Ngb-pt-0753-vol-08-text
Front[edit]
Body[edit]
རྒྱ་གར་སྐད་དུ། ཤི་དེ་ཝི་མ་ཧྭ་ཀ་ལི་ཙིསྟ་གུ་གྱེ་ཏརྙ། བོད་སྐད་དུ། དཔལ་ལྷ་མོ་ནག་མོའི་ཐུགས་ཀྱི་སྲོག་བསྒྲུབ་གསང་བའི་རྒྱུད། །བཅོམ་ལྡན་འདས་རྡོ་རྗེ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། །བཅོམ་ལྡན་འདས་དཔལ་རྡོ་རྗེ་འཛིན་པ་ཆེན་པོ་སྲས་དངའཁོར་དུ་བཅས་པ་རྣམས། །བཙུན་མོའི་བྷ་ག་མཁའ་ཀློང་རྣམ་པར་དག་པ་ན་བཞུགས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་གསང་བའི་བདག་པོ་ལག་ན་རྡོ་རྗེ་དང་། །གཞན་ཡང་བདུད་ཀྱི་མ་གཤིན་རྗེའི་སྲིང་མོ་དཔལ་ལྷ་མོ་ནག་མོ་ཞེས་བྱ་བ། །རང་བཞིན་གྱི་དཀྱིལ་འཁོར་མཐོང་ཞིང་འདས་པའི་དེ་བཞིན་གཤེགས་པ་རྣམས་ཀྱི་ཐད་དུ་དམས་པ། །ད་ལྷའི་དེ་བཞིན་གཤེགས་པ་ཤཱཀྱ་ཐུབ་པའི་བསྟན་པའི་བསྲུང་མར་སྨོན་ལམ་བཏབ་པ། །དུས་ཕྱི་མ་ལ་སངས་རྒྱས་ཀྱི་ས་ལ་སྨིན་ཅིང་ལུང་བསྟན་པའི་སྨོན་ལམ་ཅན་དང་ཐབས་ཅིག་ཏུ་བཞུགས་སོ། །གཞན་ཡང་རང་བཞིན་གྱི་དཀྱིལ་འཁོར་མ་མཐོང་བ་ནི། །བརྒྱ་བྱིན་དང་། །ཚངས་པ་དང་། གཤིན་རྗེ་དང་། སྲིན་པོ་དང་། །ཤ་ཟ་དང་། གནོད་སྦྱིན་དང་། མ་མོ་ནག་མོ་དང་། །ལྷོ་འཕྱེ་དང་། །གྲུལ་བུམ་དང་། །དྲི་ཟ་དང་། །མི་འམ་ཅི་དང་། ལྷ་མ་ཡིན་དང་། ནམ་མཁའ་ལྡིང་དང་། །མ་མོ་དང་། མཁའ་འགྲོ་དང་། མཁའ་འགྲོ་མ་དང་། མཁའ་འགྲོ་མའི་བདག་མོ་དཔལ་ནག་མོ་ལ་སོགས་པ་རྣམས་དང་ཐམས་ཅད་ཅིག་ཏུ་བཞུགས་སོ། །དེའི་ཚེ་དེའི་དུས་ན་གསང་བའི་བདག་པོ་ལག་ན་རྡོ་རྗེ་སྟན་ལས་ལངས་ཏེ། རང་བཞིན་གྱི་དཀྱིལ་འཁོར་མ་མཐོང་བ་རྣམས་ལ་འདི་སྐད་ཅེས་སྨྲས་སོ། །བརྒྱ་བྱིན་ལ་སོགས་པ་ཁྱེད་རྣམས་ཀྱིས། དེ་བཞིན་གཤེགས་པ་སྲས་དང་བཅས་པ་རྣམས་ལ་ཕྱག་འཚལ་བ་དང་། མཆོད་པ་འབུལ་བ་དང་། །སྐྱབས་སུ་འགྲོ་བ་དང་། རྣམ་པར་དཀའ་བའི་ཕྱོགས་ལ་དད་པར་གྱིས་ཤིག་ཅེས་སྨྲས་པ་དང་། བརྒྱ་བྱིན་ལ་སོགས་པ་རྣམས་ཀྱིས། །ཕྱོགས་བཅུའི་སངས་རྒྱས་རྣམས་ཀྱི་མཚན་ནས་བརྗོད་ཅིང་ཕྱག་བཙལ་བ་དང་། མཆོད་པ་འབུལ་བ་དང་། སྐྱབས་སུ་འགྲོ་བ་དང་། །དཀར་པོ་ཕྱོགས་ལ་དད་པ་མོས་པར་བྱས་ཏེ། ཐལ་མོ་སྦྱར་ནས་ཐམས་ཅད་ཀྱིས་མགྲིན་གཅིག་པར་བྱས་ཏེ་འདི་སྐད་དུའོ། །ན་མོ་སངས་རྒྱས་ཀྱི་ཆོས་འཇིག་རྟེན་དུ་རིང་དུ་གནས་ཤིང་རྒྱས་པར་བྱ་བའི་སླད་དུ། བདག་ཅག་རྣམས་ཀྱིས་དེ་བཞིན་གཤེགས་པ་རྣམས་ལ་ཕྱག་བཙལ་བ་དང་། མཆོད་པ་འབུལ་བ་དང་། །སྐྱབས་སུ་འགྲོ་བ་དང་། དད་པ་དང་། མོས་པ་དང་། ཡིད་ལ་བྱས་པའི་བྱིན་གྱིས་བརླབས་ཀྱིས། །དེ་བཞིན་གཤེགས་པ་སྲས་དང་འཁོར་དུ་བཅས་པ་རྣམས་བདག་ཅག་གི་མངོན་དུ་སྣང་བར་གྱུར་ཅིག་ཅེས་སྨོན་ལམ་བཏབ་པ་དང་། དེའི་མོད་ལ་དེ་བཞིན་གཤེགས་པ་སྲས་དང་འཁོར་དུ་བཅས་པ་རྣམས་མངོན་དུ་སྣང་བར་གྱུར་ཏོ། །དེ་ནས་བརྒྱ་བྱིན་ལ་སོགས་པ་རྣམས་དགའ་བ་དང་སྤྲོ་བ་སྐྱེས་ནས། ལྷའི་མེ་ཏོག་མརྙ་ར་བ་དང་། མེ་ཏོག་སྣ་ཚོགས་པས་མཆོད་ཅིང་རྒྱན་གྱི་ཆར་ཆེན་པོ་མངོན་པར་ཕབ་བོ། །དེ་ནས་གསང་བའི་བདག་པོ་ལག་ན་རྡོ་རྗེས་འདི་སྐད་ཅེས་སྨྲས་སོ། །བརྒྱ་བྱིན་ལ་སོགས་པ་ཁྱེད་རྣམས་ཀྱིས་སངས་རྒྱས་ཀྱི་བསྟན་པ་བསྲུང་བའི་ཕྱིར། དཔལ་ལྷ་མོ་ནག་མོ་ལ་ཞུ་བ་ཞུས་ཤིག །ཅེས་སྨྲས་པ་དང་། བརྒྱ་བྱིན་ལ་སོགས་པ་འཇིག་རྟེན་པའི་འཁོར་རྣམས་ཀྱིས། །དཔལ་ལྷ་མོ་ནག་མོ་ལ་མཆོད་པ་དང་བསྟོད་པ་བྱས་ཏེ་འདི་སྐད་ཅེས། །ཁྱོད་ཀྱིས་སངས་རྒྱས་ཀྱི་བསྟན་པ་བསྲུང་དུ་གསོལ་ཞེས་སྨྲས་པ་དང་། དཔལ་ལྷ་མོ་ནག་མོས་སྨྲས་པ། །བསྟན་པ་ཞེས་ནི་གང་། །བསྲུང་བ་ཞེས་ནི་ཇི་ལྟ་བུ། །མ་བསྲུངས་ན་ཅི་སྐྱོན་ཅེས་སྨྲས་པ་དང་། །བརྒྱ་བྱིན་ལ་སོགས་པས་སྨྲས་པ། །བསྟན་པ་ཞེས་བྱ་བ་ནི་མདོ་སྡེ་དང་། །འདུལ་བ་དང་། །མངོན་པ་སྟེ། རྒྱལ་བའི་བཀའ་སྡེར་གྱུར་པ་མཐའ་དག་གོ །བསྲུང་བ་ཞེས་བྱ་བ་ནི་འཇིག་རྟེན་ན་ཡུན་རིང་བར་གནས་པ་ལ་བྱ་སྟེ། འཆད་པ་དང་། ཉན་པ་དང་། བསྒོམ་པ་དང་། འཛིན་པ་དང་། ཀློག་པ་དང་། ཀུན་ཆུབ་པར་བྱེད་པ་དང་། །ཚུལ་བཞིན་དུ་ཡིད་ལ་བྱེད་པ་རྣམས་ལ་བར་དུ་གཅོད་པ་རྣམས་བསྒྲལ་ཞིང་ཚར་བཅད་པའོ། །འཆད་པ་ལ་སོགས་པ་བགྲུང་ཞིང་སྐྱོབ་པ་དང་། འཁོར་དང་ལོངས་སྤྱོད་འཕེལ་ཞིང་རྒྱས་པར་བྱའོ། །མ་བསྲུངས་ན་ཅི་སྟེ་མི་སྐྱོན། །དཀོན་མཆོག་གསུམ་གྱི་བཀའ་མི་མཉན། །མི་དང་མི་མ་ཡིན་པ་ལ་སོགས་པས་བར་དུ་གཅོད་ཅིང་། །དེའི་དབང་གིས་སངས་རྒྱས་ཀྱི་བསྟན་པ་འཇིག་རྟེན་དུ་ཡུན་རིང་དུ་གནས་པར་མི་འགྱུར་རོ་ཞེས་སྨྲས་པ་དང་། །དཔལ་ལྷ་མོ་ནག་མོ་རང་གི་སྟན་ལས་ལངས་ཏེ། བཅོམ་ལྡན་འདས་ལ་ལན་བརྒྱ་ཕྲག་སྟོང་དུ་བསྐོར་བ་བྱས་ཏེ་ཕྱག་འཚལ་ནས། ཐལ་མོ་སྦྱར་འདི་སྐད་ཅེས། །བཅོམ་ལྡན་འདས་བདེ་བར་གཤེགས་པ། བདག་གིས་སངས་རྒྱས་ཀྱི་བསྟན་པ་བསྲུང་བ་དང་། དམ་པའི་ཆོས་མཉན་པར་བྱ་བ་དང་། ཡང་དག་པའི་དགེ་འདུན་བསྲུང་ཞིང་བསྐྱབ་བར་བགྱི་བའི་སླད་དུ། བཅོམ་ལྡན་འདས་ཀྱིས་བདག་ལ་དབང་བསྐུར་དུ་གསོལ། བྱིན་གྱི་བརླབ་ཏུ་གསོལ་ཞེས་པ་དང་། བཅོམ་ལྡན་འདས་ཀྱིས་སྒྲོལ་བའི་ཡུམ་དུ་བྱིན་གྱིས་བརླབས་ཏེ། དྲག་པོ་འདུལ་བའི་ནུས་པ་དང་ལྡན་པར་བྱ་བའི་ཕྱིར། ཞིང་ཆེན་གྱི་གཡང་གཞིས་དབང་བསྐུར་རོ། །བདུད་དང་སྲིན་པོ་ལས་རྒྱལ་བར་བྱ་བའི་ཕྱིར། གཡུལ་དུ་མཚོན་གྱིས་བསད་པའི་མགོ་འཕྲེང་དང་། །ཐམས་ཅད་བསྒྲལ་ཞིང་བསད་ཀྱང་བག་ཆགས་ཀྱིས་མི་གོས་པའི་ཕྱིར། །རེ་ལྡེ་ནག་པོའི་གོ་ཙོག་དང་། །སྨན་མོ་ཐམས་ཅད་ཟིལ་གྱིས་གནན་པའི་ཕྱིར། །སྙན་ཆ་གཡས་པ་སེང་གེ་དང་། ཀླུ་རྒྱལ་གདན་ལ་དབབ་པའི་ཕྱིར། སྙན་ཆག་གཡོན་ལ་སྦྲུལ་གྱི་གདེངས་ཀ་ད་ང་། ཁམས་གསུམ་གྱི་སྲོག་ལ་དབང་བསྐུར་བའི་ཕྱིར། །ལག་གཡས་སུ་ཀ་ཏ་རི་རྩེ་གསུམ་དང་། ནད་སྣ་སྟོང་གི་རྐྱལ་བ་དང་། སྣོད་བཅུད་ཀྱི་འཇིག་རྟེན་ལ་ཕན་བར་བྱ་བའི་ཕྱིར། །ཐོད་ཁྲག་དང་། སྲིད་གསུམ་རྣལ་འབྱོར་དམ་ཚིག་ལ་གནས་པར་བྱ་བའི་ཕྱིར། །འཕྲུལ་གྱི་མེ་ལོང་དང་། མ་མོ་ཐམས་ཅད་དམ་ལ་གཟུད་བར་བྱ་བའི་ཕྱིར། གཡོན་གྱི་གསེར་གྱི་རྡེའུ་རྣམས་ཀྱིས་དབང་བསྐུར་རོ། །དེའི་ཚེ་འཁོར་བརྒྱ་བྱིན་ལ་སོགས་པ་རྣམས་རབ་ཏུ་འཇིགས་ཤིང་སྐྲག་པར་གྱུར་ཏོ། །བཅོམ་ལྡན་འདས་ཀྱིས་ཀྱང་མིང་གི་དབང་བསྐུར་བའི་ཕྱིར། །ཨབྱ་རེ་མ་ཏི་ཞེས་བཏགས་སོ། །སངས་རྒྱས་ཀྱི་བསྟན་པ་བསྲུང་བར་གཉེར་གཏད་དོ། །དཔལ་ཆེན་པོའི་སྤྱན་སྔར་ལྷ་མོ་རེ་མ་ཏིས་རང་གི་སྙིང་པོ་ཕུལ་བ་ནི། །་ག་རག་མའི་དུན་སྨྱོ་འོ། །མ་ཧྭ་ཡཀྟ་ཏིསྩ་ནག་མོ་དུན་སྦྱོ། ཞེས་བྱ་བ་བསྙེན་པའི་སྙིང་པོ་དང་། གཞན་ཡང་མ་མ་སྒག་ཏཀྟ་རེ་མ་ཏེ། སྙིང་ཀ་རག་ཙིསྟ་ཙ་པ་ལ་ཨ་ཤུག་མེ་སྨྱོཛ། ཞེས་བྱ་བ་རྩ་བའི་སྙིང་པོའོ། །གཞན་ཡང་རེ་མ་ཏི་ལ་ཤ་ཙ་པ་ཤ་ཙ་པ་ལ་ཛ་ཛ། དུན་དུན་རཀྟ་རཀྟ་མུ་ཏྲ་རུ་ལུ་རུ་ལུ་སྨྱོ། ཞེས་བྱ་བ་གསད་བའི་སྙིང་པོ་རྣམས་ཕུལ་ལོ། །ལྷ་མོ་དེས་སངས་རྒྱས་ཀྱི་བསྟན་པ་བསྲུང་བར་ཁས་བླངས་ཏེ་འདི་སྐད་དུ། བཅོམ་ལྡན་འདས་བདག་གིས་སངས་རྒྱས་ཀྱི་རིན་པོ་ཆེ་ལྟ་བུ་མངོན་པ་ལ་སོགས་པའི་སྡེ་སྣོད་གསུམ་ལ། གང་ཞིག་མོས་ཤིང་དད་པ་ཡི་རང་བའི་གང་ཟག་དེ་ལ་བཟུང་ཞིང་བསྐྱབ་པར་བགྱིའོ། །གང་ཞིག་འཆད་པ་དང་། ཉན་པ་དང་། ཀུན་ཆུབ་པར་བྱེད་པ་དང་། ཚུལ་བཞིན་དུ་ཡིད་ལ་བྱེད་པ་དེའི་སྦྱོར་བ་ངན་པ་བསལ་བར་བགྱིའོ། །གང་བསྒོམ་པ་དང་། བསྒྲུབ་པ་དང་། ཉམས་སུ་ལེན་པ་དེ་དག་གི་གིང་དང་ཕོ་ཉ་དུས་རྟག་ཏུ་བགྱིའོ། །དེ་ལྟར་བདག་གིས་དམ་བཅས་པ་ལྟར་མ་བགྱིས་ན། བདག་གིས་ད་ལྟ་ཉིད་དུ་བཅོམ་ལྡན་འདས་བསླུས་པ་ལགས་སོ། །དེའི་དབང་གིས་རང་གི་སྲོག་གི་སྙིང་པོ་མེ་འབར་ནས་ལུས་སྲོག་ཐལ་བ་བཞིན་དུ་ཚིག་པར་གྱུར་ཏེ། མནར་མེད་བའི་སེམས་ཅན་དམྱལ་བ་ཆེན་པོར་གྱུར་ཅིག །ཅེས་སྨོན་ལམ་བཏབ་ཅིང་མནས་བོར་རོ། །དེ་ནས་དཔལ་ལྡན་ལྷ་མོ་ནག་མོ་དེས་དབང་དང་བྱིན་རླབས་ཐོབ་ཅིང་དམ་ཚིག་ཅན་དུ་གྱུར་བའི་ཚེ། བརྒྱ་བྱིན་ལ་སོགས་པའི་འཁོར་རྣམས་ཀྱིས་རང་རང་གི་རྒྱན་དང་ལག་ཆ་ཕུལ་ཏེ། འདི་ལྷར་བརྒྱ་བྱིན་གྱིས་རྡོ་རྗེ་ཕུལ་ལོ། །དཔལ་ཚངས་པས་རྨ་བྱའི་རྒྱལ་མཚན་དང་།ཁྱབ་འཇུག་གིས་ཉི་མ་དང་ཟླ་བའི་རྒྱལ་མཚན་དང་། རྣམ་ཐོས་ཀྱི་བུས་སེང་གེའི་རྒྱལ་མཚན་དང་། ནམ་མཁའི་ལྷ་བྲན་གྱིས་དྲིལ་བུ་དང་། ཀླུའི་རྒྱལ་པོ་རྣམས་ཀྱིས་སྦྲུལ་གྱིས་གདེངས་ཀ་དང་། ས་བདག་པ་ལས་སྟག་གི་རྒྱལ་མཚན་དང་། སྲིན་མོ་དང་ཤ་ཟ་མོ་རྣམས་ཀྱིས་ཐོད་པའི་འཕྲེང་བ་དང་། ཁྲག་དང་། ཞག་གི་ཡོ་བྱད་དང་། དཔལ་ནག་མོ་ཆེན་མོས་མདུང་ཕུལ་ལོ། །དེ་དག་ལ་སོགས་པའི་འཁོར་རྣམས་ཀྱིས་རང་རང་གི་རྒྱན་དང་། ཡོ་བྱད་དང་། ལག་ཆ་ལ་སོགས་བ་ཕུལ་ཏེ། དཔལ་ལྷ་མོ་ནག་མོ་ལ་བསྟོད་པའི་རྒྱལ་པོ་རྣམས་ཀྱིས་ཀྱང་བསྟོད་དོ། །ལྷ་མོ་ནག་མོ་དེ་ཡང་སྲིད་པ་གསུམ་ན་འགྲན་ཟླ་མེད་པའི་མཐུ་རྩལ་ཅན་དུ་གྱུར་ཏོ། །དཔལ་ལྷ་མོ་ནག་མོའི་ཙིཏི་གསང་པ་ཞེས་བྱ་བའི་རྒྱུད་ལས། གླེང་གཞིའི་ལེའུ་ཞེས་བྱ་བ་སྟེ་དང་པོའོ།། །།དེ་ནས་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདེ་བར་གཤེགས་པ། བདེ་གཤེགས་ཀྱི་བསྟན་པ་ཡུན་རིང་དུ་གནས་བར་བགྱི་བའི་སླད་དུ། དཔལ་ལྷ་མོའི་ཏིང་ངེ་འཛིན་དང་། སྤྱན་དྲངས་ཤིང་མཆོད་པའི་སྔགས་དང་། དེའི་རྟེན་གཟུགས་བརྙན་དང་།བོད་པ་དང་། རྦད་པ་དང་། གསད་པ་དང་། བསྒྲུབ་པ་དང་། རྒྱུན་གྱི་སྔགས་རྣམས་བཏུབ་དང་། བསྒྲུབ་པའི་དཀྱིལ་འཁོར་དང་། ལས་ཀྱི་དཀྱིལ་འཁོར་དང་། བསྒྲུབ་པའི་རྫས་དང་། ལས་ཀྱི་རྫས་དང་། ཕུར་པ་གདབ་པ་དང་། མཚོན་གྱིས་ག་་ཅིང་སྦྱིན་སྲེག་བྱ་བ་དང་། ཐུན་ཟོར་འཕང་བ་དང་། མནན་པ་བྱ་བ་དང་། སེར་བ་དབབ་པའི་ལས་རྣམས་བསྟན་དུ་གསོལ། །ཞེས་གསོལ་བ་དང་། བཅོམ་ལྡན་འདས་ཀྱིས་འདི་སྐད་ཅེས་གསུངས་སོ། གསང་བའི་བདག་པོ་ལྷ་མོའི་ཏིང་ངེ་འཛིན་ནི། ཡ༷་བ་ར་ར༷། ཨག་ནེ་ཛ་ལ་ར༷། ཞེས་མེ་རླུད་གི་དབུས་སུ་ཐོད་པའི་གཞལ་ཡས་ཁང་བསྐྱེད་པ་ནི། སྒྱུ༷་བི་ཤ་བི་ཤུ་རྙེ་ཀ་པ་ལ་ཧུ༷། དེའི་ནང་དུ་གོ་ར་ཏི་ག་ར་པ་ཏ་ཧུ༷། ཞེས་པས་ལྕགས་ཀྱི་དྲིའུ་རྟ་བསྐྱེད་དོ། །དེའི་སྒ་གོང་དུ་ཡི་གེ་མའི་འཕྲེ་འདུས་ལས། ཨོ་ནག་པོ་དུན་ཏིང་ལ༷་དུན་ཏིང་སྨྱོ། ཞེས་ལྷ་མོ་ནག་མོ་ནི་སྐུ་མདོག་མཐིང་ནག་དབུ་སྐྲ་གཡས་ནས་གཡོན་དུ་འཁྱིལ་བ། ཞལ་གདངས་ཤིང་མཆེ་བ་གཙིགས་པ། སྤྱན་རྩ་དམར་ལ་སྡང་མིག་ཏུ་བལྟ་བ། ཞིང་ཆེན་གྱི་གཡང་གཞི་དང་། སྟག་གི་ཤམ་བུ་དང་། སྦྲུལ་གྱི་སྐ་རག་དང་། ཐོད་པའི་འཕྲེང་བ་ཅན།གཡས་གཉིས་ན་ཀ་ཏ་རི་དང་ནད་སྟོང་གི་རྒྱལ་བུ་བསྣམས་པ། གཡོན་ན་ཐོད་པའི་རག་ཏ་དང་འཔྲུལ་གྱི་མེ་ལོང་བསྣམས་པའོ། །ནག་མོ་ཙིསྟ་གསང་བའི་རྒྱུད་ལས། ཏིང་ངེ་འཛིན་གསང་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཀྱིས། སྤྱན་དྲངས་ཤིང་མཆོད་པའི་སྔགས་འདི་གསུངས་སོ། བདག་ཉིད་གདེང་དང་ལྡན་པ་ཡིས། །ལྕགས་ཀྱུའི་ཕྱག་རྒྱ་བཅས་ནས་སུ། སྤྱན་དྲངས་བཞུགས་སུ་གསོལ་བ་དང་།མཆོད་པ་འབུལ་ཞིང་གཏོར་མ་གཏང་། །ཨོ་ནག་མོ་དུརྙིང་ལ༷་མ་མ་དུན་སྨྱོ། ཛ་ཧུ༷་བ༷་ཧོ། ནག་མོ་དུན་སྨྱོ། ཨོ་ཨ༷་ཧུ༷། ས་མ་ཡུ་ཨེ་ཧ་ཧེ། ཛ་ཨ་ར་ལི་ཧུ༷་ཧྲིང་ཧྲིང་། རཀྟ་མ་ཧི་ཀུ་ལང་པདྨ་ས་མ་ཡུ་ཏིཁྱི་ལྷན། ནག་མོ་ས་ན་ཏ་སརྙ་གུ་ལུ་གུ་ལུ་ཧ་ཧ་ཧ་མཧྭ་མ༷་ས། མ་ཧྭ་རཀྟ། མཧྭ་པརྩི་ཨ་མྲི་ཏ་ཁ་ཁ་ཁུ་ཧི་ཁུ་ཧི། བུན་ཛ་ཧི་བི་བ་ཏེ་ས་མ་ཡ་སྲུཧྭ། ཞེས་སྤྱན་དྲངས་ཤིང་གཉིས་སུ་མེད་པར་བསྟིམ་ལ། གཏོར་མ་འབུལ་བར་བྱའོ། །ནག་མོ་ཙིསྟ་གསང་བའི་རྒྱུད་ལས། སྤྱན་དྲངས་ཤིང་བཞུགས་སུ་གསོལ་བ་དང་མཆོད་པ་འབུལ་བའི་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་ཀྱིས་བསྙེན་པའི་རྟེན་གཟུགས་བརྙན་འདི་གསུངས་སོ། །དམིགས་པའི་རྟེན་གྱི་གཟུགས་བརྙན་ནི། །འདྲི་མཁན་གསང་ཐུབ་དམ་ཚིག་ཅན། །དབེན་པའི་གནས་སུ་སོང་ནས་སུ། །དུར་ཁྲོད་རས་ལ་མ་མོ།འི་སྐ། ཚོན་གྱིས་ལེགས་པར་བྲི་བར་བྱ། །མཐིང་ནག་ཞལ་གཅིག་ཕྱག་བཞི་མ། ཁ་བགྲད་མཆེ་གཙིགས་སྤྱན་རྩ་དམར། ཞིང་གི་གོ་ཟུ་སྟག་རྣ་ཅན། སྦྲུལ་གྱི་སྐེ་རག་ཐོད་འཕྲེང་ཅན། །རྩ་བའི་ཕྱག་ནི་གཡས་གཡོན་ན།་།ཀ་ཏ་རི་དང་ཐོད་ཁྲག་བསྣམས། །གཡས་གཡོན་གཉིས་ཀྱི་འོག་མ་ན། །ལྕགས་ཀྱི་ཕུར་འདྲིལ་སྦྲུལ་ཞགས་འཕེན། །དྲི་འུའི་སྟན་ལ་ཁྲོས་པའི་གཟུགས། །དུར་ཁྲོད་ཆེན་པོའི་དབུང་་གནས་པར། །བྲིས་ནས་དབང་བསྐུར་མཆོད་པ་འབུལ། །བསྙེན་པའི་གསང་སྔགས་འབུམ་འབུམ་དབུལ། །ཞེས་གསུངས་སོ། །ནག་མོ་ཙིསྟ་གསང་བའི་རྒྱུད་ལས། །གཟུགས་བརྙན་པའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འང་་་དཔལ་རྡོ་རྗེ་འཛིན་པ་ཆེན་པོས་གསང་སྔགས་འདི་དག་བྱིན་གྱིས་བརླབ་ཅིང་བཏུ་བ་མཛད་དོ། །ཐོག་མར་ཡི་གེ་ཐམས་ཅད་ནི། །མིང་མེད་བརྗོད་མེད་ཐམས་ཅད་བྲལ། །སྒྲ་ཡི་རྣམ་པ་གང་ལ་ཡོད། །དམིགས་མེད་གདོད་ནས་རྣམ་པར་དག །དོན་དམ་ཡི་གེ་ཨ་ཞེས་བྱ། །སེམས་ཅན་ལས་དང་སྨོན་ལམ་གྱིས། །སྟོབས་ལས་ཀུན་རྫོབ་ཡི་གེ་བྱུང་། །ཨ་ཨུ། ཨི་སྙི། ཨུ་ཨུ། རེ་རྡི། ལི་སྙི། ཨེ་ཞི། ཨོ་ཨཱོཾ། ཨ༷་ཨུ། ཀ་ཁ་ག་བྷ་ང་།ཙ་ཚ་ཛ་རྙོ་ཉ། ཏ་ཐ་ད་དྷ་ན། ཊ་ཋ་ཌ་བྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ། ཀྟ། དེ་ལས་བྱུང་བའི་སྔགས་རྣམས་ནི། མ་ནོར་གསལ་བ་འདི་ཡིན་ནོ། །ལྔ་པའི་ལྔ་པ་ལན་གཉིས་གཞག །དེ་འོག་བཞི་པའི་དང་པོ་ལ། དྲུག་པའི་གཉིས་པས་བརྒྱན་ལྡན་ཞིང་། །དང་པོའི་གསམ་པ་དེ་རུ་སྦྱར། །དེ་འོག་དྲུག་པའི་གཉིས་པ་དང་། །དང་པོའི་གསུམ་པ་སྦྱར་ནས་སུ། །དེ་མཐར་བདུན་པའི་དང་པོ་བཞག །དྲུག་པའི་གཉིས་པ་གཙུག་གི་རྒྱན། །དེ་འོག་ལྔ་པའི་ལྔ་པ་བཞག །བཞི་པའི་དང་པོ་དབྱངས་གསུམ་ལྡན། །བདུན་པ་ཡི་ནི་གསུམ་པ་ལ། །གཉིས་པའི་ལྔ་ལས་རྒྱན་ལྡན་ཞིང་། །དབྱངས་ཡིག་བཅུ་གསུམ་རྒྱན་གྱིས་མཛེས། །དེ་ལ་དང་པོའི་ལྔ་པ་སྦྱིན། །དེ་འོག་དང་པོའི་གཉིས་པ་གཞག །དྲུག་པ་ཡིན་གཉིས་པ་དང་། །དང་པོ་ཡི་ནི་གསུམ་བར་སྦྱོར། །གཉིས་པའི་དང་པོ་དབྱངས་གསུམ་ལྡན། །དེ་མཐར་བཞི་པའི་དང་པོ་གཞག །དེ་མཐར་གཉིས་པའི་དང་པོ་དང་། །ལྔ་པའི་དང་པོ་སོ་སོར་གཞག །དེ་འོག་དྲུག་པའི་གསུམ་པ་གཞག །དེ་འོག་དབྱངས་ཀྱི་ངོ་བོ་ཉིད། །བདུན་པ་ཡི་ནི་དང་པོ་ལ། །དབྱངས་ཀྱི་ལྔ་པ་བརྒྱན་ལྡན་ཞིང་། །དང་པོའི་གསུམ་པ་དེ་ལ་སྤྱིན། །ལྔ་པ་ཡི་ནི་ལྔ་པ་ལ། །དབྱངསཡིགབཅུགཅིགབརྒྱནལྡན་ཞིང་། །ལྔ་བ་ཡི་ནི་བཞི་པ་ལ། །འོག་ནས་དྲུག་པའི་དང་པོས་མཛེས། །དབྱངས་ཡིག་བཅུ་གསུམ་བརྒྱན་དང་ལྡན། །གཉིས་པ་ཡིན་ནི་གསུམ་པ་ལ། །དབྱངས་གཉིས་རྒྱན་དང་ལྡན་པ་ནི། །སྔགས་ཀྱི་མཐའ་རུ་གཞག་པར་བྱ། །འདི་ནི་རྩ་བའི་སྙིང་པོ་སྟེ། རང་དབང་མེད་པར་སྲོག་ནས་འདྲེན། །དེས་ན་རྒྱུད་འདི་སྦེད་པའི་ཐུགས། །ཙིཏི་གསང་བ་ཞེས་བྱའོ། །འབུམ་ཕྲག་གསུམ་གྱིས་འགྲུབ་པར་འགྱུར། །ལྔ་པའི་ལྔ་པ་ལན་གཉིས་བརྗོད། །དྲུག་པ་ཡི་ནི་གཉིས་པ་དང་། དང་པོ་ཡི་ནི་གསུམ་པ་དང་། ལྔ་པ་ཡི་ནི་ལྔ་པ་གཞག །དབྱངས་ཡིག་བཅུ་གསུམ་བརྒྱན་གྱིས་མཛས། །བདུན་པ་ཡི་ནི་བཞི་པ་དང་། །དྲུག་པ་ཡི་ནི་གཉིས་སྦྱར་གཉིས། །བདུན་པའི་བཞི་པོ་འོག་མ་ལ། །དབྱངས་ཡིག་ལྔ་པའི་རྒྱན་གྱིས་བརྒྱན། །ལྔ་པའི་ལྔ་དང་བདུན་པའི་བཞི། །ཆེ་གེ་མོ་ཡི་སྙིང་ལ་ནི། །གཉིས་པའི་གསུམ་པས་ལན་གཉིས་བོད། །དེ་ལ་དབྱངས་ཡིག་རྒྱན་གྱིས་བརྒྱན། །དེ་འོག་བཞི་པའི་ལྔ་པ་ལ། །དང་པོ་ཡི་ནི་གསམ་པར་སྦྱར། །ལྔ་པ་ཡི་ནི་ལྔ་པ་ལ། །དབྱངས་ཡིག་ལྔ་པས་འོག་ནས་བརྒྱན་བདུན་པ་ཡི་ནི་བཞི་པ་ལ། །དྲུག་པའི་གསུམ་པ་སོ་སོར་གཞག །སྨྱོ་སྨྱོ་ཞེས་ནི་རྦད་པར་བྱ། །དེ་འོག་དབྱངས་ཡིག་དྲུག་པ་དང་། །དྲུག་པ་ཡི་ནི་གཉིས་པར་སྦྱར། །དང་པོའི་དང་པོ་དེ་མཐར་གཞག །ལྔ་པ་ཡི་ནི་ལྔ་པ་ལ། དབྱངས་ཡིག་བཅུ་གཅིག་རྒྱན་གྱིས་མཛེས། །དེ་མཐར་བདུན་པའི་དང་པོ་གཞག །དེ་འོག་ལྔ་པའི་ལྔ་པ་དང་། དྲུག་པ་གཉིས་པ་སོ་སོར་བཞག །དང་པོ་གཉིས་པ་ལན་གཉིས་དང་། བདུན་པའི་བཞི་པ་ལན་གཉིས་བརྗོད། །བཞི་པའི་དང་པོ་སོ་སོ་གསུམ། དྲུག་པའི་གཉིས་པས་དང་པོ་བརྒྱན། །ཐ་མ་ལ་ནི་དབྱངས་གསུམ་བརྒྱན། །གཉིས་པ་ཡི་ནི་གསུམ་པ་ལ། །དབྱངས་ཡིག་གཉིས་པའི་རྒྱན་གྱིས་མཛེས། །ལན་གཉིས་དག་ཏུ་བརྗོད་པར་བྱ། །དེ་རྗེས་མིང་སྨོས་སྙིང་ལ་སྨྱོ། །འདི་ནི་རྦད་པའི་སྙིང་པོའོ། །འབུམ་ཕྲག་གསུམ་གྱིས་འགྲུབ་པར་འགྱུར། ཁྲུག་པ་ཡི་ནི་གཉིས་བ་ལ། །དབྱངས་ཡིག་བཅུ་གཅིག་རྒྱན་དང་ལྡན། །འོག་ཏུ་ལྔ་པའི་ལྔ་པ་གཞག །བཞི་པའི་དང་པོ་དབྱངས་གསུམ་བརྒྱན། །ལྔ་པ་ཡི་ནི་དང་པོ་དང་། །གཉིས་པ་ཡི་ནི་དང་པོ་གསུམ། །རིམས་བཞིན་སོ་སོར་གཞག་པ་ནི། །ལན་གཉིས་དག་ཏུ་བརྗོད་པར་བྱ། །དེ་འོག་ལྔ་བའི་དང་པོ་དང་། །དྲུག་པའི་གསུམ་པ་སོ་སོར་བཞག །གཉིས་པ་ཡི་ནི་གསུམ་པ་ལ། །དབྱངས་ཡིག་གསུམ་པའི་རྒྱན་གྱིས་མཛེས། །ལན་གཉིས་དག་ཏུ་བརྗོད་པ་དང་། བཞི་པ་ཡི་ནི་གསུམ་པ་ལ། །དབྱངས་ཡིག་ལྔ་པའི་རྒྱན་ལྡན་ཞིང་། །བཞི་པའི་ལྔ་པ་དེ་རུ་སྦྱར། །དེ་གཉིས་ལན་གཉིས་བརྗོད་པར་བྱ། །དྲུག་པ་ཡི་ནི་གཉིས་པ་དང། །དང་པོ་ཡི་ནི་གསུམ་པར་སྦྱར། །དེ་འོག་བདུན་པའི་དང་པོ་གཞག །དེ་འོག་ལན་གཉིས་བརྗོད་པར་བྱ། །དེ་འོག་ལྔ་པའི་ལྔ་པ་ལ། །དབྱངས་བརྒྱན་གྱིས་ནི་འོག་ནས་མཛེས། །བཞི་པ་ཡི་ནི་དང་པོ་ལ། །དྲུག་པའི་གཉིས་པས་རྒྱན་གྱིས་བརྒྱན། །དྲུག་པའི་གཉིས་དང་གསུམ་པ་ལ། །དབྱངས་ལྔའི་རྒྱན་གྱིས་འོག་ནས་སྤྲས། །དེ་དག་ལན་གཉིས་བརྗོད་པར་བྱ། །ལྔ་པ་ཡི་ནི་བཞི་པ་ལྔ་། །འོག་ནས་དྲུག་པའི་དང་པོར་མཛེས། །དབྱངས་ཡིག་བཅུ་གསུམ་རྒྱན་གྱིས་བརྒྱན། །འདི་ནི་སྙིང་པོ་གསད་སྔགས་ཏེ། །དེ་རྗེས་མིང་སྨོས་རལ་གྲི་མེ། །འཐོར་བྱེད་རླུ་་གི་ས་བོན་རྗེས། །གསོད་བྱེད་ཡི་གེ་ཕཊ་གཉིས་བརྗོད། །འབུམ་ཕྲག་གཅིག་གིས་གསོད་པར་ངེས། །བཞི་པའི་དང་པོ་དྲུག་གཉིས་སྒྲ། །དེ་རུ་དང་པོའི་གསུམ་པ་སྦྱར། །དྲུག་གཉིས་དང་པོའི་གསུམ་སྦྱར་རྗེས། །བདུན་པའི་དང་པོ་གཞག་པར་བྱ། །དེ་རྗེས་ལྔ་བའི་ལྔ་པ་བཞག །དེ་རྗེས་དབྱངས་གཉིས་དབྱངས་གསུམ་བརྒྱན། །བཞི་གསུམ་དབྱངས་ཡིག་ལྔ་པའི་བརྒྱན། །དེ་ལ་བཞི་པའི་ལྔ་པ་བརྒྱན། །ལྔ་པ་ཡི་ནི་བཞི་པ་ལྔ། །དབྱངས་ཡིག་བཅུ་གསུམ་རྒྱན་གྱིས་མཛེས། །འོག་ནས་དྲུག་པའི་དང་པོས་བརྒྱན། །དེ་འོག་ལྔ་བའི་ལྔ་པ་གཞག །དེ་འོག་བདུན་པའི་བདུན་པའོ། །དེ་འོག་དྲུག་པའི་དང་པོ་དང་། །དང་པོའི་གསུམ་པ་སྦྱར་བའི་རྗེས། །བདུན་པའི་དང་པོ་གཞག་པར་བྱ། །བཞི་པའི་དང་པོ་དབྱངས་གསུམ་བརྒྱན། །དེ་ལ་དང་པོའི་གསུམ་པར་སྦྱར། །བདུན་པ་ཡི་ནི་གཉིས་པ་ལ། །བཞི་པ་ཡི་ནི་ལྔ་པས་བརྒྱན། །བཞི་པའི་ལྔ་པ་དེ་ཉིད་དང་།དང་པོ་ཡི་ནི་གསུམ་པར་སྦྱར། །ལྔ་པ་ཡི་ནི་ལྔ་པ་དང་། དབྱངས་ཡིག་བཅུ་གསུམ་རྒྱན་གྱིས་མཛེས། །བཞི་གསུམ་དབྱངས་ཡིག་ལྔ་ཡིས་བརྒྱན། །དེ་ལ་བཞི་པའི་ལྔ་པ་བྱིན། །ལྔ་བ་ཡི་ནི་བཞི་པ་ལ། །འོག་ནས་དྲུག་པའི་དང་པོ་སྦྱིན། །དབྱངས་ཡིག་བཅུ་གསུམ་རྒྱན་གྱིས་ལྡན་པའོ། འདི་ནི་རྒྱུན་གྱི་སྙིང་པོའོ། །རྟག་ཏུ་བཟླས་ཤིང་གཏོར་མ་སྦྱིན། །དཔལ་ལྷ་མོ་ནག་མོ་ཙིསྟ་གསང་བའི་རྒྱུད་ལས། །སྙིང་པོ་བཏུ་བའི་ལེའུ་སྟེ་ལྔ་པའོ། །དེ་ནས་བཅོམ་ལྡན་འདས་ཀྱིས་བསྒྲུབ་པའི་དཀྱིལ་འཁོར་འདི་གསུངས་སོ། །མཎྜལ་གྲུ་བཞི་ལྷམ་པ་ལ། །ཚོན་རྩི་སེར་པོས་རྒྱས་པའི་ཚུལ། །དེ་ཡི་དཀྱིལ་དུ་གྲུ་གསུམ་ནི། །དྲག་པོའི་དཀྱིལ་འཁོར་དབུས་སུ་དགོད། །དེ་ཡི་དཀྱིལ་དུ་ཟླུམ་པོ་ནི། །མུ་ཁྱུད་ཞི་བའི་ཚུལ་དུ་དཀར། །དེ་ཡི་དཀྱིལ་དུ་གྲུ་གསུམ་ནི། །ནག་པོ་ཆོས་ཀྱི་དབྱིངས་ཀྱི་རྟགས། །ཟླ་གམ་རྣམ་གསུམ་དབང་གི་ཚུལ། །དེ་ཡི་བསྒྲུབ་རྫས་བཤད་བྱ་བ། །རྗེའུ་རིགས་བརྙ་མཚན་ལྡན་ནི། །ལྕང་ལོ་ཅན་དུ་བསགས་པའི་རྫས། །བདུད་རྩི་རཀྟ་གིའུ་ཝང་དང་། །ག་བུར་ཤ་ཆེན་ཚིལ་ཆེན་དང་། །ནལ་བུའི་སྙིང་དང་འབྲས་བུ་དང་། །ཛ་གད་ཕུད་ཀྱིས་བཀང་ལ་གཞག །དེ་དང་འདྲ་བའི་བསྟོ་ལ། །ལྷ་མོའི་སྔགས་ཀྱིས་བརྒྱན་བྱས་ལ། །དཀྱིལ་འཁོར་དབུས་སུ་ཁ་སྤྲད་གཞག །རྟགས་དང་མཚན་མ་བྱུང་བ་དང་། །དངོས་གྲུབ་བླང་ཞིང་དམ་ཚིག་བསྲེ། ཁྲ་ཆེན་སློས་དང་ཏིལ་ཆེན་མེ། །དུག་ལས་བྱུང་བའི་མེ་ཏོག་དང་། །བདུད་རྩི་དྲི་ཆབ་ཞལ་ཟས་ཚོགས། །རཀྟའི་གསང་ནན་ཕུད་དང་བཅས། །ཐོད་པ་ལྟག་སྤྲོད་རྔ་ཆེན་སྒྲ། །བརྙའི་ཆ་ལང་རྐང་གི་དུང་། ཁུན་ཆེན་རྒྱལ་མཚན་དར་ནག་གདུགས། །མི་རོའི་ལག་པ་གཡབ་མོར་བཅས། །བསྒྲུབ་པའི་རྫས་སུ་བསག་ཅིང་དགོད། །ནག་མོ་ཙིཏི་གསང་བའི་རྒྱུད་ལས། །བསྒྲུབ་པའི་དཀྱིལ་འཁོར་བྲི་ཞིང་དམ་ཚིག་གི་རྫས་དགོད་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་ཀྱིས་ལས་ཀྱི་དཀྱིལ་འཁོར་བཅའ་ཞིང་། །ལས་ཀྱི་དུས་ཀྱི་རྫས་བསག་པའི་ཐབས་འདི་གསུངས་སོ། ཁུ་གསུམ་སུམ་བརྩེགས་ནང་དུ་བྲུ། ཆོས་བཟང་ལྟ་བུའི་བར་རིམ་གྱིས། །ནང་དུ་དུར་ཁྲོད་སོལ་བས་བྱུག །ཟླ་གམ་རྣམ་གསུམ་དམར་པོར་བྱ། །མུ་ཁྱུད་དཀར་ལ་གྲུ་བཞི་སེར། །ཐ་མ་མེ་རིའི་འཕྲེང་བར་བཅས། ཁྲུ་གསུམ་བང་རིམ་དང་པོ་ལ། །ཐོད་པ་ཡི་ནི་འཕྲེང་བ་བཏང་། །གཉིས་པ་རལ་གྲི་གསུམ་པ་མདའ། །བྱིན་གྱིས་བརླབས་ཏེ་དགོད་པར་བྱ། །ནང་དུ་ཡུགས་སའི་ཞབས་མས་གདིང་། །དྲི་མ་དྲུག་ལ་དམིགས་པའི་གཟུགས། །མཚན་ཉིད་ཐམས་ཅད་ཡོངས་སུ་རྫོགས། །ཚ་བ་གསུམ་གྱི་ཁུ་བས་བྱུག །མིང་དང་རུས་བཅས་ནང་དུ་བཞུག །ཐོད་པ་རབ་ཏུ་མཚན་ངན་པར། །ར་དང་ཁྱི་དང་རྟ་ཡི་ཁྲག །ཕག་གི་ཁྲག་དང་སྤྱང་དུག་བླུག །ལྕགས་ཀྱི་ཕུར་བ་སོར་བརྒྱད་བདུན། །རྩེ་མོ་གནམ་བསྟན་ནང་དུ་གཞུག །མེ་འབར་རྟགས་བྱུང་ཕུར་པ་གདབ། །རྦད་པའི་སྔགས་ཀྱིས་བསྒྲུབ་པ་བྱ། །གཞན་ཡང་དམ་རྫས་ཚང་བ་ཡི། །གཏོར་མ་ཟླ་གམ་གཅིག་པ་གཞག །དུག་དང་ལན་ཚྭ་སྐེ་ཆེ་དང་། །ཆང་དང་མན་ངག་དྷ་རུ་ར། །རིམས་ནད་དག་གིས་བཏབ་པའི་ཁྲག །ཁྲག་ཆེན་དག་དང་ཐོད་པར་སྦྱར། །ཟླ་གམ་གཅིག་ལ་གཞུག་པར་བྱ། །དཔལ་ལྷ་མོ་ནག་མོ་ཙིསྟ་གསང་བའི་རྒྱུད་ལས། དྲག་པོའི་དཀྱིལ་འཁོར་དང་རྫས་བསག་པའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་ཀྱིས་ཕུར་པ་བཏབ་ལ་མཚོནི་གྱིས་གཏུབ་པ་དང་། །སྦྱིན་སྲེག་བྱ་བ་དང་། ཐུན་ཟོར་འཕང་བ་དང་། མནན་པའི་ལས་འདི་གསུངས་སོ། །གོང་ལྟར་ལས་ཀྱི་དཀྱིལ་འཁོར་རྫས་རྣམས་ལ། །རྦད་པའི་སྔགས་ཀྱིས་བསྒྲུབ་ཅིང་བསྐུལ། །མེ་འབར་རྟགས་མཐོང་ཕུར་པ་གདབ། །ཨོ་བཛྲ་ཀ་རུ་རྦད། །སྙིང་ཚལ་པ་རྦད། ག་ས་ཙིསྟ་རྦད།མྱོགས་རྨུགས་རྦད། །སྙིང་ཁྲག་ཁ་ལ་རྦད། །ཚལ་བུ་སེན་སེ་དུ་རྦད། ་་་ཐུ༷་སྲོག་ལ་རྦད་ཡ། དེ་ནས་མཚོན་གྱིས་ག་ས་བར་བྱ། །ལས་ཀྱི་དཀྱིལ་འཁོར་དབུས་ཉིད་དུ། །དུག་ཤིང་གདུག་པའི་ཤིང་བུ་ལ།རིགས་ངན་ཁྱིམ་ནས་བླངས་བའི་མེས། །སྤར་ལ་ལིང་ཁ་བསྲེག་པ་ནི། །དུར་ཁྲོད་ཤིང་ལ་ཡམ་ཤིང་ནི། །ཟུར་གསུམ་ལུས་ལ་ཁྲག་ཆེན་པོས། མིང་རུས་བྲིས་པ་རེ་རེ་དང་། ། ལིང་ག་དུམ་ཀུ་རེ་རེ་དང་། །དུག་དང་སྐེ་ཚེ་ལ་སོགས་རྫས། །སྦྲགས་ཤིང་བསྲེག་པའི་ལས་བྱས་ན། །མྱུར་དུ་རིམས་ཀྱིས་ཐེབས་པར་འགྱུར། །མ་མ་སརྦ་ཤ་ཏྲུ༷་མ་ར་ཡ། ཨ་མུ་ཁ༷་ད་ཧ་ད་ཧ། པ་ཙ་པ་ཙ། སྟིམི་ཀུ་རུ་ཀུ་སྲ ཧུ༷་ཧུ༷་ཕཊ་ཕཊ། བརྒྱ་རྩ་བརྒྱད་ཀྱིས་གྲུབ་པར་འགྱུར། །དེ་ནས་སྲེག་པའི་ཐལ་བ་དང་། །མིང་བྱང་ལྷན་ཅིག་ཞབས་མར་དྲིལ། །དུར་ཁྲོད་དབུས་སུ་མནན་ཅིང་་ཏད། །མཚན་ངན་བྷ་རྙའི་ཁྲག་དུག་ལ། །ཐུན་སྔགས་བཟླས་ཤིང་ཟོར་དུ་འཕང་། །རག་མོ་ཐང་མུ་ལེ་ཐང་མུ་ལེ་རྦད་རྦད། །་རྩ་ཐང་རྩ་ཐང་རྦད་རྦད། མུ༷་སྣི་མུ༷་སྣི་ནན། རག་མོ་ནི་རག་མོ་ནི་ཁ་ལོང་རྦད་རྦད། དུག་སྣི་དུག་སྣི་ཁ་ལོང་རྦད་རྦད། ཀྱི་ཁ་ལོང་ཀྱི་ཁ་ལོང་རྦད་རྦད། རྩ་ཏི་རྩ་ཏི་བོད་རྦད། ནི་རྟི་ནི་རྟི་མུག་མུག །ཐུམ་ཐུམ་སུབས་ཏེ་སུབས་ཏེ་བོད་རྦད། རྩེ་ཁ་ལོང་མུ་ཁ་ལོང་རྦད་རྦད། ཐུམ་ཐུམ་རྦད་རྦད། རྨོག་རྨོག་རྦང་རྦད། ཆེ་གེ་མོ་ལིང་རྦད། ས་མ་ཡུ་ཛ། ཞེས་ཐུན་འཕངས་ཏེ། གྲངས་ནི་སྟོང་རྩ་བརྒྱད་དོ། །དཔལ་ལྷ་མོ་ནག་མོའི་ཙིརྟི་གསང་བའི་རྒྱུད་ལས། །ལས་དྲག་པོབསྒྲུབ་པའི་ལེའུ་སྟེ་བརྒྱད་པའོ།། །།དེ་ར་་་བཅོམ་ལྡན་འདས་ཀྱིས་སེར་བ་དབ༷བ་པའི་ལས་འདི་གསུངས་སོ། །ཤ་སྣ་སྙིང་སྣ་ཁྲག་སྣ་དང་། །ནལ་བུའི་སྙིང་དང་ལོ་ཟླ་མིང་། །ནལ་བུའི་ཐོད་པར་བསྔགས་ཤང་བསྒྲུབ། །མ་མ་སྨྱོ་རུ་ལུ་རུ་ལུ་ས་མ་ལྭ་སྟུ༷། ཛ་ཡ་དུ་མ་དུ་ཨག་ཤང་མ་ཡང་ཏྲག་རཀྟ་ཕྲོ། །གསུམ་རྫོགས་པ་དང་ལས་ལ་སྦྱར། །གཏོར་མ་ཞིངཀྱི་གཅིནིངརྟེགཅིནིཟེགཅིནིཕྱིཀྱི་ངགཏང་ ་སྔགས་ ས་བསྒྱུར། །ཐུན་རྫས་གསུམ་དུ་བགས་ནས་སུ། ། ག་ ་ཡུལ་པའ་ ན་ལ་གནན། ། ག་ ་ཐབ་བྱ་ ར་དུ་འཕང་། ། ག་ ་ ས་ ་རྟ་དམར་གཞུག །དྲག་པ་རྒྱུ་བའ་དུས་ཚོདཆེནཅི་་་དེནིམིཞེས་་ཀྱི་་་་ལ། ཁུན་ ་གདབ་ ང་འ་དད་བད། ། ས་ ་ལས་རྣམས་ཆུད་ ་ཟ། ། ་གསུངས་པ་དང་། །་བར་ཐམས་ཅད་རབ་ཏུ་དགའ་ནས། བཅམ་ལྡན་འདས་ ས་གསུངས་པ་ལ་མངན་པར་བསྟད་ད། །དཔལ་་་ཆེ་ངསེངལེསྟེ་་་ཆེ་འིངཅེ་་ལྷ་མ་ ན་མ་ཐུགས་གསང་བའ་རྒྱུད་ལས། ར་བ་དབབ་པའ་ འུ་ ་དགུ་པའ།། །།དཔལ་ལྷ་མ་ནག་མ་ ན་མ ་ཐུགས་གསང་བའ་རྒྱུད་ ས་བྱ་བ་རྫགས་ས།། །།