Ngb-pt-0102-vol-02-text
Front[edit]
Body[edit]
སོ།། །།རྒྱ་གར་གྱི་མཁན་པོ་ཤི་སིང་ཧ་དང་། བོད་ཀྱི་ལོསྟོ་བ་བི་རོ་ཙ་ནས་དྷ་ཧེ་ནའི་འདུ་ཁང་དུ་བསྒྱུར་བའོ།། །། རྒྱ་གར་སྐད་དུ། མ་ཧྭ་སརྙི་བོདྷི་ཙིསྟ་སརྦ་ཨ་བ་ཏྭ་ར་བི་ཤུརྙ་དྷིསྐྱི་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་བྱང་ཆུབ་ཀྱི་སེམས། ཀུན་ལ་འཇུག་པ་རྣམ་དག་སྟོན་པའི་རྒྱུད་ཅེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། །ཐམས་ཅད་སྣང་ཞིང་དེ་དག་དེ་ཉིད་དབྱིངས། །རང་བཞིན་མི་གཉིས་ཆོས་ཀུན་འགག་པ་མེད། །ཡེ་ནས་ལྷུན་གྲུབ་ཡེ་ཤེས་སྣ་ཚོགས་གཞི། །བྱང་ཆུབ་སེམས་དབྱིངས་དཀྱིལ་འཁོར་རྒྱས་པའི་ཚོགས། ཀུན་ཏུ་བཟང་པོ་སྒྲིབ་མེད་ཐམས་ཅད་མཁྱེན། །སྟོནཔབདེཆེན་སྐུ་གསུམ་གཞན་རྒྱུད་སེལ། །ཟུང་འཇུག་དབྱེར་མེད་ཡོན་ཏན་འཕྲུལ་པའི་དངོས། །སྐུ་གསུང་ཐུགས་མཆོག་ཁྱད་པར་ལྷ་ཡི་ལྷ། །སངས་རྒྱས་གཉིས་མེད་དངོས་ཀུན་དུས་གསུམཉིད། །འོག་མིན་ལྷུན་གྲུབ་ཆོས་ཀྱི་ལོངས་སྤྱོད་གཞི། །ཞིང་ཁམས་རྣམ་བཀོད་ཡོན་ཏན་ཀུན་སྣ་ཚོགས། །འཇིག་རྟེན་གྲངས་མེད་གཅིག་ཚུལ་བཙལ་མེད་པའི། །དུས་གསུམ་འཕོ་འགྱུར་མེད་པའི་གདན་ས་མཆོག །ཡེ་ཤེས་མ་འགགས་རིན་ཆེན་སྣ་ཚོགས་མདངས། །དཀྱིལ་འཁོར་ཀུན་ཏུ་རྒྱ་ཡོངས་མ་ཆད་པའི། །རྒྱན་ཚོགས་འདོད་པའི་ལོངས་སྤྱོད་སྣ་ཚོགས་པར། །ཉིད་ཀྱི་སྣང་བའི་གདན་ཀུན་རྣམ་པར་བརྩེགས། །དེ་བཞིན་གཤེགས་པ་གཟུགས་སོགས་རྣམ་དག་པའི། །ཉོན་མོངས་རྐྱེན་བཅས་དུག་ལྔ་ལ་སོགས་འབྲས། །བདག་པོ་ཡེཤེས་མཐུ་ལྔའི་ངོ་བོ་ཉིད། །སྐུ་གསུང་ཐུགས་མཆོག་ཡོན་ཏན་ཕྲིན་ལས་བརྒྱན། །དྲི་མེད་རྡོ་རྗེ་སྙིང་པོ་འདུས་མ་བྱས། ། བདེ་གཤེགས་འཁོར་ལོས་ཐེག་ཆེན་མཚོན་པར་བྱེད། །དོན་ཀུན་རིན་ཆེན་སྣ་ཚོགས་འབྱུང་བའི་གཞི། །ཆོས་རྣམས་རང་བཞིན་པརློ་ཆགས་པ་ཉིད། །ཕྲིན་ལས་ཐམས་ཅད་རྩོལ་བྲལ་མཐརཕྱིན་པ། །རིགས་མཆོག་རྒྱལབ་ལྔ་དང་བཅས་པའི་ཡུམ། །དཀྱིལ་འཁོར་དབྱིངས་དངམཉམ་པར་སྦྱོར་བའི་མཆོག །རིགས་ཀྱི་དཀྱིལ་འཁོར་གྲངས་མེད་རྣམ་སྟོན་ཅིང་། །ཐམས་ཅདརངབཞིནསྤྲུལཔའིཁྱད་པར་ལས། །མཐུ་དབང་བྱིན་བརླབས་ཡོངས་སུ་རྫོགསཔའི་ཆོས། །བྱང་ཆུབ་སེམས་དཔའ་སེམསདཔའཆེནཔོའིགཙོ། །དཔལ་ལྡན་འཇམ་དབྱངས་བྱམས་པ་དྲི་མ་མེད། །ཀུན་ཏུ་བཟང་པོ་སྤྱན་རས་གཟིགས་དབང་ཕྱུག་། །ས་སྙིང་ནམ་མཁའི་སྙིང་པོ་ཉི་ཟླའི་འོད། །རིན་ཆེན་དྲ་བ་བརྩོན་པའི་དབང་ཕྱུག་དང་། །ཕྱག་ན་རྡོ་རྗེ་དགའ་དབང་སྤྱན་གསལ་སྟོབས། །སྒྲིབ་པ་རྣམ་སེལ་ཤེས་རབ་དྲན་པའི་མཆོག །ཐུགས་རྗེ་ཤེས་རབ་འབྲེལ་ཚོགས་ཡུལ་དང་བཅས། །གྲངས་མེད་རིགས་ཀྱི་གཙོ་བོར་གྱུར་པ་དག །རྒྱུ་འབྲས་ཆོས་ཀུན་རྣམ་པར་སྦྱོང་བྱེད་ཅིང་། །རང་གི་མཚན་བརྗོད་སྟོན་པའི་དོན་ཇི་ལྟར། །སངས་རྒྱས་མཐུ་་ཡིས་ཕྱོགས་རྣམས་འཁོད་པར་འགྱུར། །ཡེ་ནས་རང་བཞིན་མ་བཅོས་དཀྱིལ་འཁོར་ཆེ། །དེ་ཉིད་གཙོ་བོ་དེ་ཉིད་འཁོར་གྱི་ཚུལ། །འབྱུང་ཆེན་ས་ཆུ་མེ་རླུང་ནམ་མཁའ་ལས། །རང་བྱུང་རིགས་ཚོགས་དཀྱིལ་འཁོར་རྟེན་དང་གནས། །འགྲོ་བའི་ལམ་ཀུན་འཕྲུལ་པའི་མཐུ་མཚུངས་པས། །བརྟན་གཡ་འི་དེ་བཞིན་བྱ་བ་མཐར་ཕྱིན་པའི། །རང་བྱུང་སངས་རྒྱས་པདྨའི་སྙིང་པོ་ཅན། །གཉིས་སྣང་གཉིས་མེད་བདེ་ཆེན་ཁྱབ་པའི་དབྱིངས། །སྟོན་པ་གནས་འཁོར་བསྟན་པ་གཉིས་མེད་པའི། །དུས་གསུམ་ཉིད་ན་རབ་ཏུ་མཐར་ཕྱིན་པའི། །ཐམས་ཅད་གཉིས་མེད་བྱིན་གྱིས་བརླབས་ལས་སྣང་། །དེ་དག་བདེ་བ་ཆེན་པོ་ཆོས་ཉིད་དོ། །དེ་ནས་སྟོན་པའི་ཆོ་འཕྲུལ་ཐབས་སྣ་ཚོགས། །གཉིས་མེད་གཉིས་ཀྱི་ཚུལ་དུ་སྣང་བ་ལས། །ཐམས་ཅད་ངོ་མཚར་སྐྱེས་པས་ངོམས་པར་གྱུར། །བསྟོད་ཚིག་གསང་བའི་རྒྱུད་ཀྱིས་གསོལ་བ་གདབ། །ཆོས་ཀུན་རབ་ཏུ་མི་གནས་གནས་མེད་པའི། །དངོས་ཚོགས་དེ་བཞིན་རང་བྱུང་མ་བཙལ་དབྱིངས། །ཐབས་དང་ཤེས་རབ་ཟུང་དུ་འཇུག་པའི་སྐུ། །ཀུན་ཏུ་བཟང་པོ་སངས་རྒྱས་ཀུན་གྱི་དངོས། །ཁྱེད་ཀྱི་ཆོས་ཉིད་བྱིན་རླབས་བརྟག་དཀའ་བས། །བདག་ཅག་ངོ་མཚར་སྒོ་འདིར་ཐེ་ཚོམ་སྐྱེ་། །དོན་ཀུན་གསང་བའི་ཆོས་ཆེན་འབྲེལ་པའི་ཚུལ། །སྐུ་གསུང་ཐུགས་ཀྱི་བྱིན་རླབས་བསམ་འདས་པ། །དུས་ཀུན་ཐུགས་རྗེ་དྲི་མ་མེད་པའི་སྤྱན། །མཐའ་བྲལ་བསྟན་པའི་སྙིང་པོ་ཐེག་པ་ཆེ། །དག་པ་བློ་གྲོས་ཤིན་ཏུ་སྦྱངས་པ་ལ། །ཐུགས་ཀྱི་ཡེ་ཤེས་རྒྱུད་ཆེན་གསང་བའི་མཐུས། །དེ་ལྟར་བདེ་གཤེགས་རིགས་ལྔའི་སངས་རྒྱས་ཚོགས། །གཅིག་གིས་གཅིག་ལ་དགའ་བའི་གསོལ་་འདེབས་ཤིང་། །རང་གི་མཚན་ཉིད་གསང་དོན་བསྟན་མཛད་ནས། །ཀུན་གྱིས་མཐུན་པར་ཀུན་ཏུ་བཟང་ལ་འདུད། །དེ་དག་བྱིན་རླབས་ངོ་མཚར་ཚོགས་རྒྱ་ཆེན། །ཆོས་ཉིད་མཐུ་ལས་ཞིང་ཁམས་ཀུན་ཏུ་གཡོས། །སྣོད་བ་་རབ་ཏུ་འཁྲུགས་ཤིང་རྣམ་པར་གྲོལ། །སངས་རྒྱས་གྲངས་མེད་རིགས་ཀྱི་དཀྱིལ་འཁོར་འབྱུང་། །དེ་ལས་སྣང་བའི་སྟོང་ཁམས་རྡུལ་སྙེད་ཀྱིས། །རང་གི་མཐུ་སྟོབས་དཔེ་བྲལ་ཀུན་ཏུ་སྟོན། །སྣ་ཚོགས་གནས་རྣམས་བཀོད་པ་ཆེན་པོའི་དབྱིངས། །མི་འགྱུར་མཉམ་པའི་ཕྲིན་ལས་ཀུན་སྤྱོད་པའོ། །ཞེས་ཀུན་ཏུ་རྒྱ་ཆེར་སྟོན་ཏོ། །རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་ཀུན་ལ་འཇུག་པ་རྣམ་དག་སྟོན་པའི་རྒྱུད་ལས། །བསྟན་པའི་གཟུགས་བརྙན་ཇི་ལྟར་བྱང་ཞིང་སྣང་བའི་ལེའུ་སྟེ་དང་པོའོ།། །།དེ་ནས་ཐམས་ཅད་རིག་པའི་མཆོག་གྱུར་པ། །ཉིད་ཀྱི་དཀྱིལ་འཁོར་ཆེན་པོ་ཚོགས་ཟིན་ནས། །ཀུན་ཏུ་ཆོས་རྣམས་མི་འགྱུར་སྣ་ཚོགས་པའི། །ཕྱག་རྒྱ་ཆེན་པོར་ཟུང་འཇུག་སྣ་ཚོགས་གསལ། །རིགས་མཆོག་རྒྱལ་བ་ཀུན་གྱིས་གསོལ་འདེབས་ཤིང་། །རང་བྱུང་མཆོད་པའི་ཚོགས་རྣམས་ཀུན་ཏུ་འབུལ། །རྒྱུད་མཆོག་རོལ་པའི་ཡེ་ཤེས་འབྱུང་བའི་གནས། །བྱང་ཆུབ་སེམས་བདེ་ཀུན་ཏུ་ཁྱབ་པ་ལས། །རང་སྣང་དཀྱིལ་འཁོར་ཟབ་མོ་ཟུང་འབྲེལ་བ། །བྱིན་རླབས་ཡུལ་ཚོགས་གཉིས་མེད་གསང་བས་འཇུག །དེ་ཡི་རང་བཞིན་ངོ་མཚར་ཆོས་འབྱུང་བའི། །དངོས་ཚོགས་ལམ་འབྲས་གཉིས་སུ་མེད་པ་གང་། །གཟའ་བའི་ཡུལ་མེད་སྤྱོད་པ་ཀུན་བྲལ་བས། །ལྟ་བའི་དོན་ཀུན་གྲུབ་མཐའ་སྣ་ཚོགས་ཅིང་། །མི་རྟོག་ཏིང་འཛིན་གསལ་བའི་གནས་འཇུག་པ། །དོན་ཀུན་ཕྱག་རྒྱ་བསྒོམ་པ་སྣ་ཚོགས་ཚུལ། །ཟིན་ཆགས་གཉིས་མེད་བླང་དོར་ཕྱག་རྒྱའི་གཞི། །འཆིང་གྲོལ་ཆོས་ཀུན་མཐའ་ཡས་སྤྱོད་པའི་སྒོ །གོལ་སྒྲིབ་མཐར་བཅས་ཀུན་ཏུ་འཆིང་བྱེད་པའི། །སོ་སོར་འཛིན་མེད་བྱང་ཆུབ་ཆེན་པོ་མཆོག །སྤང་ཐོབ་བྱེ་བྲག་དབྱེ་ཞིང་དབྱེ་བ་མེད། །འབྲས་བུའི་ཚུལ་ཆེན་ལྷུན་གྱིས་གྲུབ་གནས་ཤིང་། །འདི་ལྟར་དེ་ལས་དེ་བཞིན་དེ་འབྱུང་བའི། །འབྲེལ་མེད་འབྲེལ་བཅས་གཞན་དུ་བཞག་པ་མེད། །ཐམས་ཅད་དབྱེར་མེད་བྱ་བ་མེད་པའི་ཆོས། ཁྱད་པར་མཚན་ཉིད་གདགས་པ་སྐབས་ཀྱི་དོན། །ཆོས་ཀུན་མཐོང་ཆོས་ཡུལ་མེད་བལྟ་བ་གང་། །དབུ་མ་ལ་སོགས་ཕྱོགས་ཆོས་གོལ་སྒྲིབ་དག །ལོག་པར་འཁྲུལ་པའི་ཉེས་ཚོགས་རྣམ་མང་བ། །སྒྲོ་འདོགས་སྐུར་འདེབས་ཡང་དག་དོན་ལས་ཉམས། །མཉམ་པ་ཆེན་པོའི་དབྱིངས་སུ་ལ་བཟླ་ཞིང་། །བློ་དམན་ཐེག་པའི་གོལ་སྒྲིབ་རྣམ་པར་དག །རྒྱུ་འབྲས་རིགས་འཛིན་སླར་ཡང་འཁྲུལ་པའི་ཚོགས། །ལམ་ཀུན་བགྲོད་པའི་མཐུས་འཆིང་ཕྱིན་པ་མེད། །གཉིས་ཀྱིས་གཉིས་བསྐྱེད་གཉིས་སུ་གྲུབ་པའི་ཆོས། །རྩོལ་བཅས་མཐའ་བསྐྱོད་དོན་ཀུན་ཕྱག་རྒྱ་འཇིག །གདམས་ངག་དམ་པ་སྟོན་པའི་མཛོད་ནས་བྱུང་། ཀུན་གྱི་མཚན་ཉིད་དམིགས་པར་དཀའ་བའི་ཆོས། །ཡོན་ཏན་རིན་ཆེན་ཚོགས་རྣམས་ཐམས་ཅད་འབྱུང་། །དེ་ཡི་གནས་འགྱུར་སངས་རྒྱས་ཀུན་གྱི་ཡབ། །དམིགས་མེད་ཐུགས་རྗེ་རང་ལས་ཀུན་སྣང་གསལ། །མ་ལུས་མཐའ་རྣམས་ཡེ་ནས་ལྷུན་གྲུབ་ཅིང་། །ཇི་བཞིན་ཆོས་ཀུན་མ་བཅོས་ལྷུག་བཞག་ཅིང་། །ཕྱོགས་ཆ་ལྷུན་གྲུབ་རང་བྱུང་ཡེ་ཤེས་དངོས། །གཟུང་འཛིན་རྣམ་དག་བསྒོམ་པའི་གོལ་བ་ཡང་། །དམིགས་བྲལ་ཏིང་འཛིན་ཉམས་སུ་མྱོང་བ་གང་། །ལྟ་བ་མེད་པའི་སྤྱོད་པས་མི་གྲོལ་ཚུལ། །གཞན་ནས་འདོད་པའི་འཁྲུལ་པས་འདོད་པ་བསྙེག །གཞན་ནས་ཐོབ་པར་འདོད་པས་གོལ་བའི་ལམ། །ཐེག་གཞན་དད་བརྩོན་སྤྱོད་པས་དོན་མི་རྙེད། །ཐབས་ཀྱི་མཚན་ཉིད་ཆེ་བའི་ཆོས་སྤྱོད་པས །གསང་སྔགས་ཕྱི་ནང་སྤྱོད་པས་གོལ་བར་འཇུག །སྤང་བླང་དབྱེར་མེད་མཐུན་འཇུག་དཔེ་དང་བཅས། །དཔེ་ཡི་འཐད་པས་ཡང་དག་དོན་གསལ་བྱེད། །འབྲས་བུ་རང་ཆས་གནས་པའི་ཚུལ་འཛིན་ཅིང་། །ངོ་བོ་རང་བྱུང་བྱང་ཆུབ་སེམས་ཀྱིས་བརྒྱན། །སྣང་སྲིད་རྟོག་ཚོགས་བྱང་ཆུབ་གཞན་ན་མེད། །འདི་དོན་དུས་ཀུན་འགྱུར་མེད་ཤེས་པའི་གོ །ཐུགས་རྗེ་མཛད་པ་གང་ཡང་མི་འགོག་པ། །རང་བཞིན་བདེ་བའི་ཡུལ་རྣམས་མཐུན་པས་བསྒྲུབ། །ལྷུན་གྱིས་གྲུབ་ཅིང་བསྐྱོད་ཅིང་བཟླས་པའི་དོན། །ཡེ་ནས་གནས་སོགས་གཞན་དུ་རྩོལ་བའི་ཆོས། །བདེན་པ་ཟུང་དུ་འཇུག་པའི་ངང་ཚུལ་བཟང་། ། གང་ལས་གང་ལྟར་དེ་དག་དེ་ཡི་གཞི། །འདི་ན་མོས་པ་ཙམ་གྱི་འཛིན་བྱེད་དག །དོན་ཀུན་གསང་བའི་ཐེག་ཆེན་འབྲེལ་བའི་རྒྱུད། །ཐབས་མཆོག་རྒྱལ་བ་ཀུན་གྱི་བྱིན་རླབས་ཀྱིས། །ཕྲ་བའི་གནད་དོན་དགོངས་པའི་བྱིན་རླབས་ཤུགས། །ཞེས་ཡང་དག་པ་རྒྱ་ཆེར་གསུངས་སོ། །རྫོགས་པ་ཆེན་པོའི་ཆོས་ཉིད་བྱང་ཆུབ་ཀྱི་སེམས་ཀུན་ལ་འཇུག་པ་རྣམ་དག་སྟོན་པའི་རྒྱུད་ལས། བསྟན་པའི་དོན་ཞུས་པའི་ལེའུ་སྟེ་གཉིས་པའོ།། །།དེ་ནས་ཐམས་ཅད་མཁྱེན་པའི་མཆོག་ཀུན་སྟོན་བྱེད་གཙོ། ཆོས་ཀུན་སྣ་ཚོགས་དོན་འབྱུང་བརྗོད་པའི་ཚིག་གསང་བས། །རང་བྱུང་བདེ་བའི་གནས་ཆེན་ཀུན་ཏུ་ཁྱབ་མཛད་ཅིང་། །མཛེས་པའི་རིགས་མཆོག་དཀྱིལ་འཁོར་རྒྱ་ཆེར་བཤད་ཅིང་བཟུང་། །མི་གནས་དམིགས་པའི་ཡུལ་མེད་མི་རྟོག་ཆོས་ཀྱི་ལམ། །བསྔོ་བའི་ཆ་ཤས་ཕྲ་བའི་ཡུལ་ལས་བྱུང་བ་དེ། །རྟོག་བསྒོམ་ཆོས་ཀྱི་སྐུ་ནི་ཁྱད་པར་དོན་མེད་པས། རང་བྱུང་ཡེ་ཤེས་མི་རྟོག་ཀུན་ཏུ་ཇི་བཞིན་གནས། །ཐབས་ལ་མཁས་པའི་ཐབས་ཀྱི་བྱེ་བྲག་སྣ་ཚོགས་ཀུན། །ཐམས་ཅད་གཅིག་ཏུ་འཇུག་པའི་རྒྱུད་ལྡན་དོན་ཀུན་གསང་། །མ་འདྲེས་ཕྱག་རྒྱ་བསྐྱོད་པའི་ཐ་སྙད་ཐབས་ཀྱི་ཆོས། །ཡེ་ཤེས་རང་གནས་ཤེས་རབ་ཆེ་གཞན་ཀུན་ཏུ་བཙལ། །ངོ་མཚར་མཐོང་བའི་ཡུལ་མེད་དེ་ལ་མཐོང་བའི་མིག །གང་ལ་ཐོབ་པར་མི་རིགས་བསྙད་པ་ཀུན་དང་བྲལ། །ཆོས་དང་ཆོས་ཉིད་རྟག་ཏུ་འདྲེས་ཤིང་དབྱེར་མེད་ལ། །དོན་དམ་ཆོས་གཞན་ལྷག་པར་བསྟན་ཅིང་བཟུང་བ་མེད། །འཁྲུལ་དང་བྱང་ཆུབ་ལམ་དེ་རྟོགས་པས་ཐོབ་པ་མེད། །རང་བྱུང་ཡེ་ཤེས་གཉིས་ཀྱང་ཚིག་གི་མཐའ་དང་བྲལ། །ཡེ་ནས་སངས་རྒྱས་བདག་ཉིད་མངོན་གསུམ་གནས་པ་ལ། །གྲིབ་མ་གཟུགས་ཀྱི་དཔེ་བཞིན་དེ་ལ་རྟོགས་པ་འབྱུང་། །མེད་དེ་མེད་པ་མ་ཡིན་མེད་པའི་སྙིང་པོ་འབྱུང་། །སྟོང་སྟེ་སྟོང་པ་མ་ཡིན་སྟོང་པའི་ཡུལ་ལ་གནས། །ནམ་མཁའིརངབཞིནདེལསའབྱུང་བའི་དྲན་པ་བསྐྱེད། །བྱེ་བྲག་འཛིན་པའི་བདེ་བ་འདོད་པ་མེད་པས་ལེན། །ཆོས་ཉིད་ཆོས་ཚོགས་གང་དག་རྒྱུད་འཛིན་པའི། །ཀུན་ཏུ་མ་གཡོས་ཕྱོགས་རྣམས་སྒྲུབ་བྱེད་ཆོས་སྣང་བ། །དོན་ཀུན་ཕྱག་རྒྱ་རྒྱ་མཚོའི་གཞིར་གྱུར་གསང་བའི་ཡུལ། ཐམས་ཅད་རྣམ་པར་མི་བསྐྱོད་དཔེ་ཡི་ཚོགས་རྣམས་བརྗོད། །རང་བྱུང་ངོ་མཚར་གཏན་ཚིགས་ཡུལ་བྲལ་མེད་པའི་མིག །སྣང་མེད་རྟོགས་པའི་རྒྱུད་ཀུན་དོན་སྤྱོད་གསང་སྔགས་ཆེ། །གང་གིས་གང་ལ་དངོས་ཀུན་མཐར་འཛིན་དེ་ཡིས་ཆོས། །ཐ་སྙད་རྒྱུད་ལས་ཐམས་ཅད་འདས་པའི་དོན་གསལ་བ། །ཐོས་ཤིང་དབྱོད་པས་རྣམ་མཁྱེན་ཕྱག་རྒྱ་སྔགས་ཀྱི་རྒྱུད། །བདུད་པའི་རྩ་བས་དེ་དག་རྒྱུད་བཞིན་འཁྲུལ་པའི་རྫས། །ཚོགས་མེད་མཐའ་འདས་བསོད་ནམས་ལས་རྒྱ་ཆེན་པོ་མཆོག །ཡོད་སྣང་མེད་པའི་ཁམས་ཀུན་བདེ་བར་རང་བྱུང་ཞིང་། །བཙལ་སེམས་སོ་སོའི་དཔེ་འདས་དབྱེ་བསལ་དེ་ཉིད་མེད། །འདས་དང་ད་ལྟ་མ་འོངས་དེ་ཉིད་དེ་སྣང་བས། །དེ་ཡི་ཆོས་ཀུན་མཁྱེན་པས་དོན་འདིར་སྟོན། །བདེན་ཞིང་མིང་དང་ཐ་སྙད་རྟོགས་པའི་མཐའ་འགགས་པའོ། །འདི་དག་རང་བཞིན་དབྱེར་མེད་ཆོས་སྐུའི་སྣང་བ་ཉིད། །སེམས་ཀྱི་ཐ་སྙད་དཀྱིལ་འཁོར་ཆ་ཤས་དག །དམིགས་པའི་ཡུལ་རྣམས་ཟབ་མོའི་དགོངས་འཇུག་རྟོགས་དཀའི་ཆོས། ཁྲེས་པ་ཙམ་དུ་སྨྲ་ཞིང་ནང་ལ་དངོས་འཛིན་གཉིས་རྟོགས་རྒྱུན། །དེ་མེད་མི་འབྱུང་དེ་ལས་མཐའ་ཡིས་རྒྱུད་སེལ་བ། ཐམས་ཅད་རྟགས་དང་ཆད་པའི་ལྟ་བ་ཕྱོགས་སུ་འཁོར། །ཡུལ་སེམས་སོ་སོའི་རྟེན་འབྲེལ་གཅིག་ལས་གཉིས་ཚོགས་སྣང་། །རང་བཞིན་མ་གཡོས་དེ་ལས་རྟག་ཏུ་འབྱུང་། །གཞན་དག་འབྲེལ་པའི་དོན་གྱིས་གཅིག་ལས་གཅིག་སྣང་ཞིང་། །སྣང་དང་མི་སྣང་ཐ་སྙད་སེམས་ཀྱི་ཆོས་ཀུན་དག །ཆོས་དང་ཆོས་ཉིད་དབྱེར་མེད་གཅིག་ལས་ཐམས་ཅད་འབྱུང་། །དོན་དམ་ཀུན་རྫོབ་མིང་ཚིག་དག་གི་དངོས་ཀུན་སྟོང་། །མཛེས་པ་རིས་ཅན་སོ་སོ་ཀུན་ལས་ཕྱོགས་རྒྱས་འགྱུར། །རང་བྱུང་བདེ་བའི་རྟོག་པའི་མདངས་གདངས་ཡིན་ནམ་ཀྱི་ཡུལ་དཔྱོད་མཐའ། །བཟང་བའི་ཡུལ་མེད་དེ་ལས་ཡེ་ཤེས་འབྱུང་བའི་རྩལ། །སྔོན་མེད་དྲང་སྲོང་བཞིན་དུ་བསྒོམ་པའི་ཡིད་ཀྱང་འཇོག །བལྟ་མེད་རྣམ་རྩོལ་འབད་པའི་གདུང་བས་ཟིན་པ་ནི། །རང་བཞིན་ལམ་དེ་འཁྲུལ་པས་ཐམས་ཅད་མཁྱེན་པ་མེད། །ཇི་བཞིན་པ་ཞེས་རྣམ་རྟོག་དེ་ཕྱིར་རྟོག་བསྒོམ་པ། །བདེ་བ་ཆེན་པོ་འདོད་པས་ཆགས་པའི་ནད་ཡིན་ཏེ། །མི་གཡོ་རང་བཞིན་གནས་པའི་སྨན་ཆེན་མ་བྱས་ན། །མཐོ་རིས་བགྲོད་པའི་རྒྱུ་དེ་ཉོན་མོངས་ཟིན་པར་འགྱུར། །ལས་ཀྱི་མཐའ་ཡིས་ཀུན་ཏུ་འཇིག་ཅིང་ཉེ་པར་སྤྱོད། །འགྱུར་བ་དེ་དག་བདག་པོའི་མཐུ་ལས་གཞན་དུ་སྣང་། །ཐ་དད་སྨིན་ལ་ཐ་དད་རྟོག་ཚོགས་བསམ་དབྱོད་པས། །མུ་སྟེགས་རིགས་ཅན་རང་གི་ཕྱོགས་ཀུན་འཆིང་བར་བྱེད། །བལྟ་བ་བསྙེམས་པས་གྲུབ་མཐའ་བདེན་གྲུབ་དངོས་ཀུན་གནས། །ཡང་དག་སྲིད་མཐའི་ཀུན་ཏུ་རྟོག་པའི་ཆུ་རྒྱུན་གསལ། །ནམ་མཁའི་རང་བཞིན་དོན་ཀུན་གཞན་དུ་འབྲས་བསྒྲུབས་པས། །མིང་དང་བརྡ་ལས་བྱུང་བའི་ཆ་ཤས་དངོས་སུ་རྣམ་པར་དག །ལམ་མེད་ལམ་དུ་འཇུག་པ་རྣམས་ཀྱི་ནད་ཆེ་བ། །ཕྱིན་པར་འདོད་པས་རི་དགས་སྨིག་རྒྱུ་བསྙེགས་པ་འདྲ། །རྙེད་པའི་ཡུལ་མེད་འཇིག་རྟེན་གསུམ་ལས་མྱོང་མི་འབྱུང་། །ས་བཅུར་ལྟོས་པའི་གནས་ཀྱང་བྱང་ཆུབ་སྒྲིབ་པ་ཡིན། །ཤིན་ཏུ་མྱུར་བའི་ཡེ་ཤེས་བསམ་པ་ཀུན་དང་བྲལ། །བཤེས་གཉེན་ཀུན་ལས་བྱུང་བའི་ནོར་བུ་རིན་ཆེན་མཛོད། །དམིགས་པ་མེད་ཅིང་འགྱུར་བའི་གནས་ལ་མི་ལྟོས་པར། །ནང་གི་རང་བཞིན་ལེགས་པས་རེ་བ་ཐམས་ཅད་སྐོང་། །བརྟགས་ན་མེད་ལ་སྣ་ཚོགས་འབྱུང་བའི་ལེགས་པ་ཆེ། །དངོས་སུ་མི་སྣང་ཆགས་པའི་ཆ་ཤས་ཀུན་ལ་སྟོན། །བདག་དང་གཞན་དུ་བྲལ་བའི་སྟོན་མཁན་རིན་ཆེན་མཛོད། །ཐམས་ཅད་གྲུབ་པའི་ཡུལ་ཞེས་བདག་མེད་སྙིང་རྗེས་བསྟན། །ནང་ནས་མ་གཡོས་ནང་དུ་བཙལ་བའི་གནས་མེད་དེ། །ཡུལ་ཕྱིར་ཆགས་ཤིང་ཡུལ་ལ་བསྡོ་བའི་དམིགས་པ་མེད། །མི་འབྱུང་མི་འཇུག་བདག་མེད་སྙིང་རྗེ་དེ་ཡིན་ན། །གཞན་གྱིས་ནོར་མིན་མ་བྱུང་ཡེ་ནས་གནས་པ་ཡིན། །བདག་གཞན་གང་གི་ཕྱོགས་འཛིན་མཐར་ཕྱིན་་སྐུ་གསུམ་ཉིད། །མ་ངེས་སྙིང་པོ་བྱང་ཆུབ་རྩོལ་མེད་ཐ་དད་ལམ། །བདག་ཉིད་ཆོས་དབྱིངས་དོན་ཚོལ་གནས་མ་ངེས་པ་ཡིས། །རྩལ་དང་སྒྱུ་མའི་རྒྱུན་བྲལ་ཐབསཀུན་དཀྱིལ་འཁོར་ཆེ། །མིངབསམ་ཡུལམེད་བདུདཚོགས་གཞོམ་མེད་དངོས་གྲུབཚོགིས། །དཀྱིལ་འཁོརཆུ་ཟླ་ཐེག་ཚོགས་ཀུན་འབྱུངརྒྱུ་རྐྱེན་བྲལ། །རབཏུ་སྦྱོར་བས་དོན་འདིར་བདེ་བའི་ཡེཤེས་གཞི། །ཐམས་ཅད་མ་ངེས་ཕྱག་རྒྱས་མཐརའཛིན་འཇིགས་པ་སེལ། །བྱ་བྲལ་ཡུལ་ལ་མི་གནས་གཉེན་པོས་བཅོས་སུ་མེད། །ཡན་ལག་ཆོས་ཀྱི་དབང་གིས་སྙིང་པོའི་ཡུལཚོལ་ཞིང་། །རྣམ་པཅིརཡངམི་རྟོག་ཐབས་ཀྱིས་དེལ་རོལ། །སྙིང་པོའི་རངབཞིན་འབྱུང་བ་གཞན་ན་མེད། །རྡུལ་ཕྲནགཅིག་ལས་བསྲེས་ཤིང་ཕྱོགས་བཅུ་ཀུན་དང་བྲལ། །མི་གནས་དོན་ཉིད་ལེགས་པའིཡེཤེས་རངབྱུང་སྟེ། །མངོནསུམ་ཀུནཏུ་མི་རྟོག་ཡངས་པའི་སྙིང་པོལ། །རྣམ་དག་ལམ་འདིརཞུགས་པས་མཉམ་པའི་རྒྱལཔོ་འཐོབ། །མི་འགྱུར་འགྱུར་བ་མེད་པས་ཆགས་པའི་གནས་མེད་དེ། །དེ་བཞིནགཟུང་བའི་ཡུལམེད་འཛིན་པའི་གནསཀྱང་མེད། །ཡངདག་ཡེཤེསཀུན་འབྱུང་ས་བོན་ཚོགསཔས་བསྒྲུབ། །ནམ་མཁའི་རི་མོ་དམིགས་པའི་བཀའལ་ཐ་སྙད་གཞི། །མི་མཁས་འཁོརལོའི་རྒྱུད་ཐབས་མང་པོས་འཁྲུལ་ཞིང་རྨོངས། །ཡོངས་སུ་སྤང་བླང་བཞག་པའིཐེགཔ་ཐམསཅད་བསྟན། །མངོན་སུམ་ཐོབཔར་འདོད་པས་རྒྱུ་ལ་རྟག་ཏུ་བསྒོམ། །བསྒོམ་ཆགས་བདེབ་དེ་ལས་མཉམ་པའི་དོན་མི་འབྱུང་། །སྐུ་གཅིག་ཀུན་ཏུཁྱབ་པས་མངོན་པའི་ཆོས་མེད་དེ། །མཐའ་ལ་ཐུག་པ་མེད་པས་དབྱིངས་ལ་ཟད་པ་མེད། །ཆོ་ཀྱི་རོལ་པས་ཉམས་འཕགས་ལྷག་པའི་གནས་མེད་དོ། །རང་བྱུང་ཡེ་ཤེས་ཆེ་བའི་ཡུལ་ཀུན་ཇི་བཞིན་གནས། །གསང་བའི་ཡུལ་ཀུན་དེ་ལས་དེ་རྒྱུད་འབྲེལ་བའི་དོན། །ལྷག་པའི་དོན་འདི་ཐབས་དང་ཤེས་རབ་གཉིས་མེད་དང་། །གང་ལས་དེ་བཞིན་གཤེགས་པའི་ཕྱག་རྒྱ་གཟུང་བྱེད་པའོ། །མཛད་པ་དྲན་པའི་རྟགས་ཀུན་ཞི་བ་ཉིད་དུ་སྦྱོར། །འདིར་འཇུག་གསལ་བའི་ཡུལ་ཉིད་མཐའ་བྲལ་རྟག་ཏུ་བདེ། །སེམས་དཔའ་ཆེ་མཆོག་དཔལ་མཇོད་དོན་ལྡན་པས། །ཐུག་པའི་འབྲས་བུ་གསང་སྔགས་རྒྱུད་འདིར་འགགས་པའི་ཆོས། །དེ་དག་མ་སྐྱེས་ཡེ་ནས་བྱ་དང་བྱེད་པའི་རྩེ། །འདི་ཞེས་གསུང་རྫོགས་བརྗོད་པས་དགེ་བའི་ཚོགས་འཕེལ་ཞིང་། །མི་མཐུན་གནས་ཀུན་འགྲིབ་པའི་བག་ཆགས་དངོས་མེད་པའོ། །དོན་མཐུན་སྣང་ཞིང་གསང་སྔགས་བདེ་གཤེགས་ཀུན་གྱི་ཚུལ། །ངེས་པའི་བློ་གྲོས་དུས་ཀུན་གནས་པར་ཐམས་ཅད་འཇུག །ཅེས་གསུངས་སོ། །རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་ཀུན་ལ་འཇུག་པ་རྣམ་དག་སྟོན་པའི་རྒྱུད་ལས། །ངེས་པར་བསྟན་པའི་ཚུལ་གྱིས་བསྡུས་པའི་ལེའུ་སྟེ་གསུམ་པའོ།། །།དེ་ནས་ཐམས་ཅད་མཁྱེན་པའི་མཆོག །ངོ་མཚར་འཇིག་རྟེན་རྨད་བྱུང་བའི། །དོན་ཀུན་གསང་བའི་རྒྱུད་ཆེནཔོ། །ཐབས་ཀྱི་རྣམ་པར་སྤྱོད་པའི་གཞི། །གང་ལ་ཡུལ་འདི་མཐར་ཕྱིན་པའི། །ཕྱག་རྒྱ་རིག་པའི་བདག་ཉིད་སྔགས། །དངོས་གྲུབ་ཡུལ་མེད་མཐར་ཕྱིན་པའི། །མཚན་བཅས་འཇུག་པའི་ཆོས་ཀུན་ལས། །འདི་དག་གསང་བའི་ཡེ་ཤེས་སྐུ། །རིགས་རྣམས་ཐ་དད་སྣ་ཚོགས་པས། །དཀྱིལ་འཁོར་བྱང་ཆུབ་སེམས་ཀྱི་གཞི། །ཐ་སྙད་གང་གིས་རྒྱུན་བསྒྲུབས་ཤིང་། །དོན་ཀུན་གསང་བའི་ཆོས་འཇུག་པ། །རེས་བཞིན་འབྱུང་བའི་གདངས་གསལ་བཞིན། །མེད་པའི་བསམ་བརྗོད་ཡུན་གྱིས་རྫོགས། །ཇི་ལྟར་ཟབ་མོའི་ཐ་སྙད་ཀུན། །དོན་འདི་རྣམ་པར་གྲོལ་བྱེད་པའི། །སེམས་རྒྱུད་ཐ་དད་ངོ་བོས་འཇོག །དང་པོའི་རྟོག་པས་ཡུལ་ཀུན་ཉིད། ཁེས་པ་གང་གིས་གང་ལ་འཇུག །ཆོས་ཉིད་བདེ་བའི་དོན་ཀུན་གནས། །ཕྱོགས་ཀྱི་སྣང་བ་མ་འགགས་ཆོས། །བསམ་འདས་དབྱོད་པར་དཀའ་བའི་ཚོགས། །ཐམས་ཅད་ཀུན་གྱི་ཆ་ལུགས་གསལ། །དེ་ལས་ཕྱོགས་ཀྱི་ཆ་བཟུང་སྟེ། །ཕྱི་ནང་ཀུན་ཏུ་འབྱུང་བའི་ཚོགས། །ཆོས་དང་ཆོས་དབྱིངས་དབྱེར་མེད་ལ། །མི་མཐུན་གཉེན་པོའི་རྟོག་འཛིན་ཅིང་། །དོན་དམ་ཀུན་རྫོབ་ལྷག་པའི་གནས། །གདགས་པའི་ཡུལ་མཐར་སྐྱེ་བའི་རྒྱུན། །མིང་ཚོགས་བྱེད་དངོས་སྟོང་པའི་ཆོས། །དེ་དག་ལས་ཀྱི་མཐའ་འགོག་པའོ། །འཁྲུལ་པས་སྣ་ཚོགས་བཏགས་པའི་ཆ། །ཇི་ལྟར་མི་བསྒྲིབ་འཁོར་ལོ་བཞིན། །ང་མེད་ཕྱག་རྒྱའི་མཐའ་གསང་བས། །བྱང་ཆུབ་སེམས་ཀྱི་ལམ་རྒྱུད་གསལ། །རྟོག་པའི་ཡུལ་ཚོགས་ཆོས་འཛིན་པའི། །ཐེག་པ་གཞན་རྒྱུད་རྣམ་པར་བསྡུས། །རང་བྱུང་ཡེ་ཤེས་ཇི་ལྟ་བར། །དངོས་ཀུན་གསལ་བའི་དོན་སྟོན་པའོ། །འདས་པའི་མཐའ་རྣམས་སྤྱོད་པའི་ཡུལ། །དེ་དག་དངོས་ཀུན་མ་འོངས་དུས། །ད་ལྟའི་ཚིག་ཚོགས་མཐའ་ལས་འདས། །རང་གི་ངོ་བོ་ཀུན་འཇོག་བྱེད། །འདི་དག་ཡེ་ནས་མ་བཅོས་པའི། །འབྲས་བུའི་དངོས་ཀུན་གཞན་དུ་འགྱུར། །དེ་དག་བློ་ཡི་སྣང་བས་ཏེ། །རིགས་ཀུན་ངོ་བོ་མ་འགགས་པ། །དོན་ཀུན་ཕྱག་རྒྱའི་ཆ་ལུགས་སྐུ། །མི་ཤིགས་རྡོ་རྗེ་ལྟ་བུའི་དངོས། །ཐབས་དང་ཤེས་རབ་རོལ་པའི་གནས། །སྤྱོད་བཅས་རྣམ་པ་སྣ་ཚོགས་གཞི། །བྱང་ཆུབ་འཁོར་བ་མྱ་ངན་འདས། །ཐབས་ཀྱི་གར་ཚོགས་ཡུལ་ཀུན་ཉིད། །བདེ་བའི་ཆ་ལུགས་མ་རྨོངས་པ། །རིགས་ཚོགས་གསང་བའི་ལྷ་ཉིད་དོ། ཁམས་གསུམ་དངོས་གྲུབ་ལྷག་པའི་གནས། །རང་བྱུང་ས་ཡི་རྟགས་ལས་སྐྱེས། །དོན་ཀུན་ཕྱག་རྒྱའི་དཀྱིལ་འཁོར་ཚོགས། །སེམས་དཔའ་རང་རིག་ཀུན་ནས་འཇུག །ཇི་ལྟར་དོན་ཀུན་རང་བཞིན་བཅས། །ཕྱི་ནང་ཆོས་ཀུན་རྣམ་པར་དག །མེད་པས་ཕྱོགས་སུ་དམིགས་པའི་ཡུལ། །ཐམས་ཅད་སྟོང་པའི་མཐའ་རྣམས་སྐྱེས། །མེད་པའི་སྙིང་པོ་གསང་བའི་གཞི། །ཐ་དད་དོན་མིན་དེར་འཇུག་པའི། །དཔེ་འདིས་ཟབ་མོ་སྡེར་བཅས་པས། །དཔེ་ཡི་ཐ་སྙད་གང་དུ་འཇུག །དེ་དག་རྟག་ཆད་སྟོང་པའི་ཡུལ། །སྒྲོ་སྐུར་མིང་ལས་མཐའ་རྣམས་གནས། །མ་འདྲེས་གསང་བའི་ཐིག་ལེ་ཆེ། །བསྒྲུབ་མེད་མི་མཐུན་གནས་ལས་སྐྱེས། །མི་བསྐྱོད་ཕྱི་ནང་མེད་པར་འཕེལ། །མ་བགྲོད་ལམ་ཀུན་ས་ཡི་དབྱིངས། །ནམ་མཁའི་དཀྱིལ་འཁོར་ཇི་ལྟ་བར། །འབྱུང་ཚོགས་མ་འདྲེས་བཀོད་པའི་སྒོ། །ཐེག་པ་ཐམས་ཅད་གསལ་བྱེད་པ། །ཐུགས་རྗེ་ཆེན་པོས་འཇིག་རྟེན་འདས། །དྲན་པའི་གནས་ཀུན་བསྐྱེད་པའི་ཕྱིར། །དངོས་འདི་དངོས་པོ་གསལ་བྱེད་པའོ། །བྱ་བྲལ་ཡུལ་ཀུན་རྣམ་པར་གནས། །ཐབས་ཀྱི་རྫས་ཀུན་སྣང་བའི་ཚོགས། །གང་དག་ཟིན་པས་དེ་ཡི་མཐའི། །མྱ་ངན་འདས་པའི་ལམ་ཀུན་སྩོད། །བདེ་བ་ཆེན་པོའི་འཇུག་པ་ནི། །འབྲས་བུ་འདོད་པ་མེད་པའི་དབྱིངས། །དེ་ཡི་མཐུ་རྒྱུན་ཡུལ་སྤྱོད་པས། །ཡང་དག་དཀྱིལ་འཁོར་གསལ་མི་འགྱུར། །ཕྱི་རོལ་ཡུལ་ཚོགས་འདུས་པའི་བདག །རྡུལ་ཕྲན་གང་བུའི་མཚན་ཉིད་ཅན། །མ་བྱས་མཚན་མ་མེད་ཆོས་རྟགས། །ནམ་མཁའི་དབྱིངས་བཞིན་ཕྱོགས་བཅུར་བརྡལ། །བཟའ་བའི་ཡུལ་མེད་བསམ་བྲལ་རྒྱུད། །རང་གི་ཡེ་ཤེས་གསལ་བའི་གནས། །ཐམས་ཅད་དངོས་ཀུན་སྤངས་པའི་བློས། །ཕྱག་རྒྱའི་དཀྱིལ་འཁོར་གསང་དང་བྲལ། །འབྱུང་འཇུག་རེས་ཀྱིས་འཁྱིལ་པ་ལས། །ཡེཤེསཡུལབཅས་འབྱུང་བར་རྩོལ། །སྔོན་གྱི་དྲངསྲོངཆེན་པོ་ཡིས། །དོན་འདི་རྩེ་གཅིག་སྒོམ་བྱེད་ཅིང་། །ནང་གི་ཆོས་ཀུན་འགགས་པའི་དོན། །དེ་ལས་དེ་བྱུང་མཐར་བྱེད་ཅིང་། །རྣམ་རྩོལ་ཞི་བས་ཕྱོགས་གཅིག་གནས། །རང་བཞིན་ཡེ་ཤེས་ཆེ་ལས་ཉམས། །བློ་རྒྱུད་རྣམ་པར་ཉམས་པས་འཁྲུལ། །ཕྱི་རོལ་ལས་ནང་ནང་ལས་ཕྱི། །ཐེག་པའི་མཆོག་གིས་གྲོལ་འདོད་པས། །དེས་ན་ཉེས་པས་ཀུན་ཏུ་འཆིང་། །འདི་དག་སྟོང་དང་མི་སྟོང་ཞེས། །རྟག་ཆད་བདེ་སྡུག་མཚན་མས་ཆགས། །མི་མཐུན་རྣམ་པར་རྟོག་པའི་ཡུལ། །ཇི་བཞིན་ཆོས་ཀུན་ངོ་བོར་འཛིན། །དེས་ལ་དེ་ཡི་ཡུལ་བཅས་རྟོག །ཐབས་རྣམས་འཁྲུལ་པའི་མཐར་འཛིན་པས། །ཡུལ་མེད་དངོས་ཀུན་སྣ་ཚོགས་འཇུག །བྱ་བ་དག་ལས་ཚུལ་འདི་སྐྱེ། །མཐོ་རིས་བྱམས་པའི་གནས་བགྲོད་ཅིང་། །དེ་རྒྱུ་ཐར་པའི་ཆོས་འཇུག་པས། །མ་རིག་གནས་སུ་འདི་རྒྱུད་ཆོས། །བདག་དང་བཅས་པའི་གནས་ཀུན་འཇིག །འཇིག་རྟེན་ལས་འདས་མི་མཐུན་སྟོབས། །འཁྲུལ་ཚོགས་སྡུག་བསྔལ་སྐྱེ་བའི་རྒྱུན། །རྒྱུ་འབྲས་གཉིས་ཚོགས་མཐར་འཛིན་དམིགས། །ལམ་མེད་ཕྱོགས་ཀྱི་གནས་བགྲོད་པས། །ལམ་པའི་ཉེས་ཚོགས་ནད་ཆེན་རྣམས། །དུས་གསུམ་སྒྲིབ་པའི་འཁྲུལ་རྟོག་རྐྱེན། །འཇིག་རྟེན་མཚན་ཉིད་ཤེས་དཀའ་བས། །དགོས་དོན་གསལ་བ་ཀུན་གྱི་ཡུལ། །རང་གི་མཐར་འཛིན་དམན་པའི་ཤུགས། །དམ་བཅས་འཇིག་རྟེན་སྒྲོལ་བ་སྟོབས། །དེ་མེད་དེ་ཡི་རྒྱུ་འབྲས་ཐོབ། །མཐའ་བཞིར་སྤྱོད་པའི་ཚུལ་འབྲས་ཤིང་། །མ་གོས་བྱུང་ཚོར་བསྟན་པའི་སྒོ །མཐའ་དབུས་ཕྱོགས་སུ་ལྷོས་པའི་ཡུལ། །རབ་ཏུ་དགའ་བ་ལ་སོགས་འབྲས། །སྦྱིན་སོགས་སྟོབས་ཀྱིས་བགྲོད་པའི་མཐུས། །རང་གི་ཡེ་ཤེས་གནས་ཀུན་དག །ཕ་རོལ་ཕྱིན་སོགས་ས་བརྙེས་པའོ། །ཐབས་མཁས་ཤེས་རབ་རྣམ་པར་སྦྱངས། །རྒྱ་ཆེན་ཟབ་མོ་སྔགས་ཀྱི་ལམ། །བྱང་ཆུབ་སེམས་དཔའི་དཀྱིལ་འཁོར་ཚོགས། །སངས་རྒྱས་འཁོར་བཅས་ཀུན་གྱི་མཛོད། །རྟོག་པའི་ཆོས་རྣམས་སྣང་བྱེད་པའོ། །མྱ་ངན་འདས་པར་ཀུན་རྫོགས་ཆོས། །ཐབས་འདིར་རང་བྱུང་གནས་སྟོན་ཅིང་། །མི་ཤེས་ཐེ་ཚོམ་ཀུན་ཏུ་སྤྱོད། །བཤེས་གཉེན་ཆེན་པོའི་གདམས་ངག་ལས། །དོན་ཀུན་འབྲས་བུ་སྐྱེ་བར་འགྱུར། །གང་ལས་མ་བསྟན་ཆོས་རྣམས་འབྲས། །ཡེ་ཤེས་དབྱིངས་ཀྱི་སངས་རྒྱས་ཚོགས། །འདི་དག་ཡོན་ཏན་ཀུན་འབྱུང་གནས། །ཐམས་ཅད་གྲུབ་པའི་གསང་བ་ཉིད། །རྒྱུད་ཆེན་སྙིང་པོའི་དོན་གསལ་བྱེད། །ཐབས་འདི་རྫོགས་པའི་སངས་རྒྱས་ཀྱིས། །ཐམས་ཅད་ཡུལ་ཕྱིར་མ་འདྲེས་བསྟན། །གང་འདི་སངས་རྒྱས་གང་ལས་བྱུང་། །སྣང་བ་ཕྱོགས་ཀུན་གང་གི་དོན། །ཆ་མེད་་ཡུལ་ཚོགས་ཆ་བྲལ་བས། །ཕྱི་ནང་དཀྱིལ་འཁོར་བཀོད་པ་བཞིན། །འདི་ལྟར་ཕུང་པོ་འབྱུང་བཅས་པ། །དེ་ལས་དེ་སྣང་རྒྱུན་འབྲེལ་བ། །ཐབས་ཀྱི་རྩེ་མོ་ཀུན་སྤགས་པས། །མཐའ་དག་ཟག་པ་མེད་པའི་ཡུལ། །འགྱུར་བ་མེད་པས་ཕྱོགས་ཆོས་ཀུན། །རང་སྣང་དཔེ་རྣམས་སྣ་ཚོགས་བྱོས། །ནང་གི་ཡུལ་ཅན་ཕྱི་རོལ་རྒྱུན། །དེ་མཐའ་གང་དུའང་མ་འགགས་པའོ། །ལེགས་པར་བསྟན་པའི་གནས་རྫོགས་བྱེད། །ཐེག་པ་ཐམས་ཅད་རྩོད་པའི་གཞི། །དོན་གསུམ་ཐེ་ཚོམ་ཀུན་བྲལ་བས། །གྲངས་ཅན་ཡུལ་ལས་གྲོལ་བར་འགྱུར། །དངོས་སུ་རྩོད་པའི་མཐའ་སྤངས་པས། །ཕྱག་རྒྱ་ཆེན་པོ་གཉིས་མེད་པའོ། །མི་རྟག་གང་དག་ཐ་སྙད་རྒྱུན། །དེ་ཡི་དཀྱིལ་འཁོར་ཇི་བཞིན་གསལ། །སྟོན་པ་འཇིག་རྟེན་སྒྲོན་མའི་གཙོ། །སངས་རྒྱས་ཐེག་པ་ཀུན་འདས་པའི། །མྱ་ངན་འདས་ལམ་འཇིག་བྱེད་བདག །དེ་དག་ཕྱག་རྒྱའི་ཚོགས་ཀྱིས་འཇོམས། །གཟུང་འཛིན་རྟོག་པའི་ཡུལ་མེད་པས། །ས་བོན་ཀུན་འཇུག་ཆུ་བོའི་རྒྱུན། །མ་གཡོས་དངོས་ཀུན་མཐའ་འདས་པས། །ཕྱིན་ཅི་ལོག་རྣམས་ཀུན་ཏུ་སྣང་། །བདག་གཞན་རིས་སུ་མ་གྲུབ་ན། །དེ་དག་ཐ་སྙད་ག་ལ་འཛིན། །ཡང་དག་བྱང་ཆུབ་སེམས་ཀྱི་དངོས། །ཕྱོགས་བཅུ་དུས་རྣམས་རྫོགས་པ་ཉིད། །ཐམས་ཅད་གྲུབ་པའི་ཡུལ་དག་ནི། །དབེན་པའི་རྩལ་སེམས་རྫོགས་པ་ཉིད། །ཕྱེད་བཅས་ཕྱེད་ལ་རབ་ཏུ་སྒྲོལ། །དེ་ལས་ཉི་མའི་མདངས་རྫོགས་པའོ། །དམིགས་པ་མེད་པའི་ཐུགས་རྗེ་ཆེ། །ནམ་མཁའི་གཟའ་སྐར་སྣ་ཚོགས་པས། །ནང་ནས་མ་གཡོ་ནད་ཀུན་ཞི། །དེ་དག་གང་གི་རྫས་སུ་སྤྱོད། །དོན་འབྱུངགསངཆེན གསངབའིརྒྱུད། །སངས་རྒྱས་ཐམས་ཅད་གཉིས་མེད་སྦྱོར། །རྟག་ཏུ་ལྷ་ཡི་སྤྱན་ཚོགས་ཀྱིས། །ཆོས་ཀུན་ཡུལ་ཚོགས་གསལ་བར་གཟིགས། །སྟོང་པའི་ཆོས་ཉིད་གཉིས་མེད་པས། །ཆོས་རྣམས་སྣང་བའང་གཉིས་མེད་སྣང་། །དེ་ལྟར་སྣང་དང་སྟོང་པ་དག །དབྱེར་མེད་བཅོ་བརྒྱད་ལ་སོགས་པར། །ཐ་དད་མི་རྟོག་མ་སྤྲོས་པས། །རང་བཞིན་ཀུན་ཏུ་མ་ངེས་པའོ། །མཁས་རྣམས་རབ་ཏུ་ཞི་བ་ཡི། །རེག་པ་སྣ་ཚོགས་དབང་པོ་ཀུན། །མི་གཉིས་ཐ་དད་དཔེར་བཅས་པ། །རབ་ཏུ་རྟོགས་པའི་མཐར་ཕྱིན་པའོ། །མི་འགྱུར་མི་འཇུག་ས་ལེ་བ། །ཐམས་ཅད་སྐྱེས་པ་ཉིད་ནས་འགག །དེ་ལས་སྐྱེས་དང་འགག་པའི་རྒྱུན། །དོན་འདི་རབ་དུ་སྣང་བར་འགྱུར། །བདག་མེད་སྙིང་རྗེ་ཆེན་པོ་ཡིས། །ཕ་རོལ་ཕྱིན་རྣམས་རྫོགས་བྱས་ཏེ། །རང་བྱུང་ཟག་པ་མེད་པའི་ནོར། །འཕགས་པའི་རྫས་བདུན་ཀུན་སྤྱོད་པའོ། །དེར་འཇུག་དམིགས་པའི་ཏིང་ངེ་འཛིན། །དོན་ཀུན་ཕྱོགས་བཅུ་སྣ་ཚོགས་པ། །དེ་ཡི་ཆ་ཤས་དམིགས་དང་བྲལ། །དུས་གསུམ་མ་བྱུང་སྐྱེ་བ་མེད། །ཐམས་ཅད་མཁྱེན་པའི་དབང་དོན་ཤེས། །མི་གནས་གཉེན་པོས་བཅོས་སུ་མེད། །ལས་ཀུན་རྣམ་པར་འབྱེད་པའི་ཚོགས། །འཕགས་པའི་སེམས་ལས་བསྲུངས་པ་ཆེ། །ཡན་ལག་ཆོས་རྣམས་བྱང་ཆུབ་སེམས། །ཐ་སྙད་བརྡ་ཡི་དབང་གིས་འཇུག །སྙིང་པོ་མ་གཡོས་རྟོགས་པའི་རྩལ། །དོན་རྫོགས་ཐེག་པ་ཆེན་པོའི་གནས། །དང་པོའི་རྩལ་ཤུགས་རིམ་གྱིས་ས། །ཐ་དད་མིན་ལ་དེར་གནས་སྣང་། །ཡུལ་ཀུན་ཚོལ་བྱེད་ཐ་དད་ཆོས། །དེར་མིན་སྣང་ཕྱིར་དེར་འཛིན་འཁྲུལ། །རྣམ་པ་ཀུན་་ཏུ་གསལ་བའི་དོན། །ཅིར་ཡང་མི་རྟོག་ཐེག་པའི་གཞི། །ཐབས་དང་ཤེས་རབ་ཕྱག་རྒྱའི་ཚོགས། །ཀན་ཏུ་བཟང་པོའི་རོལ་པའི་ཐབས། །མི་མཉམ་རྒྱ་མཚོའི་སྙིང་པོ་གཞི། །དོན་མཐུན་ཐེག་པའི་ཁྱད་པར་གྱིས། །ཆོས་ཀུན་མཉམ་པའི་དཀྱིལ་འཁོར་རྫོགས། །དེ་ལས་ཐམས་ཅད་རབ་ཏུ་སྤྲུལ། །རྡུལ་ཕྲན་ཁྱད་པར་ལས་གྲུབ་པས། །ས་རྣམས་མཉམ་པའི་གཞི་ཡངས་པར། །འབྱུང་ཚོགས་རོལ་པས་ལས་བྱེད་པ། །དེ་དག་ཆ་ཤས་རྫས་ལས་གྲུབ། །དུས་དང་ཕྱོགས་ཆའི་ཁྱད་པར་གྱིས། །ནང་དང་ཕྱི་ཡི་རོལ་པར་སྣང་། །འདི་ལྟར་ཁ་དོག་ལ་སོགས་རྫས། །ནམ་མཁའི་རང་བཞིན་རྣམས་ཀྱིས་འདོད། །གང་བྱུང་རྫས་ཀྱི་ཁྱད་པར་གྱིས།ཁམས་གསུམ་རབ་ཏུ་འཇིག་པར་འགྱུར། །དེ་ནས་གྲུབ་པའི་མཐའ་དཔྱོད་པས། །བློ་ཡི་ཆོས་རྣམས་འཇིག་པར་བྱེད། །མི་གནས་དོན་ཀུན་སྟོན་བྱེད་པས། ཁྲེས་རབ་ཆེན་པོའི་ཡུལ་མཐར་ཕྱིན། །དཀའ་བའི་གནས་ཀུན་བདེ་རྫོགས་པའི་། །དོན་ཀུན་ཕྱག་རྒྱ་ལེགས་པའི་གཞི། །ཡེ་ཤེས་ཆེན་པོའི་དཀྱིལ་འཁོར་གྱི། །རང་བྱུང་ངོ་མཚར་རྣམ་སྤྱོད་པའོ། །དེ་དག་ཐབས་ཀྱི་བདག་ཉིད་ལས། །རྒྱ་མཚོའི་རླབས་བཞིན་ཀུན་ཏུ་གཡོ། །ཆོས་ཉིད་མངོན་རྟོགས་ལས་བྱུང་བའི། །སངས་རྒྱས་ཀུན་གྱི་ཡེཤེསམཆོག །མངོནསུམཚུལ་གྱི་མངོན་སུམ་མཆོག །ཐེག་པའི་འབྲས་བུ་ཆེ་བ་ཉིད། །མི་རྟོག་དེ་བཞིན་ཉིད་ཀྱི་བདག །ནམ་མཁའི་མཐའ་བཞིན་ཟབ་མོའི་དབྱིངས། །ཡངས་པར་སྦྱོང་བས་ཆེ་བའི་མཆོག །རྟོགས་པའི་ཏིང་འཛིན་མཉམ་དང་བྲལ། །ཡངས་པའི་སྙིང་པོ་ཀུན་གྱི་གཞི། །སྙིང་པོ་ཉིད་ལས་སྙིང་པོའི་ཚོགས། །རྣམ་དག་ཐམས་ཅད་ཀུན་ཏུ་དག །མ་དག་ལས་ཚོགས་མཚོན་པའི་ཚིག །ཕྱོགས་བ་་སངས་རྒྱས་ཀུན་གྱི་དངོས། །རང་གི་ཆོས་ཀུན་ངེས་པར་སྦྱོར། །མཉམ་པའི་ལམ་འདི་མཐར་ཕྱིན་པས། །ཕྱག་རྒྱ་ཆེན་པོའི་དཀྱིལ་འཁོར་རྫོགས། །བདག་ལས་གཞན་ལས་གཉིས་ཀ་ལས། །བདེ་བའི་ཡེ་ཤེས་སྐྱེ་བར་འགྱུར། །གདོད་ནས་རབ་ཏུ་རྫོགས་པའི་ཆོས། ཁུ་རྐྱེན་འབྲས་བུའི་རྒྱུ་སྨིན་པའི། །ཐམས་ཅད་ཡེ་ཤེས་རྣམ་སྤྱོད་པས། །མཐའ་རྣམས་ཕྱོགས་ཀྱི་གཟུང་བྲལ་ཞིང་། །ཕྱི་ནང་དབྱེ་བས་ཀུན་སྤྱོད་དག །མི་འགྱུར་འགྱུར་བ་མེད་པའི་ཁམས། །དེ་དག་རང་གི་ལས་ཀྱིས་འཇུག །དག་པའི་རྫས་ཚོགས་ཉི་ཤུའི་གྲངས། །ཕྱོགས་མཐུན་གཅིག་པས་ཀུན་ཏུ་བསྐྱེད། །ཆགས་པའི་ཚུལ་གྱིས་ཆགས་བྲལ་སྤྱོད། །མ་ཆགས་དངོས་ཀུན་འཇུག་པའི་རྒྱུན། །བསམ་གཏན་ཆེན་པོ་འདི་འཛིན་པའི། །སྐྱེས་བུ་རྟོག་པའི་དྲ་བས་བསྒྲིབས། །མི་འགྱུར་ཆགས་པའི་གནས་མེད་པར། །སུ་དག་གང་གིས་ཆོས་དོན་གཉེར། །ཐམས་ཅད་བྱང་ཆུབ་སེམས་ལས་སྐྱེས། །གཟུང་དང་འཛིན་པ་ཀུན་སྤངས་པའོ། །རངབཞིནབདེབསཀུན་བསྐྱོད་དེ། །དམིགས་པའི་ཏིང་འཛིན་སྒོ་རྣལ་འབྱོར། །ཚེ་འདིར་མངོན་དུ་སྦྱོར་འདོད་༄༅ པས། །འབྲས་བུ་མི་མཐུན་ལ་སྤྱོད་བྱེད། །རྒྱུ་ལ་འཇུག་པ་འདི་དག་གང་། །སེམས་ཀྱི་གནས་ལ་སྒྲིབ་པའོ། །མངོན་སུམ་ཐོབ་པར་འདོད་པ་རྣམས། །དེ་རྒྱུ་སྔོན་དུ་གཉེར་བར་བྱེད། །བསྒོམ་ཆགས་རང་གི་ཡུལ་ཞེན་པས། །ཐབས་བཅས་རྩོལ་བའི་རྩོལ་བས་འཇུག །བདེ་བས་ཉམས་པའི་ཆོས་བསྒྲུབས་ཀྱང་། །བདེ་བ་ཆེ་ལས་རྣམ་པར་ཉམས། །བདེ་བ་ཀུན་གྱི་གཉེར་གནས་པའི། །ཨུ་ལི་ཀྭ་ལི་འབྲེལ་བའི་གཟུངས། །གཉིས་མེད་ཡེ་ཤེས་ཐུགས་གསང་བ། །མ་གོས་སྤྱོད་པའི་ཡུལ་གྱིས་མིན། །རྫོགས་པའི་ཆོས་ཉིད་གཤེགས་པའི་ཆོས། །སྣ་ཚོགས་ངོ་བོ་མཐར་ཕྱིན་པས། །བྱ་བཙལ་བསྡོ་བའི་རྒྱུ་རྣམས་ཀྱང་། །ཀུན་ཏུ་ཁྱབ་པའི་ཆོས་སྐུ་ཉིད། །དེ་ཡི་མཛད་ཚོགས་སྐུ་རྣམས་ལས། །སོ་སོའི་རྣམ་བཅས་ཐ་དད་པས། །བྱ་བ་ཐམས་ཅད་རབ་ཏུ་རྫོགས། །འདི་ལ་བསྣན་པར་བྱ་བ་དང་། །གཞག་ཅིང་དབྲི་བའི་ཆོས་མེད་དེ། །ཕྱི་ནང་ཡུལ་ལ་བལྟས་བྱས་ན། །སེམས་ཉིད་ཟག་མེད་ཡེ་ཤེས་ཆེ། །དེ་བཞིན་མཐའ་ལས་དེ་དག་འཇུག །སེམས་དཔའ་ཆེན་པོའི་འབྲས་བུའི་གཞི །ཐབས་ཀྱིས་ཉམས་སུ་མྱོང་བའི་དུས། །ནང་གི་བདེ་བ་ཕྱི་ཡི་ཆོས། །དེ་བཞིན་དེ་ཡི་གནས་སུ་གཞི། །དེ་ལས་ཕྱག་རྒྱའི་བདེ་བ་འབྱུང་། །ཆོས་ཀྱི་རོལ་པའི་ཡུལ་ཚོགས་ཀུན། །ཉམས་ཀྱིས་དེ་ཡི་སྟོབས་མཚུངས་ཏེ། །ནོར་བས་འཁྲུལ་པའི་བློ་བསྐྱེད་ཀྱང་། །རངབཞིན ཡེཤེསཉམས་པ་མེད། །དངོས་འདི་བྱང་ཆུབ་སེམས་རྒྱ་ཆེན། །རང་བྱུང་ཆེ་བའི་སྙིང་པོ་ལས། །དུས་གསུམ་ཀུན་ཏུ་ཇི་བཞིན་གནས། །རབ་ཏུ་རྟོགས་པའི་དཀྱིལ་འཁོར་རྒྱས། །རྣལ་འབྱོར་དེ་ཡི་ཆོས་འདོད་པས། །དེ་བཅས་ཚུལ་ནི་ཉམས་པར་བྱེད། །དགའ་བའི་རྣམ་གྲངས་སོ་སོའི་དཔེ། །དགོངས་པར་བཅས་པ་གཏན་ལ་འབེབས། །འདི་ཉིད་ཐེག་མཆོག་གསང་བའི་རྒྱུད། །དུས་གསུམ་སངས་རྒྱས་ཀུན་གྱི་བཀའ། །ངོ་མཚར་ཕྱག་རྒྱ་འདའ་དཀའ་བས། །ངེས་དོན་གསང་མཆོག་གཟུང་བར་གྱིས། །ཞེས་རྒྱ་ཆེར་བསྟན་ཏོ། །རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་ཀུན་ལ་འཇུག་པ་རྣམ་དག་སྟོན་པའི་རྒྱུད་ལས། །སངས་རྒྱས་ཀུན་གྱི་སྙིང་པོ་ཕྱག་རྒྱའི་ལེའུ་སྟེ་བཞི་པའོ།། །།དེ་ནས་ཐམས་ཅད་འདུས་པའི་ཚོགས། །སངས་རྒྱས་ཀུན་གྱིས་དབང་བསྐུར་བས། །ཕྱོགས་འདུད་པ་ཡི་དགའ་བདེ་ཡིས། །རང་གི་སྟོན་པ་མཉེས་པར་མཛད། །ཨེ་མ་བདེ་གཤེགས་སངས་རྒྱས་ཀུན། །རང་བཞིན་དངོས་རྣམས་མ་གྲུབ་པས། །སངས་རྒྱས་དཀྱིལ་འཁོར་རྣམ་པར་འཕྲུལ། །དེ་ཡི་མཚན་མ་ཡ་མཚན་ཆེ། །དོན་ཀུན་རབ་ཏུ་སྒྲུབ་པ་ཡི། །གསང་བའི་སྤྱོད་པ་ཇི་ལྟར་སྤྱད། །དེ་བཞིནགཤེགསཔདགྱེས་ཆེན་པོ། །ཀུན་ཏུ་སྤྱན་རས་དབང་ཕྱུག་གིས། །ཀུན་བཟང་ཡུམ་དང་འཁྲིལ་སྦྱོར་ཞིང་། །བྱང་ཆུབ་སེམས་ཀྱི་སྤྱོད་པས་རོལ། །ཐབས་དང་ཤེས་རབ་ཁྱད་པར་གསངབའིམཆོག །རངགིཡུམ་མཆོག་འཁྲིལ་བས་སྦྱོར་བྱས་ཏེ། །དོན་ཀུན་གསང་བའི་མཆོག་ཏུ་དགོངས་སྤྱོད་པས། །ཉེ་བར་བསྟན་པའི་ཆ་ཤས་ཡོངས་སུ་རྫོགས། །བདེ་བ་འདོད་པས་བདེ་བ་རྒྱབ་ཀྱིས་ཕྱོགས། །བདེ་བ་ཟིན་ཏེ་བདེ་བས་བདེ་བ་འཚོལ། །བྱང་ཆུབ་འཁྲུལ་པས་ཡེ་རྔམ་ཆོས་ལ་གཟའ། །དེ་ལྟ་བུ་ཡི་ཡུལ་ཅན་སངས་རྒྱས་མཐོང་བ་མིན། །སངས་རྒྱས་མེད་པས་སངས་རྒྱས་མིང་ཡང་མེད། །སངས་རྒྱས་སྟོན་པ་མིང་དུ་བཏགས་པས་ནོར། །སངས་རྒྱས་གཞན་ནས་ཐོབ་བྱེད་ནོར་བའི་ལམ། །གཟུགས་མེད་ཆོས་ཀུན་བཤད་པ་རྡུལ་ཆ་མེད། ཁམས་གསུམ་ཡེ་ཤེས་ཆ་ལུགས་རྣམ་བཀོད་པས། །གནས་གསུམ་མི་གཉིས་ཐམས་ཅད་བརྩོན་པར་བྱེད། །རབ་ཏུ་དཀའ་བའི་ཐབས་ཀྱིས་སྟོབས་རྫོགས་ན། །མི་བཙལ་བདེ་བའི་ཆོས་རྣམས་སེམས་ལས་བྱུང་། །གཉིས་སུ་མེད་པ་ལྟ་སྤྱོད་གསགས་པའི་གཞི། །བསྒྲུབ་པའི་དངོས་གཞི་དོན་ཀུན་རྣམ་པར་འཇུག །རྣལ་འབྱོར་འདི་དག་ཐེག་པར་རབ་བརྩོན་བྱེད། །ས་བཅུ་མཚན་མའི་གནས་ཀུན་སྒྲིབ་པ་མེད། །སངས་རྒྱས་རྣམ་གྲོལ་སེམས་དཔའི་ཡུལ་ཀུན་འཇུག །མི་རྟག་སྡུག་བསྔལ་སྟོང་ཞིང་བདག་མེད་པས། །དེས་བྱས་བྱེད་པོ་རིས་ཚོགས་མ་འདྲེས་པས། །དོན་འདི་གཏན་ཚིགས་ཀུན་གྱིས་གཞག་པར་དཀའ། །ཟིན་དང་ཆགས་དང་བྲལ་དང་ཞི། །དངོས་པོ་མེད་དང་རྣམ་པར་ཡངས། །བདུདརྩིཆེནཔོའིརངབཞིནལ། །བཟའ་བའི་ཐབས་ལ་རག་པ་མེད། །ཡངས་སོ་ཆེའོ་ཆོས་ཆེན་པོ། །ཆུང་ངུ་རྣམས་ཀྱི་གཉེན་པོ་ཡིན། །ཆེ་ལ་དམིགས་པའི་ཆེ་སྙམ་ན། །ཆུང་ཆེ་དེ་རྣམས་དམིགས་དང་བྲལ། །གསུངས་དང་རྒྱས་དང་དམིགས་པ་དང་སྣང་། །སྒྱུ་མཁན་རི་མོའི་རྣམ་པ་བཞིན། །འབྱུང་འཇུག་ཡེ་ཤེས་བྱིང་རྨུགས་ཀྱིས། །དེ་ཡི་དབང་ལས་སྐྱེ་བར་འགྱུར། །འདི་ནི་ཐེག་པ་ཀུན་གྱི་རྒྱལ། །བཏང་ངོ་བཞག་གོ་རང་བཞིན་གྱི། །འདོད་པ་མེད་ཅིང་ལེན་པ་མེད། །བྲོད་པ་རྡུལ་ཙམ་མི་སྐྱེ་ཞིང་། །ཁྱུང་ཆེན་ནམ་མཁར་ལྡིང་བ་ལྟར། །སྤྲོ་བ་མེད་ཅིང་བསྡུ་བ་མེད། །ཐམས་ཅད་ཡུལ་ཀུན་འཇུག་པས་ན། །གཏོར་བ་མི་དགོས་བཟའ་བ་མེད། །རྒྱ་མཚོ་བཞིན་དུ་ཡེ་གནས་ལ། །ཆོས་རྣམས་སྣ་ཚོགས་འབྱུང་བར་བྱེད། །ཡོན་ཏན་ནམ་མཁའི་མཐའ་དང་མཉམ། །བསྡུ་བའི་གནས་སུ་ངེས་པ་མེད། །བྱང་ཆུབ་སྙིང་པོར་དེ་མ་ཐག །ཏིང་འཛིན་རྒྱལ་པོ་ཆེན་པོ་འབྱུང་། །སྣང་བ་རྒྱ་མཚོ་ཆེན་པོ་བཞིན། །མི་རྟོག་ནམ་མཁའི་མཐའ་ལྟར་ཡངས། །ཀུན་ཏུ་བཟང་པོའི་སྤྱོད་ཡུལ་ལ། །སྐྱེ་ཞིང་འཕོ་བའི་ཆོས་མེད་དེ། ཁུ་རྐྱེན་ཡན་ལག་བཅུ་གཉིས་སོ། །སྐུར་པ་བཏབ་ནས་བཤད་པ་ཡིན། །འཁྲུལ་པ་རྣམས་ཀྱི་སྒོ་ཙམ་དུ། །མཁས་པས་དེ་བཞིན་ཤེས་པར་གྱིས། །འགྲོ་བ་རྒྱུད་དྲུག་སྣང་བ་ཡང་། །དང་པོའི་ལམ་དུ་ཤེས་པར་བྱ། །འདོད་སྤྱོད་སྙིང་རྗེས་བརླན་པས་ན། །གང་དུ་དགའ་བར་བྱང་ཆུབ་སྤྱོད། །བཤན་པ་སྨད་འཚོང་མཚམས་མེད་ལྔ། །ཁ་ན་མ་ཐོ་འཇིག་རྟེན་སྤོང་། །ཡོངས་སུ་རྫོགས་པ་ཆོས་ཀྱི་རྩི། །བདེ་བ་ཆེ་ལས་གཞན་མེད་དོ། །རྣམ་པར་མི་རྟོག་སྙིང་པོའི་ཆོག །ཡོང་ཀྱི་རྒྱུད་གསལ་སྦས་པ་མེད། །མི་ལེན་བྱང་ཆུབ་སྤྱོད་རྣམས་ལ། །སྤྱོད་པ་ཀུན་ཏུ་རང་བཞིན་གནས། །སུ་ཞིག་རབ་ཏུ་ཞི་བ་རྙེད། །དེ་དག་རྣམ་པར་སྤྱོད་པའི་ཡུལ། །སངས་རྒྱས་ཐེག་པ་བླ་ན་མེད། །དོན་ཀུན་བཟུང་བའི་རྣམ་གྲངས་ཡིན། །མྱ་ངན་འདས་ལམ་མངོན་སུམ་སྟོན། །རབ་ཏུ་སྤྱོད་པའི་ཏིང་འཛིན་གྱིས། །སེང་གེ་རྣམ་པར་གྲོལ་སོགས་ཀུན། །རྩེ་གཅིག་ཐེ་ཚོམ་ཡུལ་ཀུན་རྟོགས། །རབ་ཏུ་མི་གནས་འདི་ཡི་མཐུས། ཁུ་འབྲས་བྱེ་བྲག་སྣ་ཚོགས་པས། །དོན་མཆོག་དངོས་ཀུན་བཞག་པའི་རྫས། །འདི་ལྟར་ཁམས་གསུམ་རྣམ་པར་འཁྲུལ། །མི་གཡོ་རབ་ཏུ་གསང་བ་རྣམས། །ཐམས་ཅད་ཀུན་ཏུ་སྤྱོད་ལས་འདས། །ཆོས་ཉིད་སྙིང་པོ་རྗེས་འཇུག་དག །ཉིད་ཀྱི་སྣང་བ་མྱ་ངན་འདས། །འདི་ལ་རྒྱུ་མེད་རྐྱེན་ཚོགས་མ་སྐྱེས་པས། །སྒྲོ་སྐུར་མཚན་མའི་མཐའ་བྲལ་རྣམ་དག་དབྱིངས། །དུས་གསུམ་སྟོན་པའི་བདེན་པས་མཐའ་རྣམས་སེལ། །ཕན་གནོད་བདག་ཅག་མི་མཐུན་གནས་གཟུགས་པས། ཁུད་ཆེན་གསང་བ་རང་བཞིན་དོན་གྱིས་འབྱུང་། །ངོ་བོ་མི་ཀུན་རབ་རྟོགས་སྤྲུལ་པའི་ཡུལ། །སྐུ་མཆོག་ཐམས་ཅད་མཁྱེན་པའི་གཞི། །རྣམ་གྲངས་ཡོན་ཏན་ཚོགས་ཀྱི་བདག་ཉིད་ནི། །དུས་ཀུན་མི་གཉིས་ཕ་རོལ་ཕྱིན་པའི་་་ཐེ་ངང་ཞིན་ངང་གི་་ང་ངངཆེནངཚོམཆག །རྣལ་འབྱར་ ག་མཆག་རྣམས་ཀྱས་གཟུང་བར་གྱས། །དན་བ ་སྟན་པའ་སྣང་བ་བྱན་རླབས་ཤུགས། །མཆག་ ་བླ་གྲས་ཀུན་གྱས་བསྟད་པའ་གནས། །འད་ལྟར་རྒྱ་ ་འདུས་པའ་ གས་རྣམས་ཀྱིས། །རབ་བཙལ་བྱང་ཆུབ་སེམས་འདི་གཟུང་བར་བྱོས། །མཐར་ཕྱིན་བསྟན་པའི་གནས་འདི་དུས་ཀུན་དུ། །རབ་ཏུ་བསྔགས་པས་སངས་རྒྱས་དམ་པའི་གཞུང་། །ཞེས་སོགས་རྒྱ་ཆེར་སྟོན་ཏོ། །རྫོགས་པ་ཆེན་པོ་་ངངསེ་ངཅེརྗེ་འལེསྟེ་་ཆེ་་ངངསེཆས་ཉད་བྱང་ཆུབ་ཀྱ་ མས། །ཀུན་ལ་འཇུག་པ་རྣམ་དག་དན་གྱ་རྒྱུད་ ས་ ས་སུ་མཐུན་པ་སྤྱད་པ་སྤྱད་པའ་ འུ་ ་ལྔ་པའ།། །།རྫགས་པ་ ན་པ་ཆས་ཉད་བྱང་ཆུབ་ཀྱ་ མས་ཀུན་ལ་འཇུག་པ་རྣམ་དག་སྟོན་པའི་རྒྱུད་ཅེས་བྱ་བ་རྫོགས་སོ།། །།རྒྱ་གར་གྱི་མཁན་པོ་བི་མ་ལ་མི་ཏྲ་དང་། བོད་ཀྱི་སྒྲ་བསྒྱུར་གྱི་ལོསྣྲོ་བ་གཡུ་སྒྲ་སྙིང་པོས་བསྒྱུར་ཅིང་གཏན་ལ་ཕབ་པའོ