Ngb-pt-0154-vol-02-text
Front[edit]
Body[edit]
སོ།། །། རྒྱ་གར་སྐད་དུ། བོ་དྷི་ཙིསྟ་བྷ་བ་ན་ཏནྟྲ། བོད་སྐད་དུ། བྱང་ཆུབ་ཀྱི་སེམས་སྒོམ་པའི་རྒྱུད། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བཤད་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ཁྱད་པར་དུ་གྱུར་པའི་སྙིང་པོ་ཉིད་མ་ལུས་མི་ལུས་ལུས་པ་མེད་པ་དང་དབྱེར་མེད་པའོ། །མཁའ་དབྱིངས་དག་པའི་གཞལ་ཡས་ཁང་ཡོན་ཏན་གྱི་མེ་འོད་འབར་བ་ན། རྟག་པར་ནི་ཀུན་ཏུ་ཞལ་རྒྱས་པར་གསལ་ལོ། །ཀུན་གྱི་རང་བཞིན་གྱི་ཐུགས་རྗེ་ཆེན་པོའི་མཐུ་ལས། ལོངས་སྤྱོད་ཆེན་པོའི་སྐུ་དང་མཐུན་པར་སྣང་བའི་སྐུ་ལ་སོགས་པ་བསམ་ཡས་པ་རྨད་དུ་བྱུང་བར་གྲགས་སོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན་བདག་ཉིད་ཆེན་པོའི་སྐུ་ལ། གང་ཡང་མ་ལུས་པར་ཡེ་ནས་འདུས་ཏེ་གཉིས་སུ་མེད་པར་བརྟགས་པས། དེ་ནས་གཉིས་སུ་མེད་པའི་བདག་ཉིད་ཆེན་པོས་ཉིད་ཀྱིས་ཉིད་ལ་ཆེད་དུ་བརྗོད་པ་འདི་ཆེད་དུ་བརྗོད་དོ། །ཀུན་གྱི་རང་བཞིན་ཞི་བ་འདི་ལ་བསམ་ཞིང་བླང་མེད་ལམ་མཆོག་སྟེ། །མྱ་ངན་འདས་དང་འཁོར་བ་གཉིས་མེད་ཡང་དག་ཉིད། ཆོས་ཀྱི་སྙིང་པོ་ཕྱི་ནང་མ་ལུས་ཆོས་རྣམས་ཀུན་གྱི་གཞི། །བདེ་གཤེགས་ཀུན་གྱི་ཡུམ་གྱུར་གསང་བའི་དབྱིངས་ཕྱུག་མ། །དེ་བཞིན་ཉིད་ཀྱི་ངང་བཙན་བདེ་བ་ཆེན་པོའི་རྒྱ་མཆོག་ཉིད། །ཐམས་ཅད་རང་བྱུང་དཀྱིལ་འཁོར་འདིར་ནི་རྣམ་པར་དག །བདེ་དང་མི་བདེ་གཉིས་མེད་ཡེ་ནས་རྫོགས་པའི་ཆོས། །མི་སྐྱེ་མི་འགག་ཅིར་ཡང་མི་དགོངས་དམིགས་སུ་མེད། །བྱང་ཆུབ་ཀྱི་སེམས་སྒོམ་པའི་རྒྱུད་ལས། །དོན་དམ་པའི་གླེང་གཞིའི་ལེའུ་སྟེ་དང་པོའོ།། །།དེ་ནས་བདག་ཉིད་ཆེན་པོས་ངོ་མཚར་བའི་ཚིག་འདི་ཉིད་ལ། ཉིད་ཀྱིས་ཆེད་དུ་བརྗོད་པ། ཨེ་ཨེ་མ་ཨེ་མ་ཧོ། །ངོ་མཚར་གསང་བ་རྨད་དུ་བྱུང་བའི་ཆོས་ཆེན་པོ། །སུས་ཀྱང་མ་བཅོས་མ་གསུངས་མ་བྱས་ངང་གིས་གསལ། །སྐྱེ་བ་མེད་པས་ཐམས་ཅད་སྐྱེས་ཀྱང་སྐྱེ་བ་མེད། །མིང་དང་ཐ་སྙད་འཛིན་པ་ཐམས་ཅད་ཡེ་ནས་སངས་རྒྱས་ཡིན། །དེ་ནས་ཡང་ངོ་མཚར་བའི་རྨད་དུ་བྱུང་སྟེ་མ་རྟོགས་པ་ལ་ངོ་མཚར་ཚིག་འདི་ཆེད་དུ་བརྗོད་དོ། །མ་རིག་ལོག་ཞབྲུལ་རྟོག་པའི་གཟུང་འཛིན་གྱིས། །མེད་ལ་ཡོད་བརྟགས་རྟེན་འབྲེལ་གཉིས་སུ་འཁོར། །བྱ་བྱེད་ལས་འཕགསརང བཞིནཉིདལསཉམས་པ་མེད། །བདག་ཉིད་གཉིས་མེད་བདེན་པ་མ་མཐོང་བས། །སྒྱུ་མ་ལ་སོགས་དངོས་པོར་འཛིན་པས་ཡང་དག་ཉམས། །བླུན་པོ་གང་ཞིག་མཁའ་ལ་མདུད་པ་འདོར་བ་འདྲ། །དེ་ནས་བདག་ཉིད་ཆེན་པོ་གཞི་དང་རྩ་བ་མེད་པ་ཉིད་ལ་ཉིད་ཀྱིས་བརྗོད་པ། །རྒྱུ་འབྲས་མི་འབྱེད་གཞི་དང་རྩ་བ་མེད་པའི་ཆོས་ཆེན་པོ། །མི་དམིགས་དམིགས་པ་མེད་ལས་དམིགས་པ་སྣ་ཚོགས་འབྱུང་། །བསྒྲུབ་ཏུ་མེད་ཅིང་གྲུབ་པར་བྱ་བ་འདི་ལ་ཅི་ཡང་མེད། །ཇི་བཞིན་ཉིད་ཀྱི་ངང་ཉིད་ཡིན་པས་བཙན་སར་གནས་པ་སྟེ། །དམིགས་དང་མི་དམིགས་རྩོལ་བའི་ནད་དང་བྲལ་བས་ན། །གཉེན་པོས་བཅོས་སུ་རྡུལ་ཙམ་མེད་པ་ཡིན། ་རྐོན་ཏུ་བརྟག་དཀའ་གཏིང་དཔག་བསམ་ཡས་པ། །རྒྱུ་དང་འབྲས་བུར་འདོགས་པའི་སྤྱོད་ཡུལ་མིན། །བྱང་ཆུབ་ཀྱི་སེམས་སྒོམ་པའི་རྒྱུད་ལས། རྫོགས་པ་ཆེན་པོ་ལ་ངོ་མཚར་བའི་ཚིག་བསྟན་པ་དང་། དེ་མ་རྟོགས་པ་ལ་ངོ་མཚར་བ་དང་དོན་དམ་པའི་རང་བཞིན་བསྟན་པའི་ལེའུ་སྟེ་གཉིས་པའོ།། །།དེ་ནས་དོན་དམ་པའི་རང་བཞིན་དེ་རྟོགས་ཤིང་ཤེས་པར་བྱ་བ།གཉིས་སུ་མེད་པའི་བདག་ཉིད་ཆེན་པོ་དེ་ཉིད་ཀྱིས་ཉིད་ལ་བརྗོད་པ། །སེམས་ཀྱི་རང་བཞིན་ཀུན་གྱི་མཆོག་སྟེ་བླང་དོར་མེད་པའི་རྒྱལ་པོ་ཡུམ། །མི་ལྡོག་ས་ལ་སོགས་པ་དབང་བཅུ་རྒྱལ་བ་ཀུན་དང་གཅིག་བརྙེས་པ། །གནས་གསུམ་མཉམ་ཉིད་དེ་ལ་མཚན་མེད་ཡིད་ཀྱིས་རབ་ཏུ་དེ་ལ་དད་པས་མོས། །སྟོན་པ་འཇིག་རྟེན་སྒྲོན་མར་གྱུར་གྱིས་མཚུངས་པར་རབ་བསྔགས་པ། ཆོས་ལ་ཆོས་ཉིད་སྙིང་པོར་གྱུར་པ་འཇམ་དཔལ་གཞོན་ནུའི་སྙིང་པོ་ཉིད། །བདེ་གཤེགས་མ་ལུས་ཡུམ་དུ་གྱུར་པས་རྒྱལ་བ་ཀུན་གྱི་ཡུམ་གཅིག་པོ། །ཚུལ་ཁྲིམས་ལ་སོགས་ཕ་རོལ་ཕྱིན་ལམ་སྤྱོད་པ་རྒྱ་མཚོའི་གཞིར་གྱུར་པ། །རྣམ་དག་བྱང་ཆུབ་སེམས་ཀྱི་ངང་ཚུལ་བསྒོམ་དང་ཡོན་ཏན་ཁྱད་པར་ནི། །བློ་ལྡན་ནམ་ཞིག་སེམས་ཀྱི་དམ་པ་དེ་ནི་མངོན་དུ་གྱུར་པ་ན། །དེ་ལ་སྐུ་གསུམ་མཆོག་ཏུ་གྱུར་པ་ཆོས་ཀྱི་སྐུ་ཞེས་རྒྱལ་བས་གསུངས། ་།ས་བྱེད་དམ་པར་གྱུར་པ་ཤེས་རབ་སྤྱན་ཞེས་ཀྱང་ནི་དེ་ལ་བྱ། །རྡོ་རྗེ་རྩེ་མོའི་མཆོག་ཉིད་མི་རྟོག་ཡེ་ཤེས་དེ་ཡང་དེ་ཉིད་དོ། །ཇི་སྙེད་འཕགས་པའི་རྣམ་གྲོལ་ཆོས་སུ་བསྟན་པ་དེ་དག་ཐམས་ཅད་ཀྱང་། །བྱང་ཆུབ་སེམས་ཉིད་རྫོགས་ལམ་དེ་ཡི་ཡོན་ཏན་དེ་དག་དེ་ལས་འབྱུང་། །འཕགས་པའི་རིགས་ཆེན་འཆི་མེད་བྱང་ཆུབ་སེམས་དཔའ་དེ་དག་ཐམས་ཅད་ཀྱང་། །དེ་མེད་མི་འབྱུང་དེ་ཕྱིར་དེ་ནི་རྣམ་གྲོལ་མཆོག་གི་ལམ་ཉིད་དོ། །བླ་མེད་རང་བཞིན་མཆོག་གི་མཆོག་ཉིད་འདི་ནི་ཀུན་གྱི་མཆོག །གཞི་རྩ་མེད་པའི་སེམས་ཉིད་རིན་ཆེན་ནོར་འདྲ་ལ། །མཚོན་དུ་མེད་པ་རིགས་རྒྱུད་མེད་དེ་གང་ཡང་ཡོད་མ་ཡིན། །ཅིས་ཀྱང་གཞིག་ཏུ་མེད་པའི་ཕྱིར་ནི་རྡོ་རྗེ་ཉིད། །མི་འགྱུར་བདེ་བའི་ཀླུང་ན་དེ་བཞིན་དེ་གནས་པའི། །བྱང་ཆུབ་སྙིང་པོའི་ཆོས་འདི་མི་དམིགས་བྱང་ཆུབ་སེམས་མི་དམིགས། །འདི་ནི་ཡང་དག་ཉིད་དེ་དྲང་སྲོང་རྣམས་ཀྱི་ལམ་གྱི་མཆོག །སེམས་ཀྱིས་སེམས་ཉིད་དེ་ལྟར་མཐོང་ན་བདེ་བའི་མཆོག །རང་བཞིན་མེད་པའི་སེམས་ལ་རང་རིག་དེ་བཞིན་བཞག །མ་བསམས་མ་བཙལ་དེ་བཞིན་གནས་པ་བསྒོམ་པ་ཡིན། །དེ་ན་ཀུན་ཏུ་རྡོ་རྗེ་སེམས་དཔའ་ཅ་འདྲ་བསྒོམ་པ་བྱས་པར་་གྱུར། །ཕྲ་ཞིང་ཤེས་དཀའ་དྲང་སྲོང་ཆེན་པོའི་ལམ་འདི་མི་རྟོག་རྟོག་ལས་འདས། །རྟོག་པར་དཀའ་ཞིང་བསྟན་པར་དཀའ་ལ་བརྗོད་པའི་ཐ་སྙད་རྣམས་དང་བྲལ། །ཚིག་གིས་མི་ཕེབས་གཞན་དང་བྱིས་པ་ཀུན་གྱི་སྤྱོད་ཡུལ་མ་ཡིན་ཡང་། །སྟོན་པར་ངེས་པའི་ལུང་དང་བླ་མ་རྣམས་ཀྱི་མན་ངག་དེ་ཉིད་དོན་འདིར་བལྟ། །མངོན་སུམ་ལ་སོགས་རྒྱུ་ཡིས་དངོས་པོ་འཇིག་ཅིང་གྲུབ་པའི་མཐའ་དཔྱོད་པ། །དེ་ཉིད་རྟོག་པའི་རྒྱུན་འབྲངས་སྤྱོད་ཡུལ་ཚད་མར་བཞག་ནས་བློ་ཡིས་འཇིག་བྱེད་དེ། །རྟོག་མཐའ་མེད་ཕྱིར་དབྱོད་མཐའ་མེད་དེ་སྙིང་པོ་མེད་ན་ཚད་མར་གང་། །དེ་ཕྱིར་འཇིག་རྟེན་ཐ་སྙད་བཏགས་པ་རྣལ་འེབྱོར་ལམ་འདིར་མི་དགོས་སོ། །ཕྱོགས་དུས་མཉམ་ཉིད་རྣམ་པར་དག་པ་ཡེ་ནས་ཡིན་པས་ན། །སྣ་ཚོགས་ཆོས་རྣམས་ཀུན་ལ་ཇི་ལྟར་འདོད་དབང་བསྒྱུར། །འཇིག་རྟེན་འདས་དང་འཇིག་རྟེན་མ་འདས་ཐམས་ཅད་ཀུན། །ཡང་དག་ཤེས་པས་རབ་ཏུ་བརྟགས་པས་རྟོགས་འགྱུར་ན། །རང་བཞིན་མཉམ་པ་མེད་ལས་ཅིར་ཡང་སྣང་ཞིང་འབྱུང་། །ཇི་ལྟར་སྣང་བ་ཉིད་ནའང་དབྱིངས་ཀྱི་རང་བཞིན་དེ་བཞིན་ཉིད་ཡིན་ཏེ། །དེ་ལྟར་རྟོག་པར་གྱུར་པའི་རང་བྱུང་ཡེ་ཤེས་སྙིང་པོ་ནི། །སྣ་ཚོགས་ཆོས་རྣམས་ཀུན་ལ་དབང་ཡང་བསྒྱུར་བས་མི་ཉམས་ཏེ། །དེ་ཕྱིར་ཚད་བཞི་རྒྱུ་འབྲས་འདོད་པའི་ཐ་སྙད་པ་ནི་ཚད་མར་འཇོག་མོད་ཀྱི། །རྒྱུ་ཡི་འབྲས་བུ་དམ་པའི་ཡུལ་འདི་ཚད་མས་གཞིག་ཏུ་ག་ལ་ཡོད་དེ་མེད། །དཔེ་དང་ཚད་མས་རྙེད་མིན་གསང་སྔགས་རྒྱ་མཚོ་ཆེན་པོ་འདི། །ཡོངས་བསྲུབས་ཀུན་བསྐྱེད་སྙིང་པོར་གནས་ཏེ་འབྲས་བུའང་ཡིན། །བྱང་ཆུབ་ཀྱི་སེམས་སྒོམ་པའི་རྒྱུད་ལས། དོན་དམ་པའི་རང་བཞིན་རྟོགས་པར་བྱ་བའི་ཐབས་བསྟན་པ་དང་། ཚད་མས་གཞིག་ཏུ་མེད་པར་བསྟན་པའི་ལེའུ་སྟེ་གསུམ་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་པོ་ཆེན་པོ་དེས། ཉིད་ལ་ཉིད་ཀྱིས་བསྒོམ་དུ་མེད་པའི་དོན་བརྗོད་པ། །ཡངས་སོ་ཆེའོ་ཤིན་ཏུ་ཕྲ་བའི་ཆོས་ཉིད་འདི། །རྒྱུ་འབྲས་མི་འཕྱེད་ངང་གིས་བཙན་པས་དེ་བཞིན་ཉིད། །རང་བཞིན་གནས་པས་བྱ་མེད་བདེ་བའི་ཀླུང་ཆེན་པོ། །རྣ་བས་གཞན་ནས་ཐོས་པར་མི་རུང་ཚིག་ལས་འདས། །ལྕེས་ཀྱང་བརྗོད་དུ་མི་རུང་སྣོད་བཅུད་ཡེ་ནས་རྣམ་པར་དག །བླང་དོར་མེད་པའི་རྡོ་རྗེའི་སྐུ་སྟེ་རྫོགས་པའི་སྐུ། །དྲང་སྲོང་བདེན་པར་བཞུགས་པ་རྣམས་ཀྱིས་བརྟག་མི་བྱ། །དོན་འདིས་བརྟགས་པས་མི་རྟོག་ཀླུང་ལས་ཉམས། །ཆོས་ཀྱི་སྙིང་པོ་འདི་ལ་བསྒོམ་དུ་ཅི་ཡང་གྲུབ་པ་མེད། །གང་ཡང་དམིགས་ན་མཚན་མེད་མཚན་མ་འདྲ་སྟེ་རྟོགས། །མི་རྟོག་པ་ཉིད་རྟོགས་པའི་ཀླུང་སྟེ་ཡེ་༄༅། ཁེས་སྐྱེ། །གང་ཡང་སྣང་བ་མེད་པའི་ཆོས་ཉིད་ལམ་མཆོག་ལ། །མ་བཙལ་བསམ་དང་བྲལ་ན་བསྒོམ་པའི་ཀླུང་། །བཙལ་ཞིང་བརྟགས་ན་ལམ་མཆོག་དེ་ལས་གོལ། །དེ་ལས་དེ་བཞིན་བདེ་བ་མི་འབྱུང་རྒྱུ་འབྲས་ཅན། །བསྒོམ་དུ་མེད་བཞིན་དམིགས་པར་བྱེད་པ་སྨིག་རྒྱུ་ཆུ་བྱེད་འདྲ། །བྱང་ཆུབ་ཀྱི་སེམས་སྒོམ་པའི་རྒྱུད་ལས། སྒོམ་པའི་ཐབས་བསྟན་པའི་ལེའུ་སྟེ་བཞི་པའོ།། །།དེ་ནས་གཉིས་སུ་མེད་པའི་བདག་ཉིད་ཆེན་པོས་ཐེག་པ་ཆེན་པོའི་དོན་དང་མཚན་ཉིད་ཉིད་ལ་ཉིད་ཀྱིས་བརྗོད་པ། སེམས་ནི་རྡོ་ཤིང་འདྲ་སྟེ་དགེ་དང་མི་དགེའི་ལས་མི་སྦྱོད་པ་དམ་པའི་སེམས་ཡིན་ནོ། །དོན་དམ་ཉིད་ལ་མིང་དང་མཚན་མ་མེད་དེ་སེམས་ཀྱིས་དམིགས་པར་ནུས་པ་མ་ཡིན་ངག་གིས་བཤད་པར་ནུས་མ་ཡིན། །སེམས་གཡོས་པ་ན་མཚན་མ་ཉིད་དེ་མཚན་མའི་རྒྱུ་ལ་མིང་བཏགས་པ་དེ་མིང་དང་མཚན་མ་ཞེས་བྱའོ། །རྣམ་པར་རྟོག་པ་གང་ཡང་ལེན་ཞིང་ཆགས་ན་དེ་མིང་སྒྱུ་མ་མི་བདེ་བ་ཡི་འདུ་ཤེས་ཡིན། མིང་དང་མཚན་མ་གང་ནའང་མེད་པར་རྟོགས་ཤིང་ཤེས་ན་དེ་མིང་ཡང་དག་པ་ཡི་ཡེ་ཤེས་སོ། །མིང་དང་མཚན་མ་ཅི་ཡང་རང་རིག་ཡིད་ལས་མ་སྐྱེས་པ་ནི་དེ་བཞིན་ཉིད་ཅེས་བཤད། །ཐེག་པ་ཆེན་པོ་གང་ན་བདེན་པ་བཞིན་དུ་རྣམ་པར་ཤེས་པ་མི་གཡོ་ཞིང་ནི་སེམས་ཀྱི་རྒྱུ་ཉིད་སྐྱེ་བ་མེད་པའོ། །རྣམ་པར་རྟོག་པ་མེད་པ་གང་ན་ད་ལྟར་གྱི་ནི་རྣམ་པར་ཤེས་པ་མི་སྐྱེའོ། །སངས་རྒྱས་སྤྱོད་པ་ཇི་ལྟ་བུ་ན་སེམས་མེད་པར་ཤེས་ཆོས་ལ་ཆོས་མེད་པར་ཤེས་པའོ། །སེམས་གཟུགས་མེད་ལ་ཤེས་པ་ཡོད་པ་གང་ན་སེམས་ལ་ཆོས་ལ་གཟུགས་མེད་པ་དེ་ཤེས་དང་མི་ཤེས་པའོ། །ཕོ་མོ་ཁྱིམ་པ་རབ་ཏུ་བྱུང་བ་སེམས་ཅན་སངས་རྒྱས་ལ་སོགས་མཐོང་བ་དེ་དག་མ་གཡོས་པ་ན་ཡང་དག་པ་བཞི་ཆོས་ལམ་སྤྱོད་པ་ཡིན། །སེམས་དེ་ཤེས་པར་བྱ་བའི་ཕྱིར་ན་བསྒོམ་པའི་མིས་ནི་སུ་ལའང་བརྟེན་པར་མི་རིགས་ཏེ། །བརྟེན་པའི་མི་རྣམས་མི་རྒོད་སེམས་དང་ཆས་ཤིང་ཁེ་སོགས་ཅི་ཐོབ་ཚོལ་བ་ཡིན་པས་བསྒོམ་ལ་གནོད་ཕྱིར་རོ། །སེམས་རྟོགས་བསྒོམ་པའི་མིས་ནི་འགྲུས་པར་གསུངས་བ་ཉིན་མཚན་ལེ་ལོ་མི་བྱེད་པའོ། །ཆོས་རྣམས་ཐམས་ཅད་བརྟགས་པ་ཡོད་ཕྱིར་བརྫུན་ཏེ་བདེན་མེད་ངེས་པ་མེད་པར་འཆི་ཚེ་འཇིགས་མེད་ལ། བག་ཆགས་དེ་མཐུས་དམྱལ་བའི་བག་ཚ་མེད་དེ་སངས་རྒྱས་ཉིད་ལས་དམྱལ་སོགས་མིང་ཡང་མེད། །ཆོས་རྣམས་ཐམས་ཅད་ངོ་བོ་ཉིད་ཀྱིས་སྟོང་པ་དེ་ནི་སངས་རྒྱས་རྣམས་ཀྱི་ཡང་དག་པ་ཡི་ལམ་ཡིན་ནོ། །དེ་ལྟར་རྟོགས་ནས་དེ་ཐོབ་པ་ལ་དེ་ཉིད་སངས་རྒྱས་ཡིན་པར་སངས་རྒྱས་གསུངས། །དེ་འདྲའི་ཆོས་འདི་རྟོགས་ནས་གཞན་ལ་འཆད་པ་དེ་ནི་འཁོར་བའི་སེམས་ཅན་སྒྲོལ་ལ་མཁས་པ་ཡིན། །དུས་གསུམ་སངས་རྒྱས་ཀྱིས་ཀྱང་འདི་བཞིན་རྟོགས་ཤིང་ཐོབ་ལས་བྱུང་ནས་མཚན་དཔེ་དོད། །ངོ་བོ་ཉིད་ཀྱིས་སྟོང་པ་འད་མ་རྟོགས་པར་གཞན་ན་ཆོས་དབྱིངས་མེད་ཅིང་འབྲས་བུ་སངས་རྒྱས་མེད། །ངོ་བོ་ཉིད་སྟོང་སྤྱོད་པ་སྟོང་པའི་ངོ་བོ་ཉིད་ལ་མ་ཆག་པར་ན་དེ་ཉིད་མྱ་ངན་འདས་པའོ། །ཡང་དག་དོན་འདི་ཚིག་གིས་བཤད་དུ་མི་རུང་ཚིག་དང་བཤད་པས་སླེབ་པར་ནུས་མ་ཡིན། །བྱང་ཆུབ་སེམས་སྒོམ་པའི་རྒྱུད་ལས། ཐེག་པ་ཆེན་པོ་མདོ་སྡེའི་དོན་དང་མཚན་ཉིད་བསྟན་པའི་ལེའུ་སྟེ་ལྔ་པའོ།། །།དེ་ནས་གཉིས་སུ་མེད་པའི་བདག་ཉིད་ཆེན་པོས་གཉིས་སུ་མེད་པའི་དོན་ཉིད། །ཉིད་ཀྱིས་ཉིད་ལ་ཆེད་དུ་བརྗོད་པ་ཆེད་དུ་བརྗོད་དོ། །བྱང་ཆུབ་སེམས་ནི་ཡོན་ཏན་ཐམས་ཅད་འབྱིན་པའི་ནོར་བུ་ཉིད་དེ་ཐེག་པའི་མཆོག །ཁྱད་པར་མཆོག་ཏུ་གྱུར་ཅིང་ཀུན་གྱིས་རབ་ཏུ་བསྔགས་པ་རྫོགས་ཆེན་ཡིན། །ཀུན་གྱི་རང་བཞིན་བྱ་བྲལ་ཡངས་པའི་སྙིང་པོ་འདི་ནི་བསྒོམ་དུ་རྡུལ་ཙམ་མེད། །དེ་ནི་སྐྱེ་མེད་བྱང་ཆུབ་སེམས་ཀྱི་རང་བཞིན་དངོས་མེད་དམིགས་སུ་མེད་པས་སོ། །བྱང་ཆུབ་སེམས་ནི་དེ་བཞིན་ཉིད་ལས་ངང་གིས་འདའ་མི་བྱེད། །དེ་ལྟར་དེ་བཞིན་གནས་པ་འདི་ལ་དེ་བཞིན་གཤེགས་པ་ཀུན་གནས་འདི་ལ་དགོངས། །དེ་བཞིན་གཤེགས་པའི་ཐུགས་ཉིད་དེ་བཞིན་ཉིད་དེ་དེ་བཞིན་ཉིད་ལས་དེ་མི་འབྱུང་། །དེ་ནི་རྣམ་དག་ཆོས་སྐུ་དྲི་མེད་འོད་གསལ་བདེ་ཆེན་ལྷུན་གྲུབ་ས་ཡང་ཡིན། །མཁའ་དབྱིངས་གཞལ་ཡས་ཀུན་ཏུ་འོད་ཀྱི་ས་ལས་འདས་པའི་བླ་མེད་ཐེག་ཆེན་འདི། །ཐེག་པ་ཀུན་གྱི་ནད་གསོ་མཛད་པའི་སྨན་པའི་རྒྱལ་པོ་སྟེ། །འདི་ལས་ཟབ་པའི་ཆོས་ནི་གང་ནའང་མེད་པ་ཡིན་ཏེ་ཤིན་ཏུ་ཕྲ། །འདི་མ་མཐོང་བར་གང་གྭའི་བྱེ་སྙེད་སངས་རྒྱས་མཐོང་ཡང་ཡང་དག་བྱང་ཆུབ་མེད། །ཐེག་གཞན་བློ་ཡི་གཏིང་དུ་སྣང་ཞིང་ཡེ་ཤེས་ཆེན་པོའི་ལམ་སྦྱངས་བྱས་ཀྱང་རྟོག་པའི་ཀླུང་། །བློ་ཡི་རིམ་པས་ཡུན་རིང་ཡུན་དུ་བསྒྲུབས་ན་གྲུབ་མཐའ་མཐར་འཛིན་ཁོ་ན་དེ་ཉིད་དོ། །ཐེག་གཞན་གྲུབ་མཐའ་འདི་ནི་ཅིར་ཡང་དམིགས་སུ་མེད་དེ་ཀུན་གྱི་རང་བཞིན་ཡིན། །འདི་ལས་ཡ་མཚན་འཕྲུལ་གྱི་ཡེ་ཤེས་འོད་འབར་དེ་ནི་ཀུན་ལ་ཁྱབ་པར་གསལ། །འདིར་མ་འཁྱིལ་བའི་ཆོས་ནི་གང་ནའང་མེད་དེ་ཐིག་ལེ་དག་པའི་སྐུ། །འདི་ནི་དམིགས་ཤིང་བསྒོམ་དུ་མེད་དེ་བསྒོམ་པའི་ཐ་སྙད་འདས། །ལམ་དུ་བགྲོད་དུ་མེད་དེ་ལམ་མཆོག་ལམ་གྱི་ཕུལ་ཏེ་དེ་བཞིན་ལམ་ཕུགས་ཉིད། །འདི་ལ་རྟོགས་པར་བྱར་མེད་ཀུན་སངས་རྒྱས་པ་ཡེ་ནས་ཡིན། །འཁོར་བ་མྱ་ངན་འདས་པ་གཉིས་མེད་མཉམ་པའི་རྒྱལ་པོ་བླང་དོར་མེད། །དེ་བཞིན་ཉིད་མ་གཏོགས་པའི་ཆོས་རྣམས་གུད་ན་ཡོད་མ་ཡིན། །ཆོས་འདི་སྣང་བ་ཐམས་ཅད་འདུ་བྱེད་རྒྱུན་དང་བཅས་པའི་མཐུ་ཉིད་སྣང་བ་སྟེ། །རྒྱུན་རྟོགས་བག་ཆགས་རྒྱུན་མ་ཆད་པར་སྣང་བ་ཡིན་པས་སྣང་བའི་དངོས་པོ་བརྟག་མི་བྱ། །དེ་དག་སེམས་ཀྱི་འབྱུང་འཇུག་རྒྱུན་བཅད་ཕྱིར་ན་ཡེ་སངས་རྒྱས་པ་ལས། །གཞན་དུ་མི་བསམ་དེ་ཉིད་དེ་བཞིན་གྱི་ནར་དེ་བཞིན་ཉིད། །སེམས་ཀྱི་ཕུར་པ་དེ་བཞིན་གཏིང་དུ་བཏབ་ནས་བཞག་པ་དེ་ལས་དབྱུང་མི་བྱ། །འགུལ་ཞིང་གཡོ་བའི་ཚེ་ན་བཅིང་ཞིང་འབྱུང་དུ་གཞུག་པར་ཡོངས་མི་བྱ། །བྱང་ཆུབ་ཀྱི་སེམས་སྒོམ་པའི་རྒྱུད་ལས། དོན་གྱི་སྙིང་པོ་རང་བཞིན་ཡོན་ཏན་དང་བཅས་པའི་ལེའུ་སྟེ་དྲུག་པའོ།། །།དེ་ནས་ཡང་གཉིས་སུ་མེད་པའི་བདག་ཉིད་ཆེན་པོས། །ཀུན་ནས་ཉོན་མོངས་པའི་མཚན་ཉིད་ཉིད་ལ་ཉིད་ཀྱིས་བརྗོད་པ། །དངོས་པོའི་མཐའ་ཡི་རྒྱུ་ནི་ལོ་རྒྱུས་དག་ལས་ལམ་འདི་བརྟག་པར་བྱ། །སྐྱེ་བོ་ཀུན་གྱི་སེམས་ལ་མངོན་སྣང་ཕྱི་ནང་གྲགས་པའི་ཆོས་འདི་ནི། །འཛིན་པ་དྲུག་གིས་ཇི་ལྟར་མཐོང་ཞིང་བརྟགས་པ་དེ་ལྟར་མ་ཡིན་འཁྲུལ། །རང་གི་རྟོག་པས་མྱོས་པ་དེ་བཞིན་གཟུང་བ་དེ་ཉིད་བདེན་གྱུར་ན། །དེ་དག་དངོས་པོ་མེད་རྟོགས་དགྲ་བཅོམ་འདྲ་བར་འགྱུར་བར་རིག །དེ་དག་དུས་དགྲས་འཇོམས་དང་སྡུག་བསྔལ་ཉེན་ལས་དེ་འཁྲུལ་མངོན་པར་འགྱུར། གཞན་དུ་སྐྱེ་མཆེད་བསྒོམས་ནས་རིག་པ་དེ་དག་ཚད་མར་གྱུར་ན་ནི། །དེ་ཉིད་ཚད་མར་གྱུར་པས་འཕགས་པའི་ལམ་དེ་སུ་ལའང་དགོས་མི་འགྱུར། །ལམ་མེད་རྣམ་གྲོལ་ལམ་དུ་བསྟན་ཞིང་དབང་པོའི་ཤེས་པས་མ་ཐར་ཏེ། །སྡུག་བསྔལ་འགའ་ཡང་མི་འཇིལ་རྣམ་རིག་ཤེས་ཏེ་ཉོན་མོངས་སྐྱེ་བའི་གནས། །དེ་ཕྱིར་སྐྱེ་བོས་མཐོང་བ་དེ་དག་འཁྲུལ་པར་མངོན་ཞིང་རྒྱལ་བས་གསུངས། དེ་ལ་འཁྲུལ་པའི་དབང་གིས་ཇི་ལྟར་སྣང་བར་འགྱུར། །ཀུན་ཏུ་རྟོག་ཅན་ཡང་དག་མ་ཡིན་ཀུན་ཏུ་རྟོག་པས་རྩོལ་མེད་ཉམས། །བློ་གྲོས་ཕྱིན་ཅི་ལོག་ཏུ་གྱུར་ཅིང་མ་རིག་རྐྱེན་གྱི་དབང་སོང་བས། །སེམས་དང་སེམས་ལས་བྱུང་བ་དེ་ཉིད་ལུས་གསུམ་དོན་དུ་སྣང་བ་ཡིན། །འདུ་བྱེད་སྣ་ཚོགས་དག་གིས་བག་ཆགས་བསགས་ལས་གང་གོམས་མཐུ་བརྟས་ཚེ། །སེམས་ཉིད་ཡུལ་དང་ལུས་འདྲར་སྣང་བ་རུས་པས་གང་བ་བཞིན་དུ་སྣང་། །བག་ཆགས་བསགས་པའི་རྒྱུན་ལ་དམིགས་སྐྱེས་ཡིད་ལས་བཏགས་པའི་བདག་ནི་མེད། །འདུ་བྱེད་མཐུ་ཡིས་བསྒྲིབས་ཤིང་ཕྲ་བ་མ་མཐོང་དེ་ལས་རྣམ་རིག་སྐྱེ། །རྒྱུན་དང་བཅས་པའི་སེམས་ཀྱི་མཐུ་ནི་མ་རྟོགས་རྟོག་པའི་རྗེས་འབྲངས་ནས། །དེ་ནས་ཟག་བཅས་རང་བཞིན་རྟོག་པས་བདག་གི་ཆོས་རྣམས་རྒྱས་པར་བྱེད། །ལྡན་པར་འབྱུང་བ་དེ་ནི་ཤིན་ཏུ་རྒྱུ་བ་དེ་ནི་མ་མཐོང་ལས། །བདག་ཏུ་བལྟ་བ་སོགས་པ་མུ་སྟེགས་བལྟ་བ་སྣ་ཚོགས་སྐྱེ་ཞིང་ཐར་པར་རྟོག །སེམས་འདི་ལས་རྣམས་སྣ་ཚོགས་གནས་འགྱུར་བག་ཆགས་མཐའ་མེད་ངེས་པ་མེད། །བག་ཆགས་བརྟས་ཤིང་སད་པར་བྱེད ་་་་རྐྱེན་ཡང་རྣམ་པ་སྣ་ཚོགས་ཏེ། །རྐྱེན་འགས་བག་ཆགས་འགའ་ཞིག་སྨིན་ནས་མི་ཡི་རྒྱུད་ཀྱི་ལུས་སྣང་ལ། །རྐྱེན་གཞན་དག་གིས་བག་ཆགས་གཞན་སད་བྱས་ཚེ་འགྱུ་བའི་མཐུ་མཐོང་ནས། །དབང་ཕྱུག་ལ་སོགས་བྱེད་པར་འདོད་དེ་ལམ་དེས་མི་ཞི་གྲོལ་མི་འགྱུར། །རྣལ་འབྱོར་ལམ་བསླད་ཐེ་ཚོམ་རྒྱུ་ཡང་རྒྱུན་འདི་ཕྲ་བ་མ་རྟོགས་སྐྱེ། །བདག་ཏུ་བརྟགས་པས་བསྒྲིབས་ཏེ་འཕགས་པའི་རིགས་དང་རྣམ་པར་བྲལ། །ཆོས་སུ་བཏགས་པས་སྡུག་བསྔལ་སྣ་ཚོགས་འབྱུང་ཞིང་ངན་སོང་སྲིད་པར་འགྱུར། །རྣམ་ཤེས་དེ་ཡང་འདུ་བྱེད་རྒྱུན་ལས་མཚན་མ་ཐ་དད་འཛིན་པས་ན། །ལས་ཀྱི་ཁྱད་པར་དག་གིས་བརྒྱད་དུ་སྣང་གིས་རིགས་ལ་དུ་མ་མེད། ཁྲེས་ཤིང་རིག་པའི་རིགས་སུ་གཅིག་སྟེ་རིགས་ལ་དུ་མ་མེད། །དེ་ཕྱིར་སེམས་ཀྱི་སྐད་ཅིག་དང་པོའི་དེ་ལ་ལུས་དང་ཆོས་ཀུན་གནས། །དེ་ལ་བསམ་པ་ཞེན་ཕྱིར་ཕྱི་མ་དེས་འབྱུང་དེ་ལ་སྣང་། །རང་སེམས་རྒྱུན་ལ་འཕགས་པ་སྐྱེ་བོའི་ཆོས་ནི་གཞན་ན་ཡོད་པ་མིན། །རྒྱུད་དྲུག་རིགས་ལམ་དེ་ལའང་སྣ་ཚོགས་དེ་དག་རང་གི་ཏིང་འཛིན་ནོ། །སེམས་རྒྱུན་དེ་ནི་ཕྱོགས་ཀྱང་ཅུང་ཟད་མེད་པས་གཅིག་ལ་བརྟེན་པ་མེད་པའོ། །དེ་ཕྱོགས་ལ་མེད་ཕྱིར་ན་མཐའ་ཡས་ཞིང་རྣམས་བདག་གི་ལུས། །བདག་གིས་ལུས་ནི་མཐའ་ཡས་ཞིང་དང་སྐྱེ་བའི་ལུས་སུ་རབ་སྣང་ཡང་། །སེམས་དང་བག་ཆགས་ཐ་དད་མ་ཡིན་གཅིག་མིན་བརྟག་པར་རབ་ཏུ་དཀའ། །འདི་ཀུན་རྟེན་ཅིང་འབྲེལ་བར་འབྱུང་བའི་ཚུལ་ཏེ་སྐྱེ་དང་འགག་འགྱུར་ཞེས། །ཚིག་པའི་ས་བོན་བཞིན་དུ་མེད་ལས་མེད་པ་མི་འབྱུང་རྒྱུ་འབྲས་མེད། དངོས་པོར་ཞེན་ཅིང་རྒྱུ་དང་འབྲས་བུར་སྟོན་པའི་སེམས་ཉིད་ནི། །རྒྱུ་དང་རྐྱེན་དུ་སྣང་དེ་དེ་གཉིས་མེད་ཕྱིར་སྐྱེ་དང་འཇིག་པ་མེད། །སྐྱེ་འཆི་མེད་ཕྱིར་བདག་གཞན་མེད་དེ་འཆི་འཕོ་མེད་ཕྱིར་རྟག་ཆད་མེད། །དེས་ན་འཁྲུལ་འཁོར་མེད་ཅིང་མྱ་ངན་འདས་པའང་མེད་པར་མངོན། །གནས་ཀྱི་སྐད་ཅིག་ནམས་ཀྱང་མི་འབྲལ་དེ་ཚེ་མཉམ་འགྱུར་དེ་མོད་མེད། །ཡང་དག་མ་ཡིན་རྟོག་པས་བསྐྱེད་ཕྱིར་བག་ཆགས་ཡོད་པ་མ་ཡིན་དང་། །སྤྱོད་ཡུལ་མེད་ཕྱིར་ཀུན་གཞི་མེད་ཅིང་རྣམ་རིག་དེ་ཡང་མེད་པ་ཡིན། །ཕྱོགས་རྣམས་མེད་ཕྱིར་དམིགས་དང་གནས་མེད་རྣམ་ཤེས་རིག་པ་ཇི་ལྷར་སྐྱེ། །དེ་ཕྱིར་སེམས་འདི་ཡོད་མེད་མཐའ་ལས་འདས་ཤིང་གཅིག་དང་དུ་མ་བྲལ། །སེམས་ནི་ནང་ན་མི་གནས་ཕྱི་རོལ་མི་གནས་བར་ན་གནས་མ་ཡིན། །ཐམས་ཅད་ཀུན་ལ་མཉམ་གནས་དེ་ཉིད་ངང་ནས་གཡོས་པ་མེད། །རྣམ་དག་ལམ་ཆེན་སེམས་ཉིད་རྡོ་རྗེ་འདི་ནི་ཤེས་བྱ་ཉིད་དེ་ཐམས་ཅད་སྐྱེ། །ཅིར་ཡང་མི་དམིགས་ཀུན་ཏུ་འོད་གསལ་སྙིང་པོའི་ཚུལ་ཏེ་ཡན་ལག་རྒྱས། །ཡེ་ནས་གནས་པའི་དེ་བཞིན་ཉིད་ནི་རང་རིག་རྣམ་པར་དག་པ་སྟེ། །དེ་ཉིད་ཡུམ་གྱི་མཁའ་སྟེ་མི་འགྱུར་གནས་པས་དེ་བཞིན་སེམས་ཞེས་བྱ། །སེམས་ནི་མཚན་མར་མ་ཡིན་ཐམས་ཅད་འབྱུང་བས་དབྱིངས་ཀྱང་ཡིན། །མཐའ་དང་དབུས་མེད་མི་རྟོག་རྟོག་ལས་འདས་པས་ཆོས་སྐུར་བཤད། །དེ་ཉིད་འཕགས་པའི་ཚོགས་སུ་ཡེ་ནས་གསལ་བས་ཡེ་ཤེསཚོགསཆེནཔོ། །ཅིསཀྱང་མི་བསྒྲིབ་མི་ཤིགས་མི་སྣང་བ་༄༅ ལས་ཐམས་ཅད་སྣང་བས་ཀུན་གཞི་ཡིན། །སེམས་ཀྱི་གཏིང་འདི་མཐོང་ན་སེམས་ལས་མ་གཏོགས་ཆོས་རྣམས་གང་ཡང་མེད། །མཆོག་ཏུ་རྨད་བྱུང་ངོ་མཚར་ཁྱད་པར་ཡུལ་འདི་ཀུན་གྱི་སྨན་ཆེན་ཡིན། ཁོ།ས་བྱ་དེ་བཞིན་ཉིད་ལ་རང་རིག་རིག་བྱེད་རང་ཞིར་འགྲོ་རུ་གཞུག །རང་རིག་དེ་ཡང་དེ་ལས་བྱུང་ནས་དེ་ལ་གནས་པས་གནས་པ་དེ་ཀར་བཞག །ལམ་གཞན་ཇི་ལྟར་བགྲོད་ཀྱང་གྲུབ་མཐའ་དེ་ཉིད་ཡིན། །དེ་ཕྱིར་ཀུན་གྱི་འབྱུང་ཁུངས་དེ་ནི་གྲུབ་མཐའ་འབྲས་བུ་ཡིན། །ཐམས་ཅད་རང་གིས་འཆར་བས་ནམ་མཁའི་ཚུལ་དུའང་གནས། །འདི་ནི་ཀུན་གྱི་དམིགས་བུ་ཡིན་ཏེ་གཞན་ལོང་ཁྲིད་པར་བྱེད། ཐམས་ཅད་མཉམ་པའི་རྒྱལ་པོ་བྱ་བ་ཡིན་པས་སྤྱོད་ལས་འདས་པ་ཡིན། །དེ་ལྟར་ཡེ་ནས་གནས་པ་དེ་ལ་སུ་ཞིག་མི་འཆོས་ངོ་བོ་དེ་ཉིད་དེ་བཞིན་འཇོག་པ་བྱང་ཆུབ་ཆེ། དེ་ཁོ་ཀུན་རྫོགས་རང་བཞིན་ཆོས་ཀྱི་སྙིང་པོ་ལྟ་སྤྱོད་རྫོགས་པ་ཡིན། །ཆོས་ཀྱི་སྙིང་པོ་འདི་ལ་ལྟ་སྤྱོད་དེ་ཉིད་བསྒྲུབ་པར་བྱེད་པ་དེ་ལ་སྙིང་པོ་རིང་། །དེ་ཡིས་སྙིང་པོ་མ་མཐོང་སྤྱོད་དང་བཅས་པས་སྙིང་པོ་ཉམས། །འདི་ནི་རྩོལ་དང་ཡེ་ནས་བྲལ་བས་བཙལ་དུ་ཡེ་ནས་མེད་ཕྱིར་སྙིང་པོའི་མཆོག །དུས་གསུམ་རྒྱལ་བས་ཀྱང་ནི་མ་བསྒྲུབས་མ་སྦྱངས་མ་བཙལ་བཞག་ལས་མཐོང་ མཐོང་མ་ཐག་ཏུ་སྦྱང་བཙལ་འགྱོད་དེ་སྦྱངས་མ་དགོས་པར་རྟོགས། །རྟོགས་པའི་ངང་དེ་ལ་ནི་དུས་གསུམ་རྒྱལ་བའི་སངས་རྒྱས་རྡུལ་སྙེད་གནས། །སངས་རྒྱས་བགྲོད་ཕྱིར་རྩོལ་བའི་ལམ་ཀུན་བོར་ནས་གདོད་སངས་རྒྱས། །རྩོལ་བགྲོད་ལམ་ལ་གནས་ཚེ་འཕགས་པའི་སར་ཚུད་ཙམ། །དེ་ཕྱིར་ཉེ་ལམ་བདེ་རྫོགས་སྐུ་གསུམ་རྡོ་རྗེ་འཆང་བའི་ས་ཞེས་སྙིང་པོ་འདི་ལ་བྱ། །མ་བགྲོད་གནས་སུ་ཕྱིན་པ་རང་རྒྱུད་དག་པས་ཕྱིན་པའི་ས་ཡང་ཡིན། ཕྱི་ནང་སེམས་ཀྱི་སྤྱོད་ཡུལ་བག་ཆགས་རྒྱུན་དང་བཅས་བར་བལྟ་བ་སེམས་ཙམ་ཡིན། །སེམས་རྒྱུན་བག་ཆགས་རྟོག་པ་དེ་ལ་སྙིང་པོ་འདི་ཉིད་མེད། །དེ་ཕྱིར་ཡུལ་དང་ལུས་སུ་བལྷ་བ་དེ་ཉིད་རྟོགས་པའི་རྒྱུན་ཉིད་དོ། །མི་བསྒོམ་མི་བསྒྲུབ་མི་བསྲུང་དེ་བཞིན་ཉིད་ལ་རང་བློ་དེ་བཞིན་བཞག །དེ་ལ་བཞག་ས་འགྲོ་ས་འདུག་ས་ཀུན་གྱིས་བགྲོད་སར་ཕྱིན་པ་ཡིན་པས་ཉེ་ལམ་མོ། །བྱང་ཆུབ་ཀྱི་སེམས་སྒོམ་པའི་རྒྱུད་ལས། སེམས་ཙམ་གྱི་ལྟ་བ་འབྲས་བུ་ཡོན་ཏན་དང་བཅས་པ་ཨ་ཏིར་ལ་བཟླ་བའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་གཉིས་སུ་མེད་པའི་བདེ་བ་ཆེན་པོས་ཡང་དག་པ་མ་གྲུབ་པས་དེའི་རྫུ་འཕྲུལ་འཁྲུལ་པ་རྣམས་ལ་སྣང་བར་བསྟན་པ་འདི་ཉིད་ལ་ཉིད་ཀྱིས་ཆེད་དུ་བརྗོད་དོ། །བདེ་གཤེགསབྱངཆུབ་མེད་ཕྱིར་དེ་ཡི་རྫུ་འཕྲུལ་སྒྱུ་འདྲ་འཁྲུལ་ལ་སྣང་། །དེབཞིནགཤེགསཔའིཡེ་ཤེས་དེ་ཉིད་ཤིན་ཏུ་དགེ་བའི་རྒྱུད་ཉིད་དང་། །ཆོས་ཀྱི་དབྱིངས་ཉིད་ལ་ནི་དེ་དག་དམིགས་ཤིང་སྐྱེ་བར་བརྟགས་པ་ཡང་། །རྡོ་རྗེ་གནས་མེད་ཕྱིར་ན་མཉམ་གནས་རང་བཞིན་འདྲར་གྱུར་དང་། །ཆོས་དབྱིངས་རྡོ་རྗེ་རྩེ་མོ་དེ་དག་ཕྱོགས་གཉིས་མེད་པས་སྐད་ཅིག་མིན། །དག་པའི་དགེ་རྩ་གཟུགས་བརྙན་མེད་པས་འཇིག་རྟེན་ཡོད་མི་འགྱུར། །དེ་ཕྱིར་བྱང་ཆུབ་མ་ཆུབ་མཚན་ཉིད་མེད་པར་གཅིག་པས་བླང་དོར་མེད། །དོན་དེའི་ཚུལ་གྱིས་དོན་དམ་རྣམ་གྲངས་སྐྱེ་འགག་མེད་དང་མཉམ་ཉིད་དང་། །གཉིས་མེད་བསམ་འདས་སྟོང་ཉིད་ཆོས་དབྱིངས་བརྗོད་དང་བྲལ་ལ་སོགས། །བསྟན་པ་དེ་ཀུན་ཐ་སྙད་ཡིན་ཏེ་དོན་དམ་མེད་ཅིང་ཀུན་སྒྲིབ་མེད། །དོན་དམ་ཚུལ་གྱིས་ལམ་ཉིད་འདི་འདྲ་ཞེས་པ་ཀུན་སྒྲིབ་ཡིན། །ཐེ་ཚོམ་ཡོད་མེད་ཆོས་ནི་གང་ལའང་སྤངས་ཤིང་གནས་པར་མི་བྱེད་དོ། །བསྒོམ་པ་དང་ནི་ཆོས་དབྱིངས་མེད་ཕྱིར་སོམ་ཉི་མེད་ལ་དམ་པར་བལྟ་བའང་མེད། །དེ་ལྟར་དངོས་པོའི་མཐའ་རྣམས་བརྟགས་དང་དེ་བཞིན་སྒྱུ་མ་མེད་འགྱུར་ཕྱིར། །ཡོད་ལ་ལྟོས་པའི་མེད་པའང་མེད་དེ་ཡོད་པའང་མེད། །མཐའ་རྣམས་མེད་ཕྱིར་དབུས་མེད་དབུས་ལའང་གནས་པར་མི་བྱེད་དོ། །གང་ལའང་འཇིག་རྟེན་དབང་ཕྱུག་པཟློ་ཀུན་ཀྱང་མི་སྤང་འདྲར་མཉམ་གནས། །ཆོས་ལ་འཁྲུལ་པར་མཐོང་བ་དེ་ཉིད་འཁྲུལ་པ་ཡིན་པར་རབ་རྟོགས་ཏེ། །དྲུག་གིས་བསྟན་པའི་བདུད་ཀྱི་ལས་ཀྱང་མི་འདོར་ངན་དུ་མི་རྟོག་གོ །ཤེས་རབ་ཐབས་ཀྱི་སྤྱོད་པ་ལའང་མི་གནས་ཕྱིར་ན་བདུད་རྩི་འདྲ་བར་སྤྱོད། །རང་གི་ཤེས་པ་དམ་པར་བྱས་ཤིང་ཀུན་ལས་རྒྱལ་ཏེ་དེས་བསྙེམས་ན། །འདོད་ཆགས་ཞེ་སྡང་སྐྱེས་ནས་རྩོད་འབྱུང་གཏི་མུག་ཡིན་ཏེ་དོན་མི་མཐོང་། །ཇི་སྲིད་ཡིད་ཀྱི་གཡོ་བ་དེ་སྲིད་བདུད་ཀྱི་ཡུལ་ཏེ་ཕྲ་བའི་ལམ། །གཡོ་དང་མི་གཡོ་ཐ་སྙད་མི་གནས་གནས་ལའང་གནས་པའང་མེད། །སྣང་མེད་དབུ་མའི་ལམ་སྟེ་བྱང་ཆུབ་སེམས་ཞེས་བདེ་གཤེགས་གསུངས། །དེ་ཕྱིར་གང་ཡང་མི་འབྱེད་ཟག་མེད་དེ་བཞིན་ཉིད་ཀྱི་ཐིག་ལེར་ཐམས་ཅད་གཅིག་པ་ཡིན། །འདི་ལས་གཞན་མེད་རྒྱུ་ཡིན་འབྲས་བུ་ཉིད་དེ་སྙིང་པོའང་ཡིན། །འདི་མ་མཐོང་ན་གང་ལ་བསྙད་ཀྱང་རྟོག་པའི་ཀླུང་ལ་གནས། །གཟུགས་དང་མཚན་མ་སྨོན་པར་འཛིན་པ་རབ་སྤངས་ནས། །རྣམ་པར་ཐར་པ་གསུམ་པོ་བསྒོམ་པའང་བདུད་ཀྱི་ལས་ཡིན་གཟུགས་ཉིད་སྟོང་པའོ། །འཁོར་བའི་ལམ་གསུམ་སྤོང་ཞིང་མྱ་ངན་འདས་ལམ་བསྒོམ་པའང་བདུད་ཉིད་དེ། །དེ་ཉིད་རང་བཞིན་མ་ཞི་རང་བཞིན་རྩལ་སྤང་གར་མི་གནས། །འཕགས་པ་ཀུན་གྱི་ཡུལ་དང་གནས་ཀྱང་འདས་སོགས་ལམ་ཉིད་གཞན་ན་མེད། །བྱང་ཆུབ་ཀྱི་སེམས་སྒོམ་པའི་རྒྱུད་ལས། མྱ་ངན་ལས་འདས་པའི་ལམ་མཐར་གཏུགས་པ་བསྟན་པའི་ལེའུ་སྟེ་བརྒྱད་པའོ།། །།དེ་ནས་ཡང་བཅོམ་ལྡན་འདས་བདེ་བ་ཆེན་པོས། ཡང་དག་པའི་དོན་མཛུབ་ཚུགས་སུ་དགོངས་པ་སངས་རྒྱས་ཉིད་ཀྱིས་ཉིད་ལ་ཆེད་དུ་བརྗོད་པ་འདི་ཆེད་དུ་བརྗོད་དོ། །ལྡང་དང་མི་ལྡང་ཆེད་དུ་མི་སྤང་སེམས་རྟེན་མི་འཆའ་མངོན་དུ་མིན། །འཇམ་དཔལ་མ་ཡིན་རྡུལ་ཙམ་གཡོ་བ་དེ་ཉིད་དེ་ཡིན་དེར་མི་གནས། །བསྒོམ་པའི་ས་མི་རྙེད་ཕྱིར་བསྒོམས་པས་རྙེད་པར་མི་འགྱུར་ཏེ། །རྣམ་བྲལ་གང་ལའང་མཆོག་དང་ཐ་མ་མེད་པར་ལམ་མཆོག་འདི་བསྒོམ་མོ། །བྱ་བྱེད་བྱ་བྲལ་ཡེ་ནས་དེ་བཞིན་ཉིད་འདི་དེ་བཞིན་རང་བཞིན་གནས། །དེ་ལ་འཁོར་བ་མྱ་ངན་འདས་མེད་གང་ལའང་མེད་མིན་ཐམས་ཅད་ལྡན། །བྱང་ཆུབ་ཀྱི་སེམས་སྒོམ་པའི་རྒྱུད་ལས། རྫོགས་པ་ཆེན་པོ་མདོར་བསྡུས་ཏེ་སྒོམ་པའི་ལམ་གྱི་མཆོག་གི་ལེའུ་སྟེ་དགུ་པའོ།། །།དེ་ནས་ཡང་བདེ་བ་ཆེན་པོས། རང་བཞིན་གྱིས་ཉིད་ལ་ཉིད་ཀྱིས་ཆེད་དུ་བརྗོད་པ་འདི་ཆེད་དུ་བརྗོད་དོ། །འདུ་བྱེད་མ་སྐྱེས་ཆོས་ཀུན་འབྱུང་མེད་ཤིན་ཏུ་ཆོས་རྣམས་མྱ་ངན་འདས། །དངོས་མེད་དེ་ཚེ་ཀུན་ཀྱང་ཆོས་ཀྱི་དབྱིངས་ཞེས་དགྲ་བཅོམ་རབ་འབྱོར་ཡིན། །ནམ་མཁའ་མི་དམིགས་མིང་ཙམ་དགེ་དང་མི་དགེར་དབྱེ་བ་མེད། །རྩོལ་བར་ཡིད་ལ་མི་བྱེད་གང་ལ་སེམས་མེད་ཤེས་དང་མི་ཤེས་བྲལ། །དྲན་དང་འབྱེད་མེད་སྤང་ལེན་གང་ལའང་དགའ་དང་མཚུངས་མེད་མི་དམིགས་ཤིང་། །མཉམ་གནས་གཉིས་སུ་བརྟག་མེད་བརྗོད་བྲལ་བྱ་དང་མི་བྱ་མེད་དེ་སོགས་བྲི་མེད། །ཆེད་དུ་རྩོལ་བར་ཡིད་ལ་མི་བྱེད་ཅིས་ཀྱང་མི་འཁྲུགས་མཉམ་ཤེས་དང་། །གང་ལའང་ཆགས་དང་ཡུལ་གྱིས་མྱོས་སྐྲག་མེད་དེ་མི་འབྲལ་མི་གནས་ཤིང་། །མི་འཕྲོག་མཉམ་ཤེས་བཞི་པོ་ཕྱོགས་དང་ཕ་རོལ་ཕྱིན་རྣམས་དེར་ཤེས་ཏེ། །སེམས་ཀྱིས་དབྱིངས་སུ་བསྒོམས་པས་ལམ་གྱི་ཕུགས་ན་འདུག་པ་ཡེ་ཡིན་གྱིས། །གཞན་དུ་བསྒོམས་པས་འོད་གསལ་དོན་ཉིད་རིག་པར་མི་འགྱུར་རོ། །བརྡའ་ཅན་ཡང་དག་ལེན་པའང་བྱང་ཆུབ་ཡིན་ཞེས་སྟོན་པས་རབ་གསུངས་ཕྱིར། །དེ་ལ་འདི་ནི་བྱང་ཆུབ་སེམས་ཉིད་བསྐྱེད་ཅིང་བསྒོམ་པའི་གནས་ཡིན་ཏེ། །ཏིང་འཛིན་གསུམ་པོ་བརྟན་པར་བྱས་ཤིང་རྟགས་ཀྱི་ཕྱག་རྒྱ་གསུམ་བཅིངས་ནས། །ཆོས་ཀྱི་ཕྱག་རྒྱ་ཆེན་པོ་སེམས་ཉིད་བསྐྱེད་དེ་སྙིང་པོ་བརྗོད་ཅིང་བསྒོམ། །རྡོ་རྗེ་སེམས་དཔའ་བསྒོམས་པས་ལམ་ཀུན་མ་ནོར་བསྒོམ་པ་ཡིན། །ཀུན་ཏུ་བཟང་མོའི་སྤྱོད་པས་མ་ཟིན་དགེ་བའི་ཆོས་ནི་གང་ཡང་རུང་། །ཀུན་ཏུ་བཟང་པོའི་སྤྱོད་པའང་བདུད་ཀྱི་ལས་ཏེ་ཟད་ཅིང་མཐར་ཐུག་་གྱུར། །དེ་དང་ལྡན་པའི་ལས་ནི་བདུད་ཀྱི་ལས་ཀྱང་བྱང་ཆུབ་ཆེན་པོར་སྤྱོད་པར་གསུངས། །དོན་འདིར་མོས་པ་དེ་ཡང་བྱང་ཆུབ་ཆེན་པོ་ཡིན་ཞེས་རྒྱལ་བས་རབ་ཏུ་བསྔགས། །གནས་འདིར་བསྐྱེད་པ་ཙམ་གྱིས་འཇིག་རྟེན་གསུམ་པོ་བླ་མར་བཅས་པ་ཡི། །མཆོད་གནས་ཉན་ཐོས་བདུད་ཀྱི་སྡེ་རྣམས་ཟིལ་གྱིས་གནོན་པར་སངས་རྒྱས་གསུངས། །ཐབས་ཆེན་བྱང་ཆུབ་སེམས་དཔའ་གསང་བའི་སྤྱོད་པའང་འདི་ཉིད་དོ། །འདི་མེད་རྒྱལ་བ་རྣམ་པར་སྣང་མཛད་ཐེག་པ་གསུམ་སྟོན་མི་སྲིད་དོ། །སྐད་ཅིག་ཙམ་དུ་དད་པའི་ཤུགས་སྐྱེས་དེ་ཡང་མྱུར་དུ་འཇམ་དཔལ་གཞོན་ནུར་འགྱུར། །དཀྱིལ་འཁོར་གསང་བར་ཞུགས་ཤིང་ཐེག་ཆེན་བྱང་ཆུབ་མཆོག་ཀྱང་གསུངས་པ་ཡིན། །ཚུལ་ཁྲིམས་སྡོམ་པ་ཀུན་ཀྱང་བསྲུངས་ཤིང་སྦྱིན་གནས་དམ་པར་རབ་ཏུ་བསྔགས། །དེ་ཕྱིར་བྱང་ཆུབ་སེམས་ཀྱི་བསོད་ནམས་དེ་ལ་གཟུགས་ཡོད་ན། །ནམ་མཁའ་བར་སྣང་དེ་ཡང་སྣོད་དུ་ཆུང་ཞེས་རྒྱལ་བས་མཚུངས་པར་གསུངས། །ཡང་དག་བདེ་གཤེགས་མ་ལུས་བྱང་ཆུབ་སེམས་ལ་གནས། །བྱང་ཆུབ་སེམས་དང་ལམ་དུ་མ་མཚུངས་ཆོས་གང་མེད། །རྒྱལ་བས་སེམས་ཀྱི་དངོས་གཞི་ཕྲ་བ་མཐོང་བས་རྒྱས། །བདུད་དང་དེས་ཟིན་ཟིལ་གྱིས་གནོན་པ་དེ་ཡང་དབྱིངས་ཀྱི་ངང་། །འདི་ལ་སྐྱེ་དང་འགག་པ་མེད་དེ་འདུ་འབྲལ་ཅི་ཡང་མེད། །ཡེ་ཤེས་དབྱིངས་མེད་མྱ་ངན་འདས་པའང་ཡིན། །ཆོས་ཞེས་མིང་དུ་གདགས་སུ་དགོས་འབྲེལ་ཐམས་ཅད་རྫོགས། །མཚན་མ་རབ་ཞི་མཚན་མ་མེད་པ་མེད་པའང་མེད། །རབ་ཞི་མེད་པའི་མེད་པའང་མེད་ལས་འདས་པ་སྟེ། །གཞན་ལ་སྤྱོད་ལས་འདས་པས་འདས་ལས་འཕགས། །སྟོང་པ་མི་དམིགས་རང་བཞིན་མེད་དང་ཇི་ལྟར་དེ་བཞིན་ཉིད། །གདགས་པའི་བསྒྲུབ་པ་བྱེད་པའི་ལམ་སྟེ་འཇུག་པའི་གནས། །འདི་ལ་འཇུག་དང་ཞུགས་དང་མ་ཞུགས་ཡེ་རྒྱ་ཆད་པས་ཐེག་པའི་བླ། །སྤྱོད་མེད་ཚིག་ལས་འདས་པས་ཀུན་ལ་ཁྱབ་ཕྱིར་རྒྱ་མཆོག་ཉིད། །མིང་ཚིག་བཟླས་པ་རྣམ་བྲལ་གསང་སྔགས་མཆོག་ཆེན་ཡིན། །ཡེ་ནས་དེ་ལས་མི་འགྱུར་རྒྱལ་བས་བསྒྱུར་དུ་རུང་བ་མིན་པར་རང་བྱུང་ཉིད། །འདི་ལྟར་རྟོགས་ནས་འདི་ལ་བློ་གྲོས་གནས་པ་བློ་གྲོས་མཆོག །དེ་ནི་འཇམ་དཔལ་དཔལ་ལྡན་གཞོན་ནུ་ཉིད་ཅེས་བྱ། །དུས་གསུམ་སངས་རྒྱས་ཀུན་ཀྱང་དེ་གཙུག་ཁུར་ཞིང་དེ་ལྟའི་ཡོན་ཏན་དེ་དང་མཚུངས། །དེ་ལྟའི་ཡོན་ཏན་མཐའ་ཡས་མ་བཙལ་མ་བསྒོམས་རང་བཞིན་གནས་ལས་བྱུང་བའི་ཕྱིར། །ཆོས་གཞན་མི་དགོས་ཡོན་ཏན་རྒྱལ་བའི་ཐེག་ཆེན་འདི་ལས་ཆོས་གཞན་མེད། །དེ་ཕྱིར་ཆོས་ལམ་འཇུག་དང་ཞུགས་ནས་འབྲས་ཐོབ་འདོད་པ་ཁྲོན་སྦལ་འདྲ། །བྱང་ཆུབ་ཀྱི་སེམས་སྒོམ་པའི་རྒྱུད་ལས། རྫོགས་པ་ཆེན་པོའི་རང་བཞིན་ང་རྒྱལ་དང་བཅས་པའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་བདེ་བ་ཆེན་པོས་དོན་མདོར་བསྟན་པ་ཉིད་ཀྱིས་ཉིད་ལ་ཆེད་དུ་བརྗོད་པ་འདི་བརྗོད་དོ། །སྐྱེ་བོ་སྐྱེ་བ་སྣ་ཚོགས་དག་ན་སྐྱེས་ཤིང་སྐྱེ་འགྱུར་སྐྱེ་བའི་རྒྱུན་གྱི་དབང་སོང་བ། །རྟོག་མཐའ་མི་ཤེས་རྟོག་པས་བསླུས་ཤིང་རྟོག་པའི་རྒྱུན་འབྲངས་འཁྲུལ་པའི་རྟོག་ལས་ཕྱིར་ལྡོག་མེད་གྱུར་པ། །སྒྱུ་མའི་སྒྱུ་ཤེས་དག་གིས་སྒྱུ་མའི་གླང་པོ་འདྲ་བར་སྒྱུ་མས་རྨོངས་པའི་སྒྱུ་མ་རྣམས། །རྨི་ལམ་རྨི་བ་བཞིན་དུ་རྨི་ཡིས་བདེན་པ་ཉམས་ཤིང་རྨི་ལམ་དབང་དུ་སོང་བའི་རྨི་ལམ་པ། །ལམ་འདི་སྤངས་ཤིང་མཐའ་དང་ལམ་གཞན་ལམ་དུ་བལྟས་པས་མ་ནོར་ལམ་དུ་སྟོན་པ་དེ། །དེ་དག་རྡོ་ལ་གསེར་བཞིན་ཐུགས་རྗེའི་ཐུགས་རྗེས་ཀྱེ་མ་ཧོ་འཕྲོགས་པ་ཡིན། །མཆོག་ཏུ་ཤེས་རབ་སྦྱངས་པ་རྣམས་ཀྱི་སྦྱོད་ཡུལ་འདི་ཡིན་གྱི། །སྐལ་མེད་ཤེས་རབ་མ་སྦྱངས་པ་ལ་གསུང་གི་ཉིང་ཁུ་འདི་མི་སྣང་། །རྒྱལ་བ་རྣམས་ཀྱིས་བསྙེན་པ་བདུད་རྩིའི་ལམ་མཆོག་འདི། །རྒྱལ་བས་རྙེད་པ་དོན་ཆེན་རྙེད་པའི་མཆོག་ཡིན་ནོ། །དེ་ལྟའི་དོན་འདི་བདག་དང་ཕྲད་ནས་བདག་གིས་རྟོགས་གྱུར་ཅིག །སྨོན་ཞིང་དེ་ལ་ཐ་མལ་ཝ་ཁྱི་ལ་སོགས་གང་འདུན་ཀྱང་། །དེ་ཡིས་བྱང་ཆུབ་ཆེན་པོའི་བདེ་ལ་བསྙེག་པའི་ཕྱིར། །འདི་ནི་འཕགས་པའི་ཁོང་ན་གནས་པའི་ནང་ན་བཙུན་ཞིང་ཆེ། །རྟོགས་ནས་འདི་ལ་སྤྱོད་པ་ལ་ལྟ་སྨོས་ཅི་དགོས་ཏེ་སངས་རྒྱས་ཡིན། །སེམས་ཅན་ལས་ཀྱིས་འདི་ལ་མི་འཕྲོགས་ཤིང་། །འཕགས་པའི་ཐུགས་རྗེས་འདི་ལ་གཟུང་དུ་མེད། །དོན་གྱི་དོན་ཏེ་བསྒོམ་རྩོལ་མེད་པའི་དོན་དམ་རྒྱལ་པོ་ཡིན། །སངས་རྒྱས་ཐུགས་ཀྱི་ཉིང་ཁུ་སྦས་པ་ཟབ་མོའི་གསུང་། །དྲི་མེད་རྒྱ་མཚོའི་སྙིང་པོ་བྱང་ཆུབ་རྒྱ་ཆེན་པོ། །ཐེག་པའི་རྩ་བ་འབྲས་བུའི་ཐེག་པ་ཡོངས་ཀྱི་མཆོག །ཡེ་ནས་གནས་པ་དེ་ཉིད་དེ་ལྟར་ཤེས་པ་སྒོམས་དང་སངས་རྒྱས་ཡིན། །ལྟ་བས་ཟིན་པའི་ཡེ་ཤེས་ཟང་ཐལ་དེ་བཞིན་དཀྱིལ་པོ་ཆེ། །ཆོས་སྐུ་འོད་དཔག་མེད་པས་དོན་འདི་བཤད་པ་ལས། །རྒྱལ་བའི་གསུང་གིས་བསྒྲགས་ལ་འདི་འདྲར་སྣང་ངམ་ཞེས། །དེ་བཞིན་གཤེགས་པ་ཆོས་སྐུ་དཔག་མེད་ཁྱོད་ལ་འདུན་པར་གྱིས། །ཆོས་སྐུའི་གསུང་མཆོག་རྒྱ་མཚོ་འདི་ལའང་དེ་བཞིན་བལྟ། །ས་བཅུ་པ་ལ་འདི་གནས་ཕྱིར་ན་དེ་ལ་འདི་ཡང་གཏད། །འདི་བློ་སུ་ལ་གནས་པ་བྱང་ཆུབ་སེམས་དཔའ་ས་རྣམས་གྲུབ་པའི་མཆོག །ས་ཡང་དོན་འདི་བློ་ལ་སྐད་ཅིག་གནས་པ་དེ་ལ་རྫོགས་པར་ཆོས་སྐུས་གསུངས། དེ་ཡི་བྱིན་རླབས་རྒྱལ་བ་ཀུན་ཀྱང་གསུང་པར་འཀྱུར་ཏེ་དེ་སྐད་གསུངས། །དོན་འདི་གཟུགས་སྐུ་མཚན་དཔེ་འདོད་པས་བསྟན་པས་རྟོགས་མི་རུང་། །མ་རྟོགས་ཕྱིར་ན་ཁ་ལྕེས་བཤད་པ་ཡིན་ཕྱིར་ཆོས་སྐུས་གསུངས། །ཆོས་སྐུ་བྱ་བྲལ་འདི་ལྟར་སྣང་བ་ཀུན་ལ་སྣང་ཕྱིར་གསུང་ཞེངསེ་ངཐེང་ངདེངདེངང་ངལེསྟེང་ངསེས་རྒྱལ་བས་གསུངས། །བྱང་ཆུབ་ཀྱ་ མས་སྒམ་པའ་རྒྱུད་ལས། ག་པའ་མཆག་ཉད་དང་ ་ཉད་ལ་ ་ཉད་ཀྱས་བསྟད་པ་དང་གདམས་པ་བཤད་པའ་ འུ་ ་བཅུ་གཅག་པའ།། །།བྱང་ཆུབ་ཀྱ་ མས་སྒོམ་པའི་རྒྱུད་ཐེག་པའི་སྙིང་པོ་རྫོགས་སོ།། །།