Ngb-pt-0257-vol-03-text
Front
Body
རྒྱ་གར་སྐད་དུ། ཨུརུ་མཉུ་ཤི་ཀརྨ་ཙ་ཏུ་༔་ཀྲ་གུ་རྒྱ་ཏནྟྲ། བོད་སྐད་དུ། འཕགས་པ་འཇམ་དཔལ་ལས་བཞི་འཁོར་ལོ་གསང་བའི་རྒྱུད། འཕགས་པ་འཇམ་དཔལ་ཡེ་ཤེས་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དགྱེས་པ་ཆེན་པོར་གྱུར་ཏེ། ཡུམ་ཆེན་མོ་དང་གཉིས་སུ་མེད་པའི་མཁའ་ལ་བཞུགས་པ་འདི་ལྟ་སྟེ། འཁོར་ཁྲོ་བོ་དང་། ཁྲོ་མོ་དང་། མ་མོ་དང་།མངག་གཞུག་དང་། འབངས་ལ་སོགས་པ་རྣམས་ཀྱིས། དེ་བཞིན་གཤེགས་པ་ཆེན་པོ་ལ་འདུད་པའི་ཚུལ་དུ་བཞུགས་སོ། །དེ་ནས་བཅོམ་ལྡན་འདས་བཙུན་མོ་དང་གཉིས་སུ་མེད་པར་གྱུར། སྐྱེ་འགག་དང་བྲལ་བའི་དོན་འདི་སྟོན་ཏོ། །ཡེ་ནས་མ་སྐྱེས་གཤིན་རྗེ་ཆེན་པོའི་ཚོགས། །རྣམ་དག་དབྱིངས་ཀྱི་རང་ཉིད་རྣམ་པར་དག་པ་ལ། །གཉིས་མེད་འདུས་པའི་སྲས་མཆོག་གཤིན་རྗེ་གཤེད། །ཐབས་དང་ཤེས་རབ་རྣམ་པར་དག་པ་ཡི། །ཀུན་གྱི་ཡེ་ཤེས་ཐས་ཅད་འདུས་པ་སྟེ། །ཐུགས་རྗེ་ཆེན་པོས་འགྲོ་བའི་དོན་མཛད་པ། །སེམས་ཅན་མ་ལུས་མྱ་ངན་འདས་པའི་ལམ། །ཡེ་ཤེས་ཐམས་ཅད་དེ་ཡི་ངང་ལ་རྫོགས། །འཁོར་བའི་ཉེས་སྐྱོན་ཐམས་ཅད་ཚར་གཅོད་ཕྱིར། །འདོད་ཆགས་འདུས་པའི་དཔལ་ལྡན་གར་གྱི་བདག །བྱེ་བ་ཕྲག་བརྒྱ་དཔག་ཏུ་མེད་པར་ཡང་། །འདུལ་བའི་དབང་གིས་དེ་ལྟ་བུ་ཡི་གཟུགས་སུ་བསྟན། །ཞེས་གསུངས་པས་འཁོར་གྱི་ཁྲོ་བོ་དང་ཁྲོ་མོ་ལ་སོགས་པ་ཐམས་ཅད་མགུ་བར་གྱུར་ཏོ། །དེ་ནས་བཅོམ་ལྡན་འདས་འཇམ་དཔལ་གཤིན་རྗེ་གཤེད་ཆེན་པོ་ལ་འདི་སྐད་ཅེས་གསོལ་བ་བཏབ་བོ། །སེམས་ཅན་འཁོར་བས་གདུངས་པ་ལ། །མྱ་ངན་འདས་པའི་ལམ་མཆོག་བསྟན། །བསྟན་པ་དམ་པ་འདི་གསུངས་པས། །ཐམས་ཅད་སྒྲོལ་བ་ངོ་མཚར་ཆེ། །ཞེས་གསོལ་ཏོ། །དེ་ནས་དེ་བཞིན་གཤེགས་པ་ཐམས་ཅད་ཡུམ་དང་གཅིག་དུ་འདུས་ཏེ། འདི་སྐད་ཅེས་གསུངས་སོ། །སྤྲུལ་པའི་སྐུ་དག་ཚད་མེད་དཔག་ཏུ་མེད། །ཐུན་མོང་མ་ཡིན་འཇམ་དཔལ་གཤིན་རྗེ་གཤེད། །སྐུ་གསུང་ཐུགས་ཀྱི་ཕྲིན་ལས་རྨད་དུ་བྱུང་། །མི་དགེ་བཅུ་དང་མཚམས་མེད་ཚར་གཅད་པ། །ཟུག་རྔུ་མི་མངའ་ཆོས་ཉིད་རྨད་པོ་ཆེ། །ཆོས་ཀྱི་སྐུ་དང་ལོངས་སྤྱོད་རྫོགས་པའི་སྐུ། །སྤྲུལ་པའི་སྐུ་དང་གསུམ་ནི་དོན་དམ་ཀུན་ཏུ་སྦྱོར། །ཕྱོགས་བཅུ་བདེ་བར་གཤེགས་པ་ཐུགས་ཀྱི་དཔལ། །ཡང་དག་ཡེ་ཤེས་དཔལ་ཡིན་འཇམ་དཔལ་ཡིན། །ཞེས་བསྟོད་དེ་གཉིས་སུ་མེད་པར་གྱུར་ཏོ། །དེ་ནས་དེ་བཞིན་གཤེགས་པ་དམ་པ་དེ་ལ་འཁོར་གྱིས་དེ་བཞིན་དུ་གསོལ་བ་ལ་དགྱེས་ཏེ། འདི་སྐད་ཅེས་གསུངས་སོ། །ཞི་བ་གཉིས་མེད་ཆོས་ཀྱི་ངང་ཉིད་ལས། །སྙིང་པོ་གཉིས་མེད་བྱང་ཆུབ་སེམས་པའི་དོན། །ཐམས་ཅད་འདུས་པའི་བླ་མེད་དམ་པ་སྟེ། །དེ་བཞིན་གཤེགས་པའི་སྙིང་པོ་འདི་བཤད་དོ། །ཨོ་སརྦ་ཏ་ཐུ་ག་ཏ་ཨེ་ཧྲེ་ཧི་ཏ་ཐུ་ག་ཏ་པྲ་བ་ཏི། །བོ་དྷི་སཏྭ་དྷརྨ་སྒྲི་ཏུ། །ཨེ་རྒྱེ་ཧི་ཛ༷༷ཧཱུཾ༷་གྱེ་ཧི་གྱེ་ཧི་ཧཱུཾ༷་ཧཱུཾ༷་ཧཱུཾ༷། ཞེས་བརྗོད་ནས་བརྡས་མཚོན་པར་གྱུར་ཏོ། །དེ་ནས་བཅོམ་ལྡན་འདས་སྟེང་གི་ཕྱོགས་སུ་སེམས་ཅན་ཐམས་ཅད་སྒྲོལ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་པས་ཕྱོགས་ལ་ཕྱོགས་སུ་བལྟས་ཏེ། །རང་བཞིན་གྱིས་སྒྲོལ་བའི་ནུས་པ་ཅན་དུ་གྱུར་ཏེ། ཐམས་ཅད་ཀྱང་སྒྲོལ་བར་གྱུར་ཏོ། །དེ་ནས་ཡུམ་གྱི་ཚོགས་ཐམས་ཅད་ཀྱིས་དགྱེས་པ་ཆེན་པོའི་བརྡ་འདིས་བཅོམ་ལྡན་འདས་ལ་བསྐུལ་ལོ། །ཨེ་མའོ་ཕྱོགས་བཅུ་དུས་གསུམ་རྫོགས་པ་ཡི། །ཡེ་ཤེས་འདུས་པའི་ཕྲིན་ལས་མཆོག །བླ་མེད་ཐེག་པ་ངེས་པ་ལ། །སྦྱོར་བ་མཆོག་གིས་བཤད་དུ་གསོལ། །ཞེས་བསྐུལ་བས། ཕྱོགས་བཅུའི་དེ་བཞིན་གཤེགས་པ་ཐམས་ཅད་དགྱེས་པ་གྱུར་ཏོ། །དེ་ནས་ཕྱོགས་བཅུའི་དེ་བཞིན་གཤེགས་པ་རྣམས་དབང་ཕྱུག་གི་འཁོར་མྱ་ངན་ལས་འདས་པ་ཐམས་ཅད་དང་བཅས་ནས་སྐུའི་རྒྱན་གྱིས་བརྒྱན་ཏེ། སོ་སོའི་བཙུན་མོའི་དགྱེས་པས་སྐུའི་ཉམས་སུ་བསྟར་བར་གྱུར་ཏོ། །དེ་ལྟར་གྱུར་པས་དེ་བཞིན་གཤེགས་པ་ཐམས་ཅད་བ་སྐྲུ་ལངས་ཏེ་འདི་སྐད་ཅེས་ཆེད་དུ་བརྗོད་དོ། །སྐུ་གསུང་ཐུགས་རྣམས་འགྲོ་བ་སོ་སོར་འདུལ། །ངང་གི་ཞི་བའི་དབྱིངས་ལས་མ་གཡོས་ཀྱང་། །ཕྲིན་ལས་རྣམ་བཞིས་འགྲོ་བ་སོ་སོར་འདུལ། །དེ་ཕྱིར་མཆོག་གི་རྒྱལ་པོ་འདི་བཤད་དོ། །ཞེས་གསུངས་པས། །འཁོར་རྣམས་རབ་ཏུ་དགའ་མགུར་༄༅ རངས་པར་གྱུར་ཏེ་འདི་སྐད་ཅེས་གསོལ་ཏོ། །སྐུ་གསུང་ཐུགས་ཀྱིས་འགྲོ་བ་རང་རང་འདུལ། །དབྱིངས་ལས་འདྲེན་པ་རྡོ་རྗེ་གསོར་བྱས་ཏེ། །འདི་ལྟར་འདུལ་བར་མཛད་པ་ངོ་མཚར་ཆེ། །ཞེས་བརྗོད་དོ། །སྐུ་ལ་ཞུགས་ནས་མི་སྣང་བར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཁྲོ་བོས་འདུལ་བར་མཁྱེན་ནས་འདི་སྐད་ཅེས་གསུངས་སོ། ཁྲ་དང་སྤྱང་ཀི་སྲིན་མོ་མུ་སྟེགས་རྣམས། །བདུད་དང་ལོག་འདྲེན་ཐམས་ཅད་ཚར་གཅད་ཕྱིར། །ཆོས་ཉིད་སྒྱུ་མ་ལྟ་བུ་སྤྲུལ་ནས་ཕྲིན་ལས་མཛད། །ཅེས་གསུངས་པས། འཁོར་རྣམས་ངོ་མཚར་དུ་གྱུར་ཏེ། འདི་སྐད་དུ། ཨེ་མའོ་ཆེ་བའི་ཡོན་ཏན་ཀུན་ལ་ཁྱབ་པ་ལ། །ངང་གིས་ཁྲོ་བོར་བསྟན་པ་འདི་ལྟ་བུ། །ངོ་མཚར་རྨད་བྱུང་སྤྲུ་ཐ་པ་འདི་ལྟ་བུ། །རབ་ཏུ་མི་སྲུན་འདུལ་བ་ངོ་མ་ཚར་ཆེ། །ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་མ་བསྐུལ་བར་འདི་སྐད་ཅེས་གསུངས་སོ། ཁྱད་པར་རིམ་པར་བསྟན་པའི་ཁྲོ་གཉེར་ནི། །ཡེ་ཤེས་དབྱིངས་ཀྱིས་ཀུན་ལ་ཁྱབ་པར་སྟོན། །ཁྲོ་བོ་བཞི་དང་བརྒྱད་དང་བཅུ་ལ་སོགས། །སྟོན་པ་མཆོད་ཕྱིར་ཁྲོ་བོ་མང་པོ་བསྟན། །ངང་ཁྲོ་ཀུན་ཁྱབ་ཤུགས་ཁྲོ་རང་རང་འདུལ་བ་ཡིས། །བྱེ་བྲག་སོ་སོར་རབ་ཏུ་ཤེས་བྱ་ལ། །མཚན་མ་དྲག་པོ་ཞི་བ་དབང་དང་རྒྱས། །གོ་རིམས་བཟློག་སྟེ་རབ་ཏུ་བཤད་པར་བྱ། །ལྟེ་བར་བཅས་པའི་རྩིབས་ཅན་ལ། །འཁོར་བ་གཅོད་བྱེད་རྩེ་མོ་ཅན། ཁུ་གསུམ་ཨེ་ཡི་ཕོ་བྲང་ཨ། །ཟླ་གམ་རྣམ་གསུམ་དབང་གི་ཚུལ། །མུ་ཁྱུད་དད་ཅན་རྒྱས་པ་ཕྱི། །རྣམ་བཞིར་ལྡན་པའི་འཁོར་ལོ་ལ། །རབ་ཏུ་མཛེས་པའི་ཐིག་གདབ་བོ། །དབུས་སུ་མ་ཧེའི་ཞིང་གདན་ལ། །རྩེ་དབུས་ཞིང་རྐྱང་རེ་རེའོ། །རུས་པ་ཚོགས་ཀྱི་དབའ་རླབས་བྲག་ཏུ་སྐྲུངས། །རཀྟ་ཁྲག་གི་དབའ་ཀློང་མཚོ་ལྟ་བུ། །གནམ་ལྕགས་ངུར་མོ་རབ་ཏུ་ཏ་ལ་ལ། །དུར་ཁྲོད་རབ་ཏུ་བརྒྱན་པ་དེ་བཤམ་མོ། །དབུས་སུ་ཁྲོ་རྒྱལ་གཤིན་རྗེ་གཤེད། །སྐུ་ནི་ནག་པོ་དུག་འདྲ་ལ། །དབུ་གསུམ་དཀར་དམར་མཐིང་བ་སྟེ། །རལ་པ་ཁམ་ནག་སྲིད་རྩེར་འབར། །རྩེ་ལ་མེ་འབར་རྐེད་ནས་ཞག་ཀྱང་འཛག །རྩ་བ་ཆུ་སྟེ་སྡང་མིག་རབ་ཏུ་བགྲད། །ཕྱག་དྲུག་ཕྱག་མཚན་བསྣམས་པའི་ཐོར་ཚུགས་ནི། །སྡིགས་མཛུབ་རྒྱུ་ཞགས་ལྕགས་ཀྱུ་གཡས། །དུང་ཆེན་མདུང་ཐུང་གསལ་ཤིང་གཡོན། །ཞབས་བཞི་ཐུར་དུ་བསྟན་པ་ནི། །བརྐྱང་བསྐུམ་ཚུལ་གྱིས་འགྲོ་བ་དབང་དུ་སྡུད། །སྐུ་སྟོད་གླང་ཆེན་ཀོ་བ་ཞིང་ཕྲག་ལ། །སྐུ་སྨད་སྟག་སྟེ་ཤམ་ཐབས་ཚམ་ངམ་ཅན། ཨེ་ཡི་ཕོ་བྲང་དབུས་སུའོ། །ཡུམ་ཡང་ཡབ་དང་སྐུ་མཐུན་ཏེ། །ཕོ་བྲང་དབུས་སུ་གཡོན་དུའོ། །ཞལ་གཅིག་ཕྱག་གཉིས་ཆེ་བ་ཅན། ཁྲམ་བམ་བྷན་དྷ་བསྣམས་པའོ། །རྩེ་ལ་ཁྲོ་བོ་ཡབ་ཡུམ་བཅུ། །རབ་ཏུ་ཁྲོས་པའི་སྡང་མིག་ཅན། །གོ་རིམ་བཞིན་དུ་དགོད་པར་བྱ། །ཟླ་གམ་དུར་ཁྲོད་མ་མོ་སྟེ། །སྒོ་ལ་དེ་བཞིན་བསྲུང་བའོ། །དེ་ལ་རིམ་པས་མགུ་བར་བྱ། །ཞེས་བརྗོད་དེ། འདི་སྐུ་གསུང་ཐུགས་ལས་ཕྱུང་ངོ་། །ཨོཨཀྲོམསྣྲུཤིཧཱུཾ། ཧཱུཾ༷ བཛྲ་ཀྲོ་དྷ་སྟིད་ནན་ཧཱུཾ༷། ཨོ་བཛྲ་བི་ཏྭ་ལི་རཀྟ་མ༷། ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷། ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷།ཨོ་རུ་རུ་དུན། ཨོ་ཛ་ཛ་ཡ་བ། ཨོ་ཡ་ཤུག་སྨྱོ་སྨྱོ་སྨྱོ། ཛ༷༷ཧཱུཾ༷་བི་ཏོ༷ །ཞེས་བརྗོད་པས་ཕྱོགས་བཅུ་ཐམས་ཅད་ཞབྲུགས་ཏེ། །གཡོས་སོ། །འགུལ་ཏོ། །ལྡེག་གོ །ཆེམ་མོ། །འུར་ཏེ། གཡོ་འགུལ་དུ་གྱུར་ཏེ། ཞབྲུགས་པར་གྱུར་ཏོ། །དེ་ནས་ཡུམ་གྱི་ཏིང་ངེ་འཛིན་ལ་ཞུགས་པར་གསོལ་བ་གདབ་སྟེ། གསོལ་བར་ཞུས་པ། ཨེ་མའོ་རབ་ཏུ་བློ་ལྡན་ཁྱོད། །འཇིག་རྟེན་འཁྲུགས་པར་མཛད་པའོ། །དབང་མེད་ལས་ཀྱིས་མནར་བ་ལ། །བདེར་གཤེགས་གསུང་དུ་གསུངས་པ་སྟེ། །རབ་ཏུ་བདེ་བར་མཛད་དུ་གསོལ་ཞེས་གླེངས་པས། བཅོམ་ལྡན་འདས་ཀྱིས་ཏིང་ངེ་འཛིན་མཆོག་གི་རྒྱལ་པོ་ཞེས་བྱ་བ་ལ་སྙོམས་པར་ཞུགས་སྟེ་འདི་གསུངས་སོ། །ཨོ་བཛྲ་ནཱ་ལ་ཀ་ལ་ཧཱུཾ༷་བཛྲ་ག་ཏ་པྲ་བེ་ཤ་ཧོ། ཞེས་གསུངས་པས། འཇིག་རྟེན་གྱི་ཁམས་འདི་དག་རབ་ཏུ་འཇམ་པར་གྱུར་ཏོ། །གྱུར་པས་སེམས་ཅན་ཐམས་ཅད་སླར་སྔོན་ཁོ་ན་བཞིན་དུ་གྱུར་ཏེ། བཅོམ་ལྡན་འདསགཤིནརྗེགཤེད་ཆེན་པོ་ལ་སྐྱབས་སུ་དོང་ངོ་། །དེ་ནས་བཅོམ་ལྡན་འདས་ཀྱིས་ཐབས་དང་ཤེས་རབ་ཀྱི་ཕྱག་རྒྱས་མཉེས་པར་བྱ་བ་འདི་གསུངས་སོ། །རྩེ་གཅིག་མཉམ་པར་གཞག་བྱ་སྟེ། །སྒེག་མོ་གཡོན་དུ་གནས་པར་བྱ། །བསྐུལ་བའི་ཏིང་འཛིན་བརླན་པ་ལ། །བསྐྱོད་པ་བྱང་ཆུབ་ལམ་དུ་དྲངས། །གནས་ཉིད་བདེར་གཤེགས་སྐྱེད་པའི་རྐྱེན། །རྩེ་མོ་ཨོ་ལ་ཕཊ་དུ་བསྟན། །ཞེས་གསུངས་པས། །ཕྱོགས་བཅུའི་དེ་བཞིན་གཤེགས་པ་ཐམས་ཅད་རོལ་མོས་མཉེས་པར་གྱུར་ཏོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས། གླེང་བཞིའི་རྩ་བའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཀྱིས་ཕྲིན་ལས་ཞི་བར་བྱ་བ་འདི་ཆེད་དུ་བརྗོད་དོ། །རབ་ཏུ་དཀར་བའི་ཡུལ་དག་ལ། །མགུ་བའི་སེམས་དང་ལྡན་བྱས་ཏེ། །དང་བས་མགུ་བའི་ལས་བྱས་ཞེས། །བླ་མེད་རྒྱལ་བས་རབ་ཏུ་བཤད། །ས་གཞི་དཀར་བ་རབ་མཉམ་ལ། ཁུ།་བཞིར་ལྡན་པའི་དཀྱིལ་འཁོར་ལ། །ལྟེ་བར་བཅས་ཤིང་རྩིབས་བརྒྱད་པ། །མཁས་པས་བསྒྲིམས་ཏེ་བྲི་བར་བྱ། །དཀར་དང་ལྡན་པའི་ཟླ་བ་ལ། །གཅིག་ནས་གསུམ་ནས་མགོ་བཙུགས་ལ། ཁམས་གསུམ་རབ་ཏུ་མགུ་བྱའི་ཕྱིར། །ཉམས་སུ་ལོན་པར་བྱས་ལ་བསྒྲུབས། །དབུས་སུ་ཡེ་ཤེས་བདག་པོ་ལ། ཁྲར་དུ་ནག་འཇོམས་ཆེན་པོ་སྟེ། །ལྷོ་རུ་ཡ་བ་ཏི་ཞེས་བྱ། །ནུབ་ཏུ་ཁྲོ་བོ་དམིགས་པ་ལ། །བྱང་དུ་བདུད་འཇོམས་དགོད་པར་བྱ། །ཤར་ལྷོ་ལྷོ་ནུབ་ནུབ་བྱང་དང་། །བྱང་ཤར་མཚམས་སུ་དགོད་པ་ནི། །གླང་མགོ་ཁྲོ་ཚེ་གཅོད་སྦྱོང་རྗེ། །ལས་གྲུབ་བརྒྱད་དེ་གོ་རིམ་བཞིན། །སྟེང་འོག་དམར་པོ་བྲག་དགོན་བསྒྲོམས་ཏེ་དགོད། །ཟླ་གམ་ལམ་མོ་གསུམ་རྣམས་སོ། །སྒོ་སྒོར་སྒོ་སྲུང་མ་རྣམས་བྲི། །དེ་ཡི་ཡུམ་དང་བཅས་པ་རྣམས། ཁྲོ་བོ་ཉིད་དང་སྐུ་མཐུན་པའོ། །སེམས་དཔའི་འདུག་སྟངས་གནས་བྱས་ལ། །སྒེག་མོ་གཡོན་དུ་བསྟེན་བྱས་ལ། །སྔགས་གཡོག་མཛེས་པར་ཚོགས་བྱས་ལ། །མགུ་བའི་ཕྲིན་ལས་བརྩམ་པར་བྱ། །སྐེ་ཚེ་ཐལ་བ་རུས་པ་ལ། །ཛསྟ་ལ་ཡི་གཟུགས་ལྟ་བུར། །བྱས་ལ་སྙིང་གར་བྲི་བ་ནི། །ཨ་མ་པ་ལ་སི་ཏིའམ། །གང་འདོད་པ་ཡི་ཡི་གེ་དེ། །ཕཊ་དང་གྲྭ་ཧྭས་དམ་ལྟར་བྱ། །མིང་བྱང་གོང་ལྟར་བྲི་བྱས་ལ། །གང་ལྟར་འཚམ་པ་བཞིན་དུ་བཞག །དེ་ལ་འདི་ཡང་རབ་ཏུ་བརྗོད། །ཨོ་ཨ་ཀྲོ་བཛྲ་ཤཱསྟི་ན་ག་བཛྲ་གྲྭ་ཧྭ། ཨོ་ཨ་ཀྲོ་ཏེ་ཀ་ཤཱསྟི༷་བ་ལ་རྔུ་ཞེས་བརྗོད་ལ་སྙིང་གར་བརྒྱབ་ན། ཐམས་ཅད་མགུ་ནས་དང་བའི་སེམས་ཀྱིས་ཞི་བར་འགྱུར་རོ། །དེ་ནས་ཞི་བའི་ལས་བྱས་ཟིན་ནས། ཕྱོགས་བཅུའི་གདུག་པ་ཞི་བར་བྱ་སྟེ། བདག་ལ་མི་དགའ་བ་མེད་ན་ལས་འགྲུབ་པ་ཡིན་ནོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས། ཐམས་ཅད་ཞི་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཀྱིས་ཐམས་ཅད་རྒྱས་པར་བྱ་བ་འདི་ཆེད་དུ་བརྗོད་དོ། །གསེར་ལས་གྲུབ་པའི་ཡུལ་དག་ལའང་། །དཔལ་རྒྱས་སེམས་དང་ལྡན་བྱས་ཏེ། །རྒྱས་པར་བྱ་བའི་སེམས་ཀྱིས་སུ། །དཀྱིལ་འཁོར་དམ་པ་བཤད་པར་བྱ། །དཀྱིལ་འཁོར་སྔ་མ་བཞིན་བྱས་ལ། །བ་ཡི་ཆག་ཆག་བཏབ་བྱས་ཏེ། །རྣལ་འབྱོར་དམ་པ་བློ་ལྡན་པས། །ཐིག་འདི་གདབ་པ་རབ་ཏུ་བརྩམ། །གསེར་ལས་གྲུབ་པའི་ཐིག་སྐུད་ལ། །དཔལ་ལྡན་འཕེལ་བའི་སེམས་དང་བཅས། །སློབ་མ་དམ་པ་ལས་གྲུབ་པར། །བསམས་ལ་ཐིག་འདི་གདབ་པར་བྱ། །ཕོ་བྲང་གསེར་ལ་རྩེ་མོ་གཡུ། །རྡོ་རྗེ་རྩིག་པ་གསེར་ལས་གྲུབ། །གྲུ་ཆད་སྒོ་རྣམས་ལྕགས་ལས་གྲུབ། །རྣལ་འབྱོར་སྔགས་པ་བློ་ལྡན་པས། །ཐིག་བཞི་རེའུ་ཆ་བརྒྱད་དུ་འགྱུར། །མཐའ་ནས་ཐིག་གདབ་མན་ངག་ཅན། །དེ་ལ་སོགས་པ་བསམ་པར་བྱ། །རིན་ཆེན་སྐྱིལ་ཀྲུང་འདུག་བྱས་ལ། །དབུས་སུ་གསང་སྔགས་བདག་པོས་ཏེ། །ཕྱོགས་ཕྱོགས་སྒོ་བ་དམ་པ་རྣམས། །སྔ་མ་བཞིན་དུ་བསྒོམས་ནས་ཀྱང་། །རང་སྔགས་སྐྱེས་བུ་དེ་བསྐྱེད་དོ། །ཨོ་ཨ་ཀྲོ་ཏེ་ཀ་སྤྲུརྨྱེ༷་བ་ལ་ན་ཧཱུཾ༷། ཨོ་ཨ་ཀྲོ་སྤྲུརྨྱེ༷་ཏི་བ་ཏ་ན་སྟུ༷། ཞེས་བརྗོད་པས་བདག་པོ་ཡབ་ཡུམ་ལ། འཁོར་རྣམས་འབྲུ་རེ་བ་ལས་སམ རང་རང་བསྐྱེད་པ་དམ་པ་སྟེ། །སྔགས་དང་ལྡན་པར་ཏིང་འཛིན་གསལ། །བཞུགས་དང་བརྟན་དང་མཆོད་པ་དང་། །ཕྱག་བྱེད་པ་ལ་སོགས་པ་ཡི། །ལས་ཀྱི་བྱ་བ་མ་ལུས་པར། །ཐམས་ཅད་མ་ལུས་ཚང་བར་བྱ། །སྐྱེད་དང་གྲུབ་པའི་འབྲས་བུ་ནི། །རྒྱལ་བ་བསྙེན་ཏེ་ཐག་མི་རིང་། །རང་གྲུབ་འབྲས་བུ་དེ་ལ་སོགས། །ཕྱོགས་དུས་ཀུན་ནས་གཤེགས་པ་ཡི། །དངོས་གྲུབ་དམ་པ་རབ་སྟེར་ཞེས། །འདྲེན་པ་དཔའ་བོས་ཡང་དག་བཤད། །དེ་ནས་གཞན་ཡང་རབ་བཤད་པ དཀྱལ་འཁོར་སྔ་མ་བཞིན་བྱས་ནས། །ས་ཞག་གསེར་ལས་གྲུབ་པ་ལ། །གཟུགས་ནི་དམ་པ་རབ་ཏུ་བྱ། །ཕྱི་གན་གན་རྐྱལ་མནན་བྱས་ལ། །ནང་ཧཱུཾ༷་ཚུསྤྱོ་ཨ་བུ་ཙེ་གྲྭ་ཧྭ།སྙིང་གར་བྲིས་ནས་བརྗོད་བྱ་བ། །སྙིང་པོ་སྔགས་ཀྱི་དམ་པ་སྟེ། །བླ་མེད་དམ་པས་རབ་ཏུ་བཤད། །ཨོ་བཛྲ་སྤྲུསྤྱོ་ཨུ་ཡུ་བ་ཤང་ཤི་སྤྲུསྤྱོ་གྲྭ་ཧྭ་ཞེས་བརྗོད་ན་ཐམས་ཅད་རྒྱས་པར་འགྱུར་རོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས། ཐམས་ཅད་རྒྱས་པར་བྱ་བའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་དེ་བདག་ཉིད་དབང་གིས་འདུ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ། །ཟངས་ལས་འབྲེལ་བའི་ཡུལ་དག་ལ། །རང་དབང་མེད་དེ་དབང་བསྡུས་ནས། །འདུ་བའི་སེམས་དང་ལྡན་བྱས་ཏེ། །དཀྱིལ་འཁོར་རབ་ཏུ་བཤད་པར་བྱ། །ཟངས་སམ་དམར་པོའི་ས་དག་ལ། །དཀྱིལ་འཁོར་སྔ་མ་དག་དང་འདྲ། །ལེགས་པར་ཁོད་སྙོམས་ཟིན་པ་དང་། །ཐིག་ནི་རབ་ཏུ་གདབ་པར་བྱ། །ལྟེ་བ་ཅན་ལ་རྩིབས་བརྒྱད་པ། །ཀུན་དུ་ཟླུམ་པས་རྒྱས་པ་མཐའ། །ལྟེ་དབུས་གཞུ་བདུངས་བྲིས་བྱས་ལ། །དེ་སྟེང་བདག་པོ་དམ་པ་གཞག །ཐམས་ཅད་མ་ལུས་མཆོག་ཏུ་འགུགས། །ས་པ་ལ་ཡང་ཐོགས་པ་མེད། །ཞེས་ནི་ཡང་དག་བླ་མེད་དེས། །བཤད་པར་བྱ་སྟེ་རབ་ཏུ་བསྟན། །གཞན་ཡང་རབ་ཏུ་བཤད་བྱ་བ། །སེམས་ཀྱི་དཀྱིལ་འཁོར་དམ་པ་སྟེ། །བླ་མེད་ཡང་དག་ངེས་པའི་ལམ། །སངས་རྒྱས་བྱང་ཆུབ་ལ་སོགས་རྣམས། །གཞུང་ལས་འབྱུང་བའི་ཚིག་དོན་རྣམས། །མ་ནོར་གསུངས་པའི་བཀའ་བཞིན་དུ། །བསྒྲུབས་ན་འགྲུབ་ང་ར་བཤད་པའོ། །དེ་དག་འགུགས་པར་གྱུར་པ་ན། །ཕལ་པ་གཞན་ལྟ་སྨོས་ཅི་དགོས། །བསྡུ་དང་འདྲེན་པ་བྱང་ཆུབ་ལམ། །འདི་དག་གོ་འཕང་ཐོབ་བྱའི་ཕྱིར། །ཡུངས་ཀར་རྐང་རྗེས་སའམ་གཞན། ཁྲག་གསུམ་ཐལ་ཆེན་བསྲེས་བྱས་ལ། །གའུའི་ནང་དུ་བླུགས་བྱས་ལ། །གའུ་གཉིས་ནི་ཁ་སྦྱར་ཏེ། །སྐུད་པ་དམར་པོ་ཟངས་ལ་སོགས། །བཅིང་བ་བསྡམས་ཏེ་དཀྲིས་བྱས་ལ། །དཀྱིལ་འཁོར་གྱི་ནི་ཐོག་ཏུ་གཞག །ཡུངས་དཀར་ཟངས་གཉིས་བསྲེག་བྱས་ཏེ། །དུད་པས་གའུ་དེ་ལ་བདུག །དེ་ལ་བདུགས་པར་གྱུར་པ་དང་། །བཟླས་པའི་སྙིང་པོ་བརྗོད་བྱ་ཞིང་། །ལན་གྲངས་ཁྲི་ཚད་དུ་མ་སྲ །བརྗོད་ན་སངས་རྒྱས་ལ་སོགས་རྣམས། །འགུགས་པར་གྱུར་ན་ཕལ་པ་གཞན། །སྨོས་ཅི་དགོས་ཏེ་ངེས་པར་འགུགས། །ཨོ་བཛྲ་ཨ་ཀྲོ་མཉུ་ཤི་བ་ཤང་མ་ཧྭ་སརྦ་ཏི་ལ་ཧཱུཾ། ལན་གྲངས་མང་དུ་བརྗོད་བྱས་ན། །ཅི་ལྟར་བསམས་པ་ཐམས་ཅད་འགུགས། །རྒྱ་ཤུགས་བསྐུས་པའི་ཁུ་བ་དང་། །མ་ཡི་ལག་པའི་ཁུ་བ་གཉིས། །སྔམབཞིནདུབཀུགབྱས་ན། །འགུགས་པར་འགྱུར་ཞེས་དཔའ་བོས་བཤད། །ཡང་ན་རང་གི་ལག་པའང་རུང་། །ཞེས་གསུངས་༄༅ པས་ཐམས་ཅད་མ་ལུས་པར་འདུས་ཏེ། །དཔེར་ན་ཕྱོགས་ཐམས་ཅད་ནས་མཚོ་ལ་སྦྲང་མ་འདུ་བ་བཞིན་དུ་འདུས་ཏེ་བདག་གི་དབང་དུ་བྱ་བ་དེ་དབང་དུ་འགྱུར་རོ་ཞེས་བཅོམ་ལྡན་འདས་འཇམ་དཔལ་གཤིན་རྗེས་གསུངས་སོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས། །དབང་གི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་ཁྲོ་བོ་ཆེན་པོ་གཤིན་རྗེའི་ཚོགས་འདུ་མཛད་དེ། རང་བཞིན་གྱི་མཐུ་ཅན་འདི་གསུངས་སོ། །འབྱུང་བྱེད་ཡེ་ཤེས་དཀྱིལ་འཁོར་ནི། །དཀྱིལ་འཁོར་སྔ་མ་བཞིན་བྱས་ལ། །བདག་ཉིད་ཁྲོ་བོ་ཆེན་པོ་སྟེ། །ཡུམ་ཡང་དེ་བཞིན་དེ་ཡིའོ། །ཡབ་ཡུམ་གཉིས་མེད་བྱིན་བརླབས་ལས། །ཐིག་སྐུད་རྒྱུས་པ་ལྕགས་ལས་བྱས། །དེ་ནི་ལས་ཀྱི་ཐིག་ཅེས་བྱ། །ཐིག་བཞི་བཏབ་པས་དཀྱིལ་འཁོར་བརྒྱད། །འཁོར་ལོ་རྩིབས་བཞི་མུ་ཁྱུད་བཅས། །ཀུན་དུ་གྲུ་བཞི་སྒོ་ཁྱུད་ཅན། །གྲུ་ཆད་ལྡན་ཏེ་དུར་ཁྲོད་རྒྱན། །མཛེས་པར་བྲིས་ཏེ་གཞན་ན་མིན། །སྟེན་པའི་ལྷ་སྟེ་སྔ་མ་བཞིན། །བསྐྱེད་པའི་སྔགས་འདི་བརྗོད་བྱས་པས། །བདག་དང་འདྲ་བར་བསྐྱེད་པར་བྱ། །ཨོ་ཨ་ཀྲོ་ཏེ་ཀ་ཧཱུཾ༷་ཨ། ཧཱུཾ༷་བཛྲ་བེ་ཏྭ་ལི་རསྒ་མ༷། སྨྱོ་སྦྱོ་སྦྱོ།ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷། ཛ༷༷ཧཱུཾ༷་པེ་ཧོ༷༷ །སྨྱོ་སྨྱོ་སྨྱོ་སྨྱོ། ཞེས་བརྗོད་པ་ཙམ་གྱིས་འཇིག་རྟེན་གྱི་ཁམས་འདི་དག་ཐམས་ཅད་གཡོས་སོ། །རབ་དུ་གཡོས་སོ། །ཀུན་ཏུ་རབ་ཏུ་གཡོས་སོ། །འགུལ་འགུལ། །རབ་ཏུ་འགུལ། ཀུན་ཏུ་རབ་ཏུ་འགུལ་ལོ། །ལྡེག་ལྡེག རབ་ཏུ་ལྡེག ཀུན་དུ་རབ་ཏུ་ལྡེག་གོ །ཆེམ་ཆེམ། རབ་ཏུ་ཆེམ། །ཀུན་དུ་རབ་ཏུ་ཆེམ་ཆེམ་མོ། །འུར་འུར། རབ་ཏུ་འུར་འུར། །ཀུན་དུ་རབ་ཏུ་འུ་འུར་རོ། །དབུས་མཐོ་ན་མཐའ་དམའ། །མཐའ་མཐོ་ན་དབུས་དམའ་སྟེ། འཇིག་རྟེན་གྱི་ཁམས་འདི་དག་རབ་ཏུ་གཡོས་པར་གྱུར་ཏོ། །དེ་ནས་བཅོམ་ལྡན་འདས་རྡོ་རྗེའི་བདག་ཉིད་དེས་འདི་སྐད་ཅེས་གསོལ་ཏོ། །བཅོམ་ལྡན་འདས་རབ་ཏུ་གསུང་གི་གསང་སྔགས་གསུངས་པས་བདག་ཅག་སྤྲོ་ལགས་སོ། །འཇིག་རྟེན་དུ་འདི་ལྟ་བུར་མཐུ་ཅན་ལ་བདག་ཞུ་ལགས་སོ། །བཅོམ་ལྡན་འདས་རང་བཞིན་གྱིས་ཁྲོ་བར་མཛད་པ་དེ་ལ་བདག་མངོན་དུ་སེམས་ཅན་ཐམས་ཅད་རབ་ཏུ་ཡང་ཞུ་བར་འཚལ་ལགས་སོ། །བཅོམ་ལྡན་འདས་ཁྲོ་བོ་ཆེན་པོར་འདུ་མཛད་པ་དེས་འདི་སྐད་ཅེས་གསུངས་སོ། །ཨོ་ཤི་པ་ར་ཡསྒ་གུ་ཡ། སརྦ་ཏ་ཀྲི་བཛྲ་ཀྭ་ལ་དུ་པ་མ་ར་ན་ཕཊ་ཅེས་གསུངས་པས། འཇིག་རྟེན་ན་དབང་ཆེ་བ་དང་། མཐུ་ཆེ་བ་ལ་སོགས་པ་ཐམས་ཅད་བཏུལ་ནས་འདི་སྐད་ཅེས་གསུངས་སོ། །ཕྱོགས་བཅུའི་འཇིག་རྟེན་གང་ནས་ཀྱང་། །གསུང་དུ་མེད་པའི་ཆོས་ཉིད་ལ། །རང་སེམས་འཕྲོ་འདུར་གྱུར་པ་ལས། །ཕྱོགས་བཅུར་གསུངས་པ་དེ་དག་ཡིན། །དེ་བས་ནན་ཏན་བསྐྱེད་བྱས་ཏེ། །དྲག་པོའི་ཚམ་ངམ་བཤད་པར་བྱ། །འཇིག་རྟེན་བཅུད་ཀྱི་གདུག་པ་ཀུན། །ཚམ་ངམ་གློག་ལྟར་འགྱུར་བ་༄༅ ལས ངོ་མཚར་ཡ་མཚན་བསྒྲག་པར་བྱ། །ཨེ་མའོ་ཡབ་ཡུམ་གཉིས་མེད་རོལ་པའི་མཁའ་དཀྱིལ་ནས། །ཕྱོགས་བཅུར་འཕྲོ་བ་བྱང་ཆུབ་སེམས། །རིགས་ཀྱི་ཡབ་དང་དེ་བཞིན་བཙུན་མོ་ནི། །རྟག་པར་བསྒོམས་ཏེ་དེ་བཞིན་གཤེགས་པར་བྱ། །རྫས་དང་ཕྱག་རྒྱ་སྔགས་དང་བཅས་རྣམས་ནི། །གཟུགས་དང་འདོད་པའི་འབྲས་བུ་གང་འདོད་གྲུབ་བར་རོ། །མི་དགེ་བཅུ་དང་ལྡན་པའི་རྣམ་པར་འདྲེན་པ་དེར་བྱས་ཏེ། །སྔགས་དང་ཕྱག་རྒྱ་རྫས་རྣམས་དང་། །གའུ་པདྨ་དམ་པ་དང་། ཁམ་པ་རྫ་ཡི་འཇི་བ་ཡིས། ཁྲག་སྣ་གསུམ་དང་གི་ཝང་ངོ་། །དེ་དག་ཕྲིན་ལས་མཆོག་ཡིན་ཏེ། །གྲུབ་པར་འགྱུར་བ་གདོན་མི་ཟ། །བླ་མེད་དཔའ་བོས་ཡང་དག་གསུངས། །ཕྱོགས་བཅུའི་གདུག་པ་མ་ལུས་ཀུན། །འདུལ་བར་འགྱུར་ཏེ་ཐེ་ཚོམ་མེད། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས་དྲག་པོའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་འཇམ་དཔལ་གཤིན་རྗེ་གཤེད། །ཡེ་ཤེས་ལྷུན་གྱིས་གྲུབ་པའི་ངང་ལ་ལོངས་སྤྱོད་པར་བྱ་བའི་ཕྱིར། ཆེད་དུ་བརྗོད་པ་འདི་བརྗོད་དོ། །རང་བཞིན་འཕགས་པ་ཀུན་དུ་ཤེས་རབ་སྟེ། །དེ་བཞིན་རྣམ་པར་མི་རྟོག་ཡིན་པས་ན། །འདི་གཉིས་ཆོས་ཀྱི་སྐུ་ཞེས་རབ་ཏུ་བཤད། །ཆོས་ཀྱི་ལོངས་སྤྱོད་འདུལ་བའི་དོན་ལ་རྒྱས། །འགྲོ་བའི་དོན་རྫོགས་མ་ལུས་སྐུར་འབྱུང་དང་། །བདུད་དང་མུ་སྟེགས་སྲིན་པོ་གདུལ་བའི་ཕྱིར། །མཚན་དང་དཔེ་བྱད་གཟུགས་སུ་སྤྲུལ་ནས་ནི། །མ་ལུས་ཚར་གཅོད་དོན་དུ་འདི་གསུངས་སོ། །འཁོར་ལོ་རྩིབས་བརྒྱད་མུ་ཁྱུད་ཟླུམ་པོར་བཅས། །སྦྲུལ་གྱིས་རྒྱ་གྲམ་དག་གི་མཐའ་བསྐོར་ལ། །ལྟེ་བར་རྡོ་རྗེ་རྒྱ་གྲམ་བྲི་བར་བྱ། །དེ་ཡི་སྟེང་དུ་ཀ་བཱ་ལ་གཉིས་ལ། །གཅིག་ལ་གཤིན་རྗེ་དབུ་དྲུག་པ་ཡི་གཟུགས། །གཅིག་ལ་ཡུམ་ཆེན་ཁྲོ་གཉེར་གཟུགས་བྲིས་ལ། །ནང་དུ་དགྲ་བོ་རྐང་རྗེས་ས་དང་ནི། །བྲི་དང་དེ་བཞིན་ཁྲག་སྣ་གསུམ། །ཐལ་ཆེན་རྒྱ་ཤུག་བསྐུས་པའི་ཁུ་བ་དང་། །བརྫིས་ལ་དགྲ་བོའི་གཟུགས་བྱས་ལ། །བཅུག་ལ་སྐུད་པ་དཀར་པོས་བཅིང་། །དཀྱིལ་འཁོར་ཐོག་ཏུ་གཞག་པར་བྱ། །ཨོ་ཡ་མུརྙ་ཀ །སྙི་྅་བཛྲ་ཀྲོ་དྷ་ཡ་མྱརྙ་ཀ་བཛྲ་ཀྲོ་དྷ་ཕཊ་ཕཊ་ཨ། ཞེས་བརྗོད་པ་ཙམ་གྱིས་ནི། ཡབ་ཡུམ་སྐུ་མདོག་མཐིང་ནག་ལ། །དབུ་སྐྲ་ཁམ་ནག་རལ་པ་གྱེན་དུ་བརྗེས། །དབུ་ལ་ཐོད་པ་རློན་པས་བརྒྱན། །སྐུ་ལ་སྦྲུལ་ནག་ཆུན་པོ་དང་། །ཞབས་བཞི་བརྐྱང་བསྐུམ་ཚུལ་དུ་བཞུགས། །ཕྱག་དྲུག་ཕྱག་མཚན་བསྣམས་པ་ནི། །གཡས་ཀྱི་དང་པོ་སྡིགས་མཛུབ་ལ། ཁུ་ཞགས་ལྕགས་ཀྱུ་བར་ཐ་མ། །དུང་ཆེན་ཏྲི་ཤཱལ་གསལ་ཤིང་གཡོན། །དེ་ལྟར་ཆ་ལུགས་གསལ་བ་དང་། །དབྱངས་འདི་བླང་བར་ནན་ཏན་བྱ། །ཧཱུཾ༷་རྔམ་པའི་རྒྱལ་པོ་ཁྲག་འཐུང་གཤིན་རྗེ་གཤེད། ཁམས་གསུམ་དབང་སྡུད་རྟགས་སུ་ཞལ་གསུམ་པོ། །དབྱིངས་ནས་སྤྲུལ་པའི་ཡབ་ཡུམ་ལྷུན་གྱིས་གྲུབ། །ལས་ངན་འཁྲུལ་པའི་སེམས་ཅན་གདུལ་དཀའ་བ། །གདུག་པ་དེ་དག་འདུལ་ཕྱིར་གཤེགས་སུ་གསོལ། །དམ་ཚིག་གི་ཕྱག་རྒྱ་བཅས་ལ། ཛ༷༷ཧཱུཾ༷་བི་ཧོ༷ ས་མ་ཡ་སྟུ༷། ཞེས་པ་ལན་གྲངས་མང་དུ་བརྗོད། དེས་ནི་བརྟན་པར་བཞུགས་པར་འགྱུར། ཁྲག་ཆེན་རྒོད་ཁྲག་ཤ་དང་ཚིལ། །ཆེན་པོ་ལ་སོགས་གཏོར་མ་བཤམ །དེ་ནི་དཀྱིལ་འཁོར་ཐོག་དག་ཏུ། །བདག་ཉིད་ཏིང་འཛིན་གསལ་བ་ལས། །སྔགས་འདི་འབུམ་ཕྲག་གཅིག་ཏུ་བཟླས། །ཨོ་བཛྲ་ཧ་སྟ་བ་བ་ཧེ་ཧ་དྭ་ན་སྙི་ཉི་ཆེ་གེ་མོ་མྱ་ར་ཡ་ཧཱུཾ༷་ཧཱུཾ༷་ཕཊ་ཕཊ། ཆེ་གེ་མོ་ཧསྟ་བ་པྲི་ཏི་ནི་ར་ཏེ་ས་ཧཱུཾ༷་ཧཱུཾ༷་ཕཊ་ཕཊ། ཉིན་ཞག་གཅིག་ལ་ལན་འབུམ་བཟླས། །ཉིན་ཞག་གསུམ་གྱི་བར་དུ་བཟླས། །དེ་དག་བཟླས་པ་རྫོགས་པ་དང་། །གཏོར་མའི་ལས་དག་བརྩམ་བྱ་སྟེ། །བསྐྱེད་དང་བསྐུལ་དང་རྫོགས་པ་དང་། །ཕྱོགས་བཅུའི་ཁྲོ་བོ་སྤྱན་དྲངས་ཏེ། །བཞུགས་དང་བརྟན་དང་མི་གཡོ་སོགས། །མ་ལུས་རྫོགས་པའི་ཕྲིན་ལས་བྱ། །དེ་ལྟར་ཕྲིན་ལས་རྫོགས་པ་དང་། །ཡང་ནས་ཡང་དུ་བསྟབ་པ་བྱ། །དེ་ལྟར་བསྟབ་པ་བྱས་པས་ན། །དགྲ་བགེགས་དབང་འགྱུར་སྨོས་ཅི་དགོས། །དེ་ནས་ཡང་འདི་ཆེད་དུ་བརྗོད་དེ་གསུངས་སོ། །ཨོ་ང་ནི་ཕྱོགས་བཅུ་དུས་གསུམ་གྱི། །བདེརགཤེགསཐུགས་ཀྱི་སྲས་ཡིན་པར། །བདུད་དང་སྲིན་པོ་ལོག་འདྲེན་རྣམས། །མ་ལུས་ཚར་གཅོད་བྱིན་རླབས་ཏེ། །མགོནཔོགཤིནརྗེཉིདཀྱི་སྲས། །དོན་རྣམས་ཐམས་ཅད་མ་ལུས་པ། །དེ་ཉིད་དུ་ནི་བསྒྲུབ་པར་བྱ། །དགྲ་རྣམས་ཐམས་ཅད་འདུལ་བའི་ཕྱིར། །ཕྲིན་ལས་རྡོ་རྗེ་ཅན་གྱིས་མཛོད། །ཞེས་བརྗོད་ཅིང་སྔགས་ཀྱིས་བརྡེག་པ་ནི་ཕྲིན་ལས་མཆོག་གི་རྒྱལ་པོ་ཞེས་གསུངས་སོ། །དུས་དང་དུས་དང་ཞག་གྲངས་ནི། །ཉི་མ་གཅིག་ལ་སྟོང་རྩ་གཅིག །ནམ་གྱི་གུང་ལ་བརྒྱ་རྩ་གཅིག །ཐོ་རངས་ཐུན་གཅིག་བརྒྱ་རྩ་གཅིག །སྲོད་ཀྱི་གུང་ལ་བརྒྱ་རྩ་གཅིག །དེ་ལྟར་ཉིན་ཞག་གསུམ་བར་དུ། །བཟླས་པ་ཞག་གྲངས་ཚང་བྱ་ཞིང་། །ཕྱག་རྒྱ་བཅའ་ཞིང་གཟུགས་ལ་བརྡེག །ཉ་ལ་བྱས་ན་གདོན་མི་ཟ། །ཨོ་མྱ་ར་ན་ཁ་ད་སརྦ་སྙི་ཉི་ཡ་མན། རྟུ༷་རྟུ༷་ཏྲེ་ཁ་ད་པ་ར་ན་པ་ལ་རྟུ༷་རྟུ༷་ཕཊ་ཕཊ་གྲྭ་ཧྭ། རྡོ་རྗེ་རྩེ་གཅིག་པའི་ཕྱག་རྒྱ་བཅས་ལ་དགྲ་བོའི་གཟུགས་ལ་བརྡེག་གོ། །ཨོ་བཛྲ་ཧཱུཾ་ཁ༷་སྤ་ར་ན་ཕཊ། ཧཱུཾ༷་ཨུ་བེ་ཤ་ཨ། རྟུ༷་རྟུ༷་ཕཊ་ཕཊ་ཨ། ཡང་ཕྱག་རྒྱ་གོང་མ་བཅས་ལ། ཨོ་བཛྲ་ཀྲོ་དྷ་ནི་ལ་ཏནྟྲ་རྟུ༷་རྟུ༷། སྙི་ལྟོ་ཀྲི་ཏ་ནན། རྟུ༷་སྙི་྅་བི་ཀྲི་ཏ་ནན་ནན་ཞེས་བརྗོད་ལ།བདག་གི་ལག་པས་དབང་བསྐུར་རོ། །ཡང་ཕྱག་རྒྱ་བཅས་ལ། །སྔགས་འདི་ལ་ཡང་ལན་གྲངས་མང་དུ་བྱའོ། །ཨོ་བཛྲ་ཙཎྜ་སྙི་྅་བཛྲ་སྟི་ར་བ༷། ཁ་ཧི་རྟུ༷ཉུ༷་ཆེ་གེ་མོ་དབང་དུ་སྡུས་ཤིག །ཧྲིལ་ཧྲིལ་ཞེས་ལན་གྲངས་མང་དུ་བརྗོད་དོ། །རྡོ་རྗེ་རྒྱ་གྲམ་གྱི་ཕྱག་རྒྱས་བརྡེག་གོ །ཡང་ཕྱག་རྒྱ་བཅས་ལ་སྔགས་འདིས་བརྡེག་གོ །ཨོ་བཛྲ་ཀང་ཀ་མ་ཀ་ལ་ཡ་ན་ཧཱུཾ༷་ཕཊ་ཕཊ་ཨ། ཞེས་འབུམ་བཟླས་ལ་རྡོ་རྗེ་རྩེ་ལྔ་པའི་ཕྱག་རྒྱས་བརྡེག་གོ །ཡང་ཕྱག་རྒྱ་བཅས་ལ་སྔགས་འདི་བརྡེག་གོ །ཨོ་བཛྲ་ཨ་གུ་ཤ་ཏྲེ་ཐ་སྟི་ར་བི་རྟུ༷་རྟུ༷་ཕཊ་ཕཊ་ཆེ་གེ་མོ་མྱ་ར་ཡ་ཛ་ཧཱུཾ༷་ཞེས་དབང་དུ་སྡུས་ཤིང་། ་༷་རྟུ༷་ཕཊ་ཕཊ་ཞེས་ལན་གྲངས་མང་དུ་བརྗོད་དོ། །རྡོ་རྗེ་གདེངས་པའི་ཕྱག་རྒྱ་བཅས་ལ་དབང་དུ་བསྡུའོ། །ཡང་ཕྱག་རྒྱ་བཅས་ལ་སྔགས་འདིས་བརྡེག་གོ །ཨོ་རྟུ༷་ཧཱུཾ༷་ཕཊ་ཕཊ་འདུས་འདུས་རང་རང་ཡི་ཡི་རི་རི་ཧྲིང་ཧྲིང་དུ་བ་སྨྱོ་རྟུ༷་ཕཊ་ཆེ་གེ་མོ་དུན་སྨྱོ་ཞེས་བཟླས་ལ། ཁ་ཧཱུཾ་གི་ཕྱག་རྒྱས་བརྡེག་གོ །དེ་ལྟར་ལས་དེ་དག་ཡོངས་སུ་རྫོགས་པའི་ཏིང་ངེ་འཛིན་དང་ལྡན་པར་བྱས་ལ། །བཟླས་པ་བྱས་ན་ལས་ཅི་བྱས་པ་ཐམས་ཅད་དབང་དུ་འདུ་བར་ངེས་ཞེས་བཅོམ་ལྡན་འདས་ཀྱིས་གསུངས་སོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས། ངན་སྔགས་དབང་སྡུད་ཀྱི་ལེའུ་སྟེ་དྲུག་པའོ།། །།དེ་ནས་ཡང་བཅོམ་ལྡན་འདས་གཤིན་རྗེའི་གཤེད། བཅོམ་ལྡན་འདས་ཀུན་ལ་ཁྱབ་པའི་ཕྲིན་ལས་བསྒྲུབ་པ་འདི། སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ལྔ་ཕུང་ཡན་ལག་གཤོམ་པ་དང་། །དུག་གསུམ་རྩད་ནས་གཅད་པ་དང་། །འབྲས་བུ་རྒྱལ་བར་བསྒྲུབ་བྱའི་ཕྱིར། །ནན་ཏུར་ཕྲིན་ལས་བཤད་པར་བྱ། །དང་པོའི་ལས་ནི་རྒྱས་དང་གསད། །དགུག་དང་གཏད་དང་བཅིང་དང་དགྲོལ། །སྦྱོར་བའི་གདུག་པ་མ་ལུས་ཀུན། །ཕྲིན་ལས་འདི་ཡིས་བྱེད་པར་འགྱུར། །དང་པོར་བཙལ་བའི་བཙལ་ཐབས་ནི། །རྣམ་པ་དྲུག་དང་ལྡན་པས་བཙལ། །སྟག་མོ་གད་ལ་མཆོང་སྟབས་དང་། །སེང་གེ་གངས་ལ་འགྱིང་ཚུལ་དང་། ཁུ་སྤྱང་གཟན་ལ་རྒྱུག་ཚུལ་དང་། །བྱ་རྒོད་གཟན་ལ་འབབ་ཚུལ་དང་། །དོམ་ཆེན་རྨི་ལམ་རྨི་ཚུལ་དང་། ཁུ་སྐེག་ཐང་ཤིང་སྙེག་ཚུལ་གྱིས། །རོ་ཡི་ཕུང་པོ་བཙལ་བར་བྱ། །རི་ལ་འདུག་ན་འགྱིང་བས་བཙལ། །སྲིབས་ལ་འདུག་ན་མཆོང་བས་བཙལ། །གདགས་ལ་འདུག་ན་འདུག་པས་བཙལ། །འོར་ན་འདུག་ན་འབབས་པས་བཙལ། །བྲག་ལ་འདུག་ན་རྨི་བས་བཙལ། །ནགས་ལ་འདུག་ན་སྙེགས་པས་བཙལ། །རྒྱལ་རིགས་ཡིན་ན་སེང་གེ་སྟངས། །བྲམ་ཟེ་ཡིན་ན་སྟག་མོ་སྟངས། །རྗེའུ་རིགས་ཡིན་ན་བྱ་རྒོད་སྟངས། །དམངས་རིགས་ཡིན་ན་དོམ་གྱིས་བྱ། །མ་ནིང་ཡིན་ན་སྤྲེའུ་ཡིས་བྱ། །དོག་ལ་ཡིན་ན་ཁུ་སྤྱང་སྟངས། །དེ་ལྟར་རོ་ཡི་ཚོལ་སྟངས་ནི། །རྣམ་པ་དྲུག་དང་ལྡན་པས་བཙལ། །བརྟག་ནས་འོངས་པ་གྱུར་པ་དང་། །གཤིན་རྗེ་རྒྱལ་པོའི་ཚམ་ངམ་བྱ། ཁྲོ་བོ་བཅུ་ཡིས་སྟང་སྟབས་ཀྱིས། །རོ་ལ་ཀུན་ཏུ་བསྐོར་བྱས་ལ། །དཀྱིལ་འཁོར་ཆེན་པོའི་དབུས་སུ་གཞག །དེ་ལྟར་གཞག་པའི་ལས་བྱས་ནས། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བསྟན། །ལག་པ་གཡས་པ་ལྷོ་ཡི་ཕྱོགས། །ལག་པ་གཡོན་པ་ནུབ་ཀྱི་ཕྱོགས། །རྐང་པ་གཡས་པ་ཤར་གྱི་ཕྱོགས། །རྐང་པ་གཡོན་པ་བྱང་གི་ཕྱོགས། །དེ་ལྟར་གན་རྐྱལ་བཞག་བྱས་ལ། །ད་ནི་ཕུར་པ་དགོད་བྱ་སྟེ། །མིག་དང་རྣ་བ་སྣ དང་ལྕེ། །ལག་གཉིས་རྐང་གཉིས་ཕོ་མཚན་དང་། །ལྐོག་མ་དེ་བཞིན་སྙིང་ག་དང་། །ལྟེ་བ་པུས་མོ་དཔུང་པ་གཉིས། །གྲུ་མོ་དེ་བཞིན་ལོང་བུ་གཉིས། །མཚོག་མ་དེ་བཞིན་སྤྱི་བོ་དང་། །དཀུ་དང་དེ་བཞིན་མཆན་ཁུང་གཉིས། །དཔྲལ་བ་རྣམས་སུ་གདབ་བྱས་ལ། །ཕུར་པ་དེ་དག་ལྷ་ཡི་སྐུར། །རབ་ཏུ་བརྟགས་ཏེ་གོམས་པ་དང་། །རང་བཞིན་གནས་ནས་གཤེགས་པ་དང་། །ཏིང་ངེ་འཛིན་དུ་བསྒོམས་པ་དང་། །གཟུགས་བརྙན་ནང་དུ་བཀོད་པ་གསུམ །ཚད་པས་གདུངས་པའི་བྱེ་མ་ལ། །མར་ཞུ་དེ་བཞིན་ཐིམ་པ་བཞིན། །གཉིས་སུ་མེད་པར་ཤེས་བྱ་ལ། །གོང་དུ་བསྟན་པའི་ལྷ་རྣམས་ནི། །རྣམ་ཤེས་བཞི་དང་དབང་པོ་བཞི། །དེ་ལས་གྱུར་པའི་ཡུལ་རྣམས་ནི། །བརྒྱད་པོ་རང་དུ་ཤེས་པར་བྱ། །སྒོ་མ་ལུས་ལ་གྲགས་པའོ། །ཐབས་དང་ཤེས་རབ་འབྲེལ་བའི་ཕྱིར། །སྟེང་འོག་ཁྲོ་བོ་དེ་ལས་གྱུར། །དེ་དག་ཀུན་གྱི་སྐུ་གསུང་ཐུགས། །མ་མོ་གསུམ་གྱིས་ང་ཉིད་དེ། །ཡབ་ནི་ཀུན་ལ་ཁྱབ་པ་ལ། །ཡུམ་ནི་ཀུན་ལ་སྡུད་པ་སྟེ། །བྱ་བ་བྱེད་པ་བདག་ཉིད་དོ། །ཕུང་པོ་ཀུན་ལ་ཁྱབ་པ་ལ། །མཉེས་པས་ཕུལ་ཕྱིན་ལྷ་ཡི་ཚོགས། ་འགྲོ་དྲུག་ཀུན་ལ་མ་ལུས་སྣང་། །དེ་ལྟར་ལས་རྣམས་ཟིན་པ་དང་། །ཞག་གྲངས་དུ་བྱ་དམ་ཡང་བཅའ། །དངོས་གྲུབ་ཐོབ་པར་འདོད་པ་ཡི། །རྣལ་འབྱོར་ཆེན་པོས་ཏིང་འཛིན་གསལ། །དེ་ལྟར་བྱས་ནས་མི་ལ་སོགས། །ཐམས་ཅད་དབང་དུ་འདུ་བར་གསུངས། །དགྲ་བགེགས་ལ་ལྟ་སྨོས་ཅི་དགོས། །དྲག་པོའི་ཕྲིན་ལས་གྲུབ་འདོད་པས། །དགྲ་བོའི་མིང་བྱང་བྲིས་བྱས་ལ། །བམ་གྱི་ཁ་ཡི་ནང་དུ་གཞུག །རྡོ་རྗེ་རྒྱ་གྲམ་རྒྱ་ཡིས་གདབ། །ཧེ་རུ་ཀ་ཡི་ཕྱག་རྒྱས་མནན། །ཡུངས་ཀར་རྒྱལ་པོས་དྲག་ཏུ་བརྡེག །རྒྱ་ཤུགས་བཀུས་པས་དྲག་ཏུ་བླུགས། །ཉི་མ་བཞི་ལ་དྲག་ཏུ་བརྡེག །སྔགས་དང་ཕྱག་རྒྱ་རྒྱུན་མི་བཅད། །དམ་རྫས་མཆོད་པ་ཤིན་ཏུ་དགྲམ། །རྣལ་འབྱོར་ཏིང་འཛིན་དྲག་ཏུ་བྱ། །ཡེངས་ན་བར་ཆད་འབྱུང་བར་འགྱུར། །གཡེང་བར་མི་མཛད་ཁྲོ་བོས་གསུངས། །དེས་ནི་ལས་ཀྱི་འབྲས་བུ་ཡང་། ཁེན་ཏུ་ཟད་པ་མེད་པ་སྟེ། །མཁའ་ལ་འཕུར་དང་ས་ལ་འཛུལ། །ཆུ་ལ་བྱིང་མེད་མངོན་ཤེས་ལྡན། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་ལས་བཞི་འཁོར་ལོ་གསང་བའི་རྒྱུད་ལས་རོ་ལངས་ཀྱི་སྒྲུབ་པ་ལ། ངན་སྔགས་ཀྱི་ཕུར་བུས་གདབ་པའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་འཇམ་དཔལ་གཤིན་རྗེ་ཉིད་རང་བཞིན་ལྷུན་གྱིས་གྲུབ་པ་འདི་ཆེད་དུ་བརྗོད་དོ། །ཡེ་ཤེས་འཁྱིལ་བའི་དཀྱིལ་འཁོར་བསྐྱེད་སྟེང་ན། །ཡེ་ཤེས་ཉི་མ་གསལ་བའི་ཐིག་ཕྲན་གདབ། །མུ་ཁྱུད་ཟླུམ་པོ་སྦྲུལ་གྱི་ཞགས་པ་བྲི། །སྟེགས་བུ་ཕྱོགས་མཚམས་ཕུར་བུས་བསྐོར་བར་བྱ། །དེ་ལྟར་བྲིས་པའི་དཀྱིལ་དུ་དགོད་པ་ནི། །ཨོ་ནི་དབུས་ཀྱི་ལྟེ་བ་ལ། ཁྲར་དུ་ཧྲི་ལ་ལྷོ་རུ་སྟ༷། །ནུབ་ཕྱོགས་ཧཱུཾ༷་ལ་བྱང་དུ་ཧ། །བྱང་ཤར་མཚམས་སུ་ཛ་ཞེས་པ། །ཤར་ལྷོ་ཏྲི་ལ་ལྷོ་ནུབ་མེ། །ནུབ་བྱང་ཨ་ལ་རབ་ཏུ་རྟེན། །རྟེན་པའི་ཡི་གེ་དེ་བཀོད་ནས། །དབུས་སུ་བསྟན་པར་བསྒོམ་པ་ནི། །གཤིན་རྗེ་སྟེ་སྐུ་དམར་ནག་ལ། །དབུ་གསུམ་པོ་ལ་ཕྱག་ཀྱང་དྲུག །དབུ་ལ་ཐོད་པ་ཚལ་གྱིས་བརྒྱན། །ཞལ་གཡས་སྨུག་ནག་གཡོན་ལྗང་བ། །དབུས་ནི་སྐུ་དང་རབ་མཐུན་པ། །སྐུ་ལ་ཐོད་པ་བརྒྱན་གྱི་ཚལ། །ཞབས་བཞི་བརྐྱང་བསྐུམ་དུ་བཞུགས་པ། །ཡབ་ཀྱི་སྐུ་ལ་རབ་འཇུག་པ། །གཡོན་ཕྱོགས་གནས་པ་གོང་མ་བཞིན། །ཨོ་ཨ་སྐྲོ་ཏ་ཏ་ཀ་སརྦ་ཨ་མྲི་ཏ་ཀྲོ་ཏ་ཧཱུཾ༷་ཕཊ། །ཨོ་ཨ་སྐྲོ་ཏ་ཀྲོ་ཊ་ཧཱུཾ༷་ཕཊ། དེ་ལྟར་ཡབ་ཡུམ་གསལ་བར་བསྐྱེད། །པདྨའི་གདན་ལ་རབ་བཞུགས་པའོ། །འཁོར་ལ་སོགས་པའི་རིམ་པ་ནི། །བསྐྱེད་པ་གོང་མའི་རིམ་པའོ། །རྟག་ཏུ་བཟླས་པ་བསྙེན་པའི་སྔགས། །མི་དྲག་མི་བུལ་མི་ཞན་པར། །ཏིང་འཛིན་གསལ་བར་བསྒོམ་བྱས་ཏེ། །ཞི་ལ་འཚེ་བའི་ཏིང་འཛིན་ལ། །རི་རབ་དབུས་ཀྱི་ལྟེ་དབུས་ལ། །རབ་བརྟན་འོག་གི་གོ་གོ་ ་བགོས་ཀུནས། །རྡོ་རྗེ་ཚེ་ཡི་དབང་སྩོལ་ཏེ། །ཕྱོགས་བཅུ་གདུག་པའི་ཚེ་འདྲེན་ཏེ། །གདུག་པ་མ་ལུས་འགུག་པར་འགྱུར། །ཚེའི་སྙིང་པོ་འདི་རྟག་ཏུ་བཟླས། །ཨོསམཡམསྣྲུཤིམུཏྲཨཀོཨུ་ཡུ་ཕ་ལ་སི་ཏི་ནི་ཧཱུཾ་ཨ། དེས་ནི་ཚེ་ཡི་དབང་ཐོབ་ནས། །སངས་རྒྱས་སྐུ་དང་མཉམ་པ་དང་། །བསྐལ་པ་མ་ཞིག་བར་དུ་ནི། །ལོ་ལྔ་ལོན་པ་བཞིན་དུ་གནས། །དེ་ནས་བསྐུལ་བའི་གནས་འདི་གསུངས། །ཨེ་མའོ་ཕྱོགས་བཅུ་ཀུན་ནས་འདུས་པ་ཡིས། །ཡེ་ཤེས་རྒྱལ་པོའི་ཐིག་ལེ་འདི། །གསང་ཆེན་རྨད་དུ་བྱུང་བ་སྟེ། ཁུ་དྲུག་འཁོར་བའི་སེམས་ཅན་རྣམས། །ཡེ་ནས་ལྷུན་གྱིས་གྲུབ་པའི་བཅུད། །ཐམས་ཅད་མ་ལུས་ཆོས་སོ་ཅོག །ཆོས་ཀྱི་སྐུ་འམ་ཆོས་ཀྱི་དབྱིངས། །དོན་དམ་ཚིག་དང་མངོན་སུམ་པ། །དངོས་པོ་མཚན་མ་ཐམས་ཅད་ལས།ཁྱབ་པའི་མྱ་ངན་ཐུགས་རྗེ་ཆེ། །ཕྲ་མོ་སེམས་ཀྱི་རང་བཞིན་ཏེ། །གཏི་མུག་མུན་པ་སེལ་བ་སྟེ། །ཉོན་མོངས་དྲི་མ་ཀུན་དང་བྲལ། ཁེན་ཏུ་སད་པ་མྱ་ངན་འདས། །ཐུགས་རྗེའི་རང་བཞིན་གཤིན་རྗེ་སྟེ། །རྡོ་རྗེ་ཚེའི་རང་བཞིན་མི་འགྱུར་བའོ། །ཞེས་གསུངས་པས་ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་རྔམ་པའི་ཞལ་ནས་འདི་སྐད་ཅེས་གསུངས་སོ། །ཨེ་མའོ་ཕྱོགས་བཅུའི་འཇིག་རྟེན་ཡེ་ནས་དབེན། །བདེར་གཤེགས་ཐམས་ཅད་ཡེ་ནས་ལྷུན་གྱིས་གྲུབ། །མཐའ་གཉིས་སྤངས་པའི་ཡེ་ཤེས་ལྷུན་རྫོགས་པའི། །ཕྱོགས་བཅུའི་སྟོང་ཁམས་འཇིག་རྟེན་རྒྱན་དུ་བཅས། །ཐབས་དང་ཤེས་རབ་ཀྱིས་ནི་དབང་བསྐུར་ན། །བདུད་དང་སྲིན་པོ་ལོག་འདྲེན་ཚེ་བསྡུས་ཏེ། །དབང་བསྐུར་གནང་བ་དེས་ཀྱང་བྱིན་བསྐྱེད་དེ། ཁྲར་ཕྱོགས་དྲི་ཟའི་གནས་ནས་ཚེ་དྲོངས་ཤིག །ཨོ་བཛྲ་ཀུ་ལ་ཨེ་སྭ་ཤྭ་ར་ན་ཧ་ཧ་ཧོ་ཧོ་ཧཱུཾ༷་ཧཱུཾ༷། ཞེས་ནི་དབྱངས་དང་བཅས་པ་ཡིས། །རྡོ་རྗེ་རིགས་ལས་གྲུབ་པ་ཡི། །བདེ་བར་གཤེགས་པ་ཐམས་ཅད་ཀྱིས། །མགོན་པོ་གཤིན་རྗེ་ཚེ་དབང་བསྐུར། །དེ་ནས་རིན་པོ་ཆེའི་ཚེའི་དབང་བསྐུར་བའི་ཕྱིར་འདི་གསུངས་སོ། །ཨེ་མའོ་རིན་ཆེན་འཆང་བ་ཀུན་གྱི་བདག །འཇིག་རྟེན་དབང་ཕྱུག་དབང་བྱེད་པ། །གཙོ་མཆོག་ཁྱབ་པར་བྱིན་བརླབས་ཏེ། །མི་འགྱུར་རིགས་ཀྱི་ཚེ་ཐོབ་ནས། །ལྷོ་ཕྱོགས་གཤིན་རྗེའི་གནས་ནས་ཚེ་དྲོངས་ཤིག །ཨོ་རཏྣ་ཀུ་ལ་ཨུ་ཡུ་ཧེ་ཧེ་ཧོ་ཧོ་ཧེ༷། རིན་ཆེན་དགྱེས་པའི་དབང་བསྐུར་བས། །ཁྱད་པར་བྱིན་བརླབས་ཐོབ་གྱུར་ཅིག །དེ་ནས་པདྨ་རིགས་ཀྱི་ཚེའི་དབང་འདི་ཡང་གསུངས་སོ། །ཨེ་མའོ་ཁྲོ་ག་་རྔམ་པའི་ཚོགས། །པདྨ་རིགས་ཀྱི་དབང་ཕྱུག་སྟེ། །སྣང་བ་མེད་ལས་ལྷུན་གྱིས་གྲུབ། །རྡོ་རྗེ་འཆང་གིས་དབང་བསྐུར་བས། །ཀླུ་འདུལ་ཚེ་ཡི་དབང་ཐོབ་ཤོག །པདྨ་ཀུ་ལ་ཨུ་ཡུ་ཧེ་ཧེ་ཧོ་ཧོ་ཧེ༷། ལྷུན་གྱིས་གྲུབ་པ་ཚེ་ཡི་དབང་། །ཐོགས་མེད་དམ་པ་ཐོབ་པར་ཤོག །དེ་ནས་ལས་ཀྱི་རིགས་ཀྱི་ཚེའི་དབང་བསྐུར་བ་འདི་བརྗོད་དོ། །ཨེ་མའོ་རང་བཞིན་མཚན་མ་མེད་པ་ཡི། །ཡེ་ཤེས་ལྔ་ལྡན་ཕྲིན་ལས་གཙོ། །གཉིས་སུ་མེད་པ་ལས་ཀྱི་རིགས། །ལས་རྣམས་ཐམས་ཅད་དབང་བསྐུར་བས། །གནོད་སྦྱིན་གདོན་ལས་ཚེ་དྲོངས་ཏེ། །གནོད་སྦྱིན་བགེགས་འདུལ་དབང་ཐོབ་ཤོག ། ཨོ་ཀརྨ་ཀུ་ལ་ཨུ་ཡུ་ཧེ་ཧེ་ཧོ་ཧོ་ཧེ༷། ཞེས་བརྗོད་པས་ཐམས་ཅད་ཚེའི་དབང་ཉིད་དུ་གྱུར་ཏེ། ཆེད་དུ་བརྗོད་པ་འདི་བརྗོད་དོ། །ཚད་མེད་བཞི་ཡི་ཐུགས་རྗེས་ཀྱང་། །ཉོན་མོངས་དགྲ་རྣམས་ཞི་གྱུར་ཅིག །ཅེས་ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་ཚེའི་དབང་བསྐུར་རོ། །འཕགས་པ་ལས་བཞིའི་འཁོར་ལོ་གསང་བའི་རྒྱུད་ལས། འཇམ་དཔལ་ཚེ་སྒྲུབ་པའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་གཤིན་རྗེའི་བདག་ཉིད་དེ། མཐའ་བྱེད་འབྱུང་བ་དེ་ཉིད་ཀྱི་སྐུ་དང་གསུང་དང་ཐུགས་ལས་བྱུང་ངོ་། །གཤིན་རྗེ་ལས་ཀྱི་ཕྲིན་ལས་འདི། །མྱོས་དང་མགོ་འཁོར་བྱེད་པ་དང་། །ཡིད་འཁྲུག་ཁྲག་ཏུ་སྒྱུག་པར་བྱེད། །ལོག་འདྲེན་རྣམ་པ་དྲུག་ཏུ་བསྟན། །ལོག་འདྲེན་མཐར་བྱེད་དཀྱིལ་འཁོར་ནི། །བཅུ་གཉིས་འཁོར་ལོ་རྩིབས་ཅན་དེ། །ཡི་དྭ་གས་ཀྱི་ནི་གོས་ལ་བྲི། །སུམ་བརྩེགས་ལྡན་པའི་མུ་རན་ལ། །དབྱངས་ཀྱི་ཡི་གེས་ཀུན་ཏུ་བསྐོར། སྒྲུཁོ་སྔགས་ཀྱིས་གནོན་བྱས་ལ། །ཐ་ལ་ཐོད་པ་གཏང་བར་བྱ། །དེ་ནས་སྔགས་ཀྱི་དགང་བར་བྱ། །ཡ་མ་ན་ཏེ་ར་ཙའི་ཚོགས། །ས་སྟེ་འབྱུང་བྱེད་དོ་ཡི་རྟེན། །མེ་སྟེ་ཐམས་ཅད་སྲེག་པའོ། །བདག་ཉིད་གཤིན་རྗེ་མཐར་བྱེད་སྐུར་བསྐྱེད་ལ། །ཡུམ་ཡང་དེ་རུ་བསྒོམ་བྱས་ལ། །ཕྱོགས་བཅུ་གདུག་པ་ཐམས་ཅད་ཀུན། །མ་ལུས་ཚམ་ངམ་དྲག་པར་བྱ། །བཟླས་པའི་སྙིང་པོ་མ་ནོར་བར། །སྒྲ་དང་འདུ་བྱེད་རབ་སྤངས་ཏེ། །བདེ་ཞིང་ཡིད་འོང་གནས་དག་ལས། །རབ་ཏུ་སྡང་མིག་སྡང་༄༅ སེམས་བཅས། །སྒྲ་དང་བཅས་པའི་སེམས་སྤངས་ཏེ། །ཉི་མ་ཤར་ནས་ནུབ་ཀྱི་བར། །རྒྱུན་དང་དུས་སུ་བསྟན་པའོ། །བར་བར་བསྐུལ་བའི་ལས་བྱ་ཞིང་། །བཅོལ་བའི་ལས་དག་རབ་ཏུ་བརྗོད། །དེ་ནས་བཅོམ་ལྡན་འདས་ཁྲོ་བོ་གཤིན་རྗེའི་ཚོགས་ཐམས་ཅད་ཡུམ་བཙུན་མོ་དང་གཉིས་སུ་མེད་པར་བྱས་ཏེ། བཟླས་པའི་སྔགས་འདི་སྐུ་དང་གསུང་དང་ཐུགས་ལས་ཕྱུང་ངོ་། །ཨོ་རྒི་སྦྱི་བི་ཀྲི་ཏྭ་ནན། ཧུ༷་ཧུ༷་པ་ན་ཨ་ནུད་བྷ་བ། སརྦ་དྷརྨ་ཙ་ཙྭརུ་ཨ་ཏི་བ་ཧ༷། ཨོ་ལ༷་ཡོ༷་ཨེ༷། བཛྲ་བོ་དྷི་ཏ་ཐུ་ག་ཏ་ཀྲོདྷི་ཤྭ་རི། ཨ་བྱི་ཏ་བཛྲ་ཀྲོ་དྷི་ཤྭ་རི། ཧེ་ཧེ་ཉེ་ཧ༷། སྔགས་འདི་རབ་ཏུ་བརྗོད་བྱས་པས། ཁ་དོག་ཆེ་ཞིང་ལུས་པོ་ཆེ་བ་དང་། །རྒྱ་དག་ཡོངས་སུ་མ་ཆད་ཐམས་ཅད་ནམ་མཁའ་སྟེ། །གསལ་བའི་ཤེས་རབ་ཐམས་ཅད་ནམ་མཁའ་འདྲ། །མཐར་ཕྱིན་སྔགས་ཀྱི་ལུང་ལ་མཁས་པར་བྱ། །དེ་ཡི་སྦྱོར་བ་ཐམས་ཅད་དགྱེས་སྐོངས་ཤིང་། །དབང་སྡུད་སྔགས་སྟེ་དྲག་པོའི་ལས་དང་སྦྱར། །མི་དམིགས་གཙོ་བོའི་སྔགས་དང་ཕྱགརྒྱར་གནས། །སྒྲོལ་དང་མཐརཕྱིན་ཕྲིན་ལས་གནས་སུ་བསྟན། །ཏིང་འཛིན་རིམ་པ་འདི་དག་ལྡན་པར་བྱ། ཁྲོབོ་དེབཞིནགཤེགས་པའི་ཏིང་ངེ་འཛིན་དང་། སྒྱུ་མ་ལ་དབང་བསྒྱུར་བའི་ཏིང་ངེ་འཛིན་དང་། གོའཕངཆེནཔོལསྦྱརབའི་ཐབས་ཀྱི་ཏིང་ངེ་འཛིན་དང་། །རྗེས་སུ་བསྟན་པའི་ཆོ་འཕྲུལ་དང་ལྡན་པའི་ཏིང་ངེ་འཛིན་དང་། ཐུགས་རྗེས་ཞེ་སྡང་སྒྲོལ་བའི་ཏིང་ངེ་འཛིན་དང་། ཤེས་རབ་ཀྱིས་འདོད་ཆགས་སྒྲོལ་བའི་ཏིང་ངེ་འཛིན་དང་། ཡེ་ཤེས་ཀྱིས་གཏི་མུག་སྒྲོལ་བའི་ཏིང་ངེ་འཛིན་དང་། ཡོན་ཏན་གྱིས་ང་རྒྱལ་འཇོམས་པའི་ཏིང་ངེ་འཛིན་དང་། འབད་པ་མེད་པའི་བརྩོན་འགྲུས་ཀྱིས་ཕྲག་དོག་འཇོམས་པའི་ཏིང་ངེ་འཛིན་ཏོ། །དེ་དག་འཇོམས་པའི་སྔགས་ནི་འདི་དག་གོ །པྲརྙོ་ཀུ་ལ། ཙྭ་ན་ཀུ་ལ། དྷ་ཀ་ཀུ་ལ། གུ་ན་ཀུ་ལ། བྲིརུ་ཀུ་ལ། སྟུ་ཏ་ཀུ་ལ། བཛྲ་ཀུ་ལ། པདྨ་ཀུ་ལ། ཀརྨ་ཀུ་ལ།རཏྣ་ཀུ་ལ། སརྦ་ཏ་ཐུ་ག་ཏ་ཧོ། ཞེས་བརྗོད་ནས་འདི་སྐད་ཅེས་གསུངས་སོ། །དཔེར་ན་མེ་དང་འོད་བཞིན་དུ། །འོད་ལ་སྦྲང་མ་འདུ་ན་ཡང་། །མེ་ལྕེའི་དྲོད་ནི་འོད་ལ་ཡོད། །འོད་ཀྱིས་སྦྲང་འཚིག་ཅི་བཞིན་དུ། །སྐྱོན་གྱིས་དྲི་མ་ཐམས་ཅད་དང་། །བདུད་དང་མུ་སྟེགས་ལོག་འདྲེན་དང་། །མི་མཐུན་པ་ཡི་དགྲ་དང་བགེགས། ཁོ།ས་རབ་ཐབས་ཀྱིས་གཟིར་གནོན་པའི། །མེ་ལྕེ་དང་ནི་སྦྲང་མ་འདྲའོ། །ཐ་དད་པ་ཡི་མི་མཐུན་པའང་། །འཕགས་པ་འཇམ་དཔལ་གཤིན་རྗེ་ཉིད། །འཁྲིགས་པ་མེད་ཅིང་སྒྲོལ་བར་བྱེད། །མི་སྐྱེ་ཡེ་ཤེས་རལ་གྲི་ཡིན། །ཉོན་མོངས་སྡུག་བསྔལ་དྲལ་བྱས་ནས། །གནས་དང་གནས་མ་ཡིན་པ་ཡི། །རྒྱུ་དང་རྒྱུ་མ་ཡིན་པ་ཡི། །ཉོན་མོངས་སེམས་ཅན་མཐོ་རིས་གནས། །བསྒྲལ་བའི་ཞིང་དུ་སྨོས་པ་དེ། །དེ་ལ་དེ་བཞིན་དྲག་ཏུ་བྱ། །རིགས་དང་ལོ་གྲངས་མཐུན་པ་ལ། །དེ་བཞིན་བྱས་ན་སྐྱོན་པ་སྟེ། །དེ་དག་ཡོངས་སུ་ཤེས་པར་བྱ། །ལས་དང་བྱ་བ་རྩོལ་བ་རྣམས། །ཉམས་ཀྱི་ཕྱག་རྒྱ་རང་དོན་སད། །དེ་རྟགས་དཀའ་བ་མི་འགྱུར་ཏེ། །མི་ལ་ཡ་ཡི་འོག་གོས་ལ། །གི་ཝང་དག་གིས་བྲིས་བྱས་ཏེ། །འོག་ནས་འབྱུང་བའི་གསང་སྔགས་དང་། །གང་བྱ་སྤེལ་ལ་བྲིས་བྱས་ལ། །རཀྟ་དག་གི་ཁ་ཆུས་བྲན། །ཐུབ་པ་དྲུག་གི་སྙིང་པོ་བྲི། །གསང་བའི་སྔགས་འདི་དྲག་ཏུ་བརྗོད། །ཨོ་ཧྲིརྨྱི་ཀྲོ་དྷ་བི་ཀྲི་ཏ། ཧྲིརྨྱི་ཀྲོ་དྷི་མ་ར་ཏ། པྲ་སང་ཧེ་ཏེ་བ་མུ་ཀ ཧེ་ཧང་ཧེ་ཧང་། ཀྭ་ལ་དུ་པ་རྟུ༷་ཉུ༷་ཕཊ་ཕཊ། །ཨ། དེ་སྐད་གསུང་གི་སྒྲ་བསྒྲགས་པས། །དགྲ་དང་བགེགས་དང་མུ་སྟེགས་དང་། །བདུད་དང་སྲིན་པོ་མ་ལུས་རྣམས། །གཟིར་ཅིང་གནོན་པ་དྲག་ཏུ་བྱ། །མི་མཐུན་ཕྱོགས་ཀྱི་འབྱུང་པོ་དེ། །གདུལ་བར་བྱ་བའི་དོན་ཆེད་དུ། །ཁྲོ་བོའི་སྐུ་རུ་བསྒོམ་བྱས་ཏེ། །ཐམས་ཅད་བསྒྲལ་བར་བྱ་བ་ཡི། །རང་བཞིན་གྲུབ་པ་འདི་གསུངས་སོ། །ཨོ་པྲ་མུ་རྟ་ན། ན་མོ་བཛྲ་བཛྲ་ཀི་མོ་ན་ཏ། ཨ་ཧང་པྲ་ཁུ་མ་ཁུ་མ་མོ་མུ་སྟི་གྲྭ་ཧྭ། །དེ་སྐད་ཅེས་ནི་གསུངས་པ་ཡིས། །རང་བཞིན་གྱིས་ནི་དབང་དུ་འགྱུར། །བདུད་རྣམས་དག་ནི་ཁྲོ་ཞིང་གཏུམ། །སྲིན་པོ་དག་ནི་འཇིགས་ཤིང་རྔམ། །མུ་སྟེགས་ལོག་འདྲེན་རྒོལ་བར་བྱེད། །དེ་དག་འདུལ་བར་བྱ་བའི་ཕྱིར། །ཕྲིན་ལས་དམ་པ་འདི་བརྩམས་སོ། །དཀྱིལ་འཁོརསྔམབཞིན བྲིསལ། །དབུས་ཀྱི་ཕྲོ་ ་ཕོ་གོབྲང་ལྟེ་བ་ལ། །བདུད་རྣམས་འདུལ་བའི་སྙིང་པོ་བྲི། ཁྲར་གྱི་འཁོར་ལེའི་རྩིབས་སྟེངས་སུ། །དྲི་ཟ་དབང་བསྡུའི་སྙིང་པོ་བྲི། །ལྷོ་ཡི་ཕྱོགས་ཀྱི་འཁོར་ལོ་ལ། །མུ་སྟེགས་སྒྲོལ་བའི་སྙིང་པོ་བྲི། །ནུབ་ཀྱི་ཕྱོགས་ཀྱི་འཁོར་ལོ་ལ། །ཀླུ་རྣམས་ཚར་གཅོད་སྙིང་པོ་བྲི། །བྱང་གི་ཕྱོགས་ཀྱི་འཁོར་ལོ་ལ། །གནོད་སྦྱིན་ཚོགས་རྣམས་དབང་སྡུད་བྲི། ཧཱུཾ་བི་བྷ་ནན། རྟུ༷་རཀྟ་ནན། ཨོ་ཏིར་ཏི་ཀ་ནན། ཨོ་མར་ན་ནན། མཚམས་ཀྱི་དཀྱིལ་འཁོར་ལྟེ་དབུས་སུ། །མཚམས་ཀྱི་བགེགས་གནོན་སྙིང་པོ་བྲི། རྟུ༷་དྷ་ཉུ༷་བཱ༷༷ ྅་ལྭ།ཉུ་གྲྭ། གྲུ་ཆད་རྣམ་པ་བཞི་པོ་ལ། །ཐོད་པ་རློན་པ་བྲི་བར་བྱ། །མུ་ཁྱུད་ཐོད་པའི་ཕྲེང་བ་གཏང་། །ཕྱི་རོལ་སྐྲུལ་གྱིས་ཡོངས་སུ་དགང་། །དེ་ལྟར་དཀྱིལ་འཁོར་ཟིན་པ་དང་། །རྣམ་པར་འཚེ་བའི་གཟུགས་རྣམས་ཀུན།ཁམ་པ་རྫ་ཡི་གའུ་ལ། །གཟུགས་སུ་ཡོངས་སུ་བྲི་བྱ་སྟེ། །དབུས་སུ་ཡོངས་སུ་གཞག་པར་བྱ། ཁ་དོག་དམར་པོས་བཅིངས་ནས་ནི། །རྩེ་གཅིག་ཕྱག་རྒྱ་བཅས་བྱས་ལ། །གསང་སྔགས་འདི་ཡང་འབུམ་ཁྲི་བརྗོད། །ཨོ་པྲ་མརྟ་ན་མོ་ཧ་སྲ་བཛྲ་ཛ་ཀི་མོ་ན་དྷ་ཨ་ཧང་པྲ་ཁུ་མ་མོ་ཐ་ཐ་གྲྭ་ཧྭ། ན་མོ་དོ་གི་ཁ་དྷ་མུ་པྲ་པ་ཐ་བྱི་ཐ་ཨུ་སྟེ་ནི་ནན་སརྦ་ཏ་ཏ་ན་ཕཊ། ཕྱག་རྒྱ་དེ་དང་བཅས་པས་བརྡེག །ཞག་གསུམ་བཟླས་པ་བྱས་ན་ནི། །བགེགས་དང་ལོག་འདྲེན་དབང་དུ་འདུས། །གཞན་ཡངདེབཞིནབཞུགསཔའི་ཁྲོ། །དཀར་དང་དམར་དང་སེར་བ་དང་། །སྨུག་ནག་ལྗང་ནག་ཁམ་པ་དང་། །སོ་སོའི་ཆ་ལུགས་རྔམ་པའི་གཟུགས། །མགོནཔོགཤིནརྗེནགཔོ་ཡིས། །བགེགས་དང་ལོག་འདྲེན་གཟིར་ཅིང་གནོན། །རྔམ་པའི་ཞལ་དུ་འདི་བསྟབས་སོ། །ཨོ་ཆེ་གེ་མོ་ཁ་རམ་ཁུ་ཧི། ཨོ་ཧྲིརྨྱི་ཆེ་གེ་མོ་ཁ་རམ་ཁུ་ཧི། ཨོ་ཀྭ་ལ་དུ་པ་ཆེ་གེ་མོ་ཁ་རམ་ཁྱ་ཧི། ཉུ༷་ཧཱུཾ༷་ཕཊ་ཕཊ་ཨ། ཉིན་ཞག་གསུམ་གྱི་བར་དུ་བཟླས། །དེ་ནས་ཕྱག་རྒྱ་གསུམ་བཅས་ཏེ། །ཡང་ནས་ཡང་དུ་གཟིར་ཅིང་གནོན། །ཕྱག་རྒྱ་དེ་དང་གསང་སྔགས་འདིས། །ལན་གྲངས་སྟོང་རྩ་གཅིག་ཏུ་བརྡེག །ཨོ་ཧྲིརྨྱི་བཛྲ་ཡ་ཡ་ན་པ་རྣ་སུ་པུསྟ་རྟུ༷་རྟུ༷་ཕཊ་ཕཊ་ཨ། ལས་དང་རྫས་དང་སྔགས་དང་ནི། །ཕྱག་རྒྱ་བརྩོན་འགྲུས་མ་ཡེངས་པར། །འབུམ་མམ་གྲངས་ནི་ཅི་མང་དུ། །ཡང་ནས་ཡང་དུ་ནན་ཏན་བྱ། །ཞེས་བཅོམ་ལྡན་འདས་འཇམ་དཔལ་འཇིགས་བྱེད་ཀྱི་རྒྱལ་པོས་རབ་ཏུ་གསུངས་སོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས་ལོག་འདྲེན་མཐར་བྱེད་ཀྱིས་མནན་པའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་གཤིན་རྗེའི་བདག་ཉིད་དེས་མཐར་བྱེད་འབྱུང་བ་འདི་ཉིད་ཀྱི་སྐུ་དང་གསུང་དང་ཐུགས་ཡོན་ཏན་ཕྲིན་ལས་ལས་ཕྱུང་ངོ་། །གནོད་སྤྱིན་མཐར་བྱེད་ཕྲིན་ལས་འདི། །དཀྱིལ་འཁོར་སྔ་མ་བཞིན་བྲིས་ལ། །བཟླས་པའི་སྙིང་པོ་བྲི་བར་བྱ། །ཡ་སྟེ་སྐྱེད་པ་མེ་སྟེ་སྲེག །ཏོས་ལ་སྙིང་རྗེ་རུ་ལ་ཆགས། །རྫི་ནི་འབྱུང་བྱེད་ཡབ་ཀྱི་གསང་། །ཡོ་ལ་ཀུན་འབྱུང་ཏ་ལ་བསྡུ། །བདག་ཉིད་ལས་ཀྱི་མཐར་བྱེད་སྐུ། །ཡབ་ཡུམ་གཉིས་མེད་རོལ་པ་ལས། །བྱང་ཆུབ་སེམས་ཀྱི་འོད་ཟེར་འཕྲོ། །འཛུམ་དང་བཅས་པས་ཡུལ་ལ་འབུལ། །བྱང་ཆུབ་བླ་མེད་སངས་རྒྱས་ལ། །མཆོད་ཅིང་ཅི་ལྟར་མཛད་པར་ལྟར། །བདག་ཀྱང་རབ་ཏུ་བསྒྲལ་སླད་དུ། །ཏིང་འཛིན་འདུ་བ་ནམ་མཁའ་འདྲ། །ཞེས་གསུངས་པས་ཕྱོགས་བཅུའི་གདུག་པ་ཅན་ཐམས་ཅད་སྤ་གོང་སྟེ་བྲེད་ནས་མྱོས་པར་གྱུར་ཏེ། དཔེར་ན་མི་ར་རོ་བཞིན་ནོ། །དེ་ནས་ནན་ཏན་གྱི་ཕྲིན་ལས་འདི་ཉིད་ཀྱི་སྐུ་དང་གསུང་དང་ཐུགས་ཡོན་ཏན་ཕྲིན་ལས་ལས་ཕྱུང་ངོ་། །གདུག་པ་མ་ལུས་འདུལ་མཛད་པ། ཁྲོ་བོ་ཆེན་པོ་ཧཱུཾ༷་སྒྲ་ཅན། །ལས་རྣམས་མཐར་བྱེད་ཕྲིན་ལས་སྐུ། །གནོད་སྤྱིན་སྡང་སེམས་ལྡན་པ་ཀུན། །བར་ཆད་བྱ་བར་སེམས་པ་སྟེ། །དེ་དག་ཟིལ་གྱིས་གནོན་པའི་ཕྱིར། །སྐུ་མདོག་ནག་པོ་ཆེན་པོ་སྟེ། །དབུ་སྐྲ་ཁམ་ནག་གྱེན་དུ་འཁྱིལ། །ཐོད་པ་ཚར་གསུམ་དབུ་རྒྱན་ཅན། །ཕྱག་གཡས་ཞིང་ཆེན་གཡོན་བྷན་དྷ། །སྤྱན་གསུམ་མཆེ་གཙིགས་ཞབས་ཀྱང་བརྐྱང་བསྐུམ་སྟེ། །མི་མཐུན་བགེགས་དང་སྡང་བའི་དགྲ། །མ་ལུས་དབང་སྡུད་ཕྲིན་ལས་མཆོག་གི་སྐུ། །མི་སྡུག་ཚུལ་འཆང་དྲེགས་པའི་ཁྱོ་ཤུག་ལྡན། །ཞིང་ཆེན་གཡང་གཞི་རྒྱན་དུ་བྱས། །ཞེ་སྡང་དབང་སྡུད་སྟག་གི་ཤམ་ཐབས་ཅན། །ཉོན་མོངས་དབང་སྡུད་གླང་ཆེན་ཀོ་རློན་ཅན། །འདྲེན་པའི་ཁྲོ་རྒྱལ་གདུག་འདུལ་དམ་པ་འདི། །དུས་ངན་ཐ་མའི་སེམས་ཅན་འདུལ་དཀའ་བ། །ཉོན་མོངས་དབང་སྡུད་དཔལ་གྱི་ཞལ་དུ་སྟོབས །འགྲོ་བ་མ་ལུས་ཐུགས་རྗེས་དབྱིངས་ལ་དགོད། །ཞེ་སྡང་ཤུགས་འཆང་ཁྲོ་བོའི་གཙོ། །གདུག་པར་གྱུར་པའི་དགྲ་བགེགས་འདུལ་མཛད་པ། །ང་རྒྱལ་ལ་སོགས་རྟག་ཏུ་དུག་གསུམ་སྐུ། །ཡེ་ཤེས་ངངལས་ཐམས་ཅད་རྫོགས་པར་མཛོད། །ཨོ་བཛྲ་ཧྲིསྤྱི་བི་ཀྲི་ཏྭ་ན་ན། ཏ་ཐུ་ག་ཏ་ཡ་མ་ར་ཙ་ཧོ༷་ཕཊ་ཨ། ཞེས་པའི་སྔགས་དང་བཅས་ལ་བདག་ཉིད་ལས་མཐར་བྱེད་ཀྱི་སྐུར་བསྒོམས་ལ་ཕྲིན་ལས་བཅོལ་ཞིང་གནོན་པ་དྲག་ཏུ་བཟླས་པའི་སྙིང་པོ་བཟླས་སོ། །དེའི་དུས་སུ་སྦྱིན་སྲེག་བྱེད་ན་ཕྲིན་ལས་བརྩམ་པར་་བྱ་སྟེ། མེ་ཐབ་ཨེ་ཡི་དབྱིབས་འདྲ་ལ། །བང་རིམ་སུམ་བརྩེགས་ཁ་ཁྱེར་ཅན། །ངོས་ལ་མེ་ཡི་ཕྲེང་བ་གཏང་། ཁ་ཁྱེར་རྡོ་རྗེར་བ་ལ། །མུ་རན་ཐོད་པའི་ཕྲེང་བ་སྟེ། །མེ་སྟེ་བསྲེག་བྱ་འཆང་ཞེས་པ། ཁ་དོག་ནག་པོ་ཤིན་ཏུ་རིད། །ཕྱག་ན་ཞུགས་གླིང་བགྲང་ཕྲེང་དང་། །བེ་ཅོན་རིལ་པ་ཐོགས་པ་སྟེ། །ཚུལ་བཞིན་སྦྱན་དྲངས་གདན་བཞུགས་བསྟོད། །དབང་དང་ཕྱག་ཚང་གཤེགས་པ་རྣམས། །གང་ལྟར་འཚམ་པ་བཞིན་དུ་བྱ། །གཉིས་འོག་རང་བཞིན་ཡ་མའི་སྐུ། །གཉིས་མེད་སྤྱན་དྲངས་བཞུགས་ལ་བཅོལ། །སྦྱིན་བསྲེག་ཕྲིན་ལས་ཟིན་པ་དང་། །བཅོལ་བསྐུལ་དག་ཀྱང་རབ་ཏུ་བྱ། །རྫས་ནི་དུག་དང་ལན་ཚྭ་དང་། །སྐེ་ཚེ་སྦྲང་རྩི་ཡུངས་ནག་དང་། །གུ་གུལ་ནག་པོ་ལ་སོགས་པའི། །ལྕགས་འདྲའི་རྫས་ལ་རབ་ཏུ་བསྔགས། །བདག་ཉིད་ལྷ་ཡི་སྐུར་བསྒོམས་ལ། །དཀྱིལ་འཁོར་བྱིན་གྱིས་བརླབས་པ་ཡི། །སྔགས་འདིར་རབ་ཏུ་རྩེ་གཅིག་བཟླས། །ཨོ་ཧཱུཾ༷་ཡ་ཁང་མེ་ཏྲ་ཧ་མུ་ཁ་ཧྲིརྨྱི་ཡ་མ་ར་ཙ་ཕཊ་ཧཱུཾ༷། ཕྱག་རྒྱ་ཟིལ་གནོན་ཕྱག་རྒྱ་བཅའ། །དཀྱིལ་འཁོར་བསྐོར་ཞིང་གསང་སྔགས་བཟླས། །བདག་ཉིད་ནུབ་ཀྱི་ཕྱོགས་འདུག་སྟེ། །ལས་ཀྱི་མཐར་བྱེད་སྐུར་བསྒོམས་ལ། །གསང་སྔགས་མི་བུལ་མི་དྲག་པར། །བཟླས་ན་མྱུར་དུ་འགྲུབ་པ་ནི། །ཡིད་འཁྲུགས་མྱོས་ནས་དབང་མེད་འགྱེལ་བ་དང་། །རབ་ཏུ་བརྒྱལ་ནས་ཐལ་བར་འཇིག་པ་དང་། །དེ་རྣམས་མི་འགྲུབ་པ་རུ་ངས་མ་བཤད། །ཅེས་བཅོམ་ལྡན་འདས་དོན་ཡོད་པའི་ཁྲོ་བོས་གསུངས་སོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས། གནོད་སྦྱིན་མཐར་བྱེད་ཀྱིས་གནོན་པའི་ལེའུ་སྟེ་བཅུ་པའོ།། །།དེ་ནས་ཡང་འཇམ་དཔལ་གཤིན་རྗེ་གཤེད་ཆེན་པོས་མཐར་བྱེད་འབྱུང་བ་འདི་སྐུ་དང་གསུང་དང་ཐུགས་ལས་ཕྱུང་ངོ་། །སྲིན་པོ་མཐར་བྱེད་ཕྲིན་ལས་འདི། །དཀྱིལ་འཁོར་བསྒོམ་པ་བྱ་བར་བསྟན། །ཡ་སྟེ་རྒྱུ་ལ་ཏ་སྟེ་རྐྱེན། །ཡོ་ནི་ཀུན་ཏུ་བསྐུལ་བ་ལ། །ནི་ནི་སྡུད་པའི་དོན་ཡིན་ཏེ། །རི་ཞེས་བྱ་བ་ལྷུན་སྟུག་པ། །ཡ་ལ་འདུས་ཏེ་སྟེ་ལ་ཐིམ། །བདག་ཉིད་ཆིངས་ཞེས་བྱ་བའི་སྐུ། །དབུ་གསུམ་པོ་ལ་ཕྱག་དྲུག་སྟེ། །གཡས་དཀར་གཡོན་དམར་དབུས་སེར་ནག །ཕྱག་དྲུག་ཕྱག་མཚན་བསྣམས་པ་ནི། །གཡས་པ་བ་སུ་ཏ་ཡི་ཞགས། །གཡས་པར་གསལ་ཤིང་ཐ་མ་ལྕགས་ཀྱུའོ། །གཡོན་གྱི་དང་པོ་ཆུ་སྲིན་བར་མ་ཀ་ཏ་རི། །ཐ་མ་རྡོ་རྗེ་རྒྱ་གྲམ་བསྣམས་པའོ། །སྐུ་སྟོད་གླང་ཆེན་ཀོ་རློན་ལ། །སྐུ་སྨད་སྟག་གི་ཤམ་ཐབས་ཏེ། །ཞིང་ཆེན་གཡང་གཞིས་སྐུ་ལ་བརྒྱན། །གཞན་ཡང་དུར་ཁྲོད་རྒྱན་མཆོག་རྣམས། །མ་ལུས་སྐུ་ལ་རྫོགས་པ་ལ། །བསྐུལ་བའི་དབྱངས་འདི་བླང་བར་བྱ། །མི་ཤིགས་རྡོ་རྗེ་གར་གྱི་བདག །རྡོ་རྗེ་གསང་བའི་གཤིན་རྗེ་སྟེ། །ཕྲིན་ལས་རྒྱལ་པོ་གྲུབ་པའི་ལས། །ཨོ་དང་ཨོ༷་དང་ཧཱུཾ༷་ཞེས་པ། །ཨོ་ནི་དཔྲལ་བའི་སྟེང་དུ་དམིགས། །ཨེ་ནི་ལྕེ་ཡི་སྟེང་དུ་ལ། །ཧཱུཾ༷་ནི་ཐུགས་ཀ་ཉིད་དུའོ། །དེ་ལས་འོད་ཟེར་རབ་སྤྲོས་ཏེ། །བདག་ལུས་ནམ་མཁའ་ལྟ་བུར་གྱུར། །ཕཊ་ཅེས་བྱ་བར་རབ་བརྗོད་པས། །འཇིག་རྟེན་ཁམས་རྣམས་འོད་ཀྱིས་ཁེབས། །དེ་ཉིད་སྲེག་པ་མ་ཡིན་ཏེ། །ཡིད་ཀྱི་ཡེ་ཤེས་མེ་འབར་བ། །གཅིག་གི་སྟོང་ཉིད་གང་ཡིན་པ། །ཀུན་གྱི་སྟོང་པ་དེ་ཡིན་ནོ། །ཇི་ལྟར་མཁའ་ལ་མཚོན་སྣང་བ། །ནམ་མཁའ་ཉིད་ལས་བྱུང་བ་ལྟར། །སྔགས་ཀྱི་འཕྲོ་འདུ་བཏང་བ་ཡང་ སེམས་ལས་བྱུང་བ་ནམ་མཁའ་ལ། རྣམ་ཤེས་སྟོང་པའི་ངང་ལ་འདུ། །བདག་ཉིད་ཆོས་ཀྱི་སྐུར་བསྒོམས་ལ། །ཞེ་སྡང་འཕྲོ་འདུ་མང་བྱས་ལ། །བསྐྱེད་པའི་སྔགས་ནི་དྲག་ཏུ་བཟླས། །ཨོ་མ་ཧྭ་ད༷་ལྗོ་ཏ་ཀ་པེ་ར་ཨ་ར་ནེ་ཙ་ན་ཀ་ཏ་ཁེ་ཆེ་གེ་མོ་ལ་དུས་ཞེས་པ་དང་། །སྔགས་གོང་ནས་འབྱུང་བ་དང་། །སྤེལ་ཏེ་ལས་བྱས་ན་གདོན་མི་ཟའོ་ཞེས་གཤིན་རྗེ་ཁྲོ་བོའི་རྒྱལ་པོས་གསུངས་སོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས་ཀླུ་མཐར་བྱེད་ཀྱིས་གནོད་པའི་ཐབས་ཀྱི་ལེའུ་སྟེ་བཅུ་གཅིག་པའོ།། །།དེ་ནས་ཡང་ཁྲོ་བོ་ཆེན་པོ་གཤིན་རྗེ་གཤེད་ཀྱིས་མཐར་བྱེད་འབྱུང་བ་འདི་ཉིད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ལས་ཕྱུང་ངོ་། །ཡ་མ་མཐར་བྱེད་ཕྲིན་ལས་ནི། །དཀྱིལ་འཁོར་སྔ་མ་འདྲ་བར་དམིགས། །བཟླས་པའི་སྙིང་པོ་འདི་ཡང་བྲི། །ཡ་སྟེ་འབྱུང་བྱེད་སྟེ་ཡིས་སྲེག །ཡ་ནི་ཡང་དག་ཙ་ནི་སྐེམས། །ནི་ཞེས་པ་ནི་ཁུག་ཅིག་པའོ། །ར་ཞེས་བྱ་བ་བསྒྲལ་བ་ལ། །མ་ལས་སྐྱེས་བྱེད་སླར་སྡུད་པའོ། །བདག་ཉིད་ཡ་མ་མཐར་བྱེད་སྐུ། །སྐུ་མདོག་ལྗང་ནག་ཞལ་གཅིག་ཕྱག་གཉིས་པ། །སྐུ་ལ་ཐོད་པ་ཕྱེད་ཚལ་བརྒྱན། །དབུ་ཡི་སྐྲ་ནི་ཁམ་ནག་ལ། །རལ་པ་གྱེན་དུ་འཁྱིལ་བ་སྟེ། །ཕྱག་གཡས་ཆུ་སྲིན་དབྱུག་ཏོ་འཕྱར། །གཡོན་པ་ཕྱག་ན་ཞིང་ཆེན་ཟ་བའོ། །སྐུ་སྟོད་གླང་ཆེན་ཀོ་རློན་ལ། །སྐུ་སྨད་སྟག་གི་ཤམ་ཐབས་ཅན། །དུར་ཁྲོད་མེ་དབུས་བཞུགས་པ་ལ། །ཡུམ་ཡང་དེ་དང་འདྲ་བར་བསྒོམ། །བཟླས་པའི་ཏིང་འཛིན་མེ་འདྲ་ལ། །བཟླས་བརྗོད་རླུད་འདྲ་གཡོ་ཞིང་བསྐྱོད། །ལྕེ་ལ་ཉི་མའི་དཀྱིལ་འཁོར་ལ། །སྟེང་དུ་བཟླས་པའི་སྙིང་པོ་དགོད། །ཐ་མ་དབྱངས་དང་བཅས་པ་ལ། །ཧྲིསྤྱོ་སྔགས་ཀྱི་ཕྲེང་བ་གདབ། །ཕར་འཕྲོས་རྣམ་ཤེས་འགུགས་པར་བསམ། །ཚུརབསྡུསགཤིནརྗེཉིདལ་ཐིམ། །འཕྲོ་འདུ་བཟླས་པ་དེ་དག་ཀུན། །གོང་དུ་བཤད་པ་དག་ལ་ཡང་། །དེ་དག་རབ་ཏུ་སྦྱར་ཞེས་བཤད། །དེ་ནས་བཅོམ་ལྡན་འདས་གཤིན་རྗེའི་ཁྲོ་བོས་བསྐུལ་བ་འདི་གསུངས་སོ། །ཨོ་ཡ་མ་ལས་ཀུན་འཇིགས་པར་བྱེད་པ་ནི། །ཐམས་ཅད་དབང་སྡུད་ཡ་མ་མཐར་བྱེད་སྐུ། །ཞལ་གཅིག་ཕྱག་གཉིས་སྐུ་མདོག་ལྗང་། །ཞབས་གཉིས་དོར་ཐབས་ཀླུ་རྒྱལ་གནོན། །སྐུ་ལ་སྦྲུལ་ནག་སྟོང་གིས་བརྒྱན་པ་ནི། །བགེགས་རྣམས་འདུལ་ཞིང་རྟག་ཏུ་འཆི་བར་མཛད། །སྐུ་ལ་ཐོད་པའི་ཕྱེད་ཚལ་བརྒྱན་པ་ནི། །འགྲོ་བ་ཐུགས་རྗེ་ཕྱོགས་གཅིག་དགོངས་པའི་རྟགས། །དབུ་སྐྲ་རལ་པ་གྱེན་དུ་འཁྱིལ་བ་ནི། །སྲིད་གསུམ་མ་ལུས་དབང་དུ་སྡུད་པའི་རྟག །ཕྱག་གཡས་ཆུ་སྲིན་དབྱུག་ཏོ་བསྣམས་པ་ནི། །དགྲ་བགེགས་འཇིགས་པ་ཆེ་ལས་སྒྲོལ་བའི་རྟགས། །གཡོན་པ་ཞིང་དབྱུག་ཕྱག་ན་བསྣམས་པ་ནི། །ཐུགས་རྗེས་སེམས་ཅན་མྱ་ངན་ལམ་ལ་འཇོག །ཀོ་རློན་གཡང་གཞིས་སྐུ་ལ་བརྒྱན་པ་ནི། །དུག་ལྔ་མ་སྤངས་གནས་སུ་དག་པའི་རྟགས། །སྟག་གི་གཡང་གཞིས་སྐུ་ལ་བརྒྱན་པ་ནི། །དུག་གསུམ་གནས་སུ་བསྒྲལ་ནས་ཆོས་ཀྱི་སྐུ། །སྐྱེ་མེད་ངང་ལས་གཡོ་བསྐྱོད་མི་མངའ་ཡང་། །ཞེ་སྡང་ཕྲིན་ལས་བྱ་བའི་དུས་ལ་བབ། །ཨོ་ཧྲིསྐྱི་ཡ་མ་ར་ཙ་སརྦ་མ་ར་ཡ་ནན་ཛ་ས་མ་ཡ་ཞེས་བརྗོད་ཅིང་ཞེ་སྡང་དང་ལྡན་པར་ཏིང་ངེ་འཛིན་གྱིས་བཟླས་པ་དང་སྦྱར་ཏེ་ལས་བྱས་ན་གདོན་མི་ཟའོ། །དེ་དག་ནི་འདི་འོས་པ་ཙམ་གྱིས་མ་ཡིན་ཏེ་ཡང་དང་ཡང་དུ་འདྲིས་པར་བྱས་ལ་ནན་ཏན་གྱིས་མ་བྱས་ན་འཕྲལ་དུ་ཕྲ་མོ་ཙམ་གྱིས་འགྲུབ་པ་མ་ཡིན་ནོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས་ཡ་མ་མཐར་བྱེད་ཀྱིས་གནོན་པའི་ལེའུ་སྟེ་བཅུ་གཉིས་པའོ།། །།དེ་ནས་ཡང་ལས་ཕྲན་ཚེགས་བསྒྲུབ་པ་འདི་ཉིད་ཀྱི་སྐུ་དང་གསུང་དང་ཐུགས་ཡོན་ཏན་ཕྲིན་ལས་ལས་ཕྱུང་ངོ་། །ཟླ་བ་འདྲ་བའི་དཀྱིལ་འཁོར་ལ། །པདྨའམ་འཁོར་ལོ་གང་ཡང་རུང་། །ཡང་ན་རིན་ཆེན་དྲ་བ་ལ། །དྲ་མིག་རྣམས་ནི་འདུག་པར་གནས། །རིན་ཆེན་ཕུར་བུ་ནང་དུ་བལྟས། །དེ་རུ་བྲིའམ་གཟུགས་པར་བྱ། །ཐ་མ་སྦྲུལ་གྱི་ཞགས་པས་བསྐོར། །དཀྱིལ་འཁོར་དེ་ཡི་དབུས་སུ་ནི། །ཁྲུ་གང་ཐུར་དུ་བརྐོས་བྱས་ལ། །གའུ་ཁ་སྦྱར་ནང་དུ་ནི། །ཡུངས་ཀར་བླུགས་ལ་བཟླས་པ་བྱ། །རྟགས་ལ་མ་ཡེངས་འཕྲོ་འདུ་ཡིས། ཁུན་མི་འཆད་པར་བསྒྲུབ་པར་བྱ། །ཨོ་བཛྲ་ཀྭ་ལ་ད་དུ་ཁ་ལ། པྲ་མརྟ་ན་ཧཱུཾ༷་ཕཊ། སླེ་ཁ་སླེ་ཁ་ཕཊ་ཕཊ་ཅེས་བཟླས་ལ། །བདག་ཉིད་ཡ་མུན་ཏ་ཀར་བསྒོམས་ལ། སྔགས་ནི་ནུས་ཚད་དུ་བཟླས་ན་འགྲུབ་ངེས་སོ། །ཡུངས་ཀར་རྒྱལ་པོ་བསྒྲུབ་པའོ། །དེ་ནས་འཁོར་ཁྲོ་བོ་ལ་སོགས་པས། བཅོམ་ལྡནའདསགཤིནརྗེགཤེད་ལ་འདི་སྐད་ཅེས་གསོལ་ཏོ། །ཨེ་མའོ། དབྱིངས་ལས་བྱུང་བ་དང་། །མཁའ་ལ་རྒྱུ་དང་ས་ལ་དབང་བ་གསུམ་གྱིས་བསྐུལ་བའི་དབྱངས་འདི་བདག་ཅག་ལེན་ལགས་སོ། །ཡེ་ཤེས་མཁའ་ལྡན་མ་མོའི་དཔལ། །གཟི་བརྗིད་འབར་བའི་ཕྲིན་ལས་ཅན། །དཔལ་གྱི་ཕྱག་བརྙན་རཀྟའི་དྲི་སྣོམ་མ། །མ་མོ་ཁྱོད་ནི་ཀུན་གྱི་གཙོ་མོ་དཔག་ཚད་བརྒྱད་ཁྲིར་རྒྱུག །བུད་མེད་ལུས་ལ་འཇིགས་བྱེད་ཚུལ་འཆང་བ། ཁ་ནས་མེ་འབར་རྒྱ་མཚོའི་གཏིང་ནས་སྐེམས། །མིག་ནས་ཞག་འཛག་རི་རབ་ཐལ་བར་རློག །སྐད་ཅིག་ཙམ་ལ་སྟོང་ཁམས་དབང་དུ་སྡུད། །འཇིག་རྟེན་ལྷ་ཆེན་བརྒྱད་ཀྱང་འདར་ཡེད་ཡེད། །ཆེ་གེ་མོ་ཞིག་དབང་དུ་སྡུད་པར་བྱེད། །བུད་མེད་གཟུགས་ཅན་དུས་ལ་བབ། །ཆེ་གེ་མོ་ཨོ་ཏྲག་རསྒ། ཧྲིརྨྱི་ཡ་མ་མ་མ་ནན་ཞེས་བསྐུལ་བ་ནི་དབྱིངས་ཀྱི་མ་མོའོ། །ནམ་མཁའི་གཏིང་དཔག་ཡངས་ལ་གནས་བཅས་ཤིང་། །བར་སྣང་ཁམས་ལ་རྒྱུ་བའི་ཚོགས། ཁམས་གསུམ་ཐམས་ཅད་དབང་དུ་སྡུད། །ལྕགས་ཀྱི་བྱ་ཁྲ་ལྟ་བུ་ནི། །མ་མོ་རྣམས་ཀྱི་མཆོག་ཀྱང་ཡིན། ཁ་འབར་སྟོང་གི་གཙོ་མོ་སྟེ། །འཇིགས་བྱེད་རྣམས་ཀྱི་དབང་བྱེད་མ། །སྲིད་གསུམ་དབང་དུ་སྡུད་པ་མོ། །གཟིགས་པའི་གོ་འཕང་ནམ་མཁའ་འདྲ། །གཤེགས་ཤིང་བཞུགུས་པ་གློག་པས་མགྱོགས། །གཡས་ཀྱི་གཤོག་པ་བརྡབས་པ་ཡི། །བདུད་དང་སྲིན་པོ་རྡུལ་དུ་རློག །གཡོན་གྱི་གཤོག་པ་བརྡབས་པ་ཡིས། །དགྲ་བགེགས་འབྱུང་པོ་དབང་དུ་སྡུད། །དམ་ཚིག་ཅན་གྱི་དུས་ལ་བབ། །ཨོ་མ་ར་ཏྲག་རསྒ། ཏྲི་ཡོ་ཡ་མ་ར་ཙ་ཀ་ཀ་རུ་པ་སྒོསྣི་ཛ་ཞེས་བསྐུལ་བ་ནི་མཁའ་ལྡིང་གི་ཚོགས་སོ། །ཡ་མ་ན་སྟེ་གྲུབ་པ་མོ། །ལ་ལ་ལག་ན་རྒྱུ་ཞགས་འཆང་། །ལ་ལ་ལག་ན་ཐོད་ཕྲེང་འཛིན། །ལ་ལ་ཞིང་ཆུང་བ་སུ་འདྲེན། །ལ་ལ་མེ་ཁྱེར་རྒྱ་མཚོ་སྐེམས། །ལ་ལ་འགུགས་བྱེད་ཉམས་པ་འཛིན། །ལ་ལ་སྦྲུལ་ནག་ཞགས་པ་འཛིན། །ལ་ལ་ཕོ་ཉ་འགུགས་ཤིང་འདྲེན། །སྔགས་པས་བོས་ཤིང་གདུངས་པའི་ཚེ། །དམ་ཚིག་དུས་ལ་བབ་བོ་ས་མ་ཡ། །སྡང་བར་སེམས་པའི་སྙིང་ནས་དྲོངས། །བརྩེ་བའི་ཚོགས་ཀྱི་དུས་ལ་བབ། །ཨོ་ཀ་ཧ་སྒག་རསྒ། རཏྣ་ཀ་ལ་ཧྲིཉི་གྲྭ་ཧྭ། ཞེས་སྦྱན་དྲངས་ཞིང་བསྐུལ་བ་ནི་གཏེར་བདག་གི་ཚོགས་སོ། །དེ་ནས་བཅོམ་ལྡན་འདས་གཤིན་རྗེ་གཤེད་ཀྱིས་འདི་སྐད་ཅེས་གསུངས་སོ། །རྒྱུད་ཀྱི་རྒྱལ་པོ་ལས་བཞི་འཁོར་ལོ་འདི། དུས་ཕྱི་མ་ལ་རྣལ་འབྱོར་པ་གང་ཞིག་བསྒྲུབ་པའི་ལས་བྱེད་ན། །ང་ཡང་ཐུགས་དམ་ལས་མི་གཡེལ་ལ། འཁོར་ཁྲོ་བོ་དང་། ཁྲོ་མོ་ལ་སོགས་པས་ཀྱང་ངའི་ཐུགས་དམ་རྗེས་སུ་བསྐྲུབ་པར་མཛད་པས། དུས་ཐ་མ་ལ་དམ་པའི་ཆོས་འདི་རྣལ་འབྱོར་པའི་སྐུ་ལ་བསྡོ་བ་ལ་སོགས་པ་ལ་དམ་ཚིག་འབྱུང་བར་ཞལ་གྱིས་བཞེས་སོ། །དེ་ནས་འཁོར་རྣམས་བཅོམ་ལྡན་འདས་ཁྲོ་བོའིརྒྱལཔོགཤིནརྗེས། དུས་ཐ་མ་ལ་འབྱུང་བར་ཞལ་གྱིས་བཞེས་པ་ལ་དགའ་ནས། ཡི་རངས་ཏེ་མངོན་པར་བསྟོད་དོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས། མཇུག་བསྐུལ་བ་དང་གནང་བའི་ལེའུ་སྟེ་བཅུ་གསུམ་པའོ།། །།འཕགས་པ་ལས་བཞི་འཁོར་ལོ་གསང་བ་ཆེན་པོ་རྩ་བའི་རྒྱུད་རྫོགས་སོ།། །།དེ་ནས་འཁོར་ཁྲོ་བོ་དང་ཁྲོ་མོ་ལ་སོགས་པ་རྣམས་ཀྱིས། ངག་མཐུན་པས་བཅོམ་ལྡན་འདས་ཁྲོ་བོའི་རྒྱལ་པོ་དེ་ལ་འདི་སྐད་ཅེས་གསོལ་ཏོ། །ཨེ་མའོ་བཅོམ་ལྡན་ཁྲོ་རྒྱལ་གཙོ། །ལས་བཞི་འཁོར་ལོའི་རྒྱུད་འདི་ལ། །ངོ་མཚར་རྨད་བྱུང་བསྟན་པ་ལ། །བདག་ཅག་ཐེ་ཚོམ་འཚལ་བ་རྣམས། །བདེར་གཤེགས་གསུང་གི་ངོ་བོ་ཡིས། །ཞུ་བའི་དམིགས་རྣམས་བཤད་དུ་གསོལ། །འཕགས་པ་ཞེས་བགྱི་ཇི་ལྟར་ལགས། །ལས་བཞི་ཞི་བགྱི་ཇི་ལྟར་ལགས། །འཁོར་ལོ་ཞེས་བགྱི་ཇི་ལྟར་ལགས། །གསང་བ་ཞེས་བགྱི་ཇི་ལྟར་ལགས། །རྒྱུད་ཅེས་བགྱི་བ་ཇི་ལྟར་ལགས། །རྣམ་དག་དབྱིངས་ལས་བཞེངས་ནས་ནི། །ཞུ་བའི་དམིགས་རྣམས་བཤད་པར་མཛོད། །དེ་ནས་བཅོམ་ལྡན་འདས་ཀྱིས་ཁྲོ་བོ་གཞན་ལ་གདུག་པར་མཛད་པ་ཡིས། ཚངས་པའི་དབྱངས་ཀྱིས་གསུང་ཕྱུང་སྟེ། འདི་སྐད་འཁོར་ལ་བཀའ་སྩལ་ཏོ། །རིགས་ཀྱི་འཁོར་རྣམས་ཞུ་བ་ཡི། །དམིགས་རྣམས་ཞུ་བ་རབ་ཏུ་ལེགས། །འཕགས་པ་ཞེས་སུ་བསྟན་པ་ནི། །གདུག་པ་མ་ལུས་ཀུན་ལས་འཕགས། །ཡེ་ཤེས་སེམས་དཔའ་འབྱུང་བའི་གཞི། །དཔེ་ཡིས་དེ་ལ་བསྐྲུན་དུ་མེད། །ལས་བཞི་ཞེས་སུ་གྲགས་པ་ཡང་། །དེ་ལ་ལས་ནི་རྣམ་པ་གཉིས། །ཐབས་དང་ཤེས་རབ་འདུས་དབང་དང་། །སྐུ་གསུམ་ཕྲིན་ལས་འདུལ་བ་སྟེ། །ཐབས་དང་ཐབས་སུ་འབྲེལ་བ་ལ། ཁེས་རབ་འབྲེལ་བས་ཡུམ་ཞེས་བྱ། །ཆོས་དང་ལོངས་སྤྱོད་པ་ཡི་སྐུ། །འདུལ་དབང་ལས་ཞེས་བྱ་བར་གྲགས། །དེ་ལ་བཞི་ཞེས་བྱ་བ་ཡང་། །ཞི་བ་རྒྱས་པ་དབང་མངོན་ནོ། །ཞི་བ་བྱ་བའི་ངེས་ཚིག་ཀྱང་། །ཏིང་འཛིན་རིམ་པ་བྱམས་པ་ལ། །འཕྲོ་འདུ་དཀར་ལ་འཚེར་བ་སྟེ། །ཐམས་ཅད་མགུ་བར་བྱེད་པ་དང་། །མི་མཐུན་པ་རྣམས་ཞི་བྱའི་ཕྱིར། །དེ་ཕྱིར་ཞི་བ་ཞེས་བྱའོ། །རྒྱས་པ་གསེར་ལྟར་སེར་བ་ལ། །ཏིང་འཛིན་སྤྲུལ་པ་མང་པོར་ཁྱབ། །ཕྱོགས་བཅུར་འགྲོ་བའི་དོན་བྱས་ཏེ། །བསྐུལ་བའི་ས་ལ་གཞེས་པ་ཡི། །སངས་རྒྱས་ཐམས་ཅད་སྤྱན་དྲངས་ཏེ། །བདག་གི་བ་སྐྲུའི་བུ་ག་ནས། །ཀུན་ཏུ་ཞུགས་ཏེ་རྒྱས་པ་ལ། །ཚེ་དང་དབང་ཐང་དཔལ་ལ་སོགས། །ཐམས་ཅད་རྒྱས་པས་རྒྱས་ཞེས་བྱ། །དེ་ལ་དབང་གི་ངེས་ཚིག་ཀྱང་། །ཕྱོགས་བཅུའི་འཇིག་རྟེན་ཐམས་ཅད་ནས། །བདག་གི་ཡིད་ལ་བསམས་པ་ཀུན། །ཡབ་ཡུམ་སྤྲུལ་པའི་ཁྱད་པར་ལས། །ཅི་འདོད་ཐམས་ཅད་དབང་དུ་སྡུད། །ལས་དང་བྱ་བ་མ་ལུས་དང་། །བདག་ཉིད་ལྷ་ཡི་སྐུར་བསྒོམས་པས། །འདུ་བར་འགྱུར་བ་གདོན་མི་ཟ། །དེ་ལ་དྲག་པོའི་ཕྲིནལསཀྱང། །གཤིནརྗེགཤེདདངགཤེདབདགམོ། །ཡབ་ཡུམ་ཁྱད་པར་སྤྲིན་ལྟ་བུ། །ནམ་མཁའ་ཁེབས་པ་བྱེད་པ་ལྟར། །གཉིས་མེད་བྱང་ཆུབ་ཁྱད་པར་ལས། །འཕྲོ་འདུ་འོད་ཟེར་སྤྲིན་ལྟ་བུ། །ནམ་མཁའ་གང་བར་ཁྱབ་པ་ལ། །ཁྲོ་བོའི་སྤྲུལ་པས་ཁེབས་གྱུར་ཏེ། །འཇིག་རྟེན་རྡུལ་དུ་བཤིག་ནས་ནི། །གདུག་པ་མ་ལུས་ཀུན་བ་་ཏེ། །སླར་བསྡུས་ཡབ་ཡུམ་སྐུ་ལ་བསྡུ། །དེ་ལྟར་ནས་དང་ཡུངས་འབྲུ་ཙམ། །མ་ལུས་ཀུན་དུ་འགེངས་བྱེད་ཅིང་། །དམིགས་པ་གང་ན་གནས་པ་དག །བཙལ་ཏེ་སླར་ཡང་འགུགས་ལ་སོགས། །འདི་དང་འདི་ཞེས་བྱ་མེད་པར། །འཁོར་བ་ཚང་ནས་སྤྲུགས་བསམས་ཏེ། །དྲག་པོའི་ཕྲིན་ལས་གྲུབ་པར་བསམ། །འཁོར་ལོ་ཞེས་སུ་བསྟན་པ་ཡང་། །མི་འཁོར་འཁོར་ཕྱིར་རྩེ་མོ་འཕྲོ། །ལྟེ་བ་འཁོར་ལ་རྩེ་མོས་གཅོད། །དེ་ཕྱིར་འཁོར་ལོ་ཞེས་སུ་གྲགས། །གསང་བ་ཞེས་སུ་གྲགས་པ་ཡང་། །ཀུན་ལ་མི་བསྟན་རྩ་བ་སྟེ། །ཐུན་མོང་ཀུན་གྱི་མ་ཡིན་པས། །དེ་ཕྱིར་གསང་བ་ཞེས་བྱའོ། །དེ་ལ་རྒྱུད་ཅེས་བྱ་བ་ཡང་། །ཚང་ཞིང་འབྲེལ་བས་བཏགས་པ་དང་། །བྲེང་ཆགས་དགོས་པ་སྒྲུབ་པ་ཡི། །དེ་ཕྱིར་རྒྱུད་ཅེས་བྱ་བར་བཤད། །དེ་ནས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཉི་མ་བཞི་ལ་ལས་བཞི་ཞིག །གསུངས་ཤིང་ངེས་པར་བསྟན་པ་སྟེ། །དངོས་པོ་ཅི་ལ་བསྒོམ་པར་བགྱི། །ཞི་བ་ལ་ནི་ཇི་ལྟར་བགྱི། །སྔགས་རྣམས་ཇི་ལྟར་བཟླས་པར་བགྱི། །ཕྲིན་ལས་ངེས་པར་བསྟན་པ་སྟེ། །རྒྱས་པ་དག་ལ་ཇི་ལྟར་བསྟན། །སྔགས་རྣམས་བརྗོད་པ་ཇི་ལྟ་བུ། །དབང་ལ་ཇི་ལྟར་བསྒོམ་པར་བགྱི། །སྔགས་རྣམས་བརྗོད་པ་ཇི་ལྟ་བུ། །དྲག་པོའི་ལས་སུ་བསྟན་པ་ལ། །ལྷ་ནི་ཇི་ལྟར་བསྒོམ་པར་བགྱི། །བཟླས་པའི་སྔགས་རྣམས་ཇི་ལྟར་ལགས། །ཕྲིན་ལས་རྣམ་བཞིར་བསྟན་པ་དེས། །ལས་ནི་ཇི་ལྟ་བུ་ཞིག་འགྲུབ། །གཞིའམ་གནས་ནི་ཇི་ལྟ་བུ། །དེ་དག་ཇི་ལྟ་བུ་ཡིས་བྲི། །ངེས་པར་བསྟན་པའི་མན་ངག་ལ། །བདག་ཅག་རྣམས་ལ་བསྟན་དུ་གསོལ། །དེ་ནས་བཅོམ་ལྡན་ཁྲོ་འདུལ་དེས། །གསུང་ནི་འདི་སྐད་བཀའ་སྩལ་ཏོ། །གང་བསྒོམ་ལྷ་རྣམས་སྐུ་མདོག་དཀར། །ཡུམ་ཡང་དེ་དང་འདྲ་བ་ལ། །ཕྱོགས་བཅུའི་འཁོར་རྣམས་རིགས་དང་སྦྱར། །བདག་ཉིད་ཡ་མྱན་ཏ་ཀ་སྲ །སྐུ་མདོག་གསལ་བར་བསྒོམས་ནས་ནི། །བཟླས་པའི་སྔགས་འདི་མགུ་བས་བཟླས། །ཡ་མ་ར་ཙ་ས་ཏོ་མེ་ཡ། ཆེ་གེ་མོ་བ་ལུ་ཀ་ཤཱརྙི་ཀུ་རུ་སྭ་ཧྭ། ཡ་མེ་ཏོ་རུ་ན་ཡོ་ཏ་ཡ། ཆེ་གེ་མོ་ཀྟ་ར་ཙ་ཤཱརྙི་ཀུ་རུ་སྲུ་ཧྭ། ཡ་ཏ་ཡོ་ནི་རི་ཡ་སྟེ་ཡ། ཆེ་གེ་མོ་པ་ལ་མུ་སྟི་ཤཱརྙི་ཀུ་རུ་གྲྭ་ཧྭ། ཡསྟེ་ཡ་ཙ་ནི་ར་མ་ཡ ཆེ་གེ་མོ་མ་ར་ཡ་ཤཱརྙི་ཀུ་རུ་གྲྭ་ཧྭ། མི་དྲག་མི་བུལ་མི་ཞན་པར། །ཏིང་འཛིན་སྦྱོར་བ་ལྡན་བྱས་ཏེ། །ཉི་མ་རེ་ལ་རིམ་བཞིན་སྦྱར། ཁྲུབ་པར་འགྱུར་བར་གདོན་མི་ཟའོ། །ཕྲིན་ལས་ངེས་པར་གྲུབ་པ་སྟེ། །བསྒོམ་པར་བྱ་བ་སྐུ་མདོག་སེར། །ཡུམ་ཡང་དེ་དང་འདྲ་བ་ལ། །ཕྱི་མ་རིམ་བཞིན་སྦྱར་བར་བྱ། །གསེར་ལྟ་བུ་ཡི་ཏིང་འཛིན་ལ། །འཕྲོ་འདུ་བྱང་ཆུབ་སེམས་ལྟ་བུ། །ཕྱོགས་བཅུ་མ་ལུས་དོན་བྱས་ཏེ། །བདག་གི་ཕུང་པོ་མ་ལུས་དང་། །ཚེ་དང་ལོངས་སྤྱོད་འཕེལ་བར་བསམ། །དེ་ཚེ་སྔགས་འདི་བཟླས་པར་བྱ། །ཡ་མ་ར་ཙ་ས་ཏོ་མེ་ཡ། །ཆེ་གེ་མོ་པྲ་མ་ཡ། པརྨྱི་ཀུ་རུ་སྲུ་ཧྭ། ཡ་མེ་ཏོ་རུ་ན་ཡོ་ཏ་ཡ། ཆེ་གེ་མོ་ཀ་ཁ་སྤྲུརྙུ་ཀུ་རུ་གྲྭ་ཧྭ།ཡ་ཏ་ཡོ་ནི་ར་ཡསྟེ་ལ། ཆེ་གེ་མོ་ཞིག་ས་སྟི་པུརྨྱི་ཀུ་རུ་གྲྭ་ཧྭ། ཡསྟེ་ཡ་ཙ་ནི་ར་མ་ཡ། ཆེ་གེ་མོ་ཞིག་སྨྱུ་ར་ཡ་པུརྨྱི་ཀུ་རུ་གྲྭ་ཧྭ། །དེ་ཚེ་རང་རིག་ཏིང་འཛིན་གྱི། །མཐུ་དང་ལྡན་པར་བྱས་ཏེ་ནི། །སྔགས་དང་བཟླས་པ་བྱས་ན་ནི། །འགྲུབ་པར་འགྱུར་ཏེ་ཐེ་ཚོམ་མེད། །ཐམས་ཅད་དབང་དུ་བསྡུ་བའི་ཕྱིར། །ལྷ་ཡང་སྐུ་མདོག་ཟངས་ལྟ་བུ། །ཡུམ་ཡང་དེ་དང་འདྲ་བར་བསྒོམ། །ལྷ་རྣམས་གཞུང་བཞིན་བསྐྱེད་པ་ནི། །མཐར་བྱེད་འརྒྱུང་བའི་བཟླས་པའོ། །ཡ་མ་ར་ཙ་ས་ཏོ་མེ་ཡ། ཆེ་གེ་མོ་རྟུ༷་ཧཱུཾ༷་བ་ཤང་ཀུ་རུ་གྲྭ་ཧྭ། ཡ་མེ་ཏོ་རུ་ན་ཡོ་ཏ་ཡ། ཆེ་གེ་མོ་རྟུ༷་ཧཱུཾ༷་ཕཊ་ཕཊ་གྲྭ་ཧྭ། ཡ་ཏ་ཡོ་ནི་ར་ཡསྟེ་ཡ། ཆེ་གེ་མོ་རྟུ༷་ཧཱུཾ༷་ཕཊ་ཕཊ། ཀྭ་ལ་དུ་པ་གྲྭ་ཧྭ། ཡསྟེ་ཡ་ཙ་ནི་ར་མ་ཡ་ཆེ་གེ་མོ་རྟུ༷་ཧཱུཾ༷་ཕཊ་ཕཊ། ཀྭ་ལ་རྭ་པ་རྙུ༷་ཧཱུཾ༷་ཕཊ་ཕཊ། སྔགས་ཀྱི་བཟླས་པ་བྱས་ན་ནི། །བླ་མེད་སངས་རྒྱས་ཐམས་ཅད་ཀྱང་། །འདུ་ཞེས་གསུངས་ཏེ་གདོན་མི་ཟའོ། །ལྷ་ནི་སྐུ་མདོག་ལྕགས་ལྟ་བུ། །མཐིང་ག་རབ་ཏུ་ཁྲོས་པ་ལ། །གཅེར་བུ་རལ་པ་གཅིག་སྟེ་འཇིགས། །མ་རུངས་འདུལ་བ་བསྒོམས་ནས་ནི། །བཟླས་པ་འདི་ནི་དྲག་ཏུ་བཟླས། །ཡ་མ་ར་ཙ་ས་ཏོ་མེ་ཡ་ཆེ་གེ་མོ་ཨ་མུ་ཁ༷་པྲ་མ་ཡ་ནི་ཧཱུཾ༷་ཕཊ། ཡ་མེ་ཏོ་རུ་ར་ཡོ་ཏ་ཡ།ཆེ་གེ་མོ་ཨ་མུ་ཁེ་མུ་ར་ཙ་ཡ་ཧཱུཾ༷་ཕཊ། ཡ་ཏ་ཡོ་ནི་ར་ཡཁྲེ་ཡ་ཆེ་གེ་མོ་ཨ་མུ་ཁེ་རཀྟ་ཙ་ར་ཧཱུཾ༷་ཕཊ། ཡསྟེ་ཡ་ཙ་ནི་ར་མ་ཡ་ཆེ་གེ་མོ་ཨ་མུ་ཁེ་མུ་ར་ཡ་ཧཱུཾ༷་ཕཊ། བདག་ཉིད་འཇིགས་བྱེད་སྐུར་བསྒོམས་ལ། །སྔགས་ཀྱི་ཕྲེང་བས་ཐོག་འགྱུར་ན། །མངོན་ཤེས་ལྡན་པའི་སངས་རྒྱས་ཀྱང་། །འཆི་བར་འགྱུར་བར་གདོན་མི་ཟ། །ཞི་བའི་དུས་སུ་བཟླས་པ་ཡིས། །དང་པོས་སེམས་ནི་གཡོས་པར་འགྱུར། །གཉིས་པས་ཡིད་ལ་འབྱུང་བར་འགྱུར། །གསུམ་པས་དཀར་པོའི་ངོ་བོ་དང་། །བཞི་པས་ཐམས་ཅད་ཞི་བར་འགྱུར། །རྒྱས་པའི་དུས་སུ་བཟླས་པ་ཡིས། །དང་པོས་དཔལ་ཡང་འཕེལ་བར་བྱེད། །གཉིས་པས་དབང་ཐང་སྐྱེད་པར་བྱེད། །གསུམ་པས་གཟི་བྱིན་རྙེད་འགྱུར་ཏེ། །བཞི་པས་ཚེ་རིང་མ་ལུས་རྒྱས་པར་འགྱུར། །དབང་གི་དུས་སུ་བཟླས་པ་ཡིས། །དང་པོས་སེམས་ཀྱང་གཡོས་པར་བྱེད། །གཉིས་པས་འཇུག་པར་ནུས་པ་སྟེ། །གསུམ་པས་དམིགས་པ་དབང་དུ་འདུ། །བཞི་པས་ཐམས་ཅད་དབང་དུ་འདུའོ། །དྲག་པོའི་བཟླས་པ་བྱས་པ་ཡིས། །དང་པོས་མགོ་ནི་འཁོར་བར་བྱེད། །གཉིས་པས་ཡིད་འཁྲུགས་གསུམ་པས་ཁྲག་ཏུ་སྐྱུགས། །བཞི་པས་གདོན་མི་ཟ་བའོ། །གཞི་འམ་གནས་སུ་བསྟན་པ་ནི། །བཅུ་གཉིས་འཁོར་ལོ་རྩིབས་ཅན་དེ། །ཡི་དྭགས་ཀྱི་ནི་གོས་ལ་བྲི། །ཞི་བ་པདྨ་ཟླ་བ་ལ། །རྒྱས་པ་གླང་པོའི་རྒྱབ་ཏུ་བྱ། །དབང་ནི་བུད་མེད་སྙིང་གར་ཏེ། །དགུག་པ་སེང་གེ་དྲེའུ་དང་གཉིས། །དབྱེ་བ་རྟ་དང་མ་ཧེ་གཉིས། །སྨྱོ་འབོག་ཤ་བའི་རྒྱབ་ཏུ་བྱ། །ལྐུགས་པ་ལུག་གི་ཁོང་དུ་གཞུག །བསྐྲད་པོ་རྔ་མོའི་རྒྱབ་ཏུ་བྱ། །གསད་པ་སྐྱེས་པའི་སྙིང་ག་སྟེ། །གནོན་པ་རི་རབ་འོག་ཏུ་བྱ། །སྣག་ཚའི་མཚན་ཉིད་བསྟན་པ་ཡང་། ཁྲག་སྣ་གསུམ་དང་བྱི་ལའི་གཅིན། །ཕོ་རོག་དག་གི་སྒྲོ་རྩ་ལ། ཤེ་བའི་སྐྲ་ལས་པིར་བྱས་ལ། །གང་བརྩམས་འགྲུབ་པར་ངེས་པར་བཤད། །དེ་ནས་བཅོམ་ལྡན་འདས་བརྩམ་པའི་རྒྱལ་པོའི་ཏིང་ངེ་འཛིན་མཆོག་དེ་ལ་འདི་སྐད་ཅེས་གསོལ་ཏོ། །ངེས་པར་བསྟན་པའི་རྒྱུད་འདི་ལ། ཁྲོ་བོའི་བཟླས་པ་ཇི་ལྟར་ལགས། །ཡུམ་གྱི་བཟླས་པ་ཇི་ལྟར་ལགས། །མ་མོའི་སྔགས་རྣམས་ཇི་ལྟར་ལགས། ཁྲོ་བོའི་སྔགས་རྣམས་ཇི་ལྟར་ལགས། །ཞེ་སྡང་འཇོམས་མཛད་ཁྲོ་བོ་དེས། །གསུང་ནི་འདི་སྐད་བཀའ་སྩལ་ཏོ། ཁྲོ་བོ་ཡབ་ཡུམ་ལྕེ་ལ་གཞག །མ་མོ་སྔགས་ཀྱི་མཐུ་བྱིན་ཆེ། ཁྲོ་བོ་མང་པོ་འོད་འཕྲོ་བའོ། །དེ་ཡི་བཟླས་པ་འདི་དག་གོ །ཨོ་ཨ་ཀྲོ་དྷི་ཀ་ཡ་མྱན་ཏ་ཀ་ཀྭ་ལ་དུ་པ་པ་ཙ་ཏེ་ནི་ཧུ༷་ཕཊ། ཨོ་ཨོ་ཧུ༷་པེ་ཏྭ་ལི་རསྒ་མན། ཨོ་རོ་ག་མདུན་སྨྱོ། ཙ་མུན་ཏ་ཀྱི་ཀྱི་མ་སྨྱོ། ནམ་གྲུ་མ་པ་ཡ་ཏི་སྨྱོ། ཨོ་ཨོ་ཨོ། ཀྲོ་དྷ་བཛྲ་པསྨི། བཛྲ་ཀྲོ་དྷ་མ་ལ། བཛྲ་ཀྲོ་དྷ་ཏི་སྦ། བཛྲ་ཀྲོ་དྷ་ཀསྐོ། བཛྲ་ཀྲོ་དྷ་སྨིག་ཤ། བཛྲ་ཀྲོ་དྷ་རག་ཁང་། བཛྲ་ཀྲོ་དྷ་ཏ་ཀི་ནི། བཛྲ་ཀྲོ་དྷ་རསྣ། བཛྲ་ཀྲོ་དྷ་ཡཀྟ། བཛྲ་ཀྲོ་དྷ་ཀུཎ་ཌ་ལི། བཛྲ་ཀྲོ་དྷ་ཀྲི་ཏ། བཛྲ་ལོ་ཀ བཛྲ་པསྨི། བཛྲ་ཤུ་ལ། བཛྲ་ཀུ་ལན། བཛྲ་ཀསྐོ། བཛྲ་མུ་ལ། བཛྲ་སྲི་ཏ། བཛྲ་བ་མུ། བཛྲ་ཤུ་ལ། བཛྲ་སྨ་ར། ཧུ༷་ཧུ༷་ཧུ༷་ཧུ༷་ཧུ༷་ཧུ༷་ཧུ༷་ཧུ༷་ཧུ༷་ཧུ༷། ཧུ༷་ཧུ༷་ཧུ༷་ཧུ༷་ཧུ༷་ཧུ༷་ཧུ༷་ཧུ༷་ཧུ༷་ཧུ༷། ཛ༷༷ཧུ༷་བ༷་ཏོ༷ སྨྱོ་སྨྱོ་སྨྱོ་སྨྱོ། དེ་ནས་ཡང་བཅོམ་ལྡན་འདས་འཇམ་དཔལ་ཡེ་ཤེས་སེམས་དཔའ་ཁྲོ་བོའི་རྒྱལ་པོ་དེ་ལ་འདི་སྐད་ཅེས་གསོལ་ཏོ། །ངེས་པར་བསྟན་པའི་རྒྱུད་འདི་ལ། །ཚེ་ཞེས་བགྱི་བ་ཇི་ལྟར་ལགས། ཡུངས་ཀར་བསྒྲུབ་པ་ཇི་ལྟར་ལགས། །དེ་ཡིས་ལས་ནི་ཅི་ཞིག་འགྲུབ། །ཕུར་བུ་ཞེས་བགྱི་ཇི་ལྟར་ལགས། །དང་པོ་དམ་བཅའ་ཇི་ལྟར་ལགས། །བཅོམ་ལྡན་ཁྲོ་བོའི་རྒྱལ་པོ་ལ། །དེ་སྐད་ཅེས་ནི་ཞུས་པ་དང་། །གསུང་ནི་འདི་སྐད་བཀའ་སྩལ་ཏོ། །ཚེ་ཞེས་བྱ་བའི་དོན་འདི་ཡང་། །ཆོས་ཉིད་སྤྲོས་པ་མེད་པ་ལ། །ཀུན་ཏུ་མི་འགྱུར་ནམ་མཁའ་འདྲ། །བསྐྱོད་མེད་དུས་ཀྱིས་བཤིག་ཏུ་མེད། །འགྲོ་བ་་བྲུལ་པའི་ངོ་གང་ལ། །བག་ཆགས་ངན་པས་བསླུས་པ་ཡིས ཚེ་ལ་བར་ཆོད་འོང་བར་གསུངས། །དེ་ཕྱིར་ཚེ་ཡི་བསྒྲུབ་པ་གསུངས། །ཡུངས་ཀར་བསྒྲུབ་པའི་མཚན་ཉིད་ཀྱང་། །བག་ཆགས་༣བྲུལ་པས་གནོད་འགྱུར་བ། །མི་མཐུན་པ་དང་གཉེན་པོ་སྟེ། །དེ་དག་འདུལ་བའི་དོན་དུ་བསྟན། །དེ་ནི་ལས་ཀྱི་འབྲས་བུ་ཡང་། །སྔོན་ནས་ལས་ངན་མཐུ་རྟགས་ཏེ། །མི་མཐུན་པ་དེ་འགུགས་པར་བྱེད། །དེ་ནས་ཡུངས་ཀར་རྒྱལ་པོས་བྱའོ། །ཕུར་བུ་ཞེས་སུ་བསྟན་པ་ཡང་། །བདག་ཉིད་ཁྲོ་བོ་ཆེན་པོ་སྟེ། །གཉིས་མེད་མཁའ་ལ་གནས་བསམས་ཏེ། །ཕུར་བུ་ཞེས་ནི་དེ་ལ་བྱའོ། །ཕྱོགས་བཚི་ཐུགས་ལས་སྐྱེས་པ་སྟེ། །དེ་ཕྱིར་ཕུར་བུ་ཞེས་སུ་བསྟན། །དང་པོར་དམ་བཅས་འདི་ལྟར་རོ། །ལྔ་བརྒྱ་དུས་ཀྱི་ཐ་མ་ལ། །མཚམས་མེད་ལྔ་ནི་ཀུན་སྤྱོད་ཅིང་། །གོས་ངན་རེ་བ་གོན་པ་དང་། །ཟས་ངན་ལྕི་བ་ཟ་བའི་ཚེ། །དེ་ཚེ་ང་ཡི་བསྟན་པ་འབྱུང་། །དུས་ངན་ཐ་མ་བྱུང་བའི་ཚེ། །ལྷ་མོའི་ནང་ན་འོད་ཟེར་ཅན། །འཕགས་པའི་ནང་ན་འཇམ་དཔལ་གཉིས། །འདི་གཉིས་མ་གཏོགས་དངོས་གྲུབ་གཞན། །རིགས་འཛིན་ཀུན་ལ་མ་ཡིན་ནོ། ཁྲོ་བོའི་རྒྱལ་པོ་འདི་ཡིས་ནི། །ངེས་པར་དབང་དུ་མ་གྱུར་པའི། །དང་པོ་འདས་དང་ད་ལྟར་གྱི། །ཕྱིས་འབྱུང་བ་ནི་གང་ཡང་མེད། །དགྲ་བགེགས་འབུམ་མམ་སྟོང་ཡང་རུང་། །དེ་མ་ཐག་ཏུ་བརླག་པར་བྱེད། ཁྲག་གི་ཆར་ཡང་འབེབས་པར་བྱེད། །ཅེས་གསུངས་པས། འཇིག་རྟེན་གྱི་ཁམས་འདི་དག་ཐམས་ཅད་ཚར་བཅད་དེ། དྲག་པོའི་ཕྲིན་ལས་གྲུབ་པར་གྱུར་ཏོ། །དེ་ནས་འཁོར་རྣམས་ཀྱིས། འཇམ་དཔལ་ཁྲོ་བོ་གཤིན་རྗེ་གཤེད་པོ་ལ་འདི་སྐད་ཅེས་བསྟོད་དོ། །།འཕགས་པ་ཁྲོ་བོ་འཇམ་དཔལ་གཤིན་རྗེ་གཤེད། །ཆོས་སྐུ་བྱང་ཆུབ་སེམས་ཀྱི་རང་བཞིན་ལས། །ཚད་མེད་བཞི་ཡི་ངང་ཉིད་རྣམ་དག་པས། །བདག་ཉིད་ཁྲོ་བོ་འབར་བའི་སྐུ་སྟོན་ཅིང་། །ཚངས་པ་བརྒྱ་བྱིན་ལྷ་ཆེན་དྲག་པོ་རྣམས། །གཉིས་མེད་བྱང་ཆུབ་སེམས་ཀྱིས་སྒྲོལ་བར་མཛད། །མ་ཧེའི་སྟེང་ན་ཞབས་ནི་བརྐྱང་བསྐུམ་གནས། །ལས་ཀྱི་དབྱུག་པ་དག་གིས་རྡུལ་དུ་རློག །ཀླུ་ཡི་རྒྱལ་པོས་སྐུ་ལ་བརྒྱན་པ་ནི། །སྙན་ཆ་མགུར་དང་དབུ་དང་ཕྱག་ཞབས་རྣམས། །ཡན་ལག་ལྔ་ལ་ངེས་པར་དཀྲིས་ཏེ་གནས། །དབུ་སྐྲ་ཁམ་ནག་རལ་པ་གྱེན་དུ་འབར། །སྤྱན་གསུམ་གཉིས་མེད་རྣམ་ཐར་དོན་ལ་གཟིགས། །མགོ་བཅད་ཕྲེང་བས་དབུ་ཡི་རྒྱན་དུ་བྱས། །ལྗགས་དང་མཆེ་བ་གློག་ལྟར་འགྲིལ་ཞིང་འབར། །འཇིགས་བྱེད་དྲག་པོའི་ཞལ་སྤྱན་རབ་ཏུ་བགྲད། །མི་ལྦགས་རློན་པ་དག་གིས་སྟོད་གཡོགས་ཤིང་། །སྟག་ལྤགས་རློན་པས་སྐུ་ཡི་རྒྱན་དུ་བྱས། །དེ་འདྲའི་སྐུ་མདོག་འབར་བའི་ཆ་ལུགས་འཆང་ ངོ་མཚར་རྨད་བྱུང་ཆེ་ལ་ཕྱག་འཚལ་ལོ། །ཞེས་བསྟོད་ནས་གཉིས་སུ་མེད་པར་གྱུར་ཏོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས་ལེའུ་བཅུ་བཞི་པའོ།། །།འཕགས་པ་ལས་བཞི་འཁོར་ལོ་གསང་བའི་རྒྱུད་ལས། རྒྱུད་ཕྱི་མ་རིམ་པར་བཀོད་པ་རྫོགས་སོ།། །།