Ngb-pt-0424-vol-05-text
Front[edit]
Body[edit]
ཚིག་བཀོད་པའི་རྒྱུད་དཔེ་མ་དག་པས་བཞག་ཡོད། རྒྱ་གར་སྐད་དུ། ཀྭ་ར་ཤཱ་རི་ར༷་ཛ་ལ་ཙི་ཏི་ཀསྡི་ཀ་ཏནྟྲ་ནཱ་མ། བོད་སྐད་དུ། སྐུ་གདུང་འབར་བ་ཚ་ཚ་དང་མཆོད་རྟེན་གྱི་རྒྱུད་ཅེས་བྱ་བ། བཅོམ་ལྡན་འདས་གསང་བའི་བདག་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། རི་མ་ལ་ཡ་གནས་ལྕགས་ཡོད་པའི་རྩེ་མོ་སེང་གེའི་ཟ་འགྲམ་ལྟ་བུའི་གནས་ན། བཅོམ་ལྡན་འདས་གསང་བའི་བདག་པོ་རྡོ་རྗེ་འཛིན་ཆེན་པོ་ལ། ལང་ཀའི་བདག་པོ་བློ་གྲོས་ཐབས་ལྡན་དང་། ཀླུའི་རྒྱལ་པོ་གཙུག་ན་རིན་ཆེན་བློ་གྲོས་རྒྱ་མཚོ་དང་། ཚངས་པ་གཙུག་ཕུད་འཛིན་བློ་གྲོས་མཐའ་ཡས་དང་། གནོད་སྦྱིན་སྐར་མདའ་གདོང་བློ་གྲོས་དད་སེལ་དང་། ལི་ཙ་བྱི་དྲི་མ་མེད་པར་གྲགས་པ་བློ་གྲོས་རབ་ཞི་དང་། ཆོས་ཀྱི་རྒྱལ་པོ་ཆེན་པོའི་ཕོ་བྲང་ན་ཐམས་ཅད་ཐེག་པ་ཆེན་པོའི་དོན་ལ་ཐབས་ཅིག་ཏུ་བཞུགས་སོ། །དེ་ནས་དགེ་སློང་ཆེན་པོ་ལི་ཙ་བྱི་དྲི་མ་མེད་པར་གྲགས་པ་རང་གི་གདན་ལས་བཞེངས་ནས། བཅོམ་ལྡན་འདས་གསང་བ་མཆོག་གི་བདག་པོ་རྡོ་རྗེ་འཛིན་ཆེན་པོ་ལ་འདི་སྐད་ཅེས་གསོལ་བ་འདེབ་སོ སེམས་ཅན་སངས་རྒྱས་ལམ་འདོད་ན། །དགེ་བའི་ལས་ལས་ཁྱད་འཕགས་དང་། །བདེ་གཤེགས་ཞབས་ཏོག་བྱ་བའི་ཕྱིར། །མཆོད་རྟེན་བཞེང་ན་ཇི་ལྟར་བྱ། །རྙིང་ནས་གསར་པར་བཞེང་ན་ཅི། །བདག་གིས་སྤྲུལ་པའི་སྟོན་པ་ལ། །ཐོས་བཞིན་ཁྱོད་ཀྱིས་ཁྱད་པར་དུ། །གསང་སྔགས་ལམ་གྱི་མཆོད་རྟེན་གསུངས། །ཞེས་ཞུས་སོ། །དེ་ནས་གདུལ་དཀའ་འདུལ་བའི་དེད་དཔོན་ཆེན་པོ་གསང་བའི་བདག་པོས་འདི་སྐད་ཅེས་གསུངས་སོ། །ཐེག་པ་ཐུན་མོང་མཆོད་རྟེན་དང་། ཁྱད་པར་རྒྱུད་ལུང་མན་ངག་ལུགས། །ཐུན་མོང་བྱུང་ཚུལ་མན་ངག་ལས། ཁྱད་པར་གསང་བའི་ལུགས་རྣམས་ནི། །གཟུགས་སྐུ་གཉིས་ཀྱི་མན་ངག་རྣམས། ཁྱེད་ལ་བཤད་ཀྱིས་རབ་ཏུ་ཉོན། །ཅེས་གསུངས་སོ། །ཚ་ཚ་དང་མཆོད་རྟེན་གྱི་རྒྱུད་སྐུ་གདུང་འབར་བ་ལས། གླེང་གཞི་དང་གླེང་བསླང་བའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་གསང་བའི་བདག་པོས་ཐེག་པ་ཐུན་མོང་གི་མཆོད་རྟེན་གྱི་བྱུང་ཚུལ་འདི་དག་གསུངས་སོ། །མཆོད་རྟེན་ལོ་རྒྱུས་ལྔ་ཡོད་དེ། །དེ་ཡང་གང་དང་གང་ཞེ་ན། །མཆོད་རྟེན་བླ་ན་མེད་པའི་རྒྱུ། །ཡིད་ཀྱི་མཆོད་རྟེན་ཞེས་བྱ་དང་། །རང་བཞིན་གྱིས་གྲུབ་མཆོད་རྟེན་དང་། །སྤྲུལ་པར་བྱུང་བའི་མཆོད་རྟེན་དང་། །གཟུགས་བརྙན་རྩིགས་པའི་མཆོད་རྟེན་ནོ། །བླ་མེད་མཆོད་རྟེན་ཞེས་བྱ་བ། །སངས་རྒྱས་རྡོ་རྗེ་སེམས་དཔའ་ཡི། །སྐུ་གསུང་འཛམ་གླིང་ཕྲག་བརྒྱ་ལས། །གླིང་བཞིར་ཆགས་པས་མཆོད་རྟེན་སྣང་། ཁྲར་དུ་བྱམས་པ་བརྩེགས་པ་ལ། །ལྷོ་ཕྱོག་སྙིང་རྗེ་རིན་ཆེན་བརྩེགས། །ནུབ་ཏུ་དགའ་བ་པདྨ་བརྩེགས། །བྱང་དུ་བཏང་སྙོམས་དོན་ཡོད་གྲུབ། །འདི་དུས་ཤཱཀྱ་ཐུབ་པ་ནི། །སྲིད་རྩེར་བྱང་སེམས་བཅུ་དྲུག་དང་། །དགྲ་བཅོམ་བསྐོར་ནས་བཞུགས་པའོ། །ཡིད་ཀྱི་མཆོད་རྟེན་ཞེས་བྱ་ནི། །ནམ་མཁའི་དབྱིངས་སམ་རྒྱ་མཚོའི་གླིང་། །མཁས་པས་དཀྱིལ་འཁོར་མཆོད་རྟེན་ནི། །བྱང་ཆུབ་སེམས་ཀྱི་ཡིད་ཀྱིས་བྲི། །ཕྱག་གིས་རྒྱས་གདབ་གྲངས་བཟུང་ཞིང་། །ངག་གིས་སྔགས་བརྗོད་བྱིན་གྱིས་བརླབས། །ཡིད་ཀྱིསརིནཆེནམཆོདརྟེནབསམ། །སྣང་ཞིང་སྟོང་ལ་སྟོང་ཞིང་གསལ། །རང་བཞིན་གྲུབ་པའི་མཆོད་རྟེན་ནི། །སྲིད་པས་གྲུབ་དང་སྤྲུལ་པས་གྲུབ། །སྲིད་པས་གྲུབ་པས་རི་རབ་ཉིད། །དེ་ཡང་ཇི་ལྟར་གྲུབ་ཅེ་ན། །ཆོས་རྣམས་སྟོང་པའི་རང་བཞིན་ལས། །ཨསྙོ་བྷའི་བྱིན་རླབས་དང་། །ནམ་མཁས་གསལ་བའི་གོ་ཡང་འབྱེད། །དམྱལ་བའི་འཇིག་རྟེན་གནས་སར་ཆགས། །དོན་ཡོད་གྲུབ་པའི་བྱིན་རླབས་ལས། །དེ་ལས་རླུང་གི་དཀྱིལ་འཁོར་ཆགས། །རླུད་ལྷ་བ་དན་ཐོགས་རྣམས་གནས། །རིན་ཆེན་འབྱུང་ལྡན་བྱིན་རླབས་ལས། །དེ་སྟེང་མེ་ཡི་དཀྱིལ་འཁོར་ཆགས། །མེ་ལྷའི་ཚོགས་རྣམས་དེ་ན་གནས། །སྣང་བ་མཐའ་ཡས་བྱིན་རླབས་ལས། །ཆུ་ཡི་དཀྱིལ་འཁོར་རྒྱ་མཚོར་གྱུར། །ཀླུ་ཡི་གནས་ཀྱང་དེ་ན་ཡོད། །རྣམ་པར་སྣང་མཛད་བྱིན་རླབས་ལས། །ས་གཞི་ཆེན་པོ་ཆགས་པ་ལ། །གླིང་བཞི་རི་རབ་གྲུབ་པ་ན། །གླིང་བཞི་གླིང་ཕྲན་མི་ཡི་གནས། །རི་རབ་རྒྱལ་ཆེན་རིགས་བཞི་སོགས། །གནོད་སྦྱིན་གཟའ་སྐར་ལྷ་ཆེན་གནས། །རྩེ་ལ་འཐབ་བྲལ་མན་ཆད་ནས། །གཟུགས་ཁམས་གནས་རིས་བཅུ་བདུན་དང་། །གཟུགས་མེད་མིང་བཞི་ཕུང་པོར་གནས། །ཉན་ཐོས་རྣམས་ཀྱང་དེ་ན་བཞུགས། །བཀྲི་བའི་དོན་དུ་མཛད་པའི་གནས། །སྤྲུལ་པས་གྲུབ་པའི་མཆོད་རྟེན་ནི། ཁུཀྱ་ཐུབ་པ་ལྷུམས་ཞུགས་དུས། །ཨུ་དུམ་ཝ་ར་སྦུ་གུར་གྱུར། །འཛམ་གླིང་སྤྲུལ་པའི་མཆོདརྟེནགཅིག ཁྲཀཐུབ་བྱང་ཆུབ་ཤིང་དྲུང་བལྟམས། །ཨུ་དུམ་ཝ་ར་ཁ་ཡང་འབུས། །ཡིད་བཞིན་ལྷུན་གྲུབ་མཆོད་རྟེན་བྱུང་། ཁྲཀྱ་ཐུབ་པ་རབ་བྱུང་མཛད། །ཨུ་དུམ་ཝ་ར་ལྡུམ་བུར་གྱུར། །ནུབ་ཏུ་དཔེ་མེད་བསམ་འདས་བྱུང་། །ཆུ་འགྲམ་བྱང་ཆུབ་དཀའ་ཐུབ་མཛད། །ཨུ་དུམ་ཝ་ར་སྡོང་པོར་འདྲིལ། །ནུབ་ཏུ་རྨད་གྲགས་ཆོས་དབྱིངས་མཛད། །ཙྭ་མཆོག་གྲོང་ཁྱེར་གཤེགས་པའི་ཚེ། །སྡོང་པོ་ལས་ནི་ཡལ་ག་གྱེས། །བྱང་ཕྱོགས་ཡོན་ཏན་རིན་ཆེན་བརྩེགས། །ལང་ཀ་པུ་རིར་གཤེགས་པའི་ཚེ ཡལ་ག་ལས་ནི་ལོ་མར་གྱུར། ཁམས་གསུམ་བདེ་རྒྱས་སྒྲོན་མ་བྱུང་། །བདུད་བ་་ཐོ་རངས་སངས་རྒྱས་དུས། །ལོ་མ་ལས་ནི་མེ་ཏོག་ཤར། ཁྲར་དུ་བྱམས་ལྡན་བསོད་ནམས་གཏེར། །མྱ་ངན་འདའ་བའི་ཚུལ་བསྟན་པ། །མཐར་ལེགས་གཡུང་དྲུང་རྫོགས་པ་ཤར། །རང་བཞིན་མཆོད་རྟེན་ཡེ་ཤེས་སྐུ། །ཐུགས་རྗེའི་བྱིན་རླབས་རྨད་པོ་ཆེ། །མཚན་མའི་སྡུག་བསྔལ་ཡོངས་བསལ་ཞིང་། །སེམས་ཅན་ཀུན་ལ་བྱམས་ཐུགས་ལྡན། །སྤྲུལ་པར་འབྱུང་བའི་མཆོད་རྟེན་ནི། །བྱང་ཕྱོགས་རྣ་ཐོས་སྲས་ཀྱི་སྤྱན། །གཡས་མཐོང་སྲེག་ལ་གཡོན་མཐོང་འཇིག །མིག་མི་བཟང་གིས་གར་བལྟས་སར། །མི་ནད་ཕྱུགས་ནད་མུ་གེ་འབེབས། །རྒྱལ་པོས་བཅོམ་ལྡན་འདས་ལ་ཞུསླ། །བདག་གིས་མ་བསྒྲུབས་གནོད་པའི་མིག །ཇི་ལྷར་ཐབས་ཀྱིས་བསྒྱུར་དུ་གསོལ། །བཅོམ་ལྡན་འདས་ཀྱིས་རྣམ་ཐོས་བུའི། །ཕྱག་ཏུ་རིང་བསྲེལ་མཆོད་རྟེན་བྱིན། །མིག་ངན་སྨིན་མཚམས་ཤཱ་རི་རྭམ། །མཆོད་འབུལ་བྱས་པས་ཤིན་ཏུ་གེ །སྤྲུལ་པའི་མཆོད་རྟེན་ཏིང་འཛིན་སྐུ། །བྱམས་ཤིང་སྙོམས་པའི་ཀུན་གྱི་མགོན། །ཐུགས་རྗེ་ཆེན་པོས་བསྐྱོད་དུ་མེད། །ནུབ་བྱང་རྒྱལ་པོའི་མིག་ནད་སེལ། །གཟུགས་ཆེན་མཆོད་རྟེན་བརྩིགས་པ་ནི། །རྒྱལ་པོ་དྷརྨ་ཨ་་།་ཀས། །རི་གསུམ་རྩེ་གདོང་ལུང་གསུམ་མདོ། །རི་ལུང་མང་པོ་འདུས་པའི་རྒྱུན། །ཕོ་བྲང་བཏབ་པས་བསྟུན་ནད་ཟིན། །རྨི་ལམ་འབྱུང་ཞིང་མཆོད་རྟེན་བཞེངས། །ནད་ལས་ཐར་ཏེ་རྒྱལ་སྲིད་འཛིན། །ཐ་ཆུང་སྲས་གྲོངས་ཕུང་པོ་བསྲེགས། །ཚ་ཚྭ་བཏབ་ཅིང་མཆོད་རྟེན་བཞེངས། །དགྲ་བཅོམ་འབྲས་བུ་ཐོབ་པར་གྱུར། །སྲས་འབྲིང་ནད་ཀྱིས་ཟིན་དེ་འདས། །བདུན་ཚིགས་བདུན་གྱིས་རིགས་དྲུག་དྲངས། །ཐལ་བ་ཚ་ཚ་བཏབ་ནས་ནི། །བླ་ན་མེད་པའི་བྱང་ཆུབ་ཐོབ། །ལི་ཙ་བི་ཡིས་མི་ཤེས་སམ། །དེ་ནས་ལི་ཙ་བི་དགྱེས་ནས། །ད་ལྟར་ཤར་གྱི་ཕྱག་རྡོར་ཁྱོད། །དུས་དེར་བཞུགས་པ་ངས་མ་མཐོང་། །བག་ཆགས་སོལ་ལ་གསང་བར་་།ད། །ཅེས་གསུངས་སོ། །སྐུ་གདུང་འབར་བ་མཆོད་རྟེན་གྱི་རྒྱུད་ལས། མཆོད་རྟེན་བྱུང་ཚུལ་ལོ་རྒྱུས་ཀྱི་ལེའུ་སྟེ་གཉིས་པའོ།། །།དེ་ནས་གསང་བའི་བདག་པོས་དམ་པའི་རིགས་ཅན་རྣམ་པ་ལྔ་ལ་ཐུན་མོང་མཆོད་རྟེན་གྱི་མན་ངག་འདི་དག་གསུངས་སོ། །མཆོད་རྟེན་བྱ་བའི་ས་བཙལ་བ། །སྣུམ་ཞིང་འབོལ་ལ་མཉེས་པའི་སར། །ཡུངས་ཀར་དག་ལ་སྔགས་འདི་ཡིས། །ལན་བདུན་བརྗོད་ལ་མཚམས་བཅད་དོ། །ཨོ་ཨ་མྲི་ཏ་ཧ་ན་ཧ་ན་ཧུ༷་ཕཊ། སེང་ལྡིང་ལྕགས་ཕུར་སོར་བརྒྱད་ལ། །རྡོ་རྗེ་ཕུར་པར་བསམས་ནས་ནི། །ལན་བདུན་སྔགས་བརྗོད་དབུས་དང་ནི། །གྲ་བཞིར་བཏབ་ལ་གཞག་པར་བྱ། །ཨོ་བཛྲ་ཀི་ལ་ཡ་ས་རྦ་དུ་༷་ཧུ༷་ཕཊ། དེ་ནས་ཐིག་སྐུད་རིན་ཆེན་ལ། །རྡོ་རྗེ་སྐུད་པར་རབ་བསམ་ནས། །རྒྱ་ཁྱོན་ཅིར་ན་ཐིག་གིས་བསྐོར། །སྔགས་འདི་ལན་ནི་གསུམ་བརྗོད་པས། །ས་གཞི་རིན་ཆེན་གྱུར་པར་བསམ། །ཨོ་བཛྲ་སྨུ་ཏྲ་ཧུ༷་ཕཊ། ཨོ་བཛྲ་ཁ་ན་ཁ་ན་ཧུ༷་ཕཊ། དེས་ནི་རྡོ་རྗེས་བསམ་པ་ཡི། །ལག་ཆས་ས་ནི་རྐོ་བའི་སྔགས། །ཚར་ནས་གནས་གཙང་ཕྱིན་ནས་ནི། །བདུད་རྩི་འཁྱིལ་པའི་ཕྱག་རྒྱ་ནི། །རྡོ་རྗེ་རྩེ་གསུམ་མནན་ནས་ནི། །ལན་བདུན་སྔགས་བཟླས་ཐོ་བས་བརྡུང་། །ཨོ་བཛྲ་མུདྨ་ར་ཨ་ཀོ་ཊ་ཡ་ཨ་ཀོ་ཊ་ཡ་ཧུ༷་ཕཊ། ཙསྡེན་གུར་གུམ་དྲི་ཆབ་ཆུས། །འཇིམ་པ་སྦྲུས་བྱས་ལན་བདུན་བརྗོད། །ཨོ་ཨ་མྲི་ཏེ་ཧུ༷་ཕཊ། ཨ་དཀར་བདུད་རྩིའི་ཆུ་རུ་དམིགས། །ཆུ་དེ་གཏོར་ལ་འཇིམ་པ་བརྫི། །སྔགས་འདི་ལན་བདུན་གཏོར་བར་བྱ། །ཨོ་ཤུསྟེ་བི་ཤོ་དྷ་ནཱ་ཡ་གྲྭ་ཧྭ། དེ་ནས་འཇིམ་པ་བརྫི་བའི་དུས། དེ་ཉིད་རྡོ་རྗེ་རིན་ཆེན་བསམ། །ཨོ་བཛྲ་པྲ་མར་ཏ་ན་ཡེ་ཧུ༷་ཕཊགྲྭ་ཧྭ། དེ་ནས་འཇིམ་པའི་གོང་བུ་ལ། །སྔགས་འདི་གསུམ་བརྗོད་བྱིན་བརླབས་པས། །འོད་ལྔས་དོན་མཛད་འཕྲོས་འདུས་ནས། །རིན་ཆེན་ལྔར་ནི་གྱུར་པར་བསམ། །ཨོ་ན་མ༷༷ས་མན་བུཨཱོཾ་ནཱན། ཨ་པྲ་ཏི་ཧ་ཏ་ཤཱ་ས་ནཱ་ནཱན། ཨོ་བཛྲ་ཨུ་ཡུ་ཁེ་གྲྭ་ཧྭ། དེ་ནས་འཇིམ་པ་བྱིན་རླབས་ཀྱི། །སྔགས་འདི་ཉི་ཤུ་རྩ་གཅིག་བཟླས། །མཆོད་རྟེན་གཅིག་བྱས་ཙམ་གྱིས་ནི། །བྱེ་བ་བྱས་པར་འགྱུར་བའོ། །ཨོ་ན་མོ་བྷ་ག་ལྷུ་ཏེ་བེ་རོ་ཙ་ན་པྲ་བྷ་རྭ་ཛུ་ཡ། ཨར་ཧ་ཏེ་ས༷་མྱག་ས༷་བུརྙ་ཡ། ཨོ་སྨཀློ་ས་མེ་ས་མ་ཡེ། ས་མ་ཏེ་ས་མ་རོ་སེ། ཨ་ན་པ་ར་ནེ་ཏ་ར་མ་པེ་ཡ་ཤོ །མ་ཧྭ་ཏེ་ཛོ་རྭ་ཛ་ཀུ་ལེ་ནི་རྦུ་ནི། སརྦ་ཏ་ཐུ་ག་ཏོརྟ་ད་ཡ། ཨ་དྷིསྐོ་ན་ཨ་དྷིསྙི་ཏེ་གྲྭ་ཧྭ། རིགས་ལྔ་སོ་སོའི་སྔགས་གཞུག་གམ། །ཡི་དམ་སྔགས་སམ་གང་བྱེད་སྔགས། །བྲིས་ཏེ་ཚ་ཚའི་ནང་དུ་གཞུག །གྲོ་གར་གུར་གུམ་དག་གིས་བྲི། །ཨོ་དྷ་ར་དྷ་ར་ཡ་དྷ་ར་ཡ་བཛྲ་དྷིག །ཨོ་ཤ་ཤྭ་ཏ་པ་རེ་ཤ་ཤྭ་ཏོ་ཨེ་གྱེ་ནི་ཛི་ན་ཛིག །ཨོ་བཛྲ་སྒུརུ་ཏ་ཏྲ་མོ། བམ་དྷ་མ་ན་མ་ས་མ་ཡ་ཏྭ་མ་ཨ་ཧ༷་རཏྣ་དྷིག །ཨོ་བཛྲ་དྷརྨ་ས་མ་ཡ་ཧུ༷་ལུ་ཧུ༷་ལུ་ཨ་རོ་ལིཀ །ཨོ་ཕུ་ཕུ་ཧི་ཧི་དྷ་ར་དྷ་ར་པྲ་ཙྭལྷོག །ཡང་ན་སྔགས་ཐུང་འདི་བྲིས་ཏེ། ཚ་ཚྭ་ཆུང་ངུའི་ནང་དུ་གཟུག །ཨོ་ཏྲི་ཡ་དྷི་ཀྭ་ནི། སརྦ་ཏ་ཐུ་ག་ཏྭ་ནཱན། ཏབྱ་ཐུ། ཨོ་སྲུསྣེ་སྲུསྨྱེ། ཤཱརྙེ་ཤཱརྙེ། དྭརྙེ་དྭརྙེ། ནི་ར་ཀུ་ལེ། ཡ་ཤོ་ཡ་ཤོ །ཏེ་ཇོ་བ་ཏི། སརྦ་བུརྙ། ཨ་དྷིསྤྱི་ཏེ་གྲྭ་ཧྭ། དེ་ནས་འབི་འབི་གཞུག་པའི་སྔགས། །གསུམ་བརྗོད་ཐབས་དང་ཤེས་རབ་འབྲེལ་པ་ཡི། །ཆོས་དབྱིངས་ཉིད་དུ་གྲུབ་པར་བསམ། །དེ་ཡི་སྔགས་ནི་འདི་ཡིན་ནོ། །ཨོ་ཨ་མྲི་ཏྭ་ཡུ་ཤེ་གྲྭ་ཧྭ། དེ་ནས་འབི་འབི་བྱ་བའི་སྔགས། །མ་ཟིན་བར་དུ་བརྗོད་པར་བྱ། །ཨོ་ཏེ་ཡསྟེ་སརྦ་ཏ་ཐུ་བ་ཏོཤཱ་ད་ཧ་ཡ། གསྙེ་ཛ་ལ། དྷརྨ་དྷ་ཏུ་གསྙེ་སང་ཧ་ར་ན། ཨུ་ཡུ་ན་ས༷་ཤོ་དྷ་ཡ་བཱ་བམ། སརྦ་ཏ་ཐུ་ག་ཏ་ས་མརྙོ་བི་མ་ལ་བི་ཤུརྙེ་གྲྭ་ཧྭ། མར་དང་ཉུང་རྩི་འབུལ་བའི་སྔགས། །ཉོན་མོངས་རྡུལ་བྲལ་བྱང་ཆུབ་བསམ། །ཨོ་ཨ་ར་ཛེ་བི་ར་ཛེ་གྭ་ཧྭ། ་་ལ་ཕོར་ནང་དུ་གཞུག་པའི་སྔགས། །ཐབས་དང་ཤེས་རབ་འབྲེལ་པ་ཆོས་དབྱིངས་བཞུགས། །ཨོ་དྷ་ཏུ་གསྟེ་གྲྭ་ཧྭ། རྐོལ་ཕོར་ས་ལ་བརྡབ་པའི་སྔགས། །མཆོད་རྟེན་གྲུབ་པས་འགྲོ་དོན་བསམ། །ཨོ་དྷ་ར་མ་ར་ཏེ་བཛྲ་མུད་ག་ར་ཨ་ཀོ་ཊ་ཡ་ཧུ༷། དེ་ནས་མཆོད་རྟེན་དབྱུང་བའི་སྔགས། ་ལ་སྒོང་དག་པ་ལྟ་བུར་བསམ། །ཨོ་བཛྲ་དྷ་རོད་པྲ་བ་ཡ་གྲྭ་ཧྭ། རྒྱུ་ཡི་ཆོས་རྣམས་རྫོགས་པ་ལ། །གཟུགས་ཀྱི་སྐུ་ནི་རྣམ་པ་གཉིས། །འབྲས་བུའིཆས་རྣམས་རྫོགས་པ་ལས། །ཆོས་ཀྱི་སྐུ་རུ་བྱིན་གྱིས་བརླབས། །ཨོ་སརྦ་ཏ་ཐུ་ག་ཏ་ནིརྨ་ཀྭ་ཡ་ས་མ་ཡ་སྟུ༷། ཨོ་སརྦ་ཏ་ཐུ་ག་ཏ་ས༷་སྙོ་ག་ཀྭ་ཡ་ས་མ་ཡ་སྟུ༷། ཨོ་སརྦ་ཏ་ཐུག་ཏ་དྷརྨ་ཀྭ་ཡ་མ་ཧྭ་སུ་ཁ་བཛྲ་སུ་ཏ་ས་མ་ཡ་སྟུ༷། དེ་ནས་སྲོག་ཤིང་གཟུག་པས་ནི། །མི་ནུབ་བརྟན་པར་གྱུར་པར་བསམ། །ཨོ་བཛ་ཨུ་ཡུ་ཤེ་གྲྭ་ཧྭ། འཁོར་ལོ་བཅུ་གསུམ་གཟུག་པས་ནི། །ས་ནི་བཅུ་གསུམ་གྱུར་པའོ། །ཨོ་བྲ་མརྙ་ནཱ་ཡ་གྲྭ་ཧྭ། དར་གྱི་ཅོད་པན་བཏགས་པ་ཡིས། །ཐབས་དང་ཤེས་རབ་ལྡན་པར་བྱ། །ཨོ་པ་ཏ་ཀ་ལམ་པ་གྲྭ་ཧྭ། བ་དན་སྣ་ཚོགས་འཕྱར་བ་ཡིས། །སེམས་ཅན་ཆོས་ཀྱི་སྙན་པ་སྒྲོགས། །ཨོ་པ་ཏ་ཀ་གྲྭ་ཧྭ། ཆུ་སྲིན་རྒྱལ་མཚན་བཙུགས་པ་ཡིས། །བདུད་བཞི་ལས་རྒྱལ་འཁོར་བ་འཛིན། །ཨོ་ཀུམ་སྟི་ར་རྭ་ཛ་གྲྭ་ཧྭ། གདུགས་ཀྱི་སེམས་ཅན་མ་ལུས་ཀུན། །བླ་ན་མེད་པའི་སྐྱབས་དང་ལྡན། །ཨོ་པྲ་ཧ་མ་ཏ་ནཱ་ཡ་གྲྭ་ཧྭ། །མེ་ཏོག་ཕྲེང་བ་བཅིངས་པ་ཡིས། །སེམས་ཅན་མི་བརྗེད་གཟུངས་རྣམས་འཛིན། །ཨོ་རཏྣ་མྱ་ལེ་ཏྲ༷་ཧུ༷། མཚན་དང་དཔེ་བྱད་རབ་ལྡན་པས། །བལྟ་བས་མི་ངོམས་ལྡན་པའི་སྔགས། །ན་མ་སྟེ་ཡ་ཏེ་དྷ་ནུ་ག་ཏེ། པྲ་ཏི་ཏ་ཤུ་ས་གེ་ཏ་བེ་ཏ། ཏ་ཐུ་ག་ཏྭ་ཡ། ཨརྟ་ཏེ་སམྱ་ཀ་ས༷་བུཨཱོཾ་ཡ། ཏབྱ་ཐུ་བྲེཉི་གྲྭ་ཧྭ། གདན་རྣམས་མ་ལུས་དབུལ་བའི་སྔགས། །རིན་ཆེན་ཉི་ཟླ་སེམས་ཅན་པད། །ཨོ་སུརྙ་རི་ཛ་ཡ་གྲྭ་ཧྭ། གཞལ་ཡས་ཁང་དུ་གཤེགས་པའི་སྔགས། །ཨོ་ད་ར་ད་ར་ཀུ་ཏ་ཀ་ར་ཛ་ཡེ་སྭ་ཧྭ། རིན་ཆེན་གཞལ་ཡས་ཆོས་ཀྱི་ཕོ་བྲང་དུ། །ཉི་ཟླ་རིན་ཆེན་གདན་ལ་བཞུགས་སུ་གསོལ། །ཨོ་སུ་པྲ་ཏིཁྱི་བཛྲ་ཡེ་གྲྭ་ཧྭ། དེ་ལ་དབང་རྣམས་མ་ལུས་པ། །རྫོགས་པར་བསྐུར་ཏེ་གནས་པར་བྱའོ། །ཨོ་བཛྲ་དྷ་ཏུ་ཤྭ་རི་ཨ་དྷིསྤྱི་ཏེ་ཨ་སྟི་ཁེ྅་བཱམ། སྐུ་དང་གསུང་ཐུགས་ཡོན་ཏན་ལས། །ཕྲིན་ལས་རྡོ་རྗེ་ཉིད་གྱུར་བསམ། །ཨོ་སརྦ་ཏ་ཐུ་ག་ཏ་ཀྭ་ཡ་ཝསྐ་ཙིསྟ་མ་ཧྭ་ས་མ་ཡ་སྟུ༷། ཨོ་སརྦ་ཏ་ཐུ་ག་ཏ་གུ་ན་ཀརྨ་མ་ཧྭ་ས་མ་ཡ་སྟུ༷། དེ་ནས་མཆོད་པ་སྣ་ཚོགས་རྣམས། །མཉེས་པར་མ་ལུས་དབུལ་བར་བྱ། །ཨོ་བཛྲ་ཨ་མྲི་ཏེ་ཨསྙེམ་པྲ་ཏིསྣྲོ་སྲུ་ཧྭ། ཨོ་བཛྲ་དྷ་པེ་གྲྭ་ཧྭ། ཨོ་བཛྲ་པུསྤྲོ་གྲྭ་ཧྭ། ཨོ་བཛྲ་ཨུལོ་ཀེ་གྲྭ་ཧྭ། ཨོ་བཛྲ་གརྙེ་གྲྭ་ཧྭ། ཨོ་བ་ལིརྙ་ཏེ་ཛོ་བ་ལིན་ཏ་གྲྭ་ཧྭ། ཞེས་གསུངས་སོ། །སྐུ་གདུང་འབར་བ་མཆོད་རྟེན་གྱི་རྒྱུད་ལས། །མཆོད་རྟེན་གདབ་ཐབས་མན་ངག་གི༄་ལེའུ་སྟེ་གསུམ་པའོ།། །།དེ་ནས་བཅོམ་ལྡན་འདས་གསང་བའི་བདག་པོས་ཐུན་མོང་གི་མཆོད་རྟེན་ལས་ཀྱི་རིམ་པ་འདི་དག་གསུངས་སོ། །ཆོས་དབྱིངས་མངོན་གྱུར་ཡེ་ཤེས་སྐུ་བརྙེས་ཤིང་། །སྐུ་གསུང་ཐུགས་ཀྱིས་འགྲོ་བའི་དོན་མཛད་པ། །ཐུགས་རྗེའི་ཅི་འདུལ་ཡིད་བཞིན་རེ་སྐོང་བའི། །ཕྱོགས་བཅུའི་སངས་རྒྱས་མ་ལུས་གཤེགས་སུ་གསོལ། །ཉོན་མོངས་དུག་སེལ་ཡོན་ཏན་འབྱུང་བའི་གནས། །གསུང་རབ་བཅུ་གཉིས་འཕགས་ལམ་རྒྱལ་བའི་བཀའ། །བཅོམ་ལྡན་ཤེས་རབ་ཕ་རོལ་ཕྱིན་ལ་སོགས། །རྣམ་དག་དབྱིངས་ཀྱི་དམ་ཆོས་གཤེགས་སུ་གསོལ། །ཆོས་སྐུ་གཟུགས་བརྙན་བྱང་ཆུབ་སེམས་ཀྱི་ངང་། །གླིང་བཞི་འདུལ་མཛད་མཆོད་རྟེན་ཆེན་པོ་བརྒྱད། །བསོད་ནམས་ཞིང་དང་འགྲོ་བ་འདྲེན་པའི་གཙོ། །སྐུ་གདུང་རིང་བསྲེལ་མ་ལུས་གཤེགས་སུ་གསོལ། །ས་བཅུ་རྒྱལ་སྲས་ཆེ་ལ་མངའ་བརྙེས་ཤིང་། །བྱམས་དང་སྙིང་རྗེས་བརྩོན་འགྲུས་གོ་བགོས་ནས། ་ས་རབ་ཐབས་ཀྱིས་འགྲོ་བའི་དོན་མཛད་པ། །བྱང་ཆུབ་སེམས་དཔའ་མ་ལུས་གཤེགས་སུ་གསོལ། །བདེན་བཞིའི་དོན་རྟོགས་ལོག་ལྟའི་སྐྱོན་སྤངས་ཤིང་། །ཚུལ་ཁྲིམས་དྲི་མེད་དུག་ལྔའི་སྐྱོན་བསལ་ནས། །འཕགས་ལམ་དོན་བརྩོན་ཡོན་ཏན་རྒྱན་མངའ་བ་། །དགྲ་བཅོམ་རང་རྒྱལ་མ་ལུས་གཤེགས་སུ་གསོལ། །བྱང་ཆུབ་སེམས་ལྡན་བདེ་བར་གཤེགས་པའི་འཁོར། ཁམས་གསུམ་ས་དྲུག་གནས་ལ་མངའ་མཛད་པ། །བཅོམ་ལྡན་འདས་ཀྱི་བསྟན་པ་སྲུང་མཛད་པ། །སྲིད་གསུམ་སྲུང་མའི་ཚོགས་གྱུར་གཤེགས་སུ་གསོལ། །ཞེས་སྤྱིར་སྤྱན་དྲང་བར་གསུངས་སོ། །ཆོས་དབྱིངས་རྣམ་དག་བཟང་མོའི་དཀྱིལ་འཁོར་འདིར། །ཉོན་མོངས་མ་གོས་ནམ་མཁའི་རང་བཞིན་ལ། །རྟོགས་པའི་ཏིང་འཛིན་ཆགས་པའི་སྐུར་བསྟན་ནས། །ཆོས་སྐུ་ཟབ་མོའི་མཆོད་རྟེན་གཤེགས་སུ་གསོལ། །བྱམས་པ་ཆེན་པོ་དཔག་ཚད་མེད་པའི་ཆོས། །གདུག་པའི་ཚོགས་རྣམས་ཐམས་ཅད་འདུལ་སླད་དུ། །མེ་ལོང་ལྟ་བུ་ཆོས་ཀྱི་དོན་རྟོགས་ནས། །རྡོ་རྗེ་བརྩེགས་པའི་མཆོད་རྟེན་གཤེགས་སུ་གསོལ། །དགའ་རབ་དོན་ཕྱིར་འཁྲུལ་པ་ཀུན་སྤངས་ཤིང་། །འཇིགས་མེད་རིན་ཆེན་བང་རིམ་བརྩེགས་པ་ལ། །སྤྲུལ་པའི་ཡོན་ཏན་ཚོགས་ཀྱི་ཕྲེང་བས་བརྒྱན། །རིན་ཆེན་བརྩེགས་པའི་མཆོདརྟེན གཤེགསསུགསོལ། །ཉོན་མོངས་སྐྱོན་བྲལ་པདྨའི་གདན་སྟེང་ན། །དགའ་བ་བརྩེགས་པའི་བང་རིམ་བདུད་བཞི་འཇོམས། །བུམ་པ་ཆོས་དབྱིངས་སྤྲོས་པ་མེད་པའི་དབྱིངས། །པདྨ་བརྩེགས་པའི་མཆོད་རྟེན་གཤེགས་སུ་གསོལ། །ཉོན་མོངས་འཁོར་བའི་སྡུག་བསྔལ་ལས་ཀྱིས་སྦྱངས། །རྣམ་པར་རྟོག་པའི་མཚན་མ་ཀུན་བཅོམ་ནས། །བསོད་ནམས་དགེ་ཚུལ་བསགས་པའི་མཆོད་རྟེན་བརྩེགས། །བྱང་ཆུབ་རྫོགས་པའི་མཆོད་རྟེན་གཤེགས་སུ་གསོལ། ཁྲཀྱ་ཐུབ་པ་སྤྲུལ་པའི་སངས་རྒྱ་ཀྱིས། །སྐུ་ཡི་འོད་ཟེར་སྤྲུལ་པས་སྒྲིབ་པ་སྦྱོང་། །ཡོན་ཏན་ཚོགས་ཀྱི་ཆ་ལས་སྐུར་བརྟེན་པ། །འོད་འབྱུང་སྤྲུལ་པའི་མཆོད་རྟེན་གཤེགས་སུ་གསོལ། །བྱང་ཆུབ་ཚོགས་ཀྱིས་རབ་ཏུ་བརྒྱན་པའི་སྐུ། །འཛམ་གླིང་ཀུན་ནས་བསོད་ནམས་སྤྲིན་ཚོགས་འདུ། །བཀྲ་ཤིས་དགེ་བ་བསོད་ནམས་ཚོགས་བསགས་ཤིང་། །མི་མཐུན་སྒྲིབ་པའི་བག་ཆགས་བསལ་བའི་ཕྱིར། །བཀྲ་ཤིས་བརྩེགས་པའི་མཆོད་རྟེན་གཤེགས་སུ་གསོལ། །དགེ་ཚུལ་བསོད་ནམས་མཆོད་རྟེན་གཤེགས་སུ་གསོལ། །ཡོན་ཏན་ཚོགས་ཀྱི་མཆོད་རྟེན་གཤེགས་སུ་གསོལ། །ཉོན་མོངས་མུན་སེལ་མར་མེ་གཤེགས་སུ་གསོལ། །ཞེས་སོ་སོའི་སྤྱན་དྲང་བར་གསུངས་སོ། །དེ་ནས་བཞུགས་སུ་གསོལ་བ་གསུངས། །འཇའ་ཚོན་སྤེལ་ལེགས་བཀོད་འདྲ་བའི། །དགེ་བཅུ་དག་པའི་པདྨའི་གདན་སྟེང་དུ། །རིམ་བཞིན་འཚམས་པར་བཞུགས་སུ་གསོལ། །ཆོས་དབྱིངས་ཕོ་བྲང་རིན་ཆེན་གཞལ་ཡས་འདིར། །འཇའ་ཚོན་སྤེལ་འདྲའི་གདན་བཟང་བཏིང་ལགས་ཀྱི། །བླ་མེད་ཡིད་དང་རང་བཞིན་མཆོད་རྟེན་དང་། །སྤྲུལ་པའི་གཟུགས་ཅན་མ་ལུས་མཆོད་རྟེན་ཀུན། །དོག་ཅིང་ཚོར་བ་མི་མངའ་བར། །སྐུ་གསུང་རྡོ་རྗེ་ལྟ་བུར་བྱིན་བརླབས་ནས། །འགྲོ་བ་སེམས་ཅན་རྣམས་ལ་སྨན་སླད་དུ། །བརྟན་པར་བཞུགས་ནས་ཐུགས་རྗེས་དགོངས་སུ་གསོལ། །དེ་ནས་ཕྱག་འཚལ་རིམ་པ་གསུངས། །ཆོས་སྐུ་མཁའ་ལ་ཡེ་ཤེས་དཀར་བཀྲམ་ཞིང་། །ཐུགས་རྗེའི་ཕྲིན་ལས་གཟུགས་སྐུའི་ཆར་འབེབས་པ། །འཁོར་བའི་མུན་སེལ་བདུད་བཞི་འཇོམས་མཛད་པ། །དུས་གསུམ་བདེ་གཤེགས་རྣམས་ལ་ཕྱག་འཚལ་ལོ། །དམིགས་མེད་ཆགས་བྲལ་བདུད་རྩི་འདུས་མ་བྱས། ཁུ་འབྲས་བསྟན་དང་ལམ་དང་གཉེན་པོའི་ཆོས། །སྡུག་བསྔལ་ཟད་མཛད་སྲིད་པའི་མུན་སེལ་བ། །དམ་ཆོས་བདུད་རྩི་རྣམས་ལ་ཕྱག་འཚལ་ལོ། །བཅོམ་ལྡན་ཤཱཀྱ་སེང་གེའི་བྱིན་རླབས་ལས། །སྲིད་རྩེ་རིན་ཆེན་སྣ་ལྔའི་གཞལ་ཡས་ན། །རིགས་བཞིའི་ཕྱག་རྒྱ་མཆོད་རྟེན་བཞིར་སྣང་བ། །འགྲོ་དོན་རྫོགས་པར་མཛད་ལ་ཕྱག་འཚལ་ལོ། །ཇི་ལྟར་ཨུ་དུམ་ལྷུ་རའི་མེ་ཏོག་ལྟར། །བདེ་གཤེགས་མཛད་པ་མཐར་ཕྱིན་གྲུབ་པའི་རྟགས། །འཁོར་བ་ཟད་མཛད་ཐར་ལམ་འདྲེན་པའི་གཙོ། །བླ་མེད་མཆོད་རྟེན་བརྒྱད་ལ་ཕྱག་འཚལ་ལོ། །རྣམ་དག་དབྱིངས་ཀྱི་བྱིན་བརླབས་རྒྱལ་བའི་གདུང་། །མ་རིག་མུན་སེལ་ངེས་པར་ལེགས་པའི་གཞི། །སྤྲུལཔའིམཆོདརྟེནསྲིདཔས་བཀུར་བའི་གནས། །རིང་བསྲེལ་འཇིག་རྟེན་རྒྱན་ལ་ཕྱག་འཚལ་ལོ། །ཐབས་མཁས་ཐུགས་རྗེས་འགྲོ་བའི་དོན་མཛད་ཅིང་། །བདེན་གཉིས་དོན་རྟོགས་ས་བཅུ་མཆོག་བརྙེས་ཤིང་། །གཞན་དོན་རྣམ་པར་གྲོལ་བའི་སྐུ་མངའ་བ། །བྱང་ཆུབ་སེམས་དཔའ་རྣམ་ལ་ཕྱག་འཚལ་ལོ། །ཉོན་མོངས་དུག་སྤངས་ཚུལ་ཁྲིམས་རྒྱན་མངའ་ཞིང་། །སློབ་དང་མི་སློབ་འཕགས་ལམ་དོན་བསྒོམས་ཏེ། །རིག་པ་གསུམ་གྱི་མཚན་མའི་དགྲ་བཅོམ་པ། །ཉན་ཐོས་རང་རྒྱལ་རྣམས་ལ་ཕྱག་འཚལ་ལོ། །སྲིད་པ་གསུམ་གྱི་བདག་པོའི་གཟུགས་འཛིན་ཅིང་། །ལྷ་ཀླུ་གནོད་སྤྱིན་བདག་པོར་ཞལ་འཆེས་པའི། །རྣམ་བཞི་འཁོར་དུ་གཏོགས་ལ་ཕྱག་འཚལ་ལོ། ཁྲར་ཕྱོགས་མངོན་དགའི་སངས་རྒྱས་ཞིང་ཁམས་ན། །རྡོ་རྗེ་རི་བོ་ལྷུན་པོའི་མཆོད་རྟེན་བཞུགས། །འོད་ཟེར་འབར་བ་ཉི་མ་སྟོང་གི་གཟི། །སངས་རྒྱས་རྡོ་རྗེའི་འཁོར་ལ་ཕྱག་འཚལ་ལོ། །ལྷོ་ཕྱོགས་དཔལ་ལྡན་ཡིད་བཞིན་ཞིང་ཁམས་ན། །རིན་ཆེན་རི་བོ་ལྷུན་པོའི་མཆོད་རྟེན་བཞུགས། །འོད་ཟེར་འབར་བ་ཉི་མ་སྟོང་གི་གཟི། །སངས་རྒྱས་རིན་ཆེན་འཁོར་ལ་ཕྱག་འཚལ་ལོ། །ནུབ་ཕྱོགས་བདེ་ལྡན་དགའ་བའི་ཞིང་ཁམས་ན། །པདྨ་རི་བོ་ལྷུན་པོའི་མཆོད་རྟེན་བཞུགས། །འོད་ཟེར་འབར་བ་ཉི་མ་སྟོང་གི་གཟི། །སངས་རྒྱས་པདྨའི་འཁོར་ལ་ཕྱག་འཚལ་ལོ། །བྱང་ཕྱོགས་རྣམ་པར་དག་པའི་ཞིང་ཁམས་ན། །ལས་ཀྱི་རི་བོ་ལྷུན་པོའི་མཆོད་རྟེན་བཞུགས། །འོད་ཟེར་འབར་བ་ཉི་མ་སྟོང་གི་གཟི། །སངས་རྒྱས་དོན་གྲུབ་འཁོར་ལ་ཕྱག་འཚལ་ལོ། །སྔར་འདས་རྒྱལ་བའི་རིང་སྲེལ་ཡུམ་གྱི་དབྱིངས། །འགྲོ་དོན་ལྷུན་གྲུབ་བསོད་ནམས་དབྱིངས་ཀྱི་གཙོ། །མཚན་མ་མེད་ལས་མཚན་མའི་སྐུར་ཡང་གསལ། །སངས་རྒྱས་རབ་བདུན་ད་ལྟར་བསྟན་པའི་སྐུར། །འཁོར་ལོ་བདུན་ཏེ་ཕྱག་རྒྱའི་མཚན་མར་གསལ། །ལོག་པར་དད་སེལ་གསེར་ཐུབ་འཁོར་བ་འཇིགས། །ཐམས་ཅད་སྐྱོབས་དང་འོད་སྲུངས་མར་མེ་མཛད། ཁྲཀྱ་ཐུབ་པ་ལ་སོགས་སངས་རྒྱས་སྐུ། །འགྲོ་དོན་ལྷུན་གྲུབ་མཛད་ལ་ཕྱག་འཚལ་ལོ། །རྩིང་པོའི་བློ་ཡིས་མཆོད་རྟེན་འཛིན་པ་ཡང་ ངེས་པར་མཁྱེན་པའི་ཁྱད་པར་ཀ་ཁི་ཀ །འཇིག་རྟེན་ཡེ་ཤེས་མུན་སེལ་ཟླ་ལྟར་གསལ། །འདི་ལྟའི་རྨད་མཆོག་དམ་པ་ཆོས་ཀྱི་དབྱིངས། །དེ་ཕྱིར་བླ་ན་མེད་པའི་མཆོད་རྟེན་ལ། །ལུས་རབ་བཏུད་དེ་སྲི་ཞུས་བདག་ཕྱག་འཚལ། །དང་བའི་ཡིད་ཀྱིས་དམིགས་ཏེ་མཆོད་པ་འབུལ། །འདི་དག་ཐུགས་རྗེས་དགོངས་ཏེ་ཤེས་སུ་གསོལ། །འགྲོ་དོན་ཡོན་བདག་སེམས་ཅན་མ་ལུས་རྣམས། །མཐོ་རིས་བགྲོད་ནས་སངས་རྒྱས་འགྲུབ་པར་ཤོག །དེ་ནས་མཆོད་པ་འབུལ་བ་གསུངས། །ཡེ་ཤེས་ཚོགས་རྫོགས་སྐུ་གསུམ་ལྷུན་གྱིས་གྲུབ། །བཞི་བཅོམ་དྲུག་ལྡན་མི་གནས་མྱ་ངན་འདས། །ཐུགས་རྗེ་སྤྲུལ་པས་འཁོར་བའི་འདམ་སྐེམས་པའི། །ཕྱོགས་བཅུའི་སངས་རྒྱས་རྣམས་ལ་མཆོད་པ་འབུལ། །ཡེ་ཤེས་ཉི་མས་མ་རིག་མུན་སེལ་བའི། །དྲི་མེད་བདུད་རྩིས་འཁོར་བའི་ནད་རྣམས་འཇོམས། །དོན་དམ་དམིགས་མེད་བདེ་བར་གཤེགས་པའི་གནས། །འཕགས་པའི་་་མ་གྱུར་ཆོས་ལ་མཆོད་པ་འབུལ། །བྱམས་དང་སྙིང་རྗེ་དགའ་དང་བཏང་སྙོམས་ཚུལ། །བདེ་གཤེགས་རྡོར་རིན་པརློ་ལས་ཀྱི་རྟགས། །རིན་ཆེན་བཞི་ལས་མངོན་དུ་གྱུར་པའི་སྐུ། །རིགས་བཞི་མཆོད་རྟེན་རྣ་་ས་ལ་མཆོད་པ་འབུལ། །ལྷོ་ཕྱོགས་འཛམ་གླིང་རིན་ཆེན་དཀྱིལ་འཁོར་འདིར། །ཡེ་ཤེས་དཔག་ཡས་ཐུགས་རྗེས་འབྲེལ་བའི་སྐུ། །རང་བྱུང་སྤྲུལ་པའི་མཆོད་རྟེན་ཆེན་པོ་དང་། །ཡིད་བཞིན་ལྷུན་གྱིས་གྲུབ་ལ་མཆོད་པ་འབུལ། །ནུབ་ཕྱོགས་བདེ་ལྡན་པརློའི་དཀྱིལ་འཁོར་ན། །ཐབས་ཀྱི་བྱེ་བྲག་རིང་བསྲེལ་སྐུར་བསྟན་པ། །དཔེ་རྣམས་བསམ་ལས་འདས་པའི་མཆོད་རྟེན་དང་། །རྨད་གྲགས་ཆོས་ཀྱི་དབྱིངས་ལ་མཆོད་པ་འབུལ། །བྱང་ཕྱོགས་དཔག་ཡས་ཡིད་བཞིན་དཀྱིལ་འཁོར་ན། །ཐམས་ཅད་དགའ་བྱེད་དཔལ་ཞིང་ཆོས་ཀྱི་གདུང་། །ཡོན་ཏན་རིན་ཆེན་བརྩེགས་པའི་མཆོད་རྟེན་དང་། ཁམས་གསུམ་བདེ་རྒྱས་སྒྲོན་ལ་མཆོད་པ་འབུལ། ཁྲར་གྱི་ལུས་འཕགས་ཡེ་ཤེས་དཀྱིལ་འཁོར་ན། །བྱམས་པས་འཁོར་བ་འདྲེན་མཛད་རིང་བསྲེལ་སྐུ། །བྱམས་ལྡན་བསོད་ནམས་གཏེར་གྱི་མ་ཆོད་རྟེན་དང་། །མཐར་ལེགས་གཡུང་དྲུང་རྫོགས་ལ་མཆོད་པ་འབུལ། ཁྲི་འཕང་དང་པོར་དྲན་པ་ཉེར་གཞག་བཞི། །ལུས་དྲན་སེམས་དྲན་ཆོས་དྲན་རྗེས་སུ་དྲན། །སྤྱི་དང་རང་གི་མཚན་ཉིད་མངོན་རྟོགས་པའི། །རིག་པ་ཤེས་རབ་མཁྱེན་ལ་མཆོད་པ་འབུལ། །བང་རིམ་གཉིས་པར་ཡང་དག་སྤོང་བ་བཞི། །སྡིག་རྣམས་མི་བསྐྱེད་དགེ་བའི་ཆོས་སྤེལ་ཞིང་། །དགེ་བའི་ཆོས་བསྐྱེད་ཆོས་དོན་རྫོགས་མཛད་པ། །རྟོག་པའི་བག་ཆགས་བྲལ་ལ་མཆོད་པ་འབུལ། །བང་རིམ་གསུམ་པར་རྫུ་འཕྲུལ་རྐང་པ་བཞི། །འདུན་དང་སེམས་དང་དཔྱོད་དང་བརྩོན་འགྲུས་རྣམས། །སྤོང་བའི་འདུ་བྱེད་ལྡན་པའི་རྫུ་འཕྲུལ་གྱིས། །ཐོགས་མེད་འགྲོ་དོན་མཛད་ལ་མཆོད་པ་འབུལ། །བང་རིམ་བཞི་པར་སྣང་བ་དབང་པོ་ལྔ། །དད་བརྩོན་དྲན་དང་ཏིང་འཛིན་དབང་པོ་དང་། ཁྲེས་རབ་དབང་པོས་ཆོས་ལ་དབང་བསྒྱུར་ནས། །འདོད་དགུ་དགེ་རྩ་སྤྱོད་ལ་མཆོད་པ་འབུལ། །འགྱུར་མེད་བུམ་རྟེན་འདེགས་པའི་སྟོབས་ལྔ་སྟེ། །དད་དང་བརྩོན་འགྲུས་དྲན་དང་ཏིང་འཛིན་སྟོབས། ཁེས་རབ་སྟོབས་ཀྱིས་ཉོན་མོངས་ཟིལ་གྱིས་གནོན། །མཐུ་དབང་མངོན་དུ་གྱུར་ལ་མཆོད་པ་འབུལ བུམ་པར་མངོན་འཕགས་བྱང་ཆུབ་ཡན་ལག་བདུན། །དྲན་དང་ཚོར་བྱེད་བརྩོན་འགྲུས་དགའ་བ་དང་། ཁེན་ཏུ་སྦྱངས་དང་ཏིང་འཛིན་བཏང་སྙོམས་ཀྱིས། །འགྲུབ་འགྱུར་ཐོགས་པ་མེད་ལ་མཆོད་པ་འབུལ། ཁ་ཁྱེར་འཕགས་པའི་ལམ་གྱི་ཡན་ལག་བརྒྱད། །ལྟ་དང་རྟོགས་དང་ངག་དང་ལས་ཀྱི་མཐའ། །འཚོ་དང་རྩོལ་དང་དྲན་དང་ཏིང་འཛིན་གྱིས། །འཕགས་ལམ་གནས་རབ་འཇུག་ལ་མཆོད་པ་འབུལ། །སྲོག་ཤིང་མཁྱེན་པ་བཅུ་ཡི་བདག་ཉིད་དེ། །ཐབས་དང་ཤེས་རབ་རིག་པའི་རྩལ་མཆོག་གིས། །དམ་ཆོས་བདུད་རྩི་འཛིན་ལ་སྲོག་ཏུ་གྱུར། ཁྲེས་རབ་དོན་ཀུན་རིག་ལ་མཆོད་པ་འབུལ། །འཁོར་ལོ་བཅུ་གསུམ་སྟོབས་བཅུ་ཉེར་གཞག་གསལ། ཁེས་རབ་སྤྱན་ལྡན་ཐམས་ཅད་མངོན་གཟིགས་པའི། ཁྲེས་བྱའི་བག་ཆགས་སྦྱོང་ལ་ཐོགས་པ་མེད། །ཡེ་ཤེས་ཕུན་སུམ་ཚོགས་ལ་མཆོད་པ་འབུལ། །ཆར་ཁེབས་སྐྱབས་ཆེན་ཐུགས་རྗེའི་བདག་ཉིད་དེ། །འདུལ་བའི་དུས་དང་སེམས་ཅན་རྒྱུད་མཁྱེན་རྣམས། །འཇིག་རྟེན་རྣམས་ལ་ཕན་འདོགས་རབ་བརྩོན་པའི། །ཕྱི་མཐར་ཡུན་རིང་བཞུགས་ལ་མཆོད་པ་འབུལ། །དད་བརྩོན་ཤུགས་ཀྱིས་ལུས་ངག་སེམས་བ་་དེ། །བརྩོན་འགྲུས་དྲག་པོས་རིན་ཆེན་སྣ་ལྔ་དང་། །འབྱུང་བ་ལྔ་ལས་གྲུབ་པའི་མཆོད་རྟེན་སོགས། །སྐུ་གདུང་རིང་བསྲེལ་རྣམས་ལ་མཆོད་པ་འབུལ། །སྐུ་གསུང་ཐུགས་ལས་སྤྲུལ་པའི་རྒྱལ་བའི་སྲས། །ཐུགས་རྗེའི་ཤུགས་ཀྱིས་ཕྱི་མཐའ་གཞན་དོན་མཛད། །སྐྱེ་འགག་མེད་པའི་དོན་གྱི་བློ་སྦྱངས་ལ། །བྱང་ཆུབ་སེམས་དཔའ་རྣམས་ལ་མཆོད་པ་འབུལ། །རྣམ་གྲོལ་ཐར་ལམ་མཆོག་ཏུ་རབ་བརྩོན་པ། །ཟུང་བཞི་ཡ་བརྒྱད་རིག་པའི་སྐྱེས་བུའི་ཚོགས། །རྟེན་ཅིང་འབྲེལ་པ་རིག་པའི་སངས་རྒྱས་པས། །འཕགས་པའི་དགེ་འདུན་རྣམས་ལ་མཆོད་པ་འབུལ། །དགེ་བ་བཅུ་བསྐྱེད་སྐལ་ལྡན་སངས་རྒྱས་ཞིང་། །ཚངས་པའི་སྐལ་གྱིས་ངན་སོང་མཐར་སྤངས་ཏེ། །རྫུ་འཕྲུལ་ཤུགས་ཀྱིས་འགྲོ་བའི་དོན་མཛད་པ། །འཇིག་རྟེན་སྲུང་མའི་ཚོགས་ལ་མཆོད་པ་འབུལ། །རྡོ་རིངས་ཐེམ་སྐས་ཆུ་སྲིན་རྒྱལ་མཚན་དང་། །གདུགས་དང་བ་དན་དར་གྱི་ཅོད་པན་དང་། །པདྨ་ཉི་ཟླ་སིལ་སྙན་ལྷ་ཡི་རྫས། །ཚངས་པའི་དབྱངས་ལྡན་དམིགས་པ་དག་པས་མཆོད། །ཏིང་འཛིན་སྔགས་དང་ཕྱག་རྒྱའི་མཐུ་གྱུར་པའོ། །ཡོན་ཆབ་བདུག་སྤོས་མེ་ཏོག་མར་མེ་དང་། །བཤོས་གསངདྲི་ཆབ་ལ་སོགས་སྦྱར་བ་དག །མཆོད་ཡོན་རྣམ་ལྔའི་ཚོགས་ཀྱི་མཆོད་པ་འབུལ། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །འཇིག་རྟེན་འདས་དང་འཇིག་རྟེན་གྲུབ་པའི་རྫས། །ཀུན་བཟང་རྣམ་དག་མཆོད་པའི་སྤྲིན་ཕུང་གིས། །ནམ་མཁའ་གང་བར་དམིགས་ཏེ་མཆོད་པ་འབུལ། །འཇིག་རྟེན་འཁོར་བའི་གནས་ནས་དྲང་བ་དང་། །འགྲོ་དོན་མཛད་པའི་ཐུགས་དམ་བསྐང་སླད་དུ། །ཡེ་ཤེས་ཉི་མས་མཚན་མའི་སྐྱོན་སྤངས་ནས། །བྱམས་པའི་ཐུགས་རྗེས་མཆོད་པ་བཞེས་སུ་གསོལ། །རྒྱལ་བ་འཁོར་བཅས་རིང་བསྲེལ་མཆོད་འོས་རྣམས། །སྤྱན་དྲངས་ཕྱག་འཚལ་མཆོད་ཅིང་བཀུར་བའི་མཐུས། །སྔོན་བསགས་ལམ་གྱི་སྒྲིབ་པ་ཀུན་སྦྱངས་ནས། །འགྲོ་དྲུག་ཚོགས་རྣམས་མངོན་པར་སངས་རྒྱས་ཤིག །དེ་ནས་ཨསྙེའི་གསོལ་མཆོད་བཤད། །མཆོད་རྟེན་སྐུ་ཡི་ཆ་ལུགས་ནི། །འོག་གི་རྨང་བཏིང་ཡེ་ཤེས་བཞི། །གྱེན་དུ་ཁྲི་འཕང་རྣམ་ཐར་གསུམ། །ཆགས་མེད་པདྨའི་གདན་སྟེང་ན། །བུམ་པ་བཟང་པོ་ཆོས་ཀྱི་རྗེ། །གསེར་གྱི་བྲེ་ཕུལ་འོད་ཟེར་འཕྲོ། །སྲོག་ཤིང་དྲང་སྲོང་བླ་ན་མེད། །འཁོར་ལོ་བཞི་དང་ཡེ་ཤེས་བརྒྱད། །འབར་བ་མེ་དཔུང་རྡོ་རྗེས་བསྐོར། །བཀྲ་ཤིས་དཔལ་ཚོགས་གཞལ་ཡས་འདིར། །བླ་མེད་མཆོད་པའི་གདན་བཤམས་ཤིང་། །ཆུ་བོ་གདྷའི་རྒྱུན་བཞིན་དུ། །ཨསྙེའི་རྒྱུན་ཡང་མི་འཆད་དེ། །བཀྲ་ཤིས་མཆོད་པ་འདི་འབུལ་ན། །ཐུགས་རྗེས་དགོངས་ནས་བཞེས་སུ་གསོལ། །མཆོད་རྟེན་གསུང་གི་ཆ་ལུགས་ནི། །མན་ངག་ཚིག་གི་སྙིང་པོ་བརྗོད། །བཟླས་བརྗོད་གསུང་རབ་བཅུ་གཉིས་བརྗོད། །དོན་དམ་སྒྲ་སྐད་ཀུན་ལ་མཁས། །རྒྱལ་བ་རྒྱ་མཚོ་འཁོར་དང་བཅས། །གསུང་གི་མཆོད་རྟེན་ཐམས་ཅད་ལ། །བཀྲ་ཤིས་དཔལ་ཚོགས་གཞལ་ཡས་འདིར། །བླ་མེད་མཆོད་པའི་རྒྱན་བཤམས་ནས། །ཆུ་བོ་གདྷའི་རྒྱུན་བཞིན་དུ། །ཨསྙེའི་རྒྱུན་ཡང་མི་འཆད་དེ། །བཀྲ་ཤིས་མཆོད་པ་འདི་འབུལ་ན། །ཐུགས་རྗེས་དགོངས་ནས་བཞེས་སུ་གསོལ། །མཆོད་རྟེན་ཐུགས་ཀྱི་ཆ་ལུགས་ནི། །དཔེ་མེད་བསམ་འདས་ནམ་མཁའ་ཆེ། །ཏིང་འཛིན་ཉིད་ལས་ཅིར་ཡང་གསལ། །ཡེ་ཤེས་ཉིད་ཡིན་ཅིར་ཡང་རྟོགས། ཁྲེས་རབ་ཉིད་དཔལ་མཁྱེན་རབ་གསལ། །ཐམས་ཅད་མཁྱེན་པས་ལྷུན་གྱིས་གྲུབ། །དོན་དམ་སེམས་རྟོག་ཡིད་ལས་འདས། །བཀྲ་ཤིས་དཔལ་ཚོགས་གཞལ་ཡས་འདིར། །བླ་མེད་མཆོད་པའི་རྒྱན་བཤམས་ནས། །ཆུ་བོ་གདྷའི་རྒྱུན་བཞིན་དུ། །ཨསྙེའི་རྒྱུན་ཡང་མི་འཆད་དེ། །བཀྲ་ཤིས་མཆོད་པ་འདི་འབུལ་ན། །ཐུགས་རྗེས་དགོངས་ལ་བཞེས་སུ་གསོལ། །བླ་མེད་མཆོད་རྟེན་ཆ་ལུགས་ནི། །རིན་ཆེན་འབར་བའི་སྲིད་རྩེ་ནི། །ཙིརྙ་མ་ཁེ་ཡེ་ཤེས་བཞི། །བཀྲ་ཤིས་དཔལ་ཚོགས་གཞལ་ཡས་འདིར། །བླ་མེད་མཆོད་པའི་རྒྱན་བཤམས་ཤིང་། །ཆུ་བོ་གདྷའི་རྒྱུན་བཞིན་དུ། །ཨསྙེའི་རྒྱུན་ཡང་མི་འཆད་དེ། །བཀྲ་ཤིས་མཆོད་པ་འདི་འབུལ་ན། །ཐུགས་རྗེས་དགོངས་ཏེ་བཞེས་སུ་གསོལ། །ཡིད་ཀྱི་མཆོད་རྟེན་ཆ་ལུགས་ནི། །ནམ་མཁའི་དབྱིངས་དང་རྒྱ་མཚོའི་འཇིང་། །བྱང་ཆུབ་སེམས་ཀྱི་མཆོད་རྟེན་བྲིས། །སྣང་ཞིང་སྟོང་ལ་སྟོང་ཞིང་གསལ། །ཡིད་ཀྱི་མཆོད་རྟེན་ཐམས་ཅད་ལ། །བཀྲ་ཤིས་དཔལ་ཚོགས་གཞལ་ཡས་ན། །བླ་མེད་མཆོད་པའི་རྒྱན་བཤམས་ཤིང་། །ཆུ་བོ་གདྷའི་རྒྱུན་བཞིན་དུ། །ཨསྙེའི་རྒྱུན་ཡང་མི་འཆད་དེ། །བཀྲ་ཤིས་མཆོད་པ་འདི་འབུལ་ན། །ཐུགས་རྗེས་དགོངས་ནས་བཞེས་སུ་གསོལ། །རང་བཞིན་མཆོད་རྟེན་ཆ་ལུགས་ནི། །ཐུགས་རྗེའི་བྱིན་རླབས་རྨད་པོ་ཆེ། །མཚན་མའི་སྡུག་བསྔལ་རབ་བསལ་ནས། །སེམས་ཅན་ཀུན་ལ་བྱམས་ཐུགས་ལྡན། །བཀྲ་ཤིས་དཔལ་ཚོགས་གཞལ་ཡས་གནས། ཁམས་གསུམ་འགྲོ་རྣམས་དོན་གྱི་ཕྱིར། །ཡེ་ཤེས་གཟུགས་སྤྲུལ་མཆོད་རྟེན་འདི། །གཞི་རྨང་དགེ་བཅུ་པདྨ་དག་པས་འཇམ། །དྲན་པ་ཉེར་གཞག་རྨང་གི་ཁྲི་འཕང་བརྟན། །སྡིག་པ་སྤངས་པའི་བང་རིམ་གཉིས་པ་ལས། །རྫུ་འཕྲུལ་རྐང་པ་བང་རིམ་གསུམ་པ་སྟེ། །རྣམ་གྲོལ་དབང་པོ་བང་རིམ་བཞི་པ་བཟང་། །ཐུགས་རྗེའི་ཚད་མེད་ཆོས་ཀྱི་ཆར་ཁེབས་ལྡིང་། །བདེན་བཞིའི་བསྟན་པ་འཇིག་རྟེན་སྐྱོང་བཞིས་བཙུགས། །སྟོབས་ལྔའི་བུམ་པའི་དབྱིངས་སྡུག་ཀུན་ཏུ་ཟླུམ། །བྱང་ཆུབ་ཡན་ལག་པདྨ་ཤིན་ཏུ་མཛེས། །ཏིང་འཛིན་བསླབས་པས་གང་ཚེ་བྲེ་ལེགས་པ། །འཕགས་ལམ་བྲེ་ལེགས་གྲུ་བཞི་རིམ་པས་སྡུག ཁྲེས་བཅུ་སྲོག་ཤིང་གཞུད་ཚུགས་མེད་པར་དྲང་། །སྟོབས་བཅུའི་འཕང་ལོ་གཤིབ་པས་སྒྲིབ་པ་སྤངས། །བླ་མེད་བརྙེས་པའི་གདུགས་མཆོག་མཁའ་ལ་འཕགས། །ཡང་དག་རྫོགས་པའི་བྱང་ཆུབ་ཅོད་པན་ལྡེམ། །མ་འདྲེས་ཉེར་གཞག་གདུགས་ཀྱིས་རྣམ་པར་མཐོ། །དབྱངས་རབ་ཡན་ལག་གསུང་སྙན་དྲིལ་བུ་འཁྲོལ། །ཆོས་འཁོར་བསྐོར་བའི་གསར་བྱེའུ་བ་དན་འཕུར། །མི་འཇིགས་བག་སྐྱོང་རྡོ་རིངས་སེང་གེ་བརྗིད། །ཐབས་ལྡན་སྤྲུལ་པས་སྐྱེ་བོ་འདུལ་བར་མཛད། །རྫོགས་པ་ཆེན་པོའི་ཚུལ་དུ་ལྷམ་མེ་བ། །བྱང་ཆུབ་སྙིང་པོའི་རྟེན་ལ་ཕྱག་འཚལ་བསྟོད། །ཡིདཀྱིམཆོདརྟེནབསྟོདཔ་ནི། །འཁོར་ལྡོག་མེད་པའི་གནས་དང་སྤྱོད་ཡུལ་ནི། །ནམ་མཁའ་ས་གཞི་ལ་ནི་གཞི་བླངས་ཏེ། །ཡེ་ཤེས་བཞི་ཡི་ཁྲི་འཕང་བཞི་ནི་བརྩིག་།་ །མཚན་མེད་བུམ་རྟེན་ལ་ནི་གཞི་བླངས་ཏེ། །ཆོས་དབྱིངས་མཁའ་ལས་འཕགས་པའི་བུམ་པ་བགྱིས། །དཔག་ཏུ་མེད་པའི་སྲོག་ཤིང་ལེགས་བཙུགས་ནས། །ཕ་རོལ་ཕྱིན་བཅུའི་འཁོར་ལོ་ལེགས་བཏགས་ནས། །མཐའ་གཉིས་བུ་་་པའི་གདུགས་རྣི་ཡས་འབུབས་ལ། །མཉམ་ཉིད་དར་དཔྱངས་ཀྱིས་ནི་རབ་བརྒྱན་ཏེ། །མཐའ་དང་དབུས་མེད་མི་དམིགས་མི་རྟོག་པ། །མ་བཅོས་ལྷུན་གྲུབ་གནས་པའི་ཆོས་ཀྱི་སྐ། །སྐྱོན་བྲལ་ཡང་དག་ཉིད་ལ་ཕྱག་འཚལ་བསྟོད། །རང་བཞིན་མཆོད་རྟེན་ལ་བསྟོད་པ་ནི། ཡིད་བཞིན་ལྷུན་གྲུབ་བཀྲ་ཤིས་གཞལ་ཡས་ཁང་། །ཆགས་མེད་ཡེ་ནས་དག་པ་ཆོས་ཀྱི་དབྱིངས། །སྲིད་བསུམ་མི་ཟླེཁིར་མཆོད་རྟེན་ཀ་རྣི་ཀ །གཞི་ཡི་རྨང་བཏིང་ཡ་མཚན་རྡོ་རྗེ་བྲག །གྱེན་དུ་ཁྲི་འཕང་ཁྱད་པར་དཀོན་མཆོག་གསུམ། །ཧ་འདབ་དམར་སྨུག་འཁྱིལ་ཅིང་ལྡེམ་པ་ལ། ཁྲེལ་གྱི་བུམ་པ་དྲི་མེད་རྣམ་པར་དག །གསེར་གྱི་བྲེ་ཕུལ་ཡ་ངསཔས་ཆོས་ཀྱི་དབྱིངས། །སྲོག་ཤིང་མ་སྐྱེས་སེམས་ཀྱི་ངོ་བོ་ཉིད། །མ་འཁོར་མ་བྱུང་ཆོས་ཀྱི་དབྱིངས་དང་འདྲ། །རྨབྱཆེན མོཡིད་འོང་གཟུགས་སྒྲ་སྒྲོགས། །སྟ་ང་ཞིང་གསལ་བའི་མེ་ལོང་འོད་པོ་ཆེ། །སྐུ་གསུམ་དབྱེར་མེད་བྱམས་སྙོམས་ཀུན་གྱི་མགོན། །མི་གཡོ་མཉམ་ཉིད་ཆོས་མཆོག་དཔེ་ལས་འཕགས། །སྐུ་གསུང་ཐུགས་ཀྱི་ཆོས་ཚུལ་རབ་ཀྱི་དབྱིངས། །རིན་ཆེན་སངས་རྒྱས་སྐུ་མཆོག་མངོན་བསྟན་ནས། །ཐུགས་རྗེས་སྤྲུལ་པས་འོད་ཟེར་སྤྱི་གཙུག་རྫོགས། །ལས་དང་ཉོན་མོངས་སྡུག་བསྔལ་ཞི་མཛད་པ། ཁམས་གསུམ་མི་ལྡོག་གཡུང་དྲུང་བྱང་ཆུབ་མཁར། །དགྲ་བཅོམ་བ་གམ་བཞི་པོ་སྤྱི་རྫོགས་ཡངས། །ཡེ་ཤེས་གློ་སྐར་ཐབས་ཀྱི་མདའ་འཕངས་པས། །འཆི་བདག་གཤིན་རྗེ་མ་རིག་སེམས་ཅན་གཅོད། །བསམ་གཏན་སྐྱོགས་སྒོ་ཡངས་པས་སྲིད་པའི་འཁོར་རྣམས་འཇོམས། །ལྕོག་དམར་དཔེ་མེད་སྲིད་གསུམ་རྩེ་ལས་ཡང་དག་འཕགས། །མདའ་ཡབ་རྟག་པར་རྡོ་རྗེ་མེ་ལྟར་འབར། །དབྱར་ཞིང་ས་བརླན་དྲོད་གཤེར་ཟིལ་མི་འགོ །དགུན་ཞིང་སྤྲིན་ཕུང་རླུ་་འ་ས་རྡུལ་མི་འགོ །གཉན་ཏེ་ཀླུ་རྒྱལ་ཆེན་པོ་སྦྲུལ་མི་འཁྲི། །གཟར་ཏེ་ཧ་ལུ་མནྟྲ་སྤྲེའུ་མི་འཛེག །ཡེ་ཤེས་མཆོད་རྟེན་ཆོས་དབྱིངས་རྣམ་དག་སྐུ། །དེ་བཞིན་ཉིད་ཀྱི་སྐུ་ལ་ཕྱག་འཚལ་བསྟོད། །སྤྲུལ་པའི་མཆོད་རྟེན་ལ་བསྟོད་པ། བླ་མེད་ཡེ་ཤེས་སྲིད་གསུམ་མུན་སེལ་བ། །ཀུན་ལ་སྒྲིབ་པ་མི་མངའ་ཐུགས་རྗེ་དཔལ་ལྡན་པ། །སྐྱེ་དགུ་རྣམས་ལ་སྨན་སླད་རྒྱལ་བའི་རིང་བསྲེལ་སྣོད། །ཆོས་སྐུར་བྱིན་གྱིས་བརླབས་ནས་མཆོད་རྟེན་ཚུལ་བསྟན་པ། །རྣམ་པར་འགྲོ་བའི་རིགས་ལྡན་ས་གཞི་ལྟ་བུ་ལ། །བྱང་ཆུབ་སེམས་མཆོག་རྡོ་རྗེ་གདན་བསྒྲུབས་ཏེ། །ཆོས་ལ་དྲན་པ་ཉེར་གཞག་བང་རིམ་ནི། །སྡུག་བསྔལ་ཚོགས་ལས་ཡིད་བྱུང་ལམ་གྱི་ཐོག་མར་བཤད། །བང་རིམ་གཉིས་པ་ཉོན་མོངས་ཡང་དག་སྤོང་བ་བཞི། །མི་དགེ་ཆོས་རྣམས་རབ་སྡོམ་རྣལ་འབྱོར་རྟེན་ཡང་བྱེད། །བང་རིམ་གསུམ་པ་ཏིང་འཛིན་རྫུ་འཕྲུལ་རྐང་པ་སྟེ། །སེམས་ཀྱི་ཐ་བ་འདུལ་ཞིང་བཟོད་པའི་མཆོག་ཏུ་གྱུར། །བང་རིམ་བཞི་པ་བསམ་གཏན་དབང་པོ་ལྔ་རྣམས་ནི། །མཐོང་བའི་ལམ་གྱི་གནས་ཡིན་དེ་ཉིད་སྟོབས་ཐོབ་པ། །བུམ་རྟེན་ཁྱད་པར་ཚུལ་གྲུབ་འཇིག་རྟེན་ཆེས་མཆོག་སྟེ། །ཐར་པའི་རྒྱུ་མཚན་དམ་པ་དེ་ལས་ལྷག་པ་མེད། །བུམ་པ་བྱང་ཆུབ་ཡན་ལག་དབྱིབས་སྡུག་སྙིང་པོའི་དོན། ཁེན་ཏུ་སྤྲས་པ་མེད་ཕྱིར་ཀུན་ནས་ཟླུམ་པོ་གནས། །དེ་ལ་བརྟེན་པའི་འཕགས་པའི་ཡན་ལག་ལམ་རྣམས་ནི། །བྲེ་ལེགས་ཟུར་ཕྱིན་ལྟ་བུར་ཡོན་ཏན་རྫོགས་པར་སྣང་། །སྲོག་ཤིང་དཔག་བསམ་ཡེ་ཤེས་སྨོན་ལམ་ཆེན་པོ་ཡིན། ཁོན་ཏུ་བརྟེན་པར་གནས་པ་རྨད་བྱུང་ཆོས་ཀྱི་སྐུ། །འཁོར་ལོ་རིམ་པར་བརྩེགས་ལེགས་ཤེས་བ་་རིམ་གསུམ་སྟེ། །མ་འདྲེས་བཅོ་བརྒྱད་ཆོས་ཀྱང་དེ་འདྲའི་ཚུལ་དུ་སྣང་། །རྣམ་ཐར་བརྒྱད་ཀྱིས་ཟུར་བསམ་རིན་ཆེན་མགུར་ཆུ་བཟང་། །ཕན་འདོགས་སྐྱོན་མ་མཆིས་པས་ཉོན་མོངས་མེད་པའི་ཚུལ། །རྣམ་གྲོལ་ཤེས་རབ་ཡེ་ཤེས་འོད་ལྡན་གཟུགས་ཀུན་ཟིལ་གནོན་པ། །བླ་མེད་ཡོན་ཏན་རྒྱན་གཅིག་ཆོས་སྐུ་བཟང་ལ་འོས། །སྟེངགིརིནཆེནགདུགསམཛེས་རྣམ་ཀུན་མཁྱེན་པའི་མཆོག །བསྙེལ་བ་མེད་པའི་རྒྱུས་བཟུང་ཐུགས་རྗེ་ཁྱད་པར་བྱུང་། །དེ་ཕྱིར་ཡང་དག་རིམ་བཞིན་དམ་ཆོས་སྒྲ་སྒྲོགས་པ། །མི་ཤེས་གཉིད་ལས་སད་མཛད་ཡན་ལག་བཅུ་གཉིས་ལྡན། །ནོར་བུའི་ཕྲེང་བ་སྤེལ་ལེགས་ཕ་རོལ་ཕྱིན་བཅུ་སྟེ། །འཇིག་རྟེན་འདས་པའི་དཔལ་དང་བཀྲ་ཤིས་ཀུན་མངའི་ཞིང་། །ས་སྟེང་གདུགས་ཀྱིས་སྐྱབས་ལྟར་ཚད་མེད་བཞིས་ཁྱབ་པ། །རྒྱལ་བ་མི་རྣམས་ལ་ཡང་དགོངས་པ་མཉམ་པར་འགྱུར། །ཡིད་བཞིན་ནོར་བུའི་འོད་འབར་མངོན་པར་མཁྱེན་པ་དྲུག །འཁོར་བའི་མངའ་ལ་རྟག་གསལ་ཀུན་ཏུ་སྣང་མཛད་པ། །མི་འགྱུར་ཁ་ལོ་སྒྱུར་མཆོག་ཚོགས་ཆེན་ཡོངས་རྫོགས་ཕྱིར། །དམ་ཆོས་རྒྱལ་པོར་མངའ་གསོལ་གསེར་གྱི་ཅོད་པན་འཕུར། །བྱང་ཆུབ་སེམས་ཀྱི་ཟླ་ཚེས་དཀར་པོའི་ཆོས་རྒྱུ་དང་། །ཡེ་ཤེས་ཆེན་པོའི་མེ་ལོང་དུས་གསུམ་སྒྲིབ་མེད་དག ཁུ་འབྲས་བཟང་པོར་འབྲེལ་པས་བསྟན་པ་ཡོངས་ཀྱི་དབུས་གནས་པ། །འགྲོ་བའི་སྐྱོན་རྣམས་སེལ་ལ་ཕྱག་འཚལ་བསྟོད། །རྒྱལ་ཆེན་ཕྱོགས་བཞིར་བཀོད་པ་སྙེམས་པ་མི་མངའི་ཚུལ། །བསྲུང་མེད་སྟོབས་བཅུའི་རྩལ་ཡངས་བརྗིད་པ་སེང་གེ་སྟེ། །རྒྱལ་བས་བདུད་ཀྱི་ཚོགས་བ་་མཁྱེན་ལྡན་པའི། །ཡེ་ཤེས་ལྷུན་གྱིས་གྲུབ་ལ་ཕྱག་འཚལ་བསྟོད། །ཐེག་གསུམ་ཐར་པའི་སྐས་བཙུགས་རྣམ་ཐར་སྒོ་ལྡན་པ། །སོ་སོའི་དབང་པོ་རིམ་བཞིན་བསྒྲལ་ནས་ཀྱང་། །བྱང་ཆུབ་ཆེན་པོའི་གདུང་རྒྱུད་འཕེལ་མཛད་པ། །སྤྱན་མངའ་རྣམ་པར་སྦྱངས་ལ་ཕྱག་འཚལ་བསྟོད། །རང་བཞིན་བཟོད་མཐར་རྣམ་དག་དེ་བཞིན་ཉིད། །སྤྲོས་པའི་དྲི་མས་མ་གོས་དཀར་བའི་ཚུལ་གཅིག་ཀྱང་། །རིན་ཆེན་རྣམ་པར་སྤྲས་པའི་མཚན་མཆོག་རྫོགས་པའི་སྐུ། །འགྲོ་དོན་ལྷག་པར་མཛད་ལ་ཕྱག་འཚལ་བསྟོད། །བདེ་གཤེགས་སྐུ་གདུང་དབྱིབས་བཅས་ཆོས་སྐུ་རྣམ་པར་དག །གང་གིས་མཐོང་ཐོས་དྲན་གུས་མཆོད་ཅིང་རེག་པས་ཀྱང་། །མཐོ་རིས་ངེས་དཔལ་ཐར་མཆོག་བདེ་ཐོབ་པས། །ཡོན་ཏན་རྨད་བྱུང་ཚོགས་མངའ་ཁྱོད་ལ་ཕྱག་འཚལ་བསྟོད། །བསམ་གྱིས་མི་ཁྱབ་གནས་ཏེ་བརྗོད་པར་མི་ནུས་བཞིན། །དད་པས་འོལ་བྱི་ཆ་ཤས་གུས་པར་བསྟོད་པ་ལ། །དོན་མེད་སྐུ་རྨོངས་འཕང་སྨད་ནོངས་པར་གྱུར་ཏོ་འཚལ། །བདེ་གཤེགས་མངོན་སུམ་སྤྱན་ལ་ནོངས་སྐུར་ཤིན་ཏུ་བཤད། །ཡོན་ཏན་རྒྱ་མཚོ་མངའ་ལས་གལ་ཏེ་ཐིགས་ཙམ་ཞིག །དོན་དང་ཚིག་གི་སྒོ་ནས་ཚུལ་འདྲ་བརྗོད་ཞེ་ན། །དགེ་བ་བཟང་པོ་དེ་ནི་བདག་གི་གཏེར་ཆེན་དེ། །སྐྱེ་དགུ་མགྲོན་དུ་གཉེན་ཕྱིར་བྱང་ཆུབ་མཆོག་ཏུ་བསྔོ། །ཞེས་ནི་ཕྱི་རབས་འབྱུང་རྣམས་ལུང་བསྟན་ཏོ། །དེ་འདྲའི་ཚུལ་དུ་ཤེས་རབ་ཀྱིས་གུས་པས་བསྟོད་དོ། །གཟུགས་ཆེན་མཆོད་རྟེན་ལ་བསྟོད་པ། །བཅོམ་ལྡན་ཤཱཀྱ་སེང་གེའི་རིང་བསྲེལ་སྣོད། །སྲིད་གསུམ་མཆོད་གནས་བླ་མེད་ཡུལ་གྱི་རྒྱན་བཞུགས་པ། འོད་བཟང་འཚེར་བས་ཤེལ་གྱི་དཀར་པོ་བཞིན་དུ་སྦ། །གཟི་ཆེན་ལྷམ་མེ་ལྷན་ནེ་ལྷག་གེ་ཕྱོགས་བཅུ་གར་ཡང་གསལ། །བཀྲ་ཤིས་བྱིན་ཆགས་རྒྱང་རིངས་སུ་མཐོང་ཡང་། །སྡིག་སྦྱངས་དཔལ་བསྐྱེད་ཡིད་འོང་སྤྲོ་ཀུན་བདེ་བ་ཐོབ། །མཐུ་ཆེན་གཉན་པོས་ཡུལ་ལྗོངས་སྟོང་ཁམས་བྱིན་ཆགས་ཤིང་། །ལྷ་མི་འཇིག་རྟེན་གསུམ་གྱི་མགོན་སྐྱབས་རྟེན་གྱི་མཆོག །ཡེ་ཤེས་ཚོགས་ཆེན་རྒྱས་པས་བདེ་གཤེགས་ཆོས་ཀྱི་སྐུ། །རྣམ་རྟོག་མཐའ་དང་བྲལ་བས་ཡོན་ཏན་ཀུན་གྱི་གཞི། །དྲན་པ་ཉེ་བར་གཞག་པ་རྨང་གི་ཁྲི་འཕང་དང་པོ་བརྟན། །བརྩོན་འགྲུས་གང་དག་སྤྲོས་པའི་ཁྲི་འཕང་གཉིས་པ་ལེགས། །ཏིང་འཛིན་རྫུ་འཕྲུལ་རྐང་པའི་ཁྲི་འཕང་གསུམ་པ་དགེ །རྣམ་གྲོལ་དབང་པོ་ལྔ་ཡི་ཁྲི་འཕང་བཞི་པ་བརྗིད། །བུམ་རྟེན་སྟོབས་ལྔ་བུམ་པ་བྱང་ཆུབ་ཡན་ལག་བདུན། །བྲེ་ལེགས་གྲུ་བཞི་འཕགས་པའི་ལམ་གྱི་ཡན་ལག་བརྒྱད། །སྲོག་ཤིང་སྟོབས་བཅུ་གདུགས་ཀྱི་འཕྲེང་བ་བཅུ། །གདུགས་ཕྲེང་གསུམ་པོ་མ་འདྲེས་དྲན་པ་ཉེ་བར་གཞག་པ་ལ། །སྙིང་རྗེ་ཆེན་པོས་འཕགས་པའི་ཆོས་ཀྱི་ཆར་ཁེབས་ལྡིང་། །བླ་མེད་གོ་འཕང་བརྙེས་པའི་གདུགས་ཀྱི་གནས་འཕང་མཐོ། །འཇིག་རྟེན་མུན་སེལ་དག་པའི་ཡེ་ཤེས་ཟླ་བ་གསལ། །དབྱངས་སྙན་ཚངས་པའི་གསུང་གི་དྲིལ་བུ་སྒྲ་སྙན་འཁྲོལ། །ཡང་དག་རྫོགས་པའི་བྱང་ཆུབ་དར་གྱི་ཅོད་པན་འཕུར། །བདེན་བཞི་བཤད་པའི་འཇིག་རྟེན་སྐྱོང་ཞིང་བཙུན། །རྣམ་དག་ཚུལ་ཁྲིམས་ཕུང་པོ་མེ་ཏོག་འཕྲེང་བ་བཟང་། །སྐྱོན་བྲལ་བསྲུང་བ་མེད་གཞི་ཆོས་ཀྱི་ཐེམ་སྐས་མཛེས། །ཆོས་ཀྱི་འཁོར་ལོ་བསྐོར་བའི་བ་དན་དཀར་པོ་སྦ། །བདུད་བཞི་རྒྱལ་མཚན་སྙེལ་བའི་རྟགས་སུ་ཆུ་སྲིན་རྒྱལ་མཚན་གྲགས། །མི་འཇིགས་བཞི་ཡི་རྡོ་རིངས་སེང་གེས་བརྗིད། །འདི་འདྲའི་དམ་ཆོས་ངོ་མཚར་རྨད་དུ་བྱུང་། །ཐབས་མཁས་ཐུགས་རྗེའི་དབང་གིས་མཆོད་རྟེན་ཚུལ་དུ་སྤྲུལ། །ནམ་མཁའི་དབྱིངས་ནས་འཇའ་ཚོན་གསལ་བ་ཇི་བཞིན་དུ། །ཡོན་ཏན་བློ་ཡི་ཁྱད་པར་ཁ་དོག་དབྱིབས་སུ་སྒྱུར། །དཔལ་ལྡན་རིན་ཆེན་འབྱུང་གནས་ཡ་མཚན་ཆེན་པོ་ལ། །དུས་གསུམ་རྒྱལ་བ་རྣམས་ཀྱི་མཆོད་རྟེན་སྐུར་བྱུང་ཚུལ། །དཔལ་འབྱུང་ཀ་ནི་ཀ་དང་ཏིང་འཛིན་ཚུལ་གཅིག་ལ། །བསོད་ནམས་གཟི་བརྗིད་ཆེན་པོས་ཡུལ་ཁམས་བྱིན་བརླབས་ཤིང་། །སངས་རྒྱས་སྤྲུལ་པ་ཆེན་པོའི་མཆོད་རྟེན་རྣམས། །ཕྲིན་ལས་རྫོགས་པར་མཛད་ལ་ཕྱག་འཚལ་བསྟོད། །དེ་ནས་སྐུ་ཁྲུས་གསོལ་བ་ནི། །རྣམ་དག་སྐྱོན་བྲལ་བྱང་ཆུབ་སེམས་ཀྱི་དབྱིངས། །རྣམ་དག་སྐྱོན་བྲལ་ཡོན་ཏན་ཚོགས་ཀྱི་གཏེར། །བཀྲ་ཤིས་བསྟོད་ཅིང་ཕྱག་འཚལ་བསྟོད་པའི་གནས། །བདུད་བཞིའི་དཔུང་རྣམས་རབ་ཏུ་ཚར་གཅོད་ཕྱིར། །ཆོས་དབྱིངས་དག་པའི་སྐུ་ལ་སྐུ་ཁྲུས་གསོལ། །ཉོན་མོངས་ལྒབྲུལ་པའི་རྟོག་པ་དག་གྱུར་ཅིག །ཇི་ལྟར་མེ་ལོང་ངོས་ལ་གཟུགས་བརྙན་སྣང་འགྱུར་ཡང་། །ཆོས་ཀྱི་སྐུ་ལས་རྡུལ་ཙམ་གཡོས་པ་མེད། །རིན་ཆེན་སྣ་ལྔས་བསྒྲུབས་པའི་མཆོད་རྟེན་དང་། །སའམ་ཆུའམ་འོན་ཏེ་བར་སྣང་ལ། །སེམས་ཅན་དོན་དུ་རིན་ཆེན་སྐུར་བསྟན་པ། །མཆོད་པ་དམིགས་པར་བཅས་ཏེ་སྐུ་ཁྲུས་གསོལ། ཁམས་གསུམ་གནས་པའི་བག་ཆགས་དག་གྱུར་ཅིག །དད་རྨང་གཞི་བཙུགས་རྣམ་དག་དབུ་མ་འཇམས། །དྲན་པ་ཉེར་གཞག་རྨང་གི་ཁྲི་འཕང་མཐོ། །ཐེག་པ་རྣམས་ཀྱི་བང་རིམ་བརྩེགས་པ་ལ། །ཆོས་དབྱིངས་སྤྲོས་མེད་བུམ་པ་ཟླུམ་པོ་སྟེ། །སྨོན་ལམ་ཆེན་པོའི་ཏིང་འཛིན་སྲོག་ཤིང་བཙུགས། །དགེ་བའི་ལོངས་སྤྱོད་ནམ་མཁའ་གདུགས་ཀྱིས་བཀང་། །བྱང་ཆུབ་སེམས་དཔའ་ཟླ་ཚེས་རྣམ་པར་དག །མདོ་སྡེ་བཅུ་གཉིས་འཁོར་ལོའི་ཕྲེང་བས་བརྒྱན། །སྣང་དབྱིངས་ཆོས་ཀྱི་སྐུ་ལ་སྐུ་ཁྲུས་གསོལ། ཁྲར་ཕྱོགས་བྱམས་པའི་འཁོར་ལོ་སྐུ་ཁྲུས་གསོལ། །ཞེ་སྡང་གདུག་པའི་སྐྱོན་རྣམས་ཀུན་བསལ་ནས། །རྟག་ཏུ་བྱམས་པའི་ཏིང་འཛིན་ཐོབ་པར་ཤོག །ལྷོ་ཕྱོགས་རིན་ཆེན་ཆོས་སྐུ་བརྩེགས་པ་ལས། །ང་རྒྱལ་གདུག་པའི་ཚོགས་ཀུན་བསལ་བའི་ཕྱིར། །བྱང་ཆུབ་མཆོག་གི་ཆུ་བོས་སྐུ་ཁྲུས་གསོལ། ཁམས་གསུམ་འཁོར་བའི་ང་རྒྱལ་སྐྱོན་བྲལ་ནས། །རྟག་ཏུ་འདོད་པའི་ཡོན་ཏན་ཚོགས་དང་ལྡན་གྱུར་ཤོག །ནུབ་ཕྱོགས་རྣམ་དག་པདྨ་བྱང་ཆུབ་ཆོས་ཀྱི་དབྱིངས། །འདོད་ཆགས་སྐྱོན་བྲལ་པདྨའི་ཁྲི་བརྩེགས་ན། ཁམས་གསུམ་གནས་པའི་བག་ཆགས་བྱང་བར་བྱ། །ཆོས་ཀྱི་སྐུ་ལ་ཡེ་ཤེས་སྐུ་ཁྲུས་གསོལ། །སེམས་ཅན་རྣམས་ཀྱི་འདོད་ཆགས་བྱང་གྱུར་ཅིག །བྱང་ཕྱོགས་རྣམ་དག་ལས་ཀྱི་ཞིང་ཁམས་ནས། །འདོད་ཆགས་སྲེད་སྤངས་ཡོན་ཏན་རྫོགས་པར་སྟོན། རིན་ཆེན་ཨིནྟྲ་ལྟ་བུའི་མཆོད་རྟེན་ལ། །ལས་ཀྱི་སྒྲིབ་པ་སྦྱང་ཕྱིར་སྐུ་ཁྲུས་གསོལ། །སེམས་ཅན་རྣམས་ཀྱི་འདོད་པ་འགྲུབ་གྱུར་ཅིག །དེ་ནས་མཆོད་རྟེན་དབང་སྐུར་བ། །རྟོག་པ་ཡེ་ཤེས་དབང་མཆོག་གིས། །དབང་མཆོག་དམ་པ་བསྐུར་བ་ནི། །སྲོག་ཤིང་ཚུགས་པ་ཤེས་པ་བཅུ་ཡི་དབང་། །འཁོར་ལོ་ཕ་རོལ་ཕྱིན་པ་བཅུ་ཡི་དབང་། །ཆར་ཁེབས་ཐུགས་རྗེ་ཆེན་པོའི་དབང་། །གདུགས་ནི་མཐའ་གཉིས་སྐྱོབ་པའི་དབང་། །རྒྱལ་མཚན་བདུད་བཞི་ལས་རྒྱལ་དབང་། །བ་དན་ཁམས་གསུམ་མ་ཆགས་དབང་། །མེ་ཏོག་ཕྲེང་བ་ཚུལ་ཁྲིམས་དག་པའི་དབང་། །ཅོད་པན་ཁམས་གསུམ་དབང་དུ་སྡུད་པའི་དབང་། །རིན་ཆེན་སྣ་བརྒྱད་རྒྱུད་ལས་བྱས་པའི་དབང་། །སེམས་ཅན་མ་ལུས་རེ་འདོད་སྐོང་བའི་དབང་། །སྐུ་མདོག་མུ་ཏིག་དཀར་པོ་དྲི་མེད་ལྟར། །གདུགས་མཆོག་ཤ་རི་རམ་གྱི་དབང་བསྐུར་རོ། །གཟུགས་སུ་སྣང་བ་རྣམ་པར་སྣང་མཛད་སོགས། །ཕྱགརྒྱཆེནཔོའིཚོགསཀྱིས་དབང་བསྐུར་རོ། །ཡེ་ཤེས་ལྔ་ཡི་འོད་ཟེར་འཕྲོ། །ཡེ་ཤེས་ལྔ་ཡི་དབང་བསྐུར་རོ། །ཐམས་ཅད་དུ་ཡང་སྐྱེ་བ་མེད། །ཆོས་ཉིད་ཀུན་བཟང་དབང་བསྐུར་རོ། །ཞེས་གསུངས་སོ། །སྐུ་གདུང་འབར་བ་མཆོད་རྟེན་གྱི་རྒྱུད་ལས། ཐུན་མོང་ལས་ཀྱི་རིམ་པ་བསྟན་པའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་གསང་བའི་བདག་པོས་ཁྱད་པར་དུ་གདབ་པ་འདི་གསུངས་སོ། །ལྷ་ཉིད་སྒོམ་དང་རྒྱུ་བྱིན་བརླབ། །གདབ་ཅིང་རབ་གནས་བྱ་བའོ། །དེ་ནས་བདག་ཉིད་བྱིན་བརླབ་པ། །བདག་ཉིད་ཕ་མ་ལྟ་བུའི་སེམས། ཁམས་གསུམ་གནས་པའི་སེམས་ཅན་རྣམས། །བུ་ཡི་འདུ་ཤེས་ཉེར་གཞག་ནས། །བསོད་ནམས་ཚོགས་དང་ཡེ་ཤེས་ཚོགས། །ཚོགས་ཆེན་ཟུང་ལ་ལམ་སྦྱང་ཕྱིར། །དངོས་རྣམས་རང་བཞིན་མི་རྟོགས་པས། །བདག་ཀྱང་སྟོང་པ་ཉིད་དུ་གནས། །དེ་བས་བདག་ཉིད་ལས་ཀྱི་ལྷ། །རིགས་ལྔ་ཞི་ཁྲོ་གང་མོས་སུ། །བསྐྱེད་ལ་ཐུགས་ཀ་ཡེ་ཤེས་སེམས། །དབང་བསྐུར་སྐུ་གསུང་ཐུགས་བྱིན་བརླབ། །སྤྱན་དྲང་གཞུག་ཅིང་བརྟན་པར་བྱ། །དེ་ནི་བདག་ཉིད་བསྒོམ་པར་གསུངས། །ཨོ་ཨུ༷༷ཧུ༷་སྲུ་ཧྭ། དེ་ལྟར་གསལ་བའི་རྣལ་འབྱོར་ལས། །འབྱུང་ལྔའི་རྒྱུ་རྣམས་བྱིན་གྱིས་བརླབས། །ཕྱག་རྒྱ་ཁོང་སྟོང་རབ་སྦྱར་ནས། །ཨ་ཡིས་འབྱུང་བ་རྣམ་པ་ལྔ། །སྟོང་ཉིད་ངང་ལས་ཅིར་ཡང་སྣང་། །ཡེ་ཤེས་སྒྱུ་མ་གང་འདོད་གྱུར། །ནམ་མཁའ་དག་ལ་འདེབས་འདོད་ན། །ཕྱག་རྒྱ་ཐལ་མོ་ཁོང་སྟོང་སྦྱར། །གང་ཞིག་ས་ལ་འདེབས་པ་ནི། །ཕྱག་རྒྱ་སྤྱན་གྱིས་འདུལ་བྱེད་བྱ། །ཆུ་ལ་འདེབས་ན་མྱ་མ་ཀིའི། །རྡོ་རྗེ་བསྡམས་ནས་མཐེའུ་ཆུང་བསྒྲེང་། །མེ་ལ་འདེབས་པར་འདོད་པ་ན། །ཕྱག་རྒྱ་ཐལ་མོ་ཁོང་སྟོང་ལས། །སོར་མོ་མེ་དཔུང་ཚུལ་དུ་བྱ། །རླུ་་ལ་འདེབས་པར་འདོད་པ་ན། །ཕྱག་རྒྱ་ཐལ་མོ་གཡབ་པར་བྱ། །འབྱུང་ལྔའི་བྱིན་གྱིས་བརླབ་པའི་སྔགས། །ཡུམ་ཆེན་རྣམ་པ་ལྔ་ཡི་སྔགས། །ཨོ་བི་ར་ཛ་བཛྲ་སྭ་ཧྭ། དབྱིངས་ཕྱུག་མས་ནམ་མཁའ་བྱིན་གྱིས་བརླབ་པའོ། །ཨོ་བཛྲ་དྷ་རི་ཛ་ཨ་ཏ་ཀ་ར་གྲྭ་ཧྭ། སངས་རྒྱས་སྤྱན་གྱིས་ས་བྱིན་གྱིས་བརླབ་པའོ། །ཨོ་རྨ་རི་ན་ནི་བཛྲ་དྷ་ར་གྲྭ་ཧྭ། མུ་མ་ཀིས་ཆུ་བྱིན་གྱིས་བརླབ་པའོ། །ཨོ་བཛྲཨསྣི་གར་ཤ་གྲྭ་ཧྭ། གོས་དཀར་མོས་མེ་བྱིན་གྱིས་བརླབ་པའོ། །ཨོ་བཛྲ་ཨ་ན་ལི་ཨ་ནོ་ལ་པྲ་ཙ་ལ་མོ་ཧུ༷་ལི་ཏུ་ད་དར་གྲྭ་ཧྭ། དམ་ཚིག་སྒྲོལ་མས་རླུད་བྱིན་གྱིས་བརླབ་པར་བྱ་བའི་སྔགས་སོ། །འབྱུང་བ་རྣམ་པ་ལྔ་པོ་ཡང་། །ཡེ་ཤེས་རྡོ་རྗེའི་རང་བཞིན་ལས། །ཅིར་ཡང་སྣང་དུ་རུང་བར་བརླབ། །བདག་ཉིད་ལྷ་ཡི་ཐུགས་ཀ་ནས། །ར༷་ཡ༷་ཁ༷་གི་ཡི་གེ་ལས། །བརྐོས་པོར་སྦྱངས་ནས་གཞལ་ཡས་ཁང་། །ཉི་ཟླ་གདན་དང་བཅས་པར་བསམ། །གདབ་ལུགས་རྣམ་པ་ལྔར་ཤེས་ཏེ། །ཡི་དམ་ཕྲིན་ལས་རྟེན་འབྲེལ་དང་། །ལྷ་རྣམས་བསྒྲུབས་ཤིང་ཚེ་འདས་སྦྱང་། །ཕྱི་ནང་འབྱུང་བ་རྣམ་ལྔ་ལ། །གཡོན་པས་ཕྲེང་བའི་གྲངས་བཟུང་ཞིང་། །གཡས་པས་བརྐོས་པོར་བཏབ་པ་ཡིས། །གཞལ་ཡས་ལྷ་དང་བཅས་པར་བསྒོམ། །ཧུ༷་བཛྲ་དྷིག་མུ༷་སྒྲི་ཏེ་ཤྭ་རྡི། །ཨོ་ཛི་ན་ཛིག །ལམ་དེ་ཤ་ར་ཏེ། སྭ་རཏྣསྟོག །མ༷་མོ་ཧ་ར་ཏི། ཨ༷་ཨ་རོ་ལིག་པྱ༷་རྭ་ག་ར་ཏི། ཧ་པྲཙྭལྷོག །ཏ༷་བཛྲ་ར་ཏེ། ནམ་མཁའ་མི་བསྐྱོད་ཡབ་ཡུམ་ཉིད། །ས་ནི་རྣམ་པར་སྣང་མཛད་ལ། །ཆུ་ནི་ རིན་འབྱུང་ཡབ་དང་ཡུམ། །མེ་ནི་སྣང་བ་མཐའ་ཡས་ཏེ། །རླུད་ནི་དོན་གྲུབ་ཡབ་ཡུམ་ལ། །འབྱུང་ལྔ་རིགས་ལྔ་སངས་རྒྱས་པའོ། །གང་ཞིག་ཕྲིན་ལས་སྒྲུབ་འདོད་ན། །ཞི་བ་རྣམ་པར་སྣང་མཛད་ལ། །རྒྱས་པ་རིན་ཆེན་འབྱུང་ལྡན་དེ། །དབང་ལ་སྣང་བ་མཐའ་ཡས་ལ། །དྲག་པོ་དོན་ཡོད་གྲུབ་པའོ། །ཡང་ན་བདེ་གཤེགས་ཧེ་རུ་ཀ །རིན་ཆེན་ཁྲག་འཐུང་པདྨ་ལས། །གཏི་མུག་ཅན་ནི་ཞི་བ་ལ། །ང་རྒྱལ་ཆེ་ལ་རྒྱས་པ་དེ། །འདོད་ཆགས་དབང་དུ་འདུས་པ་དང་། །ཕྲག་དོག་ཞེ་སྡང་དྲག་པོར་སྣང་། །ཆུ་རླུད་རྒྱུ་བ་ཞི་བ་ལས། །ས་རླུད་རྒྱུ་དུས་རྒྱས་པ་གྲུབ། །མེ་ཡི་རླུད་གིས་དབང་དུ་འགྱུར། །རླུད་གི་རླུད་ལ་དྲག་པོར་སྣང་། །སྲོག་འཛིན་ལས་རྣམས་ཀུན་ལ་བསྔགས། །ཨོ་ཤཱསྟི་ཀུ་རུ་གྲྭ་ཧྭ། ཨོ་ཚུསྤྱོ་ཀུ་རུ་གྲྭ་ཧྭ། ཨོ་བ་ཤང་ཀུ་རུ་སྲུ་ཧྭ། ཨོ་མྱ་ར་ཡ་ཕཊ། འོད་དཀར་བཀུག་ནས་གདུག་པ་ཞི། །སེར་པོས་ཚེ་དང་བསོད་ནམས་འཕེལ། །དམར་པོས་འགྲོ་བ་བཟང་མོ་དབང་། །ནག་པོས་དགྲ་བགེགས་གསོད་པར་བྱེད། །ཡེ་ཤེས་ལྷ་རྣམས་བསྒྲུབ་པ་ནི། །སྙིང་པོ་བྲིས་ལ་ཚ་ཚྭར་གཞུག །བསྐྱེད་བསྟིམ་མཆོད་བསྟོད་བཟླས་པར་བྱ། །མཆོག་གི་དངོས་གྲུབ་སྟེར་བར་འགྱུར། །འཇིག་རྟེན་ལྷ་རྣམས་སྒྲུབ་འདོད་ན། །གང་བསྒྲུབ་སྲོག་སྔགས་ཚ་ཚར་བཞུགས། །བསྐྱེད་ལ་སྤྱན་དྲང་མཆོད་པ་འབུལ། །ལྷ་ལྔ་ངེས་པར་འགྲུབ་འགྱུར་ལ། །ཐུན་མོང་དངོས་གྲུབ་སྟེར་བ་དང་། །སྲོག་སེར་གཏད་སོགས་འགྲུབ་པའོ། །སེར་བ་བཅད་དམ་ངག་མནན་ནམ། །ཕས་ཀྱི་རྦོད་གཏོང་བཟློག་པ་སོགས། །ལས་རྣམས་མ་ལུས་འགྲུབ་པ་ཡིན། །ཐམས་ཅད་ཀུན་གྱི་གཞིར་འགྱུར་རོ། །གང་ཞིག་ཚེ་ལས་འདས་པ་ལ། །རུས་པ་གོས་སམ་དྲི་མ་ལ། །གུར་གུམ་ལ་སོགས་ཆུས་བཀྲུས་ནས། །མཆོད་རྟེན་ནང་ན་ཡི་དམ་ལྷ། །མདུན་ན་སྒྲིབ་པ་སྦྱོང་བ་གནས། །ཨོ་ད་ཧ་ད་ཧ་སརྦ་ན་ར་ཀ་ག་ཏེ་ཧེ་ཏུ་ཧུ༷་ཕཊ། ཨོ་པ་ཙ་པ་ཙ་སརྦ་པྲེ་ཏ་ག་ཏེ་ཧེ་ཏུ་ཧུ༷་ཕཊ། ཨོ་མ་ཐ་མ་ཐ་སརྦ་ཏིར་ཡ་ཀ་ག་ཏེ་ཧེ་ཏུ་ཧུ༷་ཕཊ། དེ་ནས་སྐུ་གདུང་བྱིན་བརླབས་ལ། །མེ་ལོང་ངོས་ལ་ཙསྡོན་གྱིས། །སྔགས་ནི་ཚར་ཡང་བདུན་བྲིས་ལ། །རེ་རེ་ལ་ནི་བརྒྱ་རྩ་བརྒྱད། །བཟླས་ནས་བུམ་པའི་ནང་དུ་བླུགས། །དེ་བཞིན་བུམ་པ་ཁེངས་པའི་ཆུ། །དཀར་རྩི་སྨར་ནས་མཆོད་རྟེན་བྱུག །ཡང་ན་འདག་པའི་གསེབ་ཏུ་བཏང་། །ཡེ་དྷརྣ་ཧེ་ཏུ་པྲ་བྷ་བཱ་ཧེ་ཏུརྙེ་ཁན་ཏ་ཐུ་ག་ཏོ་རྒྱ་བ་དཏ། ཏེ་ཥརྩི་ཡོ་ནི་རོ་དྷ་ཨེ་བ༷་བཱ་དི་མ་ཧྭ་བྲ་མ་ཎ༷༷ རྒྱུ་འབྲས་ཆོས་རྣམས་རྫོགས་པ་སྲ །སྔགས་འརྡོས་བྱིན་གྱིས་བརླབ་པར་བྱ། །ཨོ་བཛྲ་ཀུ་ཤ་མྲི་ཏི་ཨུད་པ་ཏ་ས་མྱེག་ཨ་རིད་ཏི། ཨི་ཏྲ་པ་ཡ་རྨི་བོ་དྷི་ཨང་གར་བྱ་ཨུརུ་བ་ཏིའ་ཨུ་རྣམ་ག་པ་རི་སུར་ན་རུ་ཕྱི་ཏི་ཀུ་རུ་སྲུ་ཧྭ། འབྲས་བུའི་ཆོས་རྣམས་རྫོགས་བྱའི་ཕྱིར། །མཉམ་པའི་ཕྱག་རྒྱས་འོད་འཕྲོས་ལས། །ཆོས་རྣམས་རྫོགས་པར་བྱིན་གྱིས་བརླབས། སྐུ་དང་ཡེ་ཤེས་གཉིས་སུ་གསལ། །ཨོ་བཛྲ་ཙྭ་ན་པ྅་ཀྭ་ཡ། ལྷུ་ཡ་གར་བྷ་མ་ཏྲ་ཤུ་ཏྲི་ནི། ཀུ་རུ་ཙྭ་སརྦ་བ་ག །ཨ་མོ་ཀ་ལ་ཡ་གྲྭ་ཧྭ། ཞེས་གསུངས་སོ། །སྐུ་གདུང་འབར་བ་མཆོད་རྟེན་གྱི་རྒྱུད་ལས། གསང་བ་ཆེན་པོ་ལས་ཀྱི་རིམ་པ་སྣ་ཚོགས་པ་གྲུབ་པར་བསྟན་པའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་དཔལ་གསང་བའི་བདག་པོ་ཆེན་པོས་ལུས་ཀྱི་མཆོད་རྟེན་འདི་གསུངས་སོ། །ཧེ་རུ་ཀ་ཡི་གནས་བཅུ་ནས། །གདུག་པ་ཐབས་ཀྱིས་བསྒྲལ་བའི་ཕྱིར། །དུར་ཁྲོད་ཆེན་པོའི་གནས་བརྒྱད་དུ། །རང་བྱུང་མཆོད་རྟེན་ཆེན་པོ་ནི། ་ར་ཕྱོགས་རྒྱ་གར་ཡུལ་ན་ནི། །མ་ག་དྷ་ཡི་ལྗོངས་དག་ན། །དུར་ཁྲོད་ཆེན་པོ་བསིལ་བའི་ཚལ། ལུམ་བའི་ཚལ་དུ་སྐུ་བལྟམས་ནས། །བ་སུ་ཀི་དང་སྒྲོགས་པ་དང་། ཤེར་ཤའི་ཤིང་དང་ལྷ་དབང་དང་། །ཡིད་བཞིན་ལྷུན་གྲུབ་བདེ་བྱེད་བསྟན། །དུས་གསུམ་སངས་རྒྱས་རབ་བདུན་བྱུང་། །མཁས་ཤིང་སྙིང་སྟོབས་ཆེ་བའི་གནས། །ག་་དྲག་ཨིནྟྲ་བོ་དྷིའི་གནས། །འབྱུང་པོ་རག་ཤ་སེང་མདོག་བཞུགས། ཁྲར་ལྷོ་མཚམས་ནི་བལ་པོའི་ཡུལ། །ཏ་ན་ཡ་མ་ཁ་བྱང་ཀྲི། །ལྷུན་གྲུབ་དུར་ཁྲོད་བྱིན་ཟ་དང་། ཁེ་བུ་ཀ་རན་ཙ་ཏ་འབིམ་པདང། །མཆོདརྟེནཁཤོར་བྱ་ཁེ་ཁ། །སྟོན་པ་དཀའ་ཐུབ་མཛད་པ་དེ། །བལ་རྗེ་ན་ལེ་འབེ་བ་ཡོད། །དེ་ན་ཟས་ཀྱི་ལོངས་སྤྱོད་ཆེ། །བཀྲ་ཤིས་མཆོད་རྟེན་ཧུ་ལུ་ཀ །འབྱུང་པོ་གུ་གུ་ཏ་ནགས་གནས། །ལྷོ་ཕྱོགས་སིང་ཧོརེ་ཡུལ་དག་ན། །དུར་ཁྲོད་ཆེན་པོ་སྐུ་ལ་རྫོགས། །ཙུ་ཏའི་ཤིང་ན་གཤིན་རྗེ་དང་། །ཀེང་རུས་ཅན་ཏེ་སིསྩོརེ་མཚོ། །སྟོན་པ་རབ་ཏུ་བྱུང་བའི་གནས། །མཐོང་ཐོས་རྫུ་འཕྲུལ་མང་པོ་ལྡན། །པདྨ་དྲག་པོ་གཡོ་བ་དང་། །མཆོད་རྟེན་རི་བོ་ཏ་ལ་ཉིད། །འབྱུང་པོ་སེར་སྐྱ་རལ་པ་ཅན། །ལྷོ་ནུབ་མཚམས་ཀྱི་ཐོ་གར་ཡུལ། །དུར་ཁྲོད་ཆེན་པོ་གསང་ཆེན་ན། །རིགས་ལྡན་དང་ནི་ག་་པ་དང་། ཁྲང་ནི་རལ་ཏྭ་སྲིན་པོ་དང་། །སྟོན་པས་བདུད་རྣམས་བ་་བའི་གནས། །མཐུ་དབང་རབ་ཏུ་ཆེ་བའི་ཡུལ། །ཕྱག་ན་རྡོ་རྗེས་དབང་བསྐུར་ཞིང་། །རྒྱལ་པོ་ཀུ་ཀུ་རྭ་རྫའི་གནས། །མུན་པ་དྲག་པོ་དྲག་ཀྱང་ཡུལ། །མཆོད་རྟེན་མགོ་མངས་བསོད་ནམས་གཏེར། །འབྱུང་པོ་ནག་པོ་དབང་ལྡན་བཞུགས། །ནུབ་ཀྱི་ཕྱོགས་ན་ཟ་ཧོར་ཡུལ། །དུར་ཁྲོད་ཁུ་བྱུག་ཀོང་དགུ་ན། ཁྲེང་བུ་ཀང་ཀོལ་ཀླུ་དབང་གནས། །ཀར་ཀོ་ཏ་དང་གཡོ་བསྟན་དང་། །རྒྱ་མཚོ་རྦ་ཀློང་ཅན་དག་ན། །རྒྱལ་པོ་ཚངས་པ་བྱིན་གྱི་དབང་། །རྡོ་རྗེ་འབར་བ་མྱ་ངན་འདས། །མཆོད་རྟེན་བདེ་བྱེད་གཞོན་ནུ་བཞུགས། །རིན་ཆེན་སྣ་བརྒྱད་ཡོད་པའི་གནས། །འབྱུང་པོ་རྡོ་རྗེ་སྣ་ཡོན་ཡོད། །ནུབ་བྱང་མཚམས་སུ་ཁ་ཆེའི་ཡུལ། །དུར་ཁྲོད་ཆེན་པོ་ཧེ་ཆེན་རོལ། །ཀླུ་བདག་དུང་སྐྱོང་སྤྲིན་དབང་ཕྱུག །བར་ཀ་པར་ཏའི་ནགས་ཚལ་ན། །སྟོན་པ་ཁབ་ཏུ་བཞེངས་པའི་གནས། །རྒྱལ་པོ་མ་སྐྱེས་དགྲ་ཡི་ཡུལ། །འདོད་པའི་ཡོན་ཏན་ཕུན་སུམ་ཚོགས། །ཀི་ཀི་ཀི་ལ་སྒྲ་ཡང་སྒྲོགས། །མཆོད་རྟེན་ཐར་ལེགས་ཆེན་པོ་ཡིན། །འབྱུང་ཆེན་གཅེར་བུ་རལ་པ་ཅན། །བྱང་གི་ཕྱོགས་ན་ཨུ་རྒྱན་ཡུལ། །དུར་ཁྲོད་པདྨ་བརྩེགས་པ་ན། །ཨ་ཤཱད་ཤིང་ལ་གནོད་སྤྱིན་དང་། །འཇོག་པོ་དང་ནི་ཆེར་སྒྲོགས་དང་། །སྟོན་པས་ཆོས་ཀྱི་འཁོར་ལོ་བསྐོར། །ཨུ་རྒྱན་ཐོར་ཅོག་ཅན་གྱི་ཡུལ། །བྱིང་ཆུའི་རྒྱ་མཚོ་ཆེན་པོ་ནི། །ཨུ་རྒྱན་རྒྱལ་པོ་ཨུ་པ་རྭ། །ཚང་ཚིང་ན་ནི་ཆོས་ཀྱི་གཏེར། །གཟི་ཡི་མཆོད་རྟེན་ཆོས་འཁོར་ཅན། །འབྱུང་པོའི་ཙ་ན་དབུས་ན་ཡོད། །བྱང་ཤར་མཚམས་ན་ལི་ཡི་ཡུལ། །དུར་ཁྲོད་འཇིག་རྟེན་མངོན་རྫོགས་ན། །དཔལ་ལྡན་པདྨ་ཆེན་པོ་དང་། །མི་བཟད་དྲག་པོ་གང་བ་དང་། །མཆོད་རྟེན་གོ་ཏེ་ཤན་ཞེས་བྱ། །སྟོན་པས་ཆོ་འཕྲུལ་བསྟན་པའི་གནས། །ཆུ་བྱིན་མེ་འབར་འཕྲུལ་སྣང་མང་། །ལི་རྗེ་བཙན་པོའི་རྒྱལ་ཁམས་ཡིན། །དེ་ལྟར་དུར་ཁྲོད་ཆེན་པོ་བརྒྱད། །མཆོད་རྟེན་ཆེན་པོ་བརྒྱད་རྣམས་བཞུགས། སངས་རྒྱས་སྐུ་ཡི་རྟེན་ཡིན་ཏེ། །རིགས་ལྔའི་སངས་རྒྱས་སྐུ་གདུང་དང་། །སྤྲུལ་པ་སྐུ་ཡི་སྐུ་གདུང་དང་། །ཉན་ཐོས་རང་རྒྱལ་བྱང་ཆུབ་སེམས། །མྱ་ངན་འདས་པའི་སྐུ་གདུང་སྣོད། །མཆོད་རྟེན་བུམ་པར་གནས་པ་ཡིན། །སྐུ་གདུང་རྣམས་ཀྱི་རྒྱུ་བཤད་ན། །དེ་རྒྱུའི་སྙིང་པོ་བྱང་ཆུབ་སེམས། །རྐྱེན་ནི་སྔགས་དང་ཕྱག་རྒྱ་དང་། །ཏིང་འཛིན་བཟང་མོས་འགྲུབ་པ་དེ། །མདོར་ན་བསྐྱེད་དང་རྫོགས་པར་སྣང་། །སྟོང་ཉིད་རབ་ཏུ་འབྱོངས་ལས་བྱུང་། །འབྲས་བུ་རྒྱུ་དང་འབྲེལ་བ་ནི། །བྱང་ཆུབ་སེམས་རྟོག་རིང་བསྲེལ་བྱུང་། །གཟུགས་སྐུ་འབྱོངས་ན་ཡི་དམ་སྐུ། །ཡེ་ཤེས་རྟོགས་ན་འཇའ་ཚོན་འོད། །བླ་མ་མཉེས་ན་ཡི་གེའི་འབྲུ། །མཁའ་འགྲོ་འདུས་ན་སྒྲ་ཡང་སྒྲོགས། །སྐུ་རྣམས་འབྱོངས་ན་སྐུ་གདུང་ཉིད། །གསུང་རྣམས་འཐེབས་ན་ཡི་གེ་སྔགས། །ཐུགས་ཉིད་འབྱོངས་ན་རིང་བསྲེལ་ཤར། །མཚན་རྟགས་མཐར་ཕྱིན་ཚོགས་རྫོགས་ནས། །དུང་གི་གཟུགས་སུ་སྣང་བ་ཡིན། །མདོ་བཟླས་ངག་ལ་འཐེབས་པ་ནི། །མེ་ཏོག་གཟུགས་ཀྱང་འབྱུང་བ་ཡིན། །མདོར་ན་དགེ་བའི་ལས་བརྩོན་ན། །དགེ་རྟགས་ཅི་ཡང་སྣང་བ་ཡིན། །སྐུ་གསུམ་འགྲུབ་པའི་རྒྱུ་ཡིན་པས། །མ་འོངས་ཆོས་ལ་བསྒོམ་བསྒྲུབ་རྣམས། །བརྩོན་པས་བྱས་ནས་འབད་པས་འགྲུབ། །རང་ལུས་མཆོད་རྟེན་ཆེན་པོར་ཤར། །ལྟོ་བ་རྨང་གཞི་ལེགས་པ་ལ། །ཡན་ལག་བཞི་པོ་བང་རིམ་ཉིད། །མགོ་ནི་བུམ་པར་གནས་པ་ཡིན། །ཕུང་པོ་ལྔ་དང་འབྱུང་བ་ལྔ། །དབང་པོ་རྣམ་ཤེས་མཆོད་རྟེན་ལྷ། །ལུས་ཀྱི་ཚུལ་དུ་སངས་རྒྱས་པའོ། །རྫོགས་པ་ཨ་ནུ་ཡོ་ག་ཡི། །སྲོག་ཤིང་གསུམ་གྱི་མཆོད་རྟེན་ལ། །མེ་རླུད་གཉིས་ཀྱི་རྨང་གཞི་བཏིང་། །འཁོར་ལོ་བཞི་ཡི་བང་རིམ་ལ། །དབུ་ཡི་གཙུག་ཏོར་བུམ་པར་ཤར། ཁམས་ཀྱི་བདུད་རྩི་ལྷ་ཡི་བུ། །དྲི་ཆེན་རྣམ་སྣང་བྱང་ཆུབ་སེམས། །མི་བསྐྱོད་ཤ་ཆེན་རིན་ཆེན་འབྱུང་། །པདྨ་རཀྟ་སྣང་མཐའ་ཡས། །དྲི་ཆུ་ལས་ཏེ་འབྱུང་བཞི་ཡུམ། །སྔགས་ཀྱི་ཡི་གེ་ངག་ཏུ་གནས། །འོད་ཀྱིས་འགྲོ་བའི་སྒྲིབ་པ་སྦྱངས། །སྙིང་པོ་རླུད་ནི་ཐུགས་སུ་གནས། །འགྲོ་བ་མ་ལུས་གནས་འདིར་གནས། །འགྲོ་བ་མ་ལུས་གནས་འདིར་འདུས། །ཨོ་ཨུ༷༷ཧུ༷། འཇུག་དང་ལྡན་དང་གནས་པ་ཡིས། །སྐུ་གསུམ་མི་ཟད་རྒྱན་འཁོར་འགྲུབ། །ཨོ་ཨུ༷༷ཧུ༷་གྲྭ་ཧྭ། ལྔ་ཡི་བདག་ཉིད་བཅུ་མིང་ཅན། །འདི་ནི་རྣམ་ཤེས་གཞོལ་བའི་ལྷ། །རིགས་ལྔ་འཁོར་བཅས་སངས་རྒྱས་པའོ། །ཨརྣ་སུ་ཏྲི་པྲེ་དུ། འདོད་པའི་ཁམས་ན་གནས་པ་རྣམས། །ཡི་གེ་དྲུག་གིས་རབ་ཏུ་སྦྱངས། །ཨོ་གཟུགས་ཁམས་བསམ་གཏན་གནས་པ་ཀུན། །སྔགས་ཀྱི་མཆོད་རྟེན་ཉིད་དུ་ངེས། །གཟུགས་མེད་སངས་རྒྱས་ཨ་རུ་སངས་རྒྱས་པ། ཁམས་གསུམ་ཡེ་ནས་མཆོད་རྟེན་སྦྱངས། །ཞེས་གསུངས་སོ། །སྐུ་གདུང་འབར་བ་མཆོད་རྟེན་གྱི་རྒྱུད་ལས། རང་ལུས་མཆོད་རྟེན་དུ་བསྟན་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་ཀྱིས་མན་ངག་རྫོགས་པའི་མཆོད་རྟེན་འདི་གསུངས་སོ། །ཀུན་གཞིའི་རྣམ་ཤེས་མཆོད་རྟེན་ལ། །ཉོན་མོངས་ཡིད་ཀྱི་བང་རིམ་བཅས། །ཡིད་ཀྱི་རྣམ་ཤེས་བུས་པ་ལ། །སྒོ་ལྔའི་རྣམ་ཤེས་འཁོར་ལོར་གསལ། །ཀུན་གཞི་རྣམ་དག་ཆོས་ཀྱི་སྐུ། །རང་བྱུང་ཡེ་ཤེས་རྫོགས་པའི་ཡིད། །ཉོན་མོངས་རྣམ་ལྔ་ཡེ་ཤེས་འཁོར། །སྒོ་ལྔ་སྣང་བ་རོལ་པར་བཤད། །འཁོར་བ་ཉིད་ནི་མྱ་ངན་འདས། །སྣང་སྲིད་གཞི་བཞེངས་ཆོས་ཀྱི་སྐུ། །བྱས་པ་མེད་པར་ངང་གིས་གྲོལ། །རང་བྱུང་ཡེ་ཤེས་མཆོད་རྟེན་དུ། །འཁོར་འདས་མ་ལུས་རྫོགས་པར་གནས། །མ་བྱས་ལྷུན་གྱིས་གྲུབ་པའོ། །སྐུ་གདུང་འབར་བ་མཆོད་རྟེན་གྱི་རྒྱུད་ལས། མན་ངག་རྫོགས་པའི་མཆོད་རྟེན་གྱི་ལེའུ་སྟེ་བདུན་པའོ།། །།དེ་ནས་གསང་བའི་བདག་པོ་ལ་དགེ་སློང་ལི་ཙ་བྱི་དྲི་མ་མེད་པར་གྲགས་པས་ཞུསླ་པ། བཅོམ་ལྡན་འདས་མ་འོངས་པའི་སེམས་ཅན་སྐལ་བ་དམན་པ་རྣམས་ཀྱི་དོན་དུ། མཆོད་རྟེན་གྱི་སྨོན་ལམ་རྒྱ་ཆེན་པོ་ཡོན་གྱི་བདག་པོ་རྣམས་ཀྱིས་གོ་བར་གསུང་དུ་གསོལ། ཞེས་ཞུས་སོ། །དེ་ནས་བཅོམ་ལྡན་འདས་ཀྱིས་རྩོད་དུས་ཀྱི་བློ་དམན་པ་རྣམས་ཀྱིས་གོ་བར་བྱ་བ་འདི་གསུངས་སོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་དང་། བཅོམ་ལྡན་འདས་མི་འཁྲུགས་པ་དང་།བཅོམ་ལྡན་འདས་རིན་ཆེན་འབྱུང་ལྡན་དང་། བཅོམ་ལྡན་འདས་སྣང་བ་མཐའ་ཡས་དང་། བཅོམ་ལྡན་འདས་དོན་ཡོད་གྲུབ་པ་དང་། བཅོམ་ལྡན་འདས་ཤཱཀྱ་ཐུབ་པ་ལ་སོགས་ཏེ། སྟོན་པ་ཆོས་ཀྱི་རྒྱལ་པོ་ཆེན་པོ་སྐུ་གསུམ་དང་ཡེ་ཤེས་བཞི་མངའ་བ། སྟོབས་དང་མ་འདྲེས་པས་བརྒྱན་པ་ཐམས་ཅད་ལ། མིང་འདི་ཞེས་བགྱི་བ་ལུས་ངག་ཡིད་དང་བས་གུས་པར་ཕྱག་འཚལ་ལོ། །དོན་དམ་པའི་ཆོས་གསུང་རབ་མདོ་སྡེ་བཅུ་གཉིས་དང་། སྡེ་སྣོད་གསུམ་གྱིས་བསྡུས་པ་རྒྱུ་དང་འབྲས་བུར་བཅས་པ་ཐམས་ཅད་ལ་གུས་པར་ཕྱག་འཚལ་ལོ། །བྱང་ཆུབ་སེམས་དཔའི་དགེ་འདུན་འཕགས་པ་བྱམས་པ་དང་། འཇམ་དཔལ་དང་། སྤྱན་རས་གཟིགས་ཀྱི་དབང་ཕྱུག་དང་། ཕྱག་ན་རྡོ་རྗེ་དང་། སའི་སྙིང་པོ་དང་། ནམ་མཁའི་སྙིང་པོ་དང་། སྒྲིབ་པ་རྣམ་པར་སེལ་བ་དང་། ཀུན་ཏུ་བཟང་པོ་ལ་སོགས་ཏེ་ས་བཅུ་རིམ་པར་བཞུགས་པ་ཐམས་ཅད་ལ་ཕྱག་འཚལ་ལོ། །འཕགས་པ་ཉན་ཐོས་ཀྱི་དགེ་འདུན། འཕགས་པ་ཤཱ་རིའི་བུ་དང་། འཕགས་པ་མོའུ་འགལ་གྱི་བུ་དང་། འཕགས་པ་རབ་འབྱོར་དང་འོད་སྲུངས་ལ་སོགས་ཏེ། སྐྱེས་བུ་ཟུང་བཞི་དང་། གང་ཟག་ཡ་བརྒྱད་ཀྱིས་བསྡུས་པ་ཐམས་ཅད་ལ་གུས་པར་ཕྱག་འཚལ་ལོ། །མཆོད་རྟེན་དང་སྐུ་གདུང་དང་རིང་བསྲེལ་ལ་སོགས་པ། དེ་བཞིན་གཤེགས་པ་མྱ་ངན་ལས་འདས་པའི་སླད་དུ། སེམས་ཅན་རྣམས་ཀྱིས་བསོད་ནམས་ཐོབ་པར་བགྱི་བའི་སླད་དུ། ཐུགསརྗེཆེནཔོསཁྱབཔའི་བྱིན་གྱིས་བརླབས་ཏེ། བཞུགས་པ་ཐམས་ཅད་ལ་ཡང་གུས་པར་ཕྱག་འཚལ་ལོ། །དཔལ་ཚངས་པ་དང་། བརྒྱ་བྱིན་དང། རྒྱལཔོཆེནཔོབཞིདང་། ཕྱོགས་སྐྱོང་བཅུ་ལ་སོགས་པ་ལ་ཡང་གུས་པར་ཕྱག་འཚལ་ལོ། །དམ་པའི་ཆོས་བསྲུང་ཞིང་ལྷ་དང་མིའི་སྲིད་པར་སྦྱོར་བའི་སྲུང་མ་དམ་ཚིག་ཅན་ཐམས་ཅད་ལ་གུས་པར་ཕྱག་འཚལ་ལོ། །འཕགས་པ་ཐམས་ཅད་མིང་འདི་ཞེས་བགྱི་བ་ལ་དགོངས་སུ་གསོལ། མཆོད་རྟེན་ནི་དེ་བཞིན་གཤེགས་པ་ཐམས་ཅད་ཀྱི་སྐུ་གཟུགས་བརྙན་རྒྱུ་དང་འབྲས་བུར་བསྟན་ཏེ། རྒྱུའི་ཆོས་བང་རིམ་དང་པོ་དྲན་པ་ཉེ་བར་གཞག་པ་བཞི་དང་། བང་རིམ་གཉིས་པ་ཡང་དག་པར་སྤོང་བ་བཞི་དང་། བང་རིམ་གསུམ་པ་རྫུ་འབྲུལ་གྱི་རྐང་པ་བཞི་དང་། བང་རིམ་བཞི་པ་དབང་པོ་ལྔ་དང་། བུམ་རྟེན་གྱིས་སྟོབས་ལྔ་དང་། བུམ་པ་བྱང་ཆུབ་ཀྱི་ཡན་ལག་བདུན་དང་། ཁ་ཁྱེར་གྱིས་འཕགས་པའི་ལམ་ཡན་ལག་བརྒྱད་དང་། འབྲས་བུའི་ཆོས་ཀྱི་འཁོར་ལོ་བཅུ་གསུམ་གྱིས། དེ་བཞིན་གཤེགས་པའི་སྟོབས་བཅུ་མ་འདྲེས་པའི་དྲན་པ་ཉེ་བར་གཞག་པ་བཞི་དང་། ཆར་ཁེབས་ཀྱིས་ཐུགས་རྗེ་བསྟན་པ་དང་སྲོག་ཤིང་གི་ཤེས་པ་བཅུ་བསྟན་ཏེ། དེ་བཞིན་གཤེགས་པ་ཆོས་ཀྱི་སྐུའི་གཟུགས་ཅན་དེ་ལྟ་བུ་བགྱི་བའི་རྒྱུ་ནི། ད་ལྟར་གྱི་ས་དང་འཇིམ་པ་འདི་དག་གསེར་དང་དངུལ་དང་ཤེལ་ལ་སོགས་པ། རིན་པོ་ཆེ་སྣ་ཚོགས་སུ་དམིགས་ཏེ་དེ་དག་ལས་གྲུབ་པའི་མཆོད་རྟེན་འཕང་དུ་དཔག་ཚད་ཙམ་ལ་རྒྱ་དཔག་ཚད་ཕྱེད་ཙམ་གྱི་ནང་ན། སྐུ་ཡི་གཟུགས་བརྙན་ཚ་ཚྭ་བཏབ་པ་རྣམས། དཔལ་རྣམ་པར་སྣང་མཛད་ལ་སོགས་པ། སངས་རྒྱས་དང་བྱང་ཆུབ་སེམས་དཔའ་ཤ་སྟག་བཞུགས་པའི་ཞལ་ནས། གསང་སྔགས་དང་། རིག་སྔགས་དང་། གཟུངས་སྔགས་ཀྱི་འོད་ཟེར་བྱུང་སྟེ། སེམས་ཅན་རྣམས་ཀྱི་སྒྲིབ་པ་སྦྱོང་ཞིང་དོན་མཛད་པ་དེ་ལྟ་བུས། ཕྱོགས་བཅུའི་འཇིག་རྟེན་གྱི་ཁམས་ལག་མཐིལ་ལྟར་མཉམ་པ་ཐམས་ཅད་དུ་གང་བར་མོས་ཤིང་དེ་བཞིན་དུ་གྱུར་ཅིག །དེ་ལྟར་བཞུགས་པའི་འཕགས་པ་ཐམས་ཅད་ལ་མིང་འདི་ཞེས་བགྱི་བ་དང་བདག་ཅག་ལ་སོགས་པས། ལུས་རྡུལ་སྙེད་དུ་གྱུར་པའི་ལུས་དང་ངག་དང་ཡིད་རབ་ཏུ་དང་བར་གུས་པའི་ཕྱགས་འཚལ་ལོ། །དཔལ་ཀུན་ཏུ་བཟང་པོའི་མཆོད་པའི་སྤྲིན་ཕུང་རྒྱས་པ་ཐམས་ཅད་ཀྱིས་མཆོད་དོ། །སྐུ་དང་གསུང་དང་ཐུགས་དང་ཕྲིན་ལས་ཀྱི་ཡོན་ཏན་ཁྱད་པར་ཅན་མངའ་བ་རྣམས་ལ། །སེམས་དང་བས་དམིགས་ཏེ་ཆགས་པ་མེད་པའི་དབྱངས་སྙན་པས་བསྟོད་དོ། །འཕགས་པ་ཐམས་ཅད་མིང་འདི་ཞེས་བགྱི་བ་དང་། བདག་ཅག་ལ་སོགས་པ་ལ་དགོངས་སུ་གསོལ། མིང་འདི་ཞེས་བགྱི་བ་དང་བདག་ཅག་ལ་སོགས་པས། ཆོས་ཀྱི་སྐུ་དང་གཟུགས་ཀྱི་སྐུ་མཐོང་ཞིང་ཐོབ་པར་བགྱི་བ་ལ། སྡིག་པ་མི་དགེ་བའི་ཆོས་ཅི་མཆིས་སོ་འཚལ་འཐོལ་ཞིང་བཤགས་སོ། །འཕགས་པ་རྣམས་ཀྱི་སྐུ་དེ་དག་མཉེས་པ་དང་། སྐུ་དེ་དག་ཐོབ་པར་གྱུར་པའི་སོ་སོ་སྐྱེ་བོ་ཡན་ཆད་ཀྱི་དགེ་བའི་རྩ་བ་ཐམས་ཅད་ལ་རྗེས་སུ་ཡི་རང་ངོ་། །ཐུགས་རྗེའི་དབང་གི་སྤྲུལ་པའི་སྐུ་འབྱུང་བ་ཐམས་ཅད་ཆོས་ཀྱི་འཁོར་ལོ་བསྐོར་བར་གསོལ་ལོ། །གང་གིས་ཆོས་ཀྱི་འཁོར་ལོ་བསྐོར་ནས་སེམས་ཅན་གྱི་དོན་མཛད་ནས། འདུལ་བའི་ཆེད་དུ་ཐབས་ཀྱིས་མྱ་ངན་ལས་འདས་པར་སྟོན་པར་བཞེད་པ་དེ་དག་ཐམས་ཅད་མྱ་ངན་ལས་མི་འདའ་བར་གསོལ་བ་བཏབ་བོ། །ཇི་ལྟར་འཕགས་པ་རྣམས་ཀྱིས་སེམས་ཅན་གྱི་དོན་དུ་བྱང་ཆུབ་ཏུ་ཐུགས་བསྐྱེད་ཅིང་། །དེ་དགེ་བའི་རྩ་བ་བླ་ན་མེད་པའི་བསྔོས་པ་དེ་ལྟར། མིང་འདི་ཞེས་བགྱི་བ་དང་བདག་ཅག་ལ་སོགས་པས་ཀྱང་། བྱང་ཆུབ་ཏུ་སེམས་བསྐྱེད་ཅིང་། དགེ་བའི་བླ་ན་མེད་པར་བསྔོའོ། །སྐུ་གདུང་འབར་བ་མཆོད་རྟེན་གྱི་རྒྱུད་ལས། སྨོན་ལམ་དགེ་བ་བསྔོ་བའི་ལེའུ་སྟེ་བརྒྱད་པའོ།། །།དེ་ནས་གསང་བའི་བདག་པོས་རྙིང་པ་སྤོ་བ་འདི་གསུངས་སོ། །སྐུ་གདུང་རྙིང་པ་སྤོ་བ་ནི། །སྦྱོར་བ་དངོས་གཞི་རྗེས་ཡིན་ནོ། །དེ་ལ་སྦྱོར་བའི་བསམ་པ་ནི། །བགྲེས་ཤིང་གནས་ནས་འོ་བརྒྱལ་བས། །དེ་བརྟེན་གཞན་ལ་སྡིག་སོད་པས། །མོས་པས་བཟང་པོར་བཞེད་པར་བྱ། །དངོས་གཞི་འདི་ལྟར་བྱ་བ་སྟེ། །རྙིང་པ་གཤེགས་ལ་གསར་བ་བཞེངས། །གཤེགས་པའི་ཆོ་ག་རབ་གནས་གསོ། །མཆོད་ཅིང་མངའ་གསོལ་གཤེགས་པར་ཞུ། །སྡིག་སྒྲིབ་ཉམས་བཤགས་གཤེགས་སུ་གསོལ། །རྟེན་འབྲེལ་སྙིང་པོས་འཇིག་པར་བྱ། །ས་རྡོ་དཀོར་ཡིན་མ་ཡར་བར། །བཞེངས་པའི་གནས་སུ་མ་ལུས་བསྐྱལ། །དེ་ནས་གསར་པ་བཞེངས་པ་ནི། །དུས་རིངས་མ་ལོན་སྔར་ཚད་ལྷག །སྡིག་བསགས་སྤངས་ཏ་་དགེ་ལ་གནས། །བཞེངས་ནས་རབ་གནས་ལྡན་པར་བྱ། །རྗེས་ལ་བཀུར་སྟི་ཕུ་དུད་