View source for Rdzogs pa chen po sems nyid ngal gso - epk

'''rdzogs pa chen po sems nyid ngal gso zhes bya ba bzhugs so'''
/<br>
/rgya gar skad du/<br>
/ma h'a sandhi tsiittva bi n'a ma, 
bod skad du/<br>
/rdzogs pa chen po sems nyid ngal gso zhes bya ba, 

/dpal kun tu bzang po la phyag 'tshal lo/<br>

===1===
/gdod ma'i mgon po yon tan gang chen mtsho/<br>
/mkhyen brtse'i rang bzhin gting mtha' dpag yas shing/<br>
/rgyal ba rgyal sras yid bzhin 'byung ba'i gnas/<br>
/phan bde'i sprin phung 'phro la phyag 'tshal lo/<br>
/'od gsal chos sku dri med rgyal ba'i khams/<br>
/ma rig 'dzin pas srid pa 'dir 'khyams te/<br>
/las dang nyon mongs mya ngam thang dkyil du/<br>
/dub pa'i sems nyid de ring ngal gso bya/<br>
/grogs dag dal 'byor rin chen snying po'i lus/<br>
/'gro drug nang nas rnyed par shin tu dka'/<br>
/ji ltar long bas rin chen gter rnyed bzhin/<br>
/rab tu dga' bas phan bde bsgrub par bya/<br>
/dal dang 'byor pa de yang gang zhe na/<br>
/bdag ni sems dmyal yi dvags ma skyes shing/<br>
/dud 'gro tshe ring lha dang kla klo dang/<br>
/log lta sangs rgyas kyis stongs lkugs pa ste/<br>
/mi khom brgyad po dag las rab 'das shing/<br>
/mir gyur yul dbus skyes dang dbang po tshang/<br>
/las mtha' ma log gnas la dad pa ste/<br>
/rang 'byor dam pa lnga yang tshang gyur cing/<br>
/sangs rgyas byon dang chos gsungs bstan pa gnas/<br>
/gnas phyir zhugs dang gzhan gyis snying brtse ba/<br>
/gzhan 'byor lnga ste dal 'byor bco brgyad po/<br>
/rang la legs par tshang ba'i gnas skabs 'dir/<br>
/snying nas brtson pas thar pa bsgrub par bya/<br>
/gal te tshe 'dir phan pa ma bsgrubs na/<br>
/phyis nas bde 'gro'i sgra yang mi thos shing/<br>
/ngan 'gror rgyun ring yang dang yang 'khor te/<br>
/spang blang mi shes log pa'i lam 'gro zhing/<br>
/thog mtha' dus med 'khor bar 'khyams 'tshal lo/<br>
/de bas da lta rang dbang yod dus 'dir/<br>
/legs pa'i lam la mthun pa'i rten 'brel gyis/<br>
/dge chos mi zad tshogs gnyis bsten byas te/<br>
/srid pa'i grong las rab tu 'da' bar mdzod/<br>
/'khor ba'i chu gter pha mtha' yas 'di las/<br>
/rin chen gru po thob dus ma brgal na/<br>
/gtan du nyon mongs sdug bsngal dpa' klong du/<br>
/rab tu 'khrugs tshe bdag gis ji ltar bya/<br>
/de bas myur du brtson pa'i go bgos te/<br>
/sems dang sems byung rnyog pa rab zhi'i phyir/<br>
/ye shes dri med 'od gsal lam 'dzegs te/<br>
/byang chub lam la bar chad med par mdzod/<br>
/gang la bde legs chos kyi gzhir gyur pa/<br>
/rin chen dri ma med pa'i snod rnyed nas/<br>
/bdud rtsi'i chos char bsil ba mi 'dzin na/<br>
/'khor ba'i gdung bas rang nyid brlag par zad/<br>
/dpal ldan bde chen phan bde'i sprin tshogs can/<br>
/ye shes chu bsil dam pa'i char chen yang/<br>
/dpal 'byor sa gzhi 'gro sems gtsang mar 'bab/<br>
/de phyir spro bas snying nas chos mdzod cig<br>
/ji ltar mtsho dbus g.yengs pa'i gnya' shing gi/<br>
/bu gar rus sbal mgrin chus srid pas kyang/<br>
/mi nyid rnyed dkar lha mi'i ston pas gsungs/<br>
/dal 'byor rin chen lus rnyed smos ci dgos/<br>
/de bas de ring nyid nas brtson 'tshal lo/<br>
/'di ltar mi yi lus rnyed tsam po dang/<br>
/khyad par can dang mi lus rin po che/<br>
/rim bzhin dge sdig mi shes chos min spyod/<br>
/dbang po tshang yang mi lus phal pa ste/<br>
/yul dbus skyes kyang mtha' 'khob kla klo nyid/<br>
/bstan la ma zhugs pa dang dge sdig 'chol/<br>
/tshe 'di gnyer zhing 'du 'dzin rnam par g.yengs/<br>
/mi bsrun 'phyar la phyi ma rgyang bsrings te/<br>
/thar pa mi gnyer de dag chos thos na'ang/<br>
/mchog gi lus min rang bzhin bar ma ste/<br>
/skabs 'gar dge la cung zad sems gzhol zhing/<br>
/phal cher sdig pas blo mig khebs pa'i phyir/<br>
/rtags tsam bzung bas rang gzhan phan ci yod/<br>
/de dag khyim pa'am dge sbyong gzugs gzung rung/<br>
/ngan 'gro rnams las cung zad 'phags pa'i phyir/<br>
/mi lus khyad par can zhes rgyal bas gsungs/<br>
/rab mchog skye bo dri med chos kyi snod/<br>
/thos bsam snying po'i don la dbang 'byor zhing/<br>
/rang nyid btul nas gzhan dag dge la 'god/<br>
/sgrub pa'i ri rgyal rab tu mi g.yo ba/<br>
/drang srong rgyal mtshan rnam pa de dag kun/<br>
/khyim pa'am rab tu byung ba'i gzugs sla yis/<br>
/mi lus rin chen legs par ston pas gsungs/<br>
/de phyir dam pa rnams las chos thos te/<br>
/chos bzhin bsgrub phyir chos la gnas pa dag<br>
/chos ldan rgyun bsring chos min 'gog byed cing chos don bsgrubs pas chos la gnas par mdzod/<br>
/ring por mi thogs srid mtsho mthar brgal nas/<br>
/zhi ba'i gling du myur 'gro mya ngan 'da'/<br>
/gang zhig mir gyur dge goms mi byed na/<br>
/de las blo gros blun pa gzhan med de/<br>
/rin chen gling nas stong log byed pa bzhin/<br>
/dal 'byor don med chud gson byed par zad/<br>
/de bas rtag tu zhi ba'i chos mdzod cig<br>
/chos kyang sems la rag las de yang ni/<br>
/dal 'byor la brten rten cing 'brel bar 'byung/<br>
/rgyu dang rkyen rnams du ma tshogs dus 'dir/<br>
/chos kyi gtso bor rang gi sems thul cig<br>
/'chi bas 'jigs pa'i skye ba mtha' med du/<br>
/phongs dang sdug bsngal char bzhin 'bab pa yang/<br>
/dal 'byor don med rnam par g.yeng las byung/<br>
/de phyir mngon mtho nges legs chos rnams kun/<br>
/dal 'byor rnyed dka' bsams las byung bas na/<br>
/nyin mtshan mi dal brtson pas spro ba bskyed/<br>
/'dir ni 'dren pa mthong ba don yod cing/<br>
/chos thos pa dang bsgrub pa'ang don yod la/<br>
/tshe 'di don yod phyi ma 'bras bcas kun/<br>
/dal 'byor lus rnyed las byung de yi phyir/<br>
/rab tu dga' ba yang dang yang sgoms shig<br>
/lhar bcas 'jig rten dbus na 'gro ba'i gtso/<br>
/nyan rang sras kyis bskor ba'i mgon po yis/<br>
/'chi med bdud rtsi'i go 'phang brnyes pa yang/<br>
/mi lus rin chen mchog las byung bas na/<br>
/lha bas lhag pa'i lus zhes dal 'byor bsngags/<br>
/de phyir mi nyid thob la spro ba bskyed/<br>
/rnam par mi rtog bden mthong ye shes so/<br>
/lha mi'i nang nas mir gyur rnyed sla ste/<br>
/rdo rje theg pa'i lam zab snying po yang/<br>
/mi yi lus rnyed 'bras bu 'grub par sla/<br>
/de phyir theg pa che chung chos kyi rten/<br>
/dal 'byor mi lus mchog tu 'phags par gsungs/<br>
/ji ltar phongs pas nor mchog rnyed pa ltar/<br>
/rmi lam nyid ces dogs dang 'jigs bzhin du/<br>
/dga' zhing spro bas dal 'byor bsam par bya/<br>
/'di phyir phan bde dam pa'i chos 'grub bo/<br>
/de ltar dge legs snyan pa'i bdud rtsi 'dis/<br>
/'gro kun don med g.yeng ba rab zhi nas/<br>
/nags mthar song ste nyon mongs tshang tshing gis/<br>
/dub pa'i sems nyid di ring ngal sos shig<br>
/rdzogs pa chen po sems nyid ngal gso las/<br>
/dal 'byor rnyed dka' ba'i le'u ste dang po'o/<br>
/<br>
===2===
//de ltar rnyed dka'i dal ba thob gyur kyang/<br>
/skad cig mi rtag 'jig pa'i chos can te/<br>
/rnam par brtags na snying po 'ga' med la/<br>
/dbu ba rdos 'dra yid brtan mi rung ba/<br>
/nyin mtshan kun tu nges par 'chi ba bsam/<br>
/sdug bsngal yid mi bde ba kun gyi gzhi/<br>
/nyon mongs 'byung khungs cher gyur lus 'di la/<br>
/gos rgyan me tog phreng sogs bklubs gyur cing/<br>
/bza' btung bzang dgus mchod cing bsnyen bkur yang/<br>
/dus mthar mi rtag 'jig cing 'bral ba ste/<br>
/wa dang bya rgod ce sbyang zas 'di la/<br>
/gces spras rtag 'dzin gtsang ba'i sems bor la/<br>
/da lta nyid nas dam pa'i chos mdzod cig sa gsum 'byor pa dam pa'i gzhir gyur pa/<br>
/tshangs dang bde 'byung mig stong dbang po sogs/<br>
/grags dang bsod nams gzi 'od 'bar ba yang/<br>
/'chi bdag gnas las rgyal ba'i skabs med la/<br>
/bsam gtan grub pas bskal par gnas pa yang/<br>
/las zad tshe na 'chi ba'i skabs mchis shing/<br>
/lha dang lha min grub pa rig sngags 'chang/<br>
/mi dbang 'gro ba phal pa ji snyed kyang/<br>
/'chi bas 'jigs pa'i skye ba pha mtha' yas tshe 'di mi rtag rol ba'i char sprin nang/<br>
/'chi bdag glog gi phreng ba gar byed cing/<br>
/nyin mtshan dus rnams 'gyur ba'i char 'bab pas/<br>
/sa gsum myu gu ji snyed brlan par gyur/<br>
/snod bcud mi rtag srid pa chags 'jig gi/<br>
/me bdun chus gcig rlung gis 'thor ba'i tshe/<br>
/khor yug rgya mtsho gling dang ris bskor ba'i/<br>
/lhun po rin chen bzhi yang mi rtag cing/<br>
/thams cad nam mkha' gcig tu 'gyur ba'i skabs/<br>
/nges par bsams te snying nas chos mdzod cig<br>
/'jig rten 'dren pa rang rgyal slob ma'i tshogs/<br>
/thub dbang sras kyis bskor ba'i mgon po rnams/<br>
/dvangs pa'i mkha' la sngon med ri bong 'dzin/<br>
/rgyu skar phreng ba rnams kyis bskor ba bzhin/<br>
/lha ma me lhang nge lhan nor gsal ba yang/<br>
/mi rtag mya ngan 'da' tshul ston mdzod cing/<br>
/bstan pa rin chen nyi ma dpag med kyang/<br>
/sngon rabs sngon rabs nub par gyur la ltos/<br>
/chu shing snying po med 'dra rang gi lus/<br>
/sgyu ma'i khang pa 'dra ba cis mi 'jig<br>
/de phyir nges par 'chi dang nam 'chi dang/<br>
/'dir 'chi 'dis 'chi nges pa 'ga' med de/<br>
/tshe 'di snod med rtag tu god 'gyur zhing/<br>
/'chi ba'i rkyen mang 'tsho ba'i shas nyung bas/<br>
/tshe la long med blo sna bstungs byas te/<br>
/di ring nyid nas chos la brtson par rigs/<br>
/'byung bzhi 'dus pa'i lding khang sems pa can/<br>
/g.yo ba'i kun rtog skye bos brgyan pa yang/<br>
/rkyen las skyes phyir 'dus byas 'jig pa'i chos/<br>
/grong khyer rnying pa bzhin du mi rtag gis/<br>
/myur pa nyid du dam pa'i chos mdzod cig<br>
/ji ltar rlung dmar nang zhugs mar me bzhin/<br>
/skad cig mi rtag g.yo ba'i rang bzhin dang/<br>
/glo bur 'chi rkyen drag pos gtugs pa'i tshe/<br>
/yun du mi gnas nges par 'chi bas na/<br>
/da lta nyid du dam pa'i chos mdzod cig 'khor dang longs spyod nye bar 'brel ba'i gnyen/<br>
/gzugs dang lang tsho dbang phyug rigs bzang yang/<br>
/thams cad bor te gcig pur 'gro dgos shing/<br>
/gang gis mi bstongs dkar nag rjes 'brang ba/<br>
/de tshe chos las skyabs gzhan 'ga' med na/<br>
/ding du brtson pas ci phyir 'da' mi byed/<br>
/'di ltar 'jig rten snga phyi'i rgyud soms dang/<br>
/snga rabs skye bo dpag med 'das gyur cing/<br>
/da lt'i sa steng 'gro ba phal cher yang/<br>
/lo brgy'i nang du nges par mi rtag la/<br>
/ma 'ongs rnams kyang tshul de'i rjes su 'gro/<br>
/rgan rabs gzhon rabs skal mnyam 'das la ltos/<br>
/bdag kyang rang bzhin de las ma 'das pas/<br>
/nges par 'chi bsams nas chos mdzod cig sa gsum dmyal ba srid rtse'i bar dag na /<br>
/'chi bdag gnas las thar pa 'ga' med de/<br>
/kun kyang mi rtag 'gyur zhing snying po med/<br>
/yid brtan mi rung shing rta'i 'phang lo 'dra/<br>
/khyad par mi yi 'jig rten 'tshe ba mang/<br>
/nad gdon gnod pa du ma'i gzhir gyur cing/<br>
/mtshon dang me dang g.yang sa gcan gzan dug<br>
/rgyal po dgra dang chom rkun la sogs kyis/<br>
/'tsho ba'i srog 'joms phun tshogs 'jig par byed/<br>
/'tshe ba med kyang skyes bu'i tshe 'gro ste/<br>
/nyin mtshan skad cig thang cig 'gyur bas kyang/<br>
/'chi bdag gnas su nye bar gyur pa ni/<br>
/'bab chu'i tshogs rnams rgya mtshor snyeg pa'am/<br>
/nyi ma'i dkyil 'khor nub rir ltung ba bzhin/<br>
/zas bcas 'tsho ba'i rkyen rnams phun tshogs kyang/<br>
/dug bzhin sdug bsngal byed pa'i skabs mchis na/<br>
/mi mthun gnod mang phun tshogs cis mi 'jig<br>
/des na 'chi ba'i rkyen du ma gyur med   gar 'chi cis 'chi nam 'chi cha med kyi/<br>
/don med slu ba 'jig rten chos spongs la/<br>
/snying nas mi rtag 'chi chos bsgrub par mdzod/<br>
/'dir ni bdag gis dal 'byor gru rnyed cing/<br>
/bla ma'i man ngag gru 'dzin yod bzhin du/<br>
/sdug bsngal chu bo brgal phyir mi brtson na/<br>
/de las bslus pa 'di na gzhan med do/<br>
/gang phyir ston pas rab bsngags rin chen snod/<br>
/nyes kun mthar 'byin yang dag thob bzhin du/<br>
/rang gzhan don gnyis 'byor pa mi 'dzin na/<br>
/'khor ba'i btson rar rang nyid 'ching bar zad/<br>
/kye ma ji ltar rdo la 'doms pa bzhin/<br>
/'jig rten phal cher bsams shing skyo ba 'phel/<br>
/bstan pas mi rtogs bshad pas go ba med/<br>
/sang nyin 'chi yang rgyun ring rtag par 'dzin/<br>
/'khor bas mi skyo nges 'byung rdul tsam med/<br>
/shes bzhin nga rgyal go bzhin 'khrul pa byed/<br>
/'du 'dzis g.yengs la nyon mongs char 'bab pa'i/<br>
/'gro la nam zhing bdag gis phan thogs 'gyur/<br>
/'dir ni nyes pa'i chu gter brgal 'dod cing/<br>
/legs pa'i yon tan rmad byung bsgrub 'dod pas/<br>
/da lta nyid du nges par 'chi ba bsam/<br>
/nyin mtshan kun tu mi rtag 'ba' zhig bsgom/<br>
/yang dang yang du nges 'byung skyo shas bskyed/<br>
/des na 'di phyir phan bde'i chos 'grub cing/<br>
/brtson 'grus drag pos sgrub la brtson pa dang/<br>
/tshe 'di blos thongs bdag 'dzin 'khrul pa 'jig<br>
/mdor na legs pa'i yon tan thams cad 'grub/<br>
/nyes kun mthar 'byin thar pa dam pa'i rgyu/<br>
/chos kun rtsa ba mi rtag blo sna bstungs/<br>
/de ltar chos tshul sprin gyi rnga sgra las/<br>
/phan pa'i gdams ngag zab cing snyan bsgrags pas/<br>
/'gro kun rnam g.yeng nyon mongs rtag 'dzin gyis dub pa'i sems nyid di ring ngal sos shig<br>
/rdzogs pa chen po sems nyid ngal gso las/<br>
/tshe mi rtag pa'i le'u ste gnyis pa'o/<br>
/<br>
===3===
//de ltar mi rtag khams gsum 'khor ba'i chos/<br>
/rnam par 'gyur bas shin tu sdug bsngal te/<br>
/sdug bsngal 'gyur dang 'du byed nyid gsum gyis/<br>
/grong khyer drug gi 'gro kun nyam re thag
/ji ltar me nang gcan gzan mi rgod khrod/<br>
/rgyal po'i btson rar chud pa'i 'gro ba ltar/<br>
/sdug bsngal snga phyi brgyud mas mnar bzhin du/<br>
/da dung thar pa'i skabs med skyo ba 'phel/<br>
/bde thob sdug bsngal bral 'dod blo yod kyang/<br>
/sdug bsngal rgyu 'bras nyid la mngon par rgyug 
/mar me'i 'od la phye ma leb bzhin du/<br>
/'dod pa'i yul la chags sred 'dzin pas bslus/<br>
/de bzhin ri dvags bung ba nya dang glang/<br>
/sgra dang dri ro reg gis slu ba ltar 
'dod pa'i yul lnga dag gis 'gro ba bslus/<br>
/nam yang bde med sdug bsngal gyur la ltos/<br>
/lha dang lha min dmyal ba yi dvags mi/<br>
/byol song rigs drug zo chun rgyud mo bzhin/<br>
/gcig nas gcig brgyud sdug bsngal pha mtha' yas/<br>
/tshe rabs bgrangs tshe sems can re res kyang/<br>
/mdza' bshes dgra dang bar ma'i khur khyer nas/<br>
/bde sdug phan gnod sbyin pa grangs mtha' yas/<br>
/pha nyid mar gyur ma nyid sring mo nyid/<br>
/de nyid bur gyur nges pa ma mchis shing/<br>
/mdza' bo dgrar gyur pa yang thug pa med/<br>
/'di ltar 'jig rten snga phyi'i las bsams na/<br>
/skyo ba bas kyang shin tu skyo ba 'phel/<br>
/rang nyid grog sbur gyur pa'i lus rnams kun/<br>
/gcig tu bsdoms te phung por byar yod na/<br>
/lhun po rin chen bzhi pas ches mtho zhing/<br>
/dus pa'i mchi ma rgya mtsho bzhi pas lhag 
/sems dmyal yi dvags gyur tshe 'thungs gyur pa'i/<br>
/zangs zhun rnag khrag mi gtsang khu ba rnams/<br>
/phyogs mtha' gtugs pa'i chu klung char mi phod/<br>
/de bzhin gzhan rnams dpag yas nam mkha' 'dra/<br>
/'dod phyir mgo dang yan lag bcad pa'i grangs/<br>
/'jig rten rdul phran snyed kyis char mi phod/<br>
/byol song grul bum gnod sbyin lto 'phye sogs/<br>
/'gro ba'i khams gyur bde sdug grangs med myong/<br>
/tshangs dang brgya byin bsam gtan gzugs med dang/<br>
/sa gzhi rin chen bdun gyis legs skyong ba'i/<br>
/mi dbang dpal sde phun tshogs de thob kyang/<br>
/ngan 'gror ltung bas ches cher sdug bsngal lo/<br>
/tshe 'dir 'byor pa mtha' yas nyams dga' ba/<br>
/mthon po'i rang bzhin can rnams tsho 'phos nas/<br>
/dbul bas nyam thag yang bran nyid gyur pa/<br>
/rmi lam 'byor pa gnyid sad med pa, bzhin/<br>
/bde sdug mi rtag 'gyur ba'i sdug bsngal ni/<br>
/shin tu bsams na ches cher skyo ba 'phel/<br>
/de bas grong khyer gsum gyi sems can rnams/<br>
/'khor ba'i bde la chags med byang chub bsgrub/<br>
/lus ngag yid gsum 'dod gzugs gzugs med de/<br>
/snang dang phyed snang mi snang grong khyer ni/<br>
/sdug bsngal 'gyur dang 'du byed gsum gyis gdungs/<br>
/sems dang yid dang rnam shes mched pa yis/<br>
/yul rnams bde sdug 'khrul 'khor rgyun mi 'chad/<br>
/kun gzhi'i rnam shes yid dang sgo lng'i shes/<br>
/rim bzhin mched pa mched pa'i rim pa yin/<br>
/de las srid pa'i sdug bsngal rgyu 'bras 'byung/<br>
/rtsa ba ma rig gzung 'dzin 'khrul pa can/<br>
/yul dang don dang sems su bag chags pas/<br>
/nga dang nga yir 'dzin pas 'khor ba grub/<br>
/sems nyid 'gyur med yongs grub chos sku yang/<br>
/ma rig 'dzin pas kun brtags goms pa yis/<br>
/ma dag gzhan dbang ltar snang 'khrul pa can/<br>
/yul don bdag gzhan gnyis snang gnyis su gzung/<br>
/de las sdug bsngal dpag med lhug gyis grub/<br>
/nam zhig 'gyur med sems nyid don rtogs nas/<br>
/<br>
/phyin ci ma log yongs grub lam bsgoms pas/<br>
/dag pa gzhan dbang zhing du legs son te/<br>
/srid pa'i grong las ngal gso byed par 'gyur/<br>
/e ma brtag dka' 'khor ba'i pha mtha' yas/<br>
/srid lam dub pa dag gi sdug bsngal ni/<br>
/gang du skyes kyang bde la 'ga' med de/<br>
/mi dges bskyed pa'i 'bras bu mi bzad pa/<br>
/rang snang log pas rmi lam nang bzhin du/<br>
/'gro drug so sor myong ba'i rang bzhin no/<br>
/med snang 'khrul pas sdug bsngal dpag tu med/<br>
/re zhig mdor bsdus lung bzhin bshad kyis nyon/<br>
/<br>
/yang sos lcags kyi mdag me 'bar ba'i steng/<br>
/phan tshun 'dus nas mtshon gyis srog dang 'bral/<br>
/yang sos sgra yis sngar bzhin sdug bsngal ba/<br>
/las zad bar du de ltar myong 'tshal lo/<br>
/tshe tshad mi yi lo grangs lnga bcu la/<br>
/rgyal chen rigs bzhi'i lha yi nyin zhag gcig <br>
de nyid sum cu zla ba bcu gnyis lo/<br>
/lnga brgyas yang sos zhag gcig gong 'phel bas/<br>
/rang lo lnga brgyar sdug bsngal brnag dgos so/<br>
/de nyid rab tu dbye ba'i grangs bshad pa/<br>
/mi lo bye ba phrag 'bum drug khri dang/<br>
/stong phrag gnyis su nges par mdo las gsungs/<br>
/thig nag 'bar ba'i sog les gshags bzhin 'byar/<br>
/'byar bzhin gshog pas shin tu sdug bsngal ba/<br>
/mi yi lo brgya rtsa gsum zhag gcig ste/<br>
/de yi lo stong thig nag zhag gcig la/<br>
/rang lo stong thub mi lo bye ba phrag <br>
/sa ya nyis 'bum dgu khri drug stong rtsa/<br>
/bcu gnyis bar du thub par ston pas gsungs/<br>
/bsdus 'joms brag ri rta dang rnga mo dang/<br>
/stag dang seng ge la sogs 'dra ba'i bar/<br>
/rdul phran bzhin 'joms gyes pas sngar bzhin 'tsho/<br>
/lcags kyi ljongs su tho bas rdul bzhin 'thag <br>rab tu btsir bas khrag gi rgyun 'bab pa/<br>
/mi lo nyis brgya 'thab bral zhag gcig ste/<br>
/mtshe ma'i nyis stong bsdus 'joms nyin zhag gcig <br>/rang lo stong phrag gnyis su sdug bsngal lo/<br>
/de yang mi lo bye ba phrag sum 'bum/<br>
/drug khri brgyad stong rtsa gcig thub par gsungs/<br>
/du 'bod 'bar ba'i mes 'tshig 'o dod 'bod/<br>
/lcags zhun bskol bar 'tshed pas sdug bsngal ba/<br>
/mi lo bzhi brgya dga' ldan nyin zhag gcig <br>de yi bzhi stong du 'bod zhag gcig ste/<br>
/rang lo bzhi stong bar du sdug bsngal/<br>
/<br>
/ba/<br>
/mi lo bye ba phrag sa ya gnyis dang/<br>
/bye ba phrag dgu 'bum bzhi khri stong dang/<br>
/bye ba bdun phrag bar du thub pa'o/<br>
/'bod sgrogs chen po lcags khyim 'bar ba ru/<br>
/'bar ba'i mes bsregs gshin rjes 'tshog par bgyid/<br>
/mi lo brgyad brgya 'phrul dga'i zhag gcig ste/<br>
/de lo brgyad stong du 'bod tshe'i zhag gcig<br>/rang lo brgyad stong nyid du sdug bsngal ba/<br>
/mi lo bye ba phrag sa ya gsum dang/<br>
/bye ba phrag lnga 'bum lnga khri nyis stong/<br>
/drug cu rtsa drug bar du thub pa yin/<br>
/tshab lcags khang nang zhugs mdung thung gis/<br>
/klad pa 'gems shing tho bas rab tu brdung/<br>
/'bar ba'i me lces phyi nang kun tu bsreg <br>/mi'i lo stong dang drug brgya gzhan 'phrul zhag<br>
/de yi lo khri drug stong tsha ba'i zhag <br>/rang lo khri dang sdug stong par thub pa/<br>
/mi lo bye ba phrag sa ya brgyad dang/<br>
/bzhi 'bum dang ni bye ba khrag khrig phrag <br>/drug stong lnga brgya sum cu snyed mchis so/<br>
/rab tu tsha ba lcags khyim nyis rim nang/<br>
/'bar ba'i me dang mdung rtse gsum pas bsnun/<br>
/spyi bo phrag pa gnyis phyung leb mas dkris/<br>
/zangs chen khol mar 'tshed pas sdug bsngal ba/<br>
/tshe tshad bar gyis bskal pa phyed thub ste/<br>
/mi lo'i grangs kyis gzhal ba'i yul las 'das/<br>
/'jig rten chags gnas 'jig stongs bskal chung bzhi/<br>
/bar bskal gcig ste brgyad cu bskal chen no/<br>
/mnar med lcags khang me lce 'bar ba'i nang/<br>
/sems dmyal ku co smre sngags 'don pa las/<br>
/me dang sems can so sor mthong ba med/<br>
/mar me 'bar ba snying po la zhen bzhin/<br>
/srog gi zungs tsam me nang dbus gnas pa/<br>
/bar bskal gnas pa'i yun gcig brnag dgos te/<br>
/de las che ba'i sdug bsngal gzhan med pas/<br>
/mnar med bstir med ces su bshad pa yin/<br>
/gong du smos pa'i dmyal ba de dag kyang/<br>
/rim bzhin me lce bdun 'gyur gyis tsha la/<br>
/'og mar snga ma'i sdug bsngal lhag dang bcas/<br>
/ji srid las ma zad par sdug bsngal myong/<br>
/nyi tshe ri dang ljon shing nam mkha' dang/<br>
/brag bar me chu nges med gnas rnams su/<br>
/nyung ngur gnas dang 'dus dang gcig pur gnas/<br>
/der ni sdug bsngal gang rung re res gdungs/<br>
/de phyir nyi tshe ba zhes bshad pa yin/<br>
/gzhan dag tshe dang kha cig 'dus pa nyung/<br>
/de yis nyi tsher 'dod pa 'khrul pa ste/<br>
/brag bar sdig gzugs tshe yang ring yod la/<br>
/nyi tsher gdugs tshod 'dus pa'i nyan thos gzugs/<br>
/lnga brgya phan tshun mtshon gyis 'debs par gsungs/<br>
/nye 'khor mnar med khang pa'i phyi rol bzhir/<br>
/me mar mur dang ro myags mtshon cha'i thang/<br>
/chu bo rab med bzhi bzhi bcu drug go <br>
/mnar med sgo bye snyam las phyir 'thon pas/<br>
/'obs bzang grib ma mthong nas phyin ma thag <br>
/mdag me 'bar ba pus mo nub brgal bas/<br>
/sha kun tshig nas rus pa kUnd'i mdog <br>
/yang sos sngar bzhin shin tu sdug bsngal lo/<br>
/yang ni bsil ba'i 'dam mthong zhugs ma thag <br>
/ro myags rol dri nga ba'i 'dam bying nas/<br>
/lcags zangs gser gyi mchu can srin bus 'bigs/<br>
/slar yang thang nyams dga' mthong phyin ma thag <br>
/spu gri 'bar bas dum bur gtubs shing 'tsho/<br>
/nags 'dab yid 'ong gang du phyin pa las/<br>
/ral gri'i nags tshal las rlung 'khrug pas bcom/<br>
/de 'das ri bo rab tu nyams dga'i rtser/<br>
/sngon gyi yul 'bod mthong ste phyin pa las/<br>
/lcags kyi thur ma rnon pos sha khrag gzags/<br>
/steng du son tshe bya rgod klad pa 'gems/<br>
/slar yang ri yi drung nas 'bod pa snyam/<br>
/'thur du babs pas thur mas gyen du gzags/<br>
/thang mtshams skyes pa bud med mche rnon can/<br>
/'bar bas 'khyud de shin tu sdug bsngal zhing/<br>
/khyi dang ce sbyang mang pos za bar bgyid/<br>
/yang ni bsil ba'i chu klung 'ba' mthong nas/<br>
/dga' bas song ste rab tu 'bog ma thag<br>
/thal tshan rked nub sha rus tshig gyur cing/<br>
/'gram gnyis gshin rje'i skyes bus bsrung bar mthong/<br>
/der ni lo stong mang por sdug bsngal lo/<br>
/de lt'i dmyal bar su zhig 'jigs mi byed/<br>
/srid na de 'dr'i sdug bsngal dpag tu med/<br>
/rang bzhin shes nas 'da' ba'i thabs 'tshal lo/<br>
/grang bas nyam thag pa yang rnam pa brgyad/<br>
/gangs sogs shin tu grang ba'i gnas dag tu/<br>
/mun nag bu yug 'tshubs pas sbrebs pa'i lus/ <br>
chu bur can dang chu bur rdol ba can/<br>
/grang bas so 'thams smre sngags a chu zer/<br>
/kyi hud Utpa la ltar gas padma dang/<br>
/padma che ltar gas pa'i rma nang du/<br>
/srog chags mchu rnon 'bar bas za ba ni/<br>
/ji srid las mtha' gtugs tshe g.yo bar 'gyur/<br>
/tshe yi tshad ni ko sa la yi khal/<br>
/bcu tshad nyi shu shong ba'i til rdzang nas/<br>
/lo brgyar til gcig phyung bas zad gyur pa/<br>
/chu bur can tsho lhag ma nyi shur 'gyur/<br>
/sems ldan dag gis sems dmyal 'jig rten las/<br>
/rab tu rgyal phyir brtson pa'i stobs skyed cig<br>
/yi dvags byings mkhar rgyu ba'i byings gnas pa/<br>
/lus che rkang lag phra zhing lto ba yangs/<br>
/mgrin pa phra zhing khab kyi mig tsam kha/<br>
/zas skom mi rnyed bkres skom 'bar bas gdungs/<br>
/sman shing me tog la sogs mthong bas bskams/<br>
/phyi rol yid du mi 'ong ngan skyugs za/<br>
/zas skom mthong yang bsrung bar snang ba dang/<br>
/nang gi sgrib pas lto bar me 'bar zhing/<br>
/kha nas me lce dud par bcas pa 'thul/<br>
/spyi mthun sgrib pas dbul phongs 'jigs sngangs 'tshe/<br>
/nyam nga'i gnas sa mgon med sdug bsngal nyen/<br>
/mkha' la rgyu ba'i yi dvags 'dre rnams dang/<br>
/gnod sbyin srin po btsan dang rgyal po sogs/<br>
/las kyi rdzu 'phrul thogs med kun tu rgyu/<br>
/gnod pa sna tshogs mngon par bsgrub pa ste/<br>
/nad gtong mdangs 'phrog tshe la bar du gcod/<br>
/tshe tshad mi yi zla bar nyin zhag gcig<br>
/rang lo lnga brgya mi lo khri lnga stong/<br>
/gshin rje'i 'jig rten dag tu sdug bsngal lo/<br>
/de lt'i rang bzhin skyo ba'i tshul mthong nas/<br>
/don mthun skye bos thar pa bsgrub pa'i phyir/<br>
/srid pa dga' ba'i blo gros rgyang bsrings te/<br>
/nges par zhi ba dam pa'i chos bsgrub bo/<br>
/<br>
/dud 'gro byings gnas chu gter bzhi yi khyon/<br>
/gcig gis gcig za sdug bsngal dpag tu med/<br>
/gling bar mun nag rgya mtshor nags pa yang/<br>
/tsha grang bkres skom gcig za'i 'tshe bas 'jigs/<br>
/kha 'thor mi yul bya dang ri dvags sogs/<br>
/rngon pas gtse zhing rang rang gnod pas nyen/<br>
/rta glang rnga mo ra dang bong bu sogs/<br>
/bkol spyad rdeg 'tshog sdug bsngal mtha' yas shing/<br>
/sha dang pags pa rus pa'i phyir 'chi bas/<br>
/rang bzhin sdug bsngal pha mtha' mi mngon zhing/<br>
/klu rnams nyin mtshan phyed ma'i bde sdug dang/<br>
/snga dro phyi dro 'gyur ba'i bde sdug dang/<br>
/kha cig gnas su phye tshan char 'bab la/<br>
/la la gcig pur grogs bral phongs pas nyen/<br>
/phal cher rmongs dang mkha' lding 'jigs la sogs/<br>
/sdug bsngal rnam pa sna tshogs du ma ldan/<br>
/tshe yang ma nges kha cig nyin re la/<br>
/'jog po la sogs bskal par gnas pa'ang gsungs/<br>
/'di dag bsams nas byol song 'jig rten las/<br>
/thar 'dod rnams kyis phan bde bsgrub pa'i phyir/<br>
/mngon mtho nges legs lam bzang srol btod la/<br>
/nyin mtshan brtson pas dge la gzhol bar mdzod/<br>
/mi rnams yang bde ba'i skabs med de/<br>
/mya ngan yid mi bde dang 'khrug la sogs/<br>
/gcig ma sangs par gcig gis sdug bsngal dang/<br>
/zas sogs dug 'dres zos pas 'gyur ba dang/<br>
/zas gos spyod lam nyes pas nad sogs su/<br>
/phyi ma'i sdug bsngal 'du byed mtshon pa ste/<br>
/sdug bsngal nyid gsum dag dang de bzhin du/<br>
/skye rga na 'chi mi sdug phrad pa dang/<br>
/sdug bral 'dod pas phongs dang nye bar len/<br>
/rnam pa brgyad kyi sdug bsngal tshad med de/<br>
/ma rig rnam shes rlung sems thig ler 'dus/<br>
/mer nur ltar mkhrang gor nya rus sbal 'dra/<br>
/rim bzhin bdun phrag bdun du chags pa'i lus/<br>
/ma yi ngal dub bkres skom tsha grang sogs/<br>
/cung zad tsam la'ang sdug bsngal dpag tu med/<br>
/mun nag dog cing nyam nga dri mi zhim/<br>
/'khums pa'i sdug bsngal mi bzad brnag dgos so/<br>
/bdun phrag bdun nas nyi shu rtsa drug par/<br>
/dbang po yan lag ba spu la sogs 'grub/<br>
/bdun phrag sum cu rtsa drug par snyed du/<br>
/lus zungs brtas dang cher bskyed g.yo bar byed/<br>
/de nas rus pa'i 'khrul 'khor btsir ba'i bar/<br>
/las kyi rlung gis mgo mjug slog pas btsa'/<br>
/'chi bas nyen pa'i sdug bsngal bsdus 'joms 'dra/<br>
/btsas nas reg pas pags pa bshus pa bzhin/<br>
/khrus bya sha bur spu gris reg dang mtshungs/<br>
/rgas pa'i sdug bsngal shin tu bzod dka' ba/<br>
/lang tsho nyams pas kun gyi yid mi 'ong/<br>
/stod rmad mi theg 'khor ba la brten cing/<br>
/lus kyi drod nyams zas kyang 'ju bar dka'/<br>
/mthu stobs nyams pas 'gro 'dug bsgul bskyod dka'/<br>
/'dod sar mi phyin lhu tshigs rnam par 'gyur/<br>
/dbang po nyams pas mig 'grib gzugs mi mthong/<br>
/sgra skad mi thos dri ro reg mi tshor/<br>
/dran pa mi gsal gti mug gnyid du bying/<br>
/yul gyi longs spyod nyams pas yon tan chung/<br>
/zas sogs zhim po'ang de las log par snang/<br>
/tshe nyams 'chi bas 'jigs dang 'du shes 'khrug<br>
/byis bzhin bzod stobs chung la bsran mi bzod/<br>
/snum zad mar me ji bzhin myur du 'gro/<br>
/na ba'i sdug bsngal shin tu bzod dka' ba/<br>
/lus kyi rang bzhin 'gyur dang yid mi bde/<br>
/yul gyi longs spyod yid du mi 'ong zhing/<br>
/srog dang bral bar dogs pas mya ngan skye/<br>
/sdug bsngal mi bzod smre sngags 'byin par byed/<br>
/'chi ba'i sdug bsngal shin tu chen po yang/<br>
/zas gos gtam dang mal gyi tha mar nyal/<br>
/srog lus 'khor g.yog gnyen 'dun longs spyod 'dor/<br>
/gcig pu sa tshugs med par 'gro bas 'jigs/<br>
/mi sdug pa dang phrad pa'i sdug bsngal yang/<br>
/yid du mi 'ong gnod 'tshe'i 'jigs pas nyen/<br>
/byams shing sdug pa'i yul dang bral ba yang/<br>
/mya ngan smre sngags yid mi bde'i gzhi/<br>
/yon tan rjes dran 'dod pas gdung bar byed/<br>
/'dod pa rnams kyis phongs pa'i sdug bsngal ni/<br>
/don ma grub pas sems kyi zug rngu ldang/<br>
/dbul bas nyam thag bkres skom yi dvags 'dra/<br>
/gzugs tshor 'du shes 'du byed rnam shes te/<br>
/nye bar len pa'i phung po lnga po yang/<br>
/zag bcas nyid phyir sdug bsngal kun gyi gnas/<br>
/rten dang snod dang 'byung khungs lags par gsungs/<br>
/de ltar mi yi 'jig rten mtha' dag na'ang/<br>
/sdug bsngal rgyu 'bras nyid phyir bde ba med/<br>
/de las thar phyir legs pa'i chos bsams te/<br>
/'khor ba'i gnas las thar pa'i thabs 'tshal lo/<br>
/lha min rnams la'ang bde ba'i skabs med de/<br>
/don med 'thab rtsod 'khrug cing zhe sdang la/<br>
/lha yi dpal la mi bzod phrag dog ldan/<br>
/g.yul ngor sdug bsngal brgya phrag brten 'tshal lo/<br>
/de bas dge legs zhi ba'i 'gro ba dag<br>
/myur ba nyid du thar pa'i chos mdzod cig<br>
/'dod lh'i gnas na'ang sdug bsngal tshad med de/<br>
/bag med 'dod pas myos dang 'chi 'pho ltung/<br>
/me tog rnying dang stan la nyams mi dga'/<br>
/grogs kyis spong dang phyi ma'i gnas la 'jigs/<br>
/tshor ba mi bzad lha yi zhags bdun 'byung/<br>
/tshangs ris la sogs gzugs khams bsam gtan lha/<br>
/snga ma'i las zad srid pa 'og mar ltung/<br>
/'gyur ba'i sdug bsngal mthong nas sdug bsngal la/<br>
/gzugs med zhi gnas las zad tshul mthong nas/<br>
/srid pa phyi mar 'du byed sdug bsngal ldan/<br>
/mtho ris thob kyang yid brtan mi rung bas/<br>
/skal bzang rnams kyis thar pa bsgrub par bya/<br>
/'khor ba'i bde la chags pa'i 'gro ba kun/<br>
/me yi 'obs su sred pas gdung bar zad/<br>
/'di ltar thar pa rang la rag las shing/<br>
/thar pa'i thabs ni lha mi'i ston pas gsungs/<br>
/gzhan gyis glo bur 'byin pa'i skabs med de/<br>
/gnyid myos rmi lam lus kyang dgag med bzhin/<br>
/gal te nus na bde gshegs sras bcas kyi/<br>
/thugs rje'i zer gyis 'khor ba stongs zin nges/<br>
/de bas rang nyid brtson pa'i go bgos te/<br>
/thar lam 'dzeg la brtson pa'i dus la bab/<br>
/grangs med 'das pa'i sangs rgyas de dag gis/<br>
/gso pa'i spyod yul ma gyur bdag lta bu/<br>
/sdig pa'i rang bzhin srid lam dgon par 'khyams/<br>
/sngar bzhin brtson pa med na yod dang yang/<br>
/'gro drug gnas su sdug bsngal byed 'di soms/<br>
/'khor ba'i sdug bsngal mkha' ltar mtha' yas shing/<br>
/me ltar mi bzad yul ltar sna tshogs la/<br>
/bzod pa'i sems khyod gnas min smad pa'i gnas/<br>
/ngo tsha mi shes khrel bag bral ba la/<br>
/thugs rje'i go skabs 'jug par ga la 'gyur/<br>
/thabs mkhas mdzad pa'i phrin las de yang ni/<br>
/gdul by'i las rkyen dag las 'byung bar gsungs/<br>
/de bas rang gi nyes kun shes byas te/<br>
/'khor ba'i sdug bsngal snying nas dran byas la/<br>
/bdag dang 'gro kun srid las thar by'i phyir/<br>
/zhi ba'i lam la yang dag 'dzeg par gyis/<br>
/da lt'i sdug bsngal cung zad mi bzod na/<br>
/srid pa'i sdug bsngal mi bzad ji ltar bzod/<br>
/de ltar bshad kyang cung zad mi skyo pa/<br>
/bdag snying lcags kyi gar bu chen po'am/<br>
/rdo yi khams bzhin sems pa med par mngon/<br>
/'khor ba mi bzad sdug bsngal can phung po/<br>
/nyon mongs nye ba'i nyon mongs kun nyon mongs/<br>
/rnam pa sna tshogs du ma'i 'byung khungs la/<br>
/sems shes su zhig srid pa 'phel bar byed/<br>
/de bas myur du srid las rgyal bar mdzod/<br>
/de ltar bde 'byung chos kyi dga' ston gyis/<br>
/grong khyer gsum gyi 'gro ba ji snyed kun/<br>
/bde dga'i shas 'tsho sna tshogs sdug bsngal gyis/<br>
/dub pa'i sems nyid di ring ngal sos shig<br>
/rdzogs pa chen po sems nyid ngal gso las/<br>
/'khor ba sdug bsngal gyi le'u ste gsum pa'o/<br>
/<br>
===4===
//de ltar srid pa'i bde sdug mtho dman rnams <br>
/sngon bsags las las byung bar thub pas gsungs/<br>
/'khor bar 'du byed las de dkar nag gnyis/<br>
/dge dang mi dge bcu bcu'i rang bzhin no/<br>
/de yi rten gzhi kun gzhi lung ma bstan/<br>
/me long dang 'dra rtog med ngo bo'i steng/<br>
/shes pa gsal la yul du mi rtog cing/<br>
/'char gzhi byed pas me long dvangs dang ''dra/<br>
/de las gzugs sogs yul 'dzin dbang shes lnga/<br>
/rang ngo mi rtog me long gzugs brnyan bzhin/<br>
/de rjes gzung 'dzin yul 'byed shes pa rnams/<br>
/skad cig rjes mthud de la 'dzin mi 'dzin/<br>
/rtog dang mi rtog nyon yid yid shes te/<br>
/de yang chags rtog rags pa'i dge sdig gis/<br>
/'dod par 'du byed bag chags kun gzhir brten/<br>
/mi rtog gsal snang gzugs su 'du byed la/<br>
/mi rtog rtse gcig gzugs med bag chags brten/<br>
/'khor ba'i rang bzhin glo bur sgrib pa gnyis/<br>
/dus rnams kun tu nye bar brten pa yin/<br>
/shes pa gang du'ang mi rtog yengs thabs tshe/<br>
/snang yul mi 'dzin rtse gcig kun gzhi'i dus/<br>
/gsal snang gang la'ang der 'dzin mi 'jug pa/<br>
/kun gzhi'i rnam shes dvangs gsal g.yo ba med/<br>
/sgo lng'i yul dang dgag sgrub gzung 'dzin gyis/<br>
/tshogs bdun yul la rags par rtog pa na/<br>
/rnam shes bdun zhes nye bar btags pa yin/<br>
/'di dag goms pas khams gsum srid pa ru/<br>
/sgo gsum 'khrul zhing sdug bsngal 'du byed yin/<br>
/de yang 'dod par tshogs bdun gtso bo la/<br>
/gzugs su kun gzhi'i rnam shes gzugs med du/<br>
/mi rtog kun gzhi 'ba' zhig gtso bor ldan/<br>
/gzhan gnyis 'khor gyi tshul du bag la nyal/<br>
/rang rang sa der ldan par shes par bya/<br>
/'di ltar 'dod na mtshan mo nyal ba'i tshe/<br>
/yul lng'i shes pa rim gyis yid du thim/<br>
/de yang kun gzhir thim pas mi rtog pa/<br>
/rtse gcig snang yul med pa'i ngang de nyid/<br>
/chos dbyings thim pas rang bzhin spros dang bral/<br>
/slar yang mched pas kun gzhi'i rnam shes las/<br>
/yid nyid gcig pu langs pas rmi lam sems/<br>
/sna tshogs dgag sgrub med bzhin snang ba byed/<br>
/de las mched pas gnyid sad tshogs drug gi <br>
/rnam shes yul la 'jug pas las 'du byed/<br>
/nyin mtshan 'khor yug de ltar snang ba yin/<br>
/gzugs su rang sa'i shes pa bsam gtan bzhi/<br>
/kun gzhi'i shes nyid ngang du gnas pa sa/<br>
/yul rnams 'dzin pa'i shes pa phra mo rnams/<br>
/skabs 'gar nye bar 'byung gis phal cher ni/<br>
/ting 'dzin goms pas nye bar gnas pa yin/<br>
/gzugs med rang sa'i shes pa kun gzhi'i ngang/<br>
/mkha' sogs rnam bzhi zhi gnas rtse gcig tu/<br>
/nye bar gnas pas shin tu phra ba yi/<br>
/tshor ba 'du shes byed rnam par shes/<br>
/ming bzhi'i phung por sems kyi rgyud brten nas/<br>
/zhi gnas rtse gcig bskal par mi sad de/<br>
/rnam dpyod dge ba'i sa bon 'debs pa'ang med/<br>
/de ltar bsam gtan gzugs med sems de yang/<br>
/snga ma'i 'bras yin zad nas tshe 'pho la/<br>
/ngo bo lung ma bstan yin gti mug phyir/<br>
/'khor ba'i gnas su phyin ci log rgyu 'bras/<br>
/yang yang bskyed phyir de las thar dgos so/<br>
/'dod pa'i sems de goms tshul ji bzhin nyid/<br>
/yin phyir mtho dman thar pa'i rgyu yang byed/<br>
/nyin dus phal cher tshogs bdun shes pa gtso/<br>
/gzhan gnyis ngo bo gcig pa'i 'khor du yod/<br>
/de yang gzugs 'dzin mig gi rnam shes te/<br>
/der gsal rtog bral cha ni kun gzhi'i 3 shes/<br>
/de yi mi rtog cha nyid kun gzhi'o/<br>
/lhag ma drug kyang de bzhin shes par bya/<br>
/gnyid du rtse gcig rmi lam sad dus na/<br>
/kun gzhi kun gzhi'i rnam shes yid dang ni/<br>
/tshogs drug rim bzhin gcig dang gnyis gcig dang/<br>
/thams cad ngo bo gcig pa'i dus shes bya/<br>
/rten chos las kyi rtsa ba ma rig pa/<br>
/ngo bo 'dod chags zhe sdang gti mug gsum/<br>
/des bskyed srid par 'du byed dkar nag gnyis/<br>
/'khor bar mtho dman ltung phyir mi dge ba/<br>
/dbye na bcu nyid so sor snang ba yin/<br>
/mi dge'i las bcu lus gsum ngag gi bzhi/<br>
/yid gsum rim bzhin so sor dbye ba ni/<br>
/srog gcod bsams bzhin ma nor gzhan basd la/<br>
/phyogs mthun rdeg 'tshog la sogs srog la 'tshe/<br>
/ma byin len pa gzhan nor brku ba ste/<br>
/phyogs mthun g.yo sgyus pha rol nor la len/<br>
/'dod log gzhan gyis bdag bzung nyid la spyod/<br>
/phyogs mthun bgrod min rtsol sogs 'khrig pa'i chos/<br>
/brdzun tshig 'du shes gzhan bsgyur tshig don go <br>
/phyogs mthun drang sogs gzhan sems slu ba nyid/<br>
/phra ma pha rol 'byed tshig smra ba ste/<br>
/phyogs mthun gzhan tshig gzhan zlos mi mthun byed/<br>
/ngag 'khyal bstan bcos ngan dang bre mo'i gtam/<br>
/phyogs mdun 'brel med brjod sogs chos min gtam/<br>
/tshig rtsub pha rol zher 'debs rtsub mo'i tshig <br>
/phyogs mthun 'joms sogs zhan yid mi bde'i gtam/<br>
/brnab sems gzhan 'byor mi bzod bdag gir byed/<br>
/phyogs mthun thos sogs pha rol dpal la brkam/<br>
/gnod sems gzhan la gnod 'tshes zhe sdang zhing/<br>
/phyogs mthun phan par mi 'dod khro ba'i sems/<br>
/log lta rtag chad rgyu 'bras med par blta <br>
/phyogs mthun sgro skur 'debs sogs phyin ci log<br>
/yul dang kun slong bsam sbyor ngan pa yis/<br>
/mi dge'i las bcu spyad pa'i 'bras bu ni/<br>
/rnam smin rgyu mthun dbang dang byed pa bzhi/<br>
/las bcu chung ngus dud 'gro 'bring yi dvags/<br>
/chen pos dmyal bar sdug bsngal rnam smin 'bras/<br>
/rgyu mthun gnyis las gang byed der skye ba/<br>
/byed pa rgyu mthun 'bras bu legs par gsungs/<br>
/mtho ris thob na'ang tshe thung nad mang zhing/<br>
/yo byad mi 'byor dgra dang thun mong 'gyur/<br>
/khyim thab mi mdzes dgra zlar 'gyur ba dang/<br>
/skur ba mang la gzhan gyis slu ba dang/<br>
/g.yog 'khor mi 'dum 'khor g.yog ngan pa dang/<br>
/mi snyan thos dang 'thab mo'i tshig tu 'gyur/<br>
/tshig gzung mi 'os ma nges spobs pa dang/<br>
/cho ga mi shes dang 'dod pa che bar 'gyur/<br>
/phan pa mi tshol gzhan gyis gnod pa'i gnas <br>
/lta ba ngan dang g.yo sgyu che ba ste/<br>
/mi dge bcu la rim bzhin gnyis gnyis ldan/<br>
/myong ba rgyu mthun 'bras bu legs par gsungs/<br>
/dbang gi 'bras bu phyi rol yul la smin/<br>
/de yang ma dag gzhan dbang gnas skabs 'dir/<br>
/srog bcad pas ni sa phyogs gzi brjid chung/<br>
/sman shing lo 'bras me tog bza' btung sogs/<br>
/mthu chung 'ju dka' tshe la bar du gcod/<br>
/ma byin len pas lo thog 'bras mi smin/<br>
/sad ser mu ges 'jigs pa'i yul du skye/<br>
/log par g.yem pas bshang gci 'dam rdzab khrod/<br>
/ljan ljin mi gtsang dri nga skye ba'i yul/<br>
/dog cing nyam nga nyams mi dga' bar skye/<br>
/brdzun gyis yul rnams mi mthun 'jigs dang bcas/<br>
/'byor pa g.yo zhing gzhan gyis slu bar skye/<br>
/phra mas sa phyogs bgrod dka' mtho dman can/<br>
/ngam grog g.yang sa gcong rong la sogs pa/<br>
/reg na mi bde sna tshogs yul du skye/<br>
/rtsub mos sdong dum rdo gseg tsher ma dang/<br>
/rdul dang nyal nyil 'bras ngan rtsub pa dang/<br>
/tshva sgo la sogs mi dge'i yul du skye/<br>
/bkyal bas lo 'bras mi smin dus tshigs log<br>
/ring du mi brtan mi gnas yul du skye/<br>
/brnab sems 'bras sogs nyung zhing spun pa mang/<br>
/bzang po'i dus tshigs 'gyur ba mthong bar skye/<br>
/gnod sems lo thog 'bras bu tsha zhing kha/<br>
/rgyal po chom rkun mi rgod sbrul la sogs/<br>
/rang bzhin gnod pa mang ba'i yul du skye/<br>
/log ltas rin chen 'byung khungs mi ldan zhing/<br>
/sman shing me tog 'bras bu bung ba dang/<br>
/skyabs dang skyob pa dpung gnyen med par skye/<br>
/skyes bu byed pa'i 'bras bu mi dge ba/<br>
/gang byas de nyid 'phel bas sdug bsngal bskyed/<br>
/mdor na rang bzhin mi dge bcu po rnams <br>
/dug dang 'dra ste gang gis longs spyod pa/<br>
/tshe 'bring chung ngus sdug bsngal cher bskyed pas/<br>
/dgra bzhin rab tu spang la 'bad 'tshal lo<br> 
/mtho ris 'phen pa dge ba'i las bcu yang/<br>
/mi dge bcu spong sems pa dge ba ste/<br>
/srog mi gcod dang ma byin len pa spangs/<br>
/log par ma g.yem brdzun dang phra ma spong/<br>
/ngag 'khyal tshig rtsub mi smra brnab sems med/<br>
/gnod sems log lta ring du spangs pa ste/<br>
/chung ngus mi dang 'bring gis 'dod pa'i lha/<br>
/chen pos bsam gtan gzugs med ting 'dzin 'brel/<br>
/gong ma'i khams gnyis bde ba 'dzin par byed/<br>
/'bras bu bzhi ste sngar gyi ldog pa'i dpes/<br>
/dge bcu'i 'bras bu mtho ris shes par bya/<br>
/de ltar dge ba bsod nams cha mthun bcus/<br>
/bde 'gror 'phen zhing rang bzhin mi dge bcus/<br>
/ngan 'gror ltung ba'i rgyu 'bras dkar nag las/<br>
/blang dor byed pa 'jig rten dge ba'i lam/<br>
/lha mi'i theg pa legs par thub pa gsungs/<br>
/'dis ni phyi mar bde 'gro bsgrub pas na/<br>
/thar pa'i rten du yang dag gzhag par mdzad/<br>
/legs ldan 'gro ba rnams kyis bsten par mdzod/<br>
/thar pa'i dge mchog 'khor ba ring du byed/<br>
/de yang srid par 'du byed mtho dman las/<br>
/dkar nag gnyis ka las 'das zhi la gzhol/<br>
/thar pa'i cha mthun la sogs zag med rgyu/<br>
/dge ba bcu dang bsam gtan gzugs med dang/<br>
/pha rol phyin drug la sogs lam lngas bsdus/<br>
/de yang gang zag chos bdag med rtogs nas/<br>
/thabs ngad shes rab zung 'brel dge ba yis/<br>
/srid zhir mi gnas 'gro ba'i don byed cing/<br>
/rgyal ba'i go 'phang mtha' yas bsgrub pas na/<br>
/rnal 'byor dge ba 'jig rten kun las 'das/<br>
/de yang dmigs bcas bsod nams tshogs yin la/<br>
/dmigs med ye shes tshogs te zung 'brel gyis/<br>
/sgrib gnyis sbyangs nas sku gnyis mngon du byed/<br>
/de yang so so skye bo'i zag bcas te/<br>
/'phags pa'i zag med mnyam rjes spyod yul can/<br>
/rim bzhin spyad pas thar pa thob pa yin/<br>
/thar pa dge ba'i rten ni rigs yin la/<br>
/de yang sems kyi rang bzhin 'od gsal ba/<br>
/dri med khams te rang bzhin gnas pa'i rigs/<br>
/de yi snang cha sku gnyis dpe rnam dgu/<br>
/snying rje'i rang bzhin ye nas gnas pa ni/<br>
/rgyas 'gyur rigs zhes bde bar gshegs pas gsungs/<br>
/rtsa ba rig pa'i ye shes 'od gsal la/<br>
/ngo bo dug gsum med pas dge ba yin/<br>
/rigs de sad las sems gnyis rab bskyed dus/<br>
/snying rje mngon bsgrubs kun rdzob bsod nams tshogs/<br>
/bum sogs gsum dbang bskyed rim dag pa ste/<br>
/stong pa rang bzhin don dam ye shes tshogs/<br>
/bzhi pa tshig dbang rdzogs rim phyag rgya che/<br>
/legs par bsgoms shing rim gnyis spel ba yis/<br>
/nyon mongs ye shes gnas gyur dge ba rnams/<br>
/ches cher 'phel bas khams kyi sgrib sbyangs te/<br>
/chos gzugs dri med nyi ma mthong bar 'gyur/<br>
/'jig rten chos rab dge ba rnam pa bcu/<br>
/bsam gtan gzugs med la sogs snang bcas tshogs/<br>
/'jig rten 'das gang shin tu spros pa med/<br>
/don dam ye shes tshogs te mnyam rjes yul/<br>
/zung du 'brel bar spyad las legs dgu 'grub/<br>
/de yang srid par 'du byed dge ba ltar/<br>
/zhi bar 'du byed tshul gyis las su bshad/<br>
/srid las 'da' phyir las las thar pa lags/<br>
/lam zhugs dge ba bcu yi 'bras bu yang/<br>
/rnam smin rgyu mthun dbang dang byed las te/<br>
/de dag chung 'bring chen por spyad pa yis/<br>
/gnas skabs lha mi mthar thug nges legs 'gyur/<br>
/rgyu mthun byed pas ngang gis dge la gzhol/<br>
/myong bas tshe ring ba dang longs spyod che/<br>
/mthun pa'i khyim thab dgra zla med pa dang/<br>
/skur pa mi 'byung phan tshun mdza' bshes bzhin/<br>
/tshig gzung 'os dang kun gyi rna bar stan/<br>
/chog shes byams ldan lta ba bzang por 'gyur/<br>
/dbang gis yul bzang gzi brjid phun sum tshogs/<br>
/bza' btung sman sogs 'ju sla mthu che zhing/<br>
/phyogs gtsang sman sogs dri zhim ngad dang ldan/<br>
/gzhan gyis mi slu 'jigs bral gnod 'tshe med/<br>
/skye dgu mthun dang reg na mchog tu bde/<br>
/dus kyi rjes 'gro legs smin 'bras bus phyug<br>
/sa phyogs mnyam la mtsho bsil rdzing bus brgyan/<br>
/me tog 'bras mang bzang dgu 'phel ba mthong/<br>
/lo 'bras smin sogs ro mchog bda' ba dang/<br>
/'byung khungs bzang zhing dpung gnyen ldan par skye/<br>
/skyes bu byed pa dge las dge 'phel bas/<br>
/legs dgu'i bsam pa yid bzhin 'grub pa yin/<br>
/gzhan yang sbyin pas longs spyod khrims kyis bde/<br>
/bzod pas gzugs bzang brtson 'grus yon tan brjid/<br>
/bsam gtan sems zhi blo yis grol ba 'thob/<br>
/byams pas yid 'ong snying rjes phan pa 'grub/<br>
/dga' bas phun tshogs btang snyoms rnyog pa med/<br>
/mdor na bsod nams ye shes tshogs rab 'bras/<br>
/gnas skabs mngon mtho mthar thug nges legs 'grub/<br>
/'di ni lam bzang shing rta chen po'i srol/<br>
/dus gsum rgyal ba'i phun tshogs sgrub byed yin/<br>
/de ltar srid zhir 'du byed las rnams ni/<br>
/sems la rton zhing sems nyid 'od gsal la/<br>
/mkha' bzhin byed po mi dmigs spros dang bral/<br>
/bden pa gnyis don rten cing 'brel bar 'byung/<br>
/gdod nas rnam dag med bzhin snang ba yi/<br>
/las ni kun byed ri mo mkhan 'dra zhing/<br>
/rtag tu rjes 'gro lus kyi grib ma 'dra/<br>
/gzhan du mi 'pho lus kyi bde sdug bzhin/<br>
/rang bzhin bzlog dka' chu klung 'bab 'dra zhing/<br>
/mtho dman ltung byed 'gro kun dbang po dra/<br>
/shin tu rgya che nam mkha'i dbyings 'dra zhing/<br>
/dkar nag mi 'gyur kUnda Utpa la 'dra/<br>
/las rnams brtags na ngo bo 'ga' med kyang/<br>
/rmi lam bzhin du bde sdug sna tshogs byed/<br>
/blos btags las rnams dngos po mtshan ma med/<br>
/rgyu 'bras mi slu rten 'brel zab mo nyid/<br>
/yod min med min rang bzhin gnyis su med/<br>
/ji ltar spyad pa de ltar rnam par smin/<br>
/'di ni ji snyed zhi bzhin gzigs pa'i yul/<br>
/rnam kun mkhyen pa de yis legs par gsungs/<br>
/gang zhig las 'bras khyad du gsod pa dag<br>
/mu stegs chad par lta ba'i slob ma ste/<br>
/stong pa'i lta ba gdeng tsam du 'cha' ba/<br>
/chad pa'i mthar lhung 'og nas 'og tu 'gro/<br>
/lam ngan zhugs pa de dag gnas ngan las/<br>
/nam yang mi thar bde 'gro ring du byed/<br>
/rgyu 'bras snying rje bsod nams tshogs 'di dag<br>
/drang dron byis pa'i chos te sangs mi rgya/<br>
/nges don byar med nam mkha' lta bu'i don/<br>
/rnal 'byor chen po rnams kyis sgoms shig lo/<br>
/chad pa las kyang chad pa'i lta ba can/<br>
/dman pa las kyang dman pa'i lam zhugs dag<br>
/rgyu nyid bkag nas 'bras bu bsgrub pa mtshar/<br>
/nam mkha' yin na bsgom yang ci zhig dgos/<br>
/min na bsgoms kyang ngal ba don med do/<br>
/cang med bsgoms pas thar pa thob 'gyur na/<br>
/nam mkha'i yid can rnams kyang sangs rgyas 'gyur/<br>
/bsgom par khas blangs nas kyang rgyu 'bras 'grub/<br>
/de phyir lam ngan de 'dra rgyang srings shig<br>
/yang dag lam ni rgyu 'bras rten 'brel te/<br>
/thabs dang shes rab mnyam sbyor lhun gyis grub/<br>
/snang la rang bzhin med pa'i las 'bras kyis/<br>
/snang la rang bzhin med pa'i lam bsgoms te/<br>
/snang la rang bzhin med pa'i 'bras bu 'thob/<br>
/snang la rang bzhin med pa'i sems can don/<br>
/snang la rang bzhin med pa'i mdzad pa ni/<br>
/dag pa'i rgyu 'bras zab mo'i rten 'brel yin/<br>
/de bas nges don mdo rgyud snying po'i don/<br>
/tshogs gnyis zung 'jug rim gnyis bskyod rdzogs kyis/<br>
/myur du rdzogs pa'i sangs rgyas sgrub byed yin/<br>
/'dir ni srid par 'du byed rgyu 'bras kun/<br>
/cha dang bcas pa ma lus rab spangs nas/<br>
/thar pa'i rgyu 'bras nan tan snying por bya/<br>
/myur du mngon mtho nges legs byang chub 'grub/<br>
/de ltar bde chen chos kyi char bsil bas/<br>
/'gro sems sa gzhir tshogs gnyis rab rgyas te/<br>
/las dang nyon mongs yongs gang srid pa 'dir/<br>
/dub pa'i sems nyid di ring ngal sos shig<br>
/rdzogs pa chen po sems nyid ngal gso las/<br>
/las rgyu 'bras kyi le'u ste bzhi pa'o/<br>
/<br>
===5===
//de ltar las 'bras ma nor legs pa'i lam/<br>
/dam pa rnams la nye bar brten las 'byung/<br>
/dus gsum rgyal ba sras bcas nyan rang tshogs/<br>
/byang chub gsum brnyes dge ba'i bshes las byung/<br>
/srid na mngon mtho bde ba'i shas thob pa/<br>
/de yang dam pa dag la brten nas 'byung/<br>
/de phyir skye bo dam pa bsten par bya/<br>
/ji ltar tsandan shing la 'khri shing dang/<br>
/mi gtsang 'dam du brten pa'i ku sha ltar/<br>
/dam pa bsten pas rang nyid dam par 'gyur <br>
/ngan pa bsten pas rang nyid ngan par 'gyur/<br>
/de phyir skye bo dam pa bsten pa dang/<br>
/sdig pa'i bshes gnyen spangs la nan tan bya/<br>
/dam pa de yang chos tshul de zhe na/<br>
/'jig rten 'dres phyir kun dang cha mthun la/<br>
/'jig rten 'das phyir kun dang cha mi mthun/<br>
/sgo gsum spyod pa kun las khyad par 'phags/<br>
/zhi sku kun spyod gtsang zhing skyon med la/<br>
/the tshom gcod mkhas gsung snyan dri ma med/<br>
/thugs ni zab zhi kun mkhyen ye shes mdzod/<br>
/yon tan mtha' yas thos dang snying rje che/<br>
/shes rab rgya che dgongs spyod nam mkha' 'dra/<br>
/phrin las tshad med 'brel tshad don dang ldan/<br>
/byams ldan skyong la spangs shing rtag tu brtson/<br>
/'gro ba'i kha lo gyen du bsgyur la brten/<br>
/khyad par gsang sngags bla ma'i mtshan nyid ni/<br>
/dbang dang sdom pa dam tshig gtsang ldan zhing <br>
/rgyud don man ngag rgya mtsho'i pha rol phyin/<br>
/bsnyen sgrub las sbyor 'phrin las mnga' brnyes shing/<br>
/lta sgom spyod 'bras nyams rtogs drod tshad thob/<br>
/brtse chen thabs mkhas gdul bya smin grol 'god/<br>
/brgyud pa'i byin rlabs sprin phung ma yal ba/<br>
/de 'dr'i mkhas grub dpal ldan bla ma bsten/<br>
/gang gi yon tan shin tu mtha' yas te/<br>
/'gro ba'i gnyen gyur phyogs tsam rab bsngags na/<br>
/srid mtsho sgrol bas gru chen gnyen pa ste/<br>
/lam zhugs rnams kyi ded dpon bla na med/<br>
/rgud pa sel pas yid bzhin nor bu ste/<br>
/las dang nyon mongs me 'jil bdud rtsi'i chu/<br>
/chos char bsil bas char sprin bzang po ste/<br>
/'gro kun dga' bskyed lha yi rnga bo che/<br>
/dug gsum nad sel sman pa'i rgyal po ste/<br>
/ma rig mun sel sgron me 'od po che/<br>
/skye dgu'i bde 'byung dpag bsam shing chen te/<br>
/'dod dgu lhug grub rin chen bum pa bzang/<br>
/byams chen nyi ma 'od zer dpag med de/<br>
/gdung sel zla ba phan bde'i 'od dkar can/<br>
/dgongs klong yangs pas dri med mkha' 'dra la/<br>
/ting 'dzin 'od gsal gza' skor lhun grub 'dra/<br>
/mkhyen brtse'i rang bzhin dpag med mtsho 'dra zhing/<br>
/thugs rje'i rlabs chen g.yo bas chu klung 'dra/<br>
/rnam g.yeng mi bskyod gangs ri'i dpal 'dra zhing/<br>
/mchog tu mi g.yo ri rgyal lhun po 'dra/<br>
/srid gnas mi gos 'dam skyes pad 'dra zhing/<br>
/kun la thugs snyoms byams sdug pha ma 'dra/<br>
/yon tan mtha' yas rin chen gter 'dra zhing/<br>
/'jig rten 'dren pas rgyal ba'i dbang po 'dr/<br>
/de 'dra'i bla ma dpal ldan chos kyi rje/<br>
/gang na bzhugs rnams sangs rgyas kun dang mnyam/<br>
/mthong thos dran reg 'khor ba phyir bsnyil zhing/<br>
/rlabs chen phrin las khur chen dpag tu med/<br>
/sa chen 'gro ba kun gyi rten bzhin no/<br>
/dkon mchog bzhi pa bla ma sangs rgyas te/<br>
/dkyil 'khor dbang phyug he ru ka dpal nyid/<br>
/snyigs dus 'gro ba gdul ka'i don mdzad pas/<br>
/gdul by'i ngor ni sangs rgyas kun pas lhag/<br>
/dngos grub rtsa ba rdo rje slob dpon la/<br>
/sgog sum zol med gtsang ma'i spyi bos bsten/<br>
/de dag gis ni ngan 'gro'i lam 'gog cing/<br>
/bde 'gro'i skas 'dzugs 'di phyir phan bde mdzad/<br>
/yang dag don ston sems rgyud byin gyis rlobs/<br>
/tshe 'dir smin grol lam la 'god pas na/<br>
/rtag brtan 'pho 'gyur med pa'i dad pa yis/<br>
/dus rnams kun tu skyo ngal med par bsten/<br>
/ji ltar nad pas sman pa'i rgyal po dang/<br>
/dmangs kyi rgyal po 'gron pos skyel ma dang/<br>
/tshong pas ded dpon gru pas gnyen pa ltar/<br>
/nyon mongs zhi phyir nyes kun gnod bral phyir/<br>
/skye shis 'jigs phyir don gnyis lhun grub phyir/<br>
/srid mtsho brgal phyir bla ma bsten par bya/<br>
/bla ma sman pa gdams ngag sman dang ni/<br>
/rang la nad pa'i 'du shes nyer gzhag ste/<br>
/nan tan brtson pa sman nyid bsten tshul dang/<br>
/zhi bde nad las grol ba'i 'bras thob bzhin/<br>
/bsten tshul gzhan rnams tshul des dpag byas la/<br>
/dag pa'i 'du shes bzhi yis bsten par bya/<br>
/gzhan du skal ngan slob ma nyes kun gzhi/<br>
/dad dang ngo tsha khrel med snying rje chung/<br>
/rigs dang rang bzhin kun spyod skal pa ngan/<br>
/sems dang las dang nyon mongs dug lnga rags/<br>
/chos dang chos min dge sdig bslab pa 'chal/<br>
/sdom dang dam tshig mi bsrung gnyen po med/<br>
/rab rmongs blo gros chung zhi dgang dka' ba/<br>
/khro dang tshig rtsub 'phel ba de dag gis <br>
/bla ma ri dvags chos la gla rtsi dang/<br>
/rang la rngon pa nan tan mda' 'phen dang/<br>
/chos grub 'bras bu gzhan du 'tshong ba'i tshul/<br>
/'du shes log pa lnga yis bsten pa ni/<br>
/dam tshig med pas 'di phyir sdug bsngal 'thob/<br>
/la las thog mar ma brtags pa bcol 'jug<br>
/gsar ngas yon tan brjod cing phyi nas smod/<br>
/kha cig 'dres mas ngo lkog ngan g.yo'i tshul/<br>
/zur gyis bla ma nye 'khor sun 'byin pa/<br>
/de dag gis ni 'bras bu mnar med nyid/<br>
/skal bzang slob ma dad dang shes rab che/<br>
/brtson 'grus bag yod dran dang shes bzhin ldan/<br>
/bka' las mi 'da' sdom dang dam tshig bsrung/<br>
/sgo gsum dul zhing snying rje phan sems che/<br>
/khong yangs spro ring gtong phod dag snang che/<br>
/brtan zhing mos gus che ba de dag gis/<br>
/rtag tu bla ma'i yon tan dran bya zhing/<br>
/skyon la mi rtog mthong yang yon tan bsam/<br>
/rang snang yin nges khong la mi mnga' zhes/<br>
/snying nas bsam zhing bshags bsdam gnyen po bsten/<br>
/bla ma mi mnyes cha dang bcas spang zhing/<br>
/ji ltar mnyes pa'i thabs la 'bad par bya/<br>
/bla mas bka' stsal nam yang mi bcag cing/<br>
/bla ma'i nye 'khor sdug pa'ang bla ma bzhin/<br>
/bla ma'i 'khor g.yog slob mar mi bsdu zhing/<br>
/chos bshad dbang bskur la sogs zhus te bya/<br>
/bla ma'i spyan sngar lus ngag yid bsdam zhing/<br>
/rkang pa brkyang dang skyil krung rgyab mi bstan/<br>
/ngo 'dzum mi gnag khro gnyer bstan mi bya/<br>
/bab col mi smra brdzun tshig phra ma dang/<br>
/gzhan gyi skyon brjod mi snyan rtsub mo'i tshig<br>
/ma brtags 'brel pa med rnams smra mi bya/<br>
/bla ma'i rdzas la brnab sems mi bya zhing/<br>
/sder bcas gnod sems cha dang bcas kun bsdam/<br>
/bla ma'i mdzad spyod sna tshogs cho 'phrul la/<br>
/kha zhe 'ol pas 'khrul bar mi brtag cing/<br>
/'di ni mi rigs khong rang mdzad mod snyam/<br>
/cung zad 'gal 'du nyes skyon log lta dor/<br>
/gal te bla ma sdang bar mngon na yang/<br>
/rang skyon yod nges brtags la bshags bsdam bya/<br>
/spyi gtsug bsgoms la gsol ba drag po gdab/<br>
/de yis mnyes shing dngos grub myur du 'thob/<br>
/bla ma mthong tshe ldang ngang phyag 'tshal zhing/<br>
/bzhugs tshe stan sogs mkho ba'i yo dbul/<br>
/snyan par smra bas bstod cing thal mo sbyor/<br>
/bzhud tshe ldang dang zhabs 'bring bsnyen bkur bya/<br>
/rtag tu dran dang shes bzhin bag yod cing/<br>
/gus dang 'jigs bcas zhum pas gnas par bya/<br>
/aji ltar bag ma gsar pa'i tshul bzhin du/<br>
/sgo gsum zhi bas bla ma'i drung 'dug gis/<br>
/'phyar zhing g.yeng la rgod bag bya ba min/<br>
/phyogs ris ma yin khe dang grags pas min/<br>
/g.yo sgyus ma yin de bzhin tshul 'chos min/<br>
/ngo lkog ma yin nye ring chags sdang min/<br>
/rang la 'byor pa yod na bla ma mchod/<br>
/lus ngag zhabs tog bsnyen bkur sri zhi dang/<br>
/tshe 'di blo btang bsgrub pas mnyes par bya/<br>
/gzhan gyis mi snyan brjod na'ang de bzlog cing/<br>
/nus pa med na slar yang yon tan bsam/<br>
/rna ba dag bcing snying rjes phan pa bsgrub/<br>
/de la mi brten bag phebs smra ba min/<br>
/des ni tshe rabs kun tu phan pa 'grub/<br>
/dam pa rnams dang phrad cing chos rab thos/<br>
/sa dang lam dang gzungs dang ting nge 'dzin/<br>
/sna tshogs yon tan 'byor pas yongs gang zhing/<br>
/'gro la zhi bde'i dga' sten 'gyed pa yin/<br>
/de ltar dam pa rnams la legs brten pas/<br>
/sdig pa'i bshes gnyen ngan pa'ang kun tu spang/<br>
/de yang sngar bshad yon tan mi ldan zhing/<br>
/log pa'i skyon mang sdom dang dam tshig 'chal/<br>
/byams dang snying rje shes rab thos pa chung/<br>
/le lo snyom las mi shes nga rgyal che/<br>
/ko long gdug rtsub nyon mongs dug lnga rags/<br>
/tshe 'di don gnyer phyi ma rgyang ring 'phang/<br>
/chos ltar ston yang chos min zog po'i rigs/<br>
/mi gtsang phung po lta bu'i bla ma ni/<br>
/gdul by'i bung ba mang yang ring du spang/<br>
/dad ldan log lam ngan 'gror 'khrid pas na/<br>
/thar lam 'dod pas nam yang bsten mi bya/<br>
/sdig pa'i grogs po de yang spang bya ste/<br>
/ji tsam 'grogs pa de tsam sdig pa 'phel/<br>
/dge ba 'grib cing nyon mongs char bzhin 'bab/<br>
/bde 'gro 'gog cing ngan 'gro'i 'bab stegs te/<br>
/dam pa smod cing dkar po'i chos la sdang/<br>
/ngan pa bstod cing nag po'i chos la bsten/<br>
/skal mnyam mi dge spyod rnams bsngags pa ste <br>
/rtag tu long lam ngan 'gror 'khrid pas na/<br>
/blo mig ldan pas ring du spang bar bya/<br>
/sdig pa'i bshes gnyen grogs bcas spangs pa yis/<br>
/'di phyir bde zhing legs pa'i yon tan 'grub/<br>
/rtag tu dge 'phel thar lam zab mo zin/<br>
/skye bo ngan pa nam yang mi mthong zhing/<br>
/bde gshegs sras kyis bskor ba'i mgon po yis/<br>
/bdag dang dgongs shing byin gyis rlob par mthong/<br>
/bde bar tshe yi dus byed mtho ris 'gro/<br>
/de sogs bsam gyis mi khyab yon tan ldan/<br>
/dge ba'i grogs po dam pa rtag tu bsten/<br>
/de dag gis ni dge ba'i las 'phel zhing/<br>
/sdig dang nyon mongs 'grib la nyes pa 'gog<br>
/srid las mthar 'byin mngon mtho nges legs 'grub/<br>
/tshe 'dir bde zhing phyi ma 'bras dang bcas/<br>
/rtag tu don yod lha mi'i 'dren par 'gyur/<br>
/dge ba'i bshes dang dge grogs bsten pa yis/<br>
/dge tshogs 'phel zhing 'bras bu bde ba 'thob/<br>
/srid na mi 'jigs phan bde dpag med cing/<br>
/'gro ba'i don gnyis 'byor pa mtha' yas 'grub/<br>
/'di ni rnam 'dren rgyal ba'i sprul pa ste/<br>
/snyigs ma'i dus su de ltar snang ba yin/<br>
/de bas ji srid byang chub snying po'i bar/<br>
/skye bo dam pa rnams la brten par bya/<br>
/de yis dag snang phyogs med 'char ba dang/<br>
/byams dang snying rje byang chub sems 'byongs shing/<br>
/nyams dang rtogs pa rang bzhin gong du 'phel/<br>
/gzhan don dpag med ci bsam chos bzhin 'grub/<br>
/ji ltar bsgom zhing gsol ba gdab pa ni/<br>
/rgyun du tshogs bsag sgrib pa sbyong ba la/<br>
/nyin mo spyi gtsug mtshan mo snying nang du/<br>
/rtsa ba'i bla ma gang mos yi dam dang/<br>
/mkha' 'gro gnyis med mtshan dpes brgyan pa'i mthar/<br>
/brgyud pa'i bla ma dpa' bo mkha' 'gros bskor/<br>
/yid kyis mchod cing 'dod don gsol ba gdab/<br>
/mtshan de rgya skad thog mar a'alM sbyin zhing/<br>
/tha mar a':h'uM gang 'dod sham bur gdags/<br>
/nad gdon sdig rib zhi bar 'dod pa yis/<br>
/thams cad dkar po 'od zer rab 'phros pas/<br>
/mi mthun phyogs zhi dngos grub thob par bsam/<br>
/tshe dpal 'byor sogs rgyas pa'i las 'dod pas/<br>
/ser po 'dod dgu'i char pa 'bebs par bsam/<br>
/dbang dang dgug pa la sogs dbang rnams la/<br>
/thams cad dmar po 'od zer lcags kyu'i tshul/<br>
/bgegs dang gdon sogs tshar gcod mngon spyod la/<br>
/thams cad mthing nag 'od zer mtshon cha 'phro/<br>
/me dpung rtsibs stong 'khor los 'joms par bsam/<br>
/sngags bzlas stong gsum g.yo 'gul ldeg cing 'phar/<br>
/las rnams grub cing lhag pa'i bskyed rim bsgom/<br>
/rjes rnams rim bsdu mi dmigs stong pa'i ngang/<br>
/dar cig glod la dge ba byang chub bsngo/<br>
/so so'i las dang rjes mthun rtags rnams 'byung/<br>
/'di ni zab lam bde chen rgya mtsho yin/<br>
/khyad par nad gdon bar chad 'chi bslu'i tshe/<br>
/mdun gyi nam mkha' pad sdong seng ge'i khri/<br>
/mi 'jigs yangs pa can steng bla ma dang/<br>
/sangs rgyas dbyer med 'dzum mdangs ldan pa la/<br>
/brgyud pa'i bla ma byang sems mkha' 'gros bskor/<br>
/'og tu rigs drug lan chags snying rje'i mgron/<br>
/dus gsum pha ma 'khor ba'i sems can bsam/<br>
/rang sems spyi gtsug h'uM 'thon dpa' bo'i sku/<br>
/chu gri thod pa thogs pa'i rnam pa yis/<br>
/lus kyi thod pa smin mtshams mdzod spur bcad/<br>
/thod pa'i sgyed pu gsum steng bzhag pa'i nang/<br>
/lus kyi sha khrag rus pas khengs pa la/<br>
/bdud rtsi'i char bab 'og nas me 'bar bas/<br>
/thod pa stong gsum dang mnyam bdud rtsis khengs/<br>
/rang sems dpa' bo grangs med sprul pa yis/<br>
/thod pas thams cad dus mnyam bdud rtsi bkye/<br>
/zhi ba'i mgron mnyes tshogs rdzogs dngos grub thob/<br>
/srid pa'i mgron mnyes thog med lan chags 'khor/<br>
/khyad par gang gnad gdon mnyes bar chad zhi/<br>
/thams cad mnyes pa'i 'od zer bdag la phog<br>
/nad zhi gdon zhi bar chad rang sar zhi/<br>
/'chi ba slus shing dngos grub thob par bsam/<br>
/rjes la thams cad mi dmigs sems kyi ngang/<br>
/sems nyid mi dmigs chos dbyings mnyam par gzhag<br>
/sgyu ma'i rang bzhin dag pas bsngo ba bya/<br>
/'dis ni mi mthun rkyen rnams zhi ba dang/<br>
/tshogs chen rab rdzogs sgrib kun bral ba ste/<br>
/byin rlabs tshad med rtogs pa rgyud la skye/<br>
/<br>
/bdag 'dzin med cing nges 'byung blo sna thung/<br>
/bsam pa 'grub cing snang srid bla mar 'char/<br>
/gnad gcod med cing 'chi ka'i 'od gsal 'grub/<br>
/bar dor grol zhing don gnyis phun sum tshogs/<br>
/de phyir bla ma bsgrub la nan tan bya/<br>
/gang gis bskyed rim bskal par bsgoms pas kyang/<br>
/bla ma skad cig dran pa mchog tu gsungs/<br>
/dpal ldan 'byor pa dam pa'i gzhir gyur pa/<br>
/yon tan yongs gang phan bde'i sprin tshogs can/<br>
/sa gsum bdud rtsi dam pa'i char 'dod pas/<br>
/thugs rje'i ngang can rnams la brten par bya/<br>
/thog med dus nas nye bar goms pa yi/<br>
/yid mkha'i nyon mongs gdung bzhi by'i phyir/<br>
/nor bzang rtag tu ngu bzhin chos tshol bas/<br>
/skyo ngal spangs la dge ba'i bshes gnyen bsten/<br>
/de ltar don spyod dbang po'i rgyud stong ldan/<br>
/skal bzang rna ba'i bdud rtsir lhung ba las/<br>
/nyes gyur log pa'i lam la brten pa yis/<br>
/dub pa'i sems nyid di ring ngal sos shig<br>
/rdzogs pa chen po sems nyid ngal gso las/<br>
/dge ba'i bshes gnyen bsten pa'i le'u ste lnga pa'o/<br>
===6===
/de ltar dge ba'i bshes gnyen legs bsten nas/<br>
/thar pa'i lam la rim gyis bslab par bya/<br>
/lam rnams kun gyi gzhi rten skyabs su 'gro/<br>
/skyes bu chung rnams ngan 'gros 'jigs pa ste/<br>
/'bring gnyis srid pas 'jigs dang chen po rnams/<br>
/'khor ba'i sdug bsngal cha dang bcas mthong nas/<br>
/gzhan gyi sdug bsngal mi bzod zhi bdes 'jigs/<br>
/rgyal sras theg pa che rnams 'gro ba'i phyir/<br>
/skyabs su 'gro byed gsum dang bsam pa gsum/<br>
/phal pa mchog dang bla na med pa'o/<br>
/dus kyang bsam pa'i rjes 'gro chung ngu rnams/<br>
/phyi ma'i bde 'bras bar du 'gro ba ste/<br>
/'bring gnyis gnas skabs ji srid 'tsho ba dang/<br>
/mthar thug nyan rang 'bras thob bar du 'gro/<br>
/mchog rnams byang chub bar du rtag 'gro zhing/<br>
/ye shes gzhal med bsam yas bar du'o/<br>
/yul rnams gnyis te thun mong rgyu dang ni/<br>
/thun mong ma yin 'bras bu'i skyabs gnas gnyis/<br>
/rgyu dang 'bras bur dam 'cha' de yang ni/<br>
/dus gzhan 'grub 'dod rgyu yi theg pa dang/<br>
/da lta nyid grub rang sems 'bras bu'i tshul/<br>
/rdo rje theg pa dag gi dbye bas bzhag<br>
/mtshan nyid thig las de nyid gsungs pa ni/<br>
/ming tsam mthun pas phyogs gcig nges par bya/<br>
/rgyu yi yul ni dmigs bcas dkon mchog gsum/<br>
/sangs rgyas sprul sku mchog yin mtshan dpes brgyan/<br>
/chos rnams gnyis te dri med lung gi chos/<br>
/mdo dang rgyud sde theg pa sna tshogs don/<br>
/gsung rab yi ger snang ba'i gzugs brnyan yin/<br>
/de yang mdo sde gsung rab bcu gnyis te/<br>
/mdo sde dbyangs bsnyad lung bstan tshigs su bcad/<br>
/ched brjod rtogs pa brjod dang de ltar byung/<br>
/gleng gzhi shin tu rgyas dang skyes rabs bcas/<br>
/gzhan phab rmad du byung ba'i sde rnams so/<br>
/rgyud ni bya spyod rnal 'byor thub pa rgyud/<br>
/thabs shes gnyis med pha ma gnyis su med/<br>
/nang pa sngags te rnal 'byor chen po'o/<br>
/de yi yi ge glegs bam la sogs yin/<br>
/rtogs pa'i chos ni sa lam bskyed rdzogs te/<br>
/gzungs dang ting 'dzin ye shes snying po can/<br>
/thugs rje'i rang bzhin thabs tshul dpag med do/<br>
/de yang rab dga' dri med 'od byed pa/<br>
/'od 'phro sbyang dka' mngon gyur ring du song/<br>
/mi g.yo legs pa'i blo gros chos kyi sprin/<br>
/slob pa'i sa bcu bcu gcig kun tu 'od/<br>
/sprul sku'i sa ste rgyu yi theg pas bzhag<br>
/rdo rje theg par yon tan rigs dbye bas/<br>
/bcu gnyis la sogs rnam gzhag dpag tu med/<br>
/tshogs sbyor mthong sgom mi slob lam lnga dang/<br>
/rim gnyis la sogs zab mo sems kyi yul/<br>
/dam chos nyi ma dri med 'od mnga'o/<br>
/dge 'dun nyan rang skyes bu zung bzhi dang/<br>
/rgyal sras sar gnas phyi ste mkha' 'gro dang/<br>
/gsang sngags rjes slob 'gro ba nang du 'dod/<br>
/'di dag dmigs pa'i yul te nam mkhar bsam/<br>
/khyad par bla ma sangs rgyas gtso bor 'dod/<br>
/rnam pa dngos yid gsang bas rab mchod de/<br>
/bdag dang 'gro kun gus pas thal sbyar zhing/<br>
/bla ma sangs rgyas chos dang dge 'dun la/<br>
/byang chub bar du gzhan don skyabs su 'gro/<br>
/snying khong rus pa'i gting nas yang yang bya/<br>
/dgyes shing 'od zer bkye bas rang gzhan gyi/<br>
/sgo gsum sgrib sbyongs dngos grub thob par bsam/<br>
/de yis bsod nams tshogs rdzogs gzugs sku 'grub/<br>
/mthar thug 'bras bu'i skyabs gnas chos sku ste/<br>
/sangs rgyas chos tshogs snying po don gyi lha/<br>
/rang sems 'od gsal spros kun bral ba yin/<br>
/de yi lam 'khyer skyabs su 'gro ba ni/<br>
/rgyu yi thun rjes thams cad rang gi sems/<br>
/don la 'gro bya 'gro byed gnyis med pas/<br>
/ji bzhin ngang la de bzhin mnyam par gzhag<br>
/yul sems gnyis su 'dzin na mthar thug min/<br>
/'bras bu'i skyabs 'gro smon pa med pa yin/<br>
/des ni ye shes tshogs rdzogs chos sku 'thob/<br>
/rjes snang rmi lam sgyu mar bsngo ba bya/<br>
/bslab bya gnyis las rgyu yi rim pa ni/<br>
/srog dang rgyal srid bya dga' la sogs phyir/<br>
/bla ma dang ni dkon mchog spang mi ?<br>
/bla mar skyabs song mchod 'os mi slu zhing/<br>
/dam pa rnams la skur 'debs mi snyan spang/<br>
/sangs rgyas skyabs song lha gzhan phyag mi btsal/<br>
/chos la skyabs song sems can 'tshe ba spang/<br>
/dge 'dun skyabs song mu stegs can mi 'grogs/<br>
/de dag gzugs la'ang dad pas rab mchod cing/<br>
/nyin mtshan rjes dran rtag par skyabs su 'gro/<br>
/'bras bu'i bslab bya mnyam nyid nan tan bya/<br>
/abzng ngan mi rtog mchog dman blang dor min/<br>
/spros la mi brten chos nyid gnyug mar sbyang/<br>
/thams cad lhun rdzogs dkyil 'khor gcig tu spyad/<br>
/gtong rgyu btags pa khas len 'das pa dang/<br>
/mtshan nyid pa ni log lta skyes pas gtong/<br>
/bslab bya nyams pas dman par ltung ba ste/<br>
/bag yod dran pas bsgrims te blang dor bya/<br>
/skyabs gzhan gang gis slu ba de mthong nas/<br>
/lhag par thugs rje'i lha la dad pa nyid/<br>
/tshe rabs kun tu 'jigs bral skyob pa ste/<br>
/de las phan bde byed pa gang zhig yod/<br>
/de na sems gtsang dad pa'i sa gzhi la/<br>
/bsod nams ye shes char chus legs bran te/<br>
/chos khams dge ba'i myu gu cher 'phel bas/<br>
/rgyal ba'i phun tshogs lo thog smin par byed/<br>
/chos tshul dge ba ngo tsha khrel yod shes/<br>
/bag yod dran pa yon tan tshogs mang zhing/<br>
/gzungs sprin ye shes nyi ma sems la 'char/<br>
/rmi lam na yang mi 'bral mthong ba dang/<br>
/tshe rabs dran zhing rigs dang 'byor pas mdzes/<br>
/'gro kun dga' bas don gnyis lhun gyis grub/<br>
/mthar yang rang nyid lus can kun gyi skyabs/<br>
/dpung gnyen byed pas sku gsum 'byor pa 'dzin/<br>
/skyabs song yon tan gal te gzugs mchis na/<br>
/nam mkha' ches lhag bsod nams pha mtha' yas/<br>
/legs pa'i yon tan kun gyi gzhir gyur pa/<br>
/de la mkhas pa su zhig brten mi bgyid/<br>
/nyes spong zhi ba 'gro ba kun gyi gnyen/<br>
/dad brgy'i spyi bos rab tu phyag 'tshal zhing/<br>
/sa gsum bsod nams 'dren mchog dpag bsam shing/<br>
/phan bde'i 'byung gnas de la skyabs su mchi/<br>
/de ltar bde chen yon tan mchog bsgrags pas/<br>
/skye dgu dam pa'i spyod la legs gzhol zhing/<br>
/nyes gyur dman pa'i yul la brten pa yis/<br>
/dub pa'i sems nyid di ring ngal sos shig<br>
/rdzogs pa chen po sems nyid ngal gso las/<br>
/skyabs su 'gro ba'i le'u ste drug pa'o/<br>
/<br>
===7===
//de ltar skyabs song rten gyi gang zag gis/<br>
/byams pa'i sa gzhir snying rje'i me tog bkram/<br>
/dga' ba'i grib bsil btang snyoms chu gtsang gis/<br>
/'gro la phan phyir ngar gi sems sbyang ngo /<br>
/de yang thar pa'i lam dang ma 'brel na <br>
/tshangs pa'i gnas pa bzhi ste srid pa'i rgyu/<br>
/zhi ba'i lam gyis zin pa'i de rnam bzhi/<br>
/srid pa'i chu gter 'da' phyir tshad med bzhi/<br>
/dmigs yul mtha' yas 'gro ba chos nyid la/<br>
/rnam pa kun khyab dmigs bcas dmigs pa med/<br>
/snga ma tshad yod nyung zad 'gro ba la/<br>
/dmigs rnams ma dag dmigs bcas tshangs pa'i rgyu/<br>
/'di ni dmigs med thar par gzhol bas na/<br>
/snying rje'i rang bzhin can gyis bslab par bya/<br>
/bde ba mi ldan sdug bsngal gyis nyam thag<br>
/skyid cing 'byor la nye ring chags sdang can/<br>
/byams dang snying rje dga' ba btang snyoms yul/<br>
/rnam pa bde thob sdug bsngal bral ba dang/<br>
/dga' dang mi 'bral sems snyoms las rung 'dod/<br>
/sgom tshul go rims nges pa med na yang/<br>
/dang po'i gang zag thog mar btang snyoms te/<br>
/nye ring bsnyams nas de nas gzhan gsum sgom/<br>
/de yang dmigs yul sems can thams cad la/<br>
/blo yi rnam pa 'di ltar brtag par bya/<br>
/de lta pha dang ma dang bshes la chags/<br>
/dgra la sdang ba 'di 'dr'i sems khyod ngan/<br>
/thog mtha' dus med 'khyams tshe dgra 'dis kyang/<br>
/pha ma la sogs bshes byas phan pa bsgrubs/<br>
/de yi drin lan gnod sems sgom byed dam/<br>
/gnyen 'dis kyang ni dgra byas gnod pa bsgrubs/<br>
/da lta na yang de yi sdug bsngal 'go <br>
/de yi lan du phan pa ji ltar rigs/<br>
/bar ma yang ni mdza' dang mi mdzar 'gyur/<br>
/phan gnod ma nges chags sdang rigs pa min/<br>
/de bas thog mar mdza' bshes phyogs rnams la/<br>
/bar ma bzhin du chags pa spang bya zhing/<br>
/de nas dgra la bar ma bzhin du ni/<br>
/sdang ba spangs la nye ring med par bya/<br>
/bar ma'i phyogs la'ang gti mug dbral ba'i phyir/<br>
/'gro ba'i nyon mongs snyam du sel ba'i blo/<br>
/srid dang bral ba de 'dra rnam par bsgom/<br>
/thams cad bde 'dod sdug bsngal 'dor 'dod gcig<br>
/'on kyang mi shes sdug bsngal rgyu la spyod/<br>
/kye mnyam thag 'gro ba'i nyon mongs tshogs/<br>
/bag chags bcas kun zhi la sems snyoms shig<br>
/chags sdang drag pos gzir ba'i lus can kun/<br>
/nye ring sems snyoms chags sdang bral bar shog<br>
/ces bsam 'gro ba gcig nas gnyis dang gsum/<br>
/yul gru gcig nas gling gcig bzhi nas/<br>
/stong gcig gnyis gsum 'jig rten kun la bsgom/<br>
/'byongs pa'i tshad ni bdag gzhan dgra gnyen mnyam/<br>
/rjes la dmigs pa med pa'i btang snyoms yul/<br>
/thams cad sems te sems nyid nam mkha' 'dra/<br>
/don dam ma skyes stong pa'i ngang de la/<br>
/blo yi rnam pa spros dang bral bar gzhag <br>
'byongs pa'i tshad ni zab zhi'i rtogs pa skye/<br>
/'bras bu nye ring rnyog pa med pa'i sems/<br>
/gnas lugs don la rang bzhin lhun gyis grub/<br>
/de ltar kun la sems snyoms gyur pa na/<br>
/rang nyid ma la bde dang phrad 'dod ltar/<br>
/lus can kun la de bzhin bsam par bya/<br>
/byams pa'i dmigs yul sems can thams cad la/<br>
/rnam pa gnas skabs lha mi'i bde ba dang/<br>
/mthar thug byang chub bde dang 'phrad par shog<br>
/snyam du gcig nas 'gro ba kun gyi bar/<br>
/phyogs mtha' gtugs par de snyed bsgom par bya/<br>
/rtags ni kun la khyab pa'i byams pa mchog<br>
/bu gcig brtse ba'i ma bas lhag pa 'byung/<br>
/de rjes thams cad mnyam pa'i ngang la gzhag <br>
dmigs pa med pa'i byams pa chen po ste/<br>
/byams dang stong pa zung du chud pa rtags/<br>
/'bras bu mthong na yid 'ong dag pa 'thob/<br>
/byams pas 'gro la khyab pa'i rjes nyid du/<br>
/pha ma'i sdug bsngal blos mi bzod pa bzhin/<br>
/'gro ba'i sdug bsngal bsam la snying rje bskyed/<br>
/de yang bdag gi pha ma drin can rnams/<br>
/bdag gi ched du sdig pa'i las byas pas/<br>
/tsha grang bkres skom gsad gcad las kyis mnar/<br>
/skye rga na 'chi'i chu chen 'khrug par bying/<br>
/sdug bsngal sna tshogs du mas nyam re thag<br>
/de las thar 'dod zhi ba'i sems med la/<br>
/yang dag lam ston dge ba'i bshes med pas/<br>
/mtha' med 'khor bar 'khyams pa snying re rje/<br>
/'di dag mthong nas yal bar 'dor phod dam/<br>
/de bas bdag gi lus dang longs spyod dang/<br>
/dus gsum dge bas 'gro ba'i sdug bsngal dag<br>
/skad cig nyid la bral bar shog cig ces/<br>
/snying khong rus pa'i gting nas bsam par bya/<br>
/'gro ba'i sdug bsngal mi bzod rtags su bshad/<br>
/dmigs med snying rjes de rjes mnyam par gzhag<br>
/rtags ni stong nyid snying rje zung du 'brel/<br>
/'bras bu gnod sems rnam 'tshe bral ba'i sems/<br>
/las rung gdod nas dag pa nyid du 'grub/<br>
/de ltar snying rjes brlan pa'i 'gro ba la/<br>
/rang rang bde bas gnas te dga' ba bsgom/<br>
/de yang dmigs yul bde ldan sems can te/<br>
/rnam pa e ma 'gro ba 'di dag kun/<br>
/bdag gis bde la dgod par ma dgos par/<br>
/rang rang bde ba bdag gis rnyed pa rab/<br>
/da ni ding nas byang chub snying po'i bar/<br>
/bde zhing skyid pa 'di dang mi 'bral shog <br>
/snyam du gcig nas kun la bsgom par bya/<br>
/rtags tu phrag dog med cing dga' ba skye/<br>
/de rjes mi dmigs bsam gtan dga' ba nyid/<br>
/lus ngag sems la zhi bde lhun gyis grub/<br>
/'bras bu 'byor pas brtan la dga' ba 'grub/<br>
/de ltar sgoms rjes byams nas rim par bsgom/<br>
/de yis bzhi po'i zhen pa rim gyis 'gog<br>
/byams bsgoms gnyen bzhin kun la chags pa na/<br>
/snying rjes sdug bsngal rgyu 'bras zhen pa 'gog<br>
/snying rje dman pas dmigs dang bcas pa na/<br>
/dmigs med dga' bas skyo ba rnam par 'gog<br>
/dga' bas sems g.yengs spros la 'chel ba na/<br>
/nye ring chags bral btang snyoms chen po bsgom/<br>
/btang snyoms par ma lung ma bstan bzhin na/<br>
/sngar bzhin byams sogs rim pas bsgom par bya/<br>
/de yis 'byongs par sla zhing brtan pa 'thob/<br>
/goms pa shin tu brtan pa'i rnal 'byor pas/<br>
/rim dang rim min spel ma thod rgal bsgom/<br>
/de yis rtogs pa so mar bogs 'byin zhing/<br>
/shin tu brtan pas ches brtan nyid du 'gyur/<br>
/de ltar bsgoms pa'i 'bras bu bzhi dag las/<br>
/rnam smin mngon mtho nges legs gnyis 'thob la/<br>
/'dod par lha mi'i lus 'gras phan bde byed/<br>
/rgyu mthun byed pas de nyid byed pa dang/<br>
/myong bas mi mthun phyogs bral bde ba 'thob/<br>
/dbang gis yid 'ong bde zhing rab dga'i yul/<br>
/'gro ba mthun cing 'byor pas brgyan par skye/<br>
/byed pas bzhi po ches cher rab 'phel bas/<br>
/rang gzhan don gnyis 'byor pa lhun grub 'gyur/<br>
/byams pas zhe sdang med cing longs spyod rdzogs/<br>
/me long ye shes rab tu thob par 'gyur/<br>
/longs spyod rdzogs pa'i sku ni mtshan dpes brgyan/<br>
/snying rjes 'dod chags med cing chos kyi sku/<br>
/so sor rtog pa'i ye shes mngon du byed/<br>
/chos kyi sku ni stobs sogs ma 'dres chos/<br>
/dga' bas phrag dog med cing sprul pa'i sku/<br>
/bya grub ye shes dam pa thob par 'gyur/<br>
/sprul pa'i sku ni ma nges sna tshogs gzugs/<br>
/lhun gyis grub pa'i sku ste phrin las yin/<br>
/btang snyoms nga rgyal rmongs med ngo bo nyid/<br>
/mnyam nyid chos dbyings ye shes mngon du byed/<br>
/ngo bo nyid sku chos nyid spros dang bral/<br>
/de ltar byams sogs yon tan mtha' yas shing/<br>
/mtshungs bral lha mi'i ston pas rab bsngags mdzod/<br>
/de dag mi ldan lam de phyin ci log<br>
/ston pa gzhan la skyabs song lam ngan yin/<br>
/des gzung lam ni thar pa dri ma med/<br>
/dus gsum rgyal ba snga phyi'i gshegs shul yin/<br>
/rgyu yi theg pas sa bon myu gu bzhin/<br>
/thabs shes sku gnyis bskyed par 'dod na yang/<br>
/'bras bu'i theg pas sku yi sgrib pa gnyis/<br>
/sel byed rkyen gyi rnam par khas len pas/<br>
/thabs nyid snying rje tshad med lam la brten/<br>
/don la gcig ste stong nyid snying rje can/<br>
/rgyu 'bras gnyis kas mthun par nyams su len/<br>
/gzhan yang thog med dge ba sa bon tshul/<br>
/ma byas ye nas gnas par mdo nas gsungs/<br>
/de dang sku gsum ye ldan glo bur gyi/<br>
/sgrib pas bsgribs te sel 'dod sngags nyid mtshungs/<br>
/mdor na mdo rgyud lam rnams gcig nyid du/<br>
/mkhas grub rnams kyi phyi nang bshad pa mdzad/<br>
/de phyir rgyal srad dam pa'i rjes 'gro zhing/<br>
/tshad med rnam pa bzhi la 'bad par mdzod/<br>
/de ltar legs gsungs zhi ba'i rang bzhin gyis/<br>
/'gro kun sems kyi rtog pa rab zhi nas/<br>
/lam gol log dang dman par zhugs pa yis/<br>
/dub pa'i sems nyid di ring ngal sos shig <br>
/rdzogs pa chen po sems nyid ngal gso las/<br>
/tshad med bzhi'i le'u ste bdun pa'o/<br>

===8===
/de ltar tshad med legs par goms pa yis/<br>
/chos kun rtsa ba byang chub sems gnyis bsgom/<br>
/de yang nyon mongs srid mtsho mthar 'byin zhing/<br>
/'jigs dang mya ngan sdig kun sel byed de/<br>
/las dang sdug bsngal 'du byed rnam par 'joms/<br>
/srid nas zhi bar 'gro ba 'dren byed yin/<br>
/gang la sems pa mngon gyur med na yang/<br>
/snying rje'i dge rgyun gong nas gong 'phel zhing/<br>
/mnyam gzhag na yang thabs shes zung du 'brel/<br>
/lus ngag rtsom pa thams cad don yod cing/<br>
/lhar bcas 'jig rten kun gyi mchod sdong 'gyur/<br>
/dge gzhan 'bras bu dman te zad pa ltar/<br>
/rin chen sems zin dge ba mi zad 'phel/<br>
/ji ltar rgya mtsho dvangs pa'i chu 'bab dang/<br>
/sa gzhi bzang por lo thog phun tshogs bzhin/<br>
/kun gyi rtsa ba sa bon snying rje'i bdag<br>
/srid pa na yang bde ba'i 'bras mang zhing/<br>
/zhi ba'i rang bzhin byang chub mchog gi rgyu/<br>
/rin chen sems legs bskyed la 'bad par mdzod/<br>
/de ni dpal rgyas yid bzhin bum pa bzang/<br>
/'gro ba'i nad gso bde 'byung sman gyi mchog<br>
/ye shes nyi ma gdung sel zla ba ste/<br>
/mkha' bzhin dri med yon tan rgyu skar tshogs/<br>
/rtag tu phan bde byed pa'i rang bzhin la/<br>
/bsam yas bsod nams sprin tshogs dpag tu med/<br>
/rgyal ba'i yon tan shin tu rmad byung dang/<br>
/chos kyi dbyings ltar dpag yas rgya che'o/<br>
/sems bskyed pa ni tshad med 'gro ba'i phyir/<br>
/yang dag sangs rgyas thob par 'dod pa ste/<br>
/smon dang 'jug pa'i rang bzhin gnyis yin no/<br>
/de yang bsam pas smon dang sbyor bas khyab/<br>
/'gro bar 'dod pa dang 'gro ba nyid bzhin no/<br>
/smon pa tshad med bzhi yi ngo bo la/<br>
/'jug pa pha rol phyin pa drug tu 'dod/<br>
/gang gis phyogs mtha' gtugs pa'i sangs rgyas la <br>
/bskal pa bye ba mang por bsnyen bkur te/<br>
/rang nyid legs pa tsam zhig don gnyer ba'i/<br>
/bsod nams de yis smon pa'i char mi phod/<br>
/'gro ba'i sdug bsngal nyung zad sel ba'i blo/<br>
/skad cig skyes pas ngan song thar gyur zhing/<br>
/lha mi'i bde ba dpag med myong bar gsungs/<br>
/de bas 'jug pa'i phan yon mtha' yas te/<br>
/dngos su sbyor bas yang dag khyab pa'i phyir/<br>
/skad cig sbyor bas khyab pa'i sems mchog gis/<br>
/bskal pa mang po'i tshogs gnyis bzlums par bshad/<br>
/de phyir grangs med gsum sogs gsungs pa kun/<br>
/myur du rdzogs dang ring du rdzogs pa dang/<br>
/tshe gcig grol ba blo yi stobs la reg<br>
/de yang thabs dang brtson 'grus shes rab mchog<br>
/gsum gyis bsgrub gang bla med stobs che'o/<br>
/'di ni snying rje'i ljon shing snying po can/<br>
/'gro ba'i khur chen legs par khyer ba ni/<br>
/tshangs sogs 'jig rten na yang sngon med cing/<br>
/rang nyid phyir yang rmi lam ma rmis na/<br>
/gzhan phyir smos ci 'tshal ba'i byang chub sems/<br>
/snga na med pa 'khrungs la dga' ba bskyed/<br>
/de yang dge ba'i bshes las 'byung ba ste/<br>
/yid bzhin dag las 'dod dgu'i char 'bebs bzhin/<br>
/skyon bral yon tan rdzogs pa'i bla ma yis/<br>
/skal bzang slob ma spro ba bskyed pa ni/<br>
/'khor ba'i nyes dmigs thar pa'i phan yon sogs/<br>
/thog ma bar dang mthar dge'i chos rnams dang/<br>
/byang chub sems kyi bsngags pa mtha' yas brjod/<br>
/gnas gtsang mchod pas mdzes shing nyams dga' bar/<br>
/rgyal ba'i sku gzugs la sogs sta gon bya/<br>
/nam mkha'i gnas su nam mkha' gang ba yi/<br>
/rgyal ba sras bcas rgya mtsho'i sprin phung bsam/<br>
/'di ni rang gi sems stobs dri med dang/<br>
/mkhyen brtse'i dbang phyug rnams kyi thugs rje yis/<br>
/ji ltar bsam pa de bzhin 'grub par gsungs/<br>
/de nas thal sbyar me tog snyim bkang nas/<br>
/spyan drang bzhugs gsol khrus rgyan gos sogs dbul/<br>
/yid 'ong rdzing bu'i nang na gnas pa yi/<br>
/'char ka'i padma kha 'bus bye 'dra ba/<br>
/lag gnyis spyi bor thal sbyar bstod dbyangs bcas/<br>
/lus dpag med par sprul nas gus phyag 'tshal/<br>
/sa 'di rir bcas rgya mtsho'i rdul snyed du/<br>
/bsod nams de 'dra 'jig rten gsum na med/<br>
/lus btud dbang chen bar gyi rdul rnams dang/<br>
/mnyam pa'i grangs snyed 'khor los sgyur 'gro zhing/<br>
/mthar thug zhi ba mchog gi go 'phang 'thob/<br>
/dngos su 'byor dang yid kyis rnam sprul pa'i/<br>
/mchod pa bla med rgya chen rnams kyis mchod/<br>
/me tog spos dang mar me zhal zas chu/<br>
/bla re 'phan lding gdugs dang rol mo'i sgra/<br>
/rgyal mtshan rnga yab rdza rnga la sogs dang/<br>
/lus dang longs spyod mkho dgu'i yo byad kyis/<br>
/'gro ba'i bla ma dkon mchog sras bcas mchod/<br>
/lha sogs 'jig rten kun na yid 'ong ba'i/<br>
/gzhal med khang brtsegs rin chen drva ba can/<br>
/glu gar sil snyan bstod dbyangs char 'bab cing/<br>
/rgyan mchog brgya phrag mnga' ba rnams kyis mchod/<br>
/rin chen ri bo nags tshal padma'i mtsho/<br>
/ngang mo'i 'gros kyis gnyer ba de dag dang/<br>
/sman sogs dri zhim ngad ldan dpag bsam shing/<br>
/me tog 'bras bu dud pa'i tshogs kyis mchod/<br>
/'dab stong g.yo bas bung ba bzung ba yi/<br>
/lag pa'i gdu bu ku mu tas mtshan zhing/<br>
/sprin bral nyi zl'i zer gyis rab phye ba'i/<br>
/Utpal sogs yid 'ong rnams kyis mchod/<br>
/tsndan bsil ba'i kha yi spubs bskyod pa'i/<br>
/dri zhim ser bu bde ba'i ngad rnams dang/<br>
/phug dang brag ri sman ljongs nyams dga' ba/<br>
/chu bsil rdzing bu gang ba rnams kyis mchod/<br>
/ston ka'i mtshan mo dkar ba'i ri bong 'dzin/<br>
/gza' bral rgyu skar phreng bas bskor ba dang/<br>
/nyin byed 'od stong dra bas mdzes 'bar ba/<br>
/gling bzhi'i 'jig rten rgyan ra rnams kyis mchod/<br>
/khor yug rir bcas bye ba phrag brgy'i zhing/<br>
/ma lus yongs bkod 'dod dgus 'byor pa dang/<br>
/phyogs bcu'i zhing khams rgya mtsho'i rdul snyed kun/<br>
/blo yis blangs te thub dbang sras bcas mchod/<br>
/bum bzang dpag bsam shing dang 'dod 'jo'i ba/<br>
/rgyal srid bdun dang bkra shis rdzas brgyad dang/<br>
/nye ba'i rin chen bdun sogs rgya che bas/<br>
/yon gnas dam pa thugs rje che rnams mchod/<br>
/ting 'dzin yid kyis nam mkha'i dbyings khyab par/<br>
/phyi nang gsang ba'i mchod sprin rgya mtshos mchod/<br>
/me tog sprin mdzes lding khang mdzes 'bar ba/<br>
/spos dang sman sbyar bdud rtsi'i sprin phung dang/<br>
/gzi ldan sgron ma zhal zas rol mo'i sprin/<br>
/bstod dbyangs yan lag rgya mtsho'i sprin gyis mchod/<br>
/'jug pa'i sprin can shin tu mtha' yas pa/<br>
/sgeg mo phreng thogs rin chen glu gar sogs/<br>
/mchod pa'i lha mo sna tshogs sprin 'phro bas/<br>
/rgyal ba sras bcas ma lus mnyes gyur cig <br>
/thog med dus nas goms pa'i bag chags kyis/<br>
/las dang nyon mongs sdig pa ci bgyis pa/<br>
/srid pa'i rgyur gyur de kun bshags par bgyi/<br>
/'gro ba'i bsod nams phung po mtha' yas la/<br>
/rtag par bdag ni rjes su yi rang ngo /<br>
/ma lus skye dgu'i tshogs rnams bsgral ba'i phyir/<br>
/chos kyi 'khor lo bla med bskor bar bskul/<br>
/ding nas srid pa'i rgya mtsho ma stongs par/<br>
/mya ngan mi 'da' rtag tu bzhugs par gsol/<br>
/dge ba de yis bdag dang 'gro ba kun/<br>
/ma lus phyam gcig sangs rgyas 'grub par shog<br>
/ji ltar khrus kyis sbyangs pa'i ras yug dag<br>
/tshon gyis bsgyur bas kha dog gsal ba bzhin/<br>
/de ltar sngon du 'gro bas sems sbyangs pa'i/<br>
/rgyud las dngos gzhi'i sems mchog gsal bar skye/<br>
/'di ni bsod nams 'bras bu tshad med de/<br>
/chos dbyings ji bzhin nam mkha'i dbyings kun khyab/<br>
/de nas sangs rgyas chos dang tshogs mchog la/<br>
/lan gsum bar du skyabs su 'gro byas te/<br>
/mgon po sras dang bcas rnams dgongs su gsol/<br>
/ji ltar sngon gyi bde gshegs sras bcas kyis/<br>
/byang chub thugs bskyed bslab la gnas pa ltar/<br>
/ding nas bdag gis 'gro la phan don du/<br>
/byang chub sems bskyed bslab la gnas par bgyi/<br>
/ma brgal ba rnams bdag gis bsgral bar bgyi/<br>
/ma grol ba rnams bdag gis dgrol bgyi zhing/<br>
/dbugs ma phyung rnams bdag gis dbugs dbyung ste/<br>
/sems can rnams ni mya ngan 'das la 'god/<br>
/de ltar nyin dang mtshan mo lan gsum du/<br>
/byang chub sems gnyis bskyed la 'bad par bya/<br>
/brjod pa dang pos smon pa sems bskyed la/<br>
/gnyis pas 'jug pa sems bskyed gsum pa yis/<br>
/gnyis ka brtan zhing dag pa thob par 'gyur/<br>
/ding nas bdag ni 'gro kun nyer 'tsho'i gzhi/<br>
/rgyal sras byang chub sems dpa'i ming yang thob/<br>
/srid na mi 'jigs 'gro ba'i don byed cing/<br>
/rtag tu phan pa 'ba' zhig lhur len pas/<br>
/mi yi srid pa don dang bcas par gyur/<br>
/da ni sems gtsang dge ba'i sa gzhi la/<br>
/byang chub sems gnyis myu gu rab bskyed de/<br>
/de gzung dag pa spel phyir brtson par bya/<br>
/'gro ba'i sdug bsngal bdag gis blang bya zhing/<br>
/bdag gi bde bas 'gro ba bder gyur te/<br>
/byang chub bar du de dang mi 'bral shog<br>
/snyam du gtong len spel mar sbyang bya zhing/<br>
/smon pa'i bslab bya tshad med bzhi po bsgom/<br>
/de yi mi mthun phyogs spang sems bsrung bya/<br>
/'jug pa'i bslab bya pha rol phyin drug spyad/<br>
/de yi mi mthun phyogs spang brtson par ? <br>
/rtag tu dran dang shes bzhin bag yod kyis/<br>
/mi dge spang zhing dge chos rgya mtsho bsgrub/<br>
/byang chub sems gnyis mi nyams bslab bya ste/<br>
/log par lta sogs rgyal po'i ltung ba lnga/<br>
/grong sogs blon po'i lnga dang phal pa'i brgyad/<br>
/thun mong gnyis te nyi shu ltung byed la/<br>
/de dang phyogs mthun nyes byas shes par bya/<br>
/de dag mi ldan ltung dang nyes med de/<br>
/dge ba'i phyogs mthun bslab byar shes par bya/<br>
/mdor na nag po'i chos bzhi spang bya zhing/<br>
/dkar po'i chos bzhi dag la nan tan bya/<br>
/mchod 'od slu dang 'gyod pa med la bskyed/<br>
/dam pa rnams la mi snyan sgrogs pa dang/<br>
/'gro ba'i nang na g.yo dang sgyus spyod pa/<br>
/nag po'i chos bzhi lags pas spang 'tshal lo/<br>
/dam pa bsten zhing yon tan bsngags pa brjod/<br>
/sems can rnams ni yang dag dge la bskul/<br>
/rgyal sras rnams la ston pa'i 'du shes bskyed/<br>
/lhag pa'i bsam pas 'gro la phan bde byed/<br>
/dkar po'i chos rab bzhi po bsten par mdzod/<br>
/rang don las kyang gzhan phan gtsor 'dzin pa/<br>
/byang chub sems dpa' rnams kyi bslab pa ste/<br>
/gzhan don 'gyur na lus ngag mi dge 'dun/<br>
/gnang ba'i skabs yod don la dge ba yin/<br>
/yid gsum nam yang gnang ba'i skabs med do/<br>
/rang don zhi bde 'dod pa'i dge ba yang/<br>
/rgyal sras byang chub sems dpa'i ltung ba ste/<br>
/gzhan phyir phan na mi dge gang lags pa/<br>
/de yang bslab bya legs par rgyal bas gsungs/<br>
/rgyal sras de yang rnam pa gsum nyid de/<br>
/rang nyid grol nas 'gro ba sgrol 'dod pa/<br>
/rgyal po lta bu'i byang chub sems dpa' dang/<br>
/rang dang 'gro ba mnyam du thar 'dod pa/<br>
/gru pa lta bu'i byang chub sems dpa' dang/<br>
/'gro ba bsgral nas rang nyid zhi 'dod pa/<br>
/rdzi bo lta bu'i byang chub sems dpa' gsum/<br>
/rim bzhin grangs med sum cu rtsa gsum dang/<br>
/bdun dang gsum gyis grol ba thob pa ni/<br>
/dbang po'i rim pa lags par mdo las gsungs/<br>
/rgyal sras rnams kyis kun la bslab pa ste/<br>
/gtso bor pha rol phyin pa drug la bslab/<br>
/'gro ba dbul bas nyam thag mthong nas ni/<br>
/zas gos rta dang shing rta glang po sogs/<br>
/mkho dgu'i byad dpag med gtong ba ste/<br>
/bu dang bu mo la sogs gtong ba che/<br>
/mgo dang mig sogs shin tu gtong ba ste/<br>
/zang zing dang ni chos kyis phan pa bsgrub/<br>
/des ni rang gi ser sn'i tshogs 'joms shing/<br>
/gzhan gyi 'byor pa nye bar skye bar 'gyur/<br>
/lhag pa'i tshul khrims kyis ni rgyud bsdams shing/<br>
/sems kyis dge bzhi ba rnams bsgrubs la/<br>
/shes rab kyis ni don gnyis phun tshogs 'thob/<br>
/sdom dang chos sdud sems can don byed de/<br>
/rgyal sras rnams kyis tshul khrims gsum rtag bsrung/<br>
/khyim pas dge bsnyen bsnyen gnas smon 'jug la/<br>
/rab tu byung bas dge slong dge tshul dang/<br>
/dge slob ma yi sdom pa gang yin steng/<br>
/byang chub sems gnyis bsrung ba tshul khrims yin/<br>
/phyi nang gnod pa sna tshogs sdug bsngal la/<br>
/ji mi snyam dang snying rjes chos la som/<br>
/dmigs med bzod pa gsum yang bsgrub par bya/<br>
/zhe sdang lta bu'i sdig pa 'ga' med la/<br>
/bzod mtshungs dka' thub bsod nams gzhan med pas/<br>
/sna tshogs tshul gyis bzod la nan tan du/<br>
/khro ba'i me chen 'jil la brtson par bya/<br>
/gnod pa'i yul rnams mi bsrun grangs med pas/<br>
/re re cing yang gdul bar yod mi long/<br>
/sems gcig btul bas thams cad dul 'gyur ba/<br>
/sems 'dul brtul zhugs bsrung la nan tan mdzod/<br>
/gnod la brten nas bzod pa'i legs pa 'grub/<br>
/snying rje dang ni byams sogs yon tan skye/<br>
/byang chub grogs gyur dgra la ston pa bzhin/<br>
/gus dang spro bas bzod pa nye bar bsten/<br>
/gzhan yang bdag nyid med na mi 'byung la/<br>
/brag ca bzhin du phan tshun brten pa can/<br>
/rang gis nyes gyur gnod pa'i tshogs rab 'di/<br>
/'phral gyi rkyen dang sngon las rgyus bskyed phyir/<br>
/'di 'byung rigs te las zad thabs 'di la/<br>
/ci nas sems 'dul gcig pur bsran tshugs bya/<br>
/mi 'dod thog tu bab la mi dga' btang/<br>
/bcos su yod na mi dgar ci dgos la/<br>
/med na phan pa med pas ci byar yod/<br>
/de bas rkyen rnams bzod la nan tan bya/<br>
/brtags na mkha' bzhin stong pa'i rang bzhin la/<br>
/dga' dang mi dga' shor god legs nyes med/<br>
/de la gnyis su bzung yang don med kyis/<br>
/thams cad mnyam nyid ngang la nan tan mdzod/<br>
/gang la brtson pa'i rang bzhin dge la spro/<br>
/de la dge chos mi zad sprin bzhin 'du/<br>
/dri zhim padma'i tshal du bung ba bzhin/<br>
/de yi mi mthun phyogs gang le lo gsum/<br>
/byang ba ngan zhen sgyid lug bdag nyid brnyas/<br>
/legs par mi 'grub nyes kun 'byung ba'i gzhi/<br>
/phun tshogs nyams la rgud pa skye par 'gyur/<br>
/brtson 'grus ldan pa 'jig rten gyis bstod cing/<br>
/brtson 'grus ldan pa mi yi bsam pa 'grub/<br>
/brtson 'grus ldan pa yon tan tshogs 'phel zhing/<br>
/brtson 'grus ldan pa mya ngan 'da' bar 'gyur/<br>
/de yang 'jig rten dge chos mchog rnams dang/<br>
/'jig rten 'das pa'i lam ni gang yin pa/<br>
/zag bcas zag pa med pa'i chos rnams la/<br>
/mi dge spang zhing dge ba bsgrub pa'i phyir/<br>
/'bad rtsol brtson pas yang dag gnas par bya/<br>
/ji srid sangs rgyas ma thob bar du ni/<br>
/ches cher gong du yang dag 'gror yod pas/<br>
/de srid mi ngal 'bad pas brtson 'grus brtsam/<br>
/bsam gtan 'dod pas rnam g.yeng 'du 'dzi spang/<br>
/yul gyi dga' ba ston ka'i sprin 'dra zhing/<br>
/glog ltar mi brtan g.yo ba'i rang bzhin te/<br>
/longs spyod mi rtag sgyu ma'i khang bzang 'dra/<br>
/nam yang yid brtan mi rung de spangs te/<br>
/myur ba nyid du zhi ba'i nags 'dab bsten/<br>
/'dod pa rnams ni phung krol bskyed pa ste/<br>
/bsag dang bsrung dang tshul bas sdug bsngal zhing/<br>
/khengs dang sred dang 'jungs pas ser sna 'phel/<br>
/ngan 'gror 'khrid cing bde 'gro'i lam 'gog pas/<br>
/'dod pa chung dang chog shes ldan par bya/<br>
/lus rma ji snyed sdug bsngal khyab pa ltar/<br>
/nor mang ji snyed sdug bsngal de bas mang/<br>
/yo byad bsnyungs rnams bde ba mtha' yas te/<br>
/'tshe ba nyung zhing dgra rkun 'jigs pa med/<br>
/kun gyis bstod cing 'phags pa'i lam la gnas/<br>
/bya ba nyung zhing sems las chung bas na/<br>
/rtag tu 'dod pa chung la bslab par bya/<br>
/byis dang 'grogs pa'i nyes pa tshad med de/<br>
/sdig pa 'phel zhing mi dge ngang gis 'go <br>
/dge ba 'grib cing rtsod dang nyon mongs skye/<br>
/byas pa mi gzo nam yang mgu bar dka'/<br>
/don med bya ba mang zhing 'du 'dzis g.yeng/<br>
/me dang sbrul dang gcan gzan khrod 'dra pa'i/<br>
/byis pa rnams las thag ring 'byor bar bya/<br>
/ji srid sems la brtan pa ma thob par/<br>
/phyi rol yul gyis rab tu slu bas na/<br>
/dben pa'i nags su spro bas gnas par bya/<br>
/ji srid skyes bu bzhi yis bteg pa'i lus/<br>
/dud mo'i sgra dang bcas par ma gyur bar/<br>
/bdag ni zhi ba'i dgon par rab phyogs te/<br>
/lus sems 'du 'dzi'i dgra las rgyal bar bya/<br>
/nags ni chu gtsang me tog 'bras mang zhing/<br>
/brag ri'i phug dang rdo leb khang bzang mang/<br>
/dud pa'i ljon shing grib mas brgyan pa'i khrod/<br>
/bya dang ri dvags mang po gar byed cing/<br>
/chu 'gram me tog bung ba glu len mdzes/<br>
/spos dang sman sogs dri zhim ngad ldang zhing/<br>
/dben zhing nyams dga' bsam gtan ngang gis 'phel/<br>
/dus bzhir dga' bas padma'i mtsho 'dra zhing/<br>
/so ga dbyar dang ston dus dgun dang dpyid/<br>
/rim gyis 'gyur bas mi rtag skyo shas 'phel/<br>
/dur khrod rus pa 'thor pa'i tshul mthong nas/<br>
/bdag gi lus kyang de 'dr'i ngang tshul can/<br>
/so sor 'gyes chos can du mthong bar 'gyur/<br>
/'dus byas snying po med pa'i 'khor ba la/<br>
/dga' ba'i blo gros gang yin ring du byed/<br>
/rtsod dang nyon mongs med cing rtag zhi bas/<br>
/rang gi sems ni las rung bde ba 'thob/<br>
/de 'dr'i nags ni rgyal ba rnams kyis bsngags/<br>
/srid la skyo bas dgon par rab phyogs te/<br>
/gom pa bdun tsam bor pa'i bsod nams ni <br>
/gang gis bskal pa gngg''i sangs rgyas la/<br>
/bskal par mchod pa'i bsod nams phung po yis/<br>
/snga ma'i bsod nams brgya stong char mi phod/<br>
/de phyir zhi ba'i nags 'dab bsten par bya/<br>
/der ni stan la skyil krung rab bcas nas/<br>
/rtse gcig sems la mi g.yo mnyam par gzhag<br>
/byis pa nyes spyod don rab 'byed pa dang/<br>
/de bzhin gshegs dge'i bsam gtan dam pa bsgrub/<br>
/bsam gtan bzhi dang de bzhin gzugs med bzhi/<br>
/lam ma zhugs dang zhugs zin 'phags rnams kyis/<br>
/ting 'dzin gsum gyi ming rnams shes par bya/<br>
/des ni 'dod yon dga' ba'i sems spong zhing/<br>
/rig dang mngon shes ting 'dzin mngon par 'grub/<br>
/spyan dang rdzu 'phrul sems la rang dbang bsgyur/<br>
/shes rab gsum ste thos bsam sgom pa nyid/<br>
/lhag mthong grub pas nyon mongs tshogs spong zhing/<br>
/chos dang chos can gnas lugs rab shes nas/<br>
/srid pa'i grong las mya ngan 'das zhir 'gro/<br>
/snang 'di gdod nas ma skyes gzugs brnyan bzhin/<br>
/ngo bo med la sna tshogs snang ba ste/<br>
/rang bzhin dag pa'i rten 'brel mthong nas ni/<br>
/mi gnas mchog gi go 'phang myur du reg<br>
/shes rab ldan pa thabs kyis grol 'gyur te/<br>
/ji ltar dug la sngags kyis btab pa bzhin/<br>
/shes rab med na thabs kyis 'ching 'gyur te/<br>
/sman nyid nad du song bas gdung ba bzhin/<br>
/de phyir gnas lugs rtogs pa'i shes rab bskyed/<br>
/pha rol phyin pa drug la spyod pa na/<br>
/sgyu ma'i skye bo ji bzhin shes par bya/<br>
/'khor gsum mi rtog dge ba'i tshogs gnyis kyis/<br>
/rgyal ba'i go 'phang zhi ba thob par 'gyur/<br>
/de ltar dge legs sprin gyi bzhon pa yis/<br>
/'gro sems gtsang ma'i lo thog legs bskrus te/<br>
/srid pa'i nyes tshogs dbul bas rab phongs pa'i/<br>
/dub pa'i sems nyid ding ring ngal sos shig<br>
/rdzogs pa chen po sems nyid ngal gso las/<br>
/byang chub mchog tu sems bskyed pa'i le'u ste brgyad pa'o/<br>
/<br>
===9===
//de ltar byang chub mchog tu sems bskyed nas/<br>
/gsang sngags phyi nang bskyed rdzogs don la 'jug<br>
/de yang thabs mang dka' ba med phyir dang/<br>
/don gcig na yang 'jug tshul ma rmongs dang/<br>
/dbang po shin tu rnon po'i dbang mdzad de/<br>
/bya spyod rnal 'byor bla na med bzhi bstan/<br>
/dus dang mi rigs dbang po'i rim pa ste/<br>
/rdzogs ldan sum ldan nyis ldan rtsod ldan dang/<br>
/bram ze rnge'u rigs rgyal rigs gdol ba'am dmangs/<br>
/rtul po 'bring rnon shin tu rnon po la/<br>
/khrus dang gtsang sbra gtsor ston bya ba'i rgyud/<br>
/lus ngag bya dang sems kyi sgom pa kun/<br>
/cha mnyam ston pa spyod pa'i rgyud sde dang/<br>
/sgom pa gtsor ston lus ngag spyod pa kun/<br>
/grogs tsam ston pa rnal 'byor rgyud dang ni/<br>
/sgo gsum bya bral gzung 'dzin mi dmigs par/<br>
/sems kyi chos nyid 'od gsal brtul zhugs mchog<br>
/gtsang sbra chung rnams ngor ni rnal 'byor che/<br>
/de yang bya spyod rnal 'byor thub pa rgyud/<br>
/kr'i ya u pa yo ga zhes by'o/<br>
/de dag gsang sngags phyi ste lha rnams kyang/<br>
/yab yum zung 'brel bsgom par mi nus shing/<br>
/sha lnga bdud rtsi lnga sogs bsten mi byed/<br>
/gtsang sbra kun tu spyod pas gnas pa yin/<br>
/rnal 'byor bla med rgyud la'ang gsum yin te/<br>
/pha ma gnyis su med pa bla na med/<br>
/bskyed rdzogs gnyis med gtso bor ston pa ste/<br>
/ma h'a a nu a ti zhes by'o/<br>
/lha yang 'khril sbyor dam rdzas khyad par can/<br>
/gtsang btsog gnyis med thams cad ro gcig tu/<br>
/dkyil 'khor gcig gi rol par ston pa yin/<br>
/bya bas rang nyid dman la lha nyid mchog<br>
/rje khol tshul du bsgrub pas dngos grub len/<br>
/spyod pas rang dang lha nyid mnyam par blta/<br>
/rang nyid dam tshig mdun du ye shes lha/<br>
/grogs po'i tshul gyis dngos grub len pa yin/<br>
/rnal 'byor dngos gzhir gnyis su med pa la/<br>
/sbyor rjes lha ni dgug gshegs gnyis su byed/<br>
/chu la chu bzhag gnyis med dngos grub len/<br>
/ma h'as rlung dang bskyed rim thabs gtso la/<br>
/a nus khams dang rdzogs rim shes rab gtso/<br>
/a tis thams cad gnyis med ye shes gtso/<br>
/kun kyi chos kun ye nas mnyam pa nyid/<br>
/yin par shes pa'i tshul gyis nyams su len/<br>
/bdag dang 'gro kun ye nas sangs rgyas pas/<br>
/phung po khams ngad skye mched la sogs kun/<br>
/dkyil 'khor gcig tu gsal btab rim gnyis bsgom/<br>
/de yang skye bzhi'i rim pas sgom tshul bzhi/<br>
/sgong skyes bag chags sbyang phyir sngon 'gro'i tshe/<br>
/skyabs 'gro sems bskyed bskyed rim mdor bsdus nas/<br>
/bsod nams shing rab spyad drangs mchod pa'i mthar/<br>
/rang bzhin med bsgom tshogs gnyis sngon song nas/<br>
/gdod kyis bskyed rdzogs rgyas par bsgom pa ni/<br>
/thog mar sgo nga de las bya skye bzhin/<br>
/mdor bsdus rgyas pa'i bskyed rdzogs rim pas bsgom/<br>
/mngal skyes bag chags sbyang phyir bstan pa ni/<br>
/skyabs 'gro sems bskyed stong las sa bon dang/<br>
/phyag mtshan las ni sku dang 'od zer sogs/<br>
/rim gyis rgyal par bsgom gyis sngar bzhin du/<br>
/mdor bsdus sngon du mi 'gro'i bskyed rdzogs ni/<br>
/ji ltar rlung sems thig le dkar dmar las/<br>
/mer nur ltar dang mkhrang gyur la sogs nas/<br>
/lus yongs rdzogs te btsa' ba'i bar bzhin no/<br>
/drod gsher las skyes bag chags sbyang by'i phyir/<br>
/skyabs 'gro sems bskyed stong las lha rnams kyi/<br>
/mtshan tsam brjod las lhar gsal bskyed rdzogs bsgom/<br>
/ji ltar drod gsher 'dus pas grub pa'i lus/<br>
/shin tu 'grub par sla bas btsa' ba bzhin/<br>
/sa bon phyag mtshan spros pa dgos pa med/<br>
/brdzus te skye ba'i bag chags sbyang by'i phyir/<br>
/skad cig tsam gyis wal gyis bskyed rdzogs bsgom/<br>
/ji ltar rdzus skyes skad cig snang ba bzhin/<br>
/ming las rim gyis bskyed rdzogs bsgom mi dgos/<br>
/de ltar sgom tshul rnam pa bzhi nyid kyang/<br>
/gtso bor skye ba gang bsdus des bsgoms la/<br>
/bag chags sbyang phyir kun gyis de bzhin bsgom/<br>
/khyad par las dang po yis sgong skyes bzhin/<br>
/cung zad brtan pas mngal skyes bzhin bsgoms la/<br>
/brtan pa che bas drod gsher skyes bzhin bsgom/<br>
/shin tu goms pa yang dag brtan pa yis/<br>
/rdzus skyes bzhin du skad cig dkrong bskyed bya/<br>
/rdzogs rim de yang snang bcas snang med de/<br>
/bskyed rim bsdus nam mkha' la sprin dengs bzhin/<br>
/mi dmigs ngang du 'jog pa snang ba med/<br>
/bskyed rim de nyid rdzogs par shes bya ste/<br>
/snang dus nyid nas rang bzhin spros dang bral/<br>
/ma yengs bsgom pa snang bcas rim pa bzhin/<br>
/las dang po yis bskyed rim zhen pa dgag<br>
/snang la bden par zhen pa'i gnyen po byed/<br>
/brtan pa rnams kyis rdzogs rim zhen pa dgag <br>
/stong la mtshan mar zhen pa'i gnyen po byed/<br>
/phyi nas gang snang bskyed rim thabs nyid la/<br>
/'dzin med shes pa rdzogs rim shes rab nyid/<br>
/dus rnams kun tu 'du 'bral med par 'chang <br>
/bskyed rim snang 'di'i bden zhen 'gog pa ste/<br>
/rdzogs rim sgyu mar zhen pa'i rtog pa spong/<br>
/gang la snang stong bden zhen med pa na/<br>
/bskyed rdzogs gnyis med rang bzhin dag pa yin/<br>
/'di ni mthar thug rdo rje'i theg pa ste/<br>
/dbang po rnon po tshe 'dir rdzogs sangs rgya/<br>
/de rjes gdul by'i 'jig rten gang yod der/<br>
/sangs rgyas mdzad pa sna tshogs lhun gyis grub/<br>
/'di ni grangs med rdo rje 'chang rnams kyis/<br>
/nye lam sbas pa shin tu zab mo ste/<br>
/skal bzang tshe 'dir grol 'dod rnams kyis bsten/<br>
/de yang gang mos rgyud sde'i rim pa la/<br>
/brten nas rdzogs pa'i byang chub bsgrub par bya/<br>
/athog mar rig gtad rjes gnang dbang la sogs/<br>
/rang rang gzhung nas gsungs pa'i lung mnos te/<br>
/rang gi sems 'di yongs su smin par bya/<br>
/khyad par mchog gsang rnal 'byor chen po'i lam/<br>
/smin byed dbang bzhi grol byed bskyed rdzogs te/<br>
/bum dbang lus dang gsang bas ngag dang ni/<br>
/shes rab ye shes yid dang tshig dbang gis/<br>
/bag chags mtha' dag sbyong zhing dngos grub ster/<br>
/dang po gsum gyis bsod nams tshogs rdzogs la/<br>
/bzhi pas ye shes tshogs rdzogs de bzhin du/<br>
/nyon mongs pa dang shes ba'i sgrib kun sbyong/<br>
/de phyir smin byed dbang bzhi thob pa yis/<br>
/grol byed bskyed rdzogs don la bslab par bya/<br>
/'dir ni dbang rdzogs dam tshig ldan pa yis/<br>
/gnyis med a ti'i dgongs par 'jug 'dod pas/<br>
/bde ba'i stan la skyil krung rab bcas nas/<br>
/skyabs su 'gro dang byang chub sems bskyed de/<br>
/chos rnams thams cad stong zhing bdag med pa/<br>
/rang bzhin spros dang bral ba'i ngang nyid las/<br>
/h'uM las steng 'og phyogs mtshams thams cad du/<br>
/bsrung ba'i 'khor lo yangs shing rgya che ba/<br>
/rtsibs bcu khro bo bcu yis mtshan pa ste/<br>
/phyi nang me dpung 'bar ba'i dbus na dpal/<br>
/kun tu bzang po'i dkyil 'khor chen po ni/<br>
/sgo bzhi gru bzhi rta babs bzhis brgyan zhing/<br>
/rtsig pa lnga dang 'dod yon snam bu dang/<br>
/pha gu dra phyed mda' yab pu shus mdzes/<br>
/phyur bu'i thod pa rin chen rdo rje'i tog<br>
/dur khrod brgyad kyis bskor ba'i dkyil 'khor dbus/<br>
/seng ge glang chen rta dang rma bya dang/<br>
/shang shang padma nyi zlas spras pa'i steng/<br>
/rigs lnga so so'i yum dang sems dpa' brgyad/<br>
/sems ma brgyad dang sgo ba yab yum brgyad/<br>
/thub pa drug rnams so so'i gnas bzhugs te/<br>
/sku mdog phyag mtshan rgyan rnams rdzogs pa las/<br>
/mu med 'od zer phyogs mtha' gtugs par 'phro/<br>
/gtso bo'i thugs kar gzhi yi kun tu bzang/<br>
/yab yum 'khril sbyor mtshan dpes brgyan pa'i sku/<br>
/mkha' ltar dri med mthon mthing skyil krung tshul/<br>
/tshon gang 'od kyi gong bu 'bar bar bsgom/<br>
/de las 'od 'phros snang srid snod bcud sbyangs/<br>
/thams cad rnam dag lha dang lha mo'i ngang/<br>
/yi ge gsum dang rigs lng'i sa bon bzlas/<br>
/grag stong skye med brag ca ji bzhin no/<br>
/de nyid ngang la ma bcos mnyam par gzhag<br>
/rang sems ye nas lha yi rang bzhin la/<br>
/lus ni dkyil 'khor sgra tshig gsang sngags nyid/<br>
/thams cad lhun rdzogs ye shes chen po'i ngang/<br>
/dam tshig ye shes gnyis med dgug gzhug med/<br>
/gshegs gsol mi dgos bzang ngan blang dor med/<br>
/ye nas dkyil 'khor yin pa'i bdag nyid la/<br>
/yin par shes pa'i tshul gyis gsal 'debs las/<br>
/ma grub pa la yang grub byed pa min/<br>
/rjes la zhen pa yod na rim gyis bsdu/<br>
/gang du'ang mi dmigs spros dang bral bar gzhag <br>
/med na sgyu ma chu zl'i ngang nyid nas/<br>
/dge ba sems can don du bsngo bar bya/<br>
/spyod lam kun tu stong gsal sgyu ma'i tshul/<br>
/snang dang grag pa thams cad lha dang sngags/<br>
/dran dang sems pa thams cad ye shes su/<br>
/skad cig skad cig ma yengs shes par bya/<br>
/rtsa ba yan lag dam tshig gtsang ma bsrung/<br>
/shes dang mi spang spyad dang dang du blang/<br>
/bsgrub par bya ba'i dam tshig lnga lnga ste/<br>
/nyi shu rtsa lnga mdor bsdus sku gsung thugs/<br>
/de yang rang sems rnam dag tshul la bslab/<br>
/nya dang gnam stong tshes brgyad nyi shu dgu/<br>
/tshes bcu yar ngo mar ngo'i nyin dang mtshan/<br>
/bsnyen sgrub tshogs mchod bskang bshags 'bad par bya/<br>
/rlung sems rtsa dang thig le'i rnal 'byor sogs/<br>
/yang zab gnad la nan tan snying por bya/<br>
/bde gsal mi rtog zung 'jug lam bsgoms pas/<br>
/rdo rje 'dzin pa tshe 'dir rdzogs sangs rgya/<br>
/de ltar rab gsang bla med snying po 'dis/<br>
/he ru ka dpal grong du nyer 'tsho zhing/<br>
/'gro kun las dang nyon mongs srid pa 'dir/<br>
/dub pa'i sems nyid di ring ngal sos shig<br>
/rdzogs pa chen po sems nyid ngal gso las/<br>
/bskyed rdzogs zung du 'jug pa'i le'u ste dgu pa'o/<br>
/<br>
===10===
//de ltar bskyed rdzogs zung 'brel rnal 'byor pas/<br>
/chos rnams la skyes stong pa'i tshul la 'jug<br>
/de yang snang srid 'khor 'das chos rnams kun/<br>
/ye nas bdag med spros dang bral ba la/<br>
/ma rig 'dzin pas srid pa 'dir 'khyams te/<br>
/'khor 'das bde sdug sna tshogs snang mod kyang/<br>
/snang dus nyid nas rang bzhin stong pa'i ngang/<br>
/sgyu ma rmi lam 'dra bar mkhyen par mdzod/<br>
/<br>
/'di ltar phyi rol snang ba'i dngos po kun/<br>
/sems la snang yang sems su grub pa med/<br>
/sems las gzhan du'ang grub pa 'ga' med de/<br>
/bag chags dbang gis gzung 'dzin gnyis snang yang/<br>
/snang dus nyid nas gzung 'dzin gnyis med pa/<br>
/bzhin dang me long nang gi gzugs bzhin no/<br>
/der ni byad nyid snang yang ma grub pa/<br>
/byad las gzhan gyi rnam pa btod byed med/<br>
/med bzhin gnyis su snang ba mngon sum ltar/<br>
/sna tshogs chos rnams de bzhin shes par bya/<br>
/ma brtags nyams dga' brtags na ngos gzung med/<br>
/shin tu brtags na smra bsam brjod las 'das/<br>
/yod med mi dmigs mtha' bral ma bral med/<br>
/sgyu ma'i tshul du skye sogs snang na yang/<br>
/snang dus nyid nas skye sogs rang bzhin med/<br>
/smig rgyu'i chu dang rdzing bu'i zla gzugs bzhin/<br>
/khyad par ma dag 'gro drug snang ba 'di/<br>
/med bzhin snang ba bag chags 'khrul pa'i gzugs/<br>
/rab rib can la skra shad snang ba bzhin/<br>
/de bsal 'dod pas bad kan sbyong ba ltar/<br>
/'khrul snang dag 'dod ma rig ling tog bsal/<br>
/de yi gnyen por rig pa'i ye shes kyis/<br>
/'khor ba'i bag chags stong pa la bzla zhing/<br>
/stong pa'i rang bzhin snang bar thag bcad de/<br>
/snang stong gnyis med bden pa gnyis don shes/<br>
/mtha' gnyis gnas bsal dbu mar bslabs pa yis/<br>
/srid zhir mi gnas nam mkha'i ngang du grol/<br>
/'di ni nges don snying po'i dam pa ste/<br>
/rang bzhin rdzogs pa chen po'i gnas lugs yin/<br>
/snang ba'i dngos kyis phan gnod gnyis su med/<br>
/der 'dzin zhen pas srid par 'ching bas na/<br>
/sna tshogs snang la brtag dpyad mi dgos kyi/<br>
/'dzin pa'i sems kyi rtsa ba bcad par mdzod/<br>
/sems ni snang la rang bzhin 'ga' med de/<br>
/btsal bas mi rnyed bltas pas mthong ba med/<br>
/kha dog dbyibs med ngo bo ngos gzung med/<br>
/phyi dang nang med dus gsum skye 'gag med/<br>
/phyogs dang ris med gzhi rtsa dngos po med/<br>
/'di zhes mi mtshon bsam yul 'das pa'i sems/<br>
/'gags pa mi dmigs ma skyes phyogs na med/<br>
/da ltar mi gnas rang bzhin mnyam pa'i ngang/<br>
/sems kyis sems ma tshol bar dal du chug<br>
/dgag sgrub dran rig skad cig yid kyi yul/<br>
/snang tsam nyid nas phyi dang nang na'ang med/<br>
/btsal by'i don gyis tshol mkhan byas pas bslad/<br>
/rang gis rang btsal nam yang rnyed mi 'gyur/<br>
/ye nas skye med rang bzhin gnyug ma'i don/<br>
/mi gnas 'gag pa med pa'i sems nyid ni/<br>
/dus gsum gzhi rtsa med pas stong pa'i ngang/<br>
/sna tshogs 'char gzhi ma 'gags snang ba la/<br>
/dngos po mtshan ma med pas rtag pa med/<br>
/rang shar 'gag pa med pas chad pa med/<br>
/gnyis dang gnyis med med pas brjod du med/<br>
/'di zhes grub pa med pas ngos gzung med/<br>
/rang bzhin gdod nas dag par shes par bya/<br>
/brtags pas med ltar ma brtags dus na'ang med/<br>
/rang bzhin gnyis med gdod ma'i ngo bo la/<br>
/bzang ngan blang dor re dogs mi dmigs pas/<br>
/brtag dang dpyad pas 'di la ci byar yod/<br>
/dus gsum yid kyis tshol khro ma byed zhog<br>
/rtog ge spros pa'i spun pas bskyod pa'i sems/<br>
/rnam g.yeng rlung ltar g.yo bas mi rtogs kyi/<br>
/bsal gzhag 'gro 'ong med pa'i byang chub sems/<br>
/kun byed ye shes dri med ngo bo nyid/<br>
/ji bzhin bzhag pas de bzhin mthong ba yin/<br>
/'dir ni sna tshogs grub mtha' mang po dang <br>
/bsam brjod rtog pa du mas ci zhig bya/<br>
/nges pa'i don la grub dang ma grub med/<br>
/mtha' dang dbus med theg pa'i rnam dbye med/<br>
/mkha' bzhin rnam dag rgya chad phyogs lhung med/<br>
/de la yod med blos brtags 'khrul pas na/<br>
/brjod du med gang ji ltar bshad du yod/<br>
/don med gnas la rab tu ngal bar zad/<br>
/ji ltar mkha' dbus dvangs pa'i skyed mes tshal/<br>
/me tog 'bras mang 'bab chus brgyan pa zhig<br>
/mngon du bsams nas de yi rnam dbye dang/<br>
/mthun phyogs mi mthun phyogs gang rtsod pa bzhin/<br>
/gang yang dri med sems nyid dag pa la/<br>
/bcos bsgyur dri mas nam yang mthong ba med/<br>
/de la bskyed dang rdzogs pas ci zhig bya/<br>
/dang ba'i bsam gtan bsgoms pas bslad par zad/<br>
/gdod nas rang bzhin dag pa'i sems nyid la/<br>
/spang gnyen bral thob med kyis dmigs gtad shol/<br>
/phyi nang gzung 'dzin med kyis ched 'dzin thong/<br>
/'di zhes ngos gzung med kyis zhen pa chod/<br>
/thob dang ma thob med kyis re dogs spongs/<br>
/gzhi nas 'pho 'gyur med pa'i rig pa la/<br>
/sna tshogs rkyen gyi rnam pa ci shar yang/<br>
/shar ba de nyid rang gi thog tu grol/<br>
/chu dang rlabs bzhin chos skur phyam gcig go <br>
/gang du bltas tshe blta mkhan ngo bo stor/<br>
/btsal bas ma rnyed yul dang phyogs na med/<br>
/'tshol mkhan nyid kyang mi dmigs spros dang bral/<br>
/byed po mi gnas bya ba'i yul gyis stong/<br>
/mkha' bzhin dri med gdod ma'i ngang du phyin/<br>
/ldog pa'i gnas med da ni gang du 'gro/<br>
/zad par thug ste 'ong ba 'ga' yang med/<br>
/sus kyang mi mthong kho bo gang na 'dug<br>
/de nyid shes na gzhan zhig dgos mi 'gyur/<br>
/grol ba rnams ni nga bzhin 'khrul pa chad   da ni mi 'dri sems kyi gzhi rtsa stor/<br>
/gtad med 'dzin med nges med 'di yin med/<br>
/phyal ba lhug pa yengs pa phyam gcig pa/<br>
/'di ltar rtogs nas da ni glu len te/<br>
/dri med 'od zer shar bas bstan nas song/<br>
/kye ho grogs dag snang ba'i yul la ltos/<br>
/thams cad ma skyes stong par mnyam pa nyid/<br>
/me long gzugs brnyan sna tshogs ci shar yang/<br>
/me long ngos yin dvangs par gcig pa bzhin/<br>
/de nyid 'byed pa'i yid la tshur ltos dang/<br>
/sems ni mkha' 'dra dgag sgrub kun dang bral/<br>
/mkha' la sprin rnams byung nas zhig na yang/<br>
/nam mkha'i cho 'phrul gnyis med dag pa bzhin/<br>
/rang bzhin dri med gdod ma'i sangs rgyas te/<br>
/ma byas lhun gyis grub pa'i chos nyid do/<br>
/yul sems gnyis med ye nas dag pa la/<br>
/spang blang gnyis med phyogs ris dgag sgrub med/<br>
/gang snang bden med gang shar stong pa nyid/<br>
/thams cad mnyam nyid gza' gtad kun dang bral/<br>
/yul la nges med snang ba sna tshogs ltar/<br>
/blo la gtad med phyogs bral chen po nyid/<br>
/rang bzhin rdzogs pa chen por shes par bya/<br>
/'di ltar snang srid 'khor 'das chos rnams la/<br>
/'das pa'i chos rnams mi dmigs mnyam pa nyid/<br>
/ma 'ongs chos rnams ma skyes mnyam pa nyid/<br>
/da lt'i chos rnams mi gnas mnyam pa nyid/<br>
/dus gsum dus med gzhi bral mnyam pa nyid/<br>
/thams cad ye nas rdzogs pa'i ngang nyid do/<br>
/snang srid 'khor 'das sems kyi gzugs brnyan te/<br>
/sems kyi rang bzhin chos dbyings nam mkha' che/<br>
/nam mkha'i rang bzhin dus gsum 'pho 'gyur med/<br>
/'gyur med rang bzhin gzod nas mya ngan 'das/<br>
/gzhi nas byang chub kun tu bzang po yin/<br>
/snang dang stong pa dbyer med gdod ma'i ngang/<br>
/gcig dang du mar mi dmigs spros dang bral/<br>
/phyogs dang ris med thams cad mnyam pa nyid/<br>
/snang mnyam stong mnyam bden mnyam brdzun par mnyam/<br>
/yod mnyam med mnyam mtha' las 'das par mnyam/<br>
/dbyings gcig gdod nas dag pa'i ngang nyid do/<br>
/blo yis brtags pa thams cad ngo bos stong/<br>
/ming rnams glo bur rang mtshan sgro btags nyid/<br>
/bden brdzun gnyis med yul sems 'brel pa med/<br>
/gcig gis gcig la ma gos gzung 'dzin med/<br>
/ji ltar me long gzugs bzhin snang ba ni/<br>
/yul gyi rnam pa dbang po'i shes la shar/<br>
/de nyid bzung bas chags sdang srid par 'khrul/<br>
/nan tar gtugs ni sems ni ma 'phos shing/<br>
/yul gyi rnam pa'ang sems la shar ba med/<br>
/ngo bo med phyir gnyis su ma grub bo/<br>
/<br>
/yul rnams thams cad rang bzhin med par gcig<br>
/blo rnams thams cad ngos gzung med par gcig <br>
/snang sems gnyis med gdod nas dag par gcig <br>
/brtag dpyad mi dgos gzhi nas grol bar gcig <br>
/'khor 'das gnyis med sems kyi ngang du gcig <br>
/chu bo sna tshogs rgya mtsho'i ngang du gcig <br>
/thams cad ro mnyam lhan cig skyes par gcig <br>
/'byung bzhi'i 'pho 'gyur nam mkha'i ngang du gcig <br>
/sems kyi dgag sgrub stong pa'i ngang du gcig <br>
/gang shar rang grol gnyis med dag par gcig <br>
/dba' rlabs rol pa chu bo'i ngang du gcig <br>
/de ltar rtogs na skyes bu mkhas pa yin/<br>
/sna tshogs ngogs zung med pa'i chos rnams kun/<br>
/rang bzhin gnyis su med pa'i gzugs brnyas te/<br>
/bzang ngan blang dor med pa'i rol pa la/<br>
/blo yis gnyis su ma 'dzin gang bder zhog<br>
/gtad med yul la nges med snang ba shar/<br>
/'dzin med rig pa rnam yin chen pa ni/<br>
/rang bzhin rdzogs pa chen po'i gnas lugs yin/<br>
/de ltar chos kun mnyam pa'i rang bzhin gyis/<br>
/blo bral ngang du 'dzin med la bzlas nas/<br>
/phyogs bral rig pa khol bur bcings pa yis/<br>
/dub pa'i sems nyid di ring ngal sos shig<br>
/rdzogs pa chen po sems nyid ngal gso las/<br>
/gzhi rtogs pa'i shes rab mtha' gnyis la mi gnas pa'i le'u ste bcu pa'o/<br>
<br>
===11===
/de ltar chos kun mnyam pa'i don mthong nas/<br>
/gnas lugs ngang la ji bzhin gzhag pa gces/<br>
/de yang dbang po'i rim pas bstan pa ste/<br>
/dbang po yang rab gnas lugs rtogs pas grol/<br>
/sgom dang bsgom bya gnyis med don mthong nas/<br>
/snang srid gzhi grol sems nyid bya btsal med/<br>
/phyogs bral rig pa chu bo'i rgyun bzhin 'char/<br>
/thun mtshams ris med 'di yin nges gzung med/<br>
/thams cad rang grol kun tu bzang po'i zhing/<br>
/rtags dang tshad med rang byung gzhi klong yangs/<br>
/ji bzhin ngang la ye bzhin gnas pas na/<br>
/gol dang gol sa rtsal sbyong bogs 'byin med/<br>
/thob dang ma thob med par thag chod pas/<br>
/'bras bur smon med da lta rdzogs sangs rgyas/<br>
/de 'dr'i rnal 'byor nam mkha' rab 'byams yin/<br>
/'bring dang tha mas goms la brtson dgos te/<br>
/ji srid bdag 'dzin dbyings su ma nub par/<br>
/de srid sna tshogs thabs kyis bsgom par bya/<br>
/khyad par rnam rtog ngan pas srid par 'khrid/<br>
/de nyid grol phyir bsam gtan thabs la brten/<br>
/phyi nas shes rab mtha' grol klong yangs 'char/<br>
/zhi gnas kyis ni nyon mongs mgo gnon la/<br>
/lhag mthong gis ni nyon mongs rtsa ba 'byin/<br>
/des na rab kyis ngan rtog chos skur lhongs/<br>
/bzang ngan med na gnyen po bsgom mi dgos/<br>
/'bring gis ngang dvangs zung 'brel bsgoms pa yis/<br>
/bzang ngan rtog pa dbyings su nub gyur nas/<br>
/zung 'brel rtogs pa nam mkha' lta bu 'char/<br>
/tha mas thog mar zhi gnas btsal ba yis/<br>
/gang dmigs de la brtan pa thob par sl/<br>
/de nas lhag mthong so sor rtog bsgoms pas/<br>
/phyi nang snang sems gzhi grol chen por 'char/<br>
/des na dbang po'i rim pa shes pa gces/<br>
/da ni dbang po 'bring gi sgom pa bstan/<br>
/ji ltar chu ni dba' rlabs rnyog pa na/<br>
/dvangs pa'i gzugs brnyan mi gsal g.yo ba ltar/<br>
/yid ni mi bsrun kun rtog 'phyar zhing g.yo/<br>
/sna tshogs spros la kun tu 'chel ba na/<br>
/sems nyid 'od gsal dvangs pa'i ye shes dang/<br>
/spyan dang mngon shes gza' skar mi 'char bas/<br>
/gcig tu mi g.yo mnyam par gzhag pa gces/<br>
/lus ni chos bdun ri rgyal lta bu la/<br>
/dbang po mtha' bral rdzing bu'i gza' skar 'dra/<br>
/sems nyid stong gsal dvangs pa'i nam mkha' bzhin/<br>
/bying rgod gnyis med spros dang bral bar gzhag <br>
/de tshe rang bzhin gcig ste gdod ma'i ngang/<br>
/gzung dang 'dzin pa mi dmigs chos kyi sku/<br>
/dri med 'od gsal nyi ma'i snying po ni/<br>
/bde gsal mi rtog mtha' dbus med pa 'char/<br>
/snang dang stong pa thams cad phyam gcig la/<br>
/yod dang med pa kun gyi mtha' las 'das/<br>
/srid dang zhi ba gnyis su mi rtog pa/<br>
/shes dang shes bya gcig pa'i ngo bo nyid/<br>
/mnyam dang mi mnyam med pa'i chos nyid mthong/<br>
/'di ni 'phags pa'i bden mthong ye shes rgyu/<br>
/phyi nas de bzhin nyid mthong blo mig gis/<br>
/rgyal ba'i chos sku phun tshogs bsgrub pas na/<br>
/skal bzang rnams kyis rtag tu mnyam par zhog<br>
/sems nyid ma skyes mkha' ltar dag pa'i ngang/<br>
/sems byung mi dmigs sprin tshogs dengs pa bzhin/<br>
/yeng med spros dang bral ba'i shes pa yis/<br>
/ji bzhin ngang la ye bzhin mnyam par shog<br>
/dvangs shing stongs pa rgya mtsho lta bu la/<br>
/gzung 'dzin rnyog bral dba' rlabs med par zhog <br>
/stong zhing gsal la nam mkha' lta bu la/<br>
/kun rtog sprin med phyogs lhung bral bar shog<br>
/brtan zhing mi g.yo ri rgyal lta bu la/<br>
/dgag sgrub gnyis med re dogs bral bar shog<br>
/dag cing gsal la me long lta bu la/<br>
/snang yul ma 'gags gzugs brnyan lta bur zhog<br>
/ye grol sor gzhag 'ja' tshon lta bu la/<br>
/bying rgod gnyis med dag cing gsal la zhog<br>
/gzhan du ma yengs mda' mkhan lta bu la/<br>
/gnyug ma'i ye shes spro bsdu bral bar zhog<br>
/thag chod shes pa las zin lta bu la/<br>
/re dogs gnyis med lhun gyis grub par shog<br>
/'di ni rang bzhin dag pa'i ting nge 'dzin/<br>
/zhi gnas lhag mthong zung du 'brel ba yin/<br>
/skye med ngang dor gnas pas zhi gnas la/<br>
/gsal stong spros dang bral bas lhag mthong nyid/<br>
/dbyer med ngo bo gcig pas zung du 'brel/<br>
/de tshe zab zhi spros dang bral ba'i sems/<br>
/smra bsam brjod du med pa'i don mthong bas/<br>
/snang ba'i ye shes shin tu mi rtog pa/<br>
/'od gsal gsar pa pha rol phyin zhes bya/<br>
/de nyid mthong bas sems ni rab zhi zhing/<br>
/phyi nang chos la dgag sgrub zhen pa chung<br>
/stong pa'i ngang nas snying rje phyogs med 'char/<br>
/rang gzhan don du dge la spyod cing bskul/<br>
/dben par dga' zhing rnam g.yeng 'du 'dzi nyung/<br>
/rmi lam na yang dge ba'i chos la spyod/<br>
/<br>
/des na thar pa'i lam sna zin pa yin/<br>
/de nas ches cher gong du goms pa yis/<br>
/sems gsal ye shes sngon pas rgya che zhing/<br>
/snang ba rmi lam sgyu mar rab tu rtogs/<br>
/chos rnams gnyis med ngang du ro gcig pas/<br>
/skyes dang ma skyes med par mthong ba'i tshe/<br>
/mched pa'i ye shes shin tu mi rtog pa <br>
/bsam gtan dga' bas brgyan pa thob pa yin/<br>
/de tshe lus sems sngon pas rab dag cing/<br>
/thabs dang shes rab dri med rtogs pa 'char/<br>
/mngon shes ldan zhing snying rjes phan pa 'grub/<br>
/srid pa skyo bas sems ni nges par 'byung/<br>
/rmi lam na yang chos kun de 'drar rtogs/<br>
/lus kyi phyi nang shig sro 'bu srin med/<br>
/bying rgod bral zhing nyin mtshan ting 'dzin 'grub/<br>
/skye bo des ni 'phags lam myur du mthong/<br>
/de nas ches cher goms pas sngon pas lhag<br>
/ting 'dzin rtogs pa'i nyi ma sngon med 'char/<br>
/chos kun tshul gcig mnyam pa'i don mthong nas/<br>
/spyan dang mngon shes sgrib pa med mnga' bas/<br>
/zhing khams brgya stong bye ba dpag med mthong/<br>
/de tshe zag med 'phags pa'i ye shes te/<br>
/thob pa zhes bya mngon du gyur pa yin/<br>
/de las ches cher gong du 'phel ba yis/<br>
/rtogs pa'i ting 'dzin yon tan grangs med cing/<br>
/rtog dang mi rtog mnyam pa'i chos nyid las/<br>
/gzungs sprin ye shes dri med rgya che zhing/<br>
/mnyam par gzhag dang ma bzhag gnyis med par/<br>
/rtag tu mnyam gzhag sprus pa bsam yas ston/<br>
/tshad med zhing dang ye shes gzigs pa 'jug<br>
/rtsa khams dag cing rlung sems yon tan mchog<br>
/shin tu rgya che dri ma med pa na/<br>
/nye bar thob pa zhes by'i ye shes te/<br>
/'phags lam rdzogs nas myur du byang chub 'thob/<br>
/'di ni 'od gsal snying po'i theg pa ste/<br>
/skal bzang 'bras bu tshe 'dir grol ba yin/<br>
/dbang po tha mas bsgom pa'i rim pa yang/<br>
/dang por zhi ga so sor rtsal sbyang ste/<br>
/brtan par gyur nas zung 'jug dbyer med bsgom/<br>
/de yang thabs tshul dpag med tshul bslab/<br>
/thog mar zhi gnas btsal ba'i rim pa ni/<br>
/dben pa'i phyogs su stan la rab 'dug nas/<br>
/dbugs dbyung 'jug pa'i kha dog grangs rnams kyis/<br>
/nyin 'gar rnam rtog 'dul zhing gnas par bya/<br>
/de nas byams sogs bzhi dang sems gnyis dang/<br>
/bskyed rim ngang ni bris sku glegs bam sogs/<br>
/dge ba'i yul ni gang yang rung zhig la/<br>
/dmigs pa rtse gcig ma yengs mnyam par gzhag <br>
/de ltar bzhag pas sems ni las rung zhing/<br>
/gzhan du mi 'phro gar gtad yul la zin/<br>
/ji tsam bzhag pa de tsam mnyam par gnas/<br>
/lus ngag sems ni dga' bdes khyab pa na/<br>
/rtse gcig mi g.yo'i zhi gnas grub pa yin/<br>
/de nas lhag mthong don la bslab pa ni/<br>
/phyi rol snang srid 'khor 'das chos 'di rnams/<br>
/sna tshogs snang bas rmi lam sgyu 'dra zhing/<br>
/gzugs brnyan sprul pa sgra brnyan dri za'i grong/<br>
/mig yor smig rgyu 'dra zhing snying po med/<br>
/snang bas stong ste rang bzhin stong pa'i ngang/<br>
/thams cad nam mkha' 'dra zhing bdag med pas/<br>
/skye med spros dang bral bar mnyam pa bzhag <br>
/de yis phyi rol chos la bdag med cing/<br>
/gzung dang gzung yul rang bzhin med par rtogs/<br>
/de nas nang gi sems la 'di ltar brtag<br>
/sna tshogs rtog la ngo bo med pa'i sems/<br>
/dgag sgrub bden brdzun bde sdug btang snyoms sogs/<br>
/yul la 'phro zhing ngos gzung med pa khyod/<br>
/dang po gang 'ongs da lta gang na gnas/<br>
/tha ma gar 'gro dbyibs dang kha dog ci/<br>
/snyam du brtags tshe 'di ltar mthong bar 'gyur/<br>
/sems ni dang por skye ba'i rgyus stong zhing/<br>
/bar du gnas dang tha mar 'gag pas stong/<br>
/kha dog dbyibs med ngo bo ngos gzung med/<br>
/'das pa 'gags shing ma 'ongs ma skyes la/<br>
/da lta mi gnas phyi nang gang na'ang med/<br>
/nam mkha' 'dra zhing spros dang bral bar shes/<br>
/de tshe sems la gang yang mi bsam par/<br>
/chad pa ngal gso bzhin du lhod kyis glod/<br>
/ci yang mi bsam yid la byed pa bor/<br>
/thams cad gnyis med mnyam pa'i ngang la gzhag<br>
/de yis ngar 'dzin gang zag bdag med cing/<br>
/'dzin pa'i sems la rang bzhin med par rtogs/<br>
/de nas zung 'jug gnyug ma'i ye shes ni/<br>
/snang sems gnyis med chu dang chu zla bzhin/<br>
/gnyis su gzung bas srid par 'khrul na yang/<br>
/gnyis med shes pas mya ngan 'das zhir 'gro/<br>
/de bas gnyis med don la 'di ltar bslab/<br>
/chos rnams ma skyes sems kyi ngo bo nyid/<br>
/sems kyi rang bzhin dag cing dri ma med/<br>
/dri med stong gsal spros dang bral bar gzhag <br>
/de yis nyon mongs rnyog pa rab zhi zhing/<br>
/rnam par mi rtog ye shes chen por gnas/<br>
/rig dang mngon shes ting 'dzin 'grub 'gyur zhing/<br>
/gzung 'dzin gnyis med mtha' bral dbu mar rtogs/<br>
/de tshe sems ni nam mkha' lta bu la/<br>
/yul ni mi dmigs rang bzhin spros dang bral/<br>
/sgom dang bsgom bya med pa'i chos nyid la/<br>
/bya rgyu byed mkhan med pas gdod ma'i ngang/<br>
/dri med rang bzhin dag pa'i sangs rgyas yin/<br>
/gzung yul mi dmigs chu zla mig yor la/<br>
/'dzin mkhan mi dmigs g.yo med phyogs lhung bral/<br>
/snang sems gnyis med pha rol phyin pa'i ngang/<br>
/zab zhi spros bral 'od gsal 'dus ma byas/<br>
/bdud rtsi lta bu'i chos nyid khong du chud/<br>
/'dzin med yangs pa'i ting 'dzin gru chen gyis/<br>
/srid gsum rgya mtsho'i pha rol brgal bas na/<br>
/gzhi bde'i steng du blo bde rgyun ma 'chad/<br>
/rang bzhin rdzogs pa chen po'i ngang du phyin/<br>
/gnas pas zhi gnas chos sku stong pa la/<br>
/gsal bas lhag mthong gzugs sku snang ba nyid/<br>
/thabs dang shes rab tshogs gnyis bskyed rdzogs grub/<br>
/lhag mthong rtogs pa'i shes rab bskyed byas nas/<br>
/zhi gnas kyis ni de yi ngang la gnas/<br>
/gang tshe gzung 'dzin dngos dang dngos med du/<br>
/blo yi rnam par rab tu mi gnas pa/<br>
/de tshe dbyings dang ye shes gnyis med par/<br>
/sems dang sems byung dmigs pa med par zhi/<br>
/rang bzhin gdod nas dag pa'i sems nyid la/<br>
/gnas skabs glo bur kun rtog dag pa na/<br>
/snyoms 'jug dgu dang rdzu 'phrul mngon shes 'grub/<br>
/ting 'dzin grangs med gzugs sprin lhun gyis grub/<br>
/rang sa 'dod pa'i sems gang rtse gcig pa/<br>
/de las rtog dang dpyod pa'i ting nge 'dzin/<br>
/dga' bde'i yan lag bsam gtan dang po skye/<br>
/de las rtog med dpyod pa'i ting nge 'dzin/<br>
/sems gsal dga' bde'i rang bzhin gnyis pa skye/<br>
/de las rtog dpyod gnyis med ting nge 'dzin/<br>
/dga' bdes brlan pa'i yan lag gsum pa skye/<br>
/de las dga' ba sdud pa'i ting nge 'dzin/<br>
/bzhi pa phan yon yan lag bcas pa skye/<br>
/de las mkha' ltar dag cing dvangs pa'i sems/<br>
/nam mkha' mtha' yas skye mched thob par 'gyur/<br>
/de las chos kun sems nyid spros pa med/<br>
/rnam shes mtha' yas skye mched thob par 'gyur/<br>
/<br>
/de las snang sems mi dmigs spros dang bral/<br>
/ci yang med pa'i skye mched 'grub par 'gyur/<br>
/de las yod med spros kun bral ba'i sems/<br>
/yod min med min skye mched 'grub par 'gyur/<br>
/de las sna tshogs nyon mongs spros pa'i sems/<br>
/rang bzhin 'gog pa zhi ba thob par 'gyur/<br>
/de ltar mthar gyis snyoms 'jug dgu po yang/<br>
/rim dang rim min thod rgal rtsal sbyangs pas/<br>
/rang gzhan snga phyi'i tshe rabs las rnams dang/<br>
/sems kyi spyod yul gang yin shes pa dang/<br>
/'chi 'pho skye dang sgrib pas chod kyang mthong/<br>
/gcig dang du mar rdzu zhing rnam par 'phrul/<br>
/nyon mongs med cing ji snyed ji bzhin shes/<br>
/zhing rnams bde gshegs sras kyis gang ba mthong/<br>
/de tshe snang ba sgyu mar rab rtogs pas/<br>
/sgyu ma lta bu'i ting 'dzin nyid dang ni/<br>
/sems kyi gdung bral rnyog pa rab zhi'i phyir/<br>
/zla ba dri ma med pa'i ting 'dzin dang/<br>
/chos kun mi dmigs mnyam pa'i ngang gcig pas/<br>
/mkha' ltar gos pa med pa'i ting 'dzin sogs/<br>
/brgya stong grangs med rab tu 'grub par 'gyur/<br>
/lhag mthong gis ni rab tu rtogs pa'i don/<br>
/zhi gnas dam pas rtse gcig pa'i gzung ba'i phyir/<br>
/gzungs dang ting 'dzin zung 'brel lhun gyis grub/<br>
/lam lng'i rim pa bgrod las grol ba ste/<br>
/tshogs lam chung ngur lus tshor sems dang chos/<br>
/dran pa nye bar gzhag pa bzhi bsgom zhing/<br>
/'bring du 'dun dang 'bad rtsol brtson 'grus bzhis/<br>
/dge dang mi dge'i zhen bzhi yang dag spong/<br>
/chen por 'dun sems dpyod dang dran pa bzhis/<br>
/rdzu 'phrul rten 'grub rkang pa bzhi po bsgom/<br>
/sbyor lam bzhi ste drod dang rtse mo ru/<br>
/dad brtson dran dang ting 'dzin shes rab kyis/<br>
/dbang po lnga dang bzod pa chos mchog tu/<br>
/dad sogs stobs lnga rab tu sgom par byed/<br>
/mthong ba'i lam ste rab tu dga' ba'i sar/<br>
/dad brtson dran pa ting 'dzin shes rab dga'/<br>
/shin tu sbyangs pa yang dag byang chub kyi/<br>
/yan lag bdun po dag ni legs bsgom zhing/<br>
/sgom lam chung 'bring chen po re re zhing/<br>
/chung ngu'i chung ngu chung ngu'i 'bring dang ni/<br>
/chung ngu'i che sogs sa dgu rim pa bzhin/<br>
/dri ma med dang 'od byed 'od 'phro can/<br>
/sbyang dka' mngon gyur ring song mi g.yo ba/<br>
/legs pa'i blo gros chos kyi sprin rnams su/<br>
/yang dag lta dang rtog pa ngag dang las/<br>
/'tsho rtsol dran pa ting 'dzin 'phags lam brgyad/<br>
/de ltar byang chub phyogs chos sum cu bdun/<br>
/slob pa'i lam bzhir bsgom pa'i mjug thogs su/<br>
/mi slob sa la mi gnas mya ngan 'da'/<br>
/de ltar sa dang lam rnams ma bgrod pa'i/<br>
/sangs rgyas de 'dra nam yang 'byung ba med/<br>
/bskal mang tshe rabs du ma tshe gang grol/<br>
/de da kun kyang lam 'dir brten pas na/<br>
/rgyu 'phras theg pa gang la zhugs rnams kyis/<br>
/sa dang lam rnams mkhyen nas bgrod par mdzod/<br>
/de ltar zab zhi 'od gsal snying po yis/<br>
/'gro kun sems kyi rnyog pa rab zhi nas/<br>
/srid 'dir yun ring spros la 'chel ba yis/<br>
/dub pa'i sems nyid di ring ngal sos shig<br>
/rdzogs pa chen po sems nyid ngal gso las/<br>
/lam bsam gtan dri ma med pa zhi lhag zung du 'brel ba'i le'u ste bcu gcig pa'o/<br>
/<br>
===12===
//de ltar zung 'jug bsam gtan 'grub pa'i rgyu/<br>
/ting 'dzin mi g.yo yan lag gsum la bslab/<br>
/gang gis bsgrub pa cho ga'i yan lag dang/<br>
/ji ltar bsgrub pa thabs kyi yan lag dang/<br>
/gnyis med bsgrub pa ngo bo'i yan lag go <br>
/gang gis bsgrub pa'i skye bo nges 'byung can/<br>
/lus ni 'du 'dzi'i grong las rgyang bsrings shing/<br>
/sems ni spros pa'i tshogs las ring du bsrings/<br>
/de yis ting 'dzin 'di ni myur du 'grub/<br>
/dad ldan ngo tsha shes shing khrel yod la/<br>
/bag yod tshul khrims dag cing dge la spro/<br>
/mang thos 'dod pa chung zhing chog shes ldan/<br>
/de yis ting 'dzin 'di ni myur du 'grub/<br>
/lus sems bsdams shing dben par gnas la dga'/<br>
/gnyid dang snyom las smra la dga' ba spongs/<br>
/rgod 'gyod med cing gzhan dang 'dris pa nyung/<br>
/de yis ting 'dzin 'di ni myur du 'grub/<br>
/grong dang grong 'dab skye bo'i 'du 'dzi med/<br>
/gnas dang dgon par mang po'i rten 'dris med/<br>
/don dang byang ba sna tshogs brel ba med/<br>
/de yis ting 'dzin 'di ni myur du 'grub/<br>
/tshe 'di'i bde dang phyi ma'i bde 'bras dang/<br>
/rang don zhi ba gnyer min 'gro ba'i phyir/<br>
/srid las thar 'dod nges 'byung skyo shas can/<br>
/de yis ting 'dzin mchog 'di myur du 'grub/<br>
/ji ltar bsrub pa thabs kyi yan lag kyang/<br>
/gnyid rmugs rgod 'gyed the tshom sgrib pa lnga/<br>
/spangs te zhi lhag zung 'brel tshul gyis bsgrub/<br>
/gnyid rmugs gnyis kyis ni gnas rab tu sgrib/<br>
/rgod 'gyod gnyis kyis lhag mthong rnam par g.yeng/<br>
/the tshom gnyis ka'i gnod byed mi mthun phyogs/<br>
/de ltar lnga nyid bying rgod gnyis su 'du/<br>
/bying na gseng zhing rgod na rtse gcig bsgom/<br>
/zhi gnas med pa'i lhag mthong spros la rgod/<br>
/lhag mthong med pa'i zhi gnas lung ma bstan/<br>
/zung 'brel sgrib pa'i gnyen po mchog gi lam/<br>
/zhi gnas lus ngag yid sems dal bas 'grub/<br>
/de yang chos kun rang bzhin mnyam pa'i ngang/<br>
/dmigs pa rab zhi gtso bo'i yan lag yin/<br>
/dmigs pa gcig la sems 'dzin 'khor gyi tshul/<br>
/de yang snang bcas snang med rnam pa gnyis/<br>
/phyi nang gnyis te bzhi yis zin par 'gyur/<br>
/snang bcas gzugs sogs sgo lng'i yul rnams la/<br>
/snang med mi rtog rtse gcig ngang la 'jog<br>
/phyi rol rdo shing sku gzugs la sogs dang/<br>
/nang nyid snying gar padma 'thur 'phyang sogs/<br>
/dmigs yul gcig la rtse gcig sems 'jog pa/<br>
/zhi gnas bsgrub pa'i thabs kyi yan lag yin/<br>
/de yis rtse gcig zhi gnas skyes pa'i tshe/<br>
/spel zhing brtan phyir lhag mthong ye shes spro/<br>
/bgogs 'byin spyod lam kun dang bsre ba gces/<br>
/stengs na lus sems gsengs la sngar bzhin bsgom/<br>
/'dis ni myur du 'grub par 'gyur ba yin/<br>
/lhag mthong 'dod pas sems gsal dvangs pa'i ngang/<br>
/so sor rtog pa gtso bo'i yan lag la/<br>
/mi rtog mnyam par 'jog pa 'khor gyi tshul/<br>
/de yang chos can chos nyid rnam pa gnyis/<br>
/chos can sgyu ma'i dpe brgyad blta bya zhing/<br>
/chos nyid mkha' ltar stong pa'i rtsal sbyang bya/<br>
/ji bzhin ngang la bzhag pas ye shes 'char/<br>
/stengs na sna tshogs chos la rtsal sbyang ste/<br>
/sgyu ma stong pa gnyis med dag par blta/<br>
/'phro na zhi gnas ngang la mnyam par gzhag<br>
/de tshe nam mkha' lta bu'i 'od gsal ni/<br>
/stong gsal spros dang bral ba'i ngo bo mthong/<br>
/de yis sgrib gnyis sprin las grol ba 'grub/<br>
/res 'ga' rgya mtsho lta bu'i 'od gsal 'char/<br>
/shar grol ngang dvangs rtog med lhun gyi grub/<br>
/bogs 'byin spyod lam kun dang de nyid bsre/<br>
/'dis ni lhag mthong myur du 'grub par 'gyur/<br>
/zung 'jug shes pa 'phrog nas mnyam pa'i ngang/<br>
/gnyis kar mi rtog ye shes gtso bo la/<br>
/yeng med spros dang bral ba 'khor gyi tshul/<br>
/ji ltar shar gnas de yi ngang bzhag pas/<br>
/shar pas grol la gnas pas mnyam pa nyid/<br>
/zhi lhag zung 'brel bde gsal mi rtog 'char/<br>
/snang stong thabs shes bskyed rdzogs lhun gyis grub/<br>
/steng na zhi lhag so sor rtsal sbyang zhing/<br>
/bying rgod tshe na ldog pa bsgom par bya/<br>
/bogs 'byin nam mkha' dvangs shing sprin med tshe/<br>
/nyi mar rgyab phyogs mkha' la rab bltas pas/<br>
/stong gsal shes pa spros dang bral ba 'char/<br>
/phyi rol dpe yi nam mkha' dag pa las/<br>
/nang gi chos nyid don gyi nam mkha' che/<br>
/gsang ba 'od gsal snying po'i nam mkha' ste/<br>
/nam mkha' sum sprugs dgongs pa shes par bya/<br>
/gnyis med bsgrub pa ngo bo'i yan lag ni/<br>
/thams cad ro mnyam rdzogs pa chen po'i ngang <br>
/spang blang mi bya dmigs gtad zhen pa dor/<br>
/'dzin zhen thams cad srid pa'i 'du byed la/<br>
/dmigs gtad med na mkha' bzhin bcings grol med/<br>
/ji ltar gzugs brnyan sna tshogs me long dang/<br>
/de ltar chos rnams sna tshogs stong pa'i ngang/<br>
/ji ltar sprin rnams sna tshogs nam mkha'i ngang/<br>
/de bzhin dgag sgrub sna tshogs sems nyid ngang/<br>
/ji ltar chu bo sna tshogs rgya mtsho'i ngang/<br>
/de bzhin nyams rtogs sna tshogs sgom pa'i ngang/<br>
/ji ltar sgyu ma sna tshogs sprul pa'i ngang/<br>
/de bzhin 'khor 'das sna tshogs chos nyid ngang/<br>
/de bzhin ye grol chos rnams lta ba'i ngang/<br>
/ji ltar chu la chu bzhag gnyis med ngang/<br>
/de bzhin sems dang sems nyid dbyer med ngang/<br>
/ji ltar sna tshogs rmi lam gnyid kyi ngang/<br>
/de bzhin blang dor gnyis med spyod pa'i ngang/<br>
/ji ltar mtsho dang dpa' rlabs chu bo'i ngang/<br>
/de bzhin rtog dang mi rtog mnyam pa'i ngang/<br>
/ji ltar tshong pa don grub bde ba'i ngang/<br>
/de bzhin re dogs gnyis med 'bras bu'i ngang/<br>
/thams cad phyam gcig rdzogs pa chen po'i ngang/<br>
/khyab gdal dbyings kyi chos nyid shes par bya/<br>
/de ltar sna tshogs gnyis med ro gcig gis/<br>
/'gro kun bdag gzhan gzung 'dzin las grol te/<br>
/'di zhes dmigs pas 'khrul pa'i srid pa 'dir/<br>
/dub pa'i sems nyid de ring ngal sos shig<br>
/rdzogs pa chen po sems nyid ngal gso las/<br>
/ting nge 'dzin bsgrub pa'i yan lag thabs la mkhas pa'i le'u ste bcu gnyis pa'o/<br>
/<br>
===13===
//de ltar thabs dang shes rab mthar phyin nas/<br>
/sku dang ye shes phrin las lhun gyis grub/<br>
/sems dang sems byung kun gzhir bcas pa kun/<br>
/chos kyi dbyings su 'jug pa rab zhi'i tshe/<br>
/dbyings dang ye shes gnyis med ro gcig gyur/<br>
/de tshe dag pa gnyis ldan spros kun zhi/<br>
/shin tu skye med 'od gsal snying po'i ngang/<br>
/gnam gang zla ba dbyings su nub pa ltar/<br>
/phra ba'i ye shes mkha' dbyings padmor 'khyil/<br>
/gang du'ang mi rtog zhi ba brnyes pa'i tshe/<br>
/chos nyid mi dmigs dus gsum 'pho 'gyur med/<br>
/rang bzhin gdod nas dag pa'i cha de la/<br>
/mi 'gyur rdo rje'i sku zhes brjod pa ste/<br>
/gzhi dbyings zad pa'i chos nyid mthar thug pa'o/<br>
/rang bzhin glo bur sgrib gnyis rnam dag cing/<br>
/thams cad mkhyen pa'i chos tshul rgya mtsho brnyes/<br>
/spangs dang rtogs pa'i yon tan mthar phyin pas/<br>
/stobs sogs pha rol phyin pa'i chas gzhal na/<br>
/mngon par byang chub sku zhes btags pa ste/<br>
/ma 'dres yon tan 'char gzhi mthar thug pa'o/<br>
/shes by'i yul la de blo mi 'jug cing/<br>
/shes byed blo la 'dzin pa mi dmigs kyang/<br>
/nang gsal mkha' dbyings nub pa'i zla ba ltar/<br>
/thim la ma rmugs phra ba'i ye shes mchog<br>
/thams cad mkhyen chas 'char gzhi ngo bo'i tshul/<br>
/de las gzugs sku rnam mkhyen mched 'gyur zhing/<br>
/gzhan la snang mdzad yon tan gter yin phyir/<br>
/shin tu ches phr'i ye shes rab zhi'i chas/<br>
/zhi ba chos kyi sku zhes rab tu brjod/<br>
/'di dag phyi rol yul la mi 'jug cing/<br>
/chad pa ma yin shin tu phra ba'i phyir/<br>
/rtag dang chad sogs mu bzhi'i mtha' las 'das/<br>
/smra bsam brjod med pha rol phyin pa'i ngang/<br>
/stong pa'i rang bzhin dmigs pa rab zhi bas/<br>
/rgyal ba rnams las gzhan gyi spyod yul min/<br>
/chos dbyings pho brang shin tu skye med na/<br>
/dus gsum rgyal ba thams cad rtag bzhugs kyang/<br>
/gcig gis gcig mi gzigs te chos nyid phyir/<br>
/rang bzhin zab zhing bzhugs zhes gsungs pa yin/<br>
/de nyid ngang du rgyal rnams dgongs klong gcig<br>
/bum mkha' snga phyi'i nam mkha' gcig pa bzhin/<br>
/'di ni chos nyid stong pa shes rab dang/<br>
/ye shes tshogs dang rdzogs rim mthar thug pa'o/<br>
/de nyid ngang las rang snang longs spyod rdzogs/<br>
/gnas dus ston pa chos 'khor phun tshogs las/<br>
/gnas ni 'od gsal stug po bkod pa'i zhing/<br>
/lnga ldan 'od kyis lhun stug gsal zhing 'tsher/<br>
/'ja' tshon gdangs gsal nam mkha' gang ba bzhin/<br>
/steng 'jug phyogs mtshams nam mkha'i dbyings khyab par/<br>
/gzhal med khang mdzes sgo bzhi rta babs ldan/<br>
/rtsig pa lnga dang pha gu drva phyed dang/<br>
/mda' yab pu shu gtsang khang phyur bus mdzes/<br>
/'phan gdugs rnga yab dril bu'i phreng ba dang/<br>
/bla re rgyal mtshan la sogs nam mkha' dang/<br>
/'dod yon lha mo mchod pa'i sprin 'phro zhing/<br>
/'od zer 'khyil pa'i phyi nang kun tu khyab/<br>
/dbus dang phyogs bzhi so so'i kha dog la/<br>
/mthun pa'i rgyan dang kha dog rnam par bkra/<br>
/che chung ma nges gang bltas de ltar snang/<br>
/grangs ni tshad med nam mkha'i dbyings kun khyab/<br>
/ji ltar til gyi gang bu phye ba bzhin/<br>
/kun gyi nang na seng ge glang chen rta/<br>
/rma bya shang shang nyi zla padmas spras/<br>
/dus ni ma nges gzhi rdzogs 'pho 'gyur med/<br>
/dus gsum dus med kun tu bzang po'i dus/<br>
/thams cad mnyam rdzogs chos nyid gdal ba che/<br>
/rang bzhin gdod nas dag pa'i ngang nyid do/<br>
/ston pa mtshan rdzogs dpe byad 'bar ba'i sku/<br>
/rnam snang mi bskyod rin 'byung 'od dpag med/<br>
/don grub lnga po lnga lngas bskor ba la/<br>
/nam mkha' dbyings phyug rdo rje ma' ma ka'i/<br>
/sangs rgyas spyad dang gos dkar dam tshig sgrol/<br>
/yab yum mnyam sbyor so so'i rgyan rnams rdzogs/<br>
/mthing ga dkar ser dmar ljang 'od zer 'phro/<br>
/'og gzhi zhi ba steng gzhi khro bo'i tshul/<br>
/bUddha badzra ratna padma kar/<br>
/he ru ka dpal lnga lngas bskor ba yang/<br>
/kro dh'i shva ra'i lnga dang mnyam par sbyor/<br>
/de sogs rnam pa brjod kyis mi lang ngo /<br>
/chos ni rang bzhin rdzogs pa chen po'i ngang/<br>
/smra bsam brjod du med pa'i klong nyid do/<br>
/'khor ni nyid las mi zhan rang snang 'khor/<br>
/sems dpa' brgyad dang de bzhin sems ma brgyad/<br>
/sgo ba bzhi dang sgo ma rnam pa bzhi/<br>
/zhi ba rang bzhin bzhi bcu rtsa gnyis las/<br>
/drug ni gzhan la snang phyir sprul pa ste/<br>
/gnyis ni dbyings na gnas phyir chos kyi sku/<br>
/rang snang zhi ba longs sku sum cu bzhi/<br>
/khyad par 'khor ni nyi shu bzhir gnas so/<br>
/khro bo'i 'khor ni go sing phra med brgyad/<br>
/sgo skyong bzhi dang dbang phyug nyi shu brgyad/<br>
/khro bo rang bzhin lnga bcu rtsa brgyad las/<br>
/khyad par 'khor ni bzhi bcu brgyad dang bcas/<br>
/'bar ba'i cha lugs za byed rngam stabs can/<br>
/shin tu mi bzad gar dgus rol pa'o/<br>
/gzhan yang lus grub dkyil 'khor ji snyed pa/<br>
/de snyed rang snang longs sku'i zhing khams yin/<br>
/gzhan snang gdul by'i zhi khro ji snyed pa/<br>
/sprul skus bsdus phyir rang snang longs sku min/<br>
/de ltar phun sum tshogs pa rnam lng'i zhing/<br>
/thams cad rang snang yin phyir bzang ngan med/<br>
/kun kyang gsal 'tsher lhun stug 'od zer 'phro/<br>
/lham me lhan ne lhang nge'i tshul gyis bzhugs/<br>
/'di ni 'dres pa rnams kyi spyod yul te/<br>
/gcig gis gcig gzigs de yi bsngags pa brjod/<br>
/de ltar yid 'ong kun nas bkod pa'i zhing/<br>
/dag pa'i gdul bya yis kyang mthong mi nus/<br>
/rang snang stong gzugs bzhin du bsam mi khyab/<br>
/dus gsum rgyal ba rnams kyi rang snang ngo /<br>
/de nyid ngang las gdul by'i 'jig rten du/<br>
/'dul byed ston pa rim gyis snang ba ni/<br>
/rang bzhin 'gro 'dul sna tshogs sprul pa'i sku/<br>
/rnam pa gsum gyis 'gro ba'i don mdzad do/<br>
/de yang rang bzhin sprul sku'i ston pa ni/<br>
/'og min mngon dga' dpal ldan padma brtsegs/<br>
/las rab grub pa'i 'jig rten rnam pa lngar/<br>
/rnam snang mi bskyod la sogs rigs lng'i sku/<br>
/mtshan dang dpe byad 'od zer 'bar ba la/<br>
/zhi dang khro tshul dpag med tshul 'chang bas/<br>
/'gro bas don gnyis lhun gyis grub par mdzad/<br>
/de yang ye shes lnga lng'i rang bzhin te/<br>
/chos dbyings me long mnyam nyid so sor rtog<br>
/bya grub ye shes rnam pa lnga po yang/<br>
/re re'i 'khor du bzhi bzhi ldan pa ste/<br>
/thams cad ro mnyam gcig gi ngang nyid do/<br>
/chos dbyings ye shes shin tu mi g.yo ba/<br>
/gzung 'dzin spros pa'i mtha' las 'das pa yin/<br>
/me long ye shes gsal stong 'char gzhi'i tshul/<br>
/ye shes kun gyi 'byung gnas chen po yi/<br>
/mnyam nyid ye shes chos kun mnyam pa'i ngang/<br>
/'khar 'das gnyis med mnyam rdzogs chen po yin/<br>
/kun rtog ye shes shes bya ma 'dres mkhyen/<br>
/ji snyed ji bzhin gzigs pa rnam dag yin/<br>
/bya grub ye shes phrin las phun sum tshogs/<br>
/shes bya kun la rtag thogs med pa yin/<br>
/gdul by'i 'khor ni sa bcu'i sems dpa' la/<br>
/chos ni ting 'dzin 'od zer rab bkye bas/<br>
/sa de'i sgrib pa sbyor ba'i blo skyes nas/<br>
/ser sna la sogs spangs te rgyal la blta/<br>
/da dung de 'dr'i ston pa rnam dag dang/<br>
/bdag nyid khyad par mthong nas sgrib pa sbyong/<br>
/kun tu 'od kyi bar du 'god pa ste/<br>
/gzugs bzang me long bstan pas don mdzad do/<br>
/dus ni 'gro grol bar rgyun mi 'chad/<br>
/longs sku'i zhing na khor mor snang ba yin/<br>
/de ltar rigs lngar nges pa'i rang bzhin yang/<br>
/gdul bya gti mug shas cher sbyong ba'i tshe/<br>
/zhing ni 'og min ston pa rnam snang la/<br>
/chos ni chos dbyings ye shes rnam par dag<br>
/de bzhin zhe sdang sbyang phyir mi bskyod zhing/<br>
/nga rgyal rin 'byung 'dod chags 'od dpag med/<br>
/phrag dog sbyang phyir don grung snang ba yin/<br>
/de ltar ston pa longs spyod rdzogs na yang/<br>
/'khor sogs ston pa nyid las gzhan yin pas/<br>
/thams cad longs spyod rdzogs min de yi phyir/<br>
/phyed sprul nyid de rang bzhin sprul pa'i sku/<br>
/dag pa'i 'gro ba rnams la snang ba yin/<br>
/sar gnas rnams las gdul bya gzhan la min/<br>
/de phyir yod snang sprul pa'i sku zhes bya/<br>
/zhing de khod mnyam yid 'ong gzhal med khang/<br>
/rin chen bdun ldan 'od zer phyogs bcur 'phro/<br>
/padma las skyes rgyal sras dpag tu med/<br>
/longs spyod sna tshogs 'dod dgu'i char pa 'bab/<br>
/dus bzhir chos gsung dri med g.yer kha'i sgra/<br>
/dpag bsam rin chen chu mtshos rab tu mdzes/<br>
/'di ni zhi ba rang bzhin sprul pa yin/<br>
/de bzhin khro tshul dkyil 'khor dpag tu med/<br>
/mkha' 'gro sprin phung 'phro ba'i mkha' spyod gnas/<br>
/he ru ka dpal rigs lng'i zhang khams nyed/<br>
/gsang sngags grub la rab tu snang ba yin/<br>
/'di ni ding sang bde chen mkha' spyod ces/<br>
/mkhas grub rnams la rab tu grags pa yin/<br>
/de nyid ngang las 'gro 'dul sprul pa'i sku/<br>
/'gro drug gnas su rang rang ston par snang/<br>
/de yang brgya byin thags bzang ris dang ni/<br>
/sh'kya thub pa seng ge rab brtan dang/<br>
/kha 'bar de ba a wa glang mgo ste/<br>
/thub pa drug gis phyogs bcu'i zhing rnams su/<br>
/'gro ba drug gi rgyud drug so sor sbyong/<br>
/de yang gtso bo'i grangs te sprul pa dang/<br>
/yang sprul rnams ni bsam gyis mi khyab ste/<br>
/lha yi gnas su'ang gnas ris so so ru/<br>
/tshangs dang dbang phyug 'og min par snyed du/<br>
/rang rang 'dul byed ston pa'i tshul rnams snang/<br>
/mi langs gang 'dul de la der snang ste/<br>
/nyan thos rang rgyal byang chub sems dpa' dang/<br>
/rgyal po la sogs sprul nas mi rnams 'dul/<br>
/lha min gnas su'ang so so'i 'dul byed dang/<br>
/dud 'gro'i ris su'ang bya la byar snang zhing/<br>
/ri dvags rnams la seng ge mchog la sogs/<br>
/so so'i 'dul byed ston pa bsam mi khyab/<br>
/de bzhin yi dvags dmyal ba'i 'jig rten du/<br>
/rang rang mthun pa'i gzugs kyis don mdzad do/<br>
/de ltar 'gro 'dul rnams la ye shes gnyis/<br>
/ji lta ji snyed mkhyen pa'i rnam pa ste/<br>
/chos nyid dang ni chos can ma 'dres par/<br>
/so sor mkhyen nas gdul by'i don gnyis mdzad/<br>
/ji lt'i ye shes stong pa'i dngos mkhyen nas/<br>
/'gro la nye bar zhi ba'i chos ston zhing/<br>
/ji snyed ye shes sems dang dbang po sogs/<br>
/ma 'dres mkhyen nas chos tshul bsam yas ston/<br>
/'di ni ma dag 'gro la snang ba ste/<br>
/zhing ni 'gro drug 'jig rten drug rnams su/<br>
/ston pa 'gro 'dul rang snang mthun pa yis/<br>
/chos ni ma nges theg pa sna tshogs nyid/<br>
/dus ni gdul by'i skal pa mtshungs par snang/<br>
/de ltar 'gro drug 'jig rten drug po yang/<br>
/las dang bag chags dge sdig rgyu 'bras kyis/<br>
/bde sdug mtho dman rnam pa sna tshogs nyid/<br>
/ston pa drug kyang 'gro sems rang snang ste/<br>
/rmi lam nang gi sangs rgyas sems can bzhin/<br>
/ngo bo dag kyang rnam pa ma dag pas/<br>
/sna tshogs snang la thugs rje'i rol pa shar/<br>
/'di ni tshad med thugs rje'i sprul pa yin/<br>
/srid pa ji srid phrin las rgyun mi 'chad/<br>
/de nyid ngang las sna tshogs sprul pa'i sku/<br>
/sems med bem po'i tshul gyis snang ba ste/<br>
/ris su bris dang 'bur dang rang byon dang/<br>
/yi ge la sogs mchod pa'i rten dang ni/<br>
/padma dpag bsam shing dang skyed mos tshal/<br>
/khang bzang mchog dang kun dga'i rab dang/<br>
/sprul pa'i grong dang gru gzings zam pa dang/<br>
/mar me nor bu zas gos bzhon pa sogs/<br>
/'gro ba'i don mang byed pa'i bem por snang/<br>
/gnas skabs dga' skyid bde ba'i gnas mdzad nas/<br>
/mthar thug zhi ba'i lam la 'god pas na/<br>
/sna tshogs sprul pas 'gro don lhun gyis grub/<br>
/gdul bya med na 'dul byed dbyings su nub/<br>
/rang snang longs sku chos sku'i ngang du thim/<br>
/chu snod med na chu zla mkha' la thim/<br>
/tshes kyi dbang gis zla ba dbyings su nub/<br>
/gnam gang zla ba 'phel 'grib med pa bzhin/<br>
/gdul bya yod na sngon bzhin rim gyis snang/<br>
/'di ni 'bras bu lhun gyis grub pa yin/<br>
/de ltar zhi ba mchog gi rang bzhin gyis/<br>
/'gro kun sems nyid 'od gsal dbyings gzhol te/<br>
/srid zhi'i mthar 'dzin nyes cha'i dri ma yis/<br>
/dub pa'i sems nyid di ring ngal sos shig<br>
/rdzogs pa chen po sems nyid ngal gso las/<br>
/'bras bu lhun grub chen po'i le'u ste bcu gsum pa'o/<br><br><br>
/de ltar legs bshad bsod nams sprin chen las/<br>
/zhi bde'i rang bzhin char gyi tshogs mang pos/<br>
/sa gsum 'gro ba'i dge legs rab rgyas te/<br>
/rgyal ba'i 'byor tshogs lhun gyis grub par shog<br>
/ding sang phal gyi blo mig ma dag pas/<br>
/sngags dang pha rol phyin gzhung so so'i lam/<br>
/'gal bar 'dzin pas gcig tu sdud mi shes/<br>
/de phyir de dag phyogs re'i mig can yin/<br>
/'dir ni rgyu 'bras theg pa'i zab don mchog<br>
/gcig tu bsdus nas nyams su len pa'i thabs/<br>
/gangs ri thod dkar o rgyan rdzong gnas su/<br>
/dri med 'od zer shar bas legs par bkod/<br>
/dge ba de yis srid pa'i sems can rnams/<br>
/ma lus nyer zhi'i go 'phang mchog thob nas/<br>
/sku dang ye shes 'du 'bral med pa yis/<br>
/phyogs dus kun tu bkra shis byed par shog<br>
/rdzogs pa chen po sems nyid ngal gso zhes bya ba/<br>
/dpal o rgyan gyi slob dpon chen po blo ldan mchog sred kyis rjes su bzung ba'i rnal 'byor dri med 'od zer gyis gangs ri thod dkar gyi mgul du legs par sbyar ba rdzogs so/<br>
/dge'o, dge'o/<br>
/dge'o/<br>
<br>

===source=== 
Mr Tsultrim at Kunpen Sherig Parkhang - The Buddhist Text Input Service; maha.pitaka@msa.hinet.net 

[[Category:Wylie Texts]] [[Category:dza]][[Category:Contents]]