Ngb-pt-0373-vol-04-text
Front[edit]
Body[edit]
གསང་བའི་རྒྱུད་རྫོགས་སོ།། །། རྒྱ་གར་སྐད་དུ། ཙིསྟ་སྙིང་ཁོལ། བོད་སྐད་དུ། སྙིང་ཐིག་བཀོལ་བའི་རྒྱུད། དེ་ནས་འཇིག་བྱེད་ཧེ་རུ་ཀས། །སྙིང་ཟིག་རྒྱུད་འདི་བཞག་པ་སྟེ། །འུག་པའི་གདོང་ཅན་ཞེས་སུ་གྲགས། །བདེ་འགྲོའི་ཐུན་དང་བཞིའི་སྙིང་ཐིག་སྙིང་གཟེར་སྔགས་དང་ སྙིང་ཐུན་དྲལ་བས་གསད་པའི་ལས། སྦྱིན་སྲེག་ངེས་པར་གསད་པ་དང་། །ངན་སྔགས་སྦྱོར་བ་ཐམས་ཅད་དང་། །གཏོར་མ་ལས་ཀྱི་སྦྱོར་བ་དང་། །ཕན་གདགས་པ་ཡི་རྣམ་པ་དང་། །དབང་དུ་བསྡུ་ཞིང་ཤི་ས་བསྟན། །རབས་ཆད་ནག་པོའི་ཐོད་པ་སྲ །ཆུ་སྣ་གཙང་དང་ཁྲག་སྣ་གཙང་། །སྲེད་དེ་ཡི་དམ་ལྷ་རུ་བསྒོམ། །ངན་སྔགས་སྦྱོར་བ་འདི་ལྟར་བཟླས། །མ་མ་སྙིང་ཁ་རག་སྨྱོ་སྨྱོ། མ་ཁ་རག་སྙིང་ཁ་རག་སྨྱོ་སྨྱོ། འབུམ་གྲངས་དག་ནི་ཐེམ་གྱུར་ན། །འཆི་བར་འགྱུར་བར་གདོན་མི་ཟ། ཁྲག་གིས་གནོད་པ་དེ་ལ་གཏོར། །ཀུན་ཀྱང་རླག་པར་རབ་ཏུ་ནུས། །དབེན་པའི་གནས་སུ་སོང་ནས་ནི། །ས་ཡི་མཎྜལ་སྟེང་དུ་ནི། །མི་དང་ཁྱི་དཀར་བ་གླང་སྲེ་མོའི་སྙིང་། །མི་ཕག་རྣམས་ཀྱི་གཡང་གཞི་མ་ཉམས་འདིང་བར་བྱེད། །དཀྱིལ་འཁོར་གྲུ་གསུམ་སོ་སོའི་ཁྲག མི་མགོ་ཕོར་པའི་ནང་དུ་ནི། །སོ་སོའི་སྙིང་ཁྲག་གཏོར་མར་བསྩལ། །དེ་ཡི་ནང་དུ་གཟུགས་ཀྱི་རྟེན། ཤེང་ཤུན་བྲིས་པའི་མིང་རུས་དང་། །སྲོག་རྩའི་ནང་དུ་དམ་དུ་གཞུག །སྙིང་གི་ནང་དུ་དམ་དུ་བཅིང་།ཁ་ནི་བག་ཟན་དག་གིས་གཅད། །དམར་གཏོར་ཨརྒ་ཆ་གཉིས་ཀྱང་། །དེ་ཡི་དྲུང་དུ་གཞག་པར་བྱ། །བདག་ཉིད་དཔལ་ཆེན་ཧེ་རུ་བསྒོམ། ཁྲག་འཐུང་རིམ་པ་བཞིན་དུ་བྱ། །སྲིད་པ་བདེ་འགྲོའི་དྲོད་གཤེར་ལས། །གང་འདོད་རེ་རེ་དམིགས་བྱ་སྟེ། །སྤྱན་དྲངས་བྱིན་བརླབ་དབང་བསྐུརམཆོད། ཁྲམཀསྟོངདང་རི་རབ་གླིང་། །ས་གཞི་འདེགས་དང་རྒྱ་མཚོ་གླིང་། །བཞི་པོཚུལབཞིནབསྐུལབརབྱ། །ཉུང་དཀར་ཐལ་ཆེན་སྐེ་ཚེ་ལ། །རྣམ་གསུམ་བཟླས་པས་གདགས་པར་བྱ། །ཉི་མ་དང་པོས་སྐུལ་བར་བྱེད། །ཉི་མ་གཉིས་པས་འགུགས་པར་བྱེད། །གསུམ་པས་སྲོག་འཕྲོག་ཉམས་པར་བྱེད། །བཞི་པས་གསོད་ཅིང་འཕོ་བར་བྱེད། །ལྔ་ཡི་ནུབ་མོ་དེ་དག་ཀུན། །ཕུར་བུ་སོར་གསུམ་གདབ་པར་བྱ། །ཡང་ན་གཟུགས་དེ་མཚོན་གྱིས་གཏུབ། །རབས་ཆད་ཐོད་པར་བསྩལ་ནས་ནི། །གནོད་པར་གྲུབ་པའི་གནས་སུ་སྦ། །ཕྲིན་ལས་རྣམ་བཞིས་གཟིར་གནན་བྱ། །དེས་ཀྱང་ཐེ་ཚོམ་མེད་པར་འགྲུབ། །ཡང་ན་དགོས་པ་དེ་རྣམས་ཀུན། །གའུའི་ནང་དུ་བསྩལ་ནས་ནི། །འགྲོ་དང་འདུག་པའི་དུས་རྣམས་སུ། །གཙོ་མོ་བཞི་པོ་ནམ་གྲུབ་བསྐུལ། །ཉུང་དཀར་ཐལ་ཆེན་སྐེ་ཚེ་ལ། །སྲོག་སྔགས་གསད་པའི་སྙིང་པོ་བཟླས། །དེ་ཡི་ནང་དུ་གདབ་པར་བྱ། ཁྲག་ནི་གནོད་པ་དེ་ལ་གཏོར། །ཡང་ན་དེ་ཡི་ཕྱོགས་སུ་འཕང་། །གཟུགས་རྣམས་རབས་ཆད་ཐོད་པར་བསྩལ། །གནོད་པར་འགྲུབ་པའི་ས་རུ་སྦ། །གནན་པ་ཡང་ན་གོང་མ་བཞིན། །སྡང་བ་ཐམས་ཅད་མེད་འདོད་ན། །མྱུར་དུ་དེ་ལྟར་བྱས་པས་འགྲུབ། །བཟླས་པའི་སྔགས་ནི་འདི་རྣམས་ཡིན། །མ་མ་སྒག་རག་ཤུ་མུན་ཙ་སྨྱོ། །རུ་སྙིང་ཁྲག་ཁ་ལ་རག་ཤ་ནི་རྦད་ཐུ༷་རིལ་རིལ་རྦད། མ་མ་སྙིང་ཁལརགཏིཤུརྦད། ཐུམརིལི་ལི་རྦད། མ་མ་ནི་ཤ་ཀུ་རུ་རག་ཏྲ་ཁ་ར༷་ཀུ་ནི་ཀུ་རུ་ནི་ཁ་ར༷་སྨྱོ། ཐུམ་རི་ལི་ལི་རྦད། མ་མ་ཏྲག་རག་ཤ་མུ་ཏྲ་སྙིང་ཁ་རག་སྨྱོ་ཐུམ་རི་ལི་ལི་རྦད། མ་མ་ས་མ་ཡ་སྙིང་ཁ་རག་ཁ་ཐུམ་ནི་ཛས་དུན་བཱ་ར་ཡ་ར་ཕཊ་ཐུན་སྤྱོ། །མ་ནག་ཤ་བ་རག་མོ་སྨྱོ། ཆེ་གེ་མོ་སརྦ་མ་ར་ཡ་ཙིཏི་ཀུ་ལིང་མ་ར་ཡ་ཕཊ་ཐུན་སྨྱོ། སྙིང་ཏིག་བཀོལ་བའི་རྒྱུད་ལས། སྲིད་པའི་བདེ་འགྲོ་མའི་ཐུན་དང་། མ་བཞིའི་སྙིང་ཏིག་དང་སྲོག་ཏིག་གི་ལེའུ་སྟེ་དང་པོའོ།། །།དེས་ཀྱང་གལ་ཏེ་མ་ཐུབ་ན། །བུ་མོ་བཞི་ཡི་སྦྱོར་བ་བྱ། །དབེན་པའི་གནས་སུ་སོང་ནས་ཀྱང་། །ས་ཡི་མཎྜལ་སྟེང་དུ་ནི། །སོ་སོའི་གཡང་གཞི་བཏིང་ནས་ཀྱང་། །དཀྱིལ་འཁོར་གྲུ་གསུམ་བྲི་བར་བྱ། །མི་ཡི་ཐོད་པའི་སྣོད་ནང་དུ། །སྙིང་དང་ཁྲག་གིས་གཏོར་མ་བྱ། །དེ་ཡི་ནང་དུ་དགྲ་ཡི་གཟུགས། །གྲོ་ག་ལ་བྲིས་གཞག་པར་བྱ། །སྲོག་རྩའི་ནང་དུ་བསྩལ་ནས་ནི། །སྙིང་ག་དག་ཏུ་གཞག་པར་བྱ། །དམར་གྱི་གཏོར་མ་ཨསྙེ་བཅས། །དེ་ཡི་འགྲམ་དུ་གཞག་པར་བྱ། །བདག་ཉིད་དཔལ་ཆེན་ཧེ་རུ་དམིགས། ཁྲག་འཐུང་ཚུལ་བཞིན་མཆོད་པ་བྱ། །གནོད་སྤྱིན་བདུད་དང་བྲག་སྲིན་སྨན། །ཀླུ་སྲིན་བུ་མོ་བཞི་པོ་བསྐུལ། ་་་དཀར་ཐལ་བ་སྐེ་ཚེ་ལ། །སྲོག་སྙིང་གསད་པའི་སྔགས་བཟླས་ལ། །དེ་ཡི་གཟུགས་ལ་གདབ་པར་བྱ། །ཉི་མ་དང་པོས་སྐུལ་བར་བྱེད། །ཉི་མ་གཉིས་པས་འགུགས་པར་བྱེད། །གསུམ་པས་སྲོག་འཕྲོག་ཉམས་པར་བྱེད། །བཞི་པས་གསོད་ཅིང་འཕོ་བར་བྱེད། །ལྔ་ཡི་ནུབ་མོ་དེ་དག་ཀུན། །ཕུར་བུ་སོ་གསུམ་གདབ་པར་བྱ། །ཡང་ན་གཟུགས་དེ་མཚོན་གྱིས་གཏུབ། །རབས་ཆད་ཐོད་པར་བསྩལ་ནས་ནི། །གནོད་པ་འགྲུབ་པའི་ས་རུ་སྦ། །ཕྲིན་ལས་གང་བརྩམ་དེ་ལ་བྱའོ། །ངེས་པར་གདོན་མི་ཟ་བར་འགྲུབ། །ཡང་ན་དགོས་པ་དེ་རྣམས་ཀུན། །གའུའི་ནང་དུ་བསྩལ་ནས་ནི། །འགྲོ་དང་འདུག་པའི་དུས་རྣམས་སུ། །བུ་མོ་བཞི་པོ་བསྐུལ་བར་བྱ། ་་་དཀར་ཐལ་ཆེན་སྐེ་ཚེ་ལ། །སྲོག་རྦད་གསད་པའི་སྔགས་བཟླས་ལ། །དེ་ཡི་ནང་དུ་གདབ་པར་བྱ། ཁྲག་ནི་ཉམས་པ་དེ་ལ་གཏོར། །ཡང་ན་ཕྱོགས་སུ་འཕང་བར་བྱ། །གཟུགས་རྣམས་རབས་ཆད་ཐོད་པར་སྩལ། །གནོད་པ་འགྲུབ་པའི་ས་རུ་སྦ། །མནན་པ་ཡང་ནི་སྔ་མ་བཞིན། །རྒྱུན་དུ་དེ་ལྟར་བྱེད་འགྱུར་ན། །སྡང་བ་ཐམས་ཅད་མེད་པར་འགྱུར། །དེ་ཡི་བཟླས་པ་འདི་ཡིན་ཏེ། །རག་མོ་དུན་ཏྲི་རག་ཤ་སྙིང་ཤད་ཤད། རག་ཤ་དུ་ལིང་ཤ་ཏྲི་ཛ་ཛ་སྙིང་ལ་ཤད་ཤད། རག་ཤ་དུ་ནི་ཏྲ་ཕྲ་ཆེ་གེ་མོ། རག་ཤ་རོ་ལ་རྦད། སུ་རུ་ཤ་མ་ཤ་ཏྲ་ཛི། སྙིང་ཤད་ཤད། ནག་ཤ་ཛ་དུ་རག་མོ་ཁ་ཚེ་ཏི་ཛ་ཛ་སྙིང་ལ་ཤད་ཤད། ཆེ་གེ་མོ་སྙིང་ལ་རག་ཤ་སྨྱོ། ཚལ་པ་དུམ་བུ་མྱ་ར་ཡ་ཕཊ། ཆེ་གེ་མོ་མུ་ཀ་སྟམ་བྷ་ཡ་རྦད། མྱ་ར་ཡ་རྦད། ཆེ་གེ་མོ་རི་ཤི་སྲོག་དབུགས་མུ་ར་ཡ་ཕཊ། ཆེ་གེ་མོ་རག་ཤ་རོ་ལ་རྦད། ས་ཏུ་ཤ་བ༷་ཤི་ན་མྱ་ར་ཡ་ཕཊ། སྙིངཏིགབཀོལབའིརྒྱུད་ལས། བུ་མོ་བཞིའི་སྲོག་ཏིག་དང་སྙིང་ཏིག་གི་ལེའུ་སྟེ་གཉིས་པའོ།། །།མ་མོའི་སྙིང་གི་གཟེར་སྔགས་ཀྱིས། །ཐམས་ཅད་དུ་ནི་བརྡེག་ཅིང་གསད། །དམར་གྱི་གཏོར་མ་ཨསྙེར་བཅས། །སྙིང་སྣ་ཚོགས་ཚད་དེ་རུ་བླུགས། ཁུ་གསུམ་དཀྱིལ་དུ་ལིདྷ་གཞག །སྲིད་པའི་མ་མོ་ཚོགས་ཀྱིས་གཙོ། །སྟོང་རྩ་བརྒྱད་ནི་རབ་བསྐྱེད་ཅིང་། །སྤྱན་དྲངས་དབང་བསྐུར་བྱིན་གྱིས་བརླབ། །ཟིལ་གྱིས་མནན་ཅིང་བསྡིག་པར་བྱ། །མཆོད་འབུལ་སྲོག་སྙིང་སྟོང་དུ་བཟླས། །ཕོ་ཉ་རྣམས་ནི་ཚུལ་བཞིན་བཀྱེ། །གཙོ་མོ་བཞི་ཡང་རབ་ཏུ་བསྐུལ། །མ་མོ་སྤྱི་ཡང་རབ་ཏུ་བསྐུལ། །གུ་གུལ་དུད་པ་རྒྱུན་མི་གཅད། །ཚ་བ་རྣམ་པ་ལྔ་ཡང་བདུག །ལྔ་ལྔ་དག་ཀྱང་དབྱེ་བར་བྱ། །མ་ཚོགས་ལས་ནི་བྱེད་འགྱུར་བསྒོམ། ་་་དཀར་བྲེག་ཅིང་གཟུགས་ལ་བྲབ། །རེག་མོ་སྙིང་རྩ་ལ་སྨྱོ། །རེག་མོ་རག་མོ་སྙིང་དུ་རུ་ཧུ༷། །རེག་མོ་ཙ་པ་ལ་དགྲ་བོའི་སྙིང་ཁ་རག་སྨྱོ། རེག་མོ་ཙ་པ་ཁྲག་མུ་མུ་མ་མ་སྨྱོ། །རེག་མོ་སེམས་བྱེད་སྙིང་ལ་སྨྱོ། །རེག་མོ་ལྟ་བྱེད་མིག་ལ་སྨྱོ། །རེག་མོ་ཉན་བྱེད་རྣ་བ་ལ་སྨྱོ། །རེག་མོ་སྨྲ་བྱེད་ལྕེ་ལ་སྨྱོ། །རེག་མོ་ཚོར་བྱེད་ལུས་ལ་སྨྱོ། །རེག་མོ་སྲོག་རྒྱུད་རྩ་ལ་སྨྱོ། །རེག་མོ་བ༷་ལ་རི་ལི་ལི། །རེག་མོ་ཁྲག་ལ་རི་ལི་ལི། །རེག་མོ་སྙིང་ལ་རི་ལི་ལི། །རེག་མོ་སྲོག་ལ་ཆེམ་ཆེ་མ། །རེག་མོ་བ༷་རི་ལི་ལི། །རེག་མོ་བ་ཤི་པ་ཙ་པ་ཙ་ལ་ཛ་ཛ། །རེག་མོ་སྙིང་རྒྱུད་རྩལ་ཛ་ཛ། །རེག་མོ་རྩ་རྒྱུད་སྲོག་ལ་ཛ་ཛ། །རེག་མོ་ཤ་རྒྱུད་སྙིང་ལ་ཛ་ཛ། སྲོག་རྒྱུད་དབུགས་ལ་ཛ་ཛ།ཨོ་ག་ག་ནི་ག་ག་ནི། ཨུ་ཀར་ཤ་ཡ་ཨུ་ཀར་ཤ་ཡ། གྲིཏྣ་གྲིཏྣ། བན་དྷ་བན་དྷ། ཧ་ས་ཡ་ཧ་ས་ཡ། ཏིཁྱི་ཏིམོ ག་མ་ར། ཡ་ཛ་མ་ཧ་ཡེ་མ་ཡེ་གེ་ཡེ། རེག་མོ་ཛ། ཨོ་རུ་ལུ་རུ་ཧུ༷་དེ་སྨྱོ། དགྲ་བོའི་སྙིང་ལ་ཐུན། དགྲ་བོའི་ལག་ལ་ཐུན། དགྲ་བོའི་རྐང་ལ་ཐུན། བརྒྱ་རྩ་བརྒྱད་དུ་བཟླས་པ་དེ། །མ་འགྲུབ་བར་དུ་གཟུགས་མིང་བཅས། །སྤྱི་ཡི་སྙིང་གཟེར་མ་གྲུབ་ཀྱང་། གཙོ་མོ་བཞིའི་སྙིང་གཟེར་བསྟན་པར་བྱའོ། །རྫས་དང་སྦྱོར་བ་སྔར་བསྟན་བཞིན། ཁྱད་པར་གསད་པའི་ལས་འདི་ལ། །གཟུགས་མིང་ལིསྐོ་བརྡེག་དུས་སུ། །གཙོ་མོ་བཞི་པོ་མནན་གཅོད་དམིགས། ་་་དཀར་རྫས་ལ་བརྒྱ་རྩ་བརྒྱད། །རག་མོ་ཁ་ལ་ཁ་ཆེ་མ་མ་སྨྱོ། །རག་མོ་ཀླད་པ་ལ་ཡ། རག་མོ་ཁ་ལ་ཁ་ཙེ་མ་སྨྱོ། །རག་མོ་སྙིང་ལ་ཡ། རག་མོ་དབང་པོ་ལ་ཡ། རག་མོ་ཀྲོ་ཙ་ལ་སྙིང་ཟན་མ་ཐུན། རག་མོ་དུན་ཏི་མ་ཧེང་ཧེང་། རག་མོ་ཤ་ལ་ཛ་ཛ། སྲོག་རྒྱུད་དབུགས་ལ་ཛ་ཛ། རག་མོ་སྙིང་ཁ་རག་མོ་དུན་ཏིང་དུན་ད་ར་ཡ་རྦད། རག་མོ་མ་མ་ཤན་ཏིང་བཱ་ར་ཡ་ཕཊ། མ་མ་ཧྲི་ཧྲི་ན་ཡ་རྦད། དགྲ་བོ་དྲི་མྱ་ར་ཡ་སོད་སོད། སྦས་པའི་མ་བཞི་འགྲུབ་མོད་ཀྱིས། ཁྲན་པའི་སྙིང་གཟེར་བསྟན་པར་བྱ། །རྫས་དང་སྦྱོར་བ་འདྲ་བ་ལས། །སྤྱང་དུག་ཉུང་དཀར་ལ་སྔགས་གདབ། ཁྲན་པ་བཞིཡིནདགཅོདདམིགས། རག་མོ་སྙིང་ལ་ཤད་ཤད། རག་མོ་སྙིང་ལ་འུད་འུད། རག་མོ་སྙིང་ལ་ཐུམ་རིལ་ཛ་ཛརག་མོ་སྙིང་ལ་ཛ་ཛ། རག་མོ་སྙིང་རྒྱུད་ཙ་ལ་ཛ་ཛ། རག་མོ་ད་ར་ཡང་སྲོག་རིལ་རྦད། རག་མོ་སྙིང་ལ་ཧབ་ཧབ། རག་མོ་སྙིང་ལ་ལུབ་ལུབ། རག་མོ་དབུགས་སུབ་རིལ་རྦད། རག་མོ་སྙིང་ལ་ཡ། རག་མོ་ཀླད་པ་ལ་ཡ། རག་མོ་དབང་པོ་ལ་ཡ། མ་མ་མ་མ་སྨྱོ་སྨྱོ་སྨྱོ་སྨྱོ། དགྲ་བོ་ལྷུང་འདུག་ཏུ་དུས་སུ་གདབ་བོ། །གྲུ་གསུམ་དཔལ་གྱི་ལིདྷ་ལ། །ཡུངས་དཀར་ཁྲག་གིས་བྱུགས་པ་དེ། །སྲིད་པ་བདེ་འགྲོ་ཉིད་ཀྱིས་གདབ། །ཨོ༷་ཤི་བཛྲ་མྱ་ར་ཡ། ཤིག་ཁ་ལ་ཟ་མུ་ཛ། ཁྲག་ཏིང་ཤན་ཏིང་སྣར་བ་མྱ་ར་ཡ༷་ཐིབ་སུ་རན་ཤ་ཐིབ། པྲ་ཏིག་ཉི་ཐིབ། ང་ར་ཡ་ཐིབ། མུ་ཤི་བཛྲ་ཁལ་སུབ་རིལ། སྙིང་གོང་ཆོད། དབང་གི་མ་བཀོད་ཅིང་དམ་མི་གནས། །ཐེ་ཚོམ་ཟ་ཞིང་ཞེ་སྡང་མེད། །ལས་ཀྱི་ཆོ་ག་མ་མཐོང་བས། །དེས་ཀྱང་འགྲུབ་པར་ཡོངས་མི་འགྱུར། །དེ་དག་ལྔ་དང་ལྡན་པའི་མིས། །ལས་དེ་ངེས་པར་འགྲུབ་པར་འགྱུར། །ཡང་ཏིག་བཀོལ་བའི་རྒྱུད་ལས། མ་མོ་སྙིང་གཟེར་བཏུ་བའི་ལེའུ་སྟེ་གསུམ་པའོ།། །།གལ་ཏེ་རྣལ་འབྱོར་པ་བདག་གིས་ཤིན་ཏུ་མྱུར་བར་ལས་མ་འགྲུབ་ན། དེ་ཚེ་སྙིང་ཟོར་བསྡུས་པས་བསྒྲལ་བར་བྱའོ། །དཀྱིལ་འཁོར་འདོམ་གང་གྲུ་བཞིའི་དབུས་སུ། །དེ་རུ་གྲུ་གསུམ་ཁྲུ་གང་བྲུ། །ནས་སྔོན་ཕྱེ་དང་རྡོ་ནག་ཏིལ། །དེ་ཚེ་ར་ཁྲག་དག་གི་སྦྲུ། །འབྲུ་གཏོར་ཆང་ཕུད་རུང་བར་བྱ། །དེ་ཡང་ཞིང་ལྤགས་དགྲ་བོའི་གཟུགས། །མིང་རུས་བྲིས་པས། རང་སྙིང་ནང་བཅུག་བག་ཕྱེས་བཅད། །ཟུར་གསུམ་སོལ་ཕྱེས་བྱུག་ནས་གཞུག །རབས་ཆད་ཐོད་པའི་སྣོད་ནང་དུ། ཁྲག་སྣ་གསུམ་དང་དུག་སྣ་གསུམ། །དྲག་པོ་གསུམ་ནི་དུག་གི་རྫས། །སྨྱུག་མ་མཐོ་གང་ཙམ་བཞི་ལ། །ཞིང་གི་སྒྲོས་བསྐྱོན་མདེའུ་ཐུན་རྫས། སྐྱེར་མདེའུ་ཟུར་གསུམ་བུག་པ་ལ། ་་་དཀར་སྐྱེར་གཞུ་ཆ་རྐྱེན་རྫས། །དེ་ནི་གསང་རྫས་ཡིན་པར་གྲགས། །དམར་གྱི་གཏོར་མ་ཨསྙེ་བཅས། །དེ་ནི་རྐང་པ་བཞི་ཡིས་རྫས། །དེ་བཞིན་ཀུན་སྣང་རྒྱུ་བསྒོམ་པས། །སེམས་ཀྱི་དཀྱིལ་འཁོར་དེ་དམིགས་ལ། །སྤྱན་དྲང་བྱིན་བརླབ་དབང་བསྐུར་ཏེ། །མཆོད་བསྟོད་ལ་སོགས་མཁས་པས་བྱའོ། །སྟོང་རྩ་བརྒྱད་ཀྱི་སྙིང་པོ་ནི། །ཐུན་གྱི་ཚུལ་དུ་བསྙེན་པར་བྱའོ། །ཞག་བདུན་བཅོ་ལྔའི་དུས་ཕྱི་མོ། །དེ་ཡི་དུས་ལ་གཟུང་བྱའོ། ཁྲོ་བོའི་སྐུར་བསྒོམ་སྲོག་སྙིང་ལ། །ས་མ་ཡ་དུ་ས་མ་དུ་བཏགས་བཟླས། །དགུག་ཅིང་བསྟིམ་བསྟིམ་ཐེམ་པ་དང་། སྒྲུབ་པའི་རྫས་གསུམ་བླུག །སྙིང་ལ་གདབ་ཅིང་བརྒྱ་རྩ་བརྒྱད། །ཕོག་གསུམ་བཟླས་པས་ཐུན་དུ་གདབ། །ས་མ་ཡ་དུ་ཁག་བ༷་སྒག་རག་ཤ་མ་སྨྱོ། སྙིང་སྙིང་ཁྲག་ཁྲག་ཏི་ཐུན་མ་ཐུམ་བྱའོ། །མ་མ་ས་མ་ཡ་ནི་ཁུག་དམ་དམ་ཛ་ཛ། །མ་ཉེས་དཔང་ཀུན་གཙུག་པ་ལ། །དོང་ཁ་གཡམ་པས་གཅད་པའི་སྟེང་། །རང་འདུག་མདའ་ཐུན་སྒྲུབ་པའི་ཕྱིར། །གཙོ་མོ་རེ་རེས་མདའ་ཐུན་རེ། །བརྒྱ་རྩ་བརྒྱད་རེ་བསྒྲུབ་པར་བསམ། །རག་དུན་ཏྲ་དུན་དམ་ཛ་སྲོག་ཤ་བོ།ཤ་དུ་ཡ་ཡ་ཐིབ་ཐིབ། བརྒྱ་རྩ་རེ་ཞིང་སྨྱུག་མ་དགང་། །སྟོང་གི་བུ་ག་བག་ཟན་དགབ། །གཏོར་མ་ཁ་ཕྱེ་གཞུ་བདུངས་ཏེ། །མ་མ་ཀྲི་ཤ་ཤ་ཀ་ཀ་བ་ཙ་ཡ་མུག་དི་རི་རྦད། ཤན་ཏི་ཡ་ཕཊ། སྙིང་ཏྲིང་ཞུང་ཡ་སོད། མ་ས་དུ་སང་མྱ་ར་ཡ་ཕཊ། ཤིག་ཤིག་མ་སྙིང་ལ་དུ་ཛ། དུ་དུ་མ་ཤ་ཤ༷་ཛ། ཡང་ཡ་མ་ཧྲི་མ་ཛ། ཛ་ཙ་ཏི་ལ་ཤིག་ཡ། མ་མ་ཡ༷་ཐུན། ཟུང་སྙིང་དུ་ཟུང་། ཙི་ཏ་ཤ་བབ་འབྲི་ཤ་བ་ཡ། ཟང་ཡག་མ་མ་ཐུན་ཡང་། སྙིང་ཁམ་སྙིང་ཏེ་ཀེམ། མ་མ་ཏྲི་ཟ་ཤིག །མ་མ་སྙིང་མྱ་ར་ཡ་ཛ། སྙིང་ཙི་ཏི་ཐུན་ཛ་ཛ། སྙིང་ཤིག་ཤེ་མུ་ར་ཡ་ཛ་ཛ། སྦྲང་ཏི་མུ་ར་ཡ་ཏི་ཤིག དུ་ག་སྙུ་བ༷་ཡ། སྙིང་ཁ་རག་ཡག་ཤ་བ་ལ་དྲི་ཏི་སོད་ཡ། དྲི་བ་ལ་སོད། མགོ་ནས་ཆང་བ་ལ་ཡ་ཡ། །མ་མ་ཁོང་གི་སྙིང་ལ་ཐུན་ཐུན། ཏི་ཏ་ཁ་ཤ་ཐུམ་རིལ་ཛ། མ་སྙིང་གི་ཤ་ལ་ཡ། སྙིང་དུ་ཆིག་ཡ་མ། ཡ༷་ཐིག་ཙིསྟ་ལ་ཡིག ཤན་པ་དུང་ཡ་སོད། ཤག་ནི་ཡ་སོད། གཟུགས་དང་ཁྲག་གིས་ཐོད་པ་དགང་། །ཆོ་ག་ཟིན་ནས་དུར་མཆད་དང་། །ནམ་པྱེད་ལྷོ་ནས་བྱང་དུ་བརྡེག་པར་བྱ། །འདི་ལ་བྱ་རྒོད་གདེང་བཙུགས་ནས། །སྙིང་དུམ་བཅས་པ་ཁྱིམ་དུ་འཕང་། །དེས་ཐུན་ཡང་བརྡེག་པར་བྱའོ། །གཏོར་མ་མ་མོ་དངོས་ལ་སྤྱིན། །བྱང་ཤར་མཚམས་ནས་བྱ་ནག་བཅས། །ལས་འགྲུབ་ཉིད་དུ་ཤེས་པར་བྱ། །སྒྲུབ་པ་སྔགས་ཀྱི་མདའ་བརྡེག་པ། །མ་བཞིའི་ཁོ་ནའི་སྙིང་ཟོར་ཡིན། །སྙིང་ཏིག་བཀོལ་བའི་རྒྱུད་ལས། མ་བཞི་དང་ཤན་པ་མོར་བཅས་པའི་སྙིང་ཟོར་དང་། མ་བཞི་ཁོ་ནའི་ལེའུ་སྟེ་བཞི་པའོ།། །།གསང་བའི་གསང་ཆེན་དེ་དག་ཉིད། །དེ་ཡི་དཀྱིལ་འཁོར་དབུས་སུ་ནི། །མཐིང་ནག་གྲུ་གསུམ་བྲི་བར་བྱ། །གཏིང་དུ་ཁྲུ་གང་བྲུ་བར་བྱ། །ཧེ་རུ་ཀ་ཡི་གཏོར་མ་དང་། །གནོད་པར་བྱེད་པའི་ལིསྐོ་དང་། །མཆེད་དང་ཀླས་གང་གཟུག་པར་བྱ། ་་་དཀར་ཉུང་ནག་བསྲེས་ནས་བསྲེས། །འགྲི་ཏ་ཁ་ཁ་རུ་ཀ་དང་། གུ་ཏི་ཀ་དང་ཚེད་མོ་རྣམས། །སྤང་བའི་རྫས་ནི་བསྲེས་བྱས་ན། ཁེན་ཏུ་མྱུར་བར་འཆི་བར་འགྱུར། །ལྕགས་རེངས་སྐད་འབྱིན་འཆི་བར་འགྱུར། །ནད་ནི་སྣ་ཚོགས་འབྱུང་བར་འགྱུར། །ནད་གང་འདོད་པ་ཁས་བླངས་ལ། །བསྲེག་པར་བྱའོ། །སྔོན་དུ་བསྙེན་པ་ཞག་གསུམ་བྱའོ། །ཉི་ཤུ་བརྒྱད་དང་ཉི་ཤུ་གསུམ། །མདུན་གྱི་མཎྜལ་ཁྲག་གིས་བྱུག །ཧེ་རུ་ཀ་ཡི་གཏོར་མ་གཞག །དེ་བཞིན་ཀུན་སྣང་རྒྱུ་བསྒོམས་ཏེ། །སྐུ་བསྐྱེད་སྤྱན་དྲངས་མཆོད་པ་བྱ། །བསྡིག་དང་དབང་སྡུད་ཟིལ་གྱིས་མནན། །དཔལ་གྱི་སྙིང་པོ་འབྲུ་གསུམ་དང་། །མོ་ཡི་སྲོག་སྙིང་མཚན་རྟགས་བཟླས། །ནམ་ལངས་པ་དང་མ་མོའི་དབུས་ན་འདུག་པར་བསྒོམ། །མ་མོ་བཞི་པོ་ཕྱོགས་བཞིར་གནས། །རྦད་སྔགས་འཁོར་གྱི་མ་མོ་ཡིས། །འགགས་ཤིང་གསད་ཅིང་ཚུལ་ཆེ་མཆོག་དང་། མ་མོ་བཞི་པོ་ལྟེ་བར་དམིགས། །བརྒྱ་བརྒྱ་བར་དུརིམབཞིནབསྲེག །བར་དུ་གཙོ་མོ་བསྐུལ་བར་བྱའོ། །སྤྱིན་སྲེག་ལ་ཡང་རྣམ་བཞི་སྟེ། །སྤྱི་དང་པོ་སད་པ་དང་ནད་ཀ་འབེབས་པའི་རྫས་ཀྱིས་བསྲེག །ངོས་འཛིན་ནད་རྣམས་བསྐྱར་དེ་བསྲེག །དེ་ནས་སྦྱིན་བསྲེག་རྫོགས་པ་དང་། ལམ་གྱི་རྒྱ་གྲམ་འདུ་བའི་སར་དུར་ཁྲོད་རས་དང་འཁོར་ལོ་ནི་ཐིག་ལེ་དགུ་དང་ལྡན། ཕྱོགས་བཞིར་མ་བཞིའི་སྙིང་པོ་བྲི། །མཚམས་བཞིར་ཤན་པའི་སྙིང་པོ་བྲི། །དབུས་སུ་གཙོ་འཁོར་བྲི་བྱ་བྲ། །ས་ཕྱོགས་དག་ཏུ་སྦ་བར་བྱ། །ཅུང་ཟད་གྲུབ་པའི་རྣལ་འབྱོར་པས། །འཁོར་གྱི་ཀླུ་ལ་གཏད་པ་ནི། །ཕ་མེས་ཐོད་པའི་ནང་དུ་ཡང་། །འབྲུ་སྣ་ལྔ་ལ་སྦྲུལ་གཟུགས་བྱ། །མིང་རུས་ཚང་བར་ཤིང་ཤུན་བྲི། །འཁོར་ལོའི་དབུས་སུ་གདགས་པརབྱ། །དེ་ཡང་སྦྲུལ་གྱི་མགོ་ལ་གདགས། །སྦྲུལ་མགོ་ཚོན་སྐུད་ཀྱིས་བཅིངས་ལ། །ཐོད་པའི་མདུན་དུ་བཏགས་ལ་བཅིང་། །ཆུ་མིག་མདོག་ཅན་འཇིགས་སར་གནོན། །བྱང་དུ་བལྟས་པས་མཆོག་ཡིན་ཏེ། །པདྨ་ཧེ་རུ་ཀ་རུ་བསྒོམ། །རྒྱ་མཚོ་གླིང་བཞིའི་ཀླུ་རྣམས་དགུག །ཚོན་སྐུད་སོར་གསུམ་རྐང་པས་དགུག །དམག་གི་མ་མོ་དབང་དུ་བསྡུས། །མ་མོས་ཀླུ་རྣམས་འཁོར་གཟིར་བསམ། །རབ་ནི་ཀླུ་ལ་གཏད་པ་ཡིན། །འབྲིང་དེ་བདུད་དང་རྒྱལ་པོ་ལ། །སྦྱོར་བ་གོང་གིས་བྱ་བ་ཡིན། །སྦྱིན་སྲེག་ཐལ་བ་རྒྱ་མཚོར་དོར། །སྙིང་ཏིག་བཀོལ་བའི་རྒྱུད་ལས་སྦྱིན་སྲེག་དང་མནན་པའི་ལེའུ་སྟེ་ལྔ་པའོ།། །།སེམས་ཅན་མོས་པས་དད་པ་ལ། །ངན་སྔགས་ཀྱིས་ནི་བསྒྲལ་བར་བྱའོ། །འབྲུབ་ཁུང་སུམ་བརྩེགས་ཁ་ཁྱེར་ལ། །རྩེ་མོ་མདོར་བསྟན་ཁྲུ་གང་ལ། །ལྕགས་པྱེས་བཀང་བའི་ནང་དུ་ཛ། །ལྷོ་ཕྱོགས་མགོ་བསྟན་གཏོར་མ་བྱ། །བདག་ཉིད་ལྷོ་རུ་བལྟ་བར་བྲི། །གཟུགས་དང་མིང་རུས་མ་མོས་དགུག །མ་མོས་མཚོན་ཆ་འབེབས་པར་བསྒོམ། །ཨོ་ཛ་ལ་བཛྲ་ཧུ༷་སུ༷་བྷ་ནི། སྙིང་ཁ་ལ་རག་ཤ་རྦད། །སུབས་རྔུབས་རྦད། སུག་རིལ་རྦད། སྙིང་ལ་མུག་ཤང་ཤང་། བ༷་རིལ་རྦད། ཨོ་ག་ཙིཏི་ན་འདུ་འདུ། མ་མ་ཤད་ཤད། མུག་ཤང་མུག་ཤང་། རྦད་རིལ་སྙིང་ཁ་རག་ཏི། མ་སྨྱོ་སྙིང་ལ་རག་ཤ་སྨྱོ། ཐུན་སྨྱོ་སྙིང་ལ་སྨྱོ། ཐུམས་ཐུམས་མང་། སུ་ཏྲ་པ་ཡང་པ་ཡང་པ་རི་སོད། སོད་ཡོ་ནི་ཤ་ཡ་མ་བུ་ཧུ༷་ཕཊ། སུ་ཏྲ་ལ་ཡ་སོད། འདྲ་ཡ་ན་ཏྲ་ཛ་རི་སྲུ་ཧྭ། གསད་པར་མི་བྱ་དགྲ་བོ་ལ། བྱད་དུ་གཞུག་པའི་ཐབས་དག་ལ། །བྱི་ལ་གྭ་པའི་འཇུག་སྤུ་དང་། ཁྱི་རྒྱ་བོའི་ཁྲག་གིས་རྐང་རྗེས་ས་དང་བསྲེས་པ་ཡིས། །ལག་མཐིལ་དྲིལ་བས་སྔགས་འདི་བཟླས། །ན་ཙོ་ན་བུ་ཙི། མུ་ཏུ་ཤད་ཤད། ཏི་སྟ་རྦད་ཐུམ་རི་ལི་ལི། བརྒྱ་རྩ་བརྒྱད་ནི་བརྗོད་པ་སྟེ། ཉིན་གཉིས་པ་ལ་ལན་དྲུག་དྲུག ཉི་མ་ཤར་ཀ་རྭའི་ནང་དུ་སྦས་ཏེ། ཚོན་སྐུད་ཀྱིས་བཅིང་བར་བྱའོ། །ཆུ་མིག་རྡོ་རུ་སྦས་ཏེ་གཞུག །ཡན་ལག་བཅིངས་ཏེ་འགྲོ་མི་ཤེས། །མྱུར་དུ་གྲུབ་འདོད་མདོ་མདོར་བསྐུལ། །གཡམ་པ་སྔོན་པོར་གཟུགས་བྲིས་ལ། །སྔོ་མྱོགས་ཀྱིས་སོང་བར་བསམ་ལ། སྙིང་ཁ་རག་ནི་ཤ་ཀུ་རུ་རུ་ཁ་རག་སྨྱོ།ཤ་སྟི་སྟ་རྦད་ཐུམ་རིལ་ལི་ལི། གཟུགས་ལ་ཕབ་ཅིང་བ་་གྱུར་ན། །མྱུར་དུ་འཆི་བར་འགྱུར། ཤིན་ཏུ་རབས་ཆད་ཐོད་པ་བཙལ་ཏེ། དེ་ནས་ཁྲག་གཙང་ཆུ་གཙང་ཆང་ཕུད་དང་། སྔགས་འདི་ཟླས་ལ་གཏོར་བར་བྱ། །མ་མ་སྙིང་ཁ་རག་སྙིང་ཁ་ལ་རག་སྨྱོ། །མི་བདེ་བ་རྣམ་པ་སྣ་ཚོགས་ལས། །མྱུར་དུ་འཆི་འགྱུར་ཐེ་ཚོམ་མེད། །ཐོད་པའི་ནང་དུ་དྲི་ཆེན་དང་དྲི་ཆུ་བླུགས་ལ། ཉུང་དཀར་ཉུང་ནག་དེ་རུ་བླུགས། །མཆོད་འབུལ་སྦྱིན་གཏོང་སྦྱིན་པར་བྱ། །སྙིང་ཏིག་བཀོལ་བའི་རྒྱུད་ལས། ངན་སྔགས་སྦྱོར་བའི་ལེའུ་སྟེ་དྲུག་པའོ།། །།གཏོར་མའི་ལས་ཀྱི་སྦྱོར་བ་ཡང་ཚར་བཅད་པ་དང་། ཕན་གདགས་པའི་ཕྱིར། མཎྜལ་འདོམ་གང་གྲུ་བཞི་ལ། །དབུས་སུ་བཟའ་བའི་བྱེ་བྲག་དང་། །སྨན་དང་འབྲུ་དང་ཤིང་ཐོག་དང་། །རོ་དང་ཚོད་མ་ཆང་གི་ཚོགས། ཁྲ་ཁྲག་བྱེ་བྲག་སྣ་ཚོགས་པ། །བསོགས་ཏེ་དེ་ལ་སྦྱིན་པར་ཡང་། །སྟོང་ཉིད་གྲུ་གསུམ་འབར་བ་ཡི། །དཀྱིལ་དུ་སྲིད་པ་བདེ་འགྲོ་དང་། །ཆེ་མཆོག་རིམ་བཞིན་དམིགས་པར་བྱ། ཁྲག་གི་རྒྱ་མཚོ་བྱེ་བྲག་ལས། །ཆེ་མཆོག་གཙོ་མོ་མ་བཞི་དམིགས། །དེ་རྣམས་འཁོར་ཡང་དམིགས་པར་བྱ། །སྤྱན་དྲང་དགུག་པའི་བར་དུ་སྟེ། །བརྒྱ་རྩ་བརྒྱད་དུ་བྱ་བ་ཡིན། །བྱིན་རླབས་དབང་བསྐུར་ཟིལ་མནན་ཏེ། །བསྡིགས་ཏེ་ཕུད་ནི་བདུད་རྩིར་དམིགས། །ཉིཤུརྩགཅིགདབུལབར་བྱ། །ས་མ་ཡ་བ༷་ཛ། ཨ་མྲི་ཏ་པྲ་ཏི་ཁ་ར༷་ཁུ་ཧི། ཁྲག་ལ་དགུག་པའི་བརྒྱ་རྩ་བརྒྱད། །བསད་པའི་ཐུན་ཡང་དེ་དང་མཐུན། །རྡོད་མ་ཤ་ཁྲག་རག་སྔགས་ལ། །ཉི་ཤུ་རྩ་གཅིག་བཏགས་ལ་དབུལ། །མ་ཧྭ་པཉུ་ཁྲ་ཧི། གོ་རོ་ཙ་ན་ཁུ་ཧི། ཞེས་ཀུན་ལ་བསྟབ། དྲིལ་བ་ཀུན་ལ་བརྒྱ་རྩ་བརྒྱད་བཟླས་ཏེ། གནོད་པ་འབྱུང་། བསྙེན་དང་བསྒྲུབ་པའི་སྦྱོར་བ་ཡང་། ཁུསྨྱུན་གྱི་སྦྱོར་བ་རྣམ་བཞི་པ། །བསྙེན་པའི་བདུད་རྩི་མན་ཆད་ནི། །སྒྲུབ་པ་ཀུན་གྱིས་འཇིག་པ་སྟེ། །སྦྱོར་ག་དུ་ཡང་དུ་ཡང་ཡིན། །བདུན་ནམ་ལྔ་བཞིའི་བར་དུའོ། །རྒྱུ་ནི་ཉི་ཤུ་གཉིས་གསུམ་ཚེས་བརྒྱད་དགུ་ལའོ། །སྦྱོར་བ་རྒྱུ་བའི་དུས་སུ་སྟེ། །བསྙེན་བསྒྲུབ་གཉིས་ལ་དུས་ཚོད་མེད། །ཞི་དང་རྒྱས་དང་དབང་དང་ནི། །ལས་དང་རྫས་དང་སྦྱོར་བ་ཡིན། །སེམས་ཅན་རྐྱེན་དང་འཕྲད་པ་ཡིས། །དེ་དུས་སྲིད་པའི་མ་མོ་འཁྲུག །དེ་དུས་གཡོ་ཞིང་བཟློག་པའི་ཐབས། །དབེན་པའི་གནས་སུ་སོང་ནས་ནི། །ས་ཡི་དཀྱིལ་འཁོར་བྲི་བར་བྱ། །གཏོར་མར་རག་ཏ་བདུད་རྩི་དང་། །གསད་པའི་ཐུན་ཡང་གསོག་པར་བྱ། །དེས་ནི་སྔགས་པ་རང་གིས་བཅས། །གོས་ནག་ཐོད་ནག་བཅིང་བར་བྱ། །ཤར་དུ་མཐིང་ནག་གུར་ཆེན་ལ། །ལྷོ་རུ་ལེ་བརྒན་གུར་ཆེན་དབུབ། །ནུབ་ཏུ་ཟ་འོག་གུར་ཆེན་ལ། །བྱང་དུ་དར་ནག་གུར་ཆེན་དབུབ། ཁྲར་དུ་སྲན་མ་ལྷོར་ཡུངས་ཀར། །ནུབ་ཏུ་བྲ་བོ་བྱང་དུ་ནས། །དབུས་སུ་གྲོ་ནི་བླུག་པར་བྱ། །དབུས་སུ་རི་རབ་གཟུགས་བྱས་ཏེ། །སྲིད་པ་བདེ་འགྲོ་དཔོན་གཡོག་རྫས། །གླུད་རྣམས་བརྒྱ་རྩ་བརྒྱད་དུ་དགོད། །བདག་ཉིད་དཔལ་ཆེན་ཧེ་རུ་ཀ །སྲིད་པའི་མ་མོ་དབང་དུ་སྡུད། ཁྲར་ཀྱི་མཐིང་ནག་གུར་ནང་དུ། ཁྲམ་ཁ་སྟོང་གི་འཁོར་བཅས་ལ། །གླུད་བརྒྱ་རྩ་བརྒྱད་དབུལ་བར་བྱ། །ལྷོ་ཕྱོགས་ཀྱི་ནི་གུར་ནང་དུ། །རི་རབ་གླིང་བཞི་འཁོར་བཅས་ལ། །གླུད་སེར་བརྒྱ་རྩ་བརྒྱད་དུ་དབུལ། །ནུབ་ཕྱོགས་ཀྱི་ནི་གུར་ནང་དུ། །ས་བཞི་འདེབས་པའི་འཁོར་བཅས་ལ། །གླུད་བརྒྱ་རྩ་བརྒྱད་དབུལ་བར་བྱ། །ལྷོ་ཡི་ཕྱོགས་ཀྱི་གུར་ནང་དུ། །རྒྱ་མཚོ་གླིང་གི་འཁོར་བཅས་ལ། །སྦྲུལ་དང་སྡིག་པ་གཉིས་བརྒྱ་དབུལ། །མ་ཏང་གི་ནི་གཟུགས་དག་ལ། །ཡན་ལག་དག་ལ་ཤན་པ་དགོད། །འོག་ལ་བདུད་ཆེན་ཀིང་ཀ་ར། །འཁོར་ནི་བདུད་ལ་ཞུ་བར་བྱ། །མ་ཆེན་ལྔ་ལ་ཞུ་གསོལ་གདབ། །གླིང་ལ་སྲོག་གླུད་དབུལ། །རྟ་འདྲེ་ཀུན་ལ་མཐུན་རྫས་དབུལ། །སྤྱི་ཡི་ལས་ལ་མཁས་པས་བགྱི། །དེ་ལ་གོས་གོན་གླུད་དུ་དབུལ། །མདོས་དང་གཏོར་མ་དགྲ་ཕྱོགས་བསྐྱལ། །ནམ་གུང་བསྐྱལ་བར་ཤིན་ཏུ་གཅེས། །ནད་ཀྱི་ཐུན་གྱི་བཤུ་བར་བྱ། །ཉམས་པ་དག་ལ་ཐུན་སྣ་དབུལ། །དེ་ནས་མཚམས་གཅད། སྣ་ལ་མདོས་ཀྱི་སེལ་བྱ། བར་དུ་ཚེ་དགུག ཐ་མར་དགྲ་ལ་མདོས་ཁ་བསྟན། །སེམས་ཅན་རྣམ་སྨིན་བདོ་བ་ཡང་། །ལོ་གསུམ་བར་དུ་གནས་པར་ནུས། །སྙིང་ཏིག་བཀོལ་བའི་རྒྱུད་ལས། གཏོར་མའི་སྦྱོར་བ་དང་ཕན་གདགས་མདོས་ཀྱི་ལེའུ་སྟེ་བདུན་པའོ།། །།དེ་ནས་མ་མོ་དབང་དུ་བསྡུ་སྟེ། བལྟ་བས་བསྡུ་དང་སྤྱོད་པས་བསྡུ། །བལྟ་བས་བསྡུ་ནི་འདི་རྣམས་ཏེ། །ཕྱི་ནང་སྲིད་པ་བདེ་འགྲོ་མ། །འབྱུང་བ་བཞི་ལས་སྲིད་པ་ལ། །ཐམས་ཅད་འབྱུང་བའི་རང་བཞིན་ཡིན། །དེ་ནས་མི་དམིགས་པ་རུ་བསྒོམ། །དེ་ནི་བལྟ་བའི་དབང་སྡུད་དོ། །སྤྱོད་པ་ཆེ་མཆོག་ཧེ་རུ་ཀ་རུ་བསྒོམ། །རཀྟའི་མཚོ་ལ་གནས་བཅས་མོ། །དབུ་ཡང་རྡོ་རྗེ་ཚལ་པ་ལ། །དབུ་ནས་རྒྱབ་ཏུ་འགེམས་པར་བྱེད། །གནམ་ལྕགས་ངུར་མོས་མགོ་ནས་རྒྱབ་ཏུ་འགེམས། །སྐུ་ཡང་རྡོ་རྗེ་རྡུལ་དུ་རློག་པར་བྱེད། །བདག་ཉིད་ཕྱག་ན་གནམ་ལྕགས་ངུར་མོ་བསྣམས་པར་བསྒོམ། མ་མོ་རང་དབང་མེད་པར་སྲོག་གཉིས་ནས་དྲང་། འདར་བར་བསྒོམ་པར་བྱའོ། །སྙིང་ཏིག་བཀོལ་བའི་རྒྱུད་ལས། དབང་དུ་བསྡུ་བ་དང་ཤི་ས་བསྟན་པའི་ལེའུ་སྟེ་བརྒྱད་པའོ།། །།དེ་ནས་དམ་ཚིག་བསྟན་པ་ནི། སྤྱི་ཡི་དམ་ཚིག་ཐུན་མོང་ལས། །མ་མོའི་སྒོས་དམ་འདི་ལྟར་བསྲུང་། །རྫས་དང་ཡོ་བྱད་ལྡན་པར་བྱ། །མ་མོའི་རྒྱུ་དུས་ཤེས་པར་བྱ། །དམ་ཉམ་དག་དང་འཕྲད་མི་བྱ། །བསྙེན་པའི་ལྷ་ཡང་གསལ་བར་བསྒོམ། །མ་མོའི་སྙིང་པོ་མ་ནོར་བཟླས། །ཉེས་པ་ཆུང་ལ་མི་བྱའོ། །སློབ་དཔོན་དགྲ་ལ་བསྒྲིམས་དམ་བྱ། །སུ་ལ་ཡང་ནི་མི་བསྟན་པ། །མ་མོ་ལ་དང་སྒྲུབ་པ་པོ། །འདི་ནི་མ་མོའིདམཚིགགོ །རངགིསྲོགབཞིནབསྲུངབརབྱ། །སྙིངཏིགབཀོལབའི་རྒྱུད་ལས། མ་མོ་དམ་ཚིག་བསྟན་པའི་ལེའུ་སྟེ་དགུ་པའོ།། །།རྒྱུད་འདི་ཇི་ལྟར་འབྱུང་བའི་ཁུངས་ནི། དྷ་ན་སང་ཤི་ཏ་དུར་ཁྲོད་བསིལ་བའི་ཚལ་དུ་དགོངས་པ་མཛད་པ་ལས། བ་རི་ཏ་ཀའི་ཁང་པའི་ནང་ནས་ཡ་མཚན་ཆེ་བའི་དྷརྨ་འོད་ཀྱིས་བསྐོར་བ་འདི་བྱུང་ངོ་། །སྲིད་པའི་མ་མོ་འདུ་བ་དང་། མཆོད་པ་བྱེད་པ་དང་། ཕྱག་བྱེད་པ་ཉམས་སུ་བྱུང་བས། སློབ་དཔོན་ལ་ཡང་བར་ཆད་བཏང་ངོ་། །དེ་ནས་སློབ་དཔོན་གྱིས་ཀྱང་མཆོད་རྟེན་བདེ་བྱེད་བརྩེགས་སུ་བྱོན་པས། མ་མོ་ཤ་དང་ཁྲག་གིས་བྲིད་དབང་དུ་འདུས་པར་མཛད་པ་ལས། ནང་པར་འགྲོ་ཀར་མ་མོ་རྣམས་བྱུང་བ་ལས། ཁྱེད་རང་གི་སྲོག་སྙིང་ཁྱེར་ལས་ཤོག་བྱས་པ་ལས།མ་མོས་དེར་འོངས་སོ། །དེ་ནས་མ་མོ་རྣམས་དབང་དུ་འདུས་སོ། །དེ་ནས་སློབ་དཔོན་གྱིས་ཀྱང་དུར་ཁྲོད་བསིལ་བའི་ཚལ་དུ་སྦས་པ་ལ། བཙན་པོ་ལ་དགྲ་ལངས་ནས་བླངས་པ་ལགས་སོ། །མ་མོ་རྣམས་ཀྱི་སྙིང་ཏིག་བཀོལ་བའི་རྒྱུད་རྫོགས་སོ།། །།རྒྱ་གར་སྐད་དུ། མ་མོ་ཙིསྟ་ཡང་སྙིང་། བལ་མོའི་སྐད་དུ་སྐྲོག་ཟེར། ས༷་སྐྲོ་ཏའི་སྐད་དུ་སྙིང་ཏིག །བོད་སྐད་དུ། སྲོག་ཏིག་དང་སྙིང་ཏིག་གི་རྒྱུད་ཅེས་བྱའོ། །ཧེ་རུ་ཀ་ལ་ཕྱག་འཚལ་ལོ། །དེ་ནས་མ་མོ་