Front[edit]

Body[edit]

རྒྱ་གར་སྐད་དུ། སརྦ་ཏ་ཐུ་ག་ཏ་གུ་རྒྱ་མ་ཧྭ་གུསྟ་ཀོ་ཥ་ཨཀྟ་ཡ་ནི་དྷི་དི་བ་མ་ཧྭ་པྲ་ཏ་སྭ་དྷ་ན་ཏནྟྲ་ཙྭ་ནཱ་ཤུརུ་བྱུ་ཏི་ཙཀྲ་ནཱ་མ་མ་ཧྭ་ཡུ་ན་སྲུ་ཏྲ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་གསང་བ།གསང་བའི་མཛོད་ཆེན་པོ་མི་ཟད་པ་གཏེར་གྱི་སྒྲོན་མ། །བརྟུལ་ཞུགས་ཆེན་པོ་བསྒྲུབ་པའི་རྒྱུད། ཡེ་ཤེས་རྔམ་པ་གློག་གི་འཁོརལོ་ཞེས་བྱ་བ་ཐེག་པ་ཆེན་པོའི་མདོ། བཅོམ་ལྡན་འདས་དཔའ་ཡེ་ཤེས་རྔམ་པའི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གསང་བ་མཆོག་གི་བདག་པོ་དཔལ་ཀུན་དུ་བཟང་པོ་ཆེན་པོ་ཡེ་ཤེས་རྔམ་པའི་རྒྱལ་པོ་ཞེས་བྱ་བ་ཕྱོགས་བཅུ་དང་དུས་བཞིས་བསྡུས་པའི་བདེ་བར་གཤེགས་པ་རྣལ་འབྱོར་གྱི་དབང་ཕྱུག་ཆེན་པོ་རྣམས་ཀྱི་སྐུ་གསུང་ཐུགས་རྡོ་རྗེ་མི་ཕྱེད་པའི་བདག་ཉིད་ཆེན་པོ། །གསང་བ་མཆོག་གི་དགྱེས་པ་ན། ལྷུན་གྱིས་གྲུབ་པའི་ལོངས་སྤྱོད་ཆེན་པོ། ཆོས་མ་ལུས་མི་ལུས་ལུས་པ་མེད་པ་ཐམས་ཅད་ཀྱི་རང་བཞིན་ཆེན་པོ། ངོ་མཚར་རྨད་དུ་བྱུང་བའི་ཆོ་འཕྲུལ་ཆེན་པོའི་བདག་ཉིད་དེ་འོག་མིན་གྱི་གནས་མཐའ་དང་དབུས་བརྗོད་དུ་མེད་པ་ན་རང་བཞིན་ལྷུན་གྱིས་གྲུབ་པའི་གསང་བ་མཆོག་གི་དཀྱིལ་འཁོར་གསང་བ་ཡུམ་གྱི་མཁའ་རྣམ་པར་དག་པའི་གཞལ་ཡས་ཁང་ན་གཅིག་དང་དུ་མ་དག་བྲལ་བའི་ཕྱིར་རྒྱ་ཕྱོགས་བཅུར་ཡོངས་སུ་མ་ཆད་པ། ཆོས་ཐམས་ཅད་གཉིས་སུ་མེད་པའི་དབྱིངས་སུ་ཐིམ་པའི་འོད་ཟེར་གསལ་བ། །སྤྲོས་པ་མེད་པའི་ཚུལ་གྱིས་ཕོ་བྲང་གི་སྙིང་པོ་ཟླུམ་པོར་གྱུར་པ། དབྱིངས་དང་ཡེ་ཤེས་རྒྱུ་དང་འབྲས་བུར་ལྡན་པའི་འཁོར་ལོ་རྩིབས་དང་ལྡན་པ། ཐམས་ཅད་མཁྱེན་པའི་ཡེ་ཤེས་རང་སྣང་བའི་ཐབས་ལས་བྱུང་བའི་མུ་ཁྱུད་ཀྱིས་བསྐོར་བ། བསོད་ནམས་དང་ཡེ་ཤེས་ཀྱི་ཚོགས་ཐུགས་རྗེས་རྒྱས་པའི་ཕྱིར་གྲུབ་བཞིར་གསལ་བ། རྣམ་པར་ཐར་པའི་སྒོ་ནས་འཇུག་པའི་སྒོ་བཞི་ན་རྣམ་པར་ཐར་པ་བརྒྱད་ཀྱི་ལམ་སྟེགས་སུ་ཤར་བ། ཕྱི་དང་ནང་མེད་པར་ལྷུན་གྱིས་གྲུབ་པའི་གཞན་ཡས་ཁང་དེ་ན་ཉི་མ་ཟླ་བ་རངས་པ་དང་ཕྱེད་ཀྱིས་འོད་གསལ་སྣང་བ་དང་། ཆེ་བའི་ཡོན་ཏན་རྣམ་པ་སྣ་ཚོགས་པའི་དྲིལ་བུ་དང་མུ་ཏིག་གི་ཆུན་མཛེས་འཕྱང་བ་དང་། ཤར་བུའི་རྒྱན་དང་། བླ་རེ་དང་། གདུགས་དང་། རྒྱལ་མཚན་ལ་སོགས་པའི་རྒྱན་གྱི་ཁྱད་པར་དང་། མཉམ་པ་ཉིད་ཀྱི་ཏ་ལའི་ལྗོན་ཤིང་དང་། རེ་བ་སྐོང་བའི་དཔག་བསམ་གྱི་ཤིང་དང་། ཡིད་བཞིན་གྱི་ནོར་བུ་རིན་པོ་ཆེའི་རྒྱལ་མཚན་དང་། འཇིག་རྟེན་པའི་ལྷ་དང་།ལྷའི་བུ་མོ་རྣམ་པ་སྣ་ཚོགས་པའི་རོལ་མོ་དང་གླུ་དབྱངས་ཀྱི་ཚིགས་སུ་བཅད་པས་བརྒྱན་པའི་གནས་ཁྱད་པར་རྒྱུ་རིན་པོ་ཆེ་སྣ་ཚོགས་ལས་གྲུབ་པའི་གནས་དེ་ཉིད་ན་ཐབས་དང་ཤེས་རབ་རང་བཞིན་གྱིས་འོད་གསལ་བའི་ཉི་ཟླ་དང་མ་ཆགས་མ་གོས་པའི་པདྨ་དང་མི་ཟད་པའི་རིན་པོ་ཆེ་འབར་བའི་གདན་ཁྲི་དང་གཟིམས་ཆ་དང་སྣམ་རྟེན་དུ་ལྡན་པར་གནས་སོ། །གཞན་ཡང་ཁྲག་འཐུང་ག་ གས་འདུས་པའ་གནས་སུ་ཡང་འགྱུར་ཏེ། དུར་ཁྲོད་ཀྱ་རྒྱན་གྱི་ཁྱད་པར་གྱི་བྱེ་བྲག་ཞིང་གི་གདན་དག་སྦྲུལ་ནག་གི་ཆུན་འཕྱང་དང་ཐོད་པ་རྣམ་གསུམ་གྱི་མཚན་མ་དང་། རླུད་ནག་གི་ཕུང་པོ་སྐྲུངས་ཤིང་རཀྟའི་རྒྱ་མཚོ་མི་བཟད་པར་འཁྲུག་པ་དང་། མེ་རི་སེར་ནག་ཏུ་འཁྱིལ་ཅིང་འབར་བ། ཀེང་རུས་ཀྱི་རི་རབ་ལས་རཀྟའི་ཁྲག་ཞག་གི་ཆུ་འབབཔ འབར་བའི་འཕྲོ་བ་མང་པོ་འཁྲུག་པའི་གནས་ན་དྲེགས་པ་ཁྱོ་ཤུག་དང་། སེམས་ཅན་ཆེན་པོའི་གདན་དང་བཅས་པའི་གནས་ཀུན་དུ་བཟང་པོའི་བསོད་ནམས་དང་ཡེ་ཤེས་ཀྱི་ཚོགས་ལས་གྲུབ་པ། རྣལ་འབྱོར་གྱི་དབང་ཕྱུག་ཆེན་པོའི་རྡོ་རྗེ་གསང་བའི་གྲལ་དུ་གྱུར་པ་ན་རྣལ་འབྱོར་གྱི་དབང་ཕྱུག་གི་འཁོར་ཚོགས་བརྗོད་པ་ལས་འདས་པའི་ཡང་བརྗོད་པ་ལས་འདས་པ། སངས་རྒྱས་ཀྱི་ཞིང་གི་རྡུལ་ཕྲ་རབ་སྙེད་འཁོད་པ་ནི་རྣལ་འབྱོར་གྱི་དབང་ཕྱུག་ཆེན་པོ་དང་། ཁྲག་འཐུང་རོལ་པའི་ཚོགས་དང་དད་པས་འདུས་པའི་ཚོགས་རྣམས་དང་ཐབསཅིག་ཏུ་བཞུགས་པ་འདི་ལྟ་སྟེ། ནམ་མཁའི་དབྱིངསདང་མཉམ་པའི་དེ་བཞིན་གཤེགས་པ་བཙུན་མོ་དང་བཅས་པ་དེ་བཞིན་གཤེགས་པ་རྣམ་པར་སྣང་མཛད་དང། དེབཞིནགཤེགསཔམི་བསྐྱོད་པ་དང། དེབཞིནགཤེགསཔརིན་ཆེན་འབྱུང་ལྡན་དང་། དེ་བཞིན་གཤེགསཔ་སྣང་བ་མཐའ་ཡས་དང་། དེ་བཞིན་གཤེགས་པ་དོན་ཡོད་གྲུབ་པ་དང་། བཙུན་མོ་དམ་པ་དབྱིངས་ཕྱུག་མ་དང་། བཙུན་མོ་དམ་པ་སངས་རྒྱས་སྤྱན་དང་། བཙུན་མོ་དམ་པ་མྱ་མ་ཀི་དང་། བཙུན་མོ་དམ་པ་གོས་དཀར་མོ་དང་། བཙུན་མོ་དམ་པ་སྒྲོལ་མ་དང་། གཞན་ཡང་རིག་ཀྱི་རྣལ་འབྱོར་གྱི་འཁོར་བཙུན་མོའི་ཚོགས་དང་བཅས་པ་ནམ་མཁའ་དང་མཉམ་པ་རྣལ་འབྱོར་ཆེན་པོ་སེམས་དཔའི་རྡོ་རྗེ་དང་། རྣལ་འབྱོར་ཆེན་པོ་རིན་ཆེན་རྡོ་རྗེ་དང་། རྣལ་འབྱོར་ཆེན་པོ་ཆོས་རྡོ་རྗེ་དང་། རྣལ་འབྱོར་ཆེན་པོ་ལས་རྡོ་རྗེ་དང་། རྣལ་འབྱོར་ཆེན་པོ་རྡོ་རྗེ་སེམས་མ་དང་། རྣལ་འབྱོར་ཆེན་མོ་རིན་ཆེན་སེམས་མ་དང་། རྣལ་འབྱོར་ཆེན་མོ་ཆོས་ཀྱི་སེམས་མ་དང་། རྣལ་འབྱོར་ཆེན་མོ་ལས་ཀྱི་སེམས་མ་དང་། གཞན་ཡང་ནམ་མཁའ་དང་མཉམ་པའི་བྱང་ཆུབ་སེམས་དཔའ་ཆེན་པོའི་འཁོར་བཙུན་མོ་དང་བཅས་པ་བྱང་ཆུབ་ཆེན་པོ་སའི་སྙིང་པོ་དང་། བྱང་ཆུབ་ཆེན་པོ་ནམ་མཁའི་སྙིང་པོ་དང་། བྱང་ཆུབ་ཆེན་པོ་སྤྱན་རས་གཟིགས་དབང་ཕྱུག་དང་། བྱང་ཆུབ་ཆེན་པོ་ལག་ན་རྡོ་རྗེ་དང་། བྱང་ཆུབ་ཆེན་པོ་འཇམ་དཔལ་གཞོན་ནུར་དང་། བྱང་ཆུབ་ཆེན་པོ་སྒྲིབ་པ་རྣམ་པར་སེལ་བ་དང་། བྱང་ཆུབ་ཆེན་པོ་བྱམས་པ་མི་ཏྲེ་དང་། བྱངཆུབཆེནཔོཀུནདུབཟང་པོ་དང་། བྱངཆུབཆེནམོསྒེགམོདང་། །བྱངཆུབཆེནམོཕྲེངབདང་། །བྱངཆུབཆེནམོདབྱངསདང་། བྱངཆུབཆེནམོགརམདང་། བྱངཆུབཆེནམོཔོགམེམདང་།བྱང་ཆུབ་ཆེན་མོ་མེ་ཏོག་མ་དང་། བྱང་ཆུབ་ཆེན་མོ་མར་མེ་མ་དང་། བྱང་ཆུབ་ཆེན་མོ་དྲི་དང་། གཞན་ཡང་འཇོམས་པ་ཆེན་པོའི་འཁོར་བཙུན་མོ་དང་བཅས་པ་ནམ་མཁའ་དང་མཉམ་པ་འཇོམས་པ་ཆེན་པོ་གཤིན་རྗེ་གཤེད་པོ་དང་། འཇོམས་པ་ཆེན་པོ་སྟོབས་པོ་ཆེ་དང་། འཇོམས་པ་ཆེན་པོ་རྣམ་པར་རྒྱལ་བ་དང་། འཇོམས་པ་ཆེན་པ་རྟའི་རྒྱལ་པོ་དང་། འཇོམས་པ་ཆེན་པོ་བདུད་རྩི་ཐབ་སྦྱོར་དང་། འཇོམས་པ་ཆེན་མོ་ལྕགས་ཀྱུ་མ་དང་། འཇོམས་མ་ཆེན་མོ་ཞགས་པ་མ་དང་། འཇོམས་མ་ཆེན་མོ་ལྕགས་སྒྲོག་མ་དང་། འཇོམས་མ་ཆེན་མོ་འབེབས་མ་དང་། གཞན་ཡང་ཐུབ་པའི་སྲས་ཀྱི་འཁོར་རྡུལ་ཕྲ་རབ་སྙེད་དང་མཉམ་པ། ཐུབ་པ་ཆེན་པོ་ལྷའི་དབང་པོ་དང་། ཐུབ་པ་ཆེན་པོ་ལྷ་མ་ཡིན་གྱི་བདག་པོ་དང་། ཐུབ་པ་ཆེན་པོ་མིའི་དབང་པོ་དང་། ཐུབ་པ་ཆེན་པོ་དུད་འགྲོའི་དབང་པོ་དང་། ཐུབ་པ་ཆེན་པོ་ཡི་དྭགས་ཀྱི་དབང་པོ་དང་། ཐུབ་པ་ཆེན་པོ་དམྱལ་བའི་དབང་པོ་དང་། དེ་དག་ལ་སོགས་པ་རྣལ་འབྱོར་གྱི་དབང་ཕྱུག་ཆེན་པོ་སྲས་ཀྱི་ཚོགས་གྲངས་མེད་པ་དང་། ཡང་ཐབས་ཅིག་ཏུ་བཞུགས་སོ། །གཞན་ཡང་ཁྲག་འཐུང་རོལ་པའི་དཔལ་ཧེ་རུ་ཀ་བཙུན་མོའི་ཚོགས་དང་བཅས་པ་འདི་ལྟ་སྟེ། ཁྲག་འཐུང་ཆེན་པོ་དཔལ་བུདྷ་ཧེ་རུ་ཀ་ཞེས་བྱ་བ་དང་། ཁྲག་འཐུང་ཆེན་པོ་དཔལ་བཛྲ་ཧེ་རུ་ཀ་ཞེས་བྱ་བ་དང་། ཁྲག་འཐུང་ཆེན་པོ་དཔལ་རཏྣ་ཧེ་རུ་ཀ་ཞེས་བྱ་བ་དང་།ཁྲག་འཐུང་ཆེན་པོ་དཔལ་པདྨ་ཧེ་རུ་ཀ་ཞེས་བྱ་བ་དང་། ཁྲག་འཐུང་ཆེན་པོ་དཔལ་ཀརྨ་ཧེ་རུ་ཀ་ཞེས་བྱ་བ་དང་། བཙུན་མོ་བུདྷ་ཀྲོ་དྷི་ཞེས་བྱ་བ་དང་། བཙུན་མོ་བཛྲ་ཀྲོ་དྷི་ཞེས་བྱ་བ་དང་། བཙུན་མོ་རཏྣ་ཀྲོ་དྷི་ཞེས་བྱ་བ་དང་། བཙུན་མོ་པདྨ་ཀྲོ་དྷི་ཞེས་བྱ་བ་དང་། བཙུན་མོ་ཀརྨ་ཀྲོ་དྷི་ཞེས་བྱ་བ་དང་། གཞན་ཡང་གསང་བ་ཆེན་པོ་འཁོར་བཙུན་མོ་དང་བཅས་པ་གསང་བ་ཆེན་པོ་རཀྟ་ཧེ་རུ་ཀ་ཞེས་བྱ་བ་དང་། གསང་བ་ཆེན་པོ་ཡཀྟ་ཧེ་རུ་ཀ་ཞེས་བྱ་བ་དང་། གསང་བ་ཆེན་པོ་བི་ཤཱ་ཧེ་རུ་ཀ་ཞེས་བྱ་བ་དང་། གསང་བ་ཆེན་པོ་ས་མ་ཡ་ཧེ་རུ་ཀ་ཞེས་བྱ་བ་དང་། གསང་བ་ཆེན་པོ་རཀྟ་ཀྲོ་དྷི་ཞེས་བྱ་བ་དང་། གསང་བ་ཆེན་པོ་ཡཀྟ་ཀྲོ་དྷི་ཞེས་བྱ་བ་དང་།གསང་བ་ཆེན་མོ་བི་ཤྭ་ཀྲོ་དྷི་ཞེས་བྱ་བ་དང་། གསང་བ་ཆེན་མོ་ས་མ་ཡ་ཀྲོ་དྷི་ཞེས་བྱ་བ་དང་། གཞན་ཡང་་ཕྲ་མེན་མ་ཉི་ཤུའི་ཚོགས་ཀྱི་འཁོར་དཀར་མོའི་ཚོགས་ཞེས་བྱ་བ་དང་། རྐུན་མོའི་ཚོགས་ཞེས་བྱ་བ་དང་།སྦོས་མོའི་ཚོགས་ཞེས་བྱ་བ་དང་། ག་་མོའི་ཚོགས་ཞེས་བྱ་བ་དང་། རྨོངས་མོའི་ཚོགས་ཞེས་བྱ་བ་དང་། ཐལ་བྱེད་མའི་ཞོགས་ཞེས་བྱ་བ་དང་། སྨེ་ཤ་ཅན་ཀྱི་ཚོགས་ཞེས་བྱ་བ་དང་། མ་ཚོགས་ཞེས་བྱ་བ་དང་།སེང་གདོང་གི་ཚོགས་ཞེས་བྱ་བ་དང་། སྟག་གདོང་གི་ཚོགས་ཞེས་བྱ་བ་དང་། ཝ་གདོང་གི་ཚོགས་ཞེས་བྱ་བ་དང་། ཁྱི་གདོང་གི་ཚོགས་ཞེས་བྱ་བ་དང་། བཞད་གདོང་གི་ཚོགས་ཞེས་བྱ་བ་དང་། ཀང་ཀའི་གདོང་གི་ཚོགས་ཞེས་བྱ་བ་དང་། དུར་བྱའི་གདོང་གི་ཚོགས་ཞེས་བྱ་བ་དང་། བྱ་རོག་གདོང་གི་ཚོགས་ཞེས་བྱ་བ་དང་། འུག་པའི་གདོང་གི་ཚོགས་ཞེས་བྱ་བ་དང་། རྟ་གདོང་གི་ཚོགས་ཞེས་བྱ་བ་དང་། ཕག་གདོང་གི་ཚོགས་ཞེས་བྱ་བ་དང་། སེང་གདོང་གི་ཚོགས་ཞེས་བྱ་བ་དང་། སྤྲེ་གདོང་གི་ཚོགས་ཞེས་བྱ་བ་ལ་སོགས་པ། ཕྲ་མེན་མའི་ཚོགས་ཤིན་ཏུ་མང་བ་དང་། གཞན་ཡང་རྡོ་རྗེ་སྲིན་པོ་ཁྲོ་བོའི་ཚོགས་རྡོ་རྗེ་སྲིན་པོ་ཁྲོ་བོ་རྣམ་པར་རྒྱལ་བ་ཞེས་བྱ་བ་དང་། དབྱུག་པ་སྔོན་མོ་ཞེས་བྱ་བ་དང་། གཤིན་རྗེ་གཤེད་ཅེས་བྱ་བ་དང་། མི་གཡོ་མགོན་པོ་ཞེས་བྱ་བ་དང་། རྟ་མགྲིན་ཞེས་བྱ་བ་དང་། གཞན་གྱིས་མི་ཐུབ་པ་ཞེས་བྱ་བ་དང་།བདུད་རྩི་འཁྱིལ་བ་ཞེས་བྱ་བ་དང་། ཁམས་གསུམ་རྣམ་པར་རྒྱལ་བ་ཞེས་བྱ་བ་དང་། ཧཱུཾ༷་ཀྭ་ར་ཞེས་བྱ་བ་དང་། སྟོབས་པོ་ཆེ་ཞེས་བྱ་བ་དང་། གཞན་ཡང་རྡོ་རྗེ་སྲིན་མོའི་ཁྲོ་མོའི་འཁོར་རྡོ་རྗེ་སྲིན་མོ་སྙེམས་མ་ཞེས་བྱ་བ་དང་། སྡེར་མོ་ཞེས་བྱ་བ་དང་། དུར་ཁྲོད་མ་ཞེས་བྱ་བ་དང་། ག་་ཁུང་མ་ཞེས་བྱ་བ་དང་། གཏུམ་མོ་ཞེས་བྱ་བ་དང་། མདའ་སྙེམས་མ་ཞེས་བྱ་བ་དང་། སྒྲ་འབྱིན་མ་ཞེས་བྱ་བ་དང་། གསོད་མ་ཞེས་བྱ་བ་དང་།བསྐྱོད་མ་ཞེས་བྱ་བ་དང་། རླུད་འབྱིན་མ་ཞེས་བྱ་བ་ལ་སོགས་པ་རྡོ་རྗེ་གཞོན་ནུའི་འཁོར་རིག་འཛིན་འབུམ་ཕྲག་བསམ་གྱིས་མི་ཁྱབ་པོ་དང་། གཞན་ཡང་གསང་སྔགས་ཀྱི་མཐུ་དང་། །སྟོན་པའི་ངོ་མཚར་རྨད་དུ་བྱུང་བའི་ཆོ་འབྲུལ་གྱིས་རང་དབང་མེད་པར་འཁོར་འདུས་པའི་དབང་ཕྱུག་དང་། དབང་ཕྱུག་མ་ཉི་ཤུ་རྩ་བརྒྱད་ལ་སོགས་པ་ཀུན་བྲལ་དང་ཡང་བྲན། །གཡོག་དང་ཡང་གཡོག་དང་བཅས་པ་རྫུ་འཕྲུལ་གྱི་ཤུགས་ཀྱི་འཁོར་འདུས་པ་རྣམས་ནི་བདག་དང་གཞན་གྱི་ཤེས་པའི་རྒྱུད་ནི་ཐམས་ཅད་ཞི་བ་དང་། །རྒྱས་པ་དང་དབང་དང་དྲག་པོ་དང་དགུག་པ་དང་བཅིང་བ་དང་གཏང་བ་དང་དགྲོལ་བ་དང་དྲང་བ་དང་རེངས་པ་དང་རྨུགས་པ་དང་དབྲལ་བ་དང་བཟའ་བ་དང་བཏུང་བ་དང་འཇིབ་པ་དང་ཉམས་པ་དང་གསད་པ་དང་། གནོད་པ་དང་སྦར་བ་དང་ཕམ་པ་དང་། རྒྱལ་བ་ལ་སོགས་པ་བྱེད་ཅིང་ཐབས་ཅིག་ཏུ་རྡོ་རྗེ་གསང་བའི་གྲལ་དུ་འཁོད་དོ། །དེ་ནཡང་དཔལ་འབར་ཡུམ་ཀྲོ་དྷིའི་རྒྱལ་མོ་ཡང་བཅོམ་ལྡན་འདས་གསང་བ་མཆོག་གི་བདག་པོའི་སྐུ་ལ་འཁྲིལ་ཏེ་བཞུགས་སོ། །བཅོམ་ལྡན་འདས་བྱེད་པ་རྡོ་རྗེ་ཀུན་ཏུ་བཟང་པོ་དང་། བཙུན་མོ་བྱ་བ་མོ་ཀུན་དུ་བཟང་མོ་ཡང་གཉིས་སུ་མེད་པར་མདུན་གྱིས་བལྟས་ཏེ་བཀའ་ནོད་པའི་ཚུལ་དུ་གནས་སོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོ་མདོ་ཞེས་བྱ་བ་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དཔལ་ཀུན་ཏུ་བཟང་པོ་ཡེ་ཤེས་རྔམ་པའི་རྒྱལ་པོས་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་གཟིགས་སོ། །འཁོར་གྱི་དཀྱིལ་འཁོར་ཐམས་ཅད་ལ་གཟིགས་ནས་ཕྱི་སྣོད་ཀྱི་ཁམས་ནམ་མཁའ་དང་ས་དང་། ཆུ་དང་། མེ་དང་། རླུད་དང་། རི་དང་། ཚལ་ལ་སོགས་པ་ཐམས་ཅད་ལ་རྣམ་པར་གཟིག་སོ། །དེ་དག་ཐམས་ཅད་ན་རྣམ་པར་གཟིགས་ནས་ཡང་ནང་བབ་ཀྱི་ཁམས་སེམས་དང་སེམས་ལས་བྱུང་བའི་གཡོ་བ་དང་། འགུལ་བ་དང་། དམྱལ་བ་དང་། ཡི་དྭགས་དང་། བྱོལ་སོང་དང་། མི་དང་། ལྷ་མ་ཡིན་དང་། ལྷའི་རིགས་སོ་སོའི་ཁམས་དང་། བསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་པའི་ཁམས་དང་། མུ་སྟེགས་ཀྱི་ཁམས་དང་། བདུད་ཆེན་པོ་དང་། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ནམ་མཁའ་ལྡིང་དང་། མི་འམ་ཅི་དང་། རུ་ཏྲ་དང་། རུ་་་ཅན་ལ་སོགས་པའི་ཁམས་ལ་རྣམ་པར་གཟིགས་སོ། །དེ་དག་ཐམས་ཅད་ལ་རྣམ་པར་གཟིགས་ནས་ཡང་ཉན་ཐོས་ཀྱི་ས་དང་། རང་སངས་རྒྱས་ཀྱི་ས་དང་། བྱང་ཆུབ་སེམས་དཔའི་རྣམས་ཀྱི་ས་དང་། རིག་འཛིན་ས་པའི་བསྟི་གནས་དང་། ཕྱོགས་བཅུ་དུས་བཞིའི་སངས་རྒྱས་ཐམས་ཅད་ས་ལ་རྫུ་འཕྲུལ་གྱི་སྤྱན་གྱིས་རྣམ་པར་གཟིགས་ནས་སྨྲ་བསམ་ལས་འདས་པ་དེ་བཞིན་ཉིད་སྟོང་པ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ་ཅང་མི་མཛད། རྣམ་པར་མི་མཛད། མཛད་པ་མི་འགོག མཛད་པ་རྣམ་པར་ཡང་་འགོག མི་མཛད་པ་ཡང་མི་གནས། ཅང་མི་གསུང་། རྣམ་པར་མི་གསུང་མ་སྒྲོགས། གསུངས་བ་ཡང་མི་འགོག །གསུངས་པ་རྣམ་པར་ཡང་མི་འགོག །མི་གསུང་མི་འགོག་པ་ལ་ཡང་མི་གནས། འཁོར་གྱི་དཀྱིལ་འཁོར་དང་། སྣོད་ཀྱི་ཁམས་ཐམས་ཅད་དང་། སའི་ཁྱད་པར་ཐམས་ཅད་ལ་ཡང་མི་གཟིགས་མི་དགོངས། །གཟིགས་ཤིང་དགོངས་པ་ལ་ཡང་མི་འགོག །རྣམ་པར་ཡང་མི་འགོག །མི་འགོགས་པ་ཡང་མི་གནས་སོ། །དེ་ནས་ཏིང་ངེ་འཛིན་ལ་སྙོམས་པ་ཞུགས་མ་ཐག་ཏུ་འཁོར་གྱི་དཀྱིལ་འཁོར་དེ་དག་དང་། །སྣོད་ཀྱི་ཁམས་དེ་དག་དང་། བཅ་ཀྱི་ཁམས་དེ་དག་དང་། སའི་ཁྱད་པར་དེ་དག་ཐམས་ཅད་ཀྱང་སྒྱུ་མའི་མཚན་ཉིད་ཙམ་དུ་ཡང་དམིགས་སུ་མེད་དོ། །དཔེར་ན་ནམ་མཁའ་ནི་ཆོས་ཐམས་ཅད་ཀྱི་རྗེས་སུ་ཡང་སོང་ལ་ཇི་ལྟར་བུའི་ངོ་བོར་ཡང་གདགས་སུ་མེད་པ་དེ་བཞིན་དུ་དོན་དམ་པར་བྱང་ཆུབ་སེམས་དེ་ཡང་ཐམས་ཅད་ལ་ཡང་ཁྱབ་ལ་སྨྲ་བསམ་ལས་ཀྱང་འདས་སོ། །དེ་ལྟར་ཆོས་ཀྱི་སྐུའི་ངོ་བོར་བརྗོད་དུ་མེད་པ་ལ་བརྣལ་བཞིན་དུ་ཡུལ་ཀུན་ཏུ་བཟང་མོ་རྔམ་པའི་ཀྲོ་དྷའི་རྒྱལ་མོས་སྟོང་ཉིད་ཀྱི་ངང་ལས་གླུ་འདིས་བསྐུལ་ལོ། །ཨོ་སྣང་སྟོང་སྟོང་པའི་རྡོ་རྗེ་ཆོས་ཀྱི་སྐུ། །སྨྲ་བསམ་ལས་འདས་དོན་དམ་བྱང་ཆུབ་སེམས། །སྟོང་ཉིད་ངང་ལས་མི་འདའི་དམ་ཚིག་གིས། །སྙིང་རྗེ་ནམ་མཁའི་ངོ་བོ་བསྟན་དུ་གསོལ། ཞེས་བསྐུལ་བས། བསྐུལ་བར་ཐུགས་སུ་ཆུད་ནས་སྟོང་ཉིད་ཀྱི་ཏིང་ངེ་འཛིན་ཀྱི་ངང་ལས་རིག་པའི་ཡེ་ཤེསསྙིངརྗེཆེནཔོཡིསཀུནདུ་ཀློང་བདལ་བར་ཁྱབ་སྟེ། སྙིང་རྗེ་ཆེན་པོ་དེས་འཁོར་གྱི་དཀྱིལ་འཁོར་ཀུན་དུ་ཁྱབ་པར་མཛད་དོ། །འཁོར་གྱི་དཀྱིལ་འཁོར་ཀུན་དུ་ཁྱབ་པར་མཛད་ནས་ཡང་སྣོད་ཀྱི་ཁམས་ཀུན་ཁྱབ་པར་མཛད་ནས་ཡང་བཅུད་ཀྱི་ཁམས་ཀུན་ལ་ཁྱབ་པར་མཛད་དོ། །བཅུད་ཀྱི་ཁམས་ཀུན་ལ་ཁྱབ་པར་མཛད་ནས་སའི་ཁམས་ཀུན་ལ་ཁྱབ་པར་མཛད་དོ། །དཔེར་ན་ཉི་མ་བར་སྣང་ལ་ཤར་བའི་འོད་ཀུན་ལ་སྙོམས་པ་བཞིན་དུ་རིག་པའི་ཉི་མ་སྙིང་རྗེས་བྱང་ཆུབ་ཀྱི་སེམས་ཀྱིས་ཀྱང་སྟོང་ཉིད་ཀྱི་ངང་ཀུན་ལ་སྙོམས་པར་ཁྱབ་བདལ་ཏོ། །དེའི་ཚེ་གསང་བ་མཆོག་གི་བདག་པོ་དེ་ཉིད་ཡང་ཏིང་ངེ་འཛིན་ལས་ལངས་ནས་སྙིང་རྗེ་ནམ་མཁའི་ངོ་བོ་ཀུན་དུ་སྣང་བར་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་མ་ཐག་ཏུ་སྙིང་རྗེས་ཀུན་ལ་ཁྱབ་པར་གྱུར་པ་ནི་ཏིང་ངེ་འཛིན་དེའི་མཐུ་ཡིན་ནོ། །དེ་ནས་ཡུམ་ཀུན་དུ་བཟང་མོ་རྔམ་པ་ཀྲོ་དྷིའི་རྒྱལ་མོས་ཡང་གླུ་འདིས་བསྐུལ་ལོ། །མ་ལྟར་བྱམས་པའི་ཐུགས་རྗེས་ཀུན་དུ་ཁྱབ། །མཐའ་ལྟར་གོ་འབྱེད་ཆོ་འཕྲུལ་འབྱུང་གནས་ལས། །ལོངས་སྤྱོད་རྫོགས་དང་ཐུགས་རྗེ་སྤྲུལ་པའི་སྐུ། འབར་བའི་སྐུ་མཆོག་བདག་ལ་བསྟན་དུ་གསོལ། ཨ་ལ་ལ་ཧོ་ཞེས་གསོལ་བ་བཏབ་པས་བཅོམ་ལྡན་འདས་གསང་བ་མཆོག་གི་བདག་པོ་དེས་ཆོས་ཐམས་ཅད་དོན་དམ་པ་བྱང་ཆུབ་སེམས་ལ་ཤར་བར་མཁྱེན་ནས་མི་དམིགས་ནམ་མཁའི་དབྱིངས་ནས་རྡོ་རྗེའི་མངོན་དུ་ཕྱུང་སྟེ། དཔེར་ན་ཟླ་བ་དྲི་མ་མེད་པ་ནམ་མཁའ་དང་བ་ལ་ཤར་བ་བཞིན་ནོ། །རྡོ་རྗེའི་སྐུ་དེ་ལས་རིག་པའི་ཆོ་འཕྲུལ་གྱི་འོད་ཟེར་རྣམ་པར་འཕྲོ་བ་ནི་དཔེར་ན་ཉི་འོད་ཀྱི་འོད་ཟེར་དུས་གཅིག་ཤར་བ་ལྟ་བུའོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་ཏིང་ངེ་འཛིན་ལས་ལངས་ནས་འདོད་ཆགས་ཆེན་པོའི་ཚུལ་རྡོ་རྗེ་རྣམ་པར་བསྤྱིངས་པ་ཞེས་བྱ་བའི་རིང་ངེ་འཛིན་ལ་སྙོམས་པར་ཞུགས་ཏེ་ཞུགས་ནས་ཀྱང་ཡུམ་ཀྲོ་དྷིའི་རྒྱལ་མོ་ལ་གཟིགས་ཏེ་འཛུམ་པ་རྣམ་པར་མཛད་དོ། །དེ་ནས་ཡུམ་ཀྲོ་དྷིའི་རྒྱལ་མོས་ཀྱང་སྤྱན་ཟིམ་བག་གི་ཚུལ་གྱིས་གཟིགས་ནས་ལན་སྟོང་དུ་བརྐྱང་ཕྱག་བཙལ་ཏེ་གཡོན་པ་སློང་བ་གླུ་འདིས་རྣམ་པར་བསྐུལ་ལོ། །ཨེ་མའོ་ཡིད་བཞིན་སྐུ་མཆོག་ཚོགས་ཆེན་མངོན་རྫོགས་ལྷ། །རྡོ་རྗེ་གར་གྱི་ཚུལ་གྱིས་གར་མཛད་ཅིང་། །དགའ་མཆོག་རྡོ་རྗེའི་བྱང་ཆུབ་སེམས་ཆེན་དེ། འཛུམ་ཞིང་འཁྱིལ་བའི་པདྨའི་གནས་སུ་ཕབ་ཧོ། །ཨེ་མའོ། །དཀར་ལ་འཚེར་བའི་བྱང་ཆུབ་སེམས་སྤྱིན་དང་། །ཆགས་པ་དམར་པོ་དབང་གི་རང་བཞིན་དུ། །གཉིས་མེད་འཕྲོས་པའི་བྱིན་བརླབས་བསམ་ཡས་ལས། །ཡེ་ཤེས་ལྷ་ཚོགས་སྤྲུལ་སྐུ་བསམ་ཡས་འཐོན། །མ་རིག་མུན་པ་སྡོངས་པས་དོན་གྱིས་ཕྱེ། །དགོན་གདུངས་གནས་ནས་བྱང་ཆུབ་མྱུ་གུ་སྐྱེད། །ཞི་བ་འགོག་པའི་ས་ལམ་རྣམ་པར་སློང་། །ཞེས་རྣམ་པར་བསྐུལ་བས་གཉིས་སུ་མེད་པའི་རྣམ་པར་རོལ་པས་རོལ་ཞིང་བརྗིད་པ་དང་བཅས་ནས་གར་མཛད་པ་དང་། ཞལ་འཛུམ་པ་དང་། འདོར་བ་དང་། སྐུམ་པ་དང་། འགྱིང་བ་དང། སྤྱནམཛེས་པའི་སྨིན་རིང་བསྐྱོད་ཅིང་སྒྱུར་བ་དང། དུང་གི་ཕུར་བས་གཡན་པ་སློང་བ་དང་། འདོར་ཞིང་སྐུམཔ་དང་། འཇོག་ཅིང་འདེག་པ་དང་། རྣམ་པར་འདོར་བའི་རོལ་པའི་གར་གྱིས་ནམ་མཁའི་ཁམས་ཀུན་ཏུ་ཁྱབཔར་མཛད་དོ། །རྣམ་པར་རོལ་པ་དེསའབྱུང་བ་དང་། འབྱུང་བ་ལས་གྱུར་པ་ཐམས་ཅདལ་ཁྱབ་པར་མཛད་དོ། །དེས་སེམས་དང་སེམས་ལས་བྱུང་བ་ཀུནལ་ཁྱབ་པར་མཛད་པས་བཅོམ་ལྡན་འདས་ཀྱི་བྱང་ཆུབཀྱི་སེམས་ཞི་ཞིང་འཁྱིལ་བས་རོལཔའི་ཆེར་མངོནཔར་ཕབཔས་སྣོད་ཀྱི་ཁམས་དང་། བཅུདཀྱི་ཁམས་དང། བསམ་གཏན་པ་དང་། འགོག་པ་པ་དང་། སའི་ཁྱད་པར་ཐམས་ཅད་དང་། བྱང་ཆུབ་ཀྱིས་རོལ་པ་སྣ་ཚོགས་སྒེག་པདང་། སྟེགཔ་དང། སྦྱོར་བ་དང། འཁྱུད་པདང་། སྡོམ་པ་དང་། བསྟིམ་པདང་། མཉེསཔ་དང་། གསོལ་བ་དང་། མྱང་བ་དང་། བཅའ་བ་དང་། བདེ་བ་དང་། སྤྲོད་པ་དང་། འཇོགཔལསོགས་པ་བཅོམ་ལྡན་འདས་ཀུན་དུ་བཟང་པོའི་རྡོ་རྗེ་འཛིན་ཀྱིས་ཀུན་ཏུ་རྒྱས་པར་བྱས་ཏེ་ཡངདགཔར་གནསསོ།དེ་ནས་དེའི་ཚེ་ཐུགས་རྣམ་པར་དག་པའི་མཁའ་ཀློང་ནས་རིག་པ་བྱང་ཆུབ་ཀྱི་སེམསཀྱི་འོད་ཟེར་བརྗོད་ཀྱིས་མི་ལང་བའབྱམ་ཀླས་ཤར་བདེ་ལསགསུང་གི་ཡིགའབྲུ་འཁོར་ལོའི་ཚོགས་སུ་ཡང་སྣང་ངོ་། །ཡིག་འབྲུ་དེ་ཉིད་ཐུགས་ཕྱག་མཚན་དུ་ཡང་གྱུར། །ཐུགས་དམ་ཚིག་གི་ཕྱག་རྒྱ་འོད་དུ་འཕྲོས་ཤིང་རྣམ་པར་འདུ་བའི་ཚུལ་གྱིས་རྣལ་འབྱོར་གྱི་དབང་ཕྱུག་གི་འཁོར་རྒྱལ་བ་་ཡབ་ཡུམ་དང་། སེམས་དཔའ་དང་། སེམས་མ་དང་། ཐུབ་པ་དང་། འཇོམས་པ་དང་། འཇོམས་མ་རྣམས་ཀྱི་སྐུར་ཡང་རང་རང་གི་དམ་ཚིག་གི་ཕྱག་རྒྱ་ལས་སྣང་བར་བྱས་ཏེ་གསང་བ་མཆོག་གི་བདག་པོ་ལ་མདུན་གྱིས་བལྟས་ནས་རྡོ་རྗེ་གསང་བའི་གྲལ་དུ་འཁོད་དོ། །དེ་ལྟར་རེ་རེ་ལའང་སངས་རྒྱས་ཀྱི་དཀྱིལ་འཁོར་ཞབས་འབྲིང་དང་བཅས་པ་འབྱམ་ཀླས་པ། ནམ་མཁའི་དབྱིངས་ཀྱི་མཐའ་ཀླས་པ་ལྷུན་གྱིས་གྲུབ་བོ། །ཡང་འོད་ཟེར་དེ་དག་རེ་རེ་ལས་ཧེ་རུ་ཀ་མང་པོའི་ཚོགས་ཀྱང་ཤར་ཏོ། །ཧེ་ཏུ་ཀ་རེ་རེ་ལ་ཡང་སངས་རྒྱས་འབུམ་ཕྲག་གི་འཁོར་སོ་སོའི་ཞབས་འབྲིང་དང་བཅས་པ་ལྷུན་གིས་གྲུབ་པར་མཛད་དོ། །ཧེ་རུ་ཀ་རེ་རེ་ལས་རིག་པའི་ཉི་མའི་ཆར་མངོན་པར་ཕབ་སྟེ་མུན་ནག་གི་ཀློང་གསལ་བར་མཛད་དོ། །ཆོས་ཀྱི་གླུ་དང་གར་དང་། ཆོས་ཀྱི་ཆར་དང་། མཆོད་པ་དང་། ཆོས་ཀྱི་ངོ་མཚར་རྨད་དུ་བྱུང་བ་རྔམ་པའི་ཆོ་འཕྲུལ་ཡན་མན་དང་སྨྲེལ་ཞི་ཐམས་ཅད་དུ་ལིང་ལོང་ཕྱད་དོ། །དེའི་ཚེ་ཧེ་རུ་ཀ་འོད་ཀྱི་ཕྲེང་བ་དེས་རུ་ཏྲ་ཅན་དང་། བདུད་དང་སྲིན་པོ་དང་། གནོད་སྤྱིན་དང་། དབང་ཕྱུག་མ་ཉི་རྩ་བརྒྱད་ལ་སོགས་པ་རང་རང་གི་ཆེ་བའི་ང་རྒྱལ་རབ་ཏུ་སྟོན་པ་རྣམས་ཞི་ཞིང་དུལ་བར་གྱུར་ཏེ། རང་རང་གི་དབང་ཕྲོགས་ནས་སངས་རྒྱས་ཀྱི་བསྟན་པ་འདི་ལ་དད་པར་གྱུར་ནས་འདུས་རབ་ཏུ་འདུས་སོ། །དེའི་ཚེ་ན་བྱང་ཆུབ་སེམས་ཀྱི་འོད་ཟེར་ཀུན་ཏུ་ཁྱབ་པ་དེས་འདུ་ཤེས་མེདཔ་དག་འགོག་པ་ལ་གནས་པའི་མིར་ལྷུང་བ་རྣམས་ས་བོན་མེས་ཚིག་པ་དང་འདྲ་བ་དེ་ཡང་དྲི་མ་མེད་པའི་བྱང་ཆུབ་སེམས་རིན་པོ་ཆེའི་ཆུ་དེས་དབང་བསྐུར་བས་བྱང་ཆུབ་སེམས་ཀྱི་དབང་ཐོབ་སྟེ་འགྲོ་བའི་དོན་བྱེད་པར་གྱུར་ཏོ། །གཞན་ཡང་སའི་ཁྱད་པར་ལ་གནས་པ་རྣམས་ཀྱང་རང་རང་གི་ས་ལ་སྐྱོ་སེམས་སྐྱེས་ཏེ་ལས་ཀྱི་ཚེ་བཀག་ནས་སངས་རྒྱས་ཀྱི་བསྟན་པ་འདི་ལ་རབ་ཏུ་དད་དོ། །དེ་ནས་འདུས་པའི་འཁོར་ཚོགས་རྣམས་ངོ་མཚར་དུ་གྱུར་རྨད་དུ་གྱུར་ཏེ་འདུས་ནས་ཤིན་ཏུ་སྐྲག་ཏེ་གསོལ་བ་བཏབ་པ། ཨེ་མའོ་ཨེ་མའོ་ཡ་མཚན་ཆེ། གཉིས་མེད་རོལ་པ་ཡ་མཚན་ཆེ། འོད་ཟེར་འཕྲོ་འདུ་ཡ་མཚན་ཆེ། བྱང་ཆུབ་ཆར་སྤྱིན་ཡ་མཚན་ཆེ། སངས་རྒྱས་འབྱུང་བ་ཡ་མཚན་ཆེ། །སྤྲུལ་པ་འབྱུང་བ་ཡ་མཚན་ཆེ། ཁྲོ་བོ་འབྱུང་བ་ཡ་མཚན་ཅེ། །བྱིན་བརླབས་ཆོ་འཕྲུལ་ཡ་མཚན་ཆེ། །དགོན་གདུངས་སྤངས་པ་ཡ་མཚན་ཆེ། །འགོག་པ་གསོས་པ་ཡ་མཚན་ཆེ། །བདག་ཅག་འཁོར་ཚོགས་འདུས་པ་རྣམས། །དམ་ཚིག་ཅན་དུ་བྱིན་བརླབས་མཛོད། །བླ་འོག་རིམ་པ་ཇི་བཞིན་དུ། །རྡོ་རྗེ་གསང་བའི་གྲལ་དུ་འཁོད །ཅེས་གསོལ་བ་བཏབ་པས་བཅོམ་ལྡན་འདས་གསང་བ་མཆོག་གི་བདག་པོ་དེས་སྐུ་གསུང་ཐུགས་གཉིས་སུ་མེད་པའི་སྒོ་ནས་འཁོར་རྣམ་པར་སྦྱོར་བའི་རྡོ་རྗེའི་རྒྱན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱེད་པ་པོ་རྡོ་རྗེ་ཀུན་དུ་བཟང་པོ་ལ་གཟིགས་ནས་ཞལ་འཛུམ་པར་མཛད་དོ། །དེ་ནས་བྱེད་པ་པོ་རྡོ་རྗེ་ཀུན་ཏུ་བཟང་པོ་དེས་བསྐུལ་བར་རྣམ་པར་རིག་ནས་བཙུན་མོ་བྱ་བ་མོ་ཀུན་ཏུ་བཟང་མོ་དང་ཉིས་སུ་མེད་པར་སྦྱོར་ཞིང་རང་གི་སྟན་ལས་རྣམ་པར་ལངས་ཏེ་བྱང་ཆུབ་སེམས་ཀྱི་མཚན་མ་གནས་ལྔར་བཏབ་ནས་ལྕེ་པརློའི་སྟེང་དུ་ལས་ཀྱི་རྡོ་རྗེ་བཞག་སྟེ། བརྐྱང་ཕྱག་བཙལ་ནས་མི་འཇིགས་པའི་ལྟ་བས་སྟོན་པའི་ཞལ་དུ་བལྟས་ནས་དོན་བསྡུ་བར་གསོལ་བ་བཏབ་པ། གསང་བ་པའི་བདག་པོ་ཡབ་ཡུམ་དགོངས་སུ་གསོལ། །འདུས་པའི་འཁོར་ཚོགས་མང་པོ་དགོངས་སུ་གསོལ། །གསང་མཛོད་ཡེ་ཤེས་གློག་གི་འཁོར་ལོ་འདི། །ཆོས་ཀྱི་རྒྱལ་པོ་ཆེན་པོས་བཤད་དུ་གསོལ། །ཞེས་གསོལ་བ་བཏབ་པས་གསང་བ་མཆོག་གི་བདག་པོས་བྱེད་པ་པོ་ཀུན་ཏུ་བཟང་པོ་རྡོ་རྗེ་ལས་ཀྱི་བཀའ་བར་བྱིན་གྱིས་བརླབས་པའི་ཕྱིར་ཐུགས་གསང་བའི་མཁའ་ལས་བྱང་ཆུབ་སེམས་སྤྲིན་སྤྲོས་པ་ལས་ལས་ཀྱི་འཁོར་ལོ་རྡོ་རྗེ་རྒྱ་གྲམ་གཅིག་ལག་ཏུ་བཞག་སྟེ། ལས་ཀྱི་དབང་བསྐུར་ནས་མིང་ཡང་ལས་ཀྱི་སེམས་དཔའ་བྱེད་པ་པོ་ཀུན་དུ་བཟང་པོར་བཏགས་ཏེ་ལས་ཀྱི་དབང་ཐོབ་པར་གྱུར་ཏོ། །ཆོས་ཀྱི་འཁོར་ལོ་པདྨ་འདབ་མ་བརྒྱད་པ་ལྕེ་སྟེངས་སུ་བཞག་སྟེ་སྨྲ་བའི་སེང་གེ་ཆོས་ཀྱི་སེམས་དཔའ་ཞེས་མིང་དུ་དབང་བསྐུར་ཏེ་ཆོས་སྨྲ་བའི་དབང་ཐོབ་བོ། །དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོ་དེ་བཙུན་མོ་བྱ་བ་མོ་ཀུན་ཏུ་བཟང་མོ་ལ་འཇུག་ཅིང་སྤོབས་པ་ཅན་དུ་གྱུར་ཏོ། །དེ་ནས་སྨྲ་བའི་སེང་གེ་ཀུན་ཏུ་བཟང་པོ་དེས་འདུས་པའི་འཁོར་རྣམས་སྣོད་དུ་རུང་བར་བྱིན་གྱིས་རླབས་པའི་ཕྱིར་ལས་ཀྱི་འཁོར་ལོ་དང་ཆོས་ཀྱི་འཁོར་ལོ་རྣམ་པ་བཅུ་གཉིས་ཀྱི་ཚུལ་དུ་བསྐོར་ཏེ་ཆོ་འཕྲུལ་འདི་དག་རྣམ་པར་བསྟན་ཏེ། ཞིང་ཁམས་མཐའ་དག་ཀྱང་གཡོས། །རབ་ཏུ་གཡོས། འགུལ། རབ་ཏུ་འགུལ། ལྡེག་རབ་ཏུ་ལྡེག །འཁྲུགས། རབ་ཏུ་འཁྲུགས། ཡན་མན་དང་སྣྲེལ་ཞིའི་ཞིང་ཁམས་མཐའ་དག་ཀྱང་ལིང་ལོང་ཕྱད་བར་གྱུར་རོ། །དེ་ནས་བྱང་ཆུབ་སེམས་ཀྱི་མཚན་མས་འདུས་པའི་འཁོར་རྣམས་ཀྱི་གནས་ལྔར་རེག་པར་བྱས་སོ། ཧཱུཾ༷་བཛྲ་ས་མ་ཡ། གུ་རྒྱ་ས་མཡ་ཀྲོ་དྷ་ས་མ་ཡ།རྡོ་རྗེ་འདུ་བར་འདུས་པ་ཡི། །འདུས་པ་ཆེན་པོའི་རིག་འཛིན་རྣམས། །གོང་འོག་རིམ་པ་ཇི་བཞིན་དུ། །རྡོ་རྗེ་གསང་བའི་གྲལ་དུ་གནོས། །བསྐལ་བཟང་དམ་ཚིག་ཆེན་པོ་སྟེ། དེ་ལས་འདས་ན་བརླག་པར་འགྱུར། །ཞེས་བསྐོ་བས་འདུས་པའི་འཁོར་ཚོགས་རྣམས་རང་རང་གི་སེམས་རངས་པར་བྱས་ཏེ་དམ་ཚིག་ཐོབ་ནས་རྡོ་རྗེ་གསང་བའི་གྲལ་དུ་འཁོད་རྣམ་པར་འཁོད་དོ། །དེ་ནས་བྱེད་པ་པོ་ཀུན་ཏུ་བཟང་པོ་ལས་ཀྱི་བཀའ་པ་དེས་བཅོམ་ལྡན་འདས་གསང་བ་མཆོག་གི་བདག་པོ་ལ་གཙུགས་གིས་འདུད་ཕྱག་རྣལ་འབྱོར་གྱི་ལུགས་སུ་བྱས་ཏེ་ཕྱི་དང་། ནང་དང་། གསང་བ་མཆོད་པ་དེ་ཁོ་ན་ཉིད་ཀྱིས་མཆོད་དེ་གསོལ་བ་བཏབ་བོ། །འདི་ལྟར་རྨད་བྱུང་ངོ་མཚར་ཁྱོད། །སངས་རྒྱས་ཡབ་གྱུར་རྒྱལ་བའི་སྲས། །ཡ་མཚན་ཆེན་པོ་སྟོན་པར་སྤྱོད། །བཀའ་ཡི་འཁོར་ལོ་དམ་པ་དེ། །སྨྲ་བརྗོད་ཡུལ་ལས་རབ་འདས་ཀྱང་། །ངག་གི་ལམ་ནས་རབ་བརྗོད་ཅིང་།དཔེས་མཚོན་ཚིག་གི་ལྡེ་མིག་གིས། །གསལ་བར་མཚོན་ཏེ་གོ་བར་མཛོད། །ཨ་ལ་ལ་ཧོ་ཞེས་གསོལ་བ་བཏབ་བོ། །དེ་ནས་གསང་བ་མཆོག་གི་བདག་པོ་དེས་གསོལ་བ་བཏབ་པར་མཁྱེན་ནས་བརྗོད་དུ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས་ཅང་མི་གསུང་བར་བཞུགས་སོ། །དེ་ནས་འདུས་པའི་འཁོར་ཚོགས་ཀྱིས་སྨྲ་བའི་སེང་གེ་བྱེད་པ་པོ་ཀུན་དུ་བཟང་པོ་དེ་ལ་ལུགས་སུ་བཏུད་དེ་བརྐྱང་ཕྱག་བཙལ་ནས་རྨད་དུ་བྱུང་བའི་མཆོད་པ་སྣ་ཚོགས་བྱས་ནས་གསོལ་བ་བཏབ་པ། སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་ཏུ་བཟང་པོ་ཁྱོད་ལ་བདག་ཅག་ཞུ་བར་སྤོབས་ན་གནང་བའི་སྐབས་དབྱེ་བར་གསོལ། སྨྲ་བའི་སེང་གེ་ཀུན་ཏུ་བཟང་པོས་བཀའ་སྩལ་པ། འདུས་པའི་འཁོར་ཚོགས་ཁྱོད་ཅི་དང་ཅི་འདོད་པ་བདག་ལ་ཞུས་ཤིག བདག་གིས་གནང་བའི་སྐབས་དབྱེའོ། །འདུས་པའི་འཁོར་རྣམས་ཀྱིས་གསོལ་པ། སྨྲ་བའི་སེང་གེ་བྱེད་པ་པོ་དང་ཀུན་དུ་བཟང་པོ་ཁྱོད་ནི་སངས་རྒྱས་ཐམ་ཅད་ཀྱི་ཡབ་བྱང་ཆུབ་སེམས་དཔའ་ཐམས་ཅད་ཀྱི་རྗེ་བཙན། རྣལ་འབྱོར་པ་ཐམས་ཅད་ཀྱི་ལྷ་ཕུད། །ཆོས་ཐམས་ཅད་ཀྱི་མཛོད་ལགས་ན། །བཅོམ་ལྡན་འདས་གསང་བ་མཆོག་གི་བདག་པོས་བདག་ཅག་འཁོར་གྱི་དཀྱིལ་འཁོར་འདིར། གསང་བའི་ཚིག་ལམ་གྱིས་སྟོན་པར་མི་སྣང་བའི་རྒྱུ་དང་རྐྱེན་བདག་ཅག་རྣམས་ལ་བསྟན་དུ་གསོལ། སྨྲ་བའི་སེང་གེ་ལེགས་པར་བསྟན་དུ་གསོལ་ཞེས་ཞུསླ་པ་དང་། སྨྲ་བའི་སེང་གེས་བཀའ་སྩལ་པ། །ཨོ་ཨུ༷༷ཧཱུཾ༷་ཨ་ལ་ལ་ཧོ། །རྒྱལ་བའི་སྲས་པོ་ཅང་མི་གསུང་། །མི་གསུང་བ་ཉིད་རྒྱ་ཅེར་བཤད། །བཤད་དུ་མེད་པའི་དོན་དེ་ནི། །རྒྱལ་བ་རྣམས་ཀྱིས་མ་བཤད་དེ། །དེ་ལྟར་སྟོན་པ་རྒྱལ་མཆོག་ཀྱང་། །རྣམ་པར་བརྗོད་པར་མི་མཛད་དེ། །བཀའ་མི་སྩལ་བར་དགོངས་པའོ། །འདུས་པའི་འཁོར་རྣམས་ཉོན་ཅིག །དེ་བས་ན་གསང་བ་དོན་དམ་པའི་བྱང་ཆུབ་ཀྱི་སྙིང་པོ་དེ་སྨྲ་བསམ་ལས་འདས་ཞིང་བརྗོད་དུ་མེད་པས་དེ་ལ་ཚིག་ཏུ་སྨྲ་བ་ལེགས་པར་མ་ཡིན་ཏེ། ཚིག་ཏུ་སྨོས་པའི་དུས་ཉིད་ན་གོལ་བ་ཡིན་པར་ཕྱོགས་བཅུ་དུས་བཞིའི་རྒྱལ་བ་རྣམས་ཀྱིས་ཀྱང་བཤད་དེ། ད་ལྟར་སྟོན་པ་ཉིད་ཀྱང་དོན་དེ་ཉིདདགོངས་ནས་མ་གསུངས་སོ། །འདུས་པའི་འཁོར་ཚོགས་རྣམས་དེ་བས་ན་མ་སྐྱེས་པའི་སྙིང་པོ་བྱང་ཆུབ་སེམས་ཚིག་ཏུ་སྤྲོས་པ་དང་བྲལ་གྱིས་ཀྱང་ཀུན་རྫོབ་ཀྱི་བདེན་པའི་དབང་དུ་མཚན་མའི་ཚིག་གི་རྣལ་འབྱོར་པ་རྣམས་ཚིག་གི་ཕྱིར་འབྲང་བའི་ཕྱིར་དོན་རྟོགས་པའི་བཀྲི་བའི་ཕྱིར་རྒྱལ་བ་རྣམས་ཀྱི་ཚིག་གི་སྒོ་ནས་གསུང་པ་ཡིན་ནོ། །འདུས་པའི་འཁོར་ཚོགས་རྣམས་ཀྱིས་གསོལ་པ། སྨྲ་བའི་སེང་གེ་དེ་ལྟར་ན་བདག་ཅག་དང་མ་འོངས་པའི་རྣལ་འབྱོར་པའི་ཚིག་གི་རྗེས་སུ་འབྲང་བ་རྣམས་ཀྱི་དོན་དུ། རྡོ་རྗེ་ཚིག་གི་ལམ་དུ་བརྗོད་པས་དོན་གསལ་བར་བྱེད་པ་དེ་སྨྲ་བའི་སེང་གེ་ལས་ཀྱི་བཀའ་བ་ཁྱོད་ཉིད་ཀྱིས་ཞུ་བར་སྤོབས་ཤིག སྨྲ་བའི་སེང་གེ་དབང་བས་ན་བཅོམ་ལྡན་འདས་གསང་བ་མཆོག་གི་བདག་པོ་ལ་ཞུས་ཤིག་དང་། དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་འདུས་པའི་འཁོར་ཚོགས་རྣམས་ཀྱི་རྣམ་པར་རྟོག་པ་མཁྱེན་ནས་བཅོམ་ལྡན་འདས་གསང་བ་མཆོག་གི་བདག་པོ་ལ་ལན་སྟོང་དུ་བསྐོར་བར་བྱས་ཏེ་རྨད་དུ་བྱུང་བའི་མཆོད་པར་རྒྱས་པ་དེ་ཁོ་ན་ཉིད་ཀྱིས་མཆོད་ནས་འདི་སྐད་དུ་གསོལ་པ་བཏབ་བོ། །ཨེ་མ་ཧོ་སྟོན་པའི་ངོ་མཚར་ཁྱོད། །ཕྱོགས་བཅུའི་སངས་རྒྱས་ཐམས་ཅད་ཀྱི། བྱང་ཆུབ་སེམས་ཀྱི་མཚན་ཉིད་དེ། །ཚིག་ཏུ་བརྗོད་པ་མ་ལགས་ནའང་། མཚན་མའི་རྗེས་འབྲང་རྣལ་འབྱོར་པ། །དོན་ལ་རྩིང་ལ་ཚིག་ལ་ཞིབ། །ཚིག་གིས་བསམ་པར་རངས་བྱའི་ཕྱིར། །སྙིང་པོ་བྱང་ཆུབ་དོན་འདི་ལ། དཔེསམཚོནཚིགགིལྡེམིག་གིས། །གསང་བ་དེ་ཉིད་བཤད་དུ་གསོལ། ཞེས་གསོལ་བ་བཏབ་པ་ལས་བཅོམ་ལྡན་འདས་གསང་བ་མཆོག་གི་བདག་པོ་སྨྲ་བའི་སེང་གེས་གསོལ་བ་བཏབ་པ་ཡང་མཁྱེན། འདུས་པའི་འཁོར་ཚོགས་རྣམས་ཀྱི་སེམས་ཀྱི་རྟོག་པ་ཡང་མཁྱེན་པ་དང་། ཚིག་གི་རྗེས་སུ་འབྲང་པའི་རྣལ་འབྱོར་ཡང་ཐུགས་སུ་ཆུད་ནས་རྣམ་པར་ཐར་པའི་སྒོ་གསུམ་ཕྱུང་སྟེ། ཡེ་ཤེས་ཀྱི་རྡོ་རྗེ་རྩེ་དགུ་པ་ཡང་ནས་ཡང་དུ་གསོལ་ཞིང་རྨད་དུ་བྱུང་བའི་ཆོས་སྐྱི་སྒྲ་ཆེན་པོ་རབ་ཏུ་བསྒྲགས་སོ། །ཨོ༷་ཨུ༷༷ཧཱུཾ༷་གྲྭ་ཧྭ། བོ་དྷི་ཙིསྟ་གུ་རྒྱ་ས་མ་ཡ། འདི་ནི་གསུངས་མ་ཐག་ཏུ་ཡང་། །སངས་རྒྱས་གྲགས་པ་ཆེན་པོ་ཀུན། །རབ་ཏུ་སྔངས་ཏེ་བརྒྱལ་བར་གྱུར། །འཁོར་ཚོགས་གཞན་མ་སྨོས་ཅི་དགོས། དེ་ནས་གསང་བ་མཆོག་གི་བདག་པོས་འདི་སྐད་ཅེས་བཀའ་སྩལ་ཏོ།རིགས་ཀྱི་བུ་རྣམས་ཉོན་ཅིག གང་ཚིག་གིས་བརྗོད་དུ་རུང་བ་ཐམས་ཅད་ནི་ཀུན་རྫོབ་ཀྱི་བདེན་པའོ། །ཇི་སྲིད་བརྗོད་དུ་རུང་བ་མ་ཡིན་པའི་ཆོས་གང་ཡིན་པ་དེ་ནི་དོན་དམ་པའི་བདེན་པའོ། །གང་ཞིག་དང་ཡི་གེ་ལས་འདས་པ་གང་ཡིན་པ་དེ་ནི་ཆོས་ཀྱི་སྐུའོ། །གང་ཚིག་དང་ཡི་གེས་བརྗོད་དུ་རུང་བ་ཐམས་ཅད་ནི་གཟུགས་ཀྱི་སྐུའོ། །རིགས་ཀྱི་བུ་སྔགས་ཀྱི་ལྟ་བ་དང་སྤྱོད་པ་ཡང་དེ་ཉིད་ཡིན་ཏེ། གང་དོན་དམ་པའི་བདེན་པ་དང་། ཆོས་ཀྱི་སྐུ་གང་ཡིན་པ་དེ་ནི་སྔགས་ཀྱི་ལྟ་བ་ཡིན་པར་ཤེས་པར་བྱའོ། །དེ་ཉིད་ཀྱི་རྒྱུའི་ཚུལ་དུ་གནས་པ་ལས། འབྲས་བུའི་ཚུལ་དུ་ཀུན་རྫོབ་ཀྱི་བདེན་པ་དང་། གཟུགས་ཀྱི་སྐུར་སྣང་སྟེ། ཇི་ལྟར་སྤྱད་པ་དང་སྤྱད་དུ་རུང་བ་ཐམས་ཅད་ནི་སྤྱོད་པར་རྣལ་འབྱོར་ཅན་གྱིས་བལྟའོ། །དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་ཨ་ལ་ལ་ཧོ་ཞེས་པའི་སྒྲ་བརྗོད་དེ་བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། དེ་ལྟར་ལགས་ན། བཅོམ་ལྡན་འདས་སྔགས་ཀྱི་ལྟ་བ་ལ་བློ་གནས་པ་གང་ལགས། ལྟ་བ་དང་སྤྱོད་པ་ལ་བློ་གནས་པ་ནི་གང་ལགས། སྤྱོད་པ་འབའ་ཞིག་ལ་བློ་གནས་པ་ནི་གང་ལགས།གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་ལེགས་སོ། །དེའི་དོན་ཁྱོད་ཀྱི་ང་ལ་ཞུ་བ་ནི་ལེགས་སོ། །སྨྲ་བའི་སེང་གེ་གསང་སྔགས་ནི་དེ་བཞིན་གཤེགས་པ་འབའ་ཞིག་གི་དགོངས་པའི་ཡུལ་ལོ།དེ་ཅིའི་ཕྱིར་ཞེ་ན། དེ་བཞིན་གཤེགས་པ་རྣམས་ནི་དོན་དམ་པའི་བདེན་པ་ཙམཀྱང་སྤངས་ནས་ཀུན་རྫོབ་ཀྱི་བདེན་པ་ལྟ་ག་ལ་ཡོད་དེ། བདེན་པ་གཉིས་སུ་ཡང་དབྱེར་མེད་པའི་ཕྱིར་རོ། །ལྟ་བ་དང་སྤྱོད་པ་ལ་བློ་གནས་པ་ནི་རྣལ་འབྱོར་པས་ཐོབ་པ་དང་། ས་ལ་བསྙེད་པ་རྣམས་ཏེ། དེ་ཅིའི་ཕྱིར་ཞེ་ན། རྣལ་འབྱོར་པ་བློ་མཉམ་པ་ཉིད་དུ་བློ་ཆུང་བ་རྣམས་ལ་ནི། བདེན་པ་རྣམ་པ་གཉིས་ཀྱི་ཚུལ་ཡོད་དེ་དོན་དམ་པར་མ་སྐྱེས་པའི་ཚུལ་དུ་བློ་ཆུང་ལ། ཀུན་རྫོབ་ཏུ་མཚན་མ་ཐབས་ཀྱི་ཕྱག་རྒྱ་སྒྱུ་མའི་ཚུལ་དུ་ཡང་མེད་པ་མ་ཡིན་ཏེ། མཚན་མ་མེད་པའི་རྣལ་འབྱོར་དང་མཚན་མའི་རྣལ་འབྱོར་གཉིས་དང་ལྡན་པའི་ཕྱིར་རོ། །སློབ་པའི་རྣལ་འབྱོར་དེ་ནི་བདེན་པ་རྣམ་པ་གཉིས་ལ་བརྟེན་ནས་ལྷུན་གྱིས་གྲུབ་པའི་ས་ལ་གོམས་པ་ཆེ་ཆུང་གིས་གྲུབ་པ་ཡིན་ནོ། །སྒྲའི་རྗེས་སུ་འབྲང་བའི་རྣལ་འབྱོར། དོན་ལས་རིང་དུ་གྱུར་པ་རྣམས་ནི་སྤྱོད་པ་འབའ་ཞིག་ལ་བློ་གནས་ཏེ། ཅིའི་ཕྱིར་ཞེ་ན། ལོག་པའི་ཀུན་རྫོབ་འབའ་ཞིག་ལ་རྟོག་གི་ཡང་དག་པའི་ཀུན་རྫོབ་ལྷའི་དཀྱིལ་འཁོར་ཡངམཐོང་བ་མེད་པའི་ཕྱིར་རོ། །སྨྲ་བའི་སེང་གེ་དེ་བས་ན་ལོག་པའི་ཀུན་རྫོབ་སོ་སོའི་སྐྱེ་བོ་ལྟ་བུའི་ཆོས་ལ་བརྟེན་ནས་ཡང་དག་པའི་ཀུན་རྫོབ་ཀྱི་བདེན་པ་ལྷ་དང་ལྷ་མོའི་དཀྱིལ་འཁོར་དུ་ཆོས་ཐམས་ཅད་ཤེས་པར་བྱའོ། །ཡང་དག་པའི་ཀུན་རྫོབ་ཀྱི་བདེན་པ་ལ་བརྟེན་ནས་དོན་དམ་པའི་བདེན་པ་ཁོང་དུ་ཆུད་པར་ནུས་པ་ནི་རིག་པའི་སྐྱེས་བུ་ཞེས་གྲགས་སོ། །སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་གསོལ་པ། བཅོམ་ལྡན་འདས་གསང་སྔགས་ཀྱི་སྤྱོདཔའི་རང་བཞིན་གང་ལགས། དཔེར་བརྗོད་ན་ཇི་སྐད་དུ་བརྗོད་པ་ལགས། །བཅོམ་ལྡན་འདས་གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་གསང་སྔགས་ཀྱི་སྤྱོད་པའི་ཚུལ་རྣམས་ངས་བཤད་ཀྱིས་ཉོན་ཅིག ངས་ཡིད་ཚིམ་པར་བྱའོ།སྨྲ་བའི་སེང་གེ་གསང་སྔགས་ཀྱི་སྤྱོད་པ་ནི་བསམ་གྱིས་མི་ཁྱབ་སྟེ་རབ་ཏུ་བརྗོད་པར་བཀའ་ན་མདོར་བསྡུ་ན་རྣམ་པར་བཅུརའདུས་སོ། །བཅུ་གང་ཞེ་ན། གསང་སྔགས་ཀྱི་སྒྲུབ་པ་དང་། གསང་སྔགས་ཀྱི་མིང་གི་ཁྱད་པར་དང་། གསང་སྔགས་ཀྱི་སྤྱོད་པ་དང་། གསང་སྔགས་ཀྱི་དངོས་གྲུབ་དང་། གསང་སྔགས་ཀྱི་གྲུབ་པའི་གནས་དང་། གསང་སྔགས་ཀྱི་བཟླས་པ་དང་། གསང་སྔགས་ཀྱི་ཕྱག་རྒྱ་དང་། གསང་སྔགས་ཀྱི་ཏིང་ངེ་འཛིན་དང་། གསང་སྔགས་ཀྱི་ལྟ་བ་དང་། གསང་སྔགས་ཀྱི་ཆོ་འུཕྲུལ་འོ།། །སྨྲ་བའི་སེང་གེ་དེ་དག་གི་དཔར་བརྗོད་པ་ཡང་རྣམ་པ་བཅུ་སྟེ། སྒྱུ་མ་དང་། སྨིག་རྒྱུ་དང་། རྨི་ལམ་དང་། གཟུགས་བརྙན་དང་། དྲི་ཟའི་གྲོ་ང་ཁྱེར་དང་། བྲག་ཅ་དང་། ཆུ་ཟླ་དང་། ཆུའི་ཆུ་བུར་དང་། མིག་འཁྲུལ་དང་། མགལ་མེད་བསྐོར་བ་ལྟ་བུའི་རྣམ་པར་སྣང་ངོ་། །སྨྲ་བའི་སེང་གེ་དེ་ཡང་ཇི་ལྟ་ཞེ་ན། སྒྱུ་མ་ཞེས་བྱ་བའི་མཚན་ཉིད་ནི་སྐྱེས་བུའི་རྩོལ་བ་དང་། སྨན་དང་སྦྱོར་སྔགས་ཀྱི་སྦྱོར་བ་ལས། །དབང་པོའི་ཡིད་འཕྲོག་པའི་རྣམ་པ་ཅིར་ཡང་སྣང་ཡང་སླུ་བའི་བདག་ཉིད་ཅན་དེ་སྣང་བ་མེད་དོ། །དེ་བཞིན་དུ་གསང་སྔགས་སྒྲུབ་པའི་མཚན་ཉིད་ཀྱང་ཏིང་ངེ་འཛིན་དང་ཡིག་འབྲུ་དང་རྫས་ཀྱི་སྦྱོར་བ་ལས་གྲུབ་པའི་རྟགས་དག་སྣང་ཡང་དེ་ལ་རང་བཞིན་མེད་དོ། །སྨིག་རྒྱུ་ཞེས་བྱ་བའི་མཚན་ཉིད་ཀྱང་འགྲོ་་བ་སྐོམ་གྱིས་གདུངས་པའི་དུས་སུ་ཉི་མ་དྲོ་བ་ལས་སྨིག་རྒྱུ་ལ་ཆུར་མཐོང་ཡང་དེ་ལ་ཆུའི་རང་བཞིན་མེད་དོ། །དེ་བཞིན་དུ་གསང་སྔགས་མིང་གི་ཁྱད་པར་ཡང་གདམས་པའི་གཞི་མེད་པ་ལ་མིང་དང་ཐ་སྙད་བཏགས་པ་ཡང་མིང་ཉིད་དམིགས་སུ་ག་ལ་ཡོད། རྨི་ལམ་ཞེས་བྱ་བའི་མཚན་ཉིད་ནི་སྐྱེས་བོ་གཉིད་ལོག་པའི་ཚེ་བདེ་སྡུག་གི་རྣམ་པ་མང་པོ་རྨིས་ཀྱང་སངས་ནས་ཅི་ཡང་དམིགས་སུ་མེད་དོ། །དེ་བཞིན་དུ་གསང་སྔགས་ཀྱི་སྤྱོད་པ་ཡང་ཇི་ལྟར་སྤྱད་ན་ཡང་སྤྱད་པའི་དམིགས་པ་ཀུན་དང་བྲལ་ལོ། །གཟུགས་བརྙན་ཞེས་བའི་མཚན་ཉིད་ཀྱང་ཆུའམ་མེ་ལོང་ངམ་འབྲུ་མར་ལ་བརྟེན་ནས་བཞིན་གྱི་གཟུགས་སུ་སྣང་ཡང་བཞིན་དེ་ཉིད་དུ་འཕོས་པ་མེད་དོ། །དེ་བཞིན་དུ་གསང་སྔགས་ཀྱི་དངོས་གྲུབ་ཀྱང་བསྒྲུབ་པ་དང་། ཏིང་ངེ་འཛིན་དང་། ཡོ་བྱད་ལ་བརྟེན་ནས་འབྱུང་ཡང་དམིགས་པ་དང་བྲལ་ལོ། །དྲི་ཟའི་གྲོང་ཁྱེར་ཞེས་བྱ་བའི་མཚན་ཉིད་ནི་བར་སྣང་ན་དྲི་ཟ་གང་ན་གནས་པ་དེར་གྲོང་ཁྱེར་ཡང་དེ་ན་གནས་ཏེ་དེ་བྱུང་མ་ཐག་ཏུ་རྟག་པ་མ་ཡིན་པ་དང་གསང་སྔགས་ཀྱི་གནས་ཀྱང་རྣལ་འབྱོར་པ་བདག་ཉིད་ཀྱིས་ཀྱང་བསྐྱེད་པར་འབྱུང་ལ། །དེ་ཡང་ཐེར་ཟུག་མ་ཡིན་ནོ། །བྲག་ཅ་ཞེས་བྱ་བའི་མཚན་ཉིད་ནི་བྲག་གི་ངོས་ལ་སྒྲ་ཇི་སྐད་རྐྱེན་པ་སྐད་བྲག་ཅ་ལ་ཡང་དེ་བཞིན་དུ་འབྱུང་ངོ་། །འབྱུང་ཡང་སྒྲར་མི་དམིགས་པ་དེ་བཞིན་དུ་གསང་སྔགས་བཟླས་པའི་སྒྲ་ཡང་བཟླས་པ་ཙམ་ཉིད་ན་སྟོང་པའོ། །ཆུ་ཟླ་ཞེས་བྱ་བའི་མཚན་ཉིད་ནི་ཟླ་བའི་གཟུགས་བརྙན་ཆུའི་ནང་དུ་སྣང་ཡང་ཆུ་ལ་ཟླ་བ་མེད་དོ། །དེ་བཞིན་དུ་ཕྱག་རྒྱའི་དཀྱིལ་འཁོར་ལ་ཡང་གཟུང་འཛིན་གྱི་རྟོག་པ་མེད་དོ། །ཆུའི་ཆུ་བུར་ཞེས་བྱ་བའི་མཚན་ཉིད་ནི་ཆུའི་རླབས་ཆེན་གཅིག་ལས་ཆུ་བུར་མང་དུ་འབྱུང་ཞིང་སླར་ཡང་འདུ་བ་དེ་བཞིན་དུ་རྣལ་འབྱོར་པའི་ཏིང་ངེ་འཛིན་རྣམ་པ་ཡང་གཅིག་ཏུ་མ་ཆད་དོ། །མིག་འཁྲུལ་པཞེས་བྱ་བའི་མཚན་ཉི་ནི་མི་མིག་ནད་ཅན་གྱིས་བརསྣངལ་བལྷས་ན་ཟླབ་གཉིསུསསྣང་ཡང་ཟླ་བ་ལ་གཉིསསུ་གྱུར་པ་མེད་དོ། །དེ་བཞིན་དུ་གསང་སྔགས་གྱི་ལྟ་བ ཡང་འཛིན་རྟོག་གི་ལྟ་བ་ཅིར་རྣམ་པར་རྟོག་པ་རྣམ་མང་ཡོངས་སུ་གྲུབ་པར་ཡོངས་སུ་མི་ལྟའོ། །མགལམེ་བསྐོར་བ ཞེས་བྱ་བའིམཚན་ཉིད་ནི་གང་དག་ལག་ན་མགལ་མེ་ཐོགས་ན་བསྐོར་ན་དབྱིབས་ཀྱི་རྣམ་པ་ཇི་ལྟརཡང་སྣང་སྟེ། དེ་ལ་དབྱིབས་མེད་དོ། །དེ་བཞིན་དུ་རྣལའབྱོར་པའི་སེམས་ཀྱི་ཆོ་འཕྲུལ་ཅིར་ཡང་སྣང་ཞིང་འབྱུང་ལ་དངོས་པོར་མ་གྲུབ་པའོ། །སྨྲ་བའི་སེང་གེ་དེ་ལྟར་ན་གསང་སྔགས་ཀྱི་སྤྱོད་པ་ནི་དེ་ལྟར་ཞེས་ཤེས་པར་བྱའོ། །སྨྲ་བའི་སེང་གེ་དེ་ལྟ་བས་ན་རྣལ་འབྱོར་པས་ཡང་དག་པའི་ཀུན་རྫོབ་ཀྱི་བདེན་པ་བརྟེན་ནས་དོནདམ་པའི་བདེནཔ་ཁོང་དུ་ཆུད་པར་བྱའོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམཔ་གློག་གི་འཁོར་ལོའི་མདོ་ཞེས་བྱ་བ་ལས་ཏིང་ངེ་འཛིན་གྱི་རིམ་པར་ཕྱེ་བའི་སྒོ་ནས་གླེང་བསླང་བ་དང་སྔགས་ཀྱི་སྤྱོད་པ་བསྟན་པའི་ལེའུ་སྟེ་གཉིས་པའོ།། །།དེ་ནས་སྨྲ་བའི་སེང་གེ་བྱེད་པ་པོ་ཀུན་ཏུ་བཟང་པོས་བཅོམ་ལྡན་འདསགསང་བ་མཆོག་གི་རྒྱལ་པོ་ལ་ལན་བརྒྱ་སྟོང་དུ་བསྐོར་བ་བྱས་ནས་རྨད་དུ་བྱུང་བའིམཆོད་པ་རྒྱས་པ་དེ་ཁོ་ན་ཉིད་ཀྱིས་རབ་ཏུ་མཆོད་དེ་ཀུན་ཏུ་རབ་ཏུ་མཆོད་ནས་གཙུག་གི་འདུད་པ་ཕྱག་རྣལ་འབྱོར་གྱི་ལུགས་སུ་བྱས་ཏེ་འདི་སྐད་ཅེས་གསོལ་པ་བཏབ་བོ། །ཨ་མའོ་བདེར་གཤེགས་ཀུན་དུ་བཟང་། ཨེ་མའོ་ཡེ་ནས་དག་པའི་དོན། ཨེ་མའོ་གསང་བ་མཆོག་གི་བདག །ཨེ་མའོ་ཡེ་ཤེས་རྔམ་པའི་གློག །ཨེ་མའོ་གཉིས་མེད་དགྱེས་ཆེན་པོ། ཨེ་མའོ་བདེ་བ་བདེ་ཆེན་མཆོག །ཨེ་མའོ་རྣམ་དག་དཔལ་ཁྱོད་ལ། ཨེ་མའོ་བདག་ཅག་གསོལ་བ་འདེབས། །བྱང་ཆུབ་སེམས་འདི་ཇི་ལྷར་སྐྱེད། །དཀྱིལ་འཁོར་རྣམས་ནི་ཇི་ལྟར་ལགས། །ཕྱག་རྒྱ་རྣམས་ཀྱི་མཚན་ཉིད་ཅི། བསྙེན་སྒྲུབ་རྣམ་བཞི་ཇི་ལྟར་ལགས། །དངོས་གྲུབ་སྒྲུབ་པའི་རྣམ་གྲངས་ཅི།སྔགས་ཀྱི་སྡོམ་པ་ཇི་ལྟར་བསྲུང་། །རྣལ་འབྱོར་བརྟུལ་ཞུགས་ཇི་ལྟར་སྤྱད། །དྲེགས་པའི་ཚོགས་ནི་ཇི་ལྟར་གདུལ། །རྣམ་བཞིའི་ལས་ནི་ཇི་ལྟར་བགྱི། །བརྣག་པའི་ནན་ཏུར་ཇི་ལྟར་བགྱི། །རྣལ་འབྱོར་རྣམས་ལ་བརྩེ་བ་དང་། །བདག་ཅག་རྣམས་ལ་སྨན་སླད་དུ། །བཅོམ་ལྡན་སྙིང་པོས་བཤད་དུ་གསོལ། ཨ་ལ་ལ་ཧོ་ཞེས་གསོལ་བ་ལས་བཅོམ་ལྡན་འདས་གསང་བ་མཆོག་གི་བདག་པོས་གསོལ་བ་བཏབ་པ་ཐུགས་སུ་ཆུད་ནས་འདི་སྐད་ཅེས་བཀའ་སྩལ་ཏོ། །སྨྲ་བའི་སེང་གེ་གསང་སྔགས་མདོའི་དོན་རྣམས་ཕྱི་རབས་ཀྱི་རྣལ་འབྱོར་པ་ལ་ཕན་གདགས་པ་དང་། དད་པ་ཅན་གྱི་འགྲོ་བ་རྣམས་ཡིད་ཆེས་པར་བྱ་བའི་ཕྱིར་ང་ལ་ཞུ་བ་ལེགས་སོ། །སྨྲ་བའི་སེང་གེ་ལེགས་སོ། །ཕྱོགས་བཅུ་དུས་བཞིའི་སངས་རྒྱས་སྔར་འདས་པ་རྣམས་ཀྱིས་གསུངས་པ་དང་། ད་ལྟར་བཞུགས་པ་རྣམས་ཀྱིས་གསུངས་པ་དང་། སླད་ཀྱིས་བྱོན་པ་རྣམས་ཀྱིས་གསུང་བར་འགྱུར་བ་རྣམས་ཀྱི་དོན་ཐོག་མར་དགེ་བ་དང་། བར་དུ་དགེ་བ་དང་། ཐ་མར་དགེ་བ་དང་། དོན་བཟང་པོ་། རྒྱུད་ཀྱི་འབྲེལ་པ། དོན་གྱི་བཀོད་པ་། རྟགས་ཀྱི་རོལ་པ། ཡེ་ཤེས་རྔམ་པ་གློག་གི་འཁོར་ལོ་རྣམ་པར་བྱིངས་པ་གཞུང་ཆེན་པོ་འདི་ངས་བཤད་པར་བྱ་ཡིས་སྐལ་པ་དང་ལྡན་པ་རྣམས་གསང་སྔགས་ཀྱི་དོན་ཟབ་མོ་མི་ཐོས་པར་དཀའ་ན་ཐོས་ནས་དེའི་དོན་ལ་གནས་པར་བཀའ་སྟེ་ཕལ་གྱི་ཐུན་མོང་དུ་མ་གྱུར་པའོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་སྔགས་ཀྱི་མདོ་བསྟན་པའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེ་སྙིང་པོ་བྱང་ཆུབ་ལ་ངེས་པར་འགྲེལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་ནས་ཡང་འདུས་པའི་འཁོར་ཚོགསལ་བཀའ་སྩལ་ཏོ། །རིགས་ཀྱི་བུ་རྣམས་ཆོས་ཐམས་ཅད་ནི་བྱང་ཆུབ་སེམས་སུ་འདུས་ཤིང་བྱང་ཆུབ་ཀྱི་སེམས་ཉིད་ ང་བ་ཤེས་པར་གྱིས་ཤིག དེ་ཅིའི་ཕྱིར་ཞེ་ན། ཆོས་ཐམས་ཅད་ནི་ལུས་དང་ངག་དང་སེམས་སུ་འདུས་ལ། ལུས་དང་ངག་དང་སེམས་ཉིད་ཆོས་ཐམས་ཅད་ཀྱི་རྣམ་པར་ ང་ངོ་། །འདུས་པའི་འཁོར་ཚོགས་རྣམས་ཀྱིས་གསོལ་པ། ལུས་དང་ངག་དང་སེམས་བདག་ཅག་རྣམས་ཀྱིས་ཇི་བལྟ་བར་བགྱི། གསང་བ་མཆོག་གི་བདག་པོས་བཀའ་སྩལ་པ། རིགས་ཀྱི་བུ་རྣམས་ལུས་དང་ངག་དང་སེམས་ཀྱི་མཚན་ཉིད་ནི་སེམས་ཀྱང་ལུས་དང་ངག་གི་རྣམ་པར་ལྟ་བུ། ངག་ཀྱང་ལུས་དང་སེམས་ཀྱི་རྣམ་པ་ལྟ་བུ། ལུས་ཀྱང་ཚིག་ཏུ་བརྗོད་པ་དང་སེམས་ཀྱི་རྣམ་པ་ལྟ་བུར་རང་རང་གི་ལུས་དང་སེམས་རྟོགས་ཤིག །འོན་ཏང་བྱང་ཆུབ་དུ་སེམས་བསྐྱེད་པར་འགྱུར་རོ། །དེ་ནས་ཡང་གསང་བ་མཆོག་གི་བདག་པོ་དེས་སྟོང་པ་ཉིད་ཀྱི་ཏིང་ངེ་འཛིན་ཞེས་བྱ་བ་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །ཨེ་མའོ་དངོས་པོ་ཐམས་དང་བྲལ་བ། །ཕུང་པོ་ཁམས་དང་སྐྱེ་མཆེད་དང་། །གཟུང་དང་འཛིན་པ་རྣམ་པར་སྤང་། །ཆོས་བདག་མེད་པ་མཉམ་ཉིད་པས། །རང་སེམས་གདོད་ནས་མ་སྐྱེས་པ། །སྟོང་པ་ཉིད་ཀྱི་རང་བཞིན་ནོ། །ཞེས་གསུངས་སོ། །དེ་ནས་ཡང་ཆོས་ཀྱི་དབྱིངས་རྣམ་པརདག་པ་ཞེསབྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །ཨེ་མའོ་ངོ་མཚར་ཡ་མཚན་གྱི། །སངས་རྒྱས་ཀུན་གྱི་གསང་བའི་ཐུགས། །ཆོས་ཀུན་སྐྱེ་བ་མེད་པ་ལས། །སྐྱེ་བ་འདི་ནི་རབ་གྲགས་པ། སྐྱེ་དང་མི་སྐྱེ་གཉིས་མེད་པ། །བྱང་ཆུབ་སེམས་འདི་བསྟན་པའོ། །ཞེས་གསུངས་སོ། །དེ་ནས་ཡང་མེ་ལོང་ལྟ་བུ་གསལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགསནས་བྱང་ཆུབ་ཀྱི་སེམས་འདི་གསུངས་སོ། །ཨ་མའོ་ངོ་མཚར་ཡ་མཚན་གྱི། །སངས་རྒྱས་ཀུན་གྱི་བསང་བའི་ཐུགས། །ཆོས་ཀུན་འགག་པ་མེད་པ་ལས། །འགག་པ་འདི་ནི་རབ་ཏུ་བསྒྲགས། །འགག་དང་མི་འགག་མེད་པ་སྟེ། བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་ཡང་ཆོས་ཐམས་ཅད་མཉམ་པ་ཉིད་ཅེས་བྱ་བའི་ཏིང་ངེ་འཛིན་ལ་ཉོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །ཨེ་མའོ་ངོ་མཚར་ཡ་མཚན་གྱི། སངས་རྒྱས་ཀུན་གྱི་གསང་བའི་ཐུགས། །ཆོས་ཀུན་གནས་པ་མེད་པ་ལས། །གནས་པ་འདི་ནི་རབ་ཏུ་བསྒྲགས། །གནས་དང་མི་གནས་མེད་པ་སྟེ། བྱང་ཆུབ་ཚུལ་འདི་བསྟན་པའོ། །ཞེ་གསུངས་སོ། །དེ་ནས་ཡང་ཆོས་ཐམས་ཅད་སོ་སོ་ཀུན་ཏུ་རྟོག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །ཨེ་མའོ་ངོ་མཚར་ཡ་མཚན་གྱི། སངས་རྒྱས་ཀུན་གྱི་གསང་བའི་ཐུགས། །ཆོས་ཀུན་དམིགས་པ་མེད་པ་ལས། །དམིགས་པ་འདི་ནི་རབ་ཏུ་བསྒྲགས། །དམིགས་དང་མི་དམིགས་མེད་པ་སྟེ། །བྱང་ཆུབ་ཚུལ་འདི་བསྟན་པའོ། །ཞེསགསུངས་སོ། །དེ་ནས་ཡང་ཆོས་ཐམས་ཅད་བྱ་བ་ལ་ནན་ཏན་དུ་སྒྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །ཨེ་མའོ་ངོ་མཚར་ཡ་མཚན་གྱི། །སངས་རྒྱས་ཀུན་གྱི་གསང་བའི་ཐུགས། །ཆོས་ཀུན་སྤྲོ་བསྡུ་མེད་པ་ལས། སྤྲོས་དང་བསྡུས་པར་རབ་ཏུ་གྲགས། །སྤྲོས་བསྡུས་ཡོད་དང་མེད་པ་སྟེ། བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་སྨྲས་པའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་ཨ་ལ་ལ་ཧོ་ཞེས་སྒྲ་ཕྱུང་སྟེ་བྱང་ཆུབ་སེམས་ལ་བསྟོད་པ། ཨེ་མའོ་བདེ་ཆེན་ཀུན་ཏུ་བཟང་། ཨེ་མའོ་སྟོང་ཉིད་བྱང་ཆུབ་སེམས། ཨེ་མའོ་དག་པ་དྲི་མ་མེད། ཨེ་མའོ་མི་སྒྲིབ་གསལ་བ་ཆེ། །ཨེ་མའོ་མཉམ་ཉིད་དབྱེར་མེད་ཆོས། །ཨེ་མའོ་སོ་སོར་རང་རིགས་སེམས། །ཨེ་མའོ་བྱང་སེམས་ལྷུན་གྱིས་གྲུབ། །བྱང་ཆུབ་སེམས་ལ་ཕྱག་འཚལ་ལོ། །ཞེས་བསྟོད་དེ། །བཅོམ་ལྡན་འདས་ཉིད་ཁྱད་པར་དུ་གྱུར་པ་ཡང་བྱང་ཆུབ་སེམས་ཉིད་ཡིན་ཞིང་བྱང་ཆུབ་ཀྱི་སེམས་ཐུགས་སུ་ཆུད་པའོ། །བདག་ཅག་རིག་འཛིན་གྱི་ཚོགས་སུ་གྱུར་པ་རྣམས་ཀྱང་བྱང་ཆུབ་སེམས་ལ་སྨོན་པར་འཚལ། འཇུག་པར་འཚལལྡང་བར་འཚལ། གནས་པར་འཚལ་ཏེ། བདག་ཅག་ཀྱང་རང་རང་གི་སེམས་གཡོས་པར་བགྱི། རིག་པ་བགྱི། ཉེ་བར་བགྱི། ཉམས་སུ་མྱོང་བར་བགྱི་བར་འཚལ་ན། །བདག་ཅག་དེ་འདྲ་བའི་བསམ་པ་ཅན་ལ་སྙིང་རྗེ་ཆེན་པོར་དགོངས་པར་མཛད་དུ་གསོལ། །བདེབརགཤེགསཔགསོལ་པར་མཛད་དུ་གསོལ་ཞེས་གསོལ་བ་བཏབ་པ་ལས་གསང་བ་མཆོག་གི་བདག་པོས་གསོལ་པ་བཏབ་པར་ཐུགས་སུ་ཆུད་ནས་སྙིང་རྗེ་བྱང་ཆུབ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་གཉིས་སུ་མེད་པར་མངོན་པར་འདུ་མཛད་དོ། །གཉིས་སུ་མེད་པར་མངོན་པར་འདུ་མཛད་པས་བྱང་ཆུབ་སེམས་ཀྱི་སྤྱིན་གྱིས་ཐམས་ཅད་རྒྱས་པར་ཁྱབ་པར་ཏིལ་འབྲུ་མར་གྱིས་ཁྱབ་པ་བཞིན་ནོ། །དེ་ནས་ཡང་འདི་གསུངས་སོ། ཨེ་མའོ་ཡེ་ཤེས་རྣམ་དག་ཆོས། །སྣ་ཚོགས་སྣང་ཡང་རྟོག་པར་གསང་། །ངོ་བོ་ཉིད་ནི་བརྗོད་དུ་མེད། །སྣོད་མ་ཡིན་ལ་བསྟན་པ་དཀའོ། །ཨེ་མའོ་སྲིད་གསུམ་ཡེ་ནས་རྣམ་པར་དག་པའི་རང་བཞིན་ལ། །བདག་ཏུ་རྟོག་པ་སྲིད་རྩེའི་ཉེས་དམིགས་ཀྱིས། །ཡུན་རིངས་དུས་ན་འཁྱམས་པའི་འགྲོ་བ་རྣམས། །མི་མཐུན་བདེ་སྡུག་གནས་རྣམས་སོ་སོར་གཟུང་། །ལོག་རྟོག་ནོར་བའི་དབང་གིས་ཀུན་བརྟགས་ཀྱང་། །རང་བཞིན་ཉིད་ལས་མཉམ་པ་རྡུལ་ཙམ་མེད། །ཨེ་མའོ་ཡུན་རིངས་དུས་ན་རྨོངས་པའི་འགྲོ་བ་རྣམས། །ཡེ་ནས་དོན་གྱིས་སངས་རྒྱས་ཡིན་མོད་ཀྱང་། །རྨོངས་པའི་དབང་གིས་ཁོར་བའི་འཁོར་ལོར་འཁྱམས། ལོག་རྟོག་ཉིད་ལ་དངོས་མེད་བྱང་ཆུབ་སེམས། །འཁྲུལ་འཁོར་ཉིདཀྱང་མི་ཟད་རྒྱན་དུ་ཆེ། །སྙིགས་མ་ལྔ་ཉིད་བདེ་ལྡན་གནས་སུ་གསལ། །ཕུང་པོ་ལྔ་ཉིད་མངོན་པར་རྫོགས་པའི་སྐུ། །སྲིད་རྩེའི་ཉེས་དམིགས་ཉིད་ཀྱང་བྱང་ཆུབ་སྙིང་པོར་གནས། །ཕྱི་ནང་སྣོད་བཅུད་ཡབ་ཡུམ་ངང་དུ་གསལ། །ཞེས་གསུང་པས་ཆོས་ཐམས་ཅད་བྱང་ཆུབ་སེམས་སུ་གནས་སོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པའི་གློག་གི་འཁོར་ལོའི་མདོ་ལས་བྱང་ཆུབ་ཏུ་སེམས་བསྐྱེད་པའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་ཉིད་སྐུ་དང་གསུང་ཐུགས་རྡོ་རྗེ་ལས་དཀྱིལ་འཁོར་ཐམས་ཅད་འབྱུང་བར་བཞེད་ནས་བཙུན་མོ་དང་གཉིས་སུ་མེད་པར་འདུ་མཛད་དོ། །མངོན་པར་འདུ་མཛད་ནས་ཡང་དཀྱིལ་འཁོར་ཐམས་ཅད་འབྱུང་བ་རྡོ་རྗེའི་རྒྱན་ཞེས་བྱ་བའི་ཏིང་ངེ་འཛིན་ལ་ཞུགས་ཏེ། དཀྱིལ་འཁོར་ཐམས་ཅད་ཀྱི་མདོ་འདི་གསུངས་སོ། །འདུས་པའི་འཁོར་ཚོགས་རྣམས་ཉོན་ཅིག གསང་སྔགས་བྱིན་བརླབས་བསམ་ཡས་ལ། །དཀྱིལ་འཁོར་བསམ་ཡས་བརྗོད་མི་ལང་། །མདོར་བསྡུས་རྣམ་པ་གསུམ་ཡིན་ཏེ། རང་བཞིན་ལྷུན་གྲུབ་དཀྱིལ་འཁོར་དང་། ཏིང་འཛིན་གསལ་བའི་དཀྱིལ་འཁོར་དང་། བཀྲི་དྲང་རྡུལ་ཚོན་དཀྱིལ་འཁོར་ཏེ། །གསུམ་པོ་དག་ཏུ་རྒྱལ་བས་གསུངས། །ཞེས་ཆེད་དུ་གླེང་ངོ་། །དེ་ནས་སྨྲ་བའི་སེང་གེ་བྱེད་པ་པོ་ཀུན་ཏུ་བཟང་པོས་གསོལ་པ། བཅོམ་ལྡན་འདས་བདག་ཅག་རྣམས་ཀྱིས་ཆོས་ཐམས་ཅད་ནི་དཀྱིལ་འཁོར་གསུམ་དུ་བརྗོད་པར་མཐོང་ལགས་སོ། །དེ་ཡང་འདི་སྐད་ཅེས་གསོལ་པ་བཏབ་བོ། །ཨེ་མའོ་གསང་མཆོག་བདེ་བ་ཆེ། །ཡེ་ནས་ལྷུན་གྲུབ་དག་པའི་བདག །དཀྱིལ་འཁོར་ཀུན་གྱི་འབྱུང་གནས་གཙོ། །རྡོ་རྗེ་རྒྱལ་ལ་ཕྱག་འཚལ་ལོ། །ཆོས་ཀུན་ཡེ་ནས་སངས་རྒྱས་པའི། །རང་བཞིན་དག་པ་དྲི་མ་མེད། །རང་བཞིན་ལྷུན་གྲུབ་ཟབ་མོའི་དོན། །བཅོམ་ལྡན་སྙིང་པོས་བཤད་དུ་གསོལ། ཨ་ལ་ལ་ཧོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་གསོལ་བ་བཏབ་པའི་དོན་ཐུགས་སུ་ཆུད་ནས་ལྷུན་གྱིས་གྲུབ་པའི་དཀྱིལ་འཁོར་འབྱུང་བའི་རྡོ་རྗེ་རྒྱན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་ནས་ཡང་རང་བཞིན་དོན་དམ་པའི་དཀྱིལ་འཁོར་སྤྲོས་པ་དང་བྲལ་བ་འདི་གསུངས་སོ། །ཨེ་མའོ་སངས་རྒྱས་ཀུན་གྱི་བྱང་ཆུབ་སེམས། །བླ་ན་མེད་པ་རྟོགས་འགྱུར་བའི། །རྒྱལ་བས་གསུངས་པའི་ཡེ་ཤེས་གང་། །དེ་ནི་དཀྱིལ་འཁོར་སྙིང་པོ་ཡིན། །ཞེས་གསུངས་སོ། །དེ་ནས་ཡང་བཅོམ་ལྡན་འདས་གསང་བ་མཆོག་གི་བདག་པོ་དེས་རང་བཞིན་དོན་དམ་པའི་དཀྱིལ་འཁོར་གྱི་རྣམ་གྲངས་འདི་གསུངས་སོ། །དེ་ལ་འདི་ནི་སྤྱིར་བསྡུས་པའོ། །སེམས་ཅན་ཀུན་གྱི་སེམས་ཆེན་པོ། །རང་བཞིན་དག་པས་དྲི་མ་མེད། །ཕུང་པོ་ལྔ་དོན་སངས་རྒྱས་ལྔ། །འབྱུང་བ་ལྔ་དོན་དབྱིངས་ཕྱུག་ཡུམ། །ཁམས་དང་སྐྱེ་མཆེད་མང་པོ་ཀུན། །སེམས་དཔའ་སེམས་མའི་དཀྱིལ་འཁོར་ཡིན། །དེས་ན་སྲིད་གསུམ་དཀྱིལ་འཁོར་ཆེ། །ཞེས་གསུངས་སོ། །དེ་ལ་ཕུང་པོ་ལྔ་སངས་རྒྱས་ལྔའི་རང་བཞིན་དུ་གསུངས་པ་ཡང་། །སྲིད་གསུམ་སེམས་ཅན་ཐམས་ཅད་ཀྱི། ཁུ་དང་འབྲས་བུའི་གཟུགས་རྣམས་ཀུན། །ཆོས་ཀྱི་དབྱིངས་ལས་བྱུང་བས་ནདབྱེར་མེད་དོན་གྱི་གཏི་མུག་པས། །རྣམ་པར་སྣང་མཛད་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །བདེ་སྡུག་ཚོར་བའི་ཕུང་པོ་ཀུན། །མཉམ་ཉིད་དབྱིངས་ལ་སྣང་བས་ན། །ང་རྒྱལ་ཆེན་པོའི་རང་བཞིན་པས། །མྱོང་བ་རིན་ཆེན་འབྱུང་བ་ཡིན། །སྲིད་གསུམ་སེམས་ཅན་ཐམས་ཅད་ཀྱི། །ཡུལ་དང་ཤེས་པ་ཕྲ་རགས་ཀྱི། །བདེ་བའི་ཕུང་པོ་ཐམས་ཅད་ཀུན། །མ་འདྲེས་དབྱིངས་ལ་སྣང་བས་ན། །ཤེས་རབ་རླབས་ཀྱི་འདོད་ཆགས་པས། །སྣང་བ་མཐའ་ཡས་རང་བཞིན་ནོ། །སྲིད་གསུམ་སེམས་ཅན་ཐམས་ཅད་ཀྱི། །དགེ་དང་མི་དགེ་གཉིས་ཀ་མིན། །སེམས་ལ་བྱུང་དང་མ་བྱུང་བའི། །འདུ་བྱེད་ཕུང་པོ་ཐམས་ཅད་ཀུན། །སྤྲོ་བསྡུ་དབྱིངས་ལས་བྱུང་བས་ན། །རྣམ་པར་གྲོལ་བའི་ཕྲག་དོག་པས། །དོན་ཡོད་གྲུབ་པའི་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །རྣམ་སྨིན་རང་སེམས་རྣམ་རིག་པའི། ་ས་བརྒྱད་རྣམ་ཤེས་ཕུང་པོ་ཀུན། །རིག་པའི་དབྱིངས་ལ་ཤར་བས་ན། །ཞེ་སྡང་ཆེན་པོའི་ཡེ་ཤེས་པས། །རྡོ་རྗེ་སེམས་དཔའི་རང་བཞིན་ཡིན། །ཞེས་གསུངས་སོ། །དེ་ལ་འདི་ནི་ཆེན་པོ་ལྔ་དབྱིངས་ཕྱུག་ལྔའི་རང་བཞིན་དུ་གསུངས་པ། སྣོད་བཅུད་འགྲོ་བ་ཐམས་ཅད་ཀྱི། །གསལ་སྟོང་མི་སྒྲིབ་གོ་འབྱེད་པའི། །སྣང་སྟོང་ནམ་མཁའི་ཁམས་རྣམས་ཀུན། །སྟོང་ཉིད་དབྱིངས་ལ་ཤར་བས་ན། །ཐམས་ཅད་གནས་པའི་ཀློང་ཡིན་པས། །བདེ་གཤེགས་དབྱིངས་ཕྱུག་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །སྲ་བརྟན་སྐྱེད་བསྐྲུན་རྟེན་རྣམས་ཀུན། །ས་ཡི་ཁམས་སུ་གྲགས་པ་རྣམས། །མི་འགྱུར་དབྱིངས་ལ་ཤར་བས་ན། །ཐམས་ཅད་སྐྱེད་པའི་རྟེན་ཡིན་པས། །རྡོ་རྗེས་དབྱིངས་ཕྱུག་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །གྱེས་སྡུད་གཤེར་བའི་མཚན་ཉིད་ཀུན། །ཆུ་ཡི་ཁམས་སུ་གྲགས་པ་སྟེ། ཀུན་སྡུས་དབྱིངསསུ་ཤར་བས་ན། །ཡོན་ཏན་ཚོགས་ཆེན་ཀུན་སྡུད་པས། །རིན་ཆེན་དབྱིངས་ཕྱུག་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །གསལ་དྲོའི་ངོ་བོ་ཐམས་ཅད་ཀུན། །མེ་ཡི་ཁམས་སུ་གྲགས་པ་རྣམས། །སྣང་གསལ་དབྱིང་ལ་ཤར་བས་ན། །གསལ་དྲོ་སྲེག་པའི་རང་བཞིན་པས། །པདྨའི་དབྱིངས་ཕྱུག་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །ཡང་གཡོ་འདེགས་བསྐྱོད་ཐམས་ཅད་ཀུན། །རླུ་་གི་ཁམས་སུ་གྲགས་པ་སྟེ། བསྐྱོད་ཆེན་དབྱིངས་ལ་ཤར་བས་ན། །ཐོགས་མེད་ཤུགས་བསྐྱོད་རང་བཞིན་པས། །ལས་ཀྱི་དབྱིངས་ཕྱུག་རང་བཞིན་ཡིན། །ཞེས་གསུངས་སོ། །དེ་ལ་འདི་ནི་རྣམ་པར་ཤེས་པ་བཞི་བྱང་ཆུབ་སེམས་དཔའ་བཞིའིརངབཞིནདུགསུངཔ། །སྲིད་གསུམ་སེམས་ཅན་ཐམས་ཅད་ཀྱི། །ཁ་དོག་དབྱིབས་ལ་སྤྱོད་པ་ཀུན། །མིག་གི་རྣམ་ཤེས་ཞེས་སུ་གྲགས། །མཐོང་བའི་ཡེ་ཤེས་ཡིན་པའི་ཕྱིར། །ས་ཡི་སྙིང་པོའི་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །སྒྲ་རྣམས་ཀུན་ལ་སྤྱོད་པ་ཀུན། །རྣ་བའི་རྣམ་ཤེས་ཞེས་སུ་གྲགས། །ཐོས་པའི་ཡེ་ཤེས་ཡིན་པས་ན། །ལག་ན་རྡོ་རྗེའི་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །དྲི་རྣམས་ཀུན་ལ་སྤྱོད་པ་ཀུན། །སྣ་ཡི་རྣམ་ཤེས་ཞེས་སུ་གྲགས། །ཚོར་བའི་ཡེ་ཤེས་ཡིན་པས་ན། །ནམ་མཁའི་སྙིང་པོའི་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །རོ་རྣམས་ཀུན་ལ་སྤྱོད་པ་ཀུན། །ལྕེ་ཡི་རྣམ་ཤེས་ཞེས་སུ་གྲགས། །མྱོང་བའི་ཡེ་ཤེས་ཡིན་པའི་ཕྱིར། །སྤྱན་རས་གཟིགས་ཀྱི་རང་བཞིན་ཡིན། །ཞེས་གསུངས་སོ། །དེ་ལ་ཡུལ་བཞི་བྱང་ཆུབ་སེམས་མ་བཞིའི་རང་བཞིན་དུ་གསུང་པ། །སྣོད་བཅུད་འགྲོ་བ་ཐམས་ཅད་ཀྱི། ཁ་དོག་དབྱིབས་དང་མཚན་མ་ཀུན། །གཟུགས་ཀྱི་སྐྱེ་མཆེད་ཉིད་དུ་གྲགས། །མཐོང་བར་བྱ་བའི་ཡུལ་ཡིན་པས། །གཟུགས་མཛེས་ལྭ་པྱེའི་རང་བཞིན་ཡིན། །སྣོད་བཅུད་འགྲོ་བ་ཐམསཅད་ཀྱི། །ཟིན་དང་མ་ཟིན་གཉིས་ཀ་ལས། །བྱུང་བའི་སྒྲ་ཡི་ཁམས་སུ་གྲགས། །ཐོས་པར་བྱ་བའི་ཡུལ་ཡིན་པས། །ནིར་ཏུ་མ་ཡི་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །ལྷན་ཅིག་སྐྱེས་དང་སྦྱར་དང་གྱུར། །ཞིམ་དང་ང་དངདེབཞིན གཞན། །དྲི་ཡི་ཁམས་དང་སྐྱེ་མཆེད་དེ། །བསྣམ་པར་བྱ་བའི་ཡུལ་ཡིན་པས། །མྱ་ལེ་ཉིད་ཀྱི་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །ཁ་མངར་ལ་སོགས་རོ་རྣམས་ཀུན། །རོ་ཡི་སྐྱེ་མཆེད་ཉིད་དུ་གྲགས། །མྱང་བར་བྱ་བའི་ཡུལ་ཡིན་པས། །གི་ཏི་ཉིད་ཀྱི་རང་བཞིན་ཡིན། ཞེས་གསུངས་སོ། །དེ་ལ་འདི་ནི་དབང་པོ་བཞི་བྱང་ཆུབ་སེམས་དཔའ་བཞིའིརང་བཞིན་དུ་གསུངས་པ། སྲིད་གསུམ་སེམས་ཅན་ཐམས་ཅད་ཀྱི། །མཐོང་བྱེད་དང་བའི་བདག་ཉིད་དེ། །མིག་གི་ཁམས་ཞེས་བྱ་བར་གྲགས། །མཐོང་བའི་བྱ་བ་བྱེད་པའི་ཕྱིར། །བྱམས་པ་མེ་ཏྲི་རང་བཞིནཡིན། །སྲིད་གསུམ་སེམས་ཅན་ཐམས་ཅད་ཀྱི། །ཐོས་པར་བྱེད་པའི་བདག་ཉིད་དེ། །རྣ་བའི་ཁམས་ཞེས་བྱ་བར་གྲགས། །ཐོས་པའི་བྱ་བ་བྱེད་པའི་ཕྱིར། །སྒྲིབ་པ་ཀུན་སེལ་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །སྣོ་མ་བྱེད་དང་བའི་བདག་ཉིད་དེ། །སྣ་ཡི་ཁམས་ཞེས་བྱ་བར་གྲགས། །ཚོས་བར་བྱ་བ་བྱེད་པའི་ཕྱིར། །འཇམ་དཔལ་ཉིད་ཀྱི་རང་བཞིན་ཡིན། །སྲིད་གསུམ་སེམས་ཅན་ཐམས་ཅད་ཀྱི། །མྱོང་བྱེད་དག་པའི་བདག་ཉིད་དེ། །ལྕེ་ཡི་ཁམས་ཞེས་བྱ་བར་གྲགས། །མྱོང་བའི་བྱ་བ་བྱེད་པའི་ཕྱིར། །ཀུན་ཏུ་བཟང་པོའི་རང་བཞིན་ཡིན། །ཞེས་གསུངས་སོ། །དེ་ལ་དུས་བཞི་མཆོད་པའི་ལྷ་མོ་བཞིའི་རང་བཞིན་དུ་གསུངས་པ། སྣོ་ད་བཅུད་འགྲེ་་བ་ཐམས་ཅད་ཀྱི། །རྒྱུ་འབྲས་ཀུན་དུ་རྣམ་པར་སྤྱད། །སྔོ་ན་འདས་དུས་སུ་རྣམ་པར་གྲགས། །སྔོ་ན་འདས་དཔྱིད་ཀྱི་རང་བཞིན་ཡིན། །སྤོས་མེའི་རང་བཞིན་ཉིད་ཡིན་ནོ། །སྣོ་ད་བཅུད་འགྲོ་བ་ཐམས་ཅད་ཀྱི། །རྒྱུ་སྤྱད་འབྲས་བུ་མ་སྤྱད་ཀུན། །དེ་ལྟར་དབྱར་གྱི་རང་བཞིན་ཡིན། །མེ་ཏོག་ཉིད་ཀྱི་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །རྒྱུ་འབྲས་ཡོངས་ཀྱིས་མ་སྤྱད་པ། མ་འོངས་དུས་སུ་རྣམ་པར་གྲགས། །འོང་མ་རག་སྟོན་རང་བཞིན་ནི། །ཨུ་ལོ་ཀེ་ཡི་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །རྒྱུ་འབྲས་ངེས་པར་མ་ཚོགས་པ། །འབྱུང་བར་མ་ངེས་དུས་ཞེས་གྲགས། ། མ་འོངས་དགུན་གྱི་རང་བཞིན་ནི། །གན་དྷིའི་རང་བཞིན་ཡིན་པར་ངེས། །ཞེས་གསུངས་སོ། །དེ་ལ་འདི་ནི་ལུས་ཀྱི་དབང་པོ་དང་། རྣམ་པར་ཤེས་པ་དང་། ཡང་དེའི་ཡུལ་དང་དེ་ལས་བྱུང་བའི་བྱང་ཆུབ་སེམས་ཁྲོ་བོའི་བཞིའི་རང་བཞིན་དུ་གསུངས་པ། །སྲིད་གསུམ་སེམས་ཅན་ཐམས་ཅད་ཀྱི། །རེག་བྱེད་དང་བའི་བདག་ཉིད་དེ། །ལུས་ཀྱི་ཁམས་ཞེས་བྱ་བར་གྲགས། །རེག་བྱེད་བྱ་བ་བྱེད་པས་ན། །གཤིན་རྗེ་འཇོམས་པའི་རང་བཞིན་ནོ། །སྣོད་བཅུད་འགྲོ་བ་ཐམས་ཅད་ཀྱི། །རེག་བྱ་ཀུན་ལ་སྤྱོད་པ་ཀུན། །ལུས་ཀྱི་རྣམ་ཤེས་ཞེས་སུ་གྲགས། །རེག་པའི་ཡེ་ཤེས་ཡིན་པའི་ཕྱིར། །རྣམ་པར་རྒྱལ་བའི་རང་བཞིན་ཡིན། སྲིད་གསུམ་སེམས་ཅན་ཐམས་ཅད་ཀྱི། །བྱུང་དང་འབྱུང་འགྱུར་རེག་བྱ་རྣམས། །རེག་བྱའི་སྐྱེ་མཆེད་ཉིད་དུ་གྲགས། །རེག་པར་བྱ་བའི་ཡུལ་ཡིན་པས། །རྟ་མཆོག་དཔལ་གྱིརངབཞིནནོ། །སྲིདགསུམ་སེམས་ཅན་ཐམས་ཅད་ཀྱི། །ཚོགས་དྲུག་འགགགས་པའི་དེ་མ་ཐག །གོ་འབྱེད་གསལ་བའི་བདག་ཉིད་དེ། །ཡིད་ཀྱི་ཁམས་ཞེས་བྱ་བར་གྲགས། །དེ་སྤྱོད་བྱ་བ་བྱེད་པའི་ཕྱིར། །བདུད་རྩི་འཁྱིལ་བའི་རང་བཞིན་ཡིན། །ཞེས་གསུངས་སོ། དེ་ལ་འདི་ནི་ཕྱིན་ཅི་མ་ལོག་པ་བཞི་ལྷ་མོ་བཞིའི་རང་བཞིན་དུ་གསུངས་པ། སྣོད་བཅུད་འགྲོ་བ་ཐམས་ཅད་ཀྱི། །འཇིག་དང་སྐད་ཅིག་མི་རྟག་པ། རྟག་པར་མ་ཡིན་ཞེས་སུ་གྲགས། །སྒྱུ་མ་ལྷ་བུ་ཡིན་པའི་ཕྱིར། །ལྕགས་ཀྱུ་མ་ཡི་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །ཀུན་རྟོག་གཞན་དབང་མེད་མིན་པ། །ཆད་པར་མ་ཡིན་ཞེས་སུ་གྲགས། །རྨི་ལམ་ལྟ་བུར་སེམས་སྣང་ཕྱིར། །ཞགས་པ་མ་ཡི་རང་བཞིན་ཡིན། སྣོད་བཅུད་འགྲོ་བ་ཐམས་ཅད་ཀྱི། །གཟུང་འཛིན་དངོས་པོར་མ་གྲུབ་པ། །མཚན་མར་མ་ཡིན་ཞེས་སུ་གྲགས། །སྨིག་རྒྱུ་ལྟ་བུར་སེམས་སྣང་ཕྱིར། །ལྕགས་སྒྲོ་མ་ཡིན་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །སྐྱེས་བུ་བྱེད་པ་མ་གྲུབ་པ། །བདག་ཏུ་མ་ཡིན་ཞེས་སུ་གྲགས། །སྒྲ་བསྙན་ལྟ་བུའི་སེམས་སྣང་ཕྱིར། དྲིལ་བུ་མ་ཡི་རང་བཞིན་ཡིན། །ཞེས་གསུངས་སོ། །དེ་ལ་འདི་ནི་ཡིད་དང་ཆོས་གཙོ་གཟུངས་གཉིས་ཀྱི་རང་བཞིན་དུ་བསྟན་ཏེ། སྲིད་གསུམ་སེམས་ཅན་ཐམས་ཅད་ཀྱི། །ཆོས་རྣམས་ཀུན་ལ་ངེས་སྤྱོད་པའི། །ཡིད་ཀྱི་རྣམ་ཤེས་ཞེས་སུ་གྲགས། །རྟོག་པའི་ཡེ་ཤེས་ཡིན་པའི་ཕྱིར། །ཀུན་ཏུ་བཟང་པོའི་རང་བཞིན་ཡིན། །སྣོད་བཅུད་འགྲོ་བ་ཐམས་ཅད་ཀྱི། །འདུས་བྱས་མ་བྱས་ཆོས་རྣམས་ཀུན། །ཆོས་ཀྱི་སྐྱེད་བྱེད་ཡིན་པར་གྲགས། །རྣམ་པར་ཤེས་པའི་ཡུལ་ཡིན་པས། །ཀུན་ཏུ་བཟང་མོའི་རང་བཞིན་ཡིན། །དེ་ལ་སོགས་ཏེ་མཐའ་ཡས་མཆོག །ཆོས་དབྱིངས་མཉམ་དང་མི་མཉམ་པ། །ནམ་མཁའི་ཁམས་ཀྱི་མཐའ་ཀླས་པ། །ཇི་སྙེད་རྣམ་གྲངས་ཡོད་པའི་ཆོས། །ཀུན་ཀྱང་ཕྱག་རྒྱའི་རང་བཞིན་པས། །རང་བཞིན་དཀྱིལ་འཁོར་ཆེན་པོ་ཡི། །རྣམ་གྲངས་ཡིན་པར་རྒྱལ་བས་གསུངས། །ཞེས་ཆེས་དུ་བརྗོད་པ་གསུངས་སོ། །དེ་ནས་ཡང་བཅོམ་ལྡན་འདས་གསང་བ་མཆོག་གི་བདག་པོ་དེས་རང་བཞིན་ཀུན་རྫོབ་ཀྱི་དཀྱིལ་འཁོར་འདི་གསུངས་སོ། །ཀུན་རྫོབ་མཚན་མའི་གནས་ཆེན་ཀྱང་། །འོག་མིན་བླ་མིན་གནས་མཆོག་གམ། །ལྕང་ལོ་ཅན་ནམ་བདེ་བ་ཅན། །པདྨ་ཅན་ལ་སོགས་པ་ཡི། །རང་བཞིན་ལྷུན་གྲུབ་དཀྱིལ་འཁོར་དེ། །མཚན་མའི་རྣལ་འབྱོར་ངོ་ལ་སྣང་། །དེ་ཡང་ཇི་ལྟ་བུ་ཞེ་ན། མཁའ་འམ་ཡིད་ཀྱི་ནམ་མཁའ་ལ། །འབྱུང་ཆེན་བརྩེགས་པའི་ལྷུན་གྱིས་གྲུབ། །དེ་སྟེང་རིན་ཆེན་སྣ་བཞི་ལས། །ལྷུན་གྱིས་གྲུབ་པ་ཚད་དཔག་མེད། །དེ་ལ་བརྟེན་པའི་ས་གཞི་ནི། །རིན་ཆེན་སྣ་ཚོགས་གཅལ་དུ་བཀྲམ། །མནན་ནེམ་བཏེག་འཕར་མཛེས་པའི་གཞི། །དེ་ལ་ཕོ་བྲང་གཞལ་མེད་ཁང་། །གྲུ་བཞི་ལྷམ་པ་མཛེས་པར་སྣང་། །རིནཆེནསྣབཞིའིརྒྱུལས་གྲུབ། །གློ་འབུར་བཞི་ཡང་མཁར་ཐབས་ཚུལ། །བུམ་པའི་རྩེ་མོ་ཆོས་ཀྱི་ཏོག །རྨ་བྱའི་མདོངས་དག་ལྡན་པའོ། །སྒོ་བཞི་སྒོ་ཁྱུད་བཞི་དང་ལྡན། །རྟ་བབས་བརྒྱད་དང་ཡང་དག་ལྡན། །དབུས་ན་འཁོར་ལོ་རྩིབས་བཞི་པ། །ལྟེ་བར་བཅས་ཤིང་རྩིབས་སྟེན་ལྡན། །གྲུ་ཆད་བར་ཁྱམས་མཛེས་པར་ལྡན། །རིན་ཆེན་འོད་ཟེར་འབར་བས་འཁྲིགས །སེམས་ཅན་པདྨ་ཉི་ཟླ་དང་། རིན་ཆེན་འབར་བའི་གནས་མཆོག་ལྡན། །རིན་ཆེན་ཁྲི་རྐང་རྣམ་རྟེན་ལྡན། ཕོ་བྲང་དེ་ཡི་གདན་མཆོག་ཀྱང་། །ཉི་ཟླ་ནོར་བུ་རིན་ཆེན་འབར། །བླ་རེ་རྒྱལ་མཚན་ན་བཟའ་གདུགས། །དར་དང་བ་ར་མུ་ཏིག་ཕྲེང་། །དྲིལ་བུ་དང་ནི་རྔ་ཡབ་སོགས། །རོལ་མོའི་ཆ་བྱད་སྣ་ཚོགས་བརྒྱན། །འཇིག་རྟེན་ལྷ་ཚོགས་མཛེས་པ་དང་། དེ་ལ་སོགས་ཏེ་རྒྱན་རྣམས་ཀྱང་། །བསམ་གྱི་མོ་ཁྱབ་མཐའ་ཡས་མཆོག །གཞལ་ཡས་དེ་ཡི་སྒོ་བཞི་ན། །གླང་སེང་རྣམས་ཀྱིས་མཛེས་པར་བྱས། །རྟ་བབས་རྣམས་ཀྱི་ཙོང་ཙོང་དང་། །གསེར་གྱི་དྲིལ་བུ་འབར་བ་དག །དཀོན་མཆོག་གསུམ་གྱི་མཚན་ཡང་སྒྲོགས། །སྒོ་དྲུང་དེ་དག་རེ་རེ་ན། །ཏ་ལའི་སྐྱེད་ཤིང་ཙོང་ཙོང་འཁྲིལ། །དྲི་དང་གཟུགས་དང་འོད་དུ་ལྡན། །ཏ་ལའི་སྐྱེད་ཤིང་དེ་དག་ལ། །ཁུ་བྱུག་ལ་སོགས་བཀྲ་ཤིས་པའི། །བྱ་རྣམས་སྙན་པའི་སྐད་ཀྱང་འབྱིན། །སྒོ་དྲུག་དེ་དག་རེ་རེ་ན། །ཁྲུས་ཀྱི་རྫིང་བུ་དབྱིབས་ལེགས་པ། །བློ་མཆོག་ཡན་ལག་ལྡན་པའི་ཆུ། །གྲངས་མེད་དེ་དག་རེ་རེ་ནལྷ་དང་ལྷ་མོ་བསམ་མི་ཁྱབ། །ཕྱི་རོལ་ཁོ་ར་ཁོར་ཡུག་ན། །རྩེ་ས་འཆགས་ས་བརྗོད་མི་ལང་། །དེ་ལ་སོགས་པ་བསམ་ཡས་མཆོག །མ་བཙལ་ཡེ་ནས་ལྷུན་གྱིས་གྲུབ། །ལྷ་མཆོག་རྣམས་ཀྱི་བསོད་ནམས་ཀྱིས། །རྒྱུ་ལས་གྲུབ་པར་རྒྱལ་བས་གསུངས། །ཕོ་བྲང་དེ་ན་གནས་པ་ཡི། །ཡེ་ཤེས་ལྷ་ཚོགས་མང་པོ་རྣམས། །གཙོ་གཟུངས་ཟུང་དུ་འཁྲིལ་བ་སྟེ། དབུས་ཀྱི་ཕོ་བྲང་སྙིང་པོ་ལ། །རྣམ་པར་སྣང་མཛད་སྙིང་པོ་ཆེ་།་ ་།་འཛམ་བུ་ན་དའི་གསེར་འོད་འདྲ། །རང་རྟགས་ལག་ན་འཁོར་ལོ་བསྣམས། །དཔའ་བོ་དེ་ཡི་སྤྱན་སྔ་ན། །རྡོ་རྗེ་སེམས་དཔའི་རྒྱ་ཆེན་ཡང་། །དུང་དང་ཤེལ་གྱི་ཁ་དོག་འདྲ། །རག་རྟགས་ལག་ན་རྡོ་རྗེ་འཛིན། །གཡས་སུ་རིན་ཆེན་འབྱུང་ལྡན་ཏེ། བི་ཌརུ་ཡི་ཁ་དོག་འདྲ། །རང་རྟགས་རིན་ཆེན་ཟུར་བརྒྱད་འཛིན། །རྒྱབ་ན་སྣང་བ་མཐའ་ཡས་གཙོ། །པདྨ་རྭ་གའི་མདོག་འདྲ་ཞིང་། །རང་རྟགས་པདྨ་དམར་པོ་འཛིན་། །གཡོན་དུ་དོན་ཡོད་གྲུབ་པ་སྟེ། ཨིན་ཏྲ་ནི་ལ་ལྗང་གུའི་མདོག །རང་རྟགས་ཕྱག་ན་རལ་གྲི་འཛིན། །ཀུན་ཀྱང་ཞི་བའི་ཆ་ལུགས་ཏེ། །ཐོར་ཚུགས་རིགས་ལྔ་དབུ་ལ་བརྒྱན། །རྫོགས་པའི་སྐྱིལ་སྐྲུང་ཚུལ་དུ་བཞུགས། །དོ་ཤལ་དཔུང་རྒྱན་སེ་མོ་དོ། །ཕྱག་གདུབ་སྙན་ཆས་ཀུན་ལ་མཛེས། །མཚན་དང་དཔེ་བྱད་ཡང་དག་རྫོགས། །དེ་དག་གི་ནི་གཡོན་རོལ་ན། ཀུན་དུ་བཟང་དང་ལོ་ཙ་ན། །མྱ་མ་གོས་དཀར་སྒྲོན་མ་རྣམས། །གཡས་པས་ཐབས་ཀྱི་གཙོ་ལ་འཁྱུད། །གཡོན་པས་རང་རྟགས་དྲིལ་བུ་འཛིན། །སྐུ་མདོག་ཆ་ལུགས་ཡབ་དང་འདྲ། །འཁོར་ལོ་རྩིབས་ལ་ལྷུན་གྱིས་གྲུབ། །སྤྱན་སྔའི་གློ་འབུར་མཛེས་པ་ལ། །ལག་ན་རྡོ་རྗེ་སྔོ་སྐྱའི་མདོག །རང་རྟགས་རྡོ་རྗེ་རྩེ་གསུམ་འཛིན། །གཡས་ན་ས་ཡི་སྙིང་པོ་སྟེ། ལྗང་སྔོན་རིན་ཆེན་མྱུ་གུ་འཛིན། །རྒྱབ་ཏུ་ནམ་མཁའི་སྙིང་པོ་སྟེ། །མཐིང་ག་རང་རྟགས་རལ་གྲི་འཛིན། །གཡོན་དུ་མཛེས་པའི་བློ་འབུར་ལ། །སྤྱན་རས་གཟིགས་དབང་དམར་སྐྱ་སྟེ། རང་རྟགས་པདྨ་དཀར་པོ་འཛིན། །ཐོར་ཚུགས་ཡེ་ཤེས་སེམས་དཔས་བརྒྱན། །སེམས་དཔའི་སྐྱིལ་མོ་ཀྲུང་དུ་བཞུགས། །རྒྱན་དང་ཆ་ལུགས་ཀུན་གྱི་བརྒྱན། དེ་དག་གི་ནི་གཡོན་རོལ་ན། །གར་དང་སྒེག་མོ་ཕྲེང་བ་དབྱངས། །གཡས་པས་ཐབས་ཀྱི་གཙོ་ལ་འཁྱུད། །གཡོན་པ་གགར་དང་མེ་ལོང་ཕྲེང་། །པི་ཝང་འཛིན་ཅིང་ཆ་ལུགས་གཞན། །གཙོ་བོ་ཉིད་ཀྱང་མཐུན་པ་ཡིན། །མཛེས་པའི་གྲུ་ཆེན་རྣམས་ལ་ནི། །བྱམས་པ་མི་ཏྲི་དཀར་བ་སྟེ། མཛེས་པའི་ཀླུ་ཤིང་འ་་བསྣམས། ཁྲར་ལྷོ་མཚམས་ཀྱི་གྲུ་ཆད་ལའོ། །སྒྲིབ་པ་རྣམ་སེལ་མཐིང་ག་སྟེ། །ཆོས་ཀྱི་འཁོར་ལོ་འཛིན་པ་སྟེ། །ལྷོ་ནུབ་མཚམས་སུ་མཛེས་པར་གནས། །འཇམ་དཔལགཤོནནུདམརསྐྱའི་མདོག །རང་རྟགས་ཨུཏུལ་མཐིང་ག་འཛིན། །ནུབ་བྱང་མཚམས་སུ་མཛེས་པར་གནས། །ཀུན་ཏུ་བཟང་པོ་ལྗང་སེར་མདོག །རང་རྟགས་རིན་ཆེན་སྙེམའཛིན། །བྱང་ཤར་མཚམས་ཀྱི་གྲུ་ལ་གནས། །དེ་དག་གི་ནི་གཡོན་རོལ་ན། །སྤོས་དང་མེ་ཏོག་བདུག་པ་དྲི། །གཡས་པ་ཐབས་ཀྱི་གཙོ་ལ་འཁྱུད། །གཡོན་པ་རང་རྟགས་འཛིན་པའོ། །ཆ་ལུགས་ཐམས་ཅད་སྔ་མ་བཞིན། །སྒོ་ཁྱུད་རྣམས་ལ་འཇོམས་པ་ནི། །གཤིན་རྗེ་གཤེད་པོ་མཐིང་ནག་འབར། །ནིར་མགོ་གདེངས་པ་ལག་མཚན་ཐོགས། ཁྲར་གྱི་སྒོ་ནི་རྣམ་པར་གནས། །རྣམ་པར་རྒྱལ་བ་སེར་ནག་འབར། །རྡོ་རྗེས་གནོད་པ་ལྷོ་སྒོར་རོ། །རྟ་མགྲིན་དམར་ནག་འབར་བ་སྟེ། ཐོད་སྦྲུལ་ཐོགས་པ་ནུབ་སྒོར་གནས། །བདུད་རྩི་འཁྱིལ་བ་ལྗང་ནག་འབར། །རྒྱ་གྲམ་གྱིས་གནོན་བྱང་གི་སྒོར། སྟང་སྟབས་ཚུལ་དུ་རབ་ཏུ་གནས། །དུར་ཁྲོད་རྒྱན་གྱིས་རྣམ་པར་བརྒྱན། །རྣམ་པར་གཙིགས་ལ་འཇིགས་འཇིགས་ལྟ། །མེ་དཔུང་འབར་བའི་ཀློང་དུ་འཁྱིལ། །ཧཱུཾ༷་དང་ཕཊ་གྱི་སྒྲ་ཆེན་སྒྲོགས། །དེ་དག་གི་ནི་གཡོན་རོལ་ན། །གཤེད་མོ་དང་ནི་རྒྱལ་མ་དང་།རྟ་མགྲིན་མོ་དང་འཁྱིལ་མོ་རྣམས། །ལག་མཚན་ལྕགས་ཀྱུ་ཞགས་པ་དང་། སྒྲོག་དང་དྲིལ་བུ་ཐོགས་ཤིང་རྔམ། །ཆ་ལུགས་འཇོམས་པ་དག་དང་འདྲ། །སྒོ་ཁྱུད་དག་ཏུ་ལྷུན་གྱིས་གྲུབ། །མཛེས་པའི་བར་ཁྱམས་དེ་ཉིད་ལ། །སྤྲུལ་སྐུཐུབཔཆེནམོདྲུག །ཅིའདུལ་ཐབས་ཀྱི་སྐུར་སྟོན་པས། ཆ་ལུགས་མ་ངེས་འདུལ་བར་སྟོན། །མཛེས་པའི་བར་ཁྱམས་དེ་ཉིད་ལས། །མདུན་དང་རྒྱབ་གྱི་ཕྱོགས་རོལ་ལ། །བྱེད་པ་པོ་དང་བྱ་བ་མོ།ནམ་མཁའ་ཡི་ནི་མདོག་འདྲ་ལ། །ཏིང་ངེ་འཛིན་དུ་ལྡན་པར་གནས། །དེ་ལ་སོགས་རེ་མཐའ་ཡས་མཆོག །བརྗོད་མེད་རྗོད་དུ་མེད་པ་ཡི། །ལྷ་ཡི་ཚོགས་ཀྱིས་གང་བར་གནས། །དཀྱིལ་འཁོར་བསམ་ཡས་ལྷུན་གྱིས་གྲུབ། །ལྷ་ཡི་ཚོགས་ཆེན་དེ་དག་གི །ཐུགས་ཀར་ཡེ་ཤེས་སེམས་དཔའ་གནས། །ཚོན་གང་འོད་དང་བཅས་པའོ། །ལྗང་ལ་རང་རྟགས་ཡི་གེ་རྣམས། །རང་རྟགས་ཕྱག་རྒྱའི་སྟེང་དུ་གསལ། །དེ་ལྟའི་སྐུ་མཆོག་རེ་རེ་ལ། །ཚུལ་དགུ་དག་དང་ལྡན་པ་སྟེ། མཉེན་དང་ལྕུག་དང་འཁྲིལ་བག་དང་། ལྡེམ་བག་ཆགས་དང་གཞོན་ཚུལ་ཅན། །གསལ་དང་འཚེར་དང་ལྷུན་སྟུག་དང་། གཟི་བརྗིད་འབར་བར་རབ་ཏུ་གནས། །དེ་ལྟར་རང་བཞིན་དཀྱིལ་འཁོར་ནས། །ཕྱི་རབས་སྔགས་འཆང་རྣལ་འབྱོར་པས། །སྤྱན་དྲངས་མཆོད་པ་དབུལ་བའི་འོས། །ཞེས་གསུངས་པས་ཆོས་ཐམས་ཅད་རང་བཞིན་གྱི་དཀྱིལ་འཁོར་དུ་ལྷུན་གྱིས་གྲུབ་བོ། །དེ་ནས་སྨྲ་བའི་སེང་གེ་ལ་སོགས་པའི་འདུས་པའི་འཁོར་ཚོགས་རྣམས་རང་རང་གི་བསམ་པ་རངས་པར་གྱུར་ཏེ། ཨ་ལ་ལ་ཞེས་བྱ་བའི་སྒྲ་ཕྱུང་ནས་མགྲིན་གཅིག་ཏུ་ཆེད་དུ་བརྗོད་པ་འདི་བརྗོད་དོ། །ཨ་ཧོ་དམིགས་དང་མི་དམིགས་བརྟན་གཡོ་ཆོས་ཀུན་ལྷུན་གྲུབ་དཔག་མི་ལང་། །རང་རིག་ཡོན་ཏན་དཔག་མེད་བསམ་ཡས་མང་པོ་དེ་ཀུན་བརྗོད་མི་ལང་། །གསང་སྔགས་རྒྱ་མཚོ་ཐུགས་རྗེ་བསམ་ཡས་བསམ་ཁྱབ་ཇི་སྙེད་དཔག་མི་ལང་སྤྲུལ་པ་རྒྱལ་མཚོ་གང་གའི་བྱེ་སྙེད་འགྲོ་བ་ཆོས་སྟོན་ཞིང་ཁམས་ཁྱབ་ཅེས་ཆེད་དུ་བརྗོད་པ་ཆེད་དུ་བརྗོད་དོ། །ལེའུ་སྟེ་ལྔ་པའོ།། །།རང་བཞིན་གྱི་དཀྱིལ་འཁོར་བསྟན་པའོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་མི་གཡོ་བ་རྣམ་པར་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཏིང་ངེ་འཛིན་གྱི་དཀྱིལ་འཁོར་འདི་གསུངས་སོ། །འདུས་པའི་འཁོར་ཚོགས་རྣམས་ཆོས་ཐམས་ཅད་ཏིང་ངེ་འཛིན་གྱིས་དབང་བསྒྱུར་དུ་རུང་བ་ཙམ་དུ་རྟོགས་ཤིག །དེ་ཅིའི་ཕྱིརེ་ཞེ་ན། ཆོས་ཐམས་ཅད་ནི་ཏིང་ངེ་འཛིན་ཇི་ལྟར་འདོད་པ་དེ་ལྟར་དབང་བསྒྱུར་བའོ། །འདུས་པའི་འཁོར་ཚོགས་འདི་ལྟ་སྟེ་།་ ་།་གསང་སྔགས་ཡ་མཚན་ཆེན་པོ་འདི། །ཏིང་འཛིན་དཀྱིལ་འཁོར་བསམ་ཡས་ཀྱང་། །མདོར་བསྡུས་རྣམ་པ་གསུམ་ཡོད་དེ། །བསྒོམ་པའི་ཏིང་འཛིན་དཀྱིལ་འཁོར་དང་། བསྐྱེད་དང་ལྷག་པའི་ཏིང་འཛིན་ནོ། །ཐོག་མའི་རྣལ་འབྱོར་ཉིད་བསྒོམས་ཏེ། །དཀྱིལ་འཁོར་ཡིན་པར་རྒྱལ་བས་གསུངས། །དེ་ཡང་་ཇི་ལྟར་བསྒོམ་ཞེ་ན། །ཏིང་ངེ་འཛིན་ཀྱང་རྣམ་གསུམ་སྟེ། དང་པོར་དེ་བཞིན་ཉིད་ཀྱི་དང་། །དེ་བཞིན་ཉིད་ལ་གནས་བཅའི་ཕྱིར། །སྟོང་པ་ཆེན་པོའི་ཏིང་འཛིན་བསྒོམ། །གཉིས་པ་ཀུན་སྣང་ནམ་མཁའི་ངང་། །སྙིང་རྗེ་ཡུམ་གྱི་ཁྱབ་པའི་ཕྱིར། །མཚམསསྦྱོརཆེནཔོའིཏིངའཛིན་བསྒོམ། །གསུམ་པ་རང་གི་ས་བོན་ནམ། །རབ་ཏུ་བརྟན་པའི་ཡིག་འབྲུ་ཨ། །དེ་ལས་ཕྲ་མོ་ཨ་འཕྲོས་འདུས། །སྤྲོས་ཤིང་བསྡུས་ཀྱང་འཕེལ་འགྲིབ་མེད། །དེ་ལས་བདག་ཉིད་ཆེན་པོར་བསྒོམ། །མ་ལུས་ཐམས་ཅད་རྫོགས་པར་གསལ། །རྒྱས་བཏབ་བྱིན་བརླབས་དབང་བསྐུར་བས། །རྩ་བའི་དཀྱིལ་འཁོར་བར་དུ་རྫོགས། །དེ་བཞིན་དབྱིངས་ལས་ཤར་བས་ན། །བདག་ཉིད་ཆེན་པོ་གཡོན་དུ་སྟེ། མཁའ་དབྱིངས་རྡོ་རྗེ་པཟློར་ལྡན། །དེ་ནི་བསྒོམ་པའི་དཀྱིལ་འཁོར་ཡིན། །སྐྱེད་པ་ཡང་ནི་འདི་ནི་འདི་ལྷ་སྟེ། ལྷ་ཚོགས་བདག་གི་སྲས་སུ་སྐྱེད། །དེ་ནས་བསྐྱེད་པའི་དཀྱིལ་འཁོར་ཡིན། །དེ་ཡང་ཇི་ལྟར་བསྐྱེད་ཅེ་ན། །ཐོག་མར་ཡབ་ཡུམ་མཁའ་རྣམ་གཉིས། །རྡོ་རྗེ་པདྨར་བྱིན་གྱིས་བརླབ། །གཉིས་མེད་དགྱེས་པར་འཁྲིལ་བ་ལས། །བྷ་གའི་དཀྱིལ་དུ་ལིང་ཀ་ཨ། །འཕྲོ་འདུ་དབྱིངས་སུ་ཐིམ་པ་ལས། །དབང་ཆེན་ས་བོན་འབྲུ་ལྔར་གྱུར། །ཨེ་ཡི་བོ༷་སུ་ཧཱུཾ༷། ཨེ་ཉིད་འདུས་པས་ནམ་མཁར་གསལ། །ཡི༷་ལས་རླུད་གི་དཀྱིལ་འཁོར་བསྐྱེད། །རྦ༷་ལས་བདུད་རྩིའི་རྒྱ་མཚོར་བསྐྱེད། །སུ་ལས་གསེར་གྱི་བྲིས་མར་བསྐྱེད། །ཐྲུ༷་ལས་རི་རབ་གཞལ་མེད་ཁང་། །དབྱིབས་དང་ཁ་དོག་ཚད་དཔག་མེད། །འཁོར་ལོའི་གདན་དང་རོལ་མོའི་ཚོགས། །རང་བཞིན་ཀུན་རྫོབ་ཅི་འདྲ་བའོ། །དེ་རུ་ལྷ་ཚོགས་བསྐྱེད་པ་ནི། །བརྟན་འབྱུང་མཐའ་ཡི་ཡི་གེ་ཨ། །འཕེལ་འགྲིབ་མེད་པར་གནས་པ་སྟེ། །གཉིས་མེད་དགྱེས་པའི་འཕྲོ་འདུ་ལ། །བཞི་བཅུ་རྩ་གཉིས་འོད་དུ་ཤར། །ཀ་ཁ་ག་བྷ་ང། ཙ་ཚ་ཛ་སྙོ་ཉ། ཊ་ཋ་ཌ་བྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ཝ་ར་ལ། ཤ་ཥ་ས་ཧ། ཀྟ། ཨི་སྙི་ཨུ་ལྐུ་ཨེ་ཨེ་ཨོ་ཨོ། གསུང་གི་དཀྱིལ་འཁོར་བཞི་བཅུ་གཉིས། །སྤྲོ་བསྡུ་གསལ་བར་གྱུར་པ་ལས། །ཐུགས་མཚན་བཞི་རྩ་གཉིས་འབར། །དེ་ལས་མངོན་རྫོགས་སྐུར་གསལ་བ། །ཋ་ལ་སོགས་པའི་ཡིག་འབྲུ་ལྔ། །ཕུང་པོ་ལྔ་ཡི་ས་བོན་ཡིན། །ཐ་ལ་སོགས་པ་འབྱུང་བ་ལྔ། །བསྐྱེད་པའི་ས་བོན་ཡིན་པར་གྲགས། ། ཀ་ལ་སོགས་པའི་ཡིག་འབྲུ་ལྔ། །རྣམ་ཤེས་ལྔ་ཡི་ས་བོན་ཡིན། །ཙ་ལ་སོགས་པའི་ཡིག་འབྲུ་ལྔ། །མིག་གི་ཁམས་ལ་སོགས་པ་ལྔ། །པ་ལ་སོགས་པའི་འབྱུང་བ་ལྔ། །གཟུགས་སོགས་སྐྱེ་མཆེད་རྣམ་ལྔའི་ཡིན། །ཡ་ལ་སོགས་པའི་ཡིག་འབྲུ་བཞི། །དུས་བཞི་ས་བོན་རབ་ཏུ་གྲགས། ཁྲ་ལ་སོགས་པའི་ཡིག་འབྲུ་བཞི། །ཕྱིན་ཅི་མ་ལོག་དུས་བཞིར་བཤད། །ཨི་ལ་སོགས་པའི་ཡིག་འབྲུ་དྲུག །རྡུལ་སྙེད་ཐུབ་པ་དྲུག་ཏུ་བཤད། །ཨོ་ནི་ཡིད་ཀྱི་ཁམས་ཡིན་ཏེ། །ཀྟ་ནི་ཡིད་ཀྱི་རྣམ་ཤེས་ཁམས། །ཨོ་ནི་ཆོས་ཀྱི་ཁམས་སུ་བཤད། །སོ་སོ་ཐུགས་མཚན་གསལ་བ་ལས། །ས་བོན་རྣམས་ཀྱིས་མངོན་རྫོགས་བསྐྱེད། ཨོ་ཧཱུཾ༷་བཛྲ་དྷིཀ གྲྭ་རཏྣ་དྷིཀ ཨོ་ཨུ་རོ་ལིཀ ཧྭ་པྲཙྭ་དྷིཀ ཧཱུཾ༷་དྷཏི་ཤྭ་རི། གོ༷་དེ་ཥ་ར་ཏི། སྟོ༷་མོ་ཧྭ་ར་ཏི། བཱ༷་རྭ་ག་ར་ཏི། ཧཱུཾ་བཛྲ་ར་ཏི། ཁྱི་ཧི་རྭ་ཛ་ཡ། ཧཱུཾ༷་ཨུ་གསྟེ་ཨ༷༷ སྙི༷༷ཧ་ཧཱུཾ༷་པདྨ། ཛི་ཀུ་རུ་པ་སྣོ་དྷི༷༷ ཧཱུཾ༷་ལྭ་པྱེ། ཉི༷་བཱ་ལེ། སྙི༷༷གི་ཏི་ཨ་སྤོ་ཏུ། མེ་དྷ་ར་ནི། སྣྲི་ནི་སྭ་ར༷་བྷ་ཡ། རླུ་ཤི་ཨུ་རྭ་ག་ཡ། ཛ༷༷དྷ་པ༔ ཧཱུཾ༷་པྲཔོ པེ་དི་པ། ཧོ༷༷གརྙེ། ཧཱུཾ༷་ཡ་མུརྙ་ཀྲི་ཏ། ཧཱུཾ༷་པདྷ༷་ཏ་ཀྲི་ཏ། ཧཱུཾ༷་བི་སྣན་ཏ་ཀྲི་ཏ། ཛ༷༷ བཛྲ་ཀྲོ་དྷི། ཧཱུཾ༷་རཏྣ་ཀྲོ་དྷི། བ༷་པདྨ་ཀྲོ་དྷི། ཧོ༷༷ཀརྨ་ཀྲོ་དྷི། ཧཱུཾ༷་བཛྲ་ཙིསྟ། ཨ་བཛྲ་ས་མ་ཡ༔ མུ་ནེ་ཀྲི། མུ༷་ནེ་སྲུ༷། མུ་ནེ་ཏྲ༷། སྐྲུ་ནེ་བྲ༷། མུ་ནེ་ཀྟ། མུ་ནེ་ཡེ། དེ་ལྟར་སོ་སོའི་སྙི་པོ་ཡིས། །མངོན་རྫོགས་སྐུར་ནི་གསལ་བ་དང་། ཡེ་ཤེས་ལྔ་ཡི་དབང་བསྐུར་ཏེ། །སྐུ་སུང་ཐུགས་སུ་བྱིན་གྱིས་བརླབ། །མོ་མ་ཧྭ་ཤཱ་རྒྱ་ཏྭ་ཙྭ་ན་བཛྲ་སྲ་བྷ་བ་ཨུཏྣ་ཀོ྅ཧ༷། ཨོ་མ་ཧྭ་ཨུ་དརྙ་ཙྭ་ན་བཛྲ་སྭ་བྷ་ཝ་ཨུཏྣ་ཀོ྅ཧ༷། ཨོ་མ་ཧྭ་ས་མརྙ་ཙྭ་ན་བཛྲ་སྭ་བྷ་བ་ཨུཏྣ་ཀོ྅ཧ༷། ཨོ་མ་ཧྭ་པྲ་ཏུ་བེཀྟ་ཎའ་ཙྭ་ན་བཛྲ་སྭ་བྷ་བ་༷ཨུཏྣ་ཀོ྅ཧ༷། ཨོ་མ་ཧྭ་ཀྲི་ཏུ་ཞུསྐོ་ན་ཙྭ་ན་བཛེ་སྭ་བྷ་བ་ཨུཏྣ་ཀོ྅ཧ༷། ཨོ་སརྦ་ཏ་ཐུ་ག་ཏ་ཀྭ་ཡ་བཛྲ་སྭ་བྷ་བ་ཨུཏྣ་ཀོ྅ཧ༷། ཨོ་སརྦ་ཏ་ཐུ་ག་ཏ་བཱཀ་བཛྲ་སྭ་བྷ་བ་ཨུཏཱ་ཀོ྅ཧ༷། ཨོ་སརྦ་ཏ་ཐུ་ག་ཏ་ཙིརྟི་བཛྲ་སྭ་བྷ་བ་ཨུཏྣ་ཀོ྅ཧ། ཨོ་སརྦ་ཏ་ཐུ་ག་ཏ་པྱུ་ཛ་བཛྲ་སྭ་བྷ་བ་ཨུཏྣ་ཀོ྅ཧ༷། དེ་ལྟར་རྫོགས་པའི་སངས་རྒྱས་རྣམས། །སྐུ་མཆོག་ཐུགས་མཚན་བཞུགས་ཚུལ་དང་། །ཐོར་ཚུགས་ལ་སོགས་ཆ་ལུགས་ཀུན། །རང་བཞིན་ཀུན་རྫོབ་དཀྱིལ་འཁོར་འདི། །རྣལ་འབྱོར་རིག་པའང་རྩལ་ཡིན་ཏེ། །ནམ་མཁའི་དབྱིངས་ཀྱི་དབུས་སུ་བསམ། །ཡང་ན་གཟུགས་བརྙན་དཀྱིལ་འཁོར་ལའོ། །ལྷག་པའི་ཏིང་འཛིན་ཞེས་བྱ་བ། །དེ་ལྟར་གསལ་བའི་རྣམ་པ་ཀུན། །ཡུམ་གྱི་མཁའ་ལས་གསལ་བར་བསྒོམ། །རྣལ་འབྱོར་རིག་པའི་ཁྱད་པར་རོ། །ཞེས་སུངས་པས་འདུས་པའི་འཁོར་ཚོགས་ཐམས་ཅད་ཀྱིས་ཆོས་ཐམས་ཅད་ཏིང་ངེ་འཛིན་གྱིས་དབང་བསྒྱུར་བར་མཐོང་ངོ་། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་ཏིང་ངེ་འཛིན་གྱི་དཀྱིལ་འཁོར་རྣམ་པར་ཕྱེ་བའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོས་གཟུགས་བརྙན་ལྟ་བུ་རྣམ་པར་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ལས་དང་པོ་པའི་རྣལ་འབྱོར་པ་ཡིད་ཆེས་པར་བྱ་བའི་ཕྱིར་འདུས་པའི་འཁོར་ཚོགས་རྣམས་ལ་བཀའ་སྩལ་པ། འདུས་པའི་འཁོར་ཚོགས་རྣམས་ཆོས་ཐམས་ཅད་ནི་གཟུགས་བརྙན་ལྟ་བུའི་རྣམ་པ་ཡིན་པར་ཤེས་པར་བྱའོ། །དེ་ཅིའི་ཕྱིར་ཞེ་ན། །ཆོས་ཐམས་ཅད་ནི་གཟུགས་བརྙན་ལྟ་བུའི་རྣམ་པར་སྣང་ཞིང་དེ་ལས་མ་འདས་པའི་ཕྱིར་རོ་།་ ་།་དེ་བས་ན་གཟུགས་བརྙན་གྱི་དཀྱིལ་འཁོར་ཅི་འདྲ་བར་བྱ་ཡིས་ཉོན་ཅིག །དེ་ལ་འདི་ནི་རྒྱུད་ཀྱི་རྣམ་གྲངས་སོ། །མི་ཤེས་པ་ཡི་འགྲོ་བ་ལ། །མཚོན་པས་གསལ་བའི་དོན་སྟོན་ཕྱིར། གཟུགས་བརྙན་དཀྱིལ་འཁོར་བཤད་པར་བྱ། །དེ་ཡང་ཇི་ལྟ་བུ་ཞེ་ན། །བརྟན་ཞིང་མཛེས་པའི་ཁང་བུ་ལ། །འཇམ་པོར་ཞལ་ཞལ་བྱས་ནས་ནི། ཁ་དོག་ལྔ་ཡི་གཟུགས་བྲིས་པ། །དེ་ཡང་དངོས་གྲུབ་རྟེན་དུ་བཤད། །རས་སམ་གྲོ་གའམ་ཤིང་ཤུན་ནམ། །ཏ་ལའི་ལོ་མའམ་དུར་ཁྲོད་རས། །ཞིང་ཆེན་རས་ལ་སོགས་པ་ལ། །ཕྱག་རྒྱའི་གཟུགས་སུ་བྲིས་ན་ཡང་། །མཚན་མ་འབྱུང་བའི་རྟེན་དུ་བཤད། །རྡོ་དང་ཤེལ་རྡོ་ལ་སོགས་དང་། །དུང་ངམ་བ་སོའི་རྒྱུ་ལས་ནི། །ཕྱག་རྒྱའམ་གཟུགས་སུ་འབུར་གཏོད་ནས། །དེ་ཡང་དངོས་གྲུབ་འབྱུང་བའི་རྟེན། །གསེར་དངུལ་ཟངས་ཁར་ལ་སོགས་ལ། །མཁས་པས་ལེགས་པར་ལུགས་བྱས་ཏེ། ཡན་ལག་མ་ཉམས་གཟུགས་བྱས་ན་།་ ་།་དེ་ཡང་མཚན་མའི་རྟེན་དུ་བཤད། །བླག་ཤ་བྱང་ཆུབ་ཤིང་བུའམ། ཁུ་ཤིང་མཉེན་ལས་གཟུགས་བྱས་ན། །དེ་རྣམས་མཚན་མའི་རྟེན་དུ་བཤད། །སྤྱིན་ཞིང་མཉེན་པའི་རྒྱུ་རྣམས་ལས། །ཕྱག་རྒྱའི་གཟུགས་སུ་ལེགས་བྱས་ན། །དེ་ཡང་མཚན་མའི་རྟེན་ཡིན་ནོ། །ས་སྟེངས་དབྱིབས་ལེགས་མཛེས་པ་ལ། །རྡུལ་ཚོན་འདུས་བྱས་རྒྱུ་རྣམས་ཀྱིས། །བརྙན་མའི་དཀྱིལ་འཁོར་བྱས་ན་ཡང་། །དེ་ཡང་དངོས་གྲུབ་རྟེན་དུ་བཤད། །རེ་ཞིག་ལས་ཀྱི་དང་པོ་ལས། །ས་སྟེངས་དཀྱིལ་འཁོར་བྱས་པར་ཤིས། །ཞེས་གསུངས་སོ། །དེ་ལ་འདི་ནི་གནས་ཀྱི་མཚན་ཉིད་དེ། །ས་སྟེངས་བྱ་བའི་གནས་མཆོག་ཀྱང་། །སྐྱོན་ཡོན་བྱེ་བྲག་ཤེས་པ་ལས། །སྤང་བླང་གཉིས་སུ་ཤེས་པར་བྱ། །རི་བོ་རི་བྲན་འདུས་པའི་སྤྱིར། །གངས་རི་བྲག་དཀར་འདབ་རྩ་ནི། །སེང་གཅན་ལྒབྲ་བའི་གནས་ཞེས་བྱ། །ཞི་བའི་ལས་ལ་དེ་ཤིས་སོ། །ཕུག་ཆེན་དགོན་པ་ཆེན་པོ་དང་། །བྲག་ཆེན་རྡོ་རྗེ་གཏམས་པའི་དཀྱིལ། །གཅན་ཅན་འཁྲ་བའི་གནས་ཞེས་བྱ། །མངོན་པར་སྤྱོད་པ་སྒྲུབ་པའི་གནས། །དུར་ཁྲོད་གནས་དང་ངམ་གྲོག་དང་། །སུམ་མདོ་གྲོག་ལེ་བཤུང་བའི་གནས། །དུར་གཅན་འཁྲ་བའི་གནས་བྱའོ། །དབང་དུ་བསྡུ་བ་སྒྲུབ་པའི་གནས། །ནགས་ཚལ་མང་པོ་གཏིབས་པ་དང་། ཤིན་ཏུ་བཙན་དང་འཇིགས་པའི་ངོས། །སྟགས་གཟིགས་འཁྲ་བའི་གནས་ཞེས་བྱ། །འདོད་པ་སྒྲུབ་པའི་གནས་ཡིན་ནོ།མཚོ་གླིང་ཆུ་མདོ་རྒྱ་མཚོའི་འཇིངས། །ཆུ་ཡི་གླེ་མ་བཙན་པའི་གནས། །ཆུ་གཅན་འཁྲ་བའི་གནས་ཞེས་བྱ། །ལས་རྣམས་ཀུན་ལ་དེ་ཤིས་སོ། །རི་བོ་འདུན་པའི་རྩེ་རྣམས་དང་། །ཙསྡོན་ནགས་ཚལ་མེ་ཏོག་ཚལ། །ཡིད་འོང་བཀྲ་ཤིས་ཉམས་དགའ་ཡི། །གནས་སུ་དཀྱིལ་འཁོར་བྲི་བར་ཤེས། །གནམ་དང་ས་དང་བར་སྣང་རྣམས། །ལེགས་པར་བརྟགས་ཏེ་དཀྱིལ་འཁོར་བྱ། །མཚོན་ཆ་ལྔ་ཡི་དབྱིབས་དག་ཏུ། །བརྟགས་ན་མངོན་པའི་ནམ་མཁའ་ཤིས། །བར་སྣང་ཁ་དོག་རྣམ་ལྔ་པོ། །སོ་སོར་མ་འདྲེས་གསལ་བར་ཤིས། །ས་གཞི་ཛིན་ཏུ་མ་ཉམས་དང་། །མ་གྲུབ་མཉམ་པར་གནས་པ་ལ། །ཚྭ་སྒོ་ས་སླན་བ་ཚྭ་མེད། །དེ་ལྟར་བརྟགས་པར་ལས་བྱའོ། །སྤང་བར་བྱ་བའི་གནས་ངནནོ། །གཤིནརྗེགདུག་པའི་མདུང་རྗེས་དང་། །སྲིན་པོ་ངུས་པའི་མཆི་རྗེས་དང་། །ཁྲོ་བོ་གནོད་སྤྱིན་ལྕམ་རྗེས་དང་། །མ་མོ་རྔམ་པའི་སྤར་རྗེས་དང་། །འབྱུང་པོ་རྐུ་བའི་འཇོལ་ས་དང་། །གདུག་པ་ཀླུ་ཡི་རྒྱུན་སྲང་དང་། །སྐྱོན་ཅན་རྒྱུ་བའི་ལམ་སྲང་དང་། །ཞང་བློན་གདུག་པའི་འདུག་ས་དང་། །ཁ་ནས་མ་ཐོའི་འདུན་ས་དང་། ཉེན་དང་འབྲེལ་བའི་གནས་རྣམས་ནི། །སྦྲུལ་གདུག་བར་དུ་འོངས་པ་ལྟར། །ཝ་ཡི་བརྟུལ་ཞུགས་ཆེན་པོ་ཡིས། །ལོ་ཡི་བཞུགས་ཏེ་རབ་ཏུ་སྤང་། །ཞེས་གསུངས་སོ། །དེ་ལ་འདི་ནི་བསླང་བའི་ལས་ཏེ། །དེ་ནས་བསླང་བའི་ལས་རྣམས་ཀྱང་། །མངོན་དང་མི་མངོན་བདག་པོ་ལ། །རྩོད་པ་ཉེ་བར་ཞི་བྱའི་ཕྱིར། །སེར་སྣ་སྤངས་པའི་སེམས་ཀྱིས་ནི། །རིན་དང་བདེན་པས་བསྒོ་ལ་བསླང་། །ཞེས་གསུངས་སོ། །དེ་ལ་འདི་ནི་ས་གཟུང་བ་སྟེ། དེ་ནས་སློབ་དཔོན་བདག་ཉིད་ཀྱིས། །རྡོ་རྗེ་དྲིལ་བུར་ལྡན་པ་ཡིས། །རྩེ་གསུམ་འགྲོས་ཀྱིས་ཀུན་དུ་བསྐོར། །ཁྲོས་པས་ཧཱུཾ༷་གི་ང་རྒྱལ་བྱ། །དངོས་གྲུབ་བར་དུ་གཅོད་པའི་བགེགས། །དེངས་ཤིག་ཅེས་སུ་བསྒོ་ནས་ཀྱང་། །སེང་ལྡེང་ཕུར་བུ་སོ་བརྒྱད་པ། ཁྲོ་བོར་བྱིན་བརླབས་གདབ་པར་བྱ། །ཞེས་གསུངས་སོ། །དེ་ལ་འདི་ནི་སའི་ལྷ་མོ་སྤྱན་དྲངས་པའོ། །དེ་ནས་དབང་གྱུར་ལྷ་མོ་དེ། །སྤྱན་དྲངས་བསྐྱེད་དང་གཉིས་མིན་པར། །མཆོད་བསྟོད་ཚུལ་བཞིན་བྱས་ནས་ནི། །བདག་ཅག་རྣལ་འབྱོར་སྒྲུབ་པ་པོ། །བདུད་བ་་མངོན་པར་རྫོགས་པའི་ཚེ། །རུ་ཏྲ་ཚོགས་ཀྱིས་རྒལ་བ་ལ། །དགྱེས་པའི་ལས་ཀྱི་དོན་བགྲངས་ཏེ། །བདག་ཅག་ས་ལ་བགྲོད་པའི་ཚེ། །རུ་ཏྲའི་རྒོལ་བ་བྱུང་བ་ན། །སྤྱན་ལྡན་དེ་ལ་དབང་བཅོལ་ལོ། །ཞེས་གསུངས་སོ། །དེ་ལ་འདི་ནི་རྟགས་བརྟག་པའོ། །མཚན་མས་མཚན་མ་གཤོམ་པའི་ཕྱིར། རོ་ལྔ་མཚན་ཉིད་བརྟག་པར་བྱ། །དགེ་བའི་རྟགས་ན་དངོས་གྲུབ་འབྱུང་། །གལ་ཏེ་ཤེས་པར་མ་གྱུར་ན། །ཐབས་ལ་མཁས་པས་སྤང་བར་བྱ། །ཡང་ན་སྦྱིན་སྲེག་བྱ་བར་བརྟག །ཅེས་གསུངས་སོ། །དེ་ལ་འདི་ནི་རིན་ཆེན་གཏེར་སྦ་བའོ། །གནས་དེ་བསོད་ནམས་གཏེར་ལྡན་ཕྱིར། །རིན་ཆེན་ལྔ་དང་སྨན་ལྔ་དང་། སྤོས་ལྔ་འབྲུ་ལྔ་སྙིང་པོ་ལྔ། །གའུའི་ནང་དུ་བླུགས་ནས་སུ། །ས་གཞི་གཏེར་དང་ལྡན་པར་བྱ། །ཞེས་གསུངས་སོ། །དེ་ལ་འདི་ནི་ས་སྦྱང་བའོ། །ས་ཞག་སྤོས་ཆེན་རྣམ་ལྔ་ཡི། །ཁུ་བ་བསྲེས་ནས་ཀུན་དུ་ནི། །གྲུ་བཞི་དབྱིབས་སུ་ལེགས་བྱས་ཏེ། བ་ཀོ་ཙམ་དུ་སྐྱོང་ནུལ་བྱ། །དེ་ནས་དཀྱིལ་འཁོར་ལྷ་ཚོགས་ཀྱི། །སྔགས་དང་ཕྱག་རྒྱས་སྦྱར་བར་བྱ། །དེས་ཀྱང་དངོས་པོ་ཀུན་སྦྱངས་ཏེ། །རྒྱལ་བའི་བཞུགས་གནས་རང་བཞིན་དུ། །ཏིང་ངེ་འཛིན་གྱིས་སྦྱང་བར་བྱ། །ཞེས་གསུངས་སོ། །དེ་ལ་འདི་ནི་ལྷ་སྟ་གོན་ལ་གནས་པའི་ཆོ་གའོ། །དེ་ན་ལྷ་རྣམས་ཇི་སྙེད་པ། །རང་བཞིན་ཀུན་རྫོབ་སྤྱན་དྲངས་ཏེ། །སྤོས་ཀྱི་དཀྱིལ་འཁོར་ལྷ་གྲངས་བཞིན། །གདན་སར་བྱས་ཏེ་ཡོན་མཆོད་ལ། །ལན་གཅིག་གཤེགས་ཞེས་སྟ་གོན་བྱ། །དེ་ནས་འདུས་པའི་སེམས་ཅན་ཀུན། །གསང་དང་སྙིང་གར་བྲམ་པ་དང་། ཀུ་ཤ་བྲིམ་དང་སྲུང་སྐུད་གདགས།སོ་ཤིང་བྲིམ་དང་རྨི་ལྟས་བརྟག །མཆོད་པའི་ཡོ་བྱད་ཇི་སྙེད་དང་། །རྒྱན་དུ་འོས་པའི་རྣམ་པ་ཀུན། །ཚང་བར་བསོགས་ཏེ་བྱིན་གྱིས་བརླབ། །འདུས་པའི་སེམས་ཅན་དེ་དག་ཀུན། །ཆོས་གཏམ་རིམ་པས་དབུགས་ཕྱུང་སྟེ། །གསང་སྔགས་ཆེ་བའི་ཡོན་ཏན་བཤད། །ཅེས་གསུངས་སོ། །དེ་ལ་འདི་ནི་དཀྱིལ་འཁོར་བྲི་བའི་དུས་སོ། །རིག་བྱེདདག་གི་ཡན་ལག་ལས། །དུས་རྣམས་ཤེས་པར་བྱ་་བ་ནི། །བཀྲ་ཤིས་ལྷ་ཡི་ཉི་མ་དང་། །འབྱོར་ལྡན་དུས་ཚོད་བཟང་བ་ནི། །མཚན་མའི་རྟོག་པ་ཡིན་མོད་ཀྱང་། །བརྟགས་ན་དངོས་གྲུབ་མཚན་མར་འབྱུང་། །ཞེས་གསུངས་སོ། །དེ་ལ་འདི་ནི་ཐིག་གདབ་པའི་ཆོ་གའོ། །ཚོན་དང་ཐིག་སྐུད་རྣམ་ལྔ་ལ། །སངས་རྒྱས་ལྔ་ཡིས་བྱིན་བརླབས་ཏེ། །སྤྲུལ་པ་འཕྲོ་འདུ་རྒྱུན་མི་གཅད། །སྤོས་སམ་ལྕེ་པོག་དཀར་པོ་ཡི། །དུད་པས་རྒྱུན་མི་བཅད་པར་འདུག །ཁྲོས་པས་དྲག་པོའི་སྔགས་ཟློས་ཤིང་། །ཁྲོ་བོ་ཁྲོ་མོའི་སྟངས་ཀྱིས་བསྐོར། །བདེ་བར་གཤེགས་པའི་ཐུགས་དམ་བསྐུལ། །ཐིག་སྐུད་སར་པ་གཙང་མའམ། །གསང་བའི་ལྕང་ལོ་འཁྲིལ་མདངས་སམ། །རྡོ་རྗེ་རྒྱུན་ཐག་ལ་སོགས་ལ། །ཡུམ་གྱི་གྲངས་དང་མཐུན་པར་བསྒྲིམ། །རྡོ་རྗེ་རྩེ་ལྔའི་ལུ་གུ་རྒྱུད། །བྱང་ཆུབ་སེམས་སུ་བྱིན་གྱིས་བརླབས། །ཐིག་གཡོས་ལས་ཀྱི་སེམས་མ་སྟེ། །མཚོན་ལྡན་བྱིན་གྱིས་བརླབས་ནས་ནི། །ཕྱག་རྒྱ་གར་དང་བཅས་པ་ཡིས། །རངབཞིནདཀྱིལའཁོར་གནམ་ཐིག་གདབ། །དེ་ནས་ས་ཐིག་གདབ་པ་ཡང་། །འདུས་པའི་དབང་གི་བྱེ་བྲག་ལས། །མཎྜལ་ཚད་མ་ངེས་པ་མེད། །སོར་བཞི་པ་ནས་བརྩམ་ནས་སུ། །ཇི་སྲིད་དཔག་ཚད་ཐུབ་པར་རོ། །ཨོ་ཙྭ་ན་ཙཀྲ་སུ་ཏྲ་མ་ཏུ་ཀྲ་མ་ཧཱུཾ༷་ཞེས་གསུངས་སོ། །དེ་ལ་འདི་ནི་ཚོན་དགྱེ་བའི་ཆོ་གའོ། །རང་བཞིན་ཀུན་རྫོབ་ཅི་འདྲ་དང་། །ཏིང་འཛིན་དཀྱིལ་འཁོར་དེ་འདྲ་བར། །བརྙན་མ་ཡང་ནི་དེ་འདྲ་བྲི། །ཚོན་སྣ་འབྲས་དང་འབྱུང་ཁུངས་སམ།རྡོ་ཁམ་རིན་ཆེན་དག་ལ་བྱ། །སྣ་གསུམ་སྣ་ལྔ་དག་དང་ནི། །རིན་ཆེན་ཕུང་པོའི་ཚོན་གྱིས་ནི། །དབུས་ཀྱི་ཕོ་བྲང་བསྐོར་བ་ཡིན། །སྒོ་ལ་རྣམ་ལྔས་བསྐོར་བར་བྱ། །ཕྱག་རྒྱ་གཞན་ལ་རྐྱང་པས་སོ། །དཀར་དམར་སེར་ལྗང་ནག་པོ་རྣམས། །གོ་རིམས་དེ་ཡིས་བཀོད་པར་བྱ། །གཙོ་བོ་གཟུགས་སུ་རྫོགས་པར་བྲི། །འཁོར་རྣམས་ཕྱག་རྒྱ་དག་ཏུ་བྱ། །ཕལ་པ་དག་ལ་ཡིག་འབྲུས་སོ། །ཞེས་གསུངས་སོ། དེ་ལ་འདི་ནི་དཀྱིལ་འཁོར་གྱི་རྒྱན་དགོད་པའི་ཆོ་གའོ། །དེ་ནས་བསྒྲུབ་པའི་དཀྱིལ་འཁོར་ལ། །བླ་རེ་རྒྱལ་མཚན་འཕན་དང་གདུགས། །པི་བང་གླིང་བུ་བརྡབ་པ་དང་། རྫ་རྔ་མུ་ཀུན་རྔ་ཆེན་དང་། །ད་རྔ་ར་དང་མི་ཙར་དང་། དབྱངས་དང་གར་དང་བཞད་པ་ཆེ། །རོལ་མོའི་ཡོ་བྱ་ཇི་སྙེད་པས། །དགའ་བྱད་དཀྱིལ་འཁོར་དག་ལ་བརྒྱན། །བུམ་པ་རྣམ་པ་སྣ་ཚོགས་ཀྱི། །གསེར་དང་དངུལ་ལས་བྱས་པའོ། །རིགས་དང་མཐུན་པའི་གོས་ཀྱིས་དཀྲིས། །མེཏོག་འབྲས་བུས་བརྒྱན་པ་ལ། །བདུད་རྩི་ལྔ་ཡིས་གང་བྱས་པ། །སྨན་དང་རིན་ཆེན་འབྲུ་རྣམ་ལྔས། །གང་བ་བརྒྱད་དམ་བཅུ་དྲུག་གཞག །དཀྱིལ་འཁོར་བདག་པོས་མངོན་བསྔགས་པའི། །རྣམ་རྒྱལ་བུམ་པ་དེ་བཞིན་དུ།དབུས་ཉིད་དུ་ནི་གཞག་པར་བྱ། །ཡང་ན་བུམ་པའི་སྐྱིན་པར་རོ། །ཟླ་བ་ཉི་མ་དྲི་ཆུ་དང་། །བ་་བ་རབ་ཏུ་སྣུམ་པོ་དང་། དབང་པོ་ཀུན་ནས་འབྱུང་བ་རྣམས། ཤ་སྲང་གཅིག་གི་རབ་བསྲེས་པས། །གང་བའི་བན་ད་དེ་བཞིན་བཞག །རྨད་དུ་བྱུང་བའི་གཏོར་མ་དགྲམ། །དེ་ལ་སོགས་པ་མཐའ་ཡས་མཆོག །ཅི་རིགས་རྣམས་ཀྱིས་མཛེས་པར་བྱ། །ཞེས་གསུངས་སོ། །དེ་ལ་འདི་དག་ནི་འཕན་སྡུད་ཀྱི་ལས་སྤྱིར་བསྟན་པའོ། །དེ་ནས་སྔགས་པ་མཉམ་བཞག་སྟེ། ཏིང་འཛིན་དཀྱིལ་འཁོར་གསལ་བར་བསྒོམ། །གསལ་བ་གཉིས་མེད་དཀྱིལ་འཁོར་དུ། །རང་བཞིན་ཀུན་རྫོབ་སྤྱན་དྲངས་དང་། དབབ་དང་བཞུགས་དང་བརྟན་པ་དང་། །མི་གཡོ་དམ་ཚིག་ཟིལ་གནོན་དང་། །ཕྱག་འཚལ་མཆོད་པར་བརྗོད་པ་དང་། །གསང་བ་མཆོག་གི་དཀྱིལ་འཁོར་དུ། །འཇུག་དང་དངོས་གྲུབ་གསོལ་བ་དང་། དབང་བསྐུར་བ་ཡི་ལས་རྣམས་བྱ། །དེས་ནི་ཚེ་འདི་ཉིད་ལ་ཡང་སངས་རྒྱས་ཉིད་ཀྱང་ཐོབ་འགྱུར་ན། །དངོས་གྲུབ་གཞན་ལྟ་སྨོས་ཅི་དགོས། །ཞེས་གསུངས་སོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་གཟུགས་བརྙན་གྱི་དཀྱིལ་་་་་་་འཁོར་རིམ་པར་ཕྱེ་བའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེ་ཆོས་ཐམས་ཅད་ལྷུན་གྱིས་གྲུབ་པའི་ཕྱག་རྒྱ་ལས་མི་འདའ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཕྱག་རྒྱ་དམ་ཚིག་གི་མཚན་ཉིད་རྣམས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །གསང་སྔགས་རྒྱ་མཚོ་ཆེན་པོ་འདི། །ཕྱག་རྒྱ་བསམ་ཡས་ཇི་སྙེད་པ། །མདོར་བསྡུས་རྣམ་པ་བཞི་རུ་འདུས། །དང་པོར་ཕྱག་རྒྱ་ཆེན་པོ་སྟེ། གཉིས་པ་དམ་ཚིག་རྒྱ་ཡིན་ནོ། །གསུམ་པ་ཆོས་ཀྱི་ཕྱག་རྒྱ་སྟེ། བཞི་པ་ལས་ཀྱི་ཕྱག་རྒྱ་སྟེ། ཕྱག་རྒྱ་ཆེན་པོ་སྐུ་ཡི་རྒྱ། །རང་བཞིན་ཆོས་སྐུ་དངོས་མེད་རྒྱ། །གཟུགས་སྐུ་མཚན་མའི་རྒྱ་ཞེས་བཤད། །གཟུགས་སྐུརང་བཞིན་ཀུན་རྫོབ་དང་། །བསྒོམ་དང་བསྐྱེད་པ་ཡིན་པར་བཤད། །གཉིས་པའི་རྒྱ་ལ་གསུམ་ཡོད་དེ། །བསྒོམ་དང་གཟུང་དང་བཅིང་བའོ། །བསྒོམ་པ་དམ་ཚིག་གསུང་ཡིན་ཏེ། །གསལ་ལྡན་མའམ་བྱིན་བརླབས་པའོ། །གཟུང་བ་ཐུགས་མཚན་ཉིད་བཟུང་བའོ། །དམ་ཚིག་ལག་རྒྱ་བཅིང་བར་བཤད། ཡང་ན་སོ་སོའི་གཙོ་གཟུང་རྣམས། །སྦྱོར་ཐབས་ཕྱག་རྒྱ་ཉིད་ཡིན་ནོ། །གསུམ་པའི་རྒྱ་ལ་གསུམ་ཡོད་དེ། །རངབཞིནབསྒོམདངབཟླས་བརྗོད་དོ། །རངབཞིནཆོསཀྱིཕྱགརྒྱ་ནི། །ཆོས་ཀྱི་དབྱིངས་སུ་རྒྱལ་བས་གསུངས། །བསྒོམཔ་མཚན་མའི་ཡིག་འབྲུ་དག །ལྕེ་སྟེང་སྙིང་ག་མཁའ་སོགས་སུ་།་ ་།་མཚན་མའི་རྣམ་པར་གསལ་བའོ། །རྩ་བ་བསྐྱེད་དང་བཟླས་པ་ཡིས། །སྙིང་པོ་ཚིག་བརྗོད་བཟླས་པའི་རྒྱ། །བཞི་པ་ལས་ཀྱི་ཕྱག་རྒྱ་ལ། །རྣམ་པ་གསུམ་དུ་དཔའ་བོས་གསུངས། །བསྒོམ་དང་འཕྲོ་འདུ་བཅིང་པའོ། །ལས་ཀྱི་ལྷ་ཡི་རྣལ་འབྱོར་གང་། །བསྒོམ་པ་སྒོམ་པ་ལས་ཀྱི་རྒྱ། །ལྟ་འོག་མཁའ་འམ་ཐུགས་ཀ་ནས། །རྣམ་བཞི་ལས་ཀྱི་འཕྲོ་འདུ་ནི། །འཕྲོ་འདུ་ལས་ཀྱི་ཕྱག་རྒྱའོ། །ཕྱག་རྒྱ་བཅའ་དང་སྟངས་ཚུལ་རྣམས། །བཅིང་བ་ལས་ཀྱི་ཕྱག་རྒྱ་བཤད། །ལག་རྒྱ་དམ་ཚིག་ཕྱག་རྒྱ་རྣམས། །རང་གི་སྐུ་རུ་རྣམ་བསྒོམས་ནས། །བཅིངས་ཤིང་མཁའ་ལ་རྣམ་བཀྲོལ་ན། །སྡིག་པ་ཀུན་ལས་རྣམ་གྲོལ་ཞིང་། །སངས་རྒྱས་ཉིད་ཀྱང་འཐོབ་འགྱུར་ན། །དངོས་གྲུབ་གཞན་ལྟ་སྨོས་ཅི་དགོས། །བདག་ཉིད་ཕྱག་རྒྱ་ཆེར་བསྒོམ་པ། །དབུ་ནི་རྣམ་པར་སྣང་མཛད་དེ། །ལག་གཡས་རྡོ་རྗེ་སེམས་དཔའི་རྒྱ། །ལག་གཡོན་རིན་ཆེན་འབྱུང་ལྡན་རྒྱ། །རྐང་པ་གཡོན༷་པ་སྣང་མཐའ་ཡས། །རྐང་གཡས་ལས་ཀྱི་སེམས་དཔའི་རྒྱ། །ཡན་ལག་རིགས་ཀྱི་དཀྱིལ་འཁོར་བས། །བསྒུལ་བསྐྱོད་ཐམས་ཅད་ཕྱག་རྒྱ་ཡིན། །སོར་མོ་རྣམས་ལ་བསྒོམ་བྱ་བ། །གུང་མོ་གཉིས་ལ་ཨོ་ད༷ང་ལེ།འཛུབ་མོ་གཉིས་ལ་ཧཱུཾ༷་དང་ཟླུ། །དབང་མོ་གཉིས་ལ་སྭ་དང་མི། །ཆུང་ངུ་གཉིས་ལ་ཨོ་དང་པེ། །སྤོམ་པོ་གཉིས་ལ་ཧི་དང་ཏྲི། །གཡས་པའི་འབྲུ་གདན་ཉི་མ་སྙེ། །གཡོན་པ་ཟླ་བའི་དཀྱིལ་འཁོར་རོ། །ཨོ་དང་ཟླུ་དུ་རྩེ་སྦྱར་ཏེ། །དེ་བཞིན་ཧཱུཾ༷་དང་ལོ༷་དུ་སྦྱར། །ཧི་དང་པོ༷་ཡང་དེ་བཞིན་ཏེ། །ཨེ་དང་རྟ༷་དུ་སྦྱར་བ་ལ། །རྒྱལ་སྦྱར་སྭ་དང་མོ༷་བསྒྲེང་བ། །འདི་ནི་ཡབ་ཀྱི་སྤྱི་རྒྱ་ཡིན། །ལག་པ་ཐལ་མོ་སྦྱར་བ་ལས། །ཨོ༷་དང་རྨུ༷་སྦྱར་ཧཱུཾ༷་དང་ནི། །ལོ༷་སྦྱར་སྭ་དང་རྦ༷་དུ་སྦྱར། །ཨོ་དང་མོ༷་སྦྱར་ཉེ༷་རྟ༷་བསྒྲེང་། །ཡུམ་གྱི་སྤྱི་རྒྱ་ཡིན་པར་བཤད། །རྡོ་རྗེ་ཁུ་ཚུར་སྙིང་གར་བཅངས། །ཨོ་བསྒྲེང་རྩེ་མོར་འཁོར་ལོ་འབར། །རིན་ཆེན་དྲིལ་གསིལ་ཆོས་ལ་བརྟན། །འཛུམ་པའི་མདངས་དང་བཅས་པ་ནི། །རྣམ་པར་སྣང་མཛད་ཕྱག་རྒྱ་ཡིན། །རིན་ཆེན་ཁུ་ཚུར་སྙིང་ཀར་བཅངས། །ལོ༷་བསྒྲེང་རྩེ་ལ་དྲིལ་གསིལ་འབར། །རྡོ་རྗེ་ཐལ་མོ་ལས་ལ་འཁྲིལ། །འཛུམ་པའི་མདངས་དང་བཅས་པ་ནི། །བདེར་གཤེགས་དབྱིངས་ཕྱུག་མ་ཡི་རྒྱ། །རྡོ་རྗེ་ཁུ་ཚུར་སྙིང་གར་བརྟན། །ཧཱུཾ༷་བསྒྲེང་རྩེ་ལ་རྡོ་རྗེ་འབར། །རིན་ཆེན་དྲིལ་གསིལ་ཆོས་ལ་བརྟན། །འཛུམ་པའི་བདངས་དང་བཅས་པ་ནི། །རྡོ་རྗེ་སེམས་མའི་ཕྱག་རྒྱ་ཡིན། །རིན་ཆེན་ཁུ་ཚུར་སྙིང་གར་བརྟན། །རྨུ༷་བསྒྲེང་རྩེ་ལ་དྲིལ་གསིལ་འབར། །རྡོ་རྗེ་ཐལ་མོ་ལས་ལ་འཁྲིལ། །འཛུམ་པའི་མདངས་དང་བཅས་པ་ནི། །རྡོ་རྗེ་དབྱིངས་ཕྱུག་ཕྱག་རྒྱ་ཡིན། །རྡོ་རྗེ་ཁུ་ཚུར་སྙིང་གར་བརྟན། སྭ་བསྒྲེང་རྩེ་ལ་རིན་ཆེན་འབར། །རིན་ཆེན་དྲིལ་གསིལ་ཆོས་ལ་བརྟན། །འཛུམ་པའི་མདངས་དང་བཅས་པ་ནི། །རིན་ཆེན་འབྱུང་བའི་ཕྱག་རྒྱ་ཡིན། །རིན་ཆེན་ཁུ་ཚུར་སྙིང་གར་བརྟན། །མ༷་བསྒྲེང་རྩེ་ལ་དྲིལ་གསིལ་འབར། །རྡོ་རྗེ་ཐལ་མོ་ལས་ལ་འཁྲིལ། །འཛུམ་པའི་མདངས་དང་བཅས་པ་ནི། །རིན་ཆེན་དབྱིངས་ཕྱུག་ཕྱག་རྒྱ་ཡིན། །རྡོ་རྗེ་ཁུ་ཚུར་སྙིང་གར་བརྟན། །ཨེ་བསྒྲེང་རྩེ་ལ་པཟློ་འབར། །རིན་ཆེན་དྲིལ་གསིལ་ཆོས་ལ་བརྟན། །འཛུམ་པའི་མདངས་དང་བཅས་པ་ནི། །སྣང་བ་མཐའ་ཡས་ཕྱག་རྒྱ་ཡིན། །རིན་ཆེན་ཁུ་ཚུར་སྙིང་གར་བརྟན། །པེ་བསྒྲེང་རྩེ་ལ་དྲིལ་གསིལ་འབར། །རྡོ་རྗེ་ཐལ་མོ་ལས་ལ་འཁྲིལ།འཛུམ་པའི་མདངས་དང་བཅས་པ་ནི། །པདྨ་དབྱིངས་ཕྱུག་ཕྱག་རྒྱ་ཡིན། །རྡོ་རྗེ་ཁུ་ཚུར་སྙིང་གར་བརྟན། །ཧི་བསྒྲེང་རྩེ་ལ་རལ་གྲི་འབར། །རིན་ཆེན་དྲིལ་གསིལ་ཆོས་ལ་བརྟན། །འཛུམ་པའི་མདངས་དང་བཅས་པ་ནི་།་ ་།་དོན་ཡོད་གྲུབ་པའི་ཕྱག་རྒྱ་ཡིན། །རིན་ཆེན་ཁུ་ཚུར་སྙིང་གར་བརྟན། །རྟ་བསྒྲེང་རྩེ་ལ་དྲིལ་གསིལ་འབར། །རྡོ་རྗེ་ཐལ་མོ་ལས་ལ་འཁྲིལ། །འཛུམ་པའི་མདངས་དང་བཅས་པ་ནི། །ལས་ཀྱི་དབྱིངས་ཕྱུག་ཕྱག་རྒྱ་ཡིན། །རྡོ་རྗེ་ཁུ་ཚུར་ཐུགས་ཀ་ན། །རིན་ཆེན་དྲིལ་གསིལ་ཆོས་ལ་བརྟན། །འཛུམ་པའི་མདངས་ཀྱིས་ལྟ་བ་ནི། །ལག་ན་རྡོ་རྗེའི་ཕྱག་རྒྱ་ཡིན། །རིན་ཆེན་གར་ཐབས་བསྐོར་ནས་སུ། །རྡོ་རྗེ་ཐལ་མོ་ལས་ལ་འཁྲིལ།འཛུམ་པའི་མདངས་ཀྱིས་འདུད་པའི་ཚུལ། །གར་གྱི་ཕྱག་རྒྱ་དཔའ་བོར་བཤད། །རྡོ་རྗེ་ཐུགས་ཀར་རིན་ཆེན་འཛིན། །རིནཆེནདྲིལགསིལཆོས་ལ་བརྟན། །འཛུམ་པའི་མདངས་ཀྱིས་ལྟ་བ་ནི། །ས་ཡི་སྙིང་པོའི་ཕྱག་རྒྱ་ཡིན། །རྡོ་རྗེ་ཁུ་ཚུར་བཅངས་པ་ནི། །དཀུ་ཡི་ཐད་ཀར་འཛིན་པ་དང་། །འཛུམ་པའི་མདངས་ཡིས་འདུད་པ་ནི། །སྒེག་མོའི་ཕྱག་རྒྱ་ཡིན་པར་བཤད། །རྡོ་རྗེ་རལ་གྲི་ཐུགས་ཀ་ན། །རིན་ཆེན་དྲེལ་གསིལ་ཆོས་ལ་བརྟན། །འཛུམ་པའི་མདངས་ཀྱིས་ལྟ་བ་ནི། །ནམ་མཁའི་སྙིང་པོའི་ཕྱག་རྒྱ་ཡིན། །རྡོ་རྗེ་རིན་ཆེན་རྣ་ལྟག་གཞག །རིན་ཆེན་ཕྲེང་བ་བཟུང་ནས་སུ། །འཛུམ་པའི་མདངས་ཀྱིས་འདུད་པ་ནི། །ཕྲེང་བའི་ཕྱག་རྒྱ་ཡིན་པར་གྲགས། །རྡོ་རྗེ་པདྨ་ཐུགས་ཀ་ན། །རིན་ཆེན་དྲིལ་གསིལ་ཆོས་ལ་བརྟན། །འཛུམ་པའི་མདངས་ཀྱིས་ལྟ་བ་ནི། །སྤྱན་རས་གཟིགས་ཀྱི་ཕྱག་རྒྱ་ཡིན། །རིན་ཆེན་པི་བང་འཛིན་པ་ལ། །རྡོ་རྗེ་ལེན་པར་བྱས་ནས་ནི། །འཛུམ་པའི་མདངས་ཀྱིས་འདུད་པ་ནི། །དབྱངས་ཀྱི་ཕྱག་རྒྱ་ཡིན་པར་གྲགས། །རྡོ་རྗེ་ཀླུ་ཤིང་ཐུགས་ཀ་ན། །རིན་ཆེན་དྲིལ་གསིལ་ཆོས་ལ་བརྟན། །འཛུམ་པའི་མདངས་ཀྱིས་ལྟ་བ་ནི། །བྱམས་པ་མེ་ཏྲིའི་ཕྱག་རྒྱ་ཡིན། །རིན་ཆེན་བདུག་སྤོས་ཐུགས་ཀར་འཛིན། །རྡོ་རྗེ་ལས་ལ་རབ་ཏུ་འཁྲིལ། །འཛུམ་པའི་མདངས་ཀྱིས་འདུད་པ་ནི། །བདུག་པའི་ཕྱག་རྒྱ་ཡིན་པར་བཤད། །རྡོ་རྗེ་པོ་ཏི་ཐུགས་ཀར་འཛིན། །རིན་ཆེནདྲིལགསིལཆོས་ལ་བརྟན། །འཛུམ་པའི་མདངས་ཀྱིས་ལྟ་བ་ནི། །སྒྲིབ་པ་ཀུན་སེལ་ཕྱག་རྒྱ་ཡིན། །རྡོརྗེརིནཆེནརྣལྟགཏུ། །མེཏོགསྣོདབཅསའཛིན་པ་ལ། །འཛུམ་པའི་མདངས་ཀྱིས་འདུད་པ་ནི། །མེ་ཏོག་ཕྱག་རྒྱ་ཡིན་པར་བཤད། །རྡོ་རྗེ་ཨུཏུལ་ཐུགས་ཀ་ན། །རིན་ཆེན་དྲིལ་གསིལ་ཆོས་ལ་བརྟན། །འཛུམ་པའི་མདངས་ཀྱིས་ལྟ་བ་ནི། །འཇམ་དཔལ་ཀྱི་ནི་ཕྱག་རྒྱ་ཡིན་། །རིན་ཆེན་མར་མེ་ཐུགས་ཀ་ན། །རྡོ་རྗེ་ཐལ་མོ་ལས་ལ་འཁྲིལ། །འཛུམ་པའི་མདངས་ཀྱིས་འདུད་པ་ནི། །མར་མེའི་ཕྱག་རྒྱར་དཔའ་བོས་བཤད། །རྡོ་རྗེ་སྙེ་མ་ཐུགས་ཀ་ན། །རིན་ཆེན་དྲིལ་གསིལ་ཆོས་ལ་བརྟན། །འཛུམ་པ་མདངས་ཀྱིས་ལྟ་བ་ནི། །ཀུན་ཏུ་བཟང་པོའི་ཕྱག་རྒྱ་ཡིན། །རིན་ཆེན་དབྱུག་པ་ཐུགས་ཀ་ན། །རྡོ་རྗེ་ཐལ་མོ་ལས་ལ་འཁྲིལ། །རྡོ་རྗེ་ཉུག་པར་བྱེད་པ་ནི། །དྲི་ཡི་ཕྱག་རྒྱ་ཡིན་པར་བཤད། །ནིར་མགོ་གདེངས་ཀ་གཤེད་པོའི་རྒྱ། །རྡོ་རྗེ་གནོན་པ་སྟོབས་པོ་ཆེ། །ཐོད་སྦྲུལ་གནོན་པ་རྟ་ཡི་རྒྱ། །རྒྱ་གྲམ་གནོན་པ་བདུད་རྩི་འཁྱིལ། །མཛུབ་གཉིས་འཁྱུད་པ་ལྕགས་ཀྱུའི་རྒྱ། །མཛུབ་གཉིས་རྩེ་སྤྲད་ཞགས་པའི་རྒྱ། །མཛུབ་གཉིས་འཁྱུད་པ་ལུ་གུ་རྒྱུད། །བསྐྱོད་པར་གྱུར་པ་འབེབས་མའོ། །པི་བང་ལེན་པ་ལྷ་ཡི་རྒྱ། །མི་ཡི་གསེག་པར་འཛིན་པ་སྟེ། ལྷ་མིན་ཕྱག་རྒྱ་གོ་ཆ་ཡིན། །ཆོས་ཀྱི་དཀྱིལ་འཁོར་བྱོལ་སོང་རྒྱ། །ཟ་མ་ཏོག་ནི་ཡི་དྭགས་རྒྱ། །མེ་ཆུ་གཉིས་ནི་དམྱལ་བའི་རྒྱ། །ཡབ་ཀྱི་སྒྲི་རྒྱ་ཀུན་བཟང་གིའོ། །ཡུམ་གྱི་སྤྱི་རྒྱ་བཟང་མོར་བཤད། །ཡང་ན་ཀུན་བཟང་ཡབ་ཡུམ་གྱི། །རྡོ་རྗེ་ཐལ་མོར་གཉིས་སུ་བཤད། །བདེརགཤེགསརྣམས་ལ་རྫོགས་དཀྱིལ་ལོ། །སེམས་དཔའ་རྣམས་ལ་སེམས་དཔའ་དཀྱིལ། །འཇོམས་དང་ཐུབ་པ་ལངས་ཏེ་བཅིང་། །ཞེས་གསུངས་སོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་ཕྱག་རྒྱའི་མཚན་ཉིད་བཤད་པའི་ལེའུ་སྟེ་བརྒྱད་པའོ།། །།དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་གསང་བ་མཆོག་གི་བདག་པོ་ཧེ་རུ་ཀ་རྣམས་ཀྱི་དཀྱིལ་འཁོར་ཇི་ལྟར་བུ་ལགས་པར་བདག་ཅག་རྣམས་ལ་བཤད་དུ་གསོལ། གསང་བ་མཆོག་གི་བདག་པོས་བཤད་དུ་གསོལ་ཞེས་གསོལ་པ་བཏབ་པ་་ལས། བཅོམ་ལྡན་འདས་གསང་བ་མཆོག་གི་བདག་པོ་དེས་དེ་བཞིན་གཤེགས་པ་ཐམས་ཅད་ཀྱི་ཁྲོ་བོ་རྣམ་པར་འཕྲོ་བའི་རྒྱལ་པོ་ཡེ་ཤེས་རྔམ་པ་གློག་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་ཉིད་ཀྱི་སྐུ་ཁྲོ་བོ་ཆེན་པོར་འདུ་མཛད་དེ། དེ་ཅིའི་ཕྱིར་ཞེ་ན། འཇིག་རྟེན་ན་དྲེགས་པ་ཆེན་པོ་ལ་སོགས་པ་གདུག་པའི་དབང་དུ་འགྲོ་བ་རྣམས་གྱུར་ཏེ། ཁམས་གསུམ་འདི་ན་དེ་བཞིན་གཤེགས་པ་གསུང་དང་ཟེར་བ་སྟོན་པ་དང་། འཇུག་པ་དང་། བསྟན་པ་ལ་གནས་ཤིང་དཀོན་མཆོག་གསུམ་ལ་འཇུག་པ་ནི་འགའ་ཡང་མེད། ཁྲོས་པས་གཏུམ་པོ་རབ་ཏུ་གདུག་པའི་སེམས་དང་། འདོད་ཆགས་ཞེས་སྡང་གཏི་མུག་གིས་བསྒྲིབས་པ་གཏུམ་ཞིང་འཁྲུག་པ་དང་། གཞན་གྱི་སྲོག་དང་སེམས་འཕྲོག་པ་དང་། མི་དགེ་བ་བཅུའི་ལས་ཀྱིས་ཉོན་མོངས་པ་དང་ཉེ་བའི་ཉོན་མོངས་པས་གཞན་ལ་གཙེས་པ་དང་། གཅིག་ཤ་གཅིག་གིས་ཟ་བ་དང་། ལོག་པའི་ལམ་ལ་གནས་པའི་འཇིག་རྟེན་གསུམ་པོ་འདུ་བརླག་གོ་ཞེས་སྔོན་གྱི་སྨོན་ལམ་ལ་གནས་པའི་དེ་བཞིན་གཤེགས་པ་རྣམས་དང་། གསང་བ་མཆོག་གི་བདག་པོ་ཆེན་པོས་རྣམ་པར་གཟིགས་ནས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ཁྲོ་བོའི་དཀྱིལ་འཁོར་གློག་རྣམ་པར་འཕྲོ་བ་འདི་བྱུང་ངོ་། །ཨོ་བཛྲ་མ་ཧྭ་ཙཎྜ་སུཛི་ན་ཏ་ཀ་ཧ་ན་ད་ཧ་པ་ཙ་། བི་ཤྭ་ཀྲོ་དྷ་ཛ་ལ་མཎྜལ་ཕཊ་ཕཊ་ཕཊ་ཧ་ལ་ཧ་ལ། འདི་ཕྱུང་མ་ཐག་ཏུ་ཁྲོ་བོ་ཆེན་པོའི་མཐུས་ཁམས་གསུམ་འདི་དག་ཐམས་ཅད་གཡོས་རབ་ཏུ་གཡོས། ཀུན་ཏུ་རབ་ཏུ་གཡོས་སོ། འུར་འུར་རབ་ཏུ་འུར་འུར། ཀུན་ཏུ་རབ་ཏུ་འུར་འུར་རོ། ཁེག་ཤིག རབ་ཏུ་ཤིག་ཤིག །ཀུན་ཏུ་རབ་ཏུ་ཤིག་ཤིག གཏོར་གཏོར། རབ་ཏུ་གཏོར་གཏོར། ཀུན་ཏུ་རབ་ཏུ་གཏོར་གཏོར། ལྷ་དང་། ཀླུ་དང་། གནོད་སྤྱིན་དང་། དྲི་ཟ་དང་། ནམ་མཁའ་ལྡིང་དང་། སྲིན་པོ་ལ་སོགས་རྣམས་འཁྲུགས་པ་ཆེན་པོར་གྱུར་ཏོ། །དེ་ནས་འཇིགས་པས་ཉེན་པ་དེ་དག་བརྒྱ་བྱིན་ལ་སྐྱབས་སུ་སོང་། །བརྒྱ་བྱིན་ཡང་འཇིགས་པས་ཉེན་ཏེ་ཚངས་པའི་ཐད་དུ་ཕྱིན།ཚངས་པ་ཡང་ཁྱབ་འཇུག་ཐད་དུ་སོང་། ཁྱབ་འཇུག་དབང་ཀྱང་ཕྱུག་ཆེན་པོའི་ཐད་དུ་སོང་། །དབང་ཕྱུག་ཆེན་པོ་རང་གི་མཐུ་ཡོད་ཡོད་པ་སྟོན་ཅིང་ལྷ་རྣམས་མ་སྐྲག །ཀླུ་རྣམས་དང་གནོད་སྦྱིན་རྣམས་དང་། ལྷ་མ་ཡིན་དང་། འཁོར་དུ་གཏོགས་པ་རྣམས་མ་སྐྲག་ཅིག །ངའི་མཐུ་འདི་ལ་གཞན་གང་གིས་ཀྱང་བརྫི་བར་མི་ནུས་སོ་ཞེས་སྤྲོ་བསྲིངས་སོ། །ཀྭ་བརྒྱ་བྱིན་དང་ཚངས་པ་དང་ཁྱབ་འཇུག་རྣམས་ཁྱོད་ཀྱང་འཇིག་རྟེན་ན་མཐུ་ཆེ་བའི་ཆེན་པོ་ཡིན་པས་རང་རང་གི་མཐུ་དང་རྫུ་འཕྲུལ་ཅི་ཡོད་པས་རང་རང་གི་འཁོར་གདུག་པ་དེ་དག་དབུགས་དབྱུང་བར་མཛོད་ཅིག་ཅེས་བསྒོའོ། །དེ་ནས་བརྒྱ་བྱིན་དང་། ཚངས་པ་དང་།ཁྱབ་འཇུག་རྣམས་དེ་མ་ཐག་ཏུ་རང་རང་གི་མཐུ་ཅི་ཡོད་པ་སྟོན་ཅིང་རྡོ་རྗེའི་སྐད་དང་གད་མོ་དྲག་པོ་འབྱིན་ཅིང་རང་རང་གི་འཁོར་རྣམས་ལ་མ་སྐྲག་མ་དངང་ཤིག བདག་ཅག་གི་མཐུ་འདི་ལྟ་བུ་གཞན་གང་གིས་ཀྱང་ཟིལ་གྱིས་གནོན་པར་མི་ནུས་སོ་ཞེས་སྤྲོ་སྲིང་ངོ་། །དེ་ནས་བཅོམ་ལྡན་འདས་ཡེ་ཤེས་རྔམ་པའི་རྒྱལ་པོ་དེས་དེ་བཞིན་ཉིད་ཀྱི་དབྱིངས་ནས་ཡུམ་རྔམ་པའི་ཀྲོ་དྷིའི་རྒྱལ་མོ་མངོན་པར་ཕྱུང་སྟེ། ཧི་ཧི་དགྱེས་པའི་གཟི་མདངས་ཀྱི་རོལ་པའི་དགྱེས་པས་ཐིམ་པར་མཛད་ནས། བྱང་ཆུབ་སེམས་ཀྱི་སྤྱིན་ལས་ཕཊ་ཕཊ་བཛྲ་ཀྲོ་དྷ་ཛ་ལ་མཎྜལ་ཧ་ལ་ཧ་ལ་ཞེས་པས་སྟོང་གསུམ་ཁྲོ་བོ་ཆོལ་པས་གང་བར་གྱུར་ཏོ། །དེ་ནས་བཅོམ་ལྡན་འདས་དགྱེས་པར་ཆེན་པོ་ཉིད་ནི་དབུ་དགུ་ཕྱག་བཅོ་བརྒྱད་ཞབས་རྣམ་པ་བརྒྱད་ཀྱི་རྣམ་པར་སྣང་ངོ་། །དེ་ནས་དགྱེས་ཏེ་ཧཱུཾ༷་ཧཱུཾ༷་ཧཱུཾ༷་ཞེས་བརྗོད་པས་དབུ་དགུ་ཕྱག་བཅོ་བརྒྱད་ལས་འདུལ་བའི་དབང་གིས་དབུགསུམ་ཕྱག་དྲུག་ཞབས་བཞིར་གྱུར་ཏེ། ཁྲག་གི་རྒྱ་མཚོ་འཁྲུག་པའི་དཀྱིལ་ན་ཀེང་རུས་ཀྱི་སྟེང་ན་རྣམ་པར་གནས་སོ། །ཁྲོ་བོ་ཆོལ་བ་དེ་དག་གི་ཀྱང་ཕྱོགས་བཅུའི་དྲེགས་པ་ཇི་སྙེད་པ་ཀུན་བསྒྲལ་ཏེ་སླར་འདུས་ནས། ལ་ལ་ནི་རྡོ་རྗེ་ཁྲག་འཐུང་ཆེན་པོར་གྱུར་ནས་བརྒྱ་བྱིན་འཁོར་དང་བཅས་པ་བསྒྲལ། ལ་ལ་ནི་རིན་ཆེན་ཁྲག་འཐུང་དུ་གྱུར་ཏེ་ཚངས་པ་འཁོར་དང་བཅས་པ་བསྒྲལ། ལ་ལ་ནི་པདྨ་ཁྲག་འཐུང་ཆེན་པོར་གྱུར་ཏེ། མ་ཧྭ་དེ་བ་འཁོར་དང་བཅས་པ་བསྒྲལ། ལ་ལ་ནི་ལས་ཀྱི་ཁྲག་འཐུང་ཆེན་པོར་གྱུར་ཏེ། ཁྱབ་འཇུག་འཁོར་དང་བཅས་པ་བསྒྲལ། ཁྲོ་བོ་དེ་དག་གིས་དྲེགས་པ་ཅན་དེ་དག་གི་ནང་གྲོལ་ཀུན་དྲངས། ཁྲག་འཐུངས། རུས་པ་ཀུན་འཆོས་སོ། །དེ་ནས་དགྱེས་ཏེ་ཨོ་རུ་ལུ་རུ་ལུ་ཛ་ཛ་ཞེས་བརྗོད་པས། དབང་ཕྱུག་ཆེན་པོ་བཅུ་གཉིས་དང་བརྒྱད་ཀྱི་འཁོར་ཚོགས་མ་ལུས་པ་ཡུད་ཙམ་ཅིག་གིས་དབང་དུ་འདུས་པར་གྱུར་པ་ནི་དཔེར་ན་རྡོ་ཁབ་ལེན་ལ་ལྕགས་འདུབའི་ཚུལ་ལོ། །བཅོམ་ལྡན་འདས་དཔལ་ཆེན་པོའི་སྐུ་ལ་རྣམ་པར་བརྒྱད་ཀྱིས་འཁྲིལ་བའི་ཚུལ་དུ་གནས་སོ། །ཁྲག་འཐུང་བཞི་ལ་རྣམ་པ་ལྔ་ལྔས་འཁྲིལ་བའི་ཚུལ་གྱིས་རྣམ་པར་གནས་པ་དང་། དགྱེས་ཏེ་ཧ་ཧ་ཞེས་བརྗོད་པས་བྱང་ཆུབ་སེམས་ལས་དཀར་མོའི་ཚོགས་དང་། རྐུན་མོའི་ཚོགས་དང་། སྦོམ་མོའི་ཚོགས་དང་། གཏུམ་མོའི་ཚོགས་དང་། །རྨོངས་མོའི་ཚོགས་དང་། ཐལ་བྱེད་མའི་ཚོགས་དང་། སྨེ་ཤ་ཅན་གྱི་ཚོགས་དང་། མ་མོའི་ཚོགས་རྣམས་འཐོན་ཏེ། དེས་ནས་ཡང་དགྱེས་ཏེ་ཧེ་ཧེ་ཞེས་བརྗོད་པས་བྱང་ཆུབ་སེམས་ལས་སེང་གདོང་གི་ཚོགས་དང་། སྟག་གདོང་གི་ཚོགས་དང་། ཝ་གདོངས་གི་ཚོགས་དང་།ཁྱི་གདོང་གི་ཚོགས་དང་། བཞད་གདོང་གི་ཚོགས་དང་། དུར་བྱའི་གདོང་གི་ཚོགས་དང་། བྱ་རོག་གི་གདོང་གི་ཚོགས་དང་། འུག་པའི་གདོང་གི་ཚོངས་རྣམས་འཐོན་ཏོ། དེ་ནས་ཡང་དགྱེས་ཏེ་ཕཊ་ཅེས་བརྗོད་པས་བྱང་ཆུབ་སེམས་ལས་རྟ་གདོང་གི་ཚོགས་དང་། ཕག་གདོང་གི་ཚོགས་དང་། སེང་གདོང་གི་ཚོགས་དང་། སྦྲུལ་གདོང་གི་ཚོགས་འཐོན་ནས་ཉི་ཤུ་རྩ་བརྒྱད་འཁོར་དང་བཅས་པ་རྣམས་རང་རང་གི་གདན་ག་ལ་བ་དེར་ཡུད་ཙམ་གྱིས་ཕྱིན་པར་ཕཊ་ཅེས་སྤྲོས་སོ། །དེའི་ཚེ་འཇིག་རྟེན་གྱི་ཁམས་མཐའ་ཡས་མུ་མེད་པ་རྣམས་ན་དྲེགས་པ་གང་ཇི་སྙེད་ཡོང་པ་ཐམས་ཅད་ཚུལ་ཇི་ལྟར་འདུལ་བ་དང་། ཐབས་ཅིས་འདུལ་བ་སྣ་ཚོགས་ཀྱིས་བཅོམ་ལྡན་འདས་ཀྱི་མཐུས་བཏུལ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཁྲོ་བོ་དེ་དག་ལ་དྲེགས་པའི་ཚོགས་སླར་གསོལ་ཅིག་ཅེས་བཀའ་སྩལ་པས། ཁྲོ་བོ་དེ་དག་གིས་གསོལ་པ། བཅོམ་ལྡན་འདས་ཉིད་ཀྱིས་གསོ་བར་གསོལ་ཞེས་པ་དང་། བཅོམ་ལྡན་འདས་ཉིད་ཀྱིས་ཁྲོ་བོ་དེ་དག་གཅིག་ཏུ་ཧཱུཾ༷་ཞེས་པས་བསྡུས་ཏེ། དབུ་དགུ་ཕྱག་བཅོ་བརྒྱད་པའི་ཚུལ་དུ་རྣམ་པར་གནས་སོ། །དེ་ནས་ཡེ་ཤེས་རྔམ་པའི་རྒྱལ་པོ་དེས་ཕྱག་བཅོ་བརྒྱད་བསྣོལ་ཏེ་བཙིར་བས་མི་གཙང་བའི་འདམ་ཆེན་པོར་འཁྱིལ་ཏོ། །དེ་ནས་བདུད་རྩི་འབྱུང་བའི་ཏིང་ངེ་འཛིན་ལ་ཞུགས་ནས་བདུད་རྩི་འབྱུང་ཞེས་བྱ་བ་གནས་ནས་རྣམ་པར་ཕྱུང་ངོ་། །ཨོ་བཛྲ་ཨ་སྐྲོ་ཏ་མ་ཧྭ་ཁྲོ་དྷི་ཤྭ་རི་ཨུ་སྤྲི་ཛ། བཛྲ་ཨ་མྲི་ཏ་ཧཱུཾ༷་ཨ། དེ་ནས་ཁྲོ་མོ་བདུད་རྩི་ཆེན་མོ་དེ་སྨིན་མ་སྒྱུར་ཞིང་ཤིན་ཏུ་རྔམ་པའི་བགད་པས་རུ་ལུ་རུ་ལུ་ཁུ་ཧི་ཁུ་ཧི་ཞེས་བདུད་རྩིར་བསྒྲུབས་ཏེ་གསོལ་བས་གདུག་པ་ཅན་ཐམས་ཅད་སྔ་མ་བཞིན་དུ་རང་རང་གི་ལུས་སོས་པར་གྱུར་ཏེ་སེམས་དྲན་ནས་དཔལ་ཆེན་ཡེ་ཤེསརྔམ་པའི་རྒྱལ་པོའི་སྐུ་དབུ་དགུ་བརྒྱ་ཕྱག་སྟོང་བརྒྱད་བརྒྱ། ཞབས་བརྒྱད་བརྒྱར་གནས་ཤིང་ཡབ་ལ་ཁྲོ་བོ་བརྒྱ་རྩ་བརྒྱད་ལྷུན་གྱིས་གྲུབ་པར་མཐོང་། ཕྲ་མེན་མ་ཉི་ཤུའི་ཚོགས་ཀྱང་ཤིན་ཏུ་རྔམ་པའི་གཟུགས་རང་རང་གི་སྟན་དང་ལག་ཆར་གནས་པ་མཐོང་ནས། ཤིན་ཏུ་ངོ་མཚར་དུ་གྱུར་ནས་ཞུམ་པའི་ང་རོས་གསོལ་བ་བཏབ་པ།བདག་ཅག་འཁོར་དང་བཅས་པ་རྣམས། །རྔམ་ཆེན་རྒྱལ་པོའི་འབངས་སུ་མཆི། འབངས་སུ་ནན་ཏན་མ་བགྱིས་ན། །མགོ་ལུས་སྙིང་ཡང་རུལ་ནས་ནི། །གཙོ་བསྲེགས་གནས་སུ་འབོད་སྒྲོགས་ཤོག །བདག་ཅག་རྣམས་ཀྱི་མ་དང་སྲིང་། །མཆིས་བྲང་དག་ནི་བུ་མོ་རྣམས། །འབར་བའི་དཀྱིལ་འཁོར་བཞེས་སུ་གསོལ། །བདག་ཅག་རྣམས་ཀྱི་མགོ་བཅད་ལ། །འབར་བའི་དཀྱིལ་འཁོར་རྒྱན་དུ་བཞེས། །བདག་ཅག་རྣམས་ཀྱི་སྙིང་ཕྱུང་ལ། །དཔལ་ཆེན་ཉིད་ཀྱི་ཞལ་དུ་གསོལ། །བདག་ཅག་རྣམས་ཀྱི་ལྤགས་ཤུས་ལ། །དཔའ་བོ་ཆེན་པོ་སྐུ་ལ་གསོལ། །ཨ་ལ་ལ་ཧོ་ཞེས་གསོལ་བ་བཏབ་སྟེ། ལ་ལས་ནི་རང་གི་ལུས་གདན་ཁྲིར་ཕུལ། ལ་ལས་ནི་རང་གི་མགོ་བཅད་ནས་འབར་བའི་ཚོགས་ཀྱི་ཞལ་ཕུར་ཕུལ། །ལ་ལས་ནི་རང་གི་སྙིང་ཕྱུང་ནས་ཞལ་དུ་གསོལ། ལ་ལ་ནི་རང་གི་པགས་པ་བཤུས་ཏེ་སྐུ་ལ་གཡང་གཞི་གསོལ་ཏོ། །དབང་ཕྱུག་ཆེན་པོ་རྣམས་དཔལ་ཆེན་པོའི་སྐུ་ལ་སྦྲུལ་ལྟར་འཁྲིལ་བས་དེས་དྲེགས་པའི་ཚོགས་རྣམས་ཀྱང་ཤེས་བྱའི་སྒྲིབ་པ་བྱང་སྟེ། བདེན་པ་མཐོང་ནས་དམ་ཚིག་དང་ལྡན་པར་མཐོང་བ་གྱུར་ཏེ། དེའི་ཚེ་འདུས་པའི་འཁོར་ཚོགས་ཀྱང་རབ་ཏུ་སྤྲོ་བའི་སེམས་ཀྱིས་རྫུ་འཕྲུལ་རྣམ་པ་དུ་མ་དང་ལྡན་ཏེ། ལ་ལ་ནི་འཇིག་རྟེན་གྱི་ཁམས་རྒྱང་མ་རིང་དུ་འཕན། ལ་ལ་ནི་རི་རབ་ཀླད་ལ་སྐོར། །ལ་ལ་ནི་ཉི་ཟླ་ཞབས་འོག་གནོན། །ལ་ལ་ནི་འཇིག་རྟེན་རྣམ་པ་དྲུག་གུ་གཡོ་བ་ལ་སོགས་པའི་ཆོ་འཕྲུལ་རྣམ་པ་དུ་མ་སྟོན་ཅིང་ཨ་ལ་ལ་ཞེས་པའི་སྒྲ་རྣམ་པར་འབྱིན་ཏོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་འཇིགས་བྱེད་ཚོགས་ཀྱི་དཀྱིལ་འཁོར་ཆེན་པོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །དུརཁྲོདཆེནཔོའིགནསཆེནདུ། །རཀྟའི་རྦ་རླབས་འཁྲུག་པའི་དཀྱིལ། །ཀེང་རུས་རི་རབ་འབར་བའི་སྟེང་། །མེ་འབར་སྲེག་པའི་ཀློང་དཀྱིལ་ན།དུར་ཁྲོད་འབར་བའི་གཞལ་ཡས་ཁང་། །ཚད་དང་རྒྱ་ཡོངས་མ་ཆད་པ། །ཕྱི་ནང་མེད་པར་གསལ་བའི་འོད། །འཁོར་ལོ་འབར་བའི་རྩིབས་བཞི་པ། །གྲུ་ཆད་བར་ཁྱམས་བཞིས་བརྒྱན་པ། །གྲུ་བཞི་སྒོ་ཁྱུད་འབར་བས་མཛེས། །བར་ཁྱམས་གཉིས་ནི་འབར་བར་གསལ། །ཉི་ཟླ་སྦྲུལ་དང་ཐོད་པས་བརྒྱན། །ཁྱུ་མཆོག་དང་ནི་མ་ཧེ་གཟིག །སྟག་དང་ག་་ཐུང་དོམ་དག་གིས། །སྡེར་མོས་དྲེགས་པ་བརྒྱ་བྱིན་དང་། ཚངས་པ་དབང་ཕྱུག་གཟུང་བ་ནི། །གདན་ཆེན་རྣམས་ཀྱང་བཟུང་བའོ། །དབུས་སུ་འཇིགས་བྱེད་ཆེན་པོ་ནི། །སྨུག་ནག་ཆེན་པོ་འཇིགས་པའི་གཟུགས། །དབུ་དགུ་ཕྱག་ཀྱང་བཅོ་བརྒྱད་དེ། །སྤྱན་འབར་བ་ནི་ཉི་ཤུ་བདུན། །ཞབས་བརྒྱད་ཐུར་རུ་གཏམས་པའོ། །རྩུབ་པའི་ཕྱག་མཚན་སྐལ་བར་ཐོགས། །རྡོ་རྗེ་གཤོག་པ་ཕྱོགས་བཅུརགཏམས། །དུར་ཁྲོད་རྒྱན་གྱིས་རབ་ཏུ་བཞུགས། །བཙུན་མོ་རྔམ་པ་ཀྲོ་དྷི་ཡང་། །ཚ་ལུགས་འཇིགས་བྱེད་ཆེན་པོ་ལྟར། །དེ་ཡི་ཕྱོགས་ཀྱི་ཁྲོ་བོ་ཡང་། །ཁྲག་འཐུང་རྡོ་རྗེ་རིན་ཆེན་དང་། །པདྨ་ལས་ཀྱི་ཧེ་རུ་ཀ །ཀུན་ཀྱང་དབུ་གསུམ་ཕྱག་དྲུག་སྟེ། །ཞབས་བཞི་དག་དུ་རྣམ་པར་བགྲད། །ཀྲོ་དྷིའི་ཚོགས་ཀྱིས་རབ་ཏུ་འཁྲིལ། །འཁོར་ལོ་འབར་བའི་རྩེ་མཆན་ལ། །དཀར་མོ་ལ་སོགས་རལ་པ་ཅན། །རང་སྟན་ལག་ཆར་ཆས་ཏེ་གནས། །ཕྱི་རོལ་ཤར་གྱི་ཕྱོགས་དག་ནས། །སེང་གདོང་ལ་སོགས་མགོ་བརྙན་ཚོགས། །སྟན་དང་ལག་་་་་་་་་་་་་་་་་ཆ་དེ་བཞིན་ཆོས། །སྒོ་སྲུང་གདོང་མོ་ལ་སོགས་གནས། །རང་གི་ལག་མཚན་སྟན་དང་ཆས། །འབར་བའི་བར་ཁྱམས་གཉིས་པ་ལ། །རྡོ་རྗེ་སྲིན་པོ་ཁྲོ་བོ་བཅུ། །ཧཱུཾ༷་ཆེན་རྣམ་རྒྱལ་དབྱུག་སྔོན་ཅན། །གཤེད་པོ་མི་གཡོ་རྟ་མགྲིན་རྒྱལ། །གཞན་གྱིས་མི་ཐུབ་བདུད་རྩི་འཁྱིལ། །ཁམས་གསུམ་རྣམ་རྒྱལ་སྟོབས་པོ་ཆེ། །དེ་དག་རྣམས་དང་གཉིས་མེད་པའི། །རྡོ་རྗེ་སྲིན་མོ་ཁྲོ་མོ་བཅུ། །རླུང་འབྱིན་སྙེམས་མ་སྡེར་མོ་དང་།དུར་ཁྲོད་ག་་ཁུང་ག་་མོ་དང་། །མདའ་སྙེམས་སྒྲ་འབྱིན་གསོད་མ་དང་། །སྐུལ་བྱེད་རྣམས་ཀྱིས་རབ་ཏུ་འཁྲིལ། །ཀུན་ཀྱང་ཞལ་གསུམ་ཕྱག་དྲུག་སྟེ། །ཞབས་དྲུག་རྡོ་རྗེ་བྲག་སྟེངས་ན། །འཇིག་རྟེན་སྐྱོང་བས་བ་་ཚུལ་ལོ། །དེ་དག་རྣམས་ཀྱི་བཀའ་སྡོད་ནི། །རྡོ་རྗེ་ཕྲ་མེན་གཏུམ་བག་ཅན། །མཆེ་གཤོག་འབར་བའི་ཚོགས་དང་འཁོར། །སླས་དང་བྱི་མོ་བྲན་མོ་དང་། །ཅི་བགྱི་ལ་སོགས་ཕོ་ཉའི་ཚོགས། །ཕྱི་རོལ་མུ་རན་དག་ལ་གནས། །ཞེས་གསུངས་པས་སྣང་སྲིད་ཐམས་ཅད་ཁྲོ་བོའི་དཀྱིལ་འཁོར་དུ་གྱུར་རོ། །དེ་ནས་བཅོམ་ལྡན་འདས་འཇིགས་བྱེད་ཆེན་པོས་གསུང་གི་དཀྱིལ་འཁོར་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོ་ བིཤྭབིཤུདྷིཙྭནཙཀྲ ་༷། །ཨོ་ཨོ་ཨོ་ཨོ་ཨོ བ་བ་བ་བ་བ་ ཛྲ་ཛྲ་ཛྲ་ཛྲ་ཛྲ མ་མ་མ་མ་མ། ཧྭ་ཧྭ་ཧྭ་ཧྭ་་ཧྭ། བུརྙ། བཛྲ་རཏྣ། པདྨ་ཀརྨ། ཤི་ཤི་ཤིཤི་ཤི། ཧེ་ཧེ་ཧེ་ཧེ་ཧེ། རུ་རུ་རུ་རུ་སྲ ཀ་ཀ་ཀ་ཀ་ཀ ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷། ཕཊ་ཕཊ་ཕཊ་ཕཊ་ཕཊ། ཨོ་ཨོ་ཨོ་ཨོ་ཨོ བ་བ་བ་བ་བ ཛྲ་ཛྲ་ཛྲ་ཛྲ་ཛྲ། བུརྙ་བཛྲ་། རཏྣ། པདྨ་། ཀརྨ། ཀྲོ་ཀྲོ་ཀྲོ་ཀྲོ་ཀྲོ། དྷི་དྷི་དྷི་དྷི་དྷི། ཤྭ་ཤྭ་ཤཱ་ཤྭ་ཤཱ། རི་རི་རི་རི་རི བ་བ་བ་བ་བ་བ་བ་བ ཛྲ་ཛྲ་ཛྲ་ཛྲ་ཛྲ་ཛྲ་ཛྲ་ཛྲ། གོ་རྡི། ཙོ་རྡི། པྲ་མོ་ཧྭ། བིསྟ་སྙི། པུསྐ་སྙི། བྷསྨ་རྡི། སྨ་ཤཱ་ནི། ཙཎྜ་ལི། ཧ་ཧ་ཧ་ཧ་ཧ་ཧ་ཧ་ཧ། བ་བ་བ་བ་བ་བ་བ་བ ཛྲ་ཛྲ་ཛྲ་ཛྲ་ཛྲ་ཛྲ་ཛྲ་ཛྲ། སིདྷ་། བྱུ་སྒྲོ་སྲི་གླ། ཤྭ་ན། ཀྲི་རྟེ། ཀྭསྐོ་ཀ། ཁ་ག ཨུ་ལུ མུ་མུ་མུ་མུ་མུ་མུ་མུ་མུ། ཁ་ཁ་ཁ་ཁ་ཁ་ཁ་ཁ་ཁ། ཧེ་ཧེ་ཧེ་ཧེ་ཧེ་ཧེ་ཧེ་ཧེ། བ་བ་བ་བ། ཛྲ་ཛྲ་ཛྲ་ཛྲ། ཨུརྨྱུ་ཏེ་ཛ་ཏི། ཛ༷༷ཨ་མུ་ཁ། ལོ་ཀ་བྷ་སྨི་པ་ལྭ་ཡ། ཛ༷༷ཧཱུཾ༷་པེ་ཧོ༷༷། བ་བ་བ་བ་བ་བ་བ་བ་བ་བ ཛྲ་ཛྲ་ཛྲ་ཛྲ་ཛྲ་ཛྲ་ཛྲ་ཛྲ་ཛྲ་ཛྲ། ཀྲོ་ཀྲོ་ཀྲོ་ཀྲོ་ཀྲོ་ཀྲོ་ཀྲོ་ཀྲོ་ཀྲོ་ཀྲོ། དྷ་དྷ་དྷ་དྷ་དྷ་དྷ་དྷ་དྷ་དྷ་དྷ། ཧཱུཾ༷་ཀྭ་ར། བི་ཛ་ཡ། ནི་ལ་དཎྜ། ཡ་མྱརྙ་ཀ ཨུརུ་ཨ་ཙ་ལ། ཧ་ཡ་གི་ཝ། ཨ་པ་ར་ཛི་ཏ། ཨ་མྲི་ག་ཀུཎྜལི། ཏྲི་ལོ་ཀ་བི་ཛ་ཡ། མ་ཧྭ་བ་ལ། ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷། ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ། ཀྲོ་ཀྲོ་ཀྲོ་ཀྲོ་ཀྲོ་ཀྲོ་ཀྲོ་ཀྲོ་ཀྲོ་ཀྲོ། དྷི་དྷི་དྷི་དྷི་དྷི་དྷི་དྷི་དྷི་དྷི་དྷི། བ་ཡ་བེ་ཤེ་པསྟི། ལེ་ནོ་ཀི ཏྲ་ཏ་ཧྲི་སྟན་པ་ཏ། མུ་ཧ་ལ། ཙཎྜསྙི་ཡ་ཏི། ཤ་ཡ་བ་ཏི། བ་ཡ་བེ་མྱ་ར་ཎ། ཙུརྙོ། ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷་ཧཱུཾ༷། ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ་ཕཊ། སྦྱོ་་སྨོ་སྟོ་སྨྱོ་སྨྱོ་སྨྱོ་སྨྱོ། སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྦྱོ། སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ། སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ། རུ་ལུ་རུ་ལུ་རུ་ལུ། ཧཱུཾ༷་ཧཱུཾ༷་ཧཱུཾ༷། ཕཊ་ཕཊ་ཕཊ། ཞེས་གསུངས་པས་ཕྱོགས་བཅུའི་འཇིག་རྟེན་ཀྱི་ཁམས་ཐམས་ཅད་གསུང་གི་དཀྱིལ་འཁོར་དུ་གྱུར་པའོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་འཇིགས་བྱེད་ཆེན་པོའི་དཀྱི་འཁོར་བསྟན་པའི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་རྔམ་པའི་རྒྱལ་པོ་དེས་སྟང་སྟབས་ཀྱི་རྣམ་པར་རྒྱལ་བའི་རྒྱལ་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྟང་སྟབས་འདི་དག་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཆོས་ཀུན་མཉམ་པའི་ངང་རྟོགས་ན། །བསྒུལ་ཞིང་བསིགས་པ་ཐམས་ཅད་ཀུན། །ཕྱག་རྒྱ་ཡིན་པར་དཔའ་བོས་བཤད། །རང་གི་ལྷ་ཡི་ཏིང་འཛིན་གྱིས། །སྟང་སྟབས་འདི་ལ་གང་གནས་པ། །སངས་རྒྱས་ཉིད་ཀྱང་སྐྲག་འགྱུར་ན། །དྲེགས་པའི་ཚོགས་ལྟ་སྨོས་ཅི་དགོས། །ལག་གཉིས་ཐལ་སྦྱར་སྤྱི་གཙུག་བཞག །རྐང་གཉིས་མཐིལ་སྤྲད་རྩེ་མོ་བཙུགས། །མགོ་མཚན་རྡོ་རྗེ་སྙིང་པོར་བསྒོམ། །རྩེ་གཅིག་རྩེ་གསུམ་རྩེ་ལྔ་དང་། །རྩེ་དགུ་བཅུ་གཅིག་རྡོ་རྗེ་བསྒོམ། །ས་སྟེངས་ཀུན་དུ་མཆོང་བྱས་པ། །འཇིགས་བྱེད་ཆེན་པོའི་ཕྱག་རྒྱ་ཡིན། །དེ་ཉིད་གཡོན་གྱི་ཕྱོགས་ནས་འཆོང་། །འཇིགས་བྱེད་མ་ཡི་ཕྱག་རྒྱ་བཤད། །ལག་གཡས་གུང་མོ་སྙིང་པོར་བྱ། །གུང་མཛུབ་སྲིན་ལག་རྩེ་གསུམ་ཚུལ། །མཐེ་བོས་མཐེའུ་ཆུང་མནན་པར་བྱ། །ལྷག་མ་རྣམས་ནི་རྡོ་རྗེའི་ཚུལ། །གཡོན་པ་བན་དྷ་ལྟར་བྱས་ནས། །དཀྲུགས་ནས་ཞལ་དུ་གསོལ་བ་ནི། །རྡོ་རྗེ་ཁྲག་འཐུང་ཕྱག་རྒྱ་ཡིན། །གཡས་པ་གཙོ་ལ་འཁྱུད་ཚུལ་དུ། །གཡོན་པར་རཀྟ་སྟོབས་པ་ནི། །རྡོ་རྗེ་ཀྲོ་དྷི་ཀུན་གྱི་རྒྱ། །ལག་པ་གཡས་པ་བརྐྱང་བྱས་ཏེ། གཡོན་པ་དུང་དམར་རཀྟ་འཐུང་། །འདི་ནི་རིན་ཆེན་ཁྲག་འཐུང་རྒྱ། །དེ་ཉིད་གུང་འཛུབ་སྲིན་ལག་བཞིབས། །རལ་གྲི་འདེབས་པ་ལྟར་བྱས་པ། །པདྨ་ཁྲག་འཐུང་ཕྱག་རྒྱ་ཡིན། །དེ་ཉིད་གཡས་པ་ཁུ་ཚུར་བཅངས། །མཐེ་བོང་གུང་མཛུབ་མཐེའུ་ཆུང་རྣམས། །སོ་སོར་བརྐྱང་བ་རྒྱ་གྲམ་ཚུལ། །ལས་ཀྱི་ཁྲག་འཐུང་ཕྱག་རྒྱར་བཤད། །ཁྲག་འཐུང་གཡས་བརྐྱང་གཡོན་བསྐུམ་ཚུལ། །ཀྲོ་དྷིགཡོན་བརྐྱང་གཡས་བསྐུམ་ཚུལ། །སྟབས་སུ་མཆོང་བར་དཔའ་བོས་བཤད། །གཡས་པའི་ཁུ་ཚུར་བཅངས་ནས་བསྒྲེང་། །གཡོན་པ་འཛིན་པ་ལྟར་བྱས་པ། །གཡས་དང་གཡོན་དུ་ལྟ་ཞིང་སྒྱུར། །གོ་རི་ཚོགས་ཀྱི་ཕྱག་རྒྱ་ཡིན། །མདའ་གཞུ་འགངས་པའི་ཚུལ་དུ་ནི། །འབུར་ཚུགས་མི་འགྱུར་ལྟ་བྱེད་པ། རྐུན་མོའི་ཚོགས་ཀྱི་ཕྱག་རྒྱ་ཡིན། །གཡས་པས་ཁུ་ཚུར་བཅངས་པ་ནི། །མཐེ་བོ་མཐེའུ་ཆུང་བརྐྱང་པར་བྱས། །གཡོན་པས་འཛིན་པའི་ཁྲོ་ཚུལ་ལྟ། །ཕྲ་མོའི་ཕྱག་རྒྱ་དཔའ་བོས་བཤད། །གཡས་པའི་གུང་མོ་རྩེ་མོ་བརྐྱང་། །སོར་བཞི་རྩེ་བསྡུས་རྡོ་རྗེ་འཕྱར། །གཡོན་པ་དཀུ་རུ་བརྟེན་པ་ནི། །འབུར་ཚུགས་ལྟ་བ་བེ་ཏའི་རྒྱ། །གཡོན་པས་ཉོན་མོངས་མནན་ཚུལ་ལ། །གཡས་པས་རྒྱུ་འདྲེན་ཟ་བའི་ཚུལ། །པུ་ཀའི་ཕྱག་རྒྱར་བཤད་པ་ཡིན། །གཡོན་པས་དུང་ཁྲག་འཛིན་པ་ལ། །གཡས་པས་ཞགྲུག་ཅིག་རྔམ་ཚུལ་སྟོན། །གསྨ་རི་ཡི་ཕྱག་རྒྱ་ཡིན། །གཡོན་པས་བྱིས་པའི་ལུས་མནན་ནས། །གཡས་པས་སྙིང་འདྲེན་ཟ་ཚུལ་དུ། །སྒྲོལ་ཚུལ་ལྟ་བ་སྨ་ཤའི་རྒྱ། །གཡས་པས་མགོ་བཅད་ཕྱིར་ནས་ཀྱང་། །གཡོན་པས་ལུས་འཛིན་སྟོབས་པར་ལྟར། །ཙཎྜལི་ཡི་ཕྱག་རྒྱ་ཡིན། །ལག་གཉིས་བྲང་ལ་བསྣོལ་ནས་ནི། །ཁ་ན་རོ་ཐོག་རལ་གཟིགས་པ། །སེང་གདོང་ཚོགས་ཀྱི་ཕྱག་རྒྱ་ཡིན། །ལག་གཉིས་ཐུར་དུ་བསྣོལ་ནས་ནི། །ཞིང་ལ་འབུར་ཚུགས་མཆེ་བ་བསྙེར། །སྟག་གདོང་ཚོགས་ཀྱི་ཕྱག་རྒྱ་ཡིན། །ལག་གཉིས་ཞིང་ཁོང་ཁ་ཕྱེ་ནས། །ལྕེ་ཡི་ལྡག་པ་ལྟར་བྱེད་ན། །ཝ་གདོང་ཚོགས་ཀྱི་ཕྱག་རྒྱ་ཡིན། །ལག་གཉིས་ཞིང་ཁོང་ཁ་ཕྱེ་ནས། །འབུར་ཚུགས་ལྟ་བ་ཤྭ་ནའི་རྒྱ། །ལག་གཉིས་སྐྲུ་གྲི་ཐོགས་ཚུལ་དུ་།་ ་།་གཡོན་པས་རྒྱུ་མ་གཟུང་ཞིང་ཟ། །བཞད་གདོང་ཚོགས་གྱི་ཕྱག་རྒྱ་ཡིན། །ཞིང་ཆེན་ཕྲག་ལ་བཀལ་ནས་ནི། །ཀེང་རུས་ཐོགས་པ་ལྟར་བྱས་པ། །དུར་བྱའི་ཚོགས་ཀྱི་ཕྱག་རྒྱ་ཡིན། །གཡོན་པས་བན་ད་གཡས་པ་གྲི་།་ ་།་གློ་སྙིང་འདྲེན་པར་ལྟར་བྱེད་པ། ཁུ་ཀ་མ་ཡི་ཕྱག་རྒྱ་ཡིན། གཡས་པ་རྡོ་རྗ་ཁུ་ཚུར་ལ། །ལྕགས་ཀྱུ་འཛིན་པ་ཧུ་ལའི་རྒྱ། །མཛུབ་གཉིས་ལྕགས་ཀྱུའི་ཚུལ་དུ་བྱས། །རྟ་སྐད་འཚེར་བ་ལྟར་བྱས་པ། རྟ་གདོང་ཚོགས་ཀྱི་ཕྱག་རྒྱ་ཡིན། །མཛུབ་གཉིས་རྩེ་སྦྱར་ཕག་གདོང་གིས། །ཐ་རྒོད་རློག་པའི་ཚུལ་བསྟན་པ། །ཕག་གདོང་ཚོགས་ཀྱི་ཕྱག་རྒྱ་ཡིན། །མཛུན་གཉིས་ལུ་གུ་རྒྱུད་དུ་འཁྱུད། །སེང་གེའི་ཚུལ་དུ་རལ་གསིགས་པ།སེང་གདོང་ཚོགས་ཀྱི་ཕྱག་རྒྱ་ཡིན། །ལག་གཉིས་རབ་ཏུ་བསྐྱོད་བྱ་ཞིང་། །ཕྱོགས་བཅུར་ལྟ་བར་བྱེད་པ་ནི། །སྦྲུལ་གདོང་ཚོགས་ཀྱི་ཕྱག་རྒྱ་ཡིན། །ལག་པའི་ཕྱག་རྒྱ་བཅིངས་བྱས་ཤིང་། །རྐང་པ་འཇོག་ཚུལ་སྟབས་སུ་མཆོང་། །གཡས་པའི་སྡིག་མཛུག་ནམ་མཁར་འཕྱར། །གཡོ་པ་དཀུ་རུ་བརྟེན་པ་ནི། །ཧཱུཾ༷་ཀ་ར་ཡི་ཕྱག་རྒྱ་ཡིན། །ལག་པ་གཡས་པ་སྡེར་མོ་གདེངས། །གཡོན་པ་འཛིན་པ་རྣལ་རྒྱལ་རྒྱ། །གཡས་ཀྱི་སོར་མོ་དབྱུག་པར་བརྐྱང་། །གཡོན་པ་གར་ཐབས་སྐོར་བར་བྱེད། །དབྱུག་སྔོན་ཅན་གྱི་ཕྱག་རྒྱ་ཡིན། །གཡས་པའི་ཁུ་ཚུར་ནམ་མཁར་འཕྱར། །གཡོན་པས་གྲུ་མོ་བརྟེན་པ་ནི། །གཤིན་རྗེ་འཇོམས་པའི་ཕྱག་རྒྱ་ཡིན། །གཡས་པའི་གུང་འཛུབ་སྲིན་ལག་བརྐྱང་། །མཐེའུ་ཆུང་མཐེ་བོས་མནན་པར་བྱ། །གཡོན་པའང་དེ་བཞིན་ཤུགས་སུ་བྱ། །མི་གཡོ་རབ་གྲིའི་ཕྱག་རྒྱ་ཡིན། །ལག་གཉིས་མཐེའུ་ཆུང་ལུ་གུ་རྒྱུད། །ལྷག་མ་ཁུ་ཚུར་བཅངས་པ་ལས། །དཔྲལ་བའི་ཐད་ཀར་བཟུང་བ་ནི། རྟ་མཆོག་དཔལ་གྱི་ཕྱག་རྒྱ་ཡིན། །ལག་གཉིས་ཁུ་ཚུར་མདུན་དུ་བཅངས། །ཞགས་པའི་ཚུལ་དུ་དྲངས་པ་ནི། །གཞན་གྱི་མི་ཐུབ་ཕྱག་རྒྱ་ཡིན། །ལག་གཉིས་ཁུ་ཚུར་གྱེན་དུ་བསྣོལ། །དྲིལ་བུ་གསིལ་ཚུལ་བདུད་རྩི་འཁྱིལ། །ལག་པ་གཡས་པ་ཁུ་ཚུར་འཕྱར། །བརྡེག་པའི་སྟབས་སུ་བྱས་པ་ནི། ཁམས་གསུམ་རྣམ་རྒྱལ་ཕྱག་རྒྱ་ཡིན། །ལག་གཉིས་ཁུ་ཚུར་ཐུར་དུ་བརྐྱང་། །གནོན་པའི་སྟབས་སུ་བགྲད་པ་ནི། །སྟོབས་པོ་ཆེ་ཡི་ཕྱག་རྒྱ་ཡིན། །གྱད་ཀྱི་དོར་སྟབས་ཚུལ་དུ་གནས། །སྟོབས་སུ་མཆོང་བ་ཁྲོ་བོའི་རྒྱ། །སྲིན་མོ་རྣམས་ཀྱི་ཕྱག་རྒྱ་ནི། །རྐང་ལག་གར་ཐབས་བསྐོར་བ་ཡིན། །ཡང་ན་ཁྲོ་བོའི་ཕྱག་རྒྱ་ལས། །གཡས་གཡོན་བཟློག་པ་ཡིན་པར་གསུངས། །ཅི་བགྱིད་དཀའ་ཉན་ཕྱག་རྒྱ་ནི། །གཡས་གཡོན་སོར་མོ་དྲག་སྤྲུགས་པའོ་ཞེས་གསུངས་སོ། །འཕགས་པ་རྒྱུད་ཀྱི་རྒྱལ་པོ་ཆེན་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་འཇིགས་བྱེད་རྣམས་ཀྱི་ཕྱག་རྒྱ་བསྟན་པའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་བསྙེན་བསྒྲུབ་རྒྱུན་གྱི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་ནས་ཀྱང་བསྙེན་བསྒྲུབ་ཟབ་མོའི་དཀྱིལ་འཁོར་འདི་དག་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །བསྙེན་བསྒྲུབ་ཡན་ལག་བསམ་ཡས་ཀྱང་། །དཀྱིལ་འཁོར་དག་ནི་ཐམས་ཅད་ལ། །རྣལ་འབྱོར་འཇུག་པའི་དོན་གྱི་ཕྱིར། །མདོར་བསྡུས་རྣམ་པ་བཞིར་བཤད་དོ། །ཐོག་མར་བསྙེན་པ་ཡིན་པར་བཤད། །གཉིས་པ་དག་ནི་ཉེ་བསྙེན་པ། །གསུམ་པ་བསྒྲུབ་པ་ཞེས་སུ་བརྗོད། །ཐ་མ་བསྒྲུབ་ཆེན་པོ་ཞེས་བྱ། །བྱེ་བྲག་ཏུ་ནི་ཤེས་བྱས་ལ། །དེ་ནས་ལས་རྣམས་བརྩམ་པར་བྱ། །བསྙེན་བསྒྲུབ་བྱེད་བྲག་ཤེས་བྱ་ཞིང་། །དེ་ལ་གནས་པ་རབ་ཏུ་གཅེས། །དེ་དག་མི་ཤེས་མི་གནས་པས། །བསྒྲུབ་ཀྱང་འགྲུབ་པར་མི་འགྱུར་ཏེ། །ལས་རྣམས་བརྩམས་ཀྱང་དོན་མེད་འགྱུར། །དེ་བས་ནན་ཏན་བསྐྱེད་དེ་བྱ། །བསྙེན་པའི་ཏིང་འཛིན་རབ་སྦྱོར་བས། །བྱང་ཆུབ་སེམས་ནི་ཤེས་པར་བྱ། །ཉེ་བར་བསྙེན་པ་ལ་གནས་པས།བདག་ཉིད་ཕྱག་རྒྱ་ཆེན་པོར་བསྒོམ། །དེ་ཡང་གསང་སྔགས་བདག་པོ་ཉིད། །རིག་མ་བསྐྱེད་དང་བསྐུལ་བྱ་བ། །བསྒྲུབ་པ་ཞེས་སུ་རྒྱལ་བས་གསུངས། ཐབས་དང་ཤེས་རབ་འབྲེལ་བ་ལས། །རང་གི་ལྷ་ཡི་རྣལ་འབྱོར་གསུངས། །གང་ཡིན་རྡོ་རྗེ་འགྲུབ་འགྱུར་བ། །བསྒྲུབ་པ་ཆེན་པོ་ཞེས་སུ་བྱ། །བྱང་ཆུབ་སེམས་ཞེས་བྱ་བ་ཡང་། །དམ་པའི་དོན་གྱི་སེམས་ཡིན་ཏེ། །ཆོས་རྣམས་ཐམས་ཅད་དངོས་མེད་པས། །རང་གི་སེམས་ཀྱིས་ཤེས་བྱ་བ། །བསྙན་པའི་དམ་ཚིག་ཡིན་པར་གསུངས། །བདག་ཉིད་ཕྱག་རྒྱ་ཆེན་པོ་ནི། །སྔགས་ཀྱི་བདག་པོའི་ཆ་ལུགས་སུ། །ཏིང་འཛིན་ནན་ཏན་ཁུགས་པར་བསྒོམ། །ཐམས་ཅད་ལྷ་ཡི་རང་བཞིན་པས། །བདག་ཉིད་ལྷ་ཡི་མཚན་ཉིད་དེ། །ཕྱག་རྒྱ་བཞི་དང་རྣམ་ལྡན་པར། ཁྲེས་པ་ཉེ་བསྙེན་དམ་ཚིག་ཡིན། །རིག་མ་བསྐྱེད་དང་བསྐུལ་བྱ་བའི། །རྟེན་དུ་བྱ་བ་ཤེས་རབ་མ། །མཚན་ལྡན་བཀྲ་ཤི་གས་་བའི་གཟུངས།བྷ་ག་གསང་བའི་པརློ་ནི། །རྒྱལ་བ་རྣམས་ཀྱི་ཕོ་བྲང་སྟེ། འདས་པའི་སངས་རྒྱས་བྱུང་བའི་གནས། །སླད་ཀྱིས་བྱིན་པ་གཤེགས་པའི་ཤུལ། །ད་ལྟར་སངས་རྒྱས་བཞུགས་པའི་རྟེན། །རྣལ་འབྱོར་ངོ་ལ་དེ་ལྟར་སྣང་། །མ་རྟོགས་པ་ལ་འཁོར་བའི་ལམ། །སྒྲུབ་པ་རྣམས་ཀྱི་སྒྲུབ་པའི་རྟེན། །རྣལ་འབྱོར་ཅན་གྱིས་ཤེས་པར་བྱ། །ཆེན་པོ་ལྔས་བསྡུས་ཐམས་ཅད་ཀུན། །དེ་ནས་ཡུམ་དུ་གནས་མོད་ཀྱི། །མཚན་མ་བསྒྲུབ་པའི་རྣལ་འབྱོར་པ། །བསྒྲུབ་ཕྱིར་རིགས་ཀྱིདབྱེ་བ་བྱ། སྨིན་མའི་དཀྱུས་རིང་ལག་སོར་ཕྲ། །ཚིགས་པ་ཟླུམ་ལ་རྐེད་སྐབས་ཕྱེད། །ཕྲ་བཤད་ཨུཏུལ་དང་ལྡན་ཞིང་། །སོ་དཀར་སྐྲ་འཇམ་མཐོན་མཐིང་འཁྲིལ། །མིག་ཀྱང་ཟར་མའི་མེ་ཏོག་འདྲ། །སྐྲ་མཚམས་འཁྱུག་ལ་མདོག་ཀྱང་གསལ། །སྣ་བཟང་སྐེ་རིངས་སེམས་མ་འདྲ། །ལུས་དྲང་ནུ་མའི་དཀྱིལ་ན་མཐོ། ཁོང་དལ་འགྲོ་ན་འཇབ་པ་འདྲ། །སྐད་ནི་ངང་པའི་རྒྱལ་པོ་འདྲ། །ཅིར་ཡང་མཛེས་པའི་སྟོབས་ལྡན་པ། །སྤྱི་ཡི་རིགས་དང་མཚན་དུ་བཤད། །བཞིན་དབྱིབས་སོག་ལ་མདོག་ཀྱང་དམར། །མིག་རིངས་སོ་ཐགས་རབ་ཏུ་དམ། །སོ་ལ་ཤེལ་ཆགས་ཀོས་ཀོ་ཕྲ། །ལུས་ལ་ཞིམ་པའི་དྲི་འཕྱུང་བ་།་ ་།་པདྨ་ཅན་ཞེས་བྱ་བར་བཤད། །ཟླ་བའི་མདངས་ལྟར་དཀར་ལ་གསལ། །གཙུག་ཕུད་གཡས་འཁྲིལ་སྐད་ཀྱང་ཆེ། །བོང་ཆུང་ལུས་མཛེས་ཚིག་ཏུ་སྙན། །དུང་ལྟརལུསབཞིནགཡསསུའཁྱིལ། །དུང་ཅན་མ་ཞེས་བྱ་བར་གྲགས། །འདོད་པ་ཆེ་ལ་བརྟུལ་ཞུགས་ཆེ། །ཤེས་པ་གསལ་ལ་བྱེད་བཞིན་ཡངས། །བུ་མོ་མིག་མངས་མ་རུ་བཤད། །སྦས་པའི་བརྡ་དང་ཐབས་ལ་མཁས། ཕྱི་ནང་རླུང་ཁར་གསེར་ལྟར་ལྕི། །བསྡིག་ཅིང་ཀུན་གྱིས་དྲོང་མི་ལོན། །དོན་ལ་གཞོལ་ལ་རྟོག་པ་མེད། །ཟླ་གསང་དཀར་དམར་རླུད་ཁར་ལྕི། །རིགས་དང་མཚན་དུ་བཤད་པ་ཡིན། །སྐྲ་ནི་མཐོན་མཐིང་ལྕང་ལོར་བཤད། །སྲིད་དུ་རིང་ལ་ཕྲ་ལ་ལྡེམ། །ལྕུག་ཕྲན་མང་པོ་འདབ་རྒྱས་པ། ལྗོན་པ་མ་ཞེས་བཤད་པ་ཡིན། །ཕྲ་ཞིང་བཤན་ལ་བཟངས་རིང་བ། །བཅུ་གཉིས་ཉི་ཤུ་ལྔ་ཡི་བར། །མྱུ་ལ་རཀྟ་འཛག་པ་ལ། །རྡོ་རྗེ་མཚོན་གྱིས་མ་ཕོག་པ། །ལྕུག་ཕྲན་མ་ཡི་རིགས་སུ་བཤད།སོར་མོ་གྲུ་བཞི་སྐྲ་ཡང་ཁང་། །སྨིན་ཚོགས་ཆེ་ཞིང་མིག་ཀྱང་འབུར། །འགྲམ་གླད་རིང་ལ་སྐྲ་མཚམས་དམའ། ཁྲ་མདོག་ཆེ་ཞིང་རྣ་བ་རིང་ བ་ལང་ཅན་ཞེས་བྱ་བར་བཤད། །བཞིན་མདོག་གྲུ་གསུམ་ཁ་དོག་གནག །སྐྲ་རྩུབ་ཤེལ་ལ་ཁྲོ་གཉེར་མང་། །རི་མོ་ཅན་ཞེས་བྱ་བར་བཤད། །སྐྱེ་རྒྱུད་མེད་ཅིང་བཀྲ་མི་ཤིས། །གཅིག་པུར་འདུག་པ་གདོང་གཅིག་མའོ། །ཡན་ལག་ཐམས་ཅད་མེས་ཚིག་བཞིན། །གཏན་དུ་འཕེལ་བའི་རྒྱུ་མེད་པ། །མེ་རེག་མ་ཡི་རིགས་སུ་བཤད། །གཞན་ཡང་ལྷའམ་ལྷ་མིན་ནམ། །གནོད་སྦྱིན་སྲིན་པོ་ལ་སོགས་པ། །མདོར་ན་འཇིག་རྟེན་ཁམས་རྣམས་ན། །མོ་ཡི་རིགས་ཅན་གང་ཡང་རུང་། །ཡིད་དུ་འོང་དག་མི་འོང་རྣམས། །དངོས་གྲུབ་བསྒྲུབ་པའི་རྟེན་ཡིན་ཏེ། །ཐུགས་རྗེའི་ཡུལ་བས་ཀུན་སྙོམས་བྱའོ། །དེ་དག་གང་རྙེད་བྱིན་གྱིས་བརླབ། །དེ་ཡི་སྤྱི་བོ་གཙུག་ཏུ་ནི། །ཟླ་དཀྱིལ་མི་ལས་ཀུན་བཟང་མོ། །སྙིང་གར་ཟླ་དཀྱིལ་ལི་བསམས་ཏེ། །ཡངས་པའི་སྤྱན་དུ་བསྒོམ་པར་བྱ། །ལྕེ་སྟེངས་ཟླ་དཀྱིལ་ཡི་གེ་པེ། །གོས་དཀར་མ་ཡི་ལྟེ་བ་ལ། །ཟླ་དཀྱིལ་མ༷་ལས་མྱ་མ་ཀི། །ཡན་ལག་བཞི་ཡི་དཀྱིལ་འཁོར་ལ། །ཏ༷་ལས་སྒྲོལ་མའི་ཕྱག་རྒྱར་གསལ། །ལག་གཡས་ལྕགས་ཀྱུའི་སྐུ་རུ་བསྒོམ། །ལག་གཡོན་དྲིལ་བུ་ལྕགས་སྒྲོག་ཁ། །ཞགས་པ་པདྨ་དག་ལའོ། །རྡོ་རྗེ་ཐབས་ལ་ཡབ་རྣམས་བསྒོམ། །དེ་ལྟར་གསལ་བར་གྱུར་པ་དང་། བྷ་གའི་དབྱིབས་སུ་མེ་རི་བསྒོམ། །བྱང་ཆུབ་སེམས་ཀྱི་འཕྲོ་འདུ་ལས། །ལྷག་པའི་ཏིང་འཛིན་དཀྱིལ་འཁོར་བསྒོམ། །གསལ་ལྡན་མའམ་བྱིན་བརླབས་བྱའོ། །མཚན་ལྡན་ཤེས་རབ་དེ་ཉིད་ལ། །རིན་ཆེན་སྣ་ཚོགས་རྒྱན་དུ་གདགས། །གསེར་གྱི་རྣ་ཆ་གདུ་བུ་དང་། །དོ་ཤལ་དཔུང་རྒྱན་སེ་མོ་དོ། །འཇམ་ཞིང་གསལ་བར་བྱས་པ་ཡི། །ཆོས་ཀུན་ལྔ་དང་ལྡན་པར་བྱ། །ཨ་ག་རུ་དང་དུ་རུ་སྐ། །དྲི་སྤོས་ཙསྡོན་སྦྱར་བ་ཡིན། ཁྲུས་ཀྱི་ཆོ་ག་དག་པར་བྱ། །དྲི་ཞིམ་བྱུག་པས་ལུས་ལ་བྱུགས། །རྫས་ཀྱི་ཆུ་དང་རྫས་སྦྱར་བས། །ནང་ཡང་དག་པའི་ཁྲུས་བྱའོ། །དེ་ནས་བྱང་ཆུབ་སེམས་བསྐྱེད་དེ། །མི་དམིགས་དོན་ལ་སེམས་སྦྱར་ཕྱིར། །སྐྱེ་མེད་བྱང་ཆུབ་སེམས་ཀྱི་དོན། །རྒྱ་ཆར་རབ་ཏུ་བཤད་པར་བྱ། སྣང་སྲིད་ཕྱག་རྒྱའི་དཀྱིལ་འཁོར་དུ། །ལྷུན་གྱིས་གྲུབ་པར་ཡིད་ཆེས་བྱ། །དེ་ནས་བསྐུར་བར་བྱ་བའི་ཕྱིར། །གསང་བའི་བརྡ་ཡིས་བསྲེ་བར་བྱ། །ས་མ་ཡ་ཧོ་ཞེས་བརྗོད་ན། །ས་མ་ཡ་ཧཱུཾ་ཞེས་པས་བསྲེ། །རྭ་ག་ཡུ་མི་ཞེས་བརྗོད་ན། །ར་ཧོ་ཧི་ཞེས་ཀྱང་ནི་བྱ། །ཏི་པ་སུ་ཀེ་ཞེས་བརྗོད་ན། །གན་དེ་ཙི་ཏ་ཞེས་པས་མཚོན། །ཨ་ཏི་པུ་ཧོ་ཞེས་བརྗོད་ན། །པྲ་ཏི་པུ་ཧོ་ཞེས་པས་མཚོན། །གཡས་པ་སྨིན་མ་བསྐྱོད་ན་ནི། །གཡོན་པའི་སྨིན་མས་དེ་བཞིན་མཚོན། །དེ་བཞིན་བརྡ་སྣ་ཚོགས་པས་བསྲེ། །དེ་ནས་བསྐུལ་བར་བྱ་བ་ནི། ཁེས་རབ་ཉི་མའི་འོད་ཟེར་གྱིས། །ཐབས་མཆོག་ཟླ་བའི་འོད་ཟེར་ལ། །བསྐུལ་བའི་ཆོ་ག་འདི་སྐད་དོ། །མི་གཡོ་མཆོག་གི་རྒྱལ་པོ་དགོངས་སུ་གསོལ། །རྣམ་པར་རྟོག་བྲལ་ཤིན་ཏུ་དྲི་མེད་སྐུ། །འོད་ཟེར་ཟླ་རྒྱས་འདྲ་བའི་མདངས་ལྡན་ཞལ། །དགྱེས་པའི་རོལ་པའི་དོན་ལ་གཤེགས་སུ་གསོལ། །ཐབས་མཆོག་ཟླ་བའི་འོད་ཟེར་གྱིས། ཁྲེས་རབ་ཉི་མའི་འོད་ཟེར་ལ། །བསྐུལ་བའི་ཆོ་ག་འདི་སྐད་དོ། །འབྱོར་ལྡན་ཡིད་འོང་རྒྱལ་བ་རྒྱ་མཚོའི་དབྱིངས། ཁྲེས་རབ་ཟབ་མོ་རྣམ་དག་པདྨའི་མདངས། །རྫུ་འཕྲུལ་ཐབས་ལ་མཁས་པའི་སྤྱོད་མཆོག་མ། །འབྱོར་ལྡན་ཡིད་འོང་ཆོ་འཕྲུལ་སྣ་ཚོགས་སྟོན། །ཧོ། ཉི་མའི་འོད་ཟེར་གྱིས་བསྐུལ་བ། །ཨེ་མའོ་པདྨ་འབར་བའི་ཟེའུའབྲུ་འདི། །འཛུམ་པའི་མདངས་ཀྱིས་འབུལ་ལགས་ན།དགྱེས་པའི་རྡོ་རྗེ་རབ་གསོར་ནས། བྱང་ཆུབ་སེམས་སྤྲུན་དབབ་དུ་གསོལ། །ཟླ་བའི་འོད་ཟེར་གྱིས་བསྐུལ་བ། །ཨེ་མའོ། །འོད་ཟེར་དགའ་སྟེ་ཡིད་འོང་མ། །སེམས་འཕྲེང་གདུངས་པའི་ཤེས་རབ་གཟུངས། །གའུ་འཁྲིལ་བའི་པདྨ་ལ། །རྡོ་རྗེ་བདེ་བའི་བྱང་ཆུབ་འབར། །ཨ་ལ་ལ་ཧོ། །དེ་ནས་གཉིས་མེད་བདེ་མཆོག་སེམས། །སངས་རྒྱས་སྤྲིན་གྱི་ཚོགས་ཆེན་ལ། །དགྱེས་མཉམ་མཆོག་གི་མཆོད་པ་དབུལ། །གྲུབ་པ་ཉི་ཟླའི་སྙིང་པོ་དེ། །རྣལ་འབྱོར་རྡོ་རྗེ་ཆེན་པོས་བླང་། །འགྲོ་དྲུག་སེམས་ཅན་བག་ཆགས་སྲེག །ཞི་བའི་མཐའ་ལ་ཤི་བ་བསླང་། །ཕྱོགས་བ་་རྣལ་འབྱོར་ཐུགས་དམ་བསྐུལ། །དེ་ལྟར་བྱ་བའི་དམ་ཚིག་ནི།བསྒྲུབ་པ་ཡིན་པར་རྒྱལ་བས་གསུངས། །དེ་དག་དངོས་གྲུབ་ཐོབ་པའི་རྒྱུ། །རིག་པའི་དམ་ཚིག་བསྒོམས་པའི་ལམ། །སྔགས་ཀྱི་བདག་པོ་བདག་འགྲུབ་སྟེ། །གང་ཡིན་ལས་ལ་འཇུག་ནུས་པའི། །དམ་ཚིག་སྒྲུབ་པོ་ཆེན་པོ་ཡིན། །ཞེས་གསུངས་སོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་བསྙེན་བསྒྲུབ་རྣམ་བཞི་བཤད་པའི་ལེའུ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་འདོད་པ་ཐས་ཅད་རབ་ཏུ་བསྒྲུབ་པའི་སྤྱིན་བཀོད་པ་ཞེས་་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། །བསྒྲུབ་པའི་མཚན་ཉིད་ལས་དངོས་གྲུབ་ཀྱི་བྱེ་བྲག་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །དེ་ལ་འདི་ནི་ཕྲ་མོའི་ཏིང་ངེ་འཛིན་ལ་བསྒྲུབ་པའོ། །དེ་བཞིན་གཤེགས་པ་ཐམས་ཅད་ཀྱི། །ཐམས་ཅད་མཁྱེན་པ་བསྒྲུབ་པའི་ཕྱིར། །རང་སེམས་ཤིན་ཏུ་སྦྱངས་པས་ནཕྲ་མོའི་དངོས་གྲུབ་བསྒྲུབ་པ་གཅེས། །རབ་ཏུ་དབེན་པའི་གནས་དག་ཏུ། །བདག་ཉིད་ནམ་མཁའི་དབུས་སུ་ནི། །ཟླ་བའི་དཀྱིལ་འཁོར་ལ་གནས་པའོ། །རང་གི་ལྷར་ནི་རང་བསྒོམས་ནས། །ཕྲ་མོའི་སྦྱོར་བ་ཀུན་དུ་བརྩམ། །རིན་ཆེན་རྒྱུ་ལས་གྲུབ་པ་ཡི། །བསྙེན་མའི་དཀྱིལ་འཁོར་དེ་བཞིན་དུ། །སོ་སོའི་གསུང་གི་ཡིག་འབྲུ་རྣམས། །ཆེ་ཆུང་ཡུངས་ཀར་འབྲུ་ཚོད་ཙམ། །སྙིང་གའི་དཀྱིལ་དུ་གསལ་བ་ལས། །ཧཱུཾ༷་གིས་ཁོང་དུ་དྲངས་ནས་ནི། །ཁོང་ནས་ཁ་རུ་བྱུང་བར་བསལ། །ཧཱུཾ༷་གི་དབུགས་ལ་ཞོན་ནས་སུ། །སྣ་ཡི་རྩེ་མོར་བྱུང་བ་དང་། །སྣ་རྩེ་ཉིད་དུ་གསལ་བར་བསྒོམ། །ཏིང་འཛིན་གསལ་བར་ཁུགས་པ་དང་། སྣ་ཡི་རྩེ་ནས་ནམ་མཁའ་ལ། །ཇེ་རིང་ཇེ་རིང་ཕཊ་ཀྱིས་སྤྲོ། །རིང་དུ་སྤྲོ་བ་གོམས་པ་དང་། འོད་དང་བཅས་པའི་ཡིག་འབྲུ་དེས། །ཕྱོགས་བཅུར་གནས་པའི་སངས་རྒྱས་ཀྱི། །གསུང་གི་ཡི་གེ་ཇི་སྙེད་པ། །དབྱར་གྱི་སྤྲིན་སྐྲུང་འདུས་པ་བཞིན། །ཧཱུཾ༷་གིས་སྙིང་ག་ཉིད་དུ་བསྡུ། །ཡུངས་ཀར་འབྲུ་ཚོས་དེ་ཉིད་ལ། །སྟོང་གསུམ་འཇིག་རྟེན་ཀུན་བཅུག་ཀྱང་། །དེ་ཡི་ནང་དུ་ས་ལེ་གསལ། །སྔགས་ཀྱིས་བརྟགས་པའི་ལྷ་རྣམས་ཀྱི། །གནས་སུའང་དེ་ཉིད་གསལ་བར་བསྒོམ། །དེ་ལྟའི་འཕྲོ་འདུ་ཡང་དང་ཡང་། །གོམས་པར་ཅི་ནུས་དག་ཏུ་བྱ། །དེ་ནི་གསུང་གི་ཕྲ་མོར་བཤད། །སོ་སོའི་གསུང་གི་ཡིག་འབྲུ་ལས། །ཕྱག་མཚན་ཡུངས་ཀར་ཙམ་དུ་གསལ། །སྙིང་ག་ཉིད་དུ་གསལ་བ་ནས། །རྒྱལ་བའི་ཕོ་བྲང་འདུས་ཀྱི་བར། །གོང་མའི་གོ་རིམས་དེ་ཡིས་བྱ། །དེ་ནི་ཐུགས་ཀྱི་ཕྲ་མོར་བཤད། །སོ་སོའི་ཐུགས་མཚན་གསལ་བ་ལས། །རང་རང་ལྷ་ཡི་རྣམ་པར་གསལ། །ཐུགས་ཀར་ཡུངས་ཀར་འབྲུ་ཚོད་ཙམ། །གོང་མའི་ཚུལ་དུ་བྱ་བར་བཤད། །དེ་ནི་སྐུ་ཡི་ཕྲ་མོ་ཡིན། །དེ་ལྟར་ལྷ་ཚོགས་མ་ལུས་པར། །རིམ་གྱིས་ཡང་ན་ཅིག་ཅར་རོ། །ཅིག་ཅར་བསྒོམ་པ་ཤིན་ཏུ་དཀའ། །བདེ་གཤེགས་རྒྱལ་བ་སངས་རྒྱས་ཀྱི། །ཐམས་ཅད་མཁྱེན་པའི་སྤྱོད་ཡུལ་མིན། །རྣལ་འབྱོར་ཅན་གྱིས་རིམ་གྱིས་ནི། །གཙོ་ནས་འཁོར་གྱི་བར་དག་ཏུ། །ཡང་ནས་ཡང་དུ་གསལ་བར་བསྒོམ། །འདི་དག་བསྒོམ་པའི་ཡོན་ཏན་ནི། །སངས་རྒྱས་ཉིད་དུ་འགྲུབ་པར་ངེས། །ཐམས་ཅད་མཁྱེན་པ་བསྒྲུབ་པའི་མཆོག །སྐུ་གསུང་ཐུགས་ཀྱི་དཀྱིལ་འཁོར་ཀུན། །འདི་ལས་འབྱུང་བར་གདོན་མི་ཟ། །འདི་ཐོས་དངོས་གྲུབ་གཞན་རྣམས་ཀུན། །བསྒྲུབ་མི་དགོས་པར་གྲུབ་པ་ཡིན། །རྣལ་འབྱོར་ཅན་གྱིས་བསྒོམ་བྱས་ན། ཟླ་བ་དྲུག་གིས་ངེས་པར་འགྲུབ། །ཟས་སུ་བཤང་གཅི་ཟ་བའམ། ་་རྣམས་ཟོས་ན་འགྲུབ་པ་ཡིན། ཞེས་གསུངས་སོ། །དེ་ལ་འདི་ནི་རྡོ་རྗེ་མི་སྣང་བ་བསྒྲུབ་པའི་ཐབས་སོ། །དགོན་པའི་གནས་སམ་རི་བོ་དབེན། །མེ་ཏོག་འབྲས་བུ་རྒྱས་པར་སྲ །རང་གི་ལུས་ངག་སེམས་རྡོ་རྗེའི། །སྙིང་གར་ཟླ་བའི་དཀྱིལ་འཁོར་ལ། །འཇམ་དཔལ་ས་བོན་མུ༷་དུ་བསྒོམ། །བདག་ལུས་དང་ནི་ཟླ་བ་དང་། །མུ༷་རྣམས་རིམ་པ་ཇི་ཞི་ལ། །སྟོང་པ་ཉིད་ཀྱི་རྣམ་པ་ལས། །སྙིང་རྗེ་ཀླུ་དག་ཟླ་བ་ལས། །རྡོ་རྗེ་འཇམ་པའི་ཕྱག་རྒྱ་བསྒོམ། །ལུས་དང་ངག་སེམས་རྡོ་རྗེ་ལས། །རྡོ་རྗེ་འཇམ་པ་རབ་འཕྲོས་པས། །འཇམ་དཔལ་ཉིད་དང་འདྲ་བར་འགྱུར། །དཔག་ཚད་བརྒྱ་ཡི་ཁྱོན་ཙམ་དུ། །རྡོ་རྗེ་འཇམ་པའི་འོད་དང་བཅས། །རྒྱན་རྣམས་ཀུན་གྱིས་ལེགས་བརྒྱན་པའི། འཇམ་དཔལ་ཉིད་དུ་ཀུན་གྱིས་མཐོང་ མངོན་ཤེས་ལྡན་པའི་ལྷ་རྣམས་ཀྱིས། །ལུས་ཀྱི་རྣམ་པ་མཐོང་མི་འགྱུར། །དེ་ནས་སླར་ནི་བསྡུས་པ་ལས། ཐུགས་ཀའི་མུ་ལ་ཐིམ་བསམས་ན། །མཆོག་ཏུ་ཤེས་རབ་རྣོ་བ་དང་། །མཁྱེན་རབ་ཀུན་གྱི་བདག་པོར་འགྱུར། །ཐམས་ཅད་མཁྱེན་པའང་ཐོབ་འགྱུར་ན། །འཇིག་རྟེན་ཤེས་བྱ་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི་རྡོ་རྗེ་རིག་འཛིན་བསྒྲུབ་པའི་ཐབས་སོ། །ནམ་མཁའ་དབྱིངས་ཀྱི་དབུས་དག་ཏུམ། །ཟླ་བའི་དཀྱིལ་འཁོར་བསམས་ནས་སུ། །རང་ཉིད་གང་འདོད་ལྷར་བསྒོམས་ཏེ། སྐུ་གསུང་ཐུགས་སུ་བྱིན་བརླབས་པའི། །དམ་རྫས་བདུད་རྩི་རྣམ་ལྔ་ལ། །སྲན་མ་ཙམ་གྱི་རིལ་བུ་བྱ། །ལྕགས་གསུམ་ག་འུར་བཅུག་ནས་ནི། ཁར་བཅུག་རང་གི་སྙིང་པོ་ལས། །རབ་ཏུ་གོམས་པར་འདི་བྱས་ན། །རང་འདོད་རིག་འཛིན་གདོན་མི་ཟ། །མཐའ་ཡས་ཞིང་ཁམས་ཐམས་ཅད་ཀྱི། །རྡུལ་སྙེད་བཞུགས་པའི་སངས་རྒྱས་ཀུན། །དེ་ཡི་རྗེས་སུ་འབྲང་བར་འགྱུར། །དེ་ལ་སོགས་ཏེ་མཐའ་ཡས་མཆོག །ཅེས་གསུངས་སོ། །ཡང་ན་རང་གི་ཕྱག་རྒྱ་སྟེ། ནམ་མཁའ་དབྱིངས་ཀྱི་དབུས་དག་ཏུ། །ཟླ་བའི་དཀྱིལ་འཁོར་སྟེང་དུ་ནི། །བདག་ཉིད་གང་འདོད་ལྷར་བསྒོམས་ཏེ། །རང་གི་ཕྱག་རྒྱ་བརྙན་མར་བྱ། །ལག་ཏུ་ཐོགས་ལ་རང་རིག་སྔགས། བཟླས་ན་རིག་འཛིན་གང་ཡིན་འགྱུར། །རང་གི་ལྷ་ནི་གང་ཡིན་པའི། །ཡོན་ཏན་དག་ནི་དེ་ཐོབ་འགྱུར། །ཞེས་གསུངས་སོ། །དེ་ལ་འདི་ནི་རྡོ་རྗེ་ལྷ་དང་། ལྷ་མོ་དགུག་པའི་ཆོ་གའོ། ཁེང་གཅིག་དྲུང་ངམ་བཞི་མདོ་འམ། །མཚན་མ་གཅིག་དང་ཞི་གནས་སུ། །བདག་ཉིད་གཙོ་གཟུང་ལྡན་བྱས་ནས། །སྐུ་གསུང་ཐུགས་ཀྱི་བདག་ཉིད་བསམ། །སྐུ་གསུང་ཐུགས་ཀྱི་རྡོ་རྗེ་ལས། །ལག་ན་ཀྱོ་བ་ཐོགས་པ་ཡི། །སྤྲུལ་པ་བསམ་ཡས་འཕྲོ་བར་བྱ། །ཛ་ཡུ་ར་ཎ་ཕཊ། །གང་དགུག་ལྷའམ་བུད་མེད་དམ། །ཡ༷་ལས་རླུད་གིས་བཏེག་བསམ་ཏེ། །ཀྱོབས་གདན་ནམ་སྙིང་ག་ནས། །གཟུང་སྟེ་ཧཱུཾ༷་གིས་བསྡུས་བྱས་ན། །སངས་རྒྱས་གྲགས་པ་ཆེན་པོ་ཡང་། །རང་དབང་མེད་པར་ཁུགས་འགྱུར་ན། །འཇིག་རྟེན་བུ་མོ་སྨོད་ཅི་དགོས། །གང་འདོ་ལས་དེ་བྱེད་པར་འགྱུར། ཞེས་གསུངས་སོ། །དེ་ནི་འདི་ནི་རྡོ་རྗེ་ལྕེ་བསྒྲུབ་པའི་ཐབས་སོ། །བདག་ཉིད་སྔགས་ཀྱི་སྐྱེས་བུ་ཡི། །རྡོ་རྗེའི་སྐུར་ནི་རབ་བསྒོམས་ལ། །ལྕེ་ལ་པདྨའི་དཀྱིལ་འཁོར་དུ། །རྡོ་རྗེའི་སྦྱོར་བས་ཨོ་དུ་བསམ། །དེ་ལས་རྡོ་རྗེ་གསུང་དུ་གྱུར། །བསམ་ཡས་ཨོ་གི་འཕྲོ་འདུ་ལས། །སངས་རྒྱས་གསུང་དང་སེམས་ཅན་དག །བདག་གི་ལྕེ་ལ་འདུས་པ་སྲ །ཡང་ན་ཡང་དུ་གོམས་པར་བསྡུ། །འཇིག་རྟེན་ཚིག་གམ་ཆོས་ཀྱི་སྒྲ། །ང་བརྗོད་བདེན་ཞིང་ཉན་པ་དང་།བརྫུན་དང་ཕྲ་མ་ཚིག་རྩུབ་སོགས། །ངག་གི་ཉེས་པ་ཅི་བརྗོད་ཀྱང་། །ལྕེ་སྒྲིབ་སྦྱངས་པར་གདོན་མི་ཟ། །ཞེས་གསུངས་སོ། །དེ་ལ་འདི་ནི་ཤ་རྣམ་པ་ལྔའི་དངོས་གྲུབ་བསྒྲུབ་པའི་ཐབས་སོ། །བདག་ཉིད་ལུས་ངག་སེམས་རྡོ་རྗེ། །རྡོ་རྗེ་གསུམ་དུ་རྣམ་པར་བསྒོམ། །མཚན་དང་དཔེ་བྱད་ཡང་དག་ལྡན། །ཡེ་ཤེས་དམ་ཚིག་སྙིང་གར་བསྒོམ། །དབུ་རྒྱན་རྡོ་རྗེ་གསལ་བར་བྱ། ཁྲ་ཆེན་དག་ནི་ཐམས་ཅད་ལ། །ས་བོན་ཨོ་གྱིས་རྣམ་པར་སྦྱང་། །སྲིད་གསུམ་སེམས་ཅན་ཐམས་ཅད་ཀྱི། །ཤ་ཆེན་ཇི་སྙེད་ཡོད་པ་ཀུན། །ཨོ་གྱི་འཕྲོ་འདུས་བསྡུས་ནས་ནི། །སྤྱོད་ཚེ་བདག་ལ་ཐིམ་པ་བསྒོམ། །གླང་པོ་དག་གི་ཤ་རྣམས་ལ། །ཧཱུཾ༷་ལྕེའི་དམ་ཚིག་རྡོ་རྗེ་ལ། །རྡོ་རྗེ་ཅན་གྱི་ཧཱུཾ༷་དུ་བསྒོམ། །ཡེ་ཤེས་ལྔ་ཡི་སྦྱོར་བ་ཡིས། །ཟོས་ན་དམ་ཚིག་སྐུ་གསུང་ཐུགས། །རྡོ་རྗེ་ཐོབ་པར་གདོན་མི་ཟ། །ཕྱག་ན་རྡོ་རྗེའི་མཐུ་སྟོབས་འགྲུབ། །ཆོ་ག་གོ་རིམ་དེ་ཡིས་ནི། །གླང་པོ་དག་གི་ཤ་རྣམས་ལ་།་ ་།་ཧཱུཾ༷་གི་འཕྲོ་འདུས་རབ་སྦྱངས་ཏེ། །ཟོས་ན་མངོན་ཤེས་ལྔ་ཐོབ་འགྱུར། །རྟ་ཤ་དག་ནི་ཐམས་ཅད་ལ། །སྭ་ཡི་འབྲོ་འདུས་རབ་སྦྱངས་ཏེ། ཟོས་ན་མི་སྣང་ཀུན་གྱི་མཆོག ཁྱི་ཤ་དག་ནི་ཐམས་ཅད་ལ་།་ །་ཧ་ཡི་འཕྲོ་འདུས་རབ་སྦྱངས་ན། །དངོས་གྲུབ་རབ་འབྲིང་ཐ་མ་ཀུན། །ཡིད་བཞིན་ནོར་བུ་ལྟ་བུར་འགྱུར། །གཉིད་ཀྱི་དགྲ་ཡང་མོད་ལ་འཇོམས། །བ་གླང་ཤ་ནི་ཐམས་ཅད་ལ། །ཨི་གྱི་འཕྲོ་འདུས་སྦྱང་བྱས་ཏེ།ཆོ་ག་བཞིན་དུ་ཟོས་ན་ནི། །སངས་རྒྱས་ཀུན་གྱི་ལོངས་སྤྱོད་འཕྲོག །མཐུ་ཆེན་ཀུན་གྱི་བུ་མོ་ཡང་། །སྤྱོད་པར་འགྱུར་བ་གདོན་མ་ཟ། །ཞེས་གསུངས་སོ། །དེ་ལ་འདི་ནི་རྡོ་རྗེ་མངོན་པར་ཤེས་པ་ལྔ་བསྒྲུབ་པའི་ཐབས་སོ། །རབ་ཏུ་དབེན་པའི་གནས་དག་ཏུ། །བདག་ཉིད་རྣམ་པ་ཀུན་ལྡན་པའི། །སྔགས་ཀྱི་ལུས་སུ་རྣམ་སྦྱངས་ནས། །མིག་གི་དབང་པོ་ཐམས་ཅད་ལ། །ཡིག་འབྲུ་ལྔ་ཡིས་རབ་སྦྱངས་ཏེ། །འོད་ཟེར་ལྔར་ནི་འཕྲོ་བ་ལས། །སངས་རྒྱས་སེམས་ཅན་ཐམས་ཅད་ཀྱི། །མིག་གི་མངོན་ཤེས་ཀུན་བསྡུས་ནས། །དབང་པོ་དེ་ལ་ཐིམ་པ་དང་། ཟོས་སམ་མིག་ལ་རྟག་བསྐུས་ན། །སངས་རྒྱས་སེམས་ཅན་ཐམས་ཅད་ཀྱི། །སྤྱོད་ཡུལ་ཇི་སྙེད་ཡོད་པ་ཀུན། ཁེང་ཐོག་ལག་ཏུ་བཞགཔབཞིན། །རྡོརྗེམིག་གི་གསལ་བར་མཐོང་། །ཆོ་ག་གོང་མའི་ཚུལ་གྱིས་ནི། །རྣ་བའི་དབང་པོ་ཐམས་ཅད་ལ། །སངས་རྒྱས་སེམས་ཅན་ཐམས་ཅད་ཀྱི། །རྣ་བའི་མངོན་ཤེས་ཀུན་བསྡུས་ནས། །ཟོས་སམ་རྣ་བའི་ནང་བཞག་ན། །སངས་རྒྱས་སེམས་ཅན་ཐམས་ཅད་ཀྱི། །སྒྲ་རྣམས་ཐམས་ཅད་ཇི་སྙེད་པ། །རྣ་བའི་དྲུང་དུ་འདུས་པ་བཞིན། །སྙིང་གི་བྱེ་བྲག་ཐམས་ཅད་ལ། །སངས་རྒྱས་སེམས་ཅན་ཐམས་ཅད་ཀྱི། །དྲན་པའི་མངོན་ཤེས་ཀུན་བསྡུས་ནས། །ཟོས་སམ་སྙིང་གར་བཞག་ན་ནི། །སངས་རྒྱས་སེམས་ཅན་ཐམས་ཅད་ཀྱི། །ཐུགས་དང་སེམས་ཀྱི་རྒྱུད་དག་ནི། །མཁྱེན་ཅིང་རིག་པ་ཀུན་ཤེས་འགྱུར། ཡུམ་གྱི་མཁའ་ལས་བྱུང་བ་ཡི། །རཀྟ་དག་ནི་ཐམས་ཅད་ལ། །སངས་རྒྱས་སེམས་ཅན་ཐམས་ཅད་ཀྱི། །གནས་རྣམས་མ་ལུས་ཀུན་བསྡུས་ནས། །ཟོས་སམ་སྙིང་གར་བཞག་ན་ནི། སྔོན་གྱི་གནས་ཀྱི་གཏན་ཚིགས་རྣམས། །ཞག་གསུམ་ལོན་བཞིན་གསལ་བར་འགྱུར། །སྙིང་གར་ཡེ་ཤེས་སེམས་དཔའ་བསྒོམ། །ཕྱོགས་བཅུར་གནས་པའི་སངས་རྒྱས་རྣམས། །བཀུན་ནས་དེ་དག་རྫུ་འཔྲུལ་རྣམས། །ཕྲོགས་ནས་སྙིང་གར་བསྡུ་བྱས་ན། །སངས་རྒྱས་དག་ནི་ཐམས་ཅད་ཀྱི། །རྡོ་རྗེ་རྫུ་འཕྲུལ་ཐམས་ཅད་ཀུན། །འགྲུབ་པར་འགྱུར་བར་གདོན་མི་ཟ། །ཞེས་གསུངས་སོ། དེ་ལ་འདི་ནི་རྡོ་རྗེ་བསྲུང་བ་བསྒྲུབ་པའི་ཐབས་སོ་།་ ་།་སྐུ་གསུང་ཐུགས་ནི་རྣམ་བསྒོམས་ལ། །སྙིང་གར་ཉི་ཟླའོ་དཀྱིལ་འཁོར་ལས། ཁྲོ་བོ་འོད་ཀྱི་ཕྲེང་བ་ཡིས། །བསྲུང་བར་བྱ་བའི་ཟུང་རྔུ་རྣམས། །ཕྱུང་སྟེ་མེད་པར་བསམས་ནས་ནི། །ལྷ་རྣམས་དག་ནི་ཐམས་ཅད་ཀྱི། །ཕྱག་རྒྱ་དག་ནི་ཐམས་ཅད་དམ། །ཡང་ན་རྡོ་རྗེ་རྒྱ་གྲམ་མམ། །རྡོ་རྗེ་གོ་ཆའི་ཕྱག་རྒྱ་ཡིས། །ལུས་དང་ངག་སེམས་རབ་བསྲུངས་ན། །སངས་རྒྱས་ཀྱིས་ཀྱང་མི་ཚུགས་ན། །ཕལ་པ་རྣམས་ཀྱིས་སྨོས་ཅི་དགོས། །ཞེས་གསུངས་སོ། །ལས་འདི་སྦྱར་བར་བྱ་བ་ཡང་། །ལྗོངས་སམ་གྲོང་ཁྱེར་གྲོང་དག་ཏུ། །སྔགས་ཀྱི་དབང་པོར་རབ་གནས་ལ། །ནད་ཀུན་སྤོང་བའི་ལས་འདི་བྱ། །རྡོ་རྗེ་རྩེ་ལྔ་འོད་འཕྲོ་བ། །བསྐལ་པའི་མེ་བཞིན་བསམས་ནས་སུ། །སྤྲོས་པས་ནད་རྣམས་བསྲེགས་ནས་ནི། །སླང་ཡང་རྡོ་རྗེ་ཉིད་ལ་བསྡུ། །དེ་ནས་རྡོ་རྗེ་དེ་ཉིད་ལས། །འོད་ཟེར་སེར་པོ་སྤྲོས་པ་ཡིས། །ནང་རྣམས་སྟོང་པའི་གནས་དེ་དག །བསྐལ་པ་ཡུན་དུ་གང་བསམས་ཏེ། །གོམས་པར་ཡང་དང་ཏང་བསམས་ན། །ནད་རྣམས་ཐམས་ཅད་སེལ་བར་བྱེད། །དེ་ན་འཁོར་བའི་སྐྱེ་བོ་རྣམས། །སྤྲུལ་པའི་བདེ་བ་ཐོབ་པར་འགྱུར་། །བདེ་གཤེགས་རྣམ་ཀྱིས་བྱིན་གྱིས་རློབས། །ཚེ་རིང་ལང་ཚོ་བདེ་བར་འགྱུར། །ཞེས་གསུངས་སོ། །དེ་ལ་འདི་ནི་ཞི་བ་བསྒྲུབ་པའི་ཐབས་སོ། །རབ་ཏུ་དབེན་ཞིང་ཉམས་དགའ་བར། །རྣམ་པར་སྣང་མཛད་བསྒོམ་པ་ནི། །ནམ་མཁའི་དབུས་སུ་ཟླ་བ་ལ། །དཀྱིལ་འཁོར་ཟླུམ་པོ་བསམས་ནས་སུ། །རྣམ་པར་སྣང་མཛད་དཀྱིལ་འཁོར་བསྐྱེད། །སྙིང་གར་ཟླ་བའི་དཀྱིལ་འཁོར་ལ། །བུད་དྷ་ལོ་ཙའི་སྙིང་པོ་བསམ། །དེ་ལས་ལྷ་མོའི་སྐུར་སྤྲོས་པས། །མཁའ་དབྱིངས་ཡོངས་སུ་གང་བར་བསྒོམ། །སླར་འདུས་འོད་ཀྱི་ཐིག་ལེར་གསལ། །ང་ཉིད་བདག་གིས་ལུས་ལ་དབབ། །བདག་གི་བ་སྐྲུའི་བུ་ག་གནས། །སངས་རྒྱས་སྤྲིན་ཆེན་རབ་འཕྲོས་ཏེ། །འདོད་པའི་ལུས་ནང་གང་བར་བྱ། །སངས་རྒྱས་སྤྲིན་གྱིས་དེ་ལུས་ལ། །དབང་བསྐུར་བ་ནི་རབ་ཏུ་སྩོལ། །དེ་ཡིས་སྐད་ཅིག་དེ་ཡི་ཚེ། །དྲག་པོ་ག་་པོའང་ལྷན་ནེར་འགྱུར། །ཞེས་གསུངས་སོ། །དེ་ལ་འདི་ནི་རྒྱས་པའི་བསྒྲུབས་པའི་ཐབས་སོ། ནམ་མཁའི་དབུས་སུ་ཟླ་བ་ལ། །ཆོས་ཀྱི་སེམས་དཔའ་བསྒོམ་པར་བྱ། །སྙིང་གར་ཟླ་བའི་དཀྱིལ་འཁོར་ལ། །གོས་དཀར་ཅན་གྱི་སྙིང་པོ་བསམ། །དེ་ལས་གོས་དཀར་ཉིད་འཕྲོས་པས། །མཁའ་དབྱིངས་ཡོངས་སུ་གང་བར་བསྒོམ། །དེ་ལས་འོད་ཀྱི་གོང་བུ་ནི། །གྲུ་བཞི་ལམ་པར་གསལ་བར་བསྡུ། །བ་སྐྲུ་རྣམས་ཀྱི་བུ་ག་རྣམས། །རིན་ཆེན་སྤྲིན་ཆེན་རབ་སྤྲོས་པས། །རྡོ་རྗེ་ཆོས་སུ་བསྒོམ་ནས་སུ། །འདོད་པར་བྱ་བའི་ལུས་ནང་དགང་། །ཡང་ནས་ཡང་དུ་འདི་བྱས་ན། །བར་སྣང་ཅི་འདོད་རྒྱས་པར་འགེངས། །ནོར་བུ་རིན་ཆེན་བཞིན་འདྲར་འགྱུར། །དགོས་པ་ཕྲ་མོ་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི་རྡོ་རྗེ་དབང་དུ་བསྡུ་བ་བསྒྲུབ་པའི་ཐབས་སོ། །རྡོ་རྗེ་དཀྱིལ་འཁོར་ཟླ་གམ་ནི། །ནམ་མཁའི་དབྱིངས་ཀྱི་དབུས་སུ་བསམ། །རྡོ་རྗེ་ཆོས་མཆོག་གཟུགས་སུ་བསམ། །སྙིང་གར་ཟླ་བའི་དཀྱིལ་འཁོར་ལ། །ཉིད་ཀྱི་སྙིང་པོ་༄༅ བསམ་པར་བྱ། །རྒྱལ་བ་སྲས་དང་བཅས་རྣམས་ཀྱིས། །མཁའ་དབྱིངས་ཐམས་ཅད་གང་བར་བསྒོམ། །འོད་ཟེར་སྣ་ལྔ་འཕྲོས་པ་ཡིས། །འདོད་པ་ལ་ནི་དབབ་པར་བྱ། །དེ་ནས་བསྡུས་ཏེ་བདག་ཉིད་ཀྱིས། །སྐུ་གསུང་ཐུགས་ཀྱི་བྱིན་བསྡུས་ན། །སངས་རྒྱས་ཉིད་ཀྱང་དབང་འདུ་ན། །འགྲོ་བ་དབང་མེད་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི་རྡོ་རྗེ་དྲག་པོ་བསྒྲུབ་པའི་ཐབས་སོ། །ནམ་མཁའ་དབྱིངས་ཀྱི་དབུས་སུ་ནི། །ཉི་མའི་དཀྱིལ་འཁོར་སྟེང་དུ་ནི། །ཁྲོས་པའི་གཟུགས་རྣམས་བསྒོམ་བྱ་སྟེ། །བསྐལ་བའི་མེ་དཔུང་འཕྲོས་པ་ལས། ཁྲོས་པའི་རྡོ་རྗེ་སྲིན་པོ་དང་། སྣ་ཚོགས་ཝ་དང་བྱ་རོག་དང་། །བྱ་རྒོད་ཁྱི་ལ་སོགས་པ་ཡི། །ཕྲ་མེན་བསམ་ཡས་མི་བཟད་པས། །མཁའ་དབྱིངས་གང་བར་བསྒོམས་ནས་སུ། །སངས་རྒྱས་ཀུན་ལ་གནོད་བྱེད་ན། །དངོས་སམ་ཡང་ན་བསམས་ནས་ཀྱང་། །མཚོན་ཆ་ཐོགས་པ་དེ་དག་གིས། །སྙིང་དང་ནང་གྲོལ་དབང་པོ་ཀུན། །དྲངས་ཏེ་ཟོས་པར་རབ་བསྒོམས་ན། །དགྲ་རྣམས་འཆི་བར་ངེས་པ་སྟེ། །དེ་ལྟར་རབ་ཏུ་བསྒོམས་ན་ནི། །རྒྱལ་བ་རྡོ་རྗེ་འཛིན་པ་ཡང་། །ཟླ་བ་ཕྱེད་ཀྱིས་འཆི་འགྱུར་ན། །དམ་ཚིག་ཉམས་པ་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི་སྐྱེ་འགྲོ་འདུལ་བའི་ཕུར་བུ་བསྒྲུབ་པའི་ཐབས་སོ། །སྡིག་པ་བྱེད་དམ་གནོད་བྱེད་པ། །རྡོ་རྗེ་ཕུར་བུས་གདུལ་བར་བྱ། །དུར་ཁྲོད་གནས་སམ་རྐང་གཅིག་ཏུ། །ད་རྩི་འཁྱིལ་བའམ་ཀི་ལིའམ། །གང་ཡང་རུང་བར་གནས་བྱས་ལ། །རྡོ་རྗེ་ཕུར་བུ་རབ་ཏུ་བསྒོམ། །མེ་སྟག་འཕྲོ་བའི་འོད་འཕྲོ་བས། །རི་རབ་གླིང་བཞིའི་གཟུགས་བྱས་ལ། །རང་གི་སྔགས་ཀྱིས་གདབ་པར་བྱ། །དེ་ལྟར་རབ་ཏུ་གདབ་བྱས་ན། །འགྲོ་དང་མི་འགྲོ་ཐམས་ཅད་ཀུན། །དུལ་བར་གྱུར་པར་གདོན་མི་ཟ། །ཞེས་གསུང་སོ། །དེ་ལ་འདི་ནི་གཞན་གྱི་རིག་སྔགས་གནོན་པ་བསྒྲུབ་པའི་ཐབས་སོ། །ནམ་མཁའ་དབྱིངས་ཀྱི་དབུས་སུ་ནི། །དབང་ཆེན་དཀྱིལ་འཁོར་བསྒོམས་ནས་ནི། །ལས་ཀྱི་སེམས་དཔར་བདག་གནས་ལ། །གཡས་པ་རྡོ་རྗེ་རྩེ་ལྔ་བཞག །རིག་སྔགས་བྱེད་པ་བསམས་ནས་ནི། །ལས་ཀྱི་རྡོ་རྗེའི་རྐང་པ་དག །དེ་ཡི་སྤྱིན་ནས་མནན་པར་བསྒོམ། །རིག་སྔགས་ཉིད་ཀྱང་མནན་པར་བསམ། །དེས་ནི་མུ་སྟེགས་ཅན་དག་དང་། །ཕས་ཀྱི་རྒོལ་བ་ཐམས་ཅད་ཀུན། །མནན་པར་འགྱུར་ཏེ་ཐེ་ཚོམ་མེད། །ཅེས་གསུངས་སོ། །དེ་ལ་འདི་ནི་གཞན་གྱི་དཔུང་མནན་པ་བསྒྲུབ་པའི་ཐབས་སོ། །ནམ་མཁའ་དབྱིངས་ཀྱི་དབུས་སུ་ནི། །ཉི་མའི་དཀྱིལ་འཁོར་དབུས་གནས་པར། །གཞན་གྱིས་མི་ཐུབ་ཁྲོ་བོ་ཆེ། །པདྨ་དམར་སེར་མདོག་འདྲ་བ། ཁེན་ཏུ་ཆེ་ཞིང་བརྗིད་པར་བསྒོམ། །ཕ་རོལ་དམག་དཔུང་འོག་དག་ཏུམ། །རླུ་་དང་མཚོ་དང་ས་སྐྱེད་ལ། དེ་ལ་གནས་པའི་དཔུང་རྣམས་ཀྱིས། །སྟེང་དུ་ཟླ་བའི་དཀྱིལ་འཁོར་བསམ། །དེ་སྟེང་རྡོ་རྗེ་རྒྱ་གྲམ་གྱི། །སྟེང་དུ་རི་རབ་རྣམ་པར་བསྒོམ། །དེ་ཡི་སྟེང་དུ་མནན་བསམས་ན། །སངས་རྒྱས་དཔུང་ཡང་གནོན་པར་ནུས། །མི་རྒྱལ་དཔུང་ལ་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི་དགྲའི་དཔུང་རྨོངས་པར་བྱ་བ་བསྒྲུབ་པའི་ཐབས་སོ། །དགྲའམ་དཔུང་གི་གཟུགས་བརྙན་དག །བསམས་སམ་གཟུགས་སུ་བྱས་ནས་ནི། །རྡོ་རྗེ་ཕུར་བུ་ཚད་ལྡན་ལ། །ཧཱུཾ༷་ལས་ཁྲོ་བོའི་སྐུར་བསྐྱེད་ནས། །རང་གི་རིག་སྔ་རབ་བཟླས་ཏེ། །སྙིང་གར་བཏབ་པར་རབ་བསྒོམས་ནས། །ཁྲོས་པས་བྱས་ན་སངས་རྒྱས་ཀྱི། །དཔུང་ཡང་མྱོས་པར་གདོན་མི་ཟ། །ཞེས་གསུངས་སོ། །དེ་ལ་འདི་ནི་ཆུ་ལ་འབྱིང་བ་མེད་པ་བསྒྲུབ་པའི་ཐབས་སོ། །ནམ་མཁའ་དབྱིངས་ཀྱི་དབུས་སུ་ནི། །སྔགས་ཀྱི་དབང་པོ་རབ་ཏུ་བསྒོམ། ཆུ་ཡི་སྟེང་ནི་ཐམས་ཅད་དུ། །སངས་རྒྱས་དག་གིས་གཏམས་པར་བསྒོམ། །སྟེང་ནས་དལ་གྱིས་བཅག་པར་བསམ། །སངས་རྒྱས་དག་ནི་ཐམས་ཅད་ཀྱི། །སྤྱི་བོའི་སྟེང་དུ་རྐང་པ་བསྒོམ། །དེ་ལྟར་རབ་ཏུ་གོམས་པ་དང་། །ས་ལ་འགྲོ་བཞིན་ནུས་པར་འགྱུར། །ཞེས་གསུངས་སོ། །དེ་ལ་འདི་ནི་ཐོགས་མེད་རླུད་གི་དངོས་གྲུབ་བསྒྲུབ་པའི་ཐབས་སོ། །ནམ་མཁའ་རྡོ་རྗེ་དབུས་སུ་ནིཟླ་བའི་དཀྱིལ་འཁོར་དབུས་གནས་པར། །ལྷ་ཡི་རྣལ་འབྱོར་བསྒོམ་པར་བྱ། །འོག་གི་ཕྱོགས་སུ་ཡི་ལས་ནི། །རླུད་གིས་རབ་ཏུ་བཏེགས་པར་བསྒོམ། །དེ་ལྟར་རབ་ཏུ་སྒོམ་བྱས་ན། །མཁའལབྱབཞིནའགྲོབརནུས། །ཞིང་ཁམས་ཀུན་དུ་བགྲོད་པར་འགྱུར། །ཞེས་གསུངས་སོ། །དེ་ལ་འདི་ནི་ཉི་མ་གསལ་བ་ཞེས་བྱ་བའི་དངོས་གྲུབ་བསྒྲུབ་པའི་ཐབས་སོ། །སྐུ་གསུང་ཐུགས་ནི་རྡོ་རྗེ་ཡི། །སྙིང་གར་ཉི་མའི་དཀྱིལ་འཁོར་བསམ། །དེ་ལས་འོད་དུ་འཕྲོས་པ་ལས། །མུན་པའི་གནས་རྣམས་བསལ་བར་ངེས། །ཞེས་གསུངས་སོ། །དེ་ལ་འདི་ནི་རླུད་བཅད་པ་བསྒྲུབ་པའི་ཐབས་སོ། །བདག་ཉིད་རླུང་གི་ཕྱོགས་སོང་ལ། །སྟེགས་བུ་གྲུ་བཞི་ལྷམ་པར་བྱ། །སྤོས་ཀྱི་ཐིག་ལེ་བདུན་བྱས་ཏེ། །ཡི་ལས་རླུད་བདུན་བསྐྱེད་པར་བྱ། །རླུད་ལྷ་དགུག་པ་བྱས་ནས་སུ། །ཁམ་ཕོར་གྱིས་ནི་དགའ་བྱས་ཏེ། དེ་སྟེང་ལ་ལས་རི་རབ་བསྒོམ། །རི་རབ་རྩེ་ལ་ཁྲོ་བོ་ནི། །འབར་བ་དག་གིས་མནན་པར་བསྒོམ། །དེས་ནི་འཇིག་པའི་རླུད་རྣམས་ཀྱང་། །བཅིངས་པར་འགྱུར་བར་གདོན་མི་ཟ། །ཞེས་གསུངས་སོ། །དེ་ལ་འདི་ནི་ཆར་པ་དབབ་པའི་ཐབས་སོ། །ནམ་མཁའི་དབྱིངས་ཀྱི་དབུས་སུ་ནི། །པདྨ་འདབ་མ་བརྒྱད་པ་བསྒོམ། །དབུས་སུ་ཁྲོ་བོ་སྟོབས་པོ་ཆེ། །འདབ་མ་ལ་ནི་ཀླུ་བརྒྱད་པོ། །བསྒོམ་སམ་ཡང་ན་བྲིས་ཀྱང་རུང་། ཁྲོ་བོའི་ཞབས་ཀྱི་མཐིལ་གྱིས་ནི། །ཀླུ་རྣམས་རབ་ཏུ་མནན་ནས་སུ།ཧཱུཾ༷་གཉིས་བར་དུ་ཀླུ་རྣམས་ཀྱི། །སྙིང་པོ་སྤེལ་ཅིང་གཟིར་ནས་སུ། །ཀླུ་རྣམས་གནས་པའི་ས་ཕྱོགས་སུ། །ཧཱུཾ༷་ཞེས་བྱ་བ་བཟླས་བརྗོད་བྱ། ཁྲོ་བོས་མནན་པའི་ཀླུ་རྣམས་ཀྱི། ཁ་ནས་ཆར་པ་སྐྱུགས་བསམས་ན[670.tif][670.tif]འཇིགས་དུས་ལྟ་བུའི་ཆར་པའང་འབབ། །ཅེས་གསུངས་སོ། །དེ་ལ་འདི་ནི་ཆར་པ་དང་སེར་བ་གཅད་པའི་ཐབས་སོ། །ནམ་མཁའི་དབྱིངས་ཀྱི་དབུས་སུ་ནི། །ཉི་མའི་དཀྱིལ་འཁོར་དབུས་གནས་པར།རྟ་མཆོག་དཔལ་ནི་རྣམ་པར་བསམ། །ཉི་མའི་མདོག་འདྲ་འོད་བཟང་ཞལ། །ནམ་མཁའ་ཁྱབ་པར་རྣམ་པར་གདངས། །ལྕེ་ཡི་སྟེང་དུ་ཧཱུཾ༷་བཞག་སྟེ། །མེ་རིའི་འོད་དང་བཅས་པ་ཡིས། །ཆར་ཆུས་གང་བའི་སྤྲིན་རྣམས་ཀུན། །བསྐམ་ཞིང་ལྕེ་ཡིས་བླངས་བསམས་ན། །སྐམ་པར་འགྱུར་བར་གདོན་མི་ཟ། །ཡང་ན་ལྕེ་སྟེངས་དེ་ཉིད་དུ། །ཡི་ལས་རླུད་དུ་བསྒོམས་ནས་ནི། བུས་པའི་སྤྲིན་རྣམས་གཏོར་བར་འགྱུར། །ཡང་ན་རལ་གྲིའི་ཕྱག་རྒྱ་ཡིས། །ཆར་སྤྲིན་དང་ནི་ཀླུ་ཡི་གཟུགས། །བཅད་ཅིང་དུམ་བུར་ག་ས་བསམས་ཏེ། །ཧཱུཾ༷་ཞེས་བྱ་བའི་སྡིགས་མཛུབ་ཀྱིས། །བསྡུས་ཏེ་རང་རིག་སྔགས་བཟླས་ན། །འཇིགས་པའི་ཆར་ཆེ་དེ་རྣམས་ཀྱང་། །སྐད་ཅིག་ན་ནི་མེད་པར་འགྱུར། །ཞེས་གསུངས་སོ། །དེ་ལ་འདི་ནི་བགེགས་གསལ་བའི་ཐབས་སོ། །ནམ་མཁའི་དབུས་སུ་ཉི་མ་ཡི། །དབུས་སུ་ཁྲོ་བོ་རྣམས་བསྒོམ་པ། །མི་གཡོ་མགོན་པོའི་ཕྱག་རྒྱ་ཆེ། །རིག་པ་མང་པོས་བསྐོར་བའོ། །རང་རིག་སྔགས་དང་སྟངས་ཚུལ་གྱིས། །ཧཱུཾ༷་དང་ཕཊ་ཅེས་རྣམ་བསྒྲགས་ན། །ཁམས་གསུམ་དྲེགས་པ་ཐམས་ཅད་ཀྱང་། །རྡུལ་ཕྲན་བཞིན་དུ་རླག་པར་འགྱུར། །ཞེས་གསུངས་སོ། །དེ་ལ་འདི་ནི་ཆོམ་རྐུན་བཅིང་པའི་ཐབས་སོ། །རྐང་རྗེས་ས་དང་ཁྱི་ཁྲག་ལས། །མཚན་མ་མིང་དུ་བཅས་པར་བྱ། །མི་ཡི་རུས་པའི་ཕུར་བུ་ལ། །འོད་ཟེར་ཅན་གྱི་སྔགས་བཟླས་པས། །ལན་གྲངས་ཉི་ཤུར་བསྔགས་ནས་ནི། །མི་གཉིས་སུ་ནི་གདབ་པར་བྱ། །གཟུགས་བརྙན་ཚོགས་ལ་ཕུལ་ནས་ནི། །རྡོ་རྗེ་གཏུན་ཤིང་དག་གིས་བརྡུང་། །ཨོ་སུམ་བྷ་བཛྲ་མི་ས་ལེ་ན་ཙུཎྜ་ཡ་ན་ར་བིསྒྱུན་ཧཱུཾ༷་ཕཊ། ལས་འདི་བརྩམས་པ་བྱས་ན་ནི། །མོ་རྒོད་བཟློག་པར་གདོན་མི་ཟ། །ཞེས་གསུངས་སོ། །དེ་ལ་འདི་ནི་མེ་བསད་པའི་ཐབས་སོ། །མེ་ནི་མཆེད་པའི་ས་ཕྱོགས་སུ། །མཁའ་ལྡིང་རྒྱལ་པོ་བྱ་ཁྱུང་ནི། །སྟང་ཟིལ་ལྟ་བུའི་ཁ་དོག་ལ། །སྦྲུལ་ནག་སྟོང་གིས་རབ་བརྒྱན་པའི། །གཞོག་པ་མཁའ་ལ་གདེངས་པ་བསྒོམ། །ཀླུ་རྣམས་དང་ནི་སྤྲིན་དང་ལ། །རྡོ་རྗེ་ཚིག་ཏུ་བསྒོམ་པ་ནི། །ཆར་ཆེ་ཕོབ་ལ་མེ་སོད་ཅིག །ཐོས་ནས་སྤྲིན་ཚོགས་བུམ་པ་ཡི། །ཆར་གྱིས་མེ་ཡང་གསོད་པར་འགྱུར། །གཤོག་པས་མེ་ནི་བཀབ་ནས་སུ། །མཆུས་བརྐོས་ཆུས་ནི་མཚམས་བཅད་ན། །བསྐལ་པའི་མེས་ཀྱང་འཚིག་མི་ནུས། །ཨོ་བཛྲ་ནི་ར་ཡ་ཎ། ནི་རྦ་པ་ཡ་ཏི་ན་བི་པུ་མེ་སྙེ་ཧཱུཾ༷་ཞེས་གསུངས་སོ། །དེ་ལ་འདི་ནི་ཐོག་བཟློག་པའི་ཐབས་སོ། །ནམ་མཁའ་དབྱིངས་ཀྱི་དབུས་སུ་ནི། །བདེ་བ་ཆེན་པོ་ཞེས་བྱ་བ། །ཞལ་གསུམ་ཕྱག་བཞིར་རྣམ་པར་གནས། །སྟོན་ཀའི་ཟླ་བའི་མདོག་འདྲ་བ། །སྙེམས་མ་དང་ནི་བྱམས་མ་དང་། ཆུ་སྲིན་རྒྱལ་མཚན་ཞེས་བྱ་བ། །མེ་ཏོག་རོལ་པ་ཞེས་བྱ་ཡི། །ལྷ་མོ་བཞི་ཡིས་རྣམ་པར་བསྐོར། །གཡས་པའི་ཕྱག་གིས་རྡོ་རྗེ་གསོར། །གཡོན་པའི་དྲིལ་བུ་དཀུར་བརྟེན་པ། །ཕྱག་གཉིས་མདའ་གཞུ་འགེངས་པ་སྟེ། །སྐུ་ལས་སེམས་དཔའ་འབྱུང་བའི་སྤྲིན། །ཐོར་ཚུགས་གསལ་བ་རྣམས་པར་བསྒོམ། །ནམ་མཁའ་ལས་ནི་བབས་པ་ཡི། །ཐོག་ནི་རང་རིག་སྔགས་ཀྱིས་བཟློག །ཨོ་མ་ཧྭ་སུ་ཁ་བཛྲ་ཆེ་གེ་མོ་ཛ། །ཨོ་སུ་ར་ཏ་བསྟོ་ཧཱུཾ༷་ཕཊ་ཅེས་གསུངས་སོ། །དེ་ལ་འདི་ནི་གཞན་གྱི་ལྕེ་གནོན་པའི་ཐབས་སོ། །མར་གྱི་ཚེས་བརྒྱད་བཅུ་བཞི་ལ། །དུར་ཁྲོད་སོལ་བ་བླངས་ནས་སུ། །སྔགས་ཀྱི་བདག་པོར་བསྒོམས་ནས་སུ། །དབང་ཆེན་དཀྱིལ་འཁོར་སྟེང་དུ་ནི། །མི་སྙན་སྨྲ་བའམ་ཤགས་རྒོལ་བའི། །ལྕེ་ཡི་གཟུགས་སུ་བྲིས་པ་ཡི། །སྟེང་དུ་ཟླ་བའི་དཀྱིལ་འཁོར་ལ། །རྡོ་རྗེ་རྒྱ་གྲམ་བསྒོམས་པ་ཡི། །དབུས་སུ་རི་རབ་བསྐྱེད་པར་བྱ། །དེ་སྟེང་བདག་གིས་མནན་བསམས་ན། །ཚིག་དབང་ལྷ་ཡང་དབང་འགྱུར་ན། ཁྲགས་ལ་སོགས་པ་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི་པྲ་དབབ་པ་བསྒྲུབ་པའི་ཐབས་སོ། །ལོ་གྲངས་བཅུ་གཉིས་ལོན་པ་ཡི། ཁྱེའུ་བུ་མོ་གང་ཡང་རུང་། །མཚན་ཉིད་ཐམས་ཅད་ཡོངས་རྫོགས་པ། །དབབ་པའི་སྣོད་དུ་རབ་ཏུ་བརྟག །ཏིང་འཛིན་རྩལ་དང་ལྡན་པས་བྱ། །གཞན་གྱིས་བྱས་ན་དཔྱས་པར་འགྱུར། །དང་པོར་ཕྱི་ནང་ཁྲུས་བྱས་ཏེ། །སྡིག་པ་སྦྱང་ཕྱིར་འདུལ་ཁྲིམས་དབོག །འོད་ཀྱི་འཕྲོ་འདུས་བྱིན་གྱིས་བརླབ། །རྒྱན་གྱི་ཁྱད་པར་རྣམས་ཀྱིས་བརྒྱན། །སྙིང་གར་ཧཱུཾ༷་ནི་བསྒོམ་པར་བྱ། །སྤྱི་བོར་གཙུག་ཏུ་ཧ་བསྒོམ་མོ། །ཨ་ནི་ཁ་རུ་དེ་བཞིན་ཏེ། །དེ་ནས་མདུན་གྱི་ནམ་མཁའ་ལ། །འཕགས་པ་ཀུན་མཁྱེན་སྤྱན་དྲངས་ཏེ། །དེ་ལས་འོད་ཟེར་བསྐུལ་ཞིང་དབབ། །རྙོ་ནི་བསྐུལ་བའི་སྔགས་ཚིག་སྟེ། །གར་དབབ་རྙོ་ཡིས་བསྐུལ་བར་བྱ། །བྱིས་པའི་ལུས་ལ་ཐིམ་པར་བསམ། །བྱིས་པའི་ཙིསྟ་གཞལ་མེད་ཁང་། །དབབ་པའི་ལྷ་ཉིད་བཞུགས་བསམས་ཏེ། །ལག་རྒྱ་རྡོ་རྗེ་ཐལ་མོ་ལས། །སོར་མོ་ཕྱིར་བསྣོལ་ཁ་སྦུབ་ལ། །མཐེབ་གཉིས་སོ་སོའི་མཐིལ་བཀུག་པའོ། །རྡོ་རྗེ་ཚིག་ཏུ་བཟླས་པའི་སྔགས། །ཆེ་གེ་མོ་ཞིག་ཨ་ཨ་ཞེས། །བརྗོད་ཅིང་རབ་ཏུ་བསྐུལ་བྱས་ན། །འགུལ་བ་དང་ནི་གཡོ་བར་འགྱུར། ཁྲུ་གང་ཙམ་ནས་ལྔ་ཡི་བར། །འཇིགས་སྐྲག་ནས་ནི་འཕར་བར་འགྱུར། །སྙིང་ལ་གནས་པའི་ལྷ་དེས་ནི། །སྨྲ་གསུང་ཀུན་དང་ལྡན་པ་སྟེ། །འཇིག་རྟེན་འདས་དང་འཇིག་རྟེན་པའི། །ཅི་འདོད་གཏམ་ནི་སྨྲ་བར་འགྱུར། །རྟོག་པ་ཐམས་ཅད་བྲལ་བ་ཡི། །རྡོ་རྗེ་སེམས་དཔའ་ཆེན་པོ་ཡང་། །ཆོ་ག་འདི་ཡིས་འབབ་འགྱུར་ན། །འཇིག་རྟེན་པ་ལྟ་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི་དུག་གཏང་བའི་ཐབས་སོ། སྦྲུལ་ནི་མི་སྡུག་གདུག་ཅིང་ཁྲོ། །འཇིགས་བྱེད་ནག་པོ་རབ་ཏུ་འབར། །དུག་གི་ལྕེ་གཉིས་མཆེ་བ་ཅན། །སོལ་བ་རྡོ་རྒྱུས་དག་གིས་བྲི། །བསྐུལ་བའི་ཡི་གེ་སྙིང་པོ་འདི། །སྦྲུལ་གྱི་ཁོང་པར་རབ་དུ་བསམ། །ཁ༷་ཁ་དེ་ནང་མི་ཟད་དུག །འཇིགས་པར་བདེ་བ་རབ་བསྒོམས་ན། །སྦྲུལ་དེ་རབ་ཏུ་འགུལ་བར་འགྱུར། །དེ་ནས་ཟོས་ཤིག་ཅེས་བསྐུལ་ཏེ། །མཚན་མ་ནས་ནི་ཞུགས་ནས་ནི། །ཁོང་དུ་སོང་སྟེ་ཟོས་བསམས་ན། །དུག་གིས་གཟུང་བར་གདོན་མི་ཟ། །ཞེས་གསུངས་སོ། །དེ་ལ་འདི་ནི་དུག་དབྱུང་བའི་ཐབས་སོ་།་ ་།་ནམ་མཁའ་དབྱིངས་ཀྱི་དབུས་སུ་་ནི། །ཟླ་བའི་དཀྱིལ་འཁོར་དབུས་གནས་པར། །སྤྱན་རས་གཟིགས་ནི་བསྒོམ་པར་བྱ། །ཁ་དོག་དཀར་པོ་ཧྲི་སྤྲོས་ཏེ། །དུག་ཅན་ཁོང་དུ་ཞུགས་པ་ཡིས། དུག་རྣམས་ཧྲི་ལ་འདུས་ནས་ནི། །ཧཱུཾ༷་གིས་ཁོང་ནས་ཕྱིར་ཕྱུང་དང་། ཕཊ་ཀྱིས་བར་སྣང་ཁམས་སུ་གཏོར། །ཡང་ན་གཞན་གྱི་ཁོང་དུ་སྤོ། །དེས་ནི་དེ་མ་ཐག་ཏུ་ཡང་། །དུག་རྣམས་དབྱུང་བར་གདོན་མི་ཟ། །ཞེས་གསུངས་སོ། །དེ་ལ་འདི་ནི་དུག་སྤོ་བའི་ཐབས་སོ། དུག་ཅན་སྙིང་གར་ཨོ་དཀར་ལས། །འོད་ཟེར་དཀར་པོས་དུག་བསྡུས་པས། །ཨོ་ཉིད་ནག་པོར་སྣང་བྱུང་ནས། །གཞན་གྱི་ལྕེའམ་མཚན་མའམ། ཁོང་དུ་ཞུགས་པར་རབ་བསྒོམས་ན།འཕོ་བ་རྟག་ཏུ་གདོན་མི་ཟ། །ཞེས་གསུངས་སོ། །དེ་ལ་འདི་ནི་ཉེ་བའི་དུག་གསོ་བའི་ཐབས་སོ། །མཛེ་འབྲས་ཤུ་བ་ཕོལ་མིག་དང་། འབྲུམ་བུ་ལ་སོགས་ནད་རྣམས་ཀུན། །ཨ་དཀར་དག་གི་འཕྲོ་འདུ་ཡིས། །གོང་མ་ཞིན་དུ་དབྱུང་བར་བྱ། །སྤྱོ་བ་ཡང་ནི་དེ་བཞིན་ནོ། །དེ་ནི་ཁམས་ལས་གྱུར་པ་ཡི། །ནད་རྣམས་ཐམས་ཅད་ངེས་པར་སེལ། །ཞེས་གསུངས་སོ། །དེ་ལ་འདི་ནི་བཀྲེས་སྐོམ་ཞི་བ་སྒྲུབ་པའི་ཐབས་སོ། །བཀྲེས་བསྐོམ་ཅན་གྱི་ཉོན་མོངས་པའམ། ཡང་ན་བསྒྲུབ་པའམ་གང་ཡང་རུང་། །སྦྱོར་བ་འདི་ནི་བརྩམ་པར་བྱ། །རྣམ་པར་སྣང་མཛད་གཟུགས་ཆེན་པོ། །ནམ་མཁའི་དབུསསུ་བསྒོམ་པར་བྱ། །བ་ནི་ཁ་ཡིན་ནང་དུ་བསྒོམ། །ཨོ་ནི་ལྕེ་ལ་རྣམ་བསམས་ཏེ། །ཡིད་བཞིན་བདུད་རྩི་ལྟ་བུ་ཡི། །བཟང་བའི་གནས་སུ་དེ་ཉིད་བསམ། །དེས་ནི་བཀྲེས་སྐོམ་སྡུག་བསྔལ་སེལ། །ཞེས་གསུངས་སོ། །དེ་ལ་འདི་ནི་རྣམ་པར་དག་པ་བསྒྲུབ་པའི་ཐབས་སོ ཨོ་ནི་མིག་ལ་རབ་བསམས་ཏེ། །ཡུལ་ཀུན་རྣམ་སྣང་མཛད་དུ་བསྒོམ། །དེ་ལྟར་རྟག་ཏུ་གོམས་པ་དང་། །ཆོས་ཀུན་སྐུ་གསུང་རྡོ་རྗེ་མཐོང་། །དེ་ཉིད་རྣམ་དག་སྤྱན་དུ་གྲགས་ཞེས་གསུངས་སོ། །དེ་ལ་འདི་ནི་འཇིག་རྟེན་པའི་ལྷ་མཐུ་བོ་ཆེ་རྣམས་ཟིལ་གྱིས་གནོན་ཅིང་ཚིག་ཉན་པ་བསྒྲུབ་པའི་ཐབས་གོ །ནམ་མཁའ་རྡོ་རྗེའི་དབུས་སུ་ནི། །ཉི་མའི་དཀྱིལ་འཁོར་དབུས་གནས་པར། །ཁམས་གསུམ་རྣམ་པར་རྒྱལ་བ་བསམ། སྟི་ཞེས་བྱ་བའི་སྙིང་པོ་ཡིས། །མཐུཆེནརྣམསནིདྲངས་ནས་སུ། །བསྡིགས་པ་དག་ཀྱང་བྱས་ནས་ནི། །ཟིལ་གྱིས་གནོན་ཅིང་ཉན་པར་འགྱུར། །ཞེས་གསུངས་སོ། །དེ་ལ་འདི་ནི་ལྷ་མོ་ཙུན་དྷ་བསྒྲུབ་པའི་ཐབས་སོ། །སྔགས་ཀྱི་བདག་པོར་བདག་གནས་པའི། །སྙིང་གར་ཉི་མའི་དཀྱིལ་འཁོར་ལ། །རྩུ༷་ཞེས་བྱ་བའི་འཕྲོ་འདུ་ལས། བདག་ཉིད་ཙུན་དྷའི་གཟུགས་སུ་བསྒྱུར། །རྣམ་པའི་མཆོག་རྣམས་ཀུན་ལྡན་པའོ། ཁ་དོག་དཀར་པོར་རབ་ཏུ་བསྒོམ། །འདི་ནི་ཆོས་དབྱིངས་བསྒྲུབ་པ་སྟེ། །བུད་མེད་ཐམས་ཅད་འགྲུབ་པར་འགྱུར། །ཞེས་བཤད་དོ། །དེ་ལ་འདི་ནི་ཛི་བྷ་ལ་ནོར་བསྒྲུབ་པའི་ཐབས་སོ། །ནམ་མཁའི་དཀྱིལ་འཁོར་དབུས་སུ་ནི་།་ ་།་སངས་རྒྱས་དཀྱིལ་འཁོར་བསྒོམ་པར་བྱ། །སྙིང་གར་ཛ༷་གྱི་འཕྲོ་འདུ་ལས། །རྫ༷་བྷ་ལ་ཡི་གཟུགས་དག་གིས། །བར་སྣང་ཁམས་ཀུན་གང་བ་ནི། །མདོག་སྔོན་ཐོར་ཚུགས་ཀྱིས་བརྒྱན་པ། །གསུས་པོ་ཆེ་ལ་མི་ཐུང་གཟུགས། །ཡིད་བཞིན་ནོར་བུ་ཐོགས་པ་ཡིས། །དབུལ་བ་ཐམས་ཅད་སེལ་བར་བསམ། །འདོད་པ་ལ་ནི་དེ་དག་དབབ། །དེས་ནི་དབུལ་བ་སེལ་བར་བྱེད། །ནོར་དང་གཏེར་གྱི་བདག་པོར་འགྱུར། །ཞེས་སུངས་སོ། །དེ་ལ་འདི་ནི་རྡོ་རྗེ་ཨརྫི་ན་བསྒྲུབ་པའི་ཐབས་སོ། ཁེང་གཅིག་དྲུང་ངམ་བཞི་མདོའམ། །མ་མོའི་གནས་སམ་ཞི་གནས་སུ། །རྡོ་རྗེ་ཨརྫི་བསྒྲུབ་པར་བྱ། །པདྨ་བན་དྷ་ཁ་སྦྱར་དུ། །ཚིལ་ཆེན་བཤང་གཅི་ཁུ་བ་དང་། །མ་ཧྭ་རཀྟ་ལས་བྱུང་བའི། །དུ་བ་བན་དྷར་ཆགས་པ་དང་། །བཤང་གཅིར་རཀྟས་སྦྲུས་ནས་ནི། །རིལ་བུ་ལྕགས་གསུམ་གྱིས་དཀྲིས་པ། །གསུམ་དུ་བྱས་ན་དེ་ཉིད་ལ། །རང་གི་གསང་སྔགས་བརྒྱ་རྩ་བརྒྱད། །ཉི་ཤུ་དགུ་ཡི་ནམ་ཕྱེད་ན་།་ ་།་བཏབ་ན་དངོས་གྲུབ་གྲུབ་འགྱུར་ཏེ། །མིག་ལ་བསྐུས་ན་ཅི་ཡང་མཐོང་། །མི་སྣང་བ་དང་རྐང་མགྱོགས་དང་། དེ་ལ་སོགས་པའི་དངོས་གྲུབ་རྣམས། །ཐོབ་པར་འགྱུར་ཏེ་གདོན་མི་ཟ། །ཞེས་གསུངས་སོ། །དེ་ལ་འདི་ནི་རྡོ་རྗེ། ལངས་བསྒྲུབ་པའི་ཐབས་སོ། །ནམ་མཁའི་དབྱིངས་ཀྱི་དབུས་སུ་ནི། །ཉི་མའི་དཀྱིལ་འཁོར་དབུས་གནས་པར། །བདུད་རྩི་འཁྱིལ་བ་རྣམ་པར་བསྒོམ། །དུར་ཁྲོད་རི་བྲག་གཉན་པའི་སར། །རོ་ཡི་རྫས་བཙལ་དེ་ནས་ཀྱང་། །རོ་ཡི་གཉེན་པོར་བདག་བསམས་ཏེ། །དེ་ཡི་སྟེང་དུ་བདག་ནས་ལ། །དེ་ལ་དཀྱིལ་འཁོར་ཚང་བར་བསྒོམ། །དེ་སྔགས་རྒྱུན་དུ་བཟླས་བྱ་ཞིང་། །དགུག་པའི་ཕོ་ཉ་དྲག་ཏུ་བསྐུལ། །མདོག་མདངས་བཀྲག་སྣུམ་བྱུང་བ་དང་། །བདུད་རྩི་ཡིས་ནི་བསྐུ་བར་བྱ། །དེ་ནས་འགུལ་བར་གྱུར་པ་དང་། །ཕྱག་རྒྱ་བཞི་ཡིས་གཞུམ་པར་བྱ། །སྔགས་ཀྱི་འཕྲོ་འདུ་རྒྱུན་མི་གཅད། །དེ་ནས་རབ་ཏུ་འཕར་བ་དང་། །འགྲོ་བ་རིས་དྲུག་གང་ཡིན་པ། །རྡོ་རྗེ་དྲག་ཏུ་གདབ་པར་བྱ། །རྡོ་རྗེ་སོ་ཡིས་གཅད་བྱ་ཞིང་། །སྔགས་ཟློས་ཁོང་དུ་བསྟིམ་པར་བྱ། །དེ་ནས་ལངས་པར་གྱུར་པ་དང་། །རྡོ་རྗེ་བྱིན་ནས་དབང་ཡང་བསྐུར། །བདུད་རྩིའི་ཆུ་ཡང་བླུད་པར་བྱ། ལས་རྣམས་གང་འདོད་བྱེད་དུ་གཞུག །ཡང་ན་གསེར་རམ་གོས་མཚན་ནམ། །རྐང་མགྱོགས་ལ་སོགས་དངོས་གྲུབ་རྣམས། །ཇི་ལྟར་འདོད་པ་རྐྱེན་གྱིས་བསྒྱུར། །གང་འདོད་པ་དེ་གདོན་མི་ཟ། །ཞེས་གསུངས་སོ། །དེ་ལ་འདི་ནི་རྡོ་རྗེ་སྒྱུ་མ་བསྒྲུབ་པའི་ཐབས་སོ། །བདག་ཉིད་ལྷ་ཡི་རྣལ་འབྱོར་གྱིས། །རྡེའུ་ཤིང་བུ་ཡི་རྒྱུ་དག་ལས། །ཇི་ལྟར་འདོད་པའི་གཟུགས་བྱས་ཏེ།ཤེའུ་རེ་སྨན་གྱིས་བྱུགས་ནས་ནི། །རྡོ་རྗེ་སྔགས་ཀྱིས་ཚིག་འདི་བཟླས། ཁྲེའུ་རེའུ་ཨི་ན་ཡ། །ཨ་མོ་ཀ་ཨ་སྙུས་ས་སྙུས། ཤེང་བུ་དག་གིས་གདབ་བྱ་ཞིང་། །ཇི་ལྟར་འདོད་པའི་གཟུགས་སུ་འགྱུར། །དེས་ནི་སྣ་ཚོགས་གཟུགས་སུ་འགྱུར། ། བསྡུ་བར་འདོད་ན་སླར་ལ་ཟློག །དེ་ཡང་བཀྲི་དྲང་ཐབས་སུ་འགྱུར། །ཞེས་གསུངས་སོ། །དེ་ལ་འདི་ནི་རོ་བསྲེག་པའི་བསྒྲུབ་ཐབས་སོ། །ནམ་མཁའི་དབྱིངས་ཀྱི་དབུས་སུ་ནི། །བདག་ཉིད་འཇིགས་བྱེད་སྐུར་བསྒོམས་ཏེ། རོ་ལ་སྔགས་ཀྱིས་བཏབ་ནས་ནི། དྲི་ཞིམ་ཆུ་ཡིས་བྱུག་པར་བྱ། །ཞུན་ཆེན་ཁུ་བར་བཙོས་པ་ཡི། །རས་ཀྱིས་ཀྱང་ནི་དྲི་བར་བྱ། །དབང་པོ་རྣམས་ཀྱི་གནས་དག་ཏུ། །ལྷ་ཡི་ཕྱག་རྒྱ་དགོད་པར་བྱ། །གནས་དེར་སྡོང་བུ་རེ་རེ་ལ། །ལྷ་རྣམས་སྙིང་པོ་བྲིས་པ་གདགས། །རོ་ཡི་ཕྱི་རོལ་ཤུན་པ་ལ། །འགྲོ་དྲུག་ས་བོན་བཀོད་ནས་ནི། །རིམ་གྱིས་སྦྱང་བའི་ལས་སུ་བྱ། །ཐབ་ཁུང་དཀྱིལ་གང་ཡིན་པ་ཡི་་ ་།ཕྱག་རྒྱ་གཞུང་དང་མཐུན་པར་དགོད། །དེ་སྟེངས་ཤིང་བརྩིགས་གྲུབ་བཞི་ལ། །ཀ་བ་ཟུར་བཞི་སུམ་བརྩེགས་ཀྱི། །བར་ཁང་ཡང་ཐོག་བཅས་པར་བྱ། །བར་ཁང་རོ་གཞག་ཤར་དུ་བསྟན། །ཡང་སྟེང་རས་སམ་ཤོག་ཤོག་ལ། །བྲིས་པའི་ཕྱག་རྒྱ་ཚང་བར་དགོད། །བར་ཁང་གློ་སྐར་ཕྱོགས་བཞི་ནས། །གཟུངས་ཐག་ཕྱོགས་བཞིར་བླ་མར་དབུལ། །དེ་མཐར་འཁོར་གྱི་ལྷ་རྣམས་དགོད། །དེ་ནས་རྡོ་རྗེ་རྒྱལ་པོ་ཡིས མེ་ཡི་འཕྲོ་འདུ་རྒྱུན་མི་གཅད། །རྡོ་རྗེ་ལས་ཀྱི་ཀར་མ་ཡིས། །ལས་ཀྱི་ཕྲེང་བ་རྫོགས་པར་རོལ། །རྡོ་རྗེ་བླ་མ་གཅིགགིས་ནི། །རོ་ཡི་ཉེས་པ་བགྲང་ཞིང་བཤགས། །རྡོ་རྗེ་སྐབས་སྐྱོར་ཆེན་པོ་ཡི། །རྡོ་རྗེ་མཆོད་པ་སྐབས་སུ་དབུལ། །བཀྲ་ཤིས་གནས་ཀྱི་སྨོན་ལམ་ནི། །སྐབས་སམ་མཇུག་ཏུ་གདབ་པར་བྱ། །རྡོ་རྗེ་གྲངས་ཀྱི་ཏིང་འཛིན་གྱིས། །གྲངས་གཟུང་དཀར་བྱང་བླ་མ་དབུལ། །སྡིག་པའི་གནག་བྱང་གཤེགས་ཤིང་བསྲེག །མེ་ལྷ་སྤྱན་དྲངས་མཆོད་པ་བྱ། །བསྟོད་པ་དག་ཀྱང་ལེགས་པར་བྱ། །རོ་ཡི་སྒྲིབ་པ་འབྱོངས་མ་འབྱོངས། །མེ་ལ་ལྟས་སུ་བལྟ་བར་བྱ། །མཚན་མ་མི་སྡུག་བྱུང་བ་ན། །བསྲེག་སྦྱང་ཆོ་ག་རྒྱ་ཆེར་བྱ། །དེ་ནི་ཚོགས་རྣམས་རྫོགས་པར་འགྱུར། ། ཞེས་གསུངས་སོ། །དེས་ལ་འདི་ནི་རྡོ་རྗེ་ཐལ་ཆེན་བསྒྲུབ་པའི་ཐབས་སོ། །དེ་ལ་ཐལ་བ་ཐམས་ཅད་ཀུན། །གུ་གུལ་ནག་པོ་དང་སྦྱར་བ། །རིལ་བུ་ལྕགས་གསུམ་གྱིས་དཀྲིས་པ། རྡོ་རྗེ་འཇོམས་པའི་ཕྱག་རྒྱ་དང་། །རྡོ་རྗེ་དྲག་པོའི་སྔགས་བཏབན། །བརདུགཅོདཔའིགཉེན་པོར་འགྱུར། །ཞེས་གསུངས་སོ། །དེ་ལ་འདི་ནི་ཕྲིན་ལས་བཞིའི་སྒྲུབ་ཐབས་སོ། །ལས་བཞི་སོ་སོའི་ཁྱད་པར་གྱིས། །རྫས་དང་ཁ་དོག་ཕྱོགས་དང་དབྱིབས། །ཡམ་ཤིང་བསྲེགས་རྫས་ཁྱད་པར་ལས། །དཀར་དང་དམར་ཟེར་མཐིང་གནག་ལས། ཁྲར་ལྷོ་ནུབ་བྱང་ཕྱོགས་དག་ཏུ། །ཟླུམ་པོ་ལེའུ་ཚེ་པདྨ་ཞི། །གྲུ་བཞི་ཟུར་བརྒྱད་འཁོར་ལོ་རྒྱས། ཁུ།་ཆད་གཞུ་དབྱིབས་ཟླ་གམ་དབང་། །གྲུ་གསུམ་བྷ་ག་མངོན་སྤྱོད་པའོ། །ཏིང་འཛིན་བྱམས་དང་དང་བས་ཞི། །སྙིང་རྗེ་དགའ་བས་རྒྱས་པ་སྟེ། །དགའ་དང་ཆགས་པས་དབང་དུ་འགྱུར། །བཏང་སྙོམས་ཁྲོས་པས་དྲག་པོར་འགྱུར། །སོ་སོའི་ལས་ཀྱི་ལྷ་རྒྱུད་ལ། །སྔགས་དག་ཕྱག་རྒྱ་ལ་སོགས་དང་། །གླུ་རྒྱུད་འབྱོར་བས་མཆོད་པར་བྱ། །ཞལ་དུ་གྱུར་པའི་མེ་བོས་ལ། །ཁྲོ་བོས་ཡེ་ཤེས་མེ་དུ་སྦྱར། །སོ་སོའི་རྒྱུད་དུ་བཤད་བསྟབས་ཏེ། ཀློང་ཡེངས་འཁྱིལ་བའི་ཧོམ་ཁུང་དུ། །དམ་རྫས་བདུད་རྩི་འབར་བ་ཡིས། སྦྱང་དང་ཐོབ་ཕྱིར་བསྲེག་པར་བྱ། །ཉོན་མོངས་ལྔ་ཡི་དམ་རྫས་ནི། །ཡེ་ཤེས་ལྔ་ཡི་ཀློང་དུ་དབུལ། །ཕུང་པོ་ལྔ་ཡི་ཡབ་ལྔ་ལ། །འབྱུང་བ་ཡུམ་ལྔའི་དབྱིངས་སུ་བསྟིམ། །ཤེས་པ་བརྒྱད་ནི་མ་བརྒྱད་ལའོ། །ཡུལ་བརྒྱད་ཕྲ་མེན་བརྒྱ་ལ་བསྟིམ། །སྐྱེ་བཞིས་བསྡུས་པའི་སྲེག་རྫས་རྣམས། །རྣམ་ཐར་སྒོ་བཞིའི་ཀློང་དུ་བསྟིམ། །སྒྲིབ་དང་དངོས་གྲུབ་དོན་རྣམས་ནི། །མེ་ལ་མཁས་པས་བརྟག་པར་བྱ། །སོ་སོའི་དབྱིབས་དང་ཁ་དོག་ལ། །དབྱིབས་དང་ཁ་དོག་ཤེས་པར་བྱ། །ཞེས་གསུངས་སོ། །དེ་ལ་འདི་ནི་རྫས་བསྒྲུབ་པའི་ཐབས་གསང་བའོ།ཕུན་སུམ་ཚོགས་པ་བཞི་ལྡན་ནས། །གནས་དང་ས་གཞི་བརྟགས་པ་ནི། ས་སྟེགས་ཚོན་གྱིས་བྲི་བར་བྱ། །དབུས་སུ་ཐིག་བཞི་ལེའུ་ཚེ་དགུ། །དེའི་མཐའ་འཁོར་ལོ་རྩིབས་བརྒྱད་བྱ། །སྒོ་བཞི་སྒོ་ཁྱུད་བཅས་པར་བྲིམཐའ་ཟད་བསྐལ་པའི་མེ་རི་འབར། །དབུས་སུ་ཟླ་ཁམ་ཁ་སྤྲོད་བྲི། །ཕྱོགས་མཚམས་བརྒྱད་དུ་ཁེ་བརྒྱད་བྲི། །འཁོར་ལོའི་བར་ཁྱམས་མུ་ཁྱུད་ལ། །ནང་དུ་བལྟས་པའི་ཁེ་བརྒྱད་གསལ། །རྩིབས་ལ་ནང་དུ་ལྟ་བ་བརྒྱད། །མུ་ཁྱུད་བརྒྱད་ལ་ཕྱིར་བལྟས་བརྒྱད། །གྲུ་ཆད་བཞི་ལ་ནང་བལྟས་བཞི། །སྒོ་བཞིར་ཕྱིར་བལྟ་བྲི་བར་བྱ། །ཕྱི་རོལ་བར་ཁྱམས་དེ་དག་ལ། །ཕྱི་ལྟ་ཉི་ཤུ་རྩ་བརྒྱད་བྲི། །བསྐལ་པའི་མེ་རི་ཕྱི་ཁྱམས་ལ། །ཕྱིར་ལྟ་བཅུ་ནི་བྲི་བར་བྱ། །དེ་ལ་ཕྱག་རྒྱ་རིམ་པ་དགོད། །རོ་ཡི་ཚོལ་སྟངས་རྣམ་བཞི་ཡིས། །དུར་ཁྲོད་རྫས་མཆོག་མ་ཉམས་བཙལ། །ཡེ་ཤེས་སྤྱན་གྱིས་ལྟ་བ་དང་། །རྡོ་རྗེ་འགྲོས་ཀྱིས་བཙལ་བ་དང་། །ཕྱག་རྒྱའི་ཚོགས་ཀྱིས་རོལ་པ་དང་། །མ་མོའི་ཚོགས་ཀྱིས་འཇོ་ཚུལ་དང་། །བཙལ་ནས་མཎྜལ་སྒོ་བཞི་ནས། །བྲོ་ཆེན་བཞི་ཡིས་སྦྱང་བར་བྱ། ཁྲར་དུ་དུག་གསུམ་འཇོམས་པའི་བྲོ། །ལྷོ་རུ་ཁྲག་འཐུང་རོལ་པའི་བྲོ། །ནུབ་ཏུ་རྟ་མཆོག་ཞལ་གྱི་བྲོ་།་ ་།བྱང་དུ་གདུལ་སྦྱོང་དྲག་པོའི་བྲོ། །སྦྱང་བར་བྱ་བ་རབ་ཏུ་གཅེས། །དེ་ནས་དབུས་སུ་གཞག་བྱ་སྟེ། །མགོ་བོ་ཤར་དུ་བསྟན་པ་དེའི། །ཕུང་པོ་ཧཱུཾ་ལས་གཞལ་མེད་ཁང་། །དེ་རུ་ཕྱག་རྒྱའི་ཚོགས་མཆོག་བསྒོམ། སོ་སོའི་རྫས་ཡི་གནས་རྣམས་ལ། །རིགས་ཀྱི་ལྷ་རྣམས་རིམ་པར་དགོད། །བསྙེན་པས་བྱིན་ཕེབས་རྟགས་བྱུང་ནས། །བམ་དེ་བྱང་ཤར་མཚམས་སུ་བསྒྲལ། །རྡོ་རྗེ་ཐིག་གིས་བཏབ་ནས་ཀྱང་། །རྫས་རྣམས་སོ་སོའི་སྐོས་སུ་གདབ། །དེས་མཚོན་རྣམ་ལྔས་བགྲོ་བར་བྱ། །འཁོར་ལོའི་སྤི་བོ་ཉིད་ནས་བཀྲོ། །རྡོ་རྗེ་སྙིང་གིའི་ཕྱོགས་ནས་བཀྲོ། །རིན་ཆེན་ཟུར་བརྒྱད་ལྟེ་བ་ནས། །པདྨ་ཁ་ཡི་ཕྱོགས་ནས་སོ། །རལ་གྲིས་ཡན་ལག་རྣམས་ནས་བཀྲོ། །དེ་ནས་ཕྱག་རྒྱའི་གནས་རྣམས་སུ། །རྫས་རྣམས་གོ་ལྗོམ་བཞིན་དུ་དགོད། །དཔལ་དང་ལྡན་པའི་གནོད་དགུ་ལ། །སྐུ་གསུང་ཐུགས་དང་ལྡན་པར་ནི། །གསོལ་བའི་འོད་དང་བཅས་པར་དགྲ། །རྫས་ཀྱིས་མཛེས་པར་བརྒྱན་པར་བྱ། །རྨད་དུ་བྱུང་བའི་གཏོར་མ་དགྲམ། །མཆོད་པའི་དམ་རྫས་ཚང་མར་བཤམ། །དེ་ནས་རྣལ་འབྱོར་ཆེན་པོ་ཀུན། །བདག་ཉིད་ཕྱག་རྒྱར་གནས་པ་དེ།བསྐྱེད་པ་ཏིང་འཛིན་ཚུལ་བཞིན་སྐྱེད། །རང་བཞིན་རྫོགས་ཆེན་སྤྱན་དྲངས་མཆོད། །བསྒྲུབ་པ་ཉམས་ལེན་བཟློག་པར་བྱ། །དངོས་གྲུབ་གསོལ་དང་དབང་བསྐུར་བྱ། །དེ་ནས་གཏོར་མ་ཚོ་གསུམ་དུ། །དང་པོར་བཅད་དེ་སྦྱིན་སྲེག་བྱ་།་ ་།་བར་མས་མཁའ་འགྲོ་ཚིམ་པར་བྱ། །ཐ་མ་མི་ཟད་གཏེར་དུ་སྦ། །ལས་རྣམས་རྫོགས་པར་བྱས་ནས་ནི། །དཔལཆེནཉིདཀྱངའགྲུབ་འགྱུར་ན། །དངོས་གྲུབ་གཞན་ལྟ་སྨོད་ཅི་དགོས། །ཞེས་གསུངས་སོ། །དེ་ལ་འདི་ནི་རྡོ་རྗེ་མཆོག་ཆེན་པོ་བསྒྲུབ་པའི་ཐབས་སོ། །དོན་དང་ལྡན་པའི་རྣལ་འབྱོར་པས། །ས་སྟེངས་ཆག་ཕྱེད་ཚད་དུ་བྱ། །སུམ་བརྩེགས་བྱས་དབུས་ཟླ་གམ་བརྒྱད། །ཕྱི་མཐའ་ཐོད་པས་བསྐོར་བ་ལ། །མེ་དཔུང་འབར་བས་བསྐོར་བའོ། །དེ་ཡི་ཕྱི་རིམ་དམར་ཆེན་རྒྱས། །དབུས་སུ་བན་དྷ་མཚན་ལྡན་ལ། །ཡབ་ཡུམ་སྙིང་པོ་བྲིས་ལ་བཞག །ཟླ་གམ་བརྒྱད་ལ་མ་བརྒྱད་བཞག །མཐིང་ནག་མ་ཐ་མེ་རི་འབར། །དེ་འོག་ཐོད་ཚར་གསུམ་དུ་བྱ། །སྒོ་ཁྱམས་དུར་ཁྲོད་རྫས་ཀྱིས་བརྒྱན། །སྒོ་རྩེག་སྒོ་ཁྱུད་ཐ་མ་བྲན། །གནས་མཆོག་རབ་ཏུ་དབེན་པཡི། །རི་ཡི་རྩེའམ་ནགས་ཚལ་ལམ། །སྡེ་དཔུང་ཕྲ་མོས་མི་ཚུགས་ཤིང་།འདུ་འཛི་འགྲོ་འོང་ཆད་པར་ཤིས། །རྣལ་འབྱོར་གདེང་དང་རབ་ལྡན་ཞིང་། །བརྗིད་ཅིང་སྲན་ཚུགས་ཁུ་འཕྲིག་ཆུང་། །བརྟུལ་ཞུགས་ཆེ་ལ་རྟོག་པ་མེད། །ལས་ཀྱི་ཕྲེང་བ་ལྷག་ཆད་མེད། །དྲི་ཞིམ་སྨན་གྱིས་ཕྱེ་བཀྲུ་ཞིང་། །ཤི་ནེ་དྷི་ཧུས་ནང་ཡང་བཀྲུ། །ཚད་མར་སྦྱར་བའི་བཀའ་དག་དང་། །ལྡན་པས་དུས་བཏབ་བཞིན་དུ་བརྩམ། །རྒྱུ་ཡང་བརྟག་པར་བྱ་བ་ནི། །མཛེས་ཤིང་བཀྲ་ཤིས་ལྡན་པ་ལ། །བོང་ཚོད་ལོ་ནི་དར་ལ་བབརིགས་ལྔའི་མཚན་རྟགས་ཡོད་པ་ཤིས། །བསྒྲུབ་པའི་རྒྱུ་མཆོག་དེ་ལྟ་བུ། །དག་པ་གསུམ་གྱིས་གཞུང་བསྲངས་ནས། །བྱིན་གྱི་བརླབ་པ་རབ་ཏུ་བྱ། །དྷ་ཧུ་མ་འདས་དབང་པོ་བསྒྱུར། །བདུད་རྩི་ལྔ་ཡི་ཐིག་ལེ་ཡིས།དབང་པོ་ལྔ་ལ་གདབ་པར་བྱ། །སྣང་སྲིང་གཏམ་ནི་དྲི་བའམ། །ལེགས་ཉེས་དྲི་བའི་པྲ་ཡང་དབབ། །རྣམ་ཤེས་འབྱུང་བའི་སྒོ་རྣམས་སུ། །སོ་སོའི་རིགས་ཀྱི་ཕྱག་རྒྱས་གདབ། །ཕྱག་རྒྱ་བཀོད་ཏེ་བསྒྲལ་བར་བྱ། །ཕུང་པོ་གཞལ་ཡས་ཁང་དུ་བྱ། ནང་གྲོལ་ཐམས་ཅད་ལྷར་བསྒོམས་ཏེ། །བསྒྲལ་སྦྱངས་སྦྱར་བ་བྱས་ནས་ནི། །མཆོད་དང་མཉེས་དང་དམ་སྐོངས་དང་། །དངོས་གྲུབ་རྣམ་གསུམ་ཐོབ་ནས་བླང་། །ཞེས་གསུངས་སོ། །དེ་ལ་འདི་ནི་མཆོག་ཕྲན་གཙང་མ་བསྒྲུབ་པའི་ཐབས་སོ། །མཎྜལ་གྲུ་བཞི་ཚད་ལྡན་ལ། །ཟླ་གམ་སྒོ་གཅིག་རྡོ་རྗེས་བསྐོར། །མུ་ཁྱུད་སྒོ་བཞི་རབ་དུ་བྲི། །ཁྱུ་མཆོག་དབང་པོ་ཕྱེད་ལྡན་ལ། །ཕྱི་ནང་ཁྲུས་ཀྱང་དེ་བཞིན་བྱ། །དབུས་སུ་བཞག་སྟེ་ཤར་དུ་བསྟན། །ལྕེ་ལ་གཟུངས་ཐག་སྣ་ལྔས་གདགས། །མན་ངང་ལུང་ལྡན་ཕྱག་དུ་དབུལ། །ཕྱག་རྒྱ་རྫས་དང་བཅས་པར་དགྲམ། །དེ་ཡི་ཁོང་དུ་གཞལ་ཡས་སུ། །ཡེ་ཤེས་སེམས་དཔའ་ཚོན་གང་བའི། ཐུགས་ཀར་ནོར་བུ་རིན་ཆེན་འབར། །དབུས་སུ་ཉི་མའི་གའུལ། །དཔལ་བེའུ་ཡུངས་འབྲུ་སྙིང་པོ་ལ། །ཏིལ་འབྲུ་ཙམ་གྱི་ཧཱུཾ༷་དམར་གནས། །རྡོ་རྗེ་འཕྲོ་འདུ་རྒྱུན་མི་གཅད། །རྡོ་རྗེ་པྲ་ཡང་དབབ་པར་བྱ། །དེ་ནས་མཚན་རྟགས་བཟང་བ་དང་། །དངོས་གྲུབ་བླངས་ཏེ་བསྒྲལ་བར་བྱ། །བསྐམས་ཏེ་བདུད་རྩིའི་རྩ་བར་ཤིས། །ཞེས་གསུངས་སོ། །དེ་ལ་འདི་ནི་དྲེག་པ་ཅན་གནོན་པ་བསྒྲུབ་པའི་ཐབས་སོ། །ཕུན་སུམ་ཚོགས་པ་བཞི་ལྡན་ནས། །ཇི་ལྟར་རིགས་པ་འདུས་པ་དང་། མཎྜལ་གཞི་གཅིག་སྐྱོན་ནུས་བྱ། །ཆག་རམས་བཏོད་པའི་མཎྜལ་བཞི། །གྲུ་བཞིར་གཞི་ལས་སྤགས་པར་བྱ། །དེ་དག་མ་རང་གཟུགས་སུ་བྱ། །སྙིང་ག་མན་ཆད་དབུས་སུ་བསྣོལ། །མཎྜལ་ཆེན་པོའི་འོག་ཏུ་གཞུག །དབུས་སུ་འཁོར་ལོ་ཐིག་བཏབ་ལ། །དཔལ་ཆེན་ལྔ་ཡི་ཕྱག་རྒྱ་གཞག །བར་ཁྱམས་གཉིས་ཀྱིས་མཛེས་པ་ལ། །གནས་དང་ཡུལ་གྱི་ཕྱག་རྒྱ་དགོད། །སྒོ་བཞིར་སྒོ་སྲུང་དེ་བཞི་གཞག །ཡན་ལག་སྤྲུལ་པའི་མགོ་བརྙན་གནས། །ཕྱི་རོལ་ཁྱམས་ལ་མེ་རི་བྱ། །དེ་མཐའ་ཐོད་པ་ཚར་གསུམ་བལྟམས། །དེ་ཡི་ཕྱིར་རིམ་མེ་བུར་འཚུབ། །གུ་གུ་ཐུལ་དང་ཟ་ར་ཚགས། །ཞིང་དང་སྦྲུལ་ཆུན་སྒོ་ཁྱུད་ལ། །བན་དྷ་སྙིང་པོར་བཅས་པ་དག །སོ་སོའི་གནས་སུ་དེ་བཞིན་གཞག །རྡོ་རྗེ་དབྱིབས་སུ་བརྩིགས་པའི་ཐབ། །ཟུར་བཞི་ཁ་བཞི་དག་ལ་བྱ། །སྙིང་གར་འཁོར་ལོའི་ཐབ་ཏུ་བྱ། །རིགས་དང་མཐུན་པའི་ཡམ་ཤིང་བརྩིག །ཧོམ་ལྔ་འབྲེལ་བའི་ལས་ཆེན་ལ། །ཐབ་ཁུང་ལྔ་ཡི་བྱེ་བྲག་ཏུ། ཁུད་དྲུག་ཡམ་ཤིང་སྐྲུང་པ་ལས། །ཡེ་ཤེས་ལྔ་ཡི་མེ་ཀློང་དུ། །ཉོན་མོངས་ལྔ་ཡི་བསྲེག་སྦྱང་ཐིམ། །བྱ་བར་འོས་པ་མཐའ་དག་ཀུན། །རྣལ་འབྱོར་ཅན་གྱིས་ཅི་རིགས་བྱ། །ཞེས་གསུངས་སོ། །དེ་ལ་འདི་ནི་མ་ཏང་འགྲེལ་བུ་གནོན་པའི་ཐབས་སོ། །དཀྱིལ་འཁོར་མ་ཏང་གཟུགས་སུ་བྱ། །མགོ་བོ་ལྷོ་ནུབ་མཚམས་སུ་བསྟན། །མགོ་ལུས་ཡན་ལག་རྣམས་ལ་ནི། །མཎྜལ་བཅུ་གཅིག་རབ་ཏུ་བྱ། །ཞལ་དུ་ཧོམ་ཁུང་གྲུ་གསུམ་ལ། །ཡམ་ཤིང་དག་གི་བརྫངས་ནས་ནི། །སྤྱིན་སྲེགས་ཧོམ་གྱི་ལས་རྣམས་བྱ། །སྙིང་གར་གྲུ་གསུམ་རྩེ་གསུམ་ལ། །བང་རིམ་གསུམ་པར་བྱས་ནས་ནི། །ཕུར་བུ་ཉི་ཤུ་རྩ་གསུམ་དགོད། །ཞེ་སྡང་རྡོ་རྗེའི་ཏིང་འཛིན་བྱ། །ལྟེ་བ་གསུམ་གྲུམ་མཐིང་ནག་ལ། །ཟུར་ལ་ཐོད་པ་ཚར་གསུམ་དྲི། །གཞུ་བདུན་དགྲ་སྟ་བརྒྱད་ཀྱང་དགོད། །ཕུར་བུ་དགུ་དང་ཁ་ཧཱུཾ་དགུ །རྩང་དམར་དྲུག་ཅུ་རྩ་བརྒྱད་དགོད། །ཡུམ་གྱི་མཁའ་རུ་བསྒོམས་ནས་སུ། །གཟིར་གནན་དྲག་པོའི་ལས་རྣམས་བྱ། །ཡན་ལག་མགོ་མཚན་གཡས་གཡོན་ལ། །གནས་ཀྱི་མ་མོ་བརྒྱད་རྣམས་ཀྱི། །བྲིའམ་མཚན་མ་གཞག་པར་བྱ། །གཞན་རྣམས་ཀྱང་ནི་ཅི་རིགས་པར། །མ་ཏང་དགུག་དག་དབབ་དག་གནོན། །བྱིན་བརླབས་མཁས་པས་ཚུལ་བཞིན་བྱ། །བྱ་བ་ཐམས་ཅད་ཅི་རིགས་བྱ། །དེས་ནི་གནོན་པའི་ལས་ཆེན་འགྲུབ། །ཅེས་གསུངས་སོ། །དེ་ལ་འདི་ནི་རྡོ་རྗེ་ཚེ་བསྒྲུབ་པའི་ཐབས་སོ། །ཐམས་ཅད་འབྱོར་པར་བྱས་ནས་ནི། །ས་སྟེངས་སྐྱོང་ནུལ་ལེགས་བྱས་ལ། །དབུས་སུ་པདྨ་འདབ་བརྒྱད་ལ། །ཟླ་གམ་དམར་པོ་སྒོ་བཞིར་ལྡན། །རྡོ་རྗེའི་ར་བས་བསྐོར་བར་བྱ། །དཔལ་ལྡན་ཚེ་ཡི་ཕྱག་རྒྱ་དགོད། །རིནཆེནསྣཚོགསབུམཔལ། །ཚེ་ཡི་རྫས་ཀྱི་གང་བ་དེ། །པདྨ་བན་དྷས་ཁ་བཀབ་ལ། །གཟུངས་ཐག་བཏབས་ནས་དབུས་སུ་གཞག །ཚེ་དཔག་མེད་པར་དེ་མངའ་གསོལ། །བུམ་པ་རིན་ཆེན་ལས་བྱས་བཞི། །གསང་བའི་ཡུམ་དུ་དེ་མངའ་་གསོལ། །རིགས་དང་མཐུན་པའི་བུམ་པ་བཞིརིགས་ལྔའི་སངས་རྒྱས་གཙོ་གཟུངས་དང་། །སོ་སོའི་འཁོར་གྱིས་སེམས་དཔའ་རྣམས། །གཙོ་གཟུངས་ཟུང་དུ་འབྲེལ་བར་ནི། །ཕྱོགས་ཕྱོགས་དག་ཏུ་ཚོམ་བུར་བྲི། །སྒོ་བཞིར་སྒོ་སྲུང་ལ་སོགས་གཞག །སེམས་དཔའི་ཕྱག་རྒྱ་ཀུན་བཀོད་ནས། །ཚེ་དཔག་མེད་པའི་ཐུགས་ཀ་ནས། །འཁྱིལ་ཅིང་འཚེར་བའི་བྱང་ཆུབ་སེམས། །ཉི་ཟླའི་གའུ་གནས་པ་དེ། །ཨུ་ཡུ་བྱང་ཆུབ་སེམས་སུ་ཞུ། །དེ་ལས་རྒྱལ་མཚན་མཆོད་ལྡན་དང་། །རིན་ཆེན་གཏེར་དང་དབང་བསྐུར་མཛད། །གསང་བའི་ཚེ་གཏེར་འཛིན་དར་བཞི། །ཐུགས་ཀར་འཕྲོས་ནས་དེ་བཞིན་དུ། །ཚོམ་བུ་རིམ་གྱིས་སྤྲོས་ནས་ནི། །དཀར་དམར་འོད་ཀྱིས་བདག་ལ་བསྟིམས། །སྐྱེ་མེད་དབྱིངས་སུ་སྦས་ནས་ནི། །མི་འགྱུར་ཕྱག་རྒྱས་གདབ་པར་བྱ། །ཡང་ན་ཏིང་འཛིན་ཁྱད་པར་གྱིས། །ལོའམ་ཟླ་བའི་མཐའ་དག་ཏུ། །སྐྱ་རེངས་འཆར་བའི་དུས་སུ་ནི། །ཕྱག་རྒྱ་ཆེན་པོས་གནས་པ་དེས། ཁྲར་ཕྱོགས་ངོས་སུ་ཁ་བལྟས་ཏེ། །ལྷ་ཀླུ་གནོད་སྦྱིན་ཇི་སྙེད་པ། །ཤར་ཕྱོགས་ནམ་མཁར་གནས་པ་རྣམས། །ཐམས་ཅད་ཁོང་དུ་རྔུབས་པ་ལས། །ཕྱིར་མི་འབྱུང་བར་ཁོང་དུ་བསྟིམས། །དབུགས་དེ་ཐ་མར་སྣ་རུ་བསྲིང་། །ཕྱོགས་བཅུར་དེ་ལྟར་གོམས་བྱས་ནས། །དཔལ་ཚེ་གཟི་བྱིན་ཐམས་ཅད་ཐོབ། །ཅེས་གསུངས་སོ། །དེ་ལ་འདི་ནི་བདུད་རྩི་བསྒྲུབ་པའི་ཐབས་སོ། །མཎྜལ་ཚད་དང་མཐུན་པ་ལ། །དབུས་སུ་པདྨ་འདབ་བརྒྱད་བྲི། ཁུ།་ཆད་ཟླ་གམ་བཞི་པར་བྱ། །གཞན་ཡང་ཟླ་གམ་ཅི་རིགས་དགྲམ། །པདྨའི་རྩེ་ལ་རིན་པོ་ཆེ། །གེ་སར་དག་གིས་མཛེས་པར་བྱ། །ཕྱག་རྒྱ་འབར་བའི་ལྷ་ཚོགས་དགོད། །དབུས་སུ་ཚངས་པའི་སྐུད་པ་ཅན། །སུལ་མེད་དུང་ཅན་འཁོར་བར་གཞག ཁྲར་དུ་སུལ་འགྲེར་དེ་བཞིན་ཏེ། །ལྷོ་རུ་དཔག་བསམ་ཤིང་བུ་ཅན། །ནུབ་ཏུ་ཤོང་བའི་གཉིས་པ་གཞག །བྱང་དུ་བསེ་ཕོར་རྒྱ་གྲམ་མོ། །སྣོད་ཀྱི་མཚན་ཉིད་བཀོད་ནས་སུ། །དྲི་ཆེན་ཞུ་བ་མི་ས་དང་། །རཀྟ་དྲི་ཆུ་ཕྱོགས་ཕྱོགས་སུ། །དེ་དག་སྐབས་སུ་སྦྱོར་བ་ཡི། །ཀལ་ཀོལ་ལ་དང་དུ་རུ་སྐ། །ཛུ་ཏི་ཕ་ལ་ཁ་དྲི་ཞིམ། །ལྕེ་པོག་དཀར་པོ་རིམ་བཞིན་སྦྱར། །འདི་དག་ཀྱང་ནི་རིམ་པ་བཞིན། །ཨ་ཀ་རུ་དང་ག་པུར་དང་། །གུར་གུམ་པདྨ་ལི་ག་དུར། །དེ་ནས་ར་ས་ཡ་ནའི་ཚོགས། །རིགས་དང་ལས་དང་ཁ་དོག་གིས། །ཅི་རིགས་སོ་སོར་་དབྱེ་བར་བྱ། ས་བོན་ལྔ་ཡིས་རྣམ་པར་སྦྱངས། གསང་ཆེན་དེ་ཉིད་དམ་པ་ཡི། །རིགས་གཅིག་རིགས་ལྔ་རིགས་བརྒྱ་ཡིས། །སྦྱང་བ་མཆོག་ཏུ་བྱ་བ་ཡིན། ཁྲོལ་བུ་དག་ནི་སྦྱངས་པ་ན། །བསལ་དང་བསྔོ་དང་བསྡུ་དང་དབྱེ། །ཁྲུས་དང་བཤགས་དང་ཡོན་ཏན་བརྗོད། བྱིབ་དབབ་བཟླས་པ་རྟགས་བྱུང་དང་། །བསྡུ་དང་བཏག་བཙག་གཞལ་བ་བྱ། ། མཚན་ལྡ་སྣོདདུ་རྒྱ་ཡིས་གདབ། །རིགས་དང་མཐུན་པའི་གཟུངས་ཀྱིས་གདགས །དབང་བསྐུར་བྱིན་བརླབ་ཚུལ་བཞིན་བྱ། །ཏིང་འཛིན་མི་གཡེང་འབྱོངས་པ་དང་། །དངོས་གྲུབ་བླང་བ་ལ་སོགས་བྱ། །དེ་ནས་རིལ་བུའམ་འདེ་གུའམ། །སྐྱོ་མ་ལ་སོགས་ཅི་རིགས་པར། །རྣལ་འབྱོར་མཆོག་གིས་སྤྱད་པར་བྱ། །ཞེས་གསུངས་སོ། །དེ་ལ་འདི་ནི་སྟ་ན་བསྒྲུབ་པའི་ཐབས་སོ། །གང་ཡང་རུང་བའི་སེམས་ཅན་དེ། །ལས་བབ་པ་ཡི་རྣལ་འབྱོར་པས། །ར༷་ཡ༷་ཁ༷་གིས་སྲེག་སྦྱང་བྱ། ཁུད་དྲུག་ས་བོན་འབྲུ་སྔས་སྦྱང་། །རོལ་པའི་ཚུལ་གྱིས་བསྒྲལ་བྱ་ཞིང་། །རྣམ་ཤེས་སྦྱོར་བའི་ལྷུམས་སུ་འཕང་། བྱང་ཆུབ་སེམས་ཀྱི་འཕྲོ་འདུ་ཡིས། །སྐུ་བསྐྱེད་ཡེ་ཤེས་སྐུར་སྤྲོས་ཏེ། །རྫོགས་སངས་རྒྱས་ལ་སོམ་ཉི་མེད། །ཅེས་གསུངས་སོ། །དེ་ལ་འདི་ནི་ག་ཎ་བསྒྲུབ་པའི་ཐབས་སོ། །མཚན་དང་ལྡན་པའི་གཟུངས་མ་ལ། །བསྙེན་སྒྲུབ་ལུང་བཞིན་སྦྱོར་བར་བྱ། །དཀར་དམར་འདྲེས་པའི་བྱང་ཆུབ་སེམས། །རྡོ་རྗེ་ལྕེ་ཡིས་བླང་བར་བྱ། །སངས་རྒྱས་རྣམས་ལ་མཆོག་པར་བྱ། །འགྲོ་དྲུག་སྒྲིབ་པར་སྦྱོང་བར་བྱེད། །ཅེས་གསུངས་སོ། །དེ་ལ་འདི་ནི་སྤྱིར་སྒྲུབ་པའི་ཐབས་སོ། །ཡི་དམ་བཅས་པ་བཏང་ན་ཡང་། །བདག་ལུས་ཕྱལ་བར་མི་གཏང་ཞིང་། །དེ་ཉིད་དྲན་པ་ཆེན་པོར་བྱ། །འཕགས་པ་མཆོད་པར་བརྩོན་པ་དང་། །རང་གི་ལྟ་བ་གསལ་བ་དང་། །གསང་སྔགས་སྡོམ་ལ་གནས་པ་དང་། །གསང་སྔགས་ཕྱག་རྒྱ་མ་ཉམས་དང་། །ཡོ་བྱད་ཚོགས་ན་ངེས་པར་འགྲུབ། །མི་ལྡན་དོན་རྣམས་བརླག་པར་འགྱུར། །ཞེས་གསུངས་སོ།དེ་ལ་འདི་ནི་མི་འགྲུབ་པའི་ཆད་པའོ། །བསྙེན་བསྒྲུབ་རིམ་པར་མ་རྫོགས་པར། །དངོས་ལ་ཞེན་ཅིང་སྒྲུབ་བྱེད་པ། །རང་རྒྱུད་སྲེག་པར་གདོན་མི་ཟ། །ཞེས་གསུངས་སོ། །དེ་ལ་འདི་ནི་བསྒྲུབས་ནས་མ་གྲུབ་པའི་ཆད་པའོ། །བཀའ་བཞིན་སྒྲུབ་པའི་རྣལ་འབྱོར་པས། །དུས་བཞིན་གྲུབ་པར་མ་གྱུར་ན། །རྡོ་རྗེ་སེམས་དཔའ་ལ་སོགས་པའི། །ཡེ་ཤེས་ལས་གྲུབ་ལྷ་རྣམས་ཀྱང་། །ཚལ་པར་འགས་པ་གདོན་མི་ཟ། །ཞེས་གསུངས་སོ། །དངོས་གྲུབ་གཞན་དག་དེ་དག་ཏུ། །མི་ཟད་བསམ་གྱིས་མི་ཁྱབ་སྟེ། །དེ་དག་ལ་སོགས་བསམ་ཡས་མཆོག །ཆོས་དབྱིངས་མཉམ་དང་མི་མཉམ་དང་། །ནམ་མཁའ་དབྱིངས་ཀྱི་མཐའ་ཀླས་པ། །བརྗོད་མེད་བརྗོད་ཀས་འདས་པ་ཡི། །དངོས་གྲུབ་ཇི་ལྟར་འདོད་པ་འགྲུབ། །ཅེས་གསུངས་སོ། །འཕགས་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་དངོས་གྲུབ་བསྒྲུབ་པའི་རྣམ་གྲངས་བཤད་པའི་ལེའུ་སྟེ་བཅུ་གཉིས་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེ་མི་འདའ་བ་དམ་ཚིག་གི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། །ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་སྡོམ་པ་ཟབ་མོ་འདི་ཕྱུང་ངོ་། །དེ་ལ་འདི་ནི་དམ་ཚིག་གི་སྡོམ་པ་ཅིའི་ཕྱིར་བསྲུང་བའོ། །སྲིད་གསུམ་སེམས་ཅན་ཏམས་ཅད་ལ། །ལོག་རྟོག་འཁྲུལ་བ་བསམ་མི་ཁྱབ། །དེ་ཉིད་གཞིལ་བའི་གདུལ་ཐབས་སུ །ཕྱི་ནང་སྡོམ་པ་ཇི་སྙེད་པ། །རྟོག་འདུལ་ཐབས་སུ་དེ་སྙེད་གསུངས། །ཞེས་གསུངས་སོ། །དེ་ལ་འདི་ནི་དམ་ཚིག་གི་མདོ་ཀུན་འདིར་འདུས་པའོ། །ཇི་སྙེད་སྡོམ་པ་བསམ་ཡས་ཀུན། །གསང་སྔགས་རྒྱ་མཚོ་ཆེན་པོ་ལས། འདུལ་བའི་ཐབས་སུ་སོ་སོར་སྣང་། །སྣང་ཡང་རྟོག་འདུལ་མ་གྲུབ་ཕྱིར། །རྨད་བྱུང་ངང་དུ་གཅིག་པར་འདུས། །དེ་བས་གསང་སྔགས་ངོ་མཚར་ཆེ། །ཞེས་གསུངས་སོ། །དེ་ལ་འདི་ནི་དམ་ཚིག་རྣམཔར་དག་པའོ། །ཆོས་ཀུན་ཡེ་ནས་དག་པའི་ཕྱིར། །ལོག་རྟོག་ཡེ་ནས་རྣམ་པར་དག །དེ་བས་སྡོམ་པ་རྣམ་པར་དག །དམ་ཚིག་འདི་ནི་རྨད་པོ་ཆེ། །ཞེས་གསུངས་སོ། །དེ་ལ་འདི་ནི་བསྲུང་བ་མེད་པའི་སྡོམ་པའོ། །ཐམས་ཅད་ཐིག་ལེ་རྡོ་རྗེ་བས། །བསྲུང་བའི་ཐ་སྙད་རྣམས་དང་བྲལ། །ཀུན་ཁྱབ་བདལ་བའི་ངང་ཉིད་ལ། །བསྲུང་དུ་མེད་ན་སྡོམ་པ་ཡིན། །ནམ་མཁའ་བཞིན་དུ་ཀུན་དུ་ཁྱབ། །ཅེས་གསུངས་སོ། །དེ་ལ་འདི་ནི་རྟོག་པའི་དམ་ཚིག་གོ །བདེ་ཆེན་རྣམ་དག་ལྷུན་གྲུབ་པར། །ལྟ་བས་རྟོགས་ཤིང་ཆུད་གྱུར་ན། །དམ་ཚིག་ཉིད་ཀྱང་རྣམ་དག་སྟེ། །ལྟ་བ་ཁྱད་པར་ཇི་བཞིན་དུ། །འདུལ་བའི་ཁྱད་པར་དེ་ལྟར་གནས། །དེ་བས་དམ་ཚིག་ཞེས་བྱ་བ། །རང་གི་ལྟ་བ་ཡིན་པར་གསུངས། །ཞེས་གསུངས་སོ། །དེ་ལ་འདི་ནི་དམ་ཚིག་གི་མདོ་གསང་བའོ། །གསང་སྔགས་རྒྱ་མཚོ་ཆེན་པོ་ཡི། །དམ་ཚིག་བསམ་ཡས་ཇི་སྙེད་པ། །རྩ་བ་ཡན་ལག་གཉིས་སུ་འདུས། །རྩ་བའི་དམ་ཚིག་གསུམ་ཡིན་ཏེ། །སྐུ་གསུང་ཐུགས་སུ་རྒྱལ་བས་གསུངས། །ཡན་ལག་དམ་ཚིག་མི་སྤོང་དང་། །མི་འདོར་སྤྱོད་དང་ཞེས་པ་དང་། གྲུབ་པ་ཡིན་ཏེ་རྣམ་ལྔ་པོ། །མདོར་ན་རྣམ་པ་བརྒྱད་དུ་གྲགས། །ཞེས་གསུངས་སོ། །དེ་ལ་འདི་ནི་མདོ་རྒྱས་པའོ། །སྐུ་ཡི་དམ་ཚིག་ཅེས་བྱ་བ། །བླ་མ་སྐྲུན་ལ་གདུང་སེམས་ལྡན། །མངན་དང་དཔྱ་སེམས་སྤངས་པ་ཡིན། །བླ་མ་ལ་ཡང་རྣམ་གསུམ་སྟེ། །དམ་ཚིག་དབང་དང་ཤེས་རབ་རྒྱུད། །མན་ངག་ལུང་སྟོན་སློབ་དཔོན་ལ། །མངན་དང་དཔྱ་བའི་སེམས་བོར་ན། །ལུས་ངག་སྒོ་ནས་སྨོས་ཅི་དགོས། །མགོ་དང་མིག་དང་གསང་མ་སྙིང་། །རྟག་ཏུ་འབྲལ་བར་འཕངས་པ་ལྟར། །བླ་མ་རྡོ་རྗེ་སློབ་དཔོན་ལ། །མི་འབྲེལ་སེམས་ཀྱིས་དེ་ལྟར་ལྟ། །དེ་ཡི་ཕྱི་བཞིན་བེའུ་ལྟར་འབྲང་། །དེ་ཡི་དགོས་པ་ཅི་ཡང་རུང་། །སྐོངས་ན་སྲོག་ལའང་མི་ལྟ་ན། །ཟང་ཟིང་གཞན་ལྟ་སྨོས་ཅི་དགོས། །ལུས་ལ་དབང་བའི་རྒྱལ་པོའམ། །ལུས་སྲོག་བསྐྱེད་པའི་ཕ་མ་བས། ་གོན་ཏུ་གཉན་ཞིང་བཀུར་བར་བྱ། །ཅི་ཕྱིར་དབྱིངས་དང་རྣམ་ཐར་གྱིས། །སྒོ་རྣམས་དེ་ཡི་སྟན་པ་ཡིན། །དངོས་གྲུབ་བྱེ་བྲག་ཇི་སྙེད་པ། །དེ་ལ་རག་ལས་རྗེས་སུ་འབྲང་། །མ་རིག་མུན་པས་གཏིབས་པ་ལ། །སེམས་ཀྱི་སྒྲོན་མ་དེ་ཡིས་འདེབས། །ལྷ་མི་ཡོངས་ཀྱི་འདྲེན་སྟོན་ཡིན། །དུས་གསུམ་སངས་རྒྱས་ཞལ་མཐོང་ཡིན། །དགེ་བའི་རྩ་བའི་སྲོག་ཤིང་ཡིན། །ཡོན་ཏན་ཀུན་གྱི་གཏེར་མཛོད་ཡིན། །གལ་ཏེ་ཡོན་ཏན་མི་ལྡན་ཡང་། །བླ་མར་བཟུང་ནས་སྤང་བྱས་ན། །ཀུན་གྱི་སློབ་དཔོན་བརྙས་པ་ཡིན། །དུས་གསུམ་སངས་རྒྱས་སྐུར་པ་ཡིན། །དེ་ཡི་ཉམས་པ་བརྗོད་མི་ལང་། །ཡོན་ཏན་ལྡན་པའི་བླ་མ་དེ། །ཕྱོགས་བ་་སངས་རྒྱས་ཐམས་ཅད་དང་། །རྒྱལ་སྲས་དང་ནི་མཐུ་ཆེན་རྣམ། །ཕྱག་འཚལ་མཆོད་ཅིང་བཀུར་སྟི་བྱེད། །འཇིག་རྟེན་འདི་ན་མཐུ་ཆེན་ཀུན། །དེ་ཡི་དགོངས་པ་སྐོང་པ་དང་། ཁུར་ཞིང་བྲན་དུ་ཁས་ལེན་ན། །རོད་རྗེ་སློབ་དཔོན་སྨོས་ཅི་དགོས། །རྡོ་རྗེ་སྤུན་ལ་གདུང་སེམས་ཀྱང་། །འདྲེས་དང་མ་འདྲེས་ཡོངས་ཀྱི་སྤུན། །ཡང་དག་ལམ་དུ་ཞུགས་པ་ལ། མངན་དང་དཔྱས་ཀྱིས་སེམས་ཙམ་ཡང་རྟག་ཏུ་སྤང་བར་བྱ་བ་ཡིན། །བརྩེ་ཞིག་གདུང་བའི་ཤུགས་ཕྱུང་ལ། །གཅིག་ལ་གཅིག་ནི་མིག་བཞིན་བལྟ། །མདོར་ན་སྲོག་ལ་མི་ཆགས་པར། །སྤུན་དང་མིང་སྲིང་དགོས་པ་སྒྲུབ། །ཅི་ཕྱིར་རྡོ་རྗེ་སྐྲུན་རྣམས་ནི། །འདི་ནས་བྱང་ཆུབ་ཐུག་པ་སྲ །མི་འབྲལ་འགྲོགས་པའི་གྲོགས་མཆོག་སྟེ། །མར་མེ་འོད་དང་སྡོང་བུ་འདྲའོ། །དཔེར་ན་འཇིག་རྟེན་མི་རྣམས་ཀྱང་། །མང་པོ་འདུས་ན་དཀའ་བའང་འགྲུབ། །དེ་བཞིན་རྡོ་རྗེ་མིང་སྲིང་སྤུན། །དངོས་གྲུབ་སྒྲུབ་པའི་གྲོགས་མཆོག་ཡིན། །དཔེར་ན་གྲོགས་དང་ལྡན་པའི་མི། །འཚེ་བ་རྣམས་ཀྱིས་མི་ཚུགས་བཞིན། །དེ་བཞིན་རྣལ་འབྱོར་གྲོགས་ལྡན་ཡང་། །རྒོལ་བ་རྣམས་ཀྱིས་མི་ཚུགས་ཤིང་། །འབྲས་བུ་མྱུར་དུ་འགྲུར་པར་འགྱུར། །དེ་བས་ནན་ཏན་བསྐྱེད་དེ་བསྲུང་། །དེ་ཡང་སྐུ་ཡི་དམ་ཚིག་སྟེ། །བསྲུང་བ་ཡིན་པར་རྒྱལ་བས་གསུངས། །མདོར་ན་སྣང་སྲིད་ཐམས་ཅད་ནི། །གཟུགས་སུ་སྣང་བ་མཐའ་ཡས་ཀུན། །ཆོས་ཀྱི་སྐུ་ལས་མ་གཡོས་པར། །གཟུགས་སྐུ་འཇའ་ཚོན་ཚུལ་དུ་གསལ། །དེ་ཉིད་དོན་ལས་མི་འདའ་བར། །རྟོགས་པ་སྐུ་ཡི་དམ་ཚིག་ཅེས། །རྒྱལ་བ་རྣམས་ཀྱིས་རབ་ཏུ་གསུངས། །གསུང་གི་དམ་ཚིག་ཅེས་བྱ་བ། །སྔགས་ཀྱི་རྣལ་འབྱོར་གྲལ་སྒོ་བས། །ཕྱག་རྒྱ་བཞི་རུ་རྣམ་གསལ་ནས། །རྡོ་རྗེ་སྔགས་རྣམས་རྒྱུན་མི་གཅད། །བསྒོམ་དང་བཟླས་དང་འཕྲོ་འདུའི་སྔགས། །ཏིང་འཛིན་མེ་དང་འདྲ་བ་ལ། །བཟླས་བརྗོད་རླུད་དང་འདྲས་བསྐྱོད་ནས། །སྒྲིབ་པའི་བུད་ཤིང་བསྲེག་པར་བྱ། །བཟླས་བརྗོད་སྔགས་གྱིས་བརྟུལ་ཞུགས་ཀྱང་། །སྒྲ་ཆེན་བ་མ་ཡིན་ཆུང་བར་མིན། །མགྱོགས་པར་མ་ཡིན་བུལ་བར་མིན། །དྲག་པར་མ་ཡིན་དྲལ་བར་མིན། །ཡིག་འབྲུ་ཡན་ལག་ཉམས་མ་ཡིན། །ཡེངས་མིན་གླལ་སོགས་བར་གཅོད་མིན། ཁུ་བའི་སེམས་རྣམས་སྤངས་པ་དང་། །བཟླས་པའི་སྐྱོན་བཅུ་སྤངས་ནས་ནི། །དུས་དང་གྲངས་དང་མཚན་མ་ཡི། །བསྙེན་པ་རབ་ཏུ་རྫོགས་པ་གཅེས། །ཡེ་ཤེས་ལྷ་རྣམས་ཉེ་བ་དང་། །དབྱིངས་དང་རྣམ་ཐར་འཛོམ་པ་དང་། །དངོས་གྲུབ་རྣམ་གསུམ་ཐོབ་པ་དང་། །འཕྲོ་འདུས་འགྲོ་དོན་བྱ་བ་དང་། །དེ་ཡིས་ལྷ་རྣམས་མཉེས་པ་དང་། ལས་དེ་མྱུར་དུ་འགྲུབ་པའི་ཕྱིར། །བསྲུང་བའི་དམ་ཚིག་ཡིན་པར་གསུངས། །མདོར་ན་སྣང་སྲིད་ཐམས་ཅད་ཀུན། །སྐྱེ་མེད་གསུང་ལས་མ་གཡོས་ཀྱང་། །གསུང་གི་བྱེ་བྲག་ཉིད་ཡིན་པར། །རྟོགས་ཤིང་སླར་ཡང་དབྱིངས་སུ་ཐིམ། །རྟོག་པ་གསུང་དུ་རྒྱལ་བས་གསུངས། །ཐུགས་ཀྱི་དམ་ཚིག་ཅེས་བྱ་བ། །སྤྱིར་གསང་བཞི་དང་བར་གསང་བཞི། །གསང་བར་འོས་དང་གཉེར་གཏད་པའི། །གསང་སྔགས་གསང་བའི་དོན་རྣམས་ཀུན། །བུམ་པའི་ནང་གི་མེ་མར་བཞིན། །སྣོད་མ་ཡིན་པའི་གང་ཟག་ལ། །དུས་དང་གནས་སྐབས་ཀུན་དུ་གསང་།།སྣོད་དང་ལྡན་པ་རྣམས་ལ་ཡང་། །དབང་མ་ཐོབ་པར་བཤད་པ་མིན། །ཅི་ཕྱིར་གསང་དོན་དེ་ཉིད་ལ། །མ་རྟོགས་པ་རྣམས་སྐུར་བ་འདེབས། །ལོག་པར་རྟོགས་པ་ལྟུང་བར་འགྱུར། །དོན་མ་རྟོགས་ན་ཡིད་ཆེས་མེད། ཁམས་གསུམ་སྐྱེ་བོའི་བཅས་ཀར་འགྱུར། །དངོས་གྲུབ་བར་གཅོད་བགེགས་སུ་འགྱུར། །དེ་བས་གཞན་དུ་བསྟན་པ་མིན། །མདོར་ན་ཐུགས་ཀྱི་དམ་ཚིག་ནི། །སྲིད་གསུམ་སེམས་ཅན་ཐམས་ཅད་ཀྱི། །སེམས་རྟོག་རྣམ་པ་ཐམས་ཅད་ཀུན། སྐྱེ་མེད་དབྱིངས་ལས་མ་གཡོས་ཀྱང་། །སོ་སོར་རྟོགས་པ་ཐུགས་ཉིད་སྣང་། །སྣང་ཉིད་དབྱིངས་ལས་མི་འདའ་བར། །རྟོགས་པ་ཐུགས་སུ་རྒྱལ་བས་གསུངས། །དེ་ནི་རྩ་བའི་དམ་ཚིག་གི །མདོ་ཉིད་རྒྱས་པར་བཤད་པ་ཡིན། །རྩ་བའི་དམ་ཚིག་གི་མདོ་རྒྱས་པར་བཤད་པའོ། །མོ་སྤོང་དམ་ཚིག་ཅེས་བྱ་བ། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ལྔ་རྣམས་ནི། །རིགས་ལྔའི་སངས་རྒྱས་ངོ་བོ་སྟེ། །ཡེ་ཤེས་ལྔ་ཡི་རང་བཞིན་པས། །སྤངས་ན་རྣལ་འབྱོར་དོན་དང་འགལ། །མི་དོར་དང་དུ་བླང་བ་ན། །དྲི་ཆེན་དྲི་ཆུ་རཀྟ་དང་། མ༷་ས་དང་ནི་ཟིལ་པ་ལྔ། །འབྲས་བུ་ལྔ་ཡིས་བསྡུས་པ་རྣམས། །རྣལ་འབྱོར་པ་ནི་རྟག་ཏུ་བཟའ། །འདི་ཡང་དམ་ཚིག་རྨད་པོ་ཅེ། །སྤྱད་པར་བྱ་བའི་དམ་ཚིག་ནི། །སྦྱོར་དང་སྒྲོལ་དང་མ་བྱིན་ལེན། །བརྫུན་དང་ངག་རྩུབ་སྨྲ་དང་ལྔ། །དོན་དམ་སྐྱེས་བུས་སྤྱད་པར་བྱ། ཁྲེས་པར་བྱ་བའི་དམ་ཚིག་ནི། །ཕུང་པོ་ལྔ་དང་འབྱུང་བ་ལྔ། །དབང་པོ་ཡུལ་ལྔ་ཁ་དོག་ལྔ། །རིགས་ལྔ་ཡེ་ཤེས་ལྔ་ཉིད་དུ། །དོན་ལྡན་སྐྱེས་བུས་ཤེས་པར་བྱ། །ལུང་དང་ལྡན་པའི་རྣལ་འབྱོར་པས། །གྲུབ་པར་བྱ་བའི་དོན་ཆེན་ཡང་། །སངས་རྒྱས་ལྔ་ལས་གཞན་མི་བསྒྲུབ། །གྲུབ་པར་བྱ་བའི་དམ་ཚིག་སྟེ། །འདི་དག་བསྲུང་བར་རབ་ཏུ་གཅེས། །དེ་ཡང་ཅི་ཕྱིར་བསྲུང་ཞེ་ན། །འདོད་ཆགས་རང་དང་སྤྱིར་སྣང་བ། །ཆགས་ཤིང་ཞེན་པ་ཐམས་ཅད་ཀུན། །པདྨ་རིགས་ཀྱི་ངོ་བོ་ཡིན། །ཞེ་སྡང་དེ་བཞིན་རྡོ་རྗེའི་རིགས། །གཏི་མུག་སངས་རྒྱས་ཡིན་པར་གསུངས། །ང་རྒྱལ་ཡིད་བཞིན་ནོར་བུ་སྟེ། །ཕྲག་དོག་ཞེས་བྱ་ལས་སུ་བཤད། །དེ་བས་སྤངས་བར་བྱ་བ་མིན། །དྲི་ཆེན་སྣང་མཛད་གཙོ་བོ་ཡིན། །དྲི་ཆུ་གདོན་མི་ཟ་གྲུབ་པ།རཀྟ་སྣང་བ་མཐའ་ཡས་སྐུ། །མི་ས་རིན་ཆེན་འབྱུང་ལྡན་གཙོ། །བྱང་ཆུབ་སེམས་ནི་རྡོ་རྗེ་སེམས། །དེས་ན་དང་དུ་བླངས་བར་གསུངས། །སེམས་ཅན་ཐམས་ཅད་གསད་བྱ་བ། །རྡོ་རྗེ་སེམས་དཔའི་དམ་ཚིག་ཡིན། །བུད་མེད་རྣམས་ལ་ཆགས་བྱ་བ། །སྣང་བ་མཐའ་ཡས་དམ་ཚིག་སྟེ། །གཞན་གྱི་ནོར་འཕྲོག་རྣམ་སྣང་གིས། །རིན་ཆེན་འབྱུང་བའི་བརྫུན་ཕྲ་མ། །ངག་རྩུབ་གདོན་མི་ཟ་འགྲུབ་པའི། །དམ་ཚིག་ཡིན་པར་རྒྱལ་བས་གསུངས། །དེ་བས་སྤྱད་པར་བྱ་བའོ། །གཟུགས་སུ་སྣང་བ་རྣམ་སྣང་མཛད། །ཚོར་བ་རིན་ཆེན་འབྱུང་ལྡན་གཙོ། །འདུ་ཤེས་སྣང་བ་མཐའ་ཡས་ཏེ། །འདུ་བྱེད་གདོན་མི་ཟ་གྲུབ་པ། །རྣམ་ཤེས་རྡོ་རྗེ་སེམས་དཔའོ། །ས་ནི་རྡོ་རྗེ་ཞེས་སུ་བཤད། །རིན་ཆེན་ཆུ་སྟེ་པདྨ་མེ། །ཐོགས་མེད་རླུད་གི་རང་བཞིན་ཏེ། །ནམ་མཁའི་ཁམས་ནི་རྣམ་སྣང་མཛད། །མིག་གི་དབང་པོ་རྣམ་སྣང་མཛད། །རྣ་བ་རིན་ཆེན་འབྱུང་བའི་ཚུལ། །སྣང་བ་མཐའ་ཡས་སྣ་ཞེས་གྲགས། །ལྕེ་ནི་གདོན་མི་ཟ་གྲུབ་པ། །ལུས་ནི་མི་བསྐྱོད་པར་རུ་བཤད། །གཟུགས་ནི་རྣམ་པར་སྣང་མཛད་ཚུལ། །སྒྲ་ནི་རིན་ཆེན་འབྱུང་བ་སྟེ། །དྲི་ནི་སྣང་བ་མཐའ་ཡས་སོ། །རོ་ནི་དོན་ཡོད་གྲུབ་པ་ཡིན། །རེག་རྣམས་མི་བསྐྱོད་པ་རུ་བཤད། །དེ་བཞིན་དཀར་པོ་རྡོ་རྗེའི་རིགས། །སེར་པོ་བདེར་གཤེགས་རིགས་སུ་བཤད། །མཐིང་ག་རིན་ཆེན་དམར་པོ་ཆོས། །ལྗང་གུ་ལས་ཀྱི་རིགས་སུ་བཤད།དེ་ཕྱིར་ཤེས་པར་བྱ་བ་ཡི། །དམ་ཚིག་ཡིན་པར་དཔའ་བོས་གསུངས། །བསྒྲུབ་པར་བྱ་བའི་འབྲས་བུ་ཡང་། །རིགས་ལྔ་ཉིད་དུ་གྲུབ་པས་ན། །དེ་དགྲུབ་པ་ཡི་དམ་ཚིག་ཡིན། །དམ་ཚིག་འདི་ནི་རྨད་པོ་ཆེ། །ཡན་ལག་དམ་ཚིག་འདའ་བའོ། །ཞེས་གསུངས་སོ། །ཡན་ལག་གི་དམ་ཚིག་མདོ་རྒྱས་པའོ། །དེ་ལ་འདི་ནི་དབྱེ་བའོ། །རྩ་བ་ཡན་ལག་དམ་ཚིག་རྣམས། །བསྲུང་བ་རྟོག་པ་གཉིས་སུ་དབྱེ། །དེ་དག་དངོས་སུ་བསྲུང་བས་ན། །མི་འདའ་བགྲུང་བའི་སྡོམ་བཅས་ཡིན། །རྣམ་པར་དག་པའི་ངང་ཉིད་དུ། །དེ་དག་རྟོགས་པས་ཁྱད་པར་དུ། །རྟོགས་པའི་དམ་ཚིག་ཡིན་པར་གསུངས། །དེ་ལ་འདི་ནི་དམ་ཚིག་ཉམས་པ་ལྟུང་བའི་གནས་སོ། །རྩ་བ་ཉམས་པའི་སྐྱོན་ཆེན་ཡང་། །བསྐལ་པ་གྲངས་མེད་བགྲངས་པར་ཡང་། །དམྱལ་བའི་གནས་སུ་ལྟུང་བར་འགྱུར། །རྡོ་རྗེ་བླ་མའི་སྐུ་སྨད་ན། །དུས་གསུམ་སངས་རྒྱས་བརྙས་པ་ཡིན། །བྱང་ཆུབ་སེམས་ལ་སྐུར་པས་ན་།་ ་།་དེ་ཡི་སྡིག་པ་བརྗོད་མི་ལང་། །དཔེར་ན་འཇིག་རྟེན་ས་ཡི་རྡུལ། །གྲངས་ཀྱིས་བགྲང་བར་ཤེས་ཀྱང་སྲིད། །རྒྱམཚོཆེནཔོའིཆུཐིགས་ཀྱང། །གྲངས་ཀྱིས་བགྲང་ཞིང་ཤེས་སུ་རུང། །འདི་ཡི་སྡིག་པ་བརྗོད་མི་ནུས། །ཤིན་ཏུ་མི་བཟད་སྡུག་བསྔལ་ལས། །ཐར་བར་ནམས་ཀྱང་མི་འགྱུར་ཏེ། །སྲིད་གསུམ་སེམས་ཅན་གསད་པས་ནི། །བླ་མའི་བཀའ་བཅག་ཆར་མི་ཕོད། །རྡོ་རྗེ་སྤུན་ལ་སྨད་པ་ནི། །ཉམས་པའི་སྐྱོན་ཡང་བརྗོད་པར་དཀའ། བསྐལ་པ་གཅིག་གི་བར་དག་ཏུ། །དམྱལ་བ་ཆེན་པོར་ལྟུང་བར་འགྱུར། །ཚེ་འདིར་བསྒྲུབ་པ་ལོག་པ་དང་། །འབད་པའི་འབྲས་བུ་མེད་པར་འགྱུར། །གསུང་གི་དམ་ཚིག་ཉམས་གྱུར་ན། །དབྱིངས་དང་རྣམ་པར་ཐར་པ་ཡི། །སྒོ་རྣམས་ཉམས་པར་གྱུར་པས་ན། །བསྒྲུབ་པ་ཐམས་ཅད་ལོག་པར་འགྱུར། །ཡི་དྭགས་གནས་སུ་ཡུན་རིང་སྟེ། །ལྐུགས་པའི་གནས་སུ་གྱུར་པ་ཡིན། །ཐུགས་ཀྱི་དམ་ཚིག་ཉམས་གྱུར་ན། །ཡི་དྭགས་ཀྱི་ནི་ལུགས་སུ་སྐྱེ། །ཐོང་གཤོལ་འབར་བ་ལྟ་བརྒྱ་ཡིས། །དེ་ཡི་ལྕེ་ལ་གཤོག་པར་བྱེད། །བསྐལ་པ་དུ་མར་མྱོང་བ་དང་། །དངོས་གྲུབ་འབྲས་བུ་མེད་པར་འགྱུར། །མདོར་ན་རྩ་བ་ཉམས་གྱུར་ན། །འབྲས་བུ་མེད་ཅིང་ངན་སོང་ལྟུང་། །རྡོ་རྗེ་སེམས་དཔའ་བདག་ཉིད་ཀྱང་། །དེ་ཡི་སྙིང་ཁྲག་འཐུང་བར་ངེས། །མི་སྤོང་དམ་ཚིག་ཉམས་གྱུར་ན། །དངོས་གྲུབ་ཐམས་ཅད་སྤངས་པར་འགྱུར། །མི་དོར་དམ་ཚིག་ཉམས་གྱུར་ན། །དངོས་གྲུབ་འབྲས་བུ་མི་འཐོབ་ཅིང་། །ཡི་དྭགས་སྤྲེའུའི་གནས་སུ་སྐྱེ། ། ད་པའི་དམ་ཚིག་ཉམས་གྱུར་ན། །འདུ་ཤེས་མེད་པའི་འགོག་པར་ལྟུང་། ཤེས་པའི་དམ་ཚིག་ཉམས་གྱུར་ན། །འདུ་ཤེས་མེད་པའི་ཁྲོས་པས་ལྟུང་། ཁྲུབ་པའི་དམ་ཚིག་ཉམས་གྱུར་ན། །བདུད་ཀྱི་ཁམས་སུ་ལྟུང་བར་འགྱུར། །རྟོགས་པའི་དམ་ཚིག་ཉམས་གྱུར་ན། །རུ་ཏྲ་ཆེན་པོའི་གནས་སུ་ལྟུང་། །དེ་ལ་སོགས་ཏེ་བསམ་མི་ཁྱབ། །ཅེས་གསུངས་སོ། དེ་ལ་འདི་ནི་ཉམས་པ་བསྐང་བའི་ཚད་དོ། །དམ་ཚིག་ཉམས་པར་གྱུར་པ་ན། །མགོན་བཙུན་མཉམ་པའི་དོན་རྟོགས་ན། །དེ་ཉིད་སྐོངས་པའི་གནས་སུ་འགྱུར། །བླ་མ་སྐྲུན་ལ་སྨད་གྱུར་ན། །ཚེ་འདི་ཉིད་ལ་མཉེས་བྱས་ཏེ། །མཐོལ་བཤགས་དྲག་པོས་འཀྱོད་བྱས་ན། །དེ་ནི་སྐོངས་པའི་ལས་སུ་འགྱུར། །གལ་ཏེ་བདག་གམ་བླ་མ་སྤུན། །མ་བསྐངས་བར་དུ་ཚེ་འཕོས་ན། །དེ་ནི་བསྐང་བའི་ཚད་ལས་འདས། །གསུང་གི་ཐ་ཚིག་རལ་གྱུར་ན། །རྡོ་རྗེ་ཆོས་སུ་བདག་བསྒོམས་ལ། །ཐ་ཚིག་གང་བརླག་འབུམ་འབུམ་གདོན། །ཐུགས་ཀྱི་ཐ་ཚིག་རལ་གྱུར་ན། །རྡོ་རྗེ་སེམས་དཔར་བསྒོམས་པ་ལ། །ལོ་གསུམ་བར་དུ་མི་སྨྲ་བར། །བསམ་གཏན་སྦྱོར་བར་རབ་ཏུ་བྱ། །ཡན་ལག་དམ་ཚིག་ཉམས་གྱུར་ན། །སོ་སོའི་རིགས་ཀྱིས་དེ་བཞིན་བསྐོང་། །ཞེས་གསུངས་སོ། །དེ་སྐད་ཅེས་གསུངས་པས་འདུས་པའི་འཁོར་ཚོགས་རྣམས་ཀྱི་གསང་སྔགས་ཀྱི་དམ་ཚིག་ནི། རང་རང་གི་སྙིང་ལ་གནས་པར་མཐོང་ནས། ཨ་ལ་ལ་ཞེས་པའི་སྒྲ་ཕྱུང་ནས་རང་རང་གི་དམ་ཚིག་ལ་དམིགས་སོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་དམ་ཚིག་རྣམ་པར་བཀོད་པའི་ལེའུ་སྟེ་བཅུ་གསུམ་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོས་བརྟུལ་ཞུགས་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་ནས་ཀྱང་གསང་སྔགས་ཐམས་ཅད་ཀྱི་བརྟུལ་ཞུགས་རྣམ་པར་རོལ་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །གསང་སྔགས་རྒྱལ་མཚོ་ཆེན་པོ་ཡི། །བརྟུལ་ཞུགས་ངོ་མཚར་རྨད་བྱུང་བ། །ཆོས་ཀུན་རོལ་པར་སྣང་བའི་ཕྱིར། །ཇི་ལྟར་སྤྱད་ཀྱང་བརྟུལ་ཞུགས་ཏེ། །བཀའ་ཐུབ་དཀའ་བ་སྤྱད་མི་དགོས། །དཀའ་ཐུབ་སྡོམ་ལ་རྟེན་པའི་མིས། །བསྒྲུབས་ཀྱང་འགྲུབ་པར་མི་འགྱུར་ཏེ། །དཀའ་ཐུབ་སྡོམ་ལ་མི་གནས་ཤིང་། །འདོད་པའི་ལོངས་སྤྱོད་རབ་བསྟེན་པས། །བསྒྲུབས་ན་མྱུར་དུ་འགྲུབ་པར་འགྱུར། །རིགས་ངན་དག་ནི་སྨེ་ཤ་ཅན། །རྟག་ཏུ་གསོད་ལ་བརྩོན་པ་དང་། །མ་བྱིན་ལེན་དག་མི་ཚངས་སྤྱོད། །བརྫུན་དུ་སྨྲ་ལ་དགའ་བ་དང་། །རྩུབ་པའི་ངག་ལ་དགའ་བ་ནི། །གསང་སྔགས་བསྒྲུབ་པའི་སྣོད་དུ་འགྱུར། །ཕ་དག་ཁུ་བོ་མེས་པོ་ལ། །ཞེ་སྡང་སེམས་ཀྱིས་བསྒྲལ་བྱས་ན། །རྡོ་རྗེ་སེམས་དཔའི་དངོས་གྲུབ་ཐོབ། མ་དག་བུ་མོ་སྲིང་མོ་དང་། །འདོད་ཆགས་སེམས་ཀྱིས་སྦྱར་བྱས་ན། །ཆགསཔཆེནཔོའིདངོསགྲུབ་ཐོབ། །སྙིང་རྗེ་མེད་པར་གསོད་པ་དང་། །འཇིགས་པ་མེད་པར་སྦྱོར་བ་ལ། །བཤད་གཅི་ཟས་སུ་བ་དང་། །རང་གི་ཁུ་བས་མཆོད་པ་དང་། །དུར་ཁྲོད་རྒྱལ་ན་དགའ་བ་ནི། །ཐེག་མཆོག་འདི་ལ་འགྲུབ་པར་འགྱུར། །བསོད་སྙོམས་ཟས་ལ་མི་ཆགས་ཤིང་། །མ་བསླངས་པ་ལའང་ཆགས་མི་བྱ། །ནགས་ཚལ་དགོན་པའི་ས་ཕྱོགས་སུ། །བསོད་སྙོམས་བླངས་ཏེ་བཟའ་བར་བྱ། །སེམས་ཀྱི་བརྟུལ་ཞུགས་ཆེན་པོ་ཡིས། །ཏིང་འཛིན་སྟོབས་དང་ལྡན་པར་བྱ། །ལུས་ཀྱི་བརྟུལ་ཞུགས་ཆེན་པོ་ཡིས། །ཐོགས་མེད་སྟང་ཐབས་ཚུལ་དུ་གནས། །ངག་གི་བརྟུལ་ཞུགས་ཆེན་པོ་ཡིས། །སྔགས་ཀྱི་ཡི་གེ་དྲག་ཏུ་བརྗོད། །དབེན་པའི་ཕྱོགས་སུ་གནས་བཅས་ལ། །གཡང་གཞི་གོས་སུ་གྱོན་ནས་ནི། །ཆེ་བའི་ང་རྒྱལ་རྟག་ཏུ་བསྐྱེད། །ཝ་ཡི་བརྟུལ་ཞུགས་ཆེན་པོ་ཡི་ས། །སྤང་བར་བྱ་བའི་ཐབས་སུ་སྤྱད། །ཅང་ཤེས་བརྟུལ་ཞུགས་ཆེན་པོ་ཡིས། ཁྲེས་བྱ་ཀུན་ལ་འཇུག་པར་བྱ། །ལུས་ཀྱི་རྩལ་གྱི་བྱ་བ་དག །གྱི་ལིང་བརྟུལ་ཞུགས་ཆེན་པོས་བྱ། །ཕག་གི་བརྟུལ་ཞུགས་ཆེན་པོ་ཡིས། །གཙང་སྨེ་མེད་པར་ཀུན་ལ་སྤྱད། །གླང་ཆེན་མྱོས་པའི་བརྟུལ་ཞུགས་ཀྱིས། །མི་འབྱེད་རྨོངས་ཚུལ་བསྟན་པར་བྱ། །སྟག་མཆོག་རྔམ་པའི་བརྟུལ་ཞུགས་ཀྱིས། །དཔའ་བརྟུལ་ག་་པའི་ལས་ཆེན་བྱ། །ཁྱུང་ཆེན་མཁའ་ལྡིང་བརྟུལ་ཞུགས་ཀྱིས། །ལྟ་བ་སྤྱི་རྒྱ་རླབས་ཀྱིས་གཙང་། །གཏུམ་ཐུང་དོན་གྱི་བརྟུལ་ཞུགས་ཀྱིས། །རེ་བ་མེད་པའི་ལས་ཆེན་བྱ། །རྒྱ་མཚོ་གཏེར་གྱི་རྟུལ་ཞུགས་ཀྱིས། །ཡིད་ཐུབ་མི་ལྡོག་བརྟན་པར་བྱ།ལྐུགས་པའི་ལུག་གི་བརྟུལ་ཞུགས་ཀྱིས། །གཏི་མུག་བཞིན་དུ་ཤེས་རབ་ལྡན། །རི་བོ་ལྟ་བུའི་བརྟུལ་ཞུགས་ཀྱིས། །མི་འགྱུར་རབ་ཏུ་བརྟན་པར་བྱ། །ནམ་མཁའ་ལྟ་བུའི་བརྟུལ་ཞུགས་ཀྱིས། །ཡངས་དོག་ཀུན་དང་བྲལ་བར་བྱ། །གནམ་ལྕགས་ལྟ་བུའི་བརྟུལ་ཞུགས་ཀྱིས། །དྲག་ཤུལ་ལས་ལ་སྦྱར་བར་བྱ། །ལག་ན་རྡོ་རྗེའི་བརྟུལ་ཞུགས་ཀྱིས། །མཐུ་སྟོབས་དག་ལ་སྤྱད་པར་བྱ། །ཁ་དོག་བརྟུལ་ཞུགས་ཆེན་པོ་ཡིས། །ཟོན་བག་ཁུ་འཕྲིག་སྤྱད་པར་བྱ། གླང་ཆེན་ཆུར་འཇུག་བརྟུལ་ཞུགས་ཀྱིས། །ངེས་པའི་ང་རྒྱལ་སྤྱད་པར་བྱ། །རི་དགས་སེང་གེའི་བརྟུལ་ཞུགས་ཀྱིས། །གྲོགས་ངན་ལ་སོགས་སྤང་བར་བྱ། །རེག་འཇམ་བྱ་ཡི་བརྟུལ་ཞུགས་ཀྱིས། །འགྲོགས་ན་བདེ་ཞིང་ཆགས་པར་བྱ། །སྒྱུ་མ་རྒྱ་ཡི་བརྟུལ་ཞུགས་ཀྱིས། །ཐབས་ལ་མཁས་པའི་ལས་ཆེན་བྱ། །ཅེསསྤྱང་ཁྲ་ཡི་བརྟུལ་ཞུགས་ཀྱིས། །གཙང་སྨེ་མེད་པར་སྤྱད་པ་དང་། །ཐོགས་མེད་གསོད་ལ་བརྩོན་པར་བྱ། །ང་རྒྱལ་སྟག་མཆོག་བརྟུལ་ཞུགས་ཀྱིས། །ཆེ་བའི་ང་རྒྱལ་བསྐྱེད་པར་བྱ། །མཁའ་ལྡིང་ལྟ་བུའི་བརྟུལ་ཞུགས་ཀྱིས། །ཀུན་ཏུ་མཛེས་པའི་སྤྱོད་པ་སྤྱད། །རྒྱལ་པོ་འཁོར་སྐྱོང་བརྟུལ་ཞུགས་ཀྱིས། །ས་ཐུབ་འཁོར་དང་ལྡན་པར་བྱ༑ ་།བཅུ་གཉིས་དག་ནི་གསུམ་དག་གི །བརྟུལ་ཞུགས་བློ་དང་ལྡན་པར་བྱ། །དེ་ལ་སོགས་ཏེ་བསམ་མི་ཁྱབ། །ཅེས་གསུངས་སོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་རྣལ་འབྱོར་གྱི་རིག་བརྟུལ་ཞུགས་ཀྱི་ལེའུ་སྟེ་བཅུ་བཞི་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་ཆེན་པོས་ཕྲིན་ལས་རྒྱ་མཚོ་ལྷུན་གྱིས་གྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་ནས་ཡང་འདུས་པའི་འཁོར་རྣམས་ལ་འདི་སྐད་ཅེས་གསུངས་སོ། འདུས་པའི་འཁོར་རྣམས་ཉོན་ཅིག །བཙལ་མེད་ལྷུན་གྲུབ་དཀྱིལ་འཁོར་ལས། །ཕྲིན་ལས་རྒྱ་མཚོ་བསམ་ཡས་ཀྱང་། །རྣལ་འབྱོར་དགོས་པའི་དབང་དག་ཏུ། །ལས་བཞི་དག་ཏུ་རྒྱལ་བས་གསུངས། །དང་པོས་ཞི་བའི་ལྷ་ཡིན་ཏེ། །གཉིས་པ་རྒྱས་པ་ཞེས་སུ་བྱ། །གསུམ་པ་དབང་དུ་སྡུད་པའི་ལས། །བཞི་པ་དྲག་པོའི་ལས་སུ་གསུངས། །དེ་དག་ལྷ་ཡི་དཀྱིལ་འཁོར་དང་། །གནས་དང་དུས་དང་རྫས་རྣམས་དང་། །དབྱིབས་དང་ཁ་དོག་མཎྜལ་དང་། །ཡུལ་དང་ཏིང་ངེ་འཛིན་དག་དང་། ཕྱོགས་དང་སྟན་དང་འདུག་སྟངས་དང་། །ཐོ་བ་ཕུར་པ་གཏོར་མ་དང་། །བཟླས་བརྗོད་ཧོམ་དང་བསྐུལ་ཚིག་དང་། འཁོར་ལོ་མེ་ལྷའི་མཚན་ཉིད་དང་། ཡུལ་དང་གྲུབ་པའི་འབྲས་བུ་སྟེ། །བཅུ་གཉིས་དང་ནི་གཉིས་དག་གིས། །བྱ་བ་ཐམས་ཅད་རྫོགས་པར་གསུངས། །ཡ་ནི་ཞི་བའི་མཚན་ཉིད་དེ། །མ་ཞེས་བྱ་བ་རྒྱས་པ་ཡིན། །དབང་དུ་སྡུད་པ་བི་དུ་བཤད། །ཨེ་ཉིད་དྲག་པོའི་མཚན་ཉིད་དོ། །ལྷ་ཡི་རྣལ་འབྱོར་རིམ་པ་ཡང་། །རྡོ་རྗེ་སེམས་དཔའ་ཞི་དྲག་བྱ། །རྣམ་སྣང་མཛད་དག་རིན་ཆེན་འཛིན། །རྒྱས་པའི་ལས་ནི་བྱེད་པར་འགྱུར། །སྣང་བ་མཐའ་རྒྱས་པ་དང་། །དབང་གི་ལས་ནི་བྱེད་པར་འགྱུར། །གདོན་མི་ཟ་བས་ལས་ཀུན་བྱེད། །ཡང་ན་དྲག་པོ་ཉིད་ལའོ། །ཀུན་ཏུ་བཟང་པོས་ཅི་ཡང་བྱེད། །སྤྱན་ནི་ཞི་བའི་མཆོག་ཡིན་ཏེ། །བསྲུང་བ་མྱ་མ་ཀི་ཡིས་བྱེད། །གོས་དཀར་ཅན་གྱིས་དབང་དུ་བྱེད། །སྒྲོལ་མ་ལས་རྣམས་ཀུན་ལ་སྦྱར། །ས་ཡི་སྙིང་པོས་རྒྱས་པར་བྱེད། །ནམ་མཁའི་སྙིང་པོས་འཕེལ་བར་བྱེད། །ལག་ན་རྡོ་རྗེ་དྲག་པོ་བྱེད། །སྤྱན་རས་གཟིགས་ཀྱིས་སྙིང་བརྩེ་བར། །ཡིད་ཀྱིས་ཡིད་དུ་འོང་བར་བྱེད། །བྱམས་པས་ཆོས་ཀྱི་འཁོར་ལོ་བསྐོར། སྒྲིབ་པ་སེལ་བས་རྣམ་དག་བྱེད། །ཀུན་ཏུ་བཟང་པོས་ནོར་སྒྲུབ་བྱེད། །འཇམ་དཔལ་ཤེས་རབ་རྣོ་བར་བྱེད། །སྒེག་མོས་སངས་རྒྱས་མཚན་རྣམས་འགྲུབ། །ཕྲེང་བས་རྒྱུན་དང་ལྡན་པ་དང་། །སངས་རྒྱས་ཡུལ་དུ་ཕྱིན་པར་བྱེད། །གླུ་ཡིས་དབྱངས་སྙན་གྲུབ་པར་བྱེད། རིག་མ་དག་དང་ལྷན་ཅིག་རྩེན། །གར་གྱི་ཕྱག་རྒྱ་གར་མཆོག་དང་། སངས་རྒྱས་རྣམས་དང་ལྷན་ཅིག་འགྲོགས། །བདུག་པས་ཡིད་འོང་དངོས་གྲུབ་ཐོབ། །མེ་ཏོག་བར་དགྱེས་མཛེས་པར་བྱེད། །དི་པས་འོད་གསལ་མདངས་དང་ལྡན། །དྲི་ཡིས་དྲི་ང་དག་པར་བྱེད། །ལྕགས་ཀྱུ་ཡིས་ནི་སྤྱན་དྲངས་དང་། །རྡོ་རྗེས་དགུག་པའི་ལས་རྣམས་བྱེད། །ཞགས་པས་དྲེན་ཅིང་འཆིང་བར་བྱེད། །སྒྲོག་གིས་དབང་དུ་བྱེད་ཅིག་སྡོམ། །དྲིལ་བུས་དགྱེས་སྒྲོལ་དབབ་པར་བྱེད། །བྱེད་པ་པོ་དང་བྱ་བ་མོས། །ཐམས་ཅད་ཐམས་ཅད་ཀུན་ལ་སྦྱོར། །རྡུལ་སྙེད་དབང་པོ་དྲུག་རྣམས་ཀྱིས། ཅིས་འདུལ་ཐབས་ཀྱིས་སྣ་ཚོགས་བྱེད། ཁྲག་འཐུང་ཆེན་པོས་གཏི་མུག་འཇོམས། ཁྲག་འཐུང་རྡོ་རྗེས་ཞེ་སྡང་འཇོམས། །རིན་ཆེན་ཧེ་རུས་ང་རྒྱལ་འཇོམས། །པདྨ་ཧེ་རུས་འདོད་ཆགས་འཇོམས། །ལས་ཀྱི་ཧེ་རུས་ཕྲག་དོག་འཇོམས། །ཁྲག་འཐུང་ཆེན་པོས་ཐིམ་པར་བྱེད། །བཛྲ་ཀྲོ་དྷིས་འཁྱུད་པར་བྱེད། །རཏྣ་ཀྲོ་དྷིས་སྦྱོར་བར་བྱེད། །པདྨ་ཀྲོ་དྷིས་སྐྱོད་པར་བྱེད། །ཀརྨ་ཀྲོ་དྷིས་འབེབས་པར་བྱེད། །དཀར་མོའི་ཚོགས་ཀྱིས་འགུགས་པར་བྱེད། །རྐུན་མོའི་ཚོགས་ཀྱིས་མཐུ་འཕྲོག་བྱེད། །རྨོངས་མའི་ཚོགས་ཀྱིས་མྱོས་པར་བྱེད། །ཐལ་བྱེད་མས་ནི་ཐལ་བར་རློག །སྤོམ་མོའི་ཚོགས་ཀྱིས་དབང་དུ་བྱེད། །ག་་མོས་སྒྲོལ་ཞིང་མྱོས་པར་བྱེད། །སྨེ་ཤ་ཅན་གྱིས་ཟ་བར་བྱེད།མ་ཚོགས་མས་ནི་རྒྱུད་འཕེལ་བྱེད། །སེང་གདོང་ཚོགས་ཀྱིས་ཟིལ་གྱིས་གནོན། །སྟག་གདོང་ཚོགསཀྱིས་འཇོམས་པར་བྱེད། །ཝ་གདོང་ཚོགས་ཀྱིས་རོལ་པར་བྱེད། ཁྱི་གདོང་ཚོགས་ཀྱིས་གསོད་ཅིང་ཟ། །རྒོད་གདོང་ཚོགས་ཀྱིས་རྒྱུག་པར་བྱེད། །དུར་བྱས་རྣམ་པར་འདྲེན་པར་བྱེད། །བྱ་རོག་ཚོགས་ཀྱིས་དབང་དུ་འདུ། །འུག་གདོང་ཚོགས་ཀྱིས་འདྲེན་ཅིངལྟ། །གཤེདཔོསའགུགས་ཤིང་སྒྲོལ་བར་བྱེད། །བདུད་རྩི་འཁྱིལ་བས་སྐྲོད་པར་བྱེད། །གཞན་གྱིས་མི་ཐུབ་མངག་གཞུག་བྱེད། །རྟ་ཡིས་དུག་རྣམས་འཇོམས་པར་བྱེད། །དབྱུག་སྔོན་ཅན་གྱིས་གསོད་པར་བྱེད། །སྟོབས་ཆེན་ཆར་འབེབས་བྱེད་པའི་མཆོག །མི་གཡོ་བས་ནི་སྐྲག་ཅིང་འཀྲུག །རྡོ་རྗེ་ཧཱུཾ༷་གིས་འཆིང་བར་བྱེད། །རྣམ་པར་རྒྱལས་བས་གནོན་པར་བྱེད། ཁམས་གསུམ་བདག་པོས་འཇོམས་པར་བྱེད། །ཕྲ་མེན་ཚོགས་རྣམས་མང་པོ་ཀུན། །མངའ་གཞུག་ཕོ་ཉའི་ལས་རྣམས་བྱེད། །སླས་དང་བྱི་མོའི་ཚོགས་རྣམས་ཀྱིས། །ཐམས་ཅད་ཐམས་ཅད་བྱེད་པར་འགྱུར། །མདོར་ན་ལྷ་ཡི་རྣལ་འབྱོར་ནི། །ཅིས་འདུལ་ཐབས་ཀྱིས་དེ་ལྟར་རོ། །ཡིད་འོང་བཀྲ་ཤིས་དབེན་པ་སྲ །རྡོ་རྗེ་ཞི་བ་སྒྲུབ་པར་ཤིས། །མེ་ཏོག་ནགས་ཚལ་སྐྱེད་མོས་ཚལ། །ཉམས་དགའ་བར་ནི་རྒྱས་པར་ཤིས། །ཁ་དོག་དམར་ཞིང་གཅོང་རོང་མང་། །རི་བོར་གནས་སུ་དབང་དུ་བྱ། །སུམ་དོའི་གྲོག་གླེ་རྐང་གཅིག་དྲུང་། །རྩུབ་པའི་གནས་སུ་དྲག་པོ་བྱ་།་ ་།་སྔ་དྲོ་ཞི་བ་གུང་ལ་རྒྱས། །སྲོད་ལ་དབང་བྱ་གུང་ལ་ནི། །དྲག་པོ་ལས་རྣམས་བརྩམས་པར་བྱ། །རྫས་དང་བསྲེག་བྱའི་རྫས་རྣམས་ཀྱང་། །དཀར་ཞིང་དམར་བའི་རྫས་རྣམས་དང་། །ཞོ་དང་ལྡན་པའི་ཞིང་དག་གི་།་ ་།་རྩེ་མོ་ལས་བྱས་ཞི་བའི་རྫས། །སེར་ཞིང་ཁ་བའི་རོར་ལྡན་པའི། །བར་གྱི་ཤིང་ལས་བྱས་པ་ཀུན། །རྒྱས་པའི་ལས་སུ་བསྔགས་པ་ཡིན། །སྒྱུར་ཞིང་ཁ་དོག་དམར་བ་དང་། །དྲུངས་པ་ལས་བྱས་ཤིང་གི་རྣམས།དབང་གི་རྫས་སུ་རབ་ཏུ་གྲགས། །གནག་ཅིག་རྩུབ་པ་ཚ་བ་ཡི། །རོར་ལྡན་རྩ་བའི་ཤིང་ལས་བྱས། །རྡོ་རྗེ་དྲག་པོ་ཉིད་ལའོ། །ཟླུམ་པོ་དང་ནི་འཁོར་ལོ་དག །ཞི་བ་ཡི་ནི་ལས་སུ་གསུངས། །ཟུར་བཞི་ཟུར་དྲུག་ཟུར་བརྒྱད་དམ། །པདྨའམ་རིན་ཆེན་དབྱིབས་འདྲ་བ། །རྒྱས་པའི་ལས་ལ་ཤིས་པའོ། །ཟླ་བ་ཁམ་དག་གཞི་ཡི་དབྱིབས། །པརློ་སྨྱུང་པོའམ་མཁའ་འདྲ་བ། །དབང་དུ་བྱ་བའི་ལས་ཡིན་ནོ། །གྲུ་གསུམ་མམ་ནི་གྲུ་ཆད་དམ། །རྡོ་རྗེའི་དབྱིབས་དང་མདའ་འདྲ་བར། །བྱས་པ་རྡོ་རྗེ་དྲག་པོ་ལའོ། །དཀར་པོ་ཞི་བ་སེར་པོ་རྒྱས། །དམར་པོ་དབང་ལ་ནག་པོ་དྲག །ལྗང་གུ་སྤྱི་ཡི་ལས་སུ་གསུངས། །སེ་སྐྱ་ཞི་རས་ལས་ཡིན་ཏེ། །དམར་སྐྱ་ཞི་བ་དབང་གི་ལས། སྔོ་སྐྱ་ཞི་བ་དྲག་པོའི་ལས། །རྒྱས་དང་དབང་དང་དྲག་པོ་ལའང་། །ཞི་བའི་ཚུལ་དུ་སྦྱར་བར་བྱ། །དེས་ན་ལས་རྣམས་རེ་རེ་ལའང་། །བཞི་བཞི་དག་རུ་རྒྱལ་བས་གསུངས། །ཟླུམ་པོའི་ཐབ་ཁུང་རྡོ་རྗེ་ཡིས། །བརྒྱན་པ་ཞི་བའི་དཀྱིལ་འཁོར་ཡིན། །པདྨ་གྲུ་བཞི་རིན་པོ་ཆེ། །བརྒྱན་པ་རྒྱས་པའི་ལས་སུ་ཤིས། །ཟླ་གམ་ཁུང་བུ་མདའ་གཞུས་བརྒྱན། །དབང་དུ་བསྡུ་བའི་དཀྱིལ་འཁོར་ཡིན། ཁུ།་གསུམ་རྩང་ཐོད་ཀྱིས་བརྒྱན་པ། །དྲག་པོ་སྤྱོད་པའི་དཀྱིལ་འཁོར་ཡིན། །ལྗོན་པ་མ་དག་ལྕུག་ཕྲན་མ། །སྡོད་ཅིག་མ་དང་མི་རིག་མ། །སྤྱན་དང་ནཱ་མ་གོས་དཀར་སྒྲོལ། །བྱིན་གྱིས་བརླབས་པའི་གནས་བྱས་ཏེ། །དད་བྱམས་སྙིང་རྗེ་དང་བ་དང་། །དགའ་ཆགས་བཏང་སྙོམས་ཁྲོས་པ་ཡི། །ཏིང་འཛིན་དག་གིས་ཞི་དང་རྒྱས། །དབང་དྲག་སོ་སོའི་འཕྲོ་འདུ་བྱ། །བྱང་དུ་བལྟས་ཏེ་ཞི་བ་བྱ། །རྒྱས་པའི་ཚེ་ན་ཤར་དུ་བལྟ། །དབང་ལ་ནུབ་ཏུ་དྲག་པོ་ལྷོ། །ཞི་བ་ཀུ་ཤའི་ཁྲི་སྟེངས་སུ། ། རྫོགས་པའི་སྐྱིལ་མོ་ཀྲུང་དུ་གནས། །པདྨའི་སྟེང་དུ་སེམས་དཔའ་ཡི། །སྐྱིལ་མོ་ཀྲུང་གིས་རྒྱས་པར་བྱ། ཁྲི་སྟེང་དག་དུ་ཕྱེད་སྐྱིལ་གྱིས། །དབང་དུ་བསྡུ་བའི་ལས་བྱའོ། །ས་གཞི་གྲུ་གསུམ་ཉིད་ལ་ནི། །རུས་སྦལ་གྱི་ནི་རྒྱས་བཏབ་ཀྱིས། །མངོན་པར་སྤྱོད་པ་བསྩོན་པར་བྱ། །ཟླུམ་པོ་གྲུ་བཞི་ཟླ་གམ་དང་། །ཟུར་གསུམ་ཐོ་བའི་ག་་ཚོགས་ཀྱིས། །ལས་བཞི་ཡུམ་གྱི་ག་་ཁུང་དུ། །གཏི་མུག་ང་རྒྱལ་འདོད་ཆགས་དང་། །ཞེ་སྡང་མཚན་མ་རྡུལ་དུ་བརྡུང་། །གསེར་དངུལ་ཟངས་དང་ལྕགས་དག་གམ། །ཞོ་ཅན་སེར་སྒྱུར་རྩུབ་ཤིང་ལ། །རི་རབ་ཞུལ་དུ་རབ་བརྗིད་པའི། །ཕུར་པ་ལས་རྣམས་སོ་སོ་ཡི་།་ ་།་ལྷ་ཡི་དཀྱིལ་འཁོར་བསྒོམ་པ་ལ། རྩེ་མོ་ཡི་བི་ཨེ་ཡི་དབྱིབས། །མཚན་མ་མིང་དུ་བཅས་པ་ལ། །བཏབ་ན་ཞི་རྒྱས་དབང་དྲག་འགྱུར། །དངུལ་ཕྱེ་འབྲས་ཆེན་དཀར་པོ་ལ། །ཞི་བར་འགྱུར་བའི་གཏོར་མ་སྦྱར།གསེར་ཕྱེ་འབྲུ་ཆེ་སེར་པོ་ལ། །རྒྱས་པར་འགྱུར་བའི་གཏོར་མ་སྦྱར། །དབང་ལ་ཟངས་ཕྱེ་འབྲུ་དམར་ཆན། །དྲག་པོའི་ལྕགས་ཕྱེ་ཤ་ཁྲག་ལའོ། ཁྲན་ཏིང་བྲེཁོ་བ་ཤང་དང་། །བཱ་ར་ཡ་ཡི་སྔགས་ཚིག་ལ། །གྲྭ་ཧྭ་གྲྭ་ཧྭ་ཧཱུཾ༷་ཕཊ་ཀྱིས། །བརྒྱན་པའི་མགོ་ལ་ཨོ་བཞག་པ། །བཟླས་པའི་སྔགས་སུ་ཤེས་པར་བྱ། །ཧོམ་ཁུང་ཟླུམ་པོ་གྲུ་བཞི་དང་། །ཟླ་གམ་གྲུ་གསུམ་གདེངས་པ་སྲ །རྡོ་རྗེ་རིན་ཆེན་མདའ་གཞུ་དང་། །རྡོ་རྗེ་རྩེ་དགུའི་ཕྱག་རྒྱ་གཞག །ཞོ་ཅན་སེར་སྒྱུར་རྩུབ་པ་ཡི། །ཡམ་ཤིང་དག་ལ་མེ་སྤར་ཏེ། །ལྷན་ནེ་གཟི་བྱིན་ལྷུན་ཆེན་དང་། །ག་་ཆེན་རྔམ་པའི་ལྷ་ཚོགས་ལ། །ལས་བཞིའི་ཚུལ་དུ་བསྲེགས་ན་འགྲུབ། །སྔགས་དང་འདོད་པའི་མིང་སྤེལ་ཏེ། །བསྐུལ་པ་བྱ་བའི་ཚིག་ཏུ་བཤད། །རས་སམ་བྲོ་ག་ཤིང་ཤུན་ལ། །ཞི་རྒྱས་འཁོར་ལོའི་སྔགས་བཅས་བྲི། །ལྕགས་གསུམ་ག་བུར་གཅུག་ནས་ནི། །མཆོད་ཅིང་བསྐུལ་ན་གདོན་མི་ཟ། །ཞིང་ཆེན་རས་སམ་སྨད་དཀྲིས་ལ། །དབང་དྲག་འཁོར་ལོའི་སྔགས་བཅས་བྲི། །ཁམ་ཕོར་ནང་ངམ་ཐོད་པར་གཞུག །དུར་ཁྲོད་གནས་ལ་སོགས་པ་སྲ །བསྐུལ་ཞིང་མནན་པ་བྱས་ན་ནི། །གདོན་མི་ཟ་བར་མནན་པར་འགྱུར། །ལས་བཞིའི་མེ་ལྷའི་མཚན་ཉིད་ནི། མེ་ཡི་ལྷ་ནི་སྣང་མཐའ་ཡས། །མེ་ཡི་ལྷ་མོ་གོས་དཀར་མོ། །ཐབས་དང་ཤེས་རབ་འབྲེལ་བས་ནི། །གང་འདོད་ལས་དེ་བྱེད་པར་འགྱུར། །གདུག་རྩུབ་རྣམས་ལ་ཞི་བ་སྦྱར། །དབུལ་ཕོངས་རྣམས་ལ་རྒྱས་པར་སྦྱར། ། དབང་ནི་འདོད་གཟིར་རྣམས་ལ་སྟེ། །ཞེ་སྡང་ཅན་ལ་དྲག་པོའི་ལས། །ཐམས་ཅད་ཞི་བར་འགྱུར་བ་དང། །ཡིདབཞིནནམམཁའའགེངས་པ་དང་། །དགུག་ཅིང་ཕྱི་བཞིན་འབྲེང་བ་དང་། །མྱོས་ནས་གས་ཏེ་འཚིག་པ་ནི། །ལས་བཞིའི་འབྲས་བུར་རྒྱལ་བས་གསུངས། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་ལས་ཀྱི་རིམ་པར་ཕྱེ་བའི་ལེའུ་སྟེ་བཅོ་ལྔ་པའོ།། །།དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་སྐྱེ་འགྲོ་ཐམས་ཅད་འདུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཞུགས་ནས་ཀྱང་བརྣག་པའི་ནན་ཏུར་འདི་དག་གསུངས་སོ། །རྡོ་རྗེ་སློབ་དཔོན་སྨོད་པ་དང་། །སངས་རྒྱས་བསྟན་པ་འཇིག་པ་དང་། །ལུ་གུ་རྒྱུད་ལས་འགལ་བྱེད་དང་། །རྡོ་རྗེ་སྐྲུན་ལ་འཁུ་བྱེད་པ། །རྣལ་འབྱོར་སྤྱི་ཡི་དགྲར་གྱུར་དང་། །སྐྱེ་བོ་ཡོངས་ལ་གནོད་པ་དང་། །མ་ཆགས་པ་ཡི་སེམས་ཅན་ལ་། ༧།བརྣག་པའི་ནན་ཏུར་བྱ་བར་གསུངས། །དགུག་དང་གསད་དང་བསྐམ་པ་དང་། །དབྱེ་དང་བསྐྲད་དང་མནན་པ་དང་། །བཅིང་པའི་ལས་དང་བདུན་དག་གིས། །གྲུབ་པར་འགྱུར་ཞེས་རབ་ཏུ་གསུངས། །དགུག་པའི་ལས་དག་བྱ་བ་ཡང་། །བདག་ཉིད་རྣལ་འབྱོར་ལྡན་བྱས་ཏེ། །རྐང་རྗེས་ཉིད་ཀྱི་ས་བླངས་ལ། །མི་རུས་བསྲེགས་པའི་ཐལ་བ་དང་། །དུར་ཁྲོད་རོ་ཡི་རས་དག་དང་། །རྒྱ་མཚོར་འབབ་པའི་ཆུ་བོ་ཡི། །འགྲམ་ཉིད་ནས་ནི་བླངས་པའི་ས། །རླུད་གིས་འཁྱེར་བའི་ཤིང་ལོ་དང་། །གྲོག་མཁར་ས་རྣམས་བཏགས་ནས་སུ། །ལུང་བོང་གཅིན་གྱིས་སྦྲུ་བར་བྱ། །དེ་ནས་ཡན་ལག་ཚང་བ་ཡི། །གཟུགས་ལ་སྙིང་གར་གྲོག་གའམ། ། ཤིང་ཤུན་ལེགས་པ་གླན་ནས་ནི། །ར་ཁྱི་ཁྲག་གིས་མིང་བྲིས་ཏེ། །ཧཱུཾ༷་དང་ཕཊ་ཀྱི་བར་དུ་གཞུག །དྲག་པོ་དཀྱིལ་འཁོར་གྲུ་གསུམ་དུ། །མགོ་ནི་ལྷོ་ནུབ་མཚམས་སུ་བསྟན། །གང་ན་གནས་པ་དེ་ཉིད་ལས། །དེ་ཡི་རྣམ་པར་ཤེས་པ་ནི། །ཐོགས་མེད་རླུད་དང་འདྲ་བ་སྟེ། །ལྕགས་ཀྱུ་ཡིས་ནི་སྙིང་དྲངས་ཏེ། །ཡ༷་ལས་རླུད་གིས་བཏེག་ནས་ནི། །བདག་གི་དྲུང་དུ་ཕྱིན་པ་དང་། །གཟུགས་བརྙན་ནང་དུ་དེ་བཅུག་པ། །སྲིན་བུ་མེ་ཁྱེར་འདྲ་བར་གསལ། །ལྕགས་ཀྱུ་ཞགས་པའི་ཕྱག་རྒྱས་དམ་དུ་གཞུག །ལྕགས་སྒྲོག་ཕྱག་རྒྱས་སྒྲོག་དུ་གཞུག །དྲིལ་བུའི་ཕྱག་རྒྱས་བརྟན་པར་བྱ། །གུ་གུལ་ནག་པོའི་དུད་པས་བདུག །ཡུངས་ཀར་རྒྱལ་པོའི་མཚོན་གྱིས་བརྡེག །རྡོ་རྗེ་མིག་གི་བལྟར་མངོན་པར། །ཉམས་པ་དེ་ཉིད་གནོན་པར་ནི། །ཉིན་མཚན་ཀུན་ལ་དྲངས་ཏེ་བསམ། །ཡང་ན་སུ༷་བྷའང་ལྷག་པར་འཇེབསདེ་ནི་དགུག་པའི་མཆོག་ཏུ་གསུངས། །གལ་ཏེ་གསད་པའི་ལས་བྱ་ན། །དགུག་པ་དེ་ཉིད་སྦྱར་བྱས་ཏེ། །དུག་ཤིང་སྙིང་པོ་ཚེར་མ་ཡིས། ཁུགས་པའི་གཟུགས་དེ་དབུག་པར་བྱ། །དྲག་པོར་གྱུར་པའི་ཕུར་བ་ཡིསདཔྲལ་བ་སྙིང་མགྲིན་པུས་མོ་གཉིས། །གནས་ལྔ་དག་དུ་བཏབ་པར་བསྒོམ། །རྡོ་རྗེ་རྩེ་མོའི་སྔགས་ཀྱིས་གདབ། །རྡོ་རྗེ་རྩེ་གཅིག་ཕྱག་རྒྱ་དང་། །བེ་ཅོན་རྡོ་རྗེ་གནོད་སྦྱིན་དང་། །རྡོ་རྗེ་བརྗིད་པས་ཕུར་པ་གནོན། །བསྐལ་པའི་མཐར་ཡང་ཟུག་བསམ་ཏེ། །གུ་གུལ་དུད་པས་མྱོས་སུ་གཞུག །ཡུངས་ཀར་རྒྱལ་པོས་བརྡེག་པར་བྱ། །དེ་ནས་གཟུགས་ཀྱི་དངོས་པོ་དེ། །རབ་ཏུ་རྣོ་བའི་མཚོན་ཆ་ཡིས། །ཕོ་ནི་རྐང་པ་གཡས་ནས་གཏུབ།མོ་ནི་རྐང་པ་གཡོན་ནས་གཏུབ། །རྨད་དུ་བྱུང་བའི་གཏོར་མ་དང་། །བཅས་ཏེ་འབར་བའི་ལྷ་ཚོགས་ལ། །དྲག་པོ་ཧོམ་དུ་སྦྱིན་སྲེག་བྱ། །ཉིན་མཚན་གུང་ལ་བྱ་བར་གསུངས། །ལས་འདི་བྱས་ན་ངེས་པ་ཡང་། །ལྷ་ཡིས་བསྲུངས་ཀྱང་འཆི་བར་འཀྱུར། ། གལ་ཏེ་སྐམ་པའི་ལས་བྱས་ན། །དགུག་པ་དེ་ཉིད་སྦྱར་བྱས་ཏེ། །དེ་ཡི་མིང་ནས་སྨོས་ནས་ནི། །གཟུགས་དེ་དུག་གི་ཚེར་མས་དབུག །དུག་དང་སྐྱེ་ཆེ་ལན་ཚྭ་དང་། །འབྲུ་མར་ཚ་བར་རབ་བསྲེས་ཏེ། །ཚ་བའི་རིམས་ཀྱིས་གདབ་པའི་ཕྱིར། །དེ་ཡི་ལུས་ནང་གང་བར་དགང་། །ཚེ་མའི་མེ་ལ་བསྐམ་པར་བྱ། །མཚན་མ་མིག་དུ་བཅས་པ་སྟེ། ཁམ་པོར་རམ་ནི་ཐོད་པར་གཞུག །དགྲ་ཡི་སྒོ་གང་མནན་བྱས་ན། །སྐམ་པར་འགྱུར་བར་གདོན་མི་ཟ། །ཡང་ན་ཚ་བས་བཏབ་པར་འགྱུར། །གལ་ཏེ་གནས་ནས་སྤོ་བྱ་ན། །ཏིང་འཛིན་ལྡན་པའི་རྣལ་འབྱོར་པས། །དགུག་པ་དེ་ཉིད་སྦྱར་བྱས་ཏེ། །རྡོ་རྗེ་མིག་གི་མཐོང་བ་དང་། །རླུང་གི་དཀྱིལ་འཁོར་སྟེང་དག་ཏུ། །རྡོ་རྗེ་རྔ་མོ་རབ་བསམས་ཏེ། །དེ་ཉིད་རྒྱབ་ཏུ་བསྐྱོན་ནས་ནི། །རྡོ་རྗེ་ཁྲོ་བོ་འབརབཡིས། །གཤིནརྗེའིཕྱོགས་སུ་ཁྲིད་པ་དང་། །གཞན་གྱིས་བརྡེག་པའི་ཐབས་སུ་སྦྱར།རལ་གྲིས་རྒྱུ་མ་གཏུབས་པ་དང་། ཕྲ་དོག་འུག་པ་བྱ་རྒོད་ཀྱིས། །ཟ་ཞིང་འཐོག་པར་རྣམ་བསམས་ནས། །དེ་ཡི་མིང་ནས་བསྐུལ་བྱས་ན། །དེ་ནི་མྱུར་དུ་སྐྱོད་པར་འགྱུར། །རྡོ་རྗེ་མི་འཆི་ལས་ཀྱིས་སྦྱར།ཡང་ན་རྐང་རྗེས་ས་དང་ནི། ཁེང་ལོ་རླུད་གིས་གཙུབས་པ་ལ། །མཚན་མ་མིང་དུ་བཅས་པར་བྱ། །མིང་ནས་དྲག་ཏུ་བསྐུལ་བྱ་ཞིང་། །རྡོ་རྗེ་འབར་བའི་ཁྲོ་བོ་ཡིས། །གཤིན་རྗེའི་དྲུང་དུ་ཁྲིད་པ་དང་། །བགེགས་ཀྱི་དྲུང་དུ་མནན་བྱས་ན། །དེས་ཀྱང་བསྐྲད་པའི་ལས་སུ་འགྱུར། །ཡང་ན་དགྲ་ཡི་སྒོ་ག་སྲ །ཐོད་པ་མ་གས་མ་ཆག་པར། །རྡོ་རྗེ་སྔགས་ཀྱི་ཚིག་བྲིས་ཏེ། རྡོ་རྗེ་མི་འཆི་རྣམ་པར་བསྒོམ། །དགྲ་ཡི་སྒོར་རུ་བཞག་ན་ནི། །བསྐྲད་པར་འགྱུར་བ་གདོན་མི་ཟ། །གལ་ཏེ་དབྱེ་བའི་ལས་བྱས་ན། ཁྲོ་བོའི་སྔགས་དང་མིང་སྤེལ་ཏེ། །འུག་པའི་སྒྲོ་ལ་བྲིས་ནས་ནི། བྲམ་ཟེའམ་དགེ་སྦྱོང་སྐྲས་དཀྲིས་ཏེ། །ལམ་གྱི་བཞི་མདོར་བརྐོས་ཏེ་གཞུག །དེ་ལ་རྡོ་རྗེ་ཁྲོ་བོ་གཉིས། །འཐབ་ཅིང་རྩོད་པ་རྣམ་བསམས་ན། །བསད་དེ་དབྱེ་བར་གདོན་མི་ཟ། །གལ་ཏེ་མནན་པའི་ལས་བྱས་ན། །དགུག་པ་དེ་ཉིད་སྦྱར་བྱས་ཏེ། །མངོན་སུམ་ཁུགས་པར་གྱུར་པ་དང་། །དེ་སྟེང་དབང་ཆེན་རིམ་པར་བསྐྱེད། །རི་རབ་སྟེང་དུ་བསྒོམ་པ་ནི། །ལས་ཀྱི་ལྷ་སྟེ་དོན་ཡོད་འགྲུབ། །རྡོ་རྗེ་རྒྱ་གྲམབརྗིད་ལྡན་པས། །བསྐལ་པ་ཡུན་དུ་གནོན་ ་པར་བསམ། །གཟུགས་བརྙན་ཐོད་པ་གང་བར་གཞུག ལམ་གྱི་བཞི་མདོར་དེ་བཞིན་བྱ། །དེས་ནི་རབ་དུ་མནན་པར་འགྱུར། །གལ་ཏེ་བཅིང་བར་འདོད་པ་ན། །དགུག་པ་དེ་ཉིད་སྦྱར་བྱས་ཏེ། །མཚན་མ་མིང་དུ་བཅས་པ་དེ། །ཚོན་སྐུད་སྣ་ལྔས་མགོ་ལུས་དཀྲི། །རྡོ་རྗེ་སྒྲོག་གིས་བཅིངས་བསམས་ནས། །ཐོད་པ་མ་ཉམས་ནང་དུ་གཞུག།ལམ་གྱི་བཞི་མདོའམ་དུར་ཁྲོད་དུ། །སྦས་ན་ངེས་པར་བཅིངས་པར་འགྱུར། །གཞན་ཡང་གསད་པའི་བརྟུལ་ཞུགས་ནི། །ཁྲག་དང་དྲི་ཆུ་བཤང་གཅི་ཡིས། །གཤེར་བར་བྱས་པའི་གོས་གྱོན་ཏེ། །ཁྲོ་བོའི་རྒྱལ་པོར་སྦྱར་བྱས་ནས། །རྐང་པས་གཟུགས་བརྣན་མནན་ནས་ནི། །ཁྲོས་པས་གསང་སྔགས་བརྒྱ་རྩ་བརྒྱད། །རྫོགས་པར་བཟླས་ན་ངེས་པ་འཆི། །ཐལ་བའི་སྐྱེ་མ་སྤངས་པའམ། །སྐྲ་བཤིག་གཅེར་བུར་ཕུད་པའང་རུང་། །དེ་ལྟ་བུ་ཡི་སྦྱོར་བ་ཡིས། །སངས་རྒྱས་དག་ཀྱང་འཆི་འཀྱུར་ན། །ཁམས་གསུམ་སྐྱེ་བོ་སྨོས་ཅི་དགོས། །ཞེས་གསུངས་པས་འདུས་པའི་འཁོར་ཚོགས་ཐམས་ཅད་འཇིགས་སྐྲག་སྟེ། །རང་རང་གི་སྟན་ལས་ལངས་ནས་ལུས་ས་ལ་བརྡབས་པའི་ཕྱག་རྣལ་འབྱོར་གྱི་ལུགས་སུ་བྱས་ཏེ། ཆོ་འཕྲུལ་རྣམ་པ་དུ་མ་བསྟན་ནས་ངོ་མཚར་རྨད་དུ་བྱུང་བའི་རྡོ་རྗེའི་ཚིག་གིས་བསྟོད་པ། །ཨེ་མའོ་ངོ་མཚར་ཡ་མཚན་གྱི། །ཆོ་འཕྲུལ་ཀུན་གྱི་འབྱུང་གནས་གཙོ། །ངོ་མཚར་ཀུན་གྱི་བདག་པོ་མཆོག །རྡོ་རྗེ་རྒྱལ་ལ་ཕྱག་འཚལ་འདུད། །བྱང་ཆུབ་སེམས་དཔའི་དཀྱིལ་འཁོར་དང་། །ཕྱག་རྒྱ་བསྙེན་བསྒྲུབ་བསྒྲུབ་པ་དང་། །སྡོམ་དང་གསལ་ཞུགས་ལས་རྣམས་དང་། །ནན་ཏུར་བདག་པོ་ཁྱོད་ལ་འདུད། །ཁྱོད་ནི་སངས་རྒྱས་ཀུན་གྱི་ཡབ། །དེ་བཞིན་རྒྱལ་སྲས་སྙིང་པོར་འགྱུར། །བདག་ཅག་རྣམས་ཀྱིས་རྟེན་པའི་གནས། །མ་རུངས་འདུལ་གཙོ་ཁྱོད་ལ་འདུད། །ཨེ་མའོ་སྣང་དང་མི་སྣང་བརྟན་གཡོ་ལ་སོགས་ཆོས་ཀུན་ཉིད་ཀྱི་སྒྱུ་འཕྲུལ་དྲ་བ་འཁྲུལ་ལ་སྣང་། །བསམ་ཡས་བསམ་དཔག་ལས་འདས་ཆོས་ཀུན་ངོ་མཚར་རྨད་བྱུང་ཆོ་འཕྲུལ་སྣ་ཚོགས་ཀུན་དུ་སྣང་། །རྟོག་མེད་མཉམ་ཉིད་དབྱིངས་ལས་ཇི་སྲིད་འཕྲུལ་ཀྱང་དབྱིངས་ལས་གཡོས་པ་རྡུལ་གྱི་ཆ་ཙམ་མེད། །དོན་དམ་བདེན་པའི་ཆོ་འཕྲུལ་ཀུན་རྫོབ་གསང་སྔགས་ཆེ་བའི་ཁྱད་ང།ར་རྨད་འབྱུང་ཨེ་མའོ་ངོ་མཚར་ཆེ། །ཞེས་མགྲིན་གཅིག་ཏུ་གསོལ་བ་བཏབ་སྟེ། །འདུས་པའི་འཁོར་ཚོགས་ཆོས་རྣམས་ལ་ལ་ནི་བྱང་ཆུབ་སེམས་ཀྱི་མཚན་ཉིད་ལ་སེམས་ཤིང་ཅང་མི་སྨྲ་བར་འཁོད་དོ། །ལ་ལ་ནི་དཀྱིལ་འཁོར་རྣམས་རིམ་གྱིས་དགོད། །ལ་ལ་ནི་ལྷུན་གྱིས་གྲུབ་པའི་གར་དང་ཕྱག་རྒྱ་ཉེ་བར་སྟོན། །ལ་ལ་ནི་གསང་སྔགས་ཀྱི་སྒོ་མོ་ཟབ་མོ་བསྙེན་སྒྲུབ་པ་བཞིར་འཇུག་ཅིང་མི་ལྡོག །ལ་ལ་ནི་ངོ་མཚར་རྨད་དུ་བྱུང་བའི་ཆེ་བ་དག་སྟོན། །ལ་ལ་ནི་གསང་སྔགས་ཀྱི་དམ་ཚིག་སྙིང་ལ་གནས་པར་སྡོམ། །ལ་ལ་ནི་བརྟུལ་ཞུགས་ཟབ་མོ་ལ་འཇོལ་ཉོག་ཏུ་རོལ། །ལ་ལ་ནི་གདུག་པའི་ཚོགས་ཉེན་ཅིང་ཚར་གཅོད། །ལ་ལ་ནི་རྨུགས་པ་དང་། རེངས་པ་དང་། འདོད་གཟིར་དང་། དྲེགས་པ་རྣམས་དང་། སྦྱོར་བའི་ལས་ཀྱི་རོལ་པས་དགྱེས། ལ་ལ་ནི་ནན་ཏུར་གྱི་ཆེ་བ་སྟོན་ཅིང་ལིང་ལོང་ཕྱད། །ཐམས་ཅད་བླ་འཁྱལ་བའི་སྤྱོད་པ་ཅན་དུ་གྱུར་ཏོ། །བཅོམ་ལྡན་འདས་གསང་བ་མཆོག་གི་བདག་པོ་ནི་ཡུམ་རྔམ་པ་ཀྲོ་དྷིའི་རྒྱལ་མོ་དང་གཉིས་སུ་མེད་པར་དེ་བཞིན་ཉིད་ཀྱི་དབྱིངས་ལ་དགོངས་ཤིང་ཅང་མི་གསུངས་པར་གྱུར་ཏོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་ནན་ཏུར་གྱི་ལས་རིམ་པར་ཕྱེ་བའི་ལེའུ་སྟེ་བཅུ་དྲུག་པ་རྫོགས་སོ།། །།རྒྱ་གར་གྱི་མཁན་པོ་བཛྲ་བི་ཤྭ་མི་ཏྲ་དང་ཞུ་ཆེན་གྱི་ལོསྣྲོ་བ་པ་གོར་བི་རོ་ཙ་ན་རསྤྱི་ཏས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།དེ་ནས་ཡང་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་ཏུ་བཟང་པོས་བཅོམ་ལྡན་འདས་གསང་བ་མཆོག་གི་བདག་པོ་དེ་དེ་བཞིན་ཉིད་ཀྱི་ངང་ལ་མི་གཡོ་བར་བརྣལ་བཞིན་དུ་ཆོ་འཕྲུལ་འབྱུང་བའི་གླུ་འདིས་རྣམ་པར་བསྐུལ་ལོ། །ཨེ་མའོ་མི་དམིགས་ཆོས་དབྱིངས་དག་པ་ལས། །འབར་བའི་སྐུ་མཆོག་བདག་ལ་བསྟན་དུ་གསོལ། །རོལ་པའི་ཆོ་འཕྲུལ་མི་ཟད་རྒྱན་དུ་ཆེ། །དོན་ལ་རྔམ་པའི་སྤྱོད་པས་རོལ་དུ་གསོལ། །ཨ་ལ་ལ་ཧོ་ཞེས་བསྐུལ་བས་བསྐུལ་བར་ཐུགས་སུ་ཆུད་ནས་སྐུ་ཉི་མའི་སྙིང་པོ་ལྟ་བུ་མངོན་དུ་ཕྱུང་སྟེ་ཆོ་འཕྲུལ་རྣམ་པར་འཕྲུལ་པས་སྣོད་བཅུད་དང་སའི་ཁྱད་པར་ཐམས་ཅད་ལ་སྣང་བར་མཛད་པའོ། །དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་མཆོད་པ་རྒྱས་པ་དེ་ཁོ་ན་ཉིད་ཀྱིས་མངོན་པར་མཆོད་དེ་ཕྱག་འཚལ་ནས་གསོལ་པ་བཏབ་པ། །ཨེ་མའོ་གསང་མཆོག་དག་པའི་བདག །ཡེ་ཤེས་ཤེས་བགྱི་ཇི་ལྟར་ལགས། །རྔམ་པ་ཞེས་ནི་གང་ལ་བགྱི། །གློག་ཕྲེང་ཞེས་པ་ཇི་ལྟར་ལགས། །འཁོར་ལོ་ཞེས་པ་ཇི་ལྟ་བུ། །མདོ་ཡི་དོན་ནི་ཇི་ལྟར་ལགས། །བཅོམ་ལྡན་འདས་ཀྱིས་བཤད་དུ་གསོལ། །ཞེས་གསོལ་པ་བཏབ་པ། གསང་བ་མཆོག་གི་བདག་པོས་གསོལ་བ་བཏབ་པ་ཐུགས་སུ་ཆུད་ནས་ཡེ་ཤེས་སྙིང་པོ་ཅན་རྣམས་ཉོན་ཅིག །ཡེ་ཤེས་ཡེ་ཤེས་ཞེས་བྱ་བ། །ཤེས་དང་ཤེས་བྱ་ཐ་དད་མིན། །རིག་པའི་ངོ་བོ་རྣམ་པ་ལྔ། །སྟོང་ཉིད་སྙིང་རྗེ་དབྱེར་མེད་པས། །བྱང་ཆུབ་སེམས་སུ་རྒྱལ་བས་གསུངས། །དྲེགས་པ་འདུལ་ཞིང་ནན་ཐུར་གྱིས། །ཐོགས་ཆགས་མེད་པའི་བརྟུལ་ཞུགས་པས། །སྔགས་སྤྱོད་རྔམ་པའི་ཁྱད་པར་དེ། །རྔམ་པས་རྔམ་པའི་མཚན་ཉིད་ཡིན། །གློག་ནི་མྱུར་དུ་འཇུག་པའི་ཕྱིར། །འཇུག་པའི་ཡན་ལག་བཞི་དག་དང་། །སྡོམ་དང་ལས་བཞིའི་ཁྱད་པར་གྱིས། །དངོས་གྲུབ་ལས་ལ་མྱུར་འཇུགས་པའོ། །རང་བཞིན་ཏིང་འཛིན་གཟུགས་བརྙན་དང་། །ཕྱག་རྒྱ་དངོས་གྲུབ་འབྲེལ་བཅས་ནི། །འཁོར་ལོ་ཞེས་སུ་རྒྱལ་བས་གསུངས། །དེ་བས་མིང་ནི་དོན་མཐུན་གྲགས། །རིག་ཅིང་གསལ་བའི་ངོ་བོ་པས། །ཡེ་ཤེས་ཞེས་སུ་བརྗོད་པ་ཡིན། །རྔམ་པ་ཞེས་པ་དྲག་ཤུལ་སྤྱོད། །མྱུར་ཞིང་བར་ཆད་མེད་པས་ན། །གློག་གི་ཕྲེང་བ་ཞེས་སུ་བྱ། །སྐོར་དང་གཅོད་དང་རྒྱུན་མི་གཅད། །འཁོར་ལོ་ལྟ་བུའི་རྣམ་པ་དེར། །གསང་བ་ཀུན་འདུས་མདོ་བྱའོ། །ཞེས་གསུངས་སོ། །དེ་ནས་སྨྲ་བའི་སེང་གེ་བྱེད་པ་རྡོ་རྗེ་ཀུན་དུ་བཟང་པོས་གསོལ་པ། །རྒྱུད་ཅེས་བགྱི་བ་ཇི་ལྟ་བུ། །མདོ་འདི་འབྲེལ་པ་ཇི་ལྟར་ལགས། །དེ་བཞིན་དགོས་དང་ཡང་དགོས་ཅི། །བརྗོད་པ་ཇི་ལྟར་ཤེས་པར་བགྱི། །བཅོམ་ལྡན་གསང་བ་མཆོག་གི་བདག་པོས་བཀའ་སྩལ་པ། །འབྲེལ་དང་མ་ཚང་མེད་པ་དང་། །ཕུན་སུམ་ཚོགས་ཕྱིར་རྒྱུད་ཅེས་བྱ། །འདི་དོན་རིག་པའི་སྐྱེས་བུ་ཡིས། །གསང་བ་ཀུན་དོན་ཤེས་པའི་ཕྱིར། །ཕྱོགས་བཅུ་ཀུན་ཏུ་རབ་གྲགས་པའི། །རྒྱུད་ཀུན་དང་ནི་འབྲེལ་བར་བཤད། །གསང་བའི་སྒོར་ཞུགས་རྣལ་འབྱོར་པ། །བྱང་ཆུབ་སེམས་དང་དཀྱིལ་འཁོར་དང་། །ཕྱག་རྒྱ་བསྙེན་དང་དངོས་གྲུབ་དང་། །སྡོམ་དང་བརྟུལ་ཞུགས་མ་རུངས་མཉེས། །ལས་དང་ནན་ཏུར་བྱ་བའི་རྣམས། །མཆོག་གི་དགོས་པས་དགོས་པ་ཡིན། །བདེན་གཉིས་རྟོགས་ནས་བདག་གཞན་དོན། ཁྲུབ་པ་ཡང་དགོས་ཡིན་པར་བཤད། །དགོས་པའི་དོན་ཡང་རྗོད་བྱེད་པའི། །དོན་བསྡུས་མདོ་འདི་བརྗོད་པ་ཡིན། །དེ་བས་རྣམ་པ་བཞི་པོ་ཡིས། །བདེ་བླག་ཏུ་ནི་རྟོགས་པ་འགྱུར། །ཞེས་གསུངས་སོ། །ཡང་སྨྲ་བའི་སེང་གེས་གསོལ་པ། །དབང་མཆོག་དམ་པ་མ་ཐོབ་པར། །སྒྲུབ་པ་ཅི་ཡང་མི་འགྲུབ་པ། །ཇི་ལྟར་དབང་བསྐུར་མཚན་ཉིད་ལགས། །སྣོད་ནི་ཇི་ལྟ་བུ་དག་ལགས། །གོ་རིམས་ཇི་ལྷ་བུ་དག་ལགས། །རྣམ་གྲངས་དག་གི་མཚན་ཉིད་ཅི། །དབང་ཐོབ་རྟགས་དང་མཚན་མ་ཅི། །བཅོམ་ལྡན་སྙིང་པོས་བཤད་དུ་གསོལ། །གསང་བ་མཆོག་གི་བདག་པོས་བཀའ་སྐལ་པ། །གསང་བའི་ཚིག་ལ་གསལ་འདྲིས་ཤིང་། །དོན་ལ་གཞོལ་ཞིང་ཡིད་ཆེས་ཀྱང་། །དབང་བསྐུར་བཀའ་རྟགས་མ་བྱིན་པར། །ནོར་བུ་བློན་བྲལ་བསྐོས་པ་ལྟར། །ས་རྣམས་ཐོབ་པར་མི་འགྱུར་རོ། །སེམས་ཀྱིས་ཆོས་ལ་དབང་ཐོབ་ན། །རྫས་ཚིག་གང་ཟག་དབང་རྣམས་ཀུན། །མ་བསྐུར་ན་ཡང་ཐོབ་པར་འགྱུར། །བསྐུར་ནའང་ཉེས་པ་མེད་པར་བཤད། །རིག་པ་རང་དབང་ཐོབ་གྱུར་ན། །བསྐུར་པའི་དབང་ལ་ཐོགས་པ་མེད། །དེ་ནི་དབང་གི་མཚན་ཉིད་ཡིན། །རས་ཆོད་བྱེད་ཅིང་ཚུལ་འཆོས་པའི། །དད་དང་མི་ལྡན་བརྩོན་འགྲུས་ཆུང་། །བློ་ཞན་ངེས་མེད་འཕྱར་ལ་གཡེང་། །བླ་མ་སྐྲུན་ལ་སྲི་ཞུ་ཆུང་། །དེ་ནི་དབང་གི་སྣོད་མ་ཡིན། །དད་དང་ལྡན་ཞིང་བརྩོན་འགྲུས་ཆེ། །མཉན་བསམ་སློབ་ལ་མི་སྐྱོ་བ། །བླ་མ་སྤུན་ལ་བཀུར་སྟི་བྱེད། །གསང་བ་ཉན་པའི་དབང་བསྐུར་རོ། །རྣམ་བཞི་ལས་ཀྱི་དགོས་པ་ཚར། །བྱ་བའི་ལས་ལ་མ་རྨོངས་ན། །ཀར་མ་ལས་ཀྱི་དབང་བསྐུར་རོ། །ལྟ་བས་མཉམ་པའི་དོན་རྟོགས་ན། །རྒྱལ་འཐེབ་འཆད་ཅིང་སྟོན་པའི་དབང་། །ཚད་མ་གསུམ་དང་རབ་ལྡན་ཞིང་། །རྐྱེན་ཐུབ་རྡོ་རྗེ་སློབ་དཔོན་དབང་། །ཐེག་པའི་རིམ་པ་ཐམས་ཅད་ལ། །ཕྱོགས་རིས་མེད་ཅིང་མ་རྨོངས་ན། །རབ་འབྱམས་རྒྱལ་པོའི་དབང་ཐོབ་པའོ། །རྐྱེན་ཐུབ་བརྟུལ་ཞུགས་ཆེ་བ་དག །སྐྱོན་རྣམས་སྤངས་ཤིང་དམ་ཚིག་ལྡན། །གསང་བ་སྒྲུབ་པའི་དབང་ཐོབ་པའོ། །དང་པོར་གསང་བ་ཉན་པའི་དབང་། །རིན་ཆེན་རིགས་ཀྱི་རྣ་བ་ལའོ། །དེ་ནས་རྡོ་རྗེ་ལས་ཀྱི་དབང་། །ལས་ཀྱི་རིགས་ཀྱི་ཡན་ལག་ལའོ། །དེ་ནས་གསང་བ་སྒྲུབ་པའི་དབང་། །རྡོ་རྗེ་རིགས་ཀྱིས་སྙིང་གར་རོ། །དེ་ནས་རྒྱལ་འཐེབ་རྒྱལ་པོའི་དབང་། །སངས་རྒྱས་རིགས་ཀྱིས་སྤྱི་བོ་ལའོ། །དེ་ནས་གསང་བ་འཆར་བའི་དབང་། །པདྨའི་རིགས་ཀྱིས་ལྕེ་ལ་བསྐུར། །དེ་ནས་རབ་འབྱམས་རྒྱལ་པོའི་དབང་། །ཡན་ལག་རིགས་ལྔས་དབང་བསྐུར་རོ། །དང་པོ་གསུམ་པ་བདག་གི་དོན། །གཉིས་པ་བཞི་པ་གཉིས་ཀ་སྟེ། །ལྔ་པ་དྲུག་པ་གཞན་དོན་དུ།དབང་མཆོག་བསྐུར་བའི་གོ་རིམས་ཡིན། །རྣམ་གྲངས་གོ་རིམས་མཚན་ཉིད་ནི། །དང་པོར་ཕྱི་ཡི་དབང་བཅུ་བསྐུར། །དེ་ནས་ནང་དབང་བཅུ་དང་གཅིག །དེ་ནས་སྒྲུབ་པའི་བཅུ་དང་གསུམ། །ཐ་མར་གསང་བ་རྣམ་པ་གཉིས། །བཅུ་ཕྲག་གསུམ་དང་དྲུག་དག་གི །དབང་མཆོག་དམ་པ་བསྐུར་བ་ཡིན། །དང་པོ་བཀའ་རྟགས་ཕྱག་རྒྱའི་དབང་། །གཉིས་པ་རྟགས་ཀྱི་མཚན་མའི་དབང་། །གསུམ་པ་ཤེས་རབ་གཟུགས་ཀྱིས་ཏེ། །བཞི་པ་བཀྲ་ཤིས་བུམ་པའི་དབང་། །ལྔ་པ་ཀྲ་ཤིས་རྫས་ཀྱི་དབང་། །དྲུག་པ་རིན་ཆེན་སྣ་བདུན་དབང་། །བདུན་པ་གདན་མཆོག་དམ་པའི་དབང་། བརྒྱད་པ་མཛེས་པ་རྒྱན་གྱི་དབང་། །དགུ་པ་གསང་བ་མིང་གི་དབང་། །བཅུ་པ་རྒྱལ་རྟགས་འཁོར་ལོ་སྟེ། །ཕྱིར་དབང་བཅུ་པོ་རྫོགས་པ་དང་། །རྡོ་རྗེ་ནང་དུ་གཞུག་པར་བྱ། །དང་པོ་གསང་བ་ཉན་ཅིང་སློབ་པའི་དབང་། །གཉིས་པ་གླེགས་བམ་ཙམ་མོ་གཏད་པར་བྱ།གསུམ་པ་རྣམ་བཞི་ལས་ཀྱིས་རྫས་ཀྱང་སྤྱིན། །བཞི་པ་རྒྱལ་ཚབ་དམ་པའི་མརྫོད་གསུམ་སྤྱིན། །ལྔ་པ་སློབ་དཔོན་བཞི་ཡི་ཐེག་ཆེན་རྟགས། །དྲུག་པ་ཉི་ཟླ་པདྨ་སེམས་ཅན་གདན། །བདུན་པ་རྒྱལ་པོ་གསང་བའི་རིན་ཆེན་བདུན། །བརྒྱད་པ་གཟུགས་བརྙན་སྦྱི་བོར་གཞག །དགུ་པ་སྐུ་གསུམ་ཡེ་ཤེས་སྤྱིན། །བཅུ་པ་བཀྲ་ཤིས་དམ་རྫས་དབང་། །དེ་ནས་ལག་ཏུ་རྡོ་རྗེ་སྦྱིན། །བཅུ་དང་གཅིག་གི་ནང་བཅུག་ནས། །སྒྲུབ་པའི་དབང་མཆོག་སྤྱིན་པར་བྱ། །དང་པོར་སེམས་ཀྱི་གཏན་ཚིག་སྤྱིན། །གཉིས་པ་སྙིང་རྗེའི་དབང་བསྐུར་སྤྱིན། །གསུམ་པ་ཡི་གེ་འཁོར་ལོ་སྤྱིན། །བཞི་པ་ཐོང་གཤོལ་འབར་བ་སྤྱིན། །བྷན་དྷ་གང་བ་སྤྱིན་དང་ལྔ། །དྲུག་པ་མཆོན་ཆ་སྣ་ཚོགས་ཏེ། །བདུན་པ་སྐྱོན་མེད་པདྨ་སྤྱིན། །བརྒྱད་པ་སྟི་རའི་དབྱུག་པ་སྦྱིན། །དགུ་པ་སྦྲུལ་ནག་ཆུན་པོ་སྤྱིན། །བཅུ་བ་དྲི་མེད་ལྷ་མོ་སྦྱིན། །གཅིག་པ་འདོད་པའི་ལོངས་སྤྱོད་ཀུན། །གཉིས་པ་སྒྲུབ་རྫས་རབ་ཏུ་སྤྱིན། །གསུམ་པ་རྡོ་རྗེ་གསང་མིང་སྤྱིན། །བཅུ་དང་གསུམ་པ་རྫོགས་པ་དང་། །གསང་བ་དམ་པ་སྤྱིན་པ་ཡང་། །དཀར་དམར་འདྲེས་པའི་བྱང་ཆུབ་སེམས། །བུ་མཆོག་དེ་ཡི་ལྕེ་ལ་གཞག །སྙིང་པོ་དོན་དམ་བྱང་ཆུབ་སེམས། །དེ་ཡི་བློ་ལ་གཞག་པར་བྱ། །དབང་མཆོག་ཐོབ་པའི་ལྟས་རྣམས་ཀྱང་། །བློ་རྩལ་ཆེ་བའི་བདག་ཉིད་དང་། །སྣང་བ་ལུས་ཀྱི་སྔ་ལྟས་དང་། །ངོ་མཚར་ཆེ་བའི་རྫས་རྙེད་དང་། །མཚན་མ་པྲ་ཡི་རྨི་ལྟས་་འབྱུང་། །བློ་རྩལ་ཆེ་བའི་ཁྱད་པར་དུ། །ཡང་དག་བདེན་པའི་དོན་རྣམས་ལ། །མི་སྐྲག་དགའ་མགུ་སྐྱེ་བར་འགྱུར། །འཁོར་བའི་ཆོས་ལ་སྐྱོ་སེམས་འབྱུང་། །རྣམ་གྲངས་ཆོས་ལ་དད་མི་འགྱུར། །ཇི་ལྟར་སྣང་བའི་མཚན་མ་ཀུན། །སྒྱུ་མ་བཞིན་དུ་ཤེས་པར་འགྱུར། །འཇིག་རྟེན་པ་ཡི་མཐུ་ཆེན་ལ། །འཇིགས་ཤིང་ཉམ་ང་མེད་པར་འགྱུར། །དེ་ལ་སོགས་ཏེ་མཐའ་ཡས་མཆོག །སྣང་བ་ལུས་ཀྱི་སྔ་ལྟས་ཀྱང་། །ལུས་ཀྱིས་བཟོད་པ་ཐོབ་པ་དང་། །འདུ་བའི་ནད་དང་བྲལ་བ་དང་། ཁམས་ཀྱི་ཟས་དང་བྲལ་བ་དང་། །དབང་པོའི་གཟི་མདངས་གསལ་བ་དང་། །བར་སྣང་དག་ལ་ལྡིང་བ་དང་། ཁེང་བལ་ལྟ་བུར་ཡང་བ་དང་། །ཆུ་ལ་མི་འབྱིང་མེས་མི་འཚིག །རླུད་གིས་ཁྱེད་བར་ནུས་མི་འགྱུར། །དེ་ལ་སོགས་ཏེ་མཐའ་ཡས་མཆོག །ངག་གིས་ཇི་སྙེད་བརྗོད་པ་བཞིན། །འགྱུ་བ་ཡིན་པར་ཞེས་པར་བྱ། །རྫས་ཀྱི་དམ་པ་ཡོན་ཏན་ལྡན། །རྙེད་ཅིང་ཐོབ་པ་དག་ཏུ་འགྱུར། །ཉམས་དང་རྨི་ལམ་དག་ཏུ་ཡང་། །དབང་མཆོག་ཇི་ལྟར་བསྐུར་བ་བཞིན། །དེ་དག་ནུས་པའི་རྣམ་པར་འབྱུང་། །དེ་དག་དབང་བསྐུར་ཐོབ་པའི་རྟགས། །ཞེས་གསུངས་སོ། །དེ་ནས་ཡང་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་ཏུ་བཟང་པོས་འདི་སྐད་ཅེས་གསོལ་བ་བཏབ་བོ། །ཡེ་ཤེས་རྣལ་འབྱོར་ཅན་རྣམས་ཀྱིས། གསང་བ་སྦས་པའི་ཐབས་ཚུལ་དུ། །སྦས་པས་གྲུབ་པའང་མྱུར་བ་དང་། །གསང་བའི་དམ་ལ་གནས་བྱ་དང་། །བརྡ་ལ་དགའ་བའི་མི་རྣམས་ཀུན། །ཉེ་ཞིང་གདུང་བར་བྱ་བའི་ཕྱིར། །ལུས་དང་ངག་གི་བརྡ་རྣམས་ཀུན། །གསང་བའི་བདག་པོས་བཤད་དུ་གསོལ། །ཞེས་གསོལ་བ་བཏབ་པ་དང་། །གསང་བའི་དབང་པོས་བཀའ་སྩལ་པ །གསང་བ་སྦས་པའི་ཐབས་ཚུལ་དུ། །བརྡ་ཡི་དམ་ཚིག་བཤད་པར་བྱ། །འདུས་པའི་འཁོར་རྣམས་ལེགས་པར་ཉོན། །ལུས་བརྡ་དམ་ཚིག་ཕྱག་རྒྱ་ནི། །ལག་པ་གཡས་པས་བྱ་བ་ཀུན། །རྣལ་འབྱོར་པ་ཡིས་བྱ་བའི་བརྡ། །གཡོན་པས་བྱ་བ་མ་ཡིན་བརྡ། །སྤྱི་བོར་ཉུག་པའི་ལག་བརྡ་ནི། །ཕྱག་འཚལ་བ་ཡི་བརྡ་ཡི་རྒྱ། །དཔྲལ་བར་རེག་པ་ཕྱག་ལན་ཡིན། །ལག་པ་གཡས་པ་བརྐྱང་བྱས་ཏེ། །མགོ་བོ་བཏུད་པར་བྱས་པ་ནི། ཁམས་བདེའམ་ཞེས་འདྲི་བའི་བརྡ། །ལག་པ་གཡོན་པ་བརྐྱང་ནས་ནི། །གཡོན་དུ་འདུད་པ་བདེ་བའི་ལན། །མིག་གཉིས་དག་ལ་རེག་པ་ན། །གཟུགས་མཛེས་སྟོན་ཅིག་ཅེས་པའི་བརྡ། །གཡས་པ་སྐྱེས་པ་མཛེས་པ་ཡིན། །གཡོན་པ་བུད་མེད་བཟང་མོར་བཤད། །རྣ་བ་དག་ལ་རེག་པའི་བརྡ། །གཡོན་པ་ལེགས་པའི་གླུ་སྙན་བརྡ། །གཡས་པ་ཚིག་སྙན་སྨྲ་བའི་བརྡ། །སྣ་ཕུག་གཉིས་ལ་རེག་པ་ནི་།་ ་།་གཡས་པ་བདུག་པ་འདོད་པ་སྟེ། །གཡོན་པ་དྲི་དག་སློང་བའི་བརྡ། །ལྕེས་ནི་ལྡག་པར་བྱེད་པའི་བརྡ། །གཡས་སུ་ལྡན་པར་ཤ་འདོད་པའོ། །གཡོན་དུ་ཆང་འདོད་བརྡ་རུ་བཤད། །མཆེ་བས་མ་མཆུ་མནན་པ་ནི་།་ ་།་གཡོན་པ་བུད་མེད་རེག་བྱ་འདོད། །གཡས་པ་སྐྱེས་པ་དེ་བཞིན་ནོ། །ལྐོག་མར་རེག་པ་གསང་བ་ཡི། །ཐེག་མཆོག་གསང་བ་སྨྲ་བའི་བརྡ །སྐེ་ལ་རེག་པར་བྱེད་པ་ནི། །བདག་ཉིད་དབྱངས་སྙན་ལེན་པའི་བརྡསྙིང་གའི་དཀྱིལ་དུ་རེག་པ་ནི། །དོན་རྟོགས་པ་ཡི་བརྡ་རུ་བཤད། །རིག་ནས་ཕྱིར་ལས་འགྱེད་པ་ནི། །སྤྱོས་པའི་བརྡ་རུ་ཤེས་པར་བྱ། །སླར་ཡང་སྙིང་གར་གཏུགས་པ་ནི། །སླར་ཡང་བསྡུ་བའི་བརྡ་ཡིན་ནོ། །ལྟེ་བའི་དཀྱིལ་དུ་རེག་པ་ནི། །དབུ་མ་ནན་ཏན་སྤྱོད་པ་ཡིན། །དབང་པོ་རབ་དུ་གསལ་བྱས་ན། །ཏིང་འཛིན་སྒྲིམ་ཞེས་བྱ་བ་ཡིན། །ཕྲག་པ་གཉིས་ནི་སྟོན་པའི་བརྡ། །གཡས་པ་འགུགས་པའི་བརྡ་ཡིན་ནོ། །གཡོན་པ་སླར་གཏོད་པ་ཡི་བརྡ། །དཔུང་པ་གཉིས་ལ་ཉུག་པའི་བརྡ། །གཡས་པ་་དྲེགས་པ་འདུལ་བའི་བརྡ། །གཡོན་པ་ལོངས་་ད་གྲུབ་པའི་བརྡ། །ཁུ་ཚུར་གཡས་བཅངས་དབང་དུ་སྡུད། །གཡོན་པ་བཅངས་ན་ཐོང་ཞིག་པའོ། །བརླ་གཉིས་མྱུག་པའི་བརྡ་དང་ཀྱང་། །གཡས་པ་ཆོས་ལ་སྦྱོར་བའི་བརྡ། །གཡོན་པ་འདོད་ཆགས་རྩོམ་པའི་བརྡ། །པུས་མོའི་ལྷ་ངའི་བརྡ་དག་ཀྱང་། །གཡོན་པ་རབ་ཏུ་འདུད་པ་ཡིན། །ཡང་ན་བཅིང་བ་ཡིན་པར་བཤད། །གཡས་པས་རབ་ཏུ་དགྲོལ་བ་ཡིན། །རྐང་པས་གནོན་པའི་བརྡ་དག་ཀྱང་། །གཡོན་པས་ཐམས་ཅད་གནོན་པར་བྱེད། །གཡས་པས་འཇོམས་པར་བྱེད་པ་ཡིན། །མཛུབ་མོ་བསྒྲེང་བའི་བརྡ་ཚུལ་གྱིས། །ཁྲོ་བོའི་བརྡ་རུ་བཤད་པ་ཡིན། །དབང་པོ་གྱེན་དུ་བསྒྲེང་བ་ནི། དེ་ཚེ་མཛའ་བར་འདོད་པའི་བརྡ། །ཆུང་ངུའི་རྩེ་མོ་བསྒྲེང་བ་ནི། །དེ་ཚེ་སྦྱོར་བར་འདོད་པའི་བརྡ། །སྦོན་པོ་མངོན་པར་སྟོན་པ་ནི། །བཀྲེས་ཞེས་བྱ་བའི་བརྡ་ཡིན་ནོ། །གང་ཚེ་ཤིན་ཏུ་མཐོར་སྟོན་ན། །མངོན་པའི་ང་རྒྱལ་བསྐྱེད་པའི་བརྡ། ཁྲོ་མོ་ལྕགས་ཀྱུར་དྲངས་བྱས་ན། །དེ་ཚེ་ཚུར་ཤོག་བརྡ་ཡིན་ནོ། །དེ་ཉིད་ཟློག་པ་ཁྱེད་ཅིག་པའོ། །ལག་གཉི་གར་ཐབས་བསྐོར་ནས་ཀྱང་། །སེ་གོར་དྲག་རྡོབས་འདྲེན་པའི་བརྡ། །བསྐོར་ནས་སྦྱར་བ་ཕྱག་རྒྱའི་བརྡ། །བསྐོར་ནས་ཐལ་མོ་སྤྱིར་བོ་གཞག །འདི་ནི་མཆོད་པའི་བརྡ་ཡིན་ནོ། །བསྐོར་ནས་སྙིང་གར་གཞག་པ་ནི། །བསམ་གཏན་རྩེ་གཅིག་བརྡ་ཡིན་ནོ། །བསྐོར་ནས་གཉིས་ཀྱིས་སྟོན་པ་ནི། །མཆོད་པ་སྟོབས་པའི་བརྡ་ཡིན་ནོ། །དབང་མོ་ལྕེ་ལ་རིག་པ་ནི། །ཚོགསམཆོདདུསལབབཔའི་བརྡའོ། །གར་ཐབས་བསྐོར་ནས་དབང་མོར་འཐོར། །དེ་ནས་ལྕེ་ལ་རེག་པ་ནི། །འཛའ་གད་བྲིས་པའི་བརྡ་ཡིན་ནོ། །དེ་ལ་སོགས་ཏེ་བསམ་མི་ཁྱབ། །ངག་བརྡ་དམ་ཚིག་ཕྱག་རྒྱ་ཡང་། ཨ་ཏི་པུ་ཞེས་བྱ་བ་ནི། །ཕྱག་འཚལ་ཞེས་པའི་བརྡ་ཡིན་ནོ། །པྲ་ཏི་པུ་ཞེས་བྱ་བ་ནི། །ཕྱག་ལན་འཚལ་བའི་བརྡ་ཡིན་ནོ། །རི་མོ་ཞེས་བྱ་གཟུགས་ཀྱི་བརྡ། །གླུ་ནི་སྒྲ་ཡི་བརྡ་རུ་བཤད། །ཚིམ་བྱེད་ཡི་བརྡ་ཡིན་ནོ། །ར་ས་ཨ་ན་རོ་ཡི་བརྡ། །བདེ་བ་ཞེས་བྱ་རེག་པ་ཡིན། །དགའ་བ་ཞེས་པར་རབ་ཏུ་རིག །སྦྱོར་བ་ཞེས་པ་ཆོས་སུ་བཤད། མེ་ཏོག་ཞེས་བྱ་ཁྲག་ཡིན་ནོ། །བདུག་པ་ཞེས་པ་མདངས་ཀྱི་བརྡ། །མར་མེ་ཞེས་པ་ཤ་ཆེན་ལའོ། །དཔའ་བོ་ཞེས་པ་ཆང་དུ་བཤད། །སྤོས་ཞེས་ཐལ་ཆེན་དག་ལའོ།འདོད་ཆགས་སུ་བ་ཚྭ་ཡིན་ཏེ། །ཁུ་བ་གཡོན་ཅན་སྒྱུར་པོ་ཡིན། །བྲན་མོ་ཚོད་མའི་བརྡ་ཡིན་ནོ། །ཆུར་བ་ཞོ་ལ་ཟླ་རྒྱས་ཏེ། །སྨན་གྱི་མཆོག་ནི་ཤ་ཡི་བརྡ། །ཟན་ནི་ཚེ་ཞེས་བྱ་བའི་བརྡ། །ཨརྨ་མི་ཞེས་བྱ་བའི་བརྡརྒུན་འབྲུམ་ཞེས་པ་རྟ་ཡི་བརྡ། །གླང་པོ་པ་ན་སེ་ཞེས་བྱ། །ན་ལི་ཀི་རི་ཁྱི་ཡི་བརྡ། །ཨ་རུ་ག་ནི་བ་ལང་ངོ་། །ཏི་ཞེས་མཁའ་འགྲོའི་བརྡར་བསྟན་ཏོ། །ཨ་རལ་ཞེས་པ་མཁའ་འགྲོ་མ། །དར་དིར་སིལ་སྙན་སྒྲ་དུ་བཤད།ཛ་ཞེས་བྱ་བ་འདྲེན་པའི་བརྡ། །ཧཱུཾ༷་ནི་སྡུད་པའི་བརྡ་ཡིན་ནོ། །པེ་ནི་སྡོམ་པ་ཡིན་པར་བཤད། །ཧོ་ནི་ཞུགས་ནས་དཔང་དུ་འགྱུར། །ཨེ་ཧི་ཞེས་པ་ཚུར་སྤྱོན་བརྡ། །ཡ་ཧི་ཕར་བཞུད་ཞེས་པའོ། །ཏི་སྟ་ཧ་ནི་དྲངས་ཤིག་པའོ། ཁ་ཁ་ཁུ་ཧི་ཟོ་ཤིག་པའོ། །ཨ་པའི་ཞེས་པ་ཡང་ནས་ཡང་། །ད་ར་ད་ར་བྱིན་ཅིག་པའོ། །རུ་ཏ་མ་ཏ་རོལ་ཞེས་པའོ། ཁུ་ལུ་ཧུ་ལུ་ཞུགས་ཤིག་པའོ། །ཨ་ར་ར་ར་བསྐུལ་ཅིག་པའོ། །དེ་ལ་སོགས་ཏེ་བསམ་ཡས་མཆོག །ཞེས་གསུངས་སོ། །དེ་ནས་ཡང་སྨྲ་བའི་སེང་གེའི་བྱེད་པ་པོ་རྡོ་རྗེ་ཀུན་ཏུ་བཟང་པོས་གསོལ་པ། །ཨེ་མའོ་གསང་ཆེན་བདེ་བ་ཆེ། །མི་འགྱུར་ནམ་མཁའ་དངོས་པོ་མེད། །ལྷུན་གྲུབ་བདེ་ཆེན་རྣམ་པར་དག །ངག་མཆོག་ལྷ་ལ་ཕྱག་འཚལ་བསྟོད། །གསང་བ་ཞེས་བགྱི་རྣམ་པ་དུ། །སྦས་པ་ཞེས་བགྱི་རྣམ་པ་དུ། །ཐིག་ལེ་ཞེས་བགྱི་ཇི་ལྟར་གནས། །མཉམ་ཉིད་ཞེས་པ་རྣམ་པ་དུ། །དག་པ་ཞེས་པ་རྣམ་པ་དུ། །རྟོགས་པ་རྣམ་པ་དུ་རུ་བཞེད། །མཚན་ཉིད་གསུམ་ཞེས་ཇི་ལྟ་བུ། །ཏིང་འཛིན་གསུམ་པོ་ཇི་ལྟ་ལགས། །བདག་ཅག་རྣམས་ལ་སྨན་སླད་དུ། །བདེ་བར་གཤེགས་པས་བཤད་དུ་གསོལ། །ཞེས་གསོལ་བ་བཏབ་པས། །གསང་བ་མཆོག་གི་བདག་པོས་ཐུགས་སུ་ཆུད་དེ་བཀའ་སྩལ་པ། གསང་བ་ཞེས་པ་རྣམ་པ་བཞི། །རང་བཞིན་དོན་གྱི་གསང་བ་དང་། །གབ་པ་སྦས་པའི་གསང་བ་དང་། །བསྟན་མེད་རྫས་ཀྱི་གསང་བ་དང་། །སྣོད་མེད་བཀའ་ཡི་གསང་བ་དང་། །ཆོས་ཉིདརངབཞིནགསངབདང་། །ཐུགས་ཀྱི་ཀློང་ནས་བསྐུངས་པ་དང་། །དམན་ལ་མི་བསྟན་རྫས་རྣམ་དང་། གསང་སྔགསཐེགཆེནཟབམོའིདོན། །རབ་ཏུ་ཤེས་པ་དཀའ་བའི་ཕྱིར། །བསྟན་པར་ཡང་ནི་མི་བྱ་བས། །གསང་བ་ཞེས་སུ་རྒྱལ་བས་གསུངས། །དེ་ཉིད་སྦས་པས་སྦས་པའི་དོན། །སྦས་པ་རྣམ་པ་གསུམ་ཡིན་ཏེ། །ཕྱི་ཡི་སྦས་པ་གསང་བ་དང་། །དེ་བཞིན་ནང་གི་སྦས་པ་དང་། །གཉིས་ཀར་མ་ངེས་སྦས་པ་སྟེ། །རྨད་འབྱུང་སྔགས་ཀྱི་སྤྱོད་པ་སྟེ། །ཕྱི་རོལ་སྡེ་པས་མཐོང་ཐོས་ན། །དེ་ལ་བཟོད་པ་ཐོབ་མིན་པས། །དེ་ནི་སྦས་པ་ཕྱི་ཞེས་བྱ། །ལྷུན་གྲུབ་བདེ་ཆེན་ཟབ་མོ་དེ། །མིང་གི་རྣལ་འབྱོར་ཕལ་དག་གིས། །རྟོགས་ཤིང་ཁོང་དུ་ཆུད་པར་དཀའ། །དེ་ནི་ནང་གི་སྦས་པ་ཡིན། །ཕྱི་ནང་གཉིས་སུ་ཐ་དད་མིན། །བདེན་པ་གཉིས་སུ་དབྱེར་མེད་པ། །རྒྱལ་བ་སངས་རྒྱས་སྤྱོད་ཡུལ་དེ། །མ་ངེས་སྦས་པར་རྒྱལ་བས་གསུངས། །སྦས་པའི་དོན་རྣམས་གསལ་འབྱིན་པ། །བླ་མ་རྡོ་རྗེའི་ཐུགས་ལ་གནས། །དེས་ན་སྦས་ཞེས་ངེས་པར་གསུངས། །ཐབས་དང་ཤེས་རབ་ཞེས་བྱ་བ་། །གཉིས་སུ་མེད་པའི་བྱང་ཆུབ་སེམས། །དེ་ཉིད་ཐིག་ལེ་རྣམ་གསུམ་སྟེ། །ཐབས་མཆོག་ཡབ་ཀྱི་མཁའ་ཉིད་དང་། །ཤེས་རབ་ཡུམ་གྱི་ཀློང་ཉིད་དང་། །གཉིས་མེད་བདེ་ཆེན་ངང་ཉིད་དུ། །ཆོས་ཀུན་འདུས་ཤིང་གཅིག་པ་དང་། །སྤྲོས་མེད་ཐིག་ལེར་གནས་པའི་ཕྱིར། །ཐིག་ལེ་ཞེས་སུ་རྒྱལ་བས་གསུངས། །མཉམ་པ་ཉིད་ཀྱང་རྣམ་གསུམ་སྟེ། །དོན་དམ་དབྱིངས་སུ་མཉམ་པ་དང་། །ཀུན་རྫོབ་སྒྱུ་མར་མཉམ་པ་དང་། །དབྱེར་མེད་གཅིག་པར་མཉམ་པ་སྟེ། །མ་སྐྱེས་མ་གྲུབ་དབྱེར་མེད་པར། །ཆོས་ཀུན་མཉམ་པར་གནས་པས་ན། །མཉམ་པ་ཞེས་སུ་བརྗོད་པ་ཡིན། །སྣོད་དང་བཅུད་དང་རྒྱུན་རྣམས་ཀུན། །དག་པས་དག་པས་གསུམ་ཡིན་ཏེ། །ཡུམ་གྱི་དབྱིངས་དང་ཡན་གྱི་མཁའ། །ཡེ་ཤེས་ལྔ་ཡི་རང་བཞིན་དུ། །སྣོད་བཅ་རྒྱུད་ཀུན་དག་པའི་ཕྱིར། །དག་པ་གསུམ་དུ་རྒྱལ་བས་གསུངས། །རྟོགས་པ་ཡང་ནི་རྣམ་པ་བཞིར། །རྣལ་འབྱོར་ནང་པ་བཞེས་པ་སྟེ། ཁུ་གཅིག་པ་དག་ཡིག་འབྲུའི་ཚུལ། །བྱིན་གྱིས་བརླབས་དང་མངོན་སུམ་པས། །རྫོགས་ཆེན་དོན་ལ་འཇུག་འགྱུར་ཏེ། །རྒྱུ་ནི་བདེན་གཉིས་གཅིག་པ་མྲ །གཅིག་པས་གཅིག་པའི་མཚན་ཉིད་དང་། སྐུ་གསུང་ཐུགས་གྱི་ཡི་གེ་སྲ །ཆོས་ཀུན་རང་བཞིན་རྟོགས་པ་དང་། །སྐྱེ་མེད་དབྱིངས་ཀྱི་བྱིན་བརླབས་ལས། །ཆོས་ཀུན་སྣང་བར་ཤེས་པ་དང་། །དེ་ལྟ་བུ་ཡི་རང་བཞིན་ཏེ། །གཞན་ལ་མ་རྟེན་མི་འགལ་བར། །མངོན་སུམ་རིག་པ་ཐག་ཆོད་ན། །རྣལ་འབྱོར་ས་ལ་སླེབས་པ་ཡིན། །མ་རྟོགས་པ་ཡང་བཞི་ཡིན་ཏེ། །ཡེ་ནས་མ་རྟོགས་བླུན་པ་དང་། །ལོག་པའི་རྣམ་པར་རྟོག་པ་དང་། །ཕྱོགས་གཅིག་རྟོགས་པའི་ཁྱད་པར་དང་། གསང་བ་དེ་ཉིད་མ་རྟོགས་པ། །དཀའ་ཐུབ་མེད་པའི་འཇིག་རྟེན་དང་། །ལོག་པར་སྤྱོད་པའི་དཀའ་ཐུབ་དང་། །ཉན་ཐོས་དམན་པའི་ལམ་པ་དང་། །བྱང་ཆུབ་ས་ལ་གནས་པ་རྣམས། །གསང་བ་དེ་ཉིད་མ་རྟོགས་པར། །བདེར་གཤེགས་རྒྱལ་བ་ཉིད་ཀྱིས་གསུངས། །དེས་ན་རྟོགས་པ་རྣམ་བཞི་ཡིན། །རྣལ་འབྱོར་ས་ལ་བསྙེན་པ་ཡིན། ཁེས་པ་དང་ནི་འཇུག་པ་དང་། །འབྲས་བུའི་མཚན་ཉིད་ཅེས་བྱས་བས། །ས་ལ་ཉེ་དང་སར་ཆུད་དང་། །ས་ཐོབ་འབྲས་བུ་རྣམ་པ་གསུམ། ཁུ་འབྲས་ཚུལ་དུ་གནས་པ་ནི། །ནུས་མཐུར་ལྡན་པའི་ཤེསརབ་ཀྱིས། །རིག་འཛིན་ཞིང་སྟེ་ཤེས་རབ་གསུམ། །ཡུམ་ཡང་མཚན་ཉིད་གསུམ་ཡིན་ཏེ། །ཀུན་ཏུ་བརྟགས་དང་གཞན་དབང་དང་། །ཡོངས་སུ་གྲུབ་པ་ཞེས་སུ་བརྗོད། །ལོག་པའི་བསམ་པས་མཐོང་བརྟགས་པ། །ཀུན་ཏུ་བརྟགས་ཏེ་ཡོད་པ་མིན། །བདེན་གཉིས་རྒྱུ་དང་འབྲས་བུའི་ཚུལ། །འབྲེལ་བ་གཞན་དབང་ཡིན་པར་གསུངས། བདེན་གཉིས་རྒྱུ་འབྲས་དབྱེར་མེད་པར། །ཡོངས་སུ་གྲུབ་པར་བདེར་གཤེགས་གསུང་། །ཀུན་བརྟགས་ལོག་པར་ཤེས་པ་ནི། ཁེས་པའི་མཚན་ཉིད་ཅེས་སུ་བྱ། །གཞན་དབང་ཚུལ་དུ་གོམས་བྱ་བ། འཇུག་པའི་མཚན་ཉིད་ཅེས་སུ་བྱ།ཡོངས་སུ་གྲུབ་ལ་གནས་བཅས་ན། །དེ་ཉིད་འབྲས་བུའི་མཚན་ཉིད་ཡིན། །དེ་བཞིན་ཉིད་དང་ཀུན་དུ་སྣང་། །རྒྱུ་ཡི་ཏིང་འཛིན་རབ་བསྒོམས་པས། །རྫོགས་པའི་བྱང་ཆུབ་ཐོབ་པ་སྟེ། །ཡོངས་སུ་གྲུབ་པའི་བློ་གསལ་ན་།་ ་།་དེ་བཞིན་ཉིད་དུ་རྣམ་པར་གྲགས། །ཀུན་སྣང་སྙིང་རྗེའི་ངོ་བོ་དང་། །ཡིག་འབྲུ་ཁ་དོག་གསལ་བ་ཡི། །རྒྱུ་ཡི་ཏིང་འཛིན་གསལ་བ་ནི། །བསྐྱེད་པ་གཞན་གྱི་དབང་ཡིན་ཏེ། །དེ་ཉིད་ལོག་རྟོག་ཀུན་བརྟགས་པའོ།དེས་ན་རྣལ་འབྱོར་སྐྱེས་བུ་ཡིས། །མཚན་མེད་ངག་ལ་གནས་བཅས་ནས། །མཚན་མའི་རྣལ་འབྱོར་བསྒོམ་པར་བྱའོ། །མཚན་མ་མེད་དང་མཚན་མ་ཡང་། །ཐ་དད་མེད་པར་ཤེས་པར་བྱ། །དེ་ལྟར་རིག་པའི་རྣལ་འབྱོར་པ། །དེ་ཉིད་ང་ཡིན་ས་ཐོབ་ཡིན། །སངས་རྒྱས་ཞེས་ཀྱང་དེ་ལ་བྱ། །སངས་རྒྱས་རྣམས་ཀྱང་མཆོད་པ་བྱེད། །བྱང་ཆུབ་སེམས་དཔའ་སྨོས་ཅི་དགོས། །འཇིག་རྟེན་ལྷ་ཀླུ་མཐུ་ཆེན་ཡང་། །དེ་ལ་མཆོད་ཅིང་བཀུར་སྟི་བྱེད། །ཕྱི་བཞིན་འབྲེང་ཞིང་དགོས་པ་སྐོང་། །ཞེས་གསུངས་པས། །འདུས་པའི་འཁོར་ཚོགས་རྣམས་ཀྱིས་རང་རང་གི་ལུས་ས་ལ་བརྡབས་ནས་ཨ་ལ་ལ་ཞེས་བྱ་བའི་སྒྲ་ཕྱུང་སྟེ་ཤིན་ཏུ་ངོ་མཚར་ཏོ་།་ ་།་དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་ཏུ་བཟང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཐེ་ཚོམ་ཐམས་ཅད་གཅོད་པའི་བདག་པོ་མཆོག་རྒྱུད་ཀྱི་རྒྱལ་པོ་འདི་ཉིད་ཡེ་ཤེས་རྔམ་པ་གློག་གི་འཁོར་ལོའི་མདོ་ཆེན་པོ་ཞེས་བྱ་བ་རྒྱུད་ཀྱི་འགྲེལ་པ། རྟགས་ཀྱིས་རོལ་པ། དོན་གྱི་བཀོད་པ་རྡོ་རྗེ་རྣམ་པར་རོལ་པའི་གཞུང་ཆེན་པོ་འདི་ཡི་བླ་མ་རྡོ་རྗེ་སློབ་དཔོན་སྐྱེས་བུ་དམ་པས་མ་ནོར་བར་རྟོགས་ཤིང་གཞན་དང་ལ་ཡང་མ་ནོར་བར་སྟོནབ་པ་དེ་བདག་ཅག་རྣམས་ཀྱིས་ཇི་ལྟར་བལྟ་པར་བགྱི། །ཇི་ལྟ་བུའི་རང་བཞིན་དུ་འཚལ་བར་བགྱི། བཅོམ་ལྡན་འདས་ལུང་བསྟན་དུ་གསོལ། །བདེབརགཤེགསཔསལུང་བསྟན་དུ་གསོལ།དེ་ནས་བཅོམ་ལྡན་འདས་གསང་བ་མཆོག་གི་བདག་པོས་གསོ་ལ་བ་བཏབ་པ་དེ་མཁྱེན་ནས་འདི་སྐད་ཅེས་གསུངས་སོ་། །སྨྲ་བའི་སེང་གེ་ང་ལ་ཞུ་བར་སྤོ་བས་པ་ལེགས། རབ་ཏུ་ལེགས་ཀྱིས་ཉོན་ཅིག གཞུང་འདི་བླ་མ་རྡོ་རྗེ་སློ་བ་དཔོན་དེ་ནི་སྐྱེས་བུ་དམ་པ་འབའ་ཞིག་ཏུ་མ་ཟད་དེ། །དེ་ནི་བླ་ན་མེད་པ་ཡང་དག་པར་རྗོ་གས་པའི་སངས་རྒྱས་རྡོ་རྗེ་འཛིན་པ་ཉིད་དུ་བལྟ་བར་བྱའོ། །དེ་ཅིའི་ཕྱིར་ཞེ་ན། དེ་ནི་སྡོ་རྗེ་འཛིན་པ་ཆེན་པོ་དང་། དབྱེར་མེད་ཅིང་ཐ་མི་དད་དེ། བླ་མ་དེ་ནི་བསྐལ་བ་ཆེན་པོ་གྲངས་མེད་པའི་ཕ་མཐའ་ཡི་ཡང་ཕ་མཐའ་འདས་པ་ནས་རྒྱལ་བ་སངས་རྒྱས་བརྗོ་ད་དུ་མེད་པ་ཡི་ཡང་བརྗོད་དུ་མེད་པ་རྣམས་ལ་ཚོགས་ཐམས་ཅད་ཡོ་ངས་སུ་རྗོ་གས་པར་སྦྱངས་ཤིང་རང་གི་སེམས་ཀྱི་རྒྱུད་རྣམ་པར་སྦྱངས་པའི་ནུས་མཐུས་གསང་བ་འདིའི་དོན་ལ་ཡིད་ཆེས་ཤིང་གསང་བའི་དོན་འདི་ལྟ་བུའི་བླ་མ་རྡོ་རྗེ་སློ་བ་དཔོན་ཆེན་པོ་ཉིད་དུ་རིག་པར་བྱ་སྟེ། དེ་ནི་སངས་རྒྱས་ཉིད་དང་ཐ་མ་དད་ཅིང་བྱང་ཆུབ་ཀྱི་སེམས་ཉིད་དུ་བལྟ་བར་བྱའོ། །དེ་ལ་འདི་ནི་ཕྱོགས་བཅུ་དུས་བཞིའི་སངས་རྒྱས་མ་ལུས་མི་ལུས་ལུས་པ་མེད་པའི་སངས་རྒྱ་ཀྱི་ཞིང་རྡུལ་ཕྲ་རབ་དང་མཉམ་པ་རྣམས་ཀྱང་སྤི་བོ་གཙུག་ཞིང་ཕྱག་འཚལ་བ་དང་མཆོད་པ་བྱེད་ཅིང་རྗེས་སུ་འབྲེང་ན་གཞན་བྱང་ཆུབ་སེམས་དཔའ་དང་རྡོ་རྗེ་འཛིན་པ་རྣམས་ལ་ཕྱག་འཚལ་ཞིང་མཆོད་པ་ཅི་ཞིག་སྨོས་ཏེ། །འཇིག་རྟེན་གྱི་མཐུ་བོ་ཆེ་རྣམས་ཀྱང་དེའི་བྲན་དུ་ཁས་ལེན་ཅིང་འཁོར་གྱི་དཀྱིལ་འཁོར་ཡངསྐྱོང་ཞིང་ཅི་བསྒོ་བ་ཐམས་ཅད་ཀྱང་བསམ་པ་ཡིད་བཞིན་དུ་གྲུབ་པར་བྱེད་དོ། །དེ་བས་ན་ཡང་དག་པར་རྫོགས་པའི་སངས་རྒྱས་ཉིད་དུ་བལྟ་བར་བྱའོ། །དེ་ནི་དེ་བཞིན་གཤེགས་པ་སྐྱེ་བུ་འདུལ་བ། ཁ་ལོ་སྒྱུརབ། འཇིག་རྟེན་དང་འཇིག་རྟེན་ལས་འདས་པའི་སྟོན་པ་ཆེན་པོ་ཡིན་པར་བལྟའོ། །སེམས་ཅན་ཐམས་ཅད་ཀྱི་མགོན་དང་སྐྱབས་དང་།རྟེན་དང། གླིང་དང་། དེད་དཔོན་དང་། འདྲེན་པ་དང་། སྒྲོལ་པའི་གྲུ་ལྟ་བུ་ཡིན་པར་ཤེས་པར་བྱའོ། །དེ་ནི་ཡེ་ཤེས་ཀྱི་སྒྲོན་མ་ཆེན་པོ་འཛིན་པ་སྟེ་དེ་བས་ན་སངས་རྒྱས་ཉིད་དུ་བལྟའོ། །དེ་བས་ན་བླ་མ་དེདང་ཕྲད་པའིགང་ཟག་རྣལ་འབྱོར་པ་དེས་ཀྱང་ཡང་དག་པར་རྫོགས་པའི་སངས་རྒྱས་ཉིད་དང་ཕྲད་པར་རིག་པརབྱའོ། །སྨྲ་བའི་སེང་གེས་གསོལ་པ། །བཅོམ་ལྡན་འདསབླ་མ་རྡོ་རྗེ་སློབ་དཔོན་དེའི་རྗེས་སུ་འབྲང་ཞིང་གསང་བ་འདི་ལྟ་བུ་ལ་མོས་ཞིངའཛིན་པ་དང་། །རྣ་བའི་དབང་པོས་ཉན་ཅིང་གཞུང་བཞིན་དུ་སྒྲུབ་པའི་གང་ཟག་རྣལ་འབྱོར་པ་དེའི་རྣམ་པར་སྨིན་པ་ནི་ཇི་ལྟར་བུ་ཞིག་བདག་ཅག་རྣམས་ཀྱིས་ཇི་ལྟར་འཚལ་བར་བགྱི། ། གས་་བ་མཆོག་གི་བདག་པོས་བཀའ་སྩལ་པ། །བླ་མ་དེའི་རྗེས་སུ་འབྲེང་ཞིང་གསང་བ་འདི་ལ་མོས་ཞིང་འཛིན་པ་དང་། རྣ་བའི་དབང་པོས་ཉན་ཅིང་གཞུང་བཞིན་དུ་སྒྲུབ་པའི་གང་ཟག་རྣལ་འབྱོར་པ་དེ་ནི་གང་ཟག་འབའ་ཞིག་མ་ལགས་ཏེ། །ས་ལ་བསྙེན་པ་དང་། ས་ཐོབ་པའི་རྣལ་འབྱོར་པ་སྟེ། རིགས་ཀྱི་བུ་ཁྱེད་རྣམས་ཀྱིས་ཀྱང་སྤུན་དང་གྲོགས་པོ་ལྟ་བུར་ཤེས་པར་བྱའོ། །གང་ཕྱོགས་བཅུ་དུས་བཞིའི་སངས་རྒྱས་ཇི་སྙེད་པ་རྣམས་ཀྱང་རྣལ་འབྱོར་པ་དེ་ལ་ཉེ་བའི་སྲས་དམ་པར་དགོངས་ཤིང་བྱིན་གྱིས་རློབ་པ་འགྱུར་རོ། །དེ་ཅིའི་ཕྱིར་ཞེ་ན། །གང་ཟག་གསང་བ་འདི་ནི་ཐོས་ཤིང་མོས་པའི་སྐལ་པ་དང་ལྡན་པ་ཡང་བསྐལ་པ་གྲངས་མེད་པའི་ཕ་མཐའ་ནས་ཚོགས་བསགས་ཤིང་སྦྱངས་པའི་མཐུས་དེ་ལྟར་འགྱུར་བར་རིག་པར་བྱའོ། །དེ་བས་ན་སྨྲ་བའི་སེང་གེ་ཁྱོད་ཉིད་ལ་སོགས་པའི་རྡོ་རྗེ་འཛིན་པ་རྣམས་དང་ཐ་མི་དད་པར་རིག་པར་བྱའོ།དེ་དག་གི་དངོས་གྲུབ་ཀྱང་ཚེ་འདི་ཉིད་ལའགྲུབ་ཅིང་གཞན་འཇིག་རྟེན་གྱི་མཐུ་ཆེན་རྣམས་ཀྱང་བཀའ་ཉན་ཅིང་ལས་བྱེད་པར་འགྱུར་རོ། །ཡང་སྨྲ་བའི་སེང་གེས་གསོལ་པ། །བཅོམ་ལྡན་འདས་བླ་མ་རྡོ་རྗེ་སློབ་དཔོན་ཆེན་པོ་རྣལ་འབྱོར་གྱི་འཁོར་དང་བཅས་པ་རྣམས་གསང་བའི་ཐེག་པ་འདི་ཉིད་ལ་མོས་ཤིང་དད་པའི་སེམས་ཀྱིས་གཡོ་སྒྱུ་དང་། །གསོག་འཇོག་སྤངས་པའི་ཕྱིར་རབས་ཀྱི་དད་པ་ཅན་གྱི་སྐྱེ་བོ་དེའི་རྣམ་པར་སྨིན་པ་ཅིར་འགྱུར། བདག་ཅག་ལ་སོགས་པ་རྣམས་ཀྱིས་ཇི་ལྟར་བལྟར་བར་བགྱི། བཅོམ་ལྡན་འདས་ཀྱི་བཀའ་སྩལ་པ། རིགས་ཀྱི་བུ་དད་པ་ཅན་གྱི་སྐྱེ་བོ་བླ་མ་འཁོར་དང་བཅས་པ་གསང་བའི་ཐེག་པ་འདི་ཉངད་ལ་མོས་ཤངང་དད་པ་དང་རྣ་བའི་དབང་པོས་ཉན་ཅངང་གཡོ་སྒྱུདང་གསོགའཇོགསྤང་པ་དེའི་རྣམ་པར་སྨངན་པའི་ལེགས་པའི་ཡོན་ཏན་ཡང་བརྗོད་ཅངང་ཚད་གཟུང་བར་རབ་ཏུ་དཀའོ། །ལ་ལ་དགགངས་སོ་སོ་སྐྱེ་བོ་སངས་རྒྱས་ཀྱང་ཞིང་ཡོངས་སུ་གང་བ་ལ་སྦྱངན་པ་བྱངན་པའམ། སྲོག་གཏོན་པའམ་དགེ་བ་བཅུ་དང་། ཚདམེད་པ་བཞང་དང་། བསྡུ་བའི་དངོས་པོ་བཞིས་རྒྱུའི་ཐེག་པའི་སྒོ་ནས་འགྲོ་བའི་དོན་བྱས་པ་བས་ནི་བླ་མ་འཁོར་དང་བཅས་པ་དང་གསང་བའི་ཐེག་པ་འདིའི་སྒོ་ནས་སྐདཅངག་ཙམ་འགྲོ་བ་གཅངག་གང་དོན་བྱས་པའི་བསོད་ནམས་ཀྱང་དགེ་བའི་རྩ་བ་འབུམ་གྱང་ཆ་ཡང་མང་ཕོད་དོ། །རིགས་ཀྱང་བུ་ལ་ལ་དག་གངསསངས་རྒྱས་ཀྱང་ཞིང་ཡོངས་སུ་གང་བའི་ཉན་ཐོས་སམ རང་སངས་རྒྱས་སམ། བྱངཆུབ་སེམསདཔའིཐེག་པ་དེ་སྙེདལ་རིམགྲོ་བཀུར་བསྟི་ཚུལ་བཞངན་དུ་བསྐལ་པ་གྲངས་མེད་པའི་ཡུན་དུ་བྱས་པའི་བསོདནམས་ཀྱངས་ནི་གསང་བའི་ཐེག་པ་འདི་ལ་གནས་པའི་གང་ཟག་རྣལ་འེབྱོར་པ་གཅངག་ལ་ཐན་དྲོ་གཅངག་གམ། སྐད་ཅའག་ཡུད་ཙམ་དུ་བཀུར་སྟང་ཚུལ་བཞའན་དུ་བྱསཔའི་བསོད་ནམསཀྱང་འབུམ་གྱང་ཆར་ཡང་མང་ཕོད་དོ། །དེ་ཅིའི་ཕྱིར་ཞེ་ན། དེ་ནི་གསང་བའི་ཐེག་པ་འདི་ཉིད་ལས་ཉན་ཐོས་དང་། རང་སངསརྒྱས་དང་། །བྱང་ཆུབ་སེམས་དཔའི་ཐེག་པ་རྣམ་འབྱུང་ཞིངགསང་བའི་ཐེག་པཉིད་ལ་འགྲོ་བ་གཟུད་པའི་ཐབས་སུ་བསྟི་བའི་གནས་སུ་གསུངས་པ་ཡིན་གྱི་གཏན་དུ་གཞག་པའི་ས་ནི་མ་ཡིན་ནོ། །དེ་བས་ན་ང་ཉིད་ཀྱི་སྤྲུལ་པ་བས་ཀྱང་ཆོས་རྣམ་པ་སྣ་ཚོགས་ཇི་ལྟར་འདུལ་བར་སྟོན་པ་ཡིན་ནོ། །དེ་བས་ན་གསང་སྔགས་ཀྱི་ཡོན་ཏན་ནི་བསམ་གྱི་ཀྱང་མི་ཁྱབ་བོ། །རིགས་ཀྱི་བུ་གང་ཟག་ལ་ལ་དག་གིས་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པར་རྒྱུའི་ཐེག་པའི་སྒོ་ནས་དགེ་བའི་རྩ་བ་རྒྱས་པར་སྦྱད་པ་བས་ནི་གསང་བའི་ཐེག་པ་འདིའི་དོན་སྐད་ཅིག་ཙམ་ཡིད་ལ་བྱས་པའི་བསོད་ནམས་ཁྱད་པར་དུ་འཕགས་ཏེ་འབུམ་གྱི་ཆར་ཡང་མི་ཕོད་དོ། །རིགས་ཀྱི་བུ་གང་ཟག་ལ་ལ་ཞིག་གིས་བསྐལ་པ་གང་གྭའི་ཀླུང་གི་བྱེ་མ་སྙེད་དུ་སོ་སོའི་སྐྱེ་བོའམ། ཉན་ཐོས་སམ་རང་རྒྱལ་བའམ། བྱང་ཆུབ་སེམས་དཔས་སངས་རྒྱས་ཀྱི་ཞིང་ཡོངས་སུ་གང་བ་སྙེད་ལ་མེ་ཏོག་དང་། ཕྲེང་བ་དང་། བྱུག་སྤོས་དང་། བླ་བྲེ་དང་། རྒྱལ་མཚན་དང་། བ་དན་དང་། ལྷབ་ལྷུབ་དང་། རོལ་མོའི་ཁྱད་པར་མང་པོ་ལ་སོགས་པས་སངས་རྒྱས་ཀྱི་ཞིང་ཡོངས་སུ་གང་བར་བྱས་ཏེ་ཕུལ་བ་བས་ཐ་ན་གསང་བའི་ཐེག་པ་ལ་གནས་པའི་རྣལ་འབྱོར་པ་གཅིག་ཙམ་ལའང་གཡོ་སྒྱུ་དང་། །གསོག་འཇོག་སྤངས་པའི་སྒོ་ནས་འདོད་པའི་ཡོན་ཏན་ཀྱི་ཚོགས་སྐད་ཅིག་ཙམ་བཏེག་ཅིང་ལོངས་སྤྱད་པའི་བསོད་ནམས་ཁྱད་པར་དུ་འཕགས་ཏེ་འབུམ་གྱི་ཆར་ཡང་མོ་ཕོད་དོ། །དེ་ཅིའི་ཕྱིར་ཞེ་ན། སོ་སོའི་སྐྱེ་བོའམ། ཉན་ཐོས་སམ རང་སངས་རྒྱས་སམ། བྱང་ཆུབ་སེམས་དཔའི་བསོད་ནམས་དང་ཡེ་ཤེས་ཀྱི་ཕུང་པོ་དེ་དག་པས་གསང་བའི་ཐེག་པ་ལ་གནས་པ་གཅིག་གི་བ་སྐྲུའི་ཆ་གཅིག་གི་བསོད་ནམས་དང་། །ཡེ་ཤེས་ཀྱི་ཕུང་པོ་ཁྱད་པར་དུ་འཕགས་ཏེ་འབུམ་གྱི་ཆར་ཡང་མི་ཕོད་དོ། །དེ་བཞིན་དུ་གང་ཟག་ལ་ལ་ཞིག་གིས་མེ་ཏོག་ལ་སོགས་པ་སངས་རྒྱས་ཀྱི་ཞིང་ཡོངས་སུ་གང་བའི་བསོད་ནམས་དང་ཡེ་ཤེས་ཀྱི་ཕུང་པོ་གང་ཡིན་པས་འདོད་པའི་ཡོན་ཏན་ཚོགས་ཆེན་པོ་གཅིག་གི་རྡུལ་ཕྲ་རབ་གྱི་ཆ་ཙམ་གྱི་བསོད་ནམས་དང་ཡེ་ཤེས་ཀྱི་ཕུང་པོ་གང་ཡིན་པ་དེ་བས་འདོད་པའི་ཡོན་ཏན་ཚོགས་ཆེན་པོ་གཅིག་གི་རྡུལ་ཕྲ་རབ་ཀྱི་ཆ་ཙམ་གྱི་བསོད་ནམས་དང་ཡེ་ཤེས་ཀྱི་ཕུང་པོ་ཁྱད་པར་དུ་འཕགས་ཏེ་འབུམ་གྱི་ཆར་ཡང་མི་ཕོད་དོ། །རིགས་ཀྱི་བུ་དེ་བས་ན་དད་པ་ཅན་གྱི་སྐྱེ་བོ་གསང་བའི་ཐེག་པ་ཉིད་དང་། གསང་བའི་ཐེག་པ་ལ་གནས་པའི་བླ་མ་འཁོར་དང་བཅས་པ་ལ་དད་པའི་སེམས་ཀྱིས་གཡོ་སྒྱུ་དང་། གསོག་འཇོག་སྤངས་པའི་དེའི་བསོད་ནམས་དང་ཡེ་ཤེས་ཀྱི་ཕུང་པོ་ནི་ཚད་མེད་དོ། །དེ་བསོད་ནམས་དང་ཡེ་ཤེས་ཀྱི་ཕུང་པོ་ནི་ཐམས་ཅད་མཁྱེན་པའི་སངས་རྒྱས་རྣམས་ཀྱིས་ཀྱང་བགྲང་བར་མི་ནུས་སོ། །དེ་ནས་སྨྲ་བའི་སེང་གེས་འདི་སྐད་ཅེས་གསོལ་ཏོ། །བཅོམ་ལྡན་འདས་གསང་སྔགས་ཀྱི་ཡོན་ཏན་ནི་ཚད་མ་མཆིས་སོ། །བདེབརགཤེགསཔཚད་མ་མཆིས་ལགས་སོ། །བཅོམ་ལྡན་འདས་འོན་ཀྱང་བདག་ཅག་ལ་སོགས་པ་དང་། མ་འོངས་པའི་འགྲོ་བ་རྣམས་དྲང་བའི་སླད་དུ་སྔོན་འདས་པའི་ལོ་རྒྱུས་ཀྱི་གཏན་ཚིགས་རྣམས་ཞུ་བར་འཚལ་ན་གནང་བའི་སྐབས་དབྱེ་བར་གསོལ། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་ཁྱོད་ང་ལ་ཞུ་བར་སྤོབས་ཀྱིས་ཅི་དང་ཅི་འདོད་པ་དྲིས་ཤིག་དང་ངས་ཁྱོད་ལ་བཤད་པར་བྱའོ། །དེ་ནས་སྨྲ་བའི་སེང་གེས་གསོལ་པ། བཅོམ་ལྡན་འདས་གསང་བའི་ཐེག་པ་འདི་རྣ་བའི་དབང་པོས་ཐོས་པའི་ཡོན་ཏན་དང་རྣམ་པར་སྨིན་པ་ཇི་ལྟ་བུར་འགྱུར། གསང་བ་མཆོག་གི་བདག་པོས་བཀའ་སྩལ་པ། །རིགས་ཀྱི་བུ་རྣམས་ཉོན་ཅིག གསང་བའི་ཐེག་པ་འདི་རྣ་བའི་དབང་པོས་ཐོས་པའི་ཡོན་ཏན་ནི་མིང་ཙམ་ཐོས་པས་ཀྱང་ངན་འགྲོ་ལས་སྐྱོབས་པར་འགྱུར་རོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་དྲན་པ་ཐོག་མའི་ཚེ་གསང་བའི་ཐེག་པའི་ལྷའི་གནས་རིམ་པ་གསུམ་ན་ཚུལ་བཞིན་དུ་སྤྱོད་པ་ལས་འོད་ལྡན་ཞེས་བྱ་བའི་ལྷའི་བུ་ཞིག་གི་མི་རྟག་པའི་དུས་ལ་བབ་སྟེ་འཆི་བའི་སྔ་ལྟས་རྣམས་བྱུང་བར་གྱུར། དེ་རབ་ཏུ་མི་དགའ་བའི་འདུ་ཤེས་སུ་གྱུར་ནས་ཚེ་ཕྱི་མ་ལ་གང་དུ་སྐྱེ་སྙམ་པའི་འདུ་ཤེས་འབའ་ཞིག་སྐྱེས་པ་ལས། ལྷའི་བུ་དེ་ཉིད་མངོན་པར་ཤེས་པ་ལས་མི་གཙང་བ་ཟ་བའི་བྱོལ་སོང་གི་རིགས་སུ་སྐྱེ་བར་མཐོང་སྟེ་ཤིན་ཏུ་འཇིག་པའི་སེམས་སྐྱེས་ནས་མགོན་སྐྱབས་གཞན་མེད་པར་མཐོང་སྟེ་གསང་བའི་ཐེག་པའི་མཚན་ཐོས་ནས་དེ་བཞིན་དེ་ཡིད་ལ་དྲན་པར་བྱས་སོ། །དེའི་ཚེ་འོད་ལྡན་ཞེསབྱ་བ་ལྷའི་བུ་དེ་ངན་འགྲོའི་ལམ་དེ་ལས་གྲོལ་ཏེ་གསང་བའི་ཐེག་པ་འཛིན་པའི་གནས་ག་ལ་བ་དེར་སྐྱེས་སོ། །དེར་སྐྱེས་ནས་ཀྱང་ཚོགས་ཆེན་པོ་ལ་ལ་ལོངས་སྦྱོད་པ་སྐལ་པ་ཅན་དུ་གྱུར་པ་དེ་བཞིན་དུ་ཤེས་པར་བྱའོ། །ཡང་གསོལ་པ། གསང་བ་མཆོག་གི་བདག་པོ་གསང་བའི་ཐེག་པ་འདི་ལ་དགའ་ཞིང་མོས་པ་དང་། །འདུན་པ་སྐྱེས་པའི་གང་ཟག་དེ་ནི་རྣམ་པར་སྨིན་པའི་ཡོན་ཏན་ཇི་ལྟ་བུར་འགྱུར། །ལུང་བསྟན་དུ་གསོལ། །གསང་བ་མཆོག་གི་བདག་པོས་བཀའ་སྩལ་པ། །གསང་བ་ཐེག་པ་འདི་ལ་དགའ་ཞིང་། །མོས་པ་དང་འདུན་པ་སྐྱེད་པའི་གང་ཟག་དམ་པ་དེ་ནི་རིག་འཛིན་རྒྱལ་བའི་སྲས་དམ་པར་འགྱུར་བར་གདོན་མི་ཟའོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་བྲམ་ཟེ་རྒྱལ་བྱེད་ཞེས་བྱ་བའི་བུ་བྱམས་ལྡན་ཞེས་བྱ་བ་ཞིག་གསང་བའི་ཐེག་པ་འདི་ལ་དགའ་ཞིང་མོས་ནས་འདུན་པ་སྐྱེས་ཏེ་གསང་བའི་ཐེག་པ་འདི་ཀུན་དུ་བཙལ་བས་རང་གི་སྒྲིབ་པའི་བག་ཆགས་སྟུག་པོས་གེགས་བྱས་ནས།རྙེད་པར་མ་གྱུར་ཏེ་ས་ཕྱོགས་ཤིན་ཏུ་ཡང་དབེན་པ་ཅིག་ཏུ་འདུག་ནས་གསང་བ་ལ་རབ་ཏུ་གདུང་བའི་ཤུགས་ཀྱིས་ངུ་ཞིང་སྨྲེ་སྔགས་ཀྱི་ཚིག་འདི་སྐད་ཅེས་སྨྲས་སོ། །ཀྱེ་མའོ་བདག་གི་ལས་འདི་ཤིན་ཏུ་ཕམ། །ཐོག་མ་སྐྱེས་ནས་རྒས་བར་དུ། །འབད་དེ་གསང་བའི་དོན་བཙལ་ཡང་། །གསང་བ་མ་རྙེད་ལས་དེ་ངན། །ད་ཡང་ཇི་ལྟར་བཙལ་ན་རྙེད། །བཙལ་ཡང་རྙེད་པར་ ་འགྱུར་ན། །ཐུགས་རྗེ་བདག་ལ་སྐྱབས་མ ད་ ག །ཅེས་སྨྲས་ནས་ནམ་མཁའ་སྟོང་པ་ལས་ཆོ་འཕྲུལ་གྱི་སྒྲ་འདི་སྐད་ཅེས་གྲག་གོ །བྲམ་ཟེའི་བུ་ནི་སྐལ་ལྡན་ཁྱོད། །ཡིད་དམ་བརྟན་པ་ཤིན་ཏུ་ལེགས། ཁྱོད་ནི་དོན་གྱི་སྐལ་པ་ཅན། །ཕྱོགས་བཅུ་དུས་བཞིའི་སངས་རྒྱས་ཀྱིས། །ཁྱོད་ལ་བྱིན་གྱིས་རློབ་པ་མཛོད། །རང་ཉིད་ལྟ་བ་མ་ཡེངས་པར། །བག་ཆགས་སྦྱངས་བའི་ཐབས་དག་ལ། །མཁས་ཤིང་བརྩོན་པར་བྱ་དགོས་ཏེ། །རང་གི་ཁྲག་རྣམས་གྲངས་ནས་སུ། །དད་ཅིང་གཙང་བ་ཙསྡོན་ཆུར། དམིགས་ནས་རྒྱལ་བ་ཀུན་མཆོད་ན། །མྱུར་དུ་གསང་དོན་རྙེད་པར་འགྱུར། ཞེས་བར་སྣང་ལས་ལུང་བསྟན་པ་ཐོས་ནས་རབ་ཏུ་དགའ་བའི་སེམས་ཀྱིས་ལུས་ཀྱི་རྩ་རྣམས་ཁྲག་དྲངས་ནས་འཕགས་པ་རྣམས་ལ་མཆོད་པ་དེ་ཉིད་དུ་གསང་བའི་དོན་མཐོང་སྟེ། རིག་འཛིན་རྒྱལ་བའི་སྲས་དམ་པར་གྱུར་པ་དེ་བཞིན་ཤེས་པར་བྱའོ། །དེ་ནས་ཡང་སྨྲ་བའི་སེང་གེས་གསོལ་པ། །བཅོམ་ལྡན་འདས་གསང་བ་མཆོག་གི་བདག་པོས་གསང་བའི་ཐེག་པ་འདིའི་སྒོར་ཞུགས་ཤིག་ཚོགས་ཀྱི་དཀྱིལ་འཁོར་དམ་པ་མཐོང་བའི་གང་ཟག་དམ་པ་དེའི་འབྲས་བུ་ཇི་ལྷར་ལགས། ལུང་བསྟན་དུ་གསོལ། བདེ་བར་གཤེགས་པས་ལུང་བསྟན་དུ་གསོལ། གསང་བ་མཆོག་གི་བདག་པོས་བཀའ་སྩལ་པ། གསང་བའི་ཐེག་པའི་སྒོར་ཞུགས་ཤིང་ཚོགས་ཀྱི་དཀྱིལ་འཁོར་དམ་པ་མཐོང་བའི་གང་ཟག་དེ་ནི་དངོས་གྲུབ་ཏུ་གྱུར་ཏོ་འཚལ་ཐམས་ཅད་ཇི་ལྟར་འདོད་པ་བཞིན་ཐོབ་པར་འགྱུར་རོ། །དེ་ན་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་ལྷའི་གནས་རིམ་པ་གསུམ་ན་གསང་བ་སྦྱོད་པ་ལས་དགེ་བའི་རྒྱལ་པོ་བཀོད་པ་ཞེས་བྱ་བའི་ལྷའི་བུ་ཞིག་ཚོམ་བུ་འབུམ་དག་བཅས་ནས་གསང་བ་རྒྱ་ཆེར་སྤྱོད་པ་ལས་རིན་ཆེན་འོད་ལྡན་ཞེས་བྱ་བའི་ལྷའི་བུ་ཞིག་གསང་སྔགས་རྒྱ་ཆེར་སྤྱོད་པ་དེ་ཉིད་ལ་ཤིན་ཏུ་དད་པ་སྐྱེས་པ་ལས་ཡོ་བྱད་ཕུན་སུམ་ཚོགས་པ་དང་བཅས་པ་གསང་བའི་གནས་དེར་ཕྱིན་ཏེ་གསང་བའི་སྒོར་ཞུགས་ནས་ཚོགས་ཀྱི་དཀྱིལ་འཁོར་ཆེན་པོ་ཡང་མཐོང་བར་བྱས་ཏེ་དེ་ཉིད་ཀྱི་དུས་ཀྱི་ཚེ་དག་ཏུ་དངོས་གྲུབ་ཏུ་གྱུར་ཏོ་འཚལ་བ་ཐམས་ཅད་ཇི་ལྟར་བསམས་པ་བཞིན་དུ་ཐོབ་པར་གྱུར་པ། དེ་བཞིན་དུ་ཤེས་པར་བྱའོ། །དེ་ནས་སྨྲ་བའི་སེང་གེས་གསོལ་པ། གསང་བའི་ཐེག་པ་འདི་མངོན་དུ་སྤྱོད་པའི་རྣམ་འབྱོར་པ་གང་ཞིག་ལ་དགའ་བའི་ཡིད་ཀྱིས་མངོན་དུ་ཕྱོགས་པ་དེའི་འབྲས་བུ་ཇི་ལྟ་བུར་འགྱུར་བར་ལུང་བསྟན་དུ་གསོལ། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་གཞན་ཡང་གསང་བའི་ཐེག་པ་སྤྱོད་པ་ལ་མངོན་དུ་ཕྱོགས་པའི་གང་ཟག་དེའི་རྣམ་པར་སྨིནཔ་ནི་གསང་བ་དངོས་སུ་སྤྱོད་པའི་རྣལ་འབྱོར་པ་དེ་དང་འདྲ་བར་ཐོབ་པར་འགྱུར་རོ། །དེ་ཡང་ཇི་ལྟ་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་རྒྱལ་པོ་དབང་ཕྱུག་འོད་ལྡན་ཞེས་བྱ་བའི་རྣལ་འབྱོར་པ་ཞིག་ཚོམ་བུ་འབུམདང་བཅས་ནས་སྔགས་ཀྱི་སྤྱོད་པ་ལ་རྒྱཆེར་ཞུགས་ཏེ་འབྲས་བུ་ངོ་མཚར་རྨད་དུ་བྱུང་བ་ཐོབ་པར་ཀུན་ཏུ་གྲགས་པ་ལས། གཞན་གྱི་སྡེ་པ་བྲམ་ཟེ་དགེ་སློང་བྱ་བ་ཞིག་ཤིན་ཏུ་དགའ་བའི་སེམས་སྐྱེས་ནས་འབྱོར་པའི་ཡོ་བྱད་མང་པོ་དང་བཅས་ནས་ཚོགས་ཀྱི་དཀྱིལ་འཁོར་དེ་ཉིད་དུ་འཇུག་པར་གསོལ་བ་བཏབ་པ་ལས་རྒྱལ་པོས་མ་གནང་སྟེ་གསང་སྒོ་བསྡམས་སོ། །བྲམ་ཟེ་དེ་དད་པ་མ་ལོག་པར་འབྱོར་པའི་ཡོ་བྱད་ཅི་ཡོད་པ་རྒྱལ་པོའི་སྤྱན་སྔར་ཕུལ་ཏེ་རྒྱལ་པོ་གནས་པའི་ཡུལ་ཕྱོགས་སུ་ཡིད་ཀྱིས་ཕྱོགས་ཏེ་སྨོན་ལམ་བཏབ་ཅིང་རྗེས་སུ་ཡི་རང་བར་བྱས་སོ། །དེའི་རྣམ་པར་སྨིན་པས་རྒྱལ་པོ་དང་བྲམ་ཟེ་གཉིས་འབྲས་བུ་མཐོ་དམན་མེད་པར་ཐོབ་པ་བཞིན་དུ་ཤེས་པར་བྱའོ། ཡང་སྨྲ་བའི་སེང་གེས་གསོལ་པ། གསང་བའི་ཐེག་པ་འདིའི་བསླབ་པམཐར་ཕྱིན་པ་འདི་ཡོན་ཏན་གྱི་ཁྱད་པར་ཇི་ལྟ་བུ་ལགས། གསང་བ་མཆོག་གི་བདག་པོས་བཀའ་སྩལ་པ། གསང་བའི་ཐེག་པ་འདིའི་བསླབ་པ་མཐར་ཕྱིན་པའི་ཆེ་བའི་ཁྱད་པར་གྱིས་ཐེག་པ་མཐའ་དག་གི་བསླབ་པ་ཡང་མཐར་ཕྱིན་ཅིང་ལུང་བསྟན་པ་ཡང་འཐོབ་པར་འགྱུར་རོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་སུ་ངདྲན་པ་ཐོག་མའི་ཚེ་བྲམ་ཟེའི་བུ་གསལ་སྤྱིན་ཞེས་བྱ་བས་གསང་བ་ཆེན་པོ་འདིའི་བསླབ་པ་མཐར་ཕྱིན་ཏེ། རང་གི་སེམས་གོམས་པར་བྱས་པས་ཐེག་པ་མཐའ་དག་གི་བསླབ་པ་མཐར་ཕྱིན་ཏེ། དེ་ཉིད་དུ་བར་སྣང་ལས་ལུང་བསྟན་པའི་སྒྲ། རིགས་ཀྱི་བུཁྱོད་དུས་ཕྱིམའི་ཚེ་ཆོས་ཆོས་ཀྱི་རྒྱལ་པོཆེན་པོར་གྱུར་ནས། ཞིང་ཁམས་རྣམ་པར་དག་པ་ཞེས་བྱ་བར་སངས་རྒྱས་ནས། སྨྲ་བའི་སེང་གེ་ཞེས་བྱ་བར་གྲགས་པར་འགྱུར་རོ་ཞེས་བྱ་བརལུངས་བསྟན་པ་དེ་བཞིན་དུ་ཞེས་པར་བྱའོ། །ཡང་སྨྲ་བའི་སེང་གེས་གསོལ་པ། ཚོགས་ཆེན་པོ་གཅིག་གི་བསོད་ནམས་ཀྱི་ཁྱད་པར་ཇི་ལྟ་བུ་ལགས། གསང་བ་མཆོག་གི་བདག་པོས་བཀའ་སྩལཔ། སྨྲསབའི་སེང་གེ་སོ་སོའིསྐྱེ་བོའམ། ཉན་ཐོས་སམ རང་རྒྱས་སམ། ས་ལ་གནས་པའི་བྱང་ཆུབ་སེམས་དཔའ་སངས་རྒྱསཀྱི་ཞིང་ཡོངས་སུ་གང་བ་སྙེད་ལ་སྤྱིན་མཆོད་སངས་རྒྱས་ཀྱི་ཞིང་བྱུར་བུར་གཏམས་པས་བསྐལ་པའམ། །བསྐལ་པ་གྲངས་མེད་པར་བྱིན་པའི་བསོད་ནམས་ཀྱིས་ནི་རྣལ་འབྱོར་གཅིག་ལ་ཚོགས་གཅིག་སྐད་ཅིག་ཏུ་མཆོད་པར་རྒྱ་ཆེར་བྱས་པའི་བསོད་ནམས་དང་ཡེ་ཤེས་ཀྱི་ཚོགས་འབུམ་གྱི་ཆར་ཡང་མི་ཕོད་དོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ན་ངདྲན་པ་ཐོགམའི་ཚེ་ལས་དགཔའི་བྲམ་ཟེའི་བུ་གསལ་ལྡན་ཞེས་བྱ་བ་ཞིག་གསང་བའི་ཐེག་པའདི་ལ་དད་པར་འགྱུར་རོ། །བྲམ་ཟེའི་བུ་དགེ་ལྡན་ཞེས་བྱ་བ་ཞིག་ནི་རྒྱུའི་ཐེག་པ་ལ་དད་པར་འགྱུར་རོ། །དེའི་བྲམ་ཟེའི་བུ་དེ་གཉིས་ཐ་ཚིག་བཅས་ཏེ། དགེ་ལྡན་གྱིས་མཆོད་སྤྱིན་བཟང་པོ་རྒྱ་ཆེར་སྤེལ་ལོ། །གསལ་ལྡན་གྱིས་ནི་ཚོགས་མཆོད་རྒྱ་ཅེར་བྱས་སོ། །དེ་གཉིས་ཀྱི་འབྲས་བུའི་ཁྱད་པར་ནི། སྔགས་སྤྱོད་པའི་བྲམ་ཟེ་གསལ་ལྡན་ནི་ཚེ་དེ་ཉིད་ལ་མངོན་པར་རྫོགས་པར་སངས་རྒྱས་པར་གྱུར་ཏོ། །རྒྱུའི་ཐེག་པ་ལ་སྤྱོད་པའི་དགེ་ལྡན་ནི། །བསྐལ་པ་གྲངས་མེད་པ་གསུམ་དུ་དཀའ་བ་བྱས་ནས། འབྲས་བུ་ཐོབ་པ་དེ་བཞིན་དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གསང་བའི་ཐེག་པའི་མདོ་འདི་རྟག་ཏུ་འཆང་བའི་གང་ཟག་དེའི་རྣམ་པར་སྨིན་པ་ཇི་ལྟ་བུར་འགྱུར་བ་ལགས། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་མདོ་འདི་རྟག་ཏུ་འཆང་ཞིང་འཛིན་པ་དེ་ནི།དཔལ་རྡོ་རྗེ་སེམས་དཔའི་ཆེ་བའི་ཡོན་ཏན་གྱི་གཟུངས་དང་བཅས་པ་ཐོབ་བོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། །སྔོན་འདས་པའི་དུས་ང་དྲན་ཐོག་མའི་ཚེ། ཁྱིམ་བདག་དད་པ་ཅན་མས་སྒྱིན་བྱ་བ་དེ། ཚོམ་བུ་བརྒྱ་དང་བཅས་པས་གསང་བའི་ཐེག་པའི་མདོ་འདི་རྒྱུན་རྟག་པར་བཅངས་པས། དཔལ་རྡོ་རྗེ་སེམས་དཔའི་འཁོར་དང་བཅས་པ་ཅི་འདྲ་བར་ཚེ་འདི་ཉིད་ཀྱིས་ངེས་པར་འཐོབ་ཅིང་མི་བརྗེད་པའི་གཟུངས་ཐོབ་པའོདེ་བཞིན་དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གསང་བའི་མདོ་འདིའི་དོན་རྟོགས་ནས། གཞན་དག་ལ་སྨྲ་བར་བྱེད་པ་དེའི་ཡོན་ཏནཇི་ལྷ་བུ་ལགས། ལུང་བསྟན་དུ་གསོལ། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་གསང་བའི་མདོ་འདིའི་དོན་རྟོགས་ནས། གཞན་སྣོད་དང་ལྡན་པའི་འགྲོ་བ་ལ་བསྟན་ཏམ། བཤད་ན་ཆོས་ཀྱི་རྒྱལ་པོ་ཆེན་པོར་འགྱུར་ཏེ་ང་ཉིད་དང་འདྲ་བར་འགྱུར་རོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། རྣལ་འབྱོར་ལ་གནས་པའི་དྲང་སྲོང་ཀ་པ་ཡ་ན་ཞེས་བྱ་བས། དྲང་སྲོང་མང་པོ་རྣམས་ལ་གསང་བའི་དོན་འདི་བཤད་ཅིང་བཀྲོལ་བ་ལས། དྲང་སྲོང་མང་པོས་རིག་འཛིན་གྱི་ས་ཐོབ། སྟོན་པའི་དྲང་སྲོང་དེ་ཉིད་གསང་བའི་བདག་པོར་གྱུར་ཏོ། །དེ་བཞིན་དུ་ཡོངས་སུ་ཤེས་པར་བྱའོ། །དེ་བས་ན་གསང་སྔགས་ཆེ་བའི་ཡོན་ཏན་གྱི་ཁྱད་པརནི་བསམ་གྱིས་མི་ཁྱབ་པའོ། །དེ་ནས་སྨྲ་བའི་སེང་གེ་བྱེད་པ་པོརྡོ་རྗེ་ཀུན་དུ་བཟང་པོས་གསོལ་པ། །བཅོམ་ལྡན་འདས་ཐེ་ཚོམ་ཐམས་ཅདགཅོད་པའི་རྒྱལ་པོས། གསང་སྔགས་སྤྱད་ཉེས་པའི་སྐྱོན་ཀྱི་རྣམ་པ་ཞུ་བར་འཚལ་ན་གནང་བའི་སྐབས་དབྱེ་བར་གསོལ། གསང་བ་མཆོག་གི་བདག་པོས་བཀའ་སྩལ་པ། བཅོམ་ལྡན་འདས་གསང་དོན་ལ་མིགནས་པར། གསང་སྔགསཀྱི་སྤྱོད་པརཚུལ་འཆོས་པའི་ཉེས་པ་ཇི་ལྟ་བུ་ལགས། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེགསང་བའི་དོན་ཟབ་མོས་ཡིད་ཆེས་པ་མེད་པར་ཚུལ་འཆོས་ཤིང་། གཡོ་སྒྱུརབདེན་པར་མཆོས་པ་ནི་ངན་འགྲོ་ལོགཔའི་ལམ་དུ་ལྟུང་བར་ངེས་སོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་བསྐལ་པ་ཀུན་ཏུ་བཀོད་པ་ཞེས་བྱ་བ་ལས། སངས་རྒྱས་ཀྱི་ཞིངམངོན་པར་འབྱུང་བ་ཞེས་བྱ་བ་དེར་སངསརྒྱས་མངོན་པར་འབྱུང་བའི་རྒྱལ་པོ་ཞེས་བྱ་བ་དེ། སྐུ་མྱ་ངན་ལས་འདས་པར་གྱུར་པའི་འོག་ཏུ་བཟང་རྒྱན་ཞེས་བྱ་བའི་རྣལ་འབྱོར་དུ་ཁས་འཆེས་པ་ཅིག་བྱུངབར་གྱུར་ཏེ། དེས་མི་ཤེས་པའིདབང་གིས་མི་ཤེས་པའིའཁོར་རྣམས་ལ་གསང་བའི་ཚུལ་དུ་བཅོས་ནས། ལོག་པའི་ཚོགས་བསྐྱངས་པས་ཚོམ་བུ་ལྔ་བརྒྱ་དང་བཅས་པར་ཡང་དག་པའི་དོནལས་གོལ་ཞིང། ངན་འགྲོ་ལོག་པའི་ལམ་དུ་ལྷུང་བར་གྱུར་པ་དེ་བཞིནདུ་ཤེསཔརབྱའོ། །དེ་ནས་ཡང་སྨྲ་བའི་སེང་གེས་གསོལ་པ། གང་ཟག་ལ་ལ་དག་གསང་བའི་དོན་ཟབ་མོ་རྟོགས་པ་མེད་པར་དགའ་བའི་གཞུང་བོར་ཏེ། གཞན་ངེས་པའི་རྣལ་འབྱོར་རྣམས་སྐུར་བ་འདེབས་པའི་རྣམ་པརསྨིན་པ་ནི་ཇི་ལྟ་བུར་འགྱུར་བ་ལགས་གསང་བ་མཆོག་གི་བདག་པོས་བཀའ་སྩལ་པ། །སྨྲབའིསེང་གེ་གང་ཟག་ལ་ལ་དག་རང་ཉིད་གསང་བའི་དོན་ལཡིད་ཅེས་པའི་ངེས་པ་མེདཔརགཞན་ངེས་པའི་རྣལ་འབྱོར་པ་རྣམས་ལ་སྒྲོ་སྐུར་ཀྱི་སུན་འབྱིན་པའི་བློ་སྐྱེ་ཞིང་བདག་གི་ནི་ཡིན། གཞན་གྱི་ནི་མ་ཡིན་ཞེས་བདག་ལ་བསྟོད་ཅིང་གཞན་ལ་སྨོད་པ་ནི་དོན་ལས་འབན་ཐ་ཆད་དེ་མནར་མེད་པར་ལྟུང་ངོ་། །དེཡང་ཇི་ལྟར་ཡོངས་སུཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའིཚེ། བསྐལ་པ་ཀུན་དུ་བཀོད་པཞེས་བྱ་བའི་དུས་དེ་ཉིད་ལ། དཔལ་སྤྱིན་ཞེས་བྱ་བའི་རྣལ་འབྱོར་ཞིག་ཏུ་ཁས་འཆེས་པ་ཞིག་ཡངདག་པའི་དོན་ལ་ཤེད་མ་བྱེ་ཞིང་། ལམ་གྱི་བགྲོད་ཐབས་ལ་མིམཁས་པས་དེ་བཀའ་ངེས་པའི་གཞུང་ནི་མ་རྟོགས། ཆོས་མ་ཡིན་པའི་ཆོས་ལ་ཆོས་སུ་སྤྱོད་ཅིང་ནོར་བས། བདག་ཉིད་སུན་འབྱིན་ཅིངལོག་པའི་ཙད་མས་གཞན་ངེསཔའི་དོན་སྤྱོད་པའི་རྣལ་འབྱོར་པ་ལ་ཁྱོདཀྱི་དེནི་ཡང་དགཔའི་དོན་མ་ཡིན། ཡང་དག་པའི་བདུད་རྩི་དང་འདྲ་བ་ནི་ངའི་ཆོས་འདི་ཡིན་ནོ་ཞེས་བདག་བསྟོད། གཞན་ལ་ནི་སྨོད་པས་ཡང་དག་པའི་དོན་དང་ནི་གཏན་དུའགྱངས། མནར་མེད་པའི་སེམས་ཅན་དམྱལ་བཆེན་པོརབསྐལ་པབཅུ་གཉིསཀྱི་བར་དུའཁྱམས་པར་གྱུར་ཏོ། །དེ་བཞུན་དུ་ཤེས་པར་བྱའོ། །དེནས་ཡང་སྨྲ་བའི་སེང་གེས་གསོལ་པ། གང་ཟག་ལ་ལ་དག་དོན་ལམཁས་པའི་རྣལ་འབྱོརགྱི་རྗེས་སུ་འབྱུང་བ་དག །གཞནགྱིདཔོན་བསྟབས་ན་མི་ཤེས་བཞིན་དུ་རས་གཅོད་ཅིང་། ཚུལ་འཆོས་ཤིང་སེམས་གྱ་གྱུས་སློབ་དཔོན་གྱི་ས་འཛིན་པའི་རྣམ་པར་སྨིན་པ་ནི་ཇི་ལྟ་བུ་ལགས། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེས་བླ་མའི་དོན་ལ་མཁས་པའི་རྗེས་སུ་བྱུང་བའི་མི་ཤེས་བཞིན་དུ་ཚུལ་འཆོས་ཤིང་། །བླ་མའི་ས་བཟུང་ནས་ཚོགས་སྐྱོང་བ་དེ་ནི་དྲེགས་པའི་རུ་ཏྲ་ཆེན་པོར་ལྷུང་བར་ངེས་སོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། བླ་མ་དོན་ལ་མཁས་པའི་དག་གི་རྗེས་སུ་འབྱུང་བའི་དགེ་སློང་དྲི་མེད་སྤྱོད་པ་ཞེས་བྱ་བ་ཞིག་རྣལ་འབྱོར་གྱི་ཚུལ་འདྲ་བ་ཙམ་དུ་སྤྱོད་དེ། དེ་དོན་ལ་མཁས་པའི་བླ་མ་རྣམས་མི་བཞུགས་ནས། བླ་མ་དེ་དག་གི་ཚོམ་བུ་འབུམ་གྱི་འཁོར་རྣམས་ཀྱིས་བདག་ཅག་རྣམས་ཀྱི་བླ་མའི་གདུང་འཚོབ་པར་གསོལ་ཞེས་དཔོན་བསྟབས་པས། དགེ་སློང་དྲི་མེད་སྤྱོད་པ་ཞེས་བྱ་བ་དེ་ཆེ་བའི་དྲེགས་པ་སྐྱེས་ཏེ། མི་ཤེས་བཞིན་དུ་ཚུལ་འདྲ་བ་ལོག་པར་སྤྱོད་པས། དེའི་ཚེ་དེའི་དུས་ཉིད་དུ་དགེ་སློང་ཚོམ་བུ་འབུམ་གི་འཁོར་དང་བཅས་པ། དྲེགས་པ་ཆེན་པོའི་དུ་ཏྲར་བསྐལ་པ་ཆེན་པོ་གྲངས་མེད་པར་སྐྱེས་སོ། །དེ་བས་ན་དེ་བཞིན་དུ་ཤེས་པར་བྱའོ། ཡང་སྨྲ་བའི་སེང་གེས་གསོལ་པ། གང་ཟག་ལ་ལ་དག་བདག་ཉིད་ཀྱི་ཚོགས་སྐྱོངས་བའི་འཁོར་བླ་མ་གཞན་གྱི་དབང་དུ་འགྱུར་དུ་དོགས་ནས། དགེ་བའི་སྒོ་འགེགས་པ་དག་མཆིས་ན། དེའི་རྣམ་པར་སྨིན་པ་ཇི་ལྟ་བུ་ཞིག་ལགས། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་འཁོར་སྒོ་རིགས་དང་རྐྱེན་མཚན་༄༅ སོ་སོར་བཅད་ཅིང་། བླ་མ་གཞན་ལ་ཉོན་མོངས་པའི་སྒོ་འབྱེད་པ་ནི་ངན་སོང་གསུམ་གྱི་ཁ་བརྒྱུད་ཅིང་། ཤོ་གམ་གཅན་ཆེན་གྱི་རིགས་སུ་སྐྱེ་བར་ངེས་སོ། །དེ་ཡང་ཇི་ལྷར་ཡོངས་སུ་ཤེས་པར་འགྱུར་ཞེ་ན། སྔོན་འདས་པའི་དུས་ང་དྲན་པ་ཐོང་མའི་ཚེ། དགེ་སློང་ཞི་གནས་པ་ཞེས་བྱ་བའི་ཚོམ་བུ་ལྔ་བརྒྱ་དང་བཅས་པ། དོན་དང་མི་ལྡན་པ་ཞིག་ཤིན་ཏུ་གསང་བའི་སྔགས་པ་སྤྱོད་དོ་ཞེས་ཟེར་ནས། དགོན་པའི་གནས་གཟུང་སྟེ་ཡུལ་ཁམས་ཆེན་པོ་དེ་ན་གནས་པའི་མི་རྣམས་ཀུན་འདུལ་བའི་དབང་དུ་སྤྱོད་དོ། །དེའི་ཚེ་དེའི་དུས་སུ་གཞན་གྱི་སྡེ་པར་གྱུར་པའི་དགེ་སློང་གྲོལ་བའི་བློ་གྲོས་ཞེས་བྱ་བའི་དོན་དང་ལྡན་པ་ཞིག་ཡུལ་ཁམས་དེ་ཡང་དག་པའི་དོན་ལ་གཟུད་པའི་ཆེད་དུ་འོངས་ནས། གསང་བའི་ཐེག་པའི་དོན་རྒྱ་ཆེར་བསྟན་པ་བསམ་པ་ལས། ཞི་གནས་པ་ཞེས་བྱ་བའི་དགེ་སློང་དེས་ཉོན་མོངས་པའི་བསྒོ་པ་དྲག་པོ་བྱས་ཏེ། འཁོར་འདི་དག་ནི་བདག་གི་ཞིང་ཁམས་ཡིན་པས་ན། ཁྱོད་འདི་ལ་མ་རྟོག་ཤིག་ཅེས་བསྒོ་རིས་སོ་སོར་བཅད་པས། དེའི་ཚེ་དགེ་སློང་ཞི་གནས་པའི་ཚོམ་བུ་ལྔ་བརྒྱའི་འཁོར་དང་བཅས་པ་ཉོན་མོངས་པ་འཁོར་བའི་ལམ་དུ་ལྷུང་སྟེ། ཤོ་གམགཅནཆེནགྱིརིགསསུགྱུར་ཏོ། །དེ་བསནདེབཞིནདུཤེསཔརབྱའོ། །དེ་ནས་ཡང་སྨྲ་བའི་སེང་གེས་གསོལ་པ། གང་ཟག་ལ་ལ་དག་རྣལ་འབྱོར་པ་ཚོགས་ཀྱི་ཡོ་བྱད་ཀྱི་ཚོགས་སུ་བསྔོས་པ་ལ་སེར་སྣས་གསོག་འཇོག་བགྱིད་པ་དག་མཆིས་ན། དེའི་རྣམ་པར་སྨིན་པ་ཇི་ལྟ་བུར་འགྱུར་བ་ལགས། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་གསང་བ་པའི་ཚོགས་ཆེན་པོར་བསྔོས་པའི་ཡོ་བྱད་ལ་སེར་སྣས་གསོག་འཇོག་བྱེད་ཅིང་། གཅིག་གི་ཡིད་གཅིག་གིས་འབྱིན་པར་བྱེད་པའི་གང་ཟག་དེ་ནི། ནམ་ཞར་ལོངས་སྤྱོད་ཐམས་ཅད་དང་བྲལ་ཏེ་ཡི་དྭགས་ཁྱིའི་ལུས་སུ་སྐྱེའོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་རྣལ་འབྱོར་བདེ་ལྡན་ཞེས་བྱ་བ་ཞིག་ཚོམ་བུ་འབུམ་དང་བཅས་པ་གསང་བ་རྒྱ་ཆེར་སྦྱོད་པ་ལས། དེའི་འཁོར་ནམ་བུད་མེད་བཟང་ལྡན་ཞེས་བྱ་བའི་རྣལ་འབྱོར་མ་ཞིག་ཚོགས་སྦྱོར་བའི་གིང་དུ་བསྐོས་པ་ལས། ཡོ་བྱད་ཕུན་སུམ་ཚོགས་པ་ལ་སེར་སྣའི་དབང་གིས་གསོག་འཇོག་བྱས་སོ། །དེའི་ཚེ་དེའི་རྣམ་པར་སྨིན་པའི་ཡི་དྭགས་ཀྱི་ལུས་སུ་སྐྱེས་ནས་ལོངས་སྤྱོད་ཀྱིས་བྲེལ་ཞིང་ཕོངས་པར་གྱུར་ཏོ། །དེ་བས་ན་དེ་བཞིན་དུ་ཤེས་པར་བྱའོ། །དེ་ནས་ཡང་སྨྲ་བའི་སེང་གེས་གསོལ་པ། གལ་ཏེ་གང་ཟག་ལ་ལ་དག་རྣལ་འབྱོར་གྱི་ཚོགས་ལོག་པར་སྤྱོད་ཅིང་། །ལྟ་བ་ལོག་པ་ཅན་གྱི་སྤྱི་བརྟོལ་དང་། ཁྲོ་ག་་ཆེ་བའི་སྡིག་པ་སྤྱོད་ཅིང་། དོན་དང་མི་ལྡན་ཡང་བདག་རྣལ་འབྱོར་པའོ་ཞེས་བབ་བཅོལ་དུ་བཀའ་རྐུ་ཞིང་སླུ་བར་བྱེད་པ་དེའི་རྣམ་པར་སྨིན་པ་ཇི་ལྟ་བུ་ལགས། གསང་བ་མཆོག་གི་བདག་པོས་བསྐལ་སྩལ་པ། སྨྲ་བའི་སེང་གེ་ལྟ་སྤྱོད་ལོག་པས་རྣལ་འབྱོར་དུ་ཁས་འཆེས་པ་དེ་ནི་མུ་སྟེགས་ཆེན་པོའི་རིགས་སུ་སྐྱེ་བར་འགྱུར་རོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་དོན་ལ་མི་མཁས་པའི་དགེ་སློང་བླ་མ་དེ་བ་ཞེས་བྱ་བ་ཞིག་གིས། བདག་ནི་ཡང་དག་པའི་ལས་ལ་མཁས་པའོ་ཞེས་ཀུན་ལ་བསྒྲགས་ནས་ཚོགས་ནི་བསྐྱངས། །སྤྱི་བརྟོལ་དང་ཁྲོ་གཏུམ་གྱིས་སྡིག་པ་སྤྱད་པའི་རྣམ་པར་སྨིན་པས་མུ་སྟེགས་ཀྱི་སྤྱོད་པའི་ཁམས་སུ་ལྷུང་བར་གྱུར་ཏོ། །དེ་བས་ན་དེ་བཞིན་དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གལ་ཏེ་གང་ཟག་ལ་ལ་དག་དོན་ལ་ནི་རྨུགས། ཐ་ཚིག་ནི་ཉམས། དྲེགས་པའི་ང་རྒྱལ་གྱིས་རྡོ་རྗེ་རྒྱལ་པོའི་ས་འཛིན་པར་འདོད་པའི་རྣམ་པར་སྨིན་པ་ཇི་ལྟ་བུར་འགྱུར། གསང་བ་མཆོག་གི་བདག་པོས་བཀའ་སྩལ་པ། ཁྲེལ་མེད་པའི་སྤྱི་བརྟོལ་གྱིས་མུན་སྤྲུལ་དུ་བྱེད་པ་དེ་ནི་གཏི་མུག་ཕག་གི་ལུས་སུ་སྐྱེས་ཏེ། དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་རྩ་བའི་དམ་ཚིག་ཉམས་ཤིང་ཡང་དག་པའི་དོན་ལ་རྨུགས་ཤིང་། དྲེགས་པའི་ང་རྒྱལ་གྱིས་སྔགས་ཀྱི་ཚུལ་དུ་སྤྱོད་པའི་དྲང་སྲོང་པེ་ན་ཡ་ཞེས་བྱ་བ་ཞིག་ཚོམ་བུ་བརྒྱ་དང་བཅས་པར་གནས་སོ། །དེའི་ཚེ་རྣམ་པར་སྨིན་པ་དེས་གཏི་མུག་ཕག་གི་ལུས་སུ་ལྷུང་བ་དེ་བཞིན་དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གང་ཟག་ལ་ལ་དག་ཚིག་ཏུ་མཉམ་ཟེར་ཡང་། བློ་མཉམ་པ་དག་མི་ཉེ་བར་ཆགས་སྡང་ལ་འཆེལ་བ་དག་མཆིས་ན། དེའི་རྣམ་པར་སྨིན་པ་ཇི་ལྟ་བུ་ལགས། གསང་བ་མཆོག་གི་བདག་པོས་བཀའ་སྩལ་པ། མཉམ་པ་མ་རྟོགས་པར་ཆགས་སྡང་ལ་འཆེད་བ་དེ་ནི་རསྒ་སྲིན་པོའི་རིགས་སུ་འགྱུར་ཏེ། དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། མཉམ་པ་ཉིད་མ་རྟོགས་པར་ཆགས་སྡང་ལ་འཆེ་བའི་དགེ་སློང་དེ་སྤྱིན་ཞེས་བྱ་བ་ཚོམ་བུ་སྟོང་དང་བཅས་པ་ཞིག་གིས། གསང་བའི་སྤྱོད་པ་མངོན་དུ་སྤྱོད་པས་ལས་དེའི་རྣམ་པར་སྨིན་པས་རསྣ་སྲིན་པོའི་གནས་སུ་སྐྱེས་སོ། །དེ་བས་ན་དེ་ལྟར་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གལ་ཏེ་གང་ཟག་ལ་ལ་དག་རྡོ་རྗེ་འཆང་གི་གྲལ་དུ་ཚོགས་པའི་ཚེ་དོན་ལ་དགའ་བའི་རྣལ་འབྱོར་པ་དག་གིས། ཡང་དག་པའི་དོན་ལ་གླེང་བསླང་བ་དེ་ལ་འཇིགས་སྐྲག་ཞུམ་སྟེ། མི་དགའ་ཞིང་གུད་དུ་བྱོལ་བའི་རྣམ་པར་སྨིན་པ་ཇི་ལྟ་བུ་ལགས། །གསང་བ་མཆོག་གི་བདག་པོས་བཀའ་སྩལ་པ། ཡང་དག་པའི་དོན་གྱིས་འཇིགས་པའི་ཕྲག་དོག་ཅན་དེ་ནི་འཁོར་བའི་གནས་སུ་འ་ས་ཏེ། ཡསྒ་གནོད་སྦྱིན་གྱི་གནས་སུ་ལྟུང་ངོ་། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། རྣལ་འབྱོར་ལས་དང་པོའི་སར་སློབ་པའི་དགེ་སློང་ལྷ་སྦྱིན་ཞེས་བྱ་བ་ཞིག་དོན་དང་ལྡན་པའི་རྣལ་འབྱོར་ཕལ་ཆེན་ཚོགས་པར་གྱུར་པ་ལས་རྣལ་འབྱོར་དེ་དག་གིས་ཡང་དག་པའི་དོན་གླེངས་པ་ལས། ལྷ་སྦྱིན་འཁོར་དང་བཅས་པ་གླེང་བསླང་བ་མི་དགའ་ཞིང་། །ངན་སེམས་ཀྱི་ཕྲག་དོག་སྐྱེས་ནས་རང་གི་གནས་སུ་བྱོལ་ཏེ། དེ་དག་ལ་མི་སྙན་པར་བརྗོད་པས་དེའི་རྣམ་པར་སྨིན་པས་ཡང་དག་པའི་དོན་ལས་གོལ་ཏེ། གནོད་སྤྱིན་ཁ་འབར་མའི་གནས་སུ་སྐྱེས་སོ། །དེ་བས་ན་དེ་བཞིན་དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གལ་ཏེ་གང་ཟག་ལ་ལ་དག་དོན་དང་ལྡན་པའི་རྣལ་འབྱོར་ལ་མ་ངན་སེམས་ཀྱིས་སྒྲོ་སྐུར་འདེབས་པ་དེའི་རྣམ་པར་སྨིན་པ་ཇི་ལྟ་བུ་ལགས། གསང་བ་མཆོག་གི་བདག་པོས་བཀའ་སྩལ་པ། དོན་དང་ལྡན་པའི་སྐྱེས་བུ་ལ་མངན་སེམས་ཀྱིས་ཕྱིར་འདོགས་པ་ནི་མནར་མེད་པར་ལྟུང་སྟེ། ལྕེ་ལ་ཐོང་གཤོལ་འབར་བ་ལྔ་བརྒྱས་འདྲལ་བར་འགྱུར་རོ། །དེ་ཡང་ཇི་ལྟར་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། རྣལ་འབྱོར་དོན་དང་ལྡན་པ་རྣམ་པར་དག་པའི་བློ་གྲོས་ཞེས་བྱ་བ་ལ། མི་འཇིགས་བློ་གྲོས་ཞེས་བྱ་བ་དོན་དང་མི་ལྡན་པ་ཞིག་གིས། རྣམ་པར་དག་པའི་བློ་གྲོས་སྡེ་མང་པོ་སྐྱོང་བའི་སར་མི་འཇིགས་བློ་གྲོས་འོངས་ཏེ། མངན་སེམས་ཀྱིས་སྒྲོ་སྐུར་མང་པོ་བཏད་པས་དེའི་རྣམ་པར་སྨིན་པས་མི་འཇིགས་བློ་གྲོས་མནར་མེད་པར་ལྟུང་ནས། ལྕེལཐོངགཤོལའབརཔ་ལྔ་བརྒྱས་རྨོད་པར་གྱུར་ཏོ། །དེ་བས་ན་དེ་བཞིན་དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གང་ཟག་ལ་ལ་དག་གིས་ཤེས་རབ་ཀྱི་རྣལ་འབྱོར་ཁོང་དུ་མ་ཆུད་པར། སྒྲ་ཐོས་པ་ཙམ་གྱིས་གཞུང་སྤྱད་ན་ཇི་ལྟར་བུར་འགྱུར་བ་ལགས། གསང་བ་མཆོག་གི་བདག་པོས་བཀའ་སྩལ་པ། སྒྲ་ཕྱིར་འབྲེང་བའི་རྣལ་འབྱོར་དེ་ནི་ལོང་བའི་འདུ་ཤེས་ཐོབ་པར་འགྱུར་རོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ། རྒྱལ་བ་རབ་གསལ་འཛིན་ཞེས་བྱ་བ་མཚན་མའི་རྣལ་འབྱོར་ཅན་དེ་ཤེས་རབ་ཀྱི་ཚིག་མེད་པར་སྤྱི་ཡུད་ཙམ་ལ་ལྟོས་ནས། རྣལ་འབྱོར་ཀྱི་ཚུལ་བཟུང་བས། དེའི་དབང་གིས་ལོག་པའི་ཁམས་སུ་ལྟུང་བ་དེ་བཞིན་དུ་ཤེས་པར་བྱའོ། །རིགས་ཀྱི་བུ་དེ་པས་ན་ཤིན་ཏུ་གསང་བའི་ཆོས་འདི་ནི་ཤིན་ཏུ་གོལ་ས་ཆེ་བས། མཉམ་པ་ཉིད་ཀྱི་དོན་ལ་གོམས་པའི་སྒོ་ནས་སྤྱོད་ཅིག་ཅེས་གསུངས་སོ། །དེ་ནས་དེའི་ཚེ་འདུས་པའི་འཁོར་ཚོགས་རྣམས་ངོ་མཚར་བར་གྱུར། རྨད་དུ་གྱུར་ཏེ། རྨད་དུ་བྱུང་བའི་ཆོ་འཕྲུལ་རྣམ་པར་དུ་མ་སྟ་ཅིང་། ཉེས་ལེགས་ཀྱི་ཁྱད་པར་དེ་དག་ལ་རབ་ཏུ་ངོ་མཚར་ནས། མགྲིན་གཅིག་ཏུ་འདི་སྐད་ཅེས་དམ་པའི་གླུ་འདི་བླངས་སོ། །ཨེ་མའོ་ངོ་མཚར་རྨད་ཀྱི་སྟོན་པ་གསང་མཆོག་ཀུན་ཏུ་བཟང་། །གསང་བ་ཀུན་གྱི་མངའ་བདག་ཡེ་ཤེས་རོལ་པའི་མཛོད། །ཀུན་ནས་ཀུན་གྱི་དབང་བསྐུར་དམ་པའི་བདག་ཁྱོད་བཞུགས།ཡིད་དང་འཐད་པའི་བླ་མ་ཁྱོད་ལ་ཕྱག་འཚལ་འདུད། །གསང་སྔགས་ཡོན་ཏན་རྒྱ་མཚོ་གྲངས་མང་བསམ་ཡས་ཀྱང་། །གཞུང་དང་འགལ་བྱས་སྣོད་ངན་སྐྱོན་ཉིད་ལྷུང་གནས་མང་པོ་བརྗོད་མི་ལང་། །ལེགས་དང་ཉེས་པའི་འབྲས་བུ་རྣམ་སྨིན་དེ་ཉིད་ཀྱིས་རབ་གསུངས་པ། །བདག་ཅག་འཁོར་ཚོགས་དགའ་སྤྲོ་གསང་ཉིད་དོན་ལ་འཇུག་ཅེས་དམ་པར་གྱུར། །ཨ་ལ་ཧོ་ཞེས་བྱ་བའི་གླུ་འདིས་མཉེས་པར་བྱས་སོ། །དེ་ནས་སྨྲ་བའི་སེང་གེས་ཕྱག་རྣལ་འབྱོར་གྱི་ལུགས་སུ་བྱས་ཏེ། མཆོད་པ་རྒྱས་པ་དེ་ཁོ་ན་ཉིད་ཀྱིས་མཆོད་དེ། གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གསང་བ་མཆོ་གི་བདག་པོ།གསང་བའི་ཐེག་པ་འདི་བདག་ཅག་འཁོར་དང་བཅས་པ་རྣམས་ལ་བསྒོ་བར་གསོལ། ཅི་ནས་ཀྱང་མ་འོངས་པའི་གང་ཟག་རྣལ་འབྱོར་པ་རྣམས་ལ་ཕན་གདགས་པའི་ཕྱིར་ནན་ཏན་བགྱི་བ་བསྒོ་བར་གསོལ། དེ་ནས་གསང་བ་མཆོག་གི་བདག་པོས་ཞལ་འཛུམ་པ་མཛད་དེ། སྨིན་རིངས་བསྒྱུར་ནས་བཙུན་མོ་རྔམ་པ་ཀྲོ་དྷའི་རྒྱལ་པོ་ལ་རྣམ་པར་འཇུག་པར་གྱུར་ཏོ། །དེའི་ཚེ་ཆོས་ཐམས་ཅད་གཉིས་སུ་མེད་པའི་བྱང་ཆུབ་ཀྱི་རང་བཞིན་དུ་གནས་པར་གྱུར་ཏེ། དེའི་ཚེ་བྱང་ཆུབ་སེམས་དཔའ་དེ་དག་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་ཏུ་བཟང་པོས། བཙུན་མོ་བྱ་བ་མོ་ཀུན་ཏུ་བཟང་མོ་དང་གཉིས་སུ་མེད་པའི་དཀྱིལ་འཁོར་ལ་ཐིམ་པར་མཛད་དོ་།་ ་།་དེ་ནས་བཅོམ་ལྡན་འདས་གསང་བ་མཆོག་གི་བདག་པོས་སྨྲ་བའི་སེང་གེ་ལ་བཀའ་སྩལ་པ། སྨྲ་བའི་སེང་གེ་ད་ངས་ཆོས་འདི་བསྡུས་ཏེ་བཤད་ཀྱི་ཉོན་ཅིག གསང་བ་ཆེན་པོའི་རང་བཞིན་ནི། ། བསྐྱེད་པ་མེད་ཅིང་བསྒྲུབ་པ་མེད། །བསྒོམ་པ་མེད་ཅིང་གཟུགས་ཀྱང་མེད། །ཕྱག་རྒྱ་མེད་ཅིང་འཇུག་སྒོའང་མེད། །འདོད་པ་མེད་ཅིང་བསྲུང་བ་མེད། །བརྟུལ་ཞུགས་མེད་ཅིང་བསྲུང་བའང་མེད། །ཡེ་ནས་རྣམ་དག་བརྗོད་མེད་ཆོས། །སྐྱོན་དང་ཡོན་ཏན་དབྱིངས་སུ་དག །ངོ་བོ་ཉིད་ནི་བརྗོད་དུ་མེད། །དེ་ལ་གསལ་འདྲིས་གོམས་པར་བྱོས། །མེད་པའི་དོན་ལས་ཀུན་འབྱུང་བ། །གསལ་འདྲིས་གོམས་པར་བྱ་བའི་ཕྱིར། །སྨྲ་བའི་སེང་གེ་ཁྱོད་ཉིད་ཀྱིས། །ཚིག་དོན་མ་ལུས་ཐམས་ཅད་ཀུན། ཁེས་རབ་བློ་ལ་གསལ་བསྡུས་ནས། །མི་ནུབ་རྒྱལ་མཚན་རྩེ་མོ་ལྟར། །ནན་ཏན་གྱིས་ནི་བརྩོན་འགྲུས་བྱའོ། །ཞེས་གཏད་དོ། །དེ་ནས་སྨྲ་བའི་སེང་གེས་ཨ་ལ་ལ་ཧོ་ཞེས་པའི་སྒྲ་ཕྱུང་སྟེ། ཡིད་ཀྱི་དཀྱིལ་འཁོར་པཟློ་ལྟ་བུའི་སྒོ་ཕྱེ་སྟེ་གསང་བའི་དོན་འདི་ཉིད་ཐུགས་རིན་པོ་ཆེ་ལ་གཞག་སྟེ་གསུང་གི་དཀྱིལ་འཁོར་དུ་གནས་སོ། །དེ་ནས་སྨྲ་བའི་སེང་གེས་བཅོམ་ལྡན་འདས་གསང་བ་མཆོག་གི་བདག་པོ་དང་། གསང་བའི་མདོ་འདི་ཉིད་དང་། འདུས་པའི་འཁོར་ཚོགས་རྣམས་ལ་བསྟོད་པའི་གླུ་འདི་བླངས་སོ། །ཨོ་ཕྱོགས་བཅུ་དུས་བཞི་རྒྱལ་བའི་སྐུ་གསུང་ཐུགས། །གསང་བ་མཆོག་གི་དབང་པོ་བྷ་ག་ཡོངས་ཀྱི་གཏེར། །གསང་བ་ཡུམ་དང་གཉིས་མེད་རོལ་པའི་ཆོ་འཕྲུལ་བདག །འདུལ་དབང་འཇིགས་བྱེད་ཞི་ཁྲོ་ཀུན་གྱི་བདག་པོ་མཆོག །ཐམས་ཅད་མཁྱེན་པའི་སྟོན་མཆོག་གཅིག་པུ་ཁྱོད་ལ་ཕྱག་འཚལ་བསྟོད། །ཨོ་བསམ་གྱིས་མི་ཁྱབ་ཆོས་ཀུན་འདུས་པའི་གཙོ། །ལུང་དང་རིགས་པ་གཏན་ཚིགས་ཀུན་གྱི་གནས། །རྒྱུད་ལུང་མན་ངག་ཀུན་གྱི་འབྱུང་གནས་གཙོ། །ཕྱི་རབས་རྣལ་འབྱོར་ཀུན་གྱི་ཡིད་ཆེས་གཏེར། །གསང་བའི་ཡང་གསང་མཛད་ལ་ཕྱག་འཚལ་བསྟོད། །ཨོ་ཕྱོགས་བཅུའི་ཞིང་རྣམས་ཀུན་ནས་འདུས་པའི་གཙོ། །རྒྱལ་བ་སྲས་བཅས་ཡུམ་ཚོགས་སྤྲུལ་པར་བཅས། །ཉིད་ལས་མི་གཞན་འཁོད་དུ་སྐུ་སྤྲུལ་པ།དབྱིངས་ཀྱི་ངང་ལས་མི་འདའ་དམ་ཚིག་ཅན། །ཞི་ཁྲོའི་འཁོར་ཚོགས་རྣམས་ལ་ཕྱག་འཚལ་བསྟོད། །ཧོ །ཨ་ལ་ལ་ཧོ་ཞེས་བརྗོད་པས་ཐམས་ཅད་མཉེས་པར་གྱུར་ཏོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོས་ཧཱུཾ༷་ཞེས་བརྗོད་པ་ཙམ་གྱིས། དཀྱིལ་འཁོར་དེ་དག་ཐམས་ཅད་ཐུགས་གསང་བའི་མཛོད་དུ་ཐིམ་པར་གྱུར་ཏེ་མི་སྣང་ངོ་། །གསང་བ་མཆོག་གི་བདག་པོ་ཉིད་ཀྱང་དུས་བཞི་མཉམ་པའི་དབྱིངས་ལས་མི་གནས་པའི་ཚུལ་གྱིས་རྣམ་པར་གནས་སོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས། གསང་བ་ཕྱི་མ་རྣམ་པར་བཀོད་པའི་ལེའུ་སྟེ་བཅུ་བདུན་པའོ།། །།འཕགས་པ་

Ngb-pt-0162-vol-02-text

Front[edit]

Body[edit]

Navigation menu

Search