Ngb-pt-0471-vol-05-text
Front[edit]
Body[edit]
རྒྱ་གར་སྐད་དུ། རཏྣ་ཏྲི་ཧྲི་ཏན་ཏྲ། བོད་སྐད་དུ། རིན་པོ་ཆེ་སྣང་བྱེད་ཀྱི་རྒྱུད། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་བཤད་པའི་དུས་ཉིད་ན། །འཁོར་གྱི་རོ་ལངས་སྐྱེས་བུ་དང་། །ཡང་དག་ཉིད་ལ་དགོངས་པའི་དུས། །རང་སྣང་གསལ་བའི་ཕོ་བྲང་དུ། །ཐེག་པ་དགུ་ཡི་འཁྲུལ་པ་ཤར། །ཞེས་གསུངས་སོ། །རཏྣ་ཏྲིང་ཧྲི་ཏནྟྲ་ལས། གླེང་གཞིའི་ལེའུ་སྟེ་དང་པོའོ།། །།ཐེག་པ་དགུ་ཡི་འཁྲུལ་པ་འདི། །མགོན་པོ་སེམས་དཔའི་བཤད་དུ་གསོལ། །མགོན་པོ་སེམས་དཔས་བཀའ་སྩལ་བ། །གཞི་ཡི་འདུག་ཚུགས་པདྨ་འདྲ། །དཔེར་ན་པདྨའི་མེ་ཏོག་དེ། །ཉི་མའི་ཟེར་དེ་གར་འགྲོ་བར། །པདྨའི་ཁ་ཡང་ལྟ་བར་འགྱུར། །པདྨ་ཉིད་ལ་ལྟ་ཕྱོགས་མེད། །དེ་བཞིན་ཆོས་ཉིད་རང་སྣང་དེ། །རང་གི་སྣང་བ་འཁྲུལ་པ་ལས། །དེ་བཞིན་ཉིད་ལ་འཁྲུལ་ས་མེད། །དཔེར་ན་ལྕེ་སྤྱང་མིག་ལ་མུན་སྣང་མེད་པ་ལས། །དུར་བྱའི་མིག་ལ་ཉིན་མོ་མུན་པར་སྣང་། །དེ་བཞིན་ཐིག་ལེ་ཉག་གཅིག་ལ། །སྟོང་འཚེར་བཞིན་ནི་ལྷུན་གྲུབ་པ། །རྒྱན་་དང་རོལ་པ་ཕྱོགས་མེད་སྣང་། །དེ་ལས་འཁྲུལ་པ་རིམ་དགུ་དང་། །མུ་སྟེགས་རྟག་ཆད་འགྲོ་དྲུག་དང་། །སྐུ་གསུམ་ལྟ་སྒོ་འབྲས་བུ་དང་། །རང་འབྱུང་རྣམ་མཁྱེན་ཐིག་ལེ་དང་། །ཐམས་ཅད་མཁྱེན་པའི་ཡེ་ཤེས་སོ། །ཞེས་གསུངས་སོ། །རཏྣ་ཏྲིང་ཧྲི་ཏན་ཏྲ་ལས། བྱང་ཆུབ་སེམས་དཔའི་ཞུས་ལན་གྱི་ལེའུ་སྟེ་གཉིས་པའོ།། །།དེ་ནས་བོ་དྷི་ས་ཏྭ་ཡིས། །རྡོ་རྗེ་སེམས་དཔའ་ལ། ཉན་ཐོས་འཁྲུལ་པ་བསྟན་དུ་གསོལ། །ཅེས་ཞུས་པས། རྡོ་རྗེ་སེམས་དཔས་བཀའ་སྩལ་པ། །ཉན་ཐོས་འཁྲུལ་པའི་གཞི་མ་ནི། །འཇུག་སྒོ་་ཤྭལ་ཏེ་བདེན་གཞིའི་སྒོ་ནས་འཇུག །ཆེ་བའི་ཡེ་ཤེས་ངོ་མ་ཤེས་ཏེ་འཁྲུལ། །ཐིག་ལེ་ཉག་གཅིག་ཟང་ཐལ་རང་ཆས་ལ། །རྩལ་མི་འགགས་པའི་ཡོན་ཏན་ལ། །ཉིས་བརྒྱ་ལྔ་བཅུ་བགྲུངས་པས་འཁྲུལ། །ཐིག་ལེ་ཟང་ཐལ་ལྟ་རྒྱུ་མེད་པ་ལ། །གང་ཟག་བདག་མེད་འདོད་པས་འཁྲུལ། །ཡེ་ཤེས་ཟང་ཐལ་གཉིས་སྣང་མེད་པ་ལ། །དགེ་བཅུའི་སྒོ་ནས་བདག་དོན་སྤྱོད་པས་འཁྲུལ། །ཐིག་ལེ་དགག་སྒྲུབ་མེད་པའི་ཟང་ཐལ་ལ། །འགོག་པ་ལམ་གྱི་སྒོ་ནས་བསྒྲུབས་པས་འཁྲུལ། །ཐིག་ལེ་ཕྱི་ནང་མེད་པ་ཡིན་པ་ལ། །སྐྱེས་བུ་ཟུང་བཞི་གང་ཟག་ཡ་བརྒྱད་ཐོབ་པར་འདོད་པས་འཁྲུལ། །ཅེས་གསུངས་སོ། །རཏྣ་ཏྲིང་ཧྲི་ཏན་ཏྲ་ལས། ཉན་ཐོས་འཁྲུལ་པའི་ལེའུ་སྟེ་གསུམ་པའོ།། །།དེ་ནས་བོ་དྷི་ས་ཏྭ་ལ། བཛྲ་ས་ཏྭས་བཀའ་སྩལ་པ། །རང་སངས་རྒྱས་ཀྱི་ཐེག་པའི་འཁྲུལ་བ་ནི། །འཇུག་སྒོ་འཁྲུལ་ཏེ་རྟེན་འབྲེལ་སྒོ་ནས་འཇུག །རྩལ་གྱི་ཡོན་ཏན་ངོ་མ་ཤེས་པས་འཁྲུལ། །ཡེཤེས་ལུས་ལ་དྲི་མ་མེད་པ་ལ། །ཚུལ་ཁྲིམས་ཉིས་བརྒྱ་ལྔ་བཅུ་བགྲུངས་པས་འཁྲུལ། །ཡེ་ཤེས་དྲི་མེད་རྟོགས་ཡུལ་མེད་པ་ལ། །གང་ཟག་བདག་དང་ཆོས་ལ་ཕྱོགས་གཅིག་རྟོགས་པར་འདོད་པས་འཁྲུལ། །ཡེཤེསཡུལ་དང་ཡུལ་ཅན་གཉིས་མེད་ལ། །རྫུ་འཕྲུལ་ཡ་མ་ཟུང་དུ་འགྲོ་དོན་མཛད་པས་འཁྲུལ། །ཡེ་ཤེས་ཟང་ཐལ་སྔ་ཕྱི་མེད་པ་ལ། །སྔོན་ནས་གོམས་པའི་སྤྱོད་གཟོས་བྱས་པས་འཁྲུལ། །ལྷུན་གྲུབ་ཆེན་པོའི་སྣང་བ་ལ། །བསེ་རུ་ལྟ་བུར་འདོད་པས་འཁྲུལ། །ཅེས་གསུངས་སོ། །རཏྣ་ཏྲིང་ཧྲི་ཏན་ཏྲ་ལས། རང་སངས་རྒྱས་ཀྱི་འཁྲུལ་པའི་ལེའུ་སྟེ་བཞི་པའོ།། །།དེ་ནས་བོ་དྷི་ས་ཏྭ་ལ། བཛྲ་ས་ཏྭས་བཀའ་སྩལ་པ། །བྱང་ཆུབ་སེམས་དཔའི་ཐེག་པའི་འཁྲུལ་པ་ཡང་། །ཐིག་ལེ་ལྷུན་གྲུབ་ཕྱོགས་མེད་ལ། །ཀུན་རྫོབ་དོན་དམ་སྒོ་ནས་འཇུག་པས་འཁྲུལ། ཐིག་ལེ་སྣངབ་ཕྱོགས་མེད་ཤར་བ་ལ། །སྡོམ་པ་ཉི་ཤུ་བསྲུངས་པས་འཁྲུལ། །ཐིག་ལེ་ལྷུན་གྲུབ་གཉིས་སུ་མེད་པ་ལ། །ཆོས་དང་གང་ཟག་གཉིས་ལ་བདག་མེད་འདོད་པས་འཁྲུལ། །ཐིག་ལེ་ཉག་ཅིག་རྣམ་དག་ལམ་མེད་ལ། །ཚོགས་ལམ་མཐོང་ལམ་འདོད་པས་འཁྲུལ། །ཐིག་ལེ་ལྷུན་གྲུབ་གཉིས་སུ་མེད་པ་ལ། །ཚད་མེད་བཞི་དང་བསྡུ་བའི་དངོས་པོ་བཞིས་འགྲོ་དོན་མཛད་པས་འཁྲུལ། །ཐིག་ལེ་ལྷུན་གྲུབ་ཟམ་མ་ཆད་པ་ལ། །ཕ་རོལ་ཕྱིན་བཅུའི་སྒོ་ནས་སྒྲུབ་པ་འཁྲུལ། །ཐིག་ལེ་ལྷུན་གྲུབ་ཡེ་ནས་ཡིན་པ་ལ། །ས་བཅུ་བགྲོདདངབཅུགཅིགའདོདཔས་འཁྲུལ། །ཅེས་གསུངས་སོ། །རཏྣ་ཏྲིང་ཧྲི་ཏན་ཏྲ་ལས། བྱང་ཆུབ་སེམས་དཔའ་འཁྲུལ་པའི་ལེའུ་སྟེ་ལྔ་པའོ།། །།དེ་ནས་བོ་དྷི་ས་ཏྭ་ལ། བཛྲ་ས་ཏྭས་བཀའ་སྩལ་པ། ཀྲི་ཡའི་ཐེག་པ་འཁྲུལ་བ་བསྟན་པ་ནི། །ཐིག་ལེ་ཡེ་དག་ཉག་གཅིག་ལ། །དག་པ་རྣམ་གསུམ་སྒོ་ནས་འཇུག་པ་འཁྲུལ། །ཐིག་ལེ་བར་མཚམས་མེད་པ་ལ། །རྩ་བ་ཡན་ལག་དམ་ཚིག་བསྲུངས་པ་འཁྲུལ། །ལྷུན་གྲུབ་སྐྱེ་འགག་མེད་པ་ལ། །དམ་ཚིག་སེམས་དཔའ་ཡེ་ཤེས་སེམས་དཔའ་རྗེ་དང་ཁོལ་དུ་འཛིན་པ་འཁྲུལ། །ཐིག་ལེ་དྲི་མེད་ཆེན་པོ་ལ། །ཁྲུས་དང་གཙང་སྦྲ་སྤྱོད་པས་འཁྲུལ། །ཐིག་ལེ་འགྱུར་མེད་གསང་བ་ལ། །བསྒྱུར་ནས་སྒྲུབ་ཐབས་བྱིན་རླབས་རེ་བ་འཁྲུལ། །ཐིག་ལེ་སྐུ་གསུམ་རང་སྣང་ལ། །གྲུབ་པའི་འབྲས་བུ་རིགས་གསུམ་འདོད་པས་འཁྲུལ། །ཅེས་གསུངས་སོ། །རཏྣ་ཏྲིང་ཧྲི་ཏན་ཏྲ་ལས། ཀྲི་ཡ་འཁྲུལ་པའི་ལེའུ་སྟེ་དྲུག་པའོ།། །།དེ་ནས་བོ་དྷི་ས་ཏྭ་ལ། བཛྲ་ས་ཏྭས་བཀའ་སྩལ་པ། །ཡོ་གའི་འཁྲུལ་པ་བསྟན་པ་ནི། །ཐིག་ལེ་ཞེན་པ་མེད་པ་ལ། །དག་པ་གསུམ་དུ་འཇུག་པས་འཁྲུལ། །ཐིག་ལེ་དྲི་མེད་ཟང་ཐལ་ལ། །རྩ་བ་ཡན་ལག་དམ་ཚིག་བསྲུངས་པས་འཁྲུལ། །ཐིག་ལེ་འགྱུར་མེད་ལྷུན་གྲུབ་ལ། །བསྒྱུར་ནས་སྒྲུབ་པའི་ཐབས་ལ་རེ་བས་འཁྲུལ། །ཐིག་ལེའི་སྣང་བ་རང་སྣང་ལ། །ཀུན་རྫོབ་དོན་དམ་གཉིས་སུ་འདོད་པས་འཁྲུལ། །ཐིག་ལེ་རང་སྣང་ཡེ་གྲུབ་ཆེན་པོ་ལ། །དཔོན་དང་གཡོག་ཏུ་འཛིན་པས་འཁྲུལ། །ཅེས་གསུངས་སོ། །རཏྣ་ཏྲིང་ཧྲི་ཏན་ཏྲ་ལས། ཡོ་གའི་འཁྲུལ་པ་བསྟན་པའི་ལེའུ་སྟེ་བདུན་པའོ།། །།དེ་ནས་བོ་དྷི་ས་ཏྭ་ལ། །བཛྲ་ས་ཏྭས་བཀའ་སྩལ་པ། །མ་ཧྭ་ཡོ་གའི་འཁྲུལ་སོ་བསྟན་པ་ནི། །ཆོས་ཉིད་རང་གྲོལ་གོ་པོ་ལ། །ཏིང་འཛིན་རྣམ་གསུམ་སྒོ་ནས་འཇུག་པས་འཁྲུལ། །གཉིས་སུ་མེད་པའི་ཆོས་ཉིད་ལ། །རྩ་བ་ཡན་ལབ་སྒོ་ནས་དམ་ཚིག་བསྲུངས་པས་འཁྲུལ། །ཆོས་ཉིད་སྐྱེལ་བསུ་མེད་པ་ལ། །ཀུན་རྫོབ་ཙམ་ལྷ་དང་ལྷ་མོར་བལྟ་བས་འཁྲུལ། །ཆོས་ཉིད་བར་དོ་མེད་པ་ལ། །ཏ་ན་ག་ན་སྤྱོད་པས་ཞབྲུལ། །ཆོས་ཉིད་ཉི་མ་ཟླ་བས་མ་བསྐྱེད་པ། །ཐབས་དང་ཤེས་རབ་སྒོ་ནས་བསྒྲུབས་པས་འཁྲུལ། །ཆོས་ཉིད་དབྱེར་མེད་ཆེན་པོ་ལ། །སངས་རྒྱས་ས་གསུམ་ཐོབ་པར་འདོད་པ་འཁྲུལ། །ཅེས་གསུངས་སོ། །རཏྣ་ཏྲིང་ཧྲི་་་ཏྲ་ལས། །མ་ཧྭ་ཡོ་གའི་འཁྲུལ་སོ་བསྟན་པའི་ལེའུ་སྟེ་བརྒྱད་པའོ།། །།དེ་ནས་ཡང་བོ་དྷི་ས་ཏྭ་ལ། བཛྲ་ས་ཏྭས་བཀའ་སྩལ་བ། ཨ་ནུ་ཡོ་གའི་འཁྲུལ་སོ་བསྟན་པ་ནི། །འདུག་ཚུགས་འགྱུར་བ་མེད་པ་ལ། །ཡོངས་སུ་རྫོགས་པར་འཇུག་པས་འཁྲུལ། །འདུག་ཚུགས་བསྲུང་བྱ་མེད་པ་ལ། །མི་འདའ་བས་དམ་ཚིག་བསྲུངས་པས་འཁྲུལ། །འདུག་ཚུགས་དབྱེ་བ་མེད་པ་ལ། །དབྱིངས་དང་ཡེ་ཤེས་གཉིས་སུ་མེད་པར་ལྟ་བས་འཁྲུལ། །འདུག་ཚུགས་གཉིས་སྣང་མེད་པ་ལ། །ཡེ་ཤེས་དབྱིངས་ལ་སྤྱོད་པས་འཁྲུལ། །འདུག་ཚུགས་བསྒྲུབ་བྱ་མིན་པ་ལ། །ཕུང་པོ་ལྷ་དང་ལྷ་མོ་བསྒྲུབས་པས་འཁྲུལ། །འདུག་ཚུགས་རང་ས་ཟིན་པ་ལ། །ཡི་གེ་འཁོར་ལོར་འདོད་པ་འཁྲུལ། །ཅེས་གསུངས་སོ། །རཏྣ་ཏྲིང་ཧྲི་་་ཏྲ་ལས། ཨ་ནུ་འཁྲུལ་པའི་ལེའུ་སྟེ་དགུ་པའོ།། །།དེ་ནས་ཡང་བོ་དྷི་ས་ཏྭ་ལ། །བཛྲ་ས་ཏྭས་བཀའ་སྩལ་པ། །རྫོགས་པ་གོ་པོའི་འ་ལ་སོ་བསྟན་པ་ནི། །ཐིག་ལེ་ཉག་གཅིག་ཡེ་གྲོལ་ལ། །བླ་མེད་ཏིང་འཛིན་སྒོ་ནས་འཇུག་པས་ཞབྲུལ། །ཐིག་ལེ་རང་སྣང་ལྷུན་གྲུབ་ལ། །མེད་དང་ཕྱལ་བ་གཅིག་ཏུ་ལྷུན་གྱིས་གྲུབ་པ་བགྲུངས་པས་ཞབྲུལ། །ཟིག་ལེ་གཉིས་འཛིན་མེད་པ་ལ། །སྣང་སྲིད་ཆོས་སྐུར་ལྟ་བས་འཁྲུལ། །ཐིག་ལེ་ཐོགས་མེད་ཟང་ཐལ་ལ། །ལྟ་སྒོམ་སྤྱོད་པར་ཚོལ་བས་ཞབྲུལ། །ཐིག་ལེའི་སྣང་བ་མ་འགགས་པ། །བྱ་བཙལ་བྲལ་བར་འདོད་པས་ཞབྲུལ། །ཐིག་ལེ་ཡེ་གྲུབ་གོ་པོ་ལ། །ཆོས་སྐུ་འབྲས་བུར་འདོད་པས་ཞབྲུལ། །ཅེས་གསུངས་སོ། །རཏྣ་ཏྲིང་ཧྲི་་་ཏྲ་ལས། རྫོག་གོ་ཞབྲུལ་པའི་ལེའུ་སྟེ་བཅུ་པའོ།། །།དེ་ནས་ཡང་བོ་དྷི་ས་ཏྭ་ལ། བཛྲ་ས་ཏྭས་བཀའ་སྩལ་པ། །མུ་སྟེགས་རྟག་ཆད་འཁྲུལ་པ་བསྟན་པ་ནི། །ཆོས་ཉིད་འགྱུར་བ་མེད་པ་ལ། །སྔར་ཤི་ཕྱིས་འཆི་རྟག་པར་འདོད་པས་འཁྲུལ། །ཆོས་ཉིད་རང་བཞིན་ཟང་ཐལ་ལ། །སྔར་ཤི་ཕྱིས་འཆི་སྟོངས་པར་འདོད་པས་འཁྲུལ། །ཅེས་གསུངས་སོ། །རཏྣ་ཏྲིང་ཧྲི་་་ཏྲ་ལས། མུ་སྟེགས་རྟག་ཆད་འཁྲུལ་སོའི་ལེའུ་སྟེ་བཅུ་གཅིག་པའོ།། །།དེ་ནས་ཡང་བོ་དྷི་ས་ཏྭ་ལ། །བཛྲ་ས་ཏྭས་བཀའ་སྩལ་པ། །འགྲོ་དྲུག་འཁྲུལ་སོ་བསྟན་པ་ནི། །ལྷུན་གྲུབ་ཕྱོགས་མེད་ཆེན་པོ་དེ། །ཆེ་བའི་ཡེ་ཤེས་ལྔ་ཡིན་ཏེ། །བྱ་བ་ནན་ཏན་འཁྲུལ་ཏེ་ཕྲག་དོགས་རྒྱུ། །གཞི་ནི་གཉིས་མེད་སྣང་བར་གཟུང་བས་རྐྱེན། །ཆགས་པའི་ལས་ཀྱིས་ལྷ་རུ་ཞབྲུལ། །འབྲས་བུ་ཁམས་གསུམ་ཉིད་དུ་གྲུབ། །ཆེ་བའི་བྱ་བ་ནན་ཏན་འཁྲུལ་ཏེ་ཁོང་ཁྲོ་རྒྱུ། །གཞི་ནི་སྣང་བའི་རོལ་པ་འཐབ་སྟེ་རྐྱེན། །དེ་ལ་ཆགས་ཏེ་ལྷ་མིན་འཁྲུལ། །འབྲས་བུ་འཐབ་རྩོད་ཉིད་དུ་གྲུབ། །མཉམ་ཉིད་འཁྲུལ་ཏེ་ང་རྒྱལ་རྒྱུ། །གཞི་ནི་གླིང་གཞི་རྒྱལ་པོ་རྐྱེན། །ཆགས་པའི་ལས་ཀྱིས་མི་རུ་འཁྲུལ། །འབྲས་བུ་གླིང་བཞིའི་མི་རུ་གྲུབ། །སྟོང་ཉིད་འཁྲུལ་ཏེ་གཏི་མུག་རྒྱུ། །གཞི་ནི་མ་ཤེས་ངམ་གྲོག་རྐྱེན། །ཆགས་པ་ལས་ཀྱིས་བྱོལ་སོང་འཁྲུལ། །འབྲས་བུ་རིགས་གཞི་ཉིད་དུ་གྲུབ། །ཀུན་རྟོག་འཁྲུལ་ཏེ་འདོད་ཆགས་རྒྱུ། །གཞི་ནི་འཁྲུལ་ཏེ་རང་སྣང་རྐྱེན། །ཆགས་པའི་ལས་ཀྱིས་ཡིད་བཏགས་འཁྲུལ། །འབྲས་བུ་རིགས་གསུམ་ཉིད་དུ་གྲུབ། །མེ་ལོང་ཡེ་ཤེས་འཁྲུལ་ཏེ་ཞེ་སྡང་རྒྱུ། །གཞི་ཉིད་འཁྲུལ་ཏེ་རང་སྣང་རྐྱེན། །ཆགས་པའི་ལས་ཀྱིས་དམྱལ་བར་འཁྲུལ། །འབྲས་བུ་དམྱལ་ཁམས་བཅུ་དགུ་གྲུབ། །ཅེས་གསུངས་སོ། །རཏྣ་ཏྲིང་ཧྲི་ཏན་ཏྲ་ལས། འགྲོ་དྲུག་འཁྲུལ་པའི་ལེའུ་སྟེ་བཅུ་གཉིས་པའོ། །དེ་ནས་ཡང་བོ་དྷི་ས་ཏྭ་ལ། བཛྲ་ས་ཏྭས་བཀའ་སྩལ་པ། །སྐུ་གསུམ་སྐུ་ལྔ་ཡེ་ཤེས་ལྔ། །ལྟ་བསྒོམ་པ་སྤྱོད་པ་འབྲས་བུར་འདོད་པས་འཁྲུལ། །ཟིག་ལེ་གདོས་པའི་ཆོས་མིན་པར། །གོང་མ་རྣམས་ནི་གདོས་ཆོས་ཡིན་ཏེ་འཁྲུལ། །ཐིག་ལེ་ཉག་གཅིག་ཟང་ཐལ་ལ། །སྐུ་གསུམ་སྐུ་ལྔ་འདོད་པས་འཁྲུལ། །ཐིག་ལེ་སྒོམ་དང་སྤྱོད་པ་དང་། །ལྟ་བ་འབྲས་བུ་མ་བསྐྱེད་པ། །དེ་ལྟར་འདོད་པས་འཁྲུལ་པའི་རྒྱུ། །སངས་རྒྱས་སེམས་ཅན་གཉིས་མེད་པར། །སངས་རྒྱས་འདོད་པས་འཁྲུལ་པའི་རྒྱུ། །ཞེས་གསུངས་སོ། །རཏྣ་ཏྲིང་ཧྲི་ཏན་ཏྲ་ལས། སྣང་བ་རྩ་དགུའི་འཁྲུལ་སོ་བསྟན་པའི་ལེའུ་སྟེ་བཅུ་གསུམ་པའོ། །དེ་ནས་བོ་དྷི་ས་ཏྭ་ལ། བཛྲ་ས་ཏྭས་བཀའ་སྩལ་པ། །འཁྲུལ་པ་མེད་པ་འདི་བསྟན་ནོ། །ཐིག་ལེ་ཟང་ཐལ་ཆེན་པོ་དང་། །རང་ཆས་ཡིན་པས་འཇུག་སྒོ་མིན། །ཐིག་ལེ་ཉག་གཅིག་ཁྱབ་གདལ་དེ། །བསྲུང་བར་བྱ་བ་ཡུལ་མིན་ནོ། །ཐིག་ལེ་གཉིས་མེད་རང་འབར་ལ། །རྟོགས་པར་བྱ་བར་ལྟ་བ་མེད། །ཐིག་ལེ་ཉག་གཅིག་རང་གསལ་བས། །བསྒྲུབ་པར་བྱ་བའི་ཆོས་མིན་ནོ། །ཐིག་ལེ་འདུ་འབྲལ་མེད་པའི་དོན། ཁུབ་པར་བྱ་བའི་འབྲས་བུ་མིན། །གཉིས་སྣང་འདུག་ན་ཉག་གཅིག་མིན། །གསུམ་དུ་འདོད་པ་འཁྲུལ་པའི་རྒྱུ། །ཟང་ཐལ་ཆེན་པོ་ཡེ་ཤེས་གསལ། །འབར་བ་ཆེན་པོའི་ཐིག་ལེའོ། །ཞེས་གསུངས་སོ། །རཏྣ་ཏྲེང་ཧྲེ་ཏན་ཏྲ་ལས། འཁྲུལ་མེད་ཉག་གཅིག་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་བོ་དྷི་ས་ཏྭ་ཡིས། རྒྱུད་འདིའི་མཚན་ཉིད་བདག་ལ་གསུངས། །དེ་ནས་བཛྲ་ས་ཏྭ་ཡིས། །བོ་དྷི་ས་ཏྭ་ལ་རྒྱུད་འདི་ནི་རིན་པོ་ཆེ་སྣང་བྱེད་ཅེས་བྱ་བར་ཟུངས་ཤིག །ཅེས་གསུངས་སོ། །དེ་ནས་སྙོ་དྷི་ས་ཏྭ་རྗེས་སུ་ཡི་རང་བའི་ལེའུ་སྟེ་བཅོ་ལྔ་པའོ།། །།རྫོགས་སོ།། །། རྒྱ་གར་སྐད་དུ།