Ngb-pt-0915-vol-10-text
Front
Body
རྒྱ་གར་སྐད་དུ། ནཱ་ག་ས་མ་ཡ་ཏནྟྲ་ནཱ་མ། བོད་སྐད་དུ། ཀླུའི་དམ་ཚིག་གི་རྒྱུད་ཅེས་བྱ་བ། ཀླུ་སྒྲོལ་བྱེད་ཀྱི་བདག་པོ་གསེར་མིག་འབར་བ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། ནུབ་ཕྱོགས་རྒྱ་མཚོའི་ཕོ་བྲང་ཆུ། །བྱོལ་སོང་ཆེན་པོའི་གནས་ཡིན་ཏེ། །རབ་ཏུ་གདུག་པའི་ཀླུ་རྣམས་ལ། །ལོངས་སྒྲོད་ཚོགས་ནི་རབ་ཏུ་ལྡན །བསམ་གྱིས་མི་ཁྱབ་མཐུ་རྣམས་འབྱུང་། །དེ་ཕྱིར་གཉེན་པོ་རིགས་བཞི་བསྒྲུབ། །རྒྱལ་རིགས་རྗེའུ་རིགས་བྲམ་ཟེའི་རིགས། །དམངས་ཀྱི་རིགས་ལ་རབ་གསུངས་སོ། །རི་རབ་མཆོད་རྟེན་རིགས་འདྲ་ལ། །བུམ་པ་ཡིད་བཞིན་ཤིང་ལོས་བརྒྱན། །སྦྲུལ་ལ་སོགས་པའི་རྒྱན་གྱིས་ཀླུབས། །བུམ་པ་ལ་སོགས་དང་པོ་ལ། །དེ་བཞིན་གཉེན་པོ་རིགས་བཞི་བྲི། །འོད་དང་ལྕགས་རི་གཉིས་གཉིས་སྦྲུལ། །དེ་དག་གིས་ནི་རབ་ཏུ་བརྒྱན། །དེ་དང་ཐབས་ཅིག་པའི་འཁོར། །དགའ་བོ་དང་ནི་འཇོག་པོ་དང་། །གྱ་ནོམ་དང་ནི་ནོར་མེད་དོ། །པད་ཅན་དང་ནི་དུང་ཅན་དང་། །དར་དཔྱངས་མ་དང་གཟི་ཅན་དང་། །གཡུའི་བྱེ་ཆུང་ཅན་མའི་འཚོ མཐའ་ཡས་དུང་སྐྱོང་ནོར་བདག་གཙོ། །རིགས་ལྡན་དག་ནི་ཡིན་པར་བཤད། །ཧལ་ཁྱི་ཧལ་པན་ཐེ་སེ་དང་། །ཙང་ཀུན་ལ་སོགས་འཁོར་གྱི་བསྐོར། །ཞེས་གསུངས་སོ། །ཀླུའི་དམ་ཚིག་རྒྱུད་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་གཉེན་པོ་རིགས་བཞིའི་བསྒྲུབ་བ་འདི་གསུངས་སོ། །དབུ་ཡི་ཁྲོ་གཉེར་ཡིད་བཞིན་ལྡན། །འཇིགས་བྱེད་སྤྲུལ་བའི་རྭ་གཉིས་ལྡན། །ལྕགས་མཆུ་འབར་བ་རབ་ཏུ་བརྗིད། །རིན་ཆེན་གསེར་གྱི་སྦྱན་དང་ལྡན། །ལྕགས་ཀྱི་སྡེར་ཆེན་རབ་ཏུ་བགྲད། །རྡོ་རྗེ་གཤོག་པ་རབ་ཏུ་བསྐྱངས། །སྐུ་སྟོད་མཆོག་གི་གཡང་གཞིས་བརྒྱན། །བྱོལ་སོང་རིགས་བཞི་ཞལ་དུ་རྡུབ། །དེ་ཉིད་དག་ལ་གང་བཞུགས་པ། །མཐུན་པའི་རྫས་རྣམས་བསགས་པར་བྱ། །སྦྲུལ་དང་སྦལ་བའི་ཤ་ཚིལ་དང་། །ལོངས་སྤྱོད་གཏོར་མ་དབུལ་བར་བྱ། །རྩ་བའི་སྔགས་འདིས་དགུག་པར་བྱ། །ཞེས་རྒྱུན་དུ་དྲང་བའི་སྙིང་པོ་འདི་གསུངས་སོ། །ག་རུ་ཌ་ཙ་ལེ་ཙ་ལ་ཧུ༷་ཕཊ། ཅེས་སྟོང་རྩ་བརྒྱད་རྩ་བརྒྱད་བཟླས་ནས་ཕྱག་རྒྱ་འདི་བསྟན་པར་བྱའོ། །གཡས་གཡོན་མཐེ་བོང་བསྣོལ་ནས་ནི། །གཞན་རྣམས་རབ་ཏུ་བརྐྱང་བར་བྱའོ། །དམ་ཚིག་སྔགས་འདིས་དབང་བསྐུར་རོ། །ཏི་ཀ་ཛུ་བྱི་ཛ་ཏ་ཧུ༷་ཡ་ཧུ༷་ཡ། ཧུ་ལུ་ཧུ་ལུ། པུ་རུ་སྟེ་པུ་རུ་སྟེ་གྲྭཧྭ། ཞེས་སྔགས་འདིས་དབང་དུ་བསྡུ་བར་བྱའོ། །ཧུ༷་ཏྲི་ཏྲི་རུ་ཙག་བཛྲ། དུན་དྷ་མི་ལི་མི་ལི་ཧུ༷་ཕཊ། གཏོར་མ་འབུལ་བ་འདི་གསུངས་སོ། །ག་རུ་ཌ་གྲི་ཎྜ་གྲི་སྨི་པ་ཡ། རུ་བྷ་ཨི་དན་བ་ལིང་ཁྭ་ཧི་ཁུ་ཧི།ཞེས་གཏོར་མས་མཆོད་དེ། གནད་ལ་དབབ་པའི་ཕྱིར་འདིས་བསྟོད་དོ། །འདབ་ཆག་རྒྱལ་པོ་ག་རུ་ཌ། །མཐིང་ནག་གསེར་གྱི་སྤྱན་མངའ་ཞིང། །ཡིདབཞིནརིནཆེནཐོད་འཕྲེང་ཅན། །ལྕགས་མཆུ་འབར་བ་རབ་ཏུ་བརྗིད། །ཐབས་དང་ཤེས་རབ་རྭ་གཉིས་ལྡན། །རྡོ་རྗེ་སྤུ་གྲི་སོ་གཉིས་རབ་ཏུ་རྔམ། །རྡོ་རྗེ་སྡེར་གཤོག་བརྐྱང་པ་རླུད་མོ་ཆེ། །སྐུ་བསྟོད་མཆོང་གི་གཡང་གཞིས་བརྒྱན། །ཀླུ་རྒྱལ་གདུག་པ་མ་ལུས་སྤྱི་ནས་འདྲེན། །གཉེན་པོ་སྒྲོལ་མ་མཆོད་པ་འབུལ། །ཞེས་བསྟོད་དོ། །ཀླུའི་དམ་ཚིག་གི་རྒྱུད་ལས། གཉེན་པོ་རིགས་བཞི་བསྒྲུབ་བའི་ལེའུ་སྟེ་གཉིས་པའོ།། །།དེ་ནས་གཡུའི་བྱི་ཆུང་མ་ཞེས་བྱ་བའི་བསྒྲུབ་པ་འདི་གསུངས་སོ། །འཕྲིན་ལས་གཡུ་ཡི་བྱེ་ཅན་མ། །རབ་ཏུ་མི་བསྒྲུངས་ཀླུ་རྣམས་འདུལ། །དེ་ཉིད་བསྒྲུབ་པར་བྱ་བ་ནི། །རྫས་ལ་བརྟེན་ཏེ་འཁོར་ལོ་བཅའ། །རྫས་ནི་བན་དུ་ནག་པའི་སྙིང་། །འབྲུ་སྣ་གཏོར་མས་མཆོད་པར་བྱ། །འཁོར་ལོ་ཆེན་པོ་བཅའ་བ་ནི། །ད་ཧི་ནག་པོ་བ་་པནས་ནི། །དེ་བཞིན་མཎྜལ་དབུས་སུ་བྱུང་། །ལྟོ་བ་མུ་ཁྱུད་ཟླུམ་བོར་བྱ། །འཁོར་ལོ་རྩིབས་བཞི་མུ་ཁྱུད་ལྡན། ཁྲུ་ཆད་གྲུ་བཞི་ལྡན་པར་བྲི། །གཉིས་གཉིས་སྦྲུལ་གྱིས་མཛེས་པར་བྲི། །དམ་ཚིག་པ་ནི་དབུས་སུ་བྲི། །ནཱ་ག་ཕུར་པ་འཁོར་ལོ་དགོད། །དེ་ནས་རྒྱན་དུ་དྲང་བའི་སྔགས། །ས་མ་ཡ་དུན་སྨྱོ། ཞེས་བརྗོད་ལ་རྦད་དོ། །བསད་པའི་འཕྲིན་ལས་ངན་ཐབས་ཅིག །སྦྱོར་བ་གཉིས་སུ་གྱུར་པ་སྟེ། །གསུམ་པ་གཙོར་ནི་རྫས་རྣམས་བསོག །མི་ཁྲག་རྟ་ཁྲག་ཁྱི་ཁྲག་རྣམས། །དུག་སྣ་ཚང་བར་སྦྱར་བར་བྱ། །ཏིལ་དང་བྲ་བོ་སྲན་མ་དང་། །ནས་ནག་འོ་མ་དག་ལ་ནི། །བན་ཟུར་གསུམ་པ་བདུན་བྱས་ནས། ཁྲག་གི་ནང་དུ་གཞུག་པར་བྱ། །དུག་གིས་བྲིས་པའི་ལིང་ག་ནི། །དེ་བཞིན་ཁྲག་གི་ནང་དུ་གཞུག །ཐོད་པ་ཕོ་མོ་ཁ་སྦྱར་ལ། །དྲག་སྔགས་འདིས་ནི་གནད་ལ་དབབ། །རུ་ཏྲ་ནཱ་ག་རྦད། རག་ཤ་རྦད། སྭ་སྟ་ཀྲ་མ་མི་སྙིང་རྦད། ཡེ་ཙ་སྡེན་པོ་ཁ་ཐུན་རྦད། མ་ར་ཏི་མཛེ་ཏ་དུང་ན་ཡ་སོད། མདུན་དུ་དོང་གྲུ་གསུམ་བྲུས་ཏེ་གསད་པར་བྱའོ། །དེ་ནས་བཏོན་ཏེ་དེ་ཉིད་ཀྱིས་གནས་སུ་གཏད་པར་བྱའོ། །ཀླུའི་དམ་ཚིག་གི་རྒྱུད་ལས་གཡུའི་བྱེ་ཆུང་ཅན་མ་བསྒྲུབ་པའི་ལེའུ་སྟེ་གསུམ་པའོ།། །།དེ་ནས་རིགས་བཞི་བརྟག་པ་འདི་གསུངས་སོ། །དེ་ནས་རིགས་བཞི་པྲ་བརྟག་པ། །རུས་སྦལ་འདྲ་ཡི་རྩར་གནས་པའི། །ཆུ་མིག་མགོ་གསུམ་འབབ་པ་ནི། །བྱོལ་སོང་རིགས་ངན་གནས་པ་སྟེ། །པྲ་ཏྲ་ནག་པོ་དེར་མནན་ནོ། །སྦྲུལ་གཉིས་མདུད་པ་འདྲ་བའི་རི་བར་ནས། །མགོ་གཅིག་རྐང་མང་འབབ་པ་ནི། །ཀླུ་སྲིན་ནག་པོ་འདུ་བ་སྟེ། ཁྲམ་གྱི་རི་མོ་གཏད་པར་བྱའོ། །ཕག་པ་ཐུར་ལ་དཀྱུས་པ་འདྲ། །ཟ་ཟེ་བྲག་རྣམས་གནས་པ་ནི། །ལྟེང་ཀེ་བསྒྲིལ་མ་ཡོད་པ་མྲ །ལས་ཀྱི་ཁམ་ནག་གཏད་པར་བྱ། །བྱོལ་སོང་རིགས་ངན་གནས་པའོ། །དེ་ནས་བྲམ་ཟེའི་རིགས་བརྟག་པ་འདི་གསུངས་སོ། །ཆོས་ཟངས་ལྟ་བུའི་བྲག་ལས་ནི། །སྐྱེ་རེགས་འདྲ་བའི་ས་སྣ་ཚང་། །དེ་ནས་གདོལ་པ་ལོ་འབུར་འབབ། །དེ་ན་རིགས་ངན་གནས་པ་སྟེ། །ཀ་ཏི་ཀ་ར་གཏད་པ་བྱེད། །མཉམ་པ་དག་ལ་རྩེ་མོར་བྱུང་། །ལུ་མ་ཙག་ཙོག་དག་གིས་བསྐོར། །དེ་ནི་མིང་གི་གནས་ཡིན་ནོ། །རིའུ་དྲི་དཔོན་གཏད་པར་བྱ། །དེ་ནས་རྗེའུ་རིགས་བརྟག་པ་འདི་གསུངས་སོ། །བྲ་མ་སྔ་སྔོ་ཡོད་པ་ན། །ཐང་པོ་སྤྲེའུ་ཚུལ་བཞིན་ཡོད་པ་ལ། །བྱང་ཤར་མཚམས་སུ་འབབ་པ་ནི། །མྲི་ཏ་ཀུ་ནི་གནས་པ་སྟེ། །པ་ཐ་རུ་པ་གཏད་པར་བྱའོ། །ཀླུའི་དམ་ཚིག་གི་རྒྱུད་ལས། རིགས་བཞིའི་ཀླུའི་བརྟག་པའི་ལེའུ་སྟེ་བཞི་པའོ།། །།དེ་ནས་ཀླུ་མོ་རྣམས་བརྟག་པར་བྱ་སྟེ། ས་དེ་མདངས་དང་ལྡན་པ་དང་། །མེ་ཏོག་སྣ་ཚོགས་ཡོད་པ་དང་། །མདངས་དང་ལྡན་པར་ས་དེ་སྙོམས། །སྡུག་ལ་ཤར་དུ་གཞོལ་བ་ན། །ཁྲུས་ཀྱི་ཆུ་ནི་འབབ་པ་སྟེ། །མེ་ཏོག་མ་ནི་གནས་པར་འགྱུར། །དེ་དག་ལ་ནི་བྱ་བ་གསུངས། །དེ་ནས་ཀླུ་མོ་རྣམས་བསྒྲུབ་པ་འདི་གསུངས་སོ། །མཎྜལ་ཆ་མཉམ་ཡིད་འོང་ལ། །སྤོས་དང་སྨན་སྦྱར་འོ་མས་བྱུག །པདྨ་འདབ་བཞི་བྲི་བར་བྱ། །དེ་བཞིན་དར་སྤྱངས་སྒོ་ཁྱུད་ལྡན། །ཙན་དན་ཐལ་བ་སྨན་དང་འོ་མར་སྦྱར། །པདྨའི་དབུས་སུ་ཐིག་ལེ་བྱ། །ལྟེ་བར་སྙིང་པོ་དགོད་པར་བྱ། །དེ་བཞིན་རྫས་རྣམས་དབུལ་བ་ནི། །སྨན་ལྔ་སྤོས་ལྔ་རིན་ཆེན་ལྔ། །འབྲུ་སྣ་དག་ལས་འོ་མས་སྦྲུ། །དུང་དང་ན་ཕྱིས་རིན་ཆེན་སྣོད། །བསེ་ཡི་ག་འུ་སྣོད་རྣམས་སུ། །མཚམ་དང་འབྲས་ཡོས་སྤོས་དང་དར་སྣ་བསོག །དེབཞིནབསྟོདདངམཆོད་པ་བྱ། །མཆོད་པ་རྒྱུན་གྱི་སྔགས་འདི་གསུངས་སོ། །ནཱ་ག་ལི་ནཱ་ག་ལི་པ་ཡེ་ནཱ་ག་ཕུད་ནཱ་ག་ཕུད་སྲུཧྭ། ཞེས་མཆོད་པས་དབུལ་བར་བྱའོ། །ཨོ་ནཱ་ག་ཤུ་ཤུ་ལི་རྣོ་ཨོ་ཤ་ཤ་ཤུ་ཤུ་ནག་པོ་ཙིསྟ་མྱ་ར་ཡ་སོད། གྲུ་ཐུམས་གར་བ་སོད། །ནག་པོ་ཙིསྟ་ལ་ཡ་ཞེས་བསྒྲུབ་པར་བྱའོ། །ཀླུའི་དམ་ཚིག་གི་རྒྱུད་ལས། །ཀླུ་མོ་རྣམས་བསྒྲུབ་པའི་ལེའུ་སྟེ་ལྔ་པའོ།། །།དེ་ན་ཀླུ་དམ་ཚིག་གིས་ཀླུ་བསྒྲུབ་པ་འདི་གསུངས་སོ། །མཎྜལ་ཆ་མཉམ་ཡིད་འོང་ལ། །སྤོས་སྣ་ཚང་བའི་ཁུ་བས་བྱུག །དེ་བཞིན་དཀྱིལ་འཁོར་བྲི་བར་བྱའོ། །དཀྱིལ་འཁོར་འཁོར་ལོ་རྩིབས་བརྒྱད་པའོ། །དབུས་སུ་ང་རྒྱལ་ཧུ༷་བྲིས་ཏེ། །ནཱ་ག་ར་ཛ་ས་མ་ཡ་ཛ་ཆེ་གེ་མོ་ཙིསྟ་ཛ་ལ་ཡ། ཞེས་ཡི་གེ་དགུ་པ་དགོད་པར་བྱའོ། །གྲུ་བཞི་གྲུ་ཆད་སྒོ་ཕུར་འདོད། །བུ་བ་ན་ར་གྲུ་ཆད་ལ། །སྒོ་བཞི་གློ་འབུར་དག་ལ་ནི། །ས་ཧ་ཏི་ཀ་དགོད་པར་བྱ། །དབུས་སུ་གསེར་མིག་འབར་བ་དགོད། །དེ་བཞིན་བདག་ཉིད་གནས་ལྔར་བསྲུང་། །ས་མ་ཡ་ཨ་ཧུ༷་རྣམས་ནི། །སྤྱི་བོ་ཁ་དང་སྙིང་ཁ་དང་། །མགྲིན་པ་ལྟེ་བར་དེ་བཞིན་ཧུ༷་བྲིའོ། །དེ་བཞིན་དབང་ནི་སོ་སོའི་སྔགས་ཀྱིས་བསྐུར། །དམ་ཚིག་ཕྱག་རྒྱ་དབབ་པར་བྱ། །ས་ལས་དེ་བཞིན་བདག་པོ་བསྐྱེད། །མ་ལས་གཡུའི་བྱེ་ཆུང་ཅན་ནོ། །ཡ་ལས་ཀླུ་བདུད་དྲག་པོ་བསྐྱེད། །ཡ་ལས་གནོད་སྦྱིན་དམར་པོའོ། །ཧུ༷་ལས་གསེར་མིག་འབར་བའོ། །དེ་བཞིན་བདག་ཉིད་རབ་ལྡན་ན། ཁུ་བ་ཐོར་པ་བས་བླགས་འབྱུང་། །ཀླུ་རྣམས་བྱའོ། །འདུར་བ་ནཱ་ཏ་ཏ་ས་བ་བྱ་བའི་ཕྱིར། །ཀ་ཏིའི་འདི་བཟླས་པར་བྱའོ། །རུ་ཏྲི་དྲ་བ་སད། རུ་ན་ཏོམ་བྱི་བར་སད། ཏྲིལ་དུ་ཡ་སད། ནཱ་ག་ར་ཙ་བཱ་ར་ཡ། དུ་ན་ས་ཏྭ་རྦད། ཅེས་གཏད་པར་བྱའོ། །དེ་ནས་གླང་བུ་ས་འཐོར་བྱ་བ་འདི་གསུངས་སོ། །གླང་དམར་པོའི་རྭ་གཡས་པ་ན། ཞག་གཅིག་གུ་གུལ་གྱིས་བདུག་བའི་སྔགས་དེ་ལ་སོགས་པས་མཆོད། ཉ་ཤ་སྦྲུལ་ཤ་སྦལ་པའི་ཤ །གང་ཡིན་པྲེ་ཏེའི་ཤ་བླངས་ཏེ། །ལིང་ག་ཉི་ཤུ་རྩ་གཅིག་བྱ། །དྲག་པོའི་སྔགས་འདིས་མཆོད་པར་བྱ། །མ་ར་ཡ་སོད། ཏྲི་ནི་སོད། ཡ་ར་ཡ་མ་ཏྲི་ཏ་སོད། ཙཀྲམ་དུ་ཏྲི་རྦད། ཙཀྲམ་དུ་ཏྲི་རྦུད། ཙཀྲམ་དུ་ཏྲི་སོད། ཤ་ལ་རྔ་མོ་ཆུམ། ཤ་ལ་རྔ་མོ་ཐུམ།ཤ་ལ་རྔ་མོ་ནན། ནཱ་ག་བཛྲ་ཤུ་ཤུ་ལི། ནཱ་ག་ར་ཛ་ས་མ་ཡ་ཤན་ཏིང་ཀུ་རུ་ཡེ་གྲྭཧྭ། ཞེས་བརྗོད་བར་བྱའོ། །དེ་ནས་ཡང་གཉེན་པོ་གཏད་པ་ཞེས་བྱ་བ་འདི་གསུངས་སོ། །འཇིམ་པའི་ལིང་ག་མཛུབ་གང་ལ། །ཐལ་བ་ཆེན་པོ་དཀར་པོས་བྱུག །གདོང་པ་མཚལ་གྱིས་བྱུག་པར་བྱ། །ཚོན་གྱི་སྐུད་པས་རྒྱ་གྲམ་བྲི། །མགོ་བོ་ཐུར་དུ་བསྟན་ཏེ་མནན་པར་བྱའོ། ་།་ཏ་ཀྲི་ཐུན་ཤིག །ཛ་ཀྱི་ཤར་ལེ་ཤུ་མུ་ལེ་རེ་ནཱ་ག །ཧུ་ལུ་ཧུ་ལུ་ཐུམ་རི་ལི་ལི་གྲྭཧྭ། ཞེས་གསུངས་སོ། །དེ་ནས་ངན་ཐབསདྲགཔོཆིགཅོདཅེསབྱབ་འདི་གསུངས་སོ། །བའམ་གླང་གི་རྭ་རུ་སྲ ཁྲག་གིས་བྲིས་པའི་མི་རུས་གཞུག །དབང་དུ་དྲག་པོ་འདི་ཡིས་བསྡུའོ། །སྲུང་ཏྲ་དུན་ཏེ་ནཱ་ག་མ་ནེ་ཧུ༷། ཞེས་གསུངས་སོ། །མཧྭ་པརྩི་ཏ་ཧུ༷། ཧེ་ཧེ་ཕཊ་ཕཊ། ཅེས་དབང་དུ་བསྡུའོ། །ཨོ་ས་ཏྭ་ཡ་ས་ཏྭ་ཡ། ཤོ་ཏ་ཡ་ཤོ་ཏ་ཡ། །པཏ་ཡ་པ་ཏ་ཡ། ཨུད་པ་ཡ་ཨུད་པ་ཡ། ཧ་ར་ཧ་ར་བཛྲ་དེ་ནན་མྱ་ར་ཡ་བཛྲ་ཡ་ཁང་ཁ་ནན། ཧུ༷་ཧུ༷་ཧུ༷་ཧྭ༷་ཙུང་ཙུང་ཛ་ལེ་ཛུ་ལེ་དེ་སརྦ་ས་ཏོ་ཡེ་གྲྭཧྭ། རྒྱུན་དུ་བཟླས་པ་བྱའོ། །སྐུགས་རྩ་བའི་སྔགས་ཞེས་བྱའོ། །ནཱ་ག་ནཱ་ག་ཤིག་དུ་པ་ཧུ༷་ཡ་ཤིག །ནཱ་ག་སོད་ནཱ་ག་ཡ། ཞེས་གཏད་པར་བྱའོ། །དེ་ནས་གཡུའི་བྱེ་ཆུང་མ་ཞེས་བྱའི་དྲག་སྔགས་འདི་གསུངས་སོ། །ག་གོན་ནག་པོའི་ནང་དུ་ནི། །མཐུན་པའི་ལིང་ག་གཞུག་པར་བྱའོ། །དེ་བཞིན་མི་མོ་མང་པོ་དང་། །ལྷོ་སྦྱར་དཀར་གནག་དཀྲིས་ཏེ་གཞག །ཅེས་སྔགས་འདི་གསུངས་སོ། །ནཱ་ག་ལི་མུ་མུལ་དུན་ཕཊ། ནཱ་ག་ཤ་ཏྲ༷་ཕཊ། ནཱ་ག་ཐེད་ཐེད་གྲྭཧྭ། དུན་པ་ཕཊ། མོ་ལེ་ཕཊ། གར་པ་ཕཊ། ཙཀྲ་ཀྱུ་ར་ན་ཕཊ། ཏྲག་མུན་ཁ་རག །རག་མོ་ཁ་ལ་སྨྱོ། ཞེས་གཏད་པར་བྱའོ། །དེ་ནས་དྲག་པོའི་རྫས་ཀྱིས་འདུལ་བ་འདི་གསུངས་སོ། །ཆུ་སྦྲུལ་ཐང་སྦྲུལ་སྡུག་པའི་རྫས། །ནང་དུ་དེ་བཞིན་ཡིད་ག་གཞུག །དྲག་པོའི་སྔགས་ཀྱིས་ཡང་དག་འགུག །ནཱ་ག་རྭ་ཛ་ཆེ་གེ་མོ་ཨེ་ཧ་ཨེ་ཧ་སི་རི་སི་རི་སི་རི། ཆེ་གེ་མོ་ནཱ་ག་རྭ་ཛ། སུ་རུ་སུ་རུ་སུ་མྲ ཆེ་གེ་མོ་ནཱ་ག་རྭ་ཛ་ས་མ་ཡ་ཛ་ཛ་ སེ་རེ་སེ་རེ་སེ་རེ། ནཱ་ག་རྭ་ཛ་ཆེ་གེ་མོ་ཙིསྟ་ཛ་ལ་ཡ། ཞེས་ཀླུ་ལ་གཏད་པར་བྱའོ། །སྙིང་མི་དགའ་སྟེ་རྟགས་མྱུར་དུ་འོང་ངོ་། །དེ་ནས་དྲག་པོའི་སྔགས་ཀྱི་གཟེར་གདབ་པ་ཞེས་བྱ་བ་འདི་གསུངས་སོ། །སྣ་ཚོགས་སྨན་དང་འཚལ་དང་འབྲས་དང་སྦྲུལ་དང་སྦལ་པའི་ཤ་ཚིལ་དང་། ཏིལ་དཀར་ནག་དང་ལུག་གྲོ་མོའི་འོ་མ་དང་། ར་དཀར་མོའི་འོ་མ་དང་།ལྡེ་གུ་བྱས་ཏེ་སྦྲུལ་དང་སྦལ་པའི་གཟུགས་བརྙན་བྱ། དེ་བཞིན་གཡུའི་བྱེ་ཆུང་མའི་སྔགས་ཏེ་གདུག་པའི་སྔགས་དང་བསྡེབ་བོ། །དེ་དང་ལྡན་པར་བཟླས་སོ། །དུ་པི་རྭ་ཛ་ས་མེ་ཕུ། དེ་བ་ར་རི་ཀུར་ལྡན་རྦད། ཅེས་དྲག་པོར་ནང་དུ་བདུག་གོ །དེ་ནས་རྒྱུན་དུ་བཟླས་པའི་སྙིང་པོ་འདིའོ། །ཨོ་མ་ཡུར་ཤིག་སོད། ཡུན་རེ་ཤིག་སོད། ཐུན་ཏྲ་ཤིག་སོད། རྦད་ཤིག་སོད། ཡིད་ཤིག་སོད། ཅེས་རྒྱུན་དུ་བཟླས་པར་བྱའོ། །ཨོ་ཨུ་ཡུ་ཆེ་ཤིག་སོད། ནཱ་ག་ལི་ཡག་ཡམ་སུ་ར་རྦད། བ༷་ཏེ་རྭ་ཛ་སོད། ཅེས་གཏད་པར་བྱའོ། །ཀླུའི་དམ་ཚིག་གི་རྒྱུད་ལས། དྲག་པོ་པ་ཏྲ་ཞེས་བྱ་བའི་སྔགས་ཀྱི་ལེའུ་སྟེ་བདུན་པའོ།། །།དེ་ནས་དྲག་སྔགས་བདུན་པའི་མགུལ་ཆིངས་ནག་པོའི་ལས་འདི་གསུངས་སོ། །འབྲུ་སྣ་ལྔ་ཡི་ངར་ཕྱེ་ལ། །སྦྲུལ་མགོ་དགུ་པའི་གཟུགས་བྱས་ཏེ། །ནང་དུ་མིང་རུས་ལིང་ག་གཞུག ཁམ་པའི་ག་འུ་ཁ་སྦྱར་དུ། །དེ་བཞིན་ལིང་ཀ་གཞག་པར་བྱ། །བྱང་དུ་སྒྲུལ་མགོ་དགུ་པ་བྲི། །ལྷོ་རུ་དེ་བཞིན་གསུམ་པ་སྟེ། །ནུབ་ཏུ་སྦྲུལ་མགོ་བདུན་པ་ལ། །ཤར་དུ་སྦྲུལ་མགོ་ལྔ་པའོ། །དེ་བཞིན་དྲག་སྔགས་འདི་ཡིས་གཏད། །ས་བྱི་ལ་ཆོད་ཅིག་ཁ་ལི་མ་དུན་སྨྱོ། སརྦ་དྷིག་བྷག་་།་ར་ཙ་ཡ་ཁ་ལོང་ལོང་དམ་ཏི་ཡེ་གྲྭཧྭ། ཙིསྟ་བ༷་འབྲུ༷་ཐུ༷་རིལ་ཁས། གླད་ཁྲག་སྤྱོད་ཅིག །མིག་ཙ་སྒྱུར། ཨོ་ནཱ་ག་སུ་ཏྲ་ཏི་བཛྲ་དུན་དྷ་མི་ལི་མི་ལི་གྲྭཧྭ། ཨོ༷་ནཱ་ག་ཤུ་ལེ་ནི་སྲུཧྭ། ཨོ་ནཱ་ག་རྭ་ཛ་ས་མ་ཡ་ཙིསྟ་ཛ་ལ་ཡ་ཧུ༷་ཕཊ། ནཱ་ག་རྭ་ཛ་ས་མ་ཡ་ཤུད་ཏི་ཏྲི་ཏ་ས་མ་ར་ཛ། ན་ག་རྭ་ཛ་ཤུ་ཤུ་ལིང་། དགྲ་བོ་ཙིསྟ་ཛ། ཨོ་ཙཀྲ་མི་མ་ཡ་སད། ཙཀྲི་དུ་ཏྲི་མ་ར་ཡ་ཕཊ། ཙཀྲ་བཱ་ར་ཡ་དུ་ཏྲ་རྦད། ནཱ་ག་བ༷་བ༷་ལི་ལི་ཙཀྲ་མུ་ར་ཡ་ཧྭ༷་ཕཊ། ཅེས་དྲག་སྔགས་འདི་གསུངས་སོ། །ག་གོན་ནག་པོ་དྲག་པོའི་རྫས། །ནང་དུ་མཐུན་པའི་ལིང་ག་གཞུག །ཨོ་མ་ཡུ་ ར་ཤིག་སོད། སྐྲུར་ལེ་ཤིག་སོད། ཨོ་མུད་ཡང་ཚེ་ཤིག་སོད། ཐུན་ཏྲ་རྭ་ཛ་ཤིག་སོད། རྦད་ཤིག་རྦུད་ལ་ཡང་ཏི་རྨི་ཏ་ཕཊ། ཅེས་སྔགས་འདི་གསུངས་སོ། ཁྲག་དང་དུག་གི་ཁུ་བ་་་ནི། །དེ་བཞིན་སྦལ་པའི་ཁོག་བར་ལིང་ག་གཞུག །རྩེར་མ་གྱིན་གྱི་དབུས་སུ་གཞུག །དྲག་པོའི་སྔགས་ཀྱིས་གཏད་པར་བྱ། ཁྲག་ནི་སྣར་མ་རྦད། དར་རྦད། ས་ཏི་ཤིག་གླང་ཡབ་སོང་། གླང་ཏྲི་ཤིག་ཀུར་གླང་ཤིག །དུ་ཏྲི་ཤིག །ཅེས་གཏད་པར་བྱའོ། །ཀླུའི་དམ་ཚིག་གི་རྒྱུད་ལས། དྲག་སྔགས་བདུན་པའི་བུམ་པ་འགུལ་ཆིངས་ཀྱི་མན་ངག་གི་ལེའུ་སྟེ་བརྒྱད་པའོ།། །།དེ་ནས་ངན་ཐབས་བདུན་པ་འདི་གསུངས་སོ། །དྲག་སྔགས་བདུན་པའི་སྤྱིན་སྲེག་སྟེ། །སྦྲུལ་ལམ་སྦལ་པའི་ཤ་ཚིལ་དང་། །བྲ་མ་འཛུག་གང་རྩ་གཅིག་ལ། །དེ་བཞིན་མིང་རུས་བྲི་བར་བྱའོ། །དཀར་པོ་༄༅། ཁུ།་གསུམ་མེ་རི་བྲི། །དབུས་སུ་པ་རྒྱལ་ཧུ༷་བྲིས་ཏེ། ཁ་ཁྱེར་སྦལ་པའི་གཟུགས་བརྙན་བྲི། །མེ་རི་སྦྲུལ་གྱི་ཆུན་པོས་བསྐོར། །ཉི་ཤུ་རྩ་གཅིག་རྩ་ང་གདབ། །དེ་བཞིན་སྐྲུ་ཏ་རི་ཡིས་བརྩིག །གནོད་སྤྱིན་ཉེ་ནག་མེ་ཡི་ལྷ། །ལྗགས་ལ་ར༷་བསམས་མེ་ཡི་ལྷ། །བདག་ཉིད་གསེར་འདྲ་འབར་བ་བསྐྱེད། །དེ་ནས་མཆོད་པ་འབུལ་བར་བྱ། །སྣ་ཚོགས་སྨན་དང་འོ་མ་དང་། །འབྲས་དཀར་་།་དང་ཏིལ་རྣམས་དང་། །མར་ལ་སོགས་པས་མཆོད་པར་བྱ། །ཉ་ཤ་སྦྲུལ་དང་སྦལ་པའི་ཤ །གང་ཡིན་སྲ་ཏའི་ས་བླངས་ལ། །ལིང་ག་ཉི་ཤུ་རྩ་གཅིག་བྱ། །དྲག་པོའི་རྫས་ཀྱི་མཆོད་པར་བྱ། །མ་ར་ཡ་ཏི་ཏྲི་སོད། མུ་ར་ཡ་ཡ༷་ནི་ཏི་ཏ་སོད། ཙ་ཀྲ༷་དུ་ཏྲི་རྦད། ཙཀྲ༷་དུ་ཏྲི་རྦུད། ཙཀྲང་དུ་ཏྲི་སོད། ཤ་ལ་རྔམ་ཆུམ། ཤ་ལ་རྔ་མོ་ཐུ་པ། ཤ་ལ་རྔ་མོ་ནན། ནཱ་ག་བཛྲ་ཤུ་ཤུ་ལི། ནཱ་ག་རྭ་ཛ་ས་མ་ཡ། ཤན་ཏིང་ཀུ་རུ་ཡེ་གྲྭཧྭ། ཞེས་མཆོད་པར་བྱའོ། །གཉེན་པོ་ལ་གཏད་པ་ཞེས་བྱ་བ་འདི་གསུངས་སོ། །འཇིམ་པའི་ལིང་ག་མཛུབ་གང་ལ། །ཐལ་བ་པོ་ས་དཀར་པོར་བྱུག །གདོང་པ་མཚལ་གྱིས་བྱུག་པར་བྱ། །ཚོན་གྱི་སྐུད་པས་རྒྱ་གྲམ་དཀྲི། །མགོ་བོ་ཐུར་དུ་བསྟན་ཏེ་གནན་པ་བྱ། ་།་དག་ཏྲེ་ཐུན་ཤིག །ཨོ་ཛ་གྱི་ཤ་ལེ་ཤུ་མུ་ལེ་རེ་ནཱ་ག་ཧུ༷་ལུ་ཧུ༷་ལུ་ཐུམ་རི་ལི་ལི་གྲྭཧྭ། ཞེས་གཏད་པར་བྱའོ། །དེ་ནས་ངན་ཐབས་དྲག་པོ་ཆོད་བྱེད་བྱ་བ་འདི་གསུངས་སོ། །བའམ་གླང་གི་རྭ་རུ་སྲ ཁྲག་གིས་བྲིས་པའི་མིང་རུས་གཞུག །དབང་དུ་དྲག་པོ་འདི་ཡིས་བསྡུ། །སུ་ཏ་དུ་ན་ཏེ། ནཱ་ག་མུ་ནེ་མུ་ནེ་ཧུ༷། མཧྭ་པ྅་ཐ་ཧུ༷། ཧེ་ཧེ་ཕཊ་ཕཊ། ཅེས་བརྗོད་ལ་དབང་དུ་བསྡུའོ། །ཨོ་ས་ཏ་ཡ་ས་ཏ་ཡ། མ་ར་ཏ་ཡ་མ་ར་ཏ་ཡ། ཤོ་ཏ་ཡ་ཤོ་ཏ་ཡ།ཏ་པ་ཡ་ཏ་པ་ཡ། ཧ་ར་ཧ་ར། བཛྲ་ཏེ་ནན། བཱ་ར་ཡ་བཱ་ར་ཡ། ཁད་ཀ་ནན། ཧུ༷་ཧུ༷་ཧུ༷་ཏུང་། ཙུང་ཙུང་ཙུ་ལེ་ཙུ་ལེ། དེས་སརྦ་ཏེ་ཡེ་སྲུཧྭ། ཞེས་རྒྱུན་དུ་བཟླས་པར་བྱའོ། །ཀུག་རྩའི་སྔགས་ཞེས་ཀྱང་བྱའོ། །ནཱ་ག་ཤིན་དུ་ཧུ༷་ཡ་ཤིག །ནཱ་ག་སོད་ནཱ་ག་ཡ། ཞེས་གཏད་པར་བྱའོ། །དེ་ནས་གཡུའི་བྱེ་ཆུང་ཅན་མ་ཞེས་བྱ་བའི་སྔགས་འདི་གསུངས་སོ། །ག་གོན་ནག་པོའི་རྫས་སུ་ནི། །མཐུན་པའི་ལིང་ཀ་གཞུག་པར་ནི། །དེ་བཞིན་བླ་མའི་མི་མོ་དང་། །ལྟོ་སྦྱར་དཀར་ནག་དཀྲིས་ཏེ་གཞུག །ཅེས་སྔགས་འདི་གསུངས་སོ། །ནཱ་ག་ལི་མུ་ལུ་མ་དུན་ཕཊ། ནཱ་ག་ཤ་ཏྲ༷་ཕཊ། ནཱ་ག་ཐེད་ཐེད་སྲུཧྭ། དུམ་པ་ཕཊ། མོ་ལེ་ཕཊ། གར་པ་ཕཊ། ཙཀྲ་ཀྱུ་ར་ན་ཕཊ། ཏྲག་མུན་ཁ་རག །རག་མོ་ཁ་ལ་སྨྱོ། ནཱ་ག་དུ་པ་ཁྲག་སྨྱོ། ཙཀྲ་དུན་སྨྱོ། ཞེས་གཏད་པར་བྱའོ། །དེ་ནས་དྲག་པོའི་རྫས་ཀྱིས་བསད་པ་ཞེས་བྱ་བ་འདི་གསུངས་སོ། །ཆུ་སྐྲུལ་ཐང་སྐྲུལ་གདུག་པའི་རྫས། །ནང་དུ་དེ་བཞིན་ལིང་ག་གཞུག །དྲག་པོའི་སྔགས་ཀྱིས་ཡང་དག་དགུག །ཨོ་ནཱ་ག་ར་ཛ་ཆེ་གེ་མོ། ཨེ་ཧ་ཨེ་ཧ་ཨེ་ཧ། སི་རི་སི་རི་སི་རི། ཆེ་གེ་མོ་ནཱ་ག་རྭ་ཛ། སུ་རུ་སུ་རུ་སུ་སྲ ཆེ་གེ་མོ་ནཱ་ག་རྭ་ཛ། སེ་རེ་སེ་རེ་སེ་རེ། ནཱ་ག་རྭ་ཛ། ཆེ་གེ་མོ་ཙིསྟ་ཛ་ལ་ཡ། ཞེས་ཀླུ་ལ་གཏད་པར་བྱའོ། །སྙིང་མི་དགའ་རྟགས་མྱུར་དུ་འོང་ངོ་། །དེ་ནས་དྲག་པོའི་སྔགས་ཀྱི་གཟེར་གདབ་ཅེས་བྱ་བ་འདི་གསུངས་སོ། །སྣ་ཚོགས་མཚལ་དང་སྨན་དང་འབྲས། །སྦྲུལ་དང་སྦལ་པའི་ཤ་ཚལ་དང་། །ཏིལ་དཀར་ནས་དང་ལུག་གྲོ་མོ། །ར་དཀར་མོ་ཡི་འོ་མ་དང་། །ས་ལ་ལྡེ་གུར་བྱས་ནས་ནི། །སྦྲུལ་དང་སྦལ་པའི་ཤ་གཟུགས་བརྙན་བྱའོ། །དེ་བཞིན་གཡུའི་བྱེ་ཆུང་བསྐུལ། །དུར་དུར་ནཱ་ག་ཏེ་ཕཊ། ནཱ་ག་རྭ་ཛ་མུ་པ་ས་ཏོ། །ཡ་མ་ཏྲི་ཡ་ཕཊ། ཅེས་བསྒྲུབ་ཏེ་ཞག་བདུན་ན་ཕྱོགས་སུ་ཁ་བལྟས་ཏེ་མིང་ནས་ཕྱུང་ཞིང་འདི་སྐད་གདབ་བོ། །དུ་ར་ཏི་་།ར་ནཱ་ག་ལི་ས་དུ་མ་རི་ཏ།ལིང་ཤ་ར་ནཱ་ག་ཏེ་ཕཊ། ཅེས་གདབ་པར་བྱའོ། །དེ་ནས་ཀླུའི་སེ་འདབ་པ་ཞེས་བྱ་བ་འདི་གསུངས་སོ། །ཆུ་མིག་ནག་པོའི་མགོ་བོ་མྲ །འོ་མ་དང་ཙན་དན་གྱི་ཆུ་སྦྲེང་ཞིང་དྲག་པོའི་སྔགས་འདིས་ཐེབས་པར་འགྱུར་ཞེས་གསུངས་སོ། །ཨོ་ནཱ་ག་བཛྲ་ཤུ་ཤུ་ལེ་ནཱ་ག་རྭ་ཛ་ཀྲི་སད། ལོ་ཏི་སད་ད་ཧུ༷་ཕཊ། ཅེས་གནད་ལ་དབབ་བོ། །པ་མེ་གེ་དུ་སྲ མ་ཤིག་ཀིང་ཀ་ཛོ་ལ་ཏི། ཨ༷་ཨ་ཙིསྟ་སྲུཧྭ། ཞེས་ཕྱོགས་སུ་གཏོར་ལ་བཏང་ངོ་། །དེ་ནས་ལོག་ནོན་སྔགས་ཀྱིས་དཔལ་ཞེས་བྱ་བ་འདི་གསུངས་སོ། །ནཱ་ག་ལི་དུ་པ་ལ་ཡ། ས་ཏོ་མ་ཏེ་ཀུ་རུ་ཧུ༷་ཧུ༷་ཛ་ཛ་སྨྱོ། ཞེས་བརྗོད་ལ་བཅང་ངོ་། །ཀླུའི་དམ་ཚིག་གི་རྒྱུད་ལས། དྲག་སྔགས་བདུན་པ་ཞེས་བྱ་བ་འདིའོ། །ལེའུ་དགུ་པའོ།། །།དེ་ནས་བསད་པའི་འཁོར་ལོ་མཐར་ཐུག་པ་ཞེས་བྱ་བ་གསུངས་སོ། །བདུན་པ་གང་ཡང་གྲངས་ཐིམ་ན། མནན་པའི་ལས་ནི་ཞིབ་ཏུ་བྱ། །དང་པོ་བརྟགས་ཏེ་ནུབ་ཕྱོགས་ནས། །དྲག་པོའི་ཐོད་པ་བླངས་ནས་ནི། །དྲག་སྔགས་གདབ་པའི་ལིང་ག་གཞུག །མཚོན་པྲ་ལག་པ་བཅིངས་ནས་སུ། །ཐོད་པའི་ནང་དུ་ཡི་གེ་ཧུ༷། །ཀླུ་གཟུགས་རྣམས་ནི་གཏོར་ཁར་རོ། །དེ་ནས་ལིང་ཁ་གསར་བྱས་ཏེ། །སྙིང་དཀྱིལ་ཛ་ནག་ཁ་སྤྲད་བྲི། །ལག་པ་གཡས་གཡོན་སྦལ་པའི་ཁར། །སྤྱི་བོ་སྦྲུལ་མཆུ་བརྩུགས་པ་བྲི། །རྐང་པ་སྦྲུལ་ནག་སྲོག་ཏུ་གཞུག །ཐ་མར་ཝ་ཐོད་དྲག་སྔགས་བྲི། །རྐང་མཐིལ་གཡས་གཡོན་སྦ་ལ་ཁར། །དེ་ནས་སྲད་བུ་ནག་པོས་བཅིང་། །རིགས་བཞི་གནས་པའི་ས་རུ་གཏད། །བཙུན་པ་ཡིན་ན་རྒྱལ་རིགས་ལའོ། །ཡ་རབས་ཡིན་ན་རྗེ་རིགས་ལའོ། །བློན་པོ་ཡིན་ན་བྲམ་ཟེ་ལའོ། །དམངས་རིགས་ཡིན་ན་གདོལ་པ་ལའོ། །རྒྱལ་རིགས་ཤར་ལ་རྗེའི་རིགས་ལྷོ། །བྲམ་ཟེའི་རིགས་ནི་ནུབ་ལ་དབང་། །གདོལ་པའི་རིགས་ནི་བྱང་ལ་དབང་། །ཆུ་མིག་ཁ་དོག་དེ་ལྟར་བརྟག །འཕྲིན་ལས་རྣམ་བཞིས་གཟིར་བར་བྱ། །གནས་དང་དུས་དང་དགོས་པ་གསུམ། །རྫས་དང་འཕྲིན་ལས་སྔགས་དང་གསུམ། །དོན་གྱི་མན་ངག་འདི་རྣམས་སོ། །ཀླུ་གཟུགས་རུས་སྦལ་འདྲ་བ་བྱ་ཞིང་བྲི། །གཟུགས་དེའི་ཕྱི་རོལ་དུ་རིགས་བཞི་སྲོག་གི་སྙིང་པོས་བསྐོར། །དོན་གྱི་མན་ངག་འདི་བྲིའོ། །ཨ་ནན་ཏ་པུ༷༷ ཏ་ཀྟ་ཀ་ཕེ། མཐའ་ཡས་དང་ནི་འཇོག་པོའོ། །ཀར་ཀོ་ཏ་དང་ཨུ་ལི་ཀ །བ་སུ་ཏ་བི་སྟོབས་རྒྱུ་ནོར་རྒྱས་དང་། །དུང་སྐྱོང་བ་རུ་ན་ཏེ་ཕོ། །ནག་པོ་ནག་པོ་སྲོག་ལ་ཡ། །དགྲ་བོ་མཐའ་བརླག་རྡུངས་ཕྱུར་རྡུངས་ཕྱུར། །དགྲ་བོ་གྱེན་ཤ་སྟམ་པ་ཡ། ཐ་ཐ་བུར་བུར་བུར་ཐ་མ་ཡ། དགྲ་བོ་བདུན་རྒྱུད་ཙ་ལ་ཡ་ཡ། ཧུ༷་ཧུ༷་བ་བི་ནར་ནིར་ཛ་ཛ་ཡ་ཡ་ཞིང་། ཞིང་ཕྲ་ལ་ཤེར་ཤེར། །ཧུ༷་ལུ་ཏ་ཀ་སོད་སོད་ཐུམ་ཐུམ་ཧུ༷་ཕཊ། དེ་ནི་གསང་པའི་སྔགས་སོ། །དགྲའི་གཟུགས་བྲི་ཞིང་བཅའ་བ་ནི། ཁ་མིག་མ་ལོག་པར་འདོད། ལུས་ལ་སྦྲུལ་འཁྱུད་པ། །མངར་གསུམ་གྱི་ལྡེ་གུས་བྱུག །ལིང་ག་སྐུ་གཟུགས་དང་ལྷོ་སྦྱར་ལ་བཅིང་ངོ་། །སྔགས་བཟླས་ཕུར་པ་གདབ། མནན་པར་བྱ། དེ་ནས་སྒྲོམ་བུར་གསལ་ལོ། །ཀླུའི་དམ་ཚིག་གི་རྒྱུད་ལས། གསད་པའི་འཁོར་ལོ་མཐར་ཐུག་གི་ལེའུ་སྟེ་བཅུ་པའོ།། །།དེ་ནས་ངན་ཐབས་སྔགས་ཀྱིས་བསད་པ་ཞེས་བྱ་བ་འདི་གསུངས་སོ། །ཨོ་ཀ་མ་ཀ་མེད། བརླག་ནག་མ་ཀ་མེད། ཀླག་རུམ་མ་ཀ་མེད་བརླག །དེ་ནས་གཟིར་ནན་བྱའོ། །ཛ༷༷ཧུ༷་བ༷་ཧོ། དགྲ་བོ་འདི་པྲ་ཧ་ཧ་ཆུམ་ཆུམ། སྲོག་ཆུམ་ཀླུ་རྒྱས་ཆུམ། གམ་གམ་འཛིན་ཆེན་མས་ཏ་ལ་ལོང་སོད། ལྕགས་རིན་ཆེན་མོས་རྟ་ལ་ལོང་ལ་སོད། དགྲ་བོ་འདི་རྟ་ལ་ལོང་སོད། དབུབས་ས་སྲིན་ཆེན་མོས་རྟ་ལ་ལོང་ལ་སོད། ཀུ་རུ་སོད། སེ་ལེ་སོད། ཡས་གུ་སོད། སུ་ཏི་སོད། ཚི་ཀ་ར་སོད། དགྲ་བོའི་སྲོག་དབུགས་ལ་རོལ་པ་མཛོད། ཁ་དང་ཐང་ཁ་འགུར་ཤ་ན་ཡ་ཕཊ། དེ་ནས་ཀླུ་ལ་གཏད་དོ། །ཆུ་གཏོར་གཏང་ངོ་། །ཨོ་མར་མེར་ཐབ་ཐིབ་གནམ་ས་སྡོད་ཕྱེ་ས་ཁ་ཕྱེ། ཨོ་ལ༷་ཧུ༷་ལ༷་སྟ༷་བ་ན་རག་ནན། ཏད་ཡ་ཐུ། ཨོ་ཏ་ཀི་ཏུ་གྱེ། ཀུ་མུ་ལུ་ཀུ་མུ་ལུ། ཤུ་ཤུ་ཤ་ཤ །བི་ཏི་ཏི་ཏི། ཧུ༷་ཡུ་ཧུ༷་ཡུ། རུ་རུ་ཛི་ཛ་ཏ་སྲུཧྭ། རིགས་བཞི་ཀླུ་དབང་དུ་བསྡུ་བ་དང་། ཟིལ་གྱིས་མནན་པ་དང་། ལས་ལ་གཏད་པ་དང་།དམ་ལ་གདགས་པའོ། །གཟུགས་ལ་བྱ་བའི་རིམ་པ་དགོད། ཤ་ཏྲི་ཤ་ཏྲི། གུར་ཏྲི་ཤན་ཏྲི་ར་ཀྲི་ཀུ་ལ་ནན། ས་བྱིངས་ཆོ་ག་ལི་མ་ཧི། མ་མུགས་མ་མུགས། བྱི་ཧི་ལ་མ་ཧྭ་ཧེ་ཧེ་ཆོ་ཆོ། ནཱ་ག་མ་གུ་ལིང་གྲྭཧྭ། ད་ལ༷་དགུག་པ་ཚེ་རིལ། ཐུ༷་ཐུ༷་ཡ༷་ཏེ། ནཱ་ག་དེ་པ་ར་མྱ་ར་ཡ་་།ག །ཨོ་མ་ཕུར་ཤིག་སོད། སྤུར་ལེ་ཤིག་སོད་ཡ་ཐུན་ཏྲ་རྡི་ཛ་ཐུན་སོད། ནག་པ་ཙིསྟ་ཛ་ལ་ཡ་རྦུད་ལ་ཡ་ཏི་སྦུར་ལ་ལ་སོད། ཅེས་གཏད་པར་བྱའོ། །ཀླུ་དམ་ཚིག་གི་རྒྱུད་ཕྱི་མ་ལས། ཆུ་གླང་ངན་སྔགས་ཀྱི་ལེའུ་སྟེ་བཅུ་གཅིག་པའོ།། །།དེ་ནས་ཡང་གདུག་པ་ལ་གཏད་པའི་ངན་ཐབས་འདི་གསུངས་སོ། །སྣ་ཚོགས་འབྲུ་ཕྱེའི་ལིང་ཀ་བྱ། །མིང་རུས་བྲི་ལ་སྙིང་ཀར་གཞུག །གདོང་མཚལ་གྱིས་བྱུག་པར་བྱ། །དེ་ནས་གཏོར་མ་ལོངས་སྤྱོད་བསག །ཧོམ་ཁུང་གྲུ་གསུམ་བརྐོ་བར་བྱ། །ཚེར་མ་ཅན་གྱི་ཤིང་བརྩིགས་ཏེ། །དབུས་སུ་ལིང་ཀ་གཞུག་པར་བྱ། །དེ་ནས་ལོངས་སྤྱོད་གཏོར་མ་དབུལ། །མེ་སྦར་དྲག་སྔགས་འདི་གསུངས་སོ། །གླང་ཡམ་ཏྲི་སོད། ཁྲག་ཏི་རྣར་མ་རྦད། ད་ར་རྦད་མ་ཏི་ཤག །གླང་ཏྲི་ཤིག གུ་གླང་ཤིག །དུ་ཏྲི་ཤིག །ཡང་དྲག་སྔགས་འདི་གསུངས་སོ། །ནཱ་ག་རྭ་ཛ་ཙ་ཙ་ཏོ། ཤཱ་ར་ཡ་ཛ། ཏི་སྟ་ཡ་ཤན་ཏིང་ཀུ་རུ་ཡེ་ཙིསྟ་ཛ་ལ་སྲུཧྭ། ཞེས་གཏད་པ་བྱ་བ་ཡིན། རབས་ཆད་ནག་པོའི་ཐོད་བླངས་ཏེ་བྱ་བ། ཁྱི་ནག་ཁྲག་གིས་ནད་བྱུག་ལ། །ཕྱི་རོལ་ནག་པོར་བྱུགས་ནས་ནི། །ཐོད་ལེ་ཀོར་གྱིས་བྲིས་ནས་ནི། །ཛ་དང་ན་དང་པ་དེ་བྲི་བར་བྱ། །མདུན་ད་ངོང་རི་བ་གསུམ་བྲི། །དྲག་སྔགས་འདི་ནི་བསྒྲུབ་པར་བྱ། །ས་ཏོམ་ནག་པོ་སོད། ས་ཏོ་མ་ནག་པོ་ནན། མྱ་ར་ཡི་ཏྲི་སོད། མུ་ར་ཡ་ཏྲིང་ནན། ཙཀྲ་དུ་ཏྲི་ནན། ཙཀྲ་དུ་ཏྲ་ནན། རྦུད། ཅེས་ནི་གཏད་པར་བྱ་བ་ཡིན། །དམ་ཚིགརྒི་ ་རྒྱུད་ཕྱི་མ་ལས། དམེ་ཐོད་ལས་བྱས་ཤིང་གཏང་པའི་ལེའུ་བཅུ་གཉིས་པའོ།། །།དེ་ནས་ཙ་མུན་ཏྲིའི་བསྒྲུབ་པ་འདི་གསུངས་སོ། །ཀླུ་རྣམས་ཀུན་གྱི་སྤྲུལ་པ་མོ། །ཉ་སྟོང་གཉིས་ལ་སྟོང་ཁམས་ཡུལ། །དུས་དྲུག་གནས་སུ་ཁྲུས་མཛད་མ། །ཏི་ལིང་ནང་དུ་སྐུ་འཁྲུངས་ནས། །གཉེན་པའི་གཙོ་ལ་སྐྱོར་མཆོད་འབུལ། །སྐུ་རྣམས་སྐུ་ལས་རྣམ་པར་རྒྱལ། །མེ་ཏོག་མདངས་ཀྱི་རྒྱལ་མོ་སྟེ། །དེ་ཉིད་བསྒྲུབ་བར་བྱ་བ་ནི། །རབས་ཆད་ཕོ་མོའི་ཐོད་པ་ལ། །མོ་ལ་ལྷི་ཝང་རྩ་གཉིས་བྲི། །ཕོ་ལ་ལོ་ཏི་རྩ་གཉིས་བྲི། །ཏིལ་དང་བྲ་བོ་སྲན་མའི་ཕྱེ། །དུག་གི་ཁུ་བས་སྦྲུ་བར་བྱ། །ཟུར་གསུམ་བདུན་བྱ་མ་བདུན་ནང་། །དེ་བཞིན་ཆུ་བྱའི་གཟུགས་བྱ་སྟེ། །ནང་དུ་ལིང་ཀ་གཞུག་པར་བྱ། །རྨེ་བ་གསུམ་ཀྱི་ཁྲག་སྣ་ཀྲུགས། །ཐོད་པ་ཁ་སྦྱར་རེ་བར་འཐུམ། །དེ་ནས་གྲུ་གསུམ་ནག་པོར་གཞུག །ཅེས་ཏེ་སྲོག་སྙིང་འདི་གསུངས། །རུ་ཏ་རྦད། རག་ཤ་རྦད། མ་མ་སྙིང་རྦད། ཁ་དུན་རུ་རྦད། ཙིསྟ་རྦད། སྨི་ཏ་རག་ཤ་རྦད། མྱ་ར་ཡ་རྦད། བལ་ཕྱུར་བལ་ཕྱུར་མ་མ་རག་ཤ་ཐུམ་ཐུམ་བུ་སོད། སྣི་ཏྲི་སྣི་ཏྲི་རུ་ཏྲི་མྱ་ར་ཡ་རྦདཅེས་ནི་བསྟོད་པར་བྱ་སྟེ། །དྲག་སྔགས་ནི་དབང་བསྐུར་བྱ། ཨོ་དུ་ཏྲི་ཟ་རོ་ར་ཏི་རུ་ན་ས་ས་སི་སི་ཏྲག་རག་ཤ་ཁ་མུན་ཛ་རག་མོ་ཁ། །ར་ག་ཙིཉི་ཁ་རག་མ་མ་དུན་སྨྱོ། ཞེས་ཏེ། དྲག་སྔགས་འདི་ཡིས་གཏད་པར་བྱའོ། །རུ་ཏྲི་མ་ར་ཡ། ཐུམ་སྨྲི་ཏི་རག་ཤ་རྦད་ན་ལིང་། དྲི་སི་་ལ་ཤད་སྦྱོ། ཞེས་ཏེ་གཏད་པར་བྱ་བ་ཡིན། །དམ་ཚིག་གི་རྒྱུད་ཕྱི་མ་ལས། ཀླུ་མ་མོ་ལ་གཏད་པའི་ལེའུ་སྟེ་བཅུ་གསུམ་པའོ།། །།དེ་ནས་ཡང་ཀླུ་ལ་གཏད་ཅིང་སྒྲོལ་བ་འདི་གསུངས་སོ། །གླང་ནག་རྭ་རུ་ནང་དག་ཏུ། ཁོ་པའི་མིང་རུས་བྲིས་ལ་གཞུག །རོ་བསྲེག་ཐལ་བས་ཁ་བཅད་ལ། །དེ་ནས་སྔགས་གཏད་པར་བྱ། ཏད་ཡ་ཐུ། ཀྱི་ཤར་རེན་མུ་ནེ་ཤུ་ཤུ་ཏེ་བ་རེ་ནཱ་ག་ཧུ༷་ཡུ་གྲྭཧྭ། ནཱ་ག་རྭ་ཛ་མྱ་ར་ཙིཀྟ་ཛ་ལ་ཡ། ཞེས་ཏེ་གཏད་པར་བྱའོ། །དེ་ནས་མཛེ་ཐོད་དག་གི་ནང་དུ། དམིགས་པའི་མཚན་མ་རབ་བླངས་ཏེ། །ཀླུའི་རྩི་སྨན་སྣ་ཚོགས་པ་དང་། བག་ཕྱེས་སྦྲུལ་ལ་སྦལ་པ་བྱ། །སྦལ་པའི་ནང་དུ་ལིང་ག་གཞུག །མཛེ་ཐོད་གཏད་པའི་སྔགས་འདིའོ། །ནཱ་ག་རྭ་ཛ་ཀྲ་ཏི་མ་ར་ཡ། ཨེ་ཧ་ཨེ་ཧ་ཨེ་ཧ། སི་རི་སི་རི་སི་རི་སུ་རུ་སུ་རུ་སུ་སྲ སེ་རེ་སེ་རེ་སེ་རེ། ཆེ་གེ་མོ་ལ་ཞིག་ཛ་ལ་ཡ། ཞེས་ཏེ་མནན་བར་བྱའོ། །དམ་ཚག་གི་རྒྱུད་ཕྱི་མ་ལས། ངན་ཐབས་མཛེ་ཐོད་ཀྱི་ལེའུ་སྟེ་བཅུ་བཞི་པའོ།། །།དེ་ནས་ཡང་འདི་གསུངས་སོ། །ཐད་ཉམས་ཕྱོགས་མེད་དག་ཏུ་ནི། །དམངས་དང་ཡུལ་མི་གང་ཡང་རུང་། །དེ་ཡི་ཕ་མེས་མགོ་རྙེད་རབ། །མ་རྙེད་བརླ་གཉིས་མིང་རུས་གསུམ། །ཆུ་མིག་གཉའ་རུ་འདོམ་གང་གཅལ། །གྲུ་སུམ་བྲུས་ལ་དེར་བཅུག་སྟེ། །རག་མོ་ཧ་ར་མ་ཡ་ནཱ་ག་ལེ་ཧུ་ཡ་ས་མེ་ས་ཧ་ས་མ་ཡ་ས་ཧ་ས་མ་ཡ། མ་མོ་བསྒྲུབ་ལ་སྦ་བར་བྱའོ། །གོས་ཀྱི་དུམ་བུ་སྐྲ་བཤད་དང་། །གོམ་བདུན་བོར་བའི་རྗེས་ས་དང་། །དྲི་ཆེན་དྲི་ཆུ་སྣབས་ལུད་དང་། །གཟུགས་བྱ་མིང་རུས་སྙིང་ཁར་གཞུག །དེ་ལ་གོང་གི་ལས་རྣམས་བྱ། ཁྲེས་པས་ཤེས་ཚད་འབྱོར་ཚད་བྱ། །ལོ་གསུམ་མགོར་ན་མ་ཐ་འོ། །ཀླུ་དང་མ་མོ་བསྡོངས་པའི་ལེའུ་སྟེ་བཅོ་ལྔ་བའོ།། །།རྒྱལ་པོ་དག་དང་འགྲས་གྱུར་ན། །དེ་ཡི་མགོ་རྙེད་རབ་ཡིན་ནོ། །དེ་མ་ཉེད་ན་འདི་ལྟར་བྱ། །ཉ་དང་བྱི་ལའི་སྙིང་ཁྲག་དང་། ཁྲ་དང་ཕོ་རོག་སྙིང་ཁྲག་དང་། །ས་རྫས་བསྲེས་ཏེ་གཟུགས་བརྙན་བྱ། །ནང་སྟོང་ཁོང་གསེང་བྱས་པ་དེར། །མིང་རུས་ནོར་གཞིས་མ་ལུས་གཞུག །དེ་ཉིད་སྦ་བ་འདི་ལྟར་བྱ། །བྱང་དང་བྱང་ཤར་བལྟས་པ་ཡི། །ཆུ་མིག་དེ་ཡི་ཤར་ཕྱོགས་སུ། ཁྲུ་གང་འདོམ་གང་བཅལ་བ་སྲ །མ་ཉེས་དཔང་ཡང་བརྗོད་པརབྱ། །སྨྲེ་སྔགས་བཏོན་ལ་བསྐུལ་མ་གདབ། །དེ་རུ་བཅུག་ལ་སྔགས་འདིས་སྦའོ། །རྭ་ཛ་དྲག་དྲག་སྙིང་ཏྲག་རག་ཤ་ཏྲག་ལིང་། འུར་འུར་བུད་བུད་བོད་པུ་རྦད་པུ་ནན་ནན་ལིབས་ལིབས། དེ་སྐད་བཏབ་ནས་ཆས་གོས་གདབ། །གོང་དང་འདྲ་བར་ཡང་དེ་བརྗོད། །ཡང་ཡང་སྔགས་འདི་མང་བར་བཟླས། །རྟགས་ནི་བཟང་པོ་མེད་ལ་རྨི། །ཐེ་ཚོམ་མི་ཟ་གདོན་མི་ཟ། །དམ་ཚིག་གི་རྒྱུད་ལས། རྒྱལ་པོའི་མན་ངག་ཏུ་བསྟན་པ་ཞེས་བྱ་བའི་ལེའུ་སྟེ་བཅུ་དྲུག་པའོ།། །།ཡང་དེ་རྗེ་རིགས་མན་ངག་ལས། །ནུབ་ཕྱོགས་དག་ཏུ་ཤིས་པ་སྟེ། །ལས་དེ་རྣམ་གསུམ་བྱ་བ་ལས། ཁོང་ཉིད་འཆད་པའམ་དུར་ས་དེར། །ལས་དེ་རྣམ་གསུམ་བྱ་བ་ལ། །གོས་དུམ་སྐྲ་དང་སྣབས་ལུད་དང་། །ས་དང་བསྲེས་པའི་གཟུགས་བྱའོ། །ར་ལུག་རྭ་དེ་དག་པར་བཀྲུ། །རྩི་དང་སྨན་གྱི་ནང་དུ་བླུགས། །དེ་ཡི་ནང་དུ་གཟུགས་དེ་གཞུག །གཟུགས་ཀྱི་ནང་དུ་ལིང་ག་གཞག །ལིང་གའི་ཐ་མ་ནོར་གཞིས་དང་། །མིང་དང་རུས་ཀྱིས་བསྐོར་བྱས་ཏེ། །རྭ་ཡི་ནང་དུ་གཞུག་པར་བྱ། །རྨེ་བའི་ཤ་ཡིས་བྱུགས་ཤིང་གཞུག །བུད་མེད་དོར་རྟས་དགབ་པར་བྱ། །ལ་ཆའི་རྒྱ་ཡིས་གདབ་པར་བྱ། །དེ་ལ་སྔགས་མང་བཟླས་པར་བྱ། །རོ་ཏི་བམ་བམ་ཡ་ཡ་དུར་ལ་དགྲ་བོ་མུ་ར་ཡ།སྙིང་རོ་ལ་ཕ་རོ་ཤ་རག་མོ་ཧ་སྟ་ཡ། རོ་ཏི་བ༷་བ༷་ཛ་ཛུ། ཞེས་ཏེ་གོང་དུ་ནུས་ཚད་དང་། །སྦ་དཀར་ནུས་ཚད་བཟླས་པ་ཡིན། །དབང་དང་གོས་བརྡབ་སྨྲེ་སྔགས་དང་། །ལས་ཀྱི་བྱ་བ་གོང་དང་འདྲ། །ཆུ་མིག་བྱང་དང་བྱང་ཤར་བལྟས། །དེ་ཡི་ནུབ་ཀྱི་ཕྱོགས་སུ་ནི། །འདོམ་གང་གཅལ་ལ་ཁྲུ་གང་བྲུ། །དེ་རུ་གཞུང་ལྟར་སྦས་ལ་བྱའོ། །དམ་ཚིག་གི་རྒྱུད་ཕྱི་མ་ལས། རྗེ་རིགས་ནུབ་གཏད་ཀྱི་ལེའུ་སྟེ་བཅུ་བདུན་པའོ།། །།ཡང་ནི་རྒྱང་འཕེན་མུ་སྟེགས་རིགས། །བོན་པོ་དག་ལ་བྱ་ན་ནི། །གོས་དང་སྐྲ་རྗེས་དག་དང་ས། །དྲི་ཆེན་དྲི་ཆུ་ཀུན་བསྲེས་ལ། །ཉ་བོ་ལེགས་པའི་གཟུགས་བྱས་ལ། །སྙིང་ཀར་མིང་རུས་བྲིས་ལ་གཞུག །ར་ཁྱི་རྒྱ་བོའི་སྙིང་ཁྲག་དང་། །དྲི་བོ་དྲི་མོའི་སྙིང་ཁྲག་དང་། དེ་ཡི་མིང་རུས་བྲིས་ལ་གཞུག །དེ་ཡིས་རྫས་ཀུན་བྱུག་པར་བྱ། །གཡག་རུ་རྩེ་མོ་གཅད་པར་བྱ། ཁྲག་དམར་པོས་ཁ་བཅད་ལ། །སྙིང་པོ་བཏབ་ལ་སྦ་བ་ཡིན། །རག་མོ་རག་མོ་ཤ་སྙིང་མྱ་ར་ཡ་ཀུ་མ་ལ་རག་ཏ་ཡ་ད་ཧ་ཙིསྟ་ཁུ་ཧི། དེ་དག་ནུས་ཐང་བཟླས་པར་བྱ། །མ་ཉེས་དམ་བདར་དབང་དུ་བྱའོ། །དབུ་འཕངས་སྨད་ཅིང་བསྟན་པ་བཤིག །ལུས་ལ་མེ་འབར་ཁ་ནས་ཁྲག་སྒྱུག་མཐོང་། །ལུས་ངན་སྒོངས་ལ་རྡུལ་དུ་ལྷོགས། །བྱ་བའི་ལས་རྣམས་མ་ལུས་ཀྱིས། །སྨྲེ་སྔགས་གདོན་དང་ཆོད་གདོན་བྱ། །བྱང་གི་ཆུ་མིག་བྱང་ཕྱོགས་སུ། །འདོམ་གསུམ་གཅེལ་སར་ཁྲུ་གང་བྲུ། །དེ་རུ་གོང་ལྟར་བྱ་བའོ། །དམ་ཚིག་གི་རྒྱུད་ཕྱི་མ་ལས། མུ་སྟེགས་རྒྱང་འཕེན་གཏད་པའི་ལེའུ་སྟེ་བཅོ་བརྒྱད་པའོ།། །།ཡང་བན་དེ་དག་དང་འགྱུར་ཅི་ན། །གོམ་པ་བདུན་པོར་རྗེས་ས་དང་། །ལུས་ལ་དཀྲིས་པའི་རྣལ་མ་དང་། །མགོ་ཡི་སྐྲུ་དང་ལུས་ཀྱི་སྤུ། ཁ་སྣ་མིག་ནས་ཟག་པའི་ཆུ། །ནང་གི་ཆུ་དང་དྲི་མ་དང་། །དེ་དང་འབྲུ་སྣ་ལྔ་སྦྱར་ལ། །སྨན་སྣ་ཚང་བའི་ཕྱེ་མ་ལ། །ག་བུར་ལ་སོགས་དྲི་རྣམས་དང་། །བ་དམར་འོ་མས་དེ་རྣམས་སྦྲུ། །དྲི་མ་མི་གཏང་གཙང་བར་བྱ། །ཉ་བོ་ལེགས་པར་བྱས་པ་ལ། །སྲིད་པའི་སྲིད་ལུགས་ལེགས་བྱས་ཏེ། །སྲན་པའི་མིག་ལ་གྲོ་ཡི་སོ། །བྲ་བོའི་ཁ་དང་ཉུངས་ཀར་སྣ། །ཡུངས་ནག་སྣ་དང་སོའི་སེན། །དབང་པོའི་ལག་དང་གནོད་སྤྱིན་ལག །གྲོ་ག་དག་ལ་མིང་རུས་བྲི། །ལུས་ལ་པགས་པའི་ཚུལ་དུ་བྱ། །ནང་དུ་སྨན་དང་ཞིང་ནོར་དང་། །ཀུན་བྲིས་དྲིལ་ལ་གཞུག་པར་བྱའོ། །སྤྲ་ཚིལ་དག་གིས་ཕྱི་ལ་བྱུག །ཚོན་སྐུད་ཡན་ལག་དཀྲིས་ལ་བཅིང་། །སེང་ལྡེང་ཕུར་བ་སྙིང་ཁར་གདབ། །བའི་ར་ནག་ནང་དུ་གཞུག །སྤྱི་ཚར་བཅུག་ལ་ཁྲག་ཟན་གཅད། །ལ་ཆའི་རྒྱས་གདབ་སྦ་བར་བྱའོ། ཁྲུ་གང་བྲུས་ལ་སྤྱི་ཚར་བསྒྱུར་།ཁ་དུབ་སོང་ན་མྱུར་དུ་འཆི། །སྤྱི་ཚར་སོང་ན་དེ་བས་འགོར། །གན་རྐྱལ་སོང་ན་མི་ཚུགས་པས། །ཚེས་བརྒྱད་དག་ལ་གཏོར་མ་དང་། །མི་བསྒྲུངས་གཟའ་ལ་བསྐུར། །ཉ་བོ་དག་ལ་འདི་ཡང་བཟླས། །ཐིབ་ཐིབ་༄༅ ལིབས་ལིབས། ཧར་ཏི་བ༷་བ་ཆུ་ཤ་བདལ། ཙ་ར་བ༷་ཙ་ར་བ༷། ནུས་ཚད་བཟླས་ལ་བསྒྱུར་བར་བྱ། ཁ་བུབ་སྤྱི་ཚར་འགྲོ་བར་ངེས། །གང་གྲུབ་པའི་སྙིང་པོ་བཟླས། །དེ་ཡང་གོང་དུ་བྱ་བ་ཡིན། །དེ་ནས་རང་རེ་གང་ཡིན་ཡིན་པའི་སྙིང་པོས་གདབ། ་་ས་ཀར་ཉུངས་ནག་སྐེ་ཚེ་དང་། །རྫས་ལ་སྔགས་པ་རའི་ནང་། །ནུས་ཚད་དག་ཏུ་གདབ་བར་བྱ། །སྦེད་པའི་ས་དང་ཀུན་ལ་བཟླས། །དམ་ཚིག་གི་རྒྱུད་ཕྱི་མ་ལས།བན་དེ་དང་འགྲས་སྙིང་ཀར་གཏད་པའི་ལེའུ་སྟེ་བཅུ་དགུ་བའོ།། །།ཡང་དེ་གཏད་ཐབས་འདི་ལྟ་བུའོ། །རབས་ཆད་ནག་པོའི་ཐོད་པ་ལ། ཁྲུས་དང་གཙང་སྦྲ་ལེགས་པར་བྱ། །རྩི་དང་སྨན་གྱིས་ཕྱི་ནང་བྱུག །དཔྲལ་བར་ཀླུ་ཡི་གཟུགས་ཅིག་བྲི། །ལྟག་པའི་བདུད་སྒོར་རྟ་མཆོག་བྲི། །དེ་མཐའ་རྟག་རུས་གཡས་གཡོན་དུ། །བྱ་ཁྱུང་དག་ནི་བྲི་བ་དང་། །ཀླུའི་རྩ་སྔགས་བྲི་བར་བྱའོ། །ཨོ་དང་ཧུ༷་ཞེས་བྱ་བ་ཡང་། །སྐབས་དང་བར་དུ་བྲི་བར་བྱ། །གྲོ་ག་ཤིང་ཤུན་ལ་སོགས་དང་། །དམིགས་པའི་སྲོག་སྙིང་བྲི་བར་བྱ། །མ་དང་ཁ་རུ་ཤ་དུམ་བུ་ལིང་ཀེའུ་ཙ་ཏྲི་སོད་འུ་ཚེ་ཏྲི་ཐུམས། །ཞེས་པ་བྲི་ལ་ཉའི་བཅའ། །དེ་ཡི་ནང་དུ་གཞུག་པར་བྱ། །གོམ་བདུན་བོར་བའི་ས་དག་དང་། །གོས་དང་སྐྲ་ལ་སོགས་པ་དང་། །ས་སྤྱིན་འབྲུ་ཡི་ཕྱེ་དག་གིས། །བ་མར་འོ་མས་སྦྲུས་ལ་བྱ། །ཉ་འོ་ལགས་བྱས་ཁོང་སྟོང་བྱ། །སྙིང་པོ་གོང་མ་བྲིས་ལ་གཞུག །ཉ་བོའི་ཐོད་བའི་ནང་དུ་གཞུག །ཐོད་པ་ཕྱག་རྒྱས་དབང་བསྐུར་བྱའོ། །སོར་མོ་གཡས་ལྔ་རིགས་ལྔ་ཡབ། །སོར་མོ་གཡོན་ལྔ་ཡུམ་ལྔར་བསམ། །ཐལ་སྦྱར་ཡབ་ཡུམ་ཐོད་སྟེང་དུ། །ག་ས་ལ་སྔགས་འདི་བཟླས་པར་བྱའོ། །ཨོ་མ་ཨོ་ཨ༷་ཨ་ཧ་ཧ་ཧེ་ཧ་ཧེ་ཕཊ་ཕཊ་སྨྱོ་ཏ་བི་ཏ་ཙཀྲ་ཧུ༷་ཕཊ་སྨྱོ་སྨྱོ་སྨྱོ། དགྲ་པོ་དགུག་པའི་དབང་ཅན་ཚེར་བྱེད་པའི། །ལས་ངན་བྱེད་པའི་སེམས་ཅན་འདི། །འཁོར་བའི་གནས་སུ་འ་་པ་འདི། །བླ་མེད་གནས་སུ་བསྒྲལ་བའི་ཕྱིར། །ཐོད་པ་གདུག་པ་ཁྱོད་ལ་དབང་བསྐུར་རོ། །གདུག་བྱེད་དགྲ་བོ་གསོད་པའི་དབང་ཐོབ་ཤོག །དབང་བསྐུར་ཐོན་ནས་སྔགས་གདབ་པ། །ཡང་དེ་ཐོད་པ་གཅིག་ནང་དུ། །སྦལ་པ་བཅུ་གསུམ་བྱས་ལ་གཞུག །སྨན་དང་འབྲུ་སྣ་ཚོགས་ཚད་དང་། །སྦལ་སྦྲུལ་རང་གི་ཤ་ཁྲག་དང་། །སྦལ་གཟུགས་ཁོང་སྟོང་བྱས་པའོ། །གྲོ་ག་ཤིང་ཤུན་མིང་རུས་བྲི། །སྦལ་པར་བཅུག་ལ་ཐོད་པར་གཞུག །དབང་བསྐུར་ཐོན་ནས་སྔགས་གདབ་པ། །ཉ་ལྕིགས་བག་ཟན་བསྲེས་པས་བཅད། །ཆུ་མིག་བྱང་ངམ་བྱང་ཤར་དུ། །ཆུ་གཏོར་རྒྱས་པར་གཏང་བར་བྱ། །ཕྱོགས་བཅུར་ཕྱག་འཚལ་དབང་གཟུགས་བདེན་པ་བདར། །དེ་ནས་བྱ་ཁྱུང་བསྒོམ་བྱས་ལ། །ཕྱག་རྒྱ་བཅས་ལ་ཕྱག་བྱ་སྟེ། །སྔགས་འདི་དག་ནི་བཟླས་པར་བྱ། །ཨོ་མ་ཡ་ཙ་བྱ་ཤ་ན་དུམ་དུམ། དུམ་བུ་དུམ་བུ། ཞེས་དབང་དུ་སྡུད་པ་ཡིན། །ཀླུ་རྒྱལ་མ་ཏིང་ཞེས་བྱ་བས། །ཀླུ་རྒྱལ་ཆུ་ལྷ་ཉིད་ལ་བསྒོམ། །ཆུ་ལྷས་འཇོག་པོ་ཉིད་ལ་བསྒོ། །འཇོག་བོས་བིང་བིང་ཉིད་ལ་བསྒོ། །བིང་བིང་གིས་ནི་སྦྲུལ་མགོ་བདུན་ལ་བསྒོ། །བདུན་པས་ལྔ་པ་དག་ལ་བསྒོ། །ལྔ་པས་གསུམ་པ་ཉིད་ལ་བསྒོ། །ཀླུ་ཡི་རྒྱལ་པོ་ཁྱེད་རྣམས་ཀྱང་། །བྱ་ཁྱུང་ཏིང་འཛིན་ཕྱག་རྒྱ་ཡིས། །དམ་ལས་མ་འདའ་གྲོགས་མཛོད་ཅིག ཁྱེད་རྣམས་གཅིག་གིས་གཅིག་བསྐུལ་ལ། དམ་ཉམས་དགྲ་བོ་མེད་པར་གྱིས། །གུ་གུལ་ཐུལ་དུ་འདི་ཐོང་ཞིག །འདི་ཡིས་བསྟན་བཤིག་དབུ་འཕངས་སྨང། །སྨ་ལ་སྡོ་བའི་ཉམས་པ་ཡིན། །འདི་སོད་ལས་རྣམས་མྱུར་དུ་གྱིས། །ཅེས་ཏེ་ཐོད་པའི་སྟེང་འདུག་ནས། །མནན་ལ་གཟིར་ཅིང་གནད་སྔགས་བཟླས། ཨོ་མ་མུ་ལི་བྷ་ཀྟ་ལྷི་སྙི་་་རྐ་ག་ཕཊ། གཏོར་མ་དཀར་པོ་ཀུན་ཏུ་གཏོར། །ཐོད་པ་ཆུ་མིག་བྱང་བལྟས་པའི། །འདོམ་ལྔའི་སྙིང་དང་འདོམ་ལྔ་སྟེ། །དེ་རུ་ཁྲུ་གང་བྲུས་པ་ལ། །ཞབས་སུ་ཀླུ་ཚེར་སྣ་ཚོགས་བཏིང་། །དེ་སྟེང་ཀླུ་རྡོ་སྐེད་ཁྲ་གསུམ། །དེ་སྟེང་ཐོད་པ་ཁར་བཞར་ལ། །མ་ཉེས་བརྗོད་ལ་ཁོང་ལ་བཅོལ། །དམ་ཚིག་གི་རྒྱུད་ཕྱི་མ་ལས་ལེའུ་སྟེ་ཉི་ཤུའོ།། །།འདི་ཡི་བསྐུལ་བས་ཀུན་ལ་སྦྱར། །ཆུ་མིག་སྔོ་ནས་བཅལ་བ་ཀུན། །རྒྱུད་ཆེན་ནང་ནས་གསལ་བར་སྣང་། །བྱང་དང་བྱང་ཤར་ཤིས་པར་བསྟན། །དེ་ཉིད་ཀྱིས་ནི་ཤར་དག་ཏུ། །རྒྱལ་པོ་གཏད་ལ་ལྷོ་ཕྱོགས་སུ། །བན་དེ་གཏད་ལ་ནུབ་ཕྱོགས་སུ། །རྗེའུ་རིགས་གཏད་ལ་བྱང་ཕྱོགས་སུ། །བོན་པོ་གཏད་ལ་མཚམས་སུ་སྟེ། །ཀུན་ཀའི་གཏད་ལ་མ་ནོར་པའོ། །བཅུ་དགུ་པ་དང་ཉི་ཤུ་པས། །རྟགས་དང་བཅས་པས་ཀུན་ལ་སྦྱར་བར་བྱ་བ་ཡིན། །ཀླུ་སྐམ་དག་ལ་གཏད་པའི་སྐབས། །འབྲི་དང་གླང་གི་རྭ་དག་ལ། །དག་པར་བཀྲུས་ནས་བསྐམས་པ་དང་། །རྩི་སྨན་འཚོགས་བར་བྱ་བའོ། །བ་དམར་འོ་མས་སྦྱངས་ལ་བྱུག །ཕྱི་ལ་སྦྲུལ་རིས་འཁྱུག་པ་བྲི། །གྲོ་ག་ཤིང་ཤུན་མིང་རུས་ལིང་ག་བྲི། །དེ་ནས་རྭ་ཡི་ནང་དུ་གཞུག །ཚོན་སྐུད་བཅིངས་ལ་སྙིང་པོ་བཟླས། །བག་ཕྱེ་ཁྲག་བསྲེས་ཁ་ཡང་བཅད། ༦སྐོ་པྲ་མ་རྩེ་ནཱ་གེས་ར་ཛ་སོད་སོད། ཨ་ཏྲ་ཏྲ་བུ་ཙི་སྤུ་སྤོ་ན། ཆོད་ཆེ་གེ་སྲོག་ལ་ཡ། སྔགས་བཟླས་རྭ་རུར་གཞུག་པར་བྱ། །ཡང་ན་ཕྱི་བའི་ཐོད་པ་ལ། །ཆུ་མིག་མེད་པར་བརླན་མེ་།་པར། ཁེང་དང་ཤིང་སྐམ་བྲག་དང་གཡའ། །ཀླུ་སྐམ་ཡོད་ཟེར་གང་རུང་བར། ཁྲུ་གང་གྲུ་གསུམ་བྲུས་པ་སྲ ཤེང་དང་རྡོ་སྣ་ཚོགས་ཚད་བླུགས། །དེ་སྟེང་ར་བཙུགས་གཞག་པར་བྱ། །ཡང་ན་ཕྱི་བའི་ཐོད་པ་ལ། །གོང་བཞིན་བྱས་ལ་ལྷ་ཁང་གི །ཐེམ་པའི་འོག་ཏུ་མནན་ཏེ་སྦའོ། །འཁུམས་ནད་སྙིང་ནད་མྱོས་ནད་འཆི། །དམ་ཚིག་གི་རྒྱུད་ཕྱི་མ་ལས། སྐམས་ནད་མྱོས་ནད་ཀྱི་ལེའུ་སྟེ་ཉི་ཤུ་རྩ་གཅིག་པའོ།། །།ཡང་དེ་ནས་གཏད་ཐབས་ལ། །ལྕགས་སམ་སེང་ལྡེང་སྐྱེར་པ་ལ། །ཆག་གསུམ་ཡན་ཆད་ཅི་བདེར་བྱ། །རྩེ་མོ་རྩ་བ་མ་ནོར་བར། །རྩེ་མོར་ཕྱག་ན་རྡོ་རྗེ་བྲི། །རྩ་བར་མིང་རུས་བྲིས་པ་ལ། །འབྲུ་ནག་བཏགས་པ་ཉ་བོ་བྱ། །གྲོ་ག་ཤིང་ཤུན་མིང་རུས་བྲི། །དེ་སྡོམ་བཅིངས་ལ་རྩ་བར་བླན། །ཕྱག་རྒྱ་བཅིངས་ལ་སྔགས་འདི་བཟླས། ཁྲ་ཤ་ཤུ་ཤུ་ཤུ་མུ་ལེ་དན་ཙཀྲ་ཧྲིང་ཧྲིང་ཧྲིང་། རང་ཉིད་ཁྱུང་གི་ཏིང་འཛིན་བསམ། །མཁས་པས་ཤིད་མནན་སྔགས་འདི་བཟླས། ནུར་བ་ཏྲི་བམ། ཁྲག་ཐིབས་པ་བདུན་སྦྲང་ངོ་། །བྱ་ཁྱུང་ས་ལེ་བསྒོམ། བྲག་ཆུ་འཐིབས་པའི་སར། ཁྲུ་གང་ལེགས་པར་བྱས་ལ། འབྲུ་ནག་གཏོར་མ་བྱས་པའོ། །བྱང་དང་བྱང་ཤར་བལྟས་པ་སྲ །ལིང་ག་དང་ཚེར་མ་སོལ་དུམ་བསྡོམས་ལ་བཅིངས་ལ། དོང་དུ་བཅུག་ལ་སྔགས་འདི་བཟླས་སོ། །ཨོ་ས་བྱི་ཆོད་ཅིག་སརྦ་བིག་བག་ཤོ་ཁ་ལོང་ལིང་། ཏམ་ཏིང་ཞེས་བཏབ་ཅིང་སྦ་བ་སྟེ། གཏད་དོ་བའི་ཚིག་ཀྱང་བརྗོད། །ཞ་མཛེ་འཁུམས་བའི་ནད་ཀྱང་འབྱུང་། །ནག་པོ་ཀླུ་ལ་གཏད་པ་ལ། །གྲུ་གསུམ་བྲུས་པ་གོང་འདྲ་བ། །སྤྱིར་འདྲ་ཤེས་པར་བྱ་བ་ཡིན། །དམ་ཚིག་གི་རྒྱུད་ཕྱི་མ་ལས། ནག་པོ་དག་ལ་གཏད་པའི་ལེའུ་སྟེ་ཉི་ཤུ་རྩ་གཉིས་པའོ།། །།ཡང་ནི་མོན་ཐོད་ངན་ཐབས་འདི་གསུངས་སོ། །མོན་ཐོད་རྙེད་ན་རབ་མཆོག་ཡིན། །ཡང་ན་རབས་ཆད་ནག་པོ་ཡི། །ཐོད་པ་བཀྲུ་དང་བྱུག་པ་ཀུན། །གོང་དང་འདྲ་བར་ཤེས་བྱས་ལ། །བྱ་སྲན་འབྲུ་ནག་ཕྱེ་དག་ལ། ཁྲག་དང་ཆང་ཕུད་དེ་ལ་སྦྲུ། །སྦྲུལ་ནག་འབར་བའི་གཟུགས་སུ་བྱ། །ཚོན་སྐུད་བསྡམས་ལ་ཐོད་པར་མནན་གྱི་ལེའུ་སྟེ་ཉི་ཤུ་རྩ་བཞི་པའོ།། །།ནཱ་ག་རྭ་ཛ་ཀླུ་རྒྱལ་ལས། །ལས་མི་འདོད་ན་དཀྲུག་པ་ལས། །མནན་གཏད་བྱས་པ་གང་ལ་ཡང་། །བཞུག་ལ་འདི་ལྟར་བྱ་བ་ཡིན། །ཐོད་པའི་སྟེང་དུ་ཁྲག་སྦྲེངས་ལ། །ནཱ་ག་ནཱ་ག་ཀྲོདྷ་ནི་བཛྲ་ཡག་ཤ་ཀྲོདྷ་ནི། ནཱ་ག་ནཱ་ག་ནི་རི་མེན་ཙ་བན་ད་རྙོ་རྙོ་རྙོ། དགུག་ཅིང་དཀྲུག་པའི་སྔགས་ཞེས་བྱའོ། །ནཱ་ག་དག་ནི་ཁྲོས་པ་ཡིས། །དམིགས་པ་མ་ལུས་འཛིན་པར་བྱེད། །མནན་གཏན་གོང་འོག་གང་ཡང་རུང་། །མནན་གཏན་གཟིར་བའི་ལས་སུ་ཤེས་པར་བྱའོ། །ཀུན་ལ་དགོས་པའི་ལེའུ་སྟེ་ཉི་ཤུ་རྩ་ལྔ་པའོ།། །།ཡང་ནི་གཏད་ཐབས་འདི་དག་ལས། །བྱ་མོ་ནག་མོའི་སྒོང་ཁོག་ལས། །མིང་རུས་གཟུགས་སུ་བཅས་པ་བྲི། །དྲི་ནི་བྱ་བ་ར་ཁྲག་བྲི། །རྩིབས་ཤུན་དག་ལ་ནཱ་ག་བྲི། །ནག་པོ་ཕྱེའོ་ནིར་ནིར་བྲི། །དེ་གཉིས་སྦྱར་ལ་ཚོན་སྐུད་བསྡམས། །དེ་ནས་ཐོད་པར་གཞུག་པར་བྱའོ། །ངོས་ནས་བྱང་བལྟས་འདོམ་དྲུག་པ། །ལྟོ་བའི་ས་ཡིན་དེ་རུ་སྦ། །མ་གཏང་ཚིག་དེ་གོང་མ་འདྲ། །དམ་ཚིག་གི་རྒྱུད་ཕྱི་མ་ལས། ལྟོར་མནན་ནས་འཆི་བའི་ལེའུ་སྟེ་ཉི་ཤུ་རྩ་དྲུག་པའོ།། །།ཡང་དེ་གཏད་ཐབས་འདི་ལྟར་བྱ། །སྦལ་ནག་བཤུས་པའི་སླུད་པུ་སྲ །དམིགས་པའི་མིང་རུས་ཀུན་བཅུག་ལ། །སྙིང་པོ་འདི་དག་བཟླས་ཏེ་གཏད། །ཀ་མཀ་མེད་རླག་རུག་མ་ཀ་མེད་རླག །མང་བར་བཟླས་ཏེ་གཏད་པའོ། །མོན་ནག་སོགས་པོའམ་རབས་ཆད་ལུ་རུ་ལུ་ཕཊ། སྙིང་པོ་གཞན་ཡང་ཅི་མང་བཟླས། །མ་ཉེས་དཔང་དང་དམ་བདར་བ། །གོང་མཐུན་བཟླས་ཤིང་གཏད་པར་བརྗོད། །སྔགས་བཟླས་བྲག་དང་ཆུ་འཐབ་སྦ་བར་བྱ། །ཀླུའི་དམ་ཚིག་གི་རྒྱུད་ཕྱི་མ་ལས། དྲག་པོའི་ལས་ཀྱིས་གཏད་པའི་ལེའུ་སྟེ་ཉི་ཤུ་རྩ་བརྒྱད་པའོ།། །།སྤྱི་རུ་གཏད་པ་མང་གིས་ཀྱང་། །གཏད་པ་འདི་ལས་དྲག་པ་མེད། །ཆུ་མིག་བྱང་བལྟས་ནང་དག་ནས། །ཟླ་བ་ཉ་གསུམ་དག་ལ་ཡང་། །དགོངས་སམ་སྲོད་ལ་དེར་ཕྱིན་ལ། །སྦལ་པ་ནག་པོ་གཅིག་བླངས་ལ། །སྦལ་པ་དེ་ཡི་ཁ་ཕྱེ་ལ། །ཆུ་དང་འོ་མ་བསྲེས་པ་ལ། །སྔགས་འདི་བཟླས་ལ་བླུག་པར་བྱ། །དྲི་ཆེན་དྲི་ཆུ་གོས་དང་སྐྲ་དང་རྗེས། །མཛེ་བོའི་རུས་པ་བསྲེས་ལ་བཏག །དེ་རྣམས་ཆུ་མིག་ཁ་ཁྱེར་ལ། །ཕྱོགས་བཅུར་ལྷ་ཕྱག་བཙལ་ཞིང་མ་ཉེས་དཔང་ཡང་བྱ། །བདག་ཉིད་ཀླུ་ཡི་རྒྱལ་པོ་དུད་ཁ་བ། །སྦྲུལ་མགོ་ལྔས་བརྒྱན་ནམ་མཁའ་ཁེབས་པར་བསམ། །དེ་ནས་རྫས་དེ་མ་ལུས་ཀུན་སྦུས་ལ། །ཀླུ་ཡི་ཞགས་པས་བཅིང་བར་བསམ། །ཚོན་སྣ་ལྔ་ཡི་སྐུད་པས་བཅིང་། །དེ་ནས་རྡོ་ནག་ལེབ་མའི་སྟེང་དུ་བསྲེག །ཀླུ་ཤིང་བུས་ཏེ། བསྲེགས་པ་ཡི། །ཐལ་བ་ཉུངས་ནག་ཉུངས་ཀར་བསྲེས་པ་ལ། །ཀླུ་སྔགས་མང་བར་བཟླས་ལ་བརྡེག །ཆུ་གཏོར་གསེར་ཕུད་མཆོད་པར་བྱ། །ཕུ་ཕྱེ་ཕུང་འདི་རྨ་རྨ་འབའ་ལི་ལ་ཡེ་ཡེ་རབ་ཏ་ཧ་ཧ་མེ་མུ་སྐྱོ་མི་རྨུ་མེ་འགྲང་འགྲང་དུད་པ་ཧེ་ཧེ་མེར་ཙ་མེར་ཙ་ཤ་ཙ་ཤཙ། དེ་ནས་དབང་པོ་ལྔ་ལ་གདབ་བོ། །ཕྱེ་ཙི་ཕྱེ་ཙི་ཁམ་ཁམ་ཙི་ཡ་ཡོར་ལྡིང་ལྡིང་ལྡིང་། ཨ་ཨ་འདྲག་འདྲགཙག་ཤེ་འདྲག་འདྲག་མ་སྨྱོ་ལ་བི། དེས་དབང་པོ་ལྔ་ཀླུས་འཛིན་ནོ། །དེ་ནས་རྐང་ལག་ལྷུ་ཚིགས་ལ་འཇུགཔའི་སྔགས་ལ། སེ་དུ་སེ་དུ་སེ་དུ་བ་ས་ར་བ་ས་ར། ཧ་ཧ་ཧེ་ཧེ་ཧུ༷་ཧུ༷་དུ་ཁྱེ་རྦད། ཏུ་མིང་ཧེར་ཧོར་ཙེར་ཙེར་ཨུ་ཨུ་ར༷་ར༷་རྦད་རྦད་རམ་པ་ཙེ། དེས་ནི་ལྷུ་བཅུ་གཉིས་ལ་འཇུག །མིང་རུས་སྦལ་པ་ནག་པོའི་ཁའམ་ཀླུད་བུར་བཅུག་ལ་རྡོའི་སྟེང་དུ་བསྲེག་གོ །ཐལ་བ་སྦལ་པ་ནག་པོའམ། ཁྲ་བོའི་གསོབ་ཏུ་བཅུག་ལ་ཆུ་མིག་གི་གཏིང་དུ་སྦའོ། །དེའི་སྟེང་དུ་ཀླུ་གཏོར་བསླུགས་སོ། །སྔགས་ཀུན་བཟླས་སོ། །དབྱར་ཟླ་ར་བའི་ཚེས་བཅོ་ལྔའི་ཉི་མ་ཟེར་ཀ་དང་། དགོངས་མོ་གཏད་དོ། །ལྟོར་སྦལ་པ་སྐྱེས་ནས་འཆིའོ། །དེ་ལྟར་སྤྱད་པ་བྱས་ལ་བྱའོ། །ཀླུ་དམ་ཚིག་གི་རྒྱུད་ཕྱི་མ་ལས། དྲག་པོ་མནན་ཐབས་བསྟན་པའི་ལེའུ་སྟེ་ཉི་ཤུ་རྩ་དགུ་པའོ།། །།དེ་ནས་གཏད་ཐབས་སྤྱི་རུ་མང་གི་ཀྱང་། །རུས་སྦལ་འདྲ་བའི་བྲག་རྩ་ནས། ཆུ་མིག་མགོ་གསུམ་པ་འབབ་པའི་གནས། །ཀླུ་ཡི་རྒྱལ་པོའི་གནས་ཡིན་ཏེ། །རྒྱལ་པོ་ལ་སོགས་གཏད་པར་བྱའོ། །སྦྲུལ་གཉིས་སྤྲད་པ་འདྲ་བའི་གནས། །བར་ན་མགོ་གཅིག་རྐང་མངས་འབབ། །དེ་ཡང་གཏད་པའི་ས་ཡིན་ནོ། །དེ་ཡང་ཀླུ་ཆེན་གནས་པའོ། །ཕག་པ་འཐུར་དུ་རྒྱུག་འདྲ་བའི། །རྩ་ན་ཆུ་མིག་ཙག་ཙོག་འབབ། །དེ་ནི་ཀླུ་ཡི་གནས་ཡིན་ཏེ། །དེར་ཡང་གཏད་པའི་ས་ཡིན་ནོ། ཁེན་ཏུ་སྟུག་པོའི་རི་རྣམས་ལ། །སྣ་ཚོགས་ས་རྣམས་ཚང་བ་ཡི། །སྦྲུལ་ཞགས་འདྲ་བའི་ཆུ་འབབ་པ། །དེ་ཡང་གཏད་པའི་ས་ཡིན་ནོ། །ངམས་ནག་བྲག་ལ་ཆུ་འབབ་པ། །ཤིང་རྩི་ཚང་བའི་ཆུ་འབབ་པ། །ཤིང་གི་ཚང་བའི་ཚེར་མ་ཅན། །དེར་ཡང་གཏད་པའི་ས་ཡིན་ནོ། །དམ་ཉམས་དག་ལ་རྩེ་མོར་འཐོན། །ལུ་མ་གྱ་གྱུས་བསྐོར་བ་ནི། །དེ་ཡང་གཏད་པའི་ས་ཡིན་ནོ། །ནག་པོ་བྱ་རྐང་འདྲ་རྩ་ནས། །ཆུ་མིག་མགོ་མང་འ་་་པ་ནི། །ཀླུ་ཡི་ཡི་དྭགས་ས་ཡིན་ཏེ། །དེར་ཡང་གཏད་པའི་ས་ཡིན་ནོ། ཁེང་སྐམ་མགོ་ནག་ཡོད་རྩ་ནས། །ཆུ་མིག་ལེགས་པར་གནས་པ་ཡང་། །དེ་ཡང་ངང་་བྲེ་་་་་ང་སྐྱེ་མེངསྟེ་་་ཚིགགིངགཏད་བའ་ས་ཡན་ན། །ཐད་སྐམ་ ་བ་ཡད་པ་ལ། །ཕ་འང་ནག་པ་ཡད་པ་ལ། །རྩང་རྩ་ནག་པ་ ས་པ་ན། །ནར་ ད་རགས་ངན་གནས་པ་ ། །ལངས་སྤྱད་ནར་ཟས་གཏད་བར་བྱ། །ཀླུ་དམ་ ་ ་རྒྱུད་ཕྱ་མ་ལས། གཏད་པ་ཀླུ་དམ་མནན་དྲག་པོར་གཏད་པའི་ལེའུ་སྟེ་སུམ་ཅུ་པའོ།། །།ཀླུ་དམ་ཚིག་གི་རྒྱུད་ཕྱི་མ་རྫོགས་སོ།། །།