Difference between revisions of "Ngb-pt-0577-vol-06-text"
m (Move page script moved page /home/ec2-user/Ngb/PT-500-599/ngb-pt-0577-text.docx.wiki to Ngb-pt-0577-vol-06-text) |
|
(No difference)
|
Latest revision as of 11:43, 20 March 2020
Front[edit]
Body[edit]
སྲུངས་མས་སྲུངས་ཅིག །ས་མ་ཡ། གཏེར་རྒྱ། སྦས་རྒྱ། ཟབ་རྒྱ།། །། ཏྲ༷། ཎ་ཀྟ། རྒྱ་གར་སྐད་དུ། རྦ་དུ་ས་ཉིར་ཀ༷ བོད་སྐད་དུ། ཡང་ཏི་སྲོག་གཟེར། བཅོམ་ལྡན་འདས་བདེ་ཆེན་སྟོང་སྣང་རྫོགས་ལ་ཕྱག་འཚལ་ལོ། །དེ་ནས་ཚེ་ལོ་བྱེ་བ་ཐུབ་པའི་དུས། །མི་མཇེད་འཇིག་རྟེན་དེ་བ་དེར། །དྲུག་པ་རྡོ་རྗེ་འཆང་ཆེན་ང་། །སྒོང་ང་དག་ལ་སྐྱེས་ཚུལ་བརྟེན། །བཅུ་དྲུག་གཞོན་ཚུལ་འོད་མི་འཁྲུག །ཆགས་པས་ཆགས་པ་འདུལ་དོན་དུ། །འཁོར་དུ་མཁའ་འགྲོ་འབུམ་ཚོ་ལྔ། །གདུང་བ་བཅད་ཕྱིར་ཚིག་འདི་གསུང་། །ཨེ་མ། རིག་པ་གློང་ཆེན་ནམ་མཁའ་འདྲ། །ཉོན་མོངས་རྟོག་པ་རླུང་འཚུབ་འདྲ། །འདུལ་བྱེད་དམ་ཆོས་ཉི་མ་འདྲ། །སླར་ཡང་མེས་ཚིག་མེ་ཡི་བདུགས། །ཉོན་མོངས་གཉེན་པོར་ཉོན་མོངས་བདན། །ཕོ་ལ་བཅུ་དྲུག་མོ་ལ་བརྒྱད། །ཐབས་ཤེས་ཡབ་ཡུམ་གདན་རྫས་བསགས། །དུང་ཆེན་རི་མོ་པདྨ་རིགས། །གླང་སྣ་རིགས་ལྔ་ལོངས་སྐུ་འགྲུབ། །རྡོ་རྗེ་རིན་ཆེན་པདྨ་དང་། །ལས་དང་བདེར་གཤེགས་དཔའ་བོ་ལྔ། །བདེ་ཅན་སྤྲུལ་པའི་སྐུ་ཡང་འགྲུབ། །བདེ་ལ་སེམས་བཟུང་སྟོང་ལ་སྦྱང་། །ཕབས་བཟུང་ཟློག་དགྲམ་ལུས་གནད་བཅང་། །དྲང་བ་གོ་ཟློགས་ཐིག་ལེ་འཕེལ། །ཕྱི་ནང་གུང་སྦྱར་སྣང་སེམས་འདྲེ། །རླུད་གིས་ཡོན་ཏན་ཐམས་ཅད་འགྲུབ། །ཡི་གེས་གཞན་དོན་དཔག་མེད་བྱེད། །ཐིག་ལེས་ཕ་རོལ་