Ngb-pt-0301-vol-04-text
Front[edit]
Body[edit]
ནས་གཏན་ལ་ཕབ་པའོ། །ཕྱིས་སྐ་བ་དཔལ་རྩེགས་ལ་སོགས་པས་ཡོངས་སུ་གཏན་ལ་ཕབ་པའོ།། །། རྒྱ་གར་སྐད་དུ། མ་ཧྭ་ཨམྲི་ཏ་ཙཀྲ་ཛ་ལ་ཏནྟྲ་ནཱ་མ། བོད་སྐད་དུ། བདུད་རྩི་ཆེན་པོ་འཁོར་ལོ་འབར་བའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་ཀུན་ཏུ་བཟང་པོ་ཆེན་པོ། དུས་གསུམ་གྱི་སངས་རྒྱས་ཐམས་ཅད་ཀྱི་མངའ་བདག་ཆེན་པོ་དེ་ནི། ཆོས་ཀྱི་དབྱིངས་རྣམ་པར་དག་པའི་ཀློང་ཆེན་པོ་འོག་མིན་གྱི་གནས་མ་བཀོད་པར་སྣང་བ་ཞེས་བྱ་བར། འདི་ལྟར་ས་བཅུ་པའི་དུས་གསུམ་གྱི་རྣལ་འབྱོར་གྱི་དབང་ཕྱུག་ཆེན་པོ་རྣམས་དང་། ལུས་ཀྱི་ཁམས་དགུ་འདུས་པའི་དངས་མ་བདུད་རྩི་ཆེན་པོ་ཡེ་ནས་སངས་རྒྱས་པའི་དོན་ལ་སོ་སོ་མ་ཡིན་ཐ་མི་དད་ཅིང་དབྱེར་མེད་པར་བཞུགས་སོ། །དེ་ནས་རྡོ་རྗེ་སྙིང་པོ་རང་གི་གདན་ལས་བཞེངས་ནས། སེང་གེའི་འགྲོ་སྟངས་ཀྱིས་བཅོམ་ལྡན་འདས་དཔལ་ཀུནཏུ་བཟང་པོའི་སྤྱན་སྔར་མཆིས་ནས། གླང་པོ་ཆེའི་ལྟ་སྟངས་ཀྱིས་སངས་རྒྱས་ཐམས་ཅད་ཀྱི་སྦྱི་མེས་ཆེན་པོའི་ཞལ་དུ་བལྟས་ཏེ། །ཆོས་ཐམས་ཅད་ནམ་མཁའི་རང་བཞིན་ཅན་ལས་དྲན་པ་སྣ་ཚོགས་ནམ་མཁའི་སྤྲིན་བཞིན་དུ་སྣང་བར་ཡང་མཁྱེན་ནས་ཆོས་ཉིད་སྐྱེ་བ་མེད་ཅིང་འགག་པ་མེད་པར་ཤར་བའི་ཕྱིར། བདུད་རྩི་ཆེན་པོ་རྣམ་པར་རྟོག་པའི་བློ་ལས་རབ་ཏུ་འདས་པའི་དོན་འདི་ཞུ་བར་མཛད་པའི་ཕྱིར། འདི་སྐད་ཅེས་གསོལ་བ་འདེབས་སོ། །ཀྱེ་མ་ཧོ་ཆོས་སྐུ་ནམ་མཁའིརངབཞིནལ། །གོབོརབ་སྤྲིན་གྱིས་རབ་བསྒྲིབས་པས། །རླུད་སེམས་དྲན་པའི་རྣམརྟོ་ ག་ལངས། །བླ་མའི་ཐུགས་ཀྱི་དཔལ་བེའུ་ནས། །མན་ངག་སྒྲོན་མེ་དྲན་མེད་ཤར། །ཆོས་ཉིད་སྐྱེ་བ་མེད་པའི་དོན། །བདུད་རྩི་ཆེན་པོ་ཆོས་ཀྱི་སྐུ། །རྣམ་རྟོག་བློ་ལས་རབ་འདས་པ། །སྐལ་ངན་སེམས་ཅན་འདུལ་བའི་ཕྱིར། །འོག་མིན་རྣལ་འབྱོར་དབང་ཕྱུག་དང་། །རྣམ་དག་ས་ཐོབ་དྲང་སྲོང་དང་། །རྗེས་སུ་འཇུག་འགྱུར་མ་འོངས་པའི། །དོན་དུ་བདུད་རྩི་སྒྲུབ་པ་ཡི། །དམ་ཆོས་འཁོར་ལོ་བསྐོར་དུ་གསོལ། །ཞེས་གསོལ་བ་རབ་ཏུ་བཏབ་བོ། །དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ཆེན་པོ་ཆོས་ཀྱི་སྐུ་དྲི་མ་མེད་པའི་དགོངས་པ་ལས་སྐབས་ཕྱེ་ནས། སྐུ་ཡིད་བཞིན་དུ་འབྱུང་བའི་ནོར་བུ་རིན་པོ་ཆེ་འབར་བ་ལྷ་བུས། །འཁོར་གྱི་ཚོགས་ཐམས་ཅད་ལ་རབ་ཏུ་གཟིགས་ནས། འདི་སྐད་ཅེས་གསུངས་སོ། །ཁམས་གསུམ་གོབོར་བར་སྡུག་བསྔལ་དུག་ཆེན་ལ། །མྱ་ངན་འདས་པ་བདུད་རྩིའི་སྨན་སྦྱར་བས། །དོན་དམ་ཀུན་བཟང་དབྱེར་མེད་ལྷུན་གྲུབ་ཆོས། །རིགས་དྲུག་སེམས་ཅན་ཀུན་ལ་རང་གནས་པ། །ལུས་ཁམས་བདུད་རྩི་ཆེན་པོ་མཆོག་གི་ཆོས། །གསང་བ་བས་ཀྱང་ཚེས་གསང་རབ་ཏུ་གསང་། །ཡང་གསང་རྨད་བྱུང་ཆོས་ཀྱི་སྒྲུབ་པ་འདི། །དྲན་པ་རྣམ་རྟོག་སེམས་ཉིད་ཚོགས་བརྒྱད་ལ། །དྲན་མེད་ལུས་ཁམས་བདུད་རྩི་སྨན་སྦྱར་ནས། །ཡི་དམ་ལྷ་སྐུའི་བདུད་རྩི་སྐྱེ་བ་མེད། །ཞེན་སྣང་འཁོར་བའི་བློ་ལས་རབ་འདས་ནས། །མཆོག་དང་ཐུན་མོང་སྒྲུབ་པ་ཀུན་གྱི་གཞི། །རྨད་བྱུང་བདུད་རྩི་ཆོས་ཀྱི་འཁོར་ལོ་འདི། །ཁྱེད་རྣམས་ཚོགས་ལ་རབ་ཏུ་བསྐོར་བྱ་ཡི། །དད་པའི་ཐེག་པས་རྡོ་རྗེ་བླ་མ་ཟུང་། །བརྩོན་འགྲུས་ལ་གོར་སྐྱེན་པོས་སྨན་རྣམས་བཙལ། ཁྲེས་རབ་མིག་རྣོན་མན་ངག་མཐོང་བར་བྱ། །ལས་དང་སྐལ་བར་ལྡན་པའི་རྣལ་འབྱོར་པས། །དཔའ་བོ་དཔའ་མོ་མཆེད་དང་ལྕམ་དྲལ་ལ། །ཕྱི་རབས་དོན་དུ་བཤད་ཀྱིས་ལེགས་པར་ཉོན། །ཅེས་གསུངས་སོ། །བདུད་རྩི་ཆེན་པོ་འཁོར་ལོ་འབར་བའི་རྒྱུད་ལས། གླིང་གཞི་དང་གླེང་བསླང་པའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ཀྱིས་བསྒྲུབ་པའི་གཞི་ཕུན་སུམ་ཚོགས་པ་འདི་གསུངས་སོ། །ཕྱི་དང་ནང་དང་གསང་བ་དང་། །གསང་ཆེན་རབ་གསང་དེ་ཁོ་ན། །སྒྲུབ་པ་ཀུན་གྱི་གཞི་ཡིན་པས། །སྟོན་འཁོར་གནས་དུས་སྒྲུབ་པའི་རྫས། །སྟོན་པ་ཆོས་ཀྱི་མཇོད་འཛིན་པ།།རྒྱུད་ལུང་མན་ངག་རབ་ཤེས་བྱ། ཁུ་འབྲས་ཐེག་པ་ཀུན་ལ་མཁས། །མངོན་དུ་བྱུང་དང་རྣ་བར་བརྒྱུད། །ཐུགས་ལ་བརྣག་པ་ཁོ་འདུག་པ། །ཟབ་དང་རྒྱ་ཆེའི་དགོངས་པ་རྣམས། །མ་ལུས་ལུས་པ་མེད་པའི་ཆོས། །ཐེག་པ་རབ་རྒྱས་ཡོངས་ཤེས་བྱ། །ཐུན་མོང་ཁྱད་པར་འཁོར་ལྡན་པའི། །ཉན་ཐོས་རང་རྒྱལ་བྱང་ཆུབ་སེམས། །འདོད་ཡོན་ལྔ་སྤང་མ་ཡིན་དང་། །ཀྲི་ཡ་ཨུ་པ་ཡོ་ག་དང་། །བདུད་རྩི་དཀའ་ཐུབ་སྤང་བ་ཡིན། །རྒྱལ་ཐེབས་གིང་དང་ལས་མཁན་དང་། །པདྨ་ཙསྡོན་ལྟ་བུ་ཡི། །བུང་བ་དུག་སྦྲུལ་ལྟར་གནས་པ། །རབ་ཏུ་དད་པས་བསྒྲུབ་པ་ཉིད། །མ་ལྟར་བྱམས་ཤིང་སྲིང་ལྷར་གདུང་། །ཇོ་མོས་སྐྱོང་ལ་བྲན་ལྟར་ལས། །གཟུངས་མ་རབ་ཏུ་ལྡན་པ་ཡང་། །འཁོར་གྱི་དམ་པར་རབ་གསུངས་པས། །རྡོ་རྗེ་འཆང་གི་གྲལ་དུ་འཁོད། །དང་པོར་བསྒྲུབ་པའི་གནས་བཙལ་བ། །བདུད་རྩི་དམ་པ་བསྒྲུབ་པའི་གནས། །གཙང་ཞིང་གཞོལ་བ་དྲང་སྲོང་གནས། །དུར་ཁྲོད་མ་མོ་མཁའ་འགྲོའི་གནས། །རྩི་སྨན་ནགས་ཚལ་སྨན་གྱིས་གསུངས། །ཁྲོ་བོ་སྲིན་པོ་རབ་གནས་ཡུལ། །ཆུ་བོའི་ངོགས་སམ་བྲག་ཕུག་གམ། །རབ་ཏུ་དབེན་པར་གནས་པ་ཡང་། །བརྟག་དང་བསླང་དང་གཟུང་བ་དང་། །རིན་བཅལ་བ་དང་བསྐྲད་པ་དང་། །སྦྱང་དང་བསྐོར་ཞིང་བྱིན་གྱིས་བརླབ། །དགོན་པར་བརྩིགས་སམ་དཀྱིལ་འཁོར་བྱ། །སྟོན་ནམ་དཔྱིད་སོས་སྨན་བཙལ་བྱ། །ཡང་ན་དུས་ནི་བཞི་པོ་ལ། །རྩ་བ་ལོ་མ་མེ་ཏོག་གསུམ། །འབྲས་བུ་བཞི་ཡང་བཙལ་བར་བྱ། །བསྒྲུབ་པ་བྱ་བའི་དུས་ཤིས་པ། །ཚེས་བརྒྱད་དག་ལ་འདུ་བར་བྱ། །ནང་དུ་དཀྱིལ་འཁོར་བྲི་བ་ཡང་། །གང་ཡིན་སྔ་དྲོའི་དུས་ན་ཤིས། །བསྒྲུབ་པ་གདོན་པར་བྱ་བ་ཡང་། །བཅོ་ལྔ་དག་ལ་རབ་ཏུ་ཚར། །དངོས་གྲུབ་བླང་བར་བྱ་བ་ཡང་། །ཐོ་རངས་སམ་ནི་ཉི་མ་བྱེད། །དུས་འདི་རབ་ཏུ་ཤེས་འགྱུར་ནས། །དེ་ལས་འགལ་བར་མི་བྱའོ། །འཚོ་བ་ཟས་ཀྱི་ཡོ་བྱད་ཀྱང་། །ཉིས་ལྡབ་སུམ་ལྡབ་དག་ཏུ་བྱ། །ཆ་གསུམ་དག་ཏུ་རབ་གནས་པ། །དང་པོ་དཀོན་མཆོག་འཕགས་པ་མཆོད། །བར་དུ་ཚོགས་ཀྱི་འཁོར་ལོ་བྱ། །ཐ་མ་གཏང་རག་སྤྱིན་པར་དགྱེ། །བར་ཆད་རྐྱེན་ཡང་རབ་བཟློག་ཕྱིར། །གོ་མཚོན་མདའ་གཞུར་རབ་བསགས་ཏེ། །ཡུངས་ཀར་དང་ནི་གུ་གུལ་གྱིས། །བགེགས་རྣམས་འབྲོས་པར་བྱེད་པ་དང་། །ནད་ཁམས་གང་ལ་ཡོད་འགྱུར་བ། །སྨན་དང་དཔྱད་ཀྱང་རབ་ལྡན་པ། །མཆོད་རྫས་མཆོད་པ་རྣམ་ལྔ་དང་། །རྫས་བརྒྱད་རིན་ཆེན་སྣ་བདུན་ཉིད། །གཏོར་མ་རཀྟ་བདུད་རྩི་དང་། །རོལ་མོ་རྔ་གླིང་དུང་དང་བཅས། །མེ་ལོང་མདའ་དང་ཚོན་སྐུད་དང་། །རྒྱལ་མཚན་བླ་བྲེ་གདུགས་དང་བཅས། །ཨ་འབྲས་རྒུན་འབྲུ་པ་ན་སེ། །ན་ལི་ཀེ་ར་ཨ་ག་མྲ །ག་པུར་ཅུ་གང་ཨ་རུ་ར། །ཛ་ཏི་ཙསྡོན་དམར་པོ་དང་། །གུར་གུམ་ལ་སྩོགས་ཚང་བར་བྱེད། །ཡིད་ཀྱི་རྣམ་པར་ཤེས་པ་ནི། །ཆོས་དང་སེམས་སུ་འདྲེས་འགྱུར་ཤེས། །ཀུན་བཟང་ཡབ་ཡུམ་རང་བཞིན་པས། །སྟོན་པའི་དམ་པར་རབ་རྟོགས་བྱ། །ཉོན་མོངས་ལྔ་ནི་རིགས་ལྔ་ཉིད། །ཆེ་བས་རབ་ཏུ་ཁེངས་པས་ན། །ང་རྒྱལ་ཆེན་པོ་བདུན་དང་ལྡན། །རྟེན་འབྲེལ་བཅུ་གཉིས་སྣང་བ་ཡང་། །ཐབས་མཁས་རྒྱལ་སྲས་སེམས་དཔར་བཤད། །འབྱུང་བ་ལྔ་ཉིད་གཟུངས་མ་ཡུམ། །རང་ལུས་དག་པའི་ཞིང་ཁམས་ན། །ཀུན་གཞིའི་གནས་ཆེན་ཆོས་ཀྱི་དབྱིངས། །ལྷ་བས་ཆོས་རྣམ་རྟོགས་པའི་དུས། །ཏིང་འཛིན་བསྒོམ་བསྒྲུབ་རྫས་ལ་སྤྱོད། །རིག་འཛིན་སངས་རྒྱས་འགྲུབ་པའི་དུས། །དུས་ཆེན་འདི་དང་རབ་ལྡན་བྱ། ཁྲེས་རབ་དང་ནི་ཏིང་འཛིན་ནམ། །རྣལ་འབྱོར་པ་ཡི་སྒྲུབ་རྫས་ཡིན། །ཐབས་ཀྱི་རྡོ་རྗེ་ཆེན་པོ་ནི། །གསང་བའི་སྟོན་པར་རབ་ཏུ་ཤར། ཁེས་རབ་པདྨ་ཡུམ་གྱི་འཁོར། །ཡབ་ཡུམ་བརྡ་སྤྲོད་ཐུན་མོང་འཁོར། །རྡོ་རྗེ་པདྨ་བཞུགས་པའི་གནས། །གསང་བ་ཆེན་པོར་རབ་གནས་པ། །སྒྲོན་མར་རབ་ཏུ་འབྱོངས་པའི་དུས། །མཚན་ལྡན་གཟུངས་མ་རྙེད་དུས་ཉིད། །ཀུན་རྫོབ་བྱང་སེམས་དཀར་དམར་རྫས། །དོན་དམ་བདེ་བ་བཞི་དང་ལྡན། །གསང་ཆེན་བསྟན་པས་ལྟ་བ་རྟོགས། །རང་གནས་ཏིང་ངེ་འཛིན་གྱིས་འཇོམས། །སྒྲོལ་གིང་དག་གིས་སྒྲོལ་བར་ནུས། །སྤོར་གིང་དག་གིས་སྤོར་བར་ནུས། །གསང་བའི་དཀྱིལ་འཁོར་ཆེན་པོ་སྲ །དྲག་པོ་གྲུ་གསུམ་འབར་བའོ། །ནང་དུ་གནས་སྦྱང་འབྱོངས་པ་དང་། །ཞིང་བཅུ་གནས་སུ་ཁུགས་པའི་དུས། །མི་དང་གླང་པོ་རྟ་དང་ནི། །བྱ་ཁྱི་འབྱོང་པའི་རྫས་ལྔ་ལྡན། །རབ་གསང་སྟོན་པ་ཞེས་བྱ་བ། །བལྟ་བས་རབ་ཏུ་རྟོགས་པར་བྱས། །ཏིང་ངེ་འཛིན་གྱི་འཁོར་དང་ལྡན། །བྱིང་རྒོད་གཉིས་ལས་རབ་ཏུ་གྲོལ། །སྤྱོད་པའི་གནས་ལ་འདུག་བྱས་ནས། །མཉམ་གཞག་རྗེས་སྤྱོད་འབྲེལ་བར་ཤོག །མཆོག་དང་ཐུན་མོང་འབྲས་བུ་ནི། །ཐོབ་པ་དུས་ཞེས་བྱ་བ་ཡིན། །བླ་མའི་གདམས་ངག་རྫས་ལ་སྤྱོད། །རྫས་འདི་གཞན་ལས་ཁྱད་པར་འཕགས། །དེ་ཁོ་ན་ཉིད་རབ་བཤད་བྱ། །ཀུན་བཟང་བླ་མ་ཐ་དད་མེད། །ཡུམ་དང་ཀུན་ཏུ་བཟང་མོ་མཉམ། །རིགས་ལྔ་བླ་མའི་འཁོར་དུ་གཅིག །ཆོས་ཀྱི་དབྱིངས་དང་འོག་མིན་གནས། །བསྒྲུབ་པའི་ཡུལ་ཁམས་དབྱེ་བ་མེད། །འདི་ལྟར་གང་ཤེས་དུས་ཀྱི་མཆོག །དུས་རྣམས་ནང་ནས་ཁྱད་པར་ཆེ། །འཁོར་བ་འདས་པར་གྲུབ་པའི་རྫས། །ཀུན་བཟང་འཁོར་བར་སྣང་བ་ཀུན། །དོན་དམ་མྱ་ངན་འདས་པར་སྒྲུབ། །ཅེས་གསུངས་སོ། །བདུད་རྩི་ཆེན་པོ་འཁོར་ལོ་འབར་བའི་རྒྱུད་ལས་བསྒྲུབ་པའི་གཞི་ཕུན་སུམ་ཚོགས་པ་བསྟན་པའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཀྱིས་སྔོན་དུ་བྱ་བའི་རིམ་པ་འདི་དག་གསུངས་སོ། །ཕྱི་ནང་བཤགས་བསྐང་མཚམས་བཅད་ནས། །དཀྱིལ་འཁོར་བྱས་ལ་བྱིན་གྱིས་བརླབ། །ཆོས་ཀྱི་སྦྱིན་པ་གཏང་བའི་ཕྱིར། ཁྲར་དུ་ཤེས་རབ་ཕ་རོལ་ཕྱིན། །ལྷོ་རུ་རྒྱས་པ་བཀྲ་ཤིས་བྱེད། །འཕགས་པ་སྣང་བརྒྱད་གདོན་པར་བྱ། །བདུད་ཀྱི་བར་ཆད་ཞི་བའི་ཕྱིར། །ནུབ་ཏུ་ཏོག་ཀྱང་བཀླག་པར་བྱ། །འགྱོད་ཚངས་བར་གཅོད་སྤ་བཀོང་ཞིང་། །བྱང་གི་ཕྱོགས་སུ་གདོན་པར་བྱ། ཁྲེས་རབ་ཕ་རོལ་ཕྱིན་མའི་སྐུ། །ཞལ་གཅིག་གསེར་མདོག་སེང་གེའི་ཁྲི། །དང་པོ་ཆོས་འཆད་མཉམ་པར་གཞག །ཐ་མ་རྡོ་རྗེ་གླེག་བམ་འཛིན། །ཕྱོགས་བཅུའི་སངས་རྒྱས་སྲས་དང་བཅས། །ནང་དུ་ཡང་དག་མཆོད་པར་བྱ། །རྣམ་པར་སྣང་མཛད་སྣང་མཐའ་ཡས། །རྡོ་རྗེ་སེམས་དཔའ་གཙོ་བོ་གསུམ། །སངས་རྒྱས་སྤྱན་དད་མུ་མ་ཀི། །གོས་དཀར་མོ་ནི་ཡུམ་དུ་གནས། །འཇམ་དབྱངས་སྤྱན་གཟིགས་རྡོ་རྗེ་ཅན། །བདག་པོ་གསུམ་ནི་སྲས་སུ་འཁྲུངས། །གཤིན་རྗེ་གཤེད་དང་རྟ་མགྲིན་དཔལ། །བདུད་རྩི་འཁྱིལ་པ་ཁྲོ་བོ་ཡིས། །རྣོན་པོ་རྩེ་མོ་ཀི་ལ་ཡ། །ཕོ་ཉ་གསུམ་དང་རབ་ལྡན་པས། །དཀོན་མཆོག་གསུམ་དང་དཔལ་མགོན་རྣམས། །བགེགས་རིགས་འགྲོ་དྲུག་ལ་སོགས་པ། །གཏོར་མ་མཆོད་པས་བསྐང་བར་བྱའོ། །གནས་དང་ཉེ་བའི་གནས་དང་ནི། །ཞིང་དང་ཉེ་བའི་ཞིང་གནས་པ། །ཚསྡོ་ཉེ་བའི་ཚསྡོ་དང་། །དུར་ཁྲོད་ཉེ་བའི་དུར་ཁྲོད་སོགས། །མ་མོ་མཁའ་འགྲོ་ལྷ་སྲིན་རྣམས། །རབ་ཏུ་བསྐང་བར་བྱས་ནས་ནི། །ཚ་ཚ་གདབ་དང་འགྱོད་ཚངས་དང་། །སྲོག་ཆགས་ཚེ་ཡང་བསྐྱབ་པར་བྱ། །སྐུ་བཞི་དཔལ་བརྒྱད་ཚང་བ་ཡི། ཁྲར་ཕྱོགས་སུ་ནི་ཡུལ་འཁོར་སྲུང་། །ལྷོར་ནི་རྒྱལ་པོ་འཕགས་སྐྱེས་པོ། །ནུབ་ཕྱོགས་སུ་ནི་སྤྱན་མི་བཟང་། །བྱང་ནི་རྣས་ཐོས་བུ་བཀོད་ནས། །ཕྱི་མཚམས་ཐོ་ཡིས་གཅད་པར་བྱ། །མི་གཡོ་མགོན་པོས་དམ་སྲི་གནན། །ཕྱི་ཡི་བར་ཆད་གཤིན་རྗེས་བསྲུང་། །ནང་གི་དངོས་གྲུབ་འཕྲོག་པ་རྣམས། །བདུད་རྩི་འཁྱིལ་པས་བསྲུང་བྱས་ན། །བར་གྱི་མཚམས་ཡང་གཅད་པར་བྱ། །མི་དགེ་བཅུ་པོ་བསྲུང་བའི་ཕྱིར། །ཕྱོགས་སྐྱོང་བཅུ་ལ་ཕུར་པ་གདབ། །དུག་ལྔའི་མཚོན་ཆས་ཀུན་འཇོམས་ཕྱིར། །མཚོན་ཆ་འབར་བའི་དྲ་བ་དང་། །ར་བ་གུར་གྱིས་བསྲུང་བ་བྱ། །ལུས་ངག་ཡིད་ལ་བདག་འཛིན་པའི། །རྭ་ཏྲ་རྣམ་པ་གསུམ་པོ་ཡང་། །བལྟ་སྤྱོད་གཉིས་ཀྱི་མནན་བྱས་ནས། །སྒོ་སྲུང་དུར་ཁྲོད་བདག་པོས་བྱ། །དེ་ནས་བྱིན་གྱིས་རློབས་པ་ཡང་། །དབང་བསྐུར་ཆེན་པོའི་ཏིང་འཛིན་གྱིས། །གནས་ཁང་བྱིན་གྱིས་རླབས་པ་ཡང་། །སྣོད་ཀྱི་འཇིག་རྟེན་ཁང་པ་ན། །བཅུད་ཀྱི་སེམས་ཅན་སྣ་ཚོགས་བཞུགས། །སྲིད་གསུམ་བདུད་རྩི་རྣམ་ལྔར་བསལ། །ཕྱག་རྒྱ་ཆེན་པོའི་ཏིང་འཛིན་གྱིས། །རྣལ་འབྱོར་བྱིན་གྱིས་རླབས་པར་བྱ། །ལུས་ངག་ཡིད་གསུམ་སྐུ་གསུང་ཐུགས། །སྦྱོད་ལམ་རྣམ་བཞི་ལྷ་སྐུར་གསལ། །འབྱུང་བ་བཅུད་ལེན་ཏིང་འཛིན་གྱིས། །ཆད་རླབས་ཛ་གད་བྱིན་གྱིས་བརླབ་པར་བྱ། །བསྲེག་སྦྱང་སྟོང་པ་གཞལ་ཡས་ཁང་། །མི་བསྐྱོད་དབྱིངས་ཕྱུག་འོད་དུ་ཞུ། །བཱ་མ་ཀི་ཡིས་བབ་བསྡུས་ནས། །ཆ་གཞི་དག་ཏུ་འགོ་བར་བྱ། །ཡིད་བཞིན་ནོར་བུའི་ཏིང་འཛིན་གྱིས། །རྫས་དང་ཡོ་བྱད་བྱིན་གྱིས་བརླབ། །ཡིད་བཞིན་ནོར་བུ་རིན་པོ་ཆེ། །དཔག་བསམ་འདས་པའི་ཤིང་ཆེན་དང་། །བུམ་པ་བཟང་པོ་འདོད་འཇོའི་བ། །ཇི་ལྟར་དམིགས་པར་འབྱུང་བར་སྣང་། །ས་ཡི་ལྷ་མོ་བརྟན་མ་ཉིད། །སེར་མོ་ཕྱོགས་གཉིས་བུམ་པ་བསྣམས། །ཕག་གི་ཁྲི་ལ་ཡང་དག་གནས། །ཀླུ་གཉན་ས་བདག་འཁོར་དང་བཅས། །དེ་ལ་ས་ནི་རབ་བསླང་ནས། །བསྒྲུབ་པའི་དཀྱིལ་འཁོར་ཆག་ཆག་གདབ། །ཡེ་ཤེས་དམ་ཚིག་ཐིག་གདབ་ལ། །ཀ་བ་བརྒྱད་དང་འཁོར་ལོ་བརྒྱད། །པདྨ་བརྒྱད་དང་རིན་ཆེན་བརྒྱད། །སྒོ་བཞི་རྟ་བབས་བརྒྱད་ལྡན་པ། །རྡུལ་ཚོན་བྱིན་གྱིས་བརླབས་ནས་བྲི། །དེ་ལ་ལྷ་ཡི་སྐུ་ཡང་དགོད། །ཅེས་གསུངས་སོ། །བདུད་རྩི་ཆེན་པོ་འཁོར་ལོ་འབར་བའི་རྒྱུད་ལས། །བསྒྲུབ་པའི་སྔོན་དུ་འགྲོ་བའི་ལས་རིམ་བསྟན་པའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཀྱིས་བསྒྲུབ་པར་བྱ་བ་ལྷའི་སྐུ་ཕྱག་རྒྱ་ཆེན་པོ་འདི་གསུངས་སོ། །ཕྱག་རྒྱ་ཆེན་པོ་ལྷ་ཡི་སྐུ། །ལས་ཀྱི་ཕྱག་རྒྱ་ཡུམ་དང་འཁྲིལ། །དམ་ཚིག་ཕྱག་རྒྱ་སྦྱོར་བར་བྱ། །ཆོས་ཀྱི་ཕྱག་རྒྱ་ལྷ་རྣམས་བསྐྱེད། །རང་སེམས་ཡི་གེ་གསུང་དུ་གསོལ། །ཕ་མའི་ཆ་ཤས་ཐུགས་མཚན་ཉིད། །འབྱུང་ཆེན་ལྔ་ལས་སྐུ་རྫོགས་པས། །ཆོ་ག་རྣམ་པ་གསུམ་ལས་བསྐྱེད། །རྣམ་ཤེས་ཕུང་པོ་རྡོ་རྗེ་སེམས། །གཡས་མཐིང་གཡོན་དམར་དབུས་མ་དཀར། །རྡོ་རྗེ་འཁོར་ལོ་རིན་པོ་ཆེ། །པདྨ་རལ་གྲི་དྲིལ་བུ་བཅས། །གཟུགས་ནི་སྣང་མཛད་གསེར་གྱི་མདོག །མཐིང་ག་དམར་པོའི་དབུ་གསུམ་པ། །འཁོར་ལོ་རྡོ་རྗེ་རིན་ཆེན་དང་། །དྲིལ་བུ་པདྨ་རལ་གྲི་འཛིན། །ཚོར་བ་དཀོན་མཆོག་དཔལ་ནི་མཐིང་། །དཀར་དང་དམར་བ་ཕྱག་དྲུག་པ། །རིན་ཆེན་རྡོ་རྗེ་འཁོར་ལོ་དང་། །དྲིལ་བུ་པདྨ་རལ་གྲི་འཛིན། །འདུ་ཤེས་འོད་དཔག་མེད་འབྲེལ། །བྱང་ཆུབ་སེམས་དཔའི་རིགས་མ་རྣམས། །ཡུལ་སེམས་གཉིས་སུ་མེད་པར་བྱེད། །ཀུན་བཟང་ཡབ་ཡུམ་མཉམ་བཞག་མཐིང་། །ལྷ་དབང་བརྩོན་འགྲུས་པི་ཝང་བསྣམས། །ལྷ་མིན་བསམ་གཏན་གོ་ཆ་དང་། །མི་དབང་ཚུལ་ཁྲིམས་གསེག་པར་ཉིད། །བྱོལ་སོང་ཤེས་རབ་པོ་ཏི་འཛིན། །ཡི་དྭགས་སྤྱིན་པ་རིན་ཆེན་སྒྲོམ། །དམྱལ་བ་བཟོད་པ་མེ་དང་ཆུ། །གཤིན་རྗེ་མི་གཡོ་ལྕགས་ཀྱུ་དཀར། །རྣམ་རྒྱལ་རྡོ་རྗེ་ཞགས་པ་སེར། །རྟ་མགྲིན་སྦྲུལ་ཞགས་ལྕགས་སྒྲོག་དམར། །བདུད་རྩི་རྒྱ་གྲམ་དྲིལ་བུ་ལྗང་། །བླ་མ་རྡོ་རྗེ་འཛིན་པ་ལ། ཁུ་ཡི་དུས་ནས་དབང་ཐོབ་པས། །བུམ་པ་མི་བསྐྱོད་ཆུ་ཡི་དབང་། །ཅོད་པན་བདུད་རྒྱལ་རིན་འབྱུང་ལ། །རྡོ་རྗེ་བདུད་འཇོམས་སྣང་མཐའ་ཡས། །དྲིལ་བུ་ཆོས་སྒྲ་དོན་ཡོན་གྲུབ། །མིང་ནི་རྣམ་པར་སྣང་མཛད་དོ། །ལམ་དུས་རིགས་ལྔར་དབང་བསྐུར་བྱ། །ཟབ་མོའི་དབང་གསུམ་ཐོབ་པའི་ཕྱིར། །སྐུ་གསུང་ཐུགས་སུ་བྱིན་གྱིས་བརླབ། །རྡོ་རྗེ་དབྱིངས་ཀྱི་དཀྱིལ་འཁོར་དུ། །བདུད་རྩི་ཁྲོལ་བུ་བསྒྲུབ་པར་བྱ། །ཐུན་མོང་དམ་པ་རིགས་བརྒྱ་ཡིས། །རང་གི་རྟོག་ཚོགས་ལྷ་རུ་སྦྱང་། །རྩ་ཡི་དབྱིབས་ནི་ལྷ་སྐུར་གསལ། །སྔགས་ཀྱི་ཡི་གེ་གསུང་དུ་སྒྲོགས། །ཁམས་ཀྱི་བདུད་རྩི་ཟས་སུ་ཟ། །སྙིང་པོ་རླུད་ནི་ཐུགས་ལ་སྤྲོ། །བསྒྲུབ་པའི་དམ་པ་རིགས་བརྒྱ་ཡིས། །སྨན་གྱི་རྟོག་པ་བཟློག་བྱས་ནས། །ཐམས་ཅད་ལྷ་ཡི་སྐུ་རུ་གསལ། །སྤྲུལ་པའི་སྐུ་རུ་སངས་རྒྱས་སོ། །གསུང་གི་བསྒྲུབ་པ་བྱས་པ་ཡང་། །དེ་ཉིད་རིགས་ལྔར་ཡན་ལག་གནས། །ལྷར་འཛིན་ཐ་དད་སོ་སོ་དང་། །སྨན་གྱི་དངོས་པོ་རང་རྒྱུད་པར། །འཛིན་པའི་རྟོག་པ་བཟློག་བྱས་ནས། །རིགས་ལྔ་ཡེ་ཤེས་ལྔ་རུ་སྒྲུབ། །ལོངས་སྤྱོད་རྫོགས་སྐུར་སངས་རྒྱས་པའོ། །དྲན་པ་སྣ་ཚོགས་སྣང་བ་ཡང་། །སྣོད་བཅུད་དམ་པ་རིགས་བརྒྱར་སྦྱང་། །དེ་ཉིད་དྲན་མེད་རིགས་ལྔར་འདུས། །སྣོད་བབ་རིགས་སུ་དབྱེ་བ་མེད། །དེ་ཕྱིར་གསང་ཆེན་རིགས་གཅིག་བསྒོམ། །རིགས་ལྔ་ཡེ་ཤེས་ཐ་དད་དུ །འཛིན་པའི་རྟོགས་པ་བཟློག་བྱས་ནས། །གཉིས་མེད་ཆོས་སྐུར་སངས་རྒྱས་པས། །དྲན་མེད་ངང་དུ་རིགས་གཅིག་གནས། །གཉིས་མེད་ཆོས་ཀྱི་དབྱིངས་སུ་ཐིམ། །བཏག་ཙག་མི་རྟོག་བདུད་རྩི་ཆེ། །གཟུང་འཛིན་སྐྱེ་བ་མེད་པར་བསྒྲལ། །ཕྱེ་མ་གོང་བུ་གཅིག་པ་ཡིས། །ཐམས་ཅད་འཁོར་འདས་དབྱེར་མེད་ཅིང་། །བདུད་རྩི་ཆེན་པོར་རོ་གཅིག་པས། །བློ་སྣང་སྣང་བ་ལས་འདས་སོ། །ཨ་པྲ་སྐྱོང་བའི་བུ་མོ་སྟེ། ཁེང་གི་ལྷ་མོ་འོད་ལྗང་མ། །དུག་འཇོམས་སྨན་གྱི་བསྒྲུབ་པ་བྱ། །རྒྱ་སྤོས་ནི་ལོ་པ་ལ་དང་། །ལྡོད་རོས་བ་གླང་མཁྲིས་པ་དང་། །ཙསྡོན་དཀར་པོ་སྤང་སྤོས་དང་། ཁྲ་མོ་ས་དང་ཤ་སིང་ར། །ཀ་ར་ཀ་ཏ་བ་ལ་ཀ །རུ་རྟ་རྣམས་ནི་ཆ་མཉམ་སྟེ། །ཞིབ་བཏགས་དར་ཚགས་དག་ལ་བཙག །དཀྱིལ་འཁོར་ཟླུམ་པོ་མཎྜལ་སྟེ། །གའུ་ཁ་སྦྱར་ནང་དུ་བླུག །གཟུངས་ཐག་བཏགས་ནས་དར་ཁང་དབུབ། །ཤིང་གི་ལྷ་མོ་འོད་འཆང་མའི། །སྔགས་འདིས་རབ་ཏུ་གདབ་པར་བྱའོ། །ཨོ་ཨུ༷༷ཧུ༷་སརྦ་པརྩི་ཨ་སྐྲོ་ཏ་བཛྲ་ལྭ་པྱེ་ཧུ༷། ཀལྤ་བྲིཀྟ་དེ་བྲི་པྲ་བྷ། ན་མོ་བྷ་ག་བ་ཏེ་ཏུ་ད་ཏྲ་ཡུ། ཧ་ར་བི་ཥའ་ན་ཧ་ར། བི་ཥ་ནི་མུ་སྭ་ཧྭ། ཤིང་གི་ལྷ་མོ་འོད་འཆང་མ། །རྡོ་རྗེ་ལྭ་པྱེའི་སྤྲུལ་པ་སྟེ། །སྐུ་མདོག་དཀར་ལ་འོད་ཟེར་འབར། །ཕྱག་ན་ཤིང་གི་བུམ་པ་བསྣམས། ་གོང་ཏོག་ཀུན་གྱི་སྲུང་མ་སྟེ། ཁེང་གི་ལྷ་མོར་ཕྱག་འཚལ་ལོ། །སྨན་འདི་ཆུ་ཡིས་ཕུལ་བྱས་ནས། །ཁོང་དུ་བ་་བར་བྱ་བ་དང་། །ཡང་ན་སྣར་ཡང་བླུག་པར་བྱ། །ལུས་ལ་བསྐུས་པར་བྱས་པ་ན། །སྦྱར་བའི་དུག་ནི་སྣ་ཚོགས་པ། །གང་ཡང་རུང་བར་འགྱུར་བ་སྟེ། །དུག་གོ་ཅོག་རྣམས་མེད་པར་བྱེད། །སེམས་ཅན་མཆེ་བ་དུག་ཅན་རྣམས། །སོ་ཡི་གདུག་པས་ཟིན་པ་ཡང་། །དེ་དག་མེད་པར་བྱེད་པ་དང་། །ཕོལ་མིག་དང་ནི་འབྲས་ནད་དང་། །མེ་དབལ་ལ་སྩོགས་སེལ་བྱེད་ཅིང་། །གཞན་གྱི་ངན་དུ་བྱས་པ་ཡི། །དུག་གིས་མི་ཚུགས་ཞི་བར་བྱེད། །ཉེས་སྡིག་བྱང་བར་བྱེད་པ་སྟེ། །བྲམ་ཟེའི་སྔགས་གྱིས་གནོན་བྱས་པ། །དེ་དག་ལས་ཀྱང་ཐར་པར་འགྱུར། །མགོན་པོ་གནོད་གནས་བུ་མོ་སྟེ། །སྨན་གྱི་ལྷ་མོ་ནོར་གྱི་རྒྱུན། །ཡོ་བྱད་ནོར་གྱི་བསྒྲུབ་པ་ནི། །དབེན་པའི་གནས་སུ་རབ་གནས་ནས། །སྲོག་ཆགས་མེད་པའི་ས་གཙང་མ། །བཟང་ཞིང་སྣུམ་པ་རབ་བཙལ་ནས། །མཎྜལ་ཟླུམ་པོ་ལེགས་བྱས་ནས། །གུར་གུམ་གི་ཝང་ཛུ་ཏི་དང་། །སྤོས་དང་སྦྱར་ནས་བྱུག་པ་ནི། །བ་ཡི་སྣ་ལྔ་དག་གིས་བྱ། །ཙསྡོན་དཀར་པོའི་ཆུ་སྦྱར་ལ། །སྔགས་རིང་བརྒྱ་རྩ་བརྒྱད་བཟླས་ནས། །ལག་པ་གཡོན་པས་མཎྜལ་དབུལ། །སྲིན་ལག་གཡོན་པས་ཆོས་འབྱུང་བྲི། །དེ་སྟེང་ལྷ་མོ་བསམ་པ་ནི། །སྨན་གྱི་ལྷ་མོ་ནོར་རྒྱུན་མ། །ཞལ་གཅིག་ཕྱག་ནི་གཉིས་པ་ལ། །སྐུ་མདོག་བཙོ་མ་གསེར་གྱི་མདོག །ཛམ་བུ་ནཱ་དའི་གསེར་འོད་འདྲ། །གཡས་པའི་ཕྱག་ན་བསྣམས་པ་ནི། །ཤིང་ཐོག་བྲི་ཛ་པྲུ་ར་བསྣམས། །གཡོན་ན་འབྲུ་ཡི་སྙེ་མ་བསྣམས། །རིན་པོ་ཆེ་ཡི་རྒྱན་གྱིས་བརྒྱན། །བཞེངས་ནས་བཞུགས་པའི་ཞབས་གཉིས་འོག །རིན་པོ་ཆེ་ཡི་བུམ་པ་ནི། །ཅུང་ཞིག་ཡོ་བར་རྣམ་པར་མནན། །གསང་བའི་སྔགས་འདིས་སྐུ་ཡང་བསྐྱེད། །ཨོ་སྡུད་དུ་སྡུད་དུ། མ་མ་ཀུ་ནེ་ཀུ་ནེ་ན་གྲྭ་ཧྭ། སྨན་གྱི་ལྷ་མོ་ནོར་གྱི་དབྱིབས། །རྡོ་རྗེ་མུ་ལེའི་སྤྲུལ་པ་སྟེ། །སྐུ་མདོག་སྔོ་སངས་འོད་ཟེར་འབར། །ཕྱག་ན་གཏེར་གྱི་བུམ་པ་བསྣམས། །སྨན་དང་གཏེར་གྱི་སྲུང་མ་སྟེ། །སྨན་གྱི་ལྷ་མོར་ཕྱག་འཚལ་འོ་། །རྩ་བའི་གསང་སྔགས་འདི་ལ་ནི། །བསྙེན་པ་འབུམ་ཚོ་སུམ་འབུམ་བཟླས། །ཨོ་གྲི་བ་སུ་ནི་དྷ་ན་སྟེ་ཏྲེ་གྲྭ་ཧྭ། །མཎྜལ་འབུལ་ཞིང་བསྒྲུབ་པ་ཡིས། །སྔགས་རིང་ཕྲེང་བ་དཔལ་དང་ལྡན། །འདོད་པ་ཐམས་ཅད་རབ་སྒྲུབ་པ། །གསང་སྔགས་རྒྱལ་པོ་འདི་དག་བཟླས། །ཨོ་ན་མོ་རཏྣ་ཏྲ་ཡུ་ཡ། ཏབྱ་ཐུ། བྷ་ཏ་མ་ཛི་བ་ས་ར་ཀྟ་ནི། ཕ་ལ་ཧ་ཏི་བྷ་སུན་དྷི། རྙི་ཝང་ཀ་རི་ཤཱརྙི་ཀ་རི། བྷ་ཡ་ནཱ་ས་ནི་སརྦ་དུཁུ། བྷན་ཛ་བྷན་ཛ། ཛ༷་བྷ་ཛ༷་བྷ། ཨ་མྲི་ཏ་ཨུབྱུ་བེ། ཀུ་རུ་ཀུ་མྲ མ་མ་ཀརུ་གྲྭ་ཧྭ། །མི་སྙིང་རབ་ཏུ་སྤྲུལ་པའི་སྔགས་སོ། །རབ་ཏུ་གསང་བའི་དམ་པ་འདི། །ཨོ་བཛྲ་མྱ་ལེ་བིཌརུ་དེ་བྲི་བ་སུ་དྷ་ར། འགུལ་འགུལ། མ་མ་ཧྲིང་ཧྲིང་། མ་ཁ་ཤི་མི་སྙིང་འགུལ། མི་འགྲམ་ཆོག །ཧྲིང་ཧྲིང་སྡུས་སྡུས། མ་མ་ནི་བ༷་སྲུ་ཧྭ། ཕོ་མོ་དབང་དུ་བྱ་བ་ནི། གསང་སྔགས་རིག་པ་དམ་པའོ། །ཨུ་ཀཁོ་ཡ་ཧུ༷་སྙི༷༷། སྲིད་པའི་མོ་ཆགས་ཐམས་ཅད་ཀུན། །དབང་དུ་བྱེད་པའི་གསང་སྔགས་སོ། །ཨུ་ཀཁེ་ཡ་ཧུ༷་ཛ་ཛ། སྲིད་པ་ཕོ་རུ་གྱུར་པ་ཀུན། །དབང་དུ་བྱ་བའི་གསང་སྔགས་སོ། །ལྷ་མོ་ཉིད་ཀྱི་རིག་པ་ནི། །བཅོམ་ལྡན་འདས་ལ་རབ་ཕུལ་ལོ། །རྩི་ཡི་ལྷ་མོ་བློ་གྲོས་མ། །རིགས་རྒྱུད་སྲིད་ཀྱི་བསྒྲུབ་པ་ནི། །སྔགས་པ་བློ་ལྡན་དབེན་དགའ་བས། །གནས་སུ་བཙལ་བར་བྱ་བ་ཡང་། །རྩི་སྨན་འཁྲུངས་པའི་ཡུལ་ཁམས་ཏེ། །ནུབ་ཏུ་ཁ་བལྟས་རྩི་རྣམས་སྐྱེས། །དེར་ནི་བསྒྲུབ་པའི་མཎྜལ་ཡང་། །རབ་ཏུ་ཟླུམ་པོར་བྱ་བའོ། །ཡང་ན་རིགས་རྒྱུད་གང་སྤེལ་བའི། །གནས་སུ་བསྒྲུབ་པ་རབ་ཏུ་བྱ། །བ་བླ་བ་ཡི་ཆུ་ནང་དུ། །ཞག་གསུམ་བར་དུ་སྤངས་བྱས་ལ། །སྔགས་དེ་ཞལ་གསུམ་བར་དུ་གདག །དེ་ནས་བ་ཆུ་འཐུངས་པ་ནས། །མངལ་ཆགས་པ་ཡི་གདམས་པ་ཡིན། །ཡང་ནི་ལན་ཚྭ་རྣམས་ལྔ་དང་། །ཀ་ར་དཀར་དང་སྦྲང་རྩི་དང་། །མར་དང་ལྡན་པས་བུད་མེད་ལ། །ཟླ་མཚན་བྱུང་ནས་སྔགས་ཁྲུས་བྱས། །གང་ལ་བླུད་པར་བྱས་པ་དེ། །མོ་གཤམ་ཡིན་ཡང་བུ་སྐྱེ་འགྱུར། །ཡང་ནི་རབ་ཏུ་བཤད་པར་བྱ། །པ་ཏོ་ལ་ཡི་རྩ་བ་དང་། །ཀ་ར་གཉིས་ལ་རེ་རེ་ལ། །ཞོ་ནི་གཉིས་གཉིས་ཞོ་བཞི་པོ། །ཆུ་གྲང་སྦྱར་ལ་སྔགས་བཏབ་བླུད། །མོ་གཤམ་བུ་ཡང་སྐྱེ་བར་འགྱུར། །ཡང་ནི་ཡུངས་ཀར་ལྡོང་རོས་དང་། །པི་པི་ལིང་ནི་རྩ་བ་དང་། ཁེང་མངར་དང་ནི་པི་པི་ལིང་། །སྙི་ཧང་རྣམས་ནི་ལྷན་ཅིག་བཏགས། །བྱིན་ན་སྲིད་ཀྱང་འཕེལ་བར་འགྱུར། །ཡང་ནི་ནཱ་ག་གེ་སར་དང་། །ཁ་ལུང་དང་ནི་བ་ལ་དང་། །སྦྲང་རྩི་རྣམས་ནི་ཆ་མཉམ་པར། །ཀུན་ལ་ཞོ་ནི་གཉིས་གཉིས་ཏེ། །ཕྱེ་མ་དག་ཏུ་ལེགས་བཏགས་ནས། །འོ་མ་དང་ནི་ལྷན་ཅིག་ཏུ། །ཟླ་མཚན་བྱུང་ནས་ཞག་གསུམ་དུ། །གསང་སྔགས་བཏབ་ནས་དེ་འཐུངས་ཏེ། །དེ་དག་ཞུ་བའི་ཚོད་ཙམ་ནས། །འོ་མ་དང་བཅས་ཟན་ཕྱིན་ན། །ངེས་པར་མོ་གཤམ་བུ་ཡང་སྐྱེ། །ཡང་ནི་ཨ་ཤོ་ཀརྙ་ཡིས། །རྩ་བ་མ་རུལ་མ་སུམས་པ། །འོ་མ་སྲང་ནི་ཉི་ཤུ་བརྒྱད། །བསྐོལ་ཏེ་མར་དང་ལྷན་ཅིག་བླུད་། །བུད་མེད་མངལ་ཡང་འཛིན་པར་འགྱུར། །ཡང་ནི་ཀ་ཙ་མ་ཏི་དང་། །པུ་ཤེལ་ཙེ་དང་པིལ་བ་དང་། །ཡུངས་ཀར་དང་ནི་རུ་རྟ་དང་། །གླ་སྒང་དང་ནི་བུ་རམ་རྣམས། །ལྷན་ཅིག་བསྲེས་ནས་སྦྱར་བ་ཡང་། །ཞུན་མར་དང་ནི་ལྷན་ཅིག་ཏུ། །ཟླ་མཚན་རྒྱུ་བའི་དུས་སུ་ནི། །ཞག་བདུན་སྔགས་བཟླས་བ་་བ་དང་། །ཟླ་བ་དག་ཀྱང་རེ་རེ་ལ། །ཞག་གྲངས་གསུམ་གསུམ་བཏུང་བར་བྱ། །དེ་ནས་ཞག་གསུམ་བསྡད་པ་དང་། །དེ་ནས་ཡང་ནི་ཞག་བདུན་འཐུངས། །གང་འཐུང་བུད་མེད་དེ་ཡི་ནི། །མངལ་གྱིས་བུ་ནི་མྱུར་དུ་ལེན། །འདི་ལ་ཐེ་ཚོམ་མེད་པའོ། །ཡང་ནི་གླ་གོར་ཞོ་ཤ་དང་། །ནཱ་ག་གེ་སར་ས་བོན་གཉིས། །ཕྱེ་མ་སྦྲང་རྩིས་སྦྲུས་བྱས་ལ། །འོ་མ་དང་ནི་སྦྱར་ལ་བླུད། །ཟས་སུ་འབྲས་ཀྱི་ཟན་དང་ནི། །འོ་མ་ལྷན་ཅིག་ཟོས་པ་ན། །བུད་མེད་མོ་གཤམ་ཡིན་གྱུར་ཀྱང་། །དེ་ལ་བུ་ནི་སྐྱེ་བར་འགྱུར། །དེ་དག་ལ་ནི་གདབ་པའི་སྔགས། །སྲིད་སྤེལ་མས་ནི་འདི་གསུངས་ནས། །བཅོམ་ལྡན་འདས་ལས་འགྲོ་དོན་དུ། །རང་གི་རིག་པ་ཕུལ་བའོ། །ཨོ་བཛྲ་གིརྟི་ན་མོ་ཨ་དྷིད་ཤུ་ཀ་ར། ཏ་རི་དྷ་བ་ཀི་བི་ཏི་གྲྭ་ཧྭ། །ན་ས་ཤ་ཚ་འདི་ཞེས་བྱ་བ་ལས་སྐྱེ་བར་གྱུར་ཅིག་གྲྭ་ཧྭ། སྔགས་འདི་ལན་འབུམ་བཟླས་པ་ན། །དེས་ནི་རབ་ཏུ་འགྲུབ་པར་འགྱུར། །དམུ་བྱ་ཕུག་རོན་སྙིང་དང་མིག །གོ་རོ་ཙ་ན་ལྕེ་དང་ཁྲག །དངུལ་རྡོ་རྣམས་སུ་སྦྱང་བྱས་ལ། །སྔགས་འདི་ཞག་གྲངས་ཉི་ཤུ་གཅིག །བཏབ་ན་བུད་མེད་དབང་དུ་འགྱུར །ཨོ་ན་ཡ་ན་མ་ནོ་ཧ་རི། ནི་ནི་མོ་དེ་པ་གྲྭ་ཧྭ། ལང་ཏང་ཙེ་དང་བྱེ་རུག་པ། །ཨ་པ་མརྒ་ཏིལ་དང་ནི། །ཡུངས་ཀར་བཏགས་ནས་ཏིལ་མར་སྦྱར། །བུད་མེད་བྷ་གར་རབ་བསྐུས་ནས། །རབ་ཏུ་དམ་འགྱུར་སྔགས་འདི་གདབ། །ཨོ་ན་མོ་ཤ་ཙ་ཡ། ཙི་རི་བི་སི་བི་སི་ནི་ནི། ཆེ་གེ་མོ་ཞེས་བྱ་བ་བདག་གི་དབང་དུ་གྱུར་ཅིག་གྲྭ་ཧྭ། །མོན་སྲན་གྲེའུ་དང་གཟི་མ་དང་། །འབུ་སྲིན་གསུམ་པོ་ཆ་མཉམ་སྟེ། །བསྐོལ་བ་གང་གིས་འཐུང་བ་ཡིས། །མི་དེའི་རྡོ་རྗེ་རྟག་ཏུ་འགྲེང་། །གཏི་ནི་གཉིད་པར་མི་འགྱུར་རོ། །སྟི་ཧ་ཏི་ཡི་འབྲས་བུ་དང་། །བལ་པོ་སེའུ་གི་ཤུན་པ་དང་། །གོ་ཕྱེ་རྣམས་ནི་ཉུངས་མར་བསྐོལ། །རྡོ་རྗེ་བསྐུས་ཤིང་མཉེས་པ་ན། །ཇི་ལྟར་འདོད་པ་བཞིན་དུ་ནི། །སྦོམ་ཞིང་ཆེ་བར་འགྱུར་བའོ། །བ་དང་ར་ཡི་འོ་མ་དང་། །རྡོ་རྗེའི་འོ་མ་རྣམས་སྦྱར་བ། །རྐང་པ་གཉིས་ལ་བསྐུས་པ་ན། །འདོད་པ་བསྟེན་པར་བྱས་ཀྱང་ནི། །ས་བོན་འབྱུང་བར་མི་འགྱུར་རོ། །བྱི་བའི་གཞང་དང་ཏིལ་མར་དང་། །བྱེའུ་ས་རྟ་ཀ་ཡི་ནི། ཁྲ་ཁུ་དེ་རྣམས་སྦྱར་བྱས་པ། །མོ་མཚན་བསྐུས་པར་གྱུར་པ་ནི། །བྷ་ག་ཁ་ཆེ་ཆུང་བར་འགྱུར། །དེ་དག་རིག་སྔགས་བཤད་པ་ནི། །ལྷ་མོ་དག་གིས་རིག་པ་ཕུལ། །ཨོ་གི་རི་ཧི་རི་ཙི་རི། །ཨུ་ཨུ་ཤུ་མ་ཤ་ནི་གྲྭ་ཧྭ། སྔགས་འདི་ལན་བདུན་བཟླས་བྱས་ནས། །བྷ་ག་ལ་ནི་བསྐུ་བར་བྱའོ། །རྩི་ཡི་ལྷ་མོ་བློ་གྲོས་མ། །ལྷ་མོ་གིར་ཏིའི་སྤྲུལ་པ་སྟེ། །སྐུ་མདོག་དམར་གསལ་འོད་ཟེར་འབར། །ཕྱག་ན་བདུད་རྩིའི་བུམ་པ་བསྣམས། །རྩི་དང་སྨན་གྱི་སྲུང་མ་སྟེ། །རྩི་ཡི་ལྷ་མོར་ཕྱག་འཚལ་ལོ། །ནགས་ཀྱང་་ལྷ་མོ་རྨ་བྱའི་མདོངས། །གནོད་པ་སྲུང་བའི་བསྒྲུབ་པ་ནི། །སྔགས་པ་གཞན་ལ་ཕན་འདོད་དམ། །ཡང་ན་རང་ཉིད་བསྲུང་བར་བྱ། །མི་ཡི་རུས་པ་སྐྲ་དང་ནི། །ལྷ་ལ་ཕུལ་པའི་མེ་ཏོག་དང་། ་རྒོན་ཀུན་དང་ནི་ཙསྡོན་དང་། །འབུ་སུག་ཧ༷་དང་ཤུ་དག་དང་། །སྒྱུ་རུ་ར་དང་ཙ་རོད་དང་། །ཨ་རུ་ར་དང་མུ་ར་དང་། །ཨ༷ཀྟཡང།ཡང་ཀྟ་མུ་ར་སྤང་སྤོས་དང་། །ལྷི་ཧ་ཏི་དང་རྣམ་གཉིས་དང་། །ཛུ་ཏི་ཕ་ལ་ཡུངས་ཀར་དང་། །རྨ་བྱའི་མཁྲིས་པ་རས་བལ་དང་། །སྲེ་མོའི་ཀླད་པ་ཁྱི་རུས་དང་། །བྱི་ལའི་བྲུན་དང་གླང་པོའི་བྲུན། །བ་གླང་ལྕི་བ་ཐང་ཤིང་དང་། །ཨ་པ་མརྒ་སྒོག་སྐྱ་དང་། །ཐ་བ་ཎ་དང་འབྲས་གང་དང་། །བུད་ཏ་གོ་ཤིང་གོ་ལོ་མིན། །ཕ་ལ་ཏ་ཀ་པོ་སོ་འཆའ དེ་རྣམས་ལྷན་ཅིག་སྦྱར་བ་ཡིས། །རྫས་དེ་གའུ་བླུགས་ནས་ནི། །སྔགས་འདི་བརྗོད་པར་བྱའོ། །ཨོ་བཛྲ་ནིར་ཏི་དེ་བ་ན་ན་མོ་བྷ་ག་བ་ཏེ། རུ་ཏྲ་ཡ་ཏབྱ་ཐུ། ཧ་ར་ཧ་ར། ཏུ་རུ་ཏུ་སྲ ཏ་ལ་ཏ་ལ། ནི་མི་ལེ་སརྦ་གྲ་ཧ་ནཱ་ཤ་ནི། བཛྲ་བཱ་ཁི་ཧ་ར་ཧ་ར། མུ་ཏྲ་བེ་ཏ་ནི་གྲྭ་ཧྭ། སྔགས་འདི་ལན་བདུན་བཟླས་པ་ཡི། །རྫས་ཀྱི་དུད་པས་བདུག་པ་ན། །གྲིབ་གནོས་སྨྱོ་བྱེད་བརྗེད་བྱེད་གདོན། །གནོད་སྤྱིན་གདོན་ལ་སོགས་པ་ཡིས། །རྣམ་པ་སྣ་ཚོགས་གདོད་ཟིན་པ། །གདོན་རྣམས་མེད་པར་བྱེད་པ་སྟེ། །ལྐུགས་པ་རྨི་ལམ་ངན་པ་དང་། །གང་དག་བཀྲ་ནི་མི་ཤིས་པ། །ཐམས་ཅད་རབ་ཏུ་ཞི་བར་བྱེད། །ནགས་ཀྱི་ལྷ་མོ་རྨ་བྱའི་མདོངས། །རྡོ་རྗེ་ནིར་ཏིའི་སྤྲུལ་པ་སྟེ། །སྐུ་མདོག་ལྗང་སེར་འོད་ཟེར་འབར། །ཕྱག་ན་དྲི་སྤོས་རྨ་བྱ་བསྣམས། །དྲི་སྤོས་ཀུན་གྱི་སྲུང་མ་སྟེ། །ནགས་ཀྱི་ལྷ་མོར་ཕྱག་འཚལ་ལོ། །གསད་པ་དུར་ཁྲོད་མཁའ་འགྲོ་མ། །བསྒྲུབ་པར་བྱ་བའི་ལས་དག་ནི། །གང་དག་སངས་རྒྱས་བསྟན་པ་འཇིག །དཀོན་མཆོག་དབུ་འཕང་སྨོད་པར་བྱེད། །རྣལ་འབྱོར་དབང་ཕྱུག་ཆེན་པོ་རྣམས། །དམ་ཆོས་འཁོར་ལོ་རྨད་བྱུང་ལ། །བར་དུ་གཅོད་པ་བསྒྲལ་བའི་ཕྱིར། །དུར་ཁྲོད་གནས་སམ་ཆུ་གླིང་ངམ། །མ་མོའི་གནས་སམ་ལྷ་ཆེན་གནས། །ལམ་གྱི་བཞི་མདོ་གཙུག་ལག་ཁང་། །དེ་ལ་སོགས་པའི་གནས་ཕྱིན་ནས། །འབྲུབ་ཁུང་ཁྲུ་གང་གྲུ་གསུམ་སྟེ། །དུར་སོལ་ཁྲག་བསྲེས་དམར་ནག་བྱ། །དེ་ཡི་ཁ་ལ་གཏོར་མ་གཞག །འོག་ཏུ་ལིདྷ་བཅས་ཏེ་གཞུག །གྲི་ལག་གཡས་པའི་མཆོག་ཕུ་གདབ། །ཚོན་སྐུར་བཏགས་ཏེ་འོད་ཟེར་སྤྲོ། །དུས་གཉན་རྣམས་ལ་གཏོར་མ་བཏང་། །མཚན་མ་བྱུང་ནས་ཕྱོགས་སུ་འཕང་། །འགྲོ་འདུག་བྱེད་ཚེ་གཏོར་མ་བཟུང་། །ཟས་ཕུད་སྔགས་ཀྱིས་དང་པོ་དབུལ། །གཏོར་མའི་གོང་དུ་ཕུར་པ་གདབ། །བསྙེན་པའི་དུས་སུ་སྙིང་པོས་གདབ། །བསྒྲུབ་པའི་དུས་སུ་བསད་པས་གདབ། །ལིང་རོ་གཏུབས་ཏེ་གཏོར་མར་གཏང་། །ཕྱི་མ་བརྗེ་ཞིང་བསྐྱར་བ་བྱ། །བདག་ཉིད་བསམ་པར་བྱ་བ་ནི། ཁེང་གི་ལྷ་མོ་འོད་འཆང་མའི། །སྤྲུལ་པ་མཁའ་འགྲོ་རྒྱས་འདེབས་མ། །སྨན་གྱི་ལྷ་མོ་ནོར་རྒྱུན་མའི། །སྤྲུལ་པའི་མཁའ་འགྲོ་རྨོངས་བྱེད་མ། །རྩེ་ཡི་ལྷ་མོ་བློ་གྲོས་མའི། །སྤྲུལ་པ་མཁའ་འགྲོ་ཟ་བྱེད་མ། །ནགས་ཀྱི་ལྷ་མོ་རྨ་བྱའི་མགྲིན། །སྤྲུལ་པའི་མཁའ་འགྲོ་ཚེ་འཕེལ་མ། །གསང་བའི་མཁའ་འགྲོ་བཞི་ཡི་ནི། །ལས་མཁན་བདག་ཉིད་བསྒོམ་པ་ནི། །སྐུ་མདོག་ནག་མོ་རལ་པ་ཅན། །གཡས་ན་གྲི་གུག་བསྣམས་པ་ལ། །གཡོན་ན་བྷརྙ་འཛིན་པའོ། །སྐུ་སྟོད་དར་རས་ཁྲ་བོས་བརྒྱན། །དཔུང་པ་གཉིས་ཀྱང་དེ་བཞིན་ནོ། །ལྷ་མོ་སྐུ་མདོག་དེ་བཞིན་དུ། །བདག་ཉིད་ཀྱང་ནི་བསྒོམ་པར་བྱ། །མོན་པ་མོན་མོ་བུད་མེད་དང་། །རབ་བྱུང་ལ་སོགས་ཆོ་འཕྲུལ་མང་། །འོད་དང་དྲི་ལ་སོགས་པ་འོང་། །འོད་ལོང་ལྟག་ཉན་སྨྲ་བ་འབྱུང་། །མཁའ་འགྲོ་གཡོན་བསྐོར་སྔགས་ཀྱི་དགོད། །བདག་ཉིད་གོས་ནག་རེ་བ་གོན། །སྟོད་གཡོགས་དར་རས་ཁྲ་བོས་བརྒྱན། །དམོད་གཟུག་ཤགས་ཀྱང་གདབ་པར་བྱ། །གཏོར་བསྐུལ་བཅོལ་བ་དྲག་ཏུ་བྱ། །ཉམས་པ་བཤགས་ན་བུ་མོ་ནི། །བདུན་བསགས་ཟས་བྱིན་མེ་ཏོག་གཏོར། །ཚིག་མཐོལ་མགོ་ལ་བཤགས་པ་བྱ། །བདག་གི་མགོ་ལ་འཇོག་ཏུ་གཞུག །མཐུན་པའི་དངོས་གྲུབ་སྩོལ་ཞེས་བརྗོད། །སྨྲ་བཅད་དཀྱིལ་འཁོར་གཞན་མི་བསྟན། །རྩ་བ་ཡན་ལག་དམ་ཚིག་ནི། །ཉི་ཤུ་རྩ་བརྒྱདཚུལབཞིནབསྲུང། །བདུད་རྩི་སྨན་གྱིམཆོདཔབྱ། །ཨོན་ནི་ན་ནི་མ་ཧྭ་ཀྭ་ལི། བྷ་རེ་ཀྟ་རེ། བུ་ལ་མི་ཛི་མ་ར་ལི། ས་ད་ན་ས་ད་ན།ཕོ་དྷི་ཀ་དྷི། ཀེ་ར་ཀེ་ར་ཀ་པ་དྷ། ཕོ་དྷི་ཆེ་གེ་མོ་ཀེ་ར་མ་ག༷་བྷ། པི་པི་དུ་གི་ཁ་ད༷་ད་པྲ། བསྙེན་པ་འབུམ་དང་བྱེ་བ་བཟླས། །རྟག་ཏུ་མཆོད་པར་བྱ་བ་ཡིན། །དྷ་ཀི་ནི་དྷ་རྙུ༷་དྷི་རྙུ༷་དྷ། རཁྱི་ནི་ར༷་ར༷་རུ༷་ར༷་རུ༷་རྭ། ལ་ཀི་ནི་ལ༷་ལ༷་ལུ༷་ལོ༷་ལུ༷་ལ༷། ཀ་ཀི་ནི་ཀི་ཀུ༷་ཀེ་ཀུ༷་ཀྭ་པ་ཀ་ནི་སེ་སི༷་སུ༷་སེ་སུ་སྭ་ཧྭ། ཧ་ཀི་ནི་ཧ༷་ཧི༷་ཧུ༷་ཧེ་ཧུ་ཧ༷། གོང་མའི་རྩ་སྔགས་རེ་རེ་ལ། སྔགས་འདི་རེ་རེ་གདགས་པར་བྱ། །སྲི་མོ་བཛྲ་ནོ་ཏི་སྟ་ཀི་ལ་ཡ་ཀི་ལ་ཡ། །ས་མ་ཡ་སྟེ་ས། གཙོ་མོ་སྨན་གྱི་སྲུང་མ་བཞི། །སྤྲུལ་པ་གསང་བའི་ཡུམ་ཡང་བཞི། །ལས་མཁན་མཁའ་འགྲོ་རྣམ་པ་དྲུག །འབྱུང་ལྔ་དབང་བསྒྱུར་ཚེ་བདག་མོ། །སྔགས་བརྗོད་ཕུར་པ་གཙུགས་པ་ཡིས། །ཕུར་བུ་སྐུ་ནི་རེ་རེར་གྱུར། །ཀྲོང་ཀྲོང་འབྱིན་ཞིང་བཞུགས་པར་བསམ་མོ། །ས་ཡི་མཁའ་འགྲོས་གཟུགས་ཕུང་འཇིག །ཆུ་ཡི་མཁའ་འགྲོ་ཚོར་བ་འཇོམས། །མེ་ཡི་མཁའ་འགྲོས་འདུ་ཤེས་བསྲེག །རླུད་གི་མཁའ་འགྲོས་འདུ་བྱེད་སྡུད། །ནམ་མཁའི་མཁའ་འགྲོས་སྲོག་རླུད་སྤོར། །ཚེ་བདག་མོས་ནི་གནས་ནས་འབྱིན། །ཉམས་པ་གང་དག་ཞིང་དུ་བསྒྲལ། །སྐྱེ་བ་མེད་པའི་ས་ལ་གནས། །མཎྜལ་བརྒྱད་པའི་དཀྱིལ་འཁོར་དུ། །བཅུ་དྲུག་འཁོར་ལོས་མཐའ་བསྐོར་ནས། །སྐུ་གསུང་ཐུགས་ལྡན་ཀ་བཱ་ལར། །ཤ་རྡི་རམ་དང་ཉ་རྡི་རམ། །ཅུ་གང་དང་ནི་ག་པུར་དང་། །ཐལ་ཀར་རྡོ་རྗེ་ལ་སོགས་པའོ། །ཡོན་ཏན་རྫོགས་ལྡན་ག་བཱ་ལར། །ཆང་གི་རྣམ་པ་མང་པོ་་་་་་བླུག །ཡིད་བཞིན་གཏེར་ལྡན་ཀ་བཱ་ལར། །སྙིང་ཞོ་ཤ་དང་མཁལ་ཞོ་ཤ །གླ་གོར་ཞོ་ཤ་ཙི་ཏྲ་ཀ །ཀ་ཀོ་ལ་སོགས་སྦྱར་བའི་སྨན། །བཀྲ་ཤིས་མཚན་ལྡན་ཀ་བཱ་ལར། །རིན་ཆེན་སྣ་ཚོགས་བདར་བ་གཞག །ཁམས་གསུམ་ཡོངས་བསྒྲལ་ཀ་བཱ་ལར། །པདྨ་རཀྟ་སྦྱར་བའི་སྨན། །ཙསྡོན་སྨུག་པོ་ལི་ཤི་དང་། །སྒྱུ་རུ་ར་དང་སྟར་བུ་དང་། །རྒུན་འབྲུ་ལ་སོགས་སྦྱར་བའོ། །མི་འགྱུར་ས་མཁྲེགས་ཀ་བཱ་ལར། །འོ་མ་སྣ་ཚོགས་སྦྱར་བ་བླུག །ཆོ་འཕྲུལ་རྟགས་འབྱིན་ཀ་བཱ་ལར། །བདུད་རྩི་དྲི་ཆུ་བྲག་ཞུན་དང་། །ཅོང་ཞི་དང་ནི་གུར་གུམ་དང་། །ལྕེ་པོག་དཀར་པོ་ལ་སོགས་སོ། །མཚན་མ་སྤྲོས་བྲལ་ཀ་བཱ་ལར། །སྣ་ཚོགས་ཆུ་རྣམས་བླུག་པར་བྱ། །ཡེ་ཤེས་རྣམ་ལྔའི་ཀ་བཱ་ལར། །དྲི་ཆེན་དག་དང་སྦྱར་བའི་སྨན། །ཛུ་ཏི་ཕ་ལ་ཨ་རུ་ར། །ཨ་ག་རུ་དང་དུ་རུ་ཀ །གླ་རྩི་དག་དང་སྦྱར་བའི་སྨན། །དྲི་ཆེན་དབུས་ལ་བྱང་སེམས་ཤར། །མྱ༷་ས་ལྷོ་ལ་རཀྟ་ནུབ། །དྲི་ཆུ་བྱང་སྟེ་རྩ་བ་ལྔ། །ཤར་ལྷོ་ཆང་ལ་ལྷོ་ནུབ་ཏུ། །རིན་ཆེན་ནུབ་བྱང་འོ་མ་ཡིན། །བྱང་ཤར་ཆུ་ནི་སྣ་ཚོགས་གཞག །དེ་བཞིན་དར་གྱི་མཐིལ་ཡོལ་གྱིས། །དཀྱིལ་འཁོར་ཕྱོགས་བཞི་འཁོར་བར་བྲི། །མདའ་བཞི་དང་ནི་དར་སྣབཞི། །ཚོནསྐུདསྣལྔཕུར་པ་བརྒྱད། །མཎྜལ་དེ་ཡི་རྒྱན་དུ་དགོང་། །རྣལ་འབྱོར་མཆེད་དང་ལྕམ་དྲལ་ལ། །ཛ་གད་ཕྱག་ཏུ་བཞག་ནས་ཀྱང་། །ལས་དང་བྱ་བ་བསྐོས་ལ་གདབ། །རང་རེའི་ཕྲིན་ལས་ཅི་ནུས་བྱའོ། །སྣོད་རྣམས་སེམས་མ་བཅུ་དྲུག་བསྒོམ། །སྒེག་མོ་དང་ནི་སྤོས་མེ་མ། །ལྕགས་ཀྱུ་མ་དང་རྡོ་རྗེ་སྒྲོལ། ཁྲར་གྱི་རྩིབས་ལ་ཡང་དག་གནས། །ཕྲེང་བ་མ་དང་མེ་ཏོག་མ། །ཞགས་པ་མ་དང་རིན་ཆེན་སྤྱན། །ལྷོ་ཡི་རྩིབས་ལ་ཡང་དག་གནས། །པི་ཝང་མ་དང་མར་མེ་མ། །ལྕགས་སྒྲོག་མ་དང་གསལ་བཀྲ་མ། །ནུབ་གྱི་རྩིབས་ལ་ཡང་དག་གནས། །གར་མཁན་མ་དང་དྲི་ཆབ་མ། །དྲིལ་འཁྲོལ་མ་དང་རྡོ་རྗེའི་འབེབས། །བྱང་གི་རྩིབས་ལ་ཡང་དག་གནས། །བཅུད་རྣམས་སེམས་དཔའ་བཅུ་དྲུག་བསྒོམ། །དེར་ནི་ཙ་ཀ་ལི་ཡང་དགོད། །རྡོ་རྗེ་སེམས་དཔའ་རྡོ་རྗེ་བསྣམས། །རྡོ་རྗེ་རྒྱལ་པོ་ལྕགས་ཀྱུ་འཛིན། །རྡོ་རྗེ་ཆགས་པ་མདའ་གཞུ་འགེངས། །རྡོ་རྗེ་ལེགས་པ་སེ་གོལ་སྒྲོལ། ཁྲར་གྱི་རྡོ་རྗེའི་རིགས་སུ་གྲགས། །རྡོ་རྗེ་རིན་ཆེན་རིན་པོ་ཆེ། །རྡོ་རྗེ་གཟི་བརྗིད་ཉི་མ་བསྣམས། །རྡོ་རྗེ་རྒྱལ་མཚན་རིན་ཆེན་ཏོག །རྡོ་རྗེ་བཞད་པ་སོ་ཕྲེང་འདྲེན། །ལྷོ་ཡི་རིན་ཆེན་རིགས་སུ་གྲགས། །རྡོ་རྗེ་ཆོས་ནི་པདྨ་བསྣམས། །རྡོ་རྗེ་རྣོན་པོ་རལ་གྲི་འཛིན། །རྡོ་རྗེ་འཁོར་ལོ་འཁོར་ལོ་ཉིད། །རྡོ་རྗེ་སྨྲ་བ་ལྕེ་ཡང་འཛིན །ནུབ་ཕྱོགས་པདྨ་རིགས་སུ་གྲགས། །རྡོ་རྗེ་ལས་ནི་རྒྱ་གྲམ་བསྣམས། །རྡོ་རྗེ་སྲུང་བ་གོ་ཆ་འཛིན། །རྡོ་རྗེ་གནོད་སྤྱིན་མཆེ་བ་འཆང་། །རྡོ་རྗེ་ཁུ་ཚུར་ཁུ་ཚུར་ཉིད། །བྱང་གི་སེམས་དཔའ་ལས་ཀྱི་རིགས། །སོ་སོའི་སྐུ་རྣམས་གདོད་པར་བྱ། །སྣོད་བཅུད་དབྱིངས་སུ་སངས་རྒྱས་ཡིན། །དབུས་ན་རྣམ་པར་སྣང་མཛད་ཆེ། །སངས་རྒྱས་སྤྱན་དང་གཉིས་སུ་མེད། ཁྲར་ན་རྡོ་རྗེ་མི་བསྐྱོད་པ། ཁྲར་ལྷོར་དབྱིངས་ཕྱུག་མ་ཉིད་དེ། །ལྷོ་ན་རིན་འབྱུང་དཀོན་མཆོག་དཔལ། །ལྷོ་ནུབ་མྱ་མ་ཀི་ཞེས་བྱ། །ནུབ་ན་སྣང་བ་མཐའ་ཡས་ལ། །ནུབ་བྱང་ན་བཟའ་དཀར་མོ་ཉིད། །བྱང་ན་དོན་ཡོད་གྲུབ་པ་ལ། །བྱང་ཤར་དམ་ཚིག་སྒྲོལ་མ་ཉིད། །དབུས་ཀྱི་ལིང་ཚེ་དགུ་པོ་ལ། །རིགས་ལྔ་ཡབ་ཡུམ་སྐུ་རྣམས་དགོད། །ཆོས་སྐུ་དྲི་མ་མེད་པ་ལས། །དེ་བཞིན་ཉིད་དུ་རྣམ་པར་གནས། །ལོངས་སྐུ་ཡེ་ཤེས་སྒྱུ་མ་ལས། །ཀུན་ཏུ་སྣང་བའི་ཏིང་ངེ་འཛིན། །སྤྲུལ་སྐུ་སེམས་ཅན་དོན་མཛད་ཕྱིར། ཁུ་ལས་སངས་རྒྱས་སྐུ་ཡང་བསྐྱེད། །སྣོད་ཀྱི་འཇིག་རྟེན་འབྱུང་བ་ལྔ། །ཡུལ་ལྔ་བྷ་ག་བདེ་བའི་དབྱིངས། །མ་བསྒྲིབས་ཡོངས་སུ་འོད་གསལ་བས། །གཞལ་ཡས་ཁང་པ་གདན་དང་བཅས། །བདག་འཛིན་ཕུང་པོ་ལྔ་སོགས་པ། །ལྷ་སྐུ་ཕྱག་རྒྱ་ཆེན་པོར་བསྒོམ། །འོག་མིན་གནས་ནས་སྤྱན་དྲངས་ནས། །བཞུགས་སུ་གསོལ་ནས་ཕྱག་འཚལ་ཏེ། །ཕྱི་དང་ནང་དང་གསང་བ་དང་། །དེ་ཁོ་ན་ཡི་མཆོད་པ་དབུལ། །བསྟོད་ཅིང་ཐུགས་དམ་བསྐུལ་བྱས་ནས། །སྣོད་ཀྱི་འཇིག་རྟེན་གཞལ་ཡས་ཁང་། །བཅ་ཀྱི་འགྲོ་བ་ལྷ་ཡི་སྐུ། །འབྱུང་བཞི་ལས་སྐྱེས་རྩི་ཤིང་དང་། །ནགས་ཚལ་མ་ལུས་སྣང་བ་རྣམས། །ཐམས་ཅད་སྨན་ཆེནརསྭཡན། །དགུན་གྱི་དུས་ན་རྩ་བའི་སྨན། །དཔྱིད་ནི་ལོ་མ་འདབ་མར་སྐྱེས། །དབྱར་ནི་མེ་ཏོག་མདངས་དང་ལྡན། །སྟོན་ནི་འབྲས་བུ་སྨིན་པ་སྟེ། །སྣང་བའི་དུས་ན་སྟོང་ཉིད་པས། །གཉིས་མེད་ཆོས་ཀྱི་དབྱིངས་སུ་ཐིམ། །ཞེས་གསུངས་སོ། །བདུད་རྩི་ཆེན་པོ་འཁོར་ལོ་འབར་བའི་རྒྱུད་ལས། སྨན་ཁྲོལ་བུར་བསྒྲུབ་པའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་ཀྱིས་སྨན་བཏག་བཙག་པྱེ་མ་སྒྲུབ་པ་འདི་གསུངས་སོ། །སྦྱོར་སྒྲོལ་མ་མོ་བཅུ་དྲུག་གིས། །བཏག་བཙག་སྦལ་ལ་སྦྱར་ཏེ་གཞུག །གང་ཞིག་སྦྱོར་བས་སྦྱང་བ་ནི། །མར་མེ་གསོ་དང་ཚངས་པའི་ཐོག །རྩ་དང་སྲུབ་ཤིང་ཐིག་ལེ་དང་། །གཅིག་གཉིས་བཞི་དང་མན་ངག་དགུ། །སྲིན་པོ་དུ་ཏྲ་ཀྟ་གནས་ལ། །མེ་རླུད་དྲག་པོས་བསྐྱོད་བྱས་ན། །ལྟེ་བའི་ཨུ༷་ཡིག་བདུད་རྩི་འབབ། །མར་མེ་གསོ་བར་བྱ་བའོ། །མེ་རླུད་རབ་ཏུ་གཡོས་པ་ཡིས། །སྤྱི་བོའི་ཧ༷་ཡིག་བདུད་རྩི་འབེབས། །ཚངས་པའི་ཐོག་ཅེས་བྱ་བ་ཉིད། །དབུགས་ཉིད་ཕྱིར་ལ་ལྡང་པ་ན། །གཡས་ཀྱི་རོ་མ་ཉི་མ་མེ། །དབུགས་ནི་ནང་དུ་འཇུག་ལ་ནི། །གཡོན་གྱི་རྐྱང་མ་ཟླ་བ་ཆུ། །རླུད་ཉིད་ཁོང་དུ་གནས་པ་ན། །དབུས་ཀྱི་ཀུན་འདར་མ་ཉིད་ནི། །པདྨ་ཆུ་ཤིང་ཏིལ་མར་དང་། །རྒྱ་སྐྱེགས་སྡོང་ཆེན་ལགནསཔའི། །ཕྲ་ཞིང་དྲང་ལ་གསལ་ཞིང་དམར། །རྩ་ཡི་རྣལ་འབྱོར་བསྒོམ་པར་བྱའོ། །དབུས་མ་ཀུན་འདར་སྲོག་ཤིང་ལ། །རོ་རྐྱང་སྲུབ་ཐག་བསྲུབས་བྱས་པས། །ལྟེ་ལྐོག་ཁྲག་གི་ཐིག་ལེ་འབར། །སྲུབ་ཤིང་འཁོར་ལོ་ཞེས་བྱའོ། །སྙིང་གར་ཉི་ཟླ་ཁ་སྦྱོར་ནས། །ལྟེ་བའི་དཔའ་བོ་འབའ་ཞིག་ལ། །གསང་གནས་བདེ་བའི་ཐིག་ལེ་དང་། །མཛོད་སྐྲུ་སྐྲ་དཀར་ས་བོན་བཞི། །རླུད་དང་བསྟུན་ལ་ཉམས་སུ་བླང་། །ཐིག་ལེའི་རྣལ་འབྱོར་བསྒོམ་པའོ། །བཤང་སྒོར་རླུད་ལ་སུམ་མདོར་མེ། །ལྟེ་བ་སྤྲུལ་པའི་དཀྱིལ་འཁོར་དུ། །ཕྱི་སྐོར་དྲུག་ཅུ་རྩ་བཞི་སྟེ། །ནང་སྐོར་འདབ་མ་བརྒྱད་པ་ལ། །སྡེ་ཚན་བཅོ་བརྒྱད་གཡས་སུ་བསྐོར། །ལྟེ་བ་ཕྲ་བའི་ཨ་ཡིག་དམར། །རླུང་གིས་མེ་བུས་ཨ་ལས་མེ། །རབ་ཏུ་འབར་བར་བསྒོམ་པར་བྱ། །འཁོར་ལོ་གཅིག་ལ་བརྟེན་པའོ། །ལྟེ་བ་དང་ནི་སྙིང་ག་གཉིས། །སྙིང་གའི་དཀྱིལ་འཁོར་འདབ་བརྒྱད་ལ། །ཐུར་བསྟན་སྔོན་པོ་ཧུ༷་ནི་དབུས། །ཨ་ཧ༷་ཤིན་ཏུ་ཆ་ཕྲ་བས། །ཀུན་འདར་མ་ལ་ཟུང་དུ་འབྲེལ། །བྱང་སེམས་དཀར་དམར་རབ་ཏུ་འཛག །རླུང་ཡང་རིམ་གྱིས་ཁ་སྦྱར་བ། །འཁོར་ལོ་གཉིས་ལ་བརྟེན་པའོ། །ལྟེ་བ་སྤྲུལ་པའི་དཀྱིལ་འཁོར་དུ། །འདབ་མ་དྲུག་ཅུ་རྩ་བཞི་ལ། །ཨུ་ལི་གཡོན་བསྐོར་ཀྭ་ལི་གཡས། །ཧ་དང་ཥ་ཡིག་རྣམ་པར་སྤང་། །ནང་བསྐོར་སྡེ་ཚན་བརྒྱད་ཀྱང་དམར། །སྙིང་ག་ཆོས་ཀྱི་དཀྱིལ་འཁོར་དུ། །འདབ་བརྒྱད་ཡིག་འབྲུ་གནག་ཅིང་འཚེར། །ཕྱོགས་བཞི་ཡབ་ལ་མཚམས་བཞི་ཡུམ། །དབུས་ན་ཧུ༷་ཡིག་གནས་པའོ། །མགྲིན་པ་ལོངས་སྤྱོད་དཀྱིལ་འཁོར་དུ། །འདབ་མ་བཅུ་དྲུག་ལྟེ་བ་ཨ༷། །ཡི་གེ་དམར་པོ་གྱིན་དུ་ལྟ། །སྤྱི་བོ་བདེ་ཆེན་དཀྱིལ་འཁོར་དུ། །འདབ་མ་སུམ་ཅུ་རྩ་གཉིས་ལ། །ཨུ་ལི་བཅུ་དྲུག་གཡོན་དུ་བསྐོར། །ཀ་ནས་ཏ་སོགས་བཅུ་དྲུག་གཡས། །ཧ༷་ཡིག་ཐུར་བསྟན་ཡི་གེ་དམར། །གཡས་ཀྱི་རོ་མའི་ནང་སོང་བས། །ཡིག་འབྲུ་མ་ལུས་རྣམ་པར་བསྲེག །ཧ༷་ཞུ་གཡོན་པ་རྐྱང་མར་བབས། །རིམ་པས་གསལ་བཏབ་ལྟེ་བར་ལ་འབབས། །འཁོར་ལོ་བཞི་ལ་བརྟེན་ནས་བསྒོམ། །རྐང་མཐིལ་ར༷་ལས་ལོང་བུ་མེ། །བརླ་ཡི་རྩ་ཆེན་གསང་གནས་འཛོམ། །རྣོ་མྱུར་དྲག་ཅིང་རྩུབ་ལ་ཚ། །ཐིག་ལེ་འཐབ་མོ་འཐབ་པ་དང་། །འཁོར་ལོ་ནང་དུ་འགྲིམ་པ་དང་། །མེ་འབར་ཆེ་རུ་འབར་བ་དང་། །ཐམས་ཅད་མེ་རུ་འབར་བ་ཉིད། །མན་ངག་གནད་ཀྱིས་ཟིན་པར་བྱ། །ལམ་སྦྱངས་བལྟ་བ་རྐྱང་པ་དང་། །དྲོད་ནི་བྱུང་རྒྱལ་དག་ཏུ་བཏང་། །ཐུན་གྲངས་ཚད་མེད་ཡོད་པར་སྦྱར། །ཡིད་ཀྱི་འཇུག་ཡུལ་རབ་བརྟགས་ལ། །ཁམས་ཀྱི་ཚད་ཀྱང་རབ་ཏུ་གཟུང་། །ཡུམ་ལ་སྦྱོར་བ་བྱས་ནས་ནི། །རང་བྱུང་ཡེ་ཤེས་རྣམ་པ་བཞི། །ཉོན་མོངས་རྣམ་པར་རྟོག་པ་དང་། །སྣེལ་ཞི་གསལ་ཞིང་ཡང་བ་ཡིས། །གསང་བའི་དབང་བསྐུར་བྱ་བ་དང་། །སྦྱར་བའི་བྱང་སེམས་སྨན་དུ་བླུག །སྒྲོལ་བས་སྦྱང་བ་བྱ་བ་ནི། །རི་རབ་རྩེ་ན་ལྷ་གནས་ནི། །ཡི་གེ་ཨ་དཀར་ལོངས་སྤྱོད་ལྡན། །ལྷ་མིན་སུ་ནི་སེར་པོ་སྟེ། །འཐབ་རྩོད་རི་རབ་ཁོང་སེང་གནས། །གླིང་བཞི་མི་རྣམས་གནས་གྱུར་པས། །དྲི་ཡིག་སྔོན་པོར་གནས་པའོ། །ཕྱི་ཡི་རྒྱ་མཚོ་དུད་འགྲོ་གནས། །དུ་ནི་དུད་ཁར་གནས་པའོ། །གྲོང་ཁྱེར་སེར་སྐྱར་ཡི་དྭགས་གནས། །པྲི་ཡིག་དམར་པོ་གནས་པ་ཉིད། །རྡོ་རྗེ་གདན་གྱི་གདན་འོག་ན། །དམྱལ་བ་ཏྲི་ཡིག་ནག་པོར་གནས། །ར༷་ཡ༷་ཁ༷་ལས་བྱུང་བ་ཡིས། །བཀྲེས་སྐོམ་སྡུག་བསྔལ་ར༷་གྱིས་བསྲེག །་གླེན་ལྐུགས་ཡ༷་གྱིས་མཚན་ཉིད་མེད། །ཚ་གྲང་ཁ༷་གྱིས་རྣམ་པར་བཀྲུས། །འབྲུ་ལྔ་རིགས་ལྔའི་སྐུར་གྱུར་ནས། །བསྒྲལ་ནས་ཆོས་ཉིད་ངང་དུ་སྤར། །ཕུང་པོ་བདུད་རྩིར་རབ་སྦྱར་བྱ། །དཀར་མོ་དང་ནི་རྐུན་མོ་དང་། །རྨོངས་མོ་དང་ནི་ཐལ་བྱེད་མ། །སྦོས་མོ་དང་ནི་ག་་བྱེད་དང་། །སྨེ་ཤ་ཅན་དང་མ་ཚོགས་དང་། །སེང་སྟག་སྤྱང་ཀི་ཝ་མོའི་གདོང་། །བཞད་དང་ཀ་ཀ་བྱ་རོག་དང་། །འུག་གདོང་མ་མོ་བཅུ་དྲུག་སྦྱང་། ཁྲར་དུ་ལྟ་བ་ཡངས་པས་བཏུལ། །ལྷོ་རུ་བསྒོམ་པ་གསལ་བས་བཙག །ནུབ་ཏུ་སྤྱོད་པ་ཞིབ་བས་སྦལ། །བྱང་དུ་འབྲས་བུ་མཐར་ཕྱིན་སྦྱར། །ཕོ་མོ་ཐོད་པ་ཁ་སྦྱར་ནས། །དར་གྱིས་བཅིངས་ནས་བཞུགས་སུ་གསོལ། །ཞེས་གསུངས་སོ། །བདུད་རྩི་ཆེན་པོ་འཁོར་ལོ་འབར་བའི་རྒྱུད་ལས་སྨན་ཕྱེ་མ་བཏག་བཙག་གི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་ཀྱི་བདུད་རྩི་གོང་བུ་གཅིག་པའི་སྨན་སྦྱར་བར་བྱ་བ་འདི་དག་ཡོངས་སུ་གསུངས་སོ། །སྐུ་དང་གསུང་དང་ཐུགས་དང་ནི། །ཡོན་ཏན་ཕྲིན་ལས་རྣམ་པ་ལྔ། །སྟོང་གསུམ་ཁྲོ་བོ་སྐུ་གདུང་འབར། །རྟ་མགྲིན་དབང་དང་མཁའ་མཉམ་ཀློང་། །འཆི་མེད་རྡོ་རྗེའི་དཀྱིལ་འཁོར་རྣམས། །སྐུ་ཡི་དཀྱིལ་འཁོར་ལྷུན་གྱིས་གྲུབ། །ཆོས་ཉིད་ཡོངས་སུ་རྒྱ་ཆད་མེད། །དེ་ཕྱིར་ལྟེ་བ་ཟླུམ་པོར་གནས། །ཚོགས་བརྒྱད་ཡུལ་ལས་མ་རྨོངས་གཅོད། །དེ་རྟག་ཀ་བ་མཆོག་བརྒྱད་ལྡན། །ཉོན་མོངས་གཡུལ་གཅོད་འཁོར་ལོ་བརྒྱད། །ཡོན་ཏན་ཟད་མེད་རིན་པོ་ཆེ། །ཡེ་ཤེས་བཞི་ལྡན་སྒོ་བཞིར་ཤར། །ཉན་ཐོས་རང་རྒྱལ་བྱང་ཆུབ་སེམས། །མུ་ཏིག་ཨ་སྨ་གསྟོ་དང་། །རིན་པོ་ཆེ་ཡི་གདན་ཁྲི་འབར། །རིགས་གསུམ་རིགས་བཞི་རིགས་ལྔ་ཉིད། །རྩེ་གཅིག་རྩེ་ལྔ་རྩེ་དགུ་གྲག །ཉི་ཟླ་དབང་ཕྱུག་ཕོ་མོ་དང་། །བྱོལ་སོང་གཙོ་བོ་བརྒྱད་སྟེང་ན། །རྣམ་པར་རྒྱལ་བ་དབྱུག་སྔོན་ཅན། །གཤིན་རྗེ་གཤེད་དང་མི་གཡོ་མགོན། །རྟ་མགྲིན་འདོད་པའི་རྒྱལ་པོ་དང་། །བདུད་རྩི་འཁྱིལ་པ་རྣམ་རྒྱལ་ཁམས། །སྟོང་གསུམ་ཁྲོ་བོའི་དཀྱིལ་འཁོར་གྱིས། །ཕྱོགས་བཅུའི་བདུད་བཏུལ་མཚམསབཅད་པ། །ཕྱེ་མ་བཏགས་བཙག་ཁྲོལ་བུ་དང་། །གོང་བུ་གཅིག་པ་ཀུན་ལ་ཁྱབ། །ཤར་ན་བུརྙ་ཧེ་རུ་ཀ །ལྷོ་ན་རིན་ཆེན་ཁྲག་མཐུང་ཉིད། །ནུབ་ན་པདྨ་ཁྲོས་པའི་སྐུ། །བྱང་ན་ལས་ཀྱི་ཁྲོ་རྒྱལ་ཆེ། །དབུས་སྟེང་བཛྲ་ཧེ་རུ་ཀ །སྐུ་གདུང་འབར་བའི་དཀྱིལ་འཁོར་རྣམས། །འབྱུང་ལྔའི་སྐལ་པ་རྣམ་སྦྱང་ཞིང་། །དུག་ལྔ་ཡེ་ཤེས་རྣམ་ལྔ་འབར། །ས་ཡིརླུད་ནི་ཐད་ཀར་གནས། །མེ་ནི་གྱེན་འབར་ཐུར་དུ་ཆུ། །རླུད་ནི་གསེགས་ལ་འགྲོ་བ་དང་། །ནམ་མཁའ་རྒྱུ་བ་མེད་པས་ན། །སྲོག་དང་རྩོལ་བའི་རང་བཞིན་ཅན། །རླུད་ལྔ་ལ་ནི་ཡང་དག་གནས། །མཁའ་མཉམ་ཀློང་གི་དཀྱིལ་འཁོར་ནི། ཁྲོ་མོ་གནམ་ཞལ་དབུ་དགུ་མ། །བཅོ་བརྒྱད་ཕྱག་དང་ཡང་དག་ལྡན། །ཞབས་ཀྱང་རྣམ་པ་བརྒྱད་དུ་གནས། །ལྷ་རྣམས་བསྐྱེད་དང་སྦྱོར་བ་དང་། །དབང་བསྐུར་སྤྱིན་སྲེག་ལ་སོགས་པ། །ཡུམ་འདིར་རབ་ཏུ་སྒྲུབ་པར་བྱེད། །དེ་ཕྱིར་མཁའ་ཀློང་རྣམ་པར་དག །རྟ་མགྲིན་དབང་གི་དཀྱིལ་འཁོར་དུ། །རྟ་མགྲིན་གསང་བའི་ཡུམ་དང་བཅས། །ཧུ༷་ཆེན་སྟོབས་ཆེན་སྟེང་འོག་གནས། །བཅོམ་ལྡན་རྟ་ཡི་རྒྱལ་པོ་ནི། །མཚམས་ཀྱི་དུས་ན་ནུབ་ན་གནས། །ཉུ་ལེ་བཟློག་ན་བདག་གི་སྐུ། །ནམ་མཁའ་བར་སྣང་གནས་ལ་བཞུགས། །འགྲོ་འདུལ་སྨན་གྱི་ཕོ་བྲང་བཞུགས། །བཟླས་པ་དགུ་ཡི་ཕྱག་རྒྱ་ཉིད། །ཕྱེ་མ་གནམ་ཞལ་བྷ་ག་ན། །དངོས་གྲུབ་ཟླ་གམ་དཀྱིལ་འཁོར་སྟེང་། །དབང་བསྐུར་ལས་ཀྱི་སློབ་དཔོན་ཉིད། །ཁྲོལ་བུ་རུས་སྦལ་ཁོག་པ་ལ། །མཛད་པའི་ལས་ཡང་དེ་བཞིན་མཛད། །འཆི་མེད་རྡོ་རྗེའི་དཀྱིལ་འཁོས་དུ། །ཆེ་མཆོག་མ་མོ་དགོངས་པ་ནི། །དབུ་དགུ་ཕྱག་ཀྱང་བཅོ་བརྒྱད་གནས། །ཆེ་མཆོག་བདུད་རྩི་སྨན་ལ་དགོངས། །ཕྱག་ན་ཕྲ་མེན་མཁའ་འགྲོ་དང་། ཁུགས་འགྲོ་མ་མོ་འབར་མ་རྣམས། །ཆེ་མཆོག་ཆོསཉིད་དགོངས་པ་ནི། །སངས་རྒྱས་བཞི་བཅུ་རྩ་གཉིས་བསྣམས། །དབུ་ནི་ཉི་ཤུ་རྩ་གཅིག་ལ། །སངས་རྒྱས་བདུན་གསུམ་ཉི་ཤུ་གཅིག །ཕྱག་ཀྱང་བཞི་བཅུ་རྩ་གཉིས་སོ། །ཞབས་བརྒྱད་རབ་ཏུ་རྣམ་པར་བཞུགས། །ལྗགས་ལས་ས་ནུ་ཧེ་རུ་ཀ །དཀྱིལ་འཁོར་བདུན་བརྩེགས་རྣམ་པར་གསལ། །སྦྱོར་བ་བརྒྱད་ནི་འཇུ་འདུལ་གྱིས། །ལུས་དང་ངག་དང་ཡིད་དང་གསུམ། །སྐུ་གསུང་ཐུགས་སུ་རྣམ་པར་སྦྱང་། །འབྱུང་བ་ལྔ་ཡི་ཐུགས་རྗེ་ལས། །མཎྜལ་བརྒྱད་པའི་གཞུད་བཞིན་དུ། །དཔལ་དང་ལྡན་པའི་སྣོད་བཞག་སྟེ། །སྟོང་ལས་སྦྱར་བ་ཡེ་ནས་དག །ཉི་ཟླ་གསལ་བའི་དཀྱིལ་འཁོར་དུ། །འབྲུ་དགུ་ཡེ་ཤེས་འཕྲོ་འདུ་ལས། །སྟོང་ཁམས་ཁྱབ་པའི་དོན་བྱས་ནས། །དུས་གསུམ་རྒྱལ་བ་མཆོད་པའི་ཕྱིར། །མུ་ཏིག་དཀར་པོ་དྲི་མེད་ལྟར། །སྒྲུབ་པ་པོས་ནི་ནན་ཏན་བྱའོ། །བདག་ཉིད་ཆེ་མཆོག་སྐུར་གནས་པས། །ཙིསྟ་འབར་བའི་གཞལ་ཡས་ཁང་། །ཡེ་ཤེས་སེམས་དཔའ་ཚོནི་གང་བ། །ཐུགས་ཀར་རིན་ཆེན་ཟུར་བརྒྱད་ལས། །ཡིག་འབྲུ་ཐུགས་མཚན་འོད་དུ་འཕྲོས། །འགྲོ་བ་འདུལ་བའི་ཐུགས་ཀར་ཐིམ། །ཐུགས་ཉིད་འགྲོ་བའི་དོན་ལ་བསྐུལ། །ཞེ་སྡང་རྒྱུ་འབྲས་རྩད་ནས་བཅད། །སླར་འདུས་བདུད་རྩི་སྨན་ལ་ཐིམ། །མུ་ཏིག་དཀར་པོ་དྲི་མེད་ལྟར། །སྒྲུབ་པ་པོས་ཀྱང་ནན་ཏན་བྱའོ། །བདག་ཉིད་ཆེ་མཆོག་སྐུར་འགྱུར་ཏེ། །ལྗགས་ཀྱི་པདྨའི་གདན་སྟེང་དུ། །པདྨ་སེམསདཔའཚོནགངབ། །པདྨའི་ཡིག་འབྲུ་གསུང་ལ་ཐིམ། །ཁྲོ་བོ་གསུང་གི་དབྱིག་ཏུ་གྱུར། །གསུང་ཉིད་འགྲོ་བའི་དོན་ལ་བསྐུལ། །འདོད་ཆགས་སྒྱུ་འབྲས་རྩད་ན་བཅད། །སླར་ཉིད་བདུད་རྩི་སྨན་ལ་ཐིམ། །སྨན་ཉིད་བདུད་རྩི་འོད་དུ་ཞུ། །པདྨ་རཀྟ་དྲི་མེད་ལྟར། །སྒྲུབ་པ་པོས་ནི་ནན་ཏན་བྱ། །བདག་ཉིད་ཆེ་མཆོག་ཧེ་རུ་ཀ །དུང་ཁང་ཟླ་བའི་གདན་སྟེང་དུ། །བདེ་གཤེགས་སེམས་དཔའི་ཚོན་གང་ལ། །འཁོར་ལོའི་ཡིག་འབྲུ་སྐུ་ལ་ཐིམ། །སྐུ་ཉིད་འགྲོ་བའི་དོན་ལ་བསྐུལ། །གཏི་མུག་རྒྱུ་འབྲས་རྩད་ནས་བཅད། །སླར་འདུས་བདུད་རྩི་སྨན་ལ་ཐིམ། །སྨན་ཉིད་བྱང་ཆུབ་སེམས་སུ་ཞུ། །བཙོ་མ་ཞི་གར་བྲུབ་པ་ལྟར། །སྒྲུབ་པ་པོས་ནི་ནན་ཏན་བྱའོ། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་སྣྲི༷༷ཐ། འགྲོ་འདུལ་སྐུ་དང་སྐུ་གདུང་ཞབས་སུ་སྦྱོར། །སྐུ་གདུང་དབུ་དང་མཁའ་མཉམ་ཞབས་སུ་སྦྱོར། །བཛྲ་ཧེ་རུའི་དབུ་དང་བྷ་གར་སྦྱོར། །མཁའ་མཉམ་དབུ་དང་ཚེ་མཆོག་ཞབས་སུ་སྦྱར། །མཁའ་མཉམ་དབུས་ཞལ་ཆེ་མཆོག་གསང་བར་སྦྱོར། །ཆེ་མཆོག་ཕྱག་དང་ཕྱག་མཚན་ཞེ་གཉིས་སྦྱོར། །ས་ནུ་ཡེ་ཤེས་ཐབས་དང་ཤེས་རབ་སྦྱོར། །རྟ་མགྲིན་གསང་བའི་ཡུམ་བཞི་གཉིས་མེད་སྦྱོར། །སྦྱོར་མཚམས་བརྒྱད་ན་བདུད་རྩིའི་ཕོ་བྲང་བརྒྱད། །སྦྱོར་བ་བརྒྱད་བརྩེགས་ངེས་པ་དེ་ལ་རྫོགས། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་ཧི༷༷ཐ། རང་བྱུང་རྩ་བ་ཆེ་མཆོག་གསལ་བ་ཡི། །ཐུགས་ཀར་ཉི་དཀྱིལ་རྡོ་རྗེ་འབྲུ་དགུ་བསྐོར། །འཕྲོ་འདུ་རང་བཞིན་མེད་ལ་བཟླས་བརྗོད་རླུད་། །གུ་རྒྱ་ཕྱག་རྒྱས་བར་ཆད་དབང་མི་གཏང་། །ཨོ་ཨུ༷༷ཧུ༷་བཛྲ་ཨ་ཕྲི་ཏ་ཧུ༷་སྙི༷༷ཐ། བཟླས་བསྐུལ་གསུང་ཡིག་བདུད་རྩི་མཁའ་ལས་བབ། །མཁའ་ནས་ཤངས་བྲ་གསང་བའི་གསུང་དང་འདྲེས། །གསུང་ཉིད་བྱང་སེམས་དཀར་དམར་གཉིས་སུ་འཕྲོས། །རྟ་མགྲིན་སྦྱོར་མཚམས་ཐམས་ཅད་དབང་དུ་སྡུད། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་སྙི༷༷ཐ། །མཐེབ་སྲིན་རྟ་མགྲིན་ཡབ་ཡུམ་སྦྱོར་མཚམས་ནས། །འོད་འཕྲོས་ཕོ་བྲང་རྟ་མགྲིན་ཡབ་ཡུམ་གྱི། །ཐུགས་ཀར་ཕོག་པས་སྒལ་ཚིགས་རྟ་བརྒྱུད་དེ། །བྱང་སེམས་དཀར་དམར་བདུད་རྩི་ཉིད་དུ་གྱུར། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་རྙི༷༷ཐ། །དེ་ལས་འོད་འཕྲོས་རྟ་མགྲིན་ཐུགས་ཀར་ཐིམ། །ཐུགས་ཀྱི་དབྱིངས་སུ་བྱང་སེམས་དཀར་དམར་འཁྱིལ། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་ ཧི༔ཐ། །དེ་ལས་འོད་ཟེར་ཁ་དོག་ལྔ་རུ་འཕྲོས། །སྐུ་གདུང་འབར་བའི་ཐུགས་ཀྱི་དབྱིག་ཏུ་འཁྱིལ། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་ དྷི༷༷ཐ། །དེ་ནས་འོད་འདུས་མེ་ལོང་ཧས་བཏབ་ཚུལ། །་བཛྲ་ཧེ་རུའི་ཐུགས་ཀྱི་དབྱིག་ཏུ་འཁྱིལ། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་སྙི༷༷ཐ། །དེ་ནས་འོད་དཀར་སྲོག་ཐག་ལམ་མས་འཕྲོས། །དབུ་ཡི་གཙུག་ཏུ་མཁའ་མཉམ་བྷ་གར་འཁྱིལ། །ཨོ༷་ཨུ༷༷ཧུ༷་བཛྲ་ཨ་མྲིཏ་ཧུ༷་དྷི༷༷ཐ། །དེ་ནས་འོད་ཟེར་གྱེན་དུ་ཐུགས་ནས་ལྗགས། །གསང་བའི་ལམ་ཞུགས་ཐུགས་ཀར་འོད་དམར་འཁྱིལ། །ཨོ་ཨུ༷༷ཧུ༷་བཛྲ་ཨ་མྲོ་ཏ་ཧུ༷་དྷི༷༷ཐ། །དེ་ནས་ཕྱག་བརྒྱུད་ཕྱག་མཚན་ཐུགས་ནས་འཕྲོས། །གཙུག་གི་རྟ་མགྲིན་ཡབ་ཡུམ་ཐུགས་ཀར་འཁྱིལ། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་སྙི༷༷ཐ། །དེ་ནས་མར་སྤྲོས་ཕོ་བྲང་སྟེང་དུ་བབ། །རྟ་མགྲིན་སྒལ་བརྒྱུད་ཡུམ་མཁར་བདུད་རྩི་འཁྱིལ། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་དྷི༷༷ཐ། །དེ་འོད་གཟུངས་ཐག་རྡོ་རྗེ་ལུ་གུ་རྒྱུད། །ཁོང་སེང་ནས་བརྒྱུད་རྣལ་འེབྱོར་ཐུགས་བདུན་རྒྱས། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་སྙི༷༷ཐ། །རང་བྱུང་བརྒྱུད་ནས་གཟུངས་ཐག་བརྒྱུད་ཡིག་འཕྲོས། །རྟ་མགྲིན་ཡབ་ཡུམ་སྦྱོར་བའི་མཁའ་ལ་འཁྱིལ། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་སྣྲི༷༷ཐ། །དེ་ལས་འོད་འཕྲོས་ས་ནུའི་མཁའ་གསང་ཐིམ། །ས་ནུ་ཡབ་ཡུམ་སྦྱོར་མཚམས་མཁའ་ལ་འཁྱིལ། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་ཧི༷༷ཐ། །དེ་ལས་འོད་འཕྲོས་ཐུགས་ལས་ཕྱག་མཚན་འཕྲོས། །ཕྱག་དང་ཕྱག་མཚན་སྦྱོར་བྱས་སླར་ལ་འཁྱིལ། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་ཧི༷༷ཐ། །དེ་ནས་མར་བབས་ཞབས་བརྒྱད་དག་ནས་བརྒྱུད། །དབུ་ཞབས་སྦྱོར་བྱས་བྱང་ཆུབ་སེམས་སུ་འཁྱིལ། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་སྙི༷༷ཐ། །ཞབས་བརྒྱད་བྱང་སེམས་གསང་ལམ་ཞུགས་ནས་ནི། །གསང་བ་ཞབས་ཀྱི་སྦྱོར་བྱས་ལྗགས་ལ་འཁྱིལ། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་སྙི༷༷ཐ། །དེ་ནས་མར་བབས་པདྨའི་བྷ་གར་འདུས། །སྨིན་མཚམས་བྷ་གར་སྦྱོར་བྱས་དབུ་ལ་འཁྱིལ། །ཨོ༷་ཨུ༷༷ཧུ༷་བཛྲ་ཨ་མྲི་ཏ་ཧུ༷་དྷི༷༷ཐ། །དེ་ནས་མཁའ་མཉམ་ཞབས་བརྒྱུད་སྐུ་གདུང་དབུ། །དབུ་དང་ཞབས་ཀྱི་སྤྱོད་བྱས་དབུ་ལ་འཁྱིལ། །ཨོ་ཨུ༷༷ཧྭ༷་བཛྲ་ཨ་མྲི་ཏ་ཧུ༷་སྙི༷༷ཐ། །སྐུ་གདུང་སོ་སོའི་སྒལ་བརྒྱུད་ཞབས་ལ་བབ། །ཏ་ཀྲིཏ་དབུ་དང་སྦྱོར་བྱས་ཐུགས་ཀར་འཁྱིལ། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་སྙི༷༷ཐ། །ཁྲོ་བཅུའི་འོད་འདུས་རྟ་མགྲིན་གསང་བར་ཞུགས། །ཡུམ་གྱི་མཁར་འཕྲོས་ཕོ་བྲང་བདུད་རྩིར་འཁྱིལ། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་ཧི༷༷ཐ། །དེ་ནས་བདག་ཉིད་རང་བྱུང་ལྷ་ལས་འཕྲོས། །སྦྱོར་བ་བརྒྱད་ཀྱིས་སྒྲིབ་དག་ཆོས་སྐུར་གསལ། །ཨོ་ཨུ༷༷ཧུ༷་བཛྲ་ཨ་མྲི་ཏ་ཧུ༷་སྙི༷༷ཐ། །བདག་ཉིད་བདུན་བརྩེགས་གསལ་བའི་ཆེ་མཆོག་གི །ཐུགས་ཀར་འབྲུ་གསུམ་བརྩེགས་པར་དགུ་པས་བསྐོར། །ལྕེ་སྟེང་དུ་ཡང་དེ་བཞིན་གསལ་བ་ནི། །ལྷུམས་སུ་ཞུགས་པ་ཞེས་ནི་དེ་ལ་བྱ། །བཟླས་པས་བསྐུལ་ཏེ་ལྗགས་སྟེང་ཡིག་འབྲུ་རྣམས། །མགུར་ལམ་བྱུང་ནས་ཐུགས་ཀའི་འབྲུ་ལ་ཐིམ། །བཟླས་པས་བསྐུལ་ཏེ་ཡི་གེ་ཕྲེང་བ་ཉིད། །གཟུངས་ཐག་བསྐྱོན་པ་ལྷུམས་ནས་བལྟམས་པའི་ཚུལ། །རྩ་བའི་བདུན་བརྩེགས་ཆེ་མཆོག་སྤྱི་གཙུག་གི། །རྟ་མགྲིན་ཐུགས་ཕོག་དགུ་པས་བསྐོར་བ་ལས། །སྦྱོར་མཚམས་མཁའ་ལ་འབྲུ་གསལ་བྱང་སེམས་བསྟིམ། །བརྒྱ་བྱིན་གྱིས་བླངས་སྐུ་ཁྲུས་གསོལ་བའི་ཚུལ། །རྟ་མགྲིན་ཉིད་ཀྱི་ཐུགས་ལས་ཡིག་འབྲུ་འཕྲོས། །ཆེ་མཆོག་ཐུགས་ཀར་རྡོ་རྗེ་དགུ་པས་བསྐོར། །དེ་ནས་རིམ་རྒྱུད་རྣམ་རྒྱལ་རིགས་ལྔ་སྟེ། །བདུན་ཐུགས་ཡིད་གསལ་གོམ་བདུན་བོར་བའི་ཚུལ། །རིགས་ལྔའི་ཐུགས་ནས་དགུ་པ་ཕྱོགས་བཅུར་འཕྲོས། །འཁོར་འདས་ཀུན་ཏུ་ཏིལ་གོང་བཞིན་དུ་ཁྱབ། །བཟླས་པས་བསྐུལ་ཏེ་འཕགས་མཆོད་འགྲོ་དོན་བྱས། །འཁོར་འདས་ཡིག་འབྲུར་གྱུར་པ་རོལ་རྩེད་ཚུལ། །ཡིག་འབྲུ་སླར་འདུས་ཐུགས་ཀར་ཐིམ་གྱུར་ཏེ། །སྒལ་ཚིག་རྟ་བརྒྱུད་གསང་བའི་ལམ་ནས་བྱུང་། །རང་བྱུང་སྦྱོར་མཚམས་བྱང་སེམས་ཡིག་འབྲུ་གཉིས། །བདུད་རྩི་བྱང་སེམས་ཞུ་བ་ཁབ་བཞེས་ཚུལ། །དེ་ནས་གྱེན་དུ་སྒལ་ཚིགས་རྟ་བརྒྱུད་དེ། །ཐུགས་ཀར་ཐིམ་ནས་ཡིག་འབྲུ་འོད་དུ་ཞུ། །གཟུངས་ཐག་ནས་བརྒྱུད་རྟ་མགྲིན་ཐུགས་ཀར་ཞུ། །རིམ་པར་ཆེ་མཆོག་དགྱེས་བསྟར་ལོངས་སྤྱོད་ཚུལ། །དེ་ནས་སྐུ་གསུམ་ཡབ་ཡུམ་མཁའ་ལ་འཕྲོས། །ཆར་གྱི་རྒྱུན་བཞིན་བབས་པ་རབ་བྱུང་ཚུལ། །སྣོད་ཀྱི་འཇིག་རྟེན་ཡུམ་གྱི་མཁའ་ནང་དུ། །དུག་རྣམས་བདུད་རྩི་གྱུར་པས་དཀའ་ཐུབ་ཚུལ། །དེ་ནས་སླར་འདུས་ཕྱོགས་བཅུའི་ཁྲོ་བོ་ནས། །བདུན་བརྩེགས་འཁོར་བཅས་བདུན་བརྩེགས་ངང་དུ་ཞུ། །འཕྲོ་འདུས་རང་བྱུང་རྩ་བ་གཉི་ག་ལ། །མགལ་མེ་ལྷ་བུར་བསྐོར་བ་ཆོས་འཁོར་ཚུལ། །སྣོད་བཅུད་བདུད་རྩིར་གྱུར་པས་སྐྱེ་ཤི་མེད། །དུག་ལྔ་བདུད་རྩི་གྱུར་པས་བདུད་བཏུལ་ཚུལ། །དེ་ལྟར་བདག་གཞན་དོན་རྫོགས་བཞི་མཐར་ཕྱིན། །སྤང་བླང་ཞེན་རྟོག་མེད་པས་སངས་རྒྱས་ཚུལ། །སྐུ་གསུང་ཐུགས་དང་ཡོན་ཏན་ཕྲིན་ལས་ལྔ། །སྐུ་ལྔ་ཡེ་ཤེས་སྐུ་གདུང་བགོས་སོའི་མཁའ་ལ་བདུད་རྩི་དབབ་པར་བྱ། །རུས་སྦལ་འགྲོས་ཀྱིས་དབབ་པར་བྱ་བ་ཡང་། །རྩ་ཡི་དཀྱིལ་འཁོར་ནང་དུ་དབབ་པར་བྱ། །ལུས་ཁམས་བདུད་རྩི་ཆེན་པོའི་བཅུད་གནས་པ། །སྔགས་ཀྱི་ཡི་གེས་བྱིན་གྱིས་རབ་བརླབས་ནས། །སྙིང་པོ་རླུང་གིས་བསྐུལ་ལ་དབབ་པར་བྱ། །ཨོ་ཨུ༷༷ཧྭ༷་སརྦ་པ྅་ཨ་མྲི་ཏ་མེ་པྲ་བེ་ཤ་ཡ་ཕེ་ཕོ་ཕོ། དཀྱིལ་འཁོར་རྣམས་སུ་བདུད་རྩི་བསྐྱིལ་བ་ཡང་། །རྩ་ནས་དཀྱིལ་འཁོར་བཞི་ཡི་རྫིང་ཆེན་དུ། །སྲོག་ཤིང་གསུམ་གྱིས་བཅུད་ལ་བོར་བྱས་ནས། །ལུས་ཁམས་བདུད་རྩི་ཆེན་པོ་གནས་སུ་བསྐྱེལ། །གསང་བའི་སྔགས་ཀྱི་བྱིན་གྱིས་རབ་བརླབས་ནས། །སྙིང་པོ་རླུད་གི་གནས་སུ་བསྐྱིལ་བར་བྱ། །སྲོག་གི་རླུང་གིས་ནང་དུ་རབ་བསྐྱིལ་ཏེ། །རྩོལ་བའི་རླུད་གིས་ཕྱི་ནས་ནང་དུ་བསྡུས། །ས་ཡི་རླུ་་གིས་མིག་གཡོ་བརྟན་པར་འཛིན། །ཆུ་ནི་ཞི་གནས་བདུད་རྩི་རྫིང་དུ་འཁྱིལ། །མེ་ཡི་རླུད་ནི་ལྷག་མཐོང་གནས་སུ་འཛིན། །རླུང་གི་རླུད་ནི་རྡོ་རྗེ་རྒྱ་གྲམ་བརྟན། །ཡོན་ཏན་བདུད་རྩི་གྲུབ་པའི་རྟགས་ཤར་བ། །བྱང་ཆུབ་སེམས་ཀྱི་འོད་ནི་རྡོ་རྗེའི་རྟགས། །དྲི་ཆེན་དྲི་ནི་རྣམ་པར་སྣང་མཛད་ལ། །ནཱ༷་ས་འཕེལ་བ་རིན་ཆེན་འབྱུང་ལྡན་གཙོ། །རཀྟའི་སྒྲ་ནི་སྣང་བ་མཐའ་ཡས་ཉིད། །དྲི་ཆུའི་དུ་བ་དོན་ཡོད་གྲུབ་པའི་རྟགས། །དམ་རྫས་ལྔ་འདུས་ལྷ་མོའི་གཟུགས་ཀྱང་སྟན། །འོད་ནི་རྣམ་པ་གཉིས་ལས་གྲུབ་པའི་སྐུ། །ཉི་ཟླ་སྐར་མ་འཇའ་ཚོན་དང་། །འཕྲོ་འདུ་མེ་སྟག་ཡུད་ཙམ་ཟེར། །སྣང་བ་ཚ་ཚ་མར་མེའི་འོད། །བར་ཆོད་འོད་ནི་རྣམ་པ་གསུམ་དུ་སྣང་། །སྨུག་ནག་མ་མོ་སྐྱ་འོད་རྒྱལ་པོ་དང་། །ལྗང་དམར་ཀླུ་གཉན་ས་བདག་འབྱུང་པོ་ཀུན། །འོད་ཀྱི་དངོས་གྲུབ་བསྟིམ་ནས་ལེན་ཐོབ་པ། །འབྲས་བུ་ལྷུན་གྱིས་གྲུབ་པའི་རིག་འཛིན་ཐོབ། །བར་ཆད་ཉམས་གྱི་ཕྱག་རྒྱས་རང་དོན་སད། །བྱུང་ན་བསྲུང་ཞིང་བཟློག་པར་བྱའོ། །དྲི་ནི་ཞིམ་གྱུར་དངོས་གྲུབ་རྫས་ལ་བསྡུ། །ཚེ་ལ་དབང་བའི་རིག་འཛིན་འགྲུབ་པར་འགྱུར། །བསེ་དྲི་བྲག་སྲིན་དྲི་ཏྲེ་ཏྲི་ཏི་ཡང་བར་དུ་གཅོད། །སད་པ་བཞི་ཡི་བར་ཆད་བསྲུང་བར་བྱ། །མང་དུ་འཕེལ་བ་དངོས་གྲུབ་ཐ་མ་ཉིད། །ནན་ཏན་བྱས་ན་ཚེ་ཡི་དངོས་གྲུབ་འགྲུབ། །གྲུབ་པའི་སྒྲ་དང་བར་ཆད་གྲུབ་སྒྲ་གཉིས། །གོ་དང་མི་གོ་གོ་བའི་སྒྲ་དགུ་འབྱུང་། །སངས་རྒྱས་ཆོས་དང་དགེ་འདུན་དང་། །མངོན་ཤེས་བྱང་སེམས་བདུད་བཞི་འཕམ། །ཕ་རོལ་ཕྲིན་ལས་ཕྱིར་མི་ལྡོག །དངོས་གྲུབ་བླངས་ཤེས་བསྟིམ་པར་བྱ། །མི་གོ་འབྱུང་བ་རྔ་སྒྲ་སོགས། །གང་ཡང་དངོས་གྲུབ་བླང་བ་ནི། །ཕྱག་རྒྱ་ཆེན་པོའི་རིགའཛིན་འགྲུབ། །དུ་བའི་རྟགས་ནི་རྣམ་པ་བདུན། །རྡོ་རྗེ་འཁོར་ལོ་རིན་ཆེན་དབྱིབས། །པདྨ་རལ་གྲི་ལྕགས་ཀྱུ་དང་། །མཆོད་རྟེན་དབྱིབས་འབྱུང་ཧུ༷་གིས་རྡུབ། །ཕྱག་རྒྱ་ཆེན་པོ་རིག་འཛིན་འགྲུབ། །ལྷ་མོ་ལྷ་དང་བར་ཆད་གཟུགས། །བར་ཆད་གཟུགས་མཛེས་དྲི་མི་ཞིམ། །ལྷམོམཆོདརྟེནལྟ་བུ་དང་། །ལྷ་མོ་དངོས་དང་རིག་འཛིན་འགྲུབ། །བདུད་རྩི་ཆེན་པོའི་ཕྲིན་ལས་བརྩམ་པ་ཡང་། །བར་ཆད་བསྲུང་དང་མ་གྲུབ་སྤོགས་པ་དང་། །དངོས་གྲུབ་བླང་དང་དབང་རྣམས་བསྐུར་བ་དང་། །ཡོན་ཏན་འབྲས་བུ་ལས་མཐར་ཕྱིན་པར་བྱེད། །བར་ཆད་བདུད་རྣམས་རབ་ཏུ་བསལ་བ་ཡང་། །དང་པོ་ལམ་ལ་འཇུག་པ་རྣམས། །འཇིག་རྟེན་མི་ཆོས་བར་གཅོད་བསྲུང་། །ལམ་ལ་ཞུགས་པར་གྱུར་པ་རྣམས། །ཕྱི་རོལ་བདུད་ཀྱི་བར་ཆད་བསྲུང་། །ལམ་དྲུག་ཅུང་ཟད་བརྟན་གྱུར་ན། །བདུད་སྟོབས་འཕེལ་བའི་བར་གཅོད་བསྲུང་། །སེམས་བརྟན་ལམ་དུ་གྱུར་པ་ན། །ཏིང་ངེ་འཛིན་གྱི་བར་གཅོད་བསྲུང་། །སད་པ་བཞི་ཡིས་བསྲུང་བར་བྱའོ། །ཉམས་ཀྱི་སད་དང་ཏིང་འཛིན་སད། །སྔགས་དང་ལྷ་གྲུབ་སད་པ་ཡིས། །བར་གཅོད་བསྲུང་བར་བྱའོ། །རྫས་ཀྱིས་སྤོ་སྦ་དང་ཏིང་འཛིན་སྔགས། །རྩལ་ཤུགས་ཕྱུང་ནས་འབད་པར་བྱ། །ཐུན་མོང་དངོས་གྲུབ་གྲུབ་ཆེན་བརྒྱད། །མཆོག་གིས་སྐུ་གསུམ་ས་ལ་འགྲོ། །སློབ་མའི་ཚོགས་རྣམས་མ་ལུས་ལ། །ནུས་པའི་དབང་ལྔ་བསྐུར་བ་ཡང་། །བུམ་པ་རྡོ་དྲིལ་ཅོད་པན་མིང་། །བདུད་རྩི་བུམ་པ་སྤྱིར་བཞག་བསྐུར། །ཟབ་མོའི་དབང་གསུམ་བསྐུར་བ་ཡང་། །བདུད་རྩིའི་རྫས་ནི་ལྕེ་ལ་བསྟིམ། །གསང་དབང་ཤེས་རབ་ཡེ་ཤེས་དང་། །བདེ་བ་ཆེན་པོའི་མན་ངག་སྦྱིན། །ཚེ་འདིར་ནད་མེད་འབྱོར་པ་འཕེལ། །མཁའ་འགྲོ་མཆོད་པའི་མཐུ་ལས་བྱུང་། །ཕྱི་མར་ཏིང་འཛིན་ས་ཐོབ་པ། །དྲང་སྲོང་མཉེས་པའི་མཐུ་ལས་བྱུང་། །མཐར་ཐུག་སངས་རྒྱས་འབྲས་ཐོབ་པ། །སྐུ་དང་གསུང་དང་ཐུགས་དང་གསུམ། །མི་ཟད་རྒྱན་གྱི་འཁོར་ལོ་འགྲུབ། །སངས་རྒྱས་མཆོད་པའི་མཐུ་ལས་བྱུང་། །བདུད་རྩི་ཆེན་པོའི་ཕྲིན་ལས་མཆོག །ཉན་ཐོས་རང་རྒྱལ་བྱང་སེམས་ཀྱིས། །འབུམ་གྱི་ཆར་ཡང་མི་ཉེ་ བས། ཤེན་ཏུ་བརྩོན་པས་འབད་པར་བྱའོ། །བདུད་རྩི་ཆེན་པོའི་འཁོར་ལོ་འབར་བའི་རྒྱུད་ལས། བདུད་རྩི་གོང་བུ་གཅིག་པའི་ལེའུ་སྟེ་དྲུག་པའོ།། །།དེ་ནས་རྡོ་རྗེ་སྙིང་པོ་ལ་སོགས་འཁོར་རྣམས་ཀྱིས་བཅོམ་ལྡན་འདས་ལ་བསྐོར་བ་བྱས་ནས་བརྗོད་པ། བཅོམ་ལྡན་འདས་ནི་ཀུན་མཁྱེན་མཛོད། །ཆོས་སྐུ་དྲི་མེད་སྙིང་པོ་ལས། །གཟུགས་སྐུ་གཉིས་སུ་སྣང་བར་མཇོད། །ས་བཅུའི་བྱང་ཆུབ་སེམས་དཔའ་རྣམས། །ལོངས་སྤྱོད་རྫོགས་པའི་སྐུར་སྣང་བ། ཁྲེས་བྱའི་དྲི་མ་དག་པར་མཛད། །འགྲོ་དྲུག་སེམས་ཅན་ཐམས་ཅད་ལ། །སྤྲུལ་སྐུའི་མཛད་པ་མཐར་ཕྱིན་པས། །ལས་དང་ཉོན་མོངས་སྒྲིབ་པ་སྦྱོང་། །འབྲས་བུ་སངས་རྒྱས་ས་ལ་འདྲེན། །སྐུ་གསུམ་དོན་ལྡན་ཆེ་བའི་ལྷ། །སྟོན་པ་ཁྱོད་ལ་ཕྱག་འཚལ་འདུད། །བདུད་རྩི་ཆེན་པོའི་བསྒྲུབ་པའི་རྒྱུ། །སྣོད་ཀྱི་འཇིག་རྟེན་ཞིང་ཁམས་སུ། །བཅུད་ཀྱི་སེམས་ཅན་འཁོར་བ་རྣམས། ཁེང་རྟའི་འཁོར་ལོ་ལྟ་བུར་འཁོར། །སྣོད་ལས་བྱུང་བ་སྐྱོབས་པའི་སྨན། །བཅུད་ལས་བྱུང་བ་རྩ་བའི་སྨན། །བདུད་རྩི་ཆེན་པོ་རབ་འབར་བས། །འཁོར་ལོ་འབར་བའི་རྒྱུད་ཆེན་འདི། །བདག་ཅག་རྣམས་ཀྱིས་ངེས་བཟུང་ནས། །ལྷ་མིས་འཛིན་པརབསྒྲུབ་པར་བྱ། །ཞེས་རྗེས་སུ་ཡི་རང་ངོ། །བདུད་རྩི་ཆེན་པོ་འཁོར་ལོ་འབར་བའི་རྒྱུད་ལས་ཡོངས་སུ་གཏད་ཅིང་བཟུང་ནས་རྗེས་སུ་ཡི་རང་བར་བསྟན་པར་བསྟན་པའི་ལེའུ་སྟེ་བདུན་པའོ།། །།བདུད་རྩི་ཆེན་པོ་འཁོར་ལོ་འབར་བའི་རྒྱུད་རྫོགས་སོ།། །།རྒྱ་གར་གྱི་མཁན་པོ་བི་མ་ལ་མི་ཏྲ་དང་བོད་ཀྱི་ལོསྣྲོ་བ་གཉག་རྙོ་ན་ཀུ་མྱ་རས་བསྒྱུར་བའོ།། །། རྒྱ་གར་སྐད་དུ། །སརྦ་པརྩི་ཨ་མྲི་ཏ་བྷ་བ་རཏྣ་མུ་ལ་