Ngb-pt-0278-vol-03-text
Front
Body
རྒྱ་གར་སྐད་དུ། ཤི་པདྨ་མ་ཧེ་ཤྭ་ར་དུཛི་རསྟེ་ཏ་ནི་རྭ་ཀྲི་ཏ༷་གུ་ཎ་ཏརྙ་ནཱ་མ། བོད་སྐད་དུ། དཔལ་པདྨ་དབང་ཆེན་དྲེགས་པ་གྲུང་བཟློག་ཡོན་ཏན་གྱི་རྒྱུད་ཅེས་བྱ་བ། ལྷུན་གྱིས་གྲུབ་པའི་སངས་རྒྱས་དཀྱིལ་འཁོར་ཆེན་པོ་དགུའི་ལྷ་ཚོགས་རྣམས་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེའི་བདག་ཉིད་ཡོན་ཏན་ཕྲིན་ལས་མ་ལུས་པའི་བདག་པོ་དེ་ནི། འདི་ལྟར་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བཙུན་མོའི་བྷ་ག་ལ་དུས་གསུམ་འདུ་འབྲལ་མེད་པ་ཆེན་པོར་བཞུགས་སོ། །དེ་ཉིད་ལས་བརྗོད་ཀྱིས་མི་ལང་བའི་འཁོར་གྱི་གྲངས་དང་བཅས་ནས་བཞུགས་པ་ནི། འདི་ལྟ་སྟེ། བདེ་གཤེགས་ཁམ་རྒྱ་མོ་དང་། རྡོ་རྗེའི་ཁམ་རྒྱ་མོ་དང་། རིན་པོ་ཆེའི་ཁམ་རྒྱ་མོ་དང་། པདྨའི་ཁམ་རྒྱ་མོ་དང་། ལས་ཀྱི་ཁམ་རྒྱ་མོ་དང་། སྣ་ཚོགས་ཁམ་རྒྱ་མོ་དང་།ཁམ་རྒྱ་མོ་མཁའ་འགྲོ་མ་ཆེན་མོ་དྲུགདང་། གཞན་ཡང་ལོང་བ་རྒྱབ་སྦྲེལ་ཆེན་པོ་བརྒྱད་དང་བཅས་པ་ནི་འདི་ལྟ་སྟེ། མི་བསྐྱོད་ལོང་བ་རྒྱབ་སྦྲེལ་དང་། རྡོ་རྗེ་ལོང་བ་རྒྱབ་སྦྲེལ་དང་། དཀོན་མཆོག་དཔལའཛིནལོངབ་རྒྱབསྦྲེལ་དང། རིན་ཆེན་ལོང་བ་རྒྱབ་སྦྲེལ་དང་། ཚེ་མཐའ་ཡས་པའིལོང་བ་རྒྱབ་སྦྲེལ་དང་། པདྨའི་ལོང་བ་རྒྱབ་སྦྲེལ་དང་། གྲུབ་པར་གདོནམི་ཟ་བའི་ལོང་བ་རྒྱབ་སྦྲེལ་དང་། ལམ་གྱི་ལོང་བརྒྱབ་སྦྲེལདང་། རིགས་བཞིའི་རྒྱལ་བལས་ལོང་བ་རྒྱབ་སྦྲེལ་གཉིས་གཉིས་སུ་སྤྲུལ་པའི་བྱང་ཆུབ་སེམས་དཔའ་རྣམས་དཔའ་བོའི་ཆ་ལུགས་ཀྱིས་འགྲོབ་འདུལ་བ་དང་། གཞནཡང་དམུས་ལོང་འཁོར་བ་དྲུག་ཅུ་དངབཅས་པ་ནིའདིལྟ་སྟེ། བདེགཤེགས་རྡོརྗེའིརིགསཀྱི་དམུསལོང་བཅྭ་ལྔ་དང་། བདེ་གཤེགས་རིན་ཆེན་རིགས་ཀྱི་དམུས་ལོང་བཅྭ་ལྔ་དང་། བདེ་གཤེགས་པདྨའི་རིགས་ཀྱི་དམུས་ལོང་བཅྭ་ལྔ་དང་། །བདེ་གཤེགསལས་ཀྱིརིགས་ཀྱིདམུས་ལོང་བཅྭ་ལྔ་སྟེ། རིགས་བཞིའི་བྱང་ཆུབ་སེམས་དཔའ་རྣམས་དཔའ་བོའི་སྐུར་སྤྲུལ་ནས་སེམས་ཅན་གྱི་དོན་མཛད་པ་དང་། གཞན་ཡང་ཟ་བྱེད་དཔལ་གྱི་ཁྱི་བརྒྱད་ལ་ཡེ་ཤེས་སྤྲུལ་པའི་ཁྱི་བཅུས་བསྐོར་བ་རྣམས་དང་། གཞན་ཡང་སྒོ་བ་ཆེན་པོ་བཞི་རྣམས་ནི་འདི་ལྟ་སྟེ། ཐེག་ཆེན་དགུ་དང་ལྡན་པའི་ཕྱིར་ན་མགོ་དགུ་བརྩེགསཔའིརྐངགཅིགཔདང། རྣམ་པར་ཐར་པ་བརྒྱད་དང་ལྡན་པའི་ཕྱིར་ན་མགོ་བརྒྱད་ལག་བརྒྱད་རྐང་བརྒྱད་པ་དང་། ཡེ་ཤེས་དྲུག་དང་ལྡན་པའི་ཕྱིར་ན་མགོ་དྲུག་ལག་དྲུག་རྐང་དྲུག་པ་དང་། སྐུ་གསུང་ཐུགས་དང་ལྡན་པའི་ཕྱིར་ན་མགོ་གསུམ་ལག་གསུམ་རྐང་གསུམ་པ་དང་། གཞན་ཡང་སྤྲུལ་པའི་མེ་འབྲུག་དང་། རླུད་འབྲུག་དང་། ཡང་སྤྲུལ་བསེའི་བྱན་ལག་དམར་པོ་དང་བཅས་པ་རྣམས་ནི། རྗེ་བཙུན་མ་པདྨ་གཟི་ལྡན་མའི་མཁའ་བདེ་བ་ཆེན་པོ་ལས་འགྲོ་བའི་དོན་དུ་སྤྲུལ་ནས་བཞུགས་སོ། །དེ་ནས་ཡུམ་པདྨ་གཟི་ལྡན་མས་རྡོ་རྗེའི་གླུ་འདིས་རྣམ་པར་བསྐུལ་ཏོ། །དོན་དམ་ཆོས་ཉིད་སྤྲོས་པ་མེད་པ་ལས། །རིག་དང་མ་རིག་སྒྱུ་མའི་ཁྱད་པར་གྱིས། །རོལ་པའི་འབྱུང་གནས་འཁོར་བ་མྱ་ངན་འདས། །ལས་ཀྱི་དབང་གི་དྲེགས་པ་ཁམས་གསུམ་གནས། །དབང་ཆེན་ཆེ་མཆོག་ཁྱད་པར་བསྟན་པའི་ཕྱིར། །དྲེགས་པ་ཐམས་ཅད་དབང་དུ་བསྡུ་ནས་ནི། །སངས་རྒྱས་བསྟན་པ་བསྲུང་བའི་དུས་ལ་བབ། །མི་རྟོག་ཆོས་ཀྱི་སྐུ་ལས་ཕྱག་རྒྱར་བཞེས། །ཞེས་བསྐུལ་ལོ། །དེ་ནས་བཅོམ་ལྡན་འདས་པདྨ་དབང་ཆེན་ཉིད་སྐུ་སྐྱེ་བ་མེད་པ་ནམ་མཁའ་ལྟ་བུའི་ངང་ནས། གཟུགས་སྐུ་ཡེ་ཤེས་སྒྱུ་མའི་སྐུར་བཞེངས་ཏེ། སྔགས་ཀྱི་རྒྱལ་པོ་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་བྱུང་ངོ་། །ཨོ་པདྨ་མ་ཧྭ་ཤི་ཧེ་རུ་ཀ་སབོ་དུ་་ཏ་ག་ཧ་ན་ད་ཧ་པ་ཙ་ཧུ༷་ཕཊ། སྐུའི་གསང་སྔགས་སོ། །ཨོ་པདྨ་ཤི་ཧེ་རུ་ཀ་སྙི༷༷ཧ་ཧ་ཧུ༷་ཕཊ། གསུང་གི་སྔགས་སོ། །ཨོ་ཧུ་ལུ་ཧུ་ལུ་ཧྭ༷་ཕཊ། ཨེ་ཨུ་ར་ལི་ཧྲི་ཛ༷༷། ཐུགས་ཀྱི་སྔགས་སོ། །ཨོ་པསྙིརྙ་ཀྲིཏ་ཤི་ཧེ་རུ་ཀ་ཧེ་ཧེ་རུ་རུ་ཀ༷་ཀ༷་པདྨ་ཌའ་ཀི་ནི་ཛ་ལ་ཤ༷་བྷ་ར་བ་ཤ༷་ནི་ཧཱུཾ། ཡོན་ཏན་གྱི་སྔགས་སོ། །ཨོ་ཧྲི་ཐ་པདྷརྙ་ཀྲི་ཏ་དི་མ་ད་རི་སྣྲི༷༷ཧ་ཡ་རྒི་ཝ་ཨེ་ཀ་ཛ་རྟི་ཧུ་ལུ་ཧུ་ལུ་ཧུ༷་རྙི༷༷ཛ་ཛ༷༷ ཕྲིན་ལས་ཀྱི་སྔགས་སོ། །གསང་སྔགས་རྣམ་པ་ལྔ་བརྗོད་པས། འཇིག་རྟེན་ཁམས་རྣམས་གཡོ་འགུལ་ལྡེག །དྲེགས་པ་ཅན་རྣམས་སྙིང་འཛག་པས། །དབང་ཆེན་པོ་ལ་སྐྱབས་སུ་དང་། །རང་རང་སྲོག་རྣམས་ཉེ་བར་དབུལ། །ཨ་ཡ་མ་ལ་དུ་རུ་ཙ་ཤ་ན་ལ། ཕུལ་ནས་བྲན་དུ་ཁས་བླངས་ཏེ། །སངས་རྒྱས་བསྟན་པ་བསྲུང་བ་ཡི། །བཀའ་ཡི་སྲུང་མར་དམ་བཅས་སོ། །དེ་ནས་འཁོར་ལ་རབ་གཟིགས་ནས། །ལྟ་བ་དང་ནི་སྤྱོད་པ་དང་། །དབང་གི་དཀྱིལ་འཁོར་དམ་ཚིག་དང་། །སྒྲུབ་དང་ཕྲིན་ལས་རབ་བཤད་བྱ། །སྣོད་ཀྱི་འཇིག་རྟེན་ཆོས་ཀྱི་དབྱིངས། །འགྱུར་བ་མེད་པས་ཆོས་ཀྱི་དབྱིངས། །ཐུགས་རྗེ་རྒྱུན་ཆད་མེད་པས་དབྱིངས། །ཉེས་པའི་སྐྱོན་རྣམས་བྲལ་བས་དབྱིངས། །ཕྲིན་ལས་ཐོགས་པ་མེད་པས་དབྱིངས། །ཆོས་རྣམས་འབྱུང་ཁུངས་གྱུར་པས་དབྱིངས། །བཅ་ཀྱི་སེམས་ཅན་ཡེ་ཤེས་སྐུ། །ཀུན་གཞི་འགྱུར་མེད་ཆོས་ཀྱི་སྐུ། །ཡིད་ནི་རང་བྱུང་ཡེ་ཤེས་སྐུ། །ཉོན་མོངས་ལྔ་རྣམས་ལོངས་སྤྱོད་རྫོགས། །སྒོ་ལྔ་ཅིར་སྣང་སྤྲུལ་པའི་སྐུ། །ཚོགས་བརྒྱད་སྐུ་གསུམ་ལྷུན་གྱིས་གྲུབ། །ཞེ་སྡང་དམྱལ་བའི་འཇིག་རྟེན་འདི། །འགྱུར་མེད་རྡོ་རྗེ་མེ་ལོང་གསལ། །སེར་སྣས་ཆགས་པ་ཡི་དྭགས་གནས། །མཉམ་ཉིད་ཡེ་ཤེས་རིན་ཆེན་འབྱུང་། །གཏི་མུག་བྱོལ་སོང་ལམ་གནས་པ། །ཆོས་དབྱིངས་རྟག་པ་རྣམ་སྣང་མཛད། །འདོད་ཆགས་མི་སྟེ་བདེ་བར་སྤྱོད། །སོ་སོར་ཀུན་རྟོག་སྣང་མཐའ་ཡས། །ང་རྒྱལ་ལྷ་དང་ལྷ་མ་ཡིན། །བྱ་བ་ནན་ཏན་དོན་ཡོད་གྲུབ། །རིགས་ལྔར་རྟོགས་པ་འདི་ཀུན་ཀྱང་། །འགྲོ་བ་དྲུག་ལ་རང་བཞིན་གནས། །འགྲོ་དྲུག་་གཟུགས་སུ་སྣང་བ་ཀུན། །པདྨ་དབང་ཆེན་ང་ཡི་སྐུ། །ལྷ་ཡི་སྲོག་ནི་ཨ་དཀར་པོ། །རི་རབ་རྩེ་གནས་རོལ་མོ་སྤྱོད། །ལྷ་མིན་སུ་སེར་སྲོག་ལྡན་པ། །རི་རབ་ཁོང་སེང་གནས་ནས་འཁྲུགས། །གླིང་བཞིར་མི་གནས་ལྗང་གུ་དྲི། །ཕྱི་ནང་འདོད་ཡོན་ལས་ལ་ཆགས། །བྱོལ་སོང་དུད་ཁ་དུ་ཡི་ཚོགས། །ཕྱི་ཡི་རྒྱ་མཚོའི་ནང་ན་གནས། །ཡི་དྭགས་པྲེད་མར་བཀྲེས་ཤིང་སྐོམ། །གྲོང་ཁྱེར་སེང་སྐྱའི་གནས་ན་སྤྱོད། །དམྱལ་བའི་ཏྲི་ནག་ཚ་གྲང་ཅན། །རྡོ་རྗེ་གདན་འོག་གནས་པ་ཡང་། །འགྲོ་དྲུག་སྲོག་ལས་གསུང་དུ་འབྱུང་། །དེ་ཡང་དབང་ཆེན་ང་ཡི་གསུང་། །རིག་དྲུག་སེམས་ཀྱི་སྣང་བ་ཡང་། །པདྨ་དབང་ཆེན་ང་ཡི་ཐུགས། །གཟུགས་ཁམས་ཚངས་པའི་གནས་བཞི་རྣམས། །བསམ་གཏན་མུ་བཞི་ཨོ་དུ་གནས། །གཟུགས་མེད་སྐྱེ་མཆེད་མུ་བཞི་ཨུཿ། ཁམས་གསུམ་ལུས་དང་ངག་ཡིད་རྣམས། །དབང་ཆེན་སྐུ་གསུང་ཐུགས་སུ་གནས། །རྣལ་འབྱོར་སྒྲུབ་པའི་བློ་ཅན་གྱིས། །གཉིས་སུ་མེད་པར་བལྟ་བྱའོ། །དཔལ་པདྨ་དབང་ཆེན་དྲེགས་པ་སྲུང་བཟློག་གི་རྒྱུད་ལས་གླེང་གཞི་དང་གླེང་བསླང་བ་དང་། དྲེགས་པ་དབང་དུ་བསྡུས་ཤིང་གསང་བའི་སྔགས་དང་ཆོས་ཉིད་ཡང་དག་པའི་ལྟ་དགོངས་བསྟན་པའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་པདྨ་དབང་ཆེན་འཁོར་འདས་ཀྱི་བདག་པོ་ཆེན་པོ་དེ་ལ་དོར་བའི་ཏིང་ངེ་འཛིན་ལ་ཞུགས་ནས་འདི་སྐད་ཅེས་གསུངས་སོ། །རྣལ་འབྱོར་བླ་མ་བསྟན་པའི་ཚེ། །བརྩོན་འགྲུས་ཆེན་པོའི་སྤྱོད་པས་སྤྱད། །འདོད་པའི་ལོངས་སྤྱོད་ལྔ་རྣམས་ཀྱང་། །ཆགས་མེད་གུས་པའི་སྤྱོད་པ་ཡིས། །བླ་མ་མཉེས་པར་བྱ་ཕྱིར་དབུལ། །སྲོག་ལུས་སྲོག་དང་ཆུང་མ་དང་། །བུ་དང་བུ་མོ་མ་ལ་སོགས། །རྡོ་རྗེ་སློབ་དཔོན་བླ་མ་ལ། །ལུས་ངག་ཡིད་གསུམ་མཉེས་ཡོན་འབུལ། །ཆགས་མེད་བུང་པའི་སྤྱོད་པ་སྤྱད། །རྣལ་འབྱོར་སྡེ་སྣོད་མཉན་བསམ་ཚེ། །ལྐོག་ཉལ་ཕ་མའི་སྤྱོད་པ་སྤྱད། །ཁ་སྐྲུབ་སྐྱོན་སྤངས་མཉན་པར་བརྩོན། །གཞོག་རལ་སྐྱོན་དོར་བསམ་པས་འབད། །ཞབས་རྡོལ་བཀག་ལ་ཡང་ཡང་བསམ། །དུག་ཅན་བཅུད་ནི་ཟ་མི་བཏུབ། །དུག་མེད་ཟས་སྐོམ་ལུས་ཀྱི་བཅུད། །གསང་ཞིང་སྣོད་ལྡན་རྣམས་ལ་སྤེལ། །དགོས་འདོད་འབྱུང་བའི་ནོར་བུའམ། །དཔག་བསམ་ཤིང་དང་བུམ་པ་བཟང་། །འདོད་པ་ཐམས་ཅད་འབྱུང་བ་ཡང་། །ཀླུ་དང་ལྷ་དབང་གནོད་སྦྱིན་ལྟར། །རྣལ་འབྱོར་སྤྱོད་པ་སྤྱད་པར་བྱའོ། །རྣལ་འབྱོར་དགོངས་བསྒྲུབ་བྱེད་པའི་ཚེ། །དྲང་སྲོང་དཀའ་ཐུབ་བརྟུལ་ཞུགས་སོམ། །མུ་སྟེགས་བརྟུལ་ཞུགས་སྤྱོད་པ་ལྟར། །ལུས་ངག་ཡིད་གསུམ་འབད་བྱས་ནས། །འདོད་པ་མ་འགྲུབ་བར་དུ་བསྒྲུབ། །བསམ་གཏན་མཉམ་པར་འཇོག་པའི་ཚེ། །ཏིལ་བུམ་སྒྲོན་མ་སྟ་བུར་སྤྱད། །རྗེས་གཅོད་རྣམ་བཞི་མཛད་པའི་དུས། ཁུན་ཆད་མེད་པར་ཆུ་བོ་བཞིན། །གཞུད་བཞིན་མཐུན་པའི་སྤྱོད་པས་སྤྱད། །ལུས་དང་གྲིབ་མ་མི་འབྲལ་ལྟར། །སེམས་ཉིད་ལྷ་དང་བྲལ་བ་མི་བྱ། །རྣལ་འབྱོར་གསང་སྔགས་ཟློས་པའི་དུས། །བུལ་བ་མ་ཡིན་མྱུར་བ་མིན། །ཆེ་ཆུང་སྒྲ་ཡི་སྐྱོན་སྤངས་ནས། །བུང་བ་རྫ་མར་བཅུག་པ་བཞིན། །སྟོང་གསུམ་གང་བའི་འོད་ཟེར་གྱིས། །མ་ཆོད་པ་འབུལ་ཞིང་དངོས་གྲུབ་ལེན། །མཚོ་ནང་ཆར་པ་བབས་པ་ལྟར། །དངོས་གྲུབ་རླབས་ཆེན་འཁྲིགས་སྤྲིན་འཐིབས། །མགལ་མེའི་འཁོར་ལོའི་སྤྱོད་པ་བྱ། །རྣལ་འབྱོར་དམ་ཚིག་ཉམས་པ་དང་། །ནམ་ཡང་འགྲོགས་པར་མི་བྱ་སྟེ། །ལྷན་ཅིག་མི་གནས་མཚོན་པའི་དཔེ། །སྒྲོན་མེ་དང་ནི་མུན་པ་དང་། །དུག་དང་སྨན་དང་ཆུ་དང་མེ། ཁྲ་བ་ཁྱི་དང་དགྲ་ཟུན་བཞིན། །དམ་ཚིག་ཉམས་དང་འགྲོགས་མི་བྱ། །ཝ་ཡི་བརྟུལ་ཞུགས་སྤྱོད་པ་ཡིས། །གྲིབ་ཅན་ནམ་ལུས་དོར་བར་སྤྱད། །སྤྱོད་པ་འདི་ནི་གསང་སྔགས་ལ། །མཆོག་ཏུ་གཅེས་པར་རབ་ཏུ་བཤད། །མུ་སྟེགས་ལྟ་བུའི་སྤྱོད་པ་ཡིས། །ཞིང་བཅུ་མ་ལུས་སྒྲོལ་བར་བྱ། །མ་ཧྭ་དེ་བའི་སྤྱོད་པ་ཡིས། །གཟུངས་མ་མཚན་ལྡན་ལ་སྦྱར་བ། །ཀྲིཁྱི་སྭ་རྭའི་སྦྱོར་བ་ཡིས། །འགྲོ་དྲུག་སྙིང་རྗེས་བསྐྱང་བར་བྱ། །གར་མཁན་ལྟ་བུའི་སྤྱོད་པ་ཡིས། །འགྲོ་བ་སོ་སོར་མཐུན་པར་གདུལ། །མིང་སྲིང་ལྟ་བུའི་སྦྱོད་པ་ཡིས། །རྡོ་རྗེའི་མཆེད་ལྕམ་བསྐྱང་བར་བྱ། །དཔའ་བོ་ལྟ་བུའི་སྤྱོད་པ་ཡིས། །བར་ཆད་དགྲ་བགེགས་གཞོམ་པར་བྱ། །བཙོན་རྫི་ལྟ་བུའི་སྤྱོད་པ་ཡིས། །རྩ་བ་ཡན་ལག་དམ་ཚིག་བསྲུང་། །བྱན་མོ་མཛངས་པའི་སྤྱོད་པ་ཡིས། །དམ་རྫས་མ་ལུས་ཚང་བར་བསགས། །རྟག་པར་བསམ་སྦྱོར་སྤྱོད་པ་དང་། །མགོན་པོ་ཀུན་ཏུ་རྒྱུ་བ་དང་། །སྤྱོད་པ་མ་ལུས་ཐམས་ཅད་ཀུན། ཁྲེས་བཞིན་རྣམ་པར་སྤྱད་པར་བྱའོ། །ཞེས་གསུངས་སོ། །པདྨ་དབང་ཆེན་དྲེགས་པ་སྲུང་བཟློག་གི་རྒྱུད་ལས། ལུས་ངག་ཡིད་གསུམ་གྱི་སྤྱོད་པ་བསྟན་པའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཀྱིས་རིམ་པར་བགྲོད་པ་འདི་རྣལ་འབྱོར་པའི་ཆེད་དུ་གསུངས་སོ། །སེམས་ཅན་མ་ལུས་ཐམས་ཅད་ལ། །ལུས་ལ་དབང་བཞི་རྫོགས་པས་ན། །དབང་བཞི་ཡང་དག་སྤྱིན་པར་བྱ། །ཕྱི་དང་ནང་དང་གསང་བ་དང་། །དེ་ཁོ་ན་ཡི་དབང་དུ་གསུངས། །བརྒྱུད་རྣམས་ཀུན་གྱི་དོན་བསྡུས་སོ། །སེམས་ཅན་ཁམས་ནི་མ་ལུས་པའི། །ལུས་ལ་རྩ་ཡི་དཀྱིལ་འཁོར་གནས། །བུམ་པའི་དབང་ཡང་བསྐུར་བ་ནི། །བུམ་པ་མི་བསྐྱོད་ཆུ་ཡི་དབང་། །ལུས་ཀྱི་བག་ཆགས་དག་པར་བྱེད། །ཅོད་པན་རིན་ཆེན་འབྱུང་གནས་དབང་། །བདུད་བཞིའི་ཚོགས་ལས་རྒྱལ་བར་བྱེད། །རྡོ་རྗེ་སྣང་བ་མཐའ་ཡས་དབང་། །ལྟག་ཁུང་འཆི་བདག་བདུད་ཀྱང་འཇོམས། །དྲིལ་བུ་དོན་ཡོད་གྲུབ་པའི་དབང་། །ཆོས་རྣམས་སྒྲ་ཡང་སྒྲོགས་པར་མཛད། །གཟུགས་ཕུང་རྣམ་པར་སྣང་མཛད་ཉིད། །དེ་ལ་རྡོ་རྗེའི་མིང་ཡང་བཏགས། །དུར་ཁྲོད་ཆས་བརྒྱད་དབང་བསྐུར་བས། །དུར་ཁྲོད་བདག་པོར་ཡང་དག་གྲུབ། །ཁ་ཊ༷་ག་ནི་ལྷ་ཡི་སྐུ། ཁྲེས་རབ་ཌའ་མ་རུ་ཡི་སྒྲས། །ཐབས་དང་ཤེས་རབ་གཉིས་མེད་པར། །མ་དང་མཁའ་འགྲོ་དབང་དུ་སྡུད། །དེ་སོགས་མཐའ་ཡས་དབང་རྣམས་ཀུན། །མདོར་བསྡུས་རིག་པའི་དབང་ལྔར་གནས། །དེ་ཐོབ་ལུས་ཀྱི་སྒྲིབ་པ་དག །བསྐྱེད་པའི་རིམ་པ་བསྒོམ་པར་དབང་། །ནང་གི་དབང་བསྐུར་བཤད་པ་ན། །བླ་མ་བདེ་བ་འབྱོངས་པ་ནི། །རླུང་གིས་ཐིག་ལེ་འདྲེན་པར་ནུས། །སེམས་ཅན་ཐམས་ཅད་མ་ལུས་ཀྱི། །ལུས་ལ་ཡི་གེ་གནས་པས་ན། །ཡི་གེ་རབ་ཏུ་སྦྱོར་བ་ཡིས། །རྩ་གསུམ་བདེ་བའི་ཁུ་བ་སྦྱང་། །གཟུངས་མ་མཚན་དང་ལྡན་པ་ལ། །ལུས་ཀྱི་སྩོར་བས་དལ་བུས་བསྲུབ། །ཏིང་འཛིན་བརྟན་པས་ནང་དུ་གཟུད། །བྱང་སེམས་ཐིག་ལེ་མཁར་འབེབས་ནས། །རབ་ནི་བ་དང་བེའུ་འདྲ། །འབྲིང་ནི་བུངབམེཏོག བཞིན། །ཐ མསབྱ་དང་བྱེའུ་ལྟར་བླངས། །ཧཱུཾ་ལས་ལྷར་གསལ་ལུས་ལ་ཐིམ། །དེ་དག་གིས་ནི་དྲི་མ་དག །བཟླས་པའི་གསང་སྔགས་བགྲང་བར་ནུས། །གསང་བའི་དབང་ཡང་རབ་བརྗོད་བྱ། །སྲིད་གསུམ་སེམས་ཅན་མ་ལུས་ལ། །ལུས་ཁམས་བདུད་རྩི་གནས་པ་ཡང་། །ཁམས་དགུ་འདུས་པའི་དྭངས་མ་ནི། །བདུད་རྩི་ལྔ་ནི་རིགས་ལྔ་ཡབ། །འབྱུང་བ་བཞི་ནི་ཡུམ་དུ་གནས། །བསྙེན་པས་གཟུངས་མ་བཙལ་བར་བྱ། །ཉེ་བའི་བསྙེན་པས་ཡུམ་དེ་ཡི། །གཟུགས་སྒྲ་དྲི་ལ་བརྟག་བྱ་ཞིང་། །དེ་བ་བསྒོམ་པར་བྱས་ནས་ནི། །བསྒྲུབ་པས་བྷ་གར་ལིསྐོ་བཞག །རྗེས་སུ་དྲན་པས་བསྒོམ་པར་བྱ། །སངས་རྒྱས་མཉེས་པར་མཆོད་པ་དང་། །སེམས་ཅན་བདེ་བས་ཁྱབ་པར་བྱ། །བསྒྲུབ་ཆེན་རྡོ་རྗེ་པདྨ་བསྲུབ། །ཐིག་ལེ་དབབ་ཅིང་གཟུང་བར་བྱ། །བདེ་བ་དང་ནི་མཆོག་ཏུ་བདེ། །རྣམ་པར་རྟོག་བྲལ་བདེ་བ་དང་། །ལྷན་ཅིག་སྐྱེས་བདེ་ཡེ་ཤེས་བཟུང་། །དབང་དེ་གང་ཐོབ་པར་གྱུར་པས། །ཡིད་ཀྱི་དྲི་མ་དག་པ་ཡིན། །དེ་ཁོ་ན་ཡི་དབང་བཤད་ན། །སྲིད་གསུམ་ཁམས་ཀྱི་སེམས་ཅན་རྣམས། །ལུས་ལ་སྲོག་དང་རྩོལ་བ་གནས། །སྲོག་གི་རླུད་ནི་སེམས་ཉིད་ཡིན། །རྩོལ་བ་ཕྱི་ནང་རྒྱུ་བ་ལས། །བཟུང་ནས་བདེ་བ་གྱེན་དུ་བཟློག །མདོམས་ཀྱི་སྦ་བ་སྦུབས་སུ་ནུབ། །ལྟེ་བ་རྒྱ་ཕོར་བཞིན་དུ་མཁྲེགས། །རོ་སྟོད་སེང་གེའི་ཁོག་པ་འདྲ། །ལྕེ་ཡིས་ཞལ་གྱི་གདོང་ཡང་ཁེབས། །སྨིན་མཚམས་མཇོད་སྐྲུ་བསྒྲུབ་པ་དང་། །དབུ་ཡི་གཙུག་གཏོར་བརྟན་པའི་དུས། །ཐིག་ལེ་གཡས་འཁྱིལ་དུང་གི་གཟུགས། །རང་ལུས་རྒྱལ་བའི་ཞིང་ཁམས་ན། །འཁོར་འདས་ཐམས་ཅད་སོ་སོར་གསལ། །མ་འདྲེས་ནམ་མཁའི་འཇའ་ལྟ་བུ། །དབྱེར་མེད་བདེ་བ་ཆེན་པོར་ཐིམ། །སངས་རྒྱས་ཀུན་གྱི་བསྟན་པ་རྣམས། །དུས་འདིར་རང་ལ་ཉམས་སུ་མྱོང་། །དེ་ཉིད་པདྨ་དབང་ཆེན་ཡིན། །དབང་ནི་ཐོབ་པར་གྱུར་པ་ན། །ལུས་དང་ངག་དང་ཡིད་གསུམ་གྱི། །དྲི་མ་མ་ལུས་དག་པ་ཡིན། །ཐམས་ཅད་དག་ཅེས་བྱ་བ་ཡང་། །དངོས་པོ་གསལ་དག་མ་ཡིན་ཏེ། །རྒྱུད་ནས་དག་པར་བྱེད་པ་ཡང་། །དཔེར་ན་ས་བོན་བཏབ་པ་ལ། །དུས་སུ་མང་པོར་གྱུར་པ་ལྟར། །དབང་གི་ས་བོན་བཏབ་པ་ཡིས། །རྣལ་འབྱོར་ལུས་ལ་ལོ་ཏོག་སྨིན། །ཞེས་གསུངས་སོ། །པདྨ་དབང་ཆེན་དྲེགས་པ་སྲུང་བཟློག་གི་རྒྱུད་ལས། དབང་བསྐུར་བའི་ལེའུ་རྩེ་གསུམ་པའོ།། །།དེ་ནས་བཅོམ་ལྡན་འདས་ཀྱིས་དཀྱིལ་འཁོར་འདི་གསུངས་སོ། །དཀྱིལ་འཁོར་རབ་ཏུ་གང་ཤེས་འདོད། །སྙིང་པོ་ཆོས་སྐུ་དྲི་མེད་དཀྱིལ། །ལོངས་སྤྱོད་རྒྱལ་བ་རིགས་ལྔ་འཁོར། །རང་བཞིན་མཐར་ཕྱིན་འབྲས་བུ་ཡིན། །སྣོད་ཀྱི་འཇིག་རྟེན་གཞལ་ཡས་ཁང་། །བབ་ཀྱི་སེམས་ཅན་ལྷར་གནས་པར། །རྣལ་འབྱོར་གང་གིས་རྟོགས་པ་དེ། །རང་བཞིན་ཉིད་ཀྱི་དཀྱིལ་འཁོར་ཡིན། །རང་བཞིན་དཀྱིལ་འཁོར་ཆེན་པོ་དེ། །རྟོགས་པར་མི་ལྡན་གང་ཟག་ལ། །མཚོན་ཕྱིར་གཟུགས་བརྙན་དཀྱིལ་འཁོར་བསྟན། །ལུགས་མ་བྲིས་སྐུ་འབུར་དང་ཐགས། །མཁས་པས་བྱས་ན་སངས་རྒྱས་མཐོང་། །བདེ་གཤེགས་སྐུ་བཞེངས་བྱིན་རླབས་ཆེ། །འབྱོར་པ་མི་ལྡན་གང་ཟག་ལ། །རྡུལ་ཚོན་དཀྱིལ་འཁོར་ཆེན་པོ་བསྟན། །རབ་ཏུ་ཟླུམ་པོའི་ལྟེ་བ་ལ། །པདྨ་གར་གྱི་དབང་ཕྱུག་ཆེ། །འཁོར་ལོ་དྲུག་དང་གྲུ་ཆད་ལྡན། །རྩིབས་དྲུག་ཁམས་རྒྱ་ཆེན་པོ་དྲུག །བར་ཁྱམས་གཉིས་དང་སྒོ་བཞིར་བཅས། །དང་པོ་ལོང་བ་དམུས་ལོང་ལ། །གཉིས་པར་དཔལ་གྱི་ཁྱི་བརྒྱད་དང་། །ཡེ་ཤེས་སྤྲུལ་པའི་ཁྱི་བཅུར་གནས། །སྒོ་བཞིར་སྒོ་སྲུང་བཞི་རྣམས་ནི། །མཁས་པས་བཀོད་ནས་བྲི་བར་བྱ། །རྟ་བབས་དུར་ཁྲོད་རྡོ་ར་དང་། །མེ་དཔུང་འབར་བས་རབ་ཏུ་འཁྲིགས། །ཡང་ན་ཐུགས་ཀྱི་དཀྱིལ་འཁོར་ནི། །དབུས་སུ་པདྨ་གསང་བའི་སྐུ། །སྣྲི༷༷ནི་པདྨ་ཉི་ཤུ་བཞི། །ཟུར་བཞི་རིན་ཆེན་ཁྲི་རྐང་ནི། །གྲུ་ཆད་བཞི་རུ་རྣམ་པར་གནས། །བར་ཁྱམས་དང་པོ་ཐོད་རུས་ལ། །འཁོར་གྱི་ལོང་པ་བརྒྱད་པོ་དང་། །དམུས་ལོང་དྲུག་ཅུ་དགོད་པ་ཡོང་། །ཕྱོགས་རེར་བཅོ་ལྔ་བཅོ་ལྔ་གནས། །གཉིས་པར་མེ་དཔུང་ཁྱི་སྤྱང་ལ། །སྒོ་བཞི་སྒོ་བ་རྟ་བབས་དང་། །དུར་ཁྲོད་མེ་དཔུང་འབར་བས་འཁྲིགས། །དཀྱིལ་འཁོར་འདི་ནི་གཟི་བརྗིད་ཅན། །ཉི་ཟླ་བཞིན་དུ་གཟི་མདངས་ཆེ། །རྣལ་འབྱོར་སྤྲོས་པ་སྒྱུང་ནས་གནས། །ཏིང་འཛིན་དཀྱིལ་འཁོར་རབ་ཏུ་བསྒོམ། །པདྨ་དབང་ངམ་རྟ་མགྲིན་དབང་། །གང་ལ་མོས་པ་རབ་ཏུ་བསམ། །བསྡུས་ལ་དགའ་བའི་རྣལ་འབྱོར་པས། །པདྨ་དབང་ཆེན་སྐུ་གཅིག་པ། །དབུ་ལྔ་ཕྱག་ནི་བཅུ་དྲུག་པ། །ཞབས་བརྒྱད་པ་ནི་བསྒོམ་པར་བྱ། །ཡང་ན་བློ་ཆུང་མོས་པ་ཅན། །རྟ་མགྲིན་གཡས་དཀར་གཡོན་སྔོ་བ། །དབུས་མ་པདྨ་རྭ་གའི་སྐུ། །རྡོ་རྗེ་ཁ་ཊ༷་སྦྲུལ་ཞགས་གཡས། །དྲིལ་བུ་དུང་དམར་ལྕགས་སྒྲོགས་གཡོན། །པདྨ་རལ་གྲི་ཡུམ་ལ་འཁྲིལ། །འདི་ལྟར་བསྒོམ་པར་བྱེད་པ་དེ། །སངས་རྒྱས་ཐོབ་པར་གདོན་མི་ཟ། །རྣམ་པར་སྨིན་པའི་རིག་འཛིན་ནི། །རང་སེམས་ལྷ་སྐུར་ནང་དུ་སྨིན། །བག་ཆགས་ལུས་ནི་ཕྱི་ན་གསལ། །བརྐོས་ཕོར་ནང་གི་སྭསྣྲོ་འདྲ། །ཡུལ་ནི་སངས་རྒྱས་གདུལ་ཞིང་སྟེ། །བླ་མ་དམ་པས་འདུལ་བར་མཛད། །ཚེ་ལ་དབང་བའི་རིག་འཛིན་ནི། །རང་དོན་ལོ་ནི་སྟོང་དང་ནི། །དྲུག་བརྒྱར་རང་གི་དོན་དུ་བཞུགས། །གཞན་གྱི་དོན་དུ་བཞུགས་འདོད་ན། །བྱིས་པ་ལོ་བརྒྱད་ལོན་ཙམ་དུ། །བརྒྱ་བརྒྱ་དག་ཏུ་བསྣུར་ཞིང་གནས། །པདྨ་དག་ལ་བརྫུས་ནས་སྐྱེ། །ལྷ་མིའི་ལུས་ནི་ཁྱད་པར་ཅན། །སྐྱེ་བ་བཞེས་ནས་འགྲོ་དོན་མཛད། །སྤྲུལ་པ་སྐུ་ཡི་བླ་མ་ལ། །ཞིང་ཁམས་ཀུན་ཏུ་དམ་ཆོས་ཉན། །ཕྱག་རྒྱ་ཆེན་པོའི་རིག་འཛིན་ནི། །རང་ལུས་སངས་རྒྱས་བསྒོམ་འཛིན་པ། །ལོངས་སྤྱོད་རྫོགས་སྐུ་རིགས་ལྔའི་འཁོར། །རྒྱལ་བ་རྣམས་ལས་ཆོས་ཀྱང་ཉན། ཁྲར་ན་མངོན་པར་དགའ་བའི་ཞིང་། །རྡོ་རྗེ་སེམས་དཔའི་སྲས་སུ་འཁྲུངས། །ལྷོ་ན་དཔལ་དང་ལྡན་པ་སྟེ། །རིན་ཆེན་འབྱུང་ལྡན་འཁོར་ན་གནས། །ནུབ་ན་བདེ་བ་ཆེན་པོ་ན། །སྣང་མཐའ་ཡས་ལ་ཆོས་ཀྱང་ཉན། །བྱང་ན་རྣམ་དག་བཀོད་པ་སྲ །དོན་ཡོད་གྲུབ་པའི་རིགས་སུ་སྐྱེ། །དབུས་ཕྱོགས་བྱང་ཆུབ་སྙིང་པོ་སྲ །རྣམ་པར་སྣང་མཛད་ཞལ་མཐོང་ནས། །ཕྱག་རྒྱ་ཆེན་པོའི་རིག་འཛིན་ཉིད། །རང་ལུས་ལྷ་སྐུར་སྨིན་པའོ། །ལྷུན་གྱིས་གྲུབ་པའི་རིག་འཛིན་ནི། །མཉམ་པར་གཞག་ཚེ་ཆོས་ཀྱི་སྐུ། །ལངས་ཚེ་ལོངས་སྤྱོད་རྫོགས་ལུས་ཐོབ། །ཞིང་ཁམས་ནམ་མཁའི་མཐའ་དང་མཉམ། །རྒྱན་དང་གདན་དང་འོད་ཟེར་སོགས། །སངས་རྒྱས་ཆེ་པའི་ཡོན་ཏན་ཐོབ། །ཅེས་གསུངས་སོ། །པདྨ་དབང་ཆེན་དྲེགས་པ་སྲུང་བཟློག་གི་རྒྱུད་ལས། དཀྱིལ་འཁོར་གྱི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་ཀྱིས་དམ་ཚིག་འདི་དག་གསུངས་སོ། །ཤེལ་སྒོང་དཀར་པོ་དྲི་མེད་འདི། །འདམ་དུ་ནམ་ཡང་བྱིང་མི་བྱ། །ཡིད་བཞིན་ནོར་བུ་རེ་སྐོང་བ། །མ་རྙེད་བར་དུ་བཙལ་བར་བྱ། །ཆུ་བོ་རབ་མེད་སྒྲོལ་མཁན་ལ། །དྲིན་ནི་ནམས་ཀྱང་བཀུར་བར་བྱ། །རིན་ཆེན་གསེར་གྱི་སྒྲོམ་བུ་ལ། །ཞབས་སུ་བུག་པ་བརྟོལ་མི་བྱ། །ལྷ་ཡི་དབང་པོའི་ལྕགས་ཆེན་པོ། །འཁྱོགས་ཀྱང་བསྲང་བར་མི་བྱའོ། །མེ་ཏོག་ཨུ་དུམ་ཝ་ར་ལ། །ལག་གིས་བརྩེ་བར་མི་བྱའོ། །ཙསྡོན་སྨུག་པོའི་སྡོང་པོ་ལ། །བུད་ཤིང་བྱ་བའི་སེམས་མི་གཏོང་། །ལྕགས་ཀྱི་ཐུ་ལུམ་འབར་བ་ལ། །ལག་པས་གཟུང་བར་མི་བྱའོ། །གསེར་གྱི་རི་ལ་འབབ་པའི་ཆུ། །ནམས་ཀྱང་བཏུང་བར་མི་བྱའོ། །སེང་གེ་དཀར་མོའ་ཉལ་ཤུལ་དུ། །མལ་ནི་བཅའ་བར་མི་བྱའོ། །རྒྱ་མཚོ་ཆེན་པོའང་འཛིང་ཆུ་ལ། ཁུ།་ནི་སད་པར་མི་བྱའོ། །རིན་པོ་ཆེ་ཡི་ཟ་མ་ཏོག །དུག་གིས་སྦྱང་བར་མི་བྱའོ། །ཁྱད་པར་དམ་ཚིག་བཅུ་གཉིས་འདི། །རྣལ་འབྱོར་དམ་ལ་གནས་པ་ཡིས། །རང་གི་སྲོག་བཞིན་རྟག་ཏུ་བསྲུང་། །མ་བསྲུངས་ཉམས་པའི་ཆད་བས་འཕོག །རྡོ་རྗེ་དམྱལ་བར་ལྟུང་བར་འགྱུར། །བསྲུངས་ན་ཡོན་ཏན་བསམ་མི་ཁྱབ། །མཆོག་དང་ཐུན་མོང་དངོས་གྲུབ་འཐོབ། །ཅེས་གསུངས་སོ། །པདྨ་དབང་ཆེན་དྲེགས་པ་སྲུང་བཟློག་གི་རྒྱུད་ལས། ས་གཞི་རིན་པོ་ཆེ་ལྟ་བུའི་དམ་ཚིག་བསྟན་པའི་ལེའུ་ལྔ་པའོ།། །།དེ་ནས་བཅོམ་ལྡན་འདས་ཀྱིས་བསྒྲུབ་པ་རྣམ་པར་བཀོད་པའི་ཏིང་ངེ་འཛིན་ལ་སྙོམས་པར་ཞུགས་ནས་འདི་གསུངས་སོ། །བསྒྲུབ་པའི་དོན་ཡང་གཉིས་ཡོད་དེ། །མཆོག་གི་བསྒྲུབ་པ་བྱ་བ་དང་། །ཐུན་མོང་དངོས་གྲུབ་བསྒྲུབ་པའོ། །མཆོག་གི་བསྒྲུབ་པ་རྣམ་པ་གཉིས། །བསྐྱེད་པའི་རིམ་པ་བསྒོམ་པ་དང་། །རྫོགས་པའི་རིམ་པ་བཟང་པོ་བསྒོམ། །བསྐྱེད་པའི་རིམ་པ་བསྒོམ་བྱ་བ། །སྐུ་གསུང་ཐུགས་རྗེའི་འབྱུང་ཚུལ་གྱིས། །ཏིང་འཛིན་རྣམ་གསུམ་བསྒོམ་པར་བྱ། །ཡུལ་ཉིད་སངས་རྒྱས་ཞིང་ཁམས་ཡིན། །འབྱུང་བ་རིམ་བརྩེགས་སྟེང་དུ་ནི། །དབང་ཆེན་གཞལ་ཡས་ཁང་ཡང་བསྒོམ། །རིན་ཆེན་ཁྲི་རྐང་སེང་གེ་དང་། །པདྨ་ཉི་ཟླའི་གདན་སྟེང་དུ། །གར་གྱི་དབང་ཕྱུག་ཆེན་པོ་བསམ། །དབུ་ལྔ་དམར་པོ་གཤོག་པ་བཞི། །ཕྱག་ནི་བཅུ་དྲུག་ཞབས་བརྒྱད་དང་། །སྐུ་ལ་བཀོད་པའི་དཀྱིལ་འཁོར་དགུ། །འཁོར་ནི་ཁམ་རྒྱ་ཆེན་མོ་དྲུག །ལོང་བ་བརྒྱད་དང་དེ་ཡི་འཁོར། །དམུས་ལོང་དྲུག་ཅུ་ལྕགས་སྤྱང་བརྒྱད། །ཡེ་ཤེས་སྤྲུལ་པའི་ཁྱི་བཅུ་དང་། །སྒོ་བ་བཞི་དང་མེ་རླུང་འབྲུག །ཡང་སྤྲུལ་བསེ་ཡི་བྱན་ལག་རྣམས། །རིམ་པར་བསྐྱེད་ནས་བརྟན་པར་དམིགས། །དེ་ནས་སྤྱན་དྲངས་བཞུགས་སུ་གསོལ། །ཕྱག་དང་མཆོད་པས་མཉེས་པར་བྱ། །དེས་ནས་བཟླས་བརྗོད་བསྙེན་པ་དབུལ། །བསྟོད་ཅིང་བཤགས་ནས་ཕྲིན་ལས་བཅོལ། །དམ་ཚིག་བསྡུས་ལ་ཡེ་ཤེས་གཤེགས། །སྤྱོད་ལམ་ཀུན་ཏུ་ལྷ་ཉིད་བསམ། །ཕྱི་རབས་སྔགས་འཆང་སྒྲུབ་པ་ལ། །ངས་ནི་ཁྱོད་ལ་གསལ་བར་བཤད། །རྫོགས་རིམ་བསྒོམ་པའི་རྣལ་འབྱོར་པས། །གང་ཟག་གཟེར་དང་སྒོམ་ཐབས་དང་། །འབྲས་བུ་བཞི་ནི་དཔའ་བོས་བཤད། །བརྩོན་འགྲུས་ཅན་དང་ལེ་ལོ་ཅན། །བརྩོན་འགྲུས་ཅན་གྱི་གང་ཟག་ནི། །ཚེ་འདིར་མངོན་པར་འཚང་རྒྱ་བར། །ཡན་ལག་རྣམ་པ་བརྒྱད་ལྡན་དགོས། །རྒྱུ་ལ་ནུས་པ་ཐོགས་མེད་པས། །སྔོན་ནས་བསོད་ནམས་བསགས་པ་དང་། །རིགས་ཀྱང་ཁྱད་པར་ཅན་དུ་འཁྲུངས། །ལོངས་སྤྱོད་འབྱོར་བ་ཆེ་བ་དང་། །གཏོང་ཕོད་ཚེ་དང་ཚེ་རིང་བ། །བརྩོན་འགྲུས་ཆེ་ཞིང་དད་པ་ཆེ། །དེ་བརྒྱད་ལྡན་པའི་གང་ཟག་ལ། །བརྩོན་འགྲུས་ཅན་གྱི་གང་ཟག་སྟེ། །བསྒྱུར་བ་བདུན་གྱི་སངས་རྒྱས་ཏེ། །སྔགས་ཀྱིས་སྐུར་ཡང་བསྒྱུར་བ་དང་། །རང་ལུས་བྱིན་གྱིས་རློབས་པ་དང་། །ངག་ཀྱང་བྱིན་གྱིས་རློབས་པ་དང་། །སེམས་ཉིད་བྱིན་གྱིས་རློབས་པ་དང་། །ཀུན་རྫོབ་བདེ་ཆེན་བྱིན་གྱིས་རློབས། །འོད་གསལ་བར་ནི་བྱིན་གྱིས་རློབས། །ཟུང་དུ་འཇུག་པར་བྱིན་རློབས་སོ། །ལེ་ལོ་ཅན་གྱི་གང་ཟག་དེ། །སྲིད་པ་བར་དོར་འཚང་རྒྱ་བས། །ཡན་ལག་བདུན་དང་མན་ངག་གཉིས། །ཡན་ལག་བདུན་དང་ལྡན་པར་བྱ། །གནས་པ་དམིགས་པ་འོད་གསལ་གསུམ། །ཟུང་འཇུག་རིགས་དྲུག་གྲོང་ཁྱེར་དགབ། །རྡོ་རྗེ་སེམས་དཔར་བསྒོམ་པ་གསུམ། །འོད་གསལ་ཟུང་འཇུག་རྩེ་བྲག་བསྒོམ། །མན་ངག་གཉིས་བསྒོམ་བར་དོ་ལ། །བསྒྱུར་བ་རྣམ་པ་གཉིས་བྱ་སྟེ། །ཡེ་ཤེས་ལྷ་སྐུར་བསྒྱུར་བ་དང་། །ཟུང་འཇུག་སྐུ་རུ་བསྒྱུར་བའོ། །གཟེར་ནི་རྣམ་པ་གཉིས་གདབ་སྟེ། །ཚེ་འདིའི་གཟེར་དང་བར་དོའི་གཟེར། །ཚེ་འདིའི་གཟེར་གཉིས་་གདབ་པ་ནི། །བལྟ་བ་བསྒོམ་དུ་མེད་པ་དང་། །སྤྱོད་པ་ཡེངས་སུ་མེད་པ་གཉིས། །རྣལ་འབྱོར་བརྩོན་འགྲུས་ཅན་གྱི་གཟེར། །བར་དོའི་དུས་སུ་གཟེར་གསུམ་ནི། །རིགས་དྲུག་གྲོང་ཁྱེར་གཅད་པ་དང་། །བར་དོའི་ལུས་ནི་ཡི་དམ་བསྒོམ། །འོད་གསལ་ཟུང་འཇུག་རྩེ་བྲལ་བསྒོམ། །གང་ཟག་ལེ་ལོ་ཅན་གྱི་ནི། །གཟེར་འདི་བར་མ་དོ་རུ་གདབ། །སྒོམ་ཐབས་རྣམ་པ་གཉིས་ཡོད་དེ། །རྣལ་འབྱོར་ཆེན་པོའི་སྒོམ་ཐབས་དང་། །སྲིད་པ་བར་དོའི་སྒོམ་ཐབས་སོ། །རྣལ་འབྱོར་ཆེན་པོའི་སྒོམ་ཐབས་གསུམ། །ལྟ་བ་སྤྱོད་པ་ཏིང་ངེ་འཛིན། །ལྟ་བའི་མཐར་ཐུག་རྣམ་པ་གཉིས། །བརྡར་བཏགས་པ་ཡི་ལྟ་བ་ནི། །ཐེག་པ་སོ་སོའི་བལྟ་བ་ཉིད། །བརྡར་མ་བཏགས་པའི་ལྟ་བ་ནི། །རྣལ་འབྱོར་ཆེན་པོའི་བལྟ་བ་ཡིན། །ཁོ་ན་ཉིད་ཀྱི་ཏིང་འཛིན་དང་། །དེ་དང་རྗེས་མཐུན་སྤྱོད་པ་དང་། །འོད་གསལ་ཟུང་འཇུག་མིང་ཅན་རྣམས། །མིང་ཅན་གཅིག་ཏུ་གྱུར་པ་ནི། །རྣལ་འབྱོར་པ་ཡིས་ཡོངས་ཤེས་བྱ། །སྤྱོད་པའི་མཐའ་རུ་ཐུག་པ་ནི། །འོད་གསལ་བ་དང་ཟུང་འཇུག་ཡིན། །ཏིང་ངེ་འཛིན་ལ་རྣམ་པ་བརྒྱད། །གསོལ་གདབ་སེམས་དོན་རླུད་དང་ནི། །རིལ་པོ་རྗེས་གཞིག་སྣང་བ་དང་། །མཚན་བཅས་མཚན་མ་མེད་པའོ། །བླ་མ་ལ་ནི་གསོལ་བ་གདབ། །བྱིན་རླབས་འབྱུང་བའི་གཞི་མ་ཡིན། ཁྲ་དང་རུས་པ་ཁྲག་རྣམས་ཀྱང་། །ཁོང་སྟོང་ཁྱེད་ཀྱི་སྐུ་ལ་མེད། །ནམ་མཁའ་ལ་ནི་འཇའ་ཚོན་ལྟར། །ཁྱོད་ཀྱི་སྐུ་ནི་སྟོན་པར་མཛད། །སེམས་དོན་ཤེས་པར་མ་བྱས་ན། །རྣལ་འབྱོར་ལམ་དུ་ཇི་ལྟར་བྱ། །སེམས་ཀྱི་ངོ་བོ་ཆོས་སྐུར་གཅིག །སྒོ་ནི་དབང་པོ་རྣམ་ལྔར་འབྱུང་། །སྤྱོད་ཡུལ་སྣང་བ་རྣམ་པ་གཉིས། །སྣང་བ་གཉིས་དང་མི་སྣང་གཉིས། །འཁྲུལ་བར་འབྱུང་བའི་སྣང་བ་ནི། །ཁམས་གསུམ་གྲོང་ཁྱེར་གསུམ་དུ་སྣང་། །མ་འཁྲུལ་པ་ཡི་སྣང་བ་ནི། །སེམས་ཉིད་འོད་གསལ་རང་བཞིན་ཉིད། །མི་སྣང་བ་ལ་གཉིས་ཡོད་དེ། །འཁྲུལ་བ་དག་གིས་མི་སྣང་བ། །རི་བོང་ར་དང་མོ་གཤམ་བུ། །ནམ་མཁའི་མེ་ཏོག་རུས་སྦལ་སྐྲུ། །སེང་གེའི་ཁ་ཆུ་ལ་སོགས་པ། །མི་སྲིད་པ་ཡི་ཆོས་རྣམས་ཡིན། །མ་འཁྲུལ་བ་ཡི་སྣང་བ་ནི། །འདུས་མ་བྱས་པའི་ཆོས་ཉིད་ནི། །ནམ་མཁར་འཛིན་པ་དང་བྲལ་བ། །ཆོས་སྐུ་དྲི་མ་མེད་པའོ། །སེམས་ཅན་རྣམས་ཀྱི་སྲོག་གྱུར་པ། །རླུད་ཞེས་བྱ་བས་ལས་ཀུན་བྱེད། །འདི་ནི་རྣམ་ཤེས་བཤོན་རྟ་སྟེ། །ལྔ་ཡི་བདག་ཉིད་བཅུ་མིང་ཅན། །རང་བཞིན་ཕྲ་བ་བརྒྱ་དང་ནི། །དྲུག་ཅུ་ཐེམ་པ་འདི་དག་ནི། །རླུད་གི་བཤོན་པའི་རྒྱུ་ཡིན་ཏེ། །ཉིན་དང་མཚན་དུ་རྒྱུ་བ་ཡི། །དེ་ཡང་ཇི་ལྟར་རབ་རྒྱུ་བ། །སྲོག་འཛིན་རླུད་ནི་སྲོག་གྱུར་པས། །སེམས་དང་ཐ་དད་མེད་པར་གཅིག །རྟོགས་དང་མ་རྟོགས་ཁྱད་པར་གྱིས། །འཁོར་འདས་ཀུན་གྱི་ལས་བྱེད་དེ། །རླུད་རྣམས་ཀུན་གཞི་ཉོན་མོངས་དང་། །ཡིད་དང་སྒོ་ལྔ་སྣང་བ་ནི། །རླུད་རྣམས་ཕྲ་བའི་གཟུགས་ཀྱིས་ནི། ཁྲེས་དང་ཡང་དག་འདྲེས་གྱུར་ནས། །དབང་པོའི་ལམ་ལས་བྱུང་ནས་ནི། །ཡུལ་རྣམས་ཀུན་ལ་འཇུག་པར་འགྱུར། །རྩ་བའི་ཕུང་པོའི་རླུད་ལྔ་ནི། །སྲོག་འཛིན་མེ་མཉམ་ཁྱབ་པར་བྱེད། །གྱེན་དང་ཐུར་དུ་རྒྱུ་བར་འདོད། །ཡན་ལག་དབང་པོའི་རླུད་ལྔ་ནི། །མིག་ལ་མེ་ཡི་རླུད་རྒྱུ་བས། །གཟུགས་རྣམས་ཐམས་ཅད་མཐོང་བར་བྱེད། །རྣ་བར་རླུད་གི་རླུད་རྒྱུ་བས། །སྒྲ་རྣམས་ཐམས་ཅད་ཐོས་པར་བྱེད། །སྣ་ལ་ས་ཡི་རླུད་རྒྱུ་བས། །དྲི་རྣམས་མ་ལུས་ཚོར་བར་བྱེད། །ལྕེ་ལ་ཆུ་ཡི་རླུད་རྒྱུ་བས། །རོ་རྣམས་ཐམས་ཅད་མྱོང་བར་བྱེད། །ལུས་ལ་ནམ་མཁའི་རླུད་རྒྱུ་པས། །རེག་བྱ་མ་ལུས་ཉམས་སུ་མྱོང་། །ཕྱི་དང་ནང་གི་རྟོག་པ་རྣམས། །རྩ་ལ་རླུད་ཞོན་རྒྱུ་བར་བྱེད། །རང་བཞིན་རྟོག་བཅས་བརྒྱད་ཅུ་ཉིད། །རླུད་གི་བཞོན་རྟས་ཉིན་མཚན་རྒྱུ། །དེ་ཕྱིར་རླུད་ཟིན་བསྒོམ་པར་འགྱུར། །རིལ་པོར་འཛིན་པའི་རྣམ་པ་ནི། །མགོ་བོ་ནས་ནི་རྐང་པའི་བར། །ཇི་སྲིད་སྙིང་གར་ཕྱིན་གྱི་བར། །རྣལ་འབྱོར་ཡང་དག་མཐའ་ལ་འཇུག །རིལ་པོར་འཛིན་པ་ཞེས་བཤད་དོ། །དེ་བཞིན་རྗེས་སུ་གཞིག་པ་ནི། །ཇི་ལྟར་དབུགས་ཀྱི་མེ་ལོང་ལ། །མཐའ་ནས་རིམ་གྱི་དབུས་ཁྱིམ་ལྟར། །རྣལ་འབྱོར་ཡང་དག་མཐའ་ལ་འཇུག །རྗེས་སུ་གཞིག་པ་ཞེས་བཤད་དོ། །སེམས་དེ་ཀུན་ཏུ་སྣང་བ་ནི། །སྒོ་ལྔས་ཡུལ་ལ་སོ་སོར་སྤྱོད། །རང་བཞིན་ཀུན་ཏུ་སྣང་བ་ནི། །ཡིད་ཀྱི་རྣམ་ཤེས་མ་གཡོས་པའོ། །མཚན་བཅས་བསྒོམ་པ་འདི་ལྟར་བྱ། །མཚན་བཅས་ཉིད་དུ་བསྒོམ་པ་དང་། །མཚན་བཅས་མཚན་མ་མེད་པར་བསྒྱུར། །མཚན་བཅས་འབྱུང་བའི་ཆོ་ག་དང་། །བྱུང་ནས་བརྟན་པར་བྱ་བའོ། །མཚན་བཅས་འབྱུང་བའི་ཆོ་ག་ནི། །བལྟས་པས་སྤང་བར་བྱ་བ་དང་། །མ་བསླད་པ་ཡི་གང་ཟག་ལ། །སེམས་གཟུང་ལ་སོགས་བལྟས་པས་འོང་། །བསྒོམ་པས་སྤང་བར་བྱ་བ་ཡང་། །མ་བསླད་གང་ཟག་བསྒོམ་དགོས་པས། །གློ་བུར་སྐུ་ལ་བལྟ་ཞིང་བསྒོམ། །བཤུར་བས་འོང་བར་བྱ་བ་ནི། །ཇི་ལྟར་སྤྲིན་ནི་སྣ་ཚོགས་པ། །མདོག་དང་དབྱིབས་ནི་ཐ་དད་པས། །ནམ་མཁའི་ངང་ལས་བྱུང་ནས་ནི། །དེ་ཉིད་དུ་ནི་ཐིམ་པར་འགྱུར། །དེ་བཞིན་རང་བཞིན་ཐམས་ཅད་ཀུན། །དོན་ནི་བརྒྱད་ཅུ་དེ་ལ་ཡང་། །འདོད་ཆགས་རྟོགས་པ་བཞི་བཅུ་དང་། །ཞེ་སྡང་སུམ་ཅུ་རྩ་གསུམ་དང་། །གཏི་མུག་རྟོག་པ་བདུན་སོགས་པ། །སྣང་བ་གསུམ་གྱི་རྒྱུ་ཅན་ཏེ། །མ་ལུས་ཡུལ་ལ་གཞུག་ནས་ནི། །འོད་གསལ་བར་ནི་འཇུག་པར་འགྱུར། །དེ་འདྲའི་རང་བཞིན་མ་ཤེས་པས། །མི་ཤེས་མུན་པ་སཁེབས་ནས་ནི། །དགེ་དང་མི་དགེའི་ལས་བྱས་ནས། །འགྲོ་བ་ལྔར་ནི་འཁོར་བར་འགྱུར། །ཐབས་ཆེན་རྒྱུད་དང་ལྡན་པ་ལ། །ཉོན་མོངས་བྱང་ཆུབ་ཡན་ལག་བཤད། །ལོག་གནོན་དགོས་ན་བྱ་བར་བཤད། །སྣང་བ་སྐུ་ལ་བལྟ་བར་བྱ། །མི་སྣང་རང་གི་ལུས་ལ་བྱ། །དབུགས་ལ་སྐྱོན་དེ་མ་བྱུང་ན། །དེ་ལ་ལོག་གནོན་བྱ་བ་ནི། །མི་དེ་དཔྱདདགོ་གོས་ཀྱིས་ཞག་གསུམ་གྲིལ། །སེམས་ནི་མི་འཕྲོ་བ་་ཚད་དགུག །དེ་ནས་སྐུ་བརྟན་ བརའདིནསབསྐྱོནགོབྱུང་། དེ་ཡིས་འོད། །མཚན་མ་ཅན་གྱི་མན་ངག་ནི། །དང་པོ་སྐུ་ལ་བལྟ་བར་བྱ། །བལྟས་པས་གོམས་པ་ཐོབ་གྱུར་ནས། །བདག་ཉིད་སྐུ་རུ་བསྒོམ་པར་བྱ། །བདག་ཉིད་སྐུ་ལ་གོམས་གྱུར་ནས། །དེ་ནས་དཀྱིལ་འཁོར་གཞུག་པར་བྱ། །རྣམ་པར་སྨིན་པའི་ལམ་པ་དེ། །དཀྱིལ་འཁོར་བཅུག་ལ་དབང་བསྐུར་བ། །ཐུན་མོང་དབང་དང་ཐུན་མིན་དབང་། །རིག་པའི་དབང་ལྔ་སྐུ་གསུང་ཐུགས། །མཚན་མ་ཅན་གྱི་མན་ངག་ཡིན། །དེ་ལྟར་ཐོབ་པའི་རྟིང་ལ་ནི། །དེ་ལྟར་བརྟན་པའི་ཆོ་ག་བྱ། །དགུན་གྱི་ཉི་མ་སུམ་ཆ་བྱ། །དབྱར་གྱི་ཉི་མ་ཆ་བཞི་བྱ། །ལུགས་སྐུ་ཀུན་ལ་གློ་གློར་ལྷ། །མང་པོར་བསྒོམ་དང་ཆེན་པོར་བསྒོམ། །རང་ཉིད་ལྷ་ཡི་སྐུར་བསྒོམ་མོ། །དེ་ལྟར་ཐོབ་པའི་རྟིང་ལ་ནི། །མཚན་བཅས་མཚན་མེད་བསྒྱུར་བ་ནི། །མཚན་མ་ཅན་ལ་བརྟེན་ན་ནི། །མཚན་མ་མེད་པར་རབ་ཏུ་སྐྱེ། །མྱུར་བར་འདོད་ན་སྤྱོད་པ་བྱ། །སྐུ་དེ་མྱུར་བར་མཚན་མེད་འདོད། །བརྟན་པའི་ཆོ་ག་མ་བྱས་པར། །སྐུ་ཡི་སྣང་བ་བྱ་བ་དང་། །མི་སྣང་ནམ་མཁའ་བཤུར་སྤྱོད་བྱ། །དེས་ནི་མྱུར་བར་མཚན་མེད་འགྲོ། །ཟླ་བ་ཙམ་མམ་ལོ་ཕྱེད་འདོད། །བརྟན་པ་བྱས་ཀྱང་བཤུར་བ་ཡིས། །སྤྱོད་པ་ལ་ནི་ནན་ཏན་བྱ། །དེས་ནི་མཚན་མ་ནུབ་ནས་ནི། །གང་དུ་ཞེན་མེད་མཚན་མ་མེད། །ལོ་གཅིག་ཙམ་ནས་མཚན་མེད་འོང་། །མཚན་མེད་རང་ལ་གཏད་ཅིང་བསྒོམ། །མཚན་མ་རང་བཞིན་ཉིད་ཀྱིས་འགག །མཚན་མེད་མི་རྟོག་པར་ནི་སྤྱོད། །སྤྱོད་པ་བྱ་དང་བཤུར་བ་དང་། །གཏད་ནས་བསྒོམ་པ་གསུམ་པོ་ངེས། །མཚན་བཅས་ཐུན་མོང་དངོས་གྲུབ་ཐོབ། །འཇིག་རྟེན་དྲེགས་པའི་ནུས་མཐུ་དང་། །མཚན་མ་ལྷ་སྐུ་ལ་དགའ་ན། །བརྟན་པའི་ཆོ་ག་བྱས་ལ་ནི། །མདོ་ཙམ་བསྒོམ་དང་རེས་མི་བསྒོམ། །མི་གསལ་ན་ཡང་དེ་ལྟར་བསྒོམ། །སེམས་ནི་འཕྲོ་བ་དགག་པར་བྱ། །གཉིས་སུ་མེད་པའི་སྤྱོད་པ་བྱ། །སྤྲོས་བཅས་དང་ནི་སྤྲོས་མེད་དང་། ཁེན་ཏུ་སྤྲོས་མེད་སྤྱོད་པ་བྱ། །མཚན་མ་ལ་ནི་ནན་ཏན་བརྟག །དེ་ལ་མཚན་མེད་ཤུགས་ཀྱིས་འཆར། །རྣམ་པར་གྲོལ་བའི་ལམ་དེ་ནི། །དེ་ཁོ་ན་ཉིད་མན་ངག་དང་། །དེ་དང་རྗེས་མཐུན་སྤྱོད་པའོ། །མཚན་མ་མེད་ལ་མན་ངག་གཉིས། །བར་ཆད་དགྲ་བསལ་ལམ་ཉིད་བསྒོམ། །དེ་ལ་བར་ཆོད་དགྲར་ཡང་བཞི། །དགྲ་འདུལ་བ་ཡི་མན་ངག་དང་། །དགྲ་དེ་བརྩོན་དུ་བཟུང་བ་དང་། །དགྲ་ནི་ཚར་ཡང་གཅད་པ་དང་། །དགྲ་ལ་དགྲར་མི་འཛིན་པ་ཡིན། །དགྲ་འདུལ་བ་ནི་བཤུར་བ་གཉིས། །ཕྱི་བཤུར་བ་དང་ནང་བཤུར་རོ། །ཕྱི་ཡི་བཤུར་ལ་རྣམ་གཉིས་ཏེ། །མངོན་སུམ་བཤུར་བར་བྱ་བ་ནི། །དབང་པོ་རླུད་ལ་འཆོར་ཉན་ཡོད། །ལྐོག་ཏུ་གྱུར་པའི་བཤུར་བ་ནི། །ཡུལ་གཞན་ལྐོག་ཏུ་གྱུར་པའོ། །ནང་གི་བཤུར་བ་གཉིས་ཡོད་དེ། །གཟུགས་ཅན་དག་ལ་བཤུར་བ་ནི། །རྟོག་པ་རགས་པ་གཟུགས་ཅན་བྱུང་། །རྣལ་འབྱོར་པ་ཡིས་མ་ཐུབ་ན། །ཤར་བ་དང་ནི་ནན་ཏན་བྱ། །སྤྲོས་བྲལ་དག་ལ་བཤུར་བ་ནི། །རྟོག་པ་བྱུང་ན་སྣ་ལ་གཏད། །ཡང་ཡང་བཤུར་ཏེ་བཤིག་པར་བྱ། །རྟོག་པ་བྱུང་ཚོར་མན་ངག་གོ །དགྲ་བོ་བཙོན་བཟུང་སྤྱོད་པ་གཉིས། །ཕྱི་དང་ནང་གི་སྤྱོད་པའོ། །ཕྱིའི་སྤྱོད་སྒོ་ལྔའི་རྣམ་ཤེས་ནི། །ཡུལ་ལ་མི་གཏང་རང་ལུགས་འཇུག །ནང་གི་སྤྱོད་པ་སེམས་མི་འཕྲོ། །དགྲ་དེ་ཚར་ཡང་གཅོད་པར་བྱ། །མི་དམིགས་པ་ཡིས་དུས་དང་ནི། །འོད་གསལ་དུས་སུ་བྱུང་བས་སོ། །དགྲ་ལ་དགྲར་མི་འཛིན་པ་ནི། །གཟུགས་སོགས་རྣམ་པར་རྟོག་པ་ནི། །བྱུང་ཡང་དགྲར་མི་འཛིན་པ་སྟེ། །ཟུང་དུ་འཇུག་པའི་དུས་ནའོ། །འདུལ་དང་བཙོན་དུ་བཟུང་བ་གཉིས། །མཉམ་པར་མ་བཞག་དུས་སུའོ། །ཚར་གཅོད་དགྲར་མི་འཛིན་པ་གཉིས། །མཉམ་པར་གཞག་པའི་དུས་ནའོ། །ལམ་ཉིད་བསྒོམ་པའི་མཚན་མེད་བཞི། །གནས་པ་དང་ནི་མི་དམིགས་པ། །འོད་གསལ་ཟུང་དུ་འཇུག་པའོ། །གནས་པ་སེམས་ནི་བཤུར་བར་བྱ། །བཤུར་བ་ཚད་དུ་ཕྱིན་ཙམ་ན། །སེམས་ནི་རང་ལོག་ཉིད་དུ་གྱུར། །བཤུར་བ་ཚད་དུ་ཕྱིན་པ་ཡིན། །ལ་ལ་ཚད་དུ་ཕྱིན་པས་འཐོབ། །ལ་ལ་བདེན་པའི་སྒོ་ནས་འཐོབ །ལ་ལ་ཤེས་པ་འཚམས་པས་འཐོབ །ལ་ལ་ཁ་བོ་དག་གིས་ཐོབ། །ལ་ལར་སྤྲོས་པ་བཅད་པས་ཐོབ། །དེ་དང་རྗེས་མཐུན་སྤྱོད་པ་གསུམ། །སྤྲོས་བཅས་སྤྱོད་པ་མཚན་མར་སྤྱོད། །སྤྲོས་མེད་སྤྱོད་པ་གསང་སྤྱོད་དེ། ཁེན་ཏུ་སྤྲོས་མེད་སྤྱོད་པ་ཡིན། །བུས་པ་རྣམས་ལ་མ་བསྟན་ཏེ། །ནུས་པ་མེད་པས་སྤྱོད་མི་ནུས། །རྒད་པོ་རྣམས་ལ་མ་བསྟན་ཏེ། །རྒས་པའི་ཕྱིར་ན་ནུས་པ་ཤོར། །རྣལ་འབྱོར་མིན་ལ་མི་བསྟན་ཏེ། །ལེ་ལོ་ཅན་གྱི་སྤྱོད་ཡུལ་མིན། །ཤིན་ཏུ་སྤྲོས་མེད་མ་ཡེངས་པ། །རྣལ་འབྱོར་པ་ལ་བསྟན་པ་ཡིན། །བསྒོམ་པ་ཐམས་ཅད་དེ་ལས་བྱུང་། །ལྟ་བ་བསྒོམ་དུ་མེད་པ་ནི། །སྤྱོད་པ་ཡེངས་སུ་མེད་པ་ཡིན། །མཚན་མ་མེད་པའི་མན་ངག་ཡིན། །དེ་ན་གཉིས་མེད་བསྒོམ་པར་བྱ། །གཉིས་མེད་བསྒོམ་པའི་རྟིང་ལ་ནི། །དང་པོར་སེམས་ནི་གནས་པ་སྐྱེ། །དེ་ནས་སེམས་ནི་དམིགས་པ་སྐྱེ། །དམིགས་པ་སྐྱེས་པའི་རྟིང་ལ་ནི། །རང་བཞིན་གྱིས་ནི་འོད་གསལ་སྐྱེ། །འོད་གསལ་སྐྱེས་པའི་རྟིང་ལ་ནི། །ཟུང་འཇུག་བསྒོམ་པ་སྐྱེ་བར་འགྱུར། །མཚན་མེད་པ་ཡི་མན་ངག་ཡིན། །ལེ་ལོ་ཅན་གྱི་རྣལ་འབྱོར་པ། །བར་དོར་འཚང་རྒྱའི་འཆིང་བ་གཉིས། །རིམ་གྱིས་འཆིང་དང་ཅིག་ཅར་འཆིང་། །ཤི་བ་དོན་དམ་བདེན་པ་ཡིན། །སྐྱེ་བ་མ་ལུས་ཀུན་རྫོབ་ཡིན། །སྐྱེས་པ་ཟུང་འཇུག་དབྱེར་མེད་དོ། །དེ་ལ་རིམ་གྱིས་འཆི་བ་ཡང་། །ཕུང་པོ་ཁམས་དང་སྐྱེ་མཆེད་རྣམས། །འབྱུང་བ་ཆེན་པོ་བཞི་ལ་ཐིམ། །འབྱུང་བ་ཆེན་པོ་བཞི་པོ་ཡང་། །ས་ནི་ཆུ་ལ་ཐིམ་པར་འགྱུར། །ཆུ་ནི་མེ་ལ་ཐིམ་པར་འགྱུར། །མེ་ནི་རླུད་ལ་ཐིམ་པར་འགྱུར། །རླུང་ནི་རྣམ་པར་ཤེས་ལ་ཐིམ། །རྣམ་ཤེས་སྣང་བ་དེ་ལ་ཐིམ། །སྣང་བ་སྣང་བ་མཆེད་ལ་ཐིམ། །སྣང་མཆེད་སྣང་བ་ཐོབ་ལ་ཐིམ། །སྣང་བ་ཐོབ་པ་བྱ་བ་ནི། །ཐམས་ཅད་སྟོང་པ་ཉིད་ལ་ཐིམ། །དེར་ནི་ཡོངས་རྫོགས་རྣལ་འབྱོར་གྱིས། །གསོལ་བའི་དོན་ནི་བཤད་བྱ་སྟེ། །སྟོང་པ་གསུམ་པོ་རྣམ་དག་གང་། །འོད་གསལ་བ་ནི་འདི་བཤད་དོ། །བསམ་གཏན་འདི་ནི་བསམ་གཏན་མིན། །འདིས་ནི་མཐར་ཐུག་མི་ཐོབ་སྟེ། །ནམ་མཁའ་ལྟ་བུར་ཕྱོགས་གྱུར་པས། །འོད་གསལ་བ་ནི་འདི་དམིགས་ཤིང། །འོད་གསལ་བ་ནི་གནས་ཐོབ་པས། །རབ་དགའ་གཟུགས་སུ་སྐྱེ་བར་འགྱུར། །དེ་ཚེ་རབ་དགའ་རྡོ་རྗེའི་སྐུ། །ཀུན་གྱི་དབང་ཕྱུག་ཐོབ་པར་འགྱུར། །འདས་པ་དང་ནི་མ་འོངས་པ། །ད་ལྟ་བྱུང་བའི་སྲིད་པ་གསུམ། །འོད་གསལ་བ་ནི་རྣམ་དག་པས། །སྐད་ཅིག་གཅིག་ལ་མ་ལུས་མཐོང་། །ཐམས་ཅད་སྟོང་པ་འོད་གསལ་བ། །ཤི་བ་ཤེས་རབ་ཕ་རོལ་ཕྱིན། །བདེ་བར་གཤེགས་པའི་སྙིང་པོ་ཡིན། །རྣལ་འབྱོར་པ་ཡི་གྲོགས་ཡིན་ནོ། །དེ་ལས་ཆོས་སྐུ་འབྱུང་བ་ནི། །བར་མ་དོ་ཡི་སྐུ་ཡིན་ཏེ། །ཇི་ལྟར་ཆུ་རླུང་དྭངས་པ་ལས། །ཉ་དག་མྱུར་དུ་འཕར་བ་ལྟར། །དེ་བཞིན་ཐམས་ཅད་སྟོང་གསལ་ལས། །རྒྱུ་འདྲ་བ་ནི་འབྱུང་བར་བཤད། །སྔོན་འབྱུང་སྲིད་པའི་ཤ་གཟུགས་ཅན། །དབང་པོ་ཀུན་ཚང་ཐོགས་མེད་ལྡན། །རིགས་མཐུན་ལྷ་མིག་དག་པས་མཐོང་། །བར་མ་དོ་ཡི་སྐུ་དེ་ཡིན། །འགྲོ་བ་རིགས་དྲུག་གྲོང་ཁྱེར་ཏེ། །གཉིས་སུ་མེད་པའི་སྤྱོད་པས་བཅད། །སྤྲོས་པའི་རྣམ་པ་ཆོད་གྱུར་ནས། །བར་མ་དོ་ཡི་སྐུ་དེ་ནི། །རྡོ་རྗེ་སེམས་དཔའི་སྐུ་རུ་བསྒོམ། །ཚེ་འདི་ཉིད་ཀྱིས་ཐམས་ཅད་མཁྱེན། །སངས་རྒྱས་ཞིང་ནས་མི་ལྡོག་པས། །བར་མ་དོ་རུ་མངོན་འཚང་རྒྱ། །འོད་གསལ་བ་ནི་བསྒོམ་པར་བྱ། །ཟུང་འཇུག་སྐུ་ཡང་འབྱུང་བར་འཀྱུར། །ཀུན་རྫོབ་དང་ནི་དོན་དམ་དག །སོ་སོའི་ཆ་ཡིས་ཕྱེ་གྱུར་ན། །ཡང་དག་ཉིད་དུ་འདྲེས་གྱུར་པས། །ཟུང་དུ་འཇུག་པར་དེ་བཤད་དོ། །ཟུང་དུ་འཇུག་པ་གཉིས་ཡོད་དེ། །སློབ་བཞིན་པ་དང་མི་སློབ་པ། །མི་སློབ་པ་རུ་གྱུར་ཙམ་ན། །བར་མ་དོ་རུ་མངོན་སངས་རྒྱས། །སྣང་བ་ཙམ་དང་གསལ་བ་ཙམ། །སྣང་ལ་རང་བཞིན་མེད་པ་གཉིས། །སངས་རྒྱས་ཞིང་ནས་མི་ལྡོག་པས། །བར་མ་དོ་རུ་མངོན་སངས་རྒྱ། །འབྲས་བུ་སྐུ་གསུམ་ཐོབ་འགྱུར་བ། །ཆོས་སྐུ་དྲི་མ་མེད་པ་དང་། །ལོངས་སྐུ་རྒྱལ་བ་རིགས་ལྔ་དང་། །སྤྲུལ་སྐུ་མཛད་པ་མཐར་ཕྱིན་སྐུས། །བདག་གཞན་མ་ལུས་བསྲུང་བ་དང་། །བགེགས་དང་བར་ཆད་བཟློག་པས་ན། །བདག་དོན་དྲེགས་པ་སྲུང་བཟློག་ཡིན། །ཞེས་གསུངས་སོ། །པདྨ་དབང་ཆེན་དྲེགས་པ་སྲུང་བཟློག་གི་རྒྱུད་ལས། མཆོག་གི་དངོས་གྲུབ་བསྒྲུབ་པ་སྟེ་ལེའུ་དྲུག་པའོ།། །།དེ་ནས་བཅོས་ལྡན་འདས་དཔལ་པདྨ་དབང་ཆེན་གྱིས་ཐུན་མོང་གི་དངོས་གྲུབ་བདག་གཞན་གྱི་བར་ཆོད་སྲུང་བཟློག་འདི་གསུངས་སོ། །གཏི་མུག་ཀླུ་གཉན་ས་བདག་དང་། །འདོད་ཆགས་མ་མོ་བདུད་མོ་དང། །ཞེསྡངགཤིནརྗེལསོགས་པའི། །རང་གི་བར་ཆོད་སྲུང་བ་དང་། །ཕས་ཀྱི་སྦྱོར་བ་བཟློག་པར་གསུངས། །ཨོསྔག་སོརབནག ཨ་ཀྲོ་ཏེ་ཀ་ཡ་མརྙ་ཀ་ཨེ་ས་ར་ཧཱུཾ༷་ཕཊ། ཨེ་ཏེ་ཕྲོ་ཏེ་ཡ་ས་ནན་སྲ་ཀྲོད་ཀྭ་རཀྟ་རཀྟ། ཕོ་རྒྱུད་ཐམས་ཅད་སྲུང་བའི་སྔགས་སོ། །ཨོ་ཨ་ནེ་བེ་ཤ༷་ཏྲ༷་བེ་ཤ༷་རུ་བེ་ཤ༷་བེ་ཤ༷་རུ་བེ་ཤ༷་ཀ་ཐུ༷་སྨྱོ། །ཏ་པ་ཡི་མུ་ལི་དུ་རུ་རུ་ཧཱུཾ༷་ཕཊ། ཀརྨ་ཙཎྜ་མུ་ཏི་དུ་རུ་ཧཱུཾ༷་ཕཊ། རསྒ་མུ་ཏེ་རུ་ལུ་རུ་ལུ་ཧུ༷་སྨྱོ་ཧུ༷། ཨེ་ག་ཛ་ཞི་ཙ་ར་ལི་པ་ལ་མི་ཤ་དགྲ་བོ་ལ་ཕཊ། ནག་མོ་རེ་མ་ཏི་པདྨ་མི་ཏ་རུ་ཏི་རུ་ཏི་རེ་མ་ཏི་ཧ་རྦད་སྦྱོ། །མོ་རྒྱུད་ཐམས་ཅད་སྲུང་བའི་སྔགས་སོ། །ཨོ་ག་རུ་ཌ་ཙ་ལེ་ཙ་ལེ། ཏ་ཀི་ཙ་ར་བི་ཙ་ཏེ་ཧུ་ཡ་ཧུ་ཡ། ཧུ་ལུ་ཧུ་ལུ། སུ་རུ་ཏེ་སུ་རུ་ཏེ། རཀྟ་རཀྟ། ཀླུ་གཉན་ས་བདག་ཐམས་ཅད་སྲུང་བའི་སྔགས་སོ། །ཨེ་ཀ་དུ་ན་བཟློག །སུ༷་ཏྲི་རྭ་ཛ་ཡ་བཟློག །ཨ་ཀྲོ་ཏེ་ཀ་ཐྲི་མཉུ་ཡ་མ་རྭ་ཛ་བཟློག །ཡ༷་ཏེ་རྒྱུར་ཐག་ཁྲོལ་བ་ལིང་དུ་བཟློག །ས་མ་ཡ་སུ་མ་ཏྲི་བཟློག །ཕོ་རྒྱུད་ཐམས་ཅད་བཟློག་པའི་སྔགས་སོ། །ཨོ་ཙ་དུར་མ་མ་སྙིང་ན་བཟློག །མ་མོ་ཙ་ར་ཡ་བཟློག །ཀྟ་ན་སྒག་རག་མོ་ཟློག །རཀྟ་རེ་མ་ཏི་ཤ་ན་མུ་རུ་སྨྱོ། །རག་མོ་ཀླད་ཁྲི་ས་ལ་ཙ་ཡ་ཟློག །མོ་རྒྱུད་ཐམས་ཅད་བཟློག་པའི་སྔགས་སོ། །ཨོ་ག་རུ་ཊ་ཙ་ལེ་ཙ་ལེ་ས་ནཱ་ག་དུ་ན་ཟློག ཏ་ཀི་ཙ་ཏེ་བི་ཏེ་སུ་མེ་ར་ཙ་བཟློག ཧུ་ཡ་ཧུ་ཡ་ས་ཁྲག་ར་ཙ་ཡ་ཟློག ཁུ་ལུ་ཧུ་ལུ་ནཱ་ག་ར་ཙ་ཡ་ཟློག །སུ་རུ་ཏེ་སུ་རུ་ཏེ་ས་ནཱ་ག་རྭ་ཙ་ཡ་བཟློག །ཀླུ་ཐམས་ཅད་དྲིལ་ཏེ་བཟློག་པའི་སྔགས་སོ། །དེ་ནས་རང་གཤེད་དབབ་པ་ནི། །གཤིན་རྗེ་སྐྱེས་པའི་ལྟོ་བར་བྲི། །རབས་ཆད་ཐོད་པའི་ནང་དུ་སྩལ། །སེང་ལྡེང་ཕུར་པས་གཟིར་བའི་སྔགས། །ཡ་མ་ཏྲིག་ནན། ཡུ་ཧུར་ཐུམས་ཛ། མུ་ར་ཡ་རྦད། མ་མོ་ཞིང་གི་པགས་པ་ལ། །བུད་མེད་ལྟོ་བར་འཁོར་ལོ་བྲི། །སྣེལ་གྲིའི་ཐོད་པའི་ནང་དུ་སྩལ། །སེང་ལྡེང་ཕུར་པས་གདབ་པའི་སྔགས། མ་མ་རུ་ལུ་ཏྲིག་ནན། མ་ཧུར་ཐུམས་ཛ། ཤཱ་ར་ཡ་རྦད། མུ་སྟེགས་བོན་པོའི་ལྟོ་བར་བྲི། །མོན་ཐོད་ནང་དུ་དུག་ཆུས་བརྡེག །ཏིར་ཏི་ཀ་ཏྲིག་ནན། ཐ་ཧུར་ཐུམས་ཛ། མྱ་ར་ཡ་རྦད། །ལྷ་ནི་པི་ཝང་ཁོག་པའམ། །ཤིང་སྡོང་ནང་དུ་བྲི་བར་བྱ། །མི་དཀར་ལྷོ་བར་བྲིས་ནས་ནི། །མཛོ་རྟོལ་ཐོད་པའི་ནང་དུ་གཞུག །གཏོར་མས་བརྡེག་པར་བྱས་ནས་ནི། ཁེང་གི་ཕུར་པས་གདབ་པར་བྱ། །དེ་པ་ཏྲིག་ནན། ཨ་ཧུར་ཐུམས་ཛ། མྱ་ར་ཡ་རྦད། །ར་དཀར་ལྟོ་བར་བྲི་བ་ཡང་། །སྲིན་པོ་སྲིན་མོའི་གཟུགས་བྲིས་ནས། །རབས་ཆད་ཐོད་པར་ལྕགས་པྱེས་བྲབ། །གྲི་ལྕགས་ཕུར་པས་བརྡེག་པའི་སྔགས། །ར་ག་ཏ་ཏྲིག་ནན། ར་ཧུ་ར་ཐུམས་ཛ། མྱ་ར་ཡ་རྦད། རག་མོ་ཏྲིག་ནན། རྭ་ཧུར་ཐུམས་ཛ། མུ་ར་ཡ་རྦད། བདུད་པོ་རྟ་ནག་ལྟོ་བར་བྲིས། །གཡག་རུར་གུ་གུལ་དུད་པས་བདུག །སྐྱེར་ཕུར་ཐོགས་ལ་སྔགས་འདིས་གཟིར། རུ་ཏྲ་ཏྲེག་ནན། དུ་ཧུར་ཐུམས་ཛ། མྱ་ར་ཡ་རྦད། བདུད་མོ་འབྲི་ཡི་ལྟོ་བར་བྲིས། །དྲེའུ་ཐོད་ཡུང་ཀར་དུད་པས་བདུག །ལྕགས་ཕུར་ཐོགས་ལ་སྔགས་འདིས་གཟིར། དུན་ཏིང་ཧྲིག་ནན། དུ་ཧུར་ཐུམས་ཛ། མྱ་ར་ཡ་རྦད། །གནོད་སྦྱིན་ཕོ་མོ་གཟིར་བ་ནི། །ཁ་ནས་མེ་འབར་ལྟོ་བར་བྲི། །མི་ཚིལ་དུད་པས་རྟ་ཐོད་བདུག །མཆོག་ཕུར་སྔགས་འདིས་གཟིར་བར་བྱ། །ཡསྒ་ཏྲིག་ནན། ཀྟ་ཧུར་ཐུམས་ཛ། མུ་ར་ཡ་རྦད། ཡག་མོ་ཏྲིག་ནན། ཀྟ་ཧུར་ཐུམས་ཛ། མུ་ར་ཡ་རྦད། བཙན་ནི་ཤ་བའི་ལྟོ་བར་བྲིས། །མུ་ཟིའི་དུད་པས་འཁོར་ལོར་བདུག ཁྲ་རུའི་ནང་དུ་ལྕགས་ཕུར་གཟིར།ཡ༷་ཏྲི་ཏྲིག་ནན། ཙ་ཧུར་ཐུམས་ཛ། མུ་ར་ཡ་རྦད། རྒྱལ་པོ་ར་དཀར་གཡང་གཞིར་བྲིས། །བྱི་བའི་ཐོད་པར་ཡུངས་ཀར་ཐུན། །ལྕགས་ཕུར་གཟིར་བའི་སྔགས་འདིའོ། །རྭ་ཙ་ཏྲིག་ནན། ཙ་ཧུར་ཐུམས་ཛ། མུ་ར་ཡ་རྦད།དམུ་ནི་ཕུག་རོན་ལྷོ་བར་བྲི། །རྟ་ནག་ཐོད་པར་ཟངས་ཕྱེའི་ཐུན། །བདུག་ནས་བྲི་ཞིང་བྲབ་པའི་སྔགས། །མུན་མུན་ཏྲིག་ནན། ས་ཧུར་ཐུམས་ཛ། མྱ་ར་ཡ་རྦད། རྡོ་རྗེ་ལེགས་པ་ར་ཁམ་ལྷོར། །ཁྱི་ནག་ཐོད་པར་ཡུངས་ཀར་བདུག །སེང་ལྡེང་ཕུར་པར་སྔགས་འདིས་གཟིར། བཛྲ་སུ་རྙུ་ཏྲིག་ནན། ཏྲི་ཧུར་ཐུམས་ཛ། མུ་ར་ཡ་རྦད། །རིགས་ངན་བན་དེའི་ལྟོ་བར་བྲིས། མཛོ་ཐོད་གཏོར་ཟོར་རལ་གྲིས་བརྡེག །རུ་ཏྲ་ཏྲིག་ནན། དྲི་ཧུར་ཐུམས་ཛ། བཱ་ར་ཡ་རྦད། ཡུལ་བདག་ལུག་ནག་ལྷོ་བར་བྲི། །རབས་ཆད་ཐོད་པར་མཚོན་སྣ་ཚོགས། །སྐྱེ་ཚེ་ཐུན་བྲབ་སྔགས་འདིས་གཟིར། རོལིཏྲིགནན། ཏྲིཧུར་ཐུམས་ཛ། མུ་ར་ཡ་རྦད། འགོང་པོ་བུས་པའི་ལྟོ་བར་བྲི། །ཕོང་བུའི་ཐོད་པར་སྲེ་ལོང་ཐུན། ཧ༷་ཤ༷་ཏྲིག་ནན། ཏྲི་ཧུར་ཐུམས་ཛ། མྱ་ར་ཡ་རྦད། དམ་སྲི་ཁྱི་དམར་ལྟོ་བར་བྲི། །ཁྱི་ཐོད་ནང་དུ་མཆོག་ཕུར་གཟེར། །ཁྱི་དམར་བྲུན་གྱི་ཐུམ་གྱིས་བྲབ། རུ་ཏྲི་ཧྲིག་ནན།ཏྲེ་ཧུར་ཐུམས་ཛ། མྱ་ར་ཡ་རྦད། ཀླུ་ནི་ཚངས་པའི་ལྟོ་བར་བྲི། །གླང་དམར་རྭ་ན་གླ་རྩིས་བྱུགས། །རྟ་རྨིག་ཐུན་གྱིས་བརྡེག་པར་བྱ། །ནཱ་ག་ཏྲིག་ནན། ཕུ་ཧུར་ཐུམས་ཛ། མྱ་ར་ཡ་རྦད། གཉན་ནི་སྡིག་པའི་ལྟོ་བར་བྲི། །སྤྲེའུའི་ཐོད་པརསྣ་ཚོགས་ཐུན། །གསྟོ་ཏྲིག་ནན། ས་ཧུར་ཐུམས་ཛ། མུ་ར་ཡ་རྦད། །ས་བདག་སྦས་པའི་ལྷོ་བར་བྲི། །ཕག་ཐོད་ནང་དུ་ཁྱི་ནག་བྲུན། །དུག་སྣ་ཚོགས་ཀྱིས་བྲབ་པར་བྱ། ས་ག་ཏྲིག་ནན། སུ་ཧུར་ཐུམས་ཛ། མྱ་ར་ཡ་རྦད། དྲེགས་པ་སྤྱི་ལ་གཟིར་བ་ནི། །རྭ་ཧུ་ལ་ཡི་ལྟོ་བར་བྲི། །ར་རོག་ཐོད་པར་སྤྱང་ལག་བྲབ། །ར་མཆིན་དཀར་གསུམ་མངར་གྱིས་བྲབ། །བཛྲ་སརྦ་དུཛིན་ཏྲིག་ནན། ཨེ་ཧུར་ཐུམས་ཛ། མྱ་ར་ཡ་རྦད། །གལ་ཏེ་རྫས་རྣམས་མ་ཚོགས་ན། །གཟུགས་རྣམས་གང་བྱེད་བྲིས་ནས་ནི། །ཁམ་ས་རྫ་ཡི་གྲུ་གསུམ་གཞུག །ཞག་གྲངས་ཉི་ཤུ་རྩ་གཅིག་ཏུ། །ཕུར་པས་གཟིར་ནས་རང་གཤེད་འབེབས། །ཀུན་ལ་མེ་ཆུ་འགལ་བ་སྩོགས། །སརྦ་དུཛིན་ཙིསྟ་རྦད་ན། སརྦ་ཙི་ན་ཙིསྟ་རྦད་ནན། ཤ་ཧྲུ༷་སྨྱུ་ར་ཡ་རྦད་ནན། དེ་ནས་རང་རངས་གནས་སུ་མནན། །ཐོག་དང་སེར་བ་དབབ་པ་ནི། །རྭ་ཧུ་ལ་ཡི་ལྟོ་བར་གཟིར། བཛྲ་སརྦ་དུཁུ།ཙིསྟ་རྦད་ནན། ཕྲོམ་ཕྲོམ་ཧྲིལ་ཧྲིལ་ཤར་ཤར་ཀྲུ༷་ཀྲུ༷་ཕོབ། དྲག་པོས་གཟིར་བའོ། །བཛྲ་སརྦ་དུ་ན་ཏྲིག་ནན། ཕྲོམ་ཕྲོམ་ཧྲིལ་ཧྲིལ་ཤར་ཤར་སྲུ༷་ཕོབ། །རང་བཞིན་གྱིས་གཟིར་བའོ། །བཛྲ་སརྦ་དུཁུ།ཙིསྟ་རྦད་ནན། སརྦ་བི་ན་ཙིསྟ་རྦད་ནན། ཕྲོམ་ཕྲོམ་ཧྲིལ་ཧྲིལ་ཤར་ཤར་སྲུ༷་ཕོབ། བཙན་ཐབས་སུ་གཟིར་བའོ། །སརྦ་བི་ན་ཙིསྟ་རྦད་ནན། སརྦ་དུཁུ་ཙིསྟ་རྦད་ནན། ཕྲོམ་ཕྲོམ་ཧྲིལ་ཧྲིལ་ཤར་ཤར་སྲུ༷་ཕོབ། སྤོགས་པས་གཟིར་བའོ། །ལྟས་ངན་སྣ་ཚོགས་གཏོང་བ་ནི། ཐོད་པར་ལྟས་ངན་སྣ་ཚོགས་གཟུགས། ཨ་ཡ་མ་དུ་རུ་ཙ་ཤ་ན་ལ། ཨེ་ཙ་ཐུན་ཕོབ། ཏྲིག་ནན་ཨེ་ཛ་ཐུན་ཕོབ། ཧུར་ཐུམས་ཛ། མུ་ར་ཡ་རྦད། །ཅེས་གསུངས་སོ། །པདྨ་དབང་ཆེན་དྲེགས་པ་སྲུང་བཟློག་གི་རྒྱུད་ལས། ཐུན་མོང་གི་བསྒྲུབ་པའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་ཀྱིས་ཕྲིན་ལས་འདི་དག་ཡོངས་སུ་གསུངས་སོ། །གཏི་མུག་ཅན་གྱི་སེམས་ཅན་ལ། །ཞི་བའི་ལས་ཀྱིས་གདུལ་བ་བྱ། །ཆུ་རླུང་རྒྱུ་བའི་དུས་དག་ཏུ། །ཡུ་ཡི་ཚོགས་ཀྱི་དཀྱིལ་འཁོར་བྱ། །ང་རྒྱལ་ཅན་ལ་རྒྱས་པའི་ལས། །ས་རླུང་རྒྱུ་བའི་དུས་སུ་ནི། །མ་ཡི་ཚོགས་ཀྱི་དཀྱིལ་འཁོར་དུ། །ཚེ་དང་བསོད་ནམས་དབང་ཐང་སྤེལ། །འདོད་ཆགས་ཅན་ལ་དབང་གི་ལས། །མེ་རླུང་རྒྱུ་བའི་དུས་སུ་བྱ། །བ༷་གྱི་ཚོགས་ཀྱི་དཀྱིལ་འཁོར་དུ། །ཡུལ་ཁམས་བུད་མེད་རྒྱལ་པོ་བསྡུ། །ཞེ་སྡང་ཅན་ལ་དྲག་པོའི་ལས། །རླུད་གི་རླུང་རྒྱུས་གཡེང་ཞིང་འཐོར། །ཨེ་ཡི་ཚོགས་ཀྱི་དཀྱིལ་འཁོར་དུ། །དགྲ་བགེགས་མ་ལུས་བསྒྲལ་བར་བྱ། །ཕྲིན་ལས་བཞི་ཡི་དུས་དག་ཏུ། །བདག་ཉིད་ཕྱག་རྒྱ་བཞི་ལྡན་བསྒོམ། །གཙོ་བོ་ཕྱག་རྒྱ་ཆེན་པོ་སྟེ། །ལྷུན་གྱིས་གྲུབ་པའི་དཀྱིལ་འཁོར་བསྒོམ། །ཡུལ་ན་དམ་ཚིག་ཕྱག་རྒྱ་སྟེ། །ཡབ་ནི་དོན་ལས་མི་འདའ་བསྒོམ། འཕྲོ་འདུ་ལས་ཀྱི་ཕྱག་རྒྱ་སྟེ། །མཆོད་འབུལ་སྒྲིབ་སྦྱང་དངོས་གྲུབ་བླང་། །དེ་དག་མ་ལུས་ཅིར་སྣང་ཡང་། །ཆོས་ཉིད་ངང་ལས་མ་གཡོས་ཀྱང་། །ཞི་བ་ཆོས་ཉིད་ཕྱག་རྒྱ་ཡིན། །འཁོར་དང་མྱ་ངན་འདས་པའི་ཆོས། །ཕྱག་རྒྱ་བཞི་ལ་འཕྲོས་ཤིང་འདུས། །ཨེ་ཝ༷་མ་ཡུའི་ཡི་གེ་བཞིས། །གསང་སྔགས་རྒྱུད་རྣམས་སྤྲོས་ཤིང་རྒྱས། །བསྡུས་ནས་ཕྱག་རྒྱ་བཞི་རུ་གསལ། །ཨེ་ནི་དྲག་པོའི་ཚར་ཡང་གཅོད། །ཝ༷་ནི་མ་ལུས་དབང་དུ་སྡུད། །མ་ཡིས་རྗེས་བཟུང་རྒྱས་པར་མཛོད། །ཡུ་ནི་ཐམས་ཅད་ཞི་བར་གནས། །ཆོས་རྣམས་སྐྱེ་བ་མེད་པ་ན། །ཕྲིན་ལས་རྣམ་བཞིའི་ཆོས་རྣམས་རྟོག །ཞེས་གསུངས་སོ། །པདྨ་དབང་ཆེན་དྲེགས་པ་བསྲུང་བཟློག་གི་རྒྱུད་ལས། ཕྲིན་ལས་ཀྱི་ལེའུ་སྟེ་བརྒྱད་པའོ།། །།དེ་ནས་འཁོར་རྣམས་དགྱེས་ནས། སྟོན་པས་སངས་རྒྱས་རྡོ་རྗེ་འཆང་ཆེན་པོ་ལྷུན་གྱིས་གྲུབ་པའི་དཀྱིལ་འཁོརལ། མེཏོགམསྡོརབདང་མསྡོརབཆེནཔོ། ཀུམུདྭདང་། ནོར་བུ་རིན་པོ་ཆེ་མཐོན་ཀ་དང་མཐོནཀཆེནཔོདང། རིན་པོ་ཆེ་སྣ་ཚོགས་པ་དང་། བདུད་རྩི་རྣམ་པ་ལྔ་དང་། ཤ་རྣམ་པ་ལྔས་མཆོད་ནས། ཐམས་ཅད་རྗེས་སུ་ཡི་རང་བར་གྱུར་ཏོ། །སྟོན་པ་སངས་རྒྱས་ཀུན་གྱི་ངོ་བོ་ཉིད་དེ་ནི་ཆོས་ཀྱི་སྐུ་དྲི་མ་མེད་པའི་ངང་དུ་བཞུགས་སོ། །འཁོར་རྣམས་ནི་སངས་རྒྱས་ཀྱི་བསྟན་པ་བསྲུང་བར་མཛད་དོ། །པདྨ་དབང་ཆེན་དྲེགས་པ་སྲུང་བཟློག་གི་རྒྱུད་ལས། །རྗེས་སུ་ཡི་རང་བའི་ལེའུ་སྟེ་དགུ་པའོ།། །།པདྨ་དབང་ཆེན་དྲེགས་པ་སྲུང་བཟློག་གི་རྒྱུད་རྫོགས་སོ། །རྒྱ་གར་གྱི་པརྙི་པདྨ་སལྷ་བ་དང་། བོད་ཀྱི་ལོ་ཙྭ་བ་ཁ་ཆེ་ཨུ་ནན་ཏས་བསྒྱུར་བའོ།། །། རྒྱ་གར་སྐད་དུ། ཤི་པདྨ་མ་ཧྭ་བ་ཤ། པདྨ་སྤོ་ཏེ་ཤྭ་ར་དུཛི་ཁུ་ད་ན྅་བེ་ཤ་ན་ཀརྨ་ཏནྟྲ་ནཱ་མ། བོད་སྐད་དུ། དཔལ་པདྨ་དབང་ཆེན་པདྨ་གར་གྱི་དབང་ཕྱུག་གིས་དྲེགས་པ་ཅན་གཟན་ལ་འབེབས་པའི་ཕྲིན་ལས་ཀྱི་རྒྱུད་ཅེས་བྱ་བ། དཔལ་རྡོ་རྗེ་དབང་ཆེན་པོ་ལྷུན་གྱིས་གྲུབ་པའི་སངས་རྒྱས་