སྦྲུལ་ཕྲ་མོ་གཅིག་བྱུང་། ལྟ་སྟངས་མཛད་པས། བུད་མེད་དཀར་མོ་གཅིག་ཏུ་སོང་། དེར་ཟུར་པོ་ཆེས། ངའི་ལྷ་ཁང་རབ་གནས་ཀྱི་ཆང་མ་བྱེད་དགོས་གསུངས་པས། ངེད་གཙང་མ་ཀླུའི་རིགས་གྲིབ་ལ་སྔང། སྒྱུར་ལ་འཛེམ། བླ་མའི་གཟི་བྱིན་ཡང་མི་བཟོད་པས་ཆང་འགོ་མི་ཐོན། ངའི་མིང་པོ་ལ་འཆོལ་པ་ཞུ། རྐྱེན་གང་དགོས་འབུལ་ཟེར། དེར་བླ་མས་འོ་ན་ཟུར་ཆུང་པ་མིང་པོ་འགུགས་སམ། བྱིན་གྱིས་བརླབ་གསུངས་པས། བདག་གི་འགུགས་པར་འཚལ་ཟེར་ནས་ལྟ་སྟངས་མཛད་པས། སྡིག་པ་ར་རྩ་རྩི་བུ་ཙམ་ཞིག་བྱུང་། ཏིང་ངེ་འཛིན་གྱིས་གཟིགས་པས་གཟུགས་མངོན་སུམ་དུ་བསྟན་བྱུང་། དེར་ཆང་མ་བྱེད་པ་བསྒོས་པས། བདག་ལྷ་འདྲེའི་རིགས་སུ་གཏོགས་པས་བྱ་དགའ་དང་སེམས་འཛིན་དུ་མ་དགོས། ཆང་མ་བྱེད་དུ་མི་ཁོམ་ཡང་། བླ་མའི་བཀའ་བཅོག་པར་མི་ནུས་ཟེར། དེར་ཁོང་གཉིས་ཀྱི་སྲོག་སྙིང་བླངས། དམ་ལ་བཞག །གནང་ཉིན་ཡོང་བས་གྲབས་མཛོད། ངེད་ཀླུའི་རིགས་གྲིབ་ལ་བརྡར་བས་གཙང་ཞིང་སྡོད་ས་བཙན་པའི་ཐབས་ཞུ་ཟེར། དེར་བླ་མ་ཟུར་པོ་ཆེས། ངས་བྱིན་གྱིས་བརླབས་ཀྱིས་གསུངས།མ་ཐེམ་བུ་གསུམ་པ་སྤོས་ཆུས་བཀྲུས། བདུད་དང་ཀླུ་བརྟེན་པའི་མཐུན་རྫས་ཀྱང་འདུ་བྱས། ནས་བྲེ་དྲུག་གི་གླུམ་རྣམས་བླུགས། ཁ་ནས་དཀར་གཙང་མས་བཀང་། དེར་ཀླུ་བདུད་མིང་སྲིང་གཉིས་བཅུག ཁ་བླ་མའི་ན་བཟའ་ཕོད་ཀས་བཅད། ཕུ་དང་ནས་ཆུ་བླུག་ཏུ་རུང་བར་བྱས། རྡོ་རྗེའི་མདུད་རྒྱ་བྱས་པས་ཀླུས་ཕྱོགས་ཀྱི་ཆང་རྣམས་ཀྱི་བཅུད་བསྡུས་ཏེ་ཆང་ལ་འཛད་པ་མ་བྱུང་། དེར་ཉེ་གནས་ཀྱི་ཆང་གི་ལྡང་མཆི། རྩམ་པ་ཇི་ལྟར་བྱེད་ཞུས་པས། ཕད་སྣོད་མང་པོ་གཡོར་ཞིག་གསུངས། དེར་བླ་མས་གཏོར་མ་གཅིག་མཛད། ཕད་བུའི་སྣོད་རྣམས་སུ་རྩམ་པ་ཁྱོར་བ་རེ་ཐོབ་ལ་ཞོག་གསུངས། དེ་ལྟར་བྱས་པས་སང་ཉིན་སྣོད་ཐམས་ཅད་རྩམ་པས་ཁེངས། ཡང་བླ་མའི་ཞལ་ནས་གྲྭ་པ་གཅིག་སྲམ་པ་བོན་གྲོང་པའི་སར་དེངས་ལ། ངེད་རབ་གནས་བྱེད་པའི་ཆང་གི་སྦང་མ་མང་པོ་ཤིང་ནགས་ལ་ཕོ་བཏང་འདི་འཕངས། གླང་རྣམས་སྦང་མ་ཟ་བར་ཐོང་གྱིས་གསུངས། དེ་བཞིན་བྱས་པས་གླང་མང་པོ་བསྐུར་བྱུང་། བླ་མའི་གསུང་གིས་ཟུར་ཆུང་པས་སྒྲོལ་ལམ་གསོ་གསུངས་པས། བདག་བླ་མའི་བཀའ་བཞིན་སྒྲུབ་པར་ཞུ་ཞུས་པས། ཟུར་པོ་ཆེས་དགོངས་པ་མཛད་དེ་ཐུན་རེ་འཕངས་པས་གླང་ཐམས་ཅད་ཉལ་གྱི་ཤི །པགས་པ་བཤུས། རུས་པ་མ་བཅག །ལྷུ་ཚིགས་མ་བྲལ་བར་གྱིས། ནང་གི་དོན་སྣོད་རྣམས་ཀྱང་རང་སོར་ཞོག །ཕྱི་ཤ་རྣམས་བྲེགས་ཤིག་གསུངས་པས། ཉེ་གནས་སྐྲག་སྟེ། འདི་པ་དཔོན་སློབ་སྡིག་རྒྱལ་དུ་འདུག །གླང་ལ་སྦང་མ་སྟེར་གསུངས་ནས་ཐམས་ཅད་བསད། ད་གླང་འདོན་མི་བྱུང་ན་ཇི་ལྟར་བྱེད་སྙམ་ནས་བློ་ཤིན་ཏུ་འཚུབས་མའི་ངང་ནས་རབ་གནས་ཀྱི་ཤ་སྟོན་བྱས། སྟོན་མོ་གྲུབ་ནས་གླང་འདོན་མི་བྱུང་། ཉེ་གནས་རྟབ་རྟབ་པོར་གྱུར་པ་དང་། བླ་མའི་གསུང་གིས་ཁོང་ཚོ་ལའང་བཟའ་བ་བྱིན། ཟུར་ཆུང་པས་གླང་བདག་པོ་ལ་སྤྲོད་ཅིག་གསུངས། དེར་ཟུར་ཆུང་པས་པགས་པའི་ཁུད་དུ་རུས་པ་རྣམས་གྲེལ། ནང་རོལ་རྣམས་ཀྱང་བཙུད། ན་བཟའ་བཀབ། སེ་གོལ་ཅིག་གཏོགས་པའི་མོད་ལ་གླང་རྣམས་འདར་ཕྲི་ལི་ལི་ལངས་བྱུང་། རྒན་མོ་གཅིག་གི་ཤ་འདྲ་བའི་ཚེ་རུས་རྩི་ཧྲད་པ་བྱུང་བས། ཕྱི་གླང་དེ་ལ་རྩི་བ་གྱོལ་བྱུང་སྐད། གསད་གསོའི་རྫུ་འཕྲུལ་དེ་ལྟ་བུ་མཛད་པས་དེར་ཚོགས་ཚད་ཐམས་ཅད་ཤིན་ཏུ་དད་པར་གྱུར། བླ་མ་ཟུར་ཆེན་ཡང་མཉེས་པའི་ངང་ནས་དཔལ་ཆེན་པོ་ལ་གཟིགས་ཏེ། འགྲོ་བའི་དོན་ཆེན་པོ་མཛད་འཚལ་གསུངས་པས། སྐུ་གར་དགུའི་རྣམ་པར་རོལ་ཞིང་། ཧེ་ཧེ། སྨོས་ཅི་འཚལ། གསུངས་པས་དང་པོ་རྔམས་ཞལ་དུ་ཡོད་པ་ལ། དེ་ནས་བཞད་ཞལ་དུ་གྱུར་པ་ཡིན་ནོ། །ད་ངེད་རང་རྣམས་ཡང་དག་གི་ལོ་སྒྲུབ་བྱེད་པ་ཡིན་གསུངས། ཉེ་གནས་ན་རེ་ཆ་རྐྱེན་གྱིས་མི་ལྡང་ཟེར། ཟུར་ཆུང་པས། ཆང་མི་ལྡང་ན་ཀླུ་བདུད་སྒོར་བས་ཆོག ་།་དང་ཙམ་པ་ཡང་བག་ཙམ་མཆིས། རྣལ་འབྱོར་དམ་ཚིག་མ་ཉམས་ན། འཚོ་བ་སྣང་སྲིད་ལྷ་འདྲེས་སྦྱོར། གཞི་བདག་གི་འབུལ་བའང་འོང་བས་ལོ་བསྒྲུབ་མཛད་པ་དགའ་ཟེར། དེར་རྣལ་འབྱོར་ཕོ་མོ་བརྒྱ་ཙམ་ཚོགས། སྒྲུབ་པ་པོ་རྣམས་ལ་ཆང་ཀ་བཱ་ལ་རེ་དང་། ཟན་བྱ་ངང་མའི་སྒོ་ང་ཙམ་རེ། ཤ་དམ་ཚིག་གི་བཟའ་བ་རྩམ་དྲོངས་ཤིག་གསུངས་ཏེ་ལོ་བསྒྲུབ་མཛད། དེར་བླ་མའི་ཞལ་ནས་ཁྱེད་ཚོ་མི་བཞི་དགོངས་པ་འགྲན་པ་ཡིན་གསུངས་པས། ཐམས་ཅད་ཀྱི་མཉམ་པར་བཞག་པ་ན། གསུམ་པོ་ལ་གཡོ་འགུལ་མེད་པའི་དགོངས་པ་རི་བོ་ལྟ་བུ་རྐྱེན་གྱིས་དཀྲོག་མི་ནུས་པ་བྱུང་། ཟུར་ཆུང་པ་རིས་མེད་མཉམ་པ་ཆེན་པོའི་གནས་ལ་བྱོན་པས་ལྟ་བ་མཐོ་བ་མཚོན་ཕྱིར་ཤིང་རྟ་ལ་གང་ཙམ་འཕབས་ནས་གདའ་སྐད། ཡང་བླ་མའི་ཞལ་ནས། ད་ཟུར་ཆུང་པའི་རུ་ལུའི་བཟླས་པ་ལ་ཕྱི་ནས་ཉོན་ཅིག་གསུངས། རྣལ་འེབྱོར་མ་གཅིག་གིས་ཕྱི་ནས་ཉན་པས། སྔར་བས་ཆུང་དུ་མ་སོང་།རི་ཟུར་གཅིག་འདས་ནས་ཉན་པས་ཀྱང་ཆུང་དུ་མ་སོང་བས། དེར་བླ་མའི་གསུང་གིས།ཁྱེད་རྣམས་མཆེད་གྲོགས་མཉམ་པོར་ཡིན་ཡང་། ཟུར་ཆུང་པའི་གྲིབ་མ་ལའང་འགོམ་དུ་མི་རུང་གསུངས་ནས་གཟེངས་བསྟོད་དོ། །དེ་ནས་བསྒྲུབ་པ་ཐོན་པ་དང་། དཔོན་སློབ་རྣམས་གྲོགས་པོའི་སུམ་མདོར་བྱོན། བླ་མ་ཐུགས་ཉམས་འུར་ནས་བྲག་རྡོ་རྗེའི་གཏན་པ་བྱ་བའི་སྟེང་དུ་རུ་ལུའི་བྲོ་བརྡུང་མཛད་པ། ཞབས་ཀྱི་ལོང་བུ་མན་ཆོད་འདམ་ལ་རྒྱབ་པ་བཞིན་སོང་། ཟུར་ཆུང་པས་ངའི་བླ་མ་སངས་རྒྱས་དངོས་སུ་འདུག་པས་ཞབས་སྤྱི་བོར་ལེན་པ་ཡིན་ཟེར་ཞབས་རྗེས་ལ་དབུ་གཏུགས་པས་རལ་པའི་ཐོར་ཚུགས་སྙན་ཆ་དང་བཅས་པའི་རྗེས་ལྷམ་མེར་བྱུང་། དེར་བཟང་སྒོམ་ཤེར་རྒྱལ་ན་རེ། བླ་མ་ཁུ་དབོན་གཉིས་ཀྱི་གྲུབ་རྟགས་ཁྱད་དུ་འཕགས། འདི་ལ་མི་ཕྱུགས་ཀྱི་རྡོག་པ་བཞག་ན་བསོད་ནམས་མ་ཡིན་པར་གྱུར་ཉེ་ཟེར་ནས། ལག་སོར་ལྔ་གྱད་སྟོབས་པོ་ཆེ་ལྔ་གྲུལ་ནས་བྲག་རྡོ་རྗེའི་གཏན་པ་གྱེན་དུ་སླང་ནས་བཞག །ཡང་ཞང་མགོས་ཆུང་བ་དང་། མི་ཉག་ཁྱུང་གྲགས་གཉིས་ཀྱི། འདི་བརྟེན་པ་ངེད་ལ་བབས་ཟེར་ནས། གྱད་སྟོབས་པོ་ཆེ་མང་པོས་བསྒུལ་བར་ཡང་མ་ནུས་པའི་ཕ་བོང་རེ་བླང་ནས་གཡས་གཡོན་ནས་བརྟེན་ཏེ་རྩ་བ་བརྟན་པར་བྱས་པ་ད་ལྟ་མངོན་སུམ་ན་ཡོད་དོ། །དེ་ནས་འུག་པ་ལུང་དུ་འབྲས་བུའི་དཔལ་ཆེན་པོ་བཞེང་བར་བཞེད་ནས། སློབ་མ་ཐམས་ཅད་ཀྱང་ཕར་དེངས་ཤིག་གསུངས་པས། ཟུར་ཆུང་བ་བླ་མའི་ཕྱག་ཕྱི་སྙོགས་པར་འོང་གི་ཟེར་ནམ་མཁའ་ལ་ཕུར་ནས་བྲག་རྒྱ་པོར་གཤེགས། གྲྭ་པ་རྣམས་ཀོ་བ་བརྒྱུད་ནས་སོང་། ཀླུ་བདུད་མིང་སྲིང་གཉིས་ན་རེ་བདག་ཅག་ཀོ་བ་ལ་མི་གྲིབ་ཅན་དང་འགྲོག་པར་མི་རུང་བས། རབས་ལ་འཁྲིད་པར་འཚལ་ཞེས་ཞུས་པས། བླ་མས་དེ་བཞིན་རུང་གསུངས། དེར་ཉེ་གནས་ལ་རྫ་མ་བསྐུར་བས་ལྗིད་བྱ་སྒྲོ་ལས་ཡང་བ་བྱུང་། ཆུ་ཁར་ཕེབས་པ་དང་ཉེ་གནས་ལ་ཁྱོད་རང་ང་ལ་འཇུས། ཐེ་ཚོམ་མེད་པར་ཤོག་གསུངས་པས། ཁེའི་སེམས་ལས་སུ་མ་རུང་ནས་ཆུ་ལ་བསྒྱུར་བ་མིན་ནམ་སེམས། དེ་མཁྱེན་ནས། ད་ཁྱོད་ངའི་ཕྱིར་མི་མཐར་འདུག །ཀོ་བ་བསྐོར་ལ་་།ག །ངས་སྔོན་ལ་འགྲོ་ཡི་གསུངས་བླ་མ་ཞབས་ཆུ་ལ་མི་རེག་པར་གཤེགས་སོ། །ཉེ་གནས་ཀྱི་ཀོ་སར་ཕྱིན་པས། ཀོ་བ་ཕ་རིར་ཐལ། དེར་སྒུག་ཡུན་རིང་བ་དང་ཁ་སྐོམ་ནས་ཆང་བཙགས། ཡོག་ཚད་འཐུངས་པས་རྣམ་རྟོག་ལ། ཆང་བཙོས་ནས་ལོ་གཅིག་དང་ཟླ་བ་བཞི་སོང་། འདི་ཙམ་ཡོང་བ་བླ་མས་རྫ་མའི་ནང་དུ་ཅི་བཅུག་པ་ཡིན་སྙམ་ནས་རྫ་མའི་རྒྱ་བཤིག་པས། སྦྲུལ་དཀར་ནག་གཉའ་ཤིང་ཙམ་པ་གཉིས་མདུད་པ་ཤིག་སེ་གྲོལ་ནས་ནམ་མཁའ་ལ་དེངས། ཤུལ་དུ་སྡིག་སྦལ་ཅོང་མོ་ལ་སོགས་པ་འདུག་པ་དག་ཀྱང་ཚག་སྒྲ་འུར་སྒྲ་དང་བཅས་ནམ་མཁའ་ལ་སོང་མ་ཐག་སྦང་མ་སྔོ་ཧྲུལ་ལེ་སིང་པོ་སྒྱུར་སིང་ངེ་སོང་། དེར་སྦང་མ་རྣམས་ཕོ་རྫ་མ་ཁུར་ཕྱིན་པས་ཆུ་ཐོན་པ་དང་རྫ་མའང་ཆག །དེར་བླ་མའི་བཀའ་ལས་རྟེན་འབྲེལ་འཕྱུགས་འོག་གདོང་གི་ཀླུ་བདུད་མིང་སྲིང་གཉིས་ཕྱིར་མཐོན་ན། འུག་པ་ལུང་དུ་དགོན་པ་བོད་ཙམ་ན་ཆེ་བ་ཆགས། སྲམ་པ་གྲུབ་ཁང་ཡང་དར་རྒྱས་ཆེ་ལ་ས་མི་གཉན་པ་ཞིག་འོང་སྟེ། ད་རྫ་མ་ཆུ་ལྷོར་ཐོན་པས་གནས་བཞི་དང་སྡེ་དགོན་འགའ་ཞིག་ཆགས་པར་འགྱུར་ཞེས་གསུངས། ཀླུ་བདུད་མིང་སྲིང་སྲམ་པ་བསྒྲུབ་ཁང་གི་བཀའ་བསྲུང་ལ་བསྐོས། རྟེན་འབྲེལ་དེས་འབྲས་བུའི་དཔལ་ཆེན་པོ་ཡང་མ་གྲུབ་བོ། དེ་ནས་བཤད་གྲྭ་དང་སྒོམ་གྲྭ་རྒྱ་ཆེན་པོ་བྱུང་། དེའི་ཚེ་ཉ་རི་ནམ་མ་གཡུང་དྲུང་བཀྲ་ཤིས་བཟའ་མི་གཉིས་བུ་ཚ་མེད་ལ་ནོར་གྱི་འབྱོར་པ་ཡོད་པ། ཆོས་འཁོར་བྱ་བ་འདོད་ནས་ཡུལ་མི་དང་ཉེ་དུ་ཀུན་བསགས་ཏེ་སློབ་དཔོན་གང་བཟང་དྲིས་པས། ལ་ལ་སྔགས་པ། ལ་ལ་བཙུན་པ། ལ་ལ་བོན་པོ་ཟེར་ཁ་མ་འཆམ་པས་ཁྱེད་རང་གང་མོས་ལ་གྱིས་ཤིག་པའི་གྲོས་བཏབ། མོ་ན་རེ། ངའི་ཡོ་བྱད་ཀྱིས་འདེངས་པས་གསུམཀ་བྱེད་ཟེར། དེར་སྔགས་པ་འུག་པ་ལུང་པ། བོན་པོ་ལ་ཀེ་རྩེ་བ།བཙུན་པ་ཆུ་མིག་རིང་མོ་བ་རྣམས་གདན་དྲངས་སོ། །མཆོད་གནས་གསུམ་པོ་འདུས་ནས་ཁང་སྟབས་སུ་བརྩིག་པའི་གྲོས་བྱེད་པས་ལྷའི་གཙོ་བོ་ལ་མ་མཐུན། སྔགས་པས་རྡོ་རྗེ་སེམསདཔའ་ལ་བྱེད་ཟེར། བཙུན་པས་ཤཱཀྱ་ཐུབ་པ་ལ་བྱེད་ཟེར། བོན་པོས་གཤེན་རབས་མི་བོ་ལ་བྱེད་ཟེར་བས། ལྷ་ཁང་སོ་སོར་བརྩིག་ཏུ་ཆད། ལྷ་རྗེ་འུག་པ་ལུང་པས་སྒྲོལ་ཕུག་པས་དམའ་བ་གཅིག་ཏུ་བོན་པོ་དང་སྡེབས་ནས་བརྩིགས་པས།བོན་པོ་ན་རེ། གདོང་ལྷ་བཞེངས་པའི་ཚེ་བཞེངས་པའི་ཚེ་ཡང་། ཁྱེད་ཀྱི་ལྷས་གཙོ་བོ་བྱས་ན་ངའི་ལྷས་འཁོར། ངའི་ལྷས་གཙོ་བོ་བྱས་ན་ངའི་ལྷས་འཁོར། ངའི་ལྷས་གཙོ་བོ་བྱས་ན་ཁྱེད་ཀྱི་ལྷས་འཁོར་དུ་བྱེད་དགོས་ཟེར་བས་དེ་གཉིས་གང་ཡང་ལེགས་པ་ཞིག་མི་འོང་བར་འདུག་དགོངས་ནས་ལྷ་ཁང་དེ་བོན་པོ་ལ་བྱིན། སྒྲོ་སྟོན་པས་སྒྲོ་ཕུག་ཅེས་བྱ་བའི་གནས་ཕུར་ཏེ་དེར་ལྷ་ཁང་བརྩིགས་སོ། །དེའི་ཚེ་ཡོན་བདག་གཉན་སྡེ་གསུམ་ན་རེ། ལྷ་ཁང་ལ་རྒྱ་ཕེབས་སུས་ཁེལ་བ་ལ་མེ་ཏོག་སྡུད་ཟེར་བ་ལ། སྔགས་པ་དང་བོན་པོས་ཁེལ། བཙུན་པས་མ་ཁེལ་ལོ། །དེར་སྔགས་བོན་གཉིས་ལོ་རེ་མོས་སུ་བསྡུད་པས། བཙུན་པ་ན་རེ་བདག་ཅག་ལའང་སློང་རེ་ཞུ་ཟེར། ལོ་གཅིག་སྤྱིན་པས། དེ་ཕྱིན་ཆད་གསུམ་ཀ་ལོ་རེས་བསྡུད་དུ་སོང་། སྒྲོ་ཕུག་གི་གཙུག་ལག་ཁང་དེར་དུས་གསུམ་སངས་རྒྱས་ཀྱི་གཙོ་བྱས་པའི་ལྷ་ཁང་ཆེ་ཆུང་བརྒྱད། འཁྱམས་སྟོད་ཀ་བ་ཉི་ཤུ་དང་། འཁྱམས་སྨད་ཀ་བ་དྲུག་ཅུའི་སར་ཡོད། གནས་འདིར་ཆོས་གྲྭ་ཆེན་པོ་ཚུགས། དེ་ཡང་ཐག་གི་རྒྱ་བོར་ཡང་དག་གི་བསྒྲུབ་པའི་སྐབས་ཡིན་པར་ཡང་གྲགས་ཤིང་རྒྱལ་བ་ཟུར་པོ་ཆེ་ལ་སྐུ་བསོད་ཤིན་ཏུ་རྒྱས་པའི་སྐབས་ཞིག་ན། འབྲོག་མི་ལོ་ཙ་ལ་པ་ཊ་ཏ་རྫོང་པའི་གསེར་མ་ལྡང་ནས་ཁྱེད་ཀྱི་གསེར་མང་པོ་ཁྱེར་་།ག །ངས་གདམས་པ་ཟབ་མོ་སྦྱིན་ནོ་ཟེར། འདི་ལྟར་སྐྱེས་བུ་ཆེན་པོ་རྣམས་ནི་གཞན་ལ་ཕན་འདོགས་པའི་དམ་བཅའི་རྩ་བརྟན་ཅིང་། སྡོང་པོ་བཀོད་པ་ལས། རིགས་ཀྱི་བུ་ཁྱེད་ཀྱི་དགེ་བའི་རྩ་གཅིག་ལ་ཆགས་པར་མ་བྱེད་ཅིག །ཆོས་ཀྱི་སྒོ་གཅིག་དང་། སྤྱོད་པ་གཅིག་ཡོངས་སུ་རྫགས་པས་ཆོག་པར་མ་འཛིན་ཅིག །དེ་ཅིའི་ཕྱིར་ན། རིགས་ཀྱི་བུ་བྱང་ཆུབ་སེམས་དཔའ་ནི་དགེ་བའི་རྩ་བ་ཚད་མེད་པ་ཡོངས་སུ་བསྡུ་བར་བྱ་དགོས་སོ། །ཞེས་པས་བྱང་ཆུབ་སེམས་དཔའི་བསྡུ་བའ་དངོས་པོ་བཞིའི་སྤྱོད་པ་མ་ཚང་བ་མེད་པ་རང་གིར་བྱ་བའི་སླད་དུ། ཀརྨ་པསྒིས་མཚུར་ཕུའི་གཙུག་ལག་ཁང་གི་རྒྱ་ཕུབས་འདམ་ཅོག་རྩེ་ལ་ནས་མཐོང་བ་ཙམ་གྱི་སྲིད་དུ་བ་གམ་པར་མཛད་པ་བཞིན། རྒྱལ་བ་ཟུར་པོ་ཆེས་དགོངས་པ་ཅན་གྱི་སླད་དུ།སྒྲོ་ཕུག་གི་ལྷ་རི་གདོང་དང་། ཐག་གི་ཡང་གདོང་གཉིས་སྦུབས་སུ་བཅུག་པའི་གསེར་འབུམ་རེ་བྱེད། དེ་གཉིས་ཀྱི་བར་ལྕགས་ཐག་གིས་སྦྲེལ་ལོ་གསུངས་པ་དང་། གྲྭ་པ་རྣམས་ན་རེ། འོ་ན་བདག་ཅག་གིས་ཡང་འཐད་དུ་ཟངས་སྡེར་རེ་དང་། དྲིལ་བུ་རེ། ལྕགས་ནག་རེ་འབུལ་ལོ་ཞེས་དམ་བཅས། དེའི་གཡེར་ཆེན་པོ་བྱུང་ནས་གཞིས་བདག་གཉིས་ཀྱང་བློ་འདྲོགས་པར་གྱུར་ཏེ། གསེར་རི་མཆིན་པ་ཙམ་ཞིག་ཞུ་རྟེན་དུ་ཕུལ་ནས་གསེར་འབུལ་མི་མཛད་པའི་ཞུ་བ་བྱས། གསེར་གྱི་གཏེར་ཁ་ཕུལ་ནས་སྲོག་ཆགས་ཀྱི་གཟུགས་མ་བྱུང་བར་ལོངས་ཤིས་ཟེར། ཁུང་བུ་གཅིག་ནས་གསེར་ཤིན་ཏུ་མང་བར་བྱུང་བའི་མཐར་གསེར་སྦལ་པ་འདྲ་བ་ཞིག་བྱུང་བ་དང་འཕྲོ་བཅད། མྱུ་གུ་ལུང་དུ་ལོ་ཙྭ་བ་ལ་གསེར་སྲང་བརྒྱའི་འཐུས་བྱས། སྟོན་གྱི་དུས་སུ་བེར་ཐོག་ཏུ་ཚར་མ་འཁུར་བ་སོགས་གུས་པའི་སྤྱོད་ལམ་ཀྱང་མཛད། རྒྱུད་གསུམ་ཆ་ལག་དང་། གུར་ལ་ཤིན་ཏུ་མཁས་པར་བྱང་ཆུབ་མོད་ཀྱི། བླ་མ་ཆེན་པོའི་བཀའ་དྲིན་གྱིས། ཨ་པོའི་སེམས་ཕྱོགས་ནོར་དུ་ཐལ་ཞེས་གསར་འགྱུར་གྱི་ཆོས་ལ་རོ་མྱངས་པས། སླར་ཡང་རང་གི་སེམས་ཕྱོགས་ཡིད་བཞིན་རིན་ཆེན་ལྟ་བུའི་ནོར་དུ་ཐལ་ཞེས་ངེས་ཤེས་ལྷག་པར་སྐྱེས་པའི་གསུང་བྱོན་ཏོ། །ལར་ཕག་མོ་གྲུ་པས་ལམ་འབྲས་གསན་པའི་ཕྱིར་དགས་པོ་སྙི་བ་རིན་པོ་ཆེ་ལ་ཐུག་པ་ནད་བུར་བྱེད་པ་དང་། གངས་རིའི་ཁྲོད་ཙམ་ན་དཀོན་པའི་དགེ་སློང་རྡོ་རྗེ་འཛིན་པ་གྲུབ་ཐོབ་རྣལ་འབྱོར་གྱི་དབང་པོ་ལྷ་རྗེ་ཟུར་པོ་ཆེ་རང་སྲིད་ཀྱི་ཕྱོགས་ལ་མ་ཐོབ་སྙམ་པའི་ཀུན་སློང་གི་གདོན་ཆེན་པོས། བདེ་གཤེགས་རྒྱལ་བོ་པ། འབྲོམ་སྟོན་རྒྱལ་བའི་འབྱུང་གནས། བླ་མ་ཞང་རིན་པོ་ཆེ་སྟོན་པ་བྱང་འབར་རྣམས་སྡེ་སྣོད་གསུམ་གྱི་དགྲར་བལྟ་བའི་ཆོ་ངེ་འདོན་པ་ནི་རང་ཉིད་ཀྱི་མགོ་ན་ཆ་བ་འཚལ་བའི་སྤྱི་རྟོལ་ཆེན་པོའོ། །དེ་ལྟར་སྒྲོ་ཕུག་གི་གཙང་ཁང་འབྱོངས་ཙམ་པ་དྲུག་ཅུ་རེ་གཅིག་པའི་ཚེ་ལམ་ལྔའི་ཡོན་ཏན་མཐར་ཕྱིན་ནས་ལྷུན་གྲུབ་རིག་འཛིན་གྱི་ས་ལ་གནས་པའི་སྐྱེས་བུ་ཆེན་པོ་སྤྲུལ་པའི་སྐུར་རྩོད་པ་མོད་པ་དེ་ནི་རགས་ལུས་དྭངས་མར་གནས་འགྱུར་པའི་དགོངས་པ་གཏད་དེ། བྲག་རྒྱ་བོ་ནས་ཟུར་ཆུང་པ་བོས་ཤིག་གསུངས། བྱོན་པ་དང་ངའི་གདན་ས་འདི་ཟུར་ཆུང་པ་ལ་གཏོད་པ་ཡིན། སློབ་མའི་ཚོགས་ལ་ཆོས་ཀྱི་ཕན་འདོགས་དགོས་པས་བློ་དང་འཚམ་པར་སྦྱོར། ངས་སྐྱོང་བ་བཞིན་སྐྱོངས། སློབ་མ་རྣམས་ཀྱིས་ཀྱང་ཟུར་ཆུང་པ་འདི་དཔལ་ཆེན་པོའི་སྐུ་གསུང་ཐུགས་ཀྱི་དངོས་གྲུབ་ཐོབ་པ་ཡིན་པས་ང་བས་འདི་ལྷག །ཅི་མཛད་ལེགས་པར་ལྷོས། གསུམ་མ་བཅག་སྐུའི་གྲིབ་མ་དང་ཞབས་རྗེས་ན་བཟའ་ཙམ་ལའང་མ་འགོང་། ངས་བསྐྱངས་པ་བཞིན་སྐྱོང་བ་ཡོད་པས་མོས་གུས་ཕུན་སུམ་ཚོགས་པ་གྱིས་ཤིག་གསུངས། དེ་ནས་སྲམ་པ་སྒྲུབ་ཁང་དུ་གཤེགས། ལན་ཅིག་ཉེ་གནས་ལ་ད་ནང་ཚ་བ་སྔ་སེ་གྱིས་གསུངས། དེར་ཉི་མ་ཤར་བ་དང་སྐུ་མདུན་དུ་ཕྱིན་པས། བླ་མ་གཟིམ་མལ་ན་སྐུ་ཚགས་མཛད་ཅིང་འདུག །ད་ལྟ་ནས་སྐུ་ཚགས་མཛད་པ་གར་གཤེགས་པ་ཡིན་ཞུས་པས། ང་ནི་བདེ་ཆེན་གྱི་ཞིང་དུ་འགྲོ །དཔལ་ཆེན་ང་དང་དབྱེར་མེད་པས། །ཡི་དམ་ལྷ་ལ་གསོལ་བ་ཐོབ། །ཅེས་གསུངས་ནས་རྡོ་རྗེ་དྲིལ་བུ་ཁྲོལ་ལེའི་ངང་ལ་སྐུ་འོད་ཀྱི་རང་བཞིན་དུ་གྱུར་ཏེ། དཔལ་ཆེན་པོའི་ཐུགས་ཀར་ཐིམ་མོ། །དེའི་དུས་སུ་ཁམས་པའི་འབུལ་སྐྱེས་ཡོང་བ་དང་འགྲིག་པས། ལམ་དུ་བླ་མ་དང་མཇལ། ཁམས་པའི་སྣང་བ་བྱིན་གྱིས་བརླབས་ནས་སྤྲུལ་པའི་གཞལ་ཡས་ཁང་དུ་འབུལ་བའང་བཞེས། བསྔོ་བ་མཛད། སླར་ཁམས་པ་གཉིས་ལོག་པ་ལས་སད་པ་བཞིན་དུ་ཅི་ཡང་མི་གདའ་བས། ཐེ་ཚོམ་གྱི་ངང་ནས་ཕྱིན་ཙ་ན་ལམ་དུ་བླ་མ་དཔལ་ཆེན་པོའི་ཐུགས་ཀར་ཐིམ་མོ་ཞེས་ཐོས་སོ། དེ་ལྟ་བུའི་དཔལ་ཆེན་པོའི་བྱིན་བརླབས་ཤིན་ཏུ་ཆེ་བས་སླན་ཆད་ཀྱང་སྐུ་གཉེར་ལ། རྒྱ་སྟོན་ཤཀ་ཡེ་ལ་བསུ་བ་གྱིས་ཞེས་གསུང་བྱོན། བསུ་བ་བྱས་ཙ་ན། རྒྱ་སྟོན་དེ་བ་དཀར་མོ་ཞིག་ལ་བཅིབས། སྤྱང་ཞྭ་ཞིག་གསོལ་ནས་བྱུང་སྟེ། དཔལ་ཆེན་པོའི་སྐུ་མདུན་དུ་འོད་དཀར་པོ་གཅིག་ཏུ་གྱུར་ཏེ་གཡོན་སྐོར་ལན་གསུམ་བྱས་ནས་སྐུ་ལ་དངོས་སུ་ཐིམ་པ་དཀོན་གཉེར་མ་ཇོ་དོན་ལྡན་ཞེས་བྱ་བས་མངོན་སུམ་པར་མཐོང་། དེ་བཞིན་དུ་མཚན་ལྡན་ཟུར་མོ་འོད་འབུམ་བྱ་བའང་སྐུ་ལ་ཐིམ་པར་གྲགས་སོ། །རྩེ་མོ་བཞིའི་ནང་ནས་ཀྱང་གླང་པོའི་ནང་ན་ཁྱུ་མཆོག་ལྟ་བུ་བདེ་གཤེགས་རྒྱ་པོ་པའམ། ཟུར་ཆུང་ཤེས་རབ་གྲགས་པ་ནི། སྔགས་འཆང་འུག་པ་ལུང་པའི་གདུང་གི་ཕྱི་མོ་ཡིན་ཏེ། དེ་ལ་ཡབ་ཐག་པ་སྒོམ་ཆེན་རེས་འགའ་ལྡོམ་བུའི་ཚུལ་དུའང་ཡོད་པའི་བུར་གཡས་རུ་གཙང་གི་སའི་ཆར་མ་ཇོ་ཤེས་རབ་སྐྱིད་ལ་ངོ་མཚར་བའི་ལྟས་ཁྱད་པར་བ་དང་བཅས་བཙས། ལོ་བདུན་པར་བྲི་ཀློག་དང་། དགུ་ལ་ཞི་ཁྲོའི་འཕྲིན་ལས་གྱེར་ཤེས་པ་བྱུང་། བཅུ་གསུམ་ལོན་པའི་སྐབས་གཅིག་ན་གཟིམས་མལ་ན་ཕྱག་དཔེ་གཟིགས་ཤིང་ཡོད་ཙ་ན། ཇོ་མོ་ཞིག་ཡོད་པ་རྒྱུགས་བྱུང་སྟེ་ཞིང་ལ་ཤྭ་ལོག་་།ར་འདུག་གོ ཁྱོད་ཉལ་བས་ཆོག་གམ་ཟེར་བ་ལ། སྨད་གོས་གསར་པ་ཞིག་ཡོད་པ་གྱོན་རུང་ཆུ་བརྒལ་ནས། ཁྱིམ་གྱི་ཆུ་བཀག་གྱིན་ཡོད་ཙ་ན། མོ་ན་རེ་ངས་དཀའ་ལས་བྱས་པའི་གོས་རྗེས་བཅངས་ཀྱང་མི་བྱེད་པར་ཆུད་འཛད་ཞེས་རྒོལ་དུ་བྱུང་། ཁོ་བོ་མི་འཕངས་པར་གོས་འཕངས་ན་དེ་ན་ཡོད་དོ་ཞེས་སྒྱུར་བས་མོ་ཁྲོས་ཏེ་ང་ལ་བརྙས་པ་ཡིན་ཟེར་ནས་རང་ཡུལ་དུ་བྲོས། ཟུར་ཆུང་པ་འཁོར་བ་ལ་སྐྱོ་བ་སྐྱེ་དྲག་ན་གདུང་ཁུང་ན་མོའི་ཞུད་ལུས་པ་དེ་ཁྱེར། རྗེས་ལ་སྐད་བཏང་བས། མོ་ཡར་་་ག་ཅེས་འབོད་དུ་རེ་ནས་ཚོམ་མེར་བསྡད་པ་ལ་ཞུད་གཏད་དེ། ཕོ་ནོར་ཕོ་མོ་ནོར་མོ་བྱ་བ་ཡིན་པས་ཞུད་ཁྱེར་ཅིག་སྨྲས་པས། མོ་ཡིད་ཆད་ནས་ཡུལ་དུ་སོང་། དེར་ཟུར་ཆུང་པས་ཕ་ལ་གྲོས་མ་དྲིས། མ་ལ་རྒྱགས་མ་བླངས། གྲོགས་ཀྱི་ངོ་མ་ལྟས་པར་སྤྱང་སློག་ཞིག་ཡོད་པ་ཁྱེར་ནས་ཟུར་པོ་ཆེ་ལ་གཏད་དེ་བྱོན་པས། ལམ་དུ་རྟ་ནག་གི་འབྲོག་པ་གཡུ་དང་ཟངས་འཁྱེར་བ་གཉིས་དང་།ཤངས་པ་ཁྲབ་ཁྱེར་རྣམས་སྡེབས་སུ་བྱུང་སྟེ་བྱོན། དེར་ཟུར་ཆུང་པར་སྤྱང་སློག་ལས་འབུལ་རྒྱུ་མེད། གཞན་གསུམ་པོའི་ཕྱག་རྟེན་ཕུལ་བས། བླ་མའི་ཞལ་ནས། ཁོང་རྣམས་འཁོར་བ་ལ་བློ་ལྡོག་མ་ལྡོག་ལྟ་པས་སྦང་ཟན་དང་ལོ་ཐུག་རེ་དྲོངས་གསུངས་པས། འབྲོག་པ་གཉིས་པོ་ཟར་མ་འདོད། ཤངས་པས་ཅུང་ཟད་ཟོས། ཟུར་ཆུང་པས་ལྷག་མེད་ཟོས་པས། གླ་མའི་ཞལ་ནས་སྤྱང་སློག་དང་ཁྲབ་གཉིས་ཞོག །གཡུ་དང་ཟངས་བདག་པོ་ལ་གཏོད་གསུངས་པས། འབྲོག་པ་མ་དགའ་སྟེ་ཕྱག་རྟེན་སློག་པ་འུ་ཅག་ལ་ཆོས་མི་སློབ་པའི་རྟགས་ཡིན་ཟེར་ནས་སོང་། རྟེན་འབྲེལ་དེ་ལས་ཟུར་པའི་ཆོས་ལ་གཤེ་བ་དེ་བྱུང་། དེར་ཟུར་ཆུང་པ་ལ་ཁྱོད་ཀྱི་རུས་པ་ཅི་ཡིན་གསུངས་པས། བླ་མ་དང་རུས་གཅིག་པར་བརྗོད་ན་འགྲན་པར་སོང་དོགས་ནས། ཟུར་ཆུང་ཆུང་ཞིག་ལགས་བྱས་པས་བླ་དྭགས་སུ་དེ་ལྟར་ཐོགས། དེ་ལས་ཅན་དུ་མཁྱེན་ནས་སློབ་གཉེར་བྱེད་དུ་བཅུག་པས་བློ་གྲོས་ཀྱི་སྤོབས་པ་མཆོག་ཏུ་གྱུར་པ་ཞིག་བྱུང་། དང་པོ་ཤིན་ཏུ་དབུལ་བས་བླ་མས་གཏོར་མ་བཏང་བདག་བླངས་ནས་ཟན་ཆང་བྱ་བཞིན་གསོལ་བ་ན། གྲྭ་པ་གཞན་གཙོས། ཁོ་ཆང་གི་ཁ་སྒྱུར་དྲི་ཆིལ་ལེ་སྡོད། ཆང་བླ་མ་ལའང་མི་འདྲེན། མཆེད་གྲོགས་ལའང་མི་སྟེར་ཞུས་པས། བླ་མས་དེ་རིང་ཟུར་ཆུང་པ་ཤིང་ཐུས་ཤོག་གསུངས། ཤུལ་དུ་ཟུར་ཆུང་པའི་སྤྱིལ་བུ་གཡེང་དུ་བཅུག་པས། བེམ་པོ་ཞིག་གི་འོག་ན་ཟན་ཆང་ཀྭ་པ་ལ་གང་ལས་གཞན་ཅི་ཡང་མེད། དེར་བླ་མས་ཟུར་ཆུང་པ་འཚོ་བ་ཆད་པ་ན་རང་རེའི་ཐབས་ལ་་།ག་གསུངས་པས། ང་བླ་མའི་དཀོར་ལ་འབག་རི་ཟེར་དཀའ་སྤྱད་འབའ་ཞིག་ཁུར་བཟོད་པར་མཛད། ཉིན་གཅིག་བླ་མས་བསེ་ཕོར་ཕུལ་དགུ་་།ང་པ་ཞིག་བསྣམས་ནས་ཁྱོད་ལ་སྐོམ་སྟེར་རྒྱུ་ཨེ་ཡོད་གསུངས། ཟན་ཆང་ཞུས་པས་སྣོད་དོ་གསོལ། ད་དུང་ཁྱེར་ཤོག་གསུངས་ནས་གསོལ། ད་ཨེ་འདུག་གསུངས་པས་བྲེ་གང་ཙམ་གདའ་ཞུས་པས། ད་མི་ཡོད་པར་འདུག །ཡོད་ན་ཁྱོད་ལ་བསོད་ནམས་བོད་ཙམ་ན་ཆེ་བ་འོང་སྟེ། འོན་ཀྱང་བསྙེན་བཀུར་ཀྱི་རྟེན་འབྲེལ་ལས་བསོད་ནམས་ཆེན་པོའི་འོང་གསུངས། དེར་ནས་ཁལ་གསུམ་གནང་ནས་འདི་ཟད་པ་དང་ཡོ་བྱད་མི་ཐོགས་པ་ཡོང་གསུངས། དེར་ཟུར་ཆུང་པས་ཐོས་པ་དང་བསམ་པ་དང་སྒོམ་པའི་གནས་གང་ཡིན་པ་ལ་ཕྲུག་གཅིག་ཏུ་ཉིན་དང་མཚན་མེད་པར་བརྩོན་པ་བསྐྱེད་པས།སྤྲུལ་པའི་སྐུ་ཡིན་པས་མཁྱེན་རབ་ཀྱི་ཀློང་རྡོལ། ཉམས་རྟོགས་བསམ་གྱིས་མི་ཁྱབ་པ་འཁྲུངས་ཀྱང་དཔེ་ཆ་ཙམ་འདྲི་བའི་ཡོ་བྱད་ཀྱང་རྗོ་མ་ཐོགས་པར་ཡོད་ཙ་ན། ལྷ་རྗེ་ཟུར་པོ་ཆེ་ལོ་པན་གྱི་ཁང་སྔོན་བྱ་བ་ན་ཇོ་མོ་གཡུ་མོ་བྱ་བའི་སྒོམ་མ་ཕྱུག་མོ་མ་སྨད་གཉིས་ཡོད་པས། ཁྱོད་རང་འདིའི་སྟེང་དུ་སྡོད་གསུངས། ང་ཁྱིམ་ཐབ་མི་བྱེད་ཞུས་པས། འདུ་ཤེས་མ་ཆུང་། སྟོན་པས་གནང་བ་དང་བཀག་པའི་མཚམས་ངས་ཤེས། ཁོང་གཉིས་ཀྱི་ཡོ་བྱད་ལ་སྤྱད་ནས་དབང་ཞུས། དཔེ་བྲིས། ཆོས་ཐམས་ཅད་ལྷག་མ་མ་ལུས་པར་ཉན་པས་ཆོག་པ་ཡིན། དེས་ཁོང་གཉིས་ཀྱང་ཚོགས་རྫོགས། ཁྱོད་རང་གི་དོན་ཡང་གྲུབ་པ་དེ་དགའ་མོད་གསུངས། དེར་གསུང་བཞིན་ཉན་པས་འདོད་པ་ཐམས་ཅད་རྫོགས་པ་དང་། ཡང་གསུང་གིས། ད་ཁྱོད་དེར་མ་སྡད་དཔེ་ཆ་ལ་སོགས་པ་མཆོད་པའི་ཡོ་བྱད་རིམ་གྱི་སྐྱོལ་ལ་ངའི་འདིར་་།ག་གསུངས། དེ་ལྟར་བྱས་པས་ཅང་མཆིས་སམ། ཁོང་གཉིས་ཀྱང་དྲིན་ཆེ་ཞུས་པས། བློ་མ་ཆུང་། ཁྱོད་ཀྱིས་འགྲོ་བའི་དོན་ནུས་པ་ཞིག་འོང་བར་འདུག །སྙིགས་མའི་དུས་འདིར་སངས་རྒྱས་ཀྱི་བསྟན་པ་དར་བར་བྱས་ནས་འགྲོ་བ་མང་པོ་དོན་བྱེད་དགོས་པ་ཡིན། ཁོང་གཉིས་ཀྱི་དྲིན་ལས་དུའང་དེ་ཆེ། འདི་ལ་གབ་པས་རང་དོན་གཞན་དོན་གང་ཡང་མི་འགྲུབ་གསུངས། དེར་ཇི་སྐད་གསུང་བ་བཞིན་ཉན་པས་བླ་མའི་དགོངས་པ་ཇི་བཞིན་དུ་ལོངས། སྐབས་ཤིག་ན་ལྷ་རྗེས་བཞུགས་པའི་སྒོ་རྩ་ན་མཆོད་རྟེན་གཅིག་ཡོད་པ་ལ་ཟུར་ཆུང་པ་སྐོར་བ་བྱེད་ཅིང་འདུག་པ་གཟིགས། ཞབས་ས་ལ་མི་རེག་པར་ཁྲུ་གང་ཙམ་ནས་སྒོ་ར་ར་གདའ། བླ་མའི་ཐུགས་ལ་སྤྲུལ་པའི་སྐུ་ཞིག་ཡིན་ཉན་འདུག་པས་ངོ་མཚར་ཆེ་སྙམ་དུ་དགོངས་ཤིང་དགྱེས་སོ། །དེ་བཞིན་དུ་ཟུར་ཆུང་པ་ཕྱོགས་གཞན་ན་འབྱོན་བཞུད་ཀྱི་ལུང་སྟོང་བྱེ་མའི་གསེབ་ཏུ་ཚད་པས་ཤིན་ཏུ་གདུངས་པ་ལ་ཞལ་སྐྱེམས་འདྲེན་པ་བྱུང་བ་དང་། རི་སྟོང་གི་རྩེ་མོ་ལ་སྒོམ་དུ་གཤེགས་པས་སྐུ་བཀྲེས་པ་ལ་ཞལ་ཟས་འདྲེན་པ་སོགས་གང་འདོད་པའི་ཐུགས་དགོངས་འབད་མེད་གྲུབ་པ་བྱུང་བས། ད་ནི་ངས་འགྲོ་བའི་དོན་བྱས་ཀྱང་འགྲུབ་དགོངས་པའི་ཚེབླ་མའི་ཞལ་ནས་ཀྱང་། ད་ཁྱོད་ཀྱི་བཤད་པ་གྱིས་གསུངས། དེར་མདོ་དགོངས་འདུས་གསུངས་པས་དུས་ཤིག་ལ་དཔེ་འགྲིམས་སུམ་བརྒྱ་བྱུང་། དེའི་ཚ་ཟུར་ཆུང་པ་ལ་བླ་མས་བསྔགས་པ་ཆེན་པོ་མཛད་པས། བླ་མས་དཔོན་པོའི་དབུ་འཕངས་གཏོད་ཅེས་ཅུང་ཟད་མི་གུས་པའི་རྣམ་པ་བྱེད་པ་བྱུང་། བླ་མ་ལ་སྐུར་པ་བྱས་ན་བསད་ནམས་མ་ཡིན་པ་ཆེན་པོར་མཁྱེན་ནས། ནམ་ཞིག་ཨེ་དམར་རྡོ་རྗེ་སྤོ་ཞེས་བྱ་བར་དཕོན་སློབ་ཐམས་ཅད་ཆོས་འཁོར་ལ་བྱིན་ཙ་ན། སྲང་ཁ་ཅིག་ན་ཁྱི་མོ་མ་སྨད་རོ་སྨད་ལ་འབུ་ཞུགས་པ་ཞིག་འདུག །བླ་མ་ཟུར་ཆེན་གྱི་རེག་པ་ཙམ་མཛད། ཟུར་ཆུང་པས་ཁྱི་མོ་མ་སྨད་བསད། འབུ་ཞལ་དུ་གསོལ་བས།གཞན་རྣམས་ན་རེ། ཟུར་ཆུང་པ་ཟེར་པའི་སྨྱོ་སྤྱོད་མཁན་འདི་འདྲ་འཆད་ཉན་དུ་བསྐོས། འོ་སྐོལ་བ་སྤྱིན་བདག་རྣམས་ཀྱང་མོས་པ་ལྡོག་གདའ་ཟེར། བླ་མའི་ཞལ་ནས་ཁྱི་རྣམས་ངན་སོང་དུ་འགྲོ་བ་ངས་ཀྱང་ཤེས་ཏེ་སྒྲོལ་མ་ནུས་པ་ཡིན། ཁོང་གི་སྒྲོལ་བ་ངོ་མཚར་ཆེ་གསུངས། དེར་ཟུར་ཆུང་པས་ལྟ་སྟངས་ཤིག་མཛད་པས། ཁྱི་རོ་རྣམས་མཆོད་པའི་ལྷ་མོར་གྱུར། འབུ་རྣམས་སྒྱུགས་པས་ནམ་མཁའ་ལ་ཅོ་དིར་དིར་སོང་། དེར་ཟུར་ཆེན་པོས། ད་ཁྱེད་རྣམས་ངོ་མཚར་སྐྱེས་སམ་གསུངས་པས། མིག་འཕྲུལ་དུ་གདའ་ཟེར། དེར་ཤངས་ཆུ་རྒྱས་པ་དང་ཐུག་པས་ཟུར་ཆེན་གྱིས་ཆུ་ཕ་རིར་ཀ་བཱ་ལ་རྫུ་འཕྲུལ་གྱིས་བསྒྱུར་ནས། འདི་སུས་ལོངས་པ་ལ་ངའི་བཤད་གྲྭ་འབོགས་པ་ཡིན་གསུངས་པས། རྩེ་མོ་གཞན་གསུམ་པོས་ཀྱང་ལེན་མ་ནུས། ཟུར་ཆུང་པས་ཞབས་ཆུ་ལ་མ་རེག་པར་བྱོན་ནས་བླངས་སོ། །ཡང་རླུད་གི་ནུས་པ་འགྲན་པར་བསྐུལ་བས། རྩེ་མོ་བཞི་ལ་སོགས་པའི་སྟོན་སྒོམ་གཞན་རྣམས་ཀྱིས་ཀྱང་ཞབས་ས་ལ་མ་རེག་པར་འགྲོ་ནུས་པར་བྱུང་ཡང་། ཟུར་ཆུང་པས་ཏྭ་ལ་གང་ཙམ་གྱི་ནམ་མཁའ་ལ་འཕགས་ཏེ་སྲམ་པ་སྒྲུབ་ཁང་དུ་སྔོན་ལ་བརྟོལ་བས་རྩེ་མོ་གཞན་གསུམ་ཡང་ངེས་ཤེས་རྙེད། བླ་མས་ཅི་གསུང་གི་བཀའ་བསྒྲུབས་པས་ཞབས་ཏོག་ཀྱང་མཐར་ཕྱིན་ཏོ། །རེ་ཞིག་ན་ཟུར་ཆུང་པ་ལ་གནས་ཀྱི་ལུང་བསྟན་རིམ་པ་གསུམ་དུ་བྱུང་སྟེ་སྟོང་ཉིད་རྟོགས་པའི་རྣལ་འབྱོར་པ་དེ་ལ་ཆེད་དུ་འཛིན་པ་མ་ཡིན་པས་འཁྲུལ་སྣང་གི་སྡེ་ཚན་དུ་དོར་མོད། མཐའ་རུས་པའི་རྒྱན་གྱིས་སྤྲས་པའི་བུ་མོ་ལོ་བཅུ་དྲུག་པ་ཌ་མ་རུ་དང་གར་སྟབས་སྒྱུར་བ་ལྔ་བྱུང་ནས་མིང་པོ་ཁྱོད་རི་བོ་དགུ་འདུས་ལ་སྒོམས་ན་དོན་གཉིས་གྲུབ་བོ་ཟེར་ཞིང་བྲག་རྒྱ་བོ་ལ་མཛུབ་མོ་གཏད་པས། རི་བོ་དགུ་འདུས། ཆུ་མིག་དགུ་འདུས། ནེའུ་གསིང་དགུ་འདུས་པས་ཐེག་པ་རིམ་པ་དགུ་རྫོགས་པའི་རྟགས་སུ་མཁྱེན། བྲག་རྒྱ་བོ་དེ་བཅོམ་ལྡན་འདས་དཔལ་ཆེན་པོ་ལ་གོ་རྡི་མ་བརྒྱད་ཀྱིས་སྐོར་བ་འདྲ་བ་ཡིན་པས་འདི་ལ་སྒྲུབ་པ་བྱས་ན་སྒྲུབ་ཐག་ཉེ་ལ་བྱིན་རླབས་ཆེ། ལར་འཁོར་བ་སྡུག་བསྔལ་གྱི་རང་བཞིན་ཡིན་པས་འཇིག་རྟེན་གྱི་འཁྲི་བ་ཆད་དགོས། ཕྱི་མའི་དོན་བསྒྲུབ་པ་ལ་འདུ་འཛི་དང་ཁེ་གྲགས་ཀྱི་མི་ཕན། མིའི་ངོ་བསྲུང་བ་འདི་འཕྲལ་དུ་བྱ་དཀའ་ལ་ཕུགས་སྙིང་པོ་མེད་པ་ཡིན་པས་ང་གཅིག་པུར་སྒོམ་པ་ཡིན་གསུངས་ནས་གྲྭ་པ་རྣམས་གོ་མཆོད་མི་གསུམ་ལ་གཏད་ནས། ཆོས་འཆད་ཉན་གྱི་བསྟན་པ་ཁྱེད་རྣམས་ཀྱིས་སྐྱོངས་ཤིག་ཅེས་བྲག་རྒྱ་བོ་ལ་གཤེགས་སོ། །དེར་བྱོན་ནས་སྒྲུབ་པ་ཁོ་ན་ལ་བཞུགས་པས་གཞི་བདག་གི་ལྷོངས་ཆོ་འཕྲུལ་ཤིན་ཏུ་ཆེ་བར་བྱུང་སྟེ། འདི་ལྟར་གྲུབ་པའི་ཁྱུ་མཆོག་ཆེན་པོ་དག་ནི་རྨི་ལམ་དང་མངོན་སུམ་རྫུན་པའི་ངང་དུ་རོ་གཅིག་པས་ནུབ་གཅིག་མནལ་ལམ་དུ། བྲག་རྒྱ་བོའི་རྩེར་མི་ནག་པོ་ཞིག་བྱུང་ནས་ཞབས་གཉིས་བསྡུས་ཏེ་ཀླད་ལ་སྐོར་ཏེ་བསྒྱུར་བྱུང་བས། ཐག་གི་མདོའི་ཐང་ཆེན་པོ་གཅིག་ཏུ་བརྡབས་པ་རྨིས། སད་ཙ་ན་ཐང་དཀྱིལ་ན་དངོས་སུ་འདུག་པས་ཡར་འཛེག་དགོས་པ་བྱུང་སྟེ་ཆོ་འཕྲུལ་ཆེན་པོ་ལམ་འཛེམས་པར་བཞུགས། ཡང་སྡིག་པ་རྩིད་བུ་ཙམ་གྱིས་སྒྲུབ་ཁང་ཁེངས་པས་རྒྱུ་འབྲས་ཟློ་བའི་རྟོགས་པ་མངོན་དུ་གྱུར་ནས། སྡིག་པའི་རྭ་གཉིས་ནས་འཇུས་ཏེ་ཕྱི་མར་གཤག་པ་དང་ཆབས་ཅིག །སྡིག་པ་མི་དགེ་སོ་སོར་བཤགས། ཞེས་དོན་ལ་མི་རྟོན་ཚིག་ལ་རྟོན་པའི་ཀུ་རེ་མཛད་དེ་སྒྱུར་པས་ཐམས་ཅད་རྣམ་པར་སྣང་མཛད་དུ་གྱུར་ནས་ནམ་མཁའ་ལ་དེངས། ཡང་ལན་ཅིག་གྲོག་མོའི་དམག་དྲངས་བྱུང་བས། ཉེ་གནས་ལ་ཙོང་གེ་ཁྱེར་ཤོག་གསུངས་ཙོང་གེས་བརྡུངས་པས། ཉེ་གནས་ན་རེ་སྡིག་པ་ལ་དགོངས་མཛོད་ཞེས་ཁྲེལ་བལྟས་པས། ཁྱོད་དེ་ལ་མི་དད་ན་འདི་ལྟར་བྱ་ཡི་གསུངས་ནས་གྲོག་མོ་ཞལ་དུ་བཏབ་གིན་ཕུ་མཛད་པས། ཐམས་ཅད་རྡོ་རྗེ་སེམས་དཔར་ཀྲོང་ཀྲོང་གྱུར་ཏེ་ནམ་མཁའ་ལ་སོང་བས་ཉེ་གནས་ཤིན་ཏུ་དད། གསད་གསོའི་རྫུ་འཕྲུལ་བསམ་གྱི་མི་ཁྱབ་པས་གཞི་བདག་མིང་སྲིང་གསུམ་དམ་ལ་བཏགས་ཏེ་དངོས་སུ་གཟུགས་བསྟན་ནས་ཞབས་སྤྱི་བོར་བླངས།བྲག་ལ་ཕུར་པ་བཏབ་པའི་གྲུབ་ཆུ་ད་ལྟའང་ཡོད། དེར་གསང་བ་སྒྱུ་འཕྲུལ་ལས་བྱུང་བའི་ཕྱག་རྒྱ་བསམ་གཏན་གྱི་བསྒྲུབ་པ་མཛད་པས། རྡོ་རྗེ་སེམས་དཔའི་ཞལ་གཟིགས། ཐག་གི་ལུང་པ་རྡོ་རྗེ་སེམས་དཔས་ཁེངས་པ་བྱུང་། སྣང་བ་ཟད་པར་གྱི་སྐྱེ་མཆེད་བརྙེས་པས་སྐུ་མེ་དང་། ཆུ་དང་། རླུད་དང་། ས་ཚུབ་ཏུ་འགྲོ་བ་དང་། ཅིར་སྣང་ཐམས་ཅད་རྡོ་རྗེ་སེམས་དཔའི་རང་བཞིན་དུ་བཀྲ་ལམ་ལམ་གསལ་བ་བྱུང་ཏེ་བཟང་རྟོག་གི་མཐུ་བརྟས་པ་ཡིན། ཡང་དག་པར་གཏད་མེད་སྙམ་དུ་དགོངས། དེར་སྣང་སེམས་ཆོས་ཉིད་གསུམ་རོ་གཅིག་ཏུ་འདྲེས་ནས་དགོངས་པ་ཟད་པའི་ས་ལ་སྐྱོལ་ཏེ་ས་རྡོ་རི་བྲག་ཐམས་ཅད་ལ་ཐོགས་པ་མེད་པ་དང་། ནམ་མཁའ་ལ་བྱ་ལྟ་བུར་འགྲོ་བ་སོགས་འབྱུང་བ་ལྔ་རང་དབང་ཐོབ་པ་བྱུང་། ད་ཟླ་བ་གཅིག་ན་སློབ་མ་སྣོད་ལྡན་ཞིག་འོང་གསུང་རེ་ཞིག་ན་མཚན་ཉིད་པའི་དགེ་བཤེས་སྦ་དགེ་མཐོང་བྱ་བ་ཐག་ཏུ་ཆོས་འཁོར་ལ་བྱུང་། ཁོང་གི་གྲྭ་པ་བློ་རྣོ་པ་གཅིག་ཟུར་ཆུང་ལ་རྩོད་པ་བྱེད་དུ་བཏང་བས། ཁོས་ཀ་བ་ལ་མཛུབ་མོ་གཏད་ནས་ཀ་བ་ཆོས་ཅན་བྱས་པས། ཀ་བ་ཆོས་ཅན། ཀ་བ་ཆོས་ཅན་ཁྱོད་འཇིག་རྟེན་རང་རྒྱུད་པའི་འཁྲུལ་ངོར་ཀ་བ་རང་རྒྱུད་དུ་སྣང་ཡང་། ང་རྫོགས་པ་ཆེན་པོ་རང་སྣང་རིས་མེད་ཀྱི་དོན་ལ་ཀ་བ་གྲུབ་པ་མི་གདའ་གསུང་ནས། ཕྱག་ཡུག་ཡུག་མཛད་པས་ཀ་བ་ལ་ཆག་ཐོགས་མེད་པར་སོང་། ཁོ་ངོ་མཚར་སྐྱེས་ནས་སྨྲ་མ་ནུས། དད་པ་ལྷག་པར་ཐོབ་ནས་སློབ་མར་བྱས་པ་མ་ཐོགས་བྱང་འབར་རོ། འདི་རྡོའི་ཀ་བ་ཡིན། ཆག་དུམ་ད་ལྟའང་ཡོད་ཟར་བ་དངོས་པོར་ཞེན་པ་དག་གི་འདོད་པ་མིན་ན་རང་ངོ་། དེ་ལ་སློབ་མ་ཀ་བ་བཞི། གདུང་མ་བརྒྱད། ཕྱམ་བཅུ་དྲུག །དྲལ་མ་སུམ་ཅུ་རྩ་གཉིས། སྒོམ་ཆེན་མི་གཉིས། ཡུས་པོ་ཆེ་མི་གཅིག །དཀྱུས་མ་གཉིས། སྟ་གུར་མི་གཉིས། གོ་མ་ཆོད་གསུམ་ལ་སོགས་པ་མང་དུ་བྱོན་ཏེ། ཀ་བ་བཞི་པོ་ནི།དང་པོ་དགེ་བཤེས་ཁྱུང་པོ་གྲགས་སེའི་གྲ་པ་མཚན་ཉིད་པ་ཆེན་པོ་བློ་གྲོས་ཤིན་ཏུ་རྣོ་བ་ཡིན། བདེ་གཤེགས་རྒྱ་བོ་བ་དང་། དགེ་བཤེས་ཁྱུང་པོ་གཉིས་མྱང་རོར་ཡོན་བདག་གཅིག་གིས་གདན་དྲངས་ཏེ་འཛོམ་པའི་དུས། ཁྱུང་པོས་ཁོང་བཞི་པོ་བཏང་ནས། ཟུར་ཆུང་པ་བྱ་བའི་ཆོས་ལོག་མཁན་འདི་སུན་ཕྱུང་ལ་ཤོག །ཅེས་བསྒོས་པས་བཞི་པོས་ལྷ་རྗེའི་སྤྱན་སྔར་ཕྱིན་ཙ་ན། ཟུར་ཆུང་པ་ཐུལ་པ་ཕྱི་ནང་ལྡོག་ནས་བཞེས་ཏེ་འདུག །དེར་གཅིག་གིས། པགས་པ་ཕྱི་ནང་སློག་པའི་གོས་འདི་གང་གི་ཆོས་ལུགས་ཡིན་ཟེར། པགས་པ་དང་པོ་ནས་འདི་ལྟར་ཡོད་པས་ཕྱི་ནང་མ་ལྡོག །ཕྱི་ནང་འཛོལ་པ་ཁྱེད་རང་གི་ཆོས་ཡིན་མོད་གསུངས།གཅིག་གིས་འོ་ན་ཆོས་གཏམ་བྱའོ་སྨྲས་པས། ཆོས་ཀྱི་ངོ་བོ་བརྗོད་མེད་མཐའ་བྲལ་ལ་ཆོས་གཏམ་ག་ན་ཡོད་གསུངས། དེར་སྐྱོ་སྟོན་གྱིས་དྲིས་པ། འོ་ན་ཁྱེད་རྫོགས་པ་ཆེན་པོ་པའི་ལུགས་ཀྱི་སྒོམ་ལ་གཙོ་བོར་བྱེད་པ་ལགས་སམ་བྱས་པས། ད་དམིགས་པ་གང་ལ་གཏད་འདུག་གསུངས། འོ་ན་མི་སྒོམ་པ་ལགས་སམ་བྱས་པས། ང་གང་ལ་ཡེངས་འདུག་གསུངས་པས་སྤོབས་པ་ལེན་མེད་དུ་སོང་། ཡང་གླན་སྟོན་ཤག་བཟང་གི་དྲེས་པས། ཁྱེད་གསང་བ་སྒྱུ་འཕྲུལ་པའི་ལུགས་ཀྱིས་སྣང་བ་ཐམས་ཅད་ལྷ་དང་ལྷ་མོར་འདོད་པ་ལགས་སམ་བྱས་པས། ཡུལ་བེམ་པོ་རང་རྒྱུད་དུ་སྣང་བའི་མངོན་སུམ་གྱི་ཚད་མ་སུས་འགེགས་གསུངས། འོ་ན་མི་འདོད་པ་ཨེ་ཡིན་བྱས་པས། སེམས་ཅན་གྱི་མ་དག་པའི་འཁྲུལ་སྣང་རང་རྒྱུད་པ་སྦྱོང་ཕྱིར། མདོ་རྒྱུད་ཀྱི་དགོངས་པ་དང་འགལ་བར་སུས་ནུས་གསུངས་པས། ཁོང་བཞིའི་བརྒལ་བརྟག་གི་རིག་པ་རྣོན་པོའི་ཚིག་གི་ཚོགས། དོན་གྱི་མཐུ་ཆེ་བའི་ལན་སྒྲ་གཅན་གྱི་ལག་པ་ལྟ་བུས་རྣམ་པར་བཀབ་ཅིང་། སྙིང་རྗེ་ཆེན་པོའི་གཞན་དབང་གི་སྡེར་མོས་རྫིས་པས། འདི་ལྟར་ལས་འཕྲོ་སད་པའི་གང་ཟག་ནི་སློབ་དཔོན་དཔའ་བོ་འཕགས་པ་ལྷའི་གདུལ་ཞིང་དུ་གྱུར་པ་ལྟ་བུ་སྟེ། འདི་སྐད་དུ། ཀྱེ་མ་ཐེག་པ་ཆེན་པོའི་དོན་ཕྱིན་ཅི་མ་ལོག་པར་རྟོགས་པ། རིགས་པ་དང་གྲོལ་བའི་སྤོབས་པ་དང་ལྡན་པ་འདི་ལྟ་བུའི་བཤེས་གཉེན་ནི་རྙེད་པར་དཀའོ། །འོན་ཀྱང་ད་ལྟ་དངོས་སུ་ཕྱིན་ན་སློབ་དཔོན་མི་དགྱེས་སུ་འོང་བས། སང་ཕོད་ཐབས་ཀྱི་རྟོག་གེ་ངན་པའི་སློབ་དཔོན་དང་བྲལ་བར་བྱས་ལ། རྣལ་འབྱོར་གྱི་དབང་ཕྱུག་སྲིད་པའི་དྲ་བ་གཅོད་པའི་མཚོན་ཆ་རྣོན་པོའི་དཔལ་དང་འགྲོགས་པར་བགྱི་བ་ལ་གདོན་མི་ཟ་བའི་དམ་བཅའ་ལྷུར་ལེན་ཏོ་ཞེས་མནའ་ཐོས་བཅད་ནས་དེངས་སོ། །དེ་ལྟར་དེངས་པའང་མེ་ཏོག་ཟས་ཅན་པདྨའི་ཚལ་ལ་བྱ་བ་བཞིན་དུ་སང་ཕོད་ལས་འཕྲོ་དང་སྨོན་ལམ་བཟང་པོའི་གཤོག་པ་རྨངསྟེབདེ་གཤེགས་རྒྱ་བོ་པའི་ཆོས་གྲྭ་མ་ལ་ཡའི་ནགས་ཀླུང་ཆེན་པོར་ལྷགས་པ་ལས་ཀ་བ་བཞི་བྱུང་བ་ཡིན་ནོ། །དེར་ཁོང་བཞི་པོས་ཁྱུང་པོའི་དྲུང་དུ་ཕྱིན་ཙ་ན། ཁྱེད་ཚོས་ཟུར་ཆུང་པ་སུན་ཕྱུང་ངམ་ཟེར། སུན་པ་མི་གདའ་བྱས་པས། ཕྲག་དོག་གི་མཐོར་རླུང་དྲག་པོས་ཡིད་རྣལ་དུ་མེ་ཕེབས་པ་ཙམ་དུ་གྱུར་ནས་ཟུར་ཆུང་པ་འདྲ་བའི་ལྟ་བ་ངན་ཅན། སྐྱེ་བོ་ཐམས་ཅད་ལོག་པའི་ལམ་དུ་འཁྲིད་པའི་འདི་གསད་ན་སངས་རྒྱས་ངེས་ཟེར་རོ། །དེ་ཟུར་པའི་གྲ་པ་དག་གི་ཐོས་ནས་སྙན་དུ་གསོལ་བས། རྒྱུད་རང་བཞིན་གྱིས་གྲོལ་བའི་བྱང་ཆུབ་སེམས་དཔའ་ལ་ཁོང་ཁྲོ་བའི་རྣམ་པར་རྟོག་པ་མེད་པས་ཅང་མི་གསུངས་བས་ལན་གཏབ། ནང་པར་ཆོས་ཁྲིའི་ཁ་ན་བཞད་ཀྱིན་འདུག །བླ་མ་ཅི་ལ་དགྱེས་ཞུས་པས། ཆོས་བྱ་བ་ངའི་ཐེག་པ་ཆེན་པོ་གསང་སྔགས་འདི་ཡིན་པར་འདུག །སྒྲོལ་བ་ལ་བརྟེན་ནས་སངས་རྒྱས་པར་འདོད་པ་འདི་གསང་སྔགས་ཀྱི་ལུགས་ཡིན། མཚན་ཉིད་པ་ལ་མེད་སྙམ་ཙ་ན། ཟུར་ཆུང་བ་ལྟ་བུ་གསད་ན་སངས་རྒྱ་གསུངས་ནས་ཁྱུང་པོ་གྲགས་སེ་ལྟ་བུའི་མཚན་ཉིད་པ་ཆེན་པོ་ཡང་བློ་ཕུག་ངའི་ཆོས་ལ་གཏོད་པ་འདུག་པས། ང་དགའ་བ་ཞིག་བྱུང་གསུང་སྐད། དེ་ལ་སེམས་ཕྱོགས་ཀྱི་ཀ་བ་གུང་བུའི་སྐྱོ་སྟོན་ཤག་ཡེས། མདོའི་ཀ་བ་ཀྱང་ལུང་གི་ཡང་ཁེང་བླ་མ། སྒྱུ་འཕྲུལ་གྱི་ཀ་བ་ཆུ་བར་གྱི་གླན་ཤཱཀྱ་བཟང་པོ། ཕྲིན་བསྒྲུབ་ཀྱི་ཀ་བ་ནག་མོ་རིའི་གདའ་ཏིག་ཇོ་ཤཱཀ་གོ །ཡང་མ་ཐོགས་བྱང་འབར་དང་རྒྱུད་པ་ལྔ་ཞེས་ཀྱང་གྲགས། གདུང་བརྒྱད་ནི་མ་ཐོགས་པ། སྐྱོ་སྟོན་ཆོས་སེང་། གླན་ཤཱཀྱ་བྱང་ཆུབ། རྩགས་ཤཱཀ་རིང། གནུབས་སྟོན་བག་མ།དབུས་པ་ས་ཐོར། ཤུ་སྟོན་ཟླ་གྲགས། རྩེ་ཕྲོན་བྱང་དཔལ་དང་བརྒྱད་དོ། ཡང་འ་ལ་གཟི་ཆེན། ནལ་རྣ་སྙིང་པོ། རམ་སྟོན་རྒྱལ་བ་གསུམ་དྲངས་པའང་ཡོད། སྒོམ་ཆེན་མི་གཉིས་ནི། འབའ་སྒོམ་དིག་མ་དང་། བོན་བསྒོམ་མདོ་བའོ། ཡུས་པོ་ཆེ་ནི་ལས་སྟོད་ཀྱི་ཟི་སྟོན་བསོད་རྒྱལ་ལོ། །སྟ་གུ་མི་གཉིས་ནི། ཞང་སྟོན་སྔགས་སེ་དང་། ཁྱུང་པོ་གྲགས་སེའོ། །ཕྱམ་དྲལ་ལ་སོགས་ཏེ་དཀྱུས་མའི་མིང་སྨོས་མ་འཚལ་ལོ གོ་མ་ཆོད་མི་གསུམ་ནི། མགོ་བྱ་ཚ། མིག་ཆུང་དབང་སེང་། འགོས་ཆུང་དབང་ངེ་གསུམ་མོ། དེ་ལ་བླ་མ་ཟུར་ཆུང་པ་བྲག་རྒྱ་བོར་ལོ་ཉི་ཤུ་རྩ་བཞི་སྒྲུབ་པ་ཐུན་གཅིག་ལ་བཞུགས་ནས་འཇའ་ལུས་སུ་གཤེགས་པའི་དགོངས་གཏད་ཡོད་པ་ལ་སྐུ་མཚམས་ཐོན་དགོས་པའི་རྐྱེན་གཉིས་བྱུང་བས། ལོ་རིལ་པོ་བཅུ་གསུམ་དང་ངོ་གཅིག་སྟེ་བཅུ་བཞི་བཞུགས། འདིའི་སྐབས་ཤིག་ན་ཉེ་གནས་ཀྱི་ཀྱང་སྐུལ་ལ་བཅར་དུ་མེད་པར་རྒྱུན་རིང་བར་བཞུགས། རེ་ཞིག་ན་དུད་པ་དང་ལྡབ་ལྡིབ་ཙམ་ཡང་མ་བྱུང་སྐུ་ལ་སྣུན་པ་མི་མངའ་འམ་བལྟར་ཕྱིན་ཙ་ན། ཞལ་དང་ཤངས་ལ་སྡོམ་ཐག་བྲེང་ངེ་འདུག །བླ་མ་གྲོངས་སྙམ་ནས་ངུ་་།ར་བས་དགོངས་པ་གྲོལ།བླ་མའི་ཞལ་ནས་ང་དེ་གའི་ངང་ལ་བཞག་ན་མགོ་ལ་ཐོད་པ་མི་འགེལ་བ་ཞིག་ཡོང་བ་ཡིན་སྟེ། ད་སྐྱེ་བ་གཅིག་ལེན་པར་འདུག་གསུངས། དེ་ས་སྐྱ་ལོ་ཆེན་ཡིན་ཟེར། འདི་ནི་ཆོས་ཉིད་ཅིག་ཅར་དུ་ཟད་པ་ནས་ཕུང་པོ་རྡུལ་ཕྲན་དུ་མ་དེངས་ཙམ་པའི་ལམ་རྟགས་སུ་སྣང་། ཡང་ནང་གཅིག །ཚ་བའི་སྟ་གོན་གྱིས་ཤིག་ད་རེས་ལོ་མའི་ཚོད་མ་བྱའོ་གསུངས། ཉེ་གནས་ཀྱི་ཆུ་མ་ཁོལ་བ་ལ་བླ་མས་ཚོད་མ་བསྣམས་བྱུང་། ངས་འུག་པ་ལུང་འཁོར་ནས་ཁྱོད་ཆུ་མི་ཁོལ་བ་ཅི་ཡིན་གསུངས། ཀུ་རེ་ཡིན་ནམ་ཞུས་པས། ཟུར་པོ་ཆེས་གནང་བའི་གསོར་རས་ཞིག་ཡོད་པ་ཉེ་གནས་ལ་གནང་བས། ཁོ་ཡིད་ལྷག་པར་ཆེས། ངའི་བླ་མ་རླུང་སེམས་ལ་རང་དབང་ཐོབ་ངེས་ཡིན་སྙམ་པའི་མོས་གུས་སྐྱེས་སོ། །དེ་ལ་དགོན་པ་ནས་འབྱོན་པའི་རྐྱེན་གཅིག་ནི། གོ་མ་ཆོད་མི་གསུམ་གྱི་བསྟན་པ་མ་འཁྱོངས་ཏེ། འགོ་བྱ་ཚས་ཐབས་ལམ་གྱི་རྒྱབ་ཏུ་མ་རྒྱུད་དགོས་ཟེར་འགོས་ཁུག་པའི་ཙར་སོང་། མིག་ཆུང་དབང་སེང་ན་རེ། དཀྱིལ་འཁོར་ཕྱིར་འདོན་པ་ལ་རྒྱབ་ཏུ་ཡོ་ག་དགོས་ཟེར་ནས་སུམ་པ་ཡེ་འབར་གྱི་རྩར་སོང་། འགོས་ཆུང་དབང་ངེས་གཞི་ལམ་གྱི་གྲུབ་མཐའི་རྒྱབ་ཏུ་ཚད་མ་དགོས་ཟེར་སྤང་ཀ་དར་ཆུང་བའི་ཙར་སོང་ངོ་། །དེ་དག་ནི་གསང་བ་སྙིང་པོ་ལ་ལམ་ཐབས་གྲོལ་གཉིས་ཀ་ཡོད་དེ་མ་རྒྱུད་ཀྱི་མཚན་ཉིད་མ་ཕྱེད། དཀྱིལ་འཁོར་རང་ས་ནས་ཐོན་པ་ལ་མིག་ལྟག་ཁུང་དུ་འཆུས། ཚད་མ་ཚིག་གི་གྲུབ་མཐའ་ཡིན་ཏེ་གཞི་ལམ་ཐོག་ཏུ་མི་ཕེབས་པ་མ་གོ །རྒྱུ་དེས་གོ་མ་ཆོད་མི་གསུམ་གྱི་བཤད་གྲྭ་མ་འཁྱོངས་པས་སྐུ་མཚམས་ལས་ཐོན་དགོས་པ་བྱུང་། རྐྱེན་གཅིག་ནི། སྒྲོ་ཕུག་ལྷ་ཁང་གི་མཇུག་སྐྱོངས་དང་།རབ་གནས་མ་གྲུབ་ཙམ་ལ་རྒྱལ་བ་ཟུར་པོ་ཆེ་སྐྱེ་བ་མ་སྤངས་པར་ཟུང་འཇུག་གི་གྲུབ་མཐའ་སྙོགས་པར་བཞེངས་ནས་ངའི་ལག་རྗེས་འདི་ཁྱོད་ཀྱི་སྐྱོངས་ཤིག་ཅེས་བླ་མའི་བཀའ་བྱུང་ནས་བྱོན་པ་ཡིན་ནོ། །དེ་ལྟར་བདེ་གཤེགས་ཟུར་ཆུང་པ་ཕྲིན་ལས་རྒྱས་པའི་དུས་ན། བོད་ཀྱི་སྔགས་པ་ཚོགས་ཚད་ཀྱིས་ཕྱག་མོ་བྱེད་པ་དང་། གྲལ་གོང་དུ་འགྲོ་བ་མེད་པས། འགོས་ལོ་ཙྭ་བས་གཞན་རྣམས་ལ་ཕྱག་མི་འཚལ་བ་དང་། གྲལ་ཞབས་སུ་མི་བསྒྲིག་པའི་ཁྲིམས་བཅས་མོད། ནམ་ཞིག་ཤངས་སུ་སྟོན་མོ་ཆེན་པོ་ཞིག་ལ་ཐམས་ཅད་འཚོགས་པ་ན། ཟུར་ཆུང་པ་གྲོལ་འགོ་ན་བཞུགས་པའི་སྤྱན་སྔར་འགོས་ཀྱིས་སླེབས། དེའི་ཚེ་འདི་ལྟར་ཚིག་ལ་མཁས་ཤིང་ཉོན་མོངས་ལ་གྲིམས་པའི་བཤེས་གཉེན་ཆེན་པོ་དག་གིས་དགོངས་པ་སངས་རྒྱས་དང་མཉམ་པའི་རྣལ་འབྱོར་གྱི་དབང་པོ་དག་གི་ཟིལ་བཟོད་པ་མ་ཡིན་པས། ལྔ་སྡེ་བཟང་པོའི་ནང་ཁྲིམས་བཞིན་རང་དབང་བརྟན་པ་བྲལ་བའི་འདུ་བྱེད་ཏབ་ཏབ་པོར་གྱུར་ནས་ཕྱག་མི་བྱེད་པའི་དམ་བཅའི་རི་མོ་རྗེས་ཤུལ་ཙམ་ཡང་མེད་པར་ཟུབས། ཡན་ལག་ལྔའི་འཁྲི་ཤིང་ས་ལ་འབྱར་བ་བཞིན་དུ་གྱུར་པས་ཀུན་ཀྱང་ཕྱག་བྱེད་པ་ལ་མངོན་དུ་སོང་ཕྱོགས་སོ། །དེར་སྟོན་མོ་དགྱེས་ཙ་ན་གཞན་དག་ན་རེ། ཟུར་ཆུང་པ་ལ་ཕྱག་མི་བྱེད་པའི་དམ་བཅའ་རང་རེས་མཛད་པ་ལ་སྔོན་ལ་ཉིད་ཀྱི་མཛད་པ་ཅི་ཡིན་དྲིས་པས། ཁོའི་དྲུང་དུ་ཕྱིན་ཙ་ན་བཅོམ་ལྡན་འདས་དཔལ་ཆེན་པོའམ་དེ་འདི་ཀ་ཡིན་པར་འདུག་སྙམ་པ་ལ། མི་ཡིན་པའི་འདུ་ཤེས་མ་སྐྱེས་གསུངས་སྐད། ལར་རྫུ་འཕྲུལ་ཤིན་ཏུ་ཆེ་བས་ཉི་ཟེར་ལ་བྱོན་བཞུད་པར་གྲགས་ཏེ། འུག་པ་ལུང་དུ་སྔ་ཆོས། སྒྲོ་ཕུག་ཏུ་གུང་ཆོས། བྲག་རྒྱ་བོར་དགོངས་ཆོས་ཏེ་འགྱང་ཁ་ཤིན་ཏུ་ཆེ་སར་ཉི་མ་རེ་ལ་ཆོས་ཐུན་གསུམ་རེ་འཆད། དེ་བཞིན་དུ་ལྷ་ཟེ་མོར་མཁའ་འགྲོ་མ་རྣམས་བྲོ་བརྡུངས་མཛད་པ་གཟིགས་པས་རྐྱེན་བྱས་མཁའ་འགྲོ་ལས་ལ་བཀོལ་ནས་མཆོད་ཁང་ཀ་བ་བདུན་དང་། ཁྱད་འཕགས་གཉིས་ཏེ་དགུས་བཏེགས་པ་ཞིག་བཞེངས་པས་མཁའ་འགྲོ་ལྷ་ཁང་དུ་གྲགས། སངས་རྒྱས་བཞི་བཅུ་རྩ་གཉིས་དང་། བཀའ་སྲུང་ལེགས་ལྡན་ལྡེ་གུར་བཞེངས། དཀྱིལ་མཁོར་རྒྱས་བསྡུས་གཉིས་ལོགས་ལ་བྲིས། རབ་ཏུ་གནས་པའི་ཚེ་ལེགས་ལྡན་གྱི་སྐུ་ལ་ཕུ་དུང་གི་ལྕགས་བྲབ་ཅིང་སངས་རྒྱས་ཀྱི་བསྟན་པ་ཨེ་བསྲུང་གསུངས་པས་དབུ་གུག་གུག་པ་བྱུང་། དཀོན་མཆོག་གི་དབུ་འཕངས་ཨེ་གཏོད་གསུངས་པས་ཆུ་ལྷེབ་ལྷེབ་པ་བྱུང་། དེ་བཞིན་དུ་དཔལ་ཆེན་པོ། ཞལ་གཟིགས་པའི་ཞབས་གཡོན་བཞག་སར་ཡང་དག་གི་ལྷ་ཁང་བཞེངས། མ་ཐོགས་བྱང་འབར་གྱི་ལྷ་ཁང་ལ་ཤིང་གཉན་ཁྲག་ཏུ་འཛག་པ་གཅོད་དུ་རྩལ་ནས་ལྷ་ཁང་འེབྱོངས། ཤིང་ཕུད་བླ་མ་ལ་ཕུལ་བའི་ཚེ་གཞི་བདག་ཕྲེང་བས་སྤེན་མའི་ཀ་བ་གཅིག་ལུས་ནས་གཙང་པོར་དྲངས་བ་རྔ་མོ་ཕྲང་དུ་ཞག་ལྔ་ཆུ་ལ་བྱིངས་ནས་མ་ཐོན། དེར་སློབ་མ་གཉིས་བཏང་ནས་བྲག་ལ་དཀར་གཏོར་འདི་སྤུངས། མཚོ་ལ་དམར་གཏོར་འདི་རྒྱོབ་ལ་བླ་མ་ཟུར་ཆུང་པའི་ཤིང་ད་ལྟ་སྐྱལ་ན་སྐྱོལ་ཞིག །ཅེས་སྡིགས་སུ་བཅུག་པས།ཆུ་བདག་སྐྲག་ནས་ཕྲལ་དུ་ཐོན་པ་སོགས་ལྷ་འདྲེས་བཀའ་ལ་ཉན། དེ་ལྟ་བུའི་ཆེ་བའི་ཡོན་ཏན་གྱིས་བརྒྱན་པའི་ལྷ་རྗེ་ཟུར་ཆུང་པ་དེ་སྐུ་མྱ་ངན་ལས་འདའ་བར་ཉེ་བའི་ཚེ། བུ་སློབ་རྣམས་ཀྱི་རིགས་སྲས་བསྐྲུན་པར་གསོལ་བ་བཏབ་པས་གསང་བདག་ལག་ན་རྡོ་རྗེ་ཡུམ་གྱི་ལྷུམས་སུ་མངོན་བྱང་ལྔའི་ཏིང་ངེ་འཛིན་གྱིས་སྤྱན་དྲངས་པ་ཟུར་ཤཱཀྱ་སེདྷི་མཚན་དཔེའི་ངོ་མཚར་གསལ་བར་བྱས། ཞལ་གྱི་གདམས་པ་བརྒྱད་ཅུ་པར་གྲགས་པ། རིའི་བུ་གྱིས། ཧྲུལ་པོའི་གོས་གྱོན། མི་ཞིམ་པའི་ཟས་ཟོ། དགྲ་གཉའ་རེངས་སུ་ཐོང་། ཞིང་ཐ་རེངས་སུ་ཞོག །བློ་ཐག་ཆོས་ལ་ཆོད། ཅེས་པ་ལ་སོགས་པ་གསུངས་ནས་དྲུག་ཅུ་རྩ་གཅིག་བཞེས་པའི་ཤིང་ཕོ་སྟག་ལ་བྲག་རྒྱ་བོར་འོད་དང་སྒྲ་དང་ས་གཡོ་བ་དང་བཅས་འོག་མིན་རྡོ་རྗེ་བཀོད་པའི་གྲོང་ཁྱེར་དུ་གཤེགས་སོ། །དེ་ལ་བོད་འདིར་དཔལ་གསང་བའི་སྙིང་པོའི་བཤད་པའི་ཆུ་མགོ་ལྟ་བུར་གྱུར་པ་གསང་བདག་སྒྲོ་ཕུག་པ་ཆེན་པོའམ། ཟུར་ཤཱཀྱ་སེརྙེ་ནི། ཇོ་སྲས་མོ་མདའ་མོ་གཙུག་ཏོར་ལྕམ་ཞེས་བྱ་བ་སློབ་མར་གྱུར་པ་ཞིག་ཡོད་པ་དེས་མངལ་དུ་སྤྲུལ་པའི་སྐུ་འཛིན་ནུས་པར་དགོངས་ནས། དེ་ཉིད་ཀྱི་མིང་པོ་ཀ་བ་བཞིའི་གྲལ་མདའ་ཏིག་ཆོས་ཤཱཀ་ལ། ཁྱོད་ཀྱི་སྲིང་མོ་འདི་བདག་གིར་རུང་ངམ་ཞེས་གསུངས་པས། མདའ་ཏིག་ན་རེ། བཀའ་བཞིན་འཚལ་ཞེས་དེའི་ལག་པ་ན་རྡོ་རྗེ་དྲིལ་བུ་བཞག་སྟེ་འདི་གཞན་ལ་མ་བརྒྱུད་པར་བླ་མའི་ཕྱག་དུ་ཕུལ་ཞིག་པར་བསྒོས་པས་རྟེན་འབྲེལ་ཆེན་པོ་འགྲིག །དེ་ཁབ་ཏུ་བཞེས་པས་གྲ་པའི་ཚོགས་ཀྱང་སྡང་ཞིང་འདོན་པར་བརྩམས་པ་ན། སྐྱོ་སྟོན་ཤཱཀ་ཡེ་ན་རེ། འདིའི་སྲིན་ལག་ལ་བསྟན་པའི་གཙོ་བོ་གཅིག་འདུག་པར་རྨིས་པས། རིགས་སྲས་འདྲ་མཐོང་ན་བསྟན་པར་ཕན་སྲིད་ཀྱི་ཞོག་གསུངས། དེ་བཞིན་དུ་ཀ་བ་གཞན་རྣམས་ལའང་སངས་རྒྱས་ཀྱི་སྐུ་དང་། གསེར་གྱི་རྡོ་རྗེ་སོགས་ཇོ་མོ་ལ་ཐིམ་པར་རྨིས་པས་བཞག་གོ །དེ་ལ་རྔོག་འོ་་ཆེན་པོ་བཅུ་དྲུག་པ་ཤིང་ཕོ་སྟག་ལ་སྒྲོ་ཕུག་པ་སྐུ་བལྟམས། དེར་བླ་མའི་ཞལ་ནས་ངའི་བུ་འདི་ལྷུམས་སུ་འཇུག་པའི་ཚེ་ཕྱག་ན་རྡོ་རྗེ་ཐིམ་པའི་མཚན་མ་ཡོད་པས་འགྲོ་བ་ལ་ཕན་པ་ཞིག་འོངས་གསུངས་ནས།མཚན་ཤཱཀྱ་སེདྷིར་བཏགས། ཡབ་གྱི་སྤོང་དག་བྱས་ནས་ཅི་ཡང་མེད་པ་དང་ཐུག་པས་ཡུམ་ན་རེ། ཁ་ནིང་ནས་བུ་སྐྱེ་བ་ནི་ཐུགས་ལ་མངའ། རྐན་མར་ཙམ་ཡང་མི་འཇོག་པ་ཟེར་བ་ལ། ཁོང་ལ་བསོད་ནམས་ཡོད་ན་ངས་མ་བཞག་ཀྱང་འོང་། དེ་མེད་ན་བཞག་ཀྱང་མི་ཕན་གསུང་ཁང་ཐོག་ན་བཞུགས་ཙ་ན། བཙུན་མ་ཕྱུག་མོ་ཞིག་གིས་ནས་རྒྱབ་མང་པོ་དང་། མར་ཕོན་ཆེར་ཕུལ། མདོ་ཁམས་ནས་འབུལ་སྐྱེས་ལྷགས་པས། འདི་ལ་བསོད་ནམས་ཀྱང་འོང་། འགྲོ་བ་ལའང་ཕན་གསུངས། ཟླ་བ་བརྒྱད་ན་ཡབ་གཤེགས་པས། ཡུམ་དང་ཞང་པོས་བསྐྱངས་ནས་མདའ་ཕུར་ལོ་བཅོ་ལྔ་བཞུགས། དེ་ནས་ཆུ་བར་དུ་གླན་ཤཱཀྱ་བཟང་པོའི་དྲུང་དུ་བྱོན་ནས་གསང་བ་སྒྱུ་འཕྲུལ་དང་། སྐེད་ལུང་དུ་ཡང་མཁྱེན་གྱི་སར་ཡང་བྱོན་ནས་ཆོས་གསན། དགུང་ལོ་བཅུ་དགུ་པ་ལ་ཆེ་འདོན་མཛད་པས་འཕྲིན་ལས་ཤིན་ཏུ་རྒྱས་ཏེ་བསླབ་གཉེར་གཡེལ་བ་བྱུང་།དེར་སྐབས་བཙལ་ན་གོང་བུར་སྐྱོའི་རྩར་ལོ་གཅིག་བྱོན། དེ་ནས་སླར་འཕྲིན་ལས་ཆེར་རྒྱས་ཏེ་གཞན་དུ་བཞུད་པའི་སྐབས་མ་བྱུང་། བླ་མ་མཁས་གྲུབ་ཀྱི་ཚོགས་ཚུར་སྤྱན་དྲངས་ནས་སློབ་གཉེར་རྫོགས་པར་མཛདཁྱད་པར་ཀ་བ་བཞི་ལས་ཡབ་ཆོས་མདོ་སྒྱུ་སེམས་གསུམ་རྒྱུད་མན་ངག་འཕྲིན་བསྒྲུབ་ཕྱག་བཞེས་དབང་དང་བཅས་པ་ཡོངས་སུ་རྫོགས་པར་གསན་ཅིང་ཁྱད་པར་དུ་ཞང་པོ་མདའ་ཏིག་ལས་མདོའི་སྐོར་ཞིབ་པར་བརྙེས། གླན་ཤཱཀྱ་བྱང་ཆུབ་ལས་རྫོགས་ཆེན་སྐོར་ལུགས། ལྷ་རྗེ་ཤངས་ནག་ལས་རྫོགས་ཆེན་རྒྱུད་པ་ཐ་མ་སོགས་མདོར་ན་བླ་མ་མང་པོ་ལས་ཐོས་བསམ་གྱི་སྒྲོ་འདོགས་ཆོད་པར་མཛད། རང་གི་གྲུབ་མཐའ་གསན་པའི་བླ་མ་དེ་དག་ལའང་ཡུམ་རྒྱས་འབྲིང་བསྡུས་གསུམ་གྱི་སྣ་དྲངས་པའི་འབུལ་བ་རྒྱ་ཆེན་པོས་ཐུགས་ཟིན་པར་མཛད། ཉ་རི་སྒྲོ་ཕུག་ཏུ་བསྒྲུབ་པ་ཡུན་རིང་དུ་མཛད་པས་བསྐྱེད་རྫོགས་ཀྱི་གནས་ལ་མན་ངག་གི་རྒྱུད་ནས་གསུངས་པའི་གཟེར་བཞི་ཐེབས། ཡི་དམ་ལྷའི་སྐུ་གསུང་ཐུགས་དང་ཐ་དད་མེད་པར་འདྲེས་པས་སྐུ་གཞོན་ནུ་ནས་གཟི་བྱིན་ཤིན་ཏུ་ཆེ་སྟེ་ཐམས་ཅད་ཟིལ་གྱིས་གནོན་ནུས། རེ་ཞིག་ན་དམ་པ་སངས་རྒྱས་དིང་རི་ན་བཞུགས་པས་དཔོན་སློབ་ལྔས་མཇལ་དུ་བྱོན། ཕེབས་རྒྱུའི་ཉིན་དམ་པའི་ཞལ་ནས་དེ་རིང་ཕྱག་ན་རྡོ་རྗེའི་སྤྲུལ་པ་འབྱོན་པ་ཡོད་ཀྱི་བསུ་བ་གྱིས་གསུངས། དར་གདུགས་ལ་སོགས་བཤམས་པས། །ཉི་མ་རྒས་སུ་ཆ་ཙ་ན་སྔགས་པ་དཔོན་སློབ་ལྔ་བྱུང་། གཞན་སུ་ཡང་མི་གདའ་ཞུས་པས། དེ་ཀ་ལ་བསུ་བ་གྱིས་གསུངས། དེར་ལྷ་རྗེ་སྒྲོ་ཕུག་པས་དམ་པ་ལ་མངོན་མཁྱེན་ཨེ་འདུག་ལྟ་ཡི་གསུངས་ན་སློབ་མ་ཞིག་ཉིད་དུ་རྫུར་བཅུག་ནས་སྔོན་ལ་བཏང་། ཁོ་རང་ཕྱི་ན་ཞབས་འབྲིང་པ་ལྷར་བྱས་པས། དམ་པས་སྒྲོ་ཕུག་པའི་མགུལ་ན་ལྦ་པ་ཡོད་པ་ལ་གཟིགས་ནས། ཕྱག་སྣ་ལྦ་བ་ཅན་གྱི་དྲོངས། དཔོན་སློབ་གོམ་ལོག་པ་བཟང་གསུངས་པས་མོས་གུས་ཆེན་པོ་ཐོབ། ཆོས་ཀྱི་བདུད་རྩིའང་ནོད། དམ་པའི་ཞལ་ནས་སྒྲོ་ཕུག་པ་ལ་འདི་བསྟན་པའི་སྤྱི་དཔལ་ཆེན་པོར་འགྱུར་ཞེས་དབུགས་འབྱིན་མཛད། ཡང་རེ་ཞིག་ན་ཕྱག་རྡོར་གྱི་བྲིས་སྐུ་བྱེད་པའི་བྲི་བཀོད་ཀྱི་ཚེ། ལྷ་བྲིས་པ་ལ་ཁྱེད་རང་འདི་འདྲ་བ་ཞིག་བྲིས་ཞེས་ཕྱག་ན་རྡོ་རྗེ་སྐུ་དངོས་སུ་བསྟན་པ་ལ་སོགས་རྒྱུ་མཚན་དུ་མའི་སྒོ་ནས་དཔལ་གསང་བའི་བདག་པོ་བྱང་ཕྱོགས་ཀྱི་རྒྱུད་འདིར་གསང་སྔགས་ཀྱི་བསྟན་པ་ལ་རྒྱས་པར་མཛད་པ་ལ་བྱོན་ནོ་ཞེས་གྲགས། སྦྱིར་གདུལ་བྱའི་ཚོགས་དཔག་ཏུ་མེད་ལ། ཁྱད་པར་སློབ་མ་དགེ་པའི་བཤེས་གཉེན་ཆེན་པོ་གྲྭ་ས་འཛིན་ཅིང་བསྟན་པ་སྐྱོང་བ་གདུགས་ཐོགས་པ་སྟོང་ཐོན་པས་རིང་མོའི་མཐར་ཡང་འཕྲིན་ལས་བསམ་གྱིས་མི་ཁྱབ། སྒྲོ་ཕུག་ཏུ་ཆོས་གསུངས་པའི་དུས་ཤིག་ཆོས་ཁྲི་རྒྱབ་ཡོལ་མེད་ང།་གཅིག་ལ་བཞུགས་ཏེ་མཐའ་སྐོར་ཐམས་ཅད་གྲྭ་པས་བསྐོར་ནས་ཡོད་པ་ལ། ཕྱོགས་ཐམས་ཅད་དུ་ཞལ་ཐལ་ལེ་བར་བྱུང་བས་རྡོ་རྗེ་སེམས་དཔའ་སྒྱུ་འཕྲུལ་དྲུ་བའི་དཀྱིལ་འཁོར་གྱི་བདག་པོའི་ཞལ་སྐྱིན་མངོན་སུམ་པར་ཡིད་ཆེས་ཤིང་སྤྲུལ་པའི་སྐུར་རྩོད་པ་མེད་པར་གྲགས།དབྱར་ཆོས་དགུན་ཆོས་ཀྱི་དུས་ཕྱོགས་རེ་ན་མར་དཔེ་འགྲིམས་ལྔ་བརྒྱ་ཙམ་རེ་དང་། སྟོན་ཆོས་དང་དཔྱིད་ཆོས་ཀྱི་དུས་གསུམ་བརྒྱ་ཙམ་ཡོད་ཅིང་། སྒྱིར་ཁྲི་ཕྲག་ཏུ་ཐལ་བ་བྱུང་བས། ཆོས་རྭའི་གོས་བདེ་དོག་ལའང་གསེར་ཞོ་རེའི་མཇལ་ལེན་བྱེད་པའི་དར་རྒྱས་བྱུང་། མཁྱེན་བརྩེ་ནུས་པ་གསུམ་གྱི་ཡོན་ཏན་ཕུན་སུམ་ཚོགས་ཤིང་དཔལ་གསང་བའི་སྙིང་པོ་དེ་ཁོ་ན་ཉིད་ངེས་པའི་རྒྱུད་དོན་ལ་རང་བྱན་ཚུད་པ་ཙམ་གྱི་ཆོས་སྤྱན་ཐོབ་པས་གསང་བདག་སྒྲོ་ཕུག་པའི་བཤད་སྲོལ་དུས་ད་ལྟའི་བར་དུ་ལྡབ་ལྡིབ་བྱེད་པ་འདི་བྱུང་ཞིང་ཉི་ཟླ་ལྟར་གྲགས་པ་ཡིན་ནོ། །དེ་ལ་ཐུགས་ཟིན་གྱི་སློབ་མ་བཅུ་གཉིས་བྱུང་སྟེ། ནག་པོ་བཞི། སྟོན་པ་བཞི། མེས་བཞི་ལས། ནག་པོ་བཞི་ནི། ལྕེ་སྟོན་རྒྱ་ནག། ཟུར་ནག་འཁོར་ལོ། མྱང་ནག་མདོ་པོ། མདའ་ནག་གཙུག་ཏོར་དབང་ཕྱུག་གོ །སྟོན་བཞི་ནི། ཉེ་སྟོན་ཆོས་སེང་། རྒྱ་སྟོན་རྡོ་རྗེ་མགོན་པོ། ཞང་སྟོན། རྒྱ་སྟོན་བཞིའོ། །མེས་བཞི་ནི། རྩངས་པ་ཡི་སྟོན། གཡུ་སྟོན་ཧོར་པོ། སྤང་སྟོན་ལྕགས་ཀྱུ། དབུས་པ་ཆོས་སེང་ངོ་། འདྲེན་ཚུལ་འདི་ཟུར་སྟོད་ལུགས་སུ་གྲགས་ལ། སྨད་ལུགས་སུ་དེ་ལས་ཐ་དད་པའང་ཡོད། དེ་ལྟར་སྤྲུལ་པའི་སྐུ་གསང་བདག་སྒྲོ་ཕུག་པ་ཆེན་པོ་དེ་ཉིད་ཐ་མའི་མཛད་པ་སྟོན་པར་བབས་པའི་ཚེ། སྟོན་པ་བཞི་ལ་ཁྱེད་ཚོས་ཚོགས་འཁོར་གྱི་ཆ་རྐྱེན་འདྲ་ཁྱེར་ལ་ཤོག །ངས་ཀྱང་སྡོགས་ཀྱི་གསུངས། སྟོན་པ་བཞིས་གསུང་བཞིན་དུ་བསྒྲུབ་པ་དང་། སྒྲོ་ཕུག་གི་ལྟག་ལྷ་རི་གདོང་གི་རྩེར་བྱོན་ནས་ཚོགས་འཁོར་རྒྱ་ཆེན་པོ་མཛད། གསུང་གི་གསང་བ་མང་པོ་རྗེས་སུ་བསྟན་ནས། ཁྱེད་རྣམས་ང་མེད་པ་ལ་མྱ་ངན་མ་བྱེད་ཅིག །ངས་ད་རེས་ལུས་མ་སྤངས་པ་ཕྱིན་ན་རིག་འཛིན་གྱི་ས་ལ་འགྲོ་བ་ཡིན། དེས་ཁྱེད་རྣམས་ལ་ཤུལ་དུའང་བཀྲ་ཤིས། མི་རྒྱུད་དང་བསྟན་པ་འཕེལ་པ་ཞིག་འོང་གསུངས་ནས། དཔལ་གྱི་མགུར་ལ་རྡོ་རྗེ་གླུ་ཞིག་བཞེངས། ནམ་མཁའ་ལ་ཇེ་མཐོ་ཇེ་མཐོར་འཕགས་ཀྱི་ན་མགུར་རེ་བཞེངས་ནས་མཐར་མི་མངོན་པའི་སར་གཤེགས་པ་དང་། སྟོན་པ་བཞི་སྙིང་ཕྱུང་བ་ལྟ་བུའི་སྡུག་བསྔལ་གྱི་མནར་ནས། ཆོ་ངེས་བཏབ། འགྲེ་ལྡོག་བྱས། མཚན་ནས་བོས་པས་བྱ་༄༅ བབས་པ་བཞིན་དུ་བྱོན། ཁྱེད་རྣམས་དེ་ལྟར་མི་བྱེད་པ་ཡིན་ཏེ། ངས་གོང་དུ་ཁ་ཏ་ནི་ལེགས་པར་བཅུག །དེ་ལ་མི་ཉན་པར། ད་ངའི་མི་རྒྱུད་ལ་བཀྲ་ཤིས་པ་བག་མི་འོང་གསུངས། དེ་ནས་ཕྱི་ལོ་དྲུག་ཅུ་རྩ་གཅིག་པ་ཤིང་ཕོ་སྟག་ལ་འོག་མིན་ཚོགས་ཆེན་འདུས་པའི་གྲོང་ཁྱེར་དུ་གཤེགས་སོ། །པུར་སྦྱོང་བའི་ཚེ་སྔགས་པ་གཞོན་མཛས་གཅིག་གིས་རྟ་ངང་བཟང་གཅིག་ལ་དུག་གི་སྒ་རང་གུག་ངོ་མཚར་ཅན་གཏད་པ་ཞིག་ཕུལ། དེ་འདི་ནས་བྱུང་དང་འདིར་སོང་སུས་ཀྱང་ངོ་ཤེས་པ་མ་བྱུང་བས་ལྷས་འདེགས་སྐྱལ་བར་གྲགས། དེ་བཞིན་དུ་བཙན་དང་། མ་མོ་དང་ཀླུ་རྣམས་ཀྱིས་ཀྱང་འདེགས་སྐྱལ་ཏེ། མི་ལ་མེད་པའི་ནོར་སྣ་བཞི་བྱུང་བ་ཡིན་ནོ། །འདི་ས་སྐྱ་ཀུན་དགའ་སྙིང་པོ་ལས་ལོ་བཅོ་བརྒྱད་ཀྱི་བགྲེས་པས་དགས་པོ་ལྷ་རྗེ་དང་། ཕག་མོ་གྲུ་པ། བླ་མ་ཞང་། ཇོ་སྲས་འཛང་སོགས་དག་ཐོག་རགས་པ་ཙམ་མཉམ་མོ། །ཡང་བི་མ་ལའི་སློབ་མ་རོང་ཆུ་ཚན་གྱི་དགེ་སློང་མ་སྒྲེ་མོ། དེའི་སློབ་མ་ལྷོ་ཕྲག་བྱ་ཟེའི་མར་པ་ཤེས་རབ་འོད། དེའི་སློབ་མ་ཤངས་ལྷ་བུའི་ལང་སྟོན་དར་མ་བསོད་ནམས། དེའི་སློབ་མ་ལྷ་རྗེ་ཧོར་པོ་སྟེ་སྒྲོ་ཕུག་པ་ཡིན་པས་བི་མ་ལ་དང་གཉིས་ཀྱི་བར་ལ་གསུམ་ལས་མེད་དོ། །དེ་ལ་སྒྲོ་ཕུག་པའི་སློབ་མ་ལྕེ་སྟོན་རྒྱ་ནག་ནི་འཁྲུངས་ས་མྱང་སྟོད་པ་ཡིན། མཚན་ཉིད་ཀྱི་གྲྭ་ས་ན་ཕུ་བོ་གཉིས་སློབ་གཉེར་ལ་ཡོད་པའི་སར་རྒྱགས་སྐྱེལ་དུ་བྱོན། ཞར་ཉན་བྱས་པས་ཁོང་གཉིས་ཀྱི་ཆེད་དུ་སྦྱངས་པ་ལས་ལྷག་པ་བྱུང་། དེར་རྒྱ་ནག་ན་རེ། ཁྱེད་གཉིས་ཀྱི་ལོ་གསུམ་ཉན་ཀྱང་གོ་བ་ཅི་ཡང་མི་འདུག །ངས་ཉན་ན་གོ་བ་འདུག་བྱས་པས། ཕུ་བོ་གཉིས་ན་རེ། ངེད་གཉིས་ལ་དེ་ལས་མ་བྱུང་། ཆོས་སུས་ཤེས་ཀྱང་འདྲ་ཡི་ཁྱོད་ཀྱི་གོ་ན་ཁྱོད་རང་ཉོན། ངེད་ཀྱི་རྒྱགས་སྐྱེལ་བྱེད་ཟེར་པས། དེར་ལྷ་རྗེ་རྒྱ་ནག་གིས་བཞུགས་ནས་ཁྱུང་པོ་གྲགས་སེ་ལ་ཕར་ཕྱིན། འབན་ལ་མངོན་པ། སྟག་པ་ཁ་ཆེ་ལ་དབུ་ཚད། འགར་བསོད་ཡེས་ལའང་གཏུགས་སྟེ་ལོ་དགུར་ཉན་པས་མཁས་པའི་ཕ་རོལ་ཏུ་སོན། སུམ་ཅུ་པའི་ཚེ་གསང་བདག་སྒྲོ་ཕུག་པ་ལ་སྔགས་གསན་དུ་བྱོན་ནས་ལོ་བཅུ་གཅིག་བཞུགས་ཏེ། ལོ་གསུམ་གྱི་བར་ཇོ་སྲས་མྱང་སྟོད་པ་གསུང་བ་ཙམ་ལས། སྤྱན་སྔར་གསུང་གླེང་ཞིབ་པ་ཙམ་བྱུང་། སྐབས་ཤིག་ན་རྒྱ་བརྩོན་སེང་དཔོན་གཡོག་དང་ལྷ་རྗེ་ཆོས་འཁོར་སྟབས་ཅིག་ཏུ་འཛོམ་པའི་ཚེ། རྒྱ་བརྩོན་དཔོན་གཡོག་གི་རྩོད་པ་བཙུགས་པས། ལྷ་རྗེ་རྒྱ་ནག་གི་ཁོང་རྣམས་སུན་ཕྱུང་། ང་རྒྱལ་བཅག་པས་མཉེས་ཏེ་ཐུགས་ལ་འདོགས་པར་བྱུང་བའི་ཁར། སྲས་ཇོ་བཙུན་རྡོ་རྗེ་གྲགས་བློ་ཁ་ཕྱེ་བས་རབ་ཏུ་དགྱེས་ནས། བསྐྱེད་རྫོགས་གསུམ་གྱི་གཞུང་གདམས་ངག་དང་། ཁྱད་པར་གྱི་མན་ངག་ཡིག་ཆུང་དང་བཅས་པ་གནང་བས་ལྷ་རྗེ་ལྷ་ཁང་པ་ཟུར་ཚོ་གཞན་ལས་ཆོས་ཁ་ཚང་ཞིང་མན་ངག་ཟབ་པ་ཡིན། བཞི་ཅུ་ཐམ་པ་ལ་གཤེགས་ཚུལ་མཛད། དེ་ཕྱི་ལོ་སྒྲོ་ཕུག་པ་གཤེགས། མྱང་སྟོད་ཀྱི་རྒྱ་ཙང་སྐོར་ལ་བདུད་རྩི་མྱང་སྨད་སྒྲོ་དར་སེང་ལ་རྣམ་འཇོམས་དང་ཕུར་པ་རྩ་བ་སོར་བཞག་ལུགས། གཞན་ཡང་སྐྱིད་ལུགས་ལ་སོགས་ཕུར་པ་ལུགས་ལ་སོགས་ཕུར་པ་ལུགས་ཐ་དད་པ་དང་། དམ་པ་སྤོར་མང་ལ་རྫོགས་ཆེན་སྤོར་ལུགས། ཇོ་མོ་མྱང་མོ་ལ་རྫོགས་ཆེན་ཁམས་ལུགས་ཨ་རོའི་ཐུགས་བཅུད། དེ་བཞིན་དུ་རྫོགས་ཆེན་བྲམ་ཟེའི་སྐོར་དང་ཀེ་ཚང་མ་སོགས་ཐོས་པ་ཤིན་ཏུ་མང་བས་སྔགས་དང་། མཚན་ཉིད། རྒྱུད་དང་སྒྲུབ་ཐབས་ཐམས་ཅད་ཀྱི་བདག་པོར་གྱུར། སྨན་བསྒྲུབ་མཛད་པའི་ཚེ་སྨན་གྱི་ཕོ་བྲང་ལས་ལྷ་མོ་མངོན་སུམ་ཐོན་ནས་དཀྱིལ་འཁོར་ལ་བསྐོར་བ་ལན་གསུམ་བྱས་ཏེ་ཐིམ་པར་ཀུན་གྱིས་མཐོང་། གཞན་དོན་རྒྱ་ཆེན་པོ་མཛད་ནས་ལྔ་ཅུ་རྩ་དྲུག་པ་ལ་གཤེགས་སོ། །འདིའི་དཔོན་པོ་བླ་མ་ཆེན་པོ་ཡོན་ཏན་གཟུངས་ནི། མེ་ཕོ་རྟ་ལ་འཁྲུངས། བཅུ་གཅིག་ནས་སློབ་གཉེར་མཛད། ལོ་བཅུ་གསུམ་ཁུ་བོ་དང་འགྲོགས་ནས་བསྐྱེད་རྫོགས་གསུམ་གྱི་རྒྱུད་ལུང་མན་ངག་ཀུན་ལ་སློབ་གཉེར་རྫོགས། ཉི་ཤུ་རྩ་བཞི་བཞེས་པའི་ཚེ་ཁུ་བོ་རྒྱ་ནག་པ་སྐུ་གཤེགས་ནས་གདན་ས་མཛད། དབུས་པ་སྟོན་ཤཱཀ་དང་།དབུས་པ་ཞིག་པོ་སོགས་ལས་ཐེ་ཚོམ་གྱི་དྲས་ཐག་བཅད་ནས་རང་གཞན་གྱི་དོན་མཛད་པ་ཡིན་ནོ། །དབུས་སྟོན་ཤཱཀ་གམ་དམ་པ་སེ་སྦྲག་་པ་ནི། གཟད་ཀྱི་གཅེར་པ་ཝང་ཐུང་རྒྱུད་ཡིན། སྒྲོ་ཕུག་པའི་གྲྭ་སར་ཡི་གེ་འདྲིར་བྱོན་པ་ལ་དད་པ་ཐོབ་ནས་སློབ་གཉེར་བྱས། ལྷ་རྗེ་རྒྱ་ནག་གཤེགས་ཚུལ་མཛད་པའི་ཕྱིར་འབྲེང་དུ་གཤེགས་ནས་རྒྱུད་དང་མདམས་ངག་ཐམས་ཅད་རྫོགས། སྒོམ་བསྒྲུབ་འབའ་ཞིག་བྱ་བར་བསམ་ཏེ་བྱང་རི་ལ་དགོན་པ་འཚོལ་དུ་བྱོན་པས། ཡོལ་བ་བྲག་ལ་དམ་པ་ཡོལ་ཆུང་པ་བྲག་བརྐོ་བ་དང་མཇལ། འདིར་དགོན་པ་མཛད་པ་ལགས་སམ་བྱས་པས་ཡིན་ཟེར། འདི་མིན་པ་བྱ་ས་མི་གདའ་འམ་བྱས་པས། ཕ་ངོས་ན་སེ་བ་ཁ་སྦྲག་ཅན་ཞིག་ན་འདུག་སྟེ། དེ་བས་འདི་བཙན་པས་འདིར་བྱེད་ཟེར། དེར་དམ་པ་སྟོན་ཤཱཀ་གི་བྲག་སེབ་ཁ་སྦྲག་་སྐྱེས་པ་དེར་བྱོན་ཙ་ན། ཆུ་མིག་འགྲམ་ན་ཟན་རྡོག་འགའ་ཞིག་རྙེད་པས་བཟང་ལྟས་སུ་བཟུང་། དེར་བཞུགས་ཏེ་སྒོམ་སྒྲུབ་མཛད་པས་རྟོགས་པ་ཁྱད་པར་ཅན་སྐྱེས། ལྷ་འདྲེ་བཀའ་ལ་ཉན། གདུལ་བྱ་མང་པོའི་དོན་ནུས་པ་བྱུང་སྟེ་དམ་པ་སེ་སྦྲག་པ་ཞེས་གྲགས་སོ། །དབུས་པ་ཞིག་པོ་ནི། ཡར་ཀླུང་བྱས་པ་ཡིན། རྗེ་སྒྲོག་ཕུག་པའི་གདན་སར་ཡིག་མཁན་ཆོས་ལ་ཚུད་པ་ཞིག་སྟེ། ལྷ་རྗེ་རྒྱ་ནག་གི་ཕྱི་ལ་འབྲེངས། བསྐྱེད་རྫོགས་གསུམ་ཀ་ལ་འབྱོངས་པར་བྱས། ཡུལ་ལ་ཆེ་འདོན་ལ་འགྲོ་སྙམ་ཙ་ན། དེའི་ཆ་རྐྱེན་གདུགས་དང་། དུང་དང་། མཆོད་ཆ་སོགས་དགོས་པར་སེམས་ནས་དེ་དག་འདོན་པའི་ཕྱིར་བལ་ཡུལ་དུ་བྱོན། ལམ་དུ་བསམ་པ་ལངས་ཆོས་དེ་ཙམ་ཤེས་ཀྱང་ཉམས་སུ་བླངས་རྒྱུ་ཞིག་མི་འདུག །ད་ལྟ་ཤི་ན་ཅིས་ཀྱང་མི་ཕན་གདམས་ངག་ཁོ་ན་ལ་བློ་གཏོད་དགོས་པར་འདུག་སྙམ་ནས་སླར་འོ་ག་བླ་མའི་སྤྱན་སྔར་ཕྱིན་ནས་ཞུས་པས། སྙན་བརྒྱུད་རིན་པོ་ཆེའི་གདམས་ངག་གནང་། དེ་ལ་ཉམས་ལེན་མཛད་ཀྱིན་བྱོན་པས། མང་ཡུལ་གུང་ཐང་དུ་བརྟོལ་ཙ་ན་རྫོགས་པ་ཆེན་པོའི་ཡེ་ཤེས་བརྗོད་དུ་མེད་པ་ཞག་བདུན་དུ་ཤར། དེར་བལ་པོ་ནས་མཆོད་ཆ་བླངས། མང་ཡུལ་གུ་་ ཐང་དུ་ལྷགས་ཙ་ན། ཚད་པ་ཕྱི་ན་འབྲེངས་ནས་བསྙུང་། ད་མི་དགའ་བ་ཨེ་ཡིན་སྙམ་ནས་བློ་ཐག་བཅད། ཀ་ཅ་རྣམས་གྲོང་དུ་བཞག །རི་ལ་བྱོན་ནས་ཉམས་སུ་བླངས་པས་ས་རྡོ་རི་བྲག་ཐམས་ཅད་ལ་ཐོགས་པ་མེད་པ་བྱུང་། སྔར་གྱི་བསམ་པ་དེ་དག་དགོས་མེད་འབའ་ཞིག་ཏུ་ཤེས་ནས་ཆེ་འདོན་གྱི་ཀ་ཅ་ཐམས་ཅད་དགར་བསྒྱུར། མལྗི་དང་ཏིང་བདུན་ཆ་གཅིག་ཡོད་པ་དེ་མཐོང་བ་དང་བླ་མའི་དྲིན་དྲན་ཏེ་ང་ལ་དགོངས་པ་འདི་འདྲ་འཆར་བ་ཡང་བླ་མའི་ཐུགས་རྗེ་ཡིན་པས་འདི་ཙམ་ཞིག་བླ་མ་ལ་འབུལ་དགོས་སྙམ་ཁྱེར་ཕྱིན་པས། འདོད་པ་ཟད་པས་དེ་ཡང་ལམ་དུ་སྒྱུར་འདོད་པ་བྱུང་སྟེ། ཡང་བླ་མའི་དྲིན་བསམ་སྟེ་བྱོན་ལྷ་ཁང་དུ་སླེབ་ཙ་ན་བླ་མའི་དྲུང་དུ་བསྒྱུར་ནས། ཏིང་ཁྱོད་ཀྱིས་ང་ཇི་ཙམ་ཞིག་བཅིངས་གསུངས་སྐད། དེར་རི་འབའ་ཞིག་ལ་བཞུགས་ནས་ཉམས་ལེན་མཛད་པས། ཆོས་ཐམས་ཅད་བློ་ལ་འཆར་བ་དང་། སྣང་བ་བདེན་མེད་དུ་བུན་འོ་ང་སོང་བས་རྦབ་ཀྱིས་མ་ཚུགས། གཡས་རུའི་པ་གོར་ཕུར་བཞུགས་པའི་ཚ་གཟིམས་མལ་གྱི་སྟེང་དུ་ཐོག་བྱུང་ཡང་མ་གཆོད། གཞན་གྱི་ཐོག་བྱུང་ངམ་ཞུས་པས། ཐོག་གམ་དེ་བྱུང་གསུང་། མ་གནོད་དམ་ཞུས་པས། སྒྲ་གྲག་སྟོང་དབྱེར་མེད་ཡིན། ཐོག་ལ་རང་བཞིན་ག་ལ་ཡོད་གསུངས་ཏེ་རྣལ་འབྱོར་གྱི་དབང་ཕྱུག་ཆེན་པོར་བཞུགས་། སྒོམ་སྒྲུབ་འབའ་ཞིག་གི་ངང་ནས་མཚམས་འོག་ཏུ་གྲྭ་ས་ལོ་བཅོ་བརྒྱད་བསྐྱངས། དགུང་ལོ་བདུན་ཅུ་པ་ལ་གཤེགས་སོ། །དམ་པའི་སྐྱེས་བུ་འདི་ལ་སློབ་མ། ཞིག་པོ་བདུད་རྩི། སྟོན་པ་བླ་སྐྱབས། དབུས་པ་ཇོ་བསོད། སྙིང་སྟོན་ཉི་མ་རྡོ་རྗེ་ལ་སོགས་པ་གཞུང་ལུགས་ལ་མཁས་པ་མང་དུ་བྱུང་དུ་བྱུང་། གཞན་ཡང་ལ་སྟོད་ཀྱི་མེས་སྟོན་མགོན་པོ་དང་།དཔྱལ་ཀུན་དགའ་རྡོ་རྗེ་ལ་སོགས་པས་ཀྱང་ཞབས་ལ་གཏུགས་སོ། །ཐུགས་ཀྱི་སྲས་ཞིག་པོ་བདུད་རྩི་ནི། ཡབ་མེད་ཀྱི་རིང་ནས་མཁས་པ་དང་། གྲུབ་པའི་དཔའ་བོ་རྒྱུད་མར་བྱུང་བ་ལས་འདིའི་ཡབ་རྒྱས་དྭགས་ཆུང་སྟེ། དྭགས་པོ་བརྒྱ་རས་ཀྱི་ཕྱི་ན་འབྲེང་བས་དྭགས་ཆུང་པར་གྲགས། དེས་ལྷོ་བྲག་ཏུ་བྱིན་ནས། ལྷོ་སྟོད་ཕུར་མོང་སྒང་བྱ་བའི་དགོན་པར་འགྲོ་དོན་མཛད་ཅིང་བཞུགས་པ་ལ། གཟད་པའི་ཡོན་བདག་རྣམས་ཀྱིས་གདན་དྲངས། གཟད་ཀྱི་ལྷ་གདོང་དགོན་པ་དང་། འུག་སྐད་དགོན་པ་ལ་སོགས་པ་ཕུལ་ནས་བཞུགས། བུ་སློབ་མང་དུ་འཕེལ། དེ་ལ་ཇོ་མོ་ཝང་མོ་བྱ་བ་ཞིག་ཡོད་པ་དང་། གཉིས་ཀྱི་བུར་གཟད་ཀྱི་ལྷ་གདོང་དགོན་པར་བཙས། ཞིབ་མའི་ནང་དུ་ཉལ་བ་ལ་འཇའ་ཚོན་ཟུག །དགུང་ལོ་གཉིས་ཙམ་ལོན་པའི་ཚ་ཡབ་ལ་རྨི་ལམ་ངོ་མཚར་བ་བྱུང་ནས། ང་དང་འཆི་བ་འདུག །ཤི་ནས་ཀྱང་རིགས་འཛིན་གྱིས་ས་ལ་འགྲོ་བར་འདུག །བུ་འདིས་ཀྱང་གཞན་ལ་ཕན་ཐོགས་པར་འདུག་གསུངས་ཏེ་གཤེགས། ཞིག་པོ་རིན་པོ་ཆེ་འདིར་ཆེར་སྐྱེས་པ་དང་སྙིང་རྗེ་ཤིན་ཏུ་ཆེ་བས་གོས་བཅོས་པ་ཐམས་ཅད་མེས་འབར་ཀྱང་མ་ཉན་པར་ལམ་ཟན་པ་ཉམ་ཐག་ཅིག་ཡོད་པ་ལ་བྱིན། དེར་མོ་མ་རྣོན་པོ་ཞིག་ན་རེ། ཁྱོད་ཀྱི་བུ་འདི་ཅི་འདྲ་ཞིག་འོང་། འདི་ལ་འཇིག་རྟེན་གྱི་ལྷ་འདྲེ་ཐམས་ཅད་ཚོགས་ནས་བསྐོར་བ་བྱེད་ཅིང་མཆོད་པ་འདུག་ཟེར། སྟོན་ཀ་གཅིག་འོང་འདོན་ཙ་ན། མ་ན་རེ་མི་ཐམས་ཅད་འོང་འདོན་པ་ལ་གཏོར་མ་གཏོང་གི་འདུག །གླེན་པ་ཁྱོད་ཀྱང་ཆུ་གཏོར་འདྲ་ཐོང་། རང་རེ་ཡང་འོང་འདོན་པ་ཡིན་བྱས་པས། འོང་འདོན་སར་བྱིས་པ་དེ་སོང་ནས །གཟད་ལུང་པའི་ལྷ་འདྲེ་ཚོ། མྱང་ནག་འོལ་པོའི་ལྷ་འདྲེ་ཚོ། སྤང་པོ་འུ་ལུའི་རྒྱལ་ནག ད་ནང་དུ་སུའི་སར་ཡང་མ་འགྲོ་བར། རྒན་མོ་ཝང་མོའི་འོང་འདོན་གྱི་ཡོད་པས་འདིའི་འོང་ལས་ཁྱེར་ཟེར་ནས་ཐོར་ཐོར་བྱས་པས། ཨ་མ་ཁྲོས་ནས་ཕྱར་གྱིན་འདུག །དེར་ཞིང་རེ་བཞི་བྱ་བར་ལོ་ནན་ཏན་ལེགས་ནའང་བཞི་བཅུ་ལས་མི་ཐོན་པ་ཞིག་ལ། དེའི་ལོ་སྙེ་མ་ཧ་ཅང་མེད་པ་ལ་ཁལ་ལྔ་བཅུ་ཐལ་བ་བྱུང་བས་འདི་སྤྲུལ་པ་ཅི་ཡིན་ཉེན་འདུག་ཟེར་ནས། ཞང་པོ་དམ་པ་སེ་སྦྲགས་པའི་རྩར་སློབ་གཉེར་ལ་བཏང་། ལོ་གསུམ་གྱི་རིང་ལ་རྫོགས་ཆེན་རོང་ལུགས་སྒང་དྲིལ་གབ་ཕྱུང་སོགས་ལེགས་པར་ཐོས། བླ་མ་གཤེགས་ཁར་མིག་མཆི་མས་འགག་ནས་དྲན་པ་ཙམ་མ་བྱུང་གསུངས། བཅུ་དྲུག་པ་ལ་སྐྱིལ་ཁར་ལྷ་ཁང་པ་ཡོན་ཏན་གཟུངས་ཀྱི་ཞབས་ལ་གཏུགས། ལོ་མང་དུ་བཞུགས་ནས་བསྐྱེད་རྫོགས་གསུམ་ཀ་ལ་བློ་གྲོས་བྱང་བར་མཛདཉམས་ལེན་གྱི་གཙོ་བོ་དང་འཆད་ཉན་ཐམས་ཅད་སེམས་ཕྱོགས་ལ་མཛད་དེ་ཞལ་གྱིས་ཀྱང་སེམས་ཕྱོགས་ཁོ་ན་སྒྲུབ་པ་ཡིན་གསུངས། ཀུན་བྱེད་རྒྱལ་པོ་དང་མདོ་བཅུ་ལ་སོགས་པ་སེམས་ཀྱི་ཕྱོགས་ཀྱི་རྒྱུད་སྡེ་ཆེན་པོ་ཉི་ཤུ་རྩ་བཞི་གསན། རྩ་བ་སེམས་སྡེའི་སྐོར་ལ། སྐོར་ལུགས། རོང་ལུགས། ཁམས་ལུགས་ལ་སོགས་པ་བཤད་སྲོལ་མི་གཅིག་པ་བཅུ་བཞི་གསན། རོང་ལུགས་ཀྱི་སྒོམ་ཡིག་ཆེན་པོ་རྣམས་ལས། རྣལ་འབྱོར་རིག་པའི་ཉི་མ། བསམ་གཏན་མིག་གི་སྒྲོན་མ། བསམ་གཏན་སྙིང་གི་ཉི་མ། གདར་ཤ་དང་གཟེར་བུ། ཞུ་ལེན་དར་ཁུང་གདངས། རྡོ་རྗེ་སེམས་དཔའི་ཞུ་ལེན་སོགས་སྒོམ་ཡིག་ཕལ་མོ་ཆེ་ཐོས། སྙན་རྒྱུད་ཀྱི་སྐོར་ལ།སྐོར་རོང་ཁམས་གསུམ་ཀའི་གདམས་པ་དང་། བྲམ་ཟེའི་སྐོར་གྱི་སྙན་བརྒྱུད། ཀེ་ཚང་དང་རྫོང་ཕྲང་སྙན་བརྒྱུད་ཀློང་ལ་སོགས་པ་བསམ་གྱི་མི་ཁྱབས་པ་ཞིག་གསན་ཏེ། རྫོགས་ཆེན་གྱི་སྐོར་ལ་ཐོས་བསམ་གྱི་སྒྲོ་འདོགས་ལྷག་པར་ཆད་པ་ཡིན། དགུང་ལོ་བཅུ་དྲུག་ལ་བཤད་པ་མཛད་དེ་སྐོར་ལུགས་ཀྱི་སྟོང་ཐུན་གསུངས་པས་མཁས་པའི་ཐོག་ཆོད་དེར་ལྷ་རྗེ་གནུབས་སྨན་བྱ་བ་ན་རེ། དབུས་པའི་ཇོ་སྲས་ཁྱོད་ངའི་རྟ་ཁྱུང་ཕྲུག་ཁ་ཆེ་དང་འདྲ་བ་འདུག་ཟེར། ནས་ཁལ་བཅུ་གཅིག་གི་ཕོགས་བྱས་སྐད། བླ་མ་ལྷ་ཁང་པའི་དྲུང་དུ་ལོ་བཅུ་བཞིབཞུགས། བར་སྐབས་ཀུན་ཏུ་ཞང་པོའི་གདན་ས་སེ་སྦྲག་ཏུའང་བཞུགས་ཏེ་སྒོམ་བསྒྲུབ་དང་བཤད་པ་བག་རེ་མཛད། སློབ་གཉེར་ཚར་བ་དང་ཡབ་ཀྱི་སློབ་མ་བླ་འདོས་བྱ་བ་ཞིག་གིས་གདན་དྲངས་ཏེ་གཟད་དུ་བྱོན་ནས་འུག་སྐད་དགོན་པ་བཟུང་། གཙང་དུ་སེ་སྦྲག་དང་། དམ་པ་སེ་སྦྲག་པའི་སྒོམ་མ་རྣལ་འབྱོར་མ་ཤཱཀ་གཉན་ལ་སོགས་པ་བཞིས། ངེད་ཀྱི་སེ་སྦྲག་་ལ་མི་ཐར་པར་འདུག་པས་རི་སྒབ་འདིར་ལ་ངལ་གསོ་ཞིག་བྱེད་ཟེར་ནས་བརྩིགས་པའི་ཆོས་སྡིངས་ཀྱང་བཟུང་། ཞང་ཚལ་པའི་སློབ་མ་གཙང་སྒོམ་ཧྲུལ་ལེབ་བྱ་བས་ཞིག་པོའི་སྤྱན་སྔར་བླ་མ་ཞང་གི་ལོ་རྒྱུས་བཤད་པས་དད་པར་གྱུར་ནས་གདན་དྲངས། ཆོས་འཁོར་གཙུགས། ཆོས་འབྲེལ་མ་ཞུས་ཀྱང་རྒྱུད་བྱིན་གྱིས་བརློབས་པའི་བླ་མ་ཡིན་གསུངས་ནས། མོས་གུས་དང་ཞབས་ཏོག་ཆེ་བར་མཛད། བླ་མ་ཞང་གིས་ཁྱོད་ཀྱི་དགོན་པ་འདི་ཆུ་ཤིང་འཛོམ་པ་མི་འདུག་སྟེ། འདུ་བ་ཆེ་ཞིང་འགྲོ་བ་ལ་ཕན་པ་ཞིག་འོང་བས་ཆོས་སྡིངས་སུ་ཐོགས་གསུངས། དེར་མི་རྣམས་ན་རེ། ཆོས་ལྷ་ཁང་པ་ལ་ཉན། ཞབས་ཏོག་ཚལ་པ་ལ་བྱེད་ཟེར་བ་ལ། བླ་མ་ལྷ་ཁང་པ་དེ་ཕྲག་དོག་རྩ་བ་ནས་ཞི་བས་ནས་ཁལ་ཉི་ཤུ་ཙམ་དང་ཤ་མར་ཁ་ཡར་སྐུར་ཏེ། ཁྱོད་བླ་མ་བཟང་པོ་གདན་དྲངས་ནས་ཆོས་འཁོར་འཛུགས་པ་ལ་ངས་ཀྱང་འཐུད་བྱེད་དགོས་པ་ཡིན་ཏེ། དེ་ལས་མ་འབྱོར་གསུངས་པས། རྨོངས་པ་དག་གི་ཁ་སྨྲས་འཕྲོ་ཆད། ང་རང་ཡང་བླ་མ་རྙིང་པ་ལ་མོས་གུས་གསར་པ་སྐྱེས་གསུངས། འཕྲིན་ལས་དུས་ལ་བབ་པས་གདུལ་བྱ་དཔག་ཏུ་མེད་པ་འདུལ། འགྲོ་བའི་དོན་རྒྱ་ཆེན་པོ་མཛད། བླ་མ་ལ་ཤིན་ཏུ་གུས་པས་མཉེས་པ་གསུམ་གྱི་གཞུང་སྲོང་ཞིང་སྐུ་མདུན་ནས་འབྱོན་ཚད་ལ་ཞབས་སྤྱི་བོར་མ་བླངས་པར་འགྲོ་མ་མྱོང་གསུངས། གསེར་གྱི་རྒྱས་འབྲིང་བསྡུས་གསུམ་ལ་སོགས་ཏེ་མདོ་རྒྱས་ཚར་བཅུ་བདུན་གྱི་སྣ་དྲངས་པའི་ཆོས་དང་ཟང་ཟིང་གི་ཞབས་ཏོག་བསམ་གྱི་མི་ཁྱབས་པ་མཛད། བྱིན་རླབས་ཞུགས་པས་དགོངས་པ་ཇི་ལྟ་བ་བཞིན་དུ་ལོངས། རྟོགས་གྲོལ་དུས་མཉམ་དུ་སོང་ནས་ས་རྡོ་རི་བྲག་ཐམས་ཅད་ཐོགས་མེད་དུ་འགྲོ་ནུས་པ་དང་། མི་མ་ཡིན་གྱིས་བསྐོར་བ་བྱེད་པ་བྱུང་། མངོན་པར་ཤེས་པ་མངའ་བའི་ལོ་རྒྱུས་མང་དུ་ཡོད།གཟད་ཕུའི་ད་ལུང་དགོན་པ་བཞུགས་པའི་ཚེ་སྐུ་ཕ་བོང་ལ་ཐིམ་པ་དང་། སྲིན་པོ་རིར་རྒྱང་ལ་ཐོགས་མེད་དུ་གཤེགས་པ་སོགས་རྫུ་འཕྲུལ་དུ་མ་མངའ། གངས་རིའི་ཁྲོད་འདིའི་ཡུལ་དང་ཕྱོགས་ཐམས་ཅད་དུ་བྱོན་ནས་འགྲོ་བ་མང་པོ་ཐར་པའི་ལམ་ལ་བཀོད། བསྟན་པའི་བྱ་བ་ལ་སྐུ་གསུང་ཐུགས་ཀྱི་རྟེན་བཞེངས་པ་དང་། ཞིག་པ་གསོ་བ་དང་། གཞན་གྱིས་བཞེངས་པ་ལ་ཡོ་བྱད་གཏོང་བ་སོགས་ཕ་རོལ་ཏུ་ཕྱིན་པ་དྲུག་ཀའི་དོན་ཉམས་སུ་ལེན་ཤེས། རྒྱ་གར་ནས་བྱོན་པའི་ལོ་པཎ་མཁས་པ་ཐམས་ཅད་ཀྱི་ཞབས་ཏོག་མཛད། སྡེ་སྣོད་འཛིན་པའི་བཤེས་གཉེན་ཆེན་པོ་རྣམས་ཀྱི་ཞབས་ནས་འདེགས། རྟག་པར་འཇིག་རྟེན་གྱི་བྱ་བ་ལ་བློ་མི་འཇུག་པར་སྒོམ་སྒྲུབ་ཁོ་ན་མཛད། སེམས་ཅན་དབུལ་ཞིང་ཕོངས་པ་ཀུན་གྱི་སྤྱིན་བདག་མཛད་པས་ཐེག་པ་ཆེན་པོའི་རིགས་ལྷག་པར་སད་པ་ཡིན། རྒྱུ་དེས་རྒྱ་དཀར་ནག་དང་བལ་པོ་ལ་སོགས་པའི་སྐྱེ་བོ་སྐད་རིགས་མི་གཅིག་པ་ཀུན་ཀྱང་འདུ། མ་ག་དྷ་རྡོ་རྗེའི་གདན་ལ་ཞབས་ཏོག་ལན་གསུམ། འཛམ་བུ་གླིང་གི་རྒྱན་གཅིག་པུ་ཇོ་ཤཱཀ་རྣམ་གཉིས་ལ་སྲི་ཞུ་ལན་བཞི། རྡོ་རགས་ལན་བཞི་མཛད། རྗེས་སུ་འཕྲིན་ལས་སྐྱོང་བའི་དགེ་བའི་བཤེས་གཉེན་ཀྱང་བགྲང་གི་མི་ལང་བ་བྱུང་སྟེ་གངས་ཁྲོད་འདིར་རྩོད་མེད་དུ་གྲགས་པའི་སྐྱེས་བུ་ཆེན་པོ་ཞིག་ཡིན་ནོ། །དེ་ལྟ་བུའི་མཛད་པ་ཕུན་སུམ་ཚོགས་པས་དངོས་དང་བརྒྱུད་ནས་གཞན་ལ་སྨན་པ་ཤ་སྟག་མཛད་དེ། ལྷ་སའི་རྡོ་རགས་ཕྱི་མ་མཛད་པའི་གཤེགས་སྐྱེམས་ཀྱི་དུས་ལས་འཕྲོ་ངན་པའི་འཁོར་ཁ་ཅིག་གིས་ཆང་འཐབ་བྱས་པས་ཐུགས་སྐྱོ་བའི་གསུང་བྱོན་ཏེ་ལྔ་བཅུ་རྩ་དྲུག་བཞེས་པ་ས་མོ་ལུག་གི་ལོར་གསང་ཕུའི་རྒྱ་ར་གད་ལོགས་ཀྱི་དགོན་པར་སྐུ་གཤེགས། སྤུར་ཆབ་ལ་བཀལ་ནས་ཟད་འུག་སྐད་དགོན་པར་ཟླ་བ་བཞི་བཞུགས། དེ་ནས་བཙན་པོ་དང་། དཔོན་སྐྱ་སློབ་མའི་ཚོགས་ཀྱི་གདན་སར་བསམ་ནས་བཞེངས་པའི་གཟད་ཐང་སྐྱའི་གཙུག་ལག་ཁང་དུ་གདན་དྲངས་པའི་ཚེ་ས་རབ་ཏུ་གཡོས་ཤིང་། ཡོན་ཆབ་ལས་པདྨའི་སྡོང་བུ་སྐྱེ་བ་སོགས་ལྟས་ངོ་མཚར་བ་བྱུང་། ནང་པར་སྐྲུར་སྦྱངས་པས་སྒྲ་དང་།འོད་དང་། འཇའ་ཚོན་དང་། མཆོད་རྟེན་ཡིག་འབྲུ་ལ་སོགས་པ་དཔག་ཏུ་མེད་པར་བྱོན་ཏོ། །གཙུག་ལག་ཁང་དེ་ནི་ད་ལྟ་རྗེས་ཙམ་དུ་སྣང་ངོ་། །ཞིག་པོ་ལ་སློབ་མ་མང་ཡང་ཐུགས་སྲས་སུ་གྱུར་པ་ནི། རྟ་སྟོན་ཇོ་ཡེས། མཧྭ་ལྷུན་པོ། མཁས་པ་ཇོ་ནམ། དབུས་པ་ཇོ་བསོད། བཟང་སྟོན་ཧོར་གྲགས། གཉེར་སྟོན་བླ་མ་དང་དྲུག་ལས། །གཙོ་བོར་གྱུར་པ་རྟ་སྟོན་ཇོ་ཡེས་ནི། ཡབ་རྟ་སྟོན་ཇོ་འབུམ་ཞེས་བྱ་བ་གཡོ་ཎ་རུ་སྟོད་ཀྱི་བདག་པོ་འཁོར་འབངས་དང་ཡུལ་གཞི་གཞིས་འཛོམ་པ་ཞིག་ཡོད། དེ་འཁོར་བ་ལ་སྐྱོ་བ་སྐྱེས་ནས་གཡོགས་བཞི་ཁྲིད་དེ་བྲོས། ལྷ་རྗེ་གླན་ཉ་ཚ་བའི་ཐུགས་སྲས་གཉོས་ཆུ་བོ་རི་པའི་སྤྱན་སྔར་བྱོན། དཔོན་གཡོགས་ལྔ་ཀས་སྟབས་གཅིག་ཏུ་ཆོས་སྒོར་ཞུགས། སྔགས་རྙིང་མ་སྤྱི་དང་། ཁྱད་པར་རྫོགས་ཆེན་སྐོར་ལུགས་གཞུང་གདམས་ངག་དང་བཅས་པ་ལ་ཤིན་ཏུ་བྱང་ཆུབ། ཕག་མོ་གྲུ་པའི་སྤྱན་སྔར་ལམ་འབྲས་དང་ཕྱག་ཆེན།དབུར་སྟོད་བླ་མ་མཚར་སྟོན་ལ་ཕྱག་ཆེན་སྒང་ལུགས་ཀྱི་དོ་ཧ། ཟངས་རི་འགྲོ་རས་ལས་རང་ཆུང་བའི་ཆོས་སྐོར་ནང་སྟོན་མགོན་པོ་ལ་སྣ་འཇོམས་དང་ཕུར་པ་སོགས་མདོར་ན་བླ་མ་མང་པོ་ལས་ཆོས་རིས་མེད་གསན་པ་ཡིན་ཏེ། གཉོས་ཆུ་བོ་རི་པ་དང་། ཕག་མོ་གྲུབ་པ་རྩ་བའི་བླ་མར་འཛིན། ཆུ་བོ་རི་ལ་བསྒྲུབ་པ་མཛད་པས་གདུལ་བྱ་མང་དུ་འདུས་དེ་ལ་སྲས་རྟ་སྟོན་ཇོ་ཡེས་འདི་ཆུ་མོ་ལུགས་ལ་བལྟམས། དེ་ནས་ལོ་བཞི་པ་ལ་གཅུང་པོ་ཇོ་བསོད་བཙས། འདིས་ཆུང་ངུ་ནས་ཞིག་པོའི་དྲུང་དུ་བྱོན་ཐུགས་ལ་བཏགས། ཇོ་ཡེས་ཀྱི་ལོ་བཅུ་གཉིས་བར་བླ་མ་དམར་སྟོན་ལ་བདེ་མཆོག་དང་ཕྱག་རྡོར་བདུད་རྩི་ཐིག་པའི་སྐོར་ཞུས།གཞུང་རིང་ལ་བསྙེན་པ་ལོ་གཉིས་མཛད། ཡབ་དང་ལྷན་དུ་བདེ་མཆོག་གི་དབང་བརྒྱ་རྩ་བརྒྱད་ཞུས། ཁ་རག་སྟོན་སྙིང་གི་སར་སྒྱུ་འཕྲུལ་ལོ་གཉིས་ཉན། བླ་མ་རྩ་ཀས་དང་སེ་དུར་ལུང་པ་གཉིས་ལ་རྫོགས་ཆེན།སྐོར་ལྕགས་གཞུང་གདམས་པ་དང་བཅས་པ་ཞུས། དགུང་ལོ་བཅུ་དྲུག་པར་རྡོ་རྗེ་སེམས་དཔའ་ནམ་མཁའ་ཆེ་ལ་བཤད་པ་མཛད། བཅུ་དྲུག་གི་གཤམ་ན་ངམ་ཤོད་སྨད་དུ་བྱོན། ཡབ་ཀྱི་སློབ་མ་རྗེ་བཙུན་ཞང་ལ་ཕྱག་རྒྱ་ཆེན་པོ་སྒང་ལུགས་གསན། ཟངས་རི་རྒྱ་རས་ལས་ལོ་རེ་རས་ཆུང་བའི་ཆོས་སྐོར། དགྱེས་རྡོར་མེས་ལུགས། འཇམ་དཔལ་གསང་ལྡན། བདེ་མཆོག་ལྤུ་ཡི་པ་དང་། མཚོ་སྐྱེས་རྡོ་རྗེའི་སྒྲུབ་ཐབས། ལམ་འབྲས་ཞང་ལུགས་ཞི་བྱེད་ལུགས་གསུམ་ཀ་སོགས་མདོར་ན་ས་རྙིང་རིས་མེད་ལ་ཐོས་པ་ཤིན་ཏུ་ཆེ་བ་ཡིན། རེ་ཞིག་ན་ནང་སྟོན་ཇོ་འཁྱམས་ལ་ཕུར་པ་གསན་ནས་ཆུ་བོ་རིར་བསྒྲུབ་པ་མཛད། ལོ་ཉེར་ལྔ་པའི་ཚེ།ཞིག་པོའི་དྲུང་ན་བྱོན་པ་ཡིན། དང་པོ་ཆོས་ཞུས་པའི་རྟོག་པ་མེད་དེ། ཆོས་ཀྱང་ང་རང་མཁས། གདམས་ངག་ཀྱང་ང་རང་ཆེ། ཁོང་སྙན་པ་དང་གྲགས་པ་ཆེ་བར་འདུག་པ་དང་། གཅུང་པོའི་བླ་མ་ཡིན་པས་མཇལ་ཕྲད་ཀྱི་རྣམ་པ་ཞིག་བྱ་སྙམ་ནས་བྱོན་པས། ཞིག་པོ་བདུད་རྩི་འུག་སྐད་དགོན་པ་ན་བཞུགས་པ་དང་མཇལ། ཞལ་མཐོང་བ་ཙམ་གྱི་གུས་པ་དབང་མེད་དུ་སྐྱེས། ནང་པར་ལོག་འགྲོ་ཙ་ན་སྐུ་དྲུང་དུ་འོང་བས་ཐུགས་ཀྱི་བཟུང་བར་ཞུ་ཞུས་པས། ཁྱེད་མོས་བསམ་གསུངས། ཤིན་ཏུ་མོས་པ་ཐོབ་ཞུས་པས། འོ་ན་ལས་འཕྲོ་ཡོད་པ་ཡིན་ད་ལྟ་ནས་སྡོད། འཁོར་བའི་མཚན་ཉིད་ལ་རྟག་པ་མེད་ན་ཕྱིས་ཇི་ལྟར་འོང་ཆ་མེད་གསུངས། ད་རེས་ཆ་རྐྱེན་མེད་བྱས་པས། འདིར་འོང་བ་ལ་རྒྱགས་ཕྱེ་འཁུར་བ་སུ་ཡང་མེད། ཁྱོད་གཅིག་པུ་ལ་ཆ་རྐྱེན་ཅི་འཚལ་གསུངས། དེར་ལོ་བདུན་གྱི་བར་དུ་ཞག་གཅིག་ཀྱང་མ་བྲལ་བར་བསྟན། མཉེས་པ་གསུམ་གྱི་སྲི་ཞུ་བྱས། ཀུན་བྱེད་རྒྱལ་པོ་མ་བུ་གསུམ་སྐོར། བཤད་རྒྱུད་མདོ་བཅུ། འཁོར་བ་རྩད་གཅོད་ཀྱི་རྒྱུད་ལ་བཤད་རྒྱུད་སྡེ་བཞི །རྩ་འགྲེལ་རྒྱབ་ཆོས་མན་ངག་དང་བཅས་པ། རྩ་བ་བཅོ་བརྒྱད་ཀྱི་བཤད་སྲོལ་ལ་ཟབ་པ་གཞུང་དང་། གབ་པ་མངོན་ཕྱུང་མན་ངག་སྒོམ་སྡེབས་སུ་བཤད་པ། དེའི་སྒོམ་འགྲེལ་སྙིང་གི་ཉི་མ་དྲུག །ཡང་སྙིང་རིག་པའི་ཉི་མ་དྲུག་སྙན་བརྒྱུད་སྒྲོ་བ་ནག་པོའི་སྐོར། སྒོམ་ཡིག་ཆེན་མོ། རིག་ཉི།མིག་ སྒྲོན། གདར་ ཤ་ གཟེར་ བུ་ རྣམས་ དང་ ། གདམས་ པ་ སྙན་ བརྒྱུད་ སྐོར་ ལ། སྐོར་ ལུགས་ རོང་ ལུགས་ ཁམས་ ལུགས་ ཀྱི་ གདམས་ ངག་ ལག་ ཁྲིད་དང་བཅས་པ་ལ་ནན་ཏན་ཆེར་མཛདགསུང་གི་ཆུ་རྒྱུན་ལེགས་པར་འཐུང་པས། བྱིན་བརླབས་ཅིག་ཅར་དུ་ཞུགས། རྟོགས་པ་ཐོད་རྒལ་དུ་སྐྱེས་པས་འཇིག་རྟེན་གྱི་སྒྲོ་སྐུར་ལ་ཉམ་མི་ང་། ཚུལ་འཆོས་མེད་པའི་སྤྱོད་པ་སྐྱོང་། བླ་མ་ལ་ཤིན་ཏུ་གུས། ཅི་གསུང་དང་དུ་འདེགས་པས་དགོངས་པ་གཅིག་ཏུ་དྲིས་ཏེ། བླ་མ་ཅི་མཉེས་བྱེད་པ་ཅི་བསམ་འགྲུབ་པར་གྱུར་ཅིག་གསུང་བ་ལན་གསུམ་ཐོབ། སྤྱིར་བླ་མ་ཐམས་ཅད་ལ་ཞབས་ཏོག་མ་གྲུབ་པ་མེད། ཁྱད་པར་ཞིག་པོ་ལ་ཡུལ་གཞིས་ཐམས་ཅད་བཙོངས་ནས་སྤོང་དག་བྱས་པའི་ཆོས་འཁོར་ལན་བཞི་བཙུགས། སྔ་ཕྱི་བསྡོམ་པས་རྟ་བཟང་པོ་ཁོ་ནའང་བདུན་ཅུ་རྩ་བཞི་ཕུལ་ཞེས་གྲགས། གདམས་པའི་གསུང་སྒྲོས་ཐམས་ཅད་ཡི་གེར་བཀོད་པས་རྗེས་འབྲང་ལ་དྲིན་ཆེ། ཆོས་ཞུ་བའི་སྤྲོས་པ་ཆོད་ནས་ནགས་ཁྲོད་དམ། རི་སུ་གཉན་པོ་མི་སྐད་བྱ་སྐད་མི་གྲགས་པ་ཞིག་ཏུ་འདིར་སོང་དང་འདིར་ཡོད་མེད་པ་ཞིག་བྱ་དགོས་སྙམ་པའི་སྙིང་སྟོབས་བསམ་གྱིས་མི་ཁྱབ་པས་དཔེ་ཆ་རྣམས་ཀྱང་ཡིག་ཆུང་ཟིན་བྲིས་འབའ་ཞིག་ཏུ་བྱས་ཏེ། བླ་མ་སློབ་དཔོན་གྱི་གདན་སའི་བྱ་བ་བཀལ་བས་གསུང་བཅོག་མ་ཕོད། འོན་ཀྱང་བླ་མའི་ཞབས་ཏོག་འབའ་ཞིག་བྱས་པས་སྒྲིབ་པ་ཚན་པོ་ཆེ་དག །ཏིང་ངེ་འཛིན་ཀྱང་གོང་འཕེལ་དུ་སོང་བས་རི་ཁྲོད་འགྲིམས་པ་ལས་ཆོས་ཆེ་བ་གསུངས། དེའི་རྒྱུ་མཚན་ཡང་། ཐང་སྐྱའི་ཐུགས་རྗེ་ཆེན་པོ་བཞེངས་པའི་ཚེ་ཟུ་མཁར་དུ་ཟང་བཞུས་ཀྱི་ལས་ཟླ་བ་བཅོ་བརྒྱད་བྱས་པས་རྟོགས་པ་ཁྱད་པར་ཅན་སྐྱེས། སློབ་དཔོན་སྤྲུལ་སྐུའི་ཆིབ་པ་ཕོ་དྲག་བཙད་པོས་ཁྱེར་བའི་ཚེ། རྡོར་ཐེབས་ཕུའི་སྣང་གསལ་བྲག་ལ་ཆོས་སྐྱོང་སྒྲུབ་པས་མགོན་པོའི་ཞལ་གཟིགས། སྟོད་ལུང་སུ་བསོད་སྙོམས་ལ་བྱོན་ཚེ་རྨི་ལམ་དུ་བླ་མ་དང་མཇལ་བས་སྡུག་བསྔལ་རང་སངས་ལ་སོང་། དེ་ནས་བཟུང་སྡུག་བསྔལ་རང་རྒྱུད་ལ་སྐྱེ་མ་མྱོང་གསུངས། གདན་སའི་བྱ་བ་དང་། ཞིག་པོའི་འཕྲིན་ལས་བསྒྲུབ་པའི་ཕྱིར། རྒྱལ་ཁམས་ཀུན་ཏུ་འགྲོ་དོན་རྒྱ་ཆེན་པོ་དང་། ལྷ་སའི་ཇོ་ཤཱཀ་རྣམ་གཉིས་ལ་ཞབས་ཏོག་ལོ་དྲུག་མཛད་དེ། དྲུག་བཅུ་རྩ་བརྒྱད་པ་ལྕགས་ཕོ་སྟག་གི་ལོ་ཨོ་རྒྱན་པའི་འཁྲུངས་ལོ་ལ་གཤེགས་ཤིང་། སྐུ་གདུང་དང་རིང་བསྲེལ་མང་པོར་བྱོན་ཏོ། །འདིའི་གཅུང་པོ་ཇོ་བསོད་ནི། སྐུ་ན་ཆུང་ངུ་ནས་ཞིག་པོའི་དྲུང་དུ་བྱོན། ཐུགས་ལ་བཏགས་ནས་སེམས་ཕྱོགས་རྫོགས་པར་གནང་། ཁྱོད་ཆོས་ལ་ནན་ཏན་བྱེད་པ་ཞིག་འདུག་པས་ངའི་བླ་མའི་རྩར་སོང་ཞིག་གསུངས་ནས། ལྷ་ཁང་པ་ཆེན་པོ་ལ་གཏད། མདོ་སྒྱུ་སེམས་གསུམ་རྫོགས་པར་ཐོབ། མཁས་པའི་ཕུལ་དུ་ཕྱིན་པ་ཞིག་བྱུང་སྟེ་སུམ་ཅུ་རྩ་གཅིག་པ་ལ་མྱ་ངན་ལས་འདས་པས་འཕྲིན་ལས་ཧ་ཅང་སྨིན་ཏོ། །རྟ་སྟོན་གཟི་བརྗིད་ནི། སངས་རྒྱས་དབོན་སྟོན་གྱི་སློབ་མ་ཡིན། མཁས་པ་ཆེན་པོར་གྱུར་པས་གསང་བའི་སྙིང་པོ་ལ་ཉིསྐ་རྒྱས་པར་མཛད། བརྒྱུད་པ་འདིའི་ལོ་རྒྱུས་ཕལ་མོ་ཆེ་ཡང་འདིས་མཛད་སྣང་། འོན་ཀྱང་གཡུང་སྟོན་པའི་ཁོག་དབུབ་དང་གཅུང་མི་གཅིག་པར་ཡོད། འདི་ཡན་ཆོས་དུ་སྒྱུ་འཕྲུལ་དང་སེམས་ཕྱོགས་མཐའ་དག་ལ་མཁས་པར་གྲགས། ཡང་གཡུང་འགྲེལ་དུ་འཕྲོས་དོན་མང་དུ་སྨོས་པའི་གཙང་པ་བྱི་སྟོན་དང་། སྒོང་དྲི་ངས་པ་ཉེ་སྟོན་ཆོས་ཀྱི་སེདྷི་གཉིས་ཀྱང་གསང་བདག་སྒྲོ་ཕུག་པའི་སློབ་མ་ཡིན། དེ་གཉིས་ཀས་གཙང་ནག་འོད་འབར་ལ་གསུངས། དེས་མེས་སྟོན་མགོན་པོ། དེས་བླ་མ་སྲོང་། དེས་པསྟེ་ཤག་འོད་དེ། འདི་ཟུར་པའི་གདུང་ཡིན། སྐྱེ་བ་སྔ་ཕྱི་ཐལ་ལེར་དྲན་པའི་ཟུང་དབང་ཆེན་འོད་པོ་ཞེས་གྲུབ་པའི་དབང་པོ་དེ་ལ་སྲས་མོ་ལྔ་ཡོད་དེ། སྲས་མེད་ནས་གདུང་བ་ཡོད་པའི་ཚེ། པཎ་ཆེན་ཤཱཀྱ་ཤི་ཤིང་ཕོ་བྱི་བའི་ལོ་ལ་ཕྲོ་ཕུར་གདན་དྲངས་པའི་ཕྱི་ན་དབང་ཆེན་འོད་བོས་འུག་པ་ལུང་དུའང་སྤྱན་དྲངས། དེར་པཎ་ཆེན་གྱིས་འུག་པ་ལུང་འདི་གསང་སྔགས་ཀྱི་གནས་ཡོན་ཏན་དུ་མས་བརྒྱན་པར་འདུག །བྱང་ངོས་རིགས་ལྔའི་རང་བཞིན་དུ་སྣང་། བྱ་རི་དྭགས་ལ་སོགས་པ་འདི་དག་ཀྱང་འཕགས་པའི་སྤྲུལ་པར་འདུག །རབས་རེ་ལ་གསང་སྔགས་ཀྱི་ཆོས་སྒྲ་སྒྲོག་པ་རེ་འབྱུང་བས་རིང་པོ་མ་ཡིན་པར་ཁྱེད་ལ་སྲས་གཉིས་འབྱུང་བས་དེ་ལ་ངའི་མིང་ལས་གྲས་པ་ཐོགས་ཤིག །བསྟན་པ་དང་འགྲོ་བ་ལ་ཕན་པ་འོང་གསུངས། དེ་ནས་དེ་བཞིན་དུ་བྱུང་བས། སྲས་ཆེ་བ་ལ་ཤཱཀྱ་མགོན་དང་། ཆུང་བ་ལ་ཤཱཀྱ་འོད་ཅེས་བཏགས།གཅེན་འདི་ཡང་ངོ་མཚར་ཅན་བྱུང་། གཅུང་ཤཱཀྱ་འོད་ནི་ཆུང་ངུ་ནས་མངོན་ཤེས་རྡོལ་ཐབས་སུ་སྨྲ་ཞིང་ཆོས་ཐམས་ཅད་བརྡའི་སྒོ་ནས་སྟོན་ཤེས་པའི་བརྟུལ་ཞུགས་ཅན་ཞིག་བྱུང་། རྒྱལ་ཁམས་གོང་པ་བླ་མར་བསྟེན་ནས་ཡབ་ཆོས་མཐའ་དག་གསན། བར་དོ་མངོན་སུམ་དུ་གཟིགས་པས་གཞན་གྱི་གནས་ལུང་བྱེད་སར་བྱོན་ནས་ཁྱེད་ཀྱི་གཤིན་པོ་གཤེད་དང་མ་ཕྲོལ། བྱང་ཆུབ་སེམས་ཀྱི་མ་ཟིན་པའི་ཆོ་ག་ལ་དོན་མེད་དོ་གསུངས་ནས་གནས་ལུང་སྐྱར་དགོས་པ་བྱུང་། ཉིན་གཅིག་ང་ལ་འགྱོད་པ་བྱུང་གསུངས། ཅི་ལགས་ཞུས་པས། ང་རིག་འཛིན་གྱི་ཚོགས་གྲལ་དུ་རྟག་པར་ཚུད་པ་ལ། ཕོ་བོ་ཤཱཀྱ་མགོན་ལ་ཚིག་རྩུབ་་།ར་བས་དེའི་ནུབ་མོ་ནས་དམ་ཉམས་ཡིན་ཟེར་རིག་འཛིན་གྱི་གྲལ་དུ་མ་ཚུད་གསུངས་ནས་བཤགས་པ་མཛད། མི་ཉག་བྷ་རས་ལ་ཉེ་བ་དགྲ་རུ་ལངས་ནས་བོད་ན་མཐུ་སུ་ཆེ་དྲིས་པས། ཤཱཀྱ་འོད་པོ་ཆེ་ཟེར་བ་ཐོས་ནས་ཆ་རྐྱེན་མང་པོ་བསྐུར་ཏེ། ཟླ་བ་བརྒྱད་ཀྱི་ས་ཆ་ནས་ཀྱང་མཐུ་ཞུ་བར་བཏང་བྱུང་བ་ལ། ང་ལ་མཐུ་མེད། ངའི་འཁར་བ་འདི་དགོས་ན་ཁྱེར་གསུངས་ནས་ཡིག་ལན་ཀྱང་མ་མཛད། བང་ཆེན་གྱིས་ལོ་རྒྱུས་བརྗོད་པས། ཀྟ་རས་ཁྲོས་ཏེ་ངའི་དངོས་པོ་བཟུང་ནས་གདམས་ངག་མི་སྟེར་བ་ཟེར། ཕྱག་འཁར་བརྡབས་པས། དེའི་ཁོང་ནས་རྡོ་རྗེ་ལེགས་པ་ལྷ་བཞིའི་སྐོར་ཐོན། ཁོ་དགའ་ཏེ་སྒྲུབ་པས། ཕ་མཚན་མང་པོ་རྩ་བ་ནས་ཆད།དེའི་སྡིག་སྦྱོངས་དགེ་རྩ་ལ་ལྷ་ཁང་དང་། མཆོད་རྟེན་བཞེངས། དྲིན་ལན་དུ་འབུལ་བ་མང་པོ་ཁྱེར་ནས་མི་ཉག་བྷ་ར་ཉིད་ཀྱང་བྱོན། ཟུར་ཤཱཀྱ་འོད་དང་མཇལ། གསང་སྙིང་ལ་སོགས་པའི་ཆོས་མང་པོ་ཉམས་སུ་ལེན་ཅིང་། གཉིས་ཀ་སྡེབས་ནས། ལྷོ་བྲག་མཁར་ཆུར་བྱོན་ཁོ་མཐིང་ལྷ་ཁང་དང་། སྤ་གྲོ་ལ་སོགས་པའི་གནས་སུ་སྒོམ་ཞིང་བཞུགས་ཙ་ན། མངའ་བདག་ཉང་ཡབ་སྲས་དང་མཇལ། བཀའ་བརྒྱད་བདེ་འདུས་ལ་སོགས་ཏེ་ཉང་ལུགས་ཕལ་ཆེར་ཞུས། རང་གནས་སུ་ཕེབས། སླར་བྷ་རས་ན་རེ། བླ་མ་བཀའ་དྲིན་ཆེ། ངེད་ཧོར་ཡུལ་དུ་འགྲོ་བས་མི་གཅིག་བཏོང་བ་ཞུ། དྲིན་ལེན་ཞབས་ཏོག་བྱེད་ཟེར་ནས་གཤེགས། དེའི་ཚེ་ཧོར་ཡུལ་ན་ནུབ་བོ་ཨ་རི་སྙོ་གས་རྒྱལ་ས་བཟུང་ནས་རྒྱལ་པོ་སེ་ཆེན་གན་རྒྱལ་སྲིད་ཐོབ་སྟེ་དམག་འཁྲུག་གཡོ་བའི་སྐབས་སུ་ཡོད། མི་ཉག་བྷ་རས་ལ་སེ་ཆེན་གན་གྱིས་བོད་ལ་མཐུ་བྱ་བ་ཡོད་ཟེར་ནས་ཁྱེད་ཤེས་སམ་དྲེས། བྷ་རས་ན་རེ་ཤེས། གསད་པ་དང་། བསྐྲད་པ་དང་། འགུགས་པ་གསུམ་གང་བྱ་གསུངས། དེར་སེ་ཆེན་གྱི་ལས་ཀྱིས་ཤི་བ་དང་འབྲིང་ན་གསད་པ་ཐེ་ཚོམ་ཆེ། འགྲོ་འདོད་པ་དང་ཐུག་ན་བསྐྲད་པ་ཡིད་གཉིས་ཟ། ངའི་སྒར་འདིར་དགྲ་བོ་ཁུགས་ན་ཡོང་འདོད་པ་ཁོ་ལ་མེད་ངེས་ཡིན་པས་ཁུག་ཅིག་ཟེར། དེར་བླ་མ་འཕགས་པ་རིན་པོ་ཆེ་དཔང་པོར་བཞག་ནས། བྷ་རས་ཀྱི་རླུད་འཁོར་གྱི་སྦྱོར་བ་བརྩམས་པས། ནུ་བོ་ཨ་རི་སྙོ་ག་བསྟན་པ་བྲལ་ནས་བྱུང་། ད་དུང་ཡིད་ཆེས་ནས་མཚོ་འདི་དང་། ཐང་འདིའི་དཀྱིལ་དུ་ཐོག་ཕོབ་ཅིག་ཟེར། བྷ་རས་ཀྱི་དེ་དང་དེར་ཐོག་ཕབ་པས་ཡིད་ཆེས། སྔགས་པ་རྣམས་ལ་སྐྲག་པར་གྱུར་ནས་བྱ་དགའ་ཆེན་པོ་བྱས། འདི་ས་ཚལ་གྱི་སློབ་མ་གཤིན་རྗེ་ལ་ནུས་པ་ཐོབ་པ་ཞིག་ཡིན་ཟེར་ཏེ། དེའང་ཡིན་མོད་དྲག་སྔགས་ཀྱི་སྦྱོར་བ་མཐར་ཐུག་པ་ཟུར་པ་ལས་རྙེད་པ་ཡིན། དེར་པསྒི་ཤཀ་འོད་ཀྱི་སྟོན་པ་རྭ་ཧུ་བྱ་བ་ཞིག་བསྔགས་པས། བྷ་རས་དང་མཇལ། གནང་སྤྱིན་བཟང་པོ་བྱིན། མངའ་བདག་ཉང་གི་གཏེར་ཡིག་ཁ་བྱང་ན་གཙང་གི་སའི་ཆ་བྲག་རྡོ་རྗེ་ཚ་བརྟེན་ན་ཚེ་ཆུའི་གཏེར་ཡོད་པར་བཤད་པ་དེ། སྟོན་པ་རྭ་ཧུ་ལ་བསྐུར་ནས་བླ་མ་ཤཱཀ་འོད་ལ་འབུལ་དུ་བཅུག །དེ་དང་སྟབས་གཅིག་པར་སེ་ཆེན་གན་གྱི་ལུང་། ཤཱཀྱ་འོད་པོ་དང་། ཤཱཀྱ་མགོན་པོ་ལ་ཟློ་བ། རིམ་གྲོ་གང་དགོས་ཀྱི་ས་ལ་ཚ་ཆུ་ཐོན་ལ་ངེད་བསྐུར། དེའི་ཡོན་ཏན་བྱུང་མོད།ཁྱེད་རྣམས་ཀྱི་སྐྱིད་སྡུག་ངས་ཤེས་པ་ཡིན། གཏོར་ཕྱེའི་བསྲེས་ལ་དངུལ་བྲེ་གཅིག་ཡོད། བྱ་བའི་གསེར་ཡིག་བྱུང་། དེར་རིམ་གྲོ་ཆེན་པོ་བྱས། གོང་མ་ནོན་ཆེས། གསེར་ཡིག་པ་ངང་ཐུང་བས་འོ་བརྒྱལ་བ་ཙམ་བྱུང་སྟེ། སྒྱུ་འཕྲུལ་གྱི་བརྒྱུད་པ་ལ་སྒྲ་འོད་ཟེར་གསུམ་མའི་གསོལ་འདེབས་མཛད་པའི་ནུབ་མོ་གཏེར་སྒོའི་ལུང་བསྟན་གསལ་པོ་ཐོབ། དེ་ནས་ཟུར་ཤཱཀྱ་འོད། གུ་རུ་ཁྱུང་གྲགས། དབན་ཆེན་ཤཱཀ་བཟང། གསེར་ཡིག་པ་ཨ་ག་ཡན་རྣམས་འཛོམ། ཁྲོམ་གཏེར་དུ་བྱས་པ་ལ། གཏེར་སྒོ་ལ་སྤུ་གྲི་རེག་ཆོད་ཀྱི་འཁོར་ལོ་འཁོར་ནས་འཛུལ་མ་ནུས། དེར་ཟུར་ཤཱཀྱ་འོད་ཀྱི་གཟུ་དཔང་གསོལ། གཏེར་བདག་མཆོད་པས་སྤུ་གྲི་རང་མལ་དུ་སྡད་ནས་ཐམས་ཅད་ངོ་མཚར། གཏེར་ཁུང་ནས་སོལ་བ་གཡེངས་པའི་དཀྱིལ་ན་སྦལ་པ་ཁ་མིག་དེང་དེང་། ལག་པ་གདེང་བ་མཐོང་བའི་མོད་ལ་རླུང་གི་འཁྲུལ་འཁོར་བྱུང་ནས་ཐམས་ཅད་ཧ་ལས། དེར་བླ་མས་རསྒའི་ཕྲེང་བས་མནན་ནས། བདེན་པ་བརྡར་བས་རླུང་གི་འཁྲུལ་འཁོར་ཀྱང་ཞི། ཆུ་དར་གྱི་ཁེབས་བསལ་བས་ཟངས་ཀྱི་གའུ་གསུམ་སྒྲགས་ཀྱི་ནང་དུ་ཕོ་ཐོད་མོ་ཐོད་ཁ་སྦྱར་བའི་ནང་ན་ཐོག་སྔས་པས་རེག་མ་ཐག་རྡུལ་དུ་བུན་ལོང་འགྲོ་བའི་དར་ཟབ་མོ་མང་པོས་དྲིལ་བའི་རྟ་ཕག་ཞལ་སྦྱོར། རྡོར་སེམས་ཡབ་ཡུམ། སྒྲུབ་ཐབས་ཀྱི་ཤོག་རིལ་བཅུ་གསུམ་གྱི་དབུས་ན་ཚེ་ཆུའི་སྣོད་མུ་མེན་གྱི་བུམ་པ་སྣག་བུམ་ཆེ་་༑ས་ཙམ་པ་བྱུང་བས་ཐམས་ཅད་ངོ་མཚར་སྐྱེས། ཕུད་བླ་མས་བཞེས་ནས་དགུང་ལོ་བརྒྱ་ཐུབ་རྒྱུ་ལ། ལྗགས་ཐོག་ནས་ཐུར་མས་ཕྲི་བས་རྟེན་འབྲེལ་འཕྱུགས། དེ་ཚེ་མང་པོར་དྲིལ་ནས་གཉིད་མི་ལོག་པའི་བརྩོན་པས་རྒྱ་ནག་དུ་ཁྱེར། རྒྱལ་པོ་སེ་ཆེན་གན་གྱི་གསོལ་བས་ལོ་བརྒྱ་འཚོ་བར་གྲགས། དེའི་བྱ་དགར་དབུས་གཙང་ན་ཡོད་པའི་སྔགས་པ་ཐམས་ཅད་ཁྲལ་དམག་ལས་ཐར་དུ་བཅུག་པའི་འཇའ་ས་ལོངས། གོང་མའི་བླ་མ་རྣམས་དང་བྱས་པ་མཉམ་པའི་ཕྱིར་པསྒིར་བཏགས། ཚེ་ཆུའི་ཡོན་དུ་སྤན་ཧོར་དུད་ཞེ་ལྔའི་ས་ཕུལ། མེས་འགྲེལ་གྱི་རི་ལ་དགོན་པ་ཆེན་པོ་འདེབས་པར་བཞེད་པ་ལ། ཀླུའི་གྲོང་ཁྱེར་ཆེན་པོ་ཡོད་པས་ཀླུའི་ཞུ་བ་ཕུལ། རྒྱ་རྒན་གྱི་ཐད་མཚོར་ཡོད་པ་ས་ཚབ་ཏུ་ཕུལ་བ་ཀླུའི་ཆོ་འཕྲུལ་གྱིས་རྐམས་སུ་བཅུག་ནས་དེར་སྔགས་སྡེ་ཆེན་པོ་བཏབ། མཁའ་རྡོ་རྗེ་བྲག་ལྟེ་བ་ལ་སྒྲུབ་པ་རྩེ་གཅིག་ཏུ་མཛད་ནས་དྲུག་ཅུ་རྩ་གསུམ་པར་གཤེགས། སྤུར་ལ་རེག་པས་མཛེ་ནད་གསོས་པ་བྱུང་ངོ་། །འདིའི་སློབ་མ་རྟ་ནག་བདུད་འདུལ། དེས་མདའ་ཤཱཀྱ་འཕེལ། དེ་ལ་ཟུར་བྱམས་པ་སེརྙེ་གསན་ཏེ། འདིའི་ཡབ་ལ་ཟུར་ཉི་མ་སེརྙེ་ཞེས་བྱ་སྟེ་མེས་པོ་པསྒིའི་སྲས་ཡིན། ཁྲོ་ཕུར་རབ་ཏུ་བྱུང་། ཁྲོ་ལོ་བྱམས་པ་དཔལ་གྱིས་མཚན་གསོལ། ཡོན་ཏན་དུ་མ་དང་ལྡན། ཁྱད་པར་བྱང་ཆུབ་སེམས་ཀྱི་རྩ་བ་བརྟན་པས་ཧོར་དམག་གི་དུས་མི་ཆེན་སསྒྱུ་རས་གསེར་མང་པོ་ཕུལ་བ་ལ།བདག་གསེར་མི་འདོད། མི་འཇིགས་པ་འི་སྦྱིན་པ་འཚལ་བར་ཞུ་བྱས་ནས་འགྲོ་བ་མང་པོ་སྲོག་སྐྱོབས། ཁྲོ་ཕུའི་འབུམ་ཆེན་རྩིག་དུས་ཆུ་ཤིན་ཏུ་དཀོན་པ་ལ་མཐུ་རྩལ་གྱི་ཆར་རྒྱུན་ཆེན་པོ་ཕབས། སྟོད་ཧོར་གྱིས་ས་སྐྱ་མིང་མེད་དུ་བཏོང་བར་བརྩམས་དུས། གོང་མ་མཆོད་ཡོན་གྱི་ལུང་དང་། དཔོན་ཆེན་ཀུན་་ཞོན་གྱི་བཅའ་ཧུ་བྱུང་བ་ལྟར། དྲག་པོ་མངོན་སྒྲོད་གྱི་ནུས་པས་དམག་ཁྲི་ཚོ་གསུམ་གངས་དབྲག་ཏུ་སྲོག་གི་རྒྱུ་བ་དགག་པས་ས་བསྟན་ལའང་བྱས་པ་ལྟག་པར་ཆེ། བར་དགའ་ལྷ་ཁང་སོགས་སྐུ་གསུང་ཐུགས་ཀྱི་རྟེན་དང་བརྟེན་པ་བསྐྲུན་པས་མཚོན་བསྟན་འགྲོའི་དོན་ལ་འཕྲིན་ལས་རླབས་ཆེ་བ་དེའི་སྲས་ཡིན། །དེ་ལ་ཟུར་བྱམས་པ་སེདྷི་འདི། ཐེག་པ་ཆེན་པོའི་རིགས་སད་པས་བྱིས་པའི་དུས་ནས་སྙིང་རྗེ་ཆེ་བ་ཞིག་ཡོད། གཞན་གྱི་སེམས་ཅན་ལ་འཚ་བ་བྱེད་པ་གཟིགས་ན་ཐུགས་ལ་ཁུར་ཆེན་པོ་བྱུང་། ཁྲོ་ཕུར་རབ་ཏུ་བྱུང་ནས་མཚན་ཡང་དེ་ལྟར་ཐོགས། མཚན་ཉིད་ཀྱི་རིག་པ་དང་། ཁྲོ་ཕུ་པའི་ཆོས་ལུགས་མཁས་པར་མཁྱེན་ནས་དགུང་ལོ་བཅུ་བཞི་ལ་བཤད་པ་མཛད་པས་མཁས་པའི་གྲགས་པ་ཐོབ་ངེས་པ་ཡིན། གཡུང་སྟོན་རྡོ་རྗེ་དཔལ་བས་ཀྱང་ཁོ་བོའི་བླ་མ་ཟུར་ཐམས་ཅད་མཁྱེན་པ་ཞེས་གསུངས། ཁྲོ་ཕུའི་ཆོས་ཁྲི་ལ་བཞུགས་ནས་གྲྭ་པ་རྣམས་ལ་མངོན་པ་གསུང་པས་ཐོག་ཆོད། དགུང་ལོ་བཅོ་ལྔ་ལ་འུག་བྱ་ལུང་དུ་མདའ་ཤཱཀྱ་འཕེལ་ལས་གསང་སྙིང་གསན་སྦྱངས་མཛད་པ་མཁས་པའི་དབང་པོར་གྱུར། བཅུ་བདུན་ལ་རྒྱུད་ཀྱི་རྣམ་གཞག་མཛད་ནས་ཆོས་གཞི་བཟུང་། བཅུ་དགུ་ལ་ལྕེ་སྟོན་སྒྲུབ་པ་འབུམ་ལ་སྒྱུ་འཕྲུལ་ལམ་རིམ་དང་། རྫོགས་ཆེན་གསན་པས་རྟོགས་པ་ཐོད་རྒལ་དུ་སྐྱེས། ཉི་ཤུ་ལ་ལ་སྟོད་ནས་བྷ་སྟོན་གཟི་བརྗིད་སྤྱན་དྲངས་ནས། སྒྱུ་འཕྲུལ་ཟུར་ལུགས་ཀྱི་ཕན་ནུས་ཟབ་གསུམ་གྱི་དབང་དང་། དགོངས་འདུས་རྩ་རླུད་སྐོར་ཞུས། ཟུ་ལུང་པ་གྲུབ་ཐོབ་བཤེས་གཉེན་ལ་མདོ་དབང་དང་། སེ་ལུགས་ཀྱི་ཞི་ཁྲོ་རྒྱས་འབྲིང་བསྡུས་གསུམ་གསན། ཐར་ལོ་ཉི་མ་རྒྱལ་མཚན་ལས་སྒྲ་ཚད། ཁྲོ་ཕུའི་སློབ་དཔོན་དཔལ་མཆོག་ལས་རྡོ་རྗེ་འཕྲེང་བས་མཚོན་པའི་གསར་མ་རྒྱ་ཆེན་པོ།བསམ་སྡིངས་གྲུབ་པ་དཔལ་ལས་ལམ་འབྲས། བླ་མ་ཡོན་ཏན་མགོན་ལས་ཕྱག་རྡོར་དང་རྣམ་འཇོམས། དཔོན་དཔལ་ཆེན་མགོན་ལས་བསྟན་སྲུང་དང་། སྨན་རྩིས་གཡུལ་རྒྱལ། ཤངས་པ་ཤལ་འབུམ་ལས་གཤིན་རྗེ་དམར་ནག་དང་། ཀློང་སྡེའི་སྐོར་ལ་སོགས་ཏེ་མདོར་ན་བླ་མ་མང་པོ་ལས་རིག་གནས་ཕྱི་ནང་། སྡེ་སྣོད། རྒྱུད་སྡེ་མཐའ་ཡས་པ་ཞིག་གསན་ཞིང་། རྩ་བ་ཆོད་པར་སྦྱངས་ནས་གཙོ་བོ་ཐུགས་དམ་འབའ་ཞིག་ལ་བཞུགས། ཡི་དམ་མང་པོའི་ཞལ་གཟིགས། སྐུ་མདུན་ན་སུས་གླེབས་པ་ཡིན་ཡང་སྣང་བ་རང་སར་འགྱུར་ནས། ངེས་འབྱུང་དང་དད་པ། །སྙིང་རྗེ་རང་དབང་མེད་པར་སྐྱེ་བ་ཞིག་ཡོད་པར་གྲགས། ལར་སྐྱེས་བུ་དམ་པ་འདི་ལ་བོན་པོ་ཞིག་གི་ཟས་ངན་སྦྱར་བས་དགུང་ལོ་ཉི་ཤུ་རྩ་བདུན་ལས་མ་བཞུགས་ཏེ་མཁྱེན་བརྩེ་ནུས་གསུམ་གྱི་ཡོན་ཏན་དཔག་པར་དཀའ་བས་སྤྲུལ་པའི་སྐུར་ཡིད་ཆེས་སོ། །དེ་ལ་སློབ་མའི་ཚོགས་བསམ་གྱི་མི་ཁྱབ་ཅིང་། སྒྱུ་འཕྲུལ་ལམ་རིམ། གསང་བའི་སྙིང་པོ། འགྲེལ་པ་སྤར་ཁབ། མདོ་དང་བཅས་པ་ཚད་དུ་རྫོགས་པའི་བཤེས་གཉེན་གཞན་ཕན་རྒྱ་ཆེར་སྤྱོད་ཅིང་གྲགས་པ་ཐོབ་པ་རང་ཡང་བཅུ་དྲུག་ཙམ་ཡོད་པ་ལས། གཙོ་བོར་གྱུར་པ་ནི་སྔ་ཚར་གྱི་ཐུ་བོ་གཡུང་སྟོན་རྡོ་རྗེ་དཔལ། ཕྱི་ཚར་གྱི་མཐུ་བོ་རྟ་ནག་སྒྲོལ་མ་པ་བསམ་འགྲུབ་རྡོ་རྗེའོ། །དེ་ལ་གཡུང་སྟོན་པ་ནི། གདུང་རུས་གླན། ཤིང་ཕོ་སྤྲིའུའི་ལོར་སྐྱེ་བའི་མྱུ་གུ་འཚོང་འདུས་སུ་བཟུང་། སྐུ་གཞོན་ནུ་ནས་མཁྱེན་པ་ཕུན་སུམ་ཚོགས། སྤྱིར་མཚན་ཉིད་ཐམས་ཅད་མཁྱེན་ཅིང་ཁྱད་པར་མངོན་པ་ཀུན་ལས་བཏུས་ལ་མཁས། སྔགས་གསར་རྙིང་ཐམས་ཅད་ལ་བློ་མཐུ་ཤིན་ཏུ་ཆེ། ཁྱད་པར་ཀརྨ་པ་རང་བྱུང་རྡོ་རྗེའི་སྲས་ཀྱི་དམ་པར་གྱུར་ཅིང་། ཟུར་བྱམས་པ་སེདྷི་ལས་མདོ་སྒྱུ་སེམས་གསུམ་གྱི་མན་ངག་རྫོགས་པར་ཕྱོགས་འདི་ལའང་སྨྲ་བའི་དབང་ཕྱུག་ཆེན་པོར་གྱུར། གསང་བའི་སྙིང་པོ་ལ་རྟིསྐ་གསལ་བྱེད་མེ་ལོང་མཛད་དེ་བཤད་རླབས་གཞན་ལས་ཆེ། ཟུར་བྱམས་པ་སེརྙེས་ཤངས་པ་ཤཱཀ་འབུམ་ལས་བཤད་སྐོར་གསན་པའི་ཕྱག་ཕྱིར་འབྲེང་ནས་སླབས། འཁྲུལ་འཁོར་ལས་སྦྱོར་སོགས་ལ་ཤིན་ཏུ་མཁས་ཤིང་མཐུ་ཆེ་བས། སླར་ཟུར་བྱམས་པ་སེདྷིའི་སྐུ་ཚེ་ལ་བར་དུ་གཅོད་པའི་ལྷ་ཁུ་དབོན་པོ་ལ་གཤིན་རྗེའི་འཁོར་ལོ་བསྐོར་ནས་མི་ནོར་ཞིང་ཁང་དང་བཅས་པ་གཙང་པོ་ལ་སྦྱངས་ཏེ་རྨེག་མེད་དུ་བཏང་དུས། བླ་མའི་སྐུ་དགྲ་འཐུལ་བ་ཁོ་བོ་བཅོམ། །ཞེས་པའི་ཚིག་བཅད་ཀྱང་མཛད། སྐུ་གཞོན་དུས་གོང་མའི་ལུང་གིས་རྒྱ་ནག་ཏུ་བྱོན། སྔར་འཇིག་རྟེན་གྱི་ཁམས་ན་མ་གྲགས་པ་ཙམ་གྱི་མདོས་གཏོར་ཞིག་མཛད།ཡུལ་གྲུ་འགའ་ཞིག་ལ་ཐན་པ་ཆེན་པོ་བྱུང་བས། གོང་མའི་ལུང་གིས་བསྔགས་ཏེ་ཆར་འབེབས་མཛད་པས་ནུས་པ་མངོན་སུམ་དུ་ཐོན། གོང་མ་དགྱེས་ཏེ་བྱ་དགའ་ཆེན་པོ་བྱིན་པའི་ནོམ་པ་དང་བཅས་བོད་དུ་ཕེབས།དངོས་པོ་རྣམས་ངོ་ཤེས་དང་གྲོགས་མཆེད་སུ་ལའང་མ་བྱིན་པར་ཡུམ་གྱི་དོན་དུ་བླ་མ་དང་དགེ་འདུན་ལ་ཕུལ། བུ་སྟོན་རིན་པོ་ཆེའི་ཡང་སློབ་མར་གྱུར་ནས་དུས་ཀྱི་འཁོར་ལོ་ལ་ཤིན་ཏུ་མཁས། རྒོད་སྒྲོས་ཆུའི་གྲོད་པ་དུམ་བུར་བཅས་ཀྱང་ཆུ་མི་འབོ་བ་དང་། ལྕགས་བསྲེགས་ལ་ཤ་རྗེན་གྱིས་རེག་ཀྱང་མི་ཚིག་པ། རྩིག་པ་ལ་རྡོ་དྲུག་སྦྱོར་གྱིས་ཞལ་བ་བྱས་པས་རྩིག་པ་བྲག་ཆེན་ལ་འགྱུར་ལ་སོགས་པའི་རྟེན་འབྲེལ་མང་པོ་མཁྱེན། གཙོ་བོར་ཀརྨུ་པ་རང་བྱུང་རྡོ་རྗེའི་དབུགས་འབྱིན་ཆེན་པོའི་མན་ངག་སྤྱི་དང་ཁྱད་པར་རྫོགས་པ་ཆེན་པོ་ལ་ཉམས་བཞེས་མཛད། རྒྱ་ཆེར་རོལ་པ་ལས་བཤད་པའི་གཏེར་ཆེན་པོ་བརྒྱད་ཐོབ་པས། ལེགས་པར་བཤད་པའི་སེམས་ཅན་ཐམས་ཅད་ཚིམ་པར་བྱེད་པ་སྤོབས་པའི་གཏེར་ཆེན་པོ་ཡོངས་སུ་གྲོལ་ནས། མདོ་སྔགས་ཀྱི་སངས་རྒྱས་ལ་ཁྱད་པར་ཕྱེ་བའི་བསྟན་བཅོས་མཛད་པ་གཡག་སྡེ་པཎ་ཆེན་གྱི་གཟིགས། ཤིན་ཏུ་དད་ནས་དཔོན་སློབ་བཅོ་ལྔ་བྱོན་ཏེ་ཞབས་ལ་གཏུགས། སྐུ་ཚེའི་སྨད་ལ་ཚོགས་པ་ཆོས་ལུང་པ་ལས་བསྙེན་པར་རྫོགས། མཚན་རྡོ་རྗེ་འབུམ་ཞེས་པ་རྡོ་རྗེ་དཔལ་དུ་བསྒྱུར། མོན་པ་གྲོ་དང་། ཕུང་པོ་རི་བོ་ཆེ། ར་དུམ་བྲམ་ལ་སོགས་པར་བཞུགས་ཤིང་བཤད་པས་ཀྱང་གཞན་ལ་ཕན་པ་རྒྱ་ཆེན་པོ་མཛད། བརྒྱད་ཅུ་རྩ་གཉིས་པ་ཤིང་མོ་སྦྲུལ་གྱི་ལོར་ཞི་བར་གཤེགས་སོ། །རྟ་ནག་སྒྲོལ་མ་བ་བསམ་འགྲུབ་རྡོ་རྗེ་ནི། སྔགས་རྙིང་མ་ལས་དངོས་གྲུབ་བརྙེས་པ་རིམ་ཅན་གྱི་སྲས་སུ་རྟ་ནག་གནས་གསར་དུ་འཁྲུངས། ཟུར་བྱམས་པ་སེདྷི་ལས་གསན་རྒྱ་ཆེན་པོ་མཛད་ཅིང་ཁྱད་པར་སྒྱུ་འཕྲུལ་ལ་མཆོག་ཏུ་མཁས། གླན་ཉ་ཚལ་པ་བསོད་ནམས་མགོན་པོ་ལས་སྒྱུ་འཕྲུལ་གྱི་དབང་ནོད། མཁྱེན་པ་དང་འཕྲིན་ལས་དཔག་པར་དཀའ་བ་ཡིན་ཏེ་དབེན་པ་འབའ་ཞིག་ལ་ཐུགས་གཏོད། བྱམས་པ་སེརྙེར་རྫོགས་པ་ཆེན་པོ་སྙིང་ཐིག་ལ་ཐུགས་དམ་རྩེ་གཅིག་ཏུ་མཛད་པས། རིག་པ་ཚད་ལ་ཕེབས་ཏེ་སངས་རྒྱས་ཀྱི་ཞིང་ཁམས་རྒྱ་མཚོ་དང་མཉམ་པ་ཉིད་དུ་སྤྱོད། ཡང་དབེན་པའི་ཟུར་ཤཱཀྱ་འབྱུང་གནས་དང་། འུག་པ་ལུང་པའི་བླ་མ་སེདྷི་པ་གཉིས་ཆུང་ཆུང་ནས་སྐུ་དྲུང་དུ་བཞག་ནས་ལེགས་པར་བསྐྱངས་པས་བླ་མའི་དམ་ཚིག་ལ་གཅིག་ཏུ་གུས་ཤིང་། ཟུར་རྒྱུད་ལ་བཀའ་དྲིན་ཆེ། ཤངས་པ་ཀུན་མཁྱེན་ཞེས་གྲགས་པ་བླ་ནགསལ་པ་དེའང་བྱིས་པའི་དུས་ན་བླ་མ་འདིས་དབང་མང་པོ་བསྐུར་ཞིང་བྱིན་གྱིས་བརླབས་པས་མཁས་པ་ཆེན་པོར་གྱུར་པ་སོགས་བྱིན་བརླབས་བསམ་གྱིས་མི་ཁྱབ། དགུང་ལོ་བརྒྱད་ཅུ་རྩ་གཉིས་པ་མེ་ཕོ་འབྲུག་གི་ལོརགཤེགསཁརསྲས་ལ། ང་བདེ་བ་ཅན་དུ་འགྲོཁྱོད་ཀྱི་ཀྱངངའི་ལོ་དང་མཉམ་པ་ཐུབ། དེ་ནས་བདེ་བ་ཅན་དུ་ཤོག་ཅེས་གསུངས་ནས་གཤེགས། དེ་ལ་ཟུར་རྒྱུད་དང་། སྲས་རྒྱུད་གཉིསལས། ཟུར་རྒྱུད་ནི། ཟུར་ཧམ་ཤཱཀྱ་འབྱུང་གནས་ཏེ། འདིའི་ཡབ་ཟུར་བཟང་པོ་དཔལ་ཞེས་བྱབའི་རིང་ལ་གོང་མ་བུ་ཡན་ཐུ་གན་གྱི་ལུང་དང་གནང་སྦྱིན་བླངས། སླརགོངམའིལུང་གིས་རྒྱ་ནག་ཏུ་འབྱོན་དགོས་པ་བྱུང་། དང་པོགོང་ན་རྒྱལ་པོའི་རིམ་གྲོཔར་གྱུར་ལ་མཐུ་རྩལ་དང་ནུས་པ་ཤིན་ཏུ་ཆེ་བས་ལོ་ཉེས་ལས་སྐྱོབས་པ་དང་། མདོས་ཟེར་ཐོག་སེར་ལ་སོགས་པས་ངོ་ལོག་ཆོམས་ནུས། ཁྱད་པར་རྒྱལ་པོའི་ཕོ་བྲང་ཏའི་ཏུའི་གི་ནམ་མཁར་མི་མཐུན་པའི་མཚན་མ་སྤྲིན་ནག་པོ་སྡིག་པའི་གཟུགས་ཅན་བྱུང་བ་སུས་ཀྱང་བཤིག་མ་ནུས་པའི་ཚེ། རྒྱལ་པོའི་ལུང་གིས་སྐབས་དབྱེ་ནས་མ་མོ་ཁང་ཕབགྱི་མདོས་དར་ཁང་བཅོ་བརྒྱད་ཀྱིས་བཅིངས་པ་བཏང་། གཏོར་འཆམསམཛད་པས་སྤྲིན་ནག་འཐོར་བ་སོགས་མཐའ་འཁོབགྱི་ཡུལདུ་དམ་པའི་ཆོས་ཀྱི་ཆེ་བ་ལན་མངདུབཏོན་པས་གོང་མ་དད་དེ། ཡངདགལྷ་དགུའིདབངདང་ཚེ་དབང་ཞུས། དངུལགྱི་ཐམ་ཀ་དང་། དངུལབྲེ་བཅུ་གསུམ། ཕོངཁ་ཕྱེད་ཉིས་བརྒྱ་འདེབས་པའི་གོས་དར་གྱི་འབུལ་བ་ཕུལ། ཕོ་བྲང་ཏའི་ཏུར་སྔགས་སྡེ་བཙུགས། དེའི་དུས་ཀྱི་ལས་བཞིའིཕུར་པ་ཕོབྲང་ན་ཡོད་པར་གྲགས། དེ་ལྟར་ཟང་ཟིང་གི་རྫས་འབྱོར་པ་ལས་རྩ་རྒྱུད་གསང་སྙིང་།འགྲེལ་པ་སྤར་ཁབ། གསང་སྔགས་ལམ་རིམ། མན་ངག་དགུ་པ་ལ་སོགས་པའི་སྔ་འཀྱུར་གྱི་ཆོས་སྡེ་ཉི་ཤུ་རྩ་བརྒྱད་བར་དུ་བསྒྲུབས། སོ་སོ་ནས་སྟོང་ཕྲག་རེ་བཏབསྟེ་གྲྭཔ་ལ་བཀྱེ། རྒྱུད་འབུམ་བཞེངས་པའི་ཆ་རྐྱེན་མང་པོ་བསྐུར་བ་སོགས་བསྟན་པ་ལ་ཕན་པ་རྒྱ་ཆེ། སླར་རྒྱལ་པོ་བུཡན་ཐུར་རླུང་གི་ནད་ལ་ཚད་པའི་བཅོས་བྱས་ནས་གཤེགས། འདི་དུས་ས་སྐྱ་དང་ཟུརཚོ་རྣམས་གྲུབམཐའི་སྙིངཔོ་གཅིག་པས་འདྲིས་ཤིན་ཏུ་ཟབ་པ་ཡིན། རྒྱུ་དེས་ཟུར་བྱམས་པ་སེདྷི་གཤེགས་པའི་ལོ་རྒྱུས་ས་སྐྱར་སྐྱལ་བས། དེ་མ་ལེགས་ཟུར་བཟང་པོ་དཔལརྒྱ་ནག་ནས་བོས་ཤིག་གསུངས། གཞན་རྣམསཀྱང་བགྲོས་ནསཉེ་གནས་འཇམ་དབྱངས་གདནའདྲེན་དུ་བཏང། དེས་རྒྱ་ནག་ཏུ་བརྟོལ་བའིཚེ་ཚད་པའིནད་ཀྱིས་སྙུང་ནས་འགྲོངས་ལ་ཁདཡོད་དེ། མཁའ་འགྲོ་ཆོསསྐྱོངགི་བྱིན་གྱིས་བརླབས་ནས་ཅུང་དྲག་པའི་མགོ་བསྟན། དེའི་ཚེ་ཉིད་ཀྱི་གཟིགས་སྣང་ལ་རྒྱལ་པོ་བུ་ཡན་ཐུ་དང་མཇལ་ནས་ཁྱོད་བོད་དུ་འབྱོན་ན་གནང་སྤྱིན་ཇི་ལྟར་སྦྱིན་ཞེས་གསུང་པ་ལ་ལན་ཞིབ་ཏུ་ཞུས་པས། ཅི་ཡང་མ་བྱིན་པར་འདུག་གསུངས་ནས་ཡལ། དེའི་ལོ་རྒྱུས་དཔོན་མོ་ཐའུ་ལས་ཐོས་ཏེ་ཁྱོད་མཐོང་བས་གོང་མ་དྲན་ཟེར་ནས་མཆི་མ་ཕྱུང་། སླར་དངུལ་བྲེ་བཅུ་བྱིན། རྡོ་རྗེ་སེམས་དཔའི་སྐུ་རྒྱ་ནག་ལི་མ་དང་། ཆོས་སྐྱོང་ལྕམ་དྲལ་གྱི་འཆམས་སྐུ་བཞེངས་པ་གདན་དྲངས་ནས་བོད་ལ་བྱོན་པའི་ཚེ། མགོན་པོས་བོད་ལ་ཞལ་གཟིགས་ནས་གོམ་པ་བདུན་འཕགས་པས། བསེ་འབག་གོམ་བདུན་མར་གྲགས། བོད་དུ་བྱོན་ནས་བསྟན་པའི་བྱ་བ་ལ་རྒྱུད་འབུམ་བཞེངས། ཆོས་སྐྱོང་བྲན་དུ་འཁོལ། མ་འོངས་པ་མངོན་གསུམ་དུ་ལུང་སྟོན། སླར་ཡང་གོང་མའི་ལུང་གིས་རྒྱ་ནག་ཏུ་གཤེགས་དགོས་པ་བྱུང་བའི་ཚེ། འབྱོན་པར་མི་སྤྲོ་བས། རྒྱལ་པོའི་ཕོ་ཉ་ཐེ་མུར་དར་དང་། བྷ་ར་ལ་དངུལ་བྲེ་སོགས་པ་བྱིན་ཏེ་སློག་ཀྱང་རྒྱལ་པོའི་ཆད་པ་འོང་ཟེར་འགྲོ་མ་འདོད། དེར་རང་དབང་ཐམས་ཅད་བདེ་བ་ཡིན། གཞན་དབང་ཐམས་ཅད་སྡུག་བསྔལ་ཡིན། ཞེས་པ་ལ་སོགས་པའི་ཞལ་གདམས་མཛད་ནས་རྒྱ་ནག་ཏུ་གཤེགས། སྤྱིར་དགུང་ལོ་སུམ་བཅུ་སོ་བརྒྱད་ལས་མ་བཞུགས་པ་དེའི་སྲས་ཡིན། དེ་ལ་ཟུར་ཧམ་ཤག་འབྱུང་འདིས་ཆུང་ངུ་ནས་ཡབ་མེས་ཀྱི་ཆོས་ལ་སྦྱངས་ཤིང་ལས་སད་པས། རང་ལོ་ལྔ་པར་ཡབ་རྒྱ་ཡུལ་དུ་གཤེགས་པའི་བསུ་བ་མི་ཆེན་དང་། བཅས་པའི་དབུས་སུ་རྩ་རྒྱུད་ལ་བཤད་པ་ཐོ་རེ་ལོང་མཛད་པས་ཐམས་ཅད་ཧ་ལས། དགུང་ལོ་བདུན་པ་ནས་བཤད་གྲྭ་བསྐྱངས། བླ་མ་ཀུན་སྤངས་པར་དགེ་ཚུལ་དང་། ཆོས་རྗེ་བསོད་ནམས་གྲགས་པ་ལས་བསྙེན་པར་རྫོགས་པའི་ཚེ་མཚན་ཤཱཀྱ་འབྱུང་གནས་སུ་གྲགས། ཟུར་པ་པསྙིའི་སྲས་ཟུར་ཤཱཀྱ་སེརྙེ་ཞེས་བྱ་བ་གོ་ལུག་རྒྱལ་པོའི་ལུང་དང་། གནང་བྱིན་གསེར་བྲེ་ཆེན་སྲང་དྲུག་ཅུ་མ་བཞི། དངུལ་དཀར་བྲེ་ཆེན་ཉི་ཤུ། གོས་ཕྱི་ནང་ཉིས་བརྒྱ་རྣམས་ཐོབ་ཅིང་། དཔོན་མི་ཐའུ་ས་གས་པས་ཀྱང་བདོག་པ་བརྒྱ་ཆེར་བྱིན་པས་ཟུར་པའི་བསྟན་སྲིད་ལ་ཕན་པ་རྒྱ་ཆེན་བཏགས་ལ། ཁྱད་པར་རྒྱལ་བ་ཟུར་པོ་ཆེའི་སྐུ་ཆོས་ཀྱི་དུམ་བུ་བཞུགས་པའི་འཇམ་དབྱངས་ཀྱི་གསེར་སྐུ་ཤིན་ཏུ་ངོ་མཚར་བ་བཞེངས་ནས་དཔལ་འུག་བྱ་ལུང་གི་རྟེན་གཙོ་བོར་མངའ་གསོལ། བཤད་གྲྭ་དང་སྒོམ་གྲྭའི་ཚུགས་ཁ་ཆེན་པོ་ཟིན་པར་བྱས། བདོག་པ་ལ་འཕང་པ་མེད་པས་བསྟན་པའི་རིམ་གྲོ་ལྷུར་ལེན། མཐོང་ན་མི་མཐུན་པ་མེད་པའི་གཟི་བྱིན་གྱིས། ཧོར་གྱི་མི་ཆེན་ཐེ་མུར་དར་ཀྱང་དད་པར་གྱུར་ནས་ཚ་དབང་ཞུ་བ་ལ་སོགས་པའི་དབང་སྟོན་ནུས་པའི་སེམས་དཔའ་ཆེན་པོའི་ང་ཚུལ་ལ་གནས་པ་དེ་དང་། ས་བཟང་ལོ་ཆེན། རྒྱལ་བ་གཡུང་། འཇམ་དབྱངས་བསམ་འགྲུབ་རྡོ་རྗེ། ས་སྐྱ་པའི་གདུང་བརྒྱུད། ཟུར་པའི་དབུ་ཆེ་གྲགས་པ་ཆེ་བ་རྣམས་ཀྱིས་མཚོན། བོད་དབུས་གཙང་གི་མཁས་བཙུན་བཟང་གསུམ་ཐམས་ཅད་ལ་གཏུགས་ནས་མཚན་ཉིད་སྡེ་གསུམ། གསང་སྔགས་གསར་རྙིང་ཐམས་ཅད་ཀྱི་གཞུང་དང་མན་ངག་ལ་ལེགས་པར་སྦྱངས། ཁྱད་པར་དུ་མངོན་རྟོགས་རྒྱན། སྤྱོད་འཛུག །དུས་ཀྱི་འཁོར་ལོ། ཀུན་བྱེད་རྒྱལ་པོ། སྒྱུ་འཕྲུལ་ལམ་རིམ། གསང་བ་སྙིང་པོ། འགྲེལ་པ་སྤར་ཁབ་རྣམས་ལ་ནན་ཏན་དུ་སྦྱངས་པས་མཁས་གྲུབ་ཆེན་པོར་གྲགས། དུས་ཕྱིས་མདོ་དབང་ཟུར་ལུགས་ཀྱི་བསྟན་པའི་བདག་པོ་འདི་ཁོ་ན་ཡིན། སྒྲོལ་ཆེན་བསམ་རྡོར་ལས་མདོ་དབང་གསན་པའི་ཚེ། རྒྱ་བོད་ཀྱི་ན་བཟའ། ཐབ་ཆས། ནས་ཁལ་ལྔ་བཅུ་སོགས་ཀྱིས་སྣ་དྲངས་པའི་འབུལ་བ་བྱས་ཏེ་ལུང་ལག་ལེན་ཕྱག་བཞེས་ཐམས་ཅད་མཐའ་ཆོད་པར་མཛད། གཏད་རྒྱ་ཁོ་ནའི་དོན་དུའང་གོས་ཡུག་ཆེན་དང་གསེར་གྱི་འབུལ་བས་མཉེས་པར་མཛད། ཤཱཀྱ་ཐུབ་པ་དང་། ཧེ་རུ་ཀ་རིགས་ལྔ་གཟིགས་སྣང་དུ་ཤིན་ཏུ་གསལ་བ་གཟིགས། འདུས་པ་མདོའི་ལྷ་ཐེམ། གཏད་རྒྱའི་འགྲེལ་པ་སོགས་མང་དུ་མཛད། མདོ་སྒྱུ་སེམས་གསུམ་གྱི་བསྟན་པ་ལ་བྱ་བ་རྒྱ་ཆེན་པོ་མཛད་ཅིང་། སྒྲོལ་མ་བའི་སྲས་སངས་རྒྱས་རིན་ཆེན་དང་། གཉལ་བ་བདེ་ལེགས་པ་ལ་སོགས་ཏེ་བསྟན་པའི་གསལ་བྱེད་དུ་གྱུར་བའི་སློབ་མ་མང་དག་བསྐྲུན་ནས་དགུང་ལོ་སུམ་ཅུ་སོ་བརྒྱད་པ་ལ་གཤེགས། གཉལ་བ་བདེ་ལེགས་ཀྱི་ཆོག་ཁྲིགས་ཀྱང་ཡོད་དོ། །ཡང་སྒོམ་ཆེན་པོའི་སྲས་བརྒྱུད་ལྟར་བྱས་ན། སྲས་སངས་རྒྱས་རིན་ཆེན་རྒྱལ་མཚན་དཔལ་བཟང་པོ་ཞེས་གྲགས་པ་དེ་ཉིད་ཡབ་ཀྱི་ལྔ་བཅུ་རྩ་དྲུག་པ་ལྕགས་ཕོ་སྟག་ལ་གནས་གསར་དུ་འཁྲུངས། མི་རྣམས་ཀྱི་ཁྱེད་ཀྱི་སྲས་འདིས་ཕན་ནི་མི་ཐོགས། དེ་ཙམ་གྱི་གཙིགས་ཀྱི་ཅི་བྱ་ཟེར་བས། འགྲོ་བ་ལ་ཕན་ཐོགས་པ་ཞིག་འོང་གསུངས། དགུང་ལོ་དྲུག་པ་ལ་གསང་བ་སྙིང་པོའི་རྒྱུད་ཐུགས་སུ་ཆུད། ཟུར་ཤཱཀ་འབྱུང་བའི་སྤྱན་སྔར་བྱོན། ངའི་བླ་མའི་སྲས་ཞེས་གཅེས་པར་བསྐྱངས་པས་རྒྱུད་བཟུང་བ་དེ་བསྙེལ། ཡང་ལོ་བརྒྱད་ལོན་པ་ན་བསྐྱར་ཏེ་བཟུང་། ཆོག་འཕྲིན་རྣམས་ཡབ་ཀྱིས་བསླབས་པས་ལོ་བཅུ་བཞི་པར་གཞན་ལ་དབང་བསྐུར་བའི་སློབ་དཔོན་ཕེར་པ་བྱུང་། ཡབ་ལས་སྒྱུ་འཕྲུལ་གྱི་ཆོས་སྐོར་རྣམས་ཐུགས་སུ་ཆུད་པར་མཛད། ད་ང་རབ་ཏུ་བྱུང་ནས་མཚན་ཉིད་ཀྱང་སྦྱོངས། གསར་མའི་རྒྱུད་སྡེའང་སློབ་པ་ཡིན་ཞུས་པས། རེ་ཞིག་མི་རུང་། བཟོད་རབ་ཏུ་བྱུང་བས་མཆོག་གསུངས། དེར་མི་ཅི་ཞིག་བདག་གིར་བཟུང་བས་སྲས་ཁ་ཤས་འཁྲུངས། དགེ་བསྙེན་གྱི་རྟེན་ལ་བསླབ་སྦྱོངས་རྫོགས་པར་མཛད་ནས་སླར་ཆོས་འཁོར་སྒང་དུ་ཆིག་རྫོགས་མཛད། སྐུ་ཤིན་ཏུ་བཙུན་པར་བཞུགས། སྒྱུ་འཕྲུལ་ལ་མཁས་པར་གྱུར་པས་དགུང་ལོ་བཞི་བཅུ་སྐོར་ལ་གསང་བ་སྙིང་པོ་ལ་སྣྲིསྐ་ཆེ་བ་ཞིག་དང་ལམ་རྣམ་བཀོད་ལའང་རྣམ་བཤད་ཆེན་པོ་ཞིག་མཛད། དེ་བཞིན་དུ་འཕྲིན་ལས་ཤར་བ་བརྒྱད་ལས།ཁྲོ་བོ་ལ་མངོན་པར་རྟོགས་པ་རྒྱས་པ་དང་། གནས་ལུང་ལའང་ཆོ་ག་རྒྱས་པ་ཞིག་མཛད། ཡབ་དང་ཐུགས་སྲས་མཐུན་པ་རྡོ་རྗེ་སོགས་ལས་མན་ངག་མང་དུ་མཉན་ཅིང་ཉམས་སུ་བསྟར་དགུང་ལོ་བདུན་ཅུ་པ་ལ་འགོས་ལོ་ཡེ་བཟང་རྩེ་བ་རྗེས་སུ་བཟུང་སྟེ། འདི་ལྟར་སྒྱུ་འཕྲུལ་ཞི་ཁྲེའི་དབང་དང་། སྒྱུ་འཕྲུལ་གྱི་ཚེ་དབང་། དོང་དཀྲུགས་ཀྱི་དབང་། ཚེ་བདག་དང་། ཡང་དག་མ་གཅིག་དབང་། རྣ་བོ་བའི་ལུགས་ཀྱི་རྟ་མགྲིན་དང་། ཟླ་རྒྱལ་མའི་ལུགས་ཀྱི་རྗེས་གནང་། ཕུར་པའི་ལུགས་ཀྱི་དབང་དྲག་པོའི་རྗེས་གནང་དང་བཅས་པ། སེམས་སྡེ་བཅོ་བརྒྱད་ཀྱི་རིག་པའི་རྩལ་དབང་། གསང་སྙིང་རྒྱུད་འགྲེལ་པ་དང་བཅས་པའི་བཤད་པ།ལམ་རྣམ་པར་བཀོད་པའི་ཉིསྐ་ཉིད་ཀྱི་མཛད་པའི་ཐོག་ནས་བཤད་པ་རྒྱས་པ། གཞན་སྒྱུ་འཕྲུལ་གྱི་ཁོག་གཞུང་བཞི་བཅུ་ལ་སོགས་པའི་གཞུང་ཆུང་བཞི་བཅུ་ཙམ། མདོ་དགོངས་པ་འདུས་པ་དང་། དེའི་རྩ་བའི་རྒྱུད་ཀུན་འདུས་དང་། གནུབས་ཆེན་གྱི་མདོ་འགྲེལ་མུན་པའི་གོ་ཆ། སྒྱུ་འཕྲུལ་བརྒྱད་ཅུ་པ་དང་བླ་མ་གཉིས། ཡང་དག་རྩ་བའི་ལུང་རྣམས་ཀྱང་གནང་། སྙིང་ཐིག་སྤྲོས་བཅས་ལ་སོགས་པའི་དབང་བཞི་དང་། མེ་ལོང་བས་མཛད་པའི་ཡི་གེའི་སྟེང་ནས་ཁྲིད་ཡིག །རྫོགས་ཆེན་ཨ་རོའི་མན་ངག་ཀྱང་ཁྲོད་དུ་མཛད། དེ་བཞིན་དུ་བྱང་སེམས་ཡེ་རྒྱལ་བ་ནས་བརྒྱུད་པའི་ཐུགས་རྗེ་ཆེན་པོའི་དམར་ཁྲིད་ཀྱང་གནང་སྟེ། རྒྱུ་མཚན་དེ་ལ་བརྟེན་ནས་འགོས་ལོ་ཡེ་བཟང་རྩེ་པས། གསངསྔགས་སྙིང་མ་ཞེས་གྲགས་པའི་ཕྱོགས་ལ་ལྷག་པར་མོས་པ་ཐོབ་ཅིང་། ཆོས་སྤོང་བའི་སྒྲིབ་པས་མ་སྦགས་ཙམ་མོ། །ཞེས་ཐོས་པའི་ཕརོལ་ཏུ་སོནཔའི་མཐར་ཐུགདོནདང་ལྡན་པར་སོང་བ་ཡིན་ཞེས་ངེས་པརབརྟེན་པའི་ཐ་ཚིག་གོ །དེ་ལྟརཆོསརྗེ་སངས་རྒྱསརིནཆེན་ཆེས་པས་བདུན་ཅུ་རྩ་གཉིས་པ་ལྕགས་མོ་གླང་གི་ལོ་ལ་དབུས་སུ་ཕེབས། གོང་མ་རིའི་བསམ་གཏན་གླིངདུ་དབང་གྲགས་པ་རྒྱལ་མཚན་གྱི་ཞབས་ནས་བཏེག །འདུས་པ་མདོ་ལ་སོགས་པའི་དབང་མང་པོདང་། གསང་སྙིང་ལ་སོགསཔའིབཤད་པདང་། ལུང་མང་པོ་བྱིན། བརྒྱདཅུ་རྩ་གཉིས་པལྕགས་མོ་ཕག་གི་ལོ་ལ་གཙང་དུ་སྐུ་གཤེགས། ཟུར་ཆུང་པ་འཁྲུངས་ནས་དུས་འདི་ཡན་ཆདལ་ལོ་བཞི་བརྒྱ་དང་བཅུ་བདུནསོང་། །ཡང་སྒྲོ་ཕུག་པ་ཆེན་པོའི་སློབ་བརྒྱུད་འབྱོང་རྒྱས་རྒྱ་སྨན་པ་སངས་རྒྱས་གྲགས་་ཞེས་བྱ་བ་ནི།རུས་གཉལཡུལརྒྱུ་སྨནསྟག་རྩེ་སར་འཁྲུངས། གཞོནནུའིདུས་འཛམ་བྷ་ལབསྒྲུབས་པས་ཞིང་ཆུང་ཞིག་ཡོད་པ་དེའང་ཆུསཁྱེར། བྱ་བྲལ་ལ་བྱོནཔས་སྤུ་ཀུ་དོར་ཕྱུག་པོ་མཛེསཁྱེར་བ་ཞིག་གི་རོ་ཁུར་མི་མ་བྱུང་བར་འདུག །སྙིང་རྗེདྲག་པོ་སྐྱེས་ཏེ་རྟོག་མེད་མཛད་ནས་རོ་ལསབྱས་པས་མལ་འགྲམ་ནསགསེར་མང་པོ་བྱུང་།དེ་ཛམ་བྷ་ལྷས་དངོས་གྲུབ་བྱིནཔར་འདུག །སླརལོག་ཏེ་གྲཕྱི་ཁང་དམར་དུ་ཁྱུང་པོ་ཁྲོ་བོར་ཐུགཁོང་ཡང་དག་བསྒྲུབ་པའི་ཕྱག་ཕྱིས་བསྒྲུབ་པ་མཛད་པས། ཡང་དག་མར་མེ་དགུ་པའི་ཞལ་གཟིགས། དེ་ནས་གཙང་དུ་བྱོན་གསང་བདག་སྒྲོ་ཕུག་པའི་སློབ་མ་བྱ་ཆེན་པོའི་དབོན་པོ་ཞིག་ལ་མདོ་དང་སྒྱུ་འཕྲུལ་ལ་སོགས་པའི་གསན་པ་མཛད། དེར་ཕྱུག་པོ་ཞིག་གི་ནས་ཁལ་བརྒྱ་ཐམ་པ་ཕུལ། ཆ་རྐྱེན་གྱི་མི་ཐོགས་པར་བྱུང་བས་སྒྲོ་ཕུག་པའི་སློབ་མ་མྱང་ནག་མདོ་བོ། དེའི་སློབ་མ་ལྷ་རྗེ་མདའ་སེདྷི་ལའང་སྒྱུ་འཕྲུལ་ཉན།མཁས་པ་ཆེན་པོར་གྱུར་ནས། རང་ཡུལ་དུ་རྡོ་ཐོ་ཐེལ་བཏབ། གཉལ་བ་ཞིག་པོའི་སློབ་མ་རྒྱ་འཆིང་རུ་བས་ཀྱང་རྡོ་ཐོག་པའི་ཞབས་ལ་གཏུགས་ཏེ་ཐོས་པ་མང་དུ་མཛད་ཁྱད་པར་དུ་འདི་ལ་སློབ་མ་མཁས་ཤིང་གྲུབ་པའི་དཔའ་བོ་སྐྱི་ཆོས་ཀྱི་སེརྙེ་བྱ་བ་ཞིག་བྱུང་། དེས་གོང་མ་སེ་ཆེན་གྱི་སྤྱན་སྔར་བྱོན་པས། རྒྱལ་པོས་ནུས་པ་བརྟག་པའི་ཕྱིར་ཐུབ་ཆོད་མཛད་དེ་མཆོད་རྟེན་གྱི་ནང་དུ་བཅུག་ནས་སྒོ་བརྩིགས་ཏེ་ལོ་གཅིག་བཞག །ལོ་དུས་ན་ཁ་ཕྱེ་སྟེ་བལྟས་པས། རྡོ་རྗེ་ཕུར་བུའི་སྐུར་གྱུར་འདུག་པས་ངོ་མཚར་ཆེན་པོ་སྐྱེས། རྗོ་ཐོག་པ་ལ་དང་རིངས་ཆེན་མོ་ལ་སོགས་པའི་དངོས་པོ་ཚན་ཆེར་གནང་། འཇའ་སས་བཅད་པའི་དགོན་གཞིས་ཀྱང་མང་དུ་ཡོད་དེ་དར་རྒྱས་ཤིན་ཏུ་ཆེ་བར་བྱས། ད་ལྟ་ནི་མིང་དུ་གྲགས་པའི་རྗེས་ཤུལ་ཙམ་སྟེ་བསྟན་པའི་འཕེལ་འགྲིབ་འདི་ཡང་སྐྱོ་བ་བསྐུལ་བའི་རང་བཞིན་ནོ། །སྤྱི་ཆོས་ཀྱི་སེརྙེ་སློབ་མ་ནི། སྨན་ལུང་པ་༄༅། ཁྲཀྱ་འོད་དེ། འདི་ནི་འཔྱོང་པོ་ཁེ་རུའི་མྱང་སྟོན་ཆེན་པོར་སྲས་ལྔ་བྱུང་བ་ཡར་ཀླུང་མཆོད་སྔར་གྲགས་པའི་ཆེ་་།ས་ཡིན། ཡུལ་ཡར་ཀླུང་དགོན་པ་སྨན་ལུང་ཡིན་པས་དེ་སྐད་དུ་གྲགས། ཚིགས་གཉིས་པ་ཆོས་ལྡན་པའི་གདན་ས་ད་ལྟ་ཆོས་ལྡན་ཞེས་པའི་དགོན་རོལ་འདི་ག་ཡིན། མཚན་དངོས་མགོན་པོ་རྡོ་རྗེ་ཞེས་བྱ་སྟེ་གྲུབ་པ་ཤིན་ཏུ་བརྙེས་པས་གྱང་ལ་སྐུ་རྒྱབ་གཏད་པའི་རྗེས་ཐིམ་གྱི་སོང་བ་ད་ལྟའང་་ཡོད། སྔར་འདིར་ཆོས་གྲྭ་ཆེན་པོ་ཆགས་པར་སྣང་ཏེ་རྒྱུད་འབུམ་གྱི་རས་མའང་ཤིན་ཏུ་མང་པར་མཐོང་། སྨན་བསྒྲུབ་མཛད་པས་ཡུལ་འདི་སྡིག་པ་དང་གྲོག་སྦུར་ཀྱང་དཀོན་པ་ཡིན་ཞེས་ཐོས། སྲུང་མ་ཤིན་ཏུ་ནུས་པ་ཆེ་བས་ད་ལྟ་དགོན་ཤུལ་ཀྱང་བསྲུང་བར་སྣང་ཏེ་ལྷ་འདྲེ་རྣམས་དམ་ཚིག་ལ་ཤིན་ཏུ་གནས་པ་ཞིག་གོ །ཚིག་འོག་ལ་གསུམ་པ་སྐལ་ལྡན་པ། དུར་ཁྲོད་པ། དབང་རྒྱལ་བ་ཞེས་གྲགས། དེ་ལས་འདིར་ཚིག་དང་པོར་སྨན་ལུང་པ་ཤཱཀྱ་འོད་ཀྱི་སྐྱི་ཆོས་ཀྱི་སེདྷི་ལས་མདོ་སྒྱུ་འཕྲུལ་རྣམས་ལེགས་པར་བསླབས། ཕྱིས་གླན་ཤཱཀྱ་འོད་པོའི་སྲས་གླན་མཁས་པ་བསོད་རྒྱལ་ལའང་གསན་ནས། གསང་བ་སྙིང་པོའི་ཁོག་དབུབ་དང་། རྟིསྐ་རྒྱུད་དོན་རྣམས་ངེས་པ་ལ་སོགས་པ་ཡིག་ཆ་མང་དུ་མཛད། འདིའི་སློབ་མ་དྭགས་པོའི་སངས་རྒྱས་གོང་ལ་བ་ཡིན། དེ་ལ་དྭགས་པོ་ཉིད་དུ་སློབ་མ་གཉལ་ལ་སོགས་པ་མང་དུ་ཐོན་ཞིང་། གཙོ་བོར་གོན་གྱི་བདག་པོའི་བླ་མར་གྱུར་ནས་ཁམས་སུ་ཤིན་ཏུ་དར་བར་གྱུར་ཏོ། །ཡང་སྨན་ལུང་པ་ལ་དབོན་ཤཱཀྱ་འབུམ་པས་གསང་བ་སྙིང་པོའི་བཤད་པ་མཁས་པར་བསླབས། དེ་ལ་མཁས་གྲུབ་ཆོས་དཔལ་ཡབ་སྲས་གཉིས་ཀྱིས་ཀྱང་གསང་སྙིང་གི་བཤད་པ་ལེགས་པར་ནོད། སྨན་ལུང་པའི་བརྒྱུད་པ་དེ་དག་ནི་གཏེར་ཁ་གོང་འོག་ལའང་གནས་དུས་དེར་ཆོས་ཀྱི་བདག་པོར་གྱུར་པ་ཞིག་གོ །སྐྱི་ཆོས་ཀྱི་སེརྙེ་གདན་ས་བ་རྒྱ་ཡེ་ཤེས་མགོན་པོས་ཀྱང་སྐྱི་དང་གླན་ཆོས་རྒྱལ་གཉིས་ཀ་ལ་གཏུགས་ནས་མདོ་དང་སྒྱུ་འཕྲུལ་མཁས་པར་མཁྱེན། དེའི་དབོན་པོ་རྡོ་རྗེ་རྒྱལ་མཚན་ཞེས་བྱ་བ་གཞོན་ནུ་ལ་གསང་ཕུར་བྱོན་ནས་ཚད་མ་རྣམ་ངེས་མཁས་པར་སྦྱངས། དེ་ནས་ཕུ་བོ་རྒྱ་ཡེ་ཤེས་མགོན་པོ་ལས་མདོ་དང་སྒྱུ་འཕྲུལ་ལེགས་པར་བསླབས་ནས། འགྲེལ་པ་པར་ཁབ་གཞུང་དུ་བྱས་པའི་རྟིསྐ། དབང་གི་ཆོ་ག་ལ་སོགས་པ་མཛད། དེས་རང་གི་དབོན་པོ་བླ་མ་ཚུལ་རྒྱལ་བ་ལ་གསུངས། དེ་ལ་རི་གདོང་པ་ཤེས་རབ་རྒྱལ་མཚན་གྱིས་གསན། འདི་དྭགས་པོར་བསྐུར་བ་དཔོན་གཡོག་དང་སྔགས་པ་རྣམས་ལ་བཤད་པས་རེ་ཞིག་ན་དྭགས་པོའི་ཕྱོགས་ནའང་དར་བ་ཡོད་ཟེར། ཤེར་རྒྱལ་གྱི་སློབ་མ་ཞང་མཁར་བ་བསོད་ནམས་བཟང་པོ། དེའི་སློབ་མ་སློབ་དཔོན་བཀྲ་ཤིས་རྒྱ་མཚོ། འདི་ལ་རྡོ་རྗེ་རྒྱལ་མཚན་པའི་སྙིང་གིཀ་གི་ཐོག་ནས་བཤད་ལུང་དང་། ཕུར་པ་ལྷ་ནག་ལ་སོགས་པ་འགོས་གཞོན་ནུས་གསན་ཏོ། །ཡང་ཁམས་ལུགས་སུ་གྲགས་པ་ནི། སྤྱིར་གསང་བ་སྙིང་པོའི་རྒྱ་ཆེར་འགྲེལ་པ་སློབ་དཔོན་ཉི་འོད་སེདྷིས་མཛད་པ་ཡང་ཁམས་ནས་བྱུང་ཞིང་། བི་རོ་ཙ་ན་ལས་བརྒྱུད་པའི་བཤད་རྒྱུན་ཡིན་པར་ཤེས་ལ། ཁྱད་པར་སྒྲོ་ཕུག་པའི་སློབ་བརྒྱུད་ཀ་ཐོག་པ་ནི། ཟུར་གསང་བདག་ཤཱཀྱ་སེརྙེའི་སློབ་མ་གཙང་སྟོན་འགྲོ་བའི་མགོན་པོ། ཞེས་བྱ་བ་མཁས་གྲུབ་ཆེན་པོ་ཞིག་བྱོན་ཏེ། དེའི་སློབ་མ་ཀ་དམ་པ་བདེ་གཤེགས་སམ། ཤེས་རབ་སེརྙེ་བྱ་བའི་རིང་ལ་བསྟན་པའི་ཆུ་མགོ་བརྙེས་པ་ཡིན། མཚན་གཞན་དུ་སྤོབས་པ་མཐའ་ཡས་ཀྱང་བྱ་སྟེ། འདི་ཕག་མོ་གྲུ་པ་དང་ཡུམ་སྐྲུན་དུ་གྱུར་ལ་འཁྲུངས་ཡུལ་ཡང་གཅིག་པ་ཁོ་ན་ཡིན། སྔོན་རབ་ལ་ཀྲི་ཀོའི་བུ་མོ་བདུན་གྱི་དང་པོ་དང་། གནས་བསྟན་བྷ་ར་དྷ་ཛ། ཕལ་ཆེན་པའི་གནས་བརྟན་མུ་སྟེགས་ཀྱི་མཁས་པ་ཕྱིས་ནང་པར་གྱུར་པ། ཝ་ར་ཎ་སིར་ཆོས་རྒྱལ། ལོ་ཙྭ་བ་རྨ་རིན་ཆེན་མཆོག་ལ་སོགས་སྐྱེ་བ་དུ་མར་དྲན། བྱེ་བྲག་ཏུ་ཐལ་མ་ཐག་པའི་སྐྱེས་བར་བལ་པོ་བྷ་དརྙ་བྱ་བའི་རྣལ་འབྱོར་བ་ཞིག་མི་ཉག་རྒྱལ་པོའི་བླ་མར་གྱུར། དད་ཆེས་ནས་དེའི་དབུའི་བྱད་ཕྲེང་བའི་མདོ་འཛིན་ལ་བརྒྱུད་པར་མི་ཉག་གི་ཡུལ་ཐམས་ཅད་དུ་བཀར་བཏགས། རེ་ཞིག་ན་ཕྱིའི་རྒྱ་མཚོ་གཟིགས་སུ་བྱོན་པས། རྒྱ་མཚོའི་འགྲམ་དུ་ཕྲུ་མ་བཏབ་དེ་བཞུགས་པའི་ཚེ་དུས་མིན་གྱི་བརླབས་འཁྲུགས་ནས་མྱ་ངན་ལས་འདའ་བར་བསྐུལ་སླར་གདུང་རྒྱལ་པོས་སྤྱན་དྲངས་ཏེ་མཆོད་པར་བྱེད་པ་དང་། རྒྱ་གར་ནུབ་ཕྱོགས་ཀྱི་རི་བྲག་ཆེན་པོར་དྲང་སྲོང་ག་ག་ཏི་བྱ་བའི་དྲུང་དུ་ནེ་ཙོར་གྱུར་ནས་རིག་སྔགས་བསླབས་ཏེ་ནུས་པ་ཅན་དུ་ཡོད་པའི་ཚེ། ཤར་ངོས་ན་དཀར་པོའི་ཕྱོགས་ཀྱི་ཀླུ་གཅིག་དང་། ནུབ་ངོས་ན་ནག་པོའི་རིགས་ཀྱི་ཀླུ་སྟོབས་ཅན་ཞིག་པ་ལས། ནག་པོའི་རིགས་ཀྱིས་དཀར་པོའི་ཕྱོགས་ལ་དམག་དྲངས་ནས་ནམ་མཁའ་ཐོག་སེར་དང་སྤྱིན་ནག་གིས་ཁྱབ། ས་གཞི་སྦལ་སྦྲུལ་ལ་སོགས་པའི་སྲོག་ཆགས་ཀྱིས་བཀང་ནས་བྱུང་བའི་ཚེ། ཀླུ་དཀར་པོས་ནེ་ཙོ་ལ་སྐྱབས་སུ་སོང་ངོ་། །དེར་ནེ་ཅོའི་རིག་སྔགས་ཀྱི་ནག་པོའི་སྟོབས་ཕམ་པར་བྱས་པས་དཀར་པོའི་སྟོབས་རྒྱས་ནས་རྒྱལ་ཁམས་ཀྱི་འབྲུ་བཅུད་འཕེལ་བར་བྱས་པ་དང་། རྒྱ་གར་དུ་མུ་སྟེགས་ཞི་བ་པ་རྩོད་པས། ཚར་བཅད་ཅིང་སློབ་དཔོན་ཞི་བའི་ལྷར་གྱུར་ནས་པཎྜ་ཏའི་དབུས་སུ་སྤྱོད་འཇུག་གསུངས་པ་སོགས་སྐྱེ་བ་མང་པོ་དྲན། སྔོན་རྒྱལ་པོར་གྱུར་པའི་ཚེ་བློན་པོ་གཅིག་གིས་དབྱེན་བྱས་པས་ལྕེ་གཅོད་དུ་བཅུག་པས་ད་ལྟར་ངག་མི་བདེ་བ་ཡིན་གསུངས་ཞིང་ལས་འབྲས་ལ་རྩིགས་ཤིན་ཏུ་ཆེ་བ་དེ་དང་། ཡང་ཞགྲུངས་ཡུལ་ལས་མིང་ཆགས་པ་རིན་པོ་ཆེ་གཙང་སྟོན་པ་ཞེས་མི་སྐྱིད་པའི་ཞིང་རྟག་པར་གཟིགས་ཤིང་ལུང་བསྟན་ཐོབ་པ། ལོ་ཙྭ་བ་ཡེ་ཤེས་མཆོག་དང་། རྒྱ་གར་ཕྱག་ན་ལ་སོགས་པའི་སྔོན་གནས་རྗེས་སུ་དྲན་ཞིང་། ཆོས་སྐྱོང་བྲན་ལྟར་ཁོལ་བ་ཞིག་དང་པོར་གྲོགས་མཆེད་ལ།ཕྱི་ནས་དཔོན་སློབ་ཏུ་གྱུར་པ་དེ་ལས་བརྒྱུད་ནས་མདོ་དང་སྒྱུ་འཕྲུལ་གྱི་བཤད་པ་ཀ་ཐོག་ཏུ་འཕེལ་ཏོ། །དེ་ལ་འབྲི་ཆུའི་འགྲམ་སྤོམ་པོར་དང་ཉེ་བར་མི་མ་ཡིན་གདུག་པ་ཅན་མངོན་སུམ་དུ་སྐྱེ་འགྲོ་ལ་འཚེ་བ་ཞིག་ཕ་ཝང་ལ་གནས་བཅས་ནས་ཡོད་དེ། དེ་འདུལ་བའི་དུས་ལ་བབ་ནས་ཕ་བོང་ཆོས་གོས་ཀྱིས་བཅིངས། གཙང་སྟོན་གྱིས་ཁྲིད། ཀ་དམ་པས་འཕྲེང་ལྕགས་གིས་བདས་ཏེ་ཐག་རིང་པོར་བསྐྱལ་བས་ཕ་བོང་ལ་ཕྱག་འཕྲེང་གི་རྗེས་ཤིན་ཏུ་གསལ་བ་ད་ལྟ་མངོན་སུམ་པར་ཡོད། དེ་ནས་ས་ཡུལ་ཡི་གེ་ཀ་འདྲ་བའི་ཐོག་ཏུ་དགོན་གནས་བཅས་པས་ཀ་ཐོག་ཏུ་གྲགས། གཞི་འདུལ་བའི་ཚུལ་ཁྲིམས་ཀྱིས་བཟུང་བས་དགོན་པ་གཙང་ཞིང་དག །སྤྱོད་འཇུག་ལ་སོགས་སྤྱོད་ཕྱོགས་དར་བས་ཐེག་པ་ཆེན་པོའི་ལམ་སྲོལ་དུ་ཚུད། སྔགས་དང་མཚན་ཉིད་གཉིས་ཀ་དར་ཞིང་ཁྱད་པར་མདོ་སྒྱུ་སེམས་གསུམ་གྱི་བསྟན་པའི་རྩ་བ་གནས་པ་ཡིནཕག་མོ་གྲུབ་པས་ཀྱང་དག་སྣང་མཐའ་ཡས་པ་གཟིགས་ནས་ཆོས་མང་དུ་གསན། དེའི་སློབ་མ་སྤྱན་སྔ་བྱམས་པ་འབུམ་ནི་སློབ་དཔོན་ཛ་ལརྙ་རི་པའི་སློབ་མ་སྤྱོད་ཆང་དབང་པོ་ཡིན་སྟེ། འཕགས་པའི་ཡུལ་ནས་སོ་མ་ཇོ་ཀི་ཞེས་བྱ་བ་ཐུན་མོང་གི་དངོས་གྲུབ་ཐོབ་པ་ཞིག་བོད་དུ་འབྱོན་ཁར། མི་ཏྲ་ཛོ་ཀིའི་ཞལ་ནས། ཁྱོད་བོད་དུ་འགྲོ་ན་ཡུལ་ཀ་ཐོག་བྱ་བར་སློབ་དཔོན་ཤརྙ་དེ་བ་དང་། བཛྲ་པ་ཁི་བོད་དུ་སྐྱེ་བ་བཟུང་བའི་གདན་ས་ན་ཀ་ཏྣ་པ་ཆེན་པོ་ཡོད་ཀྱི་དེལཕྱག་བགྱིས། ཞེས་དཔོན་སློབ་གཉིས་ཀའི་ལུང་བསྟན་པ་ཞབས་ལགཏུགས། རྣལ་འབྱོརགྱི་དབང་ཕྱུག་ཆེན་པོ་ཀརྨཔསྒིས་ཀྱང་འདི་ལས་རབ་ཏུ་བྱུང་ཞིང་མན་ངག་རྫོགས་པ་ཆེན་པོའི་བཀའ་ཐམས་ཅད་གསན། དེ་བཞིན་དུ་པལྒི་དང་འཕགས་པ་གཉིས་ཀའི་བླ་མར་གྱུར་པ་ཙ་ཏི་སྤྱནསྔར་མང་ཕུབ་བསོད་ནམས་འབུམ་ལ་སོགས་པ་མཁས་ཤིང་གྲུབ་པ་བརྙེས་པ་ཤ་སྟག་བྱུང་ཞིང་། དགོནཔ་འདིར་གྲྭ་པ་ཁྲི་ཚོ་བཅོ་བརྒྱད་འདུ་བའིསྐབས་བྱུང་བས་དར་རྒྱས་ཤིན་ཏུ་ཆེ། གུ་རུ་ཆོས་དབང་གི་སློབ་མ་གྲུབ་ཐོབམ་ཁི་རིན་ཆེན་ཞེས་པའང་འདི་ཉིད་ཡིན་ཟེར་སྟེ་བརྟག །རྙིང་མ་རྒྱུད་འབུམ་གསེར་བྲིས་སུ་གནས་པ་སོགས་མདོ་ཁམས་ཀྱི་ཕྱོགས་ལ་སྔ་འགྱུར་བསྟན་པའི་རྩ་་ཐག་ཆེན་པོར་གྱུར་ཅིང་། ད་ལྟའང་བཀའ་གཏེར་གཉིས་ཀའེ་སྲོལ་ཤིན་ཏུ་དར་བ་ཡོད་དམསྙམ་མོ། །ཡང་རོག་ཤེས་རབ་འོད་ལས་ཀྱང་མདོ་སྒྱུའི་བཤད་བཀའ་ཤིན་ཏུ་དར་བ་བྱུང་སྟེ། ཤེས་རབ་འོདའདིས་དང་པོར་རོག་སྟོན་བཙན་པོ་ལས་སོ། །ལུགས་ཀྱི་མདོ་དང་སྒྱུ་འཕྲུལ་དང་སེམས་ཕྱོགས་གསན། ལྷབ་དྲེས་མ་གོང་པ་ལས་མདོ་དང་སྒྱུ་འཕྲུལ་སྐྱོ་ལུགས། ལྷབ་ཀྱི་ཟུར་ཆོས་པ་སློབ་དཔོན་ཡམ་ཤུད་དངོས་གྲུབ་ལས་མདོ་དང་། སྒྱུའཕྲུལ་ཟུར་ལུགས། ཡང་སྒྲོ་ཕུག་པའི་སློབ་མ་གནུབས་སྟོན། དེས་ཁ་རག་སྙིང་པོ། དེས་ཡམ་ཤུད། ཡང་ཁ་རག་སྙིང་པོས་སྲས་པདྨ་འབར། དེས་རོག་ཤེས་རབ། ཡང་སོ་དར་མ་སེདྷི་ལས་སྒྱུ་འཕྲུལ་མཆན་མང་ཞེས་སྔར་མཆན་བུས་ཉིསྐ་འཆད་པའི་སྲོལ་ཡོད་པ་དེ་གསན། ཡང་ཆུ་བར་གྱི་གླན་ཤཱཀྱ་བཟང་པོ་ལས་བརྒྱུད་པ་དང་། ལྷ་རྗེ་ཉ་རི་བའི་སློབ་མ་ཉང་ནག་མདོ་བོ་ལས་བརྒྱུད་པ་སྟེ། མདོར་ནས་བླ་མ་འདིས་ལུགས་ཐ་དད་པ་མང་པོ་གསན་ཅིང་། སྒྱུ་འཕྲུལ་གཞི་ལམ་འབྲས་གསུམ་གྱི་སྟོང་ཐུན་དང་། ལམ་རྣམ་བཀོད་ཀྱི་རྟིསྐ་བརྩམས། དེས་སྙེ་མདོ་ཐམས་ཅད་གཟིགས་པ་ཞེས་གྲགས་པར་བཤད་ཅིང་། དེས་ཀྱང་སྙིང་ཉིཀ་དང་། ལམ་རྣམ་བཀོད་ལ་མཆན་བུ་ཞིབ་པར་མཛད། རོག་གི་གདུང་བརྒྱུད་རྣམས་ལའང་དབང་དང་རྒྱུད་ཀྱི་བཤད་པ་ཤིན་ཏུ་དར་བ་བྱུང་ངོ་། ། དེ་བཞིན་དུ་གཙང་སྟོད་མང་དཀར་དུ་ཡང་སྟོད་ཟུར་པ་ཞེས་གྲགས་པ་རིམ་པར་བྱུང་ནས་བཤད་སྒྲུབ་ལེགས་པར་མཛད། དེས་ལ་སྟོད་ལྷོ་བྱང་ཐམས་ཅད་དུའང་མེ་མཆེད་པ་བཞིན་གྱུར་པས།བྱང་དུ་མེ་སྟོན་འབྱུང་གནས་འོད་ཅེས་པ་དང་། སྣང་སྟོན་སེདྷི་འོད་ཅེས་པ་དང་། བྱང་ཏར་ལ་མོ་པ་ཡོན་ཏན་དབང་ཕྱུག་ཅེས་བྱ་བ་ལ་སོགས་པའི་བཤད་པ་ཡང་ཐོ་རེ་ལོང་ཡོད་པ། གཞན་ཡང་དན་བག་ཏུའང་སྒྱུ་འཕྲུལ་གྱི་བཤད་པ་རིམ་པར་བྱུང་བས་རྒྱལ་བ་ཀློང་ཆེན་པས་དེར་གསན་པ་མཛད་ཅིང་། མདོར་ན་ཟུར་མེད་དབོན་གསུམ་ལས་སློབ་མའི་རྣམ་གྲངས་ཇི་ལྟར་མཆེད་པ་ཤར་གྱི་བཏགས་པ་དང་། དེ་དག་ལས་མཆེད་པའང་གྲངས་མེད་པས་གང་གི་རིང་ལ་དར་རྒྱས་སུ་མཛད་པ་གསང་བདག་སྒྲོ་ཕུག་པ་ཆེན་པོ་དེ་གངས་རིའི་ཁྲོད་ན་གསང་བའི་བདག་པོ་སྔགས་ཀྱི་བསྟན་པ་སྤེལ་བའི་སླད་དུ་བྱོན་ཏོ་ཞེས་དེའང་གྲགས་པ་དོན་དང་ལྡན་ནོ། །དུས་ཕྱིས་ནི་གདུལ་བྱ་རྫོགས་པ་ལྟར་འགྱུར་ནས་སྟོན་གྱི་ཆུ་བྲན་བཞིན་དུ་བལྟར་མི་མངོན་པ་ལ་ཕྱོགས་པའི་ཚེ། གནུབས་ཆེན་སངས་རྒྱས་ཡེ་ཤེས་ཀྱི་སྨོན་ལམ་ཕྲག་པར་བཟུང་བ་གཉོས་དར་རྒྱས་ཆོས་སྡིངས་པ་འཕྲིན་ལས་ལྷུན་གྲུབ་ཡབ་སྲས་ཀྱི་སྔགས་རྙིང་མའི་དགེ་འདུན་འདུས་པའི་སྡེ་དབུས་རྒྱུད་ལ་ཆགས་པ་སྔ་བ་དཔལ་རི་ཐེག་པ་ཆེན་པོའི་གླིང་དུ་ཡུན་རིང་པོར་གཏན་ཆགས། ཐམས་ཅད་མཁྱེན་པ་པྲཙྭ་རས་སྨིའི་གདུང་། རྒྱལ་སྲས་རིན་པོ་ཆེའི་སློབ་མར་གྱུར་པ་བཤེས་གཉེན་རིན་ཆེན་དར་རྒྱས་ལའང་བཀའ་གཏེར་གྱི་ཕྱོགས་མང་དུ་གསན། ཁྱད་པར་དུ་གོང་རྭ་ལོ་ཙྭ་བ་གཞན་ཕན་རྡོ་རྗེ་ལ་སོགས་པའི་བླ་མ་མཁས་གྲུབ་དུ་མའི་ཞབས་ལའང་གཏུགས་ནས་སྙན་བརྒྱུད་དང་། གདམས་པའི་སྲོལ་ཁ་ཟིན། སྲས་ཀྱི་དམ་པ་འགྱུར་མེད་རྡོ་རྗེ་དང་། ལོ་ཙྭ་བ་ངག་དབང་ཆོས་དཔལ་གཉིས་ལས། གཏེར་སྟོན་སྨིན་གྲོལ་གླིང་པ་ཞེས་གྲགས་པའི་བ་དན་ཕྱོགས་ཀྱི་བུ་མོའི་རྣ་ལུང་དུ་དཔྱངས་པ་དེའི་ཐུགས་བསྐྱེད་དང་སྨོན་པའི་ལས་ཤུགས་གོང་མ་ལྔ་པ་ཆེན་པོའི་ཐུགས་རྗེའི་གྲིབ་བསིལ་ལ་དབུགས་འབྱིན་ཐོབ་པའི་བདག་པོའི་རྐྱེན་དང་འགྲོགས་ནས། དགེ་འདུན་འདུ་བའི་པད་ཚལ་བསྐྲུན། དམ་པའི་ཆོས་འདུལ་བ་ལ་ལེགས་པར་གནས་པས་གཞི་གསུམ་གྱི་ཆོ་ག་ལག་ལེན་དུ་འདེབས་པ་དང་ཆབས་ཅིག་མདོ་སྒྱུ་སེམས་གསུམ་གྱི་བསྟན་པའི་འབའ་སྟེགས་བཅས། སྔ་འགྱུར་བཀའ་མའི་རྒྱུད་སྡེའི་དཀྱིལ་འཁོར་ཆེན་པོ་ཕལ་ཆེར་བཤད་སྒྲུབ་ཀྱི་རྒྱུན་བཙུགས། དེ་དག་གི་ཆོ་གའི་ཁྲིད་རིམ་མང་དུ་མཛད། ཁྱད་པར་དུ་ལོ་ཙྭ་བ་དྷརྨ་ཤིའི་མཁྱེན་རབ་ཀྱི་ཆུ་གཏེར་ལས་གསང་བ་སྙིང་པོའི་རྒྱུད་ལ་ཟུར་པའི་བཤད་སྲོལ་གྱི་འགྲེལ་པ་ཞལ་ལུང་དང་དགོངས་རྒྱན་གཉིས། འདུལ་བ་མདོའི་དབང་གི་ཆོ་གའི་ཁྲིད་ལག་ལེན་ལ་འདེབས་བདེ་བ། མངའ་རིས་པཎ་ཆེན་རིན་པོ་ཆེའི་སྡོམ་པ་གསུམ་གྱི་རྣམ་པར་ངེས་པའི་བསྟན་བཅོས་ཀྱི་རྟིསྐ་སོགས་མཛད་པས་བསྟན་པའི་བྱ་བ་ལ་གཅིག་ཏུ་ངོ་མཚར་ཆེའོ། །དེ་དག་ལས་བདག་ཅག་གིས་རིན་པོ་ཆེ་ཐང་འབྲོག་པ་པདྨ་རིག་འཛིན་དབང་པོ་ལས་གླན་ལུགས་ཀྱི་ཡིག་ཆའི་སྟེང་ནས་འདུལ་བ་མདོ། གྲུབ་དབང་ཤི་ནཱ་ཐ་ལ་སྒྱུ་འཕྲུལ་རྩ་རྒྱུད་ཀྱི་སྟེང་ནས་བཤད་ལུང་སྦྲག་མ། སྤྲུལ་པའི་སྐུ་རིན་པོ་ཆེ་བསྟན་འཛིན་ལྷུན་གྲུབ་ལས་སེམས་ཕྱོགས་ལ་སོགས་ཏེ་རྒྱུད་འབུམ་རིན་པོ་ཆེ་མ་ཚང་མེད་པའི་ལུང་ནོད་ཅིང་། དེ་དག་གི་གོ་དོན་དང་རྟོགས་པའི་དངོས་གྲུབ་མ་ལུས་པ་རྒྱལ་བའི་དབང་པོ་ཀློང་ཆེན་རབ་འབྱམས་ཀྱི་བྱིན་བརླབས་དང་། གསུང་རབ་ཁོ་ན་ལས་རྙེད་པ་ཡིན་ནོ། །ད་ནི་གངས་རིའི་ཁྲོད་ཙམ་ན་ཕུལ་དུ་བྱུང་བའི་པརྙི་ཏ་ཆེན་པོར་གྲགས་པ་རོང་པ་ཆོས་ཀྱི་བཟང་པོའི་གཏམ་བརྗོད་པ་ལ་དྲན་པ་ཉེ་བར་བཞག་པར་བྱ་སྟེ། དེ་ལ་རོང་བན་དཔལ་གྱི་རིན་པོ་ཆེའི་སྲས། རོང་བན་རིན་ཆེན་ཚུལ་ཁྲིམས་ཞེས་བྱ་བ་དེས་རྒྱུའི་དུས་ཀྱི་མངོན་བྱང་ལྔའི་ཆོ་བ་བྱས་པ་ལས། ཕྱོགས་ཀྱི་གླང་པོའི་ཤེས་རབ། དབྱིག་གཉེན་ཞབས་ཀྱི་ཐོས་པ། ཙནྟྲ་གོ་མིའི་བརྗོད་པ། ཆོས་ཀྱི་གྲགས་པའི་བརྒལ་བརྟག །སློབ་དཔོན་དཔའ་བོའི་རྩོམ་པ་སྟེ་ཕུན་སུམ་ཚོགས་པ་ལྔའི་ངོ་བོར་བྱང་ཆུབ་པའི་སྐྱེ་བའི་མྱུ་གུ་གཙང་སྨད་རུ་ལག་གི་སའི་ཆ་སྣར་ལུང་རོང་དུ་བཟུང་ངོ་། དེ་ནི་བསྟན་པ་སྔ་དར་གྱི་ཞབས་སུ་སློབ་དཔོན་སྨི་ཏི་ཙྭ་ན་ཀིརྟི་ཞེས་བྱ་བའི་པརྙི་ཏ་ཞིག་བྱོན་ནས་མདོ་ཁམས་ཀྱི་སའི་ཆར་རྒྱུད་འགའ་ཞིག་གི་འགྱུར་ཡང་བཅོས། ཐ་ན་མཚན་བརྗོད་ཀྱི་འགྲེལ་པ་ལ་སོགས་པ་གསང་སྔགས་ཀྱི་འགྲེལ་པ་དང་། འཇམ་དཔལ་གསང་ལྡན་ལ་སོགས་པའི་སྒྲུབ་ཐབས་མང་པོ་བསྒྱུར། སྒྲའི་བསྟན་བཅོས་འགའ་ཞིག་ཀྱང་མཛད་ནས་མྱ་ངན་ལས་འདས་པ་གང་གི་དེ་མ་ཐག་པའི་སྐུའི་སྐྱེ་བ་ཡིན་པར་གྲགས། བཀའ་འགྱུར་མདོ་མང་གི་ལུང་རྒྱུན་ལ་སྨྲི་ཏི་དང་བྲེང་ཆགས་སུ་འདྲེན་པ་དཔྱད་གཞིར་སྣང་། ཡང་ཨ་ཙ་ར་ཕྲ་ལ་རིང་མོ་ཞེས་བྱ་བའི་པརྙི་ཏ་ཞིག་ཁམས་སུ་བྱོན། གསང་བ་འདུས་པའི་རྒྱ་ཆེར་འགྲེལ་པ་ལ་སོགས་བསྒྱུར་བཤད་མཛད་ནས་འདས་པ་དེ་ཉིད་ཀྱི་སྐྱེ་བ་ཡིན་པར་ཡང་གྲགས། སྐུ་གཞོན་ནུ་ནས་ལྷུན་གྱི་གྲུབ་པ་འི་ཤེས་རབ་ཆེན་པོ་མངའ་བ་ཉང་སྨད་དུ་འགར་སྟོན་ཚུལ་ཁྲིམས་བཟང་པོ་ལས་གསན་པ་མཛད། ཡབ་ཀྱི་རྒྱགས་བསྐྱེལ་དུ་བྱོན་པས།མཆེད་གྲོགས་དག་ན་རེ། ཁྱོད་ཀྱི་བུ་འདི་བློ་དྲེད། ཐོ་ཅོ་ཆེ་བས་ངེད་ཅག་ཀྱང་བསྲུན་པར་བྱེད་ན་ད་རེས་འཁྲིད་པར་འཐད་ཅེས་ཟེར། ཡབ་ཀྱི་སློབ་དཔོན་ལ་ཁོང་རྣམས་དེ་སྐད་མཆིད་ན་འཁྲིད་པར་བྱའམ་ཞུས་པས།འགར་སྟོན་ཆེན་པོས། དེ་སྐད་མ་ཟེར། ཆོས་ཐམས་ཅད་ཁོས་གོ་ནས་ཡོད་པ་ཡིན་གསུངས་སྐད། ལོ་བཅུ་གཅིག་པ་ལ་མཚན་ཉིད་གསན། ཆོས་དབང་ལ་བྱིས་པའི་བརྩེ་སར་ཡང་སློབ་དཔོན་གྱི་གསུང་ཚད་ཤར་རེ་འོང་བས ཆོས་ཐམས་ཅད་ཚར་རེ་གསན་པ་ཁོ་ནས་ཚིག་གཅིག་ཀྱང་མ་ནོར་བར་ཐུགས་སུ་ཆུས་པས་འཇམ་དཔལ་གྱི་སྤྲུལ་པར་གྲགས། བཅུ་གསུམ་ལོན་པའི་ཚ་གསན་པ་རྫོགས་པ་དང་འདྲ་བར་བྱུང་ཞིང་ཤེས་བྱ་ཐམས་ཅད་ལ་མ་རྨོངས་པ་བྱུང་། ཉིད་ཀྱི་ཞལ་ནས་ཀྱང་། བདག་ཐོས་པ་ཆུང་བ་ཡང་མ་ཡིན་ཏེ། ཆོས་ཐམས་ཅད་མ་ཐོས་པ་མེད་དོ། །ཐོས་པ་ཆེ་བ་ཡང་མ་ཡིན་ཏེ་ཆོས་ཐམས་ཅད་ཚར་རེ་ལས་མ་དགོས་སོ་གསུང་སྐད། སྐྱེས་བུ་ཆེན་པོ་འདི་ནི་ཤེས་རབ་མྱུར་ལ་ཟབ་པ། རྒྱ་ཆེ་ལ་དྲི་མ་དང་བྲལ་བའི་སྤོབས་པ་མཆོག་ཏུ་དགེ་བས་མདོ་རྒྱུད་དམ་བསྟན་བཅོས་ལ་སོགས་པའི་རྒྱ་གཞུང་བརླིང་པོ་སྔར་མ་གཟིགས་པ་མཐའ་དག་ཚར་རེ་རེའམ། གཉིས་ཚུན་ཆད་གཟིགས་པས་ཚིག་དང་དོན་གྱི་ཆ་མ་ལུས་པ་ཐམས་ཅད་ཐུགས་ལ་ཟིན་ཅིང་མི་བརྗེད་པའི་བཟུང་ཐོབ་པར་གྲགས་པས། ཐོག་མ་ཉིད་ནས་ཧ་ཅང་མ་འབད་པར་ས༷་སྐྲི་ཏ་དང་།སྐད་རིགས་ཀྱི་བྱེ་བྲག་གཞན་མང་པོ་ལའང་མ་རྨོངས་ཤིང་། ཕྱི་ནང་གི་རིག་པའི་གནས་དང་གཙུག་ལག་ཐམས་ཅད་ལ་ཐོགས་པ་མེད་པའི་བློ་གྲོས་ཀྱི་ཚེར་མ་རྣོ་བས། བོད་ཀྱི་སྐད་ཉིད་ལའང་འདི་ནི་དོན་འདི་ཙམ་ལ་འཇུག་གོ་ཞེས་སྟོན་པའི་ཁྱད་པར་ཕྲ་མོའང་གཞན་ལས་ཆེས་ལྷག །ཚད་མའི་བསྟན་བཅོས་དང་། རིག་བྱེད་ཀྱི་བསྟན་བཅོས་དང་། དོན་དུ་འགྱུར་བའི་ཚིགས་བཅད་དང་། སྙན་དངགས་ལ་སོགས་པའང་དབྱུག་པ་ཅན་གྱི་གཞུང་ཐོ་ན་ལ་མ་ལྟོས་པར་རིག་པ་དེ་སྟོན་པའི་གཞུང་ལུགས་རྒྱ་ཆེན་པོ་མང་པོའི་དོན་མཁྱེན་པ་ཡིན། བྱིས་པའི་དུས་ཨ་ཙྭ་ར་འདུག་ཚད་ལ་དགྱེས་ཤིང་དེ་དག་དང་བརྡ་འཕྲོད་པས་བི་བརྟིའི་པུ་ཏི་ལ་བརྟག་པ་ཙམ་གྱི་མཁྱེན་པ་ལ་ཚེགས་མ་བྱུང་། ཐ་ན་དུད་འགྲོའི་བརྡ་དང་སྐད་ཀྱི་རིམ་པའང་མཁྱེན་པར་གྲགས། སྨྲ་སྒོ་ལ་སོགས་པའི་འགྲེལ་པ་དང་བསྟན་བཅོས་ཀྱང་མང་དུ་མཛད། བློ་གྲོས་ཀྱི་མཐུ་བསམ་གྱི་མི་ཁྱབ་པས་སྤྱིར་ཆོས་ལ་མོས་པའི་རྣམ་པ་དང་། ཆོས་ཀྱི་གང་ཟག་དང་། ཁྱད་པར་དུ་རྡོ་རྗེ་ཐེག་པ་ལ་ཞུགས་ཤིང་། གསང་སྔགས་ཀྱི་ལས་དང་དངོས་གྲུབ་བསྒྲུབ་པར་འདོད་པ་དག་ལ་ཕན་གདགས་པའི་དགོངས་པ་ཟམ་༄༅ མོ་མངའ་བས། ཕྱི་ཅིག་མ་ལོག་པའི་གདམས་པས་ནན་ཏན་དུ་འདོམས་ཞིང་ཕན་ཐོག་པར་མཛད། མངོན་པར་ཤེས་པའི་ཆ་དང་ལྡན་ཞིང་སེམས་ཅན་འདུལ་བའི་དུས་དང་གནས་སྐབས་མཁྱེན་པས།འགྲོ་བ་ཕལ་པ་བློ་བསྒྱུར་ཞིང་། ཆོས་ལ་གནས་པ་རྣམས་དེའི་འགལ་ཟླར་གྱུར་པ་ལས་བཟློག་པའི་ཕྱིར། འབྱར་ཞིང་འགྲིག་པའི་བསྟན་བཅོས་ཞལ་སྒོའི་ཆུ་སྐྱེས་ལས་བྱུང་སྟེ་ཕན་འདོགས་པ་ལ་རྟག་ཏུ་སྐྱོ་བ་མི་མངའ། ཆོས་ཀྱི་བློ་མ་བསྒྱུར་བའི་སྐྱེ་བོ་ཐ་མལ་པ་དག་ལ་སེར་སྣ་སྤངས་ནས་བདོག་པ་གཏོང་བ་དང་། ལོག་བསྒྲུབ་བཟོད་པས་སྙིང་རྗེའི་ཡུལ་དུ་མཛད་ནས་ཞི་བདེ་ལ་འགོད། སྡོམ་པའི་གནས་དང་ཐུགས་དམ་ལ་ནོར་བུ་རིན་པོ་ཆེ་དང་སྲོག་གི་དབང་པོ་ལྟར་གཅེས་སྤྲས་མཛད་ཅིང་གཞན་ཡང་དེ་ལ་འགོད།དམ་པའི་ཆོས་རྩོམ་པ་ན་གླེགས་བམ་བསྡུ་ཞིང་གཟིགས་པ་ལ་སོགས་པའི་རྟོག་དཔྱོད་ཀྱི་སྒྲོ་འདོགས་མི་དགོས་པར། ཆོས་ཀྱི་ཚིག་དོན་ལ་ཐོགས་རྡུགས་མེད་པར་འཇུག་པའི་སྤོབས་པའི་གཏེར་ཆེན་པོ་བརྒྱད་གྲོལ་ཞིང་བསྟན་བཅོས་རྣམས་ཀྱང་དོན་བཟང་པོ། ཚིག་འབྲུ་བཟང་པོ། བརྗོད་པ་མ་འདྲེས་པ་ཤ་སྟག་འབྱུང་བས། སྟོན་པ་དྲང་སྲོང་ཆེན་པོའི་གསུང་གི་གསང་བ་དང་རྗེས་སུ་མཐུན་པའི་ཕྱིར་གཞན་མཁས་པར་གྲགས་པ་གང་གིས་ཀྱང་རྩོད་མི་ནུས་ཤིང་། དེས་མཛད་པའི་གསང་སྔགས་ཀྱི་མན་ངག་རྣམས་ལ་སློབ་པའི་རྒྱུད་དུ་བྱུང་བའི་གང་ཟག །ལུང་མ་ཐོབ་ཀྱང་ཡི་གེ་ལས་བྱུང་བ་བཞིན་སྦྱར་བ་ལས་བྱིན་བརླབས་མ་བྱུང་བ་མེད་ཅེས་གྲགས་པས་བདེ་བར་གཤེགས་པའི་སྤྲུལ་པ་ཉིད་དུའང་གླེང་། གནས་ལྔ་རིག་པའི་པརྙི་ཏ་མངོན་པར་ཤེས་པ་ལྔ་དང་ལྡན་པ་ཇོ་བོ་ཨ་ཏི་ཤ་དང་བདག་ཉིད་ཆེན་པོ་འདི་མཇལ་བའི་ཚེ། ཇོ་བོའི་ཞལ་ནས། རྒྱ་གར་གྱི་ཨུ་ཙབྱ་ནག་པོ་སྤྱོད་པ་བ་དེ་ཉིད་ཚེ་འཕོས་པ་ཇོ་བོ་འདི་ཁོ་ན་ཡིན་ཏེ། ཁོ་བོས་འདི་དང་ཆོས་གཏམ་བྱ་བ་ག་ལ་ཐུབ་ཅེས་རྩོད་མེད་དུ་གྲགས་པར་གསུངས། སྤྱིར་གཏམ་དུའང་། འདུལ་བ་ཚུར་སྟོན་དབྱིག་གེ་མཁས། ཆོག་སྒྲིགས་བཟངས་ཀྱི་ཡེ་གྲགས་མཁས། །སྒྲ་དང་ཚད་མ་རོང་པ་མཁས། །ཐམས་ཅད་འཇོམས་པ་ཨ་པོ་རང་། །ཆོས་གྲགས་རང་ཟེར་སྐད། སྤྱིར་བླ་མ་མང་པོ་ལས་མདོ་སྔགས་སོ་སོའི་བརྒྱུད་པའི་བྲེང་ཆགས་འཐུད་པ་ཙམ་ཡོད་མོད་ཀྱི། ཁྱད་པར་དུ་སྔ་འགྱུར་རྡོ་རྗེ་ཐེག་པའི་ཆོས་བསྐོར་ལས། སློབ་དཔོན་ཆེན་པོ་པདྨའི་གདམས་པ་རྣམས་ནི་སྣ་ནམ་རྡོ་རྗེ་བདུད་འཇོམས། མཁར་ཆེན་དཔལ་གྱི་དབང་ཕྱུག་གམ་ཨ་ཙྭ་ར་དཔལ་མེ་ཏོག །སྒྲོ་རྡོ་རྗེ་གཞོན་ནུ། ཞང་ཞུང་ཡོན་ཏན་གྲགས། རོང་བན་ཡོན་ཏན་རིན་ཆེན། རོང་བན་ཚུལ་ཁྲིམས་རིན་ཆེན་ལས་ཉིད་ཀྱི་གསན་ཏོ། །བི་རོ་ཙ་ནའི་མན་ངག་རྣམས། བི་རོས་གཡུ་སྒྲ །དེས་བླ་ཆེན་དགོངས་པ་གསལ། དེས་གྲུམ་ཤིང་གླག་ཅན། དེ་གནུབས་དཔའ་བརྟན། དེས་ཡ་ཟི་བོན་སྟོན། དེས་ཀུན་མཁྱེན་༄༅ རོང་ཟོམ་ལ་བཤད་དེ་སེམས་སྡེའི་བརྒྱུད་པ་གཅིག་གོ །ཡང་ཀློང་ཐང་སྒྲོན་མར་ཨ་རོ་ཡེ་ཤེས་འབྱུང་གནས་ཞེས་བྱ་བའི་གྲུབ་པའི་སྐྱེས་བུ་ཞིག་བྱུང་སྟེ། དེ་ལ་རྒྱ་གར་བདུན་བརྒྱུད་དང་། རྒྱའི་སློབ་དཔོན་བདུན་བརྒྱུད་ཀྱི་གདམས་པ་མངའ་ཞིང་། དེས་ཅོག་རོ་ཟང་དཀར་མརྫོད་ཁུར་དང་། ཡ་ཟི་བོན་སྟོན།དེས་ཉིད་ལའོ། །འདི་ལ་རྫོགས་ཆེན་ཁམས་ལུགས་ཞེས་ཟེར། ཡང་བི་མ་ལས་ཉང་ཏིང་འཛིན་བཟང་པོ་ལ་གསུངས་པ་དང་། བི་མ་ལས་རྨ་རིན་ཆེན་མཆོག་དང་། གཉགས་རྙོ་ན་ཀུ་མ་ར་ལ་གསུངས་པའི་མན་ངག་ཀྱང་། གཉིས་ཀས་ཁུ་བྱང་ཆུབ་འོད་ཁྱུང་པོ་དབྱིག་འོད་ལ་བརྒྱུད་ནས་རིམ་གྱིས་རོང་ཟོམ་ལ་མངའ་བས་གསང་སྔགས་སྔ་འཀྱུར་གྱི་བསྟན་པའི་བདག་པོ་འགྲན་ཟླ་སྤངས་པ་ཞིག་སྟེ་འདི་ཉིད་ལའང་བསྟན་པའི་ཆུ་མགོ་གཅིག་གནས་སོ། །གསང་སྙིང་འགྲེལ་པ་རོང་ལུགས་ཀྱི་མགོ་ན། །དཀོན་མཆོག་གསུམ་གྱི་རང་བཞིན་བྱང་ཆུབ་སེམས། །ཞེས་ཡོད་ པས་དཀོན་ཅོག་འགྲེལ་ཞེས་མིང་དུ་ཐོགས་ལ། ཀུན་མཁྱེན་ཆེན་པོའི་འགྲེལ་པ་ཕྱོགས་བཅུ་མུན་སེལ་ཐེག་རྒྱལ་གྱི་ལུགས་སུ་བཀྲ་ཞིང་ཞལ་གསལ། ཀུན་མཁྱེན་རོང་པའི་འགྲེལ་པ་འདི་བྱིངས་ཆེ་བར་བཀྲལ་བས་སྒྲོམ་ཆེ་ཞིང་ཁ་དམ་པར་སྣང་སྟེ། བོད་འགྲེལ་གྱི་གཙོ་བོ་འདི་ཉིད་ཡིན་པར་ཤེས་ན་བློ་གྲོས་ལ་ནུས་པ་ཆེན་པོ་སྟེར་བ་ཡིན་ནོ། །དེའང་སྐུ་གཞོན་ནུའི་ཚེ། མདོ་སྟོན་སེདྷི་བྱ་བ་ལས་སྔ་འགྱུར་གསན་པའི་ཚེ། རེ་ཞིག་ན་མནལ་ལམ་དུ། གསང་བ་སྙིང་པོས་ཟན་བྱས། སངས་རྒྱས་མཉམ་སྦྱོར་གྱིས་ཚོད་མ་བྱས་ནས་གསོལ་གྱིན་འདུག་པ་རྨིས། དེ་སློབ་དཔོན་ལ་བརྗོད་པས། ཤིན་ཏུ་ངོ་མཚར་ཆེ ཆོསདེ་ཁོང་དུ་ཆུད་པའི་རྟགས་ཡིན་ཁྱོད་ཀྱི་འགྲེལ་པ་རེ་གྱིས་གསུངས་སྐད། དེར་བླ་མ་དགོངས་པ་རྫོགས་པར་བྱ་བའི་ཕྱིར། བསླབ་པ་རིན་པོ་ཆེ་གསུམ་ལ་བརྟེན་པའི་མན་ངག་གསུམ་མཛད་དེ། ལྷག་པ་ཚུལ་ཁྲིམས་ཀྱི་བསླབ་པའི་དོན་གྱི་ངེས་བརྫོད་དམ་ཚིག་མདོ་རྒྱས། ལྷག་པ་ཏིང་ངེ་འཛིན་གྱི་བསླབ་པ་སྟོན་པ་འགྲེལ་པ་ཚུལ་བཞི་ཡན་ལག་བཅོ་ལྔ་པ། ལྷག་པ་ཤེས་རབ་ཀྱི་བསླབ་པ་སྟོན་པ་རྫོགས་པ་ཆེན་པོའི་ལྟ་སྒོམ་མན་ངགམཉམ་སྦྱོར་གྱི་འགྲེལ་པ། དེ་བཞིན་དུ་ངན་སོང་སྦྱོང་རྒྱུད་འཇིགས་བྱེད་ལ་སོགས་པའི་འགྲེལ་པ་དང་མན་ངག་མང་པོ། དེ་དག་གི་ནང་ནས་ཀྱང་ཐེག་པ་ཆེན་པོའི་ཚུལ་ལ་འཇུག་པའི་བསྟན་བཅོས་ལ་སོགས་པ་གཞུང་གཏིང་ཟབ་ལ་གོ་དོན་སློང་ཆེ་བ་བརྗོད་ཀྱི་མི་ལངས་བ་དང་། མདོར་ན་མདོ་སྡེ་དང་། རྒྱུད་སྡེ་དང་། བསྟན་བཅོས་ཀྱི་བྱེ་བྲག་ལ་ཐུགས་སུ་མི་ཆུད་པ་བྱ་བ་ཤེས་བྱ་ལ་སྲིད་པར་མ་གྱུར་པས་ཐམས་ཅད་མཁྱེན་པའི་གནས་ལ་རང་གིར་མཛད་དེ། ཐ་ན་འཇིག་རྟེན་པའི་ཞིང་ལས་དང་། ཕྱུགས་སྐྱོང་བ་དང་། དཀར་ཤེས་ཇི་ལྟར་བསྒྲུབ་པ་ཚུན་ཆད་ཀྱི་བསྟན་བཅོས་ཀྱང་མཛད་པས། དུས་དེའི་ཚེ་བོད་རུ་བཞིའི་མཁས་པ་ཐམས་ཅད་ཀྱི་དང་པོར་རྩོད་པའི་བྱ་བ་ལ་ལྷགས་པའང་། སླར་སློབ་དཔོན་ཆོས་ཀྱི་གྲགས་པའི་བརྟུལ་ཞུགས་ཀྱི་གང་དང་གང་གི་སྤོབས་པའི་འཁྲི་ཤིང་ཉམས་ཉེས་པར་བྱས་ནས་ང་རྒྱལ་གྱི་གདེངས་ཀ་ལ་རྐྱང་ནུལ་བྱ་བའི་སྐབས་བྱུང་བ་ཡིན་སྟེ།འདི་ལྟར་ཡབ་ཀྱི་ཡང་ཁྱེད་བླ་མ། མར་པ་དོ་པ། འུ་ཡུག་པ་མདའ་སྟོན། མདོའི་ཁྱུང་པོ་ཧུ༷་སྙིང་། སེ་ཁྲོམ་རྒྱ་མཚོ་འབར། མཚམས་སྟོན་གོ་ཆ། པང་ཀ་དར་ཆུང་། འགོས་ལྷས་བཙས། རྒྱ་རྒྱལ་ཚུལ་ལ་སོགས་པའི་མཁས་པ་ཐམས་ཅད་ཀྱིས་བོད་དུ་སྐྱེས་པའི་གང་ཟག་གིས་བསྟན་བཅོས་འདི་ཙམ་རྩོམ་པ་ཞེས་དཔྱད་གདགས། སུན་འབྱིན་པའི་རིག་པ་བསམ་ཏེ། ཁྱུ་མཆོག་རྭ་བརྡར་བ་ལ་ཕྱོགས་པ་བཞིན་དུ་སྐྱེས་བུ་ཆེན་པོ་དེའི་གམ་དུ་སོང་སོང་བ་ན། ལུང་གི་འཐད་པ་དང་། རིག་པས་དཔྱད་བཟོད་པ་དང་། གཏན་ཚིགས་དང་བླ་མའི་ཉེ་བར་བསྟན་པ་དང་མི་འགལ་ཞིང་། སྒྲ་སྐྱོན་དང་། དོན་སྐྱོན་ལ་སོགས་ཀྱི་འགལ་ཟླའི་ཕྱོགས་ཐམས་ཅད་རྣམ་པར་སྤངས་པའི་མཁྱེན་རབ་ཀྱི་སྤོབས་པས་ཚར་བཅད། བསྟན་བཅོས་རེ་མཐོང་ཞིང་། དེའི་དོན་ལ་རོ་མྱང་པས་ཐམས་ཅད་ངོ་མཚར་སྐྱེ་ནས་བསྟི་སྟང་དུ་མཛད། རི་མོ་མཛད། བླ་མར་མཛད་པ་ཤ་སྟག་ཡིན་ཞེས་གྲགས། དེ་སྐད་དུ་གོ་རུབ་ལོ་ཙྭ་བ་དགེ་སློང་ཆོས་ཀྱི་ཤེས་རབ་ཅེས་བྱ་བ་ཐོས་པ་མང་པོའི་གཟུངས་འཛིན་པ་དེ་ཉིད་ཀྱིས་ཀྱང་དང་པོར་དཔྱད་གདགས། བར་དུ་བླ་མ་རོང་པས་མཛད་པའི་ཐེག་པ་ཆེན་པོའི་ཚུལ་ལ་འཇུག་པའི་པོ་ཏི་གཟིགས་པས་གུས་པ་ཆེན་པོ་སྐྱེས། ཐ་མར་ཟང་ཟིང་མང་པོས་བསྙེན་བསྐུར་སྟེ་མི་འཆབ་པར་བྱས་ནས། རྗེས་སུ་བཟུང་བར་གསོལ་བ་བཏབ།འཇམ་དཔལ་གསང་བའི་རྒྱུད་ལ་སོགས་པའི་ཆོས་མང་དུ་གསན། གསང་རྒྱུད་ཀྱི་སྐབས་ན་མར་པ་པརྙི་ཏའི་ཆེན་པོའི་ཞལ་ནས། འོ་སྐོལ་ལ་ད་ལྟ་རྒྱ་དཔེ་ཡོད་པར་གྱུར་ན་འདི་ལྟར་འགྲོ་བ་ཡིན་ཏེ། རྒྱ་དཔེ་མེད་པས་ད་ལྟ་བཅོས་སུ་མེད་གསུངས་པ་ལ། གོ་རུབ་ལོ་ཙྭ་བས་དེ་བློ་ལ་བཟུངས་ཏེ། ཕྱིས་ཇོ་བོ་ཀྲིཛི་ཞེས་བྱ་བའི་པརྙི་ཏ་ལས་རྒྱ་དཔེ་བྱུང་ནས་དེ་ལ་མཉན་པས། རོང་པ་པརྙི་ཏའི་གསུང་བཞིན་བྱུང་ནས་ཤིན་ཏུ་མོས་པར་ཐོབ་པར་གྱུར་ཏེ། ཀྲིཛི་པ་ལས་བྱུང་པའི་རྒྱ་དཔེ་གཅིག་རོང་པ་ཉིད་ལ་ཕུལ་ནས་སླར་ཡང་གསན་སྐད། དེ་གཞིན་དུ་མར་པ་ཆོས་ཀྱི་དབང་ཕྱུག་ལ་སོགས་པའི་ལོ་ཙྭ་བ་དང་། མཁས་པར་གྲགས་པའི་བློ་རྩལ་ཅན་མང་པོས་ཀྱང་ཞབས་ལ་བཏུད། རྒྱ་གར་གྱི་མཁན་པོ་མསྣྲུཤིཝརྨདང། མསྣྲུཤིཙྭནདང། ཨུ་པ་ཡ་ཤི་མི་ཏྲ་དང་། བུདྷ་ཨ་ཀ་ར་བ་དྲ་དང་། དེ་བཱ་ཀ་ར་ཙནྟྲ་དང་། པར་མེ་ཤྭ་ར་དང་། ཨ་མོ་བྷ་བཛྲ་ལ་སོགས་པ་པརྙི་ཏ་མང་པོ་བསྟན་ནས། དེ་དག་གི་ལོ་ཙྭ་བ་མཛད་དེ། རྡོ་རྗེ་འཇིགས་བྱེདདང། གཤིན རྗེདགྲརྒྱུད་དང་། འཇམ་དཔལ་སྔགས་དོན་དང་། བདེ་མཆོག་རྩ་རྒྱུད་ལ་སོགས་པ་མང་དུ་བསྒྱུར། འགྱུར་ཤིན་ཏུ་༄༅ བཟང་བས་གསར་འགྱུར་གྱི་དཔེར་འོས། རྒྱ་གར་གྱི་པརྙི་ཏ་ཀུན་ན་རེ། དྷརྨ་བྷ་དྲ་ཁྱོད་ཆོས་མང་པོ་རྩོམ་ལ་འགྲོ་བ་རྣམས་སྐྱོབས་ཤིག ཁྱོད་ཀྱི་ཡོན་ཏན་གཞན་ལྟ་ཞོག །སྒྲ་ཚད་ཀྱི་ལུགས་འདིའི་གསུམ་ཆ་ཙམ་ལས་མི་ཤེས་པས་ཀྱང་རྒྱ་གར་ན་ཆོས་རྩོམ་པ་ཡིན་ན། ཁྱོད་ཅིའི་ཕྱིར་མི་རྩོམ་ཞེས་གསུང་སྐད། དེ་ལྟ་བུའི་ཡོན་ཏན་ཕུན་གསུམ་ཚོགས་པ་དང་ལྡན་ཡང་། བཅོམ་བསྒྱུངས་བ་དང་། ཁེངས་པ་སྙོལ་བ་ལྷུར་མཛད་པས། རྒྱལ་བ་ཀློང་ཆེན་པས་རྒྱ་འགྲེལ་ལས་མངོན་པར་འཕགས་པའི་བརྗོད་པའི་རང་ཉིད་ཀྱི་འགྲེལ་པ་བཟང་པོ་དཀོན་མཆོག་འགྲེལ་ལྟ་བུའི་བཤམ་དུའང་། མཁས་དང་འཕགས་ཆེན་རྣམས་ཀྱིས་མཛད་པའི་གཞུང་ལའང་། །སྒྲོ་སྐུར་དཔྱ་བར་བྱེད་ན་བདག་གཞུང་ཅིས་མི་སྨོད། ཅེས་འཕགས་ཆེན་ལག་ན་རྡོ་རྗེས་བསྡུས་པའི་རྒྱུད་ལའང་མུན་པས་སྤྲུལ་པའི་ཤེས་རབ་ཀྱི་གཞུང་བརྟག་བྱེད་པ་ཡོད་ན། བདག་གིས་འབྲེལ་བ་སྨོས་ཅི་འཚལ་ཞེས་སློབ་དཔོན་ཞི་བ་ལྷའི་རྣམ་པར་ཐར་པ་བསྐྱངས་ནས་ངང་གི་དགེ་བ་བྱང་ཆུབ་སེམས་དཔའི་སྤྱོད་པ་ཅན་དུ་སྟོན། གྲུབ་པའི་རྣམ་ཐར་ལ་གཞལ་ན། བྲག་ཆེན་གཟར་པོ་མེ་ལོང་ལྟ་བུའི་ངོས་ལའང་རྫུ་འཕྲུལ་གྱི་སྤྱོད་པས་གཤེགས་པ་དང་བྲག་ལ་ཕུར་པ་འདེབས་པ་དང་། ནམ་མཁའ་ལ་འཕུར་པ་དང་། བོད་ཀྱི་ལྷ་འདྲེ་ཕལ་མོ་ཆེའི་གནས་དང་སྤྱོད་པ་ཐུགས་སུ་ཆུད་པའི་མངོན་པར་མཁྱེན་པ་མངའ་བ་པ་རྣམས་ཀྱི་ཡི་དམ་ཀྱི་གཙོ་བོ་ཡང་ཕུར་ཁོ་ན་བཟུང་བ་ཡིན་པས་ཡང་དག་གི་སྐོར་དེས་ཤེས་ལ། རྡོ་རྗེ་ཕུར་པ་ཇི་ལྟར་དར་བའི་གཏམ་ཅུང་ཟད་བརྗོད་དེ། དེ་ལ་རིག་འཛིན་གྱི་སློབ་དཔོན་ཨོ་རྒྱན་གྱི་མཁན་པོ་པདྨ་ས༷་བྷ་ཝའི་ཞབས་ལ་བརྒྱུད་དེ། ཕུར་པ་རྒྱལ་པོ་ལུགས་སུ་གྲགས་པ་དང་། ཇོ་མོ་ལུགས་དང་། ལྕམ་ལུགས་དང་། ཡང་སྣ་ནམ་མམ་རོང་ལུགས་དང་། ལྷ་ནག་དང་།ལྷ་ཁྲ་སྟེ་སྐུ་མདོག་ལས་གྲགས་པ་སོགས་རྣམ་གྲངས་ཐ་དད་མོད། དེ་དག་ཀྱང་ངོ་བོ་གཅིག་ལ་མན་ངག་གི་ལྡོག་ཆ་དང་། བཀའ་བབས་ཀྱི་ཁྱད་པར་ལས་དེ་དང་དེར་གྲགས་པའོ། །དེ་ལ་དང་པོ་ནི་བསམ་ཡས་འབྱིངས་ནས། སློབ་དཔོན་ཆེན་པོས་བཙན་པོ་ཁྲི་སྲོང་ལྡེ་བཙན་དང་། ཇོ་མི་མཁར་ཆེན་བཟའ་སྤྱན་འདྲེན་པ་མི་གསུམ་ལ་གནང་བས་དེ་སྐད་དུ་གྲགས། །ཇོ་མོ་ལུགས་ནི། སློབ་དཔོན་གཤེགས་ཁར་ཉུང་ལ་བསྡུས་པ་ཕུར་པ་རྩ་བའི་དུམ་བུ་སྟོད་ལས་བྱང་ཆུབ་བསྒྲུབ་པ་དང་། སྨད་ལས་དམོད་པ་ལམ་ཁྱེར་བཅུད་དུ་དྲིལ་བ་འདི་ཇོ་མོ་མཁར་ཆེན་བཟའ་ལ་གསུངས། དེས་ལྷོ་ཕྱོགས་མོན་ཁ་སྣ་རིངས་སེདྷི་རྫོང་གི་བྲག་ཕུག་ཏུ་མཚན་མ་རྫས་ཀྱི་དཀྱིལ་འཁོར་ཞལ་ཕྱེ་ནས་བསྒྲུབ་པས་ཞག་ཉེར་གཅིག་ན་ཕུར་བུ་ཐམས་ཅད་བཞད་ཅིང་། འོད་འཕྲོ་བ་དང་། འཕར་གཡོ་བྱེད་པ་བྱུང་། དེར་ཇོ་མོའི་དགོངས་པ་ལ། ཕུར་པ་གྲུབ་ན་གདབ་ལས་བྱ། ཟེར་པ་ཡིན་ཏེ་དངོས་ལ་གདབ་པའི་ཡུལ་དུ་གྱུར་པ་ནི་མེད། འོན་ཀྱང་ཕ་མེས་ཀྱི་ཟ་འདྲེ་ལ་གདབ་བོ་སྙམ་དུ་དགོངས་ནས་བསྙེན་ཕུར་དྲིལ་བས། ཕུར་པ་ནམ་མཁའ་ལ་དེང་ངེ་སོང་། ཕ་ཡུལ་གྱི་ཁང་ལྷག་ན་ཕ་མེས་ཀྱི་ཟ་འདྲེར་གྱུར་པ་ཞིག་གནས་པའི་རྟེན་སྐྱེར་པའི་ཕུང་པོའི་སྟེང་དུ་བབས་ནས། སྐྱེར་ཕུང་ཚིཀུ །ཟ་འདྲེ་མཉམ་པ་ཉིད་གྱི་ཀློང་དུ་བསྒྲལ། སླར་ཕུར་པ་དེ་ཇོ་མོའི་དཔོན་བརྒྱུད་རྣམས་ཀྱི་བཅངས། གདེངས་པ་ཙམ་གྱི་ཆོག་པ་བྱུང་བས། མཁར་ཆེན་བཟའ་འདྲེ་འདུལ་གྱི་བརྒྱུད་པར་གྲགས། ཇོ་མོས་རང་གི་མིང་པོ་མཁར་ཆེན་དཔལ་གྱི་དབང་ཕྱུག་ལ་བཤད་ནས་རིམ་པར་དར་རོ། །ལྕམ་ལུགས་སུ་གྲགས་པ་ནི། ཅོག་རོ་བཟས་སློབ་དཔོན་དངོས་ལ་ཐུག་ཀྱང་།དབང་བླ་མ་ལ་མ་ཞུས་ཡི་དམ་ལ་ཞུས་པས་ཡི་དམ་སློབ་དཔོན་གྱི་ཐུགས་ཀར་བསྡུས་ཏེ་དབང་སྐལ་ཆད། སླར་ཇོ་མོ་མཚོ་རྒྱལ་ལ་རྗེས་སུ་གནང་ནས་ཇོ་མོས་ཅོག་རོ་བཟའ་ལ་གདམས་པ་ལས་བརྒྱུད་པའོ། །ཡང་སྣ་ནམ་ལུགས་སུ་གྲགས་པ་ནི་རོང་ཟོ་མ་ཆེན་པོ་ལས་བརྒྱུད་པའི་ལུགས་ཁོ་ན་སྟེ་བརྒྱུད་པ་སྔར་བཤད་མ་ཐག་པས་ཤེས་ལ། འདིར་ཁ་ཅིག་ཏུ། རོང་ཟོམ་ཆེན་པོའི་མེས་པོ་རོང་བན་ཡོན་ཏན་རིན་ཆེན་ནམ། དཔལ་གྱི་རིན་ཆེན་དེས་སློབ་དཔོན་ཆེན་པོ་དངོས་ལ་ཐུག །དགུང་ལོ་སུམ་བརྒྱ་འཚོ་ཞེས་ཟེར། དེའི་སྲས་རོང་པ་པརྙི་ཏའི་ཡབ་རིན་ཆེན་ཚུལ་ཁྲིམས་ཀྱིས་ཀྱང་ལོ་ཕྱེད་ཉིས་བརྒྱར་བཞུགས་པ་ལས་བརྒྱུད་པས། རོང་ལུགས་ཞེས་བཤད་པ་ཡིན་པར་ཤེས་སོ། །ཕུར་པ་ལྷ་ནག་ཏུ་གྲགས་པ་ནི། ཅོ།་རྒྱན་ཡབ་ཡུམ་ནས་འབྲེ་ཨ་ཙ་ར་ས་ལེ། ལང་ལབ་བྱང་ཆུབ་རྡོ་རྗེ་རིམ་པར། ཡར་འབྲོག་པ་གུ་རུབ་ཡང་དག་ཅེས་བྱ་བས་ཕུར་པ་མྱ་ངན་ལས་འདས་པའི་རྒྱུད་ལ་བརྟེན་ནས་ལྷ་ཐམས་ཅད་ནག་པོར་མཛད་པས་དེ་ལྟར་གྲགས་ལ། འདི་ལ་འབྲེ་ཨ་ཙ་ར་ས་ལེ་བྱས་ན་ལང་ལབ་གྱི་བར་དང་དེ་གཉིས་ཕྱི་ཐག་རིང་བས་བརྒྱད་པ་ལྟག་མི་འཕྲོད། འབྲེ་ཨ་ཙྭ་ར་བུ་རུ་ཞེས་བྱ་བས་ཚེའི་གྲུབ་པ་ཐོབ་པ་ཡིན་ཞེས་ཟེར་བའང་འདུག་སྟེ། མིང་གི་ཁྱད་པར་དུ་བྱས་ཀྱང་འགལ་བ་ནི་ཆུང་མོད། འོན་ཀྱང་བླ་མ་འཕགས་པ་རིན་པོ་ཆེ་ལ་སྨད་ལས་སྒྲོལ་དབང་གི་རྒྱུན་མ་རྙེད་ནས། སྤྲང་པོ་ལ་འདུག་ཀྱང་ཞུའི་ཞེས་བཙལ་བས། མཚོ་རྒྱལ་གྱི་དངོས་སློབ་ཨ་ཙྭ་ར་ནུ་རུ་བྱ་བ་ཚེའི་རིག་འཛིན་ཐོབ་པ་ཞིག་བསིལ་བའི་ཚལ་ལ་སོགས་པའི་གནས་ངེས་མེད་དུ་རྒྱུ་བ་ལ་ཡོད་ཟེར་བ་ཐོས། དེར་གློ་བོ་ལོ་ཙྭ་བ་ལ་གསེར་མང་པོ་བསྐུར་ནས་སྒྲོལ་དབང་གི་རྒྱུན་ཐོབ་པ་ཡིན་ཅེས་ཟེར་ཏོ། །ས་ཕུར་དུ་གྲགས་པ་ནི། སློབ་དཔོན་ཆེན་པོ་པདྨའི་ཞབས་ཀྱི་སློབ་མ་མཁན་ཀླུ་ཡི་དབང་པོ་ལས་རིམ་པར་བརྒྱུད་དེ། ཆོས་དང་རིགས་བརྒྱུད་གཉིས་ཀ་ཟམ་མ་ཆད་པ་ས་སྐྱ་པ་རྣམས་ལ་གྲགས་པས་དེ་སྐད་དུ་གྲགས་པའོ། །ཡང་ཕུར་པ་གསང་བའི་རྒྱུད་ལ་བརྟེན་པ་ཕུར་པ་ཕུན་སུམ་ཚོགས་པ་དང་། གསང་བའི་རྒྱུད་དྲུག་དང་། ཀི་ལྭ་ཡ་ཏནྟྲ་བཅུ་གཉིས་ནས་བསྡུས་པ་གཤམ་སྔོན་ཅན་གྱི་སྐོར་གཉགས་ལས་བརྒྱུད་ཚུལ་སྔར་བཤད་ཟིན་ཏོ། །དེ་ལྟ་བུའི་ཡི་དམ་ལས་མངོན་རྟགས་བརྙེས་པ་ནི་བསམ་གྱི་མི་ཁྱབ་པ་ཞིག་བྱུང་བས་ཐམས་ཅད་བསྙད་པར་མི་ནུས་ལ། ཁྱད་པར་དུ་གྱུར་པ་ལང་ལབ་བྱང་ཆུབ་རྡོ་རྗེ་ཞེས་བྱ་བ་དེ་གཞོན་ནུས་ནས་ཕ་མ་དང་བྲལ། ཕ་མཚན་རྣམས་ཀྱིས་རྗེ་བཙུན་མི་ལ་ལ་ཇི་ལྟར་བྱ་བ་བཞིན་དུ་ཤིན་ཏུ་ཉམས་ཐག་པར་བཅོས་པས། འབྲེ་ཨ་ཙ་རེས་ཐུགས་ཀྱི་མ་བཟོད་ནས་ཕུར་པའི་ངག་ལས་གནད་ཟབ་པའི་སྐོར་བྱིན་ཏེ་སྒྲུབ་པ་བྱས་ནས་ཕ་སྤུན་རྣམས་བཙབས་བཅད། དེ་ལ་གྲགས་པ་ཆེན་པོ་འཕེལ་ནའང་སྔོན་གྱི་སྦྱོར་འབྲས་དབུལ་བས་ཁོང་རང་ལུག་རྫི་བྱེད་ཅིང་ཡོད་ཙ་ན། དགེ་བཤེས་རྭ་ལོ་ཙྭ་བ་དེ་མངའ་ཐང་དང་འབྱོར་པ་ཤིན་ཏུ་རྒྱས། བོད་ཀྱི་བླ་དཔོན་ཆེ་དགུས་དབང་མེད་དུ་འདུས་དགོས་པ་ཡིན། དེ་ལྟར་མ་བགྱིས་ན་ཁོང་གིས་གཤིན་རྗེའི་དྲག་སྔགས་ཀྱིས་སྒྲོལ་བར་གྲགས། དེ་ལ་དུམ་པ་རྒྱ་ཞང་ཁྲོམ་གྱི་གཤིན་རྗེའི་སྐོར་རྫའི་ཟོམ་གང་གཏེར་ནས་ཕྱུང་སྟེ། ཚེ་བདག་སྡིག་པ་སྙིང་འཛིངས་ལ་སོགས་པ་ཕྱེད་ཙམ་ལས་མ་བཤུས་པ་རྣམས། རྭ་ལོའི་སྔུན་དུ་སོན་པས། རང་ཉིད་ཀྱི་བཤེད་སྐོར་ལ་ལྷན་ཐབས་སུ་བྱས། དེ་ལ་རྒྱ་གར་གྱི་ཁུངས་དང་འགྱུར་བཅོས། དེ་བཞིན་དུ་བུམ་ཐང་གི་གཏེར་ཁ་མང་པོའི་ཁྲོད་ནས་ཀྱང་། མཐུ་གཏད་སེར་གསུམ་རྣམ་སྲས་ཛམ་ལྷ། ཚོགས་བདག་ལ་སོགས་པ་མན་ངག་ཟབ་དགུ་བྱུང་བས་གསར་འགྱུར་གྱི་གཤིན་རྗེའི་ལས་མཐའ་མང་ལ་མྱུར་བར་སོང་། མར་པའི་སྲས་དར་མ་མདོ་སྡེ་ལ་སོགས་པ་བྱང་ཆུབ་སེམས་དཔའ་བཅུ་གསུམ་དང་། གཉན་ལོ་ཙྭ་བ་སོགས་རང་མཉམ་གྱི་ལོ་ཙྭ་བ་བཅུ་གསུམ་བསྒྲལ་བའི་སྔགས་མཁན་དེ། འཁོར་རེའི་སར་ཆོས་འཁོར་ལ་བྱོན་པས་ལང་ལབ་གྱི་ཕྱག་མ་བཙལ། མི་བླུན་པོ་གཅིག་ཡིན་དགོངས་པ་ལ། སླར་ལང་ལབ་གྱི་མཚན་ཉིད་ཐོས་ནས། འོ་ན་ཁོ་ལ་དོ་ནུབ་ཀྱི་ཚེ་ལས་མེད་ཀྱི་སྒུར་ཟེར། དྲག་ཤུལ་གྱི་ལས་བརྩམས་པས། དགུག་འདྲེན་གྱི་བདེན་བརྡར་དང་པོའི་ཚེ་ཁོང་དཔོན་སློབ་ལ་རྩང་ཕུར་གྱི་ཆར་བབ་ནས། ཐོ་ཕྱིའི་གྲྭ་པ་རྣམས་སྨས། བར་པ་ལ་ཕྱོགས་བཅུ་ཁྲོ་བོའི་དཀྱིལ་འཁོར་ཟ་གསོད་དང་བཅས་པའི་ལྕགས་ཕུར་གྱི་ཆར་བབས ཐ་མའི་ཚེ་མེ་དཔུང་དང་འུར་སྒྲས་གང་སྟེ་ནམ་མཁའ་ལ་བལྟས་པས། ལྕགས་བསྲེགས་ལྟ་བུའི་རྡོ་རྗེ་གཞོན་ནུ་རི་དོ་ཆད་པ་ཙམ་པ་རྭ་ལོའི་ཐོག་ཏུ་བརྔམས་བརྔམས་འཆའ་འཆའ་ལྟར་འདུག་པས་སྐྲག་པར་གྱུར་ཏེ། བཟོད་གསོལ་བྱས། ཕྱག་དང་འབུལ་བས་བསྙེནབསྐུར། གཤིནརྗེམཁན་པོ་ཕུར་ལ་རྡུགས་ཟེར་བ་དེ་ནས་བྱུང་། ཕུར་པའི་སྟོད་ལས་དངོས་གྲུབ་བརྙེས་པ་མང་དུ་བྱུང་སྟེ། སྨད་ལས་ལ་རྩལ་ཤུགས་འདི་ལས་ཐོན་པ་མ་བྱུང་བར་གྲགས། དེ་ལ་སློབ་མའི་གཙོ་བོར་གྱུར་པ་སྣ་ནམ་ཤེས་རབ་ཚུལ་ཁྲིམས། མོང་དགུའི་ཀྱི་གྱང་བསྒྱེལ། རོང་གི་སྐྲང་ཕུར་བུ་མགོ།འུ་ཡུག་རོལ་པོའི་ཉང་ནག་གོ །དེ་ལ་ཀྱི་གྱང་བསྒྱེལ་ནི། ཀྱི་བན་བྱང་ཆུབ་རིན་ཆེན་བྱ་བའི་ཁང་ཞིང་དང་ནོར་རྣམས་ཕ་སྤུན་གྱིས་ཕྲོགས། སྐྱོ་བ་ཤིན་ཏུ་འཕེལ་ཏེ་ལབ་ལ་ཕུར་པ་ཞུས་པས་ཟླ་བ་དགུར་ལྷ་བསྙེན་གྱིས། དེ་ནས་བསེ་ལྕགས་ཤེལ་གསུམ་ལ་ཟླ་བ་གཉིས་སྒྲུབས་ཤིག །དོན་གྲུབ་བོ་གསུངས། དེ་ལྟར་བྱས་པས་ནུས་པ་ཚད་དུ་ཕྱིན། གྱང་གི་དྲུང་ན་མི་མང་པོ་ཉི་མ་ལྡེ་ཞིང་འདུག་པ་ལ་བལྟས་པས། ཐམས་ཅད་དགྲ་རུ་མ་གྱུར་པ་མི་འདུག་ནས། ཕུར་པ་གྱང་ལ་སྡིགས་པས་གྱང་འགྱེལ་ཐམས་ཅད་ཕྱི་མའི་ལམ་དུ་བཀོད་པས་གྱི་གྱང་བསྐྱེལ་དུ་གྲགས་པས་མཚོན་ནས་པ་ཅན་ཤ་སྟག་བྱུང་སྟེ་ཡི་གེར་བྲིར་མ་ལང་ ལར་ཕུར་པ་འདི་ནུས་པ་མཆོག་ཏུ་ཆེ་བར་གྲགས་པས། སློབ་དཔོན་ཆེན་པོས་ཙན་དན་གྱི་ནགས་ལམེ་།རབལགདེངས་པས་ནགས་སོར་ཆུད། བི་མ་ལས་གསྐོ་སྒྱན་དུ་འཕྱུར་བ་ལ་གདེངས་པས་གདྷ་ཡན་མན་དུ་ཆད། བལ་པོ་ཤི་ལ་མསྡིས་བྲག་མཁར་གོང་ཅན་ལ་གདེངས་པས་བྲག་རི་དུམ་བུར་སྙིལ། ཇོ་མོ་མཁར་ཆེན་གཟས་སྤྱང་ཀིའི་སྦབ་ལ་འདྲིལ། མེ་ནུ་རྒྱལ་བའི་སྙིང་པོས་བྱ་རོག་གིས་ཕྲེང་པ་ཁྱེར་བ་ལ་སྡིགས་པས་བྱ་རོག་ཐང་ལ་ལྷུང་། ལོ་དཔལ་གྱི་བློ་གྲོས་ཀྱིས་དམག་གི་སྦ་ཁྱིམ་ལ་ཐེབས་པས་མོན་དམག་ཆམ་ལ་ཕབ། དེ་ལ་སོགས་ཏེ་དགྲ་བགེགས་གཉིས་ལ་ཐེབས་པས་ཆོ་འཕྲུལ་སྟོབས་པོ་ཆེ་གང་གི་ཀྱང་རྫི་བར་མ་ནུས། ནང་དུ་ཉོན་མོངས་དུབ་ལྔ་ལ་ཐེབས་པས་མཆོག་གི་དངོས་གྲུབ་ཐོབ་པ་དཔག་ཏུ་མེད་པ་བྱུང་ངོ་། །ཡང་གཏེར་མའི་ཕྱོགས་རང་བཟོས་མ་སླད་པའང་ཤིན་ཏུ་མང་མོད་དེ། མངོན་རྟགས་གསལ་བ་སློབ་དཔོན་ཆེན་པོས་བཙན་པོ་ལ་དབང་རྒྱུད་གདམས་པ་དང་བཅས་གནང་ནས། རྟ་མགྲིན་ཡང་གསང་གི་ཆོས་བསྐོར་དང་ལྷན་ཅིག་ཡེར་པ་སེ་པ་ལུང་གི་བྲག་ལ་གཏེར་དུ་གཏམས་པ། གྲུབ་པའི་དབང་ཕྱུག་འདར་ཕྱ་རུ་པས་ཇོ་མོ་ནགས་རྒྱལ་གྱི་ཕུག་པ་གོང་མར་བསྒྲུབ་པ་མཛད་པས་སློབ་དཔོན་ཆེན་པོ་དང་དངོས་སུ་མཇལ། ཡེར་པ་ཟླ་བ་ཕུག་ཏུ་བསྒྲུབ་ཤིག་གསུངས་པས་དེ་བཞིན་དུ་མཛད། དེར་ནང་རེ་བཞིན་སློབ་དཔོན་ཆེན་པོ་ཉི་ཟེར་ལ་ཆིབས་ནས་ཕེབས་ཏེ་ཆོས་གསུངས། ནུབ་རེ་བཞིན་སྲིན་པོ་འདུལ་དུ་འགྲོ་ཞེས་ཉི་ཟེར་ལ་བཅིབས་ཏེ་བཞྭད། དེའི་ཚེ་ཡེར་པའི་སེ་བ་ལུང་ནས་མཚན་མ་རྫས་ཀྱི་ཕུར་པ་གཏེར༷་ནས་ཕྱུང་། ལྷ་སའི་ཚོང་འདུས་སུ་ཕེབས་པ་ན། རླང་འཚུབ་ཆེན་པོས་ཁྲོམ་འཐོར་བ་བྱུང་། དེ་ནས་གཙང་དུ་བྱོན་ཙ་ན། ས་པཎ་སྐྱིད་གྲོང་དུ་བྱོ་ན་པ་དང་གནས་ཁང་གཅིག་ཏུ་འཛོམ། འདར་ཕྱར་ཞལ་འཆོས་པས་ཨོ།་བཛྲ་ཀྱི་ལི་ཀྱི་ལྭ་ཡ་ཞེས་བགྲངས་པས། ས་པཎཤེ་ རྐྱོས། དེ་མ་དག །བཛྲ་ཀི་ལི་ཀི་ལྭ་ཟེར་བ་ཡིན་གསུངས། དེར་འདར་ཕྱར་ཐུགས་ཡུས་ནས། སྔགས་མ་དག་ཀྱང་འདི་བཞིན་བྱེད་པ་ཡིན་གསུངས་ནས་བྲག་ལ་ཕུར་ནས་ཁྲག་སྐུགས་ནས་ལྔ་པའི་ལམ་དུ་བཏང་། ལར་ཕྱི་རོལ་པའི་མཐའ་འཛིན་པ་ཙམ་བོད་ལ་བལྟར་མི་མངོན་པར་ལྷགས་སྲིད་ཀྱི། སངས་རྒྱས་ཀྱི་བསྟན་པ་ལ་དངོས་ཀྱི་རྒོལ་བ་བྱེད་ནུས་པའི་བློ་སྟོབས་ཅན་མི་འོང་བ་ཡིན། འ་དེས་མུས་སྲད་དུ་བྱོན་ནས་གཙུག་ལག་ཁང་གི་རྟེན་གཙོར་ཕུར་པ་འདི་བཞག །སླར་རིམ་གྱིས་གྱར་ནས་ད་ལྟ་སེར་ཕུར་མཇལ་ཞེས་ཟེར་བའི་རྒྱན་དུ་བྱུང་ངོ་། །ད་ནི་གཏེར་ཁ་གོང་འོག་གིས་གཏམ་བཤད་པར་བྱ་སྟེ། རྒྱ་ཆེར་རོལ་པ་ལས། བརྗེད་པ་མེད་པ་དྲན་པའི་གཏེར་དང་། བློ་གྲོས་རབ་ཏུ་འབྱེད་པས་བློ་གྲོས་ཀྱི་གཏེར་དང་། མདོ་སྡེ་ཐམས་ཅད་ཀྱི་རྣམ་ངེས་ཁོང་དུ་ཆུད་པས་རྟོགས་པའི་གཏེར་དང་། ཐོས་པ་ཐམས་ཅད་ཀུན་ཏུ་འཛིན་པས་གཟུགས་ཀྱི་གཏེར་དང་། ལེགས་པར་བཤད་པས་སེམས་ཅན་ཐམས་ཅད་ཚིམ་པར་བྱེད་པས་སྤོབས་པའི་གཏེར་དང་། དམ་པའི་ཆོས་ཡོངས་སུ་བསྲུང་བས་ཆོས་ཀྱི་གཏེར་དང་། དཀོན་མཆོག་གསུམ་གྱི་རིགས་རྒྱུན་མི་གཅོད་པས་བྱང་ཆུབ་ཀྱི་སེམས་དང་། མི་སྐྱེ་བའི་ཆོས་ལ་གྲུབ་པ་ཐོབ་པས་སྒྲུབ་པའི་གཏེར་ཏེ། གཏེར་ཆེན་པོ་བརྒྱད་ཐོབ་པར་འགྱུར་རོ། །ཞེས་བཤད་པའི་གནས་གང་ཡིན་པ་དེ་གདོད་ནས་སྤྲུལ་པའི་སྐུ་བྱང་ཆུབ་པའི་ཡེ་ཤེས་དམ་པའི་སྤྱོད་ཡུལ་དུ་གྱུར་ལ། རྣམ་པ་ཙམ་དུ་ཡང་རང་དོན་དུ་མཆོག་གི་དངོས་གྲུབ་ཆེན་པོའི་གོ་འཕངས་ལ་འཛེགས་ཏེ། གསད་གསོ་དང་། རྫུ་འཕྲུལ་གྱི་ཡན་ལག་རྒྱ་མཚོ་ལྟ་བུ་ལ་དབང་འབྱོར་བས་རྣལ་འབྱོར་གྱི་དབང་ཕྱུག་ཆེན་པོའི་ས་ལ་བཞྭགས་ཤིང་། གཞན་དོན་དུ་བསྟན་པའི་བྱ་བ་བླ་ན་མ་མཆིས་པ་དང་། སེམས་ཅན་གྱི་ཁམས་དང་རྒྱ་མཚོ་ལྟ་བུ་འདུལ་བའི་ཐབས་ལ་མཁས་པར་སྟོན་པ་ནི། སྤྲུལ་པའི་སྐུ་ཆེན་པོ་འདི་དག་ཏུ་ཡིད་ཆེས་སོ། །དེ་ལ་ཁ་ཅིག་གིས་གཏེར་ཟེར་བའི་ཕྱོགས་ཐམས་ཅད་ལ་སྒྲོ་སྐུར་བྱེད་པ་ནི་ལྕེ་ལ་ཐོངགཤོལ་ལྔ་བརྒྱས་རྨོ་པའི་ལས་ཡིན་ནོ། །གཏེར་དུ་བཏགས་པ་རྣམ་པ་ཐམས་ཅད་པའི་ཆ་ལ་ནི་ཁོ་བོ་ཅག་གིས་ཀྱང་དགག་བསྒྲུབ་གཉིས་བྱ་བ་ཡིན་སྟེ། རྒྱན་ལས། མི་རིག་པ་ཡི་གཟུགས་ལའང་མི་རིགས་ན། །ཐེ་ཚོམ་ཟ་བའི་ཆོས་ལ་སྨོས་ཅི་འཚལ།ཞེས་དང་། རང་ས་ན། དགེ་བ་ཡིན་ན་བཟང་པོ་སྟེ། །སྡིག་པ་བྱེད་པའང་སྡིག་ལྟའོ། །ཞེས་དེ་དང་དེའི་འབྲས་བུ་མི་འཆོལ་བའི་ཕྱིར་རོ། །འོན་ཏེ་རྣམ་པ་ཐམས་ཅད་ནས་རྫས་འགལ་བ་མཐོང་བའི་ཆོས་སུ་གཏན་ལ་ཕེབས་པ་བྱུང་ཡང་དེས་རྙིང་མའི་བསྟན་པ་ཐམས་ཅད་ཉམས་ཉེས་པར་མི་ལྟ་སྟེ། དཔེར་ན་དགེ་སློང་ལྷ་ཆེན་པོ་དང་། སྡེ་སྣོད་འཛིན་པ་གཞོན་ནུ་སྡེ་བདུད་ཀྱི་ཁེབས་ནས་དེ་བཞིན་གཤེགས་པའི་གསུང་རབ་ཆུད་གསན་པ་ལྟ་བུའོ། །དེས་ན་ཆོས་མ་ཡིན་པ་ཆོས་སུ་རྫུས་པའམ། གཏེར་མ་ཡིན་པ་གཏེར་མར་རྫུས་པ་དེཀ་སྡེ་ཚན་གཅིག་ཏུ་འཇོག་པར་འོས་ཀྱི། གསང་སྔགས་ཀྱི་རྒྱུད་སྡེ་ཆེན་པོའི་བརྗོད་བྱ་དང་བརྗོད་དོན་མ་ནོར་ཞིང་། འབྲས་བུ་གྲུབ་པ་ལ་བསླུ་བ་མེད་པ་འདི་དག་ལ། ས་ཆོས་དང་། རྡོ་ཆོས་ཞེས་སྐུར་པ་བྱེད་པ་ནི་བདུད་ཀྱི་ལས་སུ་འགྱུར་ཏེ། བཅོམ་ལྡན་འདས་ཀྱི་བདག་བསྟོད་གཞན་ལ་སྨོད་པའི་བྱང་ཆུབ་སེམས་དཔའ་ནི། བདུད་ཀྱི་ཡོ་ངས་སུ་བསླད་ཅིང་བློ་ཆུང་རིག་པར་བྱ། །ཞེས་གསུངས་པའི་ཕྱིར་རོ། །དེ་ལ་ལྷ་བཙན་པོ་ཁྲི་སྲོང་ལྡེ་བཙན་སླར་ཡང་རང་གི་མན་ངག་སྤེལ་བའི་སླད་དུ་བྱོན་པ་མངའ་བདག་ཉང་ཉི་མ་འོད་ཟེར་ནི། ཡུལ་ལྷོ་་བྲག་གཏམ་ཤུལ་ཞེས་བྱ་བར། ཡབ་ཉང་སྟོན་ཆོས་འཁོར་དང་། ཡུམ་པདྨ་བདེ་རྩལ་གྱི་སྲས་སུ་ཤིང་ཕོ་འབྲུག་གི་ལོ་ལ་བལྟམས། སྐུ་གཞོན་ནུ་ནས་ངོ་མཚར་བསམ་གྱི་མི་ཁྱབ་ཅིང་། མཁའ་འགྲོ་མ་རིགས་བཞི། རྗེ་བཙུན་སྒྲོལ་མ། ཐུགས་རྗེ་ཆེན་པོ། སློབ་དཔོན་པདྨ་ལ་སོགས་པའི་ཞལ་གཟིགས་ཤིང་ཆོས་ལ་བསྐུལ། རང་གི་ཡབ་ལས་གསན་པ་མང་པོ་མཛད། དགུང་ལོ་བཅུ་གསུམ་པ་ལ་ཐུགས་རྗེ་ཆེན་པོ་དང་ཕུར་པ་གྲུབ་སྟེ་འཇོད་ཕུའི་བྲག་ལ་ཕྱག་ཞབས་ཀྱི་རྗེས་དང་། ཟངས་ཀྱི་ཕུར་པས་རྟ་སྐད་མངོན་སུམ་དུ་འཚེར་བ་བྱུང་། ཡེ་ཤེས་ཀྱི་མཁའ་འགྲོ་མས་བྲག་རྡོ་རྗེ་རྩེ་ལྔ་འདྲ་བར་སོང་ཞིག་ཅེས་སྨ་བོའི་རི་ལུང་བསྟན། འདུལ་འཛིན་རྒྱལ་སྲས་ཁམས་བུ་ཡང་ལེ། གུ་རུ་ཁྲོ་བོ་སོགས་ལས་གསར་སྙིང་གི་ཆོས་མང་པོ། ཁྱད་པར་གྲུབ་ཐོབ་དངོས་གྲུབ་ལས་སྤྱན་རས་གཟིགས་དང་། བཀའ་བརྒྱད་བཀའ་མའི་དབང་ལུང་ཡོངས་སུ་རྫོཤཱས། སྨ་བོའི་རིལ་བསྒྲུབ་པ་མཛད་ཀྱིན་ཡོད་ཙ་ནབུ་ལྟོས་ཤིག་བྱ་བའི་སྒྲ་ཞིག་བྱུང་། བལྟས་ཙན་རྣལ་འབྱོར་རུས་པའི་རྒྱན་ཅན་ཞིག་འདུག །ནང་དུབོས་ནས་ཚ་བ་དྲངས་བས་དེ་ནརེ། ང་ནི་ནམ་མཁའི་རྣལ་འབྱར་པ། །དབང་ཕྱུག་རྡོ་རྗེ་བྱ་བ་ཡིན། །བུ་ཁྱོདལས་དང་སྐལ་བ་ལྡན། །པདྨ་དབང་དང་ལུང་གི་སྐྱོབས། །གསངསྔགས་ཟབ་མོའི་ཆོསརྣམས་ཀུན། །ད་ལྟ་མཁའ་འགྲོའི་ལག་ན་ཡོད། །གསོལ་བ་ཐོབ་ལ་མྱུར་དུ་ལོངས། །ཞེས་ཁ་བྱང་ཡང་བྱང་གནད་ཡིག་གསུམ་གཏད་དེ་འཇའ་ལྟར་ཡལ། གྲྭ་པ་མངོན་ཤེསདང་རཤག་གཏེར་སྟོན་གྱིས་ཀྱངཁ་བྱང་སྤྲད། ཁྱད་པར་མཁའ་འགྲོའི་ཡེ་ཤེསམཚོ་རྒྱལ་གྱི་སྤྲུལ་པསསྟག་སྒྲོམ་ཆོས་གཏེར་གྱི་གང་བ་གཏད་པས་མཁའ་འགྲོའིབསྒྲུབ་སྐོར་སོགས་མན་ངག་མང་པོ་བྱུང། ཁོམཐིང་གིགནས་ཡིག་ལྟའི་ཕྱག་འཛུབཆད་པ་ཚོང་པས་ཁྱེར་སྟེ་ཕུལ་བ་ལས། སྒྲོམ་སྐྱ་སྒྲོམ་སྨུག་གཉིས་ནས་བདེ་གཤེགས་འདུས་པརྒྱལ་པོའི་བླ་དཔེ་དང་། རྟ་མགྲིནབཀའ་སྲུང་གི་སྐོར་གྱིས་མཚོན་ཏེ་ཆོས་གཏེརདང་བྱིནབརླབས་ཀྱི་རྟེན་དཔག་ཏུ་མེདཔ་བྱོན། བདོ་གཤེགས་འདུས་པའི་སྨན་བསྒྲུབ་མཛད་པས་སྨན་གྱི་ལྷ་མོས་ཨ་རུ་ར་རློན་པ་ཕུལ། ཡེ་ཤེས་མཚོ་རྒྱལ་དང་དངོས་སུ་མཇལནས་དངོསགྲུབ་ཅི་འདོདགསུངས་པ་ལ། ཆོས་འདོད་ཞུསཔསམཁའ་འགྲོ་ལུང་བསྟནགྱི་བསྐོར་དང་ཞུལན་བརྒྱ་རྩའི་དཔེ་གཏད། དུར་ཁྲོད་བསིལ་བའི་ཚལ་དུ་མངོན་སུམ་པར་ཁྲིད་ནས་དེར་སློབ་དྭཔོན་ཆེན་པོ་དང་མཇལ། བུ་ཚངས་པ་ལྷའི་མེ་ཏོག་སླེབ་བམ་གསུངས་ནས་ཀེང་རུས་ཀྱི་ཁྲི་ལ་བཞག ཐུ། སྨྱུབ་ཆེན་དགུས་བཀའ་བརྒྱད་སྤྱི་དང་བྱེ་བྲག་གི་དབང་ཐམས་ཅད་རྫོགས་པར་གནང་། ཡི་དམ་གྱི་ལྷ་དང་གཉིས་སུ་མེད་པར་གྱུར་ནས་ཆོས་སྐྱོང་བྲན་དུ་ཁོལ། འཕྲིན་ལས་ནམ་མཁའི་མཐའ་དང་མཉམ་པར་སང་བས་དུས་དེ་ཙ་ན་གསང་སྔགས་འཆང་བའི་གཟུགས་སུ་གནས་པ་གཉིས་ལམ་དུ་འདྲིས་མེད་པ་ལའང་ཁྱོད་ཅག་གཏེར་ཁ་གོང་འོག་གང་གི་ལུགས་ཡིན་ཞེས་འདྲི་བ་བྱུང་། བསྟན་པའི་བྱ་བ་དང་རྫུ་འཕྲུལ་གྱི་ནུས་པ་བསམ་གྱི་མི་ཁྱབ་སྟེ་རྣམ་ཐར་གྲགས་པ་ཆེ་བས་འདི་ཙམ་གྱི་མཚོན་པར་ནུས། སློབ་མ་ནི། གཉོས་གྲགས་རྒྱལ། ཞིག་པོ་བདུད་རྩི། སྲས་མི་བསྐྱོད་རྡོ་རྗེ། སྨན་འོན་པ། སེ་སྟོན་ཁྲི་མཆོག་སྟེ་བཀའ་བབས་ཀྱི་བུ་ལྔ། སྲས་ཆུང་བ་མངའ་བདག་འགྲོ་མགོན་ནམ་མཁའ་དཔལ་ནི་སྨིན་གྲོལ་ཡོངས་རྫོགས་ཀྱི་བཀའ་བབས་གཏད་པའི་བསྟན་པའི་བདག་པོ་ཡིན། དགུང་ལོ་རེ་དགུ་པ་ཤིང་ཕོ་བྱི་བའི་ལོ་ལ་རྫུ་འཕྲུལ་གྱི་བཀོད་པ་རྒྱ་ཆེན་པོ་དང་། ཁྱད་པར་ཐུགས་ཀ་ནས་ཧྲི་ཡིག་དཀར་པོ་ཞིག་བདེ་བ་ཅན་དུ་གཤེགས་པར་བསྟན་ཏེ་སྐུའི་བཀོད་པ་བསྡུས། སླར་སྐུའི་སྤྲུལ་པ་རྒྱ་གར་ཤར་ཕྱོགས་སུ་བཀོད་པ་སྣ་ཆོགས་སྟོན་པའི་རྣལ་འབྱོར་པ་གཅིག །གསུང་གི་སྤྲུལ་པ་གུ་རུ་ཆོས་ཀྱི་དབང་ཕྱུག །ཐུགས་ཀྱི་སྤྲུལ་པ་ཡུལ་ཉེར་བཞི་ལ་སྤྱོད་པའི་རྣལ་འབྱོར་པ་གཅིག་སྟེ་གསུམ་ཅིག་ཅར་དུ་བྱུང་བ་ལུང་བསྟན། ལོ་ཙྭ་བ་ཆག་གི་གདུང་གཞུ་བས་མེ་སྦར་བ་མ་ནུས། སླར་སྟོན་པ་མཆོག་གི་སྐུ་གདུང་བཞིན་མེ་རང་བྱུང་དུ་འབར། དེ་ལས་འཇའ་ཚོན་བྱུང་བ་ནུབ་ཕྱོགས་སུ་ཟུག །གདུང་ཁང་ན་ཁྱིའུ་གཞོན་ནུ་རུས་པ་དང་རིན་པོ་ཆེའི་རྒྱན་ཅན་ཧ་རི་ནི་ས་སྒྲོག་པ་འཁའ་འགྲོ་མ་མང་པོའི་འཁོར་དང་བཅས་པ་ཀུན་གྱི་མཐོང་། ལྷ་སའི་བཅུ་གཅིག་ཞལ་གྱི་ཐུགས་ཀ་དང་གདུང་ཁང་གཉིས་འཇའ་དཀར་པོས་ཏལ་མར་འབྲེལ་བ་བྱུང་། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་མི་ཟད་པ་རྒྱན་གྱི་འཁོར་འོའི་ཡོན་ཏན་གྲུབ་པའི་རྟགས་སུ། ཐུགས་ལྗགས་དང་དབུ་སྐྲ་ལ་ཞུགས་ཀྱིས་ཟ་བར་མ་ནུས་ཤིང་། རྟེན་དང་རིང་སྲེལ་མཐའ་ཡས་པར་བྱོན་ཏོ། །དེ་ནས་སྲས་འགྲོ་དགོན་ཡབ་ཀྱི་དགོངས་པ་རྫོགས་པའི་བྱ་བ་ལ་ཞུགས་སྟེ། སྐུའི་རྟེན་རིགས་གསུམ་སེམས་དཔའ་མི་ཚད་དང་མཉམ་པ་ནི་པ་ལའི་ཡུལ་དུ་བསྐྲུན་ནས་སྤྱན་དྲངས། གསུང་གི་རྟེན་དུ་མདོ་མང་དང་རྒྱུད་འབུམ་གསེར་བྲིས་མ། ཐུགས་ཀྱི་རྟེན་དུ་སྐུ་འབུམ་མཐོང་གྲོལ་ཆེན་མོ་བཞེངས། རབ་ཏུ་གནས་པ་ལ་ཁ་ཆེའི་བསོད་སྙོམས་པ་ཆེན་པོ་མཧྭ་པརྙི་ཏ་ཤཱཀྱ་ཤི་སྤྱན་དྲངས་ནས་ཆོས་འཁོར་ཡང་བཙུགས། སྲས་འགྲོ་བའི་མགོན་པོ་ཉིད་ཀྱིས་གཙུག་ཕུད་ཕུལ། འོན་ཀྱང་འཕྲིན་ལས་འདི་ཀ་ཆེ་གསུངས་ནས་རབ་ཏུ་འབྱུང་བར་མ་གནང་། གསེར་ཀ་རྐོ་རར་བླུག་པའི་འབུལ་བ་དང་ཞབས་ཏོག་གྱ་ནོམ་པས་བསྟི་སྟང་དུ་བྱས། །སླར་པཟླིཊ་ཏ་གཤེགས་ནས་ཀྱང་ལྷོ་བྲག་དང་མོན་ཡུལ་གྱི་འདུ་བ་མང་པོས་གསེར་གྱི་འབུལ་བ་རྒྱ་ཆེན་པོ་བྱུང་བ་རྣམས་ཁྲོ་ཕུར་འབུལ་དུ་བྱོན་པས། པཟླིཊ་ཏ་ན་རེ། མཆོད་གནས་རང་གནས་སུ་ལྡག་ནས་ཀྱང་འབུལ་བ་སླར་བསྐྱེལ་བ་ཇོ་སྲས་མི་བཟང་གསུང་ནས་མཉེས་ཚོར་ཆེན་པོ་མཛད་སྐད།སྲས་འགྲོ་མགོན་ཉིད་སྤྱན་རས་གཟིགས་ཀྱི་སྤྲུལ་པར་ལུང་བརྟན། རྫུ་འཕྲུལ་ཤིན་ཏུ་ཆེ་བས་དགོངས་རྫོགས་སུ་དམིགས་ནས་ཤམ་པོའི་མདུན་གྱི་རྡོ་རྣམས་ནམ་མཁའ་ལ་ལུག་ཁྱུ་བཞིན་དུ་དེད། གཞན་གྱི་སྣང་ངོར་གང་ནས་བྱུང་ཆ་མེད་པར་སྐྱི་ཆུའི་འགྲམ་དུ་རྡོ་སྐྱ་ཆ་གེ་ཆགས་པ་ལ་ཇོ་བོ་འ་ཆུ་རགས་མཛད། སྔར་རྡོ་རྣམས་རིགས་མ་ནོར་བ་ཡོད་ཟེར། བལ་རིས་ཀྱི་ཐང་ཀ་ཐོག་ཚད་མ་བརྒྱ་དང་བརྒྱད་ཀྱང་བཞེངས། མཐུ་རྩལ་དང་ནུས་པ་ཤིན་ཏུ་ཆེ་ཤིང་ཆོས་སྐྱོང་བྲན་དུ་ཁོལ་བས། ཐོག་སེར་ལ་སོགས་པས་སྐུ་དགྲར་གྱུར་པ་དག་ཟླ་དུས་ལ་མི་ལྷོས་པ་་་ཉི་མའི་སྔ་ཕྱི་ལ་བཙན་ཐབས་སུ་བརླག་པར་མཛད་པ་སོགས་ཀྱི་ལོ་རྒྱུས་དུ་མ་ཡོད། ཐུགས་རྗེ་བསམ་རྒྱ་མི་ཁྱབ་པས་གུ་རུ་ཆོས་དབང་སོགས་སྤྲུལ་པའི་སྐུའི་སློབ་མ་ཡང་མང་དུ་བྱུང་། འདིའི་སྲས་མངའ་བདག་བློ་ལྡན་འཇམ་དཔལ་གྱི་སྤྲུལ་པ་དང་། དེའི་སྲས་མངའ་བདག་བདུད་འདུལ་ཕྱག་རྡོར་གྱི་སྤྲུལ་པ་སྟེ། ཉང་རིན་པོ་ཆེའི་གདུང་རྒྱུད་ལ་རིགས་གསུམ་མགོན་པོའི་སྤྲུལ་པ་བྱུང་བར་ལུང་བསྟན་པ་ཡིན་ནོ། །ཆོས་ཀྱི་བརྒྱུད་པ་ལའང་སྲས་བརྒྱུད་དང་སློབ་བརྒྱུད་གཉིས་ཀའི་ལུགས་ཡོད་དོ། །གཏེར་ཁ་འོག་མར་གྲགས་པའི་བདག་ཉིད་ཆེན་པོ་གུ་རུ་ཆོས་ཀྱི་དབང་ཕྱུག་གི་གདུང་ནི། བསྟན་པ་སྔ་དར་གྱི་ཚེ་བོན་གཉའ་རེངས་བྱ་བས་བཙན་པོ་ཁྲི་སྲོང་ལ་ཐོག་ཕབ་སྟེ་བཀྲོངས་པར་ཁས་བླངས་པ་ན། སློབ་དཔོན་པདྨ་དང་། བི་མ་ལ། བི་རོ་གསུམ་ཀའི་སློབ་མར་གྱུར་པ་སྤང་རྗེ་བཙན་ཁྲོམ་བྱ་བའི་སྔགས་པ་ནུས་པ་ཅན་ཞིག་གིས། བོན་པོས་ཐོག་མངའ་ལྔ་དུས་གཅིག་ལ་ཕབ་པ་སྡིགས་འཛུབ་ཀྱིས་བླངས་ཏེ་བོན་པོའི་གྲོང་ལ་རང་གཤེད་དུ་བཏང་ནས་བརླགས་པར་བྱས། བཙན་པོས་དེ་ལ་བྱ་དགའ་ཆེན་པོ་མཛད། དེ་ལ་སྲས་སྤང་རིག་འཛིན་སྙིང་པོ་ཞེས་བྱ་བ་ཞིག་བྱུང་སྟེ། དེས་ཡང་འདུལ་གྱི་ལྷ་ཁང་བཞིའི་མཆོད་གཉེར་མཛད། ལོ་བསྐོར་རེ་ལ་མཆོད་པ་ལ་བྱོན་པ་ལས་ཁོ་མཐིང་དུ་བྱོན་པའི་ཚེ་ལ་ཡག་རྫ་བར་གྱི་དཔོན་ཆེན་སྤྲས་པས་ནོར་གཞིས་མང་དུ་ཕུལ། ཚེ་སྔ་མའི་ཡུལ་ཡིན་གསུངས་ནས་བདག་གིར་མཛད། དེའི་སྲས་ཀུན་མཁྱེན་ཤེས་རབ་རྒྱལ་པོ་ནས་མཁྱེན་ལྡན་ནུས་པ་ཅན་བར་མ་ཆད་དུ་བྱུང་བའི་སྤང་སྟོན་གྲུབ་པའི་སྙིང་པོ་ཞེས་བྱ་བ་དེས་བླ་མ་སངས་རྒྱས་སྙི་སྒོམ་ལ་བདག་ཚངས་པར་སྤྱོད་པར་ཞུས་པས། དགེ་སློང་གི་སྡེ་བརྒྱ་ལས་བྱང་ཆུབ་སེམས་དཔའ་གཅིག་འགྲོ་དོན་ཆེ་བས་བྱང་ཆུབ་སེམས་དཔའི་གདུང་མ་བཅད་གསུངས། དེར་ཁྱིམ་ན་བཞུགས་པའི་ཚེ་མཁའ་འགྲོ་གར་གྱི་དབང་མོ་ལ་ཇོ་མོ་གྱིས་ཤིག་ཟེར་བའི་ལུང་བསྟན་བྱུང་། སླར་ནམ་མཁའ་ལ་གྱ་གྱུར་འགྲོ་བའི་གྲུབ་ཐོབ་གྱི་བརྒྱུད་པ་དཀར་བཟའ་མགོན་སྐྱིད་ཡིན་པར་ཤེས་ནས་བདག་གིར་བཟུང་བ་ལས། ལྷུམས་སུ་ཞུགས་པའི་ཚེ་ཉི་ཟླ་ཁ་སྦྱོར་སྤྱི་བོར་ཐིམ་པ་དང་། ལྔམས་ནས་སྐྱེ་མེད་ཀྱི་ཡི་གེའི་སྒྲ་ཡང་ཡང་སྒྲོག་པ་དང་། མདའ་དར་གཏད་དེ་ཚིགས་སུ་བཅད་པ་སོགས་རྟགས་ཁྱད་པར་ཅན་བྱུང་། སྤྲེའུ་ལོ་དཔྱིད་རའི་བཅོ་ལྔའི་ཉེ་ཤར་ལ་བལྟམས། མཚན་བརྗོད་གསེར་མ་ཞིག་བྲེས་པ་ཞིག་ཡོད་པའི་ཚིག་མཚམས་ལ་རྟེན་འབྲེལ་བརྟགས་པས། ཆོས་ཀྱི་དབང་ཕྱུག་ཆོས་ཀྱི་རྒྱལ། །བྱ་བ་དང་ཐུགས་ནས་མཚན་དེར་བཏགས། མིག་མཐོང་མཁན་དག་གིས་ཀྱང་ལྷ་འདྲེས་མཆོད་པར་འདུག་ཅེས་ཟེར། ཡབ་ཀྱིས་འབྲི་གུང་འཇིག་རྟེན་མགོན་པོ་ལ་ཕུར་པ་རྩ་བརྒྱུད་ཉན་པའི་ཚེ། ཁྱོད་ཀྱི་བུ་ཐ་ཆུང་ཞིག་ལ་ཆོས་སློབ་ཤིག །དེས་འཕྲིན་ལས་འབྱུང་ངོ་ཞེས་ཀྱང་གསུངས། དེ་བཞིན་དུ་མ་ལ་ཀ་བ་ཅན་པ་ན་རེ། དགེ་བཤེས་ལྷོ་པ་ཁོ་དེ་མདའ་ལྔ་དང་གཞུ་གཅིག་ཚགས་གྱིས་དང་། དགྲ་བོའི་སྙིང་ལ་འཕོག་པའི་མདའ་གཅིག་འོང་ཞེས་གསུངས། ཞང་རིན་པོ་ཆེས་ཀྱང་དགེ་བཤེས་ལྷོ་ཆུང་པ་ཁྱོད་ཀྱི་བུ་ངས་བྱའམ། ཀུ་རེ་ཡིན་ཁྱོད་ལ་ང་འདྲ་བའི་བུ་གཅིག་འོང་གསུང་པ་སོགས་ལུང་བསྟན་མང་པོ་ཐོབ། ལོ་བཞི་ནས་ཡབ་ལས་བྲིས་ཀློག་བསླབས། སྨྲ་སྒོ་མཚོན་ཆ། རིག་ཀླག་སྡེ་ལྔ། བི་བརྟ་ཆེན་མོ་སོགས་སྒྲའི་བསྟན་བཅོས་བཅུ་གསུམ། སྐྱེ་བོ་གསོ་ཐིག་སོགས་ལུགས་ཀྱི་བསྟན་བཅོས་བཅུ། ནག་རྩིས་དང་། སྨན་དཔྱད་བཀའ་གཏེར་རྒྱལ་རབས་སྡེ་བདུན། ལྡེ་རྒྱུད་ཆེན་པོའི་སྒྲུང་འབུམ་སོགས་གླུ་གར་གྱི་བསྟན་བཅོས་བརྒྱ་དང་བཞི། བོན་གྱི་གཞུང་ཆེན་བདུན་བཅུ་དོན་ལྔ་མདོས་གཞུང་ཆེན་པོ་བརྒྱ་ཕྲག །གསང་སྔགས་ཕྱི་ནང་གི་ཐིག་རྩ་མང་པོ། ཕུར་པའི་སྐོར་པོད་ཆེན་བཞི་ལ་སོགས་པ་ཐོས་པ་མང་པོ་མཛད། བཅུ་ལ་གསར་མའི་ཕྱག་རྡོར་ལུགས་དྲུག་གསན་ཏེ་བསྒྲུབ་པས་བུམ་ཆུ་ཁོལ།གཤིན་རྗེ་གཤེད་དང་ཕུར་པ་ལ་བསྙེན་པ་ཚད་དུ་བསྐྱལ། བཅུ་གཅིག་པ་ལ་སྒྱུ་འཕྲུལ་གྱི་དབང་རྒྱུད་མན་ངག་ཐམས་ཅད་རྫོགས། བཅུ་གཉིས་པ་ལ་ཀ་ཀ་ནི་གྲྭ་ལྔ། སྒྲུབ་ཐབས་བརྒྱ་རྩ་སོགས་མཁྱེན་པར་མཛད་ཅིང་ཡིད་བརྒྱའི་བསྒྲུབ་པ་མཛད། བཅུ་གསུམ་ལ་ཡང་དག་དང་མ་གཤིན། ཐུགས་རྗེ་ཆེན་པོ་ལུགས་དང་རྟ་མགྲིན་ལ་སོགས་གསར་རྙིང་མང་པོ་གསན་ཅིང་བསྒྲུབས། བཅུ་གསུམ་པའི་དུས་ཉམས་སྣང་ལ་ཇོ་མོ་སྒྲོལ་མས་ཤེལ་མཁར་ཞིག་གི་རྩེ་ཁྲིད་པས་རྡོ་རྗེ་སེམས་དཔའ་དང་མཇལ། དེ་ནས་མཁའ་འགྲོ་མ་གདོང་བཞི་པ་ཞིག་འདུག་པའི་མདུན་ཞལ་དཀར་པོ་ནས། སངས་རྒྱས་བསྟན་པ་ཁྱོད་ཀྱི་བཟུང་། །གཡས་ཞལ་སེར་པོ་ནས། དམ་ཆོས་དར་བ་ཁྱོད་ཀྱི་བགྱིས། །རྒྱབ་ཞལ་དམར་པོ་ནས། དགེ་འདུན་དབུ་འཕངས་ཁྱོད་ཀྱི་གཏོད། །གཡོ་ཞལ་སྔོན་པོ་ནས་དུས་ངན་གདུལ་དཀའ་ཁྱོད་ཀྱི་ཐུལ། །ཟེར་ནས་མདའ་དཀར་པོ་སྒྲོ་ལྔ་པ་གཅིག་གཏད། དགུང་ལོ་བཅུ་བཞི་པར་ཏི་སེ་གྲོ་གྱང་སར་བར། ཆད་མ་དང་། མངོན་པ་ཀུན་ལསབཏུས།་སྤྱོདའཇུག །དགྱེས་རྡོར་ལ་སོགས་པའི་གཞུང་ཆེན་པོ་དང་། ཕྱག་རྫོགས་ཞི་བྱེད་ཆོས་དྲུག་ལ་སོགས་པའི་མན་ངག་ཉན། མཐའ་སྐོར་བ་ལས་དབུ་མ་བདེན་ཆུང་། མཚུར་སྟོན་ཡབ་སྲས་ལ་ཨ་ཏིའི་སྐོར་སོགས་མད་སྔགས་གསར་སྙིང་གི་་་ད་སྒྲུབ། ཡབ་ལས་ཞི་བྱེད་ཕྱག་རྫོགས་གཅོད་ཡུལ། གདམ་ངག་ངོ་སྤྲོད།བསྟན་སྲུང་དྲག་སྔགས་མཐའ་དག་ཉན་ཅིང་ཉམས་འོག་ཏུ་ཆུད་པར་མཛད། བཅུ་བདུན་པ་ལ་མངའ་བདག་འགྲོ་མགོན་དང་མཇལ་ཏེ་ཉང་རིན་པོ་ཆེ་ཉི་མ་འོད་ཟེར་གྱི་གཏེར་ཆོས་མཐའ་ཡས་པའི་བདག་པོར་གྱུར།བཅོ་བརྒྱད་པའི་ཚེ་ས་པཎ་ལ་གནས་གཞི་དང་སྒང་པོར་སེམས་བསྐྱེད་དང་། གྱང་གསར་དུ་ཆོས་འབྲེལ། ལྷ་ལུང་གི་མཆོད་རྟེན་རྩར་རབ་གནས་ཐོབ། དེ་ནུབ་མནལ་ལམ་རྒྱ་ནག་རི་བོ་རྩེ་ལྔར་མེ་ཏོག་ཨུ་དུམ་ཝ་ར་འཚོལ་དུ་ཕྱིན་པས། ཨུཏུལ་སྔོན་པོའི་སྟེང་ནས་འཕགས་པ་འཇམ་དཔལ་གྱིས། ཙྭ་ན་ཀྭ་ཡ་དྷརྨ་ཏུ། ཆོས་ཀྱི་དབང་ཕྱུག་ང་ཡིན་ནོ། །ང་ནི་ཁྱོད་ཀྱི་སེམས་རྟོག་གོ །སེམས་རྟོག་ནི་ཆོས་ཀྱི་སྒོ་མོ་བསམ་གྱི་མི་ཁྱབ་པའོ། །ཆོས་སྒོ་བསམ་གྱི་མི་ཁྱབ་པའི་དོན་ནི་རང་བྱུང་གི་ཡེ་ཤེས་ཐིག་ལེ་ཉག་གཅིག་གོ །ཆོས་སྒོ་བརྒྱད་ཁྲི་བཞི་སྟོང་གི་དོན་ཁྱོད་ལ་བཤད་ཟིན་གྱི་དེའི་དོན་ལ་དབྱོད་ཅིག །ཅེས་གསུངས་པའི་མོད་ལ་རྣལ་སད་པས་ཆོས་ཐམས་ཅད་ཐོབ་པའི་ངེས་ཤེས་རྙེད། ཡུལ་གྲ །མངོན་པ་ལ་མཆོག་ཏུ་མཁས་པས་གྲ་པ་མངོན་ཤེས་སུ་གྲགས་པའི་སྡེ་སྣོད་འཛིན་པ་ཆེན་པོ་གཏེར་སྟོན་རྣལ་འབྱོར་གྱི་དབང་པོ་དེས་བསམ་ཡས་ནས་བཏོན་པའི་ཁ་བྱང་རིམ་པར་བརྒྱུད་པ་དགུང་ལོ་བཅུ་གསུམ་པའི་ཚེ་ཕྱག་ཏུ་བྱུང་། བར་དེར་ཁ་བྱང་དེ་ལ་བརྟེན་ནས་བླུན་པོ་གཟུ་ལུམས་ཅན་མང་པོས་འདོན་པར་བརྩམས་པ་ལ་ལ་ཤི །ལ་ལ་ཐོག་སེར་གྱིས་བྱེར་དགོས་པ་བྱུང་། ཁ་བྱང་དེ་ནང་དུ་བཞག་ན་ཆོ་འཕྲུལ་གྱི་མི་ཚུགས། ལམ་ཕྲང་དང་། བཞི་མདོ་དང་། ཆུའི་དཀྱིལ་དང་། ཆུ་འོག་ལ་སོགས་པ་བསྒྱུར་ཀྱང་། འབྱུང་བའི་གནོད་པས་མི་གཤེགས། བཟུང་དུའང་མ་བ་་པས་བརླག་ཤོག་སེར་པོ་ཞེས་མིང་ཐོགས། ཡབ་ན་རེ། ཐམས་ཅད་བརླག་པའི་བརླག་ཤོག་སེར་པོ་དེས་ཅི་ཞིག་བྱ། ཁྱོད་འཆི་བ་ཉོ་བ་ཨེ་ཡིན་གསུངས་ནས་འཕྲོག་ཏེ་ཕྱོགས་གཞན་དུ་སྦས། དེ་སླར་དགུང་ལོ་ཉེར་གཉིས་པ་འདིར་བརྐུས་ནས་རྟོགས་ལྡན་གཅོད་ཡུལ་བ་ཞིག་དང་འགྲོགས། དེ་ལ་བརྟེན་ནས་གནམ་སྐད་ཅན་ནས་ཡང་བླངས། རིམ་པར་བླ་རྫོགས་ཐུགས་གསུམ་གྱི་མཚོན་པའི་གཏེར་ཁ་ཆེན་པོ་བཅོ་བརྒྱད་ལ་དབང་བསྒར། དེ་དག་ཀྱང་སྐལ་ལྡན་གྱི་སྐྱེ་བོའི་སྡུན་ན་ངོ་མཚར་ཆེན་པོའི་སྣང་བ་དང་འགྲོགས་ནས་བླངས་པ་དང་། ཕལ་ཆེར་གཏེར་བདག་ལ་ཐ་ཚིག་བསྒྲགས། གཞན་ལས་དང་སྐལ་བ་ལྡན་པ་མངའ་གཞུག་སྟུ་བྱས་ནས་རྩོད་པ་མེད་པར་བྱུང་བ་འབའ་ཞིག་གོ །དེ་ཡབ་ཀྱི་ཚོར་ནས་ཁྱོད་ཀྱི་གཏེར་ཐོན་ཟེར་བ་ཐོན་པ་རང་སྩི་ཞིག་ཁྱེར་ཤོག་གསུངས། ཟངས་སྒྲོམ་གཏད་པ་ན་དཀར་ཆག་ཀློག་དང་གསུང་།ཀླགས་པས། སངས་རྒྱས་མཉམ་སྦྱོར་གྱི་རྒྱུད་གཅིག་ཤེས་ཀུན་གྲོལ་ལམ་དེ་ཀློག་དང་གསུངས། རྒྱུད་ཀྱི་མགོ་ནས་ཀླགས་པས། ད་གོ་གོ་དེས་ཆོག ཁྱོད་ལ་སྔར་གྲས་སྣ་མ་ཐུང་པ་བཏབ་པ་ཡིན། ཕྱིས་གྱོད་ཁ་བསྣན་ཀྱང་ཚིག་རོ་ལས་མི་ཡོང་། ད་གཏེར་དེས་འཕུང་འཚེངས་གང་ཡིན་ཡང་ཟིན། དུས་གསུམ་མཁྱེན་པཨུ་རྒྱན་ཆེན་པོའི་བཀའ་རྩོད་མེད་དུ་འདུག །ཟབ་ཀྱང་ཁྱོད་ཀྱི་ཆོས་ལ་དང་རེ་མ་དགོས། ངའི་འདུན་མ་ལོ་བཞི་བཅུའི་བར་དུ་རུ་བཞིའི་བླ་མ་མཁས་གྲུབ་ཐམས་ཅད་ཀྱི་དགོངས་པ་བླངས། སྤྲོས་པ་ཆོད། འཁོར་འདས་ཀྱི་གཞི་རྩ་སེམས་ཉིད་གཅིག་པུ་འདིའི་སྟེང་དུ་བཟློས་ཟིན། ད་ཁྱོད་ངའི་ཁ་ལ་ཉན་པར་སོང་ན་བླ་རྫོགས་ཐུགས་གསུམ་འདིའི་མགོ་ཅི་ཐོན་གྱིས། དེ་མིན་པའི་མཐུ་ངན་སྔགས། སྒྱོགས་དང་། དཔག་ཆེན། ཐན་དང་རློས་འཕྲུལ། བཟོ་སྣ་ཀྱ་ཀྱོག་རྣམས་ཆོས་འདི་མགོ་མ་ཐོན་པར་ཁའི་ཟུར་ལའང་མ་འདོན། ཤེས་ཤེས་མང་ལ་མཐར་ཐོན་མེད་པ་འདི་མཐར་སྤྲང་པོར་འགྲོ་བ་ཡིན། སྒྱིར་གཏེར་ཆོས་ལ་ང་གནག་པ་ག་ལ་ཡིན། སངས་རྒྱས་ཀྱི་མདོ་རྒྱུད་ཀུན་ནས་གཏེར་ལུང་གསུངས། རིག་འཛིན་གྱི་གོང་མའི་ཕྱག་ལེན་ཡིན་ཏེ།སྔར་ཡང་གཏེར་སྟོན་བློ་ཆུང་རེས་ཆོས་ལ་དག་མ་ཐོན་པར། ཞོགས་ཁྱེར་དང་ངོ་སོ་བྱས་ནས་འགྲོ་དོན་རླབས་པོ་ཆེ་མ་གྲུབ་རྒྱ་ཞང་ཁྲོམ་གྱི་ངན་སྔགས་སྔོན་ལ་སྤེལ་བས་འགྲོ་དོན་གྱི་རྡུགས། སྐུ་ཚ་སྨན་པས་སྨན་དཔྱད་བྱས་པས་ཆོས་ཀྱི་འགྲོ་དོན་གཡེལ། ར་ཤག་གཏེར་སྟོན་གྱིས་མདོས་ཆོག་བྱས་པས་ཕྱིས་མདོས་མཁན་དུ་སོང་། བོན་པོ་དྲག་རྩལ་གྱི་སྔོན་ལ་པེ་ཧར་བསྒྲུབས་པས་མཐུ་མཁན་ལས་མ་བྱུང་། དེ་འདྲ་ལ་ཟད་པ་མེད། རྒྱལ་བ་གོང་མས་གཞན་དོན་ལ་དམིགས་ཀྱང་གཏེར་སྟོན་ཚོས་རྩ་བའི་ཆོས་ཀྱི་གཞུང་མ་སྲོངས་པར་འཕྲིན་ལས་ཁ་ཁྱེར་དུ་བཏང་བས་གོ་མ་ཆོད་དུ་སོ་ང་། ཆོས་བྱས་ན་ཆོས་སྐྱོང་ཞོར་ལ་ཡོད། མཐུ་ཡང་མ་བསྒྲུབ་པར་འོང་པ་ཡིན། དེ་ཆོས་སྐྱོང་རང་གི་དམ་བཅའ་ཡིན་པས་སོ། །བློ་རྩབ་རྩུབ་མ་མང་བར་བླ་རྫོགས་ཐུགས་གསུམ་གྱི་ཉམས་ལེན་འབུངས་ཤིག །མངའ་བདག་ཉང་ཡབ་སྲས་མིས་འཁུར་བ་འདི་ཁོས་ཐུགས་རྗེ་ཆེན་པོ་བསྒྲུབས་པས་བྱུང་བ་ཡིན། གཏེར་སྟོན་གྱི་མ་རྡུགས་ཙམ་དེ་ཁོ་ཡིན། ངས་ལོ་དྲུག་གི་གོང་ནས་འགྲོ་བྱས་པའི་དུས་ཚོད་དེ་ད་ཟླ་བ་གཉིས་ཙམ་ནས་སླེབས་ཡོང་། མི་ཚོས་གཏེར་རྫུ་ཡིན་ཟེར་ཡོང་སྟེ་རྟོག་པ་དེ་མི་དགོས། ང་ཡན་ཆོད་ཀྱི་སྤང་མི་རབས་བཅུ་གསུམ་སོང་སྟེ་ནང་གི་གྲུབ་རྟགས་མ་བྱུང་བ་མེད། ང་ཡངཞན་།ས་མིན་ཙམ་འོང་གསུང་སྐད། དེར་མངའ་བདག་འགྲོ་མགོན་གྱི་གཏེར་གྱི་ཉམ་ང་ཚེ་གསུངས་ནས་གཟིགས་པས་མཆོག་ཏུ་མཉེས། ལུང་བསྟན་ལས་ཧོར་དམག་བྱུང་ཚུལ་ཡོད་པ་སློབ་དཔོན་གྱི་མཐའ་སྐོར་ལ་བས་མཐོང་ནས། ཧོར་ད་ལྟ་ཡུལ་ན་མེད་པ་ལ་ཟེར་བསྐུར་པ་བཏབ་པས། ཐུགས་ཆད་ནས་གདམས་པ་སླར་སྦ་བར་སེམས་པ་ན། བུ་མོ་གཉིས་ཀྱི་རྟ་དཀར་གཤོག་པ་ཅན་ལ་སྐྱོང་ནས་རྔ་ཡབ་དཔལ་རིར་ཁྲིད། ཨོ་རྒྱན་ཆེན་པོས་གསང་བ་ཡོངས་རྫོགས་ཀྱི་རྫོགས་པར་བསྐུར་ནས། ལམ་གྱི་ལམ་མཆོག་གཞན་དོན་ཡིན། །འདི་ལ་སྤྱིད་ལུག་སུ་སྐྱེས་པ། །དེ་ཡི་བྱང་ཆུབ་རྒྱང་ཐག་རིང་། །ཞེས་སོགས་ཞལ་གདམས་བསླབ་བྱས་དབུགས་ཕྱུང་། གནས་འདིར་མ་ཞེན་ཅིག་ཞེན་ན་སྐྱེ་བ་འཕོ་བའི་ཉེན་ཡོད་གསུངས་པའི་མོད་ལ་འོད་ཕུབ་ལྟ་བུས་བཏེག་དེ་སྐད་ཅིག་ལ་སླེབས། ཤིང་ཕོ་བྱི་བའི་ལོ་ཧོར་དོར་ཏོག་གི་དམག་སླེབས་པས་མ་འོངས་པ་མངོན་སུམ་དུ་གཏན་ལ་ཕེབས། བཙན་པོ་ཁྲི་སྲོང་ལྡེ་བཙན་གྱི་ཕྱི་མ་ལྷའི་བུ་འོད་མཐའ་ཡས་སུ་སྐྱེས་པ་ནས་རིམ་པར་མངའ་བདག་ཉང་གི་བར་སྐྱེས་བ་བཅུ་གསུམ་ཐལ་ལེར་དྲན་སློབ་མའི་དམ་པ་བལ་ཡུལ་ཡམ་བུ་པ་བྷ་རོ་གཙུག་འཛིན་ཞེས་བྱ་བ་ཞིག་ཡོད་དེ། དེ་ཉིད་བོད་དུ་གསེར་འཚོལ་བའི་ཕྱིར་འོང་པ་ལ་མཁའ་འགྲོས་ལུང་བསྟན་ཏེ་གུ་རུ་ཉིད་དང་མཇལ། ཞག་བདུན་གྱི་བར་དུ་བླ་མ་ཨུ་རྒྱན་དངོས་སུ་མཐོང་། གསུང་ཐོས་པ་ཙམ་གྱི་རྟོགས་པ་ཤར། ནུབ་གཅིག་དབང་མཛད་པའི་ཚེ་ཁྱོད་ཀྱི་ཅིར་མཐོང་གསུངས། ཡི་དམ་དངོས་སུ་མཐོང་ཞུས་པས། འོ་ན་ཚོགས་གཏོར་གཞན་ན་འབུལ་ས་མེད་གསུངས་ནས་རྣ་བའི་ཤ་བུབས་ཕྱེད་ལ་སོགས་པའི་ཚོགས་རྫས་རྣམས་སྐད་ཅིག་གི་བཞེས། ཡང་ང་ཅིར་མཐོང་གསུངས།སངས་རྒྱས་དྭངོས་སུ་གདའལགསཞུ་སཔས། འོན་དབང་བསྐུར་བྱའོ་གསུངས་ནས་མཆོད་རྫས་བསྡུས། དཀྱིལ་འཁོར་ཤིག ་།ལ་ཏུ་བྲོ་བརྡུངས། བླང་དོར་མེདྭ་པའི་སྤྱོད་པ་དང་། རྡོ་རྗེ་དམ་ཚིག་ཆེན་པོའི་གནས་ལ་སྐྲག་པར་མི་འགྱུར་བའི་ལས་ཅན་རྒྱ་སློབ་མའི་ཁམས་དང་བསམ་པ་མཁྱེན་ན་རྡོ་རྗེ་ལུས་ཀྱི་དཀྱིལ་མཁོར་ཆེན་པོ་རྣམ་པར་སྣང་མཛད་དྲི་ཆིན་གྱིས་ལྷ་རྣམས་ཀྱི་སྒོ་ནས་ཕྱུང་སྟེ་དབང་བསྐུར་བས། བྷ་རོ་ལ་ལུས་སྦྲུལ་་་ན་དོར་བ་ལྟ་བུའི་ཉམས་ཤར། དེ་བཞིན་དུ་རྡོ་རྗེ་གསང་བའི་མྱུར་ལམ་ནས་དྲི་ཆུ་དོན་ཡོད་གྲུབ་པ་རྩེ་ཐོག་ཏུ་བླུད་པས་ཟག་མེད་བདེ་བ་ཆེན་པོའི་ཡེ་ཤེས་ཐོལ་རྒལ་དུ་འབར། སྙིང་ཁར་ཕྱག་མཛུབ་བཙུགས་ནས། ང་བྱ་བ་འདི་ངོས་ཟུང་ཞིག་གསུངས་པས་ཡུལ་གྱི་འཛིན་པ་བུན་ལོང་ངེར་ཞིག །ང་མཐོང་དོན་ལ་མ་ཡེངས་ཤིག་དེ་ལ་སྒོམ་རྒྱུ་སྤུ་ཙམ་མེད། །གསུངས་པས་རྫོགས་ཆེན་བྱ་བྲལ་རིས་མེད་ཀྱི་རྟོགས་པ་ལྷག་གེར་ཤར། ངེས་ཤེས་ཁྱད་པར་ཅན་དུ་སྐྱེས་ནས་ད་ནི་དུས་གསུམ་སངས་རྒྱས་བྱོན་ཀྱང་དབང་ཞུ་སྙམ་པ་མི་གདའ། རྒྱ་གར་དུ་འགྲོ་བའི་སྒྲོས་པ་དང་པ་ཡང་ཆོད་ཞུས་པས། འཁོར་བ་མི་འཁྱམ་པའི་སངས་རྒྱས་བྱུང་ན་མུ་སྟེགས་པ་ཡིན། ཁྱོད་རྒྱ་གར་དུ་སོང་ལ་བླུ་མ་རྙེད་ན་བླ་མ་འཚོལ། སློབ་མརྐྱི་ ད་ན་སློབ་མ་འཚོལ་ཞེས་གསུངས། ཞལ་ཏ་འདི་དོན་འདེ་ཤིན་ཏུ་བཟང་པོར་སྣརྭ་། ལར་བལ་པོ་བྷ་རོ་འདི་ལས་སད་པའི་གང་ཟག་དད་པ་ཤིན་ཏུ་ཆེ་བས་གུ་རུའི་སྟ་ཟུར་ལ་ཁྲོ་བོའ་སྤྱན་མངའ་བ་དང་། མཁའ་འགྲ་དང་ཆོས་སྐྱོང་ལ་སོགས་སྣང་བ་དག་པ་འབའ་ཞིག་ཏུ་མཐོང་། ལན་གཅིག་མངན་སྤྱོད་འདི་དག་ལ་རྟགས་ཐོན་པ་མཆིས་སམ་ཞུས་པས། ལག་ལེན་དོན་ཐོག་ཏུ་ཐོབས་ཏེ་མ་ཁེ་འདྲེན་ནས་ད་སྒྲུབ་མ་ཁོམ་གསུངས། དེར་བལ་པོས་སྒྲོལ་བའི་ནུས་པ་སྟོན་པར་ཞུས་པས། རི་བོང་ཞིག་ཉེ་བའི་སར་འགྲོ་བ་ལ། ས་ལ་རི་བོང་གི་གཟུགས་གཅིག་བྲིས། ཁབ་ལ་སྔགས་ལན་བདུན་བགྲངས་ཏེ་གཟུགིས་བརྙན་ལ་བཏབ་པས་རི་བོང་ཐུར་ལ་རིལ་ལི་ལི་འདྲིལ། ད་སྒྲིབ་པ་སྦྱངས་དགོས་ལོང་ཤོག་གསུངས་ནས་བཏགས་གྲོལ་བཏགས་ཏེ་ཚོགས་གཏོང་དང་བསྔོ་བས་རྗེས་སུ་བཟུང་། དེ་འདྲ་བ་མི་ལ་བྱུང་ན་འཇིགས་ཞུས་པས། མི་དང་འཔྱི་བ་འདྲ་གསུངས་ནས་འཕྱི་བའི་གཟུགས་བརྙན་ལ་སྔར་བཞིན་མཛད་པས་འཕྱི་ཁུང་ནས་རོ་བྱུང་། བྱས་ན་འདི་འདྲ་འོང་སྟེང་སེམས་ཅན་ལ་གནོད་པས་སུ་ལའང་མི་སྟེར། དགྲ་ལའང་འཚང་རྒྱ་བའི་མཐུ་ལས་གཞན་མི་བྱེད། འདི་པ་དུད་འགྲོ་སོང་བས་གནས་སྤར་བ་ཡིན། གཞན་མི་ལུས་ཐོབ་པ་ནི་ཤིན་ཏུ་དཀའ། སྲོག་བཅད་པའི་སྡིག་པ་ནི་མཐའ་ཡས། གཅིག་ཤི་བས་མི་ཆོག་དེའི་ཉེ་འཁོར་ཐམས་ཅད་སྡུག་བསྔལ་བ་ཡིན། དགྲ་ལའང་མཐུ་མི་བྱེད་ཀྱི་སྟེང་དུ་སླར་ལ་སྣྲོང་རྗེ་བསྐྱེད་དགོས་པ་ཡིན་གསུངས་ནས་བྱང་ཆུབ་སེམས་དཔའི་སྤྱོད་ཕྱོགས་ལྟག་པར་དང་དུ་ལེན། རང་དོན་དུ་མཐུ་དང་མངོན་སྤྱོད་མི་མཛད་པའི་དམ་བཅའ་ཤིན་ཏུ་ཧྭརྟན་པ་ཡིན་ཏེ། ཐུགས་རྗེ་ཡུལ་ལ་འཇུག་པའ་ཆ་ནས་ངན་སོང་གསུམ་ཡང་ཐུགས་རྗེས་བསྒྲལ། ཞེས་པ་སྟེ་གུ་རུ་ཆེན་པོ་འདིས་མངོན་དུ་མཛད་དེ། ལས་ཀྱི་ལུས་དུག་ལྔའི་ཕུང་པོ་ཅན་དེ་བསད། རྣམ་པར་ཤེས་པ་ཆས་ཉིད་ཀྱི་ཀློང་དུ་གསོད་ནས་འཁོར་བ་མཐའ་ཅན་དུ་མཛད་པས་གསད་གསོའི་ནང་ནས་ཀྱང་ངོ་མཚར་ཆི་བ་ཞིག་ཡིན། བལ་པོ་བྷ་རོ་ལྡོག་པར་གསེར་ཞོ་དྲུག་ཅུ་ཐམས་པ་ཕུལ་ནས་རྒྱ་བལ་དུ་ལྡོག་པ་ལ་བར་ཆད་མེད་པའང་ཞུ་བྱས་པས། གསེར་ཕྱེད་ཕྱེ་དང་སྤྱིན་བསྲེག་མཛད། སེར་སྣའི་བདུད་པ་རྩ་བ་ནས་གྲོལ། ལར་འདི་དཀོན་མཆོག་ཡོད་པར་ཡིད་ཆེས་པར་སྟོན་པའི་མཛད་པ་ངོ་མཚར་ཅན་ཡིན་ཏེ་གཏོང་བ་ལེགས་པ་རྣམས་ཀྱི་ཀྱང་དཀོན་མཆོག་ལ་དམིགས་ནས་རྫས་དངོས་མེད་གཏོང་བ་ལ་རྣམ་པའི་ཆ་ནས་ཡིད་གཉིས་ཡོད་པ་ལྟར་མི་སྟོན་ཡང་དོན་དངོས་པོར་སྣང་བའི་དགེ་བའི་ཕྱོགས་ལ་དགའ་བར་བྱེད་པ་འདི་ཀ་ཅུང་ཟད་བློ་ལ་འཕྲི་ཆགས་པ་ཡིན། དེར་བྷ་རོ་ལ་སྦིན་བསྲེག་གི་ཐལ་བ་འཕངས་སེམས་མ་བྱེད་པར་ཆུ་ལ་སྒོངས། ལམ་དུ་ཟས་སྙེར་བ་ཞིག་འོང་། དེ་བདག་གིར་གྱིས་ཤིག་གསུངས་པ་ལྟར་བྱས་པས་བུ་མོ་གཅིག་གིས་ཉུང་མ་ཞིག་བྱིན། དེ་གུ་རུ་ལ་ཕུལ་བས་རས་ཁོང་ལ་ཚོས་ཤིག་གསུངས། རེ་ཞིག་ན་དེ་ཤར་གྱུར་ནས་ཛོ་་མངར་ལ་ཤུམ་པ་གཅིག་བྱུང་། ད་ཁྱོད་ཀྱིས་དོན་དེས་གྲུབ། ངའི་ཡོན་ཏན་ཐུན་མོང་མ་ཡིན་པ་མཐོང་བ་དེ་གཞནལམ་།དཅིགགསུངས། སླར་བྷ་རོ་རྒྱ་གར་དུ་འགྲོ་མ་ལ་སྐྱེལ་ཐུང་མཛད་པས་ཡང་གསེར་ཞོ་གསུམ་ཕུལ། དེར་གུ་རུའི་ཞལ་ནས། མེ་ལ་བསྲེག་པས་མཁའ་འགྲོ་མཉེས་ན། ཆུ་ལ་གཏོར་ན་དེ་བས་ཀྱང་དགྱེས་མཆི་གསུངས་ནས་གསེར་དེ་ཆུ་ལ་གཏོར། སྲས་ཀྱི་དམ་པར་གྱུར་པ་པདྨ་དབང་ཆེན་དང་། མངལ་དུ་འཁྲུངས་པའི་ཉི་མ་འོད་ཟེར་ལ་སོགས་སྲས་བརྒྱད་དང་། སྣོད་ལྡན་གྱི་བུ་དགུ་ལ་སོགས་པའི་སྨིན་གྲོལ་དུ་མཛད། ཆུ་ཞལ་མགུར་གསུམ་ལ་སོགས་པའི་བླ་ཆེན་དང་མི་ཆེན་པོ་ས་ཞ་ས་ལ་གཏུགས། གཙོ་བོར་མ་ཁི་འབའ་ཞིག་གིས་འཕྲིན་ལས་མཛད་དེ་བོད་ཡུལ་ཐམས་ཅད་ལ་ཐར་པའི་ས་བོན་རྒྱ་ཆེན་པོ་བཏབ། ཁྱད་པར་གྲུབ་ཐོབ་མ་ཁི་རིན་ཆེན་ཞེས་བྱ་བ་ལས་ཁམས་སུ་ཐུགས་རྗེ་ཆེན་པོའི་འཕྲིན་ལས་རྒྱ་ཆེར་འཕེལ། བརྒྱ་བྱིན་དང་ཉི་ཟླའི་ལྷའི་བུས་ཀྱང་མཆོད་བསྟོད་བྱས། བོད་ཀྱི་ལྷ་འདྲེ་ཐམས་ཅད་ཀྱི་བླ་མར་བཀུར་ཞིང་སྙན་གྲགས་ཀྱི་འཇིག་རྟེན་གཡོགས། འགྲོ་བའི་བསོད་ནམས་བསོག་པའི་ཞིང་དུ། ཚོང་འདུས་འགར་མོའི་ལྷ་ཁང་དང་། བསམ་གྲུབ་བདེ་བ་ཆེན་བོའི་ལྷ་ཁང་གཉིས་ཀྱང་མཛད། ལ་ཡག་གུ་རུ་ལྷ་ཁང་དུ་གཙོ་བོར་གདན་ས་མཛད། ལྷ་སའི་ཇོ་ཤཱཀ་དང་མཚུངས་པ་ཙམ་གྱི་བྱིན་བརླབས་ཅན་དུ་གྲགས་པའི་རྟེན་གཅའི་སྣང་བརྙན་དང་པོར་འཕགས་པ་ཀླུ་སྒྲུབ་ཀྱི་རི་ཏང་ཟུང་ནས་སྦྱན་དྲངས། བར་དུ་སློབ་དཔོན་ཆེན་པོས་སྣ་བསྟོད་ས་ཟམ་ཡང་དབེན་ནས་ཕྱུང་སྟེ། ཧ་བོའི་གངས་ལ་རྒྱས་བཏབ་པ་འདི་དགུང་ལོ་ང་བདུན་པས་འགྲོ་བའི་དོན་མཛད་ནས་མཛད་པ་བརྟུལ་བར་ཉེ་བའི་ཚེ། ཁོ་བོ་ཆོས་ཀྱི་དབང་ཕྱུག་ལ། །སེམས་ཅན་རྣམ་རྟོག་ཐ་དད་གྱིས། །ལ་ལ་ཆོས་དབང་བདེ་ན་དགའ། །ལ་ལ་ཆོས་དབང་བདེ་ཡི་དོགས། །ཞེས་དང་། ཆོས་དབང་སེམས་ཉིད་རེ་དོགས་བྲལ། །ཆོས་དབང་སེམས་ལ་ཟུག་རྔུ་མེད། །བདེ་ན་དགའ་ཚོ་དགྱེས་པར་མརྫོད། །ཆོས་དབང་ཟུག་རྔུ་སྤངས་པ་མེད། །སྡུག་ན་དགའ་ཚོ་དགྱེས་པར་མཛོད། །ཆོས་དབང་སེམས་ལ་སྐྱེ་ཤི་མེད། ་རྒོ་ཡི་དོགས་ཚོ་དགྱེས་པར་མཛོད། །ཆོས་དབང་སེམས་ཉིད་ཆོས་དབྱིངས་ཤི། །མ་ཤི་དོགས་ཚོ་དགྱེས་པར་མཛོད། །ཆོས་དབང་སེམས་ཉིད་འཕོ་འགྱུར་མེད། །རྟག་ཏུ་རེ་ཛོ་དགྱེས་པར་མཛོད། །ཆོས་དབང་སེམས་ལ་རང་བཞིན་མེད། །རྟག་གི་དོགས་ཚོ་དགྱེས་པར་མཛོད། །ཅེས་རེ་དོགས་རྩ་བ་ནས་ཟད་པའི་རྣལ་འབྱོར་གྱི་དབང་པོ་ཆེན་པོར་བཞུགས། རང་གི་བཞེངས་པའི་ལྷ་ཁང་འབད་པ་དོན་ལྡནཧཱུཾ།འགྱུརབའི་ཕྱིར་ཞབས་ཏོག་དགོས་པར་གདམས་ཤིང་། གཙུག་ལག་ཉམས་རྐྱེན་བུ་ཡིས་བྱས་ཀྱང་ཐོན། །ལྷ་ཁང་ཞབས་རྟོགས་སྦང་པོས་བྱས་ཀྱང་ཁུར། །ཞེས་དང་། ཀུན་བཟང་བདེ་ཆེན་ཆོས་དབྱིངས་གཞལ་མས་སུ། །སྒ་མའི་སྐྱེས་བུ་ཆས་དབང་ད་ནི་བསྡུད། །ཅི་ཕྱིར་ལུས་འདི་གདུལ་བྱ་རྫོགས་རྫོགས་འདྲ། །ལས་ངན་ཟད་པའི་རྟགས་ཀྱང་ལུས་ལ་སྨིན། །རྨི་ལམ་རྨི་གཟུགས་ཆོས་དབང་ཡལ་ནས་འགྲོ། །དཔོན་སློབ་ཀུན་འདུས་ནོར་བུའི་ཚོང་ལེན་རྨིས། ་།ང་དང་འབྲེལ་ཚད་བདེ་ཆེན་ཐོབ་པའི་རྟགས། །ཞེས་དང་། བདག་གི་ཤ་རུས་སྲན་ཚད་ཡུང་འབྲུ་རེ། །ལྟོར་སོང་ཐམས་ཅད་ལམ་འགྲོ་བདེ་ཆེན་འགྲོ། །ཞེས་པ་ལ་སོགས་པའི་ཞལ་གྱི་གདམས་པས་དབུགས་དབྱུང་ནས་དགུང་ལོ་ང་དགུ་པ་ལ་པདྨ་འོད་ཀྱི་ཕོ་བྲང་ཆེན་པོར་གཤེགས་སོ། །ད་ནི་བཀའ་གཏེར་གྱི་བསྟན་པ་ལ་དངོས་བསམ་བརྒྱུད་ནས་བཀའ་དྲིན་བསམ་གྱི་མི་ཁྱབ་ཅིང་། སྤངས་པ་དང་རྟོགས་པའི་ཡོན་ཏན་ཟད་མི་ཤེས་པ་མངའ་བ་པཎ་ཆེན་རིན་པོ་ཆེ་རྗེས་འབྲང་དང་བཅསཔའི་གཏམ་བརྗོད་པར་བྱ་སྟེ། སྐྱེས་བུ་དམ་པ་འདི་ནི་ཡུལ་མངའ་རིས་གློ་བོ་མ་ཐང་གི་སའི་ཆར ཡབ་མར་པ་ལོ་ཙྭའི་སྐྱེ་བ་ལྷ་རིགས་གྲུབ་པའི་དབང་པོ་འཇམ་དབྱངས་རིན་ཆེན་རྒྱལ་མཚན་ཞེས་གྲུབ་པའི་དབང་ཕྱུག་ཐང་སྟོང་རྒྱལ་པོ་ལ་སོགས་ཏེ་མཁས་གྲུབ་ཀྱི་བླ་མ་མང་པོའི་ཞབས་ལ་ཐུག་ཅིང་། བཀའ་གཏེར་གྱི་བསྟན་པ་རྒྱ་མཚོའི་མངའ་བདག་ཏུ་གྱུར་པ་དེ་དང་། ཡུམ་འཕྲོ་ལྕམ་ཁྲོམ་པ་རྒྱན་གྱི་སྲས་སུ་མེ་མོ་ལུག་གི་ལོ་ལ་སྐུ་བལྟམས། མཚན་པདྨ་དབང་རྒྱལ་དུ་བཏགས། དགུང་ལོ་བརྒྱད་པ་ལ་རྟེན་དགེ་བསྙེན་དུ་མཛད། ཡབ་ལ་བྱང་ཆུབ་ཏུ་སེམས་བསྐྱེད་པའི་སྡོམ་པས་སྦྱངས་ནས། འཇམ་དཔལ་མཚན་བརྗོད། སྦ་འཕྲུལ་ཞི་ཁྲོ། ཡང་དག་མེ་དགུ །སེམས་ཕྱོགས་ལ་སོགས་གསན་པ་རྒྱ་ཆེན་པོ་མཛད། བཅུ་གཅིག་པར་རྩ་རྒྱུད་གསང་སྙིང་།སློབ་དཔོན་སྒེག་པའི་རྡོ་རྗེའི་འགྲེལ་པ། གཡུང་ཉིཀ་ཁ་དམར་ཅན། སུམ་སྟོན་གྱི་ཉིསྐ་ལ་སོགས་པ་ཕལ་ཆེར་ཞིཤི་ཟླ་བ་བདུན་གྱིས་ཁོང་དུ་ཆུད། དགོངས་འདུས་ལ་སོགས་པའི་མདོའི་གནས་ཀྱང་བྱང་བར་བྱས། བཅུ་གཉིས་པའི་ཚེ་མཁས་པ་མང་པོའི་དབུས་སུ་གཞུང་དཀྱུས་ཀྱི་བཤད་པ་མཛད། བླ་མ་གསང་འདུས་དང་། སྒྱུ་འཕྲུལ་ཞི་ཁྲོ། རྟ་མགྲིནཱ་ལ་སོགས་པར་བསྙེན་བསྒྲུབ་མཐར་ཕྱིན། ལྷ་མོ་དུད་སོལ་མས་ཞལ་ཡང་ཡང་བསྟན། གྲུབ་མཚན་གྱི་ཐོག་མར་ཞིང་ལ་ཤཱ་ལོག་ཆེན་པོ་ཞིག་རྒྱུང་བ་ལ་ཕུར་པ་གདེངས་པ་ཙམ་གྱི་ནམ་མཁའ་ལ་ཐོག་སོ་བདུན་ཙམ་འཁྱིལ་ཞིང་བཟློག །དེ་བཞེན་དུ་གཏོར་ཆེན་འཕངས་པའི་ཚེ་ས་སྟེང་ནས་་་གང་ཙམ་འཕགས་པ་ཡང་བྱུང་། སྨེ་བརྩེགས་ཀྱི་སྒོམ་བཟླས་མཛད་པས་ཨཁེ༷་ཛི་ཁེ༷་གྱི་སྒྲ་སྒྲོ་ག་པ་བཞིན་པར་མཐོང་། དགུང་ལོ་བཅུ་བཞི་ནས་བཀའ་བརྒྱད་དང་མ་གཤིན་ལ་སོགས་པའི་སྒྲུབ་འཕྲིན་མང་དུ་བསླབས་ཤིང་ཟླས་བསྒོམ་གྱི་ལ་ཟློས། དེ་ནས་ལོ་བདུན་གྱི་བར་དུ་གཅོད་ཡུལ་དང་རོ་སྙོམས་མཛད།བྱེ་མ་དང་། ཆུ་རྡེལ་མེ་ཏོག་ལ་སོགང་་པའི་བཅུད་ལེན་ཁོ་ནས་དཀའ་སྤྱད་ཀྱི་ཕྲང་ལ་བཤར། ཐེམ་སྤངས་ཀྱི་དམ་བཅའ་ལོ་གསུམ། ངག་བཅད་ཀྱི་དམ་བཅའ་ལོ་གསུམ། ཤ་ཁྲག་གི་ཟས་ལ་ཤིན་ཏུ་སྡང་ཞིང་། སྨྱུང་གནས་དང་། གསོ་སྦྱོང་ལ་སོགས་མང་དུ་མཛད་པས་སྤྱན་རས་གཟིགས་ལན་བདུན་དུ་གཟིགས། ལོ་གཅིག་ཏུ་བླ་མ་གསང་འདུས་ཀྱི་གདམས་ངག་ལ་ནན་ཏན་མཛད། སྤྱིར་བླ་མ་མཁས་གྲུབ་མང་པོ་ལས་མདོ་སྔགས་ཆོས་ཀྱི་བདུད་རྩི་ངོམས་པ་མེད་པར་འཐུངས་ཤིང་། ཁྱད་པར་དུ་ཡབ་ལས་མདོ་དབང་དང་། ཕུར་པ། བསྒྲུབ་ཆེན་བཀའ་བརྒྱད་ལ་ནན་ཆགས་ཆེན་པོ་མཛད། གྲུབ་པ་བརྙེས་པའི་རྣམ་ཐར་ཡང་གསུངས་ལས། བྲག་དམར་གྱི་མཚོ་ལ་རོ་སྙོམས་བྱས། །མུན་ནགས་ཀྱི་ཆུ་ལ་རྡོག་པས་རྫིས། །ལྷ་ལུང་གི་བྲག་ལ་མཁའ་ལྟར་ལྡིང་། །བ་གམ་ཅན་བྲག་ལ་བྱི་ལྟར་འཛུལ། །མགོ་བོ་ཅན་བྲག་གི་ལོགས་ལ་རྒྱུགས། །གྲོགས་ཤེར་སེང་དང་ཤེར་དཔལ་རྒྱལ་བཟང་གསུམ། །བྱང་རྒྱལ་དང་བླ་མ་རིན་སེང་བ། །སྐྱེས་ཕོ་མོ་འགའ་གྲུབ་ཐོབ་གྲུབ་ཐོབ་ཟེར། །དེང་གྲུབ་ཐོབ་ཀྱི་གོ་བ་ང་མི་ལེན། །ཆོས་ཉམས་བླངས་ཀྱི་ཉམས་སྣང་ཐོབ་ཙམ་ཡིན། །དོན་འཕོ་འགྱུར་བྲལ་བ་མ་རྟོགས་ན། །ལུས་སྒྱུ་མའི་ཆོ་འཕྲུལ་བྱ་བྱིས་སྟོན། །ཞེས་གྲུབ་རྟགས་ཀྱི་མཐར་ཐུག་རྟོགས་པ་ལ་ངོས་འཛིན། བཅུ་བདུན་གྱི་ལོ་ལ་དམ་བཅའ་བརྒྱད་མཛད་དེ། དགེ་འདུན་ལ་མཐོང་ཕྱག་བྱེད་པ་དང་། ཕ་ཡུལ་དུ་ཞག་བདུན་ལས་མི་བཞུགས་པ་དང་། དབེན་པ་འབའ་ཞིག་ལ་བློ་གཏོད་པ་དང་རྒྱལ་པོའི་སྒོ་ཁང་ལན་གསུམ་ལས་མི་འགྲིམ་པ་དང་། ཚོང་ཁེ་དང་གྲལ་མགོ་མི་འཛིན་པ་དང་། རོ་མཆོག་དང་དབུ་གཙོ་མི་བྱེད་པ་དང་། འཚོ་བ་བསོད་སྙོམས་ལ་བསྟེན་པ་དང་། བསྒྲུབ་པ་དང་ཐོས་བསམ་འབའ་ཞིག་བྱེད་པ་རྣམས་སོ། །སློབ་དཔོན་ནོར་བསྟན་བཟང་པོ་ལས་ཡང་ཡང་དུ་བསྙེན་ནས་འདུལ་བ་དང་། མདོ་སྡེའི་སྐོར་དང་། ཇོ་བོ་བཀའ་གདམས། ནཱ་རོ་མཁའ་སྦྱོད་མ་སྙན་བརྒྱུད་བསམ་གྱི་མི་ཁྱབ་པ་དང་བཅས་པ་ཞུས། སྐྱིད་གྲོང་དུ་འཕགས་པ་ཝ་ཏི་མཇལ་བས་གསུང་བྱོན། སྐུ་ཚེ་སྔ་མའི་སྔོན་གནས་མང་པོ་རྗེས་སུ་དྲན། དགུང་ལོ་བཅུ་དགུ་པར་ཕ་ཡུལ་དུ་ཡིག་དྲུག་གི་འགྲོ་དོན་མཛད། ཉི་ཤུ་ལ་བྱམས་ཆོས་ལྔ། ཕར་ཕྱིན་ཚད་མ། དབུ་མ་རྩ་ཤེ །བཞི་བརྒྱ་པ་དང་། བསླབ་བ་། སྤྱོད་འཇུག །དངོས་བརྒྱད་དོན་བདུན་ཅུ་སོགས་གཞུང་ལུགས་ཆེན་པོ་བརྒྱ་ཕྲག་གཅིག་ཁོང་དུ་ཆུད། ཉེར་གཅིག་པ་ལ་འཇམ་དབྱངས་ཆོས་སྐྱོང་དང་། སྡོམ་བརྩོན་ཚུལ་ཁྲིམས་དཔལ་ལ་སོགས་པར་གཤེད་དམར་ལ་སོགས་པའི་དབང་བསྒྲུབ་གདམས་པ་གསན་ཞིང་བསྒྲུབས་པས་ཞག་བདུན་ན་གཤེད་དམར་དངོས་སུ་མཐོང་། ཉི་ཤུ་རྩ་གཉིས་པར་ཡབ་ཀྱི་དྲུང་དུ་སྔ་འགྱུར་བཀའ་གཏེར་ལ་ཞུན་ཐར་ལེགས་པར་སྤྱད། བཀའ་བརྒྱད་ཀྱི་བསྒྲུབ་པ་མཛད་པས་བདུད་རྩི་ཁོལ། མར་མེ་ཆུང་ངུ་ཞིག་གི་ཞག་གསུམ་ཐུབ། དེའི་ཚེ་ཡབ་ཀྱི་གཟིགས་སྣང་ཉིད་ཀྱི་ཚིགས་སུ་བཅད་པ། བུ་ཁྱོད་ཚེ་ལ་བར་ཆད་མ་བྱུང་ན། །འཇིག་རྟེན་འདི་ནི་ཆོས་ཀྱི་འཁོར་ལོས་སྒྱུར། །མདང་གསུམ་དཀྱིལ་འཁོར་མཐའ་ལ་ཀུན་བསྐོར་ནས། །བླ་མ་ཟུར་ཆེན་རྔོག་སྟོན་ཆེན་པོ་དང་། །རྗེ་བཙུན་གྲགས་པ་འཕགས་པ་རིན་པོ་ཆེ། །ནམ་མཁའི་སྙིང་པོ་བསོད་ནམས་བླ་མ་དང་། །འགྲོ་མགོན་མྱང་དང་རས་ཆུང་རྡོར་གྲགས་དང་། །རྒྱལ་སྲས་དབང་ཆེན་གློ་བོ་ཡབ་སྲས་དང་། །ཆག་ལོ་ཆོས་དཔལ་ཁྲོ་ཕུག་ལོ་ཙྭ་དང་། །ནག་ཚོ་ལོ་ཙྭ་ཀུན་མཁྱེན་མུས་སྲད་པ། །མཁས་གྲུབ་བསོད་བཟང་གྲུབ་ཆེན་དམར་ཞབས་དང་། །དམ་པ་སངས་རྒྱས་བི་རོ་བི་མ་ལ། །ཨོ་རྒྱན་ཡབ་ཡུམ་རྒྱལ་པོ་ཁྲི་སྲོང་དང་། །མ་གཅིག་ལབ་སྒྲོན་ཞང་ལ་རས་ཆེན་པ། ཁམས་པ་སྒ་ལོ་རྒྱ་གར་པཎ་ཆེན་རྣམས། །གཅིག་ལ་གཅིག་བལྟ་འཛུམ་ཞིང་པ་ལ། །ཀུན་ཀྱང་ང་ནི་པདྨ་དབང་རྒྱལ་ཡིན། །སྨྲ་ཞིང་ཐམས་ཅད་ཁྱོད་ལ་ཐིམ་ནས་སོང་། །ཞེས་པ་ལྟར་ཡིན། ཉེར་གསུམ་པ་ལ་གློ་བོ་ལོ་ཙྭ་བར་ལམ་འབྲས་ཚོགས་བཤད་དང་། སློབ་བཤད་གཉིས། ཉེར་བཞི་པའི་ཚེ་ཡང་ཚར་གཅིག་བསྐྱར། ཉེར་ལྔ་པའི་ཚེ། བསམ་འགྲུབ་གླིང་དུ་གློ་བོ་མཁན་ཆེན་བསོད་ནམས་ལྷུན་གྲུབ་གྱི་མཁན་པོ། ཆོས་རྗེ་དཀོན་ཅོག་སྐྱབས་ཀྱི་སློབ་དཔོན། དེ་བཞིན་དུ་གསང་སྟོན་པ། གྲིབ་ཚོད་པ། གྲོགས་དན་པ། དད་པའི་དགེ་སློང་ཉི་ཤུ་རྩ་ལྔ་དང་བཅས་པའི་དབུས་སུ། བུ་ལུགས་ཀྱི་ལས་ཆོག་གཞིར་བཞག་ལ། ནམ་བསོད་དང་། འཕགས་པ་རིན་པོ་ཆེའི་ལས་ཆོག་གི་བཤད་སྦྱར་དང་བཅས་ཚིགས་གསུམ་གྱི་བསྙེན་པར་རྫོགས་པའི་དངོས་པོར་བསྒྲུབས། མཁན་སློབ་དེ་རྣམས་ལས་ཆོས་ཀྱང་མང་དུ་ཉན། ཉེར་དྲུག་པ་ལ་ཤེལ་གྱི་རི་བོ་འབྲུག་སྒྲ་ལ་སོགས་པའི་དབེན་པར། ཆོས་གོས་གསུམ་དང་། གླེགས་བམ། འཁར་བསིལ།ལྷུང་བཟེད་ལས་གཞན་པའི་ཡོ་བྱད་ཐམས་ཅད་སྤངས་ཏེ་སྒོ་གཅིག་པའི་བརྟུལ་ཞུགས་བཟུང་། སྟོན་པས་བཅས་པའི་གནང་བཀག་དང་། སྦྱངས་པའི་ཡོན་ཏན་བཅུ་གཉིས་ལ་སྒྲ་ཇི་བཞིན་པར་གནས་པ་ནི་སྐྱེས་བུ་ཆེན་པོ་འདི་དང་། ཀོང་པོ་རྒོད་ཚང་བ་སྣ་ཚོགས་རང་གྲོལ་གྱི་རྣམ་པར་ཐར་པ་མཐོང་བའི་ཆོས་ལ་གནས་ངེས་པར་ཤས། གཞན་དུ་མི་ལ་རས་པ་ལ་སོགས་ཏེ་རྟགས་དང་ཆོ་ག་མ་བྱས་པའང་ཇི་སྙེད་ཅིག་ཡོད་སྲིད་ཀྱི་དེ་དག་ལ་བསྟན་པ་ལ་དགའ་བའི་ལྷ་རྣམས་དང་ལྷན་གཅིག་རྗེས་སུ་ཡི་རང་བར་བྱས་སོ། །སླར་ལྗོངས་རྒྱུ་བའི་བརྟུལ་ཞུགས་ཀྱི་མངའ་རིས་ཀྱི་གནས་བརྟན་རྣམས་ཀྱང་མཇལ། ཐེག་པ་ཆེན་པོའི་བསླབ་པར་བྱ་བའི་གནས་ལས་འདའ་བ་མ་ཡིན་པས་ཆོས་ཀྱི་སྤྱིན་པའང་ཅི་རིགས་སུ་རྩལ། གློ་བོ་མཁན་ཆེན་ལས། དགྲ་གདོང་། འཇིགས་བྱེད། གཤེད་དམར་གསང་བ་འདས་པ་ལ་སོགས་པའང་མང་དུ་གསན། མཁན་པོ་དེ་དང་། གུ་གེ་པཎ་ཆེན་རྣམ་རྒྱལ་དཔལ་བཟང་། འཇམ་དབྱངས་བློ་གྲོས་དཔལ། མགོན་རྣམས་ལ་སྒྲ་དང་། ཚད་མ། བརྟག་གཉིས་ཀྱི་བཤད་པ། གསང་སྔགས་ཀྱི་དབང་དང་མན་ངག་ཀྱང་མང་དུ་ཉན།སྐྲུ་རང་དང་། ཏི་སེ། འཁོར་ཆགས་ལ་སོགས་པའི་གནས་བརྟན་འཁོར་ནས་སླར་གློ་བོར་བྱོན། དྲང་སྲོང་གཏེར་སྟོན་ཤཱཀྱ་བཟང་པོ་ལས་བྱང་གཏེར་མང་དུ་གསན། མདོར་ན་བདེ་ཀྱེ་གསང་གསུམ། མ་གཤིན་ཕུར་པ། བཀའ་བརྒྱད་གསང་སྙིང་། ཡང་ཕུར་རྟ་གསུམ། རྡོ་རྗེ་གུར། གསང་འདུས་ཞབས་ལུགས། བདེ་མཆོག་ལྷན་སྐྱེས། ཀླུ་ན་ག་དྲིལ་གསུམ། བོང་ཞལ་ཅན། དཔལ་མགོན་ཞལ་གསུམ། དུས་འཁོར་འགྲེལ་ཆེན།ཕྱག་རྡོར་བརྒྱད་སྐོར། ཨུ་ཙ་ཡ། རས་ཆུང་སྙན་བརྒྱུད། ཕྱག་ཆེན་སྦྱོར་དྲུག །ཨོ་རྒྱན་བསྙེན་བསྒྲུབ། ཡང་དགོན་པའི་རི་ཆོས། ཉང་གཏེར་ཡོངས་རྫོགས། རྡོ་རྗེ་འཕྲེང་བ་ལ་སོགས་ཏེ་གསར་རྙིང་བཀའ་གཏེར་བསྟན་བཅོས། མན་ངག་གི་ཡི་གེ་རྣམ་པ་ཐམས་ཅད་ལ་དྭ་རི་དྲའི་བརྟུལ་ཞུགས་ཁོ་ནས་ཆོས་སྒྲུགས་སོགས་ཀྱི་ངལ་བ་དང་དུ་བླངས་ཏེ། སྐྱེས་རབས་ལས། མེ་ཚོགས་སྐྲུ་གྲིའི་སོ་ཡང་བརྒལ་ནས་ནི། །འཆི་ཐར་ཐུག་གི་བར་དུ་དམ་ཆོས་བཙལ་། །ཞེས་པ་ནི་སྐྱེས་བུ་དམ་པ་འདིས་ཕྱག་ལེན་ལ་བཏབ་པ་ཡིན། གསར་རྙིང་གི་རྒྱུད་སྡེ་ཆེན་པོ་དེ་དག་ལའང་བསྙེན་པ་མ་སོང་བ་མེད་པས། དིང་སང་སྔ་འགྱུར་བ་ཚོས་བཀའ་བརྒྱད་དང་།གསར་མ་བ་རྡོ་རྗེ་འཕྲེང་བ་ཙམ་གྱིས་བསྙེན་པ་རྫོགས་པའང་དཀོན་པའི་དངོས་པོར་གྱུར་ན། འདི་ལྟ་བུ་ཨ་ལ་ལ། དམ་པའི་ཆོས་འཚོལ་ཞིང་བྱ་བར་སྒོ་གཅིག་པའི་བརྟུལ་ཞུགས་ཀྱི་བལ་ཡུལ་ཤིང་ཁུན། བྱ་རུང་ཁ་ཤོར། བལ་པོ་ཕམ་མཐིང་། ཡམ་བུའི་ཚལ། ཡང་ལེ་ཤོད་ལ་སོགས་པ་ཐམས་ཅད་དུ་གཤེགས་ཤིང་དེ་དག་ཏུ་བལ་བོད་ཀྱི་བླ་མ་མང་པོ་བསྟེན། གནས་རྟེན་དང་ཐུགས་དམ་འབའ་ཞིག་མཛད། དག་པའི་སྣང་བ་མཐའ་ཀླས་པར་ཤར། ཡི་དམ་དང་ཆོས་སྐྱོང་མང་པོའི་ཞལ་གཟིགས། མཁའ་འགྲོ་མས་སློབ་དཔོན་ཨབྷ་ཀ་རའི་སྐྱེ་བར་ལུང་བསྟན། ལོ་ཆེན་དཀོན་མཆོག་སྐྱབས་ཀྱི་རྡོ་རྗེ་འཕྲེང་བའི་དབང་ལ་དོགས་ཆ་མཛད་པས། མཚན་ལམ་ན་འཁོར་ལོ་སྡོམ་པའི་དཀྱིལ་འཁོར་གྱི་གཙོ་བོ་པཎ་ཆེན་པདྨ་དབང་རྒྱལ་གྱི་མཛད་ཅིང་འདུག་པའི་སྒོ་འདུག་པའི་སྒོ་དྲུང་ནས་མཁའ་འགྲོ་མས་ཁོང་ཀ་ནས་མ་བཏང་བས་སླར་འགྱོད་དེ་གནང་།ཞར་ལ་ལམ་འདྲས་གསར་མའང་ཐོབ། སོ་བརྒྱད་པ་ནས་གསར་རྙིང་རིས་མེད་པའི་ཆོས་ཀྱི་འཁོར་ལོ་རྒྱ་ཆེན་པོ་བསྐོར། དེ་ནས་དབུས་གཙང་གི་ཕྱོགས་ལ་གསར་རྙིང་གི་ཆོས་རྒྱུད་ཉམས་པ་དག་གསོ་བའི་ཐུགས་བསྐྱེད་བླ་ན་མེད་པས། ཡབ་དང་གློ་བོའི་སྡེ་བདག་ཀུན་ལ་གནང་བ་ཞུས། རིམ་བཞིན་ཟང་ཟང་བྲག །བཀྲ་བཟང་། བྱང་ངམ་རིམ་རྣམས་བརྒྱུད་དེ་བྱོན། བདེ་གྲོལ་དུ་མེས་སྟོན་ནམ་མཁའ་རྒྱལ་མཚན་དང་།སྔགས་འཆང་ཤཱཀྱ་བཟང་པོ་གཉིས་མཇལ། དེ་ནས་བཅུད་ལེགས་ལྡན་ཀྱང་ལྷན་ཅིག་པས་དབུས་ལ་བྱོན། ཆོས་ཚིགས་སྤྲུལ་པའི་རྡོ་རྗེ་གདན་ལྷ་སའི་གཙུག་ལག་ཁང་ཇོ་ཤཱཀ་རྣམ་གཉིས་ཀྱི་གཙོས་པའི་རྟེན་བརྟེན་པ་རྣམས་མཇལ། རྗོག་ཆོས་དང་། ཞི་བྱེད་ལ་ཐུགས་འདུན་དྲག་པོ་ཡོད་པས་རྗེ་བཙུན་མ་དང་། དཔལ་ལྷའི་སྤྲུལ་པས་སྐོར་ལམ་དུ་འགྲོགས་ནས་ལུང་བསྟན། གུང་ཐང་དུ་ཕྱག་མཆོད་མཛད། གཞུང་སྦྲེ་ཤིང་དུ་རྗོག་བསོད་ནམས་བསྟན་འཛིན་ལ་རྔོག་དཀྱིལ་རྣམས་ལེགས་པར་ནོད། གྲ་ཐང་དུ་ཞ་ལུ་ལོ་ཆེན་ཆོས་སྐྱོང་བཟང་པོ་ལས་གཤེད་དམར་སྐོར་སོགས་གསན། བསམ་ཡས་སུ་བྱོན་པས་སྔོན་བཙན་པོ་ཁྲི་སྲོང་ལྡེ་བཙན་དུ་གྱུར་པའི་བག་ཆགས་དུ་མ་སད། བར་ཁང་དུ་བདེ་གཤེགས་འདུས་པའི་དཀྱིལ་འཁོར་བཞེངས་ནས་བསྒྲུབ་ཆོས་དང་སྨོན་ལམ་མཛད། ལྷོ་བྲག་གུ་རུ་ལ་སོགས་པ་ཆོས་ཀྱི་བདུད་རྩི་མང་དུ་བཀྱེ། ཀ༷༷ཐོག་པ་ཆོས་རྗེ་བསོད་ནམས་རྒྱལ་མཚན་སོགས་བཤེས་གཉེན་མང་དག་དང་ཆོས་སྐྱེས་འབུལ་རེ་མཛད། ཕྲེང་པོ་ཨུ་རྒྱན་ཆོས་རྫོང་དུ་ཀོང་ཆེན་ནམ་མཁའ་དཔལ་ལྡན་ལ་བླ་མ་དགོངས་འདུས་གསན། ཡང་རྫོང་དང་མཆིམས་ཕུར་ཐུགས་དམ་མཛད་པས་རྩ་བ་གསུམ་གྱི་ལྷ་ཚོགས་མང་པོའི་ཞལ་གཟིགས། ཆོས་དབང་གི་གདུང་རབས་བརྒྱད་པས་ལྷོ་བྲག་ཏུ་སྤྱན་དྲངས་ནས། མཁར་ཆུར། བསམ་འགྲུབ་བདེ་ཆེན། ལྷ་བྲོ་དང་། སྨྲ་བོ་ཅོག །གྲོ་པོ་ལུང་པ་ལ་སོགས་པར་བྱོན། མངའ་བདག་མྱང་ལ་ཨོ་རྒྱན་ཆེན་པོས་ལུང་བསྟན་པ་བཞིན། པཎ་ཆེན་འདི་ཆོས་བརྒྱུད་ཉམས་པ་གསོ་བར་གསུངས་པའི་བདེན་པའི་རྔ་བོ་ཆེ་སྒྲོག་པའི་དུས་ལ་བབས་ཏེམྱང་གི་གདུང་སྒང་ཟུར་སོགས་ལ་རང་ལུགས་ཀྱི་བཤད་ཉན་རྒྱ་ཆེན་པོ་མཛད། སྡིག་ཅན་འབའ་ཞིག་ལ་གནས་སྤོར་མཛད་པས་འཇའ་འོད་ཀྱི་སྣང་བཀང་། ཞོ་སྟོད་དང་བཙན་གྲོ་སོགས་སུ་བསྒྲུབ་ཆེན་བདེ་གཤེགས་འདུས་པའི་སྨན་བསྒྲུབ་དང་སྐྱེ་བདུན་གྱི་འགྲོ་དོན་མཛད། །སྤྱིར་སྐྱེས་བུ་ཆེན་པོ་འདི་ཆོས་ལ་གནས་འཇོག་ཤིན་ཏུ་ཆེ་ཞིང་ཁྱད་པར་སྔོན་གྱི་སྨོན་ལམ་ལས་བདེ་གཤེགས་འདུས་པས་དོན་གཉེར་ཆེན་པོ་དང་ལྡན་པས་རང་གི་ཡབ་རྗེ་ལ་སོགས་པར་བཀའ་བརྒྱད་བདེ་གཤེགས་འདུས་པ་ཚར་ཉི་ཤུ་རྩ་ལྔ་གསན་པའི་ཕྱི་མ་ཁུངས་བཙུན་ཞིང་ཡིད་རྟོན་པར་ནུས་པ་དེ་ལྷོ་བྲག་དགོན་དཀར་ཞེས་པ་འདིར་རེ་བྲལ་ཐོགས་པ་མེད་པའི་རྗེ་རིགས་ནམ་མཁའི་རྣལ་འབྱོར་ལས་རྙེད་པས་གསན་ཡིག་ཏུའང་བསྔགས་པ་ཆེན་པོ་མཛད་ཅིང་། དགོངས་པ་མཐར་ཐུག་པ་རྫོགས་པའི་ཐ་ཚིག་ཀྱང་གསལ། སླར་ཞེ་དྲུག་པར་བསམ་ཡས་སུ་བྱོན་ནས་བཀའ་འདུས་ཕྱི་མ་རིག་འཛིན་ཡོངས་འདུས་ཀྱི་ཆོས་སྐོར་རྣམས་རྣམ་སྣང་གསང་སྒྲོམ་ནས་སྤྱན་དྲངས། སྙེ་མོར་དགོངས་འདུས་ཀྱི་བསྒྲུབ་ཆེན་བཙུགས། ཕུང་པོ་རི་བོ་ཆེར་བདེ་འདུས་ལ་འཆད་ཉན་མཛད། ངོར་དང་གསེར་མདོག་ཅན་དུ་དགེ་ཚུལ་སློང་གི་ལས་ཆོག་མང་དུ་མཛད། གཞན་ཡང་ཆོས་འཆད་ཉན་ལ་སོགས་པའི་འགྲོ་ཕན་རྒྱ་ཆེན་པོ་མཛད་དེ་ཆུ་བོ་རི་བརྒྱུད། བྲག་རྡོ་རྗེ་ཞེས་པ་འདིར་ཞག་ཅིག་གཏན་ཆགས་པས་སྐུ་ཚའི་རྟེན་འབྲེལ་འགྲིག །བྲག་ཆེན་ཕུར་པ་ཞེས་པའི་དཔྱད་པའི་ལས་བསྐྱེད་རྫོགས་ཀྱི་བསྟན་པ་ཟིན་པའི་བརྡ་དོན་དགོངས་པ་བཞིན། སྔོན་ཕྲེང་པོ་བདར་ཞིང་རྒྱས་པའི་དུས་བདག་ཅག་གི་བསྟན་པའི་ཆུ་མགོ་ཆེན་པོ་ཀུན་གཟིགས་ཕྲེང་པོ་གཏེར་ཆེན་ཤེས་རབ་འོད་ཟེར་ཏི་ཤིར་བསྐུར་ནས་གནས་འདིར་ཡུན་རིང་པོར་དགོན་པར་བཅས་ནས་གཏན་ཆགས། གསུང་རབ་མང་པོའི་སྦྱར་བྱང་དུའང་ཐུབ་བསྟན་རྡོ་རྗེ་བྲག་ཏུ་སྦྱར་བའོ་ཞེས་མིང་གི་མངའ་གསོལ། འདི་ཉིད་མཛད་པ་བརྟུལ་བར་ཉེ་བའི་ཚེ་པཎ་ཆེན་ཉིད་ཀྱི་དེ་མ་ཐག་པའི་སྐྱེ་བ་བྱང་བདག་བཀྲ་ཤིས་སྟོབས་རྒྱལ་དབུས་སུ་བྱོན་ནས་དགོན་གནས་འདིར་རྗེ་བཅུན་པྲ་ཙྭའི་ཞབས་དང་མཇལ་བར་དགོངས་པ་ལ། པྲ་ཙྭའི་ཞབས་འེཕྱོང་རྒྱས་སྟག་རྩེར་བཞུགས་པ་འགྲིག །བདག་པོ་ཐུགས་དུངས་པས་དང་པོར་གཟིམ་མལ་མཇལ་བས་ཡུན་དུ་བཞུགས་པའི་རྟེན་འབྲེལ་གཞན་དུ་སོང་། པཎ་ཆེན་རན་པོ་ཆེའི་དུས་ནས་ཉེ་བར་གནས་པའི་ཅོག་སྒར་ཆུང་ངུ་ཞིག་ཡོད་པ་བདག་ཆེན་གྱི་དུས་སྟོབས་སུ་གྱུར་ནས་ཨེ་ཝ༷་ཅོག་སྒར་དུ་གྲགས་པ་འདིར་ཆགས་པ་ལས་ཐུབ་བསྟན་རྡོ་རྗེ་བྲག་ཅེས་པའི་དགེ་འདུན་འདུས་པའི་སྡེ་འཕེལ། སྲས་རིག་འཛིན་ངག་གི་དབང་པོའི་སྤྲུལ་པའི་སྐུ་པདྨ་འཕྲིན་ལས་རིགས་ཀྱི་ཅོད་པཎ་དུ་མཛས་པ་ལ། གོང་མ་ལྔ་པ་ཆེན་པོའི་བསྟི་སྟང་གིས་གཟེངས་བསྟོད་པས་བྱང་གཏེར་གཙོ་བོར་གྱུར་པའི་དར་རྒྱས་བླ་ལྷག་ཏུ་འཕེལ། སྤྲུལ་པའི་སྐུ་རིན་པོ་ཆེ་འདི་ཉིད་ཀྱང་སྨན་ལུང་པ་བློ་མཆོག་རྡོ་རྗེ་ལས་བརྒྱུད་དེ་འདུས་པ་མདོ་ལ་གསན་བསམ་མཛད། སེམས་སྡེ་བཅོ་བརྒྱད་ཀྱི་ལྷག་པའི་མདོ་དབང་གི་ཡིད་ཆའང་མཛད་སྣང་ངོ་། །དེ་ནས་པཎ་ཆེན་རིན་པོ་ཆེ་ཉིད་ཕལ་ཆེར་བསམ་ཡས་དབུ་ཚལ་དུ་གཏན་ཆགས། བྱམས་པ་གླིང་དུ་ཐུ་བཙུན་བསོད་ནམས་རྣམ་རྒྱལ་ལས་སངས་རྒྱས་མཉམ་སྦྱོར་གསན་ཅིང་། ཕར་ཟབ་ཆོས་མཁའ་འགྲོ་སྙིང་ཏིག་གི་དབང་ཁྲིད་མ་ལུས་པ་ཕུལ་ནས་ཐུགས་ཡིད་གཅིག་ཏུ་འདྲེས། འོན་སྨོན་ཐང་དུའང་སྐུ་མཆེད་ལྷན་གཅིག་པས་ཡུན་རིང་བར་བཞུགས། གཅུང་རིག་འཛིན་ལེགས་ལྡན་པ་དེ་ལུགས་གཉིས་ཀའི་ཕོ་སྒོ་ཡངས་པས་འབྲི་གུང་པ་རིན་ཆེན་ཕུན་ཚོགས་བསམ་ཡས་སུ་གདན་དྲངས་ནས་དཔོན་སློབ་གསུམ་ཀས་བསམ་ཡས་ཀྱི་རབ་གནས་བསྐྱར་ཏེ་བོད་ཁམས་ཡུན་དུ་བདེ་བའི་རྟེན་འབྲེལ་སྒྲིགས། འདི་ནས་བཟུང་ཆོས་རྒྱལ་རིན་ཆེན་ཕུན་ཚོགས་ཀྱང་སྲས་ཀྱི་དམ་པར་གྱུར་པས་རྒྱལ་དབང་པདྨའི་རིང་ལུགས་ལ་རྟེན་འབྲེལ་ཆེན་པོར་གྱུར། སྤྱིར་སྐྱེས་བུ་འདི་ཉིད་ནི་གནས་ལྔ་རིག་པའི་པཟླིཊ་ཏ་ཆེན་པོ། མདོ་སྔགས་གསར་རྙིང་རིས་མེད་པའི་བསྟན་པ་ཡོངས་རྫོགས་ཀྱི་དགེ་བའི་བཤེས་གཉེན་ཆེན་པོ། གཞོན་པ་དང་འཇོལ་བེར་ལ་སོགས་པའི་ཆོས་བརྒྱད་ཡོངས་སུ་སྤངས་པས་ཤཱཀྱ་ཐུབ་པའི་རྗེས་ཞུགས་བསོད་སྙོམས་པ་ཆེན་པོ། ཞེན་ལོག་དང་བཀའ་སྤྱད་ཁུར་དུ་བཟོད་པས་བྱ་བཏང་རྣལ་འབྱོར་ཆེན་པོ། རིག་པ་དང་གྲོལ་བའི་སྤོབས་པ་བསམ་གྱི་མི་ཁྱབ་པས་བྱང་ཆུབ་སེམས་དཔའི་དགེ་འདུན་ཆེན་པོ་དེས་དངོས་ཀྱི་ལམ་ནས་བསྟན་པ་དང་སེམས་ཅན་གྱི་དོན་བླ་ན་མེད་པ་མཛད་ཅིང་། སྔ་འགྱུར་རྒྱུད་འབུམ་རིན་པོ་ཆེའི་སྐོར་ཚོ་འབྱེད་པའང་རྣམ་དཔྱོད་འདི་ཁོ་ན་ཆེ་ཞིང་། ལུང་གི་རྒྱུན་ལའང་བཀའ་དྲིན་བསམ་གྱིས་མི་ཁྱབ། ཚིག་ཉུང་ལ་དོན་ཤིན་ཏུ་མང་བ་སྡོམ་པ་གསུམ་གྱི་རྣམ་པར་ངེས་པའི་བསྟན་བཅོས་ལ་སོགས་ཏེ་རྣམ་གྲངས་མཐའ་ཡས་པ་དག་གི་བརྒྱུད་ནས་བསྟན་འགྲོའི་དོན་བླ་ན་མཐོ་བའི་ཆོ་ག་མཛད་དེ་འོན་མོན་ཐང་ནས་ཟངས་མདོག་དཔལ་གྱི་རི་བོར་གཤེགས་སོ། །དེ་ཉིད་ཀྱི་རྗེས་སུ་བསླབ་པ་འབྲི་ཁུང་པ་ཆོས་རྒྱལ་རིན་ཆེན་ཕུན་ཚོགས་ནི། དབུས་སྟོད་འབྲི་གུང་སྐུ་གཉེར་སྒང་ཞེས་བྱ་བར་རིགས་ཀྱི་མངོན་པར་མཐོ་བ་སྒྱུ་རའི་གདུང་དུ་སྐུ་བལྟམས། དགུང་ལོ་བརྒྱད་ཀྱི་སྟེང་དུ་ཕག་མོ་གྲུར་སྤྱན་སྔ་རིན་པོ་ཆེ་ཆོས་ཀྱི་གྲགས་པ་ལས་རབ་ཏུ་བྱུང་། བཅུ་གསུམ་པར་རྩེས་དག་དང་བསམ་གཏན་གླིང་དུ་བཞུགས་པའི་དུས་དཀར་པོ་ཀུན་གྲགས་པས་ཁྲ་འབྲུག་གིས་ཞིག་གསོ་མཛད་པའི་རབ་གནས་ལ་སྤྱན་དྲངས་པས། མཐོང་ན་མི་མཐུན་པ་མེད་པའི་སྐུའི་བྱིན་གྱིས་སྐྱེ་བོ་ཀུན་གྱི་སྙིང་ལ་ངོམས་པ་མེད་པའི་དད་པ་བྱིན། སྔོ་སངས་ཀྱི་ལམ་ནས་ལྷ་རྣམས་ཀྱིས་མེ་ཏོག་གི་ཆར་ཕབ། མདོ་སྔགས་དང་གཞུང་ལུགས་མཐའ་ཡས་པའི་གསན་པ་ཕུལ་དུ་ཕྱིན། ཡངས་པ་ཅན་དང་། ཀླུ་་།ད། དབུས་སྟོད་གྱི་གཞུ་སྟོད་ཏི་སྒྲོ་སོགས་པའི་གནས་ངེས་མེད་ཀུན་ཏུ་བསྒྲུབ་པ་མཛད། སྣང་སེམས་མཉམ་པ་ཉིད་དུ་འདྲིས་པས་རྡོ་བ་ལ་ཕྱག་མཛུབ་ཀྱི་རྗེས་ཤིན་ཏུ་གསལ་པ་བྱུང་། རེ་ཞིག་ན་ཏི་སྒྲོར་བཞུགས་པའི་ཚེ་རྒྱ་གར་གྱི་པཟླིཊ་ཏ་བཛྲ་ནཱ་ཐ་དཔོན་སློབ་བཅུ་གཅིག་བྱོན་ནས་སྣུ་རླུང་ཛ་བི་རའི་མན་ངག་ཕུལ།ནུབ་གཅིག་མནལ་ལམ་ནས་མཁའ་ལ་ཕུར་ཏེ་བྱོན་པས། རིན་པོ་ཆེ་སྣ་ཚོགས་བཅལ་དུ་བཀྲམ་པའི་དབུས་ན་རྫིང་བུ་མེ་ཏོག་གིས་བཀྲ་བར་སྔགས་པ་སྐྲའི་རྩེ་མོ་ལ་སྤྱན་རས་གཟིགས། སྐེད་པ་ཐམས་ཅད་རྟ་མགྲིན།རྩ་བར་རྡོ་རྗེ་ཕག་མོའི་རྣམ་པར་འདུག་པ་ཞིག་ཁྲུས་བྱེད་པར་གཟིགས་ནས་དེ་ལ་ངོ་མཚར་སྐྱེས་རྩ་ན། བུད་མེད་མཛེས་ཤིང་ཡིད་དུ་འོང་བ་ཞིག་གིས། འདིའི་སྐྲ་དང་ཁྱོད་ཀྱི་སྐྲ་མཚུངས་པ་ཡིན། ཁྱོད་ཀྱི་རྟག་པར་སྐྲ་བྲེགས་པས་ལྷ་ཚོགས་འདི་རྣམས་སྤངས་པའི་ཉེས་པ་བྱུང་ཞིང་འབྱུང་འཁྲུགས་ཀྱི་ནད་མང་། ད་ལུས་ཀྱང་དཀར་ཆས་སུ་བསྒྱུར་ན་རྟེན་འབྲེལ་ཐམས་ཅད་ང་རང་གི་ཤེས་ཟེར། དེར་དེ་བཞིན་དུ་མཛད་པས་མར་མེའི་ཀོང་བུ་ཆུང་ངུ་ཞིག་གིས་ཞག་འགར་འཚོ་སོགས་རྟེན་འབྲེལ་ཟབ་མོའི་སྒོ་འཕར་ཕྱེ། རེ་ཞིག་ན་ཡངས་པ་ཅན་དུ་བྱོན་པས་གཏེར་གྱི་ཁ་བྱང་བྱུང་ནས། གུ་རུ་རིན་པོ་ཆེའི་ཐུགས་ཀྱི་ཡང་བཅུད་དམ་ཆོས་དགོངས་པ་ཡང་ཟབ། དུང་ཤོག་དཀར་པོ་དང་། གསེར་ཤོག་སེར་པོ། མཆོང་ཤོག་སྨུག་པོ། གཡུ་ཤོག་ལྗང་སྐྱ། ལྕགས་ཤོག་ནག་པོའི་ཤོག་སེར་ངོ་མཚར་ཅན་གྱི་ཕྱི་མོར་གནས་པ། དཔོན་སློབ་བཞིས་ནམ་གུང་སྟབས་སུ་གཤེགས་ནས་ཏི་སྒྲོའི་ཚོགས་ཁང་ཆེན་མོ་ནས་སྤྱན་དྲངས། གནས་དེ་ཉིད་དུ་བདུན་ཕྲག་གཅིག་ཏུ་སྐུ་མཚམས་ལ་བཞུགས་པ་ན། ཚེས་བཅུའི་ནུབ་བུད་མེད་ལྔ་བྱུང་ནས། དོ་ནུབ་གུ་རུ་རིན་པོ་ཆེ་ཚོགས་ཀྱི་འཁོར་ལོ་མཛད་ཀྱིན་ཡོད་པས་འདེངས་ཟེར་ཟངས་མདོག་དཔལ་རིར་ཁྲིད། སློབ་དཔོན་ཆེན་པོ་གུ་རུ་རྟ་ཕག་ཡབ་ཡུམ་ཀྱི་རྣམ་པར་བཞེངས་ནས་བཞུགས་པ་གཅིག་མཇལ་བས། འདི་ནི་ཡིད་དམ་དུ་འདུག །སྔོན་དུ་བླ་མ་ལ་ཕྱག་བྱ་དགོས་པས་གུ་རུ་རིན་པོ་ཆེ་གང་ན་བཞུགས་མཉམ་པའི་ཚེ། རྟ་ཕག་གི་ཞལ་ནས་བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་སྟེ། །ཀུན་བྱེད་རྒྱལ་པོ་བླ་མའི་སྐུ། །བླ་མ་དཔལ་ཆེན་ཧེ་རུ་ཀ༔། ཞེས་གསུངས་ཤིང་སྐུ་ལུས་གར་གྱི་རྣམ་འགྱུར་ཤིག་ཤིག་འདུག །དཔའ་པོ་དང་མཁའ་འགྲོའི་ཚོགས་ཀྱིས་ཀྱང་རྡོ་རྗེའི་གླུ་དང་གར་མཛད་པས་སྣང་བ་གཏད་མེད་ཧ་ཕྱད་དེ་ལུསུ། དེར་བུད་མེད་ལྔས་རིན་པོ་ཆེ་ཐ་དད་པ་ལས་གྲུབ་པའི་རིགས་ལྔའི་ཕྱག་རྒྱ་རེ་བྱིན། གུ་རུ་རིན་པོ་ཆེའི་ཞལ་ནས། རིན་པོ་ཆེ་སྣ་ཚོགས་ཀྱི་ཕྱག་རྒྱ་དེ་མི་འབུལ་ལམ་གསུངས་པས། བུ་མོ་ལྔ་པོས་བདག་ཅག་ནི་ལས་དང་སྨོན་ལམ་གྱི་སྟབས་སུ་མཆིས་ལགས་ཏེ། ཁོང་ད་དུང་འཆིང་བ་དམ་པོས་དཀྲིས། རྟེན་འབྲེལ་ལ་འགྲིག་པས་འབུལ་རྒྱུ་ཅང་གདའམ་ཞུས་སོ། །མཧྭ་གུ་རུའི་ཞལ་ནས། ནམ་མཁའི་པརློ་ཞེས་ལན་གསུམ་དུ་གསུངས་པས། སྙིང་གྲང་སྟོང་པ་གཅིག་བྱུང་། དེར་གདན་ཁྲི་དཔག་ཏུ་མེད་པ་ལ་རིག་འཛིན་གྱི་ཚོགས་རྣམས་བཞུགས་པའི་དབུས་དེར། ཁྲི་རྐང་འབོལ་བརྩེགས་བཅས་པའི་སྟེང་ན་སྣམ་ཕྲུག་མོན་དར་སོགས་ལས་བྱས་པའི་གོས་དང་། རྒྱལ་པོའི་ལ་ཐོད་གཅིག་འདུག་པ་རང་གི་ཡིན་པར་དགོངས་ཏེ་ཡིན་པས། དེར་བཞུགས་པ་ན་ཐམས་ཅད་དགྱེས་པར་སྟོན་ཞིང་། ག་ན་ཙ་ཀྲའི་འདུ་བ་རྒྱ་ཆེན་པོ་དང་བཅས་རྩ་བ་གསུམ་གྱི་གཞུང་སངས་ནས་དབང་བསྐུར།མན་ངག་རྗེས་སུ་གདམས་པ་ཐམས་ཅད་སྩལ། དེར་རྒྱལ་པོའི་ཆ་བྱད་དུ་བྱས་པའི་སློབ་དཔོན་ཅིག་བྱོན་ཏེ། དགྱེས་དགྱེས་ལྟར་འདུག ཁྱེད་སུ་ཡིན་དྲིས་པས། བདག་ནི་སྔོན་བོད་ཡུལ་དུ་ཁྱོད་ཀྱི་ཕ་ཡིན་མོད། ཁྲི་སྲོང་ལྡེའུ་བཙན་ནོ། །སྙིགས་དུས་གདུལ་བྱར་མངའ་རིས་པཎ་ཆེན་དུ་བསྟན་ཀྱང་། ན་ནིང་སློབ་མ་དམ་ཉམས་ཀྱི་གྲིབ་འཕོག་ནས་སྤྲུལ་པ་བསྡུས་ཏེ་ད་ལྟ་མཧྭ་གུ་རུའི་ཞབས་དྲུང་ན་ཡོད་པ་ཡིན་གསུངས་པས ཕ་དང་བུ་ཕྲད་པའི་དགའ་བ་ཐོད་རྒལ་དུ་སྐྱེས་ནས་རབ་ཏུ་བཏུད། ཞབས་ལ་འཆངས། མཆི་མ་ཕྱུང་ཞིང་གསོལ་བ་བཏབ་པས། བསླབ་བྱ་དང་ཞལ་གདམས་ཤིན་ཏུ་མང་བར་གནང་། གུ་རུའི་དྲུང་དུ་ཁྲིད་ནས་བྱིན་བརླབས་ཞུས་བཅུག་པས་ད་ཅིའི་རྟ་ཕག་མ་ཡིན་པར་སངས་རྒྱས་པདྨའི་སྐུ་དངོས་སུ་མཐོང་ཞལ་ཏ་དང་མན་ངག་ཤིན་ཏུ་མང་བར་གསུངས་པའི་མཐར བཛྲ་རཏྣ་པདྨ་ཀརྨ་བུདྷ་ཌསྐི་ཛ༔ ཞེས་གསུངས་པས་སྔོན་གྱི་བུད་མེད་ལྔ་བྱུང་སྟེ་ཕྱག་ནས་ཁྲིད། དེར་འདི་གར་སྡོད་པ་གསུངས་པ་ཞིག་ཡིན་ན་དགའ་བ་ལ་སྙམ། སྐྱོ་བའི་ངང་ནས་ཏི་སྒྲོའི་ཚོགས་ཁང་ཆེན་མོར་ཕེབས། དུས་འདི་ཙམ་ན་གསར་རྙིང་བཀའ་གཏེར་རིས་མེད་པའི་བདག་པོར་གྱུར། ཁྱད་པར་གཏེར་ཁ་གོང་འོག་དང་། བཀའ་བརྒྱད་ལུགས་དགུ །སྙིང་ཏིག་ཡ་བཞི་ལ་རྩལ་དུ་བཏོན་པའི་འཕྲིན་ལས་རྒྱ་ཆེ། མཁའ་འགྲོ་སྙིང་ཏིག་ལ་ཁྲིད་ཡིག་ཀྱང་མཛད། གྲུབ་མཐའི་ཁོག་དབུབ་ཚུལ་ཀྱང་། ཁོ་བོའི་རྡོ་རྗེ་སློབ་དཔོན་མངའ་རིས་པཎ་ཆེན་རིན་པོ་ཆེའི་མཁྱེན་རབ་ལ་མཐའ་མེད། དེའི་བཀའ་ལས་རྙིང་མ་ལུགས་མཐུན་ཞིག་བྱེད་ན་བཀའ་མས་ཁོག་དབུབ། གཏེར་མའི་མན་ངག་གིས་བརྒྱན་པ་ཞིག་དགོས་ཞེས་གསུངས་པ་དེ་སྲས་ཀྱི་དམ་པ་རྗེ་བཙུན་ཤེལ་རབ་འོད་ཟེར་ལ་རྗེས་སུ་གདམས། ལར་འབྲི་གུང་འཇིག་རྟེན་མགོན་པོ་ནས་ཕུར་པ་རྩ་རྒྱུད་འཆད་པ་སོགས་གསར་རྙིང་ལ་རིས་སུ་གཅོད་པ་བཀར་མ་བཏགས་ཏེ་སྔ་འགྱུར་གྱི་བཤད་སྲོལ་མེད་པས། སྤྱོད་ལྡན་དུ་གྲགས་པ་དགེ་སློང་སངས་རྒྱས་རྡོ་རྗེ་སྙན་འབུལ་དུ། ཁྱེད་ཨུ་རྒྱན་པདྨའི་རྒྱལ་ཚབ་ཆེན་པོ་ཡིན། ཕྱོགས་ཀྱི་ཆོས་ཞུ་བ་རྣམས་ཀྱང་རྙིང་མ་ཁོ་ན་ལ་གཏད་ནས་ལྷགས་པ་མང་། ཆོས་གསུངས་པའི་ཚེ་ད་དུང་བཀའ་བརྒྱུད་པའི་ཆོས་སྐད་དང་འདྲེས་པར་གདའ་བས། སྔགས་རྙིང་མ་ལ་མདོ་སྒྱུ་སེམས་གསུམ་གྱི་བཤད་སྲོལ་ཐུན་མོང་མ་ཡིན་པར་ཡོད་ཅིང་། དེ་ལ་ཀུན་མཁྱེན་ཀློང་ཆེན་པའི་བཀའ་འབུམ་ཉི་མ་ཤར་བ་ལྟ་བུའི་འགྲེལ་པ་ཡོད་པ་དེ་ཁོ་ནའི་ལུགས་བཞིན་ཐུགས་རྗེ་ཆེ་དགོས་ཞེས་སྙན་འདེགས་ཕུལ་བ་ཐུགས་ལ་ཤིན་ཏུ་བཞུགས་པས་རྒྱལ་བ་ཀློང་ཆེན་པའི་གཞུང་ལ་དགོངས་པ་ལྷག་པར་བདེ། སྤྱིར་སྐྱེས་བུ་དམ་པ་འདི་མཁས་གྲུབ་ཆེན་པོའི་གནས་ལ་བཞུགསཔས་སྤྱོད་འཇུག་ལ་སོགས་རྒྱ་གཞུང་ཆེན་པོ་དག་གི་དགོངས་པ་འཆད་པའི་ཚེའང་བཤད་ཚུལ་གཞན་ལས་ཁྱད་དུ་འཕགས་པས་བློ་གསལ་མང་དུ་ཐོས་པ་དག་གིས་ཀྱང་ཁེངས་པ་བདེ་བླག་ཏུ་དབྲོག་ནུས་པ་ཞིག་ཡིན། འབྲི་གུང་པ་སྲིད་སྡེ་ཆེ་ཞིང་། ཁྱད་པར་འདི་དུས་བོད་ཤིང་སྒོ་ཅན་པའི་རྒྱལ་པོའི་ཆོས་གནས་ཀྱི་དམ་པར་གྱུར་ཏེ་གདན་ས་ཐེལ་གྱི་ཁྲི་མཛད་པའི་སྐབས་ནས་སློབ་མའི་ཚོགས་ནི་དབུས་གཙང་རུ་བཞི། མངའ་རིས་ལ་དྭགས། མདོ་ཁམས། ཧོར་ཡུལ་ལ་སོགས་པར་ཀུན་ཏུ་ཁྱབ་པ་བསྣོས་ཀྱི་མི་ལྡང་ལ། ཚོགས་པ་རྒྱ་མཚོའི་དབུས་སུ་དགོངས་གཅིག་ལ་སོགས་པ་གསུངས་པའི་ཚེ་ངའི་རལ་པའི་ཁྲོད་ན་ང་དང་མཉམ་པའི་རྒྱལ་ཚབ་གཅིག་སྦས་ནས་ཡོད་ཅེས་གསུང་པ་ནི་བདག་ཅག་གི་རིགས་ཀྱི་བདག་པོར་གདོད་ནས་གྲུབ་པ་རྗེ་བཙུན་པྲ་ཙྭའི་ཞབས་ཡིན་ལ། རིགས་ཆོས་གཉིས་ཀའི་སྲས་སུ་གྱུར་བ་རྒྱལ་པོ་གཙུག་ལག་འཛིན་གྱི་སྐྱེ་བ་ཆོས་རྒྱལ་ཕུན་ཚོགས། དེའི་སྲས་སུ་རང་ཉིད་དེ་མ་ཐག་པའི་སྤྲུལ་པའི་སྐུར་བཟུང་བ་ཆོས་ཀྱི་གྲགས་པས་ཀྱང་གོང་མས་སྲོལ་བཏོད་པའི་གྲུབ་པའི་མཐའ་གང་ཡིན་པ་ལྷག་པར་རྒྱས་པར་མཛད་པས་བཀའ་རྒྱུད་རིན་པོ་ཆེའི་ལྗོན་ཤིང་ལ། སྔ་འགྱུར་གྱི་འབྲས་བུ་ཆགས་ནས་ཕ་ཆོས་དགོངས་པ་ཡང་ཟབ་ལ་རྒྱུན་གྱི་རྣལ་འབྱོར་དུ་བྱེད་ཅིང་། བཀའ་བརྒྱད་ཀྱི་བསྒྲུབ་དབང་ཆེན་མོའི་སྲོལ་ཁ་ལ་སོགས་པ་ཐམས་ཅད་ད་ལྟའང་མ་ཉམས་པས་དཔལ་དུ་འབར་རོ་ཞེས་ཐོས་སོ། །ད་ནི་སློབ་དཔོན་བི་རོ་ཙྭ་ན་སླར་ཡང་རིགས་གྲོལ་གྱི་སྤྲུལ་པའི་སྒྱུ་འཕྲུལ་ལ་ཆགས་པ་ཀུན་མཁྱེན་ཤེས་རབ་འོད་ཟེར་གྱི་གཏམ་བཤད་པར་བྱ་སྟེ། བདག་ཉིད་ཆེན་པོ་འདི་ནི་བྱང་ངམ་ཆེན་གྱི་སའི་ཆར་ཁྲི་བསམ་གཉིས་ཀྱི་ཆོ་འབྲང་ལས་ས་ཕོ་སྟག་ལོ་ཆུ་སྟོད་ཟླ་བའི་ཚེས་བཅུར་མངལ་གྱི་པཟློ་ལས་གྲོལ། ལྷུམས་སུ་ཞུགས་པའི་ཚེ་སྐྱེས་བུ་ཤེལ་གྱི་ཁ་དོག་ཅན་རིན་པོ་ཆེའི་དོ་ཤལ་དང་ལྡན་པ་ཞིག་གིས་ཤེལ་བུམ་བདུད་རྩིས་གང་བ་ཡུམ་གྱི་སྤྱི་བོ་ནས་བསྟིམ་པ་རྨིས། ཚེས་བཅུ་བྱུང་རེས་སྒྲ་ཞིམ་ལ་འཇའ་ཟུག་པ་དང་། དྲི་ཞིམ་པོའི་ངད་པ་རྒྱུན་དུ་བྱུང་། གཞོན་ནུ་རོལ་རྩེད་ཀྱི་ཚེ་ནའང་། བཅོས་མིན་གྱི་ངེས་འབྱུང་དང་། དད་པའི་སྣང་བ་རྒྱ་ཆེན་པོ། མྱུར་ལ་ཟབ་པའི་ཤེས་རབ་ལ་སོགས་ཏེ་བྱང་ཆུབ་སེམས་དཔའི་ངང་ཚུལ་གྱི་ལྷག་པར་ཕྱུག་པ་ཞིག་སྟེ། འཇམ་དཔལ་དབྱངས་དང་། གཤེད་དམར་དང་། གཉན་མགོན་རྣམས་ཀྱིས་ཞལ་བསྟན་པ་ཕྱུང་བ་འབྲི་གུང་པས་གཡག་སྡེའི་པཎ་ཆེན་གྱི་བག་ཆགས་སུ་ངོས་འཛིན་མཛད། ཁྱད་པར་དུ་རིན་ཆེན་ཕུན་ཚོགས་ཚོས་ཀྱི་རྒྱལ་པོ་ཇི་ལྟ་བ་ཞིག་གི་ཞལ་ནས། ཁྱོད་ཀྱི་སྙིང་ག་ན་ཨ་གཅིག་ཡོད་པ་ད་ལྟ་སྟོན་མ་རན་ཞེས་ཕྱག་མཛུབ་བཙུགས་པས་བརྗོད་མི་ཤེས་པའི་ཉམས་ཤར། རྗེས་སུ་སྐུའི་བཀོད་པ་དེ་ཁོ་ནར་སྣང་ཞེས་གསུངས། རུ་སྐོར་དེ་ལ་ཧོར་གྱི་རྒྱབ་དུས་བུ་ཆུང་འཕྲོག་པར་བརྩམས་ཏེ་ཞགས་པས་བཏབ་པ་ན་ལྷག་པའི་ལྷས་སྒྲིབ་པར་གཟིགས་ཏེ་བྲོས་པས་ཐར། དེ་ནས་འགྲོག་གི་ཕུར་བཞུགས། བྱིས་པའི་དབུས་ན་ཆོས་གསུངས་བ་དང་། མདོ་རྒྱུད་ཀྱི་ཚིག་ཚོན་པོ་ཅལ་ཅོལ་དུ་འདོན་པ་དང་། ལྷག་པར་གཞོན་ནུ་གཤེད་མ་བྱེ་བ་དེས་ཆུ་བན་གང་གྱ་ཅན་ལ་ཁྱེར་ནས་བཟུང་སྟེ་ཇ་ཁང་དུ་བསྐྱལ་བ་དང་། རྒན་པ་དག་གིས་སྒོ་བཅད་ནས་ཕྱིར་ཐོན་པ་ན། སྒོ་མ་ཕྱེ་བར་ཐལ་བྱུང་དུ་ཕྱིར་ཐོན་པ་སོགས་བྱུང་། ཁྱད་པར་ཐེག་པ་ཆེན་པོའི་རིགས་སད་པས་སེམས་ཅན་ཉམས་ཆུང་བ་དག་ལ་བཟོད་དུ་མེད་པའི་སྙིང་རྗེ་དང་། ཞང་པོས་འཐབ་པའི་གལ་ལ་ཅི་སྙམ་པས་ཀ་ཅ་སྟེར་བ་སོགས་ཕལ་པའི་ཀུན་ཏུ་སྤྱོད་པ་ལས་རྒྱང་རིང་། དགུང་ལོ་བརྒྱད་པའི་ཚེ་ཨེ་ཝ༷་གླིང་སྨད་དང་ཉིན་སྡིངས་གཉིས་ཀའི་སློབ་དཔོན་བརྟན་མཁས་ཀྱི་ཡོན་ཏན་རྫོགས་པ་ཚུལ་ཁྲིམས་འོད་ཟེར་ལས་དགེ་བསྙེན་དུ་མཛད། མཆོད་གྲལ་གྱི་ལྷ་ཕལ་ཆེར་ངོས་འཛིན་མཛད་པས་འདི་ཤེས་རབ་ཐོད་རྒལ་བ་ཞིག་བྱུང་ཞེས་མཚན་ཤེས་རབ་འོད་ཟེར་དུ་བཏགས། གསེར་མདོག་ཅན་པའི་སློབ་མའི་མཆོག་པཎ་ཆེན་རྡོར་རྒྱལ་བ་ལས་རབ་ཏུ་བྱུང་། དེ་ནས་ཀློག་པ་ཐོས་བསམ་གྱི་གྲར་ཞུགས་ནས། དགའ་ལྡན་ཁྲི་པའི་ཞལ་སྔ་ནས་བསྟན་དར་ལ་ཟམ་མོ་ལྟ་བ་དང་།རྒྱ་ཆེན་སྤྱོད་པའི་སེམས་བསྐྱེད་ལུགས་སྲོལ་གཉིས། བསླབ་བཏུས། སྤྱོད་འཇུག །མདོ་སྡེ་ཀུན་ལས་བཏུས། བྱང་ས། སྡོམ་པ་ཉི་ཤུ་པ། ཀླུ་སྒྲུབ་ལུགས་ཀྱི་དོན་དམ་སེམས་བསྐྱེད་སོགས་ཉན་ཞིང་ཀླུ་སྒྲུབ་ཀྱི་གཞུང་ལ་ནན་ཏན་ངོས། མཚན་ཉིད་ཀྱི་གཞུང་ལ་ལོ་དྲུག་གི་བར་དུ་ཉིན་མཚན་མེད་པར་སྦྱངས། སློབ་དཔོན་གཉིས་པོ་ལས། བྱམས་ཆོས་ལྔ། ས་སྡེ་ལྔ། སྡོམ་རྣམ་གཉིས། དབུ་མ་རིགས་ཚོགས།གཏམ་ཚོགས། བསྟོད་ཚོགས། བྱང་ཆུབ་སེམས་འགྲེལ། རིམ་ལྔ་རྣམས་དང་། དགེ་ལྡན་པའི་མདོའི་ལམ་རིམ་གཉིས། སྔགས་རིམ་ཆེན་མོ་ལ་སོགས་ཏེ་རྒྱ་བོད་ཀྱི་གཞུང་འགྲེལ་མང་དུ་ཉན། ལམ་གྱི་འགྲོས་ལ་གོ་དོན་ཕུན་སུམ་ཚོགས་པ་སྐྱེས་ཀྱང་འཁོར་བའི་ས་བོན་དྲུངས་ནས་འབྱིན་པ་ལྟ་བ་རྣམ་པར་དག་པ་ཁོ་ན་ཡིན། དེ་ལ་དགག་བཞག་གི་འདོད་པ་མང་པས་ངོ་བོ་མ་འཁྲུལ་བ་གང་ཡིན་ཤེས་དཀའ། སངས་རྒྱས་ཀྱི་ལྟ་བ་ཟབ་མོ་སྟོན་པ་ལ་ཀླུ་སྒྲུབ་ལུང་བསྟན། དེའི་དགོངས་འགྲེལ་ཚད་མ་ཟླ་བ་གྲགས་པ་ཡིན། དེས་ཀྱང་སངས་རྒྱས་བསྐྱངས་ལ་བརྟེན་ནས་རྟོགས་པ་ཡིན་པས། འགྲེལ་པ་བུ་དྷ་པ་ལི་ཏ་ལ་བསླབ་གཉེར་གཏིང་ཐུག་པ་ཞིག་བྱས་པས། དེང་སང་ལྟ་བའི་གནས་ཚུལ་གླེང་བ་རྣམས་ལ་ཁོ་བོ་མགུ་པོ་རང་མི་འོང་ཞེས་གསུངས། ས་དགེ་གཉིས་ཆར་ལ་མཁས་པའི་སློབ་དཔོན་ཞིག་ཡོད་པ་ལ་ལུགས་གཉིས་ཀའི་སྦྱངས་པ་མཐར་སོན། ཁྱད་པར་གསང་བ་འདུས་པ་ལ་ཙོང་ཁ་བ་ཆེན་པོའི་ཡིག་ཆའི་སྟེང་ནས་དགོངས་པ་ཇི་བཞིན་དུ་ལོངས། རྡོར་རྒྱལ་བ་ལས་དགྱེས་རྡོར་ལྷ་དགུ། ལམ་འབྲས་ལུགས་ལྔ། རྣམ་འགྲེལ་བཅུ་གཅིག་དང་བཅས་པ། གུར་རྟགས་མ་གསུམ་ལུང་རྟིཀ་བཤད་པ་དང་བཅས་པ། དུས་འཁོར་ཡོངས་རྫོགས། ལམ་རིམ་པ་གཉིས་ཀྱི་ཁྲིད། བླ་མ་དམ་པའི་རྟིསྐའི་སྟེང་ནས་གཟབས་བཤད་རྣམས་དོགས་པའི་མཐའ་བཅད་ནས་ཉན་པས། སློབ་དཔོན་དེས། དགེ་བཤེས་ཤེས་རབ་འོད་ཟེར་འདིས་ཆོས་ཀྱི་གནས་ལ་བཀར་ནས་དྲི་ཤེས་པར་འདུག་ཅེས་འཆད་པ་ལ་བསྙེངས་པ་བྲལ་བ་དག་ཀྱང་བློ་གྲོས་ལ་གྲིམ་ཆ་སྟེར་དགོས་པ་བྱུང་རིན་པོ་ཆེ་རྡོར་རྒྱལ་བ་དེ་ལས་སྤྱིར་མདོ་སྔགས་ཀྱི་གཞུང་འགྲེལ་ད་ལྟ་འཆད་ཉན་ཡོད་པ་མཐའ་དག་དེ་བཞིན་དུ་གསེར་མདོག་ཅན་པ་དང་། ས་སྐྱ་བཀའ་འབུམ་ཡོངས་རྫོགས་ཉན་ནས། ཟིན་ཐུན་བསྐྱར་བའང་མཛད། ལྷག་པར་གསེར་མདོག་ཅན་པའི་ཡིག་ཆ་ལ་མཆོག་ཏུ་འདྲིས་ཤིང་གྲུབ་མཐའང་འཛིན། སྐྱེས་བུ་དམ་པ་འདི་གཡག་སྡེ་པཎ་ཆེན་གྱི་དེ་མ་ཐག་པའི་སྐྱེ་བ་ཡིན་པས་སྐུ་གཞོན་ནུ་ནས་གསལ་སྣང་ཤིན་ཏུ་ཆེ་ཞིང་ཁྱད་པར་པཎ་ཆེན་དེ་ལ་སློབ་དཔོན་ཆེན་པོས་སེང་གདོང་མའི་གདམས་པ། པུ་ཏིར་ལོངས་པ་ཞིག་སྩལ་བ་རང་ཉམས་སུ་བསྟར། གཞན་བློར་མ་ཆུན་དོགས་ནས་མྱང་ངན་ལས་འདའ་ཁར་ཨེ་ཝ༷་རྡོ་སྤྱི་ལ་རྒྱས་བཏབ་པ་དུས་འདིར་ཕྱག་ཏུ་སོན་མོད། འབྲུག་པ་རིན་པོ་ཆེ་པདྨ་དཀར་པོའང་གསལ་སྣང་ཞིག་ལ་ཐེ་ཚོམ་སྐྱེས་པས། ཕྱིན་ཆད། དེ་ནི་ཨ་ཁུ་མཚན་ཉིད་པའི་ཁྲོད་དུ་ཕྱིན་པས་ལན་པར་འདུག་ཅེས་གསུངས་པ་བཞིན་རྟེན་འབྲེལ་གཞན་དབང་དུ་སོང་། གྲྭ་ས་དེ་དང་། ཐལ་འགྱུར་གྱི་མགྲིན་རྔ་ལྡིར་བའི་རིགས་གྲྭ་གང་དང་གང་དུ་རྩོད་པའི་གཡུལ་ངོ་ལ་ལྷགས་པས་བློ་གྲོས་བསམ་གྱི་མི་ཁྱབ་པར་སོང་ཏེ། བོད་འགྲེལ་རྣམས་ཀྱང་རྒྱ་ཡན་དུ་བཞག །རྒྱན་དྲུག་མཆོག་གཉིས་ཀྱི་གཞུང་འགྲེལ་ཁོ་ན་ལ་བརྟེན་ནས། བརྒལ་བ་དང་། བརྟག་པ་དང་། རིགས་པ་གསུམ་གྱི་ལྷའི་རྔ་ཆེན་པོ་ཀུན་ནས་ཀུན་ཏུ་ཡོངས་སུ་བརྡུངས་པས། གླིང་སྨད་སློབ་དཔོན་ན་རེ། ཁྱེད་སློབ་གསར་པ་ལྟ་བུ་ཡིན་ཀྱང་འདི་ལྟ་བུའི་རྣམ་དཔྱོད་ཁམ་ཆེ། ཀུན་མཁྱེན་རོང་པ་ལ་བོ་དོང་པའི་དགེ་བཤེས་ཤིག་གིས། ཅི་མཁྱེན་ཞུས་པས། ཁོ་བོས་ཕར་ཕྱིན་ཤེས་གསུངས། འོ་ ན་འདུལ་བ་ལ་ཨེ་གནང་ཞུས་པས། དེ་ལོས་ཤེས་ཕར་ཕྱིན་གྱི་སྤྱོད་པ་ཡིན་གསུངས། ཡང་དབུ་ཚད་དྲིས་པས། དེ་བཞིན་དུ་དབུ་མ་ལ་བལྟ་བ། ཚད་མ་ལ་རིགས་ལམ་ཡིན་གསུངས་པ་ལྟར། ཁྱེད་ཀྱི་དབུ་ཕར་ལ་བརྟེན་ནས་བསྟན་པའི་སྒྲོམ་འཚོལ་ལུགས། དེ་ལ་རིགས་ལམ་གྱི་གྲུབ་མཐའ་འཆའ་ལུགས་ལ་དཔགས་ན། དགེ་བཤེས་ཟེར་ན་འདི་ལ་ཟེར་ཞེས་ཚོགས་པའི་ཁྲོད་རང་དུ་བསྔགས་པ་བརྗོད་པས་དེ་ཕྱིན་ནས་དགེ་བཤེས་ཤེས་རབ་འོད་ཟེར་ཞེས་གྲགས། རྟོག་གེའི་རིགས་པ་ལ་ཚེར་མ་ལྟ་བུའི་བློ་གྲོས་མངའ་ཡང་། འདི་ལྟ་སྐྱེས་བུ་མཆོག་ཏུ་གྱུར་པ་རྣམས་ནི་དེ་ཙམ་ལ་བརྟེན་ནས་གྲགས་པ་དང་རྙེད་པ་བསྒྲུབ་པའི་སྟ་གོན་རྩོམ་པ་མ་ཡིན་པས། སྐྱོ་ཤས་དང་ངེས་འབྱུང་དྲག་པོས་རྒྱུད་བརླན་ནས་སྒྲུབ་པ་ནན་ཏན་གྱི་འཁོར་ལོ་ཡིད་ལ་སེམས་ཤིང་། དེའི་ངང་ཚུལ་སློབ་དཔོན་ཞི་བ་ལྷ་དང་ཇོ་བོ་རྗེའི་རྣམ་ཐར་ལ་སྙིང་ཐག་པ་ནས་སྨོན་ཞིང་དད་པའི་སྐབས་ཞིག་ན། འབྲི་གུང་པ་རིན་ཆེན་ཕུན་ཚོགས་ལྷ་རྒྱུད་ལ་ཐེག་པའི་ཨེ་ཝ༷་དང་ཧ་ཅང་མི་རིང་བའི་ས་ཐང་སྐྱར་སྒར་ཕབ་པ་གཟིགས་སུ་བྱོན་པས། སྒར་གྲ་ཚང་སུམ་བརྒྱ་ཙམ་ལ་སྤྱི་ཆོས་སུ་སྤྱོད་འཇུག་གསུངས་པ་དང་ཐུག །ཤེ་ལེའི་དོན་དམ་བློ་ཡི་སྤྱོད་ཡུལ་མིན། །ཞེས་པ་ནས་ཤོ་ལོ་ཀ་གསུམ་ལ་ཇོ་འགྲེལ་གཙོ་བོར་སྟོན། འགྲེལ་པ་གྲགས་ཆེ་བ་ཁར་ཡར་ན་ཡམས་སུ་བྱས། རིགས་ལམ་གྱི་སྦྱོར་བས་ཀྱང་བརྒྱན། བཀའ་བརྒྱུད་པའི་ཉམས་ལེན་དང་ཡང་བསྟུན་ཀྱིན་བཤད་པ་ཡམས་པ་ཞིག་གསུངས་པ་མཐོང་བས། རྗེ་བཙུན་དམ་པ་འདིའི་ཐུགས་རྗེའི་ཆོས་ཀུན་གྱིས་སྙིང་ལ་བཏབ། ཟང་ཟིང་གི་ཉེ་བར་དཔྱད་པ་སླེ་མོའི་ཁུད་ན་ཤོང་པ་ཙམ་ཡོད་པ་ཁང་ཐོག་ནས་བསྐུར། ཆས་པར་བརྩམས་པ་ན། གྲོགས་མཆེད་སྨན་དཔྱད་ཤེས་པ་ཞིག་ཡོད་པས་རེ་ཞིག་བཀག །འདི་དུས་དགུང་ལོ་བཅོ་བརྒྱད་པ་ཡིན། ལར་སྐྱེས་བུ་དམ་པའི་སྙིང་སྟོབས་དང་སྨོན་ལམ་གྱི་མཐུ་ནི་གཞན་དབང་གི་རྫི་བར་ནུས་པ་མ་ཡིན་པས་སྲབ་མེད་པའི་སེརྙེ་ནམ་མཁའ་ལ་འཕྱོ་བ་བཞིན་དུ་གྲ་ས་བསྒྱུར། གྲོགས་མཆེད་སྤངས། དཀོར་ལ་རྐམ་ཆགས་བྱེ་བ་བཏང་ནས། ངེས་དོན་སྟོན་པའི་བླ་མ་དང་། དབེན་པ་འབའ་ཞིག་ཡིད་ལ་བསམ་ནས་རི་དགས་རྒྱ་ནང་ནས་ཤོར་བ་བཞིན་དུ་བྲོས། འཕན་ཡུལ་དུ་ཕེབས་པ་དང་འབྲི་གུང་ཡང་རི་བའི་རྟོགས་ལྡན་གལ་བ་སོགས་དགེ་འདུན་བཞི་བཅུ་ཙམ་བསོད་སྙེམས་ལ་བྱོན་པ་དང་འགྲོགས། དུས་དེ་ཙ་ན་འབྲི་གུང་བ་ལུགས་གཉིས་ཀ་ནས་རྣམ་དཔྱོད་ཆེ་ཞིང་། ཐེལ་གྱི་ཁྲི་ཐོག་ཏུ་བཞུགས་ནས་སྤྱན་སྔ་ཆོས་ཀྱི་གྲགས་པའི་སྤྱན་ལྟོས་སྒྲིགས་སྲོལ་ལེགས་པ་དང་། བླ་དཔོན་གྱི་འཁོར་རྒྱ་མཚོའི་དབུས་ན་ལྷ་སྲས་འབྲི་གུང་པ་རིན་ཆེན་ཕུན་ཚོགས་མཐོང་ན་མི་མཐུན་པ་མེད་པའི་ཞལ་སྐྱིན་ཅན་དེའི་ཕྱག་འབུལ་ལ་ལྷགས་པས། མཚན་ཉིད་པའི་ཧ༷་ཐུལ་ཡུལ་བུད། མི་ཕྱེད་པའི་དད་པ་གཏིང་ནས་གཡོས། སྤྱན་ཆབ་ལྷུག་པར་ཤོར།མཚན་ཉིད་པའི་རིག་ལམ་དགག་བསྒྲུབ་ཁོ་ནའི་ཨ་འཐས་སྦྲུལ་གྱི་ཤུན་པ་བཞིན་དུ་དོར། ཚེ་འདི་ཕྱི་ཀུན་གྱི་བློ་གཏད་ཞུ་སྙམ་པ་བྱུང་གསུངས། རེ་ཞིག་ན་ཐོས་བསམ་གྱི་དྲི་མེད་ཞིབ་ཏུ་གནང་། ལར་བཀའ་བརྒྱུད་པ་འདི་ལ་འཇིག་རྟེན་གྱི་དཔལ་འབྱོར་ཡོད་ཀྱང་ཆོས་ཀྱི་འཇུག་སྒོ་འགག་དམ་ཞིང་མི་ལྷོས་ལེགས་པས། སློབ་གསར་པ་རྣམས་ཅོག་གྲའི་སྒྲིགས་སྲོལ་དམ་པོར་འཇུག་པ་ལ། རྗེའི་ཞལ་ནས། ཆོས་ཁྲིམས་པར། ཨེ་ཝ༷་པའི་དགེ་བཤེས་འདི་ཡོན་ཏན་ཅན་ཞིག་འདུག །སྒྲིགས་ལམ་འཇུར་ཕེབས་ཀྱང་། རང་གི་བསགས་སྦྱངས་ཡིན་དགོངས་ནས་ཟླ་བ་གསུམ་གྱི་བར་དུ་ནན་ཏན་མཛད། འཁོར་ལོ་སྡོམ་པ་དྲིལ་བུ་ལྷ་ལྔའི་དབང་། ཕྱག་ཆེན་ལྷན་གཅིག་སྐྱེས་སྦྱོར་གྱི་ཁྲིད། བཀའ་བརྒྱུད་གསེར་འཕྲེང་དགོངས་གཅིག །ལྔ་ལྡན་གྱི་ཁྲིད་རྣམས་གསན། དམ་གཅིག་གི་གཅོད་ཡུལ་ལ་འདྲིས་པར་བྱས་ཚེ་བློས་བཏང་གི་བྱ་བཏང་ཕྱོགས་བྲལ་བ་ཞིག་བྱེད་དགོངས་ནས་སྙན་དུ་གསོལ་བ་ན། ཁྱེད་གང་དུའང་མ་འབྱོན་པར་འདི་གར་བཞུགས། གཅོད་ལའང་ངེད་འདྲིས་ཆེ་བ་ཡིན་གསུངས་ནས་ཐུགས་ཀྱི་རེ་བ་བཀང་། དཔོན་སློབ་གཉིས་ལན་མང་པོར་མདོ་སྔགས་དང་།ཁྱད་པར་གསར་རྙིང་གི་ལུགས་སོ་སོའི་དགོངས་པ་འགྲེལ་ཚུལ་དོན་ལ་རྟོན་མི་རྟོན་གྱི་འབེལ་གཏམ་དྲི་མེད་མང་པོ་མཛད་པས། གཅིག་ལ་གཅིག་ཐུགས་ཆེས། དགེ་བཤེས་ཀྱི་མིང་མ་ནོར་ཞེས་རྣམ་པ་ཀུན་ཏུ་བསྔགས་ཤིང་། བཀུར་མཐོང་ཆེན་པོས་གཟེངས་བསྟོད་ཀྱང་སྙོམས་ཆུང་ཁོ་ན་ལྷུར་ལེན། དེར་འབྲི་གུང་པའི་དགོངས་པར། འདི་འདྲ་བའི་གང་ཟག་མཁྱེན་པ་རླབས་ཆེ་ཤིང་། བྱ་བ་བཏང་བ། ཕྲལ་ཚུགས་ཁ་བཟང་བ་སོགས་གང་ལ་དཔགས་ཀྱང་ངོ་མཚར་ཆེ་སྙམ་དུ་དགོངས་པའི་ཚེ། སློབ་དཔོན་ཆེན་པོའི་ལུང་བསྟན་བྱུང་། ལན་ཅིག་ཁྱེད་མདོ་སྔགས། གང་ལ་བརྡ་བསྟན་པ་ཙམ་གྱི་ཁོང་དུ་ཆུད་པ་དང་བཅས། ཁོ་བོའི་ཞབྲུལ་སྣང་ལ་ལོ་ཆེན་བི་རོ་ཙྭ་ནས་བྱིན་གྱིས་བརླབས་པའི་གང་ཟག་གསང་སྔགས་སྔ་འགྱུར་ལ་ཆོས་ཀྱི་བག་ཆགས་ཆེ་བ་ཞིག་ཏུ་སེམས་པས། ཁྱེད་སློབ་དཔོན་པདྨ་ལ་ཨེ་དད་གསུངས། སློབ་དཔོན་པདྨ་སངས་རྒྱས་དངོས་ཀྱི་འདུ་ཤེས་བྱིས་པའི་དུས་ནས་ཡོད། གང་ཟག་ཕལ་ལ་རྟོག་པ་ཆུང་ཞིང་དེའི་སྟོབས་ཀྱི་ཆོས་གང་ལའང་འདྲིས་ཆུང་ཞུས་པས། འོ་ན་གསོལ་བ་ཐོབ་མཛོད། སྐུའི་སྣང་བ་དང་ལུང་སྟོན་པ་ཐག་ཆོད་གསུངས། ཡང་རི་སྒར་པའི་ཆོས་ཁྲིམས་མཛད་དུས་བསྟན་པ་ལ་ཕྱག་བཞེས་ཤིན་ཏུ་ཆེ་བས། ལེགས་པར་གསུང་བའི་དམ་པའི་ཆོས་འདུལ་བའི་བཅའ་ཁྲིམས་ལ་སུས་ཀྱང་འདའ་བར་མི་ནུས། ལན་གཅིག་རྗེ་འབྲི་གུང་པའི་གསུང་གིས། དགེ་བཤེས་ཀྱི་སང་ཚོགས་ཁྲོད་དུ་དགོངས་གཅིག་ལ་བཤད་པ་བྱེད་དགོས་གསུངས། སྔར་དེ་འདྲ་བའི་བཤད་སྲོལ་མི་འདུག་ཀྱང་། དགོས་པའི་སླད་ཡིན། བླ་མའི་བཀའ་ལྡོག་ཏུ་མི་རུང་སྙམ་ནས་སང་ཚོགས་དབུས་སུ་ཞབས་དྲུང་ཚོགས་དབུ་ལ་བྱོན། ཐེལ་གྱི་མཁན་སློབ་ཆོས་སྒོ་བ་དང་། རྡོར་འཛིན་སློབ་ཆུང་། ཡང་རི་སྒར་པ་དང་བཅས་པའི་ཚོགས་པ་རྒྱ་མཚོའི་དབུས་སུ། ལྔ་ལྡན་ལ་རྩ་བར་བྱས། རྡོ་རྗེའི་གསུང་བརྒྱ་ལྔ་ཅུ་པ་ཆོས་ཚོམས་སུ་བཅད། དགོངས་གཅིག་ལུགས་གསུམ་གྱི་གྲུབ་མཐའི་རྐང་བཟུང་། མདོ་སྔགས་ཀྱི་ཆོས་འཁོར་བསྟན་པ་ཡོངས་རྫོགས་ཀྱི་ཚུལ་དུ་བཤད། སྐབས་དོན་ཚོར། ས་པཎ་གྱི་བཀག་པ་རྣམས་རང་སྟོབས་ཀྱི་སྒྲུབ་བྱེད་རྣམ་པར་དག་པ་དང་བཅས་བཤད་པས་ཐམས་ཅད་སྔ་ན་མེད་པའི་ངོ་མཚར་སྐྱེས། སང་སྐུ་དྲུང་ན་བཅར་བས། དབུ་ལ་ཕྱག་གི་བྱིལ་ཞིང་། ངས་སྤྱན་སྔ་ཆོས་ཀྱི་གྲགས་པ་དང་། མངའ་རིས་པཎ་ཆེན་གྱི་ལེགས་བཤད་སློབ་མ་ཀུན་ལ་བཤད་པ་ཡིན་ཡང་། ཕལ་ཆེར་བས་དགོངས་གཅིག་འབྲི་གུང་པ་ཁོ་ནའི་ཆོས་སྐད་རང་ཚན་བར་གླེང་བ་སྐད་བྱེད། དེ་ འདྲ་བྱས་ན་དོན་གྱིས་སྟོན་པའི་བཀའ་དང་མི་མཐུན་པར་འགྲོ ཁྱེད་ཀྱི་བཤད་པ་དེས་ལྔ་ལྡན་མདོ་སྔགས་གཉིས་ཀའི་ཉམས་ལེན་གྱི་རྩ་བར་སོང་། དགོངས་གཅིག་དེའི་རྒྱན་ཆོས་པ་ལ་ས་ལུགས་པའི་ཕྱོགས་སྔ་སྤངས་པའི་དགག་བསྒྲུབ་གནས་ཐོག་ཏུ་འགྲོ་བ་བྱུང་བས་སྙིང་ཚིམ། དེ་བཞིན་རེ་ནས་ཀྱང་བྱས་པ་ཡིན། རེ་བ་ལས་ལྷག་གསུངས། འདི་ལ་ཡིག་ཆ་ཞིག་ཀྱང་མཛད་སྣང་ཏེ་ཁམས་པའི་གྲྭ་པ་ཞིག་གིས་ཟིན་བྲིས་ཁྱེར་བས་རྒྱུན་ཆད། དེར་བཀའ་བརྒྱད་ལུགས་སྲོལ་ཆེན་པོ་དགུ །བདུད་རྩིསྨན་བསྒྲུབ་གྱི་ཕྱག་བཞེས། རྙིང་མ་བཀའ་གཏེར་གྱི་གཤིན་རྗེ་རིགས་ལྔ། དགོངས་པ་ཡང་ཟབ། མཁའ་འགྲོ་སྙིང་ཏིག་བརྒྱུད་པ་གཞན་ལས་ཆེ་འཕགས་པ། བྱང་གཏེར་མཛོད་ལྔ། པད་གླིང་ཆོས་སྐོར་རྣམས་དང་། འབྲི་གུང་ཕྱོགས་ཀྱི་བཀའ་བརྒྱུད་བཀའ་འབུམ། ཀརྨ་བཀའ་བརྒྱུད་ཀྱི་བཀའ་འབུམ་ལ་སོགས་པའི་དབང་ཁྲིད་ལུང་གི་བཤད་སྦྱར་མང་པོ་གསན། ཁྱད་པར་སྔ་འགྱུར་གྱི་གྲུབ་མཐའི་གཞུང་བསྲངས་ཚུལ། ཁོ་བོའི་རྡོ་རྗེ་སློབ་དཔོན་མངའ་རིས་པཎ་ཆེན་རིན་པོ་ཆེ་དེའི་མཁྱེན་རབ་ལ་མཐའ་མེད། དེའི་བཀའ་ལས། རྙིང་མ་ལུགས་མཐུན་ཞིག་བྱེད་ན་གསང་སྔགས་སྔ་འགྱུར་རང་གི་བསྟན་པའི་བབས་ལ། བཀའ་གཏེར་ཟུང་གཅིག་ཡིན་པས། བཀའ་མ་ནི། མདོ་སྒྱུ་སེམས་གསུམ་ལ་སྔ་འགྱུར་བཀའ་བབས་ཀྱི་ཆུ་བོ་བཞིའི་སྒོ་ནས་བཤད་རྒྱུན་རྣམ་པར་དག་པ་བཞིན་བཤད་པ་ལག་ལེན་དང་བཅས་པ་བཀའ་མ་ལྟར་བྱེད་དགོས། ཆོས་ཀྱི་ཟབ་གནད་རྣམས་བརྒྱུད་པ་དང་ཆོས་ལ་སེལ་མེད་ཅིང་མཁའ་འགྲོའི་ཁ་རླངས་ཆིལ་ལེ་བདེ་གཏེར་མ་ཡིན་པས་གཏེར་ཆོས་ཚད་ལྡན་ལྟར་བྱེད་དགོས། དེ་ལྟར་བྱས་ན་རྙིང་མ་ལུགས་དང་མཐུན་པ་ཞིག་ཡོང་ཕེབས་བྱུང་བས། ཁྱེད་རང་ཡང་ཉན་འདོད་ན་ཁོ་བོས་དེ་རྣམས་ཐོས་པས་བཤད་ཆོག །བརྗེད་གསོ་ཙམ་དུའང་འགྲོ་གསུང་ནས། བསྐྱེད་པ་མ་ཧྭ་ཡོ་ག་ཏནྟྲ་བཅོ་བརྒྱད་ཀྱི་རྩ་བ་སྒ་འཕྲུལ་གསང་བ་སྙིང་པོ་ལ་འགྲེལ་པ་ཕྱོགས་བཅུ་མུན་སེལ་གྱི་ལུགས་གཙོ་བོར་བཏོན། ལུང་ཨ་ནུ་ཡ་ག་མདོ་དགོངས་པ་འདུས་པ་མདོ་འགྲེལ་ཆེན་མོའི་དགོངས་པ་དང་། རྫོགས་པ་ཆེན་པོ་ཨ་ཏི་ཡོ་ག་ཀུན་བྱེད་རྙིལ་པོ་ལ་སོགས་པའི་མན་ངག་དངོས་སྟོབས་གྱི་འགྲེལ་བས་བཀྲལ་ནས་བཤད། དེ་བཞིན་དུ་གསར་རྙིང་གཉིས་ཀའི་རྒྱུད་འབུམ། རྒྱལ་བ་ཀློང་ཆེན་པའི་ངལ་གསོ་སྐོར་གསུམ། མཛོད་བདུན། སྙིང་ཏིག་ཡ་བཞི། ཟབ་མོ་ཡང་ཏིག །རྒྱུད་བཅུ་བདུན།བི་མ་ལའི་ཉིསྐ་དང་བཅས་པ། མན་ངག་བརྒྱ་བཅུ་དགུ་རྣམས་གསན། ཁྱད་པར་དཔེ་ཁང་དུ་ཆེད་ཀྱི་བཞུགས་ནས་སོ་སོའི་ཡིག་ཆ་ལ་བསམ་བྱུང་གི་ཤེས་རབ་རྣམ་པར་དག་པས་དཔྱད་པ་ན། ཆོས་ཀྱི་ཟབ་གནས་རྣམས་རྙིང་མ་ཁོ་ན་ལ་སྣང་ཞིང་། ཁྱད་པར་སྙིང་ཏིག་ལ་ཡོད་པར་ངེས་ཤེས་གཏིང་ནས་འདྲོངས། དཔོན་སློབ་གཉིས་ཀ་བསྟན་པ་ཡོངས་རྫོགས་ཀྱི་བཤེས་གཉེན་ཆེན་པོར་གྱུར་པས་མདོ་ཕྱོགས་དང་གསར་མའི་མཁས་པ་རྣམས་ཀྱི་ཡིག་ཆ་གང་ལེགས་ཀྱི་དཔྱད་པ་ལ་ཞུགས་པ་ན། སངས་རྒྱས་ཀྱི་བསྟན་པའི་སྙིང་པོ་རྡོ་རྗེའི་ཐེག་པ་དང་མཐུན་པའི་ཆོས་འཁོར་ནི་འཁོར་ལོ་གསུམ་པ་ཡིན། དེར་རྒྱུའི་རྒྱུད་བདེ་བར་གཤེགས་པའི་སྙིང་པོར་གྲགས་པ་དེ་གསལ་པོར་བསྟན། དགོངས་པ་དེ་འབྲེལ་བ་ལ། རྗེ་རང་བྱུང་རྡོ་རྗེ། ཀརྨ་པ་ཆོས་གྲགས་རྒྱ་མཚོ། སྤྱན་སྔ་ཆོས་ཀྱི་གྲགས་པ། ཀུན་མཁྱེན་ཀློང་ཆེན་པ་རྣམས་ཤིན་ཏུ་མཁས་ཤིང་མཐུན་པས་དེ་ཁོ་ནའི་གྲུབ་མཐའི་ལ་ཡིད་བརྟན་པར་གྱིས་ཤིག་གསུངས། ཀུན་མཁྱེན་བླ་མ་འདི་ཉིད་པཎ་ཆེན་གསེར་མདོག་ཅན་པའི་གྲུབ་མཐའ་ལ་མཆོག་ཏུ་འདྲིས་ཤིང་ངེས་པའི་ཤེས་པ་བརྟན་པས་སྐབས་འདིར་དཔྱད་པ་ཞུགས་པ་ན། ཀུན་མཁྱེན་ངག་གི་དབང་པོ་ཤཱཀ་མཆོག་པ་གཉིས་གྲུབ་མཐའི་ངོས་འཛིན་སྙིང་པོ་གཅིག་ཏུ་མཐུས་པ་ལ་ངེས་པ་གཏིང་ནས་འདྲོངས་པ་ཡིན་གསུངས། དོན་གྱིའང་དེ་ལྟར་ཡིན་པའི་འཐད་པ་ནི། ཀུན་མཁྱེན་ཆེན་པོས་རྫོགས་པ་ཆེན་པོའི་ལྟ་བའི་མཐར་ཐུག་དབུ་མ་ཐལ་འགྱུར་བ་དང་མཚུངས་པར་ཞལ་གྱིས་བཞེས་པ་ཡིན། སེམས་ཕྱོགས་ཀྱི་ལྟ་བ་ཁས་ལེན་དང་བྲལ་བ་ལ་སོགས་ཆོས་བཞི་པོ་འདི་གསེར་མདོག་ཅན་པས་ཇི་བཞིན་པར་མཁས་ལེན་ཏེ། ཇི་སྐད་དུ། དེང་སང་གངས་ཅན་ན་ལུགས་དེ་ཐོས་ན་སྙིང་འགས་ནས་སྲོག་འདོར་བར་བྱེད་པ་དག་མང་ན། དེ་དག་དང་དགག་བསྒྲུབ་ཀྱི་བགྱི་བ་གཟེངས་བསྟོད་ནས་ལྷུར་ལེན་པ་མཛོད་ཅིག ཁོ་བོ་ཅག་ནི་ཆོས་བཞི་པོ་དེ་ལྟར་དུ་མཁས་ལེན་པ་ལ་སྔོན་ཉིད་ནས་སྤོབས་པར་གྱུར་ཏོ། །དེ་ཡང་ལྟ་སྒོམ་སྤྱོད་འབྲས་གསུམ་པོ་དེ་ནི་གླུ་སྒྲུབ་དང་ཐོགས་མེད་གཉིས་ཀའི་ཤིང་རྟའི་སྲོལ་མཐར་ཐུག་མཐུན། ཞེས་དང་། དེ་བཞིན་དུ་ཚིག་གིས་བརྗོད་པ་ཙམ་དུ་རང་རང་གི་གྲུབ་པའི་མཐའ་ལ་ལྟ་བ་མཆོག་འཛིན་གྱི་མངོན་རློམ་སྒོམ་པ་ཙམ་ལས། དོན་དེ་དག་གང་ཡང་མི་འདོད་ཁའི་ལྟ་པ་ཡ་མ་ཟུང་གསར་བྱུང་བག་ཡངས་སུ་སྨྲ་བ་དག་གིས་འདོད་པའི་གཏིང་དཔྱིས་ཕྱིན་པ་དགོངས་ནས་འདི་སྐད་དུ། དེང་སང་གངས་ཅན་གྱི་ཀློག་པ་བ་དག་ནི། གསར་མ། ལས་ཀྱང་ཆེ་གསར་མར་གྱུར་བའི་གྲུབ་པ་མཐའ་དག་གློ་བ་ལ་ཞེན་ཅིང་བྱང་བར་བྱས་ནས། ཚིག་གི་བརྗོད་པ་ལ་ཁོ་བོ་ཅག་ནི་རྫོགས་པ་ཆེན་པོའམ། ཕྱག་རྒྱ་པའམ། བཀའ་གདམས་པ་འམ། ས་སྐྱ་པ་ཡིན་ནོ་ཞེས་སྨྲ་བ་དག་མང་བའི་ཕྱིར་རོ། །ཞེས་གསུངས་པས་སོ། །དེ་ནས་སྐྱེས་བུ་དམ་པ་འདི་ཁ་ཆེའི་པརྙི་ཏ་ཤཱཀྱ་ཤིས། བོད་བཙུན་རྣམས་ཀྱི་འདུལ་བ་ནས་བཤད་པའི་རབ་ཏུ་བྱུང་དེ་མི་འོང་བར་འདུག །རྗེས་བཙུན་མི་ལ་དེས་རྟགས་དང་ཆོ་ག་བྱས་ན་རབ་ཏུ་བྱུང་བ་མཚན་ཉིད་པ་ཞིག་འོང་བ་འདུག་གསུངས་པ་དེས་ཐུགས་དྲངས། གྲུབ་པའི་མཚན་མ་ཞིག་མ་རྙེད་བར་ལ། འཇིག་རྟེན་ཆོས་བརྒྱད་ལ་དོར། གང་དབེན་གྱི་གཉན་ཁྲོད་དུ་སྦྱངས་པའི་ཡོན་ཏན་བཅུ་གཉིས་ལ་གནས་བཞིན་པས་མཆོག་གི་དངོས་གྲུབ་བསྒྲུབ་པར་དགོངས། ཆོས་གོས་གསུམ་དང་། ལྷུང་བཟེད། ཞལ་སྐྱོགས་ཙམ་ལས་ཡོ་བྱས་ཅི་ཡང་མ་བཟུང་། འཚོ་བ་བསོད་སྙོམས་ཀྱང་གཡེང་བའི་རྒྱུར་དགོངས་ནས། གདམས་པ་གང་གི་མནོག་ཆོས་སུ་མཛད་ནས་ལོ་གསུམ་འདིའི་རིང་སྟན་ཐོག་གཅིག་ཏུ་བསྒྲུབ་པས། མངོན་རྟགས་བསམ་གྱི་མི་ཁྱབ་པ་ཤར། ཏིང་འཛིན་གྱི་སྒོ་མཐའ་ཡས་པ་བརྙེས། དེ་ནས་དགོན་གནས་ཀྱི་བཀའ་བཀོད་ཇི་ལྟ་བུ་ཕེབས་ཀྱང་། རྣམ་གཡེང་གི་དབང་དུ་གྱུར་དོགས་ནས་རང་རང་སར་དགོངས་པ་སེང་ནས་གནས་གང་དབེན་དང་། དབེན་པ་འབའ་ཞིག་དུ་ལོ་བརྒྱད་བཞུགས། དེའི་ཚེ་འདི་ལྟ་བུའི་གང་ཟག་འཐོན་པོ་ལ་ཞུགས་པ་དག་ནི་ཆོས་ཀྱི་གཏེར་ལ་ལོངས་སྤྱོད་པ་མདོ་སྡེ་ཟབ་མོའི་དགོངས་པ་ཡིན་པས་དགུང་ལོ་སུམ་ཅུ་པའི་ཚེ། མཁའ་འགྲོ་མ་མོན་མིའི་ཆ་ལུགས་ཅན་ཞིག་གིས། ཁྱོད་ཀྱི་བསླབ་པས་བཅིངས་པའི་བྱ་བཏང་འདི་ཉམས་རེ་དགའ། འདི་འཐུང་དང་ཟེར་ནས་ཆང་བསེ་ཕོར་གང་བྱིན། རྟེན་འབྲེལ་དེ་ལས་མེ་མོ་ལུག་གི་ལོའི་ཆུ་སྟོད་ཟླ་བའི་ཚེས་བཅུའི་ཉིན་འོད་དཀར་པོ་ཞིག་གིས་རྐྱེན་ལས་ཐིག་ལེ་ཆེན་པོའི་དབུས་སུ་སློབ་དཔོན་ཆེན་པོ་པདྨ་རྒྱལ་པོའི་ཆ་ལུགས་སུ་ཞལ་གཟིགས། རྗེས་སུ་གདམས་པའ་གསུང་གི་དབུགས་དབྱུང་བས་གྲོག་རི་རིན་ཆེན་སྤུངས་པ་ནས་པདྨའི་ཞལ་གདམས་གྲོལ་ཞིང་དགོངས་པ་རང་གྲོལ་གྱིགཏེར་།ག་ཛསྤུའི་ཆུ་བོའི་ཤིང་ཤུན་ཁ་དོག་ལྗང་སྐྱ་མཚོན་གྱི་མི་བཤིགས་པ་ཁ་ཤད་དང་། སྐུ་གསུང་ཐུགས་རྟེན་གྱི་མཚོན་པའི་ཟབ་གཏེར་རྒྱ་མཚོ་ལ་མངའ་དབང་བསྒྱུར། ཁྱད་པར་ལྷ་སའི་གཏེར་འབྱིན་པ་ལ་དགོངས་པ་ཞུས་པས། འབྲི་གུང་པའི་སློབ་མ་བླ་མ་གཙང་ནས་དང་བཅས་གྲགས་སུ་རྫོང་དར་གནང་། ལྷ་སའི་སྐུ་གཉེར་གྱི་རྙིང་མ་པས་གཏེར་བཏོན་ཡོངས་ཞེས་ཟོན་བག་བྱས་ཀྱང་ཐུགས་དམ་གསོལ་འདེབས་ཚུགས་པའི་མོད་ལ་སྐུ་གཉེར་རྣམས་ར་རོ་ཐ་མའི་གནས་སུ་སོང་། ནོར་བུ་སྟག་ཤ་དྷི་བ། བསམ་ཡས་ཀྱི་མེའི་གནོད་པ་བསྲུང་བའི་དུག་་།ག་གསུམ། དེ་བཞིན་གཤེགས་པའི་རིང་སྲེལ། མཚོ་རྒྱལ་གྱི་ཚེམས། ལོ་རྒྱུས་་།ག་སེར། མྱོང་གྲོལ་ཨ་རྒྱ་ཅན། སྣོད་པདྨ་རྭ་གའི་དཔྱད་པ་རྣམས་དང་། ཁྱད་པར་བདུད་རྩི་འཁྱིལ་བའི་ཁུག་ནས་ཆོས་རྒྱལ་གྱི་སྐུ་འདོན་པར་བརྩམས་པ་ན་གཏེར་བདག་མིང་པོ་ཀླུ་རྗེ་ཆུ་སྲིན་གྱི་མགོ་ཅན་ས་འོག་ནས་མངོན་སུམ་དུ་ཐོན། གཉེན་པོའི་རྡོ་རྗེ་ཡོད་པ་མགོ་ཐོག་ཏུ་བཞག་ནས། སློབ་དཔོན་གྱི་དམ་ཚིག་རྗེས་སུ་དྲན་པར་གྱིས་ཤིག །གསུངས་པས་རང་སར་ཐིམ། དེའི་འཇིགས་ཟིལ་གྱི་གཉིད་དུ་གཡུར་བ་རྣམས་སྐད་་།ར། བླ་མ་གཙང་གནས་ཀྱི་དངོས་སུ་མཐོང་། བསྟན་སྐྱོང་མ་ཤིན་ཏུ་འགོ་བས་ལམ་དུ་དྲིའི་སྐད་དང་ཐུག་ཆོམ་ཡང་ཡང་བྱུང་། དེར་འབྲི་གུང་རིན་པོ་ཆེ་ཡང་དབུ་སྐྲ་བསིལ་ཏེ་སྤྱན་འདྲེན་ལ་ཕེབས། ན་བཟའ་ཕྱག་བྲིས་མ་འདོད་གསོལ་ཅན་དེཕུལ། ་།གསེརརྣམས་དཔོན་སློབ་ལྷན་ཅིག་པས་ཕབ་པ་སོགས། འདི་ལྟ་བུའི་གཏེར་གྱི་རྣམས་གྲངས་དང་། ངེས་ཤེས་འདྲོངས་པ་གཞན་དུ་མ་གྱུར་པ་ལྟ་བུ་ཡིན་སྟེ་གཏེར་བྱུང་ལོ་རྒྱུས་ཀྱི་ཤེས་སོ། །དེ་ནས་ཟིངས་པ་སྟ་མགོར་གཏེར་བསྒྲུབ་ལ་བཞུགས་པའི་ཚ། ནུབ་གཅིག་སྣང་བ་ཐམས་ཅད་སྐྱ་ཏལ་ལེ་བའི་ངང་། བུད་མེད་གཅིག་ན་རེ། དོ་ནུབ་སློབ་དཔོན་ཆེན་པོ་ཚེས་བཅུ་གནང་གི་ཡོད། ཁྱོད་རང་ཆང་འདི་འཐུང་། ཤ་འདི་ནལ་བྱིའི་དུར་ཁྲོད་ན་བྲམ་ཟེ་སྐྱེ་བ་བདུན་པའི་ཤ་འདུག་པས་ཚོགས་ཤར་བླངས་པ་ཡིན་གསོལ་དང་ནུས་པ་ཚད་མེད། ནམ་མཁའ་ལ་འཕུར་ཡང་ཐུབ་ཟེར། ཆང་དེ་འཐུངས། ཤ་དེ་དམར་ཙར་རེ་འདུག་པས་ཡིད་ཁྲི་གསེབ་གཅིག་གིས་ངང་ནས་ཟོས་པས། དེ་ན་རེ། ཁྱེད་རྣལ་འབྱོར་པ་འདྲ་པོ་མིན། ད་སྟེ་སློབ་དཔོན་མཇལ་སུ་འདོང་ཟེར་བའི་མོད་ལ་ཤའི་ནུས་པས་ནམ་མཁའི་ལམ་ལ་གྱ་གྱུར་ཁྲིད་ནས་ཟངས་མདོག་དཔལ་རིའི་བཀོད་པ་སྲིན་པོའི་ཡུལ་གླིང་དང་བཅས་པ་ངོ་མཚར་ཅན་གཟིགས། སློབ་དཔོན་ཡབ་ཡུམ་གུ་རུ་བདེ་བ་ཆེན་པོའི་རྣམ་པས་དབང་བསྐུར། རྗེས་སུ་གདམས། ཞལ་གདམས་དང་བསླབ་བྱ་མཛད། ཟླ་བ་གཅིག་གི་ཡུལ་དུ་བཞུགས་པའི་སྣང་བ་བྱུང་། ད་སྟེ་སྔོན་གྱི་སྨོན་ལམ་གྱི་དབང་ལས་བོད་ཡུལ་གྱི་གདུལ་བྱ་རྣམས་དྲན་པར་གྱིས་ཞེས་མཁའ་འགྲོ་མ་རྣམས་ཀྱི་བསྐུལ་བས། རྨི་ལམ་སད་པ་བཞིན་སོང་། སྔར་ཐོས་བསམ་གྱི་དཔྱད་པ་གཞི་བྱས་པའི་གོ་མྱོང་རྟོགས་པའི་ཐོག་ཏུ་འབྱོར་བས་བསྟོད་པ་སྙན་པའི་སྒྲ་དབྱངས་ལྷའི་རོལ་མོར་གྲགས་པ་འདི་མཛད།དེ་ནས་བྱ་བ་ལས་ཀྱི་འཕོར་ལོ་ལ་ཞུགས་སྟེ། རྗེ་འདི་པ་སྙིང་པོའི་སྒྲུབ་པ་འབའ་ཞིག་ཐུགས་ལ་གཏད་ནའང་། ཀུན་མཁྱེན་ཆེན་པོའི་རོང་ལུགས་ཟིངས་པ་སྟག་མགོའི་བླ་མར་དམ་ཚིག་ལ་བཀར་ནས་བསྐོ་བཞག་གནང་བས། དེར་ཆོས་ཀྱི་ཆར་ཕབ། རེ་ཞིག་ན་སྒར་མངས་བསམ་ཡས་སུ་ཕྱག་ཕེབས་པ་ལས་ཕྲེང་པོར་དགོངས་འདུས་ཀྱི་ཆོས་བདག་ཉི་མ་རྒྱལ་མཚན་ལས་དཔོན་སློབ་གཉིས་ཀས་དགོངས་འདུས་དང་།གཏེར་ཕྲན་པོ་བཅུ་གཉིས་ཙམ་གསན་ཕྲེང་པོ་བས་ནན་གྱི་ཞུས་པའི་ངོར་བསམ་ཡས་དང་ཕྲེང་པོ་གཉིས་ཀར་རྒྱལ་ཚབ་ཏུ་མངའ་གསོལ། བར་སྐབས་ནས་ཁྲ་འབྲུག་གི་ཇོ་མོ་སྒྲོལ་མ་ལ་བུད་མེད་ཀྱི་རྒྱན་གསོལ་པས་རབ་གནས་ཉམས་སླར་བསྐྱར་བར་པྲཙྭའི་ཞབས་ཆེད་དུ་སྩལ་ཡང་སྡེ་སྲིད་ཀྱིས་བཀག །དེས་རྟེན་འབྲེལ་ལོག་ཏེ་སློབ་དཔོན་ནང་གཤེགས་པའི་ཆིངས་ལ་འབྲི་གུང་པས་གཤེགས་དུས་འཕྱོང་རྒྱས་ཞབས་དྲུང་ཧོར་བསོད་པའང་དད་པ་ཤིན་ཏུ་ཐོབ། རྗེ་འབྲི་གུང་པས་དམ་པ་འདིའི་བསྔགས་པ་བརྗོད་དེ་མཆོད་ཡོན་གྱི་ལུང་བསྟན་དཔག་པར་དཀའ་བའི་ཡོན་ཏན་གྱི་བློ་ཕྲོགས་ནས་དཀར་པོ་བ་བསྟན་འཛིན་ནོར་བུའང་སློབ་མར་གྱུར། དེ་ཉིད་རིང་པོ་མ་ལོན་པ་གཤེགས་སྐབས། བསམ་ཡས་གཙུག་ལག་ཁང་སྡེ་དང་བཅས་པ་རྗེ་བཙུན་འདི་ལ་གཉེར་དུ་གཏད་པས། ལོ་གསུམ་གྱི་བར་གཙུག་ལག་ཁང་གི་ཞབས་ཏོག །བར་སྐོར་ཞིག་གསོས།༄༅ འབྲས་པའི་གྲུ་ཤན་གསོ་བ་དང་། དཀར་མེའི་འདུ་འགོད་ལ་སོགས་པའང་བདག་གི་བཞེས། ཆོས་རྗེ་མངའ་བདག་སྐུ་མཆེད་སོགས་འདུས་པ་ཕྱེད་གཉིས་བརྒྱ་ཙམ་ལ་ལྷན་ཅིག་སྐྱེས་སྦྱོར་གྱི་ཁྲིད་དང་།རྒྱབ་ཆོས་སུ་མདོ་འཛངས་བླུན། དགོངས་པ་ངེས་འགྲེལ་སོགས་སྩལ། མཆོག་ལྡན་མགོན་པོའི་སྲས་རྒྱལ་སྲས་བསྟན་པའི་འབྱུང་གནས། མེ་ལོང་རྡོ་རྗེའི་གདུང་བརྒྱུད། མདོ་སྔགས་གླིང་པ། ཁྱད་པར་དུ་གསང་ཕུའི་ཆོས་རྗེ་སྟོན་ཚག་པ་ཞེས་དུས་དེ་ཙ་ན་དགེ་བའི་བཤེས་གཉེན་རིག་པ་ཆེ་བར་གྲགས་པ་དེ་རྣམས་ལ་གྲོལ་ཐིག་གི་ཆོས་འཁོར་བསྐོར་བས། དམ་པ་འདི་སྔོན་འགྲོའི་སྐབས་སུ་མདོའི་བཤད་པ། དངོས་གཞིའི་སྐབས་སུ་རྒྱུད་སྡེའི་བཤད་པ། ཁྱད་པར་གཏེར་ཆོས་འདི་གའི་རང་སྐད་རྒྱུད་སྡེ་ཆེན་པོའི་གྲུབ་པའི་མཐའ་ལ་གནས་པ་དེའི་གོ་དོན་བསླངས་ནས་བཤད་པས། སྟོན་ཚག་པ་ཆེན་པོ་ན་རེ། ད་ལྟ་མདོ་སྔགས་ལ་ཁོ་བོས་ལས་སྦྱངས་སྟོབས་ཆེ་བ་མེད་སྙམ་པ་ཡིན་ཏེ། སྐྱེ་བ་བརྒྱུད་ནས་སྦྱངས་པ་དང་མི་འདྲ་བ་འདུག །རྗེ་བཙུན་དམ་པ་པྲཙྭ་རསྨི་ཁམ་རང་ཆེ་གསུངས། དེ་ཕྱིན་ནས་ཏིང་ངེ་འཛིན་ཁོ་ན་ལ་དྲིལ། དེའི་སྙན་པས་ས་སྐྱ་བདག་པོ་མ་ཆེན་པས་ཀྱང་འཆི་མེད་སྐུ་གསུམ་འདུས་པའི་སྐོར་གསན་ཞིང་ཐུགས་ཡིད་འདྲེས། དེ་བཞིན་དུ་བྱ་རྒོད་གཤོགས་སུ་སྡེ་འཁྲུགས་ཆེན་པོ་ སུས་ཀྱང་མི་འདུམས་པ་བྱུང་པའང་བླང་དོར་སྟོན་པའི་ལུང་བསྟན་གྱིས་ཞི་བས་པཎ་ཆེན་འབུམ་ཕྲག་གསུམ་པའི་སྤྲུལ་པའི་སྐུར་ཡིད་ཆེས། རྩེ་གདོངས་པ་སྐུ་མཆེད་རྣམས་ཀྱིས་ཀྱང་དབང་ཆོས་མང་དུ་གསན། དེ་ནས་རྗེ་འབྲི་གུང་པ་ཟས་ངན་གྱི་སྦྱོར་བས་སྨུན་པ་ན། དམ་པ་འདི་ལ་ཐུགས་ཤིན་ཏུ་རྩེ་བས་ཞལ་གདམས་མང་དུ་གནང་དེ་སྐུ་ལ་སྙེ་ཐབས་ཀྱི་ངང་ནས་ཞིང་ཁམས་འཕོས། ཕྱིས་འབྲི་གུང་ཕྱོགས་ཀྱི་གདུང་བརྒྱུད་ནས་གཙོས་བུ་ཆེན་ཐམས་ཅད་འདིར་འདུས། དགོངས་པ་ཡང་ཟབ་མིང་ཙམ་དུ་འགྲོ་ཉེའི་སྲོག་འཐུད། ཐུབ་བསྟན་རྡོ་རྗེ་བྲག་ཏུ་ལོ་གསུམ་གྱི་བཅད་རྒྱར་བཞུགས་དུས། སློབ་དཔོན་ཆེན་པོ་པདྨ་རྒྱལ་པོའི་ཆ་ལུགས་སེདྷི་ལ་བཅིབས་པ་ཞིག་ཞལ་གཟིགས་དེང་སང་འདི་ན་ལྟ་བ་མ་འཁྲུལ་བའི་ཁྱད་པར་འབྱེད་ཤེས་པ་ཁྱོད་ལས་མེད་པས་དེའི་གནས་གསལ་བར་སྟོན་ཅིག་གསུངས་པས་བདེན་གཉིས་གསལ་སྒྲོན་ཞེས་ཚིག་ཉུང་ལ་དོན་ཆེ་བར་དེ་མཛད། འབྲི་གུང་པའི་དགོངས་རྫོགས་སུ་མདོ་སྔགས་ཀྱི་སྨོན་ལམ་ཞེས་བསྟན་པ་ཐམས་ཅད་མ་འདྲེས་ཡོངས་སུ་རྫོགས་པའི་གསུང་རབ་ཚིག་དོན་བཟང་པོ་དེའང་མཛད། སླར་ཞབས་དྲུང་ཧོར་བསོད་ནམས་དར་རྒྱས་གྱི་འབྱོངས་རྒྱས་སུ་སྤྱན་དྲངས། ཕ་དང་བུ་ཕྲད་པ་ལྟ་བུའི་དགྱེས་པ་ཆེན་པོས་ཏི་ཤིར་བསྐུར། གྲོལ་ཏིག་ལ་སོགས་ཏེ་ཟབ་མོའི་གདམས་པས་རྗེས་སུ་བཟུང་། མི་འགྱུར་ཀུན་དགའ་དཔལ་བཟང་དང་། སྤྲུལ་སྐུ་ཟླ་བ། ཞིག་པོ་གར་གྱི་དབང་ཕྱུག་སོགས་དང་ཡང་ཐུགས་ཡིད་གཅིག་ཏུ་འདྲེས་ཤིང་ཆོས་ཀྱི་སྐྱེས་རྒྱ་ཆེན་པོས་ཕན་ཚུན་ངོམས་རེས་མཛད། བྱང་བདག་པོ་བཀྲ་ཤིས་སྟོབས་རྒྱལ་དང་ཡང་མཇལ་བས་ཐུགས་ཤིན་ཏུ་ཆེས། རེ་ཞིག་ན་ཕྲེང་པོར་སྐུ་སྙུང་བ་ཞིག་བྱུང་བས་རྐྱེན་བྱས། ཤརྙ་པུ་རིའི་ཞིང་ཁམས་ཕྱི་མཆོད་རྟེན་ལ་ནང་གཞལ་མེད་ཁང་། མཁའ་འགྲོའི་གྲོང་ཁྱེར་འབུམ་ཚོ་གསུམ་གྱིས་བསྐོར། གཞལ་ཡས་ཁང་གི་ཁྲི་འཕང་འཐོན་པོ་ལ་དཔལ་བོ་ཆེན་པོ་ཐོད་པའི་དུམ་བུ་རྩལ་ན་ཚོད་བཅོ་ལྔ་པ། སྐུ་མདོག་སྔོ་སངས་ཤངས་ཞུར་དཀར་པོ། དར་རིན་པོ་ཆེ་བརྒྱན་པ། དཔའ་བོ་དང་། མཁའ་འགྲོ་དང་། རབ་བྱུང་དང་། བྱང་ཆུབ་སེམས་དཔའི་ཚོགས་དཔག་ཏུ་མེད་པའི་མཁོར་ལ་ཐེག་པ་སྣ་ཚོགས་ཀྱི་ཆོས་འཁར་བསྐོར་བ་གཅིག་གཟིགས་ཤིང་། མ་འོངས་པ་ན་དམ་པ་ཉིད་དེའི་ཐུགས་ཀར་སྤྲུལ་པ་བསྡུ་བ་ལུང་བསྟན་ཐོབ། དེས་སྐྱེ་བའི་མཐའ་ཡང་ཆོད། སྐྱེ་བ་སྔ་ཕྱིའི་གདུལ་བྱའི་གོ་མཐུད་ཆོག་པ་བྱུང་གསུངས། ཀརྨ་པ་དབང་ཕྱུག་རྡོ་རྗེ་ཕྲེང་པོར་ཕེབས་པ་དང་མཇལ་དག་སྣང་མཐའ་ཡས་པ་གཟིགས། འབེལ་གཏམ་མཛད་པས་ཐུགས་ལྷག་པར་ཆེ། དགེ་བཤེས་རིན་པོ་ཆེ་དེ་མཁྱེན་རབ་བསམ་གྱི་མི་ཁྱབ་ཟེར་བ་དེ་བདེན་པར་འདུག་ཞེས་འཕྲོས་དོན་ལའང་བསྔགས་པ་མཛད། སྤྲུལ་པའི་སྐུ་དཀོན་མཆོག་ཡན་ལག་དང་མཇལ་དུས། དྲུང་རམ་རྫ་མོན་པས་གསར་རྙིང་གི་རྒྱུད་ལ་དོགས་གླེང་མང་པོ་མཛད་པ་ལ། ལན་གབ་ལ་དབྱིངས་ཆེ་བ་འབའ་ཞིག་གི་རྒྱས་བཏབ་པས། ཇ་གྲལ་གྲོལ་ནས་ཞབས་དྲུང་སྤྲུལ་པའི་སྐུའི་གསུང་ནས་དྲུང་རམ་པར། གང་ཟག་ཁྱད་པར་ཅན་དེ་ལ་སོ་སོར་སྐྱེ་བོས་རྒོལ་བ་བྱས་ན་ལྡོན་པ་མི་ནུས་པ་དེ་འདྲ་འོང་ཞེས་གསུང་སྐད། འབྲུག་པ་རིན་པོ་ཆེ་ཆོས་ཀྱི་སྤྱན་ལྡན་པདྨ་དཀར་པོ་དང་སྔ་ཕྱིར་མཇལ། ས་པན་གྱི་དགོངས་གཏད་དབུ་མ་རང་རྒྱུད་པར་འདུག་པ་དང་། དགེ་འདུན་པའི་སྒྱུ་ལུས་ཕྱི་ལྡང་ནང་ལྡང་སོགས་ཀྱི་འབེལ་གཏམ་ཞི་བ་རྒྱས་སུ་གནང་། ཐུགས་ཡིད་གཅིག་ཏུ་འདྲེས། ལན་ཅིག་སྤྲུལ་པའི་སྐུ་ཁྱེད་ལྟ་བུ་རྟོག་གེའི་ཆོས་ལ་དགྱེས་པ་མི་འགབ། ད་སྟེང་སྙིང་པོའི་ཆོས་ཀྱི་འཕེལ་རྒྱ་ཁོ་ན་ལ་དགོངས་པ་གཏོད་དགོས་ཚུལ་ཞུས་པས་ཐུགས་ལ་ཤིན་ཏུ་བཞུགས། གྲོལ་ཐིག་གིས་ཆོས་ཀྱི་བདག་པོར་གྱུར་ཞིང་ཆོས་སྐོར་ཕལ་ཆེར་གསན་པ་ཡིན། འབྲུག་པ་རིན་པོ་ཆེ་ཉིད་ཀྱི་རྣམ་ཐར་དུའང་། ཕྲེང་པོ་ནས་གཏེར་སྟོན་དགེ་བཤེས་རིན་པོ་ཆེ་དང་མཇལ། ཐུགས་ཁ་ཤིན་ཏུ་ཉེ་ཆས་བྱུང་། ཕྱི་རེས་ཤིག་གང་གི་སློབ་མ་རིན་པོ་ཆེ་ལྷ་རྩེ་པ་ལ་ལྔ་ལྡན་གྱི་ཁྲིད་སྩལ། ཚེ་རིང་ཕོ་བྲང་དང་སྡིག་སྟེངས་རྣམས་སུ། འཕྱོང་རྒྱས་ཞབས་དྲུང་། བདེ་ཆེན་གླིང་པ། སྤྲུལ་སྐུ་མདོ་སྔགས། རྒྱལ་སྲས་རིན་པོ་ཆེ་རྣམས་ལ་གྲོལ་ཐེག་དང་། མཁའ་འགྲོ་སྙིང་ཏིག །དགོངས་པ་ཡང་ཟབ་རྣམས་ཀྱི་བཤད་སྒྲུབ་མཛད། གྲོལ་དབང་ལ་མི་སྟོང་ཕྲག་བདུན་བདུན་ཚོགས་པ་ཤ་སྟག་དང་། མེ་ཏོག་གི་ཆར་འཇའ་འོད་ལ་སོགས་པའང་བྱུང་། མདོ་ཁར་དུ་སྡེ་པ་སྐྱ་རྒྱལ་བས་འདད་ཀྱི་གྲལ་དབུར་གདན་དྲངས། རཏྣའི་གདུང་རྒྱུད་ཆོས་རྗེ་ནོར་བུ་པ་ཞལ་ངོ་། ལས་འཕྲོ་གླིང་པའི་སྐུ་སྐྱེས། ལྷོ་མོན་གྱི་མི་ཁྲི་ཚོ་གསུམ་ཙམ་ལ་ཆོས་དང་དམ་རྫས་ཀྱི་འབྲེལ་བ་དང་སངས་རྒྱས་ཀྱི་མཚན་སྒྲོག་པ་སོགས་ཀྱི་འགྲོ་དོན་མཛད། གནས་དེར་དགོན་པ་འདེབས་པར་ཞུས་པ་ཞལ་གྱི་མ་བཞེས་། འེཕྱོང་རྒྱས་སུ་དབུས་དྭགས་ཀྱི་དམག་ཚན་པོ་ཆེས་རྒོལ་བར་ལྷགས་པ། གཤིན་རྗེ་ནག་པོ་སུམ་སྒྲིལ་གྱི་དམག་བཟློག་དང་བསམ་ཡས་དཔོན་བློན་བྲན་དུ་བཀོལ་ནས་བཟློག་པ་མཛད། སྡེ་པ་ཡར་རྒྱབ་ནས་སྐུ་འབྲིང་བ་ཉིད་ལོ་ཆེན་བི་རོས་དུས་ཀྱི་ཚ་རོང་རྒྱལ་མོའི་སྐྱེ་བ་ཡིན་པས་མཆོད་ཡོན་དུ་འབྲེལ་ཞིང་། དབང་ཁྲིད་གདམས་པ་རྗེས་སུ་བཟུང་། མི་ཆེན་གྱི་སྤྱིན་བདག་གཅིག་ལ་ཐུགས་ནང་གཙང་། སྤང་ཆུང་དགོན་གསར་མ་ལག་དང་བཅས་པའང་ཕུལ་། འདི་དུས་སྒྲོམ་གྲུབ་ཀྱིས་ཕྱོགས་ཕུལ་ནས་དར་རྒྱས་ཆོས་སྡིངས་པ་ལ་བཀའ་སྐྱོན་ཕོག །དགོན་གནས་དམ་པ་འདི་ལ་ཐ་ཚིག་ཏུ་བཀར་ནས་ཕུལ་ནའང་གཞན་ལ་གནོད་པ་རྨི་ལམ་ཙམ་དུའང་ཐུགས་ལ་མི་དགོངས་ཤིང་། རང་དབང་དཔལ་གྱིས་ཆོག་ཤེས་ལ་མཉེས་པས། སྤྲུལ་སྐུ་གསུང་སྤྲུལ་རང་ལ་འཇགས་པ་དགོས་ཞེས་ནན་ཞུ་མཛད་པས་དེ་དག་ཀྱང་དྲིན་དུ་གཟོ་ཞིང་དད་པས་ཡར་བྱོན་ལྷ་ཁང་དུ་འབུལ་བ་དང་བཅས་མཇལ་དུ་བྱོན།བཀའ་འདྲིན་ཟླ་མེད་པར་བརྩི། སྣེའུ་གདོང་གོང་མ། མཁར་ཐོག ཁྲོ་བོ་མཁར། བཀྲ་ཤིས་རྩེ། དཔལ་གྲོང་སོགས་སུའང་གདན་དྲངས་ཞིང་བསྙེན་བཀུར། ཆོས་རྗེ་སྣང་གསལ་སྒང་པ་དང་། མདོ་ཁམས། གོ་འཇོ།ཀ་ཐོག །ཉག་རེ། ཅོང་ཞི། རྒྱལ་རོང་སོགས་ནས་བྱོན་པའི་བླ་མ་རྣམས་སོ་སོར་སྨིན་གྲོལ་གྱི་གདམས་པས་ཚིམ་པར་མཛད། ལར་སྐྱེས་བུ་ཆེན་པོ་འདི་དབེན་པ་འབའ་ཞིག་ལ་མཉེས་པས་གང་དུ་ཡུན་རིང་བ་ཙམ་གཏན་ཆགས་པ་དེ་དག་དེར་ཡང་སྐུ་མཚམས་གཙོ་བོར་འདོན། རྣམ་པ་ཀུན་ཏུ་སྔ་དགོངས་ཀྱི་ཐུགས་དམ་ལ་ཆེ་གཉན་དང་ཐུགས་བྲེལ་ཅི་ལྟ་བུས་ཀྱང་གསེང་མི་ནུས། ཉིན་གུང་གི་ཆ་ལའང་བསྟན་འགྲོར་སྨན་པའི་བྱ་བ་ལས་ཀྱི་འཁོར་འོ་་དེ་དང་དེ་སྟབས་གཅིག་ཏུ་མཛད་དེ་ཐུགས་དམ་ཁོ་ནའི་ངང་དུ་བཞུགས་པ་ལས་གདུལ་བྱའི་སྣང་བ་དག་པ་རྒྱུ་མཚན་དུ་མཛད་པའི་བག་གཡངས་སུ་ལར་མི་བཞུགས། སློབ་མའི་བྱ་བ་ལ་ཐུགས་བསྐྱེད་ཤིན་ཏུ་ཆེ་བས་འོ་རྒྱལ་ཇི་ལྟ་བྱུང་ཡང་དེ་དང་དེའི་རེ་བ་འཕྲལ་འཕྲལ་དུ་བསྐོང་བ་ལས། ཞུ་སྣ་མ་འཕྲོས་པ་དང་ཆོས་སྒུགས་ཀྱི་ངང་ལ་གྲ་ཚོགས་གསོག་པ་རྒྱལ་བའི་རྣམ་མཐར་མི་སྐྱོང་། ཆེ་གཉན་སུ་འདྲའི་འཐད་དུའང་རྟེན་འབྲེལ་སྒྲིགས་ཕྱོགས་དང་ལུང་བསྟན་སོགས་ལ་བསྙད་པའི་ངོ་དགའ་དང་ཕྱེ་འཐོར་མཛད་པ་མི་སྲིད། མཁས་པ་དང་གྲུབ་པའི་ངོ་ནས་དཔྱོད་ལྡན་ཐམས་ཅད་ཀྱི་རྗེས་སུ་ཡི་རང་བར་མངོན་པར་བསྟོད་ཅིང་། བླ་དཔོན་ཆེ་གཉན་མང་པོའི་ཏི་ཤིར་གྱུར་ཀྱང་ཁེངས་པ་དང་དྲེགས་པའི་གཟི་བྱིན་རྔོམ་པ་མི་མཛད། འཕྲལ་སྐུ་ལ་བཅང་སྟེ་ཡུལ་རིང་དུ་བསྡད་ཀྱང་ཐུགས་ཀྱི་གཏིང་མི་ལོན་ཞིང་གནང་སྤྱོད་ལོག་པའི་ཐེ་ཚོམ་ཙམ་ཡང་མི་མངའ། རྣམ་ཐར་གསོལ་འདེབས་ལས། གྲོལ་བྱེད་རླུད་སེམས་རྩ་དང་ཐིག་ལེའི་གནད། ཞུགས་གནས་ཐིམ་གསུམ་དབུ་མའི་ལམ་དག་པས། །རོ་རྐྱང་མདུད་གྲོལ་ས་བཅུ་རིམ་གྱིས་བགྲོད། །ཐ་མས་གཙུག་ཏོར་མཆོག་གྲུབ་གསོལ་བ་འདེབས། །ཞེས་རྡོ་རྗེའི་གནས་ཆེན་པོའི་ཉེ་རྒྱུའི་ལམ་གནད་དུ་སོང་བས་སྐུ་ན་མཐོན་པོར་སོང་ནས་ཀྱང་། སྐུ་ལ་གཉེར་བག་དང་སྐྲ་དཀར་མེད་ཅིང་གཞོན་ཤ་ཆགས། ནང་གི་རྩ་མདུད་གྲོལ་བས་ཆོས་ཀྱི་ཚིག་དོན་ཟབ་ཅིང་གཏིང་དཔག་དཀའ་བའི་གནས་འགྲེལ་པ་ལ་སྙིང་པོ་མེད་གཞན་རྒྱུད་ཀྱི་བསམ་པ་མཁྱེན་པས་མ་འོངས་མངོན་སུམ་དུ་ལུང་སྟོན་པ་དང་།འགའ་དང་འགས་ཉམས་པའི་སླད་དུ་བརྟག་པ་ཞུས་པའང་མངོན་སུམ་དུ་གཏན་ལ་ཕེབས་པ་དང་། ཚོགས་པ་འཛོམས་ཆེ་སར། ཁྱེད་རང་རྣམས་ཀྱི་སྐུ་ཚེའི་སྨད་ལ་གློ་བུར་གྱི་རྒྱལ་པོ་སྟོབས་ཅན་ཞིག་གིས་དབུས་གཙང་ཐམས་ཅད་དབང་བསྒྱུར་བ་འོང་། དེ་ནས་རིམ་པར་སེམས་ཅན་གྱི་བདེ་སྐྱིད་དམན་པ་ཡིན། ཞེས་སྡེ་སྲིད་གཙང་པའི་ལས་དོན་རྒྱུག་པ་དང་། དེ་བཞིན་དུ་སྡེ་པ་འཕྱོང་རྒྱས་པ་ཉིད་སྲིད་ལ་ཐལ་བར་དབྱུག་པ་དང་། སོག་པོ་གུ་ཐྲིའི་དམག་གིས་དབུས་གཙང་ཁམས་གསུམ་སོགས་མི་རབས་མང་པོའི་རྗེས་ཀྱི་གཏེར་ལུང་ཐིག་ཁེགས་པ་ལྔ་པ་ཆེན་པོས་ཀྱང་རྣམ་ཐར་ལ་འདྲེན་པས་མཛད། དེ་བཞིན་དུ་དྲག་པོ་མངོན་སྤྱོད་ཀྱི་ལས་གདེང་དུ་གྱུར་པས་འཕྱོང་རྒྱས་པའི་གདུང་ལ་དམ་སྲི་རྒྱལ་བུར་རྫུས་པ་གདོང་ཕྱེད་ལ་ཤ་ལྤགས་བྲལ་བ་ཞིག་བྱུང་བ་རང་བྱུང་བ་རང་གཏེར་གཤིན་རྗེའི་སྒྲུབ་པ་མཛད་པས་བདུན་ཕྲག་གཉིས་ལ་རྣམ་ཤེས་དེངས་སུ་བཅུག་པ་སོགས་བརྗོད་ཀྱི་ག་ན་ལྡང་། ལར་འཕྱོང་རྒྱས་ཞབས་དྲུང་ཧོར་བསོད་པ་དེ་ལྷ་སྲས་དཔལ་གྱི་འབྱུང་གནས་ཀྱི་སྐྱེ་བར་ལུང་གིས་ཟིན་ཅིང་དད་སྟོབས་བསམ་གྱི་མི་ཁྱབ་པས་གསང་སྔགས་རྙིང་མའི་དགེ་འདུན་གྱི་སྡེ་ཞིག་འཛུགས་པར་ནན་གྱིས་བསྐུལ་ཡང་། ལྔ་བརྒྱའི་ཐ་མར་གྱུར་པས་གྲྭ་ས་གྲྭ་ཚང་གི་གནས་དག་ཀྱང་སྦྱོར་བ་ལྟོད་པོར་གྱུར་པའི་ཉེས་དམིགས་གཟིགས་ནས་ཞལ་གྱི་མ་བཞེས་པའི་ཐོག་ཏུ་གཤེགས། དེའི་སྲས་ཧོར་བསོད་ནམས་སྟོབས་རྒྱས་གྱི་ཡབ་ཀྱི་དགོངས་པ་རྫོགས་སླད་དང་། རང་གི་བཞེད་པ་སྟབས་གཅིག་པས་ནན་ལྟར་གསོལ་བ་བཏབ་པ་ལ་བརྟེན་ནས་འཕྱོང་རྒྱས་དཔལ་རི་ཐེག་པ་ཆེན་པོའི་གླིང་འདི་གསར་དུ་བཏབ། སྤྱི་རྫས་དང་མཆོད་གཞིས་གཙུག་ལག་ཁང་གི་འདུ་འགོད་ཐམས་ཅད་ཞབས་དྲུང་འཔྱོང་རྒྱས་པ་རང་གི་བླ་ནས་སྦྱར། སྡིག་སྟེང་རིན་ཆེན་ངག་དབང་འོད་ཟེར་མཁན་པོར་བསྐོས་ནས་དམ་༄༅ པའི་ཆོས་འདུལ་བ་ལ་ལེགས་པར་གནས་པའི་དཔྱ་ཁྲིམས་དང་། གཞི་གསུམ་གྱི་ཆོ་གའི་ཕྱག་ལེན་ལ་གནས་པས་ཕྱི་རུ་འདུལ་བའི་ཀུན་ཏུ་སྤྱོད་པ་ཉམས་སུ་བསྟར་ཞིང་། ནང་དུ་གསང་སྔགས་རྡོ་རྗེ་ཐེག་པའི་སྨིན་གྲོལ་རབ་འབྱམས་ལས། གྲུབ་མཐའི་གཞུང་རྒྱལ་བ་ཀློང་ཆེན་པའི་ཤིང་རྟ་ཆེན་མོ་རྩ་འགྲེལ་གྱི་སློང་ཞིང་། ཉམས་ལེན་གཏེར་ཁ་གོང་འོག་དང་། ཡབ་སྲས་གཉིས་ཀྱི་གཏེར་ཆོས། སྙིང་ཐིག་ཡ་བཞི་བླ་མ་དགོངས་འདུས་ལ་སོགས་པས་གཞུང་སྲོང་བར་བསྟན་ནས་རིམ་གྱིས་སྔ་འགྱུར་བཀའ་མའི་རྒྱུད་སྡེའི་ལམ་སྲོལ་ཆེན་པོ་སྟོན་པར་བཞེས་ཀྱང་། སྡེ་དཔོན་ཕན་ཚུན་མི་འཛའ་བའི་ཀུན་སློང་གིས་གསོལ་བའི་སྙུང་གཞིས་ལོ་གཅིག་གི་ཁོང་དུ་ཞི་བར་བརྣལ་བས་བསྟན་པ་མཐའ་རྒྱས་ཀྱི་རྟེན་འབྲེལ་ལ་ཅུང་ཟད་གཞར། དེ་ལྟ་ནའང་དོན་གྱི་ཐེག་པ་རིམ་དགུའི་གྲུབ་མཐའི་རྣམ་བཞག་དུ་དཔྱིས་ཕྱིན་པ་རྒྱལ་བ་ཀློང་ཆེན་པའི་གཞུང་གི་སློང་ཞིང་། རྣལ་འབྱོར་དུ་བྱ་བའི་གན་ལ་ཡོ་ག་གསུམ་ཀའི་ཟབ་ཅིང་རྒྱ་ཆེ་བའི་ངོ་བོ་མ་འཁྲུལ་ཞིང་མི་བསླུ་བ་གཏེར་ཁ་གོང་འོག་བླ་མ་དགོངས་འདུས་འགྲེལ་པའི་ཐིག་ལེ་ལ་སོགས་པ་དང་། རིག་པ་རང་ཤར་གྱི་རྒྱུད་དོན་ལ་བྱེ་བྲག་ཏུ་འཇུག་པ་དགོངས་པ་ཡང་ཟབ་རྣམས་མདོ་སྒྱུ་སེམས་གསུམ་ཀའི་རྒྱུད་སྡེ་ལ་དོན་གྱི་སྟོན་པ་སངས་རྒྱས་པདྨའི་རིང་ལུགས་མ་ནོར་བ་ཞེས་བྱའོ། །ཞབས་དྲུང་འཕྱོང་རྒྱས་པས་སེམས་ཉིད་ངལ་བསོ་རྩ་འགྲེལ་སྤར་གྱི་སྒོ་ཕྱེ་བའི་གཏམ་ལའང་། འགྲོ་བ་ལྷ་དང་བཅས་པའི་སྟོན་པ་དཔལ་ཀུན་ཏུ་བཟང་པོ་དེ་ཉིད་ཀྱིས་རང་གིས་བདུད་རྩི་བརྙེས་པའི་གོ་འཕང་ལ་གདུལ་བྱ་རྣམས་དངོས་སམ་བརྒྱུད་པས། དཀྲི་བར་བཞེད་ནས། རྒྱུ་དང་འབྲས་བུའི་ཐེག་པ་ཇི་སྙེད་གཅིག་གསུངས་པ་དེ་ཐམས་ཅད་ཀྱི་དོན་སྙིང་པོར་དྲིལ་བ་ནི་མདོ་སྔགས་ཐམས་ཅད་གང་ཟག་གཅིག་འཚང་རྒྱ་བའི་ལམ་གྱི་ལུས་ཡོངས་སུ་རྫོགས་པར་སྟོན་པའི་བསྟན་བཅོས་འདི་ཉིད་ཀུན་མཁྱེན་ངག་གི་དབང་པོས་ཆེད་དུ་སྤེལ་བར་མཛད་པས། སྤྱིར་རྒྱལ་བའི་བསྟན་པ་ལ་ཞུགས་སོ་ཅོག་དང་། ཁྱད་པར་སྔ་འགྱུར་པར་ཁས་ཆེ་བ་རྣམས་ཀྱིས་བསྐྱེད་རིམ་ཚིག་རྐྱང་ཙམ་དང་།རྫོགས་རིམ་སྣ་རེའི་ཉམས་མྱོང་ཅུང་ཟད་ཀྱིས་ཡིད་ཚིམ་པར་བྱས་ན། དེ་དག་ལམ་ལྷར་སྣང་དང་ཡང་དག་པ་ཡིན་མིན་ཀྱང་མི་ཤེས་ཤིང་། རྒྱལ་རང་གི་རྒྱུད་ལ་མྱོང་བ་རྣལ་མ་ཞིག་སྐྱེས་ནའང་ལྐུགས་པའི་རྨི་ལམ་ལྟར་གཞན་ལ་འདོམས་པའི་མཐུ་མེད་པ་དག་གིས་གསར་རྙིང་གི་བསྟན་པ་མཐའ་དག་ཉམས་དམས་པ་ལ་མཁས་ཤིང་གྲུབ་པ་རྣམས་ཀྱིས་འཁུ་ཞིང་གཤུང་བ་དང་། གལ་ཏེ་མདོ་སྔགས་ཀྱི་གཞུང་ལུགས་རྒྱ་ཆེན་པོ་ལ་སློབ་པ་ནི་སྙིགས་མ་ལྔ་བདོ་བའི་དུསའདིརགཤིསཀྱིདཀའ་བ་ལ་དགོངས་ནས་འདི་ནི་མདོ་བརྒྱད་དང་རྒྱ་ཞུང་རྩོད་པ་དང་བྲལ་བ་རྣམས་ཀྱི་ལུང་ཇི་ལྟར་བཀྲལ་བས། བློ་གྲོས་དང་ལྡན་པ་དག་གིས་སམ་རྐང་ཚུགས་པའི་རྟོག་དཔྱོད་ཀྱི་མིག་ཞིབ་མོས་གོ་བའི་གཏིང་ཕྱིན་པར་བལྟས་ཚེ། དཔྱད་པ་ཡོངས་སུ་རྫོགས་པས་ན་ལམ་གྱི་རིམ་པ་འདི་ཉིད་ལ་ངེས་པ་གཏིང་ནས་འགྲོངས་ཤིང་། དེའི་ཚུལ་ལ་གནད་དུ་བསྣུན་ནས་ཉམས་སུ་བླངས་ནས་རྒྱལ་བ་སྲས་དང་བཅས་པ་དགྱེས་པའི་འགྱུགས་མེད་ཀྱི་མྱུར་ལ་ངོ་མཚར་རྨད་དུ་བྱུང་བ་ཡིན་ཞེས། རྗེ་བཙུན་དམ་པ་པྲརྙོ་རསྨིའི་གསུང་གི་གསང་བས་ལན་ཅིག་མ་གསན་པར་བསྙད་པ་ལ་བརྟེན་ནས། ཆོས་བཞིན་དུ་སྐྱོང་བ་མིའི་དབང་པོ་བསོད་ནམས་སྟོབས་ཀྱི་རྒྱལ་པོས། ཉིད་ཀྱི་ཡབ་རྗེའི་དགོངས་པ་བཀང་བ་དང་། སྔ་འགྱུར་གྱི་བསྟན་པ་རིན་པོ་ཆེ་འཕེལ་རྒྱས་ཀྱི་ཕྱིར། འཁོར་ལོ་གསུམ་ལ་ལྷུར་བྱེད་པའི་དགེ་འདུན་གྱི་སྡེ་གཙུགས་ཤིང་། དེ་དག་གི་འཚོ་བ་བླངས་ནས་སྦྱོང་བ་དང་། སྨིན་གྲོལ་ལམ་གྱི་ཆ་ལག་ཚེས་བཅུ་ཆེན་མོའི་ཕྱག་བཞེས་ཀྱི་སྲོལ། དེ་དག་གི་ཆོས་སོགས་གཞན་གྱི་བློས་དཔག་པར་དཀའ་བའི་རྒྱུན་དང་། བསྟན་བཅོས་འདི་ཉིད་ཀྱི་གླེགས་བམ་གྲངས་མེད་དུ་འཆར་བའི་ཕྱིར་པར་དུ་བཞེངས་ཏེ་བསྟན་པའི་བཙས་སུ་བཞག་པ་ཡིན་ལ་ཞེས་སོ། །རྒྱུ་དེས་སེམས་ཉིད་ངལ་གསོ་རྩ་འགྲེལ་དང་། གསང་བའི་སྙིང་པོ། འགྲེལ་པ་ཕྱོགས་བཅུ་མུན་སེལ་སོགས་བློ་མ་འདོམས་པར་བྱེད་པའི་རྒྱུན་ད་ལྟའི་བར་དུའང་གནས་པ་ཙམ་མོ། །དེ་ལྟར་དགོན་གནས་བསྐྲུན་ཏེ་ཡུན་རིང་མ་སོང་བ་ལས། དེ་བཞིན་གཤེགས་པ་ལ་བདུད་སྡིག་ཏོ་ཅན་གྱིས་བསྐུལ་བ་བཞིན་དུ་སྐུ་མྱ་ངན་ལས་འདའ་བར་བཞེས་ནས་རྗེས་འཇུག་རྣམས་ལ་ཞལ་ཐེམས་སུ། ངེད་ཀྱི་ཕུང་པོ་འདི་ས་འབུལ་ཞིག་ཏུ་བཞག་ན་མཐར་ནོར་བུ་དབྱིག་ཏུ་འགྱུར་ཅིང་། བོད་འབངས་བདེ་བ་དང་མཐའ་དམག་བཟློག་པའི་རྟེན་འབྲེལ་ཡོད་དེ་དུས་དབང་གིས་ཅིར་འགྱུར་ཆ་མེད། དེ་བས་དུམ་བུར་བྱས་ཏེ་ཡར་རྒྱབ་གཙང་པོའི་ཆུ་ལ་སྦྱངས་ན་ཀོང་པོ་རྒྱལ་ཡན་ཆོད་ཀྱི་སེམས་ཅན་ལ་ཕན་ཏེ་མི་ནུས། དུས་ཀྱི་དབང་ལས་བསྟན་པ་འཕེལ་རྒྱས་ཡོང་བ་གཤིས་ཀྱི་དཀའ། དགེ་འདུན་རྣམས་རང་རང་གི་བསྟན་པ་སྒོ་དྲུང་ནས་མ་ནུབ་པར་གྱིས་ལ་དགེ་བེམ་རེ་གྱོན། གཙོ་བོ་ཐོས་བསམ་སྒོམ་པ་ལ་འབད་འབུངས་ཐོན། ཕྲལ་བྱ་བ་གང་ཐངས་རང་གྱིས། དཀའ་ཐུག་འདིས་དལ་རྟེན་ཆུད་འཛའ་བས་འཚོ་བ་གྱི་ན་ཙམ་རེ་བསྟན། སྡོམ་པ་གསུམ་ལ་ཉེས་ལྟུང་གི་དྲི་མས་མ་གོས་པར་བརྩོན་འགྲུས་དྲག་པོ་འབདགཉེན་པོས་རྐྱེན་ཐུབ་པ་དང་། དད་པས་ཁམས་གསོས་པ་དང་། འགྲོ་རྣམས་ཕ་མར་ཤེས་པའི་ཉམས་ལེན་ལ་འབུངས། ང་དང་ཕྲད་པར་འདོད་པ་རྣམས་གྲོལ་ཏིག་དགོངས་པ་རང་གྲོལ་དང་། བེ་བུམ་གྱི་མན་ངག་རྣམས་ལ་ཉམས་ལེན་མཛོད། ཅེས་གདམས། དག་པའི་གསལ་སྣང་དཔག་ཏུ་མེད་པ་གཟིགས། ཁྱད་པར་ཉིན་གཅིག་དུས་ཀྱི་འཁོར་ལོའི་མངོན་དཀྱིལ་རྫོགས་པར་གནང་ནས་དབང་མཛད་པས། དགེ་སློང་འབྲི་གུང་པ་ན་རེ། ལོ་དུས་ན་གནང་བ་ཨེ་ཡིན་ཞུས་པས། དེ་འདྲ་བྱེད་པ་མེད། ཆོ་ག་བཟུང་ཡང་མ་མྱོང་། དེ་རིང་བྱང་ཤསྟ་ལའི་སྣང་བ་མུ་མཐའ་མེད་པར་ཤར་ནས་སྐྱེས་བོའི་ཚོགས་མང་པོས་གསོལ་བ་འདེབས་པ་ལ་དེ་ལྟར་བྱས་པ་ཡིན། ལར་ཞིང་ཁམས་མང་པོར་དབང་དང་བྱིན་བརླབས་བགྲངས་ལས་འདས་པ་བྱས་པའི་སྣང་བ་དང་། གསལ་སྣང་འབའ་ཞིག་ལས་སྣང་བ་རང་ཚན་པར་འཆར་གྱི་མི་འདུག །ད་རེས་ཀྱི་ནད་འདི་སྡིག་སྒྲིབ་དག་པ་འདྲ་གསུངས། ཡང་ཀུན་གྱི་མཐོང་སར་བྱིས་པ་གཅིག་བྱུང་། ཅི་ལགས་ཞུས་པས། ཆུ་བར་ནས་ང་ཕྲད་པ་ལ་བྱོན་པ་ཡིན། འབྲི་གུང་ཨ་ཕྱི་དང་། བསྟན་སྐྱོང་མ་སོགས་བོད་ཀྱི་ལྷ་འདྲེ་ཆེ་དགུ་ངོས་ཕྲད་པ་ལ་བྱོན་གྱི་འདུག །ལྷ་འདྲེ་རྣམས་ཕྱི་ཐག་རིང་བས་སྡུག་བསྔལ་ཆེན་པོ་འདུག་གསུངས། དེ་ནས་ཆུ་སྤྲེལ་ཧོར་ཟླ་དྲུག་པའི་ཚེས་བཅུའི་ཉིན་དགོངས་པ་འཕོ་བར་བཞེད་པ་ལ། གཉགས་ཙྭ་ན་ཀུ་མ་རའི་སྤྲུལ་པར་ལུང་གིས་ཟིན་པ་རྒྱལ་སྲས་ཀརྨ་ཀུན་བཟང་ཡུམ་སྲས་སོགས་ཀྱི་མྱ་ངན་ལས་མི་འདའ་བར་གསོལ་བ་བཏབ་པས། སངས་རྒྱས་ཀྱི་སྐུ་ཚེའི་འདུ་བྱེད་ནི་བཏང་། འཚོ་བའི་འདུ་བྱེད་ནི་བསྲིངས་པ་བཞིན་དུ་འོ་ན་ཞག་གསུམ་བསྡད་དོ་གསུངས་ནས་ཚེས་བཅུ་གསུམ་གྱི་སྔ་ཞོགས་ཀུན་གྱི་མཐོང་བར་ནམ་མཁའི་དབྱིངས་ནས་འཇའ་ཚོན་ཆེན་པོ་སྣ་ལྔའི་དྭ་བས་སྦྲེལ། ས་ཆེན་པོ་འདི་ཡང་མྱ་ངན་གྱིས་གདུངས་པའི་ཆོ་ངེའི་སྒྲ་འུར་གྱི་འདོན། སྐྱེས་བུ་ཆེན་པོ་འཇིག་རྟེན་དུ་མི་བཞུགས་པ་ལ་ཡིད་རབ་ཏུ་སྐྱོ་ནས། འདིར་ཞིང་གཡོ་བའི་སྒྲ་ཆེན་པོ་དང་བཅས། དཔལ་རི་པདྨ་འོད་ཀྱི་ནུབ་ཕྱོགས། བདེ་བ་ཆེན་པོ་ཤརྙ་པུ་རིའི་གྲོང་ཁྱེར་ག་ན་བ་དེར་དཔལབོ་ཆེན་པོ་ཐོད་པའི་དུམ་བུ་རྩལ་གྱི་ཐུགས་ཀར་ཐིམ་པར་གྱུར་ཏོ། །དེ་བཞིན་གཤེགས་པས་ལེགས་པར་གསུངས་པའི་གསུང་རབ་རྒྱ་མཚོའི་སྙིང་པོར་གྱུར་པ་རིག་པ་འཛིན་པའི་སྡེ་སྣོད་དམ། སྔ་འགྱུར་རྒྱུད་འབུམ་རིན་པོ་ཆེའི་རྟོགས་པ་བརྗོད་པ་འཛམ་གླིང་ཐ་གྲུར་ཁྱབ་པའི་རྒྱན་ཞེས་བྱ་བ་ལས། རྡོ་རྗེ་ཐེག་པ་སྔ་འགྱུར་གྱི་ཕྱོགས་ལ་མཁས་པ་དང་། གྲུབ་པ་བརྙེས་པའི་སྐྱེས་བུ་བསམ་གྱི་མི་ཁྱབ་པ་ཞིག་བྱོན་པ་ལས། མདོ་སྒྱུ་སེམས་གསུམ་གྱི་བསྟན་པ་ལ་བཤད་སྒྲུབ་ཀྱི་སྒོ་ནས་བྱ་བ་མཛདཔ་གྲགས་ཆེ་བ་དག་གཙོ་བོར་སྨོན་པའི་སྐབས་ཏེ། རབ་ཏུ་བྱེད་པ་ལྔ་པའོ།། །།སྤྱི་དོན་དྲུག་པ་ཆེད་དུ་བྱ་བ་དམ་པའི་ཆོས་ཀྱི་རྣམ་པར་བཞག་པ་ལ། ཆོས་ཀྱི་སྒྲ་འཇུག་པའི་ཡུལ་སྤྱིར་བཤད་པ་དང་།དེ་ལས་དམ་པའི་ཆོས་བྱེ་བྲག་ཏུ་བཤད་པའོ། །དང་པོ་ལའང་གཉིས་ལས། སྒྲའི་དོན་གྱི་བཤད་པ་ནི། ལེགས་པར་སྦྱར་པའི་སྐད་དུ་དྷརྨ་ཞེས་བྱུང་སྟེ། དེ་ནི་ཤུདྷི྅་འཛིན་པ་ལའོ་ཞེས་བྱ་བའི་བྱིངས་ལས་སྐྱེས་པའི་ཕྱིར་འཛིན་བྱེད་ཀྱི་དོན་ལ་འཇུག་གོ །གང་འཛིན་ན། ཤེས་བྱ་ཐམས་ཅད་པའི་རང་དང་སྤྱིའི་མཚན་ཉིད་རྣམས་འཛིན་པས་གཟུགས་ནས་རྣམ་༄༅ པ་ཐམས་ཅད་མཁྱེན་པའི་རང་རང་གི་མཚན་ཉིད་གང་ཡིན་པ་དེ་དང་དེར་འཛིན་པར་བྱེད་པ་སྟེ། འདི་ལྟར་གཟུགས་ཀྱི་མཚན་ཉིད་གཟུགས་སུ་རུང་བར་འཛིན་པར་བྱེད་ནས་རྣམ་པ་ཐམས་ཅད་མཁྱེན་པའི་མཚན་ཉིད་ཆོས་ཐམས་ཅད་མངོན་སུམ་དུ་བྱེད་དོ། །ཞེས་བྱ་བ་ལྟ་བུའི་བར་གྱིས་མཚན་ཉིད་ཐམས་ཅད་འཛིན་པར་བྱེད་དོ། །དེ་བཞིན་དུ་འདུས་བྱས་ཀྱི་མཚན་ཉིད་མི་རྟག་པར་འཛིན་པ་ནས། ཟག་པ་དང་བཅས་པ་ཐམས་ཅད་ནི་སྡུག་བསྔལ་བས། ཆོས་ཐམས་ཅད་ནི་བདག་མེད་པ། མྱང་ངན་ལས་འདས་པ་ནི་ཞི་བའོ། ཞེས་བྱ་བ་ལྟ་བུའི་མཚན་ཉིད་ཐམས་ཅད་འཛིན་པར་བྱེད་པས་ན། ཆོས་ཞེས་བྱ་བའི་ངེས་ཚིག་ནི་འཛིན་པར་བྱེད་པའི་དོན་དུ་བཟུང་ངོ་། །གཉིས་པ་དབྱེ་བ་ནི། རྣམ་བཤད་རིགས་པ་ལས། ཆོས་ནི་ཤེས་བྱ་ལམ་དང་ནི། །མྱ་ངན་འདས་དང་ཡིད་ཀྱི་ཡུལ། །བསོད་ནམས་ཚེ་དང་གསུང་རབ་དང་། །འབྱུང་འགྱུར་ངེས་དང་ཆོས་ལུགས་ལའོ། །ཞེས་དེ་ལྟ་བུའི་སྒྲ་འཇུག་པའི་ཡུལ་རྣམ་པ་བཅུར་བསྟན་པའོ། །ཇི་ལྟར་འཇུག་ན་ཤེས་བྱ་ལ་འཇུག་པ་ནི། དཔེར་ན་ཆོས་གང་ལ་འདུས་བྱས་སམ་འདུས་མ་བྱས་ཞེས་བྱ་བ་ལྟ་བུ་སྟེ་ཤེས་བྱའི་ཆོས་སུ་གཏོགས་པ་རྣམ་པ་ཐམས་ཅད་པ་ལ་མཁས་པར་བྱ་བ་ནས། ཆོས་ལུགས་ལ་འཇུག་པ་ལུགས་ཀྱི་ཆོས་དང་རིགས་ཆོས་ཡུལ་ཆོས་དང་རིགས་ཆོས་ཞེས་བྱ་བ་ལྷ་བུ་གང་ཡིན་པ་དེ་དང་དེའི་རྗེས་སུ་མཐུན་བྱ་བ་ཉིད་ཀྱི་བར་སྔོན་གྱི་མཁས་པ་རྣམས་ཀྱིས་བཀྲལ་བ་བཞིན་ནོ། །གཉིས་པ་དམ་པའི་ཆོས་ཀྱི་རང་བཞིན་བྱེ་བྲག་ཏུ་བཤད་པ་ལ། མཚན་ཉིད་དང་། སྒྲ་དོན་དང་། རབ་ཏུ་དབྱེ་བ་གསུམ་མོ། །དང་པོ་མཚན་ཉིད་ནི། རྣམ་བཤད་རིགས་པའི་བཅུ་པོ་དེ་ལས། བསོད་ནམས་དང་། ལམ་དང་། མྱ་ངན་ལས་འདས་པ་གསུམ་བརྗོད་བྱའི་དོན་ཉིད་དུ་བཟུང་ནས། གསུང་རབ་ནི་བརྗོད་བྱའི་ཚིག་ཏུ་བྱས་པ་དམ་པའི་ཆོས། གང་ལ་དམིགས་ནས་སྲིད་པའི་སྡུག་བསྔལ་རྒྱུ་དང་བཅས་པ་མཐར་འབྱིན་པར་བྱེད་པའི་ཐབས་སུ་གྱུར་པ་གང་ཡིན་པའོ། །དེ་ལའང་བརྗོད་བྱ་དང་རྗོད་བྱེད་ཀྱི་མཚན་ཉིད་ལ་ལྟོས་ནས་ལུང་དང་རྟོགས་པའི་དམ་ཆོས་གཉིས་སུ་གནས་པ་སྟེ། མརྫོད་ལས། སྟོན་པའི་དམ་ཆོས་རྣམ་གཉིས་ནི། །ལུང་དང་རྟོགས་པའི་བདག་ཉིད་དོ། །ཞེས་སོ། །དེ་ལ་ལུང་གི་ཆོས་ནི་རྟོགས་པའི་དོན་ལ་འཇུག་པར་བྱེད་པ་བརྗོད་པ་ཕུན་སུམ་ཚོགས་པའི་དམ་ཆོས་ཏེ། དེ་ལའང་འཇིག་རྟེན་པའི་མངོན་བརྗོད་དང་། འཇིག་རྟེན་ལས་འདས་པའི་མངོན་བརྗོད་མིང་གི་རྣམ་པ་ཐ་དད་དུ་དབྱེ་བའང་བྱུང་སྟེ། སྔ་མ་ནི་བརྟག་པ་བརྒྱད་ལ་སོགས་པའི་གཏམ་སྣ་ཚོགས་པ་སྟེ་འཁོར་བ་དང་ཆོས་མཐུན་པས་དེ་སྐད་ཅེས་བྱ་སྟེ། ཤེས་རབ་བརྒྱ་པ་ལས། མི་ཡི་ཆོས་ལུགས་ལེགས་སྤྱད་ན། །ལྷ་ཡུལ་བགྲོད་པ་ཐག་མི་རིང་། །ལྷ་དང་མི་ཡི་ཐེམ་སྐས་ལ། །འཛེགས་ན་ཐར་པ་གམ་ན་ཡོད། །ཅེས་པ་ལྟར།དངོས་སུ་མངོན་པར་མཐོ་བའི་རྒྱུའི་གཙོ་བོ་ལས་མ་སྨོས་ཀྱང་། བརྒྱུད་ནས་རྟོགས་པའི་ཆོས་ལ་འཇུག་པའི་དབང་གིས་སོ། །ཕྱི་མ་ནི་གསུང་རབ་ཡན་ལག་བཅུ་གཉིས་ཏེ། ཆོས་ཉིད་རྟོགས་པར་བྱེད་པའི་རྒྱུ་མཐུན་ནམ། ཆོས་དབྱིངས་རྟོགས་པར་བྱེད་པའི་རྒྱུ་མཐུན་ལས་བྱུང་བས་དེ་སྐད་ཅེས་བྱ་སྟེ། མྱ་ངན་ལས་འདས་པའི་མདོ་ལས། །ཆུ་བོ་ཆེན་པོ་རྒྱ་མཚོར་བབ། འབབ། གཞོལ་བ་དེ་བཞིན་དུ། ཆོས་ཐམས་ཅད་མྱ་ངན་ལས་འདས་པར་བབ། འབབ། གཞོལ་ཞེས་གསུངས་སོ། །དེའི་འབྲས་བུ་རྟོགས་པའི་དམ་པའི་ཆོས་དེ་ལའང་། གང་འདོད་ཆགས་དང་བྲལ་བར་གྱུར་པ་དང་། གང་གིས་འདོད་ཆགས་དང་བྲལ་བར་བྱེད་པའི་མཚན་ཉིད་ཀྱི་དབྱེ་བ་རྣམ་པ་གཉིས་སུ་གནས་ཏེ། མགོན་པོ་བྱམས་པས། གང་ཞིག་གང་གིས་ཆགས་བྲལ་བ། །བདེན་གཉིས་མཚན་ཉིད་ཅན་དེ་དངོས། །ཆགས་བྲལ་ཉིད་ཀྱི་འགོག་པ་དང་། །ལམ་གྱི་བདེན་པ་དག་གིས་བསྡུས། །ཞེས་འགོག་པའི་བདེན་པའི་དམ་པའི་ཆོས་དང་། ལམ་གྱི་བདེན་པའི་ཆོས་རྣམ་པ་གཉིས་ཕན་ཚུན་འབྲས་བུ་དང་། བྱ་བའི་རང་བཞིན་དུ་གནས་པའོ། །གཉིས་པ་སྒྲ་དོན་སྤྱིར་བཤད་པ་ནི། ལེགས་པར་སྦྱར་བའི་སྐད་དུ་སརྦ་དྷརྨ་ཞེས་འབྱུང་བ་གངས་ཅན་པའི་སྐད་ལ་དམ་པའི་ཆོས་ཞེས་བྱ་སྟེ། དེ་ལ་དམ་པ་ནི། སྟོན་པ་བདེན་པར་གསུང་བ་ཡིན་ལ། ཆོས་ནི་དེས་གསུང་བ་ཡིན་པའི་ཕྱིར་དམ་པའི་ཆོས་ཞེས་པའོ། །གཞི་མཐུན་པར་སྨྲ་ན་དམ་པ་ནི་མཆོག་ཏུ་གྱུར་པ་ཡིན་ལ་ཆོས་ཀྱང་དེའི་རང་བཞིན་ཡིན་པས་སོ། །བྱེ་བྲག་ཏུ་བཤད་ན། སུ་བྷ་ཁི་ཏ་ཞེས་པ་ལེགས་པར་གསུངས་པ་སྟེ། ཇི་ལྟ་བུས་ལེགས་པར་གསུངས་ན།ཚིག་དང་དོན་ཕྱིན་ཅི་མ་འོ་ག་པར་ཡང་དག་པར་གསུངས་པའི་ཕྱིར་མདོ་ལས་བཅོམ་ལྡན་འདས་ཀྱི་ཆོས་ལེགས་པར་གསུངས་པ། ཡང་དག་པར་མཐོང་བ། ནད་མེད་པ། དུས་ཆད་པ་མེད་པ། ཉེ་བར་གཏོད་པ།འདི་མཐོང་བ་ལ་དོན་ཡོད་པ། མཁས་པ་རྣམས་ཀྱི་རང་གི་རིག་པར་བྱའོ། །ཞེས་མྱ་ངན་ལས་འདས་པའི་གོ་འཕང་དམ་པར་སྦྱོར་བས་ཡང་དག་པར་གསུངས་པ། དེའི་དོན་ཇི་བཞིན་པར་མཐོང་བས་ཡང་དག་པར་མཐོང་བ། ཉོན་མོངས་པ་བག་ལ་ཉལ་གྱི་གཉེན་པོར་གྱུར་པས་ནད་མེད་པ་དུས་ཐམས་ཅད་དུ་བྱ་སླ་བའམ། ཡོངས་སུ་ཉམས་པ་མེད་པའི་ཕྱིར་དུས་ཆད་པ་མེད་པ། སྡུག་བསྔལ་གྱི་རྒྱ་མཚོ་ལས་ངེས་པར་འབྱུང་བ་ཉེ་བར་གཏོད་པའི་ཕྱིར་ཉེ་བར་གཏོད་པ། དྲང་སྲོ་ང་ཆེན་པོ་རྒྱས་པ་དང་གྲོ་ག་མཁར་བ་ལ་སོགས་པས་བྱས་པའི་གཞུང་མཐར་ཐུག་སྙིང་པོ་མེད་པ་དེ་དག་དང་ཐུན་མོང་མ་ཡིན་པས་འདི་མཐོང་བ་ལ་དོན་ཡོད་པ། རྟོག་གེས་བརྟག་པ་མི་ནུས་པའི་ཕྱིར་མཁས་པ་རྣམས་ཀྱི་རང་གི་རིག་པར་བྱའོ། དེ་དག་གི་དོན་ཡང་བདག་ཅག་གི་སྟོན་པའི་ལུགས་ཀྱི་སེམས་ཅན་གྱི་ཁམས་འདོད་ཆགས་བདོ་བ་དང་། ཞེ་སྡང་བདོ་བ་དང་། གཏི་མུག་བདོ་བ་དང་། ང་རྒྱལ་བདོ་བ་དང་། ཕྲ་དོག་བདོ་བ་དང་། ཐམས་ཅད་བདོ་བ་རྣམས་འདུལ་བའི་ཐབས་དང་ཡོན་ཏན་ཡང་དག་པར་བསྟན་པ་ཁོ་ན་ཡིན་སྟེ། ཕྱི་རོལ་པ་དག་གི་འདུལ་བ་ནི་ཉེས་པར་བསྟན་པ་ཉིད་ཀྱིས་ལེགས་པར་གསུངས་པ་མ་ཡིན་པ་དང་། རྫོགས་པའི་བྱང་ཆུབ་ཏུ་འགྲོ་བར་མི་འགྱུར་བ་ཉིད་ཀྱིས་ངེས་པར་འབྱུང་བ་མ་ཡིན་པ་དང་། འདུལ་བ་དང་མི་ལྡན་པ་ཉིད་ཀྱིས་མཐུན་པ་མ་ཡིན་པ་དང་།སྟོན་པ་དེ་བཞིན་གཤེགས་པ་ལ་སོགས་པ་མ་ཡིན་པ་ཉིད་ཀྱིས་བརྟེན་པ་མེད་པའོ། །དེའི་ཕྱིར། བཅོམ་ལྡན་འདས་ཀྱི་ལེགས་པར་གསུངས་པའི་ཆོས་འདུལ་བ་ནི་ལེགས་པར་བསྟན་པ། ངེས་པར་བྱུང་བ། རྫོགས་པའི་བྱང་ཆུབ་ཏུ་འགྲོ་བར་བྱེད་པ། མི་མཐུན་པ་མེད་ཅིང་འདུས་པ་དང་ལྡན་པ། རྟེན་པ་ཡོད་པ་ཞེས་ཁྱད་པར་གྱི་ཆོས་བགྲངས་པ་ཡིན་ནོ། །དེ་ལས་གཞན་དུ་གྱུར་པ་དག་གི་ནི་སློབ་དཔོན་དབྱིག་གཉེན་གྱིས། ཚིག་འབྲུ་བཟང་མིན་དོན་བཟང་མིན། །གྲོལ་དང་རིགས་པའི་ཐབས་མ་ཡིན། །སྔ་མ་ཕྱི་མ་འགལབ་ཡིན། །དེ་བཞིན་བསྡུ་བ་བཞི་དང་ནི། །བསྟན་པ་བཞི་དག་སྤངས་པ་དང་། །སྟོན་པའང་སྟོན་པའི་མཚན་ཉིད་མེད། །དེ་ལྟར་གཞན་གྱི་བསྟན་བཅོས་དང་། །སློང་མ་བསྟན་པ་སྐྱོན་ཅན་ཡིན། །ཞེས་པས་གང་གི་སྟོན་པའི་སྟོན་པ་དང་། དེས་བསྟན་པའི་ཆོས་ཀྱི་ཡོན་ཏན་གཞན་ལས་ཁྱད་པར་ཕྱེ་བའོ། །གསུམ་པ་རབ་ཏུ་དབྱེ་བལ་ལྔ་སྟེ། བརྗོད་བྱ་དང་། རྫོད་བྱེད་དང་། གཉེན་པོ་དང་། གདུལ་བྱ་དང་། བདག་རྐྱེན་གྱི་སྒོ་སོ་སོ་ནས་དབྱེ་བའོ། །དང་པོ་བརྗོད་བྱའི་སྒོ་ནས་དབྱེ་ན། བདེན་པ་གཉིས་སྟེ། རྩ་ཤེར་ལས། སངས་རྒྱས་རྣམས་ཀྱི་ཆོས་བསྟན་པ། །བདེན་པ་གཉིས་ལ་ཡང་དག་བསྟན། །ཞེས་སོ། དེ་ཉིད་ཀྱང་མདོར་བསྡུས་ན། དྲང་ངེས་ཀྱི་ངོ་བོར་གནས་པ་ཡིན་ཏེ། འཕགས་པ་བློ་གྲོས་མི་ཟད་པས་བསྟན་པར། ཀུན་རྫོབ་སྒྲུབ་པ་སྟོན་པ་ནི་དྲང་པའི་དོན་ཏོ། །དོན་དམ་སྒྲུབ་པ་སྟོན་པ་ནི་ངེས་པའི་དོན་ཏོ། །ཞེས་སོ། གཉིས་པ་རྗོད་བྱའི་ཀྱི་སྒོ་ནས་དབྱེ་ན་གསུང་རབ་ཡན་ལག་བཅུ་གཉིས་ཏེ། བརྒྱད་སྟོང་འགྲེལ་པ་སྙིང་པོ་མཆོག་ལས། མདོ་སྡེ་དབྱངས་བསྙད་ལུང་བསྟན་དང་། །ཚིག་བཅད་ཆེད་བརྗོད་གླེང་གཞི་དང་། །རྟོགས་བརྗོད་དེ་ལྷ་བུ་བྱུང་དང་། །སྐྱེས་རབས་ཤིན་ཏུ་རྒྱས་པ་དང་། །རྨད་བྱུང་གཏན་ལ་དབབ་པའི་སྡེ། །གསུང་རབ་ཡན་ལག་བཅུ་གཉིས་སོ། །ཞེས་པས་མདོའི་སྡེ་ནི་ཚིགས་བཅད་ལྷུག་གི་མདོ་མདོར་སྨོས་ནས། རྣམ་པར་བཞག་སླ་བ་དང་། བཤད་སླ་བ་དང་། གཟུང་སླ་བ་དང་། ཆོས་ལ་གུས་པས་ཚོགས་རྫོགས་པར་བྱེད་པ་དང་། ཆོས་ཉིད་མྱུར་དུ་རྟོགས་པར་འགྱུར་བ་དང་། སངས་རྒྱས་ལ་ཤེས་ནས་དད་པ་ཐོབ་པ་དང་། ཆོས་དང་དགེ་བདུན་ལ་ཤེས་ནས་དད་པ་ཐོབ་པ་དང་། མཐོང་བའི་ཆོས་ལ་བདེ་བར་གནས་པའི་མཆོག་ལ་རེག་པ་དང་། འབེལ་གཏན་གྱི་གཏན་ལ་༄༅ འབེབས་པས་དམ་པ་རྣམས་ཀྱི་སེམས་མགུ་བར་བྱེད་པ་དང་། མཁས་པ་མཁས་པ་ཞེས་བྱ་བའི་གྲངས་སུ་འགྲོ་བའི་ཕན་ཡོན་བཅུ་གཟིགས་ནས་མདོར་གསུངས་པའོ། །དབྱངས་ཀྱི་བསྙད་པའི་སྡེ་ནི།བཤད་བྱ་དེ་ཉིད་ཀྱི་བར་དང་མཐའ་མ་དག་ཏུ་ཚིགས་སུ་བཅད་པའི་དབྱངས་ཀྱིས་བསྙད་པའམ། བརྟག་པར་བྱ་བའི་གནས་གཞན་ད་དུང་ཡོད་པས་དྲང་བའི་དོན་དུ་གསུང་བའི་མདོ་སྡེ་གང་ཡིན་པའོ། །ལུང་དུ་བསྟན་པའི་སྡེ་ནི། འདས་པ་དང་མ་འོངས་པ་ལ་སོགས་བྱུང་དང་འབྱུང་འགྱུར་རྣམས་ལུང་དུ་སྟོན་པ་གཙོ་བོར་སྨོས་པའམ། དགོངས་པ་རྣམ་པར་ཕྱེ་ནས་ལུང་སྟོན་པར་བྱེད་པ་ངེས་པའི་དོན་དུ་གསུང་བ་གང་ཡིན་པ་རྣམས་སོ། །ཚིགས་སུ་བཅད་པའི་སྡེ་ནི། གང་ཞིག་རྐང་པ་གཉིས་པའམ་གསུམ་པ་ལ་སོགས་ཏེ་རྐང་པ་དྲུག་པའི་བར་དུ་ཚིགས་སུ་བཅད་པར་སྡེབས་ནས་གསུངས་པ་གང་ཡིན་པ་རྣམས་སོ། །ཆེད་དུ་བརྗོད་པའི་སྡེ་ནི། གཞན་གྱིས་ཞུ་བ་ལ་མ་ལྟོས་པར་བསྟན་པ་གནས་པ་འབའ་ཞིག་གི་ཕྱིར། བཅོམ་ལྡན་འདས་ནང་དུ་ཡང་དག་འཇོག་ལས་བཞེངས་ཏེ་དགེ་སློང་གི་དགེ་འདུན་རྣམས་ལ་ཆེད་དུ་བརྗོད་པ་འདི་ཆེད་དུ་བརྗོད་དོ་ཞེས་པ་ལྟ་བུའོ། །གླེང་གཞིའི་སྡེ་ནི། འགའ་དང་འགའ་ལ་ཆེད་དུ་གསུངས་པའམ། གཞི་འདི་དང་། སྐབས་འདི་དང་། བྱུང་བ་འདིའི་ཚ་བསླབ་པ་འདི་ལྟར་བཅས་པ་ལྟ་བུ་ལ་བྱ་སྟེ། སྒྲ་སྦྱོར་བམ་པོ་གཉིས་པ་ལསམདོ་སྡེ་དང་འདུལ་བ་ལ་སོགས་པ་ཐོག་མ་ཅི་ལས་བྱུང་གླེངས་ཏེ་བཤད་པ་དང་། ཞེས་པ་ལ་སོགས་པས་མཚོན་ཏོ། །རྟོགས་པ་བརྗོད་པའི་སྡེ་ནི། ཉན་པ་པོས་དོན་དཔྱིས་ཕྱིན་པར་གོ་ཞིང་མཚན་ཉིད་རྟོགས་པར་བྱ་བའི་ཕྱིར་སྔོན་རབས་ཀྱི་གཏམ་རྒྱུད་གཞན་ལ་བརྩམས་པའི་དཔེས་ཆོས་ཀྱི་དོན་གསལ་བར་སྟོན་པ་རྣམས་སོ། །སྐྱེས་པ་རབས་ཀྱི་སྡེ་ནི། བཅོམ་ལྡན་འདས་ཀྱི་སྔོན་བྱང་ཆུབ་སེམས་དཔའི་སྤྱོད་པ་རྒྱ་མཚོ་ལ་ཞུགས་པའི་ཚེ། གང་དང་གང་དུ་སྐྱེ་བའི་མྱུ་གུ་བཟུང་བ་དང་། དཀའ་ཐུབ་ཀྱི་སྤྱོད་པ་ཅི་དང་ཅི་མཛད་པ་སྟོན་པ་རྣམས་སོ། ཁེན་ཏུ་རྒྱས་པའི་སྡེ་ནི། སྐྱེས་བུ་ཆེན་པོའི་ལམ་བྱང་ཆུབ་སེམས་དཔའི་སྡེ་སྣོད་ཀྱི་ས་དང་ཕ་རོལ་ཏུ་ཕྱིན་པ་ལ་སོགས་པ་ཤིན་ཏུ་རྒྱ་ཆེ་བ་དང་། ཟབ་པའི་རྣམ་པ་སྟོན་པ་རྣམས་སོ། །རྨད་དུ་བྱུང་བའི་སྡེ་ནི། གང་ལས་ཉན་ཐོས་དང་བྱང་ཆུབ་སེམས་དཔའ་དང་། རྫོགས་པའི་སངས་རྒྱས་ཀྱི་མཁྱེན་པ་དང་རྫུ་འཕྲུལ་དང་། བྱིན་བརླབས་ལ་སོགས་པ་ངོ་མཚར་རྨད་དུ་བྱུང་བ་སྟོན་པའི་ཆོས་རྣམས་སོ། །གཏན་ལ་དབབ་པའི་སྡེ་ནི། ཆོས་ཐམས་ཅད་རང་དང་སྤྱིའི་མཚན་ཉིད་ཀྱིས་གཏན་ལ་འབེབས་པའི་སྒོ་ནས་མདོ་སྡེ་ལ་སོགས་པའི་དོན་ཡང་དག་པར་བསྟན་པ་རྣམས་སོ། ། གསུམ་པ་གཉེན་པོའི་སྒོ་ནས་དབྱེ་ན་སྡེ་སྣོད་གསུམ་ཏེ། སྤྱིའི་ངེས་ཚིག་དང་། སོ་སོའིརངབཞིན དང། སྡེསྣོད་གསུམ་དུ་འཇོག་པའི་རྒྱུ་མཚན་ནོ། །དང་པོ་ནི།ལེགས་སྦྱར་གྱི་སྐད་པི་ཊ་ཀ་ཞེས་འབྱུང་ངོ་། །དེ་ཉིད་བསྒྱུར་ན་གོང་བུའམ། བསྡུས་པའི་དོན་ལ་འཇུག་སྟེ། ཤེས་པར་བྱ་བའི་ཆོས་སམ། བསླབ་པར་བྱ་བའི་ཆོས་ཐམས་ཅད་བརྗོད་བྱ་འདི་ཉིད་དུ་བསྡུས་པའི་ཕྱིར་སྡེ་སྣོད་དེ། དཔེར་ན་གྲོང་ཁྱེར་མ་གདྷའི་བྲེ་བོ་ཆེའི་ནང་དུ། བྲེའུ་ཆུང་མང་པོ་འདུས་པའམ། ཆུད་པའི་དོན་གྱིས་སྣོད་དུ་མིང་གིས་འགྲུབ་པ་ལྟར། སྡེ་སྣོད་གསུམ་པོ་འདིར་གསུང་རབ་ཡན་ལག་བཅུ་གཉིས་ཀྱི་དོན་དང་ཚིག་གི་ཚོགས་མ་འདུས་པ་མེད་པས་སྡེ་སྣོད་ཅེས་བྱའོ། །དེ་སྐད་དུ་རྟེན་དང་བརྟེན་པ་ལ་སྦྱར་ན། སློབ་དཔོན་ཐོགས་མེད་ཀྱིས། ཡང་ན་ཕུང་པོ་དང་། ཁམས་དང་སྐྱེ་མཆེད་ཀྱི་ཆོས་ནས་སྐུ་དང་ཡེ་ཤེས་ལ་སོགས་པའི་བར་གྱི་ཤེས་པར་བྱ་བའི་དོན་ཐམས་ཅད་འདུས་པས་དེའི་ཕྱིར་སྡེ་སྣོད་ཅེས་བྱའོ། །ཞེས་གསུངས་སོ། །ཇི་ལྟར་བསྡུ་ན། དང་པོ་ལྔ་ཉན་ཐོས་ཀྱི་མདོ་སྡེའི་སྡེ་སྣོད་དང་། བར་པ་གསུམ་ཉན་ཐོས་ཀྱི་འདུལ་བ་སྟེ། དེའི་ཡང་གླེང་གཞིའི་སྡེ་ནི་ལྟུང་བ་བསླབ་བྱ་དང་བཅས་པ་སྟོན་པའི་ཕྱིར་ན་གཙོ་བོའི་ཚུལ་དང་། རྟོགས་པ་བརྗོད་པའི་སྡེ་དང་། དེ་ལྟ་བུ་བྱུང་བའི་སྡེ་ནི་དེའི་གྲོགས་སུ་གྱུར་པ་ཡིན་པས་འཁོར་གྱི་ཚུལ་དུ་འདོད་པའོ། །ཐ་མ་བཞི་ལས། སྐྱེས་པ་རབས་ཀྱི་སྡེས་བྱང་ཆུབ་སེམས་དཔའི་འདུལ་བའི་སྡེ་སྣོད་ཀྱི་འཁོར་དང་། ཤིན་ཏུ་རྒྱས་པ་དང་རྨད་དུ་བྱུང་བ་གཉིས་ཀྱི་བྱང་ཆུབ་སེམས་དཔའི་མདོ་སྡེའི་སྡེ་སྣོད་དང་།གཏན་ལ་དབབ་པའི་སྡེ་ནི་ཉན་ཐོས་དང་བྱང་ཆུབ་སེམས་དཔའ་གཉིས་ཀའི་ཐུན་མོང་དུ་གྱུར་པ་ཆོས་མངོན་པའི་སྡེ་སྣོད་དུ་བཞག་པ་ཡིན་ལ། རང་སངས་རྒྱས་ལ་ནི་སྡེ་སྣོད་ལོགས་སུ་གྱུར་པ་མེད་དེ་ཉན་ཐོས་ཀྱི་སྡེ་སྣོད་ལ་དམིགས་པ་ཡིན་ནོ། ། གཉིས་པ་སོ་སོའི་རང་བཞིན་ལ། །མཚན་ཉིད་དང་། མཚན་གཞི་དང་། ངེས་པའི་ཚིག་གསུམ་ལས་དང་པོ་མདོ་སྡེའི་སྡེ་སྣོད་ཀྱི་མཚན་ཉིད་ནི། ལྷག་པ་སེམས་ཀྱི་བསླབ་པ་བརྗོད་བྱའི་གཙོ་བོར་གྱུར་པའི་གསུང་རབ་ཀྱི་རིགས་སུ་གཏོགས་པའོ། །གཉིས་པ་མཚན་གཞི་ནི། ཤེར་ཕྱིན་སྟོང་ཕྲག་བརྒྱ་པ་ལ་སོགས་པ་རྣམས་སོ། །གསུམ་པ་ངེས་ཚིག་ནི། ལེགས་པར་སྦྱར་བའི་སྐད་དུ་སྲུ་ཏྲ་ཞེས་བོད་སྐད་དུ་མདོར་སྨོས་པ་སྟེ། མདོ་སྡེ་རྒྱན་ལས། གནས་རྣམས་དང་ནི་མཚན་ཉིད་དང་། །ཆོས་དོན་སྨོས་ཕྱིར་མདོ་ཡིན་ནོ། །ཞེས་པ་ལྟར། ས་ཡུལ་གང་དུ་བཤད་པ་དང་། །གང་གིས་བཤད་པ་དང་།གང་གིས་ཕྱིར་གསུངས་པ་དང་། སྨོས་པའི་ཕྱིར་གནས་དང་། བདེན་པ་གཉིས་ཀྱི་མཚན་ཉིད་སྨོས་པའི་ཕྱིར་མཚན་ཉིད་དང་། ཕུང་པོ་དང་། ཁམས་དང་། སྐྱེ་མཆེད་དང་། རྟེན་ཅིང་འབྲེལ་བར་འབྱུང་བ་ལ་སོགས་པ་སྨོས་པའི་ཕྱིར་ཆོས་དང་། དེ་རྣམས་ཀྱི་དགོངས་པའི་དོན་སྨོས་པའི་ཕྱིར་དོན་ཏེ་ཐམས་ཅད་ཚོགས་པའི་ཚུལ་དུ་གསུངས་པའི་ཕྱིར་མདོ་ཞེས་བྱ་ལ། དེ་དག་སྟོན་པར་བྱེད་པའི་གསུང་རབ་ཀྱི་ཚོགས་སུ་གྱུར་པའི་ཕྱིར་སྡེ་ཞེས་བྱ་བ་ཡིན་ནོ། །གཉིས་པ་མངོན་པའི་སྡེ་སྣོད་ལའང་གསུམ། དང་པོ་མཚན་ཉིད་ནི། ལྷག་པ་ཤེས་རབ་ཀྱི་བསླབ་པ་བརྗོད་བྱའི་གཙོ་བོར་སྨོས་པའི་རིགས་སུ་གཏོགས་པའོ། །གཉིས་པ་མཚན་གཞི་ནི། མངོན་པ་སྡེ་བདུན་ལ་སོགས་པ་རྣམས་སོ། །གསུམ་པ་ངེས་ཚིག་ནི། ལེགས་པར་སྦྱར་བའི་སྐད་དུ་ཨ་སྟི་ཞེས་འབྱུང་སྟེ། ཨ་སྟི་མུ་ཁྱ་ཞེས་མངོན་དུ་ཕྱོགས་པ་དང་། ཨ་སྟི་ཀྟ་ན་ཞེས་པ་ཡང་ཡང་དང་། ཨ་སྟི་བྱུ་ཞེས་པ་ཟིལ་གནོན་དང་། ཨ་སྟི་ས་མ་ཡ་ཞེས་པ་རྟོགས་པ་སྟེ། རྒྱན་ལས། མངོན་དུ་ཕྱིར་དང་ཡང་ཡང་དང་། །ཟིལ་གནོན་རྟོགས་ཕྱིར་མངོན་པའི་ཆོས། །ཞེས་པས་ཞི་བ་དམ་པ་མྱང་འདས་ལ་མངོན་དུ་ཕྱོགས་པའི་ཆོས་བྱང་ཕྱོགས་དང་མཐུན་པ་དང་། རྣམ་པར་ཐར་པའི་སྒོ་ལ་སོགས་པ་སྟོན་པས་མངོན་དུ་བ་དང་། ཕུང་པོ་ཁམས་དང་སྐྱེ་མཆེད་ལ་སོགས་པའི་ཆོས་རེ་རེ་ལའང་བསྟན་དུ་ཡོད་པ་དང་། བསྟན་དུ་མེད་པ་ལ་སོགས་པའི་བྱེ་བྲག་མང་པོ་ཡང་དང་ཡང་དུ་སྟོན་པའི་ཕྱིར་ཡང་ཡང་དང་། བརྩད་པ་དང་བརྩད་བྱའི་གཞི་ལ་སོགས་པ་སྨྲ་བ་ལ་རྣམ་པར་ངེས་པས་ཕས་རྒོལ་ཟིལ་གྱིས་གནོན་པའི་ཕྱིར་ཟིལ་གནོན་དང་། ཇི་སྙེད་པའི་མདོ་སྡེའི་ཤེས་བྱའི་དོན་ནོར་བ་མེད་པར་རྟོགས་པའི་རྒྱུར་འགྱུར་བའི་ཕྱིར་རྟོགས་པ་སྡེ་རྣམ་པ་བཞི་པོ་དེ་དག་གི་དོན་ལ་འཇུག་པའི་སྡེ་སྣོད་ཡིན་ནོ། །གསུམ་པ་འདུལ་བའི་སྡེ་སྣོད་ལའང་དང་པོ་མཚན་ཉིད་ནི། ལྷག་པ་ཚུལ་ཁྲིམས་ཀྱི་བསླབ་པ་བརྗོད་བྱའི་གཙོ་བོར་གྱུར་པའི་གསུང་རབ་ཀྱི་རིགས་སུ་གཏོགས་པའོ། །གཉིས་པ་མཚན་གཞི་ནི་ལུང་སྡེ་བཞི་ལ་སོགས་པའོ། །གསུམ་པ་ངེས་ཚིག་ནི་འདུལ་བ་ལ་ལེགས་པར་སྦྱར་བའི་སྐད་དུ་བི་ན་ཡ་ཞེས་པ་འབྱུང་གི །བི་བརྟི་རྣམ་པར་ལྟུང་བ་དང་། །བི་ནི་༔་ཡ་རྣམ་པར་ངེས་པ་སྟེ། རྒྱན་ལས། ལྟུང་དང་འབྱུང་དང་ལྡང་བ་དང་། །ངེས་པར་འབྱུང་བ་གང་ཟག་དང་། །བཅས་པ་དང་ནི་རབ་དབྱེ་དང་། །རྣམ་པར་ངེས་ཕྱིར་འདུལ་བ་ཉིད། །ཅེས་ལྟུང་བ་ཕས་ཕམ་པ་དང་། དགེ་འདུན་ལྷག་མ་དང་། ཉེས་པ་སྦོམ་པོ་དང་། ལྟུང་བྱེད་དང་། སོ་སོར་བཤགས་པ་སྟེ་ལྟུང་བ་རིགས་ལྔའོ། །དེ་དག་གང་ལས་འབྱུང་བའི་རྒྱུ་ནི། ཐོགས་མེད་ཀྱིས། ལྟུང་བ་འབྱུང་བའི་སྒོ་ནི་མི་ཤེས་པ་ལ་སོགས་བཞིར་བཤད་དོ། །ལྟུང་བ་ལས་སྡང་བའི་ཐབས་ནི། ཕྱིན་ཆད་མི་བྱ་བའི་སྡོམ་སེམས་ཀྱི་ལྡང་བའོ། །ལྟུང་བ་ལས་ངེས་པར་འབྱུང་བའི་ཐབས་ནིསོ་སོར་བཤགས་པ་ལ་སོགས་དེའི་གཉེན་པོ་བདུན་སྟོན་པས་ངེས་པར་འབྱུང་བ་སྟེ། ཆོས་རྣམ་པ་བཞི་སྟོན་པས་འདུལ་བ་ཡིན་ལ། གཞན་ཡང་གང་ལ་བརྟེན་ནས་བསླབ་པའི་ཚིག་བཅའ་བའི་གང་ཟག་དང་།གང་ཟག་གི་ཉེས་པ་གསོལ་ནས་སྟོན་པས་དགེ་འདུན་ལ་བསླབ་པ་བཅས་པ་དང་། དེ་མདོར་བསྟན་པ་ལས་རབ་ཏུ་དབྱེ་བ་དང་། ལྟུང་བ་དང་ལྟུང་བ་མ་ཡིན་པ་རྣམ་པར་ངེས་པ་སྟེ་རྣམ་གྲངས་བཞིར་འབྱུང་བའི་ཕྱིར་ཡང་འདུལ་བ་ཡིན་ནོ། །གསུམ་པ་སྡེ་སྣོད་གསུམ་དུ་འཇོག་པའི་རྒྱུ་མཚན་ནི། རྒྱུ་རྣམ་པ་དགུ་སྟེ། འདི་ལྟར་སྤང་བྱ་གསུམ་ཡིན་པ་དང་། བསླབ་བྱ་གསུམ་ཡིན་པ་དང་། ཤེས་བྱ་གསུམ་ཡིན་པའོ། །དང་པོ་སྤང་བྱ་ཉོན་མོངས་པ་གསུམ་གྱི་སྙིང་པོར་སྡེ་སྣོད་གསུམ་དུ་བཞག་པ་ནི། འདི་ལྟར་ཉེ་བའི་ཉོན་མོངས་པ་ཐེ་ཚོམ་གྱི་སྙིང་པོར་མདོ་སྡེའི་སྡེ་སྣོད་རྣམ་པར་བཞག་སྟེ། མདོ་སྡེ་གང་ལས་ཕུང་ཁམས་སྐྱེ་མཆེད་དང་། རྟེན་ཅིང་འབྲེལ་འབྱུང་དང་། ས་དང་ཕ་རོལ་ཏུ་ཕྱིན་པའི་དོན་གང་ལ་ཡིད་གཉིས་སུ་གྱུར་པ་དེ་ལ་གདོན་མི་ཟ་བར་བྱ་བའི་ཆེད་དུ་བཤད་དོ། །འདོད་པ་བསོད་སྙོམས་ཀྱི་མཐའ་དང་། ངལ་ཞིང་དུབ་པའི་མཐའ་གཉིས་ལ་སྦྱོར་བའི་གཉེན་པོར་འདུལ་བའི་སྡེ་སྣོད་རྣམ་པར་བཞག་སྟེ། ཚེགས་དང་རྩོལ་བས་བྱས་ཤིང་། སྲིད་པས་ཀུན་ནས་སླངས་པའི་གསོག་འཇོག་ཁ་ན་མ་ཐོ་བ་བཀག་པ་འདོད་པའི་བསོད་སྙོམས་ཀྱི་མཐའ་སྤོང་བ་དང་། ངེས་པར་འབྱུང་བའི་ཚུལ་ཁྲིམས་ཡང་དག་པ་དང་ལྡན་པའི་དགེ་སློང་གིས་ཁ་ན་མ་ཐོ་བ་མ་ཡིན་པའི་ཡོངས་སུ་སྦྱང་པ་ལྷག་པར་རྙེད་ནས་ཁ་ཟས་རོ་བརྒྱ་པ་དང་། ཁང་བརྩིགས་མིག་ལྔ་བརྒྱ་པའང་ཞེན་མེད་དུ་སྤྱོད་པར་གནང་བ་ངལ་ཞིང་དུབ་པའི་མཐའ་སྤོང་བར་སྟོན་པ་ཏེ། བཅོམ་ལྡན་འདས་ཀྱི་དགེ་སློང་ཚུལ་ཁྲིམས་དང་ལྡན་པ་དང་། ཡོན་ཏན་དང་ལྡན་པ་ལ་ནི་ངས་ཁ་ཟས་རོ་བརྒྱ་དང་ལྡན་པ་དང་། གོས་འབུམ་རི་བ་ཡང་གནང་ངོ་ཞེས་པས་སོ། །རང་གི་ལྟ་བ་ལ་མཆོག་ཏུ་འཛིན་པའི་གཉེན་པོར་མངོན་པའི་སྡེ་སྣོད་རྣམ་པར་བཞག་སྟེ། ཆོས་ཐམས་ཅད་ཀྱི་མ་མོ་གང་གིས་ཤེས་བྱ་མ་ལུས་པའི་རང་དང་སྤྱིའི་མཚན་ཉིད་ཕྱིན་ཅི་མ་ལོག་པར་གཏན་ལ་ཕབ་ནས་རྒྱ་ཆེར་སྟོན་པའི་ཕྱིར་རོ། །གཉིས་པ་བསླབ་པར་བྱ་བ་རྣམ་པར་བྱང་བའི་ལམ་གསུམ་གྱི་དབང་གི་སྡེ་སྣོད་གསུམ་དུ་རྣམ་པར་བཞག་སྟེ། འདི་ལྟར་རྗོད་བྱེད་གསུམ་པོ་དེ་དག་གིས་བརྗོད་བྱ་བསླབ་པ་གསུམ་ཅི་རིགས་པར་བསྟན་པ་ནི། མདོ་སྡེའི་སྡེ་སྣོད་ཀྱིས་ནི་ཐེག་པ་ཆེ་ཆུང་གཉིས་ཀའི་བསླབ་པ་གསུམ་གྱི་གནས་རྒྱས་པར་དབྱེ་བའི་སྒོ་ནས་གདུལ་བྱ་རྣམས་དོན་དེ་ལ་ཡང་དག་པར་སྦྱོར་རོ། །འདུལ་བའི་སྡེ་སྣོད་ཀྱི་ནི་སོ་སོར་ཐར་པའི་སྡོམ་པའི་བསླབ་བྱ་ལ་སློབ་པའི་ཚུལ་རྒྱ་ཆེར་བསྟན་པའི་སྒོ་ནས་གདུལ་བྱ་རྣམས་ཀྱི་རྒྱུད་ལ་ཚུལ་ཁྲིམས་ཀྱི་ཕུང་པོས་ཡོངས་སུ་འདོམས་པར་བྱེད་པ་དང་། དེ་ལས་འདའ་བ་མ་ཡིན་པས་འགྱོད་པ་དང་བྲལ་བ་ལ་སོགས་པ་རིམ་གྱིས་སེམས་རྩེ་གཅིག་པ་ཐོབ་པའི་ཕྱིར་ལྷག་པའི་ཚུལ་ཁྲིམས་ཀྱི་བསླབ་པ་དང་། ལྷག་པའི་སེམས་ཀྱི་བསླབ་པ་ལ་ཡང་དག་པར་སྦྱོར་བར་བྱེད་དོ། །ཆོས་མངོན་པའི་སྡེ་སྣོད་ཀྱི་ནི་གང་བརྗོད་པར་བྱ་བའི་མཚན་ཉིད་མ་འཁྲུལ་བར་རྒྱ་ཆེར་བསྟན་པའི་སྒོ་ནས་ཆོས་རབ་ཏུ་འབྱེད་པར་བྱེད་པའི་བློ་གྲོས་དྲི་མ་སྤངས་པ་སྒྲུབ་པའི་ཕྱིར་ལྷག་པའི་ཤེས་རབ་ཀྱི་བསླབ་༄༅ པ་ལ་ཡང་དག་པར་སྦྱོར་བར་བྱེད་དོ། །མདོར་བསྡུ་ན། དབྱིག་གཉེན་གྱིས། མདོ་སྡེས་ནི་བསླབ་པ་གསུམ་བཤད་དོ། །འདུལ་བས་ནི་བསླབ་པ་ཚུལ་ཁྲིམས་དང་ལྷག་པའི་སེམས་བསྒྲུབ་པ་ཡིན་ཏེ། ཚུལ་ཁྲིམས་དང་ལྡན་པ་ནི་འགྱོད་པ་མེད་པ་ལ་སོགས་པའི་རིམ་གྱིས་ཏིང་ངེ་འཛིན་འཐོབ་པའི་ཕྱིར་རོ། །ཆོས་མངོན་པས་ལྷག་པའི་ཤེས་རབ་སྒྲུབ་པ་ཡིན་ཏེ། དོན་ཕྱིན་ཅི་མ་ལོག་པར་སྟོན་པའི་ཕྱིར་རོ། །ཞེས་བཤད་དོ། །གསུམ་པ་ཤེས་པར་བྱ་བ་གསུམ་ནི། ཆོས་དོན་བཤད་པ་དང་། ཆོས་དོན་སྒྲུབ་པ་དང་། ཆོས་དོན་འབེལ་གཏམ་གྱི་གཏན་ལ་འབེབས་པའི་དབང་གི་སྡེ་སྣོད་གསུམ་དུ་རྣམ་པར་བཞག་པ་སྟེ། འདི་ལྟར་མདོ་སྡེའི་སྡེ་སྣོད་ཀྱིས་ནི་རྗོད་བྱེད་མིང་ཚིག་ཡི་གེའི་མཚན་ཉིད་ཀྱི་ཆོས་དང་བརྗོད་བྱ་ཕུང་པོ་དང་ཁམས་ལ་སོགས་པའི་མཚན་ཉིད་ཀྱི་དོན་ནམ། མཐོ་རིས་འགྲུབ་བྱེད་ཀྱི་རྒྱུ་དགེ་བ་བཅུའི་ལས་ལ་སོགས་པའི་ཆོས་དང་། མྱ་ངན་ལས་འདས་པ་འགྲུབ་པར་བྱེད་པའི་རྒྱུ་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་ལ་སོགས་པའི་དོན་བརྗོད་པའི་སྒོ་ནས་ཚིག་དོན་ལ་བློ་བྱང་བར་བྱེད་དོ། །འདུལ་བའི་སྡེ་སྣོད་ཀྱིས་ནི་འདོད་ཆགས་ལ་སོགས་པའི་ཉོན་མོངས་པ་རྣམས་ལ་མི་སྡུག་པའི་འདུ་ཤེས་དགུ་སྒོམ་པ་ལ་སོགས་པའི་སྒོ་ནས་ཉོན་མོངས་པ་འདུལ་བ་ལ་མཆོག་ཏུ་སྤྲོ་བས་ན། གང་དུ་ཚོགས་པའི་ཆོས་ཀྱི་རྗོད་བྱེད་དང་། དེ་དག་གི་བརྗོད་དོན་མངོན་སུམ་དུ་བྱེད་པའོ། །མངོན་པའི་སྡེ་སྣོད་ཀྱི་ནི་ཆོས་རྣམས་ཀྱི་མཚན་ཉིད་ཤིན་ཏུ་དཔྱད་བཟོད་པར་བསྒྲུབ་ནས་ཆོས་དང་དོན་རྣམས་གཞན་དུ་མི་འཁྲུལ་བ་ཉིད་དུ་ལེགས་པར་འདོམ་པར་བྱེད་དོ། །དེ་སྐད་དུའང་ཐོས་པ་མང་པོ་དབྱིག་གཉེན་གྱིས། མདོ་སྡེས་ནི་ཆོས་དང་དོན་བཤད་དོ། །འདུལ་བས་ནི་ཆོས་དང་དོན་བསྒྲུབ་པ་སྟེ། ཉོན་མོངས་པ་འདུལ་བ་ལ་རབ་ཏུ་བརྩོན་པས་དེ་གཉིས་རྟོགས་པའི་ཕྱིར་རོ། །ཆོས་མངོན་པས་ནི། འབེལ་བའི་གཏམ་རྣམ་པར་གཏན་ལ་དབབ་པ་ལ་མཁས་པ་ཞེས་བཤད་དོ། །དེ་ལྟ་བུའི་སྡེ་སྣོད་གསུམ་གྱི་ཆོས་དེ་དག་ལས་བྱུང་བའི་ཤེས་རབ་ཀྱི་རྣམ་པར་གྲོལ་བར་བྱེད་དོ། །ཇི་ལྟར་གྲོལ་ན། ཐོས་པའི་ཤེས་རབ་གྱི་ཆོས་ཀྱི་དབྱིངས་དག་མཉམ་ཆེན་པོ་ལ་རྒྱུ་མཐུན་གྱི་བག་ཆགས་འཇོག །བསམ་པའི་ཤེས་རབ་ཀྱི་དེ་དང་དེའི་དོན་སྒྱིའི་ཚུལ་དུ་རྟོགས་པར་བྱེད། སྒོམ་པའི་ཤེས་རབ་གྱི་ཐོས་བསམ་གྱི་དོན་རྩེ་གཅིག་ཏུ་ཡིད་ལ་སྦྱོར་བས་ལྷག་མཐོང་གི་རྒྱུ་ཞི་གནས་ཀྱི་ཏིང་ངེ་འཛིན་རྒྱུད་ལ་སྐྱེད་པར་བྱེད། དེས་སེམས་ཀྱི་ཉོན་མོངས་པ་ཞི་བར་བྱེད་ཅིང་། ལྷག་མཐོང་གི་ཆོས་ཉིད་དོན་དམ་པའི་བདེན་པ་ཡང་དག་པ་ཇི་ལྟ་བ་བཞིན་རྟོགས་ནས་རྣམ་པར་གྲོལ་བར་བྱེད་དེ། མདོ་སྡེའི་རྒྱན་ལས། མདོ་དང་ཆོས་མངོན་འདུལ་བ་དང་། །མདོར་ན་དོན་ནི་རྣམ་བཞིར་འདོད། །བློ་དང་ལྡན་པས་དེ་ཤེས་ན། །རྣམ་པ་ཐམས་ཅད་མཁྱེན་པ་ཐོབ། །ཅེས་སོ། །བཞི་པ་གདུལ་བྱའི་སྒོ་ནས་དབྱེ་བ་ནི། སྡེ་སྣོད་བཞིར་སྤྲོ་བ་དང་། གཉིས་སུ་བསྡུ་བའང་ཡོད་པས་མཐའ་གཅིག་ཏུ་མི་གནས་ཏེ། དང་པོའི་དབང་གིས་སྡེ་སྣོད་བཞིར་བྱེད་ན། མཚན་གཞི་ནི་རིག་པ་འཛིན་པ་སྔགས་ཀྱི་སྡེ་སྣོད་ཅེས་བྱའོ། །དེ་ལ་སློབ་དཔོན་ཨ་བྷ་ཡུ་ཀ་རས་ནི་བསླབ་པ་གསུམ་ཀ་སྟོན་པས་སྡེ་སྣོད་གསུམ་ཀའོ་ཞེས་དང་། སློབ་དཔོན་ཤཱརྙི་པས་ཟབ་མོའི་དོན་བསྡུས་ནས་སྟོན་པས་མདོ་སྡེའི་སྡེ་སྣོད་ཡིན་ནོ་ཞེས་གསུངས་ལ། རྡོ་རྗེ་རྣམ་པར་འཇོམས་པ་དང་། མདོ་དགོངས་པ་འདུས་པའི་མཚན་གཞིའི་དབང་དུ་བྱས་ཀྱང་དངོས་བསྟན་ཉིད་དུ་གྲུབ་མོད། འདིར་སློབ་དཔོན་ཨརུ་དེ་བས་རིག་པ་འཛིན་པའི་སྡེ་སྣོད་དོ་ཞེས་ལོགས་སུ་བྱ་བ་སྡེ་སྣོད་བཞི་པར་ཕྱེ་བའི་རྗེས་སུ་འབྲངས་པ་ཡིན་ཏེ། དག་པའི་གདུལ་བྱ་ལ་གསུངས་པའི་དོན་གྱི་དང་། ཐབས་མང་བ་དང་། དཀའ་བ་ཉུང་བ་དང་། དབང་པོ་རྣོན་པོའི་སླད་དུ་གསུངས་པའི་ཕྱིར་རོ། །དེ་སྐད་དུ་ལུང་གང་གིས་སྟོན་ན། མདོ་སྡེ་གདམས་ངག་འབོགས་པའི་རྒྱལ་པོ་ལས། །འདྲེན་པའི་ཐེག་པ་གསུམ་པོ་དག །བཅོམ་ལྡན་ངེས་པར་གསུངས་ལགས་ན། །རྒྱུ་འབྲས་ལྷུན་གྲུབ་དུ་སྤྱོད་ཅིང་། །སངས་རྒྱས་གཞན་ནས་མི་འཚོལ་བའི ངེས་པའི་ཐེག་པ་ཅིས་མ་གསུངས། །ཞེས་དང་། རྒྱུ་ལ་མོས་དང་རྒྱུ་ཆོས་ཀྱི། །འཁོར་ལོ་རབ་ཏུ་བསྐོར་བྱས་ན། །རྡོ་རྗེ་ཐེག་པའི་ཉེལ་མ་ཞིག །མ་འོངས་དུས་ན་འབྱུང་བར་འཀྱུར། །ཅེས་བསྟན་པའི་ཕྱིར་རོ། །ཡང་གཉིས་སུ་བསྡུ་བའི་དབང་དུ་བྱས་ན། རྒྱན་ལས། གཉིས་ཀྱང་རུང་ཞེས་པས་གདུལ་བྱའི་གང་ཟག་ལ་ལྟོས་ནས་སྡེ་སྣོད་གཉིས་སུ་བཞག་པ་སྟེ། ཉན་ཐོས་ཀྱི་སྡེ་སྣོད་དང་། བྱང་ཆུབ་སེམས་དཔའི་སྡེ་སྣོད་དོ། །དེ་ལ་ཉན་ཐོས་ཀྱི་སྡེ་སྣོད་ནི། གདུལ་བྱ་བློ་དམན་པ། ལམ་རྒྱ་ཆུང་ངུ་ལ་མོས་པའི་དོན་དུའོ། །བྱང་ཆུབ་སེམས་དཔའི་སྡེ་སྣོད་ནི། གང་ཟག་བློ་མཆོག་ཏུ་གྱུར་པ་ལམ་རྒྱ་ཆེན་པོ་ལ་མོས་པེའི་དོན་དུའོ། །དེ་གཉིས་ཀྱི་ཁྱད་པར་ཡཕ་སྟེ།སྣོད་ཀྱི་དབང་དུ་བྱས་ན། ཐེག་ཐོ་དདྨ་ན་པའི་ལུགས་ཀྱི་གསུང་རབ་ཡན་ལག་བཅུ་གཉིས་དང་། བསྟན་བཅོས་མོངོན་པ་སྡེ་བདུན་ལ་སོགས་པ་ཉན་ཐོས་ཀྱི་སྡེ་སྣོད་ཡིན་ལ།དེ་དག་ལ་མ་གྲགས་པའི་ཤེས་རབག་ཀྱེ་ཕ་རོལ་ཏུ་ཕྱིན་པ་དང་། ཕལ་པོ་ཆེ་ལ་སོགས་པ་རྒྱས་པའི་སྡེ་སྣོད་རྣམས་ནི་བྱང་ཆུབ་སེམས་དཔའི་སྡེ་སྣོད་དེ། ཕྱི་མའི་ཁྱད་པར་གྱི་ཆོས་ནི་ལདྷར་གཤེགས་པ་ལས། ཆོས་ལྔ་དག་དང་རང་བཞིན་གསུམ། །རྣམ་པར་ཤེས་པ་བརྒྱད་ཉིད་དང་། །བདག་མེད་གཉིས་་ཀྱི་དངོས་པོར་ནི། ཐེག་པ་ཆེན་པོ་མཐའ་དག་འདུས། །ཞེས་སོ། ཡང་ལམ་དང་འབྲས་བུའི་དབང་དུ་བྱས་ན། མགོན་པོ་བྱམས་པས། དམིགས་པ་ཆེ་བ་ཉིད་དང་ནི། །དེ་བཞིན་སྒྲུབ་པ་གཉིས་དག་དང་། །ཡེ་ཤེས་བ་རྩོན་་གྲུས་བརྩོམ་པ་དང་། །ཐབས་ལ་མཁས་པ་གྱུར་པ་དང་། །ཡང་དག་གྲུབ་པ་ཆེན་པོ་དང་། །སངས་རྒྱས་ཕྲིན་ལས་ཆེན་པོ་སྟེ། །ཆེན་པོ་བདུན་དང་ལྡན་པའི་ཕྱིར། །ཐེག་ཆེན་ཞེས་ནི་ངེས་པར་བརྗོད། །ཅེས་སོ། །དེ་ལྟ་བུའི་ཁྱད་པར་གྱི་འཕགས་པའི་ཐེག་པ་ཆེན་པོ་དེ་ལ་དབྱེ་ན། གདུལ་བྱ་དབང་པོ་རྟུལ་པོ་རྒྱུ་ལམ་དུ་བྱེད་པ་ལ་མོས་པའི་ངོར་རྒྱུཕ་རོལཏུ་ཕྱིནཔདང། དབང་པོ་རྣོན་པོ་འབྲ་་ཐུ་ལ་དུ་བྱེད་་ལ་མོས་རྦའི་ངོར་་གསིཔོ་ གས་རྡོ་རྗེའི་ཐེག་པ་གཉིས་སུ་གསུངས་པ་སྟེ། མདོ་དགོངས་པ་འདུས་པ་ལས། འདྲེན་པའི་ཐེག་པ་རྣམ་གསུམ་ལ། །གང་དག་རིམ་པར་བཀོད་ལགས་ན། །མཉམ་པས་བླང་དོར་མེད་སྤྱོད་ཅིང་། །བྱང་ཆུབ་གཞན་ནས་མི་འཚོལ་བའི ཐབས་མཆོག་དཔག་ཏུ་མི་ལང་བ ངེས་པའི་ཐེག་པ་ཡོང་མ་གསུངས། །ཞེས་སོ། །དེ་དག་ལས་འདིར་གསང་སྔགས་རྡོ་རྗེའི་ཐེག་པ་བྱེ་བྲག་ཏུ་བཤད་པ་ལ་དོན་གཉིས་ཏེ། རྒྱུའི་ཐེག་པ་ལས་གང་གི་འཕགས་པ་དང་། ཁྱད་པར་ཅན་གྱི་གསང་སྔགས་ཉིད་བསྟན་པའོ། །དང་པོ་ལ་གཉིས་ཏེ།གྲུབ་མཐའ་སྨྲ་བ་སྤྱིའི་འདོད་པས་མདོར་བསྟན་པ་དང་། རྒྱལ་བ་གཉིས་པ་ཀུན་མཁྱེན་ངག་གི་དབང་པོའི་བཞེད་པས་རྒྱས་པར་བཤད་པའོ། །དང་པོ་ནི་ཐེག་པ་དམན་པ་ལས་མཆོག་ཏུ་གྱུར་པའི་ཐེག་པ་ཆེན་པོའི་ནང་ནས་གཞི་མི་སྤོང་བར་ལམ་དུ་བྱེད་པའི་ཐབས་ཀྱི་ཁྱད་པར་འཕགས་པ། དཀའ་བ་མེད་པར་གཞན་དོན་དུ་བླ་མེད་པའི་བྱང་ཆུབ་མྱུར་དུ་འགྲུབ་པའི་ཐབས་སུ་གྱུར་པ་གང་ཡིན་པ་སྟེ། ཚུལ་གསུམ་པའི་སྒྲོན་མེའི་ལུང་ཡོངས་སུ་གྲགས་པས་མ་སྨོས་སོ། །གཉིས་པ་ནི། མཚན་ཉིད་དུ་ལྟ་བ་སྟོང་ཉིད་སྤྲོས་བྲལ་བརྗོད་པའི་ལམ་དུ་ཚིག་གི་མཚོན་པ་ཙམ་སྟེ། གདོད་མ་ནས་བདེན་གཉིས་དབྱེར་མེད་ལྷ་དང་སྔགས་ཀྱི་རང་བཞིན་དུ་མ་རྟོགས་ལ། སྔགས་སུ་ཀུན་རྫོབ་ཀྱང་མེད་ལ་སྣང་བ་སྤྲུལ་པ་ཙམ་དུ་ལྷར་དག་པར་སྦྱོར་ཞིང་། དོན་དམ་དབྱིངས་དང་ཡེ་ཤེས་གདོད་ནས་ལྷུན་གྲུབ་ངོ་བོ་ཉིད་མེད་པའི་ངང་དུ་རྟོགས་པ་སྟེ། སྒྱུ་འཕྲུལ་ལམ་རིམ་ལས། དོན་དམ་ཀུན་རྫོབ་དབྱེར་མེད་པར། །མཉམ་པའི་དཀྱིལ་འཁོར་ཆེན་པོ་སྲ །ཞེས་སོ། །སྤྱོད་པའང་མཚན་ཉིད་ནི་བླང་དོར་དང་བཅས་པ་སྟེ། སྔགས་སུ་སྣང་སྟོང་སྒྱུ་མའི་རང་བཞིན་ལྷ་དང་གཞལ་ཡས་ཁང་གི་ངང་ལས། ཚོགས་ཀྱི་འདུ་བས་ལྷ་མཆོད་པ་དང་། ཆོས་ཉིད་མཐུན་པ་དང་། ཉོན་མོངས་པ་དག་པ་ལ་སོགས་པས་འཕགས་སོ། །ཏིང་ངེ་འཛིན་ལའང་མཚན་ཉིད་དུ་ཞི་གནས་ལ་འཇོག་པ་དང་། ལྷག་མཐོང་ལ་དཔྱད་པ་སོགས་སེམས་འཛིན་གྱི་དཀའ་བས་འབད་དགོས་པ་ཉིད་སྔགས་སུ་མཚན་བཅས་བསྐྱེད་པའི་རིམ་པས་བསོད་ནམས་ཀྱི་ཚོགས་རྫོགས་ཤིང་སྤྲོས་པ་ཞི་ནས། མཚན་མེད་རྫོགས་པའི་རིམ་པས་ཡེ་ཤེས་ཀྱི་ཚོགས་ལ་སྤྱོད་ཅིང་རྩ་རླུང་གི་གནད་གཅུན་པ་ཙམ་གྱིས་ཆོས་ཉིད་མ་འཁྲུལ་བ་མྱུར་དུ་སྟོན་པས་འཕགས་སོ། །རྒྱུའང་མཚན་ཉིད་དུ་བསྐྱེད་བྱ་སྐྱེད་བྱེད་ཀྱི་ཀུན་རྫོབ་ལ་ལྷོས་ཏེ། སྔགས་སུ་དག་བྱ་རང་གནས་ཀྱི་ཡེ་ཤེས་བླང་དོར་མེད་པར་བཙན་ཐབས་སུ་ངོ་སྤྲོད་ནས་བསྒོམས་པས་དོན་དམ་རྟོགས་པའི་གནད་ཀྱིས་འཕགས་སོ། །ལམ་ཡང་མཚན་ཉིད་དུ། ཚོགས་གཉིས་ལ་མཉམ་རྗེས་རེས་འཇོག་ཏུ་གྱུར་པས་བསྐལ་པའི་གྲངས་ཀྱི་བགྲོད་བྱ་ཉིད། སྔགས་སུ་རང་བཞིན་དབྱེར་མེད་ཡེ་ཤེས་མ་འཁྲུལ་བའི་ལམ་ལ་ཞུགས་ན་་མྱུར་དུ་བགྲོད་པས་འཕགས་སོ། །འབྲས་བུའང་མཚན་ཉིད་དུ་ཕྱི་དུས་སུ་གདེངས་འཆའ། སྔགས་ལ་ད་ལྟ་ལྷུན་གྲུབ་རང་གནས་སུ་འདོད་པས་འཕགས་སོ། །དེ་བཞིན་དུ་མཚན་ཉིད་ན་སྤང་གཉེན་རིམ་པ་ཅན་གྱི་བཅུ་གཅིག །སྔགས་སུ་འབྲས་བུ་རྣམ་དག་ཆེན་པོ་གསུམ། དུས་ལ་དགོངས་པ་ལུང་སྟོན་ལས། ཤིན་ཏུ་གྲངས་མེད་བསྐལ་པ་མྲ །སངས་རྒྱས་རྣམས་ཀྱི་གང་མཁྱེན་པ། །སྔགས་པ་རྣམས་ཀྱི་དུས་གཅིག་ཏུ། །ཚིག་གཅིག་རྫོགས་པའི་བྱང་ཆུབ་ཐོབ། །ཅེས་སོ། །ལོངས་སྤྱོད་ལ་མཚན་ཉིད་དུ་དཀའ་ཐུབ་སྤྱོད་ལ།སྔགས་ནི་རྡོ་རྗེ་བཀོད་པར། ལོངས་སྤྱོད་འདོད་ཡོན་རྣམ་པ་ལྔ། །ཐབས་ལྡན་སྔགས་ལ་གྲོགས་ཀྱི་མཆོག །ཅེས་སོ། །རྣལ་འབྱོར་ལའང་། མཚན་ཉིད་དུ། མཉམ་བཞག་ནམ་མཁའ་དང་། རྗེས་ཐོབ་སྒྱུ་མར་ལམ་བྱེད་དམིགས་པ་དང་བཅས་ཏེ། སྔགས་ལ་བསམ་འདས་ལྷུན་གྲུབ་ཆེན་པོར་ལམ་དུ་བྱེད་པ་དང་། རང་གཞན་གྱི་དོན་བྱ་བ་ལའང་། མཚན་ཉིད་དུ་ཐབས་བསམ་གྱི་མི་ཁྱབ་པའི་སྒོ་ཉུང་ལ། སྔགས་ལས་ཆར་དབབ་པས་མུ་གེ་གཅོད་པ་དང་། རྣལ་འབྱོར་གྲུབ་པས་ཟས་སྐོམ་ནོར་བུ་ལ་སོགས་པའི་ཆར་འབེབས་པ་དང་། དབང་དུ་བྱེད་པ་དང་། ནད་འཁྲུག་ཞི་བ་ལ་སོགས་པས་ཡུལ་འཁོར་དང་གྲོང་ཁྱེར་ཙམ་བཀྲ་ཤིས་པར་བྱེད་པའོ། །དགོས་པའང་། མཚན་ཉིད་དུ་རྒྱུ་ལས་འབྲས་བུ་བསྐྱེད་པ་ཙམ་ལས་མེད་ལ། སྔགས་སུ་ཐུགས་ཀྱི་གསང་བ་ལམ་དུ་བྱེད་པ་དང་། དེ་བཞིན་དུ་གསུང་དང་སྐུ་ཡང་ལམ་དུ་བྱེད་པས་དང་། བྱ་དཀའ་བ་མེད་པ་སྟེ། སྔ་འགྱུར་རྟ་མཆོག་དྲེགས་པ་དབང་འདུས་ཀྱི་རྒྱུད་ལས། འབྲས་བུའི་ཐེག་ཆེན་གསང་སྔགས་འདི། ཁྱད་པར་འགྱུར་ཕྱིར་ཁྱད་པར་ཆེ། །ཐབས་མང་དཀའ་བ་མེད་པ་དང་། །དབང་པོ་རྣོན་པོའི་མཆོག་གྱུར་དང་། །དོན་གཅིག་ཕྱིར་ནའང་མ་རྨོངས་པས། །སྔགས་ཀྱི་ཐེག་པ་ཁྱད་པར་འཕགས། །འབྲས་བུ་ཉིད་དུ་ལམ་ཤེས་པས། །ཚེ་ལུས་གཅིག་ལ་རྫོགས་སངས་རྒྱས། །ཞེས་སོ། །ཚོགས་གསོག་གི་ཁྱད་པར་ལའང་མཚན་ཉིད་དུ་ཕར་ཕྱིན་དྲུག་ལ་སོགས་སྤྱོད་པ་དག་པ་ཙམ་སྟེ། སྔགས་སུ་སྣང་སྲིད་སངས་རྒྱས་ཀྱི་ཞིང་དུ་དག་པ་དང་། ཉོན་མོངས་པ་དང་། འདོད་ཡོན་གྱི་ཚོགས་མཆོད་པའི་ཕྱག་རྒྱར་ཤེས་པ་ལ་སོགས་ཏེ་ཁྱད་པར་རྣམ་པ་བཅོ་ལྔ་འཕགས་པའི་ཚུལ་མགོན་པོ་རྡོ་རྗེ་འཆང་གིས། ཉན་ཐོས་ལ་སོགས་ཐེག་ཆུང་ལ། །མན་ངག་ཡོད་པ་མ་ཡིན་ཏེ། །ལྷ་བ་སྤྱོད་པ་སེམས་བཟུང་དང་། །རྒྱུ་དང་ལམ་དང་འབྲས་བུ་ས། །དུས་དང་ལོངས་སྤྱོད་རྣལ་འབྱོར་དང་། །བདག་གཞན་དོན་དང་དགོས་པ་དང་། །ངལ་དུབ་མཐའ་སྤངས་ཚེགས་ཆུང་དང་། །ཚོགས་བསགས་པ་ཡི་ཁྱད་པར་དང་། ཁྱད་པར་རྣམ་པ་བཅོ་ལྔ་ཡིས། །རིག་འཛིན་ཐེག་པ་ཁྱད་པར་འཕགས། །ཞེས་དང་། ཡེ་ཤེས་གྲུབ་པ་ལས། རྒྱུ་ཡི་ཐེག་པ་ཆེན་པོ་ལས། །སྐུ་གསུང་ཐུགས་ཀྱི་ལམ་རྣམས་ཀྱི། །གསང་བ་ཆེ་ལས་གསང་སྔགས་མཆོག །རབ་ཏུ་འཕགས་པར་རིག་པར་བྱ། །ཞེས་པ་ནི་སྐུ་གསུང་ཐུགས་གསང་བ་བསམ་གྱི་མི་ཁྱབ་པའི་གནས་བླ་ན་མེད་པས་འཕགས་པ་ཉིད་ཀྱི་ཆིངས་ཆེན་པོ་བསྟན་པ་ཡིན་ནོ། །གཉིས་པ་གསང་སྔགས་ཀྱི་རྣམ་པར་བཞག་པ་ལ་གཉིས་ཏེ། སྤྱིར་བསྟན་པ་དང་། བྱེ་བྲག་ཏུ་བཤད་པའོ། །དང་པོ་གསང་སྔགས་ཀྱི་སྤྱིའི་རང་བཞིན་ལ་བཞི། མཚན་གཞི། མཚན་ཉིད། སྒྲ་དོན། མིང་གི་རྣམ་གྲངས་སོ། །དང་པོ་ནི། གདོད་ནས་རང་བཞིན་གྱི་འོད་དུ་གསལ་བའི་བདག་ཉིད་སྐུ་དང་ཡེ་ཤེས་འདུ་འབྲལ་མེད་པའི་ཆོས་ཉིད་ལ། ལམ་གྱི་བྱ་བས་སྦྱང་གཞི། སྦྱང་བྱ། སྦྱོང་བྱེད། སྦྱངས་འབྲས་བཞིར་གནས་ཏེ། དབྱིངས་བདེ་གཤེགས་སྙིང་པོ་འོད་དུ་གསལ་བའི་ཆོས་ཉིད་ནི་སྦྱང་གཞི་ཡིན་ལ། གློ་བུར་གྱི་སྒྲིབ་པ་ལས་དང་ཉོན་མོངས་པ་འཁོར་བའི་ཆོས་ཀུན་གཞི་ཚོགས་བརྒྱད་དང་བཅས་པ་ནི་སྦྱང་བྱ་སྟེ། དེའང་བག་ཆགས་སྣ་ཚོགས་པའི་ཀུན་གཞི་ནི་འཁོར་བའི་རྩ་བ་ཡིན་པས་ལྡོག་ལ། བཞུགས་ཚུལ་གཤིས་ཀྱི་ཀུན་གཞི་ནི་ངོ་བོ་མི་ལྡོག་ཀྱང་། ཐ་སྙད་དུ་བཏགས་པའི་ཀུན་གཞིའི་མིང་གིས་ཆ་དེ་ལོག་ནས་ཆོས་ཀྱི་དབྱིངས་ཀྱི་ཡེ་ཤེས་ཞེས་བྱ་བར་གནས་འགྱུར་བའོ། །དེ་བཞིན་དུ་རྣམ་ཤེས་གཞན་རྣམས་ལྡོག་པའི་ཆ་ལས་མེ་ལོང་ཡེ་ཤེས་ལ་སོགས་པའི་ལྷག་མ་བཞི་འཆར་བ་ཡིན་ནོ། །སྨིན་གྲོལ་གྱི་ལམ་རྒྱ་མཚོ་ལྟ་བུས་ཡེ་ཤེས་ཀྱི་ཡོན་ཏན་གསར་དུ་འཐོབ་པ་ནི་སྦྱོང་བྱེད་ཀྱི་ཆོས་སོ། །དེ་ལྟར་སྦྱངས་པས། དབྱིངས་ལ་སྒྲིབ་བྱེད་ཀྱི་རྣམ་པ་ཐམས་ཅད་དག་ནས་ཁམས་བྱང་ཆུབ་ཏུ་གྱུར་ཏེ་སྐུ་དང་ཡེ་ཤེས་ཀྱི་བདག་ཉིད་ཅན་མངོན་དུ་གསལ་ནས་དོན་གཉིས་མཐར་ཕྱིན་པ་ནི་སྦྱངས་པའི་འབྲས་བུ་ཡིན་ནོ། །དེ་སྐད་དུ་གསང་བ་སྒྲུབ་པ་ལས།དབྱིངས་ལ་བྲལ་བ་དག་ཐོབ་འབྲས། །གསང་སྔགས་རྣམ་པ་བཞིར་བཤད་དོ། །ཞེས་སོ། །གཉིས་པ་ནི། དབྱིངས་རང་བཞིན་གྱི་དག་ཅིང་མ་འགགས་པ་རྗོད་བྱེད་ཐུགས་རྡོ་རྗེའི་གསང་བ་ཆེན་པོ་སྟེ། རྡོ་རྗེ་རྩེ་མོ་ལས། སྔགས་རྣམས་ཀུན་གྱི་མཚན་ཉིད་ནི། །སངས་རྒྱས་ཀུན་གྱི་ཐུགས་ཡིན་ཏེ། །ཆོས་ཀྱི་སྙིང་པོ་སྒྲུབ་བྱེད་པས། །ཆོས་ཀྱི་དབྱིངས་དང་ཡང་དག་ལྡན། །ཞེས་སོ། །གསུམ་པ་ལ་གཉིས། སྒྲ་དོན་སྤྱིར་བཤད་པ་ད་ང་། རྒྱུད་ཀྱི་ངེས་ཚིག་བྱེ་བྲག་ཏུ་བཤད་པའོ། །དང་པོ་ནི། ལེགས་སྦྱར་གྱི་སྐད་དུ་མནྟྲ་ཞེས་འབྱུང་བས་གསང་སྔགས་སམ་སྔགས་ཞེས་བྱ་སྟེ། དེའང་ཡི་གེ་བསྣན་དགོས་ཀྱི་སྒྲ་ལས་དྲངས་ན་མ་ན་ཡི་ཏྲ་དང་། ཏྲ་ཡ་སྐྱོབ་པའོ། །ཡིད་དང་ཉོན་མོངས་པའི་ཕྱོགས་ཡེ་ཤེས་སུ་བསྒྱུར་བས་བདག་ཏུ་ལྟ་བ་ལ་སོགས་ཏེ་མི་མཐུན་པའི་ཕྱོགས་ལས་སྐྱོབ་ཅིང་རྒྱལ་བར་བྱེད་པའི་དོན་ཏེ། གསང་བ་འདུས་པའི་རྒྱུད་ཕྱི་མ་ལས།ཡིད་དེ་མན་ཞེས་བྱ་བར་བཤད། །ཏྲ་ནི་སྐྱོབ་པར་བྱེད་པའི་དོན། །འཇིག་རྟེན་སྤྱོད་ལས་རྣམ་གྲོལ་བ། །ཞེས་སོ། །གཉིས་པ་ནི། སྐད་བྱེ་བྲག་ཏུ་རྟོགས་པར་བྱེད་པ་འབྲིང་པོ་ལས། ཏནྟྲ་པྲ་ནནྟྲ་ཁྱུར་ཞེས་པས་རྒྱུན་ཆགས་པའི་མིང་དུ་བཤད་དེ། རྡོ་རྗེ་རྩེ་མོ་ལས་ཀྱང་། རྒྱུད་ནི་རྒྱུན་ཆགས་ཞེས་བྱ་སྙེ། །འཁོར་བ་རྒྱུད་དུ་འདོད་པ་སྟེ། །མྱ་ངན་འདས་པ་རྒྱུད་ཕྱི་མ། །ཞེས་པས་བརྗོད་བྱ་དོན་གྱི་དབང་དུ་རྒྱུ་དང་། ཐབས་དང་།འབྲས་བུའི་གནས་སྐབས་ཐམས་ཅད་དུ་འབྲེལ་ཞིང་རྒྱུན་ཆགས་པ་གཉིས་སུ་མེད་པའི་ཡེ་ཤེས་སོ། །བཞི་པ་ནི། རིག་པ་འཛིན་པའི་སྡེ་སྣོད་དམ། གསང་སྔགས་ཀྱི་ཐེག་པ། རྡོ་རྗེའི་ཐེག་པ། །འབྲས་བུའི་ཐེག་པ་ཞེས་མཚན་གྱི་རྣམ་གྲངས་སུ་ངེས་པ་སྟེ། ཉོན་མོངས་པ་ལ་སོགས་སྤང་བྱ་གནས་སུ་དག་པ་དང་། བསྒྲུབ་བྱ་ཐོབ་པའི་ཐབས་ལ་ཆེད་དུ་བསྔགས་པ་སྟེ། རིག་པ་མཆོག་ལས། དག་ཐོབ་ཡང་དག་སྦྱོར་བ་ལ། །མཆོག་ཏུ་བསྔགས་པས་སྔགས་ཞེས་བརྗོད། །ཅེས་སོ། །གཉིས་པ་བྱེ་བྲག་ཏུ་བཤད་པ་ལ་གཉིས། ཕྱི་འགྱུར་གསར་མའི་རྣམ་བཞག་དང་། སྔ་འགྱུར་རྙིང་མའི་རྣམ་བཞག་གོ །དང་པོ་ནི། གཞན་དུ་རྒྱ་ཆེར་བཀྲལ་བས་འདིར་དངོས་ཀྱིས་མ་བཤད་ལ། འོན་ཀྱང་ཕྱི་མའི་ཤུགས་ལས་རྟོགས་པར་འགྱུར་རོ། །གཉིས་པ་གསང་སྔགས་རྙིང་མའི་རྣམ་པར་བཞག་པ་ལ། རྣམ་དབྱེ་སྤྱིར་བསྟན་པ་དང་། གསང་སྔགས་བྱེ་བྲག་ཏུ་བཤད་པ་གཉིས་ལས། དང་པོ་ནི། ཐེག་པའི་རིམ་པ་དང་སྦྱར་ན་དགུ་སྟེ། སྒྱུ་འཕྲུལ་རྩ་རྒྱུད་ལས། འདུལ་བ་མདོ་སྡེ་ཆོས་མངོན་དང་། །དམ་ཚིག་བསྒྲུབ་དང་གྲུབ་པ་དང་། །སྐུ་དང་གསུང་དང་ཐུགས་ཀྱི་རྒྱུད། ཅེས་རྒྱུའི་ཐེག་པ་གསུམ་དང་། འབྲས་བུའི་ཐེག་པ་དྲུག་ཏུ་སྟོན་པས་ཆོས་ཀྱི་འཁོར་ལོ་བསྐོར་ཏོ་ཅོག་ཐམས་ཅད་བསྡུས་ཏེ་བསྟན་པ་ཡིན་ནོ། །དེ་ཡང་ཞིབ་བརྩེགས་ཀྱི་དབང་དུ་ན་སྒྲ་ཐལ་འགྱུར་ལས། གསུངས་ཚུལ་དགོངས་པ་གསུམ་དང་བཅས། །གཉེན་པོ་བསྡུ་དང་དབང་པོའི་དོན། །ཚིག་རྣམས་བསྡུས་ཏེ་སྣང་བར་བྱས། །དེ་མ་ཡིན་པ་བརྗོད་པའི་ཚིག །དུས་གསུམ་རྒྱལ་བས་གསུངས་པ་མེད། །ཅེས་པས་གཉེན་པོ་ལ་དགོངས་ཏེ་གསུངས་པ་ཆོས་ཀྱི་ཕུང་པོ་སྟོང་ཕྲག་བརྒྱད་ཅུ་རྩ་བཞི། བསྡུ་བ་ལ་དགོངས་ཏེ་གསུངས་པ་ཟབ་ཅིང་རྒྱ་ཆེ་བ་རྡོ་རྗེ་ཐེག་པ། དབང་པོ་ལ་དགོངས་ཏེ་གསུངས་པ་འཇིག་རྟེན་པའི་ཐེག་པ་གཉིས་དང་། འདས་པའི་གསུམ་སྟེ་དེ་དག་གི་མདོ་དོན་འཁོར་འདས་མ་ལུས་པ་ཐེག་པ་ཉིད་ཀྱི་རིམ་པའི་ཁང་པ་ལ་དཀྲི་བའི་རྣམ་པར་བཞག་པ་མཐའ་ཡས་པ་ཡོད་དེ་རེ་ཞིག་ཡི་གེ་ཉུང་ངུའི་ཕྲག་པ་ལ་འདྲེན་པར་མ་བཟོད་དོ། །གཉིས་པ་གསང་སྔགས་ཀྱི་རང་བཞིན་བྱེ་བྲག་ཏུ་བཤད་པ་ལ་གཉིས། ཕྱི་ཐུབ་པ་རྒྱུད་ཀྱི་ཐེག་པ་དང་། ནང་ཐབས་ཀྱི་རྒྱུད་ཀྱི་ཐེག་པའོ། །དང་པོ་ནི། གཙང་སྦྲ་ལ་གནས་ཤིང་སྒོ་གསུམ་གྱི་བྱ་བ་དང་བྱེད་པ་གཙོ་བོར་འདོན་པས་སྤྲུལ་སྐུའི་ཐེག་པ་ཆུང་ངུ་གསུམ་དང་ཆོས་མཐུནཔའི་ཕྱིར། ཕྱི་ཐུབ་པ་ཞེས་བསྟན་ལ། གསང་སྔགས་ཀྱི་ཁོངས་སུ་གཏོགས་པའི་ཆོས་ཆེན་པོར་གྱུར་པ་གཞི་དང་། ལམ་དང་འབྲས་བུའི་རྣམ་གཞག་ཟམ་མ་ཆདཔས་རྒྱུད་དུ་བཞག་པ་ཡིན་ནོ། །དབྱེ་ན་གསུམ། ཀྲི་ཡ། ཨུ་པ། ཡོ་གའོ། །དང་པོལའང་སྒྲ་དོན། གྲུབ་མཐའ། ལམ། འབྲས་བུ་དང་བཅས་པ་བཞིས་སྟོན་པ་ལས། དང་པོ་སྒྲ་དོན་ནི། ཀྲི་ཡ་སྟེ་ལུས་ངག་གི་བྱ་བ་གཙོ་བོར་བྱེད་པའི་དོན་ལ་ཏནྟྲ་སྟེ་རྒྱུད་སྡེ་འབྲེལ་བ་ཅན་དུ་བྱུང་བའི་དོན་ཏོ། །གཉིས་པ་གྲུབ་མཐའ་ནི། ཀུན་རྫོབ་འཁྲུལ་པར་སྣང་བ་འདི་དག་ནི་སྦྱང་བྱའི་དྲི་མ། དོན་དམ་མ་འཁྲུལ་བའི་དབྱིངས་ཀྱི་རང་བཞིན་སྦྱང་གཞི་བདེན་པ་དབྱེར་མེད་ལ་འཇུག་པའི་ངོ་བོ་རྟོགས་བྱའི་གཞིར་བྱས་ནས་དབྱིངས་རང་བཞིན་གྱིས་དག་པའི་ལྷ་ཁས་ལེན་ཏོ། །གསུམ་པ་ལམ་ལ། སྣང་ཆ་ཀུན་རྫོབ་པ་ཐམས་ཅད་ལྷ་དྲུག་གི་རང་བཞིན་དུ་ཤེས་པས། ཡི་དམ་གྱི་ལྷ་ཡེ་ཤེས་སེམས་དཔའ་རྗེ་དང་། བདག་དམ་ཚིག་སེམས་དཔའ་ཁོལ་གྱི་ཚུལ་དུ་བསྒྲུབཅིང་། དོན་དམ་པར་སྐྱེས་པའི་ཆོས་ཉིད་འོད་གསལ་བ་ལ་འཇུག་གོ །ལྷ་དྲུག་ནི་སྣང་ཙམ་ལྷའི་སྐུ་སྒྱུ་མར་གསལ་བས་གཅིག་དང་དུ་མའི་མཐའ་ལ་མི་གནས། གསུང་ཡིག་འབྲུ་ལྷའི་སྒྲར་གསལ་བས་གྲག་སྟོང་བཟླས་པའི་འཁོར་འོ་། ཐུགས་ཕྱག་མཚན་ལ་དམིགས་པས་དྲན་བསམ་ཏིང་ངེ་འཛིན་གྱི་ལྷར་གསལ།འཕྲོ་འདུ་སྐུ་མདོག་ཏུ་གསལ་བས་འོད་ཀྱི་ལྷར་གྲོལ། གསལ་བ་བཞུགས་ཚུལ་གྱི་ལྷ་གདན་ཁྲི་ཆ་ལུགས་སུ་གསལ་བས་གཞལ་ཡས་ཁང་དུ་གྲོལ། གྲོལ་བ་ཡེ་ཤེས་ཀྱི་ལྷ་སྣང་སྲིད་ཆོས་སྐུར་གསལ་བས་སྤང་བྱ་ཡེ་ཤེས་གྲོལ། མདོར་ན་ཡུལ་དྲུག་ལ་མངོན་པར་ཞེན་པ་དྲུག་སྦྱོང་ཞིང་། སྣང་བ་གཟུགས་ཀྱི་ལྷ་ལ་སོགས་པ་དྲུག་ཏུ་ཤེས་པས་ཉོན་མོངས་པ་སྦྱོང་བར་བྱེད་དོ། །བཞི་པ་ནི། གནས་སྐབས་སུ་ལྟ་བ་དང་ཏིང་ངེ་འཛིན་གྱི་ཡོན་ཏན་གོང་ནས་གོང་དུ་འགྲོ་ལ། མཐར་ཐུག་མི་ཚ་བཅུ་དྲུག་ན་ལྷ་དང་གཉིས་སུ་མེད་པར་སངས་རྒྱས་པར་འདོད་དེ། རྡོ་རྗེ་ལྷུན་པོ་ལས། གང་དག་སྔགས་པ་བསྐལ་བཟང་ཆེ། །གཙང་སྦྲ་དག་པས་དག་བརྩོན་པ། །དེ་ཚེ་བཅུ་དྲུག་སྐྱེ་བ་ན། །རྣམ་གྲོལ་ཡེ་ཤེས་མཆོག་ལ་རེག །ཅེས་སོ། །དེའང་ལུས་ཀྱི་བྱ་བ་ཁྲུས་ཆེན་པོ་གསུམ། ཕྲ་མོའི་ཁྲུས་དང་བཅས་པ་དང་། གོས་གསུམ་བརྗེ་བ་དང་། ཟས་གསུམ་ཟ་བ་དང་། སྨྱུང་བར་གནས་པ་དང་། གཙང་སྦྲ་དང་། དཀའ་ཐུབ་དང་། འདུག་སྟངས་ཀྱི་ཁྱད་པར་དང་། ཕྱག་རྒྱ་འཆིང་བ་ལ་སོགས་པའི་སྒོ་ནས། ངག་གི་བྱ་བ་བཟླས་བརྗོད་གཙོ་བོར་བྱ་བ་དང་། སེམས་ཀྱི་གནད་བདག་བྲན་དང་། ལྷ་རྗེ་དཔོན་དུ་བལྟ་བའི་སྒོ་ནས་སྒྲུབ་པའོ། །དེ་དག་གི་རྒྱུད་སྡེའི་རྣམ་གྲངས་ཀྱང་། བསྟན་པ་སྔ་དར་གྱི་ཚེ་པརྙི་ཏ་མཁན་པོ་ཞི་བ་འཚོ་དང་། སློབ་དཔོན་པདྨ་འབྱུང་གནས་དང་། བི་མ་ལ་མི་ཏྲ་ལ་སོགས་པ་དང་། ལོ་ཙྭ་བ་བི་རོ་ཙ་ན་དང་། གཉགས་ཙྭ་ན་ཀུ་མ་ར་དང་། རྨ་རིན་ཆེན་མཆོག་དང་། ཨ་ཙརུ་ཡེ་ཤེས་དབྱངས་ལ་སོགས་པས་ཕྱི་ནང་གི་རྒྱུད་སྡེ་མང་དུ་བསྒྱུར་བ་ལ། དང་པོ་བྱ་རྒྱུད་ཀྲི་ཡའི་རྒྱུད་དྲུག་ལ། རིག་སྔགས་ཐམས་ཅད་ཀྱི་ཁོག་འབུབས་པ་དཔུང་པ་བཟང་པོའི་རྒྱུད། རིག་སྔགས་ཐམས་ཅད་ཀྱི་དབང་བསྐུར་བ་ལག་ན་རྡོ་རྗེ་དབང་བསྐུར་བའི་རྒྱུད། རིག་སྔགས་ཐམས་ཅད་ཀྱི་གསང་བ་སྟོན་པ་རིག་པ་མཆོག་གི་རྒྱུད། རིག་སྔགས་ཐམས་ཅད་ཀྱི་འདུལ་བ་བསྟན་པ་སུ་སི་ཏི་ཀ་ར་ལེགས་པར་གྲུབ་པའི་རྒྱུད། རིག་སྔགས་ཐམས་ཅད་ཀྱི་འཕྲིན་ལས་སྟོན་པ་ཁམས་གསུམ་རྣམ་པར་རྒྱལ་བའི་རྒྱུད། རིག་སྔགས་ཐམས་ཅད་ཀྱི་དགོངས་པ་སྟོན་པ་བསམ་གཏན་ཕྱི་མའི་རྒྱུད་དོ། །བྱེ་བྲག་གི་རྒྱུད་ལ་རིགས་གསུམ་གྱི་ སྤྱན་རས་གཟིགས་ཀྱི་སྐོར་ལ། པདྨ་རྩེ་མོ་སྔགས་ཀྱི་རྒྱུད། པདྨ་ཅོད་པན་གྱི་རྒྱུད། ཆོ་ག་སྔགས་ཀྱི་རྒྱུད། ཡིད་བཞིན་ནོར་བུའི་རྒྱུད། ཨ་མོ་བྷ་བཱ་ཤའི་རྒྱུད། གནོད་སྦྱིན་གར་མཁན་གྱི་རྒྱུད། ཁ་འབར་མ་དབུགས་དབྱུང་བའི་རྒྱུད། ནམ་མཁའི་མཛོད་ཀྱི་རྒྱུད་ལ་སོགས་པའོ། །འཇམ་དཔལ་གྱི་སྐོར་ལ། །འཇམ་དཔལ་ཡེ་ཤེས་སེམས་དཔའ་དྲི་མ་མེད་པའི་རྒྱུད། འཇམ་དཔལ་རྣོན་པོ་སྒྲིབ་པ་མེད་པའི་རྒྱུད། འཇམ་དཔལ་དྲུ་བ་སྤྱོད་པའི་རྒྱུད། བསྟོད་པ་གླུར་བླངས་པའི་རྒྱུད་ལ་སོགས་པའོ། །ཕྱག་ན་རྡོ་རྗེའི་སྐོར་ལ། ཕྱག་ན་རྡོ་རྗེ་དབང་བསྐུར་བའི་རྒྱུད། རྡོ་རྗེ་ས་འོག་གི་རྒྱུད། དྲག་པོ་གསུམ་འདུལ་གྱི་རྒྱུད། རྡོ་རྗེ་བེ་ཅོན་གྱི་རྒྱུད། རྡོ་རྗེ་རྣོན་པོའི་རྒྱུད་ལ་སོགས་པའོ། །ལས་ཕྲན་ཚེགས་ཀྱི་རྒྱུད་ལ། གཟུངས་གྲྭ་ལྔ་དང་། འོད་ཟེར་ཅན་དང་། རྣམ་པར་རྒྱལ་མ་དང་། མཛོད་སྤུ་ནོར་བུ་ལ་སོགས་པའི་གཟུངས་ཕྲན་དཔག་ཏུ་མེད་པའོ། །གཉིས་པ་སྤྱོད་པའི་རྒྱུད་ནི་ཨུ་པ་ཡ་ཏནྟྲ་ཞེས་སྒྲ་དོན་གྲུབ་སྟེ། སྤྱོད་པ་ཀྲི་ཡ་ལྟར་གཙང་སྦྲ་དག་པར་སྤྱོད་ཅིང་། རྣལ་དུ་འབྱོར་པ་ཡོ་གའི་ལུགས་སུ་སྤྱོད་པས་མ་ནིང་གི་ཐེག་པ་ཞེས་ཀྱང་བྱ་སྟེ། གཞི་ལམ་འབྲས་བུའི་གྲུབ་པའི་མཐའ་རྣལ་འབྱོར་རྒྱུད་དུ་རིགས་གཅིག་པར་སྟོན་ཏོ། །སྒོམ་པ་ལྷའི་རྣམ་འབྱོར་ནི། རང་དམ་ཚིག་པའི་མདུན་དུ་ལྷ་ཡེ་ཤེས་སེམས་དཔའ་སྐྲུན་ནམ་གྲོགས་ལྟར་སྒོམ་པས་སྐྱེ་བ་བདུན་ཚུན་ཆད་དུ་དངོས་གྲུབ་ཐོབ་པའོ། །རྒྱུད་སྡེའི་ངེས་འབྱེད་ལ། རྣམ་སྣང་མངོར་བྱང་། མེ་གླང་འབར་བ། དབང་བསྐུར་བའི་རྒྱུད། རྣམ་པར་མི་རྟོག་པའི་རྒྱུད་ལ་སོགས་པའོ། །གསུམ་པ་རྣལ་འབྱོར་གྱི་རྒྱུད་ནི། ཡོ་ག་ཏནྟྲ་ཞེས་སྒྲ་དོན་གྲུབ་སྟེ། སྤྱིར་ལུས་ངག་གི་བྱ་བ་གཙོ་བོར་མི་སྟོན་ལ། སེམས་ཀྱི་བྱ་བ་གཙོ་བོར་སྟོན་པ་སྟེ། དེའང་ཀུན་རྫོབ་ཏུ་ལྷའི་དཀྱིལ་འཁོར་ཡོངས་སུ་རྫོགས་པའམ། དཔལ་མཆོག་གཅིག་པུ་ཉིད་ལ། རང་ཉིད་དམ་ཚིག་སེམས་དཔའ་ལ་ལྷ་ཡེ་ཤེས་སེམས་དཔའ་འོག་མིན་ནམ་རང་བཞིན་གྱི་གནས་ནས་སྤྱན་དྲངས་པ་བསྟིམ་སྟེ། འཕྲོ་འདུ་འོད་ཀྱི་དྲ་བ་ལ་སེམས་བཟུང་ནས། རྗེས་ལ་ཡེ་ཤེས་པ་གཤེགས་པར་བྱེད་དོ། །བརྟུལ་ཞུགས་དེས་མི་ཚེ་གསུམ་ན་གྲོལ་བའོ། །དབྱེ་ན་མངོན་བྱང་ལྔ་ལ་བརྟེན་ནས་ཏིང་ངེ་འཛིན་གཙོ་བོར་བྱེད་པ་དང་། ཆོ་ག་ཞིབ་མོ་དང་ཐོར་བུའི་ལས་གཙོ་བོར་བྱེད་པའི་ལུགས་གཉིས་སོ། །རྒྱུད་སྡེའི་ངེས་འབྱེད་ལ། རྡོ་རྗེ་དབྱིངས་རྩ་བའི་རྒྱུད་སྟོང་ཕྲག་ལྔ་པ་ལེ་ལག་དང་བཅས་པ། པ་ཤ་ཀྭ་ར་རྡོ་རྗེ་རྩེ་མོའི་རྒྱུད། པདྨ་ཀྭ་ར་དཔལ་མཆོག་དང་པོའི་རྒྱུད། ས་མུསྣྲོ་རྟོགས་པ་བསྡུས་པའི་རྒྱུད་དེ་གཞུང་ཆེན་པོ་བཞི། མུ་ལ་ཏནྟྲ་ངན་སོང་སྦྱོང་བ། དཔལ་མཆོག་བསྡུས་པ་ལ་སོགས་པའོ། །ཕྱི་རྒྱུད་སྡེ་གསུམ་ནི་དབང་པོ་འབྲིང་པོ་ཚེ་རབས་ཀྱི་གྲོལ་བ་བསྒྲུབ་པའོ། །གཉིས་པ་ནང་པ་ཐབས་ཀྱི་རྒྱུད་གསུམ་ནི། གསང་བ་འདུས་པ་ལས། དཀའ་ཐུབ་སྡོམ་པ་མི་ཟད་པ། །བསྒྲུབ་ཀྱང་གྲུབ་པར་མི་འགྱུར་ཏེ། །འདོད་པའི་ཡོན་ཏན་ཐམས་ཅད་ལ། །བརྟེན་ནས་དངོས་གྲུབ་ཐོབ་པར་འགྱུར། །ཅེས་པ་ལྟར། དབང་ཕྱུག་བརྒྱད་ལྡན་གྱི་བདེ་བ་ཆེན་པོའི་ཡེ་ཤེས་ཏེ། ཕྱི་པས་སྤང་བྱར་བྱས་པ་ཐམས་ཅད་ནང་པས་བླང་དོར་མེད་པར་སྤྱོད་ནུས་པའི་ཕྱིར་ཐབས་ཀྱི་ཐེག་པ་ཞེས་བྱ་སྟེ། འཁོར་ལོ་སྡོམ་པ་ལས། ཕྲ་ཞིང་པ་ལ་ཕྲ་བར་ནུས་པ་དང་། །སྤྱོད་པ་ནུས་དང་བདག་ཉིད་ཆེན་པོ་དང་། །དགའ་མགུར་བྱེད་དང་ཐམས་ཅད་དབང་དུ་འགྱུར། །ཅི་འདོད་བྱེད་དང་དབང་ཕྱུག་དོན་བརྒྱད་དོ། །ཞེས་པས་སྤྱིར་བསྟན་ལ། བྱེ་བྲག་གི་ངེས་འབྱེད་རང་རང་གི་ཐད་ཀར་ཡོད་དོ། །དེའང་ཞེ་སྡང་ཤས་ཆེ་ཞིང་རྟོག་པ་མང་བ་ལ་སྣང་བ་ཐབས་ཀྱི་རང་བཞིན་ཕའི་རྒྱུད་མ་ཧྭ་ཡོ་ག་བསྟན་ལ། འདོད་ཆགས་ཤས་ཆེ་ཞིང་རྟོག་པ་ཉུང་བ་ལ་སྟོང་པ་དེ་ཁོ་ན་ཉིད་ཀྱི་རྫོགས་རིམ་ཤེས་རབ་མའི་རྒྱུད་ཨ་ནུ་ཡོ་ག་བཤད་ཅིང་། གཏི་མུག་ཤས་ཆེ་ཞིང་བྱ་རྩོལ་ཅན་ལ་གཉིས་སུ་མེད་པའི་རང་བཞིན་ཨ་ཏི་ཡོ་ག་གསུངས་པའོ། །ནང་རྒྱུད་དེ་གསུམ་ནི་སྤྱི་ཚན་དུ་ཆོས་རྣམས་མ་ལུས་པའི་གཞི་དང་། ལམ་དང་། འབྲས་བུའི་བདག་ཉིད་དུ་གནས་པ་སྟེ། སེདྷི་རྩལ་རྫོགས་ལས། བསྐྱེད་པ་མ་ཧྭ་ཡོ་ག་ནི་ཆོས་ཐམས་ཅད་ཀྱི་གཞི་ལྟ་བུའོ། །ལུང་ཨ་ནུ་ཡོ་ག་ནི་ཆོས་ཐམས་ཅད་ཀྱི་ལམ་ལྟ་བུའོ། །རྫོགས་པ་ཨ་ཏི་ཡོ་ག་ནི་ཆོས་ཐམས་ཅད་ཀྱི་འབྲས་བུ་ལྟ་བུའོ། །ཞེས་སོ། །དེ་ལ་དང་པོ་མ་ཧྭ་ཡོ་ག་ལ་གསུམ། ངོ་བོ། དབྱེ་བ། རྒྱུད་ཀྱི་ངེས་འབྱེད་དོ། །དང་པོ་ནི། མ་ཧྭ་ཡོ་ག་ཏནྟྲ་སྟེ་རྣལ་འབྱོར་ཆེན་པོ་ཐབས་ཀྱི་རྒྱུད་དུ་གྲགས་སོ། །ཇི་ལྟར་ན་སྣང་ཞིང་སྲིད་པས་བསྡུས་སོ་ཅོག་ཐམས་ཅད་ལྷའི་རྟེན་དང་བརྟེན་པར་གསལ་ཞིང་། ཕུང་ཁམས་སྐྱེ་མཆེད་ལྷའི་རང་བཞིན་དུ་དག་པས། རླུད་ལྔའི་ཁམས་བདེ་གསལ་མི་རྟོག་པའི་ཡེ་ཤེས་གཉིས་མེད་ལམ་དུ་བྱས་པས་ཚ་འདིར་གྲོལ་བར་འདོད་པའོ། །དབྱེ་ན་གསུམ། གཞི་ལམ་འབྲས་བུ་གཙོ་བོར་འདོད་པ་དང་། །ཐབས་ལམ་སྒྲུབ་པ་གཙོ་བོར་འདོད་པ་དང་། །སྣ་ཚོགས་ལམ་གྱུར་གཙོ་བོར་འདོད་པའོ། །དང་པོ་ནི། །རང་བཞིན་གཞིའི་རྒྱུད་སེམས་ཉིད་འོད་གསལ་བ་དེ་མཚོན་བྱེད་མིང་ཚིག་ཡི་གེར་སྣང་བས་རྟོགས་པར་བྱེད་ནས། སྨིན་གྲོལ་ལམ་གྱི་བསྐྱེད་རྫོགས་ལས་གཅིག་ཏུ་མི་གཡོ་བའི་དྲོད་ཀྱིས་ཡོན་ཏན་གོང་ནས་གོང་མར་སྦྱར་ཏེ་འབྲས་བུ་རང་བྱུང་གི་ཡེ་ཤེས་བསྒྲུབ་པའོ། །གཉིས་པ་ནི། དཀྱིལ་འཁོར་ལྔ་གང་རུང་གི་བསྒྲུབ་པ་ལ་བརྟེན་ནས་རྟོགས་པ་དང་ཏིང་ངེ་འཛིན་རྗེས་ལ་སྐྱེ་བའི་ཕྱིར་བསྒྲུབས་པ་ལས་དངོས་གྲུབ་འདོད་དེ། སྒྱུ་འཕྲུལ་དྲུ་བ་སྐུའི་དཀྱིལ་འཁོར་ལམ་དུ་བྱེད་པ་དང་། པདྨ་སྒྱུ་འཕྲུལ་དྲུ་བ་གསུང་། ཐུགས་ཁྲག་འཐུང་། ཡོན་ཏན་རིན་པོ་ཆེ། འཕྲིན་ལས་ཀྱི་དཀྱིལ་འཁོར་སྒྱུ་འཕྲུལ་དྲུ་བ་བསྒྲུབ་པ་ལམ་དུ་བྱེད་པ་སྟེ། ལམ་བསྒྲུབས་པས་འབྲས་བུ་ཞོར་ལ་འདོད་པའོ། །གསུམ་པ་ནི། རྒྱུད་དང་། སྒྲུབ་པ་གཉིས་ལས། རྒྱུད་ལ་བསྐྱེད་རྫོགས་རིམ་ཅན་དང་། ཅིག་ཅར་དུ་འདོད་པ་གཉིས་ཀྱི་འབྲས་བུ་བསྒྲུབས་ནས་གཞི་ལམ་ཞོར་ལ་འདོད་པའོ། །བསྒྲུབ་པ་ལ་གཉིས་ལས། སོ་ཏ་ནོ་པི་ཀ་སེམས་ཀྱི་རོལ་པར་ཐམས་ཅད་ཤེས་ནས་བསྒྲུབ་པ་དང་། མཎྜལ་ནོ་པི་ཀ་དཀྱིལ་འཁོར་དུ་འཇུག་པ་ཚོགས་གཙོ་བོར་བྱས་ཏེ་བསྒྲུབ་པའོ། །གསུམ་པ་རྒྱུད་ཀྱི་ངེས་འབྱེད་ནི། རྩ་བའི་རྒྱུད་དཔལ་གསང་བ་འདུས་པ་ནམ་མཁའ་དང་མཉམ་པའི་རྒྱུད། རི་རབ་ཟོམ་རྒྱ་མཚོ་དང་མཉམ་པའི་རྒྱུད། ཡེ་ཤེས་རྒྱས་པ་ས་གཞི་དང་མཉམ་པའི་རྒྱུད་དོ། །མན་ངག་གི་རྒྱུད་ལ། བར་ཆད་བསྲུང་བ་གཟི་ལྡན་འབར་བ་མཚམས་ཀྱི་རྒྱུད། རྗོམ་བྱེད་མེ་ལྟར་འབར་བའི་རྒྱུད། ཟ་བྱེད་རོལ་བ་སྤྱིན་སྲེག་གི་རྒྱུད། སྟོབས་པོ་ཆེ་ཡོངས་སུ་སྒྲོལ་བའི་རྒྱུད། ཟླ་གསང་ནག་པོའི་རྒྱུད། ཞི་བ་ལྷ་རྒྱུད་ལ་སོགས་པའོ། །གཉིས་པ་ལུང་ཨ་ནུ་ཡོ་ག་ལ་གསུམ། ངོ་བོ། དབྱེ་བ། ངེས་འབྱེད་དོ། །དང་པོ་ནི། ཨ་ནུ་ཡོ་ག་ཏནྟྲ་སྟེ་དབྱིངས་བདེ་ཆེན་རྣལ་འབྱོར་གྱི་རྒྱུད་ཆེན་པོར་གྲགས་སོ། །དེ་ལ་སྣོད་བཅུད་ལྷའི་རང་བཞིན་དུ་དབྱིངས་ནས་སངས་རྒྱས་པར་སྟོན་པས་བསྐྱེད་ཐབས་ཀྱི་ཆ་ཤས་ཆུང་ཞིང་། རྫོགས་པ་རྩ་ཐིག་རླུང་གི་ལམ་ལ་རྣལ་དུ་འབྱོར་པས་བདེ་གསལ་མི་རྟོག་པའི་ཡེ་ཤེས་ལམ་དུ་བྱེད་པས་ཚེ་འདིར་གྲོལ་བར་འདོད་དོ། །གཉིས་པ་ནི། ལུང་དང་མདོ་གཉིས་ལས། ལུང་ལ་བསྟན་པའི་ལུང་དབྱིངས་རང་བཞིན་གྱི་རྣམ་པར་དག་པ་དང་། ཡེ་ཤེས་འོད་དུ་གསལ་བའི་བདག་ཉིད་དོ། །བརྗོད་པའི་ལུང་ཚིག་གི་ཚོགས་དང་ཐ་སྙད་ལས་ངེས་པར་བྱེད་པའོ། །མདོ་ལ་གཞི་ལམ་གྱི་གྲུབ་མཐའ་དབྱིངས་སུ་སྨྲ་བ་དང་། དེ་ལས་བདེ་སྟོང་དབྱིངས་དང་ཡེ་ཤེས་ཀྱི་རིམ་པ་ཅིག་ཅར་དུ་འདོད་པ་དང་། རིམ་གྱི་འདོད་པ་དང་། ཐོད་རྒལ་དུ་འདོད་པ་དང་།མཐར་ཆགས་སུ་འདོད་པ་ལ་སོགས་པས་མཚན་ཉིད་དོན་གྱི་ངེས་པ་ཐམས་ཅད་གཅིག་ཏུ་ཚོགས་པར་སྟོན་པའི་ཕྱིར་མདོ་ཡིན་ནོ། །གསུམ་པ་ངེས་འབྱེད་ནི། །སྒྱུ་འཕྲུལ་གཞི་ལམ་གྱི་ངོ་བོ་ཡེ་ཤེས་རྔམ་གློག །ཕུར་བུ་ཐལ་འབྱིན་གྱིས་དོན་གྱི་ངེས་པ་མཚོན་པ། །དུར་ཁྲོད་ཁུ་བྱུག་རོལ་པས་ཡེ་ཤེས་ཐོད་རྒལ་དུ་སྨྲ་བ། ཕྱག་རྒྱ་དབྱེར་མེད་དུ་སྨྲ་བ་ཀུན་འདུས་རིག་པ། མངོན་རྟོགས་རང་གསལ་དུ་སྨྲ་བ་དབྱིངས་དང་ཡེ་ཤེས་ལྷུན་མཉམ་དུ་འདོད་པ་སངས་རྒྱས་ཐམས་ཅད་ཀྱི་དགོངས་པ་འདུས་པ། སེམས་དང་ཡེ་ཤེས་འབྱེད་པ་ཡི་གེ་རྣམ་བཞག་སྟེ་སྔགས་ཀྱི་མདོ་དྲུག་དང་། རྩ་བའི་རྒྱུད་ལ་ཐིག་ལེ་འདུས་པའི་རྒྱུད། སྒྱུ་མ་ཆེན་པོའི་རྒྱུད། ཟླ་གསང་ཐིག་ལེའི་རྒྱུད། རྡོ་རྗེ་གདན་བཞིའི་རྒྱུད་དོ། །གདམས་པ་མན་ངག་གི་རྒྱུད་ལ། སྐུ་ཡི་རྒྱུད་མེ་ལྟར་འབར་བ། གསུང་གི་རྒྱུད་དབང་ཆེན་འདུས་པ། ཐུགས་ཀྱི་རྒྱུད་པུཎྜརྡི་ཀ །ཡོན་ཏན་གྱི་རྒྱུད་ལྷ་མོ་གསང་བ། ཕྲིན་ལས་ཀྱི་རྒྱུད་རིག་འཛིན་འདུས་པ། རིག་སྔགས་སྤྱིའི་རྒྱུད་སྒྲུབ་པ་ཧེ་རུ་ཀའི་ཏནྟྲ། བྱེ་བྲག་གི་སྒྲུབ་པ་ལ། འཇམ་དཔལ་སྐུའི་རྒྱུད་ཟླ་གསང་ནག་པོ། །པདྨ་གསུང་གི་རྒྱུད་རྟ་མཆོག་རོལ་པ། ཡང་དག་ཐུགས་ཀྱི་རྒྱུད་ཧེ་རུ་ཀ་གལ་པོ་ཆེ། ཕུར་པ་ཕྲིན་ལས་ཀྱི་རྒྱུད་ཀྱི་བྱི་ཏོ་མ་ལ་འབུལ་སྟེ། བདུད་རྩི་ཡོན་ཏན་གྱི་རྒྱུད་བདུད་རྩི་རོལ་པ་ཆེ་ཆུང་། མ་མོ་རྦོད་གཏོང་གི་རྒྱུད་མ་མོ་ཀུན་འདུས་སོ། །སྒྲུབ་པ་སྡེ་དྲུག་ལས་ཁ་ཚར་གྱི་རྒྱུད་ལ། ཕྲིན་ལས་ཁ་སྐོང་བ་ཆོས་ཉིད་གཏོར་མའི་རྒྱུད། ལས་རྒྱ་མཚོ་ཇི་ལྟར་བྱ་བ་ཀརྨ་མུ་ལེ་ཕྲིན་ལས་ཀྱི་རྒྱུད། བསོད་ནམས་དང་ཡེ་ཤེས་ཀྱི་ཚོགས་ཀྱི་རྒྱུད་ཆེ་ཆུང་། མཆོད་པ་མི་ཟད་པའི་གཏེར་དུ་བྱིན་གྱིས་བརླབས་པ་ནམ་མཁའ་མཛོད་ཀྱི་རྒྱུད། སྒྲོལ་བ་གནས་སུ་དག་པ་སྟོབས་པོ་ཆེ་ཡོངས་སུ་སྒྲོལ་བའི་རྒྱུད། སྦྱོར་བ་གནས་སུ་དག་པ་ཐིག་ལེ་ཀློང་གི་རྒྱུད། བརྟུལ་ཞུགས་དྲག་པོས་ཀུན་ཏུ་སྤྱོད་པ་གླང་པོ་ཆེ་རབ་འབོག་གི་རྒྱུད། ལས་གཞི་མཐར་ཕྱིན་པ་ཟ་བྱེད་རོལ་པ་སྤྱིན་བསྲེག་གི་རྒྱུད། ལས་ཐམས་ཅད་ཀྱི་སྔོན་དུ་འགྲོ་བ་གཏོར་རྒྱུད་ཆེ་ཆུང་། བཀའི་འཁོར་ལྷག་མས་བསྐངས་ནས་ལས་ལ་བསྐུལ་བ་དཔལ་འབར་ཁྲོ་མོའི་རྒྱུད། གདུག་པ་ཅན་གཟིར་གནན་གྱིས་ཚར་བཅད་པ་ཞིང་བཅུར་རོལ་པའི་རྒྱུད་ལ་སོགས་པའོ། །འདི་དག་གཙོ་ཆེ་ཆུང་གི་སྒོ་ནས་སྐབས་འདིར་བཞག་པ་ལས། རང་བཞིན་དུ་བསྐྱེད་རྫོགས་གཉིས་ཀར་རྟོགས་པའི་མན་ངག་གིས་རྒྱུད་དུ་བདག་ཅག་གི་བླ་མ་དམ་པ་པདྨ་ལས་གྲོལ་བཞེད་དོ། །གསུམ་པ་རྫོགས་པ་ཆེན་པོ་ཨ་ཏི་ཡོ་ག་ལ་གཉིས། འོག་མ་ལས་ཁྱད་པར་འཕགས་ཚུལ་དང་། གྲུབ་པའི་མཐའ་བྱེ་བྲག་ཏུ་བསྟན་པའོ། །དང་པོ་ནི། ལྷུན་པོའི་རྩེ་ནས་རི་ཕྲན་མཐོང་བ་བཞིན་དུ་འོག་མ་ཐམས་ཅད་ཟིལ་གྱིས་གནོན་པའི་ཐེག་པ་ཡིན་ཏེ། གདོད་ནས་རང་བཞིན་གྱི་རྣམ་པར་དག་པའི་ཡེ་ཤེས་ཆེན་པོའི་ངོ་བོའི་བཞུགས་ཚུལ་ལ་བཅོས་བསྒྱུར་གྱི་གྲུབ་མཐས་མ་སླད་པས་རྟེན་དང་བརྟེན་བཤད་མི་འགལ་བ་དང་། འོག་མ་རྣམས་སུ་རྣལ་མའི་དོན་ལ་བཅོལ་མེད་རྩོལ་སྒྲུབ་ཀྱི་བླང་དོར་བྱས་པས་རང་བཞིན་གྱི་འོད་གསལ་བའམརང་བཞིན་གྱི་རྣམ་པར་དག་པ་ཞེས་སངས་རྒྱས་ཀྱི་གསུང་རབ་རྒྱ་མཚོར་བཞག་པ་དེ་རང་བཞིན་གྱི་ངོ་བོ་ལས་གནས་འགྱུར་ཏེ། རྒྱ་མཚོ་ཆེན་པོ་རང་ས་ན་ཞི་ཞི་མལ་མལ་དུ་གྲོལ་ནས་ཡོད་པ། གནས་སྐབས་ལས་བྱུང་བའི་དུས་ཀྱི་ཆད་པས་འཁྱགས་རུམ་དུ་བསྡམས་པ་ལྟ་བུ་སྟེ། རྟོག་དཔྱོད་ཀྱི་རྐྱེན་གྱིས་དྲི་མ་མ་འགྱུར་ལ་ཡེ་ཤེས་འགྱུར་བས་ཆུའི་བྱེད་ལས་སུ་མི་བཏུབ་པ་ལྟ་བུས་འོག་མ་རྣམས་ཀྱི་གྲུབ་མཐའ་ལ་གནོད་བྱེད་འཇུག་སྟེ། རྡོ་རྗེའི་གནས་ཆེན་པོ་འདི་ནི་གཤིས་ཀྱི་བཞུགས་ཚུལ་ལམ་དུ་བྱེད་པའི་ཕྱིར་རོ། །འདིར་ཁ་ཅིག་དེ་ལྟ་ན་ཁམས་ཀྱི་དྲི་མ་བླང་དོར་གྱིས་སྦྱངས་ནས་སངས་རྒྱས་མི་འདོད་པས་ཐ་མལ་དང་ཁྱད་པར་ཅི་ཡོདདེས་ནི་ཐབས་དང་སོ་སོར་རྟོག་པའི་ཤེས་རབ་གཉིས་ཀའང་སྤངས་པ་ཞིག་གོ་སྙམ་ན། ཐབས་ལ་སྐུར་པ་བཏབ་པ་མེད་དེ། རྡོ་ལ་གསེར་ཞུན་དུ། ཚུལ་ཁྲིམས་ལ་སོགས་ཕ་རོལ་ཕྱིན་ལམ་སྤྱོད་པ་རྒྱ་མཚོའི་གཞིར་གྱུར་པ། ཞེས་དང་། རྟོག་དཔྱོད་ཀྱི་ཡེ་ཤེས་ལ་རེ་བའང་མ་ཡིན་པས། འདི་ལྟར་རང་བྱུང་གི་ཡེ་ཤེས་རྫོགས་པ་ཆེན་པོ་ལ་སངས་རྒྱས་ཀྱི་ཆེ་བའི་ཡོན་ཏན་ལྷུན་གྲུབ་ཏུ་ཡོད་པས་སྐུ་གསུམ་རང་ཆས་སུ་གནས་པ་ལོགས་ན་བཙལ་མི་དགོས་ཏེ། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས། ཆོས་ཀྱི་སྐུ་ནི་བྱང་ཆུབ་སེམས། །བྱང་ཆུབ་སེམས་ལས་ཆོས་ཀྱི་སྐུ། །རྡུལ་ཙམ་སུས་ཀྱང་བཅོས་སུ་མེད། །དེས་ན་སངས་རྒྱས་སེམས་ལས་མེད། །ལོངས་སྤྱོད་རྫོགས་སྐུ་བྱང་ཆུབ་སེམས། །བྱང་ཆུབ་སེམས་ལས་ལོངས་སྤྱོད་སྐུ། །སེམས་ལས་བྱུང་བའི་གཟུགས་རྣམས་ལ། །ལོངས་སྤྱོད་རྫོགས་ལ་སྐུ་གཞན་མེད། །སྤྲུལ་པའི་སྐུ་ནི་བྱང་ཆུབ་སེམས། །བྱང་ཆུབ་སེམས་ཀྱི་སྤྲུལ་པ་ལས། །འགྲོ་དོན་མཛད་པ་གཞན་ན་མེད། །དུས་གསུམ་སངས་རྒྱས་ཐམས་ཅད་ཀྱང་། །བྱང་ཆུབ་སེམས་ལས་གཞན་མེད་དེ། །ཞེས་པས་བླང་དོར་གྱི་གནས་བཅོས་མའི་ཆོས་སུ་བསྟན་ལ། མ་བཅོས་པ་ཉིད་ངོ་བོའི་དོན་མཐར་ཐུག་ལ་མ་ནོར་བ་ཡིན་པའི་ཚུལ། དེ་ཉིད་ལས། སེམས་ནི་ཇི་བཞིན་པ་ཡི་དངོས་པོ་སྟེ། །ཆོས་རྣམས་ཐམས་ཅད་དེ་བཞིན་ཉིད་དུ་འགྲུབ། །ཇི་བཞིན་པ་ལ་འཆོས་པར་མ་བྱེད་ཅིག །ངོ་བོ་ཉིད་ལས་གཞན་དུ་མ་སྒྲུབས་ཤིག །བཙལ་ན་རྒྱན་བས་དབྱིངས་ལ་རྙེད་མི་འགྱུར། །ཅེས་སོ། །དེའི་ཕྱིར་རྟོག་དཔྱོད་ཀྱི་ཏིང་འཛིན་ལ་ཤེས་རབ་གྱི་དཔྱད་བཟོད་པའི་འཐད་པ་བཟང་བཟང་མོ་བྱུང་སྲིད་ནའང་དེ་ཉིད་བརྗོད་བྱའི་ངོ་བོར་མི་གནས་ཏེ། དོན་དམ་པའི་བདེན་པ་ནི་རྗོད་བྱེད་ཀྱི་ཕྱོགས་ཙམ་ལས་མི་མཚོན་པའི་ཕྱིར་རོ། །དེ་སྐད་དུ་ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལས།རྟོགས་པ་མེད་པའི་སྔོན་རོལ་ན། །སངས་རྒྱས་བྱ་བའི་མིང་ཡང་མེད། །རྟོགས་པ་ཡེ་ནས་ཆེ་བ་ཡིན། །དོན་འདི་སྟོན་པས་འདི་ཡིན་ནོ། །མཁས་པ་མི་གཙོ་རྟོགས་པ་གཙོ། །མཁས་པའི་ཚིག་ནི་ཐན་པ་ཡིན། །རྟོགས་པ་ཆོས་ཉིད་ཀློང་ན་འཕྱོ། །བཤད་པ་མི་གཙོ་སྒོམ་པ་གཙོ། །བཤད་པའི་ཚིག་ནི་བཤད་ར་མཁན། །སྒོམ་པ་ལྷ་དང་གཉིས་སུ་མེད། །སྒྲུབ་པ་བས་ཀྱང་རྟོགས་པ་རིང་། །རྟོགས་པ་གདེང་དུ་མ་ཆུད་ན། །སྒྲུབ་པས་རྟོགས་པའི་རྒྱུན་ལ་བསྒྲུབ། །ཅེས་བཤད་དོ། །གཉིས་པ་གྲུབ་པའི་མཐའ་ལ་དབྱེ་ན་གསུམ་སྟེ། བཀོད་པ་ཆེན་པོ་ལས། ཡིད་ཅན་རྣམས་ལ་སེམས་ཀྱི་སྡེ། །ནམ་མཁའ་ཅན་ལ་ཀློང་གི་སྡེ། །རིམ་རྩོལ་བྲལ་ལ་མན་ངག་གོ །ཞེས་པས་འདིར་སྤང་བྱའི་མཐའ་ལས་གྲོལ་བས་སྟོང་པ་ཉིད་སྟོང་པ་ཉིད་དུ་སྟོན་པ་སེམས་ཀྱི་སྡེ། གཉེན་པོའི་མཐའ་ལས་གྲོལ་བས་འདུས་མ་བྱས་སྟོང་པ་ཉིད་དུ་སྟོན་པ་ཀློང་གི་སྡེ། གཉིས་ཀའི་མཐའ་ལས་གྲོལ་བས་རང་གི་མཚན་ཉིད་སྟོང་པ་ཉིད་དུ་སྟོན་པ་མན་ངག་གི་སྡེ་སྟེ་འགག་རྣམ་པ་གསུམ་དུ་དྲིལ་ཤེས་ལ་དེ་ལྟ་ནའང་གཙོ་ཆེ་ཆུང་གི་སྨོས་པ་ལས་ངོ་བོའི་ཆ་ལ་སེམས་སྡེས་གསལ་བ་མ་སྤངས།ཀློང་སྡེས་སྟོང་པ་མ་སྤངས། མན་ངག་སྡེ་ལྷུན་གྲུབ་རང་གསལ་ཆེན་པོ་སྟེ། གྲུབ་མཐའི་འཆའ་ལུགས་འདི་ངོས་ཟིན་ན་སེམས་སྡེས་འཁོར་འདས་རྒྱས་འདེབས་པ་དང་། ཀློང་སྡེས་འཁོར་འདས་ངང་ལ་རྫོགས་པ་དང་།མན་ངག་སྡེས་ཡིན་ཚུལ་གནད་ཐོག་ཏུ་སྤྲོད་པ་གསུམ་གྱིས་དོན་གཏན་ལ་ཕེབས་པ་ཡིན་ཏེ། བརྗོད་བྱའི་སྒོ་ནས་སེམས་ཀྱི་སྡེ་ལ་རྗོད་བྱེད་ཀྱི་རྒྱུད་བློ་ཀ་འབུམ་ཕྲག་ཉི་ཤུ་རྩ་གཉིས་གསུངས་པ་རྣམས། ཆོས་ཉིད་ལ་བརྗོད་དུ་མེད་པའི་ཀློང་། ལྟ་བ་ལ་ཡིན་པ་མེད་པའི་ཀློང་། སྤྱོད་པ་ལ་མིན་པ་མེད་པའི་ཀློང་སྟེ། རྣམ་པ་གསུམ་དུ་བསྡུ་ལ། དེའང་བམ་པོ་སྟོང་ཕྲག་དྲུག་དང་སུམ་བརྒྱར་གནས་པ་ཉིད། གནས་པ་གཞི་ཐོག་ཏུ་ཕེབས་པའི་འཕྱོང་དང་། སྣང་བ་རང་སར་གྲོལ་བའི་འཔྱོང་དང་། ངོ་མཉམ་ཐ་དད་མེད་པའི་འཕྱོང་དང་གསུམ་དུ་བསྡུ་སྟེ། ཆོས་ཉིད་ལ་འགྱུགས་པ་མེད་པའི་གཟེར་བུ་ལྔ་བཅུ། ཡུལ་སེམས་ལ་ལྟ་བའི་གནད་ལྔ་བརྒྱ་དང་བཅུ་གཅིག །སྣང་སེམས་ཅིག་ཅར་དུ་ཤན་འབྱེད་པའི་གནད་ཁྲི་ཕྲག་གཉིས། ལྟ་བ་ཐོད་རྒལ་དུ་བཟླ་བ་ཁྲི་ཕྲག་ལྔ། སྒོམ་ཡོད་རྟོག་པ་གཅོད་པའི་གནད་སྟོང་ཕྲག་གཅིག་ཏུ་དབྱེ་བ་རྣམས་མིང་ཐོགས་ཀྱི་རྒྱུད་སྟོང་ཕྲག་གཅིག་དང་གསུམ་གྱི་གྲངས་སུ་བཞུགས་པ་ལ། སེམས་ཀྱི་ཕྱོགས་འཛིན་པ། སེམས་ཀྱི་གནད་འཛིན་པ། སེམས་ཀྱི་གདེང་འཛིན་པ་གསུམ་དུ་འདུ་བ་ཡིན་ནོ། །དེ་བཞིན་དུ་ཀློང་གི་སྡེ་རྣམས་བསྡུ་ན་དགུར་འདུ་སྟེ། ལྷ་བ་ལ་འཕོ་འགྱུར་མེད་པའི་ཀློང་། སྒོམ་པ་ལ་ཡིན་མིན་མེད་པའི་ཀློང་། འབྲས་བུ་རེ་དོགས་མེད་པའི་ཀློང་། ངོ་བོ་ལ་གྲུབ་བསལ་མེད་པའི་ཀློང་། རང་བཞིན་ལ་འགག་པ་མེད་པའི་ཀློང་། མཚན་ཉིད་ལ་སྣང་སེམས་གྲོལ་བའི་ཀློང་། དབྱིངས་ལ་འཕོ་འགྱུར་མེད་པའི་ཀློང་། རོལ་པ་ལ་རང་ཤར་ཆེན་པོའི་ཀློང་། ལྷུན་མཉམ་ལ་ཡེ་གྲོལ་ཅོག་གཞག་གི་ཀློང་ངོ་། །དེ་དག་ཀྱང་བསྡུ་ན་གསུམ་དུ་འདུ་སྟེ། ལྷུན་གྲུབ་ཡངས་པ་ཆེན་པོའི་ཀློང་། །རང་གསལ་བྱ་རྩོལ་མེད་པའི་ཀློང་། མ་བྱས་ཡེ་ནས་གྲུབ་པའི་ཀློང་སྟེ། དེ་དག་གི་ཚུལ་རྒྱས་པར་སྟོན་པའི་རྒྱུད་སྟོང་ཕྲག་གསུམ་གྱི་མིང་གི་བསྡུས་པ་རྣམས་ལ། ལེའུ་ཁྲི་ཕྲག་གཅིག་དང་ཆིག་སྟོང་། གློ་ཀ་འབུམ་ཕྲག་དྲུག་ཅུ་རྩ་བཞི་ཡོད་པ་རྣམས་ལ་བཟླ་བ་ཁྲི་ཕྲག་བརྒྱད་དུ་འདུས་ལ། དེའང་ཤན་འབྱེད་ཁྲི་ཕྲག་གཉིས་སུ་འདུས། དེའང་གགས་དགུ་བརྒྱར་འདུས་ཏེ་གནད་སྟོང་ཕྲག་གཉིས། གཟེར་བུ་ལྔ་བཅུ་དང་བཅས་པ་ཐམས་ཅད་བྱས་གྲོལ། བཞག་གྲོལ། ཅེར་གྲོལ་གྱི་ཕྱོགས་གསུམ་དུ་འདུས་པའོ། །སྙིང་པོའི་མཐར་ཐུག་རྫོགས་པ་ཆེན་པོ་མན་ངག་གི་སྡེ་སྐོར་ནི། ཕྱི་ནང་གསང་བ་བླ་མེད་བཞིའི་ངོ་བོར་གནས་པ་ལ། རྗོད་བྱེད་ཀྱི་རྒྱུད་མཚན་སོ་སོ་བ་ཁྲི་ཕྲག་གཉིས་དང་བཅུ་གཉིས། ལེའུ་སྟོང་ཕྲག་སུམ་ཅུ་རྩ་ལྔ། གློ་ཀ་འབུམ་ཕྲག་དྲུག་ཅུ་རྩ་བཞི། གནད་སྟོང་ཕྲག་ལྔ། འཔྱོང་ཆེན་པོ་བརྒྱད། གཟེར་བུ་བརྒྱ་དང་བརྒྱད་ཅུ།འགགས་སྟོང་ཕྲག་དགུ་བརྒྱ། ཤན་འབྱེད་ཁྲི་ཕྲག་བདུན། ལ་བཟླ་བ་འབུམ་ཕྲག་ཕྱེད་དང་གཉིས་ཏེ་བརྗོད་བྱ་ནམ་མཁའི་མཐའ་དང་མཉམ་པར་བཀའ་སྩལ་པ་ནི་མཐར་ཕྱིན་མན་ངག་གི་སྡེའོ། །དེ་ལྟར་མན་ངག་གི་སྡེ་གསུམ་པོའང་ཀློང་གསུམ་དུ་འདུས་ཏེ། རོལ་པ་འགག་པ་མེད་པའི་ཀློང་། བློ་ལ་མ་གྲོལ་བ་མེད་པའི་ཀློང་། ངོ་བོ་ལ་བཟང་ངན་མེད་པའི་ཀློང་ངོ་། །དེ་དག་ཀྱང་མན་ངག་གི་སྙིང་པོ་གནད་དཀྲོལ་བ་དང་།འགགས་བསྡམས་པ་དང་། ངོ་སྤྲད་པ་དང་། །མངོན་སུམ་རང་གནད་ལ་དབབ་པ་དང་བཞིར་འདུས་པ་ཡིན་ནོ། །ད་ནི་དེ་དག་ལས་བོད་དུ་འགྱུར་བའི་གྲགས་ཆེ་བ་ཆེ་ལོང་ཙམ་ཞིག་སྡེ་ཚན་གྱི་རྣམ་པས་སྨོས་ཏེ། དང་པོ་སེམས་སྡེའི་རྒྱུད་ལ་སེམས་མད་བཅོ་བརྒྱད་དུ་གྲགས་པའི་སྔ་འགྱུར་ལྔ་ནི། རིག་པའི་ཁུ་བྱུག །རྩལ་ཆེན་སྤྲུགས་པ། ཁྲུང་ཆེན་ལྡིང་བ། རྡོ་ལ་གསེར་ཞུན། མི་ནུབ་པའི་རྒྱལ་མཚན་ལྔ་པོ་བི་རོ་ཙྭ་ནས་བསྒྱུར་བའོ། །ཕྱི་འགྱུར་བཅུ་གསུམ་ནི། རྩེ་མོ་བྱུང་རྒྱལ། ནམ་མཁའི་རྒྱལ་པོ། བདེ་བ་ཞབྲུལ་བཀོད། རྫོགས་པ་སྤྱི་ཆིངས། བྱང་ཆུབ་སེམས་ཏིག །བདེ་བ་རབ་འབྱམས། སྲོག་གི་འཁོར་ལོ། ཐིག་ལེ་དྲུག་པ། རྫོགས་པ་སྤྱི་སྤྱོད། ཡིད་བཞིན་ནོར་བུ། ཀུན་འདུས་རིག་པ། རྗེ་བཙན་དམ་པ། སྒོམ་པ་དོན་གྲུབ་སྟེ་བཅུ་གསུམ་པོ་བི་མ་ལ་དང་། ཀུ་མ་ར། གཡུ་སྒྲ་གསུམ་གྱིས་བསྒྱུར་བ་སེམས་མད་བཅོ་བརྒྱད་དུ་གྲགས། དེ་དག་གི་སྟེང་དུ་བི་རོས་སྔར་བསྒྱུར་བའི་ཀུན་བྱེད་རྒྱལ་པོ། རྨད་བྱུང་། མདོ་བཅུ་གསུམ་པ་རྣམས་བསྡོམས་པས་སེམས་སྡེ་ཉེར་གཅིག་གོ །ལུང་བམ་པོ་བཅོ་བརྒྱད་རྣམས་མིང་གི་རྣམ་གྲངས་ལ་འདྲ་ཡང་། ལ་ལ་སྔ་ཕྱི་དང་སྒྱུར་བྱེད་མི་འདྲའོ། །ཀློང་སྡེའི་རྒྱུད་ལ། འཁོར་བ་དོང་སྤྲུགས། རིན་ཆེན་གསང་བའི་རྒྱུད། བྱ་རྩོལ་མེད་པའི་རྒྱུད། ནམ་མཁའ་ཀློང་ཡངས་ཀྱི་རྒྱུད་པ་ལ་སོགས་གཅིག་གོ །མན་ངག་གི་རྒྱུད་ནི། པདྨ་ཀློང་གསལ། པདྨ་དབང་རྒྱལ། ཡིད་བཞིན་ཏོག་གི་རྒྱུད་ལ་སོགས་པ་ཁྲི་ཕྲག་ལྔ་སྟོང་ཕྲག་གཅིག ཁྱད་པར་དུ་སངས་རྒྱས་མཉམ་སྦྱོར། ཐིག་ལེ་སྐོར་གྱི་སྙིང་པོའི་རྒྱུད་ལྔ་སྟོང་སུམ་བརྒྱ། སྒྲ་ཐལ་འགྱུར་ལ་སོགས་ཏེ་གསང་ཆེན་ངེས་པའི་རྒྱུད་བཅུ་བདུན། ཁྲོས་མ་དང་བཅས་པ་བཅོ་བརྒྱད། གསང་བ་སྤྱོད་པ་ས་བོན་གྱི་རྒྱུད་ལས་འཕྲོས་ཏེ་བྱོན་པ་རྣམས་སོ། །གསུམ་ཀའི་ཐུན་མོང་དུ་གྱུར་པ་རྫོགས་པ་ཆེན་པོ་སྤྱིའི་རྒྱུད་ནི།སེམས་ཉིད་བྱ་རྩོལ་ལས་འདས་པ་ནམ་མཁའ་ཆའི་རྒྱུད་དང་། དེ་ཉིད་ཉམས་སུ་བླང་བ་ནམ་མཁའ་ཆེ་ཕྱི་མའི་རྒྱུད། དེ་ཉིད་ཡོངས་སུ་རྫོགས་པའི་འབྲས་བུ་ནམ་མཁའ་ཆེ་ཕྱི་མ་ཕྱི་མའི་རྒྱུད་ཡོངས་སུ་འགྲོ་བ།སེམས་ཉིད་འཕོ་འགྱུར་མེད་པ་ཆོས་ཉིད་རྒྱལ་པོའི་རྒྱུད། སེམས་ཉིད་ཐིག་ལེ་ཉག་གཅིག་ཏུ་སྟོན་པ་བྱང་ཆུབ་ཀྱི་སེམས་ཐིག་ལེའི་རྒྱུད། སེམས་ཉིད་རང་བྱུང་གི་ཡེ་ཤེས་སུ་བསྟན་པ་ཡེ་ཤེས་ཐིག་ལེའི་རྒྱུད། སེམས་ཉིད་ཐམས་ཅད་ཀྱི་རྩ་བར་བསྟན་པ་མན་ངག་ཕྲེང་བའི་རྒྱུད། སེམས་ཉིད་ཀུན་ཁྱབ་ཆེན་པོར་བསྟན་པ་གསང་བ་རྒྱལ་པོའི་རྒྱུད། སེམས་ཉིད་རང་རིག་ཏུ་བསྟན་པ་ཡེ་ཤེས་དམ་པའི་རྒྱུད། སེམས་ཉིད་ཀུན་ཏུ་བཟང་པོའི་རོལ་པར་སྟོན་པ་ནམ་མཁའ་དབྱིངས་རྣམ་དག་གི་རྒྱུད། སེམས་ཉིད་ཀུན་གྱི་སྙིང་པོ་སྟོན་པ་མན་ངག་སྙིང་པོའི་རྒྱུད། སེམས་ཉིད་རང་རིག་ཏུ་ཡིད་ཆེས་པ་སྙིང་པོ་གསང་བའི་རྒྱུད། སེམས་ཉིད་ཀུན་གྱི་རྩ་བ་ནམ་མཁའ་ཆེ་རྩ་བ་ཅན་གྱི་རྒྱུད། སེམས་ཉིད་གཅིག་ཏུ་འདུས་པ་ཉག་གཅིག་དགོངས་པའི་རྒྱུད། སེམས་ཉིད་ཇི་བཞིན་པར་གཞག་པ་བསམ་གཏན་ཆེན་པོའི་རྒྱུད། སེམས་ཉིད་རྒྱུན་ཆགས་སུ་གོམས་པ་བསམ་གཏན་རྒྱུན་ཆགས་ཀྱི་རྒྱུད། སེམས་ཉིད་ཐམས་ཅད་དུ་གསུངས་པ་སྒོ་མང་མདོའི་རྒྱུད། སེམས་ཉིད་དབང་དང་སྦྱར་བ་ནམ་མཁའ་ཆེ་དབང་གི་རྒྱུད། སེམས་ཉིད་སྒྲ་ཚིག་ལས་འདས་པ་ནམ་མཁའ་ཆེ་ཡི་གེ་མེད་པའི་རྒྱུད། སེམས་ཉིད་གདོད་མའི་གནས་སུ་བསྟན་པ་ནམ་མཁའ་ཆེ་གཞིའི་རྒྱུད། སེམས་ཉིད་འོད་གསལ་དུ་བསྟན་པ་རིན་ཆེན་འབར་བའི་རྒྱུད། སེམས་ཉིད་ཡོན་ཏན་ལྷུན་གྲུབ་ཏུ་བསྟན་པ་རིན་ཆེན་ཕྲེང་བའི་རྒྱུད།སེམས་ཉིད་ཁམས་གསུམ་ལ་གསལ་བ་ཁམས་གསུམ་སྒྲོན་མའི་རྒྱུད། སེམས་ཉིད་སྤང་བླང་ལས་འདས་པར་སྟོན་པ་ངེས་པ་སྙིང་པོའི་རྒྱུད། སེམས་ཉིད་འཕོ་འགྱུར་མེད་པར་སྟོན་པ་རྡོ་རྗེ་གསང་བའི་རྒྱུད། སེམས་ཉིད་ཡེ་ནས་སངས་རྒྱས་པར་སྟོན་པ་ཡེ་སངས་རྒྱས་པའི་རྒྱུད་སྡེ་ཉི་ཤུ་རྩ་ལྔ་དང་། ལུང་བམ་པོ་བཅོ་བརྒྱད་ལ། ཐམས་ཅད་བྱང་ཆུབ་ཀྱི་སེམས་ལས་བྱུང་བ་རིག་པའི་ཁུ་བྱུག །རྩོལ་སྒྲུབ་ཟིལ་གྱིས་གནོན་པ་རྩལ་ཆེན་སྤྲུགས་པ། སེམས་ཉིད་དབྱིངས་སུ་རྫོགས་པ་ཁྱུང་ཆེན་རྫོགས་པ། ཆོས་ཉིད་ཡེ་གནས་ཀྱི་སྒོམ་པ་རྡོ་ལ་གསེར་ཞུན། སེམས་ཉིད་ལྷུན་གྲུབ་ཀྱི་ལྟ་བ་མི་ནུབ་རྒྱལ་མཚན། སེམས་ཉིད་ཡེ་ནས་སྟོང་པ་རྨད་བྱུང་རྒྱལ་པོ། སེམས་ཉིད་ཆོས་སྐུར་བསྟན་པ་ཡེ་ཤེས་དམ་པ། སེམས་ཉིད་ཐིག་ལེར་བསྟན་པ་ཡང་ཏིག་རྒྱལ་པོ། སེམས་ཉིད་སྐྱེ་ཤི་མེད་པར་སྟོན་པ་སྲོག་གི་འཁོར་ལོ། སེམས་ཉིད་འདོད་དགུ་འབྱུང་བར་སྟོན་པ་ཡིད་བཞིན་ནོར་བུ། སེམས་ཉིད་མཉམ་རྫོགས་ཆེན་པོར་སྟོན་པ་ཐིག་ལེ་ཀུན་འདུས། སེམས་ཉིད་ཐེག་པ་ཀུན་རྫོགས་སུ་སྟོན་པ་ནམ་མཁའ་ཆེ་རྒྱལ་པོ། སེམས་ཉིད་ཀུན་གྱི་ཡང་རྩེར་སྟོན་པ་རྩེ་མོ་བྱུང་རྒྱལ། སེམས་ཉིད་ཡེ་བདེ་སྤྲོས་བྲལ་དུ་སྟོན་པ་བདེ་བ་རབ་འབྱམས། སེམས་ཉིད་ཉོན་མོངས་མེད་ཅིང་ཟག་མེད་དུ་སྟོན་པ་བདེ་བ་ཕྲ་བཀོད། སེམས་ཉིད་འཁོར་འདས་ཀྱི་གཞི་འདུས་པར་བསྟན་པ་གཏེར་ཆེན་ཡོངས་རྫོགས།སེམས་ཉིད་ཐེག་པ་ཀུན་གྱི་སྤྱི་ཆིངས་སུ་བསྟན་པ་ལྷུན་རྫོགས་སྤྱི་ཆིངས། སེམས་ཉིད་རྒྱ་ཆད་དང་ཕྱོགས་ལྷུང་མེད་པར་སྟོན་པ་ནམ་མཁའ་མཐའ་དབུས་ཀྱི་རྒྱུད་རྣམས་སོ། །དེ་ཙམ་ནི་རྒྱུད་ཀྱི་སྡེ་ཚན་ངོས་ཟིན་པའི་སླད་དུ་སྟེ། རང་བཞིན་དུ་ན་དེ་བཞིན་གཤེགས་པའི་གསུང་ནི་རྣམ་པ་ཐམས་ཅད་པ་ཟབ་ཅིང་གཏིང་དཔག་དཀའ་བ་ཡིན་པས་ཐོགས་པ་མེད་པའི་བློ་གྲོས་དང་། སྐལ་བ་མཆོག་ཏུ་གྱུར་པ་རྣམས་ཀྱི་ཚིག་དང་དོན་གྱི་འབྲེལ་བཀོད་ནས་སྡེ་ཚན་དེ་དང་དེར་སྣང་བའོ། ཡན་མན་གཉིས་ཀར་རྟོགས་པའམ། དཔལ་བསམ་ཡས་པས། རྡོ་རྗེ་སེམས་དཔའ་སྒྱུ་འཕྲུལ་དྲུ་བ་སྙིང་ཐིག་གི་ལུགས་སུ་བཀྲལ་བ་བཞིན་གཞུང་དོན་རྒྱ་ཆེན་པོ་ཡང་མན་ངག་འབའ་ཞིག་ཏུ་འཆར་ཞིང་། མན་ངག་ཟབ་མོའང་གཞུང་ལུགས་ཀྱི་ས་བོན་དུ་འཆར་བའང་ཡོད་དེ། སྐྱེས་བུའི་བློ་སྟོབས་ཀྱི་ཁྱད་པར་དང་། སངས་རྒྱས་རྣམས་ཀྱི་གསུང་གི་གསང་བ་བླ་ན་མེད་པའི་ཡོན་ཏན་ཡིན་པར་བལྟའོ། །དེ་བཞིན་གཤེགས་པས་ལེགས་པར་གསུངས་པའི་གསུང་རབ་རྒྱ་མཚོའི་སྙིང་པོར་གྱུར་པ་རིག་པ་འཛིན་པའི་སྡེ་སྣོད་དམ། སྔ་འགྱུར་རྒྱུད་འབུམ་རིན་པོ་ཆེའི་རྟོགས་པ་བརྗོད་པ་འཛམ་གླིང་ཐ་གྲུར་ཁྱབ་པའི་རྒྱན་ཞེས་བྱ་བ་ལས། མཚན་ཉིད་ངེས་པའི་སླད་དུ་བསྟན་བྱ་དམ་པའི་ཆོས་ཀྱི་རྣམ་པ་སྤྱི་དང་བྱེ་བྲག་པ་མདོ་ཙམ་སྨོས་པའི་རབ་ཏུ་བྱེད་པ་སྟེ་སྐབས་དྲུག་པའོ།། །།སྤྱི་དོན་བདུན་པ་བསྟན་པ་གནས་པའི་ཆེད་དུ་རྒྱུད་ཀྱི་རྡོ་རྗེའི་གནས་ཆེན་པོ་ཡི་གེ་སྲོག་ཏུ་ཇི་ལྟར་བཙའ་བར་བྱས་པའི་གཏམ་བརྗོད་པ་ལ་གཉིས། གང་ལས་འབྱུང་བ་རིག་པའི་ཡོན་ཏན་ལ་ལྟོས་པའི་རྣམ་པར་གཞག་པ་དང་། བདག་པོར་གྱུར་པའི་རྐྱེན་གང་ལས་བྱ་བ་ལས་ཀྱི་འཁོར་ལོ་ཇི་འདུ་བྱས་པའོ། །དང་པོ་ནི། མདོ་སྡེ་རྒྱན་ལས། རིག་པའི་གནས་ལྔ་དག་ལ་བརྩོན་པར་མ་བྱས་ན། །འཕགས་པའི་དམ་པ་ཐམས་ཅད་མཁྱེན་པ་ག་ལ་ཐོབ། །ཅེས་པ་ལྟར།རྣམ་པ་ཐམས་ཅད་མཁྱེན་པའི་གོ་འཕང་དོན་དུ་གཉེར་བ་ལ་སྦྱོར་བ་ལྷག་པར་བྱང་ཆུབ་སེམས་དཔའ་རྣམས་ཀྱིས་བསླབ་པར་བྱ་བའི་གནས་དམ་པར་གྱུར་པ་ནི། རིག་པའི་གནས་ཆེན་ངོ་་རྣམ་པ་ལྔའམ།བཅུར་གྲགས་པ་ཡིན་ཏེ། འདི་ལྟར་ནང་རིག་པ་དང་། རྒྱུ་རིག་པ་དང་། སྒྲ་རིག་པ་དང་། གསོ་བ་རིག་པ་དང་། བཟོའི་ལས་ཀྱི་གནས་རིག་པའོ། །དེའི་ངོས་འཛིན་ནི་རྒྱན་གྱི་འགྲེལ་པར། དེ་ལ་དེ་བཞིན་གཤེགས་པའི་གསུང་རབ་ཡན་ལག་བཅུ་གཉིས་ལ་མཁས་པ་ནི་ནང་རིག་པ་ཞེས་བྱའོ། །མངོན་སུམ་དང་རྗེས་སུ་དཔག་པའི་ཚད་མས་ཟིན་པའི་ཏརྐའི་གཞུང་ལ་མཁས་པ་ནི་རྒྱུ་རིག་པ་ཞེས་བྱའོ། །སྒྲའི་གཙུག་ལག་བྱུའི་ཀ་ར་ལ་མཁས་པ་ནི་སྒྲ་རིག་པ་ཞེས་བྱའོ། །རླུང་དང་བད་ཀན་ལ་སོགས་པ་ནད་གསོ་བའི་གཙུག་ལག་ལ་མཁས་པ་ནི་གསོ་བ་རིག་པ་ཞེས་བྱའོ། །གླུ་དང་གར་དང་སྤོས་ལ་སོགས་པའི་གཙུག་ལག་ལ་མཁས་པ་ནི་བཟོའི་ལས་ཀྱི་གནས་རིག་པ་ཞེས་བྱའོ། །ཞེས་བཤད་པའི་ཁོང་དུ་རིག་པའི་གནས་ཆུང་བ་ལྔ་དང་། མདོ་ལས་རིག་པའི་གནས་བཅོ་བརྒྱད་དུ་གསུངས་པའང་འདུ་བ་ཡིན་ནོ། །དེ་ལ་ནང་རིག་པས་ནི། བདག་ཉིད་འཕགས་པའི་ལམ་གྱི་དེ་ཁོ་ན་ཉིད་ཀྱི་མཚན་ཉིད་གང་ཡིན་པ་ཕྱིན་ཅི་མ་ལོག་པར་ཤེས་པར་བྱེད་དོ། །རྒྱུ་རིག་པ་དང་། སྒྲ་རིག་པས་ནི་གཙུག་ལག་དེ་གཉིས་ཤེས་པར་རློམ་པའི་མུ་སྟེགས་བྱེ་དག་ཚར་གཅོད་པར་བྱེད་དོ། །གསོ་བ་རིག་པས་ནི་ནད་ཀྱི་བཏབ་པའི་འགྲོ་བ་གང་ཞིག་བདེ་བར་གནས་པའི་ས་ལ་དབུགས་འབྱིན་སྟེར་བར་བྱེད་དོ། །བཟོའི་ལས་ཀྱི་གནས་རིག་པས་ནི་ལོངས་སྤྱོད་འདོད་པ་རྣམས་ནི་རྗེས་སུ་བཟུང་ཞིང་ཕན་གདགས་པར་བྱེད་དོ། །རང་བཞིན་བྱེ་བྲག་ཏུ་བཤད་ན། སྔ་མའི་འཕྲོར། དེ་བས་གཞན་རྣམས་ཚར་བཅད་རྗེས་སུ་བཟུང་ཕྱིར་དང་། །རང་ཉིད་ཀུན་ཤེས་བྱ་ཕྱིར་དེ་ལ་དེ་བརྩོན་བྱ། །ཞེས་ཕས་ཀྱི་རྒོལ་བ་ངན་པ་ཚར་གཅོད་པའི་གཙུག་ལག་གཉིས། གཞན་རྗེས་སུ་བཟུང་བའི་གཙུག་ལག་གཉིས། རང་ཉིད་ཀྱི་ཀུན་ཏུ་ཤེས་པར་བྱ་བའི་གཙུག་ལག་གཅིག་སྟེ་ལྔ་ལས། འདིར་བར་པ་གཉིས་ཀྱི་སྡེ་ཚན་བཟོ་རིག་པའི་བྱེ་བྲག་གི་ཡོན་ཏན་སྐབས་བཙལ་ནས་བཤད་པར་འོས་ཏེ། འདི་ལྟར་གནས་སྐབས་སུ་བསྟན་པ་དང་སེམས་ཅན་གྱི་ཕན་བདེའི་རྩ་ལག་ཆེན་པོར་གྱུར་ཅིང་། བརྒྱུད་ནས་རྣམ་པ་ཐམས་ཅད་མཁྱེན་པ་ཐམས་ཅད་མཁྱེན་པའི་གཟུགས་ཀྱི་སྐུ་མཚན་དང་དཔེ་བྱད་ཀྱི་བདག་ཉིད་དམ་པའི་གོ་འཕང་གི་རྒྱུད་འགྲོ་ལ། སྐབས་དེ་དང་དེར་ཡང་རིག་པ་དེའི་སྒྱུ་རྩལ་ལ་བྱང་ཆུབ་པས་མཁས་པའི་གོ་ས་ལ་དབང་བ་དང་། ཤ་ཐང་བ་མེད་པའི་ལོངས་སྤྱོད་ཀྱི་འབྱོར་པ་དང་། འཇིག་རྟེན་ལ་མདུན་འཇོག་གྱ་ནོམ་པའི་ཡུལ་དུ་བསྔགས་པ་དང་། ལོངས་སྤྱོད་ཀྱི་སྒོ་ནས་གཞན་ལ་ཕན་གདགས་པར་བྱ་བ་དང་། དེ་ཉིད་མངོན་དུ་གྱུར་ནས་དེ་བཞིན་གཤེགས་པའི་གཟུགས་དང་གཟུགས་བརྙན་ནས་སྤྲུལ་པ་ཐ་མ་པའི་བར་གྱི་རྣམ་པས་འགྲོ་བ་རྒྱ་མཚོའི་ཉེར་འཚོར་འཀྱུར་བའི་དགོས་པ་དང་བཅས་པས་ཡིད་དྲངས་ཏེ་ཚུལ་འདི་ལ་འཇུག་པར་བྱ་སྟེ། དེ་སྐད་དུ་རྒྱན་གྱི་འགྲེལ་པ་ལས། བཟོའི་གནས་ཀྱི་རིག་པ་བྱང་ཆུབ་སེམས་དཔའ་འཚོལ་བར་བྱེད་དོ། །ཅིའི་ཕྱིར་ཞེ་ན། ཚེགས་ཆུང་ངུས་ཤ་ཐང་མེད་པར་ལོངས་སྤྱོད་བསྒྲུབ་པར་བྱ་བ་དང་། ལོངས་སྤྱོད་དང་ལྡན་ཞིང་བཟོའི་གནས་ལ་མཁས་པས་འཇིག་རྟེན་པ་རྣམས་ཀྱིས་བཀུར་བ་བྱ་བ་དང་། ལོངས་སྤྱོད་ཀྱི་སྒོ་ནས་འཇིག་རྟེན་པ་རྣམས་ལ་ཕན་པར་བྱ་བའི་ཕྱིར་འཚོལ་བར་བྱེད་དོ་ཞེས་དང་། བསོད་ནམས་ཀྱི་སྟོབས་ཀྱི་རྟོགས་པ་བརྗོད་པ་ལས། དེ་བས་ན་བཟོ་འབའ་ཞིག་མི་རྣམས་ཀྱིས་ཉམས་སུ་སྨན་པ་ཡིན་ཏེ། བཟོ་ནི་རིགས་དམན་པར་སྐྱེས་སུ་ཟིན་ཡང་རྒྱལ་པོ་རྣམས་དང་། བློན་པོ་རྣམས་དང་། བྲམ་ཟེ་དང་། ཁྱིམ་བདག་རྣམས་ཀྱིས་གདོན་མི་ཟ་བར་བཀུར་ཏོ། སྣ་ཚོགས་ལས་ཅན་ལྷ་རྣམས་དང་། །མི་རྣམས་ཀྱིས་ཀྱང་ལེགས་པར་བཀུར། །དེ་བཞིན་མ་རབས་བཟོ་ཡི་ཕྱིར། །མི་དང་ལྷ་རྣམས་ཀྱིས་ཀྱང་བཀུར། །ཞེས་ལྷའི་བཟོ་བོ་བི་ཤྭ་ཀརྨ་ལྷའི་དབང་པོ་ལ་སོགས་པ་འཇིག་རྟེན་ན་ཆེ་བར་རློམ་པ་དག་གིས་ཀྱང་བཀུར་ཞིང་། བཙན་པོ་ཁྲི་སྲོང་ལྡེ་བཙན་གྱིས་ཨབྱ་བཱ་ལོའི་གླིང་དུ་སྤྲུལ་པའི་བཟོ་བོ་ལ་བྱ་དགའི་སྟ་གོན་རྒྱ་ཆེན་པོ་བཤམས་པ་ལྟ་བུ་སྟེ། རིག་པ་དེས་འཇིག་རྟེན་ན་ཕན་པ་རྒྱ་ཆེན་པོ་གྲུབ་པའི་ཕྱིར་རྒྱལ་སྲས་རྣམས་ཀྱི་བསླབ་པར་བྱ་བའི་གནས་སུའང་བསྟན་པ་ཡིན་ནོ། །འདི་ལ་དབྱེ་ན་གཙོ་བོ་དང་། ཕལ་པ་གཉིས་ལས། དང་པོ་ནི། དེ་བཞིན་གཤེགས་པའི་སྐུ་གསུང་ཐུགས་ཀྱི་རྟེན་གསུམ་མོ། །དང་པོ་སྐུ་གཟུགས་ལའང་དེ་བཞིན་གཤེགས་པ་དང་། ཉན་ཐོས་དང་། རང་སངས་རྒྱས་ལ་སོགས་པའི་ཚད་བཤད་པ་དང་། དེའི་རྣམ་པ་བཤད་པའོ། །དང་པོ་ཚད་ནི། དུས་ཀྱི་འཁོར་ལོ་དང་། སྡོམ་འབྱུང་དང་། བསླབ་བ་་ལ་སོགས་པ་མདོ་རྒྱུད་བསྟན་བཅོས་དུ་མ་ལས། རྒྱལ་བའི་སྐུ་གཟུགས་ཐལ་མོ་བཅུ་པ་དང་། རྒྱལ་སྲས་རྣམས་ཀྱི་༼མཐོ་བཅུ་ཞན་པ༽་ དང་། རྒྱལ་ཡུམ་སོགས་ཀྱི་ཞལ་ཚད་དགུ་པ་དང་། བདེ་གཤེགས་ཁྲོས་པ་རྣམས་གདོང་བརྒྱད་པ་དང་། མིའུ་ཐུང་གི་ལུས་ཚད་མཐོ་དྲུག་པ་ལ་སོགས་པའོ། །དེ་དག་ཀྱང་ཆུ་ཞེང་གབ་པའི་སླད་དུ་བཟོ་བོའི་བློ་གྲོས་ལ་ཚང་ཀྱི་མཐུ་བྱིན་པ་ཡིན་ཏེ།དེ་ལས་གཞན་དུ་སྤྲུལ་པའི་བཟོ་བོས་བྱས་པ་སོགས་ལ་ངེས་པ་དེ་ལྟར་ཁོ་ན་གནས་པའི་ཤེས་བྱེད་མེད་དེ། ཆ་ཚད་ནི་བཟོ་ཉེས་འགོག་པའི་སླད་དུ་གསུངས་པའི་ཕྱིར་རོ། །གཉིས་པ་རྣམ་པ་ནི། མངོན་རྟོགས་རྒྱན་ལས། མཚན་ནི་སུམ་ཅུ་རྩ་གཉིས་དང་། །དཔེ་བྱད་བརྒྱད་ཅུའི་བདག་ཉིད་འདི། །ཐེག་ཆེན་ཉེ་བར་ལོངས་སྤྱོད་ཕྱིར། །ཐུབ་པའི་ལོངས་སྤྱོད་རྫོགས་སྐུར་བཞེད། །ཅེས་པ་དང་། ཁྲོ་བོར་གྱུར་པ་རྣམས་ལ། ཧེ་རུ་གལ་པོར། སྒེག་པ་དཔལ་བ་འཇིགས་སུ་རུང་། །ཞེས་སྐུའི་རྣམ་འགྱུར་གསུམ་བཤད་པ་ལ་སོགས་པས་མཚོན་ནོ། །གཉིས་པ་གསུང་གི་རྟེན་ནི་ལུང་གི་ཆོས་ཀྱི་ཕུང་པོ་སྟེ། དེ་ལའང་ཆོས་ཀྱི་ཕུང་པོའི་ཚད་དང་།དེ་ཉིད་གང་ལས་གྲུབ་པའི་རྒྱུ་བསྟན་པའོ། །དང་པོ་ནི། གསུང་སྒྲ་ཚིག་རང་མཚན་པ་ལས་འདས་པ་གདུལ་བྱའི་བློ་ལ་བྱིན་བརླབས་ཀྱི་ཚིག་ཏུ་སྣང་བ་ལ་མུ་དང་མཐའ་ཡོད་པར་མི་འཚལ་ཏེ། གདུལ་བྱ་སོ་སོའི་དབང་པོའི་རིམ་པ་དང་འཚམས་པར་བཟུང་བའི་འདོད་པ་ཐ་དད་པ་ཡོད་དེ། འདི་ལྟར་ཁ་ཆེ་ཡེ་ཤེས་རྡོ་རྗེ་ལ་སོགས་པས་ཤོ་་ཀ་སྟོང་ཕྲག་གཅིག་ལ་ཆོས་ཀྱི་ཕུང་པོར་བྱེད་དེ། ས་སྡེ་ལས། གནས་བརྟན་ཀུན་དགའ་བོས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གང་དང་གང་བཟུང་བ་རྣམས་ནི། སྡེ་སྣོད་གསུམ་པོ་འདི་དག་ཡིན་སྟེ། ཆོས་ཀྱི་ཕུང་པོ་གཅིག་གི་ཚད་ཇི་ཙམ་ཡིན་ཞེ་ན། གྲངས་བརྒྱ་ཕྲག་བཅུ་ནི་ཆོས་ཀྱི་ཕུང་པོ་གཅིག་སྟེ་ཞེས་འདོད་ལ། མངོན་པ་སྡེ་བདུན་གྱི་ཡ་གྱལ་ཆོས་ཀྱི་ཕུང་པོ་ཞེས་བྱ་བ་ཤཱ་རིའི་བུས་བསྡུས་པར་འདོད་པའི་གཞུང་གང་ལ་བླེ་་ཀ་སྟོང་ཕྲག་དྲུག་ཏུ་ལོངས་པ་དེ་ཉིད་ཆོས་ཀྱི་ཕུང་པོའི་ཚད་དུ་བྱས་པ་དང་། དབུ་མ་པ་ཆོས་ཀྱི་བཤེས་གཉེན་གྱིས། དེ་ལ་ཆོས་ཕུང་གཅིག་གི་ཚད་ཇི་ཙམ་ཞེ་ན། དེ་གཅིག་ལ་ཚིག་ལེའུར་བྱས་པ་སྟོང་ཉིད་དོ། །ཚིགས་སུ་བཅད་པ་རེ་རེ་ལའང་ཡིག་འབྲུ་སུམ་ཅུ་རྩ་གཉིས་ཉིད་དོ། །ཞེས་འདོད་པ་དང་། ནཱ་ག་རྟོ་དྷི་ལ་སོགས་པ་ནི། ཆོས་གང་ཞིག་གི་མིང་ཚིག་ལྷའི་གོས་ལྟར་སྲབ་པའི་གྲོ་གའམ་ཏ་ལར། སྐྲའི་རྩེ་མོའི་ཆ་ཤས་ཀྱི་མཐའ་རྒྱགས་མེད་པར་བྲིས་པ་གླང་པོ་ཆེའི་དར་མའི་ཁུར་དུ་བཟོད་པའམ། ཐེག་པ་ཆེན་པོ་ཁ་ཅིག་གི་འདོད་པས་གླང་པོ་ཆེ་རབ་བརྟན་ཞེས་བྱ་བ་མཐའ་སྐོར་ལ་དཔག་ཚད་བདུན་ཡོད་པའི་ལུས་ཚད་ཀྱི་ཁུར་དུ་བཀལ་བར་འོས་པའི་བར་སྣག་ཚས་བྲིས་པ་དེ་ཙམ་ལ་ཆོས་ཀྱི་ཕུང་པོར་འདོད་པ་སོགས་ཡོད་དེ།མཛོད་ལས། ཁ་ཅིག་བསྟན་བཅོས་ཚད་ཅེས་ཟེར། །ཕུང་པོ་ལ་སོགས་གཏམ་རེའང་ཡིན། །ཞེས་པས། དེ་དག་ཀྱང་ཉོན་མོང་པ་རེ་རེའི་གཉེན་པོར་རེ་རེ་སྟོན་པ་ལ་མང་ཉུང་གི་དབང་གིས་བཞག་པའི་ཚད་ཡིན་གྱིས།གྲངས་དེར་འཆད་པའི་ཚད་མ་ཡིན་པས། གཉེན་པོར་རྫོགས་པའི་དབང་གིས་བཞག་པ་ཉིད་ལེགས་པར་བཟུང་གིས། སྔ་མའི་འཕྲོར། སྤྱོད་པ་རྣམས་ཀྱི་གཉེན་པོར་ནི། །ཆོས་ཀྱི་ཕུང་པོ་མཐུན་པར་གསུངས། །ཞེས་པས་སོ། །རྒྱུད་སྡེའི་ཚད་ནི། རྟོག་པའི་རྒྱུད་དང་། བྱ་བའི་རྒྱུད་དང་། གཉིས་ཀའི་རྒྱུད་དང་། རྣལ་འབྱོར་གྱི་རྒྱུད་རྣམས་ཀྱི་མིང་ལ་རིམ་པ་བཞིན་དུ་སྟོང་ཕྲག་བཞི་དང་། བཞི་དང་། བརྒྱད་དང་། དྲུག་དང་། སྟོང་ཕྲག་བཅུ་གཉིས་རྣམས་ཏེ་སུམ་ཁྲི་བཞི་སྟོང་དུ་ཡེ་ཤེས་རྡོ་རྗེ་ཀུན་ལས་བཏུད་པ་ལས་བཤད་ཅིང་། རྣལ་འབྱོར་མའི་རྒྱུད་ཀྱི་གྲངས་ནི་དེར་མ་གསུངས་སོ། །ཡང་སྡོམ་འབྱུང་ལས། རྣམ་འབྱོར་རྒྱུད་རྣམས་ཀྱི་ཚད། །བྱེ་བ་ཕྲག་དྲུག་ཏུ་ངེས། །དེ་བཞིན་རྣལ་འབྱོར་མ་རྒྱུད་གྲངས། །བྱེ་བ་ཕྲག་ནི་བཅུ་དྲུག་གྲངས། །དེ་བཞིན་ཕ་རོལ་ཕྱིན་པའི་གྲངས། །ས་ཡ་དང་ནི་དུང་ཕྱུར་ལྔ། །ཐེག་ཆེན་ལས་གཞན་མདོ་སྡེ་རྣམས། །དུང་ཕྱུར་ཕྲག་བརྒྱད་གསུངས་པ་ཡིན། །ཞེས་ཚིགས་སུ་བཅད་པའི་ངེས་བརྗོད་ཙམ་མ་ཡིན་པར་མདོ་རྒྱུད་ཐ་དད་པའི་མིང་གི་རྣམ་གྲངས་ཁོ་ན་ཡིན་པས་བསམ་གྱི་མི་ཁྱབ་བོ། །དེ་ལྟ་བུའི་ལུང་གི་ཆོས་དེ་དག་མིང་དང་ཚིག་ཏུ་ཚོགས་ནས་གླེགས་བམ་དུ་བྱས་པ་ལ་ལེགས་པར་སྦྱར་བའི་སྐད་དུ་པུསྟ་ཀ །ཞེས་བྱ་ལ། རྒྱུད་ཀྱི་དབང་དུ་བྱས་ན་འོག་མིན་དུ་བྱང་ཆུབ་སེམས་དཔའ་རྣམས་ཀྱི་ཆོས་ཀྱི་ལོངས་སྤྱོད་རྗོད་བྱེད་སྒྲའི་རྒྱུད་མཚན་ཉིད་པ་གང་། འདིར་བློ་ལ་གནས་པའི་འབྲས་བུའམ། དེ་ཉིད་རྒྱུད་ལ་བསྐྱེད་པའི་གྲོགས་སུ་དེ་བཞིན་གཤེགས་པས་ལེགས་པར་གསུངས་པ་ནས་བརྩམས་ཏེ་གླེགས་བམ་དུ་བྲིས་པའི་བར་ནི་མཚན་རྟགས་ཀྱི་སྒྲ་རྒྱུད་ཉིད་དུ་བཟུང་སྟེ། གཞན་དུ་མཛོད་ལས། ཆོས་ཀྱི་ཕུང་པོ་བརྒྱད་ཁྲི་དག །གང་རྣམས་ཐུབ་པས་གསུངས་དེ་དག །ཚིག་གམ་མིང་ཡིན་དེ་དག་ནི། །གཟུགས་སམ་འདུ་བྱེད་དག་ཏུ་འདུས། །ཞེས་བཤད་དོ། །གཉིས་པ་དེ་ཉིད་གང་ལ་བརྟེན་ནས་གྲུབ་པའི་རྒྱུ་ནི་ཡི་གེ་སྟེ། དེ་ལ་ཡི་གེའི་ངོ་བོ་དང་། ངེས་ཚིག་དང་། དབྱིབས་སམ་རྣམ་པ་གསུམ་ལས། དང་པོ་ནི་སློབ་དཔོན་ཙནྟྲ་གོ་མིས་ཡི་གེའི་མདོར། གནས་དང་། བྱེད་པ་དང་། རྩོལ་བ་རྣམས་ལས་ཡི་གེ་རྣམས་སྐྱེའོ། །ཞེས་པ་ལྟར། ཡིད་ལས་བརྗོད་པར་འདོད་པའི་རླུང་གཡོས་པས་དེའི་སྐྱེ་བའི་གནས་དང་བྱེད་པ་ལྷན་ཅིག་ཏུ་འཕྲད་པ་ལས་ཡི་གེའི་གདངས་འགའ་ཞིག་འབྱུང་སྟེ། རྣམ་འགྲེལ་ལས། ཡི་གེ་ཀུན་སློང་ཤེས་པ་ལས། །སྐྱེ་ལ་ཤེས་པ་སྒྲ་སྐྱེའོ། །ཞེས་སོ། །གཉིས་པ་ནི། ལེགས་པར་སྦྱར་བའི་སྐད་དུ་ཨ་ཀྟ་ར་ཞེས་འབྱུང་བ་ནི་མི་འགྱུར་བའི་དོན་ཏེ། ཡུལ་གྱི་བྱེ་བྲག་ཐ་དད་པར་གྱུར་ཀྱང་དབྱངས་དང་གསལ་བྱེད་རྣམས་ནི་དེ་ལས་གཞན་དུ་མི་འགྱུར་རོ། །ཡང་བྱུརྫི་ན་ཞེས་པ་ནི་གསལ་བྱེད་དེ། ཡི་གེ་འདུས་ནས་བརྗོད་བྱའི་དོན་གང་ཡིན་པ་དེ་གསལ་བར་བྱེད་པས་སོ། །གསུམ་པ་ནི། །རྒྱ་ཆེར་རོལ་པ་ལསཚངས་པའི་ཡི་གེ་དང་། ཨ་རོཁེ་ཡི་གེ་དང་། པདྨ་སྙིང་པོའི་ཡི་གེ་དང་། ཨདྷའི་ཡི་གེ་དང་། མསྐོའི་ཡི་གེ་དང་། ཡུལ་མ་ག་དྷའི་ཡི་གེ་དང་། བཀྲ་ཤིས་པའི་ཡི་གེ་དང་། སོར་མོ་པའི་ཡི་གེ་དང་། ཤ་ཀ་ནས་ཡི་གེ་དང་། ཡ་བ་ནའི་ཡི་གེ་དང་། བག་ལེ་བའི་ཡི་གེ་དང་། ས་རུ་ཤའི་ཡི་གེ་དང་། འགྲོ་ལྡིང་བའི་ཡི་གེ་དང་། ཀིར་ཏའི་ཡི་གེ་དང་། ལྷོ་ཕྱོགས་པའི་ཡི་གེ་དང་། དྲག་ཤུལ་ཅན་གྱི་ཡི་གེ་དང་། གྲངས་ཀྱི་ཡི་གེ་དང་། སྤྱིའུ་ཚུགས་པའི་ཡི་གེ་དང་། རྗེས་སུ་མཐུན་པའི་ཡི་གེ་དང་། བྲུ་ཤའི་ཡི་གེ་དང་། ཀ་ཤའི་ཡི་གེ་དང་། རྒྱའི་ཡི་གེ་དང་། ཕུ་ནའི་ཡི་གེ་དང་། ཧུ་ནའི་ཡི་གེ་དང་། ཡི་གེ་འབྲིང་དང་། རྒྱལ་བར་བྲིས་པའི་ཡི་གེ་དང་། རྒྱལ་གྱི་ཡེ་གེ་དང་། ལྷའི་ཡི་གེ་དང་། ཀླུའི་ཡི་གེ་དང་། གནོད་སྦྱིན་གྱི་ཡི་གེ་དང་། དྲི་ཟའི་ཡི་གེ་དང་། མིའམ་ཅིའི་ཡི་གེ་དང་། ལྟོ་འཕྱེ་ཆེན་པོའ་༨་ཡི་གེ་དང་། ལྷ་མ་ཡིན་གྱི་ཡི་གེ་དང་། ནམ་མཁའ་ལྡིང་གི་ཡི་གེ་དང་། རི་དྭགས་ཀྱི་འཁོར་འོའི་ཡི་གེ་དང་། ཁུ་སྐད་ཤེས་པའི་ཡི་གེ་དང་། ས་བླའི་ལྷའི་ཡི་གེ་དང་། བར་སྣང་གི་ལྷའི་ཡི་གེ་དང་། ནུབ་ཀྱི་བ་གླང་སྤྱོད་ཀྱི་ཡི་གེ་དང་། བྱང་གི་སྒྲ་མི་སྙན་གྱི་ཡི་གེ་དང་། ཤར་གྱི་ལུས་འཕགས་པོའི་ཡི་གེ་དང་། གདེག་པའི་ཡི་གེ་དང་། གཞག་པའི་ཡི་གེ་དང་། བསྣན་པའི་ཡི་གེ་དང་། རྒྱ་མཚོའི་ཡི་གེ་དང་། རྡོ་རྗེའི་ཡི་གེ་དང་། སྤྲིང་ཡིག་དང་། ལན་གྱི་ཡི་གེ་དང་། རྣམ་འཐོར་གྱི་ཡི་གེ་དང་།རིངས་མེད་ཀྱི་ཡི་གེ་དང་། བསྟན་བཅོས་བསྐོར་བའི་ཡི་གེ་དང་། རྩིས་བསྐོར་བའི་ཡི་གེ་དང་། གདེག་པ་སྐོར་བའི་ཡི་གེ་དང་། གཞག་པ་བསྐོར་བའི་ཡི་གེ་དང་། རྐང་པས་བྲིས་པའི་ཡི་གེ་དང་། ཚིག་ལན་གཉིས་སུ་གདབ་པའི་ཚིག་གི་མཚམས་ཀྱི་ཡི་གེ་དང་། ཚིག་གི་མཚམས་བཅུར་རྒྱུད་པའི་ཡི་གེ་དང་། བླ་ཐབས་སུ་བསྣན་པའི་ཡི་གེ་དང་། སྒྲ་ཐམས་ཅད་ཀུན་ཏུ་སྡུད་པའི་ཡི་གེ་དང་། རིག་པ་དང་མཐུན་པའི་ཡི་གེ་དང་། རྣམ་པར་འདྲེས་པའི་ཡི་གེ་དང་། དྲང་སྲོང་གི་དཀའ་ཐུབ་སྤྱད་པའི་ཡི་གེ་དང་། ལྷའི་ངེས་པའི་ཡི་གེ་དང་། ས་བལྟ་བའི་ཡི་གེ་དང་། ནམ་མཁའ་བལྟ་བའི་ཡི་གེ་དང་། སྨན་ཐམས་ཅད་ཀྱི་རྒྱུ་མཐུན་པའི་ཡི་གེ་དང་། སྙིང་པོ་ཐམས་ཅད་ཀུན་ཏུ་སྡུད་པའི་ཡི་གེ་དང་། འབྱུང་པོ་ཐམས་ཅད་ཀྱི་སྒྲ་སྡུད་པའི་ཡི་གེ་སྟེ། ཞེས་ཡི་གེའི་རིག་ཀྱི་བྱེ་བྲག་དྲུག་ཅུ་རྩ་བཞིའོ། །བརྗོད་པ་ནི་འགྲེལ་ཆེན་དྲི་མ་མེད་པའི་འོད་མདོར་བསྡུས་བཞི་པ་ལས།བསྡུད་པར་བྱེད་པ་པོ་དག་གིས་ཐེག་པ་གསུམ་གླེགས་བམ་ལ་བྲིས་ཏེ་དེ་བཞིན་གཤེགས་པའི་ངེས་པས་སྡེ་སྣོད་གསུམ་ལ་མ་ག་དྷའི་སྐད་ཀྱིས་བྲིས་སོ། །མདོ་སྡེ་ནི་སིན་རྙུའི་སྐད་ཀྱིས་སོ། །ཕ་རོལ་ཏུ་ཕྱིན་པའི་ཚུལ་དང་། སྔགས་ཀྱི་ཚུལ་ནི་ལེགས་པར་སྦྱར་བའི་སྐད་ཀྱིས་སོ། །རྒྱུད་དང་རྒྱུད་གཞན་དག་ནི་ལེགས་པར་སྦྱར་བའི་སྐད་དང་། ཐ་མལ་བའི་སྐད་དང་། ཟུར་ཆག་གི་སྐད་དང་། ལེགས་པར་སྦྱར་བ་མ་ཡིན་པར་རི་ཁྲོད་ལ་སོགས་པ་ཀླ་ཀློའི་སྐད་ཀྱིས་ཏེ། དེ་ལྟ་བུ་ལ་སོགས་པ་ཐམས་ཅད་མཁྱེན་པས་བསྟན་པའི་ཆོས་རྣམས་བསྡུད་པར་བྱེད་པ་པོ་དག་གིས་བྲིས་སོ། །དེ་བཞིན་དུ་བོད་ཀྱི་ཡུལ་དུ་ཐེག་པ་གསུམ་བོད་ཀྱི་སྐད་ཀྱིས་བྲིས་ཏེ། རྒྱ་ནག་ཏུ་རྒྱ་ནག་གི་སྐད་ཀྱིས་སོ། །རྒྱ་ནག་ཆེན་པོར་རྒྱ་ནག་ཆེན་པོའི་སྐད་ཀྱིས་སོ། །པར་སི་ཀའི་ཡུལ་དུ་པར་སི་ཀའི་སྐད་ཀྱིས་སོ། །ཆུ་བོ་སི་ཏའི་བྱང་དུ་ཙམ་པ་ཀའི་ཡུལ་གྱི་སྐད་དང་། སྤྲེའུའི་ཡུལ་གྱི་སྐད་དང་། གསེར་ཞེས་བྱ་བའི་ཡུལ་གྱི་སྐད་ཀྱིས་སོ། །ཞེས་བཤད་དོ། །དོན་འདིས་གསང་བ་སྔགས་ཀྱི་གཞུང་ལ་ལེགས་སྦྱར་གྱི་སྐད་ཁོ་ནས་གཏན་ཚིགས་དང་། ངེས་པར་འཆོལ་བའི་རྣམ་ཤེས་ཕྱོགས་གཅིག་པ་བ་རྣམས་ཀྱི་འདོད་པའང་གཞན་དུ་བྱས་སོ། །ཡང་གཞུང་འདིས་རྟོག་དཔྱོད་ཅན་དག་ལ་ཡིད་གཉིས་མང་པོ་བྱིན་ནས་བོད་ཀྱི་ཡུལ་དུ་བསྟན་པ་མེད་ཀྱི་གོང་ནས་བསྡུ་བ་བྱས་པའི་གཏན་ཚིགས་རྗེས་སུ་དཔག་སྟེ། གང་དུ་བསྡུ་བ་བྱེད་པའི་དུས་ཙམ་ནས་བོད་ལ་ཡི་གེ་ཡོད་པར་དོགས་པ་དང་། ཡང་བསྡུད་པོ་རྣམས་ཀྱི་ཐེག་པ་གསུམ་བོད་སྐད་ཀྱིས་བྲི་བར་ལུང་བསྟན་པ་ཡིན་ཞེས་རྗོད་བྱེད་ད་ལྟ་བ་ཕྱི་མའི་ལུང་སྟོན་དུ་སྒྲུབ་དགོས་པའང་བྱུང་ན། སྔ་འགྱུར་གྱི་རྒྱུད་ལ་སྤྲུལ་པའི་ལོ་པཎ་ཆེན་པོ་དག་གིས་དོན་འགྱུར་གཙོ་བོར་སྨོས་ནས་ཡུལ་དུས་ཀྱི་སྐད་དང་ལུགས་ཀྱི་རྗེས་སུ་མཐུན་པར་བཀྲལ་བ་ལ་ཀླན་ཀ་བྱ་བའི་སྐབས་ཀྱང་བྱེ་མའི་ཆངས་པ་བཞིན་དུ་ཞིག་པར་གྱུར་ཏེ། དཔེར་ན་བོད་ཀྱི་སྔོན་ནས་རྒྱ་ནག་ཏུ་བསྟན་པ་བྱུང་ཞིང་། རྒྱའི་པཎྜ་ཏ་ཧ་ཤང་མ་ཧྭ་ཡ་ན་ལ་སོགས་པ་སྐབས་དེར་བོད་དུ་ཆོས་སྔོན་ལ་བསྒྱུར་བ་དང་རྗེས་སུ་མཐུན་པར།སྐད་གཉིས་ཤན་སྦྱར་གྱི་དུས་ཧ་ཤང་འབར་བའི་སྐད་དུ། ཞེས་པ་ལྟ་བུའང་སྐད་ཉམས་འགྱུར་གྱི་བྱེ་བྲག་ཏུ་མཛད་པ་ཤེས་དགོས་ལ། དེ་བཞིན་དུ་འགྱུར་བ་མེད་པའི་དོན་ལ་རྡོ་རྗེའམ། གཡུང་དྲུང་གཉིས་ཀ་མི་འགལ་བ་ཉིད་དུ་བལྟས་ནས། དུས་སྐབས་དེར་རིང་ལུགས་སྔོན་ནས་དར་བ་གང་ལ་ཞེན་པའི་བརྡ་སྐད་དེས་སྦྱོང་སླ་བ་དང་། གདུལ་སླ་བའི་སླད་དུ་ཆོས་སྐད་དེ་དང་མཐུན་པར་བྱས་པ་དག་ཀྱང་ཡོད་ན། བོན་གྱི་གཞུང་དུ་གཡུང་དྲུང་སེམས་དཔའ་སེམས་དཔའ་ཆེན་པོ་ཞེས་འབྱུང་བ་དེ། སྡང་ཞེན་གྱི་ཡུལ་དུ་གློ་བ་ལ་ཞེན་ནས་གཡུང་དྲུང་གི་མིང་ཙམ་སྨོས་པར་དེ་དང་དེའི་ལུགས་སུ་ཡིད་གཉིས་བྱེད་པ་སོགས་ནི། གསུང་རབ་ཀྱི་དགོངས་པའི་དོན་ལ་རྟོན་མི་རྟོན་གྱི་ཁྱད་པར་མ་བསམས་པས་ནོངས་པ་ཡིན་ནོ། །འདི་ལྟར་བློ་མཆོག་རྣམས་ཀྱི་དཔྱད་བཟོད་ན། སངས་རྒྱས་ཀྱི་བྱིན་བརླབས་ལས་འགྲོ་བ་སོ་སོའི་སྐད་དུ་གསུང་དབྱངས་ཡན་ལག་དྲུག་ཅུ་ལྟར་སྣང་བས་དོན་མཛད་ཀྱང་། དོན་ལ་སྒྲ་ཚིག་རང་མཚན་པ་མ་ཡིན་སྟེ། གདུལ་བྱའི་མོས་པ་དང་། སངས་རྒྱས་ཀྱི་བྱིན་བརླབས་དང་། དུས་སུ་ཚོགས་པའི་རྐྱེན་གསུམ་འཛོམ་པ་ལས། དུས་སྔ་ཕྱི་མེད་པ་ཉིད་དུ་གདུལ་བྱའི་རིགས་ཁམས་དང་མཐུན་པར་ཆོས་ཀྱང་ཐ་དད་པར་སྟོན་པ་ཡིན་ཏེ། མདོ་ཏིང་ངེ་འཛིན་གྱི་རྒྱལ་པོ་ལས། འཇིག་རྟེན་ཕན་པ་ཁྱོད་ཀྱི་གསུང་གཅིག་ལས། །མོས་པ་ཐ་དད་བཞིན་དུ་སྒྲ་འབྱུང་སྟེ།རྒྱལ་བས་བདག་ལ་སྟོན་ཉམས་སོ་སོར་སེམས། །གང་གི་སླད་དུ་ཁྱོད་ཀྱི་འཛུམ་མཛད་སྟོན། །ཞེས་པའི་གནས་བསམ་གྱི་མི་ཁྱབ་པ་འདི་ཁོང་དུ་ཆུད་པ་ནི་དོན་ལ་མཁས་པ་ཞེས་བྱའོ། །དེ་ཡི་ཕྱིར་བཀའ་ལུང་འགྲེལ་པར་བྱེད་པའི་བྱང་ཆུབ་སེམས་དཔའ་དེ་དག་ཀྱང་བློ་གྲོས་ཀྱི་མཐུ་བསམ་གྱིས་མི་ཁྱབ་ཅིང་། སྒྱུར་བྱེད་ཀྱི་ལོ་པཎ་སྤྲུལ་པའི་སྐུ་རྣམས་ཀྱང་སངས་རྒྱས་ཀྱི་བྱིན་བརླབས་ཀྱི་སྤོབས་པའི་གཏེར་མཛོད་གྲོལ་བ་འབའ་ཞིག་ཡིན་པས། འཇིག་རྟེན་ན་རྒྱལ་པོའི་ངག་བགྲོས་བློན་པོས་བསྐྱར་བ་ལ་མཁས་པ་ཙམ་མམ། ཡི་གེའི་ལས་འདུ་བྱེད་པ་དག་གིས་བཤུས་ནས་བཀབ་པ་ལྟ་བུའི་རྣམ་པར་རྟོག་པས་ཆོས་ཀྱི་ཚིག་དོན་ཡོད་དོ་ཅོག་གི་ཆ་ལ་རིག་པ་བསྒྲེ་བ་གཅིག་པུའི་མཐར་ཡང་མ་ལྷུང་བར་བྱའོ། །དེ་ལྷར་བརྗོད་བྱ་དེ་རྣམས་ཀྱི་སྲོག་གཟུགས་སམ་ངོ་བོས་བསྟན་པ་ནི། བཟོ་རིག་པའི་ཡན་ལག་ཡི་གེའི་འདུ་བྱེད་འདི་ཡིན་ཏེ། འདི་ལྟར་འཕགས་པའི་ཡུལ་གྱི་ཡི་གེའི་རྒྱུན་མང་པོ་དག་བོད་དུ་མཆེད་པ་ཙམ་ཡོད་མོད་ཀྱི། མཐའ་འཁོབ་ཀྱི་སྐད་ལ་སྒྲ་ཇི་བཞིན་དུ་བྲི་བར་ནུས་པ་མ་ཡིན་པས་མཁན་པོ་ཐོན་མི་སསྟོ་ཊའི་བློ་གྲོས་ཀྱི་རྒྱ་ཡིག་ལྔ་བཅུ་ཐམ་པ། བོད་ཡིག་སུམ་ཅུའི་སྡེར་གཏན་ལ་ཕབ་ཅིང་། དེ་དང་མཐུན་པའི་གཟུགས་བརྙན་གྱི་ཡི་གེའང་གསལ་བར་མཛད་པས། བོད་དང་བོད་ཆེན་པོར་གཏོགས་པའི་ཡུལ་དང་། ལྗོངས་དང་། གྲོང་ཁྱེར་དང་།གྲོང་རྡལ་དང་། གཙུག་ལག་ཁང་དང་། རྒྱལ་པོའི་ཁབ་ཀྱི་གྲོང་ཁྱེར་ལ་སོགས་པ་དར་རྒྱས་སུ་གྱུར་པའི་ཡི་གེ་རྫབ་ཆེན་པོ་དང་། རྫབ་ཆུང་དང་། འབྲུ་ཆེན་དང་། འབྲུ་ཆུང་དང་། གཤར་མ་དང་། དཀྱུས་ཡིག་ལ་སོགས་པ་ཡོངས་སུ་གྲགས་པ་དག་དང་། འཕགས་པའི་ཡུལ་གྱི་ཡི་གེ་ལ་དཔེ་བྱས་པའམ། མིན་ཡང་རུང་སྟེ་བོད་འདིར་རང་གི་བློ་གྲོས་ཀྱིས་གཟུགས་བརྙན་དུ་བཙས་པ་དག་ཀྱང་མཐའ་མི་འཚལ་བ་ཞིག་བྱུང་ཡང་།གསུང་རབ་དགོངས་འགྲེལ་དང་བཅས་པའི་སྲོག་བསྟན་པར་ནུས་ཤིང་། གཟུགས་ཀྱི་རྣམ་པ་ཁོ་ན་ལའང་བྱིན་བརླབས་ཀྱི་ཁྱད་པར་རང་བཞིན་གྱི་ཞུགས་པ་ནི་རྫ་ཆེན་འདི་ཁོ་ན་སྟེ། དེ་ལའང་ལི་ལུགས་དང་། ལྡན་ལུགས་སོགས་སྲོལ་ཐ་དད་པ་ལས། བཟོའི་གནས་ཀྱི་རིག་པ་འདི་ལ་ཉེ་བར་མཁོ་བའི་མཚན་ཉིད་བཟད་མགོ་ལ་འདོན་པ་ལ་སོགས་གདོན་པ་བཅུ། སྣག་ལམ་ཟླུམ་ལ་སྒྲོས་ཆགས་པ་ལ་སོགས་ཏེ་གཅེས་སོ་བརྒྱད་དེ་བཅོ་བརྒྱད། དེ་བཞིན་དུ་ཐག་ཟླུམ་གྲིས་བཅད་འདྲ་བའི་མགོ་དང་། ཐུགས་ཀར་རྡོར་འཛིན་གྱི་དཔུང་པ་དང་། གསེགས་སྦྱོར་ཐུང་རྣོ་ཟགས་མཆུ་དང་། རྒྱ་ཁབ་སླང་འདྲའི་ཡར་ཐེན་དང་། སྒོ་ལྕགས་རྐང་འདྲའི་མར་འཐེན་དང་། ཉ་མིག་འདྲ་བའི་མིག་བུ་སྟེ། དེ་བཞིན་དུ་རེ་རེ་ལ། རབ་དང་། འབྲིང་དང་། ཐ་མ་སྟེ་གསུམ་གསུམ་དུ་ཕྱེ་བའི་ཆོས་ཉི་ཤུ་རྩ་གཅིག་དང་། མཐོ་དམན་མེད་པ་ལ་སོགས་པ་རྣ་རུའི་ཆོས་གསུམ། སྟོད་སྨད་ཕྱེད་པ་ལ་སོགས་ཏེ་འགྲེང་བུའི་ཆོས་གཉིས། ཟླུམ་འགྲེལ་འཁྱུག་པ་སྟེ་གི་གུའི་ཆོས་གསུམ། གསུམ་འགྲེལ་ལྡན་པ་སྟེ་ཞབས་ཀྱུའི་ཆོས་གསུམ། རྟ་སྦྲེལ་བ་སོགས་ར་བཏགས་ཀྱི་ཆོས་གཉིས། འཁྱུག་སྙོམས་སོགས་ཡ་བཏགས་ཀྱི་ཆོས་གསུམ་སྟེ་བུ་ཆོས་བཅུ་དྲུག་དང་། གཟུགས་དཀྱུས་སུ་མ་གོལ་བ། དཀྱུས་ཚང་ནས་མ་ཡར་བ། དེ་ཉིད་ཤན་ཕྱེད་པ་སྟེ། སྤྱིའི་ཆོས་གསུམ་སྦོ་དང་བཅས་པ་སྟེ་རགས་པར་ཆོས་བཞི་བཅུའི་མཚན་ཉིད་དང་། ཞིབ་པར་སོ་སོའི་ཐིག་གིས་ཆ་དབྱེ་བ་དང་བཅས་པ་སྟེ། དེ་དག་གི་སྲོལ་འབྱེད་ཆེན་པོ་ཐོན་མི་སམ་སྙོ་ཊའི་ཡི་གེའི་རྒྱུན་འཛིན་པ་རྣམས་ཀྱི་མཆོག་ཏུ་གྱུར་པ་སྐ་བ་དཔལ་རྩེགས་ཀྱི་ལུགས། ཁྱུང་པོ་གཡུ་ཁྲིས་ཐིབ་རིས་སུ་བཏབ་པ་ལ། མཁས་པ་རོང་པོས་ལྷན་ཐབས་ཀྱིས་དག་པ་སྦྱར་བའང་ཡོད་དེ། དེ་དག་ལ་བཟོ་གནས་འཛིན་པ་ཕལ་ཆེར་རྣམ་དབྱེ་འབྱེད་པའི་བློ་གྲོས་གསལ་བ་ཉུང་ནའང་། རགས་པ་ཙམ་དུ་ཕྱིའི་ཤ་དང་ནང་གི་དཀར་ཞེས་གཟུགས་ཀྱི་མཚན་ཉིད་འོལ་སྤྱི་ཙམ་འཛིན་པ་ལ་གཅིག་ཏུ་རྟོག་པ་གསལ་བས་ཡི་གེའི་གཟུགས་བརྙན་དང་། བྲིས་སྐུ་གཉིས་པོ་མནའ་བོའི་དུས་ལས་ཀྱང་བར་སྐབས་ཙམ་དུ་ཉམས་འགྱུར་གསལ་ཞིང་། ལྷག་པར་ཡི་གེའི་བཟོ་གནས་ནི་ཐོད་རྒལ་བ་རེ་རེ་ཙམ་ད་ལྟའང་འབྱུང་བཞིན་པ་བོད་འདིར་བསྟན་པ་གནས་པ་ཁོ་ནའི་བྱིན་བརླབས་སུ་ངེས་སོ། །གསུམ་པ་ཐུགས་ཀྱི་རྟེན་ནི། སྤྱིར་འཕགས་པའི་བདེན་པ་གཟིགས་པ་རྣམས་ཀྱི་ངོ་ན་ཁམས་གསུམ་པོ་འདི་དག་ཀྱང་དེ་བཞིན་གཤེགས་པའི་རྣམ་པ་ཐམས་ཅད་པའི་མཆོད་རྟེན་དུ་བཞག་པ་ཡོད་དེ། རྡོ་རྗེ་བཀོད་པ་ལས། འདོད་ཁམས་དབང་གི་རི་བོ་ལ། །གཟུགས་ཁམས་བང་རིམ་ཁྲི་འཕང་ཅན། །གཟུགས་མེད་བུམ་རྟེན་བུམ་པར་བཅས། །སྐུ་གདུང་ཆེན་པོ་རྒྱུན་དུ་གནས། །ཞེས་དང་། འདིར་ཚད་དང་རྣམ་པར་ལྟར་གཞག་པ་ལ་ཉན་ཐོས་དང་། རང་སངས་རྒྱས་དང་། ཐེག་པ་ཆེན་པོའི་མཆོད་རྟེན་གསུམ་དུ་གྲགས་པ་སྟེ། དེའང་ཉན་ཐོས་ཀྱི་མཆོད་རྟེན་ཆོས་གོས་བཞི་བལྟབ་ཀྱི་སྟེང་དུ་ལྷུང་བཟེད་ཁ་སྦུབ་པ་ལ་འཁར་བསིལ་བཙུགས་པ་ལྟ་བུའོ། །རང་སངས་རྒྱས་ཀྱི་མཆོད་རྟེན་ནི་རྨང་གྲུ་བཞིའི་སྟེང་དུ་ངོས་གྲུ་བཞི་ཟླུམ་པོ་བང་རིམ་བཅུ་གཉིས་པ་འཁོར་ལོ་རྩིབས་བརྒྱད་པའི་རྣམ་པ་ཅན་ནོ། །ཐེག་པ་ཆེན་པོའི་མཆོད་རྟེན་ནི་ལྷུང་བཟེད་ཁ་སྤུབ་པ་ལྟ་བུ་བིསྤའི་ཟླུམ་པོ་དང་། ཁང་བུ་ལྟ་བུ་དང་། རྒྱལ་མཚན་ལྟ་བུའི་མཆོད་རྟེན་བརྒྱད་ལ་སོགས་པར་ཀླུ་སྒྲུབ་ཞབས་ཀྱིས་བཤད་ཅིང་། དེ་ལྟར་སྟོན་པའི་ཁུངས་འདུལ་བ་ལུང་ལས། ཤཱ་རིའི་བུའི་གདུང་གི་གླེང་གཞི་བྱས་ནས་ཉན་རང་སངས་རྒྱས་གསུམ་གྱི་མཆོད་རྟེན་ལ་འབྲས་བུའི་གྲངས་ཀྱི་གདུགས་ཐ་དད་པར་བཞག་པ་དང་། དེ་བཞིན་དུ་དུས་ཀྱི་འཁོར་ལོ་ནས་མགུལ་པ་ཐུང་བ་དང་། འགྲེལ་པ་དྲི་མེད་ནས་མགྲིན་རིང་སྟེ་རྣམ་པ་གཞན་དུ་བཤད་པ་དང་། བདུད་རྩི་མཆོག་ནས་སྔགས་རྒྱུད་ཀྱི་གླེང་གཞི་དང་མཐུན་པར་བཞུགས་པའི་གནས་ཀྱི་བྱེ་བྲག་དང་། སྤྱིར་བསོད་ནམས་དམ་པའི་ཉེར་འཚོར། པདྨ་སྤུངས་པ་ནས་རིམ་པར་དེ་བཞིན་གཤེགས་པའི་མཆོད་རྟེན་བརྒྱད་ཀྱི་མཚན་ཉིད་བསྟན་པ་གྲགས་ཆེ་ཞིང་། ངེས་པའི་དོན་དུ་བདེ་བར་གཤེགས་པའི་རྣམ་པ་ཐམས་ཅད་པའི་མཆོད་རྟེན་ལ་བྱང་ཆུབ་ཕྱོགས་ཀྱི་ཆོས་རྣམས་མ་ལུས་པའི་དག་པ་སྦྱོར་བས་ན་ཐུགས་ཀྱི་རྟེན་དུ་འཇོག་པ་ཡིན་ནོ། །གཉིས་པ་བཟོ་གནས་ཕལ་པ་ནི། བོད་ཚ་རིས་མི་བཙུན་པས་སྐྱེ་བོ་ཕལ་ཆེར་གྱི་ཉམས་སུ་བསྟར་བ་སྟེ། ངོ་མཚར་མ་ཡིན་ཡང་མདོ་སྡེ་ལས་བཟོ་གནས་བཅོ་བརྒྱད་དུ་ཕྱེ་བས། འདི་ལྟར་ཚང་བ་དང་། རྫ་མཁན་དང་། ཕྲེང་བ་མཁན་དང་། ཚང་ཚིང་དང་། ཕྱུགས་བཙོང་བ་དང་། འདྲེག་མཁན་དང་། འབྲུ་མར་འཚིར་བ་དང་། མགར་བ་དང་། ཤིང་མཁན་དང་། ཕྱུ་མཁན་དང་། ཐག་པ་དང་། ཀོ་པགས་མཁན་དང་། རྒྱལ་ཆེན་པ་དང་། བཙོ་བླག་མཁན་དང་། སྨྱིག་མ་མཁན་དང་། སྲོག་ལས་པ་དང་། གདོལ་པ་མཁན་དང་། ཤིང་རྟ་མཁན་ཏེ་རྣམ་གྲངས་བཅོ་བརྒྱད། གཞན་ཡང་རིན་པོ་ཆེ་བརྟག་པ། ས་གཞི་བརྟག་པ། གོས་བརྟག་པ། ལྗོན་ཤིང་བརྟག་པ། རྟ་བརྟག་པ། གླང་པོ་ཆེ་བརྟག་པ། སྐྱེས་པ་བརྟག་པ། བུད་མེད་བརྟག་པ་བརྟག་པ་བརྒྱད། དེ་བཞིན་དུ་སྒྱུ་རྩལ་གྱི་གནས་དྲུག་ཅུ་རྩ་བཞི་ནི།ཇི་སྐད་དུ། རོལ་མོའི་མཚན་ཉིད་སྒྱུ་མ་དང་། །འགྱེད་སྟོབས་དང་ནི་མེ་ཏོག་ལས། །དམག་རྣམས་ཀྱིས་ནི་བདག་ཉིད་ཤེས། །གཡོས་སུ་བྱ་བར་རྣམ་པར་ངེས། །ཚོང་དང་ནོར་ནི་བསྒྱུར་བ་དང་། །རྒྱན་དང་ལག་རྩིས་བཅུད་ཀྱི་ལེན། །འཁྲུལ་འཁོར་སྦྱོར་དང་དྲི་བ་དང་། འཕོངས་དཔྱད་དང་ནི་ཚོམ་སྦྱོར་སྒྲ། །ཡི་གེ་དང་ནི་ཁྭ་སྐད་དང་། རང་རང་བཟོ་དང་མཚོན་རྣམས་བརྟག །གཅོད་ཐབས་དང་ནི་སོག་ལེ་དང་། །ཕུབ་རྣམས་བསྐོར་བར་བྱེད་པ་དང་། །སོང་དང་འོང་བ་ཤེས་པ་དང་། །གཞི་ཡི་མཚན་ཉིད་ཤེས་པ་དང་། །མདུན་དང་རྡོ་རྗེ་བརྟག་པ་དང་། །ཐབས་ཀྱི་ཚོར་བའི་མཚན་ཉིད་དང་། །ཟུག་རྔུ་འབྱིན་དང་མིག་འཕྲུལ་དང་། །བྷ་ར་ཏ་ཡི་བསྟན་བཅོས་ཤེས། །བཅིང་དང་ཁང་པ་བརྩེགས་མ་དང་། །དེ་བཞིན་གོས་ཀྱི་འཕང་བ་དང་། །ཡན་ལག་མཉེ་དང་མོ་འདེབས་དང་། །དེ་བཞིན་ཆུ་ཡི་ཀུན་འཛིན་དང་། །དུང་གི་སྒྲ་དང་སྡེབ་སྦྱོར་དང་། གྲོང་རྡལ་དག་ནི་གློག་འདྲ་དང་། །མཚན་མོ་ཆོམ་རྐུན་ཤེས་པ་དང་། །སྒྲ་དང་ས་རྟོག་བྱེད་པ་དང་། སྐྱེ་པ་བུད་མེད་རྟ་དང་ནི། །གླང་པོའི་མཚན་ཉིད་གར་སློབ་དང་། འབྱུང་པོ་དག་ནི་གསོ་བ་དང་། །ཟངས་མ་འཁར་བ་གསེར་དག་དང་། །ཤིང་དང་དུང་དང་ཤེས་པ་དང་། །རི་མོ་མཚོན་དང་གོས་དག་གི །ལས་རྣམས་དེ་དག་གོ་རིམ་བཞིན། །སྐར་མའི་གཏན་ཚིགས་ཤེས་པ་དང་། མཚན་མོ་ཤེས་པ་ཉིད་དང་ཡང་། །ངེས་པའི་ཚིག་གི་གཞུང་རྣམས་ཀྱིས། །སྒྱུ་རྩལ་དྲུག་ཅུ་རྩ་བཞིར་དྲན། །ཞེས་དང་། དེའི་ཁྱད་པར་གཞན་པ་སྙན་དངགས་མེ་ལོང་ལས་བཟོར་གཏོགས་པ་སུམ་ཅུ། རོལ་མོའི་བྱེ་བྲག་བཅོ་བརྒྱད། གླུ་དབྱངས་ཀྱི་ངེས་པ་བདུན། གར་གྱི་ཉམས་དགུ་སྟེ་དྲུག་ཅུ་རྩ་བཞིར་བྱེད་པ་ལས། བཟོར་གཏོགས་པ་སུམ་ཅུ་ནི། སྒྱུ་རྩལ། ཡི་གེ །ལག་རྩིས། གྲངས་ཅན། རྩིས། འཛིན་སྟངས། ཐོར་ཚུགས། གོམ་སྟབས། ལྕགས་ཀྱུས་བསྒྱུར་ཐབས། རལ་གྲིའི་ཐབས། ཞགས་པ་གདབ་པ། མདའ་བོ་ཆེ་འཕེན་ཐབས། འཕོང་གི་སློབ་དཔོན། མདུན་དུ་བསྣུར་བ། ཕྱིར་བསྣུར་བ། གཅད་པ། དྲལ་བ། དབུག་པ། རྒྱང་ནས་འཕོག་པ། སྒྲ་གྲག་པར་འཕོག་པ།གནད་དུ་འཕོག་པ། མི་འཆོར་བར་འཕོག་པ། ཚབས་ཆེ་བ་སྟེ་གནས་ལྔ་དང་། མཆོངས་པ། གྱད་ཀྱི་འཛིན་སྟངས། བང་། རྐྱལ། རྒལ་བ། གླང་པོ་ཆེའི་གཉར་ཞོན་པ། རྟ་ལ་ཤོན་པ། ཤིང་རྟའི་ཐབས། མདའ་གཞུ་འགྱེད་སྟབས་སོ། །རོལ་མོའི་བྱེ་བྲག་བཅོ་བརྒྱད་ནི། གར་མཁན་ནམ་བྲོ་མཁན། གར་རམ་བྲོ། རྔ་བོ་ཆེ། རྫ་རྔ་། རྔ། རྫ་རྔ་ཆེན་པོ། འཁར་རྔ། པི་ཝང་རྒྱུད་གཅིག་པ། རྫ་རྔ་ཁ་གཅིག་པ། ལྕགས་ཀྱི་སིལ་ཁྲོལ།ཁར་དཀྲོལ། པི་ཝང་། རྒྱུད་གསུམ་པ། ཌ་མུ་ཀུསྡོ། སིལ་སྙན། གླུ་དབྱངས། ཕེབ་རྡོབ་པ། རོལ་མོའི་སྒྲ། པི་ཝང་། གླིང་བུའོ། གླུ་དབྱངས་ཀྱི་ངེས་པ་བདུན་ནི། ཇི་སྐད་དུ། འཁོར་ཉན་ཁྱུ་མཆོག་དྲི་འཛིན་དང་། །དྲུག་སྐྱེས་བར་མ་བློ་གསལ་ཏེ། །ལྔ་པ་ཞེས་བྱ་དབྱངས་བདུན་ནོ། །ཞེས་དང་པོ་ནས་རིམ་བཞིན། གླང་པོའི་སྒྲ་ལྟ་བུ་དང་། ཁྱུ་མཆོག་བ་གླང་ལྟ་བུ་དང་། ར་སྐད་ལྟ་བུ་དང་། ཟླ་བ་སྒྲ་གཅན་ལྟ་བུ་དང་། ཁྲུང་ཁྲུང་སྒྲོག་པ་ལྟ་བུ་དང་། རྟ་སྐད་ལྟ་བུ་དང་། མེ་ཏོག་དུས་ཀྱི་རྨ་བྱ་སྒྲོག་པ་བཞིན་ནོ། །གར་སྟབས་དགུ་ནི། སྒེག་པ་དང་། དཔའ་བ་དང་། མི་སྡུག་པ་དང་། དྲག་ཤུལ་ཅན་དང་། བཞད་གད་དང་། འཇིགས་སུ་རུང་བ་དང་། སྙིང་རྗེ་བ་དང་། རྔམ་པ་དང་། ཞི་བ་སྟེ་དགུ་རྣམས་སོ། །དེ་བཞིན་དུ་དུས་ཀྱི་འཁོར་ལོ་བསྡུད་རྒྱུད་ལས། མི་སྡུག་པ་དང་། དྲག་ཤུལ་ཅན་དང་། བཞད་གད་དང་། འཇིགས་སུ་རུང་བ་དང་སྙིང་རྗེ་བ་དང་།རྔམ་པ་དང་། ཞི་བ་སྟེ་དགུ་རྣམས་སོ། །དེ་བཞིན་དུ་དུས་ཀྱི་འཁོར་ལོ་བསྡུད་རྒྱུད་ལས། གཡུལ་དུ་ཕམ་པའི་དགྲ་བོ་དག་ནི་གལ་ཏེ་ཕྲ་ལ་རྫོང་གི་ནང་དུ་ཞུགས་པར་གྱུར་པ་ན། ཕྱི་རོལ་དུ་ནི་འཁྲུལ་འཁོར་བྱ་སྟེ་རྒྱུན་ཆད་མེད་པར་མེ་མདའ་རབ་ཏུ་འབེབས་པ་དང་། རལ་གྲི་ལ་སོགས་གཅོད་པའི་འཁྲུལ་འཁོར་དག་དང་ས་གཞིའི་གནས་ལགུར་དང་གོ་ནི་དབྱེ་བ་ཡིས། །དེ་ཡི་རྫོང་ནི་ཕྱེ་མར་བྱས་ཏེ་ཉིན་ཞག་ཅུང་ཟད་དག་གིས་གདུག་པ་དེ་ནི་བསྒྲུབ་པར་བྱ། ཞེས་འཁྲུལ་འཁོར་གྱི་བཟོ་གནས། ཐང་རྫོང་གཞིག་པ་རྡོའི་འཁྲུལ་འཁོར། ཆུ་རྫོང་འཇོམས་པ་གྲུའི་འཁྲུལ་འཁོར། རི་རྫོང་འཇོམས་པ་མེའི་འཁྲུལ་འཁོར། རལ་གྲི་འཁོརབ་གྲི་གུག་གི་འཁྲུལ་འཁོར། རྩེ་མོ་འབྱེད་པ་རླུང་གི་འཁྲུལ་འཁོར། རྩིག་པ་འཇིག་པ་གུར་གྱི་འཁྲུལ་འཁོར། གོ་ཆ་འཇིག་པལྕགས་མདའི་འཁྲུལ་འཁོར་རྣམས་དང་། རང་ཕྱོགས་བསྲུང་བར་རལ་གྲིའི་འཁྲུལ་འཁོར། རྒྱལ་རིགས་འཐབ་པ་ཤིང་རྟའི་ཆད། །ལྟད་མོ་ལ་འགྲོ་བའི་དོན་དུ་ཁང་བཟང་གི་མཚན་ཉིད། དགའ་སྟོན་གྱི་དོན་དུ་ཕྱོགས་ཀྱི་མཚན་ཉིད། ལྡུམ་རྭ་གསོ་བའི་དོན་དུ་ཆུ་འདྲེན་པའི་འཁྲུལ་འཁོརལ་སོགས་པ་ཕས་རྒོལ་༄༅ ཆམ་ལ་འབེབས་པའི་གནད་དེ་། མདོར་ན་ལུས་ཀྱི་བཟོ་དང་། ངག་གི་བཟོ་དང་། ཡིད་ཀྱི་བཟོ་སྟེ་རྣམ་པ་གསུམ་གྱི་ཁོང་དུ་མི་འདུ་བ་ནི་གང་ཡང་མེད་དོ། །གཉིས་པ་གཅིག་ཏུ་རྣམ་པར་དཀར་བའི་བྱ་བ་ལས་ཀྱི་འཁོར་ལོ་ཇི་ལྟར་བརྩམས་པ་ནི། མདོ་སྡེ་ས་བཅུ་པ་ལས། ས་དང་པོ་ལ་གནས་པའི་བྱང་ཆུབ་སེམས་དཔའ་རྣམས་ནི་ཕལ་ཆེར་འཛམ་བུའི་གླིང་གི་དབང་པོར་གྱུར་ཅིང་། དབང་ཕྱུག་ཆེན་པོ་ལ་དབང་རབ་ཏུ་ཐོབ་པ་དང་། ཆོས་རྗེས་སུ་བསྲུང་བ་དང་། གཏོང་བ་ཆེན་པོས་སེམས་ཅན་རྣམས་སྡུད་པའི་གཙོ་བོར་གྱུར་ཅིང་། སེམས་ཅན་རྣམས་ཀྱི་སེར་སྣའི་དྲི་མ་བཟློག་པ་ལ་མཁས་པ་ཡིན། གཏོང་བ་ཆེན་པོ་རྩོམ་པ་ལ་ཡོངས་སུ་དུབ་པར་མི་འགྱུར་བ་ཡིན་ནོ། །སྤྱིན་པ་དང་། སྙན་པར་སྨྲ་བ་དང་། དོན་སྤྱོད་པ་དང་། དོན་མཐུན་པས་ལས་གང་ཅི་རྩོམ་ཡང་རུང་སྟེ། དེ་ཐམས་ཅད་སངས་རྒྱས་ཡིད་ལ་བྱ་བ་དང་། དགེ་འདུན་ཡིད་ལ་བྱ་བ་དང་། བྱང་ཆུབ་སེམས་དཔའ་ཡིད་ལ་བྱ་བ་དང་། རྣམ་པ་ཐམས་ཅད་ཀྱི་མཆོག་དང་ལྡན་པའི་ཐམས་ཅད་མཁྱེན་པའི་ཡེ་ཤེས་ཀྱི་བར་དུ་ཡིད་ལ་བྱ་བ་དང་མི་འབྲལ་བ་ཡིན་ཏེ། ཇི་ལྟར་ན་སེམས་ཅན་ཐམས་ཅད་ཀྱི་མཆོག་ཏུ་འགྱུར། གཙོ་བོར་འགྱུར། ཕུལ་དུ་འགྱུར་རོ་ཞེས་པ་ལྟར། སྔོན་གྱི་ཚེ་འཕགས་པའི་ཡུལ་དུ་རྒྱལ་པོ་མྱ་ངན་མེད་ཀྱི་རྒྱལ་སྲིད་དགེ་འདུན་ལ་བྱིན་པ་ལ་སོགས་ཏེ་བསྟན་པའི་སླད་དུ་སྲི་ཞུ་ཇི་ལྷར་བྱས་པ་དང་། གངས་རིའི་ཁྲོད་འདིར་རྒྱལ་སྲས་རིགས་གསུམ་མགོན་པོའི་ཡེ་ཤེས་ཀྱི་རྣམ་པར་འཕྲུལ་པ་ཆོས་རྒྱལ་མེས་དབོན་རྣམ་གསུམ་ལ་སོགས་བསླད་པ་མེད་པའི་རིགས་དང་། ཡན་ལག་མཆོག་གི་གཟུགས་དང་།ལང་ཚོ་གསལ་བའི་དཔལ་དང་། དཔའ་བ་དང་། དེས་པ་དང་། བརྟུལ་ཕོད་པ་དང་། བརྫི་བ་མེད་པའི་སྟོབས་དང་། གཞོམ་དུ་མེད་པའི་དཔུང་པ་དང་། བྲི་བ་མེད་པའི་མངའ་ཐང་དང་། ནོར་གྱི་རྣམ་པ་མཐའ་ཡས་པ་དང་། གཞོན་པ་དང་། རྐང་བྲན་དང་། སྐྱེ་དགུ་མང་པོའི་སྤྱི་བོ་ན་རྐང་བཏེགས་འཆའ་བ་དང་། ཡུལ་དང་། ལྗོངས་དང་། གྲོང་རྡལ་དང་། གྲོང་ཁྱེར་ཆེན་པོའི་ཁོ་ར་ཁོར་ཡུག་དང་། རྫོང་ཆེན་པོ་དང་། ཁང་བུ་བརྩེགས་པའི་ཕོ་བྲང་མིག་སྟོང་པ་ལ་དབང་བྱེད་པའི་བདག་པོར་གྱུར་ཀྱང་། འདི་སྐད་དུ། ཀླུ་སྒྲུབ་ཞབས་ཀྱིས། གཞོན་ཡང་རྒན་པའི་ཉེ་བར་ཞི་ལ་དགའ། །མཁས་པར་གྱུར་ཀྱང་ཤེས་པའི་ང་རྒྱལ་མེད། །གཟི་བརྗིད་ཆེ་ཡང་བཟོད་ཅིང་དེས་པའི་ངང་། །ཇེ་མཐོར་ཕྱིན་ཡང་ང་རྒྱལ་དྲེགས་པ་མེད། །ཅེས་དང་། བཤེས་སྤྲིང་དུ། སེར་སྣ་གཡོ་སྒྱུ་ཆགས་དང་སྙོམ་ལས་དང་། །མངོན་པའི་ང་རྒྱལ་འདོད་ཆགས་ཞེ་སྡང་དང་། །རིགས་དང་གཟུགས་དང་ཐོས་པ་ལང་ཚོ་དང་། །དབང་ཐང་ཆེ་བས་རྒྱགས་པ་དགྲ་བཞིན་གཟིགས། །ཞེས་པ་ལྟར། ཁྱིམ་ན་གནས་པའི་ལྟར་སྣང་གི་བདེ་བ་ནི་བཟང་པོ་མ་ཡན་པ ཐར་པ་མེད་པ། སྐྱེ་འཆིའི་བར་ལག་ཅན། འེབྱོར་རྒུད་རེ་མོས་པ། འཁོར་བ་དང་ངན་སོང་གི་རྒྱུ་ལ་བརྟེན་ཅིང་འབྲས་བུ་ལ་ལོངས་སྤྱོད་པའི་རང་བཞིན་དུ་བཅོམ་ལྡན་འདས་ཀྱི་ཡང་ནས་ཡང་དུ་གསུངས་པའི་ཉེས་དམིགས་མང་པོ་བསྟན་པ་རྗེས་སུ་དྲན་པའི་ངེས་འབྱུང་གི་ཐུར་མ་རྣོན་པོས། བསོད་ནམས་མ་ཡིན་པ་ལ་ཞེན་ཅིང་རྒྱུ་འབྲས་ཀྱི་མཚན་ཉིད་ལ་ལྡོངས་པར་གྱུར་པའི་འཆིང་བ་དམ་པོ་ཡོངས་སུ་འདྲལ་བར་བྱེད་པའི་སྤྲོ་བ་ལ་ཞུགས་པ་ཤ་སྟག་གོ །ཇི་ལྟར་ཞུགས་ན། མཛའ་བཤེས་ལ་སྤྲིངས་པར། དགེ་བའི་བཤེས་གཉེན་བསྟེན་པ་ཚངས་པར་སྤྱོད། ཡོངས་སུ་རྫོགས་པར་ཐུབ་པས་གསུང་དེའི་ཕྱིར། སྐྱེས་བུ་དམ་པ་བསྟེན་བགྱི་དམ་པ་ལ། བརྟེན་ནས་རབ་ཏུ་མང་པོས་ཞི་བ་ཐོབ། །ཅེས་གསུངས་པ་ལྟར་ཐར་པ་དང་རྣམ་མཁྱེན་གྱི་རྒྱུ་འབྲས་དེ་ཡང་སྐྱེས་བུ་དམ་པ་དགེ་བའི་བཤེས་གཉེན་འབའ་ཞིག་གིས་བདག་པོའི་རྐྱེན་ལ་ལྟོས་ཤིང་རག་ལས་པར་མཁྱེན་ནས།རྒྱ་གར་ཆོས་ཀྱི་འབྱུང་གནས་ཆེན་པོ་ནས་པརྙི་ཏ་སྤྲུལ་པའི་སྐུ་མཆོག་ཐོས་པ་མང་པོའིཕ་རོལ་ཏུ་སོན་ཞིང་། མདོ་སྔགས་རིག་པའི་གནས་གང་ལའང་མ་རྨོངས་པ་བསམ་གྱི་མི་ཁྱབ་པ་ཞིག་སྤྱན་དྲངས། སྲོག་དང་།ནོར་གྱི་དངོས་པོ་ཅི་ཡང་མི་སེམས་པའི་གནས་སུ་ཉེ་བར་བསྡགས་ནས་དཀའ་བས་བཙལ་ཞིང་། དཀོན་པས་བསྒྲུབས་པའི་རྒྱལ་བསྟན་ཡིད་བཞིན་ནོར་བུ་རིན་པོ་ཆེའི་རྩ་ལག་གཅིག་ཏུ་གྱུར་བའི་མདོ་དང་སྔགས་ཀྱི་དམ་པའི་ཆོས་དཔག་ཏུ་མེད་པར་བསྒྱུར་བའང་། ཇི་སྐད་དུ་སྒྲ་སྦྱོར་བམ་པོ་གཉིས་པར་གསང་སྔགས་ཀྱི་རྒྱུན་རྣམས་གཞུང་གིས་གསང་བར་བྱ་བ་ཡིན་སྟེ། སྣོད་དུ་མ་གྱུར་པ་རྣམས་བཤད་ཅིང་བསྟན་དུའང་མི་རུང་ལ། བར་དུ་བསྒྱུར་ཞིང་སྤྱོད་པར་གནང་གིས་ཀྱང་། ལྡེམ་པོའི་ངག་ཏུ་བཤད་པ་མ་ཁྲོལ་ནས། སྒྲ་ཇི་བཞིན་དུ་འཛིན་ཅིང་ལོག་པར་སྦྱོད་པ་དག་ཀྱང་འབྱུང་། སྔགས་ཀྱི་རྒྱུད་ཀྱི་ནང་ནས་ཐུ་ཞིང་བོད་སྐད་དུ་བསྒྱུར་བ་དག་ཀྱང་འབྱུང་ཞེས་བདས་ཀྱི། ཕྱིན་ཆད་གཟུངས་སྔགས་དང་། བླ་ནས་བཀའ་སྩལ་ཏེ་བསྒྱུར་དུ་བཅུག་པ་མ་གཏོགས་པ། སྔགས་ཀྱི་རྒྱུད་དང་། སྔགས་ཀྱི་ཚིག་འཐུ་ཞིང་བསྒྱུར་དུ་མི་སྣང་ངོ་། །ཞེས་ཐེག་པ་ཆེན་པོ་གསང་སྔགས་ནི་གདུལ་བྱ་ཐུན་མོང་བའི་སྤྱོད་ཡུལ་དུ་མ་ཡིན་པས། བཙན་པོ་ཁྲི་སྲོང་ཉིད་ཀྱི་དུས་ནས་གསང་བ་ཆེན་པོའི་སྦུབས་སུ་བསྐྱིལ་བ་ཉིད། སླར་ཡང་རྟའི་ལོ་ལ་ལྷ་སྲས་ཁྲི་ལྡེ་སྲོང་བཙན་འོན་ཅང་དོ་ན་བཞུགས་ཏེ་སྡེ་སྣད་གསུམ་ལ་སོགས་པའི་གསུང་རབ་སྔོན་འགྱུར་རྣམས་སྐད་གསར་བཅད་ཀྱིས་གཏན་ལ་ཕབ་པའི་ཚེའང་སྔགས་རྒྱུད་རྣམས་གསང་བ་བསྲུང་བའི་དམ་ཚིག་ཏུ་བཀས་བཅད་པས་གླེགས་བམ་དུ་མར་མ་འཕེལ་ལ། སྔར་ཡབ་མེས་ཀྱི་དུས་ཆོས་ཀྱི་སྐད་བོད་ལ་མ་གྲགས་པ་ལས་མིང་དུ་བཏགས་པ་དག །བྱུ་ཀྭ་ར་ནའི་ལུགས་དང་མི་མཐུན་པ་དང་། འཇལ་དཀའ་བ་རྣམས་ཚིག་གིས་སོ་སོར་མ་ཕྲལ་བ་དག་སྒྲའི་ལུགས་བཙན་པར་བགྱིས་པ་དང་། དོན་གྱི་ལུགས་བཙན་པར་བགྱིས་པའི་དག་ཐེར་གྱིས་ཀྱང་མ་ཕོག་པས་ལེགས་སྦྱར་ཁོ་ནའི་སྐད་ཀྱིས་དབང་དུ་འཇུག་པ་དང་། མི་འཇུག་པའང་ཅི་རིགས་སུ་ཡོད་ཅིང་།བཀའ་དང་དགོངས་འབྲེལ་ཕྱོགས་སུ་སྒྲིག་པ་ལ་སྔ་བ་དཀའ་ཆག་འཕང་ཐང་མ་དང་། ལྡན་དཀར་མ་གཉིས་སུ་གསང་སྔགས་ནང་གི་རྒྱུད་རྣམས་ཆེས་ཆེར་གཉན་པས་རེ་ཞིག་འདིར་འགོད་པར་མ་ནུས་ཞེས་ཡོ་ག་གསུམ་གྱི་རྒྱུད་རྣམས་གཞུང་གིས་གསང་བར་བྱས་སོ། །རྒྱུ་དེ་རྣམས་ཀྱི་ཆོས་ལ་ཞུས་པ་དང་གཡེལ་བའི་སྐབས་སུ་མ་བྱུང་བས་བྱིན་རླབས་མ་ཉམས་ཤིང་། གང་དང་གང་གིས་ཚུལ་བཞིན་ཉམས་སུ་བླངས་པ་ཐམས་ཅད་གྲུབ་ཐོབ་ཀྱི་དངོས་པོ་འབའ་ཞིག་ཏུ་བསྒྲུབ་ནུས་པ་བྱུང་བ་ནི་སྔར་གྱི་གཏན་ཚིགས་རྣམས་ཀྱིས་ཤེས་པར་འགྱུར་ལ། ཕྱི་མཐའི་དུས་ན་ཆོས་ལ་མི་རྟོན་བདག་པོ་ལ་རྟོན་པ་དག་གིས་སྔ་འགྱུར་རྩོད་པ་ཅན་དུ་བྱེད་བཞིན་དུ། ཡང་ཕུར་ངོ་མཚར་ཅན་དུ་སྒོམ་པའི་རྣམ་པར་རྟོག་པ་མཉམ་པ་ཉིད་ཀྱི་ངང་དུ་བཞག་ནས། རྙིང་རྒྱུད་ཚང་མ་འདྲིལ་བར་མ་ནུས་པས་ཕྱོགས་རེའི་ཁུར་གྱི་དུ༷༷ཁ་ལྷོད་པར་བཀྲོལ་བ་ཚལ་པ་བཀའ་འགྱུར་ལས་ཡོ་ག་གསུམ་ཀའི་རྒྱུད་གཙོ་བསྡུས་ཏེ་ངེས་པ་འདྲེན་པའི་སླད་དུ་བཀོད་མོད། དེ་ལས་གཞན་དུ་སྡེ་མཚན་ལོགས་སུ་བཞུགས་བཞིན་པའང་དུས་ཀྱི་རྒུད་པ་དང། ཀླཀློཏུརུསྐིའིསྤུན ཟླརགྱུར་པ་དག་གིས་རྒྱལ་བའི་བསྟན་པ་ཕྱོགས་བྲལ་ཆེན་པོ་རིས་སུ་གཅོད་པའི་དོ་ཟླར་ལྷགས་ནས་ཉམས་ཉེས་པར་བྱས་པས་གླེགས་བམ་གྱི་རྒྱུན་ཉུང་ངུར་གྱུར་པ་དེས། སྟོན་པ་བཅོམ་ལྡན་འདས་དེ་བཞིན་གཤེགས་པའི་གདུལ་བ་ཚད་མེད་པའི་ཕྲིན་ལས་ཆུད་གསན་ཅིང་། སྔོན་གྱི་རྒྱལ་བློན་བྱང་ཆུབ་སེམས་དཔའ་དང་། ལོ་པཎ་སྤྲུལ་པའི་སྐུ་མཆོག་རྣམས་ཀྱི་བསམ་གྱིས་མི་ཁྱབ་པའི་ཐུགས་བསྐྱེད་དང་། ཕྱག་རྗེས་ཀྱི་རིམ་པ་ལ་ཟུག་རྔུའི་རྨ་ཕྱུང་བ་དེ་བློ་ལ་གདུང་བར་ལྕི་ནས་བགྱི་བ་འདི་བརྩམས་པ་ཡིན་ནོ། །དེ་ལ་བདག་ཅག་ནི་རིགས་དང་། གཟུགས་དང་། ཐོས་པ་དང་། ལང་ཚོས་དྲེགས་པ་མ་ཡིན་པ། འབྱོར་པ་ཉུང་བ། མཐུ་ཆུང་བ། བགྱི་བ་མང་པོ་ལྷུར་མི་ལེན་པ། ནགས་ཁྲོད་དབེན་པ་ན་གནས་པ། ཚོང་དང་། སོ་ནམ་དང་། གཞན་ངོ་སྲུང་བ་ལ་སོགས་པའི་འདུ་འགོད་རྒྱ་ཆེན་པོ་རྨི་ལམ་དུའང་མི་སེམས་པར་ནམ་སྒྱུ་མའི་ལུས་རྟེན་ཕུང་པོའི་འདུ་བྱེད་དང་བཅས་པ་འཇིག་རྟེན་ཕ་རོལ་པའི་གནས་སུ་འཁྲིད་པར་འགྱུར་བའི་ངེས་པར་འབྱུང་བ་ཁོ་ན་ཡིད་ལ་རྒྱུན་ཆགས་པས་དཀོན་མཆོག་གསུམ་ལ་སྐྱབས་སུ་འགྲོ་ཞིང་། ཡིད་མཉམ་པ་ཉིད་ཀྱི་ཀློང་ན་རེ་བ་དང་དོགས་པའི་གནས་ལ་ཆ་མི་འཚལ་བར་གནས་པ་ཞིག་ལ། ལ་ལ་ཞིག་གིས་བདོག་པའི་རྣམ་པ་དབྱིག་གི་དངོས་པོའམ། འབྲུའི་ཆ་ཤས་སམ། བཟའ་བ་དང་བཅའ་བའམ། བགོ་བ་དང་། རྒྱན་གྱི་བྱེ་བྲག་གམ། ཐ་ན་ཁབ་དང་སྲད་བུའི་རྣམ་པ་ཙམ་འབྱོར་པར་གྱུར་ནའང་། དེ་ལ་རང་གི་ཕྱོགས་བསྲུང་བ་དང་། དཔལ་དང་འབྱོར་པའི་འདུ་འགོད་རྩོམ་པ་དང་། འགའ་དང་འགའ་ལ་དོ་ཟླའི་གནས་སུ་བལྟ་བ་ལ་སོགས་པའི་རྣམ་པར་རྟོག་པ་ཡིད་ཀྱི་ཡུལ་དུའང་འཇུག་པ་མ་ཡིན་པས། རྔ་བོ་ཆེའི་མདོར། ནོར་ནི་དགྲ་དང་ཆོམ་རྐུན་ས་གས་མང་དང་། །རྒྱལ་པོ་མེ་དང་མཛའ་བཤེས་དང་། །ཉེ་དུ་མི་མཛའ་བགོ་སྐལ་སྤྱོད་མང་གིས། སྡིག་པར་སྤྱོད་པ་ཡིས་ནི་འཛད་པར་འགྱུར། ཞེས་གསུངས་པའི་ཚུལ་དེ་ལ་སེམས་ཤིང་། ཇི་ལྟར་ནུས་པའི་སྒོ་ནས། འདི་ནི་དཀོན་མཆོག་གི་ཕྱོགས་སུ་མཆོད་པར་ཕུལ་བའམ། བཀྲེན་པ་དང་། ཕོངས་པ་དང་། ཉམས་ཐག་པ་དང་། མགོན་མེད་པ་དང་། ནད་པ་དང་། སྲོག་གི་འཇིགས་པས་སྐྲག་པ་ལ་སོགས་པའི་སྙིང་རྗེའི་ཡུལ་དུ་གྱུར་པ་དག་གི་ཉེ་ཚོར་བྱས་ན་རུང་གི །རེ་ཞིག་བྱ་བ་དེ་དང་དེའི་རྒྱུ་རྐྱེན་ཚོགས་པར་མ་གྱུར་པ་དེ་སྲིད་དུ་བདག་ནི་འདིའི་གཉེར་དུ་བསྐོས་པ་ཅམ་ཡིན་གྱིས། དངོས་པོ་འདིའི་བདག་པོར་གྱུར་པ་ནི་ཁོ་བོ་ཅག་ནམ་དུའང་མ་ཡིན་ནོ་སྙམ་དུ་ཡིད་ལ་ལྷན་སྐྱེས་སུ་འཆར་བས་དཀོར་གྱི་ནུས་པ་སླར་ལ་འཕེལ་བའི་བརྟུལ་ཞུགས་ཀྱང་ཉམས་དམས་པར་འགྱུར་རོ་སྙམ་དུ་སེམས་ལ། འདུན་པ་དེའི་རྒྱུ་དང་། འབྱོར་པ་ཉུང་ངུར་གྱུར་པའི་བདག་པོའི་རྐྱེན་ལས་ཀྱང་། བོད་ཀྱི་རྡོ་རྗེའི་གདན་ཆེན་པོ་གྱུར་པའི་གཙུག་ལག་ཁང་དག་ལ། སྟོང་མཆོད་ཀྱི་རིམ་པ་ལན་བཅུ་ཕྲག་ཙམ་དང་། གསེར་བསིལ་མའི་མེ་ཏོག་གཏོར་བ་དང་། ཞལ་གསེར་གྱིས་བྱུག་པས་བསྐུ་བ་དང་། རྒྱལ་བས་བཀའ་འགྱུར་རོ་ཅོག་གི་གསུང་སྒྲོགས་དང་སྐུ་གསུང་ཐུགས་ཀྱི་རྟེན་བཞེངས་ཀྱི་རིམ་པ་ཅུང་ཟད་དང་།འགྲོ་བ་མང་པོའི་སྲོག་བསླུ་བའི་དམ་བཅའ་རྒྱུན་མི་ཆད་པར་བཟུང་བ་དང་།སྒྲུབ་གནས་རྣམས་སུ་མེ་མཆོད་དང་ཚོགས་བསྐོངས་ལ་སོགས་པ་ཡང་ནས་ཡང་དུ་བགྱིད་པ་ལ་སོགས་པ་ཐར་པ་ཆ་མཐུན་གྱི་དགེ་བར་འགྱུར་བའང་རྗེས་ལ་ཐོབ་པའི་ཡེ་ཤེས་དང་འབྲེལ་བར་སྤྱད་ལ། ཁྱད་པར་ཆོས་ཡང་དག་པར་སྡུད་པའི་མདོ་ལས། བྱང་ཆུབ་སེམས་དཔའ་རྣམས་ཀྱི་གཏོང་བ་ནི་རྣམ་པ་གསུམ་སྟེ། གཏོང་བ་དང་། གཏོང་བ་ཆེན་པོ་དང་། ཤིན་ཏུ་གཏོང་བའོ། །དེ་ལ་གཏོང་བ་གང་ཞེ་ན། བཟའ་བ་དང་། བཏུང་བ་དང་། བཞོན་པ་དང་། གོས་དང་། མར་མེ་དང་། སྤོས་དང་། རྒྱན་ལ་སོགས་པ་གང་སེམས་ཅན་ལ་ལ་ཕན་པར་འགྱུར་བ་མ་གཏོགས་པ་མི་སྤྱིན་པའང་ཡིན་ཡིན་པ་དེ་ནི་གཏོང་བའོ། །གཏོང་བ་ཆེན་པོ་ནི། འདི་ལྟ་སྟེ། ཆུང་མ་དང་། བུ་དང་། བུ་མོ་དང་། ཡིད་དུ་འོང་བའི་བྲན་དང་། ཁྱིམ་དང་། རྒྱལ་སྲིད་རྣམས་ཡོངས་སུ་གཏོང་བ་ནི་གཏོང་བ་ཆེན་པོའོ། ཤེན་ཏུ་གཏོང་བ་གང་ཞེ་ན། ལག་པ་དང་། རྐང་པ་དང་། རྣ་བ་དང་། སྣ་དང་། ཤ་དང་རུས་པ་དང་། པགས་པ་དང་། མིག་དང་། ལྕེ་དང་། མགོ་རུས་དང་། རྐང་ལ་སོགས་པ་གཏོང་བ་སྟེ། འདི་ནི་བྱང་ཆུབ་སེམས་དཔའི་ཤིན་ཏུ་གཏོང་བ་ཞེས་བྱའོ། །ཞེས་གསུངས་པ་ལས། འདིར་ཕྱི་མ་གཉིས་སྨོན་པའི་ཡུལ་དུ་བྱ་སྟེ། དང་པོའི་གནས་ལ་སྦྱིན་པའི་མདོ་ལས། བཅོམ་ལྡན་འདས་ཀྱི་དགེ་སློང་རྣམས་ལ་བཀའ་སྩལ་པ། དགེ་སློང་དག་མཁས་པ་རྣམས་ཀྱི་རྣམ་པ་སུམ་ཅུ་རྩ་བདུན་སྤྱིན་པར་བྱིན་ནོ། །སུམ་ཅུ་རྩ་བདུན་གང་ཞེ་ན། སེར་སྣ་རྣམ་པར་སྤང་བའི་ཕྱིར་དད་པས་སྒྱིན་པ་བྱིན་ནོ། །དུས་སུ་སྤྱིན་པ་བྱིན་ནོ། །དེ་བཞིན་གཤེགས་པས་གནང་བའི་རུང་བའི་དངོས་པོ་གསུམ་ཡོངས་སུ་དག་པས་སྤྱིན་པ་བྱིན་ནོ། །སེམས་ཀྱི་འཁྲུག་པའི་སྐྱོན་ཐམས་ཅད་སྤང་བའི་ཕྱིར་བསྟི་སྟང་དུ་བྱས་ནས་སྤྱིན་པ་བྱིན་ནོ། །སྙིང་པོ་མེད་པའི་ལུས་ལས་སྙིང་པོ་བླང་བའི་ཕྱིར་རང་གི་ལག་ནས་སྤྱིན་པ་བྱིན་ན། །ཞེས་པ་ལ་སོགས་པས་རྒྱ་ཆེར་བསྟན་པ་བཞིན། འཕྲལ་གྱི་བཟའ་བ་དང་། བཏུང་བའི་ཉེ་བར་སྤྱད་པ་ཚུན་ཆད་གཅིག་ཏུ་རྣམ་པར་དཀའ་བའི་བགྱི་བ་འདིའི་ཕྱོགས་སུ་ཉེ་བར་བསྡོགས་པའི་དམ་བཅའ་བཟང་པོ་ཡིད་ཀྱི་ཆོ་གར་ཡང་དག་པ་ཉིད་དུ་བཅས་སོ། །དེ་ལས་ཇི་ལྟར་བསྒྲུབས་པའི་ཡུལ་ནི། ལྷ་གཅིག་དི་བ༷་ཀྭ་རའི་དོན་གྱི་རྟོགས་པ་རྗོད་པའི་གླེགས་བམ་ལས་མཁའ་འགྲོ་མ་རྣམས་ཀྱི་རྡོ་རྗེའི་མགུར། ཤར་རྡོ་རྗེ་གདན་གྱི་བྱང་ཕྱོགས་ན། །གནས་པུ་རྒྱལ་བོད་ཅེས་བྱ་བ་ཡོད། །རི་མཐོན་པོ་གནམ་གྱི་ཀ་བ་ཡོད། །མཚོ་དམའ་མོ་གཡུ་ཡི་མཎྜལ་ཡོད། །གངས་དཀར་པོ་ཤེལ་གྱི་མཆོད་རྟེན་ཡོད། །སྤང་སེར་གྱི་ལྷུན་པ་ཡད། །དྲི་ཞམ་པ་སྨན་གྱི་བདུག་སྤོས་ཡོད། །ཚོན་བཀྲ་བ་གསེར་གྱི་མེ་ཏོག་ཡོད། དབྱར་བཀྲ་བ་གཡུ་ཡི་མེ་ཏོག་ཡོད། །ཀྱེ་གངས་རིའི་མགོན་པོ་སྤྱན་རས་གཟིགས། །གནས་མཆོག་དེ་ན་ཁྱོད་ཀྱི་ཞིང་ཁམས་ཡོད། །ཞིང་དེ་ན་ཁྱོད་ཀྱི་གདུལ་བྱ་ཡོད། །ཅེས་བསྔགས་པ་བཞིན། རི་ཁ་བ་ཅན་ན་སྟོད་ལ་མངའ་རིས་སྐོར་གསུམ། བར་ན་དབུས་གཙང་རུ་བཞི། སྨད་མ་མདོ་ཁམས་སྒང་དྲུག་ཡོད་པའི་ནང་ཚན་ལས། གངས་རིའི་ཁྲོད་ཀྱི་རྡོ་རྗེ་གདན་ཆེན་པོ་ལྷ་ལྡན་སྤྲུལ་པའི་གཙུག་ལག་ཁང་ཆེན་པོ་ནས་མཐར་བྱེད་ཀྱི་ཕྱོགས་སུ་གདུགས་གསུམ་གྱི་བདེ་བར་ཕྱིན་པའི་ས། དགེ་བཅུའི་དཔལ་གྱིས་མངོན་པར་ཕྱུག་པའི་ཡུལ་ཡར་མོ་ཀླུང་གི་ཆུ་ལྷའི་ཕྱོགས་ཀྱི་ཡན་ལག །གཡོ་རུའི་ཁྲ་འབྲུག་གི་གཙུག་ལག་ཁང་དང་ཧ་ཅང་རིང་བ་མ་ཡིན་པ་བཀྲ་ཤིས་སྲོང་བཙན་བང་སོའི་དབང་པོའི་ཕྱོགས། སྐྱེ་བོ་རྣམས་ཆོས་ཀྱི་སྣང་བ་ཤས་ཉུང་ཞིང་། ཞོ་ཤས་འཚོ་བ། འབྱོར་པ་མ་ཡིན་པ། ཕྱོགས་དང་ཕྱོགས་མཚམས་གྲོང་ཁྱེར་སྟོང་པས་གང་ཞིང་། དགེ་བ་ བསྒྲུབ་པ་ལ་ཕན་པ་དང་གནོད་པའི་ཕྱོགས་གཉིས་ཀ་སྤངས་པའི་མཐའ་འཁོབ་ཁོལ་བུ་པར་ཡང་དབེན་པ་འབའ་ཞིག་གི་ཡོན་ཏན་བསམས་ཏེ་ཕྲ་བཟུང་ནས་བྱང་ཆུབ་ཤིང་གི་ནགས་ཁྲོད་ཚེ་རིང་ལྗོངས་ཞེས་བྱ་བའི་བས་མཐའ་ཆེན་པོ། ཁོ་བོ་ཅག་ཡོན་མཆོད་ཀྱིས་རེ་ཞིག་ལ་རྟེན་དང་བརྟེན་པའི་གནས་མིག་འཕྲུལ་ལྟ་བུར་རྣམ་པར་འདུ་བྱས་པའི་དྲི་གཙང་ཁང་མཐོང་ན་མི་མཐུན་པ་མེད་པའི་རྟེན་གྱི་གཟི་བྱིན་དང་འགྲོགས་པ་པདྨ་འོད་གླིང་ཐར་པ་ཆེན་པོའི་གྲོང་ཁྱེར་ཞེས་བྱ་བ་རྣ་ལུང་དུ་དཔྱངས་ནས་ཕྱོགས་དང་ཕྱོགས་བྲལ་ནས་འབྲེལ་པ་ཅན་དག་ཆོས་ཀྱི་འདུ་བ་ལ་ལྟགས་ཤིང་། རྡོ་རྗེ་ཐེག་པའི་བཤད་སྒྲུབ་ཀྱི་སྒྲ་ཡང་ཅུང་ཟད་སྒྲོགས་པ། །དེ་ལས་གཞན་དུ་སྐྱེ་བོ་ཕལ་པ་རྣམས་ཀྱི་བལྟར་མི་མངོན་ཞིང་། སྙིང་ཐག་པ་ནས་འཁོར་བ་ལ་ངེས་པར་འབྱུང་བའི་ཡིད་ཀྱིས་ཤིང་རྟས་བསམ་གཏན་གྱི་ཁང་བུའི་ནང་དུ་ལང་ཚོའི་འདུ་བྱེད་རྣམ་པར་དྲངས་ནས། འགྱུ་བའི་ལམ་གྱི་སྒོ་ཡང་རྩིག་པའི་ར་བ་དང་འཇིམ་པའི་ཞལ་ཞལ་གྱིས་འཐས་པར་བྱས་པའི་དྲང་སྲོང་དུ་མས་བསྟེན་པའི་གནས་ཤིག་ཡོད་དོ། །དེ་ན་སྲིད་པ་འདིར་སྐྱེ་བའི་མྱུ་གུ་བཟུང་མ་ཐག་པ་ནས་སངས་རྒྱས་ཀྱི་བསྟན་པའི་ལམ་སྲོལ་ལ་ཡང་དག་པར་ཞུགས་ཤིང་། ཐོས་པ་མང་པོ་དང་། བློ་གྲོས་རྒྱ་ཆེན་པོའི་གནས་སུ་འཇུག་པ་བརྩམ་པ་མ་ཡིན་ཡ་ང་། དད་པ་དང་། བརྩོན་འགྲུས་དང་། སྙིང་རྗེ་དང་། ངེས་པར་འབྱུང་བས་ཡིད་དྲངས་ཏེ་བསྒྲུབ་པ་འབའ་ཞིག་ལྷུར་བྱེད་པའི་གནས་ལ་རང་བཞིན་གྱིས་བག་ཆགས་གསལ་བའི་རིག་པ་འཛིན་པ་མཁྱེན་བརྩེའི་འོད་ཟེར་རམ། ཨོ་རྒྱན་གྱི་སློབ་དཔོན་ཆེན་པོས། རང་བྱུང་རྡོ་རྗེ་འཇིགས་མེད་གླིང་པར་མིང་གི་གཅོད་པཎ་དཔྱངས་ཤིང་། གཞན་དུ་ཀློང་ཆེན་ནམ་མཁའི་རྣ་ལ་འབྱོར་དེས་ཀྱང་བོད་པ་དེ་ཉིད་ཀྱི་རྣམ་པར་རྟོག་པ་ལ་སྔོན་གྱི་ཚེ་རང་ཉིད་ཀྱི་ཡབ་ཏུ་གྱུར་པ་རྒྱལ་པོ་ཀྲི་ཀྲིའི་རྨི་ལྟས་ཀྱི་མཚན་ཉིད་བཅུ་ཐམས་པའི་དོན་ལ་རྟོག་པ་ཤར་ཏེ། འདི་སྐད་དུ་སངས་རྒྱས་འོད་སྲུང་ཆེན་པོས། རྒྱལ་པོ་ཆེན་པོ་མ་འཇིགས་ཤིག །རྒྱུ་འདི་ལས་ཁྱོད་རྒྱལ་སྲིད་ལས་ཉམས་པ་དང་། སྲོག་གི་བར་ཆད་དུ་མི་འགྱུར་གྱི་མ་འཇིགས་ཤིག །དེ་ཅིའི་ཕྱིར་ན། རྒྱལ་པོ་ཆེན་པོ་གང་ཁྱོད་ཀྱིས་གླང་པོ་ཆེ་སྐར་ཁུང་ནས་བྱུང་བ་ལས་མཇུག་མ་ཐོགས་པ་མཐོང་བ་དེ་ཅིའི་སྔ་ལྟས་ཤེ་ན། མ་འོངས་པ་ན་སྐྱེ་དགུའི་ཚེ་ལོ་བརྒྱ་ཐུབ་པའི་དུས་ན། ཤཱཀྱ་ཐུབ་པ་ཞེས་བྱ་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྱུང་བར་འགྱུར་ཏེ་དེའི་ཉན་ཐོས་དག་རང་གི་སྐྱེ་བོ་གཉེན་བཤེས་རྒྱ་ཆེན་པོ་སྤངས་ནས་རབ་ཏུ་བྱུང་སྟེ། དེ་ལྟར་རབ་ཏུ་བྱུང་ནས་གཙུག་ལག་ཁང་ལ་ཁྱིམ་གྱི་འདུ་ཤེས་སྐྱེ་བར་འགྱུར་ཅིང་། དེ་ནས་སེར་སྣ་ཀུན་ཏུ་བརྟེན་ཅིང་ལན་མང་དུ་བྱས་པས་ལུས་ཞིག་སྟེ་ཤི་བའི་འོག་ཏུ་ངན་སོང་ངན་འགྲོ་རྣམས་སུ་ལྟུང་ཞིང་སྐྱེ་བར་འགྱུར་བ་དེའི་སྔ་ལྟས་ཡིན་ནོ། །རྒྱལ་པོ་ཆེན་པོ་ཁྱོད་ཀྱིས་སྐོམ་པ་མ་ཡིན་པ་རྣམས་ཀྱི་ཕྱི་བཞིན་དུ་ཁྲོན་པ་གདའ་བ་རྨི་ལམ་དུ་མཐོང་བ་དེ་ཅིའི་སྔ་ལྟས་ཤེ་ན། དེ་ཡི་ཉན་ཐོས་དག་བྲམ་ཟེ་དང་ཁྱིམ་བདག་རྣམས་ལ་ཆོས་སྟོན་པ་དེ་དག་ཉན་པར་མི་འདོད་ཅིང་གནས་པར་འགྱུར་བ་དེའི་སྔ་ལྟས་སོ། །རྒྱལ་པོ་ཆེན་པོ་ཁྲིམས་འཆལ་པ་སྡིག་པའི་ཆོས་ཅན་དག་འབྱུང་བར་འགྱུར་ཏེ། དེས་གང་དག་དགེ་སློང་ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ། དེས་ཤིང་དགེ་བ་དེ་དག་བསྐྲད་ནས་གནས་གཞན་ན་གནས་པར་འགྱུར་ཏེ།དེ་ནི་དེའི་སྔ་ལྟས་སོ། །རྒྱལ་པོ་ཆེན་པོ་ཁྱོད་ཀྱིས་སྤྲེའུ་མི་གཙང་བས་འབགས་པ་གཞན་ལ་བསྐུས་པ་རྨིས་པ་དེ་ཅིའི་སྔ་ལྟས་ཤེ་ན། དེའི་ཉན་ཐོས་སྡིག་པའི་ཆོས་ཅན་ཚུལ་ཁྲིམས་འཆལ་བ་དེ་དག་གིས་དགེ་སློང་ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ། དེས་ཤིང་དགེ་བའི་ཆོས་ཅན་དག་ལ་མི་བདེན་པའི་སྐྱོན་འགལ་བར་འགྱུར་ཏེ། དེའི་སྔ་ལྟས་སོ། །རྒྱལ་པོ་ཆེན་པོ་ཁྱོད་ཀྱིས་སྤྲེའུ་རྒྱལ་པོར་དབང་བསྐུར་བ་རྨིས་པ་དེ་ཅིའི་སྔ་ལྟས་ཤེ་ན། དེའི་དུས་ན་མ་ནིང་ཡང་རྒྱལ་པོ་བྱེད་པར་འགྱུར་ཏེ། དེའི་སྔ་ལྟས་སོ། །རྒྱལ་པོ་ཆེན་པོ་ཁྱོད་ཀྱིས་སྣམ་བུ་གཅིག་མི་བཅོ་བརྒྱད་ཀྱི་བགོས་ལ་སྣམ་བུ་ཡང་དེ་བཞིན་དུ་གནས་པ་རྨི་ལམ་དུ་མཐོང་བ་དེ་ཅིའི་སྔ་ལྟས་ཤེ་ན། དེའི་བསྟན་པ་ཁག་བཅོ་བརྒྱད་དུ་གྱེས་པར་གྱུར་ལ། རྣམ་པར་གྲོལ་བའི་སྣམ་བུ་ནི་རལ་མི་འགྱུར་ཏེ། དེའི་སྔ་ལྟས་སོ། །རྒྱལ་པོ་ཆེན་པོ་ཁྱོད་ཀྱིས་གང་སྐྱེ་བོ་ཕལ་པོ་ཆེའི་ཚོགས་འདུས་ཤིང་ཚིག་ངན་བརྗོད་དེ་ཆད་པ་དང་། གནོད་པ་བྱེད་པ་རྨི་ལམ་དུ་མཐོང་བ་དེ་ཅིའི་སྔ་ལྟས་ཤེ་ན། དེའི་བསྟན་པ་ལོ་སྟོང་དུ་གནས་ཤིང་ངན་པར་སྨྲ་བ་དང་། ཆད་པ་བྱེད་པས་ནུབ་པར་འགྱུར་ཏེ་ཞེས་པ་དེས་ཡིད་ལ་གདུང་བ་ལྷག་པར་སྐྱེས་ནང་་་་་་།་་་་གིན་གཤེགས་པའི་བསྟན་པ་ལ་དཀོན་པའི་འདུ་ཤེས་བླ་ལྷག་ཏུ་བསྐྱེད་ཅིང་། གང་ན་ཆོས་ཀྱི་སྣང་བ་ཉུང་བ་དང་། གང་ཞིག་ཆོས་ཀྱི་རྣམ་གྲངས་དཀོན་པ་དེ་དག་ལ་འདི་ལྟ་བུ་ནི་བསྟན་པའི་ཁུར་དང་། མངའ་རིས་དང་ལངས་སྤྱོད་ཆེན་པོའི་གནས་ལ་རང་དབང་དུ་བྱེད་པ་དག་གིས་ཀྱང་ཅི་མི་སྙམ་ན། བདག་ཅག་ནི་མཐུ་ཆུང་ངུརགྱུར་པས་སེམས་ལ་བརྣག་པའི་ཁུར་དུ་བསྐུར་བར་འོས་པ་མ་ཡིན་ན་སྙམ་པའི་ཞུམ་པ་ལྟག་པར་སྤང་སྟེ། བློ་གྲོས་དང་བརྟུན་པ་ཆུང་ངུར་གྱུར་པ་དག་གིས་བརྫི་བར་མི་ནུས་པའི་དམ་བཅའི་རི་མོ་བསྲུབ་ཏུ་མེད་པ་བྲིས་ནས་བགྱི་བ་འདི་བརྩམས་པ་ཡིན་ནོ། །དེ་ལ་དུས་ཀྱི་ངེས་པ་ནི། བདག་ཅག་གི་སྟོན་པ་་ཤིང་མོ་གླང་ལ་སྐུ་བལྟམས་པའི་གཏན་ཚིགས་ཇོ་བོ་དི་པེ་ཀྭ་རའི་ལུགས་སུ་བྱེད་པ་ནི། འགོས་ལོ་གཞོན་ནུས་སྟོད་ལུང་པ་ཇོ་བོ་ཚུལ་ཁྲིམས་ཀྱི་འདོད་པར་འཇོག་པ་དང་། ཀསྨི་རའི་པརྙི་ཏ་ཤཱཀྱ་ཤི་ལ་སེགས་པ་རྒྱ་བལ་ཁ་ཆེ་བ་མང་པོ་དག་མེ་མོ་སྦྲུལ་གྱི་ལོ་ལ་སྐུ་བལྟམས་པར་བྱེད་པ་ནི། ཉན་ཐོས་སེནྟྲ་པ་རྣམས་ཀྱི་སྟོན་པའི་འདས་ལོ་ནུབ་རེ་བཞིན་བརྩི་བའི་རྒྱུན་མ་ག་དྷའི་བྱང་ཆུབ་ཆེན་པོའི་སྐུ་གཟུགས་ཙནྟྲན་གྱི་ལྡེ་གུ་ལས་རང་བྱུང་དུ་འཁྲུངས་པའི་དུས་ལ་འཁྲུལ་བར་འཇོག་པ་དང་། འདོད་པ་གཞན་དུ་ས་འབྲུག་གི་ལོ་ལ་སྐུ་བལྟམས་པར་བྱེད་པ་སོགས་རྣམ་པ་ཤིན་ཏུ་མང་པོ་གྱུར་པ་དག་ལས། འདིར་དུས་ཀྱི་འཁོར་ལོ་ཕྱི་ནང་གཞན་གསུམ་གྱི་གནས་ལ་བློ་མཐུ་ཆེ་ཞིང་། དུས་ཚིགས་རྟག་པའི་འགྲོས་ཅན་དང་། གསུང་རབ་ཀྱི་ལུང་དོན་རྒྱ་མཚོར་འགལ་བ་མ་ཡིན་པར་སྤྱོད་པ་པད་དཀར་ཞལ་ལུང་གི་རྗེས་འབྲང་ལེགས་པར་བཤད་པ་བིཌར་དཀར་པོའི་བསྟན་བཅོས་ཀྱི་གཞུང་ལམ་ལ་གཞོན་ནུའི་དུས་ན་གོམ་པ་ལེགས་པར་དོར་བའི་རྗེས་སུ་དཔགས་ཏེ། བདག་ཅག་གི་སྟོན་པ་དྲག་པོ་ལྕགས་སྤྲེའུར་ས་ག་ཟླ་བའི་བཟང་པོ་གཉིས་པར་གྱུར་པ་ཚེས་བདུན་གྱི་ཟླ་སྐར་རྒྱལ་ལ་བབ་པའི་ཉིན་སྐུ་བལྟམས་ནས་ཝཁེ་སྟེ་རང་སྐྱོབ་བམ་ལོ་གྲངས་ཉི་སྟོང་བདུན་བརྒྱ་སུམ་ཅུ་སོ་གཅིག །ཤིང་ཕོ་སྤྲེའུར་འོད་མཚན་སྟོང་འབར་ཆུ་སྐྱེས་གཞོན་ནུ་མ་མས་བསྟན་པ་སངས་རྒྱས་གཉིས་པ་མཚོ་སྐྱེས་རྡོ་རྗེའི་གྲགས་པར་གསལ་ནས་ཉིས་སྟོང་དྲུག་བརྒྱ་བཞི་བཅུ་ཞེ་བདུན། ཕུར་བུ་ས་སྤྲེལ་གསང་བའི་བདག་པོས་རི་མ་ལ་ཡ་གནམ་ལྕགས་འབར་བའི་རྩེར་རིགས་ཅན་ལྔ་ལ་གསང་བ་མཆོག་གི་ཆོས་འཁོར་བསྐོར་ཞིང་ཟ་ཧོར་རྒྱལ་པོ་ལུང་བསྟན་རྡོ་རྗེའི་ཕོ་བྲང་རྩེ་ན་ཏནཏྲ་བཅོ་བརྒྱད་ཆར་དུ་བབས་ནས་ཉིས་སྟོང་དྲུག་བརྒྱ་ཉི་ཤུ་རྩ་གསུམ། ཁྲོ་བོ་ཤིང་གླང་རྡོ་རྗེ་སེམས་དཔའ་གཞོན་ནུའི་ངང་ཚུལ་འཛམ་བུའི་གླིང་ན་དགྱེས་བཞིན་རྩེན་པ་དགའ་རབ་རྡོ་རྗེ་འཁྲུངས་ནས་ཉིས་སྟོང་སུམ་བརྒྱ་དང་བདུན། རྣམ་གནོན་ལྕགས་འབྲུག་རྡོ་རྗེའི་སྐུ་བརྙེས་འཇམ་པའི་གཞོན་ནུའི་སྐྲུན་ཟླར་གྱུར་པ་པཎྜ་ཏ་ཆེན་པོ་དྲི་མེད་བཤེས་གཉེན་འཁྲུངས་་ནས་ཆིག་སྟོང་བདུན་བརྒྱ་ལྔ་བཅུ་རྩ་གཅིག །ལྕགས་ཕོ་སྟག་ལ་བསམ་ཡས་བཞེངས་ནས་ཆིག་སྟོང་ཉི་ཤུ་རྩ་གཅིག་རྣམས་སྔོན་དུ་འདས་ཤིང་། རང་ཉིད་ཀྱི་སོ་བཞི་པ་ཆུ་ཕོ་རྟའི་ལོ་ལ་པདྨ་འོད་གླིང་བྱང་ཆུབ་ཤིང་གི་ནགས་ཁྲོད་བསྟེན་ནས་འདོར་བྱེད་བཅུ་པའི་ལོ། དེ་བཞིན་གཤེགས་པའི་བསྟན་པའི་གནས་ཚད་ལས། འདོད་པ་གཞན་ས་ཕོ་འབྲུག་ལ་སྐུ་བལྟམས། མེ་མོ་ཕག་ལ་མྱ་ངན་ལས་འདས་པའི་དབང་གིས་ན། འབྲས་བུའི་དུས་གསུམ་དང་། སྒྲུབ་པའི་དུས་གསུམ་སྟེ་སྟོང་དང་། ལུང་གི་དུས་གསུམ་ལས་མངོན་པའི་དུས་ཀྱི་ལྔ་བརྒྱ་ཕྲག་གཅིག་ནི་འདས། མདོ་སྡེའི་དུས་ཀྱི་ལྔ་བརྒྱ་ཕྲག་གཅིག་ལས་ཀྱང་བཞི་བརྒྱ་དང་བཞི་སྟེ། སྡོམ་པས་སུམ་སྟོང་དགུ་བརྒྱ་བཞིར་འདས་ལ། དེའི་ལྷག་མར་གྱུར་པ་བརྒྱ་ཕྲག་གཅིག་དང་དྲུག །འདུལ་བའི་དུས་ཀྱི་ལྔ་བརྒྱ་ཕྲག་གཅིག་དང་། རྟགས་ཙམ་འཛིན་པའི་དུས་ཀྱི་ལྔ་བརྒྱ་ཕྲག་གཅིག་ཏེ། ཕྱི་མ་ནི་བསྟན་པར་མི་ཐེབས། ཕྱིན་ཆད་བསྟན་པ་རྣལ་མའི་ལྷག་མ་བརྒྱ་དང་དགུ་བཅུ་གོ་དྲུག་ཡོད་པ་རབ་བྱུང་བཅུ་གསུམ་པའི་ནང་ཚན་ལྕགས་མོ་ཡོས་ཀྱི་ལོར་སྟ་གོན་མ་ཚང་བ་མེད་པ་དང་།ཤོག་ལས་ཀྱི་རིམ་པ་ཉམས་སུ་བསྟར། དེའི་ཚ་གཙང་ཉང་སྟོད་སའི་ཐིག་ལེ་བརྒྱ་མཁར་རྩེའི་ཉེ་འདབས་ནས་མཐུ་སྟོབས་ཀྱི་དབང་པོ་རྭ་ལོའི་གདུང་དུ་གྱུར་པ་ཡ་རབས་དྲ་མའི་ངང་ཚུལ་དང་ལྡན་ཞིང་། རང་བཞིན་བཟང་བ། བློ་གྲོས་གྱ་ནོམ་པ། བདག་ཅག་ལའང་རིང་མོ་ཉིད་ནས། གུས་པ་དང་། དད་པ་འབའ་ཞིག་ལྷུར་བྱེད་ཅིང་ཟབ་མོའི་ཆོས་ཀྱི་ལམ་ནས་ཡང་དག་པར་འབྲེལ་བ་ཞབས་དྲུང་ཡང་སྟེངས་པ་དྲང་སྲོང་རྒན་པོའི་ངང་ཚུལ་ཅན་དེས། རང་གི་ཞབས་འབྲིང་དུ་གྱུར་པ་དངོས་ལའང་ཆོས་ཀྱི་བདུད་རྩི་མང་དུ་འཐུངས་ཤིང་མོས་པའི་ཤིང་རྟ་དགེ་བའི་དྲུང་ཡིག་བློ་གསལ་དབང་པོ་དེ་བསྒོ་བ་གང་ཡང་མེད་པར་འདེགས་འཇོགས་གིས་རྐང་པའི་ཁྱོགས་ལ་བརྟེན་ནས་ཕྱོགས་འདིར་ལྷགས་སུ་བཅུག་པས། དཀོན་མཆོག་གསུམ་གྱི་ཐུགས་རྗེའི་གནས་ལ་སྐྲིབ་པ་མེད་ཅིང་། རྡོ་རྗེའི་ཆོས་སྐྱོང་རྣམས་ཀྱིས་གཡེལ་བ་མེད་པའི་ཕྲིན་ལས་ལ་ཆགས་ཐོགས་སྤངས་པ་ཉིད་དུ་ངེས་ཤེས་ལྷག་པར་རྙེད་ཅིང་གཟབ་བྲིས་རྣམས་འབྲི་བའི་དབུ་བརྩམས་སོ། །དེ་ལ་འདི་ལྟ་སྟེ། བྱ་དཀའ་བ་དང་། རྒྱུ་འགྲོ་མོད་པ་དང་། དུས་བུལ་བ་ལ་བློ་འཚོབ་པ་ནི་བྱ་བའི་ལས་དེ་ཕུན་སུམ་ཚོགས་པ་མ་ཡིན་པར་འཆོས་པའི་གདོན་ཆེན་པོ་་བལྟར་མི་མངོན་པ་ཞིག་སྟེ། དེའི་ཕྱིར་བྱ་བ་དང་བྱ་བ་མ་ཡིན་པའི་གནས་ལ་བློ་གྲོས་ཀྱི་མཐུ་སད་པར་བྱེད་པའི་གྲོགས་སུ་གྱུར་པ་ནི་འཇིག་རྟེན་ནའང་ཤིན་ཏུ་དཀོན་པ་ཉིད་ན་དངོས་ཅག་ཁོ་ན་ལ་ལྟ་ཅི་སྨོས་ཏེ། བསྟན་པའི་སླད་དུ་རང་གི་སྒོ་གསུམ་རྡུལ་ཕྲན་དུ་བརླག་པ་ལའང་ཅང་མི་སེམས་པའི་སྐྱོ་ངལ་ཁུར་དུ་བཟོད་པར་བྱས་ཏེ། ལས་ཀྱི་འདུ་་གོད་དང་། ཞུ་དག་གི་དཔང་པོ་དང་། བཟོ་གནས་ཀྱི་ཁ་ཏ་ལ་སོགས་ཏེ་ཐམས་ཅད་རང་ཉིད་ཁོ་ནའི་ཕང་པ་ན་བཟུང་དགོས་པ་ཉིད་ལས། དང་པོར་གཟབ་བྲིས་རྣམས་དབུ་་།ག་གཅིག་པ་ནས་ལྔ་པ་ལ་སོགས་པའི་བར་དུ། གསེར་དང་། དངུལ་དང་། ཟངས་དང་། གཡུ་སྦྱངས་བསྲེས་པའི་མཐིང་དང་། མཚལ་སྟེ་རིན་པོ་སྣ་ལྔའི་བྲི་གཞི་ཨིནྟྲ་ནི་ལ་ལྟར་སྔོ་བ་དང་། བུང་བ་བཞིན་དུ་གནག་པ་དང་། པདྨ་རྭ་ག་ལྟར་དམར་བ་དང་། མ་རྒད་ལྟར་ལྗང་བ་དང་། གསེར་བཙོ་མའི་ཁ་དོག་དུ་རྔོམ་པའི་་།ག་བུ་རྣམས་ལ་བྱ་བ་ཐ་དད་པ་མང་པོ་བསོགས་ཤིང་། དེ་དག་རྒྱུ་རྐྱེན་མ་ཚོགས་པའམ། ཐལ་བར་གྱུར་པ་ལས་ཡང་ནས་ཡང་དུ་ཆུད་གསོན་པར་གྱུར་པ་ལ་སྤྲོ་བ་ཞན་པ་མེད་པའི་ནན་ཏན་གྱིས་མཐར་སོན་པར་བྱས་ཏེ་གཟབ་བྲིས་རྣམས་ལོ་འདི་ཁོ་ན་ལ་ཚགས་སུ་ཚུད་པར་བྱས་སོ། །རེ་ཞིག་ན་སྟོན་གྱི་རྒྱལ་མོ་ཡང་བལྟར་མི་མངོན་པར་ཕྱོགས་པའི་ཚ་དཔལ་གྱི་རི་བོ་དམ་པ་ནས་དགེ་འདུན་འདུས་པའི་ཚོགས་རྗེ་སྤྲུལ་པའི་སྐུ་རིན་པོ་ཆེ་གཙོ་བོར་གྱུར་པའི་དགེ་འདུན་ཉི་ཤུ་རྩ་ལྔ་སྐོར་དང་། འདི་ཁའི་གྲྭ་རིགས་སློབ་མར་གྱུར་པ་གཙོ་ཆེ་བ་དག་འདུས་པ་ལ་སྒྲུབ་ཆེན་བཀའ་བརྒྱད་བདེ་གཤེགས་འདུས་པའི་དབང་མོ་ཆེ་བསྐུར་བའི་རྗེས་ཐོག་ཏུ། སྔ་དྲོའི་ཆར་ཚོམ་བུ་ཡོངས་རྫོགས་འདུས་པའི་དཀྱིལ་འཁོར་ཆེན་པོ་བསྒྲུབ་ཅིང་མཆོད་པ་དང་། བདག་འཇུག་བླང་བ་དང་། ཚོགས་ཀྱི་འཁོར་ལོས་དགྱས་པ་བསྐྱེད་ནས་ལྷག་པའི་ལྷ་དང་མཁའ་འགྲོའི་ཚོགས་ལ་རྒྱུད་ཆེན་ཟབ་པ་ཤིན་ཏུ་བཀའ་གཉན་པ་དག་བྲི་བ་ལ་སྐབས་དབྱེ་བའི་གནང་བ་ཡང་དག་པར་ཞུས། ཕྱི་དྲོའི་ཆ་ལ་བབ་པ་ན་རྡོ་རྗེའི་ཆོས་སྐྱོང་རྣམས་ལ་མཆོད་པའི་སྤྲིན་རྒྱ་ཆེན་པོ་བཤམས་ཏེ། ཉིན་ཞག་བདུན་གྱི་བར་དུ་དཔོན་སློབ་ཚང་མས་གྱེར་དང་། འགྱུར། ཁུགས། སྦོམ། ཕྲ། འདེགས། འཇོག་སྟེ་ཡོན་ཏན་དྲུག་ཚང་བའི་དབྱངས་དང་། དྲག་དལ་སྐབས་ཕྱེད་པའི་རྔའི་ཆིངས་དང་། སྙན་འགྱུར་རྫོགས་པའི་རོལ་མོའི་བྱེ་བྲག་དང་། མཁའ་འགྲོ་འབོད་པའི་རྐང་གླིང་དང་། དུང་དང་། དུང་ཆེན་པོ་དང་། རྒྱ་གླིང་དང་། གླིང་བུ་དང་། རྒྱུད་མངས་ལ་སོགས་པའི་སྤྲོས་པ་ལ་བརྟེན་ནས་བསྐང་གསོའི་ཆ་ག་ཐིན་ཏུ་རྒྱས་པར་བསྟར་ནས། ཐུགས་དམ་བསྐོངས་ཤིང་། སྡུད་པ་ལས། རིན་ཆེན་ཆོས་ཀྱང་དཀོན་ལ་རྟག་ཏུ་འཚེ་བ་མང་། །ཞེས་པ་ལྟར། རང་གི་སེམས་དགེ་བའི་རྒྱུད་ལ་ངང་གི་གནས་པས་འདོད་པའི་དོན་བསྒྲུབ་པ་ལ་དགྲ་ཟླར་ཆས་པའི་བསླུ་བྱེད་ཀྱི་མདའ་རྣོན་པོ་མེ་ཏོག་མདེའུ་ཅན། རྣམ་པ་ཤིན་ཏུ་རྩུབ་མོ་མ་ཡིན་ཡང་ནུས་པ་ཤིན་ཏུ་རྩུབ་མོར་གྱུར་པ་དེས། ཐབས་དུ་མའི་སྒོ་ནས་གླགས་བལྟ་བའི་འཇུག་པ་རྩོམ་པ་དེ་བསླུ་བྲིད་ཀྱི་གོམ་པ་གྱ་གྱུར་འདོར་བཞིན་དུ་འོང་བའི་སྐབས་གཅོད་པར་གཉེར་དུ་གཏད་ཅིང་། བཀའ་བསྒོས་པས་དེ་དེ་བཞིན་དུ་བསྒྲུབ་པའི་དགེ་མཚན་གྱི་རུ་མཚོན་རྣོན་པོ་ཕྱོགས་དང་ཕྱོགས་བྲལ་དུ་འཕྱར་བའི་ལྟད་མོའང་འདྲེན་བྱེད་ཀྱི་ལམ་དུ་བྱིན་པར་གྱུར་ཏོ། །དེ་ནས་གཅིག་ཏུ་རྣམ་པར་དཀར་བའི་ལས་ཀྱི་དངོས་གཞི་རྩོམ་པ་ལ་གཞོན་ནུར་གྱུར་པའི་གསར་བུའི་ལོ་ཡང་ཆས་པར་གྱུར་ཏེ། འདི་ལྟར་འཕགས་པའི་ཡུལ་དུ་སྐད་རིགས་རྣམ་པ་བཞི་ལས་ས༷སྐྲོ་ཏའི་སྐད་དུ་ནརྙ། སྟོད་འགྲེལ་ལས་བོད་སྐད་དུ་དགའ་བའི་སྒྲ་བཟང་པོ་དང་ལྡན་པ། ཤར་ཕྱོགས་ཀྱི་གྲོང་ཁྱེར་ཆེན་པོ་མ་ཧྭ་ཙི་ནའི་ཁབ་ཏུ་ཞིང་ཤིན། འབྱུང་བ་དང་ཁམས་ཀྱི་བྱེ་བྲག་ལས་བྱུང་བའི་ངེས་བརྗོད་མ་སྨོས། ལྗོངས་འདིར་དབང་ཐང་དང་བསྟུན་པས་ཆུ་ཕོ་འབྲུག་གི་ལོར་འབོད་པའི་རེས་ལ་འཁོར་བའི་དྲང་སྲོང་ཆེན་པོ་དང་། ཆུ་ཚོད་ལ་སྤྱོད་པའི་རྒྱུ་སྐར་གྱི་ལྷ་མོ་སྟེ། དེ་གཉིས་ཕྲད་པའི་འཕྲོད་དང་སྦྱོར་བ། བྱེད་པ་སྟེ་ཡན་ལག་ལྔས་བསྡུས་པ་ལ། ལེགས་ལྡན་གཟའ་ལྔའི་གདོང་ཚུགས་དང་། དུ་བ་དང་། སོལ་བ་དང་། འཁྱུད་པའི་དཔྱད་མ་ཡིན་པ་ལ་སོགས་པ། ཆོ་ག་ཞིབ་མོས་ཀུན་རྫོབ་ཙམ་དུ་བརྟགས་ནས། དགེ་བ་དང་ལེགས་པའི་ཕྱོགས་འབའ་ཞིག་ལ་དཔལ་དུ་སྟེར་བའི་མཐུ་དང་འགྲོགས་པ། སྔོན་བདག་གི་སྟོན་པས་དཔལ་ལྡན་འབྲས་སྤུངས་སུ་གཉིས་མེད་རྒྱུད་ཀྱི་རྒྱལ་པོ་གསུངས་པའི་དུས་ཀྱི་རྒྱལ་པོས་བསུ་བར་ཉེ་ཞིང་། མཛད་བཅུ་རྒྱ་གཞུང་མའི་འདོད་པས་སྐུ་བལྟམས་པའི་དུས་ཚོད་ཀྱི་བསྐྱེལ་མར་བྱས་པ་ནག་པ་ཟླ་བའི་དགའ་བ་དང་པོའི་ཉིན། བཟོའི་གནས་ཀྱི་རིག་པ་ལ་གོམས་པའི་སྐྱེས་བུ་བཅུ་ཕྲག་གཉིས་སུ་ལྡང་བ་དག་མདུན་དུ་བདར་ནས་རྒྱུད་ཀྱི་རྡོ་རྗེའི་གནས་ཆེན་པོ་དག་ནི་སོ་སོའི་སྐྱེ་བོ་ཐ་མལ་པའི་རྣམ་ཤེས་ཅན་ལ་ཡེ་གསང་ཆེན་པོའི་བདག་ཉིད་དུ་བཞུགས་ནའང་། གསང་སྒྲོག་གིས་ཉེས་པ་རྣམ་པ་ཙམ་དུ་འགོག་པའི་སླད་དུ་སངས་རྒྱས་ཐམས་ཅད་ཀྱི་གསུང་གི་གསང་བ་འཛིན་པ་ཆེན་པོ་བྱང་ཆུབ་སེམས་དཔའ་ལག་ན་རྡོ་རྗེའི་རིག་པ་གཏད་པས་སྔོན་བསུས།བཟོ་བོ་དང་ལག་ཆར་གྱུར་པ་་ཐམས་ཅད་བསྐྱེད་རྫོགས་ཀྱི་རྣམ་པ་དང་འབྲེལ་བའི་རིག་སྔགས་ཟབ་མོས་བྱིན་གྱིས་བརླབས། གཙང་འུག་བྱ་ལུང་ནས་ཀུན་སྤངས་གྲགས་རྒྱལ་གྱིས་བཞེངས་པའི་རྒྱུད་འབུམ་རགས་རིམ། གོང་ལོ་གཞན་ཕན་རྡོ་རྗེས་བཞེངས་པ་གཙང་སོག་གིས་དུས་ཀོང་པོར་བཤུགས་ཏེ་ཐག་ལ་འབྲོག་ན་བཞུགས་པ། སྔ་་གྱུར་རྒྱུད་འབུམ་རིན་པོ་ཆེའི་དཔེ་ལུང་གཉིས་ཀའི་རྒྱུན་ལ་གཅིག་ཏུ་བཀའ་དྲིན་ལྡན་པ་རཏྣ་གླིང་པ་ཡབ་སྲས་ཀྱིས་བཞེངས་པའི་ལྷུན་གྲུབ་ཕོ་བྲང་གི་རྒྱུད་འབུམ་རྣམས་དཔེ་ལུང་གཉིས་ཀའི་རྩ་བར་གྱུར་ལ། སྤྱིར་ལྷུན་གྲུབ་ཕོ་བྲང་པ་ལ་སོགས་ཏེ་བླ་མ་གོང་མ་དག་གིས་གསན་ཡིག་སོགས་ལས་གཏེར་རྒྱུད་མང་པོས་ཁ་བསྐང་པས་པོད་ཆུང་བཞི་བཅུར་ཐལ་བ་སོགས་ཀྱི་ཀ་ཐ་སྣང་ཡང་། བཀའ་དགོངས་ལ་སོགས་པའི་རྒྱུད་མང་པོ་ནི་ཆོས་སྡེ་དཔེའི་སྡེ་ཚན་དུ་དཔེ་ལུང་གཉིས་ཀའི་རྒྱུན་ཟམ་མ་ཆད་པར་འབྱུང་བས་ཕྱོགས་འདིར་དྲི་བ་༢་དགས་པ་ལྷག་པོའང་མི་སྣང་། འདིར་ནི་ལྡང་མ་ལྷུན་རྒྱལ་དང་། གཏེར་ཁ་གང་འོག་གི་ཆོས་སྡེ་ནས་སྤྱི་ཏི་ལ་སོགས་པའི་ཆོས་ཀྱི་བཞུགས་ཚུལ་ལ་ངེས་པར་གཅེས་ཤིང་། གཞུང་དོན་རྨད་དུ་བྱུང་བ་འབའ་ཞིག་མ་གཏོགས། གཙོ་བོར་བཀའ་ནས་བཀར་བརྒྱུད་པ་རྣམས་ཕྱོགས་གཅིག་ཏུ་བཞུགས་པའི་སྡེ་ཚན་གཙོ་བོར་འདུ་བྱེད་པ་ལས་རྒྱལ་དབང་ལྔ་པའི་གསན་ཡིག་དང་། སྨིན་གླིང་གི་རྒྱུད་འབུམ་ཕྱོགས་མཐུན་པ་བྱུང་བས་ཆོས་ཀྱི་བཞུགས་ཚུལ་དེ་བཞིན་དུ་བྱས། རྒྱུད་སོ་སོའི་ཕྱོགས་གཏོགས་ཀྱི་ངོས་འཛིན་ལ་ཡོ་ག་གསུམ་ཀའི་སྐབས་བཞེད་ཚུལ་མི་འདྲ་བ་མང་དུ་བྱུང་བ་ནི། གཞུང་གི་ངོ་བོས་གསལ་བར་སྟོན་་པ་དག་གང་ཟག་གི་བློ་མཐུས་ཉམས་ཉེས་པ་མ་ཡིན་པའི་ཕྱིར་ན། རྒྱལ་བ་གཉིས་པ་ཀུན་མཁྱེན་ངག་གི་དབང་པོའི་གྲུབ་མཐའ་མཛོད་ཀྱི་དགོངས་པ་མ་འཁྲུལ་ཞིང་མ་འཛིངས་པ་སྔོན་དུ་བཤད་ནས་འཕྲོས་དོན་ལ་སངས་རྒྱས་ཀྱི་གསུང་རྣམ་པ་ཐམས་ཅད་པ་ཡིན་པའི་རྒྱུ་མཚན་གོང་དུ་བཀོད་པ་བཞིན་ཡིན་མིན་གཉིས་ཀར་རྟོགས་པའི་རྒྱུད་ཀྱང་ཡོད་པས་དོན་ལ་མི་འགལ་མོད། ཆོས་འབྱུང་རྙིང་པ་ཁ་ཅིག་དང་། མངའ་རིས་པཎ་ཆེན་ལ་སོགས་པའི་གསན་ཡིག་ལ་དཔྱད་ན་དཔེ་ལུང་གཉིས་ཀའི་རྒྱུན་ནུབ་པའང་འགའ་ཞིག་མཆིས་པ་ལས། འདིར་སྨིན་གླིང་གི་རྒྱུད་འབུམ་པོད་ཆེན་ཉི་ཤུ་རྩ་གསུམ་པ་ཕྱི་མོར་བཟུང་། དེར་ཡང་རྒྱུད་བཅུ་བདུན་གྱི་སྡེ་ཚན་འགའ་ཞིག་ལ་རྟོག་དཔྱོད་མེད་པར་གྲངས་ཡིག་བཏབ་པའི་རྒྱུན་འབྱམས་ནས་ལེ་གྲངས་ཡིན་མིན་ནོར་བ་སོགས་ཀྱི་གོལ་འཕྱུག་སླར་ཡིག་དཀྱུས་སུ་་།ར་བ་རེ་མང་འདུག་པ་ཞུས་དག་གི་དུས་ཚོར་བས་མ་ཕྱི་ལ་མཆན་བུས་བཏབ་ཅིང་འདི་ལ་བསྐྱར་བྲིས་བྱས། སྡེ་ཚན་རྣམས་ལའང་དང་པོར་ཕྱོག་སྒྲིགས་ཞིག་ཡོད་ཚོད་ལ། ཕྱི་མོ་འདིར་པོད་ཁ་སྙོམས་ཕྱིར་འདིར་བྲིས་ཞེས་གྱ་ཚོམས་སུ་བརྒལ་བའང་མང་དུ་འདུག་པ་སླར་ཕྱོགས་སྡེབས་སུ་གང་འགྲིགས་བགྱིས་ཏེ་གཏན་ལ་ཕབ། ལ་ལ་འཐོལ་བ་ལས་དབྱུང་། ཡི་གེ་པའི་ལྷད་སྐྱོན་དང་། ཞུ་དག་མཁན་གྱི་དཔྱོད་ཚུལ་ནོར་བ་དང་། བྲི་ནོར་བྱུང་བས་ཤིན་ཏུ་བརྟག་དཀའ་བ་མང་དུ་མཆིས་པ་རྣམས་ལས་པོ་ཏི་གཉིས་གསུམ་ཙམ་མ་གཏོགས་ཕལ་ཆེར་རང་ཉིད་ཀྱི་མིག་ལམ་དུ་དོང་བས་འབྱིན་འཇུག་གང་ཤེས་བྱས། སྔགས་རྣམས་ནི་སྔགས་བཏུ་ལ་སོགས་པ་དང་ཚད་མས་འགལ་བར་ཤེས་པ་རྣམས་བཅོས་ཤིང་། ཅིས་ཀྱང་ཐེ་ཚོམ་དང་བྲལ་བར་ནུས་པ་དག །པི་ཤ་ཙི་དང་། ཨ་ཝ་བྷ༷་ཤ་དང་། པྲ་ཀྲི་ཏི་ཀའི་ཤིན་ཏུ་གསང་བ་དང་། ཀླ་ཀླེའི་སྐད་ལ་སོགས་པ་ཡོད་པར་ཤེས་ནས་བཅོས་ནས་བཅོས་སུ་མི་བཏུབ་པ་རྣམས་ཕྱི་མོ་དང་མཐུན་པ་ཙམ་རྒྱུ་མཚན་དུ་བྱས་ནས་སོར་བཞག་པ་ཉིད་ཉེས་དམིགས་ཆུང་བའི་གནས་སུ་བྱས་ཏེ། སོ་སོ་རིག་བཞི་ས་དགུ་པ། །མཐོ་བ་དེ་སྲིད་ཆོས་ཀུན་གྱིས། །ངེས་ཚིག་ཤེས་མིན་དེ་ཡི་ཕྱིར། །མཐའ་དག་སྡེབ་སྦྱོར་སུ་ཡིས་ཤེས། །ཞེས་པ་འདི་ཤིན་ཏུ་གཟུ་བོར་གྱུར་པ་ཡིན། དེ་ལས་གཞན་དུ་ཞུ་བྱེད་ཀྱི་དབང་པོ་གྲགས་སུ་གྱུར་པ་ཡང་སྤྱིར་བློ་གྲོས་གསལ་བ་ཁྱད་པར་དངོས་ཀྱི་བསམ་པ་དང་མཐུན་པའི་དོན་གཉེར་ཡོད་པ་ཞིག་དགོས་པར་སྣང་སྟེ། སེམས་ཅན་མོས་པ་ཐ་དད་པས། །དེ་ཡི་འགྲོ་འདི་སྣ་ཚོགས་བྱས། །ཞེས་པ་ལྟར་རང་དབང་དུ་འགྱུར་བའང་དཀའ་བར་སྣང་བས་སོ ཆོས་ཀྱི་བཞུགས་ཚུལ་ལ་ཐེག་པ་རིམ་འཛེགས་དང་། ཡས་འབབ་གཉིས་ལས། མཆོག་དམན་གྱི་ཁྱད་པར་སོགས་གང་ནས་ཀྱང་ཡས་འབབ་འདི་དཔྱད་བཟོད་པ་ཡིན་ཞིང་ལྷག་པར་འཛམ་བུའི་གླིང་འདིར་ཐེག་རྩེ་ཤིན་ཏུ་རྣལ་འབྱོར་གྱིས་རྒྱུད་པའི་ཆུ་མགོ་རྒྱལ་བ་མ་རྒྱལ་བ་ལསརྒྱལ་བའི་རྣམ་པར་འཕྲུལ་པར་གདོན་མི་ཟ་བ་སྤྲུལ་པའི་སྐུ་དགའ་རབ་རྡོ་རྗེ་ཉིད། ཡུམ་གྱི་པརློའི་གེ་སར་ལས་རྡོ་རྗེ་སེམས་དཔའ་ནམ་མཁའ་ཆེ་ཞལ་འདོན་དུ་མཛད་ཅིང་བྱོན་པའི་རྟེན་འབྲེལ་ལས་རིགས་ཀྱི་སྒོ་ནས་དབྱེ་བའི་འདོད་པ་གཞན་བཞག་སྟེ་རྡོ་རྗེ་སེམས་དཔའ་ནམ་མཁའ་ཆེ་བྲམ་ཟེ་རྒྱས་པའི་རྒྱུད་དང་པོར་བཞག་ནས་བྲི་བའི་དབུ་བརྩམས་སོ། །དེ་ལ་བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། གཞན་ལ་གཞན་བསྐུལ་འདེབས་མཁས་ཤིང་། །མ་བཅོལ་ཕན་པར་བྱེད་པའི་ངག །གུས་པས་སྤྱི་བོར་བླང་བགྱི་སྟེ། །རྟག་ཏུ་ཀུན་གྱི་སྒྲོན་མེར་འཀྱུར། །ཞེས་པ་ལྟར། ཡིགེའི་ལས་འདུ་བྱེད་པ་རྣམས་ལ་བསྒོ་བའ་་་ག་འདི་སྐད་དུ། སྤྱིར་དེ་བཞིན་གཤེགས་པའི་སྐུ་གསུང་ཐུགས་ཀྱི་རྟེན་ནི་བསོད་ནམས་དམ་པའི་འཇུག་ངོགས། དཀར་པོ་རྣམ་པར་འཕེལ་བ། ནག་པོའི་ཕྱོགས་དང་མཛའ་བ་མ་ཡིན་པ། ཐར་པ་དང་ཐམས་ཅད་མཁྱེན་པའི་ཉེ་རྒྱུ་ཡང་དག་པ། སུ་ཞིག་གི་བྱ་བའི་ལས་དེ་ལ་སྒོ་གསུམ་གྱི་ཕན་པའི་སྦྱོར་བ་དང་། ཟང་ཟིང་གི་འབྲེལ་བ། ཐ་ན་རྗེས་སུ་ཡི་རངས་བའི་རྣམ་པར་རྟོག་པ་གཅིག་ལའང་བསོད་ནམས་དཔག་པར་དཀའ་བ་ཡིན་ན། འདི་ལྟར་དེ་ཉིད་སྐྱེད་བྱེད་ཀྱི་རྒྱུའི་གཙོ་བོ་བཟོ་རིག་པའི་གནས་ལ་གོམས་པ་ཁྱེད་ཅག་ནི་སྐྱེས་བུ་གང་ཞིག་དཔའ་བ་དང་། མཛངས་པ་དང་། བརྟུལ་ཕོད་པའི་ཡོན་ཏན་ཡོད་དམ་མེད་ཀྱང་རུང་སྟེ། ལྕུག་ཕྲན་གཞོན་ནུའི་སྤུན་ཟླར་གྱུར་པའི་སོར་མོའི་འདུ་འགོད་ཅིག་ཁོ་ནས་སྨྱི་གུའི་འཁྲི་ཤིང་ཧ་ཅང་དམ་པ་དང་ལྷོད་པའི་ཕྱོགས་གཉིས་ཀ་སྤངས་པའི་ཟློས་གར་བྱེད་པ་པོས། སངས་རྒྱས་རྣམས་ཀྱི་གསུང་གི་གསང་བ་བསམ་གྱི་ཁྱབ་པ་ཕྱི་མོའི་ངོས་ནས་པར་གྱི་བཏབ་པ་མེད་པར་ཏ་ལ་ལ་བྱོན་ཏེ་གཅིག་ལས་དུ་མ། དུ་མ་ལས་མཐའ་ཡས་པར་འཕེལ་བའི་ངོ་མཚར་འདི་རྒྱལ་བསྟན་ཡིད་བཞིན་གྱི་ནོར་བུ་སྲིད་མཐའི་བར་དུ་མི་ཉམས་པའི་སྲོག་ཤིང་ཆེན་པོ་ཡིན་པས། གང་ཁྱོད་ཅག་ལ་བརྗེད་པར་འོས རི་མོར་འོས། བསྟི་སྟང་དུ་འོས་པར་བདག་ཉིད་ཀྱི་བལྟ་བར་བྱ་ཡིས། འདི་ལྟར་རྣམ་པར་ཤེས་པ་ལས་སུ་མི་རུང་བ་ནི་སེམས་ཅན་གྱི་ཁམས་ཚད་མེད་པའི་ཆོས་ཉིད་ཡིན་པས། ལྡབ་ལྡིབ་གྱི་ངག་དང་། དེའི་རྗེས་སུ་སེམས་གཞན་ནས་གཞན་དུ་གྱི་ནར་འཕྱན་པས་ན་ཡི་གེའི་ལམ་དུ་བརྗོད་པ་མ་ཡིན་པ་འདྲེན་པར་འགྱུར་བས་དབང་པོ་ལས་སུ་རུང་བར་མརྫོད་ཅིག །འདི་སྐད་དུ་བཤེས་སྤྲིང་ལས། རྒོད་དང་འགྱོད་དང་གནོད་སེམས་རྨུགས་པ་དང་། །གཉིད་དང་འདོད་ལ་འདུན་པ་ཐེ་ཚོམ་སྟེ། །སྒྲིབ་པ་ལྔ་པོ་འདི་དག་དགེ་བའི་ནོར། །འཕྲོག་པའི་ཆོམ་རྐུན་ལགས་པར་མཁྱེན་པར་མཛོད། །ཅེས་པས་སོ། །དེ་བཞིན་དུ་བྲི་བ་ཧ་ཅང་མྱུར་པོའང་ཡི་གེའི་ལུས་ཀྱི་འཁྲི་ཤིང་དཔེ་བྱད་མི་རྫོགས་པར་བྱེད་ཅིང་། འགྱེལ་བ་དང་།བུབ་པ་དང་། མིག་འཛུམ་པ་དང་། སྲིན་བུའི་རྗེས་སུ་གྱུར་ནས་གདོན་པ་བཅུ་དང་། གཅེས་སོ་བརྒྱད་དང་། ཆོས་ཉི་ཤུའི་མཚན་ཉིད་ལས་ཉམས་པར་བྱེད་པས་དུས་ཀྱི་ཆད་པ་ལྷག་པ་མེད་ཀྱིས། བརྩམས་པ་བང་ཞིག་སྒྲོས་གཙང་བའི་སླད་དུ་བག་ཕེབས་པར་མཛོད་ཅིག །ཅེས་བརྗོད་པའི་དྲི་བསུང་བླ་ན་མངར་བས་དེ་དག་གིས་རྣ་ལུང་མཛེས་པར་བྱས་པ་ནི། མགོན་པོ་ཀླུ་སྒྲུབ་གྱིས། རྒྱལ་བས་སྙིང་ལ་འབབ་དང་བདེན་པ་དང་། །ལོག་པར་སྨྲ་ལྡན་སྐྱེས་བུ་རྣམས་ལ་ནི། །སྦྲང་རྩི་མེ་ཏོག་མི་གཙང་ལྟ་བུའི་ཚིག །རྣམ་གསུམ་བཀའི་སྩལ་དེ་ལས་ཐ་མ་སྤང་། །ཞེས་པས་སོ། །དེ་ཡང་གླེགས་བམ་གྱི་དབུ་ཁང་གཡས་གཡོན་གསེར་གྱི་གྲ་ཤིན་ཏུ་མཛས་པའི་ནང་དུ། བཅོམ་ལྡན་འདས་དཔལ་གདོད་མའི་སངས་རྒྱས་ཡེ་ཤེས་མཆོག་གི་རྒྱལ་པོ་སྟངས་དཔྱལ་དང་། རིགས་རྣམས་ཀུན་གྱི་སྤྱི་མེས་དཀྱིལ་འཁོར་རྒྱ་མཚོའི་བདག་ཉིད་དྲུག་པ་རྡོ་རྗེ་འཆང་ཆེན་པོ།རྒྱལ་ཚབ་རིགས་ལྔའི་སངས་རྒྱས། རིགས་གསུམ་སེམས་དཔའ། དགའ་རབ་རྡོ་རྗེ་ལ་སོགས་ཏེ་ཐེག་པ་མཆོག་གི་ཤིང་རྟ། རྒྱལ་པོ་ཛ་ལ་སོགས་ཏེ་ཏནྟྲ་བཅོ་བརྒྱད་ཀྱི་མངའ་བདག །དཔལ་མགོན་ཀླུ་སྒྲུབ་ལ་སོགས་སྟེ་སྒྲུབ་སྡེ་བརྒྱད་ཀྱི་རིག་འཛིན་ཏེ། རྣམ་གསུམ་ཡོ་གའི་བསྟན་པ་ལ་དངོས་དང་བརྒྱུད་ནས་བཀའ་དྲིན་ཆེན་པོར་གྱུར་པའི་དགོངས་པ་བརྡ་སྙན་བརྒྱུད་ཀྱི་བླ་མའི་ཚོགས་གཅེས་བསྡུས་དང་། མ་མགོན་གཉིས་བཅས་སྣང་བརྙན་ལྔ་བཅུ་ཐམ་པ་འཇམ་གཉེན་པིར་གྱི་རྩེ་ནས་སྨན་མཁྱེན་མཁས་པའི་རུས་ཚུགས་དང་། ཆོས་དབྱིངས་པའི་ཉམས་འགྱུར་གྱི་དངོས་པོ་འདུས་བྱས་པ་རི་མོའི་ལམ་དུ་འདྲེན་པ་ལ་ཆགས་ཐོག་སྤངས་པའི་མིག་འཕྲུལ་མབན། ཁོ་བ་ཅག་གི་གྲུབ་པའི་མཐའ་ལ་ཐོས་པ་མང་ཞིང་། རྣམ་པ་ཀུན་ཏུ་རིམ་པ་གཉིས་ཀྱི་རྣལ་འབྱོར་ལ་ལམ་དུ་བྱེད་པ་ཝ་གིནྟྲ་དྷརྨ་ཀིརྟིས་བསྟན་པའི་ཞབས་ཏོག་ཏུ་བགྱི་བར་འོས་པ་འདི་དང་།དཔལ་ཅོ།་རྒྱན་ཆོས་ཀྱི་རྒྱལ་པོའི་རྣམ་ཐར་ཤེལ་བྲག་མའི་ཐང་ཆེན་དགུ །བཟོ་རྩེད་ཤིན་ཏུ་གཟབ་པ་དང་བཅས་པ་དུས་འདི་ཙམ་ལ་གྲུབ་པར་བགྱིས་ནས། ཕྱིན་ཆད་ཀུན་ཏུ་བཟང་པོའི་གོ་འཕང་དང་། བཟོ་གནས་ཀྱི་རིག་པ་བརྗེ་བ་ལ་ནམ་ཡང་མི་བརྩོན་པའི་དམ་བཅའི་སྲོག་ཤིང་བརྟན་པར་ཡང་བྱས་སོ། །དེ་ལྟས་གཟབ་བྲིས་ཀྱི་ཡི་གེ་དང་། དབུ་ལྷའི་བྱེད་ལས་པ་གཉིས་ཀ་རང་གི་སློབ་མའི་ཆ་ནས་ཐོན་ཏེ་གཞན་དབང་ལ་མ་ལྟོས་པའི་རྒྱུས་ཕུན་སུམ་ཚོགས་པ་གྲུབ་བོ། །དེ་ལ་དམ་པའི་ཆོས་ནི་ཐོག་མར་དགེ་བ།བར་དུ་དགེ་བ། ཐ་མར་དགེ་བ་ཞེས་བརྗོད་བྱ་དོན་གྱི་ཆ་ལ་ཁྱད་པར་བཟང་པོ་དེ་ལྟ་བུ་ཡོད་ན། ཆོས་ཀྱི་སླད་དུ་ཇི་ལྟར་བྱ་བའི་འདུས་བྱས་ཀྱི་དགེ་བའི་ཚོགས་ལའང་དོན་དེ་ཐུན་མོང་དུ་གྱུར་པ་ཡིན་པས། སངས་རྒྱས་པའི་ཆོས་ནི་ཡང་དག་པར་ན་ཀླུ་སྒྲུབ་ཞབས་ཀྱིས། འཇིག་རྟེན་མཁྱེན་པ་རྙེད་དང་མི་རྙེད་དང་། བདེ་དང་མི་བདེ་སྙན་དང་མི་སྙན་དང་། །བསྟོད་སྨད་ཅེས་བགྱི་འཇིག་རྟེན་ཆོས་བརྒྱད་པོ། །བདག་གི་ཡིད་ཡུལ་མིན་པར་མགོ་སྙོམས་མཛད། །ཅེས་པ་ལྟར། འོ་་ཀའི་ཆོས་རྣམ་པ་བརྒྱད་ཀྱི་བསྒྲུབ་པའི་དགེ་བ་ནི་བཟང་པོ་མ་ཡིན་གྱི། སྒྱིར་འཇིག་རྟེན་ན་རྒྱལ་པོ་དང་། མི་དཔོན་ལ་སོགས་ཏེ་རང་རང་གི་མངའ་རིས་ལ་སྤྱོད་པ་ཕལ་མོ་ཆེའི་དགེ་བའི་རྩ་བ་ནི། རྒྱུད་ནས་གཞན་ལ་ཁྲལ་བཞག་པ་དང་། འུ་ལག་ཉག་གཅིག་བདས་ནས་བྱ་བ་མ་ཡིན་པ་གཅིག་ཏུ་རྣམ་པར་དཀར་བའི་བགྱི་བར་སེམས་པ་ལ། སློབ་དཔོན་དཔའ་བོས། སྤྱིན་བདག་སྟོབས་ལྡན་ཁྱབ་འཇུག་སློང་བ་པོ། །རྟ་ཡི་མཆོད་སྦྱིན་དུས་ན་ས་ཆེན་བྱིན། །འབྲས་བུས་བཅིངས་པ་ཉིད་ནི་ཐོབ་པར་འགྱུར། །རྒྱུ་འབྲས་འཆོལ་བ་འདི་ལ་སུ་ཞིག་སྨོན། །ཞེས་པ་ལྟར། ཕྱོགས་ག་ཤེད་དུ་རང་ལ་གྲགས་པ་བསྐྱེད་པའི་དགེ་བའི་ལས་ཕུལ་དུ་ཕྱིན་པ་ལྟར་སྣང་ཡང་། དེའི་རྒྱུ་གཞན་གྱི་ལོངས་སྤྱོད་ལས་ཕྲི་བ་དང་།བརྡེག་པ་དང་། འཚོག་པ་དང་། འཆིང་བ་ལ་སོགས་པའི་སྒོ་ནས་མནར་སྤྱོད་ཀྱི་དུ༷༷ཁ་ཐོག་ཏུ་འབེབས་པ་དང་། བཟོ་བོ་དག་ཀྱང་འཁུན་ཅིང་བཤུང་བའི་ངང་ནས་བྱ་བའི་ལས་སུ་བྱེད་པ་དག་ལ་རྒྱལ་བ་དགྱེས་པའི་རྒྱུ་འབྲས་སུ་མི་འགྲུབ་པ་ཉིད་དོ། །དེའི་ཕྱིར་ཆ་ཚད་ཀྱི་རབ་ཏུ་བྱེད་པ་ལས། ཀུན་ནས་ལྷག་བསམ་རབ་དཀར་ལུས། ཁྲེལ་ཡོད་ངོ་ཚའི་གོས་རྒྱན་ལྡན། །དད་དང་གཏོང་ཕོད་མཆོད་ཚོགས་ཀྱིས། །ལྷ་དང་བཟོ་པོ་དབྱེར་མེད་མཆོད། །ཅེས་པ་ལྟར། བཟོ་གནས་ཀྱི་རིག་པ་འཆང་བ་རྣམས་བཀུར་བའི་ཡུལ་དུ་བྱས་ནས་བཟའ་ལྟུང་གིས་སྐྱོ་བ་དང་འཁུན་པ་མེད་པའི་གནས་སུ་མཆོད་ཅིང་། ཁྱད་པར་ཐོག་མཐའ་བར་གསུམ་ལ་སྟོན་མོ་ཆེན་པོ་རེ་དང་། སྟོན་རྒྱབ་ཀྱི་འགྱེད། དེར་མ་ལྟོས་པའི་ཡུལ་དུ་ཀྱི་ལྟད་མོ་ལ་ལྟགས་པ་དང་། ཉེ་རིག་བྱ་བ་ལ་སོགས་རྣམ་པ་གཞན་དུ་མས་སྐྱོ་བ་སེང་བའི་སྐབས་ཕྱེ་ནས། འདི་ལྟར་སྐྱེ་བོ་མ་བསྡམས་པ་དང་། འདོད་པའི་ཡོན་ཏན་ལ་རྐམ་ཆགས་ཅན་དག་ནི། བཟའ་བ་དང་། བཅའ་བ་དང་། ཁྱད་པར་མྱོས་པར་བྱེད་པའི་བཏུང་བ་འབའ་ཞིག་ཡིད་ཀྱི་ཆོ་གར་བྱེད་ཅིང་། རྩེདའཇོ་དང་། བཞད་གད་དང་། གླུ་གཤོན་གྱི་གནས་ལ་འཆི་མེད་བདག་པོའི་གོ་འཕང་བརྙེས་པ་ལྟ་བུའི་དགའ་བ་སྒོམ་པ་དང་ཆབས་ཅིག་བསམ་གཏན་བཞི་པའི་ལྷ་རྒན་གྱི་སྤུན་ཟླར་ད་ལྟ་ཉིད་དུ་ཕྱིན་པར་འགྱུར་བས་ན། སྐྱེ་བོ་གཡེར་པོར་གྱུར་པ་དག་གིས་སྤྱོད་པར་བྱེད་བའི་གནས་ཕ་་རྩལ་སྣ་དགུ་ཞེས་མཐེབ་ཀྱིས་ཤ་ནོན་པ་དང་། རྐྱལ་གྱིས་ཆུ་ཆེན་བརྒལ་བ་དང་། ཡང་རྩལ་བྱ་ལ་འགྲན་པ་སྟེ་ལུས་ཀྱི་རྩལ་གསུམ། ལོ་རྒྱུས་ཀྱིསདགེ་ཐོན་པ་དང་། གཏམ་གྱིས་བཞད་གད་ཐོན་པ་དང་། གཤགས་ཀྱིས་ཕ་རོལ་གནོན་པ་སྟེ་ངག་གི་རྩལ་གསུམ། མཛངས་ལ་བློ་འགྱུ་བ་དང་། དཔའ་ལ་སྲན་ཚུགས་པ། ཁ་གསལ་ཞིང་གཏིང་མི་རྟོགས་པ་སྟེ་ཡིད་ཀྱི་རྩལ་གསུམ། དེ་བཞིན་དུ་ཕོ་རྩེད་སྣ་དགུ་ཞེས། གཏམ་ཡིག་རྩིས་གསུམ། མདའ་རྡོ་ཆོངས་གསུམ། བང་སྐྱལ་ཤེད་གསུམ་གྱི་གནས་གང་ལ་བྱང་བའི་ཕྱོགས་ལ་སྤོབས་པའི་འཁྲི་ཤིང་བསྐྱེད་དུ་བཅུག་ནས་ཤན་ཕྱེད་པའི་དགའ་སྟོན་དུ་གཏོང་ཁུལ་དགའ་རྨ༢་སོར་རྩེས་བྱས་པའི་དར་དང་། རེ་ཁའའི་རྣམ་པ་ཅིར་ཡང་བྱས་པའང་བྱིན་ཏོ། །ཚུལ་དེ་ལྷ་བུའི་དོན་དུ་གཉེར་བྱ་ལྷུར་བླང་ནས་བྱ་བའི་ལས་མཐར་མ་ཕྱིན་པ་དེ་སྲིད་དུ་རྡོ་རྗེའི་ཆོས་སྐྱོང་རྣམས་སྐོང་གསོ་དང་མཆོད་པའི་སྤྲིན་གྱི་མཉེས་པར་བྱས་པའི་ཕྲིན་ལས་དང་། བླ་ན་མངོན་པར་མཐོ་བའི་མཆོག་གསུམ་རྒྱལ་བ་རྒྱ་མཚོའི་ཚོགས་ཀྱི་དབྱིངས་ནས་ཐུགས་རྗེའི་སྤྱན་རས་ཀྱི་བརྩེན་པའི་རྒྱུས། གཞན་འཕྲུལ་དབང་བྱེད་ཀྱི་བདག་པོ་མཐུ་དང་རྫུ་འཕྲུལ་བསམ་གྱི་མི་ཁྱབ་པ་དེ་ནི་རང་བཞིན་གྱི་ཡིད་ཁོང་དུ་ཆུད་པ་དང་། རང་གི་བསྟན་པ་ལ་སྤྲོ་བར་མི་འགྱུར་བ་དང་། རྟག་ཏུ་སྦྱད་པར་བྱ་བའི་འདོད་ཡོན་ལ་སྤྲོ་བ་ཞན་པ་དང་། རང་གི་གནས་སུ་ཡིད་དུ་མི་འོང་བའི་སྒྲ་ཆེན་པོ་བྱུང་བར་གྱུར་ནས། འདི་སྙམ་དུ། ཀྱེ་མ་བདག་ལ་སླད་མའི་དུས་འདི་ན་སྔོན་ཆད་མ་ཡིན་པའི་ཡིད་ལ་རྩུབ་འགྱུར་གྱི་ཚེར་མ་རྣོན་པོའི་ཟུག་རྔུ་མི་ཟད་པ་སྟེར་བ་འདི་ནི་སུ་ཞིག་གི་མཐུ་ཡིན། འདོད་པའི་ཁམས་འདི་ན་བདག་ལ་དོ་ཟླར་འོས་པ་ནི་འགའ་ཡང་ཡོད་པ་མ་ཡིན་ན། དེང་བདག་ལ་འཁོན་པའི་རྒྱུ་མེད་པར་སྡང་ཞིང་། ནམ་ཞིག་ཁོ་བོ་ཅག་གི་གནས་ཀྱང་སྟོངས་པར་བགྱིད་པ་ལ་སྤྲོ་བ་ཆེན་པོའི་ཤིང་རྟ་ལ་ཞོན་པའི་དགེ་བ་ཅན་སུ་ཞིག་སའི་སྟེང་ན་མཆིས་པ་གྱུར་སྙམ་ནས་ཡིད་རྟབ་རྟབ་པོར་གྱུར་ཏེ་ཕྱོགས་དང་ཕྱོགས་མཚམས་སུ་བལྟས་སོ། །དེར་རྣལ་འབྱོར་གྱི་དབང་པོ་འཇིགས་མེད་གླིང་པའི་ལྷག་པའི་བསམ་པ་གཅིག་ཏུ་དཀར་བའི་མཐུ་ལས་བྱུང་བར་ཤེས་ནས། དེ་ལ་མཐོ་འཚམ་པའི་བྱ་བ་བརྩམ་པ་ལ་གཅིག་ཏུ་སྤྲོ་བ་བརྟས་པར་གྱུར་ནའང་། དཀོན་མཆོག་རིན་ཆེན་རྣམ་པ་གསུམ་ལྷ་དང་བཅས་པའི་བྱིན་རླབས་དང་། སྨོན་ལམ་གྱི་སྟོབས་ཆེན་པོ་དབྲོག་པར་ནུས་པའི་མཐུ་དམན་པར་གྱུར་ནས། སླར་ཡང་འདི་སྙམ་དུ། འོན་ཏེ་ད་ནི་བདག་གི་བསླུ་བར་བྱེད་པའི་མེ་ཏོག་གི་མདའ་རྣོན་པོ་བྱེད་ལས་རྣམ་པ་ལྔའི་བར་དུ་ཟད་མི་ཤེས་པའི་ལ་ཀ་ཆ་དེ་ཉེ་བར་བསྡོགས་ལ། དངོས་སམ། དེའི་གྲོགས་དན་དུ་གྱུར་པའི་དགེ་བའི་སེམས་ཀྱི་རྒྱུན་ལམ་དེ་ནི་འབེམ་དུ་བཅའ་བའི་གནས་སུ་བལྟས་ནས་གནད་ལས་འཆོར་བ་མེད་པར་ཕག་པའི་བརྟུན་པ་བསྐྱེད་པར་བྱ་ན། ཇི་ཙམ་ནས་དེའི་སེམས་དགེ་བའི་རྗེས་སུ་ཞུགས་པ་དེ་ཡིད་གཉིས་བྲལ་བའི་ཤིང་རྟ་ལས་གཞོལ་ཏེ་འཕྱང་མོ་ཉུག་གིས་ལྕུག་ཕྲན་ལ་གཞོན་པའམ་མིན་ནའང་རུང་སྟེ་གཏོང་བའི་ཕྱོགས་ལ་སྤྲོ་བ་ལྷག་པར་ཞན་པ་ཞིག་ཏུ་གྱུར་ནས་བྱ་བ་དེ་གནས་མ་ཡིན་པ་ཉིད་དུ་འཕེན་པར་བྱེད་པའི་ནུས་པ་སྟེར་བ་ལ་གདོན་མི་ཟའོ་སྙམ་ནས་ཕྲག་དོག་དང་གྱ་གྱུའི་གོམ་པ་འདོར་བཞིན་དུ་ལྷགས་པ་ན། ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་དབྱིངས་ནས་གཟིགས་པ་ཚད་མེད་པའི་ཐུགས་རྗེའི་ཕྱག་གིས་ཁོ་ར་ཁོར་ཡུག་ལས་མི་འདའ་བར་ཡོངས་སུ་བསྲུངས། ཞི་བ་དང་བདེ་ལེགས་ཆེན་པོར་མཛད་དོ། །དེ་བཞིན་དུ་རྟག་ཏུ་བརྟེན་ཅིང་སྒྲུབ་པའི་ལྷ་སྲུང་རྣམས་དང་། དཀར་པོའི་ཕྱོགས་ལ་རང་བཞིན་གྱི་དགའ་བའི་ལྷ་ཐམས་ཅད་ཀྱིས་བདུད་དང་། བདུད་ཀྱི་རིགས་སུ་གྱུར་པ་རྣམས་དང་། གནོད་སྤྱིན་དང་། སྲིན་པོ་དང་། འབྱུང་པོ་དང་། རོ་ལངས་དང་། ཡི་དྭགས་དང་། ཤ་ཟ་དང་། སྨྱོ་བྱེད་དང་། རྗེད་བྱེད་དང་། མ་མོ་དང་། སྲུལ་པོ་དང་། ལུས་སྲུལ་པོ་དང་། ལྷ་མ་ཡིན་དང་། གྲིབ་གནོན་དང་། ཤ་ཟ་ལ་སོགས་ཏེ་ལེགས་པའི་ཕྱོགས་ལ་སྡང་བ་དང་། སྡང་བའི་སེམས་དང་ལྡན་པ། གདུག་པའི་སེམས་དང་ལྡན་པ། དྲག་ཤུལ་གྱི་སེམས་དང་ལྡན་པ་ཐམས་ཅད་ཕྲག་དོག་དང་། བསླུ་བྲིད་ཀྱི་ཞགས་པ་འདེབས་ཤིང་རྒྱུ་བའི་སྐབས་བཅད་པས་དུས་མ་ཡིན་པར་འཆི་བ་དང་། འཐབ་མོ་དང་། རྩོད་པ་འགྱེད་པ་དང་། ནད་ཀྱི་རིགས་ཆེན་པོ་བཞི་དང་། དེའི་འཁོར་ན་གནས་པ་དང་། ཉེ་བར་འཚ་བ་དང་། གདོན་ཐམས་ཅད་དཀོན་མཆོག་གསུམ་གྱི་བདེན་པའི་མཐུ་ཆེན་པོ་དང་། སྲུང་མའི་དབང་པོ་དག་གིས་རྫུ་འཕྲུལ་ཆེན་པོ་དང་། གཟི་བརྗིད་ཆེན་པོའི་སྲུང་བ་དག་གིས་ཡོངས་སུ་བསྲུངས་ནས། སྐྱོབ་པ་དང་། སྦ་བ་དང། གང་ལ་འོས་པའི་འཕྲིན་ལས་ཀྱི་རོལ་པ་དེ་དང་དེར་ཆགས་ཐོགས་མེད་པས་ཞི་བ་དང་བདེ་ལེགས་ཆེན་པོར་འགྱུར་བའི་སྟོང་གྲོགས་དང་དཔུང་གཉེན་ནི་ཅི་ཡང་བྱས་སོ། །རྒྱུ་དེས་དངོས་གཞིའི་ལས་རྒྱུན་ཟླ་བ་གསུམ་དང་ཕྱོགས་སུ་གྱུར་པ་གཅིག་སྟེ་ཞག་བཅོ་ལྔའི་ཁོངས་སུ་བདེ་བར་གྲུབ་བོ། །དེ་ལྟར་གྲུབ་ནས་བྱས་པ་ཤེས་ཤིང་དྲིན་དུ་གཟོ་བའི་ཕྱིར་ཡོན་གྱི་རིམ་པ་ཇི་ལྟར་བསྟབས་པ་ནི། རབ་ཏུ་གནས་པའི་རྒྱུད་ལས། རྒྱན་རྣམས་མ་ལུས་པ་ཡིས་ནི། །ཕྱི་ནས་བཟོ་བོ་རྣམས་ལ་མཆོད། །གང་དག་དེ་ལ་གྲོགས་བྱེད་པ། གཞན་དག་ཀྱང་ནི་མཆོད་པར་བྱ། །ཞེས་བཟོ་གནས་དམ་པ་ལ་གོམས་པ་རྣམས་ནི་མདུན་འཇོག་གྱ་ནོམ་པར་བསྟི་སྟང་དུ་བྱ་བའི་ཡུལ་དུ་གསུངས་པ་ལྟར། བཟའ་ལྟུང་སྡེར་མ་ལ་སོགས་པ་སྟོན་མོའི་རྣམ་གྲངས་རྒྱ་ཆེན་པོས་མདུན་བསུས་ནས། ཡོན་ཐོབ་གྱི་འཆར་གཞི་གྲགས་པ་སྐམ་པོའི་བཟའ་བ་ནི་པོད་རེར་དངུལ་སྲང་བརྒྱད་དུ་གྲགས་པ་ཕལ་ཆེར་རིན་ཐང་གི་མིང་དུ་གྱུར་ནས་ལག་ཏུ་འབབ་པ་ཉུང་ཟད་དུ་འགྱུར་བ་གཞུང་ལུགས་ཀྱི་རྩིས་གཞི་བཞག །དངུལ་ངོ་ཐོག་དང་དེ་འཕྲོས་དངོས་པོ་སྐྲུས་གཙང་ཡུལ་ཐང་གིས་བཅད་ནས་པོར་རེར་སྲང་ལྔ་རེའི་རྩིས་དམའ་མཐར་བྱས་པ་སྨར་ཐོག་ཏུ་འབབ་ངེས་གཏན་ཚིགས་སུ་བཟུང་། དེ་ལས་གཞན་དུ་རང་རང་གི་བྱས་བྱུང་རྣམ་དབྱེ་ལ་དཔགས་པའི་བྱ་དགའ་སྒོས་སུ་བྱིན་པའི་དངོས་པོའི་རྣམ་གྲངས། གསེར་དང་། དངུལ་དང་། མུ་ཏིག་ཕོན་པ་དང་། གཡུ་དང་། བྱུ་རུ་དང་། སྤོས་ཤེལ་དང་། མུ་ཏིག་གི་སོག་སྐེ་ལ་སོགས་པའི་ཕོ་རྒྱན་གྱི་བྱེ་བྲག །ཨ་སྒོར་དང་། གཙུག་གཡུ། ཕྲེང་བ་དང་། དུང་སྐོར་དང་། ཚིགས་རྒྱན་ལ་སོགས་པ་མོ་རྒྱན་གྱི་རྣམས་གྲངས། གོས་ཕྱི་དང་། ཇ། དར་ཟབ་ཀྱི་བྱེ་བྲག །རས་ཟུང་དང་། རས་ཡ་བ་དང་། སྣམ་ཕྲུག་གི་རིགས་བྱེད་ཚོས་མ་དང་། དཀར་པོ་གྱུར་པ་དང་། བགོ་བ་དང་། གྱོན་པ་རིགས་བྱེ་བྲག་མཐའ་མི་འཚལ་བ། ལ་སྒོའི་ཤོག་བུ་དུམ་བུར་བྱས་པ་དང་། འབྲུ་དཀར་ལ་སོགས་མདོར་ན་རྒྱུད་ནས་སྡིག་པར་འགྱུར་བ་སྲོག་ཆགས་ཀྱི་ཡ་ན་ལ་སོགས་པ་ཆེད་དུ་སྤངས་ནས་རང་རང་གི་མ་ས་པར་འཚམས་པའི་དབྱིག་གི་རྣམ་པ་གྱ་ནོམ་པས་མགུ་བར་བྱས་ཤིང་། ཚིག་ཙམ་དུའང་དྲིན་དུ་གཟོ་བའི་བརྗོད་པས་ཡིད་རབ་ཏུ་དང་བར་བྱས་ཏེ་དར་དང་བསྲུང་བའི་མདུད་པ་དམ་རྫས་ཀྱི་འབྲེལ་བ་དང་བཅས་བཏང་ངོ་། །ཞར་ལ་ཞལ་འདེབས་ཀྱི་རྣམ་པ་ཇི་ལྟར་བྱུང་བ་བཤད་པར་བྱ་སྟེ། དཔལ་ཆུ་བོ་རི་ནས་ལྕགས་ཟམ་སྤྲུལ་པའི་སྐུ་རིན་པོ་ཆེས་བཟང་ཇ་སྦག །འབྲུ་ཁལ་ཉི་ཤུ་ཐམ་པ། དཔལ་རི་སྤྲུལ་པའི་སྐུ་རིན་པོ་ཆེས་འབྲུ་རུའི་ཁལ་བཅུ་གསུམ། གྲྭ་ཚང་སྤྱི་སོ་ནས་འབྲུ་ཁལ་བཅུ་གསུམ། གཉེར་ཚང་ནས་ཇ་སྦྱོར་གཉིས། ཆང་བུམ་པ་གཉིས། བྱིངས་ལ་གསོལ་གྲོའི་སྡེར་མ། ངོས་ཅག་བཟོ་པ་དང་བཅས་པར་ལེགས་དར། རྣལ་འབྱོར་སྤྱོད་པ་རྡོ་རྗེ་ཀློང་ཡངས་ཀྱིས་བཟང་གོས་ཚོས་གཉིས་མ་ཁ་ཕྱེད་དག་བརྒྱད། མགོ་སྣམ་ཚལ་ཁ་ཁ་གང་། སག་ལྷམ་འཇའ་ཆེན་མ། སྣུག་ཁྲོག་ར་མ་ལུག་གི་ཚགས་ལྡན། གོས་སེར་ཕོར་ཤུབས། རྒྱ་གྲི་ཤུབས་བཅས། སོག་ཞྭ་འཇའ་མེད། ཐེར་དཀར་དམར་བུབས་གསུམ། སྣམ་དཀར་བུབས་ལྔ། ཆུང་ཇུ་སྦ་གཅིག །རག་ལྡིར་གཅིག །ཕོར་པ་གཅིག །ཇུས་དམར་ཁ་གང་། གོས་སེར་ཁ་གང་། དངུལ་སྲང་ཉི་ཤུ་ཐམ་པ། མར་དོ་གཅིག་ལ་འདེགས་ཁལ་བརྒྱད། ཁ་བཏགས་ཆེ་བ་གཉིས་རྣམས། ཕ་ལྷ་རྗེ་དྲུང་རྡོ་རྗེ་སྙིང་པོས། ་།ག་བུ་དུམ་པ་ཉི་ཤུ་རྩ་གསུམ། སྟག་སྤང་ལྔ་བཅུ་སྐོར། མཚལ་ཕོན་ཆེ་བ། གསེར་་།ག་སྟོང་བམ། ཞལ་ཁེབས་ཁ་ཤས།གཅུང་རྗེ་བཙུན་མ་ཆོས་སྒྲོན་དབང་མོའི་དགེ་རྫོངས་སུ་སྤོས་ཤེལ། རྒྱལ་བ་ཆས་མཛད་འཇིགས་མེད་རྡོ་རྗེས། ཆོས་ཀྱི་ན་བཟར་འོས་པའི་རས་སེར་ཁྲ་ཡུག་བཅུ་དྲུག །གླེགས་ཐག་ལྷས་མ་བཅུ་དྲུག །སྣག་ཚ་ཟོམ་ཆུང་བརྒྱད། ཨ་ཐི་གཅིག །རགས་རྩིབས་ནས་ཆོས་དྲུང་གི་བྱུ་རུ་ལེགས་པ་གཅིག །འབྲུག་པ་བླ་མས་གླེགས་ཐག་ལྷས་མ་ཉི་ཤུ་རྩ་ལྔ། རྒྱང་རྩེ་ཞབས་དྲུང་ཡང་སྟངས་པས་རབ་བརྟན་ཁ་་།ག་དུམ་པ་གཅིག །གཞི་ཀ་གཡུ་དྲུང་འཁྱིལ་ཚལ་ནས། ་།ག་ལས་ཀྱི་གྲོ་ཞིབ་ཚང་མ། སྔོ་་།ག་བཟོ་བའི་རམས། སྨན་པར་ཁ་བཞི། ཐོག་མཐའ་བར་གསུམ་གྱི་སྟོན་མོ་གཟབ་རྒྱས། ཆང་རྒྱུགས་དང་། བཟོ་བའི་རྒྱ་རི་ནར་མ།ལྕམ་ཉི་ཟླ་དཔལ་འཛོམ་ནས་གསེར་བཏུལ་བོད་ཁ་ལྔ་ཟམ་ཟོ་ཁ་བརྒྱད། གྱོན་པ་ཆ་ཚང་། ཞོལ་ཁང་ནས་ཀྱིས་ལམ་་།ག་པོད་ལྔ་ལྡེངས་པ། སྣག་ཚ་ཟོམ་ཆུང་གང་། ཞོལ་ཁང་ཆོས་དྲུང་དཔོན་གཡོག་ནས་གསེར་ཞོ་རེ་རེ་དང་། ཇ་སྦྱོར། གསོལ་གྲོ །ལྟ་ལྡན་རྒྱལ་བྱེད་གླིང་པས་ཕག་་།ག་དུམ་པ་བཅུ། དཔྱོད་ལྡན་དབང་པོ་ཝ་གིནྟྲས་སྣམ་དཀར་སྤུ་ཕྲུག་བུབས་གཉིས། ཨ་ཐི་ཐ་མར། ཆུང་ཇུ་སྦག །གཟན་དམར་ཁ་གསར། འབྲོག་བྲག་མདའ་སྒོམ་ཆེན་པ་ཀུན་བཟང་དབང་ཕྱུག་གིས་དངུལ་སྲང་གསུམ། སྣམ་དཀར་སྐྲུ་ཕྲུག་ལེགས་པ། མར་ཁལ་གཅིག །ཤ་ཁོག་གཅིག །གྲོ་མ་བྲེ་གསུམ། ལོ་རེ་ཞེ་འོ་ལྕམ་ཡིད་བཞིན་དབང་མོས་ཊ༷་ཁ་བཅུ།་རྟག་རུ་ནང་ས་བསྟན་འཛིན་དབང་ཕྱུག་གིས་ཊ༷་ཁ་བཅུ་དང་ཁ་བཏགས། ཀ་ཆུ་བ་སྒོམ་མ་པདྨ་ཆོས་འཛོམ་གྱིས་ཊ༷་ཁ་བརྒྱད། གཙང་པ་ངག་དབང་འགྱུར་མེད་ཀྱིས་ཊ༷་ཁ་ལྔ། གཙང་གངས་རུ་གྲུབ་ཆེན་ངག་དབང་དཔལ་འབར་གྱིས་འབྲས་དོ་གཉིས། སྒོམ་མ་ཆོས་སྒྲོན་གྱསི་ཊ༷་ཁ་བཞི་དང་ཁ་བཏགས། བསམ་ཡས་པ་ཆོས་དཔལ་གྱིས་ཊ༷་ཁ་དང་འཇམ་དམར། ཞོལ་ནང་རྫོང་པས་ཇ་སྦྱོར་གཉིས། གསོལ་གྲོ །སྡེར་ཀ། ཡོལ་གོ་འགྲིམ་པ། ཚང་མར་ལེགས་དར། ཁོ་བོ་ཅག་གི་ཕ་མའི་ཁྱིམ་ནས་བཟོ་སྟོན་ཉིན་འཁྱོངས། བཟོ་བོ་ལས་བྱེད་ཡོངས་རྫོགས་ལ་དཀར་སྤྲོ་རྒྱས་པ། ཆང་བུམ་གསུམ། ཀུན་ལ་མགྲིན་དར། བློ་བཟང་བསོད་ནམས་ཀྱི་བཟང་གོས་སྐྲུས་ལེགས་ཀྱི་ཞལ་ཁེབས་བཞི། མགོན་སྔ་བས་ཞབས་ཏོག་ཉིན་འཁྱོངས། གསོལ་གྲོ། ངོས་དང་དབུ་བྱིངས་ལ་མགྲིན་དར། ཡོལ་གོ་འགྲིམ་པ། བཟང་གོས་ཞལ་ཁེབས་གཉིས། མཐོང་ཤག་པས་ཇ་སྦྱོར། ཡོལ་གོ་འགྲིམ་པ། གཅུང་ཀུན་བཟང་ཕུན་ཚོགས་ཀྱིས་བཟོ་སྟོན་ཉིན་འཁྱོངས། སྟོན་རྒྱབ་ཐ་སྦབ། བཟང་གོས་ཁ་གང་། དཀར་སྤྲོ་གཟབ་རྒྱས་རྣམས་ཏེ། དེ་ལྟར་ཞལ་འདེབས་རྣམས་ནི་རྗེས་སུ་ཡི་རང་བའི་དགེ་བ་འཕེལ་བའི་ཕྱིར་ཕྲ་ཞིབ་ཏུ་བཀོད་ལ། རྟེན་བཞེངས་འདིའི་ཁ་ཕྱོགས་སུ་རྒྱུ་སོང་གི་དངོས་པོ་བསྡོམས་ན་དངུལ་སྲང་བཞི་བརྒྱ་ལྔ་བཅུར་ཐལ་ཙམ་སོང་བར་སྣང་སྟེ། སྤྱིར་རྣམ་པར་དཀར་བའི་ལས་ལ་གཏོང་བ་དང་། སྐྱོ་ངལ་ཁུར་དུ་བཟོད་པ་བྱ་བའི་གཙོ་བོ་ཡིན་ན། དེ་ལ་བྱས་ཡུས་ཚོང་བ་ལྟ་བུ་རྒྱུ་འབྲས་ལ་ངེས་པ་མ་རྙེད་པའི་གཏམ་ཏུ་འགྱུར་ཅིང་། ཁྱད་པར་ཅོ།་རྒྱན་ཆོས་ཀྱི་རྒྱལ་པོས། གཞན་ལ་བསྒྲགས་དང་འདད་པ་སྐྱེས། །ཞེས་དགེ་བ་འཛད་པའི་རྒྱུ་བཞིར་གསུངས་པས། ཕྲ་ཞིབ་ཀྱི་གཏམ་དུ་གླེང་བའི་སྐབས་བཅད་ནས། དེ་མ་ཐག་པའི་བྱ་བ་ལ་རབ་གནས་ཇི་ལྟར་བྱས་པ་བརྗོད་པར་འོས་ཀྱི། དེ་ལ་རབ་གནས་ཀྱི་མཚན་ཉིད་ནི། རྟེན་དམ་ཚིག་པ་ལ། ཏིང་ངེ་འཛིན་གྱི་ཆོ་ག་ཟབ་མོས་རང་བཞིན་གྱི་གནས་ནས་སངས་རྒྱས་རྣམས་ཀྱི་ཡེ་ཤེས་སེམས་དཔའ་སྦྱན་དྲངས་ཏེ་བཞུགས་སུ་བཅུག་པས་དགེ་ཞིང་བཀྲ་ཤིས་པའི་ལས་ཐམས་ཅད་འབྱུང་བའ་གཞིར་སྒྲུབ་པ་ཉིད་ཡིན་ནོ། །སྒྲ་དོན་ནི་ལེགས་སྦྱར་སྐད་དུ་སུ་པྲ་ཏིཛི་སྟེ། ལེགས་པར་རབ་ཏུ་གནས་པའམ། ཉེ་བསྒྱུར་གྱི་དབང་དུ་པྲ་ཏིའི་སྒྲས། ལེགས་པར་སོ་སར་གནས་པ་ཞེས་པ་ཉིད་དུའང་འུགྲུབ་སྟེ། གང་བསྟིམ་བྱའི་རྟེན་དང་། གང་ཞིག་སྟིམ་བྱེད་ཀྱ་ཡེ་ཤེས་སེམས་དཔའ་གཉིས་དབྱེར་མེད་དུ་ལེགས་པར་རབ་ཏུ་གནས་པ་ལ་སོགས་ཏེ་སྒྲ་དོན་གྱི་རྣམ་པ་ཐ་དད་པ་ཉིད་དུ་འཆར་རོ། །དགོས་པ་ནི། སངས་རྒྱས་རྣམས་ཆོས་སྐུ་སྤྲོས་པ་དང་བྲལ་བའི་ངང་དུ་བཞུགས་བཞིན་པ་དེ་ལས་གཞན་དུ་གཡོ་བར་མ་འགྱུར་བའི་ཡེ་ཤེས་རང་ཚན་པ་སྤྱན་དྲངས་ནས་རབ་ཏུ་གནས་པར་བགྱིར་མེད་ནའང་། །ཐ་སྙད་ཙམ་དུ་སྐྱེ་བོ་དད་པ་ཅན་རྣམས་མཆོད་པའི་འོས་སུ་འགྱུར་བ་དང་། དེ་ལ་བརྟེན་ནས་བསོད་ནམས་རྒྱ་ཆེན་པོ་འཕེལ་ཞིང་འཇིག་རྟེན་གྱི་ཁམས་སུ་དགེ་ལེགས་ཕུན་སུམ་ཚོགས་པ་འབྱུང་བ་བྱ་བའི་ཕྱིར་རབ་ཏུ་གནས་པ་བགྱིར་ཡོད་པར་བསྟན་ཏེ་རབ་གནས་ཀྱི་རྒྱུད་མདོར་བསྡུས་ལས། སངས་རྒྱས་ཀུན་ནི་རབ་ཏུ་བཞུགས། །རབ་ཏུ་གནས་པ་ག་ནའང་མེད། །ཀུན་ཏུ་མཁའ་ལྟར་གནས་པ་ལ། །གཅིག་་།ས་ཀྱིས་ནི་རབ་ཏུ་བརྟག །འཇིག་རྟེན་ཀུན་རྫོབ་ལ་བརྟེན་ནས། །རབ་ཏུ་གནས་པ་རབ་ཏུ་བརྟགས། ཞེས་སོ། །དོན་དེས་རབ་ཏུ་གནས་བྱ་གནས་བྱེད་ཀྱི་དབྱིངས་ལ་དོན་གྱིས་གཞལ་ནས་འདིར་འཇིག་རྟེན་ནི་ཀུན་རྫོ་བ་ལ་བརྟེན་པའི་ཕྱིར་དེ་དང་རྗེས་སུ་མཐུན་པར་རབ་ཏུ་གནས་་པའང་ངེས་པར་གཅེས་པའི་ཚུལ་རབ་ཏུ་གནས་པའི་རྒྱུད་ལས། གང་དུ་སྐུ་གཟུགས་རྫོགས་པ་ལ། །བྱིན་མ་བརླབས་པས་རིང་གནས་ན། །དེ་ལ་བཀྲ་ཤིས་མི་འབྱུང་ཞིང་། ཇི་སྲིད་མཆོད་པ་དེར་མི་འོས། །ཞེས་དང་། རབ་གནས་མ་བྱས་གཟུགས་བརྙན་ལ། །གང་གིས་མཆོད་ཅིང་ཕྱག་བྱེད་པ། །དམ་ཚིག་བྲལ་ཞིང་སྔགས་དམན་པས། །སྤྱིན་བསྲེག་ཐལ་བ་འབྲས་མེད་མཚུངས། །ཞེས་དང་། དེ་ཡང་ཆོ་ག་ཡང་དག་པ་ལ་བརྟེན་ནས་བརྩམ་དགོས་པའི་ཚུལ། དེ་ཉིད་ལས། ཆོ་ག་བདག་ཉིད་ནུས་པ་ཡིས། །བརྟག་པ་ལས་གསུངས་ཚུལ་ལེགས་པ། །དེས་བྱས་བསོད་ནམས་ཆེ་བ་ཡིན། །ཞེས་སོགས་རྒྱ་ཆེར་ང།སུངས་སོ། །དེ་ལ་མདོའི་ཕྱོགས་ནས་རབ་གནས་ཀྱི་ཆོ་ག་མཚན་ཉིད་པ་མ་བསྟན་ཀྱང་། འདུལ་བ་ལས་གརྙིའི་རབ་གནས་བཤད་པ་དང་། སྣམ་སྦྱར་བྱིན་གྱིས་བརློབས་པ་སོགས་དོན་ལ་རབ་གནས་ཀྱི་ངོ་བོར་འགྲུབ་པས་སྐུ་གསུང་ཐུགས་ཀྱི་རྟེན་གསར་བུའང་། བཀུར་བསྟི་དང་བཅས་ཁྲི་ཐོག་ཏུ་སྤྱན་དྲངས་ནས། མཆོད་པ་འབུལ་བ་དང་། གསོ་སྦྱོང་བླངས་ཏེ་སོ་ཐར་གྱི་མདོ་ཀློག་པ་དང་། འདུལ་བ་ལུང་གི་བཀྲ་ཤིས་ཚིགས་སུ་བཅད་པ་བརྗོད་ནས་མེ་ཏོག་འཐོར་བ་སོགས་ལ་ཐ་སྙད་དུ་གདགས་སུ་རུང་བའོ། །འདིར་ལག་ལེན་ལ་རྒྱུད་སྡེ་སོ་སོའི་རབ་གནས་ཀྱི་རིམ་པ་གྲུབ་པའི་སློབ་དཔོན་རྣམས་ཀྱིས་མཛད་པའི་ཆོ་ག་ཇི་སྙེད་ཅིག་ཡོད་པ་ལས། རང་ལུགས་སངས་རྒྱས་གཉིས་པ་པདྨ་འབྱུང་གནས་ཀྱི་རྒྱུད་སྡེ་ཟབ་མོའི་མན་ངག་གནས་སུ་བསྡུས་པ་གཏེར་ཁ་ཆེན་པོའི་རིང་ལུགས་ལས་བྱུང་བ་ཉམས་སུ་བསྟར་བ་ཡིན་ཏེ། དེ་ལ་རབ་ཏུ་གནས་བྱའི་སློབ་དཔོན་ཡང་། རྒྱུད་སྡེ་ཕལ་ཆེར་ལས་དེ་ཉིད་བཅུ་ཤེས་པའི་སློབ་དཔོན་གཙོ་བོར་བཤད་ཅིང་། དུས་ཀྱི་འཁོར་ལོ་ལས། དེའི་སྟེང་དུ། དེ་ཉིད་བཅུ་ནི་ཡོངས་ཤེསཔ། །གསུམ་ལས་དགེ་སློང་མཆོག་ཡིན་ཏེ། །འབྲིང་ནི་དགེ་ཚུལ་ཉིད་དུ་བརྗོད། །ཁྱིམ་ན་གནས་པ་ཐ་མ་ཡིན། །ཞེས་དེ་ཉིད་བཅུ་ཤེས་པའི་སྟེང་དུ་བསྟན་པ་ལ་གུས་པ་བསྐྱེད་པའི་ཕྱིར་རྟགས་ཅན་གྱི་མཚན་ཉིད་ཀྱང་ངེས་པར་བཤད་མོད་ཀྱི། དོན་དུ་ནི་དེ་ཉིད་ལས། ས་ཐོབ་མ་གཏོགས་ཁྱིམ་པ་ནི། །རྒྱལ་པོའི་བླ་མར་མི་བྱ་སྟེ། །ཞེས་པས་ས་ཐོབ་ནི་ཡེ་ཤེས་ཀྱི་རྒན་པ་ཡིན་པས་རྟགས་ཁོ་ན་ལ་ལྟོས་པ་མེད་པར་བསྟན་པ་བཞིན།རང་ལུགས་ལའང་། བསྙེན་རྫོགས་རྟགས་ལྡན་རྣལ་འབྱོར་པས། །གཟིགས་པ་ཙམ་གྱི་རབ་གནས་ཆགས། །ཞེས་དོན་དམ་པར། རབ་ཏུ་གནས་བྱའི་ཡེ་ཤེས་གང་ཡིན་པ་དེ་ཉིད་རབ་ཏུ་གནས་པ་པོའི་གང་ཟག་གི་ཤེས་རྒྱུད་དང་རྫས་འགལ་བ་མ་ཡིན་པ་ཞིག་དགོས་ཏེ། དེ་མེད་ན་རྒྱུས་མེད་ས་མཁན་ལ་ཞུགས་པ་བཞིན་དུ། གཞུག་པ་པོས་གང་གཞུག་བྱའི་ཡེ་ཤེས་དེའི་ཆོས་ཉིད་ཆ་མི་ཆོས་བཞིན་དུ། དགེ་སློང་རྡོ་རྗེ་འཛིན་པའི་ཆོས་གོས་གསུམ་གྱི་ཏིང་ངེ་འཛིན་ལ་སྙེམས་པའམ། ཆོ་ག་དང་གྱེར་དབྱངས་ཁོ་ནའི་འདུ་བ་རྒྱ་ཆེན་པོས་རྟེན་ལ་གཞུག་བྱའི་ཡེ་ཤེས་དེ་སྣང་བ་རང་མཚན་པའི་ཕྱོགས་ག་ཤེད་ནས་སྤྱན་འདྲེན་པར་འདོད་པ་ནི།རྟགས་ཇི་ལྟ་བུ་ཡིན་ཡང་བེམ་པོའི་རྣམ་པ་སྦྱོང་བའི་རབ་གནས་ཙམ་མོ། །རྒྱུ་དེས་ཡེ་ཤེས་ཀྱི་དེ་ཁོ་ན་ཉིད་རྟོགས་པ་གཙོ་བོར་གལ་ཆེ་བ་བཞག་པ་ཡིན་ནོ། །དེ་བཞིན་དུ་རབ་གནས་ཤིས་པར་བྱེད་པའི་གཟའ་དང་།སྐར་མ་དང་། བྱེད་པ་དང་། སྦྱོར་བ་ལ་སོགས་ཏེ་སྤྱི་དང་བྱེ་བྲག་པའི་དུས་བཟང་པོ་ལ་ངེས་པར་གཅེས་པ་ཡང་རྒྱུད་ལས་བསྟན་པ་བཞིན་ཚོགས་པར་བྱས། དེའང་ཉི་མ་བྱང་དང་བལྟས་པ་ཡི། །དཀར་པོའི་ཕྱོགས་ནི་༄༅ བཟང་པོ་ལ། །ཞེས་པས་རྣམ་པ་གཅིག་ཏུ་ལྷོ་ཕྱོགས་ནི་གཤིན་རྗེའི་སྐྱེས་བུ་མི་བཟད་པས་བསྲུངས་པའི་རྒྱས་པའི་ལས་ལ་བསྔགས་པ་མ་ཡིན་ཞིང་། བྱང་ཕྱོགས་ནི་གནོད་སྤྱིན་གྱི་བདག་པོ་རྣམ་ཐོས་ཀྱི་བུ་ལ་སོགས་པས་རང་དབང་དུ་བྱས་པའི་གནས་ཡིན་པས། རབ་གནས་ལ་སོགས་ཏེ་རྒྱས་པའི་ལས་ལ་མཆོག་ཏུ་བསྔགས་པར་བཤད་ནའང་། ཀྲི་ཡས་མུསྣྲོ་ལས། མཆུ་དང་དབོ་ཡི་ཟླ་བ་དེ་བཞིན་ངེས་པར་ས་ག་སྣྲོན་དང་ཆུ་སྟོད་ཟླ་བ་དང་། །མགོ་སྟེ་དེ་སྲིད་འདི་རྣམས་དགེ་བ་གཅིག་པུས་འབྲས་བུ་སྟེར་བའི་ཟླ་བ་དྲུག་ཏུ་གསུངས། །ཞེས་པ་ལ་སོགས་ཏེ་གཞན་དང་གཞན་དག་ནས་ཀྱང་བགྲོད་པ་གཅིག་པའི་ཕྱོགས་ལ་ལྟོས་དགོས་པའང་མ་བཤད་པས། འདིར་ལས་ཇི་སྲིད་ན་མཐར་སོན་པར་གྱུར་པ་ཆུ་སྟོད་ཟླ་བའི་གཟའ་ཚས་ཕུན་སུམ་ཚོགས་པའི་ཉིན། དཀྱིལ་འཁོར་དང་འབྲེལ་བའི་ཡོ་བྱད་དང་། སྦྱིན་སྲེག་དང་འབྲེལ་བའི་ཡོ་བྱད་དང་། རབ་ཏུ་གནས་པ་ཁོ་ན་ལ་འབྲེལ་བའི་ཁྲུས་དང་། མངའ་དབུལ་གྱི་རྫས་སྤི་དང་བྱེ་བྲག་པ་རྣམས་ཉེར་སྡོགས་སྔོན་དུ་བཏང་ནས་རང་ཉིད་ཀྱི་དད་པའི་རྟེན་དུ་དངུལ་སྲང་ཉིས་བརྒྱའི་རྩ་བས་མ་སྨད་པར་བསྒྲུབས་པའི་དཔལ་ཅོ།་རྒྱན་ཆོས་ཀྱི་རྒྱལ་པོའི་རྣམ་ཐར་ཤེལ་བྲག་མའི་ཐང་ཆེན་སྣོམས་དང་། རྒྱུད་འབུམ་རིན་པོ་ཆེ་སྟབས་གཅིག་ཏུ། རབ་ཏུ་གནས་བྱར་བྱས་པ་ཕུན་སུམ་ཚོགས་པའི་དུས་ཚོད་གང་གི་ཉིན་ཞག་དང་པོ་ལ་བདག་ཅག་དཔོན་སློབ་བཅོ་ལྔ་སྐོར་གྱིས་སྒྲུབ་ཆེན་བཀའ་བདེ་གཤེགས་འདུས་པའི་དཀྱིལ་འཁོར་གྱི་ཆོ་ག་དང་འབྲེལ་བར། འཛམ་བུའི་གླིང་དུ་ཉི་མ་ཤར་དྲོས་ཀྱི་དུས་ག་ལ་བར། སྤྱན་དབྱེ་བྱ་བ་ཡན་ཆད་ཡང་དག་པར་གྲུབ་པར་གྱིས་ཤིང་། ནངས་པར་གྱི་སྔ་དྲོ་དང་པོ་ལ་དམ་ཚིག་གི་འཁོར་ལོ་ཆེན་པོའི་གྲོང་ཁྱེར་དུ་སྤྱོན་པར་གསོལ་བའི་མོས་གུས་ཀྱིས་སྙན་ཁུང་སྲབ་མོར་བགྱིས་ནས། རྟེན་གྱི་ཡེ་ཤེས་པ་རྣམས་ནམ་མཁའི་དབྱིངས་ཕ་མཐའ་མི་འཚལ་བའི་ཀློང་དུ། སེམས་མ་རྡོ་རྗེ་མའི་རྒྱས་བཏེག་སྟེ་བཞུགས་སུ་གསོལ། དམ་ཚིག་གི་རྟེན་རྣམས་གཙུག་ཏོར་འཁོར་ལོས་བསྒྱུར་བའི་དབྱིངས་སུ་སྲུང་བར་བྱེད་པའི་མཚོན་བྱ་དར་གྱིས་དགབ་པར་བྱ་བ་ཡན་ཆད་གྲུབ་པར་གྱིས་སོ། །དེ་ལྟ་བུའི་སྟ་གོན་གྱི་ཉིན་ཉི་མ་དྲོ་འཇམ་ལ་བབ་པའི་ཚེ་པདྨ་འོད་གླིང་ཐར་པ་ཆེན་པོའི་གྲོང་ཁྱེར་གང་གི་ནམ་མཁའི་དབྱིངས་ལ་དབང་པོའི་གཞུ་ཚོན་སྣ་མ་ཚང་བ་མེད་པ་བྱད་པ་པོས་ཀྱང་མ་བྱས། སྒྱུ་མས་སྤྲུལ་པའང་མ་ཡིན། རྣམ་པར་མཛས་པ་དང་། རྣམ་པར་བཀྲག་པ་དང་། རྣམ་པར་འཚེར་བ་ལ་སོགས་པའི་ངོ་མཚར་གསར་པའི་དཔལ་ཡོན་བྱིས་པ་སོ་སོའི་སྐྱེ་བོ་དག་ལ་འདོད་སྲེད་ཀྱི་ཆོམ་རྐུན་དུ་ཤར་ནས། ལག་པའི་འདུ་བྱེད་རྟབ་རྟབ་པོར་འདེགས་པས་རྩོམ་པ་ཙམ་གྱིས་རྭ་བའམ་མུ་ཁྱུད་གསར་པ་རིམ་པ་གཉིས་ཀྱི་གུར་ཁྱིམ་དུ་གསལ་བ་ཉིད་སྒྲོ་བཏགས་ཀྱི་གཏམ་བརྗོད་པའི་ལམ་དུ་དྲངས་པ་ཙམ་མ་ཡིན་པ་ཀུན་གྱི་མཐོང་བའི་ཆོས་ལ་གནས་པ་དང་། དེ་བཞིན་དུ་ངག་ལ་དཔལ་ལྡན་དརྙིའི་ཚིག་གི་རྒྱུ་བ་ཆགས་པས་རབ་ཏུ་བཏགས་པ་དང་། ཕུལ་དུ་བྱུང་བའི་ལེགས་བྲིས་ཀྱི་ལམ་ཐ་གྲུ་ཀུན་ནས་ཡངས་པར་དཀར་ཕྱོགས་ལ་མངོན་པའི་འདུན་པའི་ལྷ་རྣམས་ནི་ཤིན་ཏུ་རངས་པར་གྱུར་པའི་བསམ་པ་དང་། གསང་བ་སྔགས་ཀྱི་རྒྱུད་སྡེ་ཟབ་མོའི་ཆོ་གའི་ཡན་ལག་མཐོང་ཞིང་རྗེས་སུ་དྲན་ནས་འདི་སྙམ་དུ། བཅོམ་ལྡན་འདས་ཆོས་དབྱིངས་གཞོན་ནུ་བུམ་པའི་སྐུའི་ཀློང་ནས་ཅིར་ཡང་སྤྲུལ་པའི་སྐུ་དང་། ལོངས་སྤྱོད་རྫོགས་པའི་སྐུ་དང་། དམིགས་མེད་ཆོས་ཀྱི་སྐུ་དང་། མི་འགྱུར་རྡོ་རྗེའི་སྐུ་དང་། མངོན་པར་བྱང་ཆུབ་པའི་སྐུ་དང་ཡེ་ཤེས་ཀྱི་བདག་ཉིད་ཆེན་པོའི་རང་བཞིན་གང་ཡིན་པ་རྣམས། ཞིང་ཁམས་གཞན་དུ་སྤྱན་རས་གཟིགས་པ་དུས་ལས་ཡོལ་བར་གྱུར་ཏེ་དེང་གི་དམ་ཚིག་སེམས་དཔའ་ལ་འཇུག་པའི་སླད་དུ། སྐྱེ་བ་མེད་པའི་ཀློང་ན་གསལ། འགག་པ་མེད་པའི་ཀློང་ན་འཕྱོ། རྟག་པ་མེད་པའི་ངང་ལ་ཕྲ། ཆད་པ་མེད་པའི་གཤིས་ལ་མཉམ། འོང་བ་མེད་པའི་ཀློང་ན་བརྗིད། འགྲོ་བ་མེད་པའི་ངང་ལ་བཞུགས་བཞིན་པའང་། ནམ་མཁའི་དབྱིངས་སུ་རྡོ་རྗེའི་དམ་ཚིག་ཆེན་པོའི་ཕྱག་རྒྱས་བཅིངས་པ་འདི་ནི་དེ་རིང་གི་ཉིན་ཞག་ཙམ་ལས་གཞན་རྣམ་པ་གང་དུའང་སྐབས་མ་ཡིན་ནོ་སྙམ་དུ་སེམས་ཤིང་དད་པའི་སྣང་བ་ཆབ་མི་འཚལ་བས་མངོན་པར་སྤྲུལ་པ་སྔོ་སངས་སྤྲིན་གྱི་ཕྲེང་བ་དུམ་བུར་ལྡང་བ་དག་ཀྱང་། དཔེར་ན་སྒྱུ་མ་མཁན་མཁས་པའི་ཆོ་འཕྲུལ་བཞིན་དུ། ནམ་མཁའི་ལྡིང་གི་རྣམ་པ་དང་། ཅང་ཤེས་གཞོན་ནུའི་རྣམ་པ་དང་། ཤིང་རྟའི་རྣམ་པ་དང་། གླང་པོ་ཆེའི་རྣམ་པ་དང་། གྲོང་ཁྱེར་ཆེན་པོའི་རྣམ་པ་དང་། གཞོན་ནུ་ལང་ཚོ་མའི་རྣམ་པ་དང་། ཁང་བུ་བརྩེགས་པ་བརྒྱ་ཕྲག་གི་རྣམ་པ་རྣམས་དང་། སྐྱེད་མོས་ཚལ་དང་། གདུགས་དང་། བླ་བྲེ་དང་།དྲུ་བ་དང་། དྲུ་བ་ཕྱེད་པ་དང་། ལྡ་ལྡི་དང་། བ་དན་དང་། རྒྱལ་མཚན་དང་། ཀུན་དགའ་རྭ་བའི་རྣམ་པ་ལ་སོགས་པར་སྤྲུལ་ནས། ཕ་རོལ་དུ་འགྲོ་བ་དང་། ཚུར་རོལ་དུ་འོང་བ་དང་། རང་ས་ན་ལྡིང་བ་དང་། དགའ་བ་དང་། བརྩེ་བ་དང་། དགའ་མགུར་སྤྱོད་པ་དང་། ཇི་ཙམ་ན་དེ་དག་གི་རུམ་ལས། ལྷའི་མེ་ཏོག་མནྟྲ་ར་བ་དང་། པུནྟྲ་རི་ཀ་དང་། ནི་ལོརླ་ལའི་འདབ་མ་ལྟ་བུའི་སྦྲང་ཆར་ཟིམ་བུ་དག་ཀྱང་དུས་མ་ཡིན་པར་འབེབས་པ་དང་། དུས་ཡིན་མ་པར་ངེས་སུ་འཇུག་པའི་ངོ་མཚར་ཅིར་ཡང་འཆར་བས། སྐྱེ་བོ་རྣམས་ཀྱི་ཡིད་ཚིམ་པ་ཆེན་པོའི་དགའ་སྟོན་དང་། རྣམ་པར་ཤེས་པ་གཞན་དབང་དུ་གྱུར་བའི་ཞགས་པ་དམ་པོས་འཆིང་བ་ཙམ་དུ་གྱུར་ཅིང་། རེས་འགའ་ནི་སྤྲིན་ནག་པོ་དང་། འཐོར་རླུང་དྲག་པོ་མ་ཡིན་པར་བྱུང་བ་རང་བཞིན་གྱི་བག་ཕེབས་པར་བྱེད་པའི་ལྷོ་སྤྱིན་ནགས་ཚལ་སྟུག་པོའི་སྤུན་ཟླར་གྱུར་པ་དག་གིས་རུམ་ནས་ཧ་ཅང་མྱུར་བ་དང་། ཧ་ཅང་རྩུབ་རོ།་་4་ཡིན་པའི་དབྱར་གྱི་རྔ་གསང་སྐབས་ཕྱེད་པ་ཉིད་སྒྲ་ལྷང་ལྷང་བའི་དབྱངས་སུ་དལ་བུར་ལྡིར་བས། སྟོན་གྱི་འབྲས་བུས་གཅིག་ཏུ་གདུངས་པའི་རྨ་བྱ་གཞོན་ནུའི་ཚོགས་ལ་དགའ་བའི་དངོས་པོ་བརྒྱ་ཕྲག་མང་པོ་ས་ཀྱང་ཕྱོགས་མི་མཚོན་པར་བྱེད་པ་དང་། ལྷའི་བུ་ཉི་མའང་བ་ལང་སྤྱོད་ཀྱི་མུན་པ་དང་། སྒྲ་མི་སྙན་གྱི་ལོངས་སྤྱོད་ལ་ཅི་ཡང་མི་སེམས་པར་ལྷོ་འཛམ་བུའི་གླིང་ཁོ་ན་ཡིད་ལ་སེམས་ཤིང་། དུས་སྦྱོར་བཅུ་གཉིས་ཀྱི་ཏྭརྐ་ལ་ཕྱུག་པ་ལ་སྤྲོ་བར་གྱུར་ནས་རྟ་བདུན་གྱི་ཤིང་རྟ་ལའང་འཁུན་པར་བྱེད་པས། གོ་ལའི་རླུང་གི་འཁྲུལ་འཁོར་བཤིག་པར་རྩོམ་པ་དང་། དེ་བཞིན་དུ་སའི་ལྷ་མོ་བསྟན་མ་ནི་རྫོགས་པའི་སངས་རྒྱས་དང་དེའི་བསྟན་པ་ལ་ཤིན་ཏུ་དད་པས་རང་གི་ལུས་ཐམས་ཅད་གསེར་དང་། དངུལ་དང་། གཡུ་དང་། བྱུ་རུ་དང་། མུ་ཏིག་དང་། བི་ཌརུ་དང་། ནོར་བུ་མཐོན་ཀ་དང་། ཀེ་ཀེ་རུ་ལ་སོགས་པ་ལྟ་དང་མིའེ་རིན་པོ་ཆེ་སྣ་ཚོགས་པའི་འབྱུང་གནས་སུ་བྱིན་གྱིས་རློབ་ཅིང་། རི་དང་། ཀླུ་དང་། ཐང་དང་། ནགས་ཚལ་དང་། སྐྱེད་མོས་ཚལ་དང་། ཞིང་ས་གཤིན་པོ་ལ་སོགས་པར་དེ་དང་དེའི་ཡོན་ཏན་བསྐྱེད་པར་བྱེད་པ་ལ་འདུན་ཅིང་། འགྲོ་བ་རྣམས་ཀྱི་སྲོག་གིས་དབང་པོ་དང་ལུས་ཀྱི་ཟུངས་རིང་མོའི་མཐར་ཡང་བསྐྱེད་བསྲིང་བར་བྱེད་པའི་འཚོ་བའི་བཅུད་ལེན་དམ་པར་བྱེད་པ་སོགས་སྣོད་བཅུད་ལ་དགེ་མཚན་རྒྱ་ཆེན་པོསྟེར་བའིབྱ་བ་ལ་གཅིག་ཏུ་བྲེལ་བས་བཀྲ་ཤིས་པའི་ཆོ་ག་དབྱངས་སུ་ལེན་པ་འདི་ནི་རྒྱལ་བའི་བསྟན་པ་ལ་གུས་པ་བསྐྱེད་པ་ཁོ་ནའི་མཐུ་གཅིག་པོར་རིག་པར་བྱའོ། །དེ་ལྟ་བུའི་དགེམཚན་གྱིསྣང་བབརྒྱ་ཕྲག་ལ་ངོམསཔ་མེད་པར་སྤྱོད་བཞིན་པར་སང་གི་ཉིན་པར་དངོས་གཞིའི་བྱ་བ། དཀྱིལ་འཁོར་བསྒྲུབ་པ་དང་། བདག་ཉིད་འཇུག་པ་དང་། རྟེན་སྦྱོང་བ་དང་། བཀྲུ་ཞིང་ཕྱི་བ་དང། རིང་བསྲེལ་གཞུག་ཅིངགསོལ་བ་གདབ་པ་དང་། རྟེན་བསྐྱེད་པ་དང་། སྤྱན་དྲངས་པ་དང་། དགུག་ཅིང་རྒྱས་གདབ་པ་དང་། དེ་ལ་གདན་གསུམ་ཚང་བའི་ལྷས་དབང་བསྐུར་བ་དང་། དབང་གི་བསྲེགས་བླུག་དང་། མཆོད་ཅིང་བསྟོད་པ་དང་། སྤྱན་དབྱེ་བ་དང་། གསོལ་བ་བཏབ་པ་དང་། མངའ་དབུལ་བྱ་བ་དང་། གནས་བྱའི་ལྷ་རྣམས་ཐབ་ཏུསྤྱནདྲངས་ནས་རྒྱས་པའི་སྤྱིན་སྲེག་བྱ་བ་སྟེ་དངོས་གཞིའི་རིམ་པ། གཏོར་མ་སྦྱིན་པ་དང་། ཆོས་སྐྱོང་བསྒོ་བ་དང་།དཀྱིལ་འཁོར་མཆོད་པ་དང་། དངོས་གྲུབ་བླང་བ་དང་། ནོངས་པ་བཤགས་པ་དང་། ཞི་བའི་སྤྱིན་སྲེག་དང་། གཤེགས་སུ་གསོལ་བ་དང་། ཡོན་བདག་བསྒོ་བ་དང་། ཤིས་པ་བརྗོད་པ་དང་། བསྔོ་བ་བྱབ་དང་།སྨོན་ལམ་གདབ་པ་དང་། དགའ་སྟོན་བྱ་བ་དང་། སླར་ཡང་ཤིས་པ་བརྗོད་པ་དང་། མཇུག་དོན་བྱ་བ་ལ་སོགས་པ་སྦྱོར་དངོས་རྗེས་གསུམ་གྱི་ཆོ་ག་ཚང་ཞིང་མ་འཁྲུལ་བ་དང་། དོན་དམ་པའི་རབ་གནས་གང་ལ་རབ་ཏུ་གནས་བྱ། གང་གིས་རབ་ཏུ་གནས་བྱེད། གཉིས་ཀ་རྣམ་པར་མི་རྟོག་པ་སྟེ་ཆོས་ཉིད་བསམ་གྱིས་མི་ཁྱབ་པའི་དགོངས་སྤྱོད་དང་མཉམ་པ་ཉིད་དུ་བསྲེས་ནས་རྟེན་གྱི་ཡེ་ཤེས་པ་རྣམས་རྡོ་རྗེའི་ཆོས་བདུན་ལྡན་གྱི་རང་བཞིན་དུ་བསྐལ་པའི་བར་གང་ལ་གཉིས་སུ་མེད་པའི་ཕྱག་རྒྱ་དངོས་པོ་མེད་པའི་ངོ་བོ་ཉིད་ཀྱི་ཕྱག་རྒྱས་བཏབ་ཅིང་རྡོ་རྗེའི་གླུ་དང་གར་ཡང་བྱས་སོ། །དེ་ལྟ་བུའི་ཆོ་ག་ཟབ་མོ་ལ་བརྟེན་ནས་རབ་ཏུ་གནས་ཤིང་། ལེགས་པར་གསུངས་པའི་བཅའ་ག་རྫོགས་པའི་སྐུ་གསུང་ཐུགས་ཀྱི་རྟེན་ནི་གང་དུ་བཞུགས་པའི་ས་ཕྱོགས་སམ། ཡུལ་ཁམས་དེ་དང་དེར། དེ་བཞིན་གཤེགས་པ་སྲས་དང་བཅས་པའི་བྱིན་བརླབས་ཀྱིས་རྟག་ཏུ་བསྲུང་ཞིང་། བྱུར་དང་སྐལ་བ་ངན་པའི་ཕྱོགས་མི་མཐུན་པ་ཐམས་ཅད་རང་བཞིན་གྱིས་དེངས་པར་འགྱུར་ལ། འཇིག་རྟེན་དང་འཇིག་རྟེན་ལས་འདས་པའི་བདེ་ལེགས་དང་དཔལ་གྱི་མངོན་པར་མཐོ་བ་ནི་ཆོས་ཉིད་ཡིན་ནོ། །དེ་ལས་ཁྱད་པར་དུ་འདིར་གླེགས་བམ་གྱི་དེ་ཁོ་ན་ཉིད་ཅུང་ཟད་བརྗོད་ན། རྡོ་རྗེ་ཕུར་པ་གསང་བའི་རྒྱུད་ལས། གླེགས་ཤིང་ཐབས་དང་ཤེསི་རབ་ལ། །་།ག་བུ་ཐེག་པས་ས་གཞི་སྟེ། །ཞི་གནས་ལྷག་མཐོང་ཞིང་གི་རྒྱགས། །དབྱངས་དང་ཡེ་ཤེས་དོན་རྒྱགས་གཉིས། །སྨྱུག་གུ་རིག་པའི་ཡེ་ཤེས་ཏེ། །བྱང་ཆུབ་སེམས་རྟག་སྣག་ཚ་ཡིན། །ཡི་གེ་གསུམ་གྱི་ཕྱག་རྒྱ་བྲི། །བྱེད་པ་པོ་ནི་དམ་ཚིག་ཅན། །ལེགས་ཤིང་ཚད་དང་ལྡན་བྱས་ནས། །སྔགས་མཁན་དམ་ཚིག་བློ་ཅན་གྱིས། །དུས་གསུམ་བཞུགས་པ་ཐམས་ཅད་ཀྱི། །གསུང་གི་དེ་ཉིད་བྱིན་བསྡུས་ནས། །གླེགས་བམ་ཉིད་ལ་བསྟིམ་པར་བྱའོ། །དེ་ཉིད་འཇིག་རྟེན་མ་སྟོངས་བར། །གནས་པར་བྱས་ཏེ་ཞལ་བསྲོས་ལ། །དེ་དོན་བསྒྲགས་པའི་ཆར་ཕབ་པས། །ཉིས་གྲོལ་བདེ་གཤེགས་གསུང་བརྙེས་ཏེ། །གླེགས་བམ་དེ་ཉིད་དུས་གསུམ་གྱི། །མཆོད་པའི་རྟེན་དུ་བཞུགས་སུ་གསོལ། །ཞེས་པ་དང་། ཕན་ཡོན་གྱི་སྒོ་ནས་གཞལ་ན་ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལས། རིན་ཆེན་སྣ་བདུན་ལ་སོགས་ལ། །རྒྱལ་བ་ཀུན་གྱི་རང་བཞིན་གྱིས། །མ་ལུས་བསྡུས་པའི་ངོ་བོ་ཉིད། །སྐུ་གསུང་ཐུགས་ཉིད་བྲིས་པ་ཡིན། །དེ་བས་རྒྱལ་བ་ཀུན་བྲིས་པའི། །ཆེ་བའི་ཡོན་ཏན་བསམ་མི་ཁྱབ། །ཅེས་སངས་རྒྱས་ཐམས་ཅད་ཀྱི་དོན་དམ་པའི་སྐུ་གསུང་ཐུགས་ཀྱི་གསང་བ་བསམ་གྱིས་མི་ཁྱབ་པ་ནི་རྒྱུད་འདི་དག་གི་བརྗོད་བྱར་གནས་པའི་ཕྱིར། རྣ་རྒྱུད་བཟུང་བས་དེའི་ཡོན་ཏན་མ་ལུས་པ་བཟུང་བར་འགྱུར་ལ། རྒྱུ་དེ་ལས་གསུང་གི་རྟེན་ཁོ་ན་མཆོག་ཏུ་བཤད་པ་དང་། དེ་བཞིན་དུ་བྲིས་ཤིང་བཟུང་བའི་ཕན་ཡོན་ཡང་། དེ་ཉིད་ལས། གྲོ་ག་ཤིང་ཤུན་ལ་སོགས་ལ། །གསང་བའི་རྒྱུད་འདིར་རབ་བྲིས་ནས། །རིན་ཆེན་ཁྲི་ལ་ལེགས་བཞག་སྟེ། །གུས་པས་མཆོད་ཅིང་རབ་བཟུང་ནས། །ཇི་སྲིད་གནས་པར་བསམ་པ་ཡིས། །དགའ་བའི་བསམ་པས་འཛིན་བྱེད་ན། །སངས་རྒྱས་ཐམས་ཅད་བཟུང་བ་ཡིན། །ཞེས་སོ། །མདོར་ན་དེ་བཞིན་གཤེགས་པའི་ཆོས་ཀྱི་རྣམ་གྲངས་རེ་རེ་ཙམ་གླེགས་བམ་དུ་བྲིས་ཤིང་བཟུང་བའི་ཕན་ཡོན་ལའང་། བྱང་ཆུབ་སེམས་དཔའ་བྱམས་པས་འདི་ལྟར་དུ་དམ་བཅས་སོ། །བཅོམ་ལྡན་འདས་སླད་མའི་ཚེ་སླད་མའི་དུས་ལྔ་བརྒྱ་པ་ཐ་མལ་དམ་པའི་ཆོས་འཇིག་པའི་དུས་ལ་བབ་ཅིང་། སངས་རྒྱས་ཀྱི་བྱང་ཆུབ་འཇིག་པར་འགྱུར་བ་འཇིག་པ་ཆེན་པོས་འཇིག་པའི་དུས་ལ་བབ་པ་ན་བདག་གིས་ཆོས་ཀྱི་རྣམ་གྲངས་འདི་སྐྱེས་བུ་དམ་པ་དེ་དག་ལ་རབ་ཏུ་བསྟན་པར་བགྱིའོ། །དེ་དག་ལ་གཟི་བྱིན་སྩལ་བར་བགྱིའོ། །ཡུལ་གང་ན་མདོ་སྡེ་འདི་འཛིན་པ་དེ་ལྟ་བུ་དག་གནས་པའི་ཡུལ་དེར་བདག་གིས་དུས་མ་ལགས་པའི་སེར་བ་དང་། དགུང་ཆར་དང་། མུ་གེ་དང་། བྲོ་ནད་ཡ་ང་བ་དང་། མི་ངས་དང་། ཡམས་ཀྱི་ནད་དང་། འགོ་བའི་ནད་དང་། གནོད་པ་དང་། འཁྲུག་པ་ཐམས་ཅད་རབ་ཏུ་ཞི་བར་བགྱིའོ། །ཡུལ་གང་ན་ཆོས་ཀྱི་རྣམས་གྲངས་འདི་འཆང་བ་དང་། གླེགས་བམ་དུ་བགྱིས་པའམ། རྒྱལ་མཚན་གྱི་རྩེ་མོར་བཏགས་པ་ལ་མཆོད་པ་བགྱིད་པའི་ཡུལ་དེར་བདག་གིས་བྱིན་གྱིས་བརླབས་ཀྱིས་ཕ་རོལ་གྱི་དམག་ཚོགས་ཐམས་ཅད་དང་། ཆོམ་རྐུན་དང་། སྲིན་པོ་དང་། མཁའ་འགྲོ་མའི་ཡ་ང་བ་ཐམས་ཅད་རབ་ཏུ་ཞི་བར་འགྱུར་རོ། །གང་དག་ན་ཆོས་སྨྲ་བ་འདི་ལྟ་བུ་དག་དང་། མདོ་སྡེའི་འདི་འཆང་བའི་ཡུལ་དེར་བདག་གི་ལོ་ཏོག་དང་། ནོར་དང་། འབྲུ་དང་། མེ་ཏོག་དང་། ལོ་མ་དང་། འབྲས་བུ་ཐམས་ཅད་ཕུན་སུ་ཚོགས་པ་དང་། བདེ་བ་ཐམས་ཅད་འབྱུང་བར་བྱིན་གྱིས་བརླབ་པར་བགྱིའོ་ཞེས་དང་། གསེར་འོད་དམ་པ་མདོ་སྡེའི་དབང་པོའི་རྒྱལ་པོ་ལས། བཙུན་པ་བཅོམ་ལྡན་འདས་ནམ་མིའི་རྒྱལ་པོས་གསེར་འོད་དམ་པ་མདོ་སྡེའི་དབང་པོའི་རྒྱལ་པོ་འདི་མཉན་ཏེ་ཐོས་ནས། མདོའི་སྡེའི་དབང་པོ་འདི་འཛིན་པའི་དགེ་སློང་དེ་དག་ཕྱིར་རྒོལ་བ་ཐམས་ཅད་ལས་ཀུན་ཏུ་བསྲུང་བར་བགྱིད། ཡོངས་སུ་སྐྱོབ་པ་དང་། ཡོངས་སུ་འཛིན་པ་དང་། ཡོངས་སུ་སྐྱོང་བར་བགྱིད་ན། བཙུན་པ་བཅོམ་ལྡན་འདས་བདབ་ཅག་རྒྱལ་པོ་ཆེན་པོ་བཞིས། མིའི་རྒྱལ་པོ་དེའི་ཡུལ་ཐམས་ཅད་ན་གནས་པའི་སེམས་ཅན་རྣམས་ཀུན་ཏུ་བསྲུང་བར་བགྱི། ཡོངས་སུ་བསྐྱབ་པ་དང་། ཡོངས་སུ་བཟུང་བ་དང་། ཡོངས་སུ་བསྐྱང་བ་དང་། ཞི་བ་དང་བདེ་ལེགས་སུ་འགྱུར་བར་བགྱིའོ། །ཞེས་གསུངས་པས་མཚོན་ལ། ལྷག་པར་སངས་རྒྱས་འཇིག་རྟེན་ན་མངོན་སུམ་པར་བཞུགས་པའི་དུས་དེ་ལ་མཆོད་པར་བྱས་ཤིང་། དེའི་བསྟན་པ་ལ་རྗེས་སུ་ཡི་རངས་བའི་སྲི་ཞུ་བྱས་པ་དང་། དེང་སང་སྙིགས་མ་ལྔ་བདོ་བ། འགྲོ་བའི་རྒྱུད་ལ་རང་བཞིན་གྱིས་གཞན་འཕྲུལ་དབང་བྱེད་ཀྱི་བདག་པོའི་བསླུ་བྲིད་ཀྱི་གནས་མལ་ཆེན་པོ་བལྟར་མི་མངོན་པར་བཅས་ཤིང་། འདོད་ཆགས་བདོ་བ།ཞེ་སྡང་བདོ་བ། གཏི་མུག་བདོ་བ། ང་རྒྱལ་བདོ་བ། ཕྲག་དོག་དོག་བདོ་པ། ཀུན་ཀྱང་ཆ་མཉམ་པར་བདོ་བས་གྲྭ་ཟུར་རྣོལ། བསོད་ནམས་མ་ཡིན་པ་ཁོ་ན་ལ་གཅིག་ཏུ་སྤྲོ་ཞིང་འཇུག་པ་མང་བའི་དུས་འདིར་དེ་བཞིན་གཤེགས་པའི་སྐུ་གསུང་ཐུགས་ཀྱི་རྟེན་ལ་བསྟི་སྟང་དུ་བྱ་བ་དང་། བླ་མར་བྱ་བ་དང་། རི་མོར་བྱ་བ་དང་། བརྗེད་པར་བྱ་བ་ལ་སོགས་པས་སྲི་ཞུ་བསྐྱེད་པ་གཉིས།བསོད་ནམས་ཆ་མཉམ་པར་ཐོབ་པའི་ཚུལ་མེ་ཏོག་བརྩེགས་པའི་གཟུངས་ལས། གང་གིས་དེ་བཞིན་གཤེགས་པར་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ལོ་གཅིག་གམ་ལོ་བརྒྱའམ་ལོ་སྟོང་ཡང་རུང་སྟེ། བདེ་བའི་ཡོ་བྱད་ཐམས་ཅད་ཀྱིས་བསྙེན་བཀུར་བྱས་པ་དང་། དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས་རྟེན་རྣམས་ལ་མེ་ཏོག་འགའ་འབུལ་ལམ་ཆུ་སྙིམ་པ་གང་འཐོར་རམ། བྱུག་པའི་ཐིག་ལེ་འདྲིའམ། མེ་ཏོག་གི་ཉལ་ཉིལ་ཕྱག་གམ། བྱུག་པ་འབུལ་ལམ། སྤོས་འབུལ་ལམ། འདུག་སྤོས་འབུལ་ལམ། མར་མེ་འབུལ་ལམ་ཕུལ་ནས་དགའ་པའི་སེམས་ཀྱིས་གོམ་པའི་སྟབས་འགའ་བོར་ཏེ། སངས་རྒྱས་བཅོམ་ལྡན་འདས་ལ་ཕྱག་འཚལ་ལོ་ཞེས་སྨྲ་བ་དེ་དག་ནི། སེང་གེ་རྣམ་པར་བརྩེ་བ་བསྐལ་པ་བརྒྱའམ། བསྐལ་བ་སྟོང་དུའམ། བསྐལ་པ་བརྒྱ་ཕྲག་སྟོང་དུ་ཡང་ངན་འགྲོ་ལོག་པར་ལྟུང་བའི་གནས་སུ་འགྲོ་བར་འགྱུར་བ་དེ་ནི་གནས་མེད་དོ། །ཞེས་པས་དཀར་པོ་རྣམ་པར་འཕེལ་བའི་བསོད་ནམས་ཀྱི་ཤིང་རྟ་ལ་འཛགས་པར་སྤྲོ་བ་རྣམས། དེང་དེ་བཞིན་གཤེགས་པ་དངོས་ཀྱི་སྣང་བ་མེད་པས་ཚོགས་ཀྱི་ཞིང་རྒྱ་ཆུང་ངུར་གྱུར་རོ་སྙམ་པ་སྤངས་ནས། སྐུ་གསུང་ཐུགས་ཀྱི་རྟེན་འདི་དག་ལ་རིམ་གྲོ་ཆེན་པོ་བསྐྱེད་ཅིང་། བྱེ་བྲག་ཏུ་གསུང་གི་རྟེན་ནི་སློབ་དཔོན་སེང་གེ་བཟང་པོའི་ཡུམ་གྱི་འགྲེལ་པ་ལས། གཙོ་བོར་ཆོས་ཀྱི་སྐུའི་དེ་བཞིན་གཤེགས་པ་ཉིད་ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཡིན་ནོ། །དེ་བས་ན་དེ་སྟོན་པར་བྱེད་པའི་རྒྱལ་བའི་ཡུལ་ལ་མཆོད་ན་ཐམས་ཅད་མཁྱེན་པའི་ཡེ་ཤེས་ཀྱི་ཆོས་ཀྱི་སྐུ་ལ་མཆོད་པའི་ཕྱིར་བསོད་ནམས་མང་དུ་སྐྱེ་བ་ཡིན་ནོ། །ཞེས་དྲི་མ་མེད་པའི་གསུང་རབ་རྣམས་ལས་ཡང་ནས་ཡང་དུ་གསུང་པའི་དོན་ལ་ཡིད་རྟོན་པར་བྱས་ཏེ། མཆོད་པ་དང་། འདྲི་བ་དང་། ཀློག་པ་དང་། འཆད་པ་དང་། ཁ་བཏོན་བྱེད་པ་དང་། འཆང་ཞིང་ཕུ་དུད་དུ་བྱ་བ་སོགས་ལ་བསོད་ནམས་ཚད་མེད་པ་ཉིད་དུ་འཕེལ་སྟེ། འདི་ལྟར་ཆོས་སྤྱོད་བཅུའི་ཡན་ལག་ཕལ་མོ་ཆེའང་གསུང་རབ་འབྲི་བ་ལ་སོགས་པའི་ཕྱོགས་འདིར་ལྟོས་ཤིང་གནས་པ་ཡིན་ཏེ། རྡོ་རྗེ་ཕུར་པ་འཇིག་རྟེན་སྣང་བྱེད་ཀྱི་རྒྱུད་ལས། ཡི་གེ་འདྲི་མཆོད་སྤྱིན་པ་དང་། །ཉན་དང་འཛིན་དང་ཀློག་པ་དང་། །འཆད་དང་ཁ་བཏོན་བྱེད་པ་དང་། །དེ་སེམས་པ་དང་སྒོམ་པ་དག །དེ་བཞིན་གཤེགས་པའི་ངོ་བོ་ཉིད། །བླ་མེད་བྱང་ཆུབ་ཐོབ་་་ང་འགྱུར། །གང་ཞིག་འདི་ལ་མོས་གྱུར་པ། །རྒྱལ་བ་རྣམས་ཀྱིས་བསྔགས་པ་ཡི། །ཡོན་ཏན་ཐམས་ཅད་འབྱུང་བར་འགྱུར། །ཅེས་གསུངས་པའི་ཕྱིར་རོ། །ད་ནི་གསང་རྒྱུད་རྒྱ་མཚོ་གཉུག་མར་གནས་པའི་གཙུག་ལག་ཁང་དུ་སྤྱོན་པར་བྱས་པའི་གཏམ་ནི། དུས་ཚོད་དེ་ནས་ཞག་གི་ཕུང་པོ་དྲུག་ཏུ་འདས་པ། སྔོན་གྱི་ཚེ་གྲོང་ཁྱེར་ཆེན་པོ་མཉན་ཡོད་དུ་བདག་ཅག་གི་སྟོན་པ་སྤངས་རྟོགས་བསམ་གྱིས་མི་ཁྱབ་པ། གནས་དང་གནས་མ་ཡིན་པ་མཁྱེན་པ་ལ་སོགས་ཏེ་སྟོབས་བཅུ། ཆོས་ཐམས་ཅད་མངོན་པར་རྫོགས་པར་བྱང་ཆུབ་པ་ལ་སོགས་ཏེ་མི་འཇིགས་པ་བཞི། དེ་བཞིན་གཤེགས་པ་ལ་འཁྲུལ་པ་དང་ཅ་ཅོ་མེད་པ་ལ་སོགས་ཏེ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད། ཆོས་ཐམས་ཅད་བདག་མེད་པ་ཡིན་ན་སེམས་ཅན་རྣམས་བདག་མེད་པར་མ་མོས་པ་དེའི་ཕྱིར་སེམས་ཅན་རྣམས་ལ་དེ་བཞིན་གཤེགས་པའི་ཐུགས་རྗ་ཆེན་པོ་སྐྱེ་བ་ལ་སོགས་པའི་ཐུགས་རྗེའི་མཚན་སུམ་ཅུ་རྩ་གཉིས། གུས་པར་ཉན་པ་རྣམས་ལ་སེམས་སྙོམས་པ་ལ་སོགས་ཏེ་དྲན་པ་ཉེ་བར་གཞག་པ་བཞི། དེ་བཞིན་གཤེགས་པའི་སྐུའི་ཕྲིན་ལས་ཀྱི་སྤྱོད་པ་ཡོངས་སུ་དག་པ་ལ་སོགས་ཏེ་བསྲུང་བ་མེད་པ་བཞི། ཆོས་སོ་སོར་ཡང་དག་པར་རིག་པ་ལ་སོགས་ཏེ་རྣམ་པ་ཐ་དད་པ་བཞི། ལྷའི་མིག་ལ་སོགས་ཀྱི་མངོན་པར་ཤེས་པ་དྲུག །དེའི་གནས་སྐབས་ལས་བྱུང་བའི་རྫུ་འཕྲུལ་གྱི་ཡན་ལག་ཆོ་འཕྲུལ་ཆེན་པོ་གསུམ། དབུ་གཙུག་ཏོར་དང་ལྡན་པ་ལ་སོགས་ཏེ་མཚན་བཟང་པོ་སུམ་ཅུ་རྩ་གཉིས། སེན་མོ་ཟངས་ཀྱི་ཁ་དོག་ཏུ་གྱུར་པ་སོགས་དཔེ་བྱད་བརྒྱད་ཅུའི་ཡོན་ཏན་རྣམས་ཀྱི་མངའ་བདག་ཆེན་པོ། ལྷ་དང་བཅས་པའི་འཇིག་རྟེན་ཀུན་གྱི་མཆོད་པའི་གནས་ཆེན་པོ་དེ་ལྟ་བུ་ལ་ལོག་སྲེད་ཀྱི་རྣམ་པར་རྟོགས་པས་སྲིན་བུའི་འོད་ཀྱིས་ཉི་ཟླའི་སྣང་བ་འགོག་པར་སེམས་པའི་གཏུམ་པོ་གཟུ་ལུམས་ཅན་མུ་སྟེགས་བྱེད་ཀྱི་སྟོན་པ་དྲུག་འཁོར་དང་བཅས་པས་འགྲན་ཟླར་བྱས་པ་ནི། བདག་ཅག་གི་སྟོན་པ་འདི་ནི་ཐུགས་རྗེ་བསམ་གྱི་མི་ཁྱབ་ཅིང་། སེམས་ཅན་འདུལ་བའི་ཐབས་ལ་མཁས་པ་ཡིན་པས་ཕྱིར། རྒྱུ་འདི་ལས་གནས་སྐབས་དེ་དང་ད་ལྟ་ཕྱི་མའི་མུར་ཐུག་གི་བར་འགྲོ་བ་རྣམས་ཀྱི་བསོད་ནམས་རྒྱ་མཚོའི་འཇུག་ངོགས་དམ་པར་དུས་བྱིན་གྱིས་བརླབས་ཏེ། དགེ་བའི་རྩ་བ་ཉུང་ངུ་ཡང་མང་པོར་བྱེད་པའི་དགོས་པ་རྒྱ་ཆེན་པོ་གཟིགས་ནས་ཆོ་འཕྲུལ་འགྲན་པར་ཞལ་གྱིས་བཞེས་སོ། །དེ་ལྟར་བཞེས་ནས་ཆོ་འཕྲུལ་གྱི་འདུན་ཁང་མངོན་པར་སྤྲུལ་ཏེ། འབྱུང་རྩིས་པ་རྣམས་ཀྱི་དཔྱིད་ཟླ་ཐ་ཆུང་། གསོ་དཔྱད་ཀྱི་རྒྱུད་ལས།དཔྱིད་ཟླ་གསུམ་ནི་ཤིང་རྩི་ཁ་འབུས་དུས། །རྟ་པ་དབོ་དང་ནག་པས་ནམ་ཚོད་འཛིན། །ཞེས་པ་ལྟར་དཔྱིད་ཟླ་ར་བར་གྲགས་པ་རྒྱུ་སྐར་གྱི་ལྷ་མོ་རྟ་པས་ཉ་བར་བྱེད་པ་ཆོ་འཕྲུལ་ཆེན་པོའི་ཚེས་གཅིག་ལ་ཀོ་ས་ལའི་རྒྱལ་པོ་གསལ་རྒྱལ་གྱིས་མཆོ་།་ཅིང་། ཚམས་ཤིང་འོད་སྲུང་བྱིན་གྱི་བུ་མོའི་པང་བར་བཙུགས་པ་ལས། སྐད་ཅིག་ཉིད་ལ་རྒྱ་ཁྱོན་དང་ཡལ་གའི་ཁོ་ལག་རྫོགས་པའི་དཔལ་དུ་འབར་ཞིང་། ཆོས་ཀྱི་སྒྲ་སྒྲོགས་པའི་དུས་ཀྱི་ཉིན་ནས་བརྩམས། ཕྱོགས་གཅིག་གི་དུས་ཚོད་ལ་ཡོལ་བ་མ་བྱིན་གྱི་བར་། སྟོན་པ་དྲུག་འཁོར་བརྒྱད་ཁྲི་དང་བཅས་པ་དག་གིས་ཟག་པར་བཅས་པའི་རྫུ་འཕྲུལ་གྱི་ཉེ་བར་ལེན་པའི་འཁྲི་ཤིང་ས་ཆེན་པོ་འདིའི་འོག་ཏུ་ཡིབས་པ་ལ་གདོན་མི་ཟ་བའི་གནས་སྐབས་ནི་བྱིན། ཅང་མི་སྨྲ་བ་དང་། ཡུལ་ཡུལ་པོའི་བརྟུལ་ཞུགས་གསར་བུ་ལ་ནི་བཀོད། རྗོ་ཐོགས་པ་མེད་པའི་བཞིན་རས་ལ་སོར་མའི་པར་གྱི་འདེབས་པ་ཙམ་གྱི་སྒྲིབ་བྱེད་དམ་པོས་འགེབས་སུ་བཅུག་པ་དེ་བཞིན་གཤེགས་པའི་ཆོ་འཕྲུལ་ཆེན་པོའི་རོལ་པ་ཟད་མི་ཤེས་པ་ལས། ཕྱི་རོལ་དུ་ཡུལ་ཉི་ཤུ་རྩ་བཞིར་མཁའ་འགྲོ་མ་རྣམས་འདུ་བའི་ཆོ་ག་རྒྱ་ཆེན་པོས་བྲེལ་ཞིང་། ནང་རྡོ་རྗེའི་ལུས་ལ་རྒྱུད་སྡེ་ཟབ་མོ་ནས་བཤད་པའི་རྩ་རླུང་སེམས་གསུམ་གྱི་འདུ་བ་རྟེན་དང་བརྟེན་པར་འཛོམ་པའི་ངོ་མཚར་རྒྱ་མཚོ་ལའང་སྤྱོད། སངས་རྒྱས་གཉིས་པ་སློབ་དཔོན་ཆེན་པོའི་ཡང་དུས་ཀྱི་མཆོད་པའི་ངེས་པ་ཆེན་པོ། ཁྱད་པར་སྟོན་མཆོག་རྫོགས་པའི་སངས་རྒྱས་འཇིག་རྟེན་སྐྱོང་བ་བཞིས་མཆོད་ཅིང་མཚན་དཔེའི་ངོ་མཚར་རྒྱལ་ཆེན་རིས་བཞི་གནས་ནས་འོག་མིན་ལ་ཐུག་གི་བར་གྱི་བླའི་མཆོད་སྡོང་པོར་བཞེངས་ནས། གཉེན་འཇམ་ཡིད་དུ་འང་བ་ལ་སོགས་ཏེ་དབྱངས་ཀྱི་ཡན་ལག་དྲུག་ཅུའི་རྒྱན་གྱི་མཛས་པའི་ཆོས་ཀྱི་རྔ་བོ་ཆེ་བརྡུངས་པའི་དུས། དཀར་པོའི་ཕྱོགས་ཀྱི་རྫོགས་པ་གཉིས་པའམ། གྲལ་ཚས་བཅུ་པའི་ངོ་མཚར་མཆོག་གི་སྣང་བ་འབུམ་ཕྲག་དུ་མར་འཛག་པའི་ཉིན། རང་ཅག་གི་གྲྭ་ས་ནས་སྟོན་པ་མཆོག་གི་རྗེས་སུ་ཞུགས་པའི་རབ་ཏུ་བྱུང་བ་གཞོན་ནུའི་ངང་ཚུལ་བ། འཇིག་རྟེན་གསུམ་ན་ཐོས་པར་དཀའ་བའི་ངུར་སྨིག་རྒྱལ་མཚན་ཅན་བཅུ་ཕྲག་གཉིས་ཀྱི་ཕྲག་པ་ན་རྒྱུད་འབུམ་རིན་པོ་ཆེ་མ་ཚང་བ་མེད་པ་ཡོངས་སུ་བཟུང་ཞིང་། འཆི་བ་མེད་པའི་གོས་བཟང་ཁ་དོག་སྣ་ཚོགས་པ་གཅལ་དུ་བཀྲམ་པའི་རྟེན་ཁེབས་ཀྱི་ནི་ལཉབ་ལྷུབ་ཏུ་བྱས། སྤོས་ཀྱི་བདུག་པ་དང་། ཕྱེ་མ་ཕུར་མ་དང་། གདུགས་དང་། རྒྱལ་མཚན་དང་། བ་དན་ལ་སོགས་པའི་བསྟི་སྟང་གིས་མདུན་བསུས། བསོད་ནམས་དམ་པའི་ཡུལ་ལ་སྲི་ཞུ་འདི་ནི་རང་ཅག་གིའང་ཁུར་དུ་བཀལ་བར་འོས་པ་ཉིད་དེ། རྐང་པའི་འདུ་འགོད་ཉམས་ཉེས་ཤིང་ལང་ཚོའི་སྟོབས་ལས་ཡོལ་བའི་ཕྱིར་དང་། འཇིག་རྟེན་དང་ཡང་མཐུན་པར་འཇུག་པས་བདག་ཅག་རྣམས་ཀྱང་ཅང་ཤེས་བཟང་པོ་རྒྱན་གྱི་སྤྲས་པའི་སྟེང་ན་འཛགས་ཏེ། འོ།་ཀའི་ཆོས་རྣམ་པ་ཐ་དད་པ་བརྒྱད་པོའང་ནང་དུ་འདོད་པ་ཟད་པའི་ཆོས་ཉིད་ཅན་ལ་གདོད་ནས་རྨི་ལམ་དང་སྒྱུ་མའི་རང་བཞིན་དུ་མཆིས་པ་དེ་ཉམས་འོག་ཏུ་བཙུད་ནས། འདི་ལྟར་དཀོན་མཆོག་གསུམ་གྱི་ཕྱོགས་དད་པའམ། རྗེས་སུ་ཡི་རངས་བས་ཐ་ན་གོམ་པ་བདུན་གྱི་བར་དུ་བསུ་བསྐྱེལ་བྱས་པ་ལའང་བསོད་ནམས་དཔག་ཏུ་མེད་པ་ཐོབ་པའི་ཕྱིར་ཞབས་འབྲིང་གི་ཚུལ་དུ་བསྟི་སྟང་བྱས་སོ། །ཚུལ་དེ་ལྟ་བུས་དཔལ་ཨོ་རྒྱན་ཆོས་ཀྱི་རྒྱལ་པོ། གང་གིས་གཏམ་ལྷའི་ཞུ་ལན་དུ་གྲགས་པ་གུ་རུ་ཆོས་ཀྱི་དབང་ཕྱུག་གི་དུས་གསུམ་མ་བསྒྲིབས་པར་གསལ་བར་སྟོན་པའི་ལུང་བསྟན་ལས། བང་སོ་དམར་པོའི་ཤར་རམ་ལྷོ་ཡི་ཕྱོགས། །ལྷ་བབས་མཆོད་རྟེན་དགོན་སྡེ་འཆའ་ཡང་སྲིད། །ཅེས། རྡོ་རྗེའི་ལུང་གིས་གསལ་བར་བསྟན་པ་བཞིན། སྔ་འགྱུར་རྡོ་རྗེ་ཐེག་པའི་རིང་ལུགས་འཛིན་པ་སྐར་ཚོགས་ལྟ་བུའི་དབུས་ན་མདོ་སྔགས་ཀྱི་གཞུང་ལུགས་རྒྱ་མཚོ་ལྟ་བུའི་ཕ་རོལ་ཏུ་སོན་པ་ཀུན་མཁྱེན་ངག་གི་དབང་པོ། རོང་པ་ཆོས་ཀྱི་བཟང་པོ མངའ་རིས་མ་ཧྭ་པརྙི་ཏ། ཀུན་མཁྱེན་ཤས་རབ་འོད་ཟེར་ཏེ། རྣམ་པ་བཞི་པོ་འདི་ལ་དོ་ཟླར་འོས་པ་སྔ་ན་མ་བྱུང་བའི་ཡ་གྱལ། དོན་དམ་པར་རྒྱལ་བའི་དབང་པོ་མཚོ་སྐྱེས་རྡོ་རྗེའི་རྒྱལ་ཚབ་ཆེན་པོ། རྣམ་པར་སྣང་མཛད་བི་རོ་ཙ་ན། མཁས་གྲུབ་ཁྱུང་པོ་རྣལ་འབྱོར། རྗོག་ལོ་བློ་ལྡན་ཤེས་རབ། གཡུ་བྲག་པ་འགྲོ་བའི་མགོན་པོ། དཔལ་ཆེན་ཆོས་ཀྱི་ཡེ་ཤེས། བྱ་འདུལ་བ་འཛིན་པ། གཡག་སྡེ་མཧྭ་པརྙི་ཏ། པཎ་ཆེན་འབུམ་ཕྲག་གསུམ་པ་ལ་སོགས་ཏེ་ཐུགས་རྗེ་ཡང་སྤྲུལ་གྱི་སྐྱེས་རབས་ཨུ་དུམ་ཝ་རའི་འཁྲི་ཤིང་ལ་བརྟེན་ནས་མཁྱེན་རབ་བྱང་ཆུབ་བར་དུ་འཕེལ་བར་བྱས་པའི་མངོན་སུམ་ཚད་མ། ཀུན་མཁྱེན་བླ་མ་ཤརྙ་པུ་རི་པས་མངོན་པར་བསྐྲུན་པའི་གདན་ས་ཆེན་པོ། ལྟར་སྣང་སྲིད་པའི་ཕུན་ཚོགས་རྒྱ་ཆེན་པོས་བྲེལ་བའི་སྙེངས་པ་ལ་གཅིག་ཏུ་འཇུག་པ་མི་བརྩོན་ཡང་། ནང་རྡོ་རྗེའི་ལམ་ལ་རྣལ་འབྱོར་པའི་གང་ཟག་དམ་པ་མང་པོ་རྒྱུད་མར་བྱོན་ཏོ་ཞེས་ཡོངས་སུ་གྲགས་པ་ཕྲི་པརླ་མཧྭ་ཡུ་ནཱ་སྟེ། དཔལ་རི་ཐེག་པ་ཆེན་པོའི་གླིང་གི་ཉེ་འདབས་སུ་སྤྱོན་པ་ན། སིནྟྲ་ཝ་རའི་རྒྱ་མཚོ་ཆེན་པོ་དབའ་རླབས་ཀྱི་ལྕེ་ཞགས་ནམ་མཁའི་མཐོངས་སུ་འཕྱོ་བ་སྙམ་ཕྱེད་པའི་དགེ་འདུན་ངང་པའི་རྒྱལ་པོ་ཤིན་ཏུ་དུལ་བ་བཞིན་དུ་གོམ་པ་དལ་གྱིས་འདོར་བ་དག་མུ་ཏིག་བསྟར་ལ་རྒྱུས་པ་ལྟ་བུའི་ཕྲེང་བར་བཀོད་པའི་ཕང་པར། ཆོས་དུང་དཀར་པོ་གཡས་སུ་འཁྱིལ་བ་དང་། གདུགས་དང་། རྒྱལ་མཚན་དང་། བ་དན་དང་། ཕྱེ་མ་ཕུར་མ་དང་། འཕན་རྩེ་གསུམ་པ་དང་། རིན་པོ་ཆེའི་རྔ་ཡབ་དང་། བསིལ་གཡབ་གདུང་བ་སེལ་བ་དང་། རྔ་བོ་ཆེ་དང་། རྫ་རྔ་དང་། རྔ་ཕྲན་དང་། རྔ་ཆེན་དང་། པི་ཝང་རྒྱུད་གཅིག་པ་དང་། རྫ་རྔ་ཁ་གཅིག་པ་དང་། ལྕགས་ཀྱི་སིལ་ཁྲོལ་དང་། འཁར་བའི་སིལ་ཁྲོལ་དང་། པི་ཝང་རྒྱུད་གསུམ་པ་དང་། རྔ་ཀུ་མུན་དང་། སིལ་སྙན་གླུ་དབྱངས་དང་བསྟུན་པ་དང་། ཕེབ་རྡོབ་དང་། དུང་ཆེན་དང་། རྒྱ་གླིང་ལ་སོགས་པ་ཕལ་མོ་ཆེ་ནི་མངོན་སུམ་པའི་ཆོས་ལ་གནས། ལ་ལ་ནི་ཏིང་འཛིན་གྱི་ཆོ་གར་བྱས་པའི་མདུན་བསུའི་བཀོད་པ་རྒྱ་ཆེན་པོ་དང་བཅས་ཏེ་ཕེབས་པ་ན། གང་དང་ཉེ་བའི་ཕྱོགས་ག་ལ་བར་གྲོང་དང་གྲོང་ཁྱེར་སྦྲང་རྩིའི་བཟའ་བ་གསོག་པའི་བང་མཛོད་ལ་འགྲན་པ་དག་ཡོད་པའི་སྐྱེ་བོའི་ཚོགས་ཁྲོམ་དུ་འཁྱིལ་བ་དག་ཀྱང་། དད་པ་དང་རྗེས་སུ་ཡི་རངས་བའི་ཆོ་ག་ཡིད་ལ་སེམས་བཞིན་དུ་ལྷགས་ཏེ་རྟེན་དང་ཁོ་བོ་ཅག་ལ་མིག་མི་འཛུམས་པར་བལྟ་ཞིང་མགོ་བོས་གཏུག་པར་བྱེད་དོ། །དེར་གཙུག་ལག་ཁང་གི་ཐ་གྲུ་རྣམ་པར་ཡངས་པའི་འཛུམ། རྒྱལ་བའི་བཀའ་འགྱུར་རོ་འཚལ་དང་། དགོངས་འགྲེལ་བསྟན་འགྱུར་རིན་པོ་ཆེའི་དབུས་ན་ལྷམ་མེར་གསལ་བའི་མདུན་དུ། འདི་ལྟར་ཤིན་ཏུ་འཛའ་བར་གྱུར་པའི་ཕོ་ནུའམ། བསྐྱེད་པར་བྱེད་པ་དང་། སྐྱེ་བའི་ལམ་སྟེར་དང་། སྐྱེ་བའི་མྱུ་གུ་གསུམ་ཕན་ཚུན་ཕྱོགས་ཕྱོགས་སུ་དབྲལ་བར་གྱུར་པ་སླར་གཅིག་ཏུ་ཚོགས་པ་བཞིན། གངས་རིའི་ཁྲོད་ན་རྒྱལ་གསུང་བདེན་པར་སྨྲ་བ་ཡིད་ལ་གཉིས་སུ་འཛིན་པའི་དབྱེན་གྱིས་ཐ་དད་དུ་ཕྱོགས་ནས་ཡུན་དེ་སྲིད་ཅིག་མཛའ་བར་མ་གྱུར་པ། དེང་ལྗོན་པའི་ལང་མཚོ་མིག་མངས་རིས་སུ་བྲིས་པའི་ཀུན་དགའ་རྭ་བ་གཅིག་གི་ནང་དུ་མཉམ་པ་ཉིད་དུ་འདྲེས་པར་གྱུར་པས། ལྷ་དང་བཅས་པའི་འཇིག་རྟེན་ཐམས་ཅད་ཁོ་བོ་ཅག་གི་བསོད་ནམས་དམ་པའི་དོ་ར་ཡངས་པར། ཁྱོད་གཅིག་ཁོ་ནའི་སྨོན་ལམ་གསར་པའི་རྒྱང་གླུའི་རོལ་མོ་སྙན་པར་འཁྲོལ་བས་རིང་མོའང་དུས་ནས་ཕྱོགས་འདིར་བོས་པའི་མགྲོན་གྱི་དམ་པ་འདི་ནི་ཨེ་མ་མ་ལ་ཞེས་ད་དིར་དབྱངས་སུ་སྒྲོག་པའི་དགའ་བ་བརྒྱ་ཕྲག་གི་སྣང་བས་བརྩེན་པར་བྱེད་པ་མཐོང་ངོ་། །དེ་མ་ཐག་ཏུ་བདག་ཉིད་དགེ་འདུན་འདུས་པའི་གྲལ་དབུས་ན་རྡོ་རྗེའི་སློབ་དཔོན་གྱི་བརྟུལ་ཞུགས་ཉིད་དུ་གནས་པས་ཕྱིར་འབྲང་གི་བགེགས་རྣམས་རྒྱ་མཚོ་ཆེན་པོའི་ཕ་མཐའ་ལ་དེང་སུ་བཅུག ཁྲུས་ཀྱི་བྱ་བ་དང་། སྤྱན་འདྲེན་པ་དང་། མཆོད་པ་འབུལ་བ་དང་། ལྷག་པར་གནས་པའི་མེ་ཏོག་སིལ་མས་ཕྱོགས་ཀུན་གཏོར་བའི་རྗེས་ལ། ཁོ་བོ་ཅག་གིས་དཀོན་མཆོག་གསུམ་གྱི་ཡོན་ཏན་ལ་རྗེས་སུ་བསྔགས་པ་དང་། ཆོ་འཕྲུལ་ཆེན་མོའི་དུས་ལ་ཁྱད་པར་བརྗོད་པའི་ངེས་པ་ཅུང་ཟད་ཀྱིས་སྣ་དྲངས། བཀྲ་ཤིས་པའི་རྫས་བརྒྱད་ཀྱི་བཤད་པའི་སྟོང་ཐུན་རེའི་མཚམས་སུ་དགེ་འདུན་འདུས་པའི་ཚོགས་ཀྱིས་མཐུན་པར་གྱུར་པའི་ཚིག་ཀྭ་ལ་པིསྐོའི་གདངས་སུ་བསྒར་ཞིང་།ཤིས་པ་བརྗོད་པའི་ཡན་ལག་མ་ཚང་བ་མེད་པས་དེ་རིང་གི་ཉིན་ལ་མཐའ་རྒྱས་སུ་བྱས། སང་གི་ནངས་པར་ནས་གདུགས་གཉིས་ཀྱི་བར་ལ་དཀོན་མཆོག་གསུམ་ལ་མཆོད་པའི་སྤྲིན་གྱི་རོལ་པ་རྣམ་པར་བརྐིད་ཅིང་།དགེ་འདུན་རྣམས་ལ་སྲི་ཞུ་ཆེན་པོས་བསྙེན་བཀུར་ནས། རྒྱུད་འབུམ་རིན་པོ་ཆེའི་ཡི་གེའི་དངོས་པོ་སྒྲ་ཚིག་རང་མཚན་པར་སྣང་བའི་གསུང་སྒྲོགས་དང་། རྗེས་འབྲེལ་དུ་རྩ་བ་གསུམ་གྱི་ལྷ་ཚོགས་ལ་ཚོགས་ཀྱི་འཁོར་ལོ་རྒྱ་ཆེན་པོ་དང་། རྡོ་རྗེ་ཆོས་སྐྱོང་རྣམས་ལ་གཏང་རག་གིས་མཆོད་པས་མཉེས་པར་བྱས་ཤིང་། དགེ་འདུན་རྣམས་ལ་ཉིན་སྔ་མར་བསོད་ནམས་ཁ་བཏགས་རེ་དང་། ཕྱི་མར་ཊ༷་ཁ་རེའི་ཕྱག་འགྱེད།མཐར་བསྔོ་བ་སྨོན་ལམ་གྱིས་རྒྱས་འདེབས་པ་ཡན་ཆད་གྱི་སྦྱོར་དངོས་རྗེས་གསུམ་མཐར་ཕྱིན་པ་ཡིན་ནོ། །དེ་བཞིན་གཤེགས་པས་ལེགས་པར་གསུངས་པའི་གསུང་རབ་རྒྱ་མཚོའི་སྙིང་པོར་གྱུར་པ་རིག་པ་འཛིན་པའི་སྡེ་སྣོད་དམ། སྔ་འགྱུར་རྒྱུད་འབུམ་རིན་པོ་ཆེའི་རྟོགས་པ་བརྗོད་པ་འཛམ་གླིང་ཐ་གྲུར་ཁྱབ་པའི་རྒྱན་ཞེས་བྱ་བ་ལས། ཆེད་དུ་བརྗོད་པ་བྱ་བ་ལས་ཀྱི་འཁོར་ལོར་ཇི་ལྟར་བརྩམས་པའི་གཏམ་བརྗོད་པ་སྟེ་སྐབས་བདུན་པའོ།། །།ད་ནི་ཡིད་བཞིན་གྱི་ནོར་བུ་ལྟ་བུའི་ནང་རྒྱུད་རིན་པོ་ཆེ་ཡོ་ག་གསུམ་རྗེས་འབྲངས་བསྟན་སྲུང་དང་བཅས་པའི་ཆོས་ཀྱི་བཞུགས་བྱང་དང་། ལོ་པཎ་སོ་སོའི་འགྱུར་བྱང་། ལེའུ་གྲངས་སགས་ཀྱི་རྣམ་བཞག་ཞིབ་མོར་བཤད་པར་བྱ་སྟེ། ༼ཀ་པ་ལ༽ རྡོ་རྗེ་སེམས་དཔའ་ནམ་མཁའ་ཆེ་བྲམ་ཟེ་རྒྱས་པའི་རྒྱུད་ལེའུ་བཅུ་དྲུག་པ། །བྱང་ཆུབ་གྱི་སེམས་རྨད་དུ་བྱུང་བ་ལེའུ་ཞེ་གཉིས་པ། ཤི་སིདྷ་དང་། བི་རོ་ཙྭ་ནའི་འགྱུར། བྱང་ཆུབ་གྱི་སེམས་བསྒོམ་པ་ཡི་གེ་མེད་པའི་རྒྱུད་སྐབས་བཅུ་པ་འགྱུར་གོང་འདྲ། ཆོས་ཐམས་ཅད་སེམས་ཉིད་ཡེ་ཤེས་ཀྱི་རྒྱུད་དངོས་གྲུབ་རང་བྱུང་དུ་སྦྱོད་པ་དབང་བསྐུར་བ། རྣ་བརྒྱུད་ཟམ་པ་ལེ་གྲངས་མེད་པ་སྐལ་ལྡན་གྱི་བཅུད་ཆོས་རྫོགས་སོ་ཞེས་པའི་མཐའ་ཅན། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་ཐིག་ལེ་རྒྱ་མཚོ་གནས་ལ་འཇུག་པ་ཞེས་བྱ་བའི་རྒྱུད་ལེའུ་བཅུ་པ།བྲི་མ་ལ་དང་གཡུ་སྒྲའི་འགྱུར། །བྱང་ཆུབ་སེམས་ཀྱི་མན་ངག་རིན་ཆེན་ཕྲེང་བའམ་བང་མཛོད་འཕྲུལ་གྱི་ལྡེ་མིག་ལེའུ་རེ་གཅིག་པ། །མན་ངག་ཐམས་ཅད་ཀྱི་སྡོམ་མམ། མན་ངག་སྤྱིའི་རྒྱ་མདུད་ཅེས་བྱ་བ་ལེའུ་གྲངས་མེད་པ། ཡང་འབྱེད་འཕྲུལ་གྱི་ལྡེ་མིག་བཅུ་བཞི་པ། བང་མཛོད་འཕྲུལ་གྱི་མེ་ལོང་ལེའུ་བཅུ་པ་གནུབས་ཆེན་གྱི་མན་ངག་གཏེར་རྒྱུད། ཐག་རིང་དུ་འགྲོ་བ་ནམ་མཁའ་དང་མཉམ་པའི་རྒྱུད་ལེའུ་ཉེར་ལྔ་པ། ལེའུའི་མིང་སྟོན་པ་འཁོར་ལོ་རྡོ་རྗེ་ཞེས་བྱ་བ་ལེའུ་གྲངས་བཞི་པ། རྙོ་ན་གསྟེ་དང་། བི་རོ་ཙྭ་ནའི་འགྱུར། །བྱང་སེམས་རིན་ཆེན་འཁོར་ལོ་ཞེས་བྱ་བའི་རྒྱུད་ལེའུ་བཅུ་པ། །རྡོ་རྗེ་སེམས་དཔའ་ནམ་མཁའ་ཆེ་རྒྱས་པ་ཞེས་བྱ་བ་ཕ་རྒྱུད་ལེའུ་བཅུ་གཅིག་པ། ཡང་ནམ་མཁའ་ཆེ་རྒྱས་པ་ཞེས་བྱ་བ་རྣལ་འབྱོར་མ་རྒྱུད་ལེའུ་བཅུ་གསུམ་པ། བྲི་མ་ལ་དང་དཔལ་བརྩེགས་ཀྱི་འགྱུར། བྱང་ཆུབ་ཀྱི་སེམས་ཉ་མོ་བག་ལ་ཉལ་ལེའུ་དྲུག་པ། བྱང་ཆུབ་ཀྱི་སེམས་རྨད་དུ་བྱུང་བའམ། ཆོས་ཆེན་པོ་རྨད་དུ་བྱུང་བ་ལེའུ་ཉི་ཤུ་པ། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་རིན་པོ་ཆེ་བཀོད་པ་རྣམ་པར་དབྱེ་བའི་རྒྱུད་ལེའུ་ལྔ་པ། ཤི་ལེནྟྲ་མི་ཏྲ་དང་། འཇིང་གསལ་འབར་གྱི་འགྱུར། བྱང་ཆུབ་ཀྱི་སེམས་རྨད་དུ་བྱུང་བ་ལེའུ་བཅུ་གཅིག་པ་ཕྱི་མ་ཏ་མ་ཉིད་དང་གསུམ་བཞུགས་པ་ཟབ་མོ་པོ་རིའི་ལྷ་ཁང་དུ་བུ་གཉིས་ལུས་སོ་ཞེས་པ། རྡོ་རྗེ་སེམས་དཔའ་ནམ་མཁའ་ཆེ་གསང་བ་སྙིང་པོ་རྣལ་མ་དོན་གྱི་རྒྱུད་ལེའུ་བཅུ་གཉིས་པ། །གསང་སྔགས་ལམ་མཆོག་འདུས་པའི་རྒྱུད་ལེའུ་ལྔ་པ། །ཤི་སིདྷ་དང་། རྡོ་རྗེ་ཡང་དབང་གཏེར་གྱི་འགྱུར། །ཐུགས་ཀྱི་རྒྱུད་རིན་པོ་ཆེ་སྨུངས་པའི་རྒྱན་ལེའུ་ལྔ་པ། གསང་བ་སྤྱི་རྒྱུད་ལེའུ་ཉེར་ལྔ་པ། དྲི་མེད་བཤེས་གཉེན་དང་། གཉགས་ཙྭ་ནའི་འགྱུར། རིན་ཆེན་རྒྱས་པ་ཆེན་པོའི་རྒྱུད་ལེའུ་རེ་གཅིག་པ་རྣམས་སོ། ། ༼ཁ་པ་ལ༽ བྱང་ཆུབ་གྱི་སེམས་ཀུན་བྱེད་རྒྱལ་པོ་ལྟ་བ་ནམ་མཁཇོ་ལྟར་མཐའ་དབུས་མེད་པའི་རྒྱུད་ལེའུ་བརྒྱད་ཅུ་རྩ་བཞི་པ། ཤི་སིདྷ་ཀ་ལ་པ་དང་། བི་རོ་ཙྭ་ནའི་འགྱུར། ཆོས་ཐམས་ཅད་རྫོགས་པ་ཆེན་པོ་བྱང་ཆུབ་སེམས་སུ་འདུས་པའི་མདོ་ལེའུའི་ངེས་བརྗོད་ཡོད་པ་ལ་ཁ་གྲངས་མེད་པའི་མཇུག་བསྟན་པ་ཡོངས་སུ་གཏད་པའི་ལེའུའོ་ཞེས་པས་རྫོགས་པ། ལ་ཟློ་གསང་བའི་འཁོར་ལོ་ཞེས་བྱ་བའི་རྒྱུད་ལེའུའི་དངོས་བསྟན་རྗེས་འབྲེལ་རྫོགས་སོའི་མཐའ་ཅན་ཐེབས་བཅུ་གཅིག་ཡོད་པ།ཆོས་ཐམས་ཅད་རྫོགས་པ་ཆེན་པོ་འཁོར་བ་རྩད་ནས་གཅོད་པ་ནམ་མཁའ་དང་མཉམ་པ་ཡི་གེ་མེད་པའི་རྒྱུད་ལེའུ་བཅུ་གསུམ་པ་མཐའ་ཅན། ཤི་སིདྷ་དང་། བི་རོའི་འགྱུར། རྫོགས་པ་ཆེན་པོ་འཁོར་བ་རྩད་ནས་གཅོད་པ་རྒྱ་མཚོ་དང་མཉམ་པ་རྙོག་པ་མེད་པའི་རྒྱུད་ལེའུ་དངོས་བསྟན་བདུན་རྫོགས་སོའི་མཐའ་ཅན་འགྱུར་གོང་འདྲ། རྫོགས་པ་ཆེན་པོ་འཁོར་བ་རྩད་ནས་གཅོད་པ་ཉི་ཟླ་དང་མཉ་།་པ་དྲི་མ་མེད་པའི་རྒྱུད་ལེའུ་དངོས་བསྟན་བཅུ་གཅིག་རྫོགས་སོའི་མཐའ་ཅན། འགྱུར་གོང་འདྲ། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལེའུ་དངོས་བསྟན་བཅུ་བཞི་རྫོགས་སོའི་མཐའ་ཅན། འགྱུར་གོང་འདྲ། སེམས་སྒོམ་དོན་དྲུག །མན་ངག་རྩལ་ཆེན། བྱང་སེམས་ཁྱུང་ཆེན་རྣམས་དུམ་བུ་རེ། རྡོ་རྗེ་སེམས་དཔའ་ནམ་མཁའ་ཆེ་ལེའུ་ཡོད་གྲངས་མེད་རྫོགས་སོའི་མཐའ་ཅན། འགྱུར་གོང་འདྲ། འདིར་གསན་ཡིགསྔ་ཕྱིདངགོ་བསྟུན་གྱི་ཡིགཆུང་ཞིཀུ་ཡོད། བྱང་ཆུབ་ཀྱི་སེམས་རྨད་དུ་བྱུང་བ་སོགས་རྒྱུད་ཆུང་ཕྱི་འགྱུར་བཅུ་གསུམ། བྱང་ཆུབ་ཀྱི་སེམས་རྩལ་སྤྲུག་ལེའུ་དགུ་པ། ཤི་སིདྷ་དང་། བི་རོའི་འགྱུར། བྱང་སེམས་ཁྱུང་ཆེན་མགོར་དེ་ནས་བཅོམ་ལྡན་འདས་དཔལ་རྡོ་རྗེ་སེ་།ས་དཔའ་ལ་སོགས་པ་རྣམས་ཞེས་ཡོད་པ་ལེའུ་བཅུ་པ། འགྱུར་གོང་འདྲ། ནམ་མཁའ་ཆེ་རྒྱས་པ་ཡི་གེ་མེད་པའི་རྒྱུད་ལེའུ་བརྒྱད་པ། བྱང་ཆུབ་སེམས་སྒོམ་རྡོ་ལ་གསེར་ཞུན་ལེའུ་མེད། ཡང་བྱང་ཆུབ་སེམས་སྒོམ་འཇམ་དཔལ་བཤེས་གཉེན་ཕྱི་མའི་མན་ངག །རྫོགས་པ་ཆེན་པོ་ཡེ་ཤེས་བདུན་བྱུང་གི་རྒྱུད་ལེའུ་བརྒྱད་པ་མགོར་བཀྲ་ཤིས་དཔལ་ཞེས་ཡོད་པ། རིག་པའི་ཁུ་བྱུག་ལེའུ་བདུན་པ། ཤི་སིདྷ་དང་། བི་རོའི་འགྱུར། བྱང་སེམས་བཀྲ་ཤིས་མི་འགྱུར་བ་གསལ་བར་གནས་པའི་རྒྱུད་ལེའུ་བཅུ་པ་བི་མ་ལ་དང་། གཡུ་སྒྲའི་འགྱུར། རྒྱུད་ཀྱི་རྒྱལ་པོ་གསེར་གྱི་རུས་སྦལ་རྩ་བའི་རྒྱུད་ཅེས་བྱ་བ་ལེའུ་སུམ་ཅུ་ཐམ་པ། བི་རོའི་འགྱུར། རིན་པོ་ཆེ་སྣང་བྱེད་ཀྱི་རྒྱུད་ལེའུ་བཅུ་དགུ་པ། བྱང་སེམས་རྨ་བྱ་འཇིང་བསྣོལ་ལེའུ་དྲུག་པ། ཡང་རྨ་བྱ་འཇིང་བསྣོལ་མཐའི་མུན་སེལ་ཆེན་མོ་ཞེས་བྱ་བ་ལེའུ་ལྔ་པ། རྫོགས་པ་ཆེན་པོ་ལྟ་བ་ཡེ་ཤེས་གཏིང་རྫོགས་ལེའུ་ཉི་ཤུ་རྩ་བདུན་པ། ཨ་ཙ་ར་དྲན་པའི་ཡེ་ཤེས་ཀྱི་བོད་ཡུལ་དུ་བསྣམས་པ། བྱང་ཆུབ་ཀྱི་སེམས་སྒོམ་པའི་རྒྱུད་གཤམ་ན་ཐེག་པའི་སྙིང་པོ་རྫོགས་སོའི་མཐའ་ཅན་ལེའུ་བཅུ་གཅིག་རྣམས་སོ། །༼ག་པ་ལ༽ ཀློང་ཆེན་རབ་འབྱམས་རྒྱལ་པོའི་རྒྱུད་ལེའུ་བཞི་བཅུ་རྩ་བདུན་པ།ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལེའུ་བཅུ་བདུན། ཤི་སིདྷ་དང་། བི་རོའི་འགྱུར། བྱང་ཆུབ་གྱི་སེམས་ཀུན་ཏུ་བཟང་པོ་རིག་པ་རང་གི་རྩལ་ཤར་བའི་རྒྱུད་ལེའུ་བཅུ་བཞི་པ། །རྡོ་རྗེ་སེམས་དཔའ་ནམ་མཁའི་མཐའ་དང་མཉམ་པའི་རྒྱུད་ཆེན་པོ་ལེའུ་ཉི་ཤུ་རྩ་བདུན་པ། ཤི་སིདྷ་དང་། བི་རོའི་འགྱུར། རྡོ་རྗེ་སེམས་དཔའ་ནམ་མཁའ་ཆེ་ཀུན་ཏུ་བཟང་པོ་གསང་བའི་སྙིང་པོ་རྒྱུད་ཀྱི་མདོ་ལེའུ་ཉི་ཤུ་རྩ་དྲུག་པ། འགྱུར་གོང་འདྲ། ཡེ་ཤེས་གསང་བ་ཞེས་བྱ་བའི་རྒྱུད་ལེའུ་བཅུ་གཉིས་པ། བྱང་ཆུབ་ཀྱི་སེམས་ཡེ་ཤེས་རྫོགས་པའི་རྒྱུད་ལེའུ་བཅུ་པ། འགྱུར་གོང་འདྲ། རྫོགས་པ་ཆེན་པོ་བྱང་ཆུབ་སེམས་ཀུན་ལ་འཇུག་པ་རྣམ་དག་སྟོན་པའི་རྒྱུད་ལེའུ་ལྔ་པ། བྲི་མ་ལ་དང་། གཡུ་སྒྲའི་འགྱུར། བྱང་ཆུབ་ཀྱི་སེམས་རྡོ་རྗེ་འོད་འཕྲོ་བའི་རྒྱུད་དམ། བྱང་སེམས་རྗེ་བཙན་དམ་པའང་ཟེར་བ་ལེའུ་བཅུ་གཉིས། ཤི་སིདྷ་དང་། བི་རོའི་འགྱུར། རིན་པོ་ཆེ་འཕགས་ལམ་བཀོད་པའི་རྒྱུད་ལེའུ་བཅུ་པ། འགྱུར་གོང་འདྲ། རྡོར་རྗེ་སེམས་དཔའ་ནམ་མཁའི་མཐའ་དང་མཉམ་པའི་རྒྱུད་ལེའུ་ཉི་ཤུ་རྩ་བདུན་པ། འགྱུར་གོང་འདྲ། འདིའིལེའུཡརའགྲོམརའགྲོབྱས་པབརྟགདཔྱདཀྱིམཆནབུབཀོདཡོདདདུངབརྟག །གོང་གི་ལེའུ་གྲངས་ཉི་ཤུ་རྩ་བདུན་པའི་མུ་ནས་འཐུད་པ་ལེའུ་དྲུག་ཅུ་རྩ་བཞི་པ། གཞུང་ཚད་བམ་པོ་བཅུ་གཅིག་གི་ངེས་པ་ཅན་འགྱུར་གོང་འདྲ། རིན་པོ་ཆེ་གདམས་ངག་སྣ་ཚོགས་འཁོར་ལོའི་རྒྱུད་ལེའུ་བཞི་པ། དེའི་རྒྱུད་ཕྱི་མ་ལེའུ་བཅུ་དྲུག་པ། རིན་པོ་ཆེ་འཁོར་ལོ་ཞེས་བྱ་བའི་རྒྱུད་ལེའུ་བརྒྱད་པ། ཡེ་ཤེས་གསང་བ་སྒྲོན་མའི་རིན་པོ་ཆེ་མན་ངག་གི་རྒྱུད་ལེའུ་བཅུ་དྲུག་པ། ཤི་སིདྷ་དང་བི་རོའི་འགྱུར་རོ་། ། ༼ང་པ་ལ༽ རིན་པོ་ཆེ་སྲིད་པ་བར་དོ་སྣང་བའི་རྒྱུད་ལེའུ་བཅུ་དྲུག་པ། འཇམ་དཔལ་གྱི་བཤད་རྒྱུད་རིན་པོ་ཆེའི་ཕྲེང་བ་ལེའུ་དགུ་པ། བྲི་མ་ལ་དང་། གཉགས་ཀྱི་འགྱུར། འཇམ་དཔལ་དགོངས་པ་འདུས་པ་ལེའུ་དྲུག་པ་མཐའ་ཅན། སྐུ་གསུམ་གྱི་སྣང་བ་གསལ་བར་ངོ་སྤྲོད་པའི་རྒྱུད་ལེའུ་བདུན་པ། དུར་ཁྲོད་ཕུང་པོ་འབར་བ་ལེའུ་བཅུ་གཅིག་པ། རྡོ་རྗེ་ཡང་རྩེའི་རྒྱུད་ལེའུ་ཉེར་གཅིག་པ། རྡོ་རྗེ་ཡང་ཏོག་སྙིང་པོའི་རྒྱུད་ལེའུ་བཅོ་ལྔ་པ། །སྙིང་པོ་རྡོ་རྗེ་རིན་པོ་ཆེ་ཐམས་ཅད་གཅིག་པའི་རྒྱུད་ལེའུ་ཉེར་གསུམ་པ། དམ་ཚིག་བཀོད་པ་ས་གཞིའི་རྒྱུད་ལེའུ་གྲངས་གསུམ་པ། འབྱུང་པོ་ཀུན་འདུས་རྒྱུད་ལེའུ་སོ་གཉིས་པ། རྡོ་རྗེ་གསང་བ་རིན་པོ་ཆེ་དབྱིག་གི་སྒྲོལ་མ་ཤེས་རབ་ཆེན་མོའི་མདོ་ཞེས་བྱ་བའི་རྒྱུད་སྐད་འགྱུར་བཞི་པ། ལྷ་མ་ཡིན་གཡུལ་ངོ་བཟློག་པའི་རྒྱུད་ལེའུ་སུམ་ཅུ་ཐམ་པ། །རོ་སྲེག་ཐལ་བ་ནག་པོའི་རྒྱུད་ལེའུ་དྲུག་པ། ཡང་འཇིག་རྟེན་གྱི་ཕྲིན་ལས་སྤྲོད་པ་བསོད་ནམས་ཆེན་པོ་རྫོགས་པ་ཤེས་རབ་ཆེན་པོའི་རྒྱུད་དམ། ཐལ་བ་ནག་པོའི་རྒྱུད་ལེའུ་བཅུ་དྲུག་པ། ལྷ་རྒྱུད་རིན་ཆེན་སྦུངས་པ་ལེའུ་སོ་གསུམ་པ། ལྷ་རྒྱུད་རིན་ཆེན་དབང་གི་འཁོར་ལོ་ཞེས་བྱ་བ་ལེའུ་བཅུ་གསུམ་པ། ཐིག་ལེ་ཀུན་གསལ་ཆེན་པོ་ལེའུ་དགུ་ཅུ་རྩ་བདུན་པ། དཔལ་ལྡན་སེང་གེ་འོད་ཅན་དང་། བི་རོ་ཙྭ་ནའི་འགྱུར། ཡེ་ཤེས་མར་མེའི་རྒྱུད་ལེའུ་གསུམ་པ། རྡོ་རྗེ་སེམས་དཔའི་དགོངས་པ་ཚིག་གསུམ་གྱི་རྒྱུད་ལེའུ་གསུམ་པ། མན་ངག་སྙིང་དགོངས་ལེའུ་བཅུ་བཞི་པ། །ཐིག་ལེ་ཀུན་འདུས་ཆེན་པོའི་རྒྱུད་ལེའུ་བཅུ་གཉིས་པ་སྐུའི་རྒྱུད་པདྨ་འཁྱིལ་པ་ལེའུ་ཉི་ཤུ་རྩ་གཅིག་པ། །རྡོ་རྗེ་རྩེ་མོ་འདུས་པའི་རྒྱུད་ལེའུ་བཅུ་ཐམ་པ། བྲི་མ་ལ་དང་། སྐ་ཅོག་གསུམ་ཀའི་འགྱུར། ཡེ་ཤེས་བླ་མ་ཆེན་པོའི་རྒྱུད་ལེའུ་བདུན་པ་མཐའ་ཅན། བྱང་སེམས་རྒྱལ་མཚན་རྩེ་མ་རྒྱུད་ལེའུ་ལྔ་པ། རྡོ་རྗེ་སྲིན་པོ་རྣོ་བ་རྡོ་རྗེ་མཆུ་ཅན་གྱི་རྒྱུད་དམ། འཁོར་བ་དོང་སྤྲུགས་ཆེན་པོའི་རྒྱུད་ལེའུ་བདུན་པ། རྫོགས་ཆེན་ཐིག་ལེ་གསང་བའི་ངེས་རྒྱུད་ལེའུ་མེད། །ཐིག་ལེ་གསང་བའི་བརྡ་རྒྱུད་ལེའུ་བཅུ་དགུ་པ་རྣམས་སོ། ། ༼ཅ་པ་ལ༽ རྫོགས་པ་རང་བྱུང་ལེའུ་ཉི་ཤུ་རྩ་བཞི་པ། རིག་པ་རང་ཤར་ཆེན་པོའི་རྒྱུད་ལེའུ་བརྒྱད་ཅུ་གྱ་དྲུག་པ། སྒྲ་ཐལ་འགྱུར་ལེའུ་ལྔ་པ་རྗེས་འབྲང་བཅས། རིག་པ་རང་གྲོལ་ཆེན་པོའི་རྒྱུད་ལེའུ་བཅུ་ཐམ་པ།བཀྲ་ཤིས་མཛས་ལྡན་རྒྱུད་ལེའུ་ལྔ་པ་རྣམས་སོ། ། ༼ཆ་པ་ལ༽ སེང་གེ་རྩལ་རྫོགས་རྒྱུད་ལེའུ་བཅུ་གསུམ་པ། བྲི་མ་ལའི་རང་འགྱུར། ནོར་བུ་ཕྲ་བཀོད་པའི་རྒྱུད་ལེའུ་ཉི་ཤུ་རྩ་བཞི་པ། མུ་ཏིག་འཕྲེང་བ་ལེའུ་བརྒྱད་པ། ཡི་གེ་མེད་པ་གསང་བའི་རྒྱུད་ལེའུ་དྲུག་པ། རྡོ་རྗེ་སེམས་དཔའ་སྙིང་གི་མེ་ལོང་རྒྱུད་ལེའུ་བརྒྱད་པ། ཀུན་ཏུ་བཟང་པོ་ཐུགས་ཀྱི་མེ་ལོང་ལེའུ་བཞི་པ། ཉི་ཟླ་ཁ་སྦྱོར་རྒྱུད་ལེའུ་བཞི་པ། ངོ་སྤྲོད་སྤྲས་པའི་རྒྱུད་ལེའུ་གསུམ་པ་ནི། བྲི་མ་ལ་དང་། སྐ་བ་དཔལ་རྩེགས་ཀྱི་འགྱུར། སྐུ་གདུང་འབར་བ་ལེའུ་གསུམ་པ། འགྱུར་གོང་འདྲ། རིན་པོ་ཆེ་སྤུངས་པ་ལེའུ་ལྔ་པ། འགྱུར་གོང་འདྲ། སྒྲོན་མ་འབར་བ་ལེའུ་བཞི་པ། ཀློང་དྲུག་པ་ལེའུ་དྲུག །ཀློང་གསལ་འབར་མ་ཉི་མའི་རྒྱུད་ལེའུ་བརྒྱ་དང་བཅུ་གསུམ། མཁའ་འགྲོ་ཀུན་གྱི་སྙིང་ཐིག་ཀློང་གསལ་ལེའུ་ཞེས་བྱ་བ་ཕྱི་མའི་རྒྱུད་འཐུད་པའི་ལེའུ་གྲངས་བརྒྱ་དང་བཞི་བཅུ་ཞེ་གཉིས་རྣམས་སོ། ། ༼ཇ་པ་ལསྐ སྣང་སྲིད་ཁ་སྦྱོར་བདུད་རྩིའི་ཐིགས་པ་འཁོར་བ་ཐོག་མཐའ་གཅོད་པའི་རྒྱུད་ལེའུ་བརྒྱ་དང་བཅུ་ཐམ་པ། སློབ་དཔོན་ཆེན་པོ་དང་། སྐ་བ་དཔལ་བརྩེགས་འགྱུར། རིན་པོ་ཆེ་བཅུད་ཀྱི་ཡང་སྙིང་ཐོག་མཐའ་དྲས་ཐག་གཅོད་པའི་རྒྱུད་ལེའུ་བཅུ་ཐམ་པ་མཐའ་ཅན། ཡང་སྤྲོས་པ་གཅོད་པ་སྡེ་ལྔའི་རྒྱུད་ལེའུ་བཅུ་བཞི་པ། པདྨ་སལྷ་ཝ་དང་། སྐ་བ་དཔལ་བརྩེགས་ཀྱི་འགྱུར། རིན་པོ་ཆེ་བདུད་རྩི་བཅུད་ཐིགས་རྒྱུད་ལེའུ་བཅོ་ལྔ་པ། འགྱུར་གོང་འདྲ། རིན་པོ་ཆེ་སྣང་གསལ་སྤུ་གྲི་འབར་བས་འཁྲུལ་སྣང་ཐམས་ཅད་རྩད་ནས་གཅོད་པ་ནམ་མཁའ་དང་མཉམ་པའི་རྒྱུད་ལེའུ་སུམ་ཅུ་སོ་ལྔ་པ། འགྱུར་གོང་འདྲ། རིན་པོ་ཆེ་སྤྱི་གནད་སྐྱོན་སེལ་ཐིག་ལེ་ཀུན་གསལ་རྒྱུད་ལེའུ་དགུ་པ། གཏེར་སྙིང་རིན་ཆེན་སྤུངས་པའི་རྒྱུད་ལེའུ་དགུ་པ། ཐིག་ལེ་ཡེ་ཤེས་བཅུད་སྨུངས་སྒྲོན་མ་འོད་འབར་གྱི་རྒྱུད་ལེའུ་བཅུ་བདུན། འགྱུར་གོང་འདྲ། བདུད་རྩི་བཅུད་ཐིགས་སྒྲ་ན་མ་བརྩེགས་པའི་རྒྱུད་ལེའུ་ཉི་ཤུ་རྩ་གཉིས། འགྱུར་གོང་འདྲ། སྙིང་པོ་བཅུད་སྤུངས་ནམ་མཁའ་ཀློང་ཡངས་ལེའུ་ཉི་ཤུ་ཐམ་པ། འགྱུར་གོང་འདྲ། ཐུགས་ཀྱི་ཡང་སྙིང་དགོངས་བཅུད་འདུས་པ་ཉི་ཟླ་འབར་བའི་རྒྱུད་ལེའུ་བཅུ་གསུམ། འགྱུར་གོང་འདྲ། སངས་རྒྱས་ཀུན་གྱི་དགོངས་པའི་བཅུད་བསྡུས་རི་བོ་བརྩེགས་པའི་རྒྱུད་ལེའུ་ཉི་ཤུ་རྩ་གཅིག །དྲི་མེད་ཀ་དག་གི་རྒྱུད་རིན་ཆེན་གསལ་བ་ཆེན་པོ་ཞེས་བྱ་བ་ལེའུ་བཅུ་ཐམ་པ།རྒྱུད་ཐམས་ཅད་ཀྱི་རྒྱལ་པོ་ཉི་ཟླ་སྙིང་པོ་འོད་འབར་བ་བདུད་རྩི་རྒྱ་མཚོར་འཁྱིལ་བའི་རྒྱུད་ལེའུ་བརྒྱད་ཅུ་གྱ་གཅིག །འགྱུར་གོང་འདྲ། སྐྱེ་མེད་ཀ་དག་ཟང་ཀ་ལེའུ་བཅུ་ཐམ་པ། སྤྲོས་བྲལ་དོན་གསལ་ཆེན་པོའི་རྒྱུད་ལེའུ་བརྒྱ་དང་ཉི་ཤུ་རྩ་གསུམ། རྒྱུད་ཐམས་ཅད་ཀྱི་རྩེ་རྒྱལ་ནམ་མཁའ་འབར་བའི་རྒྱུད་ལེའུ་སུམ་ཅུ་སོ་དགུ་པ། ཤི་རཏྣ་བཛྲ་དང་། ཧེ་རུ་ཀའི་འགྱུར། རྒྱུད་ཐམས་ཅད་ཀྱི་སྤྱི་ཕུད་ཉི་ཟླ་བཀོད་པའི་རྒྱུད་ལེའུ་བཅོ་ལྔ་པ།སློབ་དཔོན་པདྨ་དང་། དཔལ་བརྩེགས་ཀྱི་འགྱུར། ནམ་མཁའ་འབྲུག་སྒྲོགས་ཐོག་བབ་ཀློང་འདུས་སྤྱི་རྒྱལ་རྒྱ་མདུད་ཀྱི་རྒྱུད་ལེའུ་བཅུ་ཐམ་པ། ལྟ་བ་ལ་ཤན་ཆེན་པོ་རིན་པོ་ཆེ་སྒྲོན་མའི་རྩ་བའི་རྒྱུད་ལེའུ་བཅུ་བཞི།གཉིས་ཀ་འགྱུར་གོང་འདྲ། རྩ་རླུང་ཐིག་ལེའི་རྒྱུད་ལེའུ་བདུན་པ། ལྟ་བ་ལ་ཐལ་ཆེན་པོའི་རྒྱུད། སྣང་བྱེད་སྤུ་གྲིའི་རྒྱུད། འབྲས་བུ་ཡེ་གྲོལ་ཆེན་པོའི་རྒྱུད། སྲོག་གི་འཁོར་ལོའི་རྒྱུད་བཅས་སོ་སོར་རྫོགས་མཐའ་ཡོད་པ། རྒྱུད་ཀྱི་རྩེ་རྒྱལ་ཉི་ཟླ་འོད་འབར་མཁའ་ཀློང་རྣམ་དག་རྒྱ་མཚོ་ཀློང་གསལ་གྱི་རྒྱུད་ཉི་ཤུ་རྩ་བཞི་མཐའ་ཅན། འགྱུར་གོང་འདྲ། ། ༼ཉ་པ་ལ༽ རྫོགས་པ་ཆེན་པོ་ངེས་དོན་འདུས་པ་ལེའུ་བརྒྱད་ཅུ་གྱ་གཅིག །བྱི་མ་ལ་དང་། ཨ་ཙརུ་དྲན་པའི་ཡེ་ཤེས་ཀྱི་འགྱུར། རྫོགས་ཆེན་རིན་པོ་ཆེ་འཁོར་བ་རྩད་གཅོད་ཀྱི་རྒྱུད་ལེའུ་ཉི་ཤུ་རྩ་བཞི། རྫོགས་པ་ཆེན་པོ་ལྟ་བའི་ཡང་སྙིང་ནམ་མཁའ་ཀློང་ཡངས་ཀྱི་རྒྱུད་ལེའུ་ལྔ་བཅུ་ང་གསུམ།འགྱུར་གོང་འདྲ། རྫོགས་པ་ཆེན་པོ་དགོངས་པ་བཀའ་བགྲོས་ཀྱི་རྒྱུད་ལེའུ་དྲུག་ཅུ་རེ་ལྔ་པ། འགྱུར་གོང་འདྲ། པོ་ཏི་སེ་རུ་མཐིང་ཤོག་ཅན་ཟེར། རྫོགས་པ་ཆེན་པོ་ཤིན་ཏུ་རྣལ་འབྱོར་སངས་རྒྱས་ཐམས་ཅད་འབྱུང་བ་རང་བྱུང་བདེ་བ་འཁོར་ལོའི་རྒྱུད་ལེའུ་དྲུག་བཅུ་རེ་དྲུག་པ་མཐའ་ཅན་གསེར་གྱི་སྒྲིལ་ཤིང་ཅན་ཟེར། འགྱུར་གོང་འདྲ། རྫོགས་པ་ཆེན་པོ་ངེས་དོན་འདུས་པའི་ཡང་སྙིང་ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལེའུ་སུམ་ཅུ་སོ་བདུན། འགྱུར་གོང་འདྲ། རྫོགས་པ་ཆེན་པོ་རྨད་བྱུང་དོན་གྱི་སྙིང་པོ་རང་བྱུང་བདེ་བའི་འཁོར་ལོའི་རྒྱུད་ལེའུ་ཉི་ཤུ་རྩ་བདུན། བྲི་མ་ལ་དང་། གཉགས་ཀྱི་འགྱུར། རྫོགས་པ་ཆེན་པོ་ངེས་དོན་རིག་པའི་གསུང་རང་བྱུང་བདེ་བ་འཁོར་ལོའི་རྒྱུད་ལེའུ་སུམ་ཅུ་སོ་གསུམ། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོའི་རྒྱུད་ལེའུ་ཉེར་བརྒྱད། འགྱུར་གོང་འདྲ་བུ་ཚལ་དུ་བསྒྱུར་བ། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ལེའུ་བཅུ་གཉིས་པ། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ཕྱི་མ་ལེའུ་བཞི་པ། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ཕྱི་མའི་ཕྱི་མ་ལེའུ་བཞི་པ། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པ་ཕྱི་མ་གསང་བའི་རྒྱུད་ལེའུ་བཞི་པ། ཤི་སིདྷ་དང་། རྡོ་རྗེ་ཡང་དབང་གཏེར་གྱི་འགྱུར། ཡེ་ཤེས་འཁོར་ལོའི་རྒྱུད་ལེའུ་བདུན། རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལེའུ་བཅུ་དགུ །འཇམ་དཔལ་འདུས་པའི་རྒྱུད་ལེའུ་བཅུ་དྲུག །སྤྱན་རས་གཟིགས་ཏིང་འཛིན་རྩེ་གཅིག་གི་རྒྱུད་ལེའུ་བཅུ་གསུམ། རྫོགས་པ་ཆེན་པོ་མ་རིག་མུན་པ་སེལ་བར་བྱེད་པ་ལྟ་བ་ཡེ་ཤེས་གཏིང་རྫོགས་རྒྱུད་ལེའུ་བཞི་བཅུ་ཞེ་གཅིག །བྲི་མ་ལ་དང་། ཨ་ཙབྱ་དྲན་པ་ཡེ་ཤེས་ཀྱི་འགྱུར་དངུལ་གྱི་སྒྲིལ་ཤིང་ཅན་རྣམས་སོ། ། ༼ཏ་པ་ལ༽ ཆོས་ཐམས་ཅད་ཀྱི་དོན་བསྟན་པ་རྫོགས་ཆེན་ཐིག་ལེ་ཉག་གཅིག་ཡེ་ནས་བྱ་རྩལ་བྲལ་བའམ། ཀློང་ཆེན་རབ་འབྱམས་ཀྱི་རྒྱུད་ལེའུ་ལྔ་བཅུ་ང་གསུམ། རྫོགས་པ་ཆེན་པོ་ངེས་དོན་ཐམས་ཅད་འདུས་པ་ཡེ་ཤེས་ནམ་མཁའ་དང་མཉམ་པའི་རྒྱུད་ལེའུ་ཉིས་བརྒྱ་དང་བཅུ་གཉིས། བྱང་ཆུབ་ཀྱི་སེམས་ལུང་རྣལ་འབྱོར་ཆེན་པོའི་རྒྱུད་དམ། སེམས་ལུང་ཆེན་པོའི་མདོ་ལེའུ་བཞི་བཅུ་ཐམ་པ། ། ༼ཐ་པ་ལ༽ དེ་བཞིན་གཤེགས་པ་ཐམས་ཅད་ཀྱི་ཐུགས་གསང་བའི་ཡེ་ཤེས་དོན་གྱི་སྙིང་པོ་རྡོ་རྗེ་བཀོད་པའི་རྒྱུད་རྣལ་འབྱོར་གྲུབ་པའི་ལུང་ཀུན་འདུས་རིག་པའི་མདོའམ། སངས་རྒྱས་ཐམས་ཅད་ཀྱི་དགོངས་པ་འདུས་པའི་མདོ་ལེའུ་བདུན་ཅུ་དོན་ལྔ། རྒྱ་གར་གྱི་མཁན་པོ་དྷརྨུ་སྙོ་དྷི་དང་། རིང་ལུགས་པ་ཆེན་པོ།དྭ་ན་རསྤྱི་ཏ་དང་། ཞུ་ཆེན་གྱི་ལོ་ཙྭ་བ་ཆེ་བཙན་སྐྱེས་ཀྱིས་བྲུ་ཤའི་ཡུལ་དུ་ཁྲོམ་བསྒྱུར་མཛད་པ། དེ་བཞིན་གཤེགས་པ་ཐམས་ཅད་ཀྱི་ཐུགས་གསང་བའི་ཡེ་ཤེས་དོན་གྱི་སྙིང་པོ་ཁྲོ་བོ་རྡོ་རྗེའི་རིགས་ཀུན་འདུས་རིག་པའི་མདོ་ལེའུ་སུམ་ཅུ་སོ་དྲུག །པདྨ་སལྷ་ཝ་དང་བི་རོའི་འགྱུར། དུར་ཁྲོད་ཁུ་བྱུག་རོལ་པ་ལེའུ་བཅུ་བཞི་རྣམས་སོ། ། ༼ད་པ་ལན ཀུན་ཏུ་བཟང་པོ་ཆེ་བ་ལ་རང་གནས་པའི་རྒྱུད་ལེའུ་སུམ་ཅུ་སོ་གཅིག །དབང་བསྐུར་རྒྱལ་པོའི་རྒྱུད་ལེའུ་བཅུ་ཐམ་པ། རྒྱུད་ཀྱི་རྒྱལ་པོ་ཏིང་འཛིན་མཆོག་གི་རྒྱུད་ལེའུ་བཅུ་གཅིག །འཕྲིན་ལས་ཀྱི་རྒྱལ་པོ་སྐབས་སྦྱོར་བདུན་པའི་རྒྱུད་ལེའུ་བདུན་མཐའ་ཅན། སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད་ལེའུ་དྲུག །དམ་ཚིག་བཀོད་པའི་རྒྱུད་ལེའུ་སུམ་ཅུ་སོ་བཞི། ཞི་བ་ལྷ་རྒྱུད་ཆེན་པོ་ལེའུ་དགུ་པ། རྒྱ་གར་གྱི་མཁན་པོ་པྲ་སཏྭ་དང་། ལོ་ཙྭ་པདྨ་རུ་ཅེའི་འགྱུར། ཆོས་ཉིད་ཞི་བའི་ལྷ་རྒྱུད་ལེའུ་མེད། བྲི་མ་ལ་དང་། གཉགས་ཀྱི་འགྱུར། ཁྲོ་བོ་ལྷ་རྒྱུད་ལེའུ་བདུན་པ།པྲ་སཏྭ་དང་། པདྨ་རུ་ཅེའི་འགྱུར། ཁྲོ་བོ་ལྷ་རྒྱུད་ཀྱི་རྟོག་པ་ཆེན་པོ་ལེའུ་མེད། ཐུགས་རྗེ་ཆེན་པོའི་གཏོར་མའམ་གཏོར་རྒྱུད་ཆེན་མོ་ལེའུ་བཞི་བཅུ་ཞེ་བཞི། པདྨ་སསྟ་དང་། བྲི་མ་ལ། ནམ་སྙིང་གསུམ་གྱི་འགྱུར། ཕྱིས་བ་སུ་དྷ་ར་དང་། གནུབས་ཆེན་གྱིས་ཀྱང་ཞུ་བཏུགས་བྱས་པ། རྣལ་འབྱོར་ནམ་མཁའི་ཚོགས་རྒྱུད་ཆེན་མོ་ལེའུ་བརྒྱད་པ་དང་། ཕྱི་མའི་རྒྱུད་མུ་སྦྲེལ་གྱི་བཅོ་ལྔ། གནུབས་ཀྱིས་སྐད་གསར་བཅད་ཀྱི་བཅོས་ཟེར་བ་ཡོད། དཔལ་འབར་ཁྲོ་མོའི་རྒྱུད་ལེའུ་མེད་པ། རཀྟ་དམར་གྱི་རྒྱུད་ལེའུ་བཅོ་ལྔ་ཟེར་བ། གྲོ་ལོད་རྩལ་གྱི་འགྱུར། རྡོ་རྗེ་དུར་མོའི་ཏནྟྲ་ཞེས་བྱ་བ་ལེའུ་ལྔ་པ། སྤྱིན་སྲེག་གི་ལེའུ་དང་པོ་དང་ཐ་མ། ཁྲོ་བོའི་སྤྱིན་སྲེག་གི་ལེའུ་དང་པོ་དང་ཐ་མ། མཆོད་འབུལ་གྱི་ལེའུ་དང་པོ། བསྟོད་ང་འི་ལེའུ་གཉིས་པ། འགུགས་འདྲེན་གྱི་ལེའུ་དང་པོ། ཕུར་བུའི་ལེའུ་གཉིས་པ། གཏོར་མའི་ལེའུ་གསུམ་པ། བཤིག་བྲལ་གཏོར་མའི་ལེའུ་བཞི་པ། གཏུབ་པའི་ལེའུ་ལྔ་པ་ནས་ལེའུ་དགུ །ཡང་ཧོམ་རྒྱུད་ལེའུ་གཉིས་པའི་མཐར་རྡོ་རྗེ་སེམས་དཔའ་ཞལ་གདངས་ཀྱི་མོ་རྒྱུད་རྫོགས་སོའི་མཐའ་ཅན། སྐུ་གདུང་འབར་བ་སྣྲོ་དང་དང་མཆོད་རྟེན་གྱི་རྒྱུད་ལེའུ་དགུ་པ། ཧུ༷་མཛད་ཆེན་པོའི་རྒྱུད་ལེའུ་བཅུ་གཅིག །རྡོ་རྗེ་གྲོ་ལོ་དང་། ལོ་ཙྭ་ཞང་དྲུང་གི་འགྱུར། ཟླ་གསང་ཆེན་པོའི་རྒྱུད་ལེའུ་ཉི་ཤུ་རྩ་ལྔ། རིན་ཆེན་མེ་ལྷ་ཞི་བར་གྱུར་པ་འབར་པའི་རྒྱུད་ལེའུ་ཉི་ཤུ་རྩ་དྲུག་རྣམས་སོ། །༼མ་པ་ལ༽ དཔལ་ཟླ་གསང་ནག་པོའི་རྒྱུད་ལེའུ་བདུན་ཅུ་དོན་ལྔ་པ་་རྩ་བའི་རྒྱུད་ཆེན་པོ་རྫོགས་སོ་མཐའ་ཅན། ལོ་ཙྭ་བ་ཆེན་པོ་གསུམ་གྱི་ལན་གྲངས་གསུམ་གྱིས་ལན་གྲངས་གསུམ་དུ་བཅོས་ཤིང་ལན་གྲངས་གསུམ་དུ་གཏན་ལ་ཕབ་པ། ཡང་ཟླ་གསང་ནག་པོའི་རྒྱུད་ལེའུ་བདུན་ཅུ་དོན་བཞི།། ངན་སྔགས་ཀྱིས་རྒྱུད་ཅེས་བྱ་བ་རྫོགས་སོའི་མཐའ་ཅན། འཇམ་དཔལ་བཤེས་གཉེན་གྱིད་ཚང་པ་ཀླུ་གནོད་བསེའི་ཀ་བ་ལ་སྦས་པ། ཙྭ་ན་གསྟེས་རྙེད་ནམ་མཁའི་སྙིང་པོ་ལ་རྒྱུད་དོ། །ཡང་ཟླ་གསང་ནག་པོའི་རྒྱུད་ལེའུ་ལྔ་བཅུ་ང་བརྒྱད ། སློབ་དཔོན་བ་སུ་དྷ་ར་དང་། སྣུབས་ཆེན་སངས་རྒྱས་ཡེ་ཤེས་ཀྱི་བསྒྱུར་བ། ཡང་ཟླ་གསང་དྲག་སྔགས་ནག་པོ་བཤན་པ་སྤུ་གྲིའི་རྒྱུད་ལེའུ་དགུ་ཅུ་གོ་བདུན། བལ་པོ་བ་སུ་དྷ་ར་དང་གནུ༷བས་ཆེན་གྱིས་བསྒྱུར་བ། ཡང་དྲག་སྔགས་ཟླ་གསང་ནག་པོའི་རྒྱུད་ལེའུ་ཉི་ཤུ་རྩ་ལྔ། བབ་ལུགས་རིམ་བཞིན་ཡོད་པ་གནུབས་ཆེན་གྱི་མན་ངག །འཇམ་དཔལ་དམར་པོའི་སྔགས་རྒྱུད་ཀྱི་རྒྱལ་པོ་ལེའུ་བཅུ་པ། ཤསྟི་གསྟེ་དང་། གནུབས་ཆེན་གྱི་འགྱུར། གནོད་སྦྱིན་མ་རུ་རྩེ་རོ་ལངས་གསང་བའི་རྒྱུད་ལེའུ་བརྒྱད་མཐའ་ཅན་གནུབས་ཀྱི་མན་ངག་དྲག་པོའི་སྔགས་རྒོད་པདྨ་དབང་རྒྱལ་གྱི་བཀའ་ཞེས་པ། འཇམ་དཔལ་མ་རུ་རྩེའི་སྔགས་རྒྱུད་བསྟན་པ་ལེའུ་བཅུ་བདུན། ཡང་དྲེགས་པ་ཕོ་མོ་འདུས་པའི་ལས་རྒྱུད་ལེའུ་བཅུ་བདུན། རྡོ་རྗེ་གཏེར་གཞན་རྩལ་ལ་གཏད་པ། ། ༩ཙ་པ་ལ༽ འཕགས་པ་འཇམ་དཔལ་གྱི་དྲི་མ་མེད་པའི་གསང་རྒྱུད་ལེའུ་ཉེར་དྲུག །འཇམ་དཔལ་གཤིན་རྗེ་གཤེད་ནག་པོ་ཆེན་པོ་གསང་བའི་རྒྱུད་ལེའུ་སུམ་ཅུ་སོ་གསུམ། སློབ་དཔོན་མ་ཧྭ་ན་བི་ཀུ་ཏ་པ་ཏའི་འགྱུར། ཁྲོ་བོ་རྣམ་པར་རྒྱལ་བའི་རྒྱུད་ཕྱི་མའི་ཡང་ཕྱི་མ་ཞེས་བྱ་བ་ལེའུ་ཉེར་གཉིས།དཔལ་ཚེ་བདག་ནག་པོའི་འཕྲིན་ལས་ཀྱི་དགོངས་པ་ཐམས་ཅད་རྫོགས་པའི་རྒྱུད་ཆེན་པོ་ལེའུ་སུམ་ཅུ་ཐམ་པ། ལྷ་ཡུལ་དུ་གྲགས་པ་ཞེས་ཟེར། འཇམདཔལགཤིནརྗེསྡིགཔ་སྙིང་འཛིང་ལེའུ་བཅུ་བཞི། བལ་པོ་བ་སུདྷ་ར་དང་གནུབས་ཆེན་གྱི་འགྱུར། གཤིན་རྗེ་གཤེད་ཀྱི་གསང་རྒྱུད་ལེའུ་བརྒྱད། གནུབས་པདྨ་དབང་རྒྱལ་གྱི་ཐུགས་དམ། འཇམ་དཔལ་གཤིན་རྗེའི་རྒྱལ་པོ་སྡིག་པ་སྟོབས་ཆེན་གྱི་རྒྱུད་ལེའུ་ཉེར་གཅིག །བལ་པོ་བ་སུ་དྷ་ར་དང་། རྡོ་རྗེ་ཁྲི་གཙུག་གིས་འགྱུར། འཕགས་པ་འཇམ་དཔལ་ལས་བཞི་འཁོར་ལོ་གསང་བའི་རྒྱུད་ལེའུ་བཅུ་གསུམ། བསྐྱར་ལེ་གཅིག་བཅས་བཅུ་བཞི་ཡོད། གཤིན་རྗེ་ནག་པོ་གསང་བ་དེ་ཁོ་ན་ཉིད་ཀྱི་རྒྱུད་ཁ་ཐུན་ལེའུ་བརྒྱད། རྒྱལ་པོ་ཛ་ལ་བབས་པ་ལས་རིམ་པར་བརྒྱུད་གནུབས་ཆེན་གྱི་མན་ངག །གཤིན་རྗེ་ནག་པོ་ཁ་ཐུན་གསང་བའི་དེ་ཁོ་ན་ཉིད་ཕྱི་མའི་རྒྱུད་ཞེས་བྱ་བ་ལེའུ་ལྔ་པ་བ་སུ་དྷ་ར་དང་། གནུབས་ཆེན་གྱི་མན་ངག །ཚེ་བདག་ནག་པོ་དྲག་སྔགས་མངོན་དུ་ཕྱུར་བའི་རྒྱུད་ཀྱི་རྒྱལ་པོ་ལེའུ་ཉེར་གཅིག །འཇམ་དཔལ་ཁྲོ་བོ་སྙིང་གཟེར་གསང་བའི་རྒྱུད་སྐབས་ལྔ་པ། གནུབས་ཆེན་གྱི་འགྱུར། དྲག་པོ་ཕུང་བྱེད་ཀྱི་རྒྱུད་ལེའུ་ཉེར་གཅིག །སྔགས་ཀྱི་དེ་ཁོ་ན་ཉིད་བཤད་པའི་ལེའུ་བརྒྱད། ངན་སྔགས་གཙུག་གི་རྒྱུད་ཕྱི་མའི་ཕྱི་མ་རྫོགས་སོའི་མཐའ་ཅན། འཇིག་རྟེན་གསུམ་གྱི་བཤད་པ་དྲེགས་རྒྱུད་ལེའུ་བརྒྱད། དེ་བཞིན་གཤེགས་པ་ཐམས་ཅད་ཀྱི་དགོངས་པ་ཁྲོ་བོ་འདུས་པའི་རྒྱུད་ལེའུ་དགུ །བལ་པོ་བ་སུ་དྷ་ར་དང་། རྡོ་རྗེ་ཡང་དབང་གཏེར་གྱིའགྱུར། གཤིནརྗེནགཔོ་ཆུ་ཐིགས་སྔོན་མོའི་རྒྱུད་ལེའུ་བཅོབརྒྱད། གཤིནརྗེནགཔོ་ངན་སྔགས་ཕྱིར་བཟློག་པའི་རྒྱུད་ལེའུ་བདུན་པ། ཆུ་ཐིགས་སྔོན་མོའི་རྒྱུད་ཕྱི་མ་ཡིན། གནུབས་ཆེན་གྱི་འགྱུར། འཕགས་པ་འཇམ་དཔལ་མཆེད་བཞིའི་སྔགས་རྒྱུད་ལེའུ་དགུ་པ་རྩ་བའི་རྒྱུད། འཇམ་དཔལ་མ་རུའི་རྩེའི་རྒྱུད་ཕྱི་མ་ལེའུ་བདུན་རྫོགས་མཐའ་ཅན། དཔལ་གཤིན་རྗེ་ནག་པོའི་མེ་རླུང་སྐྱིན་ཐང་འཁྲུགས་པའི་རྒྱུད་ལེའུ་ལྔ་བཅུ་ང་གསུམ་རྣམས་སོ། ། ༼ཚ་པ་ལ༽ རྟ་མཆོག་རོལ་པའི་རྒྱུད་ལེའུ་ཉིས་བརྒྱ་དང་བརྒྱད། རལྒི་སིརྙི་དང་། ལྕེ་ཀུ་ཀུ་ར་རྫའི་འགྱུར། དབང་རྒྱས་རྟ་མཆོག་རོལ་པ་ལེའུ་དྲུག་ཅུ་ཐམ་པ། པདྨ་དབང་ཆེན་དྲེགས་པ་སྲུང་བཟློག་ཡོན་ཏན་གྱི་རྒྱུད་ལེའུ་དགུ་པ། པདྨ་སམ་བྷ་ཝ་དང་། ཁ་ཆེ་ཨ་ནརྙའི་འགྱུར། པདྨ་དབང་ཆེན་དྲེགས་པ་དབང་སྡུད་ཀྱི་རྒྱུད་ལེའུ་བཅུ་གསུམ། འགྱུར་གོང་འདྲ། པདྨ་དབང་ཆེན་འདུས་པའི་རྒྱུད་ཆེན་པོ་ལེའུ་སུམ་ཅུ་སོ་ལྔ། རྒྱ་གར་བ་རསྒི་སིདྷི་དང་། བོད་ཀུ་ཀུ་ར་ཛའི་འགྱུར། ཕྱིས་གནུབས་ཆེན་གྱིས་ཀྱང་ཞུས་པ། དབང་ཆེན་འདུས་པའི་ཏནྟྲ་ལས། མགོ་ནན་རྩིས་མགོས་ལེའུ་བཅུ་གཅིག་ལ་པྲོའི་ལེའུ་ནང་གསེས་སུ་ཕྱེ་བ་དྲུག་གཅིག་ཏུ་བྱས་པ་བསྣན་པས་ལེའུ་བཅུ་གཉིས་པར་སོང་བ། ཡང་ལེའུ་བརྒྱད་གཅིག་ཏུ་བྱས་པ་བསྣན་པས་ལེའུ་བཅུ་གསུམ་དུ་སོང་། དེ་ནས་མུ་མཐུད་ལེའུ་དྲུག་ཅུ་རེ་གཉིས་རྫོགས་མཐའ་ཅན། པདྨ་དབང་ཆེན་དྲེགས་པ་གཟན་ལ་འབེབས་པའི་རྒྱུད་ལེའུ་བཅུ་གཉིས་པ། པདྨ་འབྱུང་གནས་དང་། ཁ་ཆེ་ཨ་ནརྙའི་འགྱུར། པདྨ་དབང་ཆེན་དྲེགས་པ་གནད་འབེབས་ཀྱི་རྒྱུད་ལེའུ་བཅུ་གཅིག །འགྱུར་གོང་འདྲ་རྣམས་སོ། ། ༼ཛ་པ་ལསྐ དེ་བཞིན་གཤེགས་པ་ཐམས་ཅད་ཀྱི་དགོངས་པ་ལུང་བསྟན་པ་དབང་ཆེན་འདུས་པའི་རྒྱུད་ལེའུ་ཉི་ཤུ་རྩ་བཞི། པརྙི་ཏ་པདྨ་འབྱུང་གནས་དང་། ལོ་ཙྭ་སྭ་སང་ཤི་དང་།ངན་ལམ་རྒྱལ་བ་མཆོག་དབྱངས། ཅོག་རོ་རྣམས་ཀྱི་འགྱུར། རྔོག་མ་ལེ་བརྒན་གྱི་ལེའུ་བཅུ་བདུན། སློབ་དཔོན་ཆེན་པོ་པདྨའི་ཞབས།ཁ་ཆེ་ཨ་ནརྙ་དང་། བི་རོའི་འགྱུར། རྟ་མགྲིན་ལས་རྒྱུད་ལེའུ་བཅུ་གཅིག །སློབ་དཔོན་པདྨ་དང་། རྒྱལ་བ་མཆོག་དབྱངས་ཀྱི་འགྱུར། རྟ་མགྲིན་གསང་རྒྱུད་ལེའུ་ཉི་ཤུ་རྩ་ལྔ། པདྨ་དབང་ཆེན་དྲེགས་པ་ཚར་གཅོད་ཀྱི་རྒྱུད་ལེའུ་ཉེར་དགུ །སློབ་དཔོན་ཆེན་པོའི་རང་འགྱུར། པདྨ་དབང་ཆེན་ཡང་གསང་ཁྲོས་པའི་རྒྱུད་ལེའུ་བཅུ་གསུམ། བི་རོ་ཙ་ནས་མངའ་བདག་རྒྱལ་པོ་ལ་སྤྲད་པ། དཔལ་རྟ་མགྲིན་གསང་བ་འཕྲིན་ལས་ཀྱི་རྒྱུད་ཅེས་བྱ་བ་ལེའུ་ཉེར་གཉིས། ཨོ་རྒྱན་སངས་རྒྱས་གཉིས་པས། ཁྲི་སྲོང་ལྡེའུ་བཙན་དང་། རྒྱལ་བ་མཆོག་དབྱངས་ལ་གདམས་པ། ཕྱིར་མི་བཟློག་པ་སྡོམ་ཅན་རྟ་མགྲིན་གྱི་རྒྱུད་ལེའུ་དྲུག །པདྨ་དབང་ཆེན་གྱི་རྒྱུད་རྫོགས་སོའི་མཐའ་ཅན། ཀླུ་འདུལ་བའི་རྒྱུད་ལེའུ་སུམ་ཅུ་སོ་བདུན། རྡོ་རྗེ་སེམས་དཔའི་ཡི་གེ་བརྒྱ་པ་དབང་མཆོག་རྒྱལ་པོའི་རྒྱུད་ལེའུ་ཉེར་བརྒྱད། ཨོ་རྒྱན་ཆེན་པོ་དང། ནམ་མཁའི་སྙིང་པོའི་འགྱུར། རྡོ་རྗེ་སེམས་དཔའ་ཡི་གེ་བརྒྱ་པའི་རྒྱུད་ལེའུ་ཉི་ཤུ་རྩ་བདུན། བཛྲ་བཱ་ཁེས་བསྡུས་ཏེ་སྤྲུལ་སྐུ་པདྨ་འབྱུང་གནས་ལ་གཏད་པ། པདྨའི་ཞབས་དང་། ནམ་སྙིང་འགྱུར། རྡོ་རྗེ་སེམས་དཔའ་ཡི་་གེ་བརྒྱ་པ་དབང་བསྐུར་རྒྱལ་པོའི་རྒྱུད་ལེའུ་ཉེར་གཅིག །ཧེ་རུ་ཀ་གལ་པོ་ལེའུ་འམ་བརྟག་པ་ཉེར་གསུམ། པདྨ་སསྦྱུ་ཝས་བལ་པོ་བ་སུ་དྷ་ར་ལ་གནང་། དེས་གནུབས་ཆེན་ལའོ། །ཧེ་རུ་ཀའི་ཐུགས་ཀྱི་རྒྱུད་བ།ལ་པོ་་ལེའུ་དགུ །པདྨ་སམ་བྷ་ཝ་དང་། ནམ་སྙིང་འགྱུར། དཔལ་ཧེ་རུ་ཀ་གལ་པོ་ལེའུ་བཅུ་དྲུག ཁྲོ་བོ་པུཎྜརི་ཀའི་རྒྱུད་ལེའུ་ཉེར་གཉིས། རྡོ་རྗེ་སེམས་དཔས་བསྡུས། སློབ་དཔོན་པདྨས་གཞུང་བསྲངས་པ་རྣམས་སོ། ། ༼ཝ་པ་ལ༽ དཔལ་ཁྲག་འཐུང་ཧེ་རུ་ཀ་འདུས་པའི་རྒྱུད་ཆེན་པོ་ལེའུ་སུམ་ཅུ་སོ་གཉིས་འདི་ཧེ་རུ་ཀ་གལ་པོ་དུར་ཁྲོད་མངོན་པར་འབྱུང་བའི་རྒྱུད་ཀྱང་ཟེར། པདྨ་སསྦྱུ་ཝ་དང་། བི་རོའི་འགྱུར། འཇིག་རྟེན་ལས་་༢དས་པའི་མདོ་ཞེས་བྱ་བའི་རྒྱུད་ལེའུ་བཅུ་གཅིག །པདྨ་སམ་བྷ་ཝ་དང་། ནམ་སྙིང་འགྱུར། དེ་བཞིན་རིགས་ཀྱི་སྒྲུབ་ཐབས་གསང་བ་མེ་དཔུང་ཐུགས་ཀྱི་རྒྱུད་ལེའུ་ཉེར་གཉིས། བདུད་རྩི་རིན་པོ་ཆེ་ཡེ་ཤེས་གསང་བའི་འཁོར་ལོའི་རྒྱུད་ལེའུ་ཉེར་གཉིས་མཐའ་ཅན། བྲི་མ་ལ་དང་། ཞང་ཙྭ་ནས་གཏན་ལ་ཕབ། ཕྱིས་ཀ་བ་དཔལ་བརྩེགས་ཀྱིས་བཅོས། བདུད་རྩི་རིན་པོ་ཆེ་འཁྲུངས་པའི་ལེའུ་ཉེར་བདུན། འོག་མིན་དུ་གྲགས་པ་། བྱི་མ་་དང་གཉགས་ཀྱི་འགྱུར།བདུད་རྩི་བམ་བརྒྱད་བམ་པོ་ཆེན་པོ་བརྒྱད་པ་རྫོགས་མཐའ་ཅན། ཐམས་ཅད་བདུད་རྩིའི་རང་བཞིན་བདུད་རྩི་བུམ་པ་དུམ་བུ་གསུམ་པའི་རྒྱུད་བུ་ཆུང་། བདུད་རྩི་འཁོར་ལོ་འབར་བའི་རྒྱུད་ལེའུ་བདུན། བྲི་མ་ལ་དང་། གཉགས་ཀྱི་འགྱུར། བདུད་རྩི་རིན་པོ་ཆེ་འཕྲེང་བའི་རྒྱུད་ལེའུ་བདུན། འགྱུར་གོང་འདྲ། བདུད་རྩི་བདེ་བ་ཆེན་པོའི་རྒྱུད་ལེའུ་བཅུ་ཐམ་པ། འགྱུར་གོང་འདྲ། དངོས་གྲུབ་ཆེན་པོ་ཉེ་བའི་སྙིང་པོའི་རྒྱུད་ལེའུ་བཅོ་ལྔ་བྲི་མ་ལ་ནས་བརྒྱུད་པ། བདུད་རྩི་ལས་རྒྱ་མཚོའི་རྒྱུད་ལེའུ་ཉི་ཤུ་ཐམ་པ། བྲི་མ་ལ་དང་།གཉགས་འགྱུར། བདུད་རྩི་ཆེན་པོ་ཆོས་ཉིད་གསང་བའི་རྒྱུད་ལེའུ་དྲུག།འགྱུར་གོང་འདྲ། བདུད་རྩི་འཁྱིལ་བ་འཆི་མེད་ཚེའི་རྒྱུད་ལེའུ་བཅུ་བཞི། བྲི་མ་ལ་དང་། ལོ་ཙ་འཇིང་མཆིམས་གསལ་འབར་གྱི་འགྱུར། བདུད་རྩི་ཡེ་ཤེས་འོད་ལྡན་གྱི་རྒྱུད་ལེའུ་ལྔ་བཅུ་ང་དགུ། མངའ་བདག་ཉང་རལ་གྱི་གཏེར་མ་རྣམས་སོ། ། ༼ཞ་པ་ལ༽ ཕུར་པརྩ་རྒྱུད་རྡོ་རྗེ་ཁྲོས་པ་ལེའུ་བཅུ་བདུན། སློབ་དཔོན་ཆེན་པོ་དང་། ངམ་འབྲེ་ས་ལེས་མཆིམས་ཕུ་དགེ་གོང་དུ་བསྒྱུར་བ། ཕུར་པ་རྩ་དུམ་པདྨ་སམ་བྷ་ཝ་དང་། ལྕེ་ཀུ་ཀུ་རྭ་ཙ། བྲང་ཏི་ཛ་ཡ་རསྤྱིཏ་གསུམ་གྱི་འགྱུར།སླར་ཡང་དཔལ་བསམ་ཡས་གཙུག་ལག་ཁང་དུ་རྒྱལ་པོའི་བླ་དཔེ་དང་། མུ་ཏིག་པ་མ་གོང་ནས་བྱོན་པའི་གཏེར་དཔེ་གཉིས་བླ་མ་ཁྱུང་པོ་ཁྲོ་འབར་གྱིས་བསྟུན་པས་འགྱུར་གཅིག་ཏུ་མཐུན་པ། རྡོ་རྗེ་ཁྲོས་པ་ཕུར་པ་རྩ་བའི་རྒྱུད་ཀྱི་བཤད་པ་ལེའུ་བཅུ་གསུམ། རྒྱ་གར་ཁ་ཆེའི་ཡུལ་དུརཁྲོད་སྟི་ས་ཀའི་མཆོད་རྟེན་རྩར། རྗེ་བཙུན་རྡོ་རྗེ་སེམསམདང་།ལོ་ཙྭ་འགར་ཤེསརབ་འབྱུང་གནས་ཀྱི་འགྱུར། སླད་རྗེ་བཙུན་མ་དེ་ཉིདདང། ལོ་ཙྭ་བའབྲོངསྟོན་རྒྱལ་བས་བཅོས་ཏེ་གཏན་ལ་ཕབ། རྡོ་རྗེ་ཕུར་པ་གསང་བའི་རྩ་བ་རྣལ་འབྱོར་ཆེན་པོ་ཡང་དག་གི་རྒྱུད་ལེའུཉི་ཤུཐམཔ། པདྨ་སསྦྱུཝ་དང་། ལོ་ཙྭ་བ་བྲངཏིཛ་ཡ་རསྟེ་ཏའི་འགྱུར།དེ་བཞིན་གཤེགས་པ་ཆེན་པོ་རྡོ་རྗེ་ཕུར་པའི་རྒྱུད་དམ་བཤད་པའི་རྒྱུད་ལེའུབཞིབཅུ་ཞེ་བཞི། འཕྲིན་ལས་ཕུན་སུམ་ཚོགསཔའིརྒྱུདདམ། ཀརྨུ་ཀུ་རུའི་རྒྱུད་ལེའུབཅོ་ལྔ། བྲི་མ་ལ་དང་གཉགས་ཀྱི་འགྱུར། རྨ་རིན་ཆེན་མཆོག་གི་སྐད་གསར་བཅད་ཀྱིས་གཏུགསཔ། ཕུར་པ་ལས་ཀྱི་རྒྱུད་དམ་འཕྲིན་ལས་ཀྱི་རྒྱུད་ལེའུ་བཅུ་བཞི། ཨོ་རྒྱན་མཁའ་འགྲོའི་གླིང་ནས་སློབ་དཔོན་པདྨས་བསྣམས་པ་རོང་ཟོམ་གཞོན་བློའི་འགྱུར། རྡོ་རྗེ་ཕུར་པ་ཆེན་པོ་གཏོར་མའི་རྒྱུད་ལེའུབརྒྱད། ཕུར་བུ་ཟ་བྱེད་ཡསྒ་འབར་བའི་རྒྱུད་ལེའུ་བཅུགཅིག །རྡོ་རྗེ་ཕུར་བུ་ཆོས་ཐམས་ཅད་མྱ་ངན་ལས་འདས་པའི་རྒྱུད་ལེའུ་ཉེར་བརྒྱད། སློབ་དཔོན་བྷ་ཤི་ཏའི་འགྱུར། སྐུདངཡེ་ཤེསཐམས་ཅད་འདུས་པ་སངསརྒྱས་མདུད་པའི་རྒྱུད་ལེའུ་བཅོ་ལྔ། རྙོན་གསྙེ་དང་བི་རོའི་འགྱུར། རྒྱུད་ཀྱི་རྒྱལ་པོ་ཁྲོ་བོ་ཧུ༷ ཀ་རའི་རྒྱུད་ལེའུ་ལྔ། ཁྲོ་བོ་རྣམ་རྒྱལ་རྒྱུད་ལེའུ་བདུན། དབྱུག་སྔོན་རྒྱུད་ལེའུལྔ།གཤིན་རྗེ་གཤེད་རྒྱུད་ལེའུ་བཞི། མི་གཡོ་བའི་རྒྱུད་ལེའུ་ལྔ། ཁྲོ་བོ་རྟ་མགྲིན་རྒྱུད་ལེའུ་དྲུག ཁྲོ་བོ་གཞན་གྱིས་མི་ཐུབ་རྒྱུད་ལེའུ་ལྔ། བདུད་རྩི་འཁྱིལ་བའི་རྒྱུད་ལེའུ་དྲུག ཁམས་གསུམ་རྣམ་རྒྱལ་གྱི་རྒྱུད་ལེའུ་བདུན།སྟོབས་པོ་ཆེའི་རྒྱུད་ལེའུ་ལྔ་རྣམས། དཔལ་རྡོ་རྗེ་ཕུར་པ་མེ་ལོང་གསལ་བའི་སྤུ་གྲི་རེག་ཆོད་འཁོར་ལོའི་རྒྱུད་ལེའུ་བདུན། རྒྱུད་ཀྱི་རྒྱལ་པོ་དཔལ་འཇིག་རྟེན་སྣང་བྱེད་ཅེས་བྱ་བ་ལེའུ་ཉེར་བདུན། རྙོ་ན་གསྙེ་དང་། བི་རོའི་འགྱུར། སླར་ཀ་ཅོག་ཞང་གསུམ་གྱིས་ཀྱང་ཞུས། རྒྱུད་ཀྱི་རྒྱལ་པོ་རྡོ་རྗེ་འཕྲེང་བ་ཞེས་བྱ་བ་ལེའུ་བཅུ་དྲུག །རྙོ་ན་གསྙེ་དང་། བི་རོའི་འགྱུར། ཕྱིས་སྐད་གསར་བཅད་ཀྱི་བཅོས་པ་རྣམས་སོ། ། ༼ཟ་པ་ལ༽ ཕུར་པ་རྡོ་རྗེ་བཀོད་པ་རྣལ་འབྱོར་ཆེན་པོའི་རྒྱུད་ལེའུ་བཅོ་ལྔ། རྒྱ་གར་གྱི་མཁན་པོ་ཤི་རྙོ་ནས་བསྒྱུར་བ་ལས། ཡང་པདྨ་ཐོད་ཕྲེང་རྩལ་དང་། ལོ་ཙྭ་བ་དཔལ་གྱི་ཡེ་ཤེས་ཀྱིས་ཀྱང་བསྒྱུར་བ། སངས་རྒྱས་ཐམས་ཅད་ཀྱི་ཡེ་ཤེས་རྩེ་མོའི་རྒྱུད་ཀྱི་རྒྱལ་པ་ཆེན་པོ་ལེའུ་ལྔ་བཅུ་ང་གཉིས། རྡོ་རྗེ་ཕུར་པ་ཆོས་ཐམས་ཅད་ཀྱི་གསང་བའི་དོན་གྱི་རྒྱུད་ལེའུ་ལྔ། སྦས་པ་ཟབ་མོ་མདུང་རྩེའི་རྒྱུད་ལེའུ་དགུ །སྒྲོ་ན་གསྟེ་དང་བི་རོའི་འགྱུར། བསེ་སྒྲོམ་དམར་པོའི་རྒྱུད་ལེའུ་བཞི། ལྷ་སྲས་ལྕམ་སྲིང་ལ་སློབ་དཔོན་ཆེན་པོས་གནང་བ། ཤྭ་ན་དཀར་ནག་གི་རྒྱུད་ལེའུ་བཞི། རྡོ་རྗེ་ཕུར་པ་འཕྲིན་ལས་ཀྱི་འཁོར་ལོ་གབ་པ་གསང་བའི་རྒྱུད་ལེའུ་བཅུ་གཉིས། གུ་རུ་པདྨ་དང་།གཉགས་ཀྱིའགྱུར། རྡོ་རྗེ་འབར་བ་གསང་བའིརྒྱུད་ཆུང་། རྙོ་ན་གསྙེ་དང། བིརོའི་འགྱུར། ཡངརྡོརྗེ་འབར་བའི་རྒྱུད་ལེའུ་བཅུབདུན། བམ་པོ་བཞི་པ་འགྱུར་གོང་འདྲ་ལ་ཕྱིསསྐདགསར་བཅད་ཀྱིས་བཅོས། ཕུར་པ་གསང་བའི་དགོངས་རྒྱུད་ཆེན་པོ་ལེའུ་བརྒྱད་ཅུ་གྱ་གཉིས། སློབ་དཔོནཆེན་པོ་པདྨ་ཐོད་ཕྲེང་དང་། ལོ་ཙྭ་བ་མང་ཡུལ་གྱི་ལྕེ་ཀུ་ཀུ་རྭ་ཛ་དང་། བྲང་ཏི་ཛ་ཡ་རསྒི་ཏའི་འགྱུར། རྡོ་རྗེ་ཕུར་པ་ཞེ་སྡང་ཡོངས་སུ་དག་པའི་རྒྱུད་ལེའུ་ཉེར་གཉིས། ཕུརབུ་འབུམ་སྡེ་ནང་ནས་ཕྱུང་བ་རྒྱ་གར་གྱི་སློབ་དཔོན་ཀྭ་མ་རུཔར་འཁྲུངས་པའི་ནག་པོའི་ཞབས་དང་། ལོ་ཙྭ་བ་ཤི་བྷ་ལ་ཀུན་ཏྲ་དྷ་ན་དེབས་ཡུལདབུས་འགྱུར་འོད་མའི་ཚལ་དུ་སླད་ཀྱི་བསྒྱུར་ཅིང་གཏན་ལ་ཕབ པ། རྡོ་རྗེ་ཕུར་པ་གསངབ་གདམས་ངག་ཅན་གྱི་རྒྱུད་ལེའུ་བཅོབརྒྱད། ཕུར་པ་བཅུ་གཉིས་འབྱུང་བའི་རྒྱུད་ཆུང་ངུ་བསྟན་པ་ལེའུ་བཅུ་གཉིས། སློབ་དཔོན་བྲི་མ་ལ་དང་། གཉགས་ཙྭ་ན་ཀུམའ་རའི་འགྱུར། རྡོ་རྗེ་ཕུར་པ་བཅུ་གཉིས་ཀྱི་རྒྱུད་ལེའུ་བཅུ་གཉིས། རྡོ་རྗེ་ཕུར་པ་གསང་བའིརྒྱུད་ལེའུ་བཞི་བཅུ་ཞེ་བཞི། ལྕེ་ཀུ་ཀུ་རྭ་ཛདང་། བྲང་ཏི་ཛ་རསྤྱི་ཏའི་འགྱུར། རྡོ་རྗེཕུར་པ་གསང་བའི་སྔགས་རྒྱུད་འབྱུང་པོ་ཀུན་འདུལ་ལེའུ་བཅུ་དྲུག །སློབ་དཔོན་ཆེན་ཕོས་བི་ཏོ་ཏ་མ་ལ་འབུམ་སྡེའི་ཏནྟྲ་ལས་ཕྱུང་བ་བདུད་འདུལ་སྔགས་པ་གླིང་དུ་ལྕེ་རྙོ་ན་ཀུ་ཀུ་རྭ་དང་། བྲང་ཏིཛ་རསྤྱི་ཏས་བསྒྱུར་ཏེ་མཁར་ཆེནབཟའ་ལ་གཏད་པ། རྡོ་རྗེ་ཕུར་པ་མདུང་རྩེ་དམར་པོའི་རྒྱུད་ལེའུ་བཅུ་དགུ་རྣམས་སོ། ། ་འ་པ་ལསྐ ཡུམ་གཟུངས་མའི་དངོས་གྲུབ་ཆེན་མོའི་རྒྱུད་ལེའུ་ལྔ་བཅུ་ང་གསུམ། མ་མོ་སྲིད་པའི་རྒྱུད་ལུང་གི་རྒྱུད་ཕྱི་མར་རྫོགས་སོའི་མཐའ་ཅན། མ་མོ་སྲིད་པ་ཟླ་གསང་ཐིག་ལེའི་རྒྱུད་ལེའུ་བཅུ་གཉིས། པརྙི་ཏ་གུ་རྒྱ་གསང་བ་དང་། འབྲོག་མི་དཔལ་ཡེའི་འགྱུར། མ་མོ་ལམ་རྒྱུད་ལུང་ལས་ལེའུ་བཅུ་བཞི། འགྱུར་གོང་འདྲ།མ་མོ་ཐམས་ཅད་ཀྱི་ལས་རྒྱུད་ལུང་ཞེས་བྱ་བ་ལེའུ་བཅུ་དྲུག །སྲིད་པ་མཚོ་བཞིའི་རྒྱུད་ལེའུ་ཉེར་གཉིས། མགོར་བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་མཚལ་ལོ། །ཞེས་པ་ལེའུ་བརྒྱད། མ་མོ་འདུས་པའི་ཏནྟྲ་རྫོགས་སོའི་མཐའ་ཅན། འགོར་དཔལ་ཁྲག་འཐུང་གི་རྒྱལ་པོ་དང་། ཡུམ་རིག་པའི་རྒྱལ་མོ་ལ་ཕྱག་འཚལ་ལོ། །ཞེས་པ་ལེའུ་དགུ་པའི་མཐར་སྲིད་པ་རྒྱུད་ལུང་གི་རྒྱུད་ཕྱི་མ་ཁ་འབར་ནག་པོ་ལས་རྒྱ་མཚོའི་རྒྱུད་ཅེས་བྱ་བ་རྫོགས་མཐའ་ཅན། ལས་ཀྱི་མཁའ་འགྲོ་མ་དེ་ཁོ་ན་ཉིད་གསུམ་དུ་འདུས་པ་ཞེས་བྱ་བའི་རྒྱུད་གླེང་གཞིའི་ལེའུ་དང་། ལས་ཀྱི་མཁའ་འགྲོ་མའི་རྒྱུད་ཆེན་རྫོགས་གསོའི་མཐའ་ཅན་རྒྱ་གར་བ་ཤསྟི༷་གསྙེ་དང་། ལོ་ཙྭ་བ་ལྕེ་བཀྲ་ཤིས་ཀྱིས་བསྒྱུར་བ། མ་མོ་འབུམ་ཏིག་གི་རྒྱུད་ལེའུ་བཞི་ཅུ་ཞེ་བརྒྱད། རྩ་བའི་རྒྱུད་རྫོགས་སོའི་མཐའ་ཅན། དེ་ནས་མུ་འཐུད་མ་མོ་བྱང་ཆུབ་ཀྱི་སེམས་གསང་བའི་རྒྱུད་ལེའུ་བརྒྱ་དང་ཞེ་གཉིས། མགོར་བཅོར།་ལྡན་འདས་རྡོ་རྗེ་ཧེ་རུ་ཀའི་རྒྱལ་པོ་ལ་ཕྱག་འཚལ་ལོ། །སྔོན་འདས་པའི་དུས་མ་བྱུང་བའི་སྔོན་རོལ་ན་ཞེས་ཡོད་པ་ལེའུ་སུམ་ཅུ་སོ་གཉིས། གནུབས་ནམ་མཁའི་སྙིང་པོའི་འགྱུར།མགོར་བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། ཞེས་ཡོད་པ་ལེའུ་བཅུ་གཉིས། བྱང་སྐོར་གྱི་རྒྱུད་ཕྱི་མ་རྫོགས་གསོའི་མཐའ་ཅན། ལྷ་མོ་ནག་མོའི་སྔགས་རྒྱུད་ལེའུ་བཅུ་གཅིག །དེའི་རྒྱུད་ཕྱི་མ་མགོར། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་དང་ཞེས་ཡོད་པ་ལེའུ་བཅུ་གཉིས། དབྱིངས་གསང་བའི་འཁོར་ལོའི་རྒྱུད་ལེའུ་དགུ །ཕྲ་མེན་སྤྱང་ཀི་ལས་ཀྱི་རྒྱལ་པོའི་རྒྱུད་ལེའུ་ཉི་ཤུ་རྩ་བཞི། ཕྲ་མེན་སྤྱང་རྒྱལ་གྱི་རྒྱུད་རྫོགས་མཐའ་ཅན། སྙིང་ཐིག་བསྐོར་བའི་རྒྱུད་འུག་པའི་གདོང་ཅན་ཞེས་བྱ་བ་ལེའུ་ཉི་ཤུ་ཐམ་པ། མཁའ་འགྲོ་མེ་ལྕེ་འབར་མའི་རྒྱུད་ལེའུ་ཉེར་གཉིས་པ་སྔ་འགྱུར་ལ་མཁའ་འགྲོ་མ་ཆེན་མོ་སྡོམ་པའི་ཀ་མ་ལའི་ཞལ་སྔ་ནས་དང་། ཅོག་རོ་ཀླུའི་རྒྱལ་མཚན་གྱི་འགྱུར་བ་རྣམས་སོ། ། ༼ཡ་པ་ལ༽ དཔལ་སྔགས་ཀྱི་སྲུང་མ་ཨེ་ཀ་ཛ་ཞིའི་རྒྱུད་ལེའུ་དགུ་ཅུ་གོ་དྲུག་དྷ་ན་ས༷་སྐྲི་ཏ་དང་། འབྲོག་མི་དཔལ་ཡེའི་འགྱུར། ཨེ་ཀ་ཛ་ཉི་སྦས་པ་ནག་མོའི་རྒྱུད་ལེའུ་ལྔ། ཨེ་ཀ་ཛ་རྟི་ཟ་བྱེད་སྤྱང་རྒྱལ་ནག་མོའི་རྒྱུད་ལེའུ་སུམ་ཅུ་སོ་གཉིས། དེ་ཝ་ཙནྟྲ་ལ་བི་རོས་ཞུས། འཕགས་པ་ཧེ་སྡུད་འབར་མའི་རྒྱུད་ལེའུ་བཅུ་གཅིག །དཔལ་ལྷ་མོ་ནག་མོའི་ཐུགས་ཀྱི་སྲོག་སྒྲུབ་གསང་བའི་རྒྱུད་ལེའུ་བཅོ་བརྒྱད། བདུད་བྱ་རོག་མགོ་བརྩེགས་གསང་བ་སྒྲོལ་བྱེད་ཀྱི་རྒྱལ་པོ་ཀི་ཀང་རོག་ཏིའི་རྒྱུད་ལེའུ་བཅོ་ལྔ། འཕགས་པ་ལྷ་མོ་རྡོ་རྗེ་ནག་མོ་དབང་ཕྱུག་ཅེས་བྱ་བ་སྔགས་ཀྱི་རྒྱུད་ཀྱི་རྒྱལ་པོ་ལེའུ་བཅོ་ལྔ། མགོར་དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་མངོན་རྫོགས་རྒྱལ་པོ་ལ་འདི་སྐད་ཅེས་ཡོད་པའི་རྡོ་རྗེ་ནག་མོ་དབང་ཕྱུག་མ་ཕྱི་མའི་རྒྱུད་ལེའུ་བཅུ་གཉིས། ནག་མོ་སྔགས་ཀྱི་རྒྱུད་ཕྱི་མའི་ཕྱི་མ་ལེའུ་བདུན་པ་རྡོ་རྗེ་གདན་ནས་བྱུང་ཟེར་བ་ལྷ་མོ་དཔོན་གཡོག་གཉིས་ཀའི་རྒྱུད་ཡིན། ལྷ་འདྲེ་སྟོང་གི་དྲུ་བའི་རྒྱུད་ལེའུ་ལྔ་བཅུ་ང་གསུམ། སྲིད་པའི་བེམ་དངོས་བསྟན་ལེའུ་བཞི་བཅུ་ཐམ་པ་དང་། རྗེས་འབྲེལ་སྐབས་ཉི་ཤུ་རྩ་གྲངས་སྐོར་གྱི་རྫོགས་པ་རྣམས་སོ། ། ༼ར་པ་ལསྐ དཔལ་མགོན་ནག་པོ་དུར་ཁྲོད་མངོན་པར་རོལ་པ་མཚོན་ཆ་འཁོར་ལོའི་རྒྱུད་ལེའུ་སུམ་ཅུ་སོ་དྲུག །བྲམ་ཟེ་གསལ་བའི་རྒྱལ་བའི་རྒྱན་དང་། བལ་པོའི་རྒྱལ་པོ་བ་སུ་དྷ་རས་བསྒྱུར་བ། དཔལ་ནག་པོ་ཆེན་པོ་སྐུ་གསུང་ཐུགས་ཁྲོས་པའི་རྒྱུད་ལེའུ་བཅོ་བརྒྱད། དཔལ་མགོན་ནག་པོ་གསང་བ་སྙིང་གི་འཁོར་ལོ་རྟོག་པ་བཅོ་ལྔ། གནུབས་ཆེན་གྱི་བསྒྱུར་གྱི་བསྒྱུར་བ། དཔལ་ནག་པོ་ཆེན་པོ་མེ་ལྕེ་ཕྲེང་བའི་རྒྱུད་ལེའུ་བཞི་བཅུ་ཞེ་ལྔ། རྒྱ་མཁན་དྷ་ན་ས༷་སྒྲོ་དང་། པ་གོར་བི་རོའི་འགྱུར། དཔལ་ནག་པོ་ཆེན་པོའི་རྒྱུད་དུར་ཁྲོད་ནག་པོ་ཞེས་བྱ་བ་ལེའུ་བཅུ་གཉིས།མན་ངག་བརྩེགས་པ་གྲི་གུགཀིང ་རྒྱུད་དམ་མ་ཧྭ་ཀ་ལའི་རྒྱུད་ལེའུ་ཉེར་གཅིག །རྗེ་བཙུན་ཤརྙི་བྷ་དྲས་ཞུས་པ་ལ། དགེ་སློང་ཚུལ་ཁྲིམས་རྒྱལ་བས་འགྱུར་པ། དཔལ་ནག་པོ་ཆེན་པོ་དྲག་པོའི་བརྟག་པ་དུར་ཁྲོད་ཆེན་པོའི་རྒྱུད་ལེའུ་བཅུ་ཐམ་པ། སྣ་ནམ་བླ་མས་བསྒྱུར་ཞུས་གཏན་ལ་ཕབ། ནག་པོ་ཆེན་པོ་ལས་མགོན་བྱ་རོག་གདོང་གི་རྒྱུད་ལེའུ་བཅོ་ལྔ། ནག་པོ་ཆེན་པོ་གཟུགས་ཅན་གཅེར་བུའི་རྒྱུད་ལེའུ་བཅུ་གཉིས།རྣལ་འབྱོར་དབང་ཕྱུག་ཆེན་མོ་རལ་གཅིག་མའི་རྒྱུད་ལེའུ་བཅུ་བཞི། རལ་གཅིག་མ་ཆོས་ཀྱི་བདག་མོ་སྐྲུ་གྲི་ཡ་མའི་རྒྱུད་ལེའུ་ཉི་ཤུ་རྩ་ལྔ། རྒྱ་གར་གྱི་སློབ་དཔོན་དྭ་ན་ཤི་ལ་དང་། བོད་ཀྱི་སློབ་དཔོན་དགེ་སློང་ཡང་གཏེར་གྱི་ཞུས་ཏེ་གཏན་ལ་ཕབ་པ་སྟེ། སྤྱིར་རྒྱུད་ཀྱི་སྡེ་ཚན་ནམ། ཆོས་ཀྱི་རྣམ་གྲངས་བཞི་བརྒྱར་ལྡང་བའི་བཞུགས་ཚོགས་དང་བཅས་པའི་མཐར། རྒྱུད་འབུམ་རིན་པོ་ཆེའི་རྟོགས་པ་བརྗོད་པ་འཛམ་གླིང་ཐ་གྲུར་ཁྱབ་པའི་རྒྱན་གྱིས་རྣམ་པར་མཛས་པའོ། དེ་བཞིན་གཤེགས་པས་ལེགས་པར་གསུངས་པའི་གསུང་རབ་རྒྱ་མཚོའི་སྙིང་པོར་གྱུར་པ་རིག་པ་འཛིན་པའི་སྡེ་སྣོད་དམ། སྔ་འགྱུར་རྒྱུད་འབུམ་རིན་པོ་ཆེའི་རྟོགས་པ་བརྗོད་པ་འཛམ་གླིང་ཐ་གྲུར་ཁྱབ་པའི་རྒྱན་ཅེས་བྱ་བ་ལས། ཆོས་ཀྱི་བཞུགས་བྱང་སྨོས་པའི་རབ་ཏུ་བྱེད་པ་སྟེ། སྐབས་བརྒྱད་པའོ།། །།སྤྱི་དོན་དགུ་པ་འབད་པ་དོན་ལྡན་དུ་བྱ་ཕྱིར་ཡོངས་སུ་བསྔོ་བ་ལ་གསུམ། རྣམ་གཞག་སྤྱིར་བཤད་པ་དང་། རང་བཞིན་བྱེ་བྲག་ཏུ་བཤད་པ། སྐབས་ལ་བབ་པའི་བསྔོ་བའོ། །དང་པོ་ལའང་གསུམ། མཚན་ཉིད། སྒྲ་དོན། དགོས་པའོ། །དང་པོ་ནི། ཟག་པ་བཅས་པའམ། དེ་ལས་ལྡོག་པ་སྟེ་བདེན་པ་གཉིས་ཀྱི་བསྡུས་པའི་དགེ་བའི་རྩ་བ་མངོན་པར་འདུ་བགྱིས་པ་ཐམས་ཅད་བླ་ན་མེད་པའི་བྱང་ཆུབ་ཆེན་པོའི་ལམ་དུ་ཡོངས་སུ་བསྒྱུར་བའི་ཐབས་ཀྱི་མཐར་ཕྱིན་པ་གང་ཡིན་པ་སྟེ། དཔེར་ན་གསེར་གྱི་དངོས་པོ་རིན་པོ་ཆེའི་རང་བཞིན་དུ་གདོད་ནས་གནས་པ་ཉིད་དེ། དེ་ཉིད་བཟོ་བོའི་བྱེད་ལས་ཀྱི་སྒོ་ནས་སྐུ་གསུང་ཐུགས་ཀྱི་རྟེན་དུ་མ་བསྒྲུབས་ན་བསོད་ནམས་དམ་པའི་ཡུལ་དུ་མི་འགྱུར་བ་ལྟ་བུའོ། །དེ་སྐད་དུ་མངོན་རྟོགས་རྒྱན་ལས། ཡོངས་སུ་བསྔོ་བ་ཁྱད་པར་ཅན། །དེ་ཡི་བྱེད་པ་མཆོག་ཡིན་ནོ། །ཞེས་སོ། །གཉིས་པ་ནི་ལེགས་སྦྱར་གྱི་སྐད་དུ། པ་རི་ཎ་ཏ་ཞེས་ཡོངས་སུ་བསྒྱུར་བའམ། སྤེལ་བ་ལ་འཇུག་སྟེ། དགེ་བའི་རྩ་བ་ཐམས་ཅད་ཐབས་ལ་མཁས་པས་བྱང་ཆུབ་ཆེན་པོའི་ལམ་དུ་བསྒྱུར་བའམ། དེའི་བར་མ་དོར་ཆུད་གསོན་པར་མི་འགྱུར་བའི་སྟོབས་དང་ལྡན་པ་ཉིད་དུ་སྤེལ་བར་བྱེད་པའི་ཐ་ཚིག་ཅན་ཏེ། ཐ་སྙད་གཞན་དང་མི་འདྲེས་པའི་ཆེད་ཡོངས་སུ་བསྔོ་བ་ཞེས་དོན་འགྱུར་དུ་བྱས་པའོ། གསུམ་པ་ནི། དགེ་བའི་རྩ་བ་ཐམས་ཅད་ཡོངས་སུ་བསྔོ་བས་རྒྱས་འདེབས་པར་བྱེད་པ་འདི་ནང་པ་སངས་རྒྱས་པའི་ཁྱད་པར་གྱི་ཆོས་བླ་ན་མེད་པ། མུ་སྟེགས་བྱེད་ཀྱི་གཞུང་དང་། བསྟན་བཅོས་གཞན་ལ་མ་གྲགས་པ་ཞིག་ཡིན་ཏེ། ཁྱད་འཕགས་བསྟོད་པ་ལས་ཀྱང་། བསོད་ནམས་བྱས་པའི་ཚོགས་འདི་ནི། །སེམས་ཅན་རྣམས་ལ་ཡོངས་བསྔོ་བ། །བཅོམ་ལྡན་ཁྱེད་ཀྱིས་གང་གསུངས་པ། །དེ་བཞིན་བསྟན་བཅོས་ལས་མ་བཤད། །ཅེས་སོ། །དེའི་ཕྱིར་དགོས་འབྲེལ་ལྡན་པ་སངས་རྒྱས་པའི་གྲུབ་མཐར་རྗེས་སུ་སློབ་ཅིང་། ཞི་བ་དམ་པའི་གྲོང་ཁྱེར་དུ་མྱ་ངན་ལས་འདས་པར་འདོད་པ་རྣམས་ཀྱིས། གང་ཞིག་བསགས་པའི་བསོད་ནམས་ཀྱི་ཕུང་པོ་ཐམས་ཅད་མྱ་ངན་ལས་འདས་པའི་གོ་འཕང་དམ་པར་བསྔོ་བས་རྒྱས་ཐེབས་པ་ནི་ཤིན་ཏུ་གཅེས་པ་སྟེ། འདི་ལྟར་དགེ་བའི་རྩ་བ་ཉུང་ངུའང་དང་པོར་སེམས་བསྐྱེད་ཀྱིས་ཟིན་པ། བར་དུ་དམིགས་པ་མེད་པ། མཐར་བསྔོ་བས་རྒྱས་ཐེབས་པ་གསུམ་འཛོམ་ན། ནམ་ཞིག་བྱང་ཆུབ་ཀྱི་སྙིང་པོ་ལ་མ་ཐུག་གི་བར་དུ་བར་མ་དོར་ཆུད་མི་འཛའ་པ་དང་། བསམ་གྱིས་མི་ཁྱབ་པར་འཕེལ་བར་འགྱུར་བ་དང་། བྱང་ཆུབ་ཀྱི་རྒྱུར་སྨིན་པ་ལ་སོགས་པའི་དགོས་པ་དཔག་ཏུ་མེད་ཅིང་། ཐར་པ་དང་ཐམས་ཅད་མཁྱེན་པའི་ལམ་དང་ཡོངས་སུ་འབྲེལ་བའི་འབྲེལ་བ་ཅན་ཡིན་ཏེ། འདི་ལྟར་ཆུའི་ཐིགས་པ་གཅིག་རྒྱ་མཚོ་ཆེན་པོའི་ནང་དུ་དོར་བར་གྱུར་པ་དེའི་རྒྱུན་ནི་བསྐལ་པའི་བར་དུ་ཟད་མི་ཤེས་པས་མཚོན་ནོ། །དེ་སྐད་དུ་བློ་གྲོས་རྒྱ་མཚོས་ཞུས་པར། ཇི་ལྟར་ཆུ་ཐིགས་རྒྱ་མཚོ་ཆེ་ནང་ལྷུང་། །རྒྱ་མཚོ་མ་ཟད་བར་དུ་དེ་མི་ཟད། །དེ་བཞིན་བྱང་ཆུབ་ཡོངས་བསྔོའི་དགེ་བ་ཡང་། །བྱང་ཆུབ་མ་ཐོབ་བར་དུ་དེ་མི་འཛད། ཅེས་པ་དང་ཚུལ་མཐུན་པ་བློ་གྲོས་མི་ཟད་པའི་མདོར་ཡང་འབྱུང་བ་ཡིན་ནོ། །དེ་ལྟ་བུའི་བསྔོ་བ་དང་མ་ལྡན་ན་བར་མ་དོར་ཆུད་འཛའ་བར་གྱུར་ཏེ། མོས་པས་སྤྱོད་པའི་དགེ་བ་ཕལ་ཆེར་དོན་མེད་དུ་འགྲོ་བ་མང་བ་ནི། དགེ་སེམས་ཙམ་གྱི་འཕེན་པས་གནས་སྐབས་སུ་བདེ་འགྲོར་ཕྱིན་ཡང་། དེ་ཙམ་གྱིས་ཟད་པར་གྱུར་པའམ། ཡོངས་སུ་ཟད་པར་མ་གྱུར་ནའང་བསོད་ནམས་ཀྱི་སྟོབས་ཕྲ་མོར་གྱུར་ནས། ཕྱིས་འབྲས་བུ་འབྱིན་པའི་མཐུ་ཆུང་ངུར་འགྱུར་བ་དང་། ༼ན་པ་ལ༽ དཔལ་གསང་བའི་སྙིང་པོ་དེ་ཁོ་ན་ཉིད་ངེས་པ་ལེའུ་ཉི་ཤུ་རྩ་གཉིས། བྲི་མ་ལ་དང་། གཉགས་ཙྭ་ན་ཀུ་ནཱ་ར། རྨ་རིན་ཆེན་མཆོག་གི་བསྒྱུར་ཅིང་ཞུས། འདི་ལ་སངས་རྒྱས་གསང་བ་དང་། བི་རོའི་སྔ་འགྱུར། པདྨ་དང་།གཉགས་ཀྱི་བར་འགྱུར། བྲི་མ་ལ་དང་། རྨ་གཉགས་གཉིས་ཀྱི་ཕྱི་འཀྱུར་གསུམ་ལས་འདི་ཕྱི་མ་ཡིན། དེ་གསུམ་ཀ་ལོ་པཎ་བསྡེབས་པའི་གཞི་འཀྱུར། ཕྱིས་ཐར་ལོ་ཉི་མ་རྒྱལ་མཚན་གྱི་འཀྱུར་དང་། འགོས་ལོའི་འགྱུར་གཉིས་ནི་པརྙི་ཏ་མེད་པས་རྩལ་འགྱུར། དེའི་སྟེང་དུ་ལེའུ་ཉེར་གསུམ་དང་། ཉེར་བཞི་ཉིས་བརྒྱ་དཔེ་རྙེད་པ་ལྟར་ཐར་ལོས་མཛད། སླར་བརྒྱད་པ་དང་མཐུན་པ་འགོས་ལོས་ཚོང་དུས་སུ་འགྱུར་བཅོས་མཛད་ལེའུ་ཉི་ཤུ་རྩ་དྲུག །འགྱུར་གོང་འདྲ། སྒྱུ་འཕྲུལ་རྒྱ་མཚོ་ལེའུ་ཉི་ཤུ་རྩ་གཉིས་འགྱུར་གོང་འདྲ། རྡོ་རྗེ་གསང་བའི་སྙིང་པོ་རྩ་བའི་རྒྱུད་དེ་ཁོ་ན་ཉིད་ངེས་པའམ་ལེའུའི་ངེས་བརྗོད་ལ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ཞེས་བྱ་བའི་ལེའུ་སུམ་ཅུ་སོ་གསུམ། སྒྱུ་འཕྲུལ་རོལ་པ་ཆེན་པོ་ལེའུ་བཅུ་གསུམ། བྲི་མ་ལ་དང་། གཉགས་ཀྱི་འགྱུར། རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ཐེག་པ་ཆེན་པོའི་ཡང་ཆེན་པོའི་ཚུལ་ཞེས་བྱ་བ་ལེའུ་བཅུ་ཐམ་པ།གསང་བའི་སྙིང་པོ་དེ་ཁོ་ན་ཉིད་ངེས་པ་ཁྲོ་བོ་ཆེན་པོའི་སྟོབས་དུམ་གཅིག །ཡང་ཁྲོ་བོ་ཆེན་པོའི་སྟོབས་ཀྱི་རྣལ་སྦྱོར་དབང་ཕྱུག་སྒྲུབ་པ་ཞེས་རྫོགས་སོའི་མཐའ་ཅན། བྲི་མ་ལ་དང་། བི་རོའི་འགྱུར། སྒྱུ་འཕྲུལ་དྲ་བ་སྙིང་པོ་བཀོད་པའི་ལེའུ་བརྒྱད་རྣམས་སོ། ། ༼ཕ་པ་ལ༽ སངས་རྒྱས་མཉམ་སྦྱོར་རམ་སྒྱུ་མ་བདེ་མཆོག་ལེའུ་བཅུ་ཐམ་པ། རྒྱ་གར་གྱི་མཁན་པོ་བཛྲ་ཧ་པྱ་དང་། ལོ་ཙྭ་བ་རྨ་རིན་ཆེན་མཆོག་གི་འགྱུར། སངས་རྒྱས་མཉམ་སྦྱོར་ལ་རྟོག་པ་ཉི་ཤུ་རྩ་གཉིས་ཀྱི་འགྱུར་ཡོད་ཅེས་པ་ཕྱོགས་གཅིག་ཏུ་བསྡུས་པ་རྟོག་པ་བཅུ་པའི་རྒྱུད་འདི་ཡིན། རྒྱུད་ཕྱི་མ་རྟོག་པ་བདུན་པ་ཡོད། ཕྱི་མའི་ཕྱི་མ་རྟོག་པ་བསྡུས་པའི་རྒྱུད་ཡོད་པ་དང་། ཆ་མཐུན་གྱི་རྒྱུད་རྡོ་རྗེ་གདན་བཞིའི་རྒྱུད་ཡིན་ནོ། །ཡང་རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་སྡུད་པའི་རྒྱུད་དམ་པ། ལེའུ་བཅུ་ཐམ་པ། གུ་ཧུ་གསང་བ་དང་། ལོ་ཙྭ་བ་འབྲོག་མི་དཔལ་ཡེའི་འགྱུར། ཡང་སངས་རྒྱས་མཉམ་སྦྱོར་མཁའ་འགྲོ་མ་སྒྱུ་མ་བདེ་མཆོག་གི་རྒྱུད་ཕྱི་མའི་ཡང་ཕྱི་མ་ལེའུ་ཉེར་གཉིས་པར་རྫོགས་མཐའ་དང་། དངོས་བསྟན་ལེའུ་ཉི་ཤུ་རྩ་གསུམ་ཡོད། རྒྱུད་འདིར་སྟོད་ཆའི་ལེའུ་བཅུ་ཡན་མེད་པ་བཅོ་བརྒྱད་པ་ནས་བགྲངས་པ་ཞིག་བྱུང་བ་ཕྱི་མའི་སྐྱོན་ནམ། རྒྱ་དཔེ་མ་ཚང་ཕྱོགས་གཞན་ལ་དཔྱད་པར་བྱའོ། །མགོར་དཔལ་རྡོ་རྗེ་སེམས་དཔལ་ལ་ཕྱག་འཚལ་ལོ། །ཞེས་ཡོད་པའི་དངོས་བསྟན་ཟླ་གསང་ཐིག་ལེ་ཡེ་ཤེས་ཀྱི་དབང་བསྐུར་བ་ལེའུ་མེད་ཀྱང་། བར་དུ་ཡེ་ཤེས་ཀྱི་དཀྱིལ་མཁོར་དང་པོ་རྫོགས་སོ་ཞེས་ཡོད་ཅིང་། དེ་ཁའི་འཕྲོ་ནས་ལེའུ་མེད་ཟླ་གསང་ཐིག་ལེ་ཞེས་བྱ་བའི་རྒྱུད་ཀྱི་རྒྱལ་པོ་མཆོག་ཏུ་གསང་བ་ཡོངས་སུ་རྫོགས་སོ་མཐའ་ཅན། པདྨ་སམ་བྷ་ཝ་དང་། བསྡེ་དཔལ་བརྩེགས་ཀྱི་འགྱུར་ལ། ཕྱིས་ཁ་ཆེའི་པརྙི་ཏ་ཏེ་ཛ་དེ་བ་དང་། ལོ་ཙྭ་བ་འཕགས་པ་ཤེས་རབ་གྱི་སྐད་གསར་བཅད་ཀྱི་བཅོས་པ། དཔལ་གསང་བ་འདུས་པ་ལེའུ་བཅུ་བདུན། བྲི་མ་ལ་དང་དཔལ་བརྩེགས་ཀྱི་འགྱུར། སླར་ཡང་ཤུདྷ་ཀ་ར་བརྨ་རིན་ཆེན་བཟང་པོས་བསྒྱུར་ཅིང་གཏན་ལ་ཕབ་པ། ཡང་རྒྱུད་ཕྱི་མ་ལེའུ་བཅོ་བརྒྱད། དད་བྱེད་གོ་ཆ་དང་། རིན་བཟང་གི་འགྱུར།ཕྱིས་འགོས་ལོ་གཞོན་ནུ་དཔལ་གྱི་རྒྱ་དཔེ་ལ་གཟིགས་ནས་དག་བཅོས་མཛད་པ། རྒྱུད་ཀྱི་རྒྱལ་པོ་ཆེན་པོ་ལས་ཀྱི་ཕྲེང་བའམ། ཀཨཱོཾ་མུ་ལེ་ལེའུ་དགུ །དྷརྨ་ཤི་པྲ་བྷ་ཛ་དང་། ཨབྱ་བྲི་མ་ལ་སོགས་པའི་པརྙི་ཏ་དང་།རཏྣ་ཨ་གྲས་བསྒྱུར་ཅིང་གཏན་ལ་ཕབ་པ། ཡེ་ཤེས་རྔམ་པ་གློག་གི་འཁོར་ལོ་ལེའུ་བཅུ་བདུན། དྲི་མེད་བཤེས་གཉེན་དང་། བོད་ཀྱི་ལོ་ཙྭ་བ་ཅོག་རོ་ཀླུའི་རྒྱལ་མཚན་གྱི་འཀྱུར། བི་ཤྭ་མི་ཏྲ་དང་། བི་རོའི་འགྱུར་བྱང་འཁོད་པ་ཡང་སྣང་ངོ་། ། ༼བ་པ་ལ༽ རྟ་མཆོག་རོལ་པ་ལེའུ་སུམ་ཅུ་སོ་གཉིས། དཔལ་སྙིང་རྗེ་རོལ་པའི་རྒྱུད་དམ་ཧེ་རུ་ཀ༷༷རོལ་པ་ལེའུ་བཅུ་ཐམ་པ། བིབྱ་ཀ་ར་སིདྷ་དང་། བི་ཤྭ་མི་ཏྲ་དང་། ལོ་ཙྭ་ཁུ་བྱིན་བཙུན་པའི་འཀྱུར། སླར་བལ་པོ་ཐྲིསྒྲི་ཏིས་མང་ཡུལ་བྱམས་སྤྲིན་དུ་སྐད་གསར་པས་བཅོས། འདི་ལ་ད་དུང་འགྱུར་བྱང་མང་པོ་ཡོད། བདུད་རྩི་རོལ་པ་རིམ་པར་ཕྱེ་བ་རྒྱས་པ། བྲི་མ་ལ་དང་གཉགས་འགྱུར། ཕུར་པ་བཅུ་གཉིས་ཀྱི་རྒྱུད་ཅེས་བྱ་བའི་མདོ་ལེའུ་ཉི་ཤུ་རྩ་བཞི། གླང་པོ་རབ་འབོག་གི་རྒྱུད་ལེའུ་ཉེར་བརྒྱད། བི་ཤྭ་མི་ཏྲ་དང་། འཇིང་བསལ་འབར་འགྱུར། འདི་ལ་རྒྱུད་གསུམ་ཡོད་པས་འདི་བཤད་རྒྱུད་ཡིན། འཕགས་པ་ཐབས་ཀྱི་ཞགས་པ་པརློ་ཕྲེང་བའི་དོན་བསྡུས་པ་ཞེས་བྱ་བའི་རྒྱུད་ལེའུ་ཞེ་གཉིས། དྲི་མེད་བཤགས་རྒྱུད་ལེའུ་བཅུ་དྲུག །བྲི་མ་ལ་དང་། གཉགས་ཀྱི་འགྱུར། གཟི་ལྡན་འབར་བ་མཚམས་ཀྱི་རྒྱུད་ལེའུ་མེད་ཁྲོ་བོ་བཅུའི་སྨོན་ལམ་གྱི་མཐའ་ཅན་རྣམས་སོ། །ཡུལ་དམ་པར་གྱུར་པ་ལ་ཁོང་ཁྲོ་བ་ལ་སོགས་སྡིག་པའི་ལས་མི་བཟདཔརེ་རེས་ཕུ་གཏུགས་པར་འཀྱུར་ཏེ། དབུ་མ་འཇུག་པར། སྤྱད་དང་དངོས་དང་ཡོངས་སུ་ཟད་པ་ན། །ཕྱིན་ཆད་དེ་ལས་ལོངས་སྤྱོད་འབྱུང་མི་འགྱུར། །ཅེས་དང་། སྤྱོད་འཇུག་ལས་ཀྱང་། བསྐལ་པ་སྟོང་དུ་བསགས་པ་ཡི། །སྦྱིན་དང་བདེ་གཤེགས་མཆོད་ལ་སོགས། །ལེགས་སྤྱད་གང་ཡིན་དེ་ཀུན་ཀྱང་། ཁོང་ཁྲོ་གཅིག་གིས་འཇོམས་པར་བྱེད། ཅེས་སོ། །དེའི་ཕྱིར་བསྔོ་ཚུལ་ཡང་རྣམ་པ་ཐམས་ཅད་མཁྱེན་པ་ཁོ་ནའི་ཕྱོགས་ཉིད་དུ་མི་བསམ་ན་གྱི་ནར་འཕྱན་པའི་ཚུལ། ལི་ཙྭ་བྲིས་ཞུས་པའི་མདོ་ལས། མང་པོ་ཡང་ཉུང་ངུར་རེག་པར་བྱ་སྟེ། །ཀུན་མཁྱེན་དུ་མ་བསྔོས་པའི་ཕྱིར་རོ། །ཞེས་སོ། །འདི་ལྟར་དམ་པ་གསུམ་གྱི་ཟིན་པ་ནི་ཐར་པ་ཆ་མཐུན་གྱི་དགེ་བ་ཡིན་ལ། མ་ཟིན་ན་བསོད་ནམས་ཆ་མཐུན་ཞེས་བྱ་སྟེ་འབྲས་བུ་དམན་པར་འགྱུར་བ་ཡིན་ནོ། །གཉིས་པ་རང་བཞིན་བྱེ་བྲག་ཏུ་བཤད་པ་ལ་གསུམ། གང་ཞིག་བསྔོ་བྱ་བསོད་ནམས་ཀྱི་ཁྱད་པར། གང་དུ་བསྔོ་བ་ཡུལ་གྱི་ཁྱད་པར། ཇི་ལྟར་བསྔོ་བ་ལམ་གྱི་ཁྱད་པར་རོ། །དང་པོ་ནི། དུག་གསུམ་མེད་པའི་སེམས་ཀྱིས་ཀུན་ནས་བླངས་པའི་སྒོ་གསུམ་གྱི་དགེ་བའི་རྩ་བ་གང་ཡིན་པ་སྟེ།རིན་ཆེན་འཕྲེང་བ་ལས། མ་ཆགས་ཞེ་སྡང་གཏི་མུག་མེད། །དེས་བསྐྱེད་ལས་ནི་དགེ་བའོ། །ཞེས་པའོ། །དེ་ཉིད་ཀྱང་བསོད་ནམས་བྱ་བའི་དངོས་པོའི་སྒོ་ནས་དབྱེ་ན། སྦྱིན་པ་ལས་བྱུང་བ་དང་།ཚུལ་ཁྲིམས་ལས་བྱུང་བ་དང་། སྒོམ་པ་ལས་བྱུང་བའི་བསོད་ནམས་བྱ་བའི་དངོས་པོ་སྟེ་གསུམ་དུ་འགྱུར་བ་ལས། དེང་འདིར་སྐབས་སུ་བབ་པ་ནི་སྦྱིན་པ་ལས་བྱུང་བའི་བསོད་ནམས་བྱ་བའི་དངོས་པོ་སྟེ། དེ་ལ་དབྱེ་ན། ཟང་ཟིང་མི་འཇིགས་ཆོས་དང་བྱམས། །སྦྱིན་པ་རྣམ་བཞི་རྟག་ཏུ་སྤྱིན། །ཞེས་པ་ལས་དང་པོ་གཙོ་བོར་གྱུར་པ་སྟེ། ཇི་ལྟར་སྤྱིན་ན། འདི་སྐད་དུ། དུས་སུ་སྦྱིན་དང་འཀྱོད་པ་མེད་པ་དང་། །ཡིད་འོང་སྤྱིན་དང་རྣམ་སྨིན་མི་རེ་བ། །ཞེས་གསུངས་པའི་མཚན་ཉིད་བཞི་ཚང་བས་སངས་རྒྱས་ཀྱི་རྒྱུར་བསྔོ་བར་མི་རུང་བ་མེད་ལ། སྤྱིར་ལེགས་བྱས་ཀྱི་ཕུང་པོ་འདིའི་ཁོང་དུ་སྤྱིན་པ་བཞི་ཀའི་རྣམ་གཞག་ཚང་བར་སྨོས་སུ་ཡོད་པའང་ཡིན་ནོ། །གཞན་ཡང་ཤིན་ཏུ་རྒྱས་པའི་སྡེ་སྣོད་དང་། བསྡུས་པ་ཚིགས་སུ་བཅད་པ། ཕུང་པོ་གསུམ་པ་ལ་སོགས་པའི་དགོངས་པ་བཞིན་ཕྱོགས་བཅུའི་འཇིག་རྟེན་གྱི་ཁམས་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྲངས་མེད་པ་ཡོད་དེ། དེ་དག་ཏུ་དུས་གསུམ་དུ་གཤེགས་ཤིང་བྱོན་པའི་སངས་རྒྱས་བཅོམ་ལྡན་འདས་རྣམས་ཀྱིས་དང་པོར་བྱང་ཆུབ་མཆོག་ཏུ་ཐུགས་བསྐྱེད་པ་ནས། མཐར་མངོན་པར་རྫོགས་པར་སངས་རྒྱས་པ་དང་། ཕ་རོལ་ཏུ་ཕྱིན་པ་དྲུག་ལས་བརྩམས་པའི་དགེ་བའི་རྩ་བ་དང་། བྱང་ཆུབ་སེམས་དཔའ་དང་། རང་སངས་རྒྱས་དང་། ཉན་ཐོས་སློབ་པ་དང་། མི་སློབ་པ་དང་། སངས་རྒྱས་རྣམས་ཀྱི་རྗེས་སུ་བསྟན་པ་ཐོབ་པའི་ལྷ་མི་ལ་སོགས་པས་ཟག་བཅས་དང་ཟག་མེད་ཀྱི་དགེ་བའི་རྩ་བ་གང་དག་བསྐྲུན་པ་རྣམས་ཀྱང་བློ་གྲོས་ཆེན་པོས་ཡོངས་སུ་བསྔོ་བྱ་ཉིད་དེ། ཕལ་པོ་ཆེ་ལས་ཀྱང་། ཕྱོགས་བཅུའི་འཇིག་རྟེན་དག་ན་གང་ཡོད་པའི། །དགེ་བ་དེ་དག་ཡང་ཡང་སྒྲུབ་པས་ན། །འགྲོ་བ་ཀུན་ལ་ཕན་དང་བདེ་སེམས་ཀྱིས། །ཡེ་ཤེས་མཁས་པ་དེ་དག་ཡོངས་སུ་བསྔོ། །ཞེས་པས་བསྟན་ནོ། །གཉིས་པ་ནི། དགེ་བའི་རྩ་བ་དེ་དག་ཀྱང་སངས་རྒྱས་ཀྱི་ས་ཁོ་ནར་བསྔོ་བའི་ཡུལ་དུ་དམིགས་པ་ལས། གཞན་མི་མཇེད་ཀྱི་བདག་པོ་ཚངས་པ་དང་། བརྒྱ་བྱིན་དང་། སྟོང་འཁོར་ལོས་སྒྱུར་བའི་རྒྱལ་པོ་དང་། ཁམས་ཀྱི་རྒྱལ་ཕྲན་དང་། འཁོར་དང་ལོངས་སྤྱོད་ཕུན་སུམ་ཚོགས་པའི་བདེ་འབྲས་ཀྱི་སླད་དུ་བསྔོ་བར་བྱ་བ་ནི་བཟང་པོ་མ་ཡིན་ཏེ། དེ་དག་ནི་གནས་སྐབས་ཀྱི་བདེ་བ་ཅན་འཁོར་བའི་རྒྱུ་ལ་བརྟེན་པ། སྡུག་བསྔལ་གྱི་འབྲས་བུ་ལས་མ་བརྒལ་བ་ཡིན་ལ། དགེ་བ་ནི་གཏན་གྱི་འདུན་མ་ཁོ་ནའི་སླད་དུ་བསགས་པ་ཡིན་པས་སོ། །འདི་ལྟར་གཏན་གྱི་འདུན་མ་དེའང་རང་ཉིད་གཅིག་པུ་སྡུག་བསྔལ་དང་བྲལ་བ་ཙམ་དུ་སེམས་པ་ཉན་ཐོས་ཀྱི་སའམ། རང་སངས་རྒྱས་ཀྱི་སར་ཡོངས་སུ་བསྔོ་བ་ཡང་མ་ཡིན་ཏེ། དེ་དག་ནི་རང་དོན་གྱི་ཞི་བདེ་འབའ་ཞིག་ལྷུར་བྱེད་པས། གཞན་དོན་དུ་རྫོགས་པའི་བྱང་ཆུབ་ཐོབ་པའི་གནས་ལ་གེགས་སུ་བྱེད་པའི་ཕྱིར་རོ། །དེའི་ཕྱིར་བསྔོ་བ་མཚན་ཉིད་པ་ནི། རྒྱལ་བའི་ཡུམ་ལས། དགེ་བའི་རྩ་བ་ཐམས་ཅད་རྣམ་པ་ཐམས་ཅད་མཁྱེན་པ་ཉིད་མ་གཏོགས་པ་ཉན་ཐོས་ཀྱི་སའམ། རང་སངས་རྒྱས་ཀྱི་སར་ཡོངས་སུ་བསྔོར་མི་འཇུག་པ་ཡིན་ནོ། །ཞེས་གསུངས་པས་སོ། །གསུམ་པ་ལ་གཉིས། ཇི་ལྟར་བསྔོ་བའི་མི་མཐུན་པའི་ཕྱོགས་སྤོང་བ་དང་། མཐུན་པའི་ཕྱོགས་བསྒྲུབ་པའོ། །དང་པོ་ནི། གང་དུ་བསོད་ནམས་བྱས་པ་ལ་བསྔོ་བ་བྱས་པའི་དམ་བཅའ་བརྟན་པོར་གྱུར་ཀྱང་འཁོར་གསུམ་དུ་མཚན་མར་འཛིན་པའི་འདུ་ཤེས་ཅན་ལ་དམིགས་པ་མེད་པའི་ཤེས་རབ་ཀྱིས་མ་ཟིན་པའི་དུག་བཅས་ཀྱི་བསྔོ་བ་ཁ་ན་མ་ཐོ་བ་འབྱུང་སྟེ།བརྒྱད་སྟོང་པ་ལས། དམིགས་པའི་འདུ་ཤེས་ཅན་ལ་ཡོངས་སུ་བསྔོ་བ་མེད་དོ། །དེ་ཅིའི་ཕྱིར་ཞེ་ན། དམིགས་པ་ནི་དུག་དང་བཅས་པའོ། །ཞེས་སོ། །དེའི་ཕྱིར་དངོས་པོ་དང་། བསམ་པ་དང་། ཡུལ་གསུམ་ལ།བདེན་བདེན་པོར་ཞེན་ཅིང་ཆགས་པ་ནི་འཁོར་གསུམ་རྣམ་པར་རྟོག་པ་ཤེས་བྱའི་སྒྲིབ་པ་ཡིན་ཏེ། མགོན་པོ་བྱམས་པས། འཁོར་གསུམ་རྣམ་པར་རྟོག་པ་གང་། །དེ་ནི་ཤེས་བྱའི་སྒྲིབ་པར་འདོད། །ཅེས་སོ། །གཉིས་པ་ནི། ཐབས་བྱང་ཆུབ་ཀྱི་སེམས་དང་། ཤེས་རབ་བདག་མེད་པའི་ལྟ་བས་ཟིན་པའི་ངང་ནས་ཡོངས་སུ་བསྔོ་བ་ནི་བཟང་པོ་བཞི་དང་ལྡན་པའི་བསྔོ་བ་ཡིན་ཏེ། དེ་སྐད་དུ། དམིགས་པ་བཟང་དང་སྟོན་པ་དང་། །ཐབས་བཟང་བ་དང་ངེས་འབྱུང་དང་། །སྤྱོད་པ་བཟང་པོ་བདག་ཉིད་ཀྱིས། །ཡང་དག་སྨོན་ལམ་ཡིན་པར་བཤད། །ཅེས་པ་ལྟར་རོ། །དེ་ལ་ཐབས་ནི་བྱང་ཆུབ་ཀྱི་སེམས་དམ་པས་ཟིན་པ་སྟེ། ཇི་ལྟར་བསྒྲུབ་པའི་དགེ་བ་ཐམས་ཅད་ཀྱང་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་དང་ཐུན་མོང་དུ་བྱས་ནས་རྣམ་མཁྱེན་དམ་པའི་གོ་འཕང་དན་དུ་གཉེར་བའི་འདུན་པ་དང་མ་བྲལ་བ་སྟེ། ཞི་བ་ལྷས། དངོས་སམ་ཡང་ན་རྒྱུད་ཀྱང་རུང་། །སེམས་ཅན་དོན་ལས་གཞན་མི་སྤྱད། །སེམས་ཅན་ཁོ་ནའི་དོན་གྱི་ཕྱིར། །ཐམས་ཅད་བྱང་ཆུབ་ཕྱིར་བསྔོའོ། །ཞེས་སོ། །དེ་ལྟ་བུའི་བྱང་ཆུབ་སེམས་ཀྱིས་ཡོངས་སུ་ཟིན་པའི་བསོད་ནམས་ཀྱི་འབྲས་བུ་ནི་ནམ་ཡང་ཟད་མི་ཤེས་ལ། རང་བཞིན་གྱིས་འཕེལ་བར་འགྱུར་བའི་ཕྱིར་དགེ་བ་གཞན་ཐམས་ཅད་ལས་མཆོག་ཏུ་གྱུར་པ་ཡིན་ཏེ། སྤྱོད་འཇུག་ལས། དགེ་བ་གཞན་ཀུན་ཆུ་ཤིང་བཞིན་དུ་ནི། །འབྲས་བུ་སྤྱད་པས་ཟད་པར་འགྱུར་བ་ཉིད། །བྱང་ཆུབ་སེམས་ཀྱི་ལྗོན་ཤིང་རྟག་པར་ཡང་ འབྲས་བུར་བྱིན་པས་མི་ཟད་འཕེལ་བར་འགྱུར། ཅེས་དང་། སེམས་ཅན་གྱི་ཁམས་ཚད་མེད་པ་ལ་དམིགས་པས་བསོད་ནམས་ཀྱང་ཚད་མེད་པའི་ཚུལ། རིན་ཆེན་འཕྲེང་བ་ལས སེམས་ཅན་ཁམས་ནི་ཚད་མེད་ལ། །ཕན་འདོད་དེ་ནི་དེ་འདྲའོ། །ཞེས་སོ། །དེ་ཀུན་ཀྱང་ཤེས་རབ་བདག་མེད་པའི་ལྟ་བས་ཟིན་པས་མཉམ་བཞག་གི་ངོ་ན་འཁོར་གསུམ་རྣམ་པར་མི་རྟོག་ལ། རྗེས་ཐོབ་ཏུ་སྒྱུ་མ་དང་རྨི་ལམ་ལྟ་བུའི་ཆོས་ཉིད་ཤེས་པའི་བསྔོ་བ་ནི། བྱང་ཆུབ་ཀྱི་ལམ་མ་ནོར་བ་ཉིད་དུ་འགྱུར་བ་ཡིན་ཏེ། སྡུད་པ་ལས། གལ་ཏེ་འདི་ལྟར་ཆོས་འདི་འགགས་ཤིང་ཟད་པ་དང་། གང་དུ་ཡོངས་སུ་བསྔོ་བ་དེ་ཡང་ཟད་པ་དང་། ཆོས་ཀྱི་ཆོས་ལ་ནམ་ཡང་མི་བསྔོ་ཤེས་གྱུར་ན། དེ་ལྟར་རབ་ཏུ་ཤེས་པས་ཡོངས་སུ་བསྔོས་པ་ཡིན། ཞེས་གསུངས་ཤིང་། །ཚུལ་དེ་ལྷ་བུས་བསྔོ་བའང་། སྤྱོད་འཇུག་ལས། སངས་རྒྱས་བྱང་ཆུབ་སེམས་དཔའ་དག །ཀུན་ཏུ་ཐོགས་མེད་གཟིགས་པ་ལྡན། །དེ་དག་ཀུན་གྱི་སྤྱན་སྔ་ན། །བདག་ནི་རྟག་པར་གནས་སོ་ཞེས། །ཞེས་པས་རྒྱུ་འབྲས་མི་འཆོལ་ཞིང་བསླུ་བ་མེད་པའི་བདེན་དཔང་ཕྱོགས་ག་ཤེད་ནས་སྤྱན་འདྲེན་པ་དང་བཅས་པའི་ངལ་བ་ལ་མ་ལྟོས་པ་ཉིད་ཀྱི་ཕྱིར། ཕྱོགས་བཅུ་དང་མུར་གཏུགས་པ་མེད་པའི་ཞིང་ཁམས་རབ་འབྱམས་རྒྱ་མཚོ་ན་འཚོ་ཞིང་བཞེས་པའི་བཅོམ་ལྡན་འདས་སྲས་དང་སློབ་མར་བཅས་པ་རྣམས་དུས་གསུམ་སྒྲིབ་གཡོགས་དང་བྲལ་བར་བཞུགས་པའི་སྤྱན་སྔར། ཇི་ལྟར་བསྔོས་པའི་འབྲས་བུ་དེ་དེ་བཞིན་དུ་འགྲུབ་པའི་མཐུན་འགྱུར་ཞུ་བ་ཡིན་ནོ། །དེའང་འདི་ལྟར་ལས་བཞི་འཁོར་ལོའི་རྒྱུད་ཕྱི་མ་ལས། དུས་ངན་ཐ་མ་བྱུང་བའི་ཚེ། །ལྷ་མོའི་ནང་ན་འོད་ཟེར་ཅན། །འཕགས་པའི་ནང་ན་འཇམ་དཔལ་ཉིད། །འདི་གཉིས་མ་རྟོགས་དངོས་གྲུབ་གཞན། །རིག་འཛིན་ཀུན་ལ་མ་ཡིན་ནོ། །ཞེས་པ་ལྟར། ཐུགས་རྗེ་དང་འཕྲིན་ལས་ཆེན་པོའི་བ་གམ་བླ་ན་མཐོ་ཞིང་། ཐེག་པ་ཆེན་པོའི་ཆོས་ཚུལ་རྒྱ་མཚོའི་མཚན་ཉིད་གང་ཡིན་པ་མ་འདྲེས་གསལ་བའི་བློ་གྲོས་ལ་གདོན་མི་ཟ་བའི་མཁྱེན་རབ་ཀྱི་ཚེར་མ་རྣོན་པོ་དང་འགྲོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་དང་། གཞོན་ནུ་ནོར་བཟང་གི་ཁྱུ་མཆོག་ལྟ་བུའི་བཤེས་གཉེན་དམ་པ་མང་དུ་བསྟེན་པ་ཐམས་ཅད་ཀྱི་ནང་ན་ཚངས་པའི་གནས་པ་བཞིའི་མི་མཐུན་ཕྱོགས་ལས་རྣམ་པར་གྲོལ་བའི་བྱང་ཆུབ་སྤྱོད་པའི་དབང་པོ་འཕགས་པ་ཀུན་ཏུ་བཟང་པོའི་རྗེས་སུ་སློབ་ཅིང་། རྗེས་སུ་བསྒྲུབ་པའི་འདུན་པ་དང་བཅས་ཏེ། ད་ལྟར་གྱི་ལེགས་པར་བྱས་པའི་ཕུང་པོ་དང་འགྲོགས་ནས་འདས་པ་དང་མ་འོངས་པའི་ཆ་ལ་བྱེད་པར་འགྱུར་བ་ཡང་སེམས་ཅན་ཐམས་ཅད་ཀྱི་དོན་དུ་བླ་ན་མེད་པའི་བྱང་ཆུབ་ཁོ་ན་ལ་གཅིག་ཏུ་འདུན་པས་ཡོངས་སུ་བསྔོ་བར་བྱ་སྟེ། འདི་ལ་འདོད་པ་ཁ་ཅིག་གིས། རྒྱུ་དགེ་བ་སྔོན་སོང་ནི་བསྔོ་བ། དེ་ལས་ལྡོག་པ་ནི་སྨོན་ལམ་ཞེས་རྣམ་དབྱེ་བྱེད་ཀྱང་ཕུང་པོ་གསུམ་པ་ལ་སོགས་ཏེ་ཡོངས་སུ་གྲགས་པ་དང་ཚད་མས་འགལ་བས། ད་ལྟ་ནས་རྒྱུ་དགེ་རྩ་སྔོན་དུ་སོང་བའམ་མིན་ཡང་རུང་སྟེ། འཁོར་གསུམ་མི་དམིགས་པའི་ཤེས་རབ་ཀྱིས་ཟིན་པ་བསྔོ་བ། དེར་མ་ལྟོས་པ་ལ་སྨོན་ལམ་ཞེས་ཐ་སྙད་དུ་བཏགས་ནས་བསྔོ་བར་བྱ་བའི་དུས་ལ་གཏན་ཚིགས་མེད་པར་བྱས་ན་ལེགས་པར་འགྱུར་གྱིས། དེ་ལྟར་དུ་བསྔོ་བའི་ཚིག་གི་བརྗོད་པ་ལའང་མདོ་སྡེ་དྲན་པ་ཉེར་གཞག་ལས། དམ་པའི་ཆོས་ཤིན་ཏུ་གསལ་བར་བྱེད་པའི་སྙན་དངགས་བྱའོ། །དེ་ལས་མྱ་ངན་ལས་འདས་པའི་མཐར་ཐུག་པར་འགྱུར་རོ། །ངལ་བ་འབྲས་བུ་དང་བཅས་པར་འགྱུར་རོ། །གཞན་དག་གིས་དེ་རབ་ཏུ་བསྔགས་པར་གྱུར་རོ། །ལུས་ཞིག་ནས་ཤི་བའི་འོག་ཏུའང་ལྷ་རྣམས་སུ་སྐྱེ་བར་འགྱུར་རོ། །ཞེས་གསུངས་པ་ལྟར། ས༷སྒྲོ་ཏའི་སྐད་དུ་ཀ་བི་སྟེ། གངས་རིའི་ཁྲོད་ན་སྙན་དངགས་སུ་གྲགས་པ་སྔོན་གྱི་སློབ་དཔོན་རྭ་མ་ཤརྨ་ལ་སོགས་པའི་གཞུང་གི་དོན་འཕགས་པའི་ཡུལ་གྱི་གནས་ལྔ་རིག་པར་སྨྲ་བའི་པརྙི་ཏ་དརྙིའམ། དབྱུག་པ་ཅན་ཞེས་བྱ་སྟེ་མིང་གི་མངོན་པར་བརྗོད་པས་གྲུབ་མཐའ་ཅིག་་།ས་ལ་ཞུགས་པ་ཡིན་ཡང་རུང་སྟེ། རྒྱུད་ནས་རྣམ་པ་ཐམས་ཅད་མཁྱེན་པའི་ཁམས་ལ་ཉེ་བར་རྒྱུ་བའི་སྙིང་པོ་ཅན་གྱི་རིག་པའི་ཡན་ལག ཁྱད་པར་ཅན་ལ་མ་རྨོངས་པ་དེ་འདི་སྐད་དུ། བསྟན་བཅོས་སྔ་མ་རྣམས་བསྡུས་ཤིང་། །སྦྱོར་བ་རྣམས་ཀྱང་ཉེར་མཚོན་ཏེ། །ཇི་ལྟར་ནུས་བཞིན་བདག་གིས་ནི། །སྙན་དངགས་རྣམས་ཀྱི་མཚན་ཉིད་བྱ། །ཅེས་ཀ་བྱུ་དརྙ་ཞེས་པའི་གཞུང་རྒྱས་བསྡུས་འཚམས་པར་བསྡུས་ཤིང་། དཔེར་བརྗོད་ཀྱི་མཚོན་པར་བྱས་པ་ཉིད་གངས་རིའི་ཁྲོད་འདིར་བསླབ་ཏུ་རུང་བའི་སྲོལ་ཤིན་ཏུ་དར་བར་གྱུར་པའི་རྗེས་སུ་འདུན་པ་ཕྱོགས་པ་ཡིན་ཏེ། རྒྱུ་གང་གིས་ན། དེ་ཉིད་ཀྱིས། མཁས་པས་ཡང་དག་རབ་སྦྱར་བའི། །ངག་ནི་ངག་གི་འདོད་འཇོར་བཤད། །ཅེས་དང་། དེ་སྐད་དུ། རྒྱལ་པོ་ལང་ཚོས་དྲེགས་གྱུར་ཀྱང་། །རྒྱན་མེད་པ་ན་སྐྱེ་བོས་གླེང་། །དེ་ཕྱིར་སྙན་དངགས་མི་ལྡན་པའི། །བསྟན་བཅོས་ཕལ་ལ་བརྩི་བ་མེད། །ཅེས་པས་སོ། །དེའི་ཕྱིར་ཡུལ་ལྷོ་ཕྱོགས་པའི་པཟླིཊ་ཏ་ནག་མོའི་ཁོ་ལ་ལྷག་པའི་ལྷས་དངོས་གྲུབ་བྱིན་པ་བཞིན། འདིར་རང་བཞིན་རྫོགས་པ་ཆེན་པོ་ཤེས་རབ་རང་བྱུང་གི་སྒྲོན་མའི་གདངས་འགགས་པ་མེད་པའི༷་རྩལ་སྣང་ནི་རྣམ་པ་ཐམས་ཅད་མཁྱེན་པའི་རྟེན་ཅིང་འབྲེལ་བར་འབྱུང་བའི་ཆོས་དང་ཕྱོགས་ཀུན་ནས་ཉེ་བར་གྱུར་པ་ཡིན་པས་བརྗོད་པའི་ཚིག་ཀྱང་སྐལ་བ་ངན་པའི་གྲོང་ཁྱེར་དུ་མི་འཇུག་པ་ནི། འདི་ལྟ་སྟེ། ཅོ།་སྭ་སྟི་པྲརྙོ་སྒྱ། དཔལ་གྱི་ཡོན་ཏན་དམ་པའི་འབྱུང་གནས་ལྷུན་གྲུབ་ཞི་བ་གངས་ཆེན་མཚོ། །མཐའ་དང་བྲལ་བའི་མུ་ཁྱུད་གསར་པ་ཀུན་གསལ་ལམ་གྱི་རྗེས་སོང་བ། །ཡང་སྲིད་མེད་པའི་ཆོས་རྣམས་མ་ལུས་གཞོལ་འགྲོའི་གདོང་གི་རི་མོ་བཞིན། །བརྟན་པ་བྲལ་བའི་ངང་ཚུལ་འདི་ནི་སངས་རྒྱས་རྣམས་ཀྱི་ཁྱད་པར་ཆོས། ༡ །དེ་ཉིད་ཐོབ་བྱེད་མཐོང་དང་སྒོམ་ལམ་རྣོ་དབལ་མཚོན་གྱི་གདེངས་ཀ་ཅན། །གཉིས་སུ་བགྱི་དང་ཀུན་ཏུ་རྟོག་པའི་དྲུ་བ་གཅོ་ད་བྱེད་བདེན་པའི་གསུང་། །ཞི་གྱུར་ཆགས་བྲལ་དམ་པའི་ཆོས་ནི་ས་སོ་ཡང་དག་རིག་བཞིའི་དངོས། །ཀུན་རྫོབ་མཚན་མའི་ཆོ་ག་མ་ལུས་འགོག་བྱེད་ཁྱོད་ལས་གཞན་ཡོད་མིན། ༢ །རྟག་ཆད་སྨྲ་ལ་ཁྲོ་བ་སྤངས་པའི་སྡང་ཞེན་མི་བཟད་གཙུག་ཕུད་ལྡན། །རིག་དང་གྲོལ་བའི་བློ་གྲོས་གཏེར་གྱི་རལ་པའི་ལེན་བུ་གཡོ་བའང་། །མཚམས་སྤྱིན་གསར་པས་བླ་རྣམས་བསྒྲིབས་ཏེ་དུལ་བའི་ངང་ཚུལ་ལྷུར་བྱེད་པ། །བསྟན་པ་རྒྱ་མཚོའི་རྩ་ལག་གཅིག་གྱུར་རིན་ཆེན་གསུམ་ལ་སྐྱབས་སུ་མཆི།༣ །འགྲོ་ ཁམས་ བྱང་ གྲོལ་ ས་ བོན་ བསྐྱེད་ བསྲིང་ སྙན་ ཚིག་ དཔྱིད་ ཀྱི་ རྒྱང་ གླུའི་ སྒྲས། །དགེ་ ཚོགས་ བྱང་ ཆུབ་མྱུ་ གུར་ སྨིན་ བྱེད་ཤིན་ཏུ་རྣམ་ བཀྲའི་འོག་ པག་ཅན། །ལེགསབྱསསྐྲུ་སྡུག་ཚོན་་གྱིས་བསྡེབས་པའི་སྒྲོ་གཤོག་ཟླུམ་པོར་གཡོ་བའི་གར། །མུ་མཐའ་མེད་པའི་སྤྲུལ་བསྒྱུར་འདི་ནི་་སྲིད་དང་ཞི་བའི་གྲོང་ན་མཛེས། ་ །རིགས་ཅན་གསུམ་གྱི་གདུལ་བྱའི་རྣམ་རྟོག་གདྷའི་ཀླུང་གི་བྱེ་མ་སྙེད། །ཐེག་པ་གསུམ་གྱི་ཆོས་ཀྱི་འཁོར་ལོའི་ཟ་མ་ཏོག་ཏུ་རྒྱས་བཏབ་ནས། །སྐྱེས་བུ་གསུམ་གྱི་ལམ་ལས་དབུགས་འབྱིན་ཐོབ་པའི་ས་མཁན་སུ་ཞིག་ན། །སྐུ་གསུམ་སྟོན་པ་མཆོག་གི་ངོ་བོ་རྡོ་རྗེ་གདན་པ་ས་འཚོའི་བདག༥ །ཕྱོགས་བཅུ་རབ་འབྱམས་མཐའ་མེད་རོལ་པ་ལྷ་ཡི་རྫིང་རིང་རབ་སོང་བ། །དེ་དེའི་རྡུལ་གཅིག་ཇི་སྙེད་ཞིང་ཁམས་བརྒྱ་ཚར་བཀོད་པའི་ཁྱོན། །བྱོན་དང་འབྱོན་གྱུར་འཚོ་ཞིང་བཞེས་པའི་མངོན་ཤེས་དྲུག་ལྡན་སངས་རྒྱས་དང་། །དབང་བཅུ་ལྡན་པའི་སེམས་དཔའ་རྣམས་ཀྱི་འདི་ནི་བརྗོད་པ་དོན་ལྡན་མཛོད།༦ །གང་ཞིག་སྟོན་གྱི་ཟླ་བའི་སྐྲུན་ཟླ་བསོད་ནམས་དམ་པའི་མི་ཁྱུད་ནང་། །གནས་སྐབས་མཐར་ཐུག་བསྔོ་བྱའི་སྨོན་པ་རི་དྭགས་གཞོན་ནུའི་ལང་ཚོ་ཅན། །སྲས་བཅས་རྒྱལ་བའི་བདེན་དབང་སྤྲིན་ལམ་སྙན་དངགས་དམ་པའི་ཤིང་རྟར་བརྟེན། །དེ་ལ་དབྱངས་གཅིག་ཁོ་ནའི་ངེས་པས་མཐུན་འགྱུར་རོལ་མོ་དར་དིར་སྒྲོག ༧ །འཁོར་བ་རྒྱ་འཚོར་སྐྱེ་བའི་འཁྲི་ཤིང་བཙུགས་པའི་རྣམ་གྲངས་དེ་སྙེད་ཀུན། །གཞན་དབང་ཉིད་དུ་ཡོང་ཡེམ་མ་བཟུང་གྱ་གྱུའི་མཚོན་གྱིས་མ་གཞར་བའི། །གཅིག་ཏུ་རྣམ་པར་དཀར་བའི་ལས་ལམ་བྱུང་དང་འབྱུང་འགྱུར་ཐམས་ཅད་ཀྱང་། །ལེགས་པར་བྱས་པའི་རྣམ་དཀར་འདི་དང་གཉིས་སུ་མ་ཡིན་འཛའ་བར་བྱེད། ༨ །འདི་ན་བསོད་ནམས་བདུན་གྱི་བདུན་པའི་སྔོན་ན་དལ་འགྲོ་ཁྱུང་སྔོན་སྐྱེས། །དགེ་བའི་ཆོས་རྣམས་མ་ལུས་བསྡུད་བྱེད་ཡན་ལག་བདུན་གྱི་ཤིང་རྟ་ལ། །ཉེས་བྱས་མ་ལུས་སྐམས་པར་བྱས་པའི་ཁུར་གྱི་དུབ་གང་ངལ་གསོ་བར། །དབུགས་འབྱིན་ཐོབ་ཅེས་གཏམ་དུ་གླེང་བ་འདི་ཡང་བརྗོད་པ་དོན་དང་ལྡན།༩ །ཕྱག་འོས་རྣམས་ཀྱི་སྤྱན་སྔར་མཆིས་པའི་ལང་ཚོའི་འཁྲི་ཤིང་གཞོན་ནུ་མ། །ལྷ་ཆེན་འཕྲུལ་དགར་མངོན་དུ་རྫུ་བའི་ཉམས་དང་འགྱུར་བ་ཟད་མི་ཤེས། །ཀུན་ཏུ་བཟང་པོའི་ཏིང་འཛིན་སྒྱུ་མ་རི་མོ་མཁན་གྱི་བློ་གྲོས་ལ། །མི་མཇེད་འདི་ཡང་སྣོད་དུ་ཆུང་ཞེས་གྱ་ནོམ་མཆོད་སྤྲིན་སྤྲོ་བ་བྲེལ། ༡༠ །ཞོ་འཐུང་རུས་པའི་མཚོན་གྱི་འབིགས་པར་མ་ནུས་ཤིང་། །གསྐོའི་ཀླུང་རྒྱུན་ཡོངས་ཀྱི་ཉེ་རེག་ངལ་བྱེད་པའི། །བཅས་དང་རང་བཞིན་ཁ་ན་མ་ཐོའི་སྒྲིབ་བྱེད་འདིས། །ཐར་པ་ཉམས་བྱས་དེང་འདིར་སྟོབས་བཞིའི་ཆོ་གས་སྨད། ༡༡ །ལྷག་པའི་བསམ་པ་ག་བུར་ཐིགས་པ་འཛག་པ་དེས། །སྲིད་ཞིའི་དགེ་ཚོགས་ཀུན་ལ་ཞེན་པའི་མཐུ་ཡོད་ན། །འདུན་པ་གཅིག་གི་གཞན་གྱི་ལེགས་བྱས་དབྲོག་ནུས་པ། །རྗེས་སུ་ཡི་རངས་སྒོམ་པའི་ཕ་མཐའ་སུ་ཡིས་བགྲང་། ༡༢ །སྤངས་རྟོགས་ཡོན་ཏན་ལྟར་མི་མངོན་པ་དེ་སྲིད་དབེན་པར་རབ་བསྔགས་མོད། །རྒྱལ་རྣམས་ཐེག་དམན་མཆོག་ཏུ་འཛིན་མིན་ཞི་བར་གཞོལ་ལྟ་ག་ལ་ཞིག །བདུན་ཕྲག་བདུན་དུ་སྤྲོ་བ་ཞན་པ་བསྐུལ་བའི་བསོད་ནམས་འཕེལ་ཕྱིར་ན། །འདིར་ཡང་ཚངས་དང་དབང་པོའི་རྗེས་སུ་ཆོས་འཁོར་བསྐུལ་ལ་སྐྱོ་བ་མེད། ༡༣ །གང་ཞིག་སེམས་ཅན་ཡལ་བར་འདོར་བའི་བརྟུལ་ཞུགས་ཡོང་ཡེར་མ་བཟུང་བཞིན། །མྱ་ངན་འདའ་བ་ཆོས་སྐུའི་མཚན་ཉིད་སྟོན་ལ་རབ་ཏུ་དགོངས་པའི་ཕྱིར། །དེ་ལས་གཞན་དུ་རྣམ་པར་འཁྱམས་པའི་འགྲོ་བ་དག་ལ་སླར་གཟིགས་ནས། །བཞུགས་སུ་གསོལ་བ་འདེབས་པར་བྱེད་དང་བདག་ཉིད་གྲོས་སུ་མཐུན་པ་ཡིན། ༢་ །འདི་ན་ཞིང་བསམ་སྦྱོར་བ་དག་པའི་དབྱིག་འཛིན་ཁྱོན། །ལྷ་ཡི་འཁྲི་ཤིང་མསྡོ་ར་བའི་ཡོངས་བསྔོ་ནི། །ཡོན་ཏན་མི་ཟད་དཔལ་གྱི་དུམ་བུའི་ལང་ཚོ་ཅན། །རྣམ་པ་ཀུན་ནས་ཐམས་ཅད་གཟིགས་པའི་འབྲས་བུར་སྨིན། ༡༥ །རིང་མོ་ཉིད་ནས་སྔ་འགྱུར་བསྟན་པ་དགའ་བས་བརྒྱན། །འདོད་ཆགས་ཟམ་པས་འགེགས་པར་རྩོམ་པའི་བདེ་བླག་ཅན། །གང་གིས་ཡིད་ལ་ཟུག་རྔུའི་ཚོར་བ་སྟེར་བྱེད་པའི། །ལས་དང་དེ་ཡི་རྟོགས་པ་བརྗོད་འདི་དོན་ལྡན་ཡིན། ༡༦ །གང་ཞིག་ལེགས་བྱས་ཡི་གེའི་འཛུམ་གྱིས་བསུས་པ་དེ་ཡི་བཞིན་རས་ལ། །གཅིག་ཏུ་དགའ་བའི་ཆོམ་རྐུན་ཆེན་པོས་གདོན་མི་ཟ་བར་བཏབ་པའི་ཡིད། །གཏོང་ལ་གོམས་དང་ལས་ཀྱི་འབྲེལ་བ་དོན་ལྡན་ཉིད་དུ་གང་གིས་ན། །སྙན་དངགས་དམ་པའི་སྲས་བུ་འདི་ཡི་ལན་བརྒྱར་འཚེམས་པའི་གྲོགས་སུ་བྱེད། ༡༧ །གཡོ་སྒྱུའི་གཏམ་དང་ཀྱལ་པའི་ཚིག་ནི་ཇི་ཙམ་འབད་ཀྱང་གཞན་དབང་ཅན། །དེ་ཉིད་སྤངས་ལས་དྲང་སོང་ངག་གི་མཚོན་ཆ་རྣོན་པོ་བརྡར་བ་དང་། །རིགས་སྔགས་གྲུབ་པའི་གཙུག་ཏོར་ཅན་གྱི་བདེན་པའི་ཉི་མ་འོད་པོ་ཆེས། །དེ་རིང་བདག་གིས་ཇི་ལྟར་སྨོན་པའི་སྙིང་པོ་ཁུར་དུ་ལྕི་བར་མཛོད། ༡༨ །ཕྱོགས་བཅུའི་བདེ་གཤེགས་སྲས་དང་སློབ་མར་བཅས་པ་ཡིས། །ཐེག་པ་གང་ལས་བྱང་ཆུབ་སྙེ་མར་རབ་སོང་དང་། །སོ་སོ་སྐྱེ་བོའི་ཀུན་གཞིའི་ཁམས་ལ་བཅས་རང་གི །རྣམ་པར་དཀར་བའི་ས་བོན་དེ་ལས་ལོངས་སྤྱོད་འབྱུང་མི་འགྱུར། །ཅེས་དང་། སྤྱོད་འཇུག་ལས་ཀྱང་། བསྐལ་པ་སྟོང་དུ་བསགས་པ་ཡི། །སྒྱིན་དང་བདེ་གཤེགས་མཆོད་ལ་སོགས། །ལེགས་སྤྱད་གང་ཡིན་དེ་ཀུན་ཀྱང་། ཁོང་ཁྲོ་གཅིག་གིས་འཇོམས་པར་བྱེད། ཅེས་སོ། །དེའི་ཕྱིར་བསྔོ་ཚུལ་ཡང་རྣམ་པ་ཐམས་ཅད་མཁྱེན་པ་ཁོ་ནའི་ཕྱོགས་ཉིད་དུ་མི་བསམ་ན་གྱི་ནར་འཕྱན་པའི་ཚུལ། ལི་ཙྭ་བྲིས་ཞུས་པའི་མདོ་ལས། མང་པོ་ཡང་ཉུང་ངུར་རེག་པར་བྱ་སྟེ། །ཀུན་མཁྱེན་དུ་མ་བསྔོས་པའི་ཕྱིར་རོ། །ཞེས་སོ། །འདི་ལྟར་དམ་པ་གསུམ་གྱི་ཟིན་པ་ནི་ཐར་པ་ཆ་མཐུན་གྱི་དགེ་བ་ཡིན་ལ། མ་ཟིན་ན་བསོད་ནམས་ཆ་མཐུན་ཞེས་བྱ་སྟེ་འབྲས་བུ་དམན་པར་འགྱུར་བ་ཡིན་ནོ། །གཉིས་པ་རང་བཞིན་བྱེ་བྲག་ཏུ་བཤད་པ་ལ་གསུམ། གང་ཞིག་བསྔོ་བྱ་བསོད་ནམས་ཀྱི་ཁྱད་པར། གང་དུ་བསྔོ་བ་ཡུལ་གྱི་ཁྱད་པར། ཇི་ལྟར་བསྔོ་བ་ལམ་གྱི་ཁྱད་པར་རོ། །དང་པོ་ནི། དུག་གསུམ་མེད་པའི་སེམས་ཀྱིས་ཀུན་ནས་བླངས་པའི་སྒོ་གསུམ་གྱི་དགེ་བའི་རྩ་བ་གང་ཡིན་པ་སྟེ། ཇི་སྙེད་ཡོད་པ་ཀུན། ༡༩ །དེང་འདིར་རྗེས་སུ་ཡི་རངས་འཛུམ་རླབས་མུ་ཏིག་གསར་པའི་དོ་ཤལ་ནི། །ཆེད་དུ་བྱ་བ་ཡོངས་བསྔོའི་ཆོ་གར་རབ་ཏུ་མཁས་འདིའི་མགུལ་པ་སྲ །མངོན་པར་མཛེས་བྱས་དེ་ཡི་བློ་གྲོས་ཀུན་ཏུ་བཟང་པོའི་འདུན་ཁང་ནང་། །ཡོན་ཏན་ཐམས་ཅད་རྣམ་པར་བྱང་བའི་ཆོས་ལས་གཞན་དུ་འཕེལ་མི་སྲིད། ༢༠ །འདུས་བྱས་དགེ་ལ་མཆོག་ཏུ་རློམ་པའི་བདེན་ཞེན་དབང་པོའི་མཚོན་ཆ་ནི། །བསིལ་གྱུར་ཞི་བ་བྱང་ཆུབ་དམ་པས་རེག་བྱར་ནམ་ཡང་བཟུང་བ་མེད། །ཆོས་ཉིད་ཆེན་པོ་སྤྲོས་པ་ཉེར་ཞི་རབ་ཏུ་མི་གནས་མྱ་ངན་ལས། །འདའ་བའི་གོ་འཕང་གདོད་མའི་འབྲས་བུར་སྟེར་ལ་ནེམ་ནུར་ཡོངས་སུ་སྤངས། ༢༡ །འགྲོ་བ་ལམ་རབ་ཉམས་པའི་ཡིད་ནི་ཞི་བྱེད་པ། །ཐུབ་པའི་ལུང་རྟོགས་བསྟན་པ་རིན་ཆེན་ས་མོས་་ཕྲེང་། །སྐྱེས་བུ་གསུམ་མམ་རིམ་པ་དགུ་ཡི་གཞལ་མེད་ཁང་། །སྐྱེས་དགུའི་བསོད་ནམས་ཉེར་འཚོའི་བླ་ན་བརྟན་གྱུར་ཅིག །ཟབ་དང་རྒྱ་ཆེར་གཏིང་མཐས་མ་གཏུགས་བདེ་གཤེགས་བཀའ། །མ་རྟོགས་གཡང་དང་ལོག་རྟོགས་སེམས་ཀྱི་རྣོ་དབལ་མཚོན། །འཕྱང་མོ་ཉུག་གི་འཁྱོགས་ལ་འདེགས་པའི་དམ་བཅའི་རིས། །འཆོས་སྐྱོབ་དམ་པའི་ཡོན་ཏན་ཆེན་པོས་བསུབ་དེ་རྨད། ༢༣ །འདི་ན་གངས་ལྡན་རི་བོའི་དོ་ཤལ་གསར་པའི་འཛུམ། །རྒྱལ་བའི་རིང་ལུགས་ས་ཡི་གདུ་བུར་བཞད་བྱེད་པའི། །འཕྲིན་ལས་མི་ཟད་ཟླ་བཞིན་མ་ཡི་དཔེ་བྱད་གཟུགས། །ཆར་ལྡན་དུས་ཀྱི་མཛས་པ་རྗོམ་ལ་གཅིག་ཏུ་སྨོན། ༢༤ །རྩ་བ་སྦོམ་ན་ཀུན་ཏུ་དོན་ཡོད་སོ་སོར་ཐར་པའི་བསླབ་གཞི་སྟེ། །བྲི་བ་མེད་པའི་དགེ་ཚོགས་ཡན་ལག་རྒྱལ་སྲས་སྤྱོད་པའི་འདམ་མ་བརྒྱ། །རོ་བཅུད་འབྲས་བུའི་ཡོན་ཏན་མ་སྨད་གསང་ཆེན་ཉིད་དུ་གཡུར་ཟ་བའི། །ཐར་པ་རྒྱ་མཚོའི་ས་མཁན་ལྗོན་པ་ཀུན་ཀྱང་རྩ་བ་བརྟན་ལ་དགའ། ༢༥ །རིག་པའི་ཡོན་ཏན་འཆི་བ་མེད་པའི་སྐྱེད་མོས་ཚལ། །རྒྱ་ཆེར་གཞུང་གི་དགོས་པ་བསྡུ་བའི་སྒྲ་དོན་གནས། །མཚམས་སུ་སྦྱོར་དང་བརྒལ་ཞིང་བརྟག་པའི་འདྲེན་བྱེད་སྟོང་། །རབ་བགྲད་རྨོངས་ཆེན་མུན་པ་བསལ་བས་དེང་མཛེས་ཤོག ༢༦ །རྒྱལ་བས་བདེན་གསུངས་ཕར་ཕྱིན་ལམ་གྱི་གཞལ་བྱའི་ཁྱོན། །འཇལ་བྱེད་ཚད་མའི་གོམ་པ་གསུམ་གྱི་རབ་གནོན་ལ། །ཆོས་ཀྱི་གྲགས་པའི་བློ་གྲོས་མཆོག་གི་ཐ་གུའི་ལྟོ། །ལོག་པར་སྨྲ་བའི་སྟོབས་ལྡན་གཉའ་ན་བརྗིད་གྱུར་ཅིག ༢་ །ཉམས་དང་འགྱུར་བ་སྟོང་དུ་རྫོགས་པའི་ནགས་ཁྲོད་ནས། །སྒྲ་དོན་རྒྱན་གྱི་ལེགས་བྲིས་སྒྲོ་ལྡན་གཙུག་ལག་གཞུང་། །བཅད་ལྷུག་སྤེལ་མའི་ལེགས་བཤད་དབྱངས་སུ་འཚེར་བ་ནི། །མང་ཐོས་སེམས་ལྡན་རླུང་གི་ཤིང་རྟར་མཛས་གྱུར་ཅིག ༢༨ །གུར་གུམ་རྒྱས་པའི་ནགས་ཚལ་བུང་བས་གང་བ་ཡང་། །འདི་ཡི་དཔེ་ཟླར་འོས་པ་མ་ཡིན་ཚུལ་ཁྲིམས་ཀྱི། །བསུང་ཞིམ་ཕྱོགས་ཀྱི་ཕ་མཐར་སོང་བའི་དགེ་འདུན་སྡེས། །བསླབ་པ་གསུམ་གྱི་བྲང་ཁང་དོག་པོར་བྱེད་ལ་སྨོན། ༢༩ །ཤིན་ཏུ་མྱུར་བ་རྡོ་རྗེའི་ལམ་གྱི་ཐེམ་སྐས་ལ། །བསྐྱེད་དང་རྫོགས་པའི་གོམ་སྟབས་གཅིག་གིས་བགྲོད་པའི་མཐུ། །ཚད་མས་མ་ཡིན་ངོ་བོ་ཉིད་གསུམ་གྲུབ་པའི་མཐའ། །སྐུ་གསུམ་འབྲས་བུའི་སྙེ་མ་སྦོམ་པོར་གཡུར་ཟ་ཤོག ༣༠ །གྲོང་ཁྱེར་མ་ཡི་བདེ་བས་མཚོན་མིན་འཕུར་འགྲོའི་ཐེག་པ་མཆོག་གི་ཟིལ། །བཟོད་པར་མ་ནུས་བརྟན་གཡོའི་ཁམས་ཀྱང་རང་མཚན་འཛིན་པའི་མཐུ་སྨད་ནས། །སྣང་སྲིད་མ་ལུས་བདེ་ཆེན་ཞིང་དུ་འཇའ་དང་འོད་སྐུར་དེངས་པའི་གཏམ། །སྔོན་རབས་རྣམས་ལ་ཡོངས་སུ་གྲགས་པ་ད་དུང་མཐོང་བའི་ཆོས་ལ་གནས།༣༡ །ཐེག་པ་གསུམ་གྱི་བརྗོད་བྱའི་དངོས་པོ་བདེ་གཤེགས་སྙིང་པོའི་བ་དན་ཅན། །ལུང་དང་རྟོགས་པའི་ཀོ་ཏུ་བྷ་ཡི་ཏོག་གི་བློ་གྲོས་རྣམ་པར་མཛེས། །དེ་ཉིད་གང་དུ་རྩ་བ་བརྟན་ལས་འཇིག་རྟེན་ཀུན་ཏུ་བདེ་ལེགས་ཀྱི། །འཛུམ་ཞལ་མསྡོ་ར་བའི་འདབ་བརྒྱ་གྲོལ་འདི་རྒྱུ་འབྲས་བསླུ་མེད་ཡིན། ༣༢ །དེ་འདྲའི་མཐུ་ནི་བདེན་པ་གང་གིས་རྗེས་འགྲོ་ན། །འདི་དང་གཞན་གྱི་ལྗོངས་ཀྱི་ཐིག་ལེའི་དབྱིག་འཛིན་ཁྱོན། །རྫོགས་ལྡན་གཞོན་ནུའི་དགའ་སྟོན་འབོད་ལ་ཆས་པའི་འཛུམ། །ཐགས་བཟང་ཚེམས་ཀྱི་སོ་ཞོ་ངོམ་ལ་བྲེལ་བ་བཞིན། ༣༣ །དུས་སུ་ཡིད་འོང་རླུད་གི་ཤིང་རྟའི་བླ་རེ་བྲེས། །ཨུཏཱ་ལ་ཡི་སྐྲུན་ཟླར་གྱུར་པའི་ཆར་ཟིམ་ཉིད། །སྤྱིན་གྱི་ལྕུག་མ་གད་མོར་དགོད་ལས་ཁའི་ཟེགས་མ། །ས་གཞི་མརྒད་ཞུན་མས་དབྱུག་པའི་བྱེད་པོར་བསྐོས། ༣༤ །ལོ་འདབ་རྒྱས་པའི་ནགས་ཚལ་སྟུག་པོའི་གུར་ཁྱིམ་ཀུན། །བཟའ་ལྡན་འབྲས་བུའི་ཏོག་གིས་རྣམ་མཛས་འཕྱང་འཕྲུལ་ནི། །རླང་གཡབ་གསར་པའི་བ་དན་ཉིད་དུ་ལྷུན་གྲུབ་པ། །འདི་ནི་འཇིག་རྟེན་གདུང་བ་འཕྲོག་སླད་སྤྱོན་པར་བསྐུལ། ༣༥ །རྩ་ལྗང་མྱུ་གུའི་འདབ་མ་བརྒྱ་ཕྲག་བརྩེགས་པའི་ཟོལ། །དཔྱིད་ཀྱི་ཕོ་ཉར་མངོན་དུ་བརྫུ་བ་དེ་རྨོ་ལུས། །མེ་ཏོག་གསར་པའི་དོ་ཤལ་རྒྱན་དུ་བྱེད་པ་དང་། །ལྷན་ཅིག་ཕུན་སུམ་ཚོགས་པའི་འབྲས་བུ་གཡུར་ཟ་ལྡེམ། ༣༦ །གང་ལ་འགལ་བྱེད་དོ་ཟླར་ཆས་པའི་འབྱུང་པོའི་གདོན། །ཚ་གྲང་འབྱུང་བ་གཤེད་དུ་སྡེབ་པ་སྐྱིན་ཐང་གི །ཆོམ་པོས་རྣམ་པར་འཐག་ལ་དགའ་བར་བྱེད་པའི་སེམས། །སྐྱེ་དགུ་རྣམས་ལ་བྱམས་པར་བྱེད་དུ་གནས་འགྱུར་ཤོག ༣༧ །གང་ཞིག་གདེངས་ཀ་རབ་ཏུ་གཡོ་བའི་ལྟོ་འགྲོ་རྣམས། །རངས་པ་མ་ཡིན་ཀུན་རྟོག་ཉིད་དང་མི་མཛའ་བས། །ཉལ་འགྲོའི་བུ་མོ་ཆབ་སྒྲ་སྙན་པའི་གླིང་བུ་བསྒྱུར། །རི་ཀླུངས་ནགས་ཚལ་ཕན་ཚུན་འཆོལ་བ་མེད་ལ་སྨོན། ༣༨ །མཐོང་བའི་ཆོས་ལ་འཇིག་རྟེན་གང་དུ་བདེ་སྡུག་ལས། །མིག་འཕྲུལ་བཞིན་དུ་སྒྱིན་པར་ནུས་པའི་རྒྱལ་པ་་དག །སྲིད་པ་ལས་ཀྱི་བསྐོས་པའི་དཔྱ་དང་མངའ་རིས་ལ། །ཆོག་ཤེས་ཐོབ་པའི་རྒྱལ་སྲིད་ཆོས་བཞིན་སྐྱོང་གྱུར་ཅིག །༣༩འཁོར་ལོས་བསྒྱུར་རྒྱལ་གཡུལ་གྱི་འཇིགས་དང་འགྲོགས་པ་མིན། ཁམས་ཀྱི་རྒྱལ་ཕྲན་བརླང་སྤྱོད་སྨིན་མ་བཅུ་པའི་མཚོན། །རྣོན་པོར་བརྡར་ལས་བདེ་སྐྱིད་རི་བོའི་ངོས་གཟར་པའི། །འཁྲུག་བརྩོད་མིང་གི་ལྷག་མར་ཞི་ལ་ནམ་ཡང་སྨོན། ་༠ །གང་དུ་མཐོ་རིས་བདེ་ལ་སྲིད་པའི་ལུས་ཅན་རྣམས། །འཇིག་རྟེན་ཡང་དག་ལྟ་ལ་རབ་གཞོལ་ཕན་ཚུན་མཛའ། །མནར་གྱིས་དོགས་པའི་རྒྱ་ལས་ལུས་སེམས་དབུགས་དབྱུངས་དང་། །དགའ་བ་བརྒྱ་ཡིས་མགྲོན་དུ་བཀུག་པའི་གླུ་ལེན་ཤོག ༤༡ །དེ་ལས་སྙིགས་་་་་་རང་སྟོབས་ངོ་ཚའི་གདོང་སྨད་ནས། །བརྐུ་དང་འཕྲོག་དང་གཡོ་སྒྱུའི་ཀུན་རྟོག་བརྟན་པ་བྲལ། །བདག་ཏུ་བཟུང་དང་ནགས་ཀྱི་རི་དྭགས་ལ་སོགས་པ། །མནར་སྤྱོད་འཚེ་བའི་བློ་ངན་རྩ་བ་རུལ་གྱུར་ཅིག ༤༢ །ཚ་གྲང་འདུ་བ་དགྲ་གཤེད་གྱུར་ལས་ཟུག་རྔུའི་མཚོན། །སྤུ་གྲི་ངར་མའི་དབལ་ལ་མ་ཆགས་ཉེར་འཚོའི་ལུས། །རིད་ཅིང་ལྡང་བའིསྟོབས་ཉམས་ཕ་རོལ་འཇིག་རྟེན་དུ། །འགྲོ་ལ་འཇིགས་ཤིང་གླལ་བའི་ཆད་པ་ཕྱིར་དེངས་ཤིག ༤༣།རཀྟའི་རླངས་པ་ན་བུན་འཕྱུར་བའི་བཏུང་བ་ལ། །གཅིག་ཏུ་དགའ་བས་མྱོས་པའི་སྡང་མིག་ཟུར་གསུམ་པས། །གཞན་གྱི་སྲོག་ལ་རྣམ་པར་བལྟ་བའི་སྲིན་པོ་དང་། ཡི་དྭགས་འབྱུང་པོའི་ཚོགས་ཀྱི་རྒྱུད་ལའང་བྱང་ཆུབ་སེམས་གནས་ཤོག ༤༤ །གང་ཞིག་མགོ་ཉལ་སྐྲུ་གྲིས་དབྱུང་དང་བླ་ཡི་གོས། །གང་གི་དོན་དུ་ཡིན་པའི་ཆོ་ག་རབ་བསམས་ནས། །གཉིས་སུ་མེད་པར་གསུང་བའི་བསྟན་པ་རྟགས་ཙམ་གྱིས། །འཛིན་པའི་ཆོས་ལ་ནམ་ཡང་སྤྲོ་བ་ཞན་གྱུར་ཅིག ་༥ །མཁས་རྣམས་བློ་གྲོས་པདྨའི་རྫིང་བུ་གསར་པ་ནི། །ཡང་དག་ལྟ་བའི་ངང་མོས་རྣམ་རྩེན་ཆོས་ཚུལ་ཀུན། །རང་བཞིན་མ་འདྲེས་ཁོང་ན་རྗོམ་ལས་བསླབ་པའི་གནས། །གཅིག་དང་བདག་ལྟ་མཆོག་ཏུ་འཛིན་ལའང་རང་མི་བྱེད། ༤༦ །དེས་ཤིང་དུལ་བར་སྨྲ་བའི་ངང་ཚུལ་ཡང་མཐོང་བས། །འཇིག་རྟེན་ཀུན་ཀྱང་བསྟན་ལ་རབ་དད་ལྷ་དང་ནི། །ལྷ་མིན་གྲུལ་བུམ་མིའམ་ཅི་ལ་སོགས་པ་ཡང་། །དེ་ལ་དགའ་བས་བདེ་སྐྱིད་མགྲོན་པོར་འབོད་ལ་སྨོན། ་༧ །ཉེར་ལེན་ཕུང་པོའི་བདེ་བས་མཚོན་མིན་སྟོང་ཉིད་བདེ་གཤེགས་སྙིང་པོའི་ཁམས། །ལྐོག་གྱུར་ཆོམ་པོའི་གཞན་དབང་ཉིད་དུ་ཡོང་ཡེར་ བཟུང་འདི་མངོན་སུམ་དུ། །གཡོ་བའི་བ་དན་གང་ལས་འོངས་ན་མིང་ཚིག་ཡི་གེར་འཛུམ་པའི་བཞིན། །ལང་ཚོ་མ་ཡི་དཔལ་སྟུག་དང་འགྲོགས་རྒྱུད་ཀྱི་རྒྱལ་པོའི་འཕྲིན་ལས་ཡིན། ༤༨ །སྙན་པར་གྲགས་པ་རྒྱ་མཚོའི་སྐ་རགས་ཕྲ་རྒྱན་དུ། །སྨོན་ལམ་གསར་པའི་མུ་ཁྱུད་ལ་བརྟེན་འཁྲི་ཤིང་ནི། །གུས་པའི་ཡིད་ཀྱི་ཆོ་གར་བཀོད་ལས་ཉན་དང་འཛིན། །འདི་དང་ཀློག་དང་ཡིད་ལ་སེམས་པས་གང་གྱུར་ཅིག ༤༩ །མཁའ་སྤྱོད་མིང་ཡང་གྲོང་ཁྱེར་མ་ལུས་རྒྱུད་ཀྱི་དངོས་པོ་འདིས་མཛེས་ནས། །ལྷས་རྩེན་གནས་དང་རྨི་ལམ་མེད་ཡུལ་ངང་པའི་ཤིང་རྟ་མཆོད་སྤྱིན་དགྲ། །འཇུག་པ་བཅུ་པ་ཁྲུང་ཁྲུང་འཇོམས་དང་མཆེ་བ་གཅིག་པའི་གྲོང་ཁྱེར་ཀྱང་། །གསང་སྔགས་འདི་ཡིས་གདུལ་བར་བྱ་བའི་འཕྲིན་ལས་གསར་པས་སྣང་བྱེད་ཤོག༥༠ །ལྷུན་པཚྭཛེ་དཔལ་དང་པདྨའི་རྩ་ལག་ག་བུར་འཛག །འཇིག་རྟེན་སྣོད་ཀྱི་ཇི་སྲིད་བཟུང་བ་དེ་སྲིད་ནི། །རྒྱུད་ཀྱི་རྒྱལ་པོའི་རིན་ཐང་ཉམས་ཀྱིས་དོགས་པའི་དཔལ། །ནུབ་པའི་ཆོས་ལ་ངོ་ཚ་བྱེད་བཞིན་གནས་གྱུར་ཅིག ༤༡ །བདག་ཀྱང་བྱང་ཆུབ་སྙིང་པོ་སྲིད་དུ་ཐུབ་བསྟན་ལ། །རྒྱུ་མཚན་ཤེས་པའི་དད་པས་རབ་འཇུག་བསླབ་པའི་གནས། །སྲོག་གི་ཟུངས་སུ་དམ་བཅར་བརྟེན་ནས་ཤེས་བྱ་དང་། །གཞུང་ལུགས་མན་ངག་རིན་ཆེན་སྒྲོལ་མར་རྣམ་འབྱེད་་།ག ་༢ །ཕྱིན་དྲུག་ལང་ཚོའི་བྱང་ཆུབ་སྙེ་མ་གཡུར་ཟ་བ། །བསྡུ་བའི་དངོས་པོ་བཞི་ཡི་བྱེད་པོས་སེམས་ཅན་ལ། །རྟག་ཏུ་འགྱེད་གང་མེ་ཏོག་གཞུ་ཡི་མ་བཀུགས་པའི། །འཕྲིན་ལས་སྲིད་བསྒྲུབ་གཞོན་ནུའི་ཉག་ཕྲན་རྗེས་འགྲོར་སྨོན། ༤༣ །རང་གཞན་འཚོ་བ་སྲོག་གི་རྒྱན་ནི་གཞན་དབང་ཅན། །གང་ལས་དེས་བྱུང་གསར་པའི་མྱུ་གུ་ནགས་ལ་དགའ། །རྫོགས་པ་ཆེན་པོའི་ཡོན་ཏན་མ་སྨད་སྤྲིན་གྱི་སྒེག །ཕུང་པོ་འཇའ་འམ་རྡུལ་ཕྲན་བཞིན་དུ་དེངས་གྱུར་ཅིག ་༤ །གནས་སྐབས་དོན་གཉིས་མཆོག་གི་ཁང་མཛས་སྲོག་གི་ཟུངས། །འཚོ་བའི་སྟངས་འཛིན་རྡོ་རྗེའི་ཁམས་ཀྱི་རིན་ཐང་ལ། །ཉམས་པ་མེད་པས་མཐར་བྱེད་དགྲ་བོའི་འདྲེན་བྱེད་ཀྱང་། །ས་ལ་ལྷུང་ནས་རྒྱ་མཚོའི་འོག་ཏུ་ཡིབ་ལ་སྨོན། ༤༥ །སུ་ཞིག་གང་ལ་སྐྱབས་སུ་འགྲོ་བའི་ཐལ་མོ་ནི། །སྤྱི་བོའི་ཏོག་ཏུ་མཛས་པ་ཙམ་ནས་ཡེ་ཤེས་ཀྱིས། །གཟིགས་པའི་དཔག་བསམ་བརྩེ་བ་མཆོག་གི་འབྲས་བུ་ཅན། །རིན་ཆེན་གསུམ་གྱི་གྲིབ་བསེལ་བསྟི་ལ་ཆས་གྱུར་ཅིག ་༦ །གྲོང་ཁྱེར་མ་ཡིས་འདོད་སྲེད་བཞིན་དུ་ཕྱོགས་རིས་བྲལ་བ་བྱམས་པའི་སེམས། །སྙིང་རྗེའི་སྒྱུ་རྩལ་བཅུ་ཕྲག་དྲུག་ལ་ལྷག་པའི་ཕྱག་རྒྱ་བཞི་ཡིས་བཅིངས། །དགའ་བ་ཁོ་ན་མགྲོན་པོར་འབོད་ཀྱང་འདི་དེ་དྲན་པའི་ལྟུང་བྱེད་མིན། །བཏང་སྙོམས་གྲོང་ན་ཀུན་དང་མི་འཛར་མེད་པའི་ཆོ་ག་ཡིད་བྱེད་ཤོག ༤་ །དེ་ལས་བསམ་པ་ཐ་ཤལ་ཉིད་ཀྱི་མྱ་ངམ་ཐང་། །རྣམ་པར་འཁྱམས་པའི་འགྲོ་བ་མ་ལུས་གཉིད་སད་དེ། །གཞན་དོན་བསྒྲུབ་ལ་བསྙེལ་བ་མེད་པའི་བྱང་ཆུབ་སེམས། །ཐེག་པ་ཆེན་པོ་རི་ཡི་རྣ་བའི་ཁུར་བཟོད་ཤོག ༤༨ །སྙོག་པའི་ཆ་ཤས་ཀུན་གྱི་མ་བསླད་ཚུལ་ཁྲིམས་གསུམ། །རང་གི་རིན་ཐང་ཉམས་ཀྱིས་དོགས་ལ་སྐྲག་བྱེད་ཅིང་། །བྱང་ཆུབ་མལ་ལས་སློང་བ་དབུགས་འབྱིན་སྙམ་པའི་གྲོང་། །དོག་པོར་བྱེད་པས་དབུལ་བ་མིང་གི་མཐར་བྱེད་སྨོན། ་༩ །གང་ཞིག་བརླང་པོར་སྤྱོད་ལ་འདུན་དེས་གཤེ་དང་བརྡེག །བཅིང་དང་མཚང་འདྲུའི་ཆོས་ལ་རབ་ཏུ་མི་འཇེད་པའི། །བཟོད་པ་དམ་པའི་ངང་ཚུལ་མ་སྨད་འཛུམ་པའི་རླབས། །རུས་པའི་གེ་སར་ཁོང་ནས་རྒོད་ལ་སྤྲོ་གྱུར་ཅིག ༥༠ །དཀར་པོའི་ལས་ལ་སྡིག་སེམས་རྩུབ་མོའི་མེ་ཏོག་མདས། །དབུག་པར་མི་ནུས་གཞན་དོན་སྦྱོར་བའི་གོ་ཆ་ལ། །ཉིན་དང་མཚན་མོར་དབྱེ་བའི་གནས་སྐབས་ཡོད་མིན་ཞེས། བརྟུན་པ་བསྐྱེད་ལ་འགྲོ་འདིའི་དབུ་རྨོག་བཙན་པར་ཤོག ༥༡ །ཀུན་གཞིའི་མུན་ནག་དབྲོག་ཏུ་ཆས་པའི་དེ་བཞིན་ཉིད། །ཀུན་གསལ་བསམ་གཏན་ཤར་གྱི་ཐིག་ལེ་གསར་པའི་འཛུམ། །ཀུན་རྟོག་འོག་འགྱུའི་མིག་སྨན་མདོག་དང་མི་མཛའ་བས། །ཀུན་ཏུ་བཟང་པོའི་གྱ་ནོམ་ཡེ་ཤེས་གཏེར་སྤྱོད་ཤོག ༥༢ །བདེན་གཉིས་ཆོས་ལ་རྣམ་པར་དཔྱོད་པའི་ཤེསརབ་མཚོན། །ཟུག་རྔུ་བསྐྱེད་པའི་བེམ་ཆོས་དཔལ་དང་མི་ལྡན་ཡང་། །རྣོ་བ་རབ་ཀྱི་རྩེ་མོར་ཕྱིན་ལས་སྒྲིབ་གཉིས་དངོས། །གཅོད་པའི་བརྟུལ་ཞུགས་འཇམ་དཔལ་གཞོན་ནུའི་རྗེས་འགྲོར་སྨོན། ༥༣ །གང་དུ་བྱང་ཆུབ་སེམས་ཀྱི་མྱུ་གུའི་སྣ་ཚོགས་ཚལ། །ཕྱིན་དྲུག་ལང་ཚོ་མསྡོ་ར་བའི་འཁྲི་ཤིང་ལས། །ལམ་མཆོབ་ལྔ་དང་ས་ཡི་ཁྱད་པར་བཅུ་གཅིག་གིས། །ཐུབ་དབང་ཡོན་ཏན་རྒྱ་མཚོའི་བགྲོད་པ་འགོག་ཏུ་མེད། ༥༤ །དེ་ལས་དྲན་པ་ཉེར་བར་གཞག་སོགས་རྣམ་བྱང་ཆོས། །བིཌར་དཀར་པོ་ཏོག་གི་བློ་གྲོས་གྲགས་པའི་མཛུམ་། །འགྲོ་ཁམས་བདེ་གཤེགས་སྙིང་པོའི་རྒྱལ་མཚན་རྩེར་ཕྱིན་ནས། །འཁོར་བའི་རྒྱ་མཚོ་སྟོང་པའི་གནས་སྐབས་མཐོང་གྱུར་ཅིག༥༥ །སྒོམ་པའི་ལམ་ནའང་རྣམ་པ་ཐམས་ཅད་མཁྱེན་པ་ཡིས། །དཔལ་གྱ་དུམ་བུ་ལྐོག་གྱུར་ཆེན་པོའི་གཞན་དབང་ཅན། །སོ་སོ་ཡང་དག་རིག་པའི་ཆོས་ཀྱི་མིག་གྲུང་པོས། །མཐོང་བའི་ངོ་མཚར་ལྟད་མོའི་དགའ་སྟོན་ལ་སྤྱོད་ཤོག ༥༦ །དེ་ལས་སངས་རྒྱས་རྣམས་ཀྱི་འོད་ཟེར་ཆེན་པོའི་དབང་། །བསྐུར་ཐོབ་མེད་པའི་ཆོས་ཉིད་རྒྱུད་ལ་རབ་ཞུགས་ནས། །དག་པ་གཉིས་ལྡན་མཚན་དཔེའི་ལང་ཚོར་མ་སྨད་པས། །གཞན་དོན་རླབས་པོ་ཆེ་ཡི་ཤིང་རྟར་བཞོན་གྱུར་ཅིག ༥༧ །མི་སྡུག་ཉམས་ཀྱི་བཞིན་རས་འཛུམ་པོས་དེར་མ་བལྟས། །སྨིན་མ་ཡོན་པོའི་ལྟ་སྟངས་གཅིག་ཀྱང་མ་བསྒྱུར་བར། །བྱམས་པའི་ཞལ་སྐྱིན་མཐོང་ན་མི་མཐུན་མེད་པ་དེ། །བརྩེ་དགའི་འཁྲི་ཤིང་གཡུལ་ལས་རྒྱལ་བའི་བ་དན་ཡིན། ༥༨ །གང་དུ་སྒྲིབ་གཉིས་སེང་གེ་མོའི་བུ་ལས་གྲོལ་བས། །ཀུན་ཁྱབ་གྲོང་ཁྱེར་འོག་མིན་ཆེན་པོར་ཁྱད་པར་གྱི། །མཚན་དཔེའི་ངོ་མཚར་ལོངས་སྤྱོད་རྫོགས་སྐུར་རྟག་གསལ་ནས། །དག་པའི་གདུལ་བྱ་ས་བཅུའི་དབང་ཕྱུག་དཔལ་དུ་ཤོག ༥༩ །ཆོས་ཀྱི་དབྱིངས་སོགས་ཡེ་ཤེས་ལྔ་ཡི་ངོ་བོའི་སྐུ། །གནས་དང་གནས་མིན་མཁྱེན་པ་ལ་སོགས་སྟོབས་བཅུ་དང་། །མི་འཇིགས་ཡོན་ཏན་མ་འདྲེས་སོ་སོར་འཆར་བའི་གཞི། །ནང་གསལ་ཆེན་པོ་ཆོས་སྐུའི་བཞུགས་ཚུལ་མཐོང་གྱུར་ཅིག ༦༠ །སྐུ་གསུམ་གྲོང་ཁྱེར་གཞལ་དུ་མེད་པའི་ཁྱད་པར་ཆོས། །བསམ་གྱི་མི་ཁྱབ་ཡོན་ཏན་ཡངས་པའི་དོ་ར་དེར། །རྣམ་ཤེས་ཡེ་ཤེས་ཁམས་སུ་སྦྱངས་པའི་བཙོ་སྦྱངས་གསེར། །རྩིབས་སྟོང་ལྡན་པའི་ཆོས་ཀྱི་འཁོར་ལོར་ལྷུན་གྲུབ་ཤོག ༦༡ །དེང་ནས་འཁོར་བ་སྲིད་ཀྱི་རིང་ལ་ལས་ཀྱི་ལུས། །ནམ་ཡང་མ་ཡིན་རྣམ་འཕྲུལ་སྣ་ཚོགས་བཟློས་པའི་གར། །གཞན་ཕན་འབའ་ཞིག་སྣ་ཚོགས་ཤིང་རྟའི་སྐྲུན་ཟླ་ཅན། །འགྲོ་འདིའི་བསོད་ནམས་སྣོད་དང་འཚམ་པར་རྟག་འཆར་ཤོག ༦༢ །འདི་ལྟར་སྨོན་དང་ཡོངས་བསྔོ་གསར་པའི་བསོད་ནམས་སྟོབས། །ལྷུན་པོའི་དཔལ་ལྷར་ཆེ་བའི་གཏམ་ཙམ་གྲགས་མོད་ཀྱི། །ཞིང་བསམ་དངོས་དང་འཁོར་གསུམ་རྣམ་དག་དགེ་ཆེན་དུ། །གསུངས་པ་དེ་ཡི་ཕ་མཐའ་མཐོང་བ་སུ་ཡང་མེད། ༦༣ །ང་ལས་ནུས་འགྱུར་སྨོན་ལམ་གང་ལས་གྲུབ་པའི་རྟེན། །རྣམ་པར་གཟིགས་པས་སྲན་རྡོག་བདུན་ལ་དགོངས་པ་དང་། །སྙིམ་པ་གང་བའི་བྱེ་མ་གཏོར་ལས་མྱ་ངན་མེད། །བསོད་ནམས་སྟོབས་ཀྱི་མངོན་པར་མཐོ་བ་དེ་ཡི་ཕྱིར། ༦༤ །རྒྱུ་དང་འབྲས་བུ་བསླུ་བ་མེད་པའི་འཕྲིན་ཡིག་གི །བདེན་པ་འདི་ནི་བསོད་ནམས་ཆ་མཐུན་རྩ་ལག་ཏུ། །འགྱུར་བ་མེད་ན་ཞིང་བསམ་དངོས་པོ་དག་པའི་སྟོབས། །ཐར་པ་ཆ་མཐུན་ཉིད་དུ་ནམ་ཡང་བསླུར་མི་སྲིད། ༦༥ །ངག་གི་ནུས་པའི་ཆུ་ཀླུང་ཤིན་ཏུ་དར་དྲག་པ། །སྡང་ཞེན་ཕྱོགས་སུ་དབའ་རླབས་འཕྱུར་ཞིང་རྒྱུག་པའི་མཐུ། །དམོད་པ་གྲུབ་པའི་དྲང་སྲོང་ཕལ་ལ་ཡོད་གྱུར་ན། །བརྗོད་པ་ཀུན་ཏུ་བཟང་པོའི་རྗེས་འགྲོ་སླར་གྲིམས་ཤིག ༦༦ །གང་ཞིག་ཚེ་དང་ལས་དང་ཡོ་བྱད་མོས་པ་དང་། །སྨོན་ལམ་རྫུ་འཕྲུལ་སྐྱེས་བའི་སྟོབས་དང་ཆོས་དང་སེམས། །ཡེ་ཤེས་ཆེ་སྟེ་དབང་བཅུ་ཐོབ་པའི་སེམས་དཔའ་རྣམས། །དེ་རིང་སྨོན་པའི་མཐུན་འགྱུར་སླད་དུ་བཞེངས་ཤིག་ཀྱེ། ༦་ །སྤྲིན་ལམ་མཐའ་ལ་མུ་ཁྱུད་བྲིས་པའི་ར་བ་དང་། །གྲིབ་མའི་གཞོན་པར་ནམ་མཁའི་ནོར་བུ་མཛའ་བྱེད་ཅིང་། །འགྲོ་བ་བསླུ་ལ་རིན་ཆེན་རྣམ་གསུམ་ཆས་པའི་རྫུན། །སྨྲ་ན་འཇིག་ཚོགས་ཆོས་ལ་ལྟ་དེའི་ཕྲག་དོག་ཡིན། ༦༨ །དེ་ཕྱིར་སྲིད་པ་སླ་ལོག་གྱུར་ཀྱང་གཡུང་དྲུང་བཞིན། །འགྱུར་བ་མེད་པའི་ཡི་དམ་བརྟན་པོའི་ཆོ་ག་ནི། །གདོད་ནས་སྙིང་གི་དབུས་སུ་ཞུགས་པའི་ཏམ་བུ་ར། །མཆོག་གསུམ་བདེན་པ་བསླུ་བ་མེད་པའི་དབྱངས་སུ་སྒྲོག ༦༩ །རྒྱ་གྲོ་དྷ་ལྟར་མཆུ་ཞེང་གབ་པའི་སྐྱེས་བུ་ཆེན་པོའི་སྐུ་མཆོག་མཐོང་ན་མི་མཐུན་མེད། །འཕྲོ་འདུ་འོད་ཀྱི་ཕོ་ཉས་རབ་དཀྲིགས་བལྟར་མི་མངོན་པའི་གཙུག་ཏོར་ནོར་བུའི་འོད་ཆགས་འཛུམ། །མཚར་སྡུག་པཟློ་བཞུ་བའི་རྡུལ་གྱི་ཕྱག་ཞབས་མཐིལ་དུ་ལན་བརྒྱར་བྱུགས་པའི་རི་མོ་ནི། །འཁོར་ལོའི་མཚན་མར་དཔལ་དུ་འབར་བའི་གྲགས་པ་སྙན་པོའི་བཀྲ་ཤིས་གང་ཞིག་དེང་འདིར་སྤྱོན། ༨༠ །ཡན་ལག་དྲུག་ཅུར་འཁྱིལ་བའི་དཔལ་གྱི་མགུར། །བརྒྱད་ཁྲི་བཞི་སྟོང་ཉོན་མོངས་ནད་གསོའི་སྨན། །ཟབ་དང་རྒྱ་ཆེའི་སྐྱེ་བ་ལྔ་པའི་དུང་། །དགེ་བ་གསུམ་གྱི་བཀྲ་ཤིས་དབྱངས་སུ་ལེན། ༨༡ །འགྲོ་འདིར་ཡེ་ཤེས་གཟིགས་པའི་སླད་དུ་དུས་གསུམ་མ་འདྲེས་གཟུགས་བརྙན་འཛིན་ཡང་མཁའ་བཞིན་ཤིན་ཏུ་རྣམ་མི་རྟོག །ཟབ་ཞི་སྤྲོས་བྲལ་དཔལ་གྱི་བེའུར་ཆོས་དོན་རྒྱ་མཚོ་ཇི་ལྟ་ཇི་སྙེད་ལེགས་འདོམས་ངོ་བོ་ཉིད་ཀྱི་ཐུགས། །འཕགས་པའི་བློ་གྲོས་ལྡན་པ་དག་ཀྱང་དོན་འདི་དཔྱོད་ལ་བ་སྐྲུའི་འཁྲི་ཤིང་དུས་མ་ཡིན་པར་གཡོ་བྱེད་པའི། །མི་ཟད་རྒྱན་གྱི་འཁོར་ལེའི་རྩིབས་འདིས་སྐྱེ་དགུ་ཐམས་ཅན་རྣམ་པ་ཀུན་ཏུ་བཀྲ་ཤིས་དཔལ་གྱིས་ཕྱུག་པར་ཤོག ༨༢ །གང་དག་ཕྱོགས་བཅུའི་རྣམ་པར་འདྲེན། །ཀུན་ཀྱང་བྱང་ཆུབ་སེམས་གཉིས་ཀྱི། །རྩ་བ་བརྟན་ལས་འབྲས་བུའི་མཆོག །སྨོན་ལམ་མཐུ་ཡིས་རང་གིར་མཛད། ༨༣ །སྨོན་ལམ་ཕ་མཐར་སོན་པ་ཀུན། །འཁོར་བ་སྲིད་དུ་སེམས་ཅན་དོན། །དཔག་བསམ་ཤིང་དང་རིན་ཆེན་ལྟར། །འབྱུང་བའང་དེའི་མཐུ་ལས་གཞན་མིན། ༨༤ །འདི་ན་བྱང་ཆུབ་སྙིང་པོའི་མངལ། །འཛིན་འདོད་གཉིས་གཉིས་སྤྱོད་པ་འགའ། །དགེ་བའི་ཆུ་གཏེར་ལ་དགའ་ནས། །སྨོན་ལམ་འདག་གཤོག་རྨྱང་བ་ཡོད། ༨༥ །དྲན་པའི་སྙེ་མ་གཞོན་ནུ་ཡང་། །མཐོང་ཆོས་ཚངས་དང་དབང་པོའི་བཞིན། །ཡིད་ལ་སྲེད་ཅིང་ཕྱི་མ་ཡི། །བདེ་འབྲས་སླད་དུ་ཅིས་མི་སྨོན། ༨༦ །རྒྱ་ཆེའི་གཏོང་བ་སྲིད་པ་འདིའི། །འཚོ་རྩིས་སླད་དུ་དེང་མ་ལགས། །གྲགས་པའི་བྲག་ཅ་རང་དབང་དུ། །བགྱིད་པའི་འཁྲི་ཤིང་བཙུགས་པའང་མིན། ༨༧ །མངོན་མཐོའི་འབྱོར་བ་དཔག་ཡས་ཀྱི། ཁེངས་པའི་རི་དབང་བང་རིམ་ཅན། །དེ་ན་བརྟེན་པའི་གནོད་སྤྱིན་དང་། །བདག་ཉིད་གྲོས་སུའང་མ་མཐུན་ནོ། ༨༨ །གནས་སྐབས་སྨོན་ལམ་ཤིང་རྟ་ལ། །བཞོན་པར་བྱས་པ་ལྟ་བུ་ཡིས། །སྲོག་དབང་འཚོ་བའི་ཉེར་སྤྱད་ལ། །རྣམ་དཀར་འདི་ནི་འབེམ་དུ་བཅས། ༨༩ །ལེགས་བྱས་གང་ལས་བརྩམས་པ་ཡི། །རྟོགས་བརྗོད་རལ་གྲི་རྣ་ལུང་དུ། །འཕོས་པའི་གདེངས་ཀ་འདི་འཛིན་ན། །དཔུང་གི་ཁྱུ་མཆོག་གཞོན་ནུ་བཞིན། ༩༠ །མ་རྟོགས་ལོག་རྟོགས་ཕྱོགས་རྟོགས་ཀྱིས། །གོམ་པ་ཉམས་པའི་གཡང་ས་མྲ །གྱ་གྱུར་འདོར་བྱེད་མི་བསྲུན་ཡང་། །བགྲོད་པ་ཅིག་ཅར་ཉིད་དུ་འག་ག༩༡ །བསྟན་དང་དམ་པའི་དྲིན་ཡིད་ཀྱི། ཆོ་གར་བྱས་པའི་འདྲེན་བྱེད་ཟུང་། །ཆེད་དུ་གཉེར་བ་མེད་པར་ཡང་། །རྫིང་བུར་ཁྲུས་ལ་འཇུག་པ་བཞིན། ༩༢ །དེ་དེ་དྲིན་དུ་གཟོ་བ་དང་། །གསང་སྔགས་ཆོས་ཀྱི་བདུད་རྩི་མཆོག །ཡོད་བཞིན་སྤངས་པའི་འགྲོ་བ་ལ། །སྙིང་རྗེ་འཁྲུངས་པའི་ལྷག་བསམ་ཡིན།༩༣།དེ་ཕྱིར་དབེན་པར་ཞི་བདེའི་གཉིད། །སད་པའི་ཆོ་གར་རབ་བརྩོན་པས། །རྗེས་ལ་ཐོབ་པའི་ཡེ་ཤེས་ཀྱང་། །སྨོན་པའི་ག་བུར་རྡུལ་དུ་འཛག ༩་ །གང་ཞིག་འདི་ལའང་བསོད་ནམས་ཀྱི། །ས་བོན་རྒྱུན་ཆགས་དགེ་བ་དེའི། །མྱུ་གུ་བྱང་ཆུབ་སྙེ་མ་མྲ །འཁྲུངས་གྱུར་དེ་སྲིད་སྨོན་ལམ་གྱིས། ༩༥ །མོས་པའི་ཕྲ་རབ་རྡུལ་བརྩེགས་ལས། །ནོར་གྱི་བློས་གྲོས་གཏེར་ལྡན་བཞིན། །བསིལ་གྱུར་བྱང་གྲོལ་ཆེན་པོའི་དངོས། །སྨོན་ལམ་མཐུ་ལས་དེར་སྣང་ངོ་། ༩༦ །གྲགས་པའི་སྤྲིང་ཡིག་མུ་ཁྱུད་ཞབས་ལྡན་མའི། །རྣ་ལུང་ཉིད་དུ་དཔྱད་པར་འོས་པའི་ངག །ཐོས་པ་མ་བགྱིས་བདག་ལྟའི་སྤྱོད་ཡུལ་དུ། །འགལ་བ་ཉིད་དེ་ཆོས་ཉིད་མངོན་སུམ་མཐུ། ༩༧ །སྤྲིན་གྱི་སོ་ཅན་གངས་རིའི་ལ་ཐོད་ཀྱི། །གདེངས་ཀས་མཛས་པའི་ལྗོངས་འདིར་མཚོ་ལྡན་མས། །མགྲིན་པར་འཁྱུད་ལས་འཁྱོག་ཚིག་སྨྲ་མཁས་དགུ །སྨྲ་བར་མི་བརྩོན་ཉམས་སྣང་གོང་འཕེལ་དྲིན། ༩༨ །སྡེ་གསུམ་གནས་ལུགས་བརྗོད་པ་བྲལ་བ་ཡང་། །ལོངས་སྤྱོད་འཁོར་འོའི་རྩ་མདུད་ཏམ་བུ་རའི། །རྒྱུད་དང་གཉིས་མེད་ཞུགས་པས་སྣང་བའི་ཡུལ། །སྐུ་དང་ཡེ་ཤེས་རིག་པ་ཚད་ལ་ཕེབས། ༩༩ །བརྗོད་པ་ཐམས་ཅད་སྤངས་པའི་ཕ་རོལ་ན། །ས་ལམ་འབྲས་བུའི་ཆོས་ཀྱི་གཏམ་འདིའང་རྫུན། །ཆོས་སུ་ཅོག་པ་བློ་ཡིས་བཏགས་པའི་ཕྱིར། །ཟད་པའི་ཆོས་ལ་ངོ་མཚར་ཆེན་པོ་གནས། ༡༠༠ །ལེགས་བྱས་གཏམ་གྱི་འགྱུར་བ་རྔམ་པའི་སླད། །ལེགས་མྱོས་མ་ཡི་ལང་ཚོ་ཡི་གེ་མྲ །ལེགས་པར་བརྫུས་ནས་བཀྲུས་པའི་མཁུར་ཚོས་འདིས། །ལེགས་བྲིས་བུ་མོའི་དཔལ་ལ་ཕྲག་དོག་བྱས། ༡༠༡ །རབ་སྙན་ཚིག་གི་མསྡོར་བའི་བཞིན། །འདོད་པའི་སྨིན་མ་བཅུ་ལ་རྟག་དགའ་བ། ཁོང་ནས་ལན་བརྒྱར་འཛུམ་པའི་མེ་ན་ཀྭ །སྨོན་ལམ་རྒྱང་གླུ་ལེན་ལ་ཆས་པ་བཞིན། ༡༠༢ །བགྲང་དུ་མི་བཟོད་བསྐལ་པ་རྒྱ་མཚོའི་ཕྲ་རབ་རྡུལ་གྱི་གསེར་ལྡན་མའི། །བླ་མར་བྱ་བ་བྱང་ཆུབ་མཆོག་གི་སྤྱོད་པ་དམ་པའི་མྱུ་གུ་ནི། །རྣམ་པ་ཐམས་ཅད་མཁྱེན་པའི་དཔལ་དུ་ལེགས་པར་འབར་བའི་བསྟན་པ་མཆོག །འགྲོ་འདིའི་བསོད་ནམས་རིན་ཆེན་འབྱུང་གནས་ཉིད་དུ་བརྟན་པའི་བཀྲ་ཤིས་ཤོག ༡༠༣།དེ་བཞིན་གཤེགས་པས་ལེགས་པར་གསུངས་པའི་གསུང་རབ་རྒྱ་མཚོའི་སྙིང་པོར་གྱུར་པ་རིག་པ་འཛིན་པའི་སྡེ་སྣོད་དམ། །སྔ་འགྱུར་རྒྱུད་འབུམ་རིན་པོ་ཆེའི་རྟོགས་པ་བརྗོད་པ་འཛམ་གླིང་ཐ་གྲུར་ཁྱབ་པའི་རྒྱན་ཞེས་བྱ་བ་ལས། ཡོངས་སུ་བསྔོ་བ་དང་། སྨོན་ལམ་དམ་པའི་ཁྱད་པར་ལས་འབད་པ་དོན་ལྡན་དོ་་བགྲི།ས་པའི་རབ་ཏུ་བྱེད་པ་སྟེ། སྐབས་དསྡུ།་པ་ཡུ་ནའི་གྲངས་ཀྱི།་བདག་ཉིད་ཅན་རྗེརྨྱོགས་རྦེ།།། །། རྒྱ་གར་ནུབ་ཕྱོགས་པའི་པརྙིཏ་ཆེན་པོ་ནང་རིག་པའི་དེ་ཉིད་ཁྱད་པར་དུ་སྨྲ་བ་དྲི་མེད་བཤེ་གཉེན་དང་། དཔལ་ཨོ་རྒྱན་གྱི་སློབ་དཔོན་ཆེན་པོ་སངས་རྒྱས་ཀུན་དངོས་པདྨའི་ཞབས་ཀྱི་ཐུགས་རྗེའི་ཟླ་ཟེར་སྙིང་ལ་ཞུགས་པས་སྔོན་གྱི་བག་ཆགས་དུ་མ་ལ་རང་དབང་དུ་བྱེད་ཅིང་། རང་བཞིན་ཐེག་མཆོག་སྙིང་པོའི་ལམ་ནས་རིག་པ་ཕྱོགས་ཡན་དུ་གྲོལ་བའི་རྫོགས་ཆེན་པ་རང་བྱུང་རྡོ་རྗེའི་མཁྱེན་བརྩེའི་འོད་ཟེར་རམ། ཀློང་ཆེན་ནམ་མཁའི་རྣལ་འབྱར་འཇིགས་མེད་གླིང་པའིསྡེས། ཐར་པ་ཆེན་པོའི་གྲོང་ཁྱེར་པདྨ་འོད་གླིང་དུ་རྒྱུད་འབུམ་རིན་པོ་ཆེ་གསར་དུ་བསྐྲུན་པའི་དེ་མ་ཐག་པ་ལས་དབུ་བརྩམས་ནས་བྲི་བར་འདུ་བྱེད་པ་ན། འབྲེལ་བར་ལྡན་པའི་དཔྱོད་ལྡན་དྲན་པའི་དབང་པོ་ཀུན་དང་། བྱེ་བྲག་ཏུ་ལྷ་རིགས་རྒྱལ་པོའི་ཁབ་ཏུ་མི་དབང་མཁས་པའི་དབང་པོ། ལྷ་འཇིགས་མེད་དཔའ་བོ་འཆི་མེད་བསྟན་པའི་རྡོ་རྗེའི་གསུངགིས་ཀྱང་མྱུར་དུ་གྲུབ་པར་བསྐུལ་ལོ། །གང་ལས་འཕགས་པའི་ཁྱད་ནོར་ཡིད་ཀྱི་ཆོ་གར་བྱེད་པའང་བརྩོན་འགྲུས་ཀྱི་ཕ་རོལ་ཏུ་ཕྱིན་པའི་འདུ་འགོད་ལ་དྲན་པ་ཉེ་བར་འཇོག་པའི་ཡོན་ཏན་སྟོབས་སུ་གྱུར་ནས། །སྟོན་གསུམ་རྩི་ཐོག་དང་འབྲས་བུ་སྨིན་པའི་ཚེ་ལེགས་པར་སྦྱར་བའི་ཡི་གེ་པ་ནི། སྦས་ཡུལ་པདྨ་དཀར་པོའི་རོང་སྒོ་འཛིན་པར། འཕྲོག་བྱེད་གཏམ་དུ་གླེང་བའི་གངས་ལྡན་གྱི་རི་བོ་དང་། མ་ཧེའི་རྒྱལ་མཚན་གྱི་གནས་ལ་རང་དབང་དུ་བགྱིད་པའི་རྗེའུ་རིགས་ཀྱི་སློབ་མ་རྒྱལ་བ་ཆོས་མཛད་འཇིགས་མེད་རྡོ་རྗེས་མཛད་པའོ།། །།