Ngb-pt-0405-vol-05-text
Front[edit]
Body[edit]
རྒྱ་གར་སྐད་དུ། ཨུ་པ་ཙིསྟ་ཛུ་ཡ་ས་མ་ཏི་ཏནྟྲ་ནཱ་མ། བོད་སྐད་དུ། མན་ངག་སྙིང་གི་དགོངས་པ་རྒྱལ་བའི་བཀའ་ཞེས་པའི་རྒྱུད། སངས་རྒྱས་འོད་མི་འགྱུར་བ་ལ་ཕྱག་འཚལ་ལོ། །འདི་སྐད་བདག་གིས་བསྟན་པའི་དུས་གཅིག་ན། །རྒྱལ་བ་འོད་ཀྱི་ཕུང་པོ་ཆེན་པོ། ཡེ་ཤེས་ཀྱི་གཞལ་མེད་ཁང་ན། རིགས་ལྔའི་སངས་རྒྱས་དང་། ཐུགས་ཀྱི་དཀྱིལ་འཁོར་འོད་གསལ་བའི་དགོངས་པ་ལ་བཞུགས་སོ། །འདི་སྐད་བདག་གིས་ཐོས་པའི་དུས་གཅིག་ན། རྒྱལ་བ་རྡོ་རྗེ་སེམས་དཔའ་ལོངས་སྤྱོད་རྫོགས་པའི་སྐུའི་ཞིང་ཁམས་ན། ཐུགས་རྗེ་རང་གི་དཀྱིལ་འཁོར། སྐུ་དང་ཡེ་ཤེས་འདུ་འབྲལ་མེད་པའི་དགོངས་པ་ལ་བཞུགས་སོ། །དེའི་ཚེ་གསང་བའི་བདག་པོས་འདི་སྐད་ཅེས་ཞུས་སོ། །ཀྱེ་ཀྱེ་བཅོམ་ལྡན་འདས་སྐུ་དང་ཡེ་ཤེས་འདུ་འབྲལ་མེད་པའི་དགོངས་པ་གསུང་དུ་གསོལ། ཞེས་ཞུས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀྱེ་གསང་བའི་བདག་པོ་ཁྱོད་མ་ཡེངས་པར་ཉོན་ཅིག །ངས་སྐུ་དང་ཡེ་ཤེས་འདུ་འབྲལ་མེད་པའི་དོན་བསྟན་ཏོ། །ཀྱེ་གསང་བའི་བདག་པོ་སངས་རྒྱས་ཆོས་ཀྱི་སྐུ་དང་ཡེ་ཤེས་ཀྱི་སྐུ་དང་། ཡེ་ཤེས་འོད་ཀྱི་སྐུ་རུ་བཞུགས་པས་མཚན་མའི་གཟུགས་སམ་མཚན་མའི་ལུས་མེད་དོ། །ཀྱེ་གསང་བའི་བདག་པོ་སངས་རྒྱས་ཀྱི་སྐུ་ལ་མཚན་མའི་གཟུགས་མེད་པ་དེ་ཡིན་ནོ། ཁྱོད་མ་ཡེངས་པར་ཉོན་ཅིག །རང་གི་ཤེས་རིག་གི་ངོ་བོ་སྟོང་སང་ངེ་བ་འདི། དངོས་པོ་དང་མཚན་མ་ཅིའི་ངོ་བོར་ཡང་མ་གྲུབ་པར་སྟོང་སང་ངེ་འདུག་པ་འདི་ཀ་ཆོས་ཉིད་ཀུན་ཏུ་བཟང་མོ་ཡིན་ནོ། །རང་གི་རིག་པ་འདི་སྟོང་པ་བདོ་ཙ་ན་སྟོང་པ་ཕྱང་ཆད་དུ་མ་སོང་བར། རང་གི་ཤེས་པ་སང་ངེ་སལ་ལེ་བ་འདི་རིག་པ་ཀུན་ཏུ་བཟང་པོ་ཡིན་ནོ། །རང་གི་རིག་པའི་ངོ་བོ་སྟོང་པ་དང་། རང་གི་ཤེས་པ་ཝལ་ལེ་བ་དབྱེར་མེད་མི་པྱེད་པར་འདུག་པ་འདི། སངས་རྒྱས་ཆོས་ཀྱི་སྐུ་ཡིན་ནོ། །རིག་པ་མ་འགགས་པར་གསལ་བ་འདི་སངས་རྒྱས་སུ་ངོ་ཤེས་ནས་རང་རང་གིས་ལོངས་སྤྱོད་པ་དེ། ལོངས་སྤྱོད་རྫོགས་པའི་སྐུ་ཡིན་ནོ། །རང་གི་ཤེས་པ་སང་ངེ་སལ་ལེ་བ་འདི། སངས་རྒྱས་ཡིན་རང་གི་ཤེས་པ་རང་རང་སངས་རྒྱས་ཡིན་ནོ། །གཞན་ལ་བསྟན་པས་གཞན་སངས་རྒྱས་པ་དེ་ཐུགས་རྗེ་སྤྲུལ་པའི་སྐུ་ཡིན་ནོ། །ཀྱེ་གསང་བའི་བདག་པོ་རང་གི་རིག་པ་གསལ་ལེ་རིག་གེ་བ་འདི་གསལ་བའི་ངོས་ནས་མེ་ལོང་ལྟ་བུའི་ཡེ་ཤེས་ཡིན་ནོ། །རིག་པ་མཚམ་མེད་པ་སྟོང་པའི་ངོས་ནས་ཆོས་ཀྱི་དབྱིངས་ཀྱི་ཡེ་ཤེས་ཡིན་ནོ། །རང་གི་རིག་པ་གསལ་སྟོང་དབྱེར་མི་ཕྱེད་པའི་ངོས་ནས། མཉམ་པ་ཉིད་ཀྱི་ཡེ་ཤེས་ཡིན་ནོ། །རང་གི་རིག་པ་དེར་ཤེས་ཀྱི་ཤེས་རབ་མི་འགག་པའི་ངོས་ནས། སོ་སོར་རྟོགས་པའི་ཡེ་ཤེས་ཡིན་ནོ། །རང་གི་རིག་པ་ཐོགས་པ་མེད་པའི་ངོས་ནས། བྱ་བ་གྲུབ་པའི་ཡེ་ཤེས་ཡིན་ནོ། རང་གི་རིག་པ་སལ་ལེ་བ་འདི་སངས་རྒྱས་ཀྱི་སྐུ་ཡིན་ནོ། །རང་གི་རིག་པ་མ་འགགས་པར་ཝལ་ལེ་བ་འདི་ཆོས་ཀྱི་ཡེ་ཤེས་ཡིན་ནོ། །སངས་རྒྱས་སྐུ་དང་ཡེ་ཤེས་འདུ་འབྲལ་མེད་པར་བཞུགས་པ་ཡིན་ནོ། །ཀྱེ་གསང་བའི་བདག་པོ་རང་གི་ཤེས་རིག་གི་ངོ་བོ་སལ་ལེ་བ་འདི་སངས་རྒྱས་སུ་ངོ་ཤེས་ནས། རང་གི་རིག་པ་རང་ལ་རང་བལྟ་བ་དེ་སངས་རྒྱས་ཀྱི་དགོངས་པ་ལ་འཇོག་པ་ཡིན་ནོ། །ཞེས་གསུངས་སོ། །མན་ངག་སྙིང་གི་དགོངས་པ་རྒྱལ་བའི་བཀའ་ཞེས་བྱ་བའི་རྒྱུད་ལས། སྐུ་དང་ཡེ་ཤེས་འདུ་འབྲལ་མེད་པའི་གླེང་གཞིའི་ལེའུ་སྟེ་དང་པོའོ།། །།དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ། །ཀྱེ་ཀྱེ་བཅོམ་ལྡན་འདས་སངས་རྒྱས་སྐུ་དང་ཡེ་ཤེས་རང་ལ་ཇི་ལྟར་དུ་བཞུགས་ཞེས་ཞུས་པས། བཅོམ་ལྡན་འདས་ཀྱིས་བཀའ་སྩལ་པ། ཀྱེ་གསང་བའི་བདག་པོ་ཁྱོད་ཉོན་ཅིག །སེམས་ཅན་ཐམས་ཅད་ལ་རང་རང་གི་སྙིང་དཀྱིལ་ན། ཆོས་ཀྱི་དབྱིངས་ཀྱི་ཡེ་ཤེས་སྐུ་མདོག་མཐིང་གར་བཞུགས་སོ། །མེ་ལོང་ལྟ་བུའི་ཡེ་ཤེས་དཀར་པོར་བཞུགས་སོ། །མཉམ་པ་ཉིད་ཀྱི་ཡེ་ཤེས་སེར་པོར་བཞུགས་སོ། །སོ་སོར་རྟོགས་པའི་ཡེ་ཤེས་དམར་པོར་བཞུགས་སོ། །བྱ་བ་གྲུབ་པའི་ཡེ་ཤེས་ལྗང་གུར་བཞུགས་སོ རང་རང་གི་སྙིང་གི་དཀྱིལ་ན། སངས་རྒྱས་ཐམས་ཅད་ཀྱི་མེས་པོ། སངས་རྒྱས་འོད་ཀྱི་ཕུང་པོ་ཆེན་པོར་བཞུགས་སོ། །ཀྱེ་གསང་བའི་བདག་པོ་རང་གི་མིག་རྡོ་རྗེ་སེམས་དཔའི་མེ་ལོང་ལ་བཙུག་ནས་བསྟན་ན།སངས་རྒྱས་འོད་མི་འགྱུར་བའི་སྐུ་ཆ་ཕྲ་ལ་དངས་པ། གསལ་ལ་འཚེར་བ། རང་བཞིན་སྟུག་ལ་ཉམ་ང་བ། མཛེས་པའི་འོད་ཟེར་འཕྲོ་བ་མངོན་སུམ་དུ་མེར་མེར་འཆར་རོ། །ཀྱེ་རྡོ་རྗེ་འཛིན་པ་ཆེན་པོ། རང་རང་གི་ཙིསྟའིདཀྱིལནརིག་པ་ཀུན་ཏུ་བཟང་པོའི་གདངས་ལས་མཚན་ཉིད་འཛིན་པའི་ཀུན་ཏུ་བཟང་པོ་སྐུ་མདོག་དཀར་པོར་བཞུགས་སོ། །ཆོས་ཉིད་ཀུན་ཏུ་བཟང་མོའི་གདངས་ལས། མཚན་ཉིད་འཛིན་པའི་ཀུན་ཏུ་བཟང་མོ་སྐུ་མདོག་མཐིང་གར་བཞུགས་སོ། །ཀུན་བཟང་ཡབ་ཡུམ་གཉིས་ཀྱི་སྐུ་རུ་རང་གི་སྙིང་གི་དཀྱིལ་ན་བཞུགས་སོ། །དབུས་རྣམ་པར་སྣང་མཛད་སྐུ་མདོག་མཐིང་ག་སེང་གེའི་གདན་ལ་བཞུགས་པ། ཕྱག་ན་འཁོར་ལོ་རྩིབས་བརྒྱད་པ་བསྣམས་པ། ཡུམ་ནམ་མཁའ་དབྱིངས་ཕྱུག་མ་དང་། ཀུན་ཏུ་ཞལ་ཡབ་ཡུམ་ཞལ་སྦྱར་ནས། རང་རང་གི་སྙིང་གི་དཀྱིལ་ན་བཞུགས་སོ། །རྡོ་རྗེ་སེམས་དཔའ་སྐུ་མདོག་དཀར་པོ་ཕྱག་ན་རྡོ་རྗེ་རྩེ་ལྔ་བསྣམས་པ། གླང་པོ་ཆེའི་གདན་ལ་བཞུགས་པ། ཡུམ་སངས་རྒྱས་སྤྱན་དང་ཞལ་སྦྱོར་ནས་ཡོད་དོ། །བྱང་ཆུབ་སེམ་ས་དཔའ་སའི་སྙིང་པོ་དང་། བྱམས་པ་མི་ཏྲི་གཉིས། སེམས་མ་ལྭ་སེ་མ་དང་། མྱ་ལེ་མ་གཉིས་ཀྱིས་བསྐོར་ནས། རངགིཙིསྟའིཤརནབཞུགས་སོ། །རིན་ཆེན་འབྱུང་ལྡན་སྐུ་མདོག་སེར་པོ། །ཕྱག་ན་ནོར་བུ་རིན་པོ་ཆེ་བསྣམས་པ། རྟ་མཆོག་གི་གདན་ལ་བཞུགས་པ། ཡུམ་མྱ་མ་ཀི་དང་ཞལ་སྦྱོར་ནས་བཞུགས་སོ། །བྱང་ཆུབ་སེམས་དཔའ་ནམ་མཁའི་སྙིང་པོ་དང་། ཀུན་ཏུ་བཟང་པོ་གཉིས། སེམས་མ་གིརྟི་མ་དང་། ནིརྟི་མ་གཉིས་ཀྱིས་བསྐོར་ནས་རང་རང་གི་ཙིསྟའིལྷོནབཞུགས་སོ། །སྣང་བ་མཐའ་ཡས་སྐུ་མདོག་དམར་པོ་ཕྱག་ན་པདྨ་འདབ་བརྒྱད་བསྣམས་པ། རྨ་བྱའི་གདན་ལ་བཞུགས་པ། ཡུམ་གོས་དཀར་མོ་དང་ཞལ་སྦྱོར་ནས་ཡོད་དོ། །བྱང་ཆུབ་སེམས་དཔའ་སྤྱན་རས་གཟིགས་དང་། འཇམ་དཔལ་གཉིས། སེམས་མ་དྷ་པེ་མ་དང་། པྲསྤྲོ་མ་གཉིས་ཀྱིས་བསྐོར་ནས། རང་གིཙིསྟའི་ནུབ་ན་བཞུགས་སོ། །དོན་ཡོད་གྲུབ་པ་སྐུ་མདོག་ལྗང་གུ། ཕྱག་ན་རྡོ་རྗེ་རྒྱ་གྲམ་བསྣམས་པ། ནམ་མཁའ་ལྡིང་གི་གདན་ལ་བཞུགས་པ། ཡུམ་དམ་ཚིགི་སྒྲོལ་མ་དང་ཞལ་སྦྱོར་ནས་འོང་ངོ་། །བྱང་ཆུབ་སེམས་དཔའ་ཕྱག་ན་རྡོ་རྗེ་དང་། སྒྲིབ་པ་རྣམ་པར་སེལ་བ་གཉིས། སེམས་མ་ཨུ་ལོ་ཀེ་དང་། གརྙེ་མ་གཉིས་ཀྱིས་བསྐོར་ནས། རང་གི་ཙིསྟའི་བྱང་ན་བཞུགས་སོ། །རངགིཙིསྟའི་ཤར་ན་ཁྲོ་བོ་རྣམ་པར་རྒྱལ་བ་དང་། སྒོ་མ་ལྕགས་ཀྱུ་མ་ཞལ་སྦྱར་ནས་ཡོད་དོ། །རངགིཙིསྟའི་ལྷོ་ན་ཁྲོ་བོ་གཤིན་རྗེ་གཤེད་པོ་དང་། སྒོ་མ་ཞགས་པ་མ་ཞལ་སྦྱོར་ནས་ཡོད་དོ། །རངགིཙིསྟའིནུབནཁྲོབོ་རྟ་མགྲིན་དང་། སྒོ་མ་ལྕགས་སྒྲོག་མ་ཞལ་སྦྱོར་ནས་ཡོད་དོ། །རངགིཙིསྟའིབྱངནཁྲོབོ་བདུད་རྩི་འཁྱིལ་པ་དང་། སྒོ་མ་དྲིལ་བུ་མ་གཉིས་ཞལ་སྦྱོར་ནས་ཡོད་དོ། །རང་གི་ཙིསྟའི་དཀྱིལ་ན་ཞི་བའི་སྐུ་ཐམས་ཅད་ཉུང་འབྲུ་ཙམ་ལ་སྤྱན་ཕུལ་ཐག་དང་བཅས་པ་ཙམ་དུ་བཞུགས་སོ། །རང་གི་སྤྱི་གཙུག་བདེ་བ་ཆེན་པོའི་འཁོར་ལོའི་རྩ་ན། རང་བྱུང་སངས་རྒྱས་དབང་པོ་བརྒྱ་བྱིན་བཞུགས་སོ། །རང་གི་ལྟག་པའི་རྩ་བ་མིན་གྱི་རྭ་ལྟ་བུའི་ནང་ན། རང་བྱུང་གི་ཐགས་བཟང་རིས་བཞུགས་སོ། །རང་གི་སྙིང་གི་སྲོག་པ་རྩའི་ཤེལ་གྱི་སྐྲུབས་ན། རང་བྱུང་གི་ཤཱཀྱ་ཐུབ་པ་བཞུགས་སོ། །རང་གི་ལྟེ་བ་སྤྲུལ་པའི་འཁོར་ལོའི་དཀྱིལ་ན། རང་བྱུང་གི་སངས་རྒྱས་རབ་ཏུ་བརྟན་པ་བཞུགས་སོ། །རང་གི་གསང་བ་བདེ་བསྐྱེད་ན། རང་བྱུང་གི་ཁ་འབར་མ་བཞུགས་སོ། །རང་གི་རྐང་པའི་རྩ་བ་ཞག་འཁྱིལ་པའི་ནང་ན། རང་བྱུང་གི་ཨ་བ་གླང་མགོ་ཅན་བཞུགས་སོ། །རངགིཙིསྟའི་དཀྱིལན་ཞི་བའི་ལྷ་ཚོགས་བཞུགས་ཚུལ་བསྟན་པའི་ལེའུ་སྟེ་གཉིས་པའོ།། །།ཀྱེ་གསང་བའི་བདག་པོ་ཁྲོ་བོའི་སངས་རྒྱས་ཐམས་ཅད་རང་རང་གི་ཀླད་པ་དུང་གི་གཞལ་ཡས་ཁང་ན། སྡོང་པོ་ལས་མེ་ཏོག་རྒྱས་པ་ལྟར་དུ་བཞུགས་སོ། །བཅོམ་ལྡན་འདས་དཔལ་བཛྲ་ཧེ་རུ་ཀ་ཞེས་བྱ་བ། སྐུ་མདོག་མཐིང་ནག་དབུ་གསུམ་པ། ཞལ་གཡས་དཀར་བ། གཡོན་དམར་བ།དབུས་མཐིང་ནག་ལ། ཞབས་བཞི་གྱད་ཀྱི་དོར་སྟབས་སུ་བཞུགས་པ། ཕྱག་དྲུག་པ་གཡས་ཀྱི་དང་པོ་ན་རྡོ་རྗེ་འབར་བ་དང་། བར་མ་ན་རལ་གྲི་བསྣམས་པ། ཐ་མ་ན་བྷརྙ་དང་དགྲ་སྟུ་བསྣམས་པ། གཡོན་གྱི་དང་པོ་ན་དྲིལ་བུ་དང་། བར་མ་ན་བྷརྙ་དམར་གྱིས་བཀང་བ། ཐ་མ་ན་ཐོང་གཤོལ་བསྣམས་པ། ཡུམ་བཛྲ་ཀྲོ་དྷི་མ་ཡབ་ཀྱི་སྐུ་ལ་འཁྲིལ་བ། མགུལ་ནས་འཁྱུད་པ། ཞལ་དུ་སྟོབ་པ། རང་གི་ཀླད་པ་དུང་ཁང་གི་དཀྱིལ་ན་བཞུགས་སོ། །བཅོམ་ལྡན་འདས་དཔལ་བུརྙ་ཧེ་རུ་ཀ་སྐུ་མདོག་སྨུག་ནག །དབུ་གསུམ་པ། གཡས་དཀར་བ། གཡོན་དམར་བ། དབུས་སྨུག་ནག་ཞབས་བཞི་གྱད་ཀྱི་དོར་སྟབས་སུ་བཞུགས་པ།ཕྱག་དྲུག་པ། གཡས་ཀྱི་དང་པོ་ན་འཁོར་ལོ། བར་པ་ན་དགྲ་སྟུ། ཐ་མ་ན་རལ་གྲི་བསྣམས་པ། གཡོན་གྱི་དང་པོ་ན་དྲིལ་བུ་དང་། བར་བ་པ་ན་བྷརྙ་དམར་གྱིས་བཀང་བ། ཐ་མ་ན་ཐོང་གཤོལ་བསྣམས་པ། ཡུམ་བྲརྙ་ཀྲོ་དྷི་ཤྭ་རྡི་མ་ཡབ་ལ་འཁྲིལ་བ། མགུལ་ནས་འཁྱུད་པ། ཞལ་དུ་སྟོབ་པ། རང་གི་ཀླད་པ་དུང་ཁང་གི་ཤར་ན་བཞུགས་སོ། །བཅོམ་ལྡན་འདས་དཔལ་རཏྣ་ཧེ་རུ་ཀ་སྐུ་མདོག་སེར་ནག་དབུ་གསུམ་པ། ཞལ་གཡས་དཀར་བ། གཡོན་དམར་བ། དབུས་སེར་ནག །ཞབས་བཞི་གྱད་ཀྱི་དོར་སྟབས་སུ་བཞུགས་པ། ཕྱག་དྲུག་པ། གཡས་ཀྱི་དང་པོ་ན་རིན་པོ་ཆེ་འབར་བ་བསྣམས་པ། བར་པ་ན་ཁ་ཊ༷་ག །ཐ་མ་ན་བེ་ཅོན་བསྣམས་པ། གཡོན་པ་དང་པོ་ན་དྲིལ་བུ། བར་པ་ན་བྷརྙ་དམར་གྱིས་བཀང་བ། ཐ་མ་ཏྲི་ཤཱལདངཐོངགཤོལབསྣམས་པ། ཡུམ་རཏྣ་ཀྲོ་དྷི་མ་ཡབ་ཀྱི་སྐུ་ལ་འཁྲིལ་བ་མགུལ་ནས་འཁྱུད་པ། ཞལ་དུ་སྟོབ་པ། ཁུ་ཚུར་གདེངས་པ། རང་གི་ཀླད་པ་དུང་ཁང་གི་ལྷོ་ན་བཞུགས་སོ། །བཅོམ་ལྡན་འདས་དཔལ་པདྨ་ཧེ་རུ་ཀ་སྐུ་མདོག་དམར་ནག་དབུ་གསུམ་པ། ཞལ་གཡས་དཀར་བ་། གཡོན་དམར་བ། དབུས་དམར་ནག་ལ།ཞབས་བཞི་གྱད་ཀྱི་དོར་སྟབས་སུ་བཞུགས་སོ། །ཕྱག་དྲུག་པ། གཡས་ཀྱི་དང་པོ་ན་པདྨ། བར་པ་ན་ཁ་ཊ༷་ག །ཐ་མ་ན་དབྱུག་ཏོ་བསྣམས་པ། གཡོན་དང་པོ་ན་དྲིལ་བུ། བར་མ་ན་བྷརྙ་དམར་་གྱིས་བཀང་བ། ཐ་མ་ན་རྔེ་ཆུང་བསྣམས་པ། ཡུམ་པདྨ་ཀྲོ་དྷི་མ་ཡབ་ལ་འཁྲིལ་བ། མགུལ་ནས་འཁྱུད་པ། ཞལ་དུ་སྟོབ་པ། གཡས་པ་རཀྟ་སྦྲེང་བ། རང་གི་ཀླད་པ་དུང་ཁང་གི་ནུབ་ན་བཞུགས་སོ། །བཅོམ་ལྡན་འདས་དཔལ་ཀརྨ་ཧེ་རུ་ཀ་སྐུ་མདོག་ལྗང་ནག་དབུ་གསུམ་ལ། ཞལ་གཡས་དཀར་བ། གཡོན་དམར་བ། དབུས་ལྗང་ནག །ཞབས་བཞི་གྱད་ཀྱི་དོར་སྟབས་སུ་བཞུགས་པ། ཕྱག་དྲུག་པ། གཡས་ཀྱི་དང་པོ་ན་རལ་གྲི། བར་པ་ན་ཁ་ཊ༷་ག །ཐ་མ་ན་དབྱུག་ཏོ། །གཡོན་གྱི་དང་པོ་ན་དྲིལ་བུ། བར་པ་ན་བྷརྙ་དམར་གྱིས་བཀང་བ། ཐ་མ་ན་ཐོང་གཤོལ་བསྣམས་པ། ཡུམ་ཀརྨ་ཀྲོ་དྷི་ཤྭ་རྡི་མ་ཡབ་ལ་འཁྲིལ་བ། མགུལ་ནས་འཁྱུད་པ། ཞལ་དུ་སྟོབ་པ། ཁུ་ཚུར་འཆང་བ། རང་རང་གི་ཀླད་པ་དུང་ཁང་གི་གཞལ་ཡས་ཁང་གི་བྱང་ན་བཞུགས་སོ། །ཀྱེ་གསང་བའི་བདག་པོ། ཤར་ན་ཀོའུ་རི་མ་དཀར་མོ། ཕྱག་གཡས་ན་ཞིང་དབྱུག་ཐོགས་པ། གཡོན་པ་ན་བྷརྙ་དམར་གྱིས་བཀང་བ་བསྣམས་པ། ལྷོ་ན་ཙོའུ་རྡི་སེར་མོ། །ཕྱག་ན་མདའ་གཞུ་འགེངས་པ། ནུབ་ན་པྲ་མོ་དམར་མོ། ཕྱག་གཡས་ན་ཆུ་སྲིན་གྱི་རྒྱལ་མཚན་འཕྱར་བ། གཡོན་པ་བྷསྟོ་དམར་གྱིས་བཀང་བ་བསྣམས་པ། བྱང་ན་བེ་ཏ་ལི་ནག་མོ། གཡས་པ་རྡོ་རྗེ་བསྣམས་པ། གཡོན་པ་བྷརྙ་དམར་གྱིས་བཀང་བ་བསྣམས་པ། ཤར་ལྷོ་མཚམས་ན་པུསྐ་དམར་སེར་གཡས་པ་རྒྱུ་མ་གཟེངས་ནས། གཡོན་པས་ཞལ་དུ་འཛུད་པ། ལྷོ་ནུབ་མཚམས་ན་བྷསྨ་ལྗང་སེར། གཡོན་པ་བྷརྙ་ཁྲག་གིས་བཀང་བ་བསྣམས་པ། གཡས་པ་སྡིགས་མཛུབ་འབར་བས་ཞབྲུགས་ཤིང་རྔམ་པའི་ཚུལ་གྱིས་ཞལ་དུ་སྟོབ་པ་དང་། ནུབ་བྱང་མཚམས་ན་ཙརྙ་ལི་སེར་སྐྱགཡས་ན་ཙིསྟ་བསྣམས་པ། གཡོན་པས་ལུས་ཟ་བ་དང་། བྱང་ཤར་མཚམས་ན་སྨེ་ཤ་ཅན་སེར་མཐིང་ནག མགོ་ལུས་ཕྲལ་ནས་ཟ་བ་དང་ཁྲག་ལྡག་པ་ཡང་ཡོད་དོ། །གནས་ཀྱི་ཀོའུ་རི་མ་བརྒྱད་པོ་དེས་ཁྲག་འཐུང་ཡུམ་ལྔ་ལ་བསྐོར་ནས། རང་གི་ཀླད་པ་དུག་ཁང་གི་ནང་ནས་ད་ལྟ་མངོན་སུམ་དུ་བཞུགས་སོ། ཁྲོ་བོའི་སྐུ་ཉུང་འབྲུ་ཙམ་ལ་སྤྱན་ཕུལ་ཐག་ཙམ་དུ་རང་གི་ཀླད་པའི་ནང་ན་བཞུགས་སོ། །དེའི་ཕྱི་རིམ་ཀླད་པ་དུང་ཁང་གི་ཤར་ན་སིང་ཧ་མ་སྨུག་ནག་ལག་པ་གཉིས་བྲང་ཁར་བསྣོལ་ནས། ཁའི་ནང་དུ་རོ་ཐོགས་ནས་རལ་པ་གསིག་པ་ཡོད་དོ། །ཀླད་པ་དུང་ཁང་གི་ལྷོ་ན། བྱུ་སྣྲི་མུ་ཁ་དམར་མོ་སྟག་གི་མགོ་ཅན། ལག་གཉིས་ཐུར་དུ་བསྣོལ་ནས། མིག་འབྲུ་ཚུགས་སུ་བལྟ་བ་དང་། མཆེ་བ་གཉེར་པ་ཡང་ཡོད་དོ། །ནུབ་ན་སྲི་ལ་མུ་ཁ་སྨུག་ནག་ཝའི་མགོ་ཅན། ལག་པ་གཡས་པ་སྐྲུ་གྲི་ཐོགས་པ། གཡོན་པ་རྒྱུ་མ་ཟ་ཞིང་ཁྲག་ལྡག་པ་ཡང་ཡོད་དོ། །བྱང་ན་ཤཱ་ན་མུ་ཁ་སྐུ་མདོག་མཐིང་ནག་སྤྱང་མོའི་མགོ་ཅན། ལག་པ་གཉིས་རོ་ཁ་ཕྱེ་ནས་མིག་འབྲུ་ཚུགས་སུ་བལྟ་བ་དང་། དུང་ཁང་གི་ཤར་ལྷོ་མཚམས་ན། ཀྲི་ཏ་མུ་ཁ་བྱ་རྒོད་མགོ་ཅན། སྐུ་མདོག་དམར་སེར། ཞིང་ཆེན་ཕྲག་ལ་བཀལ་ནས། ཀེང་རུས་ལག་ན་ཐོགས་པ་ཡོད་དོ། །དུང་ཁང་གི་ལྷོ་ནུབ་མཚམས་ན། ཀ༷་ཀ་མུ་ཁ་དམར་ནག་ཀ༷་ཀའི་མགོ་ཅན། ཞིང་ཆེན་འཕྲག་ལ་ཁུར་བ་ཡོད་དོ། །དུང་ཁང་གི་ནུབ་བྱང་མཚམས་ན་ཁ་ཁ་མུ་ཁ་སྐུ་མདོག་ནག་མོ་བྱ་རོག་མགོ་ཅན། ཕྱག་གཡོན་པ་བྷརྙ་ཐོགས་པ། གཡས་པ་རལ་གྲི་ཐོགས་པ་གློ་སྙིང་ཟ་བ་དང་། ཁྲག་ལྡག་པ་ཡོད་དོ། །བྱང་ཤར་མཚམས་ན་ཧུ་ལུ་མུ་ཁ་འུག་པའི་མགོ་ཅན། སྐུ་མདོག་མཐིང་ནག་གཡས་པ་རྡོ་རྗེ་ཐོགས་པ། ཡུལ་གྱི་སེང་ཧ་མ་བརྒྱད་པོ་དེས། ཁྲག་འཐུང་ཡབ་ལྔ་ལ་བསྐོར་ནས། རང་རང་གི་ཀླད་པ་དུང་ཁང་གི་ནང་ན་ད་ལྟ་བཞུགས་སོ། །རྟའི་མགོ་ཅན་སྐུ་མདོག་དཀར་མོ། །ཕྱག་གཡས་ན་ལྕགས་ཀྱུ་འཛིན་པ། གཡོན་པ་བྷརྙ་དམར་གྱིས་བཀང་བ་བསྣམས་པ། རང་རང་གི་དུང་ཁང་གི་ཤར་ན་བཞུགས་སོ། །ཕག་པའི་མགོ་ཅན་སྐུ་མདོག་སེར་མོ། ཕྱག་གཡས་པ་རྒྱུ་མའི་ཞགས་པ་འཛིན་པ། གཡོན་པ་བྱ་རྒོད་ཀྱི་མཆེ་བ་བསྣམས་པ། ཕག་གདོང་ཞགས་པ་མ་དུང་ཁང་གི་ལྷོ་ན་བཞུགས་སོ། །སེང་གེའི་མགོ་ཅན་སྐུ་མདོག་དམར་མོ། ཕྱག་གཉིས་ལྕགས་སྒྲོག་བསྣམས་པས་དབང་དུ་སྡུད་པ། སེང་གདོང་ལྕགས་སྒྲོག་མ་དུང་ཁང་གི་ནུབ་ན་བཞུགས་སོ། །སྐྲུལ་གྱི་མགོ་ཅན་སྐུ་མདོག་ལྗང་གུ། ཕྱག་ན་དྲིལ་བུ་བསྣམས་པ། སྤྲུལ་མགོ་རྡོ་རྗེ་དྲིལ་བུ་མ་ཞེས་བྱ་བ་དང་། རང་གི་དུང་ཁང་གི་བྱང་ན་བཞུགས་སོ། །ཀྱེ་གསང་བའི་བདག་པོ་རང་རང་གི་ཀླད་ཕོར་དུང་ཁང་གི་ནང་ན། ཧེ་རུ་ཀ་དྲག་པོའི་ལྷ་རང་བྱུང་གི་ལྷ་སུམ་ཅུ་ཐམ་པའི་ཕྱི་རོལ་ན་ཀླད་རྒྱ་དང་གཉིས་ཀྱི་མཚམས་ན། དབང་ཕྱུག་མ་རྣམས་གནས་པ་ནི། སྲིན་མོ་སྨུག་ནག་ཕྱག་ན་རྡོ་རྗེ་ཐོད་ཁྲག་བསྣམས་པ་ཡོད་དོ། །ཚངས་པ་སེར་མོ་ལག་ན་པདྨ་ཐོགས་པ་དང་། ལྷ་ཆེན་དཀར་ལྗང་རྡོ་རྗེ་ཐོགས་པ་དང་། གཏོགས་འདོད་སྔོན་མོ་འཁོར་ལོ་འཛིན་པ་དང་།དགའ་བ་མ་སེར་མོ་སྐྲུ་གྲི་ཐོགས་པ་དང་། གཞོན་ནུ་དམར་མོ་མདུང་ཐུང་འཕེན་པ་དང་། རྡོ་རྗེ་ནག་མོ་ལྕགས་ཀྱུ་བསྣམས་པ་དང་། མ་བདུན་ཤར་ན་བཞུགས་སོ། །བརྒྱ་བྱིན་དཀར་མོ་རྒྱུ་ཞགས་་ཐོགས་པ་དང་། ཞི་བ་དམར་མོ་བུམ་པ་ཐོགས་པ་དང་། བདུད་རྩི་དམར་མོ་པདྨ་བསྣམས་པ་དང་། ཟླ་བ་དཀར་མོ་རྡོ་རྗེ་འཛིན་པ་དང་། བེ་ཅོན་ལྗང་ནག་དབྱུག་ཏོ་འཕྱར་བ་དང་། སྲིན་མོ་དམར་མོ་ཐོད་ཁྲག་འཐུང་བ་དང་། རྡོ་རྗེ་སེར་མོ་ར་མགོ་མ་ཞགས་པ་བསྣམས་པ་དང་། མ་མདུན་ལྷོ་ན་བཞུགས་སོ། །ཟ་བ་ལྗང་ནག་བེ་ཅོན་ཐོགས་པ་དང་། དགའ་བ་དམར་མོ་ཁོག་ཆེན་འཛིན་པ་དང་། སྟོབས་ཆེན་དཀར་མོ་དབྱུག་ཏོ་ཐོགས་པ་དང་། སྲིན་མོ་རྡོ་རྗེ་སྐྲུ་གྲི་འཛིན་པ་དང་། འདོད་པ་དམར་མོ་མདའ་གཞུ་འགེངས་པ་དང་། ནོར་སྲུང་ལྗང་མོ་བུམ་པ་འཛིན་པ་དང་། རྡོ་རྗེ་དམར་མོ་ལྕགས་སྒྲོག་བསྣམས་པ་དང་། མ་མདུན་ནུབ་ན་བཞུགས་སོ། །རླུད་ལྷ་སྔོ་སྐྱ་བ་དན་འཕྱར་བ་དང་། མི་མོ་དམར་སེར་བསལ་ཤིང་འཛིན་པ་དང་། ཕག་མོ་ནག་མོ་མཆེ་ཞགས་སྡོམ་པ་དང་། རྡོ་རྗེ་དམར་མོ་ཞིང་ཆུང་འཛིན་པ་དང་། སྣ་ཆེན་ལྗང་ནག་ཐོད་ཁྲག་འཐུང་བ་དང་། ཆུ་ལྷ་སྔོན་མོ་སྦྲུལ་ཞགས་བསྣམས་པ་དང་། རྡོ་རྗེ་ལྗང་ནག་དྲིལ་བུ་བསྣམས་པ་དང་། མ་བདུན་བྱང་ན་བཞུགས་སོ། །དབང་ཕྱུག་མ་ཉི་ཤུ་རྩ་བརྒྱད། ཧེ་རུ་ཀ་དྲག་པོའི་ལྷ་རང་བྱུང་གི་སྐུའི་རྩལ་ལས་རང་འཆར་རོ། །ཀྱེ་གསང་བའི་བདག་པོ། ཞི་བའི་སངས་རྒྱས་ཐམས་ཅད་རང་གི་སྙིང་གི་དཀྱིལ་ན། སྐུ་ཉུང་འབྲུ་ཙམ་ལ་མཁྱེན་པ་མ་འགགས་པར། སྤྱན་ཕུལ་ཐག་ཆད་པ་ཙམ་དུ་བཞུགས་སོ། ཁྲོ་བོའི་སངས་རྒྱས་ཐམས་ཅད་སྐུ་ཉུང་འབྲུ་ཙམ་ལ།ཕྲིན་ལས་ཀྱི་རྩལ་མ་འགགས་པར། སྤྱན་ཕུལ་ཐག་ཆད་པ་ཙམ་དུ་བཞུགས་སོ། །ཞེས་གསུངས་སོ། །མན་ངག་སྙིང་གི་དགོངས་པ་རྒྱལ་བའི་བཀའ་ལས་རང་རང་གི་ལུས་ལ་སངས་རྒྱས་ཀྱི་བཞུགས་ཚུལ་བསྟན་པའི་ལེའུ་སྟེ་གསུམ་པའོ།། །།དེ་ནས་ཡང་གསང་བའི་བདག་པོས་འདི་སྐད་ཅེསཞུས་སོ། །ཀྱེ་ཀྱེ་བཅོམ་ལྡན་འདས་མ་རིག་པའི་སེམས་ཅན་གྱི་སྐུ་དང་ཡེ་ཤེས་རང་ལ་ཤར་བ་དེ་ངོ་ཇི་ལྟ་བ་དུ་མ་ཤེསཔ་ལགསཞེས་ཞུས་པས། བཅོམ་ལྡན་འདས་ཀྱིས་བཀའ་སྩལ་པ། ཀྱེ་གསང་བའི་བདག་པོ། མལ་གྱི་ཐ་མརནི་ཉལ། གོས་ཀྱི་ཐ་མར་ནི་བགོས། ཟས་ཀྱི་ཐ་མར་ནི་ཟ། སྐོམ་གྱི་ཐ་མར་ནི་འཐུང་། གཏམ་གྱི་ཐ་མ་ནི་སྨྲ་བའི་དུས་དེར། རང་ལ་འཆི་བའི་སྡུག་བསྔལ་དྲག་པོ་འོང་ངོ་། །རང་གི་དབུགས་ངརངརཕར་འགྲོ་ཚུར་འགྲོ་བྱེད་པའིདུསདེར། ཉེ་བ་དང་འབྲེལ་བ་ན་རེ་ཁྱོད་ནི་ན་ད་ངེད་ཙུག་ཅི་བྱེད་ཟེར་བའི་དུས་སུ། ཉེ་བ་དང་འབྲེལ་པས་གདུང་བའི་སྨྲེ་སྔགས་བཏོན་ཏོ། །དེ་ཙམ་ན་ད་རེས་ངས་མི་ཐར་པ་འདུག་པ་ཙུགབྱེདན་སྙམ་པའི་སྡུག་བསྔལ་མིབཟོད་པ་ཡོང་ངོ་། །ངས་སྡུག་ཅིར་བྱས་ནས་བསགསཔ་ལས་ས་སྙམ་ནས། ནོརརྫསདོརབའི་སྡུག་བསྔལ་མི་བཟོད་པ་ཡོང་ངོ་། །སྔ་མའི་ལུས་མི་འདྲ་བར་སོང་ནས། རང་གི་ལག་མགོདང་ཁ་ལྕེ་ཡང་མི་འགྱུར་བར་སོངབའི་དུསསུ། ལུས་ཀྱི་ཉམས་སོ་བྲི་བའི་སྡུག་བསྔལ་ཡོང་ངོ་། །ང་ཤི་ནས་ཅིར་སྐྱེ་ན་སྙམ་པའི་ཕུང་པོ་ཉིང་མཚམས་སྦྱར་བའི་སྡུག་བསྔལ་དྲག་པོ་མི་བཟོད་པ་ཡོང་ངོ་། །ཀྱེ་གསང་བའིབདག་པོ། སེམས་ཅན་ཐམས་ཅད་སྐྱེས་པ་དང་ཉིན་མཚན་མེད་པར་ཚེ་རྐུ་བས་མི་སྡོད་པར་འགྲོའོ། །ད་རེས་ཤི་ནས་འདིར་མི་ཡོང་བར་མི་སྡོད་པར་འགྲོའོ། །སང་ནང་པར་མི་ཤི་བའི་དཔེ་མེད་པས་མགྱོགས་པར་འགྲོའོ། །ཆ་མེད་ཀྱི་ཡུལ་དུ་འགྲོ་བས་ལམ་རྒྱུས་མེད་པར་འགྲོའོ། །ད་ད་ཙུག་བྱེད་ན་སྙམས་ནས་སྙིང་མི་དགའོ། །གཤིན་རྗེའི་སྐུངས་སར་འགྲོ་བས་འཇིགས་པ་ཆེའོ། །སྐྱེལ་མ་མི་རྙེད་པས་མགོན་སྐྱབས་མེད་དོ། །རང་དགེ་སྡིག་གཉིས་ལས་མི་ཤོང་བས་འཕྲང་དོག་གོ །ལམ་དེ་ལ་ཐམས་ཅད་མི་འགྲོ་མི་སྲིད་པས་བཟུར་ས་མེད་དོ། །ཀྱེ་གསང་བའི་བདག་པོ། རང་གི་སེམས་གློ་བ་ནས་འཐོན་ནས། དབུགས་སྣ་སྒོར་ཆད་པའི་ཚེ། ཆོས་ཉིད་དག་པའི་སྣང་བ་ཕྲ་ལ་དངས་པ། གསལ་ལ་འཚེར་བ། རང་བཞིན་བཀྲག་པ། མཛེས་པའི་འོད་ཟེར་ཕྱོགས་བཅུར་འཕྲོ་བ། ཉམ་ང་བ་སོས་ཁའི་ཐང་ལ། སྨིག་རྒྱུ་རྒྱུ་བ་བཞིན་དུ་མེ་རེ་རེ། རང་སྣང་འོད་དང་སྐུ་རུ་འཆར་རོ། །དེ་ལ་མ་འཇིགས་ཤིག །འོད་ཀྱི་ནང་ཐམས་ཅད་ནས་ཆོས་ཉིད་ཀྱི་རང་སྒྲ་འབྲུག་སྟོང་ལྡིར་བ་ཙམ། སྒྲ་གྲག་ལ་ལྡིར་ཆེ་བ། དི་རི་རི་བ་ཡོང་ངོ་། །དེ་ལ་མ་དངངས་ཤིག །འོད་ལས་ཟེར་མཚོན་ཆའི་ཆར་པ་འབབས་པ་འདྲ་བ། མཚོན་ཆ་སྣ་ཚོགས་སུ་ཟིང་ཟིང་བ་ཡོང་ངོ་། །དེ་ལ་མ་སྐྲག་ཅིག །ཀྱེ་གསང་བའི་བདག་པོ། ད་ལྟ་ངོ་མ་སྤྲད་ན། སྒོམ་སྒྲུབ་ཇི་ལྟར་བྱས་ཀྱང་། གདམས་པ་དང་མི་འཕྲད་པས། འོད་ཀྱིས་འཇིགས་སོ། །སྒྲས་དངངས་སོ། །ཟེར་གྱིས་སྐྲག་གོ །གདམས་པའི་གནད་མ་ཤེས་ན།སྒྲ་འོད་ཟེར་དང་གསུམ་མ་ཤེས་ན་འཁོར་བར་འ་་མོ། །ཀྱེ་གསང་བའི་བདག་པོ། བཅོམ་ལྡན་འདས་དཔལ་ཆེན་པོ་ཤི་བུརྙ་ཧེ་རུ་ཀ །སྐུ་མདོག་སྨུག་ནག་དབུ་གསུམ་པ། ཕྱག་དྲུག་པ། ཞབས་བཞི་པ། ཞལ་གཡས་དཀར་བ། ཞལ་གཡོན་དམར་བ། དབུས་མཐིང་ནག་ལ་སྐུ་འོད་ཀྱི་ཕུང་པོར་འབར་བ། སྤྱན་དགུ་སྡང་མིག་ཏུ་གཟིགས་པ། སྨིན་མ་གློག་བཞིན་དུ་འགྱུ་བ། མཆེ་བ་ཟང་ཡག་འབར་བ། ཨ་ཨ་དང་ཧ་ཧའི་རྟ་སྐད་ཅན། སྒྱུག་པའི་སྒྲ་ཆེན་པོ་སྒྲོགས་པ། དབུ་སྐྲ་དམར་སེར་གྱེན་དུ་འཁྱིལ་ཞིང་འཕྲོ་བ། ཉི་ཟླ་དང་ཐོད་སྐམ་གྱིས་བརྒྱན་པ། གླང་ཆེན་གྱི་ཀོ་རློན་དང་། ཞིང་ཆེན་གྱི་གཡང་གཞི་དང་། སྟག་གི་ཤམ་ཐབས་གསོལ་བ། ཐལ་ཆེན་གྱིས་ཚོམ་བུ་དང་། རཀྟའི་ཐིག་ལེ་དང་། བ་སུ་ཏའི་རྒྱུ་ཞགས་དང་། སྦྲུལ་ནག་དང་ཐོད་པ་སྐམ་རློན་གྱིས་བརྒྱན་པ། ཕྱག་གཡས་ཀྱི་དང་པོ་ན་རྡོ་རྗེ་འཛིན་པ། བར་པ་ན་རལ་གྲི། ཐ་མ་ན་དགྲ་སྟུ། གཡོན་གྱི་དང་པོ་ན་དྲིལ་བུ། བར་པ་ན་བྷརྙ་དམར་གྱིས་བཀང་བ། ཐ་མ་ཐོང་གཤོལ་བསྣམས་པ། རྐན་སྒྲ་དང་ཐུག་ཆོམ་དང་། འུར་སྒྲ་འབྲུག་སྟོང་ལྡིར་བ། རྡོ་རྗེ་འབར་བའི་སྤུ་གསེབ་ནས་ཡེ་ཤེས་ཀྱི་མེ་འབར་བ། ཁྱུང་གིས་འདེགས་པའི་གདན་ལ། བརྐྱང་བསྐུམ་དུ་བཞུགས་པ་ཡབ་ཡུམ་ཞལ་སྦྱོར་ནས་རང་གི་ཀླད་པ་དུང་ཁང་གི་གཞལ་ཡས་ཁང་ནས་འཐོན་ནས་རང་ལ་འཆར་རོ། །དེ་ལ་མ་འཇིགས་ཤིག །མ་དངངས་ཤིག །མ་སྐྲག་ཅིག །རང་གི་སངས་རྒྱས་རང་ལས་ཤར་བར་ཤེས་པར་གྱིས་ཤིག །བཅོམ་ལྡན་འདས་དཔལ་བཛྲ་ཧེ་རུ་ཀ་སྐུ་མདོག་མཐིང་ནག་ཞལ་གསུམ་པ། ཕྱག་དྲུག་པ། གཡས་དཀར་བ། གཡོན་དམར་བ།དབུས་སྔོ་ནག །ཡུམ་བཛྲ་ཀྲོ་དྷི་ཤྭ་རྡི་མ་དང་ཞལ་སྦྱར་ནས། རང་གི་ཀླད་པ་དུང་ཁང་ཤར་ནས་འཐོན་ནས་རང་ལ་འཆར་རོ། །དེ་ངོ་ཤེས་པར་གྱིས་ལ་མ་འཇིགས། ཁྲག་འཐུང་རིན་པོ་ཆེ་ཡབ་ཡུམ་སྐུ་མདོག་སེར་ནག །ཞལ་གསུམ་ཕྱག་དྲུག་པ། གཡས་དཀར། གཡོན་དམར། དབུས་སེར་ནག །ཡབ་ཡུམ་རང་གི་དུང་ཁང་གི་ལྷོ་ནས་འཐོན་ནས་རང་ལ་འཆར་རོ། །དེ་ལ་མ་འཇིགས་པར་རང་གི་སངས་རྒྱས་རང་ལ་ཤར་བས་ཤེས་པར་གྱིས་ཤིག ཁྲག་འཐུང་པདྨ་ཡབ་ཡུམ་རང་གི་དུང་ཁང་གི་ནུབ་ནས་འཆར་རོ། །དེ་ལ་མ་འཇིགས་ཤིག ཁྲག་འཐུང་ལས་ཀྱི་ཡབ་ཡུམ་སྐུ་མདོག་ལྗང་ནག་དབུ་གསུམ་པ། ཕྱག་དྲུག་པ། །ཞལ་གཡས་དཀར་བ། གཡོན་སྨུག་པ། རང་གི་ཀླད་པ་དུང་ཁང་གི་བྱང་ནས་འཐོན་ནས་འཆར་རོ། །དེ་ལ་མ་འཇིགས་པར་བྲོད་པ་སྐྱེད་ཅིག །རང་གི་ཀླད་པ་དུང་ཁང་ཤར་ནས་ཀོའུ་རི་དཀར་མོ། གཡས་ཞིང་དབྱུག་ཐོགས་པ་གཡོན་པ་བྷརྙ་དམར་གྱིས་བཀང་བ་བསྣམས་པ། དུང་ཁང་གི་ལྷོ་ན་ཙོའུ་རྡི་མ་སེར་མོ་མདའ་གཞུ་འགེངས་པ་འཆར་རོ། །དུང་ཁང་གི་ནུབ་ན་པྲ་མོ་དམར་མོ། གཡས་པ་ཆུ་སྲིན་གྱི་རྒྱལ་མཚན་འཛིན་པ། གཡོན་པ་བྷརྙ་དམར་གྱིས་བཀང་བ་འཆར་རོ། །དུང་ཁང་གི་བྱང་ན་བེ་ཏ་ལི་ནག་མོ། གཡས་པ་སྡིགས་མཛུབས་ཀྱི་རྩེ་ལ་རྡོ་རྗེ་རྩེ་ལྔ་པ་འཕྱར་ཞིང་གདེངས་ལ། གཡོན་པ་བྷསྟོ་དམར་གྱིས་བཀང་བ་འཛིན་པ་འཆར་རོ། །དུང་ཁང་གི་ཤར་ལྷོ་མཚམས་ནས་པུསྐ་དམར་སེར། ཕྱག་གཡས་གཡོན་གཉིས་ཀྱིས་རྒྱུ་ཞགས་འདྲེན་པ་འཆར་རོ། །དུང་ཁང་གི་ལྷོ་ནུབ་ནས་ཀྟསྨ་རྡི་སྐུ་མདོག་ལྗང་ནག་དུང་དམར་ཕྱག་གཉིས་ཀྱིས་བཟུང་ནས་འཐུང་བ་འཆར་རོ། །དུང་ཁང་གི་ནུབ་བྱངམཚམས་ནས་ཙཎྜ་སྙི་སེར་སྐྱ་ཕྱག་གཡས་པ་ཙིསྟ་བསྣམས་པ། གཡོན་པ་ཞིང་ཆུང་བཟུང་བ་འཆར་རོ། །དུང་ཁང་གི་བྱང་ཤར་མཚམས་ན། སྨ་ཤ་ནི་མཐིང་ནག་ཞིང་མགོ་ལུས་ཕྲལ་ནས་སྟོབ་པ་དང་། གནས་ཀྱི་ཀོའུ་རྡི་མ་བརྒྱད་པོ་དེ། རང་གི་ཀླད་པ་དུང་ཁང་གི་ནང་ནས་རང་ལ་འཆར་རོ། །དེ་ལ་མ་འཇིགས་ཤིག་དེའི་ཕྱི་རིམ་ཀླད་པ་དུང་ཁང་གི་ཤར་ནས། སེདྷ་སེར་མོ་སེང་གེའི་མགོ་ཅན་ཕྱག་གཡས་གཡོན་ཐུགས་ཀར་བསྣོལ་བ་འཆར་རོ། །ལྷོ་ནས་བྱུ་སྒྲི་མུ་ཁ་དམར་མོ་སྟག་གི་མགོ་ཅན། རྡོ་རྗེ་ཁུ་ཚུར་དཔུང་ཁར་བསྣོལ་བ། ནུབ་ནས་སྲི་ལ་མུ་ཁ་ཝའི་མགོ་ཅན། ཞིང་ཁོག་པ་དྲལ་ནས་རཀྟ་ལྡག་པ། བྱང་ན་ཤྭ་ན་མུ་ཁ་མཐིང་ནག་སྤྱང་མོའི་མགོ་ཅན། ཕྱག་གཡོན་གྱིས་ཞིང་བཟུང་ནས། གཡས་ཀྱིས་སྒྲོལ་བ། ཤར་ལྷོ་མཚམས་ནས་ཀྲི་ཏ་མུ་ཁ་དཀར་སེར་བྱ་རྒོད་ཀྱི་མགོ་ཅན། ཞིང་འཕྲག་ལ་བཀལ་ནས་གཡོན་པ་བྷརྙ་རཀྟས་བཀང་ནས་འཐུང་བ། ལྷོ་ནུབ་མཚམས་ནས་ཀ་ཀ་མུ་ཁ་དམར་ནག་ཀ་ཀའི་མགོ་ཅན། ཞིང་ཕྲག་ལ་ཁུར་བ། ནུབ་བྱང་མཚམས་ནས་ཁ་ཁ་མུ་ཁ་ནག་མོ་བྱ་རོག་མགོ་ཅན། རྒྱུ་ཞགས་འདྲེན་པ། བྱང་ཤར་མཚམས་ནས་ཧུ་ལུ་མུ་ཁ་དཀར་ཁྲ་འུག་པའི་མགོ་ཅན། ཕྱག་གཡས་ལྕགས་ཀྱུ། གཡོན་པ་བྷརྙ་དམར་གྱིས་བཀང་བ་ཐོགས་ནས། ཁྲག་ཚིལ་ལྡག་ཅིང་ཟ་བ་དང་། རང་གི་ཀླད་པ་དུང་ཁང་གི་ནང་ན་ཡོད་པའི་ཕྲ་མེན་བརྒྱད་རང་ལ་འཆར་རོ། །དེ་ལ་མ་འཇིགས་ཤིག །དུང་ཁང་གི་ཤར་ནས་རྟ་གདོང་དཀར་མོ་གཡས་ལྕགས་ཀྱུ། གཡོན་བྷརྙ་དམར་གྱིས་བཀང་་བ། ལྷོ་ནས་ཕག་གདོང་ཞགས་པ་མ་སེར་མོ་གཡས་ཞགས་པ། གཡོན་བྱ་རྒོད་ཀྱི་མཆེ་བ། ནུབ་ནས་ལྕགས་སྒྲོག་མ་དམར་མོ། ཕྱག་གཉིས་རྡོ་རྗེ་ལྕགས་སྒྲོག་བཟུང་བ། བྱང་ནས་དྲིལ་བུ་མ་ནག་པོ། གཡས་དྲིལ་བུ་གཡོན་བྷརྙ་དམར་གྱིས་བཀང་བ། སྒོ་མ་བཞི་རང་གི་ཀླད་པ་དུང་ཁང་གི་ནང་ནས་འཐོན་ནས་རང་ལ་འཆར་རོ། །དེ་ངོ་ཤེས་པར་གྱིས་ཤིག །དེའི་ཕྱི་རིམ་དབང་མོ་ཉི་ཤུ་རྩ་བརྒྱད་ཧེ་རུ་ཀ་དྲག་པོའི་ལྷ་རང་བྱུང་གི་སུམ་ཅུའི་ཕྱི་རོལ་ན། ཀླད་རྒྱ་དང་གཉིས་ཀྱིས་མཚམས་ནས་རང་ལ་འཆར་ཏེ། སྲིན་མོ་སྨུག་ནག་གཡག་གི་མགོ །རྡོ་རྗེ་ཐོད་ཁྲག་བསྣམས་པ་དང་། ཚངས་པ་སེར་མོ་པདྨ་ཐོགས་པ་དང་། ལྷ་ཆེན་དཀར་ལྗང་རྡོ་རྗེ་ཐོགས་པ་དང། གཏོགསའདོདསྔོན་མོ་འཁོར་ལོ་འཛིན་པ་དང་། དགའ་བ་སེར་མོ་སྐྲུ་གྲི་འཛིན་པ་དང་། གཞོན་ནུ་དམར་མོ་མདུང་ཐུང་འཕེན་པ། རྡོ་རྗེ་ནག་མོ་ལྕགས་ཀྱུ་ཅན། ཤར་གྱི་མ་བདུན་འཆར་རོ། །བརྒྱ་བྱིན་དཀར་མོ་རྒྱུ་ཞགས་ཐོགས་པ་དང་། ཞི་བ་དམར་མོ་བུམ་པ་འཛིན་པ་དང་། བདུད་རྩི་དམར་མོ་པདྨ། ཟླ་བ་དཀར་མོ་རྡོ་རྗེ། བེ་ཅོན་ལྗང་ནག་དབྱུག་ཏོ། སྲིན་མོ་དམར་མོ་ཐོད་ཁྲག་འཐུང་བ། རྡོ་རྗེ་སེར་མོ་ཞགས་པ་ཐོགས་པ། ལྷོ་མི་མ་བདུན་འཆར་རོ། །ཟ་བ་ལྗང་ནག་བེ་ཅོན་ཐོགས་པ། དགའ་བ་དམར་མོ་ཁོག་ཆེན་འཛིན་པ། སྟོབས་ཆེན་དཀར་མོ་དབྱུག་ཏོ་འཕྱར་བ། སྲིན་མོ་རྡོ་རྗེ་སྤུ་གྲི་འཛིན་པ། འདོད་པ་དམར་མོ་མདའ་གཞུ་འགེངས་པ། ནོར་སྲུང་ལྗང་མོ་བུམ་པ་འཛིན་པ། རྡོ་རྗེ་དམར་མོ་ལྕགས་ཀྱུ་ཐོགས་པ། ནུབ་ཀྱི་མ་བདུན་འཆར་རོ། །རླུད་ལྷ་སྔོན་མོ་བ་དན་འཕྱར་བ། མི་མོ་དམར་སེར་གསལ་ཤིང་ཐོགས་པ། ཕག་མོ་ནག་མོ་མཆེ་ཞགས་སྡོམ་པ། རྡོ་རྗེ་དམར་མོ་ཞིང་ཆུང་འཛིན་པ། སྣ་ཆེན་ལྗང་ནག་ཐོད་ཁྲག་འཐུང་བ། རྡོ་རྗེ་ལྗང་ནག་དྲིལ་བུ་འཛིན་པ། མ་བདུན་བྱང་ནས་འཐོན་ནས་ཧེ་རུ་ཀ་དྲག་པོའི་སྐུའི་རྩལ་ལ། རང་གི་ཀླད་པ་དུང་ཁང་གི་ནང་ནས་ཁྲག་འཐུང་ལྔ་བཅུ་རྩ་བརྒྱད་འཐོན་ནས། རང་ལ་འཆར་བའི་དུས་སུ། རང་གི་རིག་པའི་རང་གདངས་རང་ལ་ཤར་བར་ངོ་ཤེས་པས། ཁྲག་འཐུང་གི་སྐུ་ལ་གཉིས་སུ་མེད་པར་ཐིམ་ནས་སངས་རྒྱས་སོ། ད་ལྟ་ངོ་མ་སྤྲད་ན་ཁྲག་འཐུང་གི་ལྷ་ཐམས་ཅད་གཤིན་རྗེ་རུ་མཐོང་ནས་ཁྲག་འཐུང་གི་ལྷས་འཇིགས་སོ། །དངངས་སོ། སྐྲག་གོ །བརྒྱལ་ལོ། རང་སྣང་བདུད་དུ་སོང་ནས་འཁོར་བར་འ་་མོ། ཁྲོ་བོའི་སྐུ་བར་དོར་འཆར་ལུགས་བསྟན་པའི་ལེའུ་སྟེ་བཞི་པའོ།། །།ཀྱེ་གསང་བའི་བདག་པོ། རང་སྣང་གི་སྐུ་དང་། ཡེ་ཤེས་ཀྱི་ཞིང་ཁམས་ངོ་ཤེས་པར་གྱིས་ཤིག །ཀྱེ་རྡོ་རྗེ་འཛིན་པ་ཆེན་པོ། རང་ནམ་འཆི་བའི་ཚེ་འཁོར་བའི་རུ་ལོག་སྣང་བ་ཐམས་ཅད་འོད་དང་སྐུ་རུ་འཆར་རོ། །ནམ་མཁའ་མཐའ་དག་འོད་ཁ་དོག་མཐིང་ཀར་འཆར་རོ། །མཐིང་གའི་དབུས་སུ་རྣམ་པར་སྣང་མཛད་ཀུན་ཏུ་ཞལ་སྐུ་མདོག་མཐིང་ག །སེང་གེའི་གདན་ལ་བཞུགས་པ། ཕྱག་ན་འཁོར་ལོ་རྩིབས་བརྒྱད་བསྣམས་པ། ཡུམ་ནམ་མཁའི་དབྱིངས་ཕྱུག་མ་དང་ཀུན་ཏུ་ཞལ་སྦྱར་ནས་སྐུར་འཆར་རོ། །འབྱུང་བ་ས་ཐམས་ཅད་ཁ་དོག་དཀར་པོར་འཆར་རོ། །འོད་དཀར་པོ་རྡོ་རྗེ་སེམས་དཔའ་སྐུ་མདོག་དཀར་པོ། ཕྱག་ན་རྡོ་རྗེ་རྩེ་ལྔ་པ་བསྣམས་པ། གླང་པོ་ཆེའི་གདན་ལ་བཞུགས་པ། ཡུམ་སངས་རྒྱས་སྤྱན་དང་ཞལ་སྦྱར་ནས་བཞུགས་པ། སེམས་དཔའ་སའི་སྙིང་པོ་དང་། བྱམས་པ་མི་ཏྲི་གཉིས། སེམས་མ་ལྭ་པྱེ་མ་དང་བཱ་ལེ་མ་གཉིས་ཀྱིས་བསྐོར་ནས། སངས་རྒྱས་ཀྱི་སྐུ་དྲུག་འཆར་རོ། །འབྱུང་བ་ཆུ་ཐམས་ཅད་འོད་ཁ་དོག་སེར་པོར་འཆར་རོ། །འོད་སེརཔོརིནཆེནའབྱུངལྡནསེར་པོ། ཕྱག་ན་ནོར་བུ་རིན་པོ་ཆེ་བསྣམས་པ།རྟའི་གདན་ལ་བཞུགས་པ། ཡུམ་བཱ་མ་ཀི་དང་ཞལ་སྦྱར་ནས་བཞུགས་པ། སེམས་དཔའ་ནམ་མཁའི་སྙིང་པོ་དང་། ཀུན་ཏུ་བཟང་པོ་གཉིས། སེམས་མ་གིརྟི་མ་དང་། ནིརྟི་མ་གཉིས་ཀྱིས་བསྐོར་ནས།སངས་རྒྱས་ཀྱི་སྐུ་དྲུག་འཆར་རོ། །འབྱུང་བ་མེ་ཐམས་ཅད་ཁ་དོག་དམར་པོར་འཆར་རོ། །འོད་དམར་པོ་སྐུ་སྣང་བ་མཐའ་ཡས་སྐུ་མདོག་དམར་པོ། ཕྱག་ན་པདྨ་འདབ་བརྒྱད་བསྣམས་པ། རྨ་བྱའི་གདན་ལ་བཞུགས་སོ། །ཡུམ་གོས་དཀར་མོ་དང་ཞལ་སྦྱར་ནས་ཡོད་དོ། །སེམས་དཔའ་སྤྱན་རས་གཟིགས་དང་། འཇམ་དཔལ་གཉིས། སེམས་མ་དྷ་པེ་མ་དང་། པྲསྐྲོ་མ་གཉིས་ཀྱིས་བསྐོར་ནས་སྐུ་དྲུག་ཏུ་འཆར་རོ། །འབྱུང་བ་རླུད་ཐམས་ཅད་འོད་ལྗང་གུར་འཆར་རོ། །འོད་ལྗང་གུར་དོན་ཡོད་གྲུབ་པ་སྐུ་མདོག་ལྗང་གུ། །ཕྱག་ན་རྡོ་རྗེ་རྒྱ་གྲམ་བསྣམས་པ། ཤངེ་ཤང་གི་གདན་ལབཞུགས་པ། ཡུམ་དམ་ཚིག་སྒྲོལ་མ་དང་། སེམས་དཔའ་ཕྱག་ན་རྡོ་རྗེ་དང་། སྒྲིབ་པ་རྣམ་པར་སེལ་བ་གཉིས། སེམས་མ་ཨུ་ལོ་ཀེ་དང་། གན་དྷི་མ་གཉིས་ཀྱིས་བསྐོར་ནས། སངས་རྒྱས་ཀྱི་ས་སྐུ་དྲུག་འཆར་རོ། །ཚད་མེད་པ་བཞི་སྒོ་བ་བཞིར་ཡང་འཆར་རོ། །རྣམ་རྒྱལ་ཤར།གཤིན་རྗེ་གཤེད་ལྷོ། ལྕགས་སྒྲོག་མ་ནུབ། དྲིལ་བུ་མ་བྱང་ནས་འཆར་རོ། །ཕར་ཕྱིན་དྲུག་ལས། ཐུབ་པ་དྲུག་ཏུ་འཆར་རོ། །སྤྱི་གཙུག་ནས་བརྒྱ་བྱིན། ལྟག་པ་ནས་ཐགས་བཟང་རིས། སྲོག་པ་རྩ་ནས་ཤཱཀྱ་ཐུབ། ལྟེ་བ་ནས་སེང་གེ་རབ་བརྟན། གསང་བ་ནས་ཁ་འབར་མ། རྐང་མཐིལ་ནས་གླང་མགོ་ཅན་འཆར་རོ། །ཐབས་ཤེས་རབ་འདུ་འབྲལ་མེད་པ་ལས། ཀུན་བཟང་ཡབ་ཡུམ་དུ་འཆར་རོ། །ལོངས་སྐུ་བཞི་བཅུ་རྩ་གཉིས།རང་གི་ལུས་ལས་འཆར་རོ། །ཀྱེ་གསང་བའི་བདག་པོ། དེ་རང་གི་སྐུ་དང་ཡེ་ཤེས་སུ་ངོ་ཤེས་པར་གྱིས་ཤིག །བར་དོར་ཞི་བའི་སྐུ་འཆར་ལུགས་བསྟན་པའི་ལེའུ་སྟེ་ལྔ་པའོ།། །།ཞི་བའི་སྐུ་དང་ཁྲོ་བོའི་སྐུ་ཆེ་བ་ནམ་མཁའི་མཐའ་དང་མཉམ་པ། འབྲིང་པོ་རི་རབ་ཙམ་ནས། ཐ་མ་ཉུང་འབྲུ་ཙམ་གྱིས་ཁེངས་ནས་འཆར་རོ། །ཞག་ལྔ་བར་སྣང་སྲིད་གསུམ་ཐམས་ཅད་འོད་དང་སྐུ་རུ་འཆར་རོ། །སྣང་བ་ཐམས་ཅད་འོད་དང་སྐུར་ཤར་བ་དེ། རང་གི་རིག་པའི་གདངས་སུ་ངོ་ཤེས་པས། རང་འོད་ལ་གཉིས་སུ་མེད་པར་ཐིམ་ནས་རྒྱའོ། །རིགས་ཀྱི་བུ་ད་ལྟར་ངོ་མ་སྤྲད་ན། ཞི་བའི་སྐུ་མགོན་པོ་ནག་པོར་འཆར་རོ། ཁྲོ་བོའི་ལྷ་གཤིན་རྗེ་ཆོས་ཀྱི་རྒྱལ་པོར་ཤར་ནས། རང་སྣང་བདུད་དུ་སོང་ནས་འཁོར་བར་འ་་མོ། །ཀྱེ་གསང་བའི་བདག་པོ། རང་སྣང་ངོ་མ་ཤེས་ན་བསྐལ་པར་ཆོས་བྱས་ཀྱང་སངས་མི་རྒྱའོ། །རང་སྣང་ངོ་མ་ཤེས་ན་ཤི་མ་ཐག་ཏུ་ཆོས་ཉིད་ཀྱི་བརདོར། གཤིནརྗེཆོསཀྱི་རྒྱལ་པོའི་སྐུརའཆརརོ། །གཤིནརྗེཆོསཀྱི་རྒྱལ་པོ་སྐུ་ཆེ་བ་ནམ་མཁའ་དང་མཉམ་པ། འབྲིང་པོ་རི་རབ་ཙམ་པ། ཐ་མ་ཉུང་འབྲུ་ཙམ་པས ཡ་སོས་མ་མཆུ་མནན་པ། མིག་ཤེལ་མིག་ཏུ་བཟློག་པ། སྐྲ་སྤྱི་བོར་བཅིངས་པ། གསུས་པ་ཆེ་ལ་རྐེ་རྩ་ཕྲ་བ། ལག་ན་ཁྲམ་ཤིང་ཐོགས་པས་ཁ་ནས་རྒྱོབ་སོད་ཀྱི་སྒྲ་སྒྲོགས་པ། ཀླད་པ་ལྡག་པ། ཁྲག་འཐུང་བ། ཆུ་སེར་འཇིབ་པ། རུས་པ་མུར་བ། མགོ་ལུས་འབྲལ་བ། སྙིང་འདོན་པ་དང་། དེ་ལྟ་བུས་འཇིག་རྟེན་གྱི་ཁམས་ཁེངས་ཡོང་ངོ་། །དེའི་ཚེ་ལྷན་ཅིག་སྐྱེས་པའི་འདྲེས་སྡིག་པ་བྱས་ཚད་བསགས་ནས་རྡེའུ་ནག་པོ་བགྲང་དུ་སོང་ངོ་། །ལྷན་ཅིག་སྐྱེས་པའི་ལྷས་དགེ་བ་བྱས་ཚད་བསགས་ནས་རྡེའུ་དཀར་པོ་བགྲང་ངོ་། །དེའི་དུས་སུ་རང་ཤིན་ཏུ་བྲེད་པ། དངངས་པ། སྐྲག་པ་འདར་བ་བྱས་ནས། ངས་སྡིག་པའི་རྣམ་སྨིན་ལར་མ་བྱས་ཟེར་ནས་བརྫུན་ཟེར་དུ་འོང་ངོ་། །དེར་གཤིན་རྗེ་ཆོས་ཀྱི་རྒྱལ་པོ་ན་རེ། ངས་ལས་ཀྱི་མེ་ལོང་ལ་དྲི་ཡིས་ཟེར་ནས། ལས་ཀྱི་མེ་ལོང་བསྟན་པས། དགེ་སྡིགས་ཐམས་ཅད་མེ་ལོང་ནང་ནས་བཀྲ་ལམ་མེ་གསལ་བར་བྱུང་བས། གཤིན་རྗེའི་རྐེ་ལ་ཐགས་པ་བཏགས་ནས་དྲུད་དོ། །རྐེ་འབྲེག་སྙིང་འདོན། རྒྱུ་མ་གཟེང་། ཀླད་པ་ལྡག ཁྲ་ཟ། ཁྲག་འཐུང་། རུས་པ་མུར་ཀྱང་། ཞག་འགར་འཆིར་མི་འདོད་དོ། །ལུས་དུམ་བུར་ག་ས་ཀྱང་ཡང་སོས་སོ ཡང་གཏུབས་པས་ཤིན་ཏུ་སྡུག་བསྔལ་ཆེ་བ་ཞག་ལྔ་ཡང་ངོ་། །དེ་ནས་སྲིད་པའི་བར་དོ་ལ་དབང་པོ་ཚང་བ། ཤེས་པ་ད་ལྟ་བས་བདུན་འགྱུར་གྱིས་གསལ་བ། ཕར་ཐམས་ཅད་གསལ་བ། ཚུར་རང་གི་རིགས་མིན་པས་མི་མཐོང་བ། རིག་པ་རྟེན་མེད་པ། བྱ་སྒྲོ་རླུད་གིས་ཁྱེར་བ་ལྟ་བུ། དབུགས་ཀྱི་རྟ་ལ་ཞོན་ནས་རིག་པ་ཕྱོ་ལང་ལང་ཡོང་། ཐམས་ཅད་དུ་ལུས་འཚོལ་དུ་འགྲོ་བ་ཡོང་ངོ་། །ཉེ་དྲུང་དང་བཟའ་ཚོས་གདུང་བས་ངུས་པས ང་ཤི་ནས་འདུག་པ་ཇི་ལྟར་བྱ་ན་སྙམ་པའི་སྡུག་བསྔལ་དྲག་པོ་ཉ་བྱེ་ཚན་ལ་འདྲེ་བ་འདྲ་བའི་སྡུག་བསྔལ་མི་བཟོད་པ་ཡོང་ངོ་། །རིག་པ་རྟེན་དང་བྲལ་བས། རི་དང་ཁང་ཁྱིམ་དང་ས་རྡོ་རི་བྲག་ཐམས་ཅད་ལ་ཐོགས་པ་མེད་པར་འགྲོའོ། །གདུང་བ་ཀུན་ལ་ང་འདི་ན་ཡོད་མ་ངུ་ཟེར་རོ། །དེར་མ་ཐོས་པས་ཡང་ཤི་ནས་འདུག་པ་སྙམས་ནས་སྡུག་བསྔལ་ཤིན་ཏུ་ཆེའོ། །ངས་ལུས་ཤིག་ཐོབ་ན་ཅི་མ་རུང་སྙམ་ནས། །ཐམས་ཅད་དུ་ལུས་ཚོལ་དུ་འགྲོའོ། །སྔར་གྱི་ལུས་དེ་ཡོད་པ་སྙམ་དུ་འོང་ངོ་། །རི་བྲག་ས་རྡོ་ཐམས་ཅད་ཀྱི་ནང་དུ་འཚོང་ངོ་། །སྲིད་པའི་བར་དོ་ཤིན་ཏུ་སྡུག་བསྔལ་བར་ཞག་ཉི་ཤུ་རྩ་གཅིག་ཡོང་། །སྲིད་པའི་བར་དོར་བསྟན་པའི་ལེའུ་སྟེ་དྲུག་པའོ།། །།དེ་ནས་འཁྲུལ་པའི་བར་དོ་ལ། ལུས་འབྱུང་བ་ལྔ་ལ་གཡར་བ། ནམ་མཁའི་སྣང་བ་འཆར་རོ། །ནམ་མཁའི་སྣང་བ་ལུས་གཡང་སར་བསྒྱུར་བ་ལྟ་བུའི་སྡུག་བསྔལ་ཞག་ལྔའོ། །དེ་ནས་སའི་སྣང་བ་འཆར་ཏེ། ལུས་ས་འོག་ཏུ་ཆུད་པ་སྙམ། རིའི་འོག་ཏུ་ནོན་པ་ལྟ་བུའི་ཤིན་ཏུ་སྡུག་བསྔལ་བ་ལ་ཞག་ལྔ་སྡོད་དོ། །དེ་ནས་ཆུའི་སྣང་བ་འཆར་རོ། །ཆུ་ཆེན་པོའི་ནང་དུ་ཞག་ལྔ་འཁྱགས་པ་ལ་སྡོད་དོ། །དེ་ནས་མེའི་སྣང་བ་འཆར་རོ། །མེ་ཆེན་པོའི་ནང་དུ་མེས་ཞག་ལྔ་སྲེག་གོ །དེ་ནས་རླུ་་གིས་ཐམས་ཅད་དུ་གྲང་ཞིང་གཡེང་བ་ལ་ཞག་ལྔ་ཡོང་ངོ་། །ལར་འཁྲུལ་པའི་བར་དོ་ལ་ཞག་ཉི་ཤུ་རྩ་ལྔ་ཡོང་ངོ་ དེ་ནས་རྫོགས་ལྡན་མུན་པ་ནག་པོའི་རྒྱལ་ཁམས་ཉིན་མཚན་གྱི་སྣང་བ་མེད་པར། མུན་ནག་འཐིབ་པའི་ནང་ན་ཤིན་ཏུ་སྡུག་གོ །ཉི་མ་ནུབ་པས་ས་སྲོས་པ་ལྟ་བུའི་ནང་དུ་སྡུག་བསྔལ་ཏེ་ཞག་བདུན་འོང་ངོ་། །ལར་ཞག་ཉི་ཤུ་རྩ་ལྔ་འབྱུང་ངོ་། །རྫོགས་ལྡན་མུན་པ་ནག་པོའི་རྒྱལ་ཁམས་སུ་ཞག་བདུན་བསྡད་ནས། འཁོར་བ་ངན་སོང་གསུམ་དུ་འཁོར་ཏེ། འཇུག་ལྡོག་ཟོ་བའི་ཁྱུད་མོ་ལྟ་བུར་འཁོར་བར་འ་་མོ། །བར་དོའི་སྣང་བ་བསྟན་པའི་ལེའུ་སྟེ་བདུན་པའོ།། །།ཀྱེ་གསང་བའི་བདག་པོ། འགྲོ་བ་རིགས་དྲུག་ལམ་རྒྱུད་ལྔར་ལུས་ལེན་ཏེ། དེར་ལྷ་དང་ལྷ་མ་ཡིན་དང་། མི་དང་གསུམ། ངན་སོང་ནི་གསུམ་སྟེ། དམྱལ་བ་དང་།ཡི་དྭགས་དང་། དུད་འགྲོ་དང་གསུམ་མོ། དམྱལ་བ་ལ་གསུམ་སྟེ། ཚ་བའི་དམྱལ་བ་བརྒྱད། གྲང་བའི་དམྱལ་བ་བརྒྱད། ཉི་ཚེ་ཉི་འཁོར་བའི་དམྱལ་བ་གཉིས་སྟེ་གསུམ་མོ། །ཚ་བའི་དམྱལ་བ་བརྒྱད་ལ། ཡང་སོས་དང་། ཐིག་ནག་དང་། བསྡུས་འཇོམས་དང་། ངུ་འབོད་དང་། ངུའབོདཆེནཔོདང་། ཚ་བ་དང་། རབ་ཏུ་ཚ་བ་དང་། མནར་མེད་པའོ། །སྡུག་བསྔལ་ལ་བཟོད་པའི་གླགས་མེད་པ་ལ་ཡུན་རིང་པོའོ ཡང་སོས་ལརི་ལུག་གི་གདོང་པ་ཅན་ནམ། སེང་གེའི་གདོང་པ་ལྟ་བུ་གཉིས་ཀྱི་བར་དུ་འཇོམས་པའོ། །ཐིག་ནག་ལ་ལྟོ་རྒྱབ་ནས་ཐིག་བཏབ་ནས་སོག་ལེས་འདྲའོ། །བསྡུས་འཇོམས་ལ། ལྕགས་ཀྱི་ཟངས་ཀྱི་ནང་དུ་བཅུག་ནས།ནམ་མཁའ་ནས་ལྕགས་ཀྱི་ཐོ་ཆེན་ཀྱིས་བརྡུང་བའོ། །ངུ་འབོད་ནི། ལྕགས་ཀྱི་ཁང་སྒྲོམ་འབར་བར་བཅུག་ནས། ཕྱོགས་ཐམས་ཅད་ནས་ལས་ཀྱི་རླུད་གིས་མེ་སྦར་རོ། །ངུ་འབོད་ཆེན་པོ་ནི་ལུས་ལ་མེས་མ་རེག་པ་ཙམ་དུ་སྲེག་པའོ། །ཚ་བ་ནི་ལུས་ལ་མེ་འབར་བའོ། །རབ་ཏུ་ཚ་བ་ནི། གློ་སྙིང་ལ་མེ་འབར་བའོ། །མནར་མེད་པ་ལ། ལུས་རེངས་པ་མེ་འབར་ཞིང་ཕྱོགས་ཐམས་ཅད་ནས་སྲེག་པའོ། ཁུན་རིང་བ་ནི། ལྕགས་ཀྱི་རི་ལ་ལོ་བརྒྱ་བརྒྱ་ལ། བྱའི་གཤོག་པ་རེག་པ་རེས་བྲད་པ་ལ། ལྕགས་ཀྱི་རི་ཟད་པ་དང་། ཡང་སོས་ཀྱི་ཚེ་ཟད་པའོ། །གྲང་བའི་དམྱལ་བ་ནི། ཆུ་བུར་ཅན་དང་། ཆུ་བུར་རྡོལ་བ་ཅན་དང་། ཨ་ཆུ་ཟེར་བ་དང་། ཀྱི་ཧུད་ཟེར་བ་དང་། སོ་ཐམ་ཐམ་པ་དང་། པདྨ་ལྟར་གས་པ་དང་། པདྨ་ལྟར་ཆེར་གས་པ་དང་། ཨུཏུལ་ལྟར་གས་པའོ། །ཆུ་བུར་ཅན་ལ་ལྕགས་ཀྱི་ཁང་པར་བཅུག་ནས་ཁང་པ་དེ་ཚགས་མ་བཞིན་དུ་ཡོད་པ་ལ་ཕྱོགས་ཐམས་ཅད་ནས་ལས་ཀྱི་རླུ་་གིས་བུས་པས། རང་གི་ལུས་ལ་ཆུ་བུར་མཐེ་བོང་ཙམ་གྱིས་གང་བའོ། །ཆུ་བུར་རྡོལ་བ་ལ། ཆུ་བུར་དེ་ནམ་རྡོལ་ན་ཁྲག་དང་རྣག་འཛག་པའོ། །ཨ་ཆུ་ཟེར་བ་ལ། འཁྱགས་པས་ཉེན་ནས་སྐབས་སུ་ཨ་ཆུ་ཟེར་བ་ཙམ་ལས་མི་ཐོན་པའོ། །ཀྱི་ཧུད་ཟེར་བ་ལ་སྨྲེ་སྔགས་ཙུག་བྱ་བྱ་བ་ཙམ་ལས་མི་ཐོན་པའོ། །སོ་ཐམ་པ་ལ། སོ་མ་མགལ་ལ་ཟུག་ནས་སྐད་ཙམ་ཡང་མི་ཐོན་པའོ། །པདྨ་ལྟར་གས་པ་ལ་ཆུ་བུར་རྒྱ་གྲམ་དུ་གས་པའོ། །པདྨ་ལྟར་ཆེར་གས་པ་ལ། ཆུ་བུར་གས་པ་དེ་ཕྱིར་ཟློག་གིས་སོང་བའོ། །ཨུཏུལ་ལྟར་གྱེས་པ་ལ། ཨུཏུལ་དེ་རྩ་བ་ཕྲ་མོ་ལ་མེ་ཏོག་ཆེ་བ་དང་འདྲ་བར། ཐམས་ཅད་ཕར་ལ་གོགས་ནས་ཆུ་རྒྱུས་ཀྱིས་ཟུངས་ཕྲ་མོས་འབྲེལ་བའོ། ཁུན་རིང་བ་ནི་ཏིལ་སྦྱངས་ཆེར་པོ་གང་ལ། ལོ་བརྒྱ་བརྒྱ་ལ་ཏིལ་རྡོག་མ་རེ་ཕྱུང་ལ་ཏིལ་ཟད་པའི་ཚེ་ན། ཆུ་བུར་ཅན་གྱི་ཚེ་ཟད་པའོ། །གཞན་མ་རྣམས་གོང་མ་གོང་མ་བས་འོག་མ་ཉིས་འགྱུར་གྱིས་ཚེ་རིང་བའོ། །ཉི་འཁོར་གྱི་དམྱལ་བ་ནི་ཤར་ཕྱོགས་ཀྱི་སྒོ་ནས་མེ་མར་མུར་གྱི་འོབས། །ལྷོ་ན་ཐལ་ཚན་གྱི་ཆུ་བོ་རབ་མེད། ནུབ་ན་རོ་མྱགས་ཀྱི་འདམ། བྱང་ན་རལ་གྲི་ལོ་མའི་ནགས་ཚལ་ལོ། །མེ་མར་མུའི་འོབས་ལ། ལྕགས་ཀྱི་ཁང་པ་དེ་སྒོ་ཚ་བ་སྙམ་སེམས་ནས་ཕྱིར་བྱུང་བས་སྒོ་ཐམས་ཅད་མེ་ཡིས་བསྐོར་ནས། ནང་གི་སྡུག་བསྔལ་བས་འདི་རུ་ཤི་ན་སྙམ་ནས། མེའི་འོབས་སུ་མཆོངས་པས། ལུས་ཐམས་ཅད་རུས་པར་ཀྲོལ་གྱིས་འགྲོའོ། །ཐལ་ཚན་གྱི་ཆུ་བོ་རབ་མེད་ནི། ཐལ་ཚན་གྱིས་སྐེད་པ་མན་ཆད་ཟུལ་གྱིས་འགྲོ་བ་ལ་རྒལ་བའོ། །རོ་མྱགས་ཀྱི་འདམ་ནི། འདམ་ཆེན་པོ་པུས་མོ་མན་ཆད་བྱིངས་ཀྱིས་འགྲོ་བ་ལ་བརྒལ་བས། སྲིན་བུ་ལྕགས་ཀྱི་མཆུ་ཅན་གྱིས་རྐང་མྱལ་གྱིས་གཏོང་བའོ། །ནགས་ཚལ་རལ་གྲིའི་ལོ་མ་ནི། ཚད་པས་གདུངས་པ། ནག་ལིང་ངེ་འདུག་པ་ཅན་དུ་ཕྱིན་པས། ལོ་མ་ཐམས་ཅད་རལ་གྲིར་སོང་ནས། ལུས་ལ་འབབ་པའོ། །རྒྱུན་རིང་བ་ནི་བར་གྱི་བསྐལ་བ་རེ་རེ་ཐུབ་བོ། །ཡི་དྭགས་ལ་བཞི། ཕྱིའི་སྒྲིབ་པ་ཅན་དང་། ནང་གི་སྒྲིབ་པ་ཅན་དང་། སྒོ་ཁུང་ཅན་གྱི་སྒྲིབ་པ་ཅན་དང་། སྤྱི་མཐུན་གྱི་སྒྲིབ་པ་ཅན་ནོ། །ཕྱིའི་སྒྲིབ་པ་ཅན་ལ། བཟའ་བ་་ཐམས་ཅད་རྣག་ཁྲག་ཏུ་མཐོང་བའོ། །རང་གི་ནོར་ལ་སེར་སྣ་བྱས་པས་ལན་པ་ཡིན་ནོ། །ནང་གི་སྒྲིབ་པ་ཅན་ནི། ཁ་ཁབ་ཀྱི་མིག་ཙམ་ལ། སྐེ་གཞུ་རྒྱུད་ཙམ་ལ།ལྟོ་བ་རི་རབ་ཙམ་ཡོད་པས། ལྟོ་མི་རྙེད་པའོ། །རྙེད་ཀྱང་མི་ཤོང་ངོ་། །བག་ཙམ་ཤོང་ཡང་ཕན་མི་ཐོགས་པའོ། །གཞན་གྱི་ནོར་ལ་སེར་སྣ་བྱས་པ་ལས་བྱུང་བ་ཡིན་ནོ། །སྒོ་ཁུད་ཀྱི་སྒྲིབ་པ་ཅན་ནི། ཁ་ཁབ་ཀྱི་མིག་ཙམ་ལ་ཟས་ཁར་འགྲོ་མི་འདོད། ལེན་རེ་སོང་བ་དེ་ཡང་ལྕགས་ཀྱི་ཐུ་ལུམ་དུ་སོང་ནས། མར་ལ་མ་ཐོན་གྱི་བར་དུ་ཁོང་དུ་སྲེག་པའོ། །དཀོན་མཆོག་གི་དཀོར་དང་གླུད་ལ་འབབ་པ་ལས་བྱུང་ངོ་། །སྤྱི་མཐུན་གྱི་སྒྲིབ་པ་ནི། ཟས་མཚོན་ཆ་ཐོགས་པས་བསྲུངས་ནས་ཟས་མི་སྟེར་བའོ། །སེར་སྣ་དང་ཕོངས་པ་བྱས་པ་ཙམ་ལས་བྱུང་བའོ། ཁུ།ན་རིང་བ་ནི་མིའི་ལོ་ལྔ་སྟོང་ཐུབ་པའོ། །དུད་འགྲོའི་སྡུག་བསྔལ་ལ་གསུམ་སྟེ། ཉིང་ཤ་ཉིང་གིས་ཟ་བའི་སྡུག་བསྔལ་དང་། གསད་གཅོད་ཀྱི་སྡུག་བསྔལ་དང་། འཁོལ་སྤྱོད་ཀྱི་སྡུག་བསྔལ་ལོ། །ཉིང་ཤ་ཉིང་གིས་ཟ་བ་ནི། ཆེ་ཆེས་ཆུང་ཆུང་བསད་ནས་ཟ་བའོ། །བསད་གཅོད་ཀྱི་སྡུག་བསྔལ་ནི།མ་བས་ལྷག་པ་བྱས་པ་འོག་ཏུ་བཅུག་ནས་གསོད་པའོ། །འཁོལ་སྤྱོད་ཀྱི་སྡུག་བསྔལ་ནི། བསྐལ་པ་ཀོ་མཐིལ་ཙམ་གྱི་སྟེང་དུ། རེ་བ་བསྟད་ནས་ཁལ་བཞི་བཞི་ཙམ་འགེལ་བ་ལ་སོགས་པའོ། །རྒྱུན་རིང་བ་ནི་བར་གྱི་བསྐལ་པ་ཙམ་ཐུབ་བོ། །ངན་སོང་གསུམ་ནི། དུད་འགྲོ་སྟོང་འགྱུར་གྱིས་མང་ངོ་། །ཡི་དྭགས་དེ་བས་སྟོང་འགྱུར་གྱིས་མང་ངོ་། །དེ་བས་དམྱལ་བ་སྟོང་འགྱུར་གྱིས་མང་ངོ་། །ཀྱེ་གསང་བའི་བདག་པོ། དཔེར་ན་ཆུ་ཐམས་ཅད་ཐུར་ལ་འགྲོ་བས་མི་ལོག་པར། རྒྱ་མཚོ་ལ་མང་ལ། རི་རྩེ་ལ་ཉུང་བ་བཞིན་དུ། སེམས་ཀྱང་ཆུ་དང་འདྲའོ། །ཉོན་མོངས་ངན་སོང་ན་མང་བར་གྲུབ་པོ་ཞེས་གསུངས་སོ། །མན་ངག་སྙིང་གི་དགོངས་པ་རྒྱལ་བའི་བཀའི་རྒྱུད་ལས། རང་སྣང་ངོ་མ་ཤེས་པས། འཁོར་བ་ངན་སོང་དུ་འཁྱམ་པའི་ལེའུ་སྟེ་བརྒྱད་པའོ།། །།དེ་ནས་ཡང་གསང་བའི་བདག་པོས་ཞུས་པ། ཀྱེ་བཅོམ་ལྡན་འདས་མ་རིག་མུན་པས་བསྒྲིབས་ནས་སུ། རང་སྣང་བདུད་དུ་འགྱུར་བ་ཡིས། །ངན་སོང་གནས་སུ་ཞབྲུལ་ལུགས་ཇི་ལྟར་ལགས། ཞབྲུལ་པ་ཟློག་ན་ཅི་ལྟར་བཟློག །ཅེས་ཞུས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀྱེ་གསང་བའི་བདག་པོ། ལེགས་པར་ཉོན་ཅིག །ངས་བཤད་དོ། །འཁོར་བར་འ་ས་པའི་སེམས་ཅན་གྱི། འཁྲུལ་པའི་ལམ་གྱིས་དུས་ཉིད་ན། །རྩལ་སྣང་སྒོ་ལྔ་འོད་དུ་མཐོང་། །མཐོང་བས་བག་ཆགས་རབ་ཏུ་སྐྱེས། །དེ་ནས་འདོད་ཆགས་ཞེས་སུ་འཁྲུལ། རིག་པ་བཞི་ལ་ལྷན་གྱིས་སོང་། །རང་སྣང་མཚན་ཉིད་མ་ཤེས་པས། །དེ་ལ་ཞེ་སྡང་རབ་ཏུ་སྐྱེས། །དེས་ན་ཞེ་སྡང་ཞེས་སུ་འཁྲུལ། །གཉིས་སུ་མེད་པར་མ་ཤེས་པས། །དེས་ན་གཏི་མུག་ཅེས་སུ་འཁྲུལ། །དེ་ལ་ང་དང་ངའོ་སྙམ་པའི་ཡུལ་དུ་བཟུང་། དེ་ནས་ང་རྒྱལ་ཞེས་སུ་འཁྲུལ། །ང་རྒྱལ་ཆ་ལས་ཁོང་ཁྲོ་བྱུང་། །འགྱུ་བའི་སྒོ་ལ་འདོད་ཆགས་བྱུང་། །མངལ་དུ་འགྲིམས་པས་མོ་རུ་འཁྲུལ། །གཏི་མུག་སྒོ་ལས་གཉིས་ཀར་བཟུང་། །མངལ་དུ་འགྲིམས་པས་མ་ནིང་འཁྲུལ། །ཕོ་མོ་མ་ནིང་དེ་ནས་བྱུང་། ཆགས་པ་སྐྱེས་པས་ཡི་དྭགས་དང་། །ཞེ་སྡང་ལས་ནི་དམྱལ་བ་དང་། །གཏི་མུག་ལས་ནི་བྱོལ་སོང་དང་། ཁོང་ཁྲོ་ཕྲག་དོག་ལྷ་མིན་ལྷ། །དུག་ལྔ་སྐྱེས་པས་འགྲོ་དྲུག་འཁྲུལ། །ཀྱེ་གསང་བའི་བདག་པོ། དུག་ལྔ་སྒོ་ལྔ་ལས་བྱུང་ངོ་། །སྒོ་ལྔ་སྣང་བ་མ་འགགས་པས། འོད་ལ་ཆགས་པས་གཟུགས་ཀྱི་ཕུང་པོར་འཁྲུལ། །ཉམས་སུ་མྱོང་བས་ཚོར་བའི་ཕུང་པོར་འཁྲུལ། །དཀར་དམར་ལྔ་རུ་ཕྱེ་བས་འདུ་ཤེས་འཁྲུལ། །མངལ་དུ་ཚུད་པས་འདུ་བྱེད་ཕུང་པོར་འཁྲུལ། །སྒོ་ལྔ་ཆགས་པས་རྣམ་ཤེས་ཕུང་པོར་འཁྲུལ། །དེ་ནས་མངལ་ནས་འགྲིམས་པའི་ཚེ། །རིག་པ་རིག་གསལ་མ་འགགས་པས། །སྣང་བ་སལ་གྱིས་བྱུང་བས། འབྱུང་བ་སྔར་མིང་ཐོགས་པས། ཞེ་སྡང་སྒོ་ལས་ཆགས་པ་རྣམ་ཤེས་ཕུང་པོར་ཞབྲུལ་ལོ། ཁ་དོག་སྣ་ཚོགས་འབར་བའི་འོད། །ཐམས་ཅད་འདུས་པའི་རྟགས་ཆེན་ཡིན། །འདོད་ཆགས་སྒོ་ལས་སྒྲ་གཅིག་བྱུང་། །ད་ལྟར་རྣ་བའི་རྣམ་ཤེས་ཞབྲུལ། །གཏི་མུག་སྒོ་ལ་དྲི་གཅིག་བྱུང་། །ད་ལྟ་སྣ་ཡི་རྣམ་ཤེས་ཞབྲུལ། །ཐམས་ཅད་སྒོ་ལས་རོ་གཅིག་བྱུང་། །ད་ལྟ་ལྕེ་ཡི་རྣམ་ཤེས་ཞབྲུལ། །ལྷུན་གྲུབ་སྒོ་ལས་རེག་ཏུ་བྱུང་། །ད་ལྟ་ལུས་ཀྱི་རྣམ་ཤེས་འཁྲུལ། །དེ་ཡང་ཇི་ལྟར་ཞབྲུལ་ཞེ་ན། ཐག་པ་ལས་སྦྲུལ་དུ་ཞབྲུལ་བ། །མཐོ་ཡོར་ལས་མིར་འཁྲུལ་བ། སྨིག་རྒྱུ་ལས་ཆུ་རུ་འཁྲུལ་པ་ལྟ་བུར་འཁྲུལ་ལོ། །ཐག་པ་ལ་སྦྲུལ་གྱི་སྣང་བ་མེད་ཀྱང་། རབ་རིབ་ཅན་གྱིས་སྦྲུལ་དུ་མཐོང་བའམ ལའི་མཐོ་ཡོར་ལ་མིར་མ་གྲུབ་སྟེ། སེམས་རྟོག་ཅན་གྱིས་སྒྲ་རུ་བཟུང་བའམ། སྨིག་རྒྱུ་ལ་ཆུར་འཁྲུལ་བ་ནི། རི་དྭགས་ཀྱི་རྒྱལ་པོ་རུ་རུ་བྱ་བ་དེ་ལ། མཆེ་བ་རྣམ་པ་གསུམ་དང་ལྡན་ཏེ། གཉིད་ཆེ་བ། བརྗེད་པ་ཆེ་བ། སྐོམ་དད་ཆེ་བའོ། །སྐོམ་དད་ཆེ་བས་རྒྱ་མཚོ་ལ་ཆུ་འཐུངས་སོ། །གཉིད་ཆེ་བས་རྒྱ་མཚོའི་འགྲམ་དུ་རྒྱབ་གཏད་ཉལ་ལོ། །སྐོམ་དད་ཆེ་བས་གཉིད་སད་པ་ཁ་སྐམ། བརྗེད་པ་ཆེས་བས་རྒྱ་མཚོ་དྲུང་ན་ཡོད་པ་བརྗེད། མདུན་གྱི་སྨིག་རྒྱུ་བསྙེགས་པས་སྐོམ་གྲིར་ཤིའོ། །ཀྱེ་གསང་བའི་བདག་པོ། ཁྱོད་མ་ཡེངས་པར་ཉོན་ཅིག །དེ་འཁྲུལ་པ་བཟློག་ན། ཟག་བཅས་ཀྱི་ཕུང་པོ་འདི། མགར་བའི་ལག་གིས་བྱས་པའི་མེ་ལོང་གིས་གཏན་ལ་འབེབས་པ་ལྟར། ཟག་པ་མེད་པའི་ཡེ་ཤེས། བཅོམ་ལྡན་འདས་དཔལ་སྣང་བ་མཐའ་ཡས་ཀྱི། ཐུགས་ལས་རང་བྱུང་བའི་རིན་པོ་ཆེ། ཤེལ་གྱི་མཆོད་རྟེན་ཁྲི་འཕང་ལྔ་རང་བྱུང་སྟེ། དཔལ་རྡོ་རྗེ་སེམས་དཔའ་ཐུགས་ཀྱི་སྤྲོས་པ་ཆོད་དོ། །དེ་ནས་འཛམ་བུ་གླིང་ཡོངས་སུ་མཐོང་སྟེ། དེ་ནས་རི་མ་ལ་ཡའི་རྩེ་ལ་བབས་སོ། །དགྲ་བཅོམ་པ་ལྔ་བརྒྱའི་ཐུགས་ཀྱི་སྤྲོས་པ་ཆོད་དོ། །དེ་ནས་རི་བྱ་རྒོད་རིའི་རྩེ་ལ་བབས་སོ། །པརྙི་ཏ་ལྔ་བརྒྱའི་ཐུགས་ཀྱི་སྤྲོས་པ་ཆོད་དོ། །དེ་ནས་འཛམ་བུའི་གླིང་ཡོངས་སུ་འཐོར་ཏེ། ལས་ཅན་གྱི་གང་ཟག །རྡོ་རྗེ་འཆང་གི་རིག་པ་འཛིན་པ་རྣམས་ལ། ཐུགས་རྗེ་རང་བྱུང་དུ་འགྲོ་བའི་དོན་བྱོན་པ། རིན་པོ་ཆེ་མན་ཤེལ་དྲི་མ་དང་བྲལ་བ་འདི་བསྟན་པའི་ཚེ། དོན་དམ་ཆོས་སྐུ་མ་ཡིན་ཏེ། དཔེ་འདི་ཅི་འདྲ་བ་བཞིན་ཤེས་པར་གྱིས་ཤིག ཁྲེལ་འདི་ལ་ཕྱི་ནང་མེད་པ་བཞིན། །ཆོས་སྐུ་ལ་ཕྱི་ནང་མེད་པར་ཤེས་པར་གྱིས་ཤིག །འདི་ལ་མདུན་རྒྱབ་མེད་པ་བཞིན་དུ། ཆོས་ཀྱི་སྐུ་ལ་མདུན་རྒྱབ་མེད་པར་གྱིས་ཤིག །འདི་ལ་སྟེང་འོག་མེདཔབཞིན། ཆོསཀྱིསྐུལ་སྟེང་འོག་མེད་པར་ཤེས་པར་གྱིས་ཤིག །འདིལམཚནཉིདལྔལྡནདུ་གསལབབཞིནདུ། ཆོསཀྱིསྐུལམཚནཉིདལྔལྡནདུ་ཤེས་པར་གྱིས་ཤིག །ཀྱེ་གསང་བའི་བདག་པོ། ཕྱི་རབས་ཀྱི་གང་ཟག་རྣམས་ལ། བར་དོ་བཞིའི་གསང་ལམ་པྱེ་ལ་སྟོན་ཅིག །འདི་བསྟན་པའི་ཚེ། ཟག་པ་མེད་པའི་ཡེ་ཤེས་བཞུགས་པ། མེ་ལོང་གསུམ་གྱིས་གཏན་ལ་འབེབས་ཏེ། ནང་གསལ་དུ་འཆར་རོ། །ཀྱེ་གསང་བའི་བདག་པོ། རང་བཞིན་གྱི་བར་དོ་དང་། ཏིང་ངེ་འཛིན་གྱི་བར་དོ་དང་། རྨི་ལམ་གྱི་བར་དོ་དང་། ཆོས་ཉིད་ཀྱི་བར་དོ་བཞི་ལ་ངོ་སྤྲོད་དོ། །ཀྱེ་གསང་བའི་བདག་པོ། རང་བཞིན་གྱི་བར་དོ་ལ ཟབ་མོའི་དོན་བསྟན་ནས། དྭ་ཕྲུག་མ་འཕྲད་ལྷ་བུའི་གདམས་ངག་བསྟན་ཏེ། དཔེར་ན་གང་ཟག་བཟའ་མི་གཉིས་འདུས་ནས། སྐྱེས་པ་དེ་ནི་ཤི། བུད་མེད་དེ་ལ་ལུས་ལ་བུ་གཅིག་སྐྱེས་སོ། །དེ་སྐྱེས་པ་དང་མ་དང་བྲལ་ཏེ། ཕྱི་མེས་ཀྱིས་གསོས་པས། མ་དང་བྲལ་ནས་ཤིན་ཏུ་ཉོན་མོངས་སོ། །དུས་ལན་ཅིག་ཡུལ་དེར་ལྟད་མོ་ཞིག་ཡོད་པས། མི་ཐམས་ཅད་ལྟད་མོ་ལ་ཆས་སོ མི་ཐམས་ཅད་རྒྱན་འདོགས་རྟ་ཤོན་བྱེད་པ་ཁོང་ཡང་ཆས་སོ། །ལྷད་མོའི་སར་སླེབས་པས་མི་ཐམས་ཅད་ལྟད་མོ་ལྟ་བཟའ་བ་སྟེར་བ་ཟ་བྱེད་པས། མི་ཐམས་ཅད་ལ་ཕ་མ་འདུག་པས། ཁོ་ལ་ཕ་མ་མེད་དེ། ངའི་ཕ་མ་མེད་དོ། །ངའི་ཕ་མ་ཞིག་གང་དུ་སོང་ན་སྙམ་སྟེ། ཕ་མའི་སྡུག་བསྔལ་ཤར་རོ། །དེར་འགྲོ་ས་ཡང་མེད། བཟའ་བ་སྟེར་བ་ཡང་མེད་པས། ལམ་འཕྲང་གཅིག་ལ་བསྡད་དོ། །དེའི་མ་དེ་ཡང་བུ་ཚོལ་བ་ལ། དེ་རིང་མི་ཐམས་ཅད་ཚོགས་པས་ངའི་བུ་དེ་དང་ཡང་འཕྲད་དམ་སྙམ་སྟེ། ལམ་དེ་ལ་སྟོད་སྨད་གཉིས་གཤིབས་ཏེ་འདུག་གོ །དེ་རུ་མི་རྒྱུས་ཡོད་པ་གཅིག་བྱུང་སྟེ། དེས་སྨྲས་པ་དུས་དེ་རིང་ཁྱེད་མ་སྨད་ཀྱང་འཛོམ་འདུག་བྱས་ཏེ། །སྔོན་གྱི་མ་སྨད་བྲལ་བའི་ལོ་རྒྱུས་བཤད་པས་ཡིད་ཆེས་ཏེ། མ་དང་བུ་རུ་འཕྲད་དོ། །ཀྱེ་གསང་བའི་བདག་པོ་དཔེ་དེ་བཞིན་དུ། ལྟད་མོ་ཡོད་པ་དང་འདྲ་བའི་སྐྱེ་རྒས་ན་འཆིའི་སྡུག་བསྔལ་ལ། ན་ཟླ་ཤེད་རོགས་ཤི་བ་དང་། ཁྱིམ་མཚེས་ལྟག་འོག་ཤི་བ་དང་། མཐོང་བའི་དུས་དེར། ཆོས་མིན་པ་ཅིས་ཀྱང་མི་ཕན་པས། ཕ་མ་དང་འདྲ་བའི་མིས་རྒྱུས་ཅན་དང་འདྲ་བའི་བླ་མས་རང་ལ་ཆོས་སྐུ་ཇི་ལྟར་དུ་ཡོད་པ་དེ། ངོ་སྤྲད་རྣམ་པ་བཞིས་གཏན་ལ་ཕབ་སྟེ་བསྟན་པས།དཔེ་ལ་ངོ་སྤྲོད་པས་ངོ་ཤེས། རྟགས་ལ་ངོ་སྤྲད་པས་ཡིད་ཆེས། དོན་ལ་ངོ་སྤྲད་པས་ཐག་ཆོད། ཚིག་ལ་ངོ་སྤྲད་པས་འཁོར་འདས་ཀྱི་ཤན་ཕྱེད་དོ། དཔེ་ལ་ཤེལ་རྟགས་ལ་རང་ཆས། དོན་སྒྲོན་མ། ཚིག་རྡོ་རྗེ་སེམས་དཔའི་ཞལ་ཆེམས་སོ། །ཀྱེ་གསང་བའི་བདག་པོ། དེ་ངོ་ཤེས། རང་སྣང་སྐུ་དང་ཡེ་ཤེས་སུ་ཤེས་ཐག་ཆོད་དོ། །མན་ངག་སྙིང་གི་དགོངས་པ་རྒྱལ་བའི་བཀའ་ལས། རང་བཞིན་གྱི་བར་དོ་ལ་ཟབ་མོའི་དོན་བསྟན་ནས། དྭ་ཕྲུག་མ་དང་ཕྲད་པའི་ལེའུ་སྟེ་དགུ་པའོ།། །།ཀྱེ་གསང་བའི་བདག་པོ། ཏིང་ངེ་འཛིན་ཉམས་ལེན་གྱི་བར་དོ་ལ། ཡེ་ཤེས་ངོ་ཡིས་འཛིན་པ། སྒེག་མ་མེ་ལོང་ལྟ་བུའི་གདམས་ངག་ནི་དཔེ་ན་ཆུང་སྒེག་༄༅ མོ་ལང་ཚོ་ལ་བབ་པ མེ་ལོང་ལ་བལྟ་ཞིང་ཕྱི་བདར་བྱེད་དོ། །ལས་ཅན་གྱི་གང་ཟག་དེ་ཡང་། གདམས་ངག་ལ་ཡང་དང་ཡང་དུ་དྲན་པ་བསྟན་པའོ། །དེ་ཡང་དང་ཡང་དུ་གསོར་བྱེད་པ། དེ་ཉིད་དྲན་པ་ཆེན་པོ་འཆང་ཤས་སོ། །ཏིང་ངེ་འཛིན་གྱི་བར་དོ་བསྟན་པའི་ལེའུ་སྟེ་བཅུ་པའོ།། །།རྨི་ལམ་གྱི་བར་དོ་ལ་བག་ཆགས་ཀྱི་མཚམས་སྦྱོར་བ་ནི། ཀྱེ་གསང་བའི་བདག་པོ། དཔེར་ན་ཆུ་བོའི་གཞུང་ལྟ་བུ་སྟེ།ཆུ་བོ་གང་གྭའི་ཆུ་བསྐལ་པ་ནས་རྒྱུན་ཆད་མེད་པ་བཞིན་དུ། སྣང་བ་འདི་རང་ཡང་རྨི་ལམ་ལྟ་བུ་ཡིན་ཏེ། དེ་རང་བྲེད་དངངས་དྲག་པོ་གཅིག་བྱུང་ན། རྨི་ལམ་ན་ཡང་དངངས་སྐྲག་གོ །སྐྱེ་ཤིས་འཇིགས་པའི་མི་གཅིག །གདམས་ངག་ལ་དྲན་པ་བརྟན་པ་ལ་ཉིན་དང་མཚན་མེད་དོ། །རྨི་ལམ་གྱི་བར་དོ་བསྟན་པའི་ལེའུ་སྟེ་བཅུ་གཅིག་པའོ།། །།ཀྱེ་གསང་བའི་བདག་པོ། ཆོས་ཉིད་ཀྱི་བར་དོ་ལ་རང་ཡིན་པ་ལ། ཡིན་པར་ངོ་ཤེས་པ། སྔར་འདྲིས་པའི་མི་དང་ཕྱིས་གང་འཕྲད་པ་ལྟ་བུ་ནི། ད་ལྟ་བླ་མས། རང་ལ་ཆོས་སྐུ་ངོ་སྤྲད་ནས་རང་ངོ་ཤེས་པའི་གང་ཟག་དེ། བེམ་རིག་བྲལ་བ་དང་། ཁྱུང་སྒོང་རྒྱ། སེང་གེ་མངལ་རྒྱ། རྣལ་འབྱོར་པ་ལུས་རྒྱ། རྒྱ་གསུམ་ལས་གྲོལ་བའི་དུས་སོ། །རང་སྣང་སྐུ་དང་ཡེ་ཤེས་སུ་ངོ་ཤེས་ཏེ། རང་སྣང་རྣམ་དག་ཏུ་ངོ་ཤེས། ཡིད་ཆེསཐགཆོདདོ། །སྔརའདྲིས་པའི་མི་དང་ཕྱིས་འཕྲདཔལྟབུའོ། །གཅིགའགག །གཅིགའཆར་། གཅིག་ལ་གནས་སོ། །རྒྱལ་བ་འོད་ཀྱི་ཕུང་པོའི་ཆེན་པོའི་དཀྱིལ་འཁོར་ཆེན་པོ། །འདབ་མ་བཞི་པ་ལྟེ་བ་དང་ལྔའི་ཚུལ། མེ་མར་སྟོང་བཏེག་པ་ལྟ་བུ། ཉི་མ་འབུམ་པས་ལྷག་པའི་པདྨའི་དབུས་ལྟེ་བ་ལ།རིག་པ་ངོ་བོ་སྟོང་པའི་ངོས་ནས་ཆོས་ཀྱི་དབྱིངས་ཀྱི་ཡེ་ཤེས། ཡེ་ཤེས་དེའི་རང་གདངས་འོད་ཁ་དོག་མཐིང་གར་གསལ་ལོ། །དེའི་འབྲས་བུ་གཟུགས་བརྙན་དུ་ཤར་བའི་སྐུ། བཅོམ་ལྡན་འདས་དཔལ་རྣམ་པར་སྣང་མཛད། ཆོས་ཉིད་མི་འགྱུར་བའི་རྟགས་སུ། སྐུ་མདོག་མཐིང་ག །དོན་གྱི་དགོངས་པ་ཆོས་ཉིད་སྐྱེ་བ་མེད་པའི་ཀློང་དུ་འདུས་པའི་རྟགས་སུ། བྱང་ཆུབ་མཆོག་གི་ཕྱག་རྒྱ་ཅན། ཐུགས་རིག་པའི་ཡེ་ཤེས་མ་རིག་པ་གཅོད་པའི་བརྡའ་སྲ ཕྱག་མཚན་འཁོར་ལོ་བསྣམས་པ། ཡོན་ཏན་རིན་པོ་ཆེ་དུ་མས་སྤྲས་པའི་བརྡའ་མྲ རིན་པོ་ཆེ་མཛེས་པའི་རྒྱན་གྱིས་སྤྲས་པ། གདན་ནི་སྐུ་ལ་རྩལ་གསུམ་རྫོགས་པའི་རྟགས་སུ་སེང་གེའི་གདན་ནོ། །སྐུ་ལ་ཉོན་མོངས་པའི་སྐྱོན་གྱིས་མ་གོས་པའི་རྟགས་སུ་པདྨའི་གདན་ནོ། །དེའི་སྟེང་དུ་ཐབས་ཤེས་རབ་འདུ་འབྲལ་མེད་པའི་བརྡའ་སྲ ཉི་མ་དང་ཟླ་བའི་གདན་ལ་བཞུགས་སོ། །འཁོར་ནི་ཚད་མེད་པ་བཞི་དང་ལྡན་པའི་བརྡའ་སྲ རིགས་བཞིའི་སངས་རྒྱས་ཀྱིས་བསྐོར་ཏེ། སྐུ་མདོག་དགོངས་པ་བརྡའཡིས མཚོན པ། ཚོམ བུའི་དཀྱིལ་འཁོར་དུ་གསལ་ལོ། ཁྲར་གྱི་པདྨའི་འདབ་མ་ལ། རིག་པ་རང་བཞིན་གསལ་བའི་མེ་ལོང་ལྟ་བུ་ཡེ་ཤེས། ཡེ་ཤེས་དེའི་རང་གདངས། འོད་ཁ་དོག་དཀར་པོར་གསལ་ལོ། །དེའི་འབྲས་བུ་གཟུགས་བརྙན་དུ་ཤར་བའི་སྐུ། བཅོམ་ལྡན་འདས་དཔལ་རྡོ་རྗེ་སེམས་དཔའ། ཆོས་ཀྱི་སྐུ་དྲི་མ་མེད་པའི་བརྡའ་སྲ སྐུ་མདོག་དཀར་པོ། ས་ཡོངས་སུ་རྫོགས་ཤིང་ནོན་པའི་བརྡའ་སྲ ས་གནོན་གྱི་ཕྱག་རྒྱ། ཐུགས་རིག་པའི་ཡེ་ཤེས་ལས་འགྱུར་བ་མེད་ཅིང་། སྐུ་ལྔ་ཡེ་ཤེས་ལྔ་དང་ལྡན་པའི་བརྡའ་མྲ ཕྱག་མཚན་རྡོ་རྗེ་རྩེ་ལྔ་པ་བསྣམས་པའོ། །ཐབས་ཤེས་རབ་འདུ་འབྲལ་མེད་པའི་བརྡའ་སྲ ཡུམ་སངས་རྒྱས་སྤྱན་དང་གཉིས་སུ་མེད་པའོ། །སྐུ་རྡོ་རྗེ་སྐྱིལ་ཀྲུང་དུ་བཞུགས་ཤིང་། མཚན་དང་དཔེ་བྱད་ཀྱིས་བརྒྱན་པའོ། །གདན་ནི་ཆོས་ཉིད་མི་འགྱུར་བའི་རྟགས་སུ་གླང་པོ་ཆེའི་གདན་ནོ། །དེའི་སྟེང་དུ་ཉོན་མོངས་པའི་སྐྱོན་གྱིས་མ་གོས་པའི་བརྡའ་སྲ པདྨའི་གདན་དང་ཉི་ཟླའི་གདན་ལ་བཞུགས་སོ། །དེ་ཡང་རྡོ་རྗེ་སེམས་དཔའ་ཡབ་ཀྱི་ཐབས་འགག་པ་མེད་པའི་ཡེ་ཤེས་ཀྱི་ཆ་འཛིན་པའི་སེམས་དཔའ་གཉིས་སུ་ཤར། དེ་ཡང་སའི་སྙིང་པོ་གཡས་ནས་བཞུགས། བྱམས་པ་ཨི་ཏྲི་གཡོན་ན་བཞུགས་སོ། །ཡུམ་སངས་རྒྱས་སྤྱན་གྱི་ཤེས་རབ་འགྱུར་བ་མེད་པའི་ཆོས་ཉིད་ཀྱི་མཚན་ཉིད་འཛིན་པ། སེམས་མ་གཉིས་སུ་ཤར་དེ། ལྭ་པྱ་སྒེག་མོ་བདུན་ན་བཞུགས་སོ། །པྲསྤྲོ་མ་རྒྱབ་ན་བཞུགས་སོ། །ཚོམ་བུའི་དཀྱིལ་འཁོར་དུ་རང་གསལ་ལོ། །ལྷོའི་པདྨའི་འདབ་མ་ལ། རང་རིག་པ་གསལ་སྟོང་གཉིས་སུ་མེད་པ། མཉམ་པ་ཉིད་ཀྱི་ཡེ་ཤེས། ཡེ་ཤེས་དེའི་རང་གདངས། འོད་ཁ་དོག་སེར་པོ་རུ་གསལ་ལོ། །དེའི་འབྲས་བུ་གཟུགས་བརྙན་གྱི་སྐུ་རུ་གསལ་བ། བཅོམ་ལྡན་འདས་དཔལ་རིན་ཆེན་འབྱུང་ལྡན་དུ་གསལ་ཏེ། དེ་ཡང་ཡོན་ཏན་རིན་པོ་ཆེ་དུ་མས་རྒྱས་པའི་རྟགས་སུ། སྐུ་མདོག་སེར་པོ། །འགྲོ་བ་སེམས་ཅན་ལ་ཐུགས་རྗེ་འབྱུང་བའི་རྟགས་སུ། མཆོག་སྤྱིན་གྱི་ཕྱག་རྒྱ་ཅན་རིག་པ་རང་བྱུང་གི་ཡེ་ཤེས་ལ། ཡོན་ཏན་ཕྱོགས་མེད་དུ་འབྱུང་བའི་བརྡའ་སྲ ཕྱག་མཚན་ནོར་བུ་རིན་པོ་ཆེ་བསྣམས་པའོ། །ཐབས་ཤེས་རབ་འདུ་འབྲལ་མེད་པ་མཚོན་པའི་བརྡའ་མྲ ཡུམ་ཆུ་བཱ་མ་ཀི་དང་གཉིས་སུ་མེད་པར་བཞུགས་པའོ། །གདན་ནི་འཁོར་བའི་ཆོས་ཉིད་ཀློང་དུ་གྲོལ་བའམ། བསྐྱོད་པའི་བརྡའ་སྲ རྟ་མཆོག་བསྣོལ་བའི་གདན་ནོ། །སྐྱོན་གྱིས་མ་གོས་པའི་རྟགས། པདྨ་ཉི་ཟླའི་གདན་ནོ། །དེ་ཡང་ཡབ་ཀྱི་ཐབས་འགག་པ་མེད་པའི་ཡེ་ཤེས་ཀྱི་ཆ་འཛིན་པ། སེམས་དཔའ་གཉིས་སུ་ཤར་ཏེ། ཀུན་ཏུ་བཟང་པོའི་གཡས་ན། ནམ་མཁའི་སྙིང་པོ་གཡོན་ན་བཞུགས་སོ། །ཡུམ་གྱི་ཤེས་རབ་འགྱུར་བ་མེད་པའི་ཆ་འཛིན་པ། སེམས་མ་གཉིས་སུ་ཤར་ཏེ། བཱ་ལེ་མེ་ཏོག་གི་ཕྲེང་བ་ཅན་མདུན་ན། ་པེ་མ་རྒྱབ་ནའོ། །ཚོམ་བུའི་དཀྱིལ་དུ་རང་གསལ་ལོ། །ནུབ་ཀྱི་པདྨ་ལ་རིགས་པའི་ཤེས་རབ་འགག་པ་མེད་པའི་སོ་སོར་རྟོགས་པའི་ཡེ་ཤེས། ཡེ་ཤེས་དེའི་རང་གདངས། འོད་ཁ་དོག་དམར་པོར་གསལ་ལོ། །དེའི་འབྲས་བུ་གཟུགས་བརྙན་དུ་ཤར་བའི་སྐུ། བཅོམ་ལྡན་འདས་དཔལ་སྣང་བ་མཐའ་ཡས་སུ་གསལ་ཏེ། ཐུགས་རྗེ་འགྲོ་བའི་དོན་ལ་ཆགས་པའི་བརྡའ་སྲ སྐུ་མདོག་བྱི་རུའི་མདོག་ལྟར་དམར་པོར་གསལ་ལོ། །དོན་གྱི་དགོངས་པ་ཆོས་ཉིད་ངང་ལ་གནས་པའི་བརྡའ་སྲ མཉམ་བཞག་གི་ཕྱག་རྒྱ་ཅན། ཐུགས་རིག་པའི་ཡེ་ཤེས་ལ་རྟོག་པ་ཉོན་མོངས་པའི་སྐྱོན་གྱིས་མ་གོས་པའི་བརྡའ་མྲ ཕྱག་མཚན་པདྨ་བསྣམས་པའོ། །ཐབས་ཤེས་རབ་འདུ་འབྲལ་མེད་པའི་བརྡའ་སྲ ཡུམ་མེ་གོས་དཀར་མོ་དང་གཉིས་སུ་མེད་པའོ། །གདན་ནི་འགྲོ་བའི་དོན་མཛད་པ་ལ་མཛེས་པའི་བརྡའ་སྲ རྨ་བྱ་བསྣོལ་བའི་གདན་ནོ། །དེའི་སྟེང་དུ་འཁོར་བའི་ཉོན་མོངས་པའི་སྐྱོན་གྱིས་མ་གོས་པའི་བརྡའ་རུ་པདྨའི་གདན་ནོ། །ཐབས་ཤེས་གཉིས་སུ་མེད་པའི་བརྡའ་སྲ ཉི་ཟླའི་གདན་ནོ། །དེ་ཡང་སྐུ་སྐྱིལ་ཀྲུང་། མཚན་དང་དཔེ་བྱད་ཀྱིས་བརྒྱན་པ། ཡབ་ཀྱི་ཐབས་འགག་པ་མེད་པའི་བརྡར། སེམས་དཔའ་གཉིས་སུ་ཤར་ཏེ། འཇམ་དཔལ་གཡས་ནའོ། །སྤྱན་རས་གཟིགས་གཡོན་ནའོ། །ཡུམ་གྱི་ཤེས་རབ་འགྱུར་བ་མེད་པའི་ཆ་འཛིན་པ་གཉིས་སུ་ཤར་ཏེ། ཨུ་ལོ་ཀེ་སྣང་གསལ་འབུམ་པའི་ལྷ་མོ་མདུན་ན། གིརྟི་སྒྲའི་མཆོད་པ་འབུལ་བ་རྒྱབ་ནའོ། །ཚོམ་བུའི་དཀྱིལ་འཁོར་དུ་རང་གསལ་ལོ། །བྱང་གི་པདྨའི་འདབ་མ་ལ། ཤེས་བྱའི་ཐོགས་པ་མེད་པའི་བྱ་བ་གྲུབ་པའི་ཡེ་ཤེས། ཡེ་ཤེས་དེའི་རང་གདངས། འོད་ཁ་དོག་ལྗང་གུ་རུ་གསལ་ལོ། །དེའི་འབྲས་བུ་གཟུགས་བརྙན་གྱི་སྐུར་ཤར་བ། བཅོམ་ལྡན་འདས་དཔལ་དོན་ཡོད་གྲུབ་པ། སྐུ་མདོག་ལྗང་གུར་གསལ་ལོ། །ཐུགས་རྗེས་སེམས་ཅན་གྱི་དོན་ལ་སྐྱོབས་པའི་བརྡའ་མྲ རིན་པོ་ཆེའི་རྒྱན་དུ་མས་བརྒྱན་པའོ། །མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་བརྒྱན་པ། གདན་ནི་སྐྱོན་གྱིས་མ་གོས་པ་པདྨའི་གདན་དང་། ཐབས་ཤེས་རབ་འདུ་འབྲལ་མེད་པ་ཉི་ཟླའི་གདན་ནོ། །འགྲོ་བའི་དོན་ཐོགས་པ་མེད་པ་མཛད་པའི་བརྡའ་སྲ ཤང་ཤང་བསྣོལ་བའི་གདན་ནོ། །དེ་ཡང་ཡབ་དོན་ཡོད་གྲུབ་པ་འགག་པ་མེད་པའི་བརྡའ། སེམས་དཔའ་གཉིས་སུ་ཤར་ཏེ། ཕྱག་ན་རྡོ་རྗེ་གཡས་ན། སྒྲིབ་པ་རྣམ་སེལ་གཡོན་ནའོ། །ཡུམ་གྱི་ཤེས་རབ་འགག་པ་མེད་པའི་ཆ་འཛིན་པ། སེམས་མ་གཉིས་སུ་ཤར་ཏེ། དེ་ཡང་གིརྟི་མ་སྒྲའི་མཆོད་པ་འབུལ་བ་མདུན་ན། གན་རྙེ་མ་དྲིའི་མཆོད་པ་འབུལ་བ་རྒྱབ་ནའོ། །ཚོམ་བུའི་དཀྱིལ་འཁོར་དུ་རང་གསལ་ལོ། །ཀྱེ་གསང་བའི་བདག་པོ། ཚད་མེད་པ་བཞིའི་རང་བཞིན་ལས། སྒོ་བ་བཞིར་ཡང་སྣང་སྟེ། རྣམ་རྒྱལཤར ན། གཤིན རྗེ གཤེད པོལྷོན། རྟ་མགྲིན་ནུབ་ན། བདུད་རྩི་འཁྱིལ་པ་བྱང་ནའོ། །དེའི་ཡུལ་བཞི་ལ་སྒོ་མ་བཞིར་ཡང་སྣང་སྟེ། ལྕགས་ཀྱུ་མ་ཤར་ན། ཞགས་པ་མ་ལྷོ་ན། ལྕགས་སྒྲོག་མ་ནུབ་ན། དྲིལ་བུ་མ་བྱང་ནའོ། །དེ་མཐར་ཕྱིན་པའི་བརྡའ་སྲ ཕ་རོལ་ཏུ་ཕྱིན་པ་དྲུག་དང་ཡང་ལྡན་ཏེ། ཐུབ་པ་དྲུག་ཏུ་གསལ་ལོ། །དེའི་ཐབས་ཤེས་རབ་མ་འགགས་པས།ཡབ་ཀུན་ཏུ་བཟང་པོ། ཤེས་རབ་མ་འགགས་པས། ཡུམ་ཀུན་བཟང་མོར་གསལ་ལོ། །ཆོས་སྐུར་སྟོང་ཆ་ལ་ཞི་བའི་ལྷ་ཚོགས་སུ་གསལ་ལོ། །ཆོས་སྐུའི་གསལ་ཆ་ལ། ཁྲོ་བོའི་ལྷ་ཚོགས་ཁྲག་འཐུང་ལྔ་བཅུ་རྩ་བརྒྱད་དུ་འཆར་རོ། །ཀྱེ་གསང་བའི་བདག་པོ། དཔེར་ན་བུམ་པའི་ནང་གི་སྐུ་ལྟར་མ་འདྲེས་པ་ཡོངས་སུ་རྫོགས་པར་འཆར་རོ། །མཛོད་སྐྲུ་ལས་ཕྱག་རྡོར། ལྗགས་ལས་འཇམ་དཔལ། མགྲིན་པ་སྤྱན་རས་གཟིགས། སངས་རྒྱས་ཐམས་ཅད་རང་ལས་འཆར་ཏེ། འདི་ལྟར་སངས་རྒྱས་བཅོམ་ལྡན་འདས། །ཡེ་ཤེས་སྐུ་སྟེ་རང་བྱུང་བ། །ཡེ་ཤེས་མིག་ཅན་དྲི་མ་མེད། །ཡེ་ཤེས་སྣང་བ་ལམ་མེ་བ། །སྐད་ཅིག་གཅིག་གིས་རྫོགས་སངས་རྒྱས། །སྐད་ཅིག་གཅིག་གིས་བྱེ་བྲག་ཕྱེད། །གཉིས་མེད་རོ་གཅིག་ཆུ་ལ་ཆུ་བཞག་བཞིན། །ལན་ཚྭའི་རོ་བཞིན་ཐམས་ཅད་གཅིག་གིས་ངང་། །སྒྲ་ཐམས་ཅད་རང་སྒྲ་སྣང་བ་ཐམས་ཅད་རང་སྣང་། དཔེར་ན་མི་སྔར་འདྲིས་པ་ཤིན་ཏུ་གཅུགས་པ་གཉིས་ཡོད་ལ། དེ་གཉིས་ཡུན་རིང་འབྲལ་ཀྱང་། འཕྲང་གཅིག་ལ་འཛོམ་ན། ངོ་ཤེས་བཅུག་གོ །ཀྱེ་གསང་བའི་བདག་པོ། ད་ལྟར་གྱི་དུས་སུ་ཐག་ཆོད་པ་གལ་ཆེའོ། །སྙིང་ཚིལ་པདྨ་དཀར་པོའི་གདན་ལ། སྣང་ལ་རང་བཞིན་མེད་པ་ཏིལ་གྱི་གོང་བུ་ཙམ། རྟ་རྔ་བཅུ་གཤགས་ཚད་དྭངས་མ། འོད་ལྔའི་ཚུལ་དུ་བཞུགས། རྡོ་རྗེ་སེམས་དཔའི་མེ་ལོང་ལ་མིག་བཅུག་ནས་བལྟས་པས། ཆ་ཕྲ་ལ་གདངས་པ། གསལ་ལ་འཚེར་བ། རང་བཞིན་བཀྲག་པ། ཉམ་ང་བ། སོས་ཀའི་ཐང་ཀ་ལ། སྨིག་རྒྱུ་རྒྱུ་བ་བཞིན་དུ་མེ་རེ་རེ་ཡོང་ངོ་། །དེ་ལྟར་ཉམས་སུ་མྱོང་ཞིང་ངོ་ཤེས་ཤིང་འདྲེས་པར་གྱིས་ཤིག །ཀྱེ་གསང་བའི་བདག་པོ།རྩེ་གསུམ་ནི་སྐུ་གསུམ་གྱི་བརྡའོ། །དཔེ་འདྲ་འབག་ལ། མེ་ལོང་གསུམ་ཐུགས་ཉམས་སུ་བླང་ངོ་། །ཆོས་ཉིད་ཀྱི་བར་དོ་བསྟན་པའི་ལེའུ་སྟེ་བཅུ་གཉིས་པའོ།། །།ཀྱེ་གསང་བའི་བདག་པོ། དབང་པོ་ཐ་མའི་གང་ཟག་གཅིག །སྐྱེ་ཤི་འཇིགས་པ་ལས་སྒྲོལ་བ་ལ། བར་དོ་གཉིས་ལྷག་པར་བསྟན་ཏེ། ནམ་འཆི་བའི་ཚེ། ལུས་ཀྱི་ཆ་ལུགས་རྟའི། མཛེས་པའི་མདངས་་།ར་རོ། །ས་ཆུ་ལ་ཐིམ་པས། ལུས་མི་ཐེག་སྟོབས་ཤོར།ཆུ་མེ་ལ་ཐིམ་པས། ཁ་སྣ་སྐམ། མེ་རླུད་ལ་ཐིམ་པས། ལུས་ཀྱི་དྲོད་ཤོར། རླུད་ནམ་མཁའ་ལ་ཐིམ་པས། ཤེས་པ་རྡིབ་རྩ་ཆད། ཐིབ་ཐིབ་པའི་དུས་དེར། བླ་མ་གདམས་ངག་ཅན་གཅིག་གིས། གདམས་ངག་བཏབ་ནས་བྱས་ན། །བེམ་རིག་བྲལ་བ་དང་། སྔར་གྱི་གདམས་ངག་གི་གནད་ཀྱིས། །དཔེར་ན་མི་གཅིག་གིས། །རྫསཀྱིརྣམཔགཅིགབངམཛོད་ཅིག་ཏུ་བཞག་པས། །ས་ནི་སྲོད་མུན་པ་ལ་ལོན་དགོས་ན། །སྒྲོན་མེ་བཏེག་ནས་ཕྱིན་ན། །མི་རྫས་དང་འཕྲད་དེ། །མེ་མེད་ན་མི་འཕྲད་དོ། །དཔེ་དེ་བཞིན་དུ། ཤེས་པ་རྡིབ་པའི་དུས་དེར། གསལ་བཏབ་ན་རང་སྣང་དུ་ཐག་ཆོད་དོ། །དེ་ནི་སྐྱེ་ཤིའི་བར་དོ་ལ། མི་གསལ་བས་གསལ་བར་བྱེད་པ། མུན་ཁུང་དུ་སྒྲོན་མེ་བཏེགས་པ་ལྟ་བུའི་ལེའུ་སྟེ་བཅུ་གསུམ་པའོ།། །། རྒྱ་གར་སྐད་དུ། ཏི་ལ་ཀ་གུ་རྒྱ་ཨ་ཏི་ན་ཏན་ཏྲ་ནཱ་མ། བོད་སྐད་དུ། ཐིག་ལེ་གསང་