Ngb-pt-0129-vol-02-text
Front[edit]
Body[edit]
པོ་ཐུགས་ལ་རྫོགས། །མཐོ་དམན་ཕྱོགས་མཚམས་བྱང་ཆུབ་སེམས་དང་ལྡན། །ཆོས་དབྱིངས་དྲི་མེད་རྒྱ་མཚོ་དངས་འདྲ་བ། །སྲིད་གསུམ་འགྲན་ཟླ་མི་མངའ་དབང་ཕྱུག་ཆེ། །ཡོངས་ཀྱི་སྲོག་འདུས་ཆོས་ཀྱི་འཁོར་ལོ་འདི། །རང་རིག་དབང་ཕྱུག་རྡོ་རྗེ་ལེགས་རྩལ་གྱིས། །རྣལ་འབྱོར་ཡོངས་ཀྱི་དོན་དུ་བསྒྲགས་པ་དག །གཉིས་མེད་མན་ངག་སྲོག་གི་འཁོར་ལོ་ཞེས། །ཐུགས་ལས་ཕྱུང་བ་འགྲོ་བ་ཡོངས་ལ་བསྔོ། །རྫོགས་སོ།། །། ༑ བྱང་སེམས་མྱུ་གུ། །།བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །རྒྱུ་རྐྱེན་ཚོགས་པའི་སྡོང་བུ་ལ། །མྱུ་གུ་དོན་གྱིས་འབྱུང་བ་ལྟར། །མ་བཅོས་ངང་དུ་རང་བཞིན་གནས། །གནས་པས་དམིགས་མེད་མྱུ་གུ་འབྱུང་། །སྤྲོས་མེད་བྱང་ཆུབ་སེམས་ལ་མྱུ་གུ་འབྱུང་། ཁུ་ལ་ལྟོས་པ་མེད་པས་རྐྱེན་གྱིས་གཞིག་ཏུ་མེད། །སྐྱེ་འགག་མེད་པའི་མྱུ་གུ་དེ། །ཡུལ་ལ་དམིགས་པ་མེད་པས་སེམས་ལ་འཕོ་འགྱུར་མེད། །ཡུལ་སེམས་འདུ་འབྲལ་མེད་པའི་སྦྱོར་བས་མྱུ་གུ་འབྱུང་། །དེ་ལ་འགག་པ་མེད་པས་སྒྲོལ་བ་ཆེན་པོར་བརྟགས། །དུས་གསུམ་འགྱུར་བ་མེད་པས་བྱང་ཆུབ་སེམས། །མ་ལྟོས་ལྷུན་གྱིས་གྲུབ་པས་སྣང་སྲིད་ཡེ་སངས་རྒྱས། །བསྲུང་དུ་མེད་པའི་དམ་ཚིག་ཆེན་པོ་ལ། །ཡེ་བསྲུངས་གདེང་གིས་ཆོད་པའི་མྱུ་གུ་འབྱུང་། །བསྒོམ་དུ་མེད་པའི་དམིགས་པ་ཆེན་པོ་ལས། །ངང་ལས་མ་ཡེངས་མཉམ་པ་ཆེན་པོར་བཞག །རྣམ་རྟོག་སྤྲོས་བྲལ་བྱང་ཆུབ་ཆེན་པོ་ལ། །གཟུང་འཛིན་མེད་པའི་བླ་མེད་མྱུ་གུ་འབྱུང་། །རྒྱུ་ལ་རག་མ་ལུས་པའི་མྱུ་གུ་ཆེན་པོ་ལ། །རྐྱེན་དུ་བྲལ་བའི་ཡོན་ཏན་མྱུ་གུ་འབྱུང་། །འབྱུང་བ་ལྔ་ཉིད་