Ngb-pt-0271-vol-03-text
Front
Body
དེར་བདག་ཅག་ཀྱང་གནས་པར་བགྱིའོ། །གལ་ཏེ་བདག་ཅག་དུས་ལས་གཡེལ་བར་གྱུར་ན་ནི། ཁྲོ་བོ་རྣམས་ཀྱི་མཐུས་བདག་ཅག་རྣམས་ཀྱི་ལུས་ཁོས་ཤིག །དཔལ་ཕྱག་ན་རྡོ་རྗེས་དཔང་མཛོད་ལ།བདག་ཅག་གཡེལ་བར་གྱུར་ན། ཕྱག་ན་རྡོ་རྗེས་བདག་ཅག་གི་མགོ་བོ་ཚལ་པ་བརྒྱ་རུ་ཁོས་ལ་སྙིང་དུམ་བུ་སྟོང་དུ་གཏུབས་ཤིག་བདག་ཅག་གི་ལུས་ལ་མེ་འབར་བར་ཤོག་ཅིག །ཅེས་དམ་བཅས་ནས་སླར་དེ་ཉིད་དུ་མི་སྣང་བར་གྱུར་ཏོ། །འཇམ་དཔལ་མ་རུ་ཙེ་མཆེད་བཞིའི་སྔགས་རྒྱུད་ལས། རྒྱུད་ལ་དམ་བདར་བ་དང་རྗེས་སུ་ཡི་རང་བའི་ལེའུ་སྟེ་དགུ་པའོ།། །།མ་རུ་ཙེ་མཆེད་བཞིའི་རྩ་བའི་རྒྱུད་རྫོགས་སོ།། །།༑ འཇམདཔལགསངབའིརྒྱུདཕྱིམ་འ །དེ་ནས་དེའི་ཚེ་དེའི་དུས་ན། ལྷ་མ་ཡིན་གཡོག་འཁོར་དང་བཅས་ནས་བཅོམ་ལྡན་འདས་ཡ་བཱརྙ་ཀའི་ཐད་དུ་འདུས་ཏེ། དེ་དག་གི་ནང་ནས་གཤིན་རྗེའི་རྒྱལ་པོས་འདི་སྐད་གསུངས་སོ། །ཀྱེ་མ་ཐུགས་རྗེའི་བདག་པོའི་གཙོ། །མ་རུ་ཙེ་ཡི་སྔགས་རྒྱུད་དོན། །ས་མ་ཏི་ཡི་རིམ་པ་དང་། །དབང་སྐུར་འཁོར་ལོ་བཤད་དུ་གསོལ། །ཧོ༷་ཞེས་ཞུས་པས། བཅོམ་ལྡན་འདས་ཆོས་ཉིད་ལ་བཞེངས་ནས་འདི་སྐད་ཅེས་གསོལ་ཏོ། །རྟོག་མེད་སྤྲོས་བྲལ་ཆོས་དབྱིངས་ནི། །ཆོས་རྣམས་ཀུན་གྱི་དེ་བཞིན་ཉིད། །རང་བཞིན་དངོས་མེད་སྤྲོས་བྲལ་ལ། །རིག་པ་སྤྲོས་བྲལ་མི་རྟོག་བསྒོམ། །ཀུན་ཏུ་སྣང་གི་ཡེ་ཤེས་ནི། །ཆོས་ཉིད་ཀུན་ཁྱབ་ཡེ་ནས་དོན། །མ་རྟོགས་སེམས་ཅན་འཁོར་བ་ལ། །སྙིང་རྗེ་ནམ་མཁའ་ལྟ་བུར་བསྒོམ། །རྒྱུ་ཡི་ཏིང་འཛིན་ཡེ་ཤེས་ནི། །སྐྱེ་བ་མེད་ལས་སེམས་ཉིད་ཧུ༷། །སྐྱེ་བའི་ཆོ་འབྲུལ་དམར་འབར་གསལ། །ཐམས་ཅད་སྐྱེ་བའི་རྒྱུ་རུ་བསྒོམ། །སེམས་ཉིད་ཧུ༷་གི་བྱིན་རླབས་ལས། །འབྱུང་བ་དབང་ཆེན་ས་བོན་སྤྲོ། །ཨེ་ཡ༷་ར་བ༷་སུ༷་ར༷་ཀེ་སྒྱུ༷། །དུར་ཁྲོད་འབར་བའི་གཞལ་ཡས་ཁང་། །ཡེ་ཤེས་འབར་བ་གནས་ཆེན་པོ། །མཐའ་དང་དབུས་མེད་ནམ་མཁའི་རྒྱ། །ཕྱི་དང་ནང་མེད་ཆོས་ཀྱི་མཁའ། །སྒྱུ༷་བི་ཤྭ་བི་ཤུརྙེ། དེ་དབུས་ཨེ་ལས་གྲུ་གསུམ་ནི། །འབར་བའི་འཁོར་ལོ་རྩིབས་བཞི་པ། །ཕོ་བྲང་ཟླ་གམ་མུ་ཁྱུད་ལྡན། །གྲུ་ཆད་བཞི་རུ་རྣམ་པར་གསལ། །དབུས་སུ་རཀྟ་འཁྲུགས་ཤིང་འཁྱིལ། །དྲེགས་པ་ཉི་ཟླའི་གདན་སྟེང་དུ། །སེམས་ཀྱི་རང་བཞིན་ཡིག་འབྲུའི་མཆོག །ཧུ༷་གི་རྣམ་པ་འདི་ཉིད་ལས། །འགྱུར་བའི་སྐུ་ནི་རྣམ་པར་འཇིགས། །ཨོ་མཉུ་སྙི་ཀུ་མྱ་ར། ཡ་མུརྙ་ཀ་མ་རུ་ཙེ་དེ་བ་ཏ་ཡེ་ཧུ༷། ཡང་དག་དཔའ་བོ་ཕྱག་རྒྱ་ཆེ། །གཤིན་རྗེའི་རྒྱལ་པོ་ཉིད་དུ་གསལ། །ཞལ་གཅིག་སྤྱན་གསུམ་ཕྱག་གཉིས་པ། །དུར་ཁྲོད་རྒྱན་ཆ་ཀུན་ལྡན་བསྒོམ། །དཔའ་བོ་དེ་ཡི་ཐུགས་ཀ་དང་། །ལྗགས་དང་ཤངས་ཀྱི་ ན་ནག་ལས། །ཡི་གེ་འབར་བ་ཛ་འཕྲོས་པས། །འཇིག་ ན་དྲེགས་པའི་ཚོགས་བཏུལ་ནས། །དཔའ་བོ་བཞི་ཡི་སྐུ་རུ་གསལ། །གོངབཞིན བསྐྱེདཔའིསྙིང་པོ་བརྗོད། །ཀུན་ཀྱང་དམར་པོ་སྐུ་ཆེ་བ། །ཞལ་གཅིག་ཕྱག་གཉིས་ག་་བག་ཅན། །གཙོ་ལ་བཀའ་ཉན་སྒྲོལ་བའི་གིང་། །རྒྱན་རྣམས་སོ་སོར་གསལ་བར་བསྒོམ། །དེ་ལ་དབང་བསྐུར་བྱིན་གྱིས་རློབས། །གསང་སྔགས་འདི་ཡིས་རབ་ཏུ་བྱ། །ཨོ་ཨ་ཀྲོ་ཏེ་ཀ་ཡ་མྱརྙ་ཀ །ཛ་ལ་ཛ་ལ་ཀྭ་ཡ་ཧུ༷་ཕཊ། ཨོ་ཨ་ཀྲོ་ཏེ་ཀ་ཡ་མྱརྙ་ཀ་བཱག་ཤ་ཡ་ཧ་ན་ཧ་ན་ཧུ༷་ཕཊ། ཨོ་ཨ་ཀྲོ་ཏེ་ཀ་ཡ་སྨྱུརྙ་ཀ །ཙིསྟ་པན་སྣྲིནྟྲ་སྣྲིནྟྲ་ཧུ༷་ཕཊ། དེ་ལྟར་ཏིང་འཛིན་གསལ་རྫོགས་ནས། །དམར་པོའི་འཁོར་ལོ་བཅའ་བ་ནི། །དུར་ཁྲོད་རོ་རས་ཁ་ཚོན་ལ། །ཁྲག་ཆེན་དུག་དང་ཐལ་ཆེན་གྱིས། །མདོག་བསྒྱུར་ཕུར་བཞིར་བརྒྱངས་ཏེ་བསྐམ། །རོ་སོལ་དུག་དང་ཐལ་ཆེན་གསུམ། །དེ་དག་སྦྱར་བའི་སྣག་ཚས་བྲིས། །དེ་ནས་འཁོར་ལོ་བྲི་བ་ནི། །འཁོར་ལོ་རྩིབས་བརྒྱད་ལྟེ་བ་ནས། ཁྲར་ནུབ་འཁོར་ལོ་རྩིབས་བཅུར་བྲི། །དེ་ནས་གསང་སྔགས་དགོད་པ་ནི། །མ་དང་ཙ་དང་པ་དང་ཡ། །ཕྱོགས་བཞིར་འཁོར་ལོ་བཞི་ལ་བྲི། །རུ་དང་ཏེ་དང་ཏ་དང་ཧུ༷། །མཚམས་ཀྱི་འཁོར་ལོ་བཞི་ལ་ཟི། །ཨོ་དང་ཕཊ་ནི་ཤར་ནུབ་བོ། །བསྒྲུབ་བྱའི་མིང་རུས་དབུས་སུ་བྲི། །གནོད་སྦྱིན་ཕྱོགས་ནས་བརྩམ་པར་བྱ། །འཁོར་ལོའི་རྩིབས་ནི་བཅུ་དག་ལ། །ཉི་མའི་མཎྜལ་བཅུ་གཞག་ལ། །ཡ་མ་རྭ་ཛ་ཡབ་ཡུམ་གྱིས། ཁྲར་ནུབ་གཉིས་ལ་གཡས་གཡོན་ནོ། །ཕྱོགས་བཞིར་མ་རུ་ཙེ་བཞིའོ། །མཚམས་བཞིར་བསེ་ཡི་མོན་པ་བཞི། །དེ་ལྟར་བསྒོམས་ལ་གསང་སྔགས་བཟླས། །ཕོ་ཉ་བཏང་ལ་བཀུག་ཅིང་གསད། །ཏིང་འཛིན་རྩེ་གཅིག་བཟླས་བརྗོད་བྱ། །གྲངས་ཀྱི་བསྙེན་པ་རྫོགས་པ་དང་། །ཐེབས་བྱེད་མཚོན་པའི་དུས་དག་ཏུ། །འཁོར་ལོ་གཞུང་དང་མཐུན་པས་གནན། །དེས་ནི་མི་འགྲུབ་མི་སྲིད་དོ། །མ་གྲུབ་ལན་གསུམ་སྤོགས་པར་བྱ། །དམར་པོའི་སྔགས་རྒྱུད་ཕྱི་མ་ལས། །ས་མ་ཏི་ཡི་རིམ་པ་དང་། །དབང་བསྐུར་བ་དང་འཁོར་ལོའི་ལེའུ་སྟེ་དང་པོའོ།། །།དེ་ནས་སྲིན་པོའི་རྒྱལ་པོས་འདི་སྐད་ཅེས་ཞུས་སོ། །བཅོམ་ལྡན་ཡ་མྱརྙ་ཀ་ཡང་། །མི་མངོན་ཆོས་ཀྱི་དབྱིངས་ནས་བཞེངས། །དྲེགས་པའི་འཁོར་ཚོགས་འདུལ་བ་དང་། །འགྲོ་བའི་དོན་ལ་གཤེགས་སུ་གསོལ། །འཇམ་དཔལ་སྒྲོལ་གིང་མ་རུ་ཙེ། །གཤིན་རྗེ་བདུད་དང་གནོད་སྦྱིན་རྣམས། ཁུ་གསུམ་འབར་བའི་དཀྱིལ་འཁོར་ནས། །དམ་ཉམས་བསྒྲལ་ཕྱིར་གཤེགས་སུ་གསོལ། །ཐོད་པ་མཐུན་པའི་ལས་བཤད་ཕྱིར། །སྲིན་པོ་བདག་གིས་གདུངས་ཏེ་སྨྲས། །བཅོམ་ལྡན་ཉིད་ཀྱི་བྱིན་བརླབ་མཛོད། །ཅེས་ཞུས་པས། དེ་ནས་དཔའ་བོས་བཀའ་སྩལ་པ། །ཛ༷༷ཧུ༷་བ༷་ཧོ༷༷ཨ་མ་ཧ་ན་ས་ནན། ཀ་ནན་ཏ་ཀ་པ་ར་པྱེ། ཛ༷༷ཧུ༷་བ༷་ཧོ༷༷ས་མ་ཡ་ཛ། ང་ཡིས་ཁྱོད་ཀྱི་ལས་དག་བཤད། །ཐོད་ཆེན་བཞི་ཡི་ཝ་ཐོད་བཞི། །ཡངནགཅིགལརབཏུ་བསྒྲུབ། །རཀྟས་བཀང་ལ་གསང་སྔགས་བྲི། །དཔྲལ་བར་ཡ་དྲི་གཡས་སུ་དུན། །ལྟག་པར་ནན་བྲི་གཡོན་དུ་ཡ༷། །སྣྲི༷༷྅༷༷འི་སྔགས་དང་སྤེལ་བར་བྲི། །སྤྱི་བོར་ཧུ༷་བྲི་ཛ་ཡིས་བསྐོར། །མ་བཞི་དེ་ཡི་ཕྱི་རོལ་བསྐོར། །ལྟག་རྩེ་གཡོན་དུ་མིང་རུས་གཞུག །མཁར་ནག་བཅིངས་ལ་དཀྱིལ་འཁོར་གཞག །གསང་བའི་སྔགས་རྣམས་བསྟན་པ་ནི། །ཨོ་རུ་ཙེ་ཏེ་པ་ན་པ་ཏྲ་ཡེ་གྲྭ་ཧྭ། དེ་ནི་ཡང་སྙིང་རྩ་བའི་སྔགས། །གསང་བའི་དྲག་སྔགས་བསྟན་པ་ནི། །ཨོ་ཤི་མཉུ་ཡ་མ་རྭ་ཛ། ཨེ་ཀ་ཛ་ཏི་ཛ། དྲི་ཛ་ཆེ་གེ་མོ་བཱ་ར་ཡ།ཨོསམཉུཤིམུཏྲཡམུརྙ་ཀ །ཨ་ཀྲོ་ཏེ་ཀ །བཛྲ་ཏ་ཀྲོ་ཏ་ཀ །དགྲ་བོའི་ཙིསྟ་རྦད། ཐུམ་རི་ལི་ལི་སྨྱོ། སྔགས་བཟླས་ཡུངས་ཀར་གདབ་པར་བྱ། །རཏྣ་ཏྲ་ཡུ་ལ་སོགས་པའི། །གཙོ་བཞི་རྩ་བའི་སྔགས་ཀྱིས་བྲབ། །དེ་ནས་བལ་མོའི་དྲག་སྔགས་ནི། །ཨོ་མ་མ་མ་ལ་ཡ༷། གྲོ་ལོ་རྣོ་ཆེ་གྲན་ལས་ན་ཡ། མ་ཏི་ཏི་ཏ་རྦད་ན་ཐུམ་རི་ལི་ལི། ཤ་ཏི་ཏི་ཏ་རྦད་ན་ཐུམ་རི་ལི་ལི་ཁ༷་ཆུ༷་ན་ཡ་རྦད་ན་ཐུམ་རི་ལི་ལི། ཡསྒ་ནི་ཡ་སྟི་རྦད་ན་ཐུམ་རི་ལི་ལི།དགྲ་བོ་ནི་ཡ་རྦད་ན་ཐུ༷་རི་ལི་ལི། བར་བར་ཧི༷༷སྐྱི༷༷བཞི་བསྐོར་གནན། ་རྐོན་ཏུ་རྫོགས་ནས་ཐུན་དུ་འཕང་། །ཐེམས་པ་ཐེམས་ཀྱི་མཚན་མ་རྟགས། །མཇུག་ཏུ་ལུང་དང་ལྡན་པར་བྱ། །ལས་མ་གྲུབ་ཅིང་རྟགས་འགོར་ན། །སྲོག་དང་བསྒྲགས་ལ་ཐོད་པར་བསྒྲུབ། །གིང་ལྕམ་ཕོ་མོའི་ཕྲིན་ལས་བྱ། །སྙི༷༷ལྗོ༷༷དམ་ཚིག་སྔགས་ཀྱིས་གནན། །འཇམ་དཔལ་མ་རུ་ཅེའི་སྔགས་རྒྱུད་ཕྱི་མ་ལས་སྤྱན་དྲང་བ་དང་ཐོད་པ་སྒྲུབ་པའི་ལེའུ་སྟེ་གཉིས་པའོ།། །།དེ་ནས་གནོད་སྦྱིན་གྱི་རྒྱལ་པོས་འདི་སྐད་ཅེས་ཞུས་སོ། །ཡ་མྱརྙ་ཀ་གཤིན་རྗེ་གཤེད། །ཐུགས་རྗེ་ཆེན་པོའི་བྱིན་རླབས་ལས། །འཁོར་བའི་དམ་སྲི་གདུལ་བའི་ཕྱིར། །མྱ་ངན་མི་འདའ་བཞུགས་སུ་གསོལ། །ཐུགས་རྗེའི་སྤྲུལ་པ་སྒྲོལ་བའི་གིང་། །གནོད་སྦྱིན་ཆེན་པོ་མ་རུ་ཙེ། །མཐུ་སྟོབས་དྲག་པོའི་བྱིན་རླབས་ཀྱིས། །དམ་ཉམས་བསྒྲལ་ཕྱིར་བཞུགས་སུ་གསོལ། །རྫས་དང་མཐུན་པའི་ལས་བཤད་ཕྱིར། །བདག་ཅག་གིས་ནི་གཉིས་མེད་བཤད། །དཔའ་བོ་ཉིད་ཀྱིས་བྱིན་བརླབ་མཛོད། །ཅེས་ཞུས་པས། །ཨོ་ཀུ་མ་རྭ་ཛ། ཡསྒ་མ་རུ་ཙེ་ས་མ་ཡ་ཏིསྟ་ལྷན། ཁྱེད་ཀྱི་ལས་ནི་བཤད་པར་བྱ། ཁྲུ་གསུམ་ཟླ་གམ་འཁོར་ལོ་བཞི། །སྒོ་ལྡན་དཀྱིལ་འཁོར་བྲིས་ནས་ནི། །དེ་ལ་རྫས་དགོད་གྲུ་གསུམ་དབུས། །ལྷོ་སྨྱུག་ཚིགས་བཅད་མིང་རུས་གཟུགས། །ཙ་ར་དཀར་པོའི་ཙིསྟ་དང་། ཁྱི་ཕག་དམར་ཁྲའི་རཀྟ་དང་། །མུ༷་ས་ཆེན་པོའི་གཏོར་མ་བཤམ། །རཀྟའི་མཆོད་པ་སྨན་ཕུད་རྣམས། །ཟླ་གམ་གསུམ་ལ་རིམ་བཞིན་དགོད། །འཁོར་ལོ་བཞི་ལ་ཕུར་པ་བཞི། །ཁམ་ཕོར་ནང་དུ་དུག་སྣ་གསུམ། །སྔགས་བཟླས་ཐུན་ཟོར་དབབ་པར་བྱ། །ཡ་ནཱ་རྭ་ཛ་ཀླུ་ལིང་བ་སང་སང་། ཀུན་བ་སང་སང་། ཡོ་ལྕགས་སང་ཀུ་ཏ་ཀི་ཧུ༷་ཕཊ། མཇུག་ཏུ་ཐོད་པ་གཏོར་མར་བཅས། །ལུང་དང་མཐུན་པའི་གནས་སུ་སྦ། །མ་རུ་ཙེ་རུ་མངའ་གསོལ་ཏེ། །སྨྱུག་མ་ཐོད་པའི་སྟེང་དུ་གཟུག །ཐོད་པ་བཀྲ་མི་ཤིས་པར་བྱ། །འཇམ་དཔལ་མ་རུ་ཅེའི་སྔགས་རྒྱུད་ཕྱི་མ་ལས། བཞུགས་སུ་གསོལ་བ་དང་རྫས་སྒྲུབ་པའི་ལེའུ་སྟེ་གསུམ་པའོ།། །།དེ་ནས་བདུད་ཀྱི་རྒྱལ་པོས་འདི་སྐད་ཅེས་ཞུས་སོ། །སྐུ་གསུང་ཐུགས་ཡོན་རྫོགས་པ་ཡི། །ཡ་མྱརྙ་ཀ་གཤིན་རྗེ་གཤེད། །མ་རིག་མུན་པ་སེལ་མཛད་ལྷ། །རྩེ་གཅིག་དང་བས་ཕྱག་འཚལ་ལོ། །སྐུ་གསུང་ཐུགས་དང་ཕྲིན་ལས་ལས། །སྤྲུལ་པ་སྒྲོལ་གིང་དུག་ལྔའི་གཤེད། །དམ་ཉམས་དབྱིངས་སུ་སྒྲོལ་མཛད་པའི། །མ་རུ་ཙེ་ལ་ཕྱག་འཚལ་ལོ། །སྲོག་སྒྲུབ་མཐུན་པའི་ལས་འཚལ་ཕྱིར། །བདག་ཅག་ལུས་ངག་ཡིད་ཀྱིས་ཕྱག་འཚལ་ལོ། །བཅོམ་ལྡན་གཤིན་རྗེས་བྱིན་བརླབ་མཛོད། །ཅེས་ཞུས་པས། དེ་ནས་དཔའ་བོས་བཀའ་སྩལཔ། ཨོམསྣྲུཤིཀུབཱརནམོ། །ཨ་ཏི་པུ་ཧོ། །པྲ་ཏི་པུ་ཧོ། །ཁྱོད་ཀྱི་ལས་ནི་བཤད་པར་བྱ། །རྨེ་ལུག་དང་ནི་ནག་པོ་ཡི། །སོག་པ་དག་ནི་གཡས་པ་ལ། །གང་ཡིན་དེ་ལ་བཀུག་ཅིག་བསྟིམ། །མ་ཡེངས་བརྩོན་པའི་སྔགས་ཀྱིས་བྲབ། །གཟུགས་དང་ཤེས་དཔྲལ་སྙིང་ཡང་དབྱུང་། །ནང་གྲོལ་གཟུགས་སུ་བཅས་པ་རྣམས། །གཤིན་རྗེའི་ལྷ་ཚོགས་ཀུན་ལ་བསྟབ། །མགོ་ལྤགས་གཡང་གཞི་མ་བྲལ་དགྲམ །དཀྱིལ་དུ་སྙིང་དང་མིང་རུས་དགྲམ། །དྲག་པོའི་ཕུར་བུ་འདེགས་པར་བྱེད། །སྙིང་དང་མིང་རུས་མགོ་ཡི་ཁར། །བཅུག་ལ་ཕུར་གདབ་སྔོ་དམར་དཀྲི། །གཡང་བཞིའི་ནང་དུ་དྲིལ་གཏུམས་ལ། །ལུང་དང་མཐུན་པའི་གནས་སུ་གནན། །ཐེངས་གསུམ་སྤོགས་པས་མ་གྲུབ་ན། །གཤིན་རྗེ་ཉིད་ཀྱང་བརླག་པར་འགྱུར། །ཁྲག་དང་སོལ་བ་སྦྱར་བ་ཡི། །གཏོར་མ་དགོང་བཏང་ལས་གཉེར་གཏད། །འཇམ་དཔལ་མ་རུ་ཅེའི་སྔགས་རྒྱུད་ཕྱི་མ་ལས། ཕྱག་བཚལ་བ་དང་སྲོག་བསྒྲུབ་བསྟན་པའི་ལེའུ་སྟེ་བཞི་པའོ།། །།དེ་ནས་དྲང་སྲོང་གི་རྒྱལ་པོ་མེ་ལྷས་ཞུས་པ། ཨེ་མ་ཧོ་ཡང་དག་དཔའ་བོ་ཆེ། །ཉོན་མོངས་རུ་དྲ་བསྒྲལ་བའི་ཕྱིར། །མྱ༷་ས་རཀྟ་རུས་པའི་ཚོགས། །དུག་གསུམ་རྣམ་དག་མཆོད་པར་བཞེས། །དཔའ་བོ་སྒྲོལ་གིང་མ་རུ་ཙེ། །དམ་ཉམས་རྡུལ་དུ་བརླག་པའི་ཕྱིར། ཁྲ་ཁྲག་སྙིང་གི་མཆོད་པ་བཞེས། །དུག་ལྔ་རྩད་གཅོད་མཆོད་པར་བཞེས། །སྒྱིན་བསྲེག་མཐུན་པའི་ལས་འཚལ་ཕྱིར། །བདག་གིས་དགའ་བར་སྨྲས་པ་ལ། །ཡང་དག་དཔའ་བོས་བྱིན་རླབས་མཛོད། །ཅེས་ཞུས་པས། །དེ་ནས་དཔའ་བོས་བཀའ་སྩལ་པ། ཨོ་མཉུ་ཤི་ཀུ་མྱ་ར་ཁུ་ཧི། ཨ་ནུ་རུ་པ་ཁུ་ཧི། སུ་རུ་པ་ན་ཁུ་ཧི། ཀུ་མ་མ་ར་ཙནྟྲ་ཁུ་ཧི། ཏ་ཀུ་པ་ར་མ་ཏ་ཁུ་ཧི། ཁྱེད་ཀྱི་ལས་ནི་ང་ཡིས་བཤད། །ཧོམ་ཁུང་གྲུ་གསུམ་གཏིང་དུ་རེ། །དུར་ཁྲོད་གདུག་པའི་མེ་སྦར་ལ། །སེང་ལྡིང་ཤིང་ལ་ཡམ་ཤིང་བྱ། །དུག་དང་སྐེ་ཚེ་ར་ཁྲག་གིས། །སྦྲུལ་གྱི་པགས་པ་དག་ལ་ནི། །གཟུགས་དང་མིང་རུས་བྲིས་ལ་བསྲེག །གསང་སྔགས་འདི་ཡིས་སྦྱིན་བསྲེག་དབུལ། །སརྦ་ཤ་ཏྲུ༷། ད་ཧ་ད་ཧ། པ་ཙ་པ་ཙ་ཧུ༷་ཕཊ།རྩ་བའི་སྔགས་དང་མེ་སྔགས་སྤེལ། །རབ་འབྲིང་གསུམ་གྱིས་སྦྱིན་བསྲེག་བྱ། །ར༷་ལས་མེ་ལྷ་ཇི་ལྟ་བར། །དེ་ལ་ཡེ་ཤེས་མེ་ལྷ་བསྟིམ། །མཆོད་ཅིང་བསྟོད་ལ་ཕྲིན་ལས་བཅོལ། །དེ་ནས་གཤིན་རྗེའི་མཎྜལ་ལྷ། །རིམ་པས་མཆོད་ཅིང་སྤྱིན་བསྲེག་དབུལ། །བརྩོན་པས་ཡང་ནས་ཡང་སྦྱོར་བྱ། །མཆོད་ལྔ་དབུལ་བའི་མེ་སྔགས་ནི། །དྲག་ཏུ་དྲག་ཏུ་བཟླས་པ་བྱ། །མེ་པྲ་རྟགས་ཀྱི་མཚན་མ་ཡི། །གཟུགས་དང་ཁ་དོག་སྒྲ་དང་དྲི། །དུད་པ་ཚ་ཚ་བརྟག་པར་བྱ། །པྲ་རྟགས་ངན་ན་རབ་ཏུ་སྦོགས། །དེས་ནི་སྦྱིན་བསྲེག་ལས་སུ་འགྱུར། །འཇམ་དཔལ་མ་རུ་ཅེའི་སྔགས་རྒྱུད་ཕྱི་མ་ལས། མཆོད་པ་དང་སྦྱིན་བསྲེག་བསྟན་པའི་ལེའུ་སྟེ་ལྔ་པའོ།། །།དེ་ནས་ཀླུའི་རྒྱལ་པོས་འདི་སྐད་ཅེས་ཞུས་སོ། །མཉམ་ཉིད་མཐུ་མངའ་གཏུམ་ཆེན་འབར་བའི་སྐུ། །དུག་གསུམ་ཟ་བྱེད་བསྐལ་པའི་མེ་ལྟར་འབར། །མ་རུངས་འཇོམས་མཛད་ཁྲོ་བོ་བགེགས་ཀྱི་རྗེ། །མཐར་བྱེད་གཤོན་ནུ་ཁྱོད་ལ་ཕྱག་འཚལ་བསྟོད། །འཇམ་དཔལ་གཤིན་རྗེ་གཤེད་པ་ཡི། །སྐུ་གསུང་ཐུགས་དང་ཕྲིན་ལས་ལས། །སྤྲུལ་པའི་ཕོ་ཉ་མ་རུ་ཙེ། །ཀུ་མ་རྭ་ཛ་སྒྲོལ་བའི་གིང་། །ད་ཤ་སྒྲི་བ་བདུད་ཀྱི་གིང་། །ཡ་མ་རྭ་ཛ་གནོད་སྦྱིན་གིང་། །ཁམས་གསུམ་སྒྲོལ་གིང་ཆེན་པོ་བཞི། །སྐྲུ་གྲི་དབྱུག་ཐོ་རལ་གྲི་དང་། །ཞགས་པ་ཐོགས་པའི་དམག་དཔོན་བཞི། །འཁོར་གྱི་གིང་བྲན་མང་བས་བསྐོར། །ལས་བྱེད་ཆེན་པོ་བཞི་ལ་བསྟོད། །གནན་པ་མཐུན་པའི་ལས་འཚལ་ཕྱིར། །བདག་གིས་བསྟོད་པ་སྨྲས་པ་ལ། །འཇམ་དཔལ་ཉིད་ཀྱིས་བྱིན་བརླབ་མཛོད། །ཅེས་ཞུས་པས། དེ་ནས་དཔའ་བོས་བཀའ་སྩལ་པ། ན་མོ་རཏྣ་ཏྲ་ལྭ་ཡ། ཙ་ལ་པྲ་ཙ་ལ། ཤིག་ག་མི་ནི་གྲྭ་ཧྭ། །ཁྱོད་ཀྱི་ལས་ནི་བདག་གིས་བཤད། །བྱ་རོག་འུག་པའི་དང་རུ་ལ། །འགོ་བའི་ལྷ་དང་མིང་རུས་གདགས། །སྔགས་བཟླས་ཡུངས་ཀྱིས་བྲབ་པར་བྱ། །འཁོར་ལོ་ཐོད་པ་གཡང་གཞི་ལ། །སྔོ་དམར་ལྕགས་ཐག་དཀར་ནག་དཀྲི། །ལ་ཆའི་རྒྱས་བཏབ་རེ་བས་གྲིལ། །ལ་ཆས་རྒྱས་གདབ་ཞབས་མས་གྲིལ། །རྒྱ་ནི་རྡོ་རྗེ་རྒྱ་གྲམ་གདབ། །དཀྱིལ་དུ་ལམ་བྲིས་རི་རབ་བསྐྱེད། །གནས་པའི་ལས་ནི་རྣམ་གསུམ་སྟེ། །ནཱ་ག་གནས་པའི་ཕོ་བྲང་དང་། །མཁར་པོ་ཆེའི་སྒོ་སྲང་དང་། ཁྲ་གྲོ་གསུམ་མདོ་དག་ཏུ་གནན། །གནོད་སྦྱིན་གནས་པའི་མདུན་སྲང་ངམ། །རྒྱ་གྲམ་ལམ་གྱི་བཞི་མདོའམ། །དུར་ཁྲོད་ཆེན་པོའི་གཏིང་དུ་སྦ། །མཎྜལ་ཆེན་པོའི་གཏིང་དུ་བསམ། །ཡང་ན་ཧོམ་ཁུང་ཉིད་དུ་གནན། །ལྷག་མ་རླུད་ལ་ཕྱར་ཏེ་གནན། །གཤིན་རྗེ་འབར་བའི་ལྷ་ཚོགས་དང་། །གནས་ཀྱི་བདག་པོ་ཉིད་ལ་གཏད། །སྔགས་བཟླས་ལོག་པའི་སྨོན་ལམ་གདབ། །ལ༷་ལས་གསེར་གྱི་རི་རབ་སྟེང། །དེབཞིནགཤེགསཔའི་ཕོ་བྲང་གདབ། །བྱང་ཆུབ་མྱུ་གུ་མ་སྐྱེས་པར། །སུས་ཀྱང་གཏང་བར་མི་འགྱུར་རོ། །འཇམ་དཔལ་མ་རུ་ཅེའི་སྔགས་རྒྱུད་ཕྱི་མ་ལས། བསྟོད་པ་དང་མནན་པའི་ལེའུ་སྟེ་དྲུག་པའོ།། །།དེ་ནས་ཡང་མ་མོ་རྣམས་ཀྱིས་འདི་སྐད་ཅེས་ཞུས་སོ། །བཅོམ་ལྡན་འཇམ་དཔལ་གཤིན་རྗེ་ལ། །མ་རུ་ཙེ་ཡི་འཁོར་གྱིས་བསྐོར། །གཤིན་རྗེ་ཁྱེད་ལ་མཆོད་པའི་བྱིན་རླབས་ཀྱིས། །ཕྱོགས་བཅུའི་འཇིག་རྟེན་ཁམས་རྣམས་སུ། །སངས་རྒྱས་བསྟན་པ་རྒྱས་གྱུར་ནས། །གཤིན་རྗེ་མང་པོ་བསྲུང་བར་ཤོག །ལོག་པར་ལྟ་བའི་སེམས་ཅན་ཀུན། །རྒྱུད་རྣམས་རྟག་ཏུ་བརླག་པར་ཤོག །བླ་མེད་བྱང་ཆུབ་ས་ཐོབ་ནས། །ཁྱེད་དང་མི་འབྲལ་འགྲོགས་པར་ཤོག །ཁྲག་ཐུན་མཐུན་པའི་ལས་འཚལ་ཤོག །བདག་གིས་སྨོན་ལམ་སྨྲས་པ་འདི། །བཅོམ་ལྡན་གཤིན་རྗེས་བྱིན་རླབས་མཛོད། །ཅེས་ཞུས་པས། དེ་ནས་དཔའ་བོས་བཀའ་སྩལ་པ། ཨོ་ཨེ་ས་ཧུ། པེ་ས་ཧུ་ས་མ་ཡ་བག་ཤ་ཡ། །ཁྱོད་ཀྱི་ལས་ནི་བདག་གིས་བཤད། །ཐོད་པ་རབས་ཆད་ནག་པོའམ། །མཚན་ངན་ཐོད་པས་ཐུན་སྣོད་བྱ། །ཁྲག་སྣ་བརྒྱའམ་ཡང་ན་ཁྲི། །ཐོད་པར་དུག་དང་བསྲེས་ལ་བླུག ཁུད་ཆེན་གཟུངས་ཐག་བཏགས་ལ་བཟུང་། །རབ་ཏུ་གསང་བའི་ཐུན་སྔགས་བཟླས། །ཏྲི་ལིང་ཤང་ཀ་མྲ སྙིང་ཁྲག་རྩ་ལ་བྲེང་བྲེང་། དགྲ་བོའི་སྲོག་ཙ་དུན་རྦད། སྔགས་དེ་ཡུངས་ཀར་སྐེ་ཚེ་ལ། །སྔགས་ལ་ཐོད་པའི་ཁྲག་ལ་བསྟིམ། །ཁོལ་ལ་རླངས་པ་བྱུང་བ་དང་། །འཚེག་ཅིང་འགུལ་ནས་འཕང་བར་བྱའོ། །བདག་ཉིད་མ་རུ་ཙེ་རུ་སྒོམ། །དབྱུག་ཐོ་ཕྱར་ཏེ་སྟག་ལྤགས་མགོ །འཇིག་རྟེན་ལྷ་འདྲེ་ཐམས་ཅད་ལ། །བདེན་བདར་ཟོར་ལམ་བསལ་བར་བྱ། །གཤིན་རྗེ་བསྐུལ་ཏེ་ཁྲག་ཐུན་འཕང་། །ཐོད་པ་བུབ་ན་གདོན་མི་ཟ། །གཡས་གཡོན་བལྟས་ན་ཕོ་མོ་ལ། །ཚུར་ལ་